Dinamani - தமிழ்நாடு - https://www.dinamani.com/travel/travel-tamilnadu/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3226941 சுற்றுலா தமிழ்நாடு கொல்லிமலை ஆகாய கங்கை நீர்வீழ்ச்சியில் திரண்ட சுற்றுலாப் பயணிகள்! DIN DIN Tuesday, September 3, 2019 12:24 PM +0530
நாமக்கல்:  தொடர் விடுமுறையால், கொல்லிமலை ஆகாய கங்கை நீர்வீழ்ச்சியில் குளிக்க சுற்றுலாப் பயணிகள் திரண்டனர். 

கடந்த சில மாதங்களாக மழை இல்லாததால்,  நாமக்கல் மாவட்டத்துக்குள்பட்ட கொல்லிமலையில் உள்ள அருவிகளில் தண்ணீர் இன்றி காய்ந்து பாறைகளாகத் தென்பட்டன. இந்த நிலையில்,  தற்போது பரவலாக மழை பெய்து வருகிறது.  இதனால் அங்குள்ள முக்கிய அருவிகளான ஆகாய கங்கை,  மாசில்லா அருவி, நம் அருவி உள்ளிட்டவற்றில் தண்ணீர் விழுகிறது.  கடந்த ஒரு வாரமாக மாலை, இரவு நேரங்களில் பெய்யும் மழையால் அருவிகளில் தண்ணீர் வரத்து அதிகரித்துள்ளது. ஒவ்வோர் ஆண்டும் ஜூலை முதல் ஜனவரி வரையில் கொல்லிமலையில் குளுகுளு சீசனையும்,  அருவிகளில் தண்ணீர் வரத்தையும் அதிகமாகக் காண முடியும்.  சுற்றுலாப் பயணிகளின் வருகையும் இந்த மாதங்களில் அதிக அளவில் இருக்கும். 

சுற்றுலாப் பயணிகளுக்கான தடை நீக்கம்
கடந்த வாரத்தில் ஆகாய கங்கை நீர்வீழ்ச்சி பகுதிக்குச் செல்ல சுற்றுலாப் பயணிகளுக்கு வனத் துறை தடை விதித்திருந்தது.  மழை குறைந்ததையடுத்து,  மறுநாளே அருவிக்குச் செல்ல அனுமதி வழங்கப்பட்டது.  இதனால் பல்வேறு மாவட்டங்களில் இருந்தும் வந்திருந்த சுற்றுலாப் பயணிகள் 1, 300 படிகளைக் கடந்து சென்று நீர்வீழ்ச்சியில் குளித்து மகிழ்ந்தனர்.  பலர் தங்களது செல்லிடப்பேசி மூலம் புகைப்படம் எடுத்துக் கொண்டனர். இந்த நிலையில்,  சனி, ஞாயிறு விடுமுறையுடன் திங்கள்கிழமை விநாயகர் சதுர்த்தி விடுமுறையும் சேர்ந்து வந்ததால்,  பல்வேறு மாவட்டங்களைச் சேர்ந்த சுற்றுலாப் பயணிகளும் கொல்லிமலையில் திரண்டனர்.

சுற்றுலாப் பயணிகளின் எதிர்பார்ப்பு நிறைவேறுமா?
இந்த நிலையில், சுற்றுலாப் பயணிகள் சிலர் கூறியது: அருவிக்குச் செல்லும் படிக்கட்டுப் பகுதியில் போதிய பாதுகாப்பு வசதி இல்லை.  1,300 படிகளை கடந்து செல்வோருக்கு உடல் நலக்குறைவு ஏற்பட்டால் தகவல் தெரிவிக்க முடியாத நிலை உள்ளது. முதலுதவிக்கான உபகரணங்களோ, பணியாளர்களோ இல்லை.

படிக்கட்டுகளில் இறங்கும்போதும், ஏறும்போதும் தாகம் ஏற்பட்டால், கையில் தண்ணீர் புட்டி இல்லையென்றால் சம்பந்தப்பட்ட சுற்றுலாப் பயணி பாதிப்புக்குள்ளாவார்.  அந்தப் பகுதிகளில் சிறிய அளவில் கடைகள் அமைத்து தண்ணீர்,  சத்துமிக்க பொருள்களை விற்பனை செய்யலாம்.  அருவிப் பகுதியில் பெண்கள் உடை மாற்றுவதற்கு அறைகள் ஏதுமில்லை.  பாறைகளின் மறைவில் சென்று அச்சத்துடன் உடை மாற்ற வேண்டிய சூழல் உள்ளது.  வனத் துறை கட்டுப்பாட்டில் உள்ள ஆகாய கங்கை நீர்வீழ்ச்சிப் பகுதியில் அடிப்படை வசதிகள்,  பாதுகாப்புக் குறைபாடுகளைக் களைய அதிகாரிகள் நடவடிக்கை எடுக்க வேண்டும் என்றனர்.

அடிப்படை வசதிகள் மேம்படுத்தப்படும்
இதுகுறித்து கொல்லிமலை வனச்சரக அலுவலர் அறிவழகன் கூறியது:  மழை பரவலாகப் பெய்வதால்,  ஆகாய கங்கை நீர்வீழ்ச்சியில் தண்ணீர் வரத்து ஏற்பட்டுள்ளது.  சுற்றுலாப் பயணிகளுக்கான அடிப்படை வசதிகளை மேற்கொள்வது தொடர்பாக, மாவட்ட வன அலுவலர் கவனத்துக்குக் கொண்டு செல்லப்பட்டுள்ளது.  விரைவில் அதற்கான நடவடிக்கைகள் எடுத்து மேம்படுத்தப்படும் என்றார்.
 

]]>
kollimalai, agayagangai, waterfalls, tourist spot https://images.dinamani.com/uploads/user/imagelibrary/2019/9/3/w600X390/nk_2_kolli_1_0209chn_122_8.jpg https://www.dinamani.com/travel/travel-tamilnadu/2019/sep/03/kollimalai-agayagangai-waterfalls-3226941.html
3225246 சுற்றுலா தமிழ்நாடு தாஜ் மகால் செல்லும் தாய்மார்கள் கவனத்துக்கு: உங்களுக்காகவே சிறப்பு வசதி! IANS IANS Saturday, August 31, 2019 11:37 AM +0530
ஆக்ராவில் அமைந்துள்ள உலகின் ஏழு அதிசயங்களில் ஒன்றான தாஜ் மகாலை சுற்றிப் பார்க்கச் செல்லும் தாய்மார்களுக்கு மகிழ்ச்சியான செய்தி வெளியிடப்பட்டுள்ளது.

அதாவது தாஜ் மகாலுக்கு வரும் தாய்மார்கள், தங்கள் பிள்ளைக்கு பாலூட்ட குளிர்சாதன வசதியுடன் கூடிய அறை ஒன்று அமைக்கப்பட்டிருப்பதாக வியாழக்கிழமை தெரிவிக்கப்பட்டுள்ளது.

இந்தியர்கள் மட்டுமல்ல, சர்வதேச நாடுகளில் இருந்து வரும் சுற்றுலாப் பயணிகளையும் கவரும் ஒரு இடமாக தாஜ் மகால் உள்ளது. ஒவ்வொரு நாளும் சராசரியாக 22 ஆயிரம் சுற்றுலாப் பயணிகள் தாஜ் மகாலைப் பார்க்க வருகிறார்கள். எனவே தாஜ் மகாலைப் பார்க்க வரும் தாய்மார்களின் வசதிக்காக பாலூட்டும் அறை கட்டப்படும் என்று இந்த ஆண்டின் துவக்கத்தில் இந்திய தொல்லியல் துறை அறிவித்திருந்தது.

இந்த நிலையில் கட்டி முடிக்கப்பட்ட பாலூட்டும் அறையை மத்திய கலாசாரத் துறை இணை அமைச்சர் பிரஹாத் ஸ்வர்ன்கார் வியாழக்கிழமை திறந்து வைத்தார்.

இந்திய சுற்றுலா மையங்களில் பாலூட்டும் அறை திறக்கப்பட்டிருப்பது இந்தியாவிலேயே இதுதான் முதல் முறை என்று இந்திய தொல்லியல் துறை சார்பில் தெரிவிக்கப்பட்டுள்ளது.

தாஜ் மகால் வளாகத்துக்குள்ளேயே 12க்கு 12 அடி அகலமுள்ள இந்த அறை கட்டி முடிக்கப்பட்டுள்ளது. இதேப்போல ஆக்ரா கோட்டையிலும் பாலூட்டும் அறை அடுத்த மாதம் கட்டி முடிக்கப்படும் என்றும் தெரிவிக்கப்பட்டுள்ளது.

]]>
baby feeding room, Taj Mahal, good news for mothers, Archaeological Survey of India, ASI, Agra Fort, Fatehpur Sikri monuments https://images.dinamani.com/uploads/user/imagelibrary/2019/8/31/w600X390/taj-mahal.jpg https://www.dinamani.com/travel/travel-tamilnadu/2019/aug/31/good-news-for-mothers-air-conditioned-baby-feeding-room-opened-at-taj-mahal-3225246.html
3193664 சுற்றுலா தமிழ்நாடு கொடைக்கானலுக்குக் கிளம்பிட்டீங்களா.. ஒரே கொண்டாட்டம்தான்! DIN DIN Tuesday, July 16, 2019 12:21 PM +0530  

கொடைக்கானலில் இரண்டாவது நாளாக திங்கள்கிழமையும் தொடர் மழை பெய்ததால் சுற்றுலாப் பயணிகளும்,  விவசாயிகளும் மகிழ்ச்சியடைந்தனர்.

எனவே, இங்கே மழையில்லாமல் வறண்ட வானிலையாக இருக்கிறதே என்று கவலையோடு கொடைக்கானல் கிளம்பிய சுற்றுலாப் பயணிகளுக்கு அங்கு மழை சிறப்பான வரவேற்பு அளித்துள்ளது.

கொடைக்கானலில் கடந்த சில நாள்களாக அவ்வப்போது சாரலும், மிதமான மழையும் பெய்தது. அதிலும் கடந்த இரண்டு நாள்களாக கொடைக்கானல், செண்பகனூர், பிரகாசபுரம், அட்டக்கடி, இருதயபுரம், வில்பட்டி, மாட்டுப்பட்டி, பள்ளங்கி, கோம்பை உள்ளிட்ட பல்வேறு பகுதிகளில் பரவலாக சுமார் ஒரு மணி நேரம் பலத்த மழை பெய்தது. 

இது, கொடைக்கானல் உள்ளிட்ட பல்வேறு கிராமங்களில் பயிரிடப்பட்டிருந்த உருளைக்கிழங்கு, கேரட், பீட்ரூட், பீன்ஸ், முள்ளங்கி உள்ளிட்டவைகளின் விளைச்சலுக்கு ஏற்ற மழையாக இருந்ததால் விவசாயிகள் மகிழ்ச்சியடைந்தனர்.

கொடைக்கானலில் ஞாயிற்றுக்கிழமை பெய்த சாரல் மழையிலும் படகு சவாரி செய்து சுற்றுலாப் பயணிகள் மகிழ்ச்சியடைந்தனர்.

கொடைக்கானலில் கடந்த சில தினங்களாக மேக மூட்டமும், அவ்வப்போது சாரல் மழையும் பெய்து வருகிறது. இதனால் வழக்கத்தை விட குளுமையான சீதோஷ்ண நிலை நிலவுகிறது. கடந்த 2 நாள்களாக வாரவிடுமுறையை முன்னிட்டு சுற்றுலாப் பயணிகளின் வருகை அதிகரித்து காணப்பட்டது. 

இந்நிலையில் ஞாயிற்றுக்கிழமை அதிகாலை முதலே மேகமூட்டமும், சாரலும் நிலவி வந்தது. 
இந்த சூழ்நிலையில் ஏரியில் சுற்றுலாப் பயணிகள் படகு சவாரி செய்தும், ஏரிச்சாலையில் குதிரை, சைக்கிள் சவாரி செய்தும் மகிழ்ந்தனர். தொடர்ந்து பிற்பகலில் சுமார் ஒரு மணி நேரம் மிதமான மழை பெய்தது. 

இந்த மழையால் பொது மக்களும் ,சுற்றுலாப் பயணிகளும் மகிழ்ச்சியடைந்தனர்.  நீரோடைகளிலும் நீர் வரத்து ஏற்பட்டுள்ளது.  இதனால் புறநகர்ப் பகுதிகளில் தண்ணீர் பிரச்னை குறைய வாய்ப்புள்ளதால் விவசாயிகள் மகிழ்ச்சியடைந்துள்ளனர்

மேலும் கொடைக்கானல் புறநகர்ப் பகுதிகளில் தண்ணீர் பிரச்னை இருந்து வந்தது. கடந்த இரண்டு நாள்களாக பெய்த மழையின் காரணமாக நீரோடைப் பகுதிகளிலும், நீர்வரத்து பகுதிகளிலும் தண்ணீர் வரத்து தொடங்கியுள்ளது. இதனால் அப்பகுதிகளில் சற்று குடிநீர் பிரச்னை குறைந்துள்ளது.
 

]]>
https://images.dinamani.com/uploads/user/imagelibrary/2019/6/17/w600X390/kodaikannal.jpg கொடைக்கானல் ஏரியில் படகு சவாரி செய்து மகிழ்ந்த சுற்றுலாப் பயணிகள் https://www.dinamani.com/travel/travel-tamilnadu/2019/jul/16/கொடைக்கானலுக்குக்-கிளம்பிட்டீங்களா-ஒரே-கொண்டாட்டம்தான்-3193664.html
3170046 சுற்றுலா தமிழ்நாடு தாஜ்மஹாலில் 3 மணி நேரத்துக்கு மேல் இருந்தால் கூடுதல் கட்டணம்! DIN DIN Thursday, June 13, 2019 04:52 AM +0530
உத்தரப் பிரதேச மாநிலம் ஆக்ராவில் உள்ள உலக அதிசயத்தில் ஒன்றான தாஜ்மஹாலை 3 மணி நேரத்துக்கு மேல் சுற்றிப்பார்த்தால் கூடுதலாக கட்டணம் செலுத்து வேண்டிய கட்டுப்பாடு அமலுக்கு வந்துள்ளது. முன்பு, தாஜ்மஹாலை சுற்றிப் பார்க்க சுற்றுலாப் பயணிகள் ஒரு முறை கட்டணம் செலுத்தினால்,  நாள் முழுவதும் (சூரிய உதயத்துக்கு அரை மணி முன்பாகவும், சூரிய அஸ்தமாவதற்கு அரை மணி நேரத்துக்கு பின்பாகவும்) உள்ளே இருந்து வரலாம்.
 ஆனால், இந்த புதிய நடைமுறையின் மூலம், சுற்றுலாப் பயணிகள் தாஜ்மஹாலைக் காண உள்ளே நுழைந்த மூன்று மணி நேரத்துக்குள் வெளியேற வேண்டும். இல்லையென்றால், கூடுதல் கட்டணத்தைச் செலுத்தினால்தான் வெளியே செல்ல முடியும். இதற்காக புதிய டோக்கன் முறையை இந்திய தொல்லியல் துறை அமல்படுத்தியுள்ளது. மெட்ரோ ரயில் நிலையங்களில் உள்ளே செல்ல பயன்படுத்தப்படும் டோக்கன் முறைதான் தாஜ்மஹாலுக்குள் நுழையவும் பயன்படுத்தப்படுகிறது.
இந்தத் டோக்கன்கள் மூன்று மணி நேரத்துக்கு மட்டும்தான் செல்லுபடியாகும். தாஜ்மஹாலில் சுற்றுலாப் பயணிகளின் கூட்டம் தொடர்ந்து நிலவுவதைத் தடுக்க வேண்டும் என்பதற்காகவும், தேவையற்றவர்கள் நுழைவதைத் தடுக்கவும் இந்த புதிய முறை அமல்படுத்தப்பட்டுள்ளது என்று அதிகாரிகள் தெரிவித்தனர்.
தாஜ்மஹாலின் கிழக்கு, மேற்கு நுழைவாயில்களில் 7 டோக்கன் முறை தானியங்கி கதவுகளும், வெளியேறுவதற்கு 5 தானியங்கி கதவுகளும் அமைக்கப்பட்டுள்ளன. வெளிநாட்டு பயணிகளுக்கு தனி நுழைவாயில்கள் அமைக்கப்பட்டுள்ளன. 
உள்நாட்டு சுற்றுலாப் பயணிகளுக்கு ரூ. 200-ம், சார்க் மற்றும் பீம்ஸ்டெக் நாடுகளைச் சேர்ந்த சுற்றுலாப் பயணிகளுக்கு ரூ. 450-ம், வெளிநாட்டு பயணிகளுக்கு ரூ. 1,100-ம் நுழைவுக் கட்டணமாக வசூலிக்கப்படுகிறது. 
 

]]>
https://images.dinamani.com/uploads/user/imagelibrary/2015/8/16/0/w600X390/tajmahal.jpg https://www.dinamani.com/travel/travel-tamilnadu/2019/jun/13/தாஜ்மஹாலில்-3-மணி-நேரத்துக்கு-மேல்-இருந்தால்-கூடுதல்-கட்டணம்-3170046.html
3159501 சுற்றுலா தமிழ்நாடு குன்னூர் சிம்ஸ் பூங்கா பழக் கண்காட்சி நிறைவு: ஆயிரக்கணக்கானோர் கண்டுகளிப்பு DIN DIN Monday, May 27, 2019 03:02 PM +0530  

நீலகிரி மாவட்டம், குன்னூர் சிம்ஸ் பூங்காவில் பழக் கண்காட்சி சனிக்கிழமை துவங்கிய நேற்று நிறைவு பெற்றது. இதை ஆயிரக்கணக்கான சுற்றுலாப் பயணிகள் கண்டுகளித்தனர். 

குன்னூர் சிம்ஸ் பூங்காவில் 61-ஆவது பழக்கண்காட்சி சனிக்கிழமை காலை 10 மணி அளவில் தொடங்கியது. நீலகிரி மாவட்ட  தோட்டக் கலைத் துறை சார்பில் சுற்றுலாப் பயணிகளை வரவேற்கும் விதமாக பூங்கா நுழைவுவாயிலில் 12 அடி உயரத்தில் பலாப்பழம், பப்ளிமாஸ், வாழை, எலுமிச்சை, அன்னாசி, ஆரஞ்சு, மாம்பழம் உள்ளிட்ட 1.5 டன் அளவிலான பழங்களைக் கொண்டு அலங்கார வளைவு அமைக்கப்பட்டிருந்தது. 

நீலகிரி மாவட்ட வருவாய் அலுவலர் செல்வராஜ்  பழக்கண்காட்சியைத் தொடங்கி வைத்து, பழக்கண்காட்சி அரங்குகளைப் பார்வையிட்டார்.

கண்காட்சியில் அனைத்து வகை பழங்களைக் கொண்டு தம்பதியுடன் கூடிய  பழவண்டி,  பழ அலங்கார மேடை,  மயில், வண்ணத்துப்பூச்சி  ஆகிய உருவங்கள் வடிவமைக்கப்பட்டிருந்தன. இந்த வடிவமைப்புகள் பூங்காவின் வாயில் பகுதியிலேயே அமைக்கப்பட்டிருந்ததால் பார்வையாளர்களை வெகுவாகக் கவர்ந்தன. இந்த உருவங்களை புகைப்படம் எடுத்தும் அதன்முன் நின்று சுயபடம் எடுத்தும் சுற்றுலாப் பயணிகள் மகிழ்ந்தனர்.

பழக் கண்காட்சியில்  சேலம்,  கிருஷ்ணகிரி, தர்மபுரி மாவட்டங்களில் இருந்து மாம்பழ ரகங்கள், நாமக்கல் மாவட்டத்தில் இருந்து மாம்பழம், சப்போட்டா ரகங்கள், திருநெல்வேலி மாவட்டத்தில் இருந்து எலுமிச்சை, நெல்லிக்காய் ரகங்கள் காட்சிக்காக வைக்கப்பட்டிருந்தன. கன்னியாகுமரி மாவட்டத்தில் இருந்து வாழை,  பலா, மாம்பழ ரகங்கள், புதுக்கோட்டையிலிருந்து  கொய்யா ரகங்கள், ஈரோட்டில் இருந்து மாதுளை ரகங்கள், விழுப்புரம் மாவட்டத்தில் இருந்து தர்பூசணி ரகங்கள்,  கோவையிலிருந்து  சப்போட்டா,  மாம்பழம், நெல்லிக்காய், மாதுளை, கொய்யா ரகங்கள் அரங்கில் இடம்பெற்றிருந்தன.

அதேபோல், தேனி மாவட்டத்தில் இருந்து சப்போட்டா, கொய்யா,  வாழை, திராட்சை ரகங்கள், திண்டுக்கல்லில் இருந்து கொய்யா, வாழை, வெண்ணைப் பழம் போன்ற நூற்றுக்கும்  மேற்பட்ட பழ ரகங்கள் கண்காட்சியில் வைக்கப்பட்டிருந்தன .

நீலகிரி மாவட்டத்தில் விளையும் பழ வகைகள், காய்கறிகளால் தயாரிக்கப்பட்ட ஜாம்,  பழரசம் ஆகியவை காட்சிப்படுத்தப்பட்டிருந்தன. இம்மாவட்டத்தில் விளையும் காய்கறிகளான பீன்ஸ்,  உருளைக்கிழங்கு, கேரட், பீட்ருட், நூல்கோல், முட்டைகோஸ் போன்றவை அரங்கில் இடம் பெற்றிருந்தன. 

இதில், சேலம், கிருஷ்ணகிரி, தருமபுரி, நாமக்கல், கன்னியாகுமரி,   புதுக்கோட்டை, ஈரோடு, விழுப்புரம், கோவை, தேனி உள்ளிட்ட பல்வேறு மாவட்டங்களைச் சேர்ந்த   தோட்டக்கலைத் துறையினர் கலந்து கொண்டனர்.

பழக் கண்காட்சியில் கலந்து கொண்ட போட்டியாளர்களுக்கு பரிசளிக்கும் நிகழ்ச்சி நடைபெற்றது. இதில் அரிதான பழங்களைக் கண்காட்சியில் இடம் பெறச் செய்தவர்கள், பல்வேறு மருத்துவ குணமிக்க பழங்களை இடம் பெறச் செய்தவர்கள்,  வீட்டுத் தோட்டங்கள்,  அரசு அலுவலகங்களில் அமைக்கபட்டிருந்த  சிறந்த பூந்தோட்டங்களுக்கான பரிசுகள்  என 50 மேற்பட்ட பிரிவுகளில் பரிசுகள் வழங்கப்பட்டன. 

12 மாவட்டங்களின் பழங்கள் ஒரே அரங்கில் பார்வையாளர்களைக் கவரும் வகையில் காட்சிப்படுத்தப்பட்டிருந்தது அனைவரையும் கவர்ந்தது. பல்வேறு வகையான பழங்களை மையமாக வைத்து பொழுதுபோக்கு அம்சங்கள் கொண்ட விளையாட்டுப் போட்டிகள் இடம்பெற்றிருந்தன. பழக் கண்காட்சி ஞாயிற்றுக்கிழமை நிறைவுபெற்றது.
 

]]>
https://images.dinamani.com/uploads/user/imagelibrary/2019/5/26/w600X390/fruitshow.jpg https://www.dinamani.com/travel/travel-tamilnadu/2019/may/27/குன்னூர்-சிம்ஸ்-பூங்கா-பழக்-கண்காட்சி-நிறைவு-ஆயிரக்கணக்கானோர்-கண்டுகளிப்பு-3159501.html
3121297 சுற்றுலா தமிழ்நாடு பஞ்சாப் மாநிலத்தை அறிந்து கொள்ளலாமா? DIN DIN Tuesday, March 26, 2019 06:18 PM +0530

 பஞ்சாப் வடமேற்கு இந்தியாவில் அமைந்துள்ளது. வளமான வண்டல் மண் பூமி. விவசாயமே பிரதானத் தொழிலாகக் கொண்ட மாநிலம். நீண்ட நெடிய வரலாற்றுப் பின்னணி கொண்ட மாநிலம். சீக்கியர்களே இங்கு பெருமளவில் வாழ்கின்றனர். இம்மாநிலத்தின் பிராந்திய மொழி பஞ்சாபி.

 பஞ்சாப் மாநிலத்தைச் சுற்றிலும் ஜம்மு - காஷ்மீர், ஹிமாச்சல பிரதேசம், ஹரியானா, ராஜஸ்தான் ஆகிய இந்திய மாநிலங்களும், மேற்கு பகுதியில் பாகிஸ்தான் நாட்டின் பஞ்சாப் மாகாணமும் சூழ்ந்துள்ளன.

 சிந்து நதியின் கிளை நதிகளான் ராவி, பியாஸ். சட்லெஜ், ஜீலம், சேனாப் ஆகிய ஐந்து ஆறுகள் பாயும் பகுதி என்பதால் பஞ்சாப் எனப்படுகிறது. பஞ்சாப் என்ற சொல்லுக்கு ஐந்து நதிகள் பாயும் பூமி என்பதே பொருள்.

 இம்மாநிலத்தின் வடகிழக்குப் பகுதி.யில் இமயமலையின் அடிவாரத்தில் 2400 கி.மீ. நீளத்திற்கு 180 மீ. முதல் 500 மீ. வரை உயரம் கொண்ட ஏற்ற இறக்கமான சிவாலிக் மலைக் குன்றுகள் உள்ளன. இவை 10 முதல் 50 கி.மீ. வரை அகலம் கொண்டவை.

 பஞ்சாபின் எல்லைக்கு வெளியே உள்ள "சண்டிகர்' நகரமே (யூனியன் பிரதேசம்) பஞ்சாப் மாநிலத்தின் தலைநகரமாகும். 50,362 ச.கி.மீ. பரப்பளவு கொண்ட இம்மாநிலம் 22 மாவட்டங்களாகப் பிரிக்கப்பட்டுள்ளது. இம்மாநிலம் இந்தியாவின் மிகச் சிறந்த அடிப்படைக் கட்டமைப்பு கொண்ட மாநிலங்களில் ஒன்றாகத் திகழ்கிறது.

 சில வரலாற்றுத் தகவல்கள்!

 சிந்து சமவெளி நாகரிகம் பஞ்சாப் பகுதி வரை பரவி இருந்துள்ளது. அவற்றின் தொல்லியல் களங்கள் "ரூப் நகர்' போன்ற இடங்களில் உள்ளன. இங்கு ஒரு சிறிய தொல்லியல் அருங்காட்சியகமும் உள்ளது.

 வேதகால நூல்களில் பஞ்சாப் பற்றிய தகவல்கள் உள்ளன. மகாபாரதத்தில் பஞ்சாப் "திரிகர்த்த நாடு' எனக் குறிப்பிடப்பட்டுள்ளது.

 பண்டைய பஞ்சாப் என்பது இன்றைய பஞ்சாப், ஹரியானா, ஹிமாச்சல பிரதேசம் ஆகிய மாநிலங்கள், ஜம்மு - காஷ்மீர் மாநிலத்தின் சில பகுதிகள், சண்டிகர் மற்றும் டெல்லி யூனியன் பிரதேசங்கள் மற்றும் பாகிஸ்தான் நாட்டின் பஞ்சாப் மாகாணம், ஆப்கானிஸ்தானின் சில பகுதிகளும் உள்ளடக்கியது.

 கி.மு. 326 - இல் கிரேக்க மன்னர் அலெக்ஸôண்டர் மேற்கு பாகிஸ்தானில் உள்ள இந்துகுஷ் கணவாய் வழியாக படையெடுத்து வந்து பஞ்சாபைக் கைப்பற்றி தனது சாம்ராஜ்யத்துடன் இணைத்துக் கொண்டார். கி.மு. 305 - இல் சிறப்புடன் திகழ்ந்த மெüரியப் பேரரசின் ஆட்சிக்குட்பட்ட பகுதியாக இருந்தது.

 இந்த பஞ்சாப் வழியாகத்தான் கிரேக்கர்கள், ஆப்கானியர்கள், பாரசீகர்கள், மற்றும் மத்திய ஆசிய இனத்தவர்கள் இந்தியாவுக்குள் நுழைந்தனர்.

 இதனால் செழிப்பான பஞ்சாப் சார்ந்த பகுதிகளை காந்தார அரசர்கள், நந்தர்கள், மெüரியர்கள், கங்கர்கள், குஷாணர்கள், குப்தர்கள், பாலர்கள், கூர்ஜரர்கள், காபூல் சாகிப்கள், துருக்கியர்கள், மற்றும் ஆப்கானியர்கள் எனப் பல பேரரசர்கள் ஆட்சி செய்துள்ளனர்.

 காலப்போக்கில், பல மாற்றங்கள் ஏற்பட்டது. ஆப்கானிஸ்தானிலிருந்து வந்து வட இந்தியாவை வென்ற பாபரின் ஆட்சிக் காலத்தில் சீக்கிய மதம் தோன்றி வலுப்பெறத் தொடங்கியது. அவர்கள் பஞ்சாப் பகுதியை தங்கள் அதிகாரத்தின் கீழ் கொண்டு வந்து ஆட்சி செய்தனர்.

 புவியியல் அமைப்பு காரணமாக இப்பகுதியின் கிழக்கிலிருந்தும், மேற்கிலிருந்தும் தொடர்ந்து பலரும் தாக்குதல் நடத்தியதால் பல போர்களை பஞ்சாப் பிரதேசம் சந்தித்துள்ளது.

 பிரிட்டிஷாரின் கிழக்கிந்தியக் கம்பெனி காலத்தில் ஆரம்பத்தில் பஞ்சாபைக் கைப்பற்ற செய்த முயற்சிகள் தோல்வியடைந்தன. பின்னர் நடந்த போரில் சீக்கியர்கள் தோல்வியுற்றனர். அதனால் 1849 - இல் லாகூர் உடன்பாட்டின்படி சீக்கிய அரசர் துலீப் சிங்கிற்கு ஓய்வூதியம் தந்து பஞ்சாபை பிரிட்டிஷ் கிழக்கிந்திய நிறுவனம் எடுத்துக்கொண்டது. அதன்பின் பஞ்சாப் பிரிட்டிஷ் இந்தியாவின் மாகாணமாயிற்று.

 சுதந்திரத்திற்கு முந்தைய பஞ்சாப் மாகாணம் பெரியதாக இருந்தது. நாடு சுதந்திரம் பெற்றபோது மதத்தின் அடிப்படையில் பிரிக்கப்பட்டது. இஸ்லாமியர்கள் அதிகம் வாழ்ந்த மேற்கு பஞ்சாபின் 52% நிலப்பகுதி பாகிஸ்தானிற்கும், எஞ்சிய இந்துக்கள் அதிகம் வாழ்ந்த கிழக்கு பஞ்சாபின் 48% நிலப்பகுதி இந்தியாவின் பஞ்சாப் மாநிலமாகவும் ஆனது.

 ராபி, பியாஸ், சட்லெஜ் ஆறுகள் இந்தியாவின் பஞ்சாப் மாநிலத்திற்கும், ஜீலம், செனாப் ஆறுகள் பாகிஸ்தானுக்குமாகப் பிரிக்கப்பட்டது.

 அமிர்தசரஸ் பொற்கோயில்!

சீக்கியர்களின் பழமையான தலம்! அமிர்தசரஸ் நகரத்தில் உள்ள பிரசித்தி பெற்ற குருத்வாரா. சீக்கியர்களின் புனித நூலான "குருகிரந்த சாகிப்' இங்கு வைக்கப்பட்டுள்ளது. மஹாராஜா ரஞ்சித் சிங் குருத்வாராவின் மேல் மாடிகளை தங்கத்தினால் மூடினார். அதனால் "கோல்டன் டெம்பிள்' என்ற பெயரைப் பெற்றது. ஜாதி மத பேதமின்றி இங்கு அனைவரும் வழிபடலாம்!

 ஜாலியன் வாலாபாக் நினைவிடம்!

பஞ்சாப் மாநிலத்தில் அமிர்தசரஸ் போற்கோயிலுக்கு மிக அருகில் உள்ளது இந்த நினைவிடம். சுதந்திரப் போராட்ட காலத்தில் இவ்விடத்தில் நடந்த "ஜாலியன் வாலாபாக் படுகொலை' நினைவாக அமைக்கப்பட்டுள்ளது.

 ஜாலியன் வாலாபாக் என்ற இடம் 6.5 ஏக்கர் பரப்பளவு கொண்ட ஒரு தோட்டம் ஆகும். சுற்றிலும் மதில் சுவர்களும் ஒரே ஒரு சிறிய வாயிலும் நடுவில் ஒரு பெரிய கிணறும் கொண்டது.

 அத்தோட்டத்தில் 1919 - ஆம் ஆண்டு ஏப்ரல் 13 - ஆம் நாள் வைசாகி திருவிழாவைக் கொண்டாட 20 ஆயிரத்துக்கும் மேற்பட்ட மக்கள் ஒன்று கூடியிருந்தனர். அப்பொழுது எவ்வித முன்னறிவிப்பும் இன்றி ரெஜினால்ட் "டயர்' என்ற ராணுவ அதிகாரியின் தலைமையில் வந்த பிரிட்டிஷ் ராணுவத்தினர் மக்களை நோக்கி 10 நிமிடங்கள் தொடர்ந்து சுட்டனர்.

 மக்கள் அவ்விடத்தில் இருந்து வெளியேற முடியாமல் தவித்தனர். இதில் 379 பேர் இறந்து விட்டதாக பிரிட்டிஷ் அரசின் ஆவணங்களில் குறிப்பிடப்பட்டுள்ளது. ஆனால் தனிப்பட்டவர்களின் கருத்துப்படி ஆயிரக்கணக்கான மக்கள் இறந்ததாகக் கூறப்படுகிறது. மேலும் 2000-க்கும் மேற்பட்ட மக்கள் காயமடைந்தனர். இது சுதந்திரப் போராட்டத்தில் பெரும் தாக்கத்தை ஏற்படுத்தியது.

 துப்பாக்கி சூட்டில் இறந்த தியாகிகளின் நினைவாக இத்தோட்டத்தில் நினைவுச் சின்னம் எழுப்பப்பட்டுள்ளது
 வாகா எல்லை!

வாகா என்னும் சிற்றூர் அமரிதசரஸில் இருந்து 32 கி.மீ. தொலைவில் இந்தியா - பாகிஸ்தான் எல்லையில் அமைந்துள்ளது. 1947 - இல் நடந்த பிரிவினையின்போது, பிரிப்பதற்காக போடப்பட்ட "ராட் கிளிஃப் கோடு' இச்சிற்றூரின் குறுக்காகச் செல்கிறது. இதனால் வாகாவின் கிழக்குப்பகுதி இந்தியாவிற்கும், மேற்குப் பகுதி பாகிஸ்தான் வசமும் உள்ளன. அமிர்தசரசில் இருந்து லாகூர் வரையிலான ஒரே ஒரு தேசிய நெடுஞ்சாலை வாகா கிராமத்தின் வழியாகச் செல்கிறது.

 வாகாவில் உள்ள வாயில் பகுதியில் இரண்டு வாட்டு ராணுவ வீரர்களும் பாதுகாப்புக்காக நிறுத்தப்பட்டுள்ளனர். தினம் மாலையில் இரு நாட்டு தேசிய கொடிகளும் இறக்கப்படும்போது அதை ஒரு சடங்காக நடத்துவார்கள். இது சுற்றுலா பயணிகளை மிகவும் கவரும் நிகழ்வாக உள்ளது.

 ரஞ்சித் சிங் அருங்காட்சியகம்!

 அமிர்தசரஸ் நகரில் உள்ளது. இங்கு பல்வேறு ஆயுதங்கள், பழமையான நாணயங்கள் மற்றும் எழுத்துப் பிரதிகள் போன்றவை காட்சிக்கு வைக்கப்பட்டுள்ளன. மேலும் பஞ்சாப் பகுதியை ஆட்சி செய்த அரசர்களின் அரண்மனைகள், அரசவைக் காட்சிகள் போன்றவற்றை சித்தரிக்கும் ஓவியங்களும் இங்கு உள்ளன. கோஹினூர் வைரத்தின் மாதிரி ஒன்றும் காட்சிக்கு வைக்கப்பட்டுள்ளது.

 மஹாராஜா ரஞ்சித் சிங் போர் அருங்காட்சியகம்!

 இந்த அருங்காட்சியகம் லூதியானாவில் உள்ளது. 4 ஏக்கர் பரப்பளவில் 1999 - இல் நிறுவப்பட்டது. பல்வேறு போர்களில் பங்கேற்று உயிர்தியாகம் செய்தவர்கள் தைரியமான வீரர்கள் போன்றவர்களுக்கு அஞ்சலி செலுத்தும் வகையில் அமைக்கப்பட்டுள்ளது.

 இங்கு பண்டைய காலத்தில் இருந்து சுதந்திர இந்தியாவின் வரலாற்று நிகழ்வுகளைக் குறிக்கும் 12 காட்சியகங்கள் உள்ளன. மேலும் போர் டாங்கிகள், வானூர்தி எதிர்ப்புத் துப்பாக்கிகள், விமானம் தாங்கி கப்பலின் மாதிரிவடிவம் போன்றவையும் காட்சிக்கு வைக்கப்பட்டுள்ளது. இது மாநில அரசால் பிரித்யேக கவனத்துடன் பாதுகாக்கப்படுகிறது.
 கிலா முபாரக் கோட்டை!

பாட்டிண்டா நகரின் மையத்தில் அமைந்துள்ளது இக்கோட்டை. கி.பி. 90 - 110-இல் கட்டப்பட்டதாகக் கூறப்படுகிறது. கிலா முபாரக் எனப்படும் இந்த செங்கற்கோட்டை பெரும் வரலாற்று முக்கியத்துவம் வாய்ந்த நினைவுச் சின்னமாகப் பாதுகாக்கப்படுகிறது.

 கிலா - முபாரக் - பாட்டியாலா அரண்மனை!

 தென்மேற்குப் பகுதியில் உள்ள பாட்டியாலா நகரத்தின் மையப் பகுதியில் இந்த அரண்மனை அமைந்துள்ளது. சீக்கிய அரண்மனைக் கட்டடக் கலைக்கு ஓர்அரிதான மற்றும் சிறந்த எடுத்துக்காட்டாக உள்ளது. இது 1793 - இல் "பாபா ஆலா சிங்' என்பவரால் கட்டப்பட்டது.

 கிலா முபாரக் - பரித்கோட் கோட்டை!

வடமேற்கே உள்ள பரித்கோட் நகரில் இக்கோட்டை உள்ளது! ராஜா மோகல்சி என்பவரால் கட்டப்பட்டது. பிற்காலத்தில் புதுப்பிக்கப்பட்டது. நன்கு கட்டப்பட்டு, நேர்த்தியாக வடிவமைக்கப்பட்ட கோட்டை.

 மேலும் சில தகவல்கள்!
 கி.பி. 15 - ஆம் நூற்றாண்டில் "குருநானக்' சீக்கிய மதத்தை தோற்றுவித்தார். அதனால் அவருக்குப் பின் வந்த 9 சீக்கிய குருமார்களும் ஒருவர் பின் ஒருவராக (1469 - 1708 வரை) தலைமையேற்று மதத்தை வளர்த்தனர். பத்தாவது குருவான குரு கோவிந்த சிங். நீதி போதனைகள் அடங்கிய "ஆதி கிரந்த்'தத்தை கடைசி குருவாக அறிவித்தார். அப்போதிலிருந்து புனித நூலான "ஆதி கிரந்த்' சீக்கியர்களின் குருவாக உள்ளது.

 பொற்கோயிலே சீக்கியர்களின் முதல் மற்றும் மிகப் பழமையான குருத்வாரா (கோயில்). பஞ்சாபில் சுமார் 60 சதவீதம் மக்கள் இந்த மதத்தைப் பின்பற்றுகின்றனர்.

 சிந்து நதிநீர் ஒப்பந்தம்!
 சிந்து ஆற்று நீரை இந்தியாவும் பாகிஸ்தானும் பகிர்ந்து கொள்வதற்காக 1960 - இல் இந்த ஒப்பந்தம் ஏற்படுத்தப்பட்டது. இதில் அப்போதைய பிரதமர் நேருவும், பாகிஸ்தானின் அதிபர் முகம்மது அயூப்கானும் கையெழுத்திட்டனர். உலக வங்கி மூன்றாவது சாட்சியாகக் கையெழுத்திட்டது.

 இதன்படி சிந்து ஆறும், அதன் துணை ஆறுகளும் இரண்டு பகுதிகளாகப் பிரிக்கப்பட்டன. சிந்து, ஜீலம், சேனாப் ஆகிய மேற்குப் பகுதி ஆறுகளின் நீர் பாகிஸ்தானிற்கும், பியாஸ், சட்லெஜ், ராவி ஆகிய மூன்று கிழக்குப் பகுதி ஆறுகளின் நீர் இந்தியாவிற்கும் எனப் பிரிக்கப்பட்டன.

 பாங்க்ரா நடனம்!
 இந்தியா மற்றும் பாகிஸ்தான் நாடுகளின் பஞ்சாப் பகுதியில் ஆடப்படும் ஒரு பிரபலமான நடனம்!
 

 எஃகு நகரம்!
 இந்தியாவில் உள்ள எஃகு உருக்காலைகளில் பெரும்பான்மை பஞ்சாபில் உள்ளன. இங்குள்ள "மண்டி கோபிந்த்கர்' நகரம் எஃகு நகரம் எனப்படுகிறது.
 இந்தியாவின் ரொட்டிக் கூடை!
 

வளமான பஞ்சாப் மாநிலத்தில் கோதுமை அதிக அளவில் விளைகிறது. அதனால் இந்தியாவின் "ரொட்டிக் கூடை' எனச் செல்லமாக பஞ்சாபை அழைக்கின்றனர். கோதுமை தவிர, நெல், கரும்பு, காய்கறிகள் மற்றும் பழவகைகளும் ஏராளமாகப் பயிரிடப்படுகின்றன.
 தொகுப்பு: கே.பார்வதி, திருநெல்வேலி டவுன்
 

]]>
https://images.dinamani.com/uploads/user/imagelibrary/2019/3/23/w600X390/GOLDEN_TEMPLE.JPG https://www.dinamani.com/travel/travel-tamilnadu/2019/mar/26/பஞ்சாப்-மாநிலத்தை-அறிந்து-கொள்ளலாமா-3121297.html
3110467 சுற்றுலா தமிழ்நாடு கொடைக்கானல் செல்ல திட்டமிடுவோர் கவனத்துக்கு! DIN DIN Saturday, March 9, 2019 02:29 PM +0530
கோடைக்காலம் தொடங்கியதில் இருந்தே கொடைக்கானலில் சனி, ஞாயிற்றுக்கிழமைகளில் சுற்றுலாப் பயணிகள் வருகை அதிகரித்து வருகிறது.

கொடைக்கானலில் பகல் நேரங்களில் வெயிலின் தாக்கம் சற்று குறைந்துள்ளதால் கடந்த இரு நாள்களாக சீதோஷ்ண நிலை மாறி, குளுமையான சூழல் நிலவியது. 

கடந்த மாதம் கொடைக்கானலில் விதிமுறைகளை மீறி கட்டப்பட்டிருந்த கட்டடங்களை நீதிமன்ற உத்தரவின்படி நகராட்சி அதிகாரிகள் "சீல்' வைத்து வந்தனர். இதனால் பயணிகள் வருகை வெகுவாக குறைந்து காணப்பட்டது.

மார்ச் மாதம் சீசன் தொடங்கியுள்ள நிலையில் பல்வேறு இடங்களிலிருந்து சுற்றுலாப் பயணிகள் வருகை அதிகரித்தது. 

பள்ளி மாணவர்கள், சுற்றுலாப் பயணிகள் வெள்ளி நீர்வீழ்ச்சி, பசுமைப் பள்ளத்தாக்கு, தூண்பாறை, குணா குகை, கோக்கர்ஸ்வாக், பிரையண்ட் பூங்கா உள்ளிட்ட பல்வேறு இடங்களை பார்த்து மகிழ்ந்தனர். 

மாலை நேரங்களில் கொடைக்கானல் ஏரியில் படகு சவாரியும், ஏரிச்சாலையில் குதிரை,  சைக்கிள் சவாரியும் செய்து மகிழ்ந்தனர்.

விடுதி கட்டண உயர்வால் அவதி: கொடைக்கானலில் விதிமீறல் கட்டடங்களுக்கு சீல் வைக்கப்பட்டுள்ளதால், எஞ்சியுள்ள விடுதிகளில் வழக்கத்தைவிட கூடுதல் கட்டணங்கள் வசூலிக்கப்பட்டன. இதனால், சுற்றுலாப் பயணிகள் அவதிக்குள்ளாகினர்.

எனவே கொடைக்கானல் வர திட்டமிடுவதாக இருந்தால் வார இறுதி நாட்களை விட வார நாட்களில் வருவது நல்லது.

மேலும், சுற்றுலாவுக்கு திட்டமிடும் போது முன்கூட்டியே விடுதிகளில் அறைகளை வாடகைக்கு எடுத்துக் கொள்வது அல்லது அதிக வாடகைக் கொடுக்கத் தயாராக இருப்பது நல்லது.
 

]]>
kodaikanal tour https://images.dinamani.com/uploads/user/imagelibrary/2019/3/9/w600X390/kodaikanal.jpg https://www.dinamani.com/travel/travel-tamilnadu/2019/mar/09/kodaikanal-tour-important-things-3110467.html
3110466 சுற்றுலா தமிழ்நாடு காரைக்கால் கடற்கரை சாலையில் சீகல்ஸ் உணவகம்? DIN DIN Saturday, March 9, 2019 02:25 PM +0530
காரைக்கால் கடற்கரை சாலை முகப்பில், 37 ஆண்டுகளுக்கு முன்பு கட்டப்பட்ட பழைமையான சுற்றுலா வளர்ச்சிக் கழக கட்டடத்தை பொதுப்பணித்துறை நிர்வாகம் இடிக்கத் தொடங்கியுள்ளது.

புதுச்சேரி அரசின் சுற்றுலாத் துறையின் அங்கமான சுற்றுலா வளர்ச்சிக் கழகம் சார்பில், கடந்த 1982-ஆம் ஆண்டு உணவகம், கூட்டம் நடத்துவது போன்ற பல்நோக்குப் பயன்பாட்டுக்காக அடுக்குமாடி கட்டடம் கட்டப்பட்டது. ஏறத்தாழ 10 ஆண்டுகள் மட்டுமே இது உணவகமாகவும், சுபநிகழ்ச்சிகள் நடத்தும் வகையிலும் பயன்பட்டது.

கட்டடத்தில் விரிசல், பழுதுபோன்ற காணங்களால் நீர்க்கசிவு ஏற்படத் தொடங்கியது. மேலும், உரிய பராமரிப்பு இன்றி கிடப்பில் போடப்பட்டது.

காரைக்கால் கடற்கரை சாலை, காமராஜர் சாலை சந்திப்பில் மிகவும் முக்கியமான இடத்தில் உள்ள இந்தக் கட்டடத்தை இடித்துவிட்டு, சுற்றுலாப் பயணிகள் பயன்பெறும் வகையில், சிறப்புத் திட்டங்களுடன் புதிதாக கட்டடம் கட்ட வேண்டும் என சமூக ஆர்வலர்கள் சுமார் 25 ஆண்டுகளாக கோரிக்கை விடுத்து வந்தனர். புதுச்சேரியில் ஆட்சிப் பொறுப்பில் இருந்த எந்த அரசும் இதற்கான நடவடிக்கையை எடுக்கவில்லை.

கட்டடம் தற்போது மிகவும் சிதிலமடைந்து, நகரின் முகப்புப் பகுதியில் அலங்கோலமாகக் காட்சியளிப்பதால்,  உடனடியாக இடிக்க வேண்டும் என மாவட்ட நிர்வாகத்துக்கு பல்வேறு தரப்பினர் அழுத்தம் தந்தனர். இதைத்தொடர்ந்து, மாவட்ட நிர்வாகத்தின் ஒப்புதலின்பேரில், பொதுப்பணித்துறை நிர்வாகம் இக்கட்டடத்தை செவ்வாய்க்கிழமை முதல் ஜேசிபி இயந்திரம் பயன்படுத்தி இடிக்கத் தொடங்கியுள்ளது.

கட்டடத்தை இடித்துவிட்டு இந்த பகுதியில் சுற்றுலா வளர்ச்சிக் கழகம் நடத்திவரும் சீகல்ஸ் உணவகத்தை அமைக்க திட்டம் வகுத்திருப்பதாகவும், இதற்கேற்ப கூடம் அமைக்க திட்டம் உள்ளதாகவும் அரசு வட்டாரத்தில் தெரிவிக்கப்படுகிறது.
 

]]>
https://images.dinamani.com/uploads/user/imagelibrary/2018/12/29/w600X390/food.jpg https://www.dinamani.com/travel/travel-tamilnadu/2019/mar/09/காரைக்கால்-கடற்கரை-சாலையில்-சீகல்ஸ்-உணவகம்-3110466.html
3110465 சுற்றுலா தமிழ்நாடு சுருளி அருவியில் நீர் வரத்து குறைந்தது: சுற்றுலாப் பயணிகள் ஏமாற்றம் DIN DIN Saturday, March 9, 2019 02:22 PM +0530  

கம்பம் அருகே உள்ள சுருளி அருவியில், நீர்வரத்து இல்லாததால் பக்தர்கள் மற்றும் சுற்றுலாப் பயணிகள் குளிக்க முடியாமல் ஏமாற்றத்துடன் திரும்பிச் சென்றனர்.

தற்போது கோடை காலம் ஆரம்பமாகி விட்டதால் இந்த அருவியில் நீர்வரத்து அடிக்கடி நின்று விடுகிறது. சுருளி அருவிக்கு நீர்வரத்து தரும் பகுதிகளான, பச்சக்கூமாச்சி மலைப்பகுதியில் உள்ள தூவானம் அணையின் நீர்மட்டம் குறைந்ததால் சுருளி அருவிக்கு தண்ணீர் திறக்கப்பட வில்லை. 

மேலும் சுருளி மலைப்பகுதிகளான ஈத்தக்காடு, அரிசிப்பாறை ஆகிய மலைப்பகுதிகளில் உள்ள நீர் ஊற்றுகளிலும் தண்ணீர் இல்லை. இதனால் புதன்கிழமை சுருளி அருவிக்கு தண்ணீர்வரத்து முழுவதுமாக நின்றது. சுருளிக்கு வந்த பக்தர்கள், பொதுமக்கள் அருவியில் நீர்வரத்து இல்லாததால் குளிக்க முடியாமல் ஏமாற்றத்துடன் திரும்பிச் சென்றனர்.

இதுகுறித்து மேகமலை வன உயிரின சரணாலயப் பகுதியின் கிழக்குப் பிரிவு வனச்சரகர் தினேஷ்கூறும் போது, பக்தர்கள், சுற்றுலாப் பயணிகளின் வசதிக்காக, ஷவர்' குழாய் அமைக்கப்பட்டுள்ளது. அதில் குளிக்கலாம் என்றார்.

 

அருவியில் நீர்வரத்து இருக்கும் போது எடுத்த படங்கள்..

]]>
https://images.dinamani.com/uploads/user/imagelibrary/2018/2/22/w600X390/suruli.jpg https://www.dinamani.com/travel/travel-tamilnadu/2019/mar/09/சுருளி-அருவியில்-நீர்-வரத்து-குறைந்தது-சுற்றுலாப்-பயணிகள்-ஏமாற்றம்-3110465.html
3033898 சுற்றுலா தமிழ்நாடு மாமல்லபுரத்தில் களைகட்டிய சுற்றுலாப் பயணிகளின் கூட்டம் DIN DIN Tuesday, November 6, 2018 02:28 AM +0530
மாமல்லபுரத்தில் வெளிநாட்டுச்சுற்றுலா பயணிகளின் கூட்டம் திங்கள்கிழமை வழக்கத்தைவிட அதிகரித்து காணப்பட்டது. 
சர்வதேச சுற்றுலா நகரமாக விளங்கும் மாமல்லபுரத்தில் நாளொன்றிற்கு ஆயிரக்கணக்கான உள்நாட்டு மற்றும் வெளிநாட்டு சுற்றுலாப் பயணிகள் வருகை தருவது வழக்கம். விடுமுறை நாள்களில் இங்குள்ள முக்கிய புராதனப் பகுதிகளில் சுற்றுலாப் பயணிகள் கூட்டம் களை கட்டி காணப்படும். தீபாவளி பண்டிகையையொட்டி, மாமல்லபுரத்தில் கடந்த சனிக்கிழமை மற்றும் ஞாயிற்றுக்கிழமைகளில் உள்நாட்டு மற்றும் வெளிநாட்டு சுற்றுலாப் பயணிகளின் கூட்டம் அதிக அளவில் காணப்பட்டது. இந்நிலையில், இங்குள்ள சுற்றுலாப் பகுதிகளான ஐந்து ரதம், அர்ஜுனன் தபசு, கடற்கரைக் கோயில், வராக மண்டபம் உள்ளிட்ட பகுதிகளில் திங்கள்கிழமை அதிக அளவில் வெளிநாட்டு சுற்றுலாப் பயணிகள் குவிந்தனர். அவர்கள், பல்லவர் கால சிற்பங்களுக்கு அருகே புகைப்படம் மற்றும் சுயபடம் எடுத்து மகிழ்ந்தனர். 
வெண்ணை உருண்டைப் பாறையை தாங்கிப் பிடித்து நிற்பது போல் புகைப்படம் எடுத்தனர். கடலில் மாலை நேரத்தில் கடலில் குளித்து மகிழ்ந்தனர். அவர்களின் வருகையால் மாமல்லபுரம் நகரம் களைகட்டி காணப்பட்டது. உணவு விடுகள், குளர்பானக் கடைகளில் கூட்டம் அலைமோதியது. தொப்பி மற்றும் கூவி விற்கும் சிறுவியாபாரிகள் என அனைவருக்கும் வர்த்தகம் நன்றாக நடைபெற்றது.

 கடற்கரைக்  கோயிலைப்  பார்த்துவிட்டு  வரும்  வெளிநாட்டு சுற்றுலாப்  பயணிகள்.

]]>
https://images.dinamani.com/uploads/user/imagelibrary/2018/11/6/w600X390/mamalapuram1.JPG மாமல்லபுரம்  வெண்ணை  உருண்டைப்  பாறையைத்  தாங்குவது போல் படம்  எடுத்துக் கொள்ளும்  வெளிநாட்டு சுற்றுலாப்  பயணி.  https://www.dinamani.com/travel/travel-tamilnadu/2018/nov/06/மாமல்லபுரத்தில்-களைகட்டிய-சுற்றுலாப்-பயணிகளின்-கூட்டம்-3033898.html
3031435 சுற்றுலா தமிழ்நாடு மகான் ஆதிசங்கரர் அவதரித்த ‘காலடி’ மண் தேடி ஒரு பயணம்! -மணிகண்டன் தியாகராஜன் DIN Friday, November 2, 2018 11:17 AM +0530
கேரள மாநிலம், எர்ணாகுளம் மாவட்டத்திலுள்ளது காலடி. இந்த நகரத்துக்குச் செல்ல வேண்டும் என்று வெகு நாட்களாக திட்டமிட்டு வந்தேன். அது அண்மையில் நிறைவேறியது.
காலடி ஏன்? காலடியில் என்ன சிறப்பு? காலடியில்தான் மகான் ஆதிசங்கரர் அவதரித்தார். அனைத்து ஜீவராசிகளிலும் இருக்கும் பிரம்மம் ஒன்றே என்ற அத்வைத தத்துவத்தை போதித்தவர் இந்த மகான்.
சென்னை சென்ட்ரல் ரயில் நிலையத்திலிருந்து எர்ணாகுளம் சென்றடைந்தேன். அங்கு நண்பர் பாலமுருகன் பணிபுரிந்து வருகிறார். அவரையும் சந்தித்து நீண்ட காலம் ஆனதால் இந்தப் பயணத் திட்டத்தை ஏற்படுத்திக் கொண்டேன்.
மாலை 3 மணியளவில் திருவனந்தபுரம் ரயிலில் ஏறி கேரளத்துக்குப் பயணமானேன். ஒரு மாதத்துக்கு முன்பே டிக்கெட் முன்பதிவு செய்து கொண்டுவிட்டேன். ரயில் பயணத்தை நான் மிகவும் விரும்புவேன். அதுவும் ஜன்னலோர இருக்கை கிடைத்தால் இரட்டிப்பு மகிழ்ச்சி அடைவேன். பரபரப்பான வாழ்க்கையிலிருந்து சற்று இளைப்பாற கிடைக்கும் நாள்களில் இதுபோன்ற ரயில் பயணங்களை விரும்புவேன். இருள் சூழும் வரை இயற்கை காட்சிகளை ரசித்த படியே அமர்ந்திருந்தேன். தமிழர்கள், மலையாளிகள், வட இந்தியர்கள் என்று ரயிலில் பலவித மனிதர்களின் தரிசனம் கிடைத்தது. அதிகாலை 3 மணிக்கு எர்ணாகுளம் சென்றடைந்தேன்.
பால முருகன் வரவேற்று அழைத்துச் சென்றார். சிறிது நேரம் ஓய்வுக்கு பிறகு, காலடி செல்வதற்கு தயாரானேன். அங்கிருந்து ஆலுவா நகருக்கு பேருந்தில் சென்று பின்னர் அங்கிருந்து வேறொரு பேருந்தில் காலடி செல்ல வேண்டும்.
காலை 9 மணி என்பதால் அனைத்து நகரங்களிலும் இருப்பது போல் கூட்டம் அலைமோதியது. பள்ளி மாணவ, மாணவிகள், வேலைக்குச் செல்பவர்கள் என்று பரபரப்பாக இருந்தனர் கேரள மக்கள். சமீபத்தில் புரட்டிப் போட்ட வெள்ள பாதிப்பிலிருந்து ஓரளவுக்கு மீண்டிருந்தது எர்ணாகுளம். சில இடங்களில் வெள்ள பாதிப்பின் தடங்களை பார்க்க முடிந்தது. 1 மணி நேரத்தில் ஆலுவா சென்றடைந்தோம்.
கேரளத்துக்கு எப்போது சென்றாலும் காலை உணவாக புட்டு கடலை உண்பதை மிகவும் விரும்புவேன்.
நம்ம ஊரில் இட்லி, சாம்பார் போல் கேரளத்தில் புட்டும், கடலையும் மிகவும் விரும்பப்படும் காலை உணவாக இருந்து வருகிறது.
பெரும்பாலான உணவகங்களில் புட்டு கடலை, இட்லி, தோசை, இடியாப்பம், சப்பாத்தி, பரோட்டா ஆகியவை காலை உணவாக அங்கு கிடைக்கின்றன.
ஆலுவா பேருந்து நிறுத்தம் அருகே வரிசையாக சில உணவகங்கள் இருந்தன. அதில் ஒரு உணவகத்துக்குச் சென்று அமர்ந்தோம். நண்பர், என்ன வேண்டும் ? இட்லி அல்லது தோசை சாப்பிடுகிறயா? என்று கேட்டார்.
நான், புட்டுக் கடலை ! என்றேன் விழி விரிய.
புட்டுக் கடலை சாப்பிட்டுவிட்டு, சாயா (தேநீர்) குடித்தோம். காரசாரமாக இருந்த கடலை பின்னர் சூடான சாயா என்று நாவிற்கு இதமாக இருந்தது.
அங்கிருந்து காலடிக்கு செல்லும் பேருந்துக்காக 15 நிமிடங்கள் வரை காத்திருக்க நேர்ந்தது. பின்னர், அந்தப் பேருந்தும் வந்தது. காலியாக இருந்த பேருந்தில் எங்கள் இருவரையும் சேர்த்து 10 பேர் வரை மட்டுமே இருந்திருப்போம்.
வெயில் சற்று அதிகம் என்றாலும் சாலை இருப்பதே மரங்களுக்கு நடுவில் என்பதால் குளிர் தென்றல் வீசிக் கொண்டே இருந்தது.
நெடுஞ்சாலை வழி இல்லாததால், பல சிற்றூர்கள் வழியாக பேருந்து வளைந்து வளைந்து சென்று கொண்டிருந்தது.
கேரளத்தில் பேருந்துகளை அதிவேகமாகவே ஓட்டுநர்கள் இயக்குகின்றனர் என்று எனக்கு தோன்றுகிறது. நண்பரும் அதை வழிமொழிந்தார்.
அவ்வப்போது விபத்துகள் நேர்வதாகவும் அவர் தெரிவித்தார்.
அவர்களின் வேகத்துக்கு பேருந்தும் ஈடுகொடுக்கிறது. மலை பகுதிகளில் செல்வதற்கு ஏற்ற வகையில் டாடா தயாரிப்பிலான பேருந்துகள் அங்கு இயங்குகின்றன.
நம்மூரில் நடத்துநர் விசில் அடிப்பது போல் அங்கில்லை. ஏறும் வழி மற்றும் இறங்கும் வழி இருக்கும் பக்கத்தில் பேருந்தின் ஒரு கோடியிலிருந்து ஓட்டுநர் இன்ஜின் வரை கயிறு ஒன்று கட்டப்பட்டு மணி தொங்கவிடப்பட்டிருக்கிறது. யாராவது இறங்க வேண்டுமானால், அந்தக் கயிறை இழுக்கின்றனர். ஓட்டுநர் அருகே இருக்கும் மணி ஒலித்ததும் வேகம் குறைக்கப்பட்டு வண்டி நிறுத்தப்படுகிறது.
காலடி செல்லும் வழியில் சில இடங்களில் சாலை வசதி சரியாக இல்லாததால் வெகு நேரம் பயணிப்பது போல் இருந்தது. இயற்கையை ரசித்தபடியே 1 மணிநேரத்தில் காலடி சென்றடைந்தோம்.
அந்த ஊர் பேருந்து நிறுத்தத்துக்கு எதிரே பெரிய உயரமான கோபுரம் இருந்தது. பேருந்தை விட்டு இறங்கி சாலையில் நின்றுகொண்டிருந்தவரிடம் அங்கு என்ன?
இருக்கிறது என்று பாலு விசாரித்தார். பின்னர், என்னிடம் எதுவும் கூறாமல் அங்கு அழைத்துச் சென்றார்.
ஆவலுடன் அந்த இடத்துக்குச் சென்றேன். கோபுர வடிவில் இருக்கும் அதற்குள் நுழைந்தோம். படிகள் ஏதுமின்றி வளைந்து ஏறும் வகையில் அமைக்கப்பட்டிருந்தது. சுற்றி ஏறியபடி நாம் செல்லும்போது ஒரு பக்கத்தில் மகான் ஆதிசங்கரரின் வாழ்க்கை வரலாற்றை விவரிக்கும் ஓவியங்கள் வைக்கப்பட்டிருக்கின்றன. பார்த்து வியந்தேன்.
நாம் எதையும் தொடக் கூடாது என்றும் புகைப்படங்கள் எடுக்கக் கூடாது என்று அறிவுறுத்தப்படுகிறது. மேலும், அதை கண்காணிப்பதற்கான கேமராக்களும் வைக்கப்பட்டுள்ளன.
அந்த மண்டபத்தை முழுமையாக பார்த்தால், சங்கரரின் வாழ்க்கை வரலாற்றை ஓரளவு அறிந்துகொள்ள முடியும். தமிழர்கள் கணிசமான அளவில் காலடிக்கு வருவதால், தமிழிலும் அவருடைய வரலாறு தொடர்பாக விளக்கம் கொடுக்கப்பட்டுள்ளது. எட்டுமாடி கொண்ட அந்த மண்டபத்தில் ஏறுவதற்கும், இறங்குவதற்கும் ஒரே வழிதான். சற்று தலை சுற்றும் மாதிரியாக இருந்தது. அங்கிருந்து அவர் பிறந்த இடம் இருக்கும் இடத்துக்குச் செல்ல திட்டமிட்டோம். அருகில் இருந்தவர்களிடம் விசாரித்தபோது கொஞ்ச தூரத்தில் இருப்பதாக கூறினார். அதனால், நடந்து செல்லலாம் என்று முடிவு செய்து நடந்தோம். வழியில் சங்கராச்சார்யா சம்ஸ்கிருத பல்கலைக்கழகம் அமைந்திருந்தது.
இங்கு, சம்ஸ்கிருதம் மற்றும் பிற மொழிகளின் எழுதப்பட்ட முக்கியமான புத்தகங்கள், கையெழுத்துப் பிரதிகள் பாதுகாக்கப்படுகின்றன.
புத்தகம் அச்சிடவும் படுகின்றன. பிரதானமாக சம்ஸ்கிருத ஆராய்ச்சிக்கு இந்த பல்கலைக்கழகம் பயன்படுகிறது. காலடியில் இருப்பது பிரதான மையம் (மெயின் காம்பஸ்). இதன் கிளை மையங்கள் தலைநகர் திருவனந்தபுரம் பையனூர், திருச்சூர், பன்மனா, துரவூர், எட்டுமானூர், திரூர், கோயிலாண்டி ஆகிய நகரங்களில் அமைந்துள்ளன என்பது கூடுதல் தகவல்.
உச்சி வெயில் எட்டிப்பார்க்கும் நேரம் என்பதால் சோர்வடைந்துவிட்டோம். செல்லும் வழியில் ஒரு கடையில் லெமன் சோடா அருந்தினோம். சற்றே தாகம் தணிந்ததுடன் அந்த வெயிலுக்கு வயிறு குளிர்ந்தது. கடைக்காரரிடம் விசாரித்தபோது சங்கரர் பிறந்த இடம் சற்று தூரத்தில் இருப்பதாகவே தெரிந்தது. ஆனால், புதிய இடம் என்பதாலோ என்னவோ நெடுந்தூரம் செல்வது போலவே இருந்தது. பேருந்து நிலையத்திலிருந்து சுமார் 2 கி.மீ. தொலைவு நிச்சயம் இருக்கும்.
பூர்ணா நதிக்கரை அருகே இருந்த மடத்தை கண்டு சென்றடைந்தோம். சிவபெருமானின் வரம் வேண்டி கிடைத்த செல்வம் சங்கரர். இப்போது அங்கு மடம் இருக்கிறது. அவரது தாயார் உடல் தகனம் செய்யப்பட்ட இடமும் இந்த மடத்துக்குள் அமைந்துள்ளது.
அதற்கு வெளியே பூர்ணா நதி ஓடிக்கொண்டிருந்தது. அண்மையில் மழை பெய்திருந்ததால் நீரின் அளவு அதிகமாக இருந்தது.
ஆதிசங்கரரின் இளமைப் பருவத்தில் அவரது தாயாருக்கு உடல்நிலை சரியில்லாமல் போக அவரால் வெகுதூரத்தில் இருந்த நதியில் சென்று நீராட முடியவில்லை. தாயாருக்காக இறைவனைப் பிரார்த்தித்து நதியை வீடருகே ஓடச் செய்தார் சங்கரர். அந்த நதி இன்றும் காணப்படுகிறது. ஒரு நாள் அவர் நீராடிக் கொண்டிருந்தபோது முதலை அவரது காலை கவ்வியது. அப்போது, அருகில் இருந்த தாயார் செய்வதறியாது தவித்தார். உடனே, எனக்கு நீங்கள் துறவறம் மேற்கொள்ள அனுமதி அளிக்குமாறு வேண்டினார் சங்கரர். தாயார் சம்மதம் தெரிவித்ததும், முதலை அவரை பிடியிலிருந்து விடுவித்ததாகக் கதை உண்டு.


அந்த இடத்தையும் நம்மால் இன்றும் காண முடியும். தாயாரின் இறுதிகாலத்தில், சங்கரர் ஆகாய மார்க்கமாக வந்ததாக அங்கு வந்த பக்தர் ஒருவர் எங்களிடம் பகிர்ந்துகொண்டார். இன்றளவும், விமானகள் காலடி வழியாக பறந்து செல்லும்போது அவரே இங்கு வந்து செல்வது போல் உணர்வதாக அந்த பெண் கூறக் கேட்டு ஆச்சரியமடைந்தோம்.
நாங்கள் சென்ற வேளை பிற்பகல் என்பதால் மடத்தை மட்டுமே எங்களால் பார்க்க முடிந்தது. அருகில் இருந்த கிருஷ்ணர் கோயிலின் மூலவர் சன்னிதானம் மூடப்பட்டிருந்தது.
எனினும், கோயிலுக்குள் சென்று வலம் வந்தோம் (கேரளத்தில் பெரும்பாலான ஹிந்து கோயில்களில் ஆண்கள் சட்டை அணிந்து செல்லக் கூடாது என்ற வழக்கம் இன்றும் பின்பற்றப்பட்டு வருகிறது). மீண்டும் மாலை 4 மணிக்கு மேல்தான் கோயில் சன்னிதானம் திறக்கப்படும் என்று தெரியவந்தது. மறுமுறை வாய்ப்பு கிடைக்கும்போது அங்கு சென்று கிருஷ்ணரை வழிபட வேண்டும் என்று விரும்புகிறேன். மகான் பிறந்த மண்ணில் நின்றுகொண்டிருந்தது ஒருவித சிலிர்ப்பை ஏற்படுத்தியது.
பின்னர், அங்கிருந்து ஆட்டோவில் காலடி பேருந்து நிலையம் வந்தோம். ஆட்டோ கட்டணம் ரூ.30! (2 கி.மீ. முதல் 3 கி.மீ. தொலைவுக்கு இந்தக் கட்டணம். நம்மூரை நினைத்துக் கொண்டேன்.) பெட்ரோல், டீசல் விலை உச்சத்தை தொட்டிருக்கும் நேரத்திலும் அங்கு ஆட்டோ கட்டணம் கி.மீ.-க்கு இவ்வளவு என்று விதிகளை பின்பற்றி வருவது ஆச்சரியத்தையும், மகிழ்ச்சியையும் அளித்தது. பின்னர், அங்கிருந்து கல்லூரி நண்பர் சஞ்சய் ஜெயப்பிரகாஷை சந்திக்க திரிபுனித்துராவுக்குச் சென்றோம்.
மாலை 3 மணி இருக்கும். மழை பொழியத் தொடங்கியது. நான் சென்ற அக்டோபர் மாதம் இப்படிதான் இருக்குமாம். காலையில் சுட்டெரிக்கும் வெயில். பிற்பகலுக்கு பிறகு மழை.
நண்பர் சஞ்சய் இல்லத்தில் நன்கு உபசரித்தார். பின்னர், பலத்த மழைக்கு நடுவில் அந்நகரில் இருந்த சென்ட்ரல் திரையரங்கத்துக்கு எங்களை அழைத்துச் சென்றார். ஃபகத் பாசில் நடிப்பில் வர்த்தன் என்ற படத்தை பார்த்தோம்.
திரையரங்கமும், படமும் சிறப்பாக இருந்தது. அந்த மாநில ரசிகர்களின் எண்ண ஓட்டத்தையும் ஓரளவு புரிந்துகொள்ள முடிந்தது.
அங்கிருந்து மீண்டும் எர்ணாகுளத்துக்கு இரவு 9 மணிக்கு வந்தோம். அடுத்த நாள் கொச்சியில் மேனகா என்ற இடத்துக்கு சென்றோம். சென்னையில் உள்ள தி.நகர் போல் உள்ளது. ஆடைகள், உணவுப் பண்டங்கள், முந்திரி, பாதம், ஏலக்காய், மிளகு போன்ற பொருள்கள் குறைந்த விலையில் கிடைத்தன.
ஷாப்பிங்கை முடித்துவிட்டு அங்கிருந்து எர்ணாகுளம் தெற்கு ரயில் நிலையத்துக்கு வந்தோம். அங்கு ஒரு கடையில் இளநீர் மில்க் ஷேக்கை வாங்கிக் கொடுத்தார் நண்பர். இளநீரையும், தேங்காயையும் மிக்ஸியில் அரைத்து பால் சேர்த்து கொடுக்கிறார்கள். உடலில் உஷ்ணத்தை உடனடியாகக் குறைக்குமாம். மிகவும் இனிப்புச் சுவையுடன் இருந்தது.

சிறப்பாக அமைந்தது காலடி பயணமும் !

எப்படி செல்வது?
சென்னையிலிருந்து காலடி செல்ல விரும்புவர்கள் திருவனந்தபுரம் செல்லும் ரயிலில் ஆலுவா வரை முன்பதிவு செய்துகொள்ளலாம். விழா காலம் தவிர்த்து மற்ற தினங்களில் ஒரு மாதத்துக்கு முன்பு கூட ரயிலில் இருக்கை கிடைக்கும். அந்நகரில் இருந்து காலடிக்கு சுமார் 1 மணி நேரத்தில் சென்றடைய முடியும்.
காலடியில் மேலும் பல கோயில்களும், பார்க்க வேண்டிய இடங்களும் உள்ளன.
தங்கும் விடுதி வசதிகளும் இருப்பதால் 2 தினங்கள் தங்கினால் பல அனைத்து இடங்களையும் ஆட்டோவில் சென்று கூட சுற்றி பார்த்து விடலாம்.

]]>
ஆதி சங்கரர், காலடி, பயணம், adhisankarar, kaladi, trip to kaladi https://images.dinamani.com/uploads/user/imagelibrary/2018/11/2/w600X390/kaladii.JPG https://www.dinamani.com/travel/travel-tamilnadu/2018/nov/01/காலடி-தேடி-3031435.html
2672214 சுற்றுலா தமிழ்நாடு சுற்றுலா தொழில் துறையில் சிறப்பான சேவை செய்த 112 பேருக்கு விருது DIN DIN Saturday, March 25, 2017 02:21 AM +0530 சென்னையில் சுற்றுலா தொழில் துறையில் பயணிகளுக்கு சிறப்பான சேவை வழங்கி வரும் 112 பேரைப் பாராட்டி தமிழ்நாடு சுற்றுலா விருது, சான்றிதழ்கள் வழங்கப்பட்டன. மத்திய, மாநில சுற்றுலா துறை மற்றும் மதுரா வெல்கம் முதல் சுற்றுலா இதழ் இணைந்து 2-ஆவது ஆண்டாக 2016-ஆம் ஆண்டுக்கான சுற்றுலா விருது வழங்கும் விழா சென்னையில் வெள்ளிக்கிழமை நடைபெற்றது.
மத்திய தென்மண்டல சுற்றுலாத்துறை இயக்குநர் ஸ்ரீவர்தன் சஞ்சய் தலைமை வகித்தார். மத்திய வடமண்டல சுற்றுலாத்துறை இயக்குநர் சோயப் சமது முன்னிலை வகித்தார்.
நடிகை பூர்ணிமா பாக்யராஜ் குத்துவிளக்கேற்றி நிகழ்ச்சியைத் தொடங்கி வைத்தார். இதில் சிறப்பு விருந்தினராக திரைப்பட இயக்குநர் பாக்யராஜ் பங்கேற்று சிறந்ததாகத் தேர்வு செய்யப்பட்ட விமான நிறுவனம், நட்சத்திர ஹோட்டல்கள், பயண ஏற்பாட்டாளர்கள் என சுற்றுலாத் தொழில் சார்ந்தவர்களுக்கு விருது மற்றும் சான்றிதழ்களை வழங்கினார்.
வடசென்னையில் ஏழை எளிய மக்களுக்கு குறைந்த செலவில் மருத்துவச் சேவை அளித்து வரும் டாக்டர் ஜெயச்சந்திரனுக்கு மாமனிதர் விருது, ரூ.1 லட்சத்துக்கான காசோலை, தொழிலதிபர் வி.ஜி.பி.சந்தோஷத்துக்கு வாழ்நாள் சாதனையாளர் விருது என மொத்தம் 112 பேருக்கு விருது வழங்கப்பட்டது. இதற்கான ஏற்பாடுகளை தமிழ்நாடு சுற்றுலா விருது வழங்கும் குழுத் தலைவர் வி.கே.டி.பாலன் உள்ளிட்ட நிர்வாகிகள் செய்திருந்தனர்.

 

 

]]>
https://images.dinamani.com/uploads/user/imagelibrary/2017/3/25/w600X390/pakyaraj.jpg சென்னையில் வெள்ளிக்கிழமை நடைபெற்ற தமிழ்நாடு சுற்றுலா விருது வழங்கும் விழாவில் வாழ்நாள் சாதனையாளர் விருதை வி.ஜி.பி. குழுமத் தலைவர் வி.ஜி.சந்தோஷத்துக்கு வழங்குகிறார் திரைப்பட இயக்குநர் கே.பாக்யராஜ். https://www.dinamani.com/travel/travel-tamilnadu/2017/mar/25/சுற்றுலா-தொழில்-துறையில்-சிறப்பான-சேவை-செய்த-112-பேருக்கு-விருது-2672214.html
2671492 சுற்றுலா தமிழ்நாடு சுற்றுலா பொருள்காட்சி: பார்வையாளர்களைக் கவர்ந்த நிழல் கிராமம் DIN DIN Friday, March 24, 2017 02:44 AM +0530 சுற்றுலா தொழில் பொருள்காட்சியில் நிஜம்போல் இடம் பெற்றுள்ள நிழல் கிராமம் பார்வையாளர்கள், மாணவர்களை வெகுவாகக் கவர்ந்துள்ளது.
சென்னை தீவுத்திடலில் 43 -ஆவது தொழில் பொருள்காட்சியில் பெரியோர், சிறுவர்களை கவரும் கடல்வாழ் மீன்கள், புலி, சிங்கம் உள்ளிட்ட மிருகங்கள் ஆகியவை தத்ரூபமாக வடிவமைக்கப்பட்டுள்ளன.
செயற்கை படகு குளம், ராட்டினம், வீட்டு உபயோகப் பொருள்கள் கண்காட்சி உள்பட பல்வேறு பொழுதுபோக்கு அம்சங்களும் இங்கு இடம்பெற்றுள்ளன. இதனால், நாள்தோறும் பல்வேறு பகுதிகளைச் சேர்ந்த ஆயிரக்கணக்கான பொதுமக்கள் பொருள்காட்சியை ஆர்வத்துடன் பார்வையிட்டுச் செல்கின்றனர்.
நிழல் கிராமம்: குறிப்பாக, தமிழகத்தில் உள்ள சுற்றுலாத் தலங்கள் குறித்த புகைப்படங்களும், தமிழ் கலாசாரத்தை பறைசாற்றும் புகைப்படங்களும் பார்வையாளர்களை வெகுவாக கவர்ந்து வருகின்றன.
இதில், நீலகிரி மலை ரயில் குகைப்பாலத்தில் செல்வது போன்று தத்ரூபமாக வடிவமைக்கப்பட்டிருந்தது. இதேபோல், ஒரு கிராமத்தை அப்படியே கண் முன்னே நிறுத்தும் வகையில், நிழல் மாதிரி கிராமத்தை வடிவமைத்துள்ளனர். அதில் கிராம கோயில் வழிபாடு, ஜல்லிக்கட்டு விளையாடும் இளைஞர்கள், பார்வையாளர்கள் வரிசை, குடிசை வீடுகள், ஆடு, மாடு, கோழிகள், உழவர்கள் மாட்டு வண்டியில் செல்வது, விவசாயப் பணி செய்யும் ஆண்கள், பெண்கள் என மிகவும் தத்ரூபமாக வடிவமைக்கப்பட்டுள்ளது. இது தமிழகத்தின் கலை, பண்பாடு, கலாசாரத்தையும், தமிழர்களின் வாழ்வியல் நடைமுறைகளையும் பறைசாற்றும் வகையில் அமைத்துள்ளதால் பார்வையாளர்கள், மாணவர்களை வெகுவாக கவர்ந்துள்ளன.
இதுகுறித்து சுற்றுலாத் துறை அதிகாரி ஒருவர் கூறியதாவது:
கடந்தாண்டு முக்கிய மலை சுற்றுலாத் தலங்களை அட்டை வடிவமைப்பில் இடம்பெறச் செய்திருந்தோம். இந்த ஆண்டு, நிழல் மாதிரி கிராமத்தை வடிவமைத்து இடம் பெறச் செய்துள்ளோம். இதற்கு பொதுமக்கள், மாணவர்கள் மத்தியில் நல்ல வரவேற்பு கிடைத்துள்ளது. இது, இனிவரும் காலங்களில் நாங்கள் மேலும் சிறப்பாகச் செயல்பட ஊக்கமளிப்பதாக அமைந்துள்ளது என்று அவர் தெரிவித்தார்.

]]>
https://images.dinamani.com/uploads/user/imagelibrary/2017/3/24/w600X390/show1.jpg சென்னை தீவுத்திடலில் சுற்றுலாத் துறை அரங்கில் இடம்பெற்றுள்ள 'நிழல் கிராமம்'. https://www.dinamani.com/travel/travel-tamilnadu/2017/mar/24/சுற்றுலா-பொருள்காட்சி-பார்வையாளர்களைக்-கவர்ந்த-நிழல்-கிராமம்-2671492.html
2667316 சுற்றுலா தமிழ்நாடு மாமல்லபுரம் கடற்கரையில் அகற்றப்படாத குப்பை: சுகாதாரச் சீர்கேட்டால் அவதி DIN DIN Friday, March 17, 2017 02:49 AM +0530 மாமல்லபுரம் கடற்கரையில் அகற்றப்படாத குப்பை மற்றும் பிளாஸ்டிக் கழிவுகளால் அப்பகுதியில் சுகாதாரச் சீர்கேடு ஏற்பட்டுள்ளதாக பொதுமக்கள் தெரிவித்தனர்.
கடந்த 11, 12 ஆகிய தேதிகளில் மாசி மகத் திருவிழாவையொட்டி, மாமல்லபுரம் கடற்கைரயில் பெளர்ணமி நிலவில் பழங்குடி இருளர் சமுதாய மக்கள் தங்களது குலதெய்வமான கன்னியம்மனுக்கு பூஜைகள் செய்து வழிபட்டனர்.
அப்போது, கடற்கரையில் கூடி ஆங்காங்கே மண்ணாலும், சேலைகளாலும் சிறு சிறு குடில்கள் அமைத்து, தங்கள் குடும்பத்தினருடன் தங்கி, உணவு சமைத்து கன்னியம்மனை வழிபட்டனர். அப்போது தங்களது உறவுமுறைக்குள் திருமணம், நிச்சயதார்த்தம் போன்ற நிகழ்ச்சிகளையும் நடத்தினர். இதில், தமிழகத்தில் இருந்து ஆயிரத்துக்கும் மேற்பட்டோர் கலந்து கொண்டனர்.
இதில், அவர்கள் அமைத்த குடில்கள், உணவு சமைத்தப் பொருள்கள், பிளாஸ்டிக் கழிவுகள் ஆகியவற்றை கடற்கரையிலேயே விட்டுவிட்டுச் சென்றனர். விழா முடிந்து ஒரு வாரம் ஆகும் நிலையில், இதுவரை குப்பை மற்றும் பிளாஸ்டிக் கழிவுகள் அகற்றப்படாமல் இருப்பதால் கடற்கரை பகுதியில் துர்நாற்றும் வீசுகிறது. மேலும், இந்தக் கழிவுகள் கடலில் கலப்பதால் கடல் நீரும் பாழாகும் நிலை உள்ளது.
கடற்கரைக்கு வரும் உள்நாட்டு மற்றும் வெளிநாட்டுச் சுற்றுலாப் பயணிகள் நடக்க முடியாமல், முகம் சுளித்தபடி செல்கின்றனர்.
எனவே, மாமல்லபுரம் பேரூராட்சி நிர்வாகம் கடற்கரையில் உள்ள குப்பை, பிளாஸ்டிக் கழிவுகளை உடனடியாக அகற்ற நடவடிக்கை எடுக்க வேண்டும் என பொதுமக்களும், சுற்றுலாப் பயணிகளும் கோரிக்கை விடுத்துள்ளனர்.

 

]]>
https://images.dinamani.com/uploads/user/imagelibrary/2017/3/17/w600X390/mamalapuram.jpg மாமல்லபுரம் கடற்கரையில் அகற்றப்படாமல் உள்ள குப்பை, பிளாஸ்டிக் கழிவுகள். https://www.dinamani.com/travel/travel-tamilnadu/2017/mar/17/மாமல்லபுரம்-கடற்கரையில்-அகற்றப்படாத-குப்பை-சுகாதாரச்-சீர்கேட்டால்-அவதி-2667316.html
2614887 சுற்றுலா தமிழ்நாடு ஜலகாம்பாறை நீர்வீழ்ச்சியில் வெள்ளப் பெருக்கு DIN DIN Wednesday, December 14, 2016 03:00 AM +0530 வர்தா புயல், மழையால் ஜலகாம்பாறை நீர்வீழ்ச்சியில் தண்ணீர் கொட்டுகிறது. இதனால் சுற்றுலா பயணிகள் மகிழ்ச்சியடைந்துள்ளனர்.
வேலூர் மாவட்டத்தில் வாணியம்பாடி, திருப்பத்தூர், ஆலங்காயம் மற்றும் அதனை சுற்றியுள்ள பகுதியில் திங்கள்கிழமை பிற்பகல் முதல் கனமழை பெய்தது. இதன் காரணமாக வாணியம்பாடியை அடுத்த ஏலகிரி மலை அடிவாரத்தில் உள்ள சுற்றுலா தலமான ஜலகாம்பாறை நீர்வீழ்ச்சியில் தண்ணீர் வரத்து அதிகரித்து ஆர்ப்பரித்து கொட்டுகிறது. இதனால் வாணியம்பாடி, திருப்பத்தூர், ஜோலார்பேட்டை உள்ளிட்ட பகுதிகளில் உள்ள பொதுமக்கள் ஜலகாம்பாறை நீர்வீழ்ச்சிக்கு சென்று பார்வையிட்டு அருவியில் உற்சாகத்துடன் நீராடி செல்கின்றனர். மேலும் சுற்றுலாப் பயணிகள் மகிழ்ச்சிஅடைந்துள்ளனர்.
அமிர்தி அருவியில்...
வேலூர், டிச. 13: வேலூர் அருகே அமிர்தி அருவியில் தண்ணீர் விழுந்ததால் விடுமுறை தினமான செவ்வாய்க்கிழமை சுற்றுலாப் பயணிகள் குளித்து மகிழ்ந்தனர்.
வர்தா புயல் காரணமாக ஜவ்வாதுமலையில் திங்கள்கிழமை பலத்த மழை பெய்ததால் அமிர்தி ஆறு, வன உயிரியல் பூங்கா அருகேயுள்ள அருவியில் நீர்வரத்து அதிகரித்துள்ளது. மீலாது நபி பண்டிகையையொட்டி செவ்வாய்க்கிழமை விடுமுறை அறிவிக்கப்பட்டிருந்ததால் அமிர்தி பூங்காவிற்கு வந்திருந்த சுற்றுலாப் பயணிகள் அருவியில் குளித்து மகிழ்ந்தனர்.

 

]]>
https://images.dinamani.com/uploads/user/imagelibrary/2016/12/14/w600X390/falls.jpg ஜலகாம்பாறை நீர் வீழ்ச்சியில் ஆர்ப்பரித்து விழும் தண்ணீர். https://www.dinamani.com/travel/travel-tamilnadu/2016/dec/14/ஜலகாம்பாறை-நீர்வீழ்ச்சியில்-வெள்ளப்-பெருக்கு-2614887.html
2559375 சுற்றுலா தமிழ்நாடு நீர்வரத்து குறைந்ததால் மணிமுத்தாறு அணை மூடல் DIN DIN Friday, September 2, 2016 02:49 PM +0530
நீர்வரத்து குறைந்து, நீர்மட்டம் சரிந்ததையடுத்து, மணிமுத்தாறு அணை வியாழக்கிழமை மூடப்பட்டது.

தென்மேற்குப் பருவமழை நிகழாண்டு குறைந்ததையடுத்து, திருநெல்வேலி மாவட்டத்தில் பிரதான அணைகளின் நீர்மட்டம் வெகுவாக குறைந்து காணப்படுகிறது. மேலும், கடும் வெப்பம், மேற்குத் தொடர்ச்சி மலையில் வறட்சி காரணமாக அணைகளுக்கு நீர்வரத்து இல்லை.

வியாழக்கிழமை காலை நிலவரப்படி பாபநாசம் அணைக்கு விநாடிக்கு 104.24 கனஅடி, மணிமுத்தாறு அணைக்கு விநாடிக்கு 49 கனஅடி, கடனாநதி அணைக்கு விநாடிக்கு 44 கனஅடி, ராமநதி அணைக்கு 21 கனஅடி, அடவிநயினார் அணைக்கு 5 கனஅடி நீர்வரத்து இருந்தது. கருப்பாநதி, குண்டாறு, வடக்குப் பச்சையாறு, நம்பியாறு, கொடுமுடியாறு அணைகளுக்கு நீர்வரத்து இல்லை.

திருநெல்வேலி, தூத்துக்குடி மாவட்ட மக்களின் குடிநீர்த் தேவை, பாசனத் தேவைக்காக  பிரதான அணைகளான பாபநாசம், சேர்வலாறு, மணிமுத்தாறு அணைகளில் இருந்து தண்ணீர் திறக்கப்பட்டுள்ளது. அணைகளின் நீர் இருப்பை பொருத்து தண்ணீர் திறக்கப்பட்டு வருகிறது. அணைகளுக்கு நீர்வரத்து வெகுவாக குறைந்து காணப்படுவதால் மணிமுத்தாறு வியாழக்கிழமை மூடப்பட்டது. பாபநாசம், சேர்வலாறு அணைகளிலிருந்து 850 கனஅடி தண்ணீர் திறந்துவிடப்பட்டுள்ளது. கடனாநதி அணையிலிருந்து 65 கனஅடி, ராமநதி அணையில் 35 கனஅடி, குண்டாறு அணையில் 5 கனஅடி, அடவிநயினார் அணையில் 20 கனஅடி, வடக்குப் பச்சையாறு அணையில் 10 கனஅடி, கொடுமுடியாறு அணையில் 5 கனஅடி தண்ணீர் திறக்கப்பட்டுள்ளது.

அருவிகளில் நீர்வரத்து அதிகரிப்பு: அணைகளுக்கு நீர்வரத்து குறைந்தபோதிலும், பாபநாசம் அகஸ்தியர் அருவி, மணிமுத்தாறு அருவிகளில் நீர்வரத்து கணிசமாக இருந்தது. சுற்றுலாப் பயணிகள் கூட்டமும் அதிகமாகக் காணப்பட்டது.

நீர்மட்டம் நிலவரம்: பாபநாசம் அணையின் நீர்மட்டம் 51 அடி, சேர்வலாறு அணை நீர்மட்டம் 63.10 அடி, மணிமுத்தாறு அணை நீர்மட்டம் 58 அடி, கடனாநதி அணை நீர்மட்டம் 47.20 அடி, ராமநதி அணை நீர்மட்டம் 47 அடி, கருப்பாநதி அணை நீர்மட்டம் 24.77 அடி, குண்டாறு அணை நீர்மட்டம் 30.87 அடி, அடவிநயினார் அணை நீர்மட்டம் 52 அடி, வடக்குப் பச்சையாறு அணை நீர்மட்டம் 11 அடி, நம்பியாறு அணை நீர்மட்டம் 10.95 அடி, கொடுமுடியாறு அணை நீர்மட்டம் 16 அடியாக இருந்தது.

 

]]>
https://images.dinamani.com/uploads/user/imagelibrary/2016/9/2/w600X390/manimuththaaru.jpg https://www.dinamani.com/travel/travel-tamilnadu/2016/sep/02/நீர்வரத்து-குறைந்ததால்மணிமுத்தாறு-அணை-மூடல்-2559375.html
2558928 சுற்றுலா தமிழ்நாடு புதுவைக் கடலில் டிசம்பர் முதல் டால்பின் சுற்றுலா: வனத் துறை திட்டம் DIN DIN Tuesday, August 30, 2016 05:14 PM +0530 புதுவைக் கடலில் டிசம்பர் முதல் டால்பின் சுற்றுலா: வனத் துறை திட்டம்
கோவாவைப் போல புதுச்சேரியிலும் நடுக்கடல் பகுதிக்குச் சுற்றுலாப் பயணிகளை படகில் அழைத்துச் சென்று, டால்பின்களை காண்பிக்கும் திட்டத்தை, வருகிற டிசம்பர் முதல் செயல்படுத்த வனத் துறை திட்டமிட்டுள்ளது.
 கடலில் வாழும் பெரிய மீன் இனங்களில் ஒன்றான டால்பின்கள் மனிதனுடன் நெருங்கிப் பழகும் தன்மையுடையது.
 இந்த டால்பின்கள், புதுவை கடல்பரப்பில் அரிதாக காணப்படுகின்றன. குறிப்பாக, டிசம்பர் முதல் மார்ச் மாதம் வரை புதுவையை ஒட்டிய நடுக்கடல் பகுதியில் அதிகமாகக் காணப்படும் டால்பின்களை சுற்றுலாப் பயணிகள் நேரில் பார்க்கும் வசதிகளை ஏற்படுத்தும் முயற்சியில் புதுவை வனத் துறை ஈடுபட்டுள்ளது.
 இந்தத் திட்டம் குறித்து புதுவை வனப் பாதுகாவலர் குமார் கூறியது: புதுவையில் சூழலியல் சுற்றுலாவை மேம்படுத்தும் முயற்சியில் இறங்கியுள்ளோம். அதன் ஒரு பகுதியாக, பயணிகளை படகில் அழைத்துச் சென்று டால்பின்களை காட்டும் திட்டத்தை செயல்படுத்த நடவடிக்கை எடுக்கப்பட்டுள்ளது.
 பொதுவாக டிசம்பர் முதல் மார்ச் மாதம் வரையில் புதுவை கடல்பரப்புக்கு டால்பின்கள் வரும்.
 அவை கரையில் இருந்து சுமார் ஒரு நாட்டிக்கல் மைல் தொலைவில் நீந்தும். டால்பின்களின் செயல்பாடுகள் தொடர்ந்து கண்காணிக்கப்பட்டு, அவற்றின் வருகையிடங்கள் ஜி.பி.எஸ். தொழில்நுட்பம் மூலம் கண்டுபிடிக்கப்படும்.
 அதன் பின்னர் சுற்றுலா பயணிகளை படகு மூலம் டால்பின்கள் வரும் இடங்களுக்கு அழைத்துச் செல்வோம்.


 இதற்காக அவர்களிடம் கட்டணம் வசூலிக்கப்படும். இது போன்ற டால்பின்களை காட்டும் திட்டம், கோவாவில் செயல்படுத்தப்பட்டு வருகிறது. புதுவையில் இந்தத் திட்டத்தை செயல்படுத்த மத்திய அரசின் உதவி பெறுவதற்கான நடவடிக்கையில் ஈடுபட்டுள்ளோம்.
 டால்பின் சுற்றுலாவுக்கு பயணிகளை அழைத்துச் செல்லும் படகின் விலை சுமார் ரூ.48 லட்சம். அதனால் முதலில் வாடகை படகு மூலம் திட்டத்தை செயல்படுத்தி விட்டு, வருவாய் அதிகரிக்கும்போது சொந்தப் படகு வாங்கப்படும்.


 சூழலியல் (எகோ-டூரிஸம்) சுற்றுலாவின் ஒரு பகுதியாக உள்ள இதனை வனத்துறையே செயல்படுத்தலாம். சுற்றுலாத் துறையின் பங்களிப்பு தேவைப்படாது. அநேகமாக இந்த டிசம்பர் மாதத்திலேயே டால்பின் சுற்றுலாவை தொடங்கும் முனைப்பில் வனத்துறை உள்ளது என்றார் குமார்.
வனத்துக்குள் சைக்கிள் சவாரி
 சூழலியல் சுற்றுலாவின் ஒரு பகுதியாக காட்டுக்குள் சைக்கிளில் சென்று சுற்றிப் பார்க்கும் திட்டம் தொடங்கப்படவுள்ளது.
 காடுகளே இல்லாத புதுச்சேரியில், வனத் துறை உருவாக்கப்பட்ட பிறகு பல இடங்களில் அதிகளவு மரங்கள் நடப்பட்டு, பராமரிக்கப்பட்டு வருகிறது. மேலும், பசுமைப் போர்வையை அதிகரிக்கும் நோக்கில் ஒரே இடத்தில் அதிக மரங்களை நட்டு காடுகளும் உருவாக்கப்பட்டன. இதன் மூலம் புதுவையின் பசுமைப் பரப்பு 17 சதவீதத்துக்கும் மேல் அதிகரித்துள்ளது.


 இது போன்ற செயற்கை வனப்பகுதிகள் மணப்பட்டு, காட்டேரிகுப்பம், வாதானூர் உள்ளிட்ட இடங்களில் உள்ளன.
 இந்த வனப்பகுதிகளில் சிறிய காட்டு உயிரினங்கள், பறவைகள் ஆகியவை வசிக்கின்றன. இவ்வாறு வனப்பகுதிகளில் சூழலியல் சுற்றுலா திட்டத்தை வனத் துறை செயல்படுத்த நடவடிக்கை எடுத்துள்ளது. அதன் ஒரு பகுதியாக புதுவை நகரப் பகுதிக்கு அருகில் உள்ள மணப்பட்டு வனத்தில் சைக்கிள் சவாரி செய்யும் வசதியை ஏற்படுத்த நடவடிக்கை எடுத்துள்ளது. அதன்படி, வனப்பகுதியில் சைக்கிள் செல்லும் அளவுக்கு சிறிய பாதை ஏற்படுத்தப்படும்.
 இந்தப் பாதையில் சைக்கிள்களை ஓட்டிச் சென்று சுற்றுலாப் பயணிகள் வனத்தை சுற்றிப் பார்க்கலாம். இந்தத் திட்டத்தை செயல்படுத்துவதற்கான நடவடிக்கைகள் எடுக்கப்பட்டுள்ளன. இதன் மூலம் வனத் துறைக்கு வருவாய் கிடைக்கும் என்று வனப்பாதுகாவலர் குமார் தெரிவித்தார்.

 

]]>
https://images.dinamani.com/uploads/user/imagelibrary/2016/8/30/w600X390/dolphin.jpg https://www.dinamani.com/travel/travel-tamilnadu/2016/aug/30/புதுவைக்-கடலில்-டிசம்பர்-முதல்-டால்பின்-சுற்றுலா-வனத்-துறை-திட்டம்-2558928.html
2556883 சுற்றுலா தமிழ்நாடு தமிழ்நாட்டுக்கு வரும் சுற்றுலாப் பயணிகள் எண்ணிக்கை அதிகரிப்பு! DIN DIN Wednesday, August 24, 2016 01:10 PM +0530 இந்தியாவில் வெளிநாட்டுச் சுற்றுலா பயணிகள் அதிகம் வந்து போகும் சுற்றுலா தலமாக கோவா, கேரளா, மற்றும் ஜம்மு காஷ்மீர் என்று பொதுவாக கருதப்பட்டாலும், இந்திய சுற்றுலா அமைச்சம் அண்மையில் வெளியிட்டுள்ள ஒரு அறிக்கையில் வெளிநாட்டு சுற்றுலா பயணிகள் அதிகம் வந்து போகும் மாநிலம் தமிழ்நாடு என தெரிவிக்கப்பட்டுள்ளது.

கடந்த 2015ம் ஆண்டு இந்தியாவிற்கு  வந்த வெளிநாட்டு சுற்றுலா பயணிகளில் 20 சதவீதம் பேர் தமிழ்நாட்டிற்கு வந்துள்ளனர். கடந்த ஆண்டு தமிழகம் வெள்ளத்தினால் பாதிக்கப்பட்டிருந்த போதும் சுற்றுலா பயணிகளின் வரத்து இங்கு அதிகமாகவே இருந்தது என தெரியவந்துள்ளது. 2015ம் ஆண்டில் இந்தியாவிற்கு 23 மில்லியன் வெளிநாட்டு சுற்றுலா பயணிகள் வந்துள்ளனர்.

இது 2014ம் ஆன் ஆண்டுடன் ஒப்பிடும் போது 4.4 சதவீதம் அதிகம். வெளிநாட்டு சுற்றுலா பயணிகள் அடிக்கடி வந்து போன மாநிலங்களின் வரிசையில் தமிழகம் முதலிடம் பிடித்துள்ளது.

தமிழகத்திற்கு 4.68 மில்லியன் சுற்றுலா பயணிகளும், மகாராஷ்டிராவில், 4.41 மில்லியன், உத்தரப் பிரதேசத்தில், 3.1 மில்லியன், தில்லியில். 2.38 மில்லியன், மேற்கு வங்கத்தில் 1.49,  ராஜஸ்தான், 1.48 கேரளா 0.98 மில்லியன், கர்நாடகா, 0.64,  மற்றும் கோவாவில் 0.54 மில்லியன் சுற்றுலா பயணிகளும் வந்து போயுள்ளனர்.

மகாராராஷ்டிராவில் சுற்றுலா பயணிகளின் வருகை 18.9 சதவீதமும், உத்தரபிரதேசத்தில் 13.3 சதவீதமும், தில்லியில், 10.2 சதவீதமும், சுற்றுலா பயணிகளின் வருகை இருந்தது. என தெரிவிக்கப்பட்டுள்ளது.

வெளிநாட்டு சுற்றுலா பயணிகள் எளிதாக வந்து செல்ல வசதியான மாநிலமாக  பீகார், அரியானா, குஜராத், கேரளா, புதுச்சேரி மற்றும் தெலுங்கானா உள்ளன.

]]>
Tamil nadu, tourism https://images.dinamani.com/uploads/user/imagelibrary/2016/8/15/w600X390/goa-tourism.jpg https://www.dinamani.com/travel/travel-tamilnadu/2016/aug/15/வெளிநாட்டு-சுற்றுலா-பயணிகள்-2556883.html
2556884 சுற்றுலா தமிழ்நாடு திருமலை நாயக்கர் மகாலில் லேசர் முறையில் ஒலி-ஒளிக் காட்சி DIN DIN Wednesday, August 24, 2016 01:09 PM +0530 மதுரை திருமலை நாயக்கர் மகாலில் லேசர் முறை ஒலி-ஒளிக் காட்சி அமைக்க திட்டமிடப்பட்டு அதற்கான கருத்துரு மத்திய அரசுக்கு அனுப்பிவைக்கப்பட்டுள்ளது.

 மதுரையிலுள்ள திருமலைநாயக்கர் மகால் கி.பி.1636 ஆம் ஆண்டு கட்டப்பட்ட புராதனச் சின்னமாகும். மதுரை வரும் வெளிநாட்டுச் சுற்றுலாப் பயணிகள் அருள்மிகு மீனாட்சிசுந்தரேசுவரர் கோயிலுக்கு அடுத்தபடியாக திருமலைநாயக்கர் மகாலையே அதிகம் பார்வையிடுகின்றனர்.  தொல்லியல் துறை கட்டுப்பாட்டில் உள்ள மகாலில் கடந்த 1981 ஆம் ஆண்டு ஐந்தாம் உலகத்தமிழ் மாநாட்டை முன்னிட்டு ஒலி-ஒளிக் காட்சி அமைக்கப்பட்டது. தினமும் இரவு இரு காட்சிகளாக நடைபெறும் ஒலி-ஒளிக் காட்சியின் மூலம் மதுரை வரலாற்றை தமிழ், ஆங்கிலத்தில் பார்வையாளர்களுக்கு விளக்குகின்றனர்.

 தினமும் குறைந்தது 300 பேர் ஒலி-ஒளிக் காட்சியை கட்டணம் செலுத்தி பார்க்கின்றனர். கடந்த 2009 ஆம் ஆண்டு பல லட்ச ரூபாய் செலவில் ஒலி-ஒளிக்காட்சியானது டிஜிட்டல் முறைக்கு மாற்றி நவீனப்படுத்தப்பட்டது.   ஒலி-ஒளிக் காட்சியின் விளக்கங்களும் புதிதாக அமைக்கப்பட்டன. பாண்டிய மன்னர்கள் வரலாறு, கண்ணகி நீதி கேட்டது என பல விஷயங்களில் புதுமை புகுத்தப்பட்டன. தற்போது ஒலி-ஒளிக்காட்சி சாதனங்களில் அடிக்கடி பழுது ஏற்படுவதாகப் புகார்கள் எழுந்துள்ளன. இதனால் காட்சிகள் ரத்து செய்யப்படும் நிலை ஏற்பட்டுள்ளது. இந்நிலையில், ஒலி-ஒளிக்காட்சியை லேசர் முறைக்கு மாற்றிட மத்திய அரசுக்கு கருத்துரு அனுப்பிவைக்கப்பட்டுள்ளதாக சுற்றுலாத்துறை அதிகாரிகள் கூறினர்.

 தற்போதைய டிஜிட்டல் ஒலி-ஒளிக் காட்சியை லேசர் முறையில் மாற்றிட பல கோடி செலவாகும். மதுரையை பொலிவுறு நகர் திட்டத்தில் அறிவிக்கும் நிலையில், சுற்றுலாப் பயணிகளை ஈர்க்கும் வகையில் மகாலில் லேசர் முறையில் ஒலி-ஒளிக் காட்சி நவீனப்படுத்தப்பட உள்ளதாகவும் சுற்றுலாத்துறை அதிகாரிகள் கூறினர்.

]]>
Nayakar mahal, madurai special https://images.dinamani.com/uploads/user/imagelibrary/2016/8/15/w600X390/thirumalai-nayakar-mahal.jpg https://www.dinamani.com/travel/travel-tamilnadu/2016/aug/15/திருமலை-நாயக்கர்-மகாலில்-லேசர்-முறையில்-ஒலி-ஒளிக்-காட்சி-2556884.html
2505 சுற்றுலா தமிழ்நாடு கொடைக்கானல் பூங்காவில் பூத்துக் குலுங்கும் குருவிப் பூ DIN DIN Monday, August 15, 2016 08:16 AM +0530

கொடைக்கானல் பிரையண்ட் பூங்காவில் பூத்துக் குலுங்கும் குருவிப் பூக்களை சுற்றுலாப் பயணிகள் பார்த்து மகிழ்கின்றனர்.

கொடைக்கானல் வரும் சுற்றுலாப் பயணிகளை வெகுவாக கவரும் இடம் பிரையண்ட் பூங்கா. இங்கு ஆந்தோரியம், டந்தேஸ், சில்வெனியா, பேன்சி, மேரி கோல்ட் உள்ளிட்ட 35 வகையான மலர் செடிகள் திறந்த வெளியில் உள்ளன.    மேலும் ஆர்டிக்ஸ், வெனிசிலா, கல்ரோஜா, வெர்ஜினியா, ரூபேஸ் உள்ளிட்ட 80 வகையான மலர்ச் செடிகள் கண்ணாடி மாளிகைக்குள் பராமரிக்கப்பட்டு வருகின்றன.

 இவை தவிர சீசன் காலங்களிலும் சீசன் இல்லாத (ஆப் சீசன்) காலங்களிலும் ஏராளமான மலர்ச் செடிகள் நடவு செய்யப்படுகின்றன.   இந்நிலையில், ஆப் சீசன் காலமான ஜூன் 15 முதல் செப்டம்பர் மாதம் வரை மட்டுமே பூக்கக் கூடிய குருவிப் பூ தற்போது பிரையண்ட் பூங்காவில் பூத்துக் குலுங்குகிறது. இவற்றை சுற்றுலாப் பயணிகள் வியப்புடன் பார்த்து மகிழ்கின்றனர்.  

இது குறித்து தோட்டக்கலைத்துறை அலுவலர் ஒருவர் கூறியது: கொடைக்கானலில் தற்போது "ஆப் சீசன்" காலமாக இருப்பதால் சீசனுக்கு நடவு செய்யப்பட்ட மலர்கள் தற்போது பெய்து வரும் மழையில் சேதமடைந்துள்ளன.

சேதமடைந்த மலர்களை அகற்றும் பணி நடைபெற்று வருகிறது. இருப்பினும் பூங்காவிற்கு வரும் பயணிகள் பார்த்து ரசிக்கும் வகையில் கண்ணாடி மாளிகைக்குள் உள்ள மலர்களும், குருவிப் பூ, பச்சைரோஜா உள்ளிட்ட பல்வேறு வகையான மலர்களும் பூத்துள்ளன.

விரைவில் குறுகிய காலத்தில் பூத்துக் குலுங்கும் நாற்றுகள் நடவு செய்யப்பட உள்ளன என்றார்.

]]>
Kodaikanal, flowers https://images.dinamani.com/uploads/user/imagelibrary/2016/8/15/w600X390/634936904233607156_bryant-park1.jpg https://www.dinamani.com/travel/travel-tamilnadu/2016/jul/04/கொடைக்கானல்-பூங்காவில்-பூத்துக்-குலுங்கும்-குருவிப்-பூ-2505.html
2604 சுற்றுலா தமிழ்நாடு வேடந்தாங்க-ல் 33 ஆயிரம் வெளிநாட்டுப் பறவைகள்: சுற்றுலாப் பயணிகள் அதிகரிப்பு நாகூர் ரூமி DIN Wednesday, July 13, 2016 04:41 PM +0530

வேடந்தாங்கல் பறவைகள் சரணாலயத்துக்கு 33,360 வெளிநாட்டுப் பறவைகள் வந்து குவிந்துள்ளதால், அவற்றைக் காண சுற்றுலாப் பயணிகள் ஆர்வமுடன் வருகின்றனர்.

தமிழகத்தின் முக்கியமான பறவைகள் சரணாலயமான வேடந்தாங்கலில் சீசன் களைகட்டியுள்ளதால், உள்நாட்டு, வெளிநாட்டு சுற்றுலாப் பயணிகள் வருகை அதிகரித்துள்ளது.

காஞ்சிபுரம் மாவட்டம், வேடந்தாங்கல் பறவைகள் சரணாலயம் கடந்த 1858-ஆம் ஆண்டு முதல் இயங்கி வருகிறது. வேடந்தாங்கல் ஏரியின் நடுவில் கருவேல மரங்களும், கடம்ப மரங்களும் அதிகம் இருக்கின்றன. ஏரியில் நீர்வரத்து அதிகமாக இருக்கும்போது, இம் மரங்களில் தங்கி கூடு கட்டி வாழ்வதற்குத் தகுந்த சூழல் நிலவுவதால், வெளிநாடுகளில் இருந்து பல்லாயிரம் மைல்கள் தாண்டி பறவைகள் இங்கு வந்து செல்கின்றன.

இங்கு ஒவ்வோர் ஆண்டும் அக்டோபர் மாதம் தொடங்கி, மே மாதம் வரை பருவ காலமாக இருக்கும். அப்போது பறவைகள் இங்கு வந்து தங்கி இனவிருத்தி செய்து வம்சத்தைப் பெருக்கிக் கொள்ள சாதகமான சூழல் நிலவுகிறது.

இந்த ஆண்டுக்கான சீசன் தொடங்கி, சரணாலயம் கடந்த ஆண்டு டிசம்பர் 11-ஆம் தேதி பார்வையாளர்களுக்காக திறக்கப்பட்டது. வட கிழக்குப் பருவ மழையால் அதிக அளவில் நீர் இருப்பதாலும், சூழ்நிலை பறவைகளுக்குச் சாதகமாக அமைந்துள்ளதாலும் சுமார் 33,360 வெளிநாட்டுப் பறவைகள் வேடந்தாங்கலுக்கு வந்துள்ளன.

இச் சரணாயத்துக்கு சிங்கப்பூர், ரங்கூன், இலங்கை, மலேசியா போன்ற வெளிநாடுகளில் இருந்து நத்திகொத்திநாரை, சாம்பல் நாரை, வக்கா, நீர்க் காகம், கூழைக்கடா, பாம்புத்தாரா, ஊசிவால் வாத்து, சிறிய வெள்ளைக் கொக்கு, உண்ணி கொக்கு, கரண்டிவாயன், புள்ளிமூக்கு வாத்து, நீளச் சிறகு வாத்து, தட்டவாயன், நாமக்கோழி, மீன்கொத்தி நாரை உள்ளிட்ட வெளிநாட்டு பறவைகள் வந்து குவிந்துள்ளன.

எனவே கடந்த ஆண்டை விட இந்த ஆண்டு சுற்றுலாப் பயணிகளின் வருகை அதிக அளவில் உள்ளது. சீசன் தொடங்கியது முதல் இதுவரை 75,000 சுற்றுலாப் பயணிகள் வந்து சென்றுள்ளனர்.

சரணாலயத்துக்கு வரும் சுற்றுலாப் பயணிகளுக்கு நுழைவுக் கட்டணமாக பெரியவர்களுக்கு ரூ. 5-ம், சிறியவர்களுக்கு ரூ. 2-ம், புகைப்படம் எடுக்க, கேமராவுக்கு ரூ. 150-ம், செல்போன் கேமராவுக்கு ரூ. 25-ம் வசூலிக்கப்படுகிறது.

]]>
https://images.dinamani.com/uploads/user/imagelibrary/2016/7/11/w600X390/vedanthangal.jpg https://www.dinamani.com/travel/travel-tamilnadu/2016/jul/11/வேடந்தாங்க-ல்-33-ஆயிரம்-வெளிநாட்டுப்-பறவைகள்-சுற்றுலாப்-பயணிகள்-அதிகரிப்பு-2604.html
2603 சுற்றுலா தமிழ்நாடு சூரியன் மறையும் நேரத்தில் சந்திரன் உதயம்: சுற்றுலாப் பயணிகள் ஏமாற்றம் நாகூர் ரூமி DIN Monday, July 11, 2016 02:37 PM +0530 சித்ரா பெளர்ணமி தினமான வியாழக்கிழமை சூரியன் மறையும் நேரத்தில் சந்திரன் உதயமாகும் அபூர்வக் காட்சி சரிவர தெரியாததால், கன்னியாகுமரி முக்கடல் சங்கமம் பகுதியில் கூடியிருந்த சுற்றுலாப் பயணிகள் ஏமாற்றம் அடைந்தனர்.
 ஆண்டுதோறும் சித்ரா பெளர்ணமி தினத்தில் தோன்றும் இந்தக் காட்சியை கன்னியாகுமரியில் காண முடியும். அன்று இந்தியா முழுவதிலுமிருந்து ஆயிரக்கணக்கான சுற்றுலாப் பயணிகள் கன்னியாகுமரியில் கூடுவது வழக்கம்.
 நிகழாண்டு இந்த அரிய காட்சியைக் காண ஏராளமான சுற்றுலாப் பயணிகள் கூடியிருந்தனர். மேகமூட்டம் காரணமாக சூரியன் மறையும் காட்சி சரிவர தெரியவில்லை. மேலும், சந்திரன் உதயமாகும் காட்சி 6.40 மணிக்குத்தான் ஓரளவுக்கு தெரிந்தது. இதனால் சுற்றுலாப் பயணிகள் மிகவும் ஏமாற்றத்துடன் திரும்பிச் சென்றனர்.
 

]]>
https://images.dinamani.com/uploads/user/imagelibrary/2016/7/11/w600X390/43.jpg https://www.dinamani.com/sutrula/sutrula-tamilnadu/2016/jul/11/சூரியன்-மறையும்-நேரத்தில்-சந்திரன்-உதயம்-சுற்றுலாப்-பயணிகள்-ஏமாற்றம்-2603.html
2509 சுற்றுலா தமிழ்நாடு அபூர்வ மூலிகைகள் நிறைந்த கொல்லிமலை வனம் நாகூர் ரூமி DIN Monday, July 4, 2016 05:21 PM +0530 கொல்லிமலையில் பல ஆயிரம் ஏக்கரில் அபூர்வ வகை மூலிகைகள் இருந்தும் அவற்றைப் பயன்படுத்தவும், பாதுகாக்கவும் வாய்ப்பு இல்லாத அவல நிலை உள்ளது.
 கூடுவிட்டுக் கூடு பாயும் அதிசய சித்தர்கள் பலர் இன்னும் வாழ்வதாக மக்கள் நம்பிக்கை கொண்டுள்ள இடம்தான் நாமக்கல் மாவட்டத்தில் உள்ள கொல்லிமலை. கடையேழு வள்ளல்களில் ஒருவரான வல்வில்ஓரி ஆட்சி செய்த வளமான மலை நாடு. கடல் மட்டத்தில் இருந்து 1,200 மீட்டர் உயரத்தில், 250 சதுர கி.மீ. பரப்பளவு கொண்ட மூலிகை வனம். இங்கு 30 ஆயிரத்துக்கும் மேற்பட்ட மலைவாழ் மக்கள் வசிக்கின்றனர்.
 14 வருவாய்க் கிராமங்களை (மலை நாடு) உள்ளடக்கிய 250-க்கும் மேற்பட்ட கிராமங்களைக் கொண்டதுமான இந்த மலை நாட்டுக்கு, நவநாகரிக புதிய கலாசாரங்கள் வந்துவிட்டாலும், இங்குள்ள மூலிகைகளும், சிறு தானியங்களும் கொல்லிமலையின் பழைமையைப் பாதுகாத்து வருகின்றன.
 இங்குள்ள மக்கள் ஆயிரக்கணக்கில் உள்ள ஆபூர்வ வகை மூலிகைகளைக் காப்பாற்றி, அழியாது பாதுகாத்து வருகின்றனர். தினை, கேழ்வரகு, சாமை ஆகிய பாரம்பரிய சிறு தானியங்களைப் பல நூறு ஏக்கர்களில் பழைய விவசாய முறைகளை மேற்கொண்டு சாகுபடி செய்து வருகின்றனர்.
 14 மலை நாடுகளில் பரவிக் கிடக்கும் மூலிகைகள்: வாழவந்தி நாடு, வளப்பூர் நாடு, அரியூர் நாடு, தின்னனூர் நாடு, குண்டூர் நாடு, சேளூர் நாடு, தேவனூர் நாடு, ஆலந்தூர் நாடு, குண்டனி நாடு, திருப்புலி நாடு, எடப்புலி நாடு, சித்தூர் நாடு, பெரக்கரை நாடு, பெயில் நாடு என 14 வருவாய்க் கிராமங்களில் லட்சக்கணக்கில் மூலிகைகளும், ஆதி காலத்து சிறு தானியங்களும் பரவிக் கிடக்கின்றன.
 மூலிகைகளில் ஜோதிப் புல், சாய்ந்தாடும் பாவை, கருநெல்லி, சிவப்புக் கற்றாழை, கருவாழை, சிவப்புக் கடுக்காய், ரோமவிருட்சம் ஆகியவை குறிப்பிடத்தக்கவை.
 ஜோதிப் புல் ஒன்றைப் பிடுங்கி தீயில் பற்றவைக்க மெழுகுவர்த்தி போல விடியவிடிய சுடர்விட்டு வெளிச்சம் தருமாம். இன்றும் இந்த மலையில் உள்ள குகைகளில் தங்கியிருக்கும் சித்தர்கள் பலருக்கு இரவு நேர வெளிச்சம் கொடுப்பது இந்த ஜோதிப்புல்தானாம்.
 இதேபோல, ரோம விருட்சம் என்ற மரத்தின் இலைகளை அரைத்து 45 நாள்கள் தலையில் தேய்த்து, கொல்லிமலையில் உள்ள ஆகாய கங்கை அருவியில் குளித்துவர தலை முடி உதிர்வது உடனே நின்று, கருகரு முடியைப் பெறலாம் எனக் கூறப்படுகிறது.
 கொல்லிமலையில் உள்ள அடர் வனங்களில் இயற்கையில் விளையும் ஒரு வாழைதான் கல் வாழை, இந்தப் பழத்தை இரண்டு மண்டலம் (90 நாள்கள்) சாப்பிட்டு வர, பெருத்த தேகம் கொண்டோர் இளைத்து சராசரியான தேகத்தைப் பெறுவார்களாம்.
 ஆதள மூலிகைச் செடியின் இலையைக் கிள்ளினால் அதில் ஒருவித பால் கசியுமாம். அந்தப் பாலுடன் கரும் பூனையின் முடியைக் கலந்து செம்பு பாத்திரத்தில் ஊற்றி, சூடு செய்து சுண்டவைத்து, அதை மலைத் தேன் கொண்டு பிசைந்து, சிறு உருண்டையாக்கி, அதை செப்புத் தகடு எந்திரத்தினுள் இட்டு 6 மாதங்களுக்கு மூடி வைக்க வேண்டுமாம். 6 மாதங்கள் கழித்து செப்புத் தகட்டை நீக்கிவிட்டு சிறு உருண்டைகளை வாயில் போட்டு அதக்கிக் கொண்டால் யார் கண்ணுக்கும் தெரியாமல் மனிதர்கள் மாயமாக மறைந்து விடுவார்களாம். அத்தகைய ஆற்றல் கொண்ட அபூர்வ மூலிகைதான் ஆதளம். இந்த அபூர்வ மூலிகையின் சக்தியால்தான் இன்றளவும் பல சித்தர்கள் யார் கண்ணுக்கும் புலப்படாமல் வாழ்ந்து வருவதாக நம்பப்படுகிறது.
 இதுபோன்று இந்தப் பகுதியில் பல ஆயிரம் மூலிகைகள் இங்கு பயன் தெரியாமல், பாதுகாப்பும் இல்லாமல் மறைந்து கிடக்கின்றன.
 மாறாத சிறுதானியங்கள் சாகுபடி: கொல்லிமலை 14 மலை நாடுகளில் உள்ள மலைவாழ் மக்களின் முக்கியத் தொழில் விவசாயம்தான். வீரிய ஒட்டு ரகங்கள், மரபணு மாற்று விதைகள் என்று நவீன விவசாயம் இங்கும் வந்துவிட்டாலும், இங்குள்ள மக்கள் பலரும் கேழ்வரகு, தினை, சாமை ஆகிய மூன்று சிறு தானியங்களைப் பல நூறு ஆண்டுகளாக, பல ஆயிரம் ஏக்கர்களில் பயிரிட்டு வருகின்றனர்.
 டிராக்டர், ரசாயன உரம், பூச்சி மருந்து என்று பசுமைப் புரட்சி சில ஆண்டுகளுக்கு முன்னர் மலை மீது ஏறிவிட்டபோதிலும், பாரம்பரிய விவசாயத்தைக் கைவிடாமல் பழைமைப் புரட்சி செய்து வருகின்றனர் இந்த மக்கள்.
 பழைமைக்கும், பாரம்பரியத்துக்கும் பாதுகாப்பு தேவை: இதுகுறித்து தமிழ்நாடு பழங்குடியினர் மலையாளி நலச் சங்க மாநிலத் தலைவர் கே. குப்புசாமி கூறியதாவது:
 கொல்லிமலையில் ஒரு லட்சத்துக்கும் மேற்பட்ட மூலிகை வகைகள், உடல் நலன் காக்கும் பழ வகைகள், சிறு தானியங்கள் உள்ளன. இவற்றைப் பயன்படுத்த பல கட்டுப்பாடுகள் உள்ளன. ஆனால், இவற்றைப் பாதுகாக்க எந்த ஏற்பாடும் இல்லை.
 மூலிகை ஆராய்ச்சி மையம், வேளாண் வணிகத் துறை மூலம் சிறு தானியச் சந்தை, பழச் சந்தை ஆகியவற்றை கொல்லிமலையின் அமைப்பதன் மூலம், இந்தப் பொக்கிஷங்களைப் பாதுகாக்கவும், மக்களின் நலன் காக்கும் வகையில் பயன்படுத்தவும் முடியும் என்றார் அவர்.
 

]]>
https://images.dinamani.com/uploads/user/imagelibrary/2016/7/4/w600X390/mount.jpg https://www.dinamani.com/sutrula/sutrula-tamilnadu/2016/jul/04/அபூர்வ-மூலிகைகள்-நிறைந்த-கொல்லிமலை-வனம்-2509.html
2508 சுற்றுலா தமிழ்நாடு புதுப்புது வண்ணங்களில் பொலிவு பெறும் காந்தி மண்டபம்: சுற்றுலாப் பயணிகள் மகிழ்ச்சி நாகூர் ரூமி DIN Monday, July 4, 2016 05:14 PM +0530 சர்வதேச சுற்றுலாத் தலமான கன்னியாகுமரி கடற்கரையில் அமைக்கப்பட்டுள்ள காந்தி மண்டபம் அடிக்கடி புதுப்பொலிவுடன் நிறம் மாற்றப்படுவதால் சுற்றுலாப் பயணிகள் அதை ஆர்வத்துடன் பார்த்துச் செல்கின்றனர்.

கன்னியாகுமரியில் மகாத்மா காந்தியின் அஸ்தியின் ஒரு பகுதி வைக்கப்பட்ட இடத்தில் நினைவு மண்டபம் அமைக்கப்பட்டுள்ளது. இந்த மண்டபம், 1956-ஆம் ஆண்டு கட்டப்பட்டது. இதில் உள்ள மையக் கூண்டு 79 மீட்டர் உயரம் கொண்டது. இது காந்தியடிகளின் வயதைக் குறிப்பிடுவதாக உள்ளது. இந்த மண்டபத்தினுள் காந்தியடிகளின் வாழ்க்கை வரலாறு, சுதந்திரப் போராட்டத்தில் அவரது பங்களிப்புகள் அனைத்தும் கல்வெட்டுகளாகவும், ஓவியங்களாகவும் தமிழ், ஆங்கிலம் ஆகிய மொழிகளில் இடம்பெற்றுள்ளன. இதை உலகம் முழுவதிலுமிருந்து வருகை தரும் சுற்றுலாப் பயணிகள் பார்வையிட்டுச் செல்கின்றனர்.

காந்தியடிகளின் பிறந்த நாளான அக்டோபர் 2-ஆம் தேதி சூரிய கதிர்கள் காந்தியின் அஸ்தி வைக்கப்பட்டிருந்த இடத்தில் விழும்படி இந்த மண்டபம் அமைக்கப்பட்டுள்ளது இதன் சிறப்பாகும். அன்றைய தினம் அரசு சார்பில் பல்வேறு நிகழ்ச்சிகள் நடைபெறும். அரசு அதிகாரிகள், மக்கள் பிரதிநிதிகள், பொதுமக்கள், சுற்றுலாப் பயணிகள் காந்தி அஸ்தி கட்டடத்தில் மரியாதை செலுத்துவார்கள். இந்த மண்டபம் நாள்தோறும் காலை 7 மணி முதல் இரவு 7 மணி வரை திறந்து வைக்கப்பட்டிருக்கும். இதைப் பார்வையிட சுற்றுலாப் பயணிகளிடம் கட்டணம் வசூலிக்கப்படுவதில்லை.

உலகம் முழுவதிலும் இருந்து வரும் சுற்றுலாப் பயணிகளைக் கவரும் வகையில் இந்த மண்டபம் அடிக்கடி வெவ்வேறு வண்ணங்களில் புதுப்பிக்கப்பட்டு வருகிறது. ஒருமுறை பார்க்கும் சுற்றுலாப் பயணிகள் அடுத்தமுறை வந்து மீண்டும் இதைப் பார்க்கும்போது புதுவண்ணம் பெற்றிருப்பதால் மண்டபத்தின் முன் நின்று ஆர்வத்துடன் புகைப்படம் எடுத்துச் செல்கின்றனர்.

]]>
https://images.dinamani.com/uploads/user/imagelibrary/2016/7/4/w600X390/kumari.jpg https://www.dinamani.com/sutrula/sutrula-tamilnadu/2016/jul/04/புதுப்புது-வண்ணங்களில்-பொலிவு-பெறும்-காந்தி-மண்டபம்-சுற்றுலாப்-பயணிகள்-மகிழ்ச்சி-2508.html
2507 சுற்றுலா தமிழ்நாடு ஜவ்வாது மலையில் கோடை விழா தொடக்கம் நாகூர் ரூமி DIN Monday, July 4, 2016 05:11 PM +0530 திருவண்ணாமலை மாவட்டம், போளூர் அடுத்த ஜவ்வாதுமலை ஒன்றியம், ஜமுனாமரத்தூரில் 19ஆவது கோடை விழா சனிக்கிழமை தொடங்கியது.

ஜமுனாமரத்தூர் வனத்துறை அரசு மேல்நிலைப் பள்ளியில் நடைபெற்ற தொடக்க விழாவில் மாவட்ட ஆட்சியர் அ.ஞானசேகரன் தலைமை வகித்தார்.

வருவாய் அலுவலர் சா.பழனி, கோட்டாட்சியர் உமா மகேஸ்வரி, மாவட்ட ஊராட்சிக்குழுத் தலைவர் எம்.எஸ்.நைனாகண்ணு ஆகியோர் முன்னிலை வகித்தனர். மாவட்ட சுற்றுலா அலுவலர் (பொறுப்பு) ப.சு.செல்வராஜ் வரவேற்றார்.

கோடை விழாவையொட்டி அமைக்கப்பட்டிருந்த அரசின் பல்துறை பணிவிளக்க கண்காட்சியைத் திறந்து வைத்து தமிழக சுற்றுலாத்துறை அமைச்சர் வெல்லமண்டி என்.நடராஜன் பேசுகையில், தமிழக முதல்வர் ஜெயலலிதா சிறு, குறு விவசாயிகளின் கடன் தள்ளுபடி, அனைத்து வீடுகளுக்கும் 100 யூனிட் இலவச மின்சாரம், தாலிக்கு தங்கம் வழங்கும் திட்டத்தின் கீழ் 4 கிராமில் இருந்து 8 கிராமாக உயர்வு உள்ளிட்ட பல்வேறு திட்டங்களை அறிவித்து செயல்படுத்தி வருகிறார்.

ஜவ்வாதுமலையில் 5 ஆயிரம் ஆண்டுகளுக்கு முன்பு குள்ளர்கள் வாழ்ந்த வாலிபாறை கற்குகைகள் உள்ளன.

சுற்றுலாப் பயணிகள் கண்டு மகிழும் வகையிலான சிறுவர் பூங்கா, பீமன் நீர்வீழ்ச்சி, கோவிலூர் ஏரி, தென்மலை அத்திப்பட்டு நீர்மத்தி மரம், மேல்பட்டு கிராமத்தில் ஆங்கிலேயர் காலத்தில் கட்டப்பட்ட கண்ணாடி மாளிகை, 1000 ஆண்டுகள் பழைமையான வனத்துறை மூலிகைப் பண்ணை ஆகியை அமைந்துள்ளன.

இத்தனை சிறப்புகள் வாய்ந்த ஜவ்வாதுமலையை சுற்றுலா தலமாக அறிவிக்க வேண்டும் என்று இங்கு பேசிய பலர் குறிப்பிட்டனர். எனவே, முதல்வரின் கவனத்துக்கு கொண்டு சென்று ஜவ்வாதுமலை தமிழகத்தின் சிறந்த சுற்றுலா தலமாக மேம்படுத்தப்படும் என்றார்.

தமிழக இந்து சமய அறநிலையத் துறை அமைச்சர் சேவூர் எஸ்.ராமச்சந்திரன் கோடை விழாவைத் தொடங்கி வைத்து, ரூ.97 லட்சம் மதிப்பிலான நலத்திட்ட உதவிகளை வழங்கிப் பேசினார்.

விழாவில், செஞ்சி வெ.ஏழுமலை எம்.பி., செய்யாறு எம்எல்ஏ தூசி கே.மோகன், மாவட்ட வன அலுவலர் இரா.தன்னப்பன், ஊரக வளர்ச்சி முகமை திட்ட இயக்குநர் மா.காளிதாசன், ஜவ்வாதுமலை ஒன்றியக் குழுத் தலைவர் கோ.ராஜமாணிக்கம், மாவட்ட வழங்கல் அலுவலர் சாவித்திரி, கலால் உதவி ஆணையர் எஸ்.பானு உள்பட பலர் கலந்து கொண்டனர்.

]]>
https://www.dinamani.com/sutrula/sutrula-tamilnadu/2016/jul/04/ஜவ்வாது-மலையில்-கோடை-விழா-தொடக்கம்-2507.html
2506 சுற்றுலா தமிழ்நாடு தனுஷ்கோடி கடலில் சுற்றுலா பயணிகள் நீராடுவதால் ஆபத்து நாகூர் ரூமி DIN Monday, July 4, 2016 05:10 PM +0530

ராமேசுவரம் தனுஷ்கோடி கடல் பகுதியில் தடையை மீறி நீராடும் சுற்றுலாப் பயணிகள் மீது காவல் துறையினர் நடவடிக்கை எடுக்க வேண்டும் என கோரிக்கை எழுந்துள்ளது.

ராமேசுவரம்  ராமநாதசுவாமி திருக்கோயிலுக்கு தினசரி ஆயிரக்கணக்கான பக்தர்களும், சுற்றுலா பயணிகளும் வருகின்றனர். இவர்கள் கோயிலில் சுவாமி தரிசனம் செய்த பின்னர் புயலால் அழிந்தபோன தனுஷ்கோடி பகுதியை பார்வையிடுவதற்காக செல்கின்றனர்.

முகுந்தராயர் சத்திரம் பகுதி முதல் தனுஷ்கோடி வரை தென் கடலில் சுற்றுலாப் பயணிகளும், பக்தர்களும் நீராடுகின்றனர். இந்த கடல் பகுதியில் கடலில் நீரோட்டமும், நீரின் சுழற்சியும் அதிகமாக இருக்கும். இங்கு குளித்த பலர் அலையில் சிக்கி உயிரிழந்துள்ளனர். இதனால் இங்கு குளிக்க தடை விதிக்கப்பட்டுள்ளது.

இந்நிலையில் ஞாயிற்றுக்கிழமை இப்பகுதியில் தடையை மீறி இளைஞர்களும் பெண்களும் நீராடினர். உயிரிழப்புகள் ஏற்படாமல் இருக்கும் வகையில் இங்கு நீராடுவோர் மீது காவல்துறை நடவடிக்கை எடுக்க வேண்டும் என இப்பகுதியில் வசிக்கும் மீனவர்கள் கோரிக்கை விடுத்துள்ளார்.

]]>
https://www.dinamani.com/sutrula/sutrula-tamilnadu/2016/jul/04/தனுஷ்கோடி-கடலில்-சுற்றுலா-பயணிகள்-நீராடுவதால்-ஆபத்து-2506.html
1001 சுற்றுலா தமிழ்நாடு அரபிக் பாடத்தில் ஆம்பூர் மாணவி மாநிலத்தில் மூன்றாமிடம் kirthika PTI Thursday, May 26, 2016 05:45 PM +0530    ஆம்பூர்,, பத்தாம் வகுப்பு அரசு தேர்வில் அரபிக் பாடத்தில், ஆம்பூர் ஹபீபியா ஓரியண்டல் அரபிக் பெண்கள் மேல்நிலைப் பள்ளி மாணவி தாஹியா தஸீன் (படம்) மாநில அளவில் மூன்றாமிடம் பிடித்தார். அரபிக் பாடத்தில், மாணவி தாஹியா தஸீன் 97 மதிப்பெண்கள் பெற்றார். பாடவாரியாக இவர் பெற்ற மதிப்பெண்கள் விவரம்: அரபிக்-97, ஆங்கிலம்-84, கணிதம்-54, அறிவியல்-91, சமூக அறிவியல்-95. மொத்தம் 421. மென்பொருள் பொறியாளர் ஆவதே தனது லட்சியம் என்று அவர் தெரிவித்தார். மாநில அளவில் 3-ஆம் இடம் பிடித்த மாணவியை பள்ளியின் தாளாளர் எம்.ஷாஹித் அஹமத், தலைமை ஆசிரியை எஸ்.ஜெ.முஜிபுன்னிசா, அரபிக் ஆசிரியை பி.கமருன்னிசா, மாணவியின் தந்தை பி.நிசாத் அஹமத், தாய் உமைரா ஜரீன் ஆகியோர் பாராட்டி வாழ்த்து தெரிவித்தனர்.

]]>
https://www.dinamani.com/sutrula/sutrula-tamilnadu/2016/may/26/அரபிக்-பாடத்தில்-ஆம்பூர்-மாணவி-மாநிலத்தில்-மூன்றாமிடம்-1001.html
1000 சுற்றுலா தமிழ்நாடு உருது பாடத்தில் மாநில அளவில் முதல் மூன்று இடங்களைப் பிடித்து ஆம்பூர் மாணவிகள் சாதனை ஆம்பூர், PTI Thursday, May 26, 2016 05:44 PM +0530 பத்தாம் வகுப்புத் தேர்வில் உருது பாடத்தில் மாநில அளவில் முதல் மூன்று இடங்களைப் பிடித்து ஆம்பூர் ஹசனாத்-இ-ஜாரியா பெண்கள் மேல்நிலைப் பள்ளி மாணவிகள் சாதனை படைத்தனர்.
 ஆம்பூர் ஹசனாத்-இ-ஜாரியா பெண்கள் மேல்நிலைப் பள்ளி மாணவி அஃபீஃபா பத்தூல் உருது பாடத்தில் 98 மதிப்பெண்கள் பெற்று மாநில அளவில் முதலிடம் பிடித்தார். இவர் பாடவாரியாக பெற்றுள்ள மதிப்பெண்கள்: உருது-98, ஆங்கிலம்-92, கணிதம்-100, அறிவியல்-93, சமூக அறிவியல்-98. இவரது மொத்த மதிப்பெண்கள் 481. இவரது தந்தை முஹம்மத் பாஷா ஆம்பூரில் உள்ள பள்ளி வாசலில் பணிபுரிகிறார். தாய் யாஸ்மீன் பிர்தோஸ். மாணவி அஃபீஃபா பத்தூல் ஆசிரியை ஆக விரும்புவதாக தெரிவித்தார்.
 அதே பள்ளியைச் சேர்ந்த மாணவி நிஹாலா கெளனைன் ரூமி. உருது பாடத்தில் 98 மதிப்பெண் பெற்று மாநில அளவில் இரண்டாமிடம் பிடித்துள்ளார். அவர் பாடவாரியாக பெற்றுள்ள மதிப்பெண்கள்: உருது-98, ஆங்கிலம்-94, கணிதம்-90, அறிவியல்-97, சமூக அறிவியல்-99, மொத்தம் 478. இவரது தந்தை முஹம்மத் சயீத்துல்லா ரூமி அரபிக் மதர்ஸாவில் பணிபுரிகிறார். தாய் இஸ்ரத் நாஸ்னீன். மாணவி நிஹாலா கெளனைன் ரூமி எதிர்காலத்தில் மென்பொருள் பொறியாளர் ஆவதே விருப்பம் எனத் தெரிவித்தார். அதே பள்ளியைச் சேர்ந்த மாணவி நீலுஃபர் நாஜ் உருது பாடத்தில் 98 மதிப்பெண்கள் பெற்று மாநில அளவில் மூன்றாமிடம் பிடித்துள்ளார். பாடவாரியாக பெற்றுள்ள மதிப்பெண்கள்: உருது-98, ஆங்கிலம்-84, கணிதம்-100, அறிவியல்-95, சமூக அறிவியல்-100. மொத்தம் 477 மதிப்பெண்கள். இவரது தந்தை தௌலத் பாஷா, தாய் ஷாஜிதா. இவர் மருத்துவர் ஆவதே விருப்பம் என்றார்.
 மாநில அளவில் முதல் மூன்று இடங்களைப் பிடித்த மாணவிகளை முஸ்லிம் கல்விச் சங்க தலைவர் என். முஹம்மத் ஜக்கரியா, தாளாளர் என். முஹம்மத் சயீத், செயற்குழு உறுப்பினர் பிர்தோஸ் கே.அஹமத், தலைமை ஆசிரியை முதஹ்ஹிரா பேகம் ஆகியோர் பாராட்டி வாழ்த்தினர்.
 இப்பள்ளி கடந்த 5 ஆண்டுகளாக 12-ஆம் வகுப்பு தேர்வில் 100 சதவீத தேர்ச்சியும், கடந்த 3 ஆண்டுகளாக 10-ஆம் வகுப்பு தேர்வில் 100 சதவீத தேர்ச்சியும் பெற்று வருவது குறிப்பிடத்தக்கது.
 

]]>
https://www.dinamani.com/sutrula/sutrula-tamilnadu/2016/may/26/உருது-பாடத்தில்-மாநில-அளவில்-முதல்-மூன்று-இடங்களைப்-பிடித்து-ஆம்பூர்-மாணவிகள்-சாதனை-1000.html
998 சுற்றுலா தமிழ்நாடு கொளத்தூரில் ஸ்டாலின்: வீதி வீதியாகச் சென்று வாக்காளர்களுக்கு நன்றி தெரிவித்தார் (புகைப்படங்கள்) kirthika PTI Thursday, May 26, 2016 05:43 PM +0530 சென்னை : திமுக பொருளாளர் மு.க.ஸ்டாலின் நேற்று கொளத்தூர் தொகுதியில் வீதி வீதியாக சென்று வாக்காளர்களுக்கு நன்றி தெரிவித்தார். அவருக்கு பல்லாயிரக்கணக்கானோர் திரண்டு உற்சாக வரவேற்பு அளித்தனர்.

தமிழ்நாடு சட்டப்பேரவையின் உறுப்பினராக நேற்று பதவி ஏற்றுக்கொண்ட திமுக பொருளாளர் தளபதி மு.க.ஸ்டாலின், தன்னை சட்டமன்ற உறுப்பினராக தேர்வு செய்த கொளத்தூர் தொகுதி வாக்காளர்களுக்கு வீதி வீதியாக சென்று நேரில் நன்றி தெரிவித்தார். பல்லாயிரக்கணக்கான பொது மக்கள் சாலைகளின் இருபுறங்களிலும் திரண்டு நின்று மு.க.ஸ்டாலினுக்கு ஆராவார வரவேற்பு அளித்தனர். ஏராளமானோர் அவருக்கு கை குலுக்கியும், சால்வை அணிவித்தும், மலர் மாலைகள் அணிவித்தும் வாழ்த்து தெரிவித்தனர்.

 

 

 

மேலும் இளைஞர்கள், மாணவ, மாணவியர் உட்பட ஏராளமானோர் அவருடன் ஆர்வத்துடன் செல்பீ புகைப்படம் எடுத்து மகிழ்ந்தனர்.

 

 

 

நேற்று இரவு 9 மணி வரை திறந்த ஜீப்பில் நின்றபடி வாக்காளர்களுக்கு இரு கரம் கூப்பி நன்றி தெரிவித்தார். ஏற்கனவே கடந்த 23-ம் தேதியன்று கொளத்தூர் தொகுதி, கிழக்கு பகுதிக்கு உட்பட்ட 30-க்கும் மேற்பட்ட பகுதிகளில் வீதி வீதியாக சென்று வாக்காளர்களுக்கு நன்றி தெரிவித்த  மு.க.ஸ்டாலின் நேற்று மேற்கு பகுதி வாக்காளர்களுக்கு நன்றி தெரிவித்தார்.

 

 

]]>
https://www.dinamani.com/sutrula/sutrula-tamilnadu/2016/may/26/கொளத்தூரில்-ஸ்டாலின்-வீதி-வீதியாகச்-சென்று-வாக்காளர்களுக்கு-நன்றி-தெரிவித்தார்-புகைப்படங்கள்-998.html
993 சுற்றுலா தமிழ்நாடு ஆக்கப்பூர்வமானதாக மாறுகிறதா தமிழக அரசியல் நிலவரம் kirthika PTI Thursday, May 26, 2016 05:33 PM +0530

சென்னை : நீர் அடித்து நீர் விலகாது என்பது போல... நான், நீ என போட்டிப் போட்டுக் கொண்டு எத்தனையோ அணிகள் வந்தும், தமிழக மக்கள் அதிமுகவுக்கும், திமுகவுக்கும் மட்டுமே தங்களது வாக்குகளை செலுத்தியுள்ளனர்.

இந்த தேர்தலில் ஆளுங்கட்சியை அப்படியே வைத்துக் கொண்டு, எதிர்க்கட்சியைத்தான் மாற்றியமைத்துள்ளனர். அந்த வகையில் பலமான எதிர்க்கட்சியாக திமுகவுக்கு மிகச் சிறந்த பொறுப்பை மக்கள் வழங்கியுள்ளதாகவே கருத வேண்டும்.

மீண்டும் தங்களுக்கு வாய்ப்பு கொடுத்து ஆட்சியில் அமர வைத்த மக்களுக்கு நல்லாட்சியை வழங்க வேண்டும் என்ற எண்ணத்தோடு தமிழக முதல்வராக ஜெயலலிதா ஆட்சி பீடத்தில் அமர்ந்துள்ளார்.

வெற்றிக் கனியைத் தராவிட்டாலும், எதிர்க்கட்சி என்ற மிகப்பெரிய பலத்தை மக்கள் அளித்திருப்பதால் அந்த பொறுப்பை உணர்ந்து செயல்படும் நோக்கத்தோடு திமுகவும் சட்டப்பேரவைக்குள் காலடி எடுத்து வைத்துள்ளது.

இந்த நிலையில், முன்னெப்போதும் இல்லாத ஒரு அரசியல் சூழல் தமிழகத்தில் ஏற்பட்டுள்ளது. அதாவது, தமிழக முதல்வராக ஜெயலலிதா பதவியேற்கும் விழாவுக்கு திமுக தலைவர் கருணாநிதிக்கும், பொருளாளர் ஸ்டாலினுக்கும் அழைப்பு அனுப்பப்பட்டது.

அது வெறும் சம்பிரதாய அழைப்பு என்று விட்டுவிடாமல், திமுக சார்பில் மு.க. ஸ்டாலின் பதவியேற்பு விழாவில் கலந்து கொண்டு தமிழக மக்களை ஆச்சரியத்தில் ஆழ்த்தினார்.

ஸ்டாலின் பின் வரிசையில் அமர்த்தப்பட்டதால், கருணாநிதிக்கும் சற்று கோபம் வந்தது. அவரது கண்டனத்தையும் வெளிப்படுத்தினார்.

ஆனால், அந்த கண்டனத்துக்கு உடனடியாக வருத்தம் தெரிவித்த ஜெயலலிதா, இது வேண்டுமென்றே நடந்த தவறல்ல என்று விளக்கமும் அளித்திருந்தார்.

அதோடு விட்டுவிடாமல், எதிர்க்கட்சித் தலைவராக பொறுப்பேற்றிருக்கும் ஸ்டாலினுக்கு வாழ்த்துகளையும், ஆளுங்கட்சியுடன், எதிர்க்கட்சி இணைந்து தமிழக மேம்பாட்டுக்காக பணியாற்ற அழைப்பும் விடுத்திருந்தார்.

அடடா.. இது அல்லவா ஆரோக்கியமான அரசியல் என்று தமிழக மக்கள் மூக்கின் மீது விரல் வைப்பதற்குள், அடுத்த நாள் சட்டப்பேரவையில் சந்தித்துக் கொண்ட ஜெயலலிதாவும் ஸ்டாலினும் பரஸ்பரம் வணக்கம் தெரிவித்துக் கொண்டது பெரிதாகப் பேசப்பட்டது.

ஆட்சிப் பொறுப்பேற்றதுமே, டாஸ்மாக் நேரம் குறைப்பு, 500 கடைகள் மூடல், 100 யூனிட் மின்சாரச் சலுகை என அதிரடியான அறிவிப்புகளை வெளியிட்டார் ஜெயலலிதா.

மக்களின் தீர்ப்பு மகேசன் தீர்ப்பு என்பார்கள். எனவே, வழக்கம் போல ஆட்சி மாற்றத்தை ஏற்படுத்தாமல், அதிமுகவையே மீண்டும் ஆட்சியில் அமரவைத்த மக்களின் தீர்ப்பு நிச்சயம் நல்ல பாதையிலேயே தமிழகத்தை பயணிக்க வைக்க உதவும் என்று நம்பலாம்.

மாறி வரும் அரசியல் ஆக்கப்பூர்வமானதாகவும் மாறும் என நம்பலாம்.

]]>
https://images.dinamani.com/uploads/user/imagelibrary/2016/5/26/w600X390/admk-dmk.jpg admk-dmk https://www.dinamani.com/sutrula/sutrula-tamilnadu/2016/may/26/ஆக்கப்பூர்வமானதாக-மாறுகிறதா-தமிழக-அரசியல்-நிலவரம்-993.html