Dinamani - தமிழ்நாடு - https://www.dinamani.com/tamilnadu/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3235613 தமிழ்நாடு ஆறுகள் மாசுபடுவதைத் தடுக்க நடவடிக்கை:  தமிழக முதல்வர் கே. பழனிசாமி உறுதி DIN DIN Monday, September 16, 2019 04:51 AM +0530 தமிழக ஆறுகள் மாசுபடுவதைத் தடுக்க நடவடிக்கை எடுக்கப்படும் என முதல்வர் எடப்பாடி கே.பழனிசாமி தெரிவித்தார். 

தென்னிந்தியாவின் உயிர்நாடியான காவிரி நதிக்கு புத்துயிரூட்டவும், அதை சார்ந்துள்ள விவசாயிகளின் வாழ்வாதாரத்தை மேம்படுத்தவும் "காவிரி கூக்குரல்' இயக்கத்தை ஈஷா அறக்கட்டளை நிறுவனர்  ஜக்கி வாசுதேவ் தொடங்கியுள்ளார். 

இந்த இயக்கத்தின் மூலம் தமிழகம் மற்றும் கர்நாடகத்தின் காவிரி நதிப் படுகையில் அமைந்துள்ள விவசாய நிலங்களில் 12 ஆண்டுகளில் 242 கோடி மரங்கள் நட திட்டமிடப்பட்டுள்ளது.  இந்த இயக்கத்தில் இரு மாநில அரசுகள், விவசாயிகள் மற்றும் மக்களின் பங்களிப்பை அதிகரிப்பதற்காக தலைக்காவிரியில் இருந்து கடந்த 3-ஆம் தேதி சத்குரு ஜக்கி வாசுதேவ் தனது மோட்டார் சைக்கிள் பேரணியைத் தொடங்கினார்.  கர்நாடகத்தில் இருந்து ஒசூர் வழியாக தமிழகம் வந்தடைந்த இந்தப் பேரணி, தருமபுரி, மேட்டூர், ஈரோடு, திருச்சி, தஞ்சாவூர், திருவாரூர், புதுச்சேரி வழியாக ஞாயிற்றுக்கிழமை சென்னையை வந்தடைந்தது. 

இதைத் தொடர்ந்து சென்னைப் பல்கலைக்கழக வளாகத்தில் ஞாயிற்றுக்கிழமை நடைபெற்ற நிகழ்ச்சியில் முதல்வர் எடப்பாடி கே.பழனிசாமி பேசியது:  ஈஷா அறக்கட்டளையின்  242 கோடி மரம் நடும் திட்டம் வரவேற்கத்தக்கது.  அந்த அமைப்பின் நிறுவனர் ஜக்கி வாசுதேவ் மேற்கொள்ளும் இந்த முயற்சிக்கு  தமிழக அரசு துணை நிற்கும்.  தமிழகத்தில் மழை நீர் சேமிப்பு திட்டம் போன்று மரம் வளர்க்கும் திட்டத்தையும் மக்கள் இயக்கமாக வளர்த்தெடுக்க வேண்டும். 

காவிரி ஆற்றின் பல்லுயிர் காத்தல்,  காவிரி மற்றும் அதன் துணை நதிகளில் மாசுகளை அகற்றுதல்,  காவிரி நகர்ப்புற கழிவுநீரை சுத்திகரிக்கத் தேவையான சுத்திகரிப்பு ஆலைகளை நிறுவுதல், ஆற்றுப் படுகையில் மரங்களை நட்டு வளர்த்தல் போன்ற நடவடிக்கைகளை மேற்கொள்ள "நடந்தாய் வாழி காவிரி' என்ற திட்டத்தை செயல்படுத்த பிரதமரிடம்  நான் கோரிக்கை வைத்தேன். அதன் தொடர்ச்சியாக " நடந்தாய் வாழி காவிரி'  திட்டத்தைப் பாராட்டி இதே போன்று நாட்டிலுள்ள ஜீவநதிகளில் செயல்படுத்த குடியரசுத் தலைவர் நாடாளுமன்றக் கூட்டத்தில் தனது உரையில் இந்தத் திட்டத்தை குறிப்பிட்டுள்ளார் என்பதைத் தெரிவித்துக் கொள்கிறேன். 

ரூ.24.58 கோடியில் திட்டம்: இதேபோன்று தமிழகத்திலுள்ள பவானி, வைகை, அமராவதி, தாமிரவருணி ஆறுகளும் மாசுபடுவதைத் தடுக்க தமிழக அரசு நடவடிக்கை எடுக்கும்.  தற்போது வைகை மற்றும் நொய்யல் ஆறுகளுக்கு புத்துயிர் அளிக்கும் திட்டம் நபார்டு வங்கி உதவியுடன் ரூ.24.58 கோடி செலவில் செயல்படுத்தப்பட்டு வருகிறது. இதேபோன்று பாலாறுக்கு புத்துயிர் அளிக்கும் திட்டம் 2019-2020-ஆம் ஆண்டு முதல் செயல்படுத்த உத்தேசிக்கப்பட்டுள்ளது என்றார் முதல்வர் எடப்பாடி பழனிசாமி. 

ஆளுநர் பன்வாரிலால் புரோஹித்:  தமிழகத்துக்கும், காவிரிக்கும் இடையேயான பந்தம் இரண்டாயிரம் ஆண்டுகளுக்கும் அதிகமாக இருக்கும் என இலக்கியத் தரவுகள் பறைசான்றுகின்றன. பொன்னியின் செல்வன் போன்ற வரலாற்று புதினங்களில் காவிரியும் ஒரு கதாபாத்திரமாகப் படைக்கப்பட்டிருப்பதே அதற்குச் சான்றாகும்.  அத்தகைய வரலாற்றுச் சிறப்புமிக்க  காவிரி நதி சர்ச்சைகளையும் உள்ளடக்கியது. அந்த சர்ச்சைகளுக்கு முற்றுப்புள்ளி வைக்கும் வகையில் தீர்ப்பாயமும், உச்சநீதிமன்றமும் பிறப்பித்த உத்தரவுகள் மூன்று மாநிலங்களுக்கும் காவிரி நீர் செல்வதை உறுதிப்படுத்தும் என்ற நம்பிக்கை உள்ளது. ஒவ்வொரு மனிதனின் தேவையையும் நிறைவேற்ற இயற்கையிடம் போதிய வளங்கள் உள்ளன. 

ஆனால் மனிதனின் பேராசையைப் பூர்த்தி செய்ய இயற்கையால் ஒருபோதும் முடியாது என்கிறார் மகாத்மா காந்தி. அதை உணர்ந்து நெகிழிப் பயன்பாட்டைத் தவிர்த்து மரங்களை வளர்க்க வேண்டும்.  நதிகள் இணைப்புத் திட்டத்தை விரைந்து நிறைவேற்ற ஒவ்வொருவரும் ஒன்றிணைந்து தோள் கொடுக்க வேண்டியது அவசியம் என்றார்.  

துணை முதல்வர் ஓ.பன்னீர்செல்வம்:  "காவிரி கூக்குரல்' என்ற ஒரு இயக்கத்தை ஈஷா நிறுவனர் ஜக்கி வாசுதேவ் தொடங்கியது பெருமையளிக்கிறது. தலைக்காவிரியில் பயணத்தைத் தொடங்கி தற்போது சென்னை வந்திருக்கிறார். வருகிற வழியெல்லாம் மக்களிடம் விழிப்புணர்வை ஏற்படுத்தியிருக்கிறார். 

இதுவரை 69 ஆயிரம் விவசாயிகள் வேளாண் காடுகள் குறித்து பயிற்சி பெற்றுள்ளனர்.  தமிழக மக்கள் அனைவரும் குறிப்பாக இளைஞர்கள், பெண்கள் பெருவாரியாக மரம் வளர்ப்புப் பணிகளில் தொடர்ந்து பங்கேற்று தமிழகத்தை முன்னோடி மாநிலமாக உருவாக்க ஒத்துழைக்க வேண்டும் என்றார். 

இந்த நிகழ்ச்சியில்  தமாகா தலைவர் ஜி.கே.வாசன், நடிகை சுஹாசினி மணிரத்னம் உள்ளிட்டோர் கலந்து கொண்டனர். 

242 கோடி மரங்கள் நட 12 ஆண்டுகள்: ஜக்கி வாசுதேவ்


காவிரிப் படுகையில் 242 கோடி மரங்கள் நடுவது என்பது ஒரே இரவில் நடந்து விடாது. அதற்காக 12 ஆண்டுகள் பாடுபட வேண்டும் என ஈஷா அறக்கட்டளை நிறுவனர் ஜக்கி வாசுதேவ் கூறினார்.

சென்னையில் ஞாயிற்றுக்கிழமை நடைபெற்ற காவிரி கூக்குரல் நிகழ்ச்சியில் அவர் பேசியது:  காவிரியை மீட்பது என்பது ஒரு நதியை மீட்பது அல்ல. 85 ஆயிரம் சதுர கிலோ மீட்டர் பரப்பளவு கொண்ட காவிரிப் படுகை முழுவதையும் மீட்க வேண்டும். கர்நாடக முதல்வரும்,  புதுச்சேரி முதல்வரும் மர விவசாயம் செய்யும் விவசாயிகளுக்கு மானியம் வழங்க சம்மதம் தெரிவித்துள்ளனர். அதேபோன்று தமிழக அரசும் மர விவசாயிகளுக்கு மானியம் வழங்க வேண்டும் என கேட்டுக் கொள்கிறேன். 

காவிரி நதிப் படுகையில் 242 கோடி மரங்களை நட்டு வளர்த்தால் 9 முதல் 12 டிரில்லியன் லிட்டர் தண்ணீரை சேமிக்க முடியும். உலகில் உள்ள எல்லா ஆறுகளிலும் உள்ள நீரை காட்டிலும் 8 மடங்கு நீரை மண்ணில் பிடித்து வைத்துக் கொள்ள முடியும்.  நாட்டில் உள்ள 80 சதவீத நிலங்கள் விவசாயிகளிடம்தான் உள்ளது. விவசாயிகள் மரம் வளர்த்தால்தான் தேசத்துக்குப் பயன் விளையும்.   தற்போது தமிழகத்தில் 35 ஈஷா நாற்றுப் பண்ணைகள் உள்ளன. இதை அடுத்த ஓரிரு ஆண்டுகளில் 350 நாற்றுப் பண்ணைகளாக விரிவுபடுத்த திட்டமிட்டுள்ளோம். 242 கோடி மரங்கள் நடுவது ஒருநாள் இரவில் நடந்து விடாது. இதற்காக 12 ஆண்டுகள் வேலை செய்ய வேண்டியுள்ளது.  இதனால் அனைவரும் 12 ஆண்டுகள் என்னுடன் இருக்க வேண்டும் என்றார்.

]]>
https://images.dinamani.com/uploads/user/imagelibrary/2019/9/16/w600X390/jakki.gif சென்னையில் ஞாயிற்றுக்கிழமை நடைபெற்ற 'காவிரி கூக்குரல்' நிகழ்ச்சியில் ஜக்கி வாசுதேவுடன் தமிழக ஆளுநர் பன்வாரிலால் புரோஹித், முதல்வர் எடப்பாடி கே.பழனிசாமி, துணை முதல்வர் ஓ.பன்னீர்செல்வம், தமாகா தலைவர் ஜி https://www.dinamani.com/tamilnadu/2019/sep/16/ஆறுகள்-மாசுபடுவதைத்-தடுக்க-நடவடிக்கை--தமிழக-முதல்வர்-கே-பழனிசாமி-உறுதி-3235613.html
3235570 தமிழ்நாடு சென்னை மக்களுக்கு தடையின்றி குடிநீர் வழங்க ரூ.6 ஆயிரம் கோடியில் புதிய திட்டம்: முதல்வர் எடப்பாடி பழனிசாமி தகவல் DIN DIN Monday, September 16, 2019 04:31 AM +0530 பருவமழை பொய்த்தாலும் சென்னை நகர மக்களுக்கு தங்குதடையின்றி குடிநீர் வழங்க பேரூரில் ரூ.6,078 கோடியில்  கடல் நீரை குடிநீராக்கும் திட்டத்துக்கு மத்திய அரசின் ஒப்புதல் கோரப்பட்டுள்ளது என முதல்வர் எடப்பாடி கே.பழனிசாமி தெரிவித்தார்.
பேரறிஞர் அண்ணாவின் 111-ஆவது பிறந்த நாள் விழாவை முன்னிட்டு அதிமுக சார்பில் சென்னை விருகம்பாக்கத்தில் ஞாயிற்றுக்கிழமை பொதுக்கூட்டம் நடைபெற்றது. இதில் பங்கேற்ற முதல்வர் பேசியதாவது:
அதிமுக ஆட்சிப் பொறுப்பேற்றதிலிருந்து மக்களுக்காக கொண்டுவந்த திட்டங்கள் என்ன என்று  திமுக தலைவர் மு.க.ஸ்டாலின் கேள்வி எழுப்பி வருகிறார். மறைந்த முன்னாள் முதல்வர் எம்ஜிஆர் சத்துணவுத் திட்டத்தைக் கொண்டுவந்தார். அப்போது கருணாநிதி கடும் விமர்சனம் செய்தபோதும், அந்தத் திட்டத்தை அப்போதைய முதல்வர் செயல்படுத்தினார். அதன்பிறகு மறைந்த முன்னாள் முதல்வர் ஜெயலலிதா அந்தத் திட்டத்தை செம்மைப்படுத்தினார். அதை நாங்களும் தொடர்ந்து செயல்படுத்தி வருகிறோம்.
இந்தத் திட்டத்தை கொச்சைப்படுத்திய கருணாநிதியே, அந்தத் திட்டம் சிறந்த திட்டம் என அதில் முட்டையைச் சேர்த்தார்.
அதுபோல, தாலிக்குத் தங்கம் வழங்கும் திட்டம், அம்மா இரு சக்கர வாகனத் திட்டம் என பல்வேறு சிறந்த திட்டங்களை ஜெயலலிதா அறிமுகம் செய்தார். இந்தத் திட்டங்களும் தொடர்ந்து செயல்படுத்தப்பட்டு வருகின்றன.
2011 முதல் 2019 வரை 11 லட்சத்து 46,000 பெண்களுக்கு 5,525 கிலோ தங்கம், ரூ.1,500 கோடி மதிப்பீட்டில் வழங்கப்பட்டுள்ளது. மேலும், திருமண உதவித் தொகையாக ரூ.50 ஆயிரம், ரூ.25 ஆயிரம் என ரூ.3,955கோடி வழங்கப்பட்டுள்ளது.
அம்மா இரு சக்கர வாகனம் வழங்கும் திட்டத்தின் கீழ் இதுவரை 3 லட்சத்து 33,000 மகளிர் பதிவு செய்துள்ளனர். 2017 - 2018 ஆம் ஆண்டில் 1லட்சத்து 40,000 மகளிருக்கு மானியமாக ரூ.338 கோடி வழங்கப்பட்டுள்ளது. 
விரைவில் ரூ. 2 ஆயிரம் வழங்கப்படும்: அதே போல வறுமைக் கோட்டிற்கு கீழ் உள்ள அனைத்து தொழிலாளர்களுக்கும் சிறப்பு நிதி உதவியாக ரூ.2000 வழங்க வீடுவீடாக கணக்கெடுக்கும் பணி நடைபெற்று வருகிறது. அப்பணி முடிந்தவுடன் விரைவில் ரூ.2000 வழங்கப்படும். 
தடையற்ற குடிநீர் விநியோகம்: நெமிலியில் ரூ.1,259 கோடி மதிப்பில் கடல் நீரை குடிநீராக்கும் திட்டத்துக்கு அடிக்கல் நாட்டப்பட்டுள்ளது. அந்த திட்டம் ஒன்றரை ஆண்டுகளில் நிறைவேற்றப்பட்டு, சென்னை மாநகர மக்களுக்கு குடிநீர் வழங்கப்படும். பருவ மழை பொய்த்தாலும் சென்னை நகர மக்களுக்கு தங்கு தடையின்றி குடிநீர் வழங்க வேண்டும் என்பதற்காக பேரூரில் ரூ.6,078 கோடி மதிப்பீட்டில்  கடல் நீரைக் குடிநீராக்கும் திட்டத்துக்கு மத்திய அரசிடம் ஒப்புதல் கோரப்பட்டுள்ளது. அந்த தொலை நோக்குத் திட்டமும் ஒப்புதல் கிடைத்தவுடன் நிறைவேற்றப்படும். 
சென்னையில் புதிய பாலங்கள்: சென்னை மாநகரத்தில் ஏற்படும் போக்குவரத்து நெரிசலை முற்றிலும் குறைப்பதற்காக பல்வேறு பகுதிகளில் பாலப் பணிகள் நடைபெற்று வருகின்றன. மேலும் சென்னை மாநகராட்சியில் ரூ.90 கோடி மதிப்பில் அடையாற்றின் குறுக்கே நெசப்பாக்கம், நந்தம்பாக்கத்தை இணைக்கும் பாலம் கட்டும் பணியும் நடைபெறவுள்ளது. பக்கிங்ஹாம் கால்வாயின் குறுக்கே ரூ.39 கோடி மதிப்பில் பாலம் கட்டும் பணியும் நடைபெறவுள்ளது. மேலும், சென்னை மாநகரத்தில் எங்கெங்கு போக்குவரத்து நெரிசல் ஏற்படுகிறதோ அங்கெல்லாம் பாலம் கட்டும் பணியும் நடைபெறவுள்ளது.
இரண்டாம் கட்ட மெட்ரோ ரயில்: மெட்ரோ ரயில் இரண்டாம் கட்ட திட்டப்பணி விரைவில் தொடங்கப்பட உள்ளது. மேலும், மத்திய கைலாஸ், பேசின் பிரிட்ஜ் ஆகிய பகுதிகளிலும் புதிய பாலங்கள் கட்டப்பட்டு போக்குவரத்து நெரிசலே இல்லாத நகரமாக சென்னை மாநகரம் உருவாக்கப்படும். 
வெளிநாடு பயணம் எதற்கு?: நான் வெளிநாடு செல்வதை ஸ்டாலின் குறை கூறுகிறார். தென் மாநிலங்களில் உள்ள முதல்வர்கள் எல்லாம் அடிக்கடி வெளிநாடு சென்று முதலீடுகளை ஈர்க்கும்போது, நாம் இங்கே இருந்தால் எந்த முதலீடும் தமிழகத்துக்கு வராது. படித்த இளைஞர்களுக்கு வேலை வாய்ப்பை கொடுக்க முடியாமல் போகும் என்பதற்காகத்தான் நாங்களும் வெளிநாடு சென்று வந்தோம். தொழில் தொடங்க உகந்த மாநிலமாக தமிழகம் திகழ்வதால் வெளிநாட்டில் இருந்து முதலீட்டாளர்கள் முதலீடு செய்ய இங்கே வருகிறார்கள். இதன் மூலம் ஆயிரக்கணக்கான படித்த இளைஞர்களுக்கு வேலைவாய்ப்பு கிடைக்கும்.
வருகின்ற உள்ளாட்சித் தேர்தல், சட்டப்பேரவைத் தேர்தல் என எந்தத் தேர்தலிலும் அதிமுக கூட்டணிதான் வெற்றி பெறும். விருகம்பாக்கம் தொகுதி மக்கள் வைத்த கோரிக்கைகளான, குடிசை மாற்று வாரியத்தில் கிரயப் பத்திரம் வழங்க வேண்டுமென்பதையும், பல இடங்களில்  பட்டா வழங்க வேண்டுமென்பதையும் அரசு ஆராய்ந்து, உரிய முடிவு எடுக்கும் என்றார் முதல்வர் எடப்பாடி பழனிசாமி.

]]>
https://images.dinamani.com/uploads/user/imagelibrary/2019/9/16/w600X390/cycle.gif அண்ணா பிறந்த நாளை முன்னிட்டு சென்னை விருகம்பாக்கத்தில் அதிமுக தென் சென்னை மாவட்டக் கழகத்தின் சார்பில் நடைபெற்ற கூட்டத்தில் நலத்திட்ட உதவிகளை வழங்கிய முதல்வர் எடப்பாடி கே.பழனிசாமி. https://www.dinamani.com/tamilnadu/2019/sep/16/சென்னை-மக்களுக்கு-தடையின்றி-குடிநீர்-வழங்க-ரூ6-ஆயிரம்-கோடியில்-புதிய-திட்டம்-முதல்வர்-எடப்பாடி-பழன-3235570.html
3235547 தமிழ்நாடு திட்டமிட்டு புறக்கணிக்கப்படும் தமிழகம்:  மு.க.ஸ்டாலின் DIN DIN Monday, September 16, 2019 04:28 AM +0530 தமிழகம் திட்டமிட்டு புறக்கணிக்கப்படுவதாக திமுக தலைவர் மு.க.ஸ்டாலின் குற்றம்சாட்டினார்.

பேரறிஞர் அண்ணாவின் 111-ஆவது பிறந்தநாளை முன்னிட்டு மதிமுக சார்பில் சென்னையில் ஞாயிற்றுக்கிழமை மாநாடு நடத்தப்பட்டது. இந்த மாநாட்டில் பங்கேற்ற மு.க.ஸ்டாலின் பேசியதாவது: மதிமுக - திமுக இடையேயான உறவு நெருக்கமாகியிருப்பது மகிழ்ச்சியளிக்கிறது. இந்த மாநாடு எனது மனதுக்கு நெருக்கமானது. ஏனெனில், நானும் வைகோவும் பல பொது மேடைகளில் கலந்து கொண்டிருந்தாலும், மதிமுக கட்சி மாநாட்டில் பங்கேற்பது இதுவே முதல் முறை. எங்கள் உறவு இப்படித்தான். இது பலருக்கு ஆச்சரியமாகவும்,

றாமையாகவும் இருக்கலாம். இதுதான் கருணாநிதி, அண்ணா ஆகியோரின் கனவு. திமுகவிற்கு பக்க பலமாக வைகோ இருந்து வருகிறார்.

திட்டமிட்டு புறக்கணிக்கப்படும் தமிழகம்: ரயில்வே துறையாக இருந்தாலும் சரி, தபால் துறையாக இருந்தாலும் சரி தமிழகம் திட்டமிட்டு புறக்கணிக்கப்படுகிறது. தமிழகத்தில் ஒருபுறம் கலாசார தாக்குதலும் மறுபுறம் ரசாயன தாக்குதலும் நடத்தப்படுகிறது. நாட்டின் பொருளாதாரம் நாசம் அடைந்துள்ளது. வேலைவாய்ப்பு மோசமடைந்துள்ளது. 

கொஞ்சம் கண் அசந்தால் இந்தியை திணிக்க முயல்கிறார்கள். இப்போது நீட் நுழைவு தேர்வு மூலம் தமிழக மாணவர்களின் மருத்துவ கனவுகளை மத்திய அரசு சிதைத்துக் கொண்டிருக்கிறது.

நாள்தோறும் போராடி போராடித்தான் நமது உரிமையைப் பெற வேண்டிய சூழல் உருவாகி வருகிறது. 1949-ஆம் ஆண்டிலிருந்தே ஹிந்தியை நாங்கள் எதிர்த்து வருகிறோம். அவர்கள் திணித்துக் கொண்டே இருப்பார்கள், நாம் எதிர்த்துக் கொண்டே இருப்போம்.

போர்வாள் வைகோ:  திமுக தலைவர் கருணாநிதி வயது மூப்பு காரணமாக உடல்நலம் குன்றி இருந்தபோது, கோபாலபுரம் வந்த வைகோ, திமுக-வுக்கு எப்போதும் உறுதுணையாக இருப்பதாக வாக்குறுதி அளித்தார். அதன்படி பக்க பலமாக இருந்து வருகிறார். திராவிட இயக்கத்தில் நான் எப்படி நிரந்தர தளபதியோ, அதேபோல் நிரந்தர போர்வாள் வைகோ தான். நீர் அடித்து நீர் விலகாது என்பது போல் நாங்கள் ஒன்றாக இருக்கிறோம் என்றும் ஸ்டாலின் பேசினார். 

அப்போது மேடையில் இருந்த வைகோ உணர்வுப்பூர்வமாக கண்கலங்கினார். 

]]>
https://images.dinamani.com/uploads/user/imagelibrary/2019/9/16/w600X390/stalin.jpg https://www.dinamani.com/tamilnadu/2019/sep/16/திட்டமிட்டு-புறக்கணிக்கப்படும்-தமிழகம்--முகஸ்டாலின்-3235547.html
3235535 தமிழ்நாடு ஊதிய பட்டியலில் திருத்தம் செய்து ரூ. 86 லட்சம் மோசடி: துப்புரவு ஊழியர் பணியிடை நீக்கம் DIN DIN Monday, September 16, 2019 04:02 AM +0530 சேலத்தில் மாநகராட்சி பணியாளர்களுக்கான ஊதிய பட்டியலில் திருத்தம் செய்து ரூ. 86 லட்சம் பணமோசடி செய்த துப்புரவு பணியாளர் பணியிடை நீக்கம் செய்யப்பட்டார்.

சேலம் மாநகராட்சி கொண்டலாம்பட்டி மண்டலத்தில் ஆயிரத்துக்கும் மேற்பட்ட சுகாதாரப் பணியாளர்கள் பணியாற்றி வருகின்றனர். 

இந்த நிலையில், மாநகராட்சி நிதியில் பல லட்சம் கணக்கில் வராமல் இருந்தது. இதுகுறித்து தணிக்கைத் துறை அதிகாரிகள் கடந்த ஒரு மாதம் வசூல் செய்யப்பட்ட வரி வசூல் விவரம் குறித்து ஆய்வு செய்தனர். இதில் மாதந்தோறும் மாநகராட்சி பணியாளர்களுக்கான ஊதிய பட்டியல் மற்றும் காசோலைகளை வங்கிக்குக் கொண்டு செல்லும் துப்புரவுப் பணியாளர் வெங்கடேஷ் குமார், அந்த ஆவணங்களில் திருத்தம் செய்து ரூ. 86 லட்சம் வரை மோசடி செய்திருப்பது கண்டுபிடிக்கப்பட்டது.

இதுகுறித்து மாநகராட்சி ஆணையர் ரெ.சதீஷ், உதவி ஆணையர் ரமேஷ் பாபு ஆகியோர் மாநகர காவல் ஆணையர் த. செந்தில்குமாரிடம் புகார் அளித்தனர். இதுகுறித்து விசாரணை செய்த மத்திய குற்றப் பிரிவு போலீஸார்,

ங்கடேஷ்குமார் மற்றும் அவரது சகோதரர் மோகன் ஆகியோரை கைது செய்தனர். மேலும், மாநகராட்சி ஊழியர்கள் இருவரை போலீஸார் தேடி வருகின்றனர். இதனிடையே மோசடி வழக்கில் கைதான வெங்கடேஷ்குமாரை பணியிடை நீக்கம் செய்து மாநகராட்சி ஆணையாளர் ரெ. சதீஷ் நடவடிக்கை எடுத்துள்ளார்.

]]>
https://www.dinamani.com/tamilnadu/2019/sep/16/ஊதிய-பட்டியலில்-திருத்தம்-செய்து-ரூ-86-லட்சம்-மோசடி-துப்புரவு-ஊழியர்-பணியிடை-நீக்கம்-3235535.html
3235534 தமிழ்நாடு பூரண மதுவிலக்கு கோரி குமரி அனந்தன் உண்ணாவிரதம் DIN DIN Monday, September 16, 2019 04:01 AM +0530 பூரண மதுவிலக்கு கோரி காங்கிரஸ் கட்சியின் மூத்த தலைவர் குமரிஅனந்தன் உண்ணாவிரதப் போராட்டத்தில் ஞாயிற்றுக்கிழமை ஈடுபட்டார்.

மகாத்மா காந்தியின்150-ஆவது பிறந்தநாளை மதுவில்லாத தமிழகத்தில் கொண்டாட மாநில அரசு வழிவகுக்க வேண்டும் என்று அப்போது அவர் வேண்டுகோள் விடுத்தார். 

சென்னை, வள்ளுவர் கோட்டத்தில் ஞாயிற்றுக்கிழமை காலை 9 மணி முதல் மாலை 6 மணி வரை உண்ணாவிரதப் போராட்டத்தில் ஈடுபட்ட குமரி அனந்தனுக்கு பல்வேறு அரசியல் கட்சித் தலைவர்கள் நேரில் சென்று ஆதரவு தெரிவித்தனர்.

குறிப்பாக, பாமக நிறுவனர் ராமதாஸ், விடுதலை சிறுத்தைகள் தலைவர் தொல் திருமாவளவன், திராவிடர் கழகத் தலைவர் கி.வீரமணி, தமிழக காங்கிரஸ் முன்னாள் தலைவர்கள் கே.வி.தங்கபாலு, ஈ.வி.கே.எஸ்.இளங்கோவன், திமுக எம்.பி. ஆர்.எஸ்.பாரதி, மனிதநேய மக்கள் கட்சி தலைவர் ஜவாஹிருல்லா, தென்னிந்திய விவசாய சங்கங்களின் கூட்டமைப்பின் தலைவர் பி.ஆர்.பாண்டியன் உள்பட பல்வேறு அரசியல் கட்சிகள் மற்றும் அமைப்புகளின் தலைவர்களும், நிர்வாகிகளும் நேரில் வந்து ஆதரவு தெரிவித்தனர்.

முன்னதாக, உண்ணாவிரதப் போராட்டத்தின்போது குமரி அனந்தன் கூறியதாவது: மதுவில்லாத தேசமாக இந்தியா உருவெடுக்க வேண்டும். குறிப்பாக, தமிழகத்தில் மது என்ற சொல்கூட இல்லாத நிலை ஏற்பட வேண்டும். மகாத்மா காந்தியின்  150-ஆவது பிறந்த தின ஆண்டு நிறைவடைவதற்குள் அந்த நிலையை நாம் எட்ட வேண்டும்.அண்ணாவின் பெயரைத் தாங்கி ஆட்சி செய்து கொண்டிருக்கும் அதிமுக அரசு, மதுவிலக்கு குறித்த அரசாணையை பிறப்பிக்க வேண்டும். அந்த முடிவை அதிமுக அரசு எடுக்கும் என்ற நம்பிக்கை இருக்கிறது.

அதேபோன்று மத்தியிலே ஆட்சி செய்யும் பாஜக அரசும், நாடு தழுவிய மதுவிலக்கு கொள்கையை வகுக்க வேண்டும். அப்படி செய்தால், கட்சி பேதமின்றி பல தரப்பினரும் பாஜகவை ஆதரிப்பார்கள். பூரண மதுவிலக்கு என்ற நிலை எட்டப்படும் வரை எனது போராட்டம் ஓயாது என்றார் குமரி அனந்தன்.

]]>
https://images.dinamani.com/uploads/user/imagelibrary/2019/9/16/w600X390/raoadoss.gif தமிழகத்தில் பூரண மதுவிலக்கை வலியுறுத்தி சென்னை வள்ளுவர் கோட்டத்தில் காங்கிரஸ் மூத்த தலைவர் குமரி அனந்தன் ஞாயிற்றுக்கிழமை மேற்கொண்ட உண்ணாவிரதப் போராட்டத்தில் பங்கேற்று பேசிய பாமக நிறுவனர் ராமதாஸ்.  உடன https://www.dinamani.com/tamilnadu/2019/sep/16/பூரண-மதுவிலக்கு-கோரி-குமரி-அனந்தன்-உண்ணாவிரதம்-3235534.html
3235533 தமிழ்நாடு தற்காலிக ஆசிரியர்களுக்கு  மூன்று ஆண்டுகள் பணிநீட்டிப்பு DIN DIN Monday, September 16, 2019 04:00 AM +0530 தமிழகத்தில் ஆயிரம் தற்காலிக ஆசிரியர் பணியிடங்களுக்கு 3 ஆண்டுகளுக்கு தொடர் நீட்டிப்பு வழங்கி பள்ளிக்கல்வித்துறை உத்தரவிட்டுள்ளது. 

பள்ளிக்கல்வித்துறை முதன்மை செயலாளர் பிரதீப் யாதவ் வெளியிட்ட அரசாணையில் கூறியுள்ளதாவது: தமிழகத்தில் 2011-12-ஆம் கல்வியாண்டில் 100 அரசு உயர்நிலைப் பள்ளிகள், மேல்நிலைப்பள்ளிகளாக தரம் உயர்த்தப்பட்டன. அவ்வாறு தரம் உயர்த்தப்பட்ட மேல்நிலைப்பள்ளிகளுக்கு தலா ஒரு தலைமையாசிரியர் மற்றும் 9 முதுநிலை பட்டதாரி ஆசிரியர் வீதம் 1,000 ஆசிரியர் பணியிடங்கள் தோற்றுவிக்கப்பட்டன. 

இந்தப் பணியிடங்களுக்கு கடைசியாக 2018-ஆம் ஆண்டு டிசம்பர் வரை தொடர்பு நீட்டிப்பு ஆணை வழங்கப்பட்டிருந்தது. இந்த கால அவகாசம் முடிந்துவிட்டதை அடுத்து பணிநீட்டிப்பு காலம் 2021-ஆம் ஆண்டு வரை நீட்டிக்கப்படுகிறது என அதில் கூறியுள்ளார்.

]]>
https://www.dinamani.com/tamilnadu/2019/sep/16/தற்காலிக-ஆசிரியர்களுக்கு--மூன்று-ஆண்டுகள்-பணிநீட்டிப்பு-3235533.html
3235532 தமிழ்நாடு புதிய கல்விக் கொள்கையைக் கைவிட வேண்டும்: மதிமுக மாஹநாட்டில் தீர்மானம் நிறைவேற்றம் DIN DIN Monday, September 16, 2019 03:59 AM +0530 புதிய கல்விக் கொள்கையைக் கைவிட வேண்டும் என்பது உள்பட 23 தீர்மானங்கள் மதிமுக மாநாட்டில் நிறைவேற்றப்பட்டன.
மதிமுக சார்பில் அண்ணா பிறந்த நாள் மாநாடு சென்னையில் ஞாயிற்றுக்கிழமை நடத்தப்பட்டது.  அதில் நிறைவேற்றப்பட்ட தீர்மானங்கள்:
திராவிட இயக்கத்துக்கு எழுந்துள்ள அறைகூவலை முறியடிக்கவும், தமிழ்-தமிழர்- தமிழகத்தின் உரிமைகளைக் காக்க அண்ணா பிறந்தநாள் விழா மாநாட்டில் உறுதியேற்போம்.
திராவிட இயக்கத்தின் நிறுவனத் தலைவர்களான சி.நடேசனார், சர். பிட்டி. தியாகராயர், டி.எம்.நாயர் ஆகியோருக்கு மதிமுக தலைமை அலுவலகத்தில் நவம்பர் 20-ஆம் தேதி சிலைகளை நிறுவப்படும்.
இந்தியாவில் உள்ள பல்வேறு தேசிய இனங்களின் சமூக, மொழி, பண்பாட்டு உரிமைகளைப் பாதுகாத்து, தனித் தனி தேசிய இனங்களின் அடையாளங்களை நிலைநாட்ட இந்தியா என்பது இனி "இந்திய ஐக்கிய நாடுகள்' என்றே அழைக்கப்பட வேண்டும். 
அதுதான் "ஒரே நாடு; ஒரே மதம்; ஒரே மொழி' என்று கூறிவரும் அமைப்புகளின் கோட்பாட்டை முறியடிக்க வல்ல அரசியல் கருவியாக அமையும்.எழில் கொஞ்சும் காஷ்மீரை, பன்னாட்டு நிறுவனங்களின் ஏகபோக ஆதிக்கத்துக்கு தாரை வார்க்க மத்திய அரசு முயற்சித்து வருகிறது. 
காஷ்மீர் பிரச்னையில் பாஜக அரசு மேற்கொண்ட "வரலாற்றுப் பிழை'யைச் சரிசெய்து, காஷ்மீர் மாநிலத்தின் தனித்தன்மையை நிலைநாட்ட வேண்டும்.
புதிய கல்விக் கொள்கை -2019 வரைவு அறிக்கையை மத்திய அரசு கைவிட வேண்டும்.
பொருளாதாரத்தில் பின்தங்கிய பொதுப் பிரிவினருக்கு 10 சதவீத இடஒதுக்கீடு அளிக்கும் மத்திய அரசின் உத்தரவுக்கு தமிழக அரசு இசைவளிக்கக் கூடாது.
காவிரியில் மேக்கேதாட்டு அணை கட்டும் திட்டத்துக்கு, மத்திய அரசு நிரந்தரமாக முற்றுப்புள்ளி வைக்க வேண்டும். காவிரிப் பாசனப் பகுதிகளை கார்ப்பரேட் நிறுவனங்களுக்குத் தாரை வார்க்கும் ஹைட்ரோகார்பன், மீத்தேன் திட்டங்களை முழுமையாகக் கைவிடவேண்டும்.
நியூட்ரினோ திட்டத்தைக் கைவிட வேண்டும். முன்னாள் பிரதமர் ராஜீவ் காந்தி கொலை வழக்கில் சிறையில் 25 ஆண்டுகளுக்கு மேலாக தண்டனை அனுபவித்து வரும் 7 பேரையும் உடனடியாக விடுவிக்க வேண்டும் என்பன உள்ளிட்ட 23 தீர்மானங்கள் மாநாட்டில் நிறைவேற்றப்பட்டன.

]]>
https://www.dinamani.com/tamilnadu/2019/sep/16/புதிய-கல்விக்-கொள்கையைக்-கைவிட-வேண்டும்-மதிமுக-மாஹநாட்டில்-தீர்மானம்-நிறைவேற்றம்-3235532.html
3235531 தமிழ்நாடு வடகிழக்குப் பருவமழை: முன்னெச்சரிக்கை வழிகாட்டி கையேடு: அமைச்சர் உதயகுமார் வெளியிட்டார் DIN DIN Monday, September 16, 2019 03:59 AM +0530 அடுத்த மாதம் வடகிழக்குப் பருவமழைக்காலம் தொடங்க இருப்பதையொட்டி முன்னெச்சரிக்கை தொடர்பான வழிகாட்டி கையேடு சென்னையில் ஞாயிற்றுக்கிழமை வெளியிடப்பட்டது. வருவாய்த்துறை அமைச்சர் ஆர்.பி. உதயகுமார் இதனை வெளியிட்டார். 
வடகிழக்குப் பருவமழை காலங்களில் மேற்கொள்ள வேண்டிய முன்னெச்சரிக்கை  நடவடிக்கைகள் குறித்த ஆய்வுக் கூட்டம் சென்னையில் ஞாயிற்றுக்கிழமை அமைச்சர் ஆர்.பி.உதயகுமார் தலைமையில் நடைபெற்றது. 
இதில் பருவமழைக் காலத்தில் மேற்கொள்ள வேண்டிய முன்னெச்சரிக்கை நடவடிக்கை குறித்து விரிவாக விவாதிக்கப்பட்டது.
 பேரிடர் நேரத்தில் மாவட்ட அளவில் பேரிடர் மேலாண்மை அமைப்பு மூலம்  விரைந்து நடவடிக்கை எடுப்பது, உடனடி தகவல் தொடர்பு ஏற்பாடுகள், மருத்துவமனைகளில் உயிர்காக்கும் இயந்திரங்களுக்குத் தேவையான மின்வசதிக்காக இதர வசதிகளை தயார் நிலையில் வைத்திருத்தல், தேவையான ஆக்சிஜன் உருளைகளை வைத்திருத்தல், அலைபேசி நிறுவனங்கள் பேட்டரி பேக்அப் வசதிகளை வைத்திருத்தல். அத்தியாவசிய உணவுப் பொருள்களை தயார் நிலையில் வைத்திருத்தல், தகவல் தொடர்பு துண்டிப்பு ஏற்படும்போது அதனை சரி செய்ய தொழில்நுட்ப வல்லுநர்களை தயார் நிலையில் வைத்தல், தேசிய மற்றும் மாநில மீட்புக் குழுக்களை முன்னெச்சரிக்கையாக தேவையான இடத்தில் பேரிடருக்கு முன்னதாகவே ஆயத்த நிலையில் வைத்திருத்தல் உள்ளிட்ட பல்வேறு முன்னேற்பாடுகள் குறித்து அதிகாரிகளுடன் அமைச்சர் ஆலோசித்தார்.
மேலும், பருவமழை முன்னெச்சரிக்கை தொடர்பாக இதுவரை எடுக்கப்பட்டுள்ள முன்னேற்பாட்டு நடவடிக்கைகள் குறித்த விவரங்களும் இக் கூட்டத்தில் வெளியிடப்பட்டன.
அதில், மாநில அவசரகால கட்டுப்பாட்டு அறை 24 மணி நேரமும் செயல்பட்டு வருகிறது. 
இந்தக் கட்டுப்பாட்டு அறையை கட்டணமில்லா தொலைபேசி அழைப்பு எண் 1070  மூலம் 24 மணி நேரமும் தொடர்புகொண்டு மக்கள் புகார் தெரிவிக்கலாம்.
9,162 மகளிர் பங்களிப்புடன் 30,759 முதல்நிலை காப்பாளர்கள் தயார்நிலையில் இருப்பதோடு, மண்டல அளவில் பல துறைகளை இணைத்து குறித்த காலத்திற்குள் மக்களை வெளியேற்றவும் அதன் மூலம் மனித உயிரிழப்புகளைக் குறைக்க மாவட்ட அளவில் குழுக்கள் அமைக்கப்பட்டுள்ளன. 
வாய்க்கால், ஓடை போன்ற நீர்வழிகளை முறையாகப் பராமரிக்கவும் அவற்றில் தங்குதடையின்றி நீர் செல்லவும், அவற்றில் ஏற்படும் அடைப்புகளை உடனுக்குடன்  நீக்கவும் அறிவுறுத்தப்பட்டுள்ளது.  
மாநில, மாவட்ட அளவில் எடுக்கப்பட்டுள்ள முன்னெச்சரிக்கை நடவடிக்கைகள் குறித்த விவரங்கள் அதில் இடம்பெற்றுள்ளன.
இந்தக் கூட்டத்தில், முன்னெச்சரிக்கை தொடர்பான வழிகாட்டி கையேட்டை அமைச்சர் ஆர்.பி. உதயகுமார் வெளியிட்டார். இதில் முன்னேற்பாடு மற்றும் முன்னெச்சரிக்கை நடவடிக்கைகள் குறித்து விரிவான அறிவுறுத்தல்கள் இடம் பெற்றுள்ளன. 

]]>
https://images.dinamani.com/uploads/user/imagelibrary/2019/7/5/w600X390/udayakumar.jpg https://www.dinamani.com/tamilnadu/2019/sep/16/வடகிழக்குப்-பருவமழை-முன்னெச்சரிக்கை-வழிகாட்டி-கையேடு-அமைச்சர்-உதயகுமார்-வெளியிட்டார்-3235531.html
3235527 தமிழ்நாடு குரூப்-4 தேர்வில் மாற்றம் தேவை! - ஆ.நங்கையார்மணி DIN Monday, September 16, 2019 03:49 AM +0530  

திண்டுக்கல்:  கொள் குறி வகை வினா அடிப்படையில் நடத்தப்படும் குரூப் 4 தேர்வு  மூலம் தெரிவு செய்யப்படும் பணியாளர்களின் பணித் திறன் சிறப்பாக இல்லை என குற்றச்சாட்டு எழுந்துள்ள நிலையில்,   கடந்த 20 ஆண்டுகளுக்கு முன்பு கடைபிடிக்கப்பட்டு வந்த நடைமுறையை  மீண்டும்  அமல்படுத்த  வேண்டும் என்ற எதிர்பார்ப்பு எழுந்துள்ளது. 

தமிழ்நாடு அரசுப் பணியாளர் தேர்வாயணையத்தின் குரூப் 4 தேர்வு மூலம், இளநிலை உதவியாளர், தட்டச்சர், சுருக்கெழுத்து தட்டச்சர், கிராம நிர்வாக அலுவலர், நில அளவையர், வரைவாளர், கள அளவையர் உள்ளிட்ட பல்வேறு அரசுப் பணிகளுக்கு அலுவலர்கள் மற்றும் ஊழியர்கள் நியமிக்கப்படுகின்றனர். குரூப் 4 தேர்வை பொருத்தவரை, கடந்த 20 ஆண்டுகளாக கொள் குறி வகை (அப்ஜெக்டிவ் டைப்) வினா அடிப்படையிலேயே பணியாளர்கள் தேர்வு நடத்தப்பட்டு வருகிறது. 

200 வினாக்களுக்கு நடத்தப்படும் இந்த தேர்வில் வெற்றிப் பெற்று பணியில் சேரும் பெரும்பாலானோர், அலுவலகத்திற்கு வரும் கடிதத்தை படித்து புரிந்து கொள்ள முடியாத நிலையில் உள்ளதாக பல்வேறு துறை அலுவலகங்களிலும் குற்றச்சாட்டாக எழுந்துள்ளது. மேலும், அலுவலக குறிப்புகள் மற்றும் வரைவுகளை பிழையின்றி எழுத முடியாமலும் புதிதாக தேர்ந்தெடுக்கப்படும் பணியாளர்கள் திணறுவதாகவும் கூறப்படுகிறது. 

20 ஆண்டு கால மாற்றம்:

இந்த குறைபாடுகளுக்கு, கொள் குறி வினா அடிப்படையில் மட்டுமே பணியாளர்களை தேர்வதே காரணமாக குறிப்பிடப்படுகிறது. கடந்த 20 ஆண்டுகளுக்கு முன்பு குரூப் 4 தேர்வு என்பது 200 பொது அறிவு வினாக்கள் கொண்ட கொள் குறி வகை வினாக்களுடன் முதல் நிலை தேர்வு நடத்தப்பட்டும், அதிலிருந்து 1:10 என்ற அடிப்படையில் முதன்மை தேர்வுக்கு(மெயின் தேர்வு) விண்ணப்பதாரர்கள் தேர்வு செய்யப்பட்டும் வந்தது. முதன்மை தேர்வு என்பதும் பொது அறிவு தேர்வில் சுருக்கமாக மற்றும் விரிவாக(டெஸ்க்ரிப்டிவ்) விடை அளித்தல், பொது ஆங்கிலம் தேர்வில் கட்டுரை, கடிதம், சுருக்கி எழுதுதல், பத்தியை படித்து விடை அளித்தல், ஆங்கில இலக்கணம் என 2 தாள்களாக நடத்தப்பட்டன. இதில் பெறும் மதிப்பெண் அடிப்படையிலேயே, விண்ணப்பதாரர்கள் பணிக்கு தேர்வு செய்யப்பட்டனர். இதன் மூலம் அலுவலக பணியின்போது, அலுவலக வரைவுகள் மற்றும் கடிதங்களை எழுதுவதில் தேர்ந்தெடுக்கப்பட்ட பணியாளர்களும் திறன் பெற்றிருந்தனர். 

இந்த நடைமுறை கடந்த 20 ஆண்டுகளாக மாற்றப்பட்டதை அடுத்து, தேர்வு செய்யப்படும் பணியாளர்களின் திறனும் கேள்விக்குறியாகியுள்ளது. 

மின்வாரிய அலுவலர் ஜோசப் கூறுகையில், குரூப் 4 தேர்வு மூலம் பணி வாய்ப்பு பெறும் பெரும்பாலான இளைஞர்கள், முழு தகுதியோடு பணிக்கு சேர்ந்துவிட்டதாகவே கருதுகின்றனர். அந்த வாய்ப்பினை தக்க வைத்துக் கொள்வதற்கான தகுதியை வளர்த்துக் கொள்வதற்கு ஆர்வம் காட்டுவதில்லை. கொள் குறி  வினா தேர்வு முறையில் சமச்சீர் பாடத்திட்டத்திலிருந்து மட்டுமே வினாக்கள்  கேட்கப்படுவதால், மனனம் செய்து தேர்வு பெற்று விடுகின்றனர். இந்த தேர்வு முறை விண்ணப்பதாரரின் சிந்தனை திறனை தூண்டுவதாக இல்லை என்பதோடு, அவர்களின் செயல்படு திறன் கண்டறிய முடியாமலும் போய்விடுகிறது.

மத்தியப் பணியாளர் தேர்வாணையத்தைப் போன்று, எதிர்மறை மதிப்பெண் வழங்கப்பட வேண்டும். ஆங்கிலம் மட்டுமின்றி தமிழில் கூட பிழையின்றி எழுத தெரியாத பலர் இன்றைக்கு அரசு அலுவலகங்களில் பணிபுரிந்து வருகின்றனர் என்றார். இதுதொடர்பாக வேலைவாய்ப்பு மற்றும் தொழில்நெறி வழிகாட்டுதல் மைய அலுவலர் ஒருவர் கூறியதாவது:

கடந்த 4 ஆண்டுகளுக்கு முன்பு வரை குரூப் 2 தேர்வும், 200 மதிப்பெண் கொண்ட கொள் குறி வினாக்கள் அடிப்படையிலே நடத்தப்பட்டு வந்தது. இதன் மூலம் திறன் மிக்க பணியாளர்கள் தேர்வு செய்யப்படவில்லை என்றும், அலுவலக பணிகள் தரமிக்கதாக அமையவில்லை என்றும் குற்றச்சாட்டு எழுந்தது. இதனை அடுத்து, கொள் குறி வகையிலான முதல் நிலை தேர்வு மற்றும் விரிவாக விடையளிக்கும் முதன்மை தேர்வு என மாற்றம் கொண்டு வரப்பட்டது. 

இதேபோல், மத்திய பணியாளர் தேர்வாணையம்(ஸ்டாப் செலக்ஷன் கமிஷன்) 10ஆம் வகுப்பு கல்வி தகுதி தரத்தில் நடத்தும் பல்நோக்கு பணியாளர்கள்(மல்டி டாஸ்க் அசிஸ்டன்ட்) பணியிடத்திற்கு 50 மதிப்பெண்களுக்காக நடத்தப்படும் முதன்மை தேர்வில் கட்டுரை மற்றும் கடிதம் வரைதலை கட்டாயமாக்கியுள்ளது. மேலும் தகுதி நிலை தட்டச்சு தேர்வும் நடத்தப்படுகிறது. இதற்கு பின்னரே, பணியாளர்கள் தேர்வு செய்யப்படுகின்றனர். 

இதனை கருத்தில்  கொண்டு, திறமையான பணியாளர்களை தேர்வு செய்யும் வகையில் குரூப் 4 தேர்வு நடைமுறையிலும் மாற்றத்தை ஏற்படுத்த வேண்டும் என்றார்.

]]>
https://images.dinamani.com/uploads/user/imagelibrary/2019/9/16/w600X390/group4.gif https://www.dinamani.com/tamilnadu/2019/sep/16/குரூப்-4-தேர்வில்-மாற்றம்-தேவை-3235527.html
3235526 தமிழ்நாடு தமிழகத்தில் தீ விபத்துகளின் எண்ணிக்கை 7.41% அதிகரிப்பு - கே.வாசுதேவன் DIN Monday, September 16, 2019 03:47 AM +0530
சென்னை: தமிழகத்தில் தீ விபத்துகளின் எண்ணிக்கை 7.41 சதவீதம் உயர்ந்துள்ளது. தினமும் சுமார் 61 தீ விபத்துகள் ஏற்படுவதாக தீயணைப்புத் துறை தெரிவித்துள்ளது.

ஆண்டுதோறும் ஏற்படும் இயற்கை பேரிடர்கள், தீ விபத்துகள், சாலை விபத்துகள் போன்றவற்றால் தமிழகம் பெரும் சேதத்தையும், பின்னடைவையும் சந்தித்து வருகிறது.

தமிழகத்தில் கடந்த 2018-ஆம் ஆண்டு 22,601 தீ விபத்துகள் ஏற்பட்டுள்ளன. இந்த விபத்துக்களில் 69 பேர் மீட்கப்பட்டுள்ளனர். மேலும், 292.84 கோடி மதிப்புள்ள சொத்துக்கள் பாதுகாக்கப்பட்டுள்ளன. கடந்த 2017-ஆம் ஆண்டு 21,041 தீ விபத்துகள் ஏற்பட்டன. இதில் 2017ஆம் ஆண்டை விட 2018ஆம் ஆண்டு 7.41 தீ விபத்துகள் அதிகரித்துள்ளன. தமிழகத்தில் தினமும் சராசரியாக 61 தீ விபத்துகள் ஏற்படுவதாக தீயணைப்புத்துறை தெரிவிக்கிறது.

பாம்புக்கு 10 ஆயிரம் அழைப்புகள்

மேலும், பேரிடர் மீட்பு உள்ளிட்ட மீட்பு பணிகள் தொடர்பாக தீயணைப்புத் துறைக்கு கடந்த ஆண்டு 25,525 அழைப்புகள் வந்துள்ளன. இதில் சுமார் 10 ஆயிரம் அழைப்புகள் பாம்பு பிடிப்பதற்காக வந்துள்ளன. இதைத் தவிர்த்து கடல், ஆறு, குளம், கிணறு போன்றவற்றில் சிக்கியவர்களை மீட்பதற்கு ஏராளமான அழைப்புகள் வந்துள்ளன. தண்ணீரில் மூழ்கி இறப்போர் எண்ணிக்கையில், தமிழகம் 5 அல்லது 6-ஆவது இடத்திலேயே தொடர்ந்து நீடிக்கிறது.

பராமரிப்பு இல்லாத குளங்கள், குட்டைகள், ஏரிகள் ஆகியவற்றில் மூழ்கி இறப்போரின் எண்ணிக்கையே அண்மைக் காலமாக அதிகரித்து வருவதாகக் கூறப்படுகிறது.

நகரங்களில் மட்டுமே நவீனம்

அதிகரித்து வரும் தீ விபத்துகளைக் கருத்தில் கொண்டு தீயணைப்புத் துறை நவீனப்படுத்தப்பட்டு, நவீன கருவிகள் வாங்கப்படுகின்றன. ஆனால், இது போதுமானதாக இல்லை.

தமிழகத்தில் 331 தீயணைப்பு நிலையங்கள் உள்ளன. இவற்றில் 6,998 தீயணைப்பு படை வீரர்கள் பணியாற்றுகின்றனர். தற்போது தீயணைப்புத் துறையில் நவீன கருவிகள், புதிய வாகனங்கள் ஆகியவை சென்னை, கோயம்புத்தூர், சேலம், திருச்சி, மதுரை போன்ற நகரங்களுக்கே வழங்கப்படுகின்றன. பிற பகுதிகளுக்கு நவீன கருவிகள் வழங்கப்படுவதில்லை என புகார் கூறப்படுகிறது.

இதன் விளைவாக தீ விபத்துகளின்போதும், பேரிடர் மீட்பு பணியின்போதும் தீயணைப்புத்துறையினர் முழு திறனுடன் எதிர்கொள்ள முடிவதில்லை எனத் தெரிவிக்கின்றனர். இதன் காரணமாக பல வேளைகளில் தீ விபத்துகளினால் ஏற்படும் சேதங்களை தடுக்க முடியாத நிலையும் ஏற்படுவதாக அவர்கள் கூறுகின்றனர்.

இலக்கை அடையாத தீயணைப்புத் துறை

தீ விபத்துக்குரிய அழைப்பு வந்ததும் சென்னையில் சம்பவ இடத்தை 6 நிமிஷங்களிலும், பிற பகுதிகளில் 10 நிமிஷங்களிலும் சென்றுவிட வேண்டும் என இலக்கு நிர்ணயிக்கப்பட்டுள்ளது. இந்த இலக்கு சென்னையில் பெரும்பாலும் சாத்தியமாகும் நிலையில், மாநிலத்தில் பிற பகுதிகளில் இந்த இலக்கை எட்ட முடிவதில்லை.ஏனெனில் புதிதாக ஒரு தீயணைப்பு நிலைம்அமைக்க 25 கி.மீ. தூரத்துக்கு வேறு தீயணைப்பு நிலையம் இருக்கக் கூடாது, குறைந்தது 50 ஆயிரம் மக்கள்தொகை கொண்ட பகுதியாக இருக்க வேண்டும், ரூ.50 ஆயிரத்துக்கு மேல் தீ விபத்துகளினால் பொருள்சேதம் ஏற்படும் பகுதியாக இருக்க வேண்டும் உள்ளிட்ட பல்வேறு விதிமுறைகள் உள்ளன.

ஆனால் இந்த விதிமுறைகள் மீறப்பட்டிருப்பதாகக் கூறப்படுகிறது. சில இடங்களில் 10 கி.மீ., 15 கி. மீ., 20 கி.மீ. என்ற இடைவெளியில் தீயணைப்பு நிலையங்கள் இருக்கின்றன.

இதன் விளைவாக தமிழகத்தின் மற்றொரு பகுதியில் 50 கி.மீ. ஒரு தீயணைப்பு நிலையம் கூட இருப்பதில்லை. இதனால் அப் பகுதியில் தீ விபத்து ஏற்படும்போது, மிகவும் தாமதமாகவே சம்பவ இடத்தை அடைய முடிகிறது.

மீளாய்வு செய்ய வேண்டும்

இது தொடர்பாக, தீயணைப்புத் துறையைச் சேர்ந்த உயரதிகாரி ஒருவர் கூறியது:
விதிமுறைகள் மீறப்பட்டு, விபத்துகள் குறைவாக ஏற்படும் பகுதிகளிலும், நிலையங்கள் திறப்பதற்குரிய சூழ்நிலைகள் இல்லாத பகுதிகளிலும் தீயணைப்பு நிலையங்கள் திறக்கப்படுகின்றன.இதன் விளைவாக, மாநிலத்தில் 50-க்கும் மேற்பட்ட தீயணைப்பு நிலையங்களுக்கு அவசர உதவி கேட்டு, ஆண்டுக்கு 10 அழைப்புகள் கூட வருவதில்லை.

அதேவேளையில், தேவையான இடங்களில் தீயணைப்பு நிலையம் இல்லாமல் இருப்பதால், பல இடங்களில் தீ விபத்துகள் ஏற்படும் பகுதிக்கு சரியான நேரத்துக்கு செல்ல முடியாமல் தீயணைப்புத்துறைக்கு அவப்பெயர் ஏற்படுகிறது. எனவே, தற்போது தீயணைப்பு நிலையங்கள் இருக்கும் பகுதிகளை மீளாய்வு செய்து, தகுதி இல்லாத இடங்களில் உள்ள தீயணைப்பு நிலையங்களை இடமாற்றம் செய்ய வேண்டும். அதேபோல, சென்னை உள்ளிட்ட நகரப் பகுதிகளை தவிர்த்து, பிற பகுதிகளில் உள்ள தீயணைப்பு நிலையங்களுக்கும்  நவீன கருவிகளை வழங்க வேண்டும்.

அப்போதுதான் தீயணைப்புபடை வீரர்கள் ஆபத்துக் காலத்தில் துணிவுடன் செயல்பட்டு, மக்களை பாதுகாக்க முடியும் என்றார் அவர்.

]]>
https://images.dinamani.com/uploads/user/imagelibrary/2019/9/16/w600X390/fire-extenguisher.gif https://www.dinamani.com/tamilnadu/2019/sep/16/தமிழகத்தில்-தீ-விபத்துகளின்-எண்ணிக்கை-741-அதிகரிப்பு-3235526.html
3235525 தமிழ்நாடு மந்தகதியில் டெல்டா மாவட்ட ரயில்வே திட்டங்கள் -அ.ரவி. DIN Monday, September 16, 2019 03:43 AM +0530  

திருத்துறைப்பூண்டி: காவிரி டெல்டா மாவட்ட ரயில் திட்டப் பணிகளுக்கு ரயில்வே துறை போதிய நிதி ஒதுக்கீடு செய்து பணிகளை விரைந்து நிறைவேற்ற வேண்டும் என எதிர்பார்க்கப்படுகிறது.  

தமிழகத்தில் ரயில் போக்குவரத்தில் மக்கள் அதிகம் பயன்பெறாத பகுதியாக இதுவரை டெல்டா மாவட்டங்கள் விளங்கி வருகின்றன. தஞ்சை, நாகை, திருவாரூர் மாவட்டங்களில் மயிலாடுதுறை, கும்பகோணம், தஞ்சாவூர் மட்டுமே பிரதானமாக ரயில் வசதியைப் பெற்றுள்ளன.ஒரு நூற்றாண்டுக்கும் மே லான பழைமையான காரைக்குடி - சென்னை வழித்தடம் 3 கட்டங்களாக அகலப் பாதையாக மாற்றப்பட்டுள்ளது. திருவாரூர் வரை 300 கி.மீ. தூரத்துக்கு திட்டப் பணிகள் முடிவடைந்த நிலையில், அடுத்து திருவாரூரில் இருந்து பணிகளைத் தொடங்காமல் அப்போதைய ஐக்கிய ஜனநாயக முன்னணி அரசில் ரயில்வே நிலைக் குழுவில் பதவி வகித்த ஒருவரின் தலையீடு காரணமாக காரைக்குடியிலிருந்து பட்டுக்கோட்டை வழியாக தலையை சுற்றிக் கொண்டுபணிகள் தொடங்கப்பட்டு நிறைவு பெற்றும் ரயில் சேவை தொடங்க முடியாத நிலை நீடிக்கிறது. 

தொடர்ந்து மக்கள் போராடியதன் விளைவாக சுமார் ரூ. 800 கோடியில் திருவாரூர் - காரைக்குடி அகல ரயில்பாதை பணிகள் முடிவடைந்துள்ளன. இந்நிலையில் காரைக்குடியில் இருந்து திருவாரூர் வரை உள்ள 72 ரயில்வே கேட்களில் போதிய கேட்கீப்பர்கள் நியமிக்கப்படாததால் சிவகங்கை, புதுக்கோட்டை, தஞ்சாவூர், திருவாரூர் மாவட்ட மக்கள் கடந்த 10 ஆண்டுகளுக்கும் மேலாக சென்னைக்கு நேரடி ரயில் வசதி பெற முடியாத நிலையில் உள்ளனர்.

இதில் ரயில் நிலையங்களை ஒட்டியுள்ள 13 ரயில்வே கேட்களுக்கு மட்டும் தற்காலிக தண்டவாள பராமரிப்பு பணியாளர்கள் செயல்பட்டு வருகின்றனர். 2 ரயில் நிலையங்களுக்கு இடையே உள்ள 59 ரயில்வே கேட்டுகளில் ரயில்வே பொறியியல் துறையினால் இன்னும் ஆட்கள் நியமிக்கப்படவில்லை. 

தற்போது, திருச்சிராப்பள்ளி ரயில்வே கோட்டத்துக்கு 338 பேர் தென்னக ரயில்வே மூலம் பணி நியமனம் செய்யப்பட்டு அதில் 100 பேர் முதல் கட்டமாக பணி நியமன ஆணை பெற்றுள்ளனர். 228 பேர் அடுத்த சில தினங்களில் பணி ஆணை பெற்று பணிகளில் நியமிக்கப்பட உள்ளனர். இதில், திருவாரூர்- காரைக்குடி ரயில் நிலையங்களுக்கான 50 பேர் ஒதுக்கீடு செய்ய வேண்டியது அவசியமாகிறது. அவ்வாறு ஒதுக்கீடு செய்யப்பட்ட இந்த வழித்தடம் சென்னையில் இருந்து ராமேஸ்வரம், காரைக்குடி மற்றும் தென் மாவட்டங்களுக்கும் கூடுதல் ரயில்களை இயக்க முடியும். இதனால் 10 ஆண்டுகளாக ரயில்வே சென்னைக்கு நேரடி ரயில் வசதி இல்லாத நிலை தவிர்க்கப்படும்.

அகஸ்தியம்பள்ளி: மிகவும் பழைமையான திருத்துறைப்பூண்டி- அகஸ்தியம்பள்ளி ரயில் பாதையில் தரை சமன்படுத்தும் பணிகள் முடிக்கப்பட்டு தண்டவாளங்கள் பதிக்கும் பணி தொடங்கியுள்ளன. 2020-ஆம் ஆண்டு மார்ச்சில் இப்பணிகள் முடிக்கப்படலாம் என கருதப்படுகிறது. இந்த வழித்தடம் இப்பகுதியில் விளையும் உப்பு வெளி மாவட்டம் மற்றும் வெளி மாநிலங்களுக்கு சரக்கு ரயில் மூலம் அனுப்பப்படும். இதன்மூலம் ரயில்வே துறைக்கு அதிகளவில் வருவாய் ஈட்டித்தரும் வழித்தடமாக விளங்க வாய்ப்பு உள்ளது. திருத்துறைப்பூண்டியில் இருந்து வேளாங்கண்ணி, நாகப்பட்டினம் வரை செல்லும் ரயில் திட்டங்களுக்கு 100 சதவீதம் நிலம் கையகப்படுத்தப்பட்ட நிலையில், போதிய நிதி ஒதுக்கீடு செய்யாமல் ரூ. 40 கோடி மட்டுமே நிதி ஒதுக்கீடு செய்யப்பட்டதால் காலதாமதமாக இப்பணிகள் நடைபெற்று வருகின்றன. 

தமிழகத்தில் 11 புதிய ரயில் பாதை திட்டப் பணிகளுக்கும் 20 சதவீதம் மட்டுமே நிலம் கையகப்படுத்தப்பட்டுள்ள நிலையில், வேளாங்கண்ணி, திருத்துறைப்பூண்டி திட்டத்துக்கு 100 சதவீதம் கையகப்படுத்தப்பட்ட நிலையில் கூடுதல் நிதி ஒதுக்கி இந்த பணியை விரைந்து முடிக்க வேண்டும். பேரளம்- காரைக்கால் ரயில்வே திட்டப் பணிகளை நிறைவேற்றினால், கிழக்கு கடற்கரை ரயில் பாதைத் திட்டத்தின் ஒரு பகுதி நிறைவடையும். 

மன்னார்குடி- பட்டுக்கோட்டை: மன்னார்குடி - பட்டுக்கோட்டை புதிய வழித்தடத்தில் நிலம் கையகப்படுத்தும் பணி இதுவரை தொடங்கவில்லை. அதற்கென தனிவட்டாட்சியரையும் தமிழக அரசு நியமிக்கவில்லை. பாமணி ஆறு, அசுவினி ஆறுகளில் இரண்டு பெரிய பாலம் கட்ட வேண்டிய நிலையில் 34 கிலோ மீட்டர் கொண்ட இப்பகுதியில் மதுக்கூர், பரவாக்கோட்டை ஆகிய 2 இடங்களிலும் ரயில் நிலையங்கள் அமைய உள்ளன. இத்திட்டம், செயல்படுத்தப்பட்டால் தென் மாவட்டங்களில் இருந்து செல்லும் சரக்கு ரயில் புறவழிச்சாலை வழியாக பட்டுக்கோட்டை, மன்னார்குடி, நீடாமங்கலம் வழியாக செல்ல வாய்ப்பு உள்ளது. சரக்கு ரயில் இயக்க இந்த வழித்தடம் புதிய வழித்தடம் ஆக மாறும்.

பட்டுக்கோட்டை- தஞ்சாவூர்: இந்த புதிய வழித்தடம் ரயில்வே துறை மூலமாக 
அறிவிக்கப்பட்டும் இன்னும் ஆய்வு நிலையிலேயே உள்ளது. 

தஞ்சாவூர்-அரியலூர்: 1969-ஆம் ஆண்டிலிருந்தே இத்திட்டத்தை செயல்படுத்த வேண்டும் என்று கோரிக்கைகள் வலுத்து வரும் நிலையில் மக்கள் பிரதிநிதிகள் இக்கோரிக்கையை முன்னெடுத்து செல்லாததால் திட்டம் தொடக்க நிலையிலேயே உள்ளது. அரியலூர் பகுதியிலிருந்து சிமென்ட் மற்றும் கனிமப் பொருள்களை வெளி மாவட்டங்களுக்கு கொண்டு செல்லவும், பட்டுக்கோட்டையில் இருந்து சென்னை செல்பவர்கள் விரைந்து செல்லவும் இந்த வழித்தடம் மிகவும் உபயோகமாக இருக்கும் என கண்டறியப்பட்டும், இதுவரை பணிகள் தொடங்கவில்லை. 

குறிப்பாக சரக்கு ரயில் வேகன் ஒன்றில் இரண்டரை லாரிகளில் ஏற்றக்கூடிய மூட்டைகளை ஏற்ற முடியும் . ஒரு சரக்கு ரயிலில் 42 வேகன்கள் இணைக்கப்படும். இது இப்பகுதியின் தொழில் வளர்ச்சிக்கும் பொருளாதார வளர்ச்சிக்கும் உறுதுணையாக இருக்கும். டெல்டா மாவட்ட ரயில்வே திட்டங்களை போதிய நிதி ஒதுக்கீடு செய்து பணிகளை விரைந்து முடித்து மக்களின் போக்குவரத்திலும் பொருளாதார வளர்ச்சிக்கும் உறுதுணையாக இருக்க வேண்டுமென்றும் இப்பகுதி மக்கள் விரும்புகின்றனர். 

இதுகுறித்து, தட்சிண ரயில்வே எம்ப்ளாயீஸ் யூனியனின் துணைப் பொதுச் செயலர் டி. மனோகரன் கூறியது:  தமிழகத்தில் 11 புதிய ரயில் திட்டங்கள் அறிவிக்கப்பட்டு 20 சதவீத நிலம் ஆர்ஜிதம் செய்யப்பட்ட நிலையில் அந்த புதிய திட்டங்களுக்கு நடப்பாண்டில் ரூ. 52 கோடி மட்டுமே நிதி ஒதுக்கீடு செய்யப்பட்டுள்ளது போதுமானதல்ல. உடனடியாக இத்திட்டங்கள் செயல்படுத்தப்படா விட்டால் பணிகளின் திட்ட மதிப்பீடு உயரும் அபாய நிலை உள்ளது என்றார் அவர். 

]]>
https://images.dinamani.com/uploads/user/imagelibrary/2019/9/16/w600X390/train.gif https://www.dinamani.com/tamilnadu/2019/sep/16/மந்தகதியில்-டெல்டா-மாவட்ட-ரயில்வே-திட்டங்கள்-3235525.html
3235521 தமிழ்நாடு வட மாநிலங்களில் தமிழ் கற்றுத்தர அமித் ஷா நடவடிக்கை எடுக்க வேண்டும்: அமைச்சர் க.பாண்டியராஜன் DIN DIN Monday, September 16, 2019 03:31 AM +0530 வட மாநிலங்களில் தென்னிந்தியாவின் மூத்த மொழியான தமிழைக் கற்றுத்தர மத்திய உள்துறை அமைச்சர் அமித் ஷா நடவடிக்கை எடுக்க வேண்டும் என தமிழ் வளர்ச்சித் துறை அமைச்சர் க.பாண்டியராஜன் வலியுறுத்தினார்.
முன்னாள் முதல்வர் அண்ணா பிறந்தநாள் விழா,  உலகத் தமிழாராய்ச்சி நிறுவன நிறுவனர் நாள் விழா ஆகிய விழாக்கள் சென்னையில் ஞாயிற்றுக்கிழமை நடைபெற்றன. விழாவுக்கு தமிழ் வளர்ச்சித்துறை இயக்குநர் கோ.விசயராகவன் முன்னிலை வகித்து தமிழ் வளர்ச்சிக்கு அண்ணா ஆற்றிய பணிகள் குறித்து விளக்கிப் பேசினார்.  
விழாவுக்கு  அமைச்சர் க.பாண்டியராஜன் தலைமை வகித்து அண்ணா குறித்த மலரை வெளியிட்டுப் பேசியது:  
தமிழகத்துக்கு ஜனநாயக அரசியலை கற்பித்த முன்னோடி  பேரறிஞர் அண்ணா.  ஒரு சாமானியனாலும் அரசியல் கட்சி தொடங்க முடியும்; ஆட்சியைக் கைப்பற்ற முடியும் என்று முன்னுதாரணத்தைத் தமிழகத்தின் மூலமாக இந்தியாவில் உருவாக்கியவர் அவர்.  
அறிவையும், அதிகாரத்தையும் ஏழை எளியோருக்கு எப்படி பயன்படுத்த வேண்டும் என்று கற்றுத் தந்தார்.  "பிரெஞ்சு கலைக்கழகத்தைப் போன்று தமிழுக்கு ஒரு உயராய்வு மையம் இருக்க வேண்டும்' என்பதற்காகவே மறைந்த முதல்வர் அண்ணாவின் முயற்சியால் உருவானது உலகத் தமிழாராய்ச்சி நிறுவனம். தமிழ் வளர்ச்சிக்கு இந்த நிறுவனத்தில் ஒட்டுமொத்த தமிழாராய்ச்சிகளுக்கான இணைதளம் தொடங்கப்படவுள்ளது என்றார்.
ஹிந்தி பேசுவோர் 44 சதவீதம் மட்டுமே:  இதையடுத்து அவர் செய்தியாளர்களிடம் கூறியது: 
புதிதாக ஒரு மொழியைக் கற்று கொள்வது என்பது தவறில்லை. அதே வேளையில் அந்த மொழி மக்கள் மேல் திணிக்கப் படக்கூடாது. அமித் ஷா எந்த கண்ணோட்டத்தில் இந்த கருத்தைப் பேசியிருக்கிறார்  என்று எனக்கு தெரியவில்லை. ஆனால், ஆங்கிலம் ஒரு இணைப்பு மொழியாக இல்லாமல், அந்த இடத்துக்கு ஹிந்தி மொழி வரவேண்டும் என்று கூறுவது போலத்தான் தெரிகிறது.  என்னை பொருத்தவரை 44 சதவீத மக்கள் இந்தியாவில் ஹிந்தி மொழி பேசுபவர்களாக உள்ளனர். 
இன்னும் கூட இந்தியாவில் பெரும்பான்மை எனும் நிலைக்கு ஹிந்தி வரவில்லை.  இத்தனை ஆண்டுகளாகியும் ஆங்கிலம் தான் நமது இணைப்பு மொழியாக உள்ளது. அதை மாற்றவேண்டும் என்று கொள்கை ரீதியாக பாஜக முயற்சி மேற்கொண்டு வருகிறது.  ஆனால், ஹிந்தி மொழி தான் இணைப்பு மொழியாக இருக்கவேண்டும் என்ற சித்தாந்தத்தை தமிழக அரசு எப்போதும் ஏற்றுக் கொண்டதில்லை.  
உலகளவில் தமிழ் பேசுவோரின் எண்ணிக்கையை 10 கோடியிலிருந்து 20 கோடியாக உயர்த்த வேண்டும் என்பதே தமிழக அரசின் நோக்கமாகும். இதற்கான முயற்சிகளை அரசு மேற்கொண்டு வருகிறது. 
பிறமொழிகளை வளர்த்தால்...: இந்தியாவில் உள்ள 22 முக்கிய மொழிகள் பட்டியலில், 10 மொழிகளாவது தலா 1 கோடி மக்களுக்கு மேல் பேசும் மொழிகள் ஆகும்.   தென்னிந்திய மொழிகளில் மூத்த மொழியான தமிழை வட மாநிலங்களில் கற்றுத் தருவதற்கான நடவடிக்கைகளை அமித்ஷா முன்னெடுக்க வேண்டும் என்பது எனது கருத்து. 
ஹிந்தியை முதன்மையாகக் கொண்ட மாநிலங்களில் பிற இந்திய மொழிகளின் வளர்ச்சிக்கும் முக்கியத்துவம் அளிக்கும்போது அந்த மொழிகள் வளர்ச்சி பெறும். இது சாத்தியப்படும்போது  ஹிந்தியை  பிற மாநிலங்களிலும் ஏற்றுக்கொள்கிற பக்குவம் வரலாம் என்றார் அவர்.   விழாவில் முன்னாள் மத்திய அமைச்சர் செஞ்சி ந.ராமச்சந்திரன் சிறப்புரையாற்றினார்.

]]>
https://images.dinamani.com/uploads/user/imagelibrary/2019/9/16/w600X390/pandiyaraj.gif சென்னை உலகத் தமிழாராய்ச்சி நிறுவனத்தில் ஞாயிற்றுக்கிழமை நடைபெற்ற அண்ணா பிறந்த நாள் விழாவில் வெளியிடப்பட்ட அண்ணா குறித்த மலருடன் (இடமிருந்து) முனைவர் பட்ட ஆய்வாளர் எ.கண்ணம்மாள்,  பேராசிரியர் பா.ராசா,   https://www.dinamani.com/tamilnadu/2019/sep/16/வட-மாநிலங்களில்-தமிழ்-கற்றுத்தர-அமித்-ஷா-நடவடிக்கை-எடுக்க-வேண்டும்-அமைச்சர்-கபாண்டியராஜன்-3235521.html
3235519 தமிழ்நாடு நாடாளுமன்றக் குழு எச்சரிக்கையையும் மீறி அரசு பங்களாவை காலி செய்யாத 82 முன்னாள் எம்.பி.க்கள் DIN DIN Monday, September 16, 2019 03:28 AM +0530 அரசு பங்களாவை காலி செய்யுமாறு முன்னாள் எம்.பி.க்களை நாடாளுமன்றக் குழு கடுமையாக எச்சரித்துள்ளபோதிலும், 82 முன்னாள் எம்.பி.க்கள் இன்னும் அந்த பங்களாக்களை காலி செய்யவில்லை எனத் தெரியவந்துள்ளது. 
அந்த முன்னாள் எம்.பி.க்களை விரைவில் வெளியேற்ற, அரசு கட்டட (அங்கீகாரம் இன்றி குடியிருத்தல்) சட்டத்தின் கீழ் நடவடிக்கை எடுக்க மத்திய அரசு முனைந்து வருவதாக தகவலறிந்த வட்டாரங்கள் தெரிவித்தன. 
தங்களது பதவிக் காலம் முடிந்த பிறகும் அரசு பங்களாக்களில் குடியிருந்த 200-க்கும் மேற்பட்ட முன்னாள் எம்.பி.க்கள் ஒரு வாரத்துக்குள்ளாக அவற்றிலிருந்து வெளியேற வேண்டும் என்று சி.ஆர். பாட்டீல் தலைமையிலான அரசு இல்லங்கள் ஒதுக்கீட்டுக்கான நாடாளுமன்றக் குழு கடந்த ஆகஸ்ட் 19-ஆம் தேதி உத்தரவிட்டது. 
மேலும், அந்த பங்களாக்களுக்கான மின்சாரம், குடிநீர், சமையல் எரிவாயு இணைப்புகளை 3 நாள்களுக்குள் துண்டிக்குமாறும் உத்தரவிட்டது. அந்த உத்தரவையும் மீறிய வகையில் இன்னும் 82 முன்னாள் எம்.பி.க்கள் அரசு பங்களாக்களில் குடியிருந்து வருவதாக அரசு இல்லங்கள் ஒதுக்கீட்டுக்கான நாடாளுமன்றக் குழு வட்டாரங்கள் தெரிவித்துள்ளன. இதுதொடர்பாக அந்த வட்டாரங்கள் மேலும் கூறியதாவது: 
அரசு பங்களாக்களை காலி செய்யுமாறு இல்லங்கள் ஒதுக்கீட்டுக்கான குழு உத்தவிட்ட பிறகு, பெரும்பாலான முன்னாள் எம்.பி.க்கள் தாங்கள் குடியிருந்த பங்களாக்களை காலி செய்துவிட்டனர். கடைசி நிலவரத்தின் படி, இன்னும் 82 முன்னாள் எம்.பி.க்கள் அரசு பங்களாக்களை காலி செய்ய வேண்டியுள்ளது. 
நாடாளுமன்றக் குழு உத்தரவையும் மீறி அவர்கள் அவ்வாறு குடியிருப்பது ஏற்றுக் கொள்ள இயலாதது. அந்த முன்னாள் எம்.பி.க்களுக்கு எதிராக கடுமையான நடவடிக்கை எடுக்கப்படும். பங்களாக்களில் இருந்து வெளியேறுமாறு அவர்களுக்கு நோட்டீஸ் அனுப்பப்பட்டு வருகிறது. 
பங்களாக்களை காலி செய்யாத பட்சத்தில், அரசு கட்டட (அங்கீகாரம் இல்லாமல் குடியிருத்தல்) சட்டத்தின் கீழ் அவர்கள் மீது நடவடிக்கை எடுக்கப்படும். அவர்களை வெளியேற்றுவதற்கான உத்தரவு பிறப்பிக்கப்பட்ட பிறகு, சம்பந்தப்பட்ட பங்களாவிற்கான மின்சாரம், குடிநீர், சமையல் எரிவாயு இணைப்பு துண்டிக்கப்படும் என்று அந்த வட்டாரங்கள் கூறின.

]]>
https://images.dinamani.com/uploads/user/imagelibrary/2019/8/7/w600X390/parliment.jpg https://www.dinamani.com/tamilnadu/2019/sep/16/நாடாளுமன்றக்-குழு-எச்சரிக்கையையும்-மீறி-அரசு-பங்களாவை-காலி-செய்யாத-82-முன்னாள்-எம்பிக்கள்-3235519.html
3235518 தமிழ்நாடு ஆவின் பால் பொருள்கள் விலை உயர்வு: செப்.18 முதல் அமல் DIN DIN Monday, September 16, 2019 03:26 AM +0530 ஆவின் பால் விலை உயர்த்தப்பட்டதைத் தொடர்ந்து, ஆவின் பால் மூலம் தயாரிக்கப்படும் பொருள்களின் விலையும்  உயர்த்தப்பட்டுள்ளது. இந்த விலை உயர்வு வரும் புதன்கிழமை முதல் நடைமுறைப்படுத்தப்படும் என ஆவின் நிறுவனம் அறிவித்துள்ளது. 

நுகர்வோர்களுக்கு நல்ல தரமான பால் தொடர்ந்து விநியோகம் செய்வதை உறுதிப்படுத்தும் வகையிலும், பால் உற்பத்தியாளர் ஒன்றியங்களின் உள்கட்டமைப்பு வசதிகளை மேம்படுத்தவும், பதப்படுத்தும் செலவு, போக்குவரத்து மற்றும் அலுவலகச் செலவு ஆகியவை கணிசமாக உயர்ந்துள்ளதாலும்,  ஆவின் பால் விலை லிட்டர் ஒன்றுக்கு ரூ. 6 உயர்த்தப்படும் என்று ஆவின் பால் நிறுவனம் அறிவித்தது. இதைத் தொடர்ந்து பால் கொள்முதல் மற்றும் விற்பனை விலை உயர்வு கடந்த ஆகஸ்ட் 19-ஆம் தேதி முதல் அமலுக்கு வந்தது.  இதைத் தொடர்ந்து பல தனியார் நிறுவனங்களும் பால் விலையை  உயர்த்தி வருகின்றன.  

ஆவின் பால் விலை உயர்த்தப்பட்டதைத் தொடர்ந்து அந்த நிறுவனம் சார்பில் தயாரிக்கப்படும் நெய், வெண்ணெய், பால்கோவா உள்ளிட்ட இனிப்பு வகைகள், பொருள்களின் விலையும் உயர்த்தப்படும் என்று தெரிவிக்கப்பட்டது. அதன்படி பால் பொருள்களின் விலை  உயர்வை ஆவின் நிறுவனம் ஞாயிற்றுக்கிழமை அறிவித்துள்ளது.  

ஆவின் நிறுவனம் சார்பில் விற்பனை செய்யப்படும் நெய், பால் பவுடர், பன்னீர் உள்ளிட்ட பொருள்கள் விலையும் உயர்த்தப்பட்டுள்ளன. ஒரு லிட்டர் நெய் விலை ரூ.35-ம்,  ஒரு கிலோ பால் பவுடர் விலை ரூ.50-ம்  உயர்த்தப்பட்டுள்ளது.  

ஆவின் நெய் 1 லிட்டர் ரூ.460-இல் இருந்து ரூ.495 ஆக அதிகரிக்கப்பட்டுள்ளது. அதாவது லிட்டருக்கு ரூ.35 உயர்வு கண்டுள்ளது.  ரூ.270-க்கு விற்பனை செய்யப்பட்ட ஒரு கிலோ பால் பவுடர் தற்போது ரூ. 320 ஆக அதிகரிக்கப்பட்டுள்ளது. ஆவின் வெண்ணெய் அரை கிலோ ரூ.230-இல் இருந்து ரூ.240 ஆக உயர்த்தப்பட்டுள்ளது. ஆவின் தயிர் அரை லிட்டர் ரூ.25-இல் இருந்து ரூ.27 ஆக அதிகரித்துள்ளது.  

அதேபோன்று ஆவின் பால்கோவா கிலோவுக்கு ரூ.20 உயர்ந்துள்ளது. அதன்படி இதுவரை ரூ.500-க்கு விற்பனை செய்யப்பட்ட ஒரு கிலோ பால்கோவா இனி ரூ.520-க்கு விற்கப்படும்.  ஆவின் பன்னீர் கிலோவுக்கு ரூ.50 அதிகரித்துள்ளது. அதன்படி பன்னீர் 1 கிலோ ரூ.400-இல் இருந்து ரூ.450 ஆக அதிகரித்துள்ளது. ஆவின் டிலைட் பால் அரை லிட்டர்  ரூ.26-இல் இருந்து ரூ.30- ஆகவும், நறுமண பாலின் விலை அரை லிட்டர் ரூ.22-லிருந்து ரூ.25 ஆகவும் அதிகரிக்கப்பட்டுள்ளது.  இந்த விலை உயர்வு வரும் புதன்கிழமை முதல் அமலுக்கு வரும் என்றும், பால் விலை உயர்வால், பால் பொருள்கள் விலை உயர்த்தப்பட்டுள்ளதாகவும் ஆவின் நிறுவனம் தெரிவித்துள்ளது.

]]>
https://images.dinamani.com/uploads/user/imagelibrary/2019/9/16/w600X390/aavin.gif https://www.dinamani.com/tamilnadu/2019/sep/16/ஆவின்-பால்-பொருள்கள்-விலை-உயர்வு-செப்18-முதல்-அமல்-3235518.html
3235413 தமிழ்நாடு மீண்டும் சிறைக்கு திரும்பினார் நளினி  DIN DIN Monday, September 16, 2019 02:40 AM +0530 மகள் திருமண ஏற்பாடுகளுக்காக 28 ஆண்டுகால சிறை வாசத்துக்குப் பிறகு கடந்த ஜூலை 25ஆம் தேதி பரோலில் வெளியே வந்த ராஜீவ் காந்தி கொலை வழக்கில் குற்றம் சாட்டப்பட்ட நளினி, 51 நாள்களுக்கு பிறகு ஞாயிற்றுக்கிழமை மீண்டும் சிறைக்கு திரும்பினார். எனினும், பரோல் காலத்தில் மகளின் திருமண ஏற்பாடுகளை செய்திட இயலாததால் நளினி வருத்தமடைந்திருப்பதாக அவரது வழக்குரைஞர் புகழேந்தி தெரிவித்தார்.
 

]]>
https://images.dinamani.com/uploads/user/imagelibrary/2019/2/24/w600X390/nalani1.jpg https://www.dinamani.com/tamilnadu/2019/sep/16/மீண்டும்-சிறைக்கு-திரும்பினார்-நளினி-3235413.html
3235412 தமிழ்நாடு கண்டெய்னர் லாரி உரிமையாளர்கள் காலவரையற்ற வேலைநிறுத்தம் DIN DIN Monday, September 16, 2019 02:39 AM +0530 சென்னையில் பல்வேறு கோரிக்கைகளை வலியுறுத்தி கண்டெய்னர் லாரி உரிமையாளர்கள் திங்கள்கிழமை (செப். 16) முதல் காலைவரையற்ற வேலைநிறுத்தத்தை அறிவித்துள்ளனர்.

இது குறித்து டிரைலர் உரிமையாளர்கள் சங்கங்களின் கூட்டமைப்பு தரப்பில் கூறியது: மோட்டார் வாகனச் சட்டம் 1988-ன் படி ஒவ்வொரு லாரிக்கும் குறிப்பிட்ட எடைகொண்ட பாரத்தை மட்டுமே ஏற்றிச் செல்ல வேண்டும் என்பது விதியாகும். 
இதனை மீறும் வாகன உரிமையாளர்கள் மீது அபராதம் விதிக்கப்படும். ஆனால், இந்தக் கட்டுப்பாடு பல ஆண்டுகளாக முழுமையாக நிறைவேற்றப்படவில்லை. அதிக பாரம் ஏற்றுவதால் சாலைகள் எளிதில் சேதமடைகின்றன, விபத்துகள் அதிகரிக்கின்றன, அதிக அளவு புகையை வெளியேற்றுவதால் சுற்றுச்சூழல் மாசு ஏற்படுகிறது. 

இந்த நிலையில், கடந்த 1-ஆம் தேதி முதல் குறிப்பிட்ட எடை கொண்ட பாரம் மட்டுமே ஏற்றிச் செல்வது, ஒரு லாரியில் ஒரு கண்டெய்னரை மட்டுமே ஏற்றுவது என்ற முடிவோடு அதற்குரிய வாடகையை உயர்த்தித் தர வேண்டும் என்று கோரியிருந்தோம். இல்லையெனில் வேலைநிறுத்தப் போராட்டத்தில் ஈடுபடுவோம் எனவும் அறிவித்திருந்தோம். 

ஆனால், இன்றுவரை துறைமுக நிர்வாகங்கள், சரக்குப் பெட்டக முனையங்கள், சரக்குப் பெட்டக நிலையங்கள் எவ்வித நடவடிக்கைகளையும் எடுக்கவில்லை. மேலும் இது குறித்து பேச்சுவார்த்தை நடத்தக் கூட அழைக்கவில்லை. 

எனவே வேறு வழியின்றி திங்கள்கிழமை முதல் சென்னை, எண்ணூர் காமராஜர், காட்டுப்பள்ளி அதானி ஆகிய துறைமுகங்களுக்கு எங்களது கண்டெய்னர் லாரிகளை இயக்க மாட்டோம். இதில் 12 சங்கங்களைச் சேர்ந்த கண்டெய்னர் லாரி உரிமையாளர்கள் பங்கேற்கின்றனர் என தெரிவிக்கின்றனர். 

கண்டெய்னர் லாரிகள் வேலைநிறுத்தம் நீடித்தால் ஏற்றுமதி, இறக்குமதி பணிகள் அடியோடு ஸ்தம்பிக்கும் அபாயம் உள்ளது.

]]>
https://images.dinamani.com/uploads/user/imagelibrary/2018/6/18/w600X390/lorry.JPG https://www.dinamani.com/tamilnadu/2019/sep/16/கண்டெய்னர்-லாரி-உரிமையாளர்கள்-காலவரையற்ற-வேலைநிறுத்தம்-3235412.html
3235411 தமிழ்நாடு பேனர் கலாசாரத்தை கொண்டு வந்தது திமுகதான்: பிரேமலதா விஜயகாந்த்  DIN DIN Monday, September 16, 2019 02:37 AM +0530 தமிழகத்தில் பேனர் கலாசாரத்தை முதன் முதலில் கொண்டுவந்தது திமுகதான் என்று தேமுதிக பொருளாளர் பிரேமலதா விஜயகாந்த் குற்றம் சாட்டியுள்ளார். 

திருப்பூர் மாவட்ட தேமுதிக சார்பில் கட்சியின் நிறுவனத் தலைவர் விஜயகாந்த் பிறந்த நாள் விழா, கட்சியின்15 ஆம் ஆண்டு தொடக்க விழா, நலத் திட்ட உதவிகள் வழங்கும் விழா என முப்பெரும் விழா ஞாயிற்றுக்கிழமை நடைபெற்றது.  இந்த விழாவில் பங்கேற்று தேமுதிக பொருளாளர் பிரேமலதா விஜயகாந்த் பேசியதாவது:

ஜிஎஸ்டியால் நெசவும், பின்னலாடைத் துறையும் முடக்கப்பட்டிருக்கின்றன. பிரதமர் மோடியை வெகு விரைவில் சந்தித்து ஜிஎஸ்டியை மறுபரிசீலனை செய்யும்படி வலியுறுத்துவோம். இந்தியாவில் நீண்டகாலம் ஆட்சி செய்த காங்கிரஸ் ஊழலைத் தவிர வேறு எந்த சாதனையையும் செய்யவில்லை.

காங்கிரஸில் 50 ஆண்டுகாலம் அரசியல் செய்து 8 முறை பட்ஜெட் போட்ட ப.சிதம்பரம் இருப்பது திகார் சிறையில்.  கடந்த இரு நாள்களுக்கு முன்னர் திமுக தலைவர் மு.க.ஸ்டாலின் வெளியிட்டுள்ள அறிக்கையில் பேனர் வைக்கும் விழாவுக்குச் செல்லமாட்டேன் என்கிறார். 

பேனர் கலாசாரத்தை தமிழகத்தில் கொண்டுவந்தது திமுகதான் என்பதை உங்களால் மறுக்க முடியுமா?  ஈழப் படுகொலைக்குக்  காரணம் திமுகதான். தமிழகத்தில் விரைவில் நடைபெறும் உள்ளாட்சித் தேர்தலில் அதிகமான இடங்களில் வெற்றிபெற கடுமையாக உழைக்க வேண்டும்  என்றார்.  

தேமுதிக துணைப் பொதுச் செயலாளர் எல்.கே.சுதீஷ், விஜயபிரபாகரன்,தேமுதிக திருப்பூர் மாவட்டச் செயலாளர் முத்துவெங்கடேஸ்வரன் உள்ளிட்ட  நிர்வாகிகள், கட்சியினர் கலந்துகொண்டனர்.

ஒரு நாள் ஒரு பொழுதாவது எனக்கு விடியும் 

இந்த விழாவில் தேமுதிக நிறுவனத் தலைவர் விஜயகாந்த் பேசுகையில்,  ஒரு நாள் ஒரு பொழுதாவது இந்த விஜயகாந்துக்கு விடியும். அப்போது உங்களை தங்கத் தட்டில் வைத்துத் தாலாட்டுவேன். அடுத்த முறை ஒரு மணி நேரம் பேசுகிறேன். இப்பொழுது அனைவரும் பத்திரமாக வீடுபோய் சேருங்கள் என்றார்.

]]>
https://images.dinamani.com/uploads/user/imagelibrary/2019/9/16/w600X390/vijayakanth.gif https://www.dinamani.com/tamilnadu/2019/sep/16/பேனர்-கலாசாரத்தை-கொண்டு-வந்தது-திமுகதான்-பிரேமலதா-விஜயகாந்த்-3235411.html
3235410 தமிழ்நாடு ஹிந்தி திணிப்பை தடுக்க எந்தத் தியாகத்துக்கும் தயார்: மு.க.ஸ்டாலின் DIN DIN Monday, September 16, 2019 02:36 AM +0530 ஹிந்தி திணிப்பை தடுக்க எந்தத் தியாகத்தையும் செய்யத் தயார் என்று திமுக தலைவர் மு.க.ஸ்டாலின் பேசினார்.
திமுக சார்பில் கட்சி உதயமான தினம், அண்ணா பிறந்த தினம், பெரியார் பிறந்த தினம் ஆகிய முப்பெரும் விழா திருவண்ணாமலையில் ஞாயிற்றுக்கிழமை நடைபெற்றது.
விழாவில் மு.க.ஸ்டாலின் பேசியதாவது: நான் பங்கேற்கும் விழாக்களில் விளம்பரப் பதாகைகள் இருக்கக் கூடாது என்று பிறப்பிக்கப்பட்ட கட்டளை இந்த விழாவில் நிறைவேற்றப்பட்டுள்ளது.  கருணாநிதி பிறந்த நாளான ஜூன் 3-ஆம் தேதியை இனிவரும் காலங்களில் செம்மொழி நாளாகக் கொண்டாட வேண்டும். அடுத்து வரும் கருணாநிதி பிறந்த நாள் விழாவின்போது, பல்வேறு துறைகளில் சிறந்து விளங்கும் படைப்பாளிகளுக்கு விருதுகள் வழங்கப்படும்.
திமுகவை தொடங்கிய பிறகு, முதன் முதலில் 1957-இல் தேர்தல் களம் கண்டோம். இத்தனை ஆண்டுகளில் நாம் பெறாத வெற்றியும் இல்லை, நாம் பெறாத தோல்வியும் இல்லை.
தொண்டர்களின் கடுமையான உழைப்பின் பலனாக 1967-இல் அண்ணா தலைமையில் ஆட்சியைப் பிடித்தோம். 
ஏழை, நடுத்தர, சிறுபான்மையின மக்களுக்கும், பெண்களுக்கும் ஆதரவாக இருக்கும் ஒரே இயக்கம் திமுக. ஆனால், இன்று தமிழகத்தில் பாஜகவின் எடுபிடி ஆட்சி நடக்கிறது. முதல்வர் எடப்பாடி பழனிசாமி 14 நாள்கள் இன்பச் சுற்றுலாவாக வெளிநாடுகளுக்குச் சென்று வருகிறார்.
நான் முன்பே சொன்னதைத்தான் இப்போதும் சொல்கிறேன். தமிழகத்துக்கு முறையான முதலீட்டை கொண்டு வந்தால், முதல்வருக்கு பகிரங்கமாக பாராட்டு விழா நடத்தத் தயாராக இருக்கிறேன். வெளிநாடுகளுக்கு சென்று வந்த முதல்வர் எடப்பாடி, 41 நிறுவனங்கள் மூலம் பல ஆயிரம் கோடிக்கு முதலீட்டை கொண்டு வந்ததாகச் சொல்கிறார். ஆனால், ஒரு நிறுவனத்தின் பெயரைக் கூட இதுவரை வெளியிடவில்லை. எத்தனை பேருக்கு வேலைவாய்ப்பு கிடைக்கும் என்பதையும் முறையாகச் சொல்லவில்லை.
ஆனால், கோட்டையில் அமர்ந்து கொண்டே தமிழகத்துக்கு தொழிற்சாலைகளைக் கொண்டு வந்தவர் கருணாநிதி. இந்தியாவே பொறாமைப்படும் அளவுக்கு அவர் ஆட்சியை நடத்தினார். எங்கள் சாதனையை யாராலும் முறியடிக்க முடியாது.
திமுக வெறும் அரசியல் இயக்கம் மட்டுமல்ல. தமிழ் கலாசாரத்தை, மொழியை காப்பாற்றும் மிகப்பெரிய இயக்கம். மத்தியில், பாஜக ஆட்சியால் நாட்டில் 45 ஆண்டுகளில் இல்லாத அளவுக்கு வேலையில்லாத் திண்டாட்டம் அதிகரித்துள்ளது. புதிய வேலைவாய்ப்புகள் இல்லை. இந்த நிலையில், பிரதமர் மோடி, மத்திய உள் துறை அமைச்சர் அமித் ஷா ஆகிய இருவரும் சேர்ந்து நாடு முழுவதும் ஹிந்தியைத் திணிக்க முயல்கின்றனர். 1,652 மொழிகளைப் பேசும் மக்கள் வாழும் இந்திய நாட்டில், ஒரே மொழி என்பது எப்படி சாத்தியமாகும்? இனிவரும் காலங்களில் தமிழகத்திலேயே தமிழ் பேசக்கூடாது என்று சட்டம் வந்தாலும் வரலாம். இந்த கலாசார படையெடுப்பை எதிர்க்க திமுக தயாராக இருக்கும். தமிழ்நாட்டில் ஹிந்தியைத் திணிக்கும் எந்த முயற்சியையும் திமுக பார்த்துக்கொண்டிராது. தடுக்கும் முயற்சியில் கண்டிப்பாக ஈடுபடும். இதற்காக எந்தத் தியாகத்தையும் செய்வதற்கு தயாராக இருக்கிறோம்.
இது ஒரு அரசியல் போராட்டம் மட்டும் அல்ல; பண்பாட்டுப் போராட்டம். எனவே, அரசியல் எல்லைகளை எல்லாம் கடந்து அனைத்துத் தரப்பினரும் இந்தப் போராட்டத்தில் பங்கேற்க வேண்டும். 1938-இல் ஹிந்தி திணிப்பு எதிர்ப்புப் போராட்டம் தொடங்கப்பட்டது. அந்த ஒற்றுமை 2019-இல் வர வேண்டும் என்றார் மு.க.ஸ்டாலின்.
முன்னதாக, கட்சியின் பொருளாளர் துரைமுருகன் தலைமை வகித்தார். திருவண்ணாமலை தெற்கு மாவட்டச் செயலர் எம்எல்ஏ எ.வ.வேலு வரவேற்றார். முதன்மைச் செயலர் டி.ஆர்.பாலு, துணைப் பொதுச் செயலர்கள் ஐ.பெரியசாமி, சுப்புலட்சுமி ஜெகதீசன், வி.பி.துரைசாமி ஆகியோர் வாழ்த்துரை வழங்கினர்.
5 பேருக்கு விருதுகள்: இதுதவிர, த.வேணுகோபாலுக்கு பெரியார் விருது, சி.நந்தகோபாலுக்கு அண்ணா விருது, ஏ.கே.ஜெகதீசனுக்கு கலைஞர் விருது, சித்திரமுகி சத்தியவாணிமுத்துவுக்கு பாவேந்தர் பாரதிதாசன் விருது, தஞ்சை ச.இறைவனுக்கு பேராசிரியர் விருது ஆகியவற்றை மு.க.ஸ்டாலின் வழங்கினார்.
துரைமுருகன்:   100 ஆண்டுகளைக் கடந்து நிலைத்து நிற்கும் இரு கட்சிகள் காங்கிரஸூம், திராவிடக் கட்சியும்தான்.  இன்றும்கூட கம்பீரமாக நடைபோடும் கட்சி திமுக.  ஒரு தலைவனின் மறைவுக்குப் பிறகு ஒரு கோடி தொண்டர்கள் சேர்ந்து தலைவர் பதவிக்காக ஒரே ஒரு பெயரை முன்மொழிந்த கட்சி திமுக.இப்போது, இந்துத்துவ கொள்கையை எதிர்த்து வெற்றி பெற வேண்டிய கடமை திமுகவுக்கு உள்ளது. 
அந்தக் கொள்கையை எதிர்த்து திமுக தலைவர் மு.க.ஸ்டாலின் நிச்சயம் வெற்றி பெறுவார். எந்தக் காலத்தில் ஒரே மொழி நாட்டை ஆட்சி செய்திருக்கிறது.தமிழகத்தில் மட்டும் ஹிந்தியைத் திணிக்கவே முடியாது.
கனிமொழி:   தமிழகம் 1930-ஆம் ஆண்டிலேயே ஹிந்தி எதிர்ப்புக் களமாக இருந்தது. அதே எதிர்ப்பு உணர்வு தமிழக மக்களிடம் இப்போதும் உள்ளது. 
ஹிந்தி மொழி திணிப்பை சுருட்டி வைத்துக்கொள்ளக்கூடிய காலகட்டம் நெருங்கிக் கொண்டிருக்கிறது. 
பல்வேறு இடங்களில் ஹிந்தி மொழியை திணிக்க முயற்சிகள் நடைபெறுகின்றன. ஆனால், கடைசித் தமிழன் இந்த மண்ணில் இருக்கும் வரை, ஹிந்தி மொழிக்கு எதிரான போராட்டம் தொடரும்.
விழாவில், திருவண்ணாமலை மக்களவைத் தொகுதி உறுப்பினர் சி.என்.அண்ணாதுரை, தலைமைச் செயற்குழு உறுப்பினர் இரா.ஸ்ரீதரன் மற்றும் மாநில, மாவட்ட, நகர, ஒன்றிய, பேரூராட்சி நிர்வாகிகள் பலர் கலந்து கொண்டனர்.

]]>
https://images.dinamani.com/uploads/user/imagelibrary/2019/9/16/w600X390/stalin1.gif திருவண்ணாமலையில் ஞாயிற்றுக்கிழமை நடைபெற்ற திமுக முப்பெரும் விழாவில் பேசுகிறார் அந்தக் கட்சியின் தலைவர் மு.க.ஸ்டாலின். உடன் திமுக பொருளர் துரைமுருகன், முதன்மைச் செயலர் டி.ஆர்.பாலு,  துணைப் பொதுச் செயலர https://www.dinamani.com/tamilnadu/2019/sep/16/ஹிந்தி-திணிப்பை-தடுக்க-எந்தத்-தியாகத்துக்கும்-தயார்-முகஸ்டாலின்-3235410.html
3235409 தமிழ்நாடு பிற மதங்களையும் தம் மதம்போல் மதிக்க வேண்டும்: ஆளுநர் வலியுறுத்தல் DIN DIN Monday, September 16, 2019 02:35 AM +0530 ஒரே கருத்துகளைக் கூறும் அனைத்து மதங்களையும் தங்களது மதத்துக்கு இணையாக மதிக்க வேண்டும் என ஆளுநர் பன்வாரிலால் புரோஹித் தெரிவித்துள்ளார்.
பிரம்மா குமாரிகள் இயக்கம் சார்பில் சென்னை அருகே உள்ள சுங்குவார்சத்திரத்தில், "இறைவன் ஒருவரே, உலகம் ஒரு குடும்பம்'  என்ற தலைப்பில் ஆன்மிக மாநாடு ஞாயிற்றுக்கிழமை நடைபெற்றது. 
இதில் சிறப்பு விருந்தினராகக் கலந்து கொண்டு மாநாட்டைத் தொடங்கி வைத்து தமிழக ஆளுநர் பன்வாரிலால் புரோஹித் பேசியது: 
நாம் அனைவரும் சக மனிதர்களிடம் சகிப்புத்தன்மை மற்றும் பரஸ்பர மரியாதையுடன் பழக வேண்டும். அனைத்து ஆன்மிகவாதிகளும் இதையே தான் வலியுறுத்தியுள்ளனர். அவர்கள் சார்ந்துள்ள அனைத்து மதங்களும் சத்தியத்தின் நன்மை மற்றும் தார்மிக வாழ்க்கை, அன்பு மற்றும் இரக்கமுள்ள வாழ்க்கையை பின்பற்ற வேண்டும் என கூறுகிறது. 
மதங்களின் சடங்குகள் வித்தியாசமாக இருக்கலாம், ஆனால் குறிக்கோள் ஒன்றே. இதன்படி, தூய்மை, நீதி, அமைதி, கீழ்ப்படிதல் ஆகியவற்றை பின்பற்ற வேண்டும் என இஸ்லாமும், அடக்கம், அமைதி, மென்மையான வகையில் அனைவரையும் அன்பு செய்ய வேண்டும் என கிறிஸ்தவமும், வார்த்தைகளை கவனமாகப் பயன்படுத்தி உயிர்களிடத்தில் அன்பைப் பெற வேண்டும் என பௌத்தமும் வலியுறுத்துகிறது. 
இவ்வாறு வெவ்வேறு இடங்களில் உருவாகும் வெவ்வேறு நீரோடைகள் அனைத்தும் கடல் எனும் ஒரே இடத்தில் ஒன்றிணைவதைப் போலவே, அனைத்து மதங்களும் உண்மையின் மகத்துவம், அன்பு, இரக்கம் ஆகியவற்றையே எடுத்துக் கூறுகிறது. 
இவ்வாறு ஒருமித்த கருத்துகளைக் கூறும் அனைத்து மதங்களையும் தங்களது மதத்தைப் போல் மதிக்க வேண்டும் என்றார். 
நிகழ்வில், பிரம்மா குமாரிகள் இயக்கத்தின் தமிழக மண்டல சேவை ஒருங்கிணைப்பாளர் பி.கு.பீனா,  திருவனந்தபுரம் சாந்தகிரி ஆஸ்ரம சுவாமிகள் குருரத்தினம் ஞான தபஸ்விஜி, சென்னை ஆர்ச் பிஷப் தாமஸ் இளங்கோ, மந்தைவெளி ஈத் மஸ்ஜித்தின் தலைமை இமாம் மெளலவி இலியாஸ் ரியாஜி உள்ளிட்ட பலர் கலந்து கொண்டனர்.

]]>
https://images.dinamani.com/uploads/user/imagelibrary/2019/9/16/w600X390/onegod.gif மாநாட்டில் பங்கேற்ற ஆளுநர் பன்வாரிலால் புரோஹித், பிரம்மா குமாரிகள் இயக்கத்தின் தமிழக மண்டல சேவை ஒருங்கிணைப்பாளர் பி.கு.பீனா,   திருவனந்தபுரம் சாந்தகிரி ஆஸ்ரம சுவாமிகள் குருரத்தினம் ஞான தபஸ்விஜி, சென்ன https://www.dinamani.com/tamilnadu/2019/sep/16/பிற-மதங்களையும்-தம்-மதம்போல்-மதிக்க-வேண்டும்-ஆளுநர்-வலியுறுத்தல்-3235409.html
3235408 தமிழ்நாடு காவிரி மீட்புத் திட்டம்: 16 பேர் கொண்ட சிறப்புக் குழு DIN DIN Monday, September 16, 2019 02:33 AM +0530 காவிரி மீட்புத் திட்டத்தில் 16 பேர் கொண்ட சிறப்புக் குழு அமைக்கப்பட்டிருப்பதாக தகவல் வெளியாகியுள்ளது.

கங்கை மறுசீரமைப்பு திட்டத்தின் கீழ் துணை நதிகளை மீட்டெடுக்கும் முயற்சியாக "நடந்தாய்வாழி காவிரித் திட்டம்' செயல்படுத்தப்படும் என முதல்வர் எடப்பாடி கே பழனிசாமி அறிவித்திருந்தார். 

இதற்காக தமிழக பொதுப்பணித்துறை செயலர் தலைமையில் குழு அமைக்கப்பட்டு கங்கை நதியைச் சுத்தப்படுத்தும் அமைப்புடன் முதல்கட்ட பேச்சுவார்த்தை நடத்தப்பட்டது. 

இதுகுறித்து தலைமைச் செயலக வட்டாரங்கள் கூறியது: பிரதமர் நரேந்திர மோடியின் நமாமி கங்கா திட்டத்தின் வழியே காவிரி நதிகள் மறுசீரமைப்பு மற்றும் புத்துணர்ச்சி திட்டம் மிகப் பெரிய அளவில் செயல்படுத்தப்பட உள்ளது. கங்கை திட்டத்தை முன் உதாரணமாக கொண்டு காவிரி மறுசீரமைப்புப் பணிகள் தொடங்கப்பட உள்ளன. இதன் பகுதியாக அமைக்கப்பட்ட காவிரி மீட்புக் குழுவில் 16 உறுப்பினர்களை முதல்வர் நியமித்துள்ளார். நீர் மேலாண்மை, மாநகராட்சி நிர்வாகம், நீர் விநியோகம், கிராமப்புற மேம்பாடு, சுற்றுச்சூழல் மற்றும் காடுகள் வளர்ப்பு உள்ளிட்ட துறைகளைச் சேர்ந்த அதிகாரிகள் இந்தக் குழுவில் இடம்பெற்றுள்ளனர். 

தற்போது காலநிலை மாற்றம் திட்டத்தின் கீழ் ஆசிய மேம்பாட்டு வங்கி உதவியுடன் ரு.1, 560 கோடி செலவில் காவிரி டெல்டா பகுதிகளில் ஏரிக்கரை சீரமைப்பு உள்பட வசதிகளை மேம்படுத்தும் பணிகள் நடைபெற்று வருகின்றன. மத்திய ஜல்சக்தி அமைச்சகத்தின் நீர் மற்றும் மின் ஆலோசனை சேவைக் குழுவின் வழிகாட்டுதலின்படி ஒரு விரிவான திட்ட அறிக்கையைத் தயாரிக்கும் பணி நடைபெற்று வருகிறது. பல்லுயிர் பாதுகாப்பு, காடு வளர்ப்பு, நதி மேற்பரப்பை சுத்தம் செய்தல், கழிவு நீர் சுத்திகரிப்பு நிலையம் அமைத்தல், காவிரி மற்றும் துணை நதிகளான பவானி, அமராவதி மற்றும் நொய்யல் ஆகியவற்றை மேம்படுத்தும் நோக்கில் பல்துறை சார்ந்த அணுகுமுறையுடன் இத்திட்டம் செயல்படுத்தப்பட உள்ளது. இதற்கு ரூ.10 ஆயிரம் கோடி செலவாகும் என கணிக்கப்பட்டு உள்ளது என அரசு வட்டாரங்கள் தெரிவித்தனர். 

]]>
https://www.dinamani.com/tamilnadu/2019/sep/16/காவிரி-மீட்புத்-திட்டம்-16-பேர்-கொண்ட-சிறப்புக்-குழு-3235408.html
3235407 தமிழ்நாடு பொது இடங்களின் அழகைச் சீர்குலைத்தல் தடைச் சட்டத்தில் திருத்தம் அவசியம்: ராமதாஸ் வலியுறுத்தல் DIN DIN Monday, September 16, 2019 02:32 AM +0530 பொது இடங்களில் விதிகளை மீறி பேனர் வைப்பவர்களுக்கு கடுமையான தண்டனை வழங்கும் வகையில், 1959-ஆம் ஆண்டு தமிழ்நாடு திறந்தவெளிப் பகுதிகளின் அழகு சீர்குலைக்கப்படுதல் தடைச் சட்டத்தில் உரிய திருத்தங்களை அரசு மேற்கொள்ள வேண்டும் என பாமக நிறுவனர் ராமதாஸ் வலியுறுத்தியுள்ளார்.
இதுதொடர்பாக அவர் ஞாயிற்றுக்கிழமை வெளியிட்ட அறிக்கை:
சென்னை பள்ளிக்கரணையில் பதாகை சரிந்ததைத் தொடர்ந்து ஏற்பட்ட விபத்தில் சுபஸ்ரீ என்ற பெண் பொறியாளர் உயிரிழந்த சம்பவம் மற்றும் அதுகுறித்து தானாக வழக்குப் பதிவு செய்த உயர்நீதிமன்றம் தெரிவித்த கடுமையான கருத்துகள் ஆகியவற்றைத் தொடர்ந்து அனுமதியில்லாமல் வைக்கப்பட்டிருந்த பதாகைகளும், கட் அவுட்களும் வேகமாக அகற்றப்பட்டு வருகின்றன. அதுமட்டுமின்றி சட்டவிரோதமாக பதாகைகள் வைப்போருக்கு ஓராண்டு சிறை தண்டனை விதிக்கப்படும் என அரசு எச்சரித்துள்ளது.
கடந்த இரண்டு நாள்களாக எடுக்கப்பட்டு வரும் நடவடிக்கைகள் வரவேற்கத்தக்கது என்றபோதும், இது இந்த நேரத்துக்கான நடவடிக்கைகளாக மட்டும் இருந்து விடாமல், அவை தொடர வேண்டும் என்பதே அனைவரின் எதிர்பார்ப்பு.
எனவே, 1959-ஆம் ஆண்டின் தமிழ்நாடு திறந்தவெளிப் பகுதிகளின் அழகு சீர்குலைக்கப்படுதல் தடைச் சட்டத்தில் அரசு உரிய திருத்தங்களை செய்து, அதை தீவிரமாக செயல்படுத்த வேண்டும் என்று ராமதாஸ் தெரிவித்துள்ளார்.

]]>
https://www.dinamani.com/tamilnadu/2019/sep/16/பொது-இடங்களின்-அழகைச்-சீர்குலைத்தல்-தடைச்-சட்டத்தில்-திருத்தம்-அவசியம்-ராமதாஸ்-வலியுறுத்தல்-3235407.html
3235406 தமிழ்நாடு 5, 8-ஆம் வகுப்புகளுக்கு பொதுத் தேர்வு: அரசாணையைத் திரும்பப் பெற வேண்டும் DIN DIN Monday, September 16, 2019 02:31 AM +0530 ஐந்து, எட்டாம் வகுப்புகளுக்கு 2019-20 கல்வியாண்டு முதல் பொதுத் தேர்வு நடத்தப்படும் என்ற அரசாணையை உடனடியாகத் திரும்பப் பெற வேண்டும் என திமுக தலைவர் மு.க.ஸ்டாலின் உள்பட பல்வேறு அரசியல்  கட்சித் தலைவர்கள் வலியுறுத்தியுள்ளனர்.
மு.க. ஸ்டாலின்: தமிழகத்தில் ஐந்து,  எட்டாம் வகுப்பு மாணவர்களுக்கு பொதுத் தேர்வு நடத்தப்படும் என்ற அவசர ஆணையை தமிழக அரசு பிறப்பித்திருப்பதற்கு திமுக சார்பில் கண்டனத்தைத் தெரிவித்துக் கொள்கிறேன்.
கல்விச் சீர்திருத்தம் என்ற பெயரில் மாணவர்களுக்கு பொதுத்  தேர்வு வைத்து, அதன் மூலம் அவர்களை தோல்வியடையச் செய்து, ஆரம்பக் கல்வி முடிக்கவே பல ஆண்டுகள் ஆகிவிடும் சூழ்நிலையையும், அவர்கள் படிப்பதையே வெறுத்து அந்தக் கல்வியை விட்டு விலகி, குலக் கல்விக்குத் திருப்பி அனுப்பும் தந்திரத்தையும் மத்திய - மாநில அரசுகள் கூட்டாகக் கடைப்பிடிக்கின்றன. இது அனைவருக்கும் கல்வி என்ற முற்போக்கு எண்ணத்திற்கு முற்றுப்புள்ளி வைத்துவிடும்.
ஏற்கெனவே 10, 11, 12 ஆகிய மூன்று வகுப்புகளுக்கு பொதுத் தேர்வு இருக்கும் நிலையில், இப்போது 5, 8- ஆம் வகுப்புகளுக்கும் பொதுத் தேர்வு என்பது மாணவர்களுக்கு கடுமையான மன அழுத்தத்தையும் விரக்தியையும்  உருவாக்கி, அவர்களின் உடல் நலத்தையும் பாதித்துவிடும்.
எனவே, மாநிலப் பாடத் திட்டத்தினைப் பின்பற்றிச் செயல்பட்டு வரும் பள்ளிகளில் 2019-2020-ஆம் கல்வியாண்டு முதல் 5 மற்றும் 8-ஆம் வகுப்புக்கு பொதுத் தேர்வு என்ற அரசாணையை  தமிழக அரசு உடனடியாக திரும்பப் பெற வேண்டும்.
கே.பாலகிருஷ்ணன் (மார்க்சிஸ்ட்): குழந்தைகளின் நலன் கருதி பல்வேறு விவாதங்களுக்கு பிறகு கல்வி உரிமைச் சட்டம் இயற்றப்பட்டது.  குழந்தைகள் அச்சம், அதிர்ச்சி, பதற்றம் ஆகியவை இல்லாமல் தங்களை மிக இயல்பாக வெளிப்படுத்திக் கொள்ள உதவுவதே கல்வி உரிமைச் சட்டத்தின் நோக்கம். அத்தகைய நோக்கத்தின் அடிப்படையில்தான் எட்டாம் வகுப்பு முடியும் வரை பொதுத்தேர்வு கூடாது என்று அறிவிக்கப்பட்டது. 
தேர்வு வைத்தால்தான் ஒரு குழந்தை பயிலும் என்பதற்கு எத்தகைய ஆதாரமும் இல்லை. அவ்வாறு எந்த ஆய்வும் கூறவில்லை. மாறாக, தேர்வு என்பது குழந்தைகள் இடைநிற்றலை அதிகரிக்கும் என்பதே அனுபவம். இவற்றை எல்லாம் கருத்தில் கொண்டுதான் தேர்வு முறை கைவிடப்பட்டது.
இந்த நிலையில் 5, 8-ஆம் வகுப்புகளுக்கு பொதுத் தேர்வு அறிமுகம் செய்வது, கல்வி மீது ஆர்வமிழப்பையும், இடைநிற்றலையும் அதிகரிக்கும். எனவே, 5 மற்றும் 8-ஆம் வகுப்புகளுக்கு பொதுத்தேர்வு என்று அறிவித்த அரசாணையை திரும்பப் பெற வேண்டும். 
அன்புமணி (பாமக): உயர்கல்வி மாணவர் சேர்க்கையில் தமிழகம் முதலிடத்தில் இருப்பதற்கு வலிமையான பள்ளிக் கல்வி  கட்டமைப்பும் முக்கியக் காரணம் ஆகும். பெருந்தலைவர் காமராஜர் முதல் எம்ஜிஆர், ஜெயலலிதா உள்ளிட்டோர்  வரை முதலமைச்சர்களாக இருந்தபோது மதிய உணவுத் திட்டம், சத்துணவுத் திட்டம், இலவச கல்விக் கருவிகள் போன்றவற்றை வழங்கி தான் பள்ளிக்கல்வி கட்டமைப்பை வலுப்படுத்தினர். அதை 5 மற்றும் 8-ஆம் வகுப்புக்கு பொதுத்தேர்வு கொண்டு வந்து சிதைத்து விடக் கூடாது. கிராமப்புற மாணவர்களின் நலன்களைக் கருத்தில் கொண்டு பொதுத்தேர்வு நடத்தும்  முடிவை கைவிட வேண்டும்.  அதற்கு மாறாக 8-ஆம் வகுப்பு வரை கட்டாயத் தேர்ச்சி வழங்கும் திட்டத்தை அரசு தொடர வேண்டும்.
தொல்.திருமாவளவன்(விசிக): பள்ளிக்கல்வியில் 5 ஆம் வகுப்பு மற்றும் 8 ஆம் வகுப்பு மாணவர்களுக்கு பொதுத்தேர்வு அறிவித்திருப்பது அதிர்ச்சியளிக்கிறது. இது மாணவர்கள் திறனை மேம்படுத்துவதாக இல்லாமல், மேல்படிப்புக்குச் செல்லவிடாமல் அவர்களை வடிகட்டும் விதமாக அமையும்.  குறிப்பாக, கிராமப்புற மாணவர்களை 5 ஆம் வகுப்பிலேயே வெளியேற்றும் முயற்சியாகும். அதற்கு தமிழக அரசு துணை போகிறது. இது அரசியல் உள் நோக்கம் கொண்டதாகவும்  உள்ளது. தேசிய அளவில் ஒருங்கிணைந்து இந்த நடவடிக்கையை முறியடிக்க வேண்டும்.

]]>
https://images.dinamani.com/uploads/user/imagelibrary/2019/9/10/w600X390/stalinfin.jpg https://www.dinamani.com/tamilnadu/2019/sep/16/5-8-ஆம்-வகுப்புகளுக்கு-பொதுத்-தேர்வு-அரசாணையைத்-திரும்பப்-பெற-வேண்டும்-3235406.html
3235227 தமிழ்நாடு குற்றாலம் அருவிகளில் நீர்வரத்து அதிகரிப்பு DIN DIN Monday, September 16, 2019 01:13 AM +0530 குற்றாலம் அருவிகளில் சுற்றுலாப் பயணிகள் ஞாயிற்றுக்கிழமை உற்சாகத்துடன் குளித்து மகிழ்ந்தனர்.
குற்றாலம் பகுதியில் சனிக்கிழமை பெய்த மழையின் காரணமாக, நள்ளிரவில் பேரருவியில் தண்ணீர் வரத்து சற்று அதிகரித்தது. 
அத்துடன் சிறிய அளவிலான கற்களுடன் செம்மண் கலந்து விழுந்த
தாகக் கூறப்படுகிறது. இதையடுத்து சுற்றுலாப் பயணிகள் குளிப்பதற்கு போலீஸார் தடை விதித்தனர். 
சுமார் ஒரு மணிநேர இடைவெளிக்குப்பின் தண்ணீர் வரத்து சீரானதையடுத்து மீண்டும் குளிக்க அனுமதிக்கப்பட்டனர். ஞாயிற்றுக்கிழமை விடுமுறை தினம் என்பதால் குற்றாலத்துக்கு சுற்றுலாப் பயணிகளின் வருகை அதிகளவில் இருந்தது. 
குற்றாலத்தில் காலை முதல் லேசான வெயில் இருந்தது. குளிர்ந்த காற்று வீசியது. அனைத்து அருவிகளிலும் போதிய அளவில் தண்ணீர் விழுந்ததால் சுற்றுலாப் பயணிகள் உற்சாகத்துடன்  குளித்து மகிழ்ந்தனர்.

]]>
https://images.dinamani.com/uploads/user/imagelibrary/2019/9/16/w600X390/water-falls-life.gif குற்றாலம் பேரருவியில் குளித்து மகிழும் சுற்றுலாப் பயணிகள். https://www.dinamani.com/tamilnadu/2019/sep/16/குற்றாலம்-அருவிகளில்-நீர்வரத்து-அதிகரிப்பு-3235227.html
3235224 தமிழ்நாடு குனியமுத்தூர் அருகே பிடிபட்ட வெள்ளை நாகம் DIN DIN Monday, September 16, 2019 01:12 AM +0530 கோவை, குனியமுத்தூர் அருகே 3 அடி நீளமுள்ள வெள்ளை நாகம் மீட்கப்பட்டு, மதுக்கரை வனப் பகுதியில் ஞாயிற்றுக்கிழமை விடுவிக்கப்பட்டது.
குனியமுத்தூர், இடையர்பாளையம் பகுதியைச் சேர்ந்தவர் சிவானந்தம். இவரது நிலத்தில்  வீடு கட்ட அஸ்திவாரம் தோண்டும் பணி நடைபெற்று வருகிறது. இந்நிலையில் அஸ்திவாரத்துக்குத் தோண்டப்பட்ட 9 அடி ஆழ குழியில் வெள்ளை நிற நாகப் பாம்பு இருந்துள்ளது. இதனை சஞ்சய் என்பவர் பிடித்து பையில் அடைத்து மதுக்கரை வனத் துறையினருக்குத் தகவல் அளித்தார். பின்னர் பிடிபட்ட வெள்ளை நாகத்தை மதுக்கரை வனப் பகுதியில் விடுவித்தனர்.
இதுகுறித்து சஞ்சய் கூறியதாவது:  பிடிபட்ட பாம்பு சுமார் 3 வயதுள்ள அரிய வகை வெள்ளை நிற பெண் நாகம். இது எப்போது குழியில் விழுந்தது என்பது தெரியவில்லை. ஆனால் பாம்பு நல்ல நிலையில் ஆரோக்கியமாக இருந்தது என்றார்.

]]>
https://images.dinamani.com/uploads/user/imagelibrary/2019/9/16/w600X390/snake.gif https://www.dinamani.com/tamilnadu/2019/sep/16/குனியமுத்தூர்-அருகே-பிடிபட்ட-வெள்ளை-நாகம்-3235224.html
3235223 தமிழ்நாடு 15 மாவட்டங்களில் பலத்த மழைக்கு வாய்ப்பு DIN DIN Monday, September 16, 2019 01:11 AM +0530 வளிமண்டல மேலடுக்கு சுழற்சி, வெப்பச்சலனம் ஆகியவை காரணமாக, தமிழகத்தில் 15 மாவட்டங்களில்  இடங்களில் திங்கள்கிழமை(செப்.16)  பலத்த மழை பெய்ய வாய்ப்பு உள்ளதாக  சென்னை வானிலை ஆய்வு மையம் தெரிவித்துள்ளது.

இது குறித்து சென்னை வானிலை ஆய்வு மைய அதிகாரி ஞாயிற்றுக்கிழமை கூறியது: வடதமிழகம் மற்றும் அதையொட்டிய பகுதிகளில் தொடர்ந்து நிலவும் வளிமண்டல மேலடுக்கு சுழற்சி, வெப்பச்சலனம் ஆகியவை காரணமாக, தமிழகத்தில் பெரும்பாலான மாவட்டங்களில் அநேக இடங்களில் திங்கள்கிழமை (செப்.16)  மிதமானது வரை மழை பெய்ய வாய்ப்பு உள்ளது. 

தமிழகத்தில் சில இடங்களில் செப்டம்பர் 17-ஆம் தேதி முதல் செப்டம்பர் 19-ஆம் தேதி வரை 3 நாள்களுக்கு மிதமான மழைக்கு  வாய்ப்பு உள்ளது.

பலத்த மழை: தமிழகத்தில் கிருஷ்ணகிரி, தருமபுரி, சேலம், திருவண்ணாமலை, கடலூர், விழுப்புரம், அரியலூர், திருச்சிராப்பள்ளி, நாகப்பட்டினம், தஞ்சாவூர், சிவகங்கை, மதுரை, விருதுநகர், கன்னியாகுமரி, புதுக்கோட்டை ஆகிய 15 மாவட்டங்களில் ஓரிரு இடங்களில் திங்கள்கிழமை (செப்.16) பலத்த மழை பெய்ய வாய்ப்பு உள்ளது. 

தமிழகத்தில் ஓரிரு இடங்களில் செப்டம்பர் 17-ஆம் தேதி முதல் செப்டம்பர் 19-ஆம் தேதி வரை 3 நாள்களுக்கு பலத்த மழை பெய்ய வாய்ப்பு உள்ளது.

சென்னையில்....: சென்னையில் வானம் மேகமூட்டமாக இருக்கும். சில இடங்களில் மாலை அல்லது இரவில்  இடியுடன் கூடிய மழை பெய்ய வாய்ப்பு உள்ளது என்றார் அவர்.

மழை அளவு: ஞாயிற்றுக்கிழமை காலை 8.30 மணி நிலவரப்படி, திருவண்ணாமலை மாவட்டம் வந்தவாசியில் 120 மி.மீ., போளூரில் 90 மி.மீ., ஆரணியில் 80 மி.மீ., மதுரை மாவட்டம் மேட்டுப்பட்டி, திருவண்ணாமலை மாவட்டம் சாத்தனூர் அணை, விருதுநகர் மாவட்டம் சாத்தூர், வேலூர் மாவட்டம் ஆம்பூர், விழுப்புரம் மாவட்டம் திருக்கோவிலூரில் தலா 70 மி.மீ., தேனி மாவட்டம் ஆண்டிப்பட்டி, திருவண்ணாமலை மாவட்டம் செங்கத்தில் தலா 60 மி.மீ. மழை பதிவானது.

]]>
https://images.dinamani.com/uploads/user/imagelibrary/2019/9/10/w600X390/rains1.jpg மழை மேகம் https://www.dinamani.com/tamilnadu/2019/sep/16/15-மாவட்டங்களில்-பலத்த-மழைக்கு-வாய்ப்பு-3235223.html
3235222 தமிழ்நாடு அண்ணா பிறந்தநாள்: முதல்வர், அரசியல் தலைவர்கள் மரியாதை DIN DIN Monday, September 16, 2019 01:10 AM +0530 தமிழக முன்னாள் முதல்வர் அண்ணாவின் 111-ஆவது பிறந்தநாளையொட்டி, அவரது சிலைக்கும், உருவப் படத்துக்கும் தமிழக முதல்வர் எடப்பாடி கே.பழனிசாமி, துணை முதல்வர் ஓ.பன்னீர்செல்வம், திமுக தலைவர் மு.க. ஸ்டாலின்  உள்ளிட்ட தலைவர்கள் மாலை அணிவித்து மரியாதை செலுத்தினர்.
அதேபோன்று மாநிலம் முழுவதும் பல்வேறு மாவட்டங்களில் அதிமுக, திமுக, மதிமுக, தி.க. உள்ளிட்ட கட்சிகள் சார்பில் அண்ணா பிறந்தநாள் விழா கொண்டாடப்பட்டது. 
பல இடங்களில் அண்ணா பிறந்தநாளையொட்டி சிறப்பு கலை - இலக்கியப் போட்டிகள் நடத்தப்பட்டு பரிசுகள் வழங்கப்பட்டன.
சென்னை அண்ணா சாலையில் அமைந்துள்ள அண்ணாவின் சிலைக்குக் கீழே அவரது உருவப் படம் அலங்கரித்து வைக்கப்பட்டிருந்தது. அப்படத்துக்கு முதல்வர் எடப்பாடி கே.பழனிசாமி மலர் தூவி மரியாதை செலுத்தினார்.  துணை முதல்வர் ஓ.பன்னீர்செல்வமும் அண்ணாவுக்கு மரியாதை செலுத்தினார்.
இந்த நிகழ்ச்சியில் அதிமுக அவைத் தலைவர் மதுசூதனன், அமைச்சர்கள்  எஸ்.பி.வேலுமணி, டி.ஜெயகுமார், செல்லூர் ராஜு, திண்டுக்கல் சீனிவாசன், தலைமைச் செயலர் க.சண்முகம், எம்.பி.க்கள், எம்எல்ஏக்கள், அரசு உயரதிகாரிகள் உள்பட பலர் கலந்துகொண்டனர்.

சென்னை அண்ணா அறிவாலயத்தில் உள்ள அண்ணா சிலைக்கு கீழே வைக்கப்பட்டிருந்த படத்துக்கு மரியாதை செலுத்திய திமுக தலைவர் மு.க.ஸ்டாலின். உடன் திமுக நிர்வாகிகள்.


மு.க.ஸ்டாலின் மரியாதை: வள்ளுவர் கோட்டத்தில் அமைந்துள்ள அண்ணா சிலைக்கு திமுக தலைவர் மு.க.ஸ்டாலின் மாலை அணிவித்து மரியாதை செலுத்தினார். அந்த நிகழ்ச்சியில், ஜெ.அன்பழகன் எம்எல்ஏ, டிகேஎஸ். இளங்கோவன் எம்.பி., திமுக முக்கிய நிர்வாகிகள் உள்ளிட்டோர் கலந்துகொண்டனர். இதேபோன்று மதிமுக பொதுச் செயலாளர் வைகோ, தி.க. தலைவர் வீரமணி உள்ளிட்டோர் வெவ்வேறு இடங்களில் நடைபெற்ற அண்ணா பிறந்தநாள் நிகழ்ச்சிகளில் கலந்து கொண்டனர்.
பதாகைகளுக்கு இடமில்லை: வழக்கமாக மறைந்த தலைவர்களின் பிறந்தநாள், நினைவு நாள்களுக்கு மரியாதை செலுத்த வரும் அரசியல் கட்சித் தலைவர்களை வரவேற்று சாலையின் இருபுறங்களிலும் சம்பந்தப்பட்ட கட்சியினர் பதாகைகள், அலங்காரத் தோரணங்களை அமைப்பது வழக்கம்.
ஆனால், அண்ணா பிறந்தநாள் நிகழ்வில் பங்கேற்க வந்த தலைவர்களை வரவேற்று பதாகைகள், அலங்காரத் தோரணங்கள் எதுவும் அமைக்கப்படவில்லை. 
 சாலையின் நடுவே வைக்கப்பட்டிருந்த பதாகையால் பள்ளிக்கரணை அருகே சுபஸ்ரீ என்ற இளம்பெண் விபத்தில் சிக்கி உயிரிழந்த விவகாரம் பெரும் அதிர்வலைகளை உருவாக்கியதே அதற்கு காரணமாக அமைந்துள்ளது.
அதுமட்டுமன்றி அச்சம்பவத்துக்குப் பிறகு பதாகைகள் வைக்கக் கூடாது என்று முதல்வர் எடப்பாடி பழனிசாமி, திமுக தலைவர் மு.க.ஸ்டாலின் உள்ளிட்டோர் தங்களது கட்சியினருக்கு அறிவுறுத்தியிருந்ததும் அண்ணா பிறந்தநாளில் வரவேற்பு பதாகைகள் தவிர்க்கப்பட்டதற்கு முக்கியக் காரணமாக பார்க்கப்படுகிறது.

]]>
https://images.dinamani.com/uploads/user/imagelibrary/2019/9/16/w600X390/anna3.gif பேரறிஞர் அண்ணாவின் 111-ஆவது பிறந்தநாளையொட்டி சென்னை அண்ணா சாலையில் உள்ள அவரது சிலைக்கு கீழே அலங்கரித்து வைக்கப்பட்டிருந்த படத்துக்கு மரியாதை செலுத்திய தமிழக முதல்வர் எடப்பாடி கே.பழனிசாமி, துணை முதல்வர https://www.dinamani.com/tamilnadu/2019/sep/16/அண்ணா-பிறந்தநாள்-முதல்வர்-அரசியல்-தலைவர்கள்-மரியாதை-3235222.html
3235220 தமிழ்நாடு பேனர் கலாசாரத்தை ஒழிக்க வேண்டும் DIN DIN Monday, September 16, 2019 01:07 AM +0530 பேனர் கலாசாரத்தை ஒழிக்க வேண்டும் என மக்கள் நீதி மய்யம் தலைவர் நடிகர் கமல்ஹாசன் கூறினார்.
சென்னை பள்ளிக்கரணையில் சாலையின் நடுவே வைக்கப்பட்டிருந்த பேனர் விழுந்து ஏற்பட்ட விபத்தில் உயிரிழந்த சுபஸ்ரீ இல்லத்துக்கு ஞாயிற்றுக்கிழமை நேரில் வந்த கமல்ஹாசன், அவருடைய பெற்றோருக்கு ஆறுதல் கூறினார்.
பின்னர் அவர் அளித்த பேட்டி: 
பேனர் வைத்த குற்றவாளி அதிக நாள்கள் ஓடி ஒளிய முடியாது. பேனர் கலாசாரத்தை ஒழிக்க வேண்டும். அப்படி ஒழிக்கவில்லை எனில் மக்களே அதனை ஒழிப்பர். மக்களுடன் மக்கள் நீதி மய்யம் துணை நிற்கும் என்றார் அவர்.

]]>
https://images.dinamani.com/uploads/user/imagelibrary/2019/9/4/w600X390/kamal.jpg https://www.dinamani.com/tamilnadu/2019/sep/16/பேனர்-கலாசாரத்தை-ஒழிக்க-வேண்டும்-3235220.html
3232966 தமிழ்நாடு வைகோவின் ஆள்கொணர்வு மனுவை உடனடியாக விசாரிக்க மறுப்பு DIN DIN Sunday, September 15, 2019 11:59 PM +0530
ஜம்மு-காஷ்மீர் மாநில முன்னாள் முதல்வர் ஃபரூக் அப்துல்லாவை கண்டுபிடித்து ஆஜர்படுத்த வேண்டும் என்று மதிமுக பொதுச் செயலர் வைகோ சார்பில் தாக்கல் செய்யப்பட்ட ஆள்கொணர்வு மனுவை உடனடியாக விசாரிக்க உச்சநீதிமன்றம் வியாழக்கிழமை மறுத்துவிட்டது.
முன்னதாக, வைகோ தரப்பில் உச்சநீதிமன்றத்தில் தாக்கல் செய்யப்பட்டிருந்த மனுவில், மதிமுக சார்பில் வரும் செப்டம்பர் 15-ஆம் தேதி பேரறிஞர் அண்ணாவின் பிறந்த நாள் விழா மாநாடு சென்னையில் உள்ள நந்தனம் ஒய்.எம்.சி.ஏ. மைதானத்தில் நடைபெறுகிறது. 
இந்நிகழ்ச்சியில் ஃபரூக் அப்துல்லா பங்கேற்க அழைக்கப்பட்டிருந்தார். அவரும் பங்கேற்பதற்காக சம்மதித்திருந்தார். ஆனால், ஆகஸ்ட் 5-ஆம் தேதி முதல் தடுப்புக் காவலில் வைக்கப்பட்டுள்ள ஃபரூக் அப்துல்லாவை தொடர்பு கொள்ள முடியவில்லை.
 இதையடுத்து, இந்த மாநாட்டில் பங்கேற்பதற்காக ஃபரூக் அப்துல்லாவை சென்னை வர அனுமதிக்குமாறு ஆகஸ்ட் 29-ஆம் தேதி உரிய துறையின் அதிகாரிகளுக்கு கடிதம் எழுதப்பட்டது. அந்த கடிதத்துக்கு உரிய பதில் கிடைக்கவில்லை. 
இது சட்டவிரோதமாகும். எனவே, ஜம்மு-காஷ்மீர் மாநில முன்னாள் முதல்வர் ஃபரூக் அப்துல்லாவை நீதிமன்றத்தில் ஆஜர்படுத்த மத்திய அரசுக்கு உத்தரவிட வேண்டும் என்று கோரப்பட்டிருந்தது.
இந்த மனுவை உடனடியாக விசாரணைக்கு எடுத்துக் கொள்ள வேண்டும் என உச்சநீதிமன்ற நீதிபதி என்.வி. ரமணா அமர்வு முன் வைகோ தரப்பில் வியாழக்கிழமை வலியுறுத்தப்பட்டது. இதை ஏற்க மறுத்த நீதிபதிகள், இந்த மனு எப்போது விசாரணைக்கு எடுத்துக் கொள்ள வேண்டும் என்பதை தலைமை நீதிபதி முடிவு செய்வார் எனத் தெரிவித்தனர்.
 

]]>
வைகோ, ஃபரூக் அப்துல்லா, ஆள்கொணர்வு மனு https://www.dinamani.com/tamilnadu/2019/sep/13/வைகோவின்-ஆள்கொணர்வு-மனுவை-உடனடியாக-விசாரிக்க-மறுப்பு-3232966.html
3235118 தமிழ்நாடு அண்ணா, எம்ஜிஆர், ஜெயலலிதா போல் சத்குரு மனிதருள் புனிதராய் இருக்கிறார்: ஓபிஎஸ் DIN DIN Sunday, September 15, 2019 10:28 PM +0530
அண்ணா, எம்ஜிஆர், ஜெயலலிதா போல் சத்குரு இன்று மனிதருள் புனிதராய் நம்மோடு வாழ்ந்து பயணித்துக் கொண்டிருக்கிறார் என்று துணை முதல்வர் ஓ.பன்னீர்செல்வம் தெரிவித்துள்ளார். 

ஈஷா யோகா மையத்தின் சார்பில் சென்னை பல்கலைக்கழகத்தில் நடைபெற்ற மரம் நடும் விழிப்புணர்வு நிகழ்ச்சி இன்று (ஞாயிற்றுக்கிழமை) நடைபெற்றது. இதில், முதல்வர் எடப்பாடி கே. பழனிசாமி, துணை முதல்வர் ஓ. பன்னீர்செல்வம், ஆளுநர் பன்வாரிலால் புரோஹித், தமிழ் மாநில காங்கிரஸ் தலைவர் ஜி.கே. வாசன், ஈஷா யோகா மைய நிறுவனர் சத்குரு ஜக்கி வாசுதேவ், அப்பல்லோ மருத்துவமனைகளின் நிறுவனத் தலைவர் டாக்டர் பிரதாப் சி. ரெட்டி, நடிகை சுஹாசினி மணிரத்னம் உள்ளிட்டோர் பங்கேற்றனர்.

"பழந்தமிழர் வாழ்வில் காவேரியின் பங்கு என்ன என்பதையும், தமிழர்களின் வாழ்வை காவேரி எவ்வாறு வளப்படுத்தியது என்பதையும், நம்முடைய பழந்தமிழ் இலக்கியங்கள் சிறப்பாக
எடுத்துக் கூறுகின்றன.

மரங்கள் அதிகம் வெட்டப்பட்ட காரணத்தால்தான் பருவ மழை வருவது தடைப்படுகிறது. மழையையும், ஆற்று நீரையும் நம்பித்தான் விவசாயப் பெருங்குடிமக்கள் தங்களது வாழ்க்கைக்கு ஆதாரமான விவசாயத்தை மேற்கொள்ளுகிறார்கள். மழை பொய்த்து விட்டால் ஆறுகளும் வறண்டு விடும், அவர்களது வாழ்க்கையும் பாதிக்கப்பட்டுவிடும். எனவே, விவசாயிகள் வாழ்வு வளம் பெற, அவர்களது பொருளாதார நிலை உயர, காவேரி மீட்கப் படவேண்டும்.  

அதற்கு அதிக எண்ணிக்கையில் மரங்களை நடுவதற்கு அனைவரும் முயற்சி செய்ய வேண்டும்  என்ற நல்ல நோக்கத்தோடுதான்,  இன்றைக்கு நம்முடைய சத்குரு ஜி அவர்கள் “காவேரி கூக்குரல்” என்னும் தலைப்பில் தொடங்கியிருக்கும்  மாபெரும் மரம் நடும் இயக்கம்  மிகவும் பாராட்டுக்குரியது. ஆன்மிகப் பணியில் காட்டிய அதே பிரம்மாண்டத்தை சத்குரு ஜி இன்று மக்கள் பணியில் செலுத்தி காவேரிப் படுகையில் 242 கோடி மரங்கள் நடுவது என்ற இலக்கை நிர்ணயித்து அதனை படிப்படியாக செயலாக்கி வருகிறார்.

அவர், இன்றைக்கு இந்தியாவுக்கே வழிகாட்டியாக, இந்த 242  கோடி மரங்கள் நடுவது என்பது ஒரு சாதாரணமான விஷயமல்ல, இது உண்மையிலே, உலகத்திலேயே, கின்னஸ் சரித்திரத்தில், கின்னஸ் சாதனையில் பதியக் கூடிய ஒன்றாகதான் இதனுடைய சாதனை இருக்குமென்பதை இந்த நல்ல நேரத்தில் தெரிவித்துக் கொள்ள கடமைப்பட்டிருக்கிறேன். 

நாம் காவிரியை வாழ வைத்தால், நமது தலைமுறையை காவிரித் தாய் வாழ வைப்பாள். மரங்களை நட்டு, உரிய முறையில் பாதுகாத்து வளர்க்க வேண்டியது  நமது கடமை என்பதை உணர்ந்து மழை பெறவும், பூமி நிலை பெறவும், சத்குரு ஜி அவர்களின் 242 கோடி மரங்கள் நடுகின்ற இலட்சியத்தை ஈடேற நாம் அனைவரும் ஒன்று சேர்ந்து நமது கடமைகளை செய்திடுவோம். 

மனிதர்களில் புனிதர்கள், நமக்கு முன்னாலே வாழ்ந்திருக்கிறார்கள்,  நம்மோடு வாழ்ந்திருக்கிறார்கள். 

பேரறிஞர் அண்ணா அவர்கள் மனிதருள் புனிதராய், நம்மோடு வாழ்ந்திருக்கிறார், பயணித்திருக்கிறார். புரட்சி தலைவர் எம்.ஜி.ஆர் அவர்களும் மனிதருள் புனிதராய், நம்மோடு வாழ்ந்திருக்கிறார், பயணித்திருக்கிறார். புரட்சித் தலைவி மாண்புமிகு அம்மா அவர்களும், மனிதருள் புனிதராய், நம்மோடு வாழ்ந்திருக்கிறார்கள், அவருடைய பாதையில் இன்று  நாம் சென்று கொண்டிருக்கின்றோம், 

அதே போல், இன்று நாம் காணுகின்ற மனிதருள் புனிதராக நம்முடைய  சத்குரு ஜி அவர்கள் நம்மோடு வாழ்ந்திருக்கிறார்கள், பயணிக்கின்றார்கள், அவர்கள் பயணிக்கின்ற அந்த தத்துவத்தை, நாம் அனைவரும்  நம் இதயங்களில் ஏந்தி, 242 கோடி மரங்கள் நடுகின்ற, இந்த உலக அதிசய நிகழ்ச்சிக்கு அருமை மனிதர் சத்குரு ஜி அவர்களோடு நாமும் இணைந்து பயணிக்க அன்போடு வேண்டிக் கொள்கிறேன். 

சத்குரு ஜி அவர்களின் முயற்சிக்கு,  மாண்புமிகு அம்மா அவர்களின் அரசு, மாண்புமிகு முதலமைச்சர் அண்ணன் அவர்களும், நானும் இணைந்து, இந்த முயற்சிக்கு என்றென்றும் உறுதுணையாக இருப்போம்" என்றார்.

]]>
https://images.dinamani.com/uploads/user/imagelibrary/2019/9/15/w600X390/OPS_Cauvery.jpg https://www.dinamani.com/tamilnadu/2019/sep/15/அண்ணா-எம்ஜிஆர்-ஜெயலலிதா-போல்-சத்குரு-மனிதருள்-புனிதராய்-இருக்கிறார்-ஓபிஎஸ்-3235118.html
3235114 தமிழ்நாடு 242 கோடி மரங்களையும் நட்டு சத்குருவின் கனவை நனவாக்கப் பாடுபடுவோம்: முதல்வர் பழனிசாமி DIN DIN Sunday, September 15, 2019 08:01 PM +0530
நாம் 242 கோடி மரங்களையும் நட்டு நம்முடைய சத்குருவின் கனவை நனவாக்கப் பாடுபடுவோம் என்று முதல்வர் எடப்பாடி கே.பழனிசாமி தெரிவித்துள்ளார். 

ஈஷா யோகா மையத்தின் சார்பில் சென்னை பல்கலைக்கழகத்தில் நடைபெற்ற மரம் நடும் விழிப்புணர்வு நிகழ்ச்சி இன்று (ஞாயிற்றுக்கிழமை) நடைபெற்றது. இதில், முதல்வர் எடப்பாடி கே. பழனிசாமி, துணை முதல்வர் ஓ. பன்னீர்செல்வம், ஆளுநர் பன்வாரிலால் புரோஹித் உள்ளிட்டோர் பங்கேற்றனர். 

இந்த நிகழ்ச்சியில் பேசிய முதல்வர் பழனிசாமி, சுற்றுச்சூழல் மாசு, நதிகளையும், வனங்களையும் பாதுகாத்தல், மரம் நடுதல் உள்ளிட்டவற்றின் பயனை எடுத்துரைத்துக் கூறினார். இதையடுத்து, இதற்காக அதிமுக அரசு மேற்கொண்ட நடவடிக்கைகளை பட்டியலிட்டு விளக்கினார். 

இதன்பிறகு, "காவே கூக்குரல்" குறித்து பேசிய அவர்,  

"காவேரி நதியைப் பாதுகாக்க வேண்டும் என்ற உயரிய நோக்கில், சத்குருஜி அவர்கள் “காவேரி கூக்குரல்” என்ற ஒரு இயக்கத்தை துவங்கியுள்ளது பெருமை அளிக்கிறது என்பதை இந்த நேரத்தில் நினைவுகூற கடமைப்பட்டிருக்கின்றேன். தலைக்காவேரியில் அவருடைய பயணத்தைத் துவக்கி வைத்து, இன்றைக்கு சென்னை வந்தடைந்திருக்கின்றார். வருகின்ற வழியெல்லாம் மக்களிடம் விழிப்புணர்வை ஏற்படுத்தியிருக்கின்றார்.
    
இதுவரை 69,000 விவசாயிகள் வேளாண் காடுகள் குறித்து பயிற்சி பெற்றுள்ளனர் என்ற விவரம் அறிந்தேன். இந்த இயக்கத்தை அடுத்து வரும் 12 வருடங்களுக்குள் இதைப் படிப்படியாக மக்களிடம் பெரிய அளவில் எடுத்துச் செல்வார்கள் என்று அறிகிறேன். இவ்வியக்கத்தின் வாயிலாக 242 கோடி மரங்களை நடுவதற்குத் திட்டம் தீட்டியுள்ளார்கள். இது வரவேற்கத்தக்கது. இந்தியாவிலேயே அதிக மரக்கன்றுகளை நடுகின்றவர் சத்குருஜி அவர்கள் தான் என்பதை பெருமையோடு சொல்லிக்கொள்ள விரும்புகிறேன்.

தமிழ்நாட்டு மக்கள் அனைவரும், குறிப்பாக இளைஞர்கள், பெண்கள் பெருவாரியாக மரம் வளர்ப்புப் பணிகளில் தொடர்ந்து பங்கேற்று தமிழ்நாட்டை முன்னோடி மாநிலமாக உருவாக்க அம்மா அரசு எடுக்கும் அனைத்து முயற்சிகளிலும் ஒத்துழைக்க வேண்டும் என்று இந்த நேரத்திலே கேட்டுக்கொண்டு, சத்குருஜி அவர்கள் எடுக்கும் முயற்சிக்கு எங்களுடைய அரசு துணை நிற்கும் என்று சொல்லி, 

242 கோடி மரங்களையும் நடுகின்றபொழுது நிச்சயமாக இயற்கை வளம் பெருகும். அந்த இயற்கை வளம் பெருகின்றபொழுது நல்ல காற்று மற்றும் ஆரோக்யமான வாழ்வு கிடைக்கும். நல்ல மழையும் கிடைக்கும். அனைத்தும் கிடைக்க வேண்டுமென்று சொன்னால் நாம் 242 கோடி மரங்களையும் நட்டு நம்முடைய சத்குருஜி அவர்களின் கனவை நனவாக்கப் பாடுபடுவோம்" என்றார்.

]]>
Cauvey Calling, Jaggi Vasudev, TN CM, Edappadi Palaniswami, Cauvery River, River Rally, காவேரி கூக்குரல், ஜகி வாசுதேவ், முதல்வர் பழனிசாமி, மரம் நடுதல், காவேரி https://images.dinamani.com/uploads/user/imagelibrary/2019/9/15/w600X390/EPS_Cauvery.jpg https://www.dinamani.com/tamilnadu/2019/sep/15/will-plant-242-trees-to-make-sadhgurus-dream-come-true-says-tn-cm-palaniswami-3235114.html
3235110 தமிழ்நாடு ஐமபத்தொரு நாட்கள் பரோல் முடிந்து சிறைக்குத் திரும்புகிறார் நளினி  DIN DIN Sunday, September 15, 2019 06:52 PM +0530  

வேலூர்: தனக்கு வழங்கப்பட்ட ஐமபத்தொரு நாட்கள் பரோல் முடிந்து நளினி ஞாயிறு மாலை சிறைக்குத் திரும்புகிறார் 

முன்னாள் பிரதமர் ராஜீவ்காந்தி கொலைவழக்கில் தண்டனைபெற்ற ஏழு பேர்களில் ஒருவரான முருகன் வேலூர் மத்திய சிறையிலும், அவருடைய மனைவியான நளினி வேலூர் பெண்கள் சிறையிலும் அடைக்கப்பட்டுள்ளனர்.

லண்டனில் வசிக்கும் தனது மகள் ஆரித்ராவின் திருமண ஏற்பாட்டிற்காக பரோல் கேட்டுப் பெற்ற நளினி, வேலூர் மாவட்டம் சத்துவாச்சாரியில் உள்ள ஒரு வீட்டில் தங்கியிருந்தார். தனக்கு வழங்கப்பட்ட பரோலை மேலும் ஒருமாதம் நீடிக்குமாறு அவர் சென்னை உயர் நீதிமன்றத்தில் மனுதாக்கல் செய்திருந்தார். அதன்படி அவருக்கு மேலும் 3 வாரங்கள் பரோல் நீட்டிக்கப்பட்டது. ஆனால் அதற்கு பிறகு நீட்டிப்பு செய்யப்படவில்லை.

இந்நிலையில் தனக்கு வழங்கப்பட்ட ஐமபத்தொரு நாட்கள் பரோல் முடிந்து நளினி ஞாயிறு மாலை சிறைக்குத் திரும்புகிறார்.

]]>
nalini's parole ends on sunday, rajiv gandhi assasination, vellore prison, daughter's marriage, chennai HC, ராஜீவ்காந்தி கொலைவழக்கு , நளினி முருகன் , பரோல் , மகள் திருமணம், வேலூர் சிறை https://images.dinamani.com/uploads/user/imagelibrary/2019/9/15/w600X390/nalini.jpg நளினி முருகன் https://www.dinamani.com/tamilnadu/2019/sep/15/rajiv-case-convict-nalini-retuen-to-vellore-prison-after-her-51-days-parole-ends-on-sunday-3235110.html
3235101 தமிழ்நாடு நம்மை ஒற்றுமைப்படுத்தும் அந்த ஐந்து சொற்கள்: மதிமுக மாநாட்டில் ஸ்டாலின் நெகிழ்ச்சி  DIN DIN Sunday, September 15, 2019 04:27 PM +0530  

சென்னை: நம்மை ஒற்றுமைப்படுத்தும் அந்த ஐந்து சொற்கள் என்று மதிமுக மாநாட்டில் திமுக தலைவர் ஸ்டாலின் நெகிழ்ச்சியுடன் பேசினார்.

ஞாயிறன்று (15-09-2019) திராவிட முன்னேற்றக் கழகத்தின் தலைவரும், சட்டமன்ற எதிர்க்கட்சித் தலைவருமான மு.க.ஸ்டாலின் , மதிமுக சார்பில் நடைபெற்ற, பேரறிஞர் அண்ணா அவர்களின் 111வது பிறந்தநாள் விழாவில் கலந்து கொண்டு உரையாற்றினார். அப்போது பேசியதாவது:

பேரறிஞர் பெருந்தகை அண்ணா அவர்களின் பிறந்தநாளில், அதையொட்டி நடைபெறக்கூடிய இந்த மாநாட்டில் பங்கேற்று இந்த மாநாட்டைத் துவக்கிவைப்பதிலே நான் அளவு கடந்த மகிழ்ச்சி அடைகிறேன்.

அறிஞர் அண்ணா அவர்கள்தான் நம் முகம், நம் முகவரி. அதிலே யாருக்கும் எள்ளளவும் சந்தேகம் இருக்க வேண்டும் என்ற அவசியமில்லை. நானும் அண்ணன் வைகோ அவர்களும் எத்தனையோ மேடைகளில் ஒன்றாக கலந்துக் கொண்டிருந்தாலும், இந்த மேடையில் ஒன்றாக இருப்பதில் உள்ளபடியே நான் மகிழ்ச்சியடைகிறேன். காரணம், நான் பங்கேற்கக்கூடிய ம.தி.மு.க.,வினுடைய முதல் மாநாடு - இந்த மாநாடு!

பொதுமேடைகளில் பங்கேற்றிருக்கிறோம். தி.மு.க மேடைகளில் கலந்துக் கொண்டிருக்கிறோம். பிரச்சார நிகழ்ச்சிகளில் பங்கேற்று உரையாற்றியிருக்கிறோம். ஆனால், ம.தி.மு.க.,வின் மாநாடு என்பது இதுதான். அதனால்தான் சொன்னேன், என்னுடைய வாழ்க்கையில் மறக்க முடியாத மாநாடாக இது அமைந்திருக்கிறது. நீர் அடித்து நீர் விலகாது என்பதைப்போல் நாம் ஒன்றாக ஆகியிருக்கிறோம். தனித்தனி வீட்டில் இருந்தாலும் நாம் ஒருதாய் மக்கள். அந்தத் தாய்தான் காஞ்சி தந்த வள்ளுவன், பேரறிஞர் பெருந்தகை அண்ணா அவர்கள். பிரிந்துகிடக்கக்கூடிய தமிழர்களை இணைக்கக்கூடிய வலிமை சில சொற்களுக்குத்தான் உண்டு. அத்தகைய சொற்களில் ஒன்று 'தமிழன்'. அத்தகைய சொற்களில் ஒன்று 'திராவிடம்'! அத்தகைய சொற்களில் ஒன்று தந்தை பெரியார்! அத்தகைய சொற்களில் ஒன்று அறிஞர் அண்ணா! அத்தகைய சொற்களில் ஒன்று முத்தமிழறிஞர் தலைவர் கலைஞர் அவர்கள்!

நாம் வேறு வேறு இயக்கங்களாகப் பிரிந்திருந்தாலும், கொள்கையில் ஒன்றாக நிற்கிறோம்; நிற்போம். நம்மை ஒற்றுமைப்படுத்துவதே இந்தச் சொற்கள்தான். எதை விட்டுக்கொடுத்தாலும் இந்த ஐந்தையும் ஒருக்காலும் நாம் விட்டுக்கொடுக்க மாட்டோம். அதனால்தான் ம.தி.மு.க. மேடையில் ஸ்டாலின் நின்றுக் கொண்டிருக்கிறான். தி.மு.க. மேடையில் அண்ணன் வைகோ நிற்கிறார். இது ஒருசிலருக்கு ஆச்சர்யமாக இருக்கலாம். ஏன் ஒருசிலருக்கு கோபம் வரலாம். ஒருசிலருக்கு ஆத்திரம் வரலாம். பொறாமையாகக்கூட இருக்கலாம். திராவிட இயக்கத்தைப் பொறுத்தவரை ஸ்டாலின் எப்படி நிரந்தர தளபதியோ - அதுபோல் அண்ணன் வைகோ அவர்கள் நிரந்தரப் போர்வாள். இதுதான் கலைஞருடைய கனவு. இதுதான் அறிஞர் அண்ணாவுடைய கனவு.

ஜனநாயக அமைப்புகள் எல்லாம் இன்றைக்கு கேலிக்கூத்தாக்கப் படுகின்றது. இவைகள் எல்லாம் தமிழகத்திற்கான பிரச்சனைகள் மட்டுமல்ல, இந்திய அளவில் இருக்கும் பிரச்சனைகள். எனவே இதனை எதிர்த்து ஜனநாயக முறையில் குரல் கொடுக்க வேண்டிய கட்டாயம் இன்றைக்கு நமக்கு ஏற்பட்டிருக்கிறது. இந்த நிலையில் தமிழகம் திட்டமிட்டு பழிவாங்கப்படுகிறது!

ரயில்வே துறையாக இருந்தாலும் அஞ்சல் துறையாக இருந்தாலும் திட்டமிட்டு தமிழ்மொழி புறக்கணிக்கப்படுகிறது. ஒவ்வொரு நாளும் போராடி போராடிதான் நாம் உரிமையை பெற வேண்டிய கட்டாயத்திற்கு வந்திருக்கிறோம். நாம் லேசாக கண் அயர்ந்தால் இந்தியைத் திணித்து விடுவார்கள். கொஞ்சம் அசந்து விட்டால் தமிழையே புறக்கணித்து விடுவார்கள்.

இதனை மத்திய - மாநில அரசுகள் திட்டமிட்டு நடத்திக் கொண்டிருக்கிறன. இவற்றைத் தடுக்க வேண்டிய ஜனநாயக கடமை நமக்கு இருக்கிறது!

அதற்கு அறிஞர் அண்ணாவின் பிறந்தநாளில் நடைபெறும் இந்த மாநாடு பயன்பட வேண்டும் என்று நான் உங்கள் எல்லோரையும் கேட்டுக் கொள்ள கடமைப்பட்டிருக்கிறேன்.

இவ்வாறு அவர் பேசினார். 

]]>
stalin talks about bonding, MDMK meeting, annadurai birthday, vaiko emotional, மதிமுக மாநாடு , ஒற்றுமைப்படுத்தும் ஐந்து சொற்கள், ஸ்டாலின் நெகிழ்ச்சி, வைகோ உணர்ச்சிகரம் , அண்ணா பிறந்தநாள் https://images.dinamani.com/uploads/user/imagelibrary/2019/9/15/w600X390/stalin-vaiko_150919.jpeg மதிமுக மாநாட்டில் வைகோவும், ஸ்டாலினும் https://www.dinamani.com/tamilnadu/2019/sep/15/stalin-talks-about-the-five-words-which-united-them-in-a-mdmk-meeting-3235101.html
3235095 தமிழ்நாடு கைது செய்யப்பட்டுள்ள திருப்பூர் விவசாயிகள் இயக்கத் தலைவர்களை விடுதலை செய்க: இ.கம்யூ வேண்டுகோள்  DIN DIN Sunday, September 15, 2019 02:56 PM +0530  

சென்னை: கைது செய்யப்பட்டுள்ள திருப்பூர் விவசாயிகள் இயக்கத் தலைவர்களை விடுதலை செய்ய வேண்டும் என்று இந்திய கம்யூனிஸ்ட் கட்சி வேண்டுகோள் விடுத்துள்ளது.

இதுதொடர்பாக இந்திய கம்யூனிஸ்ட் கட்சியின் மாநிலத் செயலாளர் முத்தரசன் ஞாயிறன்று விடுத்துள்ள அறிக்கையில் கூறப்பட்டுள்ளதாவது 

மத்திய அரசின் பவர்கீரீட் நிறுவனம் விவசாய விளை நிலங்களில் உயர்மின் கோபுரங்கள் அமைப்பதைத் தவிர்த்து, மாற்று வழியில் மின்பாதை அமைக்க வேண்டும் என விவசாயிகள் போராடி வருகிறார்கள்.

கடந்த 14.09.2019 சனிக்கிழமை அன்று திருப்பூர் மாவட்டம், தாராபுரம் அருகில் உள்ள வட சின்னாரிபாளையம் அருகில் ஒரு விவசாயி நிலத்தில் உயர்மின் கோபுரம் அமைப்பதற்கான அலுவலர்கள் எந்தவித முன்னறிவிப்பும், தகவலும் கொடுக்காமல், நிலவுடையாளரின் ஒப்புதலும் பெறாமல் நிலத்தை அளக்கும் நடவடிக்கையில் ஈடுபட்டுள்ளனர். இதனையறிந்த விவசாயிகள் ஒருங்கிணைந்து நிலம் அளக்கும் நடவடிக்கைக்கு எதிர்ப்பு தெரிவித்துள்ளனர்.

இதனையொட்டி காவல்துறை தலையிட்டு பேசி தீர்வு காணலாம் என விவசாயிகள் இயக்கத் தலைவர்கள் வழக்கறிஞர் ஈசன் உட்பட சிலரை காவல் நிலையம் அழைத்து சென்று, அங்கு வஞ்சகமாக வழக்கு பதிவு செய்து, அவர்களை கோவை மத்திய சிறையில் வைத்துள்ளனர். தமிழ்நாடு அரசின் விவசாய விரோதக் கொள்கைகளையும், அதன் அடக்குமுறை நடவடிக்கைகளையும் வன்மையாக கண்டிக்கிறோம்.

கைது செய்யப்பட்டுள்ள உயர்மின் கோபுரங்கள் எதிர்ப்பு இயக்கத் தலைவர்கள் அனைவரையும் நிபந்தனையின்றி விடுதலை செய்ய வேண்டும் என இந்தியக் கம்யூனிஸ்ட் கட்சியின் தமிழ்நாடு மாநிலக் குழு சார்பில் வலியுறுத்துகிறோம்.

இவ்வாறு அந்த அறிக்கையில் தெரிவிக்கப்பட்டுள்ளது.

]]>
CPI demands farmers release, tirupur farmers, HP line tower, land acquisition, protest, arrest, திருப்பூர் விவசாயிகள், உயர் மின்கோபுரம் , நில ஆக்கிரமிப்பு, விவசாயிகள் போராட்டம் , விடுவிக்க வேண்டுகோள் https://images.dinamani.com/uploads/user/imagelibrary/2019/9/15/w600X390/Mutharasan1.jpg இந்திய கம்யூனிஸ்ட் கட்சியின் மாநிலச் செயலாளர் முத்தரசன் https://www.dinamani.com/tamilnadu/2019/sep/15/cpi-demandrs-release-of-tirupur-farmers-arrested-during-protest-3235095.html
3235092 தமிழ்நாடு இனிமேல் ஆரம்பப் பள்ளி தேர்வுகளை எழுதவும் கோச்சிங் சென்டர்கள் தேவை? ஸ்டாலின் அடிக்கும் எச்சரிக்கை மணி  DIN DIN Sunday, September 15, 2019 02:26 PM +0530  

சென்னை: இனிமேல் ஆரம்பப் பள்ளி தேர்வுகளை எழுதவும் கோச்சிங் சென்டர்கள் தேவை என்ற தாழ்நிலையை தமிழக அரசின் உத்தரவு உருவாக்கி விடும் என்று திமுக தலைவர் ஸ்டாலின் எச்சரிக்கை செய்துள்ளார். 

இதுதொடர்பாக அவர் ஞாயிறன்று விடுத்துள்ள அறிக்கையிவ் கூறப்பட்டுள்ளதாவது:

தமிழகத்தில் 5 மற்றும் 8ம் வகுப்பு மாணவர்களுக்கு 2019-2020 கல்வியாண்டிலிருந்து பொதுத் தேர்வு நடைபெறும்” என்று அவசர ஆணை பிறப்பித்திருக்கும் அதிமுக அரசுக்கு, தி.மு.கழகத்தின் சார்பில், கடும் கண்டனத்தைத் தெரிவித்துக் கொள்கிறேன்.

கல்வி கற்பதற்கு பள்ளிக்குள் நுழைவதிலிருந்து - தன் கல்லூரிப் படிப்பை முடித்து விட்டு வெளியேறும் வரை, விதவிதமான பொதுத்தேர்வுகள் மூலம் மாணவர்களுக்குக் கடும் மன அழுத்தத்தையும், நெருக்கடியையும் இந்த உத்தரவு உருவாக்கும் என்ற அடிப்படை உண்மையை, பள்ளிக் கல்வித்துறை அமைச்சராக இருக்கும் திரு. செங்கோட்டையன் உணராதது கவலையளிக்கிறது.

“இப்போது மட்டும் அல்ல. எப்போதுமே 5, 8 ஆம் வகுப்புகளுக்கு பொதுத் தேர்வு கிடையாது” என்று கூறிவந்த அமைச்சர் திரு. செங்கோட்டையன் திடீரென்று,  “மத்திய அரசின் முடிவுப்படியே இந்த பொது தேர்வு அறிவிக்கப்பட்டுள்ளது. இது ஆசிரியர்களுக்கும் மாணவர்களுக்கும் இடையே கற்றல் மற்றும் கற்பித்தல் திறனை மேம்படுத்தும்” என்றெல்லாம் வக்காலத்து வாங்கி, அர்த்தமற்ற கருத்தை முன்வைப்பது ஏன்? மத்திய பாஜக அரசுக்கு வக்காலத்து வாங்கி மாநில அரசின் கல்வி உரிமையைத் தாரைவார்ப்பது ஏன்? மத்திய பாஜக அரசின் புதிய கல்விக் கொள்கை செயல்படுத்தப்படுவதற்கு முன்பே, அதற்கு அதிமுக அரசு தமிழகத்தில் இந்த அறிவிப்பின் மூலம் கால்கோள் விழா நடத்தியிருப்பது ஏன்? எதற்காக?

இந்தச் சூழ்நிலையில் அதிமுக அரசு அறிவித்துள்ள இந்தப் பொதுத் தேர்வு 'இனிமேல் ஆரம்பப் பள்ளி தேர்வுகளை எழுதவும் கோச்சிங் சென்டர்கள் தேவை' என்ற தாழ்நிலையை உருவாக்கி - ஆரம்பக் கல்வியையும் வணிகமயமாக்கி விடும் பேராபத்தைத் தோற்றுவித்து - ஏழை எளிய மக்களின் பிள்ளைகளுக்கு ஆரம்பக் கல்வியறிவையும் எட்டாக் கனியாக்கி விடும்!

'கல்விச் சீர்திருத்தம்' என்ற பெயரில், மாணவர்களுக்கு பொதுத்  தேர்வு வைத்து, அதன் மூலம் அவர்களை 'பெயில்' ஆக்கி - ஆரம்பக் கல்வி முடிக்கவே பல ஆண்டுகள் ஆகிவிடும் சூழ்நிலையையும், அவர்கள் படிப்பதையே வெறுத்து அந்தக் கல்வியை விட்டு விலகி, குலக் கல்விக்குத் திருப்பி அனுப்பும் தந்திரத்தையும் மத்திய - மாநில அரசுகள் கூட்டாகக் கடைப்பிடிக்கின்றன. இது அனைவருக்கும் கல்வி என்ற முற்போக்கு எண்ணத்திற்கு முற்றுப்புள்ளி வைத்துவிடும்.

ஆகவே, 'மாநிலப் பாடத்திட்டத்தினைப் பின்பற்றிச் செயல்பட்டு வரும் பள்ளிகளில் 2019-2020 கல்வியாண்டு முதல் 5 மற்றும் 8ம் வகுப்பிற்கு பொதுத் தேர்வு' என்ற 13.9.2019 தேதியிட்ட அரசு ஆணையை  அதிமுக அரசு உடனடியாக திரும்பப் பெற வேண்டும்.

'சீர்திருத்தம்' என்ற பெயரில் ஏழை, எளிய, நடுத்தர மாணவர்களின் கல்வி கனவில் சீர்கேடு உண்டாக்கிச் சிதறடிக்கும் எந்த முடிவினையும் பெற்றோர், ஆரம்பக் கல்வி ஆசிரியர்கள் மற்றும் மாணவர்கள் ஆகியோரிடம் கலந்து ஆலோசிக்காமல் - அவசரக் கோலத்தில் எடுத்து மாணவர் சமுதாயத்தின் மீது திணித்திட வேண்டாம்; அவர்களுடைய எதிர்காலத்தைப் பாழாக்கிட வேண்டாம் என்று அதிமுக அரசை வலியுறுத்திக் கேட்டுக் கொள்கிறேன்.

இவ்வாறு அந்த அறிக்கையில் கூறப்பட்டுள்ளது.

]]>
stalin condemns exam system, 5th and 8th exams, minister sengottaiyan, DMk president stalin, BJP government, ஆரம்பப் பள்ளி தேர்வுகள் , கோச்சிங் சென்டர்கள், தமிழக அரசு உத்தரவு, திமுக தலைவர் ஸ்டாலின், அமைச்சர் செங்கோட்டையன் https://images.dinamani.com/uploads/user/imagelibrary/2019/9/15/w600X390/stalin.jpg திமுக தலைவர் மு.க.ஸ்டாலின் https://www.dinamani.com/tamilnadu/2019/sep/15/is-coaching-center-needed-to-prepare-for-elementary-exams-asks-dmk-president-stalin-3235092.html
3235091 தமிழ்நாடு திராவிடப் போர்வாள்: ஸ்டாலின் உரைக்கு மேடையிலேயே கண்கலங்கிய வைகோ DIN DIN Sunday, September 15, 2019 01:52 PM +0530  

சென்னை நந்தனம் ஒய்எம்சிஏ மைதானத்தில் மதிமுக சார்பில் அண்ணா பிறந்தநாள் விழா மாநாடு ஞாயிற்றுக்கிழமை நடைபெற்றது. மதிமுக பொதுச்செயலாளர் வைகோ, துணை பொதுச்செயலாளர் மல்லையா சத்யா உள்ளிட்டோர் தலைமையில் நடைபெற்றது.

மதிமுக நடத்தும் அண்ணாவின் 111-வது பிறந்தநாள் விழா மாநாட்டில் சிறப்பு அழைப்பாளராக திமுக தலைவர் மு.க.ஸ்டாலின் பங்கேற்றார். அங்கு அவர் உரையாற்றியதாவது,

மதிமுக மாநாட்டில் இதுதான் எனது முதல் உரை. திமுக தலைவர் கருணாநிதி வயது மூப்பு காரணமாக உடல்நலம் குன்றி இருந்தபோது, கோபாலபுரம் வந்த வைகோ, திமுக-வுக்கு எப்போதும் உறுதுணையாக இருப்பதாக வாக்குறுதி அளித்தார். 

திராவிட இயக்கத்தில் நான் எப்படி நிரந்தர தளபதியோ, அதேபோல் நிரந்தர போர்வாள் வைகோ தான். நீர் அடித்து நீர் விலகாது என்பது போல் நாங்கள் ஒன்றாக இருக்கிறோம் என்று பேசினார். அப்போது மேடையில் இருந்த வைகோ உணர்வுப்பூர்வமாக கண்கலங்கினார். 

]]>
DMK president MK Stalin, MDMK general secertry Vaiko, Stalin in Vaiko meeting, Vaiko in tears with Stalin https://images.dinamani.com/uploads/user/imagelibrary/2019/9/15/w600X390/stalin_and_vaiko_in_anna_meet.jpg https://www.dinamani.com/tamilnadu/2019/sep/15/stalin-attend-mdmk-public-meet-for-anna-birthday-celebrations-vaiko-in-tears-3235091.html
3235089 தமிழ்நாடு ஆவின் முறைகேடுகளை முதல்வர் தலையிட்டு தடுக்க வேண்டும்: இ.கம்யூ கோரிக்கை  DIN DIN Sunday, September 15, 2019 01:15 PM +0530  

சென்னை: ஆவின் முறைகேடுகளை முதல்வர் தலையிட்டு தடுக்க வேண்டும் என்று இந்திய கம்யூனிஸ்ட் கட்சி கோரிக்கை விடுத்துள்ளது.

இதுதொடர்பாக இந்திய கம்யூனிஸ்ட் கட்சியின் மாநிலச் செயலாளர் முத்தரசன் ஞாயிறன்று விடுத்துள்ள அறிக்கையில் கூறப்பட்டுள்ளதாவது:

தமிழ்நாடு அரசு நிறுவனமான ‘ஆவின்’ மூலம் பால் கொள்முதல் மற்றும் விநியோகம் செய்யப்படுகிறது. கடந்த ஆகஸ்டு மாதத்தில் கொள்முதல் விலை உயர்ந்தப் பட்டது. உயர்த்தப்பட்ட விலை இன்னும் கிடைக்கவில்லை என பால் உற்பத்தியாளர்கள் புகார் தெரிவித்து வருகிறார்கள்.இந்த நிலையில் விற்பனை விலையும் உயர்ந்தப்பட்டது. ஆவின் நிறுவனத்தில் பால் எடுத்து, மாதாந்திர அட்டைதாரர்கள் மற்றும் நுகர்வோர்களுக்கும் பால் விநியோகம் செய்து வரும் முகவர்களின் கழிவுத் தொகையும் லிட்டருக்கு 50 காசுகள் உயர்த்தப்பட்டிருக்கிறது. முகவர்களுக்கு உயர்த்தப்பட்ட கழிவுத் தொகையில் 50 சதவீதம் வரை ஆவின் அதிகாரிகள் கேட்பதாகவும், அதனைத் தர முடியாது எனில் 1000/2000 லிட்டர் பால் எடுத்து விநியோகம் செய்து வரும் முகவர்களை நீக்கி விட்டு, தனியார் பெரும் நிறுவனங்களிடம் பால் விநியோகப் பொறுப்பு ஒப்படைக்கப்படும் என மிரட்டுவதாகவும் செய்திகள் வெளியாகியுள்ளன.

இதனால் நூற்றுக்கணக்கான பால் முகவர்கள் பாதிக்கப்படுவார்கள். நுகர்வோர்களுக்கும் கடுமையான பாதிப்புகள் ஏற்படும். சிறு முகவர்கள் எண்ணிக்கை அதிகரித்து வருவதால் நிர்வாகம் செய்ய இயலவில்லை என்று கூறுவது ஏற்கத்தக்கது அல்ல. சென்னை பெருநகரில் மட்டும் தினசரி 12 லட்சம் லிட்டர் பால் விநியோகம் நடைபெறுகிறது என்பதை கருத்தில் கொண்டால் இதில் கைமாறும் தொகை எவ்வளவு என்பதை கணக்கிட்டுக் கொள்ளலாம்.

ஆவின் நிறுவனத்தில் நடைபெறும் தவறுகளை முதலமைச்சர் தலையிட்டு தடுக்க வேண்டும். ஆவின் நிறுவனத்தில் 1000 லிட்டர் பால் எடுத்து விநியோகம் செய்யும் சிறு சிறு முகவர்கள் எண்ணிக்கையை உயர்த்த வேண்டும் என இந்தியக் கம்யூனிஸ்ட் கட்சியின் தமிழ்நாடு மாநிலக் குழு கேட்டுக் கொள்கிறது.

இவ்வாறு அந்த அறிக்கையில் தெரிவிக்கப்பட்டுள்ளது.

]]>
stop corruption in aavin, aavin officials, demand bribe, dealers suffer, CPI mutharasan, CM intervention, ஆவின் பால் , ஆவின் முறைகேடுகள் , ஆவின் அதிகாரிகள், முகவர்களிடம் லஞ்சம், இந்திய கம்யூனிஸ்ட் கட்சி , முத்தரசன் கோரிக்கை https://images.dinamani.com/uploads/user/imagelibrary/2019/9/15/w600X390/avin-milk.jpg ஆவின் பால் https://www.dinamani.com/tamilnadu/2019/sep/15/cm-has-to-intervene-to-stop-corruption-aavin-requests-cpi-3235089.html
3235088 தமிழ்நாடு ஆவின் பால் பொருள்களின் விலை உயர்வு DIN DIN Sunday, September 15, 2019 01:13 PM +0530  

பால் கொள்முதல் விலை உயர்வைத் தொடர்ந்து, ஆவின் பால் லிட்டருக்கு ரூ.6 விற்பனை விலையை அதிகரித்து அறிவித்த தமிழக அரசு, கடந்த ஆகஸ்ட் 19-ஆம் தேதி முதல் அதனை அமல்படுத்தியது.

பால் விலை ஏற்றத்தைத் தொடர்ந்து, மக்களிடம் அமோக வரவேற்பைப் பெற்றுள்ள ஆவின் நிறுவனம் சார்பில் தயாரிக்கப்படும் நெய், வெண்ணெய், பால்கோவா உள்ளிட்ட இனிப்பு வகைகள் பொருள்களின் விலையும் உயர்த்தப்படும் என்று தகவல்கள் வெளியாகின.

இந்நிலையில், ஒரு லிட்டர் ஆவின் நெய் ரூ.30, பால் பௌடர் ஒரு கிலோ ரூ.50, பன்னீர் ஒரு கிலோ ரூ.50, வெண்ணெய் ஒரு கிலோ ரூ.20, பால்கோவா ஒரு கிலோ ரூ.20, தயிர் அரை லிட்டர் ரூ.2 உயர்த்தி தமிழக அரசு ஞாயிற்றுக்கிழமை அறிவிப்பு வெளியிட்டது. 

  • நெய் லிட்டருக்கு ரூ.460-லிருந்து ரூ.495-ஆக உயர்த்தப்பட்டுள்ளது
  • பால் பௌடர் கிலோவுக்கு ரூ.50 உயர்ந்து ரூ.320-ஆக நிர்ணயம்
  • பால்கோவா கிலோ ரூ.20 உயர்ந்து ரூ.520-ஆக நிர்ணயம்
  • அரைலிட்டர் தயிர் ரூ.2 உயர்ந்து ரூ.27-ஆக நிர்ணயம்

இந்த புதிய விலை உயர்வானது புதன்கிழமை (செப். 18) முதல் அமல்படுத்தப்படும் என்று அறிவிக்கப்பட்டுள்ளது.

ஏற்கனவே, ஆவின் பாலகங்களில் விற்கப்படும் 120 மில்லி லிட்டர் கொண்ட சூடுபடுத்தப்பட்ட பால் விலை ரூ.7-லிருந்து ரூ.10 ஆக அதிகரிக்கப்பட்டுள்ளது.

]]>
AAVIN, Aavin milk price, Aavin Dairy Products prices increased, aavin ghee, aavin butter, aavin milk powder, aavin curd, aavin milk https://images.dinamani.com/uploads/user/imagelibrary/2018/10/12/w600X390/aavin.jpg https://www.dinamani.com/tamilnadu/2019/sep/15/aavin-dairy-products-prices-increased-3235088.html
3235087 தமிழ்நாடு தமிழகம் முழுவதும் கோர முகத்தை காட்டிக் கொண்டிருக்கும் அருவருக்கத்தக்க கலாச்சாரம்: எதைச் சொல்கிறார் ராமதாஸ்?  DIN DIN Sunday, September 15, 2019 12:58 PM +0530  

சென்னை: பதாகை கலச்சாரம் போன்றே தமிழகம் முழுவதும் கோர முகத்தை வெளிக்காட்டிக் கொண்டிருக்கும் அருவருக்கத்தக்க கலாச்சாரம் என்று சுவர் விளமபரங்களை பாமக நிறுவனர் ராமதாஸ் விமர்சித்துள்ளார்.

இதுதொடர்பாக அவர் ஞாயிறன்று வெளியிட்டுள்ள அறிக்கையில் கூறப்பட்டுள்ளதாவது:

சென்னை பள்ளிக்கரணையில் பதாகை சரிந்ததைத் தொடர்ந்து ஏற்பட்ட விபத்தில் சுபஸ்ரீ என்ற பெண் பொறியாளர் உயிரிழந்த விபத்து மற்றும் அதுகுறித்து தானாக வழக்குப் பதிவு செய்த உயர்நீதிமன்றம் தெரிவித்த கடுமையான கருத்துகள் ஆகியவற்றைத் தொடர்ந்து அனுமதியில்லாமல் வைக்கப்பட்டிருந்த பதாகைகளும், கட் அவுட்களும் வேகமாக அகற்றப்பட்டு வருகின்றன. அதுமட்டுமின்றி சட்டவிரோதமாக பதாகைகள் வைப்போருக்கு ஓராண்டு சிறை தண்டனை விதிக்கப்படும் என அரசு எச்சரித்துள்ளது.

பொதுமக்களுக்கும், சாலைகள் மற்றும் நடைபாதைகளை பயன்படுத்துவோருக்கும் மிகக்கடுமையான பாதிப்புகளை ஏற்படுத்தும் அனுமதி இல்லாத பாதுகாப்பற்ற உயிர்க்கொல்லி பதாகைகள், அலங்கார வளைவுகள், கட்&அவுட்டுகள் ஆகியவற்றை அமைப்போர் மீது கடுமையான நடவடிக்கை எடுக்க வேண்டும் என்று பல ஆண்டுகளாக நான் வலியுறுத்தி வருகிறேன். எனது வேண்டுகோள் பிற அரசியல் கட்சிகளால் செவிமடுக்கப்படவில்லை என்றாலும் கூட, உயர்நீதிமன்றத்தின் கண்டனத்தைத் தொடர்ந்து இரு நாட்களாக மேற்கொள்ளப்பட்டு வரும் நடவடிக்கைகள் மனநிறைவளிக்கின்றன. இவை வரவேற்கத்தக்கவையாகும். இந்த நேரத்துக்கான நடவடிக்கைகளாக மட்டும் இருந்து விடாமல், இவை தொடர வேண்டும் என்பது தான் பாட்டாளி மக்கள் கட்சியின் விருப்பமாகும். இந்த விருப்பம் நிறைவேறும் என்று நம்புகிறேன்.

தமிழக அரசும், மாவட்ட நிர்வாகங்களும் மேற்கொண்டு வரும் நடவடிக்கைகளால் பதாகை கலச்சாரத்திற்கு முடிவு கட்டப்பட்டுள்ள நிலையில், தமிழகம் முழுவதும்  இன்னொரு அருவருக்கத்தக்க கலாச்சாரம் அதன் கோர முகத்தை வெளிக்காட்டிக் கொண்டிருக்கிறது. சென்னையிலும், தமிழகத்தின் பிற பகுதிகளிலும் அரசு அலுவலகங்களின் சுவர்கள், பேருந்து நிறுத்தங்கள், பாலங்கள்.... அவ்வளவு ஏன்? பள்ளிக்கூட சுவர்களைக் கூட விட்டு வைக்காமல் அரசியல் கட்சிகளின் விளம்பரங்களை எழுதுதல், சுவரொட்டிகளை ஒட்டுதல் என பொது இடங்களின் அழகைக் கெடுக்கும் செயல்களில் சிலர் ஈடுபடுகின்றனர். கட்சிகளுடன் போட்டி போடும் வகையில் திரைத்துறை சார்ந்த விளம்பரங்களும், சுவரொட்டிகளும் பொது இடங்களை  அருவருக்கத்தக்கவையாகவும், பெண்களை முகம் சுழிக்க வைப்பவையாகவும் மாற்றிக் கொண்டிருக்கின்றன.

அரசுக்கு சொந்தமான இடங்களும், மலைகள், பாலங்கள் போன்றவற்றையும் நமது இல்லத்தின் வரவேற்பறையாக கருதினால் அவற்றின் அழகைச் சிதைக்க மனம் வராது. அதையும் மீறி பொது இடங்களின் அழகைக் குலைப்பவர்கள் யாராக இருந்தாலும் கடுமையாக தண்டிக்கப்பட வேண்டியவர்கள் தான்.

இதைக் கருத்தில் கொண்டு, பொது இடங்களின் அழகை சிதைப்பவர்களுக்கு   கடுமையான தண்டனை வழங்கும் வகையில் 1959-ஆம் ஆண்டின் தமிழ்நாடு திறந்தவெளிப் பகுதிகளின் அழகு சீர்குலைக்கப்படுதல் தடைச் சட்டத்தில் அரசு உரிய திருத்தங்களை செய்து, அதை தீவிரமாக செயல்படுத்த வேண்டும்; பொது இடங்களின் அழகை மேம்படுத்தும் வகையில் அவற்றில் அழகான, தமிழர்களின் கலாச்சாரத்தை விளக்கும் வகையிலான ஓவியங்களை வரைய அரசு முன்வர வேண்டும்.

இவ்வாறு அந்த அறிக்கையில் தெரிவிக்கப்பட்டுள்ளது.

]]>
ramadoss about wall ads, public places in tamilnadu, wall ads, law prohibition, strict action, PMK ramadoss, பதாகை கலச்சாரம் , அருவருக்கத்தக்க கலாச்சாரம், சுவர் விளமபரங்கள் , பாமக நிறுவனர் ராமதாஸ் , கடும் விமர்சனம் https://images.dinamani.com/uploads/user/imagelibrary/2019/9/15/w600X390/ramadoss.jpg பாமக நிறுவனர் ராமதாஸ் https://www.dinamani.com/tamilnadu/2019/sep/15/தமிழகம்-முழுவதும்-கோர-முகத்தை-காட்டிக்-கொண்டிருக்கும்-அருவருக்கத்தக்க-கலாச்சாரம்-எதைச்-சொல்கிறார்-ர-3235087.html
3235086 தமிழ்நாடு அதிமுகவின் கட்சிக்கொடிகள், பேனர்கள் இல்லாத அண்ணாவின் பிறந்தநாள் விழா! DIN DIN Sunday, September 15, 2019 12:46 PM +0530  

அண்ணா பிறந்தநாளையொட்டி சென்னையில் அவரது சிலைக்கு முதல்வர் உள்ளிட்டோர் இன்று மாலை அணிவித்து மரியாதை செலுத்தும் நிகழ்ச்சியில் அதிமுக கட்சிக் கொடிகள், பேனர்கள் எதுவும் வைக்கப்படவில்லை. 

சென்னை பள்ளிக்கரணையில் பேனர் விழுந்து இளம்பெண் சுபஸ்ரீ விபத்துக்குள்ளான சம்பவம் தமிழகம் முழுவதும் பெரும் அதிர்ச்சியையும், சோகத்தையும் ஏற்படுத்தியுள்ளது. 

இந்நிலையில், கட்சி மற்றும் இல்ல நிகழ்ச்சிகளில் மக்களுக்கு இடையூறு செய்யும் விதத்தில் பேனர்கள் வைக்க வேண்டாம் என்று அதிமுக அறிவிப்பு வெளியிட்டிருந்தது. மேலும், சுபஸ்ரீயின் உயிரிழப்பு மிகுந்த கவலையளிக்கிறது என்றும் அதிமுக இரங்கல் தெரிவித்திருந்தது. 

இதன் காரணமாக இன்று சென்னையில் அண்ணாவின் பிறந்தநாள் விழாவை முன்னிட்டு, முதல்வர் எடப்பாடி பழனிச்சாமி, துணை முதல்வர் ஓ.பன்னீர் செல்வம் மற்றும் அமைச்சர்கள், தொண்டர்கள் பலர் அண்ணா சாலையில் உள்ள அவரது சிலைக்கு மரியாதை செலுத்தினர். வழக்கமாக இதுபோன்ற விழாக்களின் போது அதிமுக கட்சிக் கொடிகள், பேனர்கள் வைக்கப்பட்டிருக்கும். 

ஆனால், சுபஸ்ரீ உயிரிழப்பை அடுத்து அதிமுக வெளியிட்ட அறிவிப்பால், இன்றைய நிகழ்ச்சியில் கட்சிக் கொடிகள், பேனர்கள் எதுவும் வைக்கப்படவில்லை என்பது குறிப்பிடத்தக்கது.  இது பொதுமக்கள் மத்தியிலும் வரவேற்பைப் பெற்றுள்ளது.

]]>
அண்ணா பிறந்தநாள் விழா, பேனர்கள் , அதிமுக, ADMK, banners, Anna birthday function https://images.dinamani.com/uploads/user/imagelibrary/2019/4/23/w600X390/eps-ops.jpg அதிமுக தலைமை அலுவலகத்தில் திங்கள்கிழமை  நடைபெற்ற ஆலோசனைக் கூட்டத்தில் கட்சியின் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி கே.பழனிசாமி,  https://www.dinamani.com/tamilnadu/2019/sep/15/banners-banned-in-anna-birthday-function-3235086.html
3235085 தமிழ்நாடு ‘பகவான்’ கிருஷ்ணரை விமர்சித்ததாக கி.வீரமணி மீது வழக்குப்பதிவு: திரும்பப் பெற இ.கம்யூ கோரிக்கை  DIN DIN Sunday, September 15, 2019 12:29 PM +0530  

சென்னை: ‘பகவான்’ கிருஷ்ணரை விமர்சித்ததாக கி.வீரமணி மீது தொடரப்பட்டுள்ள வழக்கினைத் திரும்பப் பெற இ.கம்யூ கட்சி கோரிக்கை விடுத்துள்ளது.

இதுதொடர்பாக இந்தியக் கம்யூனிஸ்ட் கட்சியின் தமிழ் மாநிலச் செயலாளர் முத்தரசன் ஞாயிறன்று விடுத்துள்ள அறிக்கையில் கூறப்பட்டுள்ளதாவது:

திராவிடர் கழகத் தலைவர் திருமிகு கி.வீரமணி மீது ‘பகவான்’ கிருஷ்ணர் பற்றி அவதூறு பேசியதாக, 6 சட்டப்பிரிவுகளில் வழக்கு பதிவு செய்துள்ளது. நெல்லை நீதித்துறை நடுவர் மன்றம் 4-ல், சிரி ராதா தாமோதர் வழிபாட்டு மையத்தின் தலைவர் திரு சிதாபதி என்பவர், பகவான் கிருஷ்ணர் பற்றி கி.வீரமணி பேசியதில் மன உளைச்சலுக்கு ஆளாகி இருப்பதாகவும், இதற்கு காரணமான கி.வீரமணி மீது வழக்கு பதிவு செய்ய உத்தரவிட வேண்டும் என  தாக்கல் செய்திருந்த மனுவை விசாரித்த நீதித்துறை நடுவர் மனுதாரரின் (சிதாபதி) முறையீட்டில் உண்மையிருந்தால் அவர் (கி.வீரமணி) மீது வழக்கு பதிவு செய்ய வேண்டும் என தச்சநல்லூர் காவல்துறைக்கு உத்தரவிட்டுள்ளார். இதனைத் தொடர்ந்து தச்சநல்லூர் காவல் துறை கி.வீரமணி மீது வழக்கு பதிவு செய்துள்ளனர்.

திராவிடர் கழகம் பகுத்தறிவுப் பரப்புரை செய்து வருவதை அனைவரும் அறிவர். மூடப் பழக்க வழக்கங்கள் மண்டிக்கிடப்பதற்கு புராணக் கற்பனைக் கதைகளே காரணம் என்பதை அறிவியல் ஆதாரத்தோடு பரப்புரை செய்து வருகின்றனர். கிருஷ்ணனின் லீலைகள் குறித்து பல தகவல்கள் உள்ளன. அவர் வீடுவீடாக வெண்ணெய் திருடி தின்பார் என்றும், ஆறுகளில் குளிக்கச் செல்லும் இளம் பெண்களின் ஆடைகளை எடுத்துக் கொண்டு, அவர்களை கிண்டல் செய்து, ஏளனப்படுத்தி, ஆபாசமாக அவமதித்து, அதில் ஆனந்தம் கொள்வார் என்றும் பல கதைகள் உள்ளன.இது போன்ற கற்பனைக் கதைகளை சிருங்காரரசம் சொட்ட, பக்தர்கள் பரப்புரை செய்யும் போது இளைய தலைமுறையினர் சீரழிந்து போகும் நிலை ஏற்படுகிறது. இதனை விமர்சன ரீதியாக எடுத்துக் கூற அரசியல் அமைப்பு சட்டம் பேச்சுரிமை வழங்கியுள்ளது.

இந்த விபரங்களை தச்சநல்லூர் காவல்துறை  கருத்தில் எடுத்துக் கொள்ளாதது ஏன்? கருத்துரிமையை பறிக்கும் ஜனநாயக விரோத செயலுக்கு பகவான் கிருஷ்ணனை மதவாத சக்திகள் பயன்படுத்துவதை கி.வீரமணி மீதான வழக்கு வெளிப்படுத்துகிறது. கருத்துரிமை பறிப்படுவதை ஜனநாயக சக்திகள் எந்த நிலையிலும் ஏற்றுக் கொள்ள முடியாது.

தமிழ்நாடு அரசு, நெல்லை நீதித்துறை நடுவர் மன்றத்திற்கு உரிய விளக்கம் அளித்து, திராவிடர் கழக தலைவர் திருமிகு கி.வீரமணி மீதான வழக்கை திரும்பப் பெற வேண்டும் என இந்தியக் கம்யூனிஸ்ட் கட்சியின் தமிழ்நாடு மாநிலக் குழு வலியுறுத்திக் கேட்டுக் கொள்கிறது.

இவ்வாறு அந்த அறிக்கையில் தெரிவிக்கப்பட்டுள்ளது. 

]]>
withdraw cases against k.veeramani, lord krishan remarks, nellai court, CPI demand, mutharasan statement, ‘பகவான்’ கிருஷ்ணர் , திராவிடர் கழகம் , கி.வீரமணி, நெல்லை நீதிமன்ற வழக்கு, இ.கம்யூ கட்சி கோரிக்கை , முத்தரசன் அறிக்கை https://images.dinamani.com/uploads/user/imagelibrary/2019/9/15/w600X390/Mutharasan.jpg இந்திய கம்யூனிஸ்ட் கட்சியின் மாநிலச் செயலாளர் முத்தரசன் https://www.dinamani.com/tamilnadu/2019/sep/15/cpi-demands-withdrawal-of-case-against-dk-president-kveeramani-over-his-remarks-on-lord-krishna-3235085.html
3235079 தமிழ்நாடு கோவையில் பாக். முஜாஹுதீன் வாட்ஸ்ஆப் குழுவைச் சேர்ந்த வங்கதேச இளைஞர் கைது DIN DIN Sunday, September 15, 2019 11:39 AM +0530  

பாகிஸ்தானை சேர்ந்த பயங்கரவாதிகளிடம் தொடர்பில் இருந்ததாக, கோவையில் வங்கதேசத்தைச் சேர்ந்த இளைஞரை பிடித்து கோவை ஆர்.எஸ்.புரம் போலீஸார் ஞாயிற்றுக்கிழமை விசாரணை மேற்கொண்டு வருகின்றனர்.

கோவை காந்தி பார்க் பகுதியில் நகைப்பட்டறையில் பணியாற்றி வந்தவர் வங்கதேச இளைஞர் ஃபாரூக் கௌஸீர். இவர் பாகிஸ்தான் முஜாஹுதீன் என்ற வாட்ஸ்ஆப் குழுவில் செயல்பட்டு வந்துள்ளார். 

செல்ஃபோனை பழுதுபார்க்க எடுத்துச் சென்றபோது இத்தகவல் அம்பலமாகியுள்ளது. இதன் அடிப்படையில் கௌஸீரை கைது செய்த போலீஸார் தீவிர விசாரணை நடத்தி வருகின்றனர். 

விசாரணையில், துப்பாக்கி தொடர்பான தகவல்களை பரிமாறி இருப்பதும் தெரியவந்துள்ளது. வங்கதேசத்தைச் சேர்ந்த ஃபாரூக் கௌஸீர் கடந்த 15 ஆண்டுகளாக கோவையில் வசித்து வந்துள்ளார். அவரிடம் கோவையை அடிப்படையாகக் கொண்ட ஆதார், வாக்காளர் அடையாள அட்டை உள்ளிட்டவையும் இருப்பதாகக் கூறப்படுகிறது. 

]]>
Farooq Gowsir, Bangladesh arrested by Coimbatore police, Pakistan Mujahudeen Whatsapp, terrorist arrested in coimbatore https://images.dinamani.com/uploads/user/imagelibrary/2019/9/15/w600X390/coimbatore_terrorist_farooq.jpg வங்கதேச இளைஞர் ஃபாரூக் கௌஸீர் https://www.dinamani.com/tamilnadu/2019/sep/15/farooq-gowsir-from-bangladesh-arrested-by-coimbatore-police-for-allege-link-with-pakistan-mujahudeen-3235079.html
3235078 தமிழ்நாடு அண்ணா சிலைக்கு திமுக தலைவர் ஸ்டாலின், உதயநிதி மரியாதை DIN DIN Sunday, September 15, 2019 10:17 AM +0530  

மறைந்த முதல்வர் அண்ணாவின் பிறந்த தினமான செப்டம்பர் 15 ஆம் தேதி, ஒவ்வொரு ஆண்டும் கொண்டாடப்படுகிறது. 

அதன்படி, அண்ணாவின் 111-ஆவது பிறந்தநாளை முன்னிட்டு, சென்னை, வள்ளுவர் கோட்டத்தில் அமைந்துள்ள அவரது உருவச் சிலைக்கு திமுக தலைவர் மு.க.ஸ்டாலின் ஞாயிற்றுக்கிழமை (செப்.15) காலை 8 மணியளவில் மாலை அணிவித்து, மலர் தூவி மரியாதை செலுத்தினார்.
 அப்போது முன்னாள் மத்திய அமைச்சர் டி.ஆர்.பாலு, ஜெ.அன்பழகன் உள்ளிட்ட முக்கிய நிர்வாகிகள் உடனிருந்தனர்.

பின்னர் அண்ணா அறிவாலயத்தில் உள்ள அண்ணா சிலைக்கு திமுக தலைவர் ஸ்டாலின் மாலை அணிவித்து மரியாதை செலுத்தினார்.

திருவண்ணாமலை அண்ணா சாலையில் உள்ள அண்ணா சிலைக்கு எம்.பி. கனிமொழி , திமுக இளைஞரணி செயலாளர் உதயநிதி ஸ்டாலின், முன்னாள் அமைச்சர்கள் ஆகியோர் மாலை அணிவித்து மரியாதை செலுத்தினர்.

]]>
MK stalin, dmk president, cn annadurai, anna birth anniversery, stalin paying respect to anna statue https://images.dinamani.com/uploads/user/imagelibrary/2019/9/15/w600X390/stalin_paying_respect_to_anna1.jpg அண்ணா சிலைக்கு மரியாதை செலுத்திய திமுக தலைவர் மு.க.ஸ்டாலின் https://www.dinamani.com/tamilnadu/2019/sep/15/dmk-president-mk-stalin-paying-respect-to-cn-annadurai-3235078.html
3235081 தமிழ்நாடு அண்ணா சிலைக்கு முதல்வர் பழனிசாமி, துணை முதல்வர் பன்னீர்செல்வம் மரியாதை DIN DIN Sunday, September 15, 2019 10:16 AM +0530  

அண்ணாவின் 111-ஆவது பிறந்தநாளை முன்னிட்டு, அண்ணாசாலையில் உள்ள அவரது சிலைக்கு முதல்வர் உள்பட அமைச்சர்கள் ஞாயிற்றுக்கிழமை மலர் தூவி மரியாதை செலுத்தினர். 

தமிழ்ச் சான்றோர்கள், விடுதலைப் போராட்ட தியாகிகள் மற்றும் தலைவர்கள் ஆகியோரை பெருமைப்படுத்தும் வகையில், அவர்களது பிறந்த நாளன்று தமிழக அரசின் சார்பில் ஆண்டுதோறும் மாலை அணிவித்து, மரியாதை செலுத்தி விழா கொண்டாடப்பட்டு வருகிறது. அந்த வகையில், அண்ணாவின் பிறந்த தினமான செப்டம்பர் 15 ஆம் தேதி, ஒவ்வொரு ஆண்டும் அரசு விழாவாகக் கொண்டாடப்படுகிறது. 

அதன்படி, அண்ணாவின் 111-ஆவது பிறந்தநாளை முன்னிட்டு, சென்னை, அண்ணா சாலையில் அமைந்துள்ள அவரது உருவச் சிலைக்கு கீழ் அலங்கரித்து வைக்கப்பட்டுள்ள படத்துக்கு ஞாயிற்றுக்கிழமை (செப்.15) காலை 10 மணியளவில் முதல்வர், துணை முதல்வர், அமைச்சர்கள், சட்டப்பேரவை, மக்களவை, மாநிலங்களவை உறுப்பினர்கள், வாரியத்தலைவர்கள், கூட்டுறவு சங்கங்களின் பிரதிநிதிகள் உள்ளிட்ட முக்கிய பிரமுகர்கள் மலர் தூவி மரியாதை செலுத்தினர்.

]]>
anna birth anniversery, EPS, OPS, TN CM, Edappadi Palanisamy, o pannerselvam, anna statue https://images.dinamani.com/uploads/user/imagelibrary/2019/9/15/w600X390/eps_ops_paying_respect_to_anna.jpg அண்ணா உருவப் படத்துக்கு மரியாதை செலுத்திய முதல்வர், துணை முதல்வர் மற்றும் அமைச்சர்கள் https://www.dinamani.com/tamilnadu/2019/sep/15/tn-cm-edappadi-palanisamy-paying-respect-to-former-tn-cm-annadurai-on-birth-anniversery-3235081.html
3235080 தமிழ்நாடு தமிழகம், புதுச்சேரியில் பரவலாக மழை: இன்று 14 மாவட்டங்களில் பலத்த மழைக்கு வாய்ப்பு DIN DIN Sunday, September 15, 2019 10:16 AM +0530  

மேலடுக்கு சுழற்சி, வெப்பச்சலனம் ஆகியவை காரணமாக, தமிழகம் மற்றும் புதுச்சேரியில் பல பகுதிகளில் சனிக்கிழமை பரவலாக மழை பெய்தது.

சனிக்கிழமை காலை 8.30 மணி நிலவரப்படி, தஞ்சாவூர் மாவட்டம் திருவிடைமருதூர், அரியலூரில் தலா 150 மி.மீ., தஞ்சாவூர் மாவட்டம் கும்பகோணம், தருமபுரி மாவட்டம் அரூரில் 110 மி.மீ., சிவகங்கை மாவட்டம் திருப்பத்தூர், பெரம்பலூர் மாவட்டம் செட்டிகுளம், திருவாரூர் மாவட்டம் நன்னிலத்தில் தலா 70 மி.மீ. மழை பதிவானது.

வடதமிழகம் மற்றும் அதையொட்டிய பகுதிகளில் காணப்படும் வளிமண்டல மேலடுக்கு சுழற்சி, வெப்பச்சலனம் ஆகியவை காரணமாக, தமிழகத்தில் சில இடங்களில் ஞாயிற்றுக்கிழமை (செப்.15) லேசானது முதல் மிதமானது வரை மழை பெய்ய வாய்ப்பு உள்ளது.  

தேனி, திண்டுக்கல், கன்னியாகுமரி, திருவாரூர், திருவள்ளூர், காஞ்சிபுரம், நாகப்பட்டினம், கரூர், நீலகிரி, நாமக்கல், விருதுநகர், ராமநாதபுரம், தருமபுரி, திருநெல்வேலி, புதுக்கோட்டை, சேலம், கடலூர், விழுப்புரம், அரியலூர், பெரம்பலூர், மதுரை, தஞ்சாவூர், சிவகங்கை ஆகிய மாவட்டங்களில்  சில இடங்களில் மிதமான மழை பெய்ய வாய்ப்பு உள்ளது. 

திருவண்ணாமலை, மதுரை, விருதுநகர், புதுக்கோட்டை, சிவகங்கை, தஞ்சாவூர், அரியலூர், பெரம்பலூர், கடலூர், விழுப்புரம், ராமநாதபுரம், தூத்துக்குடி, சேலம், திருச்சி ஆகிய 14 மாவட்டங்களின் ஓரிரு இடங்களில் பலத்த மழை பெய்ய வாய்ப்பு உள்ளது. 

சென்னையில் வானம் ஓரளவு மேகமூட்டமாக இருக்கும். சில இடங்களில் மாலை அல்லது இரவில் இடியுடன் கூடிய மழை பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.

]]>
chennai rain, rain news, chennai metrological centre, tamil nadu rain news, rain in tamil nadu and pondy, pondy rain news https://images.dinamani.com/uploads/user/imagelibrary/2019/9/15/w600X390/metrological_office.jpg சென்னை வானிலை ஆய்வு மையம் | கோப்புப் படம் https://www.dinamani.com/tamilnadu/2019/sep/15/tn-pondy-witness-heavy-rainfall-on-sunday-chennai-metrological-centre-3235080.html
3234842 தமிழ்நாடு திறன்மிக்க மனித வளங்களே தேவை: ஆளுநர் பன்வாரிலால் புரோஹித் பேச்சு DIN DIN Sunday, September 15, 2019 04:06 AM +0530 மிகப் பெரிய அளவில் நம்மிடமுள்ள மனித வளத்துக்கு திறனும், நல்ல பயிற்சியும் தேவை என்று ஆளுநர் பன்வாரிலால் புரோஹித் பேசினார். இந்திய கல்வி மேம்பாட்டு சமூக அமைப்பு சார்பில், சென்னையில் சனிக்கிழமை நடைபெற்ற இந்திய உயர் கல்வி தொடர்பான தேசிய கருத்தரங்கில் ஆளுநர் பன்வாரிலால் புரோஹித் பேசினார். 
அவர்  பேசியது:-
சர்வதேச அளவில் இந்திய கல்வி அமைப்பு என்பது மிகப்பெரிய தன்மையைக் கொண்டதாகும். மத்திய மற்றும் மாநில கல்வி வாரியங்களில் இணைக்கப்பட்டுள்ள 15 லட்சம் பள்ளிகளில் 26 கோடிக்கும் அதிகமான மாணவ-மாணவிகள் சேர்ந்து 
பயில்கின்றனர். நாட்டில் 900 பல்கலைக்கழகங்களில் 40 ஆயிரம் கல்லூரிகள் இணைக்கப்பட்டு அவற்றில் 4 கோடிக்கும் அதிகமான மாணவ-மாணவிகள் உயர்கல்வி பயில்கின்றனர்.
மாணவர் கல்வி நிலையங்களில் சேருவதற்கான விகிதம் இப்போது 25 சதவீதம் உள்ளது. இது வரும் 2035-ஆம் ஆண்டில் 50 சதவீதமாக அதிகரிக்கும் என்று எதிர்பார்க்கப்படுகிறது. உயர்கல்வி நிலையங்களில் மாணவர்களின் சேர்க்கையானது 35 மில்லியனில் இருந்து 70 மில்லியனாக வரும் ஆண்டுகளில் அதிகரிப்பதே சேர்க்கை விகிதம் உயர்வுக்கு காரணியாக இருக்கும்.
மாணவர்கள் சேர்க்கை அதிகரித்தாலும், உயர்கல்வி அமைப்பில் நாம் சந்தித்து வரும் சவால்கள் ஏராளமாக உள்ளன. உயர் கல்வி படிக்கும் மாணவ-மாணவிகள் நல்ல திறனுள்ள மனித வளங்களாக வெளியே வர வேண்டிய தேவை நாளுக்கு நாள் அதிகரித்து வருகிறது. ஒவ்வொரு ஆண்டும் 10 மில்லியன் இந்திய இளைஞர்கள் நாட்டின் பணிவாய்ப்பைப் பெறுகின்றனர். ஆனால், மாணவர்கள் தங்களது துறைக்குத் தேவையான தகுந்த பயிற்சிகளைப் பெறுவது இப்போதைய தேவையாக இருக்கிறது. 
நம்முடைய தேவைக்கும், அதனைப் பூர்த்தி செய்வதற்குமான இடைவெளியை உன்னிப்புடன் கண்காணிக்க வேண்டும். இந்தத் தேவையைப் பூர்த்தி செய்வது என்பது மனித வளத்தின் எண்ணிக்கையைப் பொருத்து இல்லாமல், அவர்களின் திறன்களின் அடிப்படையிலும் அமைய வேண்டும். தொடர்பு கொள்ளுதல், கற்பனை வளம், தொழில் கல்வி ஆகியவற்றில் தங்களது  திறன்களை மாணவ-மாணவிகள் வளர்த்துக் கொள்ள வேண்டும்.
நாட்டிலுள்ள 900 பல்கலைக்கழகங்களில் 325 மட்டுமே தேசிய தர மதிப்பீட்டு சான்று பெற்றுள்ளன. கல்லூரிகளைப் பொருத்தவரையில் 40 ஆயிரம் கல்லூரிகளில் வெறும் 5 ஆயிரத்து 300 கல்லூரிகள் மட்டுமே சான்று பெற்றிருக்கின்றன. 
எனவே, அதுகுறித்த விழிப்புணர்வுகளையும் ஏற்படுத்த வேண்டும் என்றார் ஆளுநர் பன்வாரிலால் புரோஹித்.
இந்த நிகழ்ச்சியில், அகில இந்திய தொழில்நுட்பக் கல்வி கவுன்சில் தலைவர் சகஸ்ரபுதே, இந்திய கல்வி மேம்பாட்டு சமூகத்தின் தலைவர் ஜி.விஸ்வநாதன், உயர்கல்வித் துறை முதன்மைச் செயலாளர் மங்கத் ராம் சர்மா, இந்திய கல்வி மேம்பாட்டு சமூக துணைத் தலைவர் எச்.சதுர்வேதி உள்ளிட்ட பலரும் கலந்து கொண்டனர்.

]]>
https://www.dinamani.com/tamilnadu/2019/sep/15/திறன்மிக்க-மனித-வளங்களே-தேவை-ஆளுநர்-பன்வாரிலால்-புரோஹித்-பேச்சு-3234842.html
3234830 தமிழ்நாடு காஞ்சிபுரத்தில் மழை: அனந்தசரஸ் திருக்குளத்தின் நீராழி மண்டபம் நிரம்பியது DIN DIN Sunday, September 15, 2019 04:05 AM +0530 காஞ்சிபுரத்தில் தொடர்ந்து பெய்த மழையால் வரதராஜப் பெருமாள் திருக்கோயில் வளாகத்தில்  உள்ள அனந்தசரஸ் திருக்குளத்தில் அத்திவரதர் எழுந்தருளியுள்ள நீராழி மண்டபம் நிரம்பியுள்ளது. 

காஞ்சிபுரம் வரதராஜப் பெருமாள் திருக்கோயிலில் 40 ஆண்டுகளுக்கு ஒரு முறை நடைபெறும் அத்திவரதர் பெருவிழா கடந்த ஜூலை முதல் தேதி தொடங்கி ஆகஸ்ட் 17-ஆம் தேதி வரை 48 நாள்கள் தொடர்ந்து நடைபெற்றது. 

விழா  நிறைவு பெற்றதும் அத்திவரதர் கோயில் வளாகத்தில் உள்ள அனந்தசரஸ் திருக்குளத்தில் உள்ள நீராழி மண்டபத்தில் எழுந்தருளினார். 

இந்நிலையில், காஞ்சிபுரத்தில் கடந்த சில நாள்களாக தொடர்ந்து மழை பெய்து வரும் நிலையில், அத்திவரதர் அனந்தசயனத்தில் வைக்கப்பட்டுள்ள நீராழி மண்டபம் நீரால் சூழ்ந்து வெளியில் தெரியாத அளவுக்கு நீரின் மட்டம்  உயர்ந்து காணப்படுகிறது. இதனை ஏராளமான பக்தர்கள் நேரில் வந்து பார்த்துச் செல்கின்றனர். சில பக்தர்கள் கோயில் வளாகத்தில் 48 நாள்களும் அத்திவரதர் அருள்பாலித்த வஸந்த மண்டபத்தைப் பார்த்து விட்டு செல்கின்றனர்.

சனிக்கிழமை விடுமுறை நாளாகவும், பெருமாளுக்கு உகந்த நாளாகவும் இருந்ததால் வரதராஜப் பெருமாளையும், பெருந்தேவித் தாயாரையும் தரிசனம் செய்ய தமிழகம் மற்றும் ஆந்திரத்திலிருந்து பக்தர்கள் திரளாக வந்திருந்தனர். 
சுவாமியை தரிசனம் செய்த பின், அத்திவரதர் எழுந்தருளியிருக்கும் அனந்தசரஸ் திருக்குளத்தையும் பார்த்துவிட்டுச் செல்கின்றனர். சுற்றுலாப் பயணிகள் வருகை அதிகம் காரணமாக அனந்தசரஸ் திருக்குளம், கோயில் நுழைவு வாயில் ஆகிய பகுதிகளில் போலீஸார் பாதுகாப்புப் பணியில் ஈடுபட்டிருந்தனர். 

]]>
https://images.dinamani.com/uploads/user/imagelibrary/2019/9/15/w600X390/holytank.gif மழைநீர் சூழ்ந்து காணப்படும் அனந்தசரஸ் திருக்குளம். https://www.dinamani.com/tamilnadu/2019/sep/15/காஞ்சிபுரத்தில்-மழை-அனந்தசரஸ்-திருக்குளத்தின்-நீராழி-மண்டபம்-நிரம்பியது-3234830.html
3234820 தமிழ்நாடு கடைமடைப் பகுதி வரை காவிரி நீர் சென்றது ஏன் தெரியவில்லை: அமைச்சர் டி.ஜெயக்குமார் DIN DIN Sunday, September 15, 2019 04:02 AM +0530 கால்வாய்கள் தூர்வாரப்பட்டு காவிரி நீர் தமிழக டெல்டா மாவட்டங்களின் கடைமடை பகுதி வரை சென்றிருக்கிறது என மீன்வளத்துறை அமைச்சர் டி.ஜெயக்குமார் பதிலளித்துள்ளார்.

நீர் மேலாண்மை குறித்து எதிர்க்கட்சி துணைத் தலைவரும், திமுக பொருளாளருமான துரைமுருகன் தமிழக அரசை குறை கூறியிருந்தார். இதற்கு விளக்கம் அளித்து, அமைச்சர் டி.ஜெயக்குமார் சனிக்கிழமை வெளியிட்ட அறிக்கை: 

திமுக ஆட்சிக் காலத்தில்தான் காவிரி நதி நீர் பிரச்னையில் தமிழ்நாட்டின் உரிமைகள் தாரைவார்க்கப்பட்டன. காவிரியின் உப நதிகளான கபினி, ஹேமாவதி, ஹாரங்கி, சொர்ணாவதி ஆகியவற்றில் பல்வேறு கட்டுமானப் பணிகள் நடந்தபோது மெளனம் காத்தது திமுக தான். அதிமுக ஆட்சிக் காலத்தில் மறைந்த முன்னாள் முதல்வர் ஜெயலலிதாவின் தொடர் சட்டப் போராட்டத்தால், காவிரி நடுவர் மன்ற இறுதி ஆணை, காவிரி நீர் மேலாண்மை ஆணையம் மற்றும் காவிரி நீர் முறைப்படுத்தும் குழு ஆகிய அமைப்புகள் மத்திய அரசிதழில் வெளியிடப்பட்டன.

இதனால் தமிழ்நாட்டுக்கு உரிய பங்கு நீர் கிடைத்து, தமிழ்நாட்டின் உரிமைகள் நிலைநாட்டப்பட்டுள்ளன. முல்லைப் பெரியாறு அணை விஷயத்தில் கூட, அதன் முழு நீர் மட்டமான 152 அடி வரையில் நீரை தேக்கி வைப்பதற்கு திமுக அரசு ஆக்கப்பூர்வமான நடவடிக்கைகளை மேற்கொள்ளவில்லை. 

தற்போது நீர் மேலாண்மை குறித்து பேசுவதற்கு அவர்களுக்குத் தகுதி ஏதுமில்லை. முதற்கட்டமாக அணையின்  நீர்மட்டத்தை 136 அடியிலிருந்து 142 அடிக்கு உயர்த்துவதற்கு உச்சநீதிமன்றத்தில் ஆணை பெறப்பட்டது, வரலாற்றுச் சாதனை ஆகும். இதற்கு அதிமுக அரசின் தொடர் முயற்சியே காரணம்.

மேலும் இந்த அணையின் நீர்மட்டத்தை அதன் முழு நீர் மட்ட அளவான 152 அடி வரையில் தேக்கி வைப்பதற்கான நடவடிக்கைகளை அதிமுக அரசு தொடர்ந்து மேற்கொண்டு வருகிறது. 

இதுமட்டுமின்றி ஏராளமான புதிய நீர் மேலாண்மைத் திட்டங்களை அறிவித்து செயல்படுத்தி வருகிறோம். முக்கியமாக, நீர்நிலை ஆதாரங்களை, பொதுமக்கள் பங்களிப்புடன் தூர்வாரும் குடிமராமத்து திட்டம் 2016-2017 -ஆம் ஆண்டுகளில் ரூ.100 கோடி மதிப்பீட்டில் 1,513 பணிகளும், 2017-2018-ஆம் ஆண்டுகளில் ரூ.329 கோடி மதிப்பீட்டில் 1,511 பணிகளும் செய்து முடிக்கப்பட்டன. இந்த நிதியாண்டில், ரூ.500 கோடி மதிப்பீட்டில் 1,829 பணிகள் மேற்கொள்ளப்பட்டு, பெரும்பாலான பணிகள் முடிக்கப்பட்டன. 

மேலும், டெல்டா மாவட்டங்களில் உள்ள கால்வாய்களை தூர்வாரும் பணி ரூ.61 கோடி  செலவில் மேற்கொள்ளப்பட்டு கடைமடைப்பகுதி வரை காவிரி நீர் சென்றடைந்த விவரம் பத்திரிகைகளில் வந்ததை துரைமுருகன் ஏன் கவனிக்கவில்லை என்று அந்த அறிக்கையில் அமைச்சர் டி.ஜெயக்குமார் கேள்வி விடுத்துள்ளார்.

]]>
https://images.dinamani.com/uploads/user/imagelibrary/2019/6/26/w600X390/jayakumar.jpg https://www.dinamani.com/tamilnadu/2019/sep/15/கடைமடைப்-பகுதி-வரை-காவிரி-நீர்-சென்றது-ஏன்-தெரியவில்லை-அமைச்சர்-டிஜெயக்குமார்-3234820.html
3234773 தமிழ்நாடு இளைஞரணி உறுப்பினர் சேர்க்கை முகாம்: உதயநிதி தொடக்கி வைத்தார் DIN DIN Sunday, September 15, 2019 03:52 AM +0530  

திமுக இளைஞரணிக்கு உறுப்பினர்கள் சேர்க்கும் முகாமை அக் கட்சியின் இளைஞரணிச் செயலாளர் உதயநிதி ஸ்டாலின் சனிக்கிழமை தொடக்கி வைத்தார். திமுக இளைஞரணி உறுப்பினர் சேர்க்கை முகாம் தேனாம்பேட்டை தாமஸ் சாலையில் சனிக்கிழமை நடைபெற்றது. இதனை உதயநிதி ஸ்டாலின் தொடக்கி வைத்துக் கூறியது:

திமுக இளைஞரணியில் 30 லட்சம் உறுப்பினர்களைச் சேர்ப்பது என்று முடிவு செய்துள்ளோம். இது எப்படி நடக்கும் என்று கேட்கின்றனர். 30 லட்சத்தைத் தாண்டியும் சேர்த்துக் காட்டுவோம். தமிழகம் முழுவதும் விரைவில் உறுப்பினர்களைச் சேர்க்கும் முகாம் நடைபெறும் என்றார்.

]]>
https://www.dinamani.com/tamilnadu/2019/sep/15/இளைஞரணி-உறுப்பினர்-சேர்க்கை-முகாம்-உதயநிதி-தொடக்கி-வைத்தார்-3234773.html
3234769 தமிழ்நாடு தேசிய கல்விக் கொள்கை மாணவர்களின் இடைநிற்றலை அதிகரிக்கச் செய்யும்: தொல்.திருமாவளவன் DIN DIN Sunday, September 15, 2019 03:51 AM +0530 தேசிய வரைவு கல்விக் கொள்கை மாணவர்களின் இடைநிற்றல் சதவீதத்தை அதிகரிக்கச் செய்யும் என்று விடுதலைச் சிறுத்தைகள் கட்சித் தலைவர் தொல்.திருமாவளவன் கூறினார்.  

சென்னையில் இருந்து சனிக்கிழமை மதுரை வந்த அவர் விமான நிலையத்தில் செய்தியாளர்களிடம் கூறியதாவது: உள்துறை அமைச்சர் அமித்ஷா வெளிப்படையாகவே ஒரே தேசம், ஒரே மொழி (ஹிந்தி) இருந்தால் தான் இந்தியா வல்லரசாக முடியும் எனக் கூறியுள்ளார். இதுதான் அவர்களின் கனவுத் திட்டம்.
ஒரேதேசம்-ஒரே கலாசாரம் என்றால், ஒரே தேசம்-ஒரே மதம்-ஒரேமொழி  என்று பொருள். அப்படி எனில் இந்து மதத்தை தவிர வேறு மதங்கள் இருக்கக் கூடாது. ஹிந்தி மொழியைத் தவிர வேறு மொழிகள் இருக்கக் கூடாது. இந்து கலாசாரத்தை தவிர வேறு கலாசாரம் கூடாது என்பதுதான் அவர்களின் இறுதி இலக்கு.

அதற்கேற்ப கல்வி கொள்கையையும் தற்போது மாற்றி வருகின்றனர். இது மிகவும் ஆபத்தானது. ஜனநாயக சக்திகள் விழித்துக் கொள்ள வேண்டிய தருணம் இது. தமிழக அரசு 5, 8-ஆம் வகுப்புகளுக்கு பொதுத்தேர்வு அறிவித்திருப்பது தேசிய கல்விக் கொள்கையில் இருக்கும் நடைமுறை. இதனை எதிர்க்க வேண்டிய தமிழக அரசு மக்கள் நலனில் அக்கரை இல்லாமல், மத்திய அரசின்  எல்லா நிலைப்பாடுகளையும் ஆதரிக்கிறது. கல்வித்துறையும் அப்படித்தான் இருக்கிறது. இது மிகவும் ஆபத்தானது.

இந்த கல்விக் கொள்கை கிராமப்புற, ஏழை மாணவர்களின் இடைநிற்றலின் சதவீதத்தை அதிகரிக்கச் செய்யும். அவர்கள் பாதியிலேயே படிப்பை நிறுத்திவிட்டு அவர்கள் குலத்தொழிலுக்கு செல்லும் நிலையை உருவாக்கும்.  இதனை விடுதலைச்சிறுத்தைகள் கட்சி எதிர்க்கிறது என்றார் திருமாவளவன். தொடர்ந்து திருப்பரங்குன்றத்தில் "தேசிய கல்விக் கொள்கை சனாதனக் கல்விக் கொள்கையே' என்ற தலைப்பில் விடுதலைச் சிறுத்தைகள் கட்சி சார்பில் கருத்தரங்கு நடைபெற்றது. இதில் தொல். திருமாவளவன்  சிறப்புரையாற்றினார்.

]]>
https://images.dinamani.com/uploads/user/imagelibrary/2016/9/5/w600X390/Thol.jpg https://www.dinamani.com/tamilnadu/2019/sep/15/தேசிய-கல்விக்-கொள்கை-மாணவர்களின்-இடைநிற்றலை-அதிகரிக்கச்-செய்யும்-தொல்திருமாவளவன்-3234769.html
3234761 தமிழ்நாடு விவசாயிகள் சங்கத் தலைவர்கள் கைது: மார்க்சிஸ்ட் கண்டனம் DIN DIN Sunday, September 15, 2019 03:49 AM +0530 உயர்மின் கோபுர திட்டத்துக்கு எதிர்ப்பு தெரிவித்த விவசாயி சங்கத் தலைவர்கள் கைது செய்யப்பட்டதற்கு மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் கண்டனம் தெரிவித்துள்ளார்.
இது தொடர்பாக சனிக்கிழமை அவர் வெளியிட்ட அறிக்கை:
தாராபுரம் அருகே புகலூர் முதல் கேரள மாநிலம் திருச்சூர் வரை அமைக்கப்பட உள்ள 400 கிலோவாட் உயர்மின் கோபுரம் திட்டத்துக்காக, திருப்பூர் மாவட்டம் சின்னாரிபாளையம் கிராமத்தில் எந்த முன்னறிவிப்புமின்றி, முன்நுழைவு அனுமதியின்றி பவர்கிரிட் நிறுவனம், வருவாய்த் துறை, காவல்துறை இணைந்து விவசாயிகளின்  நிலங்களுக்குள் நுழைந்துள்ளனர். அதனை எதிர்த்த விவசாயிகள் ஆண்கள், பெண்கள் உள்பட 66 பேர் கைது செய்யப்பட்டு விடுதலை செய்யப்பட்டுள்ளனர். 
அதே சமயம், உயர்மின் கோபுர எதிர்ப்பு விவசாயிகள் கூட்டமைப்பைச் சேர்ந்த முன்னணி நிர்வாகிகளைப் பேச்சுவார்த்தை நடத்த வருமாறு குண்டடம் காவல் நிலையத்துக்கு அழைத்துச் சென்றுள்ளனர். அங்கு விவசாயிகள் கூட்டமைப்பைச் சேர்ந்த ஈசன், சண்முக சுந்தரம், முத்து விசுவநாதன், பார்த்தசாரதி, தங்கமுத்து ஆகிய ஐந்து பேர் மீதும் பொய் வழக்குப் போட்டு கோவை மத்திய சிறையில் அடைத்துள்ளனர்.
காலாவதியாகிப் போன 1885-ஆம் ஆண்டு தந்திச் சட்டத்தைப் பயன்படுத்தி உயர்மின் கோபுரங்கள் அமைப்பதையும் அதற்காக அத்துமீறி நில அளவை செய்வதையும் எவ்வித நிபந்தனையுமின்றி உடனடியாக நிறுத்த வேண்டும். விவசாய சங்கத் தலைவர்கள் மீது போடப்பட்டுள்ள பொய் வழக்கைத் திரும்பப் பெறுவதோடு, அவர்களை உடனடியாக விடுதலை செய்ய வேண்டும் என்று கேட்டுக் கொண்டுள்ளார் பால
கிருஷ்ணன்.

]]>
https://www.dinamani.com/tamilnadu/2019/sep/15/விவசாயிகள்-சங்கத்-தலைவர்கள்-கைது-மார்க்சிஸ்ட்-கண்டனம்-3234761.html
3234758 தமிழ்நாடு தேமுதிக அசைக்க முடியாத சக்தி என்பதை நிரூபிப்போம்: விஜயகாந்த்  DIN DIN Sunday, September 15, 2019 03:49 AM +0530 தேமுதிக அசைக்க முடியாத சக்தி என்பதை நிரூபிப்போம் என்று அக் கட்சியின் தலைவர் விஜயகாந்த் கூறியுள்ளார்.
தேமுதிகவின் 15-ஆவது ஆண்டு தொடக்கவிழாவையொட்டி கோயம்பேட்டில் உள்ள  அலுவலகத்தில் கட்சிக் கொடியை விஜயகாந்த் ஏற்றிவைத்து தொண்டர்களுக்கு இனிப்புகள் வழங்கினார். இந்நிகழ்ச்சியில் தேமுதிக பொருளாளர் பிரேமலதா விஜயகாந்த் உள்ளிட்ட முக்கிய நிர்வாகிகள் பங்கேற்றனர். இந்த நிலையில் விஜயகாந்த் வெளியிட்ட வாழ்த்துச் செய்தியில் கூறியிருப்பது:
தேமுதிக 15-ஆம் ஆண்டில் வெற்றிகரமாக அடியெடுத்து வைக்கிறது. தேமுதிகவுக்கென்று தனி வரலாறு உண்டு. எந்தக் கட்சியிடம் இருந்தும் பிரிந்து வராமல் லஞ்சம், ஊழலுக்கு முற்றுப்புள்ளி வைக்க, தமிழகத்தை இந்தியாவின் முதன்மை மாநிலமாக அனைத்து துறைகளிலும் முன்னேற்றுவதற்கு உறுதி கொண்டு ஆரம்பிக்கப்பட்ட கட்சி.
தமிழகத்தில் விவசாயிகள் பிரச்னை, மீனவர்கள் பிரச்னை, அண்டை மாநிலங்களுக்கிடையே தண்ணீர்ப் பிரச்னை போன்ற எத்தனையோ பிரச்னைகளுக்கு நிரந்தர தீர்வே இல்லாத நிலை ஏற்பட்டுள்ளது. இவற்றுக்குத் தீர்வு காணவும் தமிழகத்தில் வறுமை கோட்டுக்கு கீழ் மக்களே இல்லை என்ற நிலையை உருவாக்கவும், தேமுதிக தொடர்ந்து மக்களுக்காகவும் தமிழகத்தின் வளர்ச்சிக்காகவும் பாடுபடும்.  எத்தனையோ வெற்றிகள், தோல்விகள், துரோகங்கள் வந்த போதும் பல சவால்களைச் சந்தித்து தேமுதிக வீறுநடை போடுகிறது. தமிழகத்தில் தேமுதிக அசைக்க முடியாத சக்தி என்றும், யாராலும் தவிர்க்கமுடியாத மாபெரும் இயக்கம் என்றும் உழைப்பால் உணர்த்துவோம் என்று கூறியுள்ளார் விஜயகாந்த்.

]]>
https://images.dinamani.com/uploads/user/imagelibrary/2019/8/24/w600X390/vijayakanth.jpg https://www.dinamani.com/tamilnadu/2019/sep/15/தேமுதிக-அசைக்க-முடியாத-சக்தி-என்பதை-நிரூபிப்போம்-விஜயகாந்த்-3234758.html
3234754 தமிழ்நாடு பூரண மதுவிலக்கு: குமரி அனந்தன் இன்று உண்ணாவிரதம் DIN DIN Sunday, September 15, 2019 03:48 AM +0530 பூரண மதுவிலக்கு கோரி  காங்கிரஸ் கட்சியின் மூத்த தலைவர் குமரிஅனந்தன்  ஞாயிற்றுக்கிழமை  உண்ணாவிரதப் போராட்டத்தில் ஈடுபட உள்ளார்.
சென்னை வள்ளுவர் கோட்டத்தில் காலை 9 மணி முதல் மாலை 6 மணி வரை உண்ணாவிரதம் நடைபெற உள்ளது. 
தமிழ்நாடு காங்கிரஸ் கமிட்டியின் தலைவர் கே.எஸ்.அழகிரி போராட்டத்தைத் தொடக்கி வைக்க உள்ளார். திராவிடர் கழகத்தின் தலைவர் கி.வீரமணி உண்ணாவிரதத்தை முடித்து வைக்கிறார்.
இந்திய கம்யூனிஸ்ட் கட்சியின் மூத்த தலைவர் நல்லகண்ணு, தமிழர் தேசிய முன்னணியின் தலைவர் பழ.நெடுமாறன், பாமக நிறுவனர் ராமதாஸ், விடுதலைச் சிறுத்தைகள் கட்சியின் தலைவர் தொல்.திருமாவளவன், தமாகா தலைவர் ஜி.கே.வாசன் உள்ளிட்ட பல்வேறு கட்சித் தலைவர்கள் பங்கேற்க உள்ளனர். 
காமராஜரின் பேத்திகள் கமலிகா, மயூரி ஆகியோரும் பங்கேற்கின்றனர்.

]]>
https://images.dinamani.com/uploads/user/imagelibrary/2019/9/4/w600X390/kumariananthan.jpg https://www.dinamani.com/tamilnadu/2019/sep/15/பூரண-மதுவிலக்கு-குமரி-அனந்தன்-இன்று-உண்ணாவிரதம்-3234754.html
3234744 தமிழ்நாடு தேசிய லோக் அதாலத்: 65 ஆயிரம் வழக்குகளில் தீர்வு DIN DIN Sunday, September 15, 2019 03:45 AM +0530 தமிழகம் முழுவதும் சனிக்கிழமையன்று நடந்த தேசிய லோக் அதாலத்தில் 65 ஆயிரம் வழக்குகளுக்குத் தீர்வு காணப்பட்டு, பாதிக்கப்பட்டவர்களுக்கு  ரூ.249 கோடியே 59 லட்சத்து 7 ஆயிரம் கிடைத்துள்ளது. 
தேசிய சட்டப் பணிகள் ஆணைக் குழுவின் உத்தரவின்படி, 2019 ஆம் ஆண்டு மார்ச், ஜூலை, செப்டம்பர் மற்றும் டிசம்பர் மாதங்களில் லோக் அதாலத் எனும் மக்கள் நீதிமன்றம் நடத்த தமிழ்நாடு சட்டப் பணிகள் ஆணைக்குழு முடிவு செய்துள்ளது. இந்த வகையில் சனிக்கிழமை, தமிழகம் முழுவதும் தேசிய லோக் அதாலத் நடைபெற்றது. இதில் காசோலை மோசடி வழக்கு, வங்கிக் கடன், தொழிலாளர் வழக்கு, மின்சாரம், குடிநீர் கட்டணம், ஜீவனாம்ச வழக்கு, விபத்து வழக்கு 21 வகையான  வழக்குகள் விசாரணைக்கு எடுத்துக் கொள்ளப்பட்டன. 
சென்னை உயர்நீதிமன்றத்தில் நீதிபதிகள் எஸ்.வைத்தியநாதன், வி.பார்த்திபன், சி.வி.கார்த்திகேயன், என்.சதீஷ்குமார், வி.பவானி சுப்பராயன், எம்.தண்டபாணி, பி.ராஜமாணிக்கம், ஜி.கே.இளந்திரையன் மற்றும் உயர்நீதிமன்ற ஓய்வு பெற்ற நீதிபதிகள் மலைசுப்ரமணியம்,பி.தங்கவேலு ஆகியோர் தலைமையில் 10 அமர்வுகளும், உயர்நீதிமன்ற மதுரை கிளையில் நீதிபதிகள் எஸ்.எஸ்.சுந்தர், எம்.கோவிந்தராஜ், நிஷாபானு, டி.கிருஷ்ணவள்ளி, பி.டி.ஆஷா மற்றும் ஓய்வு பெற்ற நீதிபதி ஏ.ஆர்.ராமலிங்கம் உள்ளிட்டோர் தலைமையில் 6 அமர்வுகளும், மாநில சட்டப்பணிகள் ஆணைக்குழு அலுவலகத்தில் 
வங்கி தொடர்பான வழக்குகளை மட்டும் விசாரிக்க 8 சிறப்பு அமர்வுகளும், மாவட்டம் மற்றும் தாலுகா அளவிலான நீதிமன்றங்களில் 489 அமர்வுகள் என மொத்தம் 513 அமர்வுகள் அமைக்கப்பட்டன.
தமிழகம் முழுவதும் சுமார் 2 லட்சத்து 21 ஆயிரம் வழக்குகள் விசாரணைக்கு எடுத்துக் கொள்ளப்பட்டன. இதில் 65 ஆயிரத்து 394 வழக்குகள் இருதரப்பு சமரசத்துடன் முடிவுக்கு வந்தது. இதன்மூலம் பாதிக்கப்பட்டவர்களுக்கு ரூ.249 கோடியே 59 லட்சத்து 7 ஆயிரம் கிடைத்துள்ளது.

]]>
https://images.dinamani.com/uploads/user/imagelibrary/2018/9/8/w600X390/Lok_Ayukta_copy.jpg https://www.dinamani.com/tamilnadu/2019/sep/15/தேசிய-லோக்-அதாலத்-65-ஆயிரம்-வழக்குகளில்-தீர்வு-3234744.html
3234739 தமிழ்நாடு மூன்று அணைகளில் இருந்து இன்று முதல் தண்ணீர் திறப்பு: முதல்வர் பழனிசாமி அறிவிப்பு DIN DIN Sunday, September 15, 2019 03:44 AM +0530 நெல்லை மாவட்டத்தில் மூன்று அணைகளில் இருந்து ஞாயிற்றுக்கிழமை முதல் தண்ணீர் திறந்து விட முதல்வர் எடப்பாடி கே. பழனிசாமி உத்தரவிட்டுள்ளார். இதுகுறித்து, அவர் சனிக்கிழமை வெளியிட்ட அறிவிப்பு:
பிசான பருவத்துக்கான முன்னேற்பாடு பணிகளை கவனிக்க ஏதுவாக முன்கூட்டியே பாபநாசம், சேர்வலாறு, மணிமுத்தாறு அணைகளில் இருந்து தண்ணீர் திறந்து விடுமாறு விவசாயிகளிடம் இருந்து கோரிக்கைகள் வந்துள்ளன. 
இந்தக் கோரிக்கையை ஏற்று, மூன்று அணைகளில் இருந்தும் தாமிரபரணி ஆற்றின் கீழுள்ள எட்டு அணைக்கட்டுகள், 11 கால்வாய்கள் மூலம் பாசன வசதி பெறும் பயிர்களைக் காக்கவும், குடிநீர் தேவைக்காகவும் தண்ணீர் திறக்கப்படும். இதன்மூலம், பிசான பருவ முன்னேற்பாடு பணிகளையும் செய்ய முடியும்.
வரும் ஞாயிற்றுக்கிழமை (செப். 15) முதல் அக்டோபர் 4-ஆம் தேதி வரை 20 நாள்களுக்கு 2 ஆயிரத்து 500 மில்லியன் கனஅடி நீர் திறந்து விடப்படும். 
கால்வாய்களில் இருந்து தண்ணீர் திறந்து விடப்படுவதால் தாமிரபரணி பாசனத்தின் ஆறு அணைக்கட்டுகளின் கீழ் திருநெல்வேலி மாவட்டத்திலுள்ள ஏழு கால்வாய்கள் மூலம் 40 ஏக்கர் பாசன நிலங்களும், தூத்துக்குடி மாவட்டத்திலுள்ள 2 அணைக்கட்டுகளின் கீழுள்ள 4 கால்வாய்கள் மூலம் 46 ஆயிரத்து 107 ஏக்கர் பாசன நிலங்களும் என மொத்தம் 86 ஆயிரத்து 107 ஏக்கர் நிலங்கள் பாசன வசதி பெறும். 
விவசாயிகள் நீரை சிக்கனமாகப் பயன்படுத்தி உயர் மகசூல் அடைய வேண்டும் என தனது செய்திக் குறிப்பில் முதல்வர் பழனிசாமி தெரிவித்துள்ளார்.
 

]]>
https://images.dinamani.com/uploads/user/imagelibrary/2017/2/19/w600X390/palaniswamy.jpg https://www.dinamani.com/tamilnadu/2019/sep/15/மூன்று-அணைகளில்-இருந்து-இன்று-முதல்-தண்ணீர்-திறப்பு-முதல்வர்-பழனிசாமி-அறிவிப்பு-3234739.html
3234672 தமிழ்நாடு மினி வேன் கவிழ்ந்து விபத்து: 4 பேர் பலி DIN DIN Sunday, September 15, 2019 03:29 AM +0530 சாத்தூர் அருகே சனிக்கிழமை மினி வேன் கவிழ்ந்து விபத்துக்குள்ளானதில்,  பட்டாசுத் தொழிலாளர்கள் 4  பேர் உயிரிழந்தனர். மேலும் 10 பேர் காயமுற்றனர்.
விருதுநகர் மாவட்டம் சிவகாசி அருகே உள்ள விஸ்வநத்தம் பகுதியைச் சேர்ந்தவர் கந்தசாமி. இவருக்குச் சொந்தமான பட்டாசு தொழிற்சாலை, சாத்தூர் அருகே சல்வார்பட்டி கிராமத்தில் உள்ளது. இந்த தொழிற்சாலைக்கு நதிக்குடி, சூரியநாயக்கன்பட்டி, விளாம்பட்டி உள்ளிட்ட கிராமப் பகுதிகளிலிருந்து தினமும் மினி வேன் மூலம் தொழிலாளர்கள் ஆலைக்கு அழைத்துச் செல்லப்படுவர்.

அதேபோல், சனிகிழமை காலை 14 பேருடன் மினி வேன் சல்வார்பட்டிக்கு சென்று கொண்டிருந்தது. வேனை  கார்த்திக்ராஜா (20) ஓட்டினார்.  சாத்தூர் அருகே சுப்பிரமணியபுரம் பகுதியில் சென்றுகொண்டிருந்தபோது, ஓட்டுநரின் கட்டுப்பாட்டை இழந்த வேன் சாலையில் தலைகீழாகக் கவிழ்ந்து விபத்துக்குள்ளானது.   இதில் சூரியநாயக்கன்பட்டியைச் சேர்ந்த நாகேந்திர குமாரின் மனைவி குருமுத்து (30), மாரனேரி துரைபாண்டி(16) ஆகியோர் சம்பவ இடத்திலேயே உயிரிழந்தனர். 

மேலும் ஓட்டுநர் கார்த்திக் ராஜா, குழந்தைகள் காவியா (4), பகவதி (2), சுந்தரமூர்த்தி (31) உள்பட 12 பேர் பலத்த காயமடைந்தனர்.

தகவலறிந்த வெம்பக்கோட்டை போலீஸார் விரைந்து வந்து காயமடைந்தவர்களை மீட்டு சாத்தூர் அரசு மருத்துவமனைக்கு அனுப்பி வைத்தனர். அங்கு கார்த்திக் ராஜா  உயிரிழந்தார்.  மேலும் சுந்தரமூர்த்தி உள்பட 3 பேர் மேல் சிகிச்சைக்காக மதுரை அரசு மருத்துவமனைக்கு கொண்டு செல்லப்பட்டனர். அங்கு சிகிச்சை பலனின்றி சுந்தரமூர்த்தி உயிரிழந்தார். இதையடுத்து உயிரிழந்தோர் எண்ணிக்கை 4-ஆக உயர்ந்தது.

]]>
https://images.dinamani.com/uploads/user/imagelibrary/2019/9/15/w600X390/vana.gif சாத்தூர் அருகே சனிக்கிழமை கவிழ்ந்து விபத்துக்குள்ளான மினி வேன். https://www.dinamani.com/tamilnadu/2019/sep/15/மினி-வேன்-கவிழ்ந்து-விபத்து-4-பேர்-பலி-3234672.html
3234666 தமிழ்நாடு திருப்பூரில் இன்று தேமுதிக முப்பெரும் விழா DIN DIN Sunday, September 15, 2019 03:27 AM +0530 திருப்பூரில் தேமுதிக சார்பில் ஞாயிற்றுக்கிழமை நடைபெறும் முப்பெரும் விழாவில் அக்கட்சியின் தலைவர் விஜயகாந்த் பங்கேற்று நல உதவிகளை வழங்குகிறார். 

திருப்பூர் மாவட்ட தேமுதிக சார்பில் கட்சியின் நிறுவனத் தலைவர் விஜயகாந்த் பிறந்த நாள் விழா, கட்சியின் 15-ஆம் ஆண்டு தொடக்க விழா, நலத் திட்ட உதவிகள் வழங்கல் ஆகிய முப்பெரும் விழா காங்கயம் சாலையில் உள்ள வேலன் ஹோட்டல் மைதானத்தில் ஞாயிற்றுக்கிழமை மாலை 5 மணி அளவில் நடைபெறுகிறது. இதில் தேமுதிக தலைவர் விஜயகாந்த், பொருளாளர் பிரேமலதா விஜயகாந்த் மற்றும் கட்சியின் முன்னணி நிர்வாகிகள் பங்கேற்கின்றனர். முன்னதாக சனிக்கிழமை திருப்பூர் வந்த விஜயகாந்துக்கு அக்கட்சி தொண்டர்கள் சார்பில் உற்சாக வரவேற்பு அளிக்கப்பட்டது.

]]>
https://www.dinamani.com/tamilnadu/2019/sep/15/திருப்பூரில்-இன்று-தேமுதிக-முப்பெரும்-விழா-3234666.html
3234663 தமிழ்நாடு "புதிய மோட்டார் வாகனச் சட்டத்தை எதிர்த்து 27-இல் சென்னையில் முற்றுகைப் போராட்டம்' DIN DIN Sunday, September 15, 2019 03:26 AM +0530 புதிய மோட்டார் வாகனச் சட்டத்தை திரும்பப் பெற வலியுறுத்தி, வரும் 27-ஆம் தேதி சென்னையில் முற்றுகைப் போராட்டம் நடத்தப்போவதாக தமிழ்நாடு - புதுச்சேரி வழக்குரைஞர்கள் சங்கங்களின் கூட்டுக்குழு அறிவித்துள்ளது.
இது தொடர்பாக அந்த அமைப்பின் தலைவர் நந்தகுமார், திருநெல்வேலியில் செய்தியாளர்களிடம் சனிக்கிழமை கூறியது: தமிழ்நாட்டில் நீதிமன்றப் பணிக்கு தேர்வு செய்யப்படுபவர்களுக்கு தமிழ் தெரிந்திருக்கவேண்டியதில்லை; அவர்கள் பணியில் சேர்ந்த பின்னர் தமிழ் கற்றுக்கொள்ள கால அவகாசம் கொடுக்கப்படும் என்ற கொள்கையை கண்டிக்கிறோம்.
இளம் வழக்குரைஞர்களுக்கு ஊக்கத்தொகையாக மாதம்தோறும் ரூ.5 ஆயிரத்தை மூன்று ஆண்டுகளுக்கு வழங்க வேண்டும். சுங்கச் சாவடிகளில் கட்டணம் வசூலிப்பதில் வழக்குரைஞர்களுக்கு விலக்கு அளிக்கவேண்டும். வழக்குரைஞர்களின் சேமநல நிதியை ரூ.15 லட்சமாக உயர்த்த வேண்டும். மோட்டார் வாகனச் சட்டத்தை திரும்பப் பெற வலியுறுத்தி வரும் 27-ஆம் தேதி நீதிமன்றப் புறக்கணிப்பு செய்துவிட்டு சென்னையில் பேரணியும்,  உயர் நீதிமன்றம் அருகே முற்றுகைப் போராட்டமும் நடைபெறும். மோட்டார் வாகனச் சட்டத்தை திரும்பப் பெறும் வரை லோக் அதாலத், சமரச மையம் உள்ளிட்டவற்றில் வழக்குரைஞர்கள் ஆஜராக மாட்டார்கள்.
நீதிபதியாக தேர்வு செய்யப்படுவோருக்கு குறைந்தபட்சம் 5 ஆண்டுகளாவது வழக்குரைஞர் அனுபவம் தேவை. தற்போது படித்து முடித்துவிட்டு வந்தவுடன்  நீதிபதிகளாக தேர்வு செய்கின்றனர். இதனால் வழக்குகளை கையாளத் தெரியாமல் திண்டாடும் நிலை ஏற்படுகிறது என்றார்.

]]>
https://www.dinamani.com/tamilnadu/2019/sep/15/புதிய-மோட்டார்-வாகனச்-சட்டத்தை-எதிர்த்து-27-இல்-சென்னையில்-முற்றுகைப்-போராட்டம்-3234663.html
3234659 தமிழ்நாடு 5, 8-ஆம் வகுப்புகளுக்கு பொதுத் தேர்வு கூடாது: தமிழக ஆசிரியர் கூட்டணி வலியுறுத்தல் DIN DIN Sunday, September 15, 2019 03:25 AM +0530 மாணவர்களை இடைநிற்கச் செய்யும் வகையில், 5, 8-ஆம் வகுப்புகளில் பொதுத்தேர்வை அமல்படுத்தக் கூடாது என தமிழக ஆசிரியர் கூட்டணி வலியுறுத்தியுள்ளது.
திருச்சியில் சனிக்கிழமை நடைபெற்ற கூட்டணியின் மாநில செயற்குழுக் கூட்டத்தில் இதற்கான தீர்மானம் நிறைவேற்றப்பட்டது. இக் கூட்டத்துக்கு, மாநிலத் தலைவர் மா. நம்பிராஜ் தலைமை வகித்தார். பொதுச்செயலர் அ. வின்சென்ட் பால்ராஜ் முன்னிலை வகித்தார். அகில இந்திய ஆசிரியர் சங்கங்களின் கூட்டமைப்பின் அகில இந்தியச் செயலர் வா. அண்ணாமலை பேசியது:
குழந்தைகளின் மனநிலையையும், மூளை வளர்ச்சியையும் கருத்தில் கொள்ளாமல் மத்திய அரசு புதிய கல்விக் கொள்கை வரைவைத் தயாரித்துள்ளது. மாணவர்களை அதிகளவில் இடைநிற்கச் செய்யும் வகையில், பொதுத் தேர்வுகள் நடத்த புதிய கல்விக் கொள்கையில் வரைவுகள் இடம்பெற்றுள்ளன. இதன்காரணமாக மாணவர்களின் மனநிலை கடுமையாக பாதிப்புக்குள்ளாகும். தேர்ச்சி பெறாவிட்டால் மிகுந்த பாதிப்பை பால்ய வயதில் எதிர்கொள்ள வேண்டும். 10 வயது குழந்தைக்கு பொதுத் தேர்வு என்பது எந்த மாதிரியான விளைவுகளை ஏற்படுத்தும் என்பதை மத்திய, மாநில அரசுகள் உணர்ந்து செயல்படுத்த வேண்டும் என்றார்.
இக் கூட்டத்தில், மாநிலப் பொருளாளர் க. சந்திரசேகர், துணைப் பொதுச் செயலர் அ. முனியாண்டி, மாநில துணைத் தலைவர்கள் அ. எழிலரசன், பா. கனகராஜ், மாநிலத் துணைச் செயலர் ஆ.ராஜசேகர், மாநில அமைப்புச் செயலர் இரா. ராஜசேகரன் ஆகியோர் சங்க எதிர்கால நடவடிக்கைகள் குறித்து விளக்கிப் பேசினர்.
கூட்டத்தில் நிறைவேற்றப்பட்ட தீர்மானங்கள்: மத்திய அரசின் புதிய தேசியக் கல்விக் கொள்கை வரைவு அறிக்கை 2019-ஐ உடனடியாக திரும்பப் பெற வேண்டும். புதிய கல்விக் கொள்கையானது 3- ஆம் வகுப்பு முதல் தொழிற்கல்வியை வலியுறுத்துகிறது. தமிழகத்தில் 1952-இல் இருந்ததைப் போன்று குலக் கல்வித் திட்டத்துக்கு வழிவகை செய்கிறது. சமூக நீதியை, ஏழை, எளிய மாணவர்களின் கல்வி வளர்ச்சியை தகர்த்தெறியும் நோக்கத்துடன் கொண்டுவரப்படும் கல்விக் கொள்கையை மத்திய அரசு கைவிட வேண்டும் உள்ளிட்ட தீர்மானங்கள் நிறைவேற்றப்பட்டன.

]]>
https://images.dinamani.com/uploads/user/imagelibrary/2019/9/15/w600X390/union.gif திருச்சியில் நடைபெற்ற மாநில செயற்குழு கூட்டத்தில் பேசுகிறார் அகில இந்திய ஆசிரியர் சங்கங்களின் கூட்டமைப்பு செயலர் வா. அண்ணாமலை. https://www.dinamani.com/tamilnadu/2019/sep/15/5-8-ஆம்-வகுப்புகளுக்கு-பொதுத்-தேர்வு-கூடாது-தமிழக-ஆசிரியர்-கூட்டணி-வலியுறுத்தல்-3234659.html
3234654 தமிழ்நாடு ஈஷா சார்பில் 350 நாற்றுப் பண்ணைகள் அமைக்கத் திட்டம் DIN DIN Sunday, September 15, 2019 03:24 AM +0530 தமிழ்நாடு மற்றும் கர்நாடகத்தில் உள்ள காவிரி வடிநிலப் பகுதிகளில் ஈஷா சார்பில் 350 நாற்றுப் பண்ணைகள் அமைக்கத் திட்டமிடப்பட்டுள்ளது என்றார் ஈஷா அறக்கட்டளை நிறுவனர் ஜக்கி வாசுதேவ்.
காவிரி நதிக்குப் புத்துயிரூட்ட தலைக்காவிரி முதல் திருவாரூர் வரை ஜக்கி வாசுதேவ் மோட்டார் சைக்கிள் பேரணி மேற்கொண்டுள்ளார். இப்பயணத்தின் ஒரு பகுதியாக தஞ்சாவூருக்கு வெள்ளிக்கிழமை இரவு வந்த அவர் கொ. வல்லுண்டாம்பட்டு கிராமத்தில் உள்ள ஈஷா நாற்றுப் பண்ணையை சனிக்கிழமை பார்வையிட்டு தெரிவித்தது:
தஞ்சாவூரில் உள்ள ஈஷா நாற்றுப் பண்ணை ஒரு வித்தியாசமான முறையில் உள்ளது. நம் தன்னார்வத் தொண்டர்கள் இங்கு மிகவும் ஈடுபாட்டுடன் மரக்கன்றுகளை வளர்த்து வருகின்றனர். இங்கு அனைத்து மரக் கன்றுகளையும் முழுக்க முழக்க இயற்கை முறையில் வளர்க்கிறோம். எந்த ரசாயன உரங்களையும் பயன்படுத்துவது இல்லை.
இயற்கை முறையில் வளர்த்தால் ஒரு மரக்கன்று விற்கும் நிலைக்கு வருவதற்கு 9 முதல் 15 மாதங்கள் ஆகும். ஆனால், தொழில் ரீதியாக மரக்கன்று விற்போர் யூரியா போட்டு 3 முதல் 5 மாதங்களில் மரக்கன்று வளர்க்கின்றனர். இப்படி வளர்த்தால் அவை எப்படி மரமாக மாறும் என்பது ஒரு பெரிய கேள்வி.
மகாத்மா காந்தியின் 150-ஆவது பிறந்த ஆண்டை முன்னிட்டு அனைத்து ஈஷா நாற்றுப் பண்ணைகளுக்கும் மகாத்மா இந்தியா கிரீன் மிஷன் என பெயர் கொடுக்க உள்ளோம். ஏனென்றால், கிராமங்களில் வாழ்பவர்கள் வளமாகவும் நலமாகவும் வாழ வேண்டும் என்பது காந்தியின் கனவு. அவரின் கனவை நனவாக்க உறுதி எடுத்துள்ளோம்.
இப்போது நம்மிடம் 35 நாற்றுப் பண்ணைகள் உள்ளன. அடுத்த ஓரிரு ஆண்டுகளில் காவிரி வடிநிலப் பகுதிகளில் 350 நாற்றுப் பண்ணைகளை அமைக்க உள்ளோம். மேலும், நாற்றுப் பண்ணை உருவாக்குவது குறித்து 10,000 விவசாயிகளுக்குப் பயிற்சி அளிக்கத் திட்டமிட்டுள்ளோம். இது அவர்களுடைய பொருளாதாரத்துக்குப் பயனளிக்கும் என்றார் ஜக்கி வாசுதேவ்.

]]>
https://images.dinamani.com/uploads/user/imagelibrary/2019/9/15/w600X390/sha.gif தஞ்சாவூர் அருகே கொ. வல்லுண்டாம்பட்டு கிராமத்தில் உள்ள  ஈஷா நாற்றுப் பண்ணையில்  மரக்கன்றுகள் உருவாக்கத்தைப் பார்வையிட்ட ஈஷா அறக்கட்டளை நிறுவனர் ஜக்கி வாசுதேவ். https://www.dinamani.com/tamilnadu/2019/sep/15/ஈஷா-சார்பில்-350-நாற்றுப்-பண்ணைகள்-அமைக்கத்-திட்டம்-3234654.html
3234649 தமிழ்நாடு முசௌரி தேசிய நிர்வாக அகாதெமியில் தமிழ்நாடு மாநில தின விழா DIN DIN Sunday, September 15, 2019 03:23 AM +0530  

இந்திய குடிமைப் பணிக்கு தேர்வாகும் அதிகாரிகளுக்குப்  பயிற்சி அளிக்கும் மையமான உத்தரகண்ட் மாநிலத்தின் முசெளரியில்  உள்ள "லால்பகதூர் சாஸ்திரி தேசிய நிர்வாக அகாதெமி'யில் தமிழ்நாடு மாநில தினம் கொண்டாடப்பட்டது. 

இப்பயிற்சி மையத்தில் ஒவ்வொரு ஆண்டும் பல்வேறு மாநிலங்களிலிருந்து தேர்ந்தெடுக்கப்பட்ட குடிமைப் பணி அதிகாரிகளுக்குப் பிற மாநிலங்களின் கலை, பண்பாடு, வாழ்க்கை முறையில் உள்ள பழக்க வழக்கங்கள்  குறித்து தெரியப்படுத்தும் வகையில் ஒவ்வொரு மாநிலத்தின் கலை நிகழ்ச்சிகள் நடத்தப்பட்டு வந்தன. இந்த ஆண்டிலிருந்து அந்த நிகழ்ச்சி அகாதெமியால் விரிவாக்கம் செய்யப்பட்டு ஒவ்வொரு  "மாநில தினம்'-ஆக அனுசரிக்கப்படுகிறது.  

இதன்படி தமிழ்நாடு மாநில  தினம் வெள்ளிக்கிழமை கொண்டாடப்பட்டது. இதையொட்டி, தமிழ்ப் பண்பாடு,  கலைகள் ஆகியவற்றைப் பிரதிபலிக்கும் வகையில்,  தமிழ் கலாசார முறையில்  வண்ணக்கோலம்,  அலங்கரிக்கப்பட்ட பொங்கல் பானை உள்ளிட்டவை காட்சிப்படுத்தப்பட்டன.  தமிழகத்தின் பாரம்பரிய வரவேற்பு முறையில் பெண்கள் புடவை அணிந்து விருந்தினர்களை வரவேற்றனர். 

புது தில்லி தமிழ்நாடு இல்லத்திலிருந்து 12 அலுவலர்கள், தமிழ் கலாசார உணவு தயாரிக்கும் 5 சமையலர்கள் அடங்கிய   குழு ஒன்று அகாதெமி அலுவலர்களுடன் இணைந்து அலங்காரம், உணவு தயாரிப்பு பணிகளைச் செய்திருந்தது. இதற்கான ஏற்பாட்டை தமிழ்நாடு அரசின் முதன்மை உள்ளுறை ஆணையர் ஹிதேஷ் குமார் எஸ். மக்வானா செய்திருந்தார்.

தமிழகத்தைப் பூர்வீகமாகக் கொண்ட   பயிற்சி அதிகாரிகள் தமிழ்த்தாய் வாழ்த்துப் பாடி, பாரம்பரிய பண்பாட்டு நடனங்களை ஆடினர்.  

விருந்தினர்களுக்கு தமிழ் பாரம்பரிய உணவு வகைகள் தலைவாழை இலையில் விருந்தாக படைக்கப்பட்டது.  தமிழகத்தைச் சேர்ந்த இளம் பயிற்சி அதிகாரிகள் தங்களது பண்பாட்டுக் கலைத் திறனை வெளிப்படுத்தும் விதமாக  மேடையில் சிலம்பம், கிராமிய நடனங்களை ஆடி விருந்தினர்களை மகிழ்வித்தனர். 

பயிற்சி அகாதெமியின்  இயக்குநர் சஞ்சீவ் சோப்ரா,    சிறப்பு இயக்குநர்கள் ஆர்த்தி அகுஜா, மனோஜ் அகுஜா, இளம் பயிற்சி அதிகாரிகளுக்குப் பொது நிர்வாகம் குறித்த பயிற்சியை வழங்கக் கூடிய தமிழ்நாடு மாநில தொகுப்பைச் சேர்ந்த இந்திய ஆட்சிப் பணி அதிகாரி அமுதா உள்ளிட்ட பலர் நிகழ்ச்சியில் கலந்து கொண்டனர். 

மேலும்,  தமிழ்நாடு அரசின் கலைப் பண்பாட்டுத் துறையின் மூலம் அனுப்பி வைக்கப்பட்ட 35 நாட்டுப்புறக் கலைஞர்கள், 7 பரதநாட்டிய மாணவர்கள் உள்ளிட்டோர் கலை நிகழ்ச்சிகளை வழங்கினர். தமிழ்நாடு அரசின் கோ-ஆப்டெக்ஸ் நிறுவனம் மற்றும் பூம்புகார் நிறுவனத்தின் சிறிய அளவிலான கண்காட்சிக்கு ஏற்பாடு செய்யப்பட்டிருந்தது. நிகழ்ச்சியின் நிறைவில் அகாதெமியின் இயக்குநர் சஞ்சீவ் சோப்ரா நன்றி தெரிவித்தார். 

தற்போது 2019-ஆம் ஆண்டு பிரிவைச் சேர்ந்த ஐஏஎஸ் அதிகாரிகள் 12 பேர், ஐபிஎஸ் அதிகாரிகள் 2 பேர்,  இந்திய வனப் பணிக்கு தேர்வான 4 பேர், இதர ரயில்வே, கணக்குத் துறைக்குத் தேர்வானஅதிகாரிகள் என மொத்தம் 22 பேர் இந்த அகாதெமியில் பயிற்சியில் உள்ளனர்.

]]>
https://images.dinamani.com/uploads/user/imagelibrary/2019/9/15/w600X390/honour.gif நிகழ்ச்சியில் பாரம்பரிய தமிழ் கலாசார உடையணிந்த அகாதெமியின்  இயக்குநர் சஞ்சீவ் சோப்ராவுடன்  ஐஏஎஸ் பயிற்சி பெறும் தமிழக இளைஞர்கள். உடன் சிறப்பு இயக்குநர்கள் ஆர்த்தி அகுஜா, மனோஜ் அகுஜா,  தமிழகத்தைச் சேர் https://www.dinamani.com/tamilnadu/2019/sep/15/முசௌரி-தேசிய-நிர்வாக-அகாதெமியில்-தமிழ்நாடு-மாநில-தின-விழா-3234649.html
3234643 தமிழ்நாடு ஆயிரங்கால் மண்டபத்தில் திருமணம்: நடராஜர் கோயில் தீட்சிதர் பணியிடை நீக்கம் DIN DIN Sunday, September 15, 2019 03:22 AM +0530  

கடலூர் மாவட்டம், சிதம்பரம் நடராஜர் கோயில் ஆயிரங்கால் மண்டபத்தில் தனியார் திருமண நிகழ்ச்சிக்கு அனுமதி அளித்ததாக, கோயில் தீட்சிதர் ஒருவர் பணியிடை நீக்கம் செய்யப்பட்டார்.
பிரசித்தி பெற்ற சிதம்பரம் நடராஜர் கோயிலில் ராஜ்யசபை எனப்படும் ஆயிரங்கால் மண்டபம் உள்ளது. இந்த மண்டபத்தில் ஆனி, மார்கழி தரிசன விழாக்களின்போது ஸ்ரீசிவகாமசுந்தரி சமேத ஸ்ரீமந்நடராஜ மூர்த்திக்கு மகாபிஷேகமும், திருவாபரண அலங்காரக் காட்சியும் நடைபெறுவது வழக்கம். 
இந்த நிலையில், கோயிலின் ஆயிரங்கால் மண்டபத்தில் சிவகாசியைச் சேர்ந்த தொழிலதிபரின் குடும்ப திருமண நிகழ்ச்சி கடந்த 12-ஆம் தேதி வெகு விமரிசையாக நடைபெற்றது. ஆனால், கோயில் மரபை மீறி, ஆயிரங்கால் மண்டபத்தில் தனியார் திருமணத்துக்கு அனுமதி அளித்தது தொடர்பாக சர்ச்சை எழுந்தது. இதற்கு அரசியல் கட்சித் தலைவர்களும் கண்டனம் தெரிவித்தனர்.  இந்த நிலையில், கோயில் பொது தீட்சிதர்களின் செயலர் பாலகணேச தீட்சிதர் சனிக்கிழமை கூறியதாவது: ஆயிரங்கால் மண்டபத்தில் தனியார் திருமணத்துக்கு அனுமதி அளித்த பட்டு தீட்சிதருக்கு ரூ.1,001 அபராதம் விதிக்கப்பட்டது. மேலும், அவர் மூன்று சுற்று முறை (2 மாதங்கள்) சித் சபையில் ஏறி பூஜை செய்வதிலிருந்தும் தற்காலிகமாக நீக்கம் செய்யப்பட்டுள்ளார் என்றார்.

]]>
https://images.dinamani.com/uploads/user/imagelibrary/2019/9/15/w600X390/shri-chidambaram-temple.gif https://www.dinamani.com/tamilnadu/2019/sep/15/ஆயிரங்கால்-மண்டபத்தில்-திருமணம்-நடராஜர்-கோயில்-தீட்சிதர்-பணியிடை-நீக்கம்-3234643.html
3234637 தமிழ்நாடு நெடுஞ்சாலை மதுக்கடைகளை மூட வேண்டும்: ராமதாஸ் DIN DIN Sunday, September 15, 2019 03:21 AM +0530 சாலை விபத்துகளைக் குறைக்க வேண்டும் என்று மத்திய நெடுஞ்சாலைத் துறைக்கு உண்மையாகவே அக்கறை இருந்தால் தேசிய மற்றும் மாநில நெடுஞ்சாலைகளில் இருக்கும் மதுக்கடைகளை மூட வேண்டும் என்று பாமக நிறுவனர் டாக்டர் ச.ராமதாஸ் வலியுறுத்தியுள்ளார். இது தொடர்பாக சனிக்கிழமை அவர் வெளியிட்ட அறிக்கை:

மோட்டார் வாகனச் சட்டங்களில் செய்யப்பட்டுள்ள திருத்தங்களின்படி விதி மீறல்களுக்கான கட்டணம்  20 மடங்குக்கும் கூடுதலாக அதிகரிக்கப்பட்டுள்ளது. 
தில்லியில் ரூ.15 ஆயிரம் மட்டுமே மதிப்புள்ள இரு சக்கர வாகனத்துக்கு ரூ.23 ஆயிரம் அபராதம் விதிக்கப்பட்டது. அதிகமாக சரக்கு ஏற்றி வந்த லாரிக்கு ரூ.2 லட்சத்து 500 அபராதம் விதிக்கப்பட்டது போன்ற நிகழ்வுகள் இந்தச் சட்டத் திருத்தத்தின் நோக்கத்தை கேள்விக்குறியாக்கியுள்ளன. 

அபராதமாக அதிகத் தொகையை விதிப்பதால் மக்களுக்கு சில பாதிப்புகள் ஏற்படும் என்றாலும் கூட, ஒரு சாலை விபத்து கூட நடக்கக் கூடாது என்ற இலக்கை எட்ட இந்த நடவடிக்கைகள் அவசியமாகும். 

அதேநேரத்தில் இந்த நடவடிக்கைகள் மட்டுமே சாலை விபத்துகளைக் குறைப்பதற்கு போதுமானதல்ல. அபராதம் விதிப்பது உள்ளிட்ட செயல்களால் எந்த அளவுக்கு சாலை விபத்துகளும் உயிரிழப்புகளும் கட்டுப்படுத்தப்படுமோ, அதை விட அதிக எண்ணிக்கையிலான விபத்துகளையும், உயிரிழப்புகளையும் நெடுஞ்சாலையோர மதுக்கடைகளை மூடுவதன் மூலம் கட்டுப்படுத்த முடியும்.
தமிழகத்தில் தேசிய மற்றும் மாநில நெடுஞ்சாலைகளில் அமைக்கப்பட்டிருந்த 3,321 மதுக்கடைகளையும்,  தேசிய அளவில் 90 ஆயிரம் மதுக்கடைகளையும் பல ஆண்டுகள் சட்டப்போராட்டம் நடத்தி 2017-ஆம் ஆண்டில் மூட வைத்தது பாமக. இதனால் தமிழகத்தில் சாலை விபத்துகளும் உயிரிழப்புகளும் வெகுவாகக் குறைந்தன. இதன்மூலம் மதுக்கடைகளை மூடுவதால் சாலை விபத்துகளைக் குறைக்க முடியும் என்பது உறுதியாகிறது.

எனவே, மத்திய நெடுஞ்சாலைப் போக்குவரத்து அமைச்சகத்துக்கு உண்மையாகவே விபத்துகளைக் கட்டுப்படுத்த வேண்டும் என்ற அக்கறை இருந்தால், மோட்டார் வாகனச்  சட்டத்தைத் திருத்துவதில் காட்டிய வேகம் மற்றும் ஆர்வத்தை தேசிய மற்றும் மாநில நெடுஞ்சாலைகளில் உள்ள மதுக்கடைகளை மூடுவதிலும் காட்ட வேண்டும் என்று தெரிவித்துள்ளார்.

]]>
https://images.dinamani.com/uploads/user/imagelibrary/2019/9/13/w600X390/ramadoss.jpg பாமக நிறுவனர் ராமதாஸ் https://www.dinamani.com/tamilnadu/2019/sep/15/நெடுஞ்சாலை-மதுக்கடைகளை-மூட-வேண்டும்-ராமதாஸ்-3234637.html
3234635 தமிழ்நாடு உள்ளாட்சித் தேர்தல் அட்டவணையை தேர்தல் ஆணையம் விரைவில் அறிவிக்கும்: அமைச்சர் எஸ்.பி.வேலுமணி DIN DIN Sunday, September 15, 2019 03:19 AM +0530 தமிழகத்தில் உள்ளாட்சித் தேர்தல்களுக்கான ஏற்பாடுகள் தீவிரமாக நடைபெற்று வருவதாகவும், இதற்கான அட்டவணையை தமிழக தேர்தல் ஆணையம் விரைவில் அறிவிக்கும் என்றும் உள்ளாட்சித் துறை அமைச்சர் எஸ்.பி.வேலுமணி தெரிவித்தார்.
உதகையில் செய்தியாளர்களிடம் அமைச்சர் வேலுமணி சனிக்கிழமை தெரிவித்ததாவது:
தமிழகத்தில் உள்ளாட்சித் தேர்தல்களை நடத்துவதற்கான நடைமுறைகள் தொடங்கிவிட்டன. இதுதொடர்பான விவரங்களும் அட்டவணையும் உச்சநீதிமன்றத்தில்  தாக்கல் செய்யப்பட்டுவிட்டன. இதுதொடர்பான விவாதங்கள், ஆலோசனைகள் நடைபெற்ற பின்னர் தமிழக தேர்தல் ஆணையம் உரிய அறிவிப்புகளை வெளியிடும். 
தமிழகம் கடந்த 8 ஆண்டுகளில் 50 ஆண்டுகளுக்கான வளர்ச்சியைப் பெற்றுள்ளது. குறிப்பாக தமிழக முதல்வர் எடப்பாடி பழனிசாமியின் வெளிநாட்டு சுற்றுப்பயணத்தின்போது, தமிழகத்திலிருந்து வெளிநாடுகளுக்குச் சென்று தொழில் நடத்துவோர் தங்களது தொழிலை தமிழகத்திலும் தொடங்க விருப்பம் தெரிவித்துள்ளனர். முதல்வரின் வெளிநாட்டு சுற்றுப்பயணத்தால் கொங்கு மண்டலத்துக்கு அதிக அளவிலான தொழில் முதலீடுகள் கிடைக்கும்.
மாவட்டத்தில் அரசு மருத்துவக் கல்லூரி மற்றும் மருத்துவமனை அமைப்பது தொடர்பாக, தொடர்ந்து பல்வேறு தரப்பிலிருந்தும் கோரிக்கைகள் விடுக்கப்பட்டு வருகின்றன. இதுதொடர்பாக தமிழக முதல்வர் விரைவில் நல்ல முடிவை  அறிவிப்பார் என்று அமைச்சர் வேலுமணி தெரிவித்தார்.

]]>
https://images.dinamani.com/uploads/user/imagelibrary/2019/9/10/w600X390/VelumaniSP1.jpg கோப்புப் படம் https://www.dinamani.com/tamilnadu/2019/sep/15/உள்ளாட்சித்-தேர்தல்-அட்டவணையை-தேர்தல்-ஆணையம்-விரைவில்-அறிவிக்கும்-அமைச்சர்-எஸ்பிவேலுமணி-3234635.html
3234627 தமிழ்நாடு பட்டதாரி ஆசிரியர், உடற்கல்வி இயக்குநர் பணியிடங்களுக்கு ஆன்லைன் தேர்வு: அரசு பரிசீலிக்க நீதிமன்றம் உத்தரவு DIN DIN Sunday, September 15, 2019 03:18 AM +0530 தமிழகத்தில் உள்ள அரசுப் பள்ளிகளில் பட்டதாரி ஆசிரியர்கள் மற்றும் உடற்கல்வி இயக்குநர்கள் பணியிடங்களுக்கு ஆன்லைன் முறையில் தேர்வு நடத்த தடைக் கோரி தாக்கல் செய்யப்பட்டுள்ள மனுவை பரிசீலிக்க உயர் நீதிமன்றம் உத்தரவிட்டுள்ளது.
சென்னை உயர் நீதிமன்றத்தில் திருப்பூரைச் சேர்ந்த பட்டதாரி கிருத்திகா தாக்கல் செய்த மனுவில், "ஆசிரியர் தேர்வு வாரியம் தமிழகத்தில் உள்ள பட்டதாரி ஆசிரியர்கள் மற்றும் உடற்கல்வி இயக்குநர்கள் பணியிடங்களுக்கான தேர்வு விண்ணப்பங்களை வரவேற்று கடந்த ஜூன் 12-ஆம் தேதி அறிவிப்பாணை வெளியிட்டது. அந்த அறிவிப்பாணையில் இந்த தேர்வு ஆன்லைன் வழியாக மட்டுமே நடத்தப்படும் எனவும், வரும் செப்டம்பர் 27-ஆம் தேதி முதல் செப்டம்பர் 29-ஆம் தேதி வரை தேர்வு நடத்தப்படும் என தெரிவிக்கப்பட்டிருந்தது.
கணினி ஆசிரியர்களை தவிர்த்து மற்ற ஆசிரியர்கள் கணினியை கையாளும் பயிற்சி பெற்றவர்களாக இருப்பதில்லை. எனவே அவர்களுக்கு உரிய பயிற்சி வழங்காமல் நேரடியாக ஆன்லைன் தேர்வு நடத்துவது தன்னை போன்ற பிற விண்ணப்பதாரர்கள் பாதிக்கப்படுவார்கள். எனவே ஆன்லைன் தேர்வுக்குத் தடை விதிக்க வேண்டும். இந்த தேர்வை வழக்கமான முறையில் எழுத்துத் தேர்வாக நடத்த உத்தரவிட வேண்டும்' எனக் கோரியிருந்தார். 
இந்த மனு நீதிபதி எம்.தண்டபாணி முன் அண்மையில் விசாரணைக்கு வந்தது. அப்போது அரசுத் தரப்பில், ஆன்லைன் 
முறையில் தேர்வு நடத்துவதற்கு எதிராக மனுதாரர் அளித்துள்ள கோரிக்கையைப் பரிசீலித்து தகுந்த முடிவு எடுப்பதாக தெரிவிக்கப்பட்டது. இதனைப் பதிவு செய்து கொண்ட நீதிபதி, மனுதாரரின் கோரிக்கையை ஆசிரியர் தேர்வு வாரியம் வரும் செப்டம்பர் 24-ஆம் தேதிக்குள் பரிசீலிக்க உத்தரவிட்டு வழக்கை முடித்து வைத்தார்.
 

]]>
https://images.dinamani.com/uploads/user/imagelibrary/2019/9/6/w600X390/HighCourtch.jpg https://www.dinamani.com/tamilnadu/2019/sep/15/பட்டதாரி-ஆசிரியர்-உடற்கல்வி-இயக்குநர்-பணியிடங்களுக்கு-ஆன்லைன்-தேர்வு-அரசு-பரிசீலிக்க-நீதிமன்றம்-உத-3234627.html
3234626 தமிழ்நாடு அண்ணாவின் பாதையில் இருந்து விலகினால் நாட்டுக்கு கேடு: மு.க.ஸ்டாலின் DIN DIN Sunday, September 15, 2019 03:17 AM +0530 அண்ணா வகுத்து தந்த பாதையிலிருந்து ஆட்சியாளர்கள் விலகினால் தமிழுக்கு மட்டுல்ல, இந்தியாவுக்கும் கேடு விளையும் என்று திமுக தலைவர் மு.க.ஸ்டாலின் எச்சரித்துள்ளார். இது தொடர்பாக சனிக்கிழமை அவர் வெளியிட்ட அறிக்கை:

அண்ணாவின் 111-ஆம் ஆண்டு பிறந்த நாள் செப்டம்பர் 15-ஆம் தேதியாகும். தமிழின் மேன்மைக்கும் தமிழரின் வாழ்வுக்கும் தன் இறுதிமூச்சுவரை அயராமல் குரல் கொடுத்தவர். 1962-ஆம் ஆண்டு மாநிலங்களவை உறுப்பினராக அவர் நாடாளுமன்றத்தில் நுழைந்தபோது, இந்தியத் துணைக்கண்டம் அதுவரை கேட்டிராத உரிமைக்குரலைக் கேட்டது. அந்தக் குரல், திராவிட இனத்தின் குரல், தமிழ் எனும் மூத்த மொழியின் குரல், தன்னைப் போன்ற மாநில மொழிகள் அனைத்துக்குமான குரல்.

நான் திராவிட இனத்தைச் சார்ந்தவன்.இப்படிக் கூறுவதால் நான் வங்காளிக்கோ, மராட்டியருக்கோ, குஜராத்தியருக்கோ எதிர்ப்பாளன் அல்ல என்ற அண்ணாவின் உரைவீச்சு புதிய சிந்தனையைக் கிளறியது.

அரை நூற்றாண்டுக்கும் மேலாக அந்த சிந்தனைதான் இந்திய ஒன்றியத்தின் பல பகுதிகளிலும் வளர்ந்து வலுப்பெற்று வருகிறது. அதுதான் மாநில உரிமைகளைப் பாதுகாத்து, பன்முகத்தன்மை கொண்ட இந்தியாவைக் கட்டிக் காத்து வருகிறது. 
இன்றோ, எப்பக்கத்திலிருந்தாவது எப்படியாவது ஹிந்தியைத் திணித்துவிட முடியாதா என்று மத்திய பாஜக அரசு பலவித முயற்சிகளைச் செய்து நுழைக்கப் பார்க்கிறது. 

இந்தியா பயணிக்க வேண்டிய பாதையை அன்றே தில்லிக்கு சுட்டிக்காட்டியவர் அண்ணா. அந்தப் பாதையிலிருந்து 

ஆட்சியாளர்கள் விலகினால் அது  தமிழுக்கு மட்டுமல்ல, இந்தியாவுக்கும் கேடு விளைவித்துவிடும். அதனால்தான், தமிழ் மொழியைக் காக்க அண்ணா வகுத்துத் தந்த வழியில் வாய்மையுடன் நடைபோடுகிறோம், போராடுகிறோம் என்று அவர் கூறியுள்ளார்.

]]>
https://images.dinamani.com/uploads/user/imagelibrary/2019/9/10/w600X390/stalinfin.jpg https://www.dinamani.com/tamilnadu/2019/sep/15/அண்ணாவின்-பாதையில்-இருந்து-விலகினால்-நாட்டுக்கு-கேடு-முகஸ்டாலின்-3234626.html
3234625 தமிழ்நாடு சென்னை-கன்னியாகுமரி தொழில்வழி மேம்பாட்டுச் சாலை: அமைச்சர் எம்.சி.சம்பத் தகவல் DIN DIN Sunday, September 15, 2019 03:16 AM +0530 தமிழகத்தில் சென்னை முதல் கன்னியாகுமரி வரை தொழில்வழி மேம்பாட்டுச் சாலை அமைக்கப்படும் என்று தமிழக தொழில் துறை அமைச்சர் எம்.சி.சம்பத் கூறினார்.
திருநெல்வேலியில் செய்தியாளர்களிடம் சனிக்கிழமை அவர் கூறியது: தமிழக முதல்வர் எடப்பாடி கே.பழனிசாமி வெளிநாட்டு முதலீட்டாளர்களை சந்தித்துவிட்டு வந்திருக்கிறார். ரூ.8,835 கோடி முதலீட்டில் 41 புரிந்துணர்வு ஒப்பந்தங்கள் செய்து வந்துள்ளார். இது ஒரு மாபெரும் வெற்றிப் பயணம். இதனை எதிர்க்கட்சித் தலைவர் ஸ்டாலின் பாராட்டாவிட்டாலும் குறை சொல்லக் கூடாது.
"யாதும் ஊரே' என்ற இணைய தளம் தொடங்கவுள்ளோம். அதற்காக சென்னையில் உள்ள தொழில் துறை அலுவலகத்தில் பிரிட்டன், துபை, ஜப்பான் என நாட்டுக்கு ஒரு வழிகாட்டு மையம் அமைக்கவுள்ளோம். 
அதற்கென தனி ஐ.ஏ.எஸ். அதிகாரிகளை நியமித்து வெளிநாட்டு முதலீட்டாளர்கள் தமிழகத்தில் முதலீடு செய்வதை தொடர்ந்து கண்காணிக்க உள்ளோம். தொழில் வளர்ச்சிக்கு இந்த இணையதளம் வருங்காலத்தில் மிகவும் உதவியாக இருக்கும்.
தென் மாவட்டங்களில் தொழில் முன்னேற்றம் அடையவேண்டும் என்ற அடிப்படையில் சென்னை - கன்னியாகுமரி தொழில்வழி மேம்பாட்டுச் சாலை அமைய  உள்ளது. 
இது அமைந்தால் 9 மாவட்டங்கள் பயன்பெறும். இதற்கான திட்டம் தயாரிக்கும் பணி நடந்து வருகிறது.
தமிழகத்தில் தொழில் துறை  சிறப்பாக உள்ளது. முதலீட்டாளர்களுடன் தமிழக தொழில் துறை தொடர்ந்து தொடர்பில் இருந்து வருகிறது. இதற்காக முதலீட்டாளர்களுடன் மாதம் ஒருமுறை சந்திப்பு நடைபெற்று வருகிறது என்றார்.
தமிழக அரசின் தில்லி சிறப்பு பிரதிநிதி தளவாய்சுந்தரம் உள்ளிட்டோர் உடனிருந்தனர்.

]]>
https://images.dinamani.com/uploads/user/imagelibrary/2018/11/14/w600X390/MCsampath.jpg https://www.dinamani.com/tamilnadu/2019/sep/15/சென்னை-கன்னியாகுமரி-தொழில்வழி-மேம்பாட்டுச்-சாலை-அமைச்சர்-எம்சிசம்பத்-தகவல்-3234625.html
3234624 தமிழ்நாடு நாளை திமுக உயர்நிலைக்குழு கூட்டம்: க.அன்பழகன் அறிவிப்பு DIN DIN Sunday, September 15, 2019 03:14 AM +0530 திமுக உயர்நிலைக்குழு கூட்டம் திங்கள்கிழமை (செப். 16) கூட உள்ளதாக அக் கட்சியின் பொதுச்செயலாளர் க.அன்பழகன் அறிவித்துள்ளார்.
இது தொடர்பாக சனிக்கிழமை அவர் வெளியிட்ட அறிக்கை:
திமுக உயர்நிலை செயல்திட்டக்குழு கூட்டம் அண்ணா அறிவாலயத்தில் செப்டம்பர் 16-ஆம் தேதி (திங்கள்கிழமை) மாலை 5 மணிக்கு நடைபெறும். கூட்டத்துக்கு திமுக தலைவர் மு.க.ஸ்டாலின் தலைமை வகிக்கிறார். இந்தக் கூட்டத்தில் உயர்நிலைக்குழு உறுப்பினர்கள் தவறாது பங்கேற்க வேண்டும் என்று அவர் கூறியுள்ளார்.
உயர்நிலைக்குழு கூட்டம் குறித்து மு.க.ஸ்டாலின் கூறும்போது, நாட்டின் ஒரே மொழியாக ஹிந்தி இருக்க வேண்டும் என்று அமித்ஷா கூறுகிறார். இந்தியாவின் ஒருமைப்பாட்டுக்கு குந்தகம் விளைவிக்கும் வகையில் இது நிச்சயம் அமையும். அதனால், அவர் கருத்தை  உடனடியாகத் திரும்பப் பெற வேண்டும். இந்த விவகாரம் குறித்து உயர்நிலைக்குழு கூட்டத்தில் விவாதிக்க உள்ளோம். திமுகவினுடைய எதிர்ப்புக் குரலை எப்படி வெளிப்படுத்துவது என்பது குறித்து ஆலோசித்து முடிவு செய்வோம் என்றார்.
ஹிந்தி திணிப்புத் தொடர்பாக போராட்டம் நடத்துவது குறித்து கூட்டத்தில் ஆலோசிப்பதுடன், தற்போதைய அரசியல் சூழல் குறித்து கூட்டத்தில் விவாதிக்க உள்ளனர்.

]]>
https://images.dinamani.com/uploads/user/imagelibrary/2019/4/20/w600X390/anbalagan.jpg https://www.dinamani.com/tamilnadu/2019/sep/15/நாளை-திமுக-உயர்நிலைக்குழு-கூட்டம்-கஅன்பழகன்-அறிவிப்பு-3234624.html
3234623 தமிழ்நாடு திரையரங்கு வளாகத்தில் இடையூறாக விளம்பர பதாகைகள் வைத்தால் நடவடிக்கை: அமைச்சர் கடம்பூர் ராஜு DIN DIN Sunday, September 15, 2019 03:12 AM +0530 திரையரங்கு வளாகத்தில் பொதுமக்களுக்கு இடையூறாக அனுமதியின்றி  விளம்பரப் பதாகைகள் வைத்தால் நடவடிக்கை எடுக்கப்படும் என்று செய்தி- விளம்பரத் துறை அமைச்சர் கடம்பூர் ராஜு தெரிவித்தார்.
சேலம் சிட்கோ தொழிற்பேட்டை அருகேயுள்ள சேலம் அரசு கிளை அச்சகத்தில் அவர் சனிக்கிழமை ஆய்வு மேற்கொண்டார்.  பின்னர், அவர் செய்தியாளர்களிடம் கூறியது:-
விளம்பரப் பதாகைகளைத் தவிர்ப்பது குறித்து எதிர்க்கட்சித் தலைவர் மு.க.ஸ்டாலின்  அறிக்கை மட்டுமே விடுத்தார். ஆனால்,  இதுதொடர்பாக ஆய்வுக் கூட்டத்தை முதல்வர் எடப்பாடி கே.பழனிசாமி நடத்தி நடவடிக்கையில் ஈடுபட்டுள்ளார். 
மறைந்த முதல்வர் ஜெயலலிதா அறிக்கை விடுத்தால் அதை எந்த அளவுக்கு அதிமுக தொண்டர்கள் கடைப்பிடிப்பார்களோ, அதே அளவு முதல்வர்,  துணை முதல்வரின் அறிக்கையும் கடைப்பிடிக்கப்படும்.
சென்னையில் பேனர் விழுந்து இளம்பெண் விபத்தில் சிக்கி உயிரிழந்த சம்பவம் எதிர்பாராமல் நடந்தது. இந்த விவகாரத்தில் தமிழக அரசு பொறுப்பேற்க முடியாது. இதற்கு உரிய நடவடிக்கை எடுக்கப்படும்.
திரையரங்குகளில் விளம்பரப் பதாகைகள் வைப்பது குறித்து கண்காணிக்கப்படும். அனுமதிக்கப்பட்ட இடத்தைத் தவிர்த்து பொதுமக்களுக்கு இடையூறு ஏற்படும் வகையில் விளம்பரப் பதாகைகள் வைத்தால் நடவடிக்கை எடுக்கப்படும். கண்காணிப்பும் தீவிரப்படுத்தப்படும்.
அரசு ஆவணங்கள் அரசு அச்சகங்களில் அச்சடிப்பு: தமிழக அச்சகத் துறை வேலைவாய்ப்பில் மாற்றுத்திறனாளிகளுக்கு 13 சதவீதம் இடஒதுக்கீடு வழங்கப்பட்டுள்ளது.
சென்னையில் ரூ.26 கோடியில் மேம்படுத்தப்பட்ட மைய அச்சகம் திறந்து வைக்கப்பட்டுள்ளது. சென்னை உயர்நீதிமன்றத்துக்குத் தேவையான ஆவணங்களை அச்சடிக்க சென்னை,  மதுரையில் இரண்டு கிளை அச்சகங்கள் திறக்கப்பட்டுள்ளன.  இதுதவிர திருச்சி, புதுக்கோட்டை, சேலம் உள்ளிட்ட மாவட்டங்களில் அரசு அச்சகங்கள் நவீன இயந்திரங்களைக் கொண்டு செயல்பட்டு வருகின்றன. 
இந்தியாவிலேயே தமிழகத்தில்தான் எந்த மாநிலங்களிலும் இல்லாத அளவுக்கு அரசின் ஆவணங்கள் அனைத்தும் அரசு அச்சகங்களில் அச்சிடப்படுகின்றன. சேலம் அரசு கிளை அச்சகம் 1966-இல் தொடங்கப்பட்டது.  
இதற்கு புதிய கட்டடம் கட்ட நடவடிக்கை எடுக்கப்படும்.  முந்தைய ஆட்சியில் தனியார் அச்சகத்தில் அச்சிட்டு வருகிற நடைமுறையை, தற்போதைய அரசு மாற்றியுள்ளது   என்றார்.
ஆய்வின்போது சேலம் மேற்கு தொகுதி எம்எல்ஏ ஜி.வெங்கடாசலம் உள்ளிட்டோர் உடனிருந்தனர்.

]]>
https://images.dinamani.com/uploads/user/imagelibrary/2019/9/15/w600X390/Untitled-7.gif சேலம் ஐந்து சாலை பகுதியில் உள்ள தொழிற்பேட்டையில் அரசு அச்சகத்தை ஆய்வு செய்த  செய்தி- விளம்பரத் துறை அமைச்சர் கடம்பூர் ராஜு.  உடன்,  எம்எல்ஏ ஜி.வெங்கடாசலம். https://www.dinamani.com/tamilnadu/2019/sep/15/திரையரங்கு-வளாகத்தில்-இடையூறாக-விளம்பர-பதாகைகள்-வைத்தால்-நடவடிக்கை-அமைச்சர்-கடம்பூர்-ராஜு-3234623.html
3234622 தமிழ்நாடு 5, 8-ஆம் வகுப்புக்கும் பொதுத் தேர்வு: அரசு மறுபரிசீலனை செய்ய வேண்டும்: ஜி.கே. வாசன் DIN DIN Sunday, September 15, 2019 03:10 AM +0530 5, 8-ஆம் வகுப்புகளுக்கும் பொதுத் தேர்வு என்ற முடிவை அரசு மறுபரிசீலனை செய்ய வேண்டும் என்று  தமாகா தலைவர் ஜி.கே. வாசன் கேட்டுக் கொண்டார்.
தூத்துக்குடியில் அவர் சனிக்கிழமை அளித்த பேட்டி: அனைத்து மொழிகளையும் ஒரேநிலையில் ஏற்றுக்கொள்ள வேண்டும். ஹிந்தியை கட்டாயமாக்குவது என்பது மக்களின் விருப்பமாக ஒருபோதும் இருக்காது. மூன்றாவது மொழியாக, விருப்பமிருந்தால் ஹிந்தியை படிக்கலாம் என்பதே தமாகா நிலைப்பாடு.
தமிழகத்தில் டிஜிட்டல் பேனர் கலாசாரத்துக்கு முற்றுப்புள்ளி வைக்க வேண்டும் என்பதில் மாற்றுக் கருத்தில்லை. ஆனால், அத்தொழிலில் ஈடுபட்டுள்ளோருக்கு மறுவாழ்வு தேவை என்பதால் மக்களுக்கு பாதிப்பு ஏற்படாத வகையில், அத்தொழிலை முறைப்படுத்த வேண்டும். தமாகா தனித்தன்மையோடு சிறப்பாக செயல்படுகிறது. கட்சியின் பலம் உயர்ந்துகொண்டே செல்கிறது. 
தேர்தலுக்காக தொடங்கப்பட்ட கட்சி அல்ல தமாகா. உள்ளாட்சித் தேர்தலில் அதிக இடங்களில் வெற்றி பெறுவோம். அதிமுக கூட்டணியில் தொடர்கிறோம். பேரவையில் எங்களது குரல் ஒலிக்க வேண்டும் என்ற நோக்கில் செயல்பட்டு வருகிறோம்.
தமிழகத்தில் 5, 8-ஆம் வகுப்புகளுக்கும் பொதுத் தேர்வு என்ற முடிவு, மாணவர்களுக்கும், பெற்றோருக்கும் சுமையாக இல்லாத வகையில், அரசு மறுபரிசீலனை செய்து, விழிப்புணர்வு ஏற்படுத்த வேண்டும். நாட்டில் பொருளாதார தேக்க நிலை உள்ளது. தொடர்ந்து பல நடவடிக்கைகளை மேற்கொண்டு பணவீக்கத்தைக் கட்டுக்குள் வைத்திருந்து மத்திய அரசு கண்காணிக்க வேண்டும் என்றார் அவர்.
தொடர்ந்து, முன்னாள் மத்திய அமைச்சர் ப. சிதம்பரம் கைது குறித்த செய்தியாளர்களின் கேள்விக்கு, "சட்டம் அனைவருக்கும் சமமானது. உச்சநீதிமன்ற உத்தரவுக்கு ஏற்றவாறு இயங்கும் இந்த வழக்கில் உச்சநீதிமன்றமே இறுதி முடிவை எடுக்கும். தமிழகத்திலிருந்து அண்மையில் தேர்வான மக்களவை உறுப்பினர்களின் செயல்பாடுகள் எதிர்பார்ப்புக்கு ஏற்ப இல்லை' என்றார் அவர்.

]]>
https://images.dinamani.com/uploads/user/imagelibrary/2019/9/3/w600X390/vasan.jpg https://www.dinamani.com/tamilnadu/2019/sep/15/5-8-ஆம்-வகுப்புக்கும்-பொதுத்-தேர்வு-அரசு-மறுபரிசீலனை-செய்ய-வேண்டும்-ஜிகே-வாசன்-3234622.html
3234621 தமிழ்நாடு அயோத்தியில் விரைவில் ராமர் கோயில் அமைக்கப்படும் DIN DIN Sunday, September 15, 2019 03:09 AM +0530 நீதிமன்றத் தீர்ப்பின்படி சட்டத்திற்குள்பட்டு அயோத்தியில் விரைவில் ராமர் கோயில் அமைக்கப்படும் என்று பாஜக.  மூத்த தலைவர் இல.கணேசன் கூறினார்.
பாஜக நிர்வாகிகளுடனான ஆலோசனைக் கூட்டம், உடன்குடி பாஜக அலுவலகத்தில், மாவட்டச் செயலர் இரா.சிவமுருகன் ஆதித்தன் தலைமையில் நடைபெற்றது. கூட்டத்தில், இல.கணேசன் பேசியது:
பாஜக அரசு முத்தலாக் தடை சட்டம், 370-ஆவது சட்டப் பிரிவு நீக்கம் என பல்வேறு சிறப்பான நடவடிக்கைகளை எடுத்து வருகிறது. விரைவில் நீதிமன்றத் தீர்ப்பின் அடிப்படையில் அயோத்தியில் பிரம்மாண்டமாக ராமர் கோயில் அமைக்கப்படும். 
காவல்துறை, வங்கி அதிகாரிகள் மற்றும் பல்வேறு அரசுத்துறை அலுவலர்களுடன் பாஜக நிர்வாகிகள் நல்ல தொடர்பை ஏற்படுத்திக்கொள்ள வேண்டும். பாஜக அரசின் திட்டங்களை மக்களுக்கு எளிதாக புரியும் வகையில் கொண்டு செல்ல வேண்டும் என்றார் அவர்.

]]>
https://images.dinamani.com/uploads/user/imagelibrary/2013/12/22/3/w600X390/evkselongavan.jpg https://www.dinamani.com/tamilnadu/2019/sep/15/அயோத்தியில்-விரைவில்-ராமர்-கோயில்-அமைக்கப்படும்-3234621.html
3234620 தமிழ்நாடு அமலாக்கத் துறை ஐ.ஜி.யாக எச்.எம்.ஜெயராம் நியமனம் DIN DIN Sunday, September 15, 2019 03:07 AM +0530 அமலாக்கத் துறை ஐ.ஜி.யாக எச்.எம்.ஜெயராம் நியமிக்கப்பட்டுள்ளார். இதற்கான உத்தரவை உள்துறை கூடுதல் தலைமைச் செயலாளர் நிரஞ்சன் மார்டி சனிக்கிழமை வெளியிட்டார்.
அதன் விவரம்: காவல் துறை செயலாக்கப் பிரிவு ஐ.ஜி.யாக இருந்த எச்.எம்.ஜெயராம், அமலாக்கப் பிரிவு ஐ.ஜி.யாக நியமிக்கப்பட்டுள்ளார்.
தேர்தல் பணி: மக்களவைத் தேர்தலின்போது, தேர்தல் ஆணையத்துடன் ஒருங்கிணைப்புக் குழு அதிகாரியாக ஜெயராம் பணியாற்றினார். தேர்தலுக்குப் பிறகு காவல் துறையின் செயலாக்கப் பிரிவு ஐ.ஜி.யாக பணியாற்றி வந்தார். இந்த நிலையில், அவருக்கு அமலாக்கத் துறை ஐ.ஜி. பொறுப்பு அளிக்கப்பட்டுள்ளது குறிப்பிடத்தக்கது.

]]>
https://images.dinamani.com/uploads/user/imagelibrary/2019/9/15/w600X390/cop.gif https://www.dinamani.com/tamilnadu/2019/sep/15/அமலாக்கத்-துறை-ஐஜியாக-எச்எம்ஜெயராம்-நியமனம்-3234620.html
3234619 தமிழ்நாடு காவல் துறையில் 130 பேருக்கு அண்ணா பதக்கம்: முதல்வர் பழனிசாமி உத்தரவு DIN DIN Sunday, September 15, 2019 03:05 AM +0530  

தமிழக காவல் துறையில் பணியாற்றும் 130 பேருக்கு அண்ணா பதக்கம் வழங்க முதல்வர் எடப்பாடி கே.பழனிசாமி உத்தரவிட்டுள்ளார்.

இதுகுறித்து, தமிழக அரசின் உள்துறை கூடுதல் தலைமைச் செயலாளர் நிரஞ்சன் மார்டி சனிக்கிழமை வெளியிட்ட அறிவிப்பு:

தமிழகத்தில் காவல் துறை, தீயணைப்பு மற்றும் மீட்புப்பணித் துறை, சிறைத் துறை, ஊர்க்காவல் படை, விரல் ரேகைப் பிரிவு, தடய அறிவியல் துறை ஆகியவற்றில் சிறப்பாகப் பணியாற்றும் அதிகாரிகளும், அலுவலர்களும் தமிழக அரசால் அங்கீகரிக்கப்படுகின்றனர். அவர்களின் பணியைப் பாராட்டும் வகையில் ஒவ்வொரு ஆண்டும் செப்டம்பர் 15-ஆம் தேதியன்று அண்ணா பிறந்த நாளில் பதக்கங்கள் அறிவிக்கப்பட்டு வருகின்றன.

இந்த ஆண்டு காவல் துறையில் காவல் கண்காணிப்பாளர் முதல் முதல்நிலை காவலர் வரையிலான 100 அலுவலர்களுக்கும், தீயணைப்பு மற்றும் மீட்புப் பணித் துறையில் மாவட்ட அலுவலர் முதல் தீயணைப்பு வீரர் நிலை வரையிலான 10 பேருக்கும், சிறைத் துறையில் துணை சிறை அலுவலர் முதல் முதல்நிலை சிறைக் காவலர் வரையிலான 10 பேருக்கும், ஊர்க்காவல் படையில் 5 பேருக்கும், விரல் ரேகைப் பிரிவில் 2 பேருக்கும், தடய அறிவியல் துறையில் 2 அதிகாரிகளுக்கும் தமிழக முதல்வரின் அண்ணா பதக்கம் வழங்க உத்தரவிடப்பட்டுள்ளது.

மணல் திருட்டு தடுப்பு: பதக்கங்கள் பெறும் அலுவலர்களுக்கு அவரவர் தம் பதவிக்கேற்றவாறு பதக்க விதிகளின்படி ஒட்டுமொத்த மானியத் தொகையும் வெண்கல பதக்கமும் அளிக்கப்படும். மேலும், தமிழக முதல்வரின் வீரதீர செயலுக்கான காவல் பதக்கமானது முதல்நிலைக் காவலர் எஸ்.ஜெகதீஷ் துரைக்கு மரணத்துக்குப் பிந்தைய விருதாக அளிக்கப்படுகிறது.

அவர் மணல் திருட்டைத் தடுக்கும் போது தனது உயிரை இழந்தார். அவரது குடும்பத்துக்கு வெகுமதியாக ரூ.5 லட்சம் அளிக்கப்படும். பிரிதொரு நாளில் நடைபெறும் விழாவில் பதக்கங்களை முதல்வர் எடப்பாடி கே.பழனிசாமி வழங்குவார் என்று தனது அறிவிப்பில் உள்துறை கூடுதல் தலைமைச் செயலாளர் நிரஞ்சன் மார்டி தெரிவித்துள்ளார்.

]]>
https://images.dinamani.com/uploads/user/imagelibrary/2019/9/11/w600X390/eps.jpg https://www.dinamani.com/tamilnadu/2019/sep/15/காவல்-துறையில்-130-பேருக்கு-அண்ணா-பதக்கம்-முதல்வர்-பழனிசாமி-உத்தரவு-3234619.html
3234613 தமிழ்நாடு இருமொழிக் கொள்கைதான் என்றும் நிலைத்திருக்கும் DIN DIN Sunday, September 15, 2019 02:51 AM +0530 இருமொழிக் கொள்கைதான் அதிமுக அரசின் நிலைப்பாடு; அதுவே என்றும் நிலைத்திருக்கும் என அமைச்சர் கே.ஏ.செங்கோட்டையன், டி.ஜெயக்குமார் ஆகியோர் உறுதிபடத் தெரிவித்தனர்.
சென்னை சாந்தோமில் சனிக்கிழமை நடைபெற்ற நிகழ்ச்சிக்குப் பிறகு செய்தியாளர்களுக்கு அவர்கள் இருவரும் கூட்டாக அளித்த பேட்டி:-
கே.ஏ.செங்கோட்டையன்: மொழிக் கொள்கை விஷயத்தில் அரசின் நிலைப்பாட்டை பிரதமரையும், உள்துறை அமைச்சரையும் சந்திக்கும் போது முதல்வரே எடுத்துக் கூறியுள்ளார். இருமொழிக் கொள்கைதான் எங்கள் நிலைப்பாடு. கடந்த 1968-ஆம் ஆண்டு அண்ணா முதல்வராக இருக்கும்போது இரு மொழிக் கொள்கை குறித்து தீர்மானம் நிறைவேற்றப்பட்டது.  எங்களைப் பொறுத்தவரை இருமொழிக் கொள்கைதான் நிலைப்பாடு. மத்திய அரசின் நவோதயா பள்ளிகளே நமது தமிழகத்தில் இல்லை. அதுபோன்ற பள்ளிகள் இருந்தால்தான் மத்திய அரசின் அனுமதியுடன் ஹிந்தி திணிக்கப்படும். அப்படி ஏதும் நடைபெறவில்லை. தமிழும், ஆங்கிலமும் இருக்க வேண்டும் என்பதுதான் எங்களது நிலைப்பாடு. அதைத்தான் நாங்களும் வலியுறுத்திக் கொண்டிருக்கிறோம்.
டி.ஜெயக்குமார்: தமிழகம் பிரத்யேக மாநிலமாகும். இருமொழிக் கொள்கையானது முன்பிருந்தே கடைப்பிடிக்கப்பட்டு வருகிறது. எதிர்காலத்திலும் அதுவே பின்பற்றப்படும். மக்கள் விரும்பாத எந்த மொழியும் இங்கே ஏற்றுக் கொள்ளப்பட்டதில்லை. இதைத்தான் நாங்களும் பின்தொடர்வோம். தமிழகத்தில் 1965-இல் ஹிந்தியை காங்கிரஸ் கட்சியினர் திணித்தார்கள். 
அதன்பிறகு தமிழகத்தில் காங்கிரஸ் எழும்பவே இல்லை. இதன்பிறகு இருமொழிக் கொள்கைதான் எங்களது நிலைப்பாடு என்பதில் உறுதியாக உள்ளோம். திமுகவைக் காட்டிலும் தமிழ் மொழியைக் காத்தது அதிமுக. ஹிந்தி மொழி மக்கள் ஏற்றுக் கொள்ளாத விஷயம். எங்களது முன்னோடிகளான எம்ஜிஆர், ஜெயலலிதா ஆகியோர் காட்டிய வழியில் இருமொழிக் கொள்கை என்பதையே எங்களது நிலையாகக் கொண்டிருக்கிறோம் என்றனர்.

]]>
https://images.dinamani.com/uploads/user/imagelibrary/2019/6/26/w600X390/jayakumar.jpg https://www.dinamani.com/tamilnadu/2019/sep/15/இருமொழிக்-கொள்கைதான்-என்றும்-நிலைத்திருக்கும்-3234613.html
3234612 தமிழ்நாடு அமித் ஷா பேச்சு: தமிழக தலைவர்கள் கண்டனம் DIN DIN Sunday, September 15, 2019 02:50 AM +0530 இந்தியாவின் ஒற்றை மொழியாகவும் அடையாள மொழியாகவும் ஹிந்தி இருக்க வேண்டும் என்ற மத்திய உள்துறை அமைச்சர் அமித் ஷாவின் கருத்துக்கு திமுக தலைவர் மு.க.ஸ்டாலின் உள்ளிட்ட தலைவர்கள் கண்டனம் தெரிவித்துள்ளனர்.
மு.க.ஸ்டாலின்: நாடு முழுமைக்கும் ஒரே மொழி என்பது மிகவும் அவசியம். அதுதான் உலகளவில் இந்தியாவுக்கான அடையாளத்தைத் தரும். அதிக மக்களால் பேசப்படும் ஹிந்திதான் அந்த அடையாளத்துக்குரிய மொழி என அமித்ஷா கருத்து வெளியிட்டுள்ளார்.  இது இந்தியாவில் பெரும்பான்மையாக உள்ள ஹிந்தி பேசாத மக்கள் அனைவரையும் இரண்டாம் தர குடிமக்களாக்கும் முயற்சியாகவே தெரிகிறது. அரசியலமைப்புச் சட்டத்தின் எட்டாவது அட்டவணையில் உள்ள அனைத்து மொழிகளும் சமத்துவத்துடன் பேணப்பட வேண்டிய நிலையில், அதில் ஒரு மொழியான ஹிந்தி மட்டுமே இந்தியாவின் அடையாளம் என்ற வகையில் கருத்து வெளியிட்டுள்ளது கடும் கண்டனத்துக்குரியது. அமித் ஷா தனது கருத்தைத் திரும்பப் பெற வேண்டும். இல்லையெனில் திமுக இன்னொரு மொழிப்போருக்கு ஆயத்தமாகும். 
ராமதாஸ் (பாமக):  இந்தியாவின் ஒற்றை மொழியாக ஹிந்தி இருக்க வேண்டும் என்ற அமித்ஷாவின் கருத்து தவறானது. ஹிந்தி மொழி நாளில் ஹிந்தியை உயர்த்திப் பேச அவருக்கு உரிமை உண்டு. ஆனால், பிற மொழி பேசும் மக்கள் மீது ஹிந்தியைத் திணிக்கக் கூடாது. உலக அரங்கில் இந்தியாவின் அடையாளமாக ஹிந்தி ஒருபோதும் திகழ முடியாது. இந்தியாவுக்கு ஹிந்தியை அடையாளமாக்க வேண்டும் என்பதற்காக தமிழ்நாடு உள்ளிட்ட பிறமொழி பேசும் மாநிலங்களின் அடையாளங்களைப் பறிக்க முயல்வது கண்டிக்கத்தக்க செயல்.  பிறமொழி பேசும் மக்கள் மீது ஹிந்தி திணிக்கப்பட்டால் அது நாட்டைப் பிளவுபடுத்திவிடும். 
கே.எஸ்.அழகிரி (காங்கிரஸ்): இந்தியாவின் ஒரே மொழியாக ஹிந்தி இருக்க வேண்டும் என்று அமித்ஷா கூறியிருப்பது இந்தி பேசாத மக்களிடையே கடும் எதிர்ப்புக் குரல் எழுந்துள்ளது. பாஜக எடுக்கும் ஒவ்வொரு நடவடிக்கையும் இந்தியாவின் ஒருமைப்பாட்டையும், ஐக்கியத்தையும் சீர்குலைக்கும் நடவடிக்கையாகவே இருந்து வருகின்றன. இந்த அறிவிப்பை உடனடியாகத் திரும்பப்  பெற வேண்டும்.
இரா.முத்தரசன் (இந்திய கம்யூனிஸ்ட்): வாய்ப்பு கிடைக்கும் போதெல்லாம் ஹிந்தி மொழியைப் பிற மாநிலங்களில் திணிக்கும்  முயற்சியில் ஈடுபட்டு வரும் மத்திய அரசின் செயல் கண்டிக்கத்தக்கது. வேற்றுமையில் ஒற்றுமை காணும் பண்புதான் தேச ஒற்றுமை மற்றும் ஒருமைப்பாட்டின் அச்சாணி என்பதை மத்திய ஆட்சியாளர்கள் நிராகரித்து வருகிறார்கள். அதன் தொடர்ச்சியாகவே உள்துறை அமைச்சரின் சுட்டுரைப் பதிவும் அமைந்துள்ளது. தமிழ் மொழிக்கு கேடு செய்யும் நோக்கத்தோடு, ஹிந்தி திணிக்கப்பட்டபோது தமிழகம் போர்க்களமானதை மறந்து விடக்கூடாது.
டிடிவி தினகரன் (அமமுக): மொழி தொடர்பான அமித்ஷாவின் கருத்து ஏற்புடையது அல்ல. வேற்றுமையில் ஒற்றுமையே உலக அரங்கில் இந்தியாவின் பெருமைமிக்க அடையாளம். ஹிந்தியை விட தொன்மையும், வளமும், ஆளுமையும் மிக்க தமிழ் உள்ளிட்ட மொழிகள் நிறைந்த தேசத்தில் தொடர்ந்து ஹிந்தியைத் திணிக்கும் வகையில் மேற்கொள்ளப்படும் முயற்சிகள் மக்களிடம் வெறுப்பையே விதைக்கும். கடந்த கால வரலாறு சொல்லும் பாடங்களைப் புரிந்து கொண்டு தனது கருத்தை அமித்ஷா திரும்பப் பெற வேண்டும்.
ஜி.கே.வாசன் (தமாகா): ஒரே நாடு ஒரே மொழி என்று ஹிந்தியை அமித்ஷா கூறியிருப்பது ஏற்புடையது அல்ல. அனைத்து மொழிகளுக்கும் தனித்துவம் உண்டு. 8-ஆவது அட்டவணையில் அனைத்து மொழிகளையும் ஒரே நிலையில் ஏற்றுக்கொள்ள வேண்டும்.
ஜவாஹிருல்லா (மமக): ஹிந்திதான் இந்தியாவின் தாய்மொழி என்று அமித்ஷா பேசியிருப்பது வன்மையான கண்டனத்துக்குரியது. குறைந்த மக்களால் பேசப்படும் ஒரு மொழி எப்படி இந்தியாவுக்குப் பொது மொழியாகவும், 130 கோடி மக்களின் ஆட்சி மொழியாகவும் இருக்க முடியும்?.

]]>
https://images.dinamani.com/uploads/user/imagelibrary/2019/9/13/w600X390/stalin2.jpg https://www.dinamani.com/tamilnadu/2019/sep/15/அமித்-ஷா-பேச்சு-தமிழக-தலைவர்கள்-கண்டனம்-3234612.html
3234609 தமிழ்நாடு 5, 8 -ஆம் வகுப்பு பொதுத் தேர்வுகளால் இடைநிற்றலுக்கு வாய்ப்பில்லை: அமைச்சர் கே.ஏ. செங்கோட்டையன் DIN DIN Sunday, September 15, 2019 02:45 AM +0530 மத்திய அரசின் உத்தரவின் பேரில் 5, 8 -ஆம் வகுப்புகளுக்கு பொதுத்தேர்வு அறிவிக்கப்பட்டுள்ளதாகவும் இந்தத் தேர்வுகளால் இடைநிற்றலுக்கு வாய்ப்பில்லை என்றும் பள்ளிக் கல்வித்துறை அமைச்சர் கே.ஏ. செங்கோட்டையன் கூறினார்.
சென்னையில் அவர் செய்தியாளர்களிடம் சனிக்கிழமை கூறியது: மத்திய அரசு இந்தியா முழுவதும் பள்ளிக் கல்வித்துறைக்காக ஒரு சட்டத்தை இயற்றி இருக்கிறது. அதன் வாயிலாக, 5 மற்றும் 8-ஆம் வகுப்பு  படிக்கும் மாணவர்களுக்கு பொதுத்தேர்வுகள் நடத்தப்பட வேண்டும் என்ற ஆணையை மத்திய அரசு பிறப்பித்திருக்கிறது. அந்த ஆணையை ஏற்று, தமிழக அரசு தற்போது அரசாணையாக வெளியிட்டுள்ளது.
பெற்றோர் வரவேற்பு:  இந்த அறிவிப்பு பொதுமக்கள் மற்றும் பெற்றோர் மத்தியில் நல்ல வரவேற்பை பெற்றுள்ளது. காரணம் 1-ஆம் வகுப்பு முதல் 8-ஆம் வகுப்பு வரை படித்துவிட்டு உயர்நிலை படிப்பு மற்றும் மேல்நிலைப் படிப்புகளுக்கு மாணவர்கள் செல்லும்போது, தற்போது  மத்திய அரசு கொண்டு வந்துள்ள பொதுத் தேர்வுகளைச் சந்திக்க இயலாத சூழ்நிலை ஏற்படுகிறது.
எனவே, 5 மற்றும் 8-ஆம் வகுப்பில் பொதுத்தேர்வு வரும்போது, ஆசிரியர்கள்  மாணவர்களுக்கு எவ்வாறு கற்றுத் தருகிறார்கள், அவர்களது கற்றல்திறன் எப்படி இருக்கிறது என்பதை ஆய்வு செய்வதற்கு ஏதுவாக அமையும். 
மேலும் தமிழகத்தைப் பொருத்தவரை, இதற்காக 3 ஆண்டு காலம் முதல்வர் விதிவிலக்கு அளித்திருக்கிறார். தேர்வு  முடிவின் அடிப்படையில் முதல் 3 ஆண்டுகளுக்கு மாணவர்களின் தேர்ச்சி நிறுத்தி வைக்கப்படமாட்டாது.  அதன் பிறகே இது முழுமையாக அமல்படுத்தப்படும்.  அப்போதுதான் இந்த வகுப்புகளுக்கான பொதுத்தேர்வுகளில் தேர்ச்சி பெறுபவர்கள்,  தேர்ச்சி பெறாதவர்கள் விவரங்கள் பட்டியலிடப்படும்.  5, 8 -ஆம் வகுப்புகளுக்கு பொதுத்தேர்வு நடத்தப்படுவதால் இடைநிற்றலுக்கு வாய்ப்பே இல்லை என்றார் அவர்.
 

]]>
https://images.dinamani.com/uploads/user/imagelibrary/2018/10/9/w600X390/senkottaiyan.jpg https://www.dinamani.com/tamilnadu/2019/sep/15/5-8--ஆம்-வகுப்பு-பொதுத்-தேர்வுகளால்-இடைநிற்றலுக்கு-வாய்ப்பில்லை-அமைச்சர்-கேஏ-செங்கோட்டையன்-3234609.html
3234608 தமிழ்நாடு தமிழகம் முழுவதும் 20 ஆயிரம் பேனர்கள் அகற்றம்: விதிகளை மீறுவோர் மீது வழக்குப் பதிவு DIN DIN Sunday, September 15, 2019 02:44 AM +0530  

தமிழகம் முழுவதும் சட்ட விரோதமாக வைக்கப்பட்டிருந்த 20 ஆயிரத்துக்கும் மேற்பட்ட பேனர்கள், கட்அவுட்கள் அகற்றப்பட்டுள்ளன. மேலும் ஆயிரத்துக்கும் மேற்பட்ட  வழக்குகள் பதிவு செய்யப்பட்டுள்ளதாக அரசுத் துறை வட்டாரங்கள் தெரிவிக்கின்றன.
சென்னையை அடுத்த பள்ளிக்கரணையில் பேனர் சரிந்து விழுந்ததில் நிலை தடுமாறி சாலையில் விழுந்த சுபஸ்ரீ என்ற இளம்பெண் லாரி மோதி உயிரிழந்தார். இந்தச் சம்பவத்தை தானாக முன்வந்து வழக்குப் பதிவு செய்த சென்னை உயர்நீதிமன்றம், அரசுக்கும், அதிகாரிகளுக்கும் கடும் கண்டனத்தைத் தெரிவித்தது. 
இந்த நிலையில், தமிழகம் முழுவதும் சட்ட விரோதமாக வைக்கப்பட்டிருந்த பேனர்கள், கட்அவுட்கள் ஆகியவற்றை அகற்றும் பணிகளில் உள்ளாட்சி அமைப்பினரும், காவல் துறையினரும் கடந்த இரண்டு நாள்களாக ஈடுபட்டு வருகின்றனர். இதன்படி, மாநிலத்திலுள்ள 32 மாவட்டங்களிலும் இதுவரை 20 ஆயிரத்துக்கும் மேற்பட்ட பேனர்கள், கட்அவுட்கள் பறிமுதல் செய்யப்பட்டுள்ளதாகத் தகவல்கள் தெரிவிக்கின்றன.
சென்னை மாநகராட்சி எல்லைக்கு உள்பட்ட பகுதிகளில் மட்டும் சுமார் 4 ஆயிரத்துக்கும் அதிகமான பேனர்கள், கட்-அவுட்கள் அகற்றப்பட்டுள்ளன. சட்ட விரோதமாக பேனர்களை வைத்தது தொடர்பாக 250-க்கும் மேற்பட்ட வழக்குகள் பதிவு செய்யப்பட்டுள்ளன. சட்ட விரோதமாக வைக்கப்படும் பேனர்கள் குறித்து தீவிர கண்காணிப்பில் உள்ளாட்சி அமைப்புகளைச் சேர்ந்த அதிகாரிகளும், அலுவலர்களும் ஈடுபட்டுள்ளனர்.
தடை மீறலும்...தண்டனையும்: பேனர்கள், கட்-அவுட்கள் வைப்பது தொடர்பாக சென்னை உயர்நீதிமன்றத்தில் வழக்குத் தொடரப்பட்டது. இந்த வழக்கில் கடந்த ஆண்டு டிசம்பர் 19-இல் தீர்ப்புக் கூறப்பட்டது. அதில், அங்கீகரிக்கப்பட்ட மற்றும் பதிவு செய்யப்பட்ட அரசியல் கட்சிகள் தமிழகம் முழுவதும் உள்ள அனைத்து சாலைகளிலும் விளம்பரப் பதாகைகள் மற்றும் விளம்பரத் தட்டிகள் வைப்பதற்கு இடைக்காலத் தடை விதிக்கப்படுவதாகத் தெரிவிக்கப்பட்டுள்ளது. இந்த தடை உத்தரவு மீறப்பட்டதைத் தொடர்ந்து, நீதிமன்ற அவமதிப்பு வழக்கு தொடுக்கப்பட்டு விசாரணைகள் மேற்கொள்ளப்பட்டு வருகின்றன.
சட்டத்துக்குப் புறம்பாக பேனர்கள், கட்-அவுட்களை  வைப்பவர்கள் மீது வழக்குப் பதிவு செய்யப்படும். நீதிமன்ற விசாரணைக்குப் பிறகு, ஓராண்டு சிறை தண்டனை அல்லது ஒரு பேனருக்கு ரூ.5 ஆயிரம் அல்லது இரண்டும் விதிக்க வகை செய்யும் சட்டம் ஏற்கெனவே நடைமுறையில் உள்ளது.  அதேபோல், உள்ளாட்சி அமைப்புகளின் அனுமதியின்றி அச்சடிக்கும் அச்சக நிறுவனங்களின் உரிமம் ரத்து செய்யப்பட்டு மூடி சீல் வைக்கப்படும்.
வழக்குப் பதிவுக்குப் பிறகு... சட்ட விரோத பேனர்கள் தொடர்பாக காவல் துறையினர் வழக்குப் பதிவு செய்வர். இதைத் தொடர்ந்து, சம்பந்தப்பட்ட நபர் மீது போடப்பட்டுள்ள வழக்குகளின் தன்மையைப் பொறுத்து அடுத்தக் கட்ட நடவடிக்கைகள் மேற்கொள்ளப்படும். குறிப்பாக, பிணையில் வெளி வரக்கூடிய சட்டப் பிரிவுகள், பிணையில் வெளிவர முடியாத சட்டப் பிரிவுகளின் கீழ் சட்ட விரோத பேனர்கள் குறித்த வழக்குகள் பதிவு செய்யப்படும். பிணையில் வெளிவர முடியாத சட்டப் பிரிவின் கீழ் வழக்குகள் பதிவு செய்யப்பட்டால் சம்பந்தப்பட்ட நபர் நீதிமன்றத்தை அணுகி பிணையைப் பெற்றுக் கொள்வர். வழக்கு விசாரணையில் குற்றச்சாட்டு நிரூபிக்கப்பட்டால், உள்ளாட்சி அமைப்புகளின் சட்டப்படி ஓராண்டுச் சிறை, அபராதம் உள்ளிட்டவை விதிக்கப்படும்.

]]>
https://images.dinamani.com/uploads/user/imagelibrary/2012/9/20/14/w600X390/banner.jpg https://www.dinamani.com/tamilnadu/2019/sep/15/தமிழகம்-முழுவதும்-20-ஆயிரம்-பேனர்கள்-அகற்றம்-விதிகளை-மீறுவோர்-மீது-வழக்குப்-பதிவு-3234608.html
3234607 தமிழ்நாடு மக்களவைத் தேர்தல் செலவு ரூ.450 கோடியைத் தாண்டியது: ரூ.37.49 கோடி கூடுதல் நிதி ஒதுக்கி அரசு உத்தரவு DIN DIN Sunday, September 15, 2019 02:43 AM +0530 தமிழகத்தில் மக்களவைத் தேர்தலுக்கான செலவு ரூ.450 கோடியைத் தாண்டியது. ஏற்கெனவே, ரூ.413 கோடி நிதி ஒதுக்கப்பட்டிருந்த நிலையில், கூடுதலாக ரூ.37.49 கோடி நிதியை ஒதுக்க அரசு உத்தரவிட்டுள்ளது. இதற்கான உத்தரவை தலைமைத் தேர்தல் அதிகாரி சத்யபிரத சாகு வெளியிட்டுள்ளார்.
இந்த உத்தரவு அனைத்து மாவட்டத் தேர்தல் அதிகாரிகள், சென்னை மாநகராட்சி ஆணையாளர் உள்ளிட்ட அதிகாரிகளுக்கு அனுப்பி வைக்கப்பட்டுள்ளது. அதன் விவரம்:
தமிழகத்தில் மக்களவைத் தேர்தல் கடந்த ஏப்ரலில் நடைபெற்றது. இதற்கான அனைத்து ஏற்பாடுகளையும் செய்வதற்காக ரூ.413 கோடியே 86 லட்சத்து 94 ஆயிரம் நிதி ஒதுக்கப்பட்டது. இந்த நிலையில், மாவட்டத் தேர்தல் அதிகாரிகள் மற்றும் பொதுத்துறை தேர்தல் பிரிவைச் சேர்ந்த அலுவலர்கள் ஆகியோர் நிலுவையில் உள்ள செலவினக் கணக்குகளை தீர்ப்பதற்கான பட்டியலை அளிக்கும்படி கேட்டுக் கொள்ளப்பட்டிருந்தனர்.
இதையடுத்து, படிகள், பயணச் செலவு, தொலைபேசி கட்டணம், விளம்பரச் செலவுகள், வாகனங்களை வாடகைக்கு எடுத்தது, எரிபொருள் செலவு என பாக்கியாக உள்ள செலவுகளை பைசல் செய்வதற்கு ரூ.64 கோடியே 47 லட்சத்து 64 ஆயிரத்து 960 என்ற அளவில் தொகையை ஒதுக்க வேண்டுமெனக் கோரியிருந்தனர்.
மாவட்டத் தேர்தல் அதிகாரிகள், மாவட்ட ஆட்சியர்களின் கோரிக்கையானது தமிழக அரசின் பரிசீலனைக்கு அனுப்பப்பட்டது. இதனை பரிசீலித்த அரசு ரூ.37 கோடியே 49 லட்சத்து 45 ஆயிரத்து 771-க்கு நிதியை விடுவிக்க உத்தரவிட்டுள்ளது. அதன்படி, சம்பளங்கள் மற்றும் இதர படிகளுக்காக ரூ.1.5 லட்சமும், பயணப் படிகளாக ரூ.56.49 லட்சமும், அலுவலகச் செலவுகள் என்ற வகையில் ரூ.51.06 லட்சமும், இதரச் செலவுகளுக்காக ரூ.18.32 கோடியும், மோட்டார் வாகனங்களுக்காக ரூ.16.91 லட்சமும், வாகனங்களை வாடகைக்கு எடுத்த வகையில் ரூ.8.10 கோடியும், ஒப்பந்த அடிப்படையில் பணியாளர்களை நியமித்த வகையில் ரூ.81.84 லட்சமும், எரிபொருள் செலவுக்காக ரூ.8.98 கோடி உள்பட செலவினத் தொகை ரூ.37.49 கோடி நிதி விடுவிக்கப்படுவதாக தனது உத்தரவில் தலைமைத் தேர்தல் அதிகாரி சத்யபிரத சாகு தெரிவித்துள்ளார்.
தேர்தல் செலவு ரூ.450 கோடி: மக்களவைத் தேர்தலுக்காக ஏற்கெனவே ரூ.413.86 கோடி நிதி ஒதுக்கப்பட்டிருந்தது. இப்போது கூடுதலாக ரூ.37.49 கோடியை தமிழக அரசு ஒதுக்கியுள்ளது. இதன்மூலம் மக்களவைத் தேர்தலுக்கான 
செலவானது ரூ.450 கோடியைத் தாண்டியுள்ளது. கடந்த காலங்களில் தேர்தலுக்கான செலவுகள் என்பது ரூ.400 கோடிக்கு உட்பட்டே இருந்தன. ஆனால், இப்போது முதல் முறையாக தேர்தலுக்கான செலவுகள் ரூ.450 கோடியைத் தாண்டியுள்ளது குறிப்பிடத்தக்கது.
 

]]>
https://images.dinamani.com/uploads/user/imagelibrary/2019/3/24/w600X390/satya.png https://www.dinamani.com/tamilnadu/2019/sep/15/மக்களவைத்-தேர்தல்-செலவு-ரூ450-கோடியைத்-தாண்டியது-ரூ3749-கோடி-கூடுதல்-நிதி-ஒதுக்கி-அரசு-உத்தரவு-3234607.html
3234601 தமிழ்நாடு 7 பேர் விடுதலை: முதல்வரிடம் ராமதாஸ் வலியுறுத்தல் DIN DIN Sunday, September 15, 2019 02:00 AM +0530 பேரறிவாளன் உள்ளிட்ட 7 தமிழர்களை விடுதலை செய்ய வேண்டும் என்று முதல்வர் எடப்பாடி பழனிசாமியிடம் பாமக நிறுவனர் டாக்டர் ச.ராமதாஸ் சனிக்கிழமை தொலைபேசி வாயிலாக வலியுறுத்தினார்.
முதல்வர் எடப்பாடி பழனிசாமியை தொலைபேசியில் தொடர்புகொண்டு சனிக்கிழமை ராமதாஸ் பேசினார்.
அப்போது, 7 பேரை விடுதலை செய்ய வேண்டும் என்று ஆளுநருக்கு அனுப்பி வைக்கப்பட்ட தீர்மானம் 370 நாள்களைக் கடந்தும், இதுவரை எந்த நடவடிக்கையும் எடுக்கப்படவில்லை. அதனால், 29 ஆண்டுகளாக சிறையில் வாடும் அவர்களை விரைந்து விடுதலை செய்ய  நடவடிக்கை எடுக்க வேண்டும் என்று கோரிக்கை விடுத்தார். அதைக் கேட்டுக் கொண்ட முதல்வர், 7 தமிழர்களை  விடுதலை செய்ய தமிழக அரசு அனைத்து வகைகளிலும் நடவடிக்கை எடுக்கும் என உறுதியளித்ததாக பாமக வெளியிட்ட அறிக்கையில் கூறப்பட்டுள்ளது.

]]>
https://images.dinamani.com/uploads/user/imagelibrary/2019/9/13/w600X390/ramadoss.jpg பாமக நிறுவனர் ராமதாஸ் https://www.dinamani.com/tamilnadu/2019/sep/15/7-பேர்-விடுதலை-முதல்வரிடம்-ராமதாஸ்-வலியுறுத்தல்-3234601.html
3234600 தமிழ்நாடு இன்று அண்ணாவின் 111-ஆவது பிறந்தநாள் DIN DIN Sunday, September 15, 2019 01:59 AM +0530 அண்ணாவின் 111-ஆவது பிறந்தநாளை முன்னிட்டு, அண்ணாசாலையில் உள்ள அவரது சிலைக்கு முதல்வர் உள்பட அமைச்சர்கள் ஞாயிற்றுக்கிழமை மலர் தூவி மரியாதை செலுத்துகின்றனர். இதுகுறித்து தமிழக அரசு சனிக்கிழமை வெளியிட்ட செய்தி:
தமிழ்ச் சான்றோர்கள், விடுதலைப் போராட்ட தியாகிகள் மற்றும் தலைவர்கள் ஆகியோரை பெருமைப்படுத்தும் வகையில், அவர்களது பிறந்த நாளன்று தமிழக அரசின் சார்பில் ஆண்டுதோறும் மாலை அணிவித்து, மரியாதை செலுத்தி விழா கொண்டாடப்பட்டு வருகிறது. அந்த வகையில், அண்ணாவின் பிறந்த தினமான செப்டம்பர் 15 ஆம் தேதி, ஒவ்வொரு ஆண்டும் அரசு விழாவாகக் கொண்டாடப்படுகிறது. 
அதன்படி, அண்ணாவின் 111-ஆவது பிறந்தநாளை முன்னிட்டு, சென்னை, அண்ணா சாலையில் அமைந்துள்ள அவரது உருவச் சிலைக்கு கீழ் அலங்கரித்து வைக்கப்பட்டுள்ள படத்துக்கு ஞாயிற்றுக்கிழமை (செப்.15) காலை 10 மணியளவில் முதல்வர், துணை முதல்வர், அமைச்சர்கள், சட்டப்பேரவை, மக்களவை, மாநிலங்களவை உறுப்பினர்கள், வாரியத்தலைவர்கள், கூட்டுறவு சங்கங்களின் பிரதிநிதிகள் உள்ளிட்ட முக்கிய பிரமுகர்கள் மலர் தூவி மரியாதை செலுத்துகின்றனர்.
 

]]>
https://www.dinamani.com/tamilnadu/2019/sep/15/இன்று-அண்ணாவின்-111-ஆவது-பிறந்தநாள்-3234600.html
3234599 தமிழ்நாடு மின்வாரியத்தில் 7 ஆயிரம் காலிப் பணியிடங்கள் விரைவில் நிரப்பப்படும்: பி.தங்கமணி  DIN DIN Sunday, September 15, 2019 01:59 AM +0530 தமிழ்நாடு மின்சார வாரியத்தில் உதவிப் பொறியாளர் பணியிடங்கள் உள்பட 7 ஆயிரம் காலிப் பணியிடங்களை நிரப்ப விரைவில் அறிவிப்பு வெளியிடப்படும் என மின்சாரம், மதுவிலக்கு, ஆயத் தீ ர்வைத் துறை அமைச்சர் பி.தங்கமணி தெரிவித்தார். 

குமாரபாளையத்தை அடுத்த பள்ளிபாளையத்தில் முதல்வரின் சிறப்பு குறைதீர் கூட்டம் சனிக்கிழமை நடைபெற்றது. இதில் பங்கேற்று மனுக்களைப் பெற்றுகொண்ட  அவர் செய்தியாளர்களிடம் கூறியது: -

உச்சநீதிமன்ற உத்தரவின்படி,  பணி நியமனத்தில் பிற மாநிலத்தவரையும் சேர்த்துக்கொள்வதை தமிழ்நாடு மின்சார வாரியமும் பின்பற்றுகிறது. இதன்படி, வடமாநிலத்தவர் தமிழ்நாடு மின்சார வாரியத்தில் பணிக்கு அமர்த்தப்பட்டாலும், தமிழ் தெரிந்தால் மட்டுமே அவர்களுக்கு பணி வழங்கப்படும். 

காலியாக உள்ள உதவிப் பொறியாளர், வயர்மேன், கேங்மேன் உள்ளிட்ட 7 ஆயிரம் பணியிடங்களை நிரப்ப நடவடிக்கை  மேற்கொள்ளப்பட்டுள்ளது. இதற்கான அறிவிப்பு விரைவில் வெளியிடப்பட்டு, காலிப் பணியிடங்கள் பூர்த்தி செய்யப்படும் 

மின்கட்டணம் உயர்த்தப்படாது: தமிழ்நாடு மின்சார வாரியத்தில் கடந்த ஓராண்டில் மட்டும் ரூ.7 ஆயிரம் கோடிக்கு நிதிச்சுமை ஏற்பட்டுள்ளது. ஊழியர்களுக்கு சம்பள உடன்பாடு செய்ததில் ரூ.1,500 கோடி,  கஜா புயல் நிவாரணம் ரூ.2,500 கோடி, மத்திய தொகுப்பில் இருந்து பெறப்படும் மின்சாரத்துக்கு யூனிட் ஒன்றுக்கு 44 பைசா விலையுயர்வு,  நிலக்கரி,  அவற்றை ரயிலில் கொண்டு வருதல் உள்ளிட்ட செலவினங்களால் இந்தச் சுமை ஏற்பட்டுள்ளது. இருந்தபோதிலும் தமிழக அரசு நிதியைக் கொண்டு இச்சுமை சரி செய்யப்படுவதால் மின் கட்டணம் உயர்த்தப்படாது. 

மின்தட்டுப்பாடு இல்லை: பராமரிப்புப் பணிகள் முடிந்து மின் உற்பத்திக்கு அனல் மின்நிலையங்கள் தயார் நிலையில் உள்ளன. தமிழகத்துக்கு அனல் மின் நிலையங்களிலிருந்து 4,500 மெகாவாட், மத்தியத் தொகுப்பிலிருந்து 6,500 மெகாவாட், நீண்டகால கொள்முதல் 3,300 மெகாவாட்,  நீர்மின் திட்டத்திலிருந்து 2,000 மெகாவாட்  மின்சாரம் கிடைப்பதால் மின்வெட்டு ஏற்படாது. காற்றாலை மின்சாரம் தற்போது குறைந்து வந்தாலும் மின்தட்டுப்பாடு  ஏற்படும் சூழல் இல்லை. 

மத்திய மின்துறை புதிய மின்கொள்கை குறித்த அறிவிப்பை வெளியிட உள்ளது. அது குறித்த வரைமுறைகள் கிடைத்த பின்னரே கருத்து தெரிவிக்க முடியும்.

தகுதியானவர்களுக்கு உதவிகள்: நாமக்கல் மாவட்டத்தில் பொதுமக்களின் கோரிக்கைகளை நிறைவேற்றும் வகையில் முதல்வரின் சிறப்பு குறைதீர் முகாம்களில் இதுவரையில் 20 ஆயிரம் மனுக்கள் பெறப்பட்டுள்ளன. இதில், 14 ஆயிரம் மனுக்கள் முதியோர் உதவித்தொகை கோரி வழங்கப்பட்டுள்ளது. மனுக்கள் மீது ஒரு மாதத்தில் தகுதியான பயனாளிகளுக்கு உதவிகளும், தீர்வுகளும் அறிவிக்கப்படும் என்றார். 

]]>
https://images.dinamani.com/uploads/user/imagelibrary/2019/8/21/w600X390/thangamani1.jpg https://www.dinamani.com/tamilnadu/2019/sep/15/மின்வாரியத்தில்-7-ஆயிரம்-காலிப்-பணியிடங்கள்-விரைவில்-நிரப்பப்படும்-பிதங்கமணி-3234599.html
3234598 தமிழ்நாடு 14 மாவட்டங்களில் இன்று  ஓரிரு இடங்களில் பலத்த மழைக்கு வாய்ப்பு DIN DIN Sunday, September 15, 2019 01:50 AM +0530 மேலடுக்கு சுழற்சி, வெப்பச்சலனம் ஆகியவை காரணமாக, தமிழகத்தில் 14 மாவட்டங்களில்  ஓரிரு  இடங்களில் ஞாயிற்றுக்கிழமை(செப்.15) பலத்த மழை பெய்ய வாய்ப்பு உள்ளதாக  சென்னை வானிலை ஆய்வு மையம் தெரிவித்துள்ளது.
இது குறித்து சென்னை வானிலை ஆய்வு மைய அதிகாரி சனிக்கிழமை கூறியது: வடதமிழகம் மற்றும் அதையொட்டிய பகுதிகளில் காணப்படும் வளிமண்டல மேலடுக்கு சுழற்சி, வெப்பச்சலனம் ஆகியவை காரணமாக, தமிழகத்தில் சில இடங்களில் ஞாயிற்றுக்கிழமை (செப்.15) லேசானது முதல் மிதமானது வரை மழை பெய்ய வாய்ப்பு உள்ளது.  குறிப்பாக, தேனி, திண்டுக்கல், கன்னியாகுமரி, திருவாரூர், திருவள்ளூர், காஞ்சிபுரம், நாகப்பட்டினம், கரூர், நீலகிரி, நாமக்கல், விருதுநகர், ராமநாதபுரம், தருமபுரி, திருநெல்வேலி, புதுக்கோட்டை, சேலம், கடலூர், விழுப்புரம், அரியலூர், பெரம்பலூர், மதுரை, தஞ்சாவூர், சிவகங்கை ஆகிய மாவட்டங்களில்  சில இடங்களில் மிதமான மழை பெய்ய வாய்ப்பு உள்ளது. 
பலத்த மழை: தமிழகத்தில் மதுரை, விருதுநகர், புதுக்கோட்டை, சிவகங்கை, தஞ்சாவூர், அரியலூர், பெரம்பலூர், திருவண்ணாமலை, கடலூர், விழுப்புரம், ராமநாதபுரம், தூத்துக்குடி, சேலம், திருச்சி ஆகிய 14 மாவட்டங்களின் ஓரிரு இடங்களில் பலத்த மழை பெய்ய வாய்ப்பு உள்ளது. சென்னையில் வானம் ஓரளவு மேகமூட்டமாக இருக்கும். சில இடங்களில் மாலை அல்லது இரவில்  இடியுடன் கூடிய மழை பெய்ய வாய்ப்பு உள்ளது என்றார்.
மழை அளவு: சனிக்கிழமை காலை 8.30 மணி நிலவரப்படி, தஞ்சாவூர் மாவட்டம் திருவிடைமருதூர், அரியலூரில் தலா 150 மி.மீ., தஞ்சாவூர் மாவட்டம் கும்பகோணம், தருமபுரி மாவட்டம் அரூரில் 110 மி.மீ., சிவகங்கை மாவட்டம் திருப்பத்தூர், பெரம்பலூர் மாவட்டம் செட்டிகுளம், திருவாரூர் மாவட்டம் நன்னிலத்தில் தலா 70 மி.மீ. மழை பதிவானது.
 

]]>
https://images.dinamani.com/uploads/user/imagelibrary/2018/5/13/w600X390/metrological.jpg https://www.dinamani.com/tamilnadu/2019/sep/15/14-மாவட்டங்களில்-இன்று--ஓரிரு-இடங்களில்-பலத்த-மழைக்கு-வாய்ப்பு-3234598.html
3234597 தமிழ்நாடு தமிழகத்தை மத்திய அரசு வஞ்சிக்கிறது: வைகோ  DIN DIN Sunday, September 15, 2019 01:49 AM +0530 தமிழகத்தை எல்லா வகையிலும் மத்திய அரசு வஞ்சிக்கிறது என்று மதிமுக பொதுச் செயலாளர் வைகோ கூறினார்.
அண்ணாவின் 111-ஆவது பிறந்த நாளையொட்டி மதிமுக மாநாடு நந்தனம் ஒய்.எம்.சி.ஏ. திடலில் ஞாயிற்றுக்கிழமை நடைபெறுகிறது. இந்த மாநாட்டுப் பணிகளை வைகோ சனிக்கிழமை பார்வையிட்டார்.
பின்னர் செய்தியாளர்களிடம் கூறியது: மாநாட்டை மு.க.ஸ்டாலின் காலை 10.30 மணிக்குத் தொடக்கி வைக்கிறார். காஷ்மீர் உள்பட பல்வேறு விவகாரங்கள் குறித்து தீர்மானம் நிறைவேற்ற உள்ளோம். கட்-அவுட்க்கு முதலில் விடை கொடுத்தது மதிமுகதான். இப்போது கட்-அவுட் பிரச்னை உருவாகி, அவை அகற்றப்படுவது மகிழ்ச்சி அளிக்கிறது.
முதல்வர் எடப்பாடி பழனிசாமி வெளிநாடு சென்று பெரும்தொகையை முதலீடாகப் பெற்று வந்துள்ளதாகக் கூறுகிறார். ஜெயலலிதா இரண்டு உலக முதலீட்டாளர்கள் மாநாட்டை நடத்தி லட்சக்கணக்கான முதலீடுகளைப் பெற்றதாகக் கூறினார். இது குறித்து வெள்ளை அறிக்கை வெளியிட வேண்டும் என்று மு.க.ஸ்டாலின் கூறியுள்ளார். ஆனால்  வெளியிடப்படவில்லை. தமிழகத்தில் 5 சதவீத முதலீடுகள்கூட செய்யப்படவில்லை. 
நாட்டின் பொருளாதார நிலை மிகவும் மோசமாக உள்ளது. மோட்டார் வாகன உற்பத்தி, ஜவுளி உள்ளிட்ட அனைத்துத் துறைகளும் பாதிக்கப்பட்டுள்ளன. சுதந்திர இந்தியாவின் வரலாற்றில் இப்படி ஒரு நெருக்கடி ஏற்பட்டதில்லை. இதற்கு பிரதமர் மோடி பொறுப்பேற்க வேண்டும். தமிழகத்தை எல்லா வகையிலும் மத்திய அரசு வஞ்சிக்கிறது. அதைத் தடுக்க முடியாதவராக முதல்வர் உள்ளார். நாடு முழுவதும் ஹிந்தி மொழி மட்டும்தான் இருக்க வேண்டும் என்று அமித்ஷா நினைக்கிறார். இது கண்டிக்கத்தக்கது என்றார்.

]]>
https://images.dinamani.com/uploads/user/imagelibrary/2019/8/20/w600X390/vaiko.jpg https://www.dinamani.com/tamilnadu/2019/sep/15/தமிழகத்தை-மத்திய-அரசு-வஞ்சிக்கிறது-வைகோ-3234597.html
3234459 தமிழ்நாடு காங்கேயம் இன காளைகளுக்கு புதிய சந்தை தொடக்கம் DIN DIN Sunday, September 15, 2019 12:10 AM +0530 திருப்பூர் மாவட்டம், காங்கயம் அருகே பழையகோட்டையில் காங்கேயம் இன காளைகளுக்கான புதிய சந்தை சனிக்கிழமை தொடங்கப்பட்டது. முதல் நாளில் ரூ.15 லட்சத்துக்கு காங்கேயம் இன காளைகள் விற்பனையாகின.
 பாரம்பரியமிக்க காங்கேயம் இன மாடுகளின் முக்கியத்துவம் அறிந்து, காங்கேயம் இன காளைகள், மாடுகளைப் பாதுகாக்கும் முயற்சியாக காங்கயத்தை அடுத்துள்ள பழையகோட்டையில் பிரத்யேக சந்தை கடந்த 2016}ஆம் ஆண்டு முதல் வாரந்தோறும் ஞாயிற்றுக்கிழமை நடத்தப்பட்டு வருகிறது. இந்த சந்தையில் காங்கேயம் இன காளைகள், பசுக்கள், கன்றுக்குட்டிகள் கொண்டுவரப்பட்டு, விற்பனை நடைபெற்று வருகிறது.
 இந்நிலையில் இந்த சந்தை வளாகத்தில் புதிதாக காங்கேயம் இன காளைகளுக்காக மட்டும் மாதந்தோறும் 2}ஆவது சனிக்கிழமை சந்தை நடத்த முடிவு செய்யப்பட்டது. அதன்படி இந்த சந்தையை பெங்களூரு காவல் துறை துணை ஆணையர் அண்ணாமலை சனிக்கிழமை (செப். 14) தொடக்கி வைத்தார்.
 முதல் நாளில் 80 காங்கேயம் இனக் காளைகள், கன்றுகள் விற்பனைக்குக் கொண்டுவரப்பட்டிருந்தன. இதில் 25 காளைகள் மொத்தம் ரூ.15 லட்சத்துக்கு விற்பனையாகின. அதிகபட்சமாக பூச்சி வகையைச் சேர்ந்த காங்கேயம் காளை ரூ.1 லட்சத்து 25 ஆயிரத்துக்கு விற்பனையானது. எருதுக் கன்றுகள் ஒரு ஜோடி ரூ.1 லட்சத்து 25 ஆயிரத்துக்கு விற்பனையாயின.
 இந்த சந்தையில் 7 ரேக்ளா வண்டிகள் விற்பனைக்கு கொண்டுவரப்பட்டு, 4 வண்டிகள் விற்பனையாகின. அதிகபட்சமாக ஒரு ரேக்ளா வண்டி ரூ.90 ஆயிரத்துக்கு விற்பனையானது.

]]>
https://images.dinamani.com/uploads/user/imagelibrary/2019/9/15/w600X390/cow.gif பழையகோட்டையில் நடைபெற்ற காங்கேயம் இன காளைகளுக்கான  சந்தையில் ரூ.1 லட்சத்து 25 ஆயிரத்துக்கு விற்பனையான எருது ஜோடி. https://www.dinamani.com/tamilnadu/2019/sep/15/காங்கேயம்-இன-காளைகளுக்கு-புதிய-சந்தை-தொடக்கம்-3234459.html
3234456 தமிழ்நாடு முட்டை விலை மீண்டும் 3 காசுகள் உயர்வு DIN DIN Sunday, September 15, 2019 12:10 AM +0530 நாமக்கல் மண்டலத்தில் முட்டை விலை மீண்டும்  3 காசுகள் உயர்த்தப்பட்டுள்ளது.  ஒரு முட்டையின் விலை ரூ.3.67}ஆக நிர்ணயம் செய்யப்பட்டது.
தேசிய  முட்டை ஒருங்கிணைப்புக் குழுவின், நாமக்கல் மண்டலக் கூட்டம் சனிக்கிழமை இரவு நடைபெற்றது. இதில், ஞாயிற்றுக்கிழமைக்கான முட்டை விலை நிர்ணயம் தொடர்பாக பண்ணையாளர்களிடையே  ஆலோசிக்கப் பட்டது. பருவமழை தாக்கத்தால் முட்டை விற்பனை அதிகரித்து வருகிறது. 
அதனால் பண்ணைக் கொள்முதல் விலையை உயர்த்தலாம் என பண்ணையாளர்கள் தரப்பில் தெரிவிக்கப்பட்டது. 
அதனைத் தொடர்ந்து மீண்டும் 3 காசுகள் உயர்த்தி, ஒரு முட்டையின் விலை ரூ.3.67}ஆக நிர்ணயிக்கப்பட்டது.

]]>
https://www.dinamani.com/tamilnadu/2019/sep/15/முட்டை-விலை-மீண்டும்-3-காசுகள்-உயர்வு-3234456.html
3234449 தமிழ்நாடு கடலில் தவறி விழுந்தவர்களை மீட்கும் நவீன "ஜட்கி' வாகனம் அறிமுகம் DIN DIN Sunday, September 15, 2019 12:08 AM +0530 சர்வதேச சுற்றுலாத் தலமான கன்னியாகுமரி பகுதியில் கடலில் தவறி விழுந்தவர்களை மீட்கும் நவீன "ஜட்கி' வாகனத்தை கடலோர காவல் பாதுகாப்புக் குழுமம் அறிமுகம் செய்துள்ளது.

மும்பையில் கடல் வழியாக பயங்கரவாதிகள் ஊடுருவி தாக்குதல் நடத்திய பின்னர், கடல் வழி பாதுகாப்பை மத்திய, மாநில அரசுகள் பலப்படுத்தியுள்ளன. 
அதிநவீன ரோந்துப் படகுகள், துப்பாக்கி, தொலைநோக்கி போன்ற கருவிகள் மூலம் கடல் வழி ரோந்துப் பணியில் கன்னியாகுமரி கடலோரக் காவல் பாதுகாப்புக் குழுமம் ஈடுபட்டுள்ளது.

மேலும், சின்னமுட்டம், மீன்பிடித் துறைமுகத்தில் இருந்தும், கடல் மணலில் வேகமாக செல்லும் ஆல்ட்ரைன் என்ற வாகனம் மூலமாகவும் கண்காணிப்புப் பணியில் ஈடுபட்டுள்ளனர். இந்நிலையில், கடலில் தவறி விழுந்து தத்தளிப்போரை அதிவேகமாக சென்று மீட்கும் வகையில், "ஜட்கி' எனும் நவீன வாகனம் அறிமுகப்படுத்தப்பட்டுள்ளது.

இந்த வாகனம் தற்போது கன்னியாகுமரி கடலோரக் காவல் பாதுகாப்புக் குழுமம் அலுவலகத்தில் வைக்கப்பட்டுள்ளது. பைபர் மூலம் தயாரிக்கப்பட்டுள்ள இந்த வாகனத்தை இருவர் எளிதில் தூக்கிச் செல்லும் வகையில் அமைந்துள்ளது.

இதுகுறித்து கடலோர காவல் குழும அதிகாரிகள் கூறியது: தமிழ்நாடு சுற்றுலா வளர்ச்சிக் கழகத்துடன் செய்துகொண்டுள்ள புரிந்துணர்வு ஒப்பந்தத்தின் அடிப்படையில் இந்த நவீன வாகனம் கடலோரப் பாதுகாப்புக் குழுமத்திடம் ஒப்படைக்கப்பட்டுள்ளது. இதன் மதிப்பு ரூ. 5 லட்சம் ஆகும்.

கடலில் கொந்தளிப்பு ஏற்படும் சமயங்களிலும் இந்த வாகனத்தை கடலோரப் பாதுகாப்புக் குழும போலீஸார் இயக்க தேவையான பயிற்சியை விரைவில் அளிப்பதற்காக அத்துறை நிபுணர்கள் வருகை தர உள்ளனர் என்றனர்.

]]>
https://images.dinamani.com/uploads/user/imagelibrary/2019/9/15/w600X390/boat.gif https://www.dinamani.com/tamilnadu/2019/sep/15/கடலில்-தவறி-விழுந்தவர்களை-மீட்கும்-நவீன-ஜட்கி-வாகனம்-அறிமுகம்-3234449.html
3234445 தமிழ்நாடு சிவகங்கையில் அரிய வகை வெளவால் மீட்பு DIN DIN Sunday, September 15, 2019 12:06 AM +0530 சிவகங்கையில் அரிய வகையான பழந்தின்னி வெளவால் சனிக்கிழமை மீட்கப்பட்டு வனத்துறையினரிடம் ஒப்படைக்கப்பட்டது.

சிவகங்கையில் உள்ள செந்தமிழ் நகர் முல்லை தெருவைச் சேர்ந்தவர் காளிதாஸ். இவரது வீட்டின் அருகே சனிக்கிழமை அரிய வகை இனமான வெளவால் பறக்க முடியாமல் நின்றுள்ளது. இதையறிந்த, அவர் சிவகங்கை வனத்துறையினருக்கு தகவல் தெரிவித்துள்ளார். இதையடுத்து, அங்கு வந்த வனத்துறையினர் வெளவாலை மீட்டனர்.

பறக்கும் நரி என்றழைக்கப்படும் இந்த வெளவால் டீ ரோபஸ் வகையைச் சேர்ந்தது. இதற்கு பழந்தின்னி வெளவால் எனப் பெயர். இது பெரும்பாலும் வெப்ப நிலை அதிகம் உள்ள பகுதிகளில் வாழக் கூடியது. இந்த வகையான வெளவால்கள் இரவு நேரங்களில் அதிக தூரம் பயணிக்கும். இவை பழங்களின் சாறை உணவாக எடுத்துக் கொள்ளும். 

ஆனால் வாழைப்பழம் போன்ற மிருதுவான பழங்களை முழுதாக விழுங்கி விடும். இவை மலர்களில் உள்ள தேனையும், வேளாண் பயிர்களையும் உணவாக உண்ணும். இந்த வெளவால் பறக்க முடியாமல் உள்ளது. ஆகவே மருத்துவப் பரிசோதனைக்கு பின்னர் வனப்பகுதிக்குள் பறக்க விடப்படும் என்று வனத்துறையினர் தெரிவித்தனர்.

]]>
https://images.dinamani.com/uploads/user/imagelibrary/2019/9/15/w600X390/bat.gif சிவகங்கையில் மீட்கப்பட்ட அரிய வகை வெளவால். https://www.dinamani.com/tamilnadu/2019/sep/15/சிவகங்கையில்-அரிய-வகை-வெளவால்-மீட்பு-3234445.html
3234441 தமிழ்நாடு தொடர் விடுமுறை: தேக்கடியில் சுற்றுலாப் பயணிகள் கூட்டம் DIN DIN Sunday, September 15, 2019 12:05 AM +0530 கேரளாவில்  தொடர் விடுமுறை காரணமாக, தேக்கடியில் சனிக்கிழமை சுற்றுலாப் பயணிகள் கூட்டம் அதிகரித்து காணப்பட்டது. 

தேனி மாவட்ட எல்லையை ஒட்டியுள்ளது கேரள மாநிலம் தேக்கடி. இங்கு சனிக்கிழமை சுற்றுலாப் பயணிகள் கூட்டம் அதிகம் இருந்தது. சுற்றுலாப் பயணிகள் நீண்ட  வரிசையில் காத்திருந்து படகு சவாரி செய்தனர். 

இது குறித்து கேரள மாநில சுற்றுலாத்துறை  ஊழியர் ஒருவர் கூறியது: கேரளாவில் ஓணம் பண்டிகை விடுமுறை நிறைவு நாள், இரண்டாவது சனிக்கிழமை மற்றும் ஞாயிற்றுக்கிழமை என தொடர் விடுமுறை நாள்கள் என்பதால் சனிக்கிழமை கூட்டம் அதிகம் இருந்தது. மேலும் பெரியாறு அணையின் நீர்மட்டம் 130 அடியாக இருப்பதால், தேக்கடி ஏரியின் நீர்மட்டம் உயர்ந்துள்ளது. அதனால் சுற்றுலாத்துறைக்கு சொந்தமான படகுகள் அனைத்தும் இயக்கப்பட்டன. இதனால் சுற்றுலாப் பயணிகள் ஆர்வத்துடன் படகு சவாரி செய்தனர் என்றார்.

]]>
https://images.dinamani.com/uploads/user/imagelibrary/2019/9/15/w600X390/water-life-1.gif தேக்கடி ஏரியில் படகு சவாரி செய்யும் சுற்றுலாப் பயணிகள். https://www.dinamani.com/tamilnadu/2019/sep/15/தொடர்-விடுமுறை-தேக்கடியில்-சுற்றுலாப்-பயணிகள்-கூட்டம்-3234441.html
3234405 தமிழ்நாடு பேனர் விவகாரம்: சட்டத்திற்கு புறம்பான 4000 பேனர்கள் அகற்றம், 245 வழக்குகள் பதிவு DIN DIN Saturday, September 14, 2019 11:37 PM +0530
சுபஸ்ரீ உயிரிழந்ததையடுத்து, சென்னை மாநகராட்சி வெள்ளிக்கிழமை பிற்பகல் முதல் இதுவரை 4000 பேனர்களை அகற்றி, 245 வழக்குகளைப் பதிவு செய்துள்ளது. 

சுபஸ்ரீயின் விபத்துக்குப் பிறகு பேனர் விவகாரத்தை பிரதானப் பிரச்னையாக கையிலெடுத்துள்ள தமிழக அரசு, பல அதிரடி நடவடிக்கைகளை மேற்கொண்டுள்ளது. பெருநகர சென்னை மாநகராட்சிக்குட்பட்ட பகுதிகளில் அமைக்கப்படும் பேனர்களை அகற்றி சட்டரீதியாக மேற்கொள்ளப்பட வேண்டிய நடவடிக்கைகள் குறித்து அனைத்து துறை அலுவலர்களுடனான கூட்டம் ஆணையாளர் கோ. பிரகாஷ் தலைமையில் இன்று ரிப்பன் மாளிகையில் நடைபெற்றது. இந்தக் கூட்டத்தின் முடிவில் ஆணையாளர் பிரகாஷ் இதுகுறித்து அறிவிப்பை வெளியிட்டார். 

அதில் தெரிவித்திருப்பதாவது: 

சென்னையில் சட்டத்திற்கு புறம்பாக பேனர்கள் வைத்தால் பொது மக்கள் புகார் அளிப்பதற்காக புகார் எண்கள் அறிவிக்கப்பட்டுள்ளது. ரோந்து வாகனங்களில் பணியில் உள்ள அலுவலர்கள் உடனடியாக சம்பந்தபட்ட இடத்திற்கு நேரடியாக சென்று விளம்பர பதாகைகளை புகைப்படம் மற்றும் வீடியோ பதிவு செய்து விளம்பரம் அமைத்தவர்கள் குறித்த தகவல்களையும் பதிவு செய்த பின்னர் அவற்றை அகற்றி சம்பந்தபட்ட நபர்களுக்கு அபராதம் விதிக்கப்பட்டு கடுமையான குற்றவியல் நடவடிக்கைகள் மேற்கொள்ளப்படும்.  

மண்டலம் 1 முதல் 5 வரையிலான வடக்கு வட்டாரம்: 9445190205 

மண்டலம் 6 முதல் 10 வரையிலான மத்திய வட்டாரம்: 9445190698

மண்டலம் 11 முதல் 15 வரையிலான தெற்கு வட்டாரம்: 9445194802

இதுகுறித்து, மாநகராட்சி அதிகாரி ஒருவர் பேசுகையில், "சென்னையின் அனைத்து மண்டல அதிகாரிகளுடனும் கூட்டம் நடைபெற்றது. அதில், சட்டத்திற்கு புறம்பாக வைக்கப்பட்டுள்ள பேனர்களைக் கண்காணிக்குமாறு அறிவுறுத்தப்பட்டுள்ளது. பொது இடத்தில் பேனர் வைப்பதன் விளைவுகளை அறியாமல் அதில் ஈடுபடும் பிரிண்டிங் பிரஸ் மற்றும் அரசியல் கட்சி பிரதிநிதிகளுக்கு இதுதொடர்பாக அறிவுரை வழங்கப்பட்டுள்ளது" என்றார்.

]]>
https://images.dinamani.com/uploads/user/imagelibrary/2019/9/14/w600X390/Greater_Chennai_Corporation_Commisioner_Prakash.jpg https://www.dinamani.com/tamilnadu/2019/sep/14/corporation-removes-around-4000-illegal-banners-in-city-3234405.html
3234404 தமிழ்நாடு தமிழக 4 மீனவர்கள் 4 பேர் கைது DIN DIN Saturday, September 14, 2019 10:07 PM +0530 ராமேஸ்வரம்: எல்லை தாண்டி மீன் பிடித்ததாக நெடுந்தீவு பகுதியில் தமிழக மீனவர்கள் 4 பேரை இலங்கை கடற்படையினர் கைது செய்துள்ளனர். 

தமிழகத்தில் இருந்து 4 மீனவர்கள் வழக்கம்போல் மீன்பிடிக்க கடலுக்குச் சென்றனர். இவர்கள் இன்று நெடுந்தீவு அருகே மீன்பிடித்ததாக தெரிகிறது. இதையடுத்து, இலங்கை கடற்படையினர் 4 மீனவர்களையும் கைது செய்து, அவர்களது படகையும் பறிமுதல் செய்தனர். அவர்கள் தற்போது ஜாஃப்னாவுக்கு கொண்டு செல்லப்பட்டுள்ளனர். இந்தத் தகவலை மீன்வளத் துறை துணை இயக்குநர் யுவராஜ் தெரிவித்தார்.

முன்னதாக, இதேபோல் கடந்த 9-ஆம் தேதி புதுக்கோட்டையில் இருந்து 4 மீனவர்கள் கடலுக்குச் சென்றனர். அவர்களும் நெடுந்தீவு அருகே மீன்பிடித்ததாகக் கூறி இலங்கை கடற்படையினரால் கைது செய்யப்பட்டனர்.

]]>
https://images.dinamani.com/uploads/user/imagelibrary/2018/7/5/w600X390/fishermen.jpg கோப்புப்படம் https://www.dinamani.com/tamilnadu/2019/sep/14/4-tn-fishermen-arrested-by-lankan-navy-3234404.html
3234400 தமிழ்நாடு அமித்ஷாவின் ஒரே தேசம், ஒரே மொழி கருத்து: தமிழக அரசியல் தலைவர்கள் எதிர்ப்பு DIN DIN Saturday, September 14, 2019 06:30 PM +0530
நாடு முழுவதும் ஒரே மொழி பேசும் போதுதான், வெளிநாடுகளில் இந்தியாவை அடையாளப்படுத்த முடியும் என்ற அமித்ஷாவின் கருத்துக்கு தமிழக அரசியல் கட்சித் தலைவர்கள் எதிர்ப்பு தெரிவித்துள்ளனர். 

இன்று ஹிந்தி தினம் அனுசரிக்கப்படும் நிலையில் மத்திய உள்துறை அமைச்சர் அமித்ஷா இன்று, "ஒற்றை மொழியாக ஹிந்தி மொழி மூலம் இந்தியாவை அடையாளப்படுத்த வேண்டும்" என்று டிவீட் செய்திருந்தார். இதன்பிறகு, இதுதொடர்பான நிகழ்ச்சியில் பங்கேற்றுப் பேசியபோதும் அவர் இந்தக் கருத்தையே குறிப்பிட்டிருந்தார்.


மேலும் படிக்க:
மத்திய உள்துறை அமைச்சர் அமித் ஷாவின் ஆசை, விருப்பம் இதுவாம்!
 


அமித்ஷாவின் இந்தக் கருத்துக்கு தமிழக அரசியல் தலைவர்கள் கடுமையான எதிர்ப்புகளை வெளிப்படுத்தி வருகின்றனர்.


மேலும் படிக்க:
இந்தி மொழி மட்டும் என்றால் தமிழகம், வட கிழக்கு மாநிலங்கள் இருக்காது: வைகோ
 

இந்தியக் கம்யூனிஸ்ட் மாநிலச் செயலாளர் இரா. முத்தரசன்:

மத்திய உள்துறை அமைச்சர் அமித்ஷா, ஒரே நாடு, ஒரே மொழி என்ற முறையில் இந்தி மொழியை எல்லா மாநிலங்களும் கற்க வேண்டும், பேச வேண்டும் என அவரது சுட்டுரையில் வலியுறுத்தியுள்ளார். வாய்ப்பு கிடைக்கும் போதெல்லாம் இந்தி மொழியை பிற மாநிலங்களில் திணித்து விடும்  முயற்சியில் ஈடுபட்டு வரும் மத்திய அரசின் செயலை இந்தியக் கம்யூனிஸ்ட் கட்சி கண்டிக்கிறது. வேற்றுமையில் ஒற்றுமை காணும் பண்புதான் தேச ஒற்றுமை மற்றும் ஒருமைப்பாட்டின் அச்சாணி என்பதை நிராகரித்து வருகிறார்கள்.

நாட்டின் முதல் பிரதமர் ஜவஹர்லால் நேரு தமிழ்நாட்டு மக்கள் விரும்பி ஏற்கும் வரை ‘இந்தி ‘கட்டாயம் இல்லை’ என அளித்த உறுதி மொழி காப்பாற்றப்பட வேண்டும். தமிழ் மொழி பேசும் அனைவரும் ஒன்றுபட்டு மத்திய அரசின் மொழிவெறிக் கொள்கை முறியடிக்க வேண்டும்.

அமமுக பொதுச்செயலாளர் டிடிவி தினகரன்:

இந்தியாவின் ஒரே மொழியாக இந்தியை அடையாளப்படுத்த வேண்டும் என்ற மத்திய உள்துறை அமைச்சர் அமித்ஷா அவர்களின் கருத்து ஏற்புடையதல்ல. ‘வேற்றுமையில் ஒற்றுமை’யே உலக அரங்கில் இந்தியாவின் பெருமைமிக்க அடையாளம். இந்தியைவிட தொன்மையும், வளமும், ஆளுமையும் மிக்க தமிழ் உள்ளிட்ட மொழிகள் நிறைந்த தேசத்தில் தொடர்ந்து இந்தியைத் திணிக்கும் வகையில் மேற்கொள்ளப்படும் இத்தகைய முயற்சிகள் மக்களிடம் வெறுப்பையே விதைக்கும். கடந்த கால வரலாறு சொல்லும் இந்தப்பாடத்தைப் புரிந்து கொண்டு இக்கருத்தை அவர் திரும்பப் பெற வேண்டும்.

பாமக நிறுவனர் ராமதாஸ்:

இந்தியாவின் ஒற்றை மொழியாக இந்தி இருக்க வேண்டும் என்ற மத்திய உள்துறை அமைச்சர் அமித்ஷாவின் கருத்து தவறானது. இந்தி மொழி நாளில் இந்தியை உயர்த்திப் பேச அவருக்கு உரிமை உண்டு. ஆனால், பிற மொழி பேசும் மக்கள் மீது இந்தியை திணிக்கக் கூடாது! உலக அரங்கில் இந்தியாவின் அடையாளமாக இந்தி ஒருபோதும் திகழ முடியாது. இந்தியாவுக்கு இந்தியை அடையாமாக்க வேண்டும் என்பதற்காக தமிழ்நாடு உள்ளிட்ட பிற மொழி பேசும் மாநிலங்களின் அடையாளங்களை பறிக்க முயல்வது கண்டிக்கத்தக்க செயல் தானே? இந்தியாவில் அதிகம் பேரால் பேசப்படும் மொழி என்பதாலேயே இந்தி அனைத்து மக்களையும் ஒருமைபடுத்தி விடாது. பிறமொழி பேசும் மக்கள் மீது இந்தி திணிக்கப்பட்டால் அது நாட்டை பிளவுபடுத்தி விடும். உலகின் பல நாடுகளில் இதற்கு ஏராளமான உதாரணங்கள் உள்ளன.


மேலும் படிக்க:
இந்தியாவா? ‘இந்தி-யாவா? உள்துறை அமைச்சரின் இந்தி கருத்து பற்றி மு.க.ஸ்டாலின் கேள்வி
 


முன்னதாக, திமுக தலைவர் மு.க.ஸ்டாலின், "இது இந்தியாவா? அல்ல இந்தி-யாவா?" என்று விமரிசித்து அறிக்கை வெளியிட்டிருந்தார்.

]]>
அமித்ஷா ஹிந்தி, ஹிந்தி எதிர்ப்பு, ஹிந்தி மொழி, ராமதாஸ் ஹிந்தி மொழி, தினகரன் ஹிந்தி எதிர்ப்பு, கம்யூனிஸ்ட் ஹிந்தி எதிர்ப்பு, முத்தரசன், Hindi Imposition, Amit Shah Hindi, Tamilanadu Politicians, Tamil Polticians https://images.dinamani.com/uploads/user/imagelibrary/2019/9/14/w600X390/APSEPT051_24-09-2018_13_1_45.jpg கோப்புப்படம் https://www.dinamani.com/tamilnadu/2019/sep/14/tamil-politicians-condemned-amit-shahs-statement-on-hindi-language-3234400.html
3234392 தமிழ்நாடு தமிழகத்தில் 15 மாவட்டங்களில் கனமழைக்கு வாய்ப்பு: இந்த பட்டியலில் உங்கள் ஊர் இருக்கிறதா? DIN DIN Saturday, September 14, 2019 04:25 PM +0530
சென்னை: தமிழகத்தில் கடலூர், மதுரை உள்ளிட்ட 15 மாவட்டங்களில் கனமழைக்கு வாய்ப்பிருப்பதாக சென்னை வானிலை ஆய்வு மையம் தெரிவித்துள்ளது.

இது குறித்து வெளியிடப்பட்ட அறிக்கையில், வெப்பச் சலனம் மற்றும் வட தமிழகத்தின் வளி மண்டலத்தில் ஏற்பட்ட மேலடுக்கு சுழற்சி காரணமாக தமிழகம் மற்றும் புதுச்சேரியில் அடுத்த 48 மணி நேரத்துக்கு ஒரு சில இடங்களில் மழை அல்லது இடியுடன் கூடிய மழைக்கு வாய்ப்பு உள்ளது.

தமிழகத்தில் கடலூர், மதுரை, ராமநாதபுரம், சிவகங்கை, தூத்துக்குடி, அரியலூர், ராமநாதபுரம் உட்பட 15 மாவட்டங்களில் ஒரு சில பகுதிகளில் கன மழை பெய்யலாம்.

சென்னையைப் பொறுத்தவரை வானம் மேகமூட்டத்துடன் காணப்படும். மாலை அல்லது இரவு நேரங்களில் மிதமான மழை பெய்யலாம்.

கடந்த 24 மணி நேரத்தைப் பொறுத்தவரை அதிகபட்சமாக அரியலூர் மாவட்டம் திருவிடைமருதூர் பகுதியில் 15 செ.மீ. மழை பதிவாகியுள்ளது என்று தெரிவிக்கப்பட்டுள்ளது.
 

]]>
கடலூர், மதுரை, தமிழகத்தில் மழை, 15 மாவட்டங்களில் மழை https://images.dinamani.com/uploads/user/imagelibrary/2019/9/14/w600X390/raining.jpg https://www.dinamani.com/tamilnadu/2019/sep/14/today-rain-updates-15-tn-districts-3234392.html
3234389 தமிழ்நாடு பேரறிஞர் அண்ணா விருது பெற தமிழக காவல்துறையினர் 130 பேர் தேர்வு DIN DIN Saturday, September 14, 2019 04:09 PM +0530  

பேரறிஞர் அண்ணா அவர்களின் பிறந்த தினத்தையொட்டி, 130 தமிழக காவல்துறை மற்றும் சீருடை அதிகாரிகள் / பணியாளர்களுக்கு அண்ணா பதக்கங்கள் வழங்க தமிழக முதல்வர் உத்தரவிட்டுள்ளார்.

இது குறித்து தமிழக அரசு வெளியிட்டிருக்கும் செய்திக் குறிப்பில், 
தமிழ் நாட்டில் காவல் துறை, தீயணைப்பு மற்றும் மீட்புப்பணித்துறை, சிறைத்துறை, ஊர்க்காவல் படை, தமிழ்நாடு விரல்ரேகைப் பிரிவு அலுவலர்கள் மற்றும் தடய அறிவியல் துறை அறிஞர்கள் சிறப்பாக பணியாற்றியதை அங்கீகரிக்கும் வகையிலும் மற்றும் பணியில் ஈடுபாடு மற்றும் அர்ப்பணிப்புடன் பணிபுரிந்ததை பாராட்டும் வகையிலும், ஒவ்வொரு ஆண்டும் செப்டம்பர் 15-ம் நாள் பேரறிஞர் அண்ணா அவர்களின் பிறந்த நாளன்று தமிழக முதலமைச்சரின் பதக்கங்கள் அறிவிக்கப்பட்டு, வழங்கப்பட்டு வருகின்றன.

2. இந்த ஆண்டு, காவல் துறையில் காவல் கண்காணிப்பாளர் முதல் முதல்நிலை காவலர் வரையிலான 100 அலுவலர்களுக்கும், தீயணைப்பு மற்றும் மீட்புப் பணித்துறையில் மாவட்ட அலுவலர் முதல் தீயணைப்பு வீரர் நிலை வரையிலான 10 அலுவலர்களுக்கும், சிறைத்துறையில் துணை சிறை அலுவலர் முதல் முதல்நிலை சிறைக்காவலர் வரையிலான 10 அலுவலர்களுக்கும், ஊர்க்காவல் படையில் மண்டல தளபதி முதல் பிரிவு தலைவர் வரையிலான 5 அலுவலர்களுக்கும், விரல்ரேகைப் பிரிவில் 2 கூடுதல் காவல் கண்காணிப்பாளர்களுக்கும் மற்றும் தடய அறிவியல் துறை அதிகாரிகள் முறையே ஒரு துணை இயக்குநர் மற்றும் ஒரு அறிவியல் அலுவலர் ஆகியோருக்கு, அவர்களின் மெச்சத்தகுந்த பணியினை அங்கீகரிக்கும் வகையில் “மாண்புமிகு தமிழக முதலமைச்சரின் அண்ணா பதக்கங்கள்” வழங்கிட முதலமைச்சர் உத்தரவிட்டுள்ளார்.

பதக்கங்கள் பெறுகின்ற அலுவலர்களுக்கு அவரவர் தம் பதவிக்கேற்றவாறு, பதக்க விதிகளின்படி ஒட்டு மொத்த மானியத் தொகையும் வெண்கல பதக்கமும் அளிக்கப்படும்.

3. மேலும், தமிழக முதலமைச்சரின் வீரதீர செயலுக்கான காவல் பதக்கம் மணல் திருட்டை தடுக்கும்பொழுது தன்னுயிர் நீத்த எஸ்.ஜெகதீஷ் துரை (இறப்பிற்கு பின்), முதல் நிலைக் காவலர்-2477 அவர்களுக்கு வழங்கப்படுகிறது. அன்னாரின் குடும்பத்திற்கு பண வெகுமதி ரூ.5 இலட்சம் வழங்கப்படும்.

4. பின்னர் நடைபெறும் விழா ஒன்றில், பதக்கங்கள் அறிவிக்கப்பட்டுள்ளவர்களுக்கு முதல்வர் இப்பதக்கங்களை வழங்குவார்கள்.
 

]]>
https://images.dinamani.com/uploads/user/imagelibrary/2019/9/14/w600X390/police.jpg https://www.dinamani.com/tamilnadu/2019/sep/14/anna-award-for-police-personal-3234389.html
3234377 தமிழ்நாடு தமிழகம், புதுச்சேரியில் அடுத்த 2 நாட்களுக்கு மழைக்கு வாய்ப்பு: சென்னை வானிலை ஆய்வு மையம் DIN DIN Saturday, September 14, 2019 02:23 PM +0530 தமிழகம், புதுச்சேரியில் அடுத்த 2 நாட்களுக்கு மழை பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.

இதுகுறித்து சென்னை வானிலை ஆய்வு மையம் இன்று வெளியிட்ட செய்தியில்,
வெப்பச்சலனம், வளிமண்டல மேலடுக்கு சுழற்றி காரணமாக தமிழகம், புதுவையில் அடுத்த 2 நாட்களுக்கு ஒரு சில இடங்களில் லேசான முதல் மிதமான மழை பெய்ய வாய்ப்பு உள்ளது. குறிப்பாக கடலூர், விழுப்புரம், திருவண்ணாமலை உட்பட 14 மாவட்டங்களில் கனமழைக்கு வாய்ப்புண்டு. 

சென்னையை பொறுத்தவரை பொதுவாக வானம் மேகமூட்டத்துடன் காணப்படும். நகரின் சில பகுதிகளில் மாலை அல்லது இரவில் லேசான முதல் மிதமான மழை பெய்யலாம். கடந்த 24 மணிநேரத்தில் அதிகபட்சமாக தஞ்சாவூர் மாவட்டம் திருவிடைமருதூர், அரியலூர் ஆகிய பகுதிகளில் தலா 15 செ.மீ., மழைப்பதிவாகி உள்ளது. 

இவ்வாறு அதில் குறிப்பிடப்பட்டுள்ளது. 
 

]]>
rainfall , Light to moderate https://images.dinamani.com/uploads/user/imagelibrary/2019/6/12/w600X390/rain.jpg https://www.dinamani.com/tamilnadu/2019/sep/14/light-to-moderate-rainfall-likely-in-tn-pondy-in-next-2-days-met-dept-3234377.html
3234375 தமிழ்நாடு நெடுஞ்சாலையோர மதுக்கடைகளை மூடாமல் விபத்துகளை குறைக்கும் முயற்சி ஈடேறாது! ராமதாஸ் DIN DIN Saturday, September 14, 2019 02:01 PM +0530 நெடுஞ்சாலையோர மதுக்கடைகளை மூடாமல் விபத்துகளை குறைக்கும் முயற்சி ஈடேறாது என பாமக நிறுவனர் ராமதாஸ் தெரிவித்துள்ளார்.

இதுகுறித்து அவர் இன்று விடுத்துள்ள அறிக்கையில்,
இந்தியாவில் சாலைவிபத்துகளையும், அதனால் ஏற்படும் உயிரிழப்புகளையும் குறைக்கும் நோக்கத்துடன்   மோட்டார் வாகனச் சட்டத்தில் மத்திய அரசு கொண்டு வந்துள்ள திருத்தங்கள் குறித்தும், அதன் விளைவாக போக்குவரத்து விதிமீறல்களுக்கான அபராதம் பல மடங்கு உயர்த்தப்பட்டிருப்பது குறித்தும் நாடு முழுவதும் விவாதங்கள் எழுந்துள்ளன. விபத்துகளுக்கு காரணமான மிகப்பெரிய ஓட்டையை அடைக்காமல், இது போன்ற தண்ணீர் நிரப்பும் முயற்சிகள் எந்த அளவுக்கு பயனளிக்கும் என்ற வினா எழுந்திருக்கிறது.

மோட்டார் வாகனச் சட்டங்களில் செய்யப்பட்டுள்ள திருத்தங்களின்படி விதி மீறல்களுக்கான கட்டணம்   20 மடங்குக்கும் கூடுதலாக அதிகரிக்கப்பட்டிருக்கிறது. செப்டம்பர் 1&ஆம் தேதி முதல் நடைமுறைக்கு வந்துள்ள சட்டத்திருத்தத்தின்படி கடந்த காலங்களை விட மிக அதிக அளவில் அபராதம் வசூலிக்கப் பட்டு வருகிறது. தில்லியில் ரூ.15,000 மட்டுமே மதிப்புள்ள இரு சக்கர ஊர்திக்கு ரூ.23,000 அபராதம்  விதிக்கப்பட்டது, அதிகமாக சரக்கு ஏற்றி வந்த சரக்குந்துக்கு ரூ.2 லட்சத்து 500 அபராதம் விதிக்கப்பட்டது போன்ற நிகழ்வுகள் இந்த சட்டத் திருத்தத்தின் நோக்கத்தை கேள்விக்குறியாக்கியுள்ளன. போக்குவரத்து விதிமீறலுக்காக விதிக்கப்படும் அபராதம் மிகவும் அதிகமாக இருப்பதால் அதை குறைக்க வேண்டும் என்ற கோரிக்கை நாடு முழுவதும் எழுந்துள்ளது. அதையேற்று பாரதிய ஜனதா ஆளும் மாநிலங்கள்  உள்ளிட்ட பல மாநிலங்களில் அபராதத் தொகை குறைக்கப்பட்டிருக்கிறது. அந்த மாநிலங்களைத் தொடர்ந்து தமிழ்நாட்டிலும் போக்குவரத்து விதிமீறலுக்கான அபராதத் தொகை குறைக்கப்படுவதற்கு வாய்ப்புள்ளது.

தமிழ்நாட்டில் மட்டுமின்றி ஒட்டுமொத்த இந்தியாவிலும் பாதுகாப்பான பயணம்; விபத்தில்லா பயணம் உறுதி செய்யப்பட வேண்டும் என்பது தான் பாட்டாளி மக்கள் கட்சியின் நோக்கமாகும். அதற்காக மத்திய அரசு கொண்டு வந்துள்ள மோட்டார் வாகனச் சட்டத் திருத்தத்தை பாட்டாளி மக்கள் கட்சி ஆதரிக்கிறது. அபராதமாக அதிகத் தொகையை விதிப்பது மக்களுக்கு சில பாதிப்புகளை ஏற்படும் என்றாலும் கூட, ஒரு சாலை விபத்து கூட நடக்கக் கூடாது என்ற இலக்கை எட்ட இந்த நடவடிக்கைகள் அவசியமாகும்.

அதேநேரத்தில் இந்த நடவடிக்கைகள் மட்டுமே சாலை விபத்துகளை குறைப்பதற்கு போதுமானதல்ல  என்று பாட்டாளி மக்கள் கட்சி உறுதியாக நம்புகிறது. வாகனங்களில் அதிக சரக்குகளை ஏற்றுவதற்கு அபராதம் விதிப்பது, ஓட்டுனர் உரிமம் இல்லாமல் வாகனங்கள் ஓட்டுவதற்கும், தலைக்கவசம் அணியாமல் வாகனம் ஓட்டுவதற்கும் அபராதம் விதிப்பது உள்ளிட்ட செயல்களால் எந்த அளவுக்கு சாலை விபத்துகளும், உயிரிழப்புகளும் கட்டுப்படுத்தப்படுமோ, அதை விட அதிக எண்ணிக்கையிலான விபத்துகளையும், உயிரிழப்புகளையும் நெடுஞ்சாலையோர மதுக்கடைகளை மூடுவதன் மூலம் கட்டுப்படுத்த முடியும். சாலை  விபத்துகளை குறைப்பதற்காக அதை செய்ய மத்திய அரசு முன்வராதது ஏன்? என்பது தான் என் வினா.

தமிழ்நாட்டில் தேசிய மற்றும் மாநில நெடுஞ்சாலைகளில் அமைக்கப்பட்டிருந்த 3321 மதுக்கடைகளையும்,  தேசிய அளவில் 90 ஆயிரம் மதுக்கடைகளையும் பல ஆண்டுகள் சட்டப்போராட்டம் நடத்தி 2017&ஆம் ஆண்டில் மூட வைத்தது பாட்டாளி மக்கள் கட்சி. அதற்கு முன்பாக தேசிய நெடுஞ்சாலைகளில் மட்டும் 604 மதுக்கடைகளை பா.ம.க. மூடியது. இதனால் தமிழகத்தில் சாலை விபத்துகளும், உயிரிழப்புகளும்  வெகுவாக குறைந்தன. இதன்மூலம் மதுக்கடைகளை மூடுவதன் மூலம் சாலைவிபத்துகளை குறைக்க முடியும் என்பது உறுதியாகிறது. இந்த உண்மை மத்திய அரசுக்கும் தெரியும். உண்மையாகவே சாலை விபத்துகளை குறைக்க வேண்டும் என்று மத்திய அரசு நினைத்தால், முதல் நடவடிக்கையாக இந்தியா முழுவதும் தேசிய மற்றும் மாநில நெடுஞ்சாலைகளில் உள்ள மதுக்கடைகளை மூட ஆணையிட்டிருக்க வேண்டும். குறைந்தபட்சம் மூடப்பட்ட கடைகளை மீண்டும் திறப்பதையாவது தடுத்திருக்க வேண்டும்.

ஆனால், மத்திய அரசு இரண்டையும் செய்யவில்லை. நாடு முழுவதும் 90,000 மதுக்கடைகளை மூட பாட்டாளி மக்கள் கட்சிக்கு மிகப்பெரிய துணையாக இருந்ததே தேசிய நெடுஞ்சாலைகளையொட்டி குறிப்பிட்ட தொலைவுக்கு மதுக்கடைகள் இருக்கக்கூடாது என்று மத்திய நெடுஞ்சாலைப் போக்குவரத்து அமைச்சகம்  மாநில அரசுகளுக்கு பல ஆண்டுகளுக்கு முன் எழுதியிருந்த கடிதம் தான். அதன் அடிப்படையில் மூடப்பட்ட மதுக்கடைகளை திறக்க பெரும்பான்மையான மாநில அரசுகள் உச்சநீதிமன்றத்தில் மனு தாக்கல் செய்த போது, அதை மத்திய நெடுஞ்சாலை போக்குவரத்து அமைச்சகம் கடுமையாக எதிர்த்திருக்க வேண்டும். ஆனால், அவ்வாறு செய்யாத அமைச்சகம், இப்போது மோட்டார் வாகனச் சட்டத்தை திருத்தி, அதன் மூலம் தேசிய மற்றும் மாநில நெடுஞ்சாலைகளில் விபத்துகளைக் குறைக்கப்போவதாக கூறி வருகிறது.

மத்திய நெடுஞ்சாலை போக்குவரத்து அமைச்சகத்திற்கு உண்மையாகவே விபத்துகளை கட்டுப்படுத்த  வேண்டும் என்ற அக்கறை இருந்தால், மோட்டார் வாகனச்  சட்டத்தை திருத்துவதில் காட்டிய வேகம் மற்றும் ஆர்வத்தை தேசிய மற்றும் மாநில நெடுஞ்சாலைகளில் உள்ள மதுக்கடைகளை மூடுவதிலும் காட்ட வேண்டும். அது தான் சாலை விபத்துகளை குறைப்பதற்கு பயனுள்ள நடவடிக்கையாக அமையும். இவ்வாறு அவர் கூறியுள்ளார். 
 

]]>
Ramadoss https://images.dinamani.com/uploads/user/imagelibrary/2019/7/30/w600X390/ramadoss.jpg https://www.dinamani.com/tamilnadu/2019/sep/14/நெடுஞ்சாலையோர-மதுக்கடைகளை-மூடாமல்-விபத்துகளை-குறைக்கும்-முயற்சி-ஈடேறாது-ராமதாஸ்-3234375.html
3234373 தமிழ்நாடு தமிழ்மொழிக்கு ஆபத்து ஏற்படுத்தும் வகையில் பாஜக தொடர்ந்து செயல்பட்டு வருகிறது: மு.க.ஸ்டாலின் DIN DIN Saturday, September 14, 2019 01:46 PM +0530 தமிழ்மொழிக்கு ஆபத்து ஏற்படுத்தும் வகையில் பாஜக தொடர்ந்து செயல்பட்டு வருகிறது என்று திமுக தலைவர் மு.க.ஸ்டாலின் குற்றஞ்சாட்டியுள்ளார். 

இதுகுறித்து அவர் சென்னை அண்ணா அறிவாலயத்தில் இன்று செய்தியாளர்களுக்கு அளித்த பேட்டியில்,
இளைஞர் அணியில் 30 இலட்சம் இளைஞர்களை சேர்க்க வேண்டும் என்ற இலக்கை வைத்து உதயநிதி அவர்கள் செயல்பட்டுக் கொண்டிருப்பது அவருடைய வேலை – கடமை. அந்த வேலையை அவர் செய்துக் கொண்டிருக்கிறார். பா.ஜ.க ஆட்சிப் பொறுப்பை ஏற்றதற்குப் பிறகு, இது போன்று 2ஆவது முறையாக தொடர்ந்து தமிழ் மொழிக்கு ஆபத்து ஏற்படுத்தக்கூடிய வகையில் ரயில்வேயில், தபால் அலுவலகங்களில், அது தேர்வாக இருந்தாலும், வேலை வாய்ப்பாக இருந்தாலும், அறிக்கைகளாக இருந்தாலும் அவைகளில் எல்லாம் தமிழ் இடம்பெறக் கூடாத ஒரு நிலையை, முயற்சியில் ஈடுபட்டார்கள். 

அதனை, ‘முளையிலேயே கிள்ளி எறிய வேண்டும்’ என்பதற்காக திராவிட முன்னேற்றக் கழகம் தொடர்ந்து பல போராட்டங்களை முன்னெடுத்து நடத்தி, அதற்குப் பிறகு சம்பந்தப்பட்ட அதிகாரிகளை சந்தித்து வலியுறுத்தியதற்குப் பிறகு அவைகள் எல்லாம் திரும்பப் பெறப்பட்டிருக்கினறது. ஆனால், திடீரென்று இன்று அமித்ஷா கூறியதாக வெளிவந்திருக்கும் செய்தி அதிர்ச்சியளிக்கத்தக்க வகையில் அமைந்திருக்கிறது. எனவே, இந்தியாவின் ஒருமைப்பாட்டிற்கு குந்தகம் விளைவிக்கும் வகையில் இது நிச்சயம் அமையும். எனவே, அக்கருத்தை அவர் உடனடியாக திரும்பப் பெற வேண்டும் என்று திராவிட முன்னேற்றக் கழகத்தின் சார்பில் நான் வலியுறுத்துகிறேன். 

நாளைய தினம் திருவண்ணாமலை மாவட்டத்தில், திராவிட முன்னேற்றக் கழகத்தின் முப்பெரும் விழா நிகழ்ச்சி முடிந்த மறுநாள், கழக உயர்நிலை செயல்திட்டக் குழு கூட்டம் நடைபெறவிருக்கிறது. அந்தக் கூட்டத்தில் இது குறித்து விவாதித்து இதனை எப்படி சந்திப்பது? எப்படி நம்முடைய எதிர்ப்புக் குரலை கொடுப்பது? என்பது பற்றி கலந்து பேசி முடிவெடுத்து அதற்குப் பிறகு அறிவிக்க இருக்கிறோம் என்றார்.

]]>
MKStalin, DMK, BJP https://images.dinamani.com/uploads/user/imagelibrary/2019/9/14/w600X390/MKStalin.jpg https://www.dinamani.com/tamilnadu/2019/sep/14/bjp-trying-to-destroy-tamil-language---mk-stalin-3234373.html
3234372 தமிழ்நாடு சிவகாசியில் பட்டாசு தொழிலாளர்கள் சென்ற வேன் கவிழ்ந்து விபத்து: பெண் உட்பட 3 பேர் உயிரிழப்பு DIN DIN Saturday, September 14, 2019 01:23 PM +0530 சிவகாசியில் பட்டாசு தொழிலாளர்கள் சென்ற வேன் கவிழ்ந்து விபத்துக்குள்ளானதில் பெண் உட்பட 3 பேர் உயிரிழந்தனர். 

விருதுநகர் மாவட்டம் சல்வார்பட்டியில் இயங்கி வரும் பட்டாசு தொழிற்சாலைக்கு 10க்கும் மேற்பட்ட தொழிலாளர்களுடன் வேன் ஒன்று இன்று காலை புறப்பட்டது. இந்த வேன் காயில்பட்டியில் ஒரு வளைவில் வளையும்போது ஓட்டுநரின் கட்டுப்பாட்டை இழந்து கவிழ்ந்தது. 

இந்த விபத்தில் சிவகாசியை சேர்ந்த குருமுத்து(36), துரைபாண்டி(16) மற்றும் பெண் ஒருவர் சம்பவ இடத்திலேயே உயிரிழந்தனர். 11 பேர் காயங்களுடன் மருத்துவமனையில் சிகிச்சைப் பெற்று வருகின்றனர். படுகாயமடைந்தவர்களில் இருவரின் நிலைமை கவலைக்கிடமாக உள்ளது. 

எனவே அவர்களை மதுரை அரசு மருத்துவமனைக்கு கொண்டு செல்ல வாய்ப்பு இருப்பதாகவும் சொல்லப்படுகிறது. இச்சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.

]]>
Sivakasi https://images.dinamani.com/uploads/user/imagelibrary/2018/1/10/w600X390/Dead_girl.jpg https://www.dinamani.com/tamilnadu/2019/sep/14/3-dead-11-injured-as-van-topples-in-sivakasi-3234372.html
3234370 தமிழ்நாடு ஒரே மகள் சுபஸ்ரீயின் கடைசி ஆசை - கண்ணீருடன் தந்தை ரவி! C.P.சரவணன், வழக்குரைஞர் DIN Saturday, September 14, 2019 01:14 PM +0530  

தாம்பரத்தை அடுத்த நெமிலிச்சேரி பவானிநகரைச் சேர்ந்தவர் ரவி. இவர் தனியார் நிறுவன ஊழியர். இவரின் ஒரே மகள் சுபஸ்ரீ. தனியார் கல்லூரியில் பி.டெக் படித்த இவர், பெருங்குடி, கந்தன்சாவடியில் உள்ள ஐ.டி. நிறுவனத்தில் பணியாற்றிவந்தார். 

இந்நிலையில் நேற்று மாலை பணி முடிந்து வீட்டிற்கு வந்தபோது, பள்ளிக்கரணை ரேடியல் சாலையின் நடுவே உள்ள தடுப்புச் சுவரில் வைக்கப்பட்டிருந்த பேனர், இருசக்கர வாகனத்தில் வந்து கொண்டிருந்த சுபஸ்ரீ மீது விழுந்தது. இதில் நிலைதடுமாறி கீழே விழ, அந்த வழியாக வந்த தண்ணீர் லாரியின் டயரில் சுபஸ்ரீ சிக்கினார். இதில் தலையில் பலத்த காயமடைந்த அவர், உயிருக்குப் போராடினார். 

உடனடியாக அந்தப்பகுதியைச் சேர்ந்தவர்கள் சுபஸ்ரீயை மீட்டு அருகில் உள்ள தனியார் மருத்துவமனைக்கு கொண்டு சென்றனர். ஆனால், அங்கு அவர் இறந்துவிட்டார். இந்த சம்பவம் கடும் அதிர்வலைகளை ஏற்படுத்தியது. இதையடுத்து அனுமதியின்றி பேனர் வைத்ததாக அ.தி.மு.க. பிரமுகர் ஜெயகோபால் மீது வழக்குப்பதிவு செய்யப்பட்டுள்ளது.

இந்நிலையில் நடந்த சம்பவம் குறித்து கண்ணீர் மல்க பேட்டி அளித்த சுபஸ்ரீயின் தந்தை ரவி கூறுகையில் ''சுபஸ்ரீ எனக்கு ஒரே பொண்ணு. அவளை மிகவும் ஆசையாக வளர்த்தேன். அவள் விருப்பப்படியே பி.டெக்., படிக்க வைத்தேன். அவளுக்கு கனடா சென்று மேற்படிப்பு படிக்க வேண்டும் என்பது நீண்ட நாள் ஆசை. அதற்காக தேர்வும் எழுதி இருந்தாள். விரைவில் கனடா செல்ல இருந்த ஆசை மகளுக்கு இப்படி ஒரு துயரம் வரும் என கனவிலும் நினைக்கவில்லை. பேனர் தான் எனது மகளின் உயிரை பறித்து விட்டது. எனது மகளின் உயிரே கடைசியாக இருக்கட்டும்'' என கண்ணீர் மல்க கூறியுள்ளார்.

]]>
Road accident, Tearful farewell, Subashri, Nemilichery, Subashri’s father Ravi, சுபஸ்ரீ தந்தை ரவி, சாலை விபத்து, பேனர் விபத்து https://images.dinamani.com/uploads/user/imagelibrary/2019/9/13/w600X390/subasree.jpg https://www.dinamani.com/tamilnadu/2019/sep/14/23-year-old-subashri-with-big-dream-3234370.html
3234369 தமிழ்நாடு பாசனத்திற்காக பாபநாசம், சேர்வலாறு மற்றும் மணிமுத்தாறு அணைகளிலிருந்து தண்ணீர் திறக்க முதல்வர் உத்தரவு DIN DIN Saturday, September 14, 2019 01:07 PM +0530 பாசனத்திற்காக பாபநாசம், சேர்வலாறு மற்றும் மணிமுத்தாறு அணைகளிலிருந்து தண்ணீர் திறக்க முதல்வர் எடப்பாடி பழனிசாமி உத்தரவிட்டுள்ளார்.

இதுகுறித்து அவர் இன்று விடுத்துள்ள அறிக்கையில்,
பிசான பருவத்திற்கான முன்னேற்பாடு பணிகளை கவனிக்க ஏதுவாக முன்கூட்டியே பாபநாசம், சேர்வலாறு மற்றும் மணிமுத்தாறு அணைகளிலிருந்து தண்ணீர் திறந்துவிடுமாறு விவசாயப் பெருமக்களிடமிருந்து கோரிக்கைகள் வந்துள்ளன. விவசாயப் பெருமக்களின் வேண்டுகோளினை ஏற்று, திருநெல்வேலி மாவட்டம், பாபநாசம், சேர்வலாறு மற்றும் மணிமுத்தாறு அணைகளிலிருந்து திருநெல்வேலி மற்றும் தூத்துக்குடி மாவட்டங்களில் உள்ள தாமிரபரணி ஆற்றின்
கீழுள்ள எட்டு அணைக்கட்டுகள் மற்றும் 11 கால்வாய்கள் மூலம் பாசன வசதி பெறும் பயிர்களை காக்கவும், குடிநீர் தேவைகளுக்காகவும் மற்றும் பிசான பருவ முன்னேற்பாடு பணிகள் செய்ய ஏதுவாகவும், சிறப்பு நிகழ்வாக 15.9.2019 முதல் 4.10.2019 முடிய 20 நாட்களுக்கு 2500 மில்லியன் கன அடி தண்ணீர் திறந்துவிட நான் ஆணையிட்டுள்ளேன்.

மேற்கண்ட கால்வாய்களில் தண்ணீர் திறந்து விடப்படுவதால் தாமிரபரணி பாசனத்தின் 6 அணைக்கட்டுகளின் கீழ் திருநெல்வேலி மாவட்டத்திலுள்ள 7 கால்வாய்கள் மூலம் 40000 ஏக்கர் பாசன நிலங்கள் மற்றும் தூத்துக்குடி மாவட்டத்திலுள்ள 2 அணைக்கட்டுகளின் கீழுள்ள 4 கால்வாய்கள் மூலம் 46107 ஏக்கர் பாசன நிலங்கள் ஆக மொத்தம் 86107 ஏக்கர் நேரடி மற்றும் மறைமுக பாசன வசதி பெறும் என்பதையும் மகிழ்ச்சியுடன் தெரிவித்துக்கொள்கிறேன். மேலும், விவசாயப் பெருமக்கள் நீரை சிக்கனமாக பயன்படுத்தி, நீர் மேலாண்மை மேற்கொண்டு உயர் மகசூல் பெற வேண்டுமாய் அன்புடன் கேட்டுக் கொள்கிறேன். இவ்வாறு அவர் கூறியுள்ளார். 

]]>
Papanasam, cheruvaram, manimuthur, Palanisamy https://images.dinamani.com/uploads/user/imagelibrary/2019/8/21/w600X390/eps.jpg https://www.dinamani.com/tamilnadu/2019/sep/14/tn-cm-orders-release-of-water-from-papanasam-cheruvaram-manimuthur-dam-3234369.html
3234368 தமிழ்நாடு காதல் மனைவிக்கு கோயில் கட்டி கும்பாபிஷேகம் செய்த தமிழக ஷாஜகான்!  DIN DIN Saturday, September 14, 2019 01:04 PM +0530  

நடிகைகளுக்கு கோயில் கட்டியிருப்பதை நாம் கேள்விப்பட்டிருக்கிறோம். ஆனால், இங்கு சற்று வித்தியாசமாக தாலி கட்டிய மனைவிக்குக் கோயில் கட்டி வழிபாடு செய்து  வருகிறார் ஒருவர். இதைத் தமிழகத்தின் தாஜ்மகால் என்றும் இவரை நிகழ்கால ஷாஜகான் என்றும் மக்கள் கூறி வருகின்றனர். 

சென்னை, தாம்பரம் அருகே எருமையூர் கிராமத்தைப் பூர்வீகமாகக் கொண்டவர் ரவி. 56 வயதாகும் இவர் சென்னை மாநகராட்சியில் ஓட்டுநராக பணிபுரிந்து வருகிறார். இவரது மனைவி  பெயர் ரேணுகா. 

ரேணுகா ரவி தம்பதியருக்கு திருமணமாகி 32 ஆண்டுகள் நிறைவடைந்த நிலையில், இவர்களுக்கு சதீஸ், விஜய் என இரண்டு மகன்கள் உள்ளனர். இவரது மனைவி  ரேணுகா கடந்த 2006-ம் ஆண்டு உடல்நிலை பாதிக்கப்பட்டு, சிகிச்சை பலனின்றி உயிரிழந்தார். 

மனைவி மேல் அளவுகடந்த அன்பு வைத்திருந்த ரவியால், மனைவியின் மரணம் மிகவும் மன வேதனைக்குள்ளாகியது. தன் மனைவியின் இறப்பை அவ்வளவு எளிதில்  ரவியால் கடந்துசெல்ல முடியவில்லை. மனைவியின் நினைவாக தாம்பரத்தில் கோயில் ஒன்றை கட்டி கும்பாபிஷேகம் செய்ய முடிவு செய்தார். 

இதுகுறித்து ரவியிடம் கேட்டபோது, 

என் மனைவியின் மறைவு சொல்லமுடியாத வேதனையை எனக்குத் தந்தது. உலகமே அவள் தான் என்று நினைத்து வாழ்ந்துவந்தேன். ஆனால், இப்போது தனிமையிலிருந்து தவிக்கின்றேன். சண்டையிட்டாலும் ஒருமணி நேரத்துக்குள் சமாதானம் ஆகிவிடுவோம். அவர் இல்லாத நிலையில் நானும் இறந்திருப்பேன், ஆனால் எனது இரண்டு  மகன்களின் நலன் கருதி நான் உயிரோடு வாழ்கிறேன் என்று அவர் கண்ணீர் மல்க பேசினார். 

மனைவி உயிருடன் இருக்கும்போது அவர் ஆசைப்பட்டுக் கேட்ட சொந்த வீட்டை என்னால் கட்டித்தர முடியாமல் போனது. எனவே அவளின் நினைவாகக் கோயில் ஒன்றைக்  கட்ட முடிவு செய்தேன். தற்போது தாம்பரத்தில் 9-அடி அகலம், 16 அடி உயரத்தில் கோயில் ஒன்றைக் கட்டியுள்ளேன். அதில் பளிங்குக் கல்லினால் என் மனைவியின்  உருவத்தைப் பதித்துள்ளேன் என்றார். 

அந்த கோயிலுக்கு ரேணுகா அம்மன் திருக்கோயில் என்று பெயரிட்டு அதற்கு கும்பாபிஷேகம் செய்துள்ளார். நானும் என் இரண்டு மகன்களும் தினமும் வழிபட்டு வருகிறோம் என்று அவர் கூறினார்.  

]]>
Husband built temple for wife, ரேணுகா ரவி தம்பதி, நிகழ்கால ஷாஜகான், தாம்பரம் ரேணுகா அம்மன் கோயில் https://images.dinamani.com/uploads/user/imagelibrary/2019/9/14/w600X390/renuka_temple.jpg https://www.dinamani.com/tamilnadu/2019/sep/14/husband-built-temple-for-wife-3234368.html
3234366 தமிழ்நாடு அரசு மருத்துவர் என ஏமாற்றி திருமணம் செய்த இளைஞர்.. காவல்துறையின் சிறப்புச் சிகிச்சையில்! DIN DIN Saturday, September 14, 2019 12:53 PM +0530  

சென்னை அரசு மருத்துவமனையில் மருத்துவராகப் பணியாற்றுவதாகக் கூறி இளம்பெண்ணை திருமணம் செய்த இளைஞரை போலீஸார் கைது செய்தனர்.

சென்னை கொளத்தூர் ஜி.கே.எம்.காலனி புனித அந்தோணியார் கோயில் தெருவைச் சேர்ந்த தாயன்பன் (30), தனியார் நிறுவனத்தில் பணியாற்றி வருகிறார். இவர் அலுவல் காரணமாக கடந்த 8 மாதங்களுக்கு முன்பு கோவை சென்றபோது, கிணத்துக்கடவு பகுதியைச் சேர்ந்தவர் கார்த்திக்குடன் (33) அறிமுகமாகினாராம். 

அப்போது கார்த்திக், சென்னை அரசு மருத்துவமனையில் மருத்துவராகப் பணியாற்றி வருவதாகத் தெரிவித்தார். கடந்த 7 மாதங்களுக்கு முன்பு வில்லிவாக்கம் வெங்கடேஸ்வரா நகர் சாஸ்திரி தெருவில் வாடகை வீட்டில் தங்கியிருப்பகாக தாயன்பனிடம் கார்த்திக் கூறினாராம். 

இந்நிலையில் சென்னை ராஜீவ் காந்தி அரசு பொது மருத்துவமனையில் பணிபுரியும் செவிலியர் தனது மகளுக்கு வரன் தேடுவதாக தாயன்பனிடம் கூறினாராம். அப்போது, தாயன்பன் கார்த்திக் குறித்து செவிலியரிடம் கூறியுள்ளார். இதையடுத்து செவிலியர் தனது மகளுக்கும்-கார்த்திக்கும் புதன்கிழமை சென்னை கொளத்தூர் குமரன் நகரில் உள்ள கோயிலில் திருமணம் செய்து வைத்தாராம். இதற்காக செவிலியர் கார்த்திக்கிடம் ரூ. 10 லட்சம் வரதட்சணை கொடுத்ததாகக் கூறப்படுகிறது.

இதையடுத்து புழல் ரெட்டேரி அருகே உள்ள திருமண மண்டபத்தில் வியாழக்கிழமை வரவேற்பு நிகழ்ச்சி நடைபெற்றது. அப்போது கார்த்திக் செவிலியரிடம் மேலும் ரூ. 1 லட்சம் கேட்டாராம். அவரது நடவடிக்கையில் சந்தேகம் அடைந்த செவிலியர், கார்த்திக்கிடம் விசாரித்ததில் அவர் மருத்துவர் இல்லை என்பது தெரியவந்தது. 

இதையடுத்து உறவினர்கள் கார்த்திக்கை தாக்கி, மாதவரம் காவல் நிலையத்தில் ஒப்படைத்தனர். புகாரின் பேரில் போலீஸார் வழக்குப் பதிவு செய்து, கார்த்திக்கை கைது செய்தனர்.

]]>
youth arrest, சென்னை அரசு மருத்துவமனை, போலி மருத்துவர், chennai https://images.dinamani.com/uploads/user/imagelibrary/2019/9/14/w600X390/karthic.jpg https://www.dinamani.com/tamilnadu/2019/sep/14/chennai-youth-arrest-for-cheating-3234366.html