Dinamani - தற்போதைய செய்திகள் - https://www.dinamani.com/latest-news/sub-latest-news/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3419838 தற்போதைய செய்திகள் தற்போதைய செய்திகள் குமரி மாவட்ட அணைகள் ஜூன் 8-ல் திறப்பு DIN DIN Tuesday, May 26, 2020 07:40 PM +0530
கன்னியாகுமரி மாவட்டம், கோதையாறு மற்றும் பட்டணம் கால் 
பாசன அமைப்புகளில் உள்ள பாசனத்திற்காகப் பேச்சிப்பாறை, பெருஞ்சாணி,
சித்தாறு I மற்றும் II அணைகளிலிருந்து ஜூன் 8 ஆம் தேதி தண்ணீர் திறந்துவிடப்படும் என்று முதல்வர் கே. பழனிசாமி அறிவித்துள்ளார்.

இதுபற்றி வெளியிட்ட செய்திக்குறிப்பொன்றில், வேளாண் பெருங்குடி மக்களின் வேண்டுகோளை ஏற்று, கோதையாறு பாசனத்திற்கு 8.6.2020 முதல் 28.2.2021 வரை
நாள் ஒன்றுக்கு 850 கன அடி/வினாடிக்கு, பேச்சிப்பாறை, பெருஞ்சாணி,
சித்தாறு I மற்றும் II அணைகளிலிருந்து தண்ணீர் திறந்துவிடப்படும் என்று முதல்வர் பழனிசாமி தெரிவித்துள்ளார்.

இதனால், கன்னியாகுமரி மாவட்டத்தில் கோதையாறு மற்றும்
பட்டணம்கால் பாசனப் பகுதிகளின் 79 ஆயிரம் ஏக்கர் நிலங்கள் பாசன வசதி 
பெறும் என்றும் அவர் குறிப்பிட்டுள்ளார்.

]]>
paechipparai, dams https://images.dinamani.com/uploads/user/imagelibrary/2020/5/26/w600X390/pechipari1.jpg https://www.dinamani.com/latest-news/sub-latest-news/2020/may/26/kumari-district-dams-open-june-8-3419838.html
3419837 தற்போதைய செய்திகள் தற்போதைய செய்திகள் திருப்பூரிலிருந்து பிகார், ஒடிசா, உ.பி.க்கு சிறப்பு ரயில்கள்: 4,800 தொழிலாளர்கள் சென்றனர் DIN DIN Tuesday, May 26, 2020 07:23 PM +0530  

திருப்பூரில் இருந்து பிகார், ஒடிசா, உத்தரப் பிரதேசத்துக்கு இயக்கப்பட்ட சிறப்பு ரயில்களில் 4,800 தொழிலாளர்கள் செவ்வாய்க்கிழமை அனுப்பி வைக்கப்பட்டனர்.

திருப்பூரில் உள்ள பின்னலாடை நிறுவனங்களில் பிகார், ஒடிசா, மேற்கு வங்கம், உத்தரப் பிரதேசம், மத்தியப் பிரதேசம் உள்ளிட்ட 22 மாநிலங்களைச் சேர்ந்த லட்சக்கணக்கான தொழிலாளர்கள் பணியாற்றி வருகின்றனர்.

இந்த நிலையில் கரோனா பொது முடக்கம் காரணமாக பின்னலாடை நிறுவனங்கள் மூடப்பட்டதால் தங்களைச் சொந்த ஊர்களுக்கு அனுப்பிவைக்கும் படி தமிழக இவர்கள் அரசுக்கு கோரிக்கை விடுத்து வந்தனர்.

இதையடுத்து, சொந்த ஊர்களுக்குத் திரும்பும் தொழிலாளர்கள் குறித்து மாவட்ட நிர்வாகம் சார்பில் கணக்கெடுப்பு நடத்தப்பட்டு வருகிறது. இதனடிப்படையில்,. திருப்பூரில் தங்கியுள்ள வடமாநிலத் தொழிலாளர்கள் சிறப்பு ரயில்கள் மூலமாக அனுப்பிவைக்கப்பட்டு வருகின்றனர்.

இதன்படி திருப்பூரில் இருந்து செவ்வாய்க்கிழமை ஒரே நாளில் பிகார், ஒடிஸா, உத்தரப் பிரதேச மாநிலங்களுக்கு சிறப்பு ரயில்கள் இயக்கப்பட்டன.

இவற்றில் ஒரு ரயிலுக்கு தலா 1,600 பேர் வீதம் மொத்தம் 4,800 பேர் சொந்த ஊர்களுக்கு அனுப்பிவைக்கப்பட்டனர்.

முன்னதாக திருப்பூரின் பல்வேறு பகுதிகளில் இருந்து பேருந்துகளில் ரயில் நிலையத்துக்கு அழைத்துவரப்பட்ட தொழிலாளர்களுக்கு மருத்துவப் பரிசோதனை நடைபெற்றது.

இதன் பிறகு மாவட்ட நிர்வாகம் சார்பில் 2 வேளைகளுக்குத் தேவையான உணவு, குடிநீர் பாட்டில்களும் தொழிலாளர்களுக்கு வழங்கப்பட்டது குறிப்பிடத்தக்கது.

]]>
tirupur, migrants https://images.dinamani.com/uploads/user/imagelibrary/2020/5/26/w600X390/tp2.jpg https://www.dinamani.com/latest-news/sub-latest-news/2020/may/26/special-trains-from-tirupur-to-bihar-odisha-and-up-3419837.html
3419781 தற்போதைய செய்திகள் தற்போதைய செய்திகள் உண்ண உணவில்லை, குடிக்க நீரில்லை: 60 மணி நேரம் ரயிலில் சென்ற புலம்பெயர் தொழிலாளி பலி DIN DIN Tuesday, May 26, 2020 03:16 PM +0530  

மும்பையிலிருந்து 60 மணி நேரத்துக்கும் மேல் பயணம் செய்து சிறப்பு ரயிலில் ஊர் திரும்பிக்கொண்டிருந்த புலம்பெயர் தொழிலாளர் ஒருவர், உண்ண உணவோ, குடிக்கத் தண்ணீரோ இல்லாத நிலையில் உயிரிழந்தார் என அவருடைய உறவினர் குற்றம் சாட்டியுள்ளனர்.

உத்தரப் பிரதேசத்தில் ஜான்பூர் மாவட்டத்திலுள்ள சொந்த ஊரான மச்லிஷ்ஷகர் செல்வதற்காகக் கட்டடத் தொழிலாளியான ஜோஹன் யாதவ் மும்பையில் ரயிலேறினார். அவருடன் உறவினரான ரவீஷ் யாதவும் சென்றார்.  

புலம்பெயர் தொழிலாளர்களுக்கான இந்த சிறப்பு ரயில், மும்பை லோகமான்ய திலக் ரயில் நிலையத்திலிருந்து மே 20 ஆம் தேதி இரவு 7 மணிக்குப் புறப்பட்டு, வாராணசி கன்டோன்மென்ட் ரயில் நிலையத்தை மே 23 ஆம் தேதி காலை 7.30 மணிக்குச் சென்றடைந்தது.

ரயிலில் சாப்பிடவோ, குடிக்கவோ எதுவுமே தரப்படவில்லை. வாராணசி ரயில் நிலையத்தைச் சென்றடைய அரை மணி நேரத்துக்கு முன், மிகவும் பசிக்கிறது என்றும் உடம்பெல்லாம் வலிக்கிறது என்றும் குறிப்பிட்ட என்னுடைய மாமா ஜோஹன் யாதவ், திடீரென மயங்கிவிழுந்தார், சில நிமிஷங்களிலேயே அவருடைய உயிர் பிரிந்துவிட்டது என்று குறிப்பிடுகிறார் உறவினர் ரவீஷ்.

ரயிலிலேயே உணவுப் பொட்டலங்களும் தண்ணீர் போத்தல்களும் தருவார்கள் என்று தெரிவித்ததால், நாங்கள் கையில் எதுவும் கொண்டுவரவில்லை.. அவர்களும் எதுவுமே தரவில்லை. அந்தப் பெட்டியில் மற்ற பயணிகளும்கூட உணவும் தண்ணீரும் இல்லாமல்தான் அவதிப்பட்டனர். அந்த ரயிலிலேயே முற்றிலுமாகத் தண்ணீர் இல்லை என்றும் அவர் தெரிவித்தார்.

ஆனால், இதை மறுத்த வாராணசி கோட்ட கூடுதல் ரயில்வே மேலாளர் ரவி பிரகாஷ் சதுர்வேதி, வாராணசி வரும் முன்னரே அவர் இறந்துவிட்டார் என்றும் அவருக்கு இதய நோய் இருந்ததாகவும் அதனால் இறந்திருக்கலாம் என்று அவரின் உறவினர்கள் தெரிவித்தனர் என்றும் தெரிவித்தார்.

ஆமாம், என்னுடைய மாமா, இதய நோயாளிதான். ஆனால், 60 மணி நேரத்துக்கும் மேலாகப் பட்டினியாகக் கிடந்ததால்தான் அவர் இறந்தார் என்று ரவீஷ் குற்றம் சாட்டினார்.

ரவீஷும் ஜோகனும் தலா ரூ. 940 பணம் செலுத்திதான் டிக்கெட் வாங்கியதாகவும் புலம்பெயர் தொழிலாளர்களிடம் கட்டணம் பெறுவதில்லை என்று அரசு கூறுவது முற்றிலும் பொய்யானது என்றும் அவர் குறிப்பிட்டார்.

ரயிலில் ஏறும்போதே என்னுடைய மாமா மிகவும் பசியில் இருந்தார். எங்களிடம் சிறிது பணம் இருந்தாலும் வழியில் எங்கும் எதுவும் வாங்க முடியவில்லை என்றும் ரவீஷ் தெரிவித்தார்.

மும்பையில் புறப்பட்டு 18 மணி நேரத்துக்குப் பிறகு மத்தியப் பிரதேசத்திலுள்ள கட்னிக்கு ரயில் வந்துசேர்ந்தது. மூன்று மணி நேரத்துக்கும் அதிகமாக அங்கே ரயில் நின்றிருந்தாலும் உண்ணவோ, குடிக்கவோ எதுவும் கிடைக்கவில்லை.

அடுத்த வந்த பல ரயில் நிலையங்களில் தண்ணீரும் உணவும் வழங்குமாறு ரயில்வே பாதுகாப்புப் படையினரிடம் கேட்டோம். லத்தியைச் சுழற்றிக்கொண்டு ரயிலைவிட்டு இறங்கவே அவர்கள் விடவில்லை என்றும் ரவீஷ் யாதவ் குற்றம் சாட்டினார்.

ரயில் பயணத்தின்போது புலம் பெயர் தொழிலாளர் ஒருவர், பசி, தாகத்தால் உயிரிழக்க நேரிட்டிருப்பது பலரையும் அதிர்ச்சியடைச் செய்துள்ளது.

]]>
hungry, Migrant https://images.dinamani.com/uploads/user/imagelibrary/2020/5/26/w600X390/Jok.jpg https://www.dinamani.com/latest-news/sub-latest-news/2020/may/26/migrant-on-shramik-express-dies-hungry-3419781.html
3419504 தற்போதைய செய்திகள் தற்போதைய செய்திகள் இந்தியாவில் ஜூலையில் கரோனா பாதிப்பு 20 லட்சமாகும்: படுக்கைகளுக்குத் தட்டுப்பாடு நேரிடும் ஆபத்து DIN DIN Tuesday, May 26, 2020 11:10 AM +0530 இந்தியாவில் ஜூலை மாதத் தொடக்கத்தில் கரோனா நோய்த் தொற்றால் பாதிக்கப்பட்டோரின்  எண்ணிக்கை குறைந்தது 6 லட்சத்திலிருந்து அதிகளவாக 20 லட்சம் வரையிலும் இருக்கும் என்று மிச்சிகன் பல்கலைக்கழகம் தெரிவித்துள்ளது. 

தவிர, கரோனா நோய்த் தொற்று பரவிவரும் வேகத்துக்கு ஈடுகொடுக்க முடியாத அளவில் மருத்துவமனைப் படுக்கைகளுக்குத் தட்டுப்பாடு நேரிடும் என அஞ்சப்படுகிறது.

நாட்டில் திங்கள்கிழமை காலை நிலவரப்படி கரோனா நோய்த் தொற்றால் பாதிக்கப்பட்டவர்களின் மொத்த எண்ணிக்கை - 1,38,845.  கடந்த 24 மணி நேரத்தில் மட்டும் 6,977 பாதிக்கப்பட்டுள்ளனர்.

கரோனாவால் கடந்த 24 மணி நேரத்தில் 154 பேர் உயிரிழந்துள்ளனர். இதுவரையில் நாடு முழுவதும் இறந்தவர்களின் மொத்த எண்ணிக்கை 4,021.

மும்பையில் நோய்த் தொற்றால் பாதிக்கப்பட்டவர்களை மருத்துவமனைகளில் அனுமதிப்பதிலும் அவர்களைத்  தீவிர சிகிச்சைப் பிரிவில் அனுமதித்துச் சிகிச்சையளிக்கத் தேவையான படுக்கைகள் கிடைப்பதிலும் பிரச்னைகள் வரத் தொடங்கியுள்ளன.

தனியார் மருத்துவமனைகளில் அனுமதித்து சிகிச்சையளிக்க முயன்று தாமதமானால்தான் தங்களுடைய தாத்தா உயிரிழக்க நேரிட்டது மும்பையைச் சேர்ந்த பரீக்  என்பவர் குறிப்பிட்டுள்ளார்.

தன்னுடைய தந்தை கெஞ்சிக் கேட்டபோதும், சாதாரண படுக்கைகூட இல்லை என்று மருத்துவமனைகள் மறுத்துவிட்டதாகவும் பரீக் குற்றம் சாட்டியுள்ளார். 

உலகின் மக்கள்தொகை அதிகமான நாடுகளில் இரண்டாவதான (முதல் நாடு சீனா!) இந்தியாவில் காரனோவால் பாதிக்கப்பட்டோரின் எண்ணிக்கை ஏறத்தாழ 13 நாள்களில் இரட்டிப்பாகிக் கொண்டிருக்கிறது.

இந்தியாவில் பாதிப்பு அதிகரிக்கும் போக்கு குறையவேயில்லை என்கிறார் மிச்சிகன் பல்கலைக்கழகத் தொற்று நோயியல் பேராசிரியர் பார்மர் முகர்ஜி.

பாதிக்கப்படுவோரின் எண்ணிக்கை மட்டுப்படவே இல்லை என்று குறிப்பிடும் முகர்ஜி குழுவினர், ஜூலை மாதத் தொடக்கத்தில் இந்தியாவில் 6 லட்சத்து 30 ஆயிரத்திலிருந்து 20 லட்சத்து 10 ஆயிரம் பேர் வரை பாதிக்கப்பட்டிருக்கலாம் என்கின்றனர்.

மருத்துவமனையில்  படுக்கை கிடைக்காமல் பரீக் குடும்பத்தினர் அவதிப்பட்ட, இந்தியாவின் வணிகத் தலைநகரான, அதிக மக்கள்தொகை கொண்ட நகரான மும்பையில், நாட்டில் கரோனா பாதிக்கப்பட்டோரில் ஐந்தில் ஒரு பங்கிற்கும் அதிகமானோர் இருக்கின்றனர்.

ஒருவேளை மிச்சிகன் பல்கலைக்கழகக் கணிப்பின்படி நோயாளிகளின் எண்ணிக்கை அதிகரித்தால் இந்தியா திணறிப்போய்விடும் என்பதில் எவ்வித வியப்புமில்லை.

கடந்த ஆண்டின் மத்திய அரசு தகவல்களின்படி இந்தியா முழுவதும் மருத்துவமனைகளில் 7,14,000 படுக்கைகள் இருக்கின்றன (2009-ல் 5,40,000 படுக்கைகள்). இந்திய மக்கள்தொகையுடன் ஒப்பிட இது மிகவும் குறைவு.

பொருளாதார ஒத்துழைப்பு மற்றும் மேம்பாட்டுக்கான அமைப்பின் (ஆர்கனைசேஷன் ஃபார் எகானமிக் கோ ஆபரேஷன் அன்ட் டெவலப்மென்ட்) சமீபத்திய தரவுகளின்படி, இந்தியாவில் 2 ஆயிரம் பேருக்கு ஒரு படுக்கைதான்  (ஆயிரத்துக்கு 0.5 படுக்கை) இருக்கிறது. 2009-ல் 2200 பேருக்கு ஒரு படுக்கை.

மாறாக, சீனாவில் ஆயிரம் பேருக்கு 4.3 படுக்கைகளும் அமெரிக்காவில் 2.8 படுக்கைகளும் இருக்கின்றன.

]]>
https://images.dinamani.com/uploads/user/imagelibrary/2020/5/25/w600X390/co3.jpg https://www.dinamani.com/latest-news/sub-latest-news/2020/may/26/corona-patients-figr-rises-to-2-million-in-early-july-risk-of-bed-shortage-3419504.html
3419416 தற்போதைய செய்திகள் தற்போதைய செய்திகள் கரோனாவும் மகாத்மாவின் இந்திய சுயராஜ்யமும் டாக்டர் வெ.ஜீவானந்தம் DIN Tuesday, May 26, 2020 11:02 AM +0530  

இந்திய சுயராஜ்யம்

தென்னாப்பிரிக்காவில் இருந்து இந்தியாவிற்குக் கப்பலில் திரும்பிய மோகன்லால் கரம்சந்த் காந்தி, தனது கப்பல் பயணத்தில் சாவர்க்கர் போற்றிய மேற்கத்திய நாகரிகம், ரயில், கல்வி, வன்முறைப் போராட்டம், பிரிட்டிஷ் அடிமைப்படுத்திய வரலாறு ஆகியன குறித்துத் தானே கேள்வியாளராகவும், பதிலளிப்பவராகவும் குஜராத்தியில் எழுதிய முதல் நூல் இந்திய சுயராஜ்யம்.

காந்தியின் கொள்கை சாசனமாக இறுதிவரை நிற்கும் இந்த நூலை 1908 ஆம் ஆண்டு கப்பல் பயணத்தில் இடது கையாலும், வலது கையாலும் மாறி மாறிப் பத்து நாள்களில் எழுதிய வெறும் 100 பக்க நூலே இது.

இளம் வழக்கறிஞர் காந்தி தென்னாப்பிரிக்காவிலிருந்து இங்கிலாந்து சென்று  அங்கு இந்தியா ஹவுஸில் தங்கியிருந்த சாவர்க்கர் போன்றோரிடம் அகிம்சை முறைப் போராட்டம் பற்றி விரிவாக விவாதம் செய்தததையும் இந்த நூலில் பதிவு செய்துள்ளார்.

இதன் கருத்துகள் யாவும் முதலில் படிக்கும் நவீன இளைஞன் முற்றிலுமாக ஒப்புக்கொள்ள முடியாது, முட்டாள்தனமான, பிற்போக்கான நூலாகவே தோன்றும். முதலில் இந்த நூலை வாசித்த கோகலே, இது இளம் காந்தியின் அவசர எழுத்து, காலப்போக்கில் அவர் இதைக் கிழித்துப்போட்டு விடுவார் என்று கூறினார். மாறாக ருஷ்ய அறிஞர் டால்ஸ்டாயோ, மனிதவர்க்கத்திற்கே முதன்மையான நூல் இது என்றார். காந்தியின் வாரிசான நேருவோ இதை எந்தக் காலத்திற்கும் பொருந்தாத, யாருக்கும் உதவாத நூல் என்றே இறுதி வரை கூறினார்.

ஆனால் இன்றும் உலகம் முழுவதும் மனிதநேய அறிஞர்களால் இந்திய சுயராஜ்யம் நூல் ஏற்கப்பட்டு, விவாதிக்கப்பட்டு, விளக்கங்களும் அதன்  அடிப்படையில் புதிய புதிய நூல்களும் எழுதப்பட்டுக்கொண்டே இருக்கின்றன.

இதன் வார்த்தைப் பயன்பாடுகள் நூலை வாசிக்கும் முதல் வாசகருக்கு அதிர்ச்சியையும் வெறுப்பையும் ஊட்டும்.  ஆனால் தமது வாழ்நாளின் இறுதி வரை அதில் கூறப்பட்டவையே தனது மாற்றமுடியாத இறுதியான கொள்கை எனவும், இதில் எந்த ஒரு வார்த்தையையும் மாற்றிக்கொள்ள மாட்டேன் என்றும்  உறுதியுடன் கூறிவந்தார் மகாத்மா காந்தி.

கரோனா

கரோனா, 2019-ன் இறுதியில் சீனாவின் வூஹான் மாகாணத்தில் வெளிப்பட்ட வளர்ச்சி முழுமை பெறாத - அரைகுறையான மரபணு ஆர்என்ஏ கொண்ட - குறை பிரசவ வைரஸ். இது புதிதல்ல, பல ஆண்டுகளாக ஆராய்ச்சி செய்யப்பட்டு வரும் வைரஸ் குடும்பத்தில் ஒன்றே கோவிட் 19 என்பது. இனிவரும் காலங்களில் இதன் பல்வேறு வடிவங்கள் தொடர்ந்து உருவாவதைத் தடுக்க முடியாது என்கின்றனர் விஞ்ஞானிகள்.

இதுவரை வெல்ல முடியாது நம்முடன் வாழ்ந்து வரும் சளி, இருமல் (சாதாரண ஜலதோஷம்) போல குணமாக்கும் மருந்துகள் ஏதுமற்ற அதே வகை நோயே கரோனா. போலியோ, ட்டி.ப்பி.ட்டி.  எனப்படும் முத்தடுப்பு போல விரைவில் இதற்கும் ஒரு தடுப்பூசி கண்டுபிடிக்கப்படும். எனினும், நாம் பாம்பு, புலி, சிறுத்தை, கடற்சீற்றம், நிலநடுக்கம் ஆகியவற்றுடன் வாழ்வது போல வாழக் கற்றுக்கொள்ள வேண்டும். பயந்து, ஒளிந்துகொள்ள முடியாது. இணைந்து பாதுகாப்பாக வாழப் பழக வேண்டும், அவ்வளவே.  

கரோனாவும் இந்திய சுயராஜ்யமும்

மொட்டைத்தலைக்கும் முழங்காலுக்கும் முடிச்சுப் போடுவது போல், அப்துல் காதருக்கும் அமாவாசைக்கும் என்ன சம்பந்தம் என்பது கேட்பது நியாயமே. ஆனால் கரோனா இயற்கையின் ஒரு அங்கம். மனிதனைப் போல வைரஸும் இயற்கைச் சங்கிலியின் ஒரு கண்ணியே. இதை ஒழிக்க முடியாது. இதனுடன் வாழ்வது எப்படி எனும் வாழ்வியல் பாடம் கற்பதே அவசியம். வாழும் முறை தெரிந்துகொண்டால் எதனுடனும் வாழலாம். முதுமையே காணப்படாத பனிப்பாலையிலும், மணற்பாலை வனத்திலும் மனிதர்கள் வாழ்ந்து கொண்டுதான் உள்ளனர்.

காந்தியின் இந்திய சுயராஜ்யம், வாழ்வுமுறை மாற்றம் கூறும் நூலே. இதை இந்தியருக்கான நூல் என்றோ 20 ஆம் நூற்றாண்டுக்கான நூல் என்றோ எல்லை இட்டு அடைத்துவிட முடியாது. அதை எந்த நாட்டுக்கும், எந்தக் காலகட்டத்திற்கும், எந்தக் கேட்டிற்கும் தீர்வு காணத் தக்க திருக்குறளாக விரித்துப் பயன்படுத்த முடியும் என்பதாலேயே இன்றும் அது தொடர்ந்து பேசப்பட்டு வருகிறது.

எனவே, இன்றைய காலகட்டத்தின் தேவையான வாழ்வுமுறை மாற்றத்திற்கு இந்திய சுயராஜ்யத்தின் சில பகுதிகள் எப்படி வழிகாட்டி உதவ முடியும் என்பதை ஆராய்வதே இக்கட்டுரையின் அடிப்படையான நோக்கம்.

மனிதனை ஒழுங்குபடுத்து, உலகம் ஒழுங்காகும் என்பார்கள். இதையே காந்தி, மாற்றத்தின் முதற்புள்ளியாக நீ மாறு என்பார். எனவே நம்மை, நம் செயல்பாடுகளை, சிந்தனைகளை, அணுகுமுறைகளை மாற்றி, கரோனாவுடன் இயைந்து வாழ காந்திஜியின் இந்த சிறுநூல் எப்படி உதவும் என்பதைக் காண்போம். தொடர்ந்து, காந்தி நம் வாழ்வின் மாற்றங்கள் ஒவ்வொன்றுக்கும் இச்சிறு நூல் மூலம் வழிகாட்டுவார் என்பதை உணர்வோம். 

நகரமயமும் கரோனாவும்

மனிதன் போல, மரம் போல, யானை போல இயற்கையின் ஒரு அங்கமே கோவிட் 19. இயற்கையை அழிப்பதன் மூலம் இங்கு வாழும் உயிரினங்களின் வாழ்விடத்தை அழிக்கிறோம்.  வாழ்விடமிழந்த அவை நம்மிடம் தேடி வருகின்றன. இயற்கை அழிப்பு என்பது மனிதப் பேராசையின் ஒரு வடிவமே.

காந்தி தன்னிறைவு, தற்சார்பு வாழ்வுமுறை, வாழ்விடம் பற்றி மிகவும் வலியுறுத்துபவர்.  இந்தியாவின் பெரும்பான்மை மக்களை இடம் பெயரச் செய்து மலிவுக் கூலிகளாக நகர்ப்புறக் குடிசைப் பகுதிகளில் மோசமான வாழ்வுச் சூழலுக்குத் தள்ளும் முதலாளித்துவ நகர்மய, எந்திரமய வாழ்வு முறைக்கு மாற்றாக கிராமமய தன்னிறைவு கிராம சுயராஜ்யத்தை வலியுறுத்தினார்.

தன்னைச் சுற்றிய 5-10 கிலோ மீட்டர் பகுதியில் கிடைக்கும் மூலப்பொருள்கள், உணவு கொண்டு வாழ்வதே தற்சார்பு என்றார். நகரம் வாழ்வு தரும், வளம்  தரும் என்று ஓடிய கிராம மக்களைச் சுரண்டிய தொழிற்சாலைகளை மூடிய பின் நீ எக்கேடு கெட்டால் என்ன என்று அநாதைகளாகப் பட்டினியில் சாக விட்டதே நகர்மையத் தொழில் மையம். இன்று விரட்டியடிக்கப்பட்டு நகரங்களிலிருந்தும், வெளிநாடுகளிலிருந்தும் கிராமங்கள் நோக்கி கால்நடையாக வரும் மக்கள் தமது நகர வாழ்வுக் கனவைவிட்டுக்  கிராமங்களைத் தமது நிரந்தர வாழ்விடமாக ஏற்க வேண்டும்.

நமது கல்வி, தொழில் அனுபவம், செல்வம், உழைப்பு கொண்டு தமது கிராமத்தைத் தன்னிறைவுமிக்க பொன்னுலகமாக மாற்றி கிராம சுயராஜ்யத்தை உருவாக்க காந்தியின் இந்திய சுயராஜ்யம் வழிகாட்டுகிறது. சமூக இடைவெளிக்கு நிச்சயமாக நகரம் உகந்த இடமாக முடியாது. கிராமங்களை மேம்படுத்துவது அல்லது அப்துல் கலாமின் நவீன வசதிகள் கொண்ட ”புறா”வாக்குவதே, இனிவரும் தொடர் நோய்ப் பரவல் காலத்திற்கு உகந்த நிரந்தரத் தீர்வாகும்.

கரோனாவும் நாகரிகமும்

    நவீன நாகரிகத்தை காந்தி ஒரு கனவு நோய், வீண் மாயக் கற்பனை என்கிறார். உடல் இன்பம், நுகர்வு வெறி, ஆடம்பரம், உழைப்பின்மை, கும்பல் நடத்தை, பணவெறி ஆகியவற்றின் அடித்தளத்தில் உருவாக்கப்பட்டதே இந்த நாகரிகம். இது தன்னைத்தானே அழித்துக் கொள்ளும் சாத்தான் என்கிறார்.

இதைக் கரோனா முழுமையாக நிரூபித்துள்ளது. நகர ஆடம்பர ஜொலிப்பில் கரைந்த மத்தியதர வர்க்கம், வீடு, கார், நுகர்வு ஆகியவற்றுக்கென கடனில் மூழ்கி, இக்காலத்தை எப்படிக் கடக்கப் போகிறோம் என்ற அச்சத்திலும் அதிர்ச்சியிலும் மூழ்கியுள்ளது.

நாகரிகம் என்பதன் பொருளே நன்னடத்தைதான் என்கிறார் காந்தி. சிலரின் ஆடம்பரம் பலரின் வாழ்வை அழித்து உருவாவதே. நகரங்களில் பெரும் செல்வங்களை உருவாக்கிவிட்டு மனதிலும் தலையிலும் சுமையுடன் நடந்து செல்லும் கிராமப்புற அநாதைகளின் வாழ்வு இதை உணர்த்துகிறது. நகரங்கள் ஏழை மக்களை அழுத்திக் கொல்லும் கண்ணிகளே என்பது புரிகிறது. அங்கு வறியவர்களை வதைத்துப் பணக்காரர்களே வாழ்வார்கள் என்பதைப் புரிந்துகொண்ட பின்னரே இந்த நீண்ட பயணத்தைத் துவக்கியுள்ளனர்.

நமது எதிரிகள், அடிமைப்படுத்தியவர்கள் எனும் ஐரோப்பியர், வியாபாரம் செய்யவே வந்தவர்களை, நமது பேராசை, உட்பூசலால் அவர்களை அழைத்து நாமே ஆட்சியைக் கொடுத்தோம் என்கிறார் காந்தி.

அதுபோல நமது வளர்ச்சிப் பேராசையால் காடுகளை அழித்து நகரங்களாக்கினோம். வளர்ச்சி, பணப் பேராசையால் காற்று, நீர், மண், உணவு என அனைத்தையும் மாசுபடுத்தி வியாதிகளை வலிய வரவழைத்துக்கொண்டுள்ளோம். அதில் ஒன்றே கரோனா என்கின்றனர் விஞ்ஞானிகள். இதுவரை ஏழைகளையும், வளர்ச்சி குன்றிய நாடுகளையும்  மட்டுமே தாக்கி வந்த தொற்றுநோய்கள் இன்று பணக்கார நாடுகளையும், மன்னர்களையும், சீமான்களையும் தாக்குகிறது என்பதால்தான் இத்தனை கூச்சலும் ஆர்ப்பாட்டமும்.

கரோனாவும் மருத்துவமும்

பொதுவாக நவீன மருத்துவர்களை காந்தி வெறுப்பவர், கடுமையாக விமர்சிப்பவர் என்ற கருத்து உண்டு. அவர் மனிதநேயமற்ற வணிகமயமாகும் எதையும் கடுமையாகச் சாடுபவரே. அதுபோல மருத்துவம், இந்திய மன்னர்களை அச்சுறுத்தி வெள்ளையருக்கு அடிமைப்படுத்தப் பயன்பட்டு வருவதைக் கண்ட அவர், அவர்களைவிடப் போலி மருத்துவர்களே மேல் என்றார். நோய் நாடி, நோய் முதல் நாடி என்ற அடிப்படை தவறி மருந்து கொடுத்துத் தற்காலிகத் தீர்வு தருவதையும் அதற்கு அளவின்றிக் கட்டணம் வசூலிப்பதையும் கண்டித்தார்.

நோய் உண்டாகக் காரணம் என்ன, அதை எப்படித் தவிர்ப்பது என்பது பற்றி அறிவுரை கூறும் டாக்டர்கள் இன்று எத்தனை பேர்? கரோனா உண்டாகக் காரணம் என்ன? நமது அதீத அதிகாரவெறியால் ஆதிக்க உணர்வால் சீனாவும், அமெரிக்காவும் நடத்தும் உயிரிப் போர் (BIOLOGICAL WAR - பயாலஜிகல் வார்) என்கிறது ஒரு கட்சி, கண்மூடித்தனமாக இயற்கையை அழித்தது என்கிறது இன்னொரு கட்சி. இவை பற்றி, அவற்றைத் தடுத்தால் நோய் வராது என்று பேசும் மருத்துவர் உண்டா?

உலக சுகாதார நிறுவனம், கரோனா அதிவேகமாகப் பரவிக் கொல்லும் நோய்,  இதற்குத் தனிமைப்படுத்தல் தவிர வேறு மருந்தில்லை என்று அறிவித்துவிட்டது. இதனால் லாபமில்லாத ஆபத்தான இந்த நோயைக்  குணப்படுத்த நாம் ஏன் வேலை செய்ய வேண்டுமென கார்ப்பரேட் மருத்துவமனைகளும், மருத்துவர்களும் பாதுகாப்பாக ஒளிந்துகொண்டனர். எல்லா நோய்க்கும் எம்மிடம் மருந்துண்டு என்று மருத்துவத்தை முற்றிலும் வணிகமயமாக்கிய கார்ப்பரேட் மருத்துவமனைகளின் திறமை என்ன என்பதை கரோனா அம்பலப்படுத்திவிட்டது. நாம் தரக்குறைவானது என்று ஒதுக்கிய அரசு மருத்துவமனைகளும், மருத்துவத் துறையினருமே சமூகக் காவல் தெய்வமாகியுள்ளனர். தனியார் லாபத்திற்கான மருத்துவத்தை எதிர்த்து விமர்சித்த காந்தியின் நிலைப்பாடு எத்தனை சரியானது என்பதை இன்றைய சூழலில் எவர் மறுக்க முடியும்?

நோயாளிகளுக்கு அன்பு காட்டுவதும், சரியான வாழ்வுமுறையைக் கற்பிப்பதும் ஒரு நல்ல டாக்டரின் கடமை என்கிறார் காந்தி. கொல்லும் கரோனாவுக்கும் இது தவிர வேறு மருந்தில்லை எனத் தெரிந்து சரியான பாதுகாப்பு, சத்தான உணவு, சுத்தமான வாழ்வுச் சூழல் எனும் காந்திய மருத்துவத்தைத் தானே நாம் இப்போது மருத்துவம் எனத்  தந்து கொண்டுள்ளோம்.

கரோனாவும் சமூக ஒற்றுமையும்

மகாத்மா காந்தி இந்திய சுயராஜ்யம் நூலில் இந்தியாவின் வளர்ச்சிக்கும், ஒருமைப்பாட்டுக்கும் அடிப்படைத் தேவை இந்து - முஸ்லிம் நல்லிணக்கமே என வலியுறுத்துகிறார். இந்து மன்னர்களிடம் முஸ்லிம்களும், இஸ்லாமிய ஆட்சியாளர்களிடம் இந்துக்களும் மகிழ்ச்சியாக வாழ்ந்துள்ளனர். தமது நலன் பாதிக்கப்படாத வரை மக்கள் மதங்களைப் பகையாகக் கருதாமல், குடிமக்கள் என்ற வகையில் நிறைவுடனேயே வாழ்ந்துள்ளனர். பின்னர் உருவான மதவாத இயக்கங்களாலேயே சமூக அமைதி குலைந்தது என்கிறார் காந்தி.

இன்று இஸ்லாமியரால்தான் கரோனா பரவியது என ஒரு பிரச்சாரம் பரப்பப்பட்டது. கூட்டம், கொண்டாட்டம், மத வழிபாடு எனபன நமது மக்களின் இயல்பான பங்கு. எல்லா மதங்களும் அரசியல் கட்சிகளும்  அரசும்கூட மாறிமாறி ஜனவரியில் கூட்டம் கூட்டின. ஆனால், இஸ்லாமியரை மட்டும் குற்றம் சாட்டுவதாக இருந்தது இந்திய அரசமைப்புகளின் நடவடிக்கை. இதனை உலக நாடுகள் அவையும், உலக சுகாதார நிறுவனமும் நமக்கு எண்ணெய்யும்வேலைவாய்ப்பும் தரும் அரபு நாடுகளும் மருத்துவ அறத்திற்கு அப்பாற்பட்ட தவறு என கண்டித்த பின் மதவாதத் தலைவர்கள் ராக்கி கட்டத் துவங்கியுள்ளனர். சமூக நல்லிணக்கத்தைக் கெடுக்கும் மதவாதம் கடந்து நோயை நோயாக மட்டுமே அணுக வேண்டும் என்ற எச்சரிக்கையை கரோனா விடுத்துள்ளது.

கரோனாவும் உடல் உழைப்பும்

கரோனாவுடன் கார்கள் நின்றுபோயின. பயணங்கள் முடிவுற்றன. சாலைகள் வெறிச்சோடின. அலுவலகங்கள், கடைகள், கோவில்கள் மூடிக்கிடக்கின்றன. ஒரு பகுதியினருக்கு வருமானம் தந்த உழைப்பு நின்றுபோனது. மறுபகுதி உழைப்பின்றி வாழ்ந்த வெள்ளைச்சட்டைக்காரர்களும் வீட்டில் வேலை செய்ய ஆளின்றித் தாமே சின்னச்சின்ன வேலைகளைச் செய்யவும் துவங்கியுள்ளனர். காந்தி தன் உழைப்பின்றி உண்பவன் பாவி என்பார். உடல் உழைப்பின் மூலம் மனிதன் வாழ வேண்டுமென்றார். எதற்கும் மணியைத் தட்டி வேலை வாங்கும் மனிதர்களைக் கரோனா வேலை செய்ய வைத்துள்ளது. ஆலைகளில் எந்திரங்களின், எந்திர இயக்கமின்றிக் காற்று சுத்தமாகியுள்ளது. வீட்டு வேலை என்பது பெண்களுக்கே என்பது மாறி சமநீதியைக் கரோனா நிலைநாட்டியுள்ளது.

கரோனாவும் ரயிலும்

டாக்டர்களையும் வழக்கறிஞர்களையும் தறி நெய்யப் போகலாம் என்ற காந்தி, ரயிலை நோய் பரப்புவது, பஞ்சத்திற்கும் பதுக்கலுக்கும் பாவங்களுக்கும் காரணமானது என்று குற்றம் சாட்டி மக்களின் வெறுப்புக்கு ஆளானார் காந்தி. புண்ணிய தலங்களுக்கும் கோவில்களுக்கும் எளிதாக ரயிலில் போவதை, காசியை அசிங்கமாக்கும் பக்தியைக் கண்டித்தார்.

இன்று ரயில்கள்,கார்கள், விமானங்கள் எதுவும் ஓடவில்லை. உலகம் நிம்மதியாக நடந்துகொண்டிருக்கிறது. நாளேடுகளைப் பக்கம் பக்கமாக அடைத்த விபத்துச் செய்திகளில்லை. பெட்ரோல் செலவின்றிக் காற்று சுகமானதாகியுள்ளது. காந்தி சொன்ன வாழ்வைக் கரோனா நிஜமாக்கியுள்ளது. படுவேகத்துடன் கூடிய பயணங்கள் எத்தனை தேவையற்ற பயணங்கள் என்பதை அனைத்துத் தரப்பினருக்கும் கரோனா உணர்த்தியுள்ளது.      

கரோனாவும் கல்வியும்

கல்வியே ஒரு நல்ல மனிதனை உருவாக்குவது. எனவே அத்தகைய பொறுப்புள்ள மனிதர்களை வெள்ளையருக்கு குமாஸ்தாக்களை உருவாக்கும் மெக்காலே கல்வி தராது என்பதால் புதிய இந்தியாவுக்காகப் புதுமைக் கல்வியாக 'நயீதலீம்' கல்வியை உருவாக்கினார். ஒரு நேரம் படிப்பு, ஒரு நேரம் உடல் உழைப்பு, உற்பத்தி, வருவாய் ஈட்டல், தன்னிறைவுக்கான கல்வியை அதில் வழங்கினார். இன்று பள்ளிகள் நான்கு மாதங்களாக மூடப்பட்டுவிட்டன. தேர்வுகள் நடக்கவில்லை. மாணவர்கள் மகிழ்ச்சியாக உள்ளனர். வீட்டுக் காய்கறித் தோட்டம், தச்சு, விவசாயம், பானை செய்தல், செருப்புத் தைப்பது, வரை மாணவர்கள் உயர்வு தாழ்வன்றி அனைவரும் அனைத்தையும் கற்க வேண்டுமென்றார். அப்படி ஒரு கல்வியை மாணவர்கள் பெற்றால் வருமானமின்றி வாடும் இந்நாள்களில், பெற்றோர்க்கு எத்தனை உதவியாகப் பிள்ளைகள் இருக்க முடியும். நமது கல்விமுறை சமூகத்திற்கும், வீட்டுக்கும், தனக்கும் உதவும் பிள்ளைகளை உருவாக்குவதாக உள்ளதா? கல்வியைச் சந்தைச் சரக்காக்கியுள்ளோம். ஆசிரியர்கள் தனியார் பள்ளிகளில் குறைந்த கூலிக் கொத்தடிமைகளாக வேலை நேரக் கட்டுப்பாடின்றி உழைக்கின்றனர். பல கோடி செலவில் கட்டப்பட்ட குளிரூட்டப்பட்ட மார்ச்சுவரிகள் போன்ற கல்விக் கூடங்களை இனி எப்படி நடத்தப் போகிறோம் என்ற அதிர்ச்சியால் உறைந்துள்ளனர் கல்வித் தந்தைகள். அவை எதுவுமின்றி உயர்தரமான கல்வியை நாள் முழுவதும் தர முடியும் என்பதை இணையக் கல்வி உணர்த்தியிருக்கிறது.

கரோனாவுக்குப் பின் ஏழை, நடுத்தரக் குடும்பத்தின் பிள்ளைகளுக்கான காந்திய புதுமைக் கல்வியே, மகிழ்ச்சி, தற்சார்பு, சமூக அக்கறை கொண்ட மாணவர்களை உருவாக்கும் என்பது திண்ணம்.

இந்திய சுயராஜ்யம் நூலின் இறுதியில் மனிதர்கள் தமது தவறுகளை உணர்ந்து பிராயச்சித்தம் செய்ய வேண்டிய காலம் இது என்கிறார் காந்தி. இது இக்காலத்திற்கு மிகவும் பொருத்தமானது. நாம் இயற்கையை அழித்தோம். பேராசையால் மாசுகள் குவித்தோம், பணமே பெரிது, எதை இழந்தும் பணம் குவிப்பது என்றோம். இன்று பணத்தைவிட உயிர் வாழ்வது முக்கியமானது என்பதைக் கரோனா உணர்த்தியுள்ளது. உலகைத் திருத்தும் முன் மனிதர்கள் தம்மைத் திருத்திக்கொள்வது முதன்மையானது என்பதை உணர்த்துகிறது கரோனா.

கரோனா நாம் விரும்பாத ஏற்க முடியாத புதிய வாழ்வு முறையை நம் முன் வைக்கிறது. இந்திய சுயராஜ்யத்தில் காந்தி சொல்லியிருப்பது போன்றே நாம் ஏற்க முடியாத நிபந்தனைகள் அவை, ஆனால் அந்தக் கசப்பு மருந்துதான் நம்மைக் கொல்லும் நோயிலிருந்து நம்மையும் உலகையும் காக்கும் வல்லமை மிக்கதாக உள்ளது.

21 ஆம் நூற்றாண்டில் தொற்று நோய்களின் காலம் முடிந்து, வாழ்வியல் சார்ந்த நோய்களின் காலம். நமது வாழ்வுமுறைகளை மாற்றிக்கொண்டால் மட்டுமே இனி வாழ முடியும். கரோனா புதிய வாழ்வுமுறையை நம் முன் வைக்கிறது. சர்க்கரை, ரத்த அழுத்தம், புற்றுநோய், விபத்து எனும் கொடிய கொல்லும் நோய்கள் நமது தவறான வாழ்வுமுறையாலேயே உண்டாகின்றன.

  • தனிமனிதத் தூய்மை, சுத்தம், சமூகத் தனிமை, எளிய வாழ்வு என்பன காந்தி சொன்னது மட்டுமல்ல, கரோனா நோயிலிருந்து தப்புவதற்கு அதுவே வழி என்கின்றனர் மருத்துவர்கள். மருந்து எதுவுமில்லை. மருந்தென வேண்டாவாம் என ஓய்வும் தனிமையும் சத்தான உணவுமே மருத்துவமனைகளில் தரப்படுகின்றன.
  • கூட்டம் தவிர்த்தல், சமூக இடைவெளி, கண்ட இடங்களில் எச்சில் துப்பாமை, பயணங்கள் தவிர்த்தல், ஆடம்பரம் தவிர்த்தல், சிக்கனம், வெந்நீர் குடிப்பது, சுற்றுச்சூழல் தூய்மை எனக் காட்டப்படும் வழிகாட்டல்கள் யாவுமே காந்தி தன் ஆசிரமத்தில் கடைப்பிடித்தவையே.
  • பேருந்துகள், கார்கள், ரயில்கள், விமானங்கள் யாவும் நோய் பரப்புவன என்று நிறுத்திவைக்கப்பட்டுள்ளது. இதுவும் காந்தி, இந்திய சுயராஜ்யத்தில் கூறியவையே.
  • லாப நோக்கம் கொண்ட மனிதநேயம் மிக்க மருத்துவத்தை அரசு மட்டுமே தர முடியும், தர வேண்டும் என்பதும் இந்திய சுயராஜ்யம் வலியுறுத்தியதே. வணிகமயமாகாத கல்வியும், மருத்துவமும், விடுதலை இந்தியாவின் செயல்பாடாக வேண்டுமென்றார் காந்தி.
  • காரணம் காட்டி மதப் பகைமை வளர்ப்பதை, தமக்கு ஏற்க முடியாததைச் சொல்பவர்களைத் தேசத்துரோகிகள் என்பதையும் இந்திய சுயராஜ்யம் எதிர்க்கிறது.

மொத்தத்தில் 1908-ல் எழுதப்பட்ட இந்திய சுயராஜ்யம் நூலின் மூல கருத்துகள் கரோனா காலத்திலும் நமக்கு வாழும் முறைமை கூறும் வழிகாட்டியாக ஒளி வீசுகின்றன.

நகர வாழ்வின் வளர்ச்சி, பேராசை, மிகை உற்பத்தி, அடர்த்தியான குடியிருப்பு, ஆரோக்கியமற்ற சூழல் என்பனவற்றிற்கு மாறாக கிராமத்தின் காற்றோட்டமான, தூய்மையான, தற்சார்பு வாழ்வுச் சூழலே இனி நம்மை மருத்துவப் பேரிடர்களிலிருந்து மனித குலத்தைக் காக்க வல்லது என்பதைக் கரோனா நமக்கு பலமாக உணர்த்தியிருக்கிறது.

காந்திஜியின் கிராம சுயராஜ்யம் இந்திய சுயராஜ்யத்தின் நலவாழ்வுத் தேவையென்பதைக் கரோனா புரிய  வைத்திருக்கிறது. இந்தப் புதிய வாழ்வு முறைமையை மகாத்மா காந்தி தெளிய வைத்துள்ள இந்திய சுயராஜ்யத்தின் வழி வாழத் தொடங்குவோம்.

[கட்டுரையாளர்- தலைவர்,

தமிழக பசுமை இயக்கம்]

]]>
gandhi, swarajya https://images.dinamani.com/uploads/user/imagelibrary/2020/5/26/w600X390/mk.jpg https://www.dinamani.com/latest-news/sub-latest-news/2020/may/26/corona-and-mahatmas-indian-swarajya-3419416.html
3419386 தற்போதைய செய்திகள் தற்போதைய செய்திகள் சிறுநீர்க் கழிப்பிடங்கள் ஒழியும்? DIN DIN Monday, May 25, 2020 12:45 PM +0530  

கரோனா நோய்த் தொற்று மற்றும் நோயச்சம் காரணமாக விரைவில் சிறுநீர்க் கழிப்பிடங்கள் முற்றிலுமாகக் காணாமல்போய், வரலாற்றின் பக்கங்களில் மட்டுமே இடம்பெற்றுவிடக் கூடும் போல.

கரோனாவுக்குப் பிந்தைய உலகில் நோய்த் தொற்றைத் தடுப்பதற்கான முன்னெடுப்பில் சிறுநீர்க் கழிப்பிடங்களை  அகற்றுவதும் ஒன்றாகிவிடும் என்கிறார்கள் கழிப்பிடங்கள் தொடர்பான வல்லுநர்கள்.

கால்களில் இயக்கும் நீரடிப்பு வசதி போன்றவற்றைப் பொதுக் கழிப்பிடங்களில் அறிமுகப்படுத்துவதன் மூலம் அவற்றை நோய்த் தொற்றில்லாதனவாக மாற்ற அரசுகளும்   வணிக நிறுவனங்களும் தொழிற்சாலைகளும் நடவடிக்கை எடுக்க வேண்டும் என்கிறார் பிரிட்டிஷ் கழிப்பிட அமைப்பின் (பிரிட்டிஷ் டாய்லெட் அசோசியேஷன்) மேலாண் இயக்குநர் ரேமண்ட் மார்ட்டின்.

வரிசைகளிலான சிறுநீரகக் கழிப்பிடங்களை அமைப்பதற்குப் பதிலாகத் தனித்தனிச் சிற்றறைகளை அமைக்கலாம் என்று பிரிட்டனிலுள்ள ஹோட்டல் தொழில்துறையினர் யோசனை தெரிவித்துள்ளனர்.

ஒட்டுமொத்தமாகக் கழிப்பிடங்களை மாற்றியமைப்பது என்பது பெருஞ்செலவு பிடிக்கக் கூடிய ஒன்றாக இருந்தாலும் நாட்டில் இயல்பு நிலை திரும்புவதில் கழிப்பிடங்களுக்கும் மிக முக்கிய பங்கிருக்கிறது என்பதை மறந்துவிடக் கூடாது என்றார் ரேமண்ட் மார்ட்டின்.

]]>
urinals, vanish https://images.dinamani.com/uploads/user/imagelibrary/2020/5/25/w600X390/toi.jpg https://www.dinamani.com/latest-news/sub-latest-news/2020/may/25/urinals-may-soon-vanish-3419386.html
3418811 தற்போதைய செய்திகள் தற்போதைய செய்திகள் காலனும் கிழவியும் - புதுமைப்பித்தன் புதுமைப்பித்தன் DIN Sunday, May 24, 2020 05:00 AM +0530  

     வெள்ளைக்கோயில் என்றால் அந்தப் பகுதியில் சுடுகாடு என்ற அர்த்தம். ஆனால் அது ஒரு கிராமமும்கூட. கிராம முனிஸீபு முதலிய சம்பிரமங்கள் எல்லாம் உண்டு. ஊர் என்னமோ அப்படி அப்படித்தான்.

'வெள்ளைக்கோயிலுக்குப் போகிறேன்' என்றால் உலகத்திடம் செலவு பெற்றுக்கொள்வது என்பது அந்தப் பகுதிவாசிகளின் வியாக்கியானம். ஆனால், வெள்ளைக்கோயிலுக்குப் போய்த் திரும்பி வருகிறவர்களும் பலர் உண்டு. ஏன், சுப்பு நாடான் தினசரி காலையும் சாயங்காலமும் அங்கு போய்த்தான் ஏழை மக்களுக்குக் கஷ்டத்தை மறக்க வைக்கும் அமுதத்தை இறக்கி வருகிறான். மாடத்தி தினசரி அங்கு போய்த்தான் சுள்ளி பொறுக்கிக்கொண்டு திரும்புகிறாள். ஆனால் இப்படித் திரும்புகிறவர்களைப் பற்றி மட்டிலும் நினைவு வருகிறதில்லை போலும் அவ்வூர்வாசிகளுக்கு.

     அந்தப் பிரதேசத்திற்குச் சென்றும் வெறுங்கையுடன் திரும்பி வரும் நிலைமை ஒரே ஓர் ஆசாமிக்கு ஏற்பட்டது. அவர்தான் தர்மராஜா.

     இந்தச் சமாசாரத்தைப் பற்றி வெள்ளைக்கோயில்காரருக்குத் தெரியாது. ஏனென்றால், மருதாயி, புகையும் சுடுகாட்டுக்கும் சலசலக்கும் பனைவிளைக்கும் இடையில் உள்ள ஒரு குடிசையில் வசிக்கும் கிழவி.

     மருதாயிக்கு இந்த விளையில் பனைகள் சிறு விடலிகளாக நின்றது தெரியும். அது மட்டுமா? கும்பினிக்காரன் பட்டாளம் அந்த வழியாகச் சென்றது எல்லாம் தெரியும். அந்தக் காலத்தில் மருதாயியின் பறையன் நல்ல செயலுள்ளவனாக இருந்தான். வஞ்சகமில்லாமல் குடிப்பான்.

     மருதாயிக்கு அந்தக் காலத்திலேயிருந்த மிடுக்கு சொல்லி முடியாது. அறுப்புக்குச் சென்றுவிட்டு, களத்திலிருந்து மடி நிறையக் கொண்டுவரும் நெல்லை, கள்ளாக மாற்றுவதில் நிபுணி. சதிபதிகள் இருவரும் இந்த இலட்சியத்தை நோக்கி நடந்தால் வெள்ளைக்கோயில் பக்கம் குடியிருக்காமல் வேறு என்ன செய்ய முடியும்?

     மருதாயிக்கு பிள்ளைகள் பிறந்தன. அவையெல்லாம் எப்பவோ ஒரு காலத்தில் நடந்த சமாசாரம் - கனவு போல, இப்பொழுது பேரன் மாடசாமியும், எருமைக்கிடாவுந்தான் அவளுடைய மங்கிய கண்கள் கண்ட உண்மைகள். கிடாவை வெளியில் மேயவிட்டுக் கொண்டுவருவான் பேரன். கிடாவும், நன்றாகக் கருகருவென்று ஊரார் வயலை மேய்ந்து கொழுத்து வளர்ந்திருந்தது. வாங்குவதற்கு ஆள் வருவதை மாடசாமி எதிர்பார்த்திருந்தான்.

     மாடசாமி அவளுடைய கடைக்குட்டிப் பெண்வழிப் பேரன். கொஞ்சம் துடியான பயல். பாட்டனின் ரத்தம் கொஞ்சம் ஜாஸ்தி. அதனால்தான் மாடு மேய்க்கிற 'சாக்கில்' கிழவியைக் குடிசையில் போட்டுவிட்டுப் போய்விடுவான். அவனுக்கு ஒரு பெண்ணைக் கட்டிவைத்துவிட்டால் தனக்கு இந்தக் குடிசைக் காவல் ஓயும் என்று நினைப்பாள் கிழவி. தன் கைக்கு ஒரு கோல் போல அவளுக்கும் ஒரு உதவிக்கட்டை தேவை என்று நினைத்தாள்.

     காலத்தின் வாசனை படாத யமபுரியில் சிறிது பரபரப்பு. யம தர்மராஜா நேரிலேயே சென்று அழைத்து வரவேண்டிய ஒரு புள்ளியின் சீட்டுக் கிழிந்துவிட்டது என்பதைச் சித்திரபுத்திரன் மகாராஜாவிடம் அறிவித்தான். சித்திரபுத்திரனுக்கு ஓலைச் சுவடிகளைப் பார்த்துப் பார்த்தோ என்னவோ சிறிதுகாலமாகப் பார்வை அவ்வளவு தெளிவில்லை.

     நேற்றும் இன்றும் அற்ற லோகத்தில் மாறுதல் ஏற்படுவது ஆச்சரியந்தான். இருந்தாலும் உண்மையை மறைக்க முடியவில்லையே!

     தர்மராஜாவின் சிங்காதனத்தின் மேல் அந்தரத்தில் தொங்கும் ஒளிவாளின் மீது மாசு படர்ந்துவிட்டது - காரணம், மகாராஜனின் தொழிலிலும் மனத்திலும் மாசு படர்ந்ததால் என்று கிங்கரர்களுக்குள் ஒரு வதந்தி. மகாராஜாவும் தம் முன்வரும் உயிர்களுக்கு நியாயம் வழங்கும் போதெல்லாம் அடிக்கடி உயர அண்ணாந்து வாளைப் பார்த்துக்கொள்வாராம்.

     போருக்கு முதல்வனையும் ஊருக்கு முதல்வரையும் மகாராஜாவே நேரில் சென்று அழைத்துவர வேண்டும் என்பது சம்பிரதாயம். காலத்திற்கு அதிபதியான மன்னன் அந்தக் கைங்கரியத்தைச் செய்வதில் மனக் குழப்பம் ஏற்பட்டது.

     பூலோகத்திலே, குறிப்பாக வெள்ளைக்கோயிலிலே, அப்போது அஸ்தமன சமயம். பேய்க்காற்று யமதர்மராஜனின் வருகையை அலறி அறிவித்தது. பனைமரங்கள் தங்கள் ஓலைச் சிரங்களைச் சலசலத்துச் சிரக்கம்பம் செய்தன. சுடுகாட்டுச் சிதையில் வெந்து நீறாகும் வாத்தியார் உடல் ஒன்று கிழவிக்குக் கிடைக்கப் போகும் பெருமையைக் கண்டு பொறாமைப் புகையைக் கக்கித் தன்னையழித்துக் கொண்டது. எங்கிருந்தோ ஒரு கூகையின் அலறல்.
 

     ஓடிப்போய்ப் பேயாக மாறியாவது தனக்குக் கிடைக்கப்போகும் சித்திரவதைகளிலிருந்து தப்ப முயலும் வாத்தியார் உயிரை மறித்து, தூண்டிலில் மாட்டி, மேல் நோக்கிப் பறக்கும் கிங்கரர்கள், மகாராஜா தூரத்திலே வருவதைக் கண்டு வேகமாக யமபுரியை நோக்கிச் செல்லலானார்கள்.

     எங்கிருந்தோ ஒரு நாய் தர்மராஜனின் வருகையை அறிந்துகொண்டு அழுது ஓலமிட்டது.

     கிழவி, குடிசைக் கதவை இழுத்துச் சாத்திவிட்டு இடுக்கான நடையில் வந்து உட்கார்ந்து வெற்றிலைக் குழவியை எடுக்கத் தடவினாள். கை கொஞ்சம் நடுங்கியது. என்றுமில்லாமல் கொஞ்சம் நாவரட்சி ஏற்பட்டது. 'சவத்துப் பயலே அந்திலே சந்திலே தங்காதே. மாட்டே ஓட்டிக்கிட்டு வந்திருன்னு சொன்னா, மூதி...' என்று சொல்லிக்கொண்டே தண்ணீர்க் கலயத்தை எடுத்தாள்.

     புறக்கடையில் திடுதிடுமென்று எருமைக் கிடா வந்து நின்றது. அதன் மேலிருந்த கறுத்த யுவன் குதித்தான்.

     "ஏலே மாடா, எத்தினி தெறவேதான் ஒன்கிட்டச் சொல்லி மாரடிக்க, மூதி, தொளுவிலே கட்டி, பருத்தி விதையெ அள்ளி வய்யி, பாளையங்கோட்டை எசமா வந்திருந்தாவ. நாளைக்கி கிடாவெ கொண்டாரச் சொன்னாவ!" என்றாள் வந்தவனைப் பார்த்து.

     வந்தவன்தான் எமதர்மராஜா.

     'பாவம் கிழவிக்கு அவ்வளவு கண் பஞ்சடைந்து போய்விட்டதா?' என்று அவன் மனம் இளகியது. கிழவியின் கடைசி விருப்பத்திற்குத் தடையாக ஏன் இருக்க வேண்டும் என்று எருமையைத் தொழுவில் கட்டிவிட்டு, பருத்தி விதையை அள்ளிவைத்தான். பூலோகத் தீனியைக் கண்டிராத எருமை திருதிருவென்று விழித்தது.

     கிழவி திடுக்கிட்டுவிடாமல் இதமாக வந்த காரியத்தைத் தெரிவிக்க வேண்டும் என்று நினைத்துக்கொண்டு, குனிந்து குடிசைக்குள் நுழைந்தான் யமன்.

     "ஏலே அய்யா, அந்த வெத்திலைச் சருகை இப்பிடித் தள்ளிப் போடு!" என்றாள் கிழவி.

     வெற்றிலையை எடுத்துக்கொடுத்துவிட்டு, "அதிருக்கட்டும் கிழவி, நான் யார் தெரியுமா? என்னை நல்லாப் பாரு! நான்தான்..." என்று ஆரம்பித்தான் எமன்.

     "என்ன குடிச்சுப்பிட்டு வந்தியாலே! எனக்கென்ன கண்ணு பொட்டையாப் போச்சுன்னு நினைச்சிக்கிட்டியாலே!" கிழவிக்கு அவன் நின்ற நிலையைப் பார்த்ததும் மத்தியானச் சம்பவம் ஏதோ நினைவுக்கு வந்தது.

     "சிங்கிகொளத்தா மவளே, அவதான் சொக்கி. அவளைப் பார்த்திருக்கியாலே... நேத்துக்கூடச் சுள்ளி பொறுக்க வந்தாளே... அவ அப்பங்காரன் வந்திருந்தான்... உனக்கு அவளெப் புடிச்சுக் கட்டிப் போட்டுட்டா நல்லதுன்னான். என்ன சொல்றே?..."

     காலத்தின் அதிபனான, காலத்தின் எல்லைக்கு அப்பாற்பட்ட யமதர்மராஜன் நடுநடுங்கினான்.

     "நான்தான் யமதர்மராஜன்!" என்று அவனது வாய் உளறியது. பயப்பிராந்தியில் வாய் உண்மையைக் கக்கியது. ஆனால் அந்த உண்மை கிழவியின் உள்ளத்தில் பயத்தை ஏற்படுத்தவில்லை.

     "குடிச்சுப்பிட்டுத்தான் வந்திருக்கே... ஒங்க பாட்டன் குடிச்சுக் குடிச்சுத்தான் தொலைஞ்சான்... அதான் வெள்ளக்கோயில் குடிசை! நாசமாப் போரத்துக்கு நாலு வளி வேணுமா? விதி யாரை விட்டுது...?" என்றாள்.

     விதியைப் பற்றி நினைத்ததும் கிழவிக்கு என்றுமில்லாத தளர்வு தட்டியது... மூச்சுத் திணறியது... யமனுக்குக் கால்களில் தெம்பு தட்டியது... விதிக்கோலைப் பற்றித் தன் ஆட்சியை நிலைநாட்ட நிமிர்ந்தான்...

     "ஏலே... ஒன் வக்கணையெல்லாம் இருக்கட்டுமிலே, என்னா, எருமை அத்துக்கிட்டு ஓடுது? மறிச்சுப் பிடிச்சா!" என்றாள் கிழவி.

     'ஏதேச்சையாக அலைந்த வாகனத்தைக் கட்டிப்போட்டுப் பருத்தி விதை வைத்தால் நிற்குமா?' என்று நினைத்துக்கொண்டே, வெளியேறி வந்து சமிக்ஞை செய்தான் யமன். வாகனம் வந்து மறைவில் அவன் சொற்படி நின்றது.

     எருமையின் முதுகில் போட்டிருக்கிற பாசக் கயிற்றை எடுத்துக்கொண்டு மறுபடியும் உள்ளே நுழைந்தான் யமன். பாசத்தால் அவளைக் கட்டிவிடலாம் என்று நம்பினான். பாவம்!

     "ஏலே, கயிறு நல்லா உறுதியாக இருக்கே, எங்கலே வாங்கினே? ஒங்க பாட்டனிருந்தாருல்லே, அவருக்கு அப்பங்க காலத்துலேதான் இது மாதிரி கெடைக்கும். அங்கென சுத்தி ஒரு கொடியாக் கட்டிப் போட்டு வய்யி, ஒண்ணுக்குமில்லாட்டா நாலு ஓலையையாவது சேத்துக் கட்டிக்கிட்டு வரலாம்!" என்றாள்.

     பாசக் கயிற்றின் நுனியைக் கூரையைத் தாங்கும் விட்டத்தில் கட்டிக்கொண்டே, நான் அவள் பேரன் அல்லன் என்பதை இந்தக் கிழவிக்கு எப்படித் தெளிவுபடுத்துவது என்று எண்ணியெண்ணிப் பார்த்தான். தனது சுய உருவைக் காண்பித்தால் - பயந்துவிட்டால் என்ன செய்வது என்ற நினைப்பு... வேறு வழியில்லை...

     'ஏ, கிழவி, என்னை இப்படி திரும்பிப் பார்!" என்று அதிகாரத்தொனியில் ஒரு குரல் எழுந்தது.

     கிழவி திரும்பிப் பார்த்தாள். கூரையின் முகட்டையும் தாண்டி, ஸ்தூலத் தடையால் மறையாமல் யமன் தன் சுய உருவில் கம்பீரமாக நிற்பதைக் கண்டாள்.

     "நீ யாரப்பா! இங்னெ எம் பேரன் நிண்டுகிட்டிருந்தானே, அவனெங்கே?" என்றாள்.

     "நான்தான் யமன்! நான்தான் அவன்; உன் பேரனில்லை!" என்றான் யமன்.

     "அப்படியா சேதி! வா இப்படி இரி" என்றுகொண்டே, வெற்றிலையைத் தட்டத் தொடங்கினாள் கிழவி, "இப்பம் எதுக்கு இங்கெ வந்தே?"

     யமன் அவள் அருகில்வந்து உட்கார்ந்தான். அதனால் நின்றதன் காம்பீரியம் மறைந்துவிட்டது.

     "போருக்கு முதல்வனையும் ஊருக்கு மூத்தவரையும் நான்தான் அழைத்துக்கொண்டு போக வேண்டும்!" என்றான்.

     "அப்பிடின்னா?"

     "நீ என்கூட வர வேண்டும். நீ அப்பொழுது கட்டிப்போடச் சொன்னாயே அது உன் எருமையல்ல, என் வாகனம்..."

     "நான் ஒன்கூட வரணுமாக்கும்! என்னெ கூட்டிக்கிட்டுப் போவ ஒனக்குத் தெறமையிருக்கா? ஒனக்குப் பாதி வேலேகூட சரியாச் செய்யத் தெரியாதே. என்னெக் கட்டோடெ கூட்டிக்கிட்டுப் போவ ஒனக்கு முடியுமா?"
 

     "எனக்கு முடியாத ஒன்று இருக்கிறதா? நான் இதுவரை எத்தனை பேரை அழைத்துச் சென்றிருக்கிறேன் - அது உனக்கெப்படித் தெரியும்? நீ என்ன புராணம் இதிகாசம் படிக்கக் கூடிய ஜாதியில் பிறந்திருக்கிறாயா?..." இப்படிச் சொல்லிக்கொண்டு போகும்பொழுதே யமனுக்குத் தானே தனக்குப் பொய் சொல்லிக்கொள்கிறது போலப் பட்டது; ஏனென்றால் அவனுக்கு மார்க்கண்டன் சமாசாரமும் நினைவுக்கு வந்துவிட்டது.

     "அதெல்லாம் இருக்கட்டும். நீ என்னெக் கூட்டிக்கிட்டு போய்த்தின்னா, நான் இருந்த நெனப்பே, என்னைப் பத்தின நெனப்பே, நான் வச்சிருந்த பொளங்கின சாமானெல்லாம் ஒன்னோடெ எடுத்துக்கிட்டுப் போவ முடியுமா? என்னமோ எமன் கிமன் இன்னு பயமுறுத்திரியே. ஒன் தொழிலே ஒனக்குச் செய்யத் தெரியலியே! அதெத் தெரிஞ்சுக்கிட்டு எங்கிட்ட வா!" என்று காலை நீட்டிக்கொண்டு முழங்காலைத் தடவினாள் கிழவி.

     "என்ன சொன்னாய்! எனக்கா தெரியாது? இதோ பார், உன்னை என்ன செய்கிறேன்!" என்று உறுமிக்கொண்டு எழுந்தான் யமன். அந்தோ! அவன் வீசவேண்டிய பாசக்கயிறு அவனே கட்டிய கொடியாகத் தொங்கியது!

     "உன்னாலெ என் உசிரெத்தானே எடுத்துக்கிட்டுப் போவ முடியும்? இந்த உடலைக் கூடத் தூக்கிட்டுப் போவ உனக்குத் தெறமை இருக்கா? யோசிச்சுப் பாரு. ஒண்ணெ வேறயா மாத்த முடியும்; உன்னாலே அழிக்க முடியுமா! அடியோட இல்லாம ஆக்க முடியுமா? அதெ உன்னைப் படைச்ச கடவுளாலேயே செய்ய முடியாதே!  அப்புறமில்ல உனக்கு? பழசுன்னா அவ்வளவு கிள்ளுக்கீரேன்னா நெனச்சே?" என்று பொக்கை வாயைத் திறந்துகாட்டிச் சிரித்தாள் கிழவி.

     கையைப் பிசைந்துகொண்டே வெளியேறினான் யமன். அன்றுதான் அவனுக்கு உண்மையான தோல்வி. மார்க்கண்டேயன் சமாசாரம்கூட அவனுக்கு அன்று வெற்றி மாதிரியே புலப்பட்டது.

     யமராஜனின் தோல்வியைக் கண்டு தன்னைக் காப்பாற்றிக்கொள்ளப் போய்ப் பதுங்கியது போலப் பேய்க் காற்றும் ஓய்ந்துநின்றது. மாடசாமி எருமையை ஓட்டிக்கொண்டு வந்து சேர்ந்தான். கட்டுத்தறியில் தீனி போட்டுப் பருத்தி விதை வைத்துத் தயாராக இருந்ததைக் கண்டான். குருட்டுக் கிழவிக்கு வெறும் இடத்தில் எருமையிருப்பதாகத் தோன்றியதால் எல்லாம் தானாகத் தடவித்தடவித் செய்திருக்கிறாள் என்று அவனுக்குத் தோன்றியது.

     உள்ளே நுழைந்தான். வாயில் வெற்றிலையைக் குதப்பிக்கொண்டே கிழவி யமதேவனின் விஜயத்தையும், தோல்வியையும் பற்றிச் சொன்னாள். மாடசாமி வாலிபத்தின் அவநம்பிக்கையுடன் சிரித்தான். 'குருட்டு மூதி என்னவோ ஒளருது!' என்று முணுமுணுத்தான்.

     இருந்தாலும், 'நல்ல கெட்டிக் கயிறு; காஞ்ச சருகாவது கட்டலாம்.  கைக்கு வந்தது தவறிவிட்டதே!'யென்று அவள் ஏங்கியது அவனுக்கு கொஞ்சம் நம்பும்படிதான் இருந்தது.

மணிக்கொடி, 15-09-1937

 

]]>
puthumaippitthan, kaalanum kizhaviyum https://images.dinamani.com/uploads/user/imagelibrary/2020/5/23/w600X390/p2.jpg https://www.dinamani.com/latest-news/sub-latest-news/2020/may/24/kaalanum-kizhaviyum-puthumaippitthan-3418811.html
3418839 தற்போதைய செய்திகள் தற்போதைய செய்திகள் விழுப்புரம் தலைமை அஞ்சலகத்தில் தீவிபத்து DIN DIN Saturday, May 23, 2020 08:50 PM +0530
விழுப்புரத்தில் திரு.வி.க. வீதியிலுள்ள தலைமை அஞ்சல் நிலையத்தில் சனிக்கிழமை இரவு 8 மணியளவில் திடீரென தீவிபத்து நேரிட்டது.

தீப்பற்றியதில் அலுவலகத்தின் உள்ளே இருந்த கணினி மற்றும் இரண்டு மேஜைகள், அலுவலகத்தின் ஒரு பகுதி எரிந்து சேதமுற்றது.

மூடிய அலுவலகத்தில் தீப்பிடித்ததால் பெரும் புகை மூட்டம் ஏற்பட்டது. தீயணைப்புத் துறையினர் விரைந்து வந்து கதவைத் திறந்து தீயை மேலும் பரவாமல் தடுத்தனர்.

]]>
Fire, Villupuram https://images.dinamani.com/uploads/user/imagelibrary/2020/5/23/w600X390/fire.jpg https://www.dinamani.com/latest-news/sub-latest-news/2020/may/23/fire-at-villupuram-head-post-office-3418839.html
3418753 தற்போதைய செய்திகள் தற்போதைய செய்திகள் உள்ளாடைகளுடன் பாதுகாப்பு உடை அணிந்து பணிபுரிந்த பெண் செவிலியர்! DIN DIN Saturday, May 23, 2020 04:32 PM +0530  

ரஷியாவில் மருத்துவமனையின் ஆண்கள் வார்டில் வெறும் உள்ளாடைகள் மட்டுமே அணிந்த நிலையில் பாதுகாப்புக் கவச உடையை அணிந்தவாறு  பெண் செவிலியர் பணிபுரிந்த புகைப்படம் ஊடகங்களில் தீவிரமாக பரவிக் கொண்டிருக்கிறது.

தொடக்கத்தில் கரோனா பாதிப்பு எதுவுமில்லை என்று கூறிவந்தபோதிலும் தற்போது மிக மோசமான அளவுக்கு ரஷியாவில் மக்கள் கரோனாவால் பாதிக்கப்பட்டு வருகின்றனர்.

உலகம் முழுவதும் கரோனா பாதித்தவர்கள் தங்க வைக்கப்பட்டுள்ள வார்டுகளில் பணியாற்றுவோர் அனைவரும் பாதுகாப்புக் கவச உடை அணிவது கட்டாயமாக இருக்கிறது.

ஆனால், முழுப் பணி நேரமும் இந்தப் பாதுகாப்பு உடையை அணிந்திருப்பது செங்கல் சூளைக்குள் இருப்பதைப் போல, கடும் வெக்கையாக இருப்பதாக மருத்துவப் பணியாளர்கள் குறிப்பிட்டு வருகின்றனர்.

இத்தகைய சூழ்நிலையில், ரஷியாவிலுள்ள மருத்துவமனையொன்றில் ஆண்கள் இருக்கும் மருத்துவமனை வார்டில் வெறும் உள்ளாடைகள் மட்டுமே அணிந்து, மேலே பாதுகாப்புக் கவச உடை அணிந்த நிலையில் ஒரு செவிலியர் பணியாற்றும் புகைப்படம் வெளியாகி வைரலாகிவருகிறது.

மாஸ்கோவிலிருந்து சுமார் 120 கி.மீ. தொலைவிலுள்ள டூலா நகரிலுள்ள மருத்துவமனையில் இந்தப் புகைப்படம் எடுக்கப்பட்டதாகக் கூறப்படுகிறது.

இதுதொடர்பாக யாரும் புகார் எதுவும் செய்யவில்லை. எனவே, நடவடிக்கை எதுவும் எடுக்கப்படவில்லை என்றாலும், குறிப்பிட்ட செவிலியர் கண்டிக்கப்பட்டதாகக் கூறப்படுகிறது.

]]>
Nurse, innerwear https://images.dinamani.com/uploads/user/imagelibrary/2020/5/23/w600X390/tw.JPG https://www.dinamani.com/latest-news/sub-latest-news/2020/may/23/female-nurse-working-in-ppe-with-only-innerwear-3418753.html
3404586 தற்போதைய செய்திகள் தற்போதைய செய்திகள் கரோனா கரைத்துவிட்ட ஊர்ப்புற சித்திரை மாதத் திருவிழாக்கள் தஞ்சை வெ. கோபாலன் DIN Saturday, May 23, 2020 03:23 PM +0530    

சித்திரை மாதம் என்றாலே தமிழ்நாட்டுக் கோயில்களில் எல்லாம் திருவிழாக்கள் மிகவும் விமரிசையாக நடைபெறும் என்பதை அனைவரும் அறிவர்.  நமது முன்னோர்கள் வகுத்துத் தந்த முறைப்படி தமிழ் மாதங்களில் சித்திரை முதல் மாதம். நமது தமிழ் மாதங்கள் சூரியனுடைய இயக்கத்தின் அடிப்படையில் நிர்ணயிக்கப் படுவது. கோடையின் வெப்பம் அதிகமாகி, நீர்நிலைகளில் தண்ணீர் வறண்டு போய் விவசாயப் பணிகளுக்கு இடைவெளி கிடைத்திருக்கும் இந்த காலகட்டத்தைத் தங்கள் ஆலய வழிபாட்டுக்கும், திருவிழாக்களுக்கும் மக்கள் பயன்படுத்திக் கொள்வதென்பது பண்டைய நாளில் இருந்து நடைமுறையில் இருக்கும் வழக்கமாகும். கோள்களை ஆய்ந்து சொல்லும் நிபுணர்கள் சூரியன் மேஷ ராசியில் பிரவேசிக்கும் நாளை சித்திரை மாதப் பிறப்பாகக் கொண்டாடுவது என்று காலங்காலமாய் நம் முன்னோர்கள் கடைபிடிக்கும் வழக்கமாக இருந்திருக்கிறது.

கிராமப் புறங்களில் விவசாயமே மக்களின் முக்கியமான வாழ்வாதாரமாக விளங்கி வந்த காலம் அது. விவசாய வேலைகள் இல்லாமல் இருப்பதால் ஆலயங்களில் தெய்வங்களுக்கும், கிராமங்களில் கிராம தேவதைகளுக்கும் பெரிய அளவில் திருவிழாக்களை நம் முன்னோர்கள் நடத்தி வந்திருக்கின்றனர். பொதுவாக மாரியம்மன், காளியம்மன், திரெளபதியம்மன் போன்ற கோயில்களில் இந்த சித்திரை மாதத்தில் தான் தீமிதி, கரகம், தேர்த் திருவிழா ஆகியவைகள் நடைபெற்று வந்திருக்கின்றன.

வருடப் பிறப்பு என்று நாம் கொண்டாடுவது இந்த சித்திரை முதல் நாளைத்தான். நவராத்திரி என்ற பெயரில் ஒன்பது நாட்கள் தேவியைக் கொண்டாடும் திருவிழாக்கள் நம் நாட்டில் நடைபெற்று வருகின்றன. இந்த நவராத்திரி என்பது புரட்டாசி மாதத்தில் கொண்டாடப்படும் நவராத்திரியை சாரதா நவராத்திரி என்பார்கள். ஆடி மாதத்தில் ஆஷாட நவராத்திரி என்றும், தை மாதம் சியாமளா நவராத்திரி என்றும், பங்குனி - சித்திரையில் வசந்த நவராத்திரி என்றும் கொண்டாடி வருகின்றனர்.

மாதந்தோறும் பெளர்ணமி எனும் முழு நிலவு காணமுடியுமென்றாலும், சித்திரை மாதத்தில் வரும் பெளர்ணமி சிறப்பாக ‘சித்திரா பெளர்ணமி’ என்று கொண்டாடப் படுகிறது. சித்திரை மாதத்தில் வானத்தில் தோன்றும் நிலவு பெரிதாகவும், ஒளிமிகுந்ததாகவும் இருப்பதால், பண்டைய நாட்களில் மக்கள் பொதுவிடங்களில் திருவிழாக்களைக் கொண்டாடி வந்திருக்கிறார்கள். சிலப்பதிகாரத்தில் கடலாடு காதையில் “இந்திர விழா” பற்றிய செய்திகள் கிடைக்கின்றன. இந்த இந்திர விழா சித்திரா பெளர்ணமி அன்றுதான் கொண்டாடப் பட்டிருக்கிறது. பெளர்ணமி அன்று தொடங்கி இருபத்தேழு நாட்கள் இவ்விழா நடைபெற்று வந்திருக்கிறது. இருபத்தி யெட்டாம் நாள் மக்கள் கடலில் நீராடி விழாவை முடித்துக் கொள்வார்கள், இதைக் குறிக்கும் விதத்தில் தான் சிலப்பதிகாரத்தில் இந்த விழாவைக் குறிக்கும் பகுதிக்குக் “கடலாடு காதை” என்று பெயர் சூட்டியிருக்கிறார்கள். இந்த இந்திர விழாவின் போதுதான் கோவலனுக்கும் மாதவிக்கும் ஊடல் ஏற்பட்டு பிரிவு ஏற்படுகிறது.

சித்திரை மாதத்தில் ஆலயங்களில் சிறப்பு வழிபாடுகளும், பொங்கலிடுவது, தேரோட்டம் போன்றவை இந்த காலகட்டத்தில்தான் நடைபெறுவது வழக்கம். தஞ்சை மாவட்டத்தில் கம்பன் பிறந்த தேரிழந்தூருக்குத் தெற்கே கோமல் என்றொரு கிராமம். அங்குள்ள மாரியம்மன் ஆலயத்தில் முன்பெல்லாம் மிகச் சிறப்பாக கோடை காலத்தில் திருவிழா நடைபெறுவது வழக்கம். தீமிதித் திருவிழாவில் ஏராளமானோர் தீமிதித்து வழிபடுவர். அப்போது சுற்றுப்புற பதினெட்டு கிராமங்களிலிருந்து பதினெட்டுத் தேர்கள் அவ்வூரின் நான்கு முக்கிய வீதிகளிலும் வரும் காட்சிகள் காணக் கிடைக்காத காட்சிகளாகத் திகழ்ந்தன.

சித்திரைத் திருவிழா என்றதும் நமக்கு முதலில் நினைவுக்கு வருவது மதுரையில் நடைபெறும் சித்திரைத் திருவிழாதான். பன்னிரெண்டு நாட்கள் நடைபெறும் இந்த விழாவின் சிறப்பு மீனாட்சி கல்யாணமும், அழகர் ஆற்றில் இறங்கும் விழாவுமாகும். இந்த விழாவுக்காக மதுரைக்குப் பல்லாயிரக்கணக்கான மக்கள் வந்து குவிவார்கள். அழகர் ஆற்றில் இறங்கும் விழா என்பது வைகையாறு முழுவதும் மனிதர்கள் தலைகளாகக் காணப்படும். சித்திரா பெளர்ணமியன்று நடைபெறும் இவ்விழாவுக்கு அழகரை வரவேற்கும் விதத்தில் சிறப்பு நிகழ்ச்சிகளும், மலர்ப் பல்லக்கும் சிறப்பானதாகும். பத்தாம் நாள் திருவிழாவில் மீனாட்சி கல்யாணம் நடைபெற்று, அதற்கு மறுநாள் தேர்த்திருவிழா மதுரையின் வீதிகளில் தேரோட்டத்துடன் நடைபெறுவ தென்பது காலங்காலமாக நடைபெற்று வருவதாகும்.

மேலும் இந்தச் சித்திரை மாதத்தில்தான் சைவ நாயன்மார்களில் திருக்குறிப்புத் தொண்டர், இசைஞானியார், விரன்மிண்ட நாயனார், மங்கையர்க்கரசியார், சிறுத்தொண்டர், திருநாவுக்கரசர் ஆகியோருக்கு குருபூஜைகள் நடைபெறுவது வழக்கம்.

தஞ்சை பெருவுடையார் ஆலயத்தின் தேர்த் திருவிழா ஆண்டுதோறும் இந்த சித்திரை மாதத்தில்தான் நடைபெறும். தஞ்சாவூரில் நான்கு ராஜ வீதிகளிலும் பல ஆலயங்களும் அவற்றுக்கான தேர்களும் பண்டைய நாட்களில் நடைபெற்று வந்திருக்கின்றன. அவற்றுக்கான தேர்மூட்டிகளும் ஆங்காங்கே ராஜ வீதிகளில் உண்டு. ஆனால் காலப்போக்கில் இந்தத் தேர்த் திருவிழா ஒரு முறை பெருவுடையார் தேர் உடைந்து போனதை யடுத்து சுமார் நூறு ஆண்டுகள் நின்று போயிருந்தது. தஞ்சை அரண்மனை தேவஸ்தானத்தின் தீவிர முயற்சிகளையடுத்து,  புதிய தேர் பெருவுடையாருக்குச் செய்து அது முதலில் ஒரு வெள்ளோட்டம் விட்ட பிறகு 2015 முதல் ஆண்டுதோறும் தேர்த்திருவிழா மிக விமரிசையாக நடைபெற்று வருகிறது. தேரில் தியாகராஜர், கமலாம்பாள் எழுந்தருளி நான்கு வீதிகள் வழியாக வந்து அருள்பாலிப்பது தொடந்து நடைபெற்று வந்தது. இந்த ஆண்டு விழா நிறுத்தி வைக்கப்பட்டிருக்கிறது.

தஞ்சை பெரியகோயில் சித்திரைத் திருவிழாவின் போது பல்லாண்டு காலமாக சின்ன மேளம் எனும் பரதநாட்டிய வழிபாடு நடந்து வந்திருக்கிறது. தஞ்சை நால்வர் எனப்படும் சின்னையா, பொன்னையா, சிவானந்தம், வடிவேலு எனும் நான்கு நட்டுவனார்கள் காலத்தில்  இந்த விழா மிகச் சிறப்பாக நடைபெற்று வந்திருக்கிறது. கடந்த சில ஆண்டுகளுக்கு முன்பாக தஞ்சாவூர் பாரம்பரிய கலை மற்றும் கலாச்சாரக் கழகத்தின் சார்பில் இந்த சின்ன மேளம் நிகழ்ச்சி தொடர்ந்து நடத்தப்பட்டு வருகிறது. இந்த நிகழ்ச்சியில் தஞ்சையின் புகழ்பெற்ற நட்டுவனார் மகான் கிட்டப்பா பிள்ளை அவர்கள் நினைவைப் போற்றும் வகையில் மூத்த கலைஞர் ஒருவருக்கு விருதும் வழங்கப்படுகிறது. தஞ்சை கலைகளின் பிறப்பிடம் என்பதற்கேற்ப ஆலய விழாக்களிலும் அந்தக் கலைகளை அரங்கேற்றி கலைஞர்கள் மிகச் சிறப்பாக பங்கேற்கிறார்கள்.

கிராம தேவதைகள் ஆலயங்களில் சித்திரை மாதத்தில் தீமிதி விழா சிறப்பாக நடைபெறும். மக்கள் நீராடி மஞ்சள் ஆடை அணிந்து கொண்டு குடத்தில் அம்மனை ஆவாகனம் செய்து குடத்தைத் தலையில் சுமந்து கொண்டு அல்லது வேப்பிலையைக் கொத்தாக கையில் வைத்துக் கொண்டு தீக்குழியில் இறங்கி நடந்து அல்லது ஓடி வருவார்கள்.

‘தீமிதி’ என்றும் ‘தீக்குழி இறங்குதல்’ என்றும் சொல்லப்படும் இந்த வழிபாடு சற்று கடுமையானது. கிராமங்களில் கோடைக்காலத்தில் கிராம தேவதைகள் கோயில்களில் நடைபெறும் விழாக்களில், குறிப்பாக மாரியம்மன், காளியம்மன், திரெளபதியம்மன் போன்ற பெண் தெய்வங்கள் கோயில்களில் இது மிக விமரிசையாக நடைபெறும்.

கரகம் எடுப்பது என்பதும் கிராம வழிபாட்டு முறைகளில் ஒன்று. அம்மனுக்கு வேண்டுதல் செய்து கொண்டு நீராடி தலைமுழுகி, மஞ்சள் துணியுடுத்தி, ஒரு பித்தளைக் குடத்தில் நீர் நிரப்பி அதன் மீது வேப்பிலை வைத்து, மேள வாத்தியத்துடன் அந்த கரகத்தைத் தலையில் சுமந்து கொண்டு போய் அம்மன் சந்நிதியில் கொடுத்து அந்த நீரை அம்மனுக்கு அபிஷேகம் செய்விப்பது கரகம் என்பதாகும். இதுதான் கரகம் எடுத்து வழிபடும் முறை. இதையே ஒரு கலையாக, கரகாட்டம் எனும் பெயரில் தலையில் ஒரு குடத்தைச் சுமந்து கொண்டு நையாண்டி மேளத்தின் தாளத்திற்கேற்ப ஆடி வருவதும் உண்டு. இது பக்தி மார்க்கத்தில் சேர்ந்தது அல்ல. திருவிழாவின் ஒரு அங்கமாக மக்கள் ரசனைக்காக நடத்தப்படும் ஒரு கலைஒ நிகழ்ச்சி அவ்வளவே.

காவடி என்பதும் இதைப் போலத்தான். காவடி எடுப்பது என்பது பொதுவாக முருகன் கோயில்களுக்கு வேண்டுதல் செய்து கொண்டு எடுப்பதாகும். காவடி என்பது தோளில் சுமக்கும் ஒரு உருளையான மரக்கட்டையின் மீது வில்போன்ற அமைப்பில் பூக்களாலும், தென்னங்குறுத்துக்களாலும் அலங்கரிக்கப்பட்டு, அதன் குறுக்குக் கட்டையில் பால், பன்னீர், அபிஷேக நீர், இவற்றை நிரப்பி கட்டிக்கொண்டு தோளில் சுமந்து சென்று, ஆலயத்தில் கொடுத்து, அதில் கொண்டு வந்தவற்றை அபிஷேகம் பூஜை ஆகியவற்றுக்குப் பயன்படுத்தச் செய்வது. இது பெரும்பாலும் முருகன் கோயில்களுக்குச் சிறப்பாக ஆடிக் கிருத்திகை போன்ற நேரங்களில் கூட்டம் கூட்டமாகக் காவடி எடுத்துச் சென்று வழிபாடு நடத்துவார்கள். பழனி முருகனுக்குக் காவடி, திருத்தணி வேலனுக்கு ஆடிக்கிருத்திகையில் ஆயிரக்கணக்கில் மக்கள் காவடி எடுத்து வருவதைக் காணலாம். அப்படி அவர்கள் காவடி எடுத்து வரும்போது அலகு குத்துவது என்ற வழக்கமுண்டு. கூரான முனையுடைய வேல் போன்ற சிறிய அலகு எனப்படும் ஊசியை உடலிலும், நாக்கிலும் குத்திக் கொண்டு வருவார்கள். காவடிகளில் பால் காவடி, பன்னீர் காவடி, மச்சக் காவடி, சர்ப்பக் காவடி, பறவைக் காவடி, தூக்குக் காவடி என்றெல்லாம் பிரிவுகள் உண்டு. காவடி எடுத்துச் செல்பவர்கள் கூட்டமாகச் செல்லும் போது உடன் வாத்தியங்களை இசைத்துக் கொண்டு வருவார்கள். காவடிச் சிந்து என்ற ஒருவகைப் பாடலும் உண்டு. அண்ணாமலை ரெட்டியாரின் காவடிச் சிந்து பிரபலமானது. அது தாளக்கட்டுடன் அமைந்த பாடல் என்பதால், அந்தக் காவடிச் சிந்தின் ராக, தாள இலக்கணங்களுக் கேற்ப காவடி எடுப்பவர்கள் ஆடுவதும் உண்டு.

கிராம அம்மன் கோவில்களில் பெண்கள் மாவிளக்கு போடுவது என்பது ஒரு வழக்கம். பெண்கள் அம்மனுக்கு பிரார்த்தனை செய்து கொண்டு வெள்ளிக் கிழமைகளில், குறிப்பாக ஆடி மாத வெள்ளிக் கிழமைகளில் மாவிளக்கு ஏற்றுவது என்பது காலங்காலமாக இருந்து வரும் பழக்கம்.

இந்த மாவிளக்கு என்பது என்ன? பச்சரிசி மாவோடு வெல்லம் அல்லது வெல்லச் சர்க்கரை, ஏலக்காய் போன்றவற்றைச் சேர்த்து, அதில் நெய்விட்டு நன்கு பிசைந்து பசையுள்ளதாக உருவாக்கி, அதை ஒரு தாம்பாளம் அல்லது இலையில் பரப்பி வைத்து, நடுவில் குழி செய்து அதில் நெய் ஊற்றி திரிபோட்டு அம்மன் சந்நிதியில் கொண்டு போய் வைத்து பிரார்த்தனை செய்துவிட்டு நெய்விட்ட திரியைக் கொளுத்தி தீபமேற்றி அம்மனை வழிபடுவதுதான் மாவிளக்கேற்றுதல்.

மனிதன் ஓயாமல் உழைத்துக் கொண்டு, வயிற்றுப்பாட்டுக்காக சம்பாதித்துக் கொண்டு தன்னைக் கவனித்துக் கொண்டிருப்பதோடு, சித்திரை போன்ற விவசாயம் நடக்காத கோடை காலத்தில் இறைவனுக்கு விழா கொண்டாடுவது வழக்கத்தில் இருந்தது.  அந்தந்தப் பகுதியில் வழக்கத்திலுள்ள முறைகளைக் கடைபிடித்து விழாக்களை நடத்துவது, பொது இடங்களில் ஊர் மக்கள் ஒன்று திரண்டு அந்தத் திருவிழாவை சிறப்பித்து இறை வழிபாட்டினை நடத்திக் கொள்வது என்பவை போன்ற பழைய பழக்க வழக்கங்கள் பண்பாட்டின் அடிப்படையில் நடைபெற்று வந்தன. இப்போது போல அந்தக் காலத்தில் மக்களின் கவனம் சிதறாமல் ஒருமுகப்பட்டு, தான் வசிக்கும் கிராமம், அல்லது சிற்றூரில் இந்தத் திருவிழா நாட்களைச் சிறப்பாகக் கொண்டாடி வந்தது புத்துணர்ச்சியையும், அதனோடு அது பக்தி நெறியாகவும் விளங்கி வந்திருக்கிறது. எந்தவொரு நாடும், அல்லது மக்களும் தங்களது பாரம்பரிய பழக்க வழக்கங்களை விட்டுவிடுவதோ, அது பழமையானது என்று ஒதுக்குவதோ இல்லாமல் அதனைப் பின்பற்றினால் வாழ்வு இன்பமயமாக இருக்கும் என்பது திண்ணம். நமது பாரம்பரியமும் பண்பாடும் பாதுகாக்கப்படும்.

தமிழகத்தில் இந்தச் சித்திரைத் திருவிழாக்கள் எல்லாம் ரத்து செய்யப்பட்டதாக இப்போதைக்குள் கேள்விப்பட்டதுகூட இல்லை. ஆனால், எதிர்பாராத விதத்தில்  வந்து சூழ்ந்துள்ள கரோனா நோய்த் தொற்றுப் பரவலைத் தடுக்க வேண்டிய சூழ்நிலையில் இத்தனையும் இந்த ஆண்டில் இல்லாமலாகிவிட்டன. அடுத்த சித்திரைக்குக் காத்திருக்க வேண்டியதுதான்!

[கட்டுரையாசிரியர் - இயக்குநர்,

  பாரதி இலக்கியப் பயிலகம், தஞ்சாவூர்.]

]]>
Festival, Chithirai https://images.dinamani.com/uploads/user/imagelibrary/2020/4/21/w600X390/thee.jpg https://www.dinamani.com/latest-news/sub-latest-news/2020/apr/21/no-chitra-festivals-due-to-caronavirus-3404586.html
3400511 தற்போதைய செய்திகள் தற்போதைய செய்திகள் கரோனாவும் ஊரடங்கும் கற்றுத்தரும் சமத்துவப் பாடங்கள் டாக்டர் வெ.ஜீவானந்தம் DIN Saturday, May 23, 2020 03:22 PM +0530 ஊரடங்கு தொடர்கிறது. 21 நாள்களுடன் முடிந்து போகுமென எதிர்பார்த்தது மேலும் தொடர்கிறது. சலிப்பூட்டினாலும் சகித்துக்கொள்ள வேண்டியதுதான். மக்களின் நலன் கருதிக் குறைந்தபட்ச சுய கட்டுப்பாட்டை ஏற்பது தவிர்க்க முடியாதது. கசப்பு மருத்தைக் குழந்தைக்குக் கட்டாயப்படுத்திப் புகட்டும் செயலே இந்த ஊரடங்கு.

இந்தக் கட்டுப்பாட்டை கடிதோச்சி மெல்ல எறிதல் என்கிறார் வள்ளுவர். மக்கள் நலன் கருதி விதிக்கப்படும் கட்டுப்பாட்டைக் கருணையுள்ள சர்வாதிகாரி, பாட்டாளி வர்க்க சர்வாதிகாரம் எனப் பல வகையாக அழைக்கிறோம்.

ஊரடங்கு தேவையா?

கோவிட் 19 வைரஸ் ஒரு மனிதரிலிருந்து மற்றொரு மனிதருக்குப் பரவுவது. நோய் சுமக்கும் மனிதனை  ஊர் சுற்றாமல் தடுப்பது நோய்ப் பரவலைத் தடுக்கும் எளிய வழி. சும்மா இருந்து சுகம் பெறும் யுக்தியே சுய கட்டுப்பாடு. சமத்துவமற்ற, ஏற்றதாழ்வுகள் மலிந்த சமூகத்தில் ஊரடங்கு எனும் நோய்த்தடுப்பு முயற்சி இரு வேறுபட்ட தாக்கத்தை உருவாக்குகிறது.

வசதிமிக்கோர், பாதுகாப்பான வருமானப் பின்னணிகொண்ட அரசுப் பணியாளர்களுக்கு இது சம்பளத்துடன் தரப்படும் ஓய்வு நாளே. ஊர் சுற்றும் சுதந்திரம் பறிக்கப்பபட்டது என்ற சலிப்பைத் தவிர வேறு இழப்பேதும் இல்லை. நாட்டில் இவர்கள் மிக மிகச் சிறு கூட்டமே.

ஆனால் தினசரி உழைப்பால் வாழும் உடைமையற்ற வர்க்கமாகிய தினக் கூலிகள், தனியார் நிறுவன ஊழியர்கள், சிறு வியாபாரிகளுக்கு இந்த ஊரடங்கு உடல்நலம் சார்ந்ததல்ல, உயிர் வாழ்தல் சார்ந்த சவாலே. அவர்களின் வருமானத்தை, உணவை, உயிர் வாழ்தலைக் கேள்விக்குறியாக்குவதாகும். அவர்களை நோயின்றிக் காப்பது மட்டுமல்ல,  உயிருடன் வாழச் செய்வதும் அரசின் கடமை. இதை அரசு செய்யத் தவறினால் நோயால் சாகிறவர்களைவிடப் பட்டினியால் சாகிறவர்கள் தொகை அதிகமாகி விடும். சமூகக் குற்றங்களும், வன்முறைகளும்கூட அதிகரிக்க வாய்ப்பாகி விடும்.

மேலைநாடுகளில் வேலையின்றி வாழ்வோருக்கு அரசு உதவித் தொகை தருகிறது. வாடும் பயிருக்கு உயிர் நீர் தருவது போல், இந்த வேலையற்ற காலத்தில் அவர்களின் குறைந்தபட்ச வாழ்வுத் தேவைகளுக்கான ஆதரவுத் தொகை தருவது அவசியம். கரோனாவை விஞ்சிய பொருளாதாரப் பேராபத்தை எதிர்கொள்ளத் தயாராக வேண்டுமென்பதையே நீட்டிக்கப்பட்ட ஊரடங்கு உணர்த்துகிறது. சமூக ஒற்றுமையையும் அமைதியையும் காக்க புதிய யுத்திகளைக் கையாள்வது தவிர்க்க முடியாத தேவை.

சமத்துவ ஊரடங்கு சாத்தியமா?

கரோனா இரு கசப்பான உண்மைகளை நமக்கு உணர்த்தியுள்ளது. ராணுவத்தையும், ஆயுதங்களையும் குவித்த வல்லரசு  நாடுகளால் அனைத்தையும் வெல்ல முடியும் என்பதை கண்ணுக்குத் தெரியாத வைரஸ்  பொய்யாக்கி உள்ளது. அறிவியலிலும் பணத்திலும் முன்னணியிலுள்ள நாடுகள் பாதுகாப்பானவை என்பதும் பொய்யாகி உள்ளது.

உணவு, உறைவிடம், கல்வி, மருத்துவம் என வாழ்வின் அடிப்படைத் தேவைகளை வழங்குவதாகவே இந்த ஊரடங்கு அமைய வேண்டும், இந்தியாவின் 70 ஆண்டு கால ஜனநாயக, சோசலிச அரசு இதற்கான வலுவான அடித்தளத்தைப் பெற்றுள்ளது. அமெரிக்காவுக்கும் உயிர் காக்கும் மருந்துகள் தரும் நல்லரசாக இந்தியா உயர்ந்து நிற்கிறது.

ஊரடங்கு காலத்தில் உயிர் வாழ்வுக்கான இந்த அடிப்படைத் தேவைகளைத்  தந்து விட்டால், மக்களின் ஒத்துழைப்பை அரசு பெறுவது எளிதாகிவிடும். யார் யாருக்கு, எது எது தேவை என்பதைத் துல்லியமாக அறிய உதவும் புள்ளிவிவரங்கள் அரசிடம் இருக்கத்தான் செய்யும். அவற்றை வழங்குவதற்கான வளமும் வலிமையும் நம்மிடம் உள்ளது. மடை மாற்றம் செய்வதே இன்றைய தேவை. நமது தேசத் தந்தை மகாத்மா காந்தி, “மனிதர்களின் தேவைக்கான அனைத்தையும் பூமித்தாய் தருவாள். ஆனால் மனிதனின் பேராசையை ஈடு செய்ய அவளிடம் எதுவுமில்லை” என்று கூறியிருப்பதை உணர்ந்தால் மண்ணில் நல்ல வண்ணம் வாழலாம்.

சிலரின் பேராசை வெறியை அரசு சட்டம் கொண்டு அடக்கினால் சமத்துவ ஊரடங்கு நமக்குப் புதிய வாழ்வுமுறையைப் போதிக்கும் பாடமாகி விடும்.

எப்படிச் செய்வது?

சமத்துவ ஊரடங்கு ஒரு நல்ல வாய்ப்பு. மக்களும் பிறர் துன்பத்தை உணரும் மனநிலையைப் பெற்றுள்ளனர். இதைச் சுடுகாட்டு வைராக்கியமாக்கி விடாமல் நிரந்தர வாழ்வு முறையாக்கும் பொறுப்பு அரசிடமே உள்ளது. வயிற்றுக்குச் சோறுண்டு கண்டீர் இங்கு வாழும் மனிதருக்கெல்லாம் என்ற பாரதியின் வாக்கு பொய்யல்ல.

அனைத்து மக்களுக்கும் உணவு, உறைவிடம், கல்வி, மருத்துவம் தரும் வளமும், நலமும் கொண்டது நம் நாடு. கரோனா எனும் மருத்துவப் பேரிடர் தரும் பாடத்தைக் கற்றுக் கொண்டால் மானுடம் கனவு கண்டு வரும் பொன்னுலகம் மண்ணில் தோன்றி விடும்.

உணவு சமத்துவம்

மணிமேகலை தொடங்கி வள்ளல் பெருமான் வரை பசிப்பிணி போக்குதலை நல்லறம் என்று கருதியது நம் நாடு. உணவு பற்றாக்குறையை வென்று உணவு ஏற்றுமதி நாடாக வளர்ந்துள்ளோம். இல்லை என்பதற்கில்லை.  பகிர்வு என்பதன் குறையே நமது வறுமையும் பட்டினியும். இதனை மாற்றுவதற்குரிய அனைத்து வழியும் அரசிடம் உள்ளது.

வசதி வாய்ந்தவர் எத்தனை, வறுமைப்பட்ட ஏழைகள் எத்தனை என்கிற புள்ளிவிவரங்களை விரலசைவில் அரசு பெற்று விடும் கணிணி யுகம் இது. நாட்டு மக்கள் அனைவரையும் எளிதில் எட்டும் நியாயவிலைக் கடை இணையதள வசதி நாடு முழுவதும் உள்ளது. மக்களின் வாழ்வுக்கான அடிப்படைத் தேவைகளை இதன் மூலம் விலையுடனும் விலையின்றியும் தகுதிக்கேற்ப தந்துவிட முடியும். நகர்மய மோகம் வாழ்வளிக்காது என்பது உணர்த்தப்பட்டு விட்டது. வாழ்வு தரும் என்று நம்பி ஓடிய கிராமத்து மக்களை நகரம் அகதிகளாக விரட்டிக் கொண்டிருக்கிறது. காந்தியும், குமரப்பாவும் கனவு கண்ட கிராமத் தன்னிறைவு சுயராஜ்யமே தீர்வு என்பது தெளிவாகியுள்ளது. கிராமங்கள் நவீன வசதிகள் யாவும் பெற்றுத் தன்னிறைவு பெற வேண்டுமென்கிற கலாமின் “ புறா” சிறகடிக்க வேண்டிய காலம் வந்து விட்டது. அரசு நகர்மைய வளர்ச்சியை ஒதுக்கித் தன்னிறைவு கிராம கம்யூன்களை உருவாக்க வேண்டும். நிலப் பகிர்வு, எந்திரம், ரசாயனம் ஒதுக்கிய இயற்கை வேளாண்மை, புன்செய்ப் பயிர், வீட்டுக் காய்கறித் தோட்டம் என்பனவற்றை அரசு ஊக்குவித்தால் இந்தியா உலகுக்கே சோறு போடும் பெரிய கியூபாவாகி விடும்.

வாழ்விட சமத்துவம்

பறவைக்குக் கூடுண்டு மனித குமாரனுக்கோ தலைசாய்க்க இடமில்லை என்கிற புலம்பல் விவிலியப் பழமையானது. ஓடாத ரயில் பெட்டிகளை சில நாள்களில் மருத்துமனைகளாக்கி சாதனை புரிந்துள்ளோம். வீடின்றித் தவிக்கும் சாலையோர மக்களுக்கு மூடப்பட்ட பள்ளி, கல்லூரி, புகைவண்டி, விமான நிலையங்களைத் தற்காலிகக் குடியிருப்பாக்கி விட்டால் மூன்றே மாதங்களில் லாரி பேக்கரின் மலிவு மனைகளை ராணுவ உதவியுடன் கட்டி விடலாம்.

மருத்துவ சமத்துவம்

கரோனாவுக்கு மருந்தில்லையென்று கைவிரித்து விட்டது நவீன மருத்துவம். தூய வாழ்வுச் சூழல், சத்தான உணவு, நோய்த்தடுப்பு ஆற்றல் வளர்ப்பு, வாழ்வியல் மாற்றம் என்பனவே நிரந்தரத் தீர்வு. மதங்கள் பல உண்மை இறைவன் ஒன்று என்பது போல. மருத்துவ முறைகள் பலவாயினும், எல்லார்க்கும் நல வாழ்வு என்பதே அனைவரின் லட்சியமும். அமெரிக்காவும், நம்மிடம் மிரட்டி வாங்கும் ஹைட்ராக்சிக்ளோரேக்குயின், சின்கோனா மரத்தின் பட்டையிலிருந்து வடிக்கப்பட்ட கொய்னாவின் ரசாயன மாத்திரை வடிவமே. ஆங்கில  மருத்துவ மருந்துகள்  யாவும் மூலிகைகளின், கனிமங்களின் அடர்த்தியான சிறிய வடிவங்களே. சிக்கன் குனியாவுக்கு நிலவேம்பு மருந்தானது. நாகதாளி ரிசர்பின் ரசாயனம் ரத்த அழுத்த மருந்தானது. கீழாநெல்லி ஈரல் நோய்க்கு மருந்தானது. கபசுர கசாயம் கரோனா மருந்தாகிறது. இவற்றை ஆய்வு செய்து ஏற்கும் மனவளம் கொண்டதே அறிவியல் மருத்துவம். எனவே, அரசு தனது ஆயுஷ் எனும் மாற்று மருத்துவ முறைகளுடன் அலோபதியையும் இணைத்து புதிய ஒருங்கிணைக்கப்பட்ட மாற்று மருத்துவ முறையை உருவாக்க இதுவே தருணம். பூனை எந்த நிறமானால் என்ன, எலியைப் பிடித்தால் சரி.

நாடே மருத்துவப் பேரழிவில் சிக்கித் தவிக்கும் இக்கால கட்டத்தில் உன்னத அர்ப்பணிப்புடன் மக்களைக் காப்பது அரசு மருத்துவமனைகளும், மருத்துவத் துறையினருமேயன்றி, ஆடம்பரமான தனியார் மருத்துவமனைகளல்ல. எனவே அரசுத் துறைகளை வலிமைப்படுத்துவதன் மூலமே நாட்டின் ஆரோக்கிய வாழ்வை உறுதி செய்ய முடியும் என்பதை கரோனா தெளிவாக உணர்த்தியுள்ளது.

எப்படிச் செயல்படுத்துவது?

இனி உலகம் இயற்கை மற்றும் மருத்துவப் பேரிடர்களுடன் வாழக் கற்றுக் கொள்வது தவிர வேறு வழியில்லை. பூமி சூடாகிறது. பனிமலை உருகும், கடல் மட்டம் உயரும் என்கிற எச்சரிக்கைகள் பொய்யல்ல. சில நாள் ஊரடங்கில் காற்று கரிச்சுமை குறைந்து தூய்மையாகியுள்ளது. ஆறுகளின் நீர் தூய்மையாகியுள்ளன. பறவைகளும் விலங்குகளும் இந்த உலகம் எமக்கானது எனச் சுதந்திரமாக உலவத் தொடங்கிவிட்டன. வல்லரசுகளின் ராணுவத்தை, ஆயுதக் குவியலைக் கண்டு கண்ணுக்குத் தெரியாத வைரஸ் ஏளனமாகச் சிரிக்கிறது.

இத்தனை நாள் ராணுவத்திற்கு 40 விழுக்காடு செலவு செய்ததைக் கல்விக்கும், மருத்துவத்திற்கும் செலவிடாமல் போனோமேயென வல்லரசுகளும் வருந்துகின்றன. ராணுவச் செலவைக் குறைப்பது, ராணுவ வீரர்களை சமூக சேவைக்கான படையாக மாற்றுவது, ஒவ்வோர் இளையோரையும் நாட்டையும், மக்களையும் காக்கும் சமூக வீரர்களாக்குவது என்று அரசு முடிவெடுக்க வேண்டிய தருணமிது.

ஊரடங்கு என்பது தண்டனையல்ல என்று ஏற்று புதிய இயற்கைநேய, மனிதநேய வாழ்முறையைக் கற்கும் அகத்தாய்வைத் தொடங்குவோம்.

அழிக்கும் ஆயுதங்களல்ல, நம்மைக் காக்கும் இயற்கையைக் காப்பதே நமது முதன்மைக் கடமை என்று உணர்வோம். கரோனா எனும் அழிவுச் சிதையிலிருந்து அக்கினிப் பறவையாய் புத்துயிர் பெற்று எழுவோம்.

]]>
https://images.dinamani.com/uploads/user/imagelibrary/2020/4/14/w600X390/PTI12-04-2020_000146B.jpg https://www.dinamani.com/latest-news/sub-latest-news/2020/apr/14/lessons-from-corona-and-curfew-3400511.html
3412437 தற்போதைய செய்திகள் தற்போதைய செய்திகள் கோயம்பேடு சந்தை - தமிழகத்தின் வூஹான்! ததாகத் DIN Saturday, May 23, 2020 03:21 PM +0530  

ஓய்ந்ததுபோல கருதிக்கொண்டிருந்த நிலையில் ஒவ்வொரு நாளும் தமிழகத்தில் கரோனா நோய்த் தொற்று பாதித்தோரின் எண்ணிக்கை உயர்ந்துகொண்டே செல்கிறது.

உலகத்துக்கு வூஹானிலுள்ள சந்தையைப் போல, தமிழகத்துக்கு இப்போது கோயம்பேடு மார்க்கெட். அங்கே மீன், இறைச்சி அசைவ வகையறாக்கள், இங்கே காய்கனிகள்.

வெளிநாடுகளுக்குச் சென்றுவந்தவர்கள், அவர்களின் தொடர்புடையவர்கள் என்ற தேடத் தொடங்கிய அரசு, பின்னர் தில்லி மாநாட்டுக்குச் சென்று வந்தவர்களையும் அவர்களுடைய தொடர்புடையவர்களையும் தேடியது. இப்போது கோயம்பேடு தொடர்புடையவர்கள். தேடத் தேடக் கிடைத்துக் கொண்டே இருக்கிறார்கள். இவர்களில் பெரும்பாலானோர் கூலித் தொழிலாளர்கள், காய்கறி வாகனங்களில் கோயம்பேடு வந்துசென்றவர்கள்.

சென்னையில் சுமார் 65 ஏக்கர் பரப்பளவிலுள்ள கோயம்பேடு சந்தைக்கு வந்து சென்றவர்கள், மார்க்கெட் மூடப்பட்டதால் கோயம்பேட்டிலிருந்து சொந்த ஊர்களுக்குச் சென்றவர்களில் பலர், தங்களுடன் கரோனா நோய்த் தொற்றையும் சுமந்து சென்றிருக்கின்றனர்.

தமிழகத்தில் மே 5 செவ்வாய்க்கிழமை மட்டும் 508 பேருக்கு கரோனா தொற்று உறுதி செய்யப்பட்டதில் 279 பேர் சென்னையைச் சேர்ந்தவர்கள். அம்மா உணவகத்தில் பணி புரிந்தவரில் தொடங்கி ஆவின் பால் உற்பத்தி நிலையத்தில் பணியாற்றுபவர் உள்பட பலரும் பட்டியலில் இடம் பெற்றுள்ளனர்.

கடலூர் மாவட்டத்தில் 68 பேருக்குக் கரோனா தொற்று உறுதி செய்யப்பட்டுள்ளது. விழுப்புரத்தில் 25 பேருக்கு. இவர்களில் பலரும் கோயம்பேடு தொடர்புடையவர்கள். அரசின் அறிவிப்பிலேயே கோயம்பேடு தொடர்புடைய என்று சொல்ல வேண்டிய கட்டாயம் நேரிட்டிருக்கிறது. இன்னமும் நூற்றுக்கணக்கானோரின் பரிசோதனை முடிவுகள் எதிர்பார்க்கப்படுகின்றன.

இவ்வளவுக்கும் பிறகுதான் செவ்வாய்க்கிழமை கோயம்பேடு மார்க்கெட் முற்றிலுமாக மூடப்பட்டிருக்கிறது. இதற்குச் சில நாள்கள் முன் வரையிலும்கூட கோயம்பேட்டைவிட்டுச் செல்ல மாட்டோம் என்று வணிகர்கள் கூறிக்கொண்டிருந்தனர். இதுதொடர்பான பேச்சுவார்த்தைக்கு வந்த வணிகர் ஒருவருக்கே கரோனா தொற்றியிருப்பது பின்னர் தெரிய வந்தது. இப்போது மார்க்கெட் சம்பந்தப்பட்ட அனைவரையும் - வியாபாரிகள், விற்பனையாளர்கள், சுமை ஏற்றி இறக்குவோர், வேறு பல வேலைகளிலும் ஈடுபடுவோர் - பரிசோதனைக்குள்படுத்திக் கொண்டிருக்கிறது அரசு நிர்வாகம்.

கோயம்பேடு மார்க்கெட்டிலிருந்து சென்றவர்களால் இப்போது பல மாவட்டங்களிலும் கரோனா பாதித்தவர்களின் எண்ணிக்கை உயர்ந்துகொண்டிருக்கிறது. ஆரஞ்சு மாவட்டங்கள் எல்லாம் விரைவில் சிவப்பு மாவட்டங்களாக மாறிவிடும் நிலையேற்பட்டுள்ளது.

ஒவ்வொரு மாவட்டத்திலும் கோயம்பேடு மார்க்கெட் தொடர்புடையோர், சென்று வந்தவர்கள் அனைவரும் தாமாக முன்வந்து நோய்த் தொற்று பரிசோதனை செய்துகொள்ளுமாறு நிர்வாகங்கள் கேட்டுக்கொண்டிருக்கின்றன.

தமிழகத்தில் பல்வேறு பகுதிகளிலுமிருந்து வந்தவர்கள் கோயம்பேடு சந்தையில் வியாபாரம் செய்து வருகின்றனர் அல்லது வேலை பார்த்து வருகின்றனர். நீலகிரி போன்ற தொலைவிலுள்ள மாவட்டங்களில் இருந்தெல்லாம்கூட நாள்தோறும் வாகனங்களில் காய்கறிகள் இங்கே கொண்டுவரப்படுகின்றன. சென்னை மாநகர் புறநகர் மட்டுமின்றி அருகிலுள்ள மாவட்டங்களுக்கெல்லாம் இங்கிருந்து விற்பனைக்காகக் காய்கறிகள் கொண்டுசெல்லப்படுகின்றன. தவிர, நிறைய கட்டுப்பாடுகள் விதிக்கப்பட்டதுடன் தற்காலிகமாக சந்தையை மூடிவைப்பதென முடிவு செய்யப்பட்டுள்ள நிலையில், தமிழகத்தின் பல்வேறு பகுதிகளிலிருந்து வந்தவர்கள் அனைவரும் அவரவர் ஊர்களுக்குத் திரும்பிச் சென்றுவிட்டனர். சந்தைக்கு வரும் வாகனங்களில் ஊர்களுக்குத் திரும்புவது இவர்களுக்கு மிகவும் எளிதாகிவிட்டது. இதனால் கரோனாவும் பரவலாகிவிட கோயம்பேட்டிலிருந்து வந்தவர்களைத் தேடத் தொடங்கியிருக்கின்றன மாவட்ட நிர்வாகங்கள்.

கோயம்பேடு தொடர்புடையோரால் கரோனா நோய்த் தொற்று வாய்ப்பு அதிகரித்திருப்பதால் இப்போது மாவட்ட எல்லைகள் மேலும் கூடுதலாகக் கண்காணிக்கப்படுகின்றன.

கோயம்பேடு சந்தையிலிருந்து பரவத் தொடங்கிய கரோனா நோய்த் தொற்றால் இப்போது சென்னை மாநகரும் திணறத் தொடங்கியிருக்கிறது. எங்கிருந்து, யார் மூலம் பரவியது என்பதைக் கண்டுபிடிக்க இயலாத நிலையேற்பட்டுக் கொண்டிருக்கிறது - சமூகப் பரவல்!

கோயம்பேடு சந்தையை முன்னதாகவேகூட வெவ்வேறு இடங்களுக்குப் பிரித்துவிட்டு, விற்பவர்கள், வாங்குபவர்கள், பணியாளர்கள் அனைவரிடமும் சமூக இடைவெளியைக் கண்டிப்பாகப் பின்பற்றச் செய்திருந்தாலும் ஓரளவு சமாளித்திருக்க முடியும். ஏற்கெனவே ஊரடங்கு நடைமுறையிலிருந்தபோதிலும் திடீரென முழு ஊரடங்கு என்றோர் அறிவிப்பு வரவும் ஆயிரக்கணக்கானோர் கோயம்பேட்டில் திரண்டனர், கலைந்தனர்.

தற்போது தக்க முன்னேற்பாடுகள் இல்லாததால், மருத்துவப் பணியாளர்கள் மட்டுமின்றித் தூய்மைப் பணியாளர்கள்,  தன்னார்வலர்கள்கூட இப்போது கரோனா தொற்றுக்காளாகியுள்ளனர்.

கோயம்பேடு சந்தைக்கு யார் யாரோ, எங்கிருந்தோ கொண்டுவந்து, யார் யாரோ,  எங்கெங்கோ கொண்டு சென்றிருக்கின்றனர், கரோனா நோய்த் தொற்றை. இவர்கள் அனைவரும் கண்டறியப்பட்டு, தனிமைப்படுத்தப்படாத வரை, தமிழகத்தில் கரோனா பரவல் முடிவுக்கு வந்ததாக யாராலும் துணிந்து கூற முடியாத இக்கட்டான நிலையேற்பட்டுள்ளது.

]]>
koyambedu, wuhan https://images.dinamani.com/uploads/user/imagelibrary/2020/4/20/w600X390/koyembedu_market.jpg https://www.dinamani.com/latest-news/sub-latest-news/2020/may/05/koyambedu---wuhan-of-tamil-nadu-3412437.html
3414985 தற்போதைய செய்திகள் தற்போதைய செய்திகள் செவிலியர் நாள்: கரோனா பாதிக்கப்பட்டவர்களுடனான ஒரு செவிலியரின் பயணம் ததாகத் DIN Saturday, May 23, 2020 03:19 PM +0530
கரோனா நோய்த் தொற்றிலிருந்து தப்பிக்க என்னவெல்லாம் செய்ய வேண்டும் என்று ஒருபுறம் பட்டியலிட்டுக் கொண்டிருக்க, மறுபுறம் கரோனா நோய்வாய்ப்பட்டவர்களைத் துணிச்சலாகக் கையாண்டு சிகிச்சையளித்துக் கொண்டிருக்கிறார்கள் மருத்துவப் பணியாளர்கள்.

நோயாளிகளைக் கையாள்வதில் மருத்துவர்களின் பாடு ஒருவிதம் என்றால் செவிலியர்களின் பாடோ பலவிதம்.

இந்தக் கரோனா காலத்தில் - உலக செவிலியர் தினத்தில் - கரோனா பாதித்தவர்களுக்குச் சிகிச்சையளிக்கும் பணியில் இருக்கும் அனுபவம் பற்றிக் கேட்டபோது சென்னை ராஜீவ் காந்தி  அரசு மருத்துவமனையில் பணிபுரியும் செவிலியர் டி. சோபியா ரஞ்சிதா ராணி கூறுகிறார்:

சென்னை ராஜீவ் காந்தி அரசு பொது மருத்துவமனையில் பணி செய்வோரை ஒதுக்குவதற்கான பட்டியல் தயாராகிக் கொண்டிருந்தது.

நாங்கள் சென்று பட்டியலைப் பார்த்தோம். தோழிகளோடு  என்  பெயரையும்  கொடுத்தேன். எவ்வளவு கஷ்டமான பணியானாலும் தோழிகள் துணையுடன்  செய்வது ஒரு மகிழ்ச்சியே. 
     
கரோனா கிருமித் தடுப்பு கவச உடை போன்றவற்றுக்கான பயிற்சி வகுப்புக்குச் சென்று தயாராக இருந்தோம். இரவுப் பணிக்கு (நானும் ரௌடி தான் என்று போலீஸ் ஜீப்பில் ஏறுவதுபோல்) பெயரைக் கொடுத்தோம். 
     
மறுநாள் தொடங்கி இரவுப் பணிக்கு வர அழைப்பு வந்தது. எல்லாருக்கும் வரும் ஒருவித பயம் எங்களுக்கும் இருந்தது. புறப்பட ஆயத்தமானேன். மறுநாள் எங்கள் திருநாள் என்பதால் பிள்ளைகளுக்கு அனுப்ப மனம் இல்லை. ஒரு வழியாக அவர்களைத் தேற்றிவிட்டு கிளம்பினேன். 

போருக்கு அனுப்புவதுபோல் குடும்பமே வந்து கண்ணீர் மல்க வழியனுப்பினார்கள். நானும் பெருமிதமாக ராணுவத்திற்கு கிளம்புவது போல் கிளம்பினேன்.

மாலை  6.30 மணிக்கே சாப்பிட்டு, தண்ணீர் குடித்து 7 மணிக்கு கவச உடை அணிந்துகொண்டு உள்ளே சென்றோம். காற்றுப் புகாத உடை, என்95 முகக் கவசம் அணிந்துகொண்டு இருப்பது ஒருவித இறுக்கத்தையும் சோர்வையும் கொடுத்தது.

இருப்பினும்  எங்களுக்காகக் காத்திருக்கும் நோயாளிகளைக் காண சென்றேன்.
        
ஒவ்வோர் அறையாகச் சென்று என்னை அறிமுகப்படுத்திகொண்டு, இன்சுலின், உணவு, டிபிஆர் சோதனை செய்து மருந்துகளைக் கொடுத்தேன். 

நோயாளிகளின் உடல் நிலை, முன்னேனேற்றம் பற்றித் தகவல்கள் அவ்வப்போது வரும் அழைப்புகளுக்குப் பதில் சொல்லிவிட்டு,  புதிதாக அனுமதிக்கப்படும் நோயாளிகளின் ரத்த மாதிரிகளைச் சேகரித்து அனுப்பி பரிசோதனை முடிவுகளைப் பெற்று, மற்ற வழக்கமான பணிகளை முடிக்க ஓடிக்கொண்டே இருந்ததில் விடிந்து காலை 7 மணி ஆகிவிட்டதே தெரியவில்லை. 

இந்த 12 மணி நேரமும், தண்ணீர் குடிக்கவும் இல்லை, இயற்கை அழைப்புகளுக்குச் செல்லவும் இல்லை. காலைப் பணிக்கு வந்தவர்களிடம் பொறுப்புகளை ஒப்படைத்துவிட்டு விடுதிக்கு வந்து குளித்து முடித்த பிறகே தண்ணீர் பருகினோம்.

ஒரு யுகம் கடந்ததைப் போல் உணர்ந்தோம். மறுநாள் முதல் கம்பீரமாக களத்தில் இறங்கிவிட்டோம். இரவுப் பணி முடித்ததும்,  அடுத்த சுற்றில் பணியாற்றக் காத்திருப்போருக்கு மன தைரியம் கொடுத்தோம். 

தனித்திருக்க வேண்டிய காலகட்டத்தில் சைதாப்பேட்டையில் எங்களுக்கு அரசு ஒதுக்கி இருந்த வீட்டிலயே தங்கினோம்.

வீட்டில் பிள்ளைகள் போன் செய்து எப்போது வருவீர்கள் என்று கேட்கும்போது பதில் சொல்ல முடியாமல் அழுத நாள்கள் உண்டு. தோழிகள் அருகே இருந்த போதும் அணைத்து ஆறுதல் கொடுக்கவோ பெறவோ முடியவில்லை. ஏனென்றால் தனிமைப்படுத்தல் எங்களைப் பிரித்தது.

இப்படியாகத்தான் இரு வார காலமும் கழிந்தது.

என்னதான் பயமும் கலக்கமும் இருந்தாலும் பிரார்த்தனையோடுதான் 14-வது நாள் சளி சோதனை செய்யச் சென்றோம். பொதுத் தேர்வு எழுதிய மாணவியைப் போல் முடிவுக்காகக்  காத்திருந்தோம்.

மறுநாள் முடிவு வந்தது. முதல் அணியில் இருந்த 20 பேருக்கும் கரோனா தொற்று இல்லை என்று தெரிவித்துவிட்டார்கள். அப்பாடா என நிம்மதிப் பெருமூச்சுடன் வீட்டிற்குத் திரும்பினோம்.
 
ஆனால், இன்னமும் தனித்திருப்பது தொடருகிறது. வீட்டில் தனித்திருத்தல் என்ற பெயரில். பிள்ளைகளை அருகில் விடுவதில்லை. யாருடனும் பேசுவதில்லை. தனித்திருக்கிறேன். 

அனைவருடைய நலனுக்காகவும்... எனினும் சோர்வு இல்லை. தயாராகிவிட்டோம். அடுத்த சுற்றுக்கு..."

செவிலியர் சோபியாவின் பேச்சில் தெரிந்தது ஒரு பெருமிதம். உலகில் ஆயிரமாயிரம் செவிலியர்களும் ஆயிரமாயிரம் மருத்துவர்களும் ஆயிரமாயிரம் பணியாளர்களும் தன்னலம் கருதாமல் இவ்வாறுதான் கரோனாவுக்கு எதிராகக் களமாடிக் கொண்டிருக்கிறார்கள்.

வாழ்த்துகள் செவிலியர்களே!

 

]]>
coronavirus, nurseday https://images.dinamani.com/uploads/user/imagelibrary/2020/5/12/w600X390/Chennai_Nurse.jpeg https://www.dinamani.com/latest-news/sub-latest-news/2020/may/12/corona-nurses-3414985.html
3400486 தற்போதைய செய்திகள் தற்போதைய செய்திகள் ஓங்கல் அறியும் உயர் கடலின் ஆழம் - பெலோரஸ் ஜேக்கின் கதை மோகன ரூபன் DIN Saturday, May 23, 2020 03:16 PM +0530  

கடலில் மிகவும் ஆபத்தான நீரிணைப் பகுதியில் 24 ஆண்டுகளாகக் கப்பல்களுக்கு வழிகாட்டிக் கொண்டிருக்குமா ஓங்கல்?

நியூசிலாந்து நாடு இரண்டு பெரிய தீவுகளைக் கொண்ட நாடு. அந்த இரு தீவுகளுக்கும் இடைப்பட்ட கடற்பகுதியை குக் நீரிணை (Cook Strait) என்பார்கள்.

உலகின் மிக ஆபத்தான கடற்பகுதிகளில் இந்த குக் நீரிணையும் ஒன்று. வலிமையான 8 நாட் வரை வேகம் கொண்ட நீரோட்டம், பேரலைகள், கடற்பாறைகள் நிறைந்த பகுதி இது. இந்த நீரிணை வழியாகச் செல்லும் கப்பல்கள் பாறையில் மோதி உடைபடவோ, தரைதட்டவோ, உடைந்து நீரில் மூழ்கவோ வாய்ப்புகள் அதிகம்.

குக் நீரிணை என்றாலே கப்பல் மாலுமிகளுக்கு திக்திக் என்று இருந்தநிலையில் அவர்களுக்கு உதவியாக திடீரென ஒருநாள் களத்தில் குதித்தது ஒரு கடலுயிர். அது கண்டா வகை ஓங்கல்.

ஓங்கல்கள் எனப்படும் டால்பின்களில் பலவகைகள் உள்ளன. சீன ஓங்கல் (வெள்ளை ஓங்கல்) (Indo Pacific Humpbacked Dolphin), கிண்கிணி ஓங்கல், கண்டா ஓங்கல் (Risso), வலவம் ஓங்கல் (Pilot Whale) என ஓங்கல்களில் பலப்பல ரகம்.

இந்தநிலையில் குக் நீரிணைப்பகுதியில் கப்பல்களுக்கு வழிகாட்டியாக ஒரு கண்டா ஓங்கல் 1888ஆம் ஆண்டு திடீரெனத் தோன்றியது. நியூசிலாந்தின் தலைநகரமான வெலிங்டனில் இருந்து தெற்குத் தீவில் உள்ள நெல்சனுக்குப் பயணம் செய்த பிரிண்டில் என்ற கப்பலுக்கு அது வழிகாட்டியது. பாறைகளில் கப்பல் மோதிவிடாமல், சரியான வழியைக் காட்டியபடி கப்பலின் கூடவே அது பாந்தமாக பவனி வந்தது. 

மனிதர்களின் உணர்வுகளையும் புரிந்துகொள்ளும் ஓங்கல்கள்

ஏறத்தாழ 13 அடி (4 மீட்டர்) நீளமுள்ள ஓங்கல் அது. வெள்ளையில் சாம்பல் நிற வரிகளுடன் காணப்பட்ட அந்த ஓங்கல் ஆணா பெண்ணா என்பது கூட தெரிய வில்லை. ஆனால் கண்டா ஓங்கல்களில் ஆண் ஓங்கல்கள் மட்டுமே 4 மீட்டர் நீளம் வரை வளரும். ஆகவே, இந்த வழிகாட்டி ஓங்கல் ஆண் ஓங்கல்தான் என்ற முடிவுக்கு கப்பல்மாலுமிகள் வந்தார்கள்.

பிரிண்டில் கப்பலுக்கு மட்டுமல்ல, அடுத்த 24 ஆண்டுகளில் நாள்தோறும் இரவும் பகலும் அந்த கண்டா ஓங்கல் அந்த வழியே வரும் அனைத்துக் கப்பல்களுக்கு வழிகாட்ட ஆரம்பித்தது. கட்டணமில்லா சேவை.

அந்த கண்டா ஓங்கலுக்கு ‘பெலோரஸ் ஜேக்' (Pelorus Jack) என்று பெயர் சூட்டப்பட்டது. பெலோரஸ் ஜேக் என்பது ஸ்காட்லாந்து பகுதியைச் சேர்ந்த ஒரு நாட்டுப்புற நடனத்தின் பெயர். அந்த நடனத்தில் ஆடுபவர்களைப் போலவே நமது கண்டா ஓங்கலும் சுற்றிச்சுழன்று திருநடனம் புரிந்ததால் பெலோரஸ் ஜேக் என்ற பெயர் சூட்டப்பட்டது.

பெலோரஸ் ஜேக், ஒவ்வொரு கப்பலுடன் அரைமணிநேரம் வரை கூடவே வந்து வழிகாட்டும். சிலவேளைகளில் குக் நீரிணைப் பகுதிக்குள் நுழையும் கப்பல்கள் பெலோரஸ் ஜேக்குக்காகவே காத்திருக்கும். சில கப்பல் கேப்டன்கள் பெலோரஸ் ஜேக் வராமல் குக் நீரிணையில் பயணப்பட மாட்டார்கள்.

பெலோரஸ் ஜேக் சிலவேளைகளில் கப்பல்களுடன் 8 கிலோ மீட்டர் தொலைவு வரை கூடவே வரும். கப்பலில் இருந்து எழும் அலைகளில் சறுக்கி விளையாடும். ஆனால், குக் நீரிணையில் உள்ள பிரெஞ்சு பாஸ் என்ற பகுதிக்குள் மட்டும் அது நுழையாது. பிரெஞ்சு பாஸ் பகுதி வந்ததும் நின்று கொள்ளும். அங்கிருந்து திரும்பி வரும் கப்பல்களுக்கு மீண்டும் வழிகாட்டும்.

பெலோரஸ் ஜேக்கின் புகழ் உலகம் முழுவதும் பரவத் தொடங்க நாளிதழ்களில் அதுபற்றி செய்திகள் குவிந்தன. அஞ்சல் அட்டைகளில் பெலோரஸ் ஜேக்கின் படம் இடம்பெற்றது. பெலோரஸ் ஜேக்கைக் காண சுற்றுலாப் பயணிகள் நியூசிலாந்தில் குவியத் தொடங்கினர்.

ஒருமுறை பெங்குவின் என்ற பயணிகள் கப்பலைச் சேர்ந்த குடிகார மாலுமி ஒருவர் பெலோரஸ் ஜேக் ஓங்கலைக் கண்டு கடுப்பாகி, கப்பலின் மேற்தளத்தில் இருந்து அதை துப்பாக்கியால் சுட்டார். நல்லவேளை, பெலோரஸ் ஜேக் நீரில் மூழ்கி தப்பி விட்டது. அந்த குடிகார மாலுமியை மடக்கிப் பிடித்த சுற்றுலாப் பயணிகள் கரை வந்து சேர்ந்ததும் அவரை காவல்துறையிடம் ஒப்படைத்தனர்.

இந்த தகவல் இதற்குள் காட்டுத் தீயாகப் பரவ, நியூசிலாந்து நாட்டு நாடாளுமன்றம் கூடி, பெலோரஸ் ஜேக் ஓங்கலைக் காப்பாற்ற சட்டம் பிறப்பித்தது. அந்த ஓங்கல் மீது யாராவது தாக்குதல் நடத்தினால் 100 பவுண்ட் வரை தண்டம் என்று அரசு அறிவித்தது. உலக அளவில் தனியொரு கடலுயிரை பாதுகாக்க ஒரு நாட்டின் நாடாளுமன்றம் சட்டம் பிறப்பித்தது அதுவே முதல்முறை.

இதற்கிடையே இன்னொரு வியப்பூட்டும் சங்கதி நடைபெற்றது. குக் நீரிணைக்கு வரும் அனைத்துக் கப்பல்களுக்கும் வழிகாட்டி வந்த பெலோரஸ் ஜேக், தன்னைச் சுட முயன்ற கப்பலான பெங்குவினுக்கு மட்டும் அதன்பிறகு வழிகாட்டவேயில்லை. இந்தநிலையில் ஒருநாள் குக் நீரிணைப் பகுதியில் கடற்பாறையில் மோதி பெங்குவின் கப்பல் உடைந்தது. அதில் 75 பேர் வரை பலியானார்கள்.

இதற்கிடையே பெலோரஸ் ஜேக்குக்கு வயதாகத் தொடங்கியது. கண்டா ஓங்கல்கள் 24 முதல் 30 ஆண்டுகள் வரை உயிர்வாழக் கூடியவை. இந்தநிலையில், 24 ஆண்டுகள் இடைவிடாமல் வழிகாட்டி பணிபுரிந்த பெலோரஸ் ஜேக், அதன் ஓய்வு வயதை எட்டத் தொடங்கியது.
வயதாகி விட்டதால் அதன் வேகம் குறையத் தொடங்கியது. அதற்கேற்ப நீராவிக் கப்பல்களும் பெலோரஸ் ஜேக்குக்கு ஏற்ப தங்கள் வேகத்தைக் குறைத்துக் கொண்டு அதை பின்தொடர ஆரம்பித்தன.

இதற்கிடையே தனது பணி தனக்குப்பிறகும் தொடர்ந்து தொய்வில்லாமல் நடைபெற வேண்டும் என்பதற்காக நாய்ச்சுறா ஒன்றுடன் பெலோரஸ் ஜேக் நட்புறவை ஏற்படுத்திக் கொண்டு அந்த நாய்ச்சுறாவை தனக்கு மாற்றாக களமிறக்க முயன்றதாகக்கூட ஒரு கதை உண்டு.
எது எப்படியோ? கடைசியாக 1912ஆம் ஆண்டு ஏப்ரல் மாதம் பெலோரஸ் ஜேக் ஒரு கப்பல் மாலுமியின் கண்ணில் பட்டது. அதன்பிறகு அதைக் காணவில்லை. 1912ஆம் ஆண்டு ஏப்ரல் மாதம் குக் நீரிணைப் பகுதியில் நங்கூரமிட்டு நின்ற நார்வே நாட்டு திமிங்கில வேட்டைக்கப்பல் ஒன்று பெலோரஸ் ஜேக்கை வேட்டையாடி விட்டதாக நம்பப்பட்டது.

ஆனால், குக் நீரிணை பகுதியில் கடலோர விளக்குகளை பராமரித்து வந்த சார்லி மொய்லர் என்பவர் பெலோரஸ் ஜேக் போன்ற ஒரு கண்டா ஓங்கல் இறந்து கரை ஒதுங்கியதாகக் கூறினார். அந்த ஓங்கலின் உடல் துணுக்குகளை ஆய்வு செய்ததில் அது 24 முதல் 30 வயதான ஓங்கல் எனத் தெரிய வந்தது. அது பெலோரஸ் ஜேக்கின் உடல்தான். முதுமை காரணமாக பெலோரஸ் ஜேக் இயற்கை மரணம் அடைந்து விட்டது என கருதப்பட்டது.

உலக அளவில் பெலோரஸ் ஜேக்கைப் புகழ்ந்து பாடல்கள் இயற்றப்பட்டன. ஒரு சாக்லெட்டுக்கு பெலோரஸ் ஜேக்கின் பெயர் சூட்டப்பட்டது. நியூசிலாந்தில் பெலோரஸ் ஜேக்கின் மிகப்பெரிய வெண்கலசிலை நிறுவப்பட்டது.

இதற்கிடையே பெலோரஸ் ஜேக்கை பிடிக்காத சிலரும் அப்போது இருந்தார்கள். ‘பெலோரஸ் ஜேக் ஒன்றும் கப்பல்களுக்கு வழிகாட்டவில்லை. அது கப்பல்களால் உருவாகும் அலைகளைப் பயன்படுத்தி அலைச்சறுக்கு செய்யத்தான் கப்பல்களுடன் பயணித்தது‘ என்பது அவர்களது கருத்தாக இருந்த து.

எது எப்படியோ? பெலோரஸ் ஜேக் இருந்த வரை, குக் நீரிணைப் பகுதியில் அது வழிகாட்டிய எந்த ஒரு கப்பலும் விபத்தில் சிக்கவில்லை. ஆனால், பெலோரஸ் ஜேக்கின் மறைவுக்குப்பிறகு கப்பல் விபத்துகள் நடந்தது குறிப்பிடத்தக்கது.

]]>
Pelorus Jack https://images.dinamani.com/uploads/user/imagelibrary/2020/4/15/w600X390/pelorous.jpg https://www.dinamani.com/latest-news/sub-latest-news/2020/apr/15/pelorus-jack-3400486.html
3404590 தற்போதைய செய்திகள் தற்போதைய செய்திகள் மனிதர்களின் உணர்வுகளையும் புரிந்துகொள்ளும் ஓங்கல்கள் மோகன ரூபன் DIN Saturday, May 23, 2020 03:16 PM +0530  

கடல்வாழ் பாலூட்டிகளில் ஒன்றான ஓங்கல் எனப்படும் டால்பின் ஒரு விந்தையான உயிரினம். மனிதர்கள் அளவுக்கு அறிவுள்ள விலங்கான ஓங்கல், மனிதர்களோடு மிக நெருங்கிப் பழகக் கூடிய விலங்கு. மனிதர்களின் உணர்வுகளைக்கூட ஓங்கலால் புரிந்து கொள்ள முடியும். கடலில் மூழ்கித் தத்தளித்த மனிதர்களை ஓங்கல்கள் காப்பாற்றி கரைசேர்த்த சில நிகழ்வுகள் உள்ளன.

கடல் கடவுள் நெப்டியுனால் சபிக்கப்பட்ட சில கப்பல் மாலுமிகள்தான் டால்பின்களாக மாறினார்கள் என்று கிரேக்க நாட்டுப் பழங்கதைகள் கூறுகின்றன. கிரேக்க (கிரீஸ்) நாட்டில் டால்பின்களைக் கொன்றால் அது மிகப்பெரிய குற்றம்.

ஒருமுறை அமெரிக்காவின் ஃபுளோரிடா மாநில கடல்அருங்காட்சியகத்துக்கு ஒரு பெண்மணி போயிருந்தார். அவர் ஓங்கல்களை வேடிக்கை பார்த்துக் கொண்டிருந்தபோது, பெண் ஓங்கல் ஒன்று அதன் வாயால் சிறிய கூழாங்கல் ஒன்றை நீருக்கு அடியில் இருந்து பொறுக்கியெடுத்து, அந்த பெண்ணின் வயிற்றின் மீது சரியாக குறிபார்த்து எறிந்தது. அது மிகச்சிறிய கல். எனவே அந்தப் பெண்மணிக்கு வலி எதுவும் ஏற்படவில்லை.

இப்போது இரண்டாவது முறையாக மீண்டும் ஒரு சிறிய கல்லை எடுத்து அந்தப் பெண்ணின் வயிற்றைக் குறிபார்த்து ஓங்கல் மென்மையாக எறிந்தது. மூன்றாவது முறையும் இதேப்போல நடந்தது. அந்த கடல்அருங்காட்சியக ஊழியர்களுக்கு கூட ஓங்கல் ஏன் அப்படி செய்கிறது என்பது புரியவில்லை. இதுவரை அது அப்படி நடந்து கொண்டதில்லை. இது என்ன புதுப்பழக்கம் என்று அவர்கள் திகைத்துப் போனார்கள். 

ஓங்கல் அறியும் உயர் கடலின் ஆழம் - பெலோரஸ் ஜேக்கின் கதை

ஆனால் அந்தப் பெண்மணி மட்டும் ஓங்கல் ஏன் அப்படி செய்தது என்பதை புரிந்து கொண்டார். தான், சற்றுமுன் மருத்துவமனைக்குப் போயிருந்ததாகவும், மருத்துவர் தன்னைப் பரிசோதித்துவிட்டு கர்ப்பமாக இருப்பதாகக் கூறியதாகவும் அந்தப் பெண்மணி கூறினார். அந்தப் பெண்மணியின் வயிற்றில் புதிதாக உருவாகி இருந்த கருவை ஓங்கல் அறிந்து அந்த மகிழ்ச்சியைப் பகிர்ந்து கொள்ளத்தான் அந்தப் பெண்மணியின் வயிற்றின் மீது சிறிய கல்லை வீசி விளையாடியிருக்கிறது. அந்த அளவுக்கு ஓங்கல்கள் எனப்படும் டால்பின்கள் அதீத அறிவாற்றலும், விசித்திரமான சக்தியும் உள்ளவை.

சுறாக்களால் 100 மீட்டர் தொலைவில் உள்ள உயிர் ஒன்றின் இதயத் துடிப்பைக்கூட அறிந்து கொள்ள முடியும் என்பார்கள். இதே திறமை ஓங்கல்களுக்கும் உண்டு. ஓங்கல்களால் ஒரு பெண்ணின் வயிற்றில் உள்ள கருவை ஸ்கேன் செய்து விட முடியும். கர்ப்பிணி பெண் ஒருவரை கடலில் இடுப்பளவு ஆழத்தில் நிறுத்திவைத்தால் ஓங்கல்கள் வந்து அவரை சூழ்ந்து கொள்ளும் என்றுகூட ஒரு நம்பிக்கை உள்ளது.

இதுபோக, ஓங்கல்களிடம் இன்னும் பல்வேறு வகையான திறமைகள் உள்ளன. ஓங்கல்களால் பேசவும், பாடவும் முடியும். மிகமிகத் தொலைவில் இருந்து தங்களுக்குள் தகவல்களை பரிமாறிக் கொள்ள முடியும்.

இது தவிர கடல்கொண்ட தென்னாடான லெமூரியா கண்டம், கடலில் மூழ்கி மறைந்த அட்லாண்டிஸ் கண்டம் போன்ற பழங்கால கண்டங்களைப் பற்றி ஓங்கல்களுக்குத் தெரியும் என்பார்கள். மூதாதையர்கள் சொன்ன கதைகளை மனிதர்கள் வழி வழியாக தங்கள் சந்ததிகளுக்குக் கடத்துவது போல, ஓங்கல்களும் தங்கள் பரம்பரை அறிவை, வரலாற்றை, வழிவழியாக தங்கள் சந்ததிகளுக்கு கடத்துவதாக அறிவியலாளர்கள் நம்புகிறார்கள். கடலில் மூழ்கிய கப்பல்களில் உள்ள புதையல்களைப் பற்றிகூட ஓங்கல்களுக்குத் தெரியும் என்பார்கள். (ஓங்கலுக்கு உடனே Facebook Friend request கொடுத்து விடாதீர்கள்)

அமெரிக்க செவ்விந்தியர்கள், ஓங்கலை ‘வாழ்க்கையின் மூச்சு’ என்று வர்ணிப்பார்கள். ‘உடல் என்னும் யதார்த்தத்தின் வரம்புகளை, பரிமாணங்களை உடைத்தெறியும் ஆற்றல் கொண்டவை ஓங்கல்கள்’ என்றும் அவர்கள் கூறுவார்கள்.

தமிழகத்தின் தென்கடல் பரதவர்களிடம் ஒரு பழமொழி உண்டு. ‘ஓங்கல் அறியும் உயர்கடலின் ஆழம்’ என்ற பழமொழி அது. ஓங்கல்களுக்கு இவ்வளவு அறிவும் திறமையும் இருக்கும்போது, ஓங்கல் ஒன்று கப்பல்களுக்கு வழிகாட்டுவது அப்படியொன்றும் அதற்கு பெரிய வேலை இல்லை. சும்மா ஜூஜூப்பி வேலை.

]]>
dolphins https://images.dinamani.com/uploads/user/imagelibrary/2020/4/21/w600X390/dolphin.jpg https://www.dinamani.com/latest-news/sub-latest-news/2020/apr/21/dolphins-3404590.html
3410838 தற்போதைய செய்திகள் தற்போதைய செய்திகள் தாயை இழந்த குட்டிகளைத் தத்தெடுக்கும் திமிங்கிலங்கள்! மோகன ரூபன் DIN Saturday, May 23, 2020 03:16 PM +0530  

தாய் வயிற்றிலிருந்து பிறக்கும் போது நாம் தலைகீழாகப் பிறந்தோம்.   மூச்செடுக்க வசதியாக நமது தலை முதலில் வெளிவந்தது. ஆனால் திமிங்கிலக் குட்டிகள் கடலுக்கு அடியில் பிறப்பதால், முதலில் வால்தான் ‘தலை‘யை நீட்டும். பிறகுதான் முழு உடலும் வெளிவரும். திமிங்கிலக்குட்டியின் தலை முதலில் வெளிவந்தால் அதன் மூச்சுத் துளைக்குள் நீர் புகுந்து அது இறந்து விட வாய்ப்புள்ளது.

திமிங்கிலக் குட்டி பிறந்தவுடன் செய்ய வேண்டிய முதல் அரும்பணி மூச்செடுப்பதுதான். திமிங்கிலக் குட்டியை கடலின் மேற்பரப்புக்கு கொண்டு வந்து அதை மூச்செடுக்க வைக்கும் பணியை, தாய்த் திமிங்கிலமோ அல்லது பேறு காலத்தின் போது அதன் உடனிருந்து உதவிய அத்தை அல்லது பெரியம்மா திமிங்கிலமோ செய்யும். இவற்றின் உதவியுடன் திமிங்கிலக்குட்டி கடல்மேல் வந்து உயிர்க்காற்றை முதன்முறையாக இழுத்து மூச்சுவிடும்.

அதன்பிறகு பாலருந்தும் பணி. தாய்த் திமிங்கிலம் அதன் பால் சுரப்பிகளில் உள்ள தசைகளை இயக்கி, குட்டியின் வாயை தனது பால்காம்பில் பொருந்த வைத்து, பாலைப்பொழியும். ஒரு நாளைக்கு 40 முறை திமிங்கிலக் குட்டி பாலருந்தும்.

திமிங்கிலப் பால் மிகச்செழுமையானது. 50 விழுக்காடு வரை கொழுப்புச்சத்து நிறைந்தது. (பசும்பாலில் வெறும் 4 விழுக்காடு கொழுப்புதான்) திமிங்கில பாலை சுவைத்துப் பார்த்த சில மனிதர்கள் அது, மெக்னீசியம், மீன் சதை, கல்லீரல், ஆமணக்கெண்ணெய் கலந்த கலவை போல இருக்கும் என்று கூறியிருக்கிறார்கள். திமிங்கிலப் பால் நமக்கு ஒருவேளை உவ்வே என்று குமட்டலாம். ஆனால், திமிங்கிலக் குட்டிக்கு அது சுவை நிறைந்த பேரமுதம்.

இந்த செறிவான கொழுப்புப் பால் மூலம் திமிங்கிலக் குட்டி ஒரே நாளில் 200 பவுண்ட் வரை, அதாவது ஒரே நாளில் 4 சிறுவர்களுக்கு இணையாக வளரும். நாள் ஒன்றுக்கு திமிங்கிலக் குட்டி 130 கேலன் பால் குடிக்கும். (ஒரு கேலன் என்பது 3.78 லிட்டர்)

திமிங்கிலக் குட்டிகள் பிறந்த சில நாள்களில் ‘பேச’ கற்றுக் கொள்கின்றன. திமிங்கிலங்களின் மொழியில், அம்மா, உணவு, ஆபத்து, விளையாட்டு என்ற ஒவ்வொரு சொல்லுக்கும் ஒவ்வொரு விதமான ஓசை இருக்கிறது. வாயுள்ள பிள்ளை பிழைக்கும் என்பது போல ‘பேசத்‘ தெரிந்த திமிங்கிலக் குட்டிதான் பிழைக்கும் என்பதால் திமிங்கிலக் குட்டிகள் ஒவ்வொன்றும் தாயிடம் இருந்து ‘பேசக்‘ கற்றுக்கொள்கின்றன..

திமிங்கிலத்துக்கு நம்மைப் போல குரல்வளை இல்லை. எனவே அதிர்வுகள் மூலம் அவை ‘பேசுகின்றன’. சிறப்பு சீழ்க்கை அதிர்வொலிகள், சுண்டெலி போன்ற கிறீச் சத்தம், கதவைத் திறக்கும் ஓசை, கீச்சொலிகள், பலவித முக்கல், முனகல்கள் போன்ற அதிர்வொலிகளை திமிங்கிலத் தாய் கற்றுக் கொடுக்கிறது. குட்டி கற்றுக்கொள்கிறது. மனிதக் காதுகளுக்கு கேட்காத இந்த கேளா ஒலியை எல்லா திமிங்கிலங்களாலும் உணர முடியும். புரிந்து கொள்ளவும் முடியும்.

திமிங்கிலங்கள் ‘எக்கோலொக்கேசன்‘ (Echolocation) ஒலியலைகளின் மூலம் பேச மட்டுமல்ல, ‘பார்க்கவும்‘ செய்கின்றன. திமிங்கிலம் அதன் மூச்சுத்துளை வழியாக, ஒலியலையை வெளியிடும். இந்த ஒலியலை எதிரே வரும் பொருள்களின்மீது மோதி எதிரொலி போல மீண்டும் திமிங்கிலத்திடம் திரும்புகின்றன. இதன்மூலம் எதிரே வருவது படகா, மீன்கூட்டமா, பாறையா, மணல்கரையா என்பதை திமிங்கிலம் உணர்ந்து கொள்கிறது. எதிரே உள்ள உருவத்தின் நீளம் அகலம் உயரத்தை இந்த ஒலியலை மூலம் திமிங்கிலம் தனது மூளையில் ஒரு படமாக உணர்கிறது. எதிரே வரும் பொருள் அருகில் மிக நெருங்க நெருங்க திமிங்கிலத்தின் ஒலியலை செல்லும் வேகமும், திரும்பும் வேகமும் அதிகரிக்கும். பல்லுள்ள ஸ்பெர்ம் போன்ற திமிங்கிலங்களால் இந்த ஒலியலையை ஆயுதம் போல பயன்படுத்தி எதிரே வரும் எதிரியைத் தாக்கி, சற்று திக்குமுக்காட வைக்கவும் முடியும்.

கடலில் ஒரு மைல் தொலைவில் வரும் மீன்கூட்டத்தை 2 நொடிகளில் திமிங்கிலத்தால் ‘பார்க்க‘ முடியும். ஒலியலைகள் போக ஒரு நொடி, வர ஒரு நொடி, அவ்வளவுதான். திமிங்கிலத்தின் இந்த எக்கோலொக்கேசன் பழுதாகி, செயல்படாத போதுதான் திமிங்கிலங்கள் கடலோரம் ஒதுங்கி தரை தட்டுகின்றன.

கடலில் தாயைப் பிரிந்த திமிங்கிலக் குட்டி ஒன்று இந்த எக்கோலொக்கேசன் மூலம் உதவி கேட்டு அழுகுரல் எழுப்ப, ஒரே வேளையில் 25 ஸ்பெர்ம் பெண் திமிங்கிலங்கள் அதைக் காக்க ஓடிவந்ததை ஒருவர் பதிவு செய்திருக்கிறார்.

திமிங்கிலங்களின் இந்த எக்கோலொக்கேசனுக்கு இன்னொரு விதமான பயன்பாடும் இருக்கிறது. ஒரு திமிங்கில குட்டியின் வயிற்றில் காற்றுக் குமிழ் இருப்பதைக் கூட தாய்த்திமிங்கிலத்தால் இந்த எக்கோலொக்கேசன் மூலம் தெரிந்து கொள்ள முடியும். தட்ட வேண்டிய இடத்தில் குட்டியைத் தட்டி அந்த காற்றுக் குமிழை ஏப்பமாக தாய்த் திமிங்கிலம் வெளியேறச் செய்யும்.

.பெரிய திமிங்கிலங்கள் குட்டிகளுடன் அவ்வப்போது விளையாடுவதும் உண்டு. சாம்பல் திமிங்கிலங்கள் குட்டியை தனக்கு மேல்பக்கம் நீந்த வைத்து ஊதுதுளையால் திடீரென காற்றுவளையங்களை ஏற்படுத்தி குட்டியை சுழல வைத்து வேடிக்கை காட்டும். குட்டியை தன் முகத்தால் தட்டி தட்டி தூக்கி எறிந்து விளையாடும் பழக்கமும் சாம்பல் திமிங்கிலங்களுக்கு உண்டு. ஸ்பெர்ம் திமிங்கிலம் பலம் வாய்ந்த தாடைகளால் குட்டியை முத்தமிடும். பக்கத் தூவிகளால் குட்டியை கட்டியணைத்துக் கொள்ளும் பழக்கமும் திமிங்கிலங்களுக்கு உள்ளது.

திமிங்கிலக் குட்டிகளும் மனிதக் குழந்தைகளைப் போலத்தான். சிலவேளைகளில் தாய் சொல்லைக் கேட்காமல் அவை குறும்புகளில் ஈடுபடும். அப்போது தாய்த் திமிங்கிலம் சிறு தண்டனைகளைத் தரத் தவறாது. திமிங்கிலத்தில் சிறிய வகையான ஓங்கல், அதன் குட்டியை சிறிது நேரம் தண்ணீருக்குள் அமிழ்த்திப் பிடித்து, மூச்செடுக்க விடாமல் செய்து தண்டிக்கும்.

திமிங்கிலக் குட்டி உணவு, பாதுகாப்பு, கல்விக்காக எப்போதும் அதன் தாயை அண்டியே வாழும். தாயின் அடிவயிற்றையோ வாலை ஒட்டியோ குட்டி நீந்திவரும். தாய்த் திமிங்கிலம் இரைதேடச் சென்றால் அதன் இடத்தில் இன்னொரு பெண் திமிங்கிலம் இருந்து குட்டியை சொந்த பிள்ளை போல பார்த்துக் கொள்ளும். தாய்த் திமிங்கிலம் இறந்து போனால், குட்டியை மற்றொரு பெண் திமிங்கிலம் தத்தெடுத்து வளர்க்கும்.

- எழுத்தாளர் டெல்லா ரௌலண்ட் எழுதிய புத்தகத்திலிருந்து.

]]>
whales, adopting https://images.dinamani.com/uploads/user/imagelibrary/2020/5/1/w600X390/whale.jpg https://www.dinamani.com/latest-news/sub-latest-news/2020/may/02/whales-adopting-mother-lost-calves-3410838.html
3418759 தற்போதைய செய்திகள் தற்போதைய செய்திகள் கணவன் இறந்த சில மணி நேரங்களில் குழந்தை பெற்றெடுத்த பெண் DIN DIN Saturday, May 23, 2020 01:03 PM +0530 மும்பையில் கணவர் இறந்த சில மணி நேரத்தில் தெற்குக் கர்நாடகத்தில் ஒரு குழந்தையைப் பெற்றெடுத்தார் அவருடைய மனைவி.

மகாராஷ்டிரத்தில் புணே நகரில் ஒரு ஹோட்டலில் பணிபுரிந்து வந்தவர் சஞ்சித். இவருடைய மனைவி லாவண்யா.

லாவண்யா எட்டு மாத கர்ப்பிணியாக இருந்தபோது மகப்பேறுக்காக, கணவரைப் பிரிந்து கர்நாடகத்திலுள்ள தன் சொந்த ஊரான  வேனூருக்கு வந்துவிட்டார்.

சில நாள்களுக்கு முன் திடீரென சஞ்சித்துக்கு நெஞ்சுவலி ஏற்பட்டது. கரோனா பொது முடக்கம் காரணமாக உடனடியாக, கரோனா சிகிச்சை மருத்துவமனை அல்லாத எந்த மருத்துவமனைக்கும் செல்ல முடியவில்லை.

வேறு வழியின்றிக் கடைசியாக கரோனா மருத்துவமனைக்குச் சென்ற சஞ்சித், சிகிச்சை பலனின்றி உயிரிழந்தார்.  இவர் ஒருவரை நம்பிதான் இந்தக் குடும்பமே இருக்கிறது.

கணவர் இறந்த சில மணி நேரங்களில் ஊருக்கு வந்திருந்த லாவண்யா, குழந்தை பெற்றெடுத்தார். கணவர் இறந்த தகவல் அவருக்குச் சொல்லப்படவில்லை.

சிறுவயதிலேயே தாய், தந்தையை இழந்தவரான லாவண்யா, இப்போது, கணவரில்லாமல் தன் இரு குழந்தைகளே வளர்க்க வேண்டியவராகிவிட்டார்.  

கடைசியாகத் தாயிடம் தொலைபேசியில் பேசும்போது கரோனா பிரச்சினையால் உடனடியாக மருத்துவமனைக்குத் தன்னால் செல்ல முடியவில்லை என்று சஞ்சித் தெரிவித்துள்ளார்.

இதனிடையே, லாவண்யாவின் சகோதரரால் சொந்த ஊருக்கு வந்துசேர முடியவில்லை. கரோனா கட்டுப்பாடு காரணமாக இரு மாநில எல்லையிலேயே அவர் தடுத்துத் திருப்பி அனுப்பப்பட்டுவிட்டார்.

]]>
birth, Mumbai https://images.dinamani.com/uploads/user/imagelibrary/2018/9/26/w600X390/new_born.jpg https://www.dinamani.com/latest-news/sub-latest-news/2020/may/23/woman-in-kannada-gives-birth-hours-after-husband-dies-in-mumbai-3418759.html
3418506 தற்போதைய செய்திகள் தற்போதைய செய்திகள் இடிவிழுந்து புளியமரம் பற்றியெரிந்தது: தென்னங்கீற்றுகள் நாசம்  DIN DIN Friday, May 22, 2020 10:02 PM +0530 வாழப்பாடி: சேலம் மாவட்டம் வாழப்பாடி அருகே பொன்னாரம்பட்டி கிராமத்தில், வெள்ளிக்கிழமை இரவு, இடி விழுந்ததில், புளியமரம் தீப்பற்றி எரிந்தது. மரத்திற்குக் கீழே அடியில் அடுக்கி வைக்கப்பட்டிருந்த நூற்றுக்கணக்கான தென்னங்கீற்றுகளும் எரிந்துநாசமானது.

வாழப்பாடி பகுதியில் வெள்ளிக்கிழமை இரவு 6.30 மணி முதல் 7.10 வரை பலத்த சூறைக்காற்றுடன் கனமழை பெய்தது. அப்போது பொன்னாரம்பட்டி கிராமத்தில், சாலையோரத்தில் இருந்த, 50 ஆண்டுகள் பழமையான புளியமரம் மீது, இடி விழுந்ததில் தீப்பற்றி எரிந்தது.

மரத்திற்கு அடியில் கூலித்தொழிலாளர்கள் முடைந்து அடுக்கிவைத்திருந்த நூற்றுக்கணக்கான தென்னங்கீற்றுகளும் எரிந்து நாசமானது.

இதுகுறித்து தகவலறிந்த வாழப்பாடி தீயணைப்பு நிலைய அலுவலர் மீனாட்சிசுந்தரம் தலைமையிலான தீயணைப்பு படை வீரர்கள், சம்பவ இடத்திற்கு விரைந்து சென்று, தீயை அணைத்து, குடியிருப்பு பகுதிகளுக்குத் தீ பரவாமல் தடுத்தனர்.

]]>
Thunderbolt, Thunderstorms, salem https://images.dinamani.com/uploads/user/imagelibrary/2020/5/22/w600X390/WhatsApp_Image_2020-05-22_at_9.jpeg https://www.dinamani.com/latest-news/sub-latest-news/2020/may/22/thunderbolt-tree-fired-3418506.html
3418491 தற்போதைய செய்திகள் தற்போதைய செய்திகள் பேசும் படங்கள் : செய்திகள் - படங்களில் DIN DIN Friday, May 22, 2020 07:43 PM +0530  

உம்பன் புயல் பாதித்த பகுதிகளை வெள்ளிக்கிழமை பார்வையிட்ட பின் வடக்கு 24 பர்கானாவில் பஷீரத்தில் நடைபெற்ற ஆய்வுக் கூட்டத்தில் பிரதமர் நரேந்திர மோடி, மேற்கு வங்க முதல்வர் மமதா பானர்ஜி, ஆளுநர் ஜகதீப் தங்கர் மற்றும் அலுவலர்கள்.

வெள்ளம் பாதித்த பகுதிகள்

வெள்ளம் பாதித்த பகுதிகள்

சொந்த மாநிலமான பிகார் செல்வதற்காக குஜராத்தில் ஆமதாபாத் நகரில்  ரயில் நிலையம் செல்வதற்காகக் காத்திருக்கும் புலம்பெயர் தொழிலாளர்களும் குடும்பத்தினரும்.

பொது முடக்கம் காரணமாக வாராணசியில் கங்கைக் கரையில் நிறுத்தப்பட்டுள்ள படகுகள்.

]]>
news-photos https://images.dinamani.com/uploads/user/imagelibrary/2020/5/22/w600X390/PTI22-05-2020_000176B.jpg https://www.dinamani.com/latest-news/sub-latest-news/2020/may/22/news-photos-3418491.html
3418415 தற்போதைய செய்திகள் தற்போதைய செய்திகள் போராடிப் பெற்ற இலவச மின்சாரமும் பறிபோகுமோ? உயிர்துறந்த விவசாயத் தியாகிகளின் பட்டியல்! கே.எஸ். இராதாகிருஷ்ணன் DIN Friday, May 22, 2020 02:24 PM +0530  

விவசாயிகளுக்கு வழங்கப்பட்டுவரும் இலவச மின்சாரம், மத்திய அரசின் சில நடவடிக்கைகளால் ரத்து செய்யப்பட்டுவிடுமோ என்ற பேரச்சம் இன்று ஏற்பட்டிருக்கிறது.

தமிழகத்தில் விவசாயிகளுக்கு இலவச மின்சாரம் சும்மா கிடைத்துவிடவில்லை.  விவசாயிகள் தலைவர் நாராயணசாமி நாயுடு தலைமையில் வீறுகொண்டு எழுந்த போராட்டத்தில் - தொடர்ந்து நடந்த  விவசாயிகளின் போராட்டங்களில் எண்ணற்றோரைப் பலிகொடுத்துப் பெற்றதுதான் இலவச மின்சாரம்.

1970-ல் ஒரு யூனிட் மின்சாரத்திற்கு 8 பைசாவிலிருந்து 10 பைசாவாக உயர்த்தியதை எதிர்த்துத் தமிழக விவசாயிகள் போராடினார்கள். 

1970 மே 9 ஆம் தேதி பல்லாயிரக்கணக்கான மாட்டு வண்டிகள், டிராக்டர்கள் கலந்துகொள்ள பெரும் பேரணி நடந்தது. கட்டைவண்டி போராட்டம் என்று கோவை நகரையும் மற்ற தமிழக நகரங்களையும் திக்குமுக்காடச் செய்தனர் அன்றைய விவசாயிகள்.

நகரங்கள் அதிர்ந்தன. உயர்த்தப்பட்ட மின் கட்டணத்தைத் திரும்பப் பெறாவிட்டால், ஜூன் 15-ல் அரசு அலுவலகங்கள் முன் மறியல் போராட்டமும்  ஜூன் 19-ல் பந்த் நடத்தப்படும் என்றும் அறிவிக்கப்பட்டது.

போராட்டத்தின் உச்சத்தில் அரசாங்கம் ஒடுக்குமுறையை ஏவி, மூன்று விவசாயிகளின் உயிரைப் பறித்தது. அதனால் ஏற்பட்ட விளைவுகளும் அரசைப் பணிய வைத்தன. மின் கட்டணம் யூனிட் ஒன்றுக்கு ஒரு பைசா குறைக்கப்பட்டது. கடன் வசூல் தற்காலிகமாக தள்ளிவைக்கப்பட்டது.

காயங்கள் ஆறுவதற்கு முன்பாகவே மாநில அரசு மீண்டும் மின்சாரக் கட்டணத்தை யூனிட்டுக்கு 9 பைசாவிலிருந்து 12 பைசாவுக்கு உயர்த்தி, 1.1.1972 முதல் புதிய கட்டணத்தை அமல்படுத்தவும் உத்தரவிட்டது.

இதை எதிர்த்துக் கோவை மாவட்ட விவசாயிகள் முதலில் கிளர்ந்தெழுந்தனர். 1972 மார்ச்சில் 12 அம்சக் கோரிக்கைகளை, அரசிடம் முன்வைத்து நிறைவேற்றக் கோரினார்கள் விவசாயிகள். 15.4. 1972-க்குள் இந்தக் கோரிக்கைகளை நிறைவேற்றக் கெடுவும் விதித்தார்கள்.

மே 9-ல் மறியல் போராட்டம் தொடங்கியது. போராடிய விவசாயிகள் கைதுசெய்யப்பட்டு சிறையில் அடைக்கப்பட்டார்கள். நகரவாசிகள் தினமும் நுகரும் காய்கறிகளையும் பாலையும் விவசாயிகள் நகரங்களுக்கு அனுப்புவதை 2.06.1972 முதல் 4.06.1972 வரை நிறுத்தினார்கள். இதன் மூலம் தட்டுப்பாடு ஏற்படுத்தி, அரசுக்கு நிர்பந்தம் கொடுப்பதே நோக்கம்.

மாட்டு வண்டிப் போராட்டம்

இதற்குப் பின்னும் அரசு பணியாததால் கோவை விவசாயிகள் 07.06.1972-ல் புதுமையாக மாட்டு வண்டிப் போராட்டத்தை நடத்தினார்கள். மாவட்டத்தின் எல்லாப் பகுதிகளிலிருந்தும் புறப்பட்ட பல்லாயிரக்கணக்கான மாட்டு வண்டிகள், கோவை நகரின் சாலைகளிலும் சந்துபொந்துகளிலும் மத்திய சிறைச்சாலைக்கு முன்பும் நிறுத்தப்பட்டன. கோவை நகரம் ஸ்தம்பித்தது.

அமெரிக்காவிலிருந்து வெளிவரும் ‘தி நியூயார்க் டைம்ஸ்’ உள்ளிட்ட உலகப் பத்திரிகைகள் அவர்களைப் பாராட்டி ‘மாட்டு வண்டிகள் இந்திய விவசாயிகளின் பாட்டன் டாங்குகள்’ என்று இந்தப் போராட்டச் செய்தியை வெளியிட்டன. இதற்குக் காரணமாக இருந்த பல தலைவர்களில் நாராயணசாமி நாயுடுவும், டாக்டர் சிவசாமியும் குறிப்பிடத் தக்கவர்கள்.

போராட்டத்தின் வீச்சை உணர்ந்த அரசு பணிந்தது. நாராயணசாமி நாயுடு தலைமையில் 1972 ஜூலை 13-ம் தேதி முதல் 16-ம் தேதி வரை அரசுடன் பேச்சுவார்த்தை நடந்தது. அதன்படி ஜூலை 19-ல் ஒப்பந்தம் ஏற்பட்டது. தற்காலிகமாக மின் கட்டண உயர்வு பிரச்சினைக்குத் தீர்வு ஏற்பட்டது. மின் கட்டணத்தில் யூனிட் ஒன்றுக்கு 1 பைசா குறைக்கப்பட்டது. சிறையில் இருந்த அனைத்து விவசாயிகளும் விடுவிக்கப்பட்டார்கள்.

விவசாயிகளுக்கு இலவச மின்சாரம் 

பல்வேறு போராட்டங்கள், ஏறத்தாழ இருபது ஆண்டுகள் முன்னெடுத்துப் பல விவசாயிகள் உயிர்த் தியாகம் செய்து கிடைத்ததுதான் இலவச மின்சாரம். எம்ஜிஆர் ஆட்சியில் சிறுகுறு விவசாயிகளுக்கு இலவச மின்சாரம் அறிவித்தாலும், இந்தியாவிலேயே முதன்முறையாக அனைத்து விவசாயிகளுக்கும் இலவச மின்சாரத்தை 1989 ஆட்சிக்காலத்தில் முதல்வராக இருந்த மு. கருணாநிதி அறிவித்தார். அன்றிலிருந்து இலவச மின்சாரம் தொடர்கிறது.

1950, 60, 80-களின் இறுதி வரை விவசாயிகள் கரண்ட் பில் கட்டுவதற்காக ஒரு பாடாகத் தத்தளிப்பார்கள். அப்படியே கட்டுவதற்கு பணம் இருந்தால்கூட சாதாரண விவசாயிகூட குருவிக்குளம், கழுகுமலை, கோவில்பட்டி, சங்கரன்கோவில் என அந்தந்த வட்டார விவசாயிகள் சிரமப்பட்டு அங்கே சென்று மின்சாரக் கட்டணத்தைக் கட்ட வேண்டிய நிலைமைக்கு தள்ளப்படுவார்கள்.

இன்றைக்கு இருப்பது போல போக்குவரத்து வசதிகள் கிடையா. வாடகை சைக்கிள் எடுத்துக்கொண்டு அருகில் உள்ள நகரங்களுக்குச் சென்று மின்வாரிய அலுவலகங்களில் பணம் கட்ட வேண்டும். பணமில்லாத விவசாயிகள் கடன் வாங்கி மாதா மாதம் கட்டி அவஸ்தைப்படுவதும் உண்டு. இப்படியான பாடுகள் விவசாயிகளுக்கு மின்கட்டணத்தில் இருந்தன. இந்த பிரச்னைகளை எல்லாம் எதிர்த்து போராடும் காலங்களில்தான் காவல்துறையின் துப்பாக்கிச்சூட்டிற்கு எண்ணற்ற விவசாயிகள் பலியானார்கள்.

அப்படியான நிலையில், திருப்பூர் மாவட்டம் பெருமாநல்லூர் விவசாயிகள் இராமசாமி, மாரப்பன், ஆயிக்கவுண்டர் ஆகியோர் காவல் துறையின் துப்பாக்கிச் சூட்டுக்கு பலியானார்கள்.

கோவில்பட்டி அருகே, பழைய அப்பநேரி கிராமத்தில் சேர்ந்த கந்தசாமி நாயக்கர் 5-7-1972இல் கோவில்பட்டியில் நடந்த விவசாயிகள் சங்க போராட்டத்தில் சுட்டுத்தள்ளப்பட்டார். அவருடைய பெயரில் படிப்பகம் ஒன்றை அவருடைய சொந்த கிராமமான பழைய அப்பநேரியில் நிறுவ காமராஜர் நேரில் வந்து 45 ஆண்டுகளுக்கு முன்னர் அடிக்கல் நாட்டியதுடன் முடிந்துவிட்டது. அன்றைய இந்திரா காந்தி அமைச்சரவையில் இருந்த மத்திய அமைச்சர் மோகன் குமாரமங்கலமும் நேரடியாக ஆறுதல் தெரிவிக்க பழைய அப்பநேரிக்கு வந்தார். விவசாயிகளின் போராட்டத்தில் உயிர்த் தியாகம் செய்த தியாகிகளுக்கு வழங்கப்பட்ட தொகையைப் பெறுவதற்கு இவருக்கு வாரிசுகூட இல்லை. இவரின் மனைவியும் ஏழ்மையிலேயே மறைந்துவிட்டார்.

இதே காலகட்டத்தில் 5-7-1972 இல் சேலம் மாவட்டம், பெத்தநாயக்கன்பாளையத்தில் ஒன்பது விவசாயிகளும், அன்று ஒன்றுபட்ட இராமநாதபுரம் மாவட்டம், இன்றைக்கு விருதுநகர் மாவட்டம் வெற்றிலையூரணி, மீசலூர், பாலவனத்தம் கிராமங்களில் முறையே ஒருவர் வீதம் மொத்தம் மூன்று பேரும், பெருமாநல்லூரில் மூன்று பேரும், ஆக மொத்தம் 15 விவசாயிகள் துப்பாக்கிச் சூட்டுக்குப் பலியானார்கள். இறுதியாக 1993ல் கோவில்பட்டி சம்பவம் வரை 46 விவசாயிகள் காவல்துறையின் துப்பாக்கிச் சூட்டிற்குப் பலியானதாக தகவல்கள் கிடைக்கின்றன.

ஜெயலலிதா ஆட்சியில் கோவில்பட்டியில் விவசாயிகள் மீது நடந்த துப்பாக்கிச்சூட்டில் எத்திராஜ் நாயக்கரும் ஜோசப் இருதய ரெட்டியாரும் பலியாகினர். இதற்கு ஓய்வுபெற்ற நீதிபதி சுப்ரமணியன் தலைமையில் 7.4.1993ல் நீதிவிசாரணைக்குத் தமிழக அரசு உத்தரவிட்டது. விவசாயிகள் சார்பில் நான் ஆஜரானேன். இதன் அறிக்கையை 5.5.1994ல் சட்டமன்றத்தில் அன்றைய முதல்வர் ஜெயலலிதா வைத்தார்.

போராட்டக் களத்தில் கட்டுரையாளர்

தியாகி கந்தசாமி நாயக்கருக்கு நினைவுத் தூண் கோவில்பட்டி முதன்மைச் சாலையிலுள்ள பயணியர் விடுதியில் நிறுவப்பட்டது. அதுவும் கேட்பாரற்று, அதிகாரிகளால் ஒரு ஓரமாக கிடத்தப்பட்டுவிட்டது.

கோவில்பட்டியில் அவரின் பெயரில் நிறுவப்பட்ட நினைவுத் தூணையும், அவர் சொந்த கிராமத்தில் திட்டமிடப்பட்டுள்ள படிப்பகத்தையும் உடனே அமைக்க அனைவரும் ஒத்துழைக்க வேண்டும்.

இப்படியான பல போராட்டங்களும் நிகழ்வுகளும் உள்ளன.

இதுவரையிலான போராட்டங்களில் 46 விவசாயிகள் உயிரிழந்துள்ளனர்.  காயங்களுடன் தப்பிய சிலர் சிகிச்சை பெற்று இன்றளவும் வாழ்ந்து கொண்டிருக்கின்றனர். ஆனால் இன்னுயிரைத் தந்த அந்த தியாகிகளின் பெயர்களை முடிந்தளவு வரிசைப்படுத்துகிறேன்.

வரிசை எண், பெயர், வயது, தேதி, இடம் என்ற வரிசையில்:


1. ஆயி கவுண்டர், 33, 19.06.1970, பெருமாநல்லூர், கோவை மாவட்டம்
2. மாரப்பக் கவுண்டர், 37, 19.06.1970, பெருமாநல்லூர், கோவை மாவட்டம்
3. இராமசாமி, 25, 19.06.1970, பெருமாநல்லூர், கோவை மாவட்டம்
4. ஆறுமுகம், 25, 05.07.1972, பெத்தநாயக்கன்பாளையம், சேலம்
5. முத்துச்சாமி, 21, 05.07.1972, பெத்தநாயக்கன்பாளையம், சேலம்
6. சாந்தமூர்த்தி, 20, 05.07.1972, பெத்தநாயக்கன்பாளையம், சேலம்
7. மணி, 30, 05.07.1972, பெத்தநாயக்கன்பாளையம், சேலம்
8. இராமசாமி (முத்து), 32, 05.07.1972, பெத்தநாயக்கன்பாளையம், சேலம்
9. பிச்சைமுத்து, 21, 05.07.1972, பெத்தநாயக்கன்பாளையம், சேலம்
10. கோவிந்தராஜுலு, 16, 05.07.1972, பெத்தநாயக்கன்பாளையம், சேலம்
11. விவேகானந்தன், 35, 05.07.1972, பெத்தநாயக்கன்பாளையம், சேலம்
12. இராமசாமி, 23, 05.07.1972, பெத்தநாயக்கன்பாளையம், சேலம்
13. முத்துக்குமாரசாமி, 22, 05.07.1972, அய்யம்பாளையம், பல்லடம் தாலுகா
14. சுப்பையன், 32, 05.07.1972, அய்யம்பாளையம், பல்லடம் தாலுகா
15. கந்தசாமி நாயக்கர், 55, 05.07.1972, பழைய அப்பநேரி, கோவில்பட்டி தாலுகா
16. சீனிவாசன், 18, 05.07.1972, சாத்தூர் தாலுகா, இராமநாதபுரம் ஜில்லா
17. கந்தசாமிரெட்டியார், 42, 05.07.1972 அருப்புக்கோட்டை, சாத்தூர் தாலுகா
18. நம்மாழ்வார், 20, 05.07.1972 சூலக்கரை, சாத்தூர் தாலுகா
19. கிருஷ்ணசாமி நாயக்கர், கோவை சிறையில்.
20. பெரியகருப்பன், திருச்சி சிறையில்.
21. நாச்சிமுத்துக் கவுண்டர், 50, 09.04.1978, வேடசந்தூர், திண்டுக்கல் மாவட்டம்
22. வி.சுப்ரமணியன், 30, 09.04.1978, வேடசந்தூர், திண்டுக்கல் மாவட்டம்
23. பி.சின்னசாமி கவுண்டர், 51, 09.04.1978, வேடசந்தூர், திண்டுக்கல் மாவட்டம்
24. கே.குப்புசாமி, 29, 09.04.1978, வேடசந்தூர், திண்டுக்கல் மாவட்டம்
25. பி.கிருஷ்ணமூர்த்தி, 25, 09.04.1978, வேடசந்தூர், திண்டுக்கல் மாவட்டம்
26. பி.மாணிக்க கவுண்டர், 52 09.04.1978, வேடசந்தூர், திண்டுக்கல் மாவட்டம்
27. ஆரோக்கியசாமி, 50, 10.04.1978, நொச்சியோடைப்பட்டி, திண்டுக்கல் தாலுகா
28. முருகேசக் கவுண்டர், 47, 11.04.1978, ஒடுகத்தூர், வேலூர் தாலுகா, (வ.ஆ.)
29. ஆர்.அரசுத்தேவர், 39, 04.04.1979, வாகைக்குளம், அருப்புக்கோட்டை தாலுகா
30. பி.சர்க்கரைத் தேவர், 35 04.04.1979, வாகைக்குளம், அருப்புக்கோட்டை தாலுகா
31. வி.புலியுடை தேவர், 32, 04.04.1979, வாகைக்குளம், அருப்புக்கோட்டை தாலுகா
32. முத்து வேலம்மாள், 52, 04.04.1979, வாகைக்குளம், அருப்புக்கோட்டை தாலுகா
33. வி. பாக்யத்தாள், 37, 04.04.1979, வாகைக்குளம், அருப்புக்கோட்டை தாலுகா
34. மகாலிங்கம், 19, 23.04.1979, உடுமலைப்பேட்டை, கோவை ஜில்லா
35. வேலுச்சாமி, 34, 23.04.1979, உடுமலைப்பேட்டை, கோவை ஜில்லா
36. சாத்தூரப்பநாயக்கர், 56, 31.12.1980, குருஞ்சாக்குளம், சங்கரன்கோவில் தாலுகா
37. வெங்கடசாமி நாயக்கர், 55, 31.12.1980, குருஞ்சாக்குளம், சங்கரன்கோவில் தாலுகா
38. வரதராஜ் நாயக்கர், 32, 31.12.1980, குருஞ்சாக்குளம், சங்கரன்கோவில் தாலுகா
39. என்.வெங்கடசாமி, 22, 31.12.1980, குருஞ்சாக்குளம், சங்கரன்கோவில் தாலுகா
40. ரவீந்திரன், 17, 31.12.1980, குருஞ்சாக்குளம், சங்கரன்கோவில் தாலுகா
41. முரளி, 13, 31.12.1980, குருஞ்சாக்குளம், சங்கரன்கோவில் தாலுகா
42. மணி, 17, 31.12.1980, டி.சி.கண்டிகை, திருத்தணி தாலுகா
43. ஏழுமலை, 22, 31.12.1980, வீரப்பார், பண்ருட்டி தாலுகா, கடலூர்
44. கி. துளசிமணி, சித்தோடு, கங்கார்புரம், பவானி வட்டம்
45. எத்திராஜ நாயக்கர், 29.03.1993, வெங்கடாசலபுரம் தாலுகா, சங்கரன்கோவில் வட்டம்
46. ஜோசப் இருதய ரெட்டியார், 29.03.1993, அகிலாண்டபுரம், ஒட்டப்பிடாரம் வட்டம்

4.7.1980-ல் சென்னையில் நடைபெற்ற தமிழக விவசாய சங்க மாநாட்டிற்கு சென்ற வாகனங்கள் கவிழ்ந்து (விபத்து ஏற்பட்டு) உயிர் நீத்த விவசாயிகள்:

வரிசை எண், பெயர், ஊர்  என்ற வரிசையில்:

1. முத்துச்சாமி, ஆலத்துரான்பட்டி, திண்டுக்கல்.
2. பொ. பெருமாள், ஆலத்துரான்பட்டி, திண்டுக்கல்.
3. பொன்னுச்சாமி, ஆலத்துரான்பட்டி, திண்டுக்கல்.
4. தண்டபாணி, ஆலத்துரான்பட்டி, திண்டுக்கல்.
5. பழனிச்சாமி, ஆலத்துரான்பட்டி, திண்டுக்கல்.
6. சுக்குரு (எ) சுப்பிரமணி, ஆலத்துரான்பட்டி, திண்டுக்கல்.
7. முத்துச்சாமி, ஆலத்துரான்பட்டி, திண்டுக்கல்.
8. கருப்பையா, ஆலத்துரான்பட்டி, திண்டுக்கல்.
9. முருகன், ஆலத்துரான்பட்டி, திண்டுக்கல்.
10. கந்தன், ஆலத்துரான்பட்டி, திண்டுக்கல்.
11. விசுவாசம், கதிரியன் குளம், திண்டுக்கல்
12. கோயில் ஆரோக்கியம், அனுமந்தராயன் கோட்டை, திண்டுக்கல்
13. லாரி டிரைவர் திண்டுக்கல்

விவசாய சொந்தங்கள் சற்றுக் கனிவோடு இந்தத் தியாகிகளை நினைத்துப் பாருங்கள். இந்தத் தியாகிகளால்தான் இலவச மின்சாரம் என்ற உரிமை கிடைத்தது. அது இன்று பறிபோகின்ற நிலைமை.

இப்படியாகத் தமிழகத்தில் நடைபெற்ற விவசாயிகள் போராட்டத்தில், விவசாயிகளின் உரிமைகளை நிலைநாட்ட போராடிய விவசாயிகள் குண்டடிபட்டுத் தங்களுடைய உயிர்களை மாய்த்துக் கொண்டார்கள்.

குறிப்பாக என்னுடைய குருஞ்சாக்குளம் கிராமம் இப்படிப்பட்ட பல தியாகிகளைப் பெற்றெடுத்ததில் பெருமைகொண்டாலும், அவர்களுடைய இழப்பை நினைத்து வேதனை கொள்கின்றது மனது. அவர்களுக்கு வீரவணக்கம்.

ஆளவந்தார்கள் விவசாயிகளை இரண்டாம் குடிமக்களாகப் பார்ப்பது இன்றும் தொடர்கின்றது.

[கட்டுரையாளர் - வழக்கறிஞர்,

அரசியற் செயற்பாட்டாளர்]

]]>
farmers, free power https://images.dinamani.com/uploads/user/imagelibrary/2020/5/22/w600X390/naidu.jpg மேடையில் நாராயணசாமி நாயுடு https://www.dinamani.com/latest-news/sub-latest-news/2020/may/22/free-electricity--list-of--agricultural-martyrs-3418415.html
3418127 தற்போதைய செய்திகள் தற்போதைய செய்திகள் புலம்பெயர் தொழிலாளர் சிறப்பு ரயில்களில் பிறந்த 21 குழந்தைகள்! DIN DIN Thursday, May 21, 2020 10:17 PM +0530  

கரோனா பொது முடக்கம் நடைமுறையிலுள்ள காலத்தில், மே மாதம் முதல் தேதியிலிருந்து புலம்பெயர் தொழிலாளர்களுக்காக இயக்கப்படும் சிறப்பு ரயில்களில் இதுவரை 21 குழந்தைகள் பிறந்திருக்கின்றனர்.

குஜராத்தில் ஜாம்நகரில் நிறைமாத கர்ப்பிணியாக ரயிலேறிய மமதா, பிகாரில் சப்ரா ரயில் நிலையத்தில் இறங்கும்போது கையில் புதிதாகப் பிறந்த பெண் குழந்தையுடன் இறங்கினார்.

ரயில் பெட்டியே மகப்பேறு அறையாக மாற்றப்பட்டுக் குழந்தையும் பெற்றெடுத்தார் மமதா. இந்த தாய் மற்றும் குழந்தைக்கான மருத்துவ கவனிப்புக்காக,  இடைநில்லா இந்த சிறப்பு ரயில், ஆக்ரா கோட்டை ரயில் நிலையத்தில் சிறிது நேரம் நிறுத்தப்பட்டது.

பின்னர், அதே ரயிலிலேயே மமதா அவருடைய ஊரைச் சென்றடைந்தார்.

மே முதல் நாளிலிருந்து இந்தச் சிறப்பு ரயில்களில் சுமார் 21 குழந்தைகள் பிறந்திருப்பதாக ரயில்வே அலுவலர்கள் தெரிவித்தனர்.

கெடுவினையாக வெவ்வேறு ரயில்களில் இரு குழந்தைகள் மட்டும் இறந்தே பிறந்தன, மற்றொரு பெண் குழந்தை பிறந்த இரண்டு மணி நேரத்தில் இறந்துவிட்டது என்றும் அவர்கள் குறிப்பிட்டனர்.

]]>
babies, special trains https://images.dinamani.com/uploads/user/imagelibrary/2020/5/21/w600X390/PTI21-05-2020_000221B.jpg மமதாவின் குழந்தையுடன் ரயிலிலிருந்து இறங்குகிறார் மருத்துவப் பணியாளர் https://www.dinamani.com/latest-news/sub-latest-news/2020/may/21/21-babies-born-in-shramik-special-trains-since-may-1-3418127.html
3418064 தற்போதைய செய்திகள் தற்போதைய செய்திகள் பேசும் படங்கள் : செய்திகள் - படங்களில் DIN DIN Thursday, May 21, 2020 06:42 PM +0530

உம்பன் புயல் கரை கடந்த நிலையில் கொல்கத்தா நகரில் விழுந்து கிடக்கும் ஒரு மரத்திற்குக் கீழே சிக்கிச் சின்னாபின்னமான பேருந்து.

கொல்கத்தாவில் உம்பன் புயலால் வேரோடு மரங்கள் சாய, வீதிகளில் வெள்ளம் புரள நடந்துகடக்கும் மக்கள்.

பிகாரில் தானாபூர் ரயில் நிலையத்தில் தங்கள் சொந்த ஊர்களுக்குச் செல்வதற்காக ரயிலேறும் புலம்பெயர் மக்கள்.

குஜராத்தில் சூரத் நகரில் ரயில் நிலையம் செல்வதற்காக பேருந்துகளில் ஏறக் காத்திருக்கும் புலம்பெயர் தொழிலாளர்கள். 

தமிழகம் அல்ல: ஜம்மு - காஷ்மீரில் மதுக் கடைகள் திறக்கப்பட்டதைத் தொடர்ந்து, வியாழக்கிழமை, மதுபானங்களை வாங்குவதற்காக வரிசைகளில் நிற்கும் குடிப்பழக்கத்தினர்.

]]>
news photos https://images.dinamani.com/uploads/user/imagelibrary/2020/5/21/w600X390/PTI21-05-2020_000131B.jpg https://www.dinamani.com/latest-news/sub-latest-news/2020/may/21/news-photos-3418064.html
3417753 தற்போதைய செய்திகள் தற்போதைய செய்திகள் பொது முடக்க காலத்தில் குடும்ப வன்முறை தொடர்பாக 616 புகார்கள்: தமிழக அரசு DIN DIN Wednesday, May 20, 2020 08:08 PM +0530
சென்னை: தமிழகத்தில் பொது முடக்கத்தின் போது குடும்ப வன்முறை தொடர்பாக 616 புகார்கள் வந்துள்ளதாக தமிழக அரசு சென்னை உயர்நீதிமன்றத்தில் தெரிவித்துள்ளது.

சென்னை உயர்நீதிமன்றத்தில் வழக்குரைஞர் சுதா ராமலிங்கம் தாக்கல் செய்த பொதுநல மனுவில், "கரோனா நோய்த் தொற்று பரவுவதைத் தடுக்கும் வகையில் நாடு முழுவதும் பொது முடக்கம் அமல்படுத்தப்பட்டுள்ளதால், தமிழகத்தில் உள்ள குற்றவியல் நீதிமன்றங்கள் மூடப்பட்டுள்ளன.

இதனால் குடும்ப வன்முறைகளால் பாதிக்கப்படுபவர்கள் நிவாரணம் தேடி குற்றவியல் நடுவர்களை அணுக முடியவில்லை. பொது முடக்கம் அமல்படுத்தப்பட்ட பின்னர் உலகம் முழுவதும் பெண்கள் குடும்ப வன்முறைகளால் பாதிக்கப்படுவதாக அறிக்கைகள் வெளிவந்தன.  

எனவே குடும்ப வன்முறைகளால் பாதிக்கப்படும் பெண்களுக்கான பாதுகாப்பு அலுவலர்களின் செல்லிடப்பேசி எண்களை செய்தித்தாள்கள் மற்றும் தொலைக்காட்சிகளில் அரசு விளம்பரப்படுத்த வேண்டும். மேலும் குடும்ப வன்முறைகளால் பாதிக்கப்படும் பெண்கள் மற்றும் சமூகப் பணியாளர்களுக்குத் தேவையான ஒத்துழைப்பை காவல் துறையினர் வழங்க அரசுக்கு உத்தரவிட வேண்டும்" என கோரியிருந்தார்.  இந்த வழக்கை விசாரித்த உயர்நீதிமன்றம் தமிழக அரசு பதிலளிக்க உத்தரவிட்டிருந்தது.

இந்த வழக்கை நீதிபதிகள் எம்.சத்தியநாராயணன், அனிதா சுமந்த் ஆகியோர் காணொலி காட்சி மூலம் விசாரித்தனர்.

அப்போது அரசு தரப்பில் சமூக நலம் மற்றும் சத்துணவு திட்டத் துறை செயலாளர் எஸ்.மதுமதி பதில்மனு தாக்கல் செய்தார்.

அந்த பதில் மனுவில், "தமிழகத்தில் கடந்த மார்ச் 24-ஆம் தேதி முதல் மே 14-ஆம் தேதி வரை குடும்ப வன்முறை தொடர்பாக 616 புகார்கள் வந்துள்ளன. மேலும் தற்காலிக அடிப்படையில் தமிழகம் முழுவதும் நியமிக்கப்பட்ட 111 பாதுகாப்பு அதிகாரிகளின் செல்லிடப்பேசி எண்களுக்கும் பாதிக்கப்பட்டவர்களிடம் இருந்து புகார்கள் வந்துள்ளன. பாதிக்கப்பட்ட பெண்களிடமிருந்து புகார்கள் வந்தவுடன் உடனடியாக அனைத்து உதவிகளும் செய்யப்படுகின்றன.

தமிழகத்தில் உள்ள ஒவ்வொரு மாவட்ட அளவிலான குறைதீர்வு அதிகாரிகளின் தொலைபேசி விவரங்கள் செய்தித்தாள்கள் மற்றும் தொலைக்காட்சி வாயிலாக விளம்பரம் செய்யப்பட்டுள்ளன. இதுதவிர சமூகநலத்துறை ஒருங்கிணைந்து செயல்படுத்தும் உதவி தொலைப்பேசி எண் 181 மற்றும் காவல்துறை, பேரிடர் மேலாண்மை மையம், மாநில பெண்கள் ஆணையம் உள்ளிட்ட அமைப்புகளின் தொடர்பு எண்களும் அறிவிக்கப்பட்டுள்ளன.

கிராமப்புறங்களை பொருத்தவரை, குடும்ப வன்முறை சம்பவத்தினால் பாதிக்கப்படும் பெண்களுக்கு அங்கன்வாடி பெண் ஊழியர்கள் மூலம் அனைத்து உதவிகளும் செய்யப்படுகின்றன. மேலும் குடும்ப வன்முறைகளால் பாதிக்கப்படும் பெண்களுக்கு உடனடியாக உதவும் வகையில் தாய்வீடு என்ற கட்செவி குழு உருவாக்கப்பட்டுள்ளது. இந்த குழுவில்,  சமூகநலத்துறை செயலாளர், ஆணையர், அனைத்து மாவட்ட சமூக நலத்துறை அதிகாரிகள், குடும்ப வன்முறை பாதுகாப்பு அதிகாரி உள்ளிட்டோர் உறுப்பினராக உள்ளனர். 

இதுபோன்ற பல்வேறு நடவடிக்கைகளின் மூலம் குடும்ப வன்முறையால் பாதிக்கப்பட்ட பெண்களுக்கு அனைத்து உதவிகளும் உடனுக்குடன் செய்யப்படுவதாக" அந்த பதில் மனுவில் தெரிவிக்கப்பட்டிருந்தது.

இதனையடுத்து வழக்கை விசாரித்த நீதிபதிகள் விசாரணையை வரும் ஜூன் 5-ஆம் தேதிக்கு ஒத்திவைத்து உத்தரவிட்டனர்.

]]>
https://images.dinamani.com/uploads/user/imagelibrary/2020/3/9/w600X390/rapecases.jpg https://www.dinamani.com/latest-news/sub-latest-news/2020/may/20/there-have-been-616-complaints-of-family-violence-during-the-civil-war-in-tamil-nadu-3417753.html
3417648 தற்போதைய செய்திகள் தற்போதைய செய்திகள் ஆஸ்துமா பிரச்சினையா? முகக்கவசம் வேண்டாம் : பிரிட்டன் அறிவுரை DIN DIN Wednesday, May 20, 2020 12:38 PM +0530  

ஆஸ்துமா அல்லது வேறு நுரையீரல் பிரச்சினைகள் இருப்பவர்கள் முகக்கவசம் அணிவதைத் தவிர்க்குமாறும் இதன் மூலம் சுவாசிப்பது கடினமாகிவிடும் என்றும் மருத்துவ வல்லுநர்கள் தெரிவித்துள்ளனர்.

பிரிட்டனில் கடந்த வாரத்தில், கரோனா வைரஸ் பரவலைத் தடுக்கும் நோக்கில், இரண்டு மீட்டர் தொலைவு தள்ளியிருக்க முடியாதவர்கள் அனைவரும் முகக்கவசம் அணியுமாறு அரசு அறிவுறுத்தியிருந்தது.

பாதிக்கப்பட்டவர்களிடமிருந்து மற்றவர்களைப் பாதிக்கக்கூடிய தொற்றுகள் பரவாமல் தடுத்து நிறுத்தி கரோனா வைரஸ் பரவலை முகக்கவசங்களால்  தடுக்க முடியும். அணிந்திருப்பவர்களுக்குத் தொற்றாமல் முகக்கவசங்களால் தடுக்க இயலாது.

ஆஸ்துமா பிரச்சினையுள்ள சிலருக்கு முகக்கவசம் அணிந்திருப்பது சிரமமாக இருக்கும், சுவாசிப்பது கஷ்டமாக இருக்கும். அத்தகைய பிரச்சினையிருப்போர் முகக் கவசம் அணிந்துகொள்ள வேண்டியதில்லை என்று பிரிட்டிஷ் அரசு தெரிவித்துள்ளது.

]]>
face mask, briton https://images.dinamani.com/uploads/user/imagelibrary/2020/5/20/w600X390/PTI13-03-2020_000034A.jpg https://www.dinamani.com/latest-news/sub-latest-news/2020/may/20/dont-wear-face-masks-if-you-have-asthma-experts-3417648.html
3417385 தற்போதைய செய்திகள் தற்போதைய செய்திகள் ஜூன் 1 முதல் ரயில்கள் இயக்கம்: சில நாள்களில் முன்பதிவு தொடங்குகிறது DIN DIN Tuesday, May 19, 2020 10:26 PM +0530
ஜூன் 1 ஆம் தேதி முதல் ரயில்கள் இயக்கப்படும் என்று மத்திய ரயில்வே அமைச்சர் பியூஷ் கோயல் அறிவித்துள்ளார்.

இதற்கான இணையதள முன்பதிவு இன்னும் சில நாள்களில் தொடங்கும் என்றும் அவர் குறிப்பிட்டுள்ளார். முன்னதாக அறிவிக்கப்படும் கால அட்டவணைப்படி ஜூன் 1 முதல் நாள்தோறும் 200 ஏசி அல்லாத ரயில்கள் இயக்கப்படும்.

கரோனா வைரஸ் நோய்த் தொற்று பரவலைக் கட்டுப்படுத்துவதற்காக நாடு முழுவதும் மே 31-ஆம் தேதி வரை 4-ம் கட்ட பொது முடக்கம் அமலில் உள்ளது. இந்த நிலையில், ஜூன் 1-ஆம் தேதி முதல் ரயில்கள் இயக்கப்படும் என பியூஷ் கோயல் அறிவித்துள்ளார்.

இதுபற்றி சுட்டுரைப் பக்கத்தில் அவர் பதிவிட்டிருப்பதாவது:

புலம்பெயர் தொழிலாளர்கள் பிரதான ரயில் நிலையங்களுக்கு அருகே பதிவு செய்ய மாநில அரசுகள் உதவ வேண்டும். அந்தப் பட்டியலை ரயில்வேயிடம் கொடுத்தால், அதற்கேற்றவாறு சிறப்பு ரயில்கள் இயக்கப்படும். தொழிலாளர்கள் அவரவர் இடத்திலேயே இருக்குமாறு கேட்டுக்கொள்ளப்படுகிறது. நீங்கள் செல்ல வேண்டிய இடத்துக்கு இந்திய ரயில்வே உங்களை விரைவில் அழைத்துச் செல்லும்.

இதுதவிர, ஜூன் 1 முதல் முன்னதாக அறிவிக்கப்படும் கால அட்டவணைப்படி நாள்தோறும் 200 ஏசி அல்லாத ரயில்கள் இயக்கப்படும். இதற்கான இணையதள முன்பதிவு விரைவில் தொடங்கப்படவுள்ளது.

இதைத் தொடர்ந்து அவர் வெளியிட்ட பத்திரிகை செய்தியில், "19 நாள்களில் 1,600-க்கும் மேற்பட்ட சிறப்பு ரயில்கள் மூலம் 21.5 லட்சம் தொழிலாளர்களை இந்திய ரயில்வே அவர்களது சொந்த மாநிலங்களுக்கு அனுப்பியுள்ளது. புலம்பெயர் தொழிலாளர்களுக்கு மேலும் உதவும் வகையில் இந்த ரயில் எண்ணிக்கையை இரட்டிப்பாக முடிவு செய்யப்பட்டுள்ளது.

ஜூன் 1, 2020 முதல் முன்னதாக அறிவிக்கப்படும் கால அட்டவணைப்படி நாள்தோறும் 200 ரயில்கள் இயக்கப்படவுள்ளன. இணையதளம் வழியாக மட்டுமே முன்பதிவு செய்யப்படும். ரயில் நிலையங்களில் பயணச்சீட்டு வழங்கப்படாது. பயணிகள் யாரும் ரயில் நிலையங்கள் வர வேண்டாம். இவை ஏசி அல்லாத ரயில்கள். இதற்கான ரயில் மற்றும் அதன் நேர விவரங்கள் விரைவில் அறிவிக்கப்படும்.

நாடு முழுவதிலும் உள்ள புலம்பெயர் தொழிலாளர்களுக்கு இந்த நகர்வு மிகப் பெரிய உதவியாக இருக்கும். யாரும் பயப்பட வேண்டாம். அனைவரும் அவரவர் சொந்த மாநிலங்களுக்கு விரைவில் சென்றடைவதற்கான நடவடிக்கைகள் எடுக்கப்பட்டு வருகின்றன.

சொந்த மாநிலங்களுக்கு சாலை வழியாக நடந்தே செல்லும் புலம்பெயர் தொழிலாளர்களைக் கண்டறிந்து, அருகில் உள்ள மாவட்ட தலைநகரில் அவர்கள் பற்றிய தகவல்களைப் பதிவு செய்ய வேண்டும். அதன்பிறகு, அவர்களை அருகில் உள்ள பிரதான ரயில் நிலையத்துக்கு அழைத்துச் செல்லுமாறு மாநில அரசுகளை இந்திய ரயில்வே கேட்டுக்கொண்டுள்ளது. இதையடுத்து பயணிகளின் பட்டியலை ரயில்வே நிர்வாகிகளிடம் அளித்தால், அதற்கேற்றவாறு சிறப்பு ரயில்களை இயக்குவதற்கு ஏற்பாடு செய்யப்படும்." என்று தெரிவிக்கப்பட்டுள்ளது. 

]]>
train, migrants https://images.dinamani.com/uploads/user/imagelibrary/2020/5/19/w600X390/0123c-07-railway_stn-1044505.jpg https://www.dinamani.com/latest-news/sub-latest-news/2020/may/19/trains-movement-from-june-1-3417385.html
3417383 தற்போதைய செய்திகள் தற்போதைய செய்திகள் மழையில் நனைந்து வீணாகும் நெல் மூடைகள்: உயர்நீதிமன்றம் தாமாக முன்வந்து விசாரணை DIN DIN Tuesday, May 19, 2020 10:18 PM +0530
சென்னை: கொள்முதல் நிலையங்களில் நெல் மூடைகள் மழையில் நனைந்து வீணாவது தொடர்பான விவகாரத்தை நாளிதழில் வெளியான செய்திகளின் அடிப்படையில் சென்னை உயர்நீதிமன்றம் தாமாக முன்வந்து விசாரணைக்கு எடுத்துக் கொண்டது.

சென்னை உயர்நீதிமன்ற நீதிபதிகள்,  எம்.சத்தியநாராயணன், அனிதா சுமந்த் ஆகியோர் காணொலி காட்சி மூலம் பொதுநல வழக்குகளை விசாரித்தனர். அப்போது, விவசாயிகள் தொடர்பான வழக்கு ஒன்று விசாரணைக்கு வந்தது.

இந்த வழக்கை விசாரித்த நீதிபதிகள், விவசாயிகளிடமிருந்து வேளாண் விளை பொருள்களை கொள்முதல் செய்ய என்ன நடவடிக்கை எடுக்கப்பட்டுள்ளது? என கேள்வி எழுப்பினர். மேலும் மதுராந்தகம் ஒன்றியத்தின் பல்வேறு இடங்களில் விவசாயிகளிடம் இருந்து கொள்முதல் செய்யப்பட்ட நெல் மூடைகள் கொள்முதல் நிலையங்களில் பாதுகாப்பாக வைக்கப்படவில்லை. இதனால் நெல் மூடைகள் மழையில் நனைந்து வீணாகி போவதாக நாளிதழ்களில் செய்தி வெளியாகி இருந்தது. எனவே, இந்த செய்தியின் அடிப்படையில், தாமாக முன்வந்து பொதுநல வழக்கை விசாரணைக்கு எடுப்பதாக தெரிவித்தனர். 

மேலும் விவசாய வேளாண் விளை பொருள்கள் பொதுமுடக்க காலத்தில் எவ்வாறு கொள்முதல் செய்யப்பட்டன. கொள்முதல் செய்யப்பட்ட பொருள்கள் எவ்வாறு பாதுகாக்கப்பட்டன என்பது தொடர்பாக மத்திய, மாநில அரசுகள் விரிவான பதில் மனு தாக்கல் செய்ய உத்தரவிட்டு விசாரணையை வரும் வெள்ளிக்கிழமைக்கு (மே 22) ஒத்திவைத்தனர்.

]]>
https://images.dinamani.com/uploads/user/imagelibrary/2020/5/8/w600X390/HighCourtch.jpg https://www.dinamani.com/latest-news/sub-latest-news/2020/may/19/perishing-foodgrains-high-court-voluntarily-takes-up-this-case-for-investigation-3417383.html
3417384 தற்போதைய செய்திகள் தற்போதைய செய்திகள் உசிலம்பட்டி: மேலும் 8 பேருக்கு கரோனா உறுதி DIN DIN Tuesday, May 19, 2020 10:17 PM +0530
மதுரை: உசிலம்பட்டியில் மும்பையிலிருந்து திரும்பியவர்களுள் 8 பேருக்கு கரோனா தொற்று இருப்பது உறுதி செய்யப்பட்டுள்ளது.

உசிலம்பட்டி அருகே தொட்டப்பநாயக்கனூா் ஊராட்சிக்கு உள்பட்ட செட்டியபட்டி கிராமத்திலுள்ள கிருஷ்ணா வேளாண் கல்லூரி, வெளிமாநிலத்தில் இருந்து வரும் நபா்களுக்கு தனிமைப்படுத்தப்படும் முகமாக ஏற்படுத்தப்பட்டு, அவா்களுக்கு அங்கு உரிய சிகிச்சை மற்றும் பரிசோதனை நடைபெற்று வருகிறது.

இந்நிலையில் மகாராஷ்டிரா மாநிலத்தில் மும்பையிலிருந்து வந்த 154 பேர் இந்த முகாமில் தங்கவைக்கப்பட்டுள்ளனா். முகாமில் இருந்த அனைவரும் பரிசோதிக்கபட்ட நிலையில் 8 பேருக்கு கரோனா தொற்று இருப்பது உறுதி செய்யப்பட்டுள்ளது. இவா்கள் அனைவரையும் 3 ஆம்புலன்ஸ்கள் மூலம் மதுரை அரசு ராஜாஜி மருத்துவமனைக்கு அனுப்பி வைக்க ஏற்பாடு செய்யப்பட்டுள்ளது.

]]>
https://images.dinamani.com/uploads/user/imagelibrary/2020/5/19/w600X390/17_1905chn_206.jpg https://www.dinamani.com/latest-news/sub-latest-news/2020/may/19/corona-8-more-test-positive-at-usilampatti-3417384.html
3417369 தற்போதைய செய்திகள் தற்போதைய செய்திகள் பேசும் படங்கள் : செய்திகள் - படங்களில் DIN DIN Tuesday, May 19, 2020 06:22 PM +0530 ஒருவருக்கு ஒருவர் உதவி: சென்னையிலிருந்து சொந்த ஊர்களுக்குச் செல்வதற்காக சிறப்பு ரயிலைப் பிடிக்க சென்ட்ரல் ரயில் நிலையம் நோக்கி மாற்றுத் திறனாளிகளான இருவரில் ஒருவர் தள்ளுவண்டியில் அமர்ந்திருக்க கயறு கட்டி இழுத்துச் செல்கிறார் மற்றொருவர்.

தில்லியிலிருந்து உத்தரப் பிரதேசத்திலுள்ள சொந்த ஊருக்குத் திரும்ப  நடந்து சென்றுகொண்டிருந்த  நிலையில் இரு மாநில எல்லையில் காவல்துறையினரால் தடுத்துநிறுத்தப்பட்டதால்  கலங்கி நிற்கிறார் புலம்பெய ர் தொழிலாளியான லங்கூலா என்ற பெண்.

ஊர் நோக்கி: மகாராஷ்டிரத்தில் தாணே நகரில் மஜிவாடா சந்திப்பில் செவ்வாய்க்கிழமை தங்கள் சொந்த ஊர்களுக்குச் செல்வதற்காகக் காத்திருக்கும் புலம்பெயர் தொழிலாளர்களும் அவர்களுடைய குடும்பங்களும்.

இடைவெளியில்லை: பஞ்சாபில் அமிர்தசரஸ் நகரில் உத்தரப் பிரதேசத்திலுள்ள தங்கள் சொந்த ஊர்களுக்குச் செல்வதற்காக செவ்வாய்க்கிழமை ரயிலேறும் முன் மருத்துவ பரிசோதனைக்காகத் திரண்டுநிற்கும் புலம்பெயர் தொழிலாளர்கள், சமூக இடைவெளி பற்றிய எவ்வித அக்கறையுமின்றி.

]]>
news photos https://images.dinamani.com/uploads/user/imagelibrary/2020/5/19/w600X390/PTI18-05-2020_000288A.jpg https://www.dinamani.com/latest-news/sub-latest-news/2020/may/19/news-photos-3417369.html
3416975 தற்போதைய செய்திகள் தற்போதைய செய்திகள் பேசும் படங்கள் : செய்திகள் - படங்களில், மே 18, 2020 DIN DIN Tuesday, May 19, 2020 05:35 PM +0530  

புது தில்லியில் திங்கள்கிழமை தில்லி - உத்தரப் பிரதேச எல்லையில் நேரிட்ட போக்குவரத்து நெரிசல்.

ஒடிசாவின் தலைநகர் புவனேசுவரத்தில் தேசிய நெடுஞ்சாலை-16-ல் திங்கள்கிழமை தங்கள் சொந்த ஊரை நோக்கி நடந்துசெல்லும் புலம்பெயர் குடும்பம்.

பிகாரின் தலைநகர் பாட்னாவில் சொந்த ஊர்களுக்கு லாரியில் புறப்பட்டுச் செல்லும் புலம்பெயர் தொழிலாளர்கள்.

கொல்கத்தாவில் திங்கள்கிழமை தன்னார்வலர்கள் வழங்கும் உணவைப் பெறுவதற்காக வரிசையில் தட்டேந்தி நிற்கும் மக்கள்.

]]>
news photos https://images.dinamani.com/uploads/user/imagelibrary/2020/5/18/w600X390/PTI18-05-2020_000031B.jpg https://www.dinamani.com/latest-news/sub-latest-news/2020/may/18/news-photos-3416975.html
3417279 தற்போதைய செய்திகள் தற்போதைய செய்திகள் தமிழ்நாடு டூ ஒடிசா: சாலைவழி நடந்துசென்ற தொழிலாளி பலி DIN DIN Tuesday, May 19, 2020 11:38 AM +0530  

கும்மிடிப்பூண்டி: தமிழகத்திலிருந்து ஒடிசாவிலுள்ள சொந்த ஊருக்கு சாலை வழியே நடந்து சென்றுகொண்டிருந்த தொழிலாளி, கும்மிடிப்பூண்டி அருகே உயிரிழந்தார்.

ஒடிசா மாநிலம் மால்கன்கிரி மாவட்டம் லச்சிபேடா அருகே பூபன்பலி பகுதியை சேர்ந்தவர் சாந்திரஞ்சன் பிஸ்வாஸ் மகன் ராம் பிஸ்வாஸ் (44).

தமிழகத்தில் தொழிற்சாலை ஒன்றில் பணிபுரிந்து வந்துள்ளார். பொது முடக்க ஊரடங்கின் காரணமாக இவர் வேலை செய்த தொழிற்சாலை பூட்டப்பட்டதால் சென்னையைக் கடந்து கும்மிடிப்பூண்டி வழியாக ஆந்திரத்தைக் கடந்து ஒடிசாவிற்கு செல்ல இவர் திட்டமிட்டார்.

தொடர்ந்து சில நாள்கள் நடந்து கும்மிடிப்பூண்டி அருகே கவரப்பேட்டையை அடைந்த நிலையில் கவரப்பேட்டை பஜாரில் ஒரு கடை வாசலில் திங்களன்று இரவு இவர் தங்கியுள்ளார்.

இந்த நிலையில் செவ்வாய்க்கிழமை காலை இவர் இறந்தநிலையில் கிடப்பதைக் கண்ட தூய்மை பணியாளர்கள் ஊராட்சி மன்றத் தலைவர் கே.ஜி. நமச்சிவாயத்திற்கு தகவல் தந்தனர்.

இதுகுறித்து ஊராட்சி தலைவர் கே.ஜி.நமச்சிவாயம் கவரப்பேட்டை காவல்துறையினருக்குத் தகவல் அளித்தனர்.

தொடர்ந்து  ராம் பிஸ்வாஸின் உடலை மீட்டு பொன்னேரி அரசு மருத்துவமனைக்கு உடற்கூறு பரிசோதனைக்காகக் காவல்துறையினர் கொண்டு செல்ல ஏற்பாடு செய்தனர்.

இறந்த ராம் பிஸ்வாஸ் சளித் தொல்லையால் அவதிப்பட்டிருப்பதாக கண்டறியப்பட்ட நிலையில், அவர் பல நாள்கள் நடந்து வந்த களைப்பு மற்றும் மூச்சு திணறலால் இறந்திருக்கலாம் என முதல் கட்ட விசாரணையில் தெரியவந்துள்ளது.

கும்மிடிப்பூண்டி தடத்தில் தினந்தோறும் ஆயிரத்துக்கும் மேற்பட்ட வடமாநில தொழிலாளர்கள், கூட்டம்கூட்டமாக, குடும்பம் குடும்பமாக நடந்தும், சைக்கிளிலும் சென்றுகொண்டிருக்கும் சூழலில் வடமாநில தொழிலாளி ஒருவர் இறந்த இச்சம்பவம் கும்மிடிப்பூண்டியில் அதிர்ச்சியை ஏற்படுத்தி உள்ளது.

]]>
odisha, Migrant dead https://images.dinamani.com/uploads/user/imagelibrary/2020/5/19/w600X390/odisha.JPG https://www.dinamani.com/latest-news/sub-latest-news/2020/may/19/tamil-nadu-to-odisha-migrant-dead-3417279.html
3417005 தற்போதைய செய்திகள் தற்போதைய செய்திகள் காரைக்குடி அருகே கோஷ்டி மோதல்: 12 போ் மீது வழக்கு DIN DIN Monday, May 18, 2020 07:42 PM +0530  

காரைக்குடி: காரைக்குடி அருகே ஏற்பட்ட கோஷ்டி மோதல் தொடா்பாக 12 போ் மீது காவல் துறையினர் திங்கள்கிழமை வழக்குப்பதிவு செய்து விசாரிக்கின்றனா்.

சாக்கோட்டை அருகே சின்னவேங்காவயல் கிராமத்தைச் சோ்ந்தவா் பிரபு (27). இவா் சாக்கோட்டையில் காா் மற்றும் ஜேசிபி இயந்திரத்தை வாடகைக்கு விடும் நிறுவனம் நடத்தி வருகிறாா். இவரிடம் சாக்கோட்டை சொா்ணத்தாய் அம்மன்கோயில் தெருவைச் சோ்ந்த அருண் (22) என்பவா் ஞாயிற்றுக்கிழமை மாலை செல்லிடப்பேசி மூலம் தொடா்புகொண்டு, வாடகைக்கு காா் கேட்டதாகவும், அதற்கு பிரபு, பொது முடக்கத்தைக் காரணம் கூறி மறுத்து விட்டதாகவும் கூறப்படுகிறது.

இதனால் ஆத்திரமடைந்த அருண், பிரபுவின் காா் மீது கல் வீசியதில் அதன் முன்புறக் கண்ணாடி நொறுங்கியது. இதனைப் பாா்த்த அருகிலிருந்தவா்கள் பிரபுவுக்கு தகவல் அளித்தனா். இதையடுத்து பிரபு சிலரை சோ்த்துக் கொண்டு அருண் வீட்டிற்குச் சென்று அவரைத் தாக்கினாா். அப்போது தடுக்க முயன்ற அருணின் தாய் வள்ளியும் தாக்கப்பட்டாா். இதனால் ஆத்திரமடைந்த அருணும், அவரது நண்பா்களும் ஞாயிற்றுக்கிழமை இரவு சாக்கோட்டையில் நிறுத்தி வைத்திருந்த பிரபுவின் இருசக்கர வாகனத்துக்கு தீ வைத்ததில் அது எரிந்து நாசமானது.

இதுகுறித்து இரு தரப்பினரும் சாக்கோட்டை காவல் நிலையத்தில் புகாா் அளித்தனா். இதில் பிரபு அளித்த 2 புகாா்களின் பேரில் அருண் மீது ஒரு வழக்கும், இருசக்கர வாகனத்தை எரித்ததில் அருண் மற்றும் அவரது நண்பா்கள் 5 போ் மீது மற்றொரு வழக்கும் பதிவு செய்யப்பட்டது. இன்னொரு தரப்பில் அருண் மற்றும் அவரது தாயாா் தாக்கப்பட்ட வழக்கில் பிரபு மற்றும் 5 போ் மீது வழக்குப்பதிவு செய்து காவல் துறையினர் விசாரித்து வருகின்றனா்.

]]>
https://images.dinamani.com/uploads/user/imagelibrary/2020/5/18/w600X390/18kkdsak_1805chn_78_2.jpg https://www.dinamani.com/latest-news/sub-latest-news/2020/may/18/clashes-near-karaikudi-case-against-12-boh-3417005.html
3417010 தற்போதைய செய்திகள் தற்போதைய செய்திகள் மன்னார்குடியிலிருந்து வடமாநில தொழிலாளர்கள் 7 பேர் சொந்த ஊருக்கு அனுப்பி வைப்பு DIN DIN Monday, May 18, 2020 07:42 PM +0530
திருவாரூர்: பிகார் தொழிலாளர்கள் 7 பேர் மன்னார்குடியிலிருந்து சொந்த மாநிலத்துக்கு அனுப்பி வைக்கப்பட்டுள்ளனர். 

திருவாரூர் மாவட்டம் மன்னார்குடி பகுதியில் பிகார் மாநிலத்தைச் சேர்ந்த 7 பேர் அரசு நேரடி நெல் கொள்முதல் நிலையங்களில் தினக்கூலி சுமைத் தூக்கும் தொழிலாளர்களாக பணியாற்றி வந்தனர். பொது முடக்கம் அமல்படுத்தப்பட்டதையடுத்து இவர்கள் சொந்த ஊருக்குச் செல்ல முடியாமல் சிக்கித் தவித்து வந்தனர். இதனால், அவர்கள் மன்னார்குடி அடுத்துள்ள இடையர் நத்தம் கிராமத்திலேயே முடங்கினர்.

இதையடுத்து, தங்களை சொந்த ஊருக்கு அனுப்பி வைக்க வேண்டும் என மன்னார்குடி வருவாய் வட்டாட்சியரிடம் அவர்கள் கோரிக்கை மனு அளித்திருந்தனர்.

 இந்த நிலையில், வட மாநில தொழிலாளர்களை அழைத்துச் செல்வதற்காக, தஞ்சையிலிருந்து சிறப்பு ரயில், திங்கள்கிழமை இரவு இயக்கப்படுவதாக அறிவிப்பு வெளியானது. 

இதையடுத்து மன்னார்குடி பகுதியில் தங்கியிருந்த பிகார் மாநிலத்தைச் சேர்ந்த 7 பேரையும் மன்னார்குடி வட்டாட்சியர் என். கார்த்திக் சிறப்பு அரசுப் பேருந்தின் மூலம் தஞ்சாவூருக்கு அனுப்பி வைத்தார்.

]]>
https://images.dinamani.com/uploads/user/imagelibrary/2020/5/18/w600X390/Image_2020-05-18_at_3.jpeg மன்னார்குடியி லிருந்து வடமாநில தொழிலாளர்கள் 7 பேர் சொந்த ஊருக்கு அனுப்பி வைப்பு. https://www.dinamani.com/latest-news/sub-latest-news/2020/may/18/dispatch-of-7-northern-territory-workers-from-mannargudi-3417010.html
3417001 தற்போதைய செய்திகள் தற்போதைய செய்திகள் இழப்பீடு வழங்கக்கோரி தாராபுரத்தில் விவசாயி குடும்பத்துடன் காத்திருப்புப் போராட்டம் DIN DIN Monday, May 18, 2020 07:13 PM +0530  

திருப்பூர்: திருப்பூர் மாவட்டம் தாராபுரம் அருகே சந்தை மதிப்பில் இழப்பீடு கோரி, உயர்மின் கோபுரத் திட்டத்தால் பாதிக்கப்பட்ட விவசாயி இன்று (திங்கள்கிழமை) குடும்பத்துடன் காத்திருப்புப் போராட்டத்தில் ஈடுபட்டார்.

திருப்பூர் மாவட்டம் தாராபுரம், பல்லடம், குண்டடம் உள்ளிட்ட பல்வேறு பகுதிகளில் விவசாய நிலங்கள் வழியாக உயர்மின் கோபுரங்களை அமைக்கும் பணியை பவர்கிரீட் நிறுவனத்தினர் மேற்கொண்டு வருகின்றனர்.

இந்த நிலையில், விவசாய நிலங்களுக்கு சந்தை மதிப்பீட்டில் உரிய இழப்பீடு வழங்க வேண்டும் என்று விவசாயிகள் தொடர் போராட்டங்களில் ஈடுபட்டு வந்தனர்.  இந்த நிலையில், தாராபுரம் வட்டம் மானூர்பாளையம் கிராமத்தில் உயர்மின் கோபுர திட்டத்தில் பாதிக்கப்பட்ட விவசாயி சம்பத்குமார் தனது குடும்ப உறுப்பினர்கள் 5 பேருடன் காத்திருப்புப் போராட்டத்தைத் தொடங்கியுள்ளனர். 

இதுதொடர்பாக போராட்டத்தில் ஈடுபட்ட விவசாயி சம்பத்குமார் தெரிவித்ததாவது: 

கடந்த 2013ஆம் ஆண்டு நிலம் எடுப்பு சட்டத்தின் கீழ் சந்தை மதிப்பில் கோவை மாவட்ட ஆட்சியர் நிர்ணயித்துள்ள வழிமுறைகளை பின்பற்றி திருப்பூர் மாவட்ட ஆட்சியர் நிர்ணயித்து இழப்பீடு வழங்க வேண்டும். அதுவரையில், இந்தப் போராட்டம் தொடரும் என்றார்.

]]>
https://images.dinamani.com/uploads/user/imagelibrary/2020/5/18/w600X390/WhatsApp_Image_2020-05-18_at_3.jpeg https://www.dinamani.com/latest-news/sub-latest-news/2020/may/18/waiting-with-farmer-family-in-tarapuram-for-compensation-3417001.html
3416979 தற்போதைய செய்திகள் தற்போதைய செய்திகள் அம்பான் புயல் எதிரொலி: ராமேஸ்வரத்தில் சூறை காற்று வீசியதால் 30க்கும் மேற்பட்ட நாட்டுப் படகுகள் சேதம் DIN DIN Monday, May 18, 2020 06:10 PM +0530  

ராமேஸ்வரம் : வங்கக் கடலில் உருவாகியுள்ள அம்பான் புயல் எதிரொலியாக ராமேஸ்வரத்தில் நள்ளிரவு வீசிய சூறைக் காற்றில் 20க்கும் மேற்பட்ட நாட்டுப்படகுகள் ஒன்றுடன் ஒன்று மோதி சேதமடைந்து விட்டதாக மீனவ சங்கம் தெரிவித்துள்ளது.

இதையடுத்து, இதற்கு உரிய இழப்பீடு வழங்கிட வேண்டும் என மீனவ சங்கம் தமிழக அரசுக்கு கோரிக்கை விடுத்தனா்.

ராமநாதபுரம் மாவட்டம், ராமேஸ்வரம், தங்கச்சிமடம், பாம்பன், மண்டபம், தொண்டி, உள்ளிட்ட பகுதிகளில் 1700க்கும் மேற்பட்ட விசைப்படகுகள், 6 ஆயிரத்திற்கும் மேற்பட்ட நாட்டுப்படகுகள் உள்ளன. இதில் மீன்பிடி தடைக்காலம் என்பதால் விசைப்படகுகள் கடலுக்கு மீன்பிடிக்க செல்லாமல் அந்தந்த துறைமுகங்களில் நங்கூரமிட்டு நிறுத்தப்பட்டுள்ளன. இதில் நாட்டுப்படகுகள் மட்டுமே மீன்பிடி தொழிலில் ஈடுபட்டு வருகின்றனா்.

இந்நிலையில், வங்கக் கடலில் உருவாகி உள்ள அம்பான் புயல் காரணமாக மீனவா்கள் பதுகாப்புடன் மீன்பிடிக்க செல்ல வேண்டும் என வானிலை மையம் எச்சரிக்கை விடுத்துள்ளது. இதனால் பாம்பன் துறைமுகத்தில் சனிக்கிழமை ஒன்றாம் எண் புயல் கூண்டு ஏற்றப்பட்டது. இதன் பின்னா் நேற்று (ஞாயிற்றுகிழமை) இரண்டாம் எண் புயல் கூண்டு ஏற்றப்பட்டது. இதனால் நாட்டுப்படகு மீனவா்கள் பாதுகாப்புடன் மீன்பிடி தொழிலில் ஈடுபட்டு வருகின்றனா்.

இதனையடுத்து, வங்கக் கடலில் உள்ள அம்பான் புயல் கரையைக் கடந்து வரும் நிலையில் சனிக்கிழமை நள்ளிரவு 11.30 மணிக்கு திடீரென சூறைக் காற்று வீசியது. இதில் ராமேஸ்வரத்தில் நிறுத்தி வைக்கப்பட்டிருந்த விசைப்படகுகள் நங்கூரத்தை அறுத்துக்கொண்டு ஆழ்கடல் பகுதிக்கு சென்றன.

இதனால் படகுகள் சேதமின்றி தப்பின. ஆனால் தங்கச்சிமடம் சூசையப்பா் பட்டிணம் துறைமுகத்தில் நிறுத்தப்பட்டிருந்த 300க்கும் மேற்பட்ட நாட்டுப்படகுகள் ஒன்றுடன் ஒன்று மோதியும், துறைமுகத்தின் தடுப்புகளில் மோதியும் உடைந்து கடலில் மூழ்கின.

இதில் படகு ஒன்றுக்கு குறைந்தபட்சம் 1.50 லட்சம் முதல் 5 லட்சம் வரை சேதம் ஏற்பட்டுள்ளது. இதேபோன்று பாம்பன், மண்டபம் உள்ளிட்ட பகுதிகளில் துறைமுகத்தில் நிறுத்தப்பட்டிருந்த 20க்கும் மேற்பட்ட நாட்டுப்படகுகள் மற்றும் ஒரு விசைப்படகு சேதமடைந்தது.

இது குறித்து மீனவ சங்கத்தலைவா் ஜேசுராஜா கூறியதாவது:

"கரோனா நோய் பரவல் தடுப்பு நடவடிக்கையால் மீனவா்கள் பாதிக்கப்பட்டுள்ள நிலையில் தற்போது புயல் காற்று காரணமாக படகுகள் சேதமடைந்து பல லட்சம் இழப்பு ஏற்பட்டுள்ளது. படகுகளை தமிழக அரசு ஆய்வு செய்து சேதத்திற்கு ஏற்றவாறு இழப்பீடு வழங்கினால் மட்டுமே மீனவா்கள் மீண்டும் மீன்பிடிக்க செல்ல முடியும் 

இதனால் தமிழக அரசு உடனே சேதமடைந்த படகுகளை கணக்கிட்டு இழப்பீடு வழங்கிட வேண்டும் என்றனர்.

 

மேலும் படங்களை காண இங்கே கிளிக் செய்யவும்

]]>
https://images.dinamani.com/uploads/user/imagelibrary/2020/5/18/w600X390/rms_photo_18_05_1_1805chn_208.jpg சூசையப்பா் பட்டிணம் துறைமுகத்தில் சேதமடைந்த நாட்டுப்படகுகள் கரை ஒதுங்கியது https://www.dinamani.com/latest-news/sub-latest-news/2020/may/18/more-than-30-boats-damaged-in-rameshwaram-3416979.html
3416970 தற்போதைய செய்திகள் தற்போதைய செய்திகள் கூத்தாநல்லூர் நகராட்சியின் 685 கடைகளில் ஆணையர் லதா ஆய்வு DIN DIN Monday, May 18, 2020 05:02 PM +0530
கூத்தாநல்லூர்:  திருவாரூர் மாவட்டம், கூத்தாநல்லூர் நகராட்சியில் உள்ள 685 கடைகளில், ஆணையர் லதா ஆய்வு செய்தார்.

தமிழகத்தில் சில கட்டுப்பாடுகளுடன் ஊரடங்கு தளர்த்தப்பட்டுள்ளன. கடை வியாபாரிகள், வாடிக்கையாளர்கள் மற்றும் பொதுமக்கள் உள்ளிட்ட அனைவருக்கும் சில விதிமுறைகள் விதிக்கப்பட்டன. இதையடுத்து, அரசு விதித்த விதிமுறைகள் சரியான முறையில் கடைப்பிடிக்கப்படுகிறதா என அதிகாரிகள் ஆய்வு செய்து வருகின்றனர்.

இந்நிலையில், திருவாரூர் மாவட்ட ஆட்சியர் த. ஆனந்த் உத்தரவுப்படி, கூத்தாநல்லூர் நகராட்சி ஆணையர் லதா, சுகாதார ஆய்வாளர் அருண்குமார் மற்றும் நகராட்சி பணியாளர்கள் இன்று (திங்கள்கிழமை) ஆய்வில் ஈடுபட்டனர். 

இதுகுறித்து ஆணையர் லதா கூறியதாவது: 

கரோனா நோய்த் தொற்று மேலும் பரவாமல் இருக்கவும், மக்களைப் பாதுகாக்கவும் நகராட்சியில் பணியாற்றும் தூய்மைப்பணியாளர்கள் முதல் அனைவரும் மிகுந்த ஈடுபாட்டுடன் பணியாற்றி வருகிறோம். மேலும், கூத்தாநல்லூர் நகராட்சியில் உள்ள 24 வார்டுகளிலும், நகராட்சி வாகனம் மூலம், கிருமி நாசினி தெளிக்கப்பட்டு வருகிறது. ப்ளீச்சிங் பவுடரும் தூவப்பட்டு வருகிறது. பொதுமக்கள் கைகளை கழுவுவதற்காக, நகராட்சிக்குட்பட்ட 10 இடங்களில் சானிடைசருடன், தண்ணீர் தொட்டி வைக்கப்பட்டுள்ளன. 

நகராட்சியில் இயங்கும் 685 கடைகளிலும் ஆய்வு மேற்கொள்ளப்பட்டது. கூத்தாநல்லூர், லெட்சுமாங்குடி, கடைத்தெரு, மேலக்கடைத்தெரு, மரக்கடை, கொரடாச்சேரி சாலை, மருத்துவமனை சாலை உள்ளிட்ட அனைத்து இடங்களிலும் இயங்கக்கூடிய கடைகளில், அரசு விதித்துள்ள விதிமுறைகளை கடைப்பிடிக்கப்படுகிறதா எனவும் ஆய்வு செய்யப்பட்டு வருகிறது.

கடைகளில் சமூக இடைவெளிக்கான இடைவெளியுடன் மக்கள் நிற்கிறார்களா, அதற்குரிய வட்டங்கள் போடப்பட்டுள்ளனவா, கடை உரிமையாளர்களும், பணியாளர்களும் முகக் கவசங்கள் அணிந்து, கையுறை போட்டுள்ளார்களா, வாடிக்கையாளர்கள் கைகளை கழுவுவதற்காக தண்ணீர், சோப்பு வைத்துள்ளார்களா, வருகைப் பதிவேடு வைக்கப்பட்டுள்ளதா என்பன உள்ளிட்ட விதிமுறைகளை பின்பற்றுகிறார்களா என ஆய்வு செய்யப்பட்டன.

மேலும், வெளியில் வரும் பொதுமக்கள் முகக்கவசம் அணிந்துள்ளனரா எனவும் கண்காணிக்கப்பட்டு வருகிறது. பொதுமக்களின் நலனுக்காக, நகராட்சி சார்பில், 3 வாகனங்களில் குறைந்த விலையில் ரூ.100 க்கு காய்கறிகள் வீடு தேடி விற்பனை செய்யப்பட்டு வருகிறது என்றார்.

]]>
https://images.dinamani.com/uploads/user/imagelibrary/2020/5/18/w600X390/WhatsApp_Image_2020-05-18_at_4.jpeg https://www.dinamani.com/latest-news/sub-latest-news/2020/may/18/commissioner-latha-survey-of-685-stores-in-koothanallur-municipality-3416970.html
3416916 தற்போதைய செய்திகள் தற்போதைய செய்திகள் வேலையிழந்து சொந்த ஊர் திரும்பும் புலம்பெயர் தொழிலாளர்களின் எதிர்காலம்? DIN DIN Monday, May 18, 2020 03:18 PM +0530
புது தில்லி: ரயில் இருப்புப் பாதைகளிலும், தேசிய, மாநில நெடுஞ்சாலைகளிலும் சாரை சாரையாக நடந்து செல்லும் புலம்பெயர் தொழிலாளர்களின் பாதை அவர்களது சொந்த ஊரை நோக்கியதாக உள்ளது.

இதுவரை 167 ரயில்களில் 2.39 புலம்பெயர் தொழிலாளர்கள் சொந்த ஊர்களுக்குச் சென்றிருப்பதாக இந்திய ரயில்வே தெரிவித்துள்ளது. ஆனால், சாலை வழியாகவோ அல்லது இருப்புப் பாதையிலோ சென்று கொண்டிருக்கும் மற்றும் சொந்த ஊருக்கு சென்று சேர்ந்த அல்லது ஒரேயடியாக சென்று சேர்ந்துவிட்ட புலம்பெயர் தொழிலாளர்களின் புள்ளி விவரங்களை இதுவரை யாரும் வெளியிடவில்லை.

ஊரடங்கு தொடங்கியது முதலே புலம்பெயர் தொழிலாளர்களைப் பற்றிய எத்தனையோ புகைப்படங்கள் நாள்தோறும் சமூக ஊடகங்களில் வலம் வந்து, காண்போர் அனைவருக்கும் உயிர்வாதையைத் தந்துகொண்டிருக்கிறது.

புலம்பெயர் தொழிலாளர்களின் ஒலிக்காத குரல்களுக்கு மாற்றாகவே இந்த புகைப்படங்கள் நம் ஒவ்வொருவரின் உள்ளக் குமுறலையும் ஒரு உலுக்கு உலுக்குகிறது. பொது முடக்கத்தையொட்டி, நாட்டின் வெவ்வேறு பகுதிகளிலிருந்து தங்கள் சொந்த ஊர்களுக்குச் செல்லும் லட்சக்கணக்கான வட இந்திய மக்களில் ஒவ்வொருவருக்கும் ஒரு சோகப் பின்னணி இருக்கத்தான் செய்கிறது.

உயிரிழந்தாலும் பரவாயில்லை, ஊருக்குப் போய்விடுவோம் என்று சாலைகள்தோறும், ரயில்பாதைகள்தோறும் புலம்பெயர் மக்கள் நடந்துகொண்டிருக்கிறார்கள்.

இப்படி நடந்து சென்ற அசதியில் தண்டவாளத்தில் படுத்து உயிரிழந்த 16 தொழிலாளர்களும், புலம் பெயர் தொழிலாளர்களுடன் சென்று கொண்டிருந்த டிரக் விபத்துக்குள்ளாக மரணம் அடைந்த 24  தொழிலாளர்களும் சொந்த ஊரை நோக்கித்தான் தங்கள் பயணத்தைத் தொடங்கினர். ஆனால்..  அது அவர்கள் நினைத்தபடி அமையவில்லை.

வேலையில்லை, கையில் காசுமில்லை.. சொந்த ஊரை நோக்கி நடக்கிறோம். எங்கள் எதிர்காலம் என்ன என்பதற்கு பதிலும் இல்லை என்று கூறும் புலம்பெயர் தொழிலாளியான ஒரு இளைஞர், ஒன்று மட்டும் நிச்சயம்.. "ஒரு வேளை நான் மரணம் அடைந்தால், நான் என் வீட்டில் மரணம் அடைவேன். மீண்டும் எக்காரணத்தைக் கொண்டும் எந்த சொந்த மண்ணைவிட்டு வர மாட்டேன்" என்கிறார்.

இவர்களது எதிர்காலத்தோடு, இவர்களால் கொள்ளை லாபம் பார்த்துக் கொண்டிருந்த பல தொழில் நிறுவனங்களின் எதிர்காலமும், தொழிலாளர்களின் பற்றாக்குறையால்  கேள்விக்குறியாகியிருப்பதும் கண்கூடாகவே தெரிகிறது.
 

]]>
migrant woman, dangerous travel https://images.dinamani.com/uploads/user/imagelibrary/2020/5/18/w600X390/Bengaluru_Migrants_EPS.jpg https://www.dinamani.com/latest-news/sub-latest-news/2020/may/18/a-migrant-womans-dangerous-travel-3416916.html
3416623 தற்போதைய செய்திகள் தற்போதைய செய்திகள் அண்ணாமலை பல்கலை. ஊழியர்கள் திங்கள்கிழமை பணிக்கு வர வேண்டாம் : பதிவாளர் DIN DIN Sunday, May 17, 2020 06:00 PM +0530  

சிதம்பரம் : தமிழக அரசு ஊரடங்கை மே 31 ஆம் தேதி வரை நீட்டித்திருப்பதால், பல்கலைக்கழக ஆசிரியர்கள், ஊழியர்கள் மே 18 (திங்கள் கிழமை) பணிக்கு வர வேண்டாம். பணிக்கு வருதல் தொடர்பான உரிய அறிவிப்பு திங்கள்கிழமை வெளியிடப்படும் என அறிவிப்பொன்றில் பல்கலைக்கழக பதிவாளர் என். கிருஷ்ணமோகன் தெரிவித்துள்ளார்.

]]>
annamalai, need-not https://images.dinamani.com/uploads/user/imagelibrary/2020/5/17/w600X390/Annamalai-University.jpg https://www.dinamani.com/latest-news/sub-latest-news/2020/may/17/annamalai-university-staff-need-not-return-to-work-monday-registrar-3416623.html
3416595 தற்போதைய செய்திகள் தற்போதைய செய்திகள் 25 மாவட்டங்களில் தளர்வுகள் அறிவிப்பு DIN DIN Sunday, May 17, 2020 03:43 PM +0530  

தமிழகத்தில் ஓரளவு மேம்பட்டுள்ள 25 மாவட்டங்களில் சில தளர்வுகளை முதல்வர் பழனிசாமி அறிவித்துள்ளார்.

புதிதாக அறிவிக்கப்பட்ட தளர்வுகள் விவரம்:

ஊரடங்கை படிப்படியாக விலக்குவதற்கு பரிந்துரை செய்ய அமைக்கப்பட்ட உயர்நிலைக்குழுவின் பரிந்துரையின்படி கீழ்க்கண்ட தளர்வுகள் அறிவிக்கப்படுகின்றன:

 கோயம்புத்தூர், சேலம், ஈரோடு, திருப்பூர், நாமக்கல், கரூர், திருநெல்வேலி, தூத்துக்குடி, தென்காசி, கன்னியாகுமரி, தேனி, மதுரை, சிவகங்கை, விருதுநகர், இராமநாதபுரம், திண்டுக்கல், புதுக்கோட்டை, திருச்சி, திருவாரூர், தஞ்சாவூர்,
நாகப்பட்டினம், தருமபுரி, கிருஷ்ணகிரி, வேலூர் மற்றும் நீலகிரி ஆகிய 25 மாவட்டங்களுக்கு மட்டும் கீழ்க்கண்ட சில தளர்வுகள் வழங்கப்படுகின்றன:

 இந்த மாவட்டங்களில் அந்தந்த மாவட்டங்களுக்குள் போக்குவரத்து இயக்கத்திற்கு மட்டும் இ பாஸ் இல்லாமல் இயக்க தளர்வு அளிக்கப்படுகிறது.

 மாவட்டத்திற்குள் நோய் தொற்று பரவாமல் தடுக்க பொதுமக்கள் 
அனுமதிக்கப்பட்ட பணிகளுக்கும், அத்தியாவசிய பணிகளுக்கு மட்டும் சென்று வர போக்குவரத்தை பயன்படுத்திக்கொள்ளலாம்.

 ஒரு மாவட்டத்திலிருந்து இன்னொரு மாவட்டத்திற்கு  சென்றுவர இ பாஸ் பெற்று செல்லும் தற்போதைய நடைமுறையே தொடரும்.

 அரசுப் பணிகள் மற்றும் தனியார் தொழிற்சாலைகளுக்கு சிறப்பு அனுமதி வழங்கப்பட்டு இயக்கப்படும் அரசு மற்றும் தனியார் பேருந்துகளில் அதிகபட்சமாக 20 நபர்களும், வேன்களில் 7 நபர்களும்,  பெரிய வகை கார்களில்
3 நபர்களும், சிறிய கார்களில் 2 நபர்களும் (வாகன ஓட்டுநர் தவிர) செல்ல அனுமதிக்கப்படுகிறது.

 மாவட்டங்களுக்குள் போக்குவரத்து அனுமதிக்கப்பட்டுள்ள 25 மாவட்டங்களில் இ பாஸ் இல்லாமல் வாடகை மற்றும் டாக்ஸி வாகனங்களை அத்தியாவசிய பணிகளுக்கான வேளாண்மை, வியாபாரம், மருத்துவம் போன்ற பணி நிமித்தம்
பயணம் செய்ய மட்டும் பயன்படுத்தப்பட வேண்டும்.

தேவையில்லாமல் வீட்டை விட்டு வெளியில் செல்வதை கண்டிப்பாக பொதுமக்கள் தவிர்க்க வேண்டும் என்றும் அறிக்கையில் முதல்வர் பழனிசாமி தெரிவித்துள்ளார். 

]]>
relaxation, TN https://images.dinamani.com/uploads/user/imagelibrary/2020/5/15/w600X390/cm_eps.jpg https://www.dinamani.com/latest-news/sub-latest-news/2020/may/17/relaxation-in-25-districts-3416595.html
3416250 தற்போதைய செய்திகள் தற்போதைய செய்திகள் இந்திய வம்சாவளியினரை மணம் செய்துகொண்ட ஆஸ்திரிய இளவரசி மரணம் DIN DIN Saturday, May 16, 2020 12:24 PM +0530  

ஆஸ்திரிய நாட்டு இளவரசியும் இந்திய வம்சாவளி சமையல் வல்லுநரைத் திருமணம் செய்துகொண்டவருமான மரியா பெட்ரோவ்னா கலிட்ஸைன் மாரடைப்பால் இறந்தார்.

32 வயதேயான அவர், அமெரிக்காவில் ஹூஸ்டன் நகரில் மே நாலாம் தேதி திடீர் மாரடைப்பால் பாதிக்கப்பட்டு உயிரிழந்தார்.

ஆஸ்திரிய அரச குடும்பத்தைச் சேர்ந்தவரான  கலிட்ஸைன், இந்திய வம்சாவளியினரா சமையல் வல்லுநர் ரிஷி சிங் என்பவரைத் திருமணம் செய்துகொண்டு ஹூஸ்டனில் வசித்துவந்தார்.

இறந்த கலிட்ஸைனுக்கு இரண்டு வயதில் ஒரு மகன் இருக்கிறான். கலிட்ஸைனுடைய மரணத்தை ஹூஸ்டன் கிரானிக்களில் வெளியான மரண அறிவித்தல் விளம்பரம் உறுதி செய்திருக்கிறது. 

]]>
Austrian princess https://images.dinamani.com/uploads/user/imagelibrary/2020/5/16/w600X390/mar.jpg https://www.dinamani.com/latest-news/sub-latest-news/2020/may/16/austrian-princess-wife-of-indian-origin-chef-dies-in-houston-3416250.html
3416234 தற்போதைய செய்திகள் தற்போதைய செய்திகள் இந்தியாவில் லாவா செல்லிடப்பேசி உற்பத்தி: சீனாவிலிருந்து இடம் மாறுகிறது DIN DIN Saturday, May 16, 2020 11:30 AM +0530  

செல்லிடப்பேசித் தயாரிப்பு நிறுவனமான லாவா நிறுவனம், தன்னுடைய செயல்பாடுகளை சீனாவிலிருந்து இந்தியாவுக்கு மாற்றிக்கொள்வதென முடிவு செய்துள்ளது.

இந்திய அரசின் புதிய கொள்கை அறிவிப்புகளைத் தொடர்ந்து, இந்த முடிவையெடுத்துள்ளதாக லாவா இன்டர்நேஷனல் நிறுவனம் அறிவித்துள்ளது.

மேலும், செல்லிடப்பேசி வடிவமைப்பு மற்றும் தயாரிப்புத் துறையில் இந்தியாவில் அடுத்த ஐந்தாண்டுகளில் ரூ. 800 கோடியை முதலீடு செய்யவும் லாவா முடிவு செய்துள்ளது.

சீனாவில் வடிவமைப்புப் பிரிவில் தற்போது 600-650 தொழிலாளர்கள் இருக்கின்றனர். தற்போது இந்தப் பிரிவின் செயல்பாடுகளை இந்தியாவுக்கு மாற்றுகிறோம். இனிமேல் இந்தியாவின் தேவைக்கேற்ப உள்ளூரில் செல்லிடப் பேசிகள் தயாரிக்கப்படும் என்று லாவா இன்டர்நேஷனல் நிறுவன தலைவர் மற்றும் மேலாண் இயக்குநர் ஹரி ஓம் ராய் குறிப்பிட்டுள்ளார்.

சீனாவிலிருந்து கணிசமான அளவுக்கு உலகின் பிற நாடுகளுக்கு செல்லிடப்பேசிகளை ஏற்றுமதி செய்வோம், இனி இந்தியாவிலிருந்து ஏற்றுமதிகள் தொடரும் என்றும் அவர் தெரிவித்துள்ளார்.

]]>
Lava, shifting https://images.dinamani.com/uploads/user/imagelibrary/2020/5/16/w600X390/lava.png https://www.dinamani.com/latest-news/sub-latest-news/2020/may/16/lava-is-shifting-its-china-operations-to-india-3416234.html
3415937 தற்போதைய செய்திகள் தற்போதைய செய்திகள் பாவலர் க.மீனாட்சிசுந்தரம் உடல் மருத்துவக் கல்லூரிக்குக் கொடை DIN DIN Friday, May 15, 2020 05:37 PM +0530  

வேதாரண்யம் : மறைந்த தமிழ்நாடு தொடக்கப் பள்ளி ஆசிரியர் மன்றப் பொதுச் செயலர் பாவலர் க. மீனாட்சிசுந்தரத்தின் உடல், திருவாரூர் அரசு மருத்துவக் கல்லூரி மருத்துவமனைக்குக் கொடையாக வழங்கப்பட்டது.

தமிழ்நாடு தொடக்கப் பள்ளி ஆசிரியர் மன்றத்தை  நிறுவி, தமிழக சட்ட மேலவை உறுப்பினராகவும் இருந்ததுடன், ஜாக்டோ ஜியோ அமைப்பின் மாநில ஒருங்கிணைப்பாளர் போன்ற பொறுப்புகளில் செயல்பட்டு வந்த மீனாட்சிசுந்தரம், உடல் நலக் குறைவால் வியாழக்கிழமை காலமானார்.

இவரது உடல், மக்கள் அஞ்சலி செலுத்துவதற்காக தலைஞாயிறிலுள்ள வீட்டில் வைக்கப்பட்டிருந்தது.

தனது மறைவுக்கு பின்னர்  உடலை மருத்துவக் கல்லூரிக்கு தானம் செய்ய ஏற்கெனவே மீனாட்சிசுந்தரம் விருப்பம் தெரிவித்துப்  பதிவு செய்திருந்தார்.

இதையடுத்து, சடங்குகள் தவிர்க்கப்பட்டு, இறுதி ஊர்வலத்தைத் தொடர்ந்து,  தலைஞாயிறு கடைவீதியில் வைக்கப்பட்ட அவரது படத்துக்கு மலர் தூவி அஞ்சலி செலுத்திய பின், திருவாரூர் அரசு மருத்துவக் கல்லூரி மருத்துவமனைக்கு தானம் செய்யும் விதமாக அமரர் ஊர்தியில் மீனாட்சிசுந்தரத்தின் உடல் அனுப்பிவைக்கப்பட்டது.

]]>
OBIT, meenakshisundaram https://images.dinamani.com/uploads/user/imagelibrary/2020/5/15/w600X390/meenakshi_sundaram.jpg https://www.dinamani.com/latest-news/sub-latest-news/2020/may/15/k-meenakshisundaram-body-donated-to-medical-college-3415937.html
3415569 தற்போதைய செய்திகள் தற்போதைய செய்திகள் தினமணி செய்தி எதிரொலி: ராமநாதபுரம் சிறுமிக்குக் குவியும் உதவிகள்! DIN DIN Friday, May 15, 2020 01:10 AM +0530  

ராமநாதபுரம்: ராமநாதபுரத்தில் குடும்பத்தை உதறிவிட்டுத் தந்தை போய்விட, ஊதியத்தைக் கரோனா பறித்துக்கொள்ள புற்றுநோயாளியான தாயைக் காக்கப் பசியுடன் போராடிக் கொண்டிருக்கும் சிறுமிக்கு தினமணி இணையதளம் - தினமணி செய்தியின் பலனாக ஏராளமானோர் உதவிக் கொண்டிருக்கின்றனர்.

ராமநாதபுரம் நகர் மாரியம்மன் கோயில் பகுதியைச் சேர்ந்த சக்திவேல் என்பவரின் மனைவி முத்துவேலாயி. இவர்களுக்கு ஷர்மிளா (17) என்ற மகளும், அபி என்ற மகனும் உள்ளனர்.

கடந்த சில ஆண்டுகளுக்கு முன்பு சக்திவேல் வேறு ஒரு திருமணம் செய்துகொண்டு மகனையும் அழைத்துக்கொண்டு பிரிந்துபோய்விட்டார்.

மகள் ஷர்மிளாவுடன் தனியாக வாடகை வீட்டில் வசித்து வரும் முத்துவேலாயி, கூலி வேலை செய்து மகளுடன் அன்றாட பசியை ஆற்றி வந்தார். இந்த நிலையில் முத்துவேலாயிக்கு வாய்ப் புற்றுநோய் வந்ததால் வேலைக்குச் செல்லமுடியவில்லை.

தாயையும் தன்னையும் காப்பாற்றிக்கொள்ள, பிளஸ் 2 முடித்த ஷர்மிளா, பிளாஸ்டிக் பொருள்கள் விற்கும் கடைக்கு, மாதம் ரூ. 4 ஆயிரம் ஊதியத்தில் வேலைக்குச் சென்றார்.

இந்த ஊதியத்தில்  வீட்டு வாடகை, அரசின் குடும்ப அட்டைக்கான அரிசி, தாய்க்கு மருந்து, மாத்திரை என வாங்கிச் சமாளித்துக் கொண்டிருந்த நிலையில், கரோனா ஊரடங்கால் எல்லாமும் போய்விட்டது.

கடந்த இரு மாதங்களாக வேலையின்றி ஷர்மிளா தவிக்க, ராமநாதபுரம் அரசு மருத்துவமனையும் தாய்க்கு சிகிச்சை அளிப்பதைக் கைவிட,  தாயை வீட்டுக்கு அழைத்து வந்து, வயிற்றுக்குப் போராடிக்கொண்டே தாயின் நோய் தீர்க்க மருத்துவ உதவி கேட்டு மாவட்ட நிர்வாகத்தின் படியேறிக் கொண்டிருந்தார்.

இந்த நிலையில், மாவட்ட ஆட்சியர் அலுவலகத்தில் மயக்க நிலையில் அமர்ந்திருந்த ஷர்மிளாவின் நிலை பற்றிய செய்தி, தினமணி இணைய தளத்திலும் (செவ்வாய்க்கிழமை) தினமணியிலும் வெளியானது.

இந்தச் செய்தியைப் பார்த்ததும் ராமநாதபுரம் மாவட்ட ரஜினி மக்கள் மன்றச் செயலர் செந்தில், நேரடியாகச் சென்று சிறுமிக்கு ரூ.10 ஆயிரம் மற்றும் அரிசி, பருப்பு என உணவுப் பொருள்களையும் வழங்கினார்.

தொடர்ந்து பல்வேறு சமூக அமைப்பினரும், வெளியூர்களில் இருந்தும் சிறுமி ஷர்மிளாவைத் தொடர்புகொண்டு அவருக்கு பண உதவிகளை அளித்தும், உணவுப் பொருள்கள் வழங்கியும் உதவிவருகின்றனர்.

ராமநாதபுரம் மாவட்ட திமுக பொறுப்பாளர் காதர்பாட்சா முத்துராமலிங்கம் கட்சி நிர்வாகிகளுடன் சென்று சிறுமிக்கு நிதியளித்து, உணவுப் பொருள்களையும் வழங்கினார். மேலும், சிறுமியின் தாய்க்கு சென்னையில் மருத்துவ சிகிச்சை அளிக்க திமுக தலைவர் மு.க. ஸ்டாலினிடம் பரிந்துரைத்திருப்பதாகவும் தெரிவித்தார்.

இதனிடையே, மாவட்ட காவல் கண்காணிப்பாளர் அலுவலகத்தின் சார்பில் சிறுமி வீட்டுக்கு வந்து உணவுப் பொருள்களை வழங்கியதுடன், அவருடைய தாயை மீண்டும் அரசு மருத்துவமனையில் சிகிச்சைக்கு அனுமதிக்க உதவியுள்ளனர்.

தற்போது சிறுமியின் தாய் முத்துவேலாயி ராமநாதபுரம் அரசு தலைமை மருத்துவமனையில் சிகிச்சைக்கு சேர்க்கப்பட்டுள்ளார்.

இதுபற்றி சிறுமி ஷர்மிளா கூறுகையில், தினமணி செய்தியின் பலனாக  எனக்கு ஆந்திரம் உள்பட வெளி மாநிலங்கள், மாவட்டங்களில் இருந்து ஏராளமானோர் உதவியுள்ளனர். காலத்தால் செய்த இந்த உதவியை வாழ்நாளில் மறக்க மாட்டேன். உதவியவர்களுக்கு நன்றி தெரிவிக்கிறேன். தொடர்ந்து வேலை செய்து எனது தாயைக் காக்கவே விரும்புகிறேன் என்றார். ராமநாதபுரத்தில் புற்றுநோய் பாதித்த தாயுடனும், கரோனா தீநுண்மி பரவல் தடுப்பு நடவடிக்கையால் வேலை இழந்தும் போராடிய சிறுமி ஷர்மிளாவுக்கு தினமணி செய்தி எதிரொலியாக ரஜினி மக்கள் மன்றம் மற்றும் திமுக உள்ளிட்ட ஏராளமானோர் உதவிவருகின்றனர்.

]]>
cancer mother https://images.dinamani.com/uploads/user/imagelibrary/2020/5/14/w600X390/rama_girl.JPG https://www.dinamani.com/latest-news/sub-latest-news/2020/may/14/assitance-for-ramanathapuram-girl-3415569.html
3415507 தற்போதைய செய்திகள் தற்போதைய செய்திகள் கரோனா: உறவினர் ஒருவருமில்லை, மனைவி விடியோ அழைப்பில் பார்க்க கணவரின் இறுதிச்சடங்கு PTI PTI Thursday, May 14, 2020 01:10 PM +0530  

தில்லி அருகே நொய்டாவில் உறவினர்கள் ஒருவரும் அருகில் இல்லாமலேயே கரோனா நோய்த் தொற்றால் உயிரிழந்த 60 வயதான ஒருவரின் இறுதிச் சடங்குகள் நடைபெற்றன.

கரோனா நோய்த் தொற்றால் பாதிக்கப்பட்ட அவர், தனியார் மருத்துவமனையொன்றில் அனுமதிக்கப்பட்டு சிகிச்சை பலனின்றி, திங்கள்கிழமை 

அவருடைய மனைவியும் கரோனா நோய்த் தொற்றால் பாதிக்கப்பட்டுள்ள நிலையில், மருத்துவமனையில் இருந்தவாறே விடியோ அழைப்பின் மூலம் கணவருடைய இறுதிச் சடங்குகளைப் பார்த்துக்கொண்டிருந்தார்.

இந்தத் தம்பதியரின் மகளோ தந்தையின் இறப்புக்கு வர முடியாதபடி குஜராத்தில் சிக்கிக் கொண்டுவிட்டார். வாராணசியிலுள்ள மேலும் சில உறவினர்களோ தங்களால் தில்லி கௌதம் புத் நகருக்கு வந்துசேர இயலாது எனத் தெரிவித்துவிட்டனர்.

இறந்தவரின் வீட்டுக்கு அருகே வசித்த ஒருவர்கூட பொறுப்பேற்றுக் கொள்ள முன்வரவில்லை.

மாவட்ட நிர்வாகமோ, மாவட்ட நல்வாழ்வுத் துறையோ கண்டுகொள்ளவில்லை. 

இறுதிச் சடங்குகளுக்குப் பொறுப்பேற்க மறுத்துவிட்ட மாவட்ட நிர்வாகம், அவரை அநாதை என்று அறிவிக்க வேண்டும் என்றும் அதன் பிறகு இறுதிச் சடங்குகள் செய்ய வேண்டுமானால் 72 மணி நேரமாகும் என்றும் தெரிவித்திருக்கின்றனர்.

 

அவர்களிடமிருந்து எவ்வித ஒத்துழைப்பும் இல்லாத நிலையில், வேறு வழியின்றி,  இறந்தவரின் மகளிடம் ஒப்புதல் கடிதம் பெற்று, அவர் சிகிச்சை பெற்று இறந்த தனியார் மருத்துவமனையே முன்வந்து இறுதிச் சடங்குகளை நிறைவேற்றி, செவ்வாய்க்கிழமை மாலையில் சடலத்தை எரியூட்டச் செய்தது.

இறந்தவரின் மனைவி மட்டும், கணவரின் இறுதி நிகழ்வுகளை விடியோ அழைப்பின் மூலம் பார்த்துக் கொண்டிருந்ததாகத் தகவல்கள் தெரிவிக்கின்றன.

]]>
https://images.dinamani.com/uploads/user/imagelibrary/2020/5/14/w600X390/PTI11-05-2020_000239A.jpg https://www.dinamani.com/latest-news/sub-latest-news/2020/may/14/no-kin-around-covid-19-patients-funeral-held-wife-watches-via-video-call-3415507.html
3415505 தற்போதைய செய்திகள் தற்போதைய செய்திகள் ஐக்கிய அரபு நாடுகளில் விசா அபராதங்கள் ரத்து DIN DIN Thursday, May 14, 2020 12:16 PM +0530 துபை: ஐக்கிய அரபு நாடுகளில் விசா பெற்று வந்தவர்கள் அனுமதிக் காலங்கடந்து தங்கியிருந்தாலும் அபராதங்கள் எதுவும் செலுத்தத் தேவையில்லை என்று ஐக்கிய அரபு நாடுகள் அறிவித்துள்ளது.

ஐக்கிய அரபு நாடுகளுக்கு வந்து  மார்ச் முதல் தேதி விசா காலம் முடியும் அனைத்து வகையான நுழைவு அனுமதி பெற்றிருப்போரும் அபராதக் கட்டணங்கள் செலுத்த வேண்டாம் என்று அரபு நாடுகளின் அதிபர் ஷேக் கலீபா பின் சயத் அல் நயன் தெரிவித்துள்ளார்.

தவிர, மே 18 ஆம் தேதிக்குப் பிறகு தங்கள் நாடுகளுக்குத் திரும்ப விரும்புவோருக்கான கால அவகாசம் மேலும் 3 மாதங்களுக்கு நீட்டிக்கப்படுவதாகவும் அரசு செய்தித் தொடர்பாளர் பிரிகேடியர் கமீஸ் அல் காபி தெரிவித்துள்ளார்.

]]>
UAE, visa https://images.dinamani.com/uploads/user/imagelibrary/2020/5/14/w600X390/Visa.jpg https://www.dinamani.com/latest-news/sub-latest-news/2020/may/14/all-uae-visa-fines-have-been-waived-3415505.html
3415308 தற்போதைய செய்திகள் தற்போதைய செய்திகள் வாணியம்பாடிக்குப் புதிய ஆணையர்: பழக்கடைகளை அடித்து சேதப்படுத்தியவர் மாற்றம் DIN DIN Wednesday, May 13, 2020 09:11 PM +0530  

வாணியம்பாடி: வாணியம்பாடியில் பழக்கடைகளைச் சேதப்படுத்தி பழங்களைக் கீழே வீசிய சம்பவத்தைத் தொடர்ந்து நகராட்சி ஆணையர் மாற்றப்பட்டார்.

வாணியம்பாடி நகராட்சி ஆணையர் சிசில் தாமஸ் ஆய்வின்போது பழக்கடைகளில் பழங்களைக் கீழே தள்ளியும், தள்ளுவண்டியை பழங்களுடன் கவிழ்த்துவிட்ட செயல்களுக்குப் பல்வேறு தரப்பிலிருந்து கடும் கண்டனம் எழுந்தது.

இந்த நிலையில் மேல்விசாரம் ஆணையராக (பொறுப்பு) பணியாற்றிவரும் பாபு,  வாணியம்பாடி நகராட்சிக்கு புதிய ஆணையராக (பொறுப்பு) இடமாற்றம் செய்து நகராட்சி நிர்வாக இயக்குநர் புதன்கிழமை மாலை உத்தரவிட்டுள்ளார்.

சர்ச்சைக்குரிய ஆணையர் சிசில் தாமஸ் காத்திருப்போர் பட்டியலுக்கு மாற்றம் செய்யப்பட்டார்.

]]>
vaniambadi, transfer https://images.dinamani.com/uploads/user/imagelibrary/2020/5/13/w600X390/vaniampadi1.jpg https://www.dinamani.com/latest-news/sub-latest-news/2020/may/13/new-commissioner-for-vaaniyambadi-3415308.html
3415306 தற்போதைய செய்திகள் தற்போதைய செய்திகள் மேட்டூர் அணை ஜூன் 12-ல் பாசனத்துக்குத் திறக்க வாய்ப்பு கு. இராசசேகரன் DIN Wednesday, May 13, 2020 08:11 PM +0530  

மேட்டூர்: மேட்டூர் அணையின் நீர்மட்டம் 276 நாள்களாக 100 அடிக்குக் குறையாமல் இருப்பதால் ஜூன் 12-ல் பாசனத்திற்குத் தண்ணீர் திறக்கும் வாய்ப்பு இருக்கிறதென விவசாயிகள் நம்பிக்கையுடன் மகிழ்ச்சியில் இருக்கின்றனர்.

மேட்டூர் அணைப் பாசனம் மூலம் சேலம், நாமக்கல், திருச்சி, தஞ்சை, திருவாரூர், கரூர் உட்பட 12 காவிரி டெல்டா மாவட்டங்களில் 16.05 லட்சம் ஏக்கர் பாசனவசதி பெறுகிறது.

மேட்டூர் அணையின் நீர்மட்டம் 90 அடியாக இருந்தால் பருவ மழையை எதிர்நோக்கி டெல்டா பாசனத்திற்கு  ஜூன் 12-ல் தண்ணீர் திறக்கப்படும். குறுவை, சம்பா, தாளடி பயிர்களுக்கு ஜூன் 12 முதல் ஜனவரி 28-ந்தேதி வரை 230 நாள்களுக்கு 330 டி.எம்.சி. தண்ணீர் தேவைப்படும். பாசனப் பகுதிகளில் மழை பெய்தால் பாசனத் தேவை குறையும்.

கடந்த ஆண்டு ஜூன் 12ந்தேதி மேட்டூர் அணையின் நீர் இருப்பும் வரத்தும் திருப்திகரமாக இல்லாத காரணத்தால் அணையிலிருந்து குறித்த நாளில் பாசனத்திற்கு தண்ணீர் திறக்கப்படவில்லை. இரண்டு மாதங்கள் தாமதமாக ஆகஸ்ட் 13-ந்தேதி காவிரி டெல்டா பாசனத்திற்குத் தண்ணீர் திறக்கப்பட்டது. ஆகஸ்ட் 13ந்தேதி மேட்டூர் அணையின் நீர்மட்டம் 100 அடியாக உயர்ந்தது. பருவமழை காரணமாக செப்டம்பர் மாதம் 7-ந்தேதி அணை நிரம்பியது.

காவிரியின் நீர்ப்பிடிப்புப் பகுதிகளில் பெய்த தொடர் மழை காரணமாக கடந்த நீர்ப் பாசன  ஆண்டு மேட்டூர் அணை அடுத்தடுத்து நான்கு முறை நிரம்பியது. நடப்பு ஆண்டு ஜனவரி 28-ந்தேதி மேட்டூர் அணையிலிருந்து காவிரி டெல்டா பாசனத்திற்கு தண்ணீர் திறப்பு நிறுத்தப்பட்டது.

கடந்த நீர்ப்பாசன ஆண்டு முழுவதும் அணையிலிருந்து டெல்டா பாசனத்திற்கு 151 டி.எம்.சி. தண்ணீர்  திறக்கப்பட்டுள்ளது. ஆகஸ்ட் 13-ந்தேதி முதல் இன்று வரை தொடர்ந்து 276-வது நாளாக மேட்டூர் அணையின் நீர்மட்டம் 100 அடிக்கு குறையாமல் உள்ளது.

கடந்த 2005 - 2006ம் ஆண்டில் தொடர்ந்து 427 நாள்கள் மேட்டூர் அணையின் நீர் மட்டம் 100 அடிக்கு குறையாமல் இருந்துள்ளது. கடந்த 14 ஆண்டுகளுக்குப் பிறகு நடப்பு ஆண்டில் அணையின் நீர்மட்டம் தொடர்ந்து 276 நாள்கள் 100 அடிக்குக் குறையாமல் இருப்பது விவசாயிகள் மத்தியில் மகிழ்ச்சியை ஏற்படுத்தி உள்ளது.

நீர்மட்டம் திருப்திகரமாக இருப்பதால் நடப்பு நீர்ப்பாசன ஆண்டில் குறித்த நாளான ஜூன் 12-ந்தேதி மேட்டூர் அணையிலிருந்து காவிரி டெல்டா பாசனத்திற்கு தண்ணீர் திறக்க வாய்ப்பு உள்ளது என்று  விவசாயிகள் நம்பிக்கையோடு காத்திருக்கின்றனர்.

கடந்த 2008 ஆம் ஆண்டு குறித்த நாளான ஜூன் 12ல் மேட்டூர் அணையிலிருந்து காவிரி டெல்டா பாசனத்திற்குத் தண்ணீர் திறக்கப்பட்டது. கடந்த 11 ஆண்டுகளுக்கு பிறகு நடப்பு ஆண்டில்தான் குறித்த நாளில் மேட்டூர் அணையிலிருந்து காவிரி டெல்டா பாசனத்திற்குத் தண்ணீர் திறக்கவிருப்பது குறிப்பிடத்தக்கது. 2011 ஆம் ஆண்டு அணையின் நீர் இருப்பும் வரத்தும் திருப்திகரமாக இருந்ததால் விவசாயிகளின் கோரிக்கையை ஏற்று ஜூன் 12-க்கு முன்பாகவே பாசனத்திற்கு தண்ணீர் திறக்கப்பட்டுள்ளது.

இன்று காலை மேட்டூர் அணையின் நீர்மட்டம் 100.10 அடியாக இருந்தது. அணைக்கு வினாடிக்கு 885 கனஅடி வீதம் தண்ணீர் வந்துகொண்டிருந்தது. அணையிலிருந்து குடிநீர்த் தேவைக்காக வினாடிக்கு 1000 கனஅடி வீதம் தண்ணீர் திறக்கப்பட்டு வருகிறது. அணையின் நீர் இருப்பு 64.97 டி.எம்.சியாக இருந்தது.

]]>
metturdam, june 12 https://images.dinamani.com/uploads/user/imagelibrary/2020/5/13/w600X390/mettur.jpg https://www.dinamani.com/latest-news/sub-latest-news/2020/may/13/mettur-dam-opens-for-irrigation-on-june-12-3415306.html
3415276 தற்போதைய செய்திகள் தற்போதைய செய்திகள் ராமநாதபுரத்தில் சுவர் இடிந்து விழுந்ததில் சிறுவன் பலி DIN DIN Wednesday, May 13, 2020 06:44 PM +0530  

ராமநாதபுரம்:  ராமநாதபுரம் நகரில் புதன்கிழமை மாலையில் சுவர் இடிந்து விழுந்ததில் சிறுவன் ஜெப்ரி ரோஹித் (5) உயிரிழந்தார். இந்த சம்பவத்தில் மற்றொரு சிறுவன், பெண் ஆகியோர் பலத்த காயமடைந்தனர்.

ராமநாதபுரத்தில் கடந்த இரு நாள்களாக தொடர்ந்து மழை பெய்துகொண்டிருக்கும் நிலையில் சுவர் இடிந்துவிழுந்துள்ளது.

ராமநாதபுரம் நகர் காந்திநகர் பகுதியைச் சேர்ந்தவர்  சுரேஷ்குமார். இவருக்கு இரு மகன்கள். மூத்த மகன் ஜெப்ரி ரோஹித்,  இந்தப் பகுதியில் உள்ள பள்ளியில் முதல் வகுப்பு படித்துவந்தார்.

கரோனா பரவல் தடுப்பு ஊரடங்கு இருப்பதால் வீட்டில் இருந்த சிறுவன் ஜெப்ரி ரோஹித்தும், இதே பகுதியைச் சேர்ந்த மணீஷ்குமார் (10) உள்ளிட்டோரும்
புதன்கிழமை மாலையில் எம்.எஸ்.கே. நகர் தேவாலயப் பகுதியில் உள்ள ஒரு  
வீட்டருகே விளையாடிக் கொண்டிருந்தனர். அப்போது, அருகே புதிதாக கட்டப்பட்டு பூசாமல் இருந்த சுவர் திடீரென இடிந்து விழுந்தது.

சுவர் இடிபாடுகளில் சிக்கி சிறுவர்கள் ஜெப்ரி ரோஹித், மணீஷ்குமார் மற்றும்
பிரிசில்லா (31) என்ற பெண் ஆகியோர் பலத்த காயமடைந்தனர். இவர்களை அந்தப் பகுதியினர் மீட்டு ராமநாதபுரம் அரசு தலைமை மருத்துவமனையில் சிகிச்சைக்குச் சேர்த்தனர்.

சிறுவன் ஜெப்ரி ரோஹித்தை பரிசோதித்த மருத்துவர்கள் அவர் வழியில் இறந்துவிட்டதாகத் தெரிவித்தனர். விபத்தில் காயமடைந்த மணீஷ்குமார், பிரிசில்லா ஆகியோர் மருத்துவமனையில் அவசரச் சிகிச்சைப் பிரிவில் சேர்க்கப்பட்டுள்ளனர். 

]]>
Ramanathapuram , wallcollapse https://images.dinamani.com/uploads/user/imagelibrary/2020/5/13/w600X390/55.JPG https://www.dinamani.com/latest-news/sub-latest-news/2020/may/13/boy-killed-in-wall-collapse-in-ramanathapuram-3415276.html
3415264 தற்போதைய செய்திகள் தற்போதைய செய்திகள் ஏரி முழுவதும் தூர்வாரக் கோரி அதிகாரிகளை முற்றுகையிட்ட மக்கள் DIN DIN Wednesday, May 13, 2020 05:34 PM +0530  

திருவள்ளூர்: திருவள்ளூர் அருகே குடிமராமத்து பணி மூலம் ஏரியின் உள்பகுதியில் நீர் தேங்கும் வகையில் தூர்வார வேண்டும் எனக் கோரி பொதுப்பணித் துறை அதிகாரிகளைப் பொதுமக்கள் முற்றுகையிட்டதால் பரபரப்பு ஏற்பட்டது.

திருவள்ளூர் மாவட்டத்தில் கடந்த 2017 முதல் கடந்தாண்டு வரையில் 124 ஏரிகளில் ரூ. 2912.40 கோடியில் குடிமராமத்து பணிகள் மூலம் சீரமைக்கப்பட்டுள்ளது. அதேபோல், நிகழாண்டில் 16 ஆயிரம் ஹெக்டேர் பாசன வசதி பெறும் வகையில் ரூ. 3259.34 கோடியில் விவசாய சங்கங்கள் மூலம் 80 ஏரிகளில் குடிமராமத்து பணிகள் மேற்கொள்ள அரசு உத்தரவிட்டுள்ளது.

இதன் அடிப்படையில் திருவள்ளூர் அருகே சேலை கிராமத்தில் பொதுப்பணித்துறை ஏரியில் ரூ. 68 லட்சம் மதிப்பீட்டில் குடிமராமத்து பணிகளுக்கான பூமிபூஜை ஊராட்சித் தலைவர் கோவர்த்தனம் தலைமையில் புதன்கிழமை நடைபெற்றது.

இதில் பொதுப்பணித்துறை கண்காணிப்பாளர் பொறியாளர் முத்தையா, பொதுப்பணித்துறை செயற்பொறியாளர் (கொற்றலையாறு) திலகம், உதவி செயற்பொறியாளர் ரமேஷ், விவசாய சங்க நிர்வாகிகள் ஆகியோர் பங்கேற்று பொக்லைன் வாகனம் மூலம் குடிமராமத்து பணிகளை தொடங்கி வைத்தனர்.

இதைத் தொடர்ந்து ஏகாட்டூர் ஏரியில் குடிமராமத்து பணிகளை தொடங்கி வைக்கச் சென்றனர். அப்போது, கிராம பொதுமக்களிடமும், விவசாய சங்கங்களிடமும் குடிமராமத்து பணிகள் மூலம் கரை பலப்படுத்துதல், கழுங்கு சீரமைத்தல் ஆகிய பணிகள் மட்டும் ரூ. 58.25 லட்சத்தில் மேற்கொள்ளப்படவுள்ளதாக பொதுப்பணித்துறை அதிகாரிகள் விளக்கமாக எடுத்துரைத்தனர்.
அப்போது, கடந்த 6 மாதங்களுக்கு முன்னர்தான் கரை பலப்படுத்தப்பட்டது. அதேபோல் மீண்டும் அதே பணிகள் மேற்கொள்வதற்கு எதிர்ப்பு தெரிவித்து பொதுமக்கள் பொதுப்பணித்துறை அதிகாரிகளை முற்றுகையிட்டனர். அப்போது, பொதுப்பணித்துறையால் ஏலம் விடப்பட்டுதான் சவுடு மண் அளவுக்கு அதிகமாக அள்ளப்பட்டது. அப்போது, ஏலம் எடுத்தோர் விதிமுறை கடைப்பிடிக்காமல் 20 அடிக்கும் மேலாக மண் எடுத்தனர். இதனால் வரத்துக் கால்வாய்களும் அனைத்தும் மேடாகி காணப்படுகிறது. அதேபோல், ஏரி உள்பகுதியில் பெரும் பள்ளங்களாகவும், சீமைக்கருவேல மரங்களாகவும் உள்ளது. அதனால், ஏரிக்கான வரத்துக் கால்வாய், உள்பகுதியில் சீமைக்கருவேல மரங்களை அகற்றி முழுமையான அளவு பணிகள் மேற்கொள்ள வேண்டும் என பொதுமக்கள் வலியுறுத்தினர்.
   அப்போது, அதிகாரிகள் முதல்கட்டமாக ஏரியில் கரை பலப்படுத்துவதற்கும், கழுங்குகளை சீரமைப்பதற்கான பணிகள் மேற்கொள்ளவே நிதி ஒதுக்கப்பட்டுள்ளது. அதேபோல், மற்ற பணிகள் மேற்கொள்வதற்கு கிராமத்தில் விவசாய சங்கங்கள் மற்றும் பொதுமக்கள் சார்பில் கோரிக்கை மனுக்கள் அளித்தால் நடவடிக்கை எடுப்பதாக அதிகாரிகள் உறுதி அளித்தனர். அதைத் தொடர்ந்து அதிகாரிகளை ஏரியில் இருந்து பொதுமக்கள் செல்ல அனுமதித்தனர். குடிமராமத்து பணிகளை தொடங்கி வைத்த அதிகாரிகளை முற்றுகையிட்ட சம்பவம் அப்பகுதி கிராம மக்களிடையே பெரும் பரபரப்பை ஏற்படுத்தியுள்ளது.

]]>
tiruvallur, gheroed https://images.dinamani.com/uploads/user/imagelibrary/2020/5/13/w600X390/tvlr.jpg https://www.dinamani.com/latest-news/sub-latest-news/2020/may/13/the-people-who-besieged-the-authorities-3415264.html
3415258 தற்போதைய செய்திகள் தற்போதைய செய்திகள் கரோனா தொற்றில்லா மாவட்டமானது நாமக்கல்: ஒரே நாளில் 15 பேர் குணமடைந்தனர்  DIN DIN Wednesday, May 13, 2020 05:20 PM +0530
நாமக்கல்: நாமக்கல் அரசு மருத்துவமனையில் சிகிச்சை பெற்று வந்த 15 பேர் புதன்கிழமை குணமடைந்து வீடு திரும்பினர்.

நாமக்கல் மாவட்டத்தில் கரோனா தொற்றால் 77 பேர் பாதிக்கப்பட்டனர். அவர்கள் சேலம், கரூர் மற்றும் நாமக்கல் அரசு மருத்துவமனைகளில் சிகிச்சை பெற்று வந்தனர்.

14 நாள்கள் தங்கியிருந்த நிலையில் இரு முறை நடத்தப்பட்ட பரிசோதனையில் தொற்று இல்லை என்று உறுதியானதன் அடிப்படையில் குறிப்பிட்ட எண்ணிக்கையில் அனுப்பப்பட்டு வந்தனர். அதன்படி, செவ்வாய்க்கிழமை வரையில் கரூர், சேலம் அரசு மருத்துவமனையில் தங்கியிருந்த 62 பேர் குணமடைந்து வீடு திரும்பி விட்டனர்.

இந்த நிலையில், புதன்கிழமை பிற்பகல் 4 மணியளவில் நாமக்கல் அரசு மருத்துவமனையில் இருந்து 15 பேர் சிறப்பு வாகனத்தில் அவர்களுடைய வீடுகளுக்கு அனுப்பி வைக்கப்பட்டனர். மாவட்ட ஆட்சியர் கா.மெகராஜ்,  காவல் கண்காணிப்பாளர் அர.அருளரசு, மருத்துவக் கல்லூரி முதல்வர் சாந்தா அருள்மொழி ஆகியோர் வழியனுப்பி வைத்தனர்.

இதன்மூலம் நாமக்கல் மாவட்டம் தற்போது கரோனா தொற்று இல்லாத மாவட்டமாக மாறியுள்ளது.

இது குறித்து மாவட்ட ஆட்சியர் கா.மெகராஜ் கூறியது: தொற்று இல்லாத மாவட்டமாக நாமக்கல் மாறியுள்ளது. இன்னும் 14 நாள்களுக்கு எவ்வித தொற்றும் இல்லாதபட்சத்தில் நாமக்கல் மாவட்டம், சிகப்பு மண்டலத்தில் இருந்து ஆரஞ்சு மண்டலமாக மாறுதல் பெறும். பச்சை மண்டலமாக மாறுவதற்கு அதிக நாள்களாகும். அதுவரையில் யாருக்கும் தொற்று ஏற்படாமல் இருக்க வேண்டும் என்றார். 
 

]]>
namakkal, no corona https://images.dinamani.com/uploads/user/imagelibrary/2020/5/13/w600X390/nama.jpg வழியனுப்பி வைக்கும் நாமக்கல் மாவட்ட ஆட்சியர் கா.மெகராஜ் https://www.dinamani.com/latest-news/sub-latest-news/2020/may/13/namakkal-15-people-were-healed-in-a-single-day-3415258.html
3415257 தற்போதைய செய்திகள் தற்போதைய செய்திகள் சங்ககிரி ரோட்டரி சங்கம் சார்பில் லாரி உரிமையாளர்கள் சங்கப் பணியாளர்களுக்கு தற்பாதுகாப்பு கையுறைகள் DIN DIN Wednesday, May 13, 2020 05:20 PM +0530

சங்ககிரி: சேலம் மாவட்டம், சங்ககிரி ரோட்டரி சங்கத்தின் சார்பில் லாரி உரிமையாளர்கள் சங்கப் பணியாளர்களுக்குத் தற்பாதுகாப்பு கையுறைகள் வழங்கும் நிகழ்ச்சி லாரி உரிமையாளர்கள் சங்க பெட்ரோல் - டீசல் விற்பனையக வளாகத்தில் புதன்கிழமை நடைபெற்றன. 

இந்நிகழ்ச்சிக்கு ரோட்டரி சங்கத் தலைவர் சசிகுமார் தலைமை வகித்தார்.

மாவட்ட நிர்வாகி எ.வெங்கடேஸ்வர குப்தா சமூக இடைவெளி குறித்தும், வீட்டில் தனித்து இருப்பது பற்றியும் விளக்கிக் கூறினார். பின்னர் அவர் லாரி உரிமையாளர்கள் சங்கத்தலைவர் வி. செல்வராஜுவிடம் சங்கப் பணியாளர்கள் 200 பேருக்குத் தற்பாதுகாப்பு கையுறைகளை வழங்கினார்.

கையுறைகளை பெற்றுக்கொண்ட லாரி உரிமையாளர்கள் சங்கத்தலைவர் கையுறைகளை பயன்படுத்தும் முறைகள் பற்றியும்,  அவசியம் குறித்து விளக்கிக் கூறினார். 

நிகழ்ச்சியில் லாரி உரிமையாளர்கள் சங்கச் செயலர் கே.கே.நடேசன், துணைத்தலைவர் ஆர்.ஆர்.மோகன்குமார், ரோட்டரி சங்க செயலர் திவாகர், பொருளாளர் கங்காதரன், நிர்வாகிகள் ராமசாமி, தியாகராஜன் ஆகியோர் கலந்துகொண்டனர்.

]]>
sangagiri, rotary https://images.dinamani.com/uploads/user/imagelibrary/2020/5/13/w600X390/sang.jpg https://www.dinamani.com/latest-news/sub-latest-news/2020/may/13/lorry-owners-assn---sankagiri-rotary-club-3415257.html
3415210 தற்போதைய செய்திகள் தற்போதைய செய்திகள் வீடு திரும்பிய தொழிலாளி விரக்தியில் தற்கொலை: தனிமை மையத்துக்குச் செல்ல தாய் சொன்னதால் விபரீதம்! DIN DIN Wednesday, May 13, 2020 12:04 PM +0530  

வெளி மாநிலத்திலிருந்து திரும்பிய நிலையில் தனிமை மையத்துக்குச் செல்லுமாறு பெற்றோர் கூறியதால் விரக்தியுற்ற புலம்பெயர் இளைஞர்  தூக்கிட்டுத் தற்கொலை செய்துகொண்டார்.

ஜார்க்கண்ட் மாநிலம் பன்வாரி அருகேயுள்ள ஹாத்தோஹர் கிராமத்தைச் சேர்ந்தவர் முகேஷ் குமார், வயது 19. புலம்பெயர்ந்து மகாராஷ்டிரத்திலுள்ள ஷோலாபூரில் வேலை பார்த்துக் கொண்டிருந்தார்.

கரோனா ஊரடங்கால் வேலையில்லாமல் போய்விடவே, ஏறத்தாழ 1,700 கி.மீ.  தொலைவு ஏதேதோ வாகனங்களைப் பிடித்துப் பயணம் செய்து செவ்வாய்க்கிழமை காலையில் சொந்த ஊருக்கு வந்து சேர்ந்தார்.

அதிகாலையில் வீட்டுக்கு வந்ததும், முகேஷ் குமாரை அருகே சுமார் 2 கி.மீ. தொலைவிலுள்ள தனிமைப்படுத்தல் மையத்துக்குச் செல்லுமாறு அவருடைய பெற்றோர்கள் தெரிவித்துள்ளனர். 

இதனால் வெறுத்துப் போன முகேஷ் குமார், வெளியே புறப்பட்டுப் போய், வீட்டுக்கு வெளியே ஒரு மரத்தில் தூக்கிட்டுத் தற்கொலை செய்துகொண்டார்.

"ஷோலாப்பூரிலிருந்து ஒரு நண்பனுடன் என்னுடைய மகன் ஊருக்குத் திரும்பிவந்தான். முதலில் குளித்துவிட்டு, புலம்பெயர் தொழிலாளர்களுக்கான அரசின் வழிகாட்டுதலின்படி, அருகேயுள்ள தனிமைப்படுத்தல் மையத்திற்குச் சென்று சில நாள்கள் தங்கியிருந்துவிட்டு வருமாறு என் மனைவி கேட்டுக்கொண்டார்" என்கிறார் முகேஷின் தந்தை நாராயண் கௌத்.

"ஷோலாப்பூரிலுள்ள உருக்கு ஆலையில் தினக்கூலித் தொழிலாளியாக வேலைபார்த்து வந்தவரான முகேஷ் குமார், இதைக் கேட்டதும் எதுவும் சொல்லாமல் வீட்டை விட்டுப் புறப்பட்டுப் போய்விட்டார்.

"கொஞ்ச நேரமாக ஆளையே காணவில்லை என்றதும் என் மனைவி வெளியே சென்று அவனைத் தேடினாள். அப்போதான் வீட்டுக்கு அருகிலுள்ள ஒரு மரத்தில் அவன் தூக்கிட்டு இறந்துகிடப்பது தெரிந்தது" என்றார் கௌத்.

இவ்வளவு தொலைவு கடந்து வீட்டுக்கு வந்தால் பெற்றோரை தனிமைப்படுத்தல் மையத்தில் போய்த் தங்கச் சொல்கிறார்களே என்ற வெறுப்பில் முகேஷ் குமார் தற்கொலை செய்துகொண்டிருக்கலாம் எனக் கூறப்படுகிறது.

காவல்துறையினர் வழக்குப் பதிந்து விசாரித்து வருகின்றனர்.

]]>
Migrant, ends life https://images.dinamani.com/uploads/user/imagelibrary/2020/5/13/w600X390/PTI13-05-2020_000017A.jpg மும்பையிலிருந்து சத்தீஸ்கருக்கு நடந்துசெல்லும் ஒரு புலம்பெயர் குடும்பம் https://www.dinamani.com/latest-news/sub-latest-news/2020/may/13/migrant-ends-life-3415210.html
3414925 தற்போதைய செய்திகள் தற்போதைய செய்திகள் உதறிவிட்ட தந்தை, ஊதியம் பறித்த கரோனா, புற்றுநோயாளியான தாயைக் காக்க பசியுடன் போராடும் சிறுமி! வ. ஜெயபாண்டி DIN Tuesday, May 12, 2020 04:52 PM +0530
ராமநாதபுரம்: ராமநாதபுரத்தில் குடும்பத்தை உதறிவிட்டுத் தந்தை போய்விட, ஊதியத்தைக் கரோனா பறித்துக்கொள்ள புற்றுநோயாளியான தாயைக் காக்கப் பசியுடன் போராடிக் கொண்டிருக்கிறார் ஒரு சிறுமி.

ராமநாதபுரத்தில் மாரியம்மன் கோயில் பகுதியைச் சேர்ந்த சக்திவேல் என்பவரின் மனைவி முத்துவேலாயி. இவர்களுக்கு ஷர்மிளா (17) என்ற மகளும், அபி என்ற மகனும் உள்ளனர்.

கடந்த சில ஆண்டுகளுக்கு முன்பு சக்திவேல் வேறு ஒரு திருமணம் செய்துகொண்டு மகனையும் அழைத்துக்கொண்டு வேறு பகுதிக்கு சென்றுவிட்டார்.

மகள் ஷர்மிளாவுடன் தனியாக வாடகை வீட்டில் வசித்து வரும் முத்துவேலாயி, கூலி வேலை செய்து மகளுடன் அன்றாட பசியை ஆற்றி வந்தார். இடியென வந்தது, முத்துவேலாயிக்கு வாய்ப் புற்றுநோய். நோயால் அவர் கூலி வேலைக்குச் செல்லமுடியாத நிலை ஏற்பட்டுவிட்டது.

தாயின் உடல்நலம் பாதிக்கப்பட்ட நிலையில் தாயையும் தன்னையும் காப்பாற்றிக்கொள்ள வேண்டி, கடந்த ஆண்டு பிளஸ் 2 முடித்தவுடன் பிளாஸ்டிக் பொருள்கள் விற்கும் தனியார் கடைக்கு வேலைக்குச் சென்றார் ஷர்மிளா.

ஷர்மிளாவுக்கு மாதம் ரூ. 4 ஆயிரம் ஊதியம். இந்த ஊதியத்தில்தான்  வீட்டு வாடகை, அரசின் குடும்ப அட்டைக்கான அரிசி, தாய்க்கு மருந்து, மாத்திரை என வாங்கிச் சமாளித்துக் கொண்டிருந்தார்.

இந்நிலையில்தான் எதிர்பாராத கரோனா ஊரடங்கு வந்தது. கடந்த மார்ச் 24 ஆம் தேதி முதல் கரோனா பரவல் தடுப்பு ஊரடங்கு பிறப்பிக்கப்பட்டதால்,  கடைகள் அடைக்கப்பட ஷர்மிளாவும் வேலையிழந்தார்.

கடந்த இரு மாதங்களாக வேலையின்றித் தவிக்கும் ஷர்மிளாவுக்கு உதவ உறவினர்கள் யாரும் முன்வரவில்லை. அக்கம்பக்கத்தினர் இரக்கப்பட்டு அவ்வப்போது அரிசி, காய்கறிகளை கொடுத்து உதவினர்.

ராமநாதபுரம் அரசு மருத்துவமனையில் தாய்க்கு சிகிச்சை பார்த்துவந்த  நிலையில், நோயின் தாக்கம் அதிகரித்திருப்பதால் அங்கு சிகிச்சை அளிக்க முடியாது என மருத்துவர்கள் கைவிட்டுள்ளனர்.

மருத்துவமனையில் இருந்து தாயை வீட்டுக்கு அழைத்து வந்த சிறுமி, ஒருபுறம் வருவாய் இழந்து வயிற்றுக்குப் போராடிக்கொண்டே தாயின் நோயைத் தீர்க்க மருத்துவ உதவி கேட்டும் மாவட்ட நிர்வாகத்தின் படியேறி வருகிறார்.

கரோனா பரவல் தடுப்பு நடவடிக்கையால் மாவட்ட ஆட்சியர் யாரையும் சந்திக்க முடியாத நிலையில் தினமும் ஆட்சியைரைப் பார்க்க அலுவலக படியோரம் காத்துக் கிடப்பதை வழக்கமாகக் கொண்டுள்ளார் இந்தச் சிறுமி ஷர்மிளா.

ராமநாதபுரம் நகர் பகுதியிலிருந்து தினமும் சுமார் 3 கிலோ மீட்டர் தொலைவு நடந்து, உதவி கிடைக்குமா என ஆட்சியர் அலுவலக வளாகத்திற்கு வந்து வந்து  செல்வதை  ஷர்மிளா வழக்கமாகக் கொண்டிருக்கிறார்.

ஆட்சியர் அலுவலக வளாகத்தில் செவ்வாய்க்கிழமை காலை முதல் பகல் வரை ஆட்சியரைச் சந்தித்து மனு அளிக்க காத்திருந்த சிறுமி மயக்க நிலையில் இருந்ததைக் கண்ட அக்கம்பக்கத்தினர் அவருக்கு பசியாற உதவினர். எனினும், உதவி எதுவும் பெற முடியாத நிலையில் நடந்தே வீட்டுக்குப் புறப்பட்டுச் சென்றார் அவர்.

மனைவியுடன் மகளையும் கைவிட்டுச் சென்றுவிட்டார் பெற்ற தந்தை,  கரோனா கொடுமையால் இருக்கிற வேலையும் வருமானமும்  போய்விட்ட நிலையில், தாயையும் மகளையும் பசியும் வந்து பற்றிக் கொண்டுவிட்டது. வீட்டுக்கு வாடகை கொடுப்பதும் குதிரைக் கொம்பாகிவிட்டது.

புற்றுநோயில் உழலும் தாய்க்கு எங்கே மருந்து வாங்குவது, எப்படி காப்பாற்றுவது எனத் தெரியாமல், பட்டினியாகத் தனது தாயின் நோயைத் தீர்க்க மருத்துவ உதவி கோரி மாவட்ட நிர்வாகத்தின் படியேறி இறங்கிக்  கொண்டிருக்கிறார்.

ஒற்றைப் பிடியாக இருக்கும் தாயின் உடல்நிலையும் வாய்ப் புற்றுநோயால் மிகவும் மோசமாகிக் கொண்டிருக்க, யார் உதவுவார்கள், தாயின் நோயுடன் தங்கள் பசிப் பிணியும் தீருமா எனக்  கண் முன்னே இருண்டுகொண்டிருக்கும் எதிர்காலத்தை நினைத்துக் கலங்கிக் கொண்டிருக்கிறார் சிறுமி ஷர்மிளா. (ஷர்மிளாவின் செல்லிடப்பேசி எண்: 6383210552).

]]>
cancer mother https://images.dinamani.com/uploads/user/imagelibrary/2020/5/12/w600X390/4.jpg https://www.dinamani.com/latest-news/sub-latest-news/2020/may/12/girl-struggling-to-save-mother-3414925.html
3414913 தற்போதைய செய்திகள் தற்போதைய செய்திகள் முதல்வர் நிவாரண நிதிக்கு சக்தி மசாலா நிறுவனம் மேலும் ரூ. 5.1 கோடி DIN DIN Tuesday, May 12, 2020 03:59 PM +0530  

ஈரோடு: தமிழக முதல்வரின் பொது நிவாரண நிதிக்கு ஈரோடு சக்தி மசாலா நிறுவனத்தின் சார்பில் மீண்டும் ரூ. 5.1 கோடி வழங்கப்பட்டுள்ளது.

தமிழக முதல்வர் எடப்பாடி பழனிசாமி தலைமையின் கீழ் அமைந்துள்ள தமிழக அரசு கரோனா வைரஸ் தடுப்பு நடவடிக்கைகளில் சிறப்பாக செயல்பட்டு வரும் நிலையில், இந்த முயற்சிக்கு உதவும் பொருட்டு, உணவுப் பொருள்கள் உற்பத்தி செய்யும் சக்தி மசாலா நிறுவனம் கடந்த மார்ச் 30 ஆம் தேதி  முதல்வரின் பொது நிவாரண நிதிக்கு ரூ.5 கோடி வழங்கியது.

முதல்வரின் தலைமையின் கீழ்  தமிழகத்தில் அனைத்துத் தரப்பினரும் ஒருங்கிணைந்து கரோனா வைரஸ் பரவல் தடுப்பு பணிகளில் போர்க் கால அடிப்படையில் இரவு பகலாக ஓய்வின்றி சிறப்பாக பணியாற்றி வருவதை இத்தருணத்தில் நினைவு கூர்ந்து அனைவருக்கும் தனது வணக்கத்தையும் பாராட்டுகளையும் நன்றிகளையும் தெரிவித்துக் கொள்வதாக சக்தி மசாலா நிறுவனம் தெரிவித்துள்ளது.

கொரோனா வைரஸ் பரவல் தடுப்பு நடவடிக்கையில் தமிழக அரசு தொடர்ந்து எடுத்து வரும் சீரிய நடவடிக்கைகளுக்கு உதவும் வண்ணம் மே 11 ஆம்  தேதி இரண்டாவது முறையாக ரூ. 5.10 கோடி நிதியைத் தமிழக முதல்வரின் பொது நிவாரண நிதிக்கு சக்தி மசாலா நிறுவனம் வழங்கியுள்ளது.

இதுவரை  சக்தி மசாலா நிறுவனம் தமிழக முதல்வரின் கொரோனா வைரஸ் பரவல் தடுப்பு நடவடிகைகளுக்காக  மொத்தம் ரூ.10.10 கோடி நிவாரண நிதியாக வழங்கி அரசுக்கும் தமிழக மக்களுக்கும் என்றென்றும் உறுதுணையாக இருப்பதாகவும் செய்திக்குறிப்பொன்றில் சக்தி மசாலா நிறுவனம் தெரிவித்துள்ளது.

]]>
Sakthi, CMfund https://images.dinamani.com/uploads/user/imagelibrary/2020/5/12/w600X390/11.jpg https://www.dinamani.com/latest-news/sub-latest-news/2020/may/12/sakthi-masala-donates-rs-51-crore-to-cm-fund-3414913.html
3414228 தற்போதைய செய்திகள் தற்போதைய செய்திகள் தமிழகத்தில் அனுமதிக்கப்படும் 34 வகையான கடைகள் விவரம் DIN DIN Sunday, May 10, 2020 03:37 PM +0530  

தமிழகத்தில் திங்கள்கிழமை திறக்க அனுமதிக்கப்படும் 34 வகையான கடைகள் பற்றிய விவரத்தைத் தமிழக அரசு அறிவித்துள்ளது.

தமிழ்நாட்டில் கரோனா நோய் தொற்றை தடுப்பதற்காக மாநில பேரிடர் மேலாண்மைச் சட்டத்தின் கீழ், ஊரடங்கு உத்தரவு 24.03.2020 முதல் அமலில் இருந்து வருகின்றது. கடந்த 02.05.2020 அன்று தமிழ்நாடு அமைச்சரவை
கூட்டத்தில் எடுக்கப்பட்ட முடிவின் அடிப்படையிலும், மத்திய உள்துறை அமைச்சகம் வெளியிட்ட அறிவுரைகளின் படியும், பெருநகர சென்னை காவல்துறையின் எல்லைக்குட்பட்ட பகுதிகள் மற்றும் தமிழ்நாட்டின் பிற மாவட்டங்களில் பல்வேறு பணிகளுக்கு வரைமுறைகளுடன் அனுமதி அளிக்கப்பட்டது.

இதன் தொடர்ச்சியாக தமிழ்நாடு முழுவதும் (நோய் கட்டுப்பாட்டு பகுதிகள் தவிர) பல செயல்பாடுகளை அனுமதிப்பது தொடர்பாக வெளியிட்ட அறிவிப்பின்படி தமிழ்நாட்டில் திங்கள்கிழமை முதல் திறக்கப்படும் கடைகளின் விவரம்:

1) டீக்கடைகள் (பார்சல் மட்டும்)
2) பேக்கரிகள் (பார்சல் மட்டும்)
3) உணவகங்கள் (பார்சல் மட்டும்)
4) பூ, பழம், காய்கறி மற்றும் பலசரக்கு கடைகள்
5) கட்டுமானப் பொருட்கள் விற்கும் கடைகள்
6) சிமெண்ட், ஹார்டுவேர், சானிடரிவேர் விற்கும் கடைகள்
7) மின் சாதனப் பொருட்கள் மற்றும் பழுது நீக்கும் கடைகள்
8) மொபைல் போன் விற்கும் மற்றும் பழுதுநீக்கும் கடைகள்
9) கணினி விற்பனை மற்றும் பழுது நீக்கும் கடைகள்
10) வீட்டு உபயோக எந்திரங்கள் மற்றும்
வீட்டு உபயோக பொருட்கள் விற்கும் கடைகள்
11) மோட்டார் இயந்திரங்கள் மற்றும் பழுது நீக்கும் கடைகள்
12) கண்கண்ணாடி மற்றும் பழுது நீக்கும் கடைகள்
13) சிறிய நகைக் கடைகள் ( குளிர்சாதன வசதி இல்லாதவை)
14) சிறிய ஜவுளிக் கடைகள் ( குளிர்சாதன வசதி இல்லாதவை) – ஊரக
பகுதிகளில் மட்டும்
15) மிக்ஸி, கிரைண்டர் பழுது நீக்கும் கடைகள்
16) டிவி விற்பனை மற்றும் டிவி பழுது நீக்கும் கடைகள்
17) பெட்டி கடைகள்
18) பர்னிச்சர் கடைகள்
19) சாலையோர தள்ளுவண்டி கடைகள்
20) உலர் சலவையகங்கள்
21) கூரியர் மற்றும் பார்சல் சர்வீஸ்
22) லாரி புக்கிங் சர்வீஸ்
23) ஜெராக்ஸ் கடைகள்
24) இரண்டு சக்கர மற்றும் நான்கு சக்கர வாகன விற்பனை நிலையங்கள்
25) இரண்டு சக்கர மற்றும் நான்கு சக்கர வாகன பழுது நீக்கும் கடைகள்
26) நாட்டு மருந்து விற்பனை கடைகள்
27) விவசாய இடுபொருட்கள் மற்றும் பூச்சி மருந்து விற்பனை கடைகள்
28) டைல்ஸ் கடைகள்
29) பெயிண்ட் கடைகள்
30) எலக்ட்ரிகல் கடைகள்
31) ஆட்டோமொபைல் உதிரி பாகங்கள் விற்பனை கடைகள்
32) நர்சரி கார்டன்கள்
33) மரக்கடைகள் மற்றும் பிளைவுட் கடைகள்
34) மரம் அறுக்கும் கடைகள்.

(முடிதிருத்தும் நிலையங்கள் (சலூன்கள்), ஸ்பா மற்றும் பியூட்டி பார்லர்கள் இயங்ககூடாது என்று தெரிவிக்கப்படுகின்றது.) ஊரடங்கு தளர்வின் போது ஏற்கனவே அனுமதிக்கப்பட்ட பணிகள் / கடைகள் தொடர்ந்து இயங்கும். மேலும் கரோனா நோய்த் தொற்று தன்மையைப் பொருத்து வருங்காலங்களில் பல்வேறு பணிகளுக்கு / கடைகளுக்கு தளர்வுகள் அறிவிக்கப்படும்.

மேற்குறிப்பிட்டுள்ள கடைகளின் உரிமையாளர்கள், குளிர்சாதன வசதி இருந்தால் அதை இயக்காமல், கடைக்கு வரும் வாடிக்கையாளர்களிடம் தனி நபர் இடைவெளியினை பின்பற்ற அறிவுறுத்துவதோடு, கிருமிநாசினிகள்
பயன்படுத்தப்படுவதையும் உறுதி செய்ய வேண்டும். மேலும், அனைத்து மாவட்ட ஆட்சியர்களும், மாநகராட்சி ஆணையாளர்களும், காவல் துறையினர், அரசால் அறிவுறுத்தப்பட்ட மேற்சொன்ன கடைகள் / நிறுவனங்களில், பணியாளர்கள் / வாடிக்கையாளர்கள் முகக்கவசம் அணிவதை உறுதி செய்யவும், தனிநபர் இடைவெளியை பின்பற்றப்படுவதையும், போதுமான கிருமிநாசினிகளை பயன்படுத்தி பணிபுரிவதையும், பணியாளர் மற்றும் தொழிலாளர்கள் பாதுகாப்பாக பணிபுரிவதையும், அரசால் வெளியிடப்பட்டுள்ள நிலையான செயல்பாட்டு வழிமுறைகளை தீவிரமாக கடைபிடிப்பதையும், கண்காணிக்குமாறு அறிவுறுத்தப்படுகிறார்கள்.

கரோனா நோய்த் தொற்றின் தாக்கத்தை கட்டுப்படுத்த அரசு எடுத்து வரும் பல்வேறு நடவடிக்கைகளுக்கு மக்களும், தனியார் நிறுவனங்களும் முழு ஆதரவையும், ஒத்துழைப்பையும் நல்க வேண்டும் என்றும் தமிழக அரசு கேட்டுக்கொண்டுள்ளது.

]]>
coronavirus https://images.dinamani.com/uploads/user/imagelibrary/2020/5/10/w600X390/tngov.jpg https://www.dinamani.com/latest-news/sub-latest-news/2020/may/10/34-shops-allowed-in-tamil-nadu-3414228.html
3414235 தற்போதைய செய்திகள் தற்போதைய செய்திகள் குழந்தைகளுடன் தவித்த மாற்றுத்திறனாளி பெண்: ஆதரவுக்கரம் நீட்டிய தன்னார்வலர் DIN DIN Sunday, May 10, 2020 02:58 PM +0530  

ஈரோடு: ஈரோட்டில் தங்க இடமில்லாமல் சாலையோரத்தில் குழந்தைகளுடன் தஞ்சமடைந்த பார்வைக் குறைபாடுடைய பெண்ணைத் தன்னார்வலர் ஒருவர் மீட்டு,  ஆதரவற்றோர்கள் தங்க வைக்கப்பட்டுள்ள மாநகராட்சி பள்ளியில் தங்க வைத்துள்ளார்.

கரோனா தொற்றைக் கட்டுப்படுத்த அறிவிக்கப்பட்ட பொது முடக்கம் காரணமாக பல்வேறு தொழிலாளர்கள் தங்கள் வாழ்வாதாரத்தை இழந்து தவிக்கின்றனர். இதைப்போல் ஒரு பார்வையற்ற மாற்றுத்திறனாளி பெண்,   மகன், மகளுடன் வாழ்வதற்கு வழி தெரியாமல் தவித்து வருகிறார்.

சேலம் மாவட்டத்தை சேர்ந்தவர் கலைவாணி (36). இவருக்கு இடது கண் பார்வை தெரியாது. இவரது கணவர் குணசேகர் இவரும் பார்வைக் குறைபாடுடையவர்.  இவர்களுக்கு 6 வயதில் தமிழ்மகன் என்ற ஆண் குழந்தை, இரண்டு வயதில் மகாலெட்சுமி என்ற பெண் குழந்தை உள்ளனர். இருவரும் பேருந்து நிலையம், ரயில்களில் குழந்தைளுக்கான விளையாட்டுப் பொருள்கள், பொம்மைகளை விற்பனை செய்து அதில் கிடைக்கும் வருவாயைக் கொண்டு வாழ்க்கை நடத்தி வந்தனர். 

கலைவாணி தனது கணவர், குழந்தைகளுடன்  ஈரோடு மாவட்டம் வெள்ளோட்டில் வாடகை வீட்டில் வசித்து வந்தார்.  வீட்டிற்கான வாடகை கொடுக்க முடியாததால் கடந்த பிப்ரவரி மாதம் வீட்டைக் காலி செய்துவிட்டு இரவு நேரத்தில் ஈரோடு ரயில் நிலையத்தில் தங்கிக்கொண்டு பகலில் வியாபாரம் செய்து பிழைப்பு நடத்தி வந்தனர்.

இந்த நிலையில் பொது முடக்கத்திற்கு முன்பு திருச்சியில் உள்ள உடல் நலம் பாதிக்கப்பட்ட தனது தாயைப் பார்க்கச் சென்ற குணசேகர், போக்குவரத்து இல்லாததால் வெள்ளோடு திரும்பிவர முடியவில்லை.

வேலை இல்லாத நிலையில்,  பாதுகாப்பு கருதி கலைவாணி தனது குழந்தைகளுடன் பவானியில் உள்ள பெண் மாற்றுத்திறனாளி ஒருவர் வீட்டில் தங்கியிருந்தார். அந்த வீட்டின் உரிமையாளர் நீண்ட நாள்கள் இங்கு தங்கக் கூடாது என இரண்டு நாட்களுக்கு முன்பு கலைவாணியை வீட்டைவிட்டு வெளியேற்றி விட்டார். இதனால் குழந்தைகளுடன் ஈரோடு வந்த கலைவாணி வீரப்பன்சத்திரத்தில் உள்ள ஒரு பெண் மாற்றுத்திறனாளி வீட்டில் தங்கியுள்ளார்.

இந்த நிலையில் நெருக்கடியான சூழலில் அவருக்கு கஷ்டம் கொடுக்க வேண்டாம் என கருதிய கலைவாணி ஞாயிற்றுக்கிழமை காலை குழந்தைகளை அழைத்துக்கொண்டு, மாவட்ட காவல் கண்காணிப்பாளர் அலுவலகம் அருகில் நடந்து சென்றுள்ளார்.  குழந்தைகளுடன் நடந்து செல்வதைப் பார்த்த சிலர் கலைவாணியிடம் விசாரித்துள்ளனர். அப்போது அவர் தன் குடும்ப சூழல் குறித்து கூறியுள்ளார்.

அங்கிருந்த மக்கள் ஈரோடு தெற்கு மாவட்ட காங்கிரஸ் கட்சி தலைவரும் உணர்வுகள் என்ற தன்னார்வ அமைப்பின் தலைவருமான மக்கள் ராஜனிடம் விவரத்தை கூறி உதவக் கேட்டுக்கொண்டனர். மாநகராட்சி ஆணையர்  எம்.இளங்கோவனிடம் அனுமதிபெற்று,  கலைவாணி மற்றும் குழந்தைகளை தனது காரில் அழைத்துச் சென்று, ஆதரவற்றோர் தங்க வைக்கப்பட்டுள்ள ஜீவிதம் அறக்கட்டளை பராமரிப்பில் உள்ள கருங்கல்பாளையம், காவிரி சாலையில் உள்ள மாநகராட்சி நடுநிலைப்பள்ளியில் தங்க வைத்தார்.

தாய், மகனுக்கு வலிப்பு நோய் பாதிப்பு: கலைவாணிக்கும் மகனுக்கும் வலிப்பு நோய் இருப்பதாகவும்,  இந்த நோய் குணமாக மூன்று ஆண்டுகள் வரை தொடர் சிகிச்சை தேவை, முதற்கட்ட பரிசோதனைக்கு ரூ. 30,000 வரை செலவாகும் என்றும், தொடர் சிகிச்சைக்கு மாதம் ரூ.10,000 வரை செலவாகும் என்றும் மருத்துவர்கள் கூறிவிட்டனர். ஆனால் கிடைக்கும் வருவாய் மூன்று வேளை உணவுக்குக்கூட போதுமானதாக இல்லை. வாடகை கொடுக்க முடியாமல் வீட்டைக் காலி செய்துவிட்டு இரண்டு மாதங்களாக ரயில் நிலையத்தில் தங்கி இருந்தோம். இந்த நிலையில் எவ்வாறு சிகிச்சைக்கு செலவு செய்வது என்கிறார் கலைவாணி.

இதுகுறித்து உணர்வுகள் தன்னார்வ அமைப்பின் தலைவர் மக்கள் ராஜன் கூறியதாவது: கரோனா பொது முடக்கம் காலத்தில் ஏராளமானோர் ஏழை மக்களுக்கு உதவி வருகின்றனர். அந்த வகையில் வீடு, மூன்று வேளை உணவு, குழந்தைக்கு கல்வி,  சிகிச்சை என எந்த வசதியும் இல்லாத கலைவாணியின் குடும்பத்தினருக்கு எங்களால் முடிந்த உதவிகளை செய்துள்ளோம். இந்த குடும்பத்துக்கு உதவ முன்வருபவர்கள் 9364220201 என்ற செல்லிடப்பேசி எண்ணில் தொடர்புகொள்ளலாம் என்றார்.

]]>
help, handicapped https://images.dinamani.com/uploads/user/imagelibrary/2020/5/10/w600X390/er.jpg https://www.dinamani.com/latest-news/sub-latest-news/2020/may/10/affected-handicapped-women-3414235.html
3414226 தற்போதைய செய்திகள் தற்போதைய செய்திகள் அன்னையர் தினம்: சங்ககிரி ரோட்டரி சங்கம் சார்பில் அரசு மருத்துவர்களுக்கு கையுறைகள் DIN DIN Sunday, May 10, 2020 02:52 PM +0530
சங்ககிரி: அன்னையர் தினத்தையொட்டி சேலம் மாவட்டம், சங்ககிரி ரோட்டரி சங்கம் சார்பில் சங்ககிரி அரசு மருத்துவமனையில் பணிபுரியம்  மருத்துவர்கள், செவிலியர்களுக்கு பாதுகாப்புக்  கையுறைகள் வழங்கும் நிகழ்ச்சி ஞாயிற்றுக்கிழமை நடைபெற்றது. 

கரோனை பாதுகாப்பு தடுப்பு முன்னெச்சரிக்கையாக அரசுகள் மே 17-ம் தேதி வரை பொது முடக்கம் அறிவித்துள்ளது. இதையடுத்து சுகாதாரத் துறையின் சார்பில்  பல்வேறு பாதுகாப்பு நடவடிக்கைகள் எடுக்கப்பட்டு வருகின்றன.

அன்னையர் தினத்தையொட்டி, கரோனா பாதுகாப்பு தடுப்பு முன்னெச்சரிக்கை நடவடிக்கையில் ஈடுபட்டு வரும் சங்ககிரி மருத்துவர்கள், செவிலியர்களுக்குத்  தற்பாதுகாப்பு உபகரணங்களான கையுறைகளை ரோட்டரி சங்க மாவட்ட நிர்வாகி எ. வெங்கடேஸ்வரகுப்தா தலைமையில் மருத்துவ அலுவலர் (பொ) திருமாவளவனிடம் வழங்கினார்.

நிகழ்ச்சியில் சங்ககிரி ரோட்டரி சங்கத் தலைவர் சசிகுமார், செயலர் திவாகர், நிர்வாகி செந்தில் ஆகியோர் கலந்துகொண்டனர்.

]]>
sangagiri, rotary https://images.dinamani.com/uploads/user/imagelibrary/2020/5/10/w600X390/sang.jpg மருத்துவ அலுவலர் (பொ) திருமாவளவனிடம் கையுறைகள் வழங்கும் ரோட்டரி நிர்வாகி எ.வெங்கடேஸ்வர குப்தா https://www.dinamani.com/latest-news/sub-latest-news/2020/may/10/mothers-day-gloves-for-government-doctors-on-behalf-of-sankagiri-rotary-club-3414226.html
3414230 தற்போதைய செய்திகள் தற்போதைய செய்திகள் மகாராஷ்டிரத்திலிருந்து வந்த 42 பேர் எட்டயபுரத்தில் தனிமைப்படுத்தப்பட்டனர் DIN DIN Sunday, May 10, 2020 02:51 PM +0530  

மகாராஷ்டிர மாநிலத்திலிருந்து தமிழகம் வந்த தூத்துக்குடி மாவட்டத்தின் பல்வேறு பகுதிகளைச் சேர்ந்த 42 பேர், தனிமைப்படுத்தப்பட்டு,  எட்டயபுரம் பாரதியார் நூற்றாண்டு நினைவு மகளிர் பாலிடெக்னிக் விடுதிக் கட்டடத்தில் மருத்துவ கண்காணிப்பில் தங்க வைக்கப்பட்டுள்ளனர்.

மகாராஷ்டிரத்தில் சாங்கிலி எனும் பகுதியில் தனியார் நிறுவனம் ஒன்றில் பணியாற்றிய தமிழகத்தைச் சேர்ந்த 600க்கும் மேற்பட்டோர் வெள்ளிக்கிழமை இரவு மகாராஷ்டிர மாநில அரசு பேருந்துகள் மூலம் தமிழகத்திற்கு அழைத்து வரப்பட்டனர்.

சனிக்கிழமை இரவு சேலம் வந்தடைந்த 600 பேர் ஒவ்வொரு மாவட்டவாரியாக பிரிக்கப்பட்டு தமிழக அரசு போக்குவரத்து கழக பேருந்துகள் மூலம் அந்தந்த மாவட்டங்களுக்கு அனுப்பி வைக்கப்பட்டனர்.

இவர்களில் தூத்துக்குடி மாவட்டத்தின் பல்வேறு பகுதிகளைச் சேர்ந்த 42 பேர் சேலத்திலிருந்து அரசு பேருந்தில் புறப்பட்டு ஞாயிற்றுக்கிழமை பகல் 12 மணி அளவில் தூத்துக்குடி மாவட்டத்திற்கு வந்தடைந்தனர்.

மாவட்ட நிர்வாகத்தின் உத்தரவின் பேரில் எட்டயபுரத்தில் உள்ள பாரதியார் நூற்றாண்டு நினைவு மகளிர் பாலிடெக்னிக் விடுதி கட்டடத்தில் இவர்கள் தனிமைப்படுத்தப்பட்டுத் தங்க வைக்கப்பட்டனர்.

எட்டயபுரம் வட்டாட்சியர் அழகர், துணை வட்டாட்சியர் ராமகிருஷ்ணன், காவல் ஆய்வாளர் கலா உள்ளிட்ட அதிகாரிகள் மற்றும் மருத்துவ குழுவினர் அங்கு முகாமிட்டு கரோனா வைரஸ் தொற்று பரவல் நடவடிக்கை பணிகளில் மும்முரமாக ஈடுபட்டு வருகின்றனர்.

]]>
ettayapuram, isolated https://images.dinamani.com/uploads/user/imagelibrary/2020/5/10/w600X390/etta.jpg https://www.dinamani.com/latest-news/sub-latest-news/2020/may/10/42-people-from-maharashtra-were-isolated-in-ettayapuram-3414230.html
3413971 தற்போதைய செய்திகள் தற்போதைய செய்திகள் பணியின்போது உயிரிழந்த தூய்மைப் பணியாளர்: நிர்கதியாகத் தவிக்கும் குடும்பம் அ. ராஜு சாஸ்திரி DIN Sunday, May 10, 2020 12:03 PM +0530 பவானி: உலகமே எதிர்கொள்ள அஞ்சிக் கொண்டிருக்கும் இந்தக் கரோனா காலத்தில் தூய்மைப் பணியில் ஈடுபட்டிருந்த தூய்மைப் பணியாளர் ஒருவர் எதிர்பாராமல் உயிரிழந்த நிலையில், அவர் தினக்கூலி என்ற காரணத்தால்,  எவ்வித உதவியுமின்றித் தற்போது அவர் குடும்பமே பரிதவித்து நிற்கிறது.

ஈரோடு மாவட்டத்தின் வடக்கு எல்லையோர கிராமம் நெரிஞ்சிப்பேட்டை. பேரூராட்சியான இங்கு 4 நிரந்தர தூய்மைப் பணியாளர்களும் சுய உதவிக் குழு சார்பில் 11 தூய்மைப் பணியாளர்கள் தினக்கூலி அடிப்படையிலும் பணியாற்றி வருகின்றனர்.

இவ்வாறு தினக்கூலி அடிப்படையில் பணியாற்றிவந்த தூய்மைப் பணியாளர்தான் பாலன் (46). நெருஞ்சிப்பேட்டை காலனியைச் சேர்ந்தவர். இவரது மனைவி தங்கமணி (40). இவருக்கு எட்டாம் வகுப்பு படிக்கும் தீனா (13), ஐந்தாம் வகுப்பு படிக்கும் சுஜித் (10) என இரு மகன்கள் உள்ளனர். இவரது தாய் மாரியம்மாள் (70) உடன் வசித்து வருகிறார்.

தூய்மைப் பணியாளர் பாலன்.

கடந்த 13 ஆண்டுகளாக நெருஞ்சிப்பேட்டை பேரூராட்சியில் ஒப்பந்தத் தொழிலாளராகவே தூய்மைப் பணியில் ஈடுபட்டு வந்தவர் பாலன். இவரது வருமானத்தை மட்டும் நம்பியே நான்கு பேர் வாழ்ந்து வருகின்றனர்.

இந்த நிலையில் கடந்த 6 ஆம் தேதி அதிகாலை வழக்கம்போல் தூய்மைப் பணிக்கு பாலன் புறப்பட்டுச் சென்றார். பவானி - மேட்டூர் சாலையில் நெரிஞ்சிப்பேட்டை, அங்காளம்மன் கோயில் தெருவில் தூய்மைப் பணியில் ஈடுபட்டிருந்தபோது திடீரென மாரடைப்பு ஏற்பட மயங்கி விழுந்தார்.

இதைக் கண்ட சக தொழிலாளர்கள் அவரைப் பேரூராட்சிக் குப்பை வண்டியிலேயே ஏற்றிக்கொண்டு அம்மாபேட்டை அரசு ஆரம்ப சுகாதார நிலையத்துக்கு சிகிச்சைக்கு கொண்டு சென்றனர். அங்கு நிறுத்தப்பட்டிருந்த 108  ஆம்புலன்ஸ் வாகனத்தில் இருந்த பணியாளர்கள் பாலனைப்  பரிசோதித்தனர். இதில் பாலன் ஏற்கெனவே இறந்துவிட்டிருந்தது தெரியவந்தது.

இந்தத் தகவல், தூய்மைப் பணியாளர்கள் மத்தியில் பரவியதும் பரபரப்பு ஏற்பட்டது. இதைத் தொடர்ந்து பேரூராட்சிக்கு சொந்தமான குப்பை சேகரிக்கும் வாகனத்திலேயே பாலனின் சடலம் ஏற்றப்பட்டு நெரிஞ்சிப்பேட்டையில் உள்ள அவரது வீட்டுக்குக் கொண்டு செல்லப்பட்டது.

பேரூராட்சி நிர்வாகத்தின் சார்பில் பாலனின் உடலுக்கு மரியாதை செலுத்தப்பட்டது. உயிரிழந்த பாலனின் குடும்பத்துக்கு சின்னஞ்சிறு உதவிகள் செய்யப்பட்டன.  ஆனால், கணவனை இழந்து தவிக்கும் மனைவிக்கும் தந்தையை இழந்து தவிக்கும் மகன்களுக்கும் எதிர்காலம் கேள்விக்குறியாக உள்ளது.

ஓடு இல்லாத பாலன் வீடு.

கடந்த இரு வாரங்களுக்கு முன்பு வீசிய பலத்த காற்றால் இவரது ஓட்டு வீட்டின் ஒரு பகுதி சேதமடைந்தது. இதனால் இவரது வீட்டுக்குள் வெயிலும், மழையும் கேட்காமல் வந்து செல்லும் நிலை உள்ளது.

கடந்த 13 ஆண்டுகளாகத்  தினக்கூலித் தூய்மைப் பணியாளராகவே வேலை செய்த பாலனின் குடும்பம் தற்போது நிர்கதியாக நிற்கிறது. தாய் மாரியம்மாள், மனைவி தங்கமணி உள்பட நால்வர் வாழ வழியின்றித் திகைத்து நிற்கின்றனர். பள்ளிப் பருவத்தில் இருக்கும் மகன்களின் நிலை மிகவும் பரிதாபம்.

பேரூராட்சி நிர்வாகத்துக்கும் பாலனுக்கும் எவ்வித தொடர்புமில்லை, அவர் தனிப்பட்ட தினக்கூலித் தொழிலாளிதான். அரசு சார்பில் எதுவும் செய்ய வழியில்லை என்று பேரூராட்சி வட்டாரங்கள் கைவிரிக்கின்றன. 

இவர்களுக்கு அரசு மற்றும் தன்னார்வலர்கள் ஏதேனும் உதவி செய்ய  வேண்டும் என்று பாலனுடைய உறவினர்கள் கேட்டுக்கொண்டனர். உதவி செய்ய விரும்புபவர்கள் 8760411270 என்ற செல்லிடப்பேசி எண்ணில் தொடர்புகொள்ளலாம்.

நாடு முழுவதும் கரோனா வைரஸ் பரவலைத் தடுக்க போர்வீரர்களாகச் செயல்படும் மருத்துவர்கள், தூய்மைப் பணியாளர்கள் என அனைவரும் பாராட்டப்படுகின்றனர். இவர்களின் பணிக்கு பாராட்டுத் தெரிவிக்கும் வகையில் நாடே கை தட்டியும் விளக்கேற்றியும் மலர் தூவியும் மகிழ்ச்சி தெரிவிக்கிறது.

ஆனால், இதே காலகட்டத்தில் ஏதோ ஒரு கிராமத்தில் தூய்மைப் பணியில் ஈடுபட்டிருந்த தூய்மைப் பணியாளர், பணி நேரத்திலேயே உயிரிழந்த நிலையில், தினக் கூலித் தொழிலாளர்தான் என்ற ஒரே காரணத்தால் எவ்வித உதவியுமின்றி, தற்போது அவருடைய குடும்பமே தவித்து நிற்கிறது.

பாலன் குடும்பத்தினர்.

 

]]>
sanitary-worker, orphaned https://images.dinamani.com/uploads/user/imagelibrary/2020/5/9/w600X390/1.jpg குப்பையிலேயே வாழ்ந்து குப்பை வண்டியிலேயே பயணம் சென்ற பாலனின் உடல் https://www.dinamani.com/latest-news/sub-latest-news/2020/may/09/sanitary-worker-dead--orphaned-family-3413971.html
3413955 தற்போதைய செய்திகள் தற்போதைய செய்திகள் கரோனாவுக்குப் பிந்தைய உலகிற்கு காந்தியத் தீர்வு டாக்டர் வெ. ஜீவானந்தம் DIN Sunday, May 10, 2020 10:00 AM +0530  

சாரம் :

கரோனா தொற்று உலகினைப் புரட்டிப் போட்டுள்ளது. பழைய கரோனாவுக்கு முந்தைய சிந்தனை, செயல்பாடு, நம்பிக்கைகள் எல்லாமும் பொய்யாகியுள்ளன.

வலிமை, வல்லரசு, நல்லரசு, ஆயுதம், பொருளாதாரம், வளர்ச்சி, முன்னேற்றம், நகரமயம், தன்னிறைவு கிராமம், வாழ்வுமுறை மாற்றம், மருத்துவம், உணவு, உலகமயம், மக்களுக்கான அரசு, அரசியல் என அனைத்தையும் புதிய வெளிச்சத்தில் காணச் செய்துள்ளது கரோனா.

கரோனாவுக்குப் பிந்தைய புதிய உலகை வடிவமைப்பதில் ஒட்டுமொத்த உலகிற்கே காந்தியம்தான் மிகப் பெரும் பங்களிக்க முடியும்.

கரோனா வைரஸ் தொற்று எனும் மருத்துவப் பேரழிவு

2019 டிசம்பர் 8 அன்று கரோனா எனும் வைரஸ் தாக்குதல் சீனாவின் வூஹான் மாநிலத்தில் உண்டாகியுள்ளது என்ற செய்தி வெளியானது. ஆனால், 21-ம் தேதி வரை அதை மற்றுமொரு வைரஸ் தாக்குதல் என்று சீன அரசு அலட்சியப்படுத்தியது தவறு என்பது நோயின் உலகளாவிய பரவல் மூலம் பேராபத்து என்பது உணரப்பட்டது. 2020 ஜனவரி 18-ல் உலக சுகாதார நிறுவனம் உலக நாடுகளை எச்சரித்தது. 30-1-2020-ல் இந்தியாவில் கேரளத்தில் முதல் பாதிப்பு அறியப்பட்டது.

வைரஸ் தாக்குதல் எனும் எச்சரிக்கையை இயற்கை தொடர்ந்து டெங்கு, ஃப்ளூ, எச்என்1, சிக்குன்குனியா எனப் பல எச்சரிக்கைகளைத் தந்தபோதும், நாம் அவற்றை அலட்சியம் செய்து நமது பேராசைப் பயணத்தைத் தொடர்ந்தோம். புலி வருது, புலி வருது என்று விளையாடியவன் கதையானது நமது கதை. முந்தைய வைரஸ்கள் எல்லாம்  வளர்ச்சியடையாத பின்தங்கிய, ஏழை நாடுகளின் ஏழை மக்களைத் தாக்கின. அவற்றை எனக்கில்லை என்று வளர்ச்சி பெற்ற அறிவியல் வல்லரசுகள் அலட்சியமாகக் கடந்து சென்றன, அவற்றையும் காசக்கிக் கொண்டன.

வூஹானில் துவங்கிய கரோனா புதிய சீன வல்லரசை அதிர்ச்சியுறச் செய்தது. பின் இத்தாலி, பிரான்ஸ், ஜெர்மனி, பிரிட்டன் என்று உலக வல்லரசுகளைக் குறி வைத்துப் பரவியபோது அனைவரும் பேரதிர்வை உணர்ந்தனர். கடைசியில் உலகின் முதன்மை வல்லரசான அமெரிக்கா தாக்குதலுக்குள்ளானதற்குப்  பின்னர் உலகம் நிலைகுலையத் துவங்கியது. அலட்சியப்படுத்திய ட்ரம்பின் ஆணவ மனநிலையால் கண்ணுக்குத் தெரியாத வைரஸ் முன் மண்டியிட நேர்ந்தது.

கிறிஸ்துவுக்கு முன், பின் எனப் பிரிக்கப்பட்ட காலம், இனி கரோனாவுக்கு முன், பின் எனப்  பிரித்துப் பார்க்க வேண்டிய கட்டாயம் உருவாகியுள்ளது. முன்பிருந்த சமூக அளவுகோல்கள், மதிப்பீடுகள், வாழ்வுமுறை அனைத்தையும் தவிடுபொடியாக்கிவிட்டது கரோனா. இனி பழைய நம்பிக்கைகள், வாழ்வு முறை எதுவும் பயன்படாது என்றானது. கரோனாவுக்குப் பின் உலகின் புதிய வாழ்வுமுறைக்கான துருவ நட்சத்திரமான நாம் புறக்கணித்த காந்திய வாழ்வு முறையே வழிகாட்டுவதாகியுள்ளது.

கரோனாவுக்குப் பிந்தைய மாற்றங்கள்

ஊரடங்கு, சமூக இடைவெளி, முகக்கவசம், கையுறை, கிருமிநாசினி, உடல் பாதுகாப்புக் கவசம், கபசுர குடிநீர், நிலவேம்பு கசாயம் எனத் தீண்டாமை இப்போது உலகப் பொது நீதியாகியுள்ளது. தீண்டாதே என்று தடுத்தவனைத் தீண்டாதே என்று விலக்கிவைத்துள்ளது. ஒவ்வொரு அண்டை வீடும் தீண்டாததாக விலக்கப்படுகிறது.

தூங்காத நகரங்கள், பகலிலும் தூங்கிக் கிடக்கின்றன. பட்டணம்தான்  போகாலாமடி என்று நகர்மயம் தேடி ஓடியவர்கள் சீச்சி புளிக்கிறது எனக்  கிராமம் நோக்கி நடந்தே திரும்புகின்றனர். மக்களுக்கு வாழ்வளிக்கும் என்று நம்பிச் சென்ற நகரங்கள் அவர்களை அகதிகளாக்கி விரட்டியடித்துக் கொண்டிருக்கின்றன.

எல்லா நோய்க்கும் எம்மிடம் மருந்துண்டு எனப் பணத்தைக் கறந்த நட்சத்திர மருத்துவமனைகள், தங்களிடம் மருந்தில்லை என்று விரட்டிப் பதுங்கு குழியில் மறைகின்றன. ஒதுக்கப்பட்ட மருத்துவமனைகளும் மருத்துவர்களும் மருத்துவப் பணியாளர்களுமே மூலைக் கல்லாக மக்களைப் பாதுகாக்கும் பணியில் ஈடுபட்டு வருகின்றனர்.

பச்சை அட்டைக் கனவுடன் பறந்துசென்றவர்கள், அநாதைகளாகச் சாகப் போகிறோமே என்ற பயத்தில் நடைப்பிணமாக உலவுகின்றனர். மைதாஸ் கதை நிஜமாகிறது. உலகமய பலூன் உடைந்து வூஹான் சிறகடிப்பில் வாஷிங்டன் அதிர்கிறது. ஆயுதமே பலம் என அணுகுண்டுகளை அடுக்கியவர்கள்,  கியூபாவிடமும் வியத்நாமிடமும் இந்தியாவிடமும் குளோரோகுயினுக்காக் கையேந்தி நிற்கிறார்கள். பர்கரும், கேஎப்சியும் மெக்டொனால்டும், கசந்து போய் இடலியும், கஞ்சியும் போதுமென அடங்குகிறது இளைய தலைமுறை.

நாற்கரச் சாலைகளில் மாடுகள் ஓய்வெடுக்கின்றன. ரிசார்ட்டுகளில் யானைகளும் காட்டெருமைகளும், சிறுத்தைகளும் குடிபுகுகின்றன. காருக்கும் பெட்ரோலுக்கும் செலவில்லை. காற்றில் கரிச்சுமை குறைந்து இமயமலைகூட எளிதில் தெரிகிறது. ஆறுகள் பளிங்காக ஓடுகின்றன. பறவைக் குஞ்சுகளின் முனகல்கூடத் தெளிவாகக் கேட்கிறது. கிரேட்டா கோபம் தணிந்து புன்னகைக்கிறாள்.

வெல்ல முடியாத வல்லரசுகள் மண்டியிட்டு யாசிக்கின்றன. ஆயுதக் குவியல்கள் கண்ணுக்குத் தெரியாத வைரஸ் முன் பயனற்ற சுமையாகி விட்டன. ஒழிப்பேன் என்ற வல்லரசுகளுக்கு நல்லரசுகள் மருந்தும் உணவும் தந்து ஆறுதல் கூறுகின்றன. தம்மில் பெரியாரை வியத்தலுமிலமே, நம்மில் சிறியரை இகழ்தல் அதனினும் இலமே என்ற தமிழறம் புத்துயிர் பெற்றுச் சிரிக்கிறது. மனிதாபிமானம் எங்கும் துளிர்க்கிறது.

கோவில்களும் தேவாலயங்களும் மசூதிகளும் பூட்டப்பட்டு நாதன் உள் எனும் தத்துவம் மெய்யாகிறது. சரீர சுகமளித்த கார்ப்பரேட் சுவாமிஜிகள், ஜீவ சமாதியடைந்து விட்டிருக்க வேண்டும்.

சினிமா இன்றி, மால்களின்றி, சீரியலின்றி, டேட்டிங் இன்றியும் வாழ முடியுமென்பது புரிகிறது. வாழ்க்கை முறை மாற்றம்தான் உலகம் இனியும் வாழ்வதற்கான ஒரே வழி என்பது புரிகிறது. காந்தியின் தற்சார்பு, எளிமைப் பொருளாதார வாழ்வுதான் இனி மானுடத்தை வாழ்விக்கும் என்பதை விருப்பமின்றியும் உண்மையென உணர்கிறோம்.

காந்தியம் மாற்று தர முடியுமா?

சோசலிச முகாமின் தலைமையாக இருந்த சோவியத் யூனியனின் வீழ்ச்சியுடன் எதிர் எதிர் முகாம்கள் கொண்ட இரட்டை தத்துவ முகாம்களின் காலம் முடிந்துபோனது. முதலாளித்துவ முகாம் எதிர்ப்பேதுமற்ற  ஒருமுக உலகமாகிப் போனது. சோவியத் யூனியனின் சரிவுடன் உலகின் பிற சோசலிச நாடுகளும் காணாமல் போயின. சோவியத் தலைமையிலான மார்க்சியப் பரிசோதனை தோல்வி கண்டது.

சோவியத் வீழ்ச்சியுடன் உலகின் சோசலிசக் கனவு நிர்மூலமானது. உலகமயம் எனும் ஆயுதத்துடன் உலகின் முழுமையையும் பேராசை ஏகாதிபத்தியத்தின் காலடியில் கொண்டு வந்தது. உலக நாடுகளுக்கு உலகமயத்தை ஏற்பது தவிர வேறு வழியேதுமின்றிப் போனது. சீனாவில் போட்டி போட்டுக்கொண்டு உலக வணிக அமைப்புகள்  நுழைந்தன. இந்தியாவில் மன்மோகன் சிங் அரசு மேற்கொண்ட அதே முயற்சி, ஜனநாயகத்தின் பெயரால் இடதுசாரிகளால் தோற்கடிக்கப்பட்டது. முதலாளித்துவ அறிவியல் தொழில்நுட்பத்தை ஏற்றுக் கொண்ட சீனா, 1990 முதல் பாய்ச்சல் தொழில்நுட்பப் பொருளாதார வளர்ச்சியைப் பெற்று அமெரிக்கச் சந்தையைத் தன்வசமாக்கும் முதன்மைப்  பொருளாதார வல்லரசானது. அதன் வல்லரசுப் பேராசை தன்னை முதலாளித்துவ ஏகாதிபத்தியத்தை வெல்லும் முதலாளித்துவ சோசலிச ஏகாதிபத்தியமாக்கிக் கொள்ளும் பேராசையாக வடிவெடுத்தது.

இந்தப் பொருளாதார தொழில்நுட்ப வளர்ச்சியின் உச்சத்தில் கரோனா எனும் விபத்து நேர்ந்துள்ளது. அது சீனா தனது மேலாதிக்கத்தை வளர்த்துக் கொள்வதற்காக உருவாக்கிய நுண்ணுயிரிப் போர் (BIOLOGICAL WAR - பயலாஜிகல் வார்]  எனும் கருத்து உள்ளது. கரோனா இயற்கையின் விபத்தில் உண்டானதா அல்லது உண்டாக்கப்பட்டதா என்ற கேள்வி விடை காண முடியாத புதிராகவே தொடரும்.

ஆனால், கரோனாவின் மருத்துவப் பேரழிவுகள் காலப் போக்கில் மருத்துவக் குறுக்கீடுகளால் பலவீனமடைந்து போகலாம். வெற்றி காணவும்படலாம்.  ஆனால் கரோனா உண்டாக்கும் பொருளாதார மனித ஆற்றல் பாதிப்புகள் சீனாவுள்பட உலக நாடுகள் முழுவதையும் அடுத்த சில பத்தாண்டுகளுக்கு ஆட்டிப் படைக்கும் என்பது தவிர்க்க முடியாத உண்மை நிலை.

அப்போது உலக முதலாளித்துவ நாடுகள் தமது பேராசைமிக்க வணிக ஆதிக்கத்தை மீண்டும் நிலைநாட்டிக் கொள்ள முயலுமா அல்லது இயற்கை தந்த பாடத்தை ஏற்றுத் தன்னை மாற்றிக் கொள்ள முயலுமா?

புத்தனின் வழிவந்த இந்தியா இவை இரண்டுக்குமிடையிலான நடுநிலைப் பாதையை உலகுக்குத் தருமா? நேரு உருவாக்கிய ஆசிய, ஆப்பிரிக்க, லத்தீன் அமெரிக்க நாடுகளை இணைத்த அணி சாரா நாடுகளின் கூட்டமைப்பை மீட்டுருவாக்கி இந்திய அரசு முன் கை எடுக்குமா?

இவற்றுக்கான நம்பிக்கை தரும் சூழல் உருவாகும் என்ற நம்பிக்கையுடன் காத்திருப்பது தவிர வேறு வழியில்லை.

இயற்கைநேய வாழ்வு – இயற்கை விவசாயம்

இயற்கை மனிதனின் தேவைக்கான அனைத்தையும் தரும். ஆனால் எந்த ஒரு மனிதனின் பேராசையையும் ஈடு செய்ய அதனிடம் எதுவுமில்லை – என்பதை உணரத் துவங்கியுள்ளோம்.

சோவியத் வீழ்ந்து முப்பதாண்டுகளில் டிராக்டரின்றி, டீசலின்றி,  ரசாயனங்களின்றி, மாடுகளின், குதிரைகளின் சாணம், குப்பைகளைக் கொண்டு வாழ முடியும் என்று குட்டி நாடு கியூபா சொன்னதைக் கேட்க மறுத்தோம்.

விமானமின்றி, ரயிலின்றி, டாலரின்றி, மெக்டோனால்டின்றி, பர்கரின்றி வாழ முடியும் என்பதையும் கரோனா உணர்த்தியுள்ளது.

கரிக்காற்றுச் சுமை குறைந்து காற்று உயிர் பெற்றுள்ளது. நோய் குறைந்துள்ளது. மருந்தின்றியும் மருத்துவரின்றியும் வாழ முடிகிறது. டீசலும், டிராக்டரும் ரசாயனங்களும் மண்ணைத் துளையிட்டு காற்றைக் கரியாக்கும் விஷத்தால் இயங்குவன. அவையின்றி விளைவிக்கக் கூடிய வாய்ப்புள்ள வீட்டுக் காய்கறித் தோட்டம் பணத்தை மிச்சம் செய்து தரும். பணம் மிச்சத்துடன் ஆரோக்கிய உணவு,  சிக்கன வாழ்வு, உழைப்பின் மகிமை, உறவின் தேவை உணர்த்தும் புதிய இயற்கை வாழ்வு துவக்குவோம்.

போரற்ற சமத்துவ, சமாதான உலகுக்கான காந்திய வழிகாட்டல்

உலகமய பொருளாதாரத்திற்கு மாற்றான உள்ளூர்மய பொருளாதாரமே இன்றைய தேவை. 

உலகப் பொருளாதாரம், மூலப் பொருள் மிகை உற்பத்தி, உலகச்சந்தை, இயற்கை வளச் சுரண்டல், மாசுபடல் சார்ந்ததாகவே இருக்க முடியும் என்பதை இதுவரையான உலகமய வளர்ச்சிப் போக்கு காட்டியுள்ளது. இதன் விளைவாகவே பூமி சூடாதல், பருவநிலை மாற்றம், இயற்கைப் பேரிடர்கள், கரோனா போன்ற புதிய புதிய பேரழிவுகள் தொடர்கின்றன. ஏதேனும் ஒருநிலையில், பணம் வெறும் காகிதம், பொன் மற்றுமோர் உலோகமே என்பதை கரோனா உணர்த்தியுள்ளது.

உலகமய பொருளாதாரத்திற்கு மாற்றாக உள்ளூர்மயம், தன்னிறைவு கிராமப் பொருளாதாரத்தை காந்தியும் குமரப்பாவும் முன்வைத்தனர். விரைவான பெருவளர்ச்சி, இயந்திரமயம், இயற்கையைக் கண்மூடித்தனமான சுரண்டலுக்குள்ளாக்கி ஈடு செய்ய முடியாத, மீட்க முடியாத வளம் அழிக்கும் வளர்ச்சியையும் கிராமங்களை அழித்துப் புலம் பெயரச் செய்து நகர்மயமாக்கலை வளர்த்தோம்.  நகரங்கள் புலம் பெயர்ந்த உழைக்கும் மக்களை ஆரோக்கியமற்ற வாழ்வுச் சூழலில் குடிசைப் பகுதிகளில் அரைப்பட்டினியில் வாடச் செய்து விரட்டின.

கரோனாவிற்குப் பின் நகரங்கள் தமக்கு வாழ்வளிக்காது என்பதை உணர்ந்த பட்டினிப் பட்டாளம் மீண்டும் கிராமங்களை நோக்கி நெடும்பயணத்தை மேற்கொண்டது. இனி இவர்கள் நகரங்களை நம்பிச்செல்ல முடியாத நிலை உருவாகியுள்ளது. இதைப் பட்டினிப் பட்டாளங்களும் நேரடியாக உணர்ந்துள்ளன.

கிராமங்களை இனித் தொழில்நுட்ப அறிவு பெற்ற, அந்தத் தொழிலாளர்களைக் கொண்டு நவீன வாழ்வுக்கான சிறு இயந்திர உற்பத்தி மூலமாக நகரங்களின் பெருந்தொழில்களின் தேவைக்கான மூலப்பொருள்களைத் தயார் செய்யும் நவீன கைவினை மையங்களாக்க வேண்டும், விவசாயிகளுக்கு நிலம் உடைமையாகும் வண்ணம் உண்மையான நிலப்பகிர்வு நடைபெற வேண்டும். நகரங்களுக்கு உணவிட்டு, வாழ்விக்கும் அட்சய பாத்திரங்களாகக் கிராமங்கள் மாற்றப்பட வேண்டும். ஆரோக்கியமான சூழல் கொண்ட வாழ்விடம், அடிப்படை வாழ்வுத் தேவைகளைத் தரும் மகிழ்ச்சிமிக்க தன்னிறைவு கிராமம், மறைந்த முன்னாள் குடியரசுத் தலைவர் அப்துல் கலாமின் புறாவாகச் சிறகடிக்கச் செய்ய வேண்டும். இந்தியா அதன் வளமான கிராமங்களில் வாழ்கிறது என்ற காந்தி மகானின் தன்னிறைவு கிராமச் சுயராஜ்யத்தை உருவாக்க வேண்டும்.

ராணுவம், ஆயுதம், போர் மறுக்கும் சமூக ராணுவம்

இது ஒன்றும் நடக்க முடியாத ராமராஜ்யக் கனவல்ல. ஸ்காண்டிநேவிய நாடுகள் ராணுவமற்ற நாடுகளாக மகிழ்ச்சிக் குறியீட்டின் உச்சியில் வாழ்வதை நாமும் செயலாக்க முடியும். பகை மூட்டி விடும் ஏகாதிபத்தியக் குள்ள நரிகள் நம்மைப் பகையாக்கி ரத்தம் குடித்துக் கொழுத்துவிடுகின்றன என்பதைப் புரிந்துகொண்டால் நாமும் மகிழ்ச்சி குறியீட்டு ஏணியில் விரைவாக ஏறிவிட முடியும்.

காந்தி விரும்பிய வழியில் ராணுவச் செலவைப் பாதியாகக் குறைப்பது, ஆயுதக் குவிப்பைத் தவிர்ப்பது, ராணுவத்தை சமூக நாட்டு முன்னேற்ற ஆக்கப் பணிகளுக்குப் பயன்படுத்துவது. அதற்கு உள்நாட்டிலும் நம்மைச் சுற்றியுள்ள நாடுகளுடனும் பகைக்கும் போருக்கும் பதிலாக நட்பு, நம்பிக்கை, பகிர்வு, வணிக உறவுகளை வளர்க்க முன் முயற்சி மேற்கொள்ள வேண்டும். ஆயுத வணிகர்களின் ஊழல் ஆசை வளர்ப்புக்கு ஆட்சியாளர்களும் அதிகாரிகளும் பலியாகிவிடக் கூடாது.

கிராமத் தேவைக்கான கல்வி

நாடு விடுதலை பெறுவதற்கு முன்பே விடுதலை இந்தியாவுக்கான கல்வி பற்றிச் சிந்தித்து "நயி தாலிம்” எனும் புதுமைக் கல்வியை நாடு முழுவதும் உருவாக்கினார் காந்தி. ஆயிரக்கணக்கில் நாடு முழுவதும் இயங்கி வந்த பள்ளிகள் மூலம் சாதாரணக் குழந்தை தனது தேவை,  குடும்பத்தின் தேவை, கிராமத்தின் தேவைகளை வெற்றிகரமாக எதிர்கொண்டு தற்சார்புடன் கூடிய தொழிற்கல்வியை அதன் ஒரு பகுதியாகக் கற்பித்தார். ஆனால் விடுதலைக்குப் பின் அவை படிப்படியாக மரணத்தைத் தழுவி மறைந்துபோயின.

நகரம் சார்ந்த டாக்டர், பொறியாளர், வெளிநாடு பறப்போருக்கான ஆங்கிலவழிக் கல்வி மோகம் வளர்க்கப்பட்டது. இந்த மோகக் கல்வியால் பயன் பெறுவோர் வெறும் 5 விழுக்காடே. மீதமுள்ள 95 விழுக்காட்டினர் தோல்வியாலும் விரக்தியாலும் தடம் மாறிப் போகின்றனர்.

உடல், அறிவு, உழைப்பை நம்பி வாழ்வின் தேவைகளை ஈடு செய்யும் தொழிற்கல்வியின் மூலம் பெரும்பான்மை கிராம இளைஞர்கள் கிராமங்களில் தமது தொழில்களை நவீனப்படுத்திக் கொண்டு கிராமம் தன்னிறைவு பெறவும் நகரப் பெருந்தொழில்களுக்கான உதிரிப் பொருள்களை உற்பத்தி செய்யும் தொழில் முனைவோராக மாற முடியும்,

அரசின் கைகளிலேயே உயர் கல்வி உள்ளதால் கிராமப்புறங்களில் சேவை செய்ய முன்வரும்  மாணவர்களுக்கு மருத்துவம், பொறியியல் போன்ற கல்வியை இலவசமாகத் தந்துவிட முடியும். எனவே, காந்தியின் நயிதாலிம் கல்வியை 21-ம் நூற்றாண்டின் தேவைக்கேற்ப வடிவமைத்துத் துவக்குவதை அரசு தன் கடமையாக ஏற்றுச் செயல்படுத்த வேண்டும்.

உணவு, மருந்து, மருத்துவம்

ஸ்டீராய்ட் கோழியும், இறைச்சியும், குப்பை உணவும் எத்தகைய கேடு என்பது புரிகிறது. காய், கனி உணவு எத்தனை மலிவானது ஆரோக்கியமானது என்பதை அறிவோம்.

உலகையே அச்சுறுத்தும் கரோனாவைத் தடுக்கும், குணப்படுத்தும் மருந்தில்லை என்கிறது வலிமைமிக்க அலோபதி மருத்துவம். காந்தி சொன்ன சமூகத்தூய்மை, நீயும் ஒரு துப்புரவுத் தொழிலாளியாகு என்ற கட்டளை, நடைப்பயிற்சி, விரதம், மெளனம், உழைப்பு, மதுவிலக்கல், புகை மறுத்தல், நீர் மருத்துவம், மண் குளியல், உணவே மருந்து என... அவர் காட்டிய அனைத்தும் பயனுள்ளவை என்பதை ஊரடங்கு காலம் உணர்த்தியுள்ளது. பின்னும் காந்தியின் வீட்டு மருத்துவத்தைத் தொடர்வோம்.

காந்தி நவீன மருத்துவத்தின் எதிரியல்ல. அதன் வணிகத் தன்மையையே எதிர்த்தவர். அலோபதி மருத்துவர்களின் ஆலோசனைகளை மதித்தவர், குடல்வால், மூலம் போன்றவற்றிற்கு அறுவைச் சிகிச்சையையும் செய்து கொண்டவர். எனவே, பாரம்பரிய மருத்துவ முறைகளை அறிவியல் ஆய்வுக்கு உட்படுத்தி, மருத்துவம் என்பது எந்த முறை என்பதல்ல எந்தளவிற்கு மனிதாபிமானம் கொண்டது என்பதைக் கொண்டு மக்களை மதிக்கும் ஒருங்கிணைந்த மருத்துவம், வாழ்வு முறை மாற்றம் ஆகியவற்றின் முக்கியத்துவத்தை கரோனா உணர்த்தியுள்ளது. இந்த உணர்வைத் தொடர்வதும் அவற்றை மேம்படுத்துவதும் இனி நமது கடமையாகட்டும்.

காந்தியை மதவாதக் குண்டுகளால் கொல்லலாம். ஆனால் காந்தியம் செத்தும் உயிர்த்தெழும் சீதக்காதியாய் மனிதகுலம் வாழ்விக்க வந்த தத்துவம் என்பதை கரோனா உணர்த்தியுள்ளது.

போர், ஆயுதம், ராணுவம், நிலைத்த பொருளாதாரம், நிறைவான மனம், உணவு, மருந்து, மருத்துவம், விவசாயம், இயற்கை, அகத்தூய்மை, புறத்தூய்மை, அனைத்திற்கும் வழிகாட்டியாக காந்தி இன்றும் வாழ்கிறார், வழிகாட்டுகிறார். கரோனா உலகைப் புரட்டிப் போட்டுள்ளது. நாம் இதுவரை நம்பிய அனைத்தையும் சத்தியசோதனைக்கு உள்படுத்து எனக் கட்டளையிடுகிறார் மகாத்மா.

கரோனாவுக்குப் பின் புதியதோர் உலகம் செய்வோம். நாம் இழப்பதற்கு ஏதுமில்லை. கேடுகளும் அழிவுகளும் தரும் கேடுகெட்ட வாழ்வு முறைகளைத் தவிர. அடைவதற்கோ ஓர் பொன்னுலகம் உள்ளது. மகாத்மா காட்டிய வழியில்,  காட்டும் திசையில் புதிய பயணம் துவக்குவோம்.

[கட்டுரையாளர் - தலைவர்,

தமிழக பசுமை இயக்கம்]

]]>
coronavirus, gandhian https://images.dinamani.com/uploads/user/imagelibrary/2020/5/9/w600X390/GANDHIAN12.jpg https://www.dinamani.com/latest-news/sub-latest-news/2020/may/10/coronavirus-aftermath---gandhian-solution-3413955.html
3414025 தற்போதைய செய்திகள் தற்போதைய செய்திகள் 'அன்னையைப் போல் ஒரு தெய்வமில்லை' தஞ்சை வெ.கோபாலன் DIN Sunday, May 10, 2020 06:00 AM +0530  

“அன்னையர் தினம்”, இது ஒவ்வோராண்டும் மே மாதம் இரண்டாம் ஞாயிற்றுக்கிழமை கொண்டாடப்படுகிறது. இந்த கொண்டாட்டத்தின் சிறப்பு என்ன? அன்னைக்கு ஏன் இந்த அளவு முக்கியத்துவம், இந்த வினாவுக்கு விடை தெரிய வேண்டாமா?

அன்னையரின் பெருமையை கவி கா.மு. ஷெரிப் ஒரு திரைப்படப் பாடலில் குறிப்பிட்டிருப்பதை இங்கு நினைவு கூர்வது நன்றாக இருக்கும். அவர் பாடல்:

“அன்னையைப் போல் ஒரு தெய்வமில்லை – அவள்

அடிதொழ மறப்பவர் மனிதரில்லை, மண்ணில் மனிதரில்லை.

துன்பமும் தொல்லையும் ஏற்றுக் கொண்டே – நம்மை

சுகம் பெற வைத்திடும் கருணை வெள்ளம்.

பத்து மாதம் சுமந்திருந்து பெற்றாள்

பகல் இரவாய் விழித்திருந்து வளர்த்தால்

வித்தகனாய் கல்வி பெற வைத்தாள்

மேதினியில் நாம் வாழச் செய்தாள்”

இது திரைப்படப் பாடல் என்றாலும் கவிஞர் மிக அழகாக அன்னையரின் பெருமைகளைச் சொல்லியிருக்கிறார்.

நம் பண்டைய தமிழிலக்கியங்கள் எல்லாம் “அன்னையும் பிதாவும் முன்னறி தெய்வம்” என்றும், தாயிற் சிறந்த கோயிலும் இல்லை என்றும் சொல்லிக் கொடுத்திருப்பதை நாம் அறிவோம். சைவக் குரவர்களில் மாணிக்க வாசகர் “பால் நினைந்தூட்டும் தாயினும் சாலப் பரிந்து” என்றும், “தாயில் சிறந்த தயாவான தத்துவனே” என்றும் பாடியிருப்பதை நாம் அறிவோம்.

ஒவ்வோராண்டும் அன்னையர் தினம் கொண்டாடப்படுகிறது. இதனைத் தொடங்கி வைத்தவர் அன்னா ஜார்விஸ் என்பவர். அன்னையர்களுக்காகப் பெரும் பாடுபட்ட இவர் ஒவ்வொருவரும் ஏதேனும் ஒரு நாளை அவரவர் தங்கள் தாயை நினைத்து, அவர்தம் தியாகத்தையும் தங்களுக்காக அந்தத் தாய் செய்த பணிகளையும் கெளரவிக்கும் விதமாக இந்த நாள் கொண்டாடப்பட வேண்டுமென்று விரும்பியதை அடுத்து “அன்னையர் தினம்” கொண்டாடப்படுகிறது.

1914 ஆம் ஆண்டில் அமெரிக்க அதிபர் உட்ரோ வில்சன் விடுத்த அறிவிப்பின்படி ஒவ்வோராண்டும் மே மாதம் இரண்டாம் ஞாயிறு அன்னையர் தினமாகக் கொண்டாடப்பட்டு வருகிறது.

நம்மைப் பொருத்தவரையில் அன்னையரின் கருணையால் பெருமை பெற்ற பல மகான்களின் வரலாறுகள் உண்டு. அவர்களில் ஒருவர் ஆதிசங்கரர். இவர் இப்போது கேரளத்தில் இருக்கும் காலடி எனும் ஊரில் ஆர்யாம்பாள், சிவகுரு ஆகியோருக்கு மகனாகப் பிறந்தவர். இவருடைய பாரம்பரியம், பரம்பரை பரம்பரையாக நாட்டின் எல்லா திசைகளிலும் மடங்களை உருவாக்கிப் பணிபுரிந்து வருகிறார்கள். ஆதி சங்கரர் உருவாக்கிய மடங்கள் இன்றும் சிறப்பாக செயல்பட்டு வருகின்றன. இவர் சிவானந்த லகரி, கோவிந்தாஷ்டகம், பஜ கோவிந்தம், சித்தாந்த சாங்கியம், விவேக சூடாமணி, ஆத்ம போதம், கனகதாரா தோத்திரம், சுப்ரமணிய புஜங்கம் போன்ற பல பக்திப் பனுவல்களை இயற்றிப் புகழ் பெற்ற ஞானி.

ஏழாம் நூற்றாண்டில் பிறந்த இவர் இளமையிலேயே பல அற்புதங்களை நிகழ்த்திக் காட்டினார். குருகுல வாசம் செய்து எல்லா சாத்திரங்களையும் கற்றுத் தேர்ந்தார். ஒவ்வொரு நாளும் அவர் பிக்ஷை பெற்று வந்து குருவிற்கும் அன்னமளித்துத் தானும் உண்டு வாழ்ந்தார். ஒரு நாள் ஏழை அந்தணர் ஒருவர் இல்லத்து வாயிலில் நின்றுகொண்டு “பவதி பிக்ஷாம் தேகி” என்று குரல் கொடுத்தார். அந்த வீட்டு அம்மையார் இவருக்குக் கொடுக்க எதுவும் இல்லையே என்று வருந்தி, ஏதேனும் பொருள் கிடைக்காதா என்று தன் குடிசையெங்கும் தேடி அலைந்தார். அப்போது உலர்ந்துபோன நெல்லிக்கனியொன்று அவர் இல்லத்தில் இருந்தது. அதைக் கொண்டு போய் சங்கரருக்கு பிக்ஷையாக வழங்கினார். அந்தக் கனியைப் பெற்றுக் கொண்ட சங்கரருக்கு அந்த அன்னையின்பால் இரக்கம் உண்டானது. அவர் வறுமையின் பிடியில் சிக்குண்டு வருந்துவது புரிந்தது. தான் வறுமையில் வாடினாலும் பிறர்க்குக் கொடுக்கும் மனம் கொண்டவராதலினால் இவரிடம் செல்வம் இருந்தால் ஊருக்கு நன்மை என்று கருதி, லட்சுமி தேவியை மனதில் கொணர்ந்து “கனகதாரா ஸ்தோத்திரம்” பாடத் தொடங்கினார். அவர் பாடிக் கொண்டிருக்கும்போதே அந்த அம்மையாரின் குடிசையில் கனகம் என்கிற தங்கம் மழையாகப் பொழிந்தது. கனக தாரை, தங்க மழை பொழிந்த அந்த அதிசயத்தை ஆதி சங்கரர் அந்த அன்னையின்பால் கொண்ட பக்தியால் நிகழ்த்திக் காட்டினார்.

சங்கரரின் தாயார் ஆர்யாம்பாள், நீராடுவதறாக தினமும் அவர் இல்லத்திற்கு வெகு தொலைவிலுள்ள பூர்ணா நதிக்குச் சென்று வருவார்.  அவர் துன்பத்தைப் போக்க சங்கரர் அம்பிகையைத் துதித்துப் பாட, அந்த நதி தன் பாதையை மாற்றிக் கொண்டு ஆர்யாம்பாள் இல்லத்தையொட்டி ஓட ஆரம்பித்தது.

சங்கரருக்குச் சிறு வயதுமுதல் துறவறம் பூண ஆர்வம் கொண்டிருந்தார். ஆனால் அவர் அன்னை ஆர்யாம்பாள் தன் மகன் துறவு பூணுவதை விரும்பவில்லை, மறுத்து வந்தார். ஒரு நாள் ஆர்யாம்பாள் மகன் சங்கரருடன் பூர்ணா நதியில் இறங்கி நீராடிக் கொண்டிருந்தார். அப்போது ஒரு முதலை சங்கரருடைய காலைப் பற்றிக் கொண்டது. ஆர்யாம்பாள் இந்தக் காட்சியைக் கண்டு அலறித் துடித்தாள். இறைவனிடம் தன் மகனைக் காப்பாற்ற வேண்டி கதறினாள். அப்போது சங்கரர் தன் அன்னையிடம் சொன்னார், இந்த முதலை நான் உங்கள் மகன் என்பதால் பிடித்துக் கொண்டிருக்கிறது, நான் துறவறம் பூண்டுவிட்டால் நம் அன்னை, பிள்ளை உறவு இல்லாமல் போய்விடும், ஆகையால் தாங்கள் நான் துறவு பூணுவதற்கு சம்மதம் கொடுத்தால், முதலை என் காலை விட்டுவிடும் என்றார். வேறு வழியின்றி அன்னை ஆர்யாம்பாள் தன் செல்வ மகன் சங்கரர் சந்நியாசம் கொள்வதற்கு சம்மதம் தெரிவித்தார். முதலையும் சங்கரரின் காலை விட்டுவிட்டது.

துறவறம் பூண்ட சங்கரர் தன் தாயை வணங்கிவிட்டு, இல்லத்துக்குத் திரும்பாமல் தாயை உறவினர்கள் பார்த்துக் கொள்வார்கள் என்று சொல்லிவிட்டு தேசாந்தரம் செல்லப் புறப்பட்டார். அப்போது வருந்திக் கலங்கி நின்ற தாயிடம் விடைபெற்றுச் செல்ல நின்றபோது, அன்னை சொன்னாள், “குமாரா, இப்போது நீ தேசாந்தரம் சென்றாலும், என்னுடைய இறுதிக் காலத்தில் நீயே வந்து எனக்குரிய இறுதிச் சடங்குகளைச் செய்ய வேண்டும்” என்று கேட்டுக் கொண்டார். சங்கரர் அன்னையின் ஆணையை ஏற்றுக் கொண்டு அங்கிருந்து புறப்பட்டுச் சென்றார்.

காலடியிலிருந்து புறப்பட்ட சங்கரர் பல தலங்களையும் சுற்றிப் பார்த்து தரிசனம் செய்து கொண்டு நர்மதை நதிக்கரைக்குச் சென்றார். அங்கு ஓர் குகையில் கோவிந்தபாதர் எனும் ஞானி தவமிருந்தார். அவரிடம் ஆசி பெற்று சங்கரர் காசி நகருக்குச் சென்று கங்கா நதிக்கரையில் தங்கினார். அங்கு அவரிடம் வேத, உபநிடதங்களைக் கற்க பல சீடர்கள் வந்து சேர்ந்தார்கள். அவர்களில் இவருடைய முதல் சீடராகக் கருதக் கூடியவர் பத்மபாதர் என்பவர். சங்கரர் இப்படி நாடு முழுவதும் சஞ்சாரம் செய்து பற்பல தலங்களையும், பற்பல மகான்களையும் சந்தித்துக் கொண்டு துங்கபத்திரை நதிக்கரையில் ஓர் இடத்தின் புனிதம் அறிந்து அங்கு சிருங்கேரி மடத்தை உருவாக்கி, தங்கியிருக்கும் போது அவருக்குத் தன் தாயின் நினைவு வந்தது.

மோனத்தில் இருந்த சங்கரருக்குத் தன் தாயின் உடல்நிலை சரியில்லை என்பதை உணர்ந்தார். உடனே சீடர்களிடம் விடைபெற்றுக் கொண்டு காலடிக்குச் சென்று தாயைக் கண்டு வணங்கினார். அங்கு மகனைக் கண்ட மனத் திருப்தியோடு அந்த அம்மையாரின் ஆவி பிரிந்தது. அங்கு தாய்க்குச் செய்ய வேண்டிய அனைத்துச் சடங்குகளையும் சங்கரர் செய்துவிட்டுப் புறப்பட்டார். துறவிகளுக்கு தாங்கள் துறவு பூண்ட பிறகு பிறப்பினால் உண்டான உறவுகள் அற்றுப் போகும். என்றாலும் தாயின் வேண்டுகோள், சங்கரருக்குத்  தன் தாய்க்குச் செய்ய வேண்டிய கர்மாக்களைச் செய்யும் பாக்கியம் கிடைத்தது. அன்னையின் பெருமையை உலகுக்கு அளித்தவர்களில் ஆதிசங்கரரும் ஒருவர்.

புராண காலத்திலும், வரலாற்றின் முந்தைய காலங்களிலும் தாய் பிள்ளை பாசம் பற்றியெல்லாம் சொல்லப்பட்டிருப்பதை எல்லாம் நாம் அறிவோம். நம் காலத்தில் அப்படிப்பட்ட பாசப் பிணைப்புகளைச் சந்தித்திருக்கிறோமா என்கிற சந்தேகம் வரலாம். இத்தகைய தாய்ப்பாசம் புராணகாலம் மட்டுமல்ல, நம் காலத்திலும் உண்டு, அதற்கான பல நிகழ்ச்சிகளையும் சுட்டிக் காட்ட முடியும்.

தமிழ்நாட்டில் சுதந்திரப் போராட்டம் நடந்த போதும் சரி, சுதந்திரத்துக்குப் பிறகு நாட்டை ஆளும்போதும் சரி தன்னுடைய தனித்துவமான குணங்களை வெளிக்கொணர்ந்தவர் காமராஜர்.

இவருடைய நடவடிக்கைகளில் இருந்து இவர் தன் குடும்பத்தினர் மீது எத்துணை பற்றும் பாசமும் வைத்திருந்தார் என்பதை அறிந்துகொள்ளும் படியாக இருந்ததில்லை. பலாப்பழம் போல் மேலே முள்ளும், முரட்டுத் தனமும் இருந்தாலும், உள்ளே இனிப்புச் சுளை இருப்பது போல அந்த பற்றுகளைத் துறந்த துறவி போன்ற அரசியல்வாதியாக விளங்கியவர் காமராஜ். இவர் இளம் வயதினை தேச விடுதலைப் போராட்டத்தில் கழித்துவிட்டதால் ஒரு தவ வாழ்க்கையையே மேற்கொண்டார். திருமணம் செய்துகொள்ள வேண்டிய வயதில் இவர் போர்க்களத்தில் தேச விடுதலைக்குக் குரல் கொடுத்துக் கொண்டிருந்தார். திருமணம் இல்லாமல் இவர் பிரம்மச்சாரியாகவே வயது முதிர்ந்து அரசியலில் தலைமை வகித்து வந்தார். இத்தனை பணிகளுக்கிடையிலும் இவருடைய தாய் தனிமையில் இவருடைய சொந்த ஊரில் வாழ்ந்து வந்தார். தனயன் அரசாங்கத்தில் பெரிய பதவிகளை வகித்துக் கொண்டிருக்கிறார் என்பதற்காக எந்த சலுகைகளையும் அவர் எதிர்பார்க்கவும் இல்லை, அப்படி சிலர் இவரிடம் உள்ள மரியாதையினால் செய்ய விரும்பிய உதவிகளையும் இவர் மகன் ஏற்றுக் கொள்ளவில்லை. துறவு என்பது தோற்றத்தில் மட்டுமல்ல, வாழ்வின் ஒவ்வொரு அங்கத்திலும் உள்ளத்தால் கொள்வது துறவு என்பதை உலகுக்கு உணர்த்தியவர் காமராஜர்.

இவர் வாழ்வில் ஒரு நிகழ்ச்சி. இவர் சென்னை மாகாணத்தின் முதலமைச்சராக இருந்த சமயம். விருதுநகரில் வசித்து வந்த தன் தாய் சிவகாமி அம்மையாருக்காக ஒவ்வொரு மாதமும் இவர் நூற்றி இருபது ரூபாய் தன் ஊதியத்திலிருந்து அனுப்பிக் கொண்டிருந்தார். அந்த அம்மையாரை மரியாதைக்காக வந்து பார்ப்போர் பட்டியல் அதிகம். அவர்களையெல்லாம் மரியாதை செய்ய ஏதேனும் குளிர் பானங்களை வாங்கிக் கொடுக்கவே அந்தப் பணம் செலவாகிவிடும். அதனால் தனயன் அனுப்பும் பணம் ரூ. 120 போதவில்லை. அதை ரூ. 150ஆக அனுப்பினால் நல்லது என்று மகனுக்குத் தகவல் அனுப்புகிறார் அன்னை சிவகாமி.

தாயைப் பார்க்க வருபவர்கள் வந்துவிட்டுப் போகட்டுமே, அப்படி வருபவர்களுக்கெல்லாம் பானங்கள் கொடுத்து உபசரிப்பதற்கு என்ன அவசியம். தேவையில்லை என்று தாய்க்கு தான் அனுப்பும் ரூ. 120-ஐ அதிகப்படுத்திக் கொடுக்க மறுத்தவர் காமராஜர். தான் வகித்த பதவிக்கு எந்தவித களங்கமும் ஏற்பட்டுவிடக் கூடாது என்பதில் உறுதியாக இருந்த போதிலும், இவர் விருதுநகருக்குச் செல்லும் போதெல்லாம் தன் தாயிடம் கேட்கும் முதல் கேள்வி “நல்லாயிருக்கிறாயா?” என்பதுதான். இப்படிப்பட்ட உறவுகளை, பாசப் பிணைப்புகளைத் தன் நாடி நரம்புகளில் எல்லாம் கொண்ட நாடு நம் பாரத நாடு.

ஆதி சங்கரர் போல துறவியானாலும் தாயிடம் கொண்ட பக்தி, அரசியலில் நாட்டை ஆள்பவராக இருந்தபோதிலும் தாயை மறக்காமல் இருந்த காமராஜ் போன்ற தாய் மகன் உறவினைப் போற்றும் நாள், இந்த “அன்னையர் தினம்”. கண்களுக்குத் தெரியாத இந்தப் பாசம் தான் நம்மை இன்னமும் ஓர் உன்னத நிலைமையில் வைத்திருக்கிறது.

[கட்டுரையாளர் - இயக்குநர்,

பாரதி இலக்கியப் பயிலகம், தஞ்சாவூர்.]

]]>
mothers day https://images.dinamani.com/uploads/user/imagelibrary/2020/5/9/w600X390/amma2.jpg https://www.dinamani.com/latest-news/sub-latest-news/2020/may/10/mothers-day-3414025.html
3413962 தற்போதைய செய்திகள் தற்போதைய செய்திகள் நாமக்கல் பணிமனைகளில் தயார் நிலையில் 450 அரசு பேருந்துகள் எம். மாரியப்பன் DIN Saturday, May 9, 2020 02:42 PM +0530  

நாமக்கல்: பொது முடக்கம் தளர்வைத் தொடர்ந்து இயக்குவதற்காக, நாமக்கல் மாவட்டத்தில் உள்ள போக்குவரத்துக் கழக பணிமனைகளில் 450 பேருந்துகள் பராமரிப்பு பணிகள் முடிந்து தயார் நிலையில் உள்ளன.

கரோனா தொற்று பரவலால், தமிழகத்தில் மார்ச் 24–ஆம் தேதி பிற்பகல் 6 மணி முதல்  பொது முடக்கம் அமல்படுத்தப்பட்டது. அன்று முதல் அரசு மற்றும் தனியார் பேருந்து சேவை முற்றிலுமாக நிறுத்தப்பட்டது. ஏப்ரல் 15, மே 4 ஆகிய இரு கட்டங்களாக பொது முடக்கம் நீட்டிக்கப்பட்டதால் இதர வாகனங்களுக்கு அனுமதியளிக்கப்பட்டபோதும், பேருந்து, ரயில், விமானங்கள் உள்ளிட்டவற்றின் சேவைகளுக்கு தொடர்ந்து தடை உள்ளது.

மே 17–ஆம் தேதியுடன் பொது முடக்கம் நிறைவடைய உள்ளது. மறுநாள் 18–ஆம் தேதி முதல் 50 சதவீத பயணிகளுடன் பேருந்துகளை இயக்குவதற்கான நடவடிக்கையை போக்குவரத்துத் துறை மேற்கொண்டு வருகிறது.

தமிழகத்தில் உள்ள 8 அரசு போக்குவரத்துக் கழக கோட்டங்களிலும், ஒரே இடத்தில் பேருந்துகள் 40 நாள்களுக்கும் மேலாக நிறுத்தி வைக்கப்பட்டுள்ளதால் அவற்றைப்  பராமரிக்கும் பணிகள் துரித கதியில் நடைபெற்று வருகின்றன.

சேலம் கோட்ட அரசு போக்குவரத்து கழக கட்டுப்பாட்டின் கீழ், நாமக்கல் மாவட்டத்தில் 5 பணிமனைகள் உள்ளன. நாமக்கல்லில் 2, ராசிபுரத்தில் 1, திருச்செங்கோட்டில் 1, தம்மம்பட்டியில் 1. சேலம் மாவட்டத்தில் இருந்தபோதும் நாமக்கல் மாவட்டத்தின் கீழே அந்தப் பணிமனை செயல்படுகிறது.    
இந்த 5 பணிமனைகளிலும் 450 பேருந்துகள் உள்ளன. ஓட்டுநர், நடத்துநர், தொழில் நுட்ப பணியாளர்கள் என 1,800 பேர் வரை பணியாற்றுகின்றனர்.
பொது முடக்கம் காரணமாக வீட்டிலேயே  முடங்கியுள்ள அவர்கள் தங்களை எப்போது பணிக்கு அழைப்பார்கள் என்ற எதிர்பார்ப்புடன் உள்ளனர்.

மே 18–ஆம் தேதி காலை 6 மணி முதல் பேருந்துகள் இயக்கப்பட வாய்ப்புள்ளதால் தொழில்நுட்ப பணியாளர்கள் சுழற்சி முறையில் பணிக்கு வந்து பேருந்துகளைத்  தடையின்றி இயக்குவதற்கான நடவடிக்கையை மேற்கொண்டுள்ளனர்.

இது குறித்து நாமக்கல் பணிமனை அதிகாரி ஒருவர் கூறியது: நாமக்கல் மாவட்டத்தில் உள்ள 5 பணிமனைகளிலும் நகர மற்றும் புறநகர் பேருந்துகள் 450–க்கும் மேற்பட்ட எண்ணிக்கையில் உள்ளன.  மே 18–இல் ஐம்பது சதவீத பேருந்துகளை இயக்கலாம் என்ற அறிவிப்பு வந்துள்ளது. இருப்பினும் எந்த நேரத்தில் இருந்து எந்த நேரம் வரையில் என்பது தொடர்பாகவோ, பயணிகளை எவ்வளவு எண்ணிக்கையில் அனுமதிப்பது போன்ற  முழுமையான தகவல்கள் வரவில்லை. பேருந்துகள் பழுதாகி விடக்கூடாது, அதன் இயக்கம் சரியாக இருக்க வேண்டும் என்பதால் பழுதுகளை நீக்கித் தயார் நிலையில் வைத்துள்ளோம்.

மார்ச், ஏப்ரல் மாத ஊதியத்தை அனைத்து பணியாளர்களுக்கும் முழுமையாக வழங்கி விட்டோம். கட்டண உயர்வு தொடர்பாக எவ்வித அறிவிப்பும் வரவில்லை. மேலும், பேருந்தில் குறிப்பிட்ட எண்ணிக்கையில்தான் பயணிகளை அனுமதிக்க வேண்டும் என அறிவுறுத்தப்படுகிறது. ஆனால் அது சாத்தியமில்லை. அவ்வாறு குறிப்பிட்ட எண்ணிக்கையில் அனுமதித்தால் கட்டணத்தில் மாறுதல் செய்யப்பட வாய்ப்புள்ளது.

ஓட்டுநர்கள், நடத்துநர்கள் எப்போது பணிக்கு வரவேண்டும் என்று  கேட்ட வண்ணம் உள்ளனர். அவர்களை அழைத்து வருவதற்கு பேருந்துகளை அனுப்பத் தேவையில்லை. அறிவித்து விட்டால் இரு சக்கர வாகனத்திலேயே வந்து விடுவர். நாமக்கல் பணிமனைகளில் பேருந்தை தூய்மைப்படுத்துமாறோ, கட்டாயம் பணிக்கு வருமாறோ தொழிலாளர்கள் யாரையும் நிர்வாகம் அழைக்கவில்லை. நாமக்கல் மாவட்டத்தில் பேருந்துகளை இயக்குவதற்கு தயார் நிலையில் உள்ளோம் என்றார்.

]]>
https://images.dinamani.com/uploads/user/imagelibrary/2020/5/9/w600X390/nama.jpg நாமக்கல்–பரமத்தி சாலையில் உள்ள பணிமனையில் தயார் நிலையிலுள்ள அரசு பேருந்துகள் https://www.dinamani.com/latest-news/sub-latest-news/2020/may/09/450-government-buses-ready-at-namakkal-depots-3413962.html
3413741 தற்போதைய செய்திகள் தற்போதைய செய்திகள் குடித்துவிட்டு வந்த கணவன்: கிணற்றில் குதித்து மனைவி தற்கொலை, அநாதையான 7 வயது சிறுமி DIN DIN Friday, May 8, 2020 10:13 PM +0530 சேலம் மாவட்டத்தில் நரியனூரில் கணவன் குடித்துவிட்டு வந்ததைத் தொடர்ந்து நேரிட்ட குடும்பத் தகராறில் கிணற்றில் குதித்துப் பெண் தற்கொலை செய்துகொண்டார்.

மேச்சேரி அருகே உள்ள நரியனூரில் எலக்ட்ரிகல் வேலை செய்து வந்தவர் சங்கர், வயது 35. இவர் இன்று, வெள்ளிக்கிழமை மது அருந்திவிட்டு வீட்டிற்கு வந்திருக்கிறார். இதை அவருடைய மனைவி சுகன்யா, வயது 28, கண்டித்திருக்கிறார்.

இதையொட்டி, கணவன்- மனைவி இடையே தகராறு ஏற்பட்டதால் அருகிலிருந்த கிணற்றில் குதித்து சுகன்யா தற்கொலை செய்துகொண்டார்.

இவர்களுக்கு ஏழு வயதில் பெண் குழந்தை இருக்கிறாள். இச்சம்பவம் குறித்து மேச்சேரி காவல்துறையினர் விசாரித்து வருகிறார்கள்.

]]>
suicide, liquor https://images.dinamani.com/uploads/user/imagelibrary/2020/5/8/w600X390/water.jpg https://www.dinamani.com/latest-news/sub-latest-news/2020/may/08/drunken-husband-wife-committing-suicide-orphaned-7-year-old-girl-3413741.html
3413597 தற்போதைய செய்திகள் தற்போதைய செய்திகள் பவானி அருகே அளவுக்கு அதிகமாக மது அருந்திய கூலித் தொழிலாளி பலி DIN DIN Friday, May 8, 2020 02:28 PM +0530  

பவானி: பவானி அருகே அளவுக்கு அதிகமாக மது அருந்திய கூலித் தொழிலாளி உயிரிழந்தார்.

பவானி அருகே உள்ள சிங்கம்பேட்டை பொதியன் துண்டு காலனி பகுதியைச் சேர்ந்தவர் மா. ராஜ்குமார் (28). கட்டடத் தொழிலாளி. இவருக்கு திருமணமாகி மனைவி பிரியங்கா, 7 வயதில் மகள்,  3 வயதில் ஒரு மகன் உள்ளனர்.

நீண்ட இடைவெளிக்குப் பிறகு நேற்று மதுக்கடைகள் திறக்கப்பட்டதால் அப்பகுதியில் உள்ள மதுக் கடைக்குச் சென்று ராஜ்குமார் மதுபாட்டில்களை வாங்கியதோடு தொடர்ந்து மது அருந்தியுள்ளார்.

ஒன்றரை மாத இடைவெளிக்குப் பின்னர் அதிக அளவில் மது அருந்தியதால் மயக்க நிலைக்குச் சென்றார். இதைக் கண்ட உறவினர்கள் ராஜ்குமாரை மீட்டு பூதப்பாடியில் உள்ள தனியார் மருத்துவமனைக்கு கொண்டு சென்றனர். அங்கு மருத்துவர்கள் பரிசோதித்தபோது ராஜ்குமார் ஏற்கெனவே உயிரிழந்தது தெரியவந்தது.

இதுகுறித்த தகவலின்பேரில் வருவாய்த் துறையினர் மற்றும் காவல்துறையினர் விசாரணை நடத்தி வருகின்றனர். மதுக்கடை திறக்கப்பட்ட ஒரு நாளில் அதிக மது அருந்திய கட்டிடத் தொழிலாளி உயிரிழந்த சம்பவம் இந்தப் பகுதியில் சோகத்தை ஏற்படுத்தியுள்ளது.

]]>
liquor, dead https://images.dinamani.com/uploads/user/imagelibrary/2020/5/8/w600X390/bha.jpg உயிரிழந்த கட்டடத் தொழிலாளி ராஜ்குமார் https://www.dinamani.com/latest-news/sub-latest-news/2020/may/08/laborer-killed-in-excess-of-alcohol-near-bhavani-3413597.html
3413582 தற்போதைய செய்திகள் தற்போதைய செய்திகள் கோயில்களைத் திறக்க மயிலாடுதுறை ஆன்மிகப் பேரவை வேண்டுகோள் DIN DIN Friday, May 8, 2020 01:06 PM +0530 சமூக இடைவெளியுடன் பக்தர்கள் வழிபட தமிழக கோயில்களைத் திறக்க வேண்டும் என்று அரசை மயிலாடுதுறை ஆன்மிகப் பேரவை கேட்டுக்கொண்டுள்ளது.

இதுபற்றி மயிலாடுதுறை ஆன்மிகப் பேரவையின் நிறுவனர் வழக்கறிஞர் டாக்டர் ராம. சேயோன்  தெரிவித்துள்ளதாவது:

"ஊரடங்கு அறிவித்து சுமார்  40 நாள்கள் கடந்து விட்ட நிலையில், தமிழக அரசு டாஸ்மாக் கடைகளைத் திறந்துவிட்டிருக்கிறது.

இந்த நிலையில் ஆண்டாண்டு காலமாக பல நூற்றாண்டுகளாக தொடர்ந்து நடைபெற்று வந்த பங்குனி, சித்திரை மாதக் கோயில் திருவிழாக்கள் அனைத்தும் அரசால் தடை செய்யப்பட்டுள்ளன.

உக்கிர தெய்வங்களான பிரத்தியங்கிரா, சரபேஸ்வரர், காலபைரவர்,  சூலினி வழிபாடுகள் எல்லாம் தற்போது தடை செய்யப்பட்டுத் திருவிழாக்கள் எல்லாம் ரத்து செய்யப்பட்டுள்ளன.

டாஸ்மாக் கடைகளை அரசு திறக்கும்போது, திருக்கோயில்களை சமூக இடைவெளியுடன் பக்தர்கள் வழிபட திறப்பதற்கு எந்த தடையும் இல்லை.

தமிழக அரசு திருக்கோயிலை 33 சதவிகித பணியாளர்களுடன் திறக்கலாம் என உத்தரவிட்டுப் பணியாளர்களைத் தவிர பக்தர்கள் யாரும் கோயிலுக்கு செல்லக் கூடாது என உத்தரவிட்டுள்ளது.

பணியாளர்களைக் கோவிலுக்குள் அனுமதிக்கும் போது, பக்தர்களை சமூக இடைவெளியுடன் இறைவனை வழிபட அனுமதிப்பதில் தவறில்லை.

பல நூற்றாண்டுகளாக எந்த ஒரு பிரச்சனைக்கும் நடை சாத்தப்படாத திருக்கோயில்கள் அனைத்தும் தற்பொழுது சாத்தப்பட்டிருக்கின்றன.

டாஸ்மாக் கடைகளைத் திறந்து சமூக இடைவெளியுடன் குடிப் பழக்கத்தினர் மது வாங்குவதற்கு உரிய காவல் பாதுகாப்பு கொடுக்கக் கூடிய அரசு,
திருக்கோயில்களையும் திறந்து சமூக இடைவெளியுடன் பக்தர்கள் இறைவனை தரிசிக்கவும் பிரார்த்தனை செய்யவும் உரிய காவல் பாதுகாப்பு வழங்க வேண்டும்" என சேயோன் கேட்டுக் கொண்டுள்ளார்.

]]>
Mayiladuthurai, temples https://images.dinamani.com/uploads/user/imagelibrary/2020/5/8/w600X390/mayiladuthurai.jpg https://www.dinamani.com/latest-news/sub-latest-news/2020/may/08/mayiladuthurai-peravai-requests-to-open-temples-3413582.html
3413572 தற்போதைய செய்திகள் தற்போதைய செய்திகள் உத்தமபாளையம் அருகே டாஸ்மாக் கடை திறக்க மக்கள் எதிர்ப்பு DIN DIN Friday, May 8, 2020 12:45 PM +0530  

உத்தமபாளையம் அருகே பல்லவராயன்பட்டியில் மதுக் கடை திறக்கப்பட்டதற்கு எதிர்ப்புத் தெரிவித்து மக்கள் போராட்டத்தில் ஈடுபட்டனர்.

 தமிழகத்தில்  கரோனா பரவல் தடுப்பு ஊரடங்கையொட்டி  மாநிலத்திலுள்ள  அனைத்து டாஸ்மாக் கடைகளும்  மூடப்பட்டன

இந்த நிலையில் கரோனா தொற்று இல்லாத பகுதிகளில் மட்டும் டாஸ்மாக் கடைகள் திறக்க தமிழக அரசு அனுமதி வழங்கியதைத் தொடர்ந்து,  உத்தமபாளையம் அருகே பல்லவராயன்பட்டியில் வியாழக்கிழமை டாஸ்மாக் கடை திறக்கப்பட்டது.

பல்லவராயன்பட்டி, பண்ணைப்புரம், கோம்பை, உத்தமபாளையம்,  மார்க்கையன்கோட்டை, சின்னமனூர், குச்சனூர் உள்ளிட்ட  20-க்கும் மேற்பட்ட கிராமங்களிலிருந்தும் ஆயிரக்கணக்கான குடிப் பழக்கத்தினர் குவிந்தனர்.

இரண்டாம் நாளான இன்றும் டாஸ்மாக் கடை திறக்கும் முன்பே மதுபாட்டில்கள் வாங்க குவிந்திருந்தனர். இதனை அறிந்த இந்தப் பகுதி பொதுமக்கள் சமூக இடைவெளியின்றி கூட்டம் கூட்டமாக ஆயிரக்கணக்கானோர் குவிந்து வருவதால் கரோனா தோற்று பரவ வாய்ப்பு இருப்பதாக கூறி டாஸ்மாக் கடையைத் திறக்கக் கூடாது என   டாஸ்மாக் கடை முன்பாக அமர்ந்து போராட்டம் நடத்தினர்.

தகவலின்பேரில் சம்பவ இடத்துக்கு சென்ற தேவாரம் காவல் ஆய்வாளர் ராமகிருஷ்ணன் பேச்சுவார்த்தை நடத்தினார். அதில் சமூக இடைவெளி பின்பற்றி மது பாட்டில்கள் விநியோகம் செய்யப்படும் என்றும் இதன் மூலம் நோய்த்தொற்று முன்னெச்சரிக்கை நடவடிக்கை மேற்கொள்ளப்படும் என உறுதியளித்தார். இதைத் தொடர்ந்து பொதுமக்கள் போராட்டத்தைக் கைவிட்டு கலைந்து சென்றனர். இதனால், சுமார் ஒரு மணி நேரம் கால தாமதத்துடன் டாஸ்மாக் கடை இரண்டாவது நாளாக செயல்படத் தொடங்கியது. குடிப்பவர்களின் வருகை வழக்கம்போல் அதிகமாக இருப்பதால் காவல்துறையினரின் பலத்த பாதுகாப்புக்கு இடையே மதுபாட்டில்கள் வினியோகம் செய்யப்படுகின்றன.

]]>
liquor shpo, oppose https://images.dinamani.com/uploads/user/imagelibrary/2020/5/8/w600X390/utha.jpg https://www.dinamani.com/latest-news/sub-latest-news/2020/may/08/people-protest-against-opening-of-liquor-shop-near-uthamapalayam-3413572.html
3413239 தற்போதைய செய்திகள் தற்போதைய செய்திகள் காவிரி உரிமை காக்க கருப்புக் கொடியேந்திப் போராட்டம் DIN DIN Thursday, May 7, 2020 06:45 PM +0530  

தஞ்சாவூர்: காவிரி உரிமையைப் பறிக்கும் மத்திய அரசைக் கண்டித்து காவிரி உரிமை மீட்புக் குழுவினர் தங்களது வீட்டு வாயிலில் கண்டனப் பதாகையுடன் கருப்புக் கொடி ஏந்தி இன்று மாலை போராட்டம் நடத்தினர்.

உச்ச நீதிமன்றத் தீர்ப்பின்படி தன்னதிகாரமுள்ள அமைப்பாகச் செயல்பட வேண்டிய காவிரி மேலாண்மை ஆணையத்தை மத்திய அரசின் நீராற்றல் (ஜல்சக்தி) அமைச்சக அதிகாரத்தின் கீழ் செயல்படும் கீழமை அலுவலகமாக நரேந்திர மோடி அரசு மாற்றியுள்ளது.

இத்திருத்தங்கள் கைவிடப்படவில்லை என்றால், மேக்கேதாட்டில் கர்நாடக அரசு அணை கட்ட மத்திய நீராற்றல் துறை உடனடியாக அனுமதி கொடுத்து விடும்.
இப்போது செய்யப்பட்ட திருத்தத்தின்படி, மிக எளிதாக காவிரி உள்பட பல்வேறு ஆறுகளைப் பன்னாட்டுக் குழுமங்களிடம் மத்திய அரசு ஒப்படைத்துவிடும். இத்திருத்தங்கள் செயல்பட்டால், உழவர்கள் வாழ்க்கை மட்டுமல்லாமல், அனைத்து மக்களின் வாழ்க்கையும் கேள்விக்குறியாகிவிடும்.

எனவே, நீராற்றல் துறைக்கென திருத்தம் செய்யப்பட்ட புதிய பணி விதிகளின் பதிவு 7அ, 33 அ, ஆ, இ, ஈ, உ முதலியவற்றை முற்றிலுமாக நீக்கிவிட வேண்டும். இப்போது நீக்கப்பட்டுள்ள பதிவு 32-ஐ சேர்க்க வேண்டும்.
இதை வலியுறுத்தி தஞ்சாவூர் கலைஞர் நகர், அண்ணா நகர் உள்ளிட்ட இடங்களில் காவிரி உரிமை மீட்புக் குழுவினர் பதாகையும், கருப்புக் கொடியும் ஏந்தி இன்று மாலை போராட்டம் நடத்தினர்.

தஞ்சாவூர் கலைஞர் நகரில் காவிரி உரிமை மீட்புக் குழு ஒருங்கிணைப்பாளர் பெ. மணியரசன் தலைமையில் அமமுக அ. நல்லதுரை, தமிழ்த் தேசியப் பேரியக்கம் நா. வைகறை உள்ளிட்டோர் கலந்து கொண்டனர்.

]]>
Cauvery, Black Flag https://images.dinamani.com/uploads/user/imagelibrary/2020/5/7/w600X390/cau.jpg போராட்டத்தில் ஈடுபட்ட காவிரி உரிமை மீட்புக் குழுவினர் https://www.dinamani.com/latest-news/sub-latest-news/2020/may/07/the-black-flags-campaign-to-defend-the-cauvery-rights-3413239.html
3413222 தற்போதைய செய்திகள் தற்போதைய செய்திகள் போதையில் மின் கம்பத்தில் மோதி வாகனத்தில் சென்ற இருவர் காயம் DIN DIN Thursday, May 7, 2020 05:41 PM +0530 கோவையில் குனியமுத்தூர் சாலை  ஆத்துப்பாலம் பகுதியில்  மது போதையில் மின் கம்பத்தில் இரு சக்கர வாகனம் மோதியதில் இருவர் காயமுற்றனர்.

சுமார் 40 நாள்களுக்குப் பிறகு இன்று சென்னை தவிர்த்துத் தமிழகம் முழுவதும் டாஸ்மாக் மதுக் கடைகள் திறக்கப்பட்டுள்ளன.

கோவையில் மது அருந்திவிட்டு இருசக்கர வாகனத்தில் சென்று இரு இளைஞர்கள், மின்கம்பத்தில் மோதி தலையில் பலத்த காயத்துடன் மருத்துவமனைக்கு அழைத்துச் செல்லப்பட்டனர்.

இவர்களைப் பற்றிய கூடுதல் விவரங்கள் உடனடியாகத் தெரியவில்லை.

]]>
accident, liquor https://images.dinamani.com/uploads/user/imagelibrary/2020/5/7/w600X390/1.jpeg https://www.dinamani.com/latest-news/sub-latest-news/2020/may/07/coimbatore-liquor-accident-3413222.html
3413148 தற்போதைய செய்திகள் தற்போதைய செய்திகள் அம்பாசமுத்திரத்தில் மக்கள் எதிர்ப்பை மீறி காவல்துறை பாதுகாப்புடன் மதுக்கடை திறப்பு DIN DIN Thursday, May 7, 2020 12:08 PM +0530  

அம்பாசமுத்திரம்:  அம்பாசமுத்திரத்தில் ஊரடங்கிற்கு முன் மக்கள் எதிர்ப்பால் மூடப்பட்ட மதுக்கடை தற்போது காவல்துறையின் பாதுகாப்புடன் திறக்கப்பட்டது.

அம்பாசமுத்திரம், பாபநாசம் சாலையில் கடந்த மார்ச் 18 இல் புதிதாக மதுக்கடை திறக்கப்பட்டது. இந்த நிலையில் அந்தப் பகுதி பொதுமக்கள் எதிர்த்ததையடுத்து மூடப்பட்டது. தொடர்ந்து கரோனா பரவல் தடுப்பால் பொது முடக்கம் நடைமுறைப்படுத்தப்பட்டதையடுத்து தமிழகம் முழுவதும் மதுக்கடைகள் அடைக்கப்பட்டன. இந்த நிலையில் மே 7 முதல் மதுக்கடைகளை திறக்க அரசு உத்தரவிட்டதையடுத்து அனைத்து மதுக்கடைகளும் திறக்கப்பட்டன.   இவற்றுடன் மக்கள் எதிர்ப்பை மீறி மூடப்பட்ட அந்த மதுக்கடை வியாழக்கிழமை காலை திறக்கப்பட்டது. கடை திறந்ததையறிந்த அந்தப் பகுதி மக்கள் முன்னாள் காவல் அதிகாரி ஜான் நிக்கல்சன் தலைமையில் மதுக்கடையைத் திறக்க எதிர்ப்புத் தெரிவித்து திரண்டனர். அவர்களிடம் அம்பாசமுத்திரம் காவல் ஆய்வாளர் விஜயகுமார் அரசின் உரிய அனுமதி பெற்று இந்த கடை திறக்கப்பட்டுள்ளது. முறையாக நீதிமன்ற ஆணை பெற்று கடையை மூடும் நடவடிக்கையை மேற்கொள்ளுங்கள் என்று கூறியதை அடுத்து அனைவரும் கலைந்து சென்றனர். மேலும் காவல்துறையினர் குவிக்கப்பட்டு பாதுகாப்பு பணியில் ஈடுபடுத்தப்பட்டுள்ளனர்.

]]>
Liquor Shop, Ambasamudram https://images.dinamani.com/uploads/user/imagelibrary/2020/5/7/w600X390/ambas.jpg எதிர்ப்புத் தெரிவித்து ஓய்வு பெற்ற காவல் அதிகாரி ஜான் நிக்கல்சன் தலைமையில் திரண்டவர்கள் https://www.dinamani.com/latest-news/sub-latest-news/2020/may/07/opening-of-liquor-shop-with-police-protection-despite-popular-opposition-in-ambasamudram-3413148.html
3412940 தற்போதைய செய்திகள் தற்போதைய செய்திகள் ஒகேனக்கல் வனப் பகுதியில் யானை மிதித்து ஆடு மேய்ப்பவர் பலி DIN DIN Wednesday, May 6, 2020 09:01 PM +0530 பென்னாகரம்:  பென்னாகரம் அருகே வனப் பகுதியில் யானை மிதித்ததில் ஆடு மேய்ப்பவர் உயிரிழந்தார்.

உணவு மற்றும் தண்ணீர் தேடி ஆண்டுதோறும் கர்நாடக வனப் பகுதியில் இருந்து கிருஷ்ணகிரி மற்றும் ஒகேனக்கல் வனப்பகுதிக்கு யானைகள் கூட்டம் கூட்டமாக இடம் பெயர்கின்றன.

தற்போது ஒகேனக்கல் வனப் பகுதியில் சுமார் 50-க்கும் மேற்பட்ட யானைகள் உலவுகின்றன. வனப்பகுதியில் உள்ள யானைகள், உணவு மற்றும் தண்ணீர் தேடி வனத்துறையின் மூலம் கட்டப்பட்டுள்ள தண்ணீர் தொட்டிகளுக்கும் மற்றும் ஒகேனக்கல் காவிரி ஆற்றுப் பகுதிக்கும் செல்கின்றன.

பென்னாகரம் அருகே அரண்மனைப் பள்ளம் பகுதியைச் சேர்ந்தவர் செல்வம் (வயது 38). இவர் சுமார் 30-க்கும் மேற்பட்ட ஆடுகளை வனப்பகுதியில் மேய்த்தும், விற்பனை செய்யும் தொழிலும் செய்து வந்தார். இவர் புதன்கிழமை மாலை ஒகேனக்கல் வனப் பகுதியான ராசிக் குட்டை பகுதியில் ஆடுகளை மேய்ச்சலுக்கு ஓட்டிச் சென்ற போது, வனப்பகுதியில் இருந்து வந்த யானைக் கூட்டமானது செல்வத்தை தாக்கியதாகக் கூறப்படுகிறது. இதில் செல்வம் சம்பவ இடத்திலேயே உயிரிழந்தார்.

இதுபற்றித் தகவலறிந்த ஒகேனக்கல் வனத்துறையினர் ராசிக் குட்டை பகுதிக்கு சென்று உடலை மீட்டு பிரேத பரிசோதனைக்காக பென்னாகரம் அரசு தலைமை மருத்துவமனைக்கு அனுப்பி வைத்தனர்.

இறந்துகிடந்த செல்வத்தின் உடலை மீட்டு பிரேத பரிசோதனைக்காக மருத்துவமனைக்கு அனுப்பி உள்ளோம். பரிசோதனை அறிக்கை வந்த பிறகே யானை மிதித்து உயிரிழந்துள்ளாரா என்று உறுதி செய்ய முடியும் என்று  வனத் துறையினர் தெரிவித்தனர்.

]]>
killed https://images.dinamani.com/uploads/user/imagelibrary/2020/5/6/w600X390/ded.jpg இறந்த செல்வம் https://www.dinamani.com/latest-news/sub-latest-news/2020/may/06/elephant-killed-one-ogenakkal-forest-3412940.html
3412875 தற்போதைய செய்திகள் தற்போதைய செய்திகள் மீட்டுருவாக்கப்பட வேண்டிய சித்திரை முழுநிலவு இந்திர விழா ​பேரா. பா. ஷீலா DIN Wednesday, May 6, 2020 04:06 PM +0530  

தமிழ்நாட்டில் பெரும்பாலான திருவிழாக்கள் அறுவடை முடிந்து ஓய்வாக உள்ள பங்குனி, சித்திரை, வைகாசி மாதங்களில் நடைபெறும். தமிழ் வருடத்தின் முதல் திங்களான சித்திரை பௌர்ணமி நன்னாளில் கடற்கரைக்கருகில் வசிக்கும் மக்கள் மாலைப்பொழுதில் குடும்பத்தினருடனும் நண்பர்களுடனும் கடற்கரையில் கூடி விளையாடி மகிழ்வர். தங்களுடன் கொண்டுவந்த உணவுப் பொருள்களை உண்டு களிப்பர். அன்றைய நாளில் வெயிலின் உக்கிரத்தைத் தணிப்பதற்கும் கடலினின்று எழும் முழு மதியின் அழகைக் கண்டு ரசிக்கவும் மக்கள் கூடுவர்.

சூரியனிடமிருந்து ஔிக்கதிர்களைப் பெற்று ஔிரும் சந்திரன் இரவில் ரம்மியமான ஔிக்கற்றையை வீசுவதால் பண்டைத் தமிழர் தங்களது வசிப்பிடங்களில் நிலா முற்றம் அமைத்து வெண்ணிலவின் பயனைத் துய்த்தனர்.

நிலவொளியில் மீனவர்கள் கடல் மணற்பரப்பில் மீன்பிடி வலைகளைப் பரப்பி உலர்த்துவதை சங்க இலக்கியங்கள் வருணிக்கின்றன. அறிவியல் ரீதியாக சூரியன் உடலோடு தொடர்புடையதாகவும் சந்திரன் மனதோடு தொடர்புடையதாகவும் கருதப்படுகிறது. மனம் மூளையோடு தொடர்புடையதாகும் என்பது இங்கு நோக்குதற்குரியது.

பௌர்ணமி ஔி ஞாபக சக்தியை அதிகரிக்கும் என நம்பப்படுவதால்தான் மாதந்தோறும் வரும் பௌர்ணமி நாளன்று மக்கள் மலையைச் சுற்றி வலம் வருகின்றனர். மனிதனது வாழ்க்கையினை விண்கோள்கள் கட்டுப்படுத்துகின்றன என்ற கருத்தேற்றத்தின் அடிப்படையில் மக்கள் நல்ல கோள்களின் சேர்க்கை கூடிவரும் நேரத்தில் விழாக்களைத் தொடங்குவர்.

இவ்விழாக்களைப் பெரும்பாலும் வளர்பிறை மற்றும் நிறைமதி நாட்களில் தொடங்குவது தமிழர் மரபாகும். சித்திரை மாதம் பௌர்ணமியில் சித்திரை நட்சத்திரத்தில் மக்கள் துன்பமின்றி வாழ இறைவனை வேண்டி நடத்தப்படும் தீவகசாந்தியாகிய இந்திர விழா முழுமதி நாளில் தொடங்கியதனை,

          சித்திரைச் சித்திரைத் திங்கள் சேர்ந்தென

          வெற்றிவேன் மன்னற்குற்றதை யொழிக்கெனத்

          தேவர் கோமா னேவாலிற் போந்த

          காவற் பூதத்துக் கடைகெழு பீடிகைப்

          புழுக்கலு நோயையும் விழுக்குடை மடையும்

          பூவும் புகையும் பொங்கலுஞ் சொரிந்து

          துணங்கையர் குரவைய ரணங்கெழுந்தாடிப்

          பெருநில மன்ன னிருநில மடங்கலும்

எனச் சிலப்பதிகாரம் (5:64-71) விரிவாகக் குறித்துள்ளது.

வேத காலத்தில் முதன்மைக் கடவுளாகக் கருதப்பட்ட இந்திரன் இதிகாசக் காலத்தில் இரண்டாம் நிலைக்குத் தள்ளப்பட்டார். பழந்தமிழர் வாழ்வில் வேதகாலப் பண்பாடு கலந்ததால் தமிழரின் மருதநில மக்களின் வேந்தனும் ஆரியரின் இடி, மின்னலுக்கான கடவுள் இந்திரனும் ஒன்றாக இணைக்கப்பட்டன. இந்திரனுக்கு தேவேந்திரன் என்ற பெயருமுண்டு. மருதநில மக்கள் தங்கள் நிலத்தின் சிறப்பினைக் கருதி இந்திரனை வழிபட்டுள்ளனர்.

சங்க இலக்கியங்களான ஐங்குறுநூறு மற்றும் பதிற்றுப்பத்து ஆகிய நூல்கள் இந்திர விழா பலநிற மலர்களை மிகுதியாகப் பயன்படுத்திய பல பூ விழாவாகக் கொண்டாடப்பட்டதைத் தெரிவிக்கின்றன. சங்கம் மருவிய இலக்கியங்களான இரட்டைக் காப்பியங்கள் சிலப்பதிகாரமும் மணிமேகலையும் இந்திரவிழா கடற்கரைப் பட்டினமான காவிரிப்பூம்பட்டினத்தில் இருபத்தெட்டு நாள்கள் தொடர்ந்து நிகழ்த்தப்பட்டதைக் காட்டுகின்றன.

இந்திர விழா தொடங்கப்படும் நாளை அரசு முரசத்தை யானை மீதேற்றி நெடுகப் பறையறைந்து மக்களுக்குத் தெரிவித்தனர். சங்ககால சோழ மன்னர்களின் துறைமுக நகரமான புகார் நகர வீதிகள் அழகுபடுத்தப்படும். தெய்வங்களுக்குச் சிறப்புப் செய்யப்படும். புகார் நகரைப் பாதுகாத்து வந்த சதுக்கப் பூதத்திற்கு பொங்கலிட்டுக் குரவையாடி மகிழ்வர். வெள்ளி மன்றம், இலஞ்சி மன்றம், நெடுங்கல் மன்றம், பூத சதுக்கம், பாவை மன்றம் ஆகிய ஐந்து மன்றங்களிலும் பலியிடும் நிகழ்வுகள் நடைபெறும். அரண்மனையிலிருந்து அரசன், ஆட்சி முதல்வர்கள், ஐம்பெருங்குழுவினர், எண்பேராயத்தார், நகரப் பெருமக்கள், செல்வந்தர் முதலியோர் தேரிலும், யானை, குதிரையிலமர்ந்தும் ஊர்வலமாக வந்திருந்து விழாவைத் தொடங்கி வைப்பர்.

அரசனை வாழ்த்திய பிறகு காவிரி புண்ணிய நீர் கொண்டு இந்திரனை நீராட்டி வழிபாடு செய்வர். காவிரி கடலுடன் கலக்குமிடத்தில் மக்கள் கடலில் நீராடுவர். இசை, நடனம், பட்டிமண்டபம், அறநெறிச் சொற்பொழிவுகள் போன்ற இலக்கிய, கலை மற்றும் பண்பாட்டு நிகழ்ச்சிகள் நடைபெறும். இவ்வாறு இந்திர விழா மக்களால் மகிழ்ச்சியுடன் கொண்டாடப்பட்டதை இலக்கியங்கள் வாயிலாக அறிகிறோம். நாட்டின் பசி, பிணி, பகை நீங்கி, நிலம் செழிக்க மழை வேண்டி இவ்விழா கொண்டாடப்பட்டது.

வானம் மும்மாரி பொழியவும் மன்னனின் செங்கோல் வளையாதிருக்க இந்திர விழா (தீவகசாந்தி விழா) கொண்டாடப்பட்டதை மணிமேகலை (2:1-3),

            நாவ லோங்கிய மாபெருந் தீவினுட்த

          காவற் றெய்வதந் தேவர்கோற் கெடுத்த

          தீவகச் சாந்தி செய்தரு நன்னாள்

எனக் குறிப்பிடுகிறது.

இந்திரன் துர்வாச முனிவரின் சாபத்தால் கடலில் இழந்த தன்னுடைய செல்வத்தை, கடலைக் கடையும்பொழுது பெற்றான், என்று புராணங்கள் குறிப்பிடுகின்றன. சந்திரன் திருப்பாற்கடலைக் கடையும்போது தோன்றியவன் என்பது இதனுடன் ஒப்புநோக்கத்தக்கதாகும். சந்திரன் தோன்றிய நாளில் இந்திரன் இழந்த செல்வங்களை மீண்டும் பெற்றதனால் எழுந்த வழிபாடாக இந்திர விழா இருக்கலாம் என்பர் சிலர்.

சங்க காலத்தில் வயலும் வயல் சார்ந்த மருத நிலத்தில் எடுக்கப்பட்ட இந்திர விழா, சங்கம் மருவிய காலத்தில் திராவிட ஆரிய கலப்பினால் புராணக் கதைகளின் பின்னணியில் கடற்கரைப் பகுதியான நெய்தல் நிலத்தில் கொண்டாடப்பட்டது. நீர்நிலைகளில் இறையுருவங்கள் வைத்து வழிபாடு இயற்றுவது தமிழர் மரபு. இவ்வாறு இயற்கையோடு இயைந்த ஆரோக்கியமான வாழ்வு வாழ்ந்த சங்க காலத் தமிழரின் நானிலப் பண்பாடு, பின்னாளில் மாற்றத்திற்குள்ளானதும் இந்திர வழிபாடு மறைந்தது. இந்திரனுக்காக எடுக்கப்பட்ட விழா புராணக் கதைகளின் எழுச்சியால் மாற்றத்திற்குள்ளாகியது. இந்நாளில் மனிதர்களின் புண்ணிய, பாவங்களைப் பதிவு செய்யும் உதவியாளராக யமனுக்குப் பணிபுரிந்த சித்ரகுப்தனை வழிபடுவது வழக்கமாகிவிட்டது. மதுரையில் சித்ரா பௌர்ணமி விழா வெகு விமரிசையாக நடைபெற்று வருகின்றது.

தூங்கெயிலெறிந்த தொடிதோட் செம்பியன் என்னும் சோழ அரசனால் இந்திர விழா தொடங்கப்பட்டு ஆண்டுதோறும் காவிரிப்பூம்பட்டினத்தில் (பூம்புகார்) சோழர்களால் நடத்தப்பட்டு வந்தது. இதனை நெடுமுடிக்கிள்ளி என்னும் அரசன் செய்யாதொழிந்தமையால் இந்நகரை ஆழிப்பேரலை ஆட்கொண்டுவிட்டது எனக் கூறப்படுகிறது.

இந்திர விழா எடுக்கப்படவில்லையெனில் ஏற்படும் இடர்ப்பாடுகளை மணிமேகலை (1:20-22),

          விடுத்த பூதம் விழாக்கோள் மறப்பின்

          மடித்த செவ்வாய் வல்எயிறு இலங்க

          இடிக்குரல் முழக்கத்து இடும்பை செய்திடும்

எனக் கூறுகிறது. இந்திர விழாவை மறந்தொழிந்ததனால் சுனாமி என்னும் பேரலை ஏற்பட்டிருக்கலாமோ என்ற அச்சம் ஒரு சிலருக்கு உள்ளது.

சித்ரா பௌர்ணமி நாளைத் தொடர்ந்து மூன்று நாள்களுக்கு இந்திர விழாவைத் தமிழக அரசின் சுற்றுலாத் துறை நடத்தியது. இந்நாள்களில் மாலைப்பொழுதில் இலக்கிய மற்றும் பண்பாட்டு நிகழ்ச்சிகள் நடைபெற்றன. ஆனால், கடந்த பத்தாண்டுகளாக இவ்விழா நடைபெறாமல் உள்ளது.

இவ்வாறு இயற்கையோடு தொடர்புடைய இந்திர விழாவை மீட்டுருவாக்கம் செய்வது தமிழரின் கடமையாகும். உலகத்திற்கே பாடம் கற்பிக்கும் "கல்தோன்றி மண்தோன்றாக் காலத்தே வாளொடு முன்தோன்றிய மூத்தகுடியாக"த் தமிழர் தம் பண்பாட்டை அழியாமல் காத்து வருங்காலச் சந்ததியினருக்குக் கொண்டு செல்வது நம் அனைவருடைய கடமை.

[கட்டுரையாளர் - சிற்பத்துறை,

தமிழ்ப் பல்கலைக்கழகம், தஞ்சாவூர்.]

]]>
Full Moon , indira festival https://images.dinamani.com/uploads/user/imagelibrary/2020/5/6/w600X390/Supermoon.jpg https://www.dinamani.com/latest-news/sub-latest-news/2020/may/06/full-moon-indira-festival--to-be-restored-3412875.html
3412812 தற்போதைய செய்திகள் தற்போதைய செய்திகள் கொண்டாட்டமின்றிக் கழிகிறது சித்திரை முழுநிலவு நாள் விழா முனைவர் மணி. மாறன் DIN Wednesday, May 6, 2020 11:23 AM +0530  

உலகின் மூத்த குடியைச் சார்ந்த தமிழர்கள் ஆண்டு முழுவதுமே நாள்களின் சிறப்பு அடிப்படையில் விழாக்களைக் கொண்டாடி மகிழ்கின்றனர். அத்தகைய விழாக்களைத் தெய்வங்களோடு தொடர்புபடுத்தி ஆன்மிகத்தை அடிப்படையாகக் கொண்டு அமைத்தனர்.

இயற்கையாக அமைந்த கோள் நிலைகளின் சுழற்சியினைக் கணக்கில்கொண்டு விழாக்கள் நடத்தினர். சித்திரை மாதம் தொடங்கி பங்குனி மாதம் முடிய உள்ள தமிழ் மாதங்கள் ஒவ்வொன்றுமே சிறப்புக்குரியதாக அமைந்தன. இராசி சக்கரத்தில் சூரியனின் இயக்கத்தை அடிப்படையாகக் கொண்டு மாதங்களைப் பகுத்தனர். அவற்றைக் கோயில் சிற்பங்களில்கூட வடித்துக்காட்டியுள்ளனர். சூரியன் மேஷ ராசியில் புகும்போது பிறக்கும் சித்திரை மாதமே ஆண்டின் முதல் மாதமாகக் கொண்டு விழா எடுத்தனர். இதனை, சங்க நூலான நெடுநல்வாடை,

            திண்ணிலை மருப்பின் ஆடுதலையாக விண்ணூர்பு

            திரிதரும் வீங்கு செலல் மண்டிலத்து

எனக் குறிப்பிடுகின்றது. இது மேஷ ராசியில் முதல் பாகையில் சூரியன் பிரவேசிக்கின்ற காலமே சித்திரை முதல் நாள் என்பது பொருளாகும். இருந்தாலும் தமிழறிஞர்களிடையே இதில் மாறுபட்ட கருத்துகளும் உண்டு.

மாதந்தோறும் அமாவாசையும் பௌர்ணமியும் வருவது கோள் நிலைகளின் அடிப்படையில் அமைகிறது. அதிலும் குறிப்பாக சித்திரை மாதத்து பௌர்ணமி திதியில் சித்திரை நட்சத்திரம் கூடி வருவதால் சித்திரா பௌர்ணமியாகத் திகழ்கிறது.

இந்த நாள் அம்மனை வழிபட உகந்த நாளாகக் கருதப்படுகிறது. சிவாலயங்களிலும் விஷ்ணு ஆலயங்களிலும் சிறப்பு பூசனைகள், வீதி ஊர்வலங்கள் போன்றவை நடத்தப்படுகின்றன. மேலும், சித்திரகுப்தன் எனும் சித்திரபுத்திரன் அவதரித்த நாளாகவும் கருதப்படுவதால் சித்திரபுத்திரனார் விரதம் மேற்கொள்ளப்படுவதையும் புராண இலக்கிய வரலாறு குறிப்பிடுகிறது. சைவர்கள் சித்திரா பௌர்ணமி விழாவை சித்திரபுத்திர நாயனாருக்காகக் கொண்டாடுகின்றனர். இந்நாள் சித்திரபுத்திரனின் பிறந்த நாள் என்றும், திருமண நாள் என்றும் இருவேறு நம்பிக்கைகள் நிலவுகின்றன.

சித்திரா பௌர்ணமி விழா தமிழர்களிடையே தொன்றுதொட்டு வருவதைக்  கல்வெட்டுகள் காட்டுகின்றன. திருச்சி மலைக்கோட்டை கோயிலில் கல்வெட்டு ஒன்று உள்ளது. இக்கல்வெட்டு ராஜராஜ சோழனின் பத்தாம் ஆட்சியாண்டில் வெட்டப்பட்டதாகும். இதில் சித்திரா பௌர்ணமி விழாவுக்காக மன்னன் நிவந்தம் அளித்த குறிப்பு காணப்படுகிறது. இதேபோல துவாக்குடி அருகேயுள்ள நெடுங்களநாதர் கோயிலிலும் இவ்விழா குறித்த கல்வெட்டு காணப்படுகிறது.

மதுரை மீனாட்சி சுந்தரேஸ்வரர் திருக்கோயிலில் இவ்விழா வெகு விமர்சையாகக் கொண்டாடப்பட்டு வருகிறது. மதுரை தலபுராணத்தில் விருத்திராசுரன், விஸ்வரூபன் என்பவர்களை இந்திரன் கொன்றதால் ஏற்பட்ட பாவம் நீங்க இங்குள்ள மீனாட்சி சுந்தரேஸ்வரரை வழிபட்டு பாவம் நீங்கியதாக இப்புராணம் கூறுகிறது. லட்சக்கணக்கானோர் திரண்டிருக்க வைகை ஆற்றில் அழகர் இறங்குவது கண்கொள்ளாக் காட்சி.

பௌர்ணமி தினத்தில் நிலவு தன் முழு ஔியையும் பூமிக்கு வழங்குகிறது. எனவே, மக்கள் நிலவொளியில் ஒன்றுகூடி மலையடிவாரங்களிலோ, நீர்நிலைகளின் கரைகளிலோ, ஆலயங்களிலோ கூடி வழிபாடு செய்து கூட்டாஞ்சோறு உண்டு மகிழ்வதை வழக்கமாகக் கொண்டுள்ளனர். இதனை நிலாச்சோறு என்பர்.

இந்திர விழா சித்திரை மாத பௌர்ணமியன்று நிகழ்ந்ததை சிலப்பதிகாரம் கூறுகின்றது. புகாரில் இந்திரவிழா மிகச் சிறப்பாகக் கொண்டாடப்பட்டுள்ளது. இதனை,

            சித்திரைச் சித்திரைத் திங்கள் சேர்ந்தென

          வெற்றிவேல் மன்னற்கு உற்றதை ஒழிக்கஎனத்

          தேவர் கோமான் ஏவலிற் போந்த

          காவற்பூதத்துக் கடைகெழு பீடிகைப்

          புழுக்கலும் நோலையும் விழுக்கு உடைமடையும்

          பூவும் புகையும் பொங்கலும் சொரிந்து

மூதிற் பெண்டிர் வழிபட்டனர் என இந்திர விழவோர் எடுத்த காதையில் (64–69) குறிப்பிடுகிறது. பருவங்களில் தலைமைப் பருவம் தொடங்கும் சித்திரை மாதத்தில் இந்திர விழா கொண்டாடப்பட்டிருக்க வேண்டும். மருத நிலத்தின் தெய்வமான இந்திரனையும் அந்நிலத்துக்குரியதான பெரும் பொழுதாக இளவேனிற் பருவத்தினையும் குறிப்பிடுகிறது.

சித்திரா பௌர்ணமி தினத்தன்று மதுரை வைகை ஆற்றில் கள்ளழகர் இறங்கும் நிகழ்ச்சி வெகுசிறப்பாக நடைபெறுகிறது. இவ்விழா அனைத்து சமூக மக்களும் கொண்டாடக்கூடிய சிறப்பான விழாவாகத் திகழ்கிறது.

காஞ்சிபுரத்தில் உள்ள வைணவக் கோயில்களில் அன்றைய நாளில் சித்திரபுத்திர நயினார் நோன்பு தொடங்குகிறது. சித்திரபுத்திரனுக்காக இந்த மக்கள் கடைப்பிடிக்கின்ற நோன்பாகும். சைவம் சார்ந்தவர்களும் இந்நோன்பினைக் கடைப்பிடிப்பதை வழக்கமாகக் கொண்டுள்ளனர். வருடத்தில் ஒருநாள் சூரியன் மறையும்போது சந்திரன் முழுநிலவாக வெளிப்படும் சித்திரா பௌர்ணமியைக் காண கன்னியாகுமரி கடற்கரையில் பல்லாயிரம் மக்கள் திரளுவர். அனேக கடற்கரைகளிலும் மக்களின் கூட்டம் அதிகமாக இருக்கும்.

சித்திர புத்திரனார் கதையின்படி சித்திரையில் கஞ்சி வார்த்து தருமம் செய்ய வேண்டும் என உணர்த்தப்படுகிறது. புண்ணியம் செய் புனிதனாவாய் என்று அம்மன் ஆலயங்களில் அம்மனின் கோபத்தை (வெப்பத்தை) தணிக்க விழா எடுப்பதால் கோடை காலத்து நோய்கள் நம்மை அண்டாது என்று மக்கள் நம்புகின்றனர்.

இதனையே பௌத்தர்கள் புத்த பூர்ணிமா நாளாகக் கொண்டாடுகின்றனர். இலங்கையில் புத்தபூர்ணிமா அரசு விடுமுறையுடன் மூன்றுநாள் விழாவாக கோலாகலமாகக் கொண்டாடப்படுகிறது.

சித்திரை மாதத்து சித்திரா பௌர்ணமி நாளில் சித்திரகுப்தருக்கு விழா நடக்கிறது. இவருக்கான கோயில் காஞ்சிபுரம் நெல்லுக்காரத் தெருவில் அமைந்துள்ளது. இக்கோயில் அரிய கோயிலாகும். சித்திரகுப்தர் எமன் பிரம்மாவுடன் இறைவனை வணங்கும் காட்சி கடம்பூர் தலத்தில் உள்ளது. மேலும், தேனி மாவட்டம், கோடாங்கிப்பட்டியில் சித்திரபுத்திர நாயனார் என்ற பெயரில் கோயில் உள்ளது.

தஞ்சைப் பெருங்கோயில் சித்திரா பௌர்ணமி நாளன்று இரவு முழுவதும் மக்கள் கூடியிருந்து இந்த பௌர்ணமி பூஜையினை சிறப்பாகச் செய்வர். குறிப்பாகத் தஞ்சை வாழ் செளராஷ்டிர மக்கள் கட்டுச்சோறு கட்டிக்கொண்டு வந்து தங்கள் பல்வேறு குடும்ப நிகழ்வுகளை அங்கேயே அன்றைய தினத்திலேயே நிச்சயித்துக் கொள்வர்.

சித்தர்கள் முக்கிய நாளாகக் கருதியது சித்திரா பௌர்ணமியாகிய இன்றைய நாளே ஆகும். சிவகங்கை மாவட்டம், கோவலன் பொட்டல் என்ற இடத்தில் சித்த மருத்துவத்திற்கு அதிக வீரியம் தரக்கூடிய அண்டக்கல் அதாவது சித்த மருத்துவத்தில் முப்பு எனப்படும். அதனை எடுக்கும் நாளாக இந்நாளைத் தேர்வு செய்துள்ளனர். இன்றைய நாளில் மக்கள் நம்பிக்கையின் அடிப்படையில் கிரிவலம் சுற்றுதல், பல்வேறு ஆலயங்கள் சென்று வழிபாடு செய்தல் போன்ற பல்வேறு விழாக்கள் மற்றும் சடங்குகள் மூலமாக மகிழ்வெய்துகின்றனர்.

ஆனால், கரோனா நோய்த் தொற்றுக்கு அஞ்சி இந்த ஆண்டுச் சித்திரை பௌர்ணமித் திருநாள் எவ்விதக் கொண்டாட்டமுமின்றிக் கழிகிறது.

[கட்டுரையாளர் - தமிழ்ப் பண்டிதர்,

 சரசுவதி மகால் நூலகம், தஞ்சாவூர்.]

]]>
பௌர்ணமி , chitra pournami https://images.dinamani.com/uploads/user/imagelibrary/2020/5/6/w600X390/pournami.jpg https://www.dinamani.com/latest-news/sub-latest-news/2020/may/06/chitra-pournami---full-moon-day-3412812.html
3412555 தற்போதைய செய்திகள் தற்போதைய செய்திகள் நினைவு நாள்: அன்னியச் செலாவணியையும் தங்க இருப்பையும் மீட்ட ஆர்.கே. சண்முகம் செட்டியார் கே.எஸ். இராதாகிருஷ்ணன் DIN Tuesday, May 5, 2020 10:12 PM +0530  

சுதந்திர இந்தியாவின் முதல் நிதியமைச்சர் ஆர். கே. சண்முகம் செட்டியார் நினைவு நாள் இன்று. இந்திய பொருளாதாரத்தின் சிறந்த நிபுணராக போற்றப்பட்ட ஆர். கே. சண்முகம் செட்டியார், ஒரு சிறந்த பேச்சாளரும்  வழக்கறிஞரும்கூட. ஆற்றல்மிக்க சிந்தனையாளர். அதுமட்டுமல்லாமல், சுதந்திரப் போராட்ட காலத்தில் இந்திய சுதந்திரத்திற்காகப் போராடியவரும் ஆவார். தமிழ் மேல் அளவற்ற மோகம் கொண்டு தமிழ் இலக்கியங்களைப் படித்துத் தேர்ந்து விளங்கிய ஆர். கே. சண்முகம் செட்டியார், தமிழ் இசை இயக்கத்தைத் தோற்றுவித்தவர். இதுமட்டுமல்லாமல் இந்தியாவின் முதல் நிதி அமைச்சராக இருந்த பெருமையும் அவருக்குண்டு. காங்கிரஸ் கட்சியைச் சேராதவர் என்றாலும் காந்தியின் பரிந்துரையால் முதல் நிதியமைச்சராக நேருவால் நியமிக்கப்பட்ட ஒரே தமிழர் என்ற சிறப்புகளையெல்லாம் கொண்டவர் ஆர்.கே. சண்முகம் செட்டியார்.

சண்முகம் செட்டியார், 1892 இல் ஆர். கந்தசாமி செட்டியாருக்கும், ஸ்ரீரங்கம்மாளுக்கும் மூத்த மகனாக பிறந்தார். இவருடன் பிறந்தவர்கள்  ஒரு சகோதரனும் இரண்டு சகோதரிகளும். கோயமுத்தூரில் இவருக்கு சொந்தமாக தொழிற்சாலைகள் இருந்தன. கோவை யூனியன் உயர்நிலைப் பள்ளியில் தனது பள்ளிப்படிப்பைத் தொடர்ந்த இவர் பிறகு, சென்னை கிறிஸ்துவக் கல்லூரியில் பட்டப் படிப்பையும் சென்னை சட்டக் கல்லூரியில் சட்டப் படிப்பையும் முடித்தார். திருவிதாங்கூர், கொச்சி சமஸ்தானங்களின் திவானாக இருந்தார்.

நீதிக் கட்சியில் இருந்த சண்முகம் செட்டியார், 1920-ல் சென்னை மாகாண சட்ட மேலவை உறுப்பினரானார். பிறகு, சுயராஜ்யக் கட்சியில் சேர்ந்தார். 1924-ல் அந்தக் கட்சி சார்பில் போட்டியிட்டு மத்திய சட்டசபை என்று அழைக்கப்பட்ட நாடாளுமன்ற உறுப்பினரானார். மத்திய சட்டசபையின் துணைத் தலைவர், தலைவர் ஆகிய இரு பதவிகளையும் இவர் வகித்திருக்கிறார். முதல் நிதியமைச்சராக 1947-க்கு பிறகு சுதந்திர இந்தியாவில் பதவியேற்று, அந்தக் காலத்தில் இந்தியாவின் பொருளாதார வளர்ச்சிக்காகப் பல திட்டங்களைக்  கொண்டுவந்து, சுதந்திர இந்தியாவின் பொருளாதார நிலையை உயர்த்த பெரும் பங்காற்றினார். அவருடைய நிதித் துறை நிர்வாகத்தை காங்கிரஸ் தலைவர்கள் வெகுவாகப் பாராட்டினார்கள். காந்தி, தாகூர், அன்னிபெசன்ட், சித்தரஞ்சன் தாஸ், அவ்வை டி.கே. சண்முகம் என்று பலதுறைகளைச் சேர்ந்தவர்களுடனும் சண்முகம் செட்டியார் நட்பு கொண்டிருந்தார்.

1952 ஆம் ஆண்டு, சென்னை சட்டமன்ற மேலவை உறுப்பினராகத் தேர்ந்தெடுக்கப்பட்டார் அவர்.

தில்லித் தமிழ்ச் சங்கம், லண்டன் தமிழ்ச் சங்கம் போன்றவற்றைத் தோற்றுவித்தவர்களில் அவரும் ஒருவர். சிதம்பரம் ராஜா சர் அண்ணாமலைச்  செட்டியார் தமிழிசை இயக்கம் ஒன்றை ஆரம்பித்து தமிழில் பாடல்களைப்  பாடுவதற்காக ராஜா அண்ணாமலை மன்றத்தைச் சென்னையில் உருவாக்கியபோது அவருடன் இருந்தார் ஆர்கேஎஸ். கோவையில் பஞ்சாலைகள் உருவாகவும் கோவை மாபெரும் தொழில் நகரமாகவும் அவருடைய பங்களிப்புகள் ஏராளம்.

இந்திய பொருளாதாரத்தின் சிறந்த நிபுணராகவும், சிறந்த பேச்சாளராகவும், தமிழ் இலக்கிய எழுத்தாளராகவும் போற்றப்பட்ட ஆர். கே. சண்முகம் செட்டியார், மே மாதம் 5 ஆம் நாள் 1953 ஆம் ஆண்டு, தனது 61-வது வயதில் காலமானார்.

 தன்னுடைய பொதுவாழ்வில் வியக்கத்தக்க சாதனைகள் புரிந்த இவர் உலகளாவிய பெருமைப் பெற்ற முதல் தமிழர் என்று சொல்லலாம்.  ‘தென்னாட்டுத் தாகூர்’ என்றும், ‘திராவிட மணி’ என்றும் அறிஞர் அண்ணாவால்  மகுடம் சூட்டப்பட்டார் ஆர்.கே.சண்முகம் செட்டியார். தமிழர்களால் என்றென்றைக்கும் பெருமைப்படத்தக்கவராக விளங்குகிறார் அவர். இளம் வயதிலேயே, பல மொழிகளைக் கற்றறிந்தார். சட்டம் பயின்றவர், கோவை நகர்மன்றத் துணைத் தலைவர், சென்னை மாகாண சட்டசபை உறுப்பினராகத் திறம்படப் பணியாற்றினார். பாராட்டிப் 
பயன்பெற்றவர்கள் இவரைப் பிற்காலத்தில் புறக்கணித்தனர். அன்றும்  தகுதி தடையாக இருந்தது.

அன்னிபெசன்ட் அம்மையாருடன் இங்கிலாந்து சென்று பல பொதுக்கூட்டங்களில் இந்திய சுதந்திரம் குறித்து உரையாற்றினார். 1931 முதல் 1945 வரை கொச்சி அரசின் திவானாகப் பணிபுரிந்தார். உலக நாணய மாநாட்டில் பங்கேற்றார். 1945இல் மன்னர்கள் சங்கத்திற்கு அரசியலமைப்பு ஆலோசகராக பணியாற்றினார். இந்தியாவில் உள்ள மிகப் பெரிய வீட்டு நூலகங்களில் இவருடையதும் ஒன்று. இங்கிலாந்திடம் சிக்கியிருந்த, பல கோடி ரூபாய் அன்னியச் செலாவணியையும் தங்க இருப்பையும் சுதந்திரத்திற்குப்  பின் தன் வாதத் திறமையால் மீட்டெடுத்தார்.

இத்தனை பெருமை மிக்க ஆர்.கே. சண்முகம் செட்டியாரை இன்று, அவருடைய நினைவு நாளில், யாரேனும் நினைத்துப் பார்த்தார்களா, இல்லை.

]]>
anniversary, RK Shanmugam https://images.dinamani.com/uploads/user/imagelibrary/2020/5/5/w600X390/RKS.jpg https://www.dinamani.com/latest-news/sub-latest-news/2020/may/05/rk-shanmugam-chettiar-death-anniversary-3412555.html
3412525 தற்போதைய செய்திகள் தற்போதைய செய்திகள் தேனியில் தனிமைப்படுத்தப்பட்டார் பாரதிராஜா DIN DIN Tuesday, May 5, 2020 08:41 PM +0530
சென்னையிலிருந்து தேனிக்கு வந்த திரைப்பட இயக்குநர் பாரதிராஜா செவ்வாய்க் கிழமை அவரது வீட்டில் தனிமைப்படுத்தப்பட்டார்.

தேனி மாவட்ட எல்லைகளில் வெளி மாநிலம் மற்றும் வெளி மாவட்டங்களிலிருந்து வருபவர்களை மருத்துவப் பரிசோதனைக்கு உள்படுத்தப்படுத்தி, 14 நாள்கள் வீட்டில் தனிமைப்படுத்த மாவட்ட நிர்வாகம் உத்தரவிட்டுள்ளது.

இதன்படி, சென்னையிலிருந்து தேனிக்கு வந்த பாரதிராஜா தேவதானப்பட்டி அருகே மாவட்ட எல்லையில் மருத்துவப் பரிசோதனைக்கு உள்படுத்தப்பட்டார். இதில், அவருக்கு கரோனா அறிகுறி இல்லை என்பது உறுதி செய்யப்பட்டது.

இருப்பினும், கரோனா பாதிப்பில் சிவப்பு நிற மண்டலமாக அறிவிக்கப்பட்டுள்ள சென்னையிலிருந்து அவர் தேனிக்கு வந்திருப்பதால் தேனி, என்.ஆர்.டி.நகரில் உள்ள அவரது வீட்டில் தனிமைப்படுத்தப்பட்டார்.

இதற்கான அடையாள வில்லையை நகராட்சி சுகாதாரப் பிரிவு அலுவலர்கள் அவரது வீட்டுச் சுவரில் ஒட்டியுள்ளனர்.

]]>
Director Bharathiraja https://images.dinamani.com/uploads/user/imagelibrary/2020/5/5/w600X390/bha.jpg பாரதிராஜாவின் வீடு, தேனி https://www.dinamani.com/latest-news/sub-latest-news/2020/may/05/bharathiraja-isolated-in-theni-3412525.html
3412460 தற்போதைய செய்திகள் தற்போதைய செய்திகள் திருப்பூர் மாவட்டத்தில் குடையுடன் வந்தால்தான் மது விற்பனை:  இடைவெளி காக்க ஆட்சியர் அறிவிப்பு DIN DIN Tuesday, May 5, 2020 06:06 PM +0530  

திருப்பூர் மாவட்டத்தில் குடையுடன் வரும் நபர்களுக்கே  மதுபானம் விற்பனை செய்யப்படும் என்று  மாவட்ட  ஆட்சியர்  க. விஜயகார்த்திகேயன்  தெரிவித்துள்ளார்.

இதுகுறித்து அவர் செவ்வாய்க்கிழமை தெரிவித்திருப்பதாவது: 

திருப்பூர் மாவட்டத்தில் வரும் வியாழக்கிழமை (மே 7) முதல் சில  கட்டுப்பாடுகளுடன் மதுக்  கடைகள் திறக்கப்படுகின்றன.

இதில், நோய்க் கட்டுப்பாட்டு பகுதிகளுக்கு வெளியே உள்ள மதுபானக் கடைகள் மட்டும்  கீழ்க்கண்ட நிபந்தனைகளுக்கு உள்பட்டு திறக்க அனுமதி அளிக்கப்படுகின்றன.

இதில், மதுபானக் கடைகளில் கூட்டம் கூடுவது தவிர்க்கப்பட வேண்டும். ஒரு நபருக்கும், மற்றொரு நபருக்கும் உள்ள இடைவெளி 6 அடி தூரமாக இருக்க வேண்டும். மதுபானக் கடைகளில் ஒரே நேரத்தில் 5 நபர்களுக்கு மேல் கூடுவதற்கு அனுமதிக்கக்கூடாது. மேலும், மதுபானக் கடைகள் காலை 10 முதல் மாலை 5 மணி வரை மட்டும் திறக்க அனுமதிக்கப்படுகிறது. அனைத்து மதுபானக் கடைகளிலும் தேவைக்கேற்ப பாதுகாப்பு ஏற்பாடுகள் செய்யப்பட வேண்டும். ஒவ்வொரு மதுபானக் கடைகளிலும் தேவைக்கேற்ப கூடுதல் நபர்களை பணியமர்த்தி கூட்டம் சேர்வதை தவிர்க்க வேண்டும். அதே வேளையில், சமூக இடைவெளியை தீவிரமாக கடைப்பிடிக்கும் வகையில்  மதுபானக் கடைகளுக்கு வருபவர்கள் தவறாது குடையுடன் வர வேண்டும்.  குடையுடன் வராதவர்களுக்கு மது பானங்கள் விற்பனையில்லை.

மதுபானக் கடைகளில் பணியாற்றும் ஊழியர்களின் தனிநபர் சுத்தம் பேணப்படுவதோடு மதுபானக்கடை வளாகம் முழுவதும் கிருமி நாசினி தெளித்து சுத்தமாக வைத்திருக்க வேண்டும். மேலும், பணியாற்றும் ஊழியர்கள் கண்டிப்பாக முகக் கவசம மற்றும் கையுறை அணிந்திருக்க வேண்டும். இந்த நிபந்தனைகளுக்கு உள்பட்டு மதுபானக் கடைகளைத் திறக்க அனுமதி அளித்து உத்தரவிடப்பட்டுள்ளது. இந்த நிபந்தனைகள் மீறப்படும் பட்சத்தில் உரிய மேல் நடவடிக்கை எடுக்கப்படும்" என்று தெரிவிக்கப்பட்டுள்ளது.

]]>
Tiruppur, liquor https://images.dinamani.com/uploads/user/imagelibrary/2020/5/5/w600X390/tiruppur.jpg https://www.dinamani.com/latest-news/sub-latest-news/2020/may/05/liquor-sales-only-if-arrives-with-umbrella-in-tiruppur-district-3412460.html
3412455 தற்போதைய செய்திகள் தற்போதைய செய்திகள் தேனி மாவட்டத்தில் 5 பேருக்கு கரோனா பாதிப்பு உறுதி DIN DIN Tuesday, May 5, 2020 05:54 PM +0530  

தேனி மாவட்டத்தில் பெரியகுளத்தைச் சேர்ந்த கர்ப்பிணி உள்ளிட்ட 5 பேருக்கு செவ்வாய்க் கிழமை, கரோனா பாதிப்பு உறுதி செய்யப்பட்டுள்ளது.

மாவட்டத்தில் கடந்த ஏப். 17-ம் தேதி வரை 43 பேருக்கு கரோனா பாதிப்பு உறுதி செய்யப்பட்டு தேனி அரசு மருத்துவக் கல்லூரி மருத்துவமனையில் அனுமதிக்கப்பட்டனர். இதில், போடியைச் சேர்ந்த பெண் உயிரிழந்தார். 42 பேர் கரோனா பாதிப்பிலிருந்து குணமடைந்து வீடு திரும்பினர்.

இதையடுத்து, கரோனா பாதிப்பில் சிவப்பு நிற மண்டலமாக அறிவிக்கப்பட்டிருந்த தேனி மாவட்டம், ஆரஞ்சு நிற மண்டலமாக மாற்றி அறிவிக்கப்பட்டது. 

இந்த நிலையில, கடந்த மே 2-ம் தேதி போடியைச் சேர்ந்த பெண்ணுக்கு கரோனா பாதிப்பு உறுதி செய்யப்பட்டு தேனி அரசு மருத்துவக் கல்லூரி மருத்துவமனையில் அனுமதிக்கப்பட்டார்.

தற்போது, பெரியகுளத்தைச் சேர்ந்த கர்ப்பிணிப் பெண், காஞ்சிபுரத்திலிருந்து உத்தமபாளையத்திற்கு வந்த ஒரு பெண், போடியைச் சேர்ந்த இருவர், சின்னமனூரைச் சேர்ந்த ஒருவர் ஆகிய 5 பேருக்கு கரோனா பாதிப்பு உறுதி செய்யப்பட்டுள்ளது. இவர்கள் தேனி அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளனர்.

இதையடுத்து, தேனி அரசு மருத்துவக் கல்லூரி மருத்துவமனையில் கரோனா பாதிப்பு உறுதி செய்யப்பட்டு சிகிச்சை பெற்று வருவோரின் எண்ணிக்கை 6 ஆக உயர்ந்துள்ளது.

]]>
https://images.dinamani.com/uploads/user/imagelibrary/2020/4/1/w600X390/theni1.jpg https://www.dinamani.com/latest-news/sub-latest-news/2020/may/05/5-coronavirus-cases-in-theni-district-3412455.html
3412190 தற்போதைய செய்திகள் தற்போதைய செய்திகள் தமிழகத்தில் 7 ஆம் தேதி முதல் டாஸ்மாக் கடைகள் திறப்பு DIN DIN Monday, May 4, 2020 07:50 PM +0530
தமிழகத்தில் வரும் 7 ஆம் தேதி முதல் டாஸ்மாக் கடைகளைத் திறக்க தமிழக அரசு முடிவு செய்துள்ளது.

தடை செய்யப்படாத பகுதிகளில் காலை 10 மணி முதல் மாலை 5 மணி வரை கடைகள் திறந்திருக்கும் என்று தமிழக அரசு அறிவித்துள்ளது.

இதுபற்றி தமிழக அரசு வெளியிட்டுள்ள அறிவிப்பு:

கரோனாவைரஸ்  தொற்று நோயைக் கட்டுப்படுத்துவதற்கு மத்தியஅரசு பிறப்பித்திருந்த ஊரடங்கு உத்தரவில் சில தளர்வுகளை அவ்வப்போது வழங்கிவருகிறது.  மத்திய அரசின்  ஊரடங்கு உத்தரவு 4.5.2020  முதல்மேலும் இரண்டு வாரங்களுக்கு நீட்டிக்கப்பட்டுள்ள நிலையில் மதுபானக் கடைகள், சில கட்டுப்பாடுகளுக்கு உட்பட்டு திறக்க அனுமதி அளித்துள்ளது.

எனினும் மதுபானக் கூடங்கள் திறப்பதற்கு அனுமதி வழங்கப்படவில்லை. இந்நிலையில் தமிழ்நாட்டை ஒட்டியுள்ள கர்நாடகம், ஆந்திரம் போன்ற அண்டை மாநிலங்களில் மதுபானக் கடைகளைத் திறக்க ஏற்கனவே உத்தரவிடப்பட்டுள்ளது.

இதனால் தமிழ்நாட்டை ஒட்டியுள்ள ஆந்திரம் மற்றும் கர்நாடக மாநிலங்களில் உள்ள மதுக்கடைகளுக்கு தமிழக எல்லைப் பகுதியில் உள்ள மக்கள் அதிக அளவில் செல்வதால், மாநிலங்களுக்கு இடையேயான மக்கள் நடமாட்டத்தைக் கட்டுப்படுத்துவதில் பெரும் சிரமம் ஏற்படுகிறது. இவற்றைக் கருத்தில்கொண்டு, தமிழ்நாட்டிலும் மதுபானக் கடைகளை வரும் 7.5.2020 முதல் திறக்க மாநில அரசு முடிவு செய்துள்ளது.

எனினும் நோய்க் கட்டுப்பாட்டுப் பகுதிகளிலுள்ள மதுபானக் கடைகள் திறக்கப்பட மாட்டாது. நோய்க் கட்டுப்பாட்டு பகுதிகளுக்கு வெளியே உள்ள மதுபானக் கடைகள் மட்டும் கீழ்க்கண்ட நிபந்தனைகளுக்குட்பட்டுத் திறக்க அனுமதிக்கப்படுகிறது.

  • மதுபானக் கடைகளில் கூட்டம் கூடுவது தவிர்க்கப்பட வேண்டும்.
  • ஒரு நபருக்கும் இன்னொரு நபருக்கும் உள்ள இடைவெளி ஆறு அடி தூரமாகப் பராமரிக்கப்பட வேண்டும்.
  • மதுபானக் கடைகளில் ஒரே நேரத்தில் ஐந்து நபர்களுக்கு மேல் கூடுவதற்கு அனுமதிக்கக் கூடாது.
  • மதுபானக் கடைகள் காலை 10.00 மணி முதல் மாலை 5.00 மணி வரை மட்டுமே திறக்க அனுமதிக்கப்படுகிறது.
  • அனைத்து மதுபானக் கடைகளிலும் தேவைக்கேற்ப பாதுகாப்பு ஏற்பாடுகள் செய்யப்பட வேண்டும்.
  • ஒவ்வொரு மதுபானக் கடைகளிலும் தேவைக்கேற்ப கூடுதல் நபர்களை பணியமர்த்தி கூட்டம் சேர்வதைத் தவிர்க்க வேண்டும்.

மேற்கண்ட நிபந்தனைகளுக்குட்பட்டு தமிழ்நாட்டில் மதுபானக் கடைகள் இயங்க அனுமதி அளிக்கப்படுகிறது. எனினும், மதுபானக் கூடங்கள் திறப்பதற்கு அனுமதி இல்லை.
 

]]>
Tasmac https://images.dinamani.com/uploads/user/imagelibrary/2019/10/21/w600X390/TASMAC51.jpg https://www.dinamani.com/latest-news/sub-latest-news/2020/may/04/tasmak-open-3412190.html
3411766 தற்போதைய செய்திகள் தற்போதைய செய்திகள் என் மரணத்தை அறிவிக்க டாக்டர்கள் தயாராக இருந்தனர்: போரிஸ் ஜான்சன் ததாகத் DIN Sunday, May 3, 2020 05:45 PM +0530
தன்னுடைய மரணத்தை அறிவிக்க டாக்டர்கள் தயாராக இருந்ததாக பிரிட்டிஷ் பிரதமர் போரிஸ் ஜான்சன் தெரிவித்துள்ளார்.

லண்டனிலிருந்து வெளிவரும் தி சன் இதழுக்கு அளித்த பேட்டியொன்றில், தம்மை உயிரைக் காப்பாற்றி வைத்திருப்பதற்காக லிட்டர் லிட்டராக ஆக்ஸிஜன் செலுத்தப்பட்டுக் கொண்டிருந்ததாகவும் குறிப்பிட்டுள்ளார் ஜான்சன்.

"அது மிகவும் மோசமான தருணம், என்னால் மறுக்கவே முடியாது. என் விஷயத்தைக் கையாள்வதில் அவர்கள் (டாக்டர்கள்) ஓர் உத்தியைக் கடைப்பிடித்தார்கள்.

"நான் அவ்வளவு நல்ல நிலைமையில் இல்லை, எனக்கு நன்றாகத் தெரியும், எதிர்காலத் திட்டமொன்றையும் அவர்கள் வைத்திருந்தார்கள்.

"நிலைமை மிகவும் மோசமாகப் போனால் என்ன செய்வது என்பதற்கான எல்லாவித ஏற்பாடுகளையும் டாக்டர்கள் செய்துவைத்திருந்தனர்.

"எனக்கு ஆக்ஸிஜன் செலுத்துவதற்காக அவர்கள் முகக் கவசம் தந்தார்கள். மிக மோசமான எதார்த்த நிலை திடீரென வந்துவிட்டது, நிறைய வயர்கள் இணைப்புடன் கூடிய கண்காணிப்பு சாதனங்களுடன் தீவிர சிகிச்சைப் பிரிவுக்குக் கொண்டு செல்லப்பட்டேன்.

"அந்தக் குறியீடுகள் எல்லாம் தவறான திசையில்தான் சென்றுகொண்டிருந்தன. கரோனாவுக்கு சிகிச்சையே இல்லை என்பதை நான் உணர்ந்தே இருந்தேன்" என்று குறிப்பிட்டுள்ளார் போரிஸ்.

லண்டன் செயின்ட் தாமஸ் மருத்துவமனையில் தன்னுடைய வாழ்வா, சாவா போராட்டத்தின்போது, 'எவ்வாறு  இதிலிருந்து வெளியே வரப் போகிறேன்? என்று என்னை நானே கேட்டுக்கொண்டேன்' என்றார் அவர்.

"ஒருசில நாள்களிலேயே என்னுடைய உடல்நிலை இந்தளவுக்கு சீர்குலைந்துவிடும் என்பதை என்னால் நம்பவே முடியவில்லை. வெறுத்துப் போய்விட்டதை என்னால் நினைத்துப் பார்க்க முடிகிறது. ஏன் குணமடையவில்லை என்று என்னால் புரிந்துகொள்ள முடியவில்லை.

"பிழைக்கலாம் அல்லது இறக்கலாம் என்ற நிலையில் ஆக்ஸிஜன் அளிப்பதை நிறுத்திவிடலாமா என்று யோசிக்கக்கூடிய அந்த மோசமான தருணமும் வந்தது. அப்போதுதான் நிலைமையை  எவ்வாறு சிக்கலின்றி சமாளிப்பது (மரணத்தை அறிவிப்பது) பற்றி அவர்கள் யோசிக்கத் தொடங்கிவிட்டார்கள்"  என்று தெரிவித்தார் போரிஸ் ஜான்சன்.

அசாதாரணமான இரண்டு வார காலத்தைக் கடந்து, ஏறத்தாழ செத்துப் பிழைத்த நிலையில், அலுவலகம் திரும்பியுள்ள போரிஸ் ஜான்சன், இன்னொரு பிறப்பை - தோழி கேரி சைமன்ட்ஸுக்குப் புதிதாகப் பிறந்த மகன் வில்பிரட் - கண்டிருக்கிறார்.

மருத்துவமனையில் தன்னை மருத்துவப் பணியாளர்கள் கவனித்துக் கொண்ட விதத்தை, மிகவும் உணர்ச்சிவசப்பட்ட நன்றியுணர்வுடன் நினைவுகூர்ந்துள்ளார் போரிஸ்.

மருத்துவமனையிலிருந்து தந்தை டிஸ்சார்ஜ் செய்யப்பட்ட 17-வது நாளில் மகன் பிறந்திருக்கிறான்.  மருத்துவமனையில் தன்னைக் கவனித்துக் கொண்ட டாக்டர்கள் நிக்கொலஸ் பிரைஸ், நிக்கொலஸ் ஹார்ட் ஆகியோருக்கு நன்றி தெரிவிக்கும் வகையில்  குழந்தைக்கு நடுப் பெயராக நிக்கொலஸ் என்று சூட்டியுள்ளார் பிரிட்டிஷ் பிரதமர் போரிஸ் ஜான்சன்.

]]>
death, boris-johnson https://images.dinamani.com/uploads/user/imagelibrary/2020/5/3/w600X390/AP12-04-2020_000259B.jpg https://www.dinamani.com/latest-news/sub-latest-news/2020/may/03/boris-johnson-has-revealed-that-doctors-prepared-to-announce-his-death-3411766.html
3411757 தற்போதைய செய்திகள் தற்போதைய செய்திகள் சொந்த ஊர் திரும்ப தொழிலாளர்களுக்கு இலவச பேருந்து சேவை: கர்நாடகம் அறிவிப்பு DIN DIN Sunday, May 3, 2020 03:50 PM +0530  

பெங்களூரு: கர்நாடகத்தில் ஊரடங்கால் ஆங்காங்கே சிக்கியுள்ள தொழிலாளர்கள், தங்கள் சொந்த ஊர்களுக்குத் திரும்பிச் செல்ல வசதியாக, ஞாயிற்றுக்கிழமை முதல் 3 நாள்களுக்கு இலவச பேருந்துகள் இயக்கப்படும் என்று முதல்வர் எடியூரப்பா அறிவித்துள்ளார். 

பெங்களூருவிலிருந்தும் மாவட்ட மையங்களிலிருந்தும் தங்கள் ஊர்களுக்கு கர்நாடக அரசுப் பேருந்துகளில் இலவசமாகத் தொழிலாளர்கள் திரும்பிச் செல்ல அனுமதிக்கப்படுவார்கள் என்றும் முதல்வர் பி.எஸ். எடியூரப்பா தெரிவித்துள்ளார்.

இதற்கான செலவை அரசே ஏற்கும் என்றும் தெரிவித்துள்ள எடியூரப்பா, ஒரே நேரத்தில் ஏராளமான தொழிலாளர்கள் திரண்டுவிடக் கூடாது என்பது கவலைக்குரிய விஷயம் என்றும் கூறியுள்ளார்.

கரோனா கால ஊரடங்கு மே 4 மேலும் இரு வாரங்களுக்கு நீட்டிக்கப்பட்டதைத் தொடர்ந்து, இந்த முடிவை  கர்நாடக அரசு எடுத்திருக்கிறது.

]]>
Curfew , karanaka https://images.dinamani.com/uploads/user/imagelibrary/2020/5/3/w600X390/Bengaluru.jpg https://www.dinamani.com/latest-news/sub-latest-news/2020/may/03/free-bus-facility-for-stranded-workers-within-karnataka-3411757.html
3411755 தற்போதைய செய்திகள் தற்போதைய செய்திகள் அபுதாபியில் கரோனாவுக்கு சமூக சேவகர் பலி DIN DIN Sunday, May 3, 2020 03:22 PM +0530  

ஐக்கிய அரபு நாடுகளில் அபுதாபியில் வசித்துவந்த சமூக சேவகரான பி.கே. கரீம் ஹாஜி (வயது 62), கரோனா நோய்த் தொற்று காரணமாகக் காலமானார். 

கேரளத்தில் திருவனந்தபுரத்தைச் சேர்ந்தவரான கரீம் ஹாஜி, வணிகர். 40 ஆண்டுகளுக்கும் மேலாக அபுதாபியில் வசித்துவந்தார். கேரளத்திலிருந்து சென்று சாதாரண பணியாளராக வாழ்க்கையைத் தொடங்கி உயர்ந்த நிலைக்கு வந்தவர்.

அபுதாபி கேரள முஸ்லிம் பண்பாட்டு மையத்தின் முன்னாள் தலைவருமான இவர், ஆயிரக்கணக்கானோருக்கு பசிக்கு உணவிடுவது முதல் பல்வேறு உதவிகளைச் செய்துவந்தவர்

ஏற்கெனவே நீரழிவு நோயினால் பாதிக்கப்பட்டிருந்த கரீம் ஹாஜி, கரோனா தொற்றால் உடல் நலம் கெட்டதால், கடந்த வியாழக்கிழமை உயிரிழந்தார்.

இவருக்கு மனைவியும் மூன்று மகன்களும் இருக்கின்றனர்.

 

]]>
died, coronavirus https://images.dinamani.com/uploads/user/imagelibrary/2020/5/3/w600X390/KareemHaji.jpg https://www.dinamani.com/latest-news/sub-latest-news/2020/may/03/social-worker-died-in-abu-dhabi-due-to-coronavirus-3411755.html
3411743 தற்போதைய செய்திகள் தற்போதைய செய்திகள் சிங்கப்பூரில் மேலும் 657 பேருக்கு கரோனா உறுதி, பெரும்பாலானோர் வெளிநாட்டினர்! DIN DIN Sunday, May 3, 2020 02:51 PM +0530  

சிங்கப்பூரில் மேலும் 657 பேருக்குக் கரோனா நோய்த் தொற்று உறுதி செய்யப்பட்டுள்ளது.இவர்களில் பெரும்பாலானவர்கள் வெளிநாடுகளைச் சேர்ந்தவர்கள். இவர்களுடன் சேர்த்து, பாதிக்கப்பட்டவர்களின் எண்ணிக்கை 18,205 ஆக உயர்ந்துள்ளது.

ஆய்வகம் ஒன்றிலிருந்து முடிவுகள் தாமதமாக வருவதால் கடந்த சில நாள்களில் பாதிக்கப்பட்டவர்களின் எண்ணிக்கையில் சற்றுத் தெளிவில்லாமல் இருந்ததாக நல்வாழ்வுத் துறை தெரிவித்துள்ளது.

புதிதாகப் பாதிக்கப்பட்டவர்களில் பெரும்பாலானவர்கள், பணி ஆணைகளைப் பெற்று, தொழிலாளர் கூடங்களில் தங்கியிருப்பவர்கள் என்றும் 10 பேர் சிங்கப்பூர்க் குடிமக்கள் அல்லது நிரந்தரமாகத் தங்கிவிட்டவர்கள் என்றும் அமைச்சகம் குறிப்பிட்டுள்ளது.

]]>
singapore, coronavirus https://images.dinamani.com/uploads/user/imagelibrary/2020/5/3/w600X390/air_singa.jpg https://www.dinamani.com/latest-news/sub-latest-news/2020/may/03/singapore-confirms-657-new-covid-19-cases-total-number-of-infections-rise-to-18205-3411743.html
3411742 தற்போதைய செய்திகள் தற்போதைய செய்திகள் மது ஆலைகள் உற்பத்தி தொடங்க கர்நாடகம் அனுமதி DIN DIN Sunday, May 3, 2020 02:32 PM +0530  

பெங்களூரு: கர்நாடகத்தில் தடை செய்யப்பட்ட பகுதிகள் தவிர்த்து, பிற பகுதிகளில் மது உற்பத்தி, வடிப்பாலைகள், ஒயின் தயாரிப்பாலைகள் உற்பத்தி தொடங்க மாநில அரசு அனுமதியளித்துள்ளது. 

இந்த ஆலைகள் உற்பத்தி தொடங்குவதற்கான அனுமதி ஆணைகளை கர்நாடக சுங்கத் தீர்வை ஆணையர் பிறப்பித்துள்ளார்.

எனினும், இந்தத் தொழிற்சாலைகள் யாவும் மத்திய உள்துறை அமைச்சகம் தெரிவித்துள்ள அனைத்து வழிகாட்டு நெறிமுறைகளையும் பின்பற்ற வேண்டும் என்றும் தெரிவிக்கப்பட்டுள்ளது.

உற்பத்தி வேலைகளை மட்டும் செய்வதற்கே அனுமதி அளிக்கப்பட்டுள்ளது. விநியோகம் போன்றவற்றுக்கு அனுமதி வழங்கப்படவில்லை.

]]>
karnataka, distilleries https://images.dinamani.com/uploads/user/imagelibrary/2020/5/3/w600X390/alcohol.jpg https://www.dinamani.com/latest-news/sub-latest-news/2020/may/03/karnataka-allows-distilleries-to-begin-production-3411742.html
3411312 தற்போதைய செய்திகள் தற்போதைய செய்திகள் ஒலிப்பதிவு மேதை கே. சம்பத் மறைந்தார் ராஜ்கண்ணன் DIN Saturday, May 2, 2020 07:44 PM +0530
'ஏவி எம் சம்பத்' என்றும் 'ஆர் ஆர் தியேட்டர் சம்பத்' என்றும் திரையுலகினரால் குறிப்பிடப்படும் திரைப்பட ஒலிப்பதிவு மேதை கே. சம்பத்தின் மறைவுச் செய்தி மிகவும் துயர் தருகிறது (வயது 87, வெள்ளிக்கிழமை காலமானார்).

திரைப்பட உதவி இயக்குநராக எனக்கு அவரோடு ஏராளமான அனுபவங்கள். எத்தனையோ படங்களுக்கான பாடல் பதிவுகள், பின்னணி இசைக் கோப்புகள்.

மிகுந்த திறமையாளர்; எளிமையானவர்; சிறந்த பண்பாளர்; கண்டிப்பு மிக்கவர்.

திருச்சியில் பிறந்து வளர்ந்தவர். அங்கு இன்டர்மீடியட் படித்து முடித்து, சென்னை வந்து அடையாறு மத்திய பாலிடெக்னிக்கில் ஒலிப்பதிவு பிரிவில் சேர்ந்து பயின்று டிப்ளமோ பெற்றார்.

பின்னர் ஏவி எம் நிறுவனத்தில் பணியில் சேர்ந்தார். அங்கு, இந்தியாவின் தலைசிறந்த ஒலிப்பதிவாளர்களான ராபின் சாட்டர்ஜி, பி.எல். மிஸ்ரா, முகுல் போஸ். ஜே.ஜே. மாணிக்கம் போன்றோரின் கீழ் பணிபுரிந்து, பின், தனித்து ஒலிப்பதிவாளராக உயர்ந்தார்.

அரை நூற்றாண்டு காலம் ஏவி எம் நிறுவனத்தில் பணியாற்றிய இவர், ஏறத்தாழ ஆறாயிரம் பாடல்களைப் பதிவு செய்திருக்கிறார். இவர் அதிகமாகப் பணியாற்றிய இசையமைப்பாளர் எம்.எஸ். விஸ்வநாதன்.

இளையராஜாவின் ஆரம்ப காலப் பாடல்களுக்கெல்லாம் (சற்றொப்ப நூறு படங்கள்) இவர்தான் ஒலிப்பதிவாளர் (பிறகு இளையராஜா ஏவி எம்-மிலிருந்து பிரசாத் ஸ்டுடியோவுக்கு இடம் பெயர்ந்து விட்டார்.)

சிறந்த திரைப்பட ஒலிப்பதிவாளருக்கான தமிழக அரசின் விருதை மூன்று முறை பெற்றுள்ளார் சம்பத்.

தேசிய விருது ஒருமுறை ('எந்நு ஸொந்தம் ஜானகிக்குட்டி' என்ற மலையாளப் படத்திற்காக) பெற்றுள்ளார்.

சம்பத் மறைந்திருக்கலாம்; அவர் பதிவு செய்த பாடல்கள் ஒலிக்காமல் ஒருநாளும் கழியாது.

]]>
https://images.dinamani.com/uploads/user/imagelibrary/2020/5/2/w600X390/sampath.jpg https://www.dinamani.com/latest-news/sub-latest-news/2020/may/02/obit---soundtrack-master-k-sampath-3411312.html
3411240 தற்போதைய செய்திகள் தற்போதைய செய்திகள் ஐரோப்பாவில் 15 லட்சத்தைத் தாண்டியது கரோனா பாதிப்பு! பலி - 1.4 லட்சம்!! DIN DIN Saturday, May 2, 2020 06:28 PM +0530  

ஐரோப்பாவில் கரோனா நோய்த் தொற்றால் பாதிக்கப்பட்டவர்களின் எண்ணிக்கை 15 லட்சத்தைத் தாண்டியது, உயிரிழந்தவர்களின் எண்ணிக்கை 1.4 லட்சம்.

மிக மோசமாகப் பாதிக்கப்பட்டுள்ள ஐரோப்பா கண்டத்தில் சனிக்கிழமை மதியம் 1 மணி நிலவரப்படி, நோய்த் தொற்றால் பாதிக்கப்பட்டவர்கள் - 15,06,853. உயிரிழந்தவர்களின் எண்ணிக்கை 1,40,260. பாதிக்கப்பட்டவர்களில் 9.3 சதவிகிதத்தினர் உயிரிழக்கின்றனர்.

சனிக்கிழமை மாலை நிலவரப்படி உலகம் முழுவதும் 34,22,595 பேர் நோய்த் தொற்றால் பாதிக்கப்பட்டுள்ளனர். பலி - 2,40,338 (7 சதவிகித உயிரிழப்பு).

பல நாடுகளில் கரோனாவால் பாதிக்கப்பட்ட அனைவருக்கும் பரிசோதனைகள் செய்யப்படுவதில்லை. மிகவும் மோசமான நிலையில் இருப்பவர்களுக்கு மட்டுமே சோதனைகளைச் செய்கின்றனர்.

]]>
coronavirus, europe https://images.dinamani.com/uploads/user/imagelibrary/2020/5/2/w600X390/europe.png https://www.dinamani.com/latest-news/sub-latest-news/2020/may/02/coronavirus-cases-in-europe-cross-15-million-3411240.html
3411199 தற்போதைய செய்திகள் தற்போதைய செய்திகள் அமைச்சர் திண்டுக்கல் சீனிவாசன் மனைவி மறைவு DIN DIN Saturday, May 2, 2020 01:55 PM +0530  

தமிழக வனத்துறை அமைச்சர் திண்டுக்கல் சி. சீனிவாசனுடைய மனைவி கண்ணாத்தாள் (67) காலமானார்.

திண்டுக்கல் நாகல் நகரில் உள்ள அவரது இல்லத்தில் சனிக்கிழமை  காலையில் காலமானார். கண்ணாத்தாள் மறைவு குறித்த தகவல் தமிழக அமைச்சரவைக் கூட்டத்தில் பங்கேற்கச் சென்றிருந்த அமைச்சர் சீனிவாசனுக்குத் தெரிவிக்கப்பட்டது. தொடர்ந்து அவர் சென்னையிலிருந்து திண்டுக்கல் புறப்பட்டார். இறுதிச் சடங்குகள் சனிக்கிழமை மாலை 5 மணிக்கு நடைபெறும் எனக் குடும்ப வட்டாரங்கள் தெரிவித்தன.

]]>
obit https://images.dinamani.com/uploads/user/imagelibrary/2020/5/2/w600X390/mrs_sri.jpg https://www.dinamani.com/latest-news/sub-latest-news/2020/may/02/obit-mrs-dindugal-srinivasan-3411199.html
3410895 தற்போதைய செய்திகள் தற்போதைய செய்திகள் கரோனா: சிவப்பு மண்டலத்தில் திருப்பதி DIN DIN Friday, May 1, 2020 08:20 PM +0530  

திருப்பதி: திருப்பதி அமைந்துள்ள சித்தூா் மாவட்டத்தில் கரோனா தொற்றால் பாதிக்கப்பட்டோா் எண்ணிக்கை அதிகரித்து வருவதால் இந்த மாவட்டம் சிவப்பு மண்டலப் பகுதியாக அறிவிக்கப்பட்டுள்ளது.

ஆந்திர மாநிலம் சித்தூா் மாவட்டத்தில் தற்போது கரோனாவால் பாதிக்கப்பட்டவா்களின் எண்ணிக்கை 80-ஆக உயா்ந்துள்ளது. அவா்களில் 29 போ் குணமடைந்து வீடு திரும்பியுள்ள நிலையில் 51 போ் சிகிச்சை பெற்று வருகின்றனா்.

மாநிலத்தில் கரோனாவால் பாதிக்கப்பட்ட பகுதிகளை சிவப்பு, ஆரஞ்சு, பச்சை என 3 மண்டலங்களாக மாநில அரசு பிரித்துள்ளது. அதன்படி சித்தூா் மாவட்டம் சிகப்பு மண்டலமாக அறிவிக்கப்பட்டுள்ளது. இந்த மாவட்டத்தில் உள்ள திருப்பதியும் இதில் அடங்கும்.

திருமலையில் இதுவரை கரோனா பதிவாகாத நிலையில் பச்சை மண்டலத்தில் உள்ளது. ஆனால் திருமலைக்கு திருப்பதி வழியாக செல்ல வேண்டி உள்ளதால் மலைக்குச் செல்ல பல கட்டுப்பாடுகள் விதிக்கப்பட்டுள்ளது. திருமலையில் வசிப்பவா்களும் மலைச்சாலையில் பயணிக்க தடை விதிக்கப்பட்டுள்ளது. அவசர வேலைகளுக்காக பயணம் செய்ய நோ்ந்தால் அவா்கள் மாலை 6 மணிக்குள் திருமலைக்கு சென்று விட வேண்டும் என்று போலீஸாா் உத்தரவிட்டுள்ளனா்.

]]>
https://images.dinamani.com/uploads/user/imagelibrary/2020/4/25/w600X390/Corona_PTI21S.jpg https://www.dinamani.com/latest-news/sub-latest-news/2020/may/01/corona-tirupati-in-the-red-zone-3410895.html
3410766 தற்போதைய செய்திகள் தற்போதைய செய்திகள் கொல்லும் கரோனா, சாகும் மனிதாபிமானம்; வீதியில் இறந்துகிடந்த மனிதர் DIN DIN Friday, May 1, 2020 11:53 AM +0530  

கரோனாவால் உலகில் ஒருபக்கம் மனிதர்கள் இறந்துகொண்டிருக்கும் அதேவேளையில் இன்னொரு பக்கம் மனிதாபிமானமும் செத்துக்கொண்டிருக்கிறது.

சென்னையில் 53 வயதான ஒருவருக்கு மரணம் வந்ததும் இறந்த பிறகும் அவருக்கு நேர்ந்த கொடுமைகளும் சொல்லி மாளாதவை.

ரவி என்கிற அவர் தினக்கூலித் தொழிலாளி. சென்னை சென்ட்ரல் ரயில் நிலையத்துக்கு அருகே வேலை பார்த்துக்கொண்டு, அருகிலேயே ஓர் அறையில் நண்பர்களுடன் தங்கியிருந்தார்.

கரோனா அச்சத்தால் பொது முடக்கம் அறிவிக்கப்பட்டதும் வேலையும் இல்லை சோறும் இல்லை என்பதால் ஜாபர்கான்பேட்டையிலுள்ள அவருடைய சகோதரியின் வீட்டுக்குச் சென்று தங்கியிருக்கிறார்.

கடந்த செவ்வாய்க்கிழமை அவருக்குக் கடுமையான சளிப் பிடித்திருக்கிறது. உடனே அருகிலிருந்தவர்கள், அவருக்கு கரோனா தொற்றியிருக்கலாம் என சந்தேகப்பட்டு மாநகராட்சிக்குத் தகவல் தெரிவித்திருக்கின்றனர். உடனே ஆம்புலன்ஸ் வந்திருக்கிறது. மருத்துவமனைக்கு அழைத்துச் சென்று பரிசோதனைக்காகச் சளி மாதிரிகளை எடுத்துக்கொண்டு, மாலையில் மீண்டும் ஆம்புலன்ஸில் வீட்டிலேயே கொண்டுவந்து விட்டுவிட்டனர்.

பிரச்சினை அப்போதுதான் தொடங்கியிருக்கிறது. அவருடைய சகோதரியின் வீட்டைச் சுற்றியிருப்பவர்களும் வீட்டு உரிமையாளரும் ரவியை வீட்டுக்குள் அனுமதிக்க மறுத்துவிட்டனர்.

வேறு வழியில்லை. வீட்டை விட்டு வெளியேவந்துவிட்ட ரவி, அருகே தெருவோரத்தில்  தங்கியிருந்திருக்கிறார்.

வியாழக்கிழமை காலை மாநகராட்சி ஊழியர்கள் வீடுவீடாக கரோனா தொற்று இருக்கிறதா என்றறிய விசாரித்துவாறு சென்றிருக்கின்றனர். அப்போது ரவி, அவருடைய சகோதரி வீட்டிலிருந்து 100 மீட்டர் தொலைவில் அப்பாதுரை தெருவில் படுத்துக் கிடந்திருக்கிறார். இந்த சம்பவம் நடந்தது காலை 8.30 மணி வாக்கில். அவரைக் கேட்டபோது, கரோனா சோதனைக்காக சளி மாதிரி கொடுத்திருப்பதாகத் தெரிவித்துள்ளார். உடனடியாக, அவரை கரோனா காப்பகத்துக்கு அனுப்பும்  முயற்சியில் 104 ஆம்புலன்ஸை அழைத்துள்ளனர். ஆனால், ஒரு மணி நேரம் கழித்துதான் ஆம்புலன்ஸ் வந்து சேர்ந்திருக்கிறது. இதனிடையே, ரவி இறந்தேபோய்விட்டார்.

இப்போது அடுத்த துயரம்.

ரவியின் கரோனா பரிசோதனை முடிவுகள் தெரியாத நிலையில், அவர் எந்த எல்லைக்குள் வருகிறார், அவருடைய உடலை என்ன செய்வது, யார் அடக்கம் செய்வது? ஏறத்தாழ எட்டு மணி நேரம் தொடர்ந்திருக்கிறது இந்தக் குழப்பம்.

104 ஆம்புலன்ஸ் டிரைவரோ இறந்துவிட்டவரின் உடலை எடுத்துச் செல்ல முடியாது என்று மறுத்துவிட்டார். இவருடைய உடலை என்ன செய்வது என்பது பற்றி மருத்துவமனை ஊழியர்கள் முடிவு செய்வதா, மாநகராட்சி ஊழியர்கள் முடிவு செய்வதா, அவருக்கு கரோனா தொற்று இருக்கிறதா, இல்லையா என்று எல்லாருமாகக் குழம்(ப்)பியிருக்கின்றனர்.

கடைசியாக, மாநகராட்சியின் கோடம்பாக்கம் மண்டல அலுவலர்கள், காவல்துறையினர் உதவியுடன், 108 ஆம்புலன்ஸ் சேவையைப் பயன்படுத்தி, ரவியின் உடலை அகற்றிச் சென்றுள்ளனர். நேரம் மாலை 4.40 மணி இருக்கலாம்.

சென்னை ராஜீவ் காந்தி அரசு மருத்துவமனை அமரர் அறைக்கு ரவியின் உடல் சென்றடைந்தது.

இதில் சம்பந்தப்பட்ட அனைவரும் கரோனா தடுப்புக் கவசங்களை அணிந்துகொண்டனர். கரோனா தொற்று இருந்தால் என்னென்ன  முறைகளைப் பின்பற்ற வேண்டுமோ அதன்படி அனைத்தும் செய்யப்பட்டன. அந்தப் பகுதி முழுவதும் கிருமிநாசினி தெளிக்கப்பட்டது.

ரவியின் இறுதிச் சடங்குகளைத் தன்னுடைய வீட்டில் நடத்தக் கூடாது என்று மாநகராட்சியினரிடம் வீட்டு உரிமையாளர் தெரிவித்துவிட்டார். இந்த நிலையில் ரவியின்  சகோதரியும் அவருடைய உடலை எடுத்துச் செல்ல இயலாதெனத் தெரிவித்துவிட்டார்.

இறந்த ரவியின் குடும்பத்தினரின் எழுத்துமூல ஒப்புதல் அளிக்காதவரை அவருடைய சடலத்தைப் புதைக்கவும் இயலாது என்பதால் மாநகராட்சி அலுவலர்கள், அவருடைய உறவினர்கள் பற்றி விசாரித்துக் காத்திருக்கின்றனர்.

இதனிடையே, வியாழக்கிழமை காலையிலேயே அவருடைய பரிசோதனை முடிவு வந்திருக்கிறது - ரவிக்குக் கரோனா தொற்று இல்லை!

]]>
coronavirus, die-on-road https://images.dinamani.com/uploads/user/imagelibrary/2020/5/1/w600X390/man.jpg https://www.dinamani.com/latest-news/sub-latest-news/2020/may/01/man-refused-shelter-over-cough-left-to-die-on-road-3410766.html
3410289 தற்போதைய செய்திகள் தற்போதைய செய்திகள் மனிதர்களால் உருவாக்கப்பட்டதல்ல கரோனா வைரஸ்: அமெரிக்க உளவு அமைப்பு DIN DIN Thursday, April 30, 2020 09:26 PM +0530 சீனாவிலிருந்து தோன்றியதாகக் கருதப்படும் கரோனா வைரஸ், மனிதர்களால் உருவாக்கப்பட்டதும் அல்ல, மரபணுரீதியாக மாற்றம் செய்யப்பட்டதுமல்ல என்று முதல்முறையாக அமெரிக்க உளவு நிறுவனம்  வியாழக்கிழமை தெரிவித்துள்ளது.

அறிவியலாளர்கள் கருதுவதைப் போலவே மனிதர்களால் உருவாக்கப்பட்டதல்ல என்பதிலும் மரபணுரீதியாக மாற்றம் செய்யப்பட்டதல்ல என்பதிலும் உளவு அமைப்பும் உடன்படுவதாக அறிக்கையொன்றில் அமெரிக்காவின் தேசிய உளவு இயக்குநர் அலுவலகம் தெரிவித்துள்ளது.

கரோனா வைரஸ், தொற்றுக்குள்ளான விலங்குகளுடனான தொடர்பில் மனிதர்கள் மத்தியில் பரவத் தொடங்கியதா அல்லது வூஹானிலுள்ள ஆய்வுக் கூடத்தில் நேரிட்ட விபத்தொன்றில் விளைவா என்பதைக் கண்டறிவதில் கிடைக்கக்கூடிய அனைத்துத் தகவல்களையும் உளவுத் துறை தீவிரமாக ஆராயும் என்றும்  தெரிவிக்கப்பட்டுள்ளது.

சீன விஞ்ஞானிகளால் சீன அரசுக்குச் சொந்தமான உயிரி ஆயுத ஆய்வகத்தில் உருவாக்கப்பட்டுவந்த நிலையில் அங்கிருந்து கசிந்து பரவியதுதான் புதிய கரோனா வைரஸ் என்று சீன எதிர்ப்பு செயற்பாட்டாளர்களும் அமெரிக்க அதிபர் டொனால்ட் டிரம்ப்பின் சில ஆதரவாளர்களும் கூறிவரும் நிலையில் நேர்மாறாக உளவு அமைப்பின் அறிக்கை வெளியாகியிருக்கிறது.

]]>
coronavirus, not manmade https://images.dinamani.com/uploads/user/imagelibrary/2020/4/30/w600X390/co3.jpg https://www.dinamani.com/latest-news/sub-latest-news/2020/apr/30/coronavirus-was-not-manmade-us-intelligence-3410289.html
3410184 தற்போதைய செய்திகள் தற்போதைய செய்திகள் மாலத்தீவில் கரோனாவுக்கு முதல் பலி DIN DIN Thursday, April 30, 2020 11:57 AM +0530  

மாலி: மாலத்தீவில் கரோனா நோய்த் தொற்று காரணமாக முதன்முதலாக ஒருவர் உயிரிழந்துள்ளார்.

மாலத்தீவில் இதுவரை 289 பேர் நோய்த் தொற்றால் பாதிக்கப்பட்டு சிகிச்சை பெற்று வருகின்றனர்.

தலைநகர் மாலியில் கரோனா பாதிப்பால் 83 வயதுப் பெண் ஒருவர் இறந்ததாக மாலத் தீவின் நல்வாழ்வுத் துறை அமைச்சர் அப்துல்லா அமீன் தெரிவித்துள்ளார்.

இந்தியப் பெருங்கடலில் இருக்கும் சுற்றுலா நாடான மாலத்தீவில் கட்டுப்பாட்டில் இருந்த கரோனா, திடீரென அதிகரித்திருக்கிறது. எங்கிருந்து, யாரிடமிருந்து தொற்று பரவியது என இன்னமும் கண்டுபிடிக்க முடியவில்லை. 

]]>
maldives, coronavirus https://images.dinamani.com/uploads/user/imagelibrary/2020/4/30/w600X390/maldiv.JPG https://www.dinamani.com/latest-news/sub-latest-news/2020/apr/30/maldives-reports-first-covid-19-death-3410184.html
3409637 தற்போதைய செய்திகள் தற்போதைய செய்திகள் இளைஞரைத் தாக்கிய ஊர்க்காவலர் பணியிடை நீக்கம் DIN DIN Wednesday, April 29, 2020 03:12 PM +0530  

ஆந்திரத்தில் கோல்கொண்டாவில் பொதுமக்களில் ஒருவரைத் தாக்கி ரத்தகாயமேற்படுத்திய காவலர் பணியிடை நீக்கம் செய்யப்பட்டார்.

கோல்கொண்டாவில் ஏழை எளிய மக்களுக்கு உணவளித்துவிட்டுத் திரும்பி வந்துகொண்டிருந்த இளைஞர் ஒருவரை, ஊரடங்கு உத்தரவை மீறியதாக ஊர்க் காவலர்  ஹனுமந்து என்பவர்  தாக்கியுள்ளார். இதில் அந்த இளைஞர் ரத்தக் காயமுற்றார்.

இதுபற்றித் தகவலறிந்த ஹைதராபாத் நகர காவல் ஆணையர் அஞ்சனி குமார், தவறாக நடந்துகொண்ட ஊர்க்காவலரைப் பணியிடைநீக்கம் செய்ததுடன், அதுபற்றித் தமது சுட்டுரையிலும் தெரிவித்துள்ளார்.

மேலும், தனக்குக் கீழே பணிபுரிவோருக்குத் தக்க விதத்தில் பணியாற்ற அறிவுறுத்தாததற்காக கோல்கொண்டா காவல்நிலைய அலுவலருக்கும் குற்றச்சாட்டுக் கடிதம் அளிக்கப்பட்டுள்ளது.

]]>
Cop, suspended https://images.dinamani.com/uploads/user/imagelibrary/2018/2/12/w600X390/attack.jpg https://www.dinamani.com/latest-news/sub-latest-news/2020/apr/29/cop-suspended-for-beating-up-civilian-in-telangana-3409637.html
3409621 தற்போதைய செய்திகள் தற்போதைய செய்திகள் ஆர்க்காடு நகர்ப்புற ஆரம்ப சுகாதார நிலையத்திற்கு முகக் கவசங்கள் DIN DIN Wednesday, April 29, 2020 02:27 PM +0530  

ராணிப்பேட்டை ஸ்ரீராமானுஜர் ஆன்மிக அறக்கட்டளை சார்பில் ஆர்க்காடு நகர்ப்புற ஆரம்ப சுகாதார நிலையத்தில் பணிபுரியும் மருத்துவர்கள்,  செவிலியர்கள், மருத்துவ அலுவலர்கள், பணியாளர்களுக்கு முகக் கவசங்கள் வழங்கப்பட்டன.

ஸ்ரீ ராமானுஜர் ஆன்மிக அறக்கட்டளையின் செயலாளர் சிவலிங்கம் தலைமையில் அறக்கட்டளையின் நிறுவனர் தலைவர் வெங்கடேசன்,  ரெட்கிராஸ் சங்க மாநில கருத்தாளர் கிருபானந்தன் ஆகியோர் முன்னிலையில் ஆரம்ப சுகாதார நிலைய  மருத்துவ அலுவலர் ஜெயப்பிரகாஷ் அவர்களிடம் 200 முகக் கவசங்கள் வழங்கப்பட்டன.

இந்த நிகழ்ச்சியில் ஆர்க்காடு முன்னாள் நகரமன்ற உறுப்பினர் சுரேஷ்,  அறக்கட்டளை உறுப்பினர் புகழேந்தி உள்பட பலர் கலந்துகொண்டனர்.

]]>
mask, arcot https://images.dinamani.com/uploads/user/imagelibrary/2020/4/29/w600X390/arcot.jpg https://www.dinamani.com/latest-news/sub-latest-news/2020/apr/29/masks-to-primary-health-centers-arcot-3409621.html
3409598 தற்போதைய செய்திகள் தற்போதைய செய்திகள் 'கிம் உயிருடன் இருக்கிறார்; ஆனால், நிற்கவோ, நடக்கவோ முடியாது' DIN DIN Wednesday, April 29, 2020 01:51 PM +0530  

வட கொரிய அதி உயர் தலைவரான கிம் ஜோங் உன் உயிருடன் இருப்பதாகவும் ஆனால், உடல் நலக் குறைவு காரணமாக அவரால் நிற்கவோ, நடக்கவோ இயலாது என்றும்  வட கொரியாவிலிருந்து வெளியேறிய முன்னாள் உயர் அரசு அலுவலர் ஒருவர் தெரிவித்துள்ளார்.

வட கொரிய தூதரகப் பணியிலிருந்தும் அந்த நாட்டை விட்டும் வெளியேறிய தே யோங் ஹோ, தற்போது தென் கொரியாவில் அரசியல் செயற்பாடுகளில் ஈடுபட்டு வருகின்றார்.

ஏப்ரல் 11 ஆம் தேதிக்குப் பிறகு பொது நிகழ்ச்சிகளில் எதிலும் கிம் பங்கேற்காத நிலையில், இதய அறுவைச் சிகிச்சையைத் தொடர்ந்து, அவர் இறந்துவிட்டார் என்றும் கோமா நிலையில் இருக்கிறார் என்றும் ஏராளமான உறுதியற்ற செய்திகள் பரவி வருகின்றன.

ஏப். 15 ஆம் தேதி நடைபெற்ற வட கொரிய நிறுவனரும் கிம்மின் தாத்தாவுடமான கிம் இல் சுங் பிறந்த நாள் விழாவில் பங்கேற்காததிலிருந்து கிம்மிற்கு உடல் நலமில்லை அல்லது காயம்பட்டிருக்கிறார் என்பது மட்டும் உறுதி என்று தே யோங் ஹோ குறிப்பிட்டுள்ளார்.

சிஎன்என் செய்தி நிறுவனத்துக்கு அளித்துள்ள பேட்டியொன்றில், அவருக்கு உண்மையிலேயே ஏதாவது அறுவைச் சிகிச்சையோ வேறு ஏதேனும் நடந்ததா என்று தெரியவில்லை. ஆனால், ஒரு விஷயம் தெளிவு, அவரால் தானாக எழுந்து நிற்கவோ, நடக்கவோ முடியாது என்று தெரிவித்துள்ளார்.

தன்னுடைய கருத்துக்கு ஆதரவாக எவ்வித சான்றையும் அவர் அளிக்கவில்லை என்றபோதிலும், உடல் பருமன் பிரச்சினையால் கிம் ஜோங் உன் அவதிப்பட்டு வருகிறார் என்பது குறிப்பிடத் தக்கது.

]]>
kim-jong-un, alive https://images.dinamani.com/uploads/user/imagelibrary/2020/4/26/w600X390/kim101342.jpg https://www.dinamani.com/latest-news/sub-latest-news/2020/apr/29/kim-jong-un-is-alive-but-cannot-stand-up-3409598.html
3409013 தற்போதைய செய்திகள் தற்போதைய செய்திகள் முழு ஊரடங்கால் 3ஆவது நாளாக வெறிச்சோடியது திருப்பூர் DIN DIN Tuesday, April 28, 2020 06:12 PM +0530
திருப்பூர்: கரோனா நோய்த் தொற்று பரவலைக் கட்டுப்படும் வகையில் முழு ஊரடங்கு அமல்படுத்தப்பட்டுள்ளதால் திருப்பூர் மாநகரம் 3 ஆவது நாளாக இன்று (செவ்வாய்க்கிழமை) வெறிச்சோடிக் காணப்பட்டது.

கரோனா நோய்த் தொற்று பரவலைக் கட்டுப்படுத்தும் வகையில் தமிழகம் முழுவதிலும் கடந்த மார்ச் 25ஆம் தேதி முதல் மே 3ஆம் தேதி வரையில் 144 ஊரடங்கு உத்தரவு அமல்படுத்தப்பட்டுள்ளது. எனினும் அத்தியாவசியத் தேவைகளுக்கு மட்டும் விலக்கு அளிக்கப்பட்டிருந்தது. இந்த நிலையில், திருப்பூர் உள்ளிட்ட 5 மாநகரங்களில் முழுமையான ஊரடங்கை அமல்படுத்த வேண்டும் என்று தமிழக அரசு உத்தரவிட்டது. இதன்படி திருப்பூர் மாநகர பகுதிகளில் கடந்த ஞாயிற்றுக்கிழமை முதல் முழுமையான ஊரடங்கு கடைபிடிக்கப்படுகிறது. இதனால் திருப்பூர் மாநகரம் கடந்த 2 நாள்களாக வெறிச்சோடிக் காணப்பட்டது.

3 ஆவது நாளாக வெறிச்சோடியது திருப்பூர்:

இதனிடையே முழுமையான ஊரடங்கின் கடைசி நாளான இன்று (செவ்வாய்க்கிழமை) காலை முதலே காவல் துறையினர் தீவிர ரோந்துப்பணியில் ஈடுபட்டனர்.

திருப்பூர் பழைய பேருந்து நிலையம், ரயில் நிலையம், புதிய பேருந்து நிலையம், காங்கயம் சாலை, தாராபுரம் சாலை, பல்லடம் சாலை உள்ளிட்ட அனைத்து பகுதிகளும் வெறிச்சோடிக் காணப்பட்டது. மேலும், மாநகரில் அனைத்துக் கடைகளும் அடைக்கப்பட்டிருந்ததால் ஆள் நடமாட்டம் இல்லாமல் வெறிச்சோடிக் காணப்பட்டது.

]]>
https://images.dinamani.com/uploads/user/imagelibrary/2020/4/28/w600X390/Trupur.jpeg https://www.dinamani.com/latest-news/sub-latest-news/2020/apr/28/tiruppur-curfew-third-day-3409013.html
3409005 தற்போதைய செய்திகள் தற்போதைய செய்திகள் ஊரடங்கு: சேலம் மக்கள் அவதி - (படங்கள்) DIN DIN Tuesday, April 28, 2020 05:32 PM +0530  

சேலம்: கரோனா பரவலைத் தடுக்க ஊரடங்கு அமலானதால் சேலம் மாநகராட்சிப் பகுதிகள் முழுவதும் வெறிச்சோடிக் காணப்பட்டன. 

முழு ஊரடங்கு உத்தரவை தொடர்ந்து மதிய உணவுக்காக நீண்ட வரிசையில் காத்திருக்கும் பொதுமக்கள்.இடம் சேலம் நான்கு சாலை, முல்லாகாடு. படம்: வே.சக்தி.

 

முழு ஊரடங்கு உத்தரவை தொடர்ந்து மதிய உணவுக்காக நீண்ட வரிசையில் காத்திருக்கும் பொதுமக்கள். இடம் சேலம் நான்கு சாலை,  முல்லாகாடு. படம்: வே.சக்தி.

 

சேலத்தில் முழு ஊரடங்கு உத்தரவை தொடர்ந்து கொண்டலாம்பட்டி பட்டர்பிளை மேம்பாலம் வெறிச்சோடியது. படம்: வே.சக்தி.
 

 

 

சேலத்தில், நெத்திமேடு பெருமாள் மலை பகுதியில் கருமேகம் திரண்டு மழை கொட்டியது. படம்: வே.சக்தி.

 

 

கரோனா வைரஸ் பரவிவரும் அச்சத்தால் பசு மாடு மற்றும் நாய்க்கு முகக்கவசம் அணிவித்தப்படி சேலம் மாவட்ட ஆட்சியர் அலுவலகம் அருகே உள்ள கால்நடை மருத்துவமனைக்கு சிகிச்சைக்காக அழைத்து வந்த  பொதுமக்கள்.  படம்: வே.சக்தி.

 

எப்போதும் பயணிகள் மற்றும் பேருந்துகள் சூழ்ந்த நிலையில் செயல்பட்டு வந்த சேலம் புதிய பேருந்து நிலையம் ஊரடங்கு உத்தரவால் வெறிச்சோடியது. படம் வே.சக்தி.

 

]]>
https://images.dinamani.com/uploads/user/imagelibrary/2020/4/28/w600X390/bridge.jpeg ஊரடங்கு உத்தரவை தொடர்ந்து வாகன இன்றி வெறிச்சோடி காணப்படும் சேலம் சீலநாயக்கன்பட்டியில் இருந்து பெங்களூர் - நாமக்கல் மற்றும் சென்னை செல்லும் மேம்பால சாலை. படம் வே.சக்தி. https://www.dinamani.com/latest-news/sub-latest-news/2020/apr/28/curfew-salem-people-face-the-heat-3409005.html
3408992 தற்போதைய செய்திகள் தற்போதைய செய்திகள் காணாமல்போய்விட்ட பேனா நிப் தொழிற்சாலைகள்: சாத்தூரின் துயரம் கே. எஸ். இராதாகிருஷ்ணன் DIN Tuesday, April 28, 2020 04:24 PM +0530  

சாத்தூரில் சுமார் 45 ஆண்டுகளுக்கு முன் 300-க்கும் அதிகமான பேனாக்களில் பொருத்தும் நிப் தயாரிக்கும் தொழிற்சாலைகள் இருந்தன, ஆனால், இப்போது இவற்றின் எண்ணிக்கை விரல்கூட விட முடியாத அளவுக்கு குறைந்துவிட்டது.

அரசு மானியம் இல்லாததும், 'லெட்', 'பால்பாயின்ட்', ஜெல் பேனாக்களின்  வருகையாலும் சாத்தூரில் செயல்பட்டு வந்த 300-க்கும் மேற்பட்ட பேனா நிப் தொழிற்சாலைகள் இன்று வெறும் மூன்றாக குறைந்துள்ளன.

பேனாவில் தேய்மானம் என்பது அதன் நிப் மட்டுமே என்பதால் நிப்பை மாற்றினால் போதும், பேனாவைத் தொடர்ந்து பயன்படுத்த முடியும். இதனால் ஒருகாலத்தில் பேனாவைவிட பேனா நிப்களின் தேவை அதிகமாக இருந்தது. எங்கள் கிராமத்தை சேர்ந்த கருப்பையா ஆசாரி மகன்கள் எனது பள்ளி தோழர்கள் சுப்பிரமணி, மாணிக்கம் ஆகிய இருவர் சாத்தூரில் நிப் கம்பெனி நடத்தினர்.

இந்தத் தொழிற்சாலைகளுக்கெல்லாம் என்ன நேர்ந்தது, எப்படி நேர்ந்தது, இப்போது என்ன நிலைமை என்று விசாரித்தபோது ஏராளமாகத் தெரிவித்தார்கள் அவர்கள்.

விருதுநகர் மாவட்டம் சாத்தூர் மற்றும் சுற்றுப் பகுதிகளில் கடந்த 50 ஆண்டுகளுக்கு முன் 300க்கு மேற்பட்ட பேனா நிப் தயாரிக்கும் தொழிற்சாலைகள் செயல்பட்டு வந்தன. 2,500க்கும் மேற்பட்டோர் இந்தத் தொழிலில் ஈடுபட்டு வந்தனர்.

அந்தக் காலகட்டத்தில் நிப் தொழிலாளர்கள் நாள் ஒன்றுக்கு இரண்டு ஷிப்ட் ஆக இரவுபகலாக வேலை பார்த்தனர். ஒருகாலத்தில் வழங்கப்பட்ட மானியம் பின்னர் நிறுத்தப்பட்டு விட்டது.

அனைத்துத் துறை அலுவலர்கள் மை பேனா பயன்படுத்தி வந்தனர். பேனாவில் அதிகம் தேய்மானம் ஆகும் பகுதி அதன் நிப். இதனால், பேனா நிப்களின் தேவை அதிகமாக இருந்தது. அதன் காரணமாக விருதுநகர் மாவட்டம் சாத்தூரில் மட்டும் 1962 ஆம் ஆண்டில் 250-க்கும் மேற்பட்ட பேனா நிப் தயாரிக்கும் தொழிற்சாலைகள் இருந்திருக்கின்றன.

சாத்தூரைச் சுற்றியுள்ள சுமார் 20-க்கும் மேற்பட்ட கிராமங்களைச் சேர்ந்த சுமார் 2,500 தொழிலாளர்கள் இவற்றில் பணிபுரிந்து வந்துள்ளனர். தென்னிந்திய அளவில் சாத்தூரில் மட்டுமே நிப் தொழிற்சாலைகள் இருந்தது குறிப்பிடத்தக்கது.

அமெரிக்கா, ரஷியா முதலான நாடுகளிலிருந்து பேனா நிப் தயாரிப்புத் தொழிலுக்காக மானிய விலையில் எவர்சில்வர் தகடுகள் வழங்கப்பட்டன.

நிப் தொழிலை, சாத்தூரில் 1950-ஆம் ஆண்டுகளில் தொடங்கியுள்ளனர்.  இந்தக் காலகட்டங்களில் இராஜகோபால ஆசாரி என்பவர், தன்னுடன் மேலும் சிலரையும் சேர்த்துக்கொண்டு,பேனா நிப் தயாரிக்கிற தொழிலில் முதன்முதலாக ஈடுபட்டார். இவர் பித்தளையில்தான் முதலில் நிப்புகளைத் தயாரித்துள்ளார். பித்தளையில் நிப் தயாரிப்பதால், உற்பத்திச் செலவுகள் அதிகமானது, இதனால் சேலம் உருக்காலையிலிருந்து கழிவுத் தகடுகளை வாங்கிக்கொண்டு வந்து, அவற்றில் நிப்களைத் தயாரித்தார் அவர்.

இந்தத் தொழிலில் இவர் கண்ட வெற்றியைப் பார்த்து, அழகர்சாமி ஆசாரி என்பவரும் நிப் தயாரிப்புத் தொழிலில் இறங்கினார். இவருடன், இவரது புதல்வரான மனோகரன் ஆசாரியும், சகோதரர் வரதராஜ ஆசாரியும் இணைந்து இத்தொழிலை இன்னும் வேகமாக முன்னெடுத்துச் சென்றனர்.

இதைத் தொடர்ந்து சுத்தியல் மற்றும் வெட்டு இரும்பால் தகடுகளைத் துண்டாக்கி நிப் தயாரித்த நிலையை மாற்றி, இதற்கென்றே கையால் இயக்கக் கூடிய எந்திரத்தையும் உருவாக்கி, அதன் மூலமாக நிப்புகள் உற்பத்தியை அதிகரித்து, ராஜஸ்தானில் உள்ள நிப் வியாபாரி ஒருவருடன் சந்தைப்படுத்தும் தொடர்பை உண்டாக்கிக் கொண்டு தயாரிக்கிற நிப்புகளை அவருக்கு  விற்பனை செய்தனர்.

பின்பு இராஜகோபால ஆசாரி மற்றும் அழகர்சாமி ஆசாரி ஆகியோரிடம்  கூலி முறையில் வேலை பார்த்து வந்த தொழிலாளர்கள், தனித்தனியாக நிப்  தயாரிக்கிற இயந்திரத்தை வைத்து குடிசைத் தொழில் போல தனித் தனியாகத் தொழிலைத் தொடங்கினர்.

சாத்தூரில் நிப் கம்பெனிகளின் எண்ணிக்கை, சீக்கரமே 20 ஆக உயர்ந்தது. 1975 முதல் 1985 வரையிலான பத்தாண்டு கால இடைவெளியில் மொத்தம் 150 நிப்  கம்பெனிகள் சாத்தூரில் உருவாயின. இந்த 150 கம்பெனிகளில் 2000-க்கும் அதிகமான கூலித் தொழிலாளர்கள் வேலை பார்த்தனர். இந்த வேகமான வளர்ச்சிக் காலம்தான் நிப்புத் தொழிலின் பொற்காலம்.

தொழிலாளர்களுக்கும் குறைவின்றிக் காசு புழங்கும் தொழிலாய் இது இருந்தது. நாள் ஒன்றுக்கு இரண்டு ஷிஃப்ட் பகல் இரவு என வேலை பார்த்து, தினமும் 500 ரூபாய் வரையில் இரட்டிப்பாகக் பெற்றனர்.

பேபி மாடல், 2 ஆம் நம்பர் நிப், 3 ஆம் நம்பர் நிப், 4 ஆம் நம்பர் நிப், ஐந்தரை நம்பர் நிப், உருண்டை நிப், ஆர்ட் நிப் எனப் பலவிதமான ரகங்கள்.  இத் தொழில் இங்கு தொடங்கப்பட்ட காலகட்டங்களில், 144 எண்ணிக்கை கொண்ட நிப்பு ஒரு ‘குரோஸ்’ என நிர்ணயம் செய்யப்பட, குரோஸ் ஒன்றுக்கு 25 பைசா எனவும் கூலி நிர்ணயம் செய்யப்பட்டது. அடுத்தடுத்த  காலகட்டங்களில், ஒரு ரூபாய், ஒன்றரை ரூபாய், இரண்டு ரூபாய் எனக் கூடுதலாக்கப்பட்டது, இதனால் ஆர்வத்துடன் இந்த சீரிய பணியில் ஈடுபட்ட தொழிலாளர்கள், நாள் ஒன்றுக்கு 35 முதல் 40 குரோஸ் வரையில் உற்பத்தித் திறனையும் கூடுதலாக்கினர். தொழிலாளர்களுக்கு நிர்வாகம் வாரம் ஒரு முறை கூலி தந்தது. ஏற்கெனவே இப்பகுதியில் செயல்பட்டுவந்த சேவு உற்பத்தி மற்றும் தீப்பெட்டித் தொழிலுக்கு இணையாக நிப்பு தொழிலும் உயர்ந்தது. இதனால் சாத்தூர் பொருளாதார அந்தஸ்தில் வளர்ச்சி அடைந்தது.

உத்தரப் பிரதேசம் உள்ளிட்ட சில வட மாநிலங்களும் நேபாளமும் மையூற்றி எழுதும் நிப் பேனாக்களை விரும்புகின்றன. ஏன் என்றால் இவ்விடங்களில் மழை, குளிர் காலங்களில் பால் பாயிண்ட் நிரப்பப்பட்டிருக்கும் மை உறைந்துவிடும் என்பதால், இதற்குப் பதிலாக மை நிரப்பிய நிப் பேனாக்களே பயன்படும்.

நிப் தயாரிப்பு துவங்கிய ஆரம்ப காலங்களில் நல்ல வரவேற்பு இருந்தது. 1990 காலகட்டத்தில் பால் பாயின்ட் மற்றும் லெட் பேனாக்களின் வருகையால் மை பேனாக்கள் மற்றும் நிப்புகளின் தேவை குறையத் துவங்கியது. தற்போது மிகக் குறைவான விலையிலேயே மை பேனாவின் தரத்தில் ஜெல் பேனாக்களும் வந்துவிட்டன.

தவிர, குடிசைத் தொழிலில் வரும் இத்தொழிலுக்கு அரசின் சலுகையோ கடனுதவியோ வழங்கப்படுவதில்லை. கூடவே அரசும் நிப் தயாரிப்புக்கு அளிக்கப்பட்டு வந்த மானியத்தையும் நிறுத்திவிட்டதால் தற்போது தொழில் நடத்தவே சிரமமாக உள்ளது. தற்போது மொத்தமே 3 தொழிற்சாலைகள் மட்டுமே 10 தொழிலாளர்களைக் கொண்டு நிப் தயாரிப்பில் ஈடுபட்டு வருகின்றன.

மீண்டும் இத்தொழில் புத்துயிர் பெற வேண்டுமானால் மானிய விலையில் எவர்சில்வர் தகடுகள் வழங்க அரசு ஏற்பாடு செய்ய வேண்டும். ஒரு காலத்தில் நன்றாக எழுதிப் பழக மை பேனாவைப் பயன்படுத்தியதைப் போல குழந்தைகளையும், பள்ளி, கல்லூரி, அரசு அலுவலகங்களிலும் பேனா பயன்படுத்துமாறு அறிவித்தால் தங்கள் தொழில் வளமும் பலமும் பெறும் என்று நினைக்கிறார்கள் இன்னமும் இந்தத் தொழிலில் ஒட்டிக்கொண்டிருப்பவர்கள்.

]]>
Pen, nib https://images.dinamani.com/uploads/user/imagelibrary/2020/4/28/w600X390/nib.jpg https://www.dinamani.com/latest-news/sub-latest-news/2020/apr/28/nib-factories-missing-3408992.html
3405256 தற்போதைய செய்திகள் தற்போதைய செய்திகள் சமூக, இயற்கை நலம் சார்ந்த தமிழர் மருத்துவம் முனைவர் மணி. மாறன் DIN Tuesday, April 28, 2020 11:55 AM +0530  

நாட்டு மக்கள் நோயின்றி வாழ நம் முன்னோர்கள் பெரிதும் முனைப்புக் காட்டினர். அதனை நம் இலக்கியங்களும் கல்வெட்டுகளும் திருக்கோயில்களும் எடுத்து இயம்புகின்றன. பழந்தமிழகத்தில் பயன்பாட்டில் இருந்துவந்த மருத்துவம் தமிழ் மருத்துவம் என்றே அழைக்கப்பெற்றது. சங்க நூல், மருத்துவன் தாமோதரன், மருத்துவன் நல்லச்சுதன் என்ற புலவர்களின் பெயர்களைக் காட்டுகிறது. பண்டைய நாளில் சித்தர் என்பவர் அறிவர் என்றே வழங்கப்பட்டனர். இலக்கியம் மட்டும் அல்லாது சோழர்கால கல்வெட்டுகளில் மருத்துவமனைகள் "ஆதூரசாலை" என்று அழைக்கப்பெற்றதையும் "சல்லியக்கிரியை" என்ற பெயரால் அறுவை சிகிச்சை நடைபெற்றதையும் குறிப்பிடுகின்றது.

"திருந்திய யாக்கையும் மருத்துவர் ஊட்டிய மருந்துபோல" என்ற வரிகள் கலித்தொகையிலும், "மாமலையில் உள்ள மருந்தே பிணி தீர்க்கும்" என்று மூதுரையிலும் மருந்து பற்றிய சொற்கள் எடுத்தாளப்பட்டுள்ளன. பதினெண் கீழ்க்கணக்கு நூல்களில் "ஏலாதி, சிறுபஞ்சமூலம், திரிகடுகம்" என்ற நூல்கள், நூலின் பெயரிலேயே மருத்துவத்தைக் குறிக்கின்றது. இதனை வைத்துப் பார்க்கும்போது பல்லாயிரம் ஆண்டுகளுக்கு முன்பே மருத்துவத்துறையில் நாம் பெற்ற வளர்ச்சியைக் காண முடிகிறது. "ஏலம், இலவங்கப்பட்டை, நாககேசரம், மிளகு, திப்பிலி, சுக்கு" சேர்ந்த சூரணம் நோயினைத் தீர்ப்பதுபோல ஒவ்வொரு பாடலிலும் ஆறு பொருள்கள் பற்றிய கருத்துகளை முன்வைத்து புத்திமதி சொல்வதுபோல் அமைந்த நூல் ஏலாதியாகும்.

திரிகடுகம் என்ற நூலில், "சுக்கு, மிளகு, திப்பிலி" என்ற மூன்றும் உடலில் உள்ள நோயினைத் தீர்ப்பது போல வாழ்க்கைக்குத் தேவையான நல்ல செய்திகளைக் கூறுகிறது.

சிறுபஞ்சமூலம் = சிறுமை + பஞ்ச + மூலம். பஞ்ச என்றால் 5 மூலம் என்றால் வேர் எனப் பொருளாகும். "சிறுமல்லி, பெருமல்லி, சிறுவழுதுணை, கண்டங்கத்திரி, நெருஞ்சி" வேர்கள் எவ்வாறு நோயினைப் போக்குகிறதோ அதுபோல படிப்போர் உள்ளத்தில் உள்ள அறியாமையை இந்நூல் போக்குகிறது என்கிறார் இந்நூலின் ஆசிரியர் காரியாசான்.

            நூறு மிளகு நுகருஞ் சிவத்தினீர்

          மாறும் இதற்கு மருந்தில்லை மாந்தர்கள்

என்கிறது மூதுரை என்னும் தமிழ்நூல்.

திருவள்ளுவர் மருந்திற்கென்றே தனி அதிகாரம் படைத்துள்ளார். நோயற்ற மக்களைக் கொண்ட நாடே உலகில் சிறந்த நாடாகத் திகழ முடியும் என்று,

            உறுபசியும் ஓவாப் பிணியும் செறுபகையும்

          சேராது இயல்வது நாடு

இதன் பொருளாவது, உயிரினை வருந்தக்கூடிய பசியும், ஓயாத நோயும், அழிக்கும் பகையும் இல்லாமல் விளங்குவதே ஒரு சிறந்த நாடாகும் என்கிறார். மற்றொரு குறளில்,

          பிணிஇன்மை செல்வம் விளைவுஇன்பம் ஏமம்

          அணிஎன்ப நாட்டிற்குஇவ் வைந்து

நோயற்ற வாழ்வு, செல்வச் சிறப்பு, குறையாத விளைவு, வற்றாத இன்பம், தகர்க்க இயலாத பாதுகாப்பு ஆகிய ஐந்தும் ஒரு நாட்டிற்கு அழகு தருவன ஆகும். இக்குறளிலும் நோயற்ற நிலைக்கே முதலிடம் தந்துள்ளார்.

உடல்நலம் மட்டுமல்ல மனநலமும் நன்கு இருக்க வேண்டும் என்பதை வள்ளுவர் தம் குறளில் குறிப்பிட்டுள்ளார். அந்த மனக்கவலையினைத் தீர்க்கும் வழிகளையும் வலியுறுத்துவதோடு அல்லாமல் நோயற்ற நிலை வேண்டும். நோய் வராமல் தடுக்கும் வழிமுறைகள், நோய் வந்தபின் தடுக்கும் வழிமுறைகள் போன்றவற்றையும் சுட்டிக்காட்டியுள்ளார்.

உணவே மருந்து என்பதை பழந்தமிழ் இலக்கியங்கள் பலபடப் பேசுகின்றன. இதனை வள்ளுவரும் தன் குறளில்,

            மருந்தென வேண்டாவாம் யாக்கைக்கு அருந்தியது

          அற்றது போற்றி உணின்

என்று சுட்டிக்காட்டுகிறார்.

பன்னிரு திருமுறைகளில் பத்தாம் திருமுறையாக வைத்துப் போற்றப்படும் திருமூலர் திருமந்திரத்தில் பிறப்பு முதல் மனித உடற்கூறு அத்தனையும் படம்பிடித்துக் காட்டுகிறார்.

            ஆண்மிகில் ஆணாகும் பெண்மிகில் பெண்ணாகும்

          பூணிரண் டொத்துப் பொருந்தில் அலியாகும்

          தாண்மிகு மாகில் தரணி முழுதாளும்

          ஆண்வச மிக்கிடில் பாய்ந்ததும் இல்லையே

காதலர் இருவரும் மருவி பொருந்துங்கால் ஆண் ஆகிய வலப்பால் மூச்சு மிகுந்து சென்றால் கருவுற்றுப் பிறக்கும் உயிர் ஆணாகப் பிறக்கும். பெண்ணாகிய இடப்பால் மூச்சு மிகுந்து சென்றால் பிறக்கும் உயிர் பெண்ணாகப் பிறக்கும். இரண்டு மூக்கின் வழியாகவும் வரும் மூச்சு ஒத்திருந்தால் பிறக்கும் உயிர் திருநங்கையாக-நம்பியாக  இருக்கும். ஆள்வினை முயற்சியில் கருத்து மிகுதியாக இருந்தால் பிறக்கும் உயிர் சிறப்புடன் தரணி ஆளும்.

தமிழ் மருத்துவத்தில் 18 சித்தர்கள் குறிப்பிடப்படுகின்றனர். அவர்களின் மருத்துவக் குறிப்புகளே செய்யுள் வடிவில் பழந்தமிழ்ச் சுவடிகளாகவும் அதிலிருந்து சில நூல்களாகவும் பதிப்பிக்கப்பெற்று நூல்களாகவும் வெளிவந்து போற்றப்படுகின்றன.

இவை மருத்துவத்தை நான்கு முக்கிய பகுதிகளாகப் பிரிக்கின்றது. அவை உடல் நலம் பாதுகாத்தல், நோய்த்தடுப்பு, நோய் குணப்படுத்துதல், உடல்நலம் தேறுதல் என்பனவாகும். மேலும், திரிதோஷம் எனப்படும் வாதம், பித்தம், கபம் இவற்றைக் கண்டறிந்து மருத்துவம் செய்தனர். இதைக் கண்டறிவதற்கான நாடியின் வகைகளைத் திருமூலர் உவமையோடு விளக்கியுள்ளார். வாதம் – கோழி நடைபோல நடக்கும் என்றும், பித்தம் – தவளை குதிப்பதுபோலக் குதிக்கும் என்றும், சிலேட்டுமம் – பாம்பு ஊர்ந்து நெளிந்து செல்வதுபோல ஊர்ந்து செல்லும் என்றும் குறிப்பிடுகிறார்.

பழந்தமிழரின் வாழ்க்கை இயற்கையோடு இணைந்து இருந்தது. அந்நாளில் போர்க்களங்களில் காயம் பட்டவர்களை மருத்துவமனைகளில் வைத்து சிகிச்சை செய்தனர். அவ்வாறு செய்வதற்குப் பயன்பட்ட பல வகையான மருந்துகள், அறுவைச் சிகிச்சை செய்வதற்குப் பயன்பட்ட பொருள்கள் போன்றவை இலக்கியங்களிலே சுட்டிக்காட்டப்பட்டுள்ளன. அவ்வாறு 600 வகையான மருந்துகள், 100 வகையான அறுவைச் சிகிச்சை ஆயுதங்கள் பயன்படுத்தப்பட்டதை அறிய முடிகிறது. தமிழரின் மருத்துவத்தில் வெல்லூசி எனும் ஊசி பயன்பட்டதைப் பதிற்றுப்பத்து குறிப்பிடுகின்றது.

அதுமட்டுமின்றி மருத்துவன் எவ்வாறு இருக்க வேண்டும் என்பதை,

            அரும்பணி உறுநர்க்கு வேட்டவை கெடாஅது

          மருந்துஆய்ந்து கொடுக்கும் அறவோன்

என்னும் வரிகள் மருத்துவரின் பெருமையைப் பறைசாற்றுகிறது. மேலும், மருத்துவன் நோயின் தன்மையைக் கண்டு நோய்க்கு ஏற்ற மருந்தினை ஆய்ந்து கொடுக்க வேண்டும். அதனால் "மருந்து ஆய்ந்து கொடுப்பவர் அறவோன்" என்று அழைக்கப்பட்டதும் தெரிய வருகிறது.

மேலும் 18 ஆம் நூற்றாண்டில் எழுந்த அம்பலவாணக் கவிராயர் இயற்றிய அறப்பளீசுவர சதகம் என்னும் நூல் ஒரு மருத்துவன் எவ்வாறு இருக்க வேண்டும் என்பதை அழகாகச் சுட்டுகின்றது.

            தாதுப் பரீக்ஷைவரு காலதே சத்தொடு

                   சரீரலட் சண மறிந்து

          தன்வந்திரி கும்பமுனி தேரர்கொங் கணர்சித்தர்

                   தமதுவா கட மறிந்து

          பேதப் பெருங்குளிகை சுத்திவகை மாத்திரைப்

                   பிரயோக மோடு பஸ்பம்

          பிழையாது மண்டூர செந்தூர லக்ஷணம்

                   பேர்பெறுங் குணவா கடம்

          சோதித்து மூலிகா விதநிகண் டுங்கண்டு

                   தூய தைலம் லேகியஞ்

          சொல்பக்கு வங்கண்டு வருரோக நிண்ணயந்

                   தோற்றியே யமிர்த கரமாய்

          ஆதிப் பெருங்கேள்வி யுடையனா யுர்வேத

                   னாகுமெம தருமை மதவே

          ளனுதினமு மனதினினை தருசதுர கிரிவள

                   ரளப்பளீ சுர தேவனே

இங்கு கூறப்படும் மருத்துவன் இயல்பு பொதுவானதாகும்.

எம்முடைய அருமைத் தேவனே, நாடித்தேர்வையும், காலத்தையும், இடத்தையும் உடலின் இயல்பையும் உணர்ந்து, தன்வந்திரியும், அகத்தியரும், கொங்கணரும், சித்தர்களும் எழுதிய மருத்துவ நூலைக் கற்றுணர்ந்து, பல வகைப்பட்ட பெருமை மிக்க குளிகைகளையும், தூய்மை செய்யும் முறைகளையும், மாத்திரைகளையும், பஸ்பத்தையும், கொடுக்கும் தன்மையையும் தவறாது கற்று, மண்டூரம், செந்தூரம் இவற்றின் இயல்புகளைப் புகழ்பெற்ற பண்புடைய மருத்துவ நூலின் வாயிலாகத் தேர்ந்து, பல வேர் வகைகளின் நிகண்டையும் அறிந்து, தூய எண்ணெயும் இலேகியமும் செய்யும் முறையைச் சொல்லியவாறு அறிந்து, வரும் நோய்களின் முடிவை வெளிப்பட உணர்ந்து, கைநலம் உடையவனாய், முற்காலத்திலிருந்து வழிவழியாக வரும் கேள்வியறிவையும் உடையவனே மருத்துவன் ஆவான் என்கிறது இந்நூல்.

தமிழ் மருத்துவம் என்பது ஒட்டுமொத்த மக்கள் சமூக நலம் சார்ந்து, இயற்கை நலம் சார்ந்து பல ஆயிரம் ஆண்டுகளாகப் போற்றிப் பாதுகாக்கப்பட்டு வளர்ச்சியடைந்துள்ளது. அதனை நாமும் போற்றிப் பாதுகாக்க உறுதி கொள்வோம்!

[கட்டுரையாளர் - தமிழ்ப் பண்டிதர்,

 சரசுவதி மகால் நூலகம், தஞ்சாவூர்.]

]]>
Tamil Medicine https://images.dinamani.com/uploads/user/imagelibrary/2020/4/22/w600X390/tamil.jpg https://www.dinamani.com/latest-news/sub-latest-news/2020/apr/28/tamil-medicine-3405256.html
3408396 தற்போதைய செய்திகள் தற்போதைய செய்திகள் சங்ககிரி அருள்மிகு சென்னகேசவப் பெருமாள் கோயில்  சித்திரை திருவிழா ரத்து எஸ்.தங்கவேல் DIN Monday, April 27, 2020 06:55 PM +0530  

சங்ககிரி: கரோனா வைரஸ் நோய்த் தொற்று பாதுகாப்பு தடுப்பு முன்னெச்சரிக்கை நடவடிக்கையாக சங்ககிரி அருள்மிகு சென்னகேசவப் பெருமாள் சித்திரை தேர்த்திருவிழா ரத்து  செய்யப்பட்டுள்ளதாக செயல் அலுவலர் இன்று (திங்கள்கிழமை) தெரிவித்துள்ளார்.

சித்திரை தேர்த்திருவிழாவில் சிறிய தேரில் பவனி வரும் அருள்மிகு ஆஞ்சநேயர்  (கோப்பு படம்)

சங்ககிரி மலை மீது உள்ள அருள்மிகு சென்னகேசவப் பெருமாள் சித்திரை திருவிழா வழக்கம் போல் ஏப்ரல் 28ஆம் தேதி செவ்வாய்க்கிழமை சுவாமி மலையிலிருந்து நகருக்குள் எழுந்தருள வேண்டும்.  அன்றிரவு முதல் நாள் அன்னபட்சி வாகனத்திலும், 2ஆம் நாள் சிங்க வாகனத்திலும், 3ஆம் நாள் அனுமந்தன் வாகனத்திலும், 4ஆம் நாள் கருட  வாகனத்திலும், 5ஆம் நாள் சேஷ வாகனத்திலும், 6ஆம் நாள் யானைவாகனத்திலும், 7ஆம் நாள் திருக்கல்யாண உற்சவமும் மற்றும் புஷ்ப வாகனத்திலும், 8ஆம் நாள் குதிரை உள்ளிட்ட வாகனத்தில் சுவாமி மாலை நகரின் முக்கிய வீதிகளின் வழியாக உலா வருதல் நிகழ்ச்சிகளும், 9ஆம் நாள் மே 6ஆம் தேதி அருள்மிகு ஆஞ்நேயர் சுவாமி அமர்ந்து செல்லும் சிறிய தேரும், அருள்மிகு சென்னகேசவப் பெருமாள் உடனமர் ஸ்ரீதேவி, ஸ்ரீபூதேவி சுவாமிகள் அமர்ந்து செல்லும் பெரியதேர் வடம் பிடித்தலும் நடைபெற வேண்டும்.  

பக்தர்களால் வடம் பிடித்து இழுத்து செல்லப்படும் பெரிய தேர் (கோப்பு படம்)

இதனையடுத்து பல்வேறு கட்டளை வழிபாட்டிற்குப் பின்னர் சுவாமி மே 16ஆம் தேதி மலைக்கு எழுந்தருதல் நிகழ்ச்சிகளும்  நடைபெற வேண்டும். இது குறித்து இந்து சமய அறநிலையத்துறை செயல் அலுவலர் கஸ்தூரியிடம் கேட்ட போது தற்போது கரோனா வைரஸ் தொற்று பாதிப்பால் தமிழகம் முழுவதும் 144 தடை உத்தரவு மே 3ஆம் தேதி வரை அமலில் உள்ளதால் பொதுமக்கள் கூடும் மத நிகழ்ச்சிகளுக்கு தடை விதிக்கப்பட்டுள்ளதையடுத்து சித்திரை திருவிழா ரத்து செய்யப்பட்டுள்ளது என்றார்.

அருள்மிகு சென்னகேவசப் பெருமாள் கோயில் சித்திரை தேர்திருவிழா ஒவ்வொரு ஆண்டும் சித்திரை நட்சத்திரம் அன்று தேர் வடம் பிடிக்கும் நிகழ்ச்சி நடைபெற்று வருகின்றன. 

]]>
https://images.dinamani.com/uploads/user/imagelibrary/2020/4/27/w600X390/03CHENNAKESAVA_PERUAML.jpg பெரிய தேரில் அமர்ந்து பவனி வரும் அருள்மிகு சென்னகேசவப்பெருமாள் உடனமர் ஸ்ரீதேவி, ஸ்ரீபூதேவி உற்சவ மூர்த்தி சுவாமிகள் (கோப்பு படம்). https://www.dinamani.com/latest-news/sub-latest-news/2020/apr/27/sangagiri-arulmigu-chennakesava-perumal-temple-temple-festival-canceled-3408396.html
3408391 தற்போதைய செய்திகள் தற்போதைய செய்திகள் கோடியக்கரை கடற்கரையில் ஒதுங்கிய உருளை DIN DIN Monday, April 27, 2020 06:11 PM +0530  

வேதாரண்யம் : நாகை மாவட்டம், வேதாரண்யத்தை அடுத்த கோடியக்கரை கடலில் மிதந்து கரை ஒதுங்கிய மர்ம உருளை தொடர்பாக போலீீஸார்  திங்கள்ழமை விசாரணை மேற்கொண்டு வருகின்றனர்.

கோடியக்கரை வனப் பகுதியில் கடற்கரையை சார்ந்துள்ள சோழர் காலத்து கலங்கரை விளக்கம்  பகுதிக்கும்  கீச்சான் ஓடைக்கும்  இடையேயுள்ள கடற்கரையில் மர்ம உருளை ஒன்று கரை ஒதுங்கியது.

சுமார் 2 அடி நீளம் உள்ள இந்த உருளை சிவப்பு வண்ணத்தில் காணப்பட்டது. 

தகவல் அறிந்த வேதாரண்யம் கடலோரக் காவல் நிலையத்தினர் உருளையை கைப்பற்றி விசாரணை மேற்கொண்டனர். கியூ பிரிவு உள்ளிட்ட தனிப்பிரிவு காவல்துறையினரும் விசாரித்து வருகின்றனர்.

]]>
https://images.dinamani.com/uploads/user/imagelibrary/2020/4/27/w600X390/cylinder.jpg https://www.dinamani.com/latest-news/sub-latest-news/2020/apr/27/cylinder-on-the-beach-of-kodiyakarai-3408391.html
3408385 தற்போதைய செய்திகள் தற்போதைய செய்திகள் துப்புரவுப் பணியாளர்களுக்கு அரிசி, மளிகைப் பொருள்கள் வழங்கிய கல்வியாளர்  DIN DIN Monday, April 27, 2020 05:54 PM +0530  

சிதம்பரம்: சிதம்பரம் நகராட்சியில் பணியாற்றும் துப்புரவு பணியாளர்கள், அலுவலர்கள், ஊழியர்கள் உள்ளிட்ட சுமார் 500 பேருக்கு வீனஸ் கல்விக் குழுமம் சார்பில் அரிசி மற்றும் மளிகை பொருள்கள் நிவாரணமாக வழங்கப்பட்டது.

நிகழ்ச்சியில் பள்ளி நிறுவனர் வீனஸ் எஸ்.குமார் பங்கேற்று நிவாரணப் பொருள்களை வழங்கினார்.

நிகழ்ச்சியில் நகராட்சி ஆணையாளர் பி.வி. சுரேந்திரஷா, பொறியாளர் மகாராஜன், முன்னாள் நகரமன்ற உறுப்பினர் த. ஜேம்ஸ் விஜயகுமார், சமூக ஆர்வலர் எஸ்.கே.வைத்தி, வருவாய் ஆய்வாளர் சரவணக்குமார் உள்ளிட்டோர் பங்கேற்றனர்.

]]>
help, Curfew https://images.dinamani.com/uploads/user/imagelibrary/2020/4/27/w600X390/kal.jpg https://www.dinamani.com/latest-news/sub-latest-news/2020/apr/27/school-group-provides-rice-and-groceries-to-the-cleaning-staff-3408385.html
3408377 தற்போதைய செய்திகள் தற்போதைய செய்திகள் முடிந்த கதையாகட்டும் மதுக்கடைகள்: ராமதாஸ் DIN DIN Monday, April 27, 2020 05:18 PM +0530 சென்னை: மதுக்கடைகள் முடிந்த கதையாகவே இருக்கட்டும், பூரண மதுவிலக்கை அறிவியுங்கள் என்று பாமக நிறுவனா் ராமதாஸ் வலியுறுத்தியுள்ளாா்.

இது தொடா்பாக திங்கள்கிழமை அவா் வெளியிட்ட அறிக்கை:

ஊரடங்கு காரணமாக மதுக்கடைகள் மூடப்பட்டு இதுவரை 5 வாரங்களுக்கும் மேலாகி விட்ட நிலையில், மது கிடைக்காததால் எவரும் பாதிக்கப்பட்டதாக தகவல்கள் இல்லை. மதுவுக்கு அடிமையாகி, அது இல்லாவிட்டால் வாழவே முடியாது என்று வா்ணிக்கப்பட்டவா்கள் கூட, இப்போது மதுவை மறந்து விட்டு புதிய மகிழ்ச்சியுடன் வாழ்ந்து வருகின்றனா்.

ஒரு சிலா் மதுவிலிருந்து மீள முடியாமல் மன அழுத்தத்துக்கு ஆளானது உண்மை தான் என்றாலும் கூட, உடற்பயிற்சி, யோகா ஆகியவற்றின் மூலம் மீண்டு வந்த அவா்கள், இப்போது புதிய உற்சாகத்துடன் எந்த பணியையும் செய்ய முடிவதாக தெரிவித்துள்ளனா்.

இந்த மகிழ்ச்சி நிரந்தரமாக நீடிக்க வேண்டும் என்பது தான் ஒட்டுமொத்த தமிழகத்தின் விருப்பமாகும். இதற்கு ஒரே தீா்வு ஊரடங்குக்காக மூடப்பட்ட மதுக்கடைகள் மூடப்பட்டவையாகவே இருப்பது தான்.

மதுக்கடைகள் மூடப்படுவதால் அதிகபட்சமாக, மது ஆலைகளை நடத்தும் 10 நிறுவனங்கள் மட்டும் தான் பாதிக்கப்படும். அதேநேரத்தில் மதுக்கடைகள் மூடப்பட்டால் ஒன்றரை கோடி குடும்பங்கள் நிம்மதியாக வாழும். எனவே, மதுக்கடைகள் முடிந்த கதையாகவே இருக்கட்டும். பூரண மதுவிலக்கு நடைமுறைப்படுத்தப்படும் என்ற அறிவிப்பை தமிழக அரசு வெளியிட வேண்டும் என்று அவா் கூறியுள்ளாா்.

]]>
மதுக்கடைகள் https://images.dinamani.com/uploads/user/imagelibrary/2020/4/19/w600X390/ramadoss2011.jpg பாமக நிறுவனர் ராமதாஸ் https://www.dinamani.com/latest-news/sub-latest-news/2020/apr/27/let-it-be-a-finished-stoy-ramadas-3408377.html
3408371 தற்போதைய செய்திகள் தற்போதைய செய்திகள் வேலூர் மாவட்டத்தில் 10 நாட்களாக கரோனா தொற்று இல்லை DIN DIN Monday, April 27, 2020 04:58 PM +0530  

வேலூர்: வேலூர் மாவட்டத்தில் ஏற்கெனவே 22 பேருக்கு கரோனா நோய்த்  தொற்று பாதிக்கப்பட்டிருந்த நிலையில், கடந்த 10 நாள்களாகப் புதியதாக யாருக்கும் நோய் தொற்று உறுதி செய்யப்படவில்லை. தொடர்ந்து தனிமைப்படுத்தப்பட்ட பகுதிகளில் சிறப்பு மருத்துவ முகாம்கள் நடத்தப்பட்டு கண்காணிக்கப்படுவதாகவும் அதிகாரிகள் தெரிவித்துள்ளனர்.

தமிழகத்தில் வேகமாக பரவி வரும் கரோனா நோய் தொற்றுக்கு வேலூர் மாவட்டத்தில் இதுவரை 22 பேர் பாதிக்கப்பட்டதுடன், வேலூர் சைதாபேட்டை பகுதியைச் சேர்ந்த ஒருவர் உயிரிழந்துள்ளார். பாதிக்கப்பட்டவர்களில் வேலூர் அடுக்கம்பாறை அரசு மருத்துவக் கல்லூரி மருத்துவமனையில் சிகிச்சை பெற்ற 9 பேர் குணமடைந்து வீடு திரும்பியுள்ளனர். மீதியுள்ள 13 பேர் அடுக்கம்பாறை அரசு மருத்துவமனை, சிஎம்சி மருத்துவமனை ஆகியவற்றில் சிகிச்சை பெற்று வருகின்றனர்.

இதனிடையே, வேலூரில் கரோனா நோய்த் தொற்றுக்கு அதிகளவில் பாதிக்கப்பட்ட கொணவட்டம், கருகம்பத்தூர், சைதாபேட்டை, ஆர்.என்.பாளையம், சின்னஅல்லாபுரம், கஸ்பா ஆகிய பகுதிகள் 100 சதவீதம் துண்டிக்கப்பட்டுள்ளன. அந்த பகுதிகளிலுள்ள அனைவருக்கும் சிறப்பு மருத்துவ முகாம்கள் நடத்தப்பட்டு மருத்துவ பரிசோதனை மேற்கொள்ளப்பட்டு வருகிறது. இந்த நிலையில், கடந்த 10 நாள்களாக வேலூர் மாவட்டத்தில் புதியதாக யாருக்கும் கரோனா நோய்த் தொற்று உறுதி செய்யப்படவில்லை என்று சுகாதாரத்துறை அதிகாரிகள் தெரிவித்துள்ளனர்.

இதுகுறித்து அவர்கள் மேலும் கூறியது: வேலூர் மாவட்டத்தில் காட்பாடி பர்னீஸ்புரம் பகுதியைச் சேர்ந்த பாதிரியாருக்கு முதன்முதலில் கரோனா நோய் தொற்று உறுதி செய்யப்பட்டது. அதன் பிறகு தில்லி தப்லீக் ஜமாத் மாநாட்டுக்குச் சென்று வந்தவர்கள், அவர்களது குடும்பத்தைச் சேர்ந்தவர்கள் என மொத்தம்19 பேர் கரோனா தொற்றால் பாதிக்கப்பட்டு சிகிச்சைக்கு அனுமதிக்கப்பட்டனர். இறுதியாக கடந்த 17ஆம் தேதி 3 பேருக்கு உறுதி செய்யப்பட்டதை அடுத்து இந்த மாவட்டத்தில் கரோனா நோய்த் தொற்றறால் பாதிக்கப்பட்டோர் எண்ணிக்கை 22 ஆக அதிகரித்துள்ளது. அதன்பிறகு கடந்த 10 நாள்களாக யாருக்கும் கரோனா நோய் தொற்று உறுதி செய்யப்படவில்லை.

எனினும், பாதிக்கப்பட்ட பகுதிகளில் உள்ளவர்களின் ரத்த மாதிரிகள் ஆய்வுக்கு உட்படுத்தப்பட்டுள்ளது. ஞாயிற்றுக்கிழமை வரை 3,126 பேருக்கு பரிசோதனை செய்யப்பட்டுள்ளது. இதில், 2,536 பேருக்கு கரோனா இல்லை என்பது தெரியவந்துள்ளது. 568 பேரின் முடிவுகள் வரவேண்டியுள்ளது என்றனர்.

]]>
coronavirus, vellore https://images.dinamani.com/uploads/user/imagelibrary/2020/2/26/w600X390/vellore_jalakandeaswer1.jpg கோப்புப்படம் https://www.dinamani.com/latest-news/sub-latest-news/2020/apr/27/no-corona-infection-in-vellore-district-for-10-days-3408371.html