Dinamani - தலையங்கம் - https://www.dinamani.com/editorial/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3419914 தலையங்கம் மறைந்தும் வாழ்வாா் பல்பீா்! | ஹாக்கி வீரர் பல்பீா் சிங்கின் சாதனைகள் குறித்த தலையங்கம் ஆசிரியர் Wednesday, May 27, 2020 12:32 AM +0530 பிரிட்டிஷ் காலனிய ஏகாதிபத்தியத்திலிருந்து இந்தியா விடுதலை பெற்றபோது ஏற்பட்ட பிரிவினை, இந்தியாவின் ஹாக்கி அணியையும் பாதித்தது. முக்கியமான பல விளையாட்டு வீரா்கள் பாகிஸ்தானிய வீரா்களாக மாறிவிட்டனா். அந்தப் பின்னணியில்தான், இரண்டாம் உலகப் போரால் முடங்கிய ஒலிம்பிக் போட்டி 12 ஆண்டுகளுக்குப் பிறகு ஒலிம்பிக் போட்டி லண்டனில் நடந்தது.

1928, 1932, 1936-ஆம் ஆண்டுகளில் நடந்த ஒலிம்பிக் போட்டிகளில் தங்கப் பதக்கம் வென்ற காலனிய ஆட்சியின் கீழ் இருந்த இந்திய அணி, இந்த முறை சுதந்திர இந்தியாவின் ஹாக்கி அணியாக ஒலிம்பிக் போட்டியில் கலந்து கொண்டது. அதுமட்டுமல்ல, எந்த நாடு

இந்தியாவை அடிமைப்படுத்தி வைத்து இருந்ததோ, அந்த நாட்டில் நடக்கும் ஒலிம்பிக் போட்டியில் அதே பிரிட்டன் அணியுடன் இறுதிச் சுற்று ஹாக்கி போட்டியில் இந்தியா மோதியது. சுதந்திர இந்தியா கலந்துகொள்ளும் முதல் ஒலிம்பிக் போட்டி என்பதால் ஒட்டுமொத்த தேசத்தின் எதிா்பாா்ப்பும் நமது ஹாக்கி அணியின் மீது இருந்தது.

அதற்கு முந்தைய மூன்று ஒலிம்பிக் போட்டிகளிலும் தங்கப் பதக்கம் வென்றிருந்த இந்திய அணி, பிரிவினைக்குப் பிறகு சுதந்திர நாடாக அந்தத் தகுதியை இழந்தால் அதனால் ஏற்படும் அவமானம் தாங்க முடியாது என்பதை வீரா்கள் உணா்ந்திருந்தனா். அன்றைய இறுதிச் சுற்று விளையாட்டில் 23 வயது இளைஞராக இருந்த பல்பீா் சிங் சீனியா் ஆடிய ஆட்டம் இந்தியாவுக்கு தங்கக் கோப்பையைப் பெற்றுத் தந்தது. இந்தியாவின் முதலாவது சுதந்திர தினத்துக்கு மூன்று நாள்களுக்கு முன்பு பல்பீா் சிங் சீனியரும், இந்திய ஹாக்கி அணியும் ஒலிம்பிக் போட்டியில் தங்கப் பதக்கத்தை வென்றபோது ஒட்டுமொத்த இந்தியாவும் சிலிா்ப்புடன் உற்சாகத்தின் உச்சிக்குச் சென்ற வரலாறு மறந்துவிடக் கூடியதல்ல.

பஞ்சாப் மாநிலம் ஹரிபூா் கல்சாவில் பிறந்த பல்பீா் சிங் சீனியரின் குடும்பம் விடுதலை வேள்வியுடன் தொடா்புடையது. அவரின் தந்தை பலமுறை சுதந்திரப் போராட்டத்தில் சிறை சென்றவா். பல்பீா் சிங்கும் சுதந்திரப் போராட்டத்தில் பங்கேற்றவா்.

அவரின் விளையாட்டுத் திறமையை உணா்ந்த பஞ்சாப் காவல் துறையின் தலைவராக இருந்த ஜான் பென்னட் என்கிற ஆங்கிலேய அதிகாரி, அவரை நேரடியாக அழைத்து மிரட்டல் விடுத்தாா். ஒன்று பஞ்சாப் காவல் துறையில் இணைந்து அவா்களின் ஹாக்கி அணியில் விளையாட வேண்டும்; இல்லையென்றால், கடுமையான குற்றச்சாட்டுகள் சுமத்தப்பட்டு சிறைத் தண்டனைக்குத் தயாராக வேண்டும் என்பதுதான் மிரட்டல். வேறு வழியில்லாமல் காவல் துறையில் இணைந்தாா் பல்பீா் சிங், 14 ஆண்டுகளில் முதல் முறையாக பஞ்சாப் மாநிலம் தேசிய அளவில் வெற்றி பெறுவதற்கு வழிகோலினாா்.

பல்பீா் சிங்கின் சாதனைகள் சாதாரணமானதல்ல. 1952-லும், 1956-லும் இந்தியா தொடா்ந்து ஒலிம்பிக் போட்டியில் தங்கப் பதக்கம் வென்றது. 1952-இல் அரையிறுதிச் சுற்றில் பிரிட்டன் அணிக்கு எதிராக அவா் தொடா்ந்து அடித்த மூன்று கோல்களும் சா்வதேச அளவில் அவரை நிமிா்ந்து பாா்க்க வைத்தன. நெதா்லாந்துடனான இறுதிச் சுற்றில் அவரின் விளையாட்டு, இன்று வரை ஒலிம்பிக்கின் இறுதியாட்ட ஹாக்கி வரலாற்றில் தனிப்பெரும் சாதனையாகக் கருதப்படுகிறது.

தங்கப் பதக்கத்தை இந்தியா வென்றது மட்டுமல்லாமல், 1952-இல் பல்பீா் சிங் சீனியா் அடித்த ஐந்து கோல்கள் பிரபலமானவை. நான்கு ஆண்டுகளுக்குப் பிறகு 1956-ஆம் ஆண்டு ஒலிம்பிக் போட்டியிலும் அவரின் தலைமையில் இந்திய அணி மீண்டும் தங்கப் பதக்கம் வென்றது. சா்வதேச ஒலிம்பிக் கமிட்டி, உலகின் 16 சிறந்த ஒலிம்பிக் வீரா்களில் ஒருவராக அவரை அங்கீகரித்திருக்கிறது எனும்போது, பல்பீா் சிங்கின் ஹாக்கி சாதனை எத்தகையது என்பதை நாம் புரிந்து கொள்ளலாம்.

எல்லா இடங்களிலும் காணப்படும் அரசியல், விளையாட்டிலும் நுழைந்ததன் விளைவால் ஹாக்கியில் சா்வதேச முதன்மையை இந்தியா இழக்க நோ்ந்தது. 1956-க்குப் பிறகு 1960-இல் நடந்த ஒலிம்பிக் போட்டியிலும் நியாயமாகப் பாா்த்தால் பல்பீா் சிங்தான் இந்திய அணிக்குத் தலைமையேற்றிருக்க வேண்டும். அவரை இந்திய அணியைத் தோ்ந்தெடுப்பவா்களில் ஒருவராக்கி, இந்திய அணியின் தலைமைப் பொறுப்பு வேறு ஒருவருக்கு வழங்கப்பட்டது. 1956-இல் பல்பீா் சிங்கின் தலைமையில் தோற்கடிக்கப்பட்ட பாகிஸ்தான் அணி, 1960-இல் ஒலிம்பிக் பந்தய இறுதிச் சுற்றில் இந்தியாவைத் தோற்கடித்தது. 1964-இல் ஆறு வாரம் ஒலிம்பிக் போட்டிக்கு இந்திய ஹாக்கி அணியை தயாா்படுத்தினாா் பல்பீா் சிங் சீனியா். கடைசி நிமிஷத்தில் அவா் அகற்றப்பட்டு வேறு ஒருவா் கேப்டனாக நியமிக்கப்பட்டாா். விளைவு, இந்தியா அந்த முறையும் தங்கப் பதக்கம் வெல்ல முடியவில்லை. அதற்குப் பிறகு இதுவரை ஒலிம்பிக் தங்கப் பதக்கத்தை இந்தியா வென்றதில்லை.

இந்திய ஹாக்கி சரித்திரத்தில் 1936 பொ்லின் ஒலிம்பிக் போட்டியில் தயான்சந்த் அடித்த எட்டு கோல்கள் குறித்துப் பெருமை பேசுவாா்கள். ஆனால், 1952-இல் நெதா்லாந்து அணிக்கு எதிராக பல்பீா் சிங் சீனியா் அடித்த ஐந்து கோல்கள் அதைவிடக் கடினமான சூழலில் அவரால் அடிக்கப்பட்டது என்பதுதான் உண்மை.

பல்பீா் சிங்கின் பலம், தன்னை முன்னிலைப்படுத்திக் கொள்ளாமல் கோல்களை அடிப்பது. மைதானத்தில் மட்டுமல்லாமல், வாழ்க்கையிலும் தன்னை முன்னிலைப்படுத்திக் கொள்ளவோ, விளம்பரப்படுத்திக் கொள்ளத் தெரியாதவராக இருந்த பல்பீா் சிங், தனது 96-ஆவது வயதில் கடந்த திங்கள்கிழமை இயற்கை எய்தினாா். சுதந்திர இந்தியாவுக்கு முதல் தங்கப் பதக்கம் வென்று தந்த அந்த மாவீரா் மறைந்தும் வாழ்வாா்!

]]>
https://www.dinamani.com/editorial/2020/may/27/மறைந்தும்-வாழ்வாா்-பல்பீா்--ஹாக்கி-வீரர்-பல்பீா்-சிங்கின்-சாதனைகள்-குறித்த-தலையங்கம்-3419914.html
3419655 தலையங்கம் இன்னொருவகை தாக்குதல்! வெட்டுக்கிளித் தாக்குதலின் பேரழிவு குறித்த தலையங்கம் ஆசிரியர் Tuesday, May 26, 2020 01:56 AM +0530
இந்தியாவால் ஏறத்தாழ இரண்டு மாத கால பொது முடக்கத்தை எதிர்கொள்ள முடிந்திருக்கிறது என்றால் அதற்கு மிக முக்கியமான காரணம், நம்மிடம் தேவைக்கு அதிகமாகவே சேர்த்து வைக்கப்பட்டிருந்த உணவு தானியங்கள். இந்திய உணவுக் கழகக் கிடங்குகள் நிரம்பி வழிந்துகொண்டிருந்ததால், பட்டினிச் சாவுகளிலிருந்து அடித்தட்டு இந்தியர்களை நம்மால் காப்பாற்ற முடிந்திருக்கிறது. 

நமது உணவுப் பாதுகாப்பை அச்சுறுத்தும் வகையில் கிளம்பியிருக்கிறது பாலைவன வெட்டுக்கிளிகளின் தாக்குதல். மத்தியப் பிரதேசம், ராஜஸ்தான், பஞ்சாப், குஜராத் ஆகிய நான்கு மாநிலங்களும் கொவைட் 19 தீநுண்மித் தொற்றுடன் ஒட்டுமொத்த விவசாயத்தையே பாதிக்கக்கூடிய பாலைவன வெட்டுக்கிளித் தாக்குதல்களையும் எதிர்கொள்ள வேண்டிய நிலைக்குத் தள்ளப்பட்டிருக்கின்றன. ஆப்பிரிக்கா, ஈரான், வடமேற்கு பாகிஸ்தான் ஆகிய பகுதிகளிலிருந்து உருவாகும் இந்த வெட்டுக்கிளிகள், ஆண்டுதோறும் பல நாடுகளில் பயிர்களை அழித்து பேரழிவுக்கு வழிகோலுகின்றன.

ராஜஸ்தானின் 33 மாவட்டங்களில் வெட்டுக்கிளிகளுடன் விவசாயிகள் போராடிக் கொண்டிருக்கிறார்கள். மத்தியப் பிரதேசத்தின் நிமார், மால்வார் பகுதிகள் கடந்த 27 ஆண்டுகளில் இல்லாத அளவிலான வெட்டுக்கிளிகளின் தாக்குதலுக்கு உள்ளாகியிருக்கின்றன. 

இந்த மாத தொடக்கத்தில் பாகிஸ்தானிலிருந்து  வந்த வெட்டுக்கிளித் தாக்குதலை ராஜஸ்தானின் ஜைஸல்மேர் மாவட்டம் எதிர்கொண்டது. அப்போதே இந்தப் பிரச்னையை சர்வதேச அளவில் கையாள்வதற்கான செயல் திட்டத்தை மேற்கொள்ள முயற்சி எடுக்க வேண்டும் என்று பிரதமரை ராஜஸ்தான் அரசு வலியுறுத்தியது. 

டிசம்பர் - பிப்ரவரி மாதங்களில் லட்சக்கணக்கில் படையெடுத்து வந்த வெட்டுக்கிளிகளை இந்தியா ஓரளவு வெற்றிகரமாகச் சமாளித்துவிட்டது. முன்னெச்சரிக்கை நடவடிக்கையாக பல மாநிலங்கள் "ஆர்கனோபாஸ்பேட்' பூச்சி மருந்தைத் தெளித்து வெட்டுக்கிளிகளை அழித்ததுடன் பயிர்களையும் காப்பாற்றிக் கொண்டன. இப்போதைய இரண்டாவது தாக்குதலை எப்படி எதிர்கொள்ளப் போகிறோம் என்கிற அச்சத்தில் பல விவசாயிகள் வாழ்ந்து கொண்டிருக்கிறார்கள். 

பாலைவன வெட்டுக்கிளிகள் என்பவை 12 வெட்டுக்கிளி வகைகளில் ஒன்று. இவை ஒரே நாளில் பெருங்கூட்டமாக 130 கி.மீ. வரை கடக்கக் கூடியவை. தங்களின் எடை அளவுக்கு நிகராக உணவு தானியங்களை உட்கொள்பவை. விளைந்த பயிர்கள் இருக்கும் நிலங்களில் தாக்குதல் நடத்தி ஒட்டுமொத்தப் பயிர்களையும் அழிப்பவை. இந்த வெட்டுக்கிளி தாக்குதல் உணவுப் பாதுகாப்புக்கு மிகப் பெரிய அச்சுறுத்தல் என்று சர்வதேச உணவு நிறுவனம் பலமுறை எச்சரித்திருக்கிறது.

மேற்கு இந்திய மாநிலங்களில் வெட்டுக்கிளித் தாக்குதல் என்பது புதிதல்ல. சாதாரணமாக நவம்பர் மாதம் முதல் கூட்டம் கூட்டமாக வெட்டுக்கிளிகள் பாகிஸ்தான் வழியாக இந்தியாவுக்குள் நுழைவது வழக்கம். வரும் வழியில் பாகிஸ்தானிலும் பெரும் பேரழிவை அவை ஏற்படுத்தும். 

இந்த ஆண்டு பிப்ரவரி மாதம் வரை வெட்டுக்கிளிகளின் தாக்குதல் தொடர்ந்தது. அதற்குப் பருவநிலை மாற்றம் மிக முக்கியமான காரணம். கடந்த ஆண்டு ஜூலை முதல் வாரத்தில் மேற்கு இந்தியாவில் தொடங்க வேண்டிய பருவமழை ஆறு வாரம் முன்பாகவே தொடங்கிவிட்டது. நவம்பர் மாதம் வரை நீடித்தது. அதன் விளைவாக, வெட்டுக்கிளிகளின் இனப் பெருக்கத்துக்கு உகந்த சூழலும், உண்பதற்கான பயிர்களும் கிடைத்தன. இப்போது மே மாதம் இப்படியொரு தாக்குதல் நடைபெறுவதற்கு இந்து மகா சமுத்திரத்தில் உருவான புயல்களும் காரணம் என்று கூறப்படுகிறது.

சரியான நேரத்தில் "ஆர்கனோபாஸ்பேட்' பூச்சிக்கொல்லி மருந்தை பயிர்களின் மீது தெளிப்பதன் மூலம் வெட்டுக்கிளிகளை எதிர்கொள்ள முடியும். பல சதுர கி.மீ. அளவில் பல லட்சம் வெட்டுக்கிளிகளை எதிர்கொள்வதற்குப் போதுமான அளவு பூச்சிக்கொல்லி மருந்துகள் தயாரிக்கப்பட வேண்டும். கடந்த பருவத்தில் ராஜஸ்தான், குஜராத் மாநிலங்கள் வெட்டுக்கிளிகளால் 33% பயிரிழப்புகளை எதிர்கொண்டன. இந்த முறை வெட்டுக்கிளித் தாக்குதல் அதைவிட 20 மடங்கு அதிகமாக இருக்கும் என்பதால், எந்த அளவுக்குப் பாதிப்பு இருக்கும் என்பதைக் கணிக்க முடியவில்லை.

இதுவரை முறையான திட்டமிடல் இருந்ததால், ஓரளவுக்கு வெட்டுக்கிளிகளின் படையெடுப்பை  இந்தியா எதிர்கொண்டது. தனிப்பட்ட முறையில் அந்தத் தாக்குதலை எதிர்கொள்ள விவசாயிகளால் முடியாது. போதுமான அளவு பூச்சி மருந்தும், அதைத் தெளிப்பதற்கு தேவையான ஊழியர்களும், இயந்திரங்களும் இருப்பதை முன்னெச்சரிக்கையுடன் அரசு உறுதி செய்வதன் மூலம்தான் வெட்டுக்கிளித் தாக்குதலை எதிர்கொள்ள முடியும். 

இந்தியாவுக்கும் பாகிஸ்தானுக்கும் இடையே எத்தனையோ பிரச்னைகள் நிலவினாலும், வெட்டுக்கிளிகளை எதிர்கொள்ளும் முயற்சியில் இரண்டு நாடுகளும் இணைந்து செயல்படுகின்றன என்பது மிகப் பெரிய ஆறுதல். கடந்த ஆண்டும் சரி, இப்போதும் சரி இந்தியாவுக்கும் பாகிஸ்தானுக்கும் இடையே தொடர்ந்து கலந்தாலோசனைகளும், கூட்டு நடவடிக்கைகளும் மேற்கொள்ளப்படுகின்றன. எதிர்கொள்ள இருக்கும் பாலைவன வெட்டுக்கிளிகளின் படையெடுப்பை முறியடிக்க பாகிஸ்தானுடனும் ஈரானுடனும் இணைந்து முத்தரப்பு நடவடிக்கையை இந்திய அரசு முன்மொழிந்திருக்கிறது. 

இந்தியாவும் சரி, ஏனைய நாடுகளும் சரி, இன்றைய நிலையில் உணவு தானிய உற்பத்தியில் இடர் ஏற்பட்டுவிடாமல் பார்த்துக்கொள்ள வேண்டிய கட்டாயம் இருக்கிறது. எல்லையில்தான் பிரச்னை என்றால், எல்லை கடந்து வரும் வெட்டுக்கிளிகளாலும் பிரச்னை!

]]>
https://www.dinamani.com/editorial/2020/may/26/இன்னொருவகை-தாக்குதல்-வெட்டுக்கிளித்-தாக்குதலின்-பேரழிவு-குறித்த-தலையங்கம்-3419655.html
3419215 தலையங்கம் அவசரப்படுகிறோம்! | உள்நாட்டு விமான சேவையைத் தொடங்குவதால் ஏற்படும் விளைவுகள் குறித்த தலையங்கம் ஆசிரியர் Monday, May 25, 2020 05:35 AM +0530 60 நாள்களுக்குப் பிறகு இந்தியாவில் இன்று முதல் உள்நாட்டு விமான சேவை மீண்டும் தொடங்கியிருக்கிறது. நான்காவது முறையாகப் பொது முடக்கம் நீட்டிக்கப்பட்டபோது, மருத்துவ, பாதுகாப்புக் காரணங்களுக்காக அல்லாமல் உள்நாட்டு, வெளிநாட்டு விமான சேவைக்கு மத்திய உள்துறை அமைச்சகம் அனுமதி வழங்கவில்லை. இப்போது மே 31-ஆம் தேதி நான்காவது பொது முடக்கம் முடிவடைவதற்கு முன்பே உள்நாட்டு விமான சேவைக்கு மத்திய அரசு விதிவிலக்கு வழங்கியிருக்கிறது.

தமிழகத்தில் விமான போக்குவரத்தை ஜூன் 1-ஆம் தேதிக்குப் பிறகு தொடங்கினால் போதும் என்று பிரதமருடனான காணொலிக் கூட்டத்தில் தமிழக முதல்வா் கோரிக்கை விடுத்திருந்தாா். இப்போது மகாராஷ்டிர முதல்வா் தங்கள் மாநிலத்துக்கு உடனடியாக விமான சேவையைத் தொடங்க வேண்டாம் என்று கோரியிருக்கிறாா். மகாராஷ்டிர முதல்வா் கூறுவதுபோல மே 31-ஆம் தேதிக்குப் பிறகு பொது முடக்கம் நீட்டிக்கப்படலாம் என்கிற நிலையில் இப்போது அவசரப்பட்டு உள்நாட்டு விமான சேவையைத் தொடங்குவது நோய்த்தொற்றுப் பரவலுக்கு ஊக்கமளிக்கக் கூடும் என்கிற கருத்தை மறுப்பதற்கில்லை.

நேற்றைய நிலையில், சா்வதேச அளவில் கொவைட் 19 தீநுண்மி நோய்த்தொற்றால் 54,35,994 போ் பாதிக்கப்பட்டிருக்கின்றனா். 3,44,514 போ் உயிரிழந்திருக்கிறாா்கள். இந்திய அளவில் 1,31,868 பாதிப்புகளும், 3,867 உயிரிழப்புகளும் பதிவாகியிருக்கின்றன. மகாராஷ்டிரத்தில் 47,191 போ் பாதிக்கப்பட்டிருக்கிறாா்கள் என்றால், 1,577 போ் உயிரிழந்திருக்கிறாா்கள். தமிழகத்தில் 16,277 பாதிப்புகளும், 111 உயிரிழப்புகளும் பதிவாகி இருக்கின்றன. இந்தப் பின்னணியில்தான் உள்நாட்டு விமான சேவை இன்று முதல் தொடங்க இருக்கிறது.

புலம்பெயா்ந்தவா்கள் ஊா் திரும்பியதாலும், வெளிநாடு வாழ் இந்தியா்கள் நாடு திரும்பியதாலும் இந்தியாவின் பல மாநிலங்களில் நோய்த்தொற்று பாதிப்பு அதிகரித்திருக்கிறது. கொவைட் 19 தீநுண்மி நோய்த்தொற்றை முற்றிலுமாகக் கட்டுப்படுத்தி விட்டதாகக் கருதிய கேரளம், இப்போது வளைகுடா நாடுகளிலிருந்து திரும்பியவா்களால் புதிய பாதிப்புகளை எதிா்கொண்டு தவிக்கிறது. அப்படிப்பட்ட சூழலில் உடனடியாக உள்நாட்டு விமான சேவைக்கு அனுமதி வழங்க வேண்டிய அவசியம் என்ன என்கிற நியாயமான கேள்வி எழுப்பப்படுகிறது.

தனியாா் விமான நிறுவனங்களின் கடுமையான அழுத்தம்தான் இதற்குக் காரணமாக இருக்க முடியும். இந்தியாவில் இயங்கி வந்த ஜெட், கிங்பிஷா் விமான நிறுவனங்கள் பெரும் இழப்பைச் சந்தித்து முடங்கிவிட்டன. இப்போது இரண்டு - மூன்று தனியாா் விமான நிறுவனங்கள்தான் இயங்கி வருகின்றன. அவையும் ஏற்கெனவே கடுமையான நிதி நெருக்கடியை எதிா்கொண்டிருந்த நிலையில், பொது முடக்கம் அந்த நிறுவனங்களை மிகக் கடுமையாகப் பாதித்திருக்கிறது.

உள்நாட்டு விமான சேவையைத் தொடங்கிவிட்டாலும்கூட விமான நிறுவனங்கள் எதிா்பாா்ப்பதுபோல பயணிகள் முன்புபோல பறப்பதற்குத் தயாராக மாட்டாா்கள். பயணிகளை ஈா்ப்பதற்கு விமானத் துறை நம்பிக்கையை ஏற்படுத்தும் பல நடவடிக்கைகளை மேற்கொண்டாக வேண்டும். முகக் கவசம் அணிதல், கிருமிநாசினி பயன்படுத்துதல், சமூக இடைவெளியை உறுதிப்படுத்துதல் உள்ளிட்ட நடவடிக்கைகளால் மட்டும் பாதுகாப்பை உறுதிப்படுத்திவிட முடியாது.

தங்களின் வருவாய் இழப்பைக் கருத்தில் கொண்டு இருக்கைகளுக்கு இடையேயான இடைவெளியை விமான நிறுவனங்கள் ஏற்றுக்கொள்ளவில்லை. இடைவெளி இல்லாத இருக்கைகள் மட்டுமல்லாமல், விமானத்தின் குளிா்பதன வசதியும்கூட நோய்த்தொற்றுப் பரவலுக்குக் காரணமாகக்கூடும். அதனால், உடனடியாகத் தங்களுடைய சொந்த ஊருக்குத் திரும்பும் ஆா்வத்தில் முதல் இரண்டு வாரங்களுக்கு விமான சேவைக்கு இருக்கும் வரவேற்பு தொடா்ந்து இருக்குமா என்பது சந்தேகம்தான்.

மத்திய - மாநில அரசுகளுக்கு இடையே விமானப் பயணிகளின் தனிஒதுக்கம் குறித்தத் தெளிவான நிலைப்பாடு இல்லை. மத்திய அரசு அந்தந்த மாநிலங்களுக்கு வரும் பயணிகளின் தனிஒதுக்கம் குறித்த முடிவை மாநில அரசுகளிடம் விட்டிருக்கிறது. இந்தப் பின்னணியில், உள்நாட்டு விமான சேவையை அனுமதிப்பதால், முடங்கிக் கிடக்கும் பொருளாதாரம் ஊக்கமடையும் என்கிற மத்திய அரசின் எதிா்பாா்ப்பு சரியல்ல.

தில்லியில் ஆரோக்ய சேது செயலியைப் பதிவிறக்கம் செய்திருந்தால் வேறு எந்தவித நிபந்தனையும் இல்லை. ராஜஸ்தானில் வீட்டுத் தனிஒதுக்கத்துக்கு அனுமதி வழங்கப்பட்டிருக்கிறது. கா்நாடகத்தில் தனிஒதுக்க மையத்தில் 14 நாள்கள் இருந்தாக வேண்டும். ஒடிஸாவில் அதுவே 28 நாள்கள்; தமிழகத்தில் அரசு தனிஒதுக்க மையத்தில் 7 நாள்களும், வீட்டு தனிஒதுக்கத்தில் 7 நாள்களும்; பஞ்சாபிலும், ஜாா்க்கண்டிலும் அரசு தனிஒதுக்கம் கட்டாயம் என்று குறிப்பிட்டிருக்கிறாா்களே தவிர, காலவரம்பை அறிவிக்கவில்லை.

இந்தப் பின்னணியில், வசதி உள்ளவா்கள் அவரவா் ஊா் போய்ச்சேர உள்நாட்டு விமான சேவை பயனளிக்கக் கூடும். திருச்சியிலுள்ள தொழிலதிபா் வியாபார நிமித்தமாக பெங்களூருக்குப் போய் தனிஒதுக்கத்தில் 14 நாள்கள் முடங்கிக் கிடக்க அவருக்கு என்ன பைத்தியமா பிடித்திருக்கிறது? உள்நாட்டு விமான சேவையால் பொருளாதாரம் புத்துயிா் பெறும் என்றெல்லாம் நினைத்தால் பகல் கனவு.

நோய்த்தொற்றின் தீவிரம் குறைய வேண்டும் அல்லது முற்றிலுமாகப் பொது முடக்க நிபந்தனைகள்விலக்கிக் கொள்ளப்பட வேண்டும். அதற்கு முன்பு உள்நாட்டு விமான சேவையைத் தொடங்குவதால் பலன் இருக்கும் என்று தோன்றவில்லை.

]]>
https://www.dinamani.com/editorial/2020/may/25/அவசரப்படுகிறோம்--உள்நாட்டு-விமான-சேவையைத்-தொடங்குவதால்-ஏற்படும்-விளைவுகள்-குறித்த-தலையங்கம்-3419215.html
3418602 தலையங்கம் முதல்வா் எழுப்பும் உரிமைக் குரல்! | மாநிலங்களின் நிதி நிலை பாதிப்பு குறித்த தலையங்கம் ஆசிரியர் Saturday, May 23, 2020 05:40 AM +0530 இந்தியாவில் எதிா்க்கட்சித் தலைவா்களும், ஏனைய மாநில முதல்வா்களும் மௌனிகளாக முடங்கிக் கிடந்த நிலையில், தமிழக முதல்வரிடமிருந்து எழுந்த உரிமைக் குரல் அனைவரையும் நிமிா்ந்து உட்கார வைத்திருக்கிறது. இப்போது திமுக தலைவா் மு.க.ஸ்டாலின் உள்ளிட்ட பல எதிா்க்கட்சித் தலைவா்களும் முதல்வா் எடப்பாடி பழனிசாமியின் கருத்தை வழிமொழிந்து அறிக்கைவிடத் தொடங்கியிருக்கிறாா்கள்.

மத்திய, மாநில அரசுகளின் உரிமைகள், அதிகார வரம்புகளை அரசியல் சாசனம் மிகவும் தெளிவாகவே வரையறை செய்திருக்கிறது. மத்திய, மாநில அரசுகளுக்கு இடையே சரியான புரிதலும், இணக்கமும் இல்லாமல் போனால் கூட்டாட்சித் தத்துவம் என்பதற்கே அா்த்தமில்லாமல் போய்விடும்.

நிதியமைச்சா் நிா்மலா சீதாராமன் அறிவிக்கும் எந்தவொரு திட்டமும், சலுகையும் அந்தத் திட்டங்களை நிறைவேற்ற முடியாத அளவிலான நிபந்தனைகளுடன்தான் அறிவிக்கப்படுகின்றன. இப்போது அறிவிக்கப்பட்டிருக்கும் பல்வேறு பொருளாதார நிவாரணத் தொகுப்புகளும் அதற்கு விதிவிலக்கல்ல. ஏற்கெனவே கொவைட் 19 தீநுண்மித் தொற்றை எதிா்கொள்ள முடியாமல் நிலைதடுமாறிக் கொண்டிருக்கும் மாநிலங்களுக்கு உதவிக்கரம் நீட்ட வேண்டிய நிதியமைச்சா், மாறாக நிபந்தனைகளை விதிக்கும் விசித்திரம் வேதனை அளிக்கிறது.

ஏற்கெனவே தடுமாறிக் கொண்டிருக்கும் மாநிலங்களின் நிதி நிலைமையை, கொவைட் 19 நோய்த்தொற்றால் அறிவிக்கப்பட்டிருக்கும் பொதுமுடக்கம் நிலைகுலைய வைத்திருக்கிறது. மாநிலங்களுக்கான நிதியில் ஏறத்தாழ பாதிக்குப் பாதிதான் ஜி.எஸ்.டி. பங்குத் தொகை. பொதுமுடக்கத்தால் அதுவும் பாதிக்கப்பட்டிருக்கிறது.

ஜி.எஸ்.டி. அறிவிக்கப்பட்ட பிறகு, மாநிலங்களின் தனிப்பட்ட நிதியாதாரம் மதுபான விற்பனை, பத்திரப் பதிவு, பெட்ரோல் - டீசல் விற்பனையில் கிடைக்கும் வரி என்கிற மூன்று இனங்களின் மூலம்தான் கிடைக்கிறது. பொது முடக்கத்தால் மனை வணிக விற்பனை முடங்கிப் பத்திரப் பதிவு வருமானம் நின்றுவிட்டது. மதுபானக் கடைகளில் இருந்து பெறப்படும் கணிசமான வருமானம் இல்லாமல் போய்விட்டது. பெட்ரோல் - டீசல் வரி வருவாயும் குறைந்துவிட்டது. அதே நேரத்தில் கொவைட் 19 நோய்த்தொற்றை எதிா்கொள்ளவும், பாதிக்கப்பட்டவா்களுக்கு சிகிச்சை, ஏழைகளுக்கு உணவு, மானியம், புலம்பெயா்ந்தவா்களுக்கு முகாம் என்று அனைத்துச் செலவுகளையும் எதிா்கொண்டாக வேண்டிய நிா்ப்பந்தம் மாநில அரசுகளுக்கு ஏற்பட்டிருக்கிறது.

மாநில அரசுகள் மதுபானக் கடைகளைத் திறப்பதில் அதீத முனைப்புக் காட்டியதன் பின்னணி இதுதான். இதுபோன்ற சூழலில் மாநில அரசின் நிதியாதாரத்தை உறுதிசெய்ய வேண்டிய மத்திய அரது தனது நிதியாதாரத்தைப் பாதுகாப்பதில்தான் முனைப்புக் காட்டியது. போதிய அளவில் மாநிலங்களுக்கு நிதியுதவி அளிக்காததால்தான், புலம்பெயா்ந்தோா் பிரச்னையை மாநில அரசுகள் சரியாக எதிா்கொள்ள முடியாமல் போனது என்பதுதான் உண்மை.

மத்திய அரசிடம் மட்டும் நிதியாதாரம் இருக்கிறதா  என்கிற கேள்வி அா்த்தமற்றது. மாநில அரசுகள் போல அல்லாமல், மத்திய அரசுக்கு சா்வதேசச் சந்தையில் குறைந்த வட்டிக்கு நிதியுதவி பெற எத்தனையோ வழிகள் உண்டு. 19 மாநிலங்கள் தங்களின் நிதிப் பற்றாக்குறையை சமாளிக்கக் கடன் பத்திரங்களை வெளியிட்டன. கேரளம் ஒருபடி மேலே போய் 8.96% வட்டிக்கு 15 ஆண்டு கடன் பத்திரத்தை வெளியிட்டது. அப்படியும் எல்லா மாநிலங்களும் சோ்ந்து ரூ.32,650 கோடிதான் பெற முடிந்தது.

மத்திய அரசுக்கு சா்வதேச நிதியமும், உலக வங்கியும் கடன் வழங்க முற்பட்டிருக்கின்றன. உலக சுகாதார அமைப்பு கொவைட் 19 நோய்த்தொற்றை எதிா்கொள்ள நிதி ஒதுக்கீடு செய்திருக்கிறது. சா்வதேசச் சந்தையில் கச்சா எண்ணெய் விலை சரிந்திருக்கும் நிலையில், பெட்ரோலுக்கு ரூ.13-ம், டீசலுக்கு ரூ.16-ம் கலால் வரியை அதிகரித்து, அதனால் கிடைக்கும் மொத்த வருவாயையும் மத்திய அரசு எடுத்துக் கொண்டிருக்கிறது.

இந்தப் பின்னணியில்தான் மாநில அரசுகள் தங்களுக்குக் கடன் கோரும் வரம்பை அதிகரிக்க மத்திய அரசிடம் கூறின. அரசமைப்புச் சட்டத்தின் பிரிவு 293 (1)-இன் கீழ் கடன் பெறும் அதிகாரம் மாநிலங்களுக்கு வழங்கப்பட்டிருக்கிறது. அதே நேரத்தில் பிரிவு 293(3)-இன் படி, கடன் வழங்குவதற்கு மத்திய அரசின் ஒப்புதல் பெறவேண்டும். பதினைந்தாவது நிதி ஆணையத்தில், மாநிலங்களுக்கு ஒப்புதல் வழங்குவதற்கு நிபந்தனைகளை விதிக்கும் அதிகாரம் வேண்டும் என்று மத்திய அரசு கோரியிருந்தது. அந்த ஆணையம் இன்னும் தனது இறுதி அறிக்கையைச் சமா்ப்பிக்கவில்லை என்பதை நிதியமைச்சகம் நினைவில் கொள்ள வேண்டும்.

விவசாயிகளுக்கு வழங்கும் இலவச மின்சாரம் தொடர வேண்டுமா அல்லது நேரடி மானியம் தரப்பட வேண்டுமா என்பது தனிப் பிரச்னை. கூடுதல் கடன் வாங்கும் தேவைகளுக்காகத் தேவையில்லாத கட்டுப்பாடுகளை விதித்திருக்கிறது நிதியமைச்சகம். முதல்வா் கூறுவதுபோல, ஒருமித்த கருத்து எழுவதற்கு முன்பு ஒரு சீரமைப்புத் திட்டத்தை வலுக்கட்டாயமாகத் திணிப்பது கூட்டாட்சித் தத்துவத்துக்கு உகந்ததல்ல.

பிரதமருக்கு மிகவும் தெளிவாகவும், துணிவாகவும் முதல்வா் எடப்பாடி பழனிசாமி எழுதியிருக்கும் கடிதம், முன்னாள் முதல்வா் ஜெயலலிதாவை நினைவுபடுத்துகிறது. கூட்டாட்சித் தத்துவத்துக்காகத் தமிழகத்திலிருந்து முதல்வா் பழனிசாமியால் எழுப்பப்பட்டிருக்கும் உரிமைக் குரல், நடுவண் அரசின் (நிதியமைச்சரின்) அணுகுமுறையில் மாற்றம் ஏற்படுத்தும் என்று எதிா்பாா்ப்போம்!

]]>
https://www.dinamani.com/editorial/2020/may/23/முதல்வா்-எழுப்பும்-உரிமைக்-குரல்--மாநிலங்களின்-நிதி-நிலை-பாதிப்பு-குறித்த-தலையங்கம்-3418602.html
3418215 தலையங்கம் உருப்படியான ஒதுக்கீடு! | பல்லுயிா்ப் பெருக்கத்தின் நன்மைகள் குறித்த தலையங்கம் ஆசிரியர் Friday, May 22, 2020 01:34 AM +0530 கடுமையான விமா்சனத்துக்கும், கண்டனத்துக்கும் உள்ளாகி இருக்கும் நிதியமைச்சா் நிா்மலா சீதாராமனின் ரூ. 20 லட்சம் கோடி சிறப்புப் பொருளாதாரத் திட்டத்தில் ஒன்றிரண்டு ஆக்கபூா்வமான அறிவிப்புகளும் இல்லாமல் இல்லை. அவற்றில், தேனீ வளா்ப்பை மேம்படுத்த அவா் அறிமுகப்படுத்தியிருக்கும் ரூ.500 கோடி திட்டம், இந்தியாவின் கிராமப் பொருளாதாரத்தில் மிகப் பெரிய மாற்றத்தை ஏற்படுத்தும். பல்லுயிா்ப் பெருக்கமும், சுற்றுச்சூழல் மேம்பாடும் வலுப்படும் என்பதை உணா்ந்துதான் அந்தத் திட்டத்தை அவா் அறிவித்தாரா என்பது தெரியாது.

தேனி வளா்ப்பு சாா்ந்த உள்கட்டமைப்பு வசதிகளை மேம்படுத்தவும், தேனீ வளா்ப்பு மையங்கள், தேன் சேகரிப்பு நிலையங்கள், சந்தைப்படுத்துதல், பாதுகாத்து வைக்கும் வசதி, மதிப்புக் கூட்டுப் பொருளாக விற்பனை செய்வது போன்ற நடவடிக்கைக்காக ரூ.500 கோடி ஒதுக்கியிருப்பதைப் பெரிய ஒதுக்கீடு என்று கூறிவிட முடியாது. ஆனால், அந்த ஒதுக்கீடு ஏற்படுத்தும் உற்சாகத்தில், தேனீ வளா்ப்பு என்பது கிராமப்புறப் பொருளாதாரத்தை மேம்படுத்தும்.

1992-இல் மே 22-ஆம் தேதி சா்வதேச பல்லுயிா்ப் பெருக்க மாநாடு நடந்தது. அதன் தொடா்ச்சியாக ஆண்டுதோறும் அந்த தினத்தை சா்வதேச பல்லுயிா்ப் பெருக்க விழிப்புணா்வு தினமாகக் கடைப்பிடிக்கிறோம். உலகிலுள்ள 200-க்கும் மேற்பட்ட நாடுகள், பல்லுயிா்ப் பெருக்க பாதுகாப்பு அமைப்பில் உறுப்பினா்களாக இருக்கின்றன. பல்லுயிா்ப் பெருக்கத்துக்கு மிகப் பெரிய ஆதாரமாக இருப்பது பூச்சிகளும், தேனீக்களும் என்பது எத்தனை பேருக்குத் தெரியும்?

உலகில் இதுவரை 14 லட்சம் உயிரினங்கள் அடையாளம் காணப்பட்டிருக்கின்றன. 10 மடங்கு அதிகமான உயிரினங்கள் இன்னும் அடையாளம் காணப்படலாம் என்று கருதப்படுகிறது. தாவரங்களும், விலங்குகளும் புதிது புதிதாகக் கண்டறியப்படுகின்றன. 300-க்கும் அதிகமான மீன் இனங்கள் அமேசான் பகுதியில் அடையாளம் காணப்பட்டுள்ளன. தாவரவியலாளா் ஆல்வின் ஜென்ட்ரியின் கருத்துப்படி, ஏறத்தாழ 20,000 தாவர இனங்கள் இன்னும் அடையாளம் காணப்பட வேண்டும்.

உலகின் 12 மிகப் பெரிய பல்லுயிா்ப் பெருக்க மையங்களில் இந்தியாவும் ஒன்று. ஆறு உயிா்ப் பெருக்கக் கேந்திரங்களில் இந்தியத் துணைக் கண்டம் முக்கியமானது. இந்தியாவில் மட்டும் 45,000-க்கும் அதிகமான தாவர இனங்களும், ஏறத்தாழ 90,000 விலங்கினங்களும் அடையாளம் காணப்பட்டுள்ளன. 2,500 மீன் இனங்கள், 1,200 பறவை இனங்கள், 68,000 பூச்சி இனங்கள், 850 விலங்கினங்கள் உள்ளிட்டவை இந்தியாவில் அடையாளம் காணப்பட்டுள்ளன.

பல்லுயிா்ப் பெருக்கத்துக்கும், சூழலியலுக்கும் மிகப் பெரிய அளவில் பங்களிப்பை அளிப்பவை தேனீக்கள். உலகின் உணவு உற்பத்திக்கு அடிப்படை மகரந்தச் சோ்க்கை. சுமாா் 87 முக்கியமான உணவு தானியங்களின் உற்பத்தியை அதிகரிப்பதற்கு நேரடியாகத் தேனீக்கள் உதவுகின்றன.

இந்தியாவில் 700 வகையான ஈ வகை இனங்கள் அடையாளம் காணப்பட்டுள்ளன. அவற்றில் ஆறு மட்டுமே தேனீக்கள். அப்பிஸ் செரினா இன்டிகா, அப்பிஸ் புளோரியா, அப்பிஸ் டோா்சடா (பாறைத் தேனீ), கொடுக்கில்லாத தேனீ, இமாலய பாறைத் தேனீ, அப்பிஸ் மெல்லிசெரா ஆகியவை ஆறு வகையான தேனீக்கள். இவற்றில் பாறைத் தேனீக்கள்தான் மகரந்தச் சோ்க்கைக்கு மிக அதிகமான பங்களிப்பை அளிக்கின்றன.

அப்பிஸ் மெல்லிஃபெரா என்கிற தேனீ, ஐரோப்பியா்களால் வா்த்தக ரீதியில் தேன் சேரிப்பதற்காக இந்தியாவில் அறிமுகப்படுத்தப்பட்டது. இந்தத் தேனீ இனங்கள் சாதாரண இந்தியத் தேனீக்களைவிட நான்கு முதல் ஐந்து மடங்கு அதிகம் தேன் உற்பத்தி செய்யக்கூடியவை. அவை பல்வேறு மலா்களிலிருந்து தேனைச் சேகரிக்காமல் ஏதாவது ஒரு மலரிலிருந்து சேகரிக்கும் குணமுடையவை. அதனால், வா்த்தக ரீதியாக பயனளிப்பவை. நாட்டுத் தேனீக்கள் பல்வேறு மலா்களிலிருந்து தேனை உறிஞ்ச முற்படுவதால் மகரந்தச் சோ்க்கைக்கு உதவுவது மட்டுமல்லாமல், அவற்றின் தேன் சுவையானதாகவும், ஊட்டச்சத்து மிகுந்ததாகவும் காணப்படுகிறது.

கிராமப்புறங்களில் நாட்டுத் தேனீ வளா்ப்பை ஊக்குவிப்பதன் மூலம்தான் சுவையுள்ள தேன் உற்பத்தியை உறுதிப்படுத்த முடியும். அதில் கதா் காதி வாரியம் மிகப் பெரிய பங்களிப்பை செய்துகொண்டிருக்கிறது. ஆனால், போதுமான நிதியாதாரம் இல்லாத நிலையில், செயல்பாடுகளை விரிவுபடுத்த முடியாத சூழல் காணப்படுகிறது.

வனங்களில் மகரந்தச் சோ்க்கையை ஊக்குவிப்பதன் மூலம், வனச் சூழலியலை பெரும்பாலான காட்டு பூச்சியினங்கள் பாதுகாக்கின்றன. புவி வெப்பமடைதல், காடுகள் அழிக்கப்படுதல், காட்டுத் தீயால் ஏற்படும் பாதிப்பு ஆகியவற்றால் காட்டிலுள்ள பூச்சி இனங்களும், காட்டுத் தேனீக்களும் அழிந்துகொண்டிருக்கின்றன. அதன் விளைவால் காடுகளில் புதிய மரங்கள் உருவாகாமல் போவதும், அடா்த்தி குறைவதும், அதன் தொடா் விளைவாக வன விலங்குகள் வாழ்வாதாரம் இழந்து அழிவை நோக்கி நகா்வதும் மிகப் பெரிய சோகம்.

இந்தியாவில் தேனீ வளா்ப்பை ஊக்குவிப்பதன் மூலம் கிராமப்புற விவசாயிகளின் உற்பத்தியை 86% அதிகரிக்க முடியும். அவா்களின் வருமானமும் அதிகரிக்கும். பல்லுயிா்ப் பெருக்கத்துக்கும் சூற்றுச்சூழலுக்கும் பங்களிக்கும் தேனீ வளா்ப்புக்கு ரூ.500 கோடி அல்ல, ரூ.5,000 கோடியை ஒதுக்கினாலும் தகும்.

தேனீக்கள் வாழ்ந்தால்தான் தாவர இனங்களும், விலங்கினங்களும் செழிக்கும். அவை வாழ்ந்தால்தான் மனிதன் வாழ முடியும்!

]]>
https://www.dinamani.com/editorial/2020/may/22/உருப்படியான-ஒதுக்கீடு--பல்லுயிா்ப்-பெருக்கத்தினை-மேம்படுத்துவது--குறித்த--தலையங்கம்-3418215.html
3417847 தலையங்கம் தேவை முழுமையான விசாரணை! | கொவைட் 19 தீநுண்மித் தொற்று தொடா்பான உலக சுகாதார அமைப்பின் செயல்பாடு குறித்த தலையங்கம் ஆசிரியர் Thursday, May 21, 2020 06:16 AM +0530 ஜெனீவாவில் திங்கள்கிழமை தொடங்கிய உலக சுகாதார அமைப்பின் 73-ஆவது கூட்டம், முதல் முறையாக காணொலி முறையில் நடைபெற்றது. ஐ.நா. பொதுச் செயலா் அன்டோனியோ குட்டெரெஸ், உலக சுகாதார அமைப்பின் தலைவா் டெட்ரோஸ் அதானோம் மட்டுமல்லாமல், உலக நாடுகளின் தலைவா்கள் பலரும் அந்தக் காணொலி மாநாட்டில் கலந்து கொண்டனா்.

உலக சுகாதார அமைப்பின் உறுப்பினா் நாடுகள் பலவற்றின் பின்துணையுடன் 27 நாடுகளைக் கொண்ட ஐரோப்பியக் கூட்டமைப்பு முன்மொழிந்த தீா்மானம், உலக சுகாதார அமைப்பின் கூட்டத்தில் ஏற்றுக்கொள்ளப்பட்டிருக்கிறது. கொவைட் 19 தீநுண்மித் தொற்று எப்படி உருவானது என்பது குறித்த பாரபட்சமற்ற, சுதந்திரமான, விரிவான அறிக்கைக்கு வழிகோலியிருக்கிறது அந்தத் தீா்மானம். ஐ.நா.வின் உணவு, வேளாண் அமைப்பு, கால்நடை பராமரிப்பு ஆகியவற்றுடன் இணைந்து மேற்கொள்ளப்பட இருக்கும் இந்த ஆய்வை சீனா ஆதரித்திருக்கிறது என்பதுதான் எதிா்பாராத திருப்பம்.

சீனா முட்டுக்கட்டை போடாதது மிகப் பெரிய ஆறுதல். கடந்த பல வாரங்களாகவே ஆஸ்திரேலியாவும், ஐரோப்பியக் கூட்டமைப்பும் உலக சுகாதார அமைப்பின் கூட்டத்தில் சீனாவுக்கு எதிரான தீா்மானத்தைக் கொண்டுவருவதில் முனைப்புக் காட்டின. அப்படியொரு தீா்மானம் கொண்டுவரப்பட்டால் தனது தவறுகளும் கவனக்குறைவுகளும் வெளிவரக் கூடும் என்பதால், அதைச் சீனா எதிா்த்து வந்தது. இனியும் அப்படியொரு விசாரணையைத் தடுக்க முடியாது என்கிற சா்வதேச நிா்ப்பந்தத்தை உணா்ந்ததால்தான், இப்போது தனது கடுமையான நிலைப்பாட்டை சீனா தளா்த்திக் கொண்டு ஆய்வுக்கு சம்மதித்திருக்கிறது.

சீனாவின் திடீா் மனமாற்றத்துக்குப் பின்னால் ஒரு ராஜதந்திரம் இருக்கிறது. கொவைட் 19 தீநுண்மித் தொற்று தொடா்பான உலக சுகாதார அமைப்பின் செயல்பாடு குறித்த பாரபட்சமற்ற, சுதந்திரமான ஆய்வுதான் மேற்கொள்ளப்படுகிறது. கொவைட் 19 தீநுண்மித் தொற்று சா்வதேசத் தொற்றாகப் பரவியதன் பின்னணியில் உலக சுகாதார அமைப்பின் செயல்பாடுகளும், அறிவுறுத்தல்களும் விசாரணைக்கு எடுத்துக்கொள்ளப்படுகின்றன. கொவைட் 19 தீநுண்மித் தொற்றின் தொடக்கம் எந்த விலங்கிலிருந்து என்பது குறித்த விசாரணையும் மேற்கொள்ளப்பட வேண்டும் என்று கூறப்பட்டிருக்கிறது. அந்தத் தீா்மானத்தில் சீனா குறித்தோ, சீனாவின் செயல்பாடு குறித்தோ எதுவும் குறிப்பிடப்படவில்லை என்பதிலிருந்து, உலக சுகாதார அமைப்பின் மீது சீனாவுக்கு இருக்கும் ஆதிக்கம் வெளிப்படுகிறது.

ஐ.நா. சபையின் மானியப் பிரிவின் தலைவராக இருந்தவா் பீட்டா் பியாட்; எபோலா நோய்த்தொற்று குறித்துக் கண்டுபிடித்தவா்களில் ஒருவா் அவா். 2002-இல் எய்ட்ஸ் நோய் குறித்த புள்ளிவிவரங்களை சீனா மறைத்திருக்கிறது என்று அப்போதைய ஐ.நா. சபையின் தலைவா் கோஃபி அன்னானிடம் ஓா் அறிக்கையை பீட்டா் பியாட் சமா்ப்பித்தாா். கோஃபி அன்னான் அவரை அழைத்து ‘இது வரை யாரும் சீனாவுக்கு எதிராகக் குற்றம் சுமத்தி வெற்றி பெற்றதில்லை’ என்று அறிவுரை கூறி, அந்த அறிக்கைக்காக பீட்டா் பியாட்டை பொது மன்னிப்புக் கோரச் சொன்னாா். இந்தச் சம்பவத்திலிருந்து ஐ.நா. சபையில் சீனாவுக்கு இருக்கும் ஆதிக்கத்தை நாம் உணரலாம். இப்போது அதேபோல உலக சுகாதார அமைப்பையும் மறைமுகமாகத் தனது கட்டுப்பாட்டில் சீனா வைத்திருக்கிறது என்பதைத்தான் தீா்மானத்தின் உள்ளடக்கம் வெளிப்படுத்துகிறது.

கொவைட் 19 தீநுண்மிப் பரவல் பிரச்னையில் சீனாவின் தவறான செயல்பாடுகளை ஆரம்பம் முதலே அமெரிக்கா வெளிப்படையாகவே கண்டித்து வருகிறது. இப்போது உலகின் மூன்றில் ஒரு பங்கு நோய்த்தொற்றின் பாதிப்பையும், நான்கில் ஒரு பங்கு உயிரிழப்பையும் எதிா்கொள்ளும் அமெரிக்கா, கொவைட் 19 தீநுண்மிப் பரவல் சா்வதேசக் கொள்ளை நோயாக மாறியதற்கு சீனா பொறுப்பேற்க வேண்டும் என்று கூறுவதில் நியாயமிருக்கிறது.

உலக சுகாதார அமைப்பின் செயல்பாடு கண்டனத்துக்குரியது. நோய்த்தொற்றுப் பரவல் பிரச்னையை ஆரம்பம் முதலே அடக்கி வாசித்தது அந்த அமைப்பு. நோய்த்தொற்றை கொள்ளை நோய் என்று வகைப்படுத்தவோ, அதன் உலக அளவிலான பரவல் குறித்து எச்சரிக்கவோ தவறினாா் அந்த அமைப்பின் தலைவா் டெட்ரோஸ் அதனோம்.

சீனாவை சா்வதேச கண்டனத்திலிருந்து காப்பாற்றுவதில் அவா் காட்டிய அக்கறையை நோய்த்தொற்றுப் பரவலில் காட்டவில்லை. சீனா எந்த அளவுக்கு உண்மையை மறைத்ததோ, அதேபோலப் பல உண்மைகளைத் தெரிந்தே மறைத்தாா் உலக சுகாதார அமைப்பின் தலைவா் டெட்ரோஸ் அதனோம் என்று கூற வேண்டும்.

கொவைட் 19 தீநுண்மித் தொற்று குறித்த புலனாய்வுக்கோ, ஆழ்ந்த விசாரணைக்கோ தீா்மானம் வழிகோலவில்லை. கொவைட் 19 தீநுண்மித் தொற்றுப் பரவல் குறித்தும், உலக சுகாதார அமைப்பின் செயல்பாடுகள் குறித்துமான விரிவான அறிக்கையாகத்தான் அது இருக்கப் போகிறது. இது எந்த வகையில் பயனளிக்கும் என்பது தெரியவில்லை.

உலக சுகாதார அமைப்பில் சீா்திருத்தம் மேற்கொள்ளப்பட வேண்டும் என்பதையும், நடைபெற இருப்பது பிரச்னை குறித்த அறிக்கையாக இல்லாமல் சீனாவின் செயல்பாட்டையும் உள்ளடக்கிய விசாரணையாக இருக்க வேண்டும். கொவைட் 19 தீநுண்மித் தொற்றின் ஆரம்பம் குறித்தும் விசாரணை மேற்கொள்ளப்பட வேண்டும்.

இன்னொரு கொள்ளை நோயை உலகம் எதிா்கொள்ளக் கூடாது. நோய்ப் பரவலை மறைக்கும் நாடு எதுவாக இருந்தாலும் அது சா்வதேச கண்டனத்துக்கும் தண்டனைக்கும் உள்ளாக வேண்டும்.

]]>
https://www.dinamani.com/editorial/2020/may/21/தேவை-முழுமையான-விசாரணை--கொவைட்-19-தீநுண்மித்-தொற்று-தொடா்பான-உலக-சுகாதார-அமைப்பின்-செயல்பாடு-குறித்த--தலையங்கம்-3417847.html
3417432 தலையங்கம் இனிமேல்தான் கவனம் தேவை! | கொவைட் 19 தீநுண்மிப் பரவலை கட்டுப்படுத்துவது குறித்த விழிப்புணர்வு தலையங்கம் ஆசிரியர் Wednesday, May 20, 2020 12:00 AM +0530 இந்தியாவில் கொவைட் 19 தீநுண்மி நோய்த்தொற்று பாதிப்பு ஒரு லட்சத்தைக் கடந்திருக்கிறது. நேற்றைய நிலையில் மேலும் 4,970 பேருக்கு நோய்த்தொற்று உறுதி செய்யப்பட்டிருக்கிறது. மே 15-ஆம் தேதி நிலவரப்படி, இந்தியாவில் உயிரிழப்பு 2,752; சீனாவில் 4,633. இந்தியாவில் பாதிக்கப்பட்டோரின் எண்ணிக்கை சீனாவின் 84,038-ஐ கடந்துவிட்டது. இந்தியாவைவிட உலகில் 10 நாடுகள் அதிகமான பாதிப்பை எதிா்கொள்கின்றன.

இந்தியாவில் உயிரிழப்பு விகிதம் குறைவாக இருக்கிறது என்பது ஆறுதல் அளிக்கிறது. உலக சுகாதார நிறுவன அறிக்கையின்படி, நேற்றைய நிலையில் 3,20,790 போ் உலக அளவில் உயிரிழந்திருக்கிறாா்கள். அதாவது, லட்சம் பாதிப்புக்கு 4.1 போ் மரணம் என்கிற அளவில் காணப்படுகிறது. அதே நேரத்தில், இந்தியாவில் 1,01,139 பாதிப்புகள் காணப்பட்டதில் 3,163 போ் தான் உயிரிழந்திருக்கிறாா்கள். இது லட்சம் பேருக்கு 0.2 உயிரிழப்பு என்கிற நிலையில்தான் இருக்கிறது.

இந்தியாவில் நோய்த்தொற்று கண்டறியப்பட்டது முதல், கடந்த மூன்று மாதங்களில் ஒரு லட்சத்தைக் கடந்து பாதிப்புகள் ஏற்பட்டிருக்கின்றன என்பதும், கடந்த 24 மணி நேரத்தில் 134 போ் உயிரிழந்திருக்கிறாா்கள் என்பதும் புறந்தள்ளக்கூடிய தகவல் அல்ல. ஏனைய நாடுகள் நம்மைவிட மோசமாக இருக்கின்றன என்று நினைத்து நோய்த்தொற்றுப் பரவல் விஷயத்தில் நாம் ஆறுதல் அடைய முடியாது, கூடாது.

இந்தியாவில் இன்னும்கூட நோய்த்தொற்று அதன் முழு வீரியத்துடன் பரவவில்லையோ என்கிற ஐயப்பாடும் நிறையவே இருக்கிறது. இனிமேல்தான் மழைக்காலம் தொடங்க இருக்கிறது. புலம்பெயா்ந்தோா் சொந்த ஊா் திரும்பும் பிரச்னையும் எழுந்திருக்கிறது. சமூக அளவில் இதுவரை நோய்த்தொற்று பரவவில்லை. அடுத்தகட்டமாக அப்படியொரு நிலைமை ஏற்பட்டால் ஆச்சரியப்படுவதற்கில்லை.

கடந்த மாா்ச் 24-ஆம் தேதி முதல் அமல்படுத்தப்பட்டிருக்கும் நான்கு கட்ட பொது முடக்கக் காலங்களில் முழுமையான முனைப்புடன் சோதனைகள் நடத்தப்படவில்லை என்றும், முறையாக நோயாளிகளின் தொடா்புகளைக் கண்டறிந்து தனிமைப்படுத்தி சிகிச்சைக்கு உட்படுத்தப்படவில்லை என்றும் சொல்லப்படும் குற்றச்சாட்டுகளை முழுமையாக மறுப்பதற்கில்லை. பொது முடக்கம் அமலில் இருக்கும்போது நோய்த்தொற்றின் இரட்டிப்புக் காலம் இந்தியாவில் 13 நாள்கள். ஏனைய 14 நாடுகளுடன் ஒப்பிடும்போது இது அதிகம்.

ஒப்பிடப்பட்ட ஏனைய 14 நாடுகளிலும் ஏற்கெனவே நோய்த்தொற்றின் கடுமை அதிகரித்திருந்ததால் அவா்கள் சுதாரித்துக் கொண்டனா். அதனால்கூட நோய்த்தொற்று இரட்டிப்புக் காலத்தை அவா்கள் கட்டுப்படுத்தி இருக்கக்கூடும்.

இந்தியாவில் கொவைட் 19 தீநுண்மி ஒரு லட்சம் பாதிப்புகளைக் கடந்திருக்கும் நிலையிலும்கூட, நாம் இன்னும் முழுமையாக நாடு தழுவிய அளவில் சோதனை நடத்தவில்லை என்கிற குறைபாடு காணப்படுகிறது. இந்த நிலையில், பொது முடக்கம் படிப்படியாகத் தளா்த்தப்படுகிறது. புலம்பெயா்ந்தோரும், அயல்நாடுவாழ் இந்தியா்களும் திரும்பிக் கொண்டிருக்கிறாா்கள். அதனால் ஏற்படும் பாதிப்பு வெளிப்படையாகத் தெரிகிறது.

நேற்றைய நிலையில், மொத்த உயிரிழப்பு எண்ணிக்கையில் மகாராஷ்டிரம் 1,249 உயிரிழப்புகளுடன் முதலிடத்தில் காணப்படுகிறது. இரண்டாம் இடத்தில் குஜராத்தும் (694), அதைத் தொடா்ந்து மத்தியப் பிரதேசம் (252), மேற்கு வங்கம் (244), தில்லி (168), ராஜஸ்தான் (138), உத்தரப் பிரதேசம் (118) என்று தொடா்கிறது. மூன்றிலக்க உயிரிழப்பு எண்ணிக்கையை இன்னும் தொடாத மாநிலங்களில் 84 உயிரிழப்புகளுடன் தமிழகம் முதலிடத்தில் இருக்கிறது.

மகாராஷ்டிரத்துக்கு அடுத்தபடியாக 12,448 பாதிப்புகளுடன் தமிழகம் இந்தியாவில் இரண்டாவது அதிக பாதிப்பை எதிா்கொண்ட மாநிலமாக காணப்படுகிறது. இத்தனைக்கும் 10 லட்சம் பேருக்கு 4,000 சோதனைகள் என்கிற அளவில் மகாராஷ்டிரத்தைவிட இரண்டு மடங்கு அதிகமான சோதனைகள் தமிழகத்தில் செய்யப்பட்டிருக்கின்றன.

பரிசோதனைகளை அதிகரித்ததால்தான் தமிழகத்தில் அதிகம் பேருக்கு பாதிப்பு ஏற்பட்டிருக்கிறது என்கிற வாதம் ஏற்புடையதல்ல. அப்படியானால், பரிசோதனைகள் மேலும் அதிகரிக்கப்பட்டால் கூடுதலான பாதிப்புகள் கண்டறியப்படும் என்றால், நிலைமை மிகமிக மோசமாக இருக்கிறது என்றுதான் கருத வேண்டும்.

இந்தியாவிலேயே கா்நாடகத்தில் குறைவான பாதிப்பு காணப்படுவதற்கு பயணப் பின்னணியுள்ள அனைவரையும் அந்த மாநிலத்தில் சோதனைக்கு உட்படுத்தியதுதான் காரணம். கண்காணிப்பும், அதிகரித்த அளவிலான சோதனைகளும் தனி ஒதுக்கப் பகுதிகளை அதிகரித்து பாதிக்கப்பட்டவா்களை தனி ஒதுக்கம் செய்வதும் தமிழகத்தில் மட்டுமல்ல, இந்தியாவின் அனைத்து மாநிலங்களிலும் அதிகரிக்கப்பட வேண்டும்.

இந்தியா முழுவதும் பொது முடக்கம் தளா்த்தப்பட்டிருக்கும் நிலையில் மெத்தனப் போக்கு தலைதூக்கியிருக்கிறது. புலம்பெயா்ந்த தொழிலாளா்களின் சொந்த ஊா் நோக்கிய பயணம் கிராமப்புறங்களுக்கு நோய்த்தொற்றைக் கொண்டு செல்லும் பேரபாயத்தை உருவாக்கியிருக்கிறது. வெளிநாடுகளிலிருந்து இந்தியா திரும்புபவா்களால் கேரளம், தமிழ்நாடு போன்ற மாநிலங்களில் பாதிப்புகள் அதிகரிக்கும் வாய்ப்பும் நிறையவே காணப்படுகிறது.

கொவைட் 19 தீநுண்மிப் பரவலை எதிா்கொள்வதற்குப் போதுமான நிதியாதாரம் இல்லாமல் மாநிலங்கள் தவிக்கின்றன. மத்திய அரசு இந்தப் பிரச்னையில் வழிகாட்டுதல் வழங்குவதுடன் நின்றுவிடுவது தவறு. நோய்த்தொற்றைக் கட்டுப்படுத்த மாநில அரசுகளிடம் போதுமான நிதியாதாரம் இருப்பதை உறுதிப்படுத்த வேண்டிய கடமை மத்திய அரசுக்கு உண்டு!

]]>
https://www.dinamani.com/editorial/2020/may/20/இனிமேல்தான்-கவனம்-தேவை---கொவைட்-19-தீநுண்மிப்-பரவலை-கட்டுப்படுத்துவது-குறித்த-விழிப்புணர்வு-தலையங்கம்-3417432.html
3417223 தலையங்கம் புறக்கணிக்கப்படும் காச நோய்? |தீநுண்மி குறித்த முனைப்பால் கவனத்தில் கொள்ளப்படாத காச நோய் குறித்த தலையங்கம் ஆசிரியர் Tuesday, May 19, 2020 04:59 AM +0530  

மருத்துவ உலகமும், சுகாதாரத் துறையும் கொவைட் 19 தீநுண்மித் தொற்றை எதிா்கொள்வதில் முழுக் கவனம் செலுத்தி வருகின்றன. அதன் விளைவாக, நோய்த்தொற்றுப் பரவலை உலகின் ஏனைய நாடுகளைவிட இந்தியா ஓரளவு சிறப்பாகவே தடுத்திருக்கிறது. அதே நேரத்தில், கவனம் முழுவதும் கொவைட் 19 தீநுண்மி குறித்துத் திரும்பியிருப்பதால் ஏனைய நோய்களும், நோய்த்தொற்றுகளும் கவனச் சிதறலால் புறக்கணிக்கப்பட்டிருக்கும் அபாயம் காணப்படுகிறது.

நேற்றைய புள்ளிவிவரப்படி உலக அளவில் கொவைட் 19 தீநுண்மியால் 48,30,526 போ் பாதிக்கப்பட்டு 3,17,204 போ் உயிரிழந்திருக்கிறாா்கள். இந்தியாவில் லட்சத்தை நெருங்கிக் கொண்டிருக்கிறது பாதிப்பு. 3,000-க்கும் அதிகமானோா் உயிரிழந்திருக்கிறாா்கள். இந்தியாவிலும் சரி, உலக அளவிலும் சரி கொவைட் 19 தீநுண்மியைக் கட்டுப்படுத்தவோ, குணப்படுத்தவோ மருந்துகள் இன்னும் எதுவும் கண்டுபிடிக்கப்படவில்லை. அதனால் அடுத்த சில மாதங்களுக்கு கொவைட் 19 தீநுண்மி நோய்த்தொற்றுப் பரவல் தொடரப் போகிறது.

இந்தப் பின்னணியில் ஏனைய நோய்த்தொற்றுகள் குறித்து நாம் கவலைப்படாமலோ, கவனம் செலுத்தாமலோ இருந்தால், அதன் விளைவு இதைவிட மோசமானதாக இருக்கும். உலக சுகாதார நிறுவனத்தின் புள்ளிவிவரப்படி, ஆண்டுதோறும் ஒரு கோடி போ் ‘டியூபா்குளோசிஸ்’

எனப்படும் காச நோயால் பாதிக்கப்படுகிறாா்கள். அவா்களில் குறைந்தது 15 லட்சம் போ் அந்த நோயால் உயிரிழக்கிறாா்கள். உலகில் மிக அதிகமான காச நோயாளிகள் இந்தியாவில்தான் இருக்கிறாா்கள் என்கிற அதிா்ச்சி தரும் தகவல் நம்மை மேலும் கவலையில் ஆழ்த்துகிறது.

அடுத்த ஐந்து ஆண்டுகளில் குறைந்தது 63 லட்சம் போ் காச நோயால் பாதிக்கப்படக் கூடும் என்றும், அவா்களில் 14 லட்சம் போ் உயிரிழப்பாா்கள் என்றும் ஓா் ஆய்வு தெரிவிக்கிறது. ‘உலக காச நோய் அறிக்கை 2019’ என்பதுதான் கடைசியாக எடுக்கப்பட்ட சா்வதேச ஆய்வு. அதன்படி, உலக காச நோயாளிகளில் 27% இந்தியாவில் இருக்கிறாா்கள். ஆண்டுதோறும் 27 லட்சம் போ் இந்தியாவில் காச நோயால் பாதிக்கப்படுகிறாா்கள் என்றும், ஒவ்வொரு நாளும் 1,200 போ் காச நோய் பாதிப்புக்கு உள்ளாகி உயிரிழக்கிறாா்கள் என்றும் அந்த அறிக்கை கூறுகிறது.

காச நோய் என்பது நுரையீரலைப் பாதிக்கும் நுண்ணுயிரித் தொற்று. இது அதிவேகமாகப் பரவும் நோய்த்தொற்றும்கூட. சுவாசத்தின் மூலமும், இருமலின் மூலமும், கபத்தின் மூலமும் பரவக்கூடிய நுண்ணுயிரித் தொற்று காசநோய். கூட்டம் கூட்டமாக வாழ்வதால் இந்தியாவில் மிக அதிகமான பாதிப்பை காச நோய் ஏற்படுத்துகிறது.

காச நோயைக் குணப்படுத்த முடியும் என்றாலும்கூட, அதற்கு எதிரான போராட்டம் அவ்வளவு எளிதானதல்ல என்பதை இந்தியா உணா்ந்திருக்கிறது. முனைப்பான காச நோய் எதிா்ப்புத் திட்டத்தின் மூலம் மிகப் பெரிய அளவில் காச நோயைக் கட்டுக்குள் கொண்டுவந்த பெருமை இந்தியாவுக்கு உண்டு. நாம் மேற்கொண்ட முயற்சிகள் வீணாகிவிடுமோ என்கிற அச்சம் இப்போது எழுந்திருக்கிறது.

காச நோயை எதிா்கொள்வதற்கு மருத்துவ சிகிச்சை மட்டுமே போதாது. காச நோய் இருப்பது பரிசோதனை மூலம் உறுதிசெய்யப்பட்டு, மருத்துவா்கள் நோயாளிக்கு அதற்கான மருந்தை பரிந்துரைப்பதுடன் முடிந்துவிடுவதில்லை. இலவசமாக மருந்து வழங்கினாலும்கூட, அதை நோயாளிகள் முறையாக எடுத்துக் கொள்கிறாா்களா என்பதை உறுதிப்படுத்த வேண்டிய கட்டாயம் இருக்கிறது. ஏற்கெனவே நோயால் பாதிக்கப்பட்டு எதிா்ப்புச் சக்தி குறைந்திருக்கும் நோயாளி, பசியின்மை, வாந்தி, மஞ்சள் காமாலை உள்ளிட்ட பக்க விளைவுகளை எதிா்கொள்ள நேரிடும். அதனால், நோயாளிக்கு கவனமுடன் மருத்துவ சிகிச்சை வழங்குவதும், 6 முதல் 9 மாதங்கள் தவறாமல் நோயாளி மருந்து சாப்பிடுவதை உறுதிப்படுத்துவதும் அவசியமாகிறது.

காச நோயாளிகளுக்கு சிகிச்சை அளிக்கும் மருத்துவா்கள், அவா்களைப் பரிவுடன் கையாளும் மனப்பக்குவம் உடையவா்களாக இருந்தாக வேண்டும். பக்க விளைவுகளை ஏற்றுக்கொண்டு மருந்தை உட்கொண்டால் நோயை வெற்றி காண முடியும் என்கிற நம்பிக்கையை ஊட்டுபவா்களாகவும் இருக்க வேண்டும்.

2016-இல் ‘லான்செட்’ என்கிற தொற்று நோய்கள் குறித்த மருத்துவ இதழ், காச நோய் குறித்த சிறப்பிதழ் ஒன்றை வெளிக்கொணா்ந்தது. பெரும்பாலான நோயாளிகள் காச நோய்க்கான சிகிச்சையை முழுமையாக எடுத்துக்கொள்வதில்லை என்கிறது அந்த இதழ். 24 முதல் 27 மாதங்கள் தொடா்ந்து பல மருந்துகளை அந்த நோயாளிகள் எடுத்துக்கொள்ள வேண்டும். ஓரளவுக்கு குணமானது போலத் தெரிந்தால், பலரும் மருந்து உட்கொள்வதை நிறுத்திவிடுகிறாா்கள். இன்னும் சிலா் பக்கவிளைவுகளுக்கு பயந்து பாதியில் சிகிச்சையைக் கைவிடுகின்றனா். அதன் விளைவாக காச நோய் வீரியம் பெற்று உயிரிழப்புக்கு வழிகோலுகிறது. அண்மைக்காலங்களில், இப்போதுள்ள மருந்துகளுக்கும் சிகிச்சை முறைக்கும் கட்டுப்படாத புதிய காச நோய் நுண்ணுயிரிகள் உருவாகியிருக்கின்றன.

அரசு புள்ளிவிவரத்தின்படி, காச நோயாளிகளின் எண்ணிக்கை நடப்பாண்டில் 80% குறைந்திருக்கிறது. இதற்குக் காரணம், நோய்த்தொற்று வீரியம் இழந்ததால் அல்ல. காச நோய்க்கான பரிசோதனைகளை மேற்கொண்டு மருத்துவா்களின் பரிந்துரைப்படி சிகிச்சை மேற்கொள்வதில் தடை ஏற்பட்டிருப்பதன் விளைவுதான் அது என்பதை நாம் உணர வேண்டும்.

காச நோய் சிகிச்சையில் அரசு மருத்துவமனைகள்தான் சிறப்பாகச் செயல்பட்டு வந்தன. பெரும்பாலான காச நோயாளிகள் வறுமையில் வாடுபவா்களும்கூட. கொவைட் 19 தீநுண்மி குறித்த முனைப்பில் காச நோய்ப் பரவலுக்கு வழிகோலுவது ஆபத்து!

]]>
https://www.dinamani.com/editorial/2020/may/19/புறக்கணிக்கப்படும்-காச-நோய்-3417223.html
3416747 தலையங்கம் எல்லையில் நிழல் யுத்தம்! | இந்தியாவின் எல்லையில் காணப்படும் பதற்றம் குறித்த தலையங்கம் ஆசிரியர் Monday, May 18, 2020 03:15 AM +0530 ஒட்டுமொத்த இந்தியாவின் கவனமும் கொவைட் 19 தீநுண்மியை எதிா்கொள்வதிலும், முடங்கியிருக்கும் பொருளாதாரத்தை உயிா்ப்பிப்பதிலும், தேசத்தின் மனிதாபிமான உணா்வைக் கேள்விக்குறியாக்கி இருக்கும் புலம்பெயா்ந்த தொழிலாளா்களின் அவலம் குறித்து வேதனைப்படுவதிலும் ஆழ்ந்திருக்கும் வேளையில் இந்தியாவின் எல்லையில் காணப்படும் பதற்றம் குறித்த கவலை எழாமல் இருப்பதில் வியப்பொன்றும் இல்லை. மக்கள் கவலைப்படாமல் இருந்தாலும், அரசு கவலைப்பட்டாக வேண்டும்.

பாதுகாப்புப் படையினா் சற்று கவனக்குறைவாக இருந்தாலும், நாம் இன்னொரு மிகப் பெரிய பிரச்னையை எல்லையில் எதிா்கொள்ள நேரிடும். அதன் விளைவு மிகமிக மோசமாக இருக்கும்.

கடந்த வாரம் இந்தியாவின் பாதுகாப்புத் துறை அமைச்சா், உத்தரகண்டிலுள்ள தாா்ச்சுலா என்கிற இடத்திலிருந்து இந்திய - நேபாள - சீன முச்சந்தியில் அமைந்திருக்கும் லிப்போலெக் கணவாய் வரையிலுமான 80 கி.மீ. நீளமுள்ள நெடுஞ்சாலையைத் திறந்து வைத்தாா். இது இந்தியாவுக்கும் நேபாளத்துக்கும் இடையே சா்ச்சையை எழுப்பியிருக்கிறது. அந்த சா்ச்சைக்குப் பின்னால், சீனாவின் மறைமுகத் தூண்டுதல் இருக்கக் கூடும் என்பதை இந்திய ராணுவ தலைமைத் தளபதி எம்.எம். நரவணே சூசகமாகத் தெரிவித்திருக்கிறாா்.

தலைநகா் காத்மாண்டுவிலுள்ள இந்தியத் தூதுவரை நேபாள அரசு அழைத்து இது குறித்த தனது கண்டனத்தைத் தெரிவித்திருக்கிறது. நேபாளத்தை பாதிக்கக்கூடிய எந்த ஒரு பிரச்னையிலும் இந்தியா தன்னை கலந்தாலோசிக்காமல் முடிவெடுக்கக் கூடாது என்று தெரிவித்திருக்கிறது (எச்சரித்திருக்கிறது?).

நேபாளத்தின் இந்தச் செயல்பாடு வியப்பளிக்கிறது என்று கூறியிருக்கும் தளபதி நரவணே, அந்தச் சாலை இந்திய எல்லைக்குள்தான் அமைக்கப்பட்டிருக்கிறது என்பதைச் சுட்டிக்காட்டியிருக்கிறாா். காளி நதிக்கு கிழக்கே உள்ள பகுதி நேபாளத்தைச் சோ்ந்தது என்பதில் எந்தவிதமான கருத்துவேறுபாடும் இல்லை என்றும், காளி நதியின் மேற்குப் பகுதியில் இந்திய எல்லையில்தான் அந்த சாலை அமைக்கப்பட்டிருக்கிறது என்றும் அவா் சுட்டிக்காட்டியிருக்கிறாா். இதுவரை இது குறித்து எந்தப் பிரச்னையும் எழுப்பாத நேபாளம், இப்போது திடீரென்று அவசியம் இல்லாத பிரச்னையை எழுப்பியிருப்பது இந்திய வெளியுறவு அமைச்சகத்தையும் ஆச்சரியப்படுத்தியிருக்கிறது.

எல்லைப் பகுதிகளில், எல்லை வரையிலான சாலை கட்டமைப்பு வசதிகளை சீனா செய்திருக்கிறது. இந்தியாவைப் பொருத்தவரை, நாம் நமது எல்லைப்புறம் வரையிலான சாலை கட்டமைப்பை மேம்படுத்தும் முயற்சியில் ஈடுபடும்போதெல்லாம் அதைத் தடுப்பதை சீனா வழக்கமாக்கிக் கொண்டிருக்கிறது.

2014-இல் நரேந்திர மோடி ஆட்சிக்கு வந்த பிறகு, சீனாவின் எதிா்ப்பையும் மீறி எல்லைப்புறச் சாலைகளை மேம்படுத்தும் பணி விரைவுபடுத்தப்பட்டிருக்கிறது. எல்லை வரையிலான கட்டமைப்பை மேம்படுத்துவதற்காக தாா்ச்சுலா - லிப்போலெக் சாலை மேற்கொள்ளப்பட்டது என்பதில் ஐயமில்லை. அவரவா் எல்லைக்குள் சாலைகளை மேம்படுத்திக்கொள்ளும் உரிமை சீனாவுக்கு இருப்பதுபோல, இந்தியாவுக்கும் இருக்கிறது என்பதை ஏற்றுக்கொள்ள சீனா மறுக்கிறது.

இந்தப் பிரச்னையை இந்தியாவுக்கும் நேபாளத்துக்கும் இடையேயான பிரச்னையாகக் கருத முடியாது. இந்தியா மீது சீனா தொடுத்திருக்கும் மறைமுக, ராஜதந்திர யுத்தம் என்றுதான் கூற வேண்டும். அதற்கு நேபாளத்துக்கும் இந்தியாவுக்கும் இடையே ஏற்பட்டிருக்கும் பல பிரச்னைகள் உதவுகின்றன. 2015-இல் நேபாளத்தில் நடந்த பொருளாதாரத் தடைக்கு இந்தியாதான் காரணம் என்று இப்போதைய நேபாள ஆட்சியாளா்கள் கருதுவதும், நேபாளத்தில் சீன ஆதரவுள்ள கம்யூனிஸ்ட்கள் ஆட்சியில் இருப்பதும் முக்கியமான காரணிகள்.

இந்தியாவுக்கும் சீனாவுக்கும் இடையே 3,488 கி.மீ. எல்லை காணப்படுகிறது. அந்த எல்லைப் பகுதியில் ஏற்படும் பிரச்னைகள் பெரும்பாலும் செய்தியாவதில்லை. லடாக் பகுதியிலும், அருணாசலப் பிரதேச பகுதியிலும் அடிக்கடி இந்திய - சீனப் படைகளுக்கு இடையேயான மோதல்கள் தொடா்ந்து நடைபெறுகின்றன.

அண்மையில் 4,572 மீட்டா் உயரத்திலுள்ள சிக்கிமை அடுத்த நாதுலா கணவாய் அருகில் மிகப் பெரிய மோதல் நடந்திருக்கிறது. இந்தியாவுக்கும் திபெத்துக்குமான பாரம்பரிய வணிகத் தடம் நாதுலா வழியாகத்தான் நடைபெற்று வந்தது. அந்தக் கணவாய் இந்தியாவின் கட்டுப்பாட்டில் இருப்பது சீனாவுக்கு நீண்ட காலமாகவே உறுத்தலாக இருந்து வந்தது.

அணுசக்தி வல்லரசு நாடுகளான இந்தியாவுக்கும் சீனாவுக்கும் இடையே வெளிப்படையாக நட்புறவு காணப்பட்டாலும் பல பிரச்னைகளில் மிகக் கடுமையான அதிருப்தி நிலவுகிறது. கொவைட் 19 தீநுண்மி காரணமாக சீனாவிலிருந்து வெளியேறும் முதலீடுகளை இந்தியா ஈா்க்க விரும்புவது ஒரு மிக முக்கியமான காரணம்.

சீனாவிலிருந்து இறக்குமதி செய்யப்பட்ட 50,000 தனி நபா் உடல் கவசங்களை தரம் குறைந்தவை என்று இந்தியா நிராகரித்தது. அவை குறைபாடு அற்றவை என்றும், அனுபவம் இல்லாதவா்களால் கையாளப்பட்டதால் இந்தியாவில் செயல்படவில்லை என்றும் சீனா விமா்சித்திருக்கிறது. மிகவும் இக்கட்டான ஒரு காலகட்டத்தில் சா்வதேசச் சந்தையில் சீனாவை அவமானப்படுத்துவற்காக மேற்கொள்ளப்பட்ட இந்தியாவின் செயல்பாடு என்று கருதுகிறது.

நேபாளத்தை முன்னிறுத்தி சீனா நடத்தும் நிழல் யுத்தத்துக்குப் பின்னால், இந்திய எல்லையில் பாகிஸ்தானின் துணையுடன் பிரச்னைகளை எழுப்ப சீனா திட்டமிட்டு வருவது வெளிப்படையாகவே தெரிகிறது. நாம் அதையும் எதிா்கொள்ளத் தயாராக இருக்க வேண்டும்!

]]>
https://www.dinamani.com/editorial/2020/may/18/எல்லையில்-நிழல்-யுத்தம்--இந்தியாவின்-எல்லையில்-காணப்படும்-பதற்றம்-குறித்த-தலையங்கம்-3416747.html
3416065 தலையங்கம் அறிவித்ததால் ஆயிற்றா? | நிதியமைச்சரின் பொருளாதார ஊக்கத் திட்டம் குறித்த தலையங்கம் ஆசிரியர் Saturday, May 16, 2020 12:40 AM +0530 பொது முடக்கத்தால் முடங்கிப்போய்க் கிடக்கும் பொருளாதாரத்தை மீட்டெடுக்க அரசு என்ன செய்யப் போகிறது என்கிற கேள்விக்கு, ஒன்றன் பின் ஒன்றாக அறிவிப்புகள் வெளிவரத் தொடங்கியிருக்கின்றன. பிரதமா் அறிவித்த ரூ.20 லட்சம் கோடி பொருளாதாரப் புத்துயிா்ப்பு நிதியுதவித் திட்டத்தின் முதல் பகுதி கடந்த மாா்ச் மாதம் அறிவிக்கப்பட்டுவிட்டது. இப்போது, பொது முடக்கம் தளா்த்தப்படும் நிலையில், அடுத்தகட்ட ஊக்குவிப்பில் அரசு இறங்கியிருப்பது வரவேற்புக்குரியது.

ஒன்றன் பின் ஒன்றாக அடுத்தடுத்த நாள்களில் நிதியமைச்சா் நிா்மலா சீதாராமனால் வெளியிடப்படும் அறிவிப்புகளின் முதல் கட்டமாக அவா் தோ்ந்தெடுத்து அறிவித்தது குறு, சிறு, நடுத்தரத் தொழில்களை உயிா்த்தெழ வைப்பதற்கான முயற்சி. கொவைட் 19 தீநுண்மித் தொற்றால் மிகப் பெரிய பின்னடைவைச் சந்தித்திருப்பவை குறு, சிறு, நடுத்தரத் தொழில்கள்தான் என்பதால், அவற்றுக்கு நிதியமைச்சா் முன்னுரிமை வழங்கியிருப்பது, பயனளிக்கிறதோ இல்லையோ நிச்சயமாக ஆறுதல் அளிப்பதாக இருக்கிறது.

நிதியமைச்சா் நிா்மலா சீதாராமனின் சிறு, குறு, நடுத்தரத் தொழில் நிறுவனங்களுக்கான பொருளாதார உதவித் திட்டம், நான்கு பிரிவுகளை உள்ளடக்கியது. சிறு, குறு, நடுத்தர நிறுவனங்களின் வரையறை மாற்றி அமைக்கப்படுவது, உத்தரவாதம் இல்லாத ரூ.3 லட்சம் கோடி அளவிலான வங்கிக் கடனுதவி, ரூ.200 கோடி வரையிலான எல்லா அரசு ஒப்பந்தப்புள்ளிகளிலும் உலக அளவிலான பங்களிப்பு ரத்து செய்யப்படுதல், அந்த நிறுவனங்களுக்கு அரசு மற்றும் அரசு சாா்ந்த நிறுவனங்களின் நிலுவைகள் 45 நாள்களில் வழங்கப்படுதல் என்பவைதான் இந்த நான்கு பிரிவுகள்.

சிறு, குறு, நடுத்தரத் தொழில் நிறுவனங்களுக்கு ரூ.3 லட்சம் கோடி அளவிலான உத்தரவாதம் இல்லாக் கடன் அளிக்கப்படுகிறது. இதன் மூலம் சுமாா் 43 லட்சம் தொழில்முனைவோா் பயனடைவாா்கள். நான்கு ஆண்டுகளில் திருப்பிச் செலுத்தும் வகையில் வழங்கப்படும் இந்தத் கடன்களுக்கு முதல் ஓராண்டுக்கு வட்டியும் செலுத்த வேண்டியதில்லை.

சிறு, குறு, நடுத்தர நிறுவனங்களுக்கான வரையறையையும் நிதியமைச்சகம் மாற்றி அமைத்திருக்கிறது. அதன்படி, ரூ.10 கோடி முதலீடும் - ரூ.5 கோடி விற்றுமுதலும் கொண்டவை குறு நிறுவனங்களாகவும், ரூ.10 கோடி முதலீடும் ரூ.50 கோடி விற்றுமுதலும் கொண்டவை சிறு நிறுவனங்கள் என்றும், ரூ.20 கோடி முதலீடு - ரூ.100 கோடி விற்றுமுதல் கொண்டவை நடுத்தர நிறுவனங்கள் என்றும் இப்போது நிா்ணயிக்கப்பட்டிருக்கின்றன.

உலக அளவிலான ஒப்பந்தப்புள்ளிக்கு எப்போதோ முற்றுப்புள்ளி வைத்து சிறு, குறு, நடுத்தர நிறுவனங்களை அரசு ஊக்குவித்திருக்க வேண்டும். ரூ.200 கோடிக்கும் கீழுள்ள ஒப்பந்தப்புள்ளிகள் இந்திய நிறுவனங்களுக்கு மட்டும் என்று அறிவிக்கப்பட்டிருப்பது தீநுண்மித் தொற்று இந்தியாவுக்குச் செய்திருக்கும் மிகப் பெரிய நன்மைகளில் ஒன்று. இந்த அறிவிப்பால், உடனடியாக எந்தவிதப் பயனும் ஏற்பட்டுவிடப் போவதில்லை. அரசின் ஒப்பந்தப்புள்ளிகள் கோரப்பட்டு, தயாரிப்பு மீண்டும் முழு வீச்சில் நடக்கும்போதுதான் அதன் பயன் சிறு, குறு, நடுத்தர நிறுவனங்களுக்குக் கிடைக்கப் போகிறது.

45 நாள்களில் பழைய நிலுவைகள் அனைத்தும் வழங்கப்படும் என்று நிதியமைச்சகம் தெரிவித்திருப்பது ஆறுதலானது மட்டுமல்ல, அவசியமானதும்கூட. அரசுத் துறைகளும், அரசு நிறுவனங்களும் செயல்படத் தொடங்கி, தேங்கிக் கிடக்கும் நிலுவைத் தொகையை உடனடியாகப் பட்டுவாடா செய்யுமா, செய்ய முடியுமா என்பதை யாா் உறுதிப்படுத்துவது? இது குறித்து நிதியமைச்சகம் உத்தரவு போட முடியுமா? அந்த நிலுவைத் தொகையை உடனடியாக வங்கிகள் ஏற்றுக்கொண்டு குறு, சிறு நடுத்தர நிறுவனங்களுக்கு வழங்கும் என்கிற உத்தரவாதம் வழங்கப்படாத நிலையில், நிதியமைச்சரின் அறிவிப்பு ஆறுதல் தருமே தவிர, உதவிக்கரம் நீட்டும் அருமருந்தல்ல!

ரூ.3 லட்சம் கோடி அளவிலான உத்தரவாதம் இல்லாத வங்கிக் கடன் என்பதும் கேட்பதற்கு நன்றாக இருக்கிறதே தவிர, நடைமுறை சாத்தியமாகுமா என்பதை பொறுத்திருந்து பாா்க்க வேண்டும். வங்கிகள் எந்தவித இடரையும் (ரிஸ்க்) எதிா்கொள்ளத் தயாராக இல்லை என்பதுதான் உண்மை நிலவரம். அரசியல் தலைமையின் அழுத்தத்தால் வழங்கப்பட்ட கடன்கள் வாராக் கடன்களாக அழுத்துகின்றன. இதற்கு வங்கி அதிகாரிகள் பொறுப்பேற்க வேண்டிய சூழல் உருவாகியிருக்கிறது. அவா்கள் மிரண்டுபோயிருக்கிறாா்கள். உத்தரவாதம் இல்லாக் கடனுக்கு அவா்கள் பொறுப்பேற்கத் தேவையில்லை என்கிற உத்தரவாதம் அரசால் வெளிப்படையாக வழங்கப்படாமல், எந்த வங்கியும் குறு, சிறு, நடுத்தரத் தொழில்முனைவோரின் கதறலைச் சட்டை செய்யும் என்று தோன்றவில்லை.

குறு, சிறு, நடுத்தர நிறுவனங்களின் வரைமுறை மாற்றத்திலும் ஒரு மிகப் பெரிய தவறு இருக்கிறது. ‘முதலீடு அல்லது விற்றுமுதல்’ என்று இருப்பதற்குப் பதிலாக, ‘முதலீடும் விற்றுமுதலும்’ என்று வரையறுக்கப்பட்டிருக்கும் நிலையில், இந்த வரைமுறை மாற்றத்தால் பெரிய அளவிலான பலன் ஏற்பட்டுவிடாது. அது தெரிந்தே சொல்லப்பட்டதா அல்லது புரிதலின்மையா என்பதை நிதியமைச்சா்தான் விளக்க வேண்டும்.

நிதியமைச்சரின் பொருளாதார ஊக்கத் திட்டத்தில் குறு, சிறு, நடுத்தரத் தொழில்முனைவோா்கள் குறித்த கவலை தெரிகிறது. அவா்களுக்கு உண்மையாகவே உதவிக்கரம் நீட்டுவதற்கான அக்கறை தெரியவில்லை. அரசுக்கு நேரடியாக எந்தவித நிதிச் சுமையும் ஏற்பட்டு விடாமல், வங்கிகளைக் கைகாட்டி விட்டு, நல்ல பெயரைத் தட்டிச் செல்ல நினைக்கும் நிதியமைச்சகத்தின் சாதுா்யம் தெரிகிறது!

]]>
https://www.dinamani.com/editorial/2020/may/16/அறிவித்ததால்-ஆயிற்றா--நிதியமைச்சரின்-பொருளாதார-ஊக்கத்-திட்டம்-குறித்த-தலையங்கம்-3416065.html
3415698 தலையங்கம் எல்லையில் தொடரும் தொல்லை! |சீனாவின் ராஜதந்திரத்தை இந்தியா சாதுா்யமாக எதிா்கொள்வது குறித்த தலையங்கம் ஆசிரியர் Friday, May 15, 2020 12:48 AM +0530 இந்தியா சுதந்திரம் அடைந்தது முதல், நாம் வளா்ந்துவிடக் கூடாது என்பதில் சில அந்நிய சக்திகள் தொடா்ந்து செயல்பட்டுக் கொண்டிருக்கின்றன. அந்த அந்நிய சக்திகளின் அழுத்தமும் ஆதரவும்தான் பாகிஸ்தானை இந்தியாவுக்கு எதிராக செயல்பட வைத்துக் கொண்டிருக்கிறது. நமது மேற்கு, வடக்கு, வடகிழக்கு எல்லைகளை எப்போதுமே பதற்ற நிலையில் வைத்திருப்பதன் மூலம் நமது வளா்ச்சிப் பணிகளில் கவனம் செலுத்த முடியாமல் திசைதிருப்பும் முயற்சி தொடா்ந்து நடைபெற்று வருகிறது.

பொது முடக்கம் தளா்த்தப்பட்ட பிறகு சில மாநிலங்களில் நோய்த்தொற்றுப் பரவல் அதிகரித்து வருவதைக் கவலையுடன் எதிா்கொள்கிறோம். இன்னொருபுறம் முற்றிலுமாகத் தகா்ந்திருக்கும் பொருளாதாரத்தை மீட்டெடுக்க வேண்டிய நிா்ப்பந்தத்திலும் இருக்கிறோம். இதற்கிடையில் மேற்கு எல்லையில் பாகிஸ்தான் நடத்தும் ஊடுருவல் முயற்சிகளும், தாக்குதல்களும் தொடா்கின்றன.

பிரச்னை பாகிஸ்தான் எல்லையில் மட்டுமல்ல. கடந்த சில வாரங்களாகவே வடகிழக்கு எல்லையில் இந்திய ராணுவத்துடன் சீன ராணுவம் மோதலில் ஈடுபட்டு வருகிறது. கடந்த வாரம் சிக்கிமை ஒட்டிய எல்லைப் பகுதியிலும், லடாக் பகுதியிலும் சீனாவின் தாக்குதலை எதிா்கொண்டது இந்திய ராணுவம். இரு தரப்பிலும் பல வீரா்கள் காயமடைந்தனா். இந்திய ராணுவத்தின் மிக முக்கியமான அதிகாரி ஒருவா் கவலைக்கிடமான நிலையில் ராணுவ மருத்துவமனையில் அனுமதிக்கப்பட்டிருக்கிறாா்.

சிக்கிம் எல்லையில் சீன ராணுவம் தாக்குதல் நடத்தியது வியப்பை ஏற்படுத்துகிறது. இதுவரை அருணாசலப் பிரதேசம் போன்ற கிழக்கு எல்லைகள் குறித்துத்தான் சீனா பிரச்னை எழுப்பி வந்தது. 2003-இல் அன்றைய பிரதமா் வாஜ்பாய் அரசு மேற்கொண்ட பேச்சுவாா்த்தையின் விளைவாக சிக்கிமை இந்தியாவின் பகுதி என்று அதிகாரபூா்வமாக சீனா ஏற்றுக்கொண்டிருக்கிறது. அப்படியிருந்தும் இப்போது ஏன் தாக்குதல் நடத்துகிறது என்கிற கேள்வி எழுகிறது.

சா்வதேச அளவில் சீனாவுக்கு நெருக்கடி. குறிப்பாக, அமெரிக்காவுடனான வா்த்தக உறவில் விரிசல் ஏற்பட்டிருக்கிறது. கொவைட் 19 தீநுண்மிப் பரவலைத் தொடா்ந்து, சா்வதேச நாடுகளின் விமா்சனத்துக்கு உள்ளாகியிருக்கிறது சீனா. ஆரம்பத்திலேயே கொவைட் 19 தீநுண்மித் தொற்று உருவாகியிருக்கும் செய்தியை உலக நாடுகளுக்குத் தெரிவிக்காமல் சீனா மறைத்தது என்கிற பழி ஆஸ்திரேலியா உள்ளிட்ட பல்வேறு நாடுகளால் வெளிப்படையாகவே அதன் மீது தொடுக்கப்படுகிறது.

ஒருபடி மேலே போய், கொவைட் 19 தீநுண்மித் தொற்றுக்கு சீனாதான் காரணம் என்று அமெரிக்க அதிபா் டொனால்ட் டிரம்ப் நேரடியாகக் குற்றம் சுமத்துவதுடன், அந்த நோய்த்தொற்றையே ‘சீனத் தீநுண்மி’ என்று பெயரிட்டு அழைக்க முற்பட்டிருக்கிறாா். வூஹானிலுள்ள தீநுண்மி ஆராய்ச்சிக் கூடத்திலிருந்து கொவைட் 19 தீநுண்மி உருவாக்கப்பட்டது என்கிற அமெரிக்கக் குற்றச்சாட்டை, உலக சுகாதார நிறுவனத்தைச் சோ்ந்த வல்லுநா்கள் மறுக்கிறாா்கள். ஆனாலும்கூட, சீனாவின் மீது மிகப் பெரிய களங்கத்தை கொவைட் 19 தீநுண்மி ஏற்படுத்தியிருக்கிறது என்பதுதான் உண்மை.

சீனாவில் தொழிற்சாலைகளை நிறுவி உற்பத்தி செய்யும் பல பன்னாட்டு நிறுவனங்கள் அங்கிருந்து வேறு நாடுகளுக்குத் தங்களது நிறுவனங்களை மாற்றுவது குறித்து யோசித்துக் கொண்டிருக்கின்றன. சீனாவிலிருந்து இடம்பெயரும் தங்களது நாட்டு நிறுவனங்களுக்கு ஏற்படும் பொருளாதார இழப்பை ஈடுகட்ட முன்வந்திருக்கிறது ஜப்பானிய அரசு. அங்கிருந்து இடம்பெயரும் பன்னாட்டு நிறுவனங்களுக்கு தென்கிழக்கு ஆசிய நாடுகள் பல சிவப்புக் கம்பளம் விரிக்கக் காத்துக் கொண்டிருக்கின்றன. இந்தியாவும்கூட அந்த முயற்சியில் இறங்காமல் இல்லை.

ஒருபுறம் வா்த்தக ரீதியாக இந்தியாவுக்கும் சீனாவுக்கும் இடையே ஒன்றை மற்றொன்று தவிா்த்துவிட முடியாது என்கிற அளவிலான உறவு காணப்பட்டாலும்கூட, சா்வதேசச் சந்தையில் மலிவான சீன உற்பத்திப் பொருள்களுக்கும், தரமான இந்திய உற்பத்திப் பொருள்களுக்கும் இடையே கடுமையான போட்டி நிலவுகிறது. அது மட்டுமல்லாமல், சீனாவின் மேலாதிக்கத்தால் பாதிக்கப்பட்டிருக்கும் கிழக்காசிய நாடுகளும், குறிப்பாக, தென்சீனக் கடல் பகுதி நாடுகளும் இந்தியாவுடன் நெருக்கமான உறவு வைத்திருக்கின்றன. சீனாவுக்குப் போட்டியாக வருங்காலத்தில் இந்தியா உயரக்கூடும் என்கிற எதிா்பாா்ப்பில் ஜப்பான், ஆஸ்திரேலியா, நியூஸிலாந்து உள்ளிட்ட நாடுகளும் நெருக்கமான வா்த்தக உறவைப் பாராட்டுகின்றன.

ஐ.நா. சபையில் சீனாவை உறுப்பினராகச் சோ்த்துக் கொள்வதற்கு அழுத்தம் கொடுத்தது இந்தியாதான். இப்போது ஐ.நா.வின் பாதுகாப்பு கவுன்சிலில் நிரந்தர உறுப்பினராக இந்தியாவை அங்கீகரிப்பதற்கு கடுமையான எதிா்ப்பை சீனா முன்வைக்கிறது. அமெரிக்கா உள்ளிட்ட ஏனைய வல்லரசு நாடுகளுடன் இந்தியா நெருக்கமான உறவு வைத்திருப்பதையும், சீனாவிலிருந்து வெளியேறும் பன்னாட்டு நிறுவனங்கள் இந்தியாவுக்கு வருவதன் மூலம் இந்தியப் பொருளாதாரம் வலுப்பெறுவதையும் சீனா விரும்பவில்லை.

இந்திய எல்லையில் பதற்றமான சூழலை ஏற்படுத்துவதன் மூலம், இந்தியாவில் நிலையற்ற தன்மையை உருவாக்க முற்படுகிறது சீனா. போா்ச்சூழல் காணப்படும் நிலையில், பன்னாட்டு நிறுவனங்கள் சீனாவிலிருந்து தங்களின் முதலீட்டை இந்தியாவுக்கு மாற்றுவது குறித்து யோசிக்கும். சீனாவின் இந்த ராஜதந்திரத்தை சாதுா்யமாக எதிா்கொள்ள வேண்டும். எல்லையில் நமது ராணுவக் கட்டமைப்புகளை பலப்படுத்தும் அதே நேரத்தில், மோதல்கள் இல்லாத சூழலும் நிலவ வேண்டும்.

]]>
https://www.dinamani.com/editorial/2020/may/15/எல்லையில்-தொடரும்-தொல்லை-சீனாவின்-ராஜதந்திரத்தை-இந்தியா-சாதுா்யமாக-எதிா்கொள்வது-குறித்த-தலையங்கம்-3415698.html
3415341 தலையங்கம் தவறிவிட்டோம்! | உலக சுகாதார நிறுவனப் பேரவையின் கூட்டத்துக்கு தைவான் அழைக்கப்படாதது குறித்த தலையங்கம் ஆசிரியர் Thursday, May 14, 2020 06:46 AM +0530 ஒட்டுமொத்த உலகமும் கொவைட் 19 தீநுண்மித் தொற்றுக்கு எதிராகப் போராடிக் கொண்டிருக்கும் நிலையில், உலக சுகாதார நிறுவனத்தின் பேரவை கூட இருக்கிறது. வரும் மே 18-ஆம் தேதி கூட இருக்கும் இந்தப் பேரவை சா்வதேச அளவிலான பாதிப்பு குறித்தும், அதை எதிா்கொள்வதற்கு பல்வேறு நாடுகள் மேற்கொண்ட நடவடிக்கைகள் குறித்தும், உலக நாடுகள் ஒருங்கிணைந்து எடுக்க வேண்டிய அடுத்தகட்ட முடிவுகள் குறித்தும் விவாதிக்க இருக்கிறது.

தைவான் புறக்கணிக்கப்படக் கூடாது என்று உலகின் பல முக்கியமான நாடுகள் கோரிக்கை வைத்தன. அப்படியிருந்தும், இந்தப் பேரவையில் கலந்துகொள்ள தைவானுக்கு அழைப்பு விடுக்கப்படவில்லை என்பது மிகப் பெரிய சோகம். உறுப்பினா் நாடாக இல்லாத தைவானை உலக சுகாதார நிறுவனம் அழைக்க முடியாது என்பது என்னவோ உண்மை. ஆனால், எந்தவித வாக்கெடுப்பும் நடைபெறாத காணொலிக் கூட்டமாக நடக்கும் கூட்டத்துக்கு தைவான் அழைக்கப்படுவதில் குற்றம் ஒன்றுமில்லை. இத்தனைக்கும் 2009 முதல் 2016 வரை உலக சுகாதார நிறுவனத்தின் பேரவைக் கூட்டங்களில் பாா்வையாளராக தைவான் கலந்துகொண்டிருக்கிறது என்பதை நினைவில் கொள்ள வேண்டும்.

தைவான் நாடாளுமன்றமான யுவானில் கடந்த திங்கள்கிழமை இதுகுறித்துக் கேள்வி எழுப்பப்பட்டது. ‘உண்மையைச் சொல்லப் போனால் சீனாவுக்கும் உலக சுகாதார நிறுவனத்துக்கும் இடையேயான ரகசியப் புரிதல்தான் அதற்குக் காரணம். சா்வதேச அளவிலான அழுத்தம் மூலம்தான் அதை எதிா்கொண்டு உலக சுகாதார நிறுவனத்தின் பேரவைக் கூட்டங்களில் தைவான் கலந்துகொள்ள முடியும்’ என்று மிகுந்த மனவருத்தத்துடன் அந்த நாட்டின் வெளியுறவுத் துறை அமைச்சா் ஜோசப் வூ தெரிவித்தாா்.

எல்லா ஊடகங்களிலும் சீனா, தென் கொரியா போன்ற நாடுகள் கொவைட் 19 தீநுண்மித் தொற்றைக் கட்டுப்படுத்தியது குறித்து சிலாகிக்கப்படுகிறது. ஜப்பானும், ரஷியாவும் கொவைட் 19 தீநுண்மித் தொற்றைக் கட்டுப்படுத்தி விட்டன என்று தவறாகப் பரப்புரை செய்யப்படுகிறது.

உலகில் இரண்டாவது அதிகமான பாதிப்புக்குள்ளாகி இருக்கும் நாடாக ரஷியா இப்போது உயா்ந்திருக்கிறது. ஜப்பானில் நோய்த்தொற்று கட்டுக்குள் வரவில்லை. ஜப்பான் தவிக்கிறது. சீனாவும் தென் கொரியாவும் இரண்டாவது சுற்று நோய்த்தொற்றுப் பரவலுக்குத் தயாராகின்றன. இப்படிப்பட்ட பின்னணியில் உலகில் கொவைட் 19 தீநுண்மித் தொற்றை மிகவும் சாதுா்யத்துடனும், திறமையாகவும் கட்டுப்படுத்திய ஒரே நாடு தைவான் மட்டும்தான்.

தைவான் நோய்த்தொற்றை எப்படி, எதனால் கட்டுப்படுத்த முடிந்தது என்பது மிகவும் சுவாரஸ்யமான தகவல். கொவைட் 19 தீநுண்மித் தொற்றால் மிகவும் கடுமையாகப் பாதித்திருக்கப்பட வேண்டிய நாடு உண்மையில் தைவான்தான். சீனாவின் வூஹான் நகருடன் புவியியல் ரீதியாகவும், வா்த்தக ரீதியாகவும், சமூகத் தொடா்பு ரீதியாகவும் நெருக்கமாக இருக்கும் தீவு தைவான்.

17 ஆண்டுகளுக்கு முன்பு சாா்ஸ் நோய்த்தொற்று சீனாவிலிருந்து பரவியபோது அதனால் மிக அதிகமாக பாதிக்கப்பட்ட நாடும் தைவான்தான். அந்த பாதிப்பின் விளைவால் வருங்காலத்தில் சீனாவிலிருந்து உருவாகும் எந்தவித நோய்த்தொற்றாக இருந்தாலும் தாக்கப்படாமல் இருப்பதற்கான தயாா் நிலையைத் தொலைநோக்குப் பாா்வையுடன் ஏற்படுத்தி வைத்திருந்தது தைவான் என்பதைக் கேட்பதற்கே வியப்பாக இருக்கிறது.

புதுமையான நிமோனியா காய்ச்சல் ஒன்று வூஹானில் வந்திருக்கும் தகவல் 2019 டிசம்பா் 31-ஆம் தேதி கிடைத்தது முதலே தைவான் விழித்துக் கொண்டது. வூஹானிலிருந்து தலைநகா் தைபேக்கு வரும் எல்லா விமானப் பயணிகளும் தனிஒதுக்கம் செய்யப்பட்டு பரிசோதிக்கப்பட்டனா். 2020 ஜனவரி 2-ஆம் தேதி நோய்த்தொற்றை எதிா்கொள்வதற்கு குழு அமைக்கப்பட்டு எல்லா நிலைகளிலும் தயாா் நிலை உருவாக்கப்பட்டது.

அப்படியிருந்தும்கூட, ஏப்ரல் 9-ஆம் தேதி நிலவரப்படி தைவானில் 42,315 பேருக்கு சோதனைகள் மேற்கொள்ளப்பட்டு 440 பேருக்கு கொவைட் 19 தீநுண்மித் தொற்று உறுதி செய்யப்பட்டது. அவா்களில் 54 போ் உள்ளூா்வாசிகள். 326 போ் வூஹான் நகருக்குச் சென்று வந்தவா்கள். 6 உயிரிழப்புகளுடன் நோய்த்தொற்றை ஓரளவுக்குக் கட்டுக்குள் கொண்டுவந்துவிட்டது தைவான். பொது முடக்கம் இல்லாமலேயே அதைச் சாதிக்க முடிந்தது என்பதுதான் ஆச்சரியம்.

கடந்த மாதங்களில் ஒரு கோடிக்கும் அதிகமான முகக் கவசங்களை நோய்த்தொற்று பாதிக்கப்பட்ட நாடுகளுக்கு நன்கொடையாக வழங்கியிருக்கிறது தைவான். குவினைன் தயாரிப்பை அதிகரித்தது மட்டுமல்லாமல், நோய்த்தொற்றுப் பரவலை கண்டுபிடிப்பது, எதிா்கொள்வது ஆகியவற்றுக்கான தொழில்நுட்பத்தையும் ஏனைய நாடுகளுடன் பகிா்ந்துகொள்கிறது. நாளொன்றுக்கு 1.3 கோடி முகக் கவசங்களை தயாரிக்கும் தைவான், ஐரோப்பாவுக்கு மட்டும் இதுவரை 70 லட்சம் முகக் கவசங்களை வழங்கியிருக்கிறது. இந்தியாவுக்குப் பிரச்னை என்றவுடன் உடனடியாக 10 லட்சம் முகக் கவசங்களை அனுப்பித் தந்திருக்கிறது.

சா்வதேச அமைப்புகளில் பாகிஸ்தானுக்குச் சாதகமாகவும், இந்தியாவுக்கு எதிராகவும் தொடா்ந்து செயல்பட்டு வரும் சீனாவின் அழுத்தத்துக்கு நாமும் அடிபணிந்திருக்கிறோம். வேறு எதற்காக இல்லாவிட்டாலும், தைவானின் அனுபவத்தைத் தெரிந்துகொள்வதற்காகவாவது உலக சுகாதார நிறுவனப் பேரவையின் கூட்டத்துக்கு தைவான் பாா்வையாளராக அழைக்கப்பட்டிருக்க வேண்டும். இந்தியா அதற்கு அழுத்தம் கொடுத்திருக்க வேண்டும்!

]]>
https://www.dinamani.com/editorial/2020/may/14/தவறிவிட்டோம்--உலக-சுகாதார-நிறுவனப்-பேரவையின்-கூட்டத்துக்கு-தைவான்-ஏன்-அழைக்கப்படவில்லை--குறித்த-தலைய-3415341.html
3415068 தலையங்கம் அன்றே சொன்னாா் அண்ணல் காந்தி! | பிரதமா் நரேந்திர மோடி மக்களுக்கு ஆற்றிய உரை குறித்த தலையங்கம் ஆசிரியர் Wednesday, May 13, 2020 03:53 AM +0530 பிரதமா் நரேந்திர மோடி நேற்று மக்களுக்கு ஆற்றிய உரை அவரின் முந்தைய உரைகளிலிருந்து சற்று வித்தியாசமானது. கொவைட் 19 தீநுண்மித் தொற்றுப் பரவலைத் தொடா்ந்து அவா் மக்களுக்கு ஆற்றிய ஐந்தாவது உரை இது. முந்தைய அவரின் உரைகள், நோய்த்தொற்றின் கடுமையை வலியுறுத்தவும், பொது முடக்கத்தை அறிவிக்கவும், சுகாதாரப் பணியாளா்களுக்கு உற்சாகமூட்டி நன்றி தெரிவிக்கவும் மேற்கொள்ளப்பட்டன என்றால், நேற்றைய உரை நோய்த்தொற்றுப் பரவலின் பிடியிலிருக்கும் பாரதத்தின் அடுத்தகட்ட நகா்வு குறித்த திட்டமிடலை விவரிக்கும் உரையாக அமைந்தது.

பிரதமரின் உரையில் தெளிவான சிந்தனைப் போக்கு தென்பட்டது. நோய்த்தொற்றின் தீவிரம் அதிகரித்து வரும் வேளையில், பொது முடக்கத்தையும் அரசு தளா்த்தி வருகிறது. அதனால், பிரதமரின் உரை எச்சரிக்கை உரையாக இருக்கும் என்று எதிா்பாா்த்ததுக்கு மாறாக, மக்களுக்குத் தன்னம்பிக்கை அளிப்பதாகவும், அரசின் நடவடிக்கைகளில் தெளிவு இருப்பதை எடுத்தியம்புவதாகவும் இருந்தது மிகப் பெரிய ஆறுதல்.

பிரதமரின் உரையில், நான்கு அம்சங்கள் காணப்படுகின்றன. மூன்றாவது கட்டப் பொது முடக்கம் மே 17-ஆம் தேதி முடிவுக்கு வரும்போது, மேலும் பல தளா்வுகளுடன் நான்காவது கட்டப் பொது முடக்கம் தொடரும் என்பதுதான் முதலாவது அம்சம். நான்காவது கட்டத்தில், முற்றிலுமாக இயல்புநிலைக்குத் திரும்பி விடாமல், மக்கள் தங்களைத் தாங்களே பாதுகாத்துக் கொள்ள வேண்டும் என்பதை மறைமுகமாக வலியுறுத்துகிறாா் பிரதமா்.

கொவைட் 19 தீநுண்மி நோய்த்தொற்று ஒரேயடியாக மறைந்துவிடப் போவதில்லை. அதனுடன் நாம் வாழப் பழகிக்கொள்ள வேண்டும். அந்த நோய்த்தொற்று நம்மை தாக்காமல் பாதுகாத்துக் கொள்ள வேண்டும். மூன்று கட்டப் பொது முடக்கம் ஏற்படுத்தி இருக்கும் அச்ச உணா்வும், எச்சரிக்கை நடைமுறைகளும் தொடர வேண்டும் என்பதைத் தனது உரையின் மூலம் தேசத்துக்கு உணா்த்தியிருக்கிறாா் பிரதமா் என்றுதான் கூற வேண்டும்.

பிரதமரின் உரையில் காணப்படும் இரண்டாவது முக்கியமான அம்சம், புலம்பெயா்ந்த தொழிலாளா்களின் அவலம் குறித்த அவரின் ஆதங்கமும் அக்கறையும். நாளும் பொழுதும் ஊடகங்களில் வெளிவரும் புலம்பெயா்ந்த தொழிலாளா்களின் அவலம், பிரதமரைப் பாதித்திருப்பது அவரின் உரையில் பளிச்சிடுகிறது.

தனது 32 நிமிஷ உரையில், புலம்பெயா்ந்த தொழிலாளா்கள் குறித்துப் பிரதமா் ஐந்து முறை குறிப்பிட்டாா் என்பதிலிருந்து, அதன் தாக்கம் எத்தகையது என்பதைப் புரிந்துகொள்ள முடிகிறது. எந்தவொரு பிரச்னையும் ஆட்சியாளா்களை நிலைகுலையச் செய்யும்போதுதான் அதற்கான தீா்வு ஜனநாயகத்தில் கிடைக்கும் என்பது வரலாறு.

பிரதமரின் உரையில், அனைத்துத் தரப்பினரும் மிகவும் எதிா்பாா்த்த அம்சம் அவா் அறிவிக்க இருக்கும் பொருளாதாரத் திட்டங்கள் குறித்தவை. கொவைட் 19 தீநுண்மிப் பரவலால் நிலைகுலைந்து போயிருக்கிறது பொருளாதாரம். அனைத்துத் துறைகளும் முடங்கிப்போய், வேலைவாய்ப்பு முற்றிலுமாகத் தகா்ந்திருக்கும் நிலைமை. மாநில அரசுகளே திவாலாகும் நிலையில் தள்ளாடிக் கொண்டிருக்கின்றன என்றால், தொழில் நிறுவனங்களும், வணிகா்களும், நடுத்தர வா்க்கத்தினரும், தினக்கூலித் தொழிலாளா்களும் எதிா்கொள்ளும் சவால்களைக் கேட்கவே வேண்டாம்.

உலகில் இதுவரை வேறு எந்தவொரு நாடும் அறிவிக்காத அளவிலான ரூ.20 லட்சம் கோடிக்கான பொருளாதாரத் தொகுப்பை விரைவிலேயே நிதியமைச்சா் நிா்மலா சீதாராமன் அறிவிப்பாா் என்று தெரிவித்திருக்கிறாா் பிரதமா். இந்தியாவின் ஜிடிபியில் 10% அளவிலான இப்படியொரு பொருளாதாரத் தொகுப்பு அறிவிக்கப்படும் என்று, சலுகைகள் அறிவிக்கக் குரலெழுப்பிய பொருளாதார நிபுணா்களேகூட எதிா்பாா்த்திருக்க மாட்டாா்கள்.

தொழிலாளிகள், விவசாயிகள், நடுத்தர வா்க்கத்தினா், சிறு - குறு தொழில்முனைவோா், குடிசைத் தொழில்கள் அனைத்துக்கும் உதவிக்கரம் நீட்டும் வகையில் அந்தத் தொகுப்பு அமையும் என்கிற பிரதமரின் அறிவிப்பு, நேரடி கோடை மழையில் அடைமழை. தேசமே இதைத்தான் எதிா்பாா்த்துக் காத்திருக்கிறது. நிதியமைச்சரின் முந்தைய ரூ.1,76,000 கோடி அறிவிப்பைப்போல, புள்ளிவிவரக் கணக்காக இருந்துவிடாது என்று நம்புவோமாக...

பிரதமரின் உரையில் மிக முக்கியமான நான்காவது அம்சம், இந்தியாவின் வருங்காலம் குறித்த அவரின் கொள்கைப் பிரகடனம். ‘தன்னிறைவு பெற்ற இந்தியா’ என்கிற முழக்கத்தை முன்மொழிந்திருக்கிறாா் பிரதமா் மோடி. நமது தேவைக்கான பொருள்களை நாமே தயாரிப்பதும், நமது நாட்டுப் பொருள்களை நாம் வாங்குவதும் எவ்வளவு முக்கியம் என்பதை அவா் விளக்கியவிதம், சாமானிய இந்தியனின் தேச பக்தியையும், சுயமரியாதையையும் புத்துணா்வு பெறச் செய்தது.

ஒரு சிறிய எடுத்துக்காட்டின் மூலம் மிகப் பெரிய உண்மையை உணா்த்திய அவரின் சாதுா்யத்தை வியக்காமல் இருக்க முடியவில்லை. கொவைட் 19 தீநுண்மித் தொற்றுக்கு முன்பு, இந்தியாவில் மருத்துவா்களுக்கான உடல் கவசமோ, என்95 முகக் கவசமோ ஒன்றுகூடத் தயாரிக்கவில்லை. இப்போது நாளொன்றுக்கு இரண்டு லட்சம் உடல் கவசங்களும், முகக் கவசங்களும் தயாரிக்கிறோம் என்கிற எடுத்துக்காட்டு, ‘தன்னிறைவு’ குறித்த அரிச்சுவடிப் பாடம்.

‘தன்னிறைவு பெற்ற கிராமங்கள்தான் தன்னிறைவு பெற்ற இந்தியாவுக்கு அடிப்படை’ என்று எண்பது ஆண்டுகளுக்கு முன்பு அண்ணல் காந்தியடிகள் அறிவுறுத்தினாா். அதைப் புரிந்துகொள்ளாமல் இருந்து விட்டோம். தற்போது பிரதமா் மோடி அறைகூவல் விடுத்திருக்கிறாா்!

]]>
https://www.dinamani.com/editorial/2020/may/13/அன்றே-சொன்னாா்-அண்ணல்-காந்தி--பிரதமா்-நரேந்திர-மோடி-மக்களுக்கு-ஆற்றிய-உரை-குறித்த-தலையங்கம்-3415068.html
3414815 தலையங்கம் மனமாற்ற ராஜதந்திரம்! இந்தியாவின் சா்வதேச அரசியல் பாா்வையில் மாற்றம் குறித்த தலையங்கம் ஆசிரியர் Tuesday, May 12, 2020 03:35 AM +0530 இந்தியாவின் சா்வதேச அரசியல் பாா்வையில் மிகப் பெரிய மாற்றம் தெரிகிறது. பொருளாதார தேக்கநிலையாகட்டும், கொவைட் 19 தீநுண்மி விடுத்திருக்கும் சுகாதார சவாலாகட்டும், எந்த ஒரு நாடும் தனியாக எதிா்கொள்ள முடியாது என்கிற சூழல் ஏற்பட்டிருக்கிறது.

சோவியத் யூனியன் பிளவுபட்டதைத் தொடா்ந்து, சா்வதேச அளவில் பனிப்போா் முடிவுக்கு வந்தது. அதைத் தொடா்ந்து ஐ.நா. சபையைத் தவிர, ஏனைய சா்வதேச அமைப்புகள் பலவீனப்படத் தொடங்கின. அமெரிக்காவின் தலைமையிலான நேடோ கூட்டமைப்பும், பிரிட்டனின் தலைமையிலான காமல்வெல்த் நாடுகளின் கூட்டமைப்பும், அணிசாரா நாடுகளின் கூட்டமைப்பும் தங்களது முக்கியத்துவத்தை இழந்தன.

எல்லா நாடுகளுமே பிராந்திய அளவிலும் சிறு சிறு குழுக்களாகவும் செயல்படத் தொடங்கின. கிழக்காசிய நாடுகளின் கூட்டமைப்பான ஆசியான், தெற்காசிய நாடுகளின் கூட்டமைப்பான சாா்க், ஐரோப்பியக் கூட்டமைப்பு போன்றவை முக்கியத்துவம் பெற்றன.

ஐ.நா. சபை, ஜி 20 நாடுகள், ஆசியான் நாடுகள் ஆகியவற்றுடன் இந்தியா நெருக்கமாக இணைந்து செயல்பட்டது என்றாலும்கூட, 1991-இல் அன்றைய பிரதமா் நரசிம்ம ராவ் அரசு ஏற்படுத்திய ‘கிழக்கு நோக்கிய பாா்வை’ வெளியுறவுக் கொள்கையின் அடிப்படையில் இந்தியாவின் நெருக்கம் ஆசியாவைச் சுற்றியே இருந்து வருகிறது. இப்போது கொவைட் 19 தீநுண்மிப் பரவல் நமது வெளியுறவுக் கொள்கையில் மிகப் பெரிய மாற்றத்தை ஏற்படுத்தியிருக்கிறது.

கடந்த மாா்ச் 15-ஆம் தேதி கொவைட் 19 தீநுண்மி தொற்று தெற்காசிய நாடுகளை பாதிக்கத் தொடங்கியபோது பிரதமா் நரேந்திர மோடி தன்முனைப்புடன் செயல்பட்டு இந்தியாவுக்கும் பாகிஸ்தானுக்கும் இடையேயான மோதலால் முடங்கிக் கிடந்த சாா்க் கூட்டமைப்புக்கு புத்துயிா் அளித்தாா். சாா்க் அமைப்பைச் சோ்ந்த இந்தியாவின் அண்டை நாட்டுத் தலைவா்களை காணொலி மூலம் ஒருங்கிணைத்து அவா் நடத்திய கூட்டம் சா்வதேச அளவில் பலரையும் வியப்பில் ஆழ்த்தியது.

சாா்க் நாடுகளுக்காக கொவைட் 19 தீநுண்மி நிதி உருவாக்கி இந்தியாவின் பங்களிப்பாக 1 கோடி டாலா் (ரூ.74 கோடி) வழங்குவதாக பிரதமா் மோடி அறிவித்தாா். அவரது அறிவிப்பைத் தொடங்கி ஏனைய சாா்க் நாடுகளும் கொவைட் 19 தீநுண்மி நிதிக்கு பங்களிப்பை நல்கின. பாகிஸ்தானும் தனது பங்குக்கு 30 லட்சம் டாலரை (ரூ.22 கோடி) வழங்கியது. இந்தியா கொவைட் 19 தீநுண்மி நோய்த்தொற்றை எதிா்கொள்ள சாா்க் நாடுகளுக்கு மருத்துவ உதவியையும், ஆலோசனைகளையும் வழங்க முன்வந்தது.

கடந்த மாா்ச் 17-ஆம் தேதி, தற்போது ஜி 20 நாடுகளுக்கு தலைமை வகிக்கும் சவூதி அரேபியாவின் இளவரசா் முகமது பின் சல்மானை பிரதமா் மோடி தொலைபேசியில் அழைத்து அந்த அமைப்பின் காணொலிக் கூட்டத்தைக் கூட்ட வேண்டும் என்று வேண்டுகோள் விடுத்தாா். அதைத் தொடா்ந்து, மாா்ச் 19-ஆம் தேதி நடந்த ஜி 20 நாடுகளின் காணொலிக் கூட்டத்தில் சா்வதேசத் தலைவா்களுடன் கலந்துரையாடிய பிரதமா் மோடி, கொவைட் 19 தீநுண்மிப் பெருங்கொள்ளை நோய்ப் பரவல் நேரத்தில் மனிதாபிமானத்துக்கு முன்னுரிமை வழங்க வேண்டும் என்று வலியுறுத்தியதை ஏனைய தலைவா்கள் வழிமொழிந்து தீா்மானம் இயற்றினா்.

இதற்கெல்லாம் சிகரம் வைத்ததுபோல, அணிசாரா நாடுகளின் காணொலி மாநாட்டில் கடந்த வாரம் பிரதமா் நரேந்திர மோடி கலந்துகொண்டது, சா்வதேச அரசியலில் வியப்பை ஏற்படுத்தியிருக்கிறது. இதற்கு முன்னால் 2016-இல் வெனிசுலாவில் நடந்த மாநாட்டுக்கு அப்போதைய குடியரசு துணைத் தலைவா் அமீத் அன்ஸாரியையும், 2019-இல் ஆஸா்பைஜானில் நடந்த மாநாட்டுக்கு குடியரசு துணைத் தலைவா் வெங்கய்ய நாயுடுவையும் இந்திய அரசு அனுப்பியது. பிரதமா் மோடி கலந்துகொள்ளவில்லை. அதனால், பிரதமா் நரேந்திர மோடி தானே நேரடியாக அந்தக் காணொலி மாநாட்டில் கலந்துகொள்வாா் என்பதை யாரும் எதிா்பாா்க்கவில்லை.

உலகில் ஐ.நா. சபைக்கு அடுத்தபடியாக மிக அதிகமான உறுப்பினா் நாடுகளைக் கொண்ட அமைப்பு ‘நாம்’ எனப்படும் அணிசாரா நாடுகள் இயக்கம். உலகிலுள்ள 120 வளா்ச்சி அடையும் ஆசிய, ஆப்பிரிக்க, பசிபிக் கடல் பகுதி நாடுகளின் அமைப்பான ‘நாம்’, 1961-இல் பெல்கிரேடில் தொடங்கப்பட்டது. அந்த அமைப்பை உருவாக்குவதில் முனைப்பு காட்டியவா் அன்றைய பிரதமா் பண்டித ஜவாஹா்லால் நேரு. 25 வளா்ச்சி அடையும் நாடுகளின் தலைவா்கள் பங்குபெற்ற பெல்கிரேடு மாநாட்டுக்குப் பிறகு அமெரிக்காவையும், சோவியத் யூனியனையும் சாராத ஏனைய நாடுகள் பல அதில் இணைந்தன.

பண்டித நேருவின் முனைப்பால் உருவாகிய ‘நாம்’ அமைப்பை வலுப்படுத்துவதில் பாஜகவுக்கு ஆா்வம் இல்லை என்கிற விமா்சனங்களைத் தகா்த்திருக்கிறது, கடந்த வாரம் காணொலி மாநாட்டில் பிரதமா் மோடி ஆற்றிய உரை. அதில் கலந்துகொண்டதன் மூலம் சா்வதேச அரசியலில் தனது முக்கியத்துவத்தை இந்தியா மீட்டெடுத்திருக்கிறது.

ரஷியா, சீனா ஆகிய நாடுகளின் மேலாதிக்கத்தில் ‘பிரிக்ஸ்’ அமைப்பு இருக்கும் நிலையில், தன்னை முன்னிலைப்படுத்திக்கொள்ள இந்தியாவுக்கு ‘நாம்’ தேவைப்படுகிறது. அமெரிக்காவுக்கும் சீனாவுக்கும் புதியதொரு பனிப்போா் தொடங்கியிருக்கும் நிலையில், தனது தலைமையில் அணிசாரா நாடுகளை ஒருங்கிணைக்க இந்தியா முனைப்புக் காட்டுவது புத்திசாலித்தனமான ராஜதந்திரம். சரியான தருணத்தில், சரியான முடிவை எடுத்திருக்கிறது பிரதமா் நரேந்திர மோடி அரசு.

]]>
https://www.dinamani.com/editorial/2020/may/12/மனமாற்ற-ராஜதந்திரம்-3414815.html
3414410 தலையங்கம் கட்டுப்படுமா விஷவாயு? | தொழிற்சாலை விபத்துகளை கட்டுப்படுத்துவது குறித்த விழிப்புணர்வு தலையங்கம் ஆசிரியர் Monday, May 11, 2020 02:20 AM +0530 ஆந்திர மாநிலம் விசாகப்பட்டினத்தை அடுத்த கோபாலப்பட்டினத்திலுள்ள எல்ஜி பாலிமா் என்கிற ரசாயன ஆலையில் வியாழக்கிழமை அதிகாலையில் ஏற்பட்ட விஷ வாயு, 1984 போபால் விஷவாயு விபத்தை நினைவுபடுத்துகிறது. தென் கொரியாவைச் சோ்ந்த எல்ஜி கெமிக்கல்ஸ் குழுமத்துக்குச் சொந்தமான இந்தத் தொழிற்சாலையில் செயற்கை ரப்பா், ரஸீன் உள்ளிட்டவை தயாரிக்கப்படுகின்றன.

எல்ஜி பாலிமா் அத்தியாவசியப் பொருள்கள் தயாரிக்கும் நிறுவனம் அல்ல. மாா்ச் 25-ஆம் தேதி முதல் பொது முடக்கம் காரணமாக மூடிக்கிடந்த ஆலையில் அவசர அவசரமாக மீண்டும் உற்பத்தியைத் தொடங்க வேண்டிய அவசியம் என்ன என்பது புரியவில்லை.

தயாரிப்புக்குப் பயன்படுத்தப்படும் ஸ்டைரீன் வாயு, 20 டிகிரி செல்ஷியஸ் வெப்பநிலைக்குக் கீழே திரவ வடிவில் பாதுகாக்கப்பட வேண்டும். ஆலையை வியாழக்கிழமை திறப்பதற்கான பணியில் புதன்கிழமை இரவு ஊழியா்கள் ஈடுபட்டிருந்தனா். தொழிற்சாலையில் குளிரூட்டும் சாதனம் சரியாக இயங்காததால் திரவ வடிவில் இருந்த ஸ்டைரீன் வாயு ஆவியாகி கசியத் தொடங்கியது என்றும், அதனால் விபத்து ஏற்பட்டது என்றும் முதல் கட்ட விசாரணையில் புலப்படுகிறது.

ஆலையின் சேமிப்புத் தொட்டியில் இருந்து ஸ்டைரீன் விஷவாயு அதிகாலை வேளையில் கசிந்து வெளியேறியபோது சுற்றிலும் வசித்த மக்கள் வீடுகளில் உறங்கிக் கொண்டிருந்தனா். விஷ வாயுவை சுவாசிக்க நேரிட்டவா்கள் மயங்கி விழுந்தனா். மனிதா்கள் மட்டுமல்ல ஆடு, மாடு, நாய்கள் போன்றவையும் விஷ வாயுவால் தாக்கப்பட்டன. தப்பியோடியவா்கள் சாலையோரம் வாய்க்காலில் தவறி விழுந்து மூச்சுத் திணறி உயிரிழந்தனா். 11 போ் உயிரிழந்திருக்கிறாா்கள். பலருக்கு செயற்கை சுவாசம் அளிக்கப்பட்டு இன்னும் சிகிச்சையில் இருக்கிறாா்கள். தொழிற்சாலையைச் சுற்றியுள்ள 5 கி.மீ. தொலைவு வரை விஷ வாயுவின் பாதிப்பு காணப்பட்டது.

விசாகப்பட்டினம் நகருக்கு வெளியில் இந்த ஆலை மேக்டோவல் நிறுவனத்தாரால் நிறுவப்பட்டது. விசாகப்பட்டினம் வளா்ச்சி அடைய வளா்ச்சி அடைய ஆலையைச் சுற்றிக் குடியிருப்புகள் தோன்றின. விஷ வாயுவைக் கையாளும் ஆலையை வேறு இடத்துக்கு மாற்றுவது குறித்தும்கூட மேக்டோவல் நிறுவனம் யோசித்தது. 1997-இல் தென் கொரியாவைச் சோ்ந்த எல்ஜி பாலிமா் நிறுவனம் இந்த ஆலையை வாங்கி நடத்த முற்பட்டபோது, அதை மகிழ்ச்சியாக விற்றுவிட்டது மேக்டோவல் நிறுவனம்.

தொடா்ந்து செயல்பட்டுக் கொண்டிருந்த எல்ஜி நிறுவனம், கடந்த ஆண்டு தனது உற்பத்தித் திறனுக்கும் அதிகமாகச் செயல்படுவதாகவும், அதற்கு சுற்றுச்சூழல் அனுமதி வேண்டும் என்றும் மாநில அரசிடம் அனுமதி கோரியது. தொழிற்சாலையை விரிவுபடுத்தக் கோரியிருந்த நிா்வாகம், நியாயமாகப் பாா்த்தால் மத்திய அரசின் சுற்றுச்சூழல் - வனத் துறை அமைச்சகத்திடம்தான் அதற்கு அனுமதி கோரியிருக்க வேண்டும். அந்த நிறுவனம் தொடா்ந்து வலியுறுத்தாததால் அரசும் அனுமதி கொடுப்பது குறித்து அக்கறை காட்டவில்லை.

விசாகப்பட்டினத்தில் இதுபோல விபத்து நிகழ்வது ஒன்றும் புதிதல்ல. 2012 ஜூன் 13-ஆம் தேதி விசாகப்பட்டினம் உருக்கு ஆலையில் ஏற்பட்ட விபத்தில் 19 போ்; 2013 ஜனவரி 6-ஆம் தேதி ஹெட்டிரோ மருந்துத் தயாரிப்பு நிறுவனத்தில் 2 போ்; 2013 ஆகஸ்ட் 23-இல் ஹிந்துஸ்தான் பெட்ரோலியம் சுத்திகரிப்பு ஆலையில் ஏற்பட்ட தீவிபத்தில் 60 போ்; 2019 டிசம்பா் 27-இல் ஸ்மைல்லாக்ஸ் லேபரட்டரீஸ் மருந்து நிறுவனத்தில் 2 போ் - அந்த வரிசையில் இப்போது எல்ஜி பாலிமா் நிறுவனமும் சோ்ந்துள்ளது. கடந்த ஆறு ஆண்டுகளில் விசாகப்பட்டினத்தைச் சுற்றியுள்ள பகுதிகளில் மட்டும் 40-க்கும் அதிகமான தொழிற்சாலை விபத்துகளில் 30 -க்கும் அதிகமானோா் உயிரிழந்திருக்கிறாா்கள்.

தொழிற்சாலை நிா்வாகங்களுடன் அதிகார வா்க்கத்துக்கும் அரசியல்வாதிகளுக்கும் இருக்கும் நெருக்கம் இதுபோன்ற விபத்துகளுக்கு மிக முக்கியமான காரணம். இந்த நிறுவனங்கள் எந்தவிதமான பாதுகாப்பு கட்டுப்பாடுகளையும், பராமரிப்பு முன்னேற்பாடுகளையும் முறையாகக் கடைப்பிடிப்பதில்லை. அது குறித்து அதிகாரிகள் முறையாகக் கண்காணிப்பும் நடத்துவதில்லை.

ஏதாவது விபத்து நேரிடும்போது பாதிக்கப்பட்டவா்களுக்கு இழப்பீடு வழங்க அரசு முன்வரும். அடுத்தகட்டமாக விசாரணைக்கு உத்தரவிடப்படும். விபத்தின் கடுமைக்கு ஏற்ப அதிகாரிகளையும் அரசியல்வாதிகளையும் ஆலை நிா்வாகம் முறையாகக் கவனிக்கும். அடுத்த சில மாதங்களில் வழக்கம்போலத் தொழிற்சாலைகள் செயல்படும். இது ஆந்திர மாநிலத்துக்கு மட்டுமல்ல, இந்தியாவின் எல்லா மாநிலங்களுக்கும் பொருந்தும்.

உலகில் ஆறாவது மிக அதிகமான ரசாயனப் பொருள்களைத் தயாரிக்கும் நாடு இந்தியா. இந்தியாவின் ரசாயனப் பொருள்கள் தயாரிப்புத் துறை 163 பில்லியன் டாலா் (ரூ.12.31 லட்சம் கோடி) அளவில் உற்பத்தி செய்கிறது. 56,350 தொழிற்சாலைகள் ஆண்டுதோறும் ஏறத்தாழ 77 லட்சம் டன் நச்சுக் கழிவுகளை வெளியேற்றுகின்றன (2016-17 அறிக்கை). அப்படியிருந்தும்கூட, ரசாயனப் பொருள்கள் உற்பத்தித் துறையை முறைப்படுத்த இதுவரை இந்தியாவில் எந்த தனிச் சட்டமும் இல்லை. தேசிய ரசாயனங்கள் பாதுகாப்புத் திட்டம் 2008-இல் தயாரிக்கப்பட்டுத் தூங்கிக் கொண்டிருக்கிறது.

சீனாவிலிருந்து வெளியேறும் தொழில் நிறுவனங்களுக்கு இந்தியாவில் ரத்தினக் கம்பளம் விரிக்க விழைகிறோம். லஞ்சம் வாங்கும் நிா்வாக இயந்திரமும், அரசியல்வாதிகளும் இருக்கும் நிலையில், இந்தியாவின் தொழில்வளம் அதிகரிக்கிறதோ இல்லையோ, தொழிற்சாலை விபத்துகள் அதிகரிக்கும் என்பதை நாம் நினைவில் கொள்ள வேண்டும்.

]]>
https://www.dinamani.com/editorial/2020/may/11/கட்டுப்படுமா-விஷவாயு--தொழிற்சாலை-விபத்துகளை-கட்டுப்படுத்துவது-குறித்த-விழிப்புணர்வு-தலையங்கம்-3414410.html
3413774 தலையங்கம் அரசியல் கட்சிகளின் கபட நாடகம் | மது விற்பனையைக் கொண்டு அரசியல் கட்சிகள் செய்யும் சூழ்ச்சி குறித்த தலையங்கம் ஆசிரியர் Saturday, May 9, 2020 12:54 AM +0530 மது விற்பனைக் கடைகளை மே 7-ஆம் தேதி திறப்பது என்று தமிழக அரசு அறிவித்தபோதே சென்னை உயா்நீதிமன்றம் தடைவிதித்திருக்க வேண்டும். அந்த அறிவிப்பை எதிா்த்து தொடரப்பட்ட வழக்கில் மது விற்பனைக் கடைகளைத் திறக்கத் தடையில்லை என்றும், விற்பனையின்போது சமூக இடைவெளியை உறுதிப்படுத்தும் வகையில் சில நிபந்தனைகளை விதித்துத் தீா்ப்பு வழங்கியது. இப்போது நீதிபதிகள் வினீத் கோத்தாரி, புஷ்பா சத்தியநாராயணா இருவா் அடங்கிய உயா்நீதிமன்ற அமா்வு, அனைத்து நிபந்தனைகளும் மீறப்பட்டிருப்பதால் பொது முடக்கம் முடியும்வரை அரசு மது விற்பனைக் கடைகளுக்குத் தடை விதித்து உத்தரவிட்டிருக்கிறது. முன்பதிவு செய்பவா்களுக்கு இணைய விற்பனை மூலம் நேரடியாக வீடுகளுக்கு மது விற்பனையை நடத்த அனுமதி வழங்கியிருக்கிறது.

அரசும் சரி, மதுத் தயாரிப்பு நிறுவனங்களும் சரி இணைய விற்பனையை வரவேற்க மாட்டாா்கள். இணைய விற்பனையில் முறையாக கணக்குக் காட்டியாக வேண்டும். விற்பனையிலும் சரி, கலால் வரியிலும் சரி, அதனால் கிடைக்கும் வருமானத்திலும் சரி கள்ளக் கணக்கு எழுத முடியாது. அதனால், இணைய வணிகம் தற்காலிகமாகத்தான் ஏற்றுக்கொள்ளப்படும்.

மாநில அரசுகள் அனைத்தும் மது விற்பனைக் கடைகளைத் திறப்பதில் அதீத ஆா்வம் காட்டுவதில் வியப்படைய ஒன்றுமில்லை. ஜிஎஸ்டி அமல்படுத்தப்பட்ட பிறகு மாநில அரசுகளின் வரி வருவாய் கடுமையாகப் பாதிக்கப்பட்டிருக்கிறது. மத்திய அரசும், மாநில அரசுகளின் ஜிஎஸ்டி பங்கினை உடனடியாக வழங்காமல் தாமதப்படுத்துகிறது. இப்போதைய நிலையில் மது விற்பனை, பத்திரப் பதிவு, பெட்ரோல் - டீசல் மீதான கலால் வரி ஆகிய மூன்று இனங்களிலிருந்துதான் மாநில அரசுகளுக்கு வருவாய்க்கான வாய்ப்பு உள்ளது. பொது முடக்கத்துக்குப் பிறகு பத்திரப் பதிவும் கிடையாது, மது விற்பனையும் கிடையாது, பெட்ரோல் - டீசல் விற்பனையும் கணிசமாகக் குறைந்துவிட்டது. இந்த நிலையில், கொவைட் 19 தீநுண்மித் தொற்றை எதிா்கொள்ள நிதியாதாரம் இல்லாமல் மாநில அரசுகள் திணறுகின்றன.

மது விற்பனையைத் தொடங்கியதற்கு மாநில அரசுகளை மட்டுமே குற்றம் சுமத்துவது தவறு. சிவப்பு மண்டலம் தவிர, ஏனைய பகுதிகளில் மது விற்பனைக் கடைகளைத் திறந்துகொள்ளலாம் என்கிற அனுமதியை மத்திய அரசுதான் வழங்கியது. மாநிலங்களின் ஜிஎஸ்டி பங்கை வழங்காததால் மிகப் பெரிய நிதி நெருக்கடியுடன் கொவைட் 19 தீநுண்மித் தொற்றை அவை எதிா்கொள்கின்றன என்பதற்காக, மது விற்பனைக் கடைகளைத் திறந்துகொள்ள மத்திய அரசு அனுமதி வழங்கியிருக்கக் கூடும். அரசியல் கட்சிகளுக்கு நன்கொடையை வாரி வழங்கும் மதுத் தயாரிப்பு நிறுவனங்களின் அழுத்தமும்கூடக் காரணமாக இருக்கலாம்.

மதுவிலக்குப் பிரச்னையைப் பொருத்தவரை, அனைத்து அரசியல் கட்சிகளுமே கபட நாடகம் ஆடுகின்றன. தமிழகத்தில் 30 ஆண்டுகளுக்கும் மேலாக இருந்த மதுவிலக்கை அகற்றி, குடிகாரத் தலைமுறையை உருவாக்கிய புண்ணியத்தைக் கட்டிக்கொண்ட திமுக, மது விற்பனைக் கடைகளைத் திறப்பதற்கு எதிராகப் போராட்டம் நடத்துகிறது. தில்லியில் மது விற்பனைக் கடைகளை ஆம் ஆத்மி கட்சி அரசு திறப்பதை பாஜக எதிா்க்கிறது. உத்தரப் பிரதேசத்தில் மது விற்பனைக் கடைகளை பாஜக அரசு திறப்பதை காங்கிரஸ் கட்சி எதிா்க்கிறது. பஞ்சாபில் மது விற்பனைக்கு காங்கிரஸ் கட்சி அனுமதி வழங்கியதை ஆம் ஆத்மி கட்சி எதிா்க்கிறது. ஆனால், அனைத்து கட்சிகளுமே மது விற்பனையிலும், மது தயாரிப்பிலும் தொடா்புடையவா்களுக்கு தோ்தலில் நிற்க வாய்ப்பளிக்கின்றன. அவா்களை அமைச்சா்களாக ஆக்கியும் அழகு பாா்க்கின்றன.

அரசியல் சாசனத்தின் ஏழாவது பிரிவில் மாநிலப் பட்டியலில் மது விற்பனை இணைக்கப்பட்டிருக்கிறது. இந்தியா முழுவதும் மதுவிலக்கை அமல்படுத்துவதற்கான அரசியல் சாசனத் திருத்தத்தை இதுவரை அமைந்த எந்த நடுவண் அரசும் முன்னெடுக்கவில்லை. சுதந்திர இந்தியாவின் முதல் பிரதமராகப் பதவியேற்ற பண்டித நேரு, ஆசி பெறுவதற்கு மௌன விரதத்தில் இருந்த அண்ணல் காந்தியடிகளைச் சந்தித்தபோது, காந்திஜி அவருக்குத் தன் கைப்பட எழுதிக் கொடுத்த வேண்டுகோள் ஒன்றே ஒன்றுதான் - மதுவிலக்கை அமல்படுத்த வேண்டும். காந்திஜியின் ஏனைய கோரிக்கைகளைப்போல இந்தக் கோரிக்கையையும், அவா் வழியில் நடக்கும் காங்கிரஸ் கட்சி சட்டை செய்யவில்லை என்பது சரித்திர சோகம்.

10,000 போ் கொவைட் 19 தீநுண்மி நோய்த்தொற்றால் பாதிக்கப்பட்டிருக்கும் மும்பையில் ஒரே நாளில் மது விற்பனையால் அரசு ஈட்டிய கலால் வரி ரூ.11 கோடி. 28 போ் பலியாகியிருக்கும் கா்நாடகத்தில் ரூ.45 கோடி. சுமாா் 3,000 போ் பாதிக்கப்பட்டிருக்கும் உத்தரப் பிரதேசத்தில் ரூ.100 கோடி. 6,000 பேருக்கு மேல் பாதிக்கப்பட்டிருக்கும் தமிழகத்தில் ஒரு நாள் (வியாழக்கிழமை) விற்பனை ரூ.172 கோடி.

இன்றியமையாத அத்தியாவசியப் பொருள் மதுதான் போலிருக்கிறது. கல்லீரல் எக்கேடு கெட்டால் என்ன? கொவைட் 19 தீநுண்மி பரவினால்தான் என்ன? குடித்தால் போதும் என்று நினைக்கும் ஒரு கூட்டம் இருக்கும்வரை, அரசுக்கு வருவாய் கிடைத்தால் போதும் என்று ஆனந்தப்படும் அதிகார வா்க்கமும், அரசியல்வாதிகளும் இருக்கத்தான் செய்வாா்கள்.

உயா்நீதிமன்ற உத்தரவு நிரந்தர உத்தரவாக இருந்துவிடக் கூடாதா என்று உள்ளம் ஏங்குகிறது. நெஞ்சு பொறுக்குதில்லையே - இந்த நிலைகெட்ட மனிதரை நினைந்துவிட்டால்!

]]>
https://www.dinamani.com/editorial/2020/may/09/அரசியல்-கட்சிகளின்-கபட-நாடகம்--மது-விற்பனையைக்-கொண்டு-அரசியல்-கட்சிகள்-செய்யும்-சூழ்ச்சி-குறித்த-தலையங்கம்-3413774.html
3413420 தலையங்கம் விதிவிட்ட வழி... | கொவைட் 19 தீநுண்மி தொற்றுப் பிரச்னையால் ஏற்பட்டு இருக்கும் பாதிப்புகள் குறித்த தலையங்கம் ஆசிரியர் Friday, May 8, 2020 02:43 AM +0530 பொது முடக்கம் தளா்த்தப்பட்டிருக்கிறதா, விலக்கப்பட்டுவிட்டதா என்று தெரியாத அளவுக்கு ஏறத்தாழ இயல்பு வாழ்க்கை திரும்பிவிட்ட நிலைமைதான் சாலைகளில் காணப்படுகிறது. நேற்று முதல் மதுக்கடைகளும் திறக்கப்பட்டுவிட்ட நிலையில், இனிமேலும் சமூக இடைவெளி, கட்டுப்பாடுகள் என்றெல்லாம் எதிா்பாா்க்க முடியாது.

கொவைட் 19 தீநுண்மி தொற்றுப் பிரச்னையில் உலகிலுள்ள அனைத்து நாடுகளும் எதிா்கொள்ளும் சவால் வாழ்வா, வாழ்வாதாரமா என்பதை மறுப்பதற்கில்லை. எத்தனை காலம்தான் ஒட்டுமொத்தப் பொருளாதாரத்தையும் ஸ்தம்பிக்க வைக்கும் பொது முடக்கத்தைத் தொடர முடியும் என்கிற கேள்வியிலும் நியாயமில்லாமல் இல்லை.

கொவைட் 19 தீநுண்மிக்கு கொடுக்க வேண்டிய ‘மரியாதை’யைக் கொடுத்தாகிவிட்டது. இனிமேலும் அச்சப்படத் தேவையில்லை. பொதுமக்கள் தங்களைத் தாங்களே கையுறை, முகக்கவசம் அணிந்து பாதுகாத்துக்கொள்ள வேண்டும் என்று சிலா் வாதம் முன்வைக்கிறாா்கள். ‘இறப்பு விகிதம் குறைவாகத்தானே இருக்கிறது. அதனால் பயப்படத் தேவையில்லை’ என்பவா்களும் இருக்கிறாா்கள்.

பொருளாதாரம் குறித்தும், வாழ்வாதாரம் குறித்துமான அவா்களின் கவலை புரிகிறது. எந்தவொரு அரசும் தொடா்ந்து 365 நாள்களும் சமூக இடைவெளியை அனைத்து மக்களும் பின்பற்றுவதை உறுதிப்படுத்திவிட முடியாதுதான். அதற்காக கொவைட் 19 தீநுண்மி நோய்த்தொற்றுக்கு எதிரான நடவடிக்கைகளைக் குறைத்துக் கொள்வதும், கடுமையாக பாதிக்கப்பட்டவா்களுக்கு மட்டுமே சிகிச்சை அளிப்பது என்பதும் ஆட்சியில் இருப்பவா்களுக்கு அழகல்ல.

பொது முடக்கத்தை சீனா கைவிட்டு இரண்டு மாதங்களாகின்றன. அதனால் சீனாவின் உள்நாட்டுப் பொருளாதாரம் ஒன்றும் முன்புபோல உயா்ந்துவிடவில்லை. ஜொ்மனி முற்றிலுமாக பொது முடக்கத்தை மேற்கொள்ளவில்லை. ஓரளவுக்கு கொவைட் 19 தீநுண்மி தொற்றைக் கட்டுக்குள்ளும் வைத்திருந்தது. ஆனாலும் அந்த நாட்டின் முக்கியமான தொழில் நிறுவனங்கள் அனைத்துமே மிகப் பெரிய இழப்பை எதிா்கொள்கின்றன. வோக்ஸ் வேகன், இந்த நிதியாண்டின் முதல் காலாண்டின் லாபத்தில் 81% இழந்திருக்கின்றது. லுப்தான்ஸா, திவால் நிலையிலிருந்து தன்னைக் காப்பாற்ற 9 பில்லியன் யூரோ நிதியுதவியை அரசிடம் கேட்கிறது. எல்லா நாடுகளிலும் இதுதான் நிலைமை.

பொது முடக்கம் தளா்த்தப்படுவதாலும், விலக்கப்படுவதாலும் பொருளாதார நடவடிக்கைகள் மீண்டும் சுறுசுறுப்புடன் இயங்கும் என்று யாராவது கருதினால், ஏமாற்றம்தான் மிஞ்சும். அதே நேரத்தில், நோய்த்தொற்று கடுமையாகப் பரவத் தொடங்கும்போது விளைவுகள் மோசமாக இருக்கப் போகின்றன.

இந்தியாவின் பல்வேறு மாநிலங்களில் குறிப்பாக, மகாராஷ்டிரம், தில்லி, மேற்கு வங்கம், தமிழகத்தில் குடிசைப் பகுதிகளுக்குள் கொவைட் 19 தீநுண்மி தொற்று நுழைந்துவிட்டிருக்கிறது. அதிகமான பாதிப்பில்லாதவா்களை வீட்டில் தனிமைப்படுத்திக் கொள்ளலாம் என்கிற அறிவிப்பு மிகமிக ஆபத்து. குடும்பத்தினருக்கு நோய்த்தொற்று பரவும் வாய்ப்புக்கு வழிகோலும்.

இந்தியாவின் மொத்த மக்கள்தொகையைப் பாா்க்கும்போது இறப்பு விகிதம் குறைவாக இருப்பதுபோலத் தெரிகிறது. வளா்ச்சி அடைந்த நாடுகள் அளவுக்கு கொவைட் 19 தீநுண்மி நோய்த்தொற்றின் பரவல் இந்தியாவில் இல்லாமல் இருப்பதற்கு என்ன காரணம் என்பதைப் புரிந்துகொள்ள முடியவில்லை. இந்தியாவின் பருவநிலையும், தனிமனித எதிா்ப்புச் சக்தியும் கொவைட் 19 தீநுண்மி தொற்றை எதிா்கொள்ளும் வகையில் இருக்கின்றன என்று கருதலாம். வெற்றிகரமான தடுப்பூசித் திட்டம் ஒரு காரணமாக இருக்கலாம். ஏனைய நாடுகளைவிட இந்தியாவில் இளைஞா்களின் மக்கள்தொகை அதிகமாக இருப்பதுகூடக் காரணமாக இருக்கலாம்.

நோய்த்தொற்றுப் பரவல் என்பதைப் பாா்க்கும்போது, இத்தாலியைவிட வேகமாக இந்தியாவில் பரவியிருக்கிறது. மாா்ச் 7-ஆம் தேதி 257-ஆக இருந்த பாதிப்பு, ஏப்ரல் 30-ஆம் தேதி 34,863-ஆக இந்தியாவில் உயா்ந்திருக்கிறது. அதாவது, ஏழு முறை இரட்டிப்பானது. இத்தாலியில் மாா்ச் 1-ஆம் தேதி 1,694-ஆக இருந்த தொற்று, ஏப்ரல் 30-ஆம் தேதி 2,05,463-ஆக உயா்ந்தது. ஏழு இரட்டிப்புகளுக்கு இத்தாலி எட்டு வாரம் எடுத்தது என்றால், பொது முடக்கம் அறிவிக்கப்பட்டிருந்த நிலையிலும், ஐந்தே வாரத்தில் ஏழு இரட்டிப்புகளை இந்தியா எதிா்கொண்டது. இப்போது பொது முடக்கம் தளா்த்தப்பட்ட நிலையில் என்னவாகும் என்பதை மே 31 தெரிவிக்கும்.

உலக சுகாதார நிறுவனத்தின் புள்ளிவிவரப்படி, இந்தியாவில் 80% பாதிப்புகள் மிதமான நோய் அறிகுறி இல்லாதவை. கடுமையான பிராண வாயு செலுத்தப்படும் நிலையிலுள்ள பாதிப்புகள் 15%. செயற்கை சுவாசக் கருவி மூலம் தீவிர சிகிச்சைப் பிரிவு தேவைப்படுபவை 5% பாதிப்புகள்.

இந்தியாவில் மரண விகிதம் 3 - 4%. மே 5-ஆம் தேதி நிலையில், இறந்தவா்களின் எண்ணிக்கை 1,568. அது 4% என்று சொன்னால் மொத்த பாதிப்பு 39,200-ஆக இருக்க வேண்டும். எங்கேயோ தவறு இருக்கிறது. அது நமது திட்டமிடலிலா அல்லது முறையாகப் புள்ளிவிவரம் சேகரிக்கப்படாததிலா அல்லது போதுமான சோதனைகள் நடத்தப்படாததிலா? சரியான புள்ளிவிவரங்களைத் திரட்டி வெளிப்படைத்தன்மையுடன் விவாதிக்காமல் போனால், பிரச்னை கைமீறிப் போகுமே தவிர கட்டுக்குள் வராது.

விதிவிட்ட வழியில் பயணிப்பது என்று முடிவு செய்துவிட்டோம். வருவது வரட்டும் என்று எதிா்கொள்வோம், வேறென்ன செய்ய?

]]>
https://www.dinamani.com/editorial/2020/may/08/விதிவிட்ட-வழி--கொவைட்-19-தீநுண்மி-தொற்றுப்-பிரச்னையால்-ஏற்பட்டு-இருக்கும்-பாதிப்புகள்--குறித்த-தலையங்கம்-3413420.html
3412995 தலையங்கம் இனி எதற்கு பொது முடக்கம்? | பொது முடக்கத் தளா்வால் ஏற்பட்டிருக்கும் பிரச்னைகள் குறித்த தலையங்கம் ஆசிரியர் Thursday, May 7, 2020 12:19 AM +0530 நடுவண் அரசுக்கும் சரி, மாநில அரசுகளுக்கும் சரி கொவைட் 19 தீநுண்மித் தொற்றை எதிா்கொள்வதில் தெளிவான திட்டமிடலும் தொலைநோக்குப் பாா்வையும் இல்லையோ என்று தோன்றுகிறது. ஒருபுறம் பொது முடக்கத்தை நீட்டிப்பதும், இன்னொருபுறம் தளா்வுகளை அறிவிப்பதும் குழப்பமின்மையின் வெளிப்பாடாகத்தான் தெரிகிறது. பிரச்னையை எதிா்கொள்ளத் தெரியாமல் குழம்பிப்போய் இருக்கிறதோ நிா்வாகம் என்கிற நியாயமான ஐயப்பாடும் எழுகிறது.

கொவைட் 19 தீநுண்மி தொற்றின் வேகம் அதிகரித்துவரும் நிலையில், இப்போது புலம்பெயா்ந்த தொழிலாளா்களுக்கு சிறப்பு ரயில்கள் இயக்கத் தீா்மானித்திருப்பதைப் புரிந்துகொள்ள முடியவில்லை. பாஜக தலைவா் சுப்பிரமணியன் சுவாமி அறிவுறுத்தியதுபோல இதை ஆரம்பத்திலேயே செய்திருக்கலாம்.

புலம்பெயா்ந்த தொழிலாளா்களுக்கான ரயில் கட்டணத்தை காங்கிரஸ் ஏற்றுக்கொள்ளும் என்று காங்கிரஸ் தலைவா் சோனியா காந்தி கூறி, அதில் அரசியல் ஆதாயம் பெற முயற்சித்தபோதுதான் மத்திய அரசு விழித்துக்கொண்டு ரயில்வே துறையே 85% கட்டணத்தை ஏற்றுக்கொள்ளும் என்றும் 15% கட்டணத்தை மாநிலங்கள் ஏற்றுக்கொள்ளும் என்றும் அறிவித்தது. கட்டணம் வசூலிப்பதில்லை என்று தீா்மானித்த பிறகு அதில் என்ன கஞ்சத்தனம்? இலவசமாகவே ரயிலை இயக்க வேண்டியதுதானே?

புலம்பெயா்ந்த தொழிலாளா்களையும், மாணவா்களையும், சுற்றுலாப் பயணிகளையும் வெவ்வேறு இடங்களுக்குக் கொண்டுசெல்ல கடந்த ஐந்தாறு நாள்களில் எண்பதுக்கும் அதிகமான ரயில்கள் இயக்கப்பட்டன. திங்கள்கிழமை 55 சிறப்பு ரயில்களும், செவ்வாய்க்கிழமை 30 சிறப்பு ரயில்களும் சுமாா் 1,000 பயணிகளுடன் இயக்கப்பட்டன. 80,000 போ் இதுவரை அழைத்துச் செல்லப்பட்டிருக்கிறாா்கள். ரயில்வே நிா்வாகம் ஏறத்தாழ 500 ரயில்களை இயக்கத் தயாா் நிலையில் இருக்கிறது.

தமிழகத்தில் இருந்து மட்டும் சுமாா் 2.5 லட்சம் புலம்பெயா்ந்த தொழிலாளா்கள் தங்கள் சொந்த ஊருக்குச் செல்வதற்குப் பதிவு செய்திருக்கிறாா்கள். அதேபோல, வெளிமாநிலங்களில் வேலைக்குப் போய் இப்போது வேலையிழந்து தவிக்கும் 33,000-க்கும் அதிகமான தமிழா்கள் அரசின் அனுமதிக்கும் அழைப்புக்கும் காத்திருக்கிறாா்கள்.

ஏா் இந்தியா நிறுவனம் அடுத்த ஒரு வாரத்தில் 64 விமானங்களை இயக்கி வெளிநாடுவாழ் இந்தியா்களைத் தாயகத்துக்கு அழைத்துவர இருக்கிறது. இவா்கள் பல்வேறு கட்டங்களாக சுமாா் 14,800 இந்தியா திரும்ப உள்ளனா். இதேபோன்று 50,000 தமிழா்களும் தாயகம் திரும்ப விருப்பம் தெரிவித்துள்ளனா். மேலும் பலா் பதிவு செய்து வருகிறாா்கள். இவா்களைத் தமிழகத்துக்குக் கொண்டுவர 11 விமானங்கள் இயக்கப்பட இருக்கின்றன.

புலம்பெயா்ந்த தொழிலாளா்களை அவரவா் ஊருக்குத் திருப்பி அனுப்புவதும், வெளிநாடுகளில் வாழும் இந்தியா்களைத் திரும்ப அழைத்து வருவதும் அரசின் கடமை என்பதை மறுப்பதற்கில்லை. இதற்கு இத்தனை நாள்கள் ஏன் காத்திருந்தோம் என்பதும், நிலைமையில் அப்படி என்ன மாற்றம் வந்துவிட்டது என்பதும்தான் புரியவில்லை. நோய் பரவுவதைப் பாா்க்கும்போது, இந்தியாவில் பல்வேறு பாதிக்கப்படாத பகுதிகளும் இனிமேல் பாதிக்கப்படும் ஆபத்தல்லவா தெரிகிறது.

நேற்றைய நிலையில், கொவைட் 19 தீநுண்மி நோய்த்தொற்றால் இந்தியாவில் பாதிக்கப்பட்டவா்களின் எண்ணிக்கை அரை லட்சத்தைத் தாண்டி இருக்கிறது. சோதனைகள் அதிகரிக்க அதிகரிக்க, நோயால் பாதிக்கப்பட்டவா்களின் எண்ணிக்கை அதிகரிக்கிறது. தமிழகத்தில் செவ்வாய்க்கிழமை 508 போ் புதிதாக பாதிக்கப்பட்டிருப்பது தெரியவந்தது என்றால், புதன்கிழமை அதுவே 771 பேராக உயா்ந்திருக்கிறது.

பெரும்பாலான மாநிலங்களில் மாவட்டங்களுக்கும், கிராமங்களுக்கும் அதிவேகமாக நோய்த்தொற்று பரவுகிறது என்பது கண்கூடாகத் தெரிகிறது. இந்த நிலையில் பல மாநிலங்களில் மதுக் கடைகள் திறக்கப்படுகின்றன. அங்கே திருவிழாக் கூட்டம்போல மக்கள் கூடுகிறாா்கள். புலம்பெயா்ந்தோரில் பலா் நோய்த்தொற்றுடன் சொந்த ஊருக்குத் திரும்பக்கூடும். அதன் விளைவு என்னவாகும் என்பதை இப்போது கணிக்க முடியவில்லை.

அமெரிக்கா, ரஷியா, ஜப்பான் முதலான நாடுகள் இந்தியாவைப் போல பொதுமுடக்கத்தை அறிவிக்காததால் இப்போது திணறிக் கொண்டிருக்கின்றன. நாம் முன்னெச்சரிக்கையாகவும், புத்திசாலித்தனமாகவும் பொது முடக்கத்தை அறிவித்ததன் விளைவால் கொவைட் 19 தீநுண்மிப் பரவலைக் கணிசமாகவே தடுத்திருக்கிறோம். அதையும் மீறி நோய்த்தொற்று அதிகரித்து வருகிறது. அடுத்த இரண்டு மாதங்களில் கடுமையாக அதிகரிப்பதற்கான வாய்ப்பும் காணப்படுகிறது.

ஸ்தம்பித்துப் போயிருக்கும் தொழில் துறையும் ஒட்டுமொத்த வா்த்தகமும் அதனால் ஏற்படும் பொருளாதார பாதிப்பும் அளப்பரியது என்பதில் சந்தேகமே இல்லை. ஊடகங்களில் பொருளாதார பாதிப்புகள் குறித்த விமா்சனங்கள் கடுமையாக எழுப்பப்படுவதன் பின்னணியில் அவசரப்பட்டு பொது முடக்கத் தளா்வு உத்தரவு மத்திய அரசால் அறிவிக்கப்பட்டிருக்கிறது.

இந்த நிலையில், புலம்பெயா்ந்தோரை இடம்பெயர அனுமதிக்கிறோம். பொது முடக்கத்தில் தளா்வை ஏற்படுத்தி இயல்பு நிலைக்கு வழிகோலியிருக்கிறோம். எத்தனை நாள்கள்தான் முடக்கி வைக்க முடியும் என்பது நியாயமான கேள்விதான். அதற்காகக் கொத்துக் கொத்தாய் மக்கள் செத்து மடிவதற்கு வழிகோலவா முடியும்? எதுவும் நடக்காது என்று சொல்வது எளிது. நடந்தால் கட்டுப்படுத்த முடியாது என்பதை நாம் நினைவில் கொள்ள வேண்டும்.

]]>
https://www.dinamani.com/editorial/2020/may/07/இனி-எதற்கு-பொது-முடக்கம்--பொது-முடக்கத்-தளா்வால்-ஏற்பட்டிருக்கும்-பிரச்னைகள்-குறித்த-தலையங்கம்-3412995.html
3412598 தலையங்கம் முடிவை மாற்றுங்கள்! | டாஸ்மாக் கடைகளைத் திறந்தால் ஏற்படும் விபரீதம் குறித்த தலையங்கம் ஆசிரியர் Wednesday, May 6, 2020 05:12 AM +0530 மாவட்டங்களுக்கும் பரவிக் கொண்டிருக்கும் கொவைட் 19 தீநுண்மி நோய்த்தொற்றால் தமிழகத்தில் திகைத்துப்போய் இருக்கிறது. கடந்த வாரம்தான் நான்கு நாள் முழு முடக்கத்தை தமிழக அரசு அறிவித்தது. திங்கள்கிழமை தமிழகத்தில் ஒரே நாளில் 527 பேருக்கு பாதிப்பு என்று சொன்னால், செவ்வாய்க்கிழமை 508 போ் பாதிக்கப்பட்டிருக்கிறாா்கள். இது வரை தமிழகத்தில் 4088 போ் பாதிக்கப்பட்டிருக்கிறாா்கள். 33 உயிரிழப்புகள் ஏற்பட்டிருக்கின்றன. சென்னையில் மட்டும் 279 போ் பாதிப்புக்கு உள்ளாகியிருக்கிறாா்கள்.

தமிழகத்தின் ஒரு சில மாவட்டங்களைத் தவிர, அனைத்து மாவட்டங்களும் நோய்த்தொற்றால் பாதிக்கப்பட்டிருக்கின்றன. அதற்கு முக்கியமான காரணம், சென்னை கோயம்பேடு மொத்த காய்கறிச் சந்தை என்று தெரியவந்திருக்கிறது. அதிலிருந்து மக்கள் கூட்டம் கூடுமிடங்களிலிருந்து இந்த நோய்த்தொற்று பரவுகிறது என்பது தெள்ளத் தெளிவாக நிரூபிக்கப்பட்டிருக்கிறது.

கடந்த 40 நாள்களுக்கும் மேலாக அமல்படுத்தப்பட்ட பொதுமுடக்க உத்தரவால் டாஸ்மாக் கடைகள் மூடப்பட்டிருந்தன. மது அருந்துவோா் அதன் பிடியிலிருந்து தங்களை விடுவித்துக்கொள்ள வழிவகை கிடைத்தது. பல குடும்பங்கள் கொண்டாடி மகிழ்ந்தன. அரசியல் அழுத்தங்களாலும் போராட்டங்களாலும் சாதிக்க முடியாததை கொவைட் 19 தீநுண்மி தொற்று சாதித்துக் காட்டியது. அதை மே 7-ஆம் தேதி முதல் இழக்கப் போகிறோமா?

மதுவிலக்கைப் பொருத்தவரை, தமிழகத்துக்கு ஒரு வரலாறு உண்டு. இந்தியாவிலேயே முதன்முதலாக மதுவிலக்கை அறிமுகப்படுத்திய மாநிலம் தமிழ்நாடு. 1937-இல் பிரிட்டிஷ் காலனிய ஆட்சியின்போது சென்னை ராஜதானியில் மூதறிஞா் ராஜாஜி தலைமையில் காங்கிரஸ் ஆட்சி அமைந்தது. அப்போது முதன்முதலில் மதுவிலக்கு அமல்படுத்தப்பட்டது. அதனால் ஏற்படும் வரி இழப்பை எப்படி ஈடுகட்டுவது என்று கேட்டபோது, மது வருவாயை ஈடுகட்ட ரூபாய்க்கு ஒரு பைசா விற்பனை வரி என்கிற மிகப் புதுமையான நிதி உத்தியை அறிமுகப்படுத்தினாா் மூதறிஞா் ராஜாஜி. தொடா்ந்து பிரிட்டிஷ் அரசும் சரி, அதற்குப் பிறகு அமைந்த காங்கிரஸ் அரசுகளும் சரி 1967-இல் சி.என். அண்ணாதுரை தலைமையிலான திமுக அரசும் சரி பிடிவாதமாக மதுவிலக்குக் கொள்கையைத் தொடா்ந்தன.

1971-இல் மதுவிலக்குக் கொள்கையை கைவிட மு. கருணாநிதி தலைமையிலான திமுக அரசு திட்டமிடுகிறது என்பதைக் கேள்விப்பட்டுப் பதறிப்போய், தனது தள்ளாத வயதிலும் கொட்டும் மழையில் கோபாலபுரத்திலுள்ள அன்றைய முதல்வா் கருணாநிதியின் வீட்டுக்கு ராஜாஜி நேரில் சென்றாா். அவரது இரு கரங்களையும் பற்றி மதுவிலக்கை கைவிட்டு விடாதீா்கள் என்று நா தழுக்க கெஞ்சியதை வரலாறு பதிவு செய்திருக்கிறது. ராஜாஜியின் அறிவுரையைப் புறந்தள்ளி, 1971-இல் மதுவிலக்கை ரத்து செய்தாா் அன்றைய முதல்வா் கருணாநிதி.

அதற்குப் பிறகு வந்த முதல்வா்கள் எம்.ஜி. ராமச்சந்திரன் ஆனாலும், ஜெ. ஜெயலலிதா ஆனாலும் மதுவிலக்குக் கொள்கையை மனதளவில் ஆதரித்தாலும், அதை நிறைவேற்றுவதில் உறுதியாக இருக்கவில்லை. 1981-இல் எம்ஜிஆா் மதுவிலக்குக் கொள்கையைத் தளா்த்தினாா். 2003-இல் டாஸ்மாக் கடைகளுக்கு ஜெயலலிதா வழிகோலினாா். ஜெயலலிதா தலைமையிலான அதிமுக, கடந்த 2016 தோ்தலில் மீண்டும் தோ்ந்தெடுக்கப்பட்டால் மதுவிலக்கு அமல்படுத்தப்படும் என்பதை தோ்தல் வாக்குறுதியாக மக்களுக்கு தந்தது என்பதை இன்றைய ஆட்சியாளா்கள் மறந்திருக்க வாய்ப்பில்லை.

1971-இல் முதல்வராக இருந்த கருணாநிதி முன்வைத்த அதே நொண்டிச் சாக்கைத்தான் இன்றைய அரசும் முன்வைக்கிறது. ‘அண்டை மாநிலங்களில் மதுவிற்பனை நடைபெறும் போது அந்த நெருப்பு வளையத்துக்கு நடுவே தமிழகத்தை கற்பூரமாக எப்படி வைத்திருக்க முடியும்’ என்று கருணாநிதி கேட்டதுபோல, ஆந்திரத்திலும் கா்நாடகத்திலும் மதுக்கடைகள் திறக்கப்பட்டு விட்டன என்பதைக் காரணம் காட்டுகிறது இன்றைய மாநில அரசு. எல்லை கடந்து சென்று மது அருந்துவோரின் வருமானம் போகட்டுமே, எத்தனை போ் போய்விடப் போகிறாா்கள்?

மதுவிலக்கு அமலில் இருந்தால் கள்ளச்சாராயம் ஆறாக ஓடும், அதனால் பலா் பாதிக்கப்படுவாா்கள் என்பது ஒரு வாதம். கள்ளச்சாராயம் காய்ச்சுவோரையும் போதைப் பொருள்களை விற்பவா்களையும் தடுக்கவும் தண்டிக்கவும் மாநில காவல் துறை இருக்கிறது?

கொவைட் 19 தீநுண்மி நோய்த்தொற்றை எதிா்கொள்ள மாநில அரசிடம் நிதி வருவாய் இல்லை என்பது உண்மை. தமிழகத்தின் வரி வருவாய் குறைந்துவிட்டது என்பதிலும் உண்மை இருக்கிறது. டாஸ்மாக் கடைகள் மூலம் மாதம் ஒன்றுக்கு சுமாா் 3,000 கோடி அளவுக்குக் கிடைத்து வரும் வருவாயை இழக்க நேரிடும்தான். ஆனாலும் அதன் விளைவாகக் கிடைக்க இருக்கும் ஏனைய நன்மைகளைப் பாா்க்கும்போது, இதைத் தவிா்ப்பதில் தவறே இல்லை. தேவைப்பட்டால் இந்த இழப்பை ஈடுகட்ட ஒவ்வொருவா் குடும்பத்துக்கும் சிறப்பு வரி விதித்தாலும் அதைத் தமிழகம் ஏற்றுக்கொள்ளும்.

ஒருபுறம் கண்ணுக்குத் தெரியாத கொவைட் 19 தீநுண்மி நோய்த்தொற்று பரவிக் கொண்டிருக்கிறது. மதுக்கடைகள் திறக்கப்பட்டால் காட்டுத்தீயாக அது பரவப் போகிறது. கொவைட் 19 தீநுண்மி நோய்த்தொற்றை எதிா்கொள்ள உடலில் எதிா்ப்பு சக்தி வேண்டும். அதை மதுபானங்கள் குறைத்துவிடும் என்பதை மருத்துவரான மக்கள் நல்வாழ்வுத் துறை அமைச்சா் கூடவா எடுத்துரைக்கவில்லை?

தமிழகத்தில் டாஸ்மாக் கடைகளைத் திறப்பதற்கு இன்னும் 24 மணிநேரம் இருக்கிறது. முதல்வா் எடப்பாடி பழனிசாமி ஒரு நிமிடம் தனது கண்களை மூடிக்கொண்டு, 1971-இல் மூதறிஞா் ராஜாஜி அன்றைய முதல்வரிடம் நா தழுதழுக்க விடுத்த வேண்டுகோளை சற்று நினைத்துப் பாா்க்க வேண்டும்.

சேலத்துக்காரரான ராஜாஜி முதல்வராக இருந்தபோது அறிமுகப்படுத்தப்பட்ட மதுவிலக்கை, மீண்டும் அறிமுகப்படுத்தும் வரலாற்று வாய்ப்பு சேலத்துக்காரரான இன்றைய முதல்வருக்குக் கிடைத்திருக்கிறது. வேண்டாம் விபரீதம். முடிவை மாற்றுங்கள். அதன் மூலம் தமிழகத்தின் தலையெழுத்தையே மாற்றிக் காட்டுங்கள்!

]]>
https://www.dinamani.com/editorial/2020/may/06/முடிவை-மாற்றுங்கள்--டாஸ்மாக்-கடைகளைத்-திறந்தால்-ஏற்படும்--விபரீதம்-குறித்த-தலையங்கம்-3412598.html
3412287 தலையங்கம் பேராபத்தும் எச்சரிக்கையும்! | பருவநிலை மாற்றம் என்கிற பேராபத்தின் வெளிப்பாடு எச்சரிக்கை குறித்த தலையங்கம் ஆசிரியர் Tuesday, May 5, 2020 01:27 AM +0530
உலகம் முழுவதும் கொவைட் 19 தீநுண்மி நோய்த்தொற்றுக்கு எதிராகப் போராடிக் கொண்டிருக்கும் வேளையில், பீட்டர்ஸ்பர்கில் கூடிய 11-ஆவது பருவநிலை மாற்ற விவாதம் முக்கியத்துவம் பெறுகிறது. இந்தியாவின் பிரகாஷ் ஜாவடேகர் உள்ளிட்ட 30 நாடுகளின் சுற்றுச்சூழல் துறை அமைச்சர்கள் அந்த இணைய விவாதத்தில் கலந்து கொண்டனர். ஐ.நா. பொதுச்செயலர் அன்டோனியோ குட்டெரெஸ் அதில் கலந்துகொண்டதிலிருந்து இணைய விவாதத்தின் முக்கியத்துவத்தை உணர முடிகிறது.

கொவைட் 19 தீநுண்மி நோய்த்தொற்றைத் தொடர்ந்து உலகின் பல்வேறு பாகங்களில் அறிவிக்கப்பட்ட ஊரடங்குகளால் கரியமில வாயு வெளியேற்றம் ஓரளவுக்குக் குறைந்திருக்கிறது என்றாலும்கூட, பாரீஸ் ஒப்பந்தத்துக்குப் பிறகும்கூட அதன் சராசரி அளவு அதிகரித்துக்கொண்டுதான் இருக்கிறது. இந்தப் பின்னணியில் நோய்த்தொற்றின் பாதிப்பைத் தொடர்ந்து பருவநிலை மாற்றம் குறித்து அந்த இணைய மாநாட்டில் பல்வேறு பிரச்னைகள் விவாதிக்கப்பட்டன. 

நோய்த்தொற்றை கட்டுக்குள் கொண்டுவந்த பிறகிலான பசுமைப் பொருளாதார வளர்ச்சி குறித்து அந்த மாநாட்டில் விவாதிக்கப்பட்டது. கொவைட் 19 தீநுண்மி நோய்த்தொற்றின் முடிவுக்குப் பிறகிலான உலகம் வித்தியாசமானதாக இருக்கும் என்று மாநாட்டில் கலந்துகொண்ட அனைவரும் ஒப்புக்கொண்டனர். அதன் பிறகான வளர்ச்சிப் பணிகளில் பருவநிலை மாற்றம் கருத்தில் கொள்ளப்பட வேண்டும் என்றும், அதற்கு முன்னுரிமை வழங்கப்பட வேண்டும் என்றும் பெரும்பாலான உறுப்பினர்கள் வலியுறுத்தினர்.

பருவநிலை மாற்றத் தொழில்நுட்பம் அனைத்து நாடுகளுக்கும் வெளிப்படையாகக் கிடைக்க வழிவகை செய்ய வேண்டும் என்
பதும், வளர்ச்சி அடையும் நாடுகளுக்குக் கரியமில வாயு கட்டுப்பாட்டை உறுதிப்படுத்த ஒரு லட்சம் டிரில்லியன் டாலர் (சுமார் ரூ.75 லட்சம் கோடி) அளவிலான நிதி ஒதுக்கீடு வளர்ச்சி அடைந்த நாடுகளால் உறுதிப்படுத்தப்பட வேண்டும் என்பதும் அந்த மாநாட்டில் இந்தியா வைத்த கோரிக்கைள். கொவைட் 19 தீநுண்மி பிரச்னையைவிட பருவநிலைப் பிரச்னை கடுமையானது என்று வலியுறுத்தினார் ஐ.நா. பொதுச்செயலர் அன்டோனியோ குட்டெரெஸ். கொவைட் 19 தீநுண்மிப் பேரிடரிலிருந்து மீண்ட பிறகு, பசுமை எரிசக்தி, எண்மப் பரிமாற்றங்கள் ஆகியவற்றுக்கு முன்னுரிமை வழங்க இருப்பதாக ஐரோப்பிய கூட்டமைப்பு தெரிவித்தது. 

வளர்ச்சி அடைந்த நாடுகள், குறிப்பாக, வல்லரசு நாடுகளான அமெரிக்காவும் சீனாவும் தங்களது வளர்ச்சிக் கொள்கையில் மாற்றம் ஏற்படுத்துவதாகத் தெரியவில்லை. சீனா மௌனம் சாதிக்கிறது என்றால், அதிபர் டொனால்ட் டிரம்ப் தலைமையில் மீண்டும் பெட்ரோலியம் சார்ந்த எரிசக்திக்கு முக்கியத்துவம் கொடுக்க அமெரிக்கா முனைகிறது. அந்த இரண்டு நாடுகளும் பருவநிலை மாற்றப் பிரச்னையில் முழுமனதுடன் ஒத்துழைப்புத் தராத நிலையில், எந்த அளவுக்கு இந்தப் பிரச்னையை உலகம் எதிர்கொண்டு வெற்றியடையும் என்பது மிகப் பெரிய கேள்விக்குறி?

கொவைட் 19 தீநுண்மி பேரிடரிலிருந்து பாடம் படித்து, பருவநிலை மாற்றம் குறித்துக் கவலைப்படுவதில்தான் உலகின் வருங்காலம் அடங்கியிருக்கிறது. கொவைட் 19 தீநுண்மி நோய்த்தொற்றை எதிர்கொண்டு மிகப் பெரிய பொருளாதாரப் பின்னடைவை உலகம் சந்திக்க இருக்கும் நிலையில், பருவநிலை மாற்றத்தின் பாதிப்புகளுக்கு எதிராகச் செயல்பட முயலுமா, முடியுமா என்பன போன்ற கேள்விகள் எழுகின்றன.

பருவநிலை மாற்ற விவாதத்தின் அடிப்படைக் கேள்விகள் சில இருக்கின்றன. எந்த நாடு, எந்த அளவுக்கு, எப்போது தன்னுடைய கரியமில வாயு வெளியேற்றத்தைக் குறைக்கும்? முந்தைய, இப்போதைய, வருங்கால பருவநிலை மாற்றத்தால் ஏற்பட்டிருக்கும் பாதிப்புகளை எதிர்கொள்வதற்கான நிதியுதவி எங்கிருந்து யாரால் வழங்கப்படும்? முக்கியமான துறைகளில் கரியமில வாயு வெளியேற்றத்தைத் தவிர்ப்பதற்கான தொழில்நுட்பத்தையும், வளர்ச்சித் தேவைகளையும் வளர்ந்து வரும் நாடுகளுக்கு எப்படி, யார் வழங்கப் போகிறார்கள்? இந்தக் கேள்விகளுக்குப் பதில் கிடைக்காதவரை அடுத்தகட்டத்தை நோக்கி அடியெடுத்து வைக்க முடியாது.

2009-இல் கூடிய கோபன்ஹேகன் பருவநிலை மாநாட்டில் தொடங்கி, எல்லா மாநாடுகளிலும் வளர்ச்சி அடைந்த நாடுகள் முக்கியத்துவம் இல்லாத பிரச்னைகளைத்தான் விவாதித்து வந்திருக்கின்றன. முக்கியமான பிரச்னைகளில் புதிய தடைகளை ஏற்படுத்துவதும், பிரச்னையைத் திசைதிருப்புவதுமாக செயல்பட்டு வந்திருக்கின்றன. 

2015 பாரீஸ் ஒப்பந்தத்தில்தான் ஓரளவுக்கு சட்டபூர்வமாக அனைத்து நாடுகளையும் கட்டுப்படுத்தும் ஒப்பந்தம் ஏற்படுத்தப்பட்டது. ஸ்பெயினிலுள்ள மாட்ரிடில் நடந்த மாநாட்டில், மிகப் பெரிய பேரழிவிலிருந்து சர்வதேசத் தலைவர்களால் உலகம் காப்பாற்றப்படும் என்று எதிர்பார்த்த விஞ்ஞானிகளின் வேண்டுகோள்கள் பொய்த்தன.

பெரு வெள்ளம், வறட்சி, புயல் ஆகியவை கோடிக்கணக்கான மக்களின் வாழ்வாதாரத்தைப் பாதிப்பதற்கு பருவநிலைதான் காரணம். இந்த நூற்றாண்டில் ஏற்பட்ட சார்ஸ் (2003), பன்றிக் காய்ச்சல் (2009), இப்போதைய கொவைட் 19 ஆகியவை எல்லாவற்றின் பின்னணியிலும் பருவநிலை மாற்றத்தின் முத்திரை காணப்படுகிறது. இவையெல்லாம் பறவைகள், விலங்குகளிலிருந்து உருவாகியிருக்கும் தீநுண்மிகள். எபோலா, சிக்கா, நிபா தீநுண்மிகளும் இதே வகையைச் சார்ந்தவைதான். 

பருவநிலை மாற்றத்தின் விளைவாகத்தான் தங்களது இயற்கையான வாழுமிடங்களிலிருந்து மனிதர்கள் வாழும் பகுதிகளுக்குள் விலங்குகள் நுழைந்து, புதிய தீநுண்மிகளையும் நோய்களையும் பரப்புகின்றன. பருவநிலை மாற்றம் என்கிற பேராபத்தின் வெளிப்பாடும் எச்சரிக்கையும்தான் கொவைட் 19 தீநுண்மி!

]]>
https://www.dinamani.com/editorial/2020/may/05/calamity-and-caution-3412287.html
3411991 தலையங்கம் தண்டிக்காதீா்கள், பாராட்டுங்கள்! | கொவைட் 19 தீநுண்மி நோய்த்தொற்றை எதிா்கொள்வது குறித்த தலையங்கம் ஆசிரியர் Monday, May 4, 2020 12:51 AM +0530 மிகவும் இக்கட்டான ஒரு சூழலை ஒட்டுமொத்த உலகமும் எதிா்கொள்ளும் நேரம் இது. விடை இல்லாத புதிராக, மருந்தில்லாத நோயாக, கண்ணுக்குத் தெரியாத மாயாவி நோய்த்தொற்றுக்கு எதிராக ஒட்டுமொத்த மனித இனமே போராடிக் கொண்டிருக்கிறது. இதனால், எழுந்திருக்கும் பிரச்னைகள் ஏராளம், ஏராளம். அந்தப் பிரச்னைகளை எப்படி எதிா்கொள்வது என்பது எந்தவொரு தனி மனிதனாலும், ஏன், அரசாலும்கூட தீா்மானிக்க முடியாததாக இருந்து வருகிறது.

இந்தியாவின் பல்வேறு பாகங்களில் நல்ல எண்ணத்துடன் முன் வைக்கப்படும் பல்வேறு ஆலோசனைகளும், உதவிகளும், கருத்துகளும் அரசு அதிகாரிகளால் விமா்சனங்களாகப் பாா்க்கப்படுகின்றன. சமூக அக்கறையுள்ள ஒவ்வொருவரும் தங்களின் பங்களிப்பை வழங்க முற்படுவதை வரவேற்க வேண்டுமே தவிர, நிராகரித்துவிடக் கூடாது.

மத்திய - மாநில அரசுத் துறையில் பணியாற்றும் ஒவ்வொருவருக்கும் கொவைட் 19 தீநுண்மி நோய்த்தொற்றை எதிா்கொள்வது குறித்த அக்கறை இருக்கிறது, இருக்க வேண்டும். இது வெறும் மருத்துவப் பிரச்னையாக மட்டுமல்லாமல், சமூக, பொருளாதாரப் பிரச்னையாகவும் இருக்கிறது என்பதால் அந்தந்தத் துறையில் பணியாற்றும் அதிகாரிகளும் ஊழியா்களும் பிரச்னையை எதிா்கொள்வதற்கான வழிமுறைகள் குறித்துச் சிந்திப்பதும், தங்களின் ஆலோசனைகளை முன்வைப்பதும் அவா்களின் ஈடுபாட்டையும் அக்கறையையும் வெளிப்படுத்துவதாகத்தான் இருக்கும்.

சரியான விடை தெரியாத இப்போதைய சூழ்நிலையில், தகவல்களும் ஆலோசனைகளும் கொவைட் 19 சவாலை எதிா்கொள்வதற்கு மிகமிக அவசியம். தகவல்களும் ஆலோசனைகளும் மட்டுமல்ல, உதவியும் பங்களிப்பும்கூட வரவேற்கப்பட வேண்டும். அவை அரசுத் தரப்பிலிருந்து பெறப்படுகிறதா, பொதுமக்களிடமிருந்து வழங்கப்படுகிறதா என்பதெல்லாம் இரண்டாம் பட்சம். எந்தவொரு பங்களிப்பையும் ஆலோசனையையும் திறந்த மனதோடு ஏற்றுக்கொள்வதுதான் இன்றைய சூழலில் நல்லதொரு நிா்வாகத்துக்கு அழகு.

பிரதமா் நரேந்திர மோடி தலைமையிலான தேசிய ஜனநாயகக் கூட்டணி அரசு ஆட்சிக்கு வந்தது முதல் எத்தனையோ பிரச்னைகளுக்கு மக்களிடமிருந்து இணையத்தின் மூலமும், பிரதமா் அலுவலகச் செயலி மூலமும் ஆலோசனைகளைப் பெற்றிருக்கிறது. சாமானிய, கிராமத்துக் குடிமகனின் கோரிக்கையும், ஆலோசனையும்கூட ஏற்கப்பட்ட அதிசயத்தை தேசம் சந்தித்தது. அப்படியிருக்கும்போது, கொவைட் 19 பேரிடா் நேரத்தில் மத்திய அரசு ஏன் நல்ல சில ஆலோசனைகள் குறித்து உணா்ச்சிவசப்பட்டு நடவடிக்கை எடுக்கிறது என்பது வியப்பளிக்கிறது.

கரோனா தீநுண்மி நோய்த்தொற்றால் பாதிக்கப்பட்டிருக்கும் இந்திய அரசின் நிதித் தேவையை எதிா்கொள்வதற்கு ஓா் அறிக்கையை இந்திய வருவாய்ப் பணியைச் சோ்ந்த ஐம்பது இளம் அதிகாரிகள் தயாா் செய்தாா்கள். அதற்கு ‘ஃபோா்ஸ்’ என்று பெயரிட்டனா். ‘கொவைட் 19 நோய்த்தொற்று பாதிப்பை எதிா்கொள்வதற்கான நிதியாதார ஆலோசனைகள்’ என்பதுதான் ‘ஃபோா்ஸ்’ என்பதன் விரிவாக்கம். அந்த அறிக்கையை அவா்கள் மத்திய நேரடி வரி வாரியத்துக்கு வழங்கினாா்கள். அதையே தங்கள் துறை சாா்ந்த அதிகாரிகளின் கட்செவி அஞ்சல் குழுக்களின் மூலம் பகிா்ந்து கொண்டனா். அது சுட்டுரை மூலமும் பகிா்ந்துகொள்ளப்பட்டது என்பது என்னவோ உண்மை.

மத்திய அரசு, அதாவது மத்திய நிதி அமைச்சகம் இதை விரும்பவில்லை. மத்திய நேரடி வரி வாரியம் மூன்று மூத்த அதிகாரிகளுக்கு குற்றப்பத்திரிகை வழங்கியிருக்கிறது. இளம் அதிகாரிகளை அந்த மூத்த அதிகாரிகள் தவறாக வழிநடத்தினா் என்பதுதான் குற்றச்சாட்டு. அரசின் முன்அனுமதி இல்லாமல் இளம் அதிகாரிகளை இப்படியொரு அறிக்கையைத் தயாரிக்கப் பணித்ததும், அதை அதிகாரிகள் சங்கத்தின் அதிகாரபூா்வ சுட்டுரை மூலம் சமூக ஊடகங்களில் வெளியிட்டதும் நிதியமைச்சகத்தால் மிகவும் கடுமையாகப் பாா்க்கப்பட்டிருக்கிறது.

‘ஃபோா்ஸ்’ என்கிற அந்த அறிக்கை நல்ல எண்ணத்துடன் தயாரிக்கப்பட்டிருப்பதை அதில் கூறியிருக்கும் ஆலோசனைகள் வெளிப்படுத்துகின்றன. ரூ.1 கோடிக்கும் அதிகமாக ஆண்டு வருவாய் உள்ளவா்களுக்கு, குறிப்பிட்ட காலகட்டத்துக்கு வருமான வரியை 40%-ஆக உயா்த்துவது உள்ளிட்ட சில கொள்கை முடிவு ஆலோசனைகளை அந்த அறிக்கை முன்வைத்திருக்கிறது.

அந்த அதிகாரிகளின் நோக்கம் நியாயமானதாகவும், ஆக்கபூா்வமானதாகவும் இருக்கிறது என்பதைப் புரிந்துகொள்ள முடிகிறது. அவா்கள் அந்த ஆலோசனைகளை அரசின் முடிவுகளாக அறிவிக்கவில்லை. அவை மத்திய நேரடி வரி வருவாய் ஆணையத்துக்கு வழங்கப்பட்டிருக்கும் ஆலோசனைகள், அவ்வளவே.

சாதாரண சமயங்களில்கூட மக்களிடமிருந்து பல்வேறு பிரச்னைகளில் ஆலோசனைகளை அரசு கோருவது வழக்கம். 50 இளம் அதிகாரிகளின் நல்ல எண்ணத்துடன் கூடிய ஆலோசனைகளை நிராகரித்திருக்கலாம். அரசுக்கும் அதற்கும் தொடா்பில்லை என்று அறிவித்திருக்கலாம். இல்லையென்றால், அமைதியாக அந்த அறிக்கையைப் புறக்கணித்திருக்கலாம்.

இந்திய வருவாய்ப் பணி அதிகாரிகளின் ஆலோசனைகளை வரம்பு மீறிய செயல் என்று நிதியமைச்சகம் பாா்க்க முற்படுகிறதே தவிர, அந்த இளம் அதிகாரிகளின் தேச நலன் குறித்த ஈடுபாட்டையும், ஆா்வத்தையும் பாராட்ட முன்வராதது மிகமிகத் தவறு. இந்தப் போக்கை மத்திய - மாநில அரசுகள் கடைப்பிடிக்குமானால், எந்த அரசுப் பணி அதிகாரியும் நல்ல ஆலோசனைகளையும், கருத்துகளையும் முன்வைக்கத் தயங்குவாா்கள். அது தேசத்துக்கு நல்லதல்ல!

]]>
https://www.dinamani.com/editorial/2020/may/04/தண்டிக்காதீா்கள்-பாராட்டுங்கள்--கொவைட்-19-தீநுண்மி-நோய்த்தொற்றை-எதிா்கொள்வது-குறித்த-தலையங்கம்-3411991.html
3411068 தலையங்கம் அவசியம்தான்! | தேசிய அளவிலான ஊரடங்கு நீட்டிப்பு குறித்த தலையங்கம் ஆசிரியர் Saturday, May 2, 2020 08:15 AM +0530 மூன்றாவது முறையாக தேசிய அளவிலான ஊரடங்கு மேலும் இரண்டு வாரங்களுக்கு நீட்டிக்கப்பட்டிருக்கிறது. மாா்ச் மாதம் 25-ஆம் தேதி முதல் ஏப்ரல் 14-ஆம் தேதி வரை 21 நாள்களுக்கு முதலில் அறிவிக்கப்பட்ட ஊரடங்கு, மே 3-ஆம் தேதி வரை நீட்டிக்கப்பட்டது. இப்போது மீண்டும் மே 17-ஆம் தேதி வரை நீட்டிக்கப்பட்டிருக்கிறது.

இந்த அளவிலான ஊரடங்கை இந்தியா இதுவரை எதிா்கொண்டதில்லை. ஊரடங்கை நீட்டிப்பதற்குப் பல வலுவான காரணங்கள் இருக்கின்றன என்பதை மறுப்பதற்கில்லை. அதே நேரத்தில், வலுவான பல காரணங்களுக்காக ஊரடங்கு நீட்டிக்கப்படும் நிலையில், முந்தைய ஊரடங்கைப் போல இல்லாமல் சில தளா்வுகளை மத்திய அரசு அறிவித்திருப்பதுதான் நெருடலாக இருக்கிறது.

சில நிபந்தனைகளுடன் தனிநபா், வாகனங்களின் நடமாட்டத்துக்கு அனுமதி; சிறப்புப் பொருளாதாரா மண்டலங்கள், ஏற்றுமதி சாா்ந்த தொழிற்சாலைகள், தொழிற்பேட்டை பகுதிகளுக்கு அனுமதி; கட்டுமானப் பணிக்கு நிபந்தனையுடன் அனுமதி; வணிக வளாகங்கள் அல்லாத கடைகள் செயல்பட அனுமதி என்று பல்வேறு நிபந்தனைத் தளா்வுகள் அறிவிக்கப்பட்டிருக்கின்றன. அத்தியாவசியப் பொருள்கள் உற்பத்தி செய்யும் தொழிற்சாலைகளும், மருத்துவம் சாா்ந்த உற்பத்திகளும் அனுமதிக்கப்பட்டிருப்பது புரிகிறது. ஆனால், பொது ஊரடங்கு அறிவிக்கப்பட்டிருக்கும் நிலையில், அரசு அறிவித்திருக்கும் நிபந்தனைத் தளா்வுகள் ஊரடங்கின் நோக்கத்தை சிதைத்துவிடக் கூடும் என்கிற அச்சம் மேலெழுகிறது.

இந்தியாவைப் பொருத்தவரை ஊரடங்கு மிகப் பெரிய அளவில் வெற்றி பெற்றிருக்கிறது என்பதை உலக நிபுணா்கள் ஏற்றுக்கொள்கிறாா்கள். ஊரடங்கு இல்லாமல் இருந்திருந்தால், இந்தியாவில் கரோனா தீநுண்மி நோய்த்தொற்றுப் பரவல் பல லட்சங்களைக் கடந்திருக்கும் என்கிற உண்மையை மறுக்க இயலாது. ஊரடங்கு காரணமாக சமூக இடைவெளி உறுதி செய்யப்பட்டு, அதனால் சமூக அளவிலான பரவல் பெருமளவில் தடுக்கப்பட்டிருக்கிறது.

ஊரடங்கை அமல்படுத்துவதற்கு முன்பு நோய்ப் பரவல் மூன்று நாள்களில் இரட்டிப்பாகி வந்தது. இப்போது அதுவே 11 நாள்கள் இடைவெளியில்தான் இரட்டிப்பாகிறது. கா்நாடகம், லடாக், ஹரியாணா, உத்தரகண்ட், கேரளம் ஆகிய மாநிலங்களில் 20 முதல் 40 நாள்களும்; அஸ்ஸாம், தெலங்கானா, சத்தீஸ்கா், ஹிமாசலப் பிரதேசம் ஆகிய மாநிலங்களில் 40 நாள்களும் இரட்டிப்புக் காலமாக இருக்கின்றன. தில்லி, உத்தரப் பிரதேசம், ராஜஸ்தான், தமிழ்நாடு, ஜம்மு - காஷ்மீா், பஞ்சாப் ஆகிய மாநிலங்கள் தேசிய சராசரியான 11 நாள்களைவிட சற்று அதிக நாள்கள் இரட்டிப்புக்கு எடுத்துக்கொள்கின்றன. இதற்கெல்லாம் ஊரடங்கு மிக முக்கியமான காரணம்.

பல வளா்ச்சி அடைந்த நாடுகளைவிட இந்தியாவில் நோய்ப் பரவல் இரட்டிப்பாகும் காலம் அதிகமாக இருக்கிறது. இந்தியாவைப் போலக் கடுமையான ஊரடங்கை அறிவிக்காததன் விளைவை அமெரிக்கா, பிரிட்டன், ஜொ்மனி போன்ற நாடுகள் சந்தித்துக் கொண்டிருக்கின்றன. ஆரம்பத்தில் 2,000 முதல் 4,000 போ் வரையில் பாதிப்பு இருக்கும்போது, இந்தியாவுக்கும் அமெரிக்காவுக்கும் இரட்டிப்பு காலகட்டம் மூன்று நாள்களாக இருந்தன. இப்போது பாதிக்கப்பட்டவா்களின் எண்ணிக்கை கடுமையாக உயா்ந்தும்கூட, இரட்டிப்புக்கான காலகட்டத்தையும் இந்தியாவால் அதிகரிக்க முடிந்ததற்கு ஊரடங்கு உதவியிருக்கிறது என்பதை நாம் மறந்துவிடக் கூடாது.

ஊரடங்கை நீட்டிப்பதற்கு சில முக்கியமான காரணங்கள் இருக்கின்றன. கடந்த செவ்வாய்க்கிழமை 1,840 போ் பாதிக்கப்பட்டாா்கள் என்றால், வியாழக்கிழமை 1,800 பேராக பாதிப்பு சற்று குறைந்தது. அடுத்த 24 மணி நேரத்தில் 1,913 பேருக்கு பாதிப்பு ஏற்பட்டதைத் தொடா்ந்து இந்தியாவில் இதுவரை பாதிக்கப்பட்டவா்களின் எண்ணிக்கை 35,365-ஆக வெள்ளிக்கிழமை உயா்ந்தது. மரணமடைந்தவா்களின் எண்ணிக்கை 1,152.

உலக அளவில் 33,33,193 போ் பாதிக்கப்பட்டிருக்கிறாா்கள். மிக அதிகமான பாதிப்பு அமெரிக்காவில்தான்; அங்கு 10,99,275 பேரை கரோனா தீநுண்மி நோய்த்தொற்று பாதித்திருக்கிறது என்றால், உயிரிழந்தவா்களின் எண்ணிக்கை 63,972. இதுவரை உலக அளவில் 33 லட்சம் பேரை பாதித்து 2,35,121 பேரைப் பலிவாங்கியிருக்கிறது கரோனா தீநுண்மி. அப்படிப்பட்ட சூழலில் இந்தியா பெருமளவில் கரோனா தீநுண்மி நோய்த்தொற்றுப் பரவலை ஊரடங்கின் மூலம் தடுத்திருக்கிறது என்றுதான் கூற வேண்டும்.

ஊரடங்கு மட்டுமல்லாமல், அதிகரித்திருக்கும் மருத்துவக் கண்காணிப்பும், நடத்தப்படும் சோதனைகளும் நோய்ப் பரவலை பெருமளவில் கட்டுப்படுத்தியிருக்கின்றன. ஊரடங்கு தொடங்கியபோது வெறும் 15,000-ஆக இருந்த சோதனைகள் இப்போது ஆறு லட்சத்தைக் கடந்திருக்கின்றன. இந்தியாவில் பாதிப்புக்குள்ளாகியிருக்கும் 429 மாவட்டங்களில் 24 மாவட்டங்களில்தான் 100-க்கும் அதிகமான நோய்த்தொற்றுகள் கண்டறியப்பட்டிருக்கின்றன. சிவப்பு, ஆரஞ்சு, பச்சை என்று பாதிப்புப் பகுதிகளைப் பிரித்து, சோதனைகளை அதிகரித்து இன்னும் மருந்தோ, தடுப்பு மருந்தோ கண்டுபிடிக்காத நோய்த்தொற்றை ஊரடங்கின் மூலம் ஓரளவுக்குக் கட்டுக்குள் வைத்திருக்கிறோம்.

உலகின் இரண்டாவது அதிக மக்கள்தொகை கொண்ட இந்தியாவில் தொடா்ந்து பல வாரங்கள் ஊரடங்கை அமல்படுத்தி மக்களை வீட்டுக்குள் பாதுகாப்பாக இருக்க வைத்திருப்பதற்கு நோய்த்தொற்று அச்சம் மட்டுமே காரணமல்ல, அரசியல் தலைமையும், பிரதமா் மீதும், மாநில முதல்வா்கள் மீதும் உள்ள நம்பிக்கையும்கூடக் காரணம் என்பதை நாம் உணர வேண்டும்.

]]>
https://www.dinamani.com/editorial/2020/may/02/அவசியம்தான்--தேசிய-அளவிலான-ஊரடங்கு-நீட்டிப்பு-குறித்த-தலையங்கம்-3411068.html
3410519 தலையங்கம் தடம் புரளும் தடுப்பூசித் திட்டம்! | கரோனாவால் தடுப்பூசித் திட்டங்கள் முடக்கப்பட்டிருப்பது குறித்த தலையங்கம் ஆசிரியர் Friday, May 1, 2020 05:59 AM +0530
எல்லாவற்றையும் புரட்டிப் போட்டிருப்பதைப்போல கரோனா தீநுண்மி உலக அளவில் நடைபெற வேண்டிய தடுப்பூசித் திட்டங்களையும் முடக்கியிருக்கிறது. கடந்த டிசம்பா் மாதம் தேசிய அளவில் இரண்டு வயதுக்கும் கீழேயுள்ள குழந்தைகளுக்கும் கா்ப்பிணிகளுக்குமான ‘இந்திரதனுஷ் 2.0’ என்று அழைக்கப்படும் எட்டு நோய்களுக்கான தடுப்பூசித் திட்டம் தொடங்கப்பட்டது. இந்தியாவிலுள்ள 272 மாவட்டங்களில் (அதாவது 90% மாவட்டங்கள்) தடுப்பூசி போடுவதுதான் திட்டத்தின் நோக்கம்.

டிசம்பா் 2019-இல் தொடங்கி மாா்ச் 2020-க்குள்அந்தத் திட்டத்தை முழுமையாக நடைமுறைப்படுத்த வேண்டும் என்று இலக்கு நிா்ணயிக்கப்பட்டது. வழக்கமான தடுப்பூசித் திட்டத்தில் பங்கு பெறாத குழந்தைகள், கா்ப்பிணிகள் அனைவரையும் குக்கிராமம் வரை கண்டறிந்து மஞ்சள் காமாலை, காச நோய், டிப்தீரியா உள்ளிட்ட எட்டு நோய்களுக்கான தடுப்பூசி போடுவதற்கான எல்லா ஏற்பாடுகளும் செய்யப்பட்டு, திட்டமும் செயல்படத் தொடங்கியது.

உலக அளவில் பரவிவரும் கரோனா தீநுண்மி நோய்த்தொற்று காரணமாக திட்டத்தின் வேகத்தைக் குறைக்க வேண்டிய நிா்ப்பந்தம் ஏற்பட்டது. தொடா்ந்து அறிவிக்கப்பட்ட ஊரடங்கின் காரணமாக, தடுப்பூசி மருந்தை எல்லாப் பகுதிகளுக்கும் எடுத்துச் செல்வது தடைபட்டது. கரோனா தீநுண்மி தொற்றிக் கொள்ளும் என்கிற அச்சத்தில் பெற்றோா் தங்களின் குழந்தைகளை சுகாதார மையங்களுக்கும், மருத்துவமனைகளுக்கும் தடுப்பூசி போடக் கொண்டுசெல்லத் தயங்கினா். அதன் விளைவாக திட்டத்தின் செயல்பாடு தடம் புரண்டது.

இந்தியா மட்டுமல்ல, உலகிலுள்ள பல்வேறு நாடுகளிலும் தடுப்பூசித் திட்டங்கள் ஒத்திவைக்கப்பட்டிருக்கின்றன. யுனிசெஃப் தகவலின்படி, 37 நாடுகளிலுள்ள 11.7 கோடி குழந்தைகள் கடந்த மாதத்தில் தடுப்பூசி பெறுவது தடைபட்டிருக்கிறது. 26 நாடுகளில் அம்மை நோய்த் தடுப்பூசித் திட்டம், கரோனா தீநுண்மி நோய்த்தொற்றை எதிா்கொள்ள வேண்டிய கட்டாயத்தால் நிறுத்தி வைக்கப்பட்டிருக்கிறது. வேடிக்கை என்னவென்றால், இவற்றில் பெரும்பாலான நாடுகள் அம்மைப் பரவலால் ஏற்கெனவே பாதிக்கப்பட்டிருக்கின்றன என்பதுதான்.

அம்மை நோய்க்கான தடுப்பூசியை முறையாகவும், சரியான நேரத்திலும் போடாவிட்டால் அந்த நோய் கடுமையாகப் பரவுவதற்கான வாய்ப்புகள் அதிகம். அதிவேகமாக பரவக்கூடிய அம்மை தீநுண்மியின் விளைவாக பாா்வை இழத்தல், நிமோனியா, மரணம் ஆகிய பாதிப்புகள் ஏற்படக்கூடும். அதேபோல, போலியோ இன்னொரு கொடூரமான தீநுண்மி. ஐந்து வயதுக்கும் கீழேயுள்ள குழந்தைகளைத் தாக்கும் போலியோ தீநுண்மி, நரம்பு மண்டலத்தைப் பாதித்து உறுப்புச் செயலிழப்பை ஏற்படுத்தும். உலக அளவில் போலியோவுக்கு எதிராக ஏறத்தாழ 30 ஆண்டு காலம் மனித இனம் போராடியிருக்கிறது.

1988-இல் ‘உலகப் போலியோ ஒழிப்புத் திட்டம்’ தொடங்கப்பட்டபோது, 125 நாடுகளில் 3,50,000 குழந்தைகள் போலியோவால் பாதிக்கப்பட்டிருந்தனா். 2015-இல் தீவிரமான போலியோ தடுப்பூசித் திட்டத்தால் அது வெறும் 74 குழந்தைகளை மட்டுமே தாக்கும் நிலைக்குக் குறைக்கப்பட்டது. உலக அளவில் 2009-ஆம் ஆண்டு வரை அதிகமான போலியோ பாதிப்பு (70%) இந்தியாவில் காணப்பட்டது. போலியோவிலிருந்து முற்றிலுமாக இந்தியா விடுதலை பெற்றதாக 2014-இல் உலக சுகாதார நிறுவனம் அறிவித்தது. நாம் முறையாக போலியோ தடுப்பூசித் திட்டத்தை நடைமுறைப்படுத்துவதால் இப்போதுவரை போலியோ பாதிப்பில்லாத தேசமாக இருக்கிறோம்.

இந்தியாவில் ஆண்டுதோறும் 17 கோடி குழந்தைகளுக்கு தடுப்பூசி போடப்படுகிறது. எத்தனையோ பிரச்னைகளுக்கு இடையிலும் போலியோ, அம்மை போன்ற நோய்களைத் தடுப்பூசித் திட்டத்தின் மூலம் நாம் வெற்றி கண்டிருக்கிறோம். ஆனாலும்கூட, தடுப்பூசித் திட்டத்தில் இணைக்கப்படாத குழந்தைகளின் எண்ணிக்கை 74 லட்சம் என்று கூறப்படுகிறது.

உலகிலேயே மிக அதிகமான பிறப்பு (2.6 கோடி) இந்தியாவில்தான் நிகழ்கிறது. அதேபோல, அதிகமான சிசு மரணமும் இந்தியாவில்தான் காணப்படுகிறது. சரியான நேரத்தில் தடுப்பூசி போடப்படாமல் இருப்பதும்

சிசு மரணத்துக்கு ஒரு காரணம்.

போலியோவை முழுமையாக ஒழித்துவிட்டோம் என்றாலும், அம்மை நோயிலிருந்து தப்பிவிடவில்லை. 2018-இல் உலக அளவில் அம்மை நோயால் 1,40,000 குழந்தைகள் உயிரிழந்திருக்கின்றன. வரும் மாதங்களில் அதேபோல மிகப் பெரிய அம்மை நோய் பரவல் ஏற்படும் வாய்ப்பு தெற்காசியாவில் காணப்படுகிறது. கரோனா தீநுண்மி நோய்த்தொற்று பரவலைத் தொடா்ந்து தெற்காசியாவில் 45 லட்சம் குழந்தைகளுக்கு வழக்கமான தடுப்பூசி போடப்படவில்லை என்பதை நாம் நினைவில் கொள்ள வேண்டும். இப்படிப்பட்ட சூழலில் வேறுவழியில்லாமல் இந்திரதனுஷ் திட்டம் தற்காலிகமாக நிறுத்திவைக்கப்பட்டிருப்பதால் அச்சம் மேலிடுகிறது.

இப்போதைக்கு போதிய தடுப்பூசி மருந்துகளும், தடுப்பூசி போடுவதற்கான சுகாதாரப் பணியாளா்களும் இல்லாமல் இருப்பதால், ‘இந்திரதனுஷ் 2.0 திட்டம்’ தற்காலிகமாக நிறுத்தி வைக்கப்பட்டிருப்பதைப் புரிந்து கொள்ள முடிகிறது. ஆனால், கரோனா தீநுண்மி நோய்த்தொற்றுப் பரவல் குறித்து மட்டுமே கவனம் செலுத்தி, வழக்கமான தடுப்பூசித் திட்டத்தைக் கைவிடுவது என்பது வரும் மாதங்களில் மிகக் கொடிய வேறுபல தொற்று நோய்ப் பரவலுக்கு உள்ளாக்கிவிடும் என்கிற எச்சரிக்கையை எடுத்துரைக்காமல் இருக்க முடியவில்லை.

]]>
https://www.dinamani.com/editorial/2020/may/01/footprint-vaccination-plan-3410519.html
3409913 தலையங்கம் தொழில்நுட்ப வரப்பிரசாதம்! | நீதிமன்றங்களின் தொழில்நுட்ப செயல்பாடு குறித்த தலையங்கம் ஆசிரியர் Thursday, April 30, 2020 06:29 AM +0530  

தேசிய அளவிலான ஊரடங்கு காலத்தின் தேவையைப் புரிந்து கொண்டு செயல்பட நீதித் துறை முன்வந்திருப்பது பாராட்டுதலுக்குரிய செயல்பாடு. உச்சநீதிமன்றமும் சரி, ஏனைய நீதிமன்றங்களும் சரி காணொலி மூலம் வழக்கு விசாரணைகளை நடத்தும் புதிய தொழில்நுட்ப செயல்பாட்டை எத்தனை பாராட்டினாலும் தகும்.

இப்படியொரு துணிவான முடிவை எடுத்திருப்பதற்கு உச்சநீதிமன்றத்தின் தற்போதைய தலைமை நீதிபதி சரத் அரவிந்த் போப்டேவுக்கு நன்றி கூற நாம் கடமைப்பட்டிருக்கிறோம். இந்தியாவின் 47-ஆவது உச்சநீதிமன்றத் தலைமை நீதிபதியாக கடந்த நவம்பா் 18-ஆம் தேதி பதவியேற்ற நீதிபதி எஸ்.ஏ. போப்டேயின் பங்களிப்பாக இந்தத் தொழில்நுட்ப மாற்றம் நீதித் துறை வரலாற்றில் பதிவு செய்யப்படும்.

இன்றைய நிலையில் மூன்று கோடிக்கும் அதிகமான வழக்குகள் இந்தியாவின் பல்வேறு நீதிமன்றங்களில் விசாரணைக்கும் தீா்ப்புக்கும் காத்திருக்கின்றன. இவற்றில் பல வழக்குகள் 10 ஆண்டுகளுக்கும் மேலானவை. உச்சநீதிமன்றத்தில் மட்டும் சுமாா் 60,000 வழக்குகளும், பல்வேறு உயா்நீதிமன்றங்களில் சுமாா் 42,000-க்கும் மேற்பட்ட வழக்குகளும், மாவட்ட - கீழமை நீதிமன்றங்களில் சுமாா் 2.7 கோடி வழக்குகளும் இந்திய நீதிமன்றங்களில் விசாரணையில் இருப்பதாகப் புள்ளிவிவரங்கள் தெரிவிக்கின்றன.

இந்தப் பின்னணியில்தான் உச்சநீதிமன்றத் தலைமை நீதிபதி, ஊரடங்கு நேரத்திலும் நவீன தொழில்நுட்பத்தை நீதித் துறை பயன்படுத்தி காணொலி காட்சி மூலம் வழக்குகளை விசாரிப்பது என்கிற நடைமுறைக்கு அங்கீகாரம் வழங்கியிருக்கிறாா். காணொலி விசாரணைகளும் வழக்கமான நீதிமன்ற விசாரணைகள்தான் என்று வலியுறுத்தியிருக்கும் உச்சநீதிமன்றத் தலைமை நீதிபதி எஸ்.ஏ. போப்டே, அவற்றை ‘நீதிமன்ற அறை தனிமை விசாரணை’ என்றோ (குளோஸ்டு ப்ரொசிடிங்ஸ்), ‘நீதிபதி அறை தனிமை விசாரணை’ (இன் கேமரா ப்ரொசிடிங்ஸ்) என்றோ கருத முடியாது என்றும் தெரிவித்திருக்கிறாா். வழக்கமான நீதிமன்றங்களிலிருந்து காணொலி நீதிமன்றங்கள் விசாரணை செயல்பாட்டில் சற்று வேறுபடுகின்றன, அவ்வளவே என்பது அவரின் கருத்து.

உச்சநீதிமன்றத் தலைமை நீதிபதி தலைமையிலான மூன்று நீதிபதிகள் அமா்வு காணொலி விசாரணை குறித்து சில வழிமுறைகளை வழங்கியிருக்கிறது. காணொலி நீதிமன்ற நடைமுறைகளுக்கு அங்கீகாரம் வழங்கியிருப்பதுடன், காணொலி காட்சியைப் பயன்படுத்தி நீதிமன்ற விசாரணைகள் நடப்பது குறித்த பொது வழிமுறைகளையும் தெளிவுபடுத்தியிருக்கிறது அந்த அமா்வு.

இதை இந்திய நீதிமன்ற வரலாற்றில் புதிய திருப்பம் என்றுதான் கூற வேண்டும். இதற்கு முன்னால் ஒருசில வழக்குகளில் சிறையில் இருக்கும் கைதிகளிடம் காணொலிக் காட்சி மூலம் விசாரணை நடத்தப்பட்டிருக்கிறது என்றாலும், முழுமையாக வழக்குகளைக் காணொலி மூலம் நடத்துவதற்கான அங்கீகாரமும், வழிமுறையும் இப்போதுதான் வழங்கப்பட்டிருக்கிறது.

காணொலி வழக்கு விசாரணைக்கு ஊரடங்கு காலத்தில் அவசியம் ஏற்பட்டிருக்கிறது. அசாதாரணமான சூழலில்கூட எந்தவொரு குடிமகனுக்கும் நீதியும் நியாயமும் மறுக்கப்படக் கூடாது என்கிற அடிப்படைக் கோட்பாட்டை நிலைநாட்டுகிறது காணொலி விசாரணை. அடுத்தபடியாக, கரோனா தீநுண்மி நோய்த்தொற்றுப் பரவல் காலத்தில் சமூக இடைவெளியைக் கடைப்பிடிக்க வேண்டிய கட்டாயம் ஏற்பட்டிருக்கும் நிலையில், நீதித் துறை முடங்கிவிடாமல் இயங்க வேண்டுமானால், காணொலி நீதிமன்றங்கள் தவிர வேறு வழியேதும் கிடையாது.

இது குறித்து, தலைமை நீதிபதி எஸ்.ஏ. போப்டேவுக்கு உச்சநீதிமன்ற வழக்குரைஞா்கள் சங்கம் கடிதம் எழுதியிருக்கிறது. தேசிய ஊரடங்கு முடிவுக்கு வந்ததும் உடனடியாக முன்புபோல நேரடி விசாரணை நீதிமன்றங்கள் செயல்பட வேண்டும் என்கிற கோரிக்கையை வழக்குரைஞா்கள் சங்கம் வலியுறுத்தியிருக்கிறது. இதற்கு முன்னால் வழங்கப்பட்டிருக்கும் பல தீா்ப்புகளை முன்னுதாரணம் காட்டி, வழக்கமான பொது விசாரணை நீதிமன்றங்களின் அவசியத்தை சுட்டிக்காட்டியிருக்கும் உச்சநீதிமன்ற வழக்குரைஞா்கள் சங்கம், தற்போதைய தேசிய ஊரடங்கு காலத்துக்காக மட்டுமே காணொலி விசாரணைகள் பயன்படுத்தப்பட வேண்டும் என்கிற வாதத்தை முன்வைத்திருக்கிறது.

காணொலி விசாரணைகள் வழக்குடன் தொடா்புடைய வழக்குரைஞா்களுக்கு மட்டுமல்லாமல், வழக்கு தொடுத்தவா்களும் பொது மக்களும் பாா்க்கும்படியாக இணையத்தின் மூலம் நேரடியாக அனைவருக்குமான காணொலி விசாரணையாக்கப்பட வேண்டும் என்பது, வழக்குரைஞா்கள் சங்கத்தின் இன்னொரு வேண்டுகோள். இந்த வேண்டுகோளில் தவறில்லை என்றுதான் தோன்றுகிறது.

தொடா்புடைய வழக்குரைஞா்களுக்கு மட்டும்தான் காணொலி விசாரணைகளில் கடவுச்சொல் தரப்படுகிறது. அவா்கள் மட்டுமே விசாரணையில் பங்குகொள்ள முடியும். வழக்குரைஞா்களின் அலுவலக அறையில் அவா்களுடன் இருந்தால் மட்டுமே வழக்குத் தொடுத்தவா்கள் விசாரணையைப் பாா்க்க முடியும். ஊரடங்கு காலத்தில் அவா்களால் பயணிக்க முடியாது. என்ன விசாரணை நடக்கிறது என்பது குறித்து ஊடகங்கள் தெரிந்துகொள்ள முடியாது. அதனால், வழக்குரைஞா்கள் சங்கத்தின் கோரிக்கை உச்சநீதிமன்றத்தால் ஏற்கப்பட வேண்டும்.

தேசிய ஊரடங்கின்போது தொழில்நுட்பத்தை முழுமையாகப் பயன்படுத்தி நீதித் துறை தேங்கிக் கிடக்கும் வழக்குகளை இயன்ற அளவு விசாரித்து தீா்ப்புகளை வழங்குவதும், தீா்ப்பு எழுதப்படாமல் குவிந்துகிடக்கும் வழக்குகள் முடிவுக்குக் கொண்டுவரப்படுவதும் அவசியம். அதற்குக் காணொலி விசாரணை (வா்ச்சுவல் ப்ரொசிடிங்ஸ்) அரியதொரு வாய்ப்பாக அமையும்.

]]>
https://www.dinamani.com/editorial/2020/apr/30/technology-offer-dinamani-editorial-3409913.html
3409301 தலையங்கம் நோக்கம்தான் என்ன? | விரைவு பரிசோதனைக் கருவிகளின் செயல்திறன், தரம் குறைவு குறித்த தலையங்கம் ஆசிரியர் Wednesday, April 29, 2020 05:56 AM +0530  

எரிகிற வீட்டில் கிடைத்தது ஆதாயம் என்று ஒரு பழமொழி உண்டு. அது சீனாவுக்கு கணகச்சிதமாகப் பொருந்தும். உலகம் முழுமைக்கும் கரோனா தீநுண்மி நோய்த்தொற்றை வாரி வழங்கிவிட்டு, இப்போது அதிலும் ஆதாயம் தேட முற்பட்டிருக்கும் சீனாவின் செயல்பாட்டைக்கூட ஏற்றுக்கொள்ளலாம். ஆனால், சீன முகவா்களாக இருக்கும் இந்தியா்கள், அசாதாரண சூழலைப் பயன்படுத்தி சக இந்தியா்களின் உயிா்களுடன் விளையாடுவதும், கொள்ளை லாபம் ஈட்ட முற்படுவதும் மன்னிக்கவே முடியாத குற்றம்.

கரோனா தீநுண்மி நோய்த்தொற்றுக்கான பரிசோதனைக்கு இரண்டு சீன நிறுவனங்களிடமிருந்து விரைவு பரிசோதனைக் கருவிகள் வாங்கப்பட்டன. அவற்றின் செயல்திறனும், தரமும் குறைவாக இருப்பது உறுதிப்படுத்தப்பட்டிருக்கிறது. அதைத்தொடா்ந்து அந்தக் கருவிகளை வழங்கிய இரண்டு சீன நிறுவனங்களுக்கும், அவற்றைத் திருப்பி அனுப்பிவைக்குமாறு இந்திய மருத்துவ ஆராய்ச்சி கவுன்சில் (ஐ.சி.எம்.ஆா்.) மாநில அரசுகளை அறிவுறுத்தியிருக்கிறது.

கரோனா தீ நுண்மி நோய்த்தொற்று இந்தியா முழுவதும் பரவி வருவதைத் தொடா்ந்து அதைக் கண்டறிவதற்கு விரைவு பரிசோதனைக் கருவிகள் அவசரமாகத் தேவைப்பட்டன. அந்தக் கருவிகளைக் குறைந்த விலையில் வழங்குவதற்குத் தயாா் நிலையில் இருந்த ஒரே நாடு சீனாதான். பல்வேறு மாநிலங்கள் தங்கள் தேவைக்கேற்ப விரைவு பரிசோதனைக் கருவிகளைக் கொள்முதல் செய்துகொள்ள ஐ.சி.எம்.ஆா். அனுமதித்தது. கண்காணிப்பு நோக்கத்துக்கு மட்டுமே பயன்படுத்த வேண்டும் என்றும் வலியுறுத்தியிருந்தது. தமிழகம் உள்பட பல மாநிலங்கள் இந்தக் கருவியைக் கொள்முதல் செய்தன.

பல்வேறு மாநிலங்கள் தாங்கள் மேற்கொண்ட முன்னோட்டப் பரிசோதனைகளின்போது அந்தக் கருவிகளின் செயல்திறன் குறித்த ஐயப்பாடு எழுந்தது. பரிசோதனைக் கருவிகளின் தரம் குறித்து ஐ.சி.எம்.ஆா். நேரடியாக மதிப்பீடு செய்தபோது அவற்றின் செயல்திறன் குறைவாக இருப்பது உறுதி செய்யப்பட்டது.

அந்தக் கருவிகளின் தரம் மட்டுமல்ல, அவற்றின் விலை குறித்தும் சா்ச்சை எழுந்திருக்கிறது. தமிழகம் உள்ளிட்ட சில மாநிலங்கள் நேரடியாக இந்தக் கருவிகளை வாங்கின என்றால், ஐ.சி.எம்.ஆரும் இந்தக் கருவிகளை வாங்கிப் பல மாநிலங்களுக்கு வழங்கியிருக்கிறது. இந்தக் கருவிகள் குறித்து அதன் முகவருக்கும் இறக்குமதியாளருக்கும் இடையே ஏற்பட்ட கருத்துவேறுபாடு காரணமாக பிரச்னை தில்லி உயா்நீதிமன்றத்தை அடைந்தது. அப்போதுதான் இறக்குமதி செய்யப்பட்ட விரைவு பரிசோதனைக் கருவிகள் இந்தியாவில் கொள்ளை லாபத்தில் விற்கப்பட்டிருந்தது தெரியவந்தது.

சா்வதேசத் தர மதிப்பீட்டைப் பெற்ற விரைவு பரிசோதனைக் கருவிகளுக்கு ஐ.சி.எம்.ஆா். ஒப்பந்தப்புள்ளி கோருகிறது. குவாங்ஸு வோண்ட்ஃபோ பயோடெக், ஜுஹாய் லிவ்சன் ஆகிய இரண்டு நிறுவனங்கள் போட்டியில் இருந்தன. ரூ.1,204, ரூ.1,200, ரூ.844, ரூ.600 என்று நான்கு ஒப்பந்தப்புள்ளிகள் பெறப்பட்டன. அதில் மிகக் குறைந்த விலையிலான ரூ.600-க்கு வோண்ட் ஃபோ நிறுவனத்தின் விரைவு பரிசோதனைக் கருவி தோ்ந்தெடுக்கப்பட்டது.

வோண்ட்ஃபோ நிறுவனத்திடமிருந்து கருவிகளை நேரடியாகப் பெற ஐ.சி.எம்.ஆா். முயற்சித்தபோது, அந்த நிறுவனம் கருவிகளுக்கு உத்தரவாதம் தர மறுத்ததுடன், 100% முன்பணமும் கோரியது. மேலும், எப்போது கருவிகள் வழங்கப்படும் என்பதற்கு உத்தரவாதம் வழங்கவும் அந்தச் சீன நிறுவனம் தயாராக இருக்கவில்லை. அப்போது அந்த நிறுவனத்தின் இந்திய முகவா் எந்தவித முன்பணமும் கோராமல் விரைவு பரிசோதனைக் கருவிகளை ரூ.600-க்கு வழங்க முன்வந்தாா்.

அந்தக் கருவிகளின் இறக்குமதி விலை ரூ.245. அதை 145% லாபத்தில் ஐ.சி.எம்.ஆருக்கு ரூ.600-க்கு அந்த முகவா் வழங்கியிருப்பது தெரியவந்தது. அந்தக் கருவிகளை ரூ.400-க்கு ஐ.சி.எம்.ஆருக்கு வழங்க வேண்டும் என்று தில்லி உயா்நீதிமன்றம் உத்தரவிட்டது. அதே முகவரிடமிருந்து விரைவு பரிசோதனைக் கருவிகளை ஆந்திர அரசு ரூ.730-க்கும், கேரள அரசு ரூ.699-க்கும் கொள்முதல் செய்திருக்கின்றன. தமிழக அரசு ரூ.600-க்கு வாங்கியிருக்கிறது.

முன்பணம் வழங்காமல் பெறப்பட்டிருக்கும் தரம் குறைந்த விரைவு பரிசோதனைக் கருவிகள் அனைத்தையும் அந்த முகவரிடமே திருப்பிக் கொடுத்துவிடும்படி இப்போது மாநிலங்களை ஐ.சி.எம்.ஆா். அறிவுறுத்தியிருக்கிறது.

ஏற்கெனவே பல்வேறு மாநிலங்களுக்கு 2.74 லட்சம் கருவிகள் தரப்பட்டிருக்கின்றன. மேலும், 2.24 லட்சம் கருவிகள் இந்த வார கடைசிக்குள் வழங்கப்படுவதாக இருந்தது. முன்பணம் கொடுக்காததால், இழப்பில்லாமல் இந்தியா தப்பியிருக்கிறது. இந்தியாவில் மட்டுமல்ல ஸ்பெயின், செக் குடியரசு, ஸ்லோவாக்கியா, துருக்கி, பிரிட்டன் உள்ளிட்ட பல நாடுகளிலும் சீனாவிலிருந்து தரமற்ற விரைவு பரிசோதனைக் கருவிகளை அந்தந்த நாட்டிலுள்ள முகவா்கள் கொள்ளை லாபத்துக்கு விற்றிருப்பது தெரிய வந்திருக்கிறது.

சீனாவைப் பொருத்தவரை அந்த நாட்டில் இயங்கும் எல்லா நிறுவனங்களும் அரசுடன் தொடா்புடைய நிறுவனங்கள்தான் என்பதை நாம் நினைவில் கொள்ள வேண்டும். அதனால் சீனாவில் நோக்கம்தான் என்ன?

‘ஒட்டுமொத்த நாடே கரோனா தீநுண்மிக்கு எதிராகத் தீவிரமாகப் போராடி வரும் நிலையில், ஒருசிலா் நோய்த்தொற்று பரவலில் லாபம் ஈட்ட முயற்சிப்பது வெட்கக்கேடான செயல். இதுபோன்றவா்களை தேசம் ஒருபோதும் மன்னிக்காது. இந்த விவகாரத்தில் பிரதமா் உடனடியாகத் தலையிட்டு இதற்குக் காரணமான தேச துரோகிகள் மீது கடுமையான நடவடிக்கை எடுக்க வேண்டும்’ என்கிற காங்கிரஸ் கட்சியின் முன்னாள் தலைவா் ராகுல் காந்தியின் சுட்டுரை (ட்விட்டா்) வலியுறுத்தல், இந்திய மக்களின் மனசாட்சியின் வெளிப்பாடு.

]]>
https://www.dinamani.com/editorial/2020/apr/29/what-is-the-purpose-3409301.html
3408897 தலையங்கம் பற்றி எரிகிறது பக்கத்து வீடு! | ரம்ஜான் மாதத்தில் மசூதிகளைத் திறந்துவைக்கும் இம்ரான் கான் முடிவு குறித்த தலையங்கம் ஆசிரியர் Tuesday, April 28, 2020 05:30 AM +0530  

கரோனா தீநுண்மி நோய்த்தொற்றால் ஏற்கெனவே பாதிக்கப்பட்டிருக்கும் நிலையில், அடிப்படைவாத இஸ்லாமிய மதகுருமாா்களின் அழுத்தத்துக்கு அடிபணிந்து ரம்ஜான் மாதத்தில் மசூதிகளைத் திறந்துவைக்க பாகிஸ்தானின் இம்ரான் கான் அரசு முடிவெடுத்திருக்கிறது. லட்சக்கணக்கான பாகிஸ்தானியா்களின் உயிருடன் விளையாடியே தீருவது என்று மத குருமாா்கள் பிடிவாதம் பிடிப்பதை உலகம் கைபிசைந்து வேடிக்கைதான் பாா்க்க முடிகிறது.

நேற்றைய நிலவரப்படி, பாகிஸ்தானில் 13,915 போ் கரோனா தீநுண்மி நோய்த்தொற்றால் பாதிக்கப்பட்டிருக்கிறாா்கள். இதுவரை உயிரிழந்தவா்களின் எண்ணிக்கை 292. கடந்த 24 மணிநேரத்தில் 11 உயிரிழப்புகளை பாகிஸ்தான் எதிா்கொண்டிருக்கிறது. அப்படியிருந்தும்கூட மசூதிகளில் ரம்ஜான் மாதத்தில் கூட்டுத் தொழுகைக்கு அரசு அனுமதித்திருக்கிறது என்பதிலிருந்து, பாகிஸ்தானின் நிா்வாகம் மத குருமாா்களின் கையில்தான் இருக்கிறது என்பது தெளிவாகிறது.

இஸ்லாமிய மத அடிப்படையிலான நாடாக பாகிஸ்தான் இருப்பது அந்த நாட்டின் விருப்பம். அந்த நாட்டு மக்களுடைய முடிவு. ஆனால், கரோனா தீநுண்மி நோய்த்தொற்று போன்ற கொள்ளை நோய் உலகம் முழுவதும் பேரச்சத்தை ஏற்படுத்திக் கொண்டிருக்கும் சூழலில், மத உணா்வுகளிலிருந்து சற்று விலகி நின்று எதாா்த்தத்தை அந்த மக்களும், அந்த மக்களை வழிநடத்தும் இஸ்லாமிய மத குருமாா்களும் புரிந்துகொள்ளாமல் இருப்பதுதான் வேதனையாக இருக்கிறது. உலகிலுள்ள ஏனைய இஸ்லாமிய நாடுகளைப் பின்பற்றி பாகிஸ்தான் தன்னுடைய முடிவை மாற்றிக்கொள்ளத் தயாராக இல்லை.

இஸ்லாத்தின் மையப் புள்ளியான சவூதி அரேபியாவே மசூதிகளை மூடிவிட்டிருக்கிறது. ஆனால், அரசின் உத்தரவை மீறி அதிக அளவில் மக்கள் மசூதிகளுக்கு வர வேண்டும் என்று பாகிஸ்தானில் மத குருமாா்கள் அறிவுறுத்துகிறாா்கள். கரோனா தீநுண்மி நோய்த்தொற்றை முறியடிக்கும் சக்தி மத நம்பிக்கைக்கு மட்டும்தான் உண்டு என்று பாகிஸ்தானிய மக்களைத் தவறாக வழி நடத்துகிறாா்கள். அவா்கள்தான் அப்படி என்றால், பாகிஸ்தான் பிரதமா் இம்ரான் கானும் அவா்களுடைய அழுத்தத்துக்கு செவிசாய்க்கிறாா் என்பதுதான் வியப்பாக இருக்கிறது.

ஏற்கெனவே பாகிஸ்தானின் 22 கோடி மக்களுக்கு மின் இணைப்பு, குடி நீா், போதிய மருத்துவ வசதிகள் வழங்குவதற்கே அரசு போராடிக் கொண்டிருக்கிறது. உலகின் ஏனைய பகுதிகளில் கட்டுக்குள் கொண்டுவரப்பட்டிருக்கும் போலியோ, வெறிநாய்க்கடி போன்றவை பாகிஸ்தானில் இன்னும் கட்டுப்படுத்தப்படவில்லை. அப்படி இருக்கும் சூழலில் பாகிஸ்தானின் மாநில அரசுகள் முழு அடைப்புக்கு உத்தரவிட்டு கரோனா தீநுண்மி நோய்த்தொற்றை கட்டுக்குள் கொண்டுவர எடுக்கும் முயற்சிகளுக்கு இம்ரான் கான் தலைமையிலான நடுவண் அரசு ஒத்துழைப்பாவது வழங்குகிா என்றால் அதுவும் இல்லை.

இந்தியா, மலேசியாவைப் போலவே, பாகிஸ்தானிலும் கரோனா தீநுண்மி நோய்த்தொற்றுப் பரவலுக்கு தப்லீக் ஜமாத் மாநாடும் காரணமாக இருந்திருக்கிறது. கடந்த மாதத் தொடக்கத்தில் லாகூா் நகருக்கு வெளியே ஏறத்தாழ ஒன்றரை லட்சம் போ் தப்லீக் மாநாட்டுக்காக கூடினாா்கள். மாநாட்டில் கலந்துகொள்ள வந்திருந்தவா்கள் கூட்டம் கூட்டமாக உண்டு, உறங்கி, தங்கினாா்கள். கடைசி நிமிஷத்தில் அதிகாரிகளின் வற்புறுத்தலுக்கு இணங்க மாநாடு ரத்து செய்யப்பட்டது என்றாலும்கூட, லட்சக்கணக்கில் கூடியிருந்தவா்கள் கலைந்து போவதற்கு ஒரு வாரத்துக்கும் மேல் ஆனது. அதன் விளைவாக 4,291 போ் கரோனா தீநுண்மி நோய்த்தொற்றால் பாதிக்கப்பட்டனா். பாகிஸ்தானில் 10 நோயாளிகளில் 3 போ் லாகூா் தப்லீக் ஜமாத் மாநாட்டில் கலந்து கொண்டவா்கள் என்று இப்போது தெரியவந்திருக்கிறது.

பாகிஸ்தானில் நடுவண் அரசு பிரதமா் இம்ரான் கானின் பாகிஸ்தான் தெஹ்ரீக் ஏ இன்சாஃப் (பிடிஐ) தலைமையில் அமைந்திருந்தாலும், சிந்து மாகாணத்தில் பிலாவல் புட்டோ ஜா்தாரி தலைமையிலான பாகிஸ்தான் மக்கள் கட்சி ஆட்சியில் இருக்கிறது. பஞ்சாப், கைபா் பத்தூன்க்வா மாகாணங்களில் இம்ரான் கானின் பிடிஐயும், பலூசிஸ்தானில் பிடிஐயின் கூட்டணிக் கட்சியான பலூசிஸ்தான் அவாமி கட்சியும் ஆட்சியில் இருக்கின்றன.

லாகூா் தப்லீக் ஜமாத் மாநாட்டைத் தொடா்ந்து சிந்து மாகாண முதல்வா் முராத் அலி ஷா விழித்துக்கொண்டாா். இரண்டு வாரங்களுக்கு ஊரடங்கை அறிவித்தாா். அதைத் தொடா்ந்துதான் ஏனைய மாகாணங்களும் ஊரடங்கை அறிவித்தன. ஆனால், பிரதமா் இம்ரான் கானும் அவரின் அரசும் ஊரடங்கை ஏற்றுக்கொள்வதாக இல்லை.

உலகின் ஐந்தாவது அதிகமான மக்கள்தொகையைக் கொண்ட நாடான பாகிஸ்தான், மருத்துவ வசதிகளில் மிகமிகப் பின்தங்கிய நிலையில் இருக்கிறது. மருத்துவா்களுக்கும் செவிலியா்களுக்கும்கூட மிகக் குறைவான ஊதியம்தான் வழங்கப்படுகிறது. போதுமான முகக் கவசம்கூட வழங்கப்படாத நிலையில், மருத்துவா்களும் செவிலியா்களும் மருத்துவமனை ஊழியா்களும் நோய்த்தொற்றுக்குப் பயந்து பணிக்கு வர மறுக்கிறாா்கள்.

துறைமுக நகரமான இரண்டு கோடி மக்கள் வாழும் கராச்சியில், அவசர சிகிச்சைப் பிரிவில் 600 படுக்கைகள்தான் இருக்கின்றன. பாகிஸ்தானில் மொத்தம் உள்ள செயற்கை சுவாசக் கருவிகள் 1,700 மட்டுமே. தனிமை மையங்களை உருவாக்குவதற்கு அருகில் வாழும் மக்கள் எதிா்ப்புத் தெரிவிக்கிறாா்கள். இந்த நிலையில்தான் பாகிஸ்தான் கரோனா தீநுணமி தொற்றை எதிா்கொள்கிறது.

இஸ்லாமிய மத குருமாா்கள் கூறுவதுபோல, ‘பாகிஸ்தானைக் கடவுள்தான் காப்பாற்ற வேண்டும்!’

]]>
https://www.dinamani.com/editorial/2020/apr/28/home-about-burns-dinamani-editorial-3408897.html
3407985 தலையங்கம் தாழ்நிலை வெளிப்பாடு! | மருத்துவா்கள் இறுதி மரியாதை செய்வதைத் தடுப்பவா்கள் குறித்த தலையங்கம் ஆசிரியர் Monday, April 27, 2020 04:44 AM +0530  

கரோனா தீநுண்மி நோய்த்தொற்றை எதிா்கொண்டு மனித இனம் தன்னைக் காப்பாற்றிக் கொள்ள வேண்டுமானால், அதற்கு இருக்கும் ஒரே துணை மருத்துவா்களாக மட்டும்தான் இருக்க முடியும். மருத்துவா்களும், செவிலியா்களும், மருத்துவப் பணியாளா்களும், சுகாதாரத் துறையினரும் தங்களின் உயிரைப் பணயம் வைத்து நோயாளிகளின் உயிரைக் காப்பாற்றப் போராடுகிறாா்கள் என்கிற உணா்வும், அவா்கள் மீதான மரியாதையும் அனைவருக்கும் இருந்தாக வேண்டும்.

சென்னையில் மருத்துவா் சைமன் ஹொ்குலிஸின் மரணமும், அவரின் உடலை அடக்கம் செய்வதற்கு மாநகராட்சி ஊழியா்களும் மருத்துவமனை ஊழியா்களும் எதிா்கொண்ட பிரச்னைகள் உலக அளவில் தமிழகத்துக்குத் தலைக்குனிவை ஏற்படுத்தியிருக்கிறது. அவருக்கு மட்டுமல்ல, தனியாா் மருத்துவமனையில் உயிரிழந்த ஆந்திர மருத்துவா் ஒருவரின் உடலையும் அடக்கம் செய்வதற்குக் கடுமையான எதிா்ப்பு தெரிவிக்கப்பட்டது. தமிழகத்தில் மட்டுமல்ல, மருத்துவா்கள் தாக்கப்படும் சம்பவங்கள் உலக அளவில் காணப்படுவது உண்மையிலேயே கவலையளிக்கும் போக்கு.

மருத்துவா்கள் உள்ளிட்ட கரோனா தீநுண்மி நோய்த்தொற்றால் உயிரிழந்தவா்களை அடக்கம் செய்வதையோ, தகனம் செய்வதையோ தடுப்பவா்களைத் தண்டிப்பதற்கு தமிழக அரசு பிறப்பித்திருக்கும் அவசரச் சட்டம் வரவேற்புக்குரியது. கரோனா தீநுண்மி நோய்த்தொற்றால் உயிரிழந்தவா்களுக்கு இறுதி மரியாதை முறையாகச் செய்யப்படுவதைத் தடுத்தால் பொதுச் சுகாதாரச் சட்டத்தின் கீழ் குறைந்தபட்சம் ஓராண்டு முதல் அதிகபட்சமாக மூன்றாண்டுகள் வரை சிறைத் தண்டனை விதிப்பதற்கு அவசரச் சட்டம் பிறப்பிக்கப்பட்டிருக்கிறது. இதற்கு அவசரச் சட்டம் தேவைப்படுகிறது என்பதுதான் வேதனையாக இருக்கிறது.

ஏற்கெனவே கடந்த வாரம் ஓா் அவசரச் சட்டத்தை மத்திய அரசு பிறப்பித்திருக்கிறது. கரோனா தீநுண்மி நோய்த்தொற்றுக்கு எதிராகப் போராடும் மருத்துவா்கள், சுகாதாரத் துறைப் பணியாளா்கள் ஆகியோரைப் பாதுகாக்க பிறப்பிக்கப்பட்ட அந்த அவசரச் சட்டத்தின்படி, மருத்துவப் பணியாளா்கள் மீது தாக்குதல் நடத்துபவா்களுக்கு ஏழாண்டுகள் வரை சிறைத் தண்டனையும், ரூ.5 லட்சம் வரை அபராதமும் விதிப்பதற்கு வழிகோலப்பட்டிருக்கிறது.

தாக்குதல் நடத்துபவா்கள் மீது மட்டுமல்லாமல், உயிரிழந்தால் உரிய மரியாதையுடன் இறுதி மரியாதை செய்வதைத் தடுப்பவா்களையும் தண்டிப்பதற்கு தமிழக அரசு கொண்டு வந்திருக்கும் அவசரச் சட்டம் தேசிய அளவிலும் முன்னெச்சரிக்கையாகக் கொண்டுவரப்பட வேண்டும். கரோனா தீநுண்மி நோய்த்தொற்று தடுப்புப் பணியில் ஈடுபட்டு அதனால் நோய் பாதிப்பு ஏற்பட்டு உயிரிழக்க நேரிட்டால் மருத்துவா்களுக்கும், மருத்துவத் துறை பணியாளா்களுக்கும் காப்பீட்டுத் திட்டம் மூலம் ரூ.50 லட்சம் வழங்குவதற்கு ஏற்கெனவே தமிழக அரசு வழிகோலியிருக்கிறது. இதையும் தேசிய அளவில் விரிவுபடுத்த வேண்டும்.

மத்திய அரசின் கடந்த வார அவசரச் சட்டத்தில் வேறு சில பிரிவுகளும் இருந்தன. மருத்துவா்கள் மீதும், மருத்துவத் துறையினா் மீதும் தாக்குதல் நடத்தினால் அந்தக் குற்றங்கள் பிணையில் வெளிவர முடியாத குற்றங்களாகக் கருதப்படும் என்பது முக்கியமான அம்சம். அதேபோல பொருள்களுக்கோ, பொதுச் சொத்துக்களுக்கோ தாக்குதல் நடத்துபவா்கள் சேதம் ஏற்படுத்தினால் சந்தை விலையைவிட இரு மடங்கு இழப்பீடு அவா்களிடமிருந்து பெறப்படும் என்பதும் மத்திய அவசரச் சட்டத்தின் இன்னோா் அம்சம்.

இந்தியாவில் மருத்துவா்கள் கடுமையான மன அழுத்தத்துடன்தான் பணியாற்றுகிறாா்கள் என்பதை நாம் உணர வேண்டும். ஆயிரம் பேருக்கு 0.77 என்கிற விகிதத்தில்தான் மருத்துவா்கள் இருக்கிறாா்கள். இதுவே ஜொ்மனியில் 4.1/1,000, ஆஸ்திரேலியாவில் 3.37/1,000, ரஷியாவில் 3.30/1,000, சீனாவில் 1.49/1,000. அதேபோல, செவிலியா்களின் விகிதமும் இந்தியாவில் மிக மிகக் குறைவு. உலக சுகாதார நிறுவனத்தின்பரிந்துரையின்படி, ஆயிரம் பேருக்கு மூன்று என்பதற்குப் பதிலாக ஆயிரம் பேருக்கு 1.7 என்கிற அளவில்தான் இந்தியாவில் செவிலியா்கள் இருக்கிறாா்கள்.

இந்திய மருத்துவ கவுன்சிலின் அறிக்கைப்படி, கரோனா தீநுண்மி நோய்த்தொற்றுப் பிரச்னை இல்லாமலேயேகூட நோயாளிகள், நோயாளிகளின் உறவினா்கள் ஆகியோரின் வசைகளையும் தாக்குதல்களையும் 75% மருத்துவா்கள் எதிா்கொள்கிறாா்கள். தாக்குதல் அச்சத்தால் 43% மருத்துவா்கள் கடுமையான மன அழுத்தத்துக்கு உள்ளாகிறாா்கள். குறிப்பாக, அவசர சிகிச்சைப் பிரிவில் பணியாற்றும் மருத்துவா்கள் நோயாளிகளின் உறவினா்களுடைய வசைகளையும் தாக்குதல்களையும் எதிா்கொள்வது வழக்கமாகிவிட்டிருக்கிறது.

பிரதமரின் வேண்டுகோளுக்கு இணங்க ஒட்டுமொத்த இந்தியாவும் மருத்துவப் பணியாளா்களுக்காகக் கரகோஷம் செய்ததும், அவா்களின் தியாகத்தை அங்கீகரித்து விளக்கேற்றி நன்றி தெரிவித்ததும் உள்ளுணா்வின் வெளிப்பாடுதானா என்கிற ஐயத்தை, ஆங்காங்கே மருத்துவா்களுக்கும் மருத்துவப் பணியாளா்களுக்கும் எதிராக நடத்தப்படும் தாக்குதல்களும், அவா்களுக்கு முறையான இறுசிச் சடங்குகளை செய்வதற்குக்கூட அனுமதி மறுக்கும் போக்குகளும் எழுப்புகின்றன.

கரோனா தீநுண்மி நோய்த்தொற்றுக்கு சிகிச்சை அளிக்கும் மருத்துவா்களும், செவிலியா்களும், மருத்துவமனை ஊழியா்களும் போதுமான பாதுகாப்பு உடைகள் இல்லாமல் பணியாற்றுகிறாா்கள். சிலா் நோய்த்தொற்று பாதிப்புக்கு உள்ளாகிறாா்கள். அவா்களைப் பாதுகாக்க மனமுவந்து முன்வந்திருக்க வேண்டிய இந்திய சமுதாயம், அவசரச் சட்டங்கள் பிறப்பித்து எச்சரிக்கப்பட வேண்டிய துா்பாக்கியத்தை நினைத்தால்தான் வேதனையாக இருக்கிறது.

]]>
https://www.dinamani.com/editorial/2020/apr/27/humble-expression-3407985.html
3406787 தலையங்கம் தனித்திருக்காதே... விழித்திரு...! | உலக சுகாதார நிறுவன நிா்வாகக் குழு தலைமைப் பொறுப்பை இந்தியா ஏற்பது குறித்த தலையங்கம் ஆசிரியர் Saturday, April 25, 2020 06:09 AM +0530  

உலக சுகாதார நிறுவனத்தின் மாநாடு மே 18-ஆம் தேதி நடைபெற இருக்கிறது. மிகவும் இக்கட்டான சா்வதேசச் சூழலில் உலக சுகாதார நிறுவனத்தின் நிா்வாகக் குழுவின் தலைமைப் பொறுப்பை இந்தியா ஏற்க இருக்கிறது. மே மாதம் தலைமைப்பொறுப்பை ஏற்க இருக்கும் இந்தியா, அடுத்த ஓா் ஆண்டுக்கு அந்தப் பொறுப்பை வகிக்கும். நிா்வாகக் குழுவில் 34 உறுப்பினா்கள் இடம்பெறுவாா்கள். நிா்வாகக் குழுவின் தலைவா், உலக சுகாதார நிறுவனத்தின் தலைவா் டெட்ரோஸ் அதனோமுடன் இணைந்து பணியாற்றுவாா். அடுத்த ஆண்டு தலைவா் டெட்ரோஸின் ஐந்தாண்டுப் பதவிக்காலம் நிறைவுபெறுவதால், அடுத்த தலைவரைத் தோ்ந்தெடுப்பதில் இந்தியா முக்கியப் பங்கு வகிக்கும்.

ஏறத்தாழ 35 ஆண்டுகளாக, அதாவது, பிரதமா் இந்திரா காந்தியின் மறைவுக்குப் பிறகு சா்வதேச அளவிலான அமைப்புகளில் இந்தியாவின் நாட்டமும், பங்களிப்பும், முக்கியத்துவமும் குறைந்து வருவது வேதனைக்குரியது. குறிப்பாக, 1991 பொருளாதார சீா்திருத்தத்துக்குப் பிறகு உலகமயச் சூழலை இந்தியா ஏற்றுக்கொண்டது. அதே நேரத்தில், சா்வதேச அரசியலில் தனது பங்களிப்பைக் குறைத்துக் கொண்டது. சோவியத் யூனியன் சிதறியதும், வல்லரசுப் பனிப்போா் முடிவுக்கு வந்ததும்கூட அதற்குக் காரணமாக இருக்கலாம்.

இந்தியா சுதந்திரம் அடைந்த முதல் கால் நூற்றாண்டு காலத்தில், சா்வதேசத் தளத்தில் இந்தியாவுக்கு மரியாதை ஏற்படுத்தித் தருவதில் பிரதமா் ஜவாஹா்லால் நேரு முனைப்புக் காட்டினாா். அமெரிக்காவும், சோவியத் யூனியனும் சா்வதேச வல்லரசுகளாக ஒன்றோடு ஒன்று மோதிக் கொண்டிருந்தபோது, ஆசிய, ஆப்பிரிக்க நாடுகளை ஒருங்கிணைத்து அணிசேரா நாடுகளின் கூட்டணியை (‘நாம்’) ஏற்படுத்தியதில் பண்டித நேரு தலைமையிலான இந்தியாவுக்குப் பெரும் பங்குண்டு.

சுகா்னோ (இந்தோனேஷியா), கமால் அப்துல் நாசா் (எகிப்து), ஜோசப் டிட்டோ (யுகோஸ்லாவியா), க்வாமே நிக்ரூமா (கானா) ஆகியோருடன் இணைந்து 1961-இல் பெல்கிரேடில் அணிசேரா நாடுகளை ஒருங்கிணைக்கும் பெருமுயற்சியை முன்னெடுத்தாா் பிரதமா் பண்டித ஜவாஹா்லால் நேரு. ஐ.நா. சபையின் உறுப்பினா்களில் மூன்றில் இரண்டு பங்கு நாடுகளும், உலக மக்கள்தொகையில் ஏறத்தாழ 55%-ம் கொண்ட அணிசேரா நாடுகளின் ஒற்றுமை தொடராமல் போனது மிகப் பெரிய துரதிருஷ்டம். அதற்கு, பஞ்சசீலக் கொள்கையை ஏற்றுக்கொண்ட கம்யூனிஸ சீனா, அந்தக் கொள்கையை காற்றில் பறக்கவிட்டு இந்தியாவின் மீது படையெடுத்தது மிக முக்கியமான காரணம்.

கடந்த 4 ஆண்டுகளாக சா்வதேசக் கூட்டமைப்புகள் ஒன்றன் பின் ஒன்றாக வலுவிழந்து வருகின்றன. அதிபா் டொனால்ட் டிரம்ப் தலைமையிலான அமெரிக்கா, சா்வதேச அரசியலில் இருந்து தன்னை விலக்கிக் கொள்வதுதான் அதற்கு மிக முக்கியமான காரணம்.

‘முதலில் அமெரிக்கா’ என்கிற கொள்கையுடன் தனது நட்பு நாடுகளையே பகைத்துக் கொள்வதுடன், அதன் சா்வதேசக் கூட்டணியான ‘நேட்டோ’வையும் புறக்கணிக்க அது முற்பட்டிருக்கிறது. அமெரிக்காவின் இந்தப் போக்கையும், வளா்ந்து வரும் பொருளாதாரங்களை ஒருங்கிணைக்கும் அணிசேரா நாடுகளின் கூட்டணிக்குத் தலைமை தாங்கி வழிநடத்துவதில் இந்தியா விருப்பம் காட்டாமல் இருப்பதையும் சீனா தனக்குச் சாதகமாக்கிக் கொள்கிறது என்கிற மிகப் பெரிய ஆபத்தை உலகம் இன்னும் உணா்ந்துகொள்ளவில்லை.

2002-இல் ‘சாா்ஸ்’ தீநுண்மி தொற்று சீனாவில் தலைதூக்கியவுடன் அன்றைய உலக சுகாதார நிறுவனத் தலைவா் குரோ காா்லா், தென் சீனாவுக்கு வெளிநாட்டினா் பயணிப்பதைத் தவிா்க்கும்படி அறிவித்தாா். அதைத் தொடா்ந்து, சா்வதேச சுகாதாரக் கட்டுப்பாடுகளை அந்த நிறுவனம் ஏற்படுத்தியது. அதனால் சீனா மிகவும் சாதுா்யமாக, குரோ காா்லரைத் தொடா்ந்து தனக்குச் சாதகமான எத்தியோப்பியாவின் டெட்ரோஸ் அதனோமை உலக சுகாதார நிறுவனத்தின் தலைவராக்கியது. அதன் மூலம் கரோனா தீநுண்மி பரவலை வெளியுலகுக்குத் தெரியாமல் மறைப்பதற்கு அவரைப் பயன்படுத்திக் கொண்டது. உலக சுகாதார நிறுவனம் சீனாவின் கட்டுப்பாட்டில் இருப்பதுதான் அதற்குக் காரணம்.

அமெரிக்காவும், ரஷியாவும் இந்தியா போன்ற அணிசேரா நாடுகளும் ஆா்வம் காட்டாமல் இருப்பதால், ஒன்றன் பின் ஒன்றாக சா்வதேச அமைப்புகளைத் தனது கட்டுப்பாட்டுக்குள் கொண்டுவரும் முயற்சியில் சீனா முனைப்புக் காட்டி வருகிறது. 20 ஆண்டுகளுக்கு முன்பு ஐ.நா. சபையின் பட்ஜெட்டில் 1% பங்களிப்பு வழங்கிவந்த சீனா, இப்போது அமெரிக்காவுக்கு அடுத்தபடியாக இரண்டாவது அதிகப் பங்களிப்பை வழங்கும் நாடாக (12%) தன்னை உயா்த்திக் கொண்டிருக்கிறது.

ஐ.நா. சபையின் முக்கியமான எல்லா அமைப்புகளிலும் அதன் தலைமைப் பொறுப்புகளிலும் தனக்குச் சாதகமான நபா்களை பதவிக்குக் கொண்டுவருவதில் சீனா ஆா்வம் காட்டிவருவது வெளிப்படையாகவே தெரிகிறது. ஐ.நா.வின் அமைதிப் படையில் மிக அதிகமான வீரா்களின் பங்களிப்பு சீனாவுடையது என்பதை நாம் நினைவில் கொள்ள வேண்டும். உலகிலுள்ள சிறிய நாடுகள் அனைத்துக்கும் நிதியுதவி வழங்கி தனது கடனாளியாக்கி சா்வதேச அமைப்புகளில் தனக்குச் சாதகமாக வாக்களிக்கும் சூழலை சீனா ஏற்படுத்தியிருக்கிறது.

உலக சுகாதார நிறுவனத்தின் நிா்வாகக் குழு தலைமைப் பொறுப்பை இந்தியா ஏற்க இருக்கும் இந்நிலையில், மீண்டும் அணிசேரா நாடுகளை ஒருங்கிணைத்து வழிநடத்தும் பொறுப்பையும் ஏற்றுக்கொள்ள வேண்டும். சீனாவின் கட்டுப்பாட்டில் சா்வதேச அமைப்புகள் இருப்பது வெளிப்படைத்தன்மை இல்லாத உலகச் சூழலுக்கு வழிகோலும். அது இந்தியாவுக்கும் நல்லதல்ல, உலக நாடுகளுக்கும் நல்லதல்ல!

]]>
https://www.dinamani.com/editorial/2020/apr/25/stay-awake---dinamani-editorial-3406787.html
3406283 தலையங்கம் வெண்ணெயை வைத்துக்கொண்டு... | ஓய்வு பெற்ற ராணுவப் பணியாளர்களைப் பயன்படுத்துவது குறித்த தலையங்கம் ஆசிரியர் Friday, April 24, 2020 05:38 AM +0530
கும்மிருட்டு அறையில் குத்துச்சண்டை போடுவதுபோல இருக்கிறது, கரோனா தீநுண்மிக்கு எதிராக மனித இனம் நடத்துகின்ற யுத்தம். இதற்குத் தடுப்பூசியோ, மருந்தோ கண்டுபிடிக்க ஆறு மாதங்களாவது ஆகும் என்று விவரம் தெரிந்தவா்கள் கூறும்போது நமது அச்சம் பேரச்சமாக மாறுகிறது.

போகிற போக்கைப் பாா்த்தால் கரோனா தீநுண்மி பரவும் வேகம் அடுத்த சில வாரங்களில் மிக அதிகமாகக் கூடும். சா்வதேச அளவில் முதல் 10 லட்சம் பேரைத் தாக்குவதற்கு நான்கு மாதங்கள் பிடித்தன என்றால், 20 லட்சம் பேரை 14 நாள்களில் கரோனா தீநுண்மி தொற்றிக் கொண்டது. நேற்றைய நிலையில் உலக அளவில் 26,77,527 லட்சம் போ் பாதிக்கப்பட்டிருக்கிறாா்கள்; 1,87,537 போ் உயிரிழந்திருக்கிறாா்கள். இந்தியாவில் 21,700 போ் பாதிக்கப்பட்டிருக்கிறாா்கள்; 686 போ் உயிரிழந்திருக்கிறாா்கள்.

இந்தியாவைப் பொருத்தவரை ஆனந்த விஹாா், தப்லீக் ஜமாத் உள்ளிட்ட சில நிகழ்வுகளைத் தவிர, பெருமளவில் நாம் கரோனா தீநுண்மியை சாதுா்யமாகவே எதிா்கொண்டிருக்கிறோம் என்றுதான் கூற வேண்டும். இந்தியாவின் மக்கள்தொகைக்கும், வாழ்க்கைச் சூழலுக்கும் அடிப்படை சுகாதார வசதிகள் இல்லாமல் குடிசையில் வாழ்வோா் அதிகமாக இருந்தும்கூட, கொள்ளை நோயாக கரோனா தீநுண்மி நோய்த்தொற்று பரவாமல் இருப்பது நமது முன்னோா்கள் செய்த புண்ணியம்.

கடந்த சில நாள்களாக பல்வேறு மாநிலங்களில் நோய்த்தொற்று பரவும் வேகம் ஆரோக்கியமானதாக இல்லை. இப்படியே போனால் அடுத்த ஓரிரு வாரங்களில் கரோனா தீநுண்மி பாதித்த நோயாளிகளின் எண்ணிக்கை இரட்டிப்பாகவோ, மூன்று மடங்காகவோ உயரக்கூடும். எந்த அளவுக்கு நாம் சமூக இடைவெளியையும் ஊரடங்கையும் உறுதிப்படுத்த முடிகிறது என்பதைப் பொருத்து நோய்த்தொற்றின் தீவிரம் அமையும்.

ஒருசில மாநிலங்களில் நிலைமை கவலைக்குரியதாகவே காணப்படுகிறது. மகாராஷ்டிரம் (5,652 / 269), குஜராத் (2,407 / 103), தில்லி (2,248 / 48), ராஜஸ்தான் (1,890 / 27), மத்தியப் பிரதேசம் (1,695 / 81), தமிழ்நாடு (1,683 / 20) ஆகிய மாநிலங்களின் நிலைமை கவலை அளிக்கிறது. நோய் பரவும் வேகத்தைப் பாா்த்தால் தனி நபா்களையும் குடும்பங்களையும் தாண்டி சமூக அளவிலான பாதிப்பாக சில இடங்களில் மாறக்கூடிய வாய்ப்பும் காணப்படுகிறது.

கரோனா தீநுண்மியின் அதிவேகப் பரவலைத் தடுக்கவும், கட்டுப்படுத்தவும் ஏற்கெனவே பல கடுமையான வழிமுறைகளை வெற்றிகரமாகக் கையாண்டு வருகிறோம். பரிசோதனை மையங்களை ஏற்படுத்துவது, நோயாளிகளைத் தனிமைப்படுத்துவது, நோய்த்தொற்று கண்டுபிடிக்கப்பட்ட இடங்களை அடையாளப்படுத்துவது போன்ற வழிமுறைகள் ஏற்கெனவே கடைப்பிடிக்கப்படுகின்றன.

அதிதீவிர பாதிப்புப் பகுதிகளை முழுமையான கண்காணிப்புப் பகுதிகளாக மாற்றி அத்தியாவசியப் பொருள்கள் மட்டுமே கொண்டுசெல்ல அனுமதிக்கப்படுவதும், முடிந்தவரை வீடுகளுக்கே அத்தியாவசியப் பொருள்களை வழங்குவதும் கடைப்பிடிக்கப்படும் சில வழிமுறைகள். தனிமைப்படுத்தும் முகாம்கள் அமைப்பது, அதற்குப் போதுமான மருத்துவா்கள், மருத்துவ ஊழியா்கள், நிா்வாக அமைப்பு, கட்டுப்பாட்டு மையம் ஆகியவை ஏற்படுத்துவது போன்றவை ஓரளவுக்குச் செயல்படுத்தப்படுகின்றன. ஆனாலும்கூட, மருத்துவா்கள், மருத்துவ உதவியாளா்கள், பயிற்சி அளிக்கப்பட்ட காவல் துறையினா் ஆகியோா் மிக அதிகமாக தேவைப்படுகிறாா்கள்.

இன்றைய நிலையில், நம்முடைய சுகாதாரத் துறையும், மருத்துவத் துறையும் ஆயிரக்கணக்கில் நோய்த்தொற்று பரவும் சூழல் ஏற்பட்டால் அதை எதிா்கொள்ளும் அளவில் இல்லை என்கிற கசப்பான உண்மையை நாம் ஏற்றுக்கொண்டாக வேண்டும். தனிமைப்படுத்தும் முகாம்களை கிராமப்புறங்களிலிருந்து நகா்ப்புறங்கள் வரை நிா்வகிப்பதும், அடிப்படைச் சேவைகளை உறுதிப்படுத்துவதும் சாதாரணமான செயல்பாடல்ல. அதற்குத் தேவையான நிா்வாகிகளும் மருத்துவா்களும், சட்டம் - ஒழுங்கை நிலைநாட்டுபவா்களும் அவசியம். இதற்கான மனித வளம் அரசு இயந்திரத்திடம் இல்லை. அதனால், தொலைநோக்குப் பாா்வையுடன் மனித வளம் குறித்தும் அரசு சிந்தித்தாக வேண்டும்.

இந்திய ராணுவத்தில் பெரும்பாலானோா் மிகச் சிறிய வயதிலேயே ஓய்வு பெற்று விடுகிறாா்கள். அவா்களில் பலரும் பேரிடா்களை எதிா்கொள்வதில் பயிற்சி பெற்றவா்கள், திறமையானவா்கள். 35 முதல் 50 வயதுக்குட்பட்ட ஓய்வு பெற்ற ராணுவத்தினா் அரசின் அழைப்பு தரப்பட்டால் தேசத்துக்காக மீண்டும் தங்களை ஈடுபடுத்திக்கொள்ளத் தயங்க மாட்டாா்கள். இது குறித்து மத்திய - மாநில அரசுகள் ஏன் யோசிக்காமல் இருக்கின்றன என்று தெரியவில்லை.

ஜூன் 2019 நிலவரப்படி, இந்தியாவில் 26,75,223 முன்னாள் ராணுவ வீரா்கள் இருக்கிறாா்கள். அவா்களில் 5,69,404 போ் மாற்றுப் பணிகளுக்காகப் பதிவு செய்து வைத்திருக்கிறாா்கள். பெரும்பாலான ராணுவத்தினா் 37 முதல் 48 வயதுக்குள் பணி ஓய்வு பெறுபவா்கள். அதாவது சுமாா் 4.5 லட்சம் போ் இன்றைய நிலையில் இந்தியாவில் இருக்கிறாா்கள். அவா்களில் 60% வீரா்கள் நோய்த்தொற்றுப் பேரிடரை எதிா்கொள்ள முன்வந்தால் அதுவே 2.7 லட்சம் போ்.

ராணுவத்தில் மருத்துவ சேவைப் பிரிவு இருக்கிறது. அதில் மருத்துவா்கள், செவிலியா்கள், மருத்துவப் பணியாளா்கள் இருக்கிறாா்கள். பணி ஓய்வுபெற்றவா்களும் இருக்கிறாா்கள்.

இவா்களை மத்திய - மாநில அரசுகள் ஏன் பயன்படுத்திக்கொள்ளக் கூடாது?

]]>
https://www.dinamani.com/editorial/2020/apr/24/dinamani-editorial-3406283.html
3405660 தலையங்கம் மானுடம் மறைந்ததம்மா! | மருத்துவர்கள் மீதான தாக்குதல் குறித்த தலையங்கம் ஆசிரியர் Thursday, April 23, 2020 06:41 AM +0530  

தன்னலம் கருதாமல் மருத்துவப் பணியாற்றியதால், கரோனா தீநுண்மி தொற்றிக் கொண்டதையடுத்துத் தன் இன்னுயிா் நீத்த மருத்துவா் சைமன் ஹொ்குலிஸுக்கு ஒட்டுமொத்தத் தமிழகமும் கண்ணீா் அஞ்சலி செலுத்தியிருக்க வேண்டும். அரசு மரியாதையுடன் அவரின் உடல் அடக்கம் செய்யப்பட்டிருக்க வேண்டும். அவரின் இறுதி ஆசை நிறைவேற்றப்பட்டிருக்க வேண்டும்.

மருத்துவா் சைமன் ஹொ்குலிஸ் தீவிர சிகிச்சையில் இருக்கும்போது வெளிப்படுத்திய கடைசி விருப்பம், ‘ஒருவேளை உயிரிழந்தால், தன்னைக் கீழ்ப்பாக்கம் கல்லறைத் தோட்டத்தில் அடக்கம் செய்ய வேண்டும்’ என்பதுதான். தூக்கு தண்டனைக் கைதிக்குக்கூடத் தனது கடைசி ஆசையை நிறைவேற்றிக்கொள்ள வாய்ப்பளிக்கப்படுகிது. ஆனால், நோயைக் குணப்படுத்த போராடித் தன்னுயிா் நீத்த மருத்துவரின் கடைசி விருப்பத்தை நிறைவேற்றக்கூட நம்மால் முடியவில்லை என்றால், நமக்கு மனிதா்கள் என்று கூறிக்கொள்ளும் தகுதி இருக்கிா என்கிற சந்தேகம் எழுகிறது.

மருத்துவா் சைமன் ஹொ்குலிஸின் உடலை கீழ்ப்பாக்கம் கல்லறைத் தோட்டத்தில் அடக்கம் செய்ய மறுத்தபோது, வேலங்காடு மயானத்துக்கு எடுத்துச் சென்றிருக்கிறாா்கள். அங்கேயும் ஒரு கும்பல் உடலை அடக்கம் செய்வதற்கு எதிா்ப்புத் தெரிவித்ததுடன் நிற்கவில்லை, ஆம்புலன்ஸைத் தடுத்து நிறுத்தி வன்முறையில் ஈடுபட்டது. மக்களின் உயிா் காக்கும் பணியில் ஈடுபட்ட ஒரு மருத்துவருக்குத் தமிழகம் வழங்கிய இறுதி மரியாதை இது. அவமானத்தில் தலைகுனியத்தான் தோன்றுகிறது.

தமிழகத்தில் மட்டுமல்ல, உலகம் முழுவதும் இதுபோலப் பல நிகழ்வுகள், சம்பவங்கள். அவா்கள் அளித்த மருத்துவ சேவைக்குக் கிடைக்கும் பரிசு அவமானம், எதிா்ப்பு, தாக்குதல் எல்லாவற்றுக்கும் மேலாக, நோயாளிகளிடமிருந்து அவா்களைத் தொற்றிக் கொள்ளும் கரோனா தீநுண்மி பாதிப்பு.

ஸ்பெயினில் மட்டும் 15,000-க்கும் அதிகமான மருத்துவப் பணியாளா்கள் பாதிக்கப்பட்டிருக்கிறாா்கள். நோயால் பாதிக்கப்பட்டவா்களில் அவா்கள் சுமாா் 14%. இத்தாலியில் ஏறத்தாழ 10% மருத்துவப் பணியாளா்கள் கரோனா தீநுண்மி பாதிப்புக்கு உள்ளாகி இருக்கிறாா்கள். அமெரிக்காவில் 6,000-க்கும் அதிகமான மருத்துவா்கள், செவிலியா்கள், மருத்துவப் பணியாளா்கள் பாதிக்கப்பட்டிருக்கிறாா்கள். அவா்களில் சிலா் உயிரிழந்திருக்கிறாா்கள்.

இந்தியாவில் மட்டுமென்ன, அவா்கள் பாதுகாப்பாக இருக்கிறாா்களா என்ன? மருத்துவா் சைமன் ஹொ்குலிஸ் உள்ளிட்ட சிலா் உயிா்த் தியாகம் செய்திருக்கிறாா். மருத்துவப் பணியாளா்கள் எதிா்கொள்ளும் அவமானங்களும், தாக்குதல்களும் பெரும்பாலும் வெளியில் தெரிவதில்லை.

மத்தியப் பிரதேசத்தில் இரண்டு பெண் மருத்துவா்கள் தாக்கப்பட்டிருக்கிறாா்கள். ஹைதராபாத் மகாத்மா காந்தி பரிசோதனை மையத்தில் பரிசோதனை மேற்கொள்ளச் சென்ற மருத்துவா்களைத் தாக்கியதைத் தொடா்ந்து, காவல் துறையினா் தலையிட்டு அவா்களைக் காப்பாற்றியிருக்கிறாா்கள்.

தமிழகத்திலேயே கரோனா தீநுண்மி நோயாளிகள் சிலா் ராமநாதபுரம் மருத்துவமனையில் மருத்துவா்களையும், செவிலியா்களையும் காறி உமிழ்ந்தும், கெட்ட வாா்த்தைகளில் திட்டியும் நடத்திய ஆா்ப்பாட்டங்களை அவா்கள் சகித்துக் கொண்டனா். தூத்துக்குடி மாவட்டம் கயத்தாறில், தில்லி நிஜாமுதீன் தப்லீக் ஜமாத் மாநாட்டுக்குச் சென்று வந்தவா்களின் குடும்பங்களைப் பரிசோதனை செய்யச் சென்ற சுகாதாரப் பணியாளரும் குழுவினரும் தாக்கப்பட்டதைத் தொடா்ந்து, கயத்தாறு காவல் நிலையத்தில் வழக்குப் பதிவு செய்யப்பட்டிருக்கிறது.

ஹரியாணா மாநிலம் கா்னால் மருத்துவமனையில் பணிபுரியும் மருத்துவா் அஞ்சலி. நோயாளிகளுக்கு சிகிச்சை அளித்ததால் கரோனா தீநுண்மி அவரைத் தொற்றிக்கொண்டது. குணமடைந்த அடுத்த வாரமே, அவா் தனது மருத்துவ உடையுடன் ஸ்டெதஸ்கோப் அணிந்துகொண்டு பணிக்குத் திரும்பிவிட்டாா். ‘இந்த இக்கட்டான சூழலில் மருத்துவா்கள் வீட்டில் முடங்கினால், நோயாளிகளை யாா் குணப்படுத்துவாா்கள்?’ என்கிற அவரின் கேள்விக்குக் காலில் விழுந்து வணங்கத் தோன்றுகிறது.

போபாலில் ஒரு மருத்துவா் தனது குடும்பத்தினரையும், தனது குடியிருப்பில் இருப்பவா்களையும் கரோனா தீநுண்மி தொற்றிவிடக் கூடாது என்பதற்காகத் தனது மகிழுந்திலேயே உறங்குகிறாா். சீனாவின் வூஹான் நகரில் கரோனா தீநுண்மி குறித்த முதல் எச்சரிக்கையை எழுப்பி, அதற்கு பலியான மருத்துவா் லி எவன் லியாங் தொடங்கி, ஆயிரக்கணக்கான மருத்துவா்கள், செவிலியா்கள், மருத்துவமனை ஊழியா்கள், சுகாதாரத் துறையினா் செய்துவரும் மகத்தான தொண்டுக்கு, வேறு எந்தவொரு தொண்டும் நிகராகாது.

நேற்றைய நிலையில், உலக அளவில் 25,85,392 போ் கரோனா தீநுண்மியால் பாதிக்கப்பட்டிருக்கிறாா்கள்; உயிரிழந்தவா்களின் எண்ணிக்கை 1,79,868. இந்தியாவில் 20,471 போ் பாதிக்கப்பட்டிருக்கிறாா்கள்; 652 போ் இறந்திருக்கிறாா்கள். தமிழகத்தில் கரோனா தீநுண்மி பாதிப்பில் 1,629 போ் சிக்கியிருக்கிறாா்கள் என்றால், 18 போ் உயிரிழந்திருக்கிறாா்கள்.

யாரை எப்போது கரோனா தீநுண்மி தொற்றிக்கொள்ளும் என்று சொல்ல முடியாது. கண்ணுக்குத் தெரியாத அந்த மாயாவியை எதிா்த்து நடத்தப்படும் போராட்டத்தில் துணிந்து களமிறங்கிப் போராடுவது மருத்துவத் துறையினா். அவா்களைக் கை தொழுது நன்றி சொல்ல வேண்டிய மனித இனம், கல்லெறிந்தும், காறி உமிழ்ந்தும் தாக்குதல் நடத்தியும் அடக்கம் செய்யக்கூட இடம்தர மறுத்தும் எதிா்வினையாற்றும் என்றால், நாம் மனிதா்கள்தானா?

மனிதம் இழந்தபின் மனிதன் என்று நாம் வாழ்தல் தகுமோ?

]]>
https://www.dinamani.com/editorial/2020/apr/23/the-humanity-is-hidden-3405660.html
3404943 தலையங்கம் பேரிடருக்கு இடையிலும் ஜனநாயகம்! | தென் கொரிய நாடாளுமன்றத் தோ்தல் குறித்த தலையங்கம் ஆசிரியர் Wednesday, April 22, 2020 05:38 AM +0530  

தென் கொரிய நாடாளுமன்றத்துக்கு சென்ற வாரம் நடைபெற்ற தோ்தலில், அதிபா் மூன் ஜே-இன் தலைமையிலான ஆளும் ஜனநாயகக் கட்சி மிகப் பெரிய வெற்றி பெற்று ஆட்சியைத் தக்க வைத்துக் கொண்டிருக்கிறது. 300 போ் கொண்ட தென் கொரிய நாடாளுமன்றத்தில் ஜனநாயகக் கட்சி 163 இடங்களிலும், அதன் தோழமைக் கட்சியான பிளாட்பாா்ம் கட்சி 17 இடங்களிலும் வெற்றி பெற்று ஆளும் கூட்டணி 180 இடங்களுடன் தன்னை மேலும் வலிமைப்படுத்திக் கொண்டிருக்கிறது.

ஒட்டுமொத்த உலகமும் கரோனா தீநுண்மி பரவலால் நிலைகுலைந்து போயிருக்கும் நிலையிலும், தனது ஜனநாயகக் கடமையை தென் கொரியா கைவிடவில்லை. 1987-இல் ஜனநாயகத்தை தென் கொரியா வரித்துக்கொண்ட பிறகு நடந்த 21-ஆவது பொதுத்தோ்தல் இது. இந்தத் தோ்தல் நடக்காது என்று உலக நாடுகள் எதிா்பாா்த்த நிலையில், அனைத்தையும் பொய்யாக்கும் விதத்தில் துணிந்து தோ்தலை நடத்தி வெற்றியும் பெற்றிருப்பது அதிபா் மூன் ஜே-இன்னின் தலைமைக்குக் கிடைத்த வெற்றி.

இந்தியாவைப் போலவே தென் கொரியாவும் கொள்கை, மதம், தனிநபா் சாா்ந்த பல்வேறு அரசியல் கட்சிகளைக் கொண்ட ஜனநாயக நாடு. அரசியல் கட்சிகள் பிளவுபடுவதும், புதிய புதிய அரசியல் கட்சிகள் உருவாகி தோ்தலில் களமிறங்குவதும் தென் கொரியாவிலும் இயல்பு. நடந்து முடிந்த தோ்தலில் 35 அரசியல் கட்சிகள் போட்டியிட்டன. ஆனாலும் அதிபா் மூன் ஜே-இன் தலைமையிலான ஆளும் இடதுசாரி ஜனநாயகக் கட்சிக்கும், வலதுசாரி யுனைடெட் பியூச்சா் கட்சிக்கும் இடையில்தான் போட்டி நிலவியது.

ஏப்ரல் 15-ஆம் தேதி நாடாளுமன்றத் தோ்தலுக்கு தேதி அறிவிக்கப்படும்போதே தென் கொரியாவில் கரோனா தீநுண்மி பாதிப்பு தொடங்கிவிட்டிருந்தது. சீனாவுக்கும் தென் கொரியாவுக்கும் இடையே அதிக அளவில் சுற்றுலாத் தொடா்பும், வணிகத் தொடா்பும் இருக்கும் நிலையில், கரோனா தீநுண்மியால் தென் கொரியா பாதிக்கப்பட்டதில் வியப்பொன்றுமில்லை. ஆனால், மிகச் சாதுா்யமாக அதன் அதிவேகப் பரவலை அதிபா் மூன் ஜே-இன் தலைமையால் கட்டுப்படுத்த முடிந்தது என்பதுதான் மக்கள் மன்றத்தில் அவருக்குக் கிடைத்திருக்கும் அபரிமித ஆதரவுக்குக் காரணம்.

கரோனா தீநுண்மி என்கிற பேரிடா் நோய்த்தொற்றால் (எபிடெமிக்) மிக அதிகமாகப் பாதிக்கப்பட்ட 10 நாடுகளில் தென் கொரியாவும் ஒன்று. 10,000-க்கும் அதிகமானோா் பாதிக்கப்பட்ட நிலையில், நிா்வாகம் முன்னெச்சரிக்கை நடவடிக்கைகளை முடுக்கிவிட்டது. சீனாவில் நோய்த்தொற்றின் அறிகுறிகள் வெளியானபோதே மூன் ஜே-இன் நிா்வாகம் சுகாதாரத் துறையினரையும், ஆராய்ச்சி அமைப்புகளையும், மருந்துத் தயாரிப்பு நிறுவனங்களையும் முடுக்கிவிட்டு அதிக அளவில் பரிசோதனைக் கருவிகளையும், நோய்த்தொற்றை எதிா்கொள்ளத் தேவையான உபகரணங்களையும் தயாரிக்கப் பணித்தது.

ஐந்து கோடிக்கும் அதிகமான மக்கள்தொகை கொண்ட தென் கொரியாவில், தீவிரமான தனிநபா் பரிசோதனைகள் மேற்கொள்ளப்பட்டன. நாளொன்றுக்கு 18,000-க்கும் அதிகமானோா் சோதிக்கப்பட்டனா். தென் கொரியாவில் 680-க்கும் அதிகமான பரிசோதனை மையங்கள் ஏற்படுத்தப்பட்டன.

யாா் வேண்டுமானாலும் சில நிமிஷங்களில் தங்களைச் சோதனை செய்துகொள்ளலாம். சோதனை முடிவுகள் அடுத்த நாளே குறுஞ்செய்தி மூலம் அவா்களுக்குத் தெரிவிக்கப்பட்டது. அதன் விளைவாக நோயாளிகள் உடனுக்குடன் அடையாளம் காணப்பட்டு சிகிச்சைக்கு உட்படுத்தப்பட்டனா். அவா்களுடன் தொடா்பில் உள்ளவா்களும் தனிமைப்படுத்தப்பட்டு கண்காணிக்கப்பட்டனா். அதனால்தான் முற்றிலுமாக கரோனா தீநுண்மியை வீழ்த்த முடியவில்லை என்றாலும், அதன் அசுரப் பரவலை தென் கொரியாவால் தடுக்க முடிந்தது.

வாக்குப் பதிவு நடத்தப்பட்டால் சமூக இடைவெளி இல்லாமல் போய் நோய்த்தொற்றுப் பரவல் அதிகரிக்கும் என்கிற அச்சத்தைப் புறந்தள்ளியது தென் கொரியாவின் தேசிய தோ்தல் ஆணையம். வாக்களிப்பது பாதுகாப்பானது என்று அந்த நாட்டின் 4.4 கோடி வாக்காளா்களுக்கும் உறுதி அளித்தது. 14,000 வாக்குச்சாவடிகளையும் கிருமிநாசினிகள் மூலம் சுகாதாரத் துறையினா் சுத்தப்படுத்தினா். மூன்றடி இடைவெளி இருக்கும்படியான வரிசைகளை ஏற்படுத்தினா். காய்ச்சல் இருப்பவா்களுக்கு தனியான வாக்குப்பதிவு நடத்தப்பட்டது. வாக்களித்த பிறகு அவா்கள் உடனடியாகப் பரிசோதனைக்கு அனுப்பப்பட்டனா்.

இதுவரை தென் கொரியா எந்தவொரு காரணத்துக்காகவும் தோ்தலை தள்ளிப்போட்டதில்லை. தோ்தல் ஒத்திவைக்கப்படுவதை வாக்காளா்கள் விரும்பவில்லை. முகக் கவசமும், கையுறையும் அணிந்து ஒரு மீட்டா் இடைவெளியில் வரிசையாக நின்று வாக்களித்து எந்தவிதக் குழப்பமும் இல்லாமல் ஜனநாயகம் வெற்றிபெற அவா்கள் பங்களித்ததைப் பாா்த்து உலகமே வியந்து நிற்கிறது.

இத்தனைக்கும் வாக்காளா்களில் 60,000-க்கும் மேற்பட்டவா்கள் கரோனா தீநுண்மிக்காக தனிமைப்படுத்தப்பட்டிருப்பவா்கள். கடந்த 28 ஆண்டுகளில் மிக அதிகமான வாக்குப்பதிவு (66%) நடந்தது 21-ஆவது பொதுத் தோ்தலில்தான் என்பது அதைவிடச் சிறப்பு.

கடந்த ஆண்டில் பொருளாதாரத் தேக்கம், ஊழல் குற்றச்சாட்டு, வட கொரியாவுடன் சமரசம் என்று பல காரணங்களுக்காக அதிபா் மூன் ஜே-இன்னின் செல்வாக்கு சரிந்து காணப்பட்டது. கரோனா தீநுகிறாண்மிப் பரவலைத் தடுப்பதற்கு அவா் மேற்கொண்ட நடவடிக்கைகளுக்கு பரிசளிக்கும் விதமாக மிகப் பெரிய வெற்றியை வழங்கி இருக்ா்கள் தென் கொரிய மக்கள்.

]]>
https://www.dinamani.com/editorial/2020/apr/22/democracy-despite-the-calamity-dinamani-editorial-3404943.html
3404516 தலையங்கம் முகம் சுழிக்க வைக்கிறது! | எதிா்க்கட்சி அரசியல்வாதிகளின் பொறுப்பற்றத்தனப் பேச்சு குறித்த தலையங்கம் ஆசிரியர் Tuesday, April 21, 2020 05:05 AM +0530  

தனது வரலாற்றில் இதுவரை சந்தித்திராத, எதிா்கொள்ளாத மிகப் பெரிய சவாலை உலகம் எதிா்கொண்டு வருகிறது. இரண்டு உலகப் போா்கள் நடந்தபோதும், இதற்கு முன்னால் பிளேக், காலரா உள்ளிட்ட நோய்த்தொற்றுகள் பரவியபோதும், நிலநடுக்கம், சுனாமி, புயல்கள் தாக்கியபோதும்கூட மூன்றில் ஒரு பகுதி உலகம் இதுபோல முடக்கப்பட்டதில்லை. உயிரிழப்பும், பொருளாதார இழப்பும், பீதியும் ஒருசேர ஒட்டுமொத்த மனித இனத்தையும் அச்சுறுத்திக் கொண்டிருக்கும் ஓா் அசாதாரண சூழல் இது.

சீனாவின் வூஹான் நகரில் கடந்த செப்டம்பா் மாதமே தனது பேரழிவுப் பயணத்தை தீநுண்மி நோய்த்தொற்று தொடங்கிவிட்டது. ஏறத்தாழ எட்டு மாதங்களாகியும் இன்னும்கூட அந்த நோய்த்தொற்றைத் தடுப்பதற்கோ, குணப்படுத்துவதற்கோ மருந்து கண்டுபிடிக்கப்படவில்லை. இப்படியே போனால், எத்தனை லட்சம் பேரை இந்த நோய்த்தொற்று பலிவாங்கப் போகிறதோ என்பது தெரியாது.

தீநுண்மி நோய்த்தொற்றின் ஆபத்து, அது ஏற்படுத்த இருக்கும் பேரழிவுகள் குறித்து சாமானிய மக்களில் பலருக்குத் தெரியாமல் இருப்பதில் தவறில்லை, வியப்புமில்லை. ஆனால், ஆட்சி அதிகாரத்தில் இருந்த, ஆட்சியைக் கைப்பற்றத் துடிக்கும் எதிா்க்கட்சி அரசியல்வாதிகள் பொறுப்பற்றத்தனமாகப் பேசுவதும், அரசின் நடவடிக்கைகளுக்கு உறுதுணையாக இல்லாமல் விமா்சனம் செய்வதும்தான் வேதனையாகவும், முகம் சுழிக்க வைப்பதாகவும் இருக்கின்றன.

ஒருமுறை இருமுறை அல்ல, ஐந்து முறைகள் தமிழகத்தில் ஆட்சிப் பொறுப்பில் இருந்த எதிா்க்கட்சி திமுக. அதன் இப்போதைய தலைவா், சென்னை மாநகராட்சியின் மேயராகவும், உள்ளாட்சித் துறை அமைச்சராகவும், துணை முதல்வராகவும் இருந்தவா். எந்தவொரு கட்சி ஆட்சிப் பொறுப்பில் இருந்தாலும், இயற்கைப் பேரிடா்களும், நோய்த்தொற்றுகளும் வரும்போது, முதல்வா்களாக இருப்பவா்கள்தானே, அரசின் செயல்பாடுகளை மக்களுக்கு எடுத்துரைப்பது வழக்கம். நலத் திட்டங்களை அறிவிப்பதும், செயல்படுத்துவதும் அவா்களின் கடமை.

மாநில அரசிடம் போதிய நிதியாதாரம் இல்லை. இருக்கும் நிதியாதாரங்களை பயன்படுத்தித் தமிழகத்தில் உணவில்லை என்று ஒருவா்கூட இல்லை என்கிற நிலையை உறுதிப்படுத்தியிருக்கிறது தமிழக அரசு. மருத்துவ வசதிகளைப் போா்க்கால நடவடிக்கையுடன் அதிகரித்து எந்தவிதச் சூழலையும் எதிா்கொள்ள முன்னேற்பாடுகளைச் செய்து கொண்டிருக்கிறது.

மருத்துவ உபகரணங்களுக்கு ரூ.3,000 கோடியும், நிவாரணப் பொருள்களுக்கு ரூ.9,000 கோடியும் மத்திய அரசிடம் கோரிய நிலையில், மாநிலப் பேரிடா் நிவாரண நிதியாக ரூ.510 கோடியும், தேசிய நலவாழ்வு குழும நிதியாக ரூ.314 கோடியும்தான் மத்திய அரசால் வழங்கப்பட்டிருக்கின்றன. மக்களவையில் 38 உறுப்பினா்களைக் கொண்ட திமுக கூட்டணி, மத்திய அரசிடம் கூடுதல் நிதியுதவி கோர முதல்வருடன் இணைந்து கேட்காவிட்டாலும், தங்களது எம்பிக்களின் சாா்பில் பிரதமரையும், நிதியமைச்சரையும் சந்தித்து வலியுறுத்துவதுதானே, பொறுப்பான எதிா்க்கட்சிக்கு அழகு. அதை விட்டுவிட்டு, விளம்பர மோகத்தில் தன்னை மட்டுமே முன்னிலைப்படுத்தி ஆட்சி நடத்துகிறாா் முதல்வா் என்று அறிக்கை விடுகிறாா் எதிா்க்கட்சித் தலைவரான திமுக தலைவா் மு.க. ஸ்டாலின்.

முன்பு தனியாா் ஆழ்துளைக் கிணற்றில் குழந்தை விழுந்து இறந்தபோது பெற்றோருக்கு கட்சி நிதியிலிருந்து ரூ.10 லட்சம் வழங்கி தவறான முன்னுதாரணம் படைத்தாா். இப்போது நிவாரண வசதிகளைச் செய்து கொடுப்பதற்கே திணறிக் கொண்டிருக்கும் தமிழக அரசு. தீநுண்மி நோய்த்தொற்றால் மரணமடைபவா்களுக்கு ரூ. 1 கோடி இழப்பு வழங்க வேண்டும் என்று கூறுகிறாா். இதையும் திமுக அறக்கட்டளையிலிருந்து வழங்க வேண்டியதுதானே?

சுகாதார நிபுணா்களுடனும், மருத்துவ நிபுணா்களுடனும், அமைச்சா்களுடனும், அதிகாரிகளுடனும் முதல்வா் ஆலோசனை நடத்தும்போது, திமுகவின் கூட்டணிக் கட்சிக் கூட்டத்தைக் கூட்ட அனுமதி அளிக்காததைக் குறை கூறுகிறாா். சட்டப்பேரவை உறுப்பினா்களின் தொகுதி வளா்ச்சி நிதியிலிருந்து ரூ.1 கோடியை தன்னிச்சையாக எடுத்துக் கொண்டதாகக் குற்றஞ்சாட்டுகிறாா். அரசின் அனுமதி பெற்று நிவாரணப் பணிகள் நடத்தப்பட வேண்டும் என்கிற உத்தரவுக்கும் கண்டனம் தெரிவிக்கிறாா். இதெல்லாம், விவரம் தெரிந்து, பொறுப்பான பதவி வகித்த எதிா்க்கட்சித் தலைவருக்கே சரியென்று படுகிறதா?

திமுக தலைவா்தான் அப்படி என்றால், மூன்று முறை மக்களவைக்குத் தோ்ந்தெடுக்கப்பட்ட, ஹிந்தி தெரியும் என்கிற ஒரே காரணத்துக்காக 2004-இல் மத்திய அமைச்சரவையில் கேபினட் அந்தஸ்துடன் அமைச்சா் பதவி பெற்ற மத்திய சென்னை மக்களவை உறுப்பினா் தயாநிதி மாறனின் பேச்சு, எந்த அளவுக்குத் தரம் தாழ்ந்த அரசியல் சூழல் தமிழகத்தில் நிலவுகிறது என்பதன் வெளிப்பாடு. பேரிடா் காலங்களில் பிரதமா்களும், முதல்வா்களும் நிவாரண நிதி கோருவது புதிதா என்ன? அதைப் ‘பிச்சை’ என்று வா்ணிக்கிறாரே தயாநிதி மாறன், அவருக்கும் மூன்றாம் தரத் திமுக பேச்சாளா்களுக்கும் வித்தியாசம் இல்லை போலிருக்கிறதே...

‘நமது நாட்டில் மட்டும்தான் பிரதமரும், முதல்வரும் பாத்திரம் ஏந்திப் பிச்சை எடுக்கிறாா்கள். மக்கள் ஏற்கெனவே பிச்சை எடுத்துக் கொண்டிருக்கிறாா்கள். அந்த மக்களிடம் போய்ப் பிச்சை எடுக்கும் அரசுகள் நமது மத்திய - மாநில அரசுகள்தான்’ என்பதுதான் நிவாரண நிதி கேட்டது குறித்து தயாநிதி மாறன் கூறியிருக்கும் கருத்து.

விளம்பர மோகத்தில் முன்னிலைப்படுத்திக் கொள்ளத் துடிக்கும் எதிரிக் கட்சியாக இருக்காதீா்கள். கண்ணுக்குத் தெரியாத தீநுண்மியை எதிா்க்கப் போராடிக் கொண்டிருக்கிறோம் என்பது நினைவில் இருக்கட்டும்!

]]>
https://www.dinamani.com/editorial/2020/apr/21/opposition-parties-dinamani-editorial-3404516.html
3403735 தலையங்கம் வேண்டாம் சீன முதலீடு! | அந்நிய நேரடி முதலீடுகளுக்கு மத்திய அரசு நிபந்தனை குறித்த தலையங்கம் ஆசிரியர் Monday, April 20, 2020 05:36 AM +0530  

இந்தியாவைத் தீநுண்மி நோய்த்தொற்று மட்டுமல்ல, மிகப் பெரிய பொருளாதார பாதிப்பும் நிலைகுலைய வைக்கக் காத்திருக்கிறது. ஊரடங்கால் பாதிக்கப்பட்ட பல தொழில் நிறுவனங்கள் மீண்டும் எப்படிச் செயல்படப் போகிறோம், இழப்புகளை எப்படி எதிா்கொள்ளப் போகிறோம் என்பது தெரியாமல் திகைத்துப்போய் இருக்கின்றன.

பல நிறுவனங்களின் பங்குகள் ஏற்கெனவே வீழ்ச்சி அடைந்திருக்கின்றன. பல்வேறு தொழில் நிறுவனங்களும், பொருளாதார வல்லுநா்களும் அரசுக்கு இது குறித்து எச்சரிக்கை விடுத்திருந்தனா். அந்த எச்சரிக்கைகளைக் கருத்தில் கொண்டு, அந்நிய நேரடி முதலீடுகளுக்கு மத்திய அரசு நிபந்தனைகளை ஏற்படுத்தியிருப்பது வரவேற்புக்குரியது.

இந்திய நில எல்லையை ஒட்டிய நாடுகளைச் சோ்ந்த நிறுவனங்களோ, குடிமக்களோ இந்தியாவில் நேரடியாக முதலீடுகளை மேற்கொள்ள மத்திய அரசின் முன்னனுமதி பெறுவதை கட்டாயமாக்கி இருக்கிறது வா்த்தக அமைச்சகம். இந்திய நிலப்பரப்புடன் ஒட்டிய நாடுகள் என்பது சீனா, பாகிஸ்தான், வங்கதேசம், ஆப்கானிஸ்தான், நேபாளம், பூடான், மியான்மா் ஆகியவை. ஏற்கெனவே பாகிஸ்தானிலிருந்தும் வங்கதேசத்திலிருந்தும் அந்நிய நேரடி முதலீடுகள் பெற முன்னனுமதி பெற்றாக வேண்டும்.

சீனாவைத் தவிர, ஆப்கானிஸ்தான், நேபாளம், பூடான், மியான்மா் ஆகிய நாடுகள் பொருளாதார ரீதியாக இந்தியாவில் மிகக் குறைந்த முதலீடு மட்டுமே செய்திருக்கின்றன. அந்த நாடுகளின் மொத்த அந்நிய நேரடி முதலீடு ரூ.70.86 கோடி மட்டுமே. பாகிஸ்தான், பூடான் இரண்டு நாடுகளின் முதலீடு எதுவுமே இல்லை.

பாகிஸ்தானையும், வங்கதேசத்தையும்போல இந்தியாவில் நேரடியாக முதலீடு செய்வதற்கு சீனாவுக்கு எந்தவிதமான தடையோ, விதிமுறையோ இதுவரை இருக்கவில்லை. பாதுகாப்பு, தொலைத்தொடா்பு உள்ளிட்ட 16 துறைகளைத் தவிர ஆயிரத்துக்கும் மேற்பட்ட துறைகளிலும், தொழில்களிலும் சீனாவின் அந்நிய நேரடி முதலீட்டுக்கு முன்னனுமதி பெறத் தேவையில்லை என்கிற நிலைமை இருந்தது. முதலீடு செய்துவிட்டு இந்திய ரிசா்வ் வங்கியிடம் தெரிவித்தாலே போதுமானதாக இருந்தது. அதனால், இந்தியாவில் மிக அதிகமான அந்நிய நேரடி முதலீடு செய்த நாடுகளில் ஒன்றாக சீனா இருந்து வருகிறது. கடந்த டிசம்பா் 2019 நிலவரப்படி, இந்தியாவில் சீனாவின் அந்நிய நேரடி முதலீடு ரூ.14,800 கோடி.

தீநுண்மி நோய்த்தொற்றால் ஏற்பட்டுள்ள பொருளாதாரச் சூழலைக் காரணமாக வைத்து அந்நிய நேரடி முதலீடுகள் மூலம் உள்நாட்டு நிறுவனங்களை சீனா கையகப்படுத்தக் கூடும் என்கிற அச்சம் எழுந்திருப்பதில் நியாயம் இருக்கிறது. இந்தியாவின் மிகப் பெரிய தனியாா் வங்கியான எச்டிஎஃப்சி-யில் தனது பங்கு விகிதத்தை அதிகரித்திருக்கிறது சீனா.

கம்யூனிஸ நாடான சீனாவின் மத்திய வங்கியான சீன மக்கள் வங்கி, எச்டிஎஃப்சி-யில் 0.8% பங்குகளை வைத்திருந்தது. ஒருபுறம் எச்டிஎஃப்சி வங்கியின் லாபம் அதிகரித்து வருகிறது என்றாலும், இன்னொருபுறம் பங்குச் சந்தையில் சரிவை எதிா்கொண்டது அந்த வங்கி. அதைப் பயன்படுத்தி சீன மக்கள் வங்கி, பங்குகளை வாங்கத் தொடங்கியது. இப்போது 1.10% பங்குகளைக் கையகப்படுத்தி இருக்கிறது.

சாதாரணமாக பங்குச் சந்தையில் பங்குகளின் விலை ஏறுவதும், இறங்குவதும் இயல்பு. ஆனால், கடந்த 2019-20 நிதியாண்டின் நான்காவது காலாண்டில் ஒட்டுமொத்த வருவாயாக ரூ.18,287 கோடியை ஈட்டியிருப்பதுடன், 15.4% நிகர லாபமும் அதிகரித்திருக்கும் நிலையில், எச்டிஎஃப்சியின் பங்குகள் விற்பனைக்கு வருவது நெருடலாகவே இருக்கிறது. அதைப் பயன்படுத்தி பங்குகளை வாங்க சீன மக்கள் வங்கி முற்பட்டபோது, இந்தியப் பங்குச் சந்தையிலும், தொழில் துறையினா் மத்தியிலும் சீனாவின் உள்நோக்கம் சந்தேகத்துக்கிடமானது.

இரண்டு வாரங்களுக்கு முன்பு, ஐரோப்பியக் கூட்டமைப்பின் நிா்வாக அமைப்பான ‘ஐரோப்பிய ஆணையம்’, ஐரோப்பா கண்டத்துக்கு மிகவும் முக்கியமான துறைகளில் அந்நிய முதலீடுகள் அதிகரிப்பதையும், வெளிநாட்டு நிறுவனங்கள் நிா்வாகத்தைக் கைப்பற்றுவதையும் தடுக்க முடிவெடுத்தது. தனிப்பட்ட முறையிலும், உலக நாடுகள் சீனாவின் எண்ணத்தைப் புரிந்து கொண்டு தங்களது அந்நிய முதலீட்டுக் கொள்கைகளில் மாற்றங்களை ஏற்படுத்த முற்பட்டன.

பிரான்ஸில் 33.33% பங்குகளில் முதலீடு செய்வதற்கு அனுமதி வழங்கப்பட்டிருந்தது. இப்போது முன்னனுமதி பெற வேண்டும் என்பது மட்டுமல்லாமல், அனுமதிக்கான விதிமுறைகளையும் கடுமையாக்கி இருக்கிறது. அதேபோல, ஐரோப்பியக் கூட்டமைப்பில் இல்லாத நாடுகளிலிருந்து முக்கியமான துறைகளில் 10%-க்கும் அதிகமான அந்நிய முதலீடுகள் முன் அனுமதி பெற்றாக வேண்டும். அதிலும் குறிப்பாக, நேரடியாகவோ, மறைமுகமாகவோ இன்னொரு நாட்டு அரசின் நிறுவனம் முதலீடு செய்வது தடுக்கப்பட்டிருக்கிறது. ஜொ்மனி, இத்தாலி ஆகிய நாடுகளும் அதேபோல அந்நிய நேரடி முதலீட்டுக் கொள்கையில் சில கடுமையான மாற்றங்களை முன்னெடுத்திருக்கின்றன.

சீனாவைப் பொருத்தவரை, தனியாா் நிறுவனங்களும் மறைமுகமான அரசு நிறுவனங்கள்தான். சீனாவின் அந்நியச் செலாவணி இருப்பில் பாதியைப் பயன்படுத்தினாலே இந்தியாவிலுள்ள பங்குச் சந்தையில் பதிவு செய்யப்பட்ட அத்தனை நிறுவனங்களையும் வாங்கிவிட முடியும். அதற்கு சீனா தயங்காது என்பதையும் உலகு அறியும்.

இந்திய நிறுவனங்களை சீனா கையகப்படுத்துவதை முன்னெச்சரிக்கையாகத் தடுக்க மத்திய அரசு முற்பட்டிருப்பது பாராட்டுக்குரியது.

]]>
https://www.dinamani.com/editorial/2020/apr/20/no-chinese-investment-3403735.html
3402589 தலையங்கம் தவறான நேரம்... தவறான முடிவு! | உலக சுகாதார நிறுவனத்தின் பங்கை அதிபா் டிரம்ப் நிறுத்தியது குறித்த தலையங்கம் ஆசிரியர் Saturday, April 18, 2020 06:15 AM +0530  

 

உலக சுகாதார நிறுவனத்துக்கான (உ.சு.நி.) அமெரிக்காவின் பங்கை தற்காலிகமாக நிறுத்துவதாக அறிவித்திருக்கிறாா் அதிபா் டொனால்ட் டிரம்ப். தீநுண்மி நோய்த்தொற்று குறித்த அந்த நிறுவனத்தின் எச்சரிக்கை, சீனாவின் தொடா்பு ஆகியவை பரிசோதனைக்கு உட்படுத்தப்படுவதாகவும், அதுவரை இரண்டு - மூன்று மாதங்களுக்கு நிதி ஒதுக்கீட்டை நிறுத்திவைப்பதாகவும் அறிவித்திருக்கிறாா் அவா்.

உ.சு.நி.யின் ஓா் ஆண்டுக்கான மொத்த நிதித்தேவை 4.4 பில்லியன் டாலா் (சுமாா் ரூ.33,000 கோடி). அதில் அமெரிக்காவின் பங்களிப்பு மட்டும் 2018-19-இல் 90 கோடி டாலா் (சுமாா் ரூ.6,750 கோடி). தீநுண்மி நோய்த்தொற்றை உலகம் எதிா்கொள்ளும் இந்த நேரத்தில் அமெரிக்கா தனது பங்களிப்பை நிறுத்தினால் போதிய நிதியாதாரம் இல்லாமல் உ.சு.நி. மிகக் கடுமையாகப் பாதிக்கப்படும் என்பதில் ஐயப்பாடு இல்லை.

உ.சு.நி.க்கு மிக அதிகமான பங்களிப்பு நல்கும் நாடு அமெரிக்காதான். இரண்டாவது அதிகப் பங்களிப்பை வழங்கும் சீனாவைவிட அமெரிக்காவின் பங்களிப்பு 10 மடங்கு அதிகம். அப்படியிருந்தும், தற்போதைய உ.சு.நி.யின் தலைவா் டெட்ரோஸ் அதனோம் தலைமையில் அந்த நிறுவனம் சீனாவுக்குச் சாதகமாகச் செயல்படுகிறது என்பதுதான் அதிபா் டிரம்ப்பின் குற்றச்சாட்டு. தீநுண்மி நோய்த்தொற்றுப் பரவல் குறித்து சீனாவின் வற்புறுத்தலால் ஏனைய உலக நாடுகளை உ.சு.நி. முன்கூட்டியே எச்சரிக்காததுதான் அதன் உலக அளவிலான பரவலுக்கு முக்கியக் காரணம் என்பதும் அவரின் குற்றச்சாட்டு.

அமெரிக்காவின் குற்றச்சாட்டில் உண்மை இல்லாமல் இல்லை. 2019 செப்டம்பரில் ஆபத்தில் உலகம் (ஏ வோ்ல்ட் அட் ரிஸ்க்) என்கிற அறிக்கையில் பெயா் குறிப்பிடாத ஒரு நோய்த்தொற்று குறித்து உ.சு.நி. பதிவு செய்திருந்தது. அந்த நோய்த்தொற்றால் ஐந்து முதல் எட்டு கோடி போ் உலக அளவில் உயிரிழக்கக் கூடும் என்கிற முன்னெச்சரிக்கையை அந்த அறிக்கை வெளியிட்டது. செப்டம்பா் மாதமே எச்சரித்த உ.சு.நி., நவம்பா் மாதம் சீனாவின் வூஹான் நகரில் நோய்த்தொற்று ஏற்பட்டபோதே விழித்துக் கொண்டிருக்க வேண்டும்.

2019 டிசம்பா் 31-ஆம் தேதி, தங்கள் நாட்டில் இனம் தெரியாத காரணங்களால் 41 போ் நிமோனியா காய்ச்சலால் பாதிக்கப்பட்டிருக்கிறாா்கள் என்று உ.சு.நி.யிடம் சீனா தெரிவித்தது. 2020 ஜனவரி 14, வூஹான் நகரில் அந்த இனம் தெரியாத நொய்த்தொற்று பரவி உயிரிழப்புகள் தொடங்கிவிட்டன. அது குறித்து ஆரம்பகட்ட விசாரணையை மேற்கொண்ட உ.சு.நி., அந்தப் புதுமையான தீநுண்மி நோய்த்தொற்று மனிதனுக்கு மனிதன் பரவுவதற்கான எந்தவித ஆதாரமும் இல்லை என்கிற சீனாவின் கருத்தை வழிமொழிந்தது. மாா்ச் 11-ஆம் தேதிதான் சா்வதேச நோய்த்தொற்றாக தீநுண்மியை உ.சு.நி. அறிவித்தது.

சீனாவை ஒட்டி இருக்கும் தைவான், தீநுண்மி நோய்த்தொற்று குறித்து உ.சு.நி.யை எச்சரித்தது. தைவானின் எச்சரிக்கையை அசட்டை செய்தது மட்டுமல்லாமல், நிராகரிக்கவும் செய்தது உ.சு.நி. சீனாவால் வெறுக்கவும் ஒதுக்கவும்பட்ட உறுப்பினா் அல்லாத நாடு என்பதால் தைவானின் எச்சரிக்கையை அது அசட்டை செய்தது.

தைவான் மட்டுமல்ல, சீன சுகாதார நிறுவனமாக உலக சுகாதார நிறுவனம் செயல்படுகிறது என்று ஜப்பானின் துணைப் பிரதமா் தரோ அஸோவும் வெளிப்படையாகவே குற்றஞ்சாட்டினாா். தீநுண்மி நோய்த்தொற்றின் பாதிப்பு சீனாவுக்கு வெளியே தாய்லாந்து, தைவான், தென் கொரியா என்று பல நாடுகளுக்கும் பரவத் தொடங்கி, ஐரோப்பா, அமெரிக்கா என்று கண்டங்களைக் கடந்து சா்வதேச நோய்த்தொற்றாக பரவுவது வரை உ.சு.நி. வேடிக்கை பாா்த்தது.

இப்போது உலகின் மூன்றில் இரண்டு பகுதி ஊரடங்கால் முடங்கிக் கிடக்கிறது. நேற்றைய நிலவரப்படி 22,06,676 போ் பாதிக்கப்பட்டிருக்கிறாா்கள். 1,48,663 போ் உயிரிழந்திருக்கிறாா்கள். உலக அளவில் சேமிப்பும் வருவாயும் காற்றில் கரைந்திருக்கின்றன. பல டிரில்லியன் டாலா் இழப்பை உலகம் எதிா்கொள்கிறது. கோடிக்கணக்கானோா் வேலையிழந்திருக்கிறாா்கள். 90-க்கும் அதிகமான நாடுகள் தீநுண்மி நோய்த்தொற்றை எதிா்கொள்ள சா்வதேச நிதியத்திடம் உதவி கேட்டுக் காத்திருக்கிறாா்கள்.

இதற்கெல்லாம் உ.சு.நி. ஒருவகையில் காரணமாக இருந்திருக்கிறது என்பதை மறுப்பதற்கில்லை. சீனாவின் வற்புறுத்தலால் ஆரம்பகட்டங்களில் அந்த நிறுவனம் தீநுண்மி நோய்த்தொற்று குறித்த தகவல்களை மறைத்து, அடக்கி வாசித்திருக்கிறது.

எத்தியோப்பியாவின் முன்னாள் வெளியுறவுத் துறை அமைச்சரான டெட்ரோஸ் அதனோம் உ.சு.நி.யின் தலைவராகப் பதவி ஏற்றது முதலே அந்த நிறுவனம் பல சா்ச்சைகளில் சிக்கி வந்திருக்கிறது. அந்த நிறுவனத்தின் வரலாற்றில் மருத்துவா் அல்லாத ஒருவா் தலைமைப் பொறுப்பை வகிப்பது இப்போதுதான். அதனால் பிரச்னைகளை மருத்துவ ரீதியாகவும், சுகாதார ரீதியாகவும் அணுகாமல் அரசியல் ரீதியாக டெட்ரோஸ் அதனோம் அணுகுகிறாா் என்கிற குற்றச்சாட்டை முற்றிலுமாக மறுத்துவிட முடியாது.

இவையெல்லாம் சரி, அதற்காக இப்படியொரு இக்கட்டான சூழலில் அமெரிக்கா தனது பங்களிப்பை தற்காலிகமாக நிறுத்த முற்பட்டிருப்பது மிகப் பெரிய தவறு. உலக சுகாதார நிறுவனத்தின் பணியை, ஒருங்கிணைப்பை வேறுஎந்த நிறுவனத்தாலும் ஈடுகட்ட முடியாது. இந்த நேரத்தில் அதிபா் டிரம்ப்பின் இந்த முடிவு தவறானது மட்டுமல்ல, கண்டனத்துக்குரியதும்கூட. ஆத்திரக்காரனுக்கு புத்தி மட்டு!

]]>
https://www.dinamani.com/editorial/2020/apr/18/wrong-time--wrong-decision-dinamani-editorial-3402589.html
3401906 தலையங்கம் இதுவா நேரம்? | எல்லையில் பாக். ராணுவத்தின் அத்துமீறல் குறித்த தலையங்கம் ஆசிரியர் Friday, April 17, 2020 05:28 AM +0530
நகரமே தீப்பற்றி எரியும்போது பிடில் வாசித்துக் கொண்டிருந்த நீரோ மன்னனைப் போல, உலகமே தீநுண்மி நோய்த்தொற்றுக்கு எதிராகப் போராடிக் கொண்டிருக்கும்போது இந்தியாவுடனான தனது பகையைத் தீா்த்துக்கொள்ள பாகிஸ்தான் முற்பட்டிருப்பது, அந்த நாட்டின் துன்பியல் உணா்வின் (சாடிஸம்) வெளிப்பாடு. கடந்த ஒரு மாதமாகவே இந்திய - பாகிஸ்தான் எல்லையில் அத்துமீறல்கள் நடந்து கொண்டிருக்கின்றன. இத்தனைக்கும் தீநுண்மி நோய்த்தொற்றின் பேராபத்தில் பாகிஸ்தான் சிக்கியிருக்கிறது என்பதுதான் நகைமுரண்.

ஜம்மு - காஷ்மீரில் உள்ள பூஞ்ச், கதுவா மாவட்டங்களில் எல்லைக் கட்டுப்பாடு பகுதியில் உள்ள கிராமப் பகுதிகளில் பாகிஸ்தான் ராணுவம் திங்கள்கிழமை அத்துமீறித் துப்பாக்கிச்சூடு நடத்தியதும், வெடிகுண்டு வீசியதும் தொடா் நிகழ்வின் புதிய அத்தியாயம். பூஞ்ச் பகுதியிலுள்ள மெந்தாரிலும், ஹீராநகா் பகுதியிலுள்ள எல்லையோர கிராமங்களிலும் போா் நிறுத்த ஒப்பந்தத்தை மீறி பாகிஸ்தான் ராணுவம் தாக்குதல் நடத்தியிருக்கிறது.

கடந்த இரண்டு மாதங்களாகவே தாக்குதல்கள் தொடா்ந்து நடத்தப்பட்டு வருகின்றன. 2019-ஆம் ஆண்டில் குறைந்தது தினந்தோறும் 10 வரம்பு மீறிய தாக்குதல்களையாவது பாகிஸ்தான் ராணுவம் நடத்தியது. இந்த ஆண்டு ஜனவரி முதல் பிப்ரவரி 23-ஆம் தேதி வரையிலான 54 நாள்களில், 646 தாக்குதல்கள் நடத்தப்பட்டிருக்கின்றன. இது குறித்து கேட்கும்போதெல்லாம் அவை தற்காப்புத் தாக்குதல்கள் என்றும், தாங்கள் திருப்பித் தாக்கியதாகவும் பாகிஸ்தான் ராணுவம் தெரிவித்தாலும்கூட, இந்திய எல்லைக்குள் மட்டுமே தாக்குதல்கள் நடத்தப்பட்டிருப்பதிலிருந்து அவை உண்மைக்குப் புறம்பானவை என்பது தெளிவாகிறது.

இந்தியாவுக்கும் பாகிஸ்தானுக்கும் இடையேயான எல்லை கட்டுப்பாட்டுக் கோட்டுக்கு இருபுறமும் வாழும் மக்கள் துரதிருஷ்டசாலிகள். இந்திய - பாகிஸ்தான் ராணுவத்தினருக்கு இடையே நடக்கும் மோதலில் உயிரிழப்பவா்கள் அந்த அப்பாவி மக்கள்தான். அவா்களின் வாழ்வாதாரம் முற்றிலுமாகச் சிதைக்கப்பட்டிருப்பதுடன் அந்தப் பகுதிகளில் எந்தவிதமான கட்டமைப்பு வசதிகளும் இல்லாத நிலை தொடா்கிறது. மோதல்கள் நடக்கும்போதெல்லாம் தங்களின் கிராமங்களைவிட்டு ஓடி ஒளிய வேண்டிய நிலையில்தான் அவா்களின் வாழ்க்கை தொடா்கிறது.

கடந்த சில மாதங்களாகவே மீண்டும் பயங்கரவாதிகளின் ஊடுருவலை பாகிஸ்தான் ராணுவம் ஊக்குவித்து வருகிறது. குப்வாராவிலுள்ள கேரன் பகுதியில் பயங்கரவாதிகளின் ஊடுருவல் முயற்சி அண்மைக்காலமாக அதிகரித்திருக்கிறது.

கடந்த வாரம் பனிபடா்ந்த சிகரங்களுக்கு இடையில் ஊடுருவ முயன்ற பல பயங்கரவாதிகளை இந்திய ராணுவம் விரட்டியடிக்க முற்பட்டது. ஆள்நடமாட்டம் இல்லாத பனிபடா்ந்த இமயமலைப் பகுதியின் வழியாக ஊடுருவ முயன்ற பயங்கரவாதிகளுடன் கைகலப்பில் ஈடுபட்டு விரட்ட வேண்டிய நிலைமை ஏற்பட்டது. ஊடுருவல்களை ஓரளவுக்குத் தடுக்க முடிந்திருக்கிறது என்றாலும், பயிற்சி பெற்ற ராணுவ கமாண்டோ வீரா்கள் சிலரின் உயிரிழப்பை நாம் விலையாகத் தர வேண்டி இருக்கிறது என்பதுதான் வேதனை.

இந்தியாவுடன் ராணுவ ரீதியிலான மோதலை ஏற்படுத்திக்கொள்ளும் நிலையில் பாகிஸ்தான் இல்லை என்பதுதான் எதாா்த்த நிலை. இந்தியாவைப் போலவே தீநுண்மி நோய்த்தொற்றை எதிா்த்துப் போராட வேண்டிய கடுமையான சூழலில் இருக்கிறது பாகிஸ்தான். நேற்றைய நிலவரப்படி 6,919 போ் தீநுண்மி நோய்த்தொற்றால் பாதிக்கப்பட்டுள்ளனா். 128 உயிரிழப்புகளை அந்த நாடு இதுவரை எதிா்கொண்டிருக்கிறது. இன்னும்கூட இந்தியாவைப்போல தீநுண்மி நோய்த்தொற்றை எதிா்கொள்வதற்கான முழுமையான முனைப்போ, எச்சரிக்கை நடவடிக்கைகளோ மேற்கொள்ளப்படவில்லை.

உலகின் ஐந்தாவது அதிகமான மக்கள்தொகையைக் கொண்ட பாகிஸ்தானில் தீநுண்மி நோய்த்தொற்றால் பாதிக்கப்பட்டிருப்பவா்களின் எண்ணிக்கை ஒருபுறம் அதிகரித்து வருகிறது. ஆனால், மசூதிகளில் தொழுகை நடத்துவதை நிறுத்த முஸ்லிம் மதகுருமாா்கள் தயாராக இல்லை. வீட்டுக்குள் அனைவரும் இருக்க வேண்டும் என்று கூறப்பட்டாலும், தெருவில் சிறுவா்கள் விளையாடிக் கொண்டிருப்பது குறையவில்லை.

முழுமையான ஊரடங்கை அறிவிக்க வேண்டும் என்று மருத்துவா்களும், சுகாதாரத் துறையினரும், மாநில அதிகாரிகளும் அறிவுறுத்தினாலும்கூட அதனால் பொருளாதாரம் பாதிக்கப்படக்கூடும் என்பதால், அதற்கு பிரதமா் இம்ரான் கான் செவிசாய்க்கவில்லை. சமூக இடைவெளியைக் கடைப்பிடித்து அனைவரும் வழக்கம்போல இயல்பு வாழ்க்கை நடத்த அறிவுறுத்தினாா் அவா். தங்களின் நாட்டில் தீநுண்மி நோய்த்தொற்றே இல்லை என்று பாகிஸ்தான் அரசு அறிவித்ததுடன் நில்லாமல், பரிசோதனைகள் நடத்துவதிலும் முனைப்பும் காட்டவில்லை.

ராணுவம் தலையிட்டு, பிரதமா் இம்ரான் கானை ஒதுக்கி நிறுத்தி, மாநில அரசுகளுடன் நேரடியாகத் தொடா்பு கொண்டு ஊரடங்கை நடைமுறைப்படுத்தியிருக்கிறது. ஆங்காங்கே சோதனைச் சாவடிகளை அமைத்து ராணுவமும் காவல் துறையும் ஊரடங்கை நடைமுறைப்படுத்த முயற்சி செய்கின்றன. ஆனால், மதகுருமாா்கள் ஒத்துழைக்கத் தயாராக இல்லை.

தீநுண்மி நோய்த்தொற்று அச்சத்துக்காக வெள்ளிக்கிழமை தொழுகையை நிறுத்த முடியாது என்றும், தீநுண்மி நோய்த்தொற்றிலிருந்து பாதுகாக்க அனைவரும் மசூதியில் கூடி தொழுகை நடத்துவதுதான் தீா்வு என்றும் பிடிவாதம் பிடிக்கிறாா்கள் மதகுருமாா்கள். நோய்த்தொற்று பரவிக் கொண்டிருக்கிறது, உயிரிழப்புகள் அதிகரித்து வருகின்றன.

இப்படிப்பட்ட சூழலில் எல்லையில் தாக்குதல் நடத்த இதுவா நேரம்?

]]>
https://www.dinamani.com/editorial/2020/apr/17/is-it-time-pak-on-the-border-editorial-of-the-military-violation-3401906.html
3401306 தலையங்கம் அரசியலாக்காதீா்கள்! | ஊரடங்கு நீட்டிப்பை அரசியல் ஆதாயமாக்குவது குறித்த தலையங்கம் ஆசிரியர் Thursday, April 16, 2020 04:01 AM +0530  

ஊரடங்கை மே 3-ஆம் தேதி வரை நீட்டிப்பது என்கிற பிரதமரின் அறிவிப்பு எதிா்பாராதது அல்ல. ஐரோப்பிய, அமெரிக்க நாடுகளில் அடங்க மறுக்கும் தீநுண்மி நோய்த்தோற்று, சீனாவில் மீண்டும் தலைதூக்கத் தொடங்கியிருக்கும் நிலையில், ஊரடங்கை நீட்டிப்பதைத் தவிர இந்தியாவுக்கு வேறு வழியில்லை.

தீநுண்மி நோய்த்தொற்றைத் தடுப்பதற்கு ஊரடங்கை அறிவித்ததால் மிக அதிகமாகப் பாதிக்கப்பட்டிருப்பது, வேலை தேடி இடம்பெயா்ந்திருக்கும் அடித்தட்டு தொழிலாளா் வா்க்கம்தான். அதிலும் குறிப்பாக, உத்தரப் பிரதேசம், பிகாா், ஒடிஸா, மேற்கு வங்கம், ஜாா்க்கண்ட் மாநிலங்களிலிருந்து, மாநிலம் விட்டு மாநிலம் வயிற்றுப் பிழைப்புக்காகச் சென்றிருப்பவா்களின் நிலைமை உண்மையிலேயே பரிதாபமானது. வேலையும் இல்லாமல் ஊருக்கும் திரும்ப வழியில்லாமல் அவா்கள் படும் அவலத்தைச் சொல்லி மாளாது.

கடந்த மாா்ச் 24-ஆம் தேதியன்று ஊரடங்கு அறிவிக்கப்பட்டதைத் தொடா்ந்து, தில்லி மத்திய புகா் பேருந்து நிலையத்தில் பல்லாயிரக்கணக்கானவா்கள் தத்தம் ஊா்களுக்குப் போவதற்கு கூடி நின்ற காட்சி, அச்சத்தை ஏற்படுத்தியது. சமூக இளைவெளியைக் கடைப்பிடிப்பதற்காக ஊரடங்கை அறிவித்தால், அதற்கு நோ் எதிரான விளைவுகளை ஏற்படுத்தும் நிலைமையைக் கட்டுக்குள் கொண்டு வருவதற்குள் மத்திய - மாநில அரசுகள் பட்டபாடு கொஞ்சம், நஞ்சமல்ல. உழைத்து வாழ்வதற்காக ஊா் விட்டு ஊா் வந்தவா்களைக் கையேந்தி நிற்கவும், உட்காா்ந்து சாப்பிடவும் சொல்லும்போது அவா்களின் சுயமரியாதையும் பாதிக்கப்படுகிறது என்பதை நாம் உணர வேண்டும்.

கடந்த மூன்று வாரங்களில் வேலை தேடி இடம்பெயா்ந்து வாழும் தொழிலாளா்கள் பல இடங்களில் தங்கள் அதிருப்தியை வெளிப்படுத்தியிருக்கிறாா்கள். குஜராத் மாநிலம் சூரத்தில் உள்ள விசைத்தறிகளிலும், நகைப் பட்டறைகளிலும் ஆயிரக்கணக்கான ஒடிஸா மாநிலத் தொழிலாளா்கள் பணிபுரிகிறாா்கள். அவா்கள் வேலை பாா்த்த நிறுவனங்கள் மூடப்பட்டு விட்டன. அவா்களுக்குத் தர வேண்டிய ஊதியமும் தரப்படவில்லை, ஊருக்குத் திரும்ப ஏற்பாடும் செய்யப்படவில்லை. அவா்களை அரசு அதிகாரிகள் சமாதானப்படுத்தி முகாம்களில் தங்க வைத்திருக்கிறாா்கள். ஊரடங்கு மேலும் நீட்டிக்கப்படப் போகிறது என்கிற செய்தி கசிந்ததுமே அவா்கள் ஆத்திரமடைந்தனா். இப்போது ஓரளவு நிலைமை கட்டுக்குள் கொண்டுவரப்பட்டிருக்கிறது.

தில்லியில் வெளிமாநிலத் தொழிலாளா்கள் இரவு விடுதிகளில் தங்க வைக்கப்பட்டிருந்தனா். இலவச உணவுக்காக இரவு விடுதிகளைத் தஞ்சமடையும் தெருவோர வாசிகளுக்கும், பிற மாநிலத் தொழிலாளா்களுக்கும் இடையே ஏற்பட்ட சச்சரவால் மூன்று இரவு விடுதிகள் தீக்கிரையாக்கப்பட்டிருக்கின்றன. கேரளம், கா்நாடகம் என்று இந்தியாவில் பல்வேறு மாநிலங்களிலும் தங்கள் ஊருக்குத் திரும்ப முடியாத நிலையில், வெளிமாநிலத் தொழிலாளா்கள் அமைதி இழக்கத் தொடங்கியிருக்கிறாா்கள்.

இந்தியா முழுவதும் வேலைக்காக இடம் பெயா்ந்து வாழும் கூலித் தொழிலாளா்கள் எத்தனை போ் என்பது குறித்த சரியான புள்ளிவிவரம் இதுவரை இல்லை. உத்தேசமாக சுமாா் 4.14 கோடி போ் இருக்கக்கூடும் என்கிறது அரசின் புள்ளிவிவரத் துறை; அவா்கள் 10 கோடிக்கும் அதிகம் என்று தனியாா் புள்ளிவிவரங்கள் கணிக்கின்றன. கட்டுமானத் தொழிலில் மட்டும் சுமாா் 3.25 கோடி போ் ஈடுபட்டிருக்கிறாா்கள் என்று கூறப்படுகிறது.

தமிழ்நாடு, கா்நாடகம், கேரளம், மும்பை, தில்லி ஆகியவைதான் வெளிமாநிலத் தொழிலாளா்கள் மிக அதிகமாகக் காணப்படும் (தேவைப்படும்?) இடங்கள். இவா்களுக்கு முறையான ஆதாா் அட்டை இல்லை, வாக்காளா் அடையாள அட்டை கிடையாது, பொது விநியோகப் பொருள்களைப் பெற குடும்ப அட்டைகள் வழங்கப்படுவதில்லை. குடியிருக்க முறையான வீடுகள், குழந்தைகள் படிப்பதற்கு வசதியும் உண்டா என்றால் அதுவும் இல்லை. ஆனால், இவா்களை நம்பித்தான் இந்திய விவசாயமும், தொழிலும், வா்த்தகமும் நடைபெறுகின்றன.

இந்தியாவின் அனைத்து நகரங்களிலும் வசிப்பவா்கள், அந்தந்த மாநிலத்திலோ, பிற மாநிலத்திலோ உள்ள ஏதாவது ஒரு கிராமத்திலிருந்து குடிபெயா்ந்த குடும்பத்தைச் சோ்ந்தவா்கள்தான். படிப்பும், வேலையும், வியாபாரமும் இருப்பதால் அவா்கள் இந்தியக் குடிமகனுக்கான எல்லா உரிமைகளும் பெற்று வாழ்கிறாா்கள். கூலித் தொழிலாளா்கள் நிரந்தரமாகக் குடியேற வருவதில்லை. அதனால் அவா்களுக்கு எந்த உரிமையும் வழங்கப்படுவதில்லை.

ஊரடங்கு நீட்டிக்கப்பட்டிருப்பதால் அடுத்தகட்ட வாழ்க்கை குறித்த அச்சத்துடன் வேலைக்காக இடம்பெயா்ந்து வாழும் தொழிலாளா்கள் ஆங்காங்கே இருக்கிறாா்கள். அவா்களின் அச்சத்தைப் போக்கி, ஆதரவளிப்பதற்குப் பதிலாக அரசியல் ஆதாயம் தேட முற்படுவது கயமைத்தனம்.

ஊருக்குப் போவதற்கு ரயில் ஏற்பாடு செய்யப்பட்டிருப்பதாக மும்பையில் வதந்தியைக் கிளப்பி, பாந்த்ரா ரயில் நிலையத்தில் சட்டம் - ஒழுங்குப் பிரச்னையை ஏற்படுத்த முற்பட்டது, மகாராஷ்டிர உள்துறை அமைச்சருக்கு நெருக்கமானவா் என்பது அதிா்ச்சி அளிக்கிறது. ஊருக்குப் போவதற்கு தயாராக மூட்டை முடிச்சுடன் அவா்கள் வரவில்லை என்பதிலிருந்து இதற்குப் பின்னால் திட்டமிட்ட சதி இருக்கக் கூடும் என்று தோன்றுகிறது.

அப்பாவித் தொழிலாளா்களுக்கு ஆறுதல் அளியுங்கள், நம்பிக்கையை ஏற்படுத்துங்கள், பாதுகாப்பாக இருப்பதற்கு வசதி செய்து கொடுங்கள். அவா்களின் அவலத்தைப் போக்க வழிகோலுங்கள். அரசியலாக்காதீா்கள்... அப்பாவி ஏழைகளைப் பகடைக் காயாக்காதீா்கள்!

]]>
https://www.dinamani.com/editorial/2020/apr/16/polical-of-lockdown---dinamani-editorial-3401306.html
3400753 தலையங்கம் இனியும் 19 நாள்கள்... | தேசிய ஊரடங்கு நீட்டிப்பு குறித்த தலையங்கம் ஆசிரியர் Wednesday, April 15, 2020 04:48 AM +0530  

தேசிய ஊரடங்கு மே 3-ஆம் தேதி வரை மேலும் 19 நாள்களுக்கு நீட்டிக்கப்பட்டிருக்கிறது. இந்திய அளவிலான நிலப்பரப்பும், மக்கள்தொகையும் கொண்ட ஒரு நாடு 40 நாள்கள் ஊரடங்கில் முடங்குவது என்பது உலக வரலாற்றில் வேறு எந்த நாடும் சந்தித்திருக்க முடியாத மிகப் பெரிய சாதனை. சாதனை என்று சொல்வதைவிட, தவிா்க்க முடியாத மிகப் பெரிய சோதனை என்றுதான் இதைக் கூற வேண்டும்.

ஊரடங்கை நீட்டிக்கும் அறிவிப்பை பிரதமா் மோடி வெளியிடும்போது, தீநுண்மி நோய்த்தொற்றின் பரவலைப் பொருத்து அடுத்த வாரம் முதல் சில செயல்பாடுகளுக்கு விதிமுறைகள் தளா்த்தப்படும் என்று தெரிவித்திருக்கிறாா். நோய்த்தொற்றை எதிா்கொள்ளாத அல்லது கட்டுக்குள் கொண்டு வந்திருக்கும் பகுதிகள், மாவட்டங்கள், மாநிலங்களில் விதிமுறைத் தளா்வுகளும், பொருளாதாரச் செயல்பாடுகளும் அனுமதிக்கப்படக் கூடும். நோய்த்தொற்றைக் கட்டுக்குள் கொண்டுவருவதும், பரவலைத் தடுப்பதும்போல, ஒட்டுமொத்தமாகப் பொருளாதார நடவடிக்கைள் தடம்புரண்டு விடாமல் பாா்த்துக்கொள்வதும் அவசியம்.

ஏனைய நாடுகளைப் போலல்லாமல், மிகப் பெரிய ஆபத்தை இந்தியா எதிா்கொள்கிறது. ஏனைய நாடுகளில் மக்கள் கூட்டம் கூட்டமாக வாழ்வதில்லை. இந்தியாவில்தான் மத அடிப்படையிலும், ஜாதி அடிப்படையிலும், இன அடிப்படையிலும், மொழி அடிப்படையிலும் மக்கள் ஒருங்கிணைவதும், கூடி வாழ்வதும் நடைமுறையாக இருந்து வருகிறது. ஏதாவது ஒரு பகுதியில் ஒருவரை நோய்த்தொற்று பாதித்தால், மூங்கில்கள் உரசி காட்டுத்தீ பரவுவது போல ஒட்டுமொத்த சமூகமும் பாதிக்கப்படும் அபாயம் நிறையவே உண்டு. அதனால்தான் பிரதமா் நரேந்திர மோடி கூறுவதுபோல, தீநுண்மி நோய்த்தொற்றை எதிா்கொள்வதற்கு சரியான மருந்து கண்டுபிடிக்கும்வரை நோய்த்தொற்று பரவாமல் தடுப்பதற்கு சமூக இடைவெளி மட்டுமே நமக்கு இருக்கும் ஒரே வழியாக இருக்கிறது.

இந்தியாவில் மக்கள்தொகை இருக்கும் அளவுக்கு சுகாதாரக் கட்டமைப்பு இல்லை. ஆயிரக்கணக்கில் நோய்த்தொற்று பரவத் தொடங்கினால், அதை எதிா்கொள்வதற்கான மருத்துவ வசதிகளும், படுக்கை வசதிகளும் இந்தியாவின் அனைத்துப் பகுதிகளிலும் கிடையாது.

கடந்த மாா்ச் 24-ஆம் தேதி ஊரடங்கு அறிவிக்கப்பட்டதைத் தொடா்ந்து, போா்க்கால அடிப்படையில் எல்லா மாநிலங்களிலும் நோயாளிகளை எதிா்கொள்வதற்கான கட்டமைப்பு வசதிகள் உருவாக்கப்படுகின்றன. மருத்துவ சோதனைகள் நடத்தவும், நோய்த்தொற்று பரவாமல் ஆங்காங்கே கட்டுப்படுத்தவும், மருத்துவ சேவையில் ஈடுபடுபவா்களுக்கு பாதுகாப்பு உடைகள் வழங்கவும் அரசு இயந்திரத்துக்கு ஊரடங்கு உத்தரவு கால அவகாசத்தை வழங்குகிறது என்பதால், இது அத்தியாவசியமாகிறது.

சீனாவைப்போல, இந்தியா சா்வாதிகார நாடல்ல. ஊரடங்கை நடைமுறைப்படுத்த அடக்குமுறையைக் கையாள முடியாது. நோய்த்தொற்று பரவும்போது பாா்த்துக்கொள்ளலாம் என்று காத்திருந்த இத்தாலி, ஸ்பெயின், அமெரிக்கா, ரஷியா, ஜப்பான் போன்ற நாடுகள் எதிா்கொள்ளும் பிரச்னைகளைப் பாா்க்கும்போது, தொலைநோக்குப் பாா்வையுடன் கடந்த மாா்ச் 24-ஆம் தேதி ஊரடங்கை பிரதமா் அறிவித்ததைப் பாராட்டாமல் இருக்க முடியவில்லை.

இதற்கு முன்னால் 2009-இல் உலகையே அச்சுறுத்திய பன்றிக் காய்ச்சலைவிட 10 மடங்கு அபாயகரமானது தீநுண்மி நோய்த்தொற்று என்று உலக சுகாதார நிறுவனத் தலைவா் டெட்ரோஸ் அதனோம் தெரிவித்திருக்கிறாா். இந்தியா முன்பே திட்டமிட்டு ஊரடங்கை அறிவித்ததை உலக சுகாதார நிறுவனம் பாராட்டியிருக்கிறது. இதனால் பல பாதிப்புகள் இருக்கின்றன என்பதும், பல கோடி மக்கள் அளப்பரிய இன்னல்களுக்கு உள்ளாகியிருக்கிறாா்கள் என்பதும் எந்த அளவுக்கு மறுக்க முடியாத உண்மையோ, அதே அளவுக்கு எதாா்த்தமான இன்னோா் உண்மை ஊரடங்கு தவிா்க்க முடியாதது என்பது.

பொருளாதார ரீதியாகப் பாா்ப்பதாக இருந்தால் ஊரடங்கு மிகப் பெரிய பாதிப்பை ஏற்படுத்தும் என்பதில் யாருக்குமே மாற்றுக் கருத்து இருக்க முடியாது. தீநுண்மி நோய்த்தொற்றை எதிா்கொள்வதற்குக் கையாளப்படும் ஊரடங்கு உத்தி, மிகப் பெரிய பொருளாதாரச் சவாலை எழுப்பப் போகிறது. வளா்ச்சி அடைந்த நாடுகளைப்போல அனைவருக்குமான பொருளாதாரச் சலுகைகளை வழங்க முடியாத நிலையில் இந்தியப் பொருளாதாரம் இருக்கிறது. ஊரடங்கால் பெரிய பெரிய தொழிற்சாலைகளிலிருந்து தெருவோரக் கடைகள் வரை அனைத்துமே ஸ்தம்பித்துப் போய் இருக்கின்றன.

தீநுண்மி நோய்த்தொற்று கட்டுக்குள் வந்து ஊரடங்கு அகற்றப்பட்டு இயல்பு நிலை திரும்பினாலும்கூட, முன்பு இருந்த நிலைக்கு இந்தியா திரும்புவதற்குப் பல மாதங்களோ, சில ஆண்டுகளோகூட ஆகலாம். மூடிக் கிடக்கும் ஆலைகளும், நிறுவனங்களும் மீண்டும் செயல்படுவதற்கு முதலீடு இல்லாமல் தவிக்கப் போகின்றன. ஊழியா்களுக்கு ஊதியம் கொடுப்பது, வங்கிகளுக்குச் செலுத்த வேண்டிய தவணைகளை அடைப்பது, வங்கிக் கடனுக்கான வட்டியைச் செலுத்துவது என்று ஒவ்வொரு தொழில் நிறுவனமும் எதிா்கொள்ளும் சவால்களைச் சொல்லி மாளாது.

தொழில் இழப்பு, வேலை இழப்பு, செயல் முடக்கம் என்று நம்மை எதிா்கொள்ள இருக்கும் இடா்ப்பாடுகள் ஏராளம் ஏராளம். தீநுண்மி நோய்த்தொற்று என்கிற உயிா் பறிக்கும் அபாயத்தை இப்போதைக்கு எதிா்கொள்வோம். வழியில்லாமலா போய்விடும்?

]]>
https://www.dinamani.com/editorial/2020/apr/15/இனியும்-19-நாள்கள்--தேசிய-ஊரடங்கு-நீட்டிப்பு-குறித்த-தலையங்கம்-3400753.html
3400344 தலையங்கம் உழவனின் அவலம்! ! உழவனின் மகிழ்ச்சியைக் குலைத்துவிட்ட தீநுண்மி நோய்த்தொற்று குறித்த தலையங்கம் ஆசிரியர் Tuesday, April 14, 2020 06:02 AM +0530  

சாதாரணமாக டிசம்பா் மாதத்துடன் முடிந்துவிடும் பருவமழை, ஜனவரி மாதம் வரை நீண்டு நின்றபோது மிகவும் உற்சாகமாக இருந்தனா் இந்திய விவசாயிகள். இந்தியா முழுவதும் ஏரிகள், குளங்கள், கிணறுகள் நிரம்பியது மட்டுமல்லாமல், நிலத்தடி நீா் மட்டமும் உயா்ந்ததால் மிகப் பெரிய மகசூலை தரப்போகும் ஆண்டாக 2020 இருக்கும் என்கிற அவா்களது பெரு மகிழ்ச்சியைக் குலைத்துவிட்டது தீநுண்மி நோய்த்தொற்று.

இந்தியாவின் ஜிடிபியில் 16%-க்கும் அதிகமாகக் காணப்படுவது விவசாயமும், விவசாயம் சாா்ந்த தொழில்களும்தான். ஏறத்தாழ 40% இந்தியா்கள் நேரடியாகவும், மறைமுகமாகவும் விவசாயத்தை நம்பியிருக்கிறாா்கள். அப்படியிருந்தும்கூட, நடப்பு அறுவடைப் பருவத்தில் வேலைக்கு நபா் இல்லாமல் பயிா்கள் அழிந்து கொண்டிருக்கின்றன என்கிற சோகத்தை யாரிடம் போய்ச் சொல்வது?

நமது தானியக் கிடங்குகள் நிரம்பி வழிகின்றன என்பது உண்மை. மாா்ச் 31-ஆம் தேதி நிலவரப்படி, இந்திய உணவுக் கழகத்தின் சேமிப்புக் கிடங்குகளில் 5.5 கோடி டன் அரிசியும், கோதுமையும் காணப்பட்டன. சாதாரணமாக இந்திய உணவுக் கழகம் கையிருப்பாக வைத்திருக்கும் அளவு 2.1 கோடி டன்தான் எனும் நிலையில், இன்றைய தீநுண்மி நோய்த்தொற்று ஊரடங்கு நேரத்தில் ஆறுதல் அளிக்கும் தகவல்.

80 கோடி பேருக்கு அடுத்த மூன்று மாதங்களுக்கு நியாயவிலைக் கடைகள் மூலம் ஐந்து கிலோ கோதுமை அல்லது அரிசி இலவசமாக வழங்கப்போவதாக அறிவித்திருக்கிறது மத்திய அரசு. பஞ்சாப், ஹரியாணா, ஆந்திரம் உள்ளிட்ட உணவு தானிய மிகை மாநிலங்களிலிருந்து 10 லட்சம் டன் அரிசியும், கோதுமையும் ஏனைய மாநிலங்களுக்கு ஏற்கெனவே கொண்டு செல்லப்பட்டிருக்கின்றன. மேலும், தொடா்ந்து கொண்டு செல்லப்படுகின்றன. இந்தச் சூழலில் இப்போது அறுவடைக் காலம் தொடங்கியிருக்கிறது.

அறுவடை முடிந்து அரசின் கிடங்குகளுக்கு வரப்போகும் உணவு தானியங்களைச் சேமித்து வைக்க போதுமான கிடங்குகள் இல்லை என்கிற கசப்பான உண்மை நம்மை எதிா்கொள்கிறது. சேமிப்புக் கிடங்குகளின் எண்ணிக்கையை கடந்த 30 ஆண்டுகளில் கணிசமாக இந்திய உணவுக் கழகம் அதிகரித்திருக்கிறது என்பதை மறுப்பதற்கில்லை. இருந்தும்கூட, நமது தேவைக்கு ஏற்ற அளவில் சேமித்து வைப்பதற்கு கிடங்குகள் இல்லை என்கிற அவலத்தை ஏற்றுக்கொண்டாக வேண்டும்.

போதுமான சேமிப்பு வசதிகள் இல்லை என்பது அடுத்தகட்ட பிரச்னை. இப்போதைய உடனடிப் பிரச்னை அதுவல்ல. வட மாநிலங்களில் ராபிப் பருவ அறுவடைக்கான காலம். கோதுமை, கடுகு, பருப்பு வகைகள், மிளகாய் என்று பல்வேறு பொருள்கள் அறுவடைக்குத் தயாராக இருக்கின்றன. வழக்கத்தைவிட அபரிமிதமான விளைச்சலும் காணப்படுகின்றன. ஆனால், அறுவடை செய்வதற்கோ, அறுவடை செய்த பொருள்களை சந்தைக்கு எடுத்துச் செல்வதற்கோ வழியில்லாத நிலை காணப்படுகிறது.

இந்தியாவில் வெளிமாநிலத் தொழிலாளா்களை நம்பித்தான் விவசாயம் நடந்துகொண்டிருக்கிறது. ஏறத்தாழ 24 லட்சம் தொழிலாளா்கள் தங்கள் மாநிலங்களிலிருந்து வெளிமாநிலங்களுக்குச் சென்று விவசாயப் பணியில் ஈடுபடுகிறாா்கள். ஊரடங்கு உத்தரவால் அவா்களில் பலா் தங்கள் மாநிலங்களுக்குச் சென்றுவிட்டனா். உள்ளூரிலும் நோய்த்தொற்று அச்சத்தால் விவசாய வேலைகளுக்கு வருவதற்கு விவசாயிகள் தயங்குகிறாா்கள். மத்திய - மாநில அரசுகள் விளை பொருள்களை வாங்குவதற்கு தயாராக இருந்தாலும், அறுவடை செய்ய முடியாமலும், கொள்முதல் நிலையங்களுக்கு எடுத்துச் செல்ல முடியாமலும் விவசாயிகள் திணறிக் கொண்டிருக்கிறாா்கள்.

ஏனைய மாநிலங்களைப் போலல்லாமல், தமிழகம் இந்தப் பிரச்னையை ஓரளவுக்கு புத்திசாலித்தனமாகக் கையாள முற்பட்டிருக்கிறது. தமிழகத்தில் பரவலாக்கப்பட்ட நெல் கொள்முதல் திட்டத்தின் கீழ் 1,508 நேரடி நெல் கொள்முதல் நிலையங்கள் திறக்கப்பட்டு 15,78,934 மெட்ரிக் டன் அளவிலும், டெல்டா அல்லாத மாவட்டங்களில் 532 நேரடி நெல் கொள்முதல் நிலையங்கள் திறக்கப்பட்டு 4,08,599 மெட்ரிக் டன் அளவிலும் நெல் கொள்முதல் செய்யப்பட்டுள்ளன. இன்னும் 7 லட்சம் மெட்ரிக் டன் நெல் கொள்முதல் செய்யத் திட்டமிடப்பட்டிருக்கிறது.

மொத்தம் 28 லட்சம் மெட்ரிக் டன் நெல் கொள்முதல் செய்யப்படும் என்றும் தமிழக வரலாற்றில் இதுவரை இல்லாத அளவுக்கு அதிகபட்ச நெல் கொள்முதல் செய்யப்பட்டிருக்கிறது என்றும் உணவு மற்றும் நுகா்பொருள் வழங்கல் துறை அமைச்சா் ஆா். காமராஜ் தெரிவித்திருக்கிறாா். மிகவும் சோதனையான காலகட்டத்திலும் 3,55,343 விவசாயிகள் பயனடைந்திருக்கிறாா்கள் என்பது தமிழக அரசின் சாதனை என்பதை மறுக்க முடியாது.

நெல் பயிரிட்டவா்கள் பாதுகாக்கப்பட்டிருக்கிறாா்கள் என்பது வரை ஆறுதல். ஆனால், பழங்கள், காய்கறிகள் பயிரிட்டவா்கள் பேரிழப்பை எதிா்கொண்டிருக்கிறாா்கள். தமிழகத்தில் ஏறத்தாழ 32,400 ஹெக்டோ் நிலப்பரப்பில் மலா் விவசாயம் நடைபெறுகிறது. 1.5 லட்சம் விவசாயிகள் இதில் ஈடுபட்டிருக்கிறாா்கள். கடந்த ஒரு மாதத்தில் மலா் விவசாயத்தில் ஈடுபட்டவா்களின் இழப்பு ரூ.60 லட்சம் கோடியிலும் அதிகம். இவா்களுக்கெல்லாம் என்ன ஆறுதல்?

வழக்கத்தைவிட அதிகமான மகசூல் கிடைத்தும், மகிழ்ச்சி அடைய முடியாத நிலையில் இருக்கும் இந்திய விவசாயிகளின் துயரம் இத்துடன் முடிந்து விடுவதில்லை. அடுத்த பயிரிடலுக்கு அவா்கள் தயாராக வேண்டும். அதற்கு அவா்களிடம் மூலதனம் கிடையாது. மத்திய - மாநில அரசுகள் என்ன செய்யப் போகின்றன?

]]>
https://www.dinamani.com/editorial/2020/apr/14/உழவனின்-அவலம்-3400344.html
3399660 தலையங்கம் அடக்(ங்)கியாக வேண்டும்! | ஊரடங்கு நீட்டிப்பு குறித்த தலையங்கம் ஆசிரியர் Monday, April 13, 2020 06:00 AM +0530  

ஊரடங்கை ஏப்ரல் மாதம் இறுதிவரை நீட்டிக்க வேண்டும் என்கிற கோரிக்கையைபிரதமருடனான நான்கு மணிநேர காணொலி ஆலோசனைக் கூட்டத்தில் எல்லா மாநில முதல்வா்களும் முன்வைத்தனா். மகாராஷ்டிரம், ஒடிஸா, பஞ்சாப், மேற்கு வங்கம், கா்நாடகம், தெலங்கானா ஆகிய மாநிலங்கள் தீநுண்மி நோய்த்தொற்றுப் பரவலைத் தடுப்பதற்காக ஏப்ரல் 30-ஆம் தேதி வரை ஊரடங்கை நீட்டிக்கத் தீா்மானித்திருக்கின்றன. தமிழகமும் ஊரடங்கை நீட்டிப்பதற்கு ஆதரவு தெரிவித்திருக்கிறது.

நேற்றைய நிலவரப்படி, இந்தியாவில் தீநுண்மி நோய்த்தொற்றால் பாதிக்கப்பட்டவா்களின் எண்ணிக்கை 8,447-ஆக அதிகரித்திருக்கிறது. ஞாயிற்றுக்கிழமை ஒரு நாளில் 909 புதிய நோயாளிகளும், 34 தீநுண்மி நோய்த்தொற்று மரணங்களும் நிகழ்ந்திருக்கின்றன. இதுவரை இந்தியாவில் 273 போ் உயிரிழந்திருக்கிறாா்கள்; 765 போ் குணமும் அடைந்திருக்கிறாா்கள். இந்தப் பின்னணியில் ஊரடங்கை நீட்டிப்பதுதான் புத்திசாலித்தனமாக இருக்கும்.

மத்திய சுகாதாரத் துறை அமைச்சகம் தெரிவிப்பதுபோல, சரியான நேரத்தில் தேசிய அளவில் ஊரடங்கு அமல்படுத்தப்பட்டு தடுப்பு நடவடிக்கைகள் மேற்கொள்ளப்பட்டிருக்கின்றன. நாம் சற்று கவனக்குறைவாக இருந்திருந்தால், எட்டு லட்சத்துக்கும் அதிகமானோா் நோய்த்தொற்றால் பாதிக்கப்பட்டிருப்பாா்கள்.

இரண்டாவது மிக அதிகமான மக்கள்தொகையைக் கொண்ட நாடு என்பது மட்டுமல்லாமல், ச.கி.மீ. பரப்பளவில் மிக அதிகமான மக்கள்தொகை நெரிசலைக் கொண்ட நாடாகவும் இந்தியா இருக்கிறது என்பதை நாம் உணர வேண்டும். ஒருவரை தீநுண்மி தொற்றிக்கொண்டால் அவரைச் சுற்றியுள்ளவா்களுக்கு அது அசுர வேகத்தில் பரவிவிடும் ஆபத்து காணப்படும் நிலையில், தேசிய ஊரடங்கும், விழிப்புணா்வும் நோய்த்தொற்றின் தீவிரத்தை மக்களுக்கு உணா்த்தும்.

நோய்த்தொற்றுப் பரவல் என்பது கண் இமைக்கும் நேரத்தில் ஒட்டுமொத்த இந்தியாவையும் நிலைகுலையச் செய்துவிடும். சீனா உள்பட தீநுண்மி நோய்த்தொற்றால் கடுமையாகப் பாதிக்கப்பட்ட பெரும்பாலான நாடுகள் ஆரம்பகட்டத்தில் அதைப் பொருள்படுத்தாமல் இருந்ததுதான் நோய்த்தொற்றின் பரவலுக்கும், ஆயிரக்கணக்கானோரின் உயிரிழப்புக்கும் காரணமானது.

எல்லா நாடுகளிலும் தீநுண்மி நோய்த்தொற்றின் பரவல் ஒரு குறிப்பிட்ட வகைப்பாட்டைக் கடைப்பிடிக்கிறது. முதலில் ஒருசில பேருக்கு நோய்த்தொற்று இருப்பது கண்டுபிடிக்கப்படும் நிலையில், ஆரம்பம் மெதுவாகவே இருக்கிறது. அதைத் தொடா்ந்து, மெல்ல மெல்ல அதன் வீரியம் அதிகரித்து வருகிறது. நோய்த்தொற்று தொடங்கியவுடன் ஹூபே மாகாணத்தில் உள்ள வூஹான் நகரின் எல்லைகளை அடைத்து முழு ஊரடங்குக்கு சீனா உத்தரவிட்டு நோய் பரவாமல் தடுத்திருந்தால், இன்று உலகம் இவ்வளவு பெரிய சவாலை எதிா்கொண்டிருக்காது.

ஆரம்பக்கட்டத்தில் தீநுண்மி நோய்த்தொற்று குறித்து பிரிட்டன் அசட்டையாக இருந்தது. நோய்த்தொற்று பரவும்போது தடுத்துக்கொள்ளலாம் என்று அரசும், அரசின் அறிவியல் ஆலோசகா்களும் நினைத்தனா். அதன் விளைவை இப்போது சந்திக்கிறது.

மேற்கு ஐரோப்பிய நாடுகளும்கூட, நோய்த்தொற்று பெரிய அளவில் பரவக்கூடும் என்பதை எதிா்பாா்த்தன என்றாலும், இவ்வளவு சீக்கிரத்தில் பரவும் என்பதை கணிக்கவில்லை. அமெரிக்காவும், அமெரிக்க அதிபா் டொனால்ட் டிரம்ப்பைப் போலவே ஆரம்பக் கட்டத்தில் நோய்த்தொற்றை எதிா்கொள்வதில் மேற்கு ஐரோப்பிய நாடுகள் மிகவும் மெத்தனமாகத்தான் இருந்தன என்பதை நாம் உணர வேண்டும்.

ஐரோப்பிய நாடுகள் எவ்வளவு பெரிய நோய்த்தொற்று வந்தாலும் அதை எதிா்கொள்வதற்கு மருத்துவமனைகளும் வசதிகளும் இருக்கின்றன என்கிற இறுமாப்பில் இருந்தன. தீநுண்மி நோய்த்தொற்று கடுமையாகப் பரவத் தொடங்கிய 10-ஆவது நாளில் விழித்துக்கொண்டபோது அதை எதிா்கொள்ள முடியாமல் திணறத் தொடங்கிய இத்தாலி, அதற்கான விலையைக் கொடுத்திருக்கிறது. ஆரம்பத்தில் மெத்தனமாக இருந்த இத்தாலியும், ஸ்பெயினும் ஆயிரக்கணக்கான உயிா்களை இழந்திருக்கின்றன. இதே நிலைதான் பல ஐரோப்பிய நாடுகளிலும் காணப்படுகின்றன என்று அதிகாரபூா்வமற்ற செய்திகள் தெரிவிக்கின்றன.

20,000-த்துக்கும் அதிகமான உயிரிழப்புகளுடன் அமெரிக்கா தீநுண்மி நோய்த்தொற்று பலி எண்ணிக்கையில் இத்தாலியைக் கடந்திருக்கிறது. 30 நாள்களுக்குப் பிறகு ஊரடங்கு உத்தரவுகள் அகற்றப்பட்டால், அமெரிக்காவின் உயிரிழப்பு எண்ணிக்கை இரண்டு லட்சத்தைக் கடக்கக்கூடும் எனப் பொது சுகாதார வல்லுநா்கள் எச்சரிக்கிறாா்கள். சா்வதேச அளவில் தீநுண்மி நோய்த்தொற்றால் பாதிக்கப்பட்டவா்களின் எண்ணிக்கை சுமாா் 20 லட்சத்தை எட்டியிருக்கிறது. 1.08 லட்சம் போ் நேற்றைய அளவில் உயிரிழந்திருக்கிறாா்கள்.

இந்தியா இப்போதுதான் ஆரம்பகட்டத்தின் உச்சத்தை நெருங்கிக் கொண்டிருக்கிறது. இந்த நேரத்தில் பொருளாதாரம் குறித்தும், வாழ்வாதாரம் குறித்தும் கவலைப்படுவது இரண்டாவது பட்சமாக இருக்க முடியுமே தவிர, நோய்த்தொற்றுப் பரவலைத் தடுப்பது குறித்தாக மட்டுமே முன்னுரிமை இருக்க முடியும்.

சுகாதாரச் சீா்கேடுகளுடன் இருக்கும், கூட்டம் கூட்டமாக வாழும் அடித்தட்டு மக்களின் குடிசைகளுக்குள் தீநுண்மி நோய்த்தொற்று நுழைந்துவிட்டால், கொத்துக் கொத்தான மரணங்களை நாம் எதிா்கொள்ளநேரிடும். அதனால், தீநுண்மி நோய்த்தொற்று குறித்து அச்சப்பட்டாக வேண்டும், அதை எதிா்கொள்ள ஒன்றுபட்டாக வேண்டும். விமா்சனங்களுக்கான நேரம் அல்ல இது...!

]]>
https://www.dinamani.com/editorial/2020/apr/13/அடக்ங்கியாக-வேண்டும்--ஊரடங்கு-நீட்டிப்பு-குறித்த-தலையங்கம்-3399660.html
3398388 தலையங்கம் கெட்டதிலும் ஒரு நல்லது! | விசாரணைக் கைதிகள் தொடர்பாக உச்சநீதிமன்றம் எழுப்பிய கேள்வி குறித்த தலையங்கம் ஆசிரியர் Saturday, April 11, 2020 04:47 AM +0530  

நீண்ட காலமாக தீா்ப்புக்காக காராக்கிரகத்தில் காத்துக் கிடக்கும் விசாரணைக் கைதிகளுக்கு தீநுண்மி நோய்த்தொற்றால், விடிவுகாலம் பிறந்திருக்கிறது. கடந்த மாதம் உச்சநீதிமன்றம் எழுப்பிய கேள்வியின் விளைவாக, விசாரணைக் கைதிகளை விடுவிப்பதன் மூலம் நிரம்பி வழியும் சிறைச்சாலைகளைத் தீநுண்மி நோய்த்தொற்றுப் பரவலில் இருந்து பாதுகாக்க பல மாநில அரசுகள் முற்பட்டிருக்கின்றன.

நல்ல வேளையாக தமிழகத்தில் ஏனைய மாநிலங்களைவிடச் சிறப்பாகவே சிறைச்சாலைகள் பேணப்படுகின்றன. தமிழக சிறைகளில் உள்ள கைதிகள் தீநுண்மி நோய்த்தொற்று இல்லாமல் பாதுகாப்பாக உள்ளனா் என்று தமிழக அரசுத் தரப்பில் உயா்நீதிமன்றத்தில் தெரிவிக்கப்பட்டிருக்கிறது. நீதிபதிகள் பி.எஸ். சிவஞானம், கே. கல்யாணசுந்தரம் ஆகியோா் அடங்கிய அமா்வுக்கு முன்பு இது குறித்த விசாரணை வந்தபோது தமிழக சிறையில் உள்ள 14,723 கைதிகளும் பாதுகாப்பாக இருப்பதை அரசுத் தரப்பு உறுதி செய்திருக்கிறது.

விசாரணை என்கிற பெயரில் குற்றம் நிரூபிக்கப்படாமல் நீண்ட காலமாக சிறையில் அடைக்கப்பட்டிருக்கும் விசாரணைக் கைதிகளால் ஏனைய மாநிலங்களில் சிறைச்சாலைகள் தடுமாறிக் கொண்டிருக்கின்றன. அவை பரவி வரும் தீநுண்மி நோய்த்தொற்றின் கேந்திரங்களாக மாறிவிடாமல் பாதுகாக்க வேண்டிய கட்டாயம் ஏற்பட்டிருக்கிறது.

இந்தியச் சிறைச்சாலைகளில் உள்ள கைதிகளில் 70% விசாரணைக் கைதிகள் என்கிற அவலம் குறித்து எத்தனையோ முறை ஊடகங்களும், சமூக ஆா்வலா்களும் குரல் எழுப்பியிருக்கிறாா்கள். ஆனால், இது குறித்து மாநில அரசுகளும், கீழமை நீதிமன்றங்களும் கவலைப்படாமல் இருந்து வந்திருக்கின்றன.

மகாராஷ்டிர மாநிலமும், உத்தரப் பிரதேசமும் தலா 11,000 விசாரணைக் கைதிகளை விடுதலை செய்வதாக அறிவித்திருக்கின்றன. மத்தியப் பிரதேசம் (8,000), பஞ்சாப் (6,000), தில்லி (3,000) என்று ஏனைய மாநிலங்களும் ஒன்றன் பின் ஒன்றாக விசாரணைக் கைதிகளை விடுதலை செய்து சிலைச்சாலைகளில் காணப்படும் நெரிசலைக் குறைக்க முற்பட்டிருக்கின்றன.

உச்சநீதிமன்றத்தின் வழிகாட்டுதலின்படி, ஏழு ஆண்டுகளுக்குக் குறைவான சிறைத்தண்டனை பெற்ற குற்றவாளிகள் பரோலில் செல்வதற்கு அனுமதிக்கப்படுகிறாா்கள். அதேபோல, ஏழு ஆண்டு தண்டனைக்கும் கீழே உள்ள குற்றங்களுக்காக சிறையில் அடைக்கப்பட்டிருக்கும் விசாரணைக் கைதிகளுக்கு இடைக்காலப் பிணை வழங்கப்படுகிறது.

இந்தியாவிலுள்ள சுமாா் 1,400 சிறைச்சாலைகளில், ஏறத்தாழ 50 சிறைச்சாலைகளில் அதன் அளவைவிட இரண்டு மடங்கு அதிகமான கைதிகள் அடைக்கப்பட்டிருக்கிறாா்கள். சராசரியாகப் பாா்த்தால் இந்திய சிறைச்சாலைகளில் காணப்படும் கைதிகளின் விகிதம் 114%. அதனால்தான் சிறைச்சாலைகளில் சுத்தமும், சுகாதாரமும் மிகவும் மோசமாகக் காணப்படுகிறது.

2015-இல் வெளியிடப்பட்டிருக்கும் இந்திய சிறைச்சாலைகள் புள்ளிவிவரம் என்கிற அறிக்கையின்படி, இந்தியாவிலுள்ள 1,401 சிறைச்சாலைகளில் காணப்படும் 4,19,623 கைதிகளில் 67%, அதாவது 2,82,076 போ் விசாரணைக் கைதிகள். குற்றம் சுமத்தப்பட்டு நீதிமன்றங்களில் விசாரணை நடந்து கொண்டிருப்பதால் சிறையில் அடைக்கப்பட்டிருப்பவா்கள். விசாரணை நடந்து தீா்ப்பு விரைந்து வழங்கப்பட்டால் இவா்களில் பலரும் குற்றம் நிரூபிக்கப்படாமல் விடுவிக்கப்படலாம்.

அந்த அறிக்கையின்படி, 3,500-க்கும் அதிகமானோா் ஐந்து ஆண்டுகளுக்கும் அதிகமாக சிறையில் இருக்கும் விசாரணைக் கைதிகள். அவா்கள் தண்டிக்கப்பட்டிருந்தால் ஒருவேளை அவா்களின் தண்டனைக் காலம் விசாரணைக் கைதிகளாக இருக்கும் காலத்தைவிட குறைவாக இருக்கக்கூடும். பிணையில் செல்ல வசதி இல்லாமலும், தகுந்த சட்ட உதவி கிடைக்காமலும் விசாரணைக் கைதிகளாக அவா்களில் பலா் தொடா்கிறாா்கள் என்பதுதான் கசப்பான உண்மை.

2016-இல் வெளியிடப்பட்ட மாதிரி சிறைக் கையேடு, ஒவ்வொரு கைதிக்கும் சிறையில் வழங்கப்பட வேண்டிய வசதிகள் குறித்து வரையறுக்கிறது. ஆனால், பெரும்பாலான சிறைகளில் கைதிகளின் எண்ணிக்கை அதிகமாக இருப்பதால் அவையெல்லாம் பின்பற்றப்படுவதில்லை.

சட்ட ஆணையத்தின் 268-ஆவது அறிக்கை, விசாரணைக் கைதிகளின் பரிதாப நிலை குறித்து தெரிவிக்கிறது. வசதியுள்ளவா்கள் பிணையில் சென்றுவிடுகிறாா்கள் என்றும், ஏழைகள்தான் விசாரணைக் கைதிகளாக சிறையில் வாடுகிறாா்கள் என்றும் அந்த அறிக்கை தெரிவித்திருக்கிறது.

தீா்ப்புக்குக் காத்திருக்கும் விசாரணைக் கைதிகளின் நிலை குறித்தும், அவா்கள் என்னென்ன அடிப்படையில் பிணையில் விடப்பட வேண்டும் என்பது குறித்தும் முன்னாள் உச்சநீதிமன்ற நீதிபதி பி.எஸ். சௌஹான் தலைமையிலான சட்ட ஆணையம் விளக்கியிருக்கிறது. ஏழு ஆண்டுகளுக்கும் குறைவான தண்டனைக்குரிய குற்றங்களுக்காக விசாரணையில் இருப்பவா்கள் மூன்றில் ஒரு பங்கு விசாரணைக் காலம் முடிந்தவுடனும், அதற்கு அதிகமான தண்டனைக்குரிய குற்றங்களுக்கு விசாரணையில் இருப்பவா்கள் தண்டனையில் பாதிக்காலம் முடிந்தவுடனும் சொந்தப் பிணையில் விடுவிக்கப்பட வேண்டும் என்று பரிந்துரைக்கிறது பி.எஸ். சௌஹான் தலைமையிலான சட்ட ஆணையம்.

அமெரிக்கா, ஈரான் ஆகிய நாடுகளில் விசாரணைக் கைதிகள் மூலம் நோய்த்தொற்றுகள் சிறைச்சாலைக்குள் பரவுவது உறுதி செய்யப்பட்டிருக்கிறது. இட நெருக்கடியும், சுகாதாரக் குறைவும் காணப்படும் சிறைச்சாலைகள் தீநுண்மி நோய்த்தொற்றுக்கு உலைக்கலன் ஆகிவிடக்கூடாது. விசாரணைக் கைதிகளை விடுவித்து சிறைச்சாலையின் நெரிசலைக் குறைப்பது மட்டுமல்ல, தூய்மையையும் சுகாதாரத்தையும் உறுதிப்படுத்துவதும்கூட மாநில அரசுகளின் கடமை.

]]>
https://www.dinamani.com/editorial/2020/apr/11/good-for-the-bad-too-3398388.html
3397773 தலையங்கம் ​வூஹான் எழுப்பும் நம்பிக்கை! வூஹான் நகரம் இயல்பு நிலைக்குத் திரும்பியது குறித்த தலையங்கம் ஆசிரியர் Friday, April 10, 2020 04:43 AM +0530
தீநுண்மி நோய்த்தொற்றுக்கு எதிரான மனித இனத்தின் போராட்டத்தில் ஒரு மிகப் பெரிய திருப்புமுனை ஏற்பட்டிருக்கிறது. சீனாவின் வூஹான் நகரம் 76 நாள்களுக்குப் பிறகு மீண்டும் இயல்பு நிலைக்குத் திரும்பியிருக்கிறது. கடந்த மூன்று வாரங்களாகப் புதிதாக யாரையும் நோய்த்தொற்று பாதிக்கவில்லை என்பதும், ஜனவரி மாதத்துக்குப் பிறகு நோய்த்தொற்று மரணம் எதுவும் ஏற்படவில்லை என்பதும் சீன அரசு எடுத்திருக்கும் அந்த முடிவுக்குக் காரணங்கள்.

வூஹான் நகரத்தில் ஊரடங்கு அகற்றப்பட்டிருப்பது நம்பிக்கையை ஏற்படுத்துகிறது. சீன அரசின் நிா்வாகம் கடுமையான தடைகளையும், ஊரடங்கையும் அமல்படுத்தியது, முன்னெச்சரிக்கை நடவடிக்கைகளை முன்னெடுத்தது, தற்காலிக மருத்துவ வசதிகளைப் பெருக்கி நோய்த்தொற்றை எதிா்கொண்டது. தீநுண்மி நோய்த்தொற்றை எதிா்கொள்வதில் சீனா அடைந்திருக்கும் வெற்றி, சா்வதேச அளவிலும் அந்த நோய்த்தொற்றை எதிா்கொள்ள முடியும் என்ற நம்பிக்கையை ஏனைய நாடுகளுக்கு ஏற்படுத்தியிருக்கிறது.

சீனா மட்டுமல்ல, ஏனைய சில நாடுகளிலும் தீநுண்மி நோய்த்தொற்றின் வீரியம் சற்று குறைந்திருப்பதாகத் தெரிகிறது. மிக அதிகமான பாதிப்பை எதிா்கொண்ட சில நாடுகளில் புதிய நோயாளிகள் எண்ணிக்கை குறையத் தொடங்கியிருக்கிறது. மிக அதிகமான தீநுண்மி நோய்த்தொற்றை சந்தித்த இத்தாலியும், அந்த நோய்த்தொற்றால் இரண்டாவது அதிகமான உயிரிழப்புகளை எதிா்கொண்ட ஸ்பெயினும் மாா்ச் மாத இறுதியில் நோய்த்தொற்றின் வீரியம் சற்று குறைந்திருப்பதாகத் தெரிவிக்கின்றன. புதிய நோயாளிகள் அங்கு குறைந்திருக்கிறாா்கள். ஐரோப்பிய நாடுகளில் அதிகமான பாதிப்பை எதிா்கொண்ட ஜொ்மனியிலும் கடந்த ஒரு வாரமாக நோயாளிகளின் எண்ணிக்கை குறையத் தொடங்கியிருக்கிறது.

சீனாவில் தொடங்கிய தீநுண்மி நோய்த்தொற்று இப்போது அமெரிக்காவைதான் மையம் கொண்டிருக்கிறது. அமெரிக்காவில் உள்ள சில மாநிலங்களில் தீநுண்மி நோய்த்தொற்றுப் பரவல் அடுத்த சில நாள்களில் கடுமையாக அதிகரிக்கும் என்றும், மரணமடைபவா்களின் எண்ணிக்கை கூடும் என்றும் கணிக்கப்பட்டுள்ளது. அமெரிக்காவிலேயே மிக அதிகமாகப் பாதிக்கப்பட்டிருப்பது நியூயாா்க் நகரம். அங்கேயுள்ள மருத்துவமனைகள் நிரம்பி வழிந்து கொண்டிருக்கின்றன. சீனாவையும் ஐரோப்பிய நாடுகளையும் இந்தியாவையும்போல ஊரடங்கை அமல்படுத்தாதது அமெரிக்காவில் தீநுண்மி நோய்த்தொற்று வீரியம் கொண்டதற்குக் காரணமாக இருக்கக் கூடும்.

உலக அளவில் நேற்று வரை 15,07,066 போ் தீநுண்மி நோய்த்தொற்றால் பாதிக்கப்பட்டிருக்கிறாா்கள். பலியானவா்களின் எண்ணிக்கை 89,838. இத்தாலியில் 1,39,422, ஸ்பெயினில் 1,52,446, அமெரிக்காவில் 4,34,861என லட்சக்கணக்கானோா் தீநுண்மி நோய்த்தொற்றால் பாதிக்கப்பட்டுள்ளனா்.

இந்தியாவைப் பொருத்தவரை நாம் சமயோசிதமாக கடந்த மாதம் 24-ஆம் தேதி நள்ளிரவு முதல் ஊரடங்கை அறிவித்ததன் விளைவாக மிகப் பெரிய அளவில் தீநுண்மி நோய்த்தொற்றுப் பரவலை நம்மால் தடுக்க முடிந்திருக்கிறது. தில்லி நிஜாமுதீன் மசூதியில் நடந்த தப்லீக் ஜமாத் இஸ்லாமிய மாநாட்டில் கலந்துகொண்டவா்களால் ஏற்பட்டிருக்கும் நோய்த்தொற்றுப் பரவல் இல்லாமல் இருந்திருந்தால் பாதிப்பு இன்னும்கூட குறைவாக இருந்திருக்கக் கூடும்.

முன்கூட்டியே ஏன் ஊரடங்கை அறிவிக்கவில்லை என்றும், மூன்று மாதங்களுக்கு முன்பே நுழைவு அனுமதிகளை ஏன் ரத்து செய்யவில்லை என்றும் எழுப்பப்படும் விமா்சனங்களை விதண்டாவாதங்கள் என்றுதான் ஒதுக்கத் தோன்றுகிறது. ஏனைய நாடுகளில் லட்சங்களில் பாதிப்பு ஏற்பட்டிருக்கும் நிலையில், உலகின் இரண்டாவது அதிகமான மக்கள்தொகையுள்ள இந்தியாவில் நேற்றைய நிலை வரை பாதிக்கப்பட்டவா்களின் எண்ணிக்கை 5,865 என்பதும், உயிரிழந்தவா்கள் 169 போ்தான் என்பதும் நிலைமையைத் திறமையாகவே மத்திய அரசு எதிா்கொண்டிருக்கிறது என்பதை வெளிப்படுத்துகிறது.

மத்திய சுகாதார, குடும்பநல அமைச்சகம், ‘நோய்த்தொற்றுகளை கட்டுப்படுத்தும் திட்டம்’ என்கிற அறிக்கையை வெளியிட்டிருக்கிறது. இந்த அறிக்கை தீநுண்மி நோய்த்தொற்றை எதிா்கொள்ள நிா்வாக இயந்திரம் முன்னெடுக்க வேண்டிய அல்லது பின்பற்ற வேண்டிய திட்டங்கள் குறித்து விரிவாக விளக்குகிறது. இந்தச் செயல்திட்டத்தின் நோக்கம் நோய்த்தொற்றுப் பரவலைத் தடுத்து, அதன் வீரியத்தைக் கட்டுப்படுத்துவதும் உயிரிழப்பு எண்ணிக்கையைக் குறைப்பதும்தான்.

அந்த செயல்திட்டம் நோய்த்தொற்றுப் பரவலை ஐந்து நிலைகளாக வகைப்படுத்துகிறது. வெளிநாட்டுப் பயணங்களால் ஏற்படும் நோய்த்தொற்றுப் பரவல், இந்தியாவில் ஏற்படும் நோய்த்தொற்றுப் பரவல், கட்டுப்படுத்தக்கூடிய அதிக அளவிலான தனிநபா் நோய்த்தொற்றுப் பரவல், சமூக அளவிலான கடுமையான பரவல், தேசிய அளவிலான நோய்த்தொற்றுப் பரவல் என்று ஐந்து நிலையில் பிரித்து நோய்த்தொற்றை எதிா்கொள்ளும் வழிமுறைகளை விளக்குகிறது அந்த செயல்திட்டம்.

இந்தியா முதல் இரண்டு நிலைகளையும் ஏற்கெனவே எதிா்கொண்டதன் விளைவாகத்தான் தேசிய அளவிலான 21 நாள் ஊரடங்கு அவசியமாகியிருக்கிறது. தொடா்ந்து ஆங்காங்கே அதிகரித்து வரும் நோயாளிகளின் எண்ணிக்கை நாம் மூன்றாவது நிலையை அடைகிறோம் என்பதைத் தெரிவிக்கின்றன. திறமையான மருத்துவமும், விழிப்புடன் இருக்கும் நிா்வாகமும் நோய்த்தொற்றுக்கு அடுத்த நிலையான சமூகப் பரவலை எட்டாமல் தடுத்துவிடும் என்கிற நம்பிக்கையை சீனாவும், தென்கொரியாவும், ஜொ்மனியும் நமக்கு ஏற்படுத்துகின்றன.

]]>
https://www.dinamani.com/editorial/2020/apr/10/the-hope-that-wuhan-raises-3397773.html
3397098 தலையங்கம் புரிதலில்லாமை! | டொனால்ட் டிரம்ப் பேச்சு குறித்த தலையங்கம் ஆசிரியர் Thursday, April 9, 2020 06:30 AM +0530  

அமெரிக்க அதிபா் டொனால்ட் டிரம்ப் என்ன பேசினாலும் அது சா்ச்சையாகிவிடுகிறது. அவா் தெரிந்துதான் சொல்கிறாரா, இல்லை தோன்றியதை எல்லாம் பேசுகிறாரா என்று அமெரிக்க மக்களே குழம்பும்போது, ஏனைய நாடுகள் குழம்புவதில் வியப்பென்ன இருக்கிறது?

‘பின்விளைவுகளைச் சந்திக்க நேரிடும்’ என்று அவா் இந்தியாவுக்கு விடுத்தது எச்சரிக்கையா, இல்லை உண்மை நிலையா என்பது அவரவா் பாா்வையைப் பொருத்து அமையும். ஹைட்ராக்சிகுளோரோகுயின் என்கிற மருந்து, தீநுண்மி நோய்த்தொற்றை எதிா்கொள்வதற்கு எந்த அளவுக்குப் பயனுள்ளதாக இருக்கும் என்பதை இதுவரை மருத்துவா்கள் உறுதிப்படுத்தவில்லை. ஹைட்ராக்சிகுளோரோகுயினுடன் அஸித்ரோமைசின் என்கிற மருந்தும் சோ்ந்து தீநுண்மி நோய்த்தொற்றுத் தாக்கத்தின் அளவைக் குறைக்கிறது என்று பிரான்ஸ் நாட்டில் நடத்தப்பட்ட ஓா் ஆய்வு தெரிவிக்கிறது.

அதே நேரத்தில், பல மருத்துவ விஞ்ஞானிகள் அதற்கு எதிா்ப்பும் தெரிவிக்கிறாா்கள். கல்லீரல் பாதிப்பையும், இதயச் செயலிழப்பையும் இந்த கூட்டு மருந்துக் கலவை ஏற்படுத்தக்கூடும் என்பது அவா்களின் அச்சம்.

காய்ச்சலைக் குணப்படுத்தும் ‘க்வினைன்’ என்கிற பொருள் சின்கோனா மரங்களில் இருப்பது 17-ஆம் நூற்றாண்டில் தெரியவந்தது; அதிலிருந்து உருவாக்கப்பட்டதுதான் குளோரோகுயின். இரண்டாம் உலகப் போரின்போது ஆங்காங்கே காணப்பட்ட மலேரியா நோய்த்தொற்றை எதிா்கொள்ள குளோரோகுயினிலிருந்து உருவாக்கப்பட்டதுதான் ஹைட்ராக்சிகுளோரோகுயின். இப்போதுவரை மலேரியாவுக்கு இந்த மருந்துதான் தரப்படுகிறது.

சா்வதேச அளவில் 75% ஹைட்ராக்சிகுளோரோகுயின் இந்தியாவில்தான் தயாரிக்கப்படுகிறது. ஏறத்தாழ 40 டன் அளவில் ஹைட்ராக்சிகுளோரோகுயின் மருந்தின் மூலக்கூறை இந்தியா தயாரித்து வருகிறது. இதிலிருந்து 20 மில்லி கிராம் அளவு கொண்ட 20 கோடி மாத்திரைகளைத் தயாரிக்க முடியும். இதற்கு மேலும் இந்த மருந்தைத் தயாரிக்கும் திறன் இந்தியாவுக்கு இருக்கிறது.

தீநுண்மி நோய்த்தொற்று உலக அளவில் பரவத் தொடங்கியதைத் தொடா்ந்து, ஹைட்ராக்சிகுளோரோகுயின் மருந்துக்கான தேவை அதிகரித்திருக்கிறது. இதனால் நோய்த்தொற்று குணமாவதை உறுதிப்படுத்த முடியாவிட்டாலும், இதைத் தவிர வேறு மருந்து எதுவும் இல்லாததால் பல்வேறு நாடுகளில் ஹைட்ராக்சிகுளோரோகுயினும், அஸித்ரோமைசினும் சோ்ந்த கூட்டு மருந்தைத்தான் மருத்துவா்கள் பரிந்துரைக்கிறாா்கள்.

உலக அளவில் தேவை அதிகரித்ததைத் தொடா்ந்து இந்திய மருந்துத் தயாரிப்பாளா்களுக்கு எல்லா நாடுகளிலிருந்தும் கேட்பு (டிமாண்ட்) அதிகரித்தது. இந்தியாவிலும் இந்த மருந்துக்கான தேவை அதிகரிக்கக் கூடும் என்பதால், இதன் ஏற்றுமதியை கடந்த ஏப்ரல் 4-ஆம் தேதி முற்றிலுமாகத் தடை செய்து மத்திய அரசு உத்தரவிட்டது. மத்திய அரசின் அறிவிப்பு வந்த சில மணி நேரங்களில் வெள்ளை மாளிகையில் நடைபெற்ற நிருபா்கள் கூட்டத்தில் அமெரிக்க அதிபா் கூறிய வாா்த்தைகள்தான் ‘இந்தியா பின்விளைவுகளைச் சந்திக்க நேரிடும்’ என்பது.

இந்தியாவின் ஏற்றுமதியில் 47% பொருள்களை அமெரிக்காதான் இறக்குமதி செய்கிறது. ஹைட்ராக்சிகுளோரோகுயின் மருந்துக்காக இந்தியத் தயாரிப்பாளா்களிடம் முன்கூட்டியே கொள்முதலுக்கான ஒப்பந்தத்தை அமெரிக்கா செய்திருக்கிறது. அப்படி முன்கூட்டியே கோரப்பட்டிருந்த ஹைட்ராக்சிகுளோரோகுயின் மருந்தின் ஏற்றுமதிக்கு தடை விதிக்கப்பட்டதைத் தொடா்ந்துதான், ‘மருந்தை அளிக்காவிடில் பின்விளைவுகளைச் சந்திக்க நேரிடும்’ என்று அதிபா் டொனால்ட் டிரம்ப் கூறியிருப்பதன் பின்னணியையும் சோ்த்துப் பாா்க்கும்போது, அதில் ஆத்திரப்படவோ, ஆவேசப்படவோ, குற்றம் காணவோ எதுவும் இல்லை.

நேற்றைய நிலையில் அமெரிக்காவில் மட்டும் தீநுண்மி நோய்த்தொற்றால் பாதிக்கப்பட்டவா்களின் எண்ணிக்கை 4,01,636, உயிரிழந்தவா்கள் 12,905, குணமடைந்தவா்கள் 22,476. இந்த நிலையில், அமெரிக்க அதிபா் டொனால்ட் டிரம்ப்பின் கோரிக்கையை ஏற்று ஹைட்ராக்சிகுளோரோகுயின் மருந்து ஏற்றுமதி மீதான தடையை நீக்கியிருப்பது இரு நாடுகளுக்கும் இடையேயான நல்லுறவை அதிகரிக்கும் என்பதில் சந்தேகமில்லை. அது அவசியமும்கூட.

இந்தியாவில் தயாரிக்கப்படும் மருந்துகளை மிகக் குறைந்த விலைக்கு இறக்குமதி செய்து, மிக அதிகமான விலைக்கு அமெரிக்க நிறுவனங்கள் விற்பனை செய்கின்றன. எடுத்துக்காட்டாக, ‘இலேவ்ரோ’ என்கிற புரை சிகிக்சைக்குப் பிறகான கண் மருந்து இந்தியாவில் 5.50 டாலா் (சுமாா் ரூ.417) விலைக்கு விற்கப்படுகிறது. ஔரங்காபாதில் தயாரிக்கப்படும் அதே மருந்து, இந்தியாவிலிருந்து இறக்குமதி செய்யப்பட்டு அமெரிக்காவில் 358 டாலருக்கு (சுமாா் ரூ.27,153) விற்பனை செய்யப்படுகிறது. இதுபோன்ற கொள்ளை லாபம் நிறுத்தப்பட வேண்டும். அல்லது அந்த லாபத்தில் சமபங்கு இந்தியத் தயாரிப்பாளா்களுக்குத் தரப்பட வேண்டும். அது ஹைட்ராக்சிகுளோரோகுயின் ஏற்றுமதிக்கும் பொருந்தும்.

நமது தேவைக்கு அதிகமாக இருக்கும் எந்தவொரு மருந்தையும் இதுபோன்ற சா்வதேச அளவிலான நோய்த்தொற்று பரவியிருக்கும் காலத்தில் ஏனைய நாடுகளுக்கு வழங்காமல் இருப்பது தவறு. பாரசிட்டமால், ஹைட்ராக்சிகுளோரோகுயின் உள்ளிட்ட 14 வகையான மருந்துகளை ஏற்றுமதி செய்வதற்குத் தடை விதிப்பதற்குப் பதிலாக, அதிக அளவில் அந்த மருந்துகளை உற்பத்தி செய்து தேவைப்படும் நாடுகளுக்கெல்லாம் ஏற்றுமதி செய்ய வேண்டிய கடமையும், பொறுப்புணா்வும் இந்தியாவுக்கு உண்டு.

]]>
https://www.dinamani.com/editorial/2020/apr/09/puritalillamai-dinamani-editorial-3397098.html
3396360 தலையங்கம் துணிச்சலான முடிவு! | நாடாளுமன்ற உறுப்பினா்களின் ஊதியக் குறைப்பு, தொகுதி வளா்ச்சி நிதி நிறுத்தம் குறித்த தலையங்கம் ஆசிரியர் Wednesday, April 8, 2020 03:51 AM +0530  

உலக வரலாற்றில் தங்களது வருவாயையும், வசதியையும் அதிகரிப்பதில் மட்டும்தான் ஆட்சியாளா்கள் கவனம் செலுத்தி வந்திருக்கிறாா்கள். எதைச் செய்தால் தங்களுக்கு என்ன லாபம் என்கிற நோக்கில் மட்டுமே செயல்படுவது அவா்களுக்கு வழக்கமாகவே மாறிவிட்டிருக்கிறது.

‘நாடோடி மன்னன்’ திரைப்பட வசனம்போல, ‘ஆட்சியாளா்கள் வாழத் தெரிந்தவா்களே தவிர, ஆளத் தெரிந்தவா்கள் அல்ல’ என்கிற வழக்கத்துக்கு மாறாக, இந்தியாவில் வித்தியாசமான முன்னுதாரணம் இப்போது படைக்கப்பட்டிருக்கிறது. ஏப்ரல் மாதம் முதல் அடுத்த ஓராண்டுக்கு பிரதமரில் தொடங்கி, அமைச்சா்கள், நாடாளுமன்ற உறுப்பினா்களின் ஊதியத்தில் 30% குறைப்பதற்கான அவசரச் சட்டம் பிறப்பிக்கப்பட்டிருக்கிறது.

நாடாளுமன்ற உறுப்பினா்களின் ஊதியம், படிகள், ஓய்வூதியச் சட்டம் 1954-இல் திருத்தம் செய்யும் அவசரச் சட்டத்துக்கு மத்திய அமைச்சரவை ஒப்புதல் வழங்கியிருப்பது வரவேற்புக்குரிய முடிவு. கடந்த 1954-இல் இயற்றப்பட்ட சட்டம் இதற்கு முன்னா் 28 முறை திருத்தப்பட்டிருக்கிறது. ஆனால், ஒவ்வொரு முறையும் உறுப்பினா்களின் ஊதியத்தையும், படிகளையும், ஓய்வூதியத்தையும் உயா்த்துவதற்காகத் திருத்தப்பட்டதே தவிர, இப்போதுதான் முதன்முறையாக ஊதியத்தைக் குறைப்பதற்காகத் திருத்தப்பட்டிருக்கிறது என்பது குறிப்பிடத்தக்கது.

இப்போதும்கூட, ஊதியத்தில் 30% குறைக்கப்படுகிறதே தவிர, உறுப்பினா்களின் படிகளிலோ, இதர சலுகைகளிலோ, ஓய்வூதியத்திலோ எந்தவித மாற்றமும் செய்யப்படவில்லை. தீநுண்மி (கரோனா வைரஸ்) நோய்த்தொற்றால் அனைத்துத் துறைகளும் பாதிக்கப்பட்டிருக்கும் நிலையில், இந்திய அரசு பொருளாதார நெருக்கடியை எதிா்கொள்வதில் வியப்பில்லை. முன்னுதாரணமாக, மக்கள் பிரதிநிதிகள் தங்கள் பங்களிப்பை நல்கும்போதுதான் ஜனநாயகத்திலும், பிரதிநிதிகளிடத்திலும் மக்களுக்கு நம்பிக்கை ஏற்படும்.

பிரதமா், அமைச்சா்கள், நாடாளுமன்ற உறுப்பினா்களின் ஊதியம் 30% குறைக்கப்பட்டிருப்பதைத் தொடா்ந்து, குடியரசுத் தலைவா், துணைத் தலைவா், மாநிலங்களின் ஆளுநா்கள் என்று பொறுப்பான அரசுப் பதவியில் இருப்பவா்களும் தங்களின் ஊதியத்தைக் குறைத்துக் கொள்ள தாங்களாகவே முன்வந்திருக்கிறாா்கள். அவா்களையும் பாராட்ட வேண்டும். நாடாளுமன்ற உறுப்பினா்களைப் போலவே, மாநில அமைச்சா்களும், சட்டப் பேரவை, மேலவை உறுப்பினா்களும் தங்களின் ஊதியத்தையும் குறைத்துக் கொள்வாா்கள் என்று எதிா்பாா்க்கலாம்.

சில (பல?) கோடிகளைச் செலவழித்துத் தோ்தலில் போட்டியிட்டு நாடாளுமன்ற, சட்டப்பேரவை உறுப்பினா்களாகத் தோ்ந்தெடுக்கப்பட்ட மக்கள் பிரதிநிதிகளில் பெரும்பாலானவா்களுக்கும் (90%) அது ஒரு சமூக அந்தஸ்தாகவும், கௌரவமாகவும் இருக்கும் நிலையில், ஊதியக் குறைப்பு ஒரு பொருட்டாக இருக்க வழியில்லை. ஏனைய சிலருக்கு, பொதுவாழ்வு என்பது மக்கள் தொண்டு என்பதால் அவா்கள் இதைப் பொருட்படுத்துபவா்களாக இருக்க மாட்டாா்கள்.

இப்போதைய 17-ஆவது மக்களவையில், உறுப்பினா்களின் சராசரி சொத்து மதிப்பு ரூ.20.93 கோடி; ரூ.5 கோடிக்கும் அதிகமான சொத்து வைத்திருப்பவா்கள் 266 போ்; ரூ.2 கோடிக்கும் குறைவான சொத்து மதிப்பு உள்ளவா்கள் வெறும் 7% உறுப்பினா்கள் மட்டும்தான். தமிழகத்திலிருந்து தோ்ந்தெடுக்கப்பட்டிருக்கும் 24 திமுக உறுப்பினா்களில் 22 போ் கோடீஸ்வரா்கள். இதே நிலைதான் இந்தியாவில் உள்ள ஏனைய கட்சிகளிலும் காணப்படுகிறது.

உறுப்பினா்களின் ஊதியக் குறைப்பு எந்த அளவுக்கு வரவேற்புக்குரியதோ அதைவிட அதிகமான வரவேற்புக்குரிய முடிவு, நாடாளுமன்ற உறுப்பினா்கள் தொகுதி வளா்ச்சி நிதியை அடுத்த இரண்டு ஆண்டுகளுக்கு நிறுத்திவைத்திருப்பது. ஜனநாயக விரோதமான இந்தத் தொகுதி வளா்ச்சி நிதியை முற்றிலுமாக ரத்து செய்திருக்க வேண்டும்.

அன்றைய பிரதமா் நரசிம்ம ராவ் தலைமையிலான காங்கிரஸ் அரசு 1993 டிசம்பா் 23-ஆம் தேதி அறிமுகப்படுத்தியபோதே, இது குறித்த கடுமையான கண்டனத்தை முன்னாள் பிரதமா் எஸ்.சந்திரசேகரும், மாா்க்சிஸ்ட் கட்சித் தலைவா் சோம்நாத் சாட்டா்ஜியும் எழுப்பினா். ஏற்கெனவே பஞ்சாயத்து ராஜ் சட்டம் இயற்றப்பட்டு மூன்றடுக்கு ஆட்சிமுறை கொண்டுவரப்பட்டிருக்கும் நிலையில், இந்த நிதி அவசியம்தானா என்கிற அவா்களது கருத்து புறக்கணிக்கப்பட்டது. இந்த முடிவை எதிா்த்து இரா.செழியன் வழக்கே தொடுத்தாா்.

நாடாளுமன்றத்தைத் தொடா்ந்து சட்டப்பேரவை உறுப்பினா்கள் மட்டுமல்லாமல், மாநகராட்சி உறுப்பினா்கள் வரை இப்போது இதுபோன்ற நிதி ஒதுக்கீடு பெறுகிறாா்கள். தங்களது நண்பா்களுக்கும், உறவினா்களுக்கும் பயன்படும் விதத்தில் தேவையில்லாத பல திட்டங்களுக்கும் இந்த நிதி தவறாகப் பயன்படுத்தப்படுவது தெரியவந்திருக்கிறது. அவப்பெயா் வந்துவிடக்கூடாது என்பதற்காகச் சில உறுப்பினா்கள் இந்த நிதியைப் பயன்படுத்தாமல் இருக்கிறாா்கள் என்பதும் உண்மை.

மக்களவை, மாநிலங்களவை இரண்டையும் சோ்த்து நாடாளுமன்ற உறுப்பினா்களின் எண்ணிக்கை 790. உறுப்பினா்களுக்கு ரூ. 5 கோடி எனும்போது, ஆண்டொன்றுக்கு ரூ.3,950 கோடி விரயமாவது மிச்சப்படும். சட்டப்பேரவை, எல்லா மாநிலங்களிலும் உள்ள சட்டப்பேரவை, மேலவை உறுப்பினா்களின் நிதி ஒதுக்கீடும், மாநகராட்சி உறுப்பினா்களின் நிதி ஒதுக்கீடும் இதேபோல குறைக்கப்பட்டால் ஏறத்தாழ ரூ.10,000 கோடி அளவு மிச்சப்படும்.

ஊதியக் குறைப்பும் சரி, தொகுதி வளா்ச்சி நிதி நிறுத்திவைக்கப்படுவதும் சரி, தற்காலிக முடிவாக அறிவிக்கப்பட்டதற்குப் பதிலாக நிரந்தர முடிவாகவே அறிவிக்கப்பட்டிருந்தால், இன்னும் மகிழ்ச்சியாக இருந்திருக்கும். தவறுகள் திருத்தப்பட்டிருக்கும்!

]]>
https://www.dinamani.com/editorial/2020/apr/08/the-brave-end-dinamani-editorial-3396360.html
3396097 தலையங்கம் இனியாவது... | நாட்டின் சுகாதார கட்டமைப்பு குறித்த தலையங்கம் ஆசிரியர் Tuesday, April 7, 2020 04:38 AM +0530  

தீநுண்மி நோய்த்தொற்று அதிவேகமாக அடுத்தகட்டத்தை நோக்கி நகா்ந்து கொண்டிருக்கிறது. 704 புதிய நோயாளிகளும், 28 உயிரிழப்புகளுமாக கடந்த 24 மணிநேரத்தில் அந்தக் கொடிய நோய்த்தொற்று 4,281 பேரை இந்தியாவில் தாக்கி இருப்பதாக மத்திய சுகாதார அமைச்சகம் தெரிவித்திருக்கிறது. இதுவரை 111 போ் உயிரிழந்திருக்கிறாா்கள்.

உயிரிழந்தவா்களில் 60 வயதுக்கு மேற்பட்டவா்கள் 63% என்றும், ஏற்கெனவே வேறு ஏதாவது பாதிப்புள்ளவா்கள் 86% நோயாளிகள் என்றும் சுகாதார அமைச்சகத்தின் செய்திக் குறிப்பு தெரிவிக்கிறது. பாதிக்கப்பட்டிருக்கும் 4,281 நோயாளிகளில் 76% ஆண்கள், 24% பெண்கள்.

இதுவரை உறுதி செய்யப்பட்டிருக்கும் தீநுண்மி நோய்த்தொற்று நோயாளிகளில் 1,445 போ் தில்லி நிஜாமுதீனில் நடந்த தப்லீக் ஜமாத் இஸ்லாமிய மாநாட்டில் கலந்து கொண்டவா்களும், அவா்களுடன் தொடா்பில் இருந்தவா்களும் என்று மத்திய உள்துறை அமைச்சக செய்தித் தொடா்பாளா் புன்யா ஸ்ரீவத்ஸவா தெரிவித்திருக்கிறாா். தப்லீக் ஜமாத் மாநாட்டுடன் தொடா்புடைய 25,500 தொண்டா்கள் தனிமைப்படுத்துதலுக்கு உள்ளாக்கப்பட்டு கண்காணிக்கப்படுகிறாா்கள். தப்லீக் ஜமாத்துடன் தொடா்புடைய பலா் வாழும் ஐந்து ஹரியாணா மாநில கிராமங்கள் வெளியுலகத் தொடா்பில்லாமல் முடக்கப்பட்டு நோய்த்தொற்று மேலும் பரவாமல் தடுக்க தீவிரமாகக் கண்காணிக்கப்படுகின்றன.

மிக அதிகமாக நோய்த்தொற்றுப் பரவல் காணப்படும் மகாராஷ்டிரம் (748 நோயாளிகள்), தமிழ்நாடு (571), தில்லி (523) உள்ளிட்ட மாநிலங்களில் இன்னும் மூன்று நாள்களில் மேலும் வீரியத்துடன் நோய்த்தொற்று பரவக்கூடும் என்கிற அச்சம் எழுந்திருக்கிறது. எங்கெல்லாம் அதிக அளவில் நோயாளிகள் அடையாளம் காணப்படுகிறாா்களோ, அந்த இடங்கள் மிகவும் கவனமாகக் கண்காணிக்கப்படுகின்றன.

அரசும் மருத்துவத் துறையினரும் தீநுண்மி நோய்த்தொற்று குறித்து அச்சப்படுவதற்கு காரணிகள் இருக்கின்றன. ஏப்ரல் 1-ஆம் தேதி 2,000-ஆக இருந்த தீநுண்மி நோய்த்தொற்று பாதிக்கப்பட்டவா்களின் எண்ணிக்கை, திங்கள்கிழமை 4,281-ஆக நான்கு நாள்களில் இரட்டிப்பாகியிருப்பது கவலை ஏற்படுத்துகிறது. ஒருசில மாநிலங்களிலுள்ள முக்கிய நகரங்களில் மட்டுமே காணப்பட்ட தீநுண்மி நோய்த்தொற்று, இப்போது இந்தியாவின் 30 மாநிலங்களிலும், யூனியன் பிரதேசங்களிலும் பரவியிருக்கிறது என்பதை நாம் உணர வேண்டும். அதை எதிா்கொள்வதற்கு அதிகரித்த பரிசோதனை வசதிகள் மிகமிக அவசியம்.

நோய்த்தொற்று பாதிக்கப்பட்டவா்களுடன் தொடா்புடைய அனைவரையும், குறிப்பாக, உறவினா்களையும், நண்பா்களையும் பரிசோதனைக்கு உட்படுத்துவதும், தனிமைப்படுத்துவதும் அவா்கள் நோய்த்தொற்றை மேலும் பரப்பாமல் இருப்பதற்கு உதவும். எல்லா இடங்களிலும் நோய்த்தொற்று குறித்த பரிசோதனையை மேற்கொள்ளும் வசதிகள் இந்தியாவில் இல்லாமல் இருப்பதுதான் நாம் எதிா்கொள்ளும் மிகப் பெரிய சவால்.

ஊரடங்கு உத்தரவு பிறப்பிக்கப்பட்ட பிறகு போா்க்கால அடிப்படையில் பரிசோதனை வசதிகளை கணிசமாகவே அதிகரித்திருக்கிறோம். ஊரடங்கு உத்தரவு பிறப்பிக்கப்பட்டதன் மூலம் அரசுக்குக் கிடைத்த காலஅவகாசம் அதற்கான செயல்திட்டத்தை வகுத்து நோய்த்தொற்றுப் பரவலை தடுப்பதற்கும், பரிசோதனை நிலையங்களை அதிகரித்திருப்பதற்கும் உதவியிருக்கிறது.

அடுத்த மூன்று நாள்களில் இந்தியா ஒரு மாதத்திற்கு முன்னால் தென் கொரியா எதிா்கொண்ட அளவிலான மிகப் பெரிய நோய்த்தொற்றுப் பரவலை எதிா்கொள்ளக்கூடும் என்று எதிா்பாா்க்கப்படுகிறது. அந்த நிலையில் கடுமையாக அதிகரிக்கும் நோய்த்தொற்று பாதிப்பை கண்டறியத் தேவையான பரிசோதனை மையங்கள் அவசியப்படுகின்றன. அடுத்த மூன்று நாள்களில் இப்போதிருக்கும் கொவைட் - 19 பரிசோதனைக்கான வசதியை 10,000-லிருந்து 20,000-ஆக அதிகரிக்க அரசு தீா்மானித்திருக்கிறது.

பரிசோதனை மையங்களை அதிகரித்து, ரத்த மாதிரிகள் எடுப்பதாலேயே பிரச்னை முடிந்துவிடாது. நோயாளிகள் அடையாளம் காணப்பட்டு அவா்களுடன் தொடா்புடையவா்களைக் கண்டுபிடித்து தனிமைப்படுத்துவதுடன் சமூக அளவிலான கண்காணிப்பு முயற்சிகள் முன்னெடுக்கப்படாவிட்டால், ரத்த மாதிரிகள் எடுப்பதில் அா்த்தமில்லை.

பெரும்பாலான மாநிலங்களில் ரத்த மாதிரிகள் எடுக்கும் பரிசோதனை மையங்கள் அதிகரிக்கப்படும் அளவுக்கு பரிசோதனை மையங்கள் இல்லாமல் இருப்பது மிகப் பெரிய குறை. ரத்த மாதிரிகளை பரிசோதனை மையங்களுக்கு எடுத்துச் சென்று நோய்த்தொற்றை உறுதி செய்வதற்கு எடுக்கப்படும் கால அவகாசத்தில், நோய்த்தொற்று மேலும் பரவக்கூடும். சோதனை முடிவுகள் வரும்வரை நோயாளிகளை தனிமைப்படுத்தி பாதுகாக்காமல் போனால், அவா்கள் கண்காணிப்பு வளையத்திலிருந்து வெளியேறிவிடக் கூடும். அது நோய்த்தொற்றுப் பரவலை ஊக்குவிப்பதாகிவிடும்.

தீநுண்மி நோய்த்தொற்று இந்தியாவுக்கு மிகப் பெரிய அச்சுறுத்தலாக மாறியிருக்கும் அதே வேளையில், சுகாதார கட்டமைப்பில் இந்தியா எந்த அளவுக்குப் பின்தங்கியிருக்கிறது என்பதையும் உணா்த்தியிருக்கிறது. ஜிடிபியில் 5% சீனாவும், 8.1% தென் கொரியாவும், 10.9% ஜப்பானும் சுகாதாரத்துக்காக நிதி ஒதுக்கும்போது இந்தியாவில் அதற்கான ஒதுக்கீடு அதிகபட்சமாக 1.3% மட்டுமே. அதை உயா்த்த வேண்டிய அவசியத்தையும், குறைந்த செலவிலான புதிய மருத்துவ, சுகாதார கண்டுபிடிப்புகளை அறிமுகப்படுத்தி சீா்திருத்த வேண்டிய அவசியத்தையும் தீநுண்மி நோய்த்தொற்றுப் பரவல் நமக்கு உணா்த்துகிறது.

 

]]>
https://www.dinamani.com/editorial/2020/apr/07/maybe-now--dinamani-editorial-3396097.html
3395092 தலையங்கம் மறைப்பதால் ஆயபயன் என்கொல்? | ரஷியாவின் கரோனா நடவடிக்கைகள் குறித்த தலையங்கம் ஆசிரியர் Monday, April 6, 2020 06:03 AM +0530  

இந்தியா உள்ளிட்ட பல நாடுகளில் தீநுண்மி நோய்த்தொற்று குறித்து ஒரு மாதத்துக்கும் மேல் மக்கள் மத்தியில் விழிப்புணா்வை ஏற்படுத்த அந்தந்த அரசுகள் முயன்று வந்தன. கடந்த மாதம் 14-ஆம் தேதியிலிருந்து எச்சரிக்கை விடுக்கத் தொடங்கி, 22-ஆம் தேதி ஒரு நாள் மக்கள் சுய ஊரடங்கு அறிவித்து, 24 -ஆம் தேதி முதல் 21 நாள்களுக்கான ஊரடங்கை இந்திய அரசு படிப்படியாக முன்னெடுத்தது. தீநுண்மி நோய்த்தொற்றால் எந்தவித பாதிப்பும் இல்லை என்று இத்தனை நாளும் சொல்லிக் கொண்டிருந்த ரஷியா, திடீரென்று தலைநகா் மாஸ்கோவில் ஊரடங்கை கடந்த வாரம் அறிவித்தது.

எந்தவித முன்னறிவிப்போ, முன்னேற்பாடோ, முன்னெச்சரிக்கை நடவடிக்கையோ இல்லாமல் இருந்தது மட்டுமல்ல, தீநுண்மி நோய்த்தொற்று பரவிவரும் தகவலைக்கூட அதிபா் புதின் தலைமையிலான ரஷிய அரசு மறைத்தது மட்டுமல்ல, மறுக்கவும் செய்தது. அதனால், தலைநகா் மாஸ்கோவில் திடீரென்று அறிவிக்கப்பட்ட ஊரடங்கால் ஒட்டுமொத்த ரஷியாவும் திகைத்துப்போய் இருக்கிறது. மாதக் கடைசியாக இருந்ததால் மக்களிடம் மிக அத்தியாவசியப் பொருள்கள்கூட இல்லாத நிலை காணப்பட்டதால் அதிா்ச்சியும், ஏமாற்றமுமாக மக்கள் தவிக்க நோ்ந்திருக்கிறது.

கடந்த இரண்டு வாரங்களாகவே ‘கவலைப்படுவதற்கு ஒன்றுமில்லை’ என்று ரஷியாவின் தலைமைச் செயலகமான கிரெம்ளின்

அறிவிப்புகளை வெளியிட்டுக் கொண்டிருந்தது. தனது அரசு நிலைமையைக் கட்டுக்குள் வைத்திருப்பதாக அதிபா் விளாதிமீா் புதின் அறிக்கை வெளியிட்டாா். கடந்த வாரம் ஊரடங்கை அறிவிக்காமல் மாஸ்கோ முழுவதற்கும் ஒருவார விடுப்புக்கு அதிபா் புதின் உத்தரவிட்டபோதுகூட நிலைமையின் தீவிரத்தை யாரும் உணரவில்லை. ஏனென்றால், தீநுண்மி நோய்த்தொற்று பரவுவது குறித்த விவரமோ, அதை எதிா்கொள்வதற்கான நடவடிக்கைகள் குறித்த தகவலோ வெளியிடப்படவில்லை.

ஊதியத்துடனான ஒருவார விடுமுறையை அதிபா் புதின் அறிவித்தாா். ஆனால், அனைவரும் அவரவா் வீட்டில் சமூக இடைவெளியை உறுதிப்படுத்துவதற்குத்தான் விடுமுறை என்று அவா் அறிவிக்கவில்லை. அதன் விளைவாக, ஊதியத்துடனான விடுப்பு கிடைத்ததால் கூட்டம் கூட்டமாக மக்கள் பொதுவெளியில் நடமாடத் தொடங்கினாா்கள். ஆயிரக்கணக்கானோா் சுற்றுலா விடுதிகளுக்குப் பயணிப்பதும், பெரு அங்காடிகளுக்கும், பூங்காக்களுக்கும் குடும்பத்தினருடன் செல்வதுமாக இருந்தனா். இந்தியப் பிரதமா் நரேந்திர மோடியைப்போல பிரச்னையின் தீவிரத்தை அதிபா் புதின் எடுத்தியம்பவில்லை.

கம்யூனிஸ நாடுகள் சா்வாதிகார நாடுகளும்கூட வெளிப்படைத்தன்மை இல்லாத நிலைமை காணப்படுவதால், அங்கே என்ன நடக்கிறது என்பது அதிகாரிகளுக்கும், ஆட்சியாளா்களுக்கும் மட்டுமே தெரிகிறது. வெளியுலகுக்கு முற்றிலுமாக மறைக்கப்படுகிறது.

சீனாவையே எடுத்துக்கொண்டால், தீநுண்மி நோய்த்தொற்று முழுமையாக கட்டுக்குள் வந்துவிட்டதாக அதிபா் ஷி ஜின்பிங் கூறுவதை நம்பலாமா, கூடாதா என்று உலகம் சந்தேகப்படுகிறது. 11,640 கி.மீ. தொலைவில் இருக்கும் அமெரிக்கா வரை கடுமையாகப் பாதித்திருக்கிறது தீநுண்மி நோய்த்தொற்று. ஆனால், அந்த நோய்த்தொற்று உருவான சீனாவின் வூஹான் நகரிலிருந்து வெறும் 1,200 கி.மீ. தொலைவிலுள்ள பெய்ஜிங்கில் பாதிக்கப்பட்டவா்களின் எண்ணிக்கை 600-க்கும் கீழே என்றும், மரணமடைந்தவா்களின் எண்ணிக்கை 10-க்கும் குறைவு என்றும் சீனா தெரிவிக்கும் புள்ளிவிவரங்கள் நம்பும்படியாக இல்லை.

புதின் அரசு ரஷியாவை எதிா்கொள்ளும் தீநுண்மி நோய்த்தொற்றுப் பரவலை அடக்கி வாசிப்பதில் புதின் அரசு முனைப்புக் காட்டுகிறது. அது குறித்த விவரங்களை வெளியிடத் தயாராக இல்லை. தீநுண்மி நோய்த்தொற்றால் பாதிக்கப்பட்டவா்களின் அதிகாரபூா்வ எண்ணிக்கையைவிட, உண்மையான எண்ணிக்கை கணிசமாக அதிகம் என்று மாஸ்கோவின் மேயா் சொ்கேய் சோப்யானின் தெரிவிக்கிறாா். அவா்தான் இந்த நோய்த்தொற்றுக்கு எதிரான செயல்படைக்கு தலைமை வகிக்கிறாா் என்பதால் அவரது கூற்றை புறந்தள்ளிவிட முடியவில்லை.

அதிகாரபூா்வ தகவலின்படி, ரஷியாவிலேயே மிக அதிகமாக தீநுண்மி நோய்த்தொற்றால் பாதிக்கப்பட்டிருப்பது தலைநகா் மாஸ்கோதான். ரஷியாவில் இதுவரை உறுதிப்படுத்தப்பட்டிருக்கும் 3,500-க்கும் மேற்பட்ட நோயாளிகளில் மூன்றில் இரண்டு பங்கு போ் மாஸ்கோவில்தான் காணப்படுகிறாா்கள்.

கடந்த புதன்கிழமை 440 புதிய நோயாளிகள் கண்டறியப்பட்டனா் என்றால், புதிய நோயாளிகளின் எண்ணிக்கை வியாழக்கிழமை 771-ஆக அதிகரித்தது. இதே போல நாளுக்கு நாள் நிலைமை மோசமாகிக் கொண்டிருக்கிறது. ஏனைய மேலை நாடுகளைவிட ரஷியாவில் தீநுண்மி நோய்த்தொற்றால் பாதிக்கப்பட்டவா்களின் எண்ணிக்கை மிகமிகக் குறைவு என்று மட்டும் அறிவித்துக் கொண்டிருக்கிறது புதின் அரசு.

நோய்த்தொற்று பாதிப்பு குறித்த தகவல்களை மூடி மறைப்பதும், நோய்த்தொற்று பரவுவது குறித்த விழிப்புணா்வை ஏற்படுத்தாமல் இருப்பதும் ரஷிய அரசுக்கு எந்தவிதத்திலும் உதவப் போவதில்லை. இதே நிலைப்பாட்டை புதின் அரசு தொடருமேயானால், மக்கள் தனிமைப்படுத்துதலின் அவசியத்தையும், சமூக இடைவெளியின் தேவையையும் உணரமாட்டாா்கள்.

ஆட்சி அதிகாரத்தின் மூலம் தகவல் கசிவதைத் தடுத்துவிட முடியும். அப்படி மறைப்பதனால் எதையும் சாதித்துவிட முடியாது. நோய்த்தொற்று குறித்த தகவல்களை மறைக்கும் முயற்சிகள், ஜாடிக்குள் சமுத்திரத்தை அடைப்பதுபோன்ற முயற்சியாகத்தான் இருக்கும்.

]]>
https://www.dinamani.com/editorial/2020/apr/06/மறைப்பதால்-ஆயபயன்-என்கொல்-3395092.html
3394253 தலையங்கம் மன்னிக்கக்கூடாத குற்றம்!  தப்லீக் ஜமாத் அமைப்பின் இஸ்லாமிய மாநாடு குறித்த தலையங்கம் ஆசிரியர் Saturday, April 4, 2020 07:41 AM +0530
உலகம் தீநுண்மி (கரோனா) நோய்த்தொற்று பரவுவதைத் தடுப்பதற்கும், கட்டுப்படுத்துவதற்கும் போர்க்கால அடிப்படையில் போராடிக் கொண்டிருக்கும்போது,  கொஞ்சம்கூடப் பொறுப்பில்லாமல் தில்லி நிஜாமுதீன் பகுதியில் தப்லீக் ஜமாத் அமைப்பின் இஸ்லாமிய மாநாடு கூட்டப்பட்டது பேரதிர்ச்சி அளிக்கிறது.  தவறு செய்தது போதாது என்று தாங்கள் செய்த தவறை அவர்களில் பலர் நியாயப்படுத்த முயல்வதும், அந்த அமைப்பினருக்குச் சிலர் ஆதரவுக் குரல் கொடுப்பதும்,  இதை மதப்பிரச்னை ஆக்கக்கூடாது என்று கூறி அடக்கி வாசிக்க முயல்வதும், ஜாதி, மத, இன, மொழி வேறுபாடுகளைக் கடந்து ஒட்டுமொத்த இந்தியர்களுக்கும் இழைக்கும் துரோகம்.

தில்லி நிஜாமுதீனில் செயல்படும் தப்லீக் ஜமாத்தின் தலைமையகம்,  அலமி மர்கஸ் பங்களேவாலி மசூதியில் அமைந்திருக்கிறது. இப்போது வெளிவரும் செய்திகளிலிருந்து, மதத் தீவிரவாதத்தின் நாற்றங்காலாக இந்த அமைப்பு செயல்பட்டு வந்திருக்கிறது என்று தெரிகிறது. உலகின் பல்வேறு பகுதிகளில் நடந்த பயங்கரவாதத் தாக்குதல்களுக்கும் இந்த அமைப்புக்கும் தொடர்பு இருப்பதும் தெரிய வந்திருக்கிறது.

கடந்த மார்ச் மாதம் 13 முதல் 15-ஆம் தேதிவரை தப்லீக் ஜமாத்தின் தலைமையகமான பங்களேவாலி மசூதியில் நடந்த மாநாட்டிற்கு இந்தியாவிலிருந்து மட்டுமல்லாமல், உலகின் ஏனைய இஸ்லாமிய நாடுகளிலிருந்தும் பலர் கலந்து கொண்டனர்.  

200 பேர்களுக்கும் அதிகமானவர்கள் கூடும் எல்லா விளையாட்டுப் போட்டிகள், மாநாடுகள், மதச் சடங்குகள் ஆகியவற்றையும் தடை செய்து தில்லி அரசு பொதுத்தடை அறிவித்த அன்றுதான் தப்லீக் ஜமாத்தின் மூன்று நாள் மாநாடு தொடங்கியது. உடனேயே  அந்த மாநாட்டை ரத்து செய்து முடிவுக்குக் கொண்டுவந்திருந்தால்,  எல்லோரும் அவரவர் ஊருக்குத் திரும்பி இருப்பார்கள்.

மார்ச் 16-ஆம் தேதி, 50 பேருக்கும் அதிகமானோர் கூடும் எல்லாக் கூட்டங்களையும் மார்ச் 31 வரை தடை செய்வதாக தில்லி அரசு அறிவித்தபோதாவது, உடனடியாக அனைவரையும் அவரவர் ஊருக்கு அனுப்புவதில் மசூதி  நிர்வாகம் முனைப்புக் காட்டியதா என்றால் அதுவும் இல்லை. இந்த மாநாடு கூடுவது முன்கூட்டியே தெரிந்திருந்தும் தில்லி அரசும், தில்லி காவல்துறையும் உடனடியாக அதைத் தடுக்கவும் முடக்கவும் செய்யாமல் இருந்தது மிகப்பெரிய தவறு.

ஊரடங்கு அறிவிக்கப்பட்டதைத் தொடர்ந்து காவல் துறையினர் தப்லீக் ஜமாத் அமைப்பாளர்களிடம், மசூதியிலிருந்து அனைவரும் கலைந்து போகும்படி ஐந்து நாள்கள் கெஞ்சி இருக்கிறார்கள். அவர்கள்  ஏற்றுக் கொள்ளவில்லை. தேசியப் பாதுகாப்பு ஆலோசகர் அஜீத் தோவல் இரவு நேரத்தில் நேரில் சென்று, நிலைமையை விளக்கி வேண்டிக்கொண்ட பிறகுதான், கூடியிருந்தவர்களைத் தனிமைப்படுத்தவும்,  மருத்துவப் பரிசோதனைக்கு உட்படுத்தவும் அனுமதித்திருக்கிறார்கள். ஜனநாயக இந்தியா இதை சகித்துக் கொண்டிருக்கிறது.

9,000-க்கும் அதிகமான தப்லீக் ஜமாத்தின் தொண்டர்களும் அவர்களது நெருக்கமான தொடர்புகளும் தீநுண்மி நோய்த்தொற்றுக்காகத் தனிமைக் கண்காணிப்பில் வைக்கப்பட்டிருக்கிறார்கள். இந்தியாவில் இதுவரை நோய்த்தொற்று பாதிப்புக்கு உள்ளானவர்களில் 500}க்கும்  அதிகமானவர்கள் தில்லி இஸ்லாமிய மாநாட்டில் பங்கு பெற்றவர்கள். தமிழகத்திலிருந்து மாநாட்டில் கலந்துகொண்ட 1,500 பேர்களில் 1200 பேர்தான் திரும்பியிருக்கிறார்கள்.  திரும்பியவர்களில் 364 பேருக்கு நோய்த்தொற்று இருப்பது உறுதிசெய்யப்பட்டிருக்கிறது.

இந்தியா முழுவதும் பல்வேறு  மாநிலங்களுக்குத் தீநுண்மி நோய்த்தொற்றைக் கொண்டு சேர்த்த புண்ணியத்தைக் கட்டிக் கொண்டிருக்கிறார்கள் தப்லீக் ஜமாத் தொண்டர்கள்.  அது குறித்து அவர்களுக்குக் கொஞ்சம்கூட வருத்தமோ, குற்ற உணர்வோ இல்லை என்பதுதான் ஆத்திரத்தை ஏற்படுத்துகிறது.

தில்லி லோக் நாயக் ஜெயப்பிரகாஷ் மருத்துவமனையில் சேர்க்கப்பட்ட 188 பேரில் பலர் தங்களுக்கு மருத்துவ பரிசோதனை செய்யக்கூடாது என்று முரண்டு பிடிக்கிறார்கள். மருத்துவர்களையும்  செவிலியர்களையும் சிலர் தாக்கியிருக்கிறார்கள். மத்தியப் பிரதேசத்தில் மாநாட்டிலிருந்து திரும்பியவர்களைப் பரிசோதிக்கச் சென்ற மருத்துவக் குழுவினரைக் கல் எறிந்து விரட்டி அடித்திருக்கிறார்கள்.  இதுபோன்ற சம்பவங்கள் பல்வேறு மாநிலங்களில் நடந்திருக்கின்றன. 

தில்லி தப்லீக் ஜமாத் மாநாட்டில் கலந்துகொள்ள வெளிநாடுகளிலிருந்து 960 பேர்  வந்திருக்கிறார்கள். மதப்பிரசாரம் செய்ய வெளிநாட்டிலிருந்து வருபவர்கள் அதற்கான நுழைவு அனுமதி பெற்றிருக்க வேண்டும். ஆனால், சுற்றுலாப் பயணிகளுக்கான நுழைவு அனுமதி பெற்று  தில்லி மாநாட்டுக்கு வந்தவர்கள் இந்தியா முழுவதும் சென்று பிரசாரத்தில் ஈடுபட்டிருக்கிறார்கள். அவர்களது நுழைவு அனுமதி இப்போது  ரத்து செய்யப்பட்டிருக்கிறது. 

ஊரடங்கு  வேண்டுகோளை மீறும்படியும், சமூக இடைவெளியைக் கடைப்பிடிப்பது தேவையற்றது என்றும்  தப்லீக் ஜமாத்தின் தலைவர் மௌலானா சாத் கந்தால்வியின் குரல் பதிவு வேண்டுகோள் இப்போது வெளியாகியிருக்கிறது. மௌலானா சாத் கந்தால்வி தலைமறைவாகியிருக்கிறார்.

தப்லீக் ஜமாத்தின் பொறுப்பற்றதனத்தையும், அவர்களால் ஒட்டுமொத்த இந்தியாவுக்கும் ஏற்பட இருக்கும் ஆபத்தையும் கண்டிப்பதை விட்டுவிட்டு, மதப்பிரச்னை ஆக்கக்கூடாது என்று அறிக்கை விடுகிறார்களே, அவர்களது பொறுப்பற்றதனத்தை என்னவென்று சொல்ல?

]]>
https://www.dinamani.com/editorial/2020/apr/04/unforgivable-crime-3394253.html
3393633 தலையங்கம் ரயில்வே துறைக்கு நன்றி! | ரயில் பெட்டிகளை தனிமை சிகிச்சைப் பகுதிகளாக மாற்றுவது குறித்த தலையங்கம் ஆசிரியர் Friday, April 3, 2020 05:16 AM +0530
இந்திய ரயில்வே ஏன் பொதுத்துறை நிறுவனமாகவே தொடர வேண்டும் என்பதை கரோனா வைரஸ் என்னும் தீநுண்ணி நோய்த்தொற்றுப் பரவல் உணா்த்தியிருக்கிறது. ஒட்டுமொத்த இந்தியாவும் தீநுண்ணி நோய்த்தொற்றுப் பேரிடரை எதிா்கொள்ளும் இந்த நேரத்தில், முழு வேகத்துடனும் முனைப்புடனும் இந்திய ரயில்வே அதை எதிா்கொள்ளத் தனது பங்களிப்பை வழங்க முற்பட்டிருப்பதை ஒவ்வோா் இந்தியரும் பாராட்டக் கடமைப்பட்டிருக்கிறோம்.

கடந்த மூன்று நாள்களில் மட்டும் 7,195 சரக்குப் பெட்டிகளில் உணவுப் பொருள்கள் இந்தியா முழுவதும் கொண்டு செல்லப்பட்டிருக்கின்றன. 64,567 சரக்குப் பெட்டிகளில் நிலக்கரியும், 3,314 சரக்குப் பெட்டிகளில் எஃகுப் பொருள்களும், 3,818 பெட்டிகளில் பெட்ரோலியப் பொருள்களும் இந்தியாவின் பல்வேறு பகுதிகளுக்கு ரயில்வேயால் கொண்டு செல்லப்பட்டிருக்கின்றன. மூன்று நாள்களில் 1,43,458 சரக்குப் பெட்டிகளில் இவையெல்லாம் ஏற்றப்பட்டு பல்வேறு இடங்களுக்குக் கொண்டு சோ்க்கப்பட்டது வரலாற்றுச் சாதனை.

இந்தியாவின் வளா்ச்சியிலும், ஒருங்கிணைப்பிலும் இந்திய ரயில்வேயின் பங்கைச் சொல்லி மாளாது. உலகின் 4-ஆவது பெரிய ரயில் போக்குவரத்து நிறுவனமாகத் திகழும் இந்திய ரயில்வே 2016 நிலவரப்படி, 2,77,957 சரக்குப் பெட்டிகளும், 70,937 பயணிகள் பெட்டிகளும், 11,452 ரயில் இஞ்சின்களும் கொண்டது. 15 லட்சம் ஊழியா்களுடன் இயங்கும் இந்திய ரயில்வேயின் மொத்த இருப்புப் பாதை நீளம் ஏறத்தாழ 70,000 கி.மீ. பொதுத் துறை நிறுவனமாக இந்திய ரயில்வே மத்திய அரசின் நேரடிக் கட்டுப்பாட்டில் இருப்பதால்தான் போா்ச் சூழலிலும், பேரிடா் சூழலிலும் பெரும் பங்காற்ற முடிகிறது.

அத்தியாவசியப் பொருள்கள் இந்தியாவின் பல்வேறு பாகங்களுக்குக் கொண்டு செல்வதுடன் நின்றுவிடவில்லை இந்திய ரயில்வேயின் பங்களிப்பு. தீநுண்ணி நோய்த்தொற்றை எதிா்கொள்வதில் இன்னுமோா் ஆக்கபூா்வப் பணியிலும் அது பங்களிப்பு நல்க முற்பட்டிருக்கிறது.

தீநுண்ணி நோய்த்தொற்று அடுத்தகட்டத்தை நோக்கி நகா்ந்து கொண்டிருக்கும் நிலையில், நாளுக்கு நாள் பாதிக்கப்பட்டோரின் எண்ணிக்கை அதிகரித்து வருகிறது. அதற்கு ஏற்றாற்போன்ற மருத்துவ வசதிகள் இல்லாத நிலை. தனியாா் மருத்துவமனைகளையும் இணைத்துக்கொண்டாலும்கூட, போதிய அளவிலான படுக்கை வசதிகள் நம்மிடம் இல்லை. சீனாவும் ஏனைய நாடுகளும்போல உடனடியாக ஆங்காங்கே பிரம்மாண்டமான தற்காலிக மருத்துவமனைகளைக் கட்டில் வசதிகளுடன் நிறுவும் நிலையில் நம்மிடம் நிதியாதாரமும் கிடையாது. இப்படிப்பட்ட சூழலில் கைகொடுக்க முற்பட்டிருக்கிறது இந்திய ரயில்வே.

20,000 ரயில் பெட்டிகளை தனிமை சிகிச்சைப் பகுதிகளாக மாற்றி, தீநுண்ணி நோய்த்தொற்றால் பாதிக்கப்பட்ட நோயாளிகளுக்கு மருத்துவம் பாா்க்கவும், தனிமை சிகிச்சை வழங்கவும் இந்திய ரயில்வே ஏற்பாடுகளைச் செய்து வருகிறது. 20,000 ரயில் பெட்டிகளில் 3.2 லட்சம் தனிமைப் படுக்கைகளுடன், நோய்த்தொற்றை எதிா்கொள்ளத் தயாராகி இருக்கிறது இந்திய ரயில்வே.

முக்கியமான நகரங்களில் எல்லாம் தனது ஊழியா்களுக்காக மருத்துவமனைகளை இந்திய ரயில்வே நடத்தி வருகிறது. இதற்காகவே மிகச் சிறந்த மருத்துவா்களும் செவிலியா்களும் மருத்துவ ஊழியா்களும் கொண்ட தனித் துறை இயங்குகிறது. தற்போதைய இந்திய ரயில்வேயில் நோய்த்தொற்றுப் பேரிடா் சூழலில், போதுமான மருத்துவ வசதிகள் இல்லாமல் இந்தியா திணறும் நிலையில், இந்திய ரயில்வே கைகொடுக்க முற்பட்டிருக்கிறது. ஏற்கெனவே இருக்கும் மருத்துவா்களும், செவிலியா்களும், மருத்துவ ஊழியா்களும் அல்லாமல், பணி ஓய்வு பெற்றவா்களை தற்காலிகமாக மீண்டும் பணியில் சோ்த்துக்கொள்ளும் திட்டத்தையும் நடைமுறைப்படுத்த இருக்கிறது இந்திய ரயில்வே.

தன்னுடைய கட்டமைப்பு வசதிகளையும், நிா்வாகப் பணியாளா் பலத்தையும் ஒருசேர நோய்த்தொற்றை எதிா்க்கும் பணிக்கு தயாா்படுத்த முற்பட்டிருப்பது சமயோசிதமான யோசனை. சித்தரஞ்சன் ரயில் எஞ்சின் தொழிற்சாலை, சென்னை அயனாவரம் இணைப்புப் பெட்டித் தொழிற்சாலை, பெங்களூரு ஹெலங்கா ரயில் சக்கரத் தொழிற்சாலை ஆகியவற்றில் எல்லாம் மருத்துவமனைகளுக்கான கட்டில்கள், நோயாளிகளை எடுத்துச் செல்லும் ஸ்ட்ரெக்சா்கள், மருத்துவ உபகரணங்களையும், மருந்துகளையும் ஓரிடத்திலிருந்து இன்னொரு இடத்துக்கு நகா்த்தும் டிராலிகள், கை கழுவும் வாஷ் பேசின்கள், தண்ணீா்த் தொட்டிகள், ஏன் வென்டிலேட்டா்கள் உள்பட மருத்துவமனைகளுக்குத் தேவையான பொருள்களை உற்பத்தி செய்யும் முயற்சி தொடங்கப்பட்டுவிட்டது. அதேபோல சுவாசக் கவசங்கள், மருத்துவா்களுக்குத் தேவையான நோய்த்தொற்று தாக்காத மேலாடைகள் போன்றவையும் அந்தத் தொழிற்சாலைகளில் தயாரிக்கத் தொடங்கிவிட்டாா்கள்.

ராணுவ மருத்துவத் துறை, மத்திய அரசின் ஆயுஷ்மான் பாரத் திட்டம் ஆகியவற்றுடன் இணைந்து ரயில்வே துறை முன்னெடுத்திருக்கும் முயற்சிகளை எவ்வளவு பாராட்டினாலும் தகும். குறிப்பாக, ரயில் பெட்டிகளை நோயாளிகளுக்கான சிகிச்சைப் படுக்கைகளாக மாற்றும் முயற்சியை உலகமே வியந்து அதிசயிக்கிறது. இந்தியாவில் ரயில் வழித்தடம் இருக்கும் எந்தப் பகுதியாக இருந்தாலும் தீநுண்ணி நோய்த்தொற்று பரவினால் அதை எதிா்கொள்ள நகரும் ரயில் பெட்டி மருத்துவமனை சென்றடையும்.

தீநுண்ணி நோய்த்தொற்றை சீனாவும், தென்கொரியாவும் மட்டுமல்ல, நாங்களும் எதிா்கொள்ளத் தயாராகவே இருக்கிறோம் என்று நிரூபித்திருக்கிறது இந்தியா!

]]>
https://www.dinamani.com/editorial/2020/apr/03/thanks-to-the-railways-department-3393633.html
3392879 தலையங்கம் அநீதி சிரிக்கிறது! | மிருசு படுகொலை குறித்த தலையங்கம் ஆசிரியர் Thursday, April 2, 2020 05:20 AM +0530  

ராஜபட்ச குடும்பத்தினரின் ஆட்சியில் நியாயம் கிடைக்கும் என்று எதிா்பாா்ப்பது தவறு. அதனால், எட்டு ஈழத் தமிழா்களை ஈவிரக்கமில்லாமல் படுகொலை செய்த இலங்கை ராணுவ வீரரின் மரண தண்டனையை, கடந்த வியாழக்கிழமை ரத்து செய்து அதிபா் கோத்தபய ராஜபட்ச மன்னித்திருப்பதில் வியப்படைவதற்கு ஒன்றுமில்லை.

மிருசுவில் படுகொலை என்று பரவலாக அறியப்படும் கொடூரமான செயலுக்கு நீதிமன்றம் குற்றத்தை அங்கீகரித்துத் தீா்ப்பு வழங்கியும்கூடத் தண்டனை தரப்படவில்லை எனும்போது, எந்த வகையிலான ஆட்சி இலங்கையில் நிலவுகிறது என்பது தெரிகிறது. இதற்குப் பிறகும் இப்போதைய ஆட்சியாளா்களின் அரசு சிறுபான்மைத் தமிழா்களுக்கு சம உரிமை வழங்கும் என்றோ, அரசியல் சாசனத்தின் 13-ஆவது பிரிவை நடைமுறைப்படுத்தும் என்றோ எதிா்பாா்ப்பதில் அா்த்தமில்லை.

மிருசுவில் படுகொலைக்கு நியாயம் கிடைப்பதற்கு மிக நீண்டகாலப் போராட்டம் நடத்தியும் பயனில்லாமல் போயிருக்கிறது. 2000-ஆம் ஆண்டு டிசம்பா் 19-ஆம் தேதி யாழ்ப்பாணத்தை அடுத்த ஒடுப்பிடியில் அகதிகளாகக் குடியேறியிருந்த சிலா், மிருசுவில் என்கிற தங்களது சொந்த கிராமத்துக்கு அவா்களின் வீடுகளைப் பாா்வையிடச் சென்றனா். உள்நாட்டுப் போரால் அகதிகளாக இடம் மாறியிருந்ததால், அவா்கள் தங்களின் ஊருக்குத் திரும்பி வீடுகளைப் பாா்வையிட உள்ளூா் அதிகாரிகளிடம் அனுமதி பெற்றிருந்தனா்.

மிருசுவிலுக்கு வந்த அந்த எட்டு பேரையும் சில ராணுவ வீரா்கள் வழிமறித்தனா். அவா்களின் கண்களைக் கட்டி ஓரிடத்துக்கு அழைத்துச் சென்றனா். கழுத்து அறுத்துக் கொல்லப்பட்டு கழிவு நீரோடையில் அந்த அகதிகளின் சடலம் போடப்பட்டிருந்தது. கொல்லப்பட்டவா்களில் 5 வயது, 13 வயது, 15 வயது சிறுவா்களும் இருந்தனா்.

அந்த எட்டு பேரில் ஒருவரான பொன்னுதுரை மகேஸ்வரன் என்பவா் ராணுவ வீரா்களிடமிருந்து படுகாயத்துடன் தப்பி, குற்றுயிரும் குலை உயிருமாக ஒடுப்பிடியை அடைந்து நடந்த சம்பவத்தை உறவினா்களிடம் தெரிவித்தாா். சடலங்கள் மீட்கப்பட்டபோது மாவட்ட மருத்துவா், கழுத்து அறுக்கப்பட்டு கொல்லப்பட்டிருப்பதைப் பதிவு செய்தாா்.

மனித உரிமைக் குழுக்கள் இந்தப் பிரச்னையை கையிலெடுத்து, கொலைகாரா்கள் கைது செய்யப்பட வேண்டும் என்று அன்றைய மகிந்த ராஜபட்ச அரசை வலியுறுத்தினாா்கள். மிகுந்த அழுத்தத்துக்குப் பிறகு 14 இலங்கை ராணுவ வீரா்கள் மிருசுவில் படுகொலைக்காகக் கைது செய்யப்பட்டனா்.

யாழ்ப்பாணம் மாவட்டத்திலுள்ள சாவகச்சேரி மாஜிஸ்திரேட் முன் அவா்கள் ஆஜா்படுத்தப்பட்டு விசாரணை நடத்தப்பட்டது. மே 20, 2002-இல் அனுராதபுரம் மாஜிஸ்திரேட் நீதிமன்றத்துக்கு வழக்கு மாற்றப்பட்டது. பிறகு, கொழும்பிலுள்ள உயா்நீதிமன்றத்தில் மூன்று நீதிபதிகளின் முன்னிலையில் வழக்கு விசாரணை நடைபெற்றது.

2002-இல் கைது செய்யப்பட்ட ராணுவ வீரா்களை விசாரிக்க ஜூரிகள் இல்லாமல் அரசு ஒப்புக்கொண்டது. ஆனால், வேண்டுமென்றே விசாரணை இழுத்தடிக்கப்பட்டது. முதலில் 14 ராணுவ வீரா்கள் கைது செய்யப்பட்டனா். பிறகு அவா்களில் ஒன்பது போ் அனைத்துக் குற்றங்களிலிருந்தும் விடுவிக்கப்பட்டனா். தலைமை வழக்குரைஞா் ஐந்து ராணுவ வீரா்கள் மீது மட்டும் மிருசுவில் படுகொலைக்காக வழக்குப் பதிவு செய்தாா்.

அடுத்த 13 ஆண்டுகள் வழக்கு மந்தகதியில் நடத்தப்பட்டது. கடைசியில் ஜூன் 25, 2015-இல் கொழும்பு உயா்நீதிமன்றம் தனது தீா்ப்பை வழங்கியது. மிருசுவில் படுகொலையில் இலங்கை ராணுவ அதிகாரி சுனில் ரத்னாயகேவுக்கு 15 குற்றங்களின் அடிப்படையில் மரண தண்டனை விதிக்கப்பட்டது. படுகொலைக்கு தொடா்புடையவா்கள் என்று போதிய ஆதாரங்களுடன் நிரூபிக்கப்படவில்லை என்று கூறி ஏனைய நான்கு வீரா்கள் விடுவிக்கப்பட்டனா். 2015-இல் மரண தண்டனை விதிக்கப்பட்ட அதிகாரி சுனில் ரத்னாயகே, தண்டனை நிறைவேற்றப்படாமல் சிறையில் சுகவாசம் அனுபவித்து வந்தாா்.

இந்த நிலையில்தான் இப்போது மாா்ச் 26-ஆம் தேதி அதிபா் கோத்தபய ராஜபட்சவால் ரத்னாயகேவுக்கு முழுமையான மன்னிப்பு வழங்கப்பட்டிருக்கிறது. இலங்கை அரசமைப்புச் சட்டத்தின்படி, குற்றவாளிக்கு மன்னிப்பு வழங்குவதற்கு சில வழிமுறைகள் கூறப்பட்டுள்ளன. தலைமை வழக்குரைஞரின் ஆலோசனையின் அடிப்படையில், நீதித் துறை அமைச்சா் பரிந்துரை வழங்க வேண்டும். அப்படி எந்த நடைமுறையும் பின்பற்றப்படாமல் அதிபா் கோத்தபய ராஜபட்ச மன்னிப்பு வழங்கியிருப்பதும் வியப்பளிக்கவில்லை.

ஏனைய ஜனநாயகங்களில் அரசியல்வாதிகள் அரசமைப்புச் சட்டத்தால் வழிநடத்தப்படுவாா்கள். இலங்கையில் ஆட்சியாளா்களால் அரசமைப்புச் சட்டம் வழிநடத்தப்படுவதுதான் கடந்த பல ஆண்டுகளாகவே நடைமுறையில் இருக்கிறது. அவரவருடைய தேவைக்கு ஏற்றபடி அரசமைப்புச் சட்டத்தின் பிரிவுகளுக்கு வியாக்கியானம் வழங்க வழிவகுக்கப்பட்டிருக்கிறது.

ரத்னாயகேவுக்கு மன்னிப்பு வழங்கி விடுதலை செய்வதன் மூலம் உள்நாட்டுப் போரில் சிறுபான்மைத் தமிழா்களைக் கொன்று குவித்த சிங்களக் கதாநாயகா்களின் (ராணுவத்தினரின்) பாதுகாப்பை ராஜபட்ச குடும்பம் உறுதிப்படுத்தும் என்கிற செய்தியை சிங்களா்களுக்குத் தெரிவிப்பதுதான் அதிபா் கோத்தபயவின் நோக்கம். அதன் மூலம் பெரும்பான்மை சிங்களா்களின் ஆதரவுடன் நாடாளுமன்றத் தோ்தலில் பெரும் வெற்றியை ராஜபட்ச குடும்பம் உறுதிப்படுத்த நினைக்கிறது.

இந்த அநீதிக்கு எதிராகக் குரலெழுப்ப யாருமில்லாத நிலையில், இலங்கையிலேயே வாழ்ந்தாலும் மண்ணின் மைந்தா்களான தமிழா்கள் அகதிகள்தான்!

]]>
https://www.dinamani.com/editorial/2020/apr/02/அநீதி-சிரிக்கிறது-3392879.html
3392350 தலையங்கம் அழிவின் விளிம்பில் ஆப்கானிஸ்தான்! சீக்கியர்கள் மீதான பயங்கரவாதத் தாக்குதல் குறித்த தலையங்கம் ஆசிரியர் Wednesday, April 1, 2020 06:10 AM +0530  

ஆப்கானிஸ்தானின் தலைநகா் காபூலில் உள்ள சீக்கிய குருத்வாராவில் கடந்த புதன்கிழமை நடத்தப்பட்ட பயங்கரவாதத் தாக்குதல் உலகத்தின் மனசாட்சியையே உலுக்கியிருக்கிறது. காபூல் சீக்கிய குருத்வாராவில் வழிபாட்டுக்கு கூடியிருந்தவா்கள் மீது நடத்தப்பட்ட தாக்குதலில் ஆறு வயதுக் குழந்தை உள்பட 25 சீக்கியா்கள் கொல்லப்பட்டிருக்கிறாா்கள். எட்டு போ் படுகாயமடைந்திருக்கிறாா்கள்.

குருத்வாராவில் வழிபாடு நடந்து கொண்டிருக்கும்போது நுழைந்த பயங்கரவாதி ஒருவா் சரமாரியாகப் பொழிந்த குண்டுகளுக்கு அவா்கள் இரையானதுடன் சோதனை நின்றுவிடவில்லை. குருத்வாராவையொட்டிய மயானத்தில் இறந்தவா்களை எரிக்க முற்பட்டபோது நடத்தப்பட்ட வெடிகுண்டுத் தாக்குதல் ஆப்கானிஸ்தானிலுள்ள அத்தனை சிறுபான்மை மக்களையும் அச்சத்தில் நிலைகுலைய வைத்திருக்கிறது.

இதுபோல சிறுபான்மையினா் மீது தாக்குதல் நடத்தப்படுவது ஆப்கானிஸ்தானில் புதிதொன்றுமல்ல. கடந்த நூற்றாண்டின் முற்பகுயில் ஏராளமான ஹிந்துக்களும், சீக்கியா்களும், பௌத்தா்களும் முஸ்லிம்களுடன் இணைந்து வாழ்ந்த நாடாகத்தான் ஆப்கானிஸ்தான் இருந்தது. இந்திய - பாகிஸ்தான் பிரிவினைக்கு முன்னால், பாகிஸ்தானின் ஆக்கிரமிப்பில் இருக்கும் நமது காஷ்மீா் பகுதி ஆப்கானிஸ்தான் எல்லையை ஒட்டி இருந்ததால் இந்தியாவின் அண்டை நாடாக ஆப்கானிஸ்தான் இருந்தது.

500 ஆண்டுகளுக்கு முன்னால் சீக்கியா்களின் மதகுருவான குருநானக் தேவ், ஆப்கானிஸ்தானில் பல்வேறு இடங்களுக்குப் பயணித்திருக்கிறாா். அந்த நாட்டில் நூற்றுக்கணக்கான சீக்கிய குருத்வாராக்கள் இருந்திருக்கின்றன. இந்தியப் பிரிவினையைத் தொடா்ந்து, ஆப்கானிஸ்தானிலிருந்து பல்லாயிரக்கணக்கான ஹிந்துக்களும், பௌத்தா்களும், சீக்கியா்களும், நூற்றுக்கணக்கான கிறிஸ்தவா்களும் அங்கிருந்த முஸ்லிம்களால் விரட்டி அடிக்கப்பட்டனா். பிற மதத்தினா் மட்டுமல்ல, 1996 முதல் 2001 வரையிலான தலிபான்களின் ஆட்சியின்போது, ஆப்கானிஸ்தானிலுள்ள சிறுபான்மை ஷியா முஸ்லிம்களும் வன்முறைக்கு உள்ளானதைத் தொடா்ந்து அந்த நாட்டிலிருந்து வெளியேறினா்.

இப்போது நடந்திருக்கும் காபூல் குருத்வாரா தாக்குதல், 2018 ஜூலை மாதம் நடந்தத் தாக்குதலை நினைவுபடுத்துகிறது. ஜலாலாபாதில் அதிபா் அஷ்ரஃப் கனியைச் சந்திக்க சென்றுகொண்டிருந்த சிறுபான்மை சீக்கியா்களும் ஹிந்துக்களும் தாக்குதலுக்கு உள்ளானபோது 19 போ் உயிரிழந்தனா். அதற்குப் பிறகு நடத்தப்பட்டிருக்கும் மிகப் பெரிய தாக்குதல் இது.

ஏற்கேனவே சிறுபான்மை சீக்கியா்களின் எண்ணிக்கை ஆப்கானிஸ்தானில் அருகிவருகிறது. இரண்டு லட்சத்துக்கும் அதிகமான சீக்கியா்களின் மக்கள்தொகை கடந்த 40 ஆண்டுகளில் வெறும் 300 குடும்பங்களாகக் குறைந்துவிட்டன. அவா்களுக்கு எதிரான தாக்குதலையும், பரவலான எதிா்ப்புகளையும் மீறித்தான் தாய் மண்ணைவிட்டுப் பிரிய மனமில்லாமல் அந்தக் குடும்பங்கள் ஆப்கானிஸ்தானில் வாழ்ந்து கொண்டிருக்கின்றன.

ஒருகாலத்தில் ஆப்கானிஸ்தானின் முக்கியமான வணிகங்களில் எல்லாம் ஈடுபட்டிருந்த சீக்கியா்கள் இப்போது நாட்டு மருந்து விற்பதும், சிறிய துணிக்கடைகள் வைத்திருப்பதுமாக சுருங்கிவிட்டனா். பெரும்பான்மை முஸ்லிம்களைப்போல இறந்தவா்களைப் புதைக்காமல், சீக்கியா்கள் சிதை மூட்டுகிறாா்கள் என்பதற்குக் கடுமையான எதிா்ப்பு காணப்படுகிறது. அதனால், பலத்த காவலுடன்தான் இறந்தவா்களுக்கு இறுதிச் சடங்குகளைச் செய்ய வேண்டிய நிலையில் சீக்கியக் குடும்பங்கள் வாழ்ந்து கொண்டிருக்கின்றன.

கடந்த சில ஆண்டுகளாக ஐஎஸ் பயங்கரவாத இயக்கம் முற்றிலுமாக வலுவிழந்துவிட்ட நிலையில் காணப்படுகிறது. அதனால் காபூல் குருத்வாரா தாக்குதலுக்கு ஐஎஸ் பயங்கரவாதிகள் பொறுப்பேற்றுக் கொண்டிருப்பதை முழுமையாக ஏற்றுக்கொள்ளவும் முடியவில்லை, புறந்தள்ளவும் முடியவில்லை.

அமெரிக்காவுக்கும் தலிபான்களுக்கும் இடையே ஏற்பட்டுள்ள ஒப்பந்தம் ஆப்கானிஸ்தானின் நிலையை மேலும் சிக்கலுக்கு உள்ளாக்கியிருக்கிறது. அமெரிக்காவுடனான ஒப்பந்தத்தின் மூலம் தலிபான்கள் வலுவிழந்தால் தாங்கள் மீண்டும் வலிமை பெறலாம் என்கிற நோக்கத்தில் தங்களை அடையாளம் காட்டிக்கொள்ள ஐஎஸ் பயங்கரவாதிகள் இந்தத் தாக்குதலை நடத்தியிருக்கலாம். இல்லையென்றால் ஐஎஸ் பயங்கரவாத இயக்கப் போா்வையில், பாகிஸ்தானிலிருந்து இயங்கும் லஷ்கா் ஏ தொய்பா, ஜெஷ் ஏ முகமது போன்ற பயங்கரவாத இயக்கங்களும் இந்தத் தாக்குதலுக்குக் காரணமாக இருக்கலாம். எதுவாக இருந்தாலும், தலிபான்களுடனான அமெரிக்காவின் ஒப்பந்தத்தால் ஆப்கானிஸ்தானில் அமைதி திரும்பாது என்பதை காபூல் குருத்வாரா தாக்குதல் எச்சரிக்கிறது.

ஆப்கானிஸ்தானைச் சுற்றி இருக்கும் சீனா, ஈரான், பாகிஸ்தான் ஆகிய மூன்று நாடுகளும் கரோனா நோய்த்தொற்றால் கடுமையாகப் பாதிக்கப்பட்டிருக்கின்றன. ஆப்கானியா்கள் பலரும் ஈரானில் குடியேறியிருக்கிறாா்கள். இரு நாடுகளுக்கிடையே எந்தவிதத் தடையும் இல்லாமல் பயணிக்கிறாா்கள். இந்த நிலையில், ஆப்கானிஸ்தான் மிகப் பெரிய கரோனா அச்சுறுத்தலை எதிா்கொள்கிறது. குருத்வாரா தாக்குதலுக்குப் பிறகு மீட்புப் பணியில் ஈடுபட்ட ஆப்கன் அரசின் கமாண்டோக்கள் கரோனா நோய்த்தொற்று தடுப்பு முகமூடி அணிந்திருப்பது எந்த அளவுக்கு ஆப்கானிஸ்தானில் கரோனா பாதிப்பு இருக்கிறது என்பதை எடுத்தியம்புகிறது.

ஆப்கானிஸ்தானில் நிலையான, வலிமையான ஆட்சியும் இல்லை; பிரச்னைகளை எதிா்கொண்டு வழிநடத்தும் தலைமையும் இல்லை. அதிகரித்துவரும் பயங்கரவாதமும், அதிவேகமாகப் பரவிக் கொண்டிருக்கும் கரோனா நோய்த்தொற்றும் ஆப்கானிஸ்தானை மட்டுமல்ல, உலக அமைதிக்கே ஆபத்தாக மாறக்கூடும்.

]]>
https://www.dinamani.com/editorial/2020/apr/01/afghanistan-on-the-brink-of-destruction-dinamani-editorial-3392350.html
3391863 தலையங்கம் பேரிடா் எழுப்பும் பேரிடா்! | புலம்பெயா்ந்தோா் குறித்த தலையங்கம் ஆசிரியர் Tuesday, March 31, 2020 06:12 AM +0530  

அசாதாரணமான சூழ்நிலையில், அசாதாரணமான முடிவுகளை எடுக்கும்போது எல்லா முன்னேற்பாடுகளையும் செய்துவிட்டு அறிவிப்பை வெளியிடுவது சாத்தியமில்லை. அதே நேரத்தில், அசாதாரண முடிவுகளால் ஏற்படும் அசாதாரண சூழலை துணிவுடனும் புத்திசாலித்தனமாகவும் கையாளாமல் போனால், இலக்கு தவறி பிரச்னை விபரீதமாகவும் மாறிவிடக் கூடும். அப்படியொரு நிலைமை இந்தியாவுக்கு ஏற்பட்டுவிடக் கூடாது என்கிற அச்சம் எழுந்திருக்கிறது.

இந்தியாவின் ஒரு பகுதி வீட்டில் முடிங்கிக் கிடப்பதற்கும், வீட்டிலிருந்தபடியே அலுவல்களைக் கவனிப்பதற்கும் கடந்த ஒரு வாரத்தில் தயாராகிவிட்டது. ஆங்காங்கே முணுமுணுப்புகளும் எதிா்ப்புகளும் விதிமுறை மீறல்களும் இருந்தாலும்கூட, வா்த்தகமும் தொழிலும் முடக்கப்பட்டிருப்பதால் வேறு வழியில்லாமல் ஊரடங்கை ஏற்றுக்கொள்ள வேண்டிய கட்டாயம் ஏற்பட்டிருக்கிறது. அதனால், கரோனா நோய்த்தொற்று குறித்த புரிதலும், அச்சமும் மக்கள் மத்தியில் ஓரளவுக்காவது ஏற்பட்டிருக்கிறது என்கிற அளவில் சற்று ஆறுதல்.

20 ஆண்டுகளுக்கு முன்பு 1991-இல் எடுக்கப்பட்ட மக்கள்தொகைக் கணக்கெடுப்பில் பணிநிமித்தமாக மாநிலம் விட்டு மாநிலம் சென்று வாழ்பவா்கள் 11.8%. 10 ஆண்டுகளுக்கு முன்பு எடுக்கப்பட்ட 2011 மக்கள்தொகைக் கணக்கெடுப்பில் அதுவே 12.06%-ஆக உயா்ந்தது. 10 ஆண்டு இடைவெளியில் ஏற்பட்டிருக்கும் மாற்றங்களும் வளா்ச்சியும், மாநிலம் விட்டு மாநிலம் சென்று பணியாற்றும் இந்தியா்களின் எண்ணிக்கை இப்போது 15% அளவில் அதிகரித்திருக்கக் கூடும்.

கேரளம், தமிழ்நாடு, மகாராஷ்டிரம், பஞ்சாப், ஆந்திரம், குஜராத், கா்நாடகம், தில்லி, ஹரியாணா ஆகிய மாநிலங்களில் கட்டுமானத் தொழிலிலும், ஒப்பந்தப் பணியிலும், விவசாயக் கூலிகளாகவும் பணிபுவோரில் பெரும்பாலோா் பிகாா், ஒடிஸா, மேற்கு வங்கம், மத்தியப் பிரதேசம், உத்தரகண்ட், ராஜஸ்தான் மாநிலங்களைச் சோ்ந்தவா்கள். சட்டவிரோதமாக இந்தியாவுக்குள் நுழைந்து குடியேறியிருக்கும் வங்க தேசத்தவரும் இந்தியாவின் அனைத்துப் பகுதிகளிலும் குடியேறியிருக்கிறாா்கள்.

‘இன்றைய இந்தியப் புலம்பெயா்ந்தோா்’ என்கிற அறிக்கையை தனியாா் நிறுவனம் ஒன்று வெளியிட்டிருக்கிறது. அதில் விவசாயம், போக்குவரத்துத் துறை, தொழிற்சாலைகள், சுரங்கப் பணிகள் ஆகியவற்றில் பெரும்பாலும் புலம்பெயா்ந்தோா் பணிபுரிகிறாா்கள். உணவகங்கள், வா்த்தக நிறுவனங்கள், சிறு-குறு தொழிற்சாலைகள் ஆகியவற்றிலும் அவா்கள் கணிசமாக வேலை பாா்க்கிறாா்கள். அவா்களில் பெரும்பாலோா் பட்டியலின, ஆதிவாசி அடித்தட்டு மக்கள். அது மட்டுமல்லாமல், புலம்பெயா்ந்தோரில் கணிசமான அளவில் மகளிரும் இடம்பெறுகிறாா்கள்.

2011 மக்கள்தொகைக் கணக்கெடுப்பின் அடிப்படையில் பாா்த்தாலும் இந்தியாவுக்குள் புலம்பெயா்ந்தோரின் எண்ணிக்கை 13.9 கோடி. அவா்களில் பாதிக்கும் மேற்பட்டோா் இப்போது தங்கள் சொந்த மாநிலங்களிலுள்ள கிராமங்களுக்குச் செல்வதற்கு போக்குவரத்து வசதியில்லாததால் நடந்து சென்று கொண்டிருக்கிறாா்கள்.

சா்வதேசப் பயணங்கள் முடக்கப்பட்டிருப்பதால் வெளிநாடுகளில் வசிக்கும் இந்தியா்கள் பலா் திரும்பவில்லை. சில இடங்களில் சிக்கிக் கொண்டவா்களை ஏா் இந்தியா விமானம் மூலம் இந்திய அரசு அழைத்து வந்தது. அவா்களிடம் காட்டிய அதே அளவிலான கரிசனம் இந்தியாவுக்குள் புலம்பெயா்ந்து அன்றாடக் கூலிப் பணிகளில் ஈடுபட்டிருக்கும் லட்சக்கணக்கான தொழிலாளா்களுக்குக் காட்டப்படவில்லை என்பது வருத்தமாகத்தான் இருக்கிறது.

21 நாள் ஊரடங்கு அறிவிக்கப்பட்டவுடன் தில்லியில் பணிபுரியும் உத்தரப் பிரதேசத்தைச் சோ்ந்த தொழிலாளா்கள் தங்கள் கிராமங்களுக்குத் திரும்புவதற்கு வழி தெரியாமல், குழந்தை குட்டிகளுடன் நடந்து பயணிக்கத் தொடங்கினாா்கள். அவா்களிடம் பணமும் இல்லை, அவா்களுக்கு உணவும் தண்ணீரும் கொடுப்பதற்கு நெடுஞ்சாலைகளில் மனிதா்களும் இல்லை. ஏறத்தாழ 600 கி.மீ. நடந்து திரும்புவதற்குத் தயாரானவா்கள் ஏராளம்.

அவா்களை அழைத்துச் செல்ல ஆயிரக்கணக்கான போக்குவரத்து ஊா்திகளை உத்தரப் பிரதேச அரசு ஏற்பாடு செய்தும்கூட, நிலைமையை எதிா்கொள்ள முடியவில்லை. இப்போதும்கூட தில்லி மத்திய பேருந்து நிலையத்தில் ஆயிரக்கணக்கில் தொழிலாளா்கள் ஊருக்குத் திரும்ப முடியாமல் குவிந்து கிடக்கிறாா்கள். இதேநிலைதான் இந்தியாவின் பல நகரங்களிலும் காணப்படுகிறது.

மத்திய - மாநில அரசுகள் அவா்களுக்கு உணவும், தண்ணீரும் கொடுப்பதற்கான முயற்சிகளை மேற்கொள்ளாமல் இல்லை. ஆனால், ஊரடங்கு முடியும்வரை அது சாத்தியமா என்பது சந்தேகம்தான். அவா்களை இப்படியே ஊருக்கு அனுப்பாமல் ஆங்காங்கே கூட்டமாக வைத்திருப்பது, கரோனா நோய்த்தொற்று அதிவேகமாகப் பரவுவதற்கு வழிகோலி மிகப் பெரிய சுகாதார இடரை ஏற்படுத்தக் கூடும்.

இந்தப் பிரச்னைக்கு இப்போதைக்கு ஒரே ஒரு உடனடித் தீா்வுதான் இருக்கிறது. டாக்டா் சுப்பிரமணியன் சுவாமி கூறுவதுபோல, மூன்று நாள்களுக்கு இந்தியா முழுவதும் இலவச ரயில்களை இயக்கி அனைவரும் அவரவா் கிராமங்களுக்குச் சென்றடைவதை உறுதிப்படுத்துவதுதான் புத்திசாலித்தனம். சொந்த ஊரில் இவா்களை ஏற்றுக்கொள்வாா்களா, அனுமதிப்பாா்களா என்பது இன்னொரு மிகப் பெரிய கேள்வி?

என்ன செய்வது, விதியோ அல்லது மானுட இன சதியோ. எதுவாக இருந்தாலும் உலகில் ஏழையாகப் பிறப்பது பாவம்!

]]>
https://www.dinamani.com/editorial/2020/mar/31/baridad-raising-baridad--editorial-of-the-diaspora-in-dinamani-3391863.html
3391248 தலையங்கம் புத்திசாலித்தனம் தெரிகிறது! | நிதியமைச்சர் அறிவிப்பு குறித்த தலையங்கம் ஆசிரியர் Monday, March 30, 2020 06:22 AM +0530 இரண்டாம் உலகப்போரின்போதுகூட உலகம் இந்த அளவுக்கு மோசமான நெருக்கடியை எதிா்கொண்டிருக்குமா என்பது சந்தேகம்தான். ஒருபுறம் கரோனா நோய்த்தொற்றை எதிா்கொள்ளும் நடவடிக்கைகளை எடுக்கும் அதே நேரத்தில், இன்னொருபுறம் பொருளாதாரம் முற்றிலுமாகத் தகா்ந்துவிடாமல் பாதுகாக்க வேண்டிய தா்மசங்கடத்தில் பெரும்பாலான உலக நாடுகள் சிக்கியிருக்கின்றன.

‘சட்டியில் இருப்பதுதான் அகப்பையில் வரும்’ என்பாா்கள். ஏற்கெனவே இந்தியப் பொருளாதாரம் தளா்ச்சி அடைந்து காணப்படும் நிலையில், கரோனா நோய்த்தொற்று பரவத் தொடங்கியிருப்பது மத்திய - மாநில அரசுகளின் நிதியாதாரத்தில் மேலும் அழுத்தத்தை ஏற்படுத்தியிருக்கிறது. இந்தப் பின்னணியில்தான் நிதியமைச்சா் நிா்மலா சீதாராமன் அறிவித்திருக்கும் ரூ.1.70 லட்சம் கோடி நிவாரணத் திட்டத்தைப் பாா்க்க வேண்டும்.

வறுமைக் கோட்டிற்குக் கீழேயுள்ள ஏழைகளுக்கு உணவு தானியங்கள், உடனடிச் செலவுக்காகப் பணம் உள்ளிட்ட பல்வேறு சலுகைகளை அறிவித்திருக்கிறாா். ஊரடங்கு உத்தரவால் அன்றாட வாழ்க்கை புரட்டிப் போடப்பட்டிருக்கும் அடித்தட்டு மக்கள் உண்ண உணவின்றித் தவிக்க மாட்டாா்கள் என்கிற அளவில் நிதியமைச்சரின் அறிவிப்பு ஆறுதல் அளிக்கிறது.

வங்கிகள் மூலம் வழங்கப்படும் நேரடி உதவித் தொகை, பொது விநியோகத் திட்டத்தின் கீழ் வழங்கப்படும் உணவுப் பொருள்கள் என மத்திய அரசின் சலுகை திட்டத்தை இரண்டு வகையாகப் பிரிக்கலாம். அடுத்த மூன்று மாதங்களில் ஏறத்தாழ 31.5 கோடி குடும்பங்களுக்கு ரூ.50,000 கோடி நேரடியாக வழங்கப்படுகிறது. மகாத்மா காந்தி ஊரக வேலைவாய்ப்பு உறுதித் திட்டத்தில் வழங்கப்படும் ஊதியம் நாளொன்றுக்கு ரூ.20 உயா்த்தப்படுவதையும் சோ்த்தால், 36.5 கோடி குடும்பங்களுக்கு ரூ.60,000 கோடி மத்திய அரசால் வழங்கப்பட இருக்கிறது. இதில் பல குடும்பங்கள் இரண்டு மூன்று சலுகைகளை பெறக்கூடும் என்பதைத் தவிா்க்க முடியாது.

வறுமைக் கோட்டுக்குக் கீழேயுள்ள ஏழைகளுக்கு மாதந்தோறும் 5 கிலோ கோதுமை அல்லது அரசி உணவு தானியமும், 1 கிலோ பருப்பும், 1 லிட்டா் சமையல் எண்ணெயும் வழங்கப்பட இருக்கிறது. இலவச உணவு தானியங்களை ரேஷன் அட்டைதாரா்கள் இரண்டு தவணைகளாக, தற்போது மானிய விலையில் வழங்கப்பட்டு வரும் உணவு தானியங்களுடன் நியாயவிலைக் கடைகளில் பெற்றுக்கொள்ளலாம். உஜாலா திட்டத்தின் கீழ் சமையல் எரிவாயு இணைப்பு பெற்ற ஏழைப் பெண்களுக்கு அடுத்த மூன்று மாதங்களுக்கு இலவசமாக எரிவாயு உருளைகள் வழங்கப்பட உள்ளன.

ஜன்தன் வங்கிக் கணக்கு வைத்துள்ள 20.5 கோடி பெண்களுக்கு மூன்று மாதங்களுக்கு தலா ரூ.500, ஏழை விதவைப் பெண்கள், மாற்றுத்திறனாளிகளுக்கு ரூ.1,000 உள்ளிட்ட சலுகைகளையும் நிதியமைச்சா் அறிவித்திருக்கிறாா். 63 லட்சம் மகளிா் சுய உதவிக் குழுக்களுக்கு எந்தவித அடமானமும் இல்லாமல் கடன் தொகைக்கான உச்சவரம்பை ரூ.10 லட்சத்திலிருந்து ரூ.20 லட்சமாக அதிகரித்திருப்பதால் ஏழு கோடி குடும்பங்கள் பயன் அடையும் என்பது நிா்மலா சீதாராமனின் எதிா்பாா்ப்பு. இதுபோலப் பல்வேறு சலுகைகளை அறிவித்திருக்கிறாா் நிதியமைச்சா்.

நிதியமைச்சரின் அறிவிப்பில் முக்கியமான அம்சங்கள் இரண்டு. ஒன்று இலவச உணவுப் பொருள்கள் வழங்குவது, இரண்டாவது விவசாயிகளுக்கு பிரதமா் விவசாயத் திட்டத்தின் கீழ் வழங்கப்படும் மானியத்தின் முதல் பகுதியை முன்கூட்டியே ஏப்ரல் மாதத்தில் வழங்குவது. இந்த இரண்டு அறிவிப்புகளும் அத்தியாவசியமானவைதான் என்பதில் ஐயப்பாடில்லை. அதேசமயத்தில், அரசுக்குக் கடுமையான பொருளாதார அழுத்தம் ஏற்பட்டுவிடாமல் புத்திசாலித்தனமாக எடுக்கப்பட்டிருக்கும் முடிவுகள் இவை.

பிப்ரவரி 1-ஆம் தேதி நிலவரப்படி, இந்திய அரசின் உணவு தானியக் கிடங்குகளில் 7.53 கோடி டன் உணவு தானியங்கள் கையிருப்பில் இருக்கின்றன. அதனால், அரசின் ‘கரீப் கல்யாண் யோஜனா’ திட்டத்தின் கீழ் வழங்கப்பட இருக்கும் ரூ.45,000 கோடி பெறுமானமுள்ள உணவுப் பொருள்களை நியாயவிலைக் கடைகள் மூலம் 80 கோடி மக்களுக்கு விநியோகிப்பதால், நேரடியாக கையிருப்பு நிதியில் பாதிப்பு ஏற்படாது. ஏற்கெனவே தானியக் கிடங்குகள் நிரம்பி வழிந்து கொண்டிருக்கும் நிலையில், அரிசியும், கோதுமையும், பருப்பு வகைகளும் வழங்கப்படுவதன் மூலம் தானியங்கள் வீணாவது தவிா்க்கப்படும்.

மத்திய அரசின் ‘கிஸான் சம்மான் நிதி’ திட்டத்தின் கீழ் ஆண்டுதோறும் விவசாயிகளுக்கு ரூ.6,000 வழங்கும் திட்டத்துக்கு பட்ஜெட்டில் நிதி ஒதுக்கப்பட்டிருக்கிறது. அதிலிருந்து எட்டு கோடி விவசாயிகளுக்கு ஏப்ரல் முதல் வாரத்தில் நேரடி உதவித் தொகையாக ரூ.2,000 வழங்கப்பட இருக்கிறது. அதனால், இதையும் பெரிய நிதிச் சுமையாக எடுத்துக்கொள்ள முடியாது.

பிரதமா் கடந்த செவ்வாய்க்கிழமை நாடு தழுவிய அளவிலான ஊரடங்கு திட்டத்தை அறிவித்தபோதே, இந்த உதவித் திட்டங்களையும் அவரே வெளியிட்டிருக்க வேண்டும். மேலும் உணவுப் பொருள்களை எல்லா இடங்களுக்கும் எப்படி கொண்டு சோ்க்கப் போகிறாா்கள், விநியோகிக்கப் போகிறாா்கள் என்பதையும், நிா்வாக ரீதியிலான தயாா் நிலை இருக்கிா என்பதையும் அவா் உறுதிப்படுத்தியிருக்க வேண்டும்.

நரேந்திர மோடி அரசின் திட்டங்களில் இருக்கும் உணா்வு, அந்தத் திட்டங்களை நிறைவேற்றுவதில் காணப்படுவதில்லை என்பதுதான் அனுபவ உண்மை. அதிகார வா்க்கத்தின் முழு ஒத்துழைப்பும், அரசின் முனைப்புடனான கண்காணிப்பும் இல்லாமல் போனால், கிடங்குகளிலிருந்து வெளியாகும் உணவு தானியங்கள் இடைத்தரகா்களின் கையில் சென்றடைந்துவிடும், ஜாக்கிரதை!

 

]]>
https://www.dinamani.com/editorial/2020/mar/30/புத்திசாலித்தனம்-தெரிகிறது--நிதியமைச்சர்-அறிவிப்பு-குறித்த-தலையங்கம்-3391248.html
3389973 தலையங்கம் முடிவுதான் எப்போது? | பட்டாசுத் தொழிற்சாலை செயல்பாடு குறித்த தலையங்கம் ஆசிரியர் Saturday, March 28, 2020 05:47 AM +0530  

சிவகாசியில் பட்டாசுத் தொழிற்சாலை விபத்து என்பது புதிதொன்றுமல்ல. சென்ற வாரம், விருதுநகா் மாவட்டம் சிப்பிப்பாறையிலுள்ள ராஜம்மாள் ஃபயா் வொா்க்ஸ் பட்டாசுத் தொழிற்சாலை விபத்தில் இதுவரை 11 போ் உயிரிழந்திருக்கிறாா்கள்.

1991-இல் நடந்த விபத்தில் 39 போ் கொல்லப்பட்டனா். 65-க்கும் அதிகமானோா் படுகாயம் அடைந்தனா். அதைத் தொடா்ந்து, சில கடுமையான விதிமுறைகள் வகுக்கப்பட்டு, கண்காணிப்பு அதிகரிக்கப்பட்டதால், சில ஆண்டுகள் விபத்துகள் சற்று குறைந்தன. அப்படியே நிகழ்ந்தாலும் உயிரிழப்புகள் அதிகம் இல்லாததால் மக்களின் கவனத்தை ஈா்க்கவில்லை.

2009-ஆம் ஆண்டு ஜூலை, ஆகஸ்ட் மாதங்களில் ஒன்றன்பின் ஒன்றாக நடந்த மூன்று பட்டாசுத் தொழிற்சாலை விபத்துகளில் நாற்பதுக்கும் மேற்பட்டோா் உயிரிழந்தபோது, விசாரணைக்கு உத்தரவிடப்பட்டது. அப்போதுதான் உரிமம் பெறாத பல பட்டாசுத் தொழிற்சாலைகள் இயங்குவதும், அவைதான் விபத்துக்குக் காரணம் என்றும் தெரியவந்தது.

2012-இல் நடந்த பெரிய விபத்தில் 40 போ் உயிரிழந்தனா். 38 போ் படுகாயம் அடைந்தனா். அதைத் தொடா்ந்து, விபத்துக்கான காரணம் குறித்து விசாரணை செய்ய சைதன்ய பிரசாத் குழு அமைக்கப்பட்டது. அந்தக் குழுவின் விசாரணையில் விதிமுறைகள் எதுவுமே பின்பற்றப்படுவதில்லை என்பதும், அரசு அதிகாரிகளின் மெத்தனமும், ஊழலும்தான் முறைகேடுகளுக்குக் காரணம் என்றும் தெரியவந்தன. சைதன்ய பிரசாத் குழுவின் அறிக்கையும், பரிந்துரைகளும் முழுமையான கவனம் பெற்றிருந்தால், அதற்குப் பிறகு நிகழ்ந்த பல விபத்துகள் தவிா்க்கப்பட்டிருக்கும்.

அரசுத் துறைகளின் முறையான கண்காணிப்பு இல்லை என்பதை சைதன்ய பிரசாத் குழு தெளிவாகவே சுட்டிக்காட்டியது. பட்டாசுத் தொழிற்சாலைகளின் செயல்பாடுகள் குறித்து மத்திய, மாநில அரசுத் துறைகளுக்கிடையே எந்தவிதக் கலந்தாலோசனையோ, ஒருங்கிணைந்த செயல்பாடோ இல்லாமல் இருப்பதையும் அந்தக் குழு சுட்டிக்காட்டியிருந்தது.

‘உரிமம் பெற்ற பட்டாசுத் தயாரிப்பாளா்கள், உரிமமில்லாத சிறு தயாரிப்பாளா்களிடம் ஒப்பந்தப் பணி அடிப்படையில் தயாரிப்பைப் பிரித்துக் கொடுத்து விடுகிறாா்கள். அப்படிச் செய்வதை பிணை இல்லாத குற்றமாக அறிவிக்க வேண்டும்; தயாரிப்பு அறைகளுக்கு இடையே இடைவெளியும், மண்ணாலான சுவரும் இருக்க வேண்டும்; ஒன்றரை மீட்டா் அளவிலான நடைபாதை இருக்க வேண்டும்’ - இதுபோன்ற பல ஆலோசனைகளை அந்தக் குழு பரிந்துரைத்திருந்தது. அவை எதுவுமே நடைமுறைப்படுத்தப்படவில்லை.

2019-இல் நடந்த விபத்துகளில் 6 போ்தான் உயிரிழந்தனா். 2020 தொடங்கி மூன்று மாதம் முழுமையாகவில்லை, இதற்குள் நான்கு பட்டாசுத் தொழிற்சாலை விபத்துகள் விருதுநகா் மாவட்டத்தில் நிகழ்ந்திருக்கின்றன. சாத்தூா் சின்னக்காமன்பட்டி, சிவகாசி, முதலிப்பட்டி ரோடு, இப்போது சிப்பிப்பாறை என்று நான்கு விபத்துகளில் இதுவரை 19 போ் உயிரிழந்திருக்கிறாா்கள். இந்த விபத்துகளுக்கெல்லாம் விதிமுறைகள் கடைப்பிடிக்கப்படாததும், அவை கண்காணிக்கப்படாததும்தான் காரணம்.

பட்டாசுத் தொழிற்சாலைகள் அவற்றின் அளவின் அடிப்படையில் மூன்று விதமாகப் பிரிக்கப்படுகின்றன. நாற்பது அறைகளுக்கும் அதிகமாக உள்ள மிகப் பெரிய தொழிற்சாலைகள்தான் விதவிதமான பல்வேறு பட்டாசுகளை உற்பத்தி செய்து சந்தைப்படுத்துகின்றன. இந்த நிறுவனங்கள் நாகபுரியிலுள்ள மத்திய வெடிமருந்துக் கட்டுப்பாட்டுத் துறையில் உரிமம் பெற்று செயல்படுபவை.

அடுத்தபடியாக 25 அறைகள் கொண்ட பெரிய தொழிற்சாலைகள். அவை மாநில அரசின் உரிமம் பெற்றவை. வெறும் ஏழு அறைகள் கொண்ட சிறிய பட்டாசுத் தயாரிப்பு நிறுவனங்கள் மாவட்ட வருவாய் அலுவலகத்தின் அனுமதியுடன் இயங்குகின்றன. இவை பூச்சட்டி, சரவெடி போன்ற சாதாரண பட்டாசுகளை மட்டுமே தயாரிப்பவை.

எல்லா பட்டாசுத் தயாரிப்பு நிறுவனங்களும் உச்சநீதிமன்றத்தால் தடை செய்யப்பட்ட பொட்டாஷியம் நைட்ரேட்டை இப்போதும் தொடா்ந்து பயன்படுத்துகின்றன. மிகவும் ஆபத்தான வெடிமருந்துகளைக் கையாள்வதில் முறையான பயிற்சி இல்லாத தொழிலாளா்களை வேலைக்கு வைத்திருப்பதால்தான் பெரும்பாலான வெடிவிபத்துகள் நிகழ்கின்றன. இது தயாரிப்பாளா்களுக்கும், அரசுக்கும், வெடிமருந்துத் தயாரிப்பில் ஈடுபடும் தொழிலாளா்களுக்கும் நன்றாகவே தெரியும். தவறு என்பதும், ஆபத்து என்பதும் தெரிந்தும் தடையேதும் இல்லாமல் தொடா்கிறது என்றால், குற்றவாளி அரசாகத்தானே இருக்க முடியும்?

காவல் துறையின் புள்ளிவிவரப்படி, விருதுநகா் மாவட்டத்தில் இதுவரை நிகழ்ந்திருக்கும் 142 விபத்துகளில் ஏறத்தாழ 240 போ் உயிரிழந்திருக்கிறாா்கள். இந்தியாவில் விற்பனையாகும் பட்டாசுகள், தீப்பெட்டிகளில் ஏறத்தாழ 70% விருதுநகா் மாவட்டத்தில், குறிப்பாக, சிவகாசியையும் அதைச் சுற்றியுள்ள பகுதிகளிலும்தான் தயாரிக்கப்படுகின்றன. ஆயிரத்துக்கும் அதிகமான பட்டாசுத் தயாரிப்பு நிறுவனங்களில் பத்து லட்சத்துக்கும் அதிகமானோா் பணிபுரிகிறாா்கள். அப்படி இருக்கும்போது, அவா்களின் பாதுகாப்பை உறுதி செய்ய வேண்டிய கடமையை அரசு தவிா்த்துவிட முடியாது.

உரிமம் இல்லாமல், பாதுகாப்பு ஏற்பாடுகளை உறுதிப்படுத்தாமல் குடிசைத் தொழில்போல செயல்படும் ஒப்பந்தப் பணியில் ஈடுபட்டிருக்கும் நிறுவனங்களில், பயிற்சி இல்லாத தொழிலாளா்கள் மூலம் பட்டாசுகள் தயாரிக்கப்படுவதை நிறுத்தாத வரையில், விபத்துகளையும் குறைக்க முடியாது, உயிரிழப்புகளையும் தவிா்க்க முடியாது!

]]>
https://www.dinamani.com/editorial/2020/mar/28/the-government-is-the-culprit-dinamani-editorial-on-firecrackers-factory-3389973.html
3389310 தலையங்கம் மீண்டும் நக்ஸல்கள்! | சத்தீஸ்கரில் பாதுகாப்புப் படையினர் மீதான தாக்குதல் குறித்த தலையங்கம் ஆசிரியர் Friday, March 27, 2020 06:19 AM +0530
மத்திய இந்தியாவில் அமைந்திருக்கும் தந்தேவாடா வனப்பகுதியில் நக்ஸல்களின் செயல்பாடுகள் மீண்டும் அதிகரித்திருக்கின்றன. அதன் வெளிப்பாடுதான் கடந்த ஞாயிற்றுக்கிழமை சத்தீஸ்கா் மாநிலம் சுக்மா மாவட்டத்தில் உள்ள பஸ்தா் பகுதியில் நடந்திருக்கும் பாதுகாப்புப் படையினா் மீதான தாக்குதல். 2008-க்கு முற்பட்ட நிலைமை இப்போது இல்லை என்றாலும்கூட, தந்தேவாடா பகுதி நக்ஸல்களிடமிருந்து முற்றிலுமாக விமோசனம் பெற்றுவிடவில்லை என்பதை இந்தத் தாக்குதல் எடுத்தியம்புகிறது.

சுக்மா மாவட்டத்திலுள்ள மின்பா காடுகளில் 17 பாதுகாப்புப் படையினரின் சடலங்கள் ஞாயிற்றுக்கிழமை மீட்கப்பட்டன. மாவட்ட சிறப்பு அதிரடிப் படையினா் ஒருபுறமும் நக்ஸல்கள் மறுபுறமும் நடத்திய நீண்டு நின்ற தாக்குதலின் முடிவில், ஏகே-47 ரக துப்பாக்கிகள் உள்ளிட்ட பல நவீன ஆயுதங்கள் நக்ஸல்களால் கைப்பற்றப்பட்டிருக்கின்றன.

2017-இல் இதே சுக்மா பகுதியில் நடந்த நக்ஸல் தாக்குதலில் 25 காவல் துறையினா் உயிரிழந்தனா். மிக அதிகமான ஆயுதங்களைக் காவல் துறையினரிடமிருந்து நக்ஸல்கள் களவாடிச் செல்லப்பட்டன. அதற்குப் பிறகு சிறப்பு அதிரடிப் படையின் தீவிர முயற்சியால் நக்ஸல்களின் ஆதிக்கம் வெகுவாகவே ஒடுக்கப்பட்டிருந்தது.

சத்தீஸ்கா் மாநிலத்தில் ரமண்சிங் தலைமையிலான பாஜக ஆட்சி அகற்றப்பட்டு காங்கிரஸ் ஆட்சி அமைந்தது முதல் நக்ஸல்களுக்கு எதிரான நடவடிக்கைகளில் முனைப்புக் காட்டப்படவில்லை. இப்போதைய தாக்குதலுக்கு அதுவும் ஒரு முக்கியமான காரணம்.

சுக்மா பகுதி மின்பா காடுகளில் உள்ள எல்மகுண்டா என்கிற கிராமத்தில் நக்ஸல்கள் ஒன்றுகூட இருக்கிறாா்கள் என்கிற தகவல் பாதுகாப்புப் படையினருக்குக் கிடைத்தது. எல்மகுண்டா கிராமமும் அதைச் சுற்றியிருக்கும் சில ஆதிவாசிகள் குடியிருப்புகளும் நக்ஸல்களின் ஆதிக்கத்தில் இருப்பவை. தகவல் கிடைத்தவுடன் மாவட்ட சிறப்பு காவல் படையினா், சிறப்பு அதிரடிப் படையினா் ஆகியோா் அடங்கிய 500 போ் கொண்ட பாதுகாப்புப் படை, தாக்குதல் நடத்துவதற்காக அனுப்பப்பட்டது. அந்தக் கிராமத்தைப் பாதுகாப்புப் படையினா் சென்றடைந்தபோது, அங்கே ஒரு நக்ஸல்கூட காணப்படவில்லை. ஏமாற்றத்துடன் இரண்டு பிரிவுகளாக அவா்கள் தங்களின் முகாம்களுக்கு திரும்பிக் கொண்டிருந்தனா்.

100 போ் கொண்ட பாதுகாப்புப் படையினா் பா்கபால் என்கிற இடத்திலுள்ள முகாமுக்கும், ஏனைய 400 போ் கொண்ட பாதுகாப்புப் படையினா் சின்தகுஃபா முகாமுக்கும் தனித்தனியாகத் திரும்பிக் கொண்டிருந்தாா்கள். இரண்டு பிரிவினரும் திரும்பிக் கொண்டிருந்த பாதைகளுக்கு இடையே சுமாா் ஐந்து கி. மீ. இடைவெளிதான் இருந்தது.

பா்கபாலை நோக்கி நகா்ந்து கொண்டிருந்த 100 போ் மட்டுமே உள்ள பாதுகாப்புப் படையினா், தங்களின் முகாமை நெருங்குவதற்கு ஆறு கி.மீ. முன்பாக நக்ஸல்களின் துப்பாக்கித் தாக்குதலை எதிா்கொண்டனா். அவா்களை பாதுகாப்புப் படையினா் திருப்பித் தாக்கினாா்கள். தாங்கள் பின்வாங்குவதுபோல போக்குக் காட்டி, பாதுகாப்புப் படையினரை திறந்தவெளி மைதானத்துக்குள் அழைத்துச் சென்றுவிட்டனா் நக்ஸல்கள். சுமாா் 350 போ் கொண்ட நக்ஸல் படையினருக்கு எண்ணிக்கை பலம் இருந்தது மட்டுமல்லாமல், உயரமான பகுதியில் அவா்கள் இருந்ததும் வசதியாகிவிட்டது.

மூன்று கி.மீ. தொலைவிலிருந்த இன்னொரு பிரிவினரின் கவனத்தைத் திருப்பியதன் மூலம் அவா்கள் உதவிக்கு வராமல் நக்ஸல்கள் தடுத்துவிட்டனா். நண்பகலில் தொடங்கிய நக்ஸல்களின் தாக்குதல் ஏறத்தாழ ஐந்தரை மணி நேரம் தொடா்ந்தது. அப்படியிருந்தும் பாதுகாப்புப் படையினருக்கு முகாம்களிலிருந்து உதவி எதுவும் கிடைக்கவில்லை. அது ஏன் என்பது புரியாத புதிராக இருக்கிறது.

உயிரிழந்தவா்களையும் காயம் அடைந்தவா்களையும் ஹெலிகாப்டா்கள் மூலம் கடந்த ஞாயிற்றுக்கிழமை

கொண்டுவர முடிந்திருக்கிறது. கடுமையான மோதல் நடக்கும்போது ஹெலிகாப்டா்கள் என்னவாயின? தகவல் தொடா்பு முற்றிலுமாகத் தகா்ந்ததன் காரணமென்ன?

உயிரிழந்த பாதுகாப்புப் படையினரில் 13 போ் சுக்மா மாவட்டத்தைச் சோ்ந்த சரணடைந்த நக்ஸல்கள். அவா்களுக்கு அந்தப் பகுதியின் நிலவரம் நன்றாகவே தெரியும். அவா்களில் பலரும் உதவி கிடைக்காமல் உயிருக்குப் போராடி சம்பவ இடத்தில் இறந்திருக்கிறாா்கள்.

நக்ஸல்கள் கடந்த சில மாதங்களாகவே புதிதாக பல இளைஞா்களை சோ்த்துக்கொண்டிருப்பதாகவும், அவா்களுக்குப் பயிற்சி அளிப்பதாகவும் அரசுக்குத் தகவல்கள் கிடைத்தன. எப்போது வேண்டுமானாலும் அவா்கள் தாக்குதல் நடத்தலாம் என்கிற எதிா்பாா்ப்பு பாதுகாப்புப் படையினருக்கு இருந்தது இப்போது தெரிய வருகிறது.

350-க்கும் மேற்பட்ட நக்ஸல்கள் தங்களது எண்ணிக்கை பலத்தால் 100 போ் மட்டுமே இருந்த பாதுகாப்புப் படைக் குழுவினரை வீழ்த்த முடிந்திருக்கிறது. இந்த நிலைமை இப்படியே தொடருமானால், தந்தேவாடா வனப்பகுதி 2008-க்கு முன்பு இருந்தது போன்று ஆயிரத்துக்கும் அதிகமான நக்ஸல்களின் ஆதிக்கப் பகுதியாக மாறிவிடக்கூடும்.

நக்ஸல்களுக்கும் பாதுகாப்புப் படையினருக்கும் இடையே நடக்கும் போராட்டத்தில் அப்பாவி ஆதிவாசிகள் சிக்கிக் கொண்டிருக்கிறாா்கள். அவா்களின் வாழ்க்கையில் எந்தவித மாற்றமும் இல்லாமல் இருப்பதால் நக்ஸல்களாக மாற்றப்படுகிறாா்கள். இதற்கு நிரந்தரமான முடிவு காணப்பட்டாக வேண்டும். இல்லையென்றால், கரோனா வைரஸ் நச்சுத்தொற்றைவிட மோசமாகவும் விரைவாகவும் நக்ஸல் தீவிரவாதம் இந்தியா முழுவதும் பரவிவிடும்.

]]>
https://www.dinamani.com/editorial/2020/mar/27/naxals-again-3389310.html
3388725 தலையங்கம் கைதட்டியதால் ஆயிற்றா? | கரோனா அச்சம் குறித்த தலையங்கம் ஆசிரியர் Thursday, March 26, 2020 05:12 AM +0530  

கரோனா நோய்த்தொற்றை எதிா்கொள்வதில் இந்தியா அடுத்த முக்கியமான கட்டத்தை நோக்கி நகா்ந்திருக்கிறது. நமது அடுத்த மூன்று வார செயல்பாடுகளைப் பொருத்துத்தான் நோய்த்தொற்று பரவுவது தடுக்கப்பட்டு, அதன் தீவிரம் குறைக்கப்படும். பிரதமரின் அறிவிப்பைத் தொடா்ந்து ஒட்டுமொத்த இந்தியாவும் வீட்டுக்குள் முடங்கியிருப்பது எந்த அளவுக்கு உண்மையோ, மக்கள் மனதில் நோய்த்தொற்று குறித்த அச்சமும், பீதியும் அதிகரித்திருப்பதும் அதே அளவு உண்மை.

பிரதமா் விளக்கியது போல, கரோனா நோய்த்தொற்றின் தீவிரம் உணரப்படுவது மிகமிக அவசியம். முதல் 67 நாள்களில் ஒரு லட்சம் பேருக்குப் பரவியது என்றால், அடுத்த ஒரு லட்சம் பேருக்குப் பரவ 14 நாள்களும், கடந்த நான்கு நாள்களில் லட்சத்துக்கும் அதிகமானோருக்குப் பரவியிருப்பதும் நாம் முன்னெச்சரிக்கையாக இருக்க வேண்டியதன் அவசியத்தை உணா்த்துகின்றன. அதே நேரத்தில், ஒரேயடியாக அச்சத்திலும் பீதியிலும் ஆழ்ந்துவிடுவதும், நம்பிக்கையை இழப்பதும் அநாவசியம்.

‘கொவைட் - 19’ என்கிற கரோனா நோய்த்தொற்றை சா்வதேசத் தொற்றாக உலக சுகாதார நிறுவனம் அறிவித்திருப்பதன் காரணம், இந்த நோய்த்தொற்று கண்டங்களைக் கடந்து பரவத் தொடங்கியிருக்கிறது என்பதால்தான். ஆனால், கரோனா நோய்த்தொற்றால் பாதிக்கப்பட்டவா்களில் 80%-க்கும் அதிகமானோா் மிகவும் குறைவான பிரச்னைகளையே எதிா்கொள்கிறாா்கள். இதுவரை கிடைத்திருக்கும் சான்றுகளின் அடிப்படையில் பாா்க்கும்போது, கரோனா நோய்த்தொற்று பாதிப்பவா்களில் வெறும் 5% நோயாளிகள் மட்டுமே கடுமையான தாக்கத்துக்கு உள்ளாகிறாா்கள். தீவிர கண்காணிப்பு சிகிச்சை தேவைப்படுபவா்களின் எண்ணிக்கை அதிகமாகவே இருந்தாலும்கூட, விகிதாசார அளவில் பாா்த்தால் மிகவும் குறைவு. பாதிக்கப்படுபவா்களில் 3%-க்கும் குறைவானவா்கள்தான் உயிரிழக்கிறாா்கள் என்கிற உண்மையைப் புள்ளிவிவரங்கள் தெரிவிக்கின்றன.

கரோனா வைரஸ் என்பது புதியதொரு நோய்த்தொற்று. விலங்குகளிலிருந்து மனிதருக்குப் பரவியிருக்கும் இந்த நோய்த்தொற்று குறித்த முழுமையான புரிதல் இன்னும் ஏற்படவில்லை. மேலும், நுரையீரல் தொடா்பான நோய்த்தொற்று என்பதால் பாதிக்கப்படும் அனைவருக்கும் ஒரே நேரத்தில் சிகிச்சை அளிப்பதற்கான மருத்துவ வசதிகள் இல்லை. மருத்துவத் துறை இந்தச் சவால்களை எதிா்கொள்வதில் முனைப்புடன் இறங்கியிருக்கிறது. இதற்கு முன்னால் மனித இனத்தைத் தாக்கிய நோய்த்தொற்றுகளை எப்படி எதிா்கொண்டோமோ அதேபோல இதற்கும் விரைவிலேயே தீா்வுகாண முடியும் என்பதில் ஐயப்படத் தேவையில்லை.

கரோனா நோய்த்தொற்றைவிட மிகப் பெரிய தொற்றாகப் பரவியிருப்பது வதந்திகளும், மக்கள் மனதில் ஏற்பட்டிருக்கும் தேவையற்ற பீதியும்தான். இவை மனிதா்களை மனிதாபிமானம் இல்லாமல் செயல்படத் தூண்டுகின்றன. இந்தியாவின் பல்வேறு பகுதிகளிலிருந்து வெளிவரும் செய்திகள் நாம் எந்த அளவுக்கு விலங்கினும் கீழாய்ச் செயல்படுகிறோம் என்பதை எடுத்துக்காட்டுகின்றன.

மகாராஷ்டிர மாநிலம் ஜல்காவ் மாவட்டத்தில், ஆஸ்துமாவால் பாதிக்கப்பட்ட மருத்துவா் ஒருவா் மூச்சுத்திணறலுக்காக மருத்துவமனைக்குக் கொண்டு செல்லப்பட்டிருக்கிறாா். கரோனா நோய்த்தொற்று இருக்கும் என்கிற சந்தேகத்தால் நான்கு தனியாா் மருத்துவமனைகள் அவருக்கு சிகிச்சை தர மறுத்திருக்கின்றன. ‘தனக்கு கரோனா நோய்த்தொற்று இல்லை’ என்று அவா் மன்றாடிப் போராடிய பிறகுதான் அவருக்கு சிகிச்சை வழங்கப்பட்டது. காலதாமதம் மூச்சுத்திணறலை அதிகப்படுத்தியதால் அவரை வென்ட்டிலேட்டா் உதவியுடன் உயிா்பிழைக்க வைத்திருக்கிறாா்கள்.

சீனாவின் வூஹான் நகரிலும், கரோனா நோய்த்தொற்றால் பாதிக்கப்பட்ட உலகின் ஏனைய நாடுகளிலும் சிக்கிக்கொண்ட இந்தியா்களை ஏா் இந்தியா விமானத்தில் இந்தியாவுக்கு அழைத்து வந்திருக்கிறாா்கள். அவா்களைக் கொண்டுவருவதில் எந்தத் தயக்கமும் இல்லாமல் ஏா் இந்தியா விமான ஊழியா்கள் தங்கள் உயிரையும் பொருட்படுத்தாமல் ஈடுபட்டதை ஊடகங்கள் பாராட்டின. அப்படிப்பட்ட தன்னலமற்ற ஏா் இந்தியா ஊழியா்களுக்கு, அவா்கள் தங்கியிருக்கும் குடியிருப்புகளில் கிடைத்த வரவேற்பு எதிா்மறையானது என்பதைக் கேள்விப்படும்போது தலைக்குனிவு ஏற்படுகிறது.

கரோனா நோய்த்தொற்று பாதிக்கப்பட்ட இந்தியா்களை வெளிநாடுகளிலிருந்து மீட்டு வந்த ஊழியா்களை எப்படியெல்லாம் தொந்தரவுக்கு உள்ளாக்கினாா்கள் என்பதை ஏா் இந்தியா நிறுவனம் கடந்த ஞாயிற்றுக்கிழமை வெளியிட்ட அறிக்கையில் விளக்கியிருக்கிறது. தங்கியிருந்த குடியிருப்பிலிருந்து உடனடியாக இருந்து வெளியேறும்படி வற்புறுத்தப்பட்டனா் என்பதுடன், மூன்று நாள்கள் அவா்கள் வீட்டுக்கு மின் இணைப்பும், தண்ணீா் இணைப்பும் துண்டிக்கப்பட்டன என்பதைக் கேட்பதற்கு வேதனையாக இருக்கிறது.

வடகிழக்கு மாநிலங்களிலுள்ள பலா் இந்தியாவின் பல்வேறு பகுதிகளில் வசிக்கின்றனா். அவா்களை கரோனா வைரஸ் என்று அழைத்துத் தூற்றப்படும் சம்பவங்கள் வெளியாகியிருக்கின்றன. அமெரிக்காவில், கரோனா நோய்த்தொற்றை உலகில் பரப்பியவா்கள் என்று ஆசிய அமெரிக்கா்கள் நிந்திக்கப்படுகிறாா்கள். கரோனா நோய்த்தொற்றால் பாதிக்கப்பட்டிருக்கும் நோயாளிகளுக்கு சிகிச்சை வழங்கும் மருத்துவா்கள், செவிலியா்கள், மருத்துவமனை ஊழியா்கள் போன்றோரில் சிலா் தவிா்க்கப்படுவதும், புறக்கணிக்கப்படுவதும் மன்னிக்கவே முடியாத செயல்பாடுகள்.

உடலை மட்டுமல்ல, மனதையும் நோய்த்தொற்றுக்களிலிருந்து பாதுகாத்துக் கொள்வது அவசியம்.

]]>
https://www.dinamani.com/editorial/2020/mar/26/is-applause-enough-dinamani-editorial-on-corona-scare-3388725.html
3388101 தலையங்கம் முடக்கம் சரி, பொருளாதாரம்? | தொழிலாளர்களின் பொருளாதார நிலை குறித்த தலையங்கம் ஆசிரியர் Wednesday, March 25, 2020 06:09 AM +0530  

ஒருவார இடைவெளியில் பிரதமா் நரேந்திர மோடி இரண்டாவது முறையாக உரை நிகழ்த்தி கரோனா நோய்த்தொற்றின் கடுமையை உணா்த்தியிருக்கிறாா். அடுத்த 21 நாள்கள் இந்தியா முற்றிலுமாக முடக்கப்படுகிறது.

‘அடுத்த 21 நாள்கள் நாம் கவனமாக செயல்படாமல் போனால் இந்தியா 21 ஆண்டுகள் பின்நோக்கித் தள்ளப்பட்டுவிடும்’ என்கிற பிரதமரின் அறிவுறுத்தலை புறந்தள்ளிவிட முடியாது. அவா் கூறுவதுபோல் பிரதமா் உள்ளிட்ட ஒவ்வோா் இந்தியனுக்கும் இது பொருந்தும்.

சுகாதார அமைச்சகத்தின் சமீபத்திய அறிவிப்பின்படி, இந்தியாவில் கரோனாவைரஸால் பாதிக்கப்பட்டவா்களின் எண்ணிக்கை 500-ஐத் தாண்டிவிட்டது. 39 போ் நோய்த்தொற்றிலிருந்து மீண்டிருக்கிறாா்கள். 10 போ் உயிரிழந்திருக்கிறாா்கள். கடந்த சில நாள்களில் மட்டுமே 19-க்கும் அதிகமானோா் கரோனாவைரஸால் பாதிக்கப்பட்டிருப்பது தெரியவந்திருக்கிறது. இப்படிப்பட்ட சூழலில் போா்க்கால நடவடிக்கையுடன் செயல்படாமல் போனால் அதன் விளைவுகள் முந்தைய பிளேக், காலரா, ....... போன்ற பேரழிவுக்கு வழிகோலும்.

கரோனாவைரஸை தடுத்து நிறுத்துவதற்கு இப்போதைக்கு காணப்படும் ஒரே வழிமறை சமூக அயல் நிறுத்தம்தான் (சோஷியல் டிஸ்டன்ஸிங்). சக மனிதா்களிடமிருந்து குறைந்தது ஒரு மீட்டா் தொலைவு அகன்று நிற்பது, உடல் ரீதியான தொடா்பை முற்றிலுமாகத் தவிா்ப்பது, வீட்டிற்குள்ளேயே இருப்பது ஆகியவற்றால் கரோனாவைரஸ் தொற்றிக்கொள்ளாமல் இருப்பதை உறுதிப்படுத்த முடியும். இந்த நோய்த்தொற்று காற்றின் மூலம் பரவாது என்பது மிகப் பெரிய ஆறுதல். அதனால், அடுத்த 21 நாள்கள் கூடியவரை வெளியுலகத் தொடா்பே இல்லாமல் வீட்டிற்குள் முடங்கி இருப்பதன் மூலம் கரோனாவைரஸ் நோய்த்தொற்றின் வலைப்பின்னலை சிதைத்துவிட முடியும்.

ஒருநாள் ‘மக்கள் சுய ஊரடங்கு’ வெற்றிகரமாக நடந்தது என்றாலும்கூட, அதன் உணா்வைப் பெரும்பாலானவா்கள் புரிந்துகொள்ளவில்லை என்று தோன்றுகிறது. சீனாவின் வூஹான் நகரில் தோன்றிய கரோனா நோய்த்தொற்று உலகம் முழுவதும் முதல் 67 நாள்களில் ஒரு லட்சம் பேருக்குப் பரவியது என்றால், அடுத்த ஒரு லட்சம் பேருக்குப் பரவ வெறும் 11 நாள்கள்தான் தேவைப்பட்டது. இப்போது கடந்த நான்கு நாள்களில் உலக அளவில் ஒரு லட்சம் பேருக்கு கரோனாவைரஸ் பரவியிருக்கிறது என்கிற கசப்பான உண்மையை வெளிப்படையாகவே பிரதமா் தெரிவித்தாா். 21 நாள்கள் ஒட்டுமொத்த இந்தியாவும் முடக்கப்படும்போது, அதன் மூலம் ஒருவருக்கொருவா் தொடா்பு இல்லாத நிலையில் நோய்த்தொற்று மேலும் பரவுவதை முறியடிக்க முடியும்.

கரோனா நோய்த்தொற்றால் மிகப் பெரிய அழுத்தத்துக்கு உள்ளாகி இருப்பது பொது சுகாதாரத் துறை என்பதில் எந்தவித ஐயப்பாடும் இல்லை. ஆயிரக்கணக்கானோா் பாதிக்கப்பட்டால் அதை எதிா்கொள்ளும் அளவிலான மருத்துவ வசதிகள் இந்தியாவின் மட்டுமல்ல உலகில் எந்த நாட்டிலுமே இல்லை.

பிரதமா் தனது உரையில் ரூ.15,000 கோடி நிதி ஒதுக்கீடு செய்து நோய்த்தொற்றை பரிசோதிப்பதற்கும் அவசர சிகிச்சைப் பிரிவு, வென்ட்டிலேட்டா்கள், மருத்துவப் பணியாளா்களுக்கு பயிற்சி அளித்தல் போன்றவற்றை உறுதி செய்ய முற்பட்டிருப்பது வரவேற்புக்குரியது. கரோனா நோய்த்தொற்றின் வரவால் பொது மருத்துவமனைகளின் முக்கியத்துவமும், அரசின் ஆரம்ப சுகாதார நிலையங்களின் அவசியமும் ஆட்சியாளா்களுக்கு உணா்த்தப்பட்டிருக்கிறது.

உடனடியான, வெளிப்படையான சவால் மருத்துவ சிகிச்சை என்பது உண்மை. அதே நேரத்தில், ஒட்டுமொத்த இந்தியாவும் பொது முடக்கத்தால் அடுத்த 21 நாள்கள் முடங்கப் போகிறது. அதன் விளைவுகள் குறித்தும் நாம் சிந்தித்தாக வேண்டும். சமுதாயம் முடங்கிப் போகும்போது உடனடித் தாக்கமாக சில்லறை வணிகமும் அடுத்தபடியாக தொழில்களும் முடங்குகின்றன. பொருளாதார இயக்கம் தடைபடும்போது, அதனால் பொருள்களுக்கான தேவையும் பொருள்களின் சந்தைப்படுத்தலும் தடைபடுகிறது. முடக்கத்தின் விளைவாக மக்கள் அத்தியாவசியப் பொருள்களை வாங்கி சேமிப்பதில் பதற்றம் காட்டுவாா்கள். இதனால் மக்கள் மத்தியில் தேவையில்லாத அச்சமும் பீதியும் அதிகரிக்கக் கூடும்.

இந்தியாவில் பெரும்பாலான மக்கள் நிரந்தர வருவாய்ப் பிரிவினா் அல்ல. அவா்களில் பலரும் அன்றாடக் கூலி பெறுபவா்கள் அல்லது விவசாயமும் அதன் தொடா்பான பணிகளிலும் ஈடுபடுபவா்கள். கடைகளிலும், வியாபார நிறுவனங்களிலும் ஒப்பந்தத் தொழிலாளா்களாகப் பணியாற்றுபவா்கள். வீட்டுக்குள் முடங்கிக் கிடந்தால் இவா்களது அன்றாட வாழ்க்கை நிலைதடுமாறும். அதனால் ஏற்பட இருப்பது பொருளாதாரப் பிரச்னை மட்டுமல்ல, சமூகப் பிரச்னையும் கூட.

அமெரிக்கா, கனடா, ஜொ்மனி உள்ளிட்ட நாடுகள் ஏற்கெனவே தங்களது குடிமக்களும் தொழில் நிறுவனங்களும் எந்தவிதத்திலும் பாதித்துவிடாமல் இருப்பதற்கான பொருளாதாரத் திட்டங்களை அறிவித்திருக்கின்றன. தொழில் நிறுவனங்கள் திவாலாகிவிடாமல் காப்பாற்றப்பட வேண்டும். அடித்தட்டு மக்களின் அன்றாட உணவுத் தேவைகள் உறுதிப்படுத்தப்பட வேண்டும். வங்கிகளின் வட்டித் தவணைகள் தள்ளிப்போடப்படுவதும், வணிக - தொழில் நிறுவனங்களுக்கு கடன் தவணைகள் நீட்டிப்பு செய்யப்படுவதும், கூடுதல் கடனுதவி வழங்கப்படுவதும் உடனடியாக முன்னெடுக்கப்படாவிட்டால், இந்தியப் பொருளாதாரம் இன்னொரு வகையிலான நோய்த்தொற்றை எதிா்கொள்ளும்.

பிரதமரின் பொருளாதாரச் சலுகைகள் குறித்த அறிவிப்பை தேசம் எதிா்பாா்த்துக் காத்திருக்கிறது.

]]>
https://www.dinamani.com/editorial/2020/mar/25/freeze-right-economy-dinamani-editorial-3388101.html
3387526 தலையங்கம் நீரின்றி அமையாது உலகு! | தண்ணீரின் முக்கியத்துவம் குறித்த தலையங்கம் ஆசிரியர் Tuesday, March 24, 2020 04:11 AM +0530 உலகம் முழுவதும் ‘கரோனா வைரஸ்’ நோய்த்தொற்று பீதியில் பீடிக்கப்பட்டிருப்பதால், ஞாயிற்றுக்கிழமை ‘உலக தண்ணீா் தினம்’ என்பதை மறந்துவிட்டதில் தவறுகாண முடியாது. மனித இனத்தை அச்சுறுத்தும் நோய்த்தொற்றுகளும், இயற்கைச் சீற்றங்களும் போலவே, தண்ணீருக்கான போராட்டமும் முன்னுரிமை பெறுகிறது என்பதை நாம் மறந்துவிடுதல் கூடாது.

அடுத்த ஐந்து ஆண்டுகளில் உலகின் மூன்றில் ஒரு பகுதி கடுமையான தண்ணீா்த் தட்டுப்பாடை எதிா்கொள்ளும் என்று ஐ.நா. சபை எச்சரித்திருக்கிறது. மிக அதிகமாகப் பாதிக்கப்பட இருக்கும் நாடுகளின் பட்டியலில் இந்தியாவும் இருக்கிறது என்பதை நினைவில் கொள்ள வேண்டும். அறிக்கை விரைவிலேயே 21 இந்திய நகரங்களில் நிலத்தடி நீா் முற்றிலுமாக இல்லாத நிலைமை ஏற்படக்கூடும் என்று அந்த எச்சரிக்கிறது.

ஆண்டொன்றுக்கு சராசரியாக இந்தியா 4,000 பில்லியன் க்யூபிக் மீட்டா் (பிசிஎம்) மழை பெறுகிறது. இதில் 1,137 பிசிஎம் நமது பயன்பாட்டுக்குப் போக, எஞ்சியுள்ள மழைநீா் நதிகளில் கலக்கின்றன. நமக்குக் கிடைக்கும் 1,137 பிசிஎம் மழைநீரில் 690 பிசிஎம் நீா் நிலைகளிலும், கிணறுகளிலும் நிரம்புகின்றன. மீதமுள்ள 447 பிசிஎம் மழைநீா், நிலத்தடி நீராக பூமியில் சேகரிக்கப்படுகிறது. அதில் சராசரியாக 251 பிசிஎம் நிலத்தடி நீா் பல்வேறு பயன்பாடுகளுக்காக உறிஞ்சப்படுகிறது. நிலத்தடி நீரை உறிஞ்சிப் பயன்படுத்தும் நாடுகளின் பட்டியலில் முதல் பத்து நாடுகளில் முதலிடத்தில் இருப்பது இந்தியாதான்.

உலக வங்கி அறிக்கையின்படி, கடந்த 50 ஆண்டுகளில் 3.5 கோடி ஹெக்டோ் விளை நிலங்களின் பாசனத்துக்காக, முன்று கோடிக்கும் அதிகமான ஆழ்துளைக் கிணறுகள் இந்தியாவில் அமைக்கப்பட்டிருக்கின்றன. இந்தியாவின் கிராமப்புற, நகா்ப்புற அன்றாட வீட்டு உபயோகத் தேவைக்கான தண்ணீரில் 80% நிலத்தடி நீா் மூலம்தான் பெறப்படுகிறது. இப்படியே போனால், அடுத்த இருபது ஆண்டுகளில் நிலத்தடி நீா் கணிசமாக வடுபோய், விவசாய உற்பத்தி 25% குறைந்துவிடும் என்று எச்சரிக்கிறது அந்த அறிக்கை.

ஒரு காலத்தில் தொடா்ந்து அதிகமான மழையும் (மாதம் மும்மாரி பெய்ததாக இலக்கியங்கள் பகலுகின்றன), பெருகியோடும் நதிகளுமாக நீா்வளத்துடன்கூடிய சமுதாயமாக இருந்த இந்திய நாகரிகம், இன்று உலகில் அதிகமான தண்ணீா்த் தட்டுப்பாட்டை எதிா்கொள்ளும் தேசங்களில் முன்னிலை வகிக்கிறது. ஆண்டொன்றுக்கான உலகின் சராசரி நல்ல தண்ணீா் அளவு 7,600 சிஎம். பிரேஸில் 41.865; அமெரிக்கா 9,802; சீனா 2,060 சிஎம் நல்ல தண்ணீரை ஆண்டுதோறும் சராசரியாக பெறுகின்றன. இந்தியா பெறுவது வெறும் 1,545 சிஎம் மட்டுமே. கடந்த அரை நூற்றாண்டில் நாம் பெறும் தண்ணீரின் அளவு 70% சுருங்கி விட்டிருக்கிறது.

புள்ளிவிவரங்களும், ஆய்வுகளும் நிஜமாகவே அச்சுறுத்துகின்றன. உலக மக்கள்தொகையில் 16% மக்கள் வாழும் இந்தியாவில், 80% தண்ணீா்த் தேவைக்கு நாம் நிலத்தடி நீரை நம்பித்தான் இருந்தாக வேண்டிய நிலை காணப்படுவது நல்ல அறிகுறியல்ல. உலகத்தின் நிலப்பரப்பில் 2.4% அளவுள்ள இந்தியாவில், உலகத்தின் 4% தண்ணீா் நிலத்தடி நீராக இருக்கிறது. அதை அளவுக்கு அதிகமாக உறிஞ்சுவதுதான் நமது பிரச்னைக்குக் காரணம்.

இந்தப் பிரச்னை குறித்து 1987-இல் பேராசிரியா் மிஹிா் ஷா தலைமையில் அமைக்கப்பட்ட 11 போ் கொண்ட திட்டக் கமிஷன் குழு ஆய்வு செய்து தேசிய நீா் மேலாண்மைக் கொள்கையை உருவாக்கியது. இப்போது நான்காவது தேசிய நீா் மேலாண்மைக் கொள்கை அறிக்கை தயாரிக்கப்பட்டு மாநிலங்களவையின் ஒப்புதலுக்குக் காத்திருக்கிறது. சட்டங்கள் இயற்றுவதும், கொள்கைகள் வகுப்பதும் மட்டுமே பிரச்னைக்குத் தீா்வாகிவிடாது என்பதை நமது முன் அனுபவங்கள் உறுதிப்படுத்துகின்றன.

உலகில் வேறு எந்தப் பகுதியிலும், எந்த நாட்டிலும் இல்லாத அளவில், 5,000 ஆண்டுகளுக்கு முன்பே நீா் மேலாண்மை குறித்துத் தெரிந்து வைத்திருந்த சமுதாயமாக நாம் திகழ்ந்திருந்ததை ஹரப்பா நாகரிகம் தெளிவுபடுத்துகிறது. தண்ணீரின் அவசியத்தை உணா்ந்திருந்த நமது முன்னோா் உருவாக்கி வைத்திருந்த ஏரிகளும், குளங்களும், கிணறுகளும் தேசம் முழுவதும் இன்னும்கூட அவா்களின் தொலைநோக்குச் சிந்தனையைப் பறைசாற்றுகின்றன. நாம் கடந்த நூறு ஆண்டுகளில்தான் தடம் புரண்டு விட்டோம் என்று தோன்றுகிறது. நிலத்தடி நீரைப் பாதுகாக்க, மழைநீா் சேகரிப்பைவிட சிறந்த வழிமுறை எதுவுமே கிடையாது. நூறு சதுர மீட்டரில் விழும் 80% மழை நீரைச் சேகரித்தால், 48,000 லிட்டா் தண்ணீரை ஆண்டொன்றுக்குச் சேமிக்க முடியும்.

நிலத்தடி நீா்ப் பயன்பாடு முறைப்படுத்தப்படுவதும், கட்டுப்படுத்தப்படுவதும் அவசியம். அளவுக்கு அதிகமான நிலத்தடி நீா்ப் பயன்பாட்டுக்கு விவசாயத்துக்கான இலவச மின்சாரம் மிக முக்கியமான காரணம் என்பதைப் பல ஆய்வுகள் தெரிவிக்கின்றன. விவசாயத் தேவைக்கும் அதிகமாக நிலத்தடி நீா் உறிஞ்சப்பட்டு வீணாவது தடுக்கப்பட வேண்டும். அதிகமாகத் தண்ணீா் தேவைப்படும் பயிா்களின் வேளாண்மை குறைக்கப்படுவது, நீா்நிலைகளைப் பாதுகாப்பது, வணிக ரீதி நிலத்தடி நீா்ப் பயன்பாடு கண்காணிக்கப்பட்டு, முறைப்படுத்தப்படுவது முதலான நடவடிக்கைகள் மேற்கொள்ளப்பட வேண்டும்.

கோடை கடுமையாக இருக்கப் போகிறது. அடுத்த நான்கு மாதங்கள் விவசாயம், தொழிற்சாலைகள், வணிக நிறுவனங்கள், கட்டுமானம், வீட்டு உபயோகம் ஆகியவற்றின் தண்ணீா்த் தேவையும் கடுமையாகப் போகிறது. ஒவ்வொரு துளி தண்ணீரும் முக்கியம் என்கிற புரிதல் அவசியம்!

 

 

]]>
https://www.dinamani.com/editorial/2020/mar/24/நீரின்றி-அமையாது-உலகு--தண்ணீரின்-முக்கியத்துவம்-குறித்த-தலையங்கம்-3387526.html
3386950 தலையங்கம் சிதையா நெஞ்சுகொள்! | சாதனைகளில் ஒன்றுபட்டிருப்பதில் குறித்த தலையங்கம் ஆசிரியர் Monday, March 23, 2020 03:41 AM +0530
1947-ஆம் ஆண்டு ஆகஸ்ட் மாதம் 15-ஆம் தேதி இந்தியா சுதந்திரம் அடைந்த அந்த நள்ளிரவுத் தருணத்தில் இருந்த மகாத்மா காந்தியடிகளும், அவரது அடியொற்றி நடந்து விடுதலையை நனவாக்கிய தியாகத் தொண்டர்களும் இன்றிருந்திருந்தால், தங்களது எதிர்பார்ப்பு பொய்த்துவிடவில்லை என்று அகமகிழ்ந்திருப்பார்கள். ஒரு தேசம் சாதனைகளில் ஒன்றுபட்டிருப்பதில் வியப்பொன்றுமில்லை. சோதனைகளில் துவளாமல் ஒருங்கிணைந்து போராடத் தயாராக இருக்கும்போதுதான், அதன் வலிமை வெளிப்படுகிறது. ஒரு நாள் அளவிலான நேற்றைய "மக்கள் சுய ஊரடங்கு', இந்தியாவின் ஒற்றுமையையும், வலிமையையும் வெளிப்படுத்தியிருக்கிறது.

பிரதமர் நரேந்திர மோடியின் அறைகூவலை ஏற்று ஒட்டுமொத்த இந்தியாவும் ஒருநாள் முழுக்கத் தனது இயக்கத்தை முற்றிலுமாக நிறுத்தி வைத்ததும், மாலை சரியாக ஐந்து மணிக்கு விண்ணையே வியக்க வைக்கும் அளவில் பெரியவர், சிறியவர், ஏழை, பணக்காரர் அனைவரும் ஜாதி, மத, மொழி, இன வேறுபாடுகளைக் கடந்து கரகோஷம் செய்து, "கரோனா வைரஸ்' நோய்த்தொற்றுக்கு எதிரான மருத்துவப் பணிகளில் ஈடுபட்டிருப்போரை நன்றியுடன் நினைவுகூர்ந்த தருணம், இந்திய வரலாற்றின் உன்னதத் தருணங்
களில் ஒன்று.

ஒருநாள் அடையாள சுய ஊரடங்கு என்பதன் பின்னணியில் எத்தனையோ காரணங்கள் இருக்கின்றன. நாம் அனைவரும் ஒருங்கிணைந்து சவாலை எதிர்கொள்வோம் என்கிற நம்பிக்கையை மக்களுக்கு ஏற்படுத்துவது முக்கியமான காரணம் என்றால், இந்த நோய்த்தொற்று குறித்த புரிதலை, செய்தியை இந்தியாவின் கடைக்கோடிக் குடிமகன் வரை எடுத்துச் செல்ல வேண்டிய கட்டாயம் இருக்கிறது. அதைத்தான் ஒருநாள் "மக்கள் சுய ஊரடங்கு' முயற்சி வெற்றிகரமாக நிறைவேற்றியிருக்கிறது. இந்தியாவின் குக்கிராமங்கள் வரை "கரோனா வைரஸ்' என்கிற நோய்த்தொற்று அதிவிரைவாகப் பரவிவருவது குறித்தும், அவற்றுக்கு சிகிச்சை பெறுவதைவிட, முன்னெச்சரிக்கையாகத் தங்களைத் தற்காத்துக் கொள்ள வேண்டும் என்பதும் இப்போது எடுத்துச் சொல்லப்பட்டு விட்டது. 

சவால் மிகப் பெரியது. நூறு பேரோ இருநூறு பேரோ நோய்வாய்ப்பட்டால் அவர்களைப் பரிசோதிக்கவும், சிகிச்சை அளிக்கவும் நமக்கு வசதிகள் இருக்கின்றன. அதே நேரத்தில் ஆயிரக்கணக்கில் நோயாளிகள் வந்தால் அவர்களை எதிர்கொள்ளும் வசதி, இந்தியாவில் மட்டுமல்ல வளர்ச்சி அடைந்த அமெரிக்காவிடமே இல்லை. மருத்துவ சிகிச்சைக்குத் தேவைப்படும் முக்கியமான கருவிகள் அனைத்துமே இறக்குமதிதான் செய்யப்படுகின்றன. முக்கியமான எந்தக் கருவியும் இந்தியாவில் தயாரிக்கப்படுவதில்லை.

"கரோனா வைரஸ்' என்பது சீனா தொடுத்திருக்கும் நச்சுக்கிருமி யுத்தம் (பயோவார்) என்று சிலர் வதந்தி கிளப்புகிறார்கள். இன்றைய உலகமயச் சூழலில், சீனாவின் பொருளாதாரம் உலகின் ஏனைய நாடுகளின் பொருளாதாரத்துடன் இணைந்திருக்கிறது. உலகிலுள்ள பெரும்பாலான உற்பத்திகளின் கச்சாப் பொருள்களும், அடிப்படை ரசாயனங்களும், உதிரி பாகங்களும் சீனாவிலிருந்துதான் ஏற்றுமதியாகின்றன. ஏனைய நாடுகளில் உற்பத்தி பாதித்தால், சீனாவின் பொருளாதாரம் சிதைந்துவிடும். அதனால், "பயோவார்' என்கிற புரளி அர்த்தமற்றது. 

இதுபோன்ற நெருக்கடியான நேரத்தில், மிக அதிகமாகப் பாதிக்கப்படுவது தொழில் துறைதான். உற்பத்தி ஸ்தம்பித்து விடுவதுடன், விற்பனையும் சரிந்துவிடும். அமெரிக்கா, ஜெர்மனி, கனடா என்று எல்லா மேலை நாடுகளும் தொழில் துறை முற்றிலுமாகச் சிதைந்துவிடாமல் காப்பாற்றும் முயற்சியில் ஈடுபட்டிருக்கின்றன. நாம் சுதாரித்துக் கொள்ளவில்லை என்றால், அனைத்துத் தொழில் நிறுவனங்களும் நிரந்தரமாக முடங்கிவிடும் ஆபத்து காணப்படுகிறது. 

குறைந்தபட்சம் தொழில் நிறுவனங்களின் கடனுக்கான தவணைகளை 24 மாதங்கள் தள்ளிப்போடுவது; வட்டியை அடுத்த மூன்று மாதத்துக்கு தள்ளுபடி செய்வது; அவர்களின் குறுகிய கால, நீண்ட காலக் கடன்களை அதிகரித்து வழங்குவது என்று உதவிக்கரம் நீட்டியாக வேண்டும். "கரோனா வைரஸ்' நோய்த்தொற்றை எதிர்கொள்வது எவ்வளவு முக்கியமோ அதேபோல, உற்பத்தியும், வர்த்தகமும் பாதிக்கப்படாமல் இருப்பதும், பொருளாதாரம் நிலை தடுமாறாமல் காப்பதும் அவசியம். 

நமது மருத்துவர்களும், செவிலியர்களும், மருத்துவமனை ஊழியர்களும் "கரோனா வைரஸ்' நோய்த்தொற்றை எதிர்த்து நடத்தும் போராட்டத்தில், முதலில் அவர்களின் பாதுகாப்பு உறுதி செய்யப்பட்டாக வேண்டும். அதை அவசரகால உணர்வுடன் உறுதிப்படுத்தாவிட்டால், பிரச்னை கடுமையாகிவிடும். சாமானிய மக்கள் குறிப்பாக, தினக்கூலி பெறும் மக்களின் அன்றாட அத்தியாவசியப் பொருள்கள் அரசால் இலவசமாக வழங்கப்பட்டாக வேண்டும்.

2001-இல் ஆந்த்ராக்ஸ், 2002-இல் வெஸ்ட் நைல் வைரஸ் நோய்த்தொற்று, 2003-இல் சார்ஸ், 2005-இல் பறவைக் காய்ச்சல், 2006-இல் எகோலி, 2009-இல் பன்றிக் காய்ச்சல், 2014-இல் எபோலா, 2016-இல் ஜிகா, 2018-இல் நிபா, 2020-இல் இப்போது கரோனா. இதுவும் கடந்து போகும். ஆனால், அதனால் ஏற்படும் பாதிப்புகள் நம்மை நிலைகுலைய வைத்துவிடக் கூடாது என்பதுதான் கவலை.

பிரதமரின் வேண்டுகோளைத் தொடர்ந்து நடந்த ஒருநாள் "மக்கள் சுய ஊரடங்கு' நம்பிக்கையை ஏற்படுத்துகிறது. தெருவில் காவலர்கள் இல்லை, ராணுவம் இல்லை, யாரும் கட்டுப்படுத்தவில்லை. ஆனாலும், 137,62,66,359 பேர் கொண்ட இந்தியா நிசப்தத்தில் ஆழ்ந்ததே... 

ஒன்றுபட்டிருக்கிறோம், அதனால் வென்றுவிடுவோம்!

]]>
https://www.dinamani.com/editorial/2020/mar/23/சிதையா-நெஞ்சுகொள்--சாதனைகளில்-ஒன்றுபட்டிருப்பதில்-குறித்த-தலையங்கம்-3386950.html
3385873 தலையங்கம் மக்கள் சுய ஊரடங்கு! | ஊரடங்கு விழிப்புணர்வு குறித்த தலையங்கம் ஆசிரியர் Saturday, March 21, 2020 04:57 AM +0530 ஏறத்தாழ மூன்று மாதங்கள் கடந்தும்கூட கரோனா நோய்த்தொற்று குறித்து இன்னும் முழுமையான புரிதல் இல்லாத நிலை தொடர்கிறது. எந்த அளவுக்கு இந்த நோய்த்தொற்று பரவும், எத்தனை பேர் பாதிக்கப்படப் போகிறார்கள், எத்தனை உயிரிழப்புகளை மனித இனம் எதிர்கொள்ளும், எப்போது, எப்படி, எதனால் இது முடிவுக்குக் கொண்டுவரப்படும் என்பது குறித்து யாராலும், எதுவுமே கணிக்க முடியவில்லை.


பிரதமர் நரேந்திர மோடி வியாழக்கிழமை அன்று நேரடியாக மக்களுக்கு ஆற்றிய உரையில், உலகமும் இந்தியாவும் எதிர்கொள்ளும் கடுமையான சவால்களைத் தெளிவாகச் சுட்டிக்காட்டினார். இந்த நோய்த்தொற்றை எதிர்கொள்வதற்கு நமக்கு எந்த அளவுக்கு மனத் துணிவும், சமூக அளவிலான கட்டுப்பாடும், ஒற்றுமையும் தேவை என்பதைத் தெளிவாகவே தனது உரையில் குறிப்பிட்டார். கரோனா நோய்த்தொற்றை ஒருங்கிணைந்து எதிர்கொள்வதில் இந்தியா தெளிவாகவும், திண்ணமாகவும் இருப்பதை வெளிப்படுத்தும் வகையில் ஞாயிற்றுக்கிழமை (மார்ச் 22) "மக்கள் சுய ஊரடங்கு'க்கு பிரதமர் விடுத்திருக்கும் வேண்டுகோள் ஒரு வகையில் தொலைநோக்குச் சிந்தனையுடன் கூடிய அறைகூவல் என்றும் எடுத்துக்கொள்ளலாம்.


உலகம் இதுவரை இல்லாத ஒரு சூழலை எதிர்கொள்கிறது என்பதைச் சரியாகவே சுட்டிக்காட்டியது பிரதமரின் உரை. கரோனா நோய்த்தொற்றால் தாங்கள் பாதிக்கப்பட மாட்டோம் என்கிற அசட்டுத்தனமான நம்பிக்கையுடன் மக்கள் மெத்தனமாக இருந்துவிடக் கூடாது என்றும், அதே நேரத்தில் அநாவசிய பீதி தேவையில்லை என்றும் பிரதமர் தனது உரையில் குறிப்பிட்டவை ஒவ்வோர் இந்தியரும் உணர்ந்து செயல்பட வேண்டிய கருத்துகள்.


"மக்கள் சுய ஊரடங்கு' மூலம் கரோனா நோய்த்தொற்றுச் சவாலை எதிர்கொள்ள இந்தியா ஒருங்கிணைந்து தயாராக இருக்கிறது என்பதை, ஞாயிற்றுக்கிழமை மக்கள் வெளியே வராமல் உணர்த்த வேண்டும் என்று வேண்டுகோள் விடுத்திருக்கிறார் பிரதமர். இக்கட்டான சூழ்நிலையிலும் தங்களது கடமையைச் செய்துவரும் மருத்துவர்கள், செவிலியர்கள், மருத்துவ ஊழியர்கள், அத்தியாவசியப் பொருள்களை விநியோகிப்பவர்கள், செய்தியாளர்கள் ஆகியோரின் பங்களிப்பைப் போற்றும் வகையில் ஞாயிற்றுக்கிழமை மாலை 5 மணிக்கு அவரவர் இருக்கும் இடத்தில் எழுந்து நின்று கரகோஷம் செய்து பாராட்டப் பணித்திருப்பதை "தினமணி'யும் வழிமொழிகிறது. 


சீனாவின் பிரச்னையாக உருவான கரோனா நோய்த்தொற்று இப்போது சர்வதேசப் பிரச்னை, இந்தியாவின் பிரச்னையும்கூட. இந்தியாவின் சவால் பொருளாதார ரீதியிலானது மட்டுமல்ல, சுகாதார ரீதியிலானதும்கூட. இப்போதுதான் நாம் இந்த நோய்த்தொற்றை எதிர்கொள்வதற்கான அனைத்து முயற்சிகளிலும் முழுமூச்சுடன் இறங்கியிருக்கிறோம். ஆனால், "கொவைட் 19' நோய்த்தொற்றால் ஏற்பட இருக்கும் பொருளாதாரத் தாக்கத்தால் பாதிக்கப்படப் போகிறோம் என்பதை ஒவ்வோர் இந்தியரும் நினைவில் கொள்ள வேண்டும்.


உலகிலுள்ள எல்லா நாடுகளும் எல்லைகளை மூடிவிட்டன. அனைத்துப் பெரிய நகரங்களும், பகுதிகளும் அநேகமாக முடக்கப்பட்டிருக்கின்றன. கோடிக்கணக்கான மக்கள் ஏற்கெனவே தங்களைத் தாங்களே வீட்டுச் சிறையில் அடைத்துக் கொண்டிருக்கிறார்கள். 


பொது இடங்கள் மூடப்பட்டிருக்கின்றன, பண்டிகைகள் தவிர்க்கப்படுகின்றன, திருவிழாக்கள் நடத்தப்படுவதில்லை. இரண்டாம் உலகப் போருக்குப் பிறகு இதுபோல உலக அளவில் அன்றாட வாழ்க்கை பாதித்த இன்னொரு நிகழ்வு இல்லை என்கிற நிலை ஏற்பட்டிருக்கிறது. 


மக்களின் அன்றாடச் செயல்பாடுகள் முடக்கப்பட்டதன் விளைவாக பொருளாதாரம் தடம் புரண்டிருக்கிறது. உலகிலுள்ள  ஒவ்வொரு நாடும் கரோனா நோய்த்தொற்றால் ஏற்பட்டிருக்கும் பொருளாதார, சுகாதாரச் சவால்களை எதிர்கொள்வதில் ஈடுபட்டிருக்கும்போது இந்தியா மெத்தனமாக இருந்துவிட முடியாது.


சுகாதார நடவடிக்கைகளுக்கு முன்னுரிமை தரப்பட வேண்டும் என்பதில் யாருக்கும் மாற்றுக் கருத்து இருக்க முடியாது. நோயாளிகளை அடையாளம் காண்பதிலும், சோதனை நடத்துவதிலும், சிகிச்சை அளிப்பதிலும் ஈடுபடும் அரசு ஊழியர்களும், மருத்துவத் துறையினரும் பதற்றம் இல்லாமல் பொறுமையைக் கடைப்பிடிக்க வேண்டியது மிகமிக அவசியம். வெளிநாடுகளிலிருந்து வரும் பயணிகள் விமான நிலையங்களில் எதிர்கொள்ளும் இரக்கமில்லாத வரவேற்பும், உள்ளூர்ப் பயணிகள் ரயில் நிலையங்களில் எதிர்கொள்ளும் இயந்திரத்தனமான சோதனைகளும் தவிர்க்கப்பட வேண்டும். இவை மக்கள் மத்தியில் நோய்த்தொற்றை எதிர்கொள்வதற்கு எதிரான மனநிலையை உருவாக்கி நோய் பரவுவதற்கு வழிகோலிவிடும். 


எல்லாவற்றுக்கும் மேலாக உற்பத்தி குறையும், சில்லறை விற்பனை குறையும், சேவைத் துறை முடங்கும், வேலையில்லாத் திண்டாட்டம் அதிகரிக்கும்; போக்குவரத்து, சுற்றுலா, விடுதிகள் முதலானவை செயலிழக்கும். நோய்த்தொற்று கிராமப்புறங்களுக்கு பரவினால் விவசாயம் தொடர்பான பணிகள் பாதிக்கப்படும். எல்லாவற்றுக்கும் மேலாக, தினக்கூலித் தொழிலாளர்களும், அமைப்புசாரா பணிகளில் ஈடுபடுபவர்களும் கடுமையாகப் பாதிக்கப்பட இருக்கிறார்கள். அவர்களுக்கு எந்தவித சமூகப் பாதுகாப்பும் இல்லை என்பதை அரசு உணர வேண்டும்.


பிரதமரைப் போலவே மாநில முதல்வர்களும் தொலைத்தொடர்புத் தொழில்நுட்பத்தை பயன்படுத்தி ஒருங்கிணைந்து கரோனா நோய்த்தொற்றை எதிர்கொள்ள மக்கள் மன்றத்திற்கு வேண்டுகோள் விடுப்பதும், அவர்களின் அன்றாட வாழ்க்கை பாதிக்காமல் இருப்பதை அரசு உறுதிப்படுத்தும் என்கிற நம்பிக்கையை ஏற்படுத்துவதும் அவசியம்.

]]>
https://www.dinamani.com/editorial/2020/mar/21/மக்கள்-சுய-ஊரடங்கு-3385873.html
3385071 தலையங்கம் பதவிப் பித்து! | மத்தியப் பிரதேச அரசியல் சூழல் குறித்த தலையங்கம் ஆசிரியர் Friday, March 20, 2020 03:31 AM +0530
அரசியல் என்பது பதவியைப் பிடிப்பதும், தக்கவைத்துக் கொள்வதும் என்பதாக மாறிவிட்டிருக்கிறது. அதனால், பெரும்பான்மை பலம் இழந்துவிட்டது தெரிந்தும் நம்பிக்கை வாக்கெடுப்பை தள்ளிப்போடும் முயற்சியில் மத்தியப் பிரதேச முதல்வா் கமல்நாத் ஈடுபட்டதில் வியப்பில்லை.

கடந்த இரண்டு நாள்களாக பாஜக தொடா்ந்த வழக்கை விசாரித்து இன்று மாலை 5 மணிக்குள் நம்பிக்கை வாக்கெடுப்பு நடத்த வேண்டும் என்று மத்தியப் பிரதேச சட்டப்பேரவைத் தலைவா் என்.பி. பிரஜாபதிக்கு உச்சநீதிமன்றம் உத்தரவிட்டிருக்கிறது. நீதிபதிகள் பி.ஒய். சந்திரசூட், ஹேமந்த் குப்தா ஆகியோா் அடங்கிய அமா்வு, பேரவைத் தலைவருக்கு எட்டு உத்தரவுகளைப் பிறப்பித்திருக்கிறது. சட்டப்பேரவை கூட்டப்படுவதும், நம்பிக்கை வாக்கெடுப்பு நடத்தப்படுவதும் மட்டுமல்லாமல், அவையின் நம்பிக்கை வாக்கெடுப்பு அலுவல்கள் விடியோவில் பதிவு செய்யப்பட வேண்டும், முடிந்தால் நேரலையில் ஒளிபரப்பவும் வேண்டும் என்று நீதிபதிகள் உத்தரவு பிறப்பித்திருக்கிறாா்கள்.

இதுபோன்ற உத்தரவுகள் எப்படியெல்லாம் மீறப்படும், வாக்கெடுப்பு நடத்தாமல் விவாதம் எவ்வாறெல்லாம் நீட்டிக்கப்படும் என்கிற முன்னுதாரணங்களை உணா்ந்த நீதிபதிகள், வாக்கெடுப்பு நடத்துவதற்கு காலக்கெடு விதித்திருக்கிறாா்கள். நம்பிக்கை வாக்கெடுப்பு நடத்துவதற்காக மட்டுமே பேரவை கூட வேண்டும்; வாக்கெடுப்புக்கு முட்டுக்கட்டை போடும் விதமான செயல்பாடுகளில் ஈடுபடக் கூடாது என்றும் தெரிவித்து, பேரவைச் செயலரிடம் பொறுப்பை ஒப்படைத்திருக்கிறது உச்சநீதிமன்றம்.

ஆட்சியில் இருக்கும் அரசு பெரும்பான்மையை இழக்கும்போது அவையைக் கூட்டுமாறு பேரவைத் தலைவருக்கு உத்தரவிட ஆளுநருக்கு அதிகாரம் உண்டா? பேரவையைக் கூட்டவும், ஒத்திவைக்கவும், கலைக்கவும் அதிகாரமுள்ள ஆளுநருக்கு அவை நடவடிக்கைகளில் பேரவைத் தலைவரின் அதிகார வரம்பில் தலையிடும் உரிமை இருக்கிறதா? சட்டப்பேரவை உறுப்பினா்கள் பதவி விலக முன்வரும்போது அதை ஏற்றுக்கொள்ளாமல் இருக்கவும், ஒருசிலரின் பதவி விலகலை மட்டும் பேரவைத் தலைவா் ஏற்றுக்கொள்வதும் ஏற்புடையதா? உச்சநீதிமன்ற விவாதம் இதுபோன்ற பல முக்கியமான கேள்விகளை எழுப்பியது.

மத்தியப் பிரதேச சட்டப்பேரவை பிரச்னையைப் பொருத்தவரை, மத்திய அரசும், ஆளுநரும் அதிருப்தி உறுப்பினா்களுக்குச் சாதகமாக நடந்துகொள்கிறாா்கள் என்கிற குற்றச்சாட்டை முழுமையாக ஏற்றுக்கொள்ள முடியவில்லை. ஏனென்றால், பதவி விலக விரும்பும் அதிருப்தி உறுப்பினா்கள் எதிா்க்கட்சியான பாஜகவில் நேரடியாக இணையும் கட்சித்தாவலில் ஈடுபடவில்லை. மீண்டும் உறுப்பினா்களாக பேரவையில் நுழைவதற்கு அவா்கள் இடைத்தோ்தலை எதிா்கொண்டு வெற்றி பெற்றாக வேண்டும். அந்த வகையில், அவா்களது செயல்பாடு ஜனநாயக மீறல் என்று கூற முடியாது.

மத்தியப் பிரதேசத்தில் காங்கிரஸ் ஆட்சி அமைந்தது முதலே, ஆட்சி எப்போது வேண்டுமானாலும் கவிழக்கூடும் என்கிற நிலைதான் இருந்து வந்திருக்கிறது. 2018-இல் நடந்த சட்டப்பேரவைத் தோ்தலில் காங்கிரஸ் தனிப்பெரும்பான்மை பெறவில்லை. பகுஜன் சமாஜ் கட்சி, சமாஜவாதி கட்சி, சுயேச்சைகள் ஆகியோரின் ஆதரவுடன்தான் ஆட்சி அமைக்க முடிந்தது. இந்த நிலையில், காங்கிரஸைச் சோ்ந்த 22 உறுப்பினா்கள் தங்களின் பதவியைத் துறக்க முன்வந்தபோது, கமல்நாத் தலைமையிலான 15 மாத காங்கிரஸ் அரசு தனது பெரும்பான்மையை இழந்ததில் வியப்பில்லை.

2018 டிசம்பா் மாதம் மத்தியப் பிரதேசத்தில் காங்கிரஸ் ஆட்சி அமைந்தபோது, ஜோதிராதித்ய சிந்தியா முதல்வராக்கப்படுவாா் என்றுதான் அனைவருமே எதிா்பாா்த்தாா்கள். 15 ஆண்டுகள் ஆட்சியில் இருந்த பாஜகவை அகற்றுவதில் ஜோதிராதித்ய சிந்தியாவின் பிரசாரமும், செல்வாக்கும் கணிசமானவை. அவரைத் தவிா்த்துவிட்டு, 73 வயது கமல்நாத்தை சோனியா காந்தியும், ராகுல் காந்தியும் முதல்வராக்கியதற்கு முக்கியமான காரணம், மத்தியப் பிரதேசத் தோ்தல் செலவை முழுமையாக கமல்நாத் ஏற்றுக்கொண்டாா் என்பதுதான். அதுமட்டுமல்லாமல், கமல்நாத்தை மத்தியப் பிரதேச முதல்வராக்குவதன் மூலம், 2019 மே மாதம் நடக்க இருக்கும் மக்களவை தோ்தலுக்கு அவரால் நிதி திரட்டித் தர முடியும் என்பதும் இன்னொரு காரணம்.

சட்டப்பேரவைத் தோ்தல் முடிவுகள் வெளிவந்து கமல்நாத் முதல்வரானது முதல் அவருக்கும் சிந்தியாவுக்கும் இடையேயான கருத்து வேறுபாடுகள் அதிகரித்து வந்தன. சிந்தியாவின் ஆலோசனைப்படி, காங்கிரஸின் சட்டப்பேரவைத் தோ்தல் அறிக்கையில் அறிவிக்கப்பட்ட விவசாயக் கடன் தள்ளுபடியும், பகுதிநேர ஆசிரியா்களின் பதவியை நிரந்தரப்படுத்தும் அறிவிப்பும் ஆட்சிக்கு வந்த முதல்வா் கமல்நாத்தால் புறக்கணிக்கப்பட்டன. அவை நிறைவேற்றப்பட்டால் சிந்தியாவின் செல்வாக்கு அதிகரித்து விடும் என்று கருதினாா் முதல்வா் கமல்நாத்.

மாநிலங்களவைக்கான தோ்தல் அறிவிப்புதான் பிரச்னையை விஸ்வரூபம் எடுக்க வைத்தது. மத்தியப் பிரதேசத்திலிருந்து காங்கிரஸ் வேட்பாளராக ஜோதிராதித்ய சிந்தியாவை அறிவிப்பதற்குப் பதிலாக முன்னாள் முதல்வா் திக்விஜய் சிங்கை ஆதரித்தாா் முதல்வா் கமல்நாத். மத்தியத் தலைமையும் அதை ஏற்றுக்கொண்டபோது, சிந்தியாவும் அவரது ஆதரவாளா்களும் கட்சியிலிருந்து வெளியேற முடிவெடுத்தாா்கள். சிந்தியாவை மாநிலங்களவை வேட்பாளராக பாஜக அறிவித்தது.

காங்கிரஸ் தலைமை வலிய வரவழைத்துக்கொண்ட பிரச்னை இது. நீதிமன்றத்தின் தலையீட்டுக்குக் காத்திருக்காமல் வாக்கெடுப்பை எதிா்கொண்டிருந்தால், வெற்றியோ - தோல்வியோ, முதல்வா் கமல்நாத்தின் கௌரவம் காப்பாற்றப்பட்டிருக்கும்.

]]>
https://www.dinamani.com/editorial/2020/mar/20/editorial-on-madhya-pradesh-political-crisis-3385071.html
3384457 தலையங்கம் மருந்திலும் விஷம்! | மருந்து தயாரிப்பு முறைகேடு குறித்த தலையங்கம் ஆசிரியர் Thursday, March 19, 2020 03:37 AM +0530 இந்தியாவில் எல்லா முறைகேடுகளையும் எதிா்கொள்வதற்குத் தேவையான சட்டங்கள் இல்லாமல் இல்லை. ஆனால், அவை முறையாகப் பயன்படுத்தப்படுவதோ, அதன் மூலம் தவறுகள் முற்றிலுமாகத் தடுக்கப்படுவதோ இல்லாமல் இருப்பதுதான் அத்தனை பிரச்னைகளுக்கும் காரணம்.

மருத்துவா்கள் தங்களுக்கு மிகச் சிறந்த மருந்துகளைத்தான் பரிந்துரைக்கிறாா்கள் என்று எல்லா நோயாளிகளும் நினைக்கிறாா்கள். மருத்துவா்களின் திறமைக் குறைவா, அவா்கள் கையாளும் மருத்துவ முறையின் தவறா அல்லது அவா்கள் கையாளும் மருந்துகளின் தரத்தில் குறைவா என்று குறிப்பிட்டுக் கூற முடியாவிட்டாலும், மருத்துவத் துறையில் எங்கேயோ மிகப் பெரிய தவறு காணப்படுகிறது என்பதில் மட்டும் யாருக்கும் மாற்றுக் கருத்து இருக்க வழியில்லை.

ஜம்மு - காஷ்மீா் மாநிலம் ராம் நகா் பகுதியில் கடந்த ஜனவரி மாதம் நடந்த சம்பவம் பல கேள்விகளை எழுப்பியிருக்கிறது. 15 நாள் இடைவெளியில் இரண்டு மாதத்திலிருந்து ஆறு வயதுக்குட்பட்ட 17 குழந்தைகள் உடல்நலக் குறைவுக்காக அனுமதிக்கப்பட்டனா். அவா்களில் 11 குழந்தைகள் இறந்துவிட்டன. அந்தச் சம்பவத்துக்கு உணவில் ஏற்பட்ட நச்சுக்கலப்படம்தான் காரணம் என்று முதலில் கருதப்பட்டது. மக்கள் மத்தியில் எழுந்த கடுமையான எதிா்ப்பின் விளைவாக விசாரணைக்கு உத்தரவிடப்பட்டது.

புதுவை ‘ஜிப்மா்’ மருத்துவமனையைப்போல சண்டிகரிலுள்ள ‘பிஜினா்’ என்கிற மத்திய அரசின் மருத்துவமனையைச் சோ்ந்த மருத்துவ வல்லுநா்கள் தீவிர விசாரணையை மேற்கொண்டனா். சோதனைச் சாலையில் அவா்கள் நடத்திய பரிசோதனையில் அந்தக் குழந்தைகளுக்குத் தரப்பட்ட ‘கோல்ட் பெஸ்ட்’ என்கிற இருமல், சளிக்கான மருந்தில் (சிரப்) ‘டை எத்திலின் கிளைக்கால்’ என்கிற நச்சுப் பொருள் காணப்பட்டது தெரியவந்திருக்கிறது. சிறுநீரக பாதிப்பை ‘டை எத்திலின் கிளைக்கால்’ ஏற்படுத்தியதால் அந்தக் குழந்தைகள் இறந்திருக்கக் கூடும் என்று விசாரணை தெரிவித்தது.

‘கோல்ட் பெஸ்ட்’ என்கிற மருந்து ஹிமாசலப் பிரதேசத்தில் இயங்கும் ‘டிஜிட்டல் விஷன் ஃபாா்மா’ என்கிற மருந்து நிறுவனத்தின் தயாரிப்பு. இந்த நிறுவனம் தரமில்லாத மருந்துகளை விற்பனை செய்ததற்காக ஏற்கெனவே ராஜஸ்தான், மகாராஷ்டிரம், கா்நாடகம், குஜராத், கேரளம் ஆகிய மாநிலங்களில் விசாரனை நடைபெற்று வருகிறது.

2014-16-இல் மத்திய அரசால் நடத்தப்பட்ட தேசிய மருந்துகள் கணக்கெடுப்பில் இந்த நிறுவனத்தின் எட்டு தயாரிப்புகளில் நான்கு தயாரிப்புகள் தரக்குறைவானவை என்று கண்டறியப்பட்டன. கடந்த ஆண்டு மத்திய மருந்துத் தரக்கட்டுப்பாட்டு நிறுவனம் ‘டிஜிட்டல் விஷன் ஃபாா்மா’வின் அஜீரணத்தைக் கட்டுப்படுத்தும் ‘ரேப்பிரசால் சோடியம்’ மாத்திரையும், சா்க்கரை நோயைக் கட்டுப்படுத்தும் ‘க்ளிமேரைடு’ மாத்திரையும் தரக்குறைவானவை என்று அறிவித்திருக்கிறது.

சம்பவத்தின் காரணமாக ‘டிஜிட்டல் விஷன் ஃபாா்மா’வின் உரிமம் ரத்து செய்யப்பட்டிருக்கிறது. ‘கோல்ட் பெஸ்ட்’ மருந்தைப் பரிந்துரைக்கக் கூடாது என்று அறிவிக்கப்பட்டிருக்கிறது. கடந்த செப்டம்பா் 2019 முதல் ஜம்மு, ஹரியாணா, பஞ்சாப், தமிழ்நாடு, வடகிழக்கு மாநிலங்கள் ஆகியவற்றில் விற்பனைக்கு அனுப்பப்பட்டிருக்கும் மருந்துகளைத் திரும்பப் பெறுவதற்கான முயற்சிகள் மேற்கொள்ளப்பட்டிருக்கின்றன.

எந்த அளவுக்கு மருந்துத் தயாரிப்பு நிறுவனங்கள் தரக்குறைவான மருந்துகளை உற்பத்தி செய்து சந்தைப் படுத்துகின்றன என்பதை ராம் நகா் சம்பவம் வெளிப்படுத்துகிறது. உரிமம் பெற்ற ‘டிஜிட்டல் விஷன் ஃபாா்மா’ நிறுவனம் சந்தைக்கு அனுப்புவதற்கு முன்னால் அந்த மருந்துகள் ஏன் முறையான சோதனைக்கு உள்படுத்தவில்லை என்கிற கேள்வியும், கண்காணிப்பு அதிகாரிகள் முறையாகத் தங்கள் கடமையைச் செய்திருந்தால், 11 குழந்தைகளின் உயிா் காப்பாற்றப்பட்டிருக்குமே என்கிற ஆதங்கமும் தவிா்க்கக்கூடியவை அல்ல.

தவறான மருந்தை சந்தைப்படுத்தினால் 10 ஆண்டிலிருந்து ஆயுள்காலம் வரை சிறைத் தண்டனை வழங்கவும், அபராதம் விதிக்கவும் சட்டம் இருக்கிறது. தயாரிக்கப்படும் மருந்துகள் அனைத்தும் தரக் கண்காணிப்பு அதிகாரிகளால் சோதனை செய்யப்பட்ட பிறகுதான் சந்தைப்படுத்தப்பட வேண்டும் என்கிற கட்டுப்பாடு இருக்கிறது. அப்படி இருக்கும்போது மருந்துத் தயாரிப்பாளா்களை மட்டுமே தண்டிப்பது விசித்திரமாக இருக்கிறது.

சுமாா் 10 லட்சம் மருத்துவா்களை நோய்களுக்காக தினந்தோறும் ஐந்து கோடி நோயாளிகள் அணுகுகிறாா்கள். இந்திய மருத்துவக் கவுன்சிலும், நீதிமன்றங்களும் விதித்திருக்கும் தடைகளையும் மீறி மருந்து தயாரிப்பு நிறுவனங்கள் பல்வேறு உத்திகளைக் கையாண்டு, தங்களது மருந்துகளை பரிந்துரை செய்ய மருத்துவா்களுக்கு அழுத்தம் கொடுக்கின்றன. ‘விற்பனை, விளம்பரச் செலவு’ என்று கூறி மருந்துத் தயாரிப்பு நிறுவனங்கள் வரி விலக்கும் பெறுகின்றன.

இந்தியாவில் 20 ஆயிரத்துக்கும் அதிகமான மருந்துத் தயாரிப்பு நிறுவனங்கள் இருக்கின்றன. அவை தயாரித்து சந்தைப்படுத்தும் எல்லா மருந்துகளும் கண்காணிக்கப்படுவதும், மாதிரிகள் தொடா்ந்து பரிசோதனைக்கு உள்படுத்தப்படுவதும் அவசியம்.

மருந்துகள் அதிக விலைக்கு விற்கப்படுகின்றனவா? தேவையில்லாத மருந்துகளை இந்த நிறுவனங்கள் வழங்கும் சலுகைகளுக்காகவும், அழுத்தத்துக்காகவும் மருத்துவா்கள் பரிந்துரைக்கிறாா்களா? தரக்குறைவான மருந்துகளின் தயாரிப்பை முற்றிலுமாகத் தடுக்கவும், சந்தைப்படுத்துவதை கண்காணிக்கவும் அரசால் இயலாதா?

மேலே எழுப்பியிருக்கும் கேள்விகளுக்கு விடைகாணாத வரையில், சாமானிய இந்தியக் குடிமகனுக்கு வழங்கப்படும் மருத்துவ சிகிச்சையில் அா்த்தமில்லை, ஆபத்துதான் இருக்கிறது!

]]>
https://www.dinamani.com/editorial/2020/mar/19/மருந்திலும்-விஷம்--மருந்து-தயாரிப்பு-முறைகேடு-குறித்த-தலையங்கம்-3384457.html
3383842 தலையங்கம் அருவினை என்ப உளவோ? | சார்க்கில் இந்தியா செயல்பாடு குறித்த தலையங்கம் ஆசிரியர் Wednesday, March 18, 2020 03:29 AM +0530 கரோனா நோய்த்தொற்றின் பாதிப்பும் அச்சுறுத்தலும் ஒருபுறம் இருந்தாலும், அதனால் ஒரு நன்மையும் ஏற்பட்டிருக்கிறது. கடந்த 2015-ஆம் ஆண்டு முதல் அவசர சிகிச்சைப் பிரிவில் மூச்சு திணறிக் கொண்டிருந்த தெற்காசிய நாடுகளின் கூட்டமைப்பான ‘சாா்க்’, மீண்டும் உயிா்ப்பிக்கப்பட்டிருக்கிறது. இதற்காகப் பிரதமா் நரேந்திர மோடிக்கு நன்றி கூற வேண்டும்.

கரோனா நோய்த்தொற்றுச் சூழலை எதிா்கொள்வதற்காகக் கடந்த ஞாயிற்றுக்கிழமை ‘சாா்க்’ கூட்டமைப்பு நாடுகளின் ஆலோசனைக் கூட்டம் காணொலி முறையில் நடைபெற்றது. இலங்கை அதிபா் கோத்தபய ராஜபட்ச, மாலத்தீவு அதிபா் இப்ராகிம் முகமது சோலி, நேபாளப் பிரதமா் கே.பி. சா்மா ஓலி, பூடான் பிரதமா் லோடே ஷெரிங், வங்கதேசப் பிரதமா் ஷேக் ஹஸீனா, ஆப்கானிஸ்தான் அதிபா் அஷ்ரஃப் கனி ஆகியோா் கலந்துகொண்ட காணொலி முறையில் நடைபெற்ற அந்தக் கூட்டத்தில், பாகிஸ்தான் பிரதமா் இம்ரான் கானின் சிறப்பு உதவியாளா் ஜாபா் முஸ்தபாவும் பங்கு பெற்றாா்.

கரோனா நோய்த்தொற்றை எதிா்கொள்வதற்காக ‘கொவைட் - 19 அவசரகால நிதி’ உருவாக்கப்பட்டிருக்கிறது. இந்தியா சாா்பில் தொடக்க நிதியாக 1 கோடி டாலா் (சுமாா் ரூ.74 கோடி) வழங்கப்பட இருக்கிறது. ‘சாா்க்’ உறுப்பு நாடுகள் அவரவா் சக்திக்கு ஏற்ப நிதி வழங்க வேண்டும் என்று பிரதமா் மோடி வேண்டுகோள் விடுத்திருக்கிறாா்.

நோய்த்தொற்றுப் பரவலைக் கண்காணிக்கவும், அது தொடா்பான தகவலைப் பகுப்பாய்வு செய்யவும் உருவாக்கப்பட்டிருக்கும் ‘ஒருங்கிணைந்த நோய்க் கண்காணிப்பு அமைப்பு’ என்கிற வலைதளத்தின் மென்பொருளை, ‘சாா்க்’ உறுப்பு நாடுகளுக்கு வழங்க இந்தியா முன்வந்திருக்கிறது. போதிய மருந்துகள், பரிசோதனை உபகரணங்களுடன் மருத்துவா்கள், நிபுணா்கள் அடங்கிய இந்தியாவின் அதிவிரைவு மருத்துவா் குழு, தேவைப்பட்டால் ‘சாா்க்’ உறுப்பு நாடுகளுக்கும் அனுப்பி வைக்கப்படுவாா்கள்.

கரோனா நோய்த்தொற்றுப் பரவலை தடுப்பதற்கு இந்தியாவில் மேற்கொள்ளப்பட்டு வரும் நடவடிக்கைகளை ‘சாா்க்’ நாட்டுத் தலைவா்களுடன் பகிா்ந்து கொண்டதுடன், நமது அண்டை நாடுகளுடன் ஒருங்கிணைந்து இந்த நோய்த்தொற்று தெற்காசியாவில் பரவாமல் தடுக்க இந்தியா தயாராக இருப்பதாக அந்தக் கூட்டத்தில் பிரதமா் மோடி அறிவித்திருப்பது சா்வதேச அளவில் வரவேற்பைப் பெற்றிருக்கிறது.

தெற்காசியாவில் இந்தியாவைச் சுற்றியுள்ள அனைத்து நாடுகளையும் உள்ளடக்கிய ‘சாா்க்’ அமைப்பின் தொடக்கமும் நோக்கமும் உன்னதமானது. இந்தியா, ஆப்கானிஸ்தான், வங்கதேசம், பூடான், மாலத்தீவு, நேபாளம், பாகிஸ்தான், இலங்கை என்று எட்டு தெற்காசிய நாடுகளின் பிராந்தியக் கூட்டமைப்பான ‘சாா்க்’ என்பது, உலகின் மொத்த மக்கள்தொகையில் 21% மக்களை உள்ளடக்கியது. உலக நிலப்பரப்பில் 3% கொண்டது.

1947-இல் இந்தியா சுதந்திரம் அடைவதற்கு சில மாதங்களுக்கு முன்பு தில்லியில் நடந்த ஒரு மாநாட்டில் தெற்காசிய நாடுகளின் கூட்டுறவு குறித்து வலியுறுத்தப்பட்டது. 1950 மே மாதம் பிலிப்பின்ஸ் நாட்டில் நடைபெற்ற மாநாட்டிலும், 1954 ஏப்ரல் மாதம் இலங்கையில் நடந்த மாநாட்டிலும் இது குறித்துப் பேசப்பட்டது. 1981 ஏப்ரல் மாதம் தெற்காசியாவைச் சோ்ந்த எட்டு நாடுகளின் வெளியுறவுத் துறை அமைச்சா்கள் இலங்கைத் தலைநகா் கொழும்பில் கூடி, இதுகுறித்து விவாதித்தனா்.

பல முயற்சிகள் நடந்து தோல்வி அடைந்த நிலையில், ஒருவழியாக 1985 டிசம்பா் மாதம் 7 - 8 தேதிகளில் வங்கதேசத் தலைநகா் டாக்காவில் முதலாவது ‘சாா்க்’ மாநாடு கூடியது. தெற்காசிய நாடுகளுக்கு இடையேயான வா்த்தகத்தை அதிகரிப்பதிலும், பொதுவான பிரச்னைகளை விவாதிப்பதிலும் ‘சாா்க்’ அமைப்பின் பங்களிப்பு கணிசமானது.

2014-இல் நரேந்திர மோடி பிரதமரானபோது, இந்தியாவின் வெளியுறவுக் கொள்கை அண்டை நாடுகளை மையப்படுத்தியதாக இருக்கும் என்று அறிவித்தாா். ‘சாா்க்’ அமைப்பு வலுப்பெறும் என்கிற எதிா்பாா்ப்பு எழுந்தது. ஆனால், பாகிஸ்தானின் எல்லை தாண்டிய பயங்கரவாதக் கொள்கை, ‘சாா்க்’ அமைப்பின் மீதான இந்தியாவின் ஆா்வத்தைக் குறைத்தது. 2016-இல் பாகிஸ்தானில் நடைபெற இருந்த ‘சாா்க்’ மாநாட்டில் இந்தியா கலந்துகொள்ள மறுத்ததைத் தொடா்ந்து, அந்த அமைப்பு செயலிழந்தது.

‘சாா்க்’ அமைப்புக்கு மாற்றாக ‘பீம்ஸ்டெக்’ என்கிற அமைப்பை வலுப்படுத்துவதில் இந்தியா முனைப்புக் காட்டியது. ‘பீம்ஸ்டெக்’ நாடுகளான தாய்லாந்து, மியான்மா் மட்டுமல்ல, பாகிஸ்தான் அல்லாத ‘சாா்க்’ அமைப்பின் ஏனைய உறுப்பு நாடுகளான நேபாளம், பூடான், இலங்கை, வங்கதேசம் ஆகியவையும் சீனாவுடன் பொருளாதார ரீதியாக நெருக்கமான தொடா்பை ஏற்படுத்திக் கொள்வதில்தான் ஆா்வம் காட்டின.

சீனா எதிா்கொள்ளும் கரோனா நோய்த்தொற்றுப் பிரச்னையும், அதன் விளைவாக ஏற்பட்டிருக்கும் பொருளாதாரப் பின்னடைவும் ‘சாா்க்’ உறுப்பு நாடுகள் ஒருங்கிணைய வேண்டிய கட்டாயத்தை ஏற்படுத்தியிருக்கின்றன. தெற்காசிய நாடுகள் ஒருங்கிணைந்து செயல்பட்டால் மட்டுமே, ஐரோப்பாவையும் அமெரிக்காவையும் கடுமையாகப் பாதித்திருக்கும் கரோனா நோய்த்தொற்று இங்கேயும் பரவாமல் தடுக்கும் முயற்சிகளை முன்னெடுக்க முடியும். தக்க தருணத்தில் தெற்காசியாவை கரோனா நோய்த்தொற்றிலிருந்து பாதுகாக்க, பலவீனப்பட்டிருக்கும் ‘சாா்க்’ அமைப்புக்கு புத்துயிா் அளிக்க இந்தியா முற்பட்டிருப்பது பாராட்டுக்குரிய முயற்சி.

]]>
https://www.dinamani.com/editorial/2020/mar/18/அருவினை-என்ப-உளவோ-3383842.html
3383179 தலையங்கம் மறுக்காதீா்கள், மறைக்காதீா்கள், பரப்பாதீா்கள்! | கரோனா உண்மை குறித்த தலையங்கம் ஆசிரியர் Tuesday, March 17, 2020 03:41 AM +0530 சா்வதேச அளவிலான நோய்த்தொற்றாக கரோனா வைரஸை உலக சுகாதார நிறுவனம் அறிவித்திருக்கிறது. அமெரிக்காவில் அதிபா் டொனால்ட் டிரம்ப் தேசிய அவசர நிலையை அறிவித்திருக்கிறாா். இந்தியாவிலும் கரோனா நோய்த்தொற்று பாதிப்பு தேசியப் பேரிடராக அறிவிக்கப்பட்டிருக்கிறது.

சீனாவின் வூஹான் நகரில் தொடங்கிய கரோனா நோய்த்தொற்று இப்போது 143 நாடுகளுக்குப் பரவியிருக்கிறது. உலக அளவில் இதனால் பாதிக்கப்பட்ட 1,74,777 பேரில், 77,773 போ் முழுமையாகக் குணப்படுத்தப்பட்டிருக்கிறாா்கள். நேற்றைய நிலவரப்படி உயிரிழந்தோரின் எண்ணிக்கை 6,685. மிக அதிகமான உயிரிழப்பு சீனாவிலும் அடுத்தபடியாக இத்தாலியிலும் ஏற்பட்டிருக்கின்றன. ஈரான், ஸ்பெயின் உள்ளிட்ட நாடுகள் கடுமையான பாதிப்புக்கு உள்ளாகியிருக்கின்றன. அமெரிக்காவும் தென்கொரியாவும் கரோனா நோய்த்தொற்றை எதிா்கொள்வதில் மும்முரமாக ஈடுபட்டிருக்கின்றன.

ஏனைய உலக நாடுகளுடன் ஒப்பிடும்போது இந்தியாவில் அந்த அளவிலான பாதிப்பு இல்லாவிட்டாலும்கூட, கரோனா வைரஸ் என்கிற நோய்த்தொற்று இங்கேயும் நுழைந்துவிட்டிருக்கிறது என்பதை நாம் உணர வேண்டும். நேற்றைய நிலவரப்படி 114 போ் பாதிப்புக்குள்ளாகியிருக்கிறாா்கள். இரண்டு போ் உயிரிழந்திருக்கிறாா்கள். தமிழகத்திலும் கரோனா நோய்த்தொற்று அறிகுறிகளுடன் 22 போ் அரசு மருத்துவமனைகளில் அனுமதிக்கப்பட்டுள்ளனா்.

முன்னெச்சரிக்கை நடவடிக்கையாக, அனைத்துக் கல்வி நிறுவனங்களுக்கும் விடுமுறை அளிக்கப்பட்டிருக்கிறது. அண்டை மாநிலங்களிலிருந்து நோய்த் தாக்கம் பரவாமல் தடுக்கும் முயற்சிகள் மேற்கொள்ளப்பட்டுள்ளன. பிற மாநிலங்களுக்குப் பயணிப்பதையும் பொது இடங்களில் கூடுவதையும் தவிா்க்க வேண்டும் என்று தமிழக அரசு வேண்டுகோள் விடுத்திருக்கிறது.

சா்வதேச அளவில் பாதிப்பை ஏற்படுத்தும் நோய்த்தொற்று எனும்போது இதற்கு முன்னால் மனித இனம் எதிா்கொண்ட பிளேக், ஸ்பானிஷ் காய்ச்சல் போன்றவை நினைவுக்கு வருகின்றன. ஒரு நூற்றாண்டுக்கு முன்பு உலகையே உலுக்கிய ஸ்பானிஷ் காய்ச்சல் 10 கோடி உயிா்களைப் பலி கொண்டது. 2009-இல் அச்சுறுத்திய பன்றிக் காய்ச்சலில் உயிரிழந்தோா் 2 லட்சத்துக்கும் அதிகம்.

அவற்றில் இருந்தெல்லாம் உலகம் பாடம் கற்றுக்கொண்டிருக்கிறது என்பதுடன், மருத்துவ அறிவியல் வளா்ச்சியும், மருத்துவக் கட்டமைப்பு மேம்பாடும் நோய்த்தொற்றுகளை எதிா்கொள்ள முன்பைவிடத் தயாராகவே இருக்கின்றன. அதே நேரத்தில், எச்சரிக்கையாகவும் தயாா் நிலையிலும் இருந்தாக வேண்டிய கட்டாயமும் கடமையும் நமக்கு உண்டு.

கரோனா நோய்த்தொற்று என்பது நிஜம். அதை சட்டை செய்யாமல் இருப்பதோ, அது குறித்துக் கவலைப்படாமல் இருப்பதோ பேதைமை. போதிய தற்காப்பு முயற்சிகளை மேற்கொள்வதும், கூடியவரை நோய்த்தொற்றை வலிய வருவித்துக் கொள்ளாமலும், நம்மைச் சுற்றியுள்ளவா்களின் பாதுகாப்பை உறுதிப்படுத்தாமலும் இருப்பது பொறுப்பின்மை என்பதை அனைவரும் உணர வேண்டும். சில மருந்துத் தயாரிப்பு நிறுவனங்கள் தங்கள் வணிக உத்திக்காகக் கையாளும் தந்திரம்தான் கரோனா நோய்த்தொற்று பீதி என்றும், உலகின் மீது சீனா தொடுக்கும் ஒருவித மறைமுக யுத்தம் என்றும் விதண்டாவாதம் பேசுவதைத் தயவுசெய்து தவிா்ப்பது மட்டுமல்லாமல், தடுக்கவும் வேண்டும்.

கரோனா நோய்த்தொற்று சா்வதேச அளவில் பரவியதற்கு இதுகுறித்த ஆரம்பக்கட்ட தகவல்களை சீனாவின் அடக்குமுறை அரசு மறைத்ததுதான் மிக முக்கியமான காரணம். வூஹான் நகராட்சியின் வெளிப்படைத்தன்மை இல்லாத நிா்வாகம் இதுகுறித்த தகவல்களை வெளியுலகுக்குத் தெரியாமல் மறைத்ததால், தொடக்கத்திலேயே இந்த நோய்த்தொற்றைக் கட்டுப்படுத்த முடியாமல் போய்விட்டது.

சீன அரசுக்கு எதிராகப் பரவலான ஆத்திரம் காணப்படுகிறது. இது குறித்த தகவலை பொது வெளியில் கொண்டுவந்த லீ வென்லியாங் என்பவா் வாயடைக்கப்பட்டாா். அவா் நோய்த்தொற்றால் கடந்த பிப்ரவரி 7-ஆம் தேதி இறந்ததாக அறிவிக்கப்பட்டிருக்கிறது. நோய்த்தொற்று கட்டுப்பாட்டுக்குள் வந்திருப்பதாகக் கூறப்படுவதுகூட உண்மையான தகவலா அல்லது தனது பொருளாதாரத்துக்கு மேலும் பாதிப்பு ஏற்படாமல் இருப்பதற்காகச் சீன அரசு மேற்கொள்ளும் தகவல் மறைப்பா என்பதை உறுதி செய்ய முடியவில்லை.

சீனாவிடமிருந்து நாம் கற்றுக்கொள்ள வேண்டிய பாடம், பொதுமக்களிடமிருந்து உண்மை நிலையை மறைக்கக் கூடாது என்பது. தமிழக அரசின் மக்கள் நல்வாழ்வுத் துறை, அரசு மருத்துவ ஊழியா்களின், மருத்துவா்களின் வாயை அடைத்து வெளிப்படைத் தன்மையில்லாத நிலையை ஏற்படுத்தியிருப்பது தவறு. அது தேவையில்லாத ஊகங்களுக்கும் கற்பனைகளுக்கும் வதந்திகளுக்கும் இடமளிக்கக் கூடும் என்பதை உணர வேண்டும்.

கரோனா நோய்த்தொற்று விலங்குகளாலும், உணவுப் பழக்கத்தாலும், காற்றின் மூலமும் தண்ணீரின் மூலமும், கை குலுக்கல் போன்ற நேரடித் தொடா்பின் மூலமும், சா்வதேசப் பயணங்கள் மூலமும் பரவுவதைவிட மிக அதிகமாக வதந்திகள் மூலம் பரவுகிறது என்று தோன்றுகிறது. நமது காட்சி ஊடகங்களும், கட்செவி அஞ்சல் பரிமாற்றங்களும் பல தவறான, ஆதாரமற்ற செய்திகளைப் பரப்பிக் கொண்டிருக்கின்றன. நிரூபிக்கப்படாத சிகிச்சை முறைகளையும் நோய்த்தொற்றுத் தடுப்புக்கான வழிமுறைகளையும் வெளியிட்டு வருகின்றன. ஆதாரமாற்ற தகவல்களை மீள்பதிவு செய்து பரப்புவதற்கு முற்றுப்புள்ளி வைத்தாக வேண்டும்.

]]>
https://www.dinamani.com/editorial/2020/mar/17/மறுக்காதீா்கள்-மறைக்காதீா்கள்-பரப்பாதீா்கள்--கரோனா--உண்மை-குறித்த-தலையங்கம்-3383179.html
3382403 தலையங்கம் நுகா்வோருக்கு சரிபாதி பங்கு! | கலால் வரி உயர்வு குறித்த தலையங்கம் ஆசிரியர் Monday, March 16, 2020 02:00 AM +0530 பெயருக்கு நுகா்வோருக்கு சிறு விலைக் குறைப்புடன், கச்சா எண்ணெயின் கலால் வரியை மத்திய அரசு உயா்த்தியிருக்கிறது. கடந்த சனிக்கிழமை பெட்ரோல், டீசல் மீதான கலால் வரியை லிட்டா் ஒன்றுக்கு ரூ.3 அதிகரித்திருப்பதன் மூலம் அரசுக்கு ரூ.39,000 கோடி அதிக வருவாய் கிடைக்கும்.

கச்சா எண்ணெய் நிலவரத்தின் அடிப்படையில் பெட்ரோல், டீசல் விலை தினமும் நிா்ணயிக்கப்படுகிறது. கச்சா எண்ணெய் விலை குறையும்போது அதன் பயனை நுகா்வோருக்கு வழங்காமல் கலால் வரியை அதிகரிப்பதன் மூலம் அரசு எடுத்துக்கொள்ளும் அவலம் கடந்த ஆறு ஆண்டுகளாகவே தொடா்கிறது.

கடந்த நவம்பா் 2014 முதல் ஜனவரி 2016 வரையில் பெட்ரோல், டீசல் மீதான கலால் வரியை மத்திய அரசு ஒன்பது முறை உயா்த்தியது. அந்த காலகட்டத்தில், சா்வதேச கச்சா எண்ணெய் விலை கடுமையான வீழ்ச்சியைச் சந்தித்துக் கொண்டிருந்தது. அதன் விளைவால், 2014-15-இல் ரூ.99,000 கோடியாக இருந்த கலால் வரி வருவாய், 2016-17-இல் ரூ.2,42,000 கோடியாக அதிகரித்தது. அரசின் வருவாய்ப் பற்றாக்குறை ஈடுகட்டப்பட்டதே தவிர, நுகா்வோரின் பெட்ரோல் - டீசல் விலையில் பெரிய அளவில் அதன் பயன் வழங்கப்படவில்லை.

சா்வதேச அளவில் கரோனா நோய்த்தொற்று பாதிப்பால் தொழிற்சாலைகள் மூடப்படுகின்றன. பெட்ரோல், டீசலுக்கான தேவை கடுமையான வீழ்ச்சியைச் சந்தித்து வருகிறது. சா்வதேச கச்சா எண்ணெய் விலை பீப்பாய் ஒன்றுக்கு 32.7 டாலராகக் குறைந்திருக்கிறது. 1991-இல் நடைபெற்ற குவைத் ஆக்கிரமிப்பைத் தொடா்ந்து, இராக் மீது அமெரிக்கா நடத்திய விமானத் தாக்குதலுக்குப் பிறகு இந்த அளவிலான வீழ்ச்சியை சா்வதேச கச்சா எண்ணெய்ச் சந்தை இப்போதுதான் சந்திக்கிறது. ஒருபுறம் விலை குறைகிறது என்றால், இன்னொருபுறம் கச்சா எண்ணெய் உற்பத்தி அதிகரித்தால் மேலும் விலை குறைவதற்கான சாத்தியம் காணப்படுகிறது.

சவூதி அரேபியா, ரஷியா அடங்கிய பெட்ரோல் ஏற்றுமதி நாடுகள் நாளொன்றுக்கு 21 லட்சம் பீப்பாய் உற்பத்தியைக் குறைத்து கச்சா எண்ணெய் விலையைக் கட்டுக்குள் வைத்திருந்தன. மிகக் குறைந்த அளவிலான உற்பத்தி, அமெரிக்க கச்சா எண்ணெய் தயாரிப்பாளா்களுக்குச் சாதகமாகிவிடும் என்கிற ரஷியாவின் அச்சம், சவூதி அரேபியா உள்ளிட்ட நாடுகளை கடுமையான உற்பத்திக் குறைப்பிலிருந்து தடுத்தது.

சவூதி அரேபியா தன்னுடைய விலையைக் குறைத்து, உற்பத்தியையும் அதிகரிக்கும் முடிவை கடந்த வெள்ளிக்கிழமை எடுத்தது. அது மட்டுமல்ல, நிரந்தர வாடிக்கையாளா்களுக்கு பீப்பாய் ஒன்றுக்கு 4 டாலா் முதல் 7 டாலா் தள்ளுபடியும், நாளொன்றுக்கு ஒரு கோடி பீப்பாய் அதிகரித்த உற்பத்தியும் மேற்கொள்வது என்று முடிவெடுத்திருக்கிறது. சவூதி அரேபியாவின் முடிவு, சா்வதேச கச்சா எண்ணெய் விலையில் கடுமையான வீழ்ச்சியை ஏற்படுத்தியிருப்பதில் வியப்பில்லை.

கரோனா நோய்த்தொற்றிலிருந்து வெளிவர முடியாமல் சீனா ஸ்தம்பித்திருக்கிறது. தொழில் துறை முடக்கத்தால், சீனாவின் கச்சா எண்ணெய்க்கான தேவை நாளொன்றுக்கு 4,35,000 பீப்பாய் குறைந்திருக்கிறது. வீழ்ச்சியை ஏற்படுத்தியிருக்கிறது. உலகிலேயே இரண்டாவது அதிக கச்சா எண்ணெய் பயனாளி சீனாதான். நாளொன்றுக்கு 1.35 கோடி பீப்பாய் கச்சா எண்ணெயை சா்வதேசச் சந்தையிலிருந்து சீனா வாங்கி வந்தது. விமான சேவையை முடக்கி, சீனாவுடனான வா்த்தகத்தைக் குறைத்து, அதன் பொருளாதார வீழ்ச்சிக்கு அமெரிக்காவின் டிரம்ப் நிா்வாகம் வழிகோலியதன் விளைவாக சா்வதேசச் சந்தையில் கச்சா எண்ணெய்க்கான தேவை குறைந்திருப்பதில் வியப்பில்லை.

அமெரிக்காவுக்கு நாளொன்றுக்கு 2 கோடி பீப்பாய் கச்சா எண்ணெய் தேவைப்படுகிறது. உலகின் மொத்த பெட்ரோலிய தேவையில் 20% அமெரிக்காவால் பயன்படுத்தப்படுகிறது. அதேபோல, அமெரிக்காவில் ஏராளமான பெட்ரோலிய எண்ணெய்க் கிணறுகளும் இருக்கின்றன.

இந்தியாவைப் பொருத்தவரை கச்சா எண்ணெய்த் தேவையில் 85% இறக்குமதி செய்கிறோம். கச்சா எண்ணெய் விலை பீப்பாய் ஒன்றுக்கு 10 டாலா் குறைந்தால் இந்தியாவின் கச்சா எண்ணெய் இறக்குமதியில் 15 பில்லியன் டாலா் குறையும். 2018-இல் 88 பில்லியன் டாலராக இருந்த கச்சா எண்ணெய்த் தேவை, 2019-20 நிதியாண்டில் 120 பில்லியன் டாலராக அதிகரித்திருக்கிறது. சா்வதேச கச்சா எண்ணெய் விலையில் ஏற்பட்டிருக்கும் வீழ்ச்சி இந்தியாவுக்கு மிகப் பெரிய வரப்பிரசாதமாக அமையும்.

பிப்ரவரி மாதம் பீப்பாய் ஒன்றுக்கு 59 டாலராக இருந்த சா்வதேச கச்சா எண்ணெய் விலை, இப்போது ஏறத்தாழ பாதிக்குப் பாதியாகி பீப்பாய் ஒன்றுக்கு 32 டாலராகக் குறைந்திருக்கிறது. இதுவே, கடந்த டிசம்பா் மாதம் 65 டாலராக இருந்தது.

இப்போது மத்திய அரசு பெட்ரோலுக்கு 12 பைசாவும், டீசலுக்கு 15 பைசாவும் சில்லறை விற்பனை விலையைக் குறைத்திருக்கிறது. கச்சா எண்ணெய் விலைக் குறைவின் முழு பயனும் நுகா்வோருக்கு வழங்க வேண்டாம். குறைந்தது, 50% பயனையாவது வழங்கினாலே போதும். பொதுமக்கள் மத்தியில் வாங்கும் திறன் அதிகரிக்கும்.

ஏற்கெனவே விலைவாசி ஏற்றத்தால் பாதிக்கப்பட்டிருக்கும் பொருளாதாரம் இதனால் ஊக்குவிக்கப்படும். அதன் விளைவாக உற்பத்தி அதிகரித்து, தேக்க நிலையிலிருந்து பொருளாதாரம் விடுபடும். இதெல்லாம் தெரிந்திருந்தும்கூட, மத்திய அரசு கலால் வரியை அதிகரித்து தனது நிதிப் பற்றாக்குறையைக் குறைப்பதற்கான வழியைத் தேடுகிறதே தவிர, பொதுமக்களின் வாங்கும் சக்தியை அதிகரிக்க முன்வராமல் இருப்பதுதான் வேதனை அளிக்கிறது.

]]>
https://www.dinamani.com/editorial/2020/mar/16/நுகா்வோருக்கு-சரிபாதி-பங்கு--கலால்-வரி-உயர்வு-குறித்த-தலையங்கம்-3382403.html
3380946 தலையங்கம் நோட்டாவுக்கு நோட்டா! | நோட்டா குறித்த தலையங்கம் ஆசிரியர் Saturday, March 14, 2020 02:00 AM +0530 விரைவில் சட்டப்பேரவைக்கான தோ்தல் நடக்க இருக்கும் பிகாா் மாநிலத்தை தலைநகா் பாட்னாவில், ‘யாருக்கும் வாக்கில்லை’ என்கிற ‘நோட்டா’ குறித்த கருத்தரங்கம் ஒன்று அண்மையில் நடைபெற்றது. ‘நோட்டா’ என்கிற ஆயுதத்தைப் பயன்படுத்துவதன் மூலம் அரசியலை தூய்மைப்படுத்த வேண்டும் என்று இந்தியாவின் பல பகுதிகளிலிருந்து கலந்துகொண்ட அறிவுஜீவிகள் வற்புறுத்தினாா்கள்.

‘யாருக்கும் வாக்கில்லை’ என்பதை வெளிப்படுத்தும் ‘நோட்டா’ உண்மையிலேயே வாக்காளா்களுக்கு வலுசோ்க்கிறதா? அதனால் மாற்றத்தைக் கொண்டுவர முடியுமா? ‘நோட்டா’வை மேலும் வலுப்படுத்தவும், பயனுள்ளதாக்கவும் என்ன செய்ய வேண்டும்? - இவை போன்ற பல கேள்விகள் அந்தக் கருத்தரங்கில் எழுப்பப்பட்டு, சில ஆக்கபூா்வ ஆலோசனைகளும் வழங்கப்பட்டன.

‘நோட்டா’ அவசியம் என்று கருதுவோா், அதன்மூலம் அரசியல் கட்சிகளின் அணுகுமுறையில் மாற்றத்தை ஏற்படுத்த உதவும் என்றும், அரசியல்வாதிகளின் செயல்பாட்டிலும் வேட்பாளா்களின் தோ்விலும் மாற்றங்களை உருவாக்கும் என்றும் கருத்துத் தெரிவித்தனா். அடிப்படையில் எந்த மாற்றத்தையும் ‘நோட்டா’ ஏற்படுத்தியதற்கான சான்றுகள் இல்லை என்று விமா்சகா்கள் வாதிட்டனா். ‘நோட்டா’வின் தேவையும், அவசியமும், காரணமும் நாட்டுக்கு நாடு வேறுபடுகிறது என்பதை ஒருசிலா் சுட்டிக்காட்டினாா்கள்.

உலகில் 12-க்கும் அதிகமான ஜனநாயக நாடுகளில் வாக்காளா்களுக்கு ‘நோட்டா’ என்கிற வழிமுறை வழங்கப்பட்டிருக்கிறது. இந்தியா மட்டுமல்லாமல் பிரான்ஸ், ஸ்வீடன், பெல்ஜியம், கிரீஸ், பெலாரஸ், ஸ்பெயின், வங்கதேசம், பிரேஸில், கொலம்பியா, சிலி, உக்ரைன், அமெரிக்க மாநிலமான நெவாடா ஆகியவற்றில் ‘நோட்டா’ வழிமுறை இருக்கிறது. மேலே குறிப்பிட்ட நாடுகள் சிலவற்றில் ‘நோட்டா’ பயன்பாடு மறு தோ்தலுக்கு வழிகோலிய நிகழ்வுகள் இருக்கின்றன. ஆனால், வெற்றி வாய்ப்பை பாதிக்கும் அளவிலோ, முதல் மூன்று வேட்பாளா்கள் பெறும் வாக்கின் அளவிலோ பெரும்பாலும் ‘நோட்டா’ இல்லை என்கிற உண்மையையும் குறிப்பிட வேண்டும்.

அமெரிக்காவிலுள்ள பெரும்பாலான மாநிலங்கள் ‘நோட்டா’ என்கிற வழிமுறையை நிராகரித்துவிட்டன. 1976 முதல் நெவாடா மாநிலத்தில் மட்டும் ‘நோட்டா’ காணப்படுகிறது. அரசியல் கட்சிகள் மீது வாக்காளா்கள் மத்தியில் காணப்பட்ட அதிருப்தியால் வாக்கு விகிதம் குறைந்தபோது, மக்களை வாக்களிக்கத் தூண்டுவதற்காகத்தான் நெவாடா மாநிலத்தில் ‘நோட்டா’ அறிமுகப்படுத்தப்பட்டது. அதனால் பெரிய மாற்றம் எதுவும் ஏற்பட்டுவிடவில்லை என்பதை வாக்கு விகிதம் தெரிவிக்கிறது.

இந்தியாவில் 2009 மக்களவைத் தோ்தலின்போது பரீட்சாா்த்த முறையில் ‘நோட்டா’ அறிமுகப்படுத்தப்பட்டது. இந்தியத் தோ்தல் ஆணையம் ‘நோட்டா’வை வலியுறுத்தி உச்சநீதிமன்றத்தின் அனுமதியைக் கோரியபோதுதான், அரசியல் தலைமை விழித்துக்கொண்டு ‘நோட்டா’ குறித்துத் தீவிரமாக சிந்திக்கத் தொடங்கியது. அன்றைய பிரதமா் மன்மோகன் சிங் தலைமையிலான ஐக்கிய முற்போக்குக் கூட்டணி ஆட்சி ‘நோட்டா’ ஆலோசனையை ஏற்றுக்கொள்ளவில்லை. அதற்கு எதிரான நிலைப்பாட்டைத்தான் எடுத்தது.

‘பீப்பிள்ஸ் யூனியன் ஃபாா் சிவில் லிபா்ட்டிஸ்’ என்கிற தன்னாா்வ அமைப்பு, ‘நோட்டா’வை வலியுறுத்தி உச்சநீதிமன்றத்தில் பொதுநல வழக்கொன்றைத் தொடுத்தது. ஜனநாயகத்தில்

‘நோட்டா’ இன்றியமையாதது என்றும், எதிா்மறை வாக்களிப்பை நிராகரிக்க முடியாது என்றும் செப்டம்பா் 2013-இல் அந்த வழக்கில் உச்சநீதிமன்றம் தீா்ப்பளித்தது. ‘வாக்களிக்கும் உரிமை இருக்கும் வரை வேட்பாளரை நிராகரிக்கும் உரிமை அரசியல் சாசனம் வழங்கும் அடிப்படை உரிமை’ என்று அன்றைய இந்திய உச்சநீதிமன்றத் தலைமை நீதிபதி பி. சதாசிவம் தனது தீா்ப்பில் தெளிவுபடுத்தினாா்.

‘நோட்டா’ என்கிற வழிமுறை இருந்தால் அரசியல் கட்சிகள் நோ்மையும் நாணயமும் உள்ள வேட்பாளா்களைத்தான் தோ்ந்தெடுக்கும் என்பது உச்சநீதிமன்றத் தீா்ப்பின் எதிா்பாா்ப்பு. மாற்றத்தை ‘நோட்டா’ ஏற்படுத்தியிருக்கிறதா என்பதைத் தெளிவாகக் கூறிவிட முடியவில்லை. அதிக வாக்குகளைப் பெற்றவா் தோ்ந்தெடுக்கப்படும் தோ்தல் முறையில் பெரும்பான்மை வாக்காளா்களால் நிராகரிக்கப்படுபவா் வெற்றி பெறும் விசித்திரம் காணப்படுகிறது. இந்த நிலையில், ‘நோட்டா’வால் பெரிய மாற்றம் எதையும் ஏற்படுத்திவிட முடியவில்லை.

2014 மக்களவைத் தோ்தலில் 1.08% வாக்குகளும், 2019-இல் 1.04% வாக்குகளும் ‘நோட்டா’வுக்குக் கிடைத்தன. தனித் தொகுதிகளிலும் ஆதிவாசிகள் தொகுதிகளிலும் நக்ஸல்கள் பாதிப்புள்ள பகுதிகளிலும் ‘நோட்டா’வுக்கு அதிக வாக்குகள் கிடைத்திருக்கின்றன.

‘நோட்டா’வால் பெரிய அளவில் தோ்தல் முறையில் மாற்றங்களை ஏற்படுத்திவிட முடியவில்லை. ஊழல், குற்றப் பின்னணி, தகுதியின்மை உள்ள வேட்பாளா்கள் போட்டியிடுவதையும் வெற்றி பெறுவதையும் தடுத்துவிட முடியவில்லை. எந்த ஒரு தொகுதியிலும் ‘நோட்டா’ தோ்தல் முடிவுகளை மாற்றியதாகவும் தெரியவில்லை. ‘நோட்டா’வை மேலும் வலுப்படுத்துவது என்பது சாத்தியமும் இல்லை.

வேட்பாளா்களை நிராகரிப்பதும், திரும்பப் பெறுவதும் இந்தியா போன்ற பெரிய ஜனநாயகத்தில் சாத்தியமில்லை. தகுதியான வேட்பாளா்களை வாக்காளா்கள் தோ்ந்தெடுப்பதுதான் தீா்வாக இருக்குமே தவிர, இல்லாத ஒன்றுக்கு வாக்களிப்பது எந்தவித மாற்றத்தையும் ஏற்படுத்திவிடாது. மாற்றம் தேவைதான். ‘நோட்டா’ என்பது மற்றமல்ல, ஏமாற்றம்!

 

]]>
https://www.dinamani.com/editorial/2020/mar/14/நோட்டாவுக்கு-நோட்டா--நோட்டா-குறித்த-தலையங்கம்-3380946.html
3380086 தலையங்கம் செல்வத்தில் செல்வம்... | நாடாளுமன்ற நிலைக் குழு அறிக்கை குறித்த தலையங்கம் ஆசிரியர் Friday, March 13, 2020 02:39 AM +0530 உலகிலேயே இரண்டாவது அதிக மக்கள்தொகை கொண்ட நாடு என்பது மட்டுமல்லாமல், இந்தியாவின் மக்கள்தொகையில் மூன்றில் இரண்டு பகுதியினர் 35 வயதுக்குக் குறைவாக உள்ளவர்கள். கடந்த 10 ஆண்டுகளில் வெளியிடப்பட்டிருக்கும் எல்லா ஆய்வுகளும் இந்தியாவில் வளமைக்கும் வறுமைக்கும் இடையேயான இடைவெளி அதிகரித்து வருவதை உணர்த்துகின்றன. சமுதாய ஏற்றத்தாழ்வை அகற்றுவதில் மிகப் பெரிய பங்களிப்பை வழங்குவது கல்விதான் என்பதை எடுத்தியம்பத் தேவையில்லை.
 அதிகரித்துவரும் கிராமப்புற மக்களின் தேவைகளும், எதிர்பார்ப்புகளும் அரசுக்கு மிகப் பெரிய சவால். குறைந்துவரும் வேளாண் துறை வேலைவாய்ப்பும், பொருளாதாரத் தேக்கத்தால் அருகிவரும் தொழில் துறை வேலைவாய்ப்பும் ஏற்றத்தாழ்வை மேலும் கடுமையாக அதிகரிப்பதுடன், வேலையில்லாத இளைஞர்களின் எண்ணிக்கையும் பெருகுவதற்கு வழிகோலக்கூடும். இவை குறித்தெல்லாம் மத்திய - மாநில ஆட்சியாளர்கள் எந்த அளவுக்குக் கவலைப்படுகிறார்கள் என்று தெரியவில்லை.
 அடித்தட்டு மக்களும், கிராமப்புற மக்களும் தங்களின் குழந்தைகள் வறுமையின் பிடியில் சிக்கிவிடாமல் இருப்பதற்கு வைத்திருக்கும் ஒரே நம்பிக்கை கல்விதான். அவர்களால் தங்களது குழந்தைகளைக் கட்டணம் செலுத்தி தனியார் பள்ளிகளில் சேர்க்க முடியாது. அதனால், அரசுப் பள்ளிகளை நம்பித்தான் இந்தியாவின் பெரும்பான்மை மக்கள் இப்போதும் இருக்கிறார்கள்.
 இந்தியாவிலுள்ள 13 லட்சத்துக்கும் அதிகமான அரசுப் பள்ளிகளில் 23 கோடி மாணவர்கள் கல்வி பயிலுகிறார்கள். 85% அரசுப் பள்ளிகள் கிராமப்புறங்களில்தான் இயங்குகின்றன. அரசு தொடக்கப் பள்ளிகளில் அநேகமாக எல்லா மாநிலங்களிலும் ஏறத்தாழ 100% மாணவர் சேர்க்கை உறுதிப்படுத்தப்படுகிறது. ஆனால், உயர்நிலை பள்ளி அளவில் மாணவர்களின் இடைநிற்றல் கணிசமாகக் காணப்படுகிறது.
 மேலும், மாணவர்களின் கல்வித் தரம் மிகவும் குறைவாகக் காணப்படுவதால் மேல்நிலைப் பள்ளி அளவிலும் உயர் கல்வி அளவிலும் அரசுப் பள்ளி மாணவர்களில் பெரும்பாலோர் நகர்ப்புற மாணவர்களுடன் போட்டிபோட முடியாத தகுதியற்றவர்களாகக் காணப்படுகிறார்கள். இதற்கெல்லாம் அடிப்படைக் காரணம், அரசுப் பள்ளிகள் ஆரோக்கியமாக இல்லாததும், ஆசிரியர் தரமும், கல்வித் தரமும், கட்டமைப்பு வசதிகளும் குறைந்து காணப்படுவதும்தான்.
 மாநிலங்களவையில் மனிதவள மேம்பாட்டு அமைச்சகத்தின் நாடாளுமன்ற நிலைக்குழு அறிக்கை கடந்த வாரம் தாக்கல் செய்யப்பட்டது. அந்த அறிக்கையில் அரசுப் பள்ளிகளில் காணப்படும் கட்டமைப்புச் சீர்குலைவு சுட்டிக்காட்டப்பட்டிருக்கிறது. நாடாளுமன்ற நிலைக்குழு அறிக்கை, ஏன் ஊடகங்களில் போதிய கவனம் பெறவில்லை என்கிற கேள்வியை எழுப்பாமல் இருக்க முடியவில்லை.
 இந்தியாவிலுள்ள அரசுப் பள்ளிகளில் 56% பள்ளிகளில் மட்டும்தான் மின் இணைப்பு தரப்பட்டிருக்கிறது. மணிப்பூர், மத்தியப் பிரதேசம் உள்ளிட்ட சில மாநிலங்களில் தேசிய சராசரி அளவில்கூட இல்லாத அளவு வெறும் 20% அளவு பள்ளிகளில் மட்டுமே மின் இணைப்புகள் இருக்கின்றன.
 57% அளவுக்கும் குறைவான அரசுப் பள்ளிகளில்தான் விளையாட்டு மைதானம் காணப்படுகிறது. சில மாநிலங்களில் இதுவே 30% அளவில்கூட இல்லை. 40% அரசுப் பள்ளிகளுக்கு சுற்றுச்சுவர்கூட இல்லாத நிலைமை காணப்படுகிறது. பெரும்பாலான பள்ளிகளில் தூய்மை இந்தியா திட்டம் அறிவிக்கப்பட்டதைத் தொடர்ந்துதான் மாணவிகளுக்கு தனியான கழிப்பிடங்களின் அவசியம் உணரப்பட்டு அதற்கான நடவடிக்கைகள் மேற்கொள்ளப்படுகின்றன.
 அரசுப் பள்ளிகளில் காணப்படும் கட்டமைப்பு வசதிக் குறைவு கவலை அளிக்கிறது. பள்ளிக்குச் செல்லும் மாணவர்களின் ஆரோக்கியத்தைப் பாதிப்பது மட்டுமல்லாமல், கல்வி கற்கும் திறனையும் கட்டமைப்பு வசதிக் குறைவு பாதிக்கும். அரசுப் பள்ளிகளில் படிக்கும் மாணவர்கள் பெரும்பாலும் கிராமப்புற, வசதி இல்லாத, அடித்தட்டு வர்க்கத்தைச் சேர்ந்தவர்களாக இருக்கிறார்கள். ஏற்கெனவே போதுமான ஊட்டச்சத்தில்லாமல் அவர்களின் உடல் வளர்ச்சியும் மன வளர்ச்சியும் குறைந்து காணப்படும் நிலையில், அரசுப் பள்ளிகளின் சூழல் அவர்களின் கற்கும் திறனை நிச்சயமாக பாதிக்கும்.
 காற்றோட்டம் இல்லாத, மின் இணைப்பு இல்லாத வகுப்பறைகள் மாணவர்களின் பார்வைத் திறனைப் பாதிக்கக்கூடும். மின் இணைப்பு இல்லாததால் கணினி உள்ளிட்ட நவீன எண்மக் கல்வி (டிஜிட்டல்) முறைக்கான வாய்ப்பு அவர்களுக்கு மறுக்கப்படுகிறது. விளையாட்டு மைதானம் இல்லாமல் உடற்பயிற்சி குறைவதால், ஆரோக்கியம் பாதிக்கப்படுகிறது. சுற்றுச்சுவர் இல்லாத நிலையில், மாணவர்களின் பாதுகாப்பு, குறிப்பாக, மாணவிகளின் பாதுகாப்பு கேள்விக்குறியாகிறது.
 நாடாளுமன்ற நிலைக் குழு அறிக்கை இவற்றையெல்லாம் சுட்டிக்காட்டுகிறது. மனிதவள மேம்பாட்டுத் துறை ஏனைய அமைச்சகங்களுடன் இணைந்து அரசுப் பள்ளிகளின் கட்டமைப்பு வசதிகளை மேம்படுத்துவதற்கான ஆக்கபூர்வமான ஆலோசனைகளை அந்த அறிக்கையில் வழங்கியிருக்கிறது. எடுத்துக்காட்டாக, மகாத்மா காந்தி தேசிய ஊரக வேலைவாய்ப்பு உறுதித் திட்டத்தின் கீழ் அரசுப் பள்ளிகளின் சுற்றுச்சுவர்களை எழுப்புவது, மத்திய புதுப்பிக்கத்தக்க எரிசக்தி அமைச்சகத்தின் உதவியுடன் சூரிய மின்சக்தி மூலம் பள்ளிகளில் மின்சாரம் வழங்குவது போன்ற பல ஆலோசனைகள் வழங்கப்பட்டிருக்கின்றன.
 நாடாளுமன்ற நிலைக் குழுவின் ஆலோசனைகள் அறிக்கை அளவில் நின்றுவிடலாகாது. மாணவர்களின் கல்விக்குச் செய்யப்படும் முதலீடு, இந்தியாவின் வருங்காலத்திற்காகச் செய்யப்படும் முதலீடு என்பதை அரசு உணர வேண்டும், நாமும்தான்!

]]>
https://www.dinamani.com/editorial/2020/mar/13/செல்வத்தில்-செல்வம்-3380086.html
3379367 தலையங்கம் பெயரளவில் பெண் சமத்துவம்! | பெண் சிசுக்கொலை குறித்த தலையங்கம் ஆசிரியர் Thursday, March 12, 2020 03:25 AM +0530 கரோனா நோய்த்தொற்றுப் பிரச்னை, உசிலம்பட்டி பெண் சிசுக்கொலை விவகாரத்தை பின்னுக்குத் தள்ளிவிட்டது. கடந்த சில ஆண்டுகளாக முற்றுப்புள்ளி வைக்கப்பட்டது என்று நினைத்துக்கொண்டிருந்த பெண் சிசுக் கொலை மீண்டும் தலைதூக்கியிருப்பது எதிர்பாராத விபரீதம். இன்னும்கூட பெண் குழந்தைகள் பெற்றோருக்கு அழையா விருந்தாளியாக இருப்பது சமுதாயத்தின் முதிர்ச்சியின்மையைத்தான் வெளிப்படுத்துகிறது. தமிழகத்திலும் இந்தியாவிலும் மட்டுமல்ல, சர்வதேச அளவிலும்கூட பெண்களுக்கு சம உரிமை, சம வாய்ப்பு, சம அந்தஸ்து என்பவை ஏட்டளவில்தான் காணப்படுகின்றன.
 எந்தவிதக் கட்டுப்பாடும் இல்லாமல் உடை அணிவதும், செயல்படுவதும் மட்டுமே பெண் விடுதலையின் நோக்கங்கள் என்கிற கருத்து தவறானது மட்டுமல்ல, போலித்தனமானதும்கூட. அதனால் ஏற்படும் பின்விளைவுகளையும் பாதிப்புகளையும் ஆண்களின் மீது மட்டுமே சுமத்துவது புரிதலின்மை. மேலை நாடுகளில் இருப்பதுபோன்ற பெண்ணிய நடவடிக்கைகளை அப்படியே பின்பற்ற விரும்புவது மாறுபட்ட சமூகக் கோட்பாடுகளைச் சிதைக்கப் பயன்படுமே தவிர, பெண்களுக்குச் சம உரிமையும், பாதுகாப்பும், மரியாதையும் ஏற்படுத்தித் தராது என்பதுதான் அனுபவபூர்வ நடைமுறை உண்மை.
 மேலை நாடுகளில் விருப்பம்போல மண உறவும், பாலியல் சுதந்திரமும் பெண்களுக்கு இருக்கிறது என்றும், இந்தியாவைப்போல பெண்கள் போகப் பொருள்களாகக் கருதப்படுவதில்லை என்றும் கூறுபவர்கள் மேலைநாட்டு நாகரிகத்தின் ஒரு பக்கத்தை மட்டுமே எடுத்தியம்புகிறார்கள். மேலை நாடுகளில் வெளியாகும் பெண்களை மையப்படுத்திய ஆபாச புகைப்படங்களும், விடியோ படங்களும், விளம்பரங்களும் பெண்மையை அதைவிட மோசமாகக் கொச்சைப்படுத்திவிட முடியாது என்கிற அளவில் இருப்பதை மறந்து விடுகிறோம்.
 இந்தியாவையே எடுத்துக்கொண்டால் குடியரசுத் தலைவராகவும், பிரதமராகவும், ஆளுநர்களாகவும், முதல்வர்களாகவும் பெண்களால் பதவி வகிக்க முடிந்திருக்கிறது. பெண்ணியவாதிகளின் லட்சிய நாடான அமெரிக்கா இன்றுவரையில் அதிபராக பெண்களை ஏற்றுக் கொண்டதில்லை. கடந்த அதிபர் தேர்தலில் ஹிலாரி கிளிண்டன் தோற்கடிக்கப்பட்டார் என்றால், வரவிருக்கும் தேர்தலில் பெண் ஒருவர் அதிபராகும் வாய்ப்பு முறியடிக்கப்பட்டு விட்டது.
 பல்வேறு துறைகளில் பெண்கள் புதிய சாதனைகள் படைத்து வருகிறார்கள். சமூக, அரசியல், பொருளாதார, அறிவியல் துறைகளில் பெண்களின் பங்களிப்பு உலக அளவில் அதிகரித்திருக்கிறது. ஆண்களுக்கு நிகராகவோ அவர்களைவிடச் சிறப்பாகவோ செயல்பட முடியும் என்பதை அநேகமாக எல்லா நாடுகளிலும் பெண்கள் நிரூபித்துவருகிறார்கள். ஆனாலும்கூட, பெண்களுக்குச் சம வாய்ப்பு, சம உரிமை என்பது இப்போதும்கூட விரும்பத்தக்கதாகவும், தேவையானதாகவும் பலராலும் கருதப்படுவதில்லை என்பதுதான் உண்மை.
 ஐ.நா. சபையின் இரண்டு நிறுவனங்கள் வெளியிட்டிருக்கும் அறிக்கைகள் இதை உறுதிப்படுத்துகின்றன. 1995-இல் பெய்ஜிங்கில் நடந்த வரலாற்றுப் புகழ்பெற்ற உலக மகளிர் மாநாட்டிற்குப் பிறகு பல மாற்றங்களும், முன்னேற்றங்களும் ஏற்பட்டிருப்பது என்னவோ உண்மை. அதே நேரத்தில், பெண்களும் சிறுமிகளும் பல கடுமையான பிரச்னைகளை எதிர்கொள்கிறார்கள் என்கிறது யுனிசெஃப் அறிக்கை.
 ஐ.நா. வளர்ச்சித் திட்டம் என்கிற அமைப்பு, பாலியல் சமூகக் குறியீடு ஒன்றை வெளியிட்டிருக்கிறது. அதன்படி, பெண்கள் குறித்த மனநிலையில் எந்தவித மாற்றமும் ஏற்பட்டுவிடவில்லை என்று தெரிகிறது. பெண்கள் குறித்த பாலியல் சமநிலைக்கு எதிரான கருத்தை 90% ஆண்கள் கொண்டிருப்பதாக அந்தக் குறியீடு தெரிவிக்கிறது. வேடிக்கை என்னவென்றால், பெரும்பாலான பெண்களும் அதேபோன்ற கருத்தைக் கொண்ட, தன்னம்பிக்கை அற்றவர்களாக இருக்கிறார்கள் என்பதுதான்.
 ஐ.நா. வளர்ச்சித் திட்ட அறிக்கை, 75 நாடுகளிலிருந்து புள்ளிவிவரங்களைத் திரட்டியது. அதன்படி, உலகின் மக்கள்தொகையில் பாதிக்கும் மேற்பட்டவர்கள் பெண்களைவிட ஆண்கள்தான் அரசியல் தலைவர்களாகச் செயல்படுவதில் சிறந்தவர்கள் என்று கருத்துக் கூறியிருக்கிறார்கள். 40% பேர் ஆண்களுக்கு பெண்களைவிட நிர்வாகத் திறமை அதிகம் என்று கருதுகிறார்கள். 28% ஆண்களும், பெண்களும் மனைவியரை அடிக்கும் உரிமை ஆண்களுக்கு உண்டு என்று நம்புகிறார்கள்.
 இந்தியாவைப் பொருத்தவரை பாலியல் சமத்துவம் எதிர்பார்த்த அளவில் இல்லை என்பது மட்டுமல்ல, குறைந்து வருகிறது என்பதுதான் அதிர்ச்சி அளிக்கிறது. 2008-இல் 38.9% பெண்கள் வேலைக்குப் போய்க் கொண்டிருந்ததுபோய், 2019-இல் அதுவே 26.7%-ஆகக் குறைந்திருக்கிறது. பணியிடங்களில் பெண்களுக்குப் போதுமான பாதுகாப்பும் மரியாதையும் இல்லாமல் இருப்பதுதான் காரணம் என்று ஆய்வுகள் கூறுகின்றன.
 பள்ளி, கல்லூரிக்குப் போகும் பெண்களின் எண்ணிக்கையும், வேலைவாய்ப்புத் தகுதி பெற்ற பெண்களின் எண்ணிக்கையும் இந்தியாவில் அதிகரித்திருக்கிறது. அதே நேரத்தில், சமநிலை இல்லாத சமூகச்சூழல் காணப்படுகிறது. பாலியல் தொழிலுக்கு உட்படுத்தப்படும் பெண்களின் எண்ணிக்கையும், தாக்குதலுக்கு உள்ளாகும் பெண்களின் எண்ணிக்கையும் அதிகரித்து வருகின்றன. மனநிலை பாதிக்கப்பட்ட பெண்களின் எண்ணிக்கை அதிகரிப்பதும், பதின்ம வயதுப் பெண்கள் மத்தியில் தற்கொலைகள் அதிகரித்திருப்பதும் சுட்டிக்காட்டப்படுகின்றன.
 ஏழை நாடோ, பணக்கார நாடோ, கல்வி, வாய்ப்பு, ஊதியம், பங்களிப்பு, நீதி இவை அனைத்திலுமே இன்னும் பாலியல் சமநிலை இல்லை என்பதுதான் உலக அளவிலான நிலை. அதனால், உசிலம்பட்டி பெண் சிசுக்கொலை ஆச்சரியப்படுத்தவில்லை!
 
 
 

]]>
https://www.dinamani.com/editorial/2020/mar/12/பெயரளவில்-பெண்-சமத்துவம்--பெண்-சிசுக்கொலை-குறித்த-தலையங்கம்-3379367.html
3378623 தலையங்கம் அறிவுடையார் எல்லாம் உடையார்! | ஆராய்ச்சித் துறை குறித்த தலையங்கம் ஆசிரியர் Wednesday, March 11, 2020 03:55 AM +0530 சுதந்திர இந்தியாவில் நடத்தப்பட்ட ஆராய்ச்சியின் மூலம் இதுவரை ஒருவர்கூட எந்தவொரு பிரிவிலும் நோபல் விருது பெறவில்லை என்கிற வேதனையான உண்மை சுடுகிறது. அடிப்படை வசதிகள் எதுவுமே இல்லாமல் இருந்த பிரிட்டிஷ் காலனிய ஆட்சிக் காலத்தில் இயற்பியலுக்காக நோபல் விருது பெற்ற சர் சி.வி. ராமனுக்குப் பிறகு, பல இந்தியர்கள் பல்வேறு அறிவியல் துறைகளில் அந்த விருதை வென்றிருக்கிறார்கள் என்றாலும்கூட, அவர்களின் ஆராய்ச்சிகள் மேலை நாடுகளில், குறிப்பாக, அமெரிக்காவில் நடந்தன என்பதால் இந்தியா சொந்தம் கொண்டாட முடியாது.
 ஆராய்ச்சி மேம்பாட்டில் தனியார் நிறுவனங்களும் பங்களிப்பதற்கு வழிகோல மத்திய அரசின் அறிவியல் தொழில்நுட்பத் துறை திட்டமிட்டிருக்கிறது. ஆண்டொன்றுக்கு ரூ.40 கோடி அளவிலான ஆராய்ச்சி நிதிக்கு வழிகோலும் இந்தத் திட்டத்தில் இந்திய நிறுவனங்களும், இந்தியாவில் செயல்படும் வெளிநாட்டு நிறுவனங்களும் பங்களிப்பு நல்கி, முக்கியமான உயர் கல்வி நிறுவனங்களில் ஆராய்ச்சி நடத்தும் விஞ்ஞானிகளுக்கு நிதியுதவி வழங்குவது என்பதுதான் அந்தத் திட்டத்தின் நோக்கம். தனியார் துறை ஊக்குவிக்கப்படுவது வரவேற்புக்குரியது. அதே நேரத்தில்ஆராய்ச்சிகளுக்கான நிதி ஒதுக்கீடு வரம்பு நிர்ணயத்துடன் செயல்படக் கூடாது.
 இந்தியா விடுதலை பெற்றது முதல் 20 ஆண்டுகளில் நமது ஆராய்ச்சி நிறுவனங்களை வலுப்படுத்துவதிலும், மேம்படுத்துவதிலும் சர்வதேசத் தரத்தில் உயர்த்துவதிலும் அன்றைய ஆட்சியாளர்கள் மிகுந்த ஆர்வம் காட்டினார்கள். ஆனால், அதற்கு ஏற்ற அளவில் இந்தியாவின் பொருளாதாரம் இருக்கவில்லை. ஆராய்ச்சி நிறுவனங்களுக்குப் போதுமான நிதி ஒதுக்கீடுகள் வழங்கப்படவில்லை. பல மேலை நாட்டு ஆராய்ச்சி நிறுவனங்களின் உதவியுடனும், அவற்றுடன் இணைந்தும் இந்தியாவின் ஆராய்ச்சி நிறுவனங்கள் சில செயல்பட முற்பட்டன. பல திறமையான விஞ்ஞானிகளை உருவாக்கவும் செய்தன.
 விண்வெளி ஆராய்ச்சியில் இந்தியா அடைந்த அளவிலான மேம்பாட்டையும் வெற்றியையும் ஏனைய துறைகளில் நம்மால் அடைய முடியவில்லை. முதல் கால் நூற்றாண்டு காலம் எழுதப் படிக்கத் தெரிந்த இந்தியர்களை உருவாக்குவதே மிகப் பெரிய சவாலாக இருந்தது.
 அனைவருக்கும் கல்வி வழங்குவதும், பள்ளிக்கூடங்கள் கட்டுவதும், கல்லூரிகள் உருவாக்குவதும், கல்விக்கான நிதி ஒதுக்கீட்டின் பெரும் பங்கை எடுத்துக்கொண்ட நிலையில், உயர் கல்விக்காக செலவிடும் நிலையில் இந்தியா இருக்கவில்லை.
 அப்படியே செய்யப்பட்ட ஒதுக்கீடுகளிலும் அணுசக்தி, செயற்கைக்கோள் ஆராய்ச்சிகள் முன்னிலை வகித்த அளவுக்கு இயற்பியல், வேதியியல், உடற்கூறு இயல், பொறியியல், மருந்தியல் போன்றவை கவனம் பெறவில்லை.
 80-களில் நிர்வாக மேலாண்மை, பொறியியல் தொழில்நுட்பம், ஜவுளித் தொழில்நுட்பம், விவசாயம் ஆகியவை கவனம் பெறத் தொடங்கின என்றாலும், தேவைப்பட்ட அளவிலான நிதியாதாரம் இல்லாததால் எதிர்பார்த்த முன்னேற்றம் காணவில்லை. சர்வதேச அளவிலான ஆராய்ச்சிகளுடன் ஒப்பிடும்போது இந்தியாவின் ஆராய்ச்சித் துறை மிகவும் அடிப்படையிலான அளவில்தான் காணப்பட்டது. அதனால், தலைசிறந்த ஆராய்ச்சி மாணவர்கள் மேலை நாடுகளுக்குக் குடிபெயர்ந்து, அந்த நாடுகளின் ஆராய்ச்சிகளுக்கும் தொழில்நுட்பத்துக்கும் தங்களது பங்களிப்பை வழங்க நேரிட்டது.
 இந்தியாவின் ஆராய்ச்சித் துறை வளர்ச்சி முழுக்க முழுக்க அரசின் ஆதரவைச் சார்ந்ததாக இருந்து வருகிறது. உயர் கல்வி நிறுவனங்களிலும் பல்கலைக்கழகங்களிலும் நடத்தப்படும் ஆராய்ச்சிகள் மூலம் சர்வதேசத் தரத்திலான அல்லது உலகை வியக்க வைக்கும் அளவிலான ஆராய்ச்சிகள் எதுவுமே வெளிவரவில்லை.
 ஆராய்ச்சி மாணவர்களுக்காக வழங்கப்படும் மானியம் பெரும்பாலும் விரயமாகிறதே தவிர, திறமைகளை ஊக்குவிப்பதாக அமையவில்லை. தனியார் நிறுவனங்களும், தொழில் நிறுவனங்களும் ஆராய்ச்சிகள் மூலம் அறிவுசார் சொத்துரிமை பெறும் அளவிலான ஆராய்ச்சிகளை மேற்கொள்வதற்கு ஊக்குவிக்கப்படவில்லை. கடந்த 20 ஆண்டுகளாகத்தான் ஆராய்ச்சியிலும் ஆய்வுகளிலும் முதலீடு செய்வதற்கு தனியார் துறையும் ஊக்குவிக்கப்படுகிறது.
 இந்தியாவின் ஆராய்ச்சித் துறையில் பெரும் பகுதி முதலீடு அரசால் மட்டுமே செய்யப்படுகிறது. 2004-05-இல் தனியார் துறையின் பங்களிப்பு 28% என்றால், 2016-17-இல் அதுவே 40%-ஆக அதிகரித்தது என்பது ஆறுதல் அளிக்கும் முன்னேற்றம். பெரும்பாலான வளர்ச்சி அடைந்த பொருளாதாரங்களில், தனியார் நிறுவனங்கள் ஆராய்ச்சிகளை நடத்தித் தங்களது ஆய்வுகளுக்கான அறிவுசார் சொத்துரிமையைப் பெறுவதில் முனைப்புக் காட்டுகின்றன. இந்தியாவில் இன்னும் அப்படியொரு நிலை ஏற்படவில்லை.
 30 ஆண்டுகளுக்கு முன்பு உலகமயக் கொள்கையை இந்தியா வரித்துக்கொண்டது முதல் மேலை நாட்டு ஆராய்ச்சிகளை அதற்கான கட்டணத்தைச் செலுத்தி பெற்றுக்கொள்ளும் எளிய முறையை கையாளத் தொடங்கிவிட்டோம். நமக்கென்று ஆய்வுகள் செய்து அறிவுசார் சொத்துரிமை பெறும் முனைப்புக்கு அரசும் தனியார் துறைகளும் ஊக்கம் தருவதில்லை. அமெரிக்காவும் சீனாவும் ஆராய்ச்சிகளுக்கு அளிக்கும் முக்கியத்துவத்தையும் முதலீட்டையும் நாம் செய்யாதவரை, சர்வதேச அளவில் பொருளாதார வல்லரசாக இந்தியா மாறவே முடியாது.
 உண்மையான ஆராய்ச்சியாளர்களுக்கு முழுமையான உதவியும் ஊக்கமும் வழங்குவதும், போலி ஆராய்ச்சி மாணவர்களை அடையாளம் கண்டு அகற்றி நிதி விரயத்தை அகற்றுவதும் உடனடி அவசியம்.
 
 

]]>
https://www.dinamani.com/editorial/2020/mar/11/அறிவுடையார்-எல்லாம்-உடையார்--ஆராய்ச்சித்-துறை-குறித்த-தலையங்கம்-3378623.html
3378042 தலையங்கம் யாருக்கும் கவலையில்லை! | நாடாளுமன்றம் முடக்கப்படுவது குறித்த தலையங்கம் ஆசிரியர் Tuesday, March 10, 2020 04:08 AM +0530
மக்களின் வரிப்பணத்தை விரயம் செய்து கொண்டிருக்கும் நாடாளுமன்றம் இந்திய ஜனநாயகத்துக்குத் தேவைதானா என்கிற கேள்வியை, அதன் செயல்பாடு எழுப்புகிறது. நாடாளுமன்றம் முடக்கப்படுவதற்கு எதிா்க்கட்சிகள்தான் காரணம் என்கிற ஆளும் கட்சித் தரப்பு வாதம் ஏற்புடையதல்ல. எதிா்க்கட்சிகளை அரவணைத்து, கருத்தொற்றுமை ஏற்படுத்தி அவையை விவாதங்களுடன் நடத்துவதற்காகத்தான் நாடாளுமன்ற விவகாரங்கள் துறை அமைச்சா் என்று ஒருவா் இருக்கிறாா்.

பதினேழாவது மக்களவையில் தனிப் பெரும்பான்மையுடன் பாரதிய ஜனதா கட்சி ஆட்சி அமைத்தபோது, இனிமேலாவது நாடாளுமன்றம் முறையாகச் செயல்படும் என்கிற எதிா்பாா்ப்பு எழுந்தது. இப்போது அது தகா்ந்துவிட்டிருக்கிறது. 15 நாள் இடைவெளிக்குப் பின் பட்ஜெட் கூட்டத்தொடா் கூடிய பிறகு எந்தவித விவாதமும் முறையாக நடைபெறவில்லை. நாடு தழுவிய அளவில் நடைபெறும் குடியுரிமை திருத்தச் சட்டத்துக்கு எதிரான போராட்டங்கள், சில பேரை உயிா்ப்பலி வாங்கிய தில்லி கலவரம் உள்ளிட்ட பிரச்னைகளை நாடாளுமன்றத்தால் விவாதிக்க முடியவில்லை.

அவையை நடத்த வேண்டிய பொறுப்பு ஆளும் கட்சியுடையது என்பதால், இதில் ஆளும் கட்சிதான் முதல் குற்றவாளி. தில்லி கலவரம் குறித்து முழுமையான விவாதம் நடத்த வேண்டும் என்கிற எதிா்க்கட்சிகளின் கோரிக்கையை ஏற்றுக்கொண்டிருக்கிறது ஆளும் கட்சித் தரப்பு. அதற்குப் பிறகு, ஹோலி பண்டிகை முடிந்த பிறகுதான் விவாதம் எடுத்துக்கொள்ளப்படும் என்று பிடிவாதம் பிடிப்பானேன்?

மக்களின் பேராதரவுடன் தோ்தலில் வெற்றி பெற்று, வாக்காளா்களுக்கு அளித்த தோ்தல் வாக்குறுதிகளை நிறைவேற்றுவதற்காகத்தான் அரசியல் கட்சிகள் ஆட்சியில் அமா்கின்றன. அதே நேரத்தில், அரசு கொண்டுவரும் திட்டங்களும், சட்டங்களும் எதிா்க்கட்சி உறுப்பினா்களின் மாற்றுக் கருத்துகளுக்காக முன்வைக்கப்பட்டு, அவையில் விவாதிக்கப்படும்போதுதான் அவற்றின் சாதக - பாதகங்களை ஆட்சியாளா்கள் முழுமையாக உணர முடியும். தங்களது தவறுகளைத் திருத்திக் கொள்ளவோ, முடிவுகளை மாற்றிக் கொள்ளவோ ஜனநாயகம் தரும் வாய்ப்பு என்றுதான் அதை எடுத்துக்கொள்ள வேண்டுமே தவிர, அதில் கௌரவம் பாா்க்க வேண்டிய அவசியம் இல்லை.

பண்டித ஜவாஹா்லால் நேரு பிரதமராக இருந்தவரை, நாடாளுமன்றக் கூட்டத்தொடா் நடக்கும்போது தில்லியைவிட்டு வெளியில் சென்றதில்லை. விவாதங்கள் நடக்கும்போது நாடாளுமன்றத்தில் இருப்பதைத் தனது கடமையாகக் கருதினாா். சோஷலிஸ்ட்டுகளான ராம் மனோகா் லோஹியா, ஆசாா்ய கிருபளானி, மது லிமயே, என்.ஜி. கோரே, கம்யூனிஸ்டுகளான ஏ.கே. கோபாலன், பி. ராமமூா்த்தி, பூபேஷ் குப்தா உள்ளிட்டோரின் கடுமையான விமா்சனங்களையும், கருத்துகளையும் உன்னிப்பாகக் கேட்பதை வழக்கமாக்கிக் கொண்டிருந்தாா். பண்டித நேருவையும், அவரின் திட்டங்களையும் எதிா்க்கட்சியினா் விமா்சிக்கும்போது, ஆளும் கட்சித் தரப்பு அமைதி காத்ததே தவிர, கூச்சலோ, குழப்பமோ ஏற்படுத்த முற்படவில்லை.

நாடாளுமன்றத்துக்குள் கூச்சல், குழப்பம் விளைவிக்கும் செயல்பாட்டை அறிமுகப்படுத்தியது காங்கிரஸ் தலைமையை சோனியா காந்தி ஏற்ற பிறகுதான் என்பதை நாடாளுமன்ற வரலாறு எடுத்தியம்பும். வாஜ்பாய் அரசை செயல்படாமல் முடக்க, ‘கூச்சல் படை’ (ஷௌட்டிங் பிரிகேட்) ஒன்றை உருவாக்கிய பெருமை அவரைச் சாரும். அதற்கு முன்னால், ராஜீவ் காந்தி ஆட்சியில் போஃபா்ஸ், வி.பி.சிங் ஆட்சியில் மண்டல் கமிஷன், நரசிம்ம ராவ் ஆட்சியில் அயோத்தி உள்ளிட்ட விவகாரங்களில் அவைகள் முடக்கப்பட்டன என்றாலும், இப்போதைய அளவிலான தரக்குறைவான செயல்பாடுகள் இருக்கவில்லை.

2ஜி அலைக்கற்றை விவகாரத்தின்போது, அருண் ஜேட்லி, சுஷ்மா ஸ்வராஜ் உள்ளிட்ட பெரும் தலைவா்களேகூட நாடாளுமன்றத்தை முடக்குவதில் முன்னணி வகித்தனா் என்பது நினைவுகூரத்தக்கது. எதிா்க்கட்சியாக இருந்தபோது, பாஜகவின் செயல்பாடும் பாராட்டும்படியாக இருக்கவில்லை என்பது, காங்கிரஸின் இப்போதைய நிலைப்பாட்டை நியாயப்படுத்தாது.

பாஜகவுக்குப் பெரும்பான்மை இருக்கிறது, அதனால் விவாதமே இல்லாமல் மசோதாக்கள் நிறைவேற்றப்படும் என்றால், அதற்குப் பெயா் ஜனநாயகம் அல்லவே. ஒட்டுமொத்த எதிா்க்கட்சியினரை அவையிலிருந்து வெளியேற்றிவிட்டு, மசோதாக்களை நிறைவேற்றுவதற்கு நாடாளுமன்றம் கூட வேண்டாமே. விவாதம் எதுவும் இல்லாமல், அவை எதற்காகக் கூட வேண்டும்?

மக்களவையில் காங்கிரஸ் உறுப்பினா்கள் நடந்து கொண்ட விதம் கண்டனத்துக்குரியது என்பதில் எள்ளளவும் ஐயமில்லை. அவைத் தலைவா் மேஜையிலிருந்து காகிதங்களைப் பறிப்பதும், அவரின் இருக்கை வரை சென்று முற்றுகையிடுவது போலக் கோஷமிடுவதும் அநாகரிகத்தின் உச்சம். கருப்புத் துணியால் வாயை கட்டிக் கொண்டு அவையில் அமா்ந்து தங்களின் எதிா்ப்பைத் தெரிவித்திருந்தால், அதைவிட பலமான எதிா்ப்பு எதுவும் இருந்திருக்காது, கெட்ட பெயா் வந்திருக்காது.

ஒழுங்கீனத்துக்காக உறுப்பினா்களை அவையிலிருந்து வெளியேற்றுவது, தற்காலிக நீக்கம் செய்வது என்று தண்டிக்கும் உரிமை அவைத் தலைவருக்குத் தரப்பட்டிருக்கிறது. ஆனால், அரசியல் சாசன சபையில் இப்படியொரு சூழ்நிலை வரும் என்று யாரும் எதிா்பாா்த்திருக்க மாட்டாா்கள்.

பிரிட்டனில் ஒழுங்கீனத்துக்காகத் தற்காலிகப் பதவி நீக்கம் செய்யப்பட்டால், உறுப்பினருக்கு சம்பளமும் படியும் தரப்படாது. ‘சபை நடக்காவிட்டால் சம்பளமில்லை’ என்று சொன்னால் நமது உறுப்பினா்கள் கவலைப்படுவாா்களா என்பது சந்தேகம்தான். பெரும்பாலான உறுப்பினா்கள் கோடீஸ்வரா்கள், அவா்கள் ஏன் கவலைப்பட வேண்டும்?

]]>
https://www.dinamani.com/editorial/2020/mar/10/யாருக்கும்-கவலையில்லை-3378042.html
3377404 தலையங்கம் மெத்தனம் தகாது!|கரோனா நோய்த்தொற்று குறித்த தலையங்கம் ஆசிரியர் Monday, March 9, 2020 05:37 AM +0530
தமிழகத்துக்கும் வந்து சேர்ந்துவிட்டது கரோனா நோய்த்தொற்று. இந்தியாவில் கரோனா நோய்த்தொற்றால் பாதிக்கப்பட்டிருப்பவர்களின் இப்போதைய எண்ணிக்கை 39. உலகளாவிய அளவில் 103 நாடுகளில்1,06,465 பேர் கரோனா நோய்த்தொற்றால் பாதிக்கப்பட்டிருக்கின்றனர். உயிரிழந்தவர்களின் எண்ணிக்கை 3,600 என்றால் பாதிப்பிலிருந்து மீண்டவர்களின் எண்ணிக்கை 60,228. நோய்த்தொற்று மேலும் பரவிவிடாமல் இருப்பதற்காக ஈரான் தனது சிறைச்சாலைகளில் உள்ள 54,000 கைதிகளைத் தற்காலிகமாக விடுதலை செய்திருக்கிறது. இத்தாலியோ எல்லா கால்பந்தாட்டப் போட்டிகளையும், விளையாட்டுப் போட்டிகளையும் பார்வையாளர்கள் இல்லாமல் நடத்த முடிவெடுத்திருக்கிறது. 

ஈரானுடனான தனது எல்லையை ரஷியா மூடிவிட்டது. மேக்ஸôர் என்கிற விண்வெளி தொழில்நுட்ப நிறுவனம் வெளியிட்டிருக்கும் விண்வெளிக்கோள் புகைப்படம், மெக்காவிலிருந்து பெய்ஜிங் வரை உலகில் அதிகமாக மக்கள் கூடும் இடங்களிலெல்லாம் கூட்டம் குறைந்துவிட்டிருப்பதைக் காட்டுகிறது.

பிரதமர் நரேந்திர மோடி தனது வழக்கமான ஹோலி பண்டிகை கொண்டாட்டத்துக்கு விடை கொடுத்திருக்கிறார். சீன அதிபர் ஷி ஜின்பிங் தனது அறையை விட்டு வெளிவராமல் முகக் கவசங்களுடன் இருக்கிறார்; அரசின் கூட்டங்களில் பிரதமர் லீ கெகியாங்தான் கலந்துகொள்கிறார். உலகின் பல நாட்டுத் தலைவர்கள் பாதுகாப்புக் கருதி யாரையும் சந்திப்பதில்லை. பல தலைவர்கள் தினந்தோறும் மூன்றுமுறை உடல் பரிசோதனை செய்துகொள்கிறார்கள். இவையெல்லாம் அச்சத்தின் வெளிப்பாடு என்று ஒதுக்கிவிட முடியாது. உண்மையிலேயே உலகம் ஒரு மிகப் பெரிய சோதனையை எதிர்கொள்கிறது. 

உலக சுகாதார நிறுவனம் வெளியிட்டிருக்கும் அறிக்கையின்படி, தங்களையும் கரோனாவால் பாதிக்கப்பட்ட நோயாளிகளையும் பாதுகாக்க மருத்துவர்களுக்கும் சுகாதாரப் பணியாளர்களுக்கும் மாதந்தோறும் 8.09 கோடி முகக் கவசங்கள், 3 கோடி பாதுகாப்பு உடைகள், 16 லட்சம் கருப்புக் கண்ணாடிகள், 7.06 கோடி கையுறைகள், 29 லட்சம் லிட்டர் கைகளைச் சுத்தம் செய்யும் கிருமிநாசினிகள் (ஹேண்ட் சானிட்டைஸர்கள்) தேவைப்படுகின்றன. உலகம் முழுவதும் இவற்றுக்குத் தட்டுப்பாடு ஏற்பட்டிருக்கிறது.

கரோனா நோய்த்தொற்று என்பது ஃப்ளூ காய்ச்சல் போன்ற நோய்த்தொற்றுகளிலிருந்து வேறுபடுகிறது. அவையெல்லாம் இரண்டு மணி நேரத்திலிருந்து எட்டு மணி நேரம் வரைதான் பொதுவெளியில் தாக்குப்பிடிக்க முடியுமென்றால், கரோனா நோய்த்தொற்றின் உள்வளர் காலம் (இன்குபேஷன் பீரியட்) 14 நாள்கள். கடினமான சுற்றுச்சூழலைத் தாக்குப்பிடிக்கும் சக்தி கரோனா நோய்த்தொற்றுக்கு உண்டு. கரோனாவால் பாதிக்கப்பட்டவர்களுக்கு காய்ச்சல், இருமல், மூச்சுத் திணறல் உள்ளிட்ட எந்தவித அறிகுறிகளும் இல்லாமலேகூட 14 நாள்கள் பாதிப்பு தொடரக்கூடும். நோய்த்தொற்று அதிகரிக்க அதிகரிக்கத்தான் பாதிப்புகள் தெரியத் தொடங்கும். அதனால் விமான நிலையங்களில் நோய்த்தொற்றால் பாதிக்கப்பட்ட நாடுகளிலிருந்து வரும் பயணிகளைப் பரிசோதிப்பதால் மட்டும் கரோனா பரவுவதைத் தடுத்துவிட முடியாது. 

வூஹானில் தொடங்கிய நோய்த்தொற்று சர்வதேச நோய்த்தொற்றாக மாறுவதற்கு மிக முக்கியமான காரணம், ஆரம்பத்தில் சீனா இது குறித்து ரகசியம் காத்ததுதான். கைமீறிப் போனபோதுதான் விவரம் வெளியுலகுக்குத் தெரியவந்தது. அதேபோன்ற தவறை இந்திய அரசும் செய்ய முற்பட்டிருக்கிறது. பீதி பரவக்கூடாது என்பதற்காக, மத்திய சுகாதார, குடும்ப நல அமைச்சகம் மருத்துவமனை ஊழியர்களை நோய்த்தொற்று குறித்த பரிசோதனை, சிகிச்சை, பாதிப்பு குறித்து வெளியில் சொல்வதற்குத் தடை விதித்திருக்கிறது. இது தவறான அணுகுமுறை. வெளிப்படைத்தன்மையுடன் தகவல்களைப் பகிர்ந்து மக்கள் மத்தியில் விழிப்புணர்வை ஏற்படுத்தி, தங்களைப் பாதுகாத்துக்கொள்ள அவர்களை வலியுறுத்துவதுதான் சரியான அணுகுமுறையாக இருக்கும். 

ரகசியம் காப்பது தேவையில்லாத, தவறான வதந்திகளை உருவாக்கி பீதியைத்தான் அதிகரிக்கும். ஏனைய நாடுகளைப்போல இந்தியாவிலும் அனைத்து பொது நிகழ்ச்சிகளும் ரத்து செய்யப்பட வேண்டும். திரையரங்குகள் உள்பட பொதுமக்கள் கூடும் நிகழ்வுகள் தடை செய்யப்பட வேண்டும். பயணங்கள் தவிர்க்கப்பட வேண்டும். பொது இடங்களில் கூடுவதற்கு அனுமதி தரக்கூடாது. பள்ளி, கல்லூரிகளில் கட்டாயமாக முகக் கவசம் வலியுறுத்தப்படுவதுடன், கை குலுக்கல், தழுவி வரவேற்கும் முறைகளுக்கு விடை கொடுத்தாக வேண்டும். 

கரோனா நோய்த்தொற்றை எதிர்கொள்ள, ஆதாரமில்லாத பல தகவல்கள் சமூக ஊடகங்களில்  பரப்பப்படுகின்றன. ஆளுக்குஆள் மருத்துவம் கூறுகிறார்கள். கோமியமும், பசுவின் சாணமும் கரோனா நோய்த்தொற்றை எதிர்கொள்ளும் மருந்துகள் என்று அஸ்ஸாமைச் சேர்ந்த பாஜக சட்டப்பேரவை உறுப்பினர் பரிந்துரைத்திருக்கிறார். இதற்கெல்லாம் கடிவாளம் போடாமல் போனால் விளைவு மிக மோசமாக இருக்கும். கருத்துச் சுதந்திரம் என்கிற பெயரில் வாய்க்கு வந்த அபத்தங்களை சமூக ஊடகங்களின் மூலம் பரப்புவதற்குத் தடை பிறப்பிக்க வேண்டும். 

பொது மருத்துவமனைகளின் அவசியத்தையும், மருத்துவம் தனியார்மயமாக்கப்படுவதன் ஆபத்தையும் இப்போதாவது ஆட்சியாளர்கள் புரிந்துகொள்ள வேண்டும். மிகப் பெரிய ஆபத்தை எதிர்கொள்கிறோம் என்பதை ஒவ்வோர் இந்தியனும் உணர வேண்டும். வரும்முன் காக்காவிட்டாலும், வந்துவிட்ட பிறகாவது சுதாரித்துக் கொள்வோம். 

]]>
https://www.dinamani.com/editorial/2020/mar/09/மெத்தனம்-தகாதுகரோனா-நோய்த்தொற்று-குறித்த-தலையங்கம்-3377404.html
3375726 தலையங்கம் உத்தவ் நூறு!| தனது ’ஹிந்துத்துவ’ நிலைப்பாட்டை வெளிப்படுத்த வேண்டிய கட்டாயத்துக்கு ஆளாகியிருக்கும் மகாராஷ்டிர முதல்வர் உத்தவ் தாக்கரே குறித்த தலையங்கம் ஆசிரியர் Saturday, March 7, 2020 04:55 AM +0530  

திரைப்படங்கள் நூறாவது நாள் கொண்டாடுவதுபோல, ஆட்சியிலிருக்கும் அரசுகளும் பதவியேற்ற நூறாவது நாளைக் கொண்டாடுவது வாடிக்கையாகிவிட்டது. இன்று தனது ஆட்சியின் நூறாவது நாளை மகாராஷ்டிர முதல்வா் உத்தவ் தாக்கரே அயோத்தி சென்று கொண்டாடுவதை அவரது கூட்டணிக் கட்சிகள் தா்மசங்கடத்துடன் வேடிக்கை பாா்த்துக்கொண்டிருக்கின்றன. அவா்களது அதிருப்தியையும் மீறி, தனது ’ஹிந்துத்துவ’ நிலைப்பாட்டை வெளிப்படுத்த வேண்டிய கட்டாயத்துக்கு ஆளாகியிருக்கிறாா் மகாராஷ்டிர முதல்வரும், சிவசேனைக் கட்சித் தலைவருமான உத்தவ் தாக்கரே.

மகாராஷ்டிரத்தில் ஆட்சியிலிருக்கும் உத்தவ் தாக்கரே தலைமையிலான மகாராஷ்டிர விகாஸ் கூட்டணி கடந்த நவம்பா் 28-ஆம் தேதி மிகவும் விறுவிறுப்பான அரசியல் நாடகங்களுக்கு இடையே ஆட்சிப் பொறுப்பை ஏற்றது. பாபா் மசூதி இடிப்புக்குக் காரணமான சிவசேனையை தங்களது அடிப்படைக் கொள்கையாக மதச்சாா்பின்மையைக் கொண்டிருக்கும் தேசியவாத காங்கிரஸ் கட்சியும், காங்கிரஸ் கட்சியும் அரவணைத்து உத்தவ் தாக்கரேயை முதல்வராக்கியது மிகப் பெரிய அரசியல் நகைமுரண். ‘எதிரியின் எதிரி நண்பன்’ என்கிற அடிப்படையில் மூன்று கட்சிகளும் இணைந்து வெற்றிகரமாக ஆட்சிப் பொறுப்பில் இன்று ‘நூறு நாள்’ காண்கின்றன.

228 உறுப்பினா்களைக் கொண்ட மகாராஷ்டிர சட்டப்பேரவையில் 105 இடங்களுடன் தனிப்பெரும் கட்சியாக விளங்கும் பாஜக, ஆட்சிமைக்க நடத்திய பிரயத்தனங்களும், குயுக்திகளும் மூன்றாம்தர அரசியலும் சிவசேனை (56) - தேசியவாத காங்கிரஸ் (54) - காங்கிரஸ் (44) அமைத்திருக்கும் மகாராஷ்டிர விகாஸ் என்கிற சந்தா்ப்பவாதக் கூட்டணிக்கு மரியாதையை ஏற்படுத்தி கொடுத்தன. சிவசேனையின் முதல்வா் பதவி கோரிக்கையை பாஜக ஏற்றுக்கொண்டிருந்தால் மகாராஷ்டிரத்தில் நிலையான ஆட்சி அமைந்திருக்கும். சிவசேனையின் பேராசையும், பாஜகவின் பிடிவாதமும் பிரிவை ஏற்படுத்தின.

2019 மக்களவை, சட்டப்பேரவைத் தோ்தல்களில் தனித்துப் போட்டியிடுவது என்று சிவசேனை முடிவு செய்திருந்தது. ஆனால், கடந்த ஆண்டு பிப்ரவரி மாதம் அப்போது பாஜக தலைவராக இருந்த அமித் ஷா மும்பைக்கு விரைந்து ஏற்படுத்திக்கொண்ட ஒப்பந்தம் பாஜக - சிவசேனை கூட்டணிக்கு வழிகோலியது. பாஜகவைவிட குறைந்த இடங்களில் சிவசேனையும் அதிக இடங்களில் பாஜகவும் சட்டப்பேரவைத் தோ்தலில் போட்டியிட்டன.

அக்டோபா் மாதம் தோ்தல் முடிவுகள் வெளியானபோது தனக்கு முதல்வா் பதவி தரப்படும் என்று பாஜக வாக்குறுதி அளித்ததாக சிவசேனை கூறியதை பாஜக தலைமை மறுத்தது. அதன் விளைவுதான் இரண்டு கட்சிகளுக்கும் இடையேயான 30 ஆண்டு கூட்டணி முறிவதற்கும், சிவசேனையை தீண்டத்தகாத கட்சியாகத் தவிா்த்து வந்த தேசியவாத காங்கிரஸும், காங்கிரஸும் ஏற்றுக்கொள்வதற்கும் காரணமாக அமைந்தது.

இந்தியாவின் பொருளாதாரத் தலைநகரமான மும்பையைத் தனது கட்டுப்பாட்டுக்குள் வைத்துக்கொள்ள வேண்டும் என்பதைவிட, பாஜகவின் ஆதிக்கம் இருந்துவிடக் கூடாது என்பதில் தேசியவாத காங்கிரஸும், காங்கிரஸும் குறியாக இருக்கின்றன. பாஜகவை அகற்றி நிறுத்த வேண்டும் என்பதற்காக சிவசேனையை ஆதரிப்பது என்கிற கொள்கையில் உறுதியாகவும் இருக்கின்றன.

உத்தவ் தாக்கரே தலைமையிலான மகாராஷ்டிர விகாஸ் கூட்டணி நூறு நாள்களைக் கடந்து ஆட்சிப் பொறுப்பில் தொடா்வது என்பது மட்டுமே சிவசேனைக்குக் கிடைத்திருக்கும் மிகப் பெரிய வெற்றி. உள்துறை, நிதி, நீா் மேலாண்மை, வீட்டுவசதி உள்ளிட்ட துறைகளை தேசியவாத காங்கிரஸும், வருவாய், பொதுப்பணித் துறை போன்ற துறைகளை காங்கிரஸும் எடுத்துக்கொண்டிருப்பதால் முதல்வா் உத்தவ் தாக்கரே அதிகாரமில்லாத முதல்வராகத்தான் காட்சியளிக்கிறாா் என்கிற விமா்சனத்தில் உண்மையில்லாமல் இல்லை.

உத்தவ் தாக்கரேயின் தந்தை பால் தாக்கரே இருந்த வரை தனது குடும்பம் நேரடியாக எந்தவித அரசுப் பதவியையும் வகிக்கக் கூடாது என்பதில் உறுதியாக இருந்தாா். இப்போது உத்தவ் தாக்கரே முதல்வராக இருப்பது மட்டுமல்லாமல், தனது மகன் ஆதித்ய தாக்கரேயை தனது அமைச்சரவையிலும் சோ்த்துக் கொண்டிருக்கிறாா். தனக்குக் கிடைத்திருக்கும் முதல்வா் பதவியை பயன்படுத்தி மக்கள் மத்தியில் தனக்கென்று தனிச்செல்வாக்கை நிலைநிறுத்துவதன் மூலம்தான் வருங்கால அரசியலில் தாக்குப் பிடிக்க முடியும் என்பதையும் அவா் உணரத் தொடங்கியிருப்பதாகத் தெரிகிறது.

உத்தவ் தாக்கரேயின் மிகப் பெரிய சவால், தேசியவாத காங்கிரஸ், காங்கிரஸ் ஆகிய இரண்டு மதச்சாா்பற்ற கட்சிகளுடன் கூட்டணி அமைத்து ஆட்சிப் பொறுப்பில் இருக்கும் அதேநேரத்தில், சிவசேனையும் ஹிந்துத்துவ கொள்கையை இழக்காமல் இருப்பதுதான். தனது கூட்டணி கட்சிகளின் எதிா்ப்பையும் அதிருப்தியையும் மீறி குடியுரிமை திருத்தச் சட்டம், தேசிய மக்கள்தொகை பதிவேடு, தேசிய குடிமக்கள் பதிவேடு ஆகியவற்றை சிவசேனை ஆதரிக்கிறது. பாபா் மசூதியை இடித்ததில் முன்னிலை வகித்த சிவசேனை, அயோத்தியில் ராமா் கோயில் கட்டுவதிலும் முனைப்பு காட்டுகிறது.

பாஜக ஆட்சிக்கு வராமல் தடுத்தாக வேண்டும் என்கிற நிா்ப்பந்தத்தால் தேசியவாத காங்கிரஸும், காங்கிரஸும் சிவசேனையை வேறு வழியில்லாமல் ஆதரிக்கின்றன. அதுதான் முதல்வா் உத்தவ் தாக்கரேயின் பலம். அதுவேதான் சிவசேனையின் பலவீனமும்கூட!

]]>
https://www.dinamani.com/editorial/2020/mar/07/உத்தவ்-நூறு-3375726.html
3374877 தலையங்கம் அடுத்தகட்ட வெற்றி!| ஊழலுக்கு எதிரான கண்காணிப்பு அமைப்பு ‘லோக்பால்’ குறித்த தலையங்கம் ஆசிரியர் Friday, March 6, 2020 04:10 AM +0530
ஊழலுக்கு எதிரான கண்காணிப்பு அமைப்பு ‘லோக்பால்’ செயல்படுவதற்கான நேரம் ஒருவழியாக வந்துவிட்டது. கடந்த மாா்ச் 23, 2019-இல் இந்தியாவின் முதல் லோக்பாலாக பினாகி சந்திரகோஷ் நியமிக்கப்பட்டு 11 மாதங்கள் கடந்த நிலையில், லோக்பால் அமைப்பு செயல்படுவதற்கான சட்டதிட்டங்களை மத்திய அரசு அறிவித்திருக்கிறது.

2011-இல் அண்ணா ஹஸாரேயால் தொடங்கப்பட்ட ஊழலுக்கு எதிரான இயக்கத்தின் தாக்கத்தால் அன்றைய பிரதமா் மன்மோகன் சிங் தலைமையிலான ஐக்கிய முற்போக்குக் கூட்டணி அரசு 2013-இல் லோக்பால் சட்டத்தை நிறைவேற்றியது. அதற்குப் பிறகு, லோக்பால் அமைப்பின் தலைவராக ஒருவரை நியமிப்பதற்கு ஆறு ஆண்டுகள் காத்திருக்க வேண்டி வந்தது.

ஊழலுக்கு எதிரான போராட்டம் தொடங்கி ஏறத்தாழ 60 ஆண்டுகள் ஆகின்றன. ஊழலுக்கு எதிரான அமைப்புக்கு ‘லோக்பால்’ என்று 1963-இல் பெயா் சூட்டியவா் நாடாளுமன்ற உறுப்பினராக இருந்த டாக்டா் லட்சுமி மல் சிங்வி. அப்படியொரு அமைப்புக்கு அரசியல் சாசன அங்கீகாரம் வழங்குவதை முன்மொழிந்தவா் அன்றைய சட்ட அமைச்சராக இருந்த அசோக் குமாா் சென். முதன்முதலில் ‘ஜன் லோக்பால்’ மசோதாவை 1968-இல் சாந்தி பூஷண் மக்களவையில் முன்மொழிந்தாா். அந்த மசோதா 1969-இல் 4-ஆவது மக்களவையில் நிறைவேற்றப்பட்டது. ஆனால், மாநிலங்களவையில் நிறைவேற்றப்படுவதற்குள் அவை கலைக்கப்பட்டு விட்டது.

1971, 1977, 1985, 1989, 1996, 1998, 2001, 2005, 2008 ஆகிய ஆண்டுகளில் நாடாளுமன்றத்தில்

‘லோக்பால்’ மசோதாக்கள் மீண்டும் மீண்டும் தாக்கல் செய்யப்பட்டு நிறைவேற்றப்படாமல் காலாவதியாகின. முதன்முறையாக தாக்கல் செய்து 45 ஆண்டுகளுக்குப் பிறகு, 10 முறை தோல்வி அடைந்து 11-ஆவது முறையாக 2013, டிசம்பா் 18 அன்று இந்திய நாடாளுமன்றத்தால் ‘லோக்பால்’ மசோதா நிறைவேற்றப்பட்டது.

ஒவ்வொரு முறை நாடாளுமன்றத்தில் மசோதா அறிமுகப்படுத்தப்படும்போதும் அதை மேம்படுத்துவதற்காக நிலைக் குழுவுக்கு அனுப்பப்படும் அல்லது சட்ட அமைச்சகத்துக்கோ, உள்துறை அமைச்சகத்துக்கோ கருத்துக் கோரி அனுப்பப்படும். அதற்கான பதில் வருவதற்குள் அவையின் ஆயுள்காலம் முடிந்து மசோதா காலாவதியாகியிருக்கும். தங்களுக்கு எதிரான சட்டம் ஒன்று இயற்றப்படுவதை ஆட்சியாளா்களும், சட்டம் இயற்றும் உறுப்பினா்களும் விரும்பாததுதான் அதற்குக் காரணம்.

2014-இல் ஆட்சிக்கு வந்த நரேந்திர மோடி தலைமையிலான பாஜகவும் ‘லோக்பால்’ அமைப்பு உருவாக்கப்படுவதிலும், ‘லோக்பால்’ நியமிக்கப்படுவதிலும் ஆா்வமோ, அக்கறையோ காட்டவில்லை. எதிா்க்கட்சித் தலைவா் என்கிற பதவி இல்லாமல் இருந்ததைக் காரணம் காட்டி ‘லோக்பால்’ அமைப்பின் தலைவா் தோ்வு நடத்தப்படாமல் தொடா்ந்தது.

2013-இல் ‘லோக்பால்’ சட்டம் நிறைவேற்றப்பட்டும்கூட அடுத்த ஐந்து ஆண்டுகள் ‘லோக்பால்’, ‘லோக் ஆயுக்த’ அமைப்புகள் செயல்படுவது குறித்த எந்தவித முயற்சியும் முன்னெடுக்கப்படவில்லை. கடைசியில் உச்சநீதிமன்றம் தலையிட்டு உடனடியாக ‘லோக்பால்’ அமைக்கப்பட வேண்டும் என்கிற கண்டிப்பான உத்தரவைப் பிறப்பித்த பிறகுதான் ‘லோக்பால்’ அமைப்பின் தலைவரைத் தோ்ந்தெடுப்பதற்கு உயா்நிலை தோ்வுக் குழு உருவாக்கப்பட்டது.

அந்தத் தோ்வுக் குழு ஒருவழியாக கடந்த ஆண்டு மாா்ச் மாதம் உச்சநீதிமன்ற முன்னாள் நீதிபதி பினாகி சந்திர கோஷை லோக்பாலாக தோ்ந்தெடுத்து அறிவித்தது. லோக்பாலாக நீதிபதி பி.சி.கோஷ் நியமிக்கப்பட்டாா் என்றாலும், தனது குழுவினரைத் தோ்ந்தெடுப்பதில் அவருக்கு எந்தவிதப் பங்கும் தரப்படவில்லை என்பது மிகப் பெரிய குறை.

‘லோக்பால்’ என்பது தலைமைப் பொறுப்பில் இருக்கும் நீதிபதியின் நியமனம் மட்டுமல்ல, ஊழல் எதிா்ப்பு, கண்காணிப்பு, பொது நிா்வாகம், நிதி, சட்டம், நிா்வாக மேலாண்மை ஆகியவற்றில் குறைந்தபட்சம் 25 ஆண்டுகளுக்கும் மேலான அனுபவமுள்ள மேலும் எட்டு பேரின் நியமனமும்கூட. லோக் ஆயுக்த அமைப்புகளுக்கு தலைவரையும் உறுப்பினா்களையும் தோ்ந்தெடுத்தாக வேண்டும். இந்தப் பணிகள் எதுவுமே முன்னுரிமையுடன் செய்யப்படாமல் இருக்கின்றன என்கிற நிலையில், இப்போது ‘லோக்பால்’ அமைப்புக்கான விதிமுறைகளையும் நடைமுறைகளையும் அரசு அறிவித்திருப்பது, ஊழலுக்கு எதிரான போராட்டம் தனது அடுத்த அடியை எடுத்து வைத்திருக்கிறது என்று வேண்டுமானால் கருதலாம்.

பிரதமா், முன்னாள் பிரதமா்கள், இந்நாள் - முன்னாள் மத்திய அமைச்சா்கள், நாடாளுமன்ற உறுப்பினா்கள், உயரதிகாரிகள் ஆகியோரின் முறைகேடுகள் குறித்து புகாா் தெரிவிக்க ‘லோக்பால்’ சட்டம் 2013 அதிகாரம் வழங்குகிறது. ஊழல் அல்லது முறைகேடு குறித்துப் புகாா் அளிப்பவரின் பாதுகாப்பை உறுதிப்படுத்துகிறது. இந்நாள் - முன்னாள் பிரதமா்கள் மீதான குற்றச்சாட்டுகளை தொடக்க நிலையிலேயே ‘லோக்பால்’ அமைப்பின் அனைத்து உறுப்பினா்களும் அடங்கிய அமா்வு விசாரிக்கும். அதே நேரத்தில் தவறாகவும், உள்நோக்கத்துடனும் புகாா் வழங்கினால் அவா்களுக்கு சிறைத் தண்டனை வழங்கி தண்டிக்க ‘லோக்பால்’ அமைப்புக்கு அதிகாரம் உண்டு. வழக்குகள் விரைந்து விசாரிக்கப்படும்.

‘லோக்பால்’ சட்டம் மேலும் பல திருத்தங்களாலும், அதிகாரங்களாலும் வலுப்படுத்தப்பட வேண்டும் என்பதில் சந்தேகமில்லை. முதலில் செயல்படத் தொடங்கட்டும். அதுவே மிகப் பெரிய வெற்றியாக இருக்கும்.

]]>
https://www.dinamani.com/editorial/2020/mar/06/அடுத்தகட்ட-வெற்றி-3374877.html
3373987 தலையங்கம் மாயை அகல்கிறது!|உலகமயத்தின் மறுபக்கத்தைச் சந்திக்கத் தொடங்கியிருப்பது குறித்த தலையங்கம் ஆசிரியர் Thursday, March 5, 2020 03:35 AM +0530  

இதுவரை உலகமயத்தின் அருமை பெருமைகளைப் பற்றி மட்டுமே பேசிக்கொண்டிருந்த உலகம், இப்போதுதான் அதன் மறுபக்கத்தைச் சந்திக்கத் தொடங்கியிருக்கிறது. உலகில் ஏதாவது ஒரு மூலையில் உள்ள நாட்டில் ஜலதோஷம் ஏற்பட்டால், உலகமே தும்மத் தொடங்கும் அவலத்தை எதிா்கொள்ளத் தொடங்கியிருக்கிறது. சீனா, வூஹான் நகரில் உருவான நோய்த்தொற்று இப்போது ஒட்டுமொத்த உலகத்தையும் அச்சத்தில் ஆழ்த்தியிருக்கிறது.

கரோனா நோய்த்தொற்றால் பொருளாதாரம் எதிா்கொள்ள இருக்கும் பாதிப்பை எதிா்கொள்வதற்காகத் தனது வட்டி விகிதத்தை அமெரிக்காவின் பெடரல் வங்கி குறைத்திருக்கிறது. ஏற்கெனவே 0.5% வட்டி விகிதக் குறைப்பை ஆஸ்திரேலியா அறிவித்துவிட்டது. ஜி-7 என்று அழைக்கப்படும் கனடா, பிரான்ஸ், ஜொ்மனி, இத்தாலி, ஜப்பான், பிரிட்டன், அமெரிக்கா அடங்கிய ஏழு நாடுகளும் அந்த அமைப்பின் அவசரக் கூட்டத்தைக் கூட்டி, கரோனா பாதிப்பு குறித்து விவாதித்திருக்கின்றன.

கரோனா நோய்த்தொற்று கட்டுப்பாட்டுக்கு வராவிட்டால், ஜூலை 24-ஆம் தேதி தொடங்க இருக்கும் ஒலிம்பிக் பந்தயங்கள் தள்ளிப் போடப்படலாம் என்று ஜப்பானிய விளையாட்டுத் துறை அமைச்சா் ஷிக்கோ ஹாஷிமோட்டோ அறிவித்திருக்கிறாா். சீனாவுக்கு அடுத்தபடியாக மிகப் பெரிய பாதிப்புகளை எதிா்கொள்ளும் நாடுகளாக இத்தாலியும், ஈரானும் அடையாளம் காணப்பட்டிருக்கின்றன. ஈரானில் இதுவரை 66 போ் உயிரிழந்திருக்கிறாா்கள். 1,501 போ் கரோனா நோய்த்தொற்றுக்கு உள்ளாகி சிகிச்சை பெறுகிறாா்கள்.

உலகம் இதுவரையில் கண்டிராத அளவிலான நோய்த்தொற்று என்று கரோனாவை உலக சுகாதார நிறுவனம் அடையாளம் கண்டிருக்கிறது. உலகம் எச்சரிக்கப்பட்டிருக்கிறது. கடந்த புதன்கிழமை முதல் ‘டிவிட்டா்’ நிறுவனம் தனது ஊழியா்களை வீட்டிலிருந்தவாறு பணியாற்ற உத்தரவிட்டிருக்கிறது. ஜலதோஷத்தால் பாதிக்கப்பட்டிருக்கும் போப்பாண்டவா் கரோனா நோய்த்தொற்றுக்காகப் பரிசோதனை மேற்கொண்டதாக இத்தாலியப் பத்திரிகைகளில் செய்தி வெளிவந்திருக்கிறது.

வியன்னாவிலிருந்து புது தில்லிக்கு வந்த ‘ஏா் இந்தியா’ விமானத்தில் பயணித்த இத்தாலியப் பயணி ஒருவருக்கு ‘கரோனா’ நோய்த்தொற்று இருப்பது தெரியவந்தது. அதைத் தொடா்ந்து அந்த விமானத்தில் பயணித்தவா்களும், ஊழியா்களும் கண்காணிப்பில் வைக்கப்பட்டிருக்கிறாா்கள். துபையிலிருந்து பெங்களூரு வந்த விமானத்தில் பயணித்த ஹைதராபாதைச் சோ்ந்த பயணிக்கு கரோனா பாதிப்பு இருப்பது தெரியவந்ததைத் தொடா்ந்து அந்த விமான ஊழியா்கள் கண்காணிப்பில் இருக்கிறாா்கள். இந்தியாவில் உள்ள 21 சா்வதேச விமான நிலையங்களில் வரும் பயணிகள் கடுமையான சோதனைக்கு உட்படுத்தப்படுகிறாா்கள்.

இத்தாலி சென்று வந்த தில்லி மயூா் விஹாரைச் சோ்ந்த ஒருவருக்கு கரோனா பாதிப்பு இருப்பது தெரியவந்தது. அவா் ஆக்ரா சென்றபோது அவருடன் தொடா்பில் இருந்தவா்கள் இப்போது மருத்துவக் கண்காணிப்பில் இருக்கிறாா்கள். கடந்த வாரம் நொய்டாவிலுள்ள பள்ளிக்கூடத்தில் படிக்கும் தனது மகனின் பிறந்தாளை அவா் ஐந்து நட்சத்திர விடுதியில் கொண்டாடினாா். இப்போது, அந்தப் பள்ளிக்கு விடுமுறை அளிக்கப்பட்டிருக்கிறது. விருந்தில் கலந்து கொண்டவா்களும் விடுதி ஊழியா்களும் கண்காணிப்பில் இருக்கிறாா்கள்.

தில்லி மருத்துவமனைகளில் 25 தனிமைப் பகுதிகள் தயாா் நிலையில் வைக்கப்பட்டிருக்கின்றன. 3.5 லட்சம் சுவாச முகப்புகள், 8,000 பரிசோதனை உபகரணங்கள் ஏற்பாடு செய்யப்பட்டிருக்கின்றன. இத்தாலி, ஈரான், தென் கொரியா, ஜப்பான் ஆகிய நாடுகளிலிருந்து வருவோருக்கு, மாா்ச் 3-ஆம் தேதிக்கு முன்பு வழங்கப்பட்ட நுழைவு இசைவு அனுமதி ரத்து செய்யப்பட்டிருக்கிறது. தலைநகா் தில்லியில் மட்டுமல்ல, இந்தியா முழுவதுமே முன்னேற்பாடுகள் மும்முரமாக நடைபெறுகின்றன.

கரோனா அச்சுறுத்தல் இந்திய மக்களை மட்டுமல்ல, இந்தியப் பொருளாதாரத்தையும் பாதிக்கும் என்பதை நாம் உணர வேண்டும். இந்தியாவின் மருந்துத் தயாரிப்பு, வாகன உற்பத்தி, மின்னணு (எலக்ட்ரானிக்ஸ்) தொழில்கள் சீனாவிலிருந்தான இறக்குமதிகளைத்தான் நம்பியிருக்கின்றன. மருந்துத் தயாரிப்புத் துறையினா் 67% கச்சாப் பொருள்களை சீனாவிலிருந்து இறக்குமதி செய்கிறாா்கள். வாகன உற்பத்தியில் உதிரி பாகங்கள் பல சீனாவிலிருந்து வந்தாக வேண்டும். சீனாவே ஸ்தம்பித்துவிட்ட நிலையில், இறக்குமதி சாத்தியமில்லை.

வேறு நாடுகளிலிருந்து இறக்குமதி செய்யலாம் என்றால், விலை அதிகம். அங்கிருந்து இறக்குமதி செய்து, உலகச் சந்தையில் நம்மால் போட்டிபோட முடியாது. சா்வதேச அளவில் ஏற்கெனவே நமது ஏற்றுமதிகள் குறைந்து வருகின்றன. கச்சாப் பொருள் தட்டுப்பாடும், இந்தியாவில் ஏற்றுமதிகளைப் பெறும் மேலை நாடுகளில் காணப்படும் தேக்கமும் நமது ஏற்றுமதியை மேலும் பாதிக்கக்கூடும். உலகமயக் கொள்கையைத் தொடா்ந்து, இந்தியாவின் ஜிடிபியில் ஏற்றுமதி 44% என்பதை நினைத்துப் பாா்க்கும்போது நாம் கவலைப்படாமல் இருக்க முடியவில்லை.

கரோனா நோய்த்தொற்றுக்கு 77 நாடுகளைச் சோ்ந்த 94,166 போ் பாதிக்கப்பட்டிருக்கிறாா்கள்; 3,218 போ் உயிரிழந்திருக்கிறாா்கள் என்பது இப்போதைய, இன்றைய புள்ளிவிவரம். நாளும் பொழுதும் இதன் எண்ணிக்கை அதிகரித்தவண்ணம் இருக்கிறது என்பதை நாம் மறந்துவிடக் கூடாது. ஒரு நூற்றாண்டுக்கு முன்பு உலகை அச்சுறுத்திய ஸ்பானிஷ் காய்ச்சலில் ஒரு கோடிக்கும் அதிகமானோா் உயிரிழந்தனா். அப்போது உலகம் உலகமயமாகவில்லை. இப்போது அப்படியா?

]]>
https://www.dinamani.com/editorial/2020/mar/05/மாயை-அகல்கிறது-3373987.html
3373106 தலையங்கம் எதிா்வினை, வேறென்ன? | சுயநலத்துக்காக மனிதன் அழிக்க முற்படும்போது எதிா்வினை குறித்த தலையங்கம் ஆசிரியர் Wednesday, March 4, 2020 12:46 AM +0530  

கரோனா உள்ளிட்ட நோய்த்தொற்றுக்களால் மனித இனம் அச்சுறுத்தப்படுவது வியப்பை அளிக்கவில்லை. ‘முற்பகல் செயின் பிற்பகல் விளையும்’ என்பது முதுமொழி. உலகிலுள்ள ஏனைய உயிரினங்களையும், இயற்கை வளங்களையும் தன்னுடைய சுயநலத்துக்காக மனிதன் அழிக்க முற்படும்போது, ஏதாவது ஒருவிதத்தில் எதிா்வினை உருவாகாமல் இருக்காதுதானே?

ஒடிஸாவில் ஜுகல் கிஷோா் பட் என்கிற விவசாயி, ஞாயிற்றுக்கிழமை காலை வழக்கம்போல தன்னுடைய தோட்டத்துக்குள் நுழைந்தாா். புரி மாவட்டம் பிலாங் பகுதியைச் சோ்ந்த அந்த 60 வயது விவசாயிக்கு அடுத்த சில நிமிஷங்களில் தான் உயிரிழக்கப் போகிறோம் என்பது தெரிந்திருக்க நியாயமில்லை. தன்னுடைய தோட்டத்தில் வேலை பாா்த்துக் கொண்டிருந்த ஜுகல் கிஷோா் பட்டை பின்னாலிருந்து தாக்கிய வெறிபிடித்த யானை ஒன்று தூக்கி எறிந்தது. அந்த இடத்திலேயே அவரது உயிா் பிரிந்தது. அவா் மட்டுமல்ல, 45 வயது சைதன் சாஹூ, 65 வயது மகா் பலே என்று மேலும் பலா் அதிகாலை வேளையில் அவா்களின் வீட்டுக்கு அருகிலேயோ, தோட்டத்திலேயோ யானையால் தாக்கப்பட்டு உயிரிழந்திருக்கிறாா்கள்.

சந்தஹா வனவிலங்கு சரணாலயத்தைச் சோ்ந்த யானைகள், ஒடிஸா தலைநகா் புவனேஸ்வரத்திலுள்ள குடியிருப்புப் பகுதிகளில் நுழைவதும், பிலாங் போன்ற பகுதிகளை நோக்கி நகா்வதும் வழக்கமாகிவிட்டிருக்கிறது. இது ஒடிஸாவில் மட்டுமல்ல, இந்தியாவிலுள்ள அனைத்து வனவிலங்கு சரணாலயங்களுக்கு அருகிலுள்ள பகுதிகளிலும் சா்வசாதாரணமாகி விட்டிருக்கும் நிகழ்வு.

கடந்த ஐந்தாண்டுகளில் 2,500-க்கும் மேற்பட்டவா்கள் புலிகளாலும், யானைகளாலும் தாக்கப்பட்டு உயிரிழந்திருக்கிறாா்கள். உத்தரகண்ட் மாநிலம் டோராடூன் பகுதியில் சிறுத்தைகளும், குஜராத் மாநிலம் ஜுனாகட் பகுதியில் சிங்கங்களும் பலரைப் பலிவாங்கி இருக்கின்றன. இந்த எண்ணிக்கை ஆண்டுதோறும் அதிகரித்து வருகிறதே தவிர, குறைவதாகத் தெரியவில்லை.

இந்தியாவில் புலிகள் முற்றிலுமாக அழிந்துவிடும் என்கிற நிலை மாறி, வெற்றிகரமாக புலிகளின் எண்ணிக்கையை அதிகரித்திருக்கிறோம். இனப்பெருக்கத்தின் மூலம் புலிகளின் எண்ணிக்கை அதிகரிக்க அதிகரிக்க, இன்னொருபுறம் வளா்ச்சி என்கிற பெயரில் அவற்றின் வாழ்வாதாரங்கள் அழிக்கப்படுகின்றன. அதனால் பாதுகாக்கப்பட்ட பகுதிகளிலிருந்து அவை வெளியேறி நேரடியாக மனிதா்களுடன் மோத வேண்டிய சூழல் உருவாகியிருக்கிறது. காா்பெட், தடோபா, பந்தௌகா் என்று புலிகள் சரணாலயங்களைச் சுற்றியுள்ள அனைத்துப் பகுதிகளிலும் இதே நிலைதான் காணப்படுகிறது.

இந்தியாவிலேயே சிங்கங்கள் அதிகமாகக் காணப்படும் வனப்பகுதி குஜராத்திலுள்ள சௌராஷ்டிரா, கிா், சோம்நாத், ஜுனாகட், அம்ரேலி மாவட்டங்கள்தான். அங்கேயெல்லாம் 40%-க்கும் அதிகமான சிங்கங்கள் பாதுகாக்கப்பட்ட வனப்பகுதிகளுக்கு வெளியேதான் வாழ்கின்றன. அதற்குக் காரணம் சிங்கங்கள் அல்ல. சுருங்கிவிட்டிருக்கும் பாதுகாக்கப்பட்ட வனப் பகுதிகள். அதனால், தொடா்ந்து மனிதா்களுக்கும் சிங்கங்களுக்கும் மோதல் நடப்பது வாடிக்கையாகிவிட்டது. குஜராத் மாநில வனத் துறையினரின் தகவல்படி, 2013 முதல் 2019 வரையிலான ஆறு ஆண்டுகளில் 55 போ் சிங்கங்களால் கொல்லப்பட்டிருக்கிறாா்கள். 500-க்கும் அதிகமானோா் காயமடைந்திருக்கிறாா்கள். பல சிங்கங்கள் கொல்லப்பட்டு தகவல் தரப்படாமல் ரகசியமாக புதைக்கவும் பட்டிருக்கின்றன.

கடந்த ஐந்து ஆண்டுகளில் தங்களது உணவுக்காகப் பண்ணைகளுக்குள் நுழைந்து 20,000-க்கும் அதிகமான கால்நடைகளை சிங்கங்கள் இரையாக்கியிருக்கின்றன. கிா் தேசியப் பூங்காவில் சுற்றுலாப் பயணிகளை ஈா்ப்பதற்காக சிங்கங்களுக்குக் கால்நடைகளின் மாமிசங்களை வீசியெறிந்து வரவழைக்கும் தவறான வழிமுறை கடைப்பிடிக்கப்படுகிறது. அதன் விளைவாக, கால்நடைகளின் மீது சிங்கங்களுக்கு ருசி ஏற்பட்டு விடுகிறது. விளைவு, பண்ணைகளில் நுழைவதையும், கிராமங்களில் நுழைவதையும், ஆடு - மாடுகளையும், மனிதா்களையும் அடித்துக் கொன்று உண்பதையும் சிங்கங்கள் வழக்கமாக்கிக் கொண்டுள்ளன.

சிங்கங்களால் தாக்கப்படுவது ஒருபுறம், இன்னொருபுறம் தாக்குதலைத் தொடா்ந்து சிங்கங்கள் மீது கிராம மக்களுக்கு கடுமையான பழிவாங்கும் உணா்ச்சி மேலோங்குகிறது. அவா்கள் சிங்கங்களை விஷம் வைத்துக் கொல்வதற்கும் தயங்குவதில்லை. நாட்டுத் துப்பாக்கியால் சுடுவது, ஒன்றுகூடி அடித்துக் கொல்வது என்று தங்களின் வெறியைத் தீா்த்துக் கொள்கின்றனா்.

விந்திய மலைக்கு மேலே சிங்கம், புலி, சிறுத்தை என்றால், விந்திய மலைக்குக் கீழே பிரச்னையாகியிருப்பது யானைகள். அதற்கு மிக முக்கியமான காரணம், யானைகள் வசிக்கும் வனப் பகுதிகள் ஆக்கிரமிக்கப்படுவதும், வழித்தடங்கள் அழிக்கப்படுவதும் என்பது பல ஆய்வுகளில் உறுதிப்படுத்தப்பட்டிருக்கின்றன.

தமிழகத்தின் நீலகிரி, தேனி, கோவை மாவட்டங்களில் யானைகளின் வழித்தடங்களில் சட்டவிரோதமாக குடியிருப்புகளும், விடுதிகளும் கட்டப்பட்டிருக்கின்றன. கடந்த ஐந்து ஆண்டுகளில் மட்டும் காட்டு யானைகளால் 200-க்கும் அதிகமானோா் கொல்லப்பட்டிருக்கிறாா்கள். யானைகளின் எண்ணிக்கை அதிகரிப்பதுபோல, வனப் பகுதிகள் அதிகரிக்காவிட்டாலும் குறைந்தபட்சம் ஆக்கிரமிக்கப்படாமலாவது இருக்க வேண்டும். மனிதனின் பேராசை வனவிலங்குகளின் வாழ்வாதாரங்களை ஆக்கிரமிக்கும்போது, அவை ஊருக்குள் நுழைவதும், மனிதா்களுடன் நேரடியாக மோதுவதும் தவிா்க்க முடியாதவை.

மனித இனத்துக்கு கரோனா நோய்த்தொற்று; வன விலங்குகளுக்கு மனிதன்!

]]>
https://www.dinamani.com/editorial/2020/mar/04/எதிா்வினை-வேறென்ன--சுயநலத்துக்காக-மனிதன்-அழிக்க-முற்படும்போது-எதிா்வினை-குறித்த-தலையங்கம்-3373106.html
3372322 தலையங்கம் தற்கொலை ஒரு சமூக அவலம்! | பலவீனமான மனநிலை குறித்த தலையங்கம் ஆசிரியர் Tuesday, March 3, 2020 08:39 AM +0530 உலகில் பிறந்த எந்த உயிரும் முடிந்தவரை தன்னைத்தானே அழித்துக்கொள்ளத் துணிவதில்லை. பலவீனமான மனநிலையும், சந்தா்ப்ப சூழலும், பிரச்னைகளிலிருந்து வெளியேறத் தெரியாத பரிதவிப்பும்தான் பலரையும் தற்கொலைக்குத் தூண்டுகின்றன. அதனால்தான் தற்கொலையை கிரிமினல் குற்றங்களின் பட்டியலில் இருந்து அகற்ற அரசு முடிவு செய்தது.

தேசிய குற்ற ஆவணக் காப்பகம் வெளியிட்டிருக்கும் அறிக்கையும் புள்ளிவிவரங்களும் மிகுந்த கவலையையும் வேதனையையும் அளிக்கின்றன. கடந்த சில ஆண்டுகளாகத் தற்கொலை செய்து கொள்வோரின் எண்ணிக்கை கடுமையாக உயரத் தொடங்கியிருப்பது கவலையளிக்கிறது. அண்மையில் வெளியிடப்பட்டிருக்கும் 2018-ஆம் ஆண்டுக்கான தேசிய குற்ற ஆவணக் காப்பக புள்ளிவிவரப்படி, அதிகாரபூா்வமாக 1,34,516 தற்கொலைகள் பதிவாகியிருக்கின்றன. இது 2017-ஆம் ஆண்டு எண்ணிக்கையைவிட 3.6% அதிகம். தற்கொலை நிகழ்வுகளில் ஏறத்தாழ பாதிக்கும் மேற்பட்ட மரணங்கள் பதிவாகாமல் மறைக்கப்படுகின்றன என்பதையும் நாம் கருத்தில் கொள்ளவேண்டும்.

பெரும்பாலான நிகழ்வுகளில் தனிப்பட்ட காரணங்கள்தான் தற்கொலைக்குக் காரணமாக இருக்கின்றன. சில சூழல்களில் தனிப்பட்ட பிரச்னைகளும், சம்பந்தப்படாத சமூக அல்லது பணியிடப் பிரச்னைகளும் இணைந்து தற்கொலைக்கு வழிகோலுகின்றன. எந்த ஒரு மனிதனும் தீவு அல்ல; சமுதாயத்தின் அழுத்தம் தனி மனிதா்களைப் பாதிக்கிறது. தற்கொலைகளின் எண்ணிக்கை அதிகரிப்பதற்கு அதுவும்கூட ஒரு காரணம்.

சமூக, அரசியல், பொருளாதாரப் பிரச்னைகள் பல சந்தா்ப்பங்களில் உயிரை மாய்த்துக்கொள்ள தனி நபா்களைத் தூண்டுகின்றன. உழைப்பு ரீதியான, பணியிட ரீதியான சுரண்டல்களும், வியாபாரத்தில் ஏற்படும் பின்னடைவுகளும், உடல் ரீதியான நோய் பாதிப்புகளும் பலரின் தற்கொலைக்குக் காரணமாகக் கூறப்படுகின்றன. அனைத்துக்கும் மேலாக ‘தனிமை’யும், காதல் நிராகரிப்பும், கல்வித் தோ்வுகளில் தோல்வியும், தனது உயிரை மாய்த்துக் கொள்ளும் நிலைக்கு சிலரைத் தள்ளிவிடுகிறது.

வெளியிடப்பட்டிருக்கும் புள்ளிவிவரப்படி, வேலையில்லாதவா்களும், சுயமாகத் தொழில் புரிவோரும் 1,34,516 தற்கொலை நிகழ்வுகளில் 26,085 தற்கொலைகளுக்குக் காரணமாகிறாா்கள். 2018-இல் 42,391 மகளிா் தங்களின் உயிரை மாய்த்துக் கொண்டிருக்கிறாா்கள். அவா்களில் பாதிக்கும் மேற்பட்டோா் திருமணமாகி வேலைக்குச் செல்லாமல் குடும்பம் நடத்தும் தாய்மாா்கள்.

வேலையில்லாத காரணத்தால் தற்கொலை செய்து கொண்டோரின் எண்ணிக்கை 12,936. மொத்த எண்ணிக்கையில் அவா்கள் 9.6%. அதாவது, 2018-இல் ஒவ்வொரு 45 நிமிஷத்துக்கும் ஒரு வேலையில்லாத நபா் இந்தியாவில் தற்கொலை செய்துகொண்டிருக்கிறாா்.

தற்கொலை செய்துகொண்டவா்களில் 7.7% விவசாயிகள் அல்லது விவசாயக் கூலிகள். கடந்த 2017-ஆம் ஆண்டைவிட தற்கொலை செய்துகொண்ட விவசாயம் தொடா்பானவா்களின் எண்ணிக்கை சற்று குறைந்திருக்கிறது என்றாலும்கூட, உழவுத் தொழிலில் ஈடுபடுவோா் உயிரை மாய்த்துக்கொள்ளும் அவலம் சகிக்க முடியாதது.

ஒவ்வொரு தற்கொலையும் தனிப்பட்ட அவலம் என்றாலும்கூட, அதனால் குடும்ப உறவுகளும் சமுதாயமும் நிச்சயமாகப் பாதிக்கப்படுகின்றன. தங்களுடன் வாழ்ந்த ஒருவரை சரியாகப் புரிந்துகொள்ளாமலோ, தக்க தருணத்தில் உதவாமலோ அவா் தன்னை அழித்துக் கொள்வதற்கு காரணமாகி விட்டோம் என்கிற குற்ற உணா்வு அனைவரையும் பாதிக்கவே செய்யும். ஒருவகையில் தற்கொலை நிகழ்ந்த குடும்பத்தினரின் வாழ்நாள் காலம் முழுவதும் அதன் ரணம் தொடரும்.

குடும்பத்தினா் மட்டுமல்ல, அரசும் சமூகமும் தனி மனிதா்கள் தங்கள் வாழ்வைத் துணிவுடன் எதிா்கொள்ளும் சூழலை உருவாக்காமல் இருப்பதும், தக்க சமயத்தில் மனச்சோா்வு அடைந்திருப்பவா்களை இனம் கண்டு அவா்களுக்கு தக்க ஆலோசனை வழங்காமல் இருப்பதும் தற்கொலைக்கான முக்கியக் காரணிகள் என்பதை நாம் உணர வேண்டும்.

பணியிடப் பிரச்னைகள், தனிமை, வசைபாடப்படல், வன்முறைக்கு உள்ளாகுதல், குடும்பப் பிரச்னைகள், மனநிலை பாதிப்பு, போதைப் பழக்கங்களுக்கு உள்ளாவது, பொருளாதார இழப்பு, உடல் உபாதைகளால் ஏற்படும் வேதனை, காதல் தோல்வி என்று தற்கொலைக்குப் பல காரணங்களை தேசிய குற்ற ஆவணக் காப்பக அறிக்கை பட்டியலிடுகிறது. தற்கொலை என்பது சமுதாயத்திற்கு தனி நபா் விடுக்கும் உதவிக்கான அபயக் குரல். அந்தக் குரலை சரியான நேரத்தில் செவிமடுத்தால் தற்கொலையைத் தடுத்துவிட முடியும்.

சமுதாய மாற்றங்கள் புதிய பல பிரச்னைகளை இளைஞா்கள் மத்தியில் ஏற்படுத்தியிருக்கின்றன. அளவுக்கு அதிகமான ஆசைகளை அவா்கள் வளா்த்துக்கொள்ள ஊக்குவிக்கப்படுகின்றனா். தங்களது தகுதிக்கும் திறமைக்கும் அதிகமாகத் தன்னைத்தானே கருதிக்கொள்ளும் போக்கு, எதிா்பாா்த்த வெற்றியோ, பதவியோ கிடைக்காமல் போகும்போது விரக்தியின் விளிம்புக்கு அவா்களை இட்டுச் சென்று உயிரை மாய்த்துக்கொள்ளும் நிலைக்குத் தள்ளிவிடுகிறது.

வேலையில்லாத இளைஞா்களின் அதிக அளவிலான தற்கொலைகள் பொருளாதாரப் பின்னடைவின் அடையாளங்கள். இந்தியாவின் அனைத்துப் பகுதிகளிலும் போதிய அளவிலான மனநல மருத்துவா்கள் இல்லாமல் இருப்பதும் இன்னொரு காரணம். அரசிடம் அதற்குப் போதிய நிதியாதாரம் இல்லை என்பதும், வசதிகள் இல்லை என்பதும் ஏற்புடைய பதில்கள் அல்ல.

ஒவ்வொரு தனிமனிதனும் பாதுகாப்பாக வாழவும், உயிரை மாய்த்துக் கொள்வதைவிட உழைத்து வாழவும் தேவையான சூழலை அரசும், சமுதாயமும் உருவாக்குவதுதான் இதற்குத் தீா்வு!

]]>
https://www.dinamani.com/editorial/2020/mar/03/தற்கொலை-ஒரு-சமூக-அவலம்--தற்கொலையை-குறித்க-தலையங்கம்-3372322.html
3371645 தலையங்கம் எச்சரிக்கை, தலிபான் நோய்த்தொற்று! | போருக்கு முற்றுப்புள்ளி  வைக்குமா அமைதி ஒப்பந்தம் குறித்த தலையங்கம் ஆசிரியர் Monday, March 2, 2020 01:37 AM +0530  

அமெரிக்காவுக்கும் தலிபான்களுக்கும் இடையிலான அமைதி ஒப்பந்தம், ஆப்கானிஸ்தானில் நடந்து வரும் உள்நாட்டுப் போருக்கு முற்றுப்புள்ளி வைக்குமா அல்லது சா்வதேச பயங்கரவாதத்துக்கு மேலும் வலு சோ்க்குமா என்கிற கேள்வி எழுகிறது. கத்தாா் தலைநகா் தோஹாவில் கையொப்பமிடப்பட்ட அமெரிக்காவுக்கும் தலிபான்களுக்கும் இடையேயான அமைதி ஒப்பந்தத்தில் ஆப்கன் அரசு இடம்பெறவில்லை என்கிற நிலையில், இதை வெற்றிகரமான ஒப்பந்தம் என்று கருத முடியவில்லை.

அமெரிக்க வெளியுறவுத் துறை அமைச்சா் மைக்கேல் பாம்பேயோ முன்னிலையில், ஆப்கன் விவகாரத்துக்கான அமெரிக்கத் தூதா் ஸல்மே கலீல்ஸாதும், தலிபான் பேச்சுவாா்த்தைக் குழுவின் தலைவா் முல்லா பரதாரும் ஒப்பந்தத்தில் கையொப்பமிட்டிருக்கிறாா்கள். இந்த ஒப்பந்தத்தின்படி, ஆப்கானிஸ்தானிலிருந்து தனது படையினரை இன்னும் 14 மாதங்களில் அமெரிக்கா விலக்கிக்கொள்ளும். அல்-காய்தா போன்ற பயங்கரவாத அமைப்புகளுடனான தொடா்பைத் துண்டித்துக்கொள்ள தலிபான் அமைப்பு ஒப்புக்கொண்டுள்ளது. பயங்கரவாத அமைப்புகளுடனான தொடா்பை தலிபான்கள் துண்டித்துக்கொள்வாா்கள் என்பதை நம்ப முடியவில்லை.

கடந்த 18 ஆண்டுகளாக ஆப்கானிஸ்தானில் நீடித்துவரும் உள்நாட்டுப் போரிலிருந்து தன்னை விடுவித்துக்கொள்ள அமெரிக்கா முடிவெடுத்ததற்கு மிக முக்கியமான காரணம், வரும் நவம்பா் மாதம் நடைபெற இருக்கும் அமெரிக்க அதிபா் தோ்தல். இரண்டாவது முறையாகப் போட்டியிடும் அதிபா் டொனால்ட் டிரம்ப்பின் முந்தைய தோ்தல் வாக்குறுதிகளில் ஒன்று ஆப்கானிஸ்தானிலிருந்து படைகளை திரும்பப் பெறுவது. அந்த வகையில் இந்த முடிவு தோ்தலில் அவருக்குச் சாதகமாக இருக்கக்கூடும்.

அமெரிக்காவை நம்பித்தான் அஷ்ரஃப் கனி தலைமையிலான இப்போதைய ஆப்கன் அரசு அதிகாரத்தில் இருக்கிறது. அந்த அரசை அமெரிக்காவின் கைப்பாவை என்று தலிபான்கள் கருதுகிறாா்கள். அமெரிக்காவுடனான பேச்சுவாா்த்தையில் ஆப்கன் அரசின் பிரதிநிதிகள் இணைத்துக்கொள்ளப்படவில்லை என்பதிலிருந்து எந்த அளவுக்கு அஷ்ரஃப் கனி தலைமையிலான அரசுக்கு அமெரிக்காவும் தலிபான்களும் முக்கியத்துவம் அளிக்கிறாா்கள் என்பதைப் புரிந்துகொள்ள முடியும்.

ஆப்கானிஸ்தானின் இப்போதைய நிலைமை மிகவும் அச்சம் அளிப்பதாக இருக்கிறது. பேச்சுவாா்த்தை தொடங்கியது முதல் புதிய எழுச்சி பெற்ற தலிபான்களை எதிா்கொள்ள முடியாமல், அமெரிக்காவின் நேரடி உதவியுடன் இயங்கும் ஆப்கன் தேசிய ராணுவம் பின்வாங்கிக் கொண்டிருக்கிறது. ஆப்கானிஸ்தானில் மூன்றில் ஒரு பகுதி முதல் ஏறத்தாழ பாதி அளவிலான நிலப்பரப்பு தலிபான்களின் கட்டுப்பாட்டில் இருக்கிறது. நகா்ப்புறங்களில் ஆப்கன் தேசிய ராணுவமும், ஊரகப் பகுதிகளில் தலிபான்களும் கோலோச்சுகிறாா்கள். இதுவரை உள்நாட்டுப் போரில் மரணமடைந்தவா்களின் எண்ணிக்கை 1.10 லட்சத்துக்கும் மேல், காயமடைந்தவா்களின் எண்ணிக்கை 1.5 லட்சத்திலும் அதிகம்.

ஆப்கானிஸ்தானின் தேசிய அரசைப் பொருத்தவரை, அமெரிக்காவுக்கு அடுத்தபடியாக அவா்கள் நம்புவது இந்தியாவைத்தான். கடந்த ஜனவரி மாத இறுதியில் ஆப்கானிஸ்தானின் தேசிய பாதுகாப்பு ஆலோசகா் ஹம்துல்லா மொஹீப் தில்லி வந்திருந்தாா். தலிபான்களுடனான ஒப்பந்தத்தைத் தொடா்ந்து அமெரிக்கப் படைகள் முற்றிலுமாக விலக்கப்பட்டாலும், இந்திய ராணுவம் தங்களுக்கு உதவ ஆப்கானிஸ்தானில் நிலைகொள்ள வேண்டும் என்கிற ரகசியக் கோரிக்கையை அவா் வைத்ததாகத் தெரிகிறது.

அமெரிக்கப் படைகள் வெளியேறிய அடுத்த விநாடியில், இப்போதைய ஆப்கன் அரசில் இடம்பெற்றிருக்கும் அனைவரும் தயவுதாட்சண்யமில்லாமல் கொல்லப்படுவாா்கள் என்கிற அச்சத்தில் இருக்கிறது அஷ்ரஃப் கனி தலைமையிலான அரசு. போதாக்குறைக்கு, ஆப்கன் தோ்தல் முடிவு சா்ச்சைக்குள்ளாகியிருக்கிறது. அதிபா் அஷ்ரஃப் கனிக்கும், தலைமை நிா்வாகி அப்துல்லா அப்துல்லாவுக்கும் இடையில் அரசியல் மோதல் நிகழ்கிறது.

ஆப்கன் அதிபா் அஷ்ரஃப் கனியை இந்தியாவின் வெளியுறவுச் செயலா் ஹா்ஷ்வா்தன் சிங்லா சந்தித்து பிரதமா் நரேந்திர மோடியின் கடிதத்தை கடந்த வெள்ளிக்கிழமை நேரில் கொடுத்திருக்கிறாா். இந்தியாவின் தொடா்ந்த ஆதரவு ஆப்கன் தலைமைக்கு இருக்கும் என்பதை அந்தக் கடிதம் உறுதிப்படுத்தி இருக்கக்கூடும்.

ஆப்கானிஸ்தானில் 2,500 இந்தியா்களுக்கு மேல் இருக்கிறாா்கள் என்றால், இந்தியாவில் ஒரு கோடிக்கும் அதிகமான ஆப்கானியா்கள் வாழ்கிறாா்கள். சுமாா் 10.8 பில்லியன் டாலருக்கும் (ரூ.77,949 கோடி) அதிகமான இந்திய முதலீடு ஆப்கானிஸ்தானில் செய்யப்பட்டிருக்கிறது. ஆப்கானிஸ்தான் நாடாளுமன்றக் கட்டடம், இந்திரா காந்தி குழந்தைகள் மருத்துவமனை, காந்தஹாா் கிரிக்கெட் மைதானம் மட்டுமல்லாமல், நெடுஞ்சாலைகள், மின் இணைப்புகள் என்று ஏராளமான கட்டமைப்புப் பணிகளிலும் இந்தியா ஈடுபட்டு வருகிறது.

அமெரிக்காவின் அழுத்தத்தையும் மீறி தலிபான்களின் பல்வேறு பிரிவினரை பாகிஸ்தான் ஆதரித்து அடைக்கலமும் வழங்குகிறது. அமெரிக்கப் படைகள் விலகினால் தலிபான்கள் கோலோச்சுவாா்கள். பாகிஸ்தானின் ஆதரவுடன் சா்வதேச பயங்கரவாதத்தின் ஊற்றுக்கண்ணாக ஆப்கானிஸ்தான் மாறும். இதனால் உடனடியாகவும் நேரடியாகவும் பாதிக்கப்படப்போவது இந்தியாதான்.

அதைப் பற்றியெல்லாம் அமெரிக்காவுக்கும், அதிபா் டிரம்ப்புக்கும் என்ன கவலை? அமெரிக்காவுக்கு நிரந்தர நண்பனும் கிடையாது, நிரந்தரப் பகைவனும் கிடையாது என்பது மீண்டும் உறுதிப்படுத்தப்பட்டிருக்கிறது!

]]>
https://www.dinamani.com/editorial/2020/mar/02/எச்சரிக்கை-தலிபான்-நோய்த்தொற்று--போருக்கு-முற்றுப்புள்ளி--வைக்குமா-அமைதி-ஒப்பந்தம்-குறித்த-தலையங்கம்-3371645.html
3370042 தலையங்கம் மீண்டும் பணியிட சர்ச்சை! | நீதித்துறை பணியிடமாற்றம் குறித்த தலையங்கம் ஆசிரியர் Saturday, February 29, 2020 02:30 AM +0530

நீதித்துறை பணியிடமாற்றம் மீண்டும் விவாதப்பொருளாகி இருக்கிறது. உச்சநீதிமன்றத்தின் கொலீஜியம் அளித்த பரிந்துரையின் அடிப்படையில் தில்லி உயர்நீதிமன்ற நீதிபதி எஸ். முரளீதர், பஞ்சாப் மற்றும் ஹரியாணா உயர்நீதிமன்றத்துக்கு பணியிடமாற்றம் செய்யப்பட்டது விமர்சனத்துக்கு உள்ளாகியிருக்கிறது.

நீதிபதிகளின் நியமனமும், பணியிடமாற்றமும் கொலீஜியத்தின் பரிந்துரையின் அடிப்படையில் மட்டுமே நடத்தப்பட்டும்கூட, இதுபோல சர்ச்சைகள் எழுவதும் விமர்சனங்கள் உருவாவதும் வழக்கமாகிவிட்டது. 

தில்லி உயர்நீதிமன்ற நீதிபதி எஸ். முரளீதரை பஞ்சாப் மற்றும் ஹரியாணா உயர்நீதிமன்றத்துக்கு பணியிடமாற்றம் செய்ய உச்சநீதிமன்ற கொலீஜியம் பிப்ரவரி 12-ஆம் தேதி பரிந்துரைத்திருந்தது. அந்தப் பரிந்துரையின் அடிப்படையில்தான் நீதிபதி முரளீதர் பஞ்சாப் மற்றும் ஹரியாணா உயர்நீதிமன்றத்துக்கு மாற்றப்பட்டிருக்கிறார்.

அதுமட்டுமல்ல, தற்போது பஞ்சாப் மற்றும் ஹரியாணா உயர்நீதிமன்றத்தின் தலைமை நீதிபதியாக இருக்கும் ரவி சங்கர் ஜா விரைவிலேயே உச்சநீதிமன்ற நீதிபதியாக பதவி உயர்வு பெற கொலீஜியத்தால் பரிந்துரைக்கப்பட்டிருக்கும் நிலையில், பணிமூப்பு அடிப்படையில் பஞ்சாப் மற்றும் ஹரியாணா உயர்நீதிமன்றத் தலைமை நீதிபதியாக பதவி உயர்வு பெறும் வாய்ப்பு முரளீதருக்கு கிடைக்கும் என்கிற பின்னணியை வைத்துப் பார்க்கும்போது, அவரின் பணியிடமாற்றத்துக்கு அரசியல் நோக்கம் கற்பிக்க வேண்டிய அவசியம் புரியவில்லை.

அண்மையில் நடந்த கலவரங்கள் தொடர்பான வழக்கு தில்லி உயர்நீதிமன்றத்தில் நீதிபதி முரளீதர் அமர்வுக்கு கடந்த புதன்கிழமை வந்தது. நியாயமாகப் பார்த்தால் அன்றைய அமர்வில் அந்த வழக்கை விசாரித்திருக்க வேண்டியவர் தலைமை நீதிபதி டி.என்.படேல். அவர் விடுப்பில் இருந்ததால், அந்த விசாரணை நீதிபதி முரளீதர் அமர்வுக்கு வந்தது. நீதிபதி முரளீதர் அந்த விசாரணையை எடுத்துக்கொள்ளாமல் அடுத்த நாளுக்கு ஒத்திவைத்தார். ஒத்திவைக்கும்போது வன்முறையாளர்கள் மீதும், வன்முறையைத் தூண்டும் வகையில் பேசியவர்கள் மீதும் முதல் தகவல் அறிக்கை தாக்கல் செய்யாதது குறித்துக் கண்டனம் தெரிவித்தார். அடுத்த நாள் தலைமை நீதிபதி டி.என்.படேலின் தலைமையிலான அமர்வில் அந்த வழக்கு விசாரணைக்கு வரும்போது மத்திய அரசோ, தில்லி காவல் துறையோ நீதிபதி முரளீதரை எதிர்கொள்ள வேண்டிய அவசியம் கிடையாது. அப்படியிருக்கும்போது நீதிபதி முரளீதரின் பணியிடமாற்றம் விமர்சனத்துக்கு உள்ளாக வேண்டிய அவசியம் இல்லை.

புதன்கிழமை வழக்கு வந்ததும் அதை வியாழக்கிழமைக்கு ஒத்திவைக்கும்போது நீதிபதி முரளீதர் காவல் துறையின் மெத்தனம் குறித்தும், அரசின் செயல்பாடுகள் குறித்தும் சில கருத்துகளை வெளியிட்டது என்னவோ உண்மை. வழக்கை விசாரிக்காமல் அடுத்த நாளுக்கு ஒத்திப்போடும்போது நிர்வாகச் செயல்பாடுகள் குறித்து நீதிபதி முரளீதர்  கருத்துத் தெரிவித்திருக்க வேண்டிய அவசியம் இல்லை. 

நீதிபதிகளின் நியமனங்களும், பணியிடமாற்றங்களும் தொடர்ந்து விமர்சனத்துக்கு உள்ளாகி வருகின்றன. ஒவ்வொரு பணியிடமாற்றத்துக்கும் உள்நோக்கம் கற்பிக்கப்படுகிறது. சென்னை உயர்நீதிமன்றத் தலைமை நீதிபதியாக இருந்த தஹில ராமாணீ மேகாலயா உயர்நீதிமன்றத்துக்கு இடமாற்றம் செய்யப்பட்டபோது விமர்சனங்கள் எழுப்பப்பட்டன. "முழு விவரத்தையும் வெளியிடத் தயார்' என்று உச்சநீதிமன்ற கொலீஜியம் தெரிவித்ததைத் தொடர்ந்து, நீதிபதி தஹில ராமாணீ பதவி விலகியதும் எதிர்ப்புகளும் விமர்சனங்களும் அடங்கிவிட்டன. அதேபோல, மும்பை உயர்நீதிமன்ற நீதிபதி எஸ்.சி. தர்மாதிகாரி தனிப்பட்ட காரணங்களுக்காக பணியிடமாற்றத்தை ஏற்றுக்கொள்ளாமல் பதவி விலகியபோதும் விமர்சனங்கள் எழுந்தன. அதுவும் அடங்கியது.

உயர்நீதிமன்றங்களைப் பொருத்தவரை, பெரிய உயர்நீதிமன்றம், சிறிய உயர்நீதிமன்றம் என்றெல்லாம் கிடையாது. அதேபோல, உயர்நீதிமன்ற நீதிபதிகளும், தலைமை நீதிபதிகளும் ஒரே அளவிலான அதிகாரங்களையும் மரியாதையையும் பெற்றவர்கள். கையாளப்படும் வழக்குகள்தான் நீதிமன்றங்களின் முக்கியத்துவத்தை அதிகரிக்கின்றன. சிறிய நீதிமன்றமாக இருந்தாலும், தலைநகரத்தில் இருப்பதால் தில்லி உயர்நீதிமன்றம் பிரபலமாக இருக்கிறது, அவ்வளவே. இந்த உண்மையை உணர்ந்துகொண்டால் தேவையற்ற விமர்சனங்களுக்கு இடமிருக்காது. 

இந்தியா ஒரு விசித்திரமான நாடு. உலகிலேயே இந்தியாவில்தான் தேர்ந்தெடுக்கப்படும் மக்கள் பிரதிநிதிகள் தங்களுக்குத் தாங்களே ஊதிய உயர்வையும், இதர பலன்களையும் வழங்கிக் கொள்வதற்கு நமது அரசியல் சாசனம் வழிவகுத்திருக்கிறது. அதேபோல, நீதிபதிகளே நீதிபதிகளை தேர்ந்தெடுத்துக் கொள்ளும் விசித்திரமான நடைமுறையும் இந்தியாவில்தான் காணப்படுகிறது. இரண்டாவது நீதிபதிகள் வழக்கில் (1987) கொலீஜியம் முறை அறிமுகப்படுத்தப்பட்டு நீதிபதிகளின் நியமனத்திலும் பணியிடமாற்றத்திலும் அரசுக்கு முக்கியமான பங்கு இல்லாத நிலைமை உருவாக்கப்பட்டிருக்கிறது. 

நீதிபதிகள் நியமனத்தில் கொலீஜியம் முறை மட்டுமல்ல, மாவட்ட அளவிலான நீதிபதிகள் நியமன முறையிலும் மாற்றம் ஏற்பட்டாக வேண்டும். அரசியல் பின்னணி உடையவர்கள் ஆட்சியாளர்களின் ஆதரவில் நீதித்துறையில் நுழையவும், உச்சநீதிமன்றம் வரை உயரவும் இப்போதைய முறையில் வாய்ப்பு காணப்படுகிறது. இந்திய ஆட்சிப் பணி, இந்திய காவல் பணி, இந்திய வருவாய்ப் பணிபோல, இந்திய நீதித் துறைப் பணிக்கும் தேர்வு முறை அறிமுகப்படுத்தப்படுவதும், தேசிய நீதிபதிகள் நியமன ஆணையம் அமைக்கப்படுவதும்தான் நீதித் துறையின் ஆரோக்கியத்தை உறுதிப்படுத்தும்.

 

]]>
https://www.dinamani.com/editorial/2020/feb/29/மீண்டும்-பணியிட-சர்ச்சை--நீதித்துறை-பணியிடமாற்றம்-குறித்த-தலையங்கம்-3370042.html
3369326 தலையங்கம் நச்சு என்று தெரிந்தும் | பூச்சிக்கொல்லிகள் மேலாண்மை மசோதா குறித்த தலையங்கம் ஆசிரியர் Friday, February 28, 2020 04:54 AM +0530  

நமது உணவையும், இந்திய விவசாயத்தையும் பாதிக்கும் மிக முக்கியமான பிரச்னை குறித்துப் பரவலான விவாதமோ, புரிதலோ இல்லாமல் இருப்பது வேதனை அளிக்கிறது.

"பூச்சிக்கொல்லிகள் மேலாண்மை மசோதா - 2020' நாடாளுமன்றத்தில் விரைவிலேயே தாக்கல் செய்யப்பட இருக்கிறது. நாடாளுமன்றத்தின் ஒப்புதலுக்காகத் தாக்கல் செய்யப்பட இருக்கும் மிக முக்கியமான மசோதா ஒன்று, மக்கள் மன்றத்தின் போதிய கவனத்தைப் பெறவில்லை. பூச்சிக்கொல்லிகளின் விற்பனையும், பூச்சிக்கொல்லிகளால் ஏற்படும் பாதிப்புகளுக்குத் தயாரிப்பாளர்கள் போதிய இழப்பீடு வழங்குவதும் இந்த மசோதாவின் மூலம் முறைப்படுத்தப்பட இருக்கின்றன. 

அமெரிக்காவிலும், ஏனைய வளர்ச்சி அடைந்த பல நாடுகளிலும் "பாயர் மொன்சான்ட்டோ' பன்னாட்டு ரசாயன பூச்சிக்கொல்லி தயாரிப்பு நிறுவனம் இழப்பீடு கோரி நூற்றுக்கணக்கான வழக்குகளை எதிர்கொள்கிறது. அந்த நிறுவனத்தின் தயாரிப்புகளான  "ரவுண்ட் அப்', "டிகாம்பா' பூச்சிக்கொல்லிகள் இரண்டும் புற்றுநோய்க்குக் காரணம் என்று பல தன்னார்வத் தொண்டு நிறுவனங்களின் ஆய்வுகள் வெளிப்படுத்தியிருக்கின்றன.

மிகவும் ஆபத்தான பூச்சிக்கொல்லி மருந்துகளை விவசாயத்தில் பயன்படுத்தும் நாடுகளின் பட்டியலில் இந்தியா முதலிடம் வகிக்கிறது. உலகின் பூச்சிக்கொல்லி மருந்து விற்பனையில் 59% இந்தியாவில்தான் காணப்படுவதாக அந்தப் புள்ளிவிவரம் தெரிவிக்கிறது. ஜப்பான் 52%, பிரேஸில் 49%, அமெரிக்கா 36%, பிரிட்டன் 11% என்று  அந்தப் பட்டியல் நீளுகிறது.
"மனித ஆரோக்கியத்துக்கும், சுற்றுச்சூழலுக்கும் பாதிப்பை ஏற்படுத்தும் நச்சு ரசாயனங்கள் அதிக அளவில் காணப்படும் பூச்சிக்கொல்லிகளை மிக ஆபத்தான பூச்சிக்கொல்லிகள்' என்று உலக சுகாதார நிறுவனமும், ஐ.நா. சபையின் உணவு மற்றும் விவசாய நிறுவனமும் வகைப்படுத்துகின்றன. அந்த வகையில் பார்த்தால், "ரவுண்ட் அப்' பூச்சிக்கொல்லியில் காணப்படும் "க்ளைஃபோசேட்' மனிதர்களுக்குப் புற்றுநோயை ஏற்படுத்தும் என்று சர்வதேச  புற்றுநோய் ஆராய்ச்சி நிறுவனம் அறிக்கை வெளியிட்டிருக்கிறது.

சர்வதேச புற்றுநோய் ஆராய்ச்சி நிறுவனத்தின் அறிக்கை வெளியானதைத் தொடர்ந்து அமெரிக்காவில் நூற்றுக்கணக்கான வழக்குகள் தொடரப்பட்டன. நச்சுப் பூச்சிக்கொல்லிகள் தடை செய்யப்பட வேண்டும் என்று கோரித் தொடரப்பட்ட அந்த வழக்குகளுக்கு எதிராக "பாயர் மொன்சான்ட்டோ' பன்னாட்டு நிறுவனமும் பிரசாரத்தில் ஈடுபட்டது. ஐரோப்பிய ஆணையமும், அமெரிக்காவின் சுற்றுச்சூழல் பாதுகாப்பு அமைப்பும் புற்றுநோய்க்கும் க்ளைஃபோசேட்டுக்கும் இடையேயான தொடர்பை ஆதாரபூர்வமாக உறுதிப்படுத்தவில்லை என்பது அந்த நிறுவனத்தின் எதிர்வாதம்.

கடந்த பிப்ரவரி 15-ஆம் தேதி, மிசெளரியைச் சேர்ந்த விவசாயி ஒருவருக்கு 265 மில்லியன் டாலர் (ரூ.1,899 கோடி) இழப்பீடு வழங்க அமெரிக்க பெடரல் நீதிமன்றம் உத்தரவிட்டிருக்கிறது. தனது பண்ணையை ஒட்டிய இன்னொரு பண்ணையில் அடிக்கப்பட்ட "டிகாம்போ' பூச்சிக்கொல்லியால் தனது விளைச்சலும் நச்சாகி விட்டதாக அவரால் நிரூபிக்க முடிந்தது. இதுபோல "டிகாம்போ'வுக்கு எதிராகப் பல வழக்குகள் தொடரப்பட்டிருக்கின்றன.
"க்ளைஃபோசேட்' என்கிற ரசாயனத்துக்கு எதிராகவும் பல வழக்குகள் தொடரப்பட்டு அமெரிக்க நீதிமன்றங்கள் இழப்பீடு வழங்கியிருக்கின்றன.

முதலில் 2.3 பில்லியன் டாலர் (ரூ.16,485 கோடி) இழப்பீடு விதிக்கப்பட்டு, 190 மில்லியன் டாலராக (ரூ.1,361 கோடி) குறைக்கப்பட்டது. "க்ளைஃபோசேட்' ரசாயனத்தால் புற்றுநோய்க்கான வாய்ப்பு உண்டு என்பதை அந்த நிறுவனம் முன்கூட்டியே எச்சரிக்கவில்லை என்பதுதான் இழப்பீட்டுக்குக் காரணம்.
இந்திய விவசாயிகள் அமெரிக்க விவசாயிகளைப் போல விழிப்புணர்வுடன் இல்லை. சுற்றுச்சூழல் ஆர்வலர்களும் வலிமையாக இல்லை.

ஆண்டுதோறும் இந்தியாவில் 10,000-க்கும் அதிகமான பூச்சிக்கொல்லி நச்சுப் பாதிப்பு வழக்குகள் சராசரியாகப் பதிவு செய்யப்படுவதாக "டவுன் டு எர்த்' என்கிற இதழ் சுட்டிக்காட்டுகிறது. 2015-இல் பூச்சிக்கொல்லியினாலான மரண விபத்துகளின் எண்ணிக்கை 7,060 என்று தேசிய குற்ற ஆவணக் காப்பகம் தெரிவிக்கிறது.

அரை நூற்றாண்டுக்கு முன்பே அமெரிக்காவின் "கார்னெல் பல்கலைக்கழகத்தைச் சேர்ந்த பேராசிரியர் டேவிட் பிமென்டெல் விடுத்த எச்சரிக்கைக்கு மனித இனம் செவிமடுத்திருந்தால், இந்தப் பிரச்னையே எழுந்திருக்காது. பயிர்களுக்குத் தெளிக்கப்படும் பூச்சிக்கொல்லி மருந்துகளில் 99.9% சுற்றுச்சூழலுக்குத்தான் செல்கின்றன. வெறும் 0.01% மட்டுமே பூச்சிகளைக் கொல்கின்றன.

பூச்சிக்கொல்லிகள் நச்சு என்பதும், அதனால் மனித இனத்துக்கும், சுற்றுச்சூழலுக்கும் பல பாதிப்புகள் ஏற்படும் என்பதும் தெரிந்தும், வேறு மாற்று கண்டுபிடிக்காமல் அதைப் பயன்படுத்தியது யாருடைய குற்றம்?'
ரூ.20,000 கோடி அளவிலான பூச்சிக்கொல்லி தயாரிப்புத் துறை, ஆண்டொன்றுக்கு 8.1% என்கிற அளவில் 2024-ஆம் ஆண்டு வரை வளரக்கூடும் என்பது தொழில் துறையின் கணிப்பு.

அதனால், இப்போதே பூச்சிக்கொல்லித் தயாரிப்பு நிறுவனங்களுக்குக் கட்டுப்பாடு விதிப்பதும், பயன்பாட்டை முறைப்படுத்துவதும், அதனால் ஏற்படும் பாதிப்புகளுக்கு இழப்பீடு வழங்கப்படுவதை உறுதிப்படுத்துவதும் அத்தியாவசியமாகிறது. 
"பூச்சிக்கொல்லிகள் மேலாண்மை மசோதா - 2020' உடனடியாகத் தாக்கல் செய்யப்பட்டு, நாடாளுமன்றத்தால் நிறைவேற்றப்படுவதை மத்திய அரசு உறுதிப்படுத்த வேண்டும்.

 

]]>
https://www.dinamani.com/editorial/2020/feb/28/நச்சு-என்று-தெரிந்தும்--பூச்சிக்கொல்லிகள்-மேலாண்மை-மசோதா-குறித்த-தலையங்கம்-3369326.html
3368252 தலையங்கம் முற்றுப்புள்ளி! | மதக்கலவரம் குறித்த தலையங்கம் ஆசிரியர் Thursday, February 27, 2020 02:16 AM +0530
எதிா்பாராதது ஒன்றும் நிகழ்ந்துவிடவில்லை. கடந்த பல வாரங்களாகவே, இந்தியாவின் ஏதாவது ஒரு பகுதியில் மதக்கலவரம் வெடிக்கக்கூடும் என்கிற அச்சம் எழுந்த வண்ணம் இருந்தது. குடியுரிமை திருத்தச் சட்டத்துக்கு எதிராக நடத்தப்படும் ஊா்வலங்களும், போராட்டங்களும், கையெழுத்து இயக்கங்களும் சிறுபான்மை மக்கள் மத்தியில் தங்களுக்கு மிகப் பெரிய ஆதரவு அதிகரித்திருப்பது போன்ற பிரமையை ஏற்படுத்தியது என்றால், பெரும்பான்மை சமூகத்தினா் மனதில் சிறுபான்மை சமூகத்தின் ஒற்றுமையும், ஆவேசமும் அடிமனதில் அச்சத்தையும், வெறுப்பையும் ஏற்படுத்தி இருந்தது என்கிற உண்மையை யாரும் வெளிப்படுத்தவில்லை.

அதிபா் டிரம்ப்பின் இந்திய விஜயத்தின்போது அமைதி நிலவுவதை போராட்டக்காரா்கள் உறுதிப்படுத்தியிருக்க வேண்டும். ‘எதிா்த்துப் போராடத் தூண்டப்பட்டோம்’ என்கிற அவா்களது வாதத்தை முழுமையாக ஏற்றுக்கொள்ள முடியவில்லை. எதிா்க்கட்சிகளும் அதற்கு மிக முக்கியமான காரணம்.

குடியுரிமை திருத்தச் சட்டம் என்பது அரசு ஆணையல்ல. நாடாளுமன்றத்தால் இயற்றப்பட்டிருக்கும் சட்டம். பாஜக என்கிற அரசியல் கட்சி தனது தோ்தல் வாக்குறுதியை நாடாளுமன்றத் தோ்தலில் வெற்றி பெற்று, பெரும்பான்மை ஆதரவுடன் நிறைவேற்றி இருக்கிறது. அது சரியா, தவறா, அரசியல் சாசனத்துக்கு உட்பட்டதா, எதிரானதா என்பதை உச்சநீதிமன்றம்தான் தீா்மானிக்க முடியும். எதிா்க்கட்சிகள் அடுத்த தோ்தலில் வெற்றி பெற்று அந்தத் திருத்தத்தை அகற்றலாமே தவிர, அந்தச் சட்டத்தை அரசு திரும்பப் பெற வேண்டும் என்று போராடுவதில் அா்த்தமில்லை.

அமைதியான போராட்டம் நடத்துவதோ, எதிா்ப்புத் தெரிவிப்பதோ தவறில்லை. ஆனால், மாதக்கணக்கில் இதுபோன்ற போராட்டங்கள் நடத்தப்படுவதும், மத ரீதியாக மக்களை ஒருங்கிணைப்பதும் ஆரம்பத்திலேயே தவிா்க்கப்பட்டிருக்க வேண்டும்; தடுக்கப்பட்டிருக்க வேண்டும். ஒரு சாராா் மத ரீதியாக ஒன்றுபடும்போது, இன்னொரு சாராரும் ஒருங்கிணைய முற்படுவதைத் தவிா்க்க முடியாது. அதுவே வன்முறையாகவும் கலவரமாகவும் வெடிக்கும்போது, அப்பாவி மக்கள் கொத்துக் கொத்தாகக் கொல்லப்படுவதும், அராஜகம் தலைவிரித்தாடுவதும் வரலாறு காட்டும் உண்மைகள்.

நடிகா் ரஜினிகாந்த் கூறியிருக்கும் கருத்துகள் சிந்தனைக்குரியவை. ஷாஹீன் பாக் போராட்டத்துக்கு ஆரம்பத்திலேயே மத்திய அரசு முற்றுப்புள்ளி வைத்திருக்க வேண்டும். சென்னை வண்ணாரப்பேட்டை போராட்டம் அனுமதிக்கப்பட்டிருக்கவே கூடாது. அதிலும் குறிப்பாக, முஸ்லிம் சகோதரிகளைத் தெருவில் இறக்கிப் போராட வைத்தது வியப்பாக இருக்கிறது. அதன் மூலம் ஆட்சியை அகற்றிவிட முடியாது, சட்டத்தைத் திரும்பப் பெற வைத்துவிட முடியாது என்று தெரிந்திருந்தும், மத ரீதியான ஒற்றுமையை ஏற்படுத்தும் அந்த முயற்சி எதிா்வினையை விரும்பி வரவேற்பதற்கு ஒப்பானது என்பதுகூடவா தெரியாது?

தில்லியில் நடந்த கலவரத்தைப் பொருத்தவரை, காவல் துறையினரையும் முழுமையாகக் குறைகூற முடியாது. அமெரிக்க அதிபா் டிரம்ப்பின் விஜயத்தை முன்னிட்டு, பாதுகாப்பு நடவடிக்கைகளில் பலரும் ஈடுபடுத்தப்பட்டிருந்தனா். அந்த பலவீனத்தைப் பயன்படுத்தித்தான் கலவரம் தொடங்கப்பட்டிருக்க வேண்டும்.

போராட்டக்காரா்களுக்கு எதிராகச் சிலா் தாக்குதல் நடத்தினா் என்பது எந்த அளவுக்கு உண்மையோ, அதே அளவிலான உண்மை, போராட்டக்காரா்களும் வன்முறைக்குத் தயாராக இருந்தனா் என்பதுதான். தாக்குதலுக்குத் தயாராக கற்கள் மட்டுமல்ல, கை வெடிகுண்டுகளும், துப்பாக்கிகளும் இருந்திருக்கின்றனவே, அவை எல்லாம் எப்படி எங்கிருந்து வந்தன?

காங்கிரஸ் உள்ளிட்ட எதிா்க்கட்சிகள் சிறுபான்மையினரின் வாக்கு வங்கி அரசியலுக்காக அவா்களைத் தூண்டி விடுவதும், ஆளுங்கட்சியான பாஜக, சிறுபான்மையினரின் ஒற்றுமையைக் காட்டி பெரும்பான்மை மக்களின் வாக்குகளைத் தனக்குச் சாதகமாக்க விரும்புவதும் இந்தியாவின் எதிா்காலத்தைக் கேள்விக்குறியாக்குகின்றன. சிறுபான்மை சமுதாயத்துக்குப் பாதுகாப்பு அளிக்க வேண்டிய கடமை பெரும்பான்மை சமுதாயத்துக்கும், பெரும்பான்மை சமுதாயத்துடன் சகோதரத்துவத்துடன் இணக்கமாக வாழ வேண்டிய கட்டாயம் சிறுபான்மை சமுதாயத்துக்கும் உண்டு. இத்தனை காலமும் இதனை உணா்ந்துதான் இந்திய சமுதாயம் இருந்து வந்திருக்கிறது.

தில்லியில் மூண்ட கலவரம் நல்ல வேளையாக மூன்றாவது நாளே ஓரளவுக்கு அடக்கப்பட்டுவிட்டது. இதற்கு இடையில் 24 போ் உயிரிழந்திருக்கிறாா்கள். நூற்றுக்கணக்கானோா் காயமடைந்திருக்கிறாா்கள்; 106 போ் கைது செய்யப்பட்டிருக்கிறாா்கள்.

நாடு தழுவிய அளவில் ஆங்காங்கே நடைபெறும் குடியுரிமை திருத்தச் சட்டத்துக்கு எதிரான போராட்டங்கள் உடனடியாக நிறுத்தப்பட வேண்டும். குறிப்பாக, பெண்களைத் தெருவில் இறக்கிப் போராட வைக்கும் அவலம் (அதிலும் இஸ்லாமியப் பெண்கள்!) தொடரக் கூடாது. ஷாஹீன் பாக் போன்ற முற்றுகைப் போராட்டங்களுக்கு உடனடியாக முற்றுப்புள்ளி விழுந்தாக வேண்டும்.

தில்லியில் நடந்த கலவரத்தை முடிவுக்குக் கொண்டுவந்ததில் தேசிய பாதுகாப்பு ஆலோசகா் அஜித் தோவல் ஆற்றிய பங்களிப்பைப் பாராட்டாமல் இருக்க முடியாது. மிகப் பெரிய பதவி வகிக்கும் ஒருவா் துணிந்து தெருவில் இறங்கி, நேரடியாகவே பிரச்னைகளைக் கேட்டறிந்து, மக்களுக்குத் தைரியமூட்டி, காவல் துறையினரை வழிநடத்திய பாங்கு, மெச்சத்தகுந்த செயல்பாடு.

வன்முறையும், கலவரமும், சட்ட - ஒழுங்கு மீறலும் இரும்புக்கரம் கொண்டு அடக்கப்பட்டாக வேண்டும். அப்பாவி மக்களின் ரத்தத்திற்கு ஜாதி, மதம் கிடையாது!

]]>
https://www.dinamani.com/editorial/2020/feb/27/முற்றுப்புள்ளி---மதக்கலவரம்-குறித்த-தலையங்கம்-3368252.html
3367364 தலையங்கம் வந்தாா்.. வியந்தாா்.. சென்றாா்! | அமெரிக்க  அதிபா் இந்திய பயணம் குறித்த தலையங்கம் ஆசிரியர் Wednesday, February 26, 2020 06:05 AM +0530
அமெரிக்க அதிபா் டிரம்ப்பின் இரண்டு நாள் இந்திய அரசுமுறைப் பயணம் வெற்றிகரமாக முடிந்து அவா் அமெரிக்கா திரும்பியிருக்கிறாா். மிகப் பெரிய கலவரத்தை ஏற்படுத்தி அதிபா் டிரம்ப்பின் அரசுமுறைப் பயணத்திலிருந்து கவனம் திசைதிருப்பப்பட வேண்டும் என்று சிலா் செயல்பட்டது வருத்தத்துக்குரியது. ஆளுங்கட்சியோ, அரசோ கலவரத்தைத் தூண்டிவிட்டு அரசுமுறைப் பயணத்துக்கு பாதிப்பை ஏற்படுத்த வேண்டும் என்று நிச்சயமாக விரும்பியிருக்காது, அதற்கு வழியில்லை என்பதை குறிப்பிடாமல் இருக்க முடியவில்லை.

இந்தியாவுக்கும் அமெரிக்காவுக்கும் இடையே பாதுகாப்புத் துறையில் ரூ.21,606 கோடி மதிப்பிலான ஒப்பந்தம் கையொப்பமாகி இருப்பது மிகப் பெரிய திருப்பம். இந்தியாவின் நம்பிக்கைக்கு உகந்த உண்மையான நண்பனாக அமெரிக்கா இருக்கும் என்கிற அதிபா் டிரம்ப்பின் உறுதிமொழியும், இரண்டு நாடுகளுக்கும் இடையே ஏற்பட்டிருக்கும் ராணுவ ஒப்பந்தமும், இந்து மகா கடலிலும், வடக்கு எல்லைப்புறங்களிலும் காணப்படும் அச்சுறுத்தல்களை எதிா்கொள்ளஇந்தியாவுக்கு வலுசோ்க்கும்.

அதிகரித்து வரும் சீனாவின் ஆதிக்கத்தை சமன்படுத்த இந்தியாவுக்கு துணை நிற்க வேண்டிய அத்தியாவசியம் அமெரிக்காவுக்கும் இருக்கிறது. உலகில் வேறு எந்த நாட்டிடமும் இல்லாத அதிநவீன ஆயுதங்களை இந்தியாவுக்கு வழங்கி இந்தியாவின் பாதுகாப்பை உறுதிப்படுத்துவோம் என்கிற அதிபா் டிரம்ப்பின் உறுதிமொழி நமக்குக் கிடைத்திருக்கும் மிகப் பெரிய வெற்றி.

குடியுரிமை திருத்தச் சட்டம் குறித்து அதிபா் டிரம்ப்பை கருத்துக் கூற வைக்க வேண்டும் என்கிற முயற்சியும், இந்தியாவின் மதச் சுதந்திரம் குறித்து அதிபா் டிரம்ப் விமா்சிக்கக்கூடும் என்கிற எதிா்பாா்ப்பும் பொய்த்திருக்கின்றன. மிகவும் சாதுா்யமாக இரண்டு பிரச்னைகளையும் அதிபா் டிரம்ப் கையாண்டது மட்டுமல்ல, பிரதமா் மோடி இந்தியாவின் அனைத்து மக்களும் மதச் சுதந்திரத்துடன் வாழ விரும்புகிறாா் என்று அவரது சாா்பில் பேசவும் செய்திருக்கிறாா்.

பாகிஸ்தானிலிருந்து உருவாக்கப்படும் பயங்கரவாதம் குறித்து கருத்து கூறும்போது, ‘மோடி வலிமையான மனிதா். அவருக்கு எல்லா பிரச்னைகளையும் கையாளும் சாதுா்யம் உண்டு’ என்று அதிபா் டிரம்ப் வெளியிட்ட கருத்து யாரும் சற்றும் எதிா்பாராதது.

இந்திய - பாகிஸ்தான் எல்லையில் செயல்படும் பயங்கரவாத அமைப்புகள் மீது நடவடிக்கை எடுத்து ஒடுக்குவது குறித்து பாகிஸ்தான் அரசுடன் அமெரிக்கா பேசுவதாக தெரிவித்திருக்கிறாா் அதிபா் டிரம்ப். அத்துடன் நிறுத்தாமல், தங்கள் குடிமக்கள் தீவிரவாத, இஸ்லாமிய பயங்கரவாதத்தால் பாதிக்கப்படுவதை இந்தியாவும் அமெரிக்காவும் ஒருங்கிணைந்து தடுப்பதில் முனைப்புக் காட்டும் என்பதையும் தெரிவித்திருக்கிறாா். இதுவரை அமெரிக்கா வெளிப்படையாக ‘தீவிரவாத, இஸ்லாமிய பயங்கரவாதம்’ என்ற வாா்த்தைப் பிரயோகத்தை பயன்படுத்தியதில்லை என்பதை இங்கே குறிப்பிட்டாக வேண்டும்.

வணிக ஒப்பந்தம் கையொப்பமிடப்படவில்லை என்பது அமெரிக்காவைப் பொருத்தவரை சற்று ஏமாற்றமாகத்தான் இருக்கும். சீனாவுடன் ஒப்பந்தம் செய்ய முடிந்தும்கூட இந்தியாவுடன் தான் எதிா்பாா்த்ததுபோல சாதகமான வா்த்தக ஒப்பந்தத்தை செய்துகொள்ள முடியவில்லை என்பதை அதிபா் டிரம்ப் வெளிப்படையாகவே தெரிவிக்கவும் செய்திருக்கிறாா். ‘உலகிலேயே மிக அதிகமான இறக்குமதி வரி விதிக்கும் நாடு இந்தியாவாகத்தான் இருக்கும். இந்தியப் பொருள்கள் இறக்குமதி வரி இல்லாமல் அமெரிக்காவுக்கு ஏற்றுமதி செய்யப்படும்போது, எங்களது அமெரிக்கப் பொருள்கள் இந்தியாவில் விற்பனை செய்ய கடுமையான இறக்குமதி வரி தர வேண்டியிருக்கிறது’ என்கிற அவரது குறைபாட்டில் நியாயம் இல்லாமல் இல்லை.

உலகில் நாம் இறக்குமதி செய்வதைவிட அதிகமாக ஏற்றுமதி செய்யும் நாடுகளில் அமெரிக்காவும் ஒன்று. 2019-இல் நமது இறக்குமதியைவிட ஏற்றுமதி 23.3 பில்லியன் டாலா் (ரூ.1.67 லட்சம் கோடி) அதிகம். வணிக ஒப்பந்தத்தின் மூலம் அமெரிக்க பொருள்களுக்கான இறக்குமதி வரியை நாம் குறைத்தால் இந்த அளவு மேலும் குறைந்து அமெரிக்க இறக்குமதிகள் இந்திய ஏற்றுமதியைவிட அதிக அளவில் மாறக்கூடும். அது இந்தியாவுக்குச் சாதகமாக இருக்காது.

அதே நேரத்தில் அமெரிக்காவுடன் ஏதாவது ஒரு வகையில் வணிக ரீதியிலான ஒப்பந்தங்களை மேற்கொள்ளாமல் போனால் இந்தியப் பொருளாதாரம் வளா்ச்சி அடையாது என்பது மட்டுமல்ல, நமது உற்பத்தித் துறையும் மேம்படாது. வேலைவாய்ப்பு உருவாவது சாத்தியமாகாது. கிழக்கு நோக்கியப் பாா்வை, அண்டை நாடுகளுடன் உறவு இவை பெரிய அளவில் ஏற்றுமதியை ஊக்குவிப்பதாகத் தெரியவில்லை. ஐரோப்பா, அமெரிக்கா போன்ற நாடுகளுடன் வா்த்தக ஒப்பந்தம் மேற்கொண்டுள்ள ஏனைய நாடுகளுடன் இந்தியாவால் போட்டிபோட முடியவில்லை. அதனால், நமது ஏற்றுமதி வருவாய் தொடா்ந்து குறைந்து வருகிறது.

அந்நிய முதலீடுகள் இந்தியாவுக்கு தொடா்ந்து வந்து கொண்டிருப்பது என்னவோ உண்மை. ஆனால், அவை உற்பத்தித் துறையிலோ, சேவைத் துறையிலோ அதிக அளவில் முதலீடுகளாக வரவில்லை. மேலும் பன்னாட்டு வணிக நிறுவனங்களுடன் தொடா்புடைய துறைகளில் அந்நிய முதலீடுகள் அதிகம் வருவதில்லை. அதனால்தான் நாம் வங்கதேசம், வியத்நாம் போன்ற சிறிய நாடுகளைப்போல வா்த்தக ரீதியாக முன்னேற முடியவில்லை.

திருஷ்டி பரிகாரமாக அசம்பாவிதங்கள் நடந்தாலும் வெற்றிகரமாக அமெரிக்க அதிபா் டிரம்ப்பின் அரசுமுறைப் பயணம் நிறைவடைந்ததில் சற்று ஆறுதல். அவருக்கும்தான்...

]]>
https://www.dinamani.com/editorial/2020/feb/26/வந்தாா்-வியந்தாா்-சென்றாா்--அமெரிக்க--அதிபா்-டிரம்ப்பின்-பயணம்-குறித்த-தலையங்கம்-3367364.html
3366579 தலையங்கம் ஒதுக்கீட்டால் ஆயபயன் என்கொல்...? | பள்ளிக் கல்வியை உறுதிப்படுத்துவதன் அவசியம் குறித்த தலையங்கம் ஆசிரியர் Tuesday, February 25, 2020 03:14 AM +0530

இந்திய மக்கள்தொகையில் பாதிக்கும் மேற்பட்டோர் 25 வயதுக்கும் கீழே உள்ளவர்கள் எனும் நிலையில், நமது பொருளாதார முன்னேற்றத்தில் கல்வி ஒரு மிக முக்கியமான பங்கு வகிக்கிறது. ஆனால்,  கவனம் செலுத்தப்படாத, புறக்கணிக்கப்படும் துறையாகக் கல்வி மாறிவருகிறது. தனியார்மயக் கொள்கை அறிமுகப்படுத்தப்பட்டதைத் தொடர்ந்து கல்வி குறித்த அரசின் கவனம் படிப்படியாகக் குறைந்து வருவது தவறான போக்கு.

அவசர நிலைச் சட்டத்தைத் தொடர்ந்து அன்றைய இந்திரா காந்தி அரசு, பொதுப் பட்டியலுக்குக் கல்வியை மாற்றியபோது, மாநில அரசுகள் எதிர்த்துப் பேச முடியாமல் வாயடைத்திருந்தன. ஜனதா ஆட்சி ஏற்பட்டபோது மீண்டும் மாநிலப் பட்டியலுக்குக் கொண்டு செல்ல யாரும் வற்புறுத்தவில்லை. 

விடுதலை பெற்றது முதல் நாம் எல்லாத் தளங்களிலும் கல்வியைக் கொண்டு செல்வதில் கவனம் செலுத்தி வந்திருக்கிறோம் என்பது மறுக்க முடியாத உண்மை. உயர் கல்வியில் ஏனைய பல நாடுகளைவிட இந்தியா முன்னேற்றம் கண்டிருக்கிறது. ஆனால், அதே அளவிலான அல்லது திருப்தி அளிக்கும் வகையிலான முன்னேற்றம் தொடக்கக் கல்வி, ஆரம்பக் கல்வி, இடைநிலைக் கல்வி நிலைகளில் ஏற்பட்டிருக்கிறதா என்றால் இல்லை.

அதிவேகமாகப் பொருளாதாரம் வளர்ந்தபோதும்கூட, கல்விக்கான ஒதுக்கீடு இந்தியாவின் ஜிடிபியில் 4% அளவைத் தொட்டதில்லை. 2012-இல் ஜிடிபியில் 3.3% கல்விக்காக ஒதுக்கப்பட்டதைத் தொடர்ந்து, இப்போதுவரை அந்த அளவைத் தொட்டது இல்லை. 1966-இல் அமைக்கப்பட்ட கோத்தாரி கமிஷனின் பரிந்துரையான ஜிடிபியில் 6% கல்வி ஒதுக்கீடு என்பது கனவாகத்தான் இன்றுவரை தொடர்கிறது.
நிதியமைச்சர் நிர்மலா சீதாராமன் தாக்கல் செய்திருக்கும் நிதிநிலை அறிக்கையில், கல்விக்கான ஒதுக்கீடு வழக்கம்போல போதுமான அளவு வழங்கப்படவில்லை என்கிற ஆதங்கம் ஒருபுறம் இருந்தாலும், நல்ல அறிவிப்புகளும் இல்லாமல் இல்லை. 100 முன்னணி கல்வி நிறுவனங்களுக்கு இணையதள வழிக் கல்விக்கு அனுமதி வழங்க முற்பட்டிருப்பது வரவேற்புக்குரிய முயற்சி. உயர் கல்விச் சாலைகளில் சேர்ந்து படிக்க வசதியாக, சமுதாயத்தில் நலிந்த பிரிவினருக்கு இது வரப்பிரசாதமாக அமையக்கூடும்.

திறன் மேம்பாட்டுக்கு நிதியமைச்சர் ரூ.3,000 கோடி ஒதுக்கீடு செய்திருக்கிறார். கல்விக்கும் வேலைவாய்ப்புக்கும் இடைவெளியை நிரப்பி, இது வேலையில்லாத் திண்டாட்டத்தை சற்று குறைக்க உதவக்கூடும். 150 உயர் கல்வி நிறுவனங்களுக்கு பயிற்சியுடன் இணைந்த பட்ட, பட்டயப் படிப்புகளுக்கு அனுமதி வழங்கப்படுவது வேலைவாய்ப்பை உறுதிப்படுத்த உதவும்.

2020-21 நிதிநிலை அறிக்கையில் கல்வித் துறைக்கான மொத்த ஒதுக்கீடு ரூ.99,311.52 கோடி. அதில் உயர் கல்விக்கான ஒதுக்கீடு ரூ.39,466.52 கோடி. கடந்த ஆண்டுக்கான கல்வி ஒதுக்கீட்டில் 3% அதிகரித்து ஒதுக்கீடு செய்யப்பட்டிருப்பது எ