Dinamani - உணவே மருந்து - https://www.dinamani.com/health/healthy-food/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3112386 மருத்துவம் உணவே மருந்து கிடுகிடுவென உடல் எடையைக் குறைக்கும் குடம்புளி! (விடியோ) கார்த்திகா வாசுதேவன் Tuesday, March 12, 2019 04:23 PM +0530  

குடம்புளி கேள்விப்பட்டிருக்கீங்களா? தினம் சமையல் கட்டுப் பக்கம் எட்டிப் பார்த்தால் மட்டும் போதுமா? எந்தெந்த விஷயங்களை எல்லால் கண்டிப்பாக சமையலில் சேர்த்தாகனும்னும் நமக்குத் தெரிந்திருந்தால் தான் அது நிஜமான ஹெல்த் கான்ஸியஸ்னஸா இருக்க முடியும். அதோடு கூட இப்போ நாம தெரிஞ்சுக்க இருக்கற குடம்புளியானது ஒபிசிட்டியைக் குறைப்பதில் முக்கியமான மருத்துவப் பொருளாக இருப்பதால் எவரொருவரும் கண்டிப்பாக அதைப்பற்றித் தெரிந்து கொள்ள வேண்டியது அவசியமாகிறது. நீங்களும் தெரிஞ்சுக்கறதோட அதை கண்டிப்பாக சமையலில் பயன்படுத்திப் பாருங்க...

 

 

1. குடம்புளியின் வரலாறு... 
2. குடம்புளி எங்கெல்லாம் விளைகிறது?
3. குடம்புளி கிடைக்குமிடங்கள்?
4. குடம்புளியின் பயன்கள்...
5. எந்தெந்த சமையலில் எல்லாம் குடம்புளி சேர்க்கலாம்?

போன்ற பல தகவல்கள் இந்த காணொலியில் இடம்பெறுகின்றன. வாசகர்கள் பயன்படுத்திப் பார்த்து விட்டு தங்களது அனுபவங்களை எங்களுடன் பகிர்ந்து கொள்ளலாம்.

]]>
kudampuli, malabar tamarind, obesity, weight loss treatment, குடம்புளி, ஒபிசிட்டி, மலபார் டாமரிண்ட், உடல் எடை குறைப்பு https://www.dinamani.com/health/healthy-food/2019/mar/12/kudampuli-will-help-to-reduce-obesity-video-3112386.html
3110453 மருத்துவம் உணவே மருந்து பாதாம் பிஸ்தாவை விட அதிக சத்துள்ளது இது! Saturday, March 9, 2019 12:29 PM +0530 வேர்க்கடலையின் மகத்துவம் பற்றி தெரிந்து கொள்வோம். வேர்க்கடலை என்றாலே அதில் கொழுப்பு அதிகம், உடலுக்கு ஆகாது, உடல் பருமன் ஆகிவிடும் என்று சிலர் நினைக்கின்றனர். ஆனால், அதில் உள்ளது நல்ல கொழுப்பு என்பதால் அதன் மதிப்பு தெரிந்த ஆங்கிலேயர்கள் இதனை அவர்கள் நாட்டிற்கு எடுத்துச் சென்று, அங்கிருந்து நமக்கு பாதாம், பிஸ்தாவை அதிக விலைக்கு தள்ளிவிட்டனர். வேர்க்கடலை எந்த விதத்திலும் இதற்கு குறைந்ததில்லை. வேர்க்கடலையில் நார்சத்து, புரதம், கார்போஹைட்ரேட், பொட்டாசியம், வைட்டமின்களை சொல்லிக் கொண்டே போகலாம். மூளை வளர்ச்சிக்கு மிக பெரிய டானிக் என்ற இதனைச் சொல்லலாம்.

இதை தினமும் 30 கிராம் அளவு சாப்பிடுவதால் பித்தக்கல் பிரச்னைகள் கூட சரியாகிவிடும். ரத்த ஓட்டமும் சீராகிறது. இதய நோய் வராமல் தடுக்கிறது. இதில் புரதச் சத்து அதிகம் உள்ளதால் கர்ப்பப்பை பிரச்னை தீரவும், தாய்ப்பால் சுரக்கவும் வழி செய்கிறது. ஒமேகா 3 இதில் உள்ளதால் குழந்தை உண்டாவதற்கும், மார்பகக் கட்டி, கருப்பைக் கட்டி, நீர்க் கட்டி என எதுவும் வராமல் தடுக்கிறது. இவ்வளவு நன்மைகள் உள்ள வேர்க்கடலையை நாம் தினமும் உணவில் பயன்படுத்த நல்ல பலன் கிடைக்கும்.

வேர்க்கடலையை வைத்து பலதரப்பட்ட தின்பண்டங்களை செய்யலாம். வேர்க்கடலை பர்பி, வேர்க்கடலை உருண்டை, லட்டு, வேர்க்கடலை எண்ணெய் போன்றவற்றை தயாரித்து சாப்பிப்டலாம். சுவையும் சத்தும் நிறைந்த வேர்க்கடலையை அன்றாட உணவில் சேர்த்துக் கொண்டு ஆரோக்கியம் பெறலாம். சிலருக்கு வேர்க்கடலை ஒவ்வாமை இருப்பின் அதை அவர்கள் தவிர்ப்பது நலம்.

 - ஸ்ரீ

]]>
peanuts, nuts, nutrition, food, வேர்க்கடலை, பாதாம் https://www.dinamani.com/health/healthy-food/2019/mar/09/பாதாம்-பிஸ்தாவை-விட-அதிக-சத்துள்ளது-இது-3110453.html
3108459 மருத்துவம் உணவே மருந்து நாவூறும் சுவையில் ஒரு தர்பூசணி அல்வா! Wednesday, March 6, 2019 04:03 PM +0530  

தேவையானவை:


தர்பூசணிப் பழம்(சிறியது) - 1
வெல்லம் - அரை கிலோ
தேங்காய்ப்பால் - அரை டம்ளர்
நெய் - 50 கிராம், முந்திரி - 10
ஏலக்காய்த் தூள் - சிறிய அளவு


செய்முறை:

தர்ப்பூசணியில் சிவப்புச் சதைப் பகுதியை மட்டும் எடுத்துக் கொண்டு, விதைகளை நீக்கிவிட்டு, துண்டுகளாக்கி, மிக்ஸியிலிட்டு கூழாக அரைத்து எடுக்கவும்.

வெல்லத்தைப் பொடித்து போதிய அளவு தண்ணீரில் இட்டு கரைத்து வடிகட்டவும்.

வாணலியை அடுப்பில் வைத்து, வெல்லக் கரைசலை விட்டு பாகு காய்ச்சவும்.

பாதிபதம் வந்ததும், தர்ப்பூசணிக் கூழ், தேங்காய்ப்பால் சேர்த்து வேக விடவும்.

இடையிடையே நெய் ஊற்றி, நன்கு கிளறி கொடுக்கவும்.

கலவை நன்கு வெந்து வாணலியில் ஒட்டாது சுருண்டு அல்வா பதம் வந்ததும், ஏலக்காய்த்தூள், வறுத்த முந்திரிபருப்பு சேர்த்து இறக்கவும்.

நெய் தடவிய தாம்பாளத்தில் கொட்டி பரவலாக வைக்கவும், ஆறியதும் விரும்பும் அளவில் துண்டுகள் போடவும்.

தர்ப்பூசணி அல்வா தயார். சுவையும், சத்தும் மிக்கது.

]]>
water melon, melon, halwa, அல்வா, தர்பூசணி https://www.dinamani.com/health/healthy-food/2019/mar/06/water-melon-halwa-3108459.html
3104781 மருத்துவம் உணவே மருந்து பார்த்துப் பார்த்து காய்கறி வாங்கினாலும் சில சமயம் சொதப்பிவிடுகிறதா? இதோ ஒரு செக் லிஸ்ட்! DIN DIN Thursday, February 28, 2019 01:19 PM +0530 அவரைக்காயில் விதை பெரியதாக இருந்தால் முற்றியது என்று அர்த்தம். விதை சிறியதாக இருந்தால் நார் எதுவும் இல்லாமல் சுவையாக இருக்கும்.

நீளமான பச்சை மிளகாயில் காரம் சற்று குறைவாக இருக்கும். குண்டான பச்சைமிளகாயில் தான் காரம் தூக்கலாகவும், வாசனை அற்புதமாகவும் இருக்கும். எனவே குண்டான பச்சை மிளகாயை வாங்குவது நல்லது.

மொச்சை கொட்டையானது அளவில் பெரியதாக இருந்தால் தரமானது என்று அர்த்தம்.

செளசெள காயை வாங்கும் பொழுது அதன் வாய்ப்பகுதியில் விரிசல் பெரியதாக இல்லாமல் இருக்குமாறு வாங்க வேண்டும். விரிசல் அதிகமாக இருந்தால் முற்றியது என்று அர்த்தம்.

வாழைத்தண்டு வாங்கும் பொழுது மேல்பகுதியில் அதிகம் நார் இல்லாமல், தண்டுப்பகுதி சிறியதாக இருப்பதை வாங்க வேண்டும்.

பிரஞ்ச் பீன்ஸில் நார் அதிகம் இருக்கும். புஷ் பீன்ஸில் நார் இருக்காது. தோல் மிருதுவாக இருந்தால் சுவை அதிகமாய் இருக்கும்.

சேனைக்கிழங்கை உள்பக்கம் வெட்டினால் இளஞ்சிவப்பு நிறத்தில் இருக்கும். அதை தான் வாங்க வேண்டும். ஒரு முனை நீளமாக, முளை விட்டது போல் இருக்கும் கிழங்குகளை வாங்க கூடாது.

வெள்ளரிக்காயின் மேல் பகுதியை நகத்தால் குத்தி பார்த்தால் நகம் உள்ளே இறங்கினால், நல்ல காய் என அர்த்தம்.

பூண்டு வாங்கும் பொழுது, பூண்டு பல் வெளியில் தெரியுமாறு இருப்பதை தான் வாங்க வேண்டும்.

மாங்காயைத் தட்டி பார்த்து வாங்க வேண்டும். சத்தம் கேட்டால் உள்ளே உள்ள கொட்டை சிறியதாகவும், சதை சற்று அதிகமாகவும் இருக்கும்.

பீர்க்கங்காய் வாங்கும் பொழுது அடிப்பகுதி மட்டும் குண்டாக இல்லாமல், காய் முழுவதும் ஒரே அளவாக இருப்பதுபோன்று வாங்க வேண்டும்.
 

 - ஏ.எஸ்.கோவிந்தராஜ்
 

]]>
vegetables, chilly, beans, காய்கறி, பச்சை மிளகா, மொச்சை கொட்டை https://www.dinamani.com/health/healthy-food/2019/feb/28/பார்த்துப்-பார்த்து-காய்கறி-வாங்கினாலும்-சில-சமயம்-சொதப்பிவிடுகிறதா-இதோ-ஒரு-செக்-லிஸ்ட்-3104781.html
3104779 மருத்துவம் உணவே மருந்து அடிக்கடி காது வலிக்கிறதா? இதோ எளிமையான தீர்வு! Thursday, February 28, 2019 01:05 PM +0530
  • சிறுகட்டிகள், காது மந்தம், நாள்பட்ட இருமல், இரைப்பு, வயிற்றுப் புழுக்கள், வாத நோய்கள், வாய்வு தொல்லை, தலைவலி, ஜலதோஷம், சீதக் கழிச்சல் போன்றவற்றை பூண்டு குணமாக்கும்.
    • பூண்டை நசுக்கி அதன் சாற்றை 2 துளி அளவு ஒரு நாளைக்கு இரண்டு முறைகள் 3 நாள்கள் வரை காதில் விட்டு வந்தால் காதுவலி குணமாகும்.
    • பூண்டு, மிளகு, கரிசாலை இலைகள் இந்த மூன்றையும் சம அளவு எடுத்துக் கொண்டு அரைத்து பசையாக்கி எலுமிச்சம் பழ அளவு ஒவ்வொரு வேளை உணவுக்குப் பின்னர் சாப்பிட்டால் வயிறு உப்புசம் சரியாகும்.
    • 50 கிராம் உரித்த பூண்டை நசுக்கி 1 லிட்டர் தேங்காய் எண்ணெய்யில் இட்டு காய்ச்சி வடிகட்டி வைத்துக் கொண்டு அந்த எண்ணெய்யை வலி உள்ள இடத்தில் தடவி வர வாதநோய்கள் குணமாகும். பூண்டு சாறு 10 துளிகள் அளவு இரவு உணவுக்குப் பின்னர் சாப்பிட வயிற்றுப் புழுக்கள் வெளியாகும்.
    • பூண்டு எண்ணெய் கக்குவான், குடல் புண், மலேரியா, யானைக்கால், ஆஸ்துமா ஆகியவற்றைக் கட்டுப்படுத்தும் திறன் கொண்டது. மேலும் இது ரத்த அழுத்த நோயையும் குணப்படுத்தும்.

    • வலியைப் போக்கும். வாயுப் பிடிப்பை நீக்கும் தன்மை உடையது. பூண்டில் புரோட்டின் சத்து, கொழுப்புச்சத்து, தாதுக்கள், நார்ச்சத்து கார்போஹைட்ரேட்ஸ் உள்ளது. மேலும் கால்சியம், பாஸ்பரஸ், இரும்புச்சத்து, வைட்டமின் சி சிறிதளவு வைட்டமின் பி குரூப்களும் உள்ளன. பூண்டின் மணத்திற்குக் காரணம் அதில் உள்ள சல்பரே ஆகும்.
    • பூண்டில் உள்ள ஈதர் நம்முடைய நுரையீரல், நுரையீரல் குழாய் மற்றும் சைனஸ் குழிகளில் படிந்திருக்கும் கெட்டியான சளியை இளக்கி வெளியேற்றிவிடும். பால், பூண்டு, தேன் கலவையை தினமும் பருகி வந்தால் வயிற்றுக் கடுப்பு குணமாகும். அதிகப்படியான கொழுப்பைக் கரைக்கும், மூட்டுவலி உள்ளவர்களுக்கு நல்லது.
    ]]>
    poondu, garlic, food, garlic pickle, பூண்டு, காது வலி, உடல்நலம் https://www.dinamani.com/health/healthy-food/2019/feb/28/benefits-of-garlic-3104779.html
    3094424 மருத்துவம் உணவே மருந்து உங்கள் குரல் இனிமையாக வேண்டுமா? இதை சாப்பிடுங்கள்! Tuesday, February 12, 2019 03:55 PM +0530 முள்ளங்கியானது தொண்டை சம்பந்தமான நோயை குணமாக்குவதோடு, குரலை இனிமையாக்குகிறது. பசியை தூண்டக் கூடியது, சிறுநீர் அடைப்பைப் போக்கும் மருந்தாகவும் பயன்படுகிறது. மேலும் வெட்டை நோய், முடி உதிர்தல் ஆகியவற்றை குணப்படுத்த வல்லது.

    முள்ளங்கி சூப் குடித்து வந்தால் நரம்பு சுருள்கள் நீங்கும். அதிக நோய் எதிர்ப்பு சக்தியை பெற்றுள்ள முள்ளங்கியில் உடலுக்கு தேவையான வைட்டமின் சத்துகளும் தாது உப்புகளும் நிறைந்துள்ளது.

    முள்ளங்கி, முள்ளங்கி கீரை, விதை முதலியவை மருத்துவத் தன்மை நிறைந்தவை. இவற்றை உட்கொண்டால் உடல் முழுவதும் சுத்தமான ரத்தம் எப்போதும் பாய்ந்தோடிக் கொண்டிருக்கும்.

    முள்ளங்கிக் கீரை பசியைத் தூண்டிச் சிறுநீர் பெருக்கித் தாது பலம் கொடுக்கும். சமைத்துண்ண நீர்தடை, வயிற்று எரிச்சல், குடைச்சல், வாதம், வீக்கம், சுவாசக் காசம், கபநோய், இருமல் ஆகியவை தீரும்.

    முள்ளங்கிச்சாறு 30 மி.லி. காலை, மாலை கொடுக்கச் சிறுநீரகக் கோளாறு, நீர்தாரைக் குற்றங்கள் நீங்கும். முள்ளங்கி சிறுநீர் பெருக்கும், குளிர்ச்சியுண்டாக்கும்.

    முள்ளங்கி இலைச்சாற்றை 5 மி.லி. ஆக நாள்தோறும் 3 வேளை சாப்பிட்டு வர மலக்கட்டு, சிறுநீர்க் கட்டு, சூதகக்கட்டு எளிய வாத நோய்கள் தீரும்.

    இந்த முள்ளங்கியால் வாத நோய், வயிற்றெரிச்சல், உடல் நரம்பு வலி, காசநோய், தலைவலி, மயக்கம், ஆஸ்துமா என்ற இளைப்பு, கடுப்பு என்ற சீதபேதி ஆகியன குணமாகும்.

    சிறுநீரகத்தை நன்கு இயக்கும் குணமுடையது. அதனால் சிறுநீரைப் பெருக்கி நீர்கோர்வை என்ற உடல் வீக்கத்தைக் குறைக்கும். வாரம் இருமுறை இதனை உணவில் சேர்க்க வேண்டும். பொரியல், சாம்பார் எதுவும் செய்து சாப்பிடலாம். வெள்ளை முள்ளங்கி மிக்க குணமுடையது.

    இதனை இடித்து சாறு பிழிந்து 30-50 மி.லி. அளவு காலை, மாலை வெறும் வயிற்றில் குடிக்க வேண்டும்.

     - கவிதா பாலாஜிகணேஷ்

    ]]>
    mullangi, radish, முள்ளங்கி https://www.dinamani.com/health/healthy-food/2019/feb/12/radi-3094424.html
    3079306 மருத்துவம் உணவே மருந்து வெண்பூசணியில் இவ்ளோ நன்மைகளா? Dr. S. அருள்சொரூபி Saturday, January 19, 2019 11:18 AM +0530 பூசணிக்காயில் மஞ்சள் நிறமுள்ள கல்யாண பூசணியும், வெண்மை நிறமுள்ள பூசணியும் காணப்படுகிறது. பூசணிக்காயின் சதைப் பகுதியும், விதைகளும் மருத்துவத்தில் பயன்படுகின்றன. அதனைப் பற்றி நாம் பார்ப்போம்.

    ‘உணவே மருந்து’ என்பதை நாம் நன்கு அறிவோம். காரணம், உணவு என்பது வெறுமனே பசியைப் போக்குவதற்காகவும், நாவின் சுவைக்காகவும் மட்டுமே உருவானது அல்ல. அதற்கு அப்பாலும் அபாரமான மருத்துவக் காரணங்கள் அதற்கு உண்டு. அதனால்தான் அர்த்தம் பொதிந்த இந்த சொற்றொடரை நம் முன்னோர் சொல்லி வைத்தனர்.

    ‘உற்றவன் தீர்ப்பான் மருந்துழைச் செல்வானென்று
    அப்பால் நாற்கூற்றே மருந்து.'

    இந்த கருப்பொருளின் அடிப்படையிலேயே பூசணியின் நற்குணங்கள் பற்றி இந்தக் கட்டுரையில் விரிவாகப் பார்ப்போம்.

    கொடி இனத்தைச் சார்ந்த ஒரு காய் வகைதான் பூசணி. Cucurbita maxima என்பது இதன் தாவரப் பெயர் ஆகும். Red pumpkin, squash melon என்று ஆங்கிலத்தில் குறிப்பிடுவர். மத்திய அமெரிக்காவை தாயகமாகக் கொண்டது பூசணி. 

    பூசணியில் இரண்டுவகை உண்டு. சர்க்கரைபூசணி, வெண்பூசணி.

    இந்த இரண்டு பூசணிகளுமே உணவாகவும், மருந்தாகவும் பயன்படுத்தப்படுகிறது. பரங்கிக்காய் பற்றிய அகத்தியர் பாடல்

    அனலழலை நீக்கும் அதிபித்தம் போக்குங்
    கனலெனவே வன்பசியைக் காட்டும்புனராரும்
    மிக்கவையம் உண்டாகும் மென்கொடியே எப்போதும்
    சர்க்கரைப் பரங்கிக்காய் தான்.

    அகத்தியர் குணபாடம்

    சிறப்பு அம்சங்கள்:

    மிகக் குறைவான கலோரி கொண்ட காய் இது. 

    100 கிராம் காய் 26 கலோரிகள் கொண்டது. இதில் கொழுப்பும் (Fat), கொலஸ்ட்ராலும் இல்லை.

    இதில் செரிமானத்துக்கான நார்ச்சத்து, ஆன்டிஆக்சிடென்ட், தாதுச் சத்து மற்றும் வைட்டமின் ஆகியவற்றைக் கொண்டது. 

    குறிப்பாக இதில் வைட்டமின் ஏ, சி மற்றும் இ ஆகியவை அதிகம். உடலுக்குத் தேவையான இயற்கையான ஆன்ட்டி ஆக்சிடென்ட்டாக செயல்படுகிறது. 

    சரும ஆரோக்கியத்தையும் சளி சவ்வுப் பகுதிகளையும் (Mucous Membrances) பாதுகாக்கிறது. பார்வைத் திறன் மேம்படவும் உதவுகிறது.

    இது ஆல்ஃபா, பீட்டா கரோட்டின், லூட்டின் மற்றும் ஸியாக்ஸான்தின் ஆகியவற்றைக் கொண்டது. Zeaxanthin என்பது இயற்கையான ஆன்ட்டி ஆக்சிடென்ட். 

    இது வயது முதிர்ந்த காலத்தில் ஏற்படும் தசை நோய்களைத் தடுக்கிறது. பரங்கியில் கெராட்டினாயிட்ஸ் (Carotenoids) அதிகம் உள்ளது. இது உடலின் நோய் எதிர்ப்பு சக்திக்கு உதவுகிறது. ஃபோலேட், நியாசின், வைட்டமின் பி6, தையாமின் மற்றும் பான்டோதெனிக் அமிலம் போன்ற பி-காம்ப்ளெக்ஸ் வைட்டமின்கள் இதில் அதிகம். தாமிரம், கால்சியம், பாஸ்பரஸ், பொட்டாசியம் ஆகியவற்றை சிறந்த அளவில் உள்ளடக்கிய காய். பரங்கி விதைகளில் நார்ச்சத்தும், ஒற்றை - நிரம்பாத கொழுப்பு அமிலமும் (Monounsaturated fatty acid) உள்ளன. 

    இது இதய ஆரோக்கியத்துக்கு உதவுகிறது. இதில் ட்ரிப்டோஃபன் எனப்படுகிற அமினோ அமிலம் உள்ளது. 1 டீஸ்பூன் பரங்கி விதையை தினமும் எடுத்துக் கொள்வதன் மூலம் நமது முழு ஆரோக்கியத்தையும் பாதுகாக்கலாம். இதில் உள்ள அதிக அளவு நார்ச்சத்து உள்ளது.

    பரங்கியில் நமது சருமத்துக்குத் தேவையான நல்ல கொழுப்பு அமிலமும் உள்ளது. சருமப் பளபளப்புக்குக் காரணமான வைட்டமின் ஈ, துத்தநாகம் மற்றும் மக்னீசியமும் உள்ளது. 

    பரங்கியை உணவில் சேர்த்துக் கொள்வதன் மூலம் சருமத்தில் உள்ள செல்கள் புதுப்பிக்கப்படுவதுடன் மேலும் பாக்டீரியா தொற்றுக்கு எதிராகப் போராடவும் செய்கிறது.

    பரங்கியில் எல்லா விதமான மருத்துவ குணங்களும் சரிவிகிதத்தில் கலந்திருப்பதால் வாயு தொந்தரவு, செரிமான கோளாறு மற்றும் அல்சர் ஆகியவையும் சரி செய்யப்படுகிறது.

    உடற்சூடு, வெப்பு ஆகியவற்றை நீக்கும் தன்மையுடையது பரங்கிக்காய். அதிகமான பித்தத்தை நீக்கக்கூடியது. 

    வயிற்றில் நெருப்பை வைத்தாற்போல பசியை உண்டாக்கக் கூடியது. 

    உடலுக்கு உரத்தை உண்டாக்கும் என்று பாராட்டும் அகத்தியர், பூசணியை அதிகமாக உண்பதால் சீதள நோய்கள் உண்டாகக் கூடும் என்றும் தவறாமல் எச்சரிக்கிறார்.

    பூசணியின் மருத்துவ குணங்கள்: 

    பூசணியின் முற்றிய காய்கள் தலைவலியைப் போக்கவும், நெஞ்சகச் சளியை நீக்கவும், மூச்சிரைப்பைப் போக்கவும், சிறுநீரகக் கோளாறுகளுக்காகவும் பயன்படுகிறது.

    நாடாப்புழுக்களை வெளியேற்றும் புழுக்கொல்லியாகவும் இந்த முற்றிய காய்கள் பயன்படுகிறது. 

    வெண்பூசணியின் விதையிலிருந்து பல மருத்துவ வேதிப்பொருட்கள் பிரித்தெடுக்கப்படுகின்றன.

    வெண்பூசணியின் தண்டுப்பகுதியை முறையற்ற மாதவிலக்கை சீர் செய்யவும், சருமத்தில் மேற்புறத் தழும்புகளை குணப்படுத்தவும் பயன்படுத்துகின்றனர். 

    அதன் வேர்ப்பகுதியை மஞ்சள் காமாலை, சிறுநீர் பாதை எரிச்சல், சீதபேதி ஆகியவற்றைக் குணப்படுத்தவும் பயன்படுத்துகின்றனர்.

    வெண்பூசணி நெய் அல்லது கூழ்பாண்ட கிருதம் என்ற இந்தப் பூசணி நெய்யைச் சாப்பிட்டு வந்தால் சூலை நோய்கள் நிவர்த்தியாகும். 

    தோல் நோய்கள், பெண்குறிப் புற்று முதலியன நீங்கும். 

    உடல் சூடு, சூட்டுடன் எரிச்சல், நீர்க்கட்டு, நீர்க்குத்து முதலியன ஆண்களுக்கும், பெண்களுக்கும் நிவர்த்தியாகும். 

    எலும்புருக்கி முதலிய கொடிய நோய்கள் நிவர்த்தியாகும். 

    உடல் வலி நீக்கும் ஆண்டுக்கணக்கில் உடல் வலியால் அவதிப்படுபவர்கள் பூசணிக்காயை அடிக்கடி சமைத்துச் சாப்பிட்டால் உடல்வலி தீரும்.

    புத்தி சுவாதீனம் இல்லாதவர்களுக்கு சிகிச்சையளிக்கும் போது தினசரி பூசணிக்காய் சேர்த்து சமைத்த உணவைக் கொடுக்க புத்தி சுவாதீனம் படிப்படியாக மாறி நல்ல நிலைமைக்குத் திரும்பும். 

    குளிர்ச்சியான குணம் கொண்ட பரங்கிக்காயின் சதைப் பற்றும் பல மருத்துவ குணங்கள் கொண்டது. 

    இதனாலேயே தீப்புண்களை ஆற்றவும், வீக்கங்களைக் கரைக்கவும் பரங்கிக்காயின் சதைப்பற்றை மருத்துவர்கள் உபயோகிக்கின்றனர்.

    பரங்கிக்காயின் விதைகள் சிறுநீரைப் பெருக்கக் கூடியது, நாடாப் புழு போன்ற வயிற்றுப்பூச்சிக்களை வெளித்தள்ளக் கூடியது, ஆண்களின் புரோஸ்டேட் சுரப்பி யின் வீக்கத்தைத் தடுக்கவல்லது

    பரங்கிக் கொடியின் 100 கிராம் இலையில் சுண்ணாம்புச்சத்து 36.38 மி.கி. அளவும், மெக்னீசியம் 38.80 மி.கி. அளவும், இரும்புச்சத்து 2.04 மி.கி. அளவும், துத்தநாகச்சத்து 0.76 மி.கி. அளவும், செம்புச்சத்து 0.42 மி.கி. அளவும் அடங்கியுள்ளது.

    பரங்கிக் காயின் விதையில் இருந்து பிரிக்கப்படும் எண்ணெயில் Sterols மற்றும் Triterpenoids ஆகிய சத்துகள் அடங்கியுள்ளன.

    இந்த எண்ணெய் ஒற்றைத் தலைவலியையும் நரம்பு வலியையும் போக்கும் தன்மையுடையது.

    பரங்கிக்காயில் அடங்கியிருக்கும் சத்துகள் 100 கிராம் பரங்கிக்காயில் பின்வரும் ஊட்டச்சத்துகள் அடங்கியிருக்கின்றன.

    எரிசக்தி (எனர்ஜி) 26 கலோரி, மாவுச்சத்து 6.50 கிராம், புரதச்சத்து 1.0 கிராம், கொழுப்புச்சத்து 0.1 கிராம், நார்ச்சத்து 0.5 கிராம் ஆகியவற்றுடன் வைட்டமின்களான ஃபோலேட்ஸ் 16 மைக்ரோகிராம், நியாசின் 0.600 மி.கி, பான்டோதெனிக் அமிலம் 0.298 மி.கி, பைரிடாக்ஸின் 0.061 மி.கி, ரிபோஃப்ளேவின் 0.110 மி.கி, தயாமின் 0.050 மி.கி, வைட்டமின் சி 9.0 மி.கி, வைட்டமின் ஈ 1.06 மி.கி, வைட்டமின் கே 1.1 மைக்ரோகிராம், நீர்ச்சத்துக்களான ‘சோடியம்’ 1 மி.கி, பொட்டாசியம் 340 மி.கி, தாது உப்புக்களான சுண்ணாம்புச்சத்து 21 மி.கி, செம்புச்சத்து 0.127 மி.கி, இரும்புச்சத்து 0.80 மி.கி, மெக்னீசியம் 12 மி.கி, மாங்கனீசு 0.125 மி.கி, பாஸ்பரஸ் 44 மி.கி, செலினியம் 0.3 மை.கி, துத்தநாகம் 0.32 மி.கி, உயிர்ச்சத்துகளான கரோட்டீன் ஏ 515 மைக்ரோ கிராம், கரோட்டீன் பி 3100 மைக்ரோ கிராம், கிரிப்டோ சாந்தின் பி 2145 மைக்ரோகிராம்.

    பரங்கிக்காய் சாறு தரும் மருத்துவப் பயன்கள்

    பரங்கிக்காய்ச் சாறு கல்லீரல் மற்றும் சிறுநீரகத்துக்கு பலம் சேர்க்கிறது.

    சிறுநீரகக் கற்களால் பாதிப்படைந்தவர்களும், பித்தப்பையில் கோளாறு உடையவர்களும் தினம் 3 வேளை என பரங்கிக்காய் சாற்றை அரை டம்ளர் அளவு 10 நாட்கள் பருகுவதால் சிறுநீரக மற்றும் பித்தப்பைக் கோளாறுகள் தணியும்.

    பரங்கிச் சாறு ரத்த நாளங்களில் ஏற்பட்ட அடைப்பைப் போக்கக்கூடியது.  இதனால் மாரடைப்பு உட்பட பல இதய நோய்கள் தடுக்கப்படுகிறது. 

    பரங்கிச்சாறு ஜீரணத்தைத் தூண்டி, மலச்சிக்கலையும் போக்கக் கூடியது. 
    பரங்கிச்சாறு அமிலச் சத்தினைக் குறைக்கக்கூடியது. புண்களை ஆற்றக் கூடியது. 

    பரங்கிச்சாறு லேசான மயக்கமூட்டும் தன்மையைப் பெற்றுள்ளது. இதனால் தூக்கமின்மையைப் போக்கவல்லது. ஒரு டம்ளர் பரங்கிச் சாற்றோடு சிறிது தேன் கலந்து சாப்பிடுவதால் தூக்கம் தூண்டப்படுகிறது.

    பரங்கிச்சாற்றில் Pectin எனும் வேதிப் பொருள் அடங்கியுள்ளதால் இதைக் குடிப்பதனால் கொழுப்புச் சத்தினைக் குறைக்க உதவுகிறது. இதனால் உயர் ரத்த அழுத்தம் ஏற்படுத்தும் தீய விளைவுகளிலிருந்து பாதுகாப்பைப் பெற இயலுகிறது.

    பரங்கிச் சாற்றோடு சிறிது தேன் கலந்து சாப்பிடுவதால் உடலுக்குக் குளிர்ச்சி தரும் சிறந்த பானமாக அமைகிறது. இதனால் உடல் உஷ்ணம் தணிகிறது.

    கல்லீரலைப் பற்றிய நுண்கிருமியான ஹெப்படைட்டிஸ் ‘ஏ’ வை போக்கக்கூடியது பரங்கிச் சாறு. இதனால் கல்லீரலின் செயல்பாடுகள் மேன்மை அடைகின்றன.

    பரங்கிச்சாற்றில் அடங்கியிருக்கும் ‘வைட்டமின் ‘சி’ சத்து’ நோய் எதிர்ப்பு சக்தியை உடலுக்குத் தந்து பல்வேறு நோய்களினின்று பாதுகாப்பைத் தருகிறது. 
    பரங்கிச்சாற்றிலுள்ள வைட்டமின்களான ‘ஏ’, ‘சி’ மற்றும் ‘ஈ’ மேலும் துத்தநாகம் ஆகியன கொப்புளங்கள், கட்டிகள், வீக்கங்கள், வண்டுக்கடி ஆகியவற்றினின்று சீக்கிரத்தில் குணமடையச் செய்கின்றன.

    பரங்கிச் சாற்றை தலைக்குத் தடவி வைத்திருந்து குளிப்பதால் தலைமுடி கொட்டுவது தவிர்க்கப்படுகிறது.

    பூசணி மருந்தாகும் விதம் பரங்கிக்காயின் உட்புறச் சதையை விதைகள் நீக்கிய பின் வேகவைத்துப் பின் பிசைந்து பசையாக்கிப் புண்களின் மீது வைத்துக் கட்டுவதால் நாட்பட்ட ஆறாத புண்களும் ஆறும். 

    பரங்கிக்காயின் விதைகளைத் தோல் நீக்கிப் பொடிசெய்து 5 முதல் 10 கிராம் அளவுக்கு தினம் இருவேளை உள்ளுக்கு எடுத்துக் கொள்வதால் சிறுநீரகக் கற்கள் உண்டாவது தவிர்க்கப்படுகிறது.

    பரங்கிக்காயின் பழுத்த காம்பை எடுத்து நன்கு உலர்த்தி நீரில் அரைத்து உள்ளுக்குக் கொடுக்க நச்சுக்கள் நீங்கும்.

    20-30 கிராம் விதையை எடுத்து குடிநீரில் இட்டு தினம் இரண்டு வேளை குடித்து வர வெள்ளைப்போக்கு குணமாகும், சிறுநீரும் தாராளமாக இறங்கும். வெண்பூசணியைத் தொடர்ந்து மூன்று மாதம் உணவோடு சேர்த்து வர இளைத்த உடம்பு பருக்கும். 

    வெண்பூசணியின் சாறு 30 மி.லி. அளவு எடுத்து அதனுடன் 10 மி.லி. தேன் கலந்து உள்ளுக்குப் பருகுவதால் இதயம் பலப்படும், ரத்தமும் சுத்தமாகும்.

    ரத்தபித்தம், சயம், இளைப்பு, பலவீனம், இதய நோய், இருமல் உள்ளவர்கள்

    நல்ல நோய் நிவாரணம் கிடைப்பதைத் தெரிந்துகொள்ள முடியும். 

    சிறுநீரகம் சம்பந்தமான நோய் உள்ளவர்கள் பூசணிக்காய்ச் சாறு 120 மில்லியில் ஒரு தேக்கரண்டி சர்க்கரையும், இரண்டு தேக்கரண்டி தேனும் கலந்து சாப்பிட்டு வந்தால், நோய்கள் முழுமையாக நிவர்த்தியாகும். 

    பூசணி விதையை பொடி செய்து வைத்துக்கொண்டு வேளைக்கு 10 கிராம் அளவில் தினசரி இருவேளை சாப்பிட்டு வந்தால், ஆஸ்துமா குணமாகும்.

    சுவாச உறுப்புக்கள் பலப்படும். இருதய பலவீனம் நீங்கி பலப்படும். நல்ல பசியுண்டாகும். மலச்சிக்கல் நீங்கும்.

    பூசணிக்காய் சாறு 30 மில்லியளவு சர்க்கரை சேர்த்து காலை, மாலை சாப்பிட்டு வர வலிப்பு நோயின் தீவிரம் குறைந்துவிடும். நரம்புத் தளர்ச்சி, வயிற்றுப்புண் மேகவெட்டை, பிரமேக நோய் ஆகியவை உள்ளவர்களுக்கு நோயின் தீவிரம் குறையும்.


    - Dr. S. அருள்சொரூபி.M.D.,(S), தலைமை சித்த மருத்துவர்,
    சித்தன் சித்த மருத்துவ ஆராய்ச்சி நிலையம், மேல்மருவத்தூர்.

    ]]>
    health, பூசணிக்காய், உணவே மருந்து, வெண்பூசணி, poosani, ven poosani https://www.dinamani.com/health/healthy-food/2019/jan/19/poosani-kai-3079306.html
    3073824 மருத்துவம் உணவே மருந்து ஒரே ஒரு  மிளகு போதும் இந்த குளிர்காலத்தை கடந்துவிடலாம்! Wednesday, January 9, 2019 11:04 AM +0530  

    • ஒரே ஒரு  மிளகு போதும்.... சுவைக்காக!
    • இரு மிளகெடுத்து,  இரண்டொரு  ஆடாதோடா  இலை சேர்த்து உண்டு வர இருமல், சளி காணாமல் போகும்.
    • மூன்று  மிளகெடுத்து  வெங்காயம்  சேர்த்தால் கேசம் அடர்த்தியாக வளரும்.
    • நான்கு மிளகும்,  சுக்கும் சிறிது  கலந்தால்  நெஞ்சுவலி  சொல்லாமல்  போகும்.
    • ஐந்து  மிளகும், சுக்கும், திப்பிலியும்  இணைந்தால்  கோழை ஓடியே போகும்.
    • ஆறு மிளகெடுத்து,   பெருஞ்சீரகம் ( சோம்பு) இழைத்து  உண்ண,  மூல நோய் வந்த சுவடின்றி தானே மறையும்.
    • ஏழு மிளகைப்  பொடி செய்து, நெய்  கலந்து அன்னம் பிசைந்து  உண்டால், நல்லபசி  எடுக்கும்.
    • எட்டு மிளகோடு பெருங்காயம் சேர்த்துக் கொண்டால், வாந்தி  கூட  எட்டி நிற்கும்.
    • ஒன்பது மிளகும்,  துளசியும், ஒவ்வாமையை  துரத்தியடிக்கும்.
    • பத்து  மிளகை  வாயில்  போட்டுக்  கடித்து  மென்று  விட்டு,  பகைவன் வீட்டிலும் பயமின்றி விருந்து  உண்ணலாம். 
    ]]>
    pepper, black pepper, milagu, மிளகு, பெப்பர் https://www.dinamani.com/health/healthy-food/2019/jan/09/benefits-of-black-pepper-3073824.html
    3067355 மருத்துவம் உணவே மருந்து தயிரில் இத்தனை இத்தனை நன்மைகளா? Saturday, December 29, 2018 02:08 PM +0530 ஒரு கை நிறைய தயிரை எடுத்து தலையில் நன்றாக தேய்த்தால் தூக்கம் நன்றாக வரும்.

    தயிரில் உள்ள புரோட்டீன், பாலில் உள்ள புரோட்டீனை விட சீக்கிரமாகவே ஜீரணமாகிவிடும். தயிர் நம் உடலுக்கு ஓர் அரு மருந்து.

    குளிர்ச்சியைத் தரும். நல்ல ஜீரண சக்தியை தருவது தயிர்தான்.

    பால் சாப்பிட்டால் ஒரு மணி நேரம் கழித்து 32% பால்தான் ஜீரணமாகியிருக்கும். ஆனால், தயிர் சாப்பிட்ட ஒரு மணி நேரத்தில் 91% உடனே ஜீரணிக்கப்பட்டிருக்கும்.

    பாலைத் தயிராக மாற்றும் பாக்டீரியா, குடலில் உருவாகும் நோய் கிருமியான பாக்டீரியாவின் வளர்ச்சியைத் தடுக்கிறது.

    தயிரில் இருக்கும் பாக்டீரியா ஜீரண சக்தியை அதிகரிக்கும் நன்மை செய்யும் பாக்டீரியாவை உருவாக்குகிறது.

    பாலில் LACTO இருக்கிறது. தயிரில் இருப்பது LACTOBACIL. இது ஜீரண சக்தியை தூண்டி வயிற்றின் உபாதைகளை சரி செய்கிறது.

    வயிறு சரியில்லாத பொழுது வெறும் தயிர் சோறு மட்டுமாவது உணவாக உட்கொள்ளச் சொல்லி மருத்துவர்கள் சொல்வார்கள்.

    அதிகமாக வயிற்றுபோக்கு ஏற்படும் பொழுது வெந்தயம் + தயிர் 1 கப் சாப்பிட்டால் வயிற்று பொருமல் அடங்கும்.

    பிரியாணி போன்று உடலுக்கு சூடு தரும் உணவுவகைகளை சாப்பிடும் பொழுது வயிற்றுக்கு அதிகம் கேடு விளைவிக்காமல் இருக்கத்தான் தயிர் "ரயித்தா' சாப்பிடுகிறோம்.

    மெனோபாஸ் பருவத்தை எட்டப் போகும் பெண்களுக்கு தயிர் மிகவும் உபயோகமாகிறது. உடலுக்குத் தேவையான அதிக கால்சியத்தை தயிர் வழங்குகிறது.

    வெண்ணெய் காய்ச்சி இறக்கும் பொழுது சிறிது தயிர் சேர்த்தால் நெய் வாசமாக இருக்கும்.

    தயிர் புளிக்காமல் 2-3 நாள் இருக்க தேங்காயைச் சிறு துண்டுகளாக்கி சேர்த்தால் புளிக்காது.

    வெண்டைக்காய் வதக்கும் பொழுது ஒரு ஸ்பூன் தயிர் சேர்த்தால் நிறம் மாறாமல், பிசுபிசுக்காமல் இருக்கும்.

    வாழைப்பூ, வாழைத்தண்டு இவற்றை தயிர் கலந்த நீரில் போட்டு வைத்தால் நிறம் மாறாது.
    - வேதவல்லி

    ]]>
    curd, தயிர், உடல்நலம் https://www.dinamani.com/health/healthy-food/2018/dec/29/useful-curd-3067355.html
    3018365 மருத்துவம் உணவே மருந்து சூப்பர் டேஸ்டியாக சுண்டல் தயாரிக்க ருசிகர டிப்ஸ்! Thursday, October 11, 2018 05:32 PM +0530  

    சுண்டல் சுவையும் அதிகளவு புரதச் சத்தும் மிகுந்த ஒரு ஆரோக்கிய உணவு. இந்த பண்டிகை சீஸனில் விதவிதமான சுண்டல்களைத் தயார் செய்து அசத்த இதோ சில குறிப்புக்கள். 

    சுண்டலுக்கான கொண்டைக் கடலையை ஊற வைத்த பின்பு வெயிலில் ஒரு மணி நேரம் வைத்துவிட்டு பிறகு வேக வைத்தால் சுண்டல் சுருக்கமின்றி பெரிது பெரிதாக இருக்கும்.

    சுண்டலுக்கு தேங்காய்த் துருவலை சற்று வறுத்துப் போட்டால் கெடாது. கொப்பரைத் துருவலையும் போடலாம். இட்லி மிளகாய்ப் பொடி தூவினாலும் சுவையாக இருக்கும்.

    சுண்டலில் கேரட், பீட்ரூட் துருவல் சேர்த்தால் நிறம் அழகாக இருக்கும். உடம்புக்கும் நல்லது.

    சுண்டலுக்கு கடலையை ஊற வைக்கும்போது சிறிது சமையல் சோடாவை சேர்த்து கழுவி விட்டு வேறுநீரில் ஊற வைத்தால் விரைவில் வெந்துவிடும்.

    கடலைப் பருப்பு, பாசிப்பருப்பு சுண்டல் செய்ய முன்பே ஊற வைக்க வேண்டாம்.

    அவலை வறுத்துப் பொடித்து சர்க்கரைப் பொடி ஏலக்காய்ப் பொடி கலந்து நெய் விட்டுப் பிசைந்து உருண்டைகள் பிடித்து நவராத்திரி தேவிகளுக்கு நைவேத்யம் செய்யலாம்.

    கடலைப் பருப்பை ஊற வைத்து சுண்டல் செய்து கீழே இறக்கும்போது சர்க்கரையை தூவி கலந்து இறக்கினால் ஜோராக இருக்கும்.

    முழு கடலையை சுண்டல் செய்யும் போது மேலே மசால் பொடியைத் தூவி கலந்து கிளறி இறக்கினால் சுவையாக இருக்கும்.

    பச்சைப் பயறை வேக வைத்து வெல்லப் பாகு வைத்து அதில் கலந்து இனிப்புச் சுண்டலும் செய்யலாம். காரச் சுண்டல் செய்தால் பெருங்காயம் தூவி செய்தால் வாய்வு வராது.

    வேர்க்கடலையைச் சுண்டல் செய்யும்போது மாங்காயையும், காரட்டையும் துருவி சேர்த்து குடமிளகாய் துருவி கலந்தால் சூப்பர் டேஸ்ட்டாக இருக்கும்.

    எல்லாச் சுண்டலுக்குமே பொடி உப்பு தூவி கலந்தால் ஒன்று போல உப்பு சேர்ந்திருக்கும்.

    பாசிப்பருப்பு சுண்டலில் வெல்லத்தை தட்டி மேலே தூவினால் நன்றாக இருக்கும்.
    - ஆர். ஜெயலட்சுமி

     

    ]]>
    sundal, tips, tasty spicy, navaratri dishes, சுண்டல், நவராத்திரி, கொலு https://www.dinamani.com/health/healthy-food/2018/oct/11/tips-for-cooking-sundal-3018365.html
    3017005 மருத்துவம் உணவே மருந்து உங்கள் ஆரோக்கியத்தை மீட்டெடுக்கும் சிறுதானியங்கள்! ஸ்ரீதேவி Tuesday, October 9, 2018 05:55 PM +0530 'இன்றைய கால சூழலில் உணவு என்பது கவர்ச்சிகரமானதாகிவிட்டது. 30 ஆண்டுகளுக்கு முன்பு 'நூடுல்ஸ்' என்றால் என்னவென்றே தெரியாது. ஆனால் இன்று பீட்சா, பர்க்கர் எல்லாம் கிராமப்புறங்கள் வரை தொலைக்காட்சி விளம்பரங்கள் மூலமாக சென்றுவிட்டது. இந்த உலகமயமாக்கல் என்பது உணவின் தன்மையையே மாற்றிவிட்டது. நம்மைப் போன்ற பாரம்பரியம் மிக்க ஒரு நாட்டில் வெளிநாட்டு உணவுகளின் மீதான மோகம் அந்த பாரம்பரியத்தை பின்னுக்குத் தள்ளிவிட்டது. அதிலும் சென்னை போன்ற நகரங்களில் கொரியன், வியட்நாம், ஆப்ரிக்கன், எத்தியோப்பின், ஸ்பானிஷ், கிரீக் என கிடைக்காத உணவுகளே இல்லை. இப்படி நமது பாரம்பரியம் மறைய ஆரம்பித்ததனால்தான் உடல் ஆரோக்கியத்தில் பிரச்னைகள் உருவாக ஆரம்பித்துவிட்டது. உடல் நலம், மனம், பழக்கவழக்கம் என எல்லாமே பிரச்னையாகிப் போனது. இதனால் ஆரோக்கியமான உணவை மீண்டும் மீட்டெடுக்க வேண்டும் என்ற எண்ணத்தில் சிறுதானியங்களை மட்டுமே பிரதானமாக கொண்ட உணவகத்தை தொடங்கினோம்'' என்கிறார் சென்னை அண்ணாநகரில் உள்ள "கிராம போஜனம்' உணவகத்தை நிர்வகித்து வரும் கிருஷ்ணமூர்த்தி. இது குறித்து அவர் நம்முடன் பகிர்ந்து கொண்டவை: 

    'ஒசூர் எனது பூர்வீகம். கடந்த 34 ஆண்டுகளாக உணவு சம்பந்தப்பட்ட துறையில் பணியாற்றி வருகிறேன். பணி நிமித்தமாக இந்தியாவின் பல மாநிலங்களுக்கும், பல வெளிநாடுகளுக்கும் பயணம் செய்துள்ளேன். 

    இன்றைக்கு இருக்கும் பெரும்பாலான இளம் தாய்மார்களுக்கு சரியான உணவு என்ன என்பது கூட தெரியாமல் போனதால், பிள்ளைகளுக்கு சரியான சரிவிகித உணவு கிடைக்காமல் போனது. அதேபோன்றுதான் நமது சூற்றுசூழல், காற்று, தண்ணீர் என எல்லாவற்றையும் மாசுப்படுத்திவிட்டோம். இதுவும் நமக்கு ஆரோக்கியமான உணவு கிடைக்காமல் போக ஒரு காரணமாகிவிட்டது. இவையெல்லாம் என் மனதை அரித்துக் கொண்டே இருக்க, ஒரு கட்டத்தில் பார்த்து வந்த வேலையை விட்டுவிட்டு மக்களுக்கு ஆரோக்கிய உணவுகளை வழங்க வேண்டும் என்று முடிவு செய்தேன். அந்த எண்ணத்தில் உருவானதுதான் இந்த கிராம போஜனம்.

    கிராம போஜனம் என்றதும் நம்ம ஊரு கிராமப்புற உணவுகள் மட்டுமில்லாமல். ஆந்திராவின் பெசரட் என்னும் பச்சை பயறு தோசை, கேரளாவின் ரெட் ரைஸ் தோசை, கர்நாடகாவின் தட்டு இட்லி, பென்ன தோசை, குஜராத்தின் கம்பு ரொட்டி, மகாராஷ்ட்டிராவின் சோள ரொட்டி என இந்திய முழுக்கவுள்ள பல கிராமங்களின் பிரபல உணவுகளையும் தேடித்தேடி தேர்வு செய்து வைத்திருக்கிறோம். 

    அந்த காலத்தில் யாரும் கடைக்குச் சென்று பெரும்பாலும் காய்கறிகள் வாங்கி வரமாட்டார்கள். அவரவர் வீட்டுக்கு பின்னால் உள்ள தோட்டத்தில் விளையும் கீரை, காய்கறி என பறித்து வந்து சமைப்பார்கள். பெரிய மெனக்கெடல் எல்லாம் இருக்காது. வீட்டில் இருப்பதைக் கொண்டே சமைத்தார்கள். சமையலும் ருசித்தது. ஆனால், இன்று அதெல்லாம் மறக்கடிக்கப்பட்டுவிட்டது. அதனால் மறக்கடிக்கப்பட்டு வரும் நமது சிறுதானியங்களை மீட்டெடுத்து, இன்றைய கால சூழலுக்கெற்ற வகையில் தயாரிக்கிறோம். அரிசி, மைதா , வனஸ்பதி, வெள்ளை சர்க்கரை, கலர்ஸ், ஃபேளவர்ஸ், கெமிக்கல்ஸ், வினிகர், அஜினமோட்டோ என எதுவும் எங்கள் உணவில் கிடையாது. சோடா உப்பு கூட சமையலில் சேர்ப்பது கிடையாது. அந்த காலத்தில் கிராமங்களில் எப்படி சமைத்தார்களோ அப்படியே சமைக்கிறோம். சுவைமிக்க, ஆரோக்கியமான பாரம்பர்யம் மிக்க உணவு மட்டும்தான் எங்களின் கான்சஃப்ட்.

    அன்றாடம் நாம் பயன்படுத்தும் இட்லி, தோசை போன்ற உணவுகளை சிறுதானியங்களில் கொடுக்கிறோம். உதாரணமாக, காராமணி, மொச்சை, பட்டாணி யுடன் ராகி சப்பாத்தி, 3 சின்ன களி உருண்டைகளுடன் அவரைக்காய் காரகுழம்பு, பெரும்பாலும் இங்கிருப்பவர்களுக்கு களி சாப்பிடத் தெரியாது. அதனால் சின்ன உருண்டைகளாக யூஸர் பிரெண்ட்லியாக உருவாக்கினோம். வரகில் நான்கு வகையான கலவை சாதம், ஒருநாள் எலுமிச்சை சாதம், தேங்காய் சாதம், புளிசாதம், கீரை சாதம் என கொடுக்கிறோம். 

    நான்கு ஆண்டுகளுக்கு முன்பு அடையாறில்தான் முதன்முதலில் தொடங்கினேன். மிகச் சிறிய அளவில் சாதரணமாக இருந்த பழைமையான ஒரு வீட்டில் தான் தொடங்கினேன். தற்போது வரவேற்பு கூடிக் கொண்டே வருவது மகிழ்ச்சியளிக்கிறது. 

    ]]>
    millets, health, lifestyle, சிறுதானியங்கள், உடல்நலம், உணவு https://www.dinamani.com/health/healthy-food/2018/oct/09/உங்கள்-ஆரோக்கியத்தை-மீட்டெடுக்கும்-சிறுதானியங்கள்-3017005.html
    3013824 மருத்துவம் உணவே மருந்து உடல் இளைத்துக் காணப்படுபவர்கள் தேற இதை முயற்சித்துப் பாருங்கள்! Thursday, October 4, 2018 01:07 PM +0530  

    • கொழு கொழுவென குண்டாக இருப்பவர்களுக்கு, உடல் இறுகி மெலிய, கொள்ளுப் பயறு கொடுக்க வேண்டும்.
    • எள், எள்ளில் இருந்து வரும் நல்லெண்ணெய்யைக் கொடுக்க உடல் இளைத்துக் காணப்படுபவர்கள் தேறி, உடல் எடை அதிகரிக்கும்.
    • கடுகை அரைத்து வலியுள்ள பகுதியில் போட்டால் வலி குறைந்து விடும்.
    • தினமும் குடிநீரைக் காய்ச்சும் போது ஒரு கைப்பிடி சுக்கைத் தட்டிப் போடலாம். தேவைப் பட்டால் குடிநீரை வடிகட்டிக் கொள்ளலாம். மருத்துவ குணங்களைக் கொண்ட இப்பொருள், ஜீரணத்துக்கு உதவும், வாயுவை அகற்றும், மலச்சிக்கல் இருக்காது. தண்ணீரும் குடிக்கச் சுவையாக இருக்கும்.
    • வாய்ப் புண்ணுக்கு கொப்பரைத் தேங்காயை கசகசாவுடன் சேர்த்துச் சாப்பிட்டால் குணமாகும்.
    • வசம்பை எடுத்துச் சுட்டுக் கரியாக்கி அதனுடன் நல்லெண்ணெய், தேங்காய் எண்ணெய், விளக்கெண்ணெய் ஆகிய மூன்றையும் கலந்து அடிவயிற்றில் பூசினால் வயிற்றுப் பொருமல் நீங்கும்.
    • தயிரை உடம்பில் தேய்த்துக் குளித்தால் வேர்குருவை விரட்டி அடிக்கலாம்.
    • எறும்புகள் போன்ற பல்வேறு பூச்சிகள் கடித்து வலி, வீக்கம் போன்றவை ஏற்பட்டால் வெங்காயத்தை நறுக்கி அந்த இடத்தில் தேய்க்கவும்.

    - பா.பரத்

    ]]>
    tips, weight gain, weight loss, டிப்ஸ், உடல் எடை, எடை குறைக்க, உடல் நலம் https://www.dinamani.com/health/healthy-food/2018/oct/04/tips-to-gain-weight-3013824.html
    3008365 மருத்துவம் உணவே மருந்து உங்கள் அம்மாவின் சுவை! இப்படியொரு ஆரோக்கிய உணவகமா?  - ஸ்ரீதேவி Wednesday, September 26, 2018 05:29 PM +0530 கடந்த 12 ஆண்டுகளாக சென்னை, கீழ்கட்டளை பகுதியில் 'உங்கள் அம்மாவின் சுவை' என்ற உணவகத்தை நடத்தி வருகிறார் நாகலட்சுமி. உணவகம் என்றதும் வழக்கமான சாம்பார், கூட்டு, பொரியல் போன்றவை தானே இருக்கும் இதிலென்ன ஸ்பெஷல் என நினைக்கிறீர்களா? இவர் வழக்கமான கூட்டு பொரியல் வகையறாக்களை முற்றிலும் தவிர்த்து விட்டு முழுக்க முழுக்க இயற்கை சார்ந்த ஆரோக்ய உணவுகளை மட்டுமே தயார் செய்து வழங்கி வருகிறார்.

    இது குறித்து நாகலட்சுமி நம்முடன் பகிர்ந்து கொண்டவை: 'செவிலியர் படிப்பு முடித்ததும் திருமணம். பின்னர், ஒரு மருத்துவமனையில் செவிலியராக பணி புரிந்து வந்தேன். பின்னர், குழந்தைகள் பிறந்து வளர வளர கணவரின் வருமானமும், என்னுடைய வருமானம் போதவில்லை. எனவே, உபரியாக சிறு வருமானம் ஏதாவது வந்தால் நன்றாக இருக்குமே என்று தோன்றியது. இதனால் வீட்டிற்கு அருகிலேயே ஒரு மளிகைக் கடையை தொடங்கினேன். நர்ஸாக இருந்து கொண்டே மளிகைக் கடையும் பார்த்து வந்தேன். இதனால் கடைக்கும், நான் பணி செய்த மருத்துவமனைக்கும் தினமும் 12 கி.மீ. பயணம் செய்ய வேண்டியிருந்தது. ஒரு கட்டத்தில் நர்ஸ் வேலையைத் தொடர முடியாமல் போக, கடையை மட்டுமே கவனித்து வந்தேன். ஆரம்பத்தில் ஓரளவு வருமானம் கிடைத்து வந்தது.

    பின்னர், எங்கள் கடை இருந்த பகுதியில் நிறைய ஹோல்சேல் கடைகள் வந்து வந்தன. இதனால் அந்தப் பகுதி மக்கள் அனைவரும் அங்கேயே மளிகைச் சாமான்கள் வாங்க தொடங்கினர். எங்களுக்கு நஷ்டம் ஏற்பட தொடங்கியது. இதனால் சுற்றி இருந்த எல்லாரும் கடையை முடிவிட்டு மீண்டும் நர்ஸ் வேலைக்கே செல் என்று ஆலோசனை வழங்கினர்.

    கொஞ்சம் காலம் சொந்த கடையில் சுதந்திரமாக வேலை செய்து பழகி விட்டதால், மீண்டும் வேலைக்குச் செல்ல பிடிக்கவில்லை. அதுவுமில்லாமல் கடையில் இருந்த போது குழந்தைகளை பக்கத்திலிருந்து கவனித்துக் கொள்ளும் வாய்ப்பும் அதிகம் இருந்ததால் அதை விட்டு விட மனம் வரவில்லை.

    இதனால் வேறு என்ன செய்யலாம் என்று யோசித்த போது, எனக்கு சமையல் நன்றாக வரும். அதனால் சின்னதாக மெஸ் வைக்கலாம் என்ற எண்ணம் தோன்ற, வீட்டில் பெட் ரூம் இருந்த பகுதியை உடைத்து தெரு பக்கம் வாசல் வைத்து பெட்ரூமையே மெஸ்ஸாக மாற்றினேன். பின்னர், எனது மெஸ்ஸில் வழக்கமான சாம்பார், கூட்டு, பொரியல் வகைகளை வைக்காமல், மூலிகை சாதங்களான நெல்லிக்காய் சாதம், கொத்துமல்லி சாதம், கருவேப்பிலை சாதம், சீரக சாதம், தனியா சாதம், கொள்ளு சாதம், எள்ளு சாதம், இஞ்சி சாதம், பூண்டு சாதம் என என் அம்மா சொல்லிக் கொடுத்த மூலிகை சாதங்களை மட்டுமே செய்து கொடுத்தேன்.

    நானே எதிர்பாராத அளவு மக்களிடம் நல்ல வரவேற்பு கிடைத்தது. அதிலிருந்து தொடர்ந்து 12 ஆண்டுகளாக மெஸ் நடத்தி வருகிறேன். சமீப காலமாக மக்கள் ஆரோக்ய உணவு வகைகளை தேடிச் செல்ல தொடங்கியதால் தற்போது முடக்கத்தான் கீரை சாதம், கீழாநெல்லி சாதம், பசலைக்கீரை சாதம், அரைக்கீரை சாதம், சிறு கீரை சாதம், புளிச்சக் கீரை சாதம், மணத்தக்காளி சாதம், சுண்டைக்காய் சாதம், பாகற்காய் சாதம் என வழங்கி வருகிறேன்.

    ஆரம்பத்தில் கீரை சாதமா? நல்லா இருக்குமா? என்று கேட்டவர்கள் அதன் சுவையை அறிந்தவுடன் தொடர்ந்து வர ஆரம்பித்தார்கள். தற்போது கீரை சாதத்திற்காக தேடி வருபவர்களின் எண்ணிக்கையே அதிகமாக உள்ளது. மேலும், 12 ஆண்டுகளாக எங்கள் மெஸ்ஸுக்கு தொடர்ந்து வரும் வாடிக்கையாளர்களும் இருக்கிறார்கள். இதுவே எனக்கு கிடைத்த வெற்றியாக நினைக்கிறேன்’ என்றார் நாகலட்சுமி.
     

    ]]>
    green, keerai, healthy food https://www.dinamani.com/health/healthy-food/2018/sep/26/உங்கள்-அம்மாவின்-சுவை-இப்படியொரு-ஆரோக்கியஉணவகமா-3008365.html
    3007619 மருத்துவம் உணவே மருந்து சகல ஆரோக்யம் நல்கும் ‘சாத்வீக போஜனம்’ பற்றி தெரிந்து கொள்ளுங்கள்! கஸ்தூரி ராஜேந்திரன், தேனி. Tuesday, September 25, 2018 12:36 PM +0530  

    மனிதர்களுக்கு மூன்றே மூன்று காரணங்களால் தான் உடல் ஆரோக்யம் கெடுகிறது. அந்தக் காரணங்கள் வாதம், பித்தம் மற்றும் கபம். இந்த மூன்றையும் சீராக வைத்துக் கொண்டால் நீங்கள் ஆரோக்யமானவர் என்று பொருள். இந்த மூன்றையும் எப்படி சீரக வைக்க முடியும் என்றால் நமது உணவுப் பழக்கத்தில் இருக்கிறது அதற்கான தீர்வு. மனித குணங்களை ரஜோ குணம், தமோ குணம், சத்துவம் அல்லது சாத்வீக குணம் என்று வகைப்படுத்தி இருப்பதைப் போல உணவுகளையும் நமது சித்தர்களும், முனிவர்களும் வகைப்படுத்தி இருக்கிறார்கள். அதன்படி ரஜோ குண இயல்பு கொண்ட உணவு வகைகளை அதிகம் உண்ணும் பழக்கம் கொண்டவர்களுக்கு கோபம், காமம், குரோதம் போன்ற ரஜோ குணங்கள் அதிகமிருக்கும். அதே போல தமோ குண இயல்பு கொண்ட உணவு வகைகளை அதிகம் உண்பவர்களுக்கு பசியின்மை, மந்தம், மூளைச்சோர்வு, அதீத தூக்க உணர்வு போன்ற பிரச்னைகள் இருக்கும். பொதுவாக மேற்கண்ட இரு குண இயல்பு கொண்ட உணவு வகைகளுமே உடல் ஆரோக்யத்துக்கு நல்லதல்ல. இந்த இரு வகை குண இயல்புகளையும் மட்டுப்படுத்தி இயல்பான தூக்கம், பசி, சுறுசுறுப்பான இயக்கம், ஆற்றல் போன்றவற்றுக்கு வித்திடும் சத்துவ குண உணவு வகைகளே உடல் ஆரோக்யத்துக்கு உகந்தது. அதென்ன சத்துவ குணம் என்கிறீர்களா? சத்துவ குணம் என்பது எல்லாவிதமான சூழலிலும் பதற்றமின்றி, கோப தாபங்கள் இன்றி நிதானமாகச் சிந்தித்து செயல்படக் கூடிய ஆற்றலை வழங்கும் தன்மையே சாத்வீகம். இந்தக் குணம் மனிதனின் உடல் ஆரோக்யத்தை மட்டுமே மேம்படுத்துவதில்லை... மன ஆரோக்யத்துக்கும் உகந்தது இது. அப்படிப்பட்ட சாத்வீக டயட் ரெஸிப்பி ஒன்றை தினமணி வாசர்களுக்கு வழங்குகிறோம். இதில் மலையாள முறைப்படி டயட் அளிக்கப்பட்டுள்ளது. இதை நமது தமிழ் முறைப்படி கறிவேப்பிலை மசாலா மோர், முளைகட்டிய பயறு சாலட், சிறுதானிய சாதம், சுரைக்காய்ப் பச்சடி, கீரை மசியல், கேழ்வரகு பனைவெல்ல அடை என்று நமக்குப் பழக்கமான முறையிலும் செய்து தினமும் மதிய உணவாக இந்த டயட்டைப் பின்பற்றலாம்.சாத்வீக டயட்டின் முக்கிய நிபந்தனை அதில் சாலட் தவிர மற்ற எந்த ரெஸிப்பியிலும் துளி எண்ணெய் கூட சேர்க்கக் கூடாது. உப்பு கல்லுப்பு அல்லது இந்துப்பு மட்டுமே சேர்க்க வேண்டும். சுத்திகரிக்கப்பட்ட உப்பு சேர்க்கக் கூடாது. அறுசுவைகளும் சமநிலை பெற வேண்டும். எந்த ஒரு சுவையும் தனித்து தன்னாட்சி செய்யக்கூடாது. 
     
    மஞ்சள் இலை மோர்...

    சாத்வீக போஜனத்தில் முதல் செய்முறையாக மஞ்சள் இலை சேர்த்த மோர் எப்படி தயாரிப்பதென்று தெரிந்து கொள்வோம். 

    தேவையான பொருட்கள்:

    • தயிர் - 1 கப்
    • மஞ்சள் இலை - 1 கனு
    • பச்சை மிளகாய் - 1
    • இஞ்சி - 1 சிறு துண்டு
    • கறிவேப்பிலை - 1 ஆர்க்
    • இந்துப்பு - தேவைப்பட்டால் 1 சிட்டிகை
    • தண்ணீர் - தேவைப்பட்டால் கொஞ்சம்

    செய்முறை...

    மஞ்சள் இலையை பொடியாக நறுக்கி மிக்ஸியில் இடவும் அதனுடன் பொடியாக நறுக்கிய இஞ்சி, பச்சை மிளகாய், கறிவேப்பிலை அனைத்தையும் சேர்த்து தேவைப்பட்டால் கல் உப்பு அல்லது இந்துப்பு, அரை கப் தண்ணீர் சேர்க்கலாம். இவற்றுடன் 1 கப் தயிரையும் சேர்த்து அனைத்து பொருட்களையும் நன்கு அரைக்கவும். இப்போது மஞ்சல் இலை சேர்த்த மோர் தயார். 

    முளைகட்டிய பயறு சாலட்....

    • முளை கட்டிய பச்சைப் பயறு - 2 கப்
    • முளை கட்டிய உளுந்துப் பயறு - 2 கப்
    • புடலங்காய் - ஒரு சிறு துண்டு (பொடியாக நறுக்கிக் கொள்ளவும்)
    • தேங்காய் எண்ணெய் - 2 டேபிள் ஸ்பூன்
    • எலுமிச்சைச் சாறு - 2 டீஸ்பூன்
    • தேன் - 2 டேபிள் ஸ்பூன்
    • கறிவேப்பிலை - 1 ஆர்க்
    • மிளகுத்தூள் - 1 சிட்டிகை
    • கல் உப்பு - தேவைப்பட்டால் சிறிது.

    முளைகட்டி இரண்டு நாட்களாகி வெளியில் நன்றாக முளைவிட்ட பச்சைப் பயறு மற்றும் கருப்பு உளுந்துப் பயறு இரண்டையும் எடுத்துக் கொள்ளவும். முளை கட்டல் இளசாக இல்லாது சற்று முற்றியிருந்தால் மட்டுமே பயறில் இருக்கும் முழுச்சத்தும் கிடைக்கும். ஒரு அகலமான பெளலில் முதலில் தேங்காய் எண்ணெய் எடுத்துக் கொண்டு அதனுடன் எலுமிச்சைச் சாற்றை நன்கு கலந்து அவற்றுடன்  முளைகட்டிய தானியங்களையும் பொடியாக நறுக்கிய அரை வேக்காட்டில் 3 முதல் 4 நிமிடங்களுக்கு மட்டுமே வேக வைத்து எடுத்த ஆர்கானிக் புடலங்காயையும் சேர்க்கவும்.

    இந்த சாலட் சத்துமிக்கது மட்டுமல்லாமல் எடைகுறைப்பிலும் முக்கிய பங்கு வகிக்கிறது. இதை யார் வேண்டுமானாலும் சாப்பிடலாம்.

    எள் ஞவர அரிசி சாதம்...

    • ஞவர அரிசி - 1 கப்
    • கருப்பு எள் - எ டீஸ்பூன்
    • எண்ணெய் - 2 டேபிள் ஸ்பூன்
    • வெந்தயம் - 1/4 டீஸ்பூன்
    • கடுகு - 1/2 டீஸ்பூன்
    • காய்ந்த சிவப்பு மிளகாய் - 2 (விதை நீக்கப்பட்டது)
    • தக்காளி - 2 (பொடியாக நறுக்கிக் கொள்ளவும்)
    • மஞ்சள் தூள் - 1/2 டீஸ்பூன்
    • மிளகுத்தூள் - 1/2 டீஸ்பூன்
    • தனியாத்தூள் - 1/2 டீஸ்பூன்
    • மிளகாய்த்தூள் - 1/2 டீஸ்பூன்
    • கல் உப்பு - தேவையான அளவு
    • தண்ணீர் - தேவையான அளவு

    செய்முறை...

    ஞவர அரிசி என்பது கேரளாவில் மட்டுமே விளையக்கூடிய ஸ்பெஷல் அரிசி. இது காரரிசி என்ற பெயரில் தமிழகத்திலும் கிடைக்கிறது. 1 கைப்பிடி எள்ளில் 1 டம்ளர் பாலுக்கு நிகரான கால்சியம் சத்து இருக்கிறது. ஞவர அரிசியை அடுப்பில் வெறும் பாத்திரத்தில் சமைக்க விரும்பினால் குறைந்த பட்சம் 1 மணியிலிருந்து 1 1/2 மணி நேரம் ஆகலாம். அதே பிரஸ்ஸர் குக்கரில் வைத்தீர்கள் என்றால் 5 விசில் வரும் வரை காத்திருந்து அடுப்பை அணைத்தால் வெந்த அரிசி கிடைக்கும். அடுத்ததாக வாணலியை அடுப்பில் ஏற்றி தாளிக்க வேண்டியவற்றைத் தாளித்த பின் தக்காளி சேர்த்து வதக்கி நன்கு வதங்கியதும் வேக வைத்து இறக்கிய ஞவர அரிசிச் சாதம் கலந்து நன்கு கிளறி இறக்கிப் பரிமாறலாம்.

    எரிசேரி அலைஸ் ஒடச்ச கறி...

    தேவையான பொருட்கள்...

    • சேனைக்கிழங்கு - 1 கப் (பொடியாக நறுக்கியது)
    • வாழைக்காய் - 1 கப்  (பொடியாக நறுக்கியது)
    • சிவப்புக் காராமணி - 1 கப்
    • துருவிய தேங்காய் - 1/2 கப்
    • மஞ்சள் தூள் - 2 டீஸ்பூன்
    • சீரகம் - 1/2 டீஸ்பூன்
    • மிளகுத்தூள் - 1/2 டீஸ்பூன்
    • கறிவேப்பிலை - 1 ஆர்க்
    • உப்பு - தேவையான அளவு
    • தண்ணீர் - தேவையான அளவு

    செய்முறை...

    அடுப்பில் வாணலியை ஏற்றிப் பற்ற வைக்கவும். வாணலி சூடானதும் அதில் எண்ணெய் விடாமல் வேக வைத்து எடுத்த சேனைக்கிழங்கு மற்றும் வாழைக்காய்த்துண்டுகள் சேர்த்து கிளறவும். ஒரு கொதி வந்ததும் அதனுடன் வேக வைத்த சிவப்புக் காராமணி சேர்த்து அம்மியில் அரைத்தெடுத்த மேற்கண்ட மசாலாக்கள் சேர்த்து நன்கு கிளறவும். கிழங்கும், பருப்பும் மசாலாவுடன் சேர்ந்து நன்கு வெந்ததும் இறக்கிப் பரிமாறலாம்.

    கோவக்கா தோரன்...

    தேவையான பொருட்கள்...

    • நாட்டுக் கோவைக்காய் - 2 கப் ( சிறு சிறு சக்கரங்களாகப் மெல்லிசாக நறுக்கியது)
    • கடுகு - 1/2 டீஸ்பூன்
    • துறுவிய தேங்காய் - 1 டேபிள் ஸ்பூன்
    • பச்சை மிளகாய் - 1
    • கறிவேப்பிலை - 1 ஆர்க்
    • மஞ்சள் தூள் - 1 சிட்டிகை
    • உப்பு - தேவையான அளவு
    • தண்ணீர் தேவையான அளவு

    செய்முறை...

    அடுப்பில் வாணலியை ஏற்றி வெறும் வாணலியில் எண்ணெய் ஏதும் விடாது கடுகு தாளிக்கவும். கடுகு பொரிந்ததும் துறுவிய தேங்காய் சேர்த்துக் கிளறி தேங்காய் வாடியதும் அதனுடன் உப்பும், மஞ்சளும் சேர்த்துக் கிளறி  நறுக்கி வைத்த கோவைக்காய் சேர்த்துக் கிளறவும். எண்ணெய் சேர்க்காததால் கோவைக்காய் நன்கு வேக அதனுடன் சிறிது தண்ணீர் சேர்க்கலாம். லேசாக தண்ணீர் தெளித்து வதக்கினால் கோவைக்காய் சீக்கிரம் வெந்து விடும். இப்போது கோவக்கா தோரன் ரெடி!

    சுட்ட ராகி அடை...

    தேவையான பொருட்கள்...

    • ராகி மாவு - 1 கப்
    • அரிசி மாவு - 1 கப்
    • துருவிய இளம்தேங்காய் - 1 கப்
    • பனைவெல்லம் - சில துண்டுகள்
    • தண்ணீர் - தேவையான அளவு

    செய்முறை...

    ராகி மாவு மற்றும் அரிசி மாவை பனைவெல்லப்பாகும், தேங்காய்த்துருவலும் சேர்த்து சிறிது சிறிதாக தண்ணீர் விட்டு நன்கு கிளறவும். பிறகு அடுப்பில் தோசைக்கல்லை ஏற்றி எண்ணெய் இல்லாது கலந்து வைத்த மாவை சிறு சிறு அடைகளாகத் தட்டி வேக வைத்து எடுக்கவும்.

    உண்பது ருசிக்காக மட்டுமில்லை. பசித்து உண்பது உடலை செம்மையாகப் பராமரிக்கவும் தான். என்ற உணர்வுடன் ஒவ்வொரு வேளை உணவையும் இப்படி அறுவகை சுவைகளின் ஒத்திசைவில் சரியான அளவில் சமைத்து உண்டால் வாதம், பித்தம், கபம் மூன்றையும் கட்டுப்படுத்தி நலமான நல்வாழ்வு வாழலாம்.

    ]]>
    sadhvik bhojan, method of food, சாத்வீக போஜனம், உணவு முறை, ஆயுர்வேதம், ayurvedh, https://www.dinamani.com/health/healthy-food/2018/sep/25/sadhvik-bhojan-is-a-best-recipe-for-good-health-3007619.html
    3006923 மருத்துவம் உணவே மருந்து கண்டிப்பா ஃபாலோ பண்ணுங்க, உடல் ஆரோக்யத்துக்கு அடிப்படையான குடல் சுத்தம் பேணும் டயட்! கஸ்தூரி ராஜேந்திரன், தேனி. Monday, September 24, 2018 01:40 PM +0530  

    மனித உடலில் குடல் சுத்தமாக இருந்தால் ஒட்டுமொத்த உடல் ஆரோக்யம் மேம்படும். நாம் உண்ணும் உணவுகள் அனைத்தும் இரைப்பையில் செரிக்கப்பட்டு சத்துக்களாக மாற்றப்பட்டு ரத்தத்தில் கலந்த பின் எஞ்சும் கழிவுகள் சிறிது, சிறிதாக குடல் வழியே நகர்த்தப் பட்டு இறுதியில் மலக்குடலை அடையும். உணவுப் பொருட்கள் குடலின் வழியே செல்லும் போது அங்கு உணவிலிருக்கும் நச்சுக்கள் மற்றும் கழிவுப் பொருட்கள் தேங்கும் அபாயம் உண்டு. இது சில சமயங்களில் விபரீதமாக குடல் புற்றுநோய்க்கும் இட்டுச் செல்லக் கூடும். எனவே அவ்வப்போது குடலை சுத்தம் செய்யும் முயற்சியில் ஈடுபட வேண்டியது நமது கடமையாகிறது. குடலை சுத்தம் செய்வது என்றால் மருந்து, மாத்திரைகளால் அல்ல நாம் உண்ணும் உணவுப் பொருட்கள் மூலமாகவே நமது குடலை சுத்தம் செய்யமுடியும். அந்த உணவுப் பொருட்கள் அனைத்துமே பெரியவர்கள் முதல் சிறியவர்கள் வரை அனைவரும் உண்ணக்கூடிய விதத்திலானவையே. அவை என்னென்ன என்று தெரிந்து கொள்ளுங்கள்... 

    காலிஃப்ளவர், பிரக்கோலி, முட்டைக்கோஸ், நூல்கோல், டர்னிப் போன்ற காய்கறிகள்...

    மேற்கண்ட காய்கறிகளை அடிக்கடி உணவில் சேர்த்துக் கொள்ள வேண்டும். இந்த வகைக் காய்கறிகளில் நார்ச்சத்து மிகவும் அதிகம். இவற்றை உண்பதால் நமது உணவு செரித்தலின் போது மாவுச்சத்து திசுக்களில் தேங்காமல் கரைக்கப்பட்டு நார்ச்சத்து மிகுந்திருப்பதால் குடலின் வழியே எளிதாக நகர்ந்து கழிவுகள் வெளியேறுவது தன்னியல்பாக நடந்தேறுகிறது. இதனால் எஞ்சிய உணவுக் கழிவுகள் குடலில் தேங்கும் நிலை தவிர்க்கப்படுகிறது. மேற்கண்ட உணவுப் பொருட்கள் நார்ச்சத்து மிகுந்தவை மட்டுமல்ல அவற்றில் ஆண்ட்டி ஆக்சிடண்டுகளும் அதிகம். இவை ரத்த ஓட்டத்தைச் சீராக்கி ரத்தத்தில் உள்ள ஆக்சிஜனை சுத்திகரிப்பதால் மந்தநிலை நீங்கி உடல் சுறுசுறுப்பாக இயங்கக் கூடிய நிலை கிட்டுகிறது.

    பூண்டு...

    பூண்டில் உள்ள ஆண்ட்டி பாக்டீரியல், ஆண்ட்டி வைரல், ஆண்ட்டி பாராசிட்டிக் தன்மை குடலில் உள்ள நச்சுக்களை அகற்றுவதோடு குடலில் உண்டாகக் கூடிய சிறு சிறு புழுக்கள் மற்றும் பூச்சிகளையும் அழிக்கக் கூடிய தன்மை கொண்டது. அது மட்டுமல்ல பூண்டில் உள்ள ஆண்ட்டி ஆக்சிடண்ட்டுகள் உடலின் உட்காயங்களை ஆற்றும் தன்மை கொண்டவை. அது மட்டுமல்ல இது உணவில் உள்ள சத்துக்களை உறிஞ்சும் தன்மையை அதிகரிக்கவும் உதவுகிறது. அதோடு செரிமானத்தையும் சீராக்குகிறது.

    சுத்தமான நீர் மற்றும் உப்பு...

    குடலில் போதுமான நீர்ச்சத்து இருந்தால் அது ஆரோக்யமாக இருக்கும். எப்போதெல்லாம் நீர்ச்சத்து குறைகிறதோ அப்போதெல்லாம் மலச்சிக்கல் ஏற்பட்டு குடலில் தங்கும் நச்சுக்களின் அளவு அதிகரிக்கும். ஆகவே எப்போதும் உணவு உண்டு முடித்த அரைமணி நேரத்தின் பின் போதுமான அளவு தண்ணீர் அருந்த மறக்கக் கூடாது. நீர் அருந்தும் போது நாளில் ஒருமுறையாவது 1 டம்ளர் நீருடன் 1 சிட்டிகை உப்பு சேர்த்து அருந்தினால் குடல் சுத்த செயல்முறை சற்று வேகப்படும்.

    அவகாடோ...

    இதை வெண்ணெய்ப்பழம் என்றும் சொல்வார்கள். இது செரிமானத்திற்கு மட்டுமன்றி குடல் சுத்தத்திற்கும் உதவுகிறது. அவகாடோவில் உள்ள கரையக் கூடிய மற்றும் கரையாத நார்ச்சத்துக்கள் குடல் இயக்கத்தின் ஆரோக்யத்துக்குப் பெரிதும் உதவுகின்றன. இந்தப் பழத்தில் இருக்கும் நார்ச்சத்து குடல் புற்றுநோயையும் தவிர்க்கும். இதிலிருக்கும் கரையக்கூடிய நார்ச்சத்து நீரை உறுஞ்சுவதுடன் குடலில் உள்ள இதர பொருட்களுடன் பிணைக்கவும் உதவும்.

    பச்சை இலைக் காய்கறிகள்...

    பச்சைக் காய்கறிகள் என்றால் அவை பெரும்பாலும் கீரை வகைகள் தான். கீரை வகைகள் செரிமானத்தை அதிகரிப்பதோடு குடல் பாதுகாப்புக்கும் உதவுகிறது. இதிலுள்ள கொழுப்பில் கரையக்கூடிய குளோரோஃபில் குடலின் சுவற்றில் ஒட்டிக் கொண்டு குடலில் தங்கும் கெட்ட பாக்டீரியாக்களின் வளர்ச்சியை முடக்கி குடல் ஆரோக்யத்தை மேம்படுத்தும். இந்த குளோரோஃபில் குடலை மட்டுமன்றி கல்லீரலையும் சுத்தம் செய்ய உதவும்.

    நொதிக்க வைக்கப்பட்ட உணவுகள்...

    செரிமான மண்டலமானது ஏராளமான நன்மை வழங்கும் பாக்டீரியாவால் ஆனது. எப்போது செரிமான மண்டலத்தில் நல்ல பாக்டீரியாக்களின் அளவில் ஏற்றத்தாழ்வு ஏற்படுகிறதோ அப்போது ஒட்டுமொத்த உடல் ஆரோக்யமும் பாதிக்கப்படும். உடலில் குடல் பகுதியில் தான் 80% நோய் எதிர்ப்பு மண்டலம் அமைந்துள்ளது. ஆகவே குடல் ஆரோக்யமாக அமையாவிட்டால் நோய் எதிர்ப்பு மண்டலம் சிறப்பாக செயல்பட முடியாமல் போகும். இதனை சரி செய்வதற்கு நொதிக்க வைக்கப்பட்ட உணவுகளான தயிர், ஊறுகாய், இட்லி, தோசை போன்றவற்றை சேர்த்துக் கொள்ள வேண்டும்.

    கற்றாழை...

    கற்றாழை மலச்சிக்கல் பிரச்னையை எளிதில் நீக்கி ஒட்டுமொத்த செரிமான மண்டலத்தின் செயல்பாட்டை மேன்மையாக்கும். எனவே குடலை சுத்தமாக வைத்துக் கொள்ள விரும்புபவர்கள் கற்றாழை ஜூஸை அடிக்கடி அருந்துவது நல்லது.

    சியா மற்றும் ஆளி விதைகள்...

    இவை இரண்டிலுமே நார்ச்சத்து, கொழுப்பு அமிலங்கள் நிறைந்திருப்பதால் ஆரோக்யமான செரிமானத்தை ஊக்குவிப்பதோடு குடலை சுத்தமாக வைத்துக்கொள்ளவும் உதவும். இவற்றில் உள்ள ஒமேகா 3 கொழுப்பு அமிலங்கள் குடல் காயங்களைக் குறைப்பதோடு செல்சுவர்களையும் உறுதிப் படுத்தும். முக்கியமாக இவற்றிலிருக்கும் கரையக் கூடிய நார்ச்சத்து ஒட்டுமொத்த செரிமான செயல்பாட்டை மேம்படுத்தும்.

    பீன்ஸ் மற்றும் பருப்பு வகைகள்...

     

    இவற்றில் பைட்டோ நியூட்ரியண்ட்ஸ்களும், ஆண்ட்டி ஆக்சிடண்ட்களும் ஏராளமாக இருப்பதால் ஒருவர் அடிக்கடி பீன்ஸ் மற்றும் பருப்பு வகைகளை உண்ணும் போது அவரது குடலியக்கம் சிறப்பாக அமைகிறது.

    ஆப்பிள்...

    ஆப்பிளில் இருக்கும் பெப்டின் எனும் பொருள் உடல் ஆரோக்யத்தை மேம்படுத்தும். அதோடு ஆப்பிளில் நார்ச்சத்தும் அதிகமிருப்பதால் செரிமான மண்டல ஆரோக்யத்துக்கு இது மிகவும் உகந்ததாகக் கருதப்படுகிறது. பெப்டின் உடலில் இருந்து அனைத்து வகையான டாக்ஸின்களையும் நீக்கும் சக்தி கொண்டது. எனவே குடல் சுத்தமாக வேண்டும் என்று விரும்புபவர்கள் தினம் ஒரு ஆப்பிள் சாப்பிடும் பழக்கத்தை கடைபிடிக்கலாம்.

    க்ரீன் டீ...

    இது எடை குறைப்பில் மட்டும் முக்கிய பங்கு வகிக்கவில்லை குடல் சுத்தத்திலும் முக்கிய பங்கு வகிக்கிறது. இதில் உள்ள ஆண்ட்டி ஆக்சிடண்டு குடல் இயக்கத்தை மேம்படுத்துவதோடு குடலை சுத்தமாகவும் வைத்துக் கொள்ளும். அதோடு க்ரீன் டீயில் உள்ள விட்டமின் ‘சி’ நோய் எதிர்ப்பு மண்டலச் செயல்பாட்டில் முக்கிய பங்கு வகிப்பதால் தினமும் ஒரு கப் க்ரீன் டீ அருந்தினால் உங்களது குடல் இயக்கம் சீராக அமையும்.

    எலுமிச்சை...

    எலுமிச்சை கல்லீரலில் பித்தநீர் உற்பத்தியைத் தூண்டி குடலைச் சுத்தமாக வைத்துக் கொள்ள உதவும். தினமும் அதிகாலையில் ஒரு டம்ளர் வெதுவெதுப்பான நீரில் அரை மூடி எலுமிச்சம் பழத்தைப் பிழிந்து அருந்தும் பழக்கத்தை மேற்கொண்டால் குடலில் மட்டுமல்ல உடலில் உள்ள அத்தனை நச்சுக்களையும் கூட அகற்ற முடியும்.

    ]]>
    BEST 10 FOODS, GUT HEALTH, SUPER FOODS FOR GUT HEALTH, குடல் ஆரோக்யம், மலச்சிக்கல், நார்ச்சத்து, உணவே மருந்து, குடல் நலம் பேணும் டயட், தினமணி ஹெல்த், dinamani health https://www.dinamani.com/health/healthy-food/2018/sep/24/best-foods-for-gut-health-3006923.html
    2998286 மருத்துவம் உணவே மருந்து இப்படியெல்லாம் சாப்பிட்டால் உணவு நஞ்சாகிவிடும்! ஆயுர்வேத நிபுணர்கள் எச்சரிக்கை! உமா Tuesday, September 11, 2018 12:49 PM +0530  

    உணவே மருந்து என்று கூறும் அற்புத ஒளிவிளக்கு நமது பாரம்பரிய ஆயுர்வேதம் தான். இன்றைய காலகட்டத்தில் நல்ல சத்தான உணவுகளைத் தவிர்த்து, சக்கைகளை சாப்பிட்டு உடல் நலனைக் கெடுத்துக் கொள்வோர் பெருகிவிட்டனர்.  மேலும் வகை வகையான ரெசிப்பிக்களை ருசிக்கும் ஆர்வம் வேறு பலவிதமான நோய்களுக்கு அழைப்பு விடுக்கத் தொடங்கிவிட்டது. இதனை இதனுடன் சேர்த்து சாப்பிடலாம், இவற்றை அறவே தவிர்க்க வேண்டும் என்றெல்லாம் யாரும் யோசிப்பதில்லை. ருசிக்கு மட்டுமே முக்கியத்துவம் கொடுத்து சமைக்கப்படும் உணவுகள், உடலுக்கு சத்து தருவதற்கு பதிலாக நச்சுக்களை உருவாக்கிவிடுகின்றன.

    ஒவ்வொரு உணவையும் சாப்பிடுவதற்கு ஒரு முறை இருக்கிறது என்கிறது ஆயுர்வேதம். ஒன்றாகச் சேர்த்து சாப்பிடக் கூடாத உணவுகளை, அவ்வாறு சாப்பிட்டால் ஜீரணக் குறைபாடுகள், ஒவ்வாமை ஏற்படுவதுடன்,  உடலில் நச்சுத்தன்மை அதிகரிக்கச் செய்துவிடும்.

    ஒவ்வொரு உணவுக்கும் பிரத்யேக சத்துக்களும், குணநலன்களும், சுவையும் உள்ளது. அவை அத்தன்மைக்கு ஏற்ப ஜீரண மண்டலத்தில் செயல்படும். சில உணவுகளை சாப்பிட்ட பின் வயிறு உப்பிசம், அஜீரணம், நெஞ்செரிச்சல் போன்ற பிரச்னைகள் ஏற்படக் காரணம் குறிப்பிட்ட உணவுடன் சேர்த்து சாப்பிடக் கூடாத உணவினை தெரியாமல் சாப்பிட்ட காரணத்தால், உடல் தன் எதிர்ப்பினை இவ்வாறு தெரிவிக்கிறது. உதாரணத்துக்கு பாலுடன் வாழைப்பழத்தை சாப்பிடுவது தவறு. பலரும் அது சத்தான உணவு என்றே நினைப்பார்கள். இரண்டும் அதிக சத்துடையவை என்பதில் மாற்றுக் கருத்தில்லை. ஆனால் இவற்றை ஒன்றாகச் சாப்பிடும் போது வயிற்றில் ஜீரண உறுப்புக்களை மந்தமாக்கி, இவை டாக்ஸின் எனப்படும் நச்சுக்களை உருவாக்கி விடும். கேரட்டையும் முள்ளங்கியையும் சேர்த்து சமைக்கக் கூடாது. பாலுடன் சாக்லெட்டைச் சேர்த்து சுவைக்க கூடாது. அசைவ உணவில் இறைச்சியுடன் வினிகரை சேர்த்து சமைக்கக் கூடாது. இது போன்று பல 'கூடாது'கள் உள்ளன. அவற்றை தெளிவாக அறிந்து கொண்டு உணவைத் தயாரிக்க வேண்டும்.

    மேலும் எந்த உணவைச் சேர்க்க வேண்டும், எதனைத் தவிர்க்க வேண்டும், எந்தப் பருவத்தில் எவ்வகை உணவு எடுத்துக் கொள்ள வேண்டும் என்பதை அறிந்து உணவு பழக்கத்தை முறைப்படுத்திக் கொண்டால் ஆரோக்கியத்துக்கு குறைவிருக்காது. கீழ்க்கண்ட உணவுகளை ஒன்றாக ஒருபோதும் சாப்பிடக் கூடாது.

    பீன்ஸ் 

    பீன்ஸுடன் பால், இறைச்சி, யோகர்ட், முட்டை, மீன், சீஸ், பழங்கள் ஆகியவற்றை சேர்த்து சாப்பிடக் கூடாது.

    தானியங்கள், காய்கறி, பருப்பு வகைகளை சேர்த்துக் கொள்ளலாம்.

    வெண்ணெய் மற்றும் நெய்

    நெய்யை பயன்படுத்தும் அளவுக்கு வெண்ணெயை உணவுகளில் பயன்படுத்த முடியாது.

    பருப்பு, காய்கறிகள், பீன்ஸ், பாதாம், இறைச்சி, மீன், முட்டை, சமைத்த பழங்கள் ஆகியவற்றுடன் சேர்க்கலாம்.

    பாலாடை

    சீஸ் எனும் பாலாடைக் கட்டியை சூடான பானங்கள், முட்டை, பழங்கள், பீன்ஸ், பால் மற்றும் யோகர்ட்டுடன் சேர்த்து சாப்பிடக் கூடாது.

    தானியங்கள் மற்றும் காய்கறிகளுடன் சேர்த்து சாப்பிடலாம்

    முட்டை

    பால், சீஸ், யோகர்ட், பழம் (குறிப்பாக தர்பூசணி, கிர்ணி) கிச்சரி, உருளைக்கிழங்கு, இறைச்சி, மீன், பீன்ஸ் போன்றவற்றுடன் சேர்த்தோ, இணை உணவாகவோ சாப்பிடவே கூடாது

    பாலுடன் முட்டையும் சத்தான உணவுக்கான ஒரு நல்ல தேர்வு.

    பூசணி, கிர்ணி  உள்ளிட்ட நீர்ச்சத்து காய்கறி மற்றும் பழம்

    பால், வறுக்கப்பட உணவு வகைகள், கஞ்சி, முட்டை

    மற்ற நீர்ச்சத்துள்ள பழங்கள் மற்றும் காய்கறிகளைச் சேர்க்கலாம். ஆனால் இதனை தனியாக சாப்பிடுவதே நல்லது.

    தானியங்கள்

    பழங்களை தானியத்துடன் இணைத்து சாப்பிடக் கூடாது

    பீன்ஸ், சீஸ், முட்டை, இறைச்சி, மீன், நட்ஸ், காய்கறிகள், யோகர்ட் போன்றவற்றை தானியங்களுடன் சேர்க்கலாம்.

    காய்கறிகள்

    பழங்கள் மற்றும் பாலை காய்கறிகளுடன் இணைத்து உண்ணக் கூடாது.

    தானியங்கள், மற்ற காய்கறிகள், யோகர்ட், இறைச்சி, மீன், நட்ஸ், பீன்ஸ், முட்டை, சீஸ் ஆகியவற்றை காய்கறிகளுடன் சேர்த்து சாப்பிடலாம்.

    கீரை உள்ளிட்ட தாவர உணவுளை இரவில் உண்ணக் கூடாது. இவற்றுடன் தர்பூசணி, பூசணிக்காய், கிர்ணி, வெள்ளரிக்காய், பால், சீஸ், யோகர்ட் போன்றவற்றை இரவில் அதிகம் சாப்பிடக் கூடாது.

    காய்கறிகள், தானியம், பீன்ஸ், இறைச்சி, மீன், நட்ஸ் ஆகியவற்றை கீரையுடன் சேர்த்து சாப்பிடலாம். 

    ஆயுர்வேதம் பரிந்துரைக்கும் முக்கியமான உணவுப் பழக்கங்கள்:

    • குளிர் காலங்களில், உடலுக்கு குளிர்ச்சி தரக்கூடிய உணவுகளையும், மசாலா மற்றும் எண்ணெய் அதிகமாகவும் பயன்படுத்தி சமைக்கப்பட்ட உணவுகளையும் தவிர்த்துவிட வேண்டும்.
    • போலவே, வெயில் காலத்தில் புளிப்பு மற்றும் காரமான உணவுகளை தவிர்க்க வேண்டும்.
    • நன்றாக பசி எடுக்கும் முன்னரே அதிகளவு உணவினை சாப்பிடக்கூடாது.
    • சூடான உணவுகளையும் குளிர்ச்சியான உணவையும் கலந்து சாப்பிடக் கூடாது.
    • சிறுநீர் உள்ளிட்ட இயற்கை உபாதைகள் வரும் போது அதை அடக்கிக் கொண்டு உணவு உட்கொள்வதை தவிர்க்க வேண்டும்.
    • பாலில் ஒரு போதும் உப்பு போடக் கூடாது. அதை துவர்ப்பான பழங்களுடன் சேர்த்து எடுத்துக் கொள்ளக் கூடாது.
    • சமையல் செய்யும் போது சரியான பதத்தில் உணவினை வேக வைக்க வேண்டும். அரைகுறையாக வெந்த உணவும், அதிகப்படியாக வெந்த உணவும் ஆரோக்கியத்துக்கு கெடுதல்.
    • அன்றைக்கு சமைத்த உணவை அன்றே பயன்படுத்தி விட வேண்டும். அதிக நேரம் குளிர்சாதனப் பெட்டியில் பாதுகாத்து, பின்னர் அவ்வுணவை சாப்பிடும் போது அதிலுள்ள சத்துக்கள் பெரும் அளவுக்கு இழக்கப்படும்.
    ]]>
    ayurveda, vegetables, Fruits, பழங்கள், காய்கறிகள் https://www.dinamani.com/health/healthy-food/2018/sep/11/these-food-combinations-are-making-you-unhealthy-2998286.html
    2995421 மருத்துவம் உணவே மருந்து விஷப் பூச்சிகள் கடித்தால் இந்தக் கீரை மருந்தாகும்! Thursday, September 6, 2018 01:03 PM +0530 கரிசலாங்கண்ணிக் கீரையில் சிறிது பால் விட்டு அரைத்து தலையில் தேய்த்து குளித்து வர தலைமுடி உதிர்வது நிற்கும். முடி கறுத்து வளரும். 

    இதன் இலைகளை மென்று பல் துலக்கினால் ஈறுவீக்கம், பல்வலி, பல் தேய்வு முதலிய குறைகள் நீங்கும். பற்கள் உறுதியாகும். பற்களில் உள்ள மஞ்சள் நிறம் நாளடைவில் மாறும்.

    கரிசலாங்கண்ணிக் கீரைச் சாறுடன் சிறிது தேன் கலந்து குழந்தைகளுக்கு கொடுத்து வந்தால் சளித்தொல்லை நீங்கும். உடலில் பெருகும் வேண்டாத பித்த நீரை வெளியேற்ற உதவும்.

    விஷப்பூச்சிகள் கடித்த இடத்தில் கரிசலாங்கண்ணிக் கீரையை அரைத்து தடவினால் விஷம் இறங்கும்.

    கரிசாலை, கையாந்தகரை, பொற்றிலைப்பாவை, பிருங்கராஜ் போன்ற பல பெயர்களால் அழைக்கப்படுகிறது.
    - சு.பொன்மணி ஸ்ரீராமன்

    ]]>
    greens, karisalanganni keerai, கீரை, கரிசலாங்கண்ணிக் கீரை https://www.dinamani.com/health/healthy-food/2018/sep/06/விஷப்-பூச்சிகள்-கடித்தால்-இந்தக்-கீரை-மருந்தாகும்-2995421.html
    2986784 மருத்துவம் உணவே மருந்து இந்தக் காயை உணவில் சேர்த்தால் வாய்ப்புண் குணமாகும்! - தொண்டி முத்தூஸ். Friday, August 24, 2018 05:48 PM +0530 கோவைக்காயின் இலைகள், தண்டு, வேர், காய், கனி என அனைத்து பாகங்களும் மருத்துவ பயன்களை கொண்டுள்ளது. இவை தோல்நோய்கள் ஆகியவற்றை குணப்படுத்தும் ஆற்றல் கொண்டது.  நீரிழிவு நோய்க்கு கோவைக்காய் நல்ல பலனை அளிக்கும்.

    நீரிழிவு நோயாளிகளின் இரத்தத்தில் சேரும் சர்க்கரை அளவைக் கோவைக்காய் கட்டுப்படுத்தும் என்று நிரூபிக்கப்பட்டுள்ளது. பரம்பரை காரணமாக நீரிழிவு நோய் இருப்பவர்கள் கோவைக்காயை 30 வயது முதலே உணவில் சேர்த்துக் கொண்டால் நல்லது.  நீரிழிவு   நோய் வராமல் தடுக்கலாம்.

    கோவைக்காயை வாரம் இரண்டு நாள் உணவில் சேர்த்தால் வாய்ப்புண் குணமாகும். பச்சையாகவே கோவைக்காயை மென்று துப்பிவிட்டாலே வாய்ப்புண் ஆறிடும். ஒரே ஒரு கோவைக்காயை எடுத்து மோருடன் அரைத்து குடித்தாலும் மேற்சொன்ன பலன்களை பெறலாம்.

    கோவைக்காய் இலை மற்றும் தண்டு கபத்தை வெளியேற்றும். வலி குறைக்கும். இலை, தண்டு, கஷாயம் மார்புச்சளி, சுவாசக்குழாய் அடைப்பு இவற்றிற்கு நல்ல மருந்தாகும். இலைகளை வெண்ணெய்யுடன் கலந்து புண்கள், பிற தோல்நோய்களை குணப்படுத்த உதவும்.

    கோவைப்பழம் கபத்தை உண்டாக்கும். சீக்கிரத்தில் ஜீரணமாகாது. ஆனால் மூச்சு இரைத்தல், வாந்தி, வாய்வு, ரத்த சோகை, பித்தம், காமாலை முதலான பிரச்னைகளை குணப்படுத்தும். கடிகளால் ஏற்பட்ட காயங்களின் மீது கோவை இலையை அரைத்து வைத்துக் கட்டினால் புண் விரைவில் ஆறும்.

    கோவைக்காய் பித்தம், ரத்தப் பெருக்கு, வயிற்றில் உள்ள பூச்சி ஆகியவற்றுக்கு நல்ல மருந்தாகும்.

    ]]>
    kovaikai, diabetis, health, நீரிழிவு நோய், கோவைக்காய் https://www.dinamani.com/health/healthy-food/2018/aug/24/இந்தக்-காயை-உணவில்-சேர்த்தால்-வாய்ப்புண்-குணமாகும்-2986784.html
    2985407 மருத்துவம் உணவே மருந்து வகை வகையாய், ருசி ருசியாய் தினமும் கீரை சாப்பிடுங்க! ஆர். ஜெயலட்சுமி Wednesday, August 22, 2018 01:07 PM +0530
    அரைக்கீரையை இளசான இலையாக பூச்சியில்லாமல் ஆய்ந்து கொள்ள வேண்டும்.

    முளைக்கீரையினை தண்டு இளசாக இருந்தால் தண்டுடன் கிள்ள வேண்டும். தண்டு முற்றலாக இருந்தால் இலையாகக் கிள்ளிக் கொள்ள வேண்டும். முற்றிய தண்டினைப் பொடியாக நறுக்கிக் கூட்டு வைக்கப் பயன்படுத்திக் கொள்ளலாம்.

    சிறுகீரை இளசாக இருந்தால் தண்டுடன்   பொடியாக நறுக்கிப் பயன்படுத்தலாம்.

    அகத்திக் கீரையில் இலையை மட்டும் உருவி சுத்தம் செய்து சமைக்க வேண்டும்.

    முருங்கைக் கீரையினைத் தனித்தனியாக காம்பு  நரம்பு இல்லாமல் ஆய்ந்து கொள்ள வேண்டும்.

    வெந்தயக் கீரையை வேர் பகுதியினை சிறிது நறுக்கிவிட்டு  அப்படியே பொடியாக நறுக்கி உபயோகிக்கவும்.

    முள்ளங்கிக் கீரையில் நடுவில் உள்ள  தண்டினை நீக்கி விட்டு இலையை மட்டும் பொடியாக நறுக்கி பொரியல்,  கூட்டிற்குப் பயன்படுத்தலாம்.

    கீரைத்தண்டு இளசான கீரைத்தண்டாக வாங்கி ஆய்ந்து பொடியாக நறுக்கி பொரியல் கூட்டிற்குப் பயன்படுத்தலாம். தண்டினை நாரெடுத்துவிட்டுப் பொடியாக நறுக்கிக் கொள்ளவும்.

    புதினாவில் இலையை மட்டும்  ஆய்ந்து  பயன்படுத்த வேண்டும்.

    பீட்ரூட் கீரையைப் பொடியாக நறுக்கி கூட்டு அல்லது பொரியல் செய்தால் சுவையாக இருக்கும்.

    புளிச்சக் கீரையில் இலைகளை மட்டும் கிள்ளிப் பொடியாக நறுக்கிப் பயன்
    படுத்தவும்.

    மணத்தக்காளிக் கீரையின் தண்டு தடிமனாக இருக்கும். எனவே  கீரை, காய், பூ முதலிய எல்லாவற்றையும் ஆய்ந்து பொடியாக நறுக்கி சமைக்க வேண்டும்.

    எந்த கீரையாக இருந்தாலும் நறுக்கியவுடன்  பெரிய பாத்திரத்தில்  தண்ணீர் வைத்து  இரண்டு முறைக்கு மேலாக நன்றாக அலசி வடிகட்டும் கூடையில் போட்டு வடிகட்ட வேண்டும். அதுபோன்று கீரையை ஆய்ந்த உடனே அலசி நறுக்க வேண்டும். அப்போதுதான் சத்துகள் வீணாகாது.

    கீரை வகைகளை குக்கரில் வேக வைத்தால் பசுமை நிறம்மாறி பழுப்பு நிறமாக மாறிவிடும்.

    கீரை வகைகளை வாணலியில் சிறிது எண்ணெய் விட்டு வதக்கி தண்ணீர்விட்டு வேக வைத்தால் பசுமை மாறாமல் இருப்பதுடன்  ருசியும் கூடுதலாக இருக்கும்.

    கீரைகளைச் சமைத்து இறுதியில்தான்  தாளிக்க வேண்டும்.  அது போன்று கடுகு, உளுத்தம்பருப்பு, சீரகம், மிளகாய் வற்றல், பெருங்காயப் பொடி சேர்த்து தாளித்தால் மணமாகவும், ருசியாகவும் இருக்கும்.

    கீரை வேகும்போது  தண்ணீர் அதிகமாக இருந்தால் வடித்து சூப் செய்யலாம்.

    கீரை மசியலை பருப்புச் சட்டியில் மரமத்தினால் கடைந்தால் இயற்கையான ருசியுடன் இருக்கும். மிக்ஸியில் கடையும் போது ருசி மாறிவிடும். 

    கீரை மசியலை தாளிப்பதற்கு வடகம் சிறந்தது. ருசியும் கூடுதலாக இருக்கும்.

    பொதுவாக எல்லாக் கீரை சமையலுக்கும் தேங்காய்த் துருவல் சேர்த்து சமைத்தால் ருசியாக இருக்கும்.  தேங்காய்க்குப் பதிலாக உடைத்த கடலை மற்றும் வேர்க்கடலை பொடி செய்து சேர்த்தால் ருசி  கூடுதலாக இருக்கும். அரிசியை வறுத்து பொடி செய்தும் கீரை பொரியலில் சேர்க்கலாம்.

    கீரையை தினமும் நாம் உணவில் சேர்த்துக் கொள்வது மிகவும் அவசியம். அகத்திக் கீரையை வாரத்தில் ஒரு நாள் கட்டாயம் சாப்பிட்டால் வயிற்றிலுள்ள  பூச்சிகளை அழித்துவிடும்.

    'தினம் ஒரு கீரை'  என்ற நூலிலிருந்து

    ]]>
    keerai, greens, greens health, கீரை, அரை கீரை https://www.dinamani.com/health/healthy-food/2018/aug/22/வகை-வகையாய்-ருசி-ருசியாய்-தினமும்-கீரை-சாப்பிடுங்க-2985407.html
    2981177 மருத்துவம் உணவே மருந்து சுக்கில் இவ்வளவு நன்மைகளா?  Wednesday, August 15, 2018 05:35 PM +0530
  • சுக்குடன் சிறிது பால் சேர்த்து மையாக அரைத்து நன்கு சூடாக்கி இளஞ்சூடான பதத்திற்கு ஆறினதும், வலியுள்ள கை கால் மூட்டுகளில் பூசி வர மூட்டுவலி முற்றிலும் குணமாகும்.
  • சுக்கைத் தூள் செய்து எலுமிச்சை சாறுடன் கலந்து குடித்தால் பித்தம் விலகும்.
  • சுக்கு, மிளகு, தனியா, திப்பிலி, சித்தரத்தை இந்த ஐந்தையும் இட்டு கஷாயம் செய்து பருகி வர கடுஞ்சளி மூன்றே நாளில் குணமாகும்.
  • சிறிது  சுக்குடன் ஒரு வெற்றிலையை மென்று தின்றால் வாயுத் தொல்லை நீங்கும்.
  • சுக்கு, வேப்பம்பட்டை  இரண்டையும் சேர்த்து  கஷாயம் செய்து குடித்து வர ஆரம்ப நிலை  வாதம் குணமாகும்.
  • சுக்கில் சிறிது நீர் தெளித்து விழுதாக அரைத்து நெற்றியில் பற்றிட  தலைவலி  போய்விடும்.
  • சுக்கு, கருப்பட்டி, மிளகு சேர்த்து சுக்கு நீர் காய்ச்சிக் குடித்து வர,  உடல் அசதி சோர்வு நீங்கி சுறுசுறுப்பு ஏற்படும்.
  • சுக்குடன் தனியா வைத்து சிறிது நீர் தெளித்து மையாக அரைத்து உண்டால் அதிக மருந்து அருந்திய போதை தீர்ந்து இயல்பு நிலை அடையும்.
  • சுக்கோடு சிறிது வெந்தயம் சேர்த்து பொடியாக்கி தேனில் கலந்து சாப்பிட்டால் அலர்ஜி அகலும்.
  • சுக்கு, மிளகு, சீரகம்,  பூண்டு சேர்த்து கஷாயம் செய்து காலை, மாலை குடித்து வர மாந்தம் குணமாகும்.
  • சுக்குடன் மிளகு சுண்ணாம்பு சேர்த்து மையாக அரைத்து பூசி வர தொண்டைக்கட்டு மாறும். குரல் இயல்பு நிலை பெறும்.
  • சுக்குடன் சிறிது துளசி இலையை மென்று தின்றால் தொடர் வாந்தி, குமட்டல் நிற்கும்.
    • சிறிது சுக்குடன் சின்ன வெங்காயத்தை வைத்து அரைத்து சாப்பிட்டால் மலக்குடலில் உள்ள தீமை தரும் கிருமிகள் அழியும்.
    • சுக்குடன் கொத்துமல்லி இட்டு கஷாயம் செய்து பருகினால் மூல நோய் தீரும்.
    • சுக்கு, ஐந்து மிளகு, ஒரு வெற்றிலை சேர்த்து மென்று தின்று, ஒரு தம்ளர் நீர் குடித்தால் தேள், பூரான் கடி விஷம் முறியும்.
    • சுக்கு, அதிமதுரம் இரண்டையும் தூள் செய்து தேனில் கலந்து சாப்பிட்டுவர குற்றிருமல் குணமாகும். 
    • தயிர் சாதத்துடன் சிறிது சுக்குப் பொடி இட்டு சாப்பிட்டால் வயிற்றுப்புண் ஆறும்.
    • சுக்கு, மிளகு, பூண்டு, வேப்பிலை இவைகளைச் சேர்த்து கஷாயம் செய்து தினம் மூன்று வேளை வீதம் இரண்டு நாள் குடித்து வர விஷக்காய்ச்சல் குறையும்.
    • சுக்கு, மிளகு, சீரகம் இட்டு எண்ணெய் காய்ச்சி தலைக்கு தேய்த்து குளித்து வர நீர்கோவை நீங்கும். ஈர், பேன் ஒழியும்.
    • சுக்குத்தூளுடன் உப்பு சேர்த்து பல் துலக்கி வர ஈறுகள் பலம் பெறும். வாய் துர்நாற்றத்தை விலக்கும்.
    • (உணவே மருந்து -நூலிலிருந்து )
    ]]>
    sukku, dry ginger, சுக்கு, சுக்குத் தூள் https://www.dinamani.com/health/healthy-food/2018/aug/15/சுக்கில்-இவ்வளவு-நன்மைகளா-2981177.html
    2972198 மருத்துவம் உணவே மருந்து உங்கள் காதுகளில் அழுத்தம் இருப்பது போன்ற உணர்வு உள்ளதா? இதோ ஒரு எளிய தீர்வு! கோவை பாலா  Wednesday, August 1, 2018 10:46 AM +0530
     
    அறிகுறிகள் :
    காதுகளின் உட்புறம் நீர் அமைந்துள்ளது.நாம் நேராக நிற்பதற்கு இந்த நீரானது உதவி செய்யும் எனவே காதில் உள்ள நீரின் உப்பின் அளவு அதிகமானால் ஒரு அழுத்தம் இருப்பதாக உணர்வார்கள்.

    மண்டலம் - சிறுநீரக மண்டலம் 
    காய் - கத்தரிக்காய்
    பஞ்சபூதம் - நிலம்
    மாதம் - வைகாசி
    குணம் - சகிப்புத்தன்மை
    ராசி/லக்கினம்  -  ரிஷபம்

    சத்துக்கள் : வைட்டமின்  B2, C, B6, தையமின், நியசின், மெக்னீசியம், பாஸ்பரஸ், காப்பர், பொட்டாசியம், மங்கனீசு, கால்சியம், இரும்புச் சத்து, போலிக் ஆசிட் , நார்ச் சத்து 

    கத்தரிக்காய் : ஒரு கத்தரிக்காயை (வரியுள்ள நாட்டு காய்) எடுத்துக் கொண்டு ஒரு 15 நிமிடம் சுடு நீரில் ஊறப்போட்டு பின்பு எடுத்து நறுக்கி மிக்ஸியில் போட்டு அதனுடன் கோவக்காய் (5), புதினா (சிறிதளவு), எலுமிச்சம் பழம் தோலோடு (அரை), ஒரு தக்காளி, மிளகு(2), கொஞ்சம் மஞ்சள் தூள், தேவையெனில் உப்பு சேர்த்து அனைத்தையும் நன்றாக அரைத்து  ஜூஸாக்கி வடிகட்டி காலை மாலை என இருவேளையும் குடித்து வரவும்.

    வெற்றிலை (2), மிளகு(2), உலர் திராட்சை (5) இவை மூன்றையும் சேர்த்து தினமும் படுக்கப் போகும் முன் வாயில் போட்டு மென்று தின்று முழுங்கவும்.

    குறிப்பு : பச்சை மிளகாய்க்கு மாற்றாக  இஞ்சியையும், வரமிளகாய்க்கு மாற்றாக மிளகையும் பயன்படுத்தவும்.

    கோவை பாலா 
    இயற்கை வாழ்வியல் நல  ஆலோசகர் 
    96557 58609 / Covaibala15@gmail.com 

    ]]>
    brinjal, food, cure, health, உணவே மருந்து, கத்திரிக்காய், நலம், காது https://www.dinamani.com/health/healthy-food/2018/aug/01/உங்கள்-காதுகளில்-அழுத்தம்-இருப்பது-போன்ற-உணர்வு-உள்ளதா-இதோ-ஒரு-எளிய-தீர்வு-2972198.html
    2971560 மருத்துவம் உணவே மருந்து காது கேட்கும் திறன் சரியாக இருந்தாலும் மூளை தாமதமாக புரிந்து கொள்ளுதல்  கோவை பாலா DIN Tuesday, July 31, 2018 04:02 PM +0530  

    அறிகுறிகள் : நம் உடலில் உள்ள அதிகமான புளிப்புத் தன்மையினால்  மூளைக்கு செல்லும் நரம்புகளின் செயல்பாடுகள் குறைந்து விடும் .அதனால் நாம்  பேசும் சப்தத்தை காது வழியாக கேட்பார்கள்.காது கேட்கும்திறன் சரியாக இருந்தாலும்  மூளை தாமதமாக புரிந்து கொள்ளும். இந்த  குறைபாடு நீங்க.

    மண்டலம் - ஜீரண மண்டலம்
    காய் - வெண் பூசணிக்காய்
    பஞ்சபூதம் - நிலம்
    மாதம் - சித்திரை
    குணம் - தைரியம்
    ராசி / லக்கினம் - மேஷம்

    சத்துக்கள் : வைட்டமின் B, C, கால்சியம், பொட்டாசியம், இரும்புச் சத்து, பாஸ்பரஸ் மற்றும் நார்ச்சத்து

    தீர்வு : வெண் பூசணிக்காய் தோல் மற்றும் விதையுடன் (100 கிராம்), கோவக்காய் (5), வெற்றிலை (5), புதினா, கொத்தமல்லி, கருவேப்பிலை மூன்றையும் சிறிதளவு எடுத்து அனைத்தையும் மிக்ஸியில் போட்டு தண்ணீர் ஊற்றி ஜூஸாகவோ அல்லது நீராவியில் வேக வைத்து பொறியலாகவோ உணவிற்குப் பதிலாக காலை மாலை என இரு வேளையும்  சாப்பிட்டு வரவும். தேவைப்பட்டால் சிறிது உப்பு மற்றும் மஞ்சள் தூள் சேர்த்துக் கொள்ளலாம். (பின்பு பசித்தால் வழக்கமான உணவு உட்கொள்ளலாம்)

    வெற்றிலை (2), மிளகு(2), உலர் திராட்சை (5) இவை மூன்றையும் சேர்த்து  தினமும் படுக்கப்போகும் முன்  வாயில் போட்டு மென்று தின்று முழுங்கவும்.

    குறிப்பு : பச்சை மிளகாய்க்கு மாற்றாக இஞ்சியையும் வரமிளகாய்க்கு மாற்றாக  மிளகையும் பயன்படுத்தவும்.

    கோவை பாலா
    இயற்கை வாழ்வியல் நல ஆலோசகர்
    96557 58609 / Covaibala15@gmail.com

    ]]>
    ear, hearing problem, ear sound, காது கேட்கும் திறன், மூளை செயல்பாடு, செவித்திறன் குறைகள் https://www.dinamani.com/health/healthy-food/2018/jul/31/காது-கேட்கும்-திறன்-சரியாக-இருந்தாலும்-மூளை-தாமதமாக-புரிந்து-கொள்ளுதல்-2971560.html
    2971536 மருத்துவம் உணவே மருந்து இன்றைய மருத்துவ சிந்தனை: கடுகு Tuesday, July 31, 2018 12:19 PM +0530
    உணவிலும் மாற்றம்!!!
    உடலிலும் மாற்றம்!!!!

    • நாள்பட்ட மூட்டுவலி குணமாக கடுகு (30 கிராம்),கோதுமை (100 கிராம்), கஸ்தூரி மஞ்சள் (100 கிராம்) இவை மூன்றையும் அரைத்து, முட்டையின் வெள்ளைக்கருவில் கலந்து மூட்டுகளில் பற்றுப் போட்டு  வந்தால் எப்படிப்பட்ட மூட்டு வலியும் குணமாகும்.
    • நீர்க்கடுப்பு குணமாக கடுகைத் தேவையான அளவு எடுத்து அரைத்து, தொப்புளில் லேசாகப் பற்றுப் போட்டு வந்தால்  நீர்க்கடுப்பு குணமாகும்.
    • நாள்பட்ட தலைவலி குணமாக கடுகை நீரில் ஊறவைத்து முளைக்க வைத்து, பிறகு அதை அரைத்துத் தலையில் தேய்த்துக் குளித்தால் நாள்பட்ட தலைவலி குணமாகும்.
    • நாட்பட்ட விக்கல் குணமாக கடுகை (1 ஸ்பூன்)எடுத்து  இரவு முழுவதும் ஊறவைத்து, அந்த தண்ணீரை அதிகாலையில் குடித்து வந்தால் நாள்பட்ட விக்கல் குணமாகும்.
    • வாத, பித்த, கப தோஷங்கள் நீங்க கடுகு, உப்பு, மிளகு தலா இரண்டு கிராம் எடுத்து அரைத்து வெந்நீரில் கலந்து தினமும் குடித்து வந்தால் உடம்பில் ஏற்படும் வாத, பித்த, கப தோஷங்கள் நீங்கும்.
    • மூச்சிரைப்பு, இருமல்  குணமாக கடுகை (25 எண்ணிக்கை), தேன் சேர்த்து அரைத்து சாப்பிட்டு வந்தால் மூச்சிரைப்பு, இருமல் குணமாகும்.
    • தொன்டை வலி குணமாக கடுகைப் பொடி செய்து தொண்டையில் பற்றுப் போட்டு வந்தால்  தொண்டை வலி குணமாகும்.

    KOVAI HERBAL CARE VEGETABLES CLINIC

    கோவை பாலா,

    இயற்கை வாழ்வியல் நல  ஆலோசகர் மற்றும்  காய்கறி சிகிச்சையாளர்.

    Cell : 96557 58609 / Covaibala15@gmail.com

    ]]>
    https://www.dinamani.com/health/healthy-food/2018/jul/31/இன்றைய-மருத்துவ-சிந்தனை-கடுகு-2971536.html
    2969596 மருத்துவம் உணவே மருந்து ருசி மிகுந்த நிலக்கடலை சட்னி ரெசிபி இதோ! - எஸ். சரோஜா, திருவண்ணாமலை. Saturday, July 28, 2018 05:34 PM +0530 தேவையான பெருள்கள்

    நிலக்கடலை பருப்பு ( வறுத்தது) - 150 கிராம்
    தேங்காய்த்துருவல் - கால் கிண்ணம்
    தக்காளி - 3
    வெங்காயம் - 2
    மிளகாய் வற்றல் - 3
    வெள்ளைப் பூண்டு - 8 பற்கள்
    எண்ணெய் - தேவையான அளவு
    உப்பு - தேவைக்கேற்ப
    கறிவேப்பிலை - சிறிது
    உளுந்தம் பருப்பு, கடுகு - 1 தேக்கரண்டி

    செய்முறை

    தக்காளி, வெங்காயம் இரண்டையும் பொடியாக நறுக்கிக் கொள்ளவும். இத்துடன் நிலக் கடலைபருப்பு, தேங்காய்த்துருவல், மிளகாய் வற்றல், வெள்ளைப் பூண்டு சேர்த்து மிக்ஸியிலிட்டு விழுதாக அரைத்து எடுக்கவும். வாணலியில் எண்ணெய் ஊற்றி காய்ந்ததும் கறிவேப்பிலை, கடுகு, உளுந்தம்பருப்பு தாளித்து, பின்னர் அரைத்த விழுதையிட்டு, உப்பும் சேர்த்து நன்கு கலந்து ஐந்து நிமிடம் கொதிக்க விடவும். நன்கு கொதித்து கமகம வாசனை வந்ததும் இறக்கவும். நிலக்கடலை சட்னி தயார். இட்லி, தோசை, ஆப்பம், இடியாப்பம் இவைகளுடன் வைத்து சாப்பிட சுவையாக இருக்கும். நிலக்கடலையில் புரதம், தாதுப் பொருள்கள் உள்ளதால் உடல் ஆரோக்கியத்திற்கும் நல்லது.

    ]]>
    ground nut, ground nut chutney, வேர்க்கடலை, நிலக்கடலை, வேர்க்கடலை சட்னி https://www.dinamani.com/health/healthy-food/2018/jul/28/recipe-of-ground-nut-chutney-2969596.html
    2871810 மருத்துவம் உணவே மருந்து இன்றைய மருத்துவ சிந்தனை: நாவல் மரம் Wednesday, February 28, 2018 11:24 AM +0530
    உணவிலும் மாற்றம்!!!
    உடலிலும் மாற்றம்!!!!


    நாவல் மரம்:

    • உள் , வெளி , இரத்த மூலம் அனைத்தும் குணமாக நாவல் கொட்டை , தேற்றான் கொட்டை  இவை இரண்டையும்  சம அளவு எடுத்துப் பொடி செய்து சாப்பிட்டு வந்தால் உள் மூலம் , கீழ் மூலம் , ரத்த மூலம் போன்றவை குணமாகும்.
    • இரத்த அழுத்தம் குணமாக நாவல் பருப்பு , சீரகம் இவை இரண்டையும் சம அளவு  எடுத்து எலுமிச்சம் பழச் சாற்றில் கலந்து சாப்பிட்டு வந்தால்  ரத்த அழுத்தம் குணமாகும்.
    • சர்க்கரை நோய்க்குத் தீர்வு நாவல் கொட்டை , சிறுகுறிஞ்சான் , வெந்தயம் , மாம்பருப்பு ஆகியவற்றைச் சம அளவு எடுத்துப் பொடி செய்து தினமும்  மூன்று கிராம் அளவுக்கு சாப்பிடுவதற்கு முன்பு சாப்பிட்டு வந்தால்  சர்க்கரை நோய் குணமாகும்.
    • நாவல் பழக் கொட்டைகளை (10) இடித்து 150 மில்லி தண்ணீரில் போட்டு சுண்டக் காய்ச்சி , அந்தத் தண்ணீரை தினமும் இரு வேளையும் குடித்து வந்தால் நீரிழிவு குணமாகும்.
    • அதிக இரத்தப்போக்கு கட்டுப்பட நாவல் இலைத் துளிரை (ஒரு கைப்பிடி) அளவு  எடுத்து அரைத்து தயிரில் கலந்து சாப்பிட்டு வந்தால் மாதவிலக்கின் போது ஏற்படும் அதிகப்படியான ரத்தப் போக்கு கட்டுப்படும்.
    • மாதவிலக்கை தள்ளிப் போட நாவல் பழத்தை மாதவிலக்கு  வருவதற்கு ஒரு வாரம் முன் சாப்பிட்டு வந்தால் மாதவிலக்கு தள்ளிபோகும்.
    • வாய்ப் புண் , வாய் வேக்காடு குணமாக நாவல் மர இலையை(5) ,  தண்ணீரில் (அரை லிட்டர்) போட்டுக் கஷாயம் காய்ச்சிக் குடித்து வந்தால் வாய்ப் புண் , வாய் வேக்காடு போன்றவை குணமாகும்.


    KOVAI  HERBAL  CARE 
    VEGETABLES CLINIC

    கோவை பாலா ,
    இயற்கை வாழ்வியல் நல ஆலோசகர் மற்றும்  Foot & Auricular Therapist
    Cell  :  96557 58609
    Covaibala15@gmail.com

    ]]>
    https://www.dinamani.com/health/healthy-food/2018/feb/28/இன்றைய-மருத்துவ-சிந்தனை-நாவல்-மரம்-2871810.html
    2870568 மருத்துவம் உணவே மருந்து இன்றைய மருத்துவ சிந்தனை: அமுக்கரா கிழங்கு Monday, February 26, 2018 11:27 AM +0530
    உணவிலும் மாற்றம்!!!
    உடலிலும் மாற்றம்!!!!


    அமுக்கரா கிழங்கு

    • நன்றாக தூக்கம் வர சீமை அமுக்கரா வேர் நன்கு இடித்து தூளாக்கி வைத்துக் கொள்ளவும். தினந்தோறும் (5கிராம்) வீதம் இரவில் உணவிற்குப் பிறகு பசும்பாலில் கலந்து குடித்து வந்தால் நல்ல தூக்கம் வரும்.
    • வயிற்று வலி , வயிற்றுப் புண் குணமாக அதிமதுரம் பொடி (100கிராம்) , சீமை அமுக்கரா பொடி (100 கிராம்) இவை இரண்டையும் ஒன்றாக கலந்து வைத்துக்கொண்டு தினமும் 3 வேளை தலா 2 கிராம் வீதம் உணவிற்கு முன் அல்லது பின் சாப்பிட்டு வந்தால்  வயிற்றுவலி, வயிற்றுபுண் குணமாகும்.
    • ஆண்மைக்குறைவு நீங்க பூனைகாலி விதை (100கிராம்) ,சீமை அமுக்குரா வேர் (100கிராம்) இவை இரண்டையும் இடித்து பொடியாக்கி ஒன்றாகக் கலந்து காலை , மாலை என இருவேளையும் (1ஸ்பூன்) வீதம் பசும்பாலில் கலந்து குடித்து வந்தால்  ஆண்மை பெருக்கம் உண்டாகும்.
    • மூட்டு அழற்சி , பசியின்மை நீங்க அமுக்கரா கிழங்குப் பொடியை (2கிராம்) அளவுக்கு எடுத்து தேனில் குழைத்து காலை மாலை என இருவேளையும்  சாப்பிட்டு வந்தால்  உடல் பலவீனம்,  பசியின்மை, மூட்டு அழற்சி, செரிமானக் குறைவு, இருமல், உடல் வீக்கம், முதுமைத் தளர்ச்சி ஆகியவை நீங்கும்.
    • கை , கால் , இடுப்பு , மூட்டு , தொடை வலி குணமாக அமுக்கரா , சுக்கு , ஏலக்காய் , சித்தரத்தை இவை அனைத்தையும் தலா 100 கிராம் எடுத்து  அரைத்து வைத்துக்கொண்டு காலை , மாலை என இருவேளையும்  தலா 2 கிராம்  அளவுக்கு உணவிற்குப் பின் சாப்பிட்டு வத்தால் கை, கால் , மூட்டு , இடுப்பு ,தொடை வலி அனைத்தும் குணமாகும்.
       
    • உடல் வலி , அலுப்பு , களைப்பு நீங்க அமுக்கரா பொடியை தினமும் 2ஸ்பூன் அளவு எடுத்து பசும்பாலில் கலந்து உணவிற்குப் பின் சாப்பிட்டு வந்தால் உடல் அலுப்பு, உடல்வலி, களைப்பு மாறும்.
       
    • உடல் பருமனாக அமுக்கரா பொடி (2கிராம்) அளவு எடுத்து  நெய்யில் கலந்து இருவேளையும்  தொடர்ந்து சாப்பிட்டுவந்தால்  உடல் பருமனாகும்.


    KOVAI  HERBAL  CARE 
    VEGETABLES CLINIC

    கோவை பாலா ,
    இயற்கை வாழ்வியல் நல ஆலோசகர் மற்றும்  Foot & Auricular Therapist
    Cell  :  96557 58609
    Covaibala15@gmail.com

    ]]>
    https://www.dinamani.com/health/healthy-food/2018/feb/26/இன்றைய-மருத்துவ-சிந்தனை-அமுக்கரா-கிழங்கு-2870568.html
    2858514 மருத்துவம் உணவே மருந்து கருப்பு திராட்சை சாப்பிட்டால் மன அழுத்தம் குறையுமா? வியக்க வைக்கும் புதிய ஆராய்ச்சி முடிவு! DIN DIN Tuesday, February 6, 2018 11:38 AM +0530  

    இன்றைய சூழலில் காலை எழுந்ததில் இருந்து இரவு தூங்க செல்லும் வரை எப்போதும் டென்ஷனாகவே இருப்பதால் மனச் சோர்வு அதிகரித்து மன அழுத்தத்தை ஏற்படுத்துகிறது. இந்த மனச் சோர்வு ஏற்படாமல் இருக்கக் கருப்பு திராட்சை சாப்பிடுவது ஒரு நல்ல தீர்வு என சமீபத்திய ஆய்வில் கண்டறிய பட்டுள்ளது.

    அமெரிக்காவில் உள்ள மருத்துவ பத்திரிகை ஒன்றில்  வெளியான இந்த ஆய்வு முடிவில் திராட்சையில் இயற்கையாகவே உள்ள கலவைகள் மனச் சோர்வை கட்டுப்படுத்தும் ஆற்றல் வாய்ந்தது எனத் தெரிய வந்துள்ளது. திராட்சையில் இருக்கும் மல்விடின்-3-ஒ-குளுக்கோசைட் மற்றும் டைஹைட்ரோகாஃபிக் என்னும் அமிலம் ஆகிய இரண்டும் மனச் சோர்வு சிகிச்சைக்கான ஒரு சிறந்த மருந்தாகப் பார்க்கப்படுகிறது. 

    இப்போதிருக்கும் வழக்கமான மனச் சோர்வுக்கான சிகிச்சை முறையில் 50 சதவீதத்திற்கும் குறைவாகவே தற்காலிக தீர்வுகூட கிடைப்பதாகக் கூறப்படுகிறது. அதனால் இதை விட மேலான நிரந்தர தீர்வைத் தரக்கூடிய பக்க விளைவுகள் ஏதும் இல்லாத ஒரு மாற்று மருத்துவத்தைக் கண்டுபிடிப்பதற்கான தேவை அதிகம் உள்ளதாக ஆராய்ச்சியாளர்கள் தெரிவிக்கின்றனர். ஏனென்றால் இந்த மனச் சோர்வு பிற்காலத்தில் நமது உடலில் பல நோய்கள் உருவாக ஒரு முக்கிய காரணமாக மாறிவிடுகிறது. 

    எப்படியென்றால் இந்த மனச் சோர்வு நம்முடைய நோய் எதிர்ப்பு மண்டலத்தைத் தாக்கி அதில் வீக்கத்தை ஏற்படுத்துகிறது. இதனால் நோய் தாக்குதலில் இருந்து நம்மைப் பாதுகாக்க நியூரான் ஒரு மின் அல்லது வேதியில் சார்ந்த சமிக்ஞை ஒன்றைச் செலுத்துவதில் சிக்கல் ஏற்படுகிறது. இப்போது இருக்கும் மனச் சோர்வை கட்டுப்படுத்தும் சிகிச்சிகள் பெரும்பாலும் செரடோனின், டோபமைன் மற்றும் பிற நரம்பியக்க கடத்திகளை ஒழுங்கு படுத்துவதோடு தொடர்புடையது. ஆனால் இந்தச் சிகிச்சைகள் ஏற்பட்டுள்ள வீக்கத்தைக் குறைக்குமா என்பது கேள்விக்குறியாகவே இருக்கிறது.

    இந்த ஆய்வில் திராட்சையில் அதிகம் இருக்கும் பாலிஃபினால் மனத் தளர்ச்சியை நிச்சயம் கட்டுப்படுத்தும் என்று கண்டு பிடிக்கப்பட்டுள்ளது. இருந்தாலும் இந்தச் சிகிச்சை முறைக்கான வழி முறைகள் பற்றிய ஆராய்ச்சிகள் இன்னும் நடந்து வருகின்றது. 

    தேர்ந்தெடுக்கப்பட்ட கான்கார்ட் திராட்சையின் சாறு, திராட்சை விதைகளில் இருந்து எடுக்கப்பட்ட சாறு மற்றும் டிரான்ஸ்-ரெஸ்வெராட்ரால் உட்படத் திராட்சையில் இருந்து பெறப்பட்ட இந்த மூன்று விதமான பாலிஃபினோல் பொருட்களின் கலவையை எலிகளுக்குக் கொடுத்து மன அழுத்தத்தை உண்டாக்கும் மனச் சோர்வை எதிர்க்கும் திறனை ஆராய்ச்சியாளர்கள் கணக்கிட்டுள்ளனர். 

    எலிகளை வைத்து மேற்கொள்ளப்பட்ட இந்த ஆய்வில் டி.எச்.சி.ஏ/மால்-குளூக் ஆகிய மந்தமான சுழற்சியை மாற்றியமைப்பதன் மூலம் இவை ஊக்குவிக்கப்பட்டு சிஸ்ட்டுகள் சிதைக்கப்படுவது தெரியவந்துள்ளது. மன அழுத்தத்தால் பாதிக்கப்பட்டிருந்த எலிகளின் உயிரணுக்களில் சில மாற்றங்களை ஏற்படுத்துவதன் மூலம் எலும்பு மஜ்ஜையில் உள்ள பியோனிஃபியல்கள் தூண்டப்பட்டு மனச் சோர்வு-போன்ற பிரச்னைகள் கட்டுப்படுத்தப்படுவது நிரூபணம் ஆகியுள்ளது.

    இந்த ஆய்வில் முதல் முறையாக மன அழுத்தச் சிகிச்சைக்காக டி.என்.ஏ எபிகேனடிக் மாற்றியமைக்கப்பட்டுத் தீர்வை காண முயற்சி செய்துள்ளனர். மன அழுத்தத்தில் இருந்து விடுபடப் பல மாத்திரைகளை விழுங்குவதற்குப் பதிலாக நாம் உண்ணும் உணவையே மருந்தாக்கித் தீர்வு காண்பது என்றுமே புத்திசாலித்தனம் தான்.

    ]]>
    கருப்பு திராட்சை, மனச் சோர்வு, மன அழுத்தம், ஆய்வு, grapes, depression, stress, research https://www.dinamani.com/health/healthy-food/2018/feb/06/black-grapes-to-treat-depression-new-research-2858514.html
    2854007 மருத்துவம் உணவே மருந்து இந்த 6 காய்களும் இந்த 6 நோய்கள் வராமல் தவிர்க்க உதவும்! சினேகா Tuesday, January 30, 2018 03:02 PM +0530  

    நம்முடைய வாழ்க்கையில் நவீன வசதிகள் பெருக பெருக உடல் நலத்தை இழந்துவருவதைக் கண்கூடாகப் பார்க்கிறோம். இந்தத் தலைமுறையினர் தான் முப்பது வயதிலிருந்து நாற்பது வயதிற்குள் பலவிதமான நோய்களுக்கு சொந்தக்காரர்களாகிவிடுகின்றனர். இதற்கு முக்கிய காரணம் சரியான உடல் உழைப்பு இல்லாததும், சத்துள்ள உணவுகளைத் தவிர்த்து, ஆரோக்கியமற்ற உணவுகளை உட்கொள்வதாகும்.

    குப்பை உணவுகளிலுள்ள நச்சுப் பொருட்கள், கொழுப்புகள் போன்றவை நமது ரத்தத்தில் அதிகமாக கலக்கிறது.இதனால் ரத்த ஓட்டம் குறைய ஆரம்பிக்கும். ரத்த ஓட்டம் குறைவதனாலேயே பெரும்பாலான நோய்கள் உண்டாகின்றன. ஆரோக்கியமான உணவுகள் ரத்த ஓட்டத்தை சீராக்குவதோடு, ரத்தத்தை சுத்தப்படுத்திக் கொள்ளவும் செய்யும். 

    முருங்கைக்காய்

    முருங்கைக் காய் ஆஸ்துமா சம்மந்தப்பட்ட பிரச்னைகளுக்கு நல்ல மருந்தாகும். முருங்கைக் காய் போட்டு ஆவி பிடித்தால் சுவாசப் பிரச்னைகளுக்கு விரைவில் நிவாரணம் கிடைக்கும்.

    எலுமிச்சை

    எலுமிச்சை, நோய்த் தொற்றுக்களை அழிக்கும் தன்மைக் கொண்டது. தைராய்டு பிரச்னைகள் வராமல் தடுக்க எலுமிச்சை பழத்தை உணவில் சேர்த்துக் கொள்ள வேண்டும். சளி, ஆஸ்துமா, அலர்ஜி, தொண்டை அடைப்பு போன்ற பிரச்னைகள் வராமல் தடுக்கும். நினைவுத்திறன் அதிகரிப்பதோடு, மனம், மூளையின் செயல்பாடுகள் ஆரோக்கியமாக இருக்கும் என்பது ஜப்பானிய விஞ்ஞானிகள் கருத்து.

    வெண்டைக்காய்

    வெண்டைக்காயை உணவில் சேர்த்துக் கொண்டால் அது ரத்த அழுத்தம் ஏற்படுவதைத் தடுக்க உதவும். காரணம் வெண்டைக்காயில் பொட்டாஷியம் மற்றும் வைட்டமின் சி சத்து உள்ளது. இதில் மிக அதிக அளவில் ஃபோலிக் அமிலமும் உள்ளது. மேலும் அதில் புரதம், இரும்புச்சத்து, பீட்டா கரோட்டின் ஆகியவை இருப்பதால் ரத்த அழுத்தத்தைக் கட்டுப்படுத்துகிறது.

    புடலங்காய்

    சிலருக்கு படுத்தவுடன் உறக்கம் வராது. அல்லது ஆழ்ந்த தூக்கம் வராமல் சிரமப்படுவார்கள். உணவில் புடலங்காய் சேர்த்து சாப்பிட்டுவந்தால் இத்தகைய உறக்கமின்மை பிரச்னை தீரும். நார்ச்சத்தும் ஃபோலிக் அமிலமும் கொண்ட குறைந்த கலோரி அளவுள்ள காய்களுள் ஒன்று புடலங்காய். சர்க்கரை, இதய நோய்கள், ரத்த அழுத்தம் ஆகிய பிரச்னை உள்ளவர்கள் அடிக்கடி உணவில் புடலங்காய் சேர்த்துக் கொள்வது நல்லது.

    கோவைக்காய்

    உடம்பில் சேரும் அதிகப்படியான கொழுப்பை கரைக்கவல்லது கோவைக்காய். கோவைக்காயில் இயற்கையாகவே கொழுப்பை வெளியேற்றும் தன்மை இருப்பதால், வளர்சிதை மாற்றத்தால் உண்டாகும் உடல்பருமன் போன்ற பிரச்சனை நீங்கும். அனேக ஊட்டச்சத்துகள் மற்றும் தாது பொருட்கள் நிறைந்துள்ள இந்தக் கோவைக்காய் உடலில் ரத்த சர்க்கரை அளவை குறைக்கும். 

    பீர்க்கங்காய்

    சர்க்கரை வியாதி உள்ளவர்கள் பாகற்காய்க்கு பதிலாக பீர்க்கங்காயை சாப்பிடலாம். பீர்க்கங்காய் இலையிலிருந்து சாறு எடுத்து அதனை சூடாக்கி தினமும் ஒரு டீஸ்பூன் அருந்தி வர சர்க்கரை வியாதி கட்டுப்பாட்டில் இருக்கும்.

    இந்த 6 காய்கறிகளும் குறைந்த கலோரிகள் கொண்டவை. மேலும் இவற்றில் வைட்மின்களும் மினரல்களும் புரதச்சத்தும் தேவையான அளவு நிறைந்திருக்கின்றன. 

    ]]>
    green veg, fresh vegetables, பச்சை காய்கறிகள், நோய் நீக்கும் காய் https://www.dinamani.com/health/healthy-food/2018/jan/30/eat-these-6-vegetables-to-avoid-6-diseases-2854007.html
    2848600 மருத்துவம் உணவே மருந்து நீங்கள் செல்வச் செழிப்போடு உடல் நலமுடன் வாழ்வதற்கு இதோ ஒரு எளிய வழி! சினேகா Sunday, January 21, 2018 11:10 AM +0530  

    உப்பில்லாத பண்டம் குப்பையிலே என்பார்கள். உணவில் காரம் குறைந்தால் கூட சாப்பிட்டுவிடுவோம் ஆனால் உப்பு குறைந்தால்? ஒருவரை மட்டம் தட்டிப் பேச வேண்டும் என்றால் சாப்பாட்டில் உப்பு போட்டுத்தான் சாப்பிடறயா என்று சூடு சொரணைக்கு உப்பை சம்மந்தப்படுத்தி திட்டுவோம். உப்பிட்டவரை உள்ளளவும் நினை என்கிறது ஒரு முதுமொழி. இவ்வாறு தாயின் வயிற்றில் குழந்தை உருவானது முதல் உடலிலிருந்து உயிர் பிரியும் வரை உப்பும் நீரும் மனிதருக்கு இன்றியமையாத ஒன்று. அத்தகைய உப்பை பற்றி சில சுவாரஸ்யமான தகவல்களைத் தெரிந்து கொள்வோமா?

    நமது உணவில் சேர்க்கும் உப்பு சாதாரண உப்பாகும். இதன் வேதியியல் பெயர் சோடியம் குளோரைட். உப்பு என்பதில் சோடியம் என்பதே முக்கியமானதாகும். காரணம் சோடியம் ஒவ்வொரு மனித செல்லின் ஆரோக்கியத்திற்குத் தேவையானது. இது ஒவ்வொரு செல்லுக்கிடையே உள்ள நீர்மத்தை உட்புகவைப்பதில் பெரும் பங்காற்றுகிறது. குறிப்பாக செல்லின் வெளிப்புறப் பகுதி செயல்பாட்டிற்கு இதுவே காரணமாகும். 

    செல்லின் உட்புற செயல்பாட்டிற்கு பொட்டஷியம் காரணமாக இருக்கிறது. சோடியமும் பொட்டாஷியமும் தேவையான அளவில் ஒவ்வொரு செல்லிலும் மாறாமல் இருந்தால் மட்டுமே ஒவ்வொரு செல்லும் தன் வேலையைச் சரியாக செய்து, சத்துக்களை உருவாக்கவும் கழிவுகளை வெளியேற்றவும் முடிகிறது. 

    சோடியமும் பொட்டாஷிமும் குறைந்தாலோ அல்லது அதிகமானாலோ செல்கள் பாதிக்கப்பட்டு உடல் ஆரோக்கியம் வெகுவாக பாதிக்கப்படும்.

    உடலில் உள்ள ரத்தத்திற்கும், ரத்தத்திற்கு தேவையான வெள்ளை அணுக்களை எடுத்துவரும் திரவத்திற்கும், இரைப்பையில் அமிலம் சுரப்பதற்கும், புரத உணவு செரிப்பதற்கும், தசைகள் சரியாக சுருங்கவும், நரம்புகள் செயல்படவும் உடலில் உள்ள திரவ நிலை, அமிலத்தன்மை போன்றவைகளை நிலையாக வைத்திருக்கவும் சோடியம் மிக முக்கியத் தேவையாகும்.

    உடல் எளிதாக எடுத்துக் கொள்கிற நல்ல சோடியமே அதர்குத் தேவை. அது இயற்கையில் கிடைக்கும் உப்பில் உள்ளதால் உப்பை நமது முன்னோர்கள் பிரதானப்படுத்தியிருக்கிறார்கள். விருந்து பரிமாறும்போது அந்த இலையில் உப்பை ஒரு ஓரமாக வைக்கும் பழக்கம் இதனால்தான் ஏற்பட்டது.

    உப்பைப் பற்றி விழிப்புணர்வை உண்டாக்க உலக அளவில் பல அமைப்புகள் செயல்படுகின்றன. குறிப்பாக  உப்பு மற்றும் சுகாதாரத்திற்கான உலக நடவடிக்கை (World Action on salt and health) எனும் அமைப்பு 2005-லிருந்து பல்வேறு நாடுகளில் செயல்பட்டு வருகிறது. உப்பை நாம் எந்த அளவுகளில் பயன்படுத்த வேண்டும். அளவுக்கு அதிகமாக பயன்படுத்தினால் என்னென்ன பாதிப்புகள் ஏற்படும். நமது வீடுகளில் மட்டுமல்ல, வெளியில் உள்ள உணவகங்கள் மற்றும் முன்பே தயாரித்து பாக்கெட்டுகளில் அடைத்து விற்கப்படும் அனைத்து வகையான உணவுப் பொருட்களில் எவ்வளவுச் சோடியம் இருக்க வேண்டும், போன்ற பல்வேறு அம்சங்களில் இந்த அமைப்பு தலையிடுகிறது. 

    உணவுப் பொருட்களில் மட்டுமல்லாது உப்பை வீட்டுப் பராமரிப்புக்கும் பயன்படுத்துகிறார்கள்.

    கடல் உப்பை நீருடன் கலக்கி அதை வீட்டை முழுக்க கழுவ வேண்டும். இது வீட்டில் இருக்கும் எதிர்மறை எண்ணங்கள் அனைத்தையும் நீக்கி விடும் என்கிறார்கள் நிபுணர்கள்.


     
    ஒரு தம்ளர் தண்ணீரில் ஒரு சிட்டிகை உப்பு கலந்து அதை வீட்டின் தென்மேற்கு மூலையில் வைத்து விடுங்கள். இது வீட்டில்  இருந்து வறுமையை விலக செய்யுமாம். எப்போதெல்லாம் நீரின் வண்ணம் மாறுகிறதோ, அப்போதெல்லாம் நீரை மாற்றி உப்பு சேர்த்து வைக்கவும்.
     
    உள்ளங்கை அளவு உப்பை எடுத்து அதை ஒரு கிண்ணத்தில் போட்டு அதனை குளியலறையின் ஒரு மூலையில் வைத்து விடவும். இந்த உப்பை சீரான இடைவேளையில் நீங்கள் மாற்ற வேண்டும். இது வீட்டில் இருக்கும் எதிர்மறை சக்திகளைக் குறைந்து, பணப் பிரச்னைகளை சீராக்கும்.

    சிவப்பு துணியில் உப்பு சேர்த்து கட்டி வைக்கவும். அதை வீட்டின் நுழைவாயில் பகுதியில் கட்டி தொங்க விடவும். இது  வீட்டுக்குள் இருக்கும் தீய சக்திகளை விரட்டியடிக்கும்.
     

    உணவு மேஜையில், சாப்பிடும் இடத்தில் உப்பு வைப்பது செல்வ செழிப்பினை அதிகரிக்க உதவும். வீட்டில் செல்வம் குறையவே குறையாது. 

    கால் வலி ஏற்பட்டால் சுடு தண்ணீரில் சிறிதளவு உப்பு சேர்த்து காலை பத்து நிமிடம் ஊற வைத்தால் கால் வலி குணமாகும். தினமும் குளிக்கும் போது வாளியில் ஒரு கைப்பிடி உப்பும் சிறிதளவு எலுமிச்சை சாறும் சேர்த்தால் புத்துணர்வாக இருக்கும். 

    ]]>
    Salt, Salty, salt in food, Sodium, உப்பு, அயோடின், சோடியம், உணவும் உப்பும், நீரும் உப்பும் https://www.dinamani.com/health/healthy-food/2018/jan/21/health-benefits-of-salt-2848600.html
    2792855 மருத்துவம் உணவே மருந்து இன்றைய மருத்துவ சிந்தனை: சந்தனம் Friday, October 20, 2017 09:16 AM +0530  

    உணவிலும் மாற்றம்!!!
    உடலிலும் மாற்றம்!!!!


    சந்தனம்:

    • சிறுநீர் எரிச்சல் தீர சந்தனம் தூள் (1 டீஸ்பூன்) எடுத்து அரை லிட்டர்  தண்ணீரில்  காய்ச்சி  வடிகட்டி குடிநீர் செய்து குடித்து வந்தால் சிறுநீர் கழிக்கும் போது ஏற்படும் எரிச்சல் தீரும்.
    • முகப்பரு , படர் தாமரை குணமாக சந்தனம் கட்டையை, எலுமிச்சம் பழச்சாறு விட்டு நன்றாக உரைத்து பசையாக செய்து  படர் தாமரை, வெண்குஷ்டம், முகப் பரு உள்ள இடங்களில் பூசி வந்தால் இவை அனைத்தும் குணமாகும்.
    • இரத்த மூலம் குணமாக சந்தனம் தூள் (2 டீஸ்பூன்), அரை லிட்டர் தண்ணீரில் போட்டு காய்ச்சி குடிநீராக செய்து குடித்து வந்தால் இரத்த மூலம் குணமாகும்.
    • சர்க்கரை குணமாக நெல்லிக்காய்ச்சாறு (15 மில்லி)  சந்தனம் சுண்டைக்காய் அளவு எடுத்து விழுதாக அரைத்து நெல்லிக்காய் சாறுடன்   கலந்து 48 நாளகள் குடித்து வந்தால் நீரிழிவு நோய்  குணமாகும்.
    • உடல் சூடு , அழற்சி குணமாக பசும்பாலில் சந்தனக்கட்டையை உரைத்து புளியங்கொட்டை அளவு காலை, மாலை சாப்பிட்டு வந்தால் வெட்டை சூடு,  உடல் சூடு , சிறுநீர் பாதையில் உண்டாகும் வலி , அழற்சி போன்றவை குணமாகும்.
    • கண்கட்டி குணமாக சந்தனக்கட்டையை எலுமிச்சம்பழச்சாற்றில் நன்கு அரைத்து பசை போல் செய்து, கண் கட்டிகள் மீது பற்று போட வேண்டும். இரவில் படுக்கைக்கு செல்வதற்கு முன்னர் இவ்வாறு செய்து வந்து காலையில் கழுவிவிட வேண்டும். 
    • 5 நாட்கள் தொடர்ச்சியாக இப்படி செய்து வந்தால் கண் கட்டி முற்றிலும் குணமாகும்.
    • காய்ச்சல் , நீர்க்கோவை நீங்க சந்தனத்தூள் (20 கிராம்) எடுத்து அதை (300 மி.லி) தண்ணீரில் போட்டு காய்ச்சி (150 மி.லி) வடிகட்டி காலை மதியம் இரவு என மூன்று வேளையும் (50 மில்லி ) வீதம் குடித்து வந்தால் நீர்க்கோவை, காய்ச்சல், மார்புத் துடிப்பு ,மந்தம், இதய வலி ஆகியவை தீரும்.
       

    KOVAI  HERBAL  CARE VEGETABLES CLINIC
    கோவை பாலா ,
    இயற்கை வாழ்வியல் நல  ஆலோசகர் மற்றும்  Foot & Auricular Therapist
    Cell  :  96557 58609
    Covaibala15@gmail.com

    ]]>
    https://www.dinamani.com/health/healthy-food/2017/oct/20/இன்றைய-மருத்துவ-சிந்தனை-சந்தனம்-2792855.html
    2764891 மருத்துவம் உணவே மருந்து இன்றைய மருத்துவ சிந்தனை: சாமந்திப் பூ Thursday, August 31, 2017 09:02 AM +0530  

    உணவிலும் மாற்றம்!!!
    உடலிலும் மாற்றம்!!!!


    சாமந்திப் பூ:

    • சாமந்தி இலை மற்றும்  தண்டு (ஒரு கைப்பிடி)எடுத்துக்கொள்ளவும். அதனுடன் சிறிது மிளகுப் பொடி சேர்த்து ஒரு டம்ளர் நீர்விட்டு கொதிக்க வைக்கவும். இதை வடிகட்டி தேன் சேர்த்து காலை, மாலை என இருவேளையும்  குடித்து வந்தால் இடைவிடாத இருமல் சரியாகும். மார்பக சளியை கரைத்து வெளியே தள்ளும். காய்ச்சலை தணிக்கும். உடல் வலி சரியாகும். மூட்டு வலி குணமாகும்.
    • ஒரு சாமந்தி பூவின் இதழ்களை எடுத்துக் கொள்ளவும், அதனுடன் சிறிது மிளகுப் பொடி, அரை ஸ்பூன் பனங்கற்கண்டுடன் ஒரு டம்ளர் நீர் சேர்த்து கொதிக்க வைக்கவும். இந்த நீரை வடிகட்டி குடித்து வந்தால், ரத்த ஓட்டம் சீராகும். ஒற்றை தலைவலி குணமாகும். மஞ்சள் காமாலைக்கு மருந்தாகிறது. கல்லீரல் பலப்படும்.
    • சாமந்தி இலைகளை பசையாக்கி எடுத்துக் கொள்ளவும். இதனுடன், பூக்களின் இதழ்களை மசித்து சேர்க்கவும். இவை இரண்டையும் தேங்காய் எண்ணெயயுடன் சேர்த்து தைலப்பதத்தில் காய்ச்சி மெல்லிய துணியில் வடிகட்டி எடுத்துகொள்ளவும். இதை மேல் பூச்சாக பயன்படுத்தி வந்தால் தோல் நோய்கள் குணமாகும். தடிப்பு , சிகப்பு தன்மை , அரிப்பு ,சேற்று புண், அக்கி புண்கள் சரியாகும். வலி நிவாரணியாகவும் விளங்குகிறது. பூஞ்சை காளான்களை போக்கும். நுண் கிருமிகளை அழிக்கும்.
    • சாமந்திப் பூவின் இதழ்களை நிழலில் உலர்த்தி பொடி செய்து தேன் கலந்து சாப்பிட்டு வந்தால் தலைவலி நீங்கும்.
    • சாமந்திப் பூவின் இதழ்களை நீரில் கொதிக்கவைத்து அந்த நீரை சுளுக்கு வீக்கம் உள்ள பகுதிகளில் ஒற்றடம் கொடுத்து வந்தால் சுளுக்கு வீக்கம் விரைவில் குறையும்.
    • சாமந்திப் பூக்கள் (20) எடுத்து வெந்நீரில் போட்டு மூடி, 15 நிமிடம் கழித்து வடிகட்டுங்கள். இதை தினமும் 2 டீஸ்பூன் குடித்துவந்தால் தீராத மலச்சிக்கல் குணமாகும். முறையற்ற மாதவிடாய் கோளாறும் சரியாகும். வயிறு உப்புசம் நீங்கும்.


    KOVAI  HERBAL CARE
    கோவை பாலா ,
    இயற்கை வாழ்வியல் நல  ஆலோசகர் மற்றும்  Foot and Hand Reflexologist
    Cell  :  96557 58609
    Covaibala15@gmail.com

    ]]>
    https://www.dinamani.com/health/healthy-food/2017/aug/31/இன்றைய-மருத்துவ-சிந்தனை-சாமந்திப்-பூ-2764891.html
    2761589 மருத்துவம் உணவே மருந்து இன்றைய மருத்துவ சிந்தனை: தும்பை Friday, August 25, 2017 09:01 AM +0530  

    உணவிலும் மாற்றம்!!!
    உடலிலும் மாற்றம்!!!!

     
    தும்பை:

    • தும்பைப் பூவையும், ஒருமிளகையும் அரைத்து நெற்றியில் பற்றுப் போட்டுவந்தால்  தலைவலி, தலைபாரம், நீர்க்கோர்வை நீங்கும்.
    • தும்பைப் பூவையும், ஊமத்தம் பூவையும் சம அளவு எடுத்து அரைத்துப் புங்கை நெய்யில் கலந்து காய்ச்சி வடித்துக்  கொண்டு காதிற்குச் சொட்டு மருந்தாகப் பயன்படுத்தி வந்தால் காதில் உள்ள புண், காதில் சீழ் வடிதல், காது இரைச்சல் போன்றவை தீரும்.
    • தும்பைப் பூவையும், பெருங்காயத்தையும் சம அளவு எடுத்து அரைத்துக் கடுகெண்ணெய்யில் கலந்து காய்ச்சி வடித்து வைத்ததுக் கொண்டு சொட்டு மருந்தாகக் காதிற்கு விட்டு  வந்தால் காதில் சீழ்வடிதல் குணமாகும்.
    • அதிகாலையில் தும்பைப் பூவைப் பசும்பால் விட்டு அரைத்து உள்ளுக்குத் கொடுத்து வந்தால் நாட்பட்ட விக்கல் நீங்கும்.
    • தும்பைச் சாறு 500 மி.லி. தேங்காய்எண்ணெய் 500 மி.லி.இரண்டையும் கலந்து காய்ச்சி வைத்துக்கொண்டு உடலின் வெளிப் புறத்தில்  தேய்த்து வந்தால் வெட்டுக் காயம், ஆறாத  புண்கள் ஆறும்.
    • தும்பைச் சாறு 30 மி.லி, துத்தி இலைச் சாறு 30 மி.லி இவை இரண்டையும் பசும் பாலில் கலந்து கொடுத்து வந்தால் உள் மூலம், வெளி மூலம், இரத்த மூலம் போன்றவை குணமாகும்.


    வகைகள்: தும்பை, பெருந்தும்பை, சிறுதும்பை, கருந்தும்பை, மலைத்தும்பை, பேய்தும்பை, கழுதைத்தும்பை, கசப்புத்தும்பை, கவிழ்தும்பை, மற்றும் மஞ்சள்தும்பை.


    KOVAI  HERBAL CARE
    கோவை பாலா ,
    இயற்கை வாழ்வியல் நல  ஆலோசகர் மற்றும்  Foot and Hand Reflexologist
    Cell  :  96557 58609
    Covaibala15@gmail.com

    ]]>
    https://www.dinamani.com/health/healthy-food/2017/aug/25/இன்றைய-மருத்துவ-சிந்தனை-தும்பை-2761589.html
    2757610 மருத்துவம் உணவே மருந்து அப்பழுக்கற்ற சருமம் மற்றும் நீண்ட கூந்தல் பெற; ஒரு கைப்பிடி அரிசி போதும்! பவித்ரா முகுந்தன் Friday, August 18, 2017 03:46 PM +0530  

    அடுத்த முறை நீங்கள் சாதம் செய்தால் அரிசி ஊறவைத்த தண்ணீரையோ அல்லது சாதம் வடித்த நீரையோ வீணாகக் கீழே ஊற்றிவிடாதீர்கள். இந்த பதிவை படித்தப் பிறகு உங்களுக்கே அது ஏனென்று புரியும். நாம் யாரும் நினைத்துக்கூட பார்க்காத பல பலன்களைத் தரக்கூடியது இந்த நீர்.

    சீனா, ஜப்பான் மற்றும் பிற தென் கிழக்கு ஆசிய நாடுகளில் வாழும் பெண்களின் அப்பழுக்கற்ற சருமத்திற்கும், மிருதுவான நீண்ட கூந்தல் அழகிற்கும் மிக முக்கிய காரணங்களில் ஒன்று பாரம்பரியமாக அவர்கள் உபயோகிக்கும் இந்த அரிசி நீர்தான். அரிசி ஊறவைத்த நீரில் நிறைந்துள்ள வைட்டமின் மற்றும் மினரல் சத்துக்கள், தலை முடி மற்றும் சரும பராமரிப்பிற்கு இன்றியமையாத ஒன்றாக இருக்கிறது.

    தயாரிக்கும் முறை:

    1. அரிசி ஊற வைத்த நீர்:

    பயன் - சருமத்தில் உள்ள அழுக்குகளை அகற்ற, இழந்த நிறத்தை திரும்பப் பெற, முகம் பளிச்சிட, மென்மையான சருமம் பெற.   

    அரிசி - 1 கப்
    குளிர்ந்த நீர் - 2 கப்

    அரிசியைக் குளிர்ந்த நீரில் சுமார் 20 நிமிடங்கள் ஊற வைத்த பிறகு ஒரு மூன்று நிமிடங்களுக்கு அதை விரல்களால் அலசுங்கள். பின்னர் அந்த நீரை வடிகட்டி ஒரு பாத்திரத்தில் பத்திரப்படுத்துங்கள்.

    2. சாதம் வடித்த நீர்:

    பயன் - மிருதுவான நீண்ட கூந்தல், உடல் ஆற்றலை அதிகரிக்க, உடல் எடையைக் குறைக்க.

    ஏற்கனவே ஊற வைத்த அரிசியில் ஒரு பாதியை கொதிக்கும் நீரில் போட்டு, அரிசி நன்கு வேகும் வரை காத்திருந்து பின்பு அந்தக் கஞ்சியை வடித்து எடுத்துக் கொள்ளுங்கள். 

    3. அரிசி மாவு:

    பயன் - இறந்த செல்களை அகற்ற, இழந்த நிறத்தை திரும்பப் பெற, கருங்கறைகளை அகற்ற.

    ஊற வைத்த அரிசியின் மீதமுள்ள பாதியில் சிறிது நீர் சேர்த்து மிக்ஸியில் போட்டு அரைத்து பேஸ்ட் போன்ற பக்குவத்தில் வழித்து எடுத்துக் கொள்ளுங்கள்.

    பயன்படுத்தும் முறை:

    அரிசி ஊற வைத்த நீர்:

    1. அதிகம் வெளியில் சுற்றுபவராக இருந்தால் இந்த நீரை ஒரு ஸ்ப்ரே பாட்டிலில் சேமித்து எப்போது வெளியே சென்றாலும் உங்களுடன் எடுத்துச் செல்லுங்கள். தாகம் எடுக்கும் போதெல்லாம் அதைத் தணிக்க தண்ணீர் குடிப்பதை போன்று உங்கள் சருமம் மிகவும் வறண்டது போல் நீங்கள் உணரும் போதெல்லாம் இந்த நீரைச் சிறிது ஸ்ப்ரே செய்து கொள்ளுங்கள். 

    இதனால் கண்ணில் வைத்த மை போன்ற ஒப்பனைகள் கலையாமல், முகம் கழுவியது போன்ற ஒரு புத்துணர்வை நீங்கள் பெற முடியும்.

    2. வீடு திரும்பிய பிறகு இந்த நீரில் வெள்ளை நிறத் துணியையோ அல்லது பஞ்சையோ நனைத்து முகம் முழுவதையும் துடைத்து எடுத்தால் சருமத்தில் உள்ள அழுக்கு முழுவதும் அந்தத் துணியில் வந்ததை நீங்களே பார்க்க முடியும். இதனால் மேனியில் தேங்கிய  அழுக்கின் காரணமாக முகப்பரு வருவதைத் தடுக்கலாம்.

    3. ஏதேனும் விழாவிற்குச் செல்லப் போகிறீர்களா? ஆனால், உங்களது முகம் கலையிழந்து வாடியது போல் இருந்தால் கவலை வேண்டாம். துணியையோ அல்லது காகிதத்தையோ இந்த நீரில் நனைத்து முகத்தின் மீது பேக் போல ஒரு 20 நிமிடங்களுக்குப் போடுங்கள். அந்த நீரை முழுமையாக நமது சருமம் உரிஞ்சி எடுத்துவிடும். பின்னர் முகத்தைக் கழுவி பாருங்கள், குழந்தையின் மேனியைப் போன்ற மென்மையான மற்றும் பளிச்சிடும் உங்கள் முகத்தை.  

    சாதம் வடித்த நீர் (கஞ்சி): 

    இந்தக் கஞ்சை நீங்கள் தலைக்கு குளிப்பதற்கு முன்பாக முடியின் வேர்க் கால்களில் படும்படி நன்கு மசாஜ் செய்யுங்கள், பின்பு கூந்தலின் முனை வரை தேய்த்து ஒரு 15 நிமிடங்கள் ஊற வைத்து பின்னர் தலைக்குக் குளியுங்கள். நமது முன்னோர்களைப் போன்ற நீளமான கூந்தலை நிச்சயம் நீங்கள் பெற முடியும்.

    இந்த நீரில் சிறிது உப்பு சேர்த்து தினமும் சாப்பிடுவதற்கு முன்பு குடித்து வந்தால் நன்கு பசி எடுப்பது, ஜீரண சக்தியை அதிகரிப்பது மற்றும் உடலில் உள்ள தேவையற்ற கொழுப்பை அகற்றி சுறுசுறுப்புடன் செயல்படுவது போன்ற பலன்களைப் பெறலாம்.   

    அரிசி மாவு:

    மசிய அரைக்காமல் சிறிது கரகரப்புடன் இருக்கக் கூடிய இந்த மாவை வாரம் ஒரு முறை மென்மையாக முகம், கை, கால்களில் வட்ட வடிவில் தேய்ப்பதால் இறந்த செல்களை அகற்றி, இழந்த நிறத்தை நாம் திரும்பப் பெற இது வழி செய்யும். 

    சருமம் மற்றும் கூந்தல் நலனுக்காக அழகு நிலையங்களிலும், மருத்துவரிடமும் அதிகம் பணம் செலவழிக்கும் நாம், எளிதாக கிடைக்கக்கூடிய இந்த அரிசி நீரைப் பயன்படுத்தி அந்தச் செலவுகளை தவிர்க்கலாம். அதுமட்டுமின்றி, இதுவே நமது முன்னோர்களும் பின்பற்றிய பாரம்பரியமான அழகுக் குறிப்பாகும்.

    ]]>
    beauty, water, முகம் , அரிசி, வடித்த நீர், கஞ்சி, கூந்தல், முடி, rice, face, hair https://www.dinamani.com/health/healthy-food/2017/aug/18/rice-water-for-beautiful-skin-and-hair-2757610.html
    2731620 மருத்துவம் உணவே மருந்து ஆஸ்துமா நோயாளிக்கு மிகவும் சிறந்த உணவு எது? Tuesday, July 4, 2017 04:04 PM +0530 கிவி பழத்தில் ஏராளமான வைட்டமின் மற்றும் மினரல் சத்துக்கள் உள்ளன. சிட்ரஸ் ரக பழ வகையை சார்ந்த கிவி பழம் உடல் எடையைக் குறைக்க உதவுவதுடன், உடலுக்கு சிறந்த பழமாகும். கிவி பழத்தில் ஜிங்க் அமிலம் இருப்பதால் தோல், முடி, பல் மற்றும் நகங்களுக்கு சிறந்தது. கிவி பழத்தில் வைட்டமின் ஈ அதிகமாகவும், கொழுப்பு குறைவாகவும் உள்ளது. இதனால் ஆன்டிஆக்ஸிடன்ட் என்னும் அமிலம் அதிகமாவதால் ஆரோக்கியமான இதயத்தையும் தருகிறது. போலிக் என்னும் அமிலம் கிவி பழத்தில் அதிகமாக  இருப்பதால் கர்ப்பிணி பெண்களுக்கு மிகவும் சிறந்தது.

    இப்படி பல வகையான சத்துக்கள் மிகுந்த கனிகளில் சிறந்த கனியாகக் கருதப்படுகின்றது. ஒமேகா-3 கொழுப்பு அமிலமும், ஃபோலேட் என்ற சத்தும் மற்ற பழங்களை விட மிகவும் அதிகமான அளவில் கிவி பழத்தில்  உள்ளது. இத்தகைய சத்துக்கள் குழந்தைகளின் மூளை வளர்ச்சிக்கு சிறந்த பழமாக ஆராய்ச்சியாளர்கள் கருதுகின்றனர். 

    வைட்டமின் ‘சி’சத்தை அதிக அளவில்  கொண்டுள்ளது. இதனால் நோய் எதிர்ப்பு சக்தியை உடலில் அதிகரிக்கும். மனித உடலில் கட்டுப்பாடு இல்லாமல் திரியும் ‘ரேடிக்கிள்ஸ்’(Free radicals) தான் பல்வகையான நோய்களுக்கும், செல்களின் சிதைவிற்கும் அடிப்படைக் காரணங்களாக அமைகிறது. இத்தகைய ரேடிக்கிள்ஸ்களின் வீரியத்தை குறைத்து அல்லது அழித்து நோயின்றி உடலை காக்கும் ஆற்றல் கிவி பழத்திற்கு உள்ளது. சில மனிதர்களுக்கு ஏற்படும் மூச்சுத் திணறல் மற்றும் ஆஸ்துமா நோயாளிகளுக்கு மிகவும் சிறந்த உணவாகச் செயல்படுகின்றது கிவி பழம். மேலும் நுரையீரல்கள் செயல்திறனை அதிகரிக்க இந்தக் கனி பயன்படுகின்றது. 

    சில ஆண்டுகளுக்கு முன்னர் ரட்ஜர் பல்கலைக்கழகத்தைச் சார்ந்த உணவியல் வல்லுநர்கள் நாம் அன்றாடம் பயன்படுத்தும் பல்வகையான கனிகளிடம், கிவியின் ‘சத்து அடர்வு நிலை’ பற்றி விரிவான ஆய்வு ஒன்று நிகழ்த்தப்பட்டது. அப்போது அவர்கள் ஆய்வு செய்த 18 வகையான கனிகளில் அதிக அளவு சத்துக்கள் பொதிந்த சிறந்த கனியாக கிவியைக் கருதுகின்றார்கள். இத்தகைய ஆய்வு முடிவை இவர்கள் அமெரிக்காவில் புகழ்பெற்று விளங்கும் The Journal of American College of Nutrition என்ற உணவியல் இதழில் விரிவான ஆய்வுக் கட்டுரையாக வெளியிட்டுள்ளனர். இந்த ஆய்வுக் கட்டுரையின் முக்கிய தகவல்கள்:

    உணவு, மருந்துக் கட்டுப்பாடு அமைப்பானது, ஒரு மனிதன் நலமாக வாழ வேண்டுமென்றால் அவனுக்கு குறைந்தது 9 வகையான முக்கிய சத்துக்கள் அன்றாட உணவில் தேவைப்படுகின்றது. இத்தகைய சத்துக்களை ஒரு தனிமனிதன் பெற வேண்டுமென்றால் அவன் அன்றாட உணவில், பல்வகையான உணவு வகைகளை உட்கொள்ள வேண்டும். ஆனால், இந்த 9 வகையான சத்துக்களும் ஒருசேர கிவி என்ற கனியில் பொதிந்துள்ளது என குறிப்பிடுகின்றார்கள்.உணவியல் குறியீட்டில் கனிவகைகளில் அதிக எண்ணை உடைய கனியாக கிவி கருதப்படுகின்றது.

    உணவியல் வல்லுநர்கள் கனிகள் வகைகளில் கிவி கனிக்கு உணவியல் குறியீடு எண்ணாக அதிக அளவு சத்துக்கள் நிறைந்த கனி என்பதால், இதற்கு 16 என்ற எண்ணை வழங்கியுள்ளார்கள். இது முதல் இடமாகும். இதற்கு அடுத்தபடியாக உணவுக் குறியீடு உள்ள கனியான பப்பாளிக்கு 14 அளித்துள்ளார்கள். மெலன் என்ற தர்பூசணிக்கு 13 என்ற குறியீடு எண்ணும், ஸ்ட்ரா பெர்ரிக்கு உணவுக் குறியீடு எண் 12, மாம்பழத்துக்கு 12, ஆரஞ்சு வகைகளுக்கு குறியீடு எண் 11 வழங்கியுள்ளனர்.

    மேலை நாடுகளிலிருந்து இறக்குமதி செய்யப்படும் இந்தக் கிவி பழம் ஆரோக்கியத்தை மேம்படுத்தும், அடிக்கடி சாப்பிட ஆஸ்துமாவை அடியோடு விரட்டும்.

    ]]>
    asthma, ஆஸ்துமா, Kiwi, கிவி https://www.dinamani.com/health/healthy-food/2017/jul/04/ஆஸ்துமா-நோயாளிக்கு-மிகவும்-சிறந்த-உணவு-எது-2731620.html
    2725470 மருத்துவம் உணவே மருந்து தப்பு தப்பா உப்பு போட்டா என்ன ஆகும்? Thursday, June 22, 2017 12:58 PM +0530 சமையலில் உப்பை அதிகமாக சேர்த்து விடுவோம். அதை எப்படி சரி செய்வது? இதோ சில டிப்ஸ்

    • இட்லி, தோசைமாவில் உப்பு அதிகமானால் ஒரு கரண்டி ரவையை வெறும் வாணலியில் வறுத்து ஐந்துநிமிடம் பாலில் ஊறவிட்டு பின் மாவுடன் சேர்க்க உப்பு குறைந்து சரியாகவிடும்.
    • குழம்பு, சாம்பார், ரசம் போன்றவற்றில் நெய்யோ, எண்ணெய்யோ சேர்த்தால் காரம் குறைந்து சுவையும் மணமும் கூடி விடும்.
    • பொரியல் வகைகளில் உப்பு அதிகமானால் தேங்காயைத் துருவி சேர்த்தால் போதும்.  உப்பு குறைந்துவிடும்.
    • மட்டர் பன்னீர், சோலே மசாலா, பாவ் பாஜி போன்றவற்றில் காரம் அதிகமாகிவிட்டால் ஃபிரெஷ் க்ரீம் அல்லது சூடான பாலில் வெண்ணெய் சேர்த்து உருக்கி அதைச் சேர்த்துவிட காரம் குறைந்து சுவை அதிகமாகிவிடும்.
    • ரசத்தில் உப்பு அதிகமாக இருந்தால் ஒரு டம்ளர் தண்ணீர்விட்டு ரசத்தைக் கொதிக்க விடவும். பிறகு மிளகு, சீரகத்தூள் போட்டு, அரைமூடி எலுமிச்சம்பழம் பிழிந்து விட, சுவை சரியாக இருக்கும்.
    • வற்றல் குழம்பு, காரக்குழம்பு போன்றவற்றில் தக்காளியை அரைத்துச் சேர்த்து கொதிக்கவிட்டால் காரம் குறைந்து சுவை கூடிவிடும்.
    • குழம்பு, சாம்பார், கூட்டு, கிரேவி போன்ற திரவ பதார்த்தங்களில் உப்பு அதிகமாகிவிட்டால் வெங்காயம், கசகசா, புளிப்பில்லாத தக்காளி, துருவிய தேங்காய், பயத்தம் பருப்பு, முந்திரிப் பருப்பு இவற்றில் ஏதாவது ஒன்றிரண்டை லேசாக எண்ணெய்யில் வதக்கி மிக்ஸியில் அரைத்துச் சேர்த்துவிட்டால் உப்பு குறைந்துவிடும்.
    • கலவை சாதத்தில் காரம் அதிகமாகிவிட்டால் எண்ணெய் ஒரு தேக்கரண்டி காய்ச்சி ஊற்றிக் கலந்துவிட்டு, பின் வடாம், அப்பளம் இவற்றைப் பொரித்துத் தூளாக்கி தூவி பரிமாற காரம் குறைந்துவிடும்.
    • பொடி வகைகளில் உப்பு அதிகமாகிவிட்டால் அதிலுள்ள பருப்பு எதுவோ அதைக் கொஞ்சம் வாணலியில் வறுத்துப் பொடித்துச் சேர்க்க உப்பு குறைந்துவிடும்.
    • வறுவல், பொரியல் போன்றவற்றில் ரஸ்க்கைத் தூள் செய்து தூவிவிட்டால் காரம் குறைந்துவிடும்.
    • மசாலாவில் காரம் அதிகமாகிவிட்டால் சிறிது தயிரைக் கடைந்து சேர்க்கலாம் அல்லது தேங்காய்ப் பால் சேர்த்தால் போதும். காரம் குறைந்துவிடும்.
    • புலாவ், பிரியாணி போன்றவற்றில் காரம் அதிகமாகிவிட்டால் பிரட் தூள் ஒரு கரண்டி எடுத்து வெறும் வாணலியில் ஒரு நிமிடம் சூடாக்கி பின் சேர்த்துவிட்டால் காரம் குறைந்துவிடும்.
    • இரண்டு தேக்கரண்டி அரிசி, அரை தேக்கரண்டி உளுத்தம் பருப்பு இரண்டையும் அரைமணி நேரம் ஊறவைத்து, மிக்ஸியில் மைய அரைத்து தோசை மாவில் சேர்த்துவிட உப்பு சரியாகிவிடும்.

    உப்பு, காரத்தை அளவு தெரியாமல் போட்டு விட்டால் கூட மேற்கூறியபடி சரி செய்துவிடலாம். ஆனால் அதையும் விட சில தவறுகளை நமக்கே தெரியாமல் வெறும் ருசிக்காகவும், அழகுக்காகவும் செய்து விடுகிறோம். அதனால் உடல் ஆரோக்கியமும் கெடும். அவை என்ன?

    • எந்த உணவு பொருளையும் அலசாமல் பயன்படுத்தக் கூடாது. சிலர் புளியை தண்ணீர் ஊற்றி கரைப்பார்கள். அதற்கு முன்னால் அதை ஒரு முறை தண்ணீர் சேர்த்து அலசி கீழே ஊற்றிவிட்டு, அடுத்து தண்ணீர் ஊற்றி கரைக்க வேண்டும். போலவே, முட்டைகளை நன்றாகக் கழுவிய பின்னர் தான் வேக வைக்க வேண்டும். கீரையில் மண் மற்றும் தூசி தும்பு நிறைய இருக்கும். எனவே கீரையை இரண்டு தடைவையாவது நிச்சயம் கழுவ வேண்டும்.
    • காலையில் சீக்கிரம் கிளம்ப வேண்டும் என்று சிலர் வெங்காயத்தை முந்தின நாள் இரவே நறுக்கி வைத்துக் கொள்வார்கள். அது மிகப்பெரிய தவறாகும். வெங்காயத்துக்கு கிருமிகளை கவர்ந்திழுக்கும் தன்மை உள்ளது. அதனால், வெங்காயத்தை நறுக்கியதும், அது காற்றில் இருக்கும் அனைத்து கிருமிகளையும் கவர்ந்திழுத்து வைத்துக் கொள்ளும். இதை ப்ரிட்ஜில் வைத்தாலும் சரி நன்றாக மூடி வைத்தாலும் சரி நறுக்கி சில மணி நேரங்களான வெங்காயத்தைப் பயன்படுத்துவது நல்லது இல்லை.
    • இஞ்சியை ஒருபோதும் தோலுடன் சேர்த்து சமைக்கவே கூடாது. கீரையோடு புளியைச் சேர்க்கக் கூடாது. 
    • எந்த உணவு பொருளையும் அதிக நேரம் வதக்கவோ, கருக வைக்கவோ கூடாது. எல்லோருக்குமே உணவு பொருள் என்பது நன்கு சிவந்து இருக்க வேண்டும் என்று விரும்புவார்கள். ஆனால், அது உடல் நலனுக்கு தீங்கு விளைவிக்கும். எனவே, எந்த உணவையும் அதிகமாக வதக்கி கருக வைக்க வேண்டாம். கருகிய அல்லது தீய்ந்த உணவுப் பொருள் புற்றுநோயை ஏற்படுத்தும் என்று சொகிறது ஒரு புதிய ஆராய்ச்சி.
    • நான்ஸ்டிக் தவாவை இரும்பு தேய்ப்பானைப் பயன்படுத்தி தேய்த்துக் கழுவக் கூடாது.

    - எச். சீதாலட்சுமி

    ]]>
    Salt, cooking mistakes, உப்பு அதிகமானால், சமையல் குறிப்புக்கள் https://www.dinamani.com/health/healthy-food/2017/jun/22/salt-mistakes-in-cooking-2725470.html
    2711903 மருத்துவம் உணவே மருந்து கருஞ்சீரகப் பொடியின் மகத்துவம் Thursday, June 1, 2017 02:10 PM +0530 கருஞ்சீரகப் பொடியை 4 கிராம் எடுத்து நீராகாரத்துடன் 3-லிருந்து 7- நாள் வரை காலையில் மற்றும் மாலையிலும் சாப்பிட்டு வர, விஷப்பூச்சிகடியாக இருந்தாலும், வேறு ஏதேனும் நச்சு கடியாக இருந்தாலும் நல்ல குணம் கிடைக்கும். 

    கருஞ்சீரகத்தை வெந்நீர் விட்டு அரைத்து தலைவலிக்கும் மூட்டு வீக்கத்துக்கும் மேல்பூச்சாக பூசி வந்தால் சரியாகும்.

    இந்தப் பொடியைக் காடி (நீராகாரம்) விட்டு அரைத்து படை இருக்கும் இடத்தில்  பூசலாம். கரப்பான், சிரங்கு போன்ற பிரச்னைகள் உள்ளவர்கள் நல்லெண்ணெயில் கருஞ்சீரகப் பொடியைச் சேர்த்து குழைத்து பூச குணமாகும்.

    பசுவின் கோமியம் விட்டு அரைத்து வீக்கம் உள்ள இடத்தில் பூசினால் வீக்கம் குறையும். இந்தப் பொடிய தேன் விட்டு அரைத்துப் பூச, குழந்தை பேறுக்கு பிறகு பெண்களுக்கு ஏற்படும் வலி குணமாகும்.

    கருஞ்சீரகப் பொடியை 1 கிராம் எடுத்து தேனுடன் சேர்த்து அல்லது நீர் கலந்து குடுத்தால் மூச்சு முட்டல் பிரச்னை உள்ளவர்களுக்கு நல்ல பலன் கிடைக்கும்.

    கருஞ்சீரகப் பொடியை 1 கிராம் எடுத்து மோருடன் கலந்து தொடர்ந்து குடித்து வந்தாச் விடாமல் வரும் விக்கல் பிரச்னை குணமாகும்.

    1 கிராம் பொடிய எடுத்து நீராகாரத்துடன் குடித்து வந்தால் குடலில் உள்ள புழுக்கள் எல்லாம் வெளியேறிவிடும். 

    ]]>
    karunjeeragam, கருஞ்சீரகப் பொடி https://www.dinamani.com/health/healthy-food/2017/jun/01/கருஞ்சீரகப்-பொடியின்-மகத்துவ-2711903.html
    2711880 மருத்துவம் உணவே மருந்து முள்ளங்கியின் 5 முக்கிய பலன்கள் DIN DIN Wednesday, May 31, 2017 02:40 PM +0530 முள்ளங்கியைப் பலரும் விரும்பி சாப்பிடுவதில்லை. ஆனால் முள்ளங்கி மருத்துவ குணங்கள் அதிகமுள்ள ஒரு அருமருந்து. இதில் தாதுக்களும் வைட்டமின்களும் அதிகம் உள்ளது. விலை குறைவாகக் கிடைக்கும் இந்த முள்ளங்கியின் பலன்களைப் பார்க்கலாம்.

    1. முள்ளங்கியைச் சாதத்துடன் சேர்த்து சாப்பிடும் போது, மாவுச் சத்து நன்றாக செரிமானம் ஆகிவிடும். கொழுப்புச் சத்தும் நன்றாக ஜீரணமாகும். தவிர ரத்தத்தில் உள்ள கெட்ட கொழுப்புகள் சேர்வதை முள்ளங்கி தடுக்கும்.
    2. முள்ளங்கிச் சாறு மூல நோயைக் குணப்படுத்தும். சிறுநீரக கற்கள் பிரச்னையில் அவதிப்படுபவர்களுக்கு முள்ளங்கி முழு நிவாரணம் தரும். முள்ளங்கியை நன்றாக வேக  வைத்து, அந்த நீரை வடிகட்டிக் குடித்து வர சிறுநீரக கற்கள் முற்றிலும் கரைந்து போகும்.  
    3. தொண்டை வலி, நாவறட்சி போன்ற பிரச்னைகளைத் தீர்க்க வல்லது முள்ளங்கி. 
    4. முள்ளங்கியிலுள்ள கந்தக சத்து பித்தநீரை நன்றாகச் சுரக்கச் செய்யும். கல்லீரல் பிரச்னைகள் இருந்தால் அதுவும் குணமாகும்.  
    5. முள்ளங்கி சாறு எடுத்து இளம் சூட்டில் காலையில் குடித்து வர நல்ல குரல் வளம் கிடைக்கும். பேச்சு தெளிவாக வரும்.                  ​

    இன்னும் நிறைய பலன்கள் முள்ளங்கியில் உள்ளது. அடிக்கடி உணவில் முள்ளங்கியைச் சேர்த்து சாப்பிட்டு வந்தால் மருத்துவமனை இருக்கும் திசைக்கு கும்பிடு போடலாம்.

    ]]>
    முள்ளங்கி, முள்ளங்கி மருத்துவ குணங்கள், radish https://www.dinamani.com/health/healthy-food/2017/may/31/medicinal-benefits-of-raddish-2711880.html
    2711875 மருத்துவம் உணவே மருந்து சத்துள்ள மதியஉணவு - அரிசியும் பருப்பும்! Wednesday, May 31, 2017 01:33 PM +0530 இந்த உணவை கொங்கு ஸ்பெஷல் அல்லது கொங்கு உணவின் முக்கிய அடையாளம்  என்று கூறலாம். இந்த உணவுக்கு எக்கச்சக்கமான ரசிகர்கள் உண்டு. மிக எளிமையான ஆனால் மிகவும் சுவை கொண்ட உணவாகும் இது.

    தேவையான பொருள்கள்

    புழுங்கல் அரிசி - 1 கப்
    துவரம்பருப்பு - 1/2 கப்
    சி. வெங்காயம் - 150 கிராம்
    தக்காளி - 1, 
    பச்சை  மிளகாய் - 3
    பூண்டு - 5 பல்
    சாம்பார் தூள் - 1 தேக்கரண்டி
    மஞ்சள்தூள் - 1/2 தேக்கரண்டி
    உப்பு - தேவையான அளவு
    கருவேப்பிலை - சிறிதளவு
    எண்ணெய் - தேவையான அளவு அல்லது 50 மி.லி
    சீரகம் - 1 தேக்கரண்டி 

    செய்முறை

    முதலில் சின்ன வெங்காயம், தக்காளி, பூண்டை நறுக்கவும்.  

    குக்கரில் எண்ணெய் ஊற்றி காய்ந்தவுடன் சீரகம், கருவேப்பில்லை போட்டு பொரிக்கவும். சின்ன வெங்காயம், தக்காளி, பூண்டு, கருவேப்பில்லை போட்டு வதக்கவும். 

    வதக்கியவுடன் அரிசை, பருப்பை ஒன்றாக நீரில் கழுவி, அந்தக் கலவையில் கொட்டவும். (புழுங்கல் அரிசியே உபயோகிக்கலாம், அது தான் சுவையாக இருக்கும்).  மஞ்சள் தூள், சாம்பார் தூள், உப்பு போட்டு கலக்கவும். கலக்கியபின் 1 கப் அரிசிக்கு இரண்டரை பங்கு தண்ணீர் ஊற்றவும். அனைத்தையும் நன்றாகக் கலக்கி உப்பைச் சரிபார்த்து பின் குக்கரை மூடிவிடவும். இரண்டு விசில் வந்ததும் அடுப்பை நிறுத்தவும்.
     
    குழந்தை முதல் பெரியவர் வரை எல்லோரும் விரும்பி உண்ணும் உணவு இது. சாப்பிடும்போது ஒரு தேக்கரண்டி நெய் ஊற்றி சாப்பிடவேண்டும். அல்லது நல்லெண்ணெய் ஊற்றிச் சாப்பிட்டாலும் ஓகேதான்.

    அரிசியும் பருப்பும் சாதம் டிஃபன் பாக்ஸில் கட்டிகொடுப்பதற்கு நன்றாக இருக்கும். தொட்டுக்கொள்ள அப்பளம் போதும்.

    - எழில்

    ]]>
    Dal rice, அரிசியும் பருப்பும், கொங்கு https://www.dinamani.com/health/healthy-food/2017/may/31/tasty-recipe-with-dal-and-rice-2711875.html
    2625393 மருத்துவம் உணவே மருந்து இன்றைய மருத்துவ சிந்தனை (1.01.2017) வல்லாரைக் கீரை Sunday, January 1, 2017 12:01 PM +0530 வல்லாரைக் கீரைச் சாற்றில் திப்பிலியை ஊறவைத்து உலர்த்திப் பொடியாக்கி , தினமும் காலை மாலை என இருவேளையும் ஒரு கிராம் அளவுக்கு தேனில் கலந்து சாப்பிட்டு வந்தால் சளி பிரச்சனைகள் அனைத்தும் தீரும்.

    வல்லாரைக் கீரைச் சாற்றில் பெருஞ்சீரகத்தை ஊறவைத்து பிறகு உலர்த்திப் பொடியாக்கி, தினமும் இரண்டு கிராம் அளவுக்குச்  தொடர்ந்து சாப்பிட்டு வந்தால் மாதவிலக்குக் கோளாறுகள் அனைத்தும் தீரும்.

    வல்லாரைக் கீரை, பொடுதலைக் கீரை இரண்டையும் நிழலில் தனித்தனியே உலர்த்திப் பொடியாக்கி , இரண்டிலும் சம அளவு எடுத்துக் கலந்து, தினமும் காலை மாலை என இருவேளையும் இரண்டு கிராம் அளவுக்குச் சாப்பிட்டு  வந்தால் சர்க்கரை நோய் குணமாகும்.

    வல்லாரைக் கீரைச் சாற்றில் பூனைக்காலி விதைப் பருப்பை ஊறவைத்துப் பொடியாக்கி, சம அளவு மிளகுத் தூள் சேர்த்து காலை  மதியம் என இரு வேளையும் சாப்பிட்டு வந்தால் காக்காய் வலிப்பு  குணமாகும். முடக்கு வாதமும்,கை கால் வாதமும் குணமாகும்.

    சுக்கு, ஏலக்காய், வல்லாரைக் கீரை மூன்றையும் சம அளவு எடுத்து தண்ணீரில் போட்டுக் கொதிக்கவைத்து, தினமும் இரண்டுவேளை குடித்துவந்தால் இதய நோய்கள் அனைத்தும் குணமாகும்.

    அதிகாலையில் வல்லாரைக் கீரையை (4) பறித்து நன்றாக மென்று தின்று அடுத்து நான்கு மணி நேரத்திற்க்கு எதுவும் சாப்பிடாமல் இருந்து வந்தால் பலவகையான மனநோய்களும் விலகும்.

    KOVAI  HERBAL CARE

    கோவை பாலா சுப்பையா.

    இயற்கை வாழ்வியல் நல  ஆலோசகர் மற்றும்  Foot and Hand Reflexologist
    Cell  :  96557 58609
    Covaibala15@gmail.com

    ]]>
    வல்லாரை கீரை, Vallarai Keerai https://www.dinamani.com/health/healthy-food/2017/jan/01/இன்றைய-மருத்துவ-சிந்தனை-1012017-வல்லாரைக்-கீரை-2625393.html
    2556867 மருத்துவம் உணவே மருந்து இயற்கை உணவே ஆரோக்கிய உணவு! DIN DIN Monday, August 15, 2016 11:31 AM +0530 இயற்கை முறை உணவுகளே ஆரோக்கியமானது என்று இயற்கை விவசாயி வரதராஜன் கூறினார்.

    சீர்காழியை அடுத்த ஆலங்காடு, வட்டாரம்  ஆகிய கிராமங்களில் 150 ஏக்கரில் முற்றிலும்  இயற்கை முறையில் நெல் சாகுபடி செய்யப்பட்டுள்ள வயலில், சிதம்பரம்  அண்ணாமலை பல்கலைக்கழகம் வேளாண்புலம் இறுதியாண்டு பயிலும் சுஷ்மிதா,  தமிழரசி, சூரியபிரபா, தமிழ்ச்செல்வி உள்ளிட்ட 21 மாணவிகள், வி. சுவாதி தலைமையில் கிராமத்தில் தங்கி பயிற்சி பெறும் திட்டத்தின் கீழ் களப் பயிற்சிக்கு வருகை தந்து ஒருவாரமாக பயிற்சி பெற்று வருவதோடு, விவசாயிகளுடன் கலந்துரையாடி வருகின்றனர். அவ்வாறு களப் பயிற்சியில் ஒன்றான இயற்கை விவசாயம் குறித்து வயல்களில் திங்கள்கிழமை பயிற்சி பெற்றனர். மாணவிகளுக்கு, நம்மாழ்வார் விருது பெற்ற வரதராஜன், இயற்கை விவசாயம் குறித்து பயிற்சியளித்தார்.

    இதன் பின்னர் செய்தியாளர்களிடம் அவர் தெரிவித்தது: நல்ல ஆரோக்கியமான இயற்கை முறை உணவு தானியங்களை விளைவித்து விற்பனை செய்வது இன்றைய காலக்கட்டத்தில் மிகவும் கடினமான ஒன்றாக உள்ளது. பல்வேறு நோய்த் தாக்குதலில் இருந்து மக்களைக் காப்பற்ற தமிழக அரசு மக்களிடம் இயற்கை விவசாயம் பற்றி விழிப்புணர்வை ஏற்படுத்த வேண்டும். முதல்கட்டமாக அரசு மருத்துவமனைகளில் உள்ள உணவகங்களிலும், அரசுப் பள்ளிகள் மற்றும்   கல்லூரிகளிலும் மாணவ, மாணவிகளுக்கு இயற்கை நெல் உள்ளிட்ட தானியங்களைப் பயன்படுத்தி சமைக்கப்படும் உணவுகளை வழங்க நடவடிக்கை எடுக்க வேண்டும். அதன்மூலம் உணவே மருந்து என்பதை மக்களிடம் கொண்டு செல்ல முடியும் என்றார் வரதராஜன்.

    ]]>
    organic farming, organic food, good health https://www.dinamani.com/health/healthy-food/2016/aug/15/இயற்கை-உணவே-ஆரோக்கிய-உணவு-2556867.html
    2556863 மருத்துவம் உணவே மருந்து உணவும் மருந்தும் Monday, August 15, 2016 11:27 AM +0530 இயற்கை உணவின் இனிய பயன்களைச் சொல்லிக்கொண்டே போகலாம். அவ்வளவு உள்ளது. இயற்கை உணவில் நம்பிக்கை இல்லாதவர்களுக்கு, சமையல் உணவுக்கு அடிமையானவர்களுக்கு, இயற்கை உணவின் அளப்பரிய இனிய பயன்கள் புரியாது. ஓரளவாவது இயற்கை உணவில் வாழ்ந்தவர்களுக்கு இந்தப் பேருண்மை ஓரளவுக்குப் புரியும்.

    தனி மனிதர் நலமும், பொதுநலமும் இயற்கை உணவில் இணைந்து கிடைக்கிறது. மனிதருக்கு நோய், நொடிகள் இல்லை. நோய் ஒன்றே, வழியும் ஒன்றே; அதுதான் இயற்கை உணவு வழி. நோய்கள் பலப்பல அல்ல. எந்த மருத்துவத்திலும் குணம் கிடைக்காத எல்லா வகையான நோய்களும், ஒட்டுமொத்தமாக இயற்கை உணவுக்கு மாறுவதன் மூலம் – சமையல் உணவைத் துறப்பதன் மூலம் மறைந்து குணம் பெற்று, உடலும் உள்ளமும் ஆரோக்கிய-ஆனந்த-ஆன்மிக-சிக்கன நிலை பெறுகிறது.

    இயற்கை உணவில் வாழும்போது, பண்ட பாத்திரங்கள் தேவை இல்லை. மனிதனது புத்தி கூர்மைபெற்று, அறிவு ஓங்கி, நல்ல சாத்விக முடிவு எடுக்க முடிகிறது.

    பெண்கள், சமையல் தொழிலிருந்து விடுதலை பெறுகின்றனர். குடும்பத்தை கவனிக்கவும், பொதுநலத் தொண்டுகளில் ஈடுபடவும், போதுமான கால அவகாசம் கிடைக்கின்றது.

    அறுகுணம் (காமம், குரோதம், மோகம், லோகம், சினம், மாச்சரியம்) சீரமைகின்றது. இதனால், உலகில் நல் விளைவுகள்தான் நிகழும். தீய விளைவுகள் ஏற்படாது.

    உணவை சமைக்கும்போது உற்பத்தியாகும் கார்பன்-டை-ஆக்ஸைடு, காற்று மண்டலத்தில் கலக்க வாய்ப்பில்லை. மேலும், சமையல் உணவு உயிரற்ற உணவு. உயிரற்ற சமையல் உணவில் முழுவதும் நாம் வாழும்போது, நமது உடலையும் உயிரற்றதாக ஆகிறது. இயற்கை உணவு உயிருள்ள உணவு. உயிருள்ள இயற்கை உணவில் குறைந்தபட்சம் பெரும்பாலும் வாழும்போது, நமது உடலுக்கும் உயிரை ஊட்டுகின்றது.

    இயற்கை உணவில் வாழும்போது, வெட்டுக் காயங்கள் மற்றும் புண்களில் சீழ் வைப்பதில்லை. வலி ஏற்படுவதில்லை. மேலும் எவ்வித மருந்தும் அவசியமில்லாது, மருந்தைவிட இயற்கை உணவு அதிகபட்சம் குணப்படுத்துகின்றது.

    உலகில் சண்டை சச்சரவுகள் குறைந்து, இல்லாது போகும். ஒற்றுமை வளரும். குழந்தைப்பேறு இல்லாதவர்களும் இயற்கை உணவுக்கு மாறுவதன் மூலம் குழந்தைப்பேறு கிடைக்கிறது. சாக்கடை உற்பத்தி இல்லை. சமையலுக்கான விறகு, காஸ் போன்ற எரிபொருட்கள் தேவையில்லை. தண்ணீர் தேவை மிக மிகக் குறைவு. உணவின் அளவும் தேவையும் மிகக் குறைவு. உண்டி சுருங்கி, உபாயம் பல ஏற்படுகின்றது.

    தேங்காயும் பழங்களுமே மனிதனின் தலையாய ஒப்பற்ற உணவு. இயற்கை உணவு வாழ்வில் என்றும் இன்பமே. துன்பமில்லை. என்றும் இளமையாக வலுவாக வாழ வழிவகுக்கிறது அது. உண்மையான இறை பக்தியை வளர்க்கிறது. மூட நம்பிக்கைகள் மறைந்துபோகின்றன. எளிமை ஓங்கும். ஆடம்பரம் மறையும். பகட்டான வாழ்வு பறந்துபோகும். இயற்கை உணவில் வாழும்போது, நமது உடல் பனை மரக் கட்டைபோல் வைரமாகி, உடல் உறுதி பெறுகின்றது. சமையல் உணவில் வாழும்போது நமது உடல் பனை மர சோற்றுக் கட்டை போன்று உறுதியற்றதாகின்றது.

    உணவே மருந்து, மருந்தே உணவு. படுக்கைக் காபி, படுக்கையில் தள்ளும். நீரை உண். உணவைக் குடி. வேகாப் பண்டம் வைட்டமின் நிறைந்தது. கண்ட மருந்து காலனுக்கு விருந்து. இளநீர் இனிய நீர். பதப்படுத்திய உணவு, பயனற்ற உணவு. வாழ உண்போம்; உண்ண வாழுவோம். உயிரை ஓம்ப உடலை ஓம்புக. கனிகள், பிணிகளைப் போக்கும். நோயற்ற வாழ்வே குறைவற்ற செல்வம். சமைக்காத உணவு, சத்துள்ள உணவு. நமக்கு நாமே சிறந்த மருத்துவர். உண்ணாநோன்பே உயரிய மருந்து. பச்சை உணவு பாதுகாக்கும் உணவு. மருந்துகளை மறந்து வாழ்வோம். மாத்திரை, இறுதி யாத்திரைக்கு வழி காட்டும்.

    இயற்கை உணவு காதலை வளர்க்கும். சமையல் உணவு காமத்தை மட்டுமே வளர்க்கும். இயற்கை உணவின் விளைவு, மெய்ஞான வளர்ச்சி. மெய்ஞான வளர்ச்சி ஆக்க வளர்ச்சி. சமையல் உணவின் விளைவு, விஞ்ஞான வளர்ச்சி. விஞ்ஞான வளர்ச்சி அழிவு வளர்ச்சி. பசியோடு உண்ண உட்காருங்கள். பசியோடு உண்டு எழுந்திருங்கள். இயற்கை வாழ்வே இறை வாழ்வு. பழம் பலம் தரும். சோறு சோர்வு தரும்.

    சமையல் உணவில் உடல், உள்ளம் அழிவு வளர்ச்சி பெறுகின்றது. இயற்கை உணவில் உடல், உள்ளம் ஆக்க வளர்ச்சி பெறுகின்றன. இயற்கையே இறைவன். இயற்கையை ஓம்புதலே இறைவழிபாடு. மருத்துவ உலகம், உடலுறுப்புகளை சீர்கேடு அடையச் செய்து, இறப்பை ஏற்படுத்துகின்றது. இயற்கை உணவு, முதுமையில் இளமையைத் தருகின்றது. சமையல் உணவு, இளமையில் முதுமையைத் தருகின்றது.

    ‘பல மனிதர்கள் நோய்களால் மடிவதில்லை; தாம் உண்ட மருந்துகளால்தான் மடிகிறார்கள்’ – இது, ஜப்பான் நாட்டுப் பழமொழி.
    மனிதரை நோயாளியாக ஆக்குவதும், இறப்பை விரைவில் வரவழைப்பதும் தவறான சமைத்த உணவுதான். நோயிலிருந்து விடுவிப்பதும், இறப்பை தள்ளிப்போடுவதும் சரியான இயற்கை உணவுதான். எத்தகைய மருத்துவமோ, மருந்தோ அன்று!

    ‘உண்ணும் உணவுகளெல்லாம்
    இயற்கை உணவுகளாகட்டும்
    கேட்கும் ஒலிகளெல்லாம்
    இயற்கை ஒலிகளாகட்டும்
    தோயும் ஒளிகளெல்லாம்
    இயற்கை ஒளிகளாகட்டும்
    காணும் காட்சிகளெல்லாம்
    இயற்கை காட்சிகளாகட்டும்
    வாழும் வாழ்வுகளெல்லாம்
    இயற்கை வாழ்வுகளாகட்டும்’!
    ‘பஞ்சபூத நிறை சுகத்தால்
    பசித்தபோது பழந் தேங்காய்
    கொஞ்சுங் காற்று வெளியிலே
    கொட்ட வேர்வை வேலை செயல்
    நெஞ்சு நிரம்ப மூச்சிழுத்தல்
    நீரிலாடித் தியானித்தல்
    நஞ்சு நீங்கப் பட்டினியால்
    நல்லியற்கை வாழ்வோமே’

    என்கிறார் யோகி சுத்தானந்த பாரதி. எனவே, உலகில் பழ உணவு உண்போர் சமுதாயம் பெருக உறுதுணையாக இருப்போம். உலகில் தரிசு நிலங்களில் எல்லாம், மற்றும் இதர விளை நிலங்களில் எல்லாம் பழமுதிர்ச் சோலைகள் உருவாகப் பாடுபடுவோம். உலகில் செயற்கை வாழ்வு நீங்கி, இயற்கை வாழ்வு மிளிரச் செய்வோம். இப்பூவுலகை சொர்க்கபூமியாக மாற்றுவோம். இயற்கை வாழ்வியல் இலக்கம் உலகெலாம் தோன்றி, பல்கிப் பெருகட்டும்.

    வளர்வோம் இயற்கை உணவில்!
    வாழ்வோம் இயற்கை வாழ்வில்!!
    அடைவோம் மரணமிலாப் பெருவாழ்வை!!!
    ---------------------------
    தொடர்புக்கு - டாக்டர் அப்பன்: 9380873645, 9944042986

    ]]>
    healthy food, vegetable https://www.dinamani.com/health/healthy-food/2016/aug/15/உணவும்-மருந்த-2556863.html
    3348 மருத்துவம் உணவே மருந்து டாக்டர் என்ன சாப்பிடலாம்? மதி Friday, August 12, 2016 02:29 PM +0530 நமக்கு நோய் என்று ஒன்று வந்தால் உடனே டாக்டரைப் போய் பார்க்கிறோம். மருந்து சீட்டை எழுதியவுடன் நாம் டாக்டரிடம் கெட்கும் முதல் கேள்வி, ‘டாக்டர் என்ன சாப்பிடலாம்?’ எல்லா நோய்களுக்கும் மருந்துடன் உணவும் நோய் தீர்க்கும் ஒரு முக்கிய பங்கை வகுக்கிறது என்பதை நாம் தெளிவாக புரிந்து கொண்டு இருக்கிறோம்.

    சில நோய்களுக்கு உணவே மருந்தாக அமைகிறது என்பதை நாம் சமீபத்தில் மறந்துவிட்டோம். ஒரு ஆறு மாதத்துக்கு முன்பு அமெரிக்கா நாட்டிற்குப் பயணம் செய்திருந்தேன். அப்போது வெர்ஜினியா என்ற நகரத்தில் என் தங்கை வீட்டில் தங்கி இருந்தேன். என் தங்கையின் கணவரின் அலுவலகத்தில் பணியாற்றிய How என்ற பிலிப்பைன்ஸ் நாட்டைச் சேர்ந்த நண்பர் ஒருவர் எங்களை அன்புடன் அவருடைய வீட்டுக்கு அழைத்தார். நாங்களும் சென்றோம். பல விஷயங்களை பகிருந்து கொண்டோம். நன்கு உபசரித்தனர்.  உபசரித்து வீடு கிளம்பும் போது ஹெளவின் மனைவி உள்ளே சென்று ஒரு அழகான சிவப்பு நிற பையில் ‘a small gift’ என்று சொல்லி என்னிடம் கொடுத்தார். நானும் புன்முறுவலுடன் நன்றி கூறி வாங்கிக் கொண்டேன். காரில் ஏறி வீடு திரும்பும் போது அந்தப் பையில் என்ன இருக்கு எனப் பிரித்துப் பார்த்தேன். ‘Healthy cookery’ என்று எழுதப்பட்ட ஒரு பையில் நாம் சமையலுக்கு உதவும் மஞ்சள் தூள் ஒரு பாக்கெட்டும், அதே அளவு சீரகம் ஒரு பாக்கெட்டும் இருந்தது. ஆச்சரியத்தில் மெளனமாகச் சிந்திக்க ஆரம்பித்தேன்.

    மஞ்சளே சேர்க்காமல் சமைக்கப்படும் துரித உணவுகளின் மீது என் மனம் சென்றது. எந்த விஷயமாக இருந்தாலும் அது அமெரிக்காவிலிருந்து வந்தால் அதற்கு நாம் தரும் தனி மதிப்புத் தான் என்ன? நம் நாட்டுச் சமையலில் மஞ்சள் இல்லாமல் சமைத்ததே இல்லை. இந்த மஞ்சளின் பெருமை இனி உலகம் முழுவதும் பிரபலமாகிவிட்டது. மஞ்சளில் இருக்கும் ‘Curcumin’ என்ற வேதிப் பொருள் நூற்றுக்கும் மேலான புற்றுநோய் வகைகளைத் தடுக்க வல்லது. ஒரு வகைக் குடல் புற்றுநோய் இந்த மஞ்சளை உபயோகிப்பதால் இந்தியர்களைத் தாக்குவதில்லை. மஞ்சள் காமாலை நோயாளிகள் மஞ்சளை உணவில் சேர்க்கக் கூடாது என்பது ஒரு மூட நம்பிக்கை. உணவில் சேர்க்கும் மஞ்சளுக்கும் உடம்பில் வரும் மஞ்சள் காமாலை நோய்க்கும் எந்த சம்மந்தமும் இல்லை. அடுத்ததாக சீரகத்தின் நன்மைகளைப் பார்ப்போம்.

    வயிற்றுச் சம்மந்தமான எல்லா நோய்களுக்கும் சீரகம் ஒரு நல்ல ஒளஷதம். நோய் எதிர்ப்புத் தன்மையுடன் வயிற்றுப் புண்களையும் ஆற்றும் தன்மை பெற்றது. ஒரு அரை டீஸ்பூன் சீர்கத்தை வாயில் போட்டு சிறிது சிறிதாக மென்றால் வாய் துர்நாற்றம் குடல்புண் போன்ற பிரச்னைகளிலிருந்து முழு தீர்வு பெறலாம்.

    Cholestral உள்ளவர்களும் நீரிழிவு நோயால் பாதிக்கப்பட்டவர்களும் தினமும் 1 ½ டீஸ்பூன் வெந்தயத்தை காலையிலும் மாலையிலும் உட்கொள்வதால் சிறந்த பயன் அடையலாம். இதை உணவு உட்கொள்வதற்கு ஒரு ½ மணி நேரத்துக்கு முன் உட்கொள்ள வேண்டும். வெந்தயத்தை தண்ணீரில் ஊற வைத்தும் சாப்பிடலாம் அல்லது லேசாக வறுத்து தூளாக்கி நீரிலோ மோரிலோ கலந்து உட்கொள்ளலாம்.

    சர்க்கரை அளவு கட்டுப்பாட்டுக்குள் வந்தால் சாப்பிடும் அளவை, சிறிது சிறிதாகக் குறைத்து விடலாம். இதை உட்கொள்ளும் போது நோய்க்கான மருந்துகளை நிறுத்திவிடக் கூடாது.

    ‘பூண்டைத் தின்றவர் ஆண்டை வென்றார்’ என்பது பழமொழி. ஆனால் புதிய ஆராய்ச்சிகள் என்ன சொல்லுகின்றன? பூண்டிலிருக்கும் ஒருவகை நார்ச்சத்து இருதயத்தைப் பலப்படுத்தி நீண்ட ஆயுளைக் கொடுக்கும் என்று உறுதிப்படுத்தி இருக்கிறது. பூண்டு ஒரு உணவாகவும், மூலிகையாகவும் மருந்தாகவும் பயன்படுகிறது.

    ரத்தக்குழாயில் கொழுப்புப் படிவதைத் தடுக்கிறது. வைட்டமின் சி சத்தும் அதிகமுள்ளது. இதில் இருக்கும் ஒரு வகைச் சத்து தாய்ப்பால் அதிகம் சுரக்க உதவுகிறது.

    ]]>
    food https://www.dinamani.com/health/healthy-food/2016/aug/11/டாக்டர்-என்ன-சாப்பிடலாம்-3348.html
    3202 மருத்துவம் உணவே மருந்து உணவே மருந்து - வாழைப்பழம் ! test Tuesday, August 9, 2016 04:13 PM +0530 நம்முள் பலர் விலையுயர்ந்த கனிவர்க்கங்களைப் பார்க்கும் விதத்தில் விலை குறைந்த கனி வர்க்கங்களைப் பார்ப்பதில்லை. ஆனால் விலை குறைந்த பழவகைகளிலும் எல்லாச் சத்துக்களும் நிறைந்து கிடைக்கின்றன. அவ்வகையில் இந்த உலகத்தில் எல்லாப் பாகங்களிலும், எல்லா நேரங்களிலும் கிடைக்கும் ஒரே கனிவகை வாழைப்பழம் மட்டும்தான்.

    வாழைப்பழம் மனிதனின் மூளைக்குத் தேவையான எல்லாப் புரதச் சத்துக்களையும் கொண்டுள்ளது. வாழைப்பழம் மூன்று இயற்கையான இனிப்பு வகைகளைக் (Natural Sugar) கொண்டுள்ளது. அதாவது சக்ரோஸ் (Sucrose), ஃபிரக்டோஸ் (Fructose), குளுகோஸ் (Glucose) உடன் சேர்ந்து நம் குடலுக்குத் தேவையான ஃபைபரையும் (Fiber) கொண்டுள்ளது. இரண்டு வாழைப்பழம் சாப்பிட்ட ஒன்றரை மணி நேரத்தில் உடலுக்குத் தேவையான, உடனடியான, உறுதியான, கணிசமான, ஊக்கமுள்ள ஊட்டச்சத்தைக் கொடுப்பதாக ஆராய்ச்சிகள் தெரிவிக்கின்றன. வாழைப்பழம் ஒரு மனிதனுக்குக் கிடைக்கக்கூடிய ஊட்டச்சத்து மட்டுமல்ல பல நோய்கள் வராமல் தடுக்கக்கூடிய நோய்த்தடுப்பு நாசினியும்கூட. ஆகவே இதை நாம் தினமும் உண்ண வேண்டும்.

    மூளை வலிமை: காலை, இடைவெளி மற்றும் மதிய உணவில் வாழைப்பழத்தை உணவுடன் சேர்த்துக் கொடுத்துச் சோதனை செய்து பார்த்தபோது மாணவர்களின் மூளைத்திறன் அதிகரித்ததோடு, பொட்டாசியம் நிறைந்த இந்த உணவு அதிகமான கல்வித்திறனை அளிப்பதாக ஆராய்ச்சிகள் தெரிவிக்கின்றன.

    மலச்சிக்கல் : ஒரு மனிதனுக்கு மலச்சிக்கல் வந்துவிட்டால் அவனது மனித குணமே மாறிவிடும். அதற்கு ஒரே வழி உங்கள் உணவில் தினமும் வாழைப்பழத்தைச் சேர்த்துச் சாப்பிடுங்கள். வாழைப்பழத்தில் அதிகமான ஃபைபர் இருப்பதால் உங்கள் குடலைச் சுத்தமாக்கி மலம் இலகுவாக வெளியாவதற்கு வழிசெய்வதோடு மனத்தளர்ச்சியைச் சுத்தமாகப் போக்கிவிடுகிறது.

    மந்தம் : நம்முள் சிலர் சிறிது தூங்கிவிட்டு எழுந்துவிட்டால்கூட மந்தமாக இருப்பதாக அலுத்துக்கொள்வார்கள். அவர்களுக்கு இதோ வாழைப்பழ மருந்து தயாராக உள்ளது. வாழைப்பழத்துடன் தேனையும், பாலையும் சேர்த்து ஒரு குவளை மில்க் ஷேக் (Milk Shake) தயார் செய்து குடிக்க வேண்டும். வாழைப்பழம் தேனுடன் சேர்த்து வயிற்றை அமைதிப்படுத்தி இரத்தத்திலுள்ள இனிப்புச் சத்தை அதிகமாக்குகிறது. அத்துடன் இதில் பாலும் சேர்ப்பதால் பால், நீர்ச் சத்தைச் சரியாக வைத்துக்கொள்கிறது. இந்த மூன்றும் சேர்ந்து மந்த நிலைப் போக்கிவிடுகிறது.

    நெஞ்செரிப்பு : உங்களுக்கு நெஞ்செரிகிறதா? வாழைப்பழத்திற்கு இயற்கையாக அமில எதிர்ப்புச் சக்தி இருப்பதால் வாழைப்பழத்தைத் தொடர்ந்து தினமும் சாப்பிட்டு வர நெஞ்செரிப்பு நோய் உங்களை விட்டுப் பறந்துவிடும்.

    உடல் பருமன் : ஆஸ்திரியாவில் உள்ள மனோதத்துவ நிறுவனத்திலுள்ள ஆராய்ச்சியாளர்கள் உடல் பருமனால் பாதிக்கப்பட்டிருந்த 5000 நோயாளிகளுக்கு வாழைப்பழத்தை தினமும் உணவில் சேர்த்தார்கள். பின்னர் அவர்களது இரத்தத்தில் உள்ள குளுகோஸ் அளவை ஒரு நிலைத்தன்மைக்குக் கொண்டு வந்து அதன்மூலம் அவர்களது உடல்பருமன் குறைவதாகத் தெரிவிக்கின்றார்கள்.

    குடற்புண் : வாழைப்பழத்தை நாள்தோறும் சாப்பிட்டால் குடலின் உட்பகுதி மென்மையாகி அதிகமான அமிலத்தன்மை ஏற்படுத்தாததால் குடற்புண்ணை அழிப்பதுடன் குடற்புண் வராமலும் காக்கிறது.

    சீரான வெப்பநிலை: வாழைப்பழத்திற்குக் குளிர்ந்த பழம் (Cooling Fruit) என்ற பெயரும் உண்டு. தாய்லாந்து நாட்டு மக்கள் அதிகமாக வாழைப்பழத்தைச் சாப்பிடுவதால் அவர்களது உடலின் தட்பவெப்பநிலை சீராக உள்ளது.

    மன அழுத்தம் : வாழைப்பழத்தில் பொட்டாசியம் அதிகம் இருப்பதால் அவை இதயத்துடிப்பைக் கட்டுக்கோப்புக்குள் வைத்துக் கொள்வதுடன் ஆக்ஸிஜனை மூளைக்குச் செலுத்தி உடலின் தண்ணீரின் அளவைச் சமப்படுத்துகிறது. இதனால் மன அழுத்த நோய் நீங்கும்.

    இரத்தச் சோகை (Anemia) : வாழைப்பழத்தில் அதிக அளவு இரும்புச் சத்து இருப்பதால் அதிக அளவு சிவப்பணுக்களை உண்டு பண்ணி இரத்தச் சோகை வராமல் தடுக்கிறது.

    இவ்வளவு நன்மைகளைச் சுமந்து நிற்கும் வாழைப்பழத்தை நாம் நம்முடைய அன்றாடஉணவில் சேர்த்து உண்டு எல்லாப் பயன்களையும் ஆரோக்கியத்தையும் பெறுவோம்.

    ]]>
    lifestyle, Banana, healthy food https://www.dinamani.com/health/healthy-food/2016/aug/09/உணவே மருந்து-- வாழைப்பழம்--3202.html