Dinamani - ரசிக்க... ருசிக்க... - https://www.dinamani.com/lifestyle/lifestyle-food/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3194379 லைஃப்ஸ்டைல் ரசிக்க... ருசிக்க... ‘5 ரூபாய் சாப்பாடு’ 25 வருடங்களாக ஒரே விலையில் சாப்பாடு தரும் அன்னதானப் பிரபு!  கார்த்திகா வாசுதேவன் DIN Friday, November 1, 2019 03:35 PM +0530  

சி.பி.ராம்சாமி சாலை, ஆழ்வார்பேட்டையில் இருக்கும் லக்‌ஷ்மி டீஸ்டால் ஏழை எளியவர்களின் பசிப்பிணி தீர்க்கும் புகலிடமாக மாறிப்போனதில் அதிசயமில்லை. இங்கே சாப்பாட்டுப் பொட்டலம் வெறும் 5 ரூபாய் தான். 5 ரூபாயில் தயிர், சாம்பார், தக்காளி, லெமன், புளிச்சாதம் என்று வெரைட்டியாக வேறு தருகிறார்கள். கடை ஆரம்பிக்கப்பட்டது 1994 ஆம் ஆண்டில். அப்பா கணேசன் தொடங்கி வைத்த ‘5 ரூபாய் சாப்பாடு’ வழக்கத்தை இன்று மகன் ராஜாவும் விடாது பின்பற்றி வருகிறார்.

எங்கே சென்றாலும் மக்கள் தங்களை 5 ரூபாய் சாப்பாட்டுக்காரர்கள் என்று அடையாளம் காண்பதை தங்களுக்குரிய பெருமையாக இவர்கள் கருதுகிறார்கள். அதிலொரு மன திருப்தி கிடைப்பதாகப் புன்னகைக்கிறார் அப்பா கணேசன்.

இவர்களிடம் கஸ்டமர்களாக வருபவர்கள் பெரும்பாலும் டிரைவர்கள், வாட்மேன்கள், ஆபீஸ் கடைநிலை ஊழியர்கள் உள்ளிட்ட லோயர் மிடில் கிளாஸ் வர்க்கத்தினரே! அவர்களது பசிக்கு மிகக் குறைவான விலையில் கிடைக்கும் 5 ரூபாய் சாப்பாடு தேவாமிர்தம். கடையின் ஓரத்தில் கொஞ்சம் இடமிருக்கிறது. கஸ்டமர்கள் அங்கே அமர்ந்து கொண்டு, நின்று கொண்டு சாப்பிட்டு விட்டுச் செல்வதும் உண்டாம்.

அப்பா கணேசனின் லக்‌ஷ்மி டீஸ்டாலின் அருகிலேயே லக்‌ஷ்மி ஃபாஸ்ட் ஃபுட் என்றொரு கடை நடத்தி வருகிறார் மகன் ராஜா. 5 ரூபாய் சாப்பாட்டுக் கடை நடத்த இது அவர்களுக்கு மிக வசதியாக இருக்கிறது. 5 ரூபாய் சாப்பாட்டுக் கடைக்கு என்று தனியாக வேலையாட்கள் அமர்த்தப்படவில்லை. ஃபாஸ்ட் ஃபுட் கடையின் ஊழியர்களைக் கொண்டே இந்தக் கடைக்கான வேலைகளையும் நடத்திக் கொள்கிறார்கள். அதாவது 5 ரூபாய் சாப்பாட்டுக் கடைக்கென்று தனியாகச் சமைப்பதில்லை. அங்கே வடிக்கும் சோற்றில் கூடக் கொஞ்சம் வடித்து இந்தக் கடைக்கும் பயன்படுத்திக் கொள்வதாகச் சொல்கிறார் கணேசன். இந்த 5 ரூபாய்க்கடை என்பது அவர்களைப் பொருத்தவரை தினம் நடத்தப்பட வேண்டிய ஒரு தர்மகாரியம். இதை மாஸ்டர் வைத்து அவருக்குத்தனியாக சம்பளம் தந்து நடத்திக் கொண்டிருந்தால் பிறகு சம்பளம் தர முடியாமல் நடுவில் தடைபட்டுப் போனாலும் போகலாம் என்பதால் வேலையாட்களையே வைத்துக் கொள்ளாமல் அப்பாவும், மகனுமாக இந்தக் கடை வேலைகளைப் பகிர்ந்து கொள்கிறார்கள். 

25 வருடங்களுக்கு முன்பு தொடங்கப்பட்ட ஆரம்பகாலங்களில் 5 ரூபாய் சாப்பாடு அதிக லாபம் அளித்து வந்த போதும் இன்று அதை நாங்கள் ஒரு சேவை மனப்பான்மையுடன் தான் அதே விலையில் தந்து கொண்டிருக்கிறோம் என்கிறார்கள் அப்பாவும், மகனும். லாபம் இல்லாமல் எந்த தொழிலும் நிலைத்து நிற்காது. இதில் தர்ம நோக்கமும் இருப்பதால் கிடைத்த வரை லாபம் என்று முடிவு செய்து கொண்டு அதே விலையை மாற்றாமல் தந்து கொண்டிருக்கிறார்கள். கடைக்கு சாப்பாடு வாங்க வருபவர்கள், சுவை பிடித்துப் போனதால் இப்போதெல்லாம் 1 பாக்கெட் வாங்குவதில்லை 2, 4 5 என்று தான் வாங்கிச் செல்வார்கள். சுவை பிடிக்கா விட்டால் மீண்டும் வருவார்களா? என்ன ஒரு வித்யாசம் என்றால் ஆரம்ப நாட்களில் 5 ரூபாய்க்கு சாப்பாட்டுப் பொட்டலம் வாங்குபவர்களுக்கு ஒரே பாக்கெட்டில் வயிறு நிறையச் சாப்பாடு தர முடிந்தது. ஆனால் இன்று விலை மட்டும் தான் அதே நிலையில் நீடிக்கிறது. சாப்பாட்டின் அளவு குறைந்து விட்டது. இரண்டு பொட்டலம் வாங்கினால் ஓரளவுக்கு வயிறு நிறைந்து விடும். பொட்டலத்தின் விலையைக் கூட்டலாம் என்றால் மனசு வரவில்லை. ஏனென்றால் மக்கள் எங்களை 5 ரூபாய் சாப்பாட்டுக்காரர்கள் என்று தான் நம்புகிறார்கள். விரும்புகிறார்கள். எனவே அதையே நீடிக்கலாம் என்று சொல்லி விட்டார் அப்பா.

எங்கள் கடையில் தயிர்சாதத்துக்கு ஊறுகாயும், லெமன், புளி, தக்காளி சாதத்துக்கு சாம்பாரும் ஃப்ரீ. சாப்பாட்டுப் பொட்டலத்தின் விலையை ஏற்றக்கூடாது. சைஸைக் கூட சிறியதாக்கிக் கொள்ளலாம், விலை கம்மி என்ற பெயர் மட்டும் நிலைக்க வேண்டும் என்பது தான் என் ஆசை. காய்கறி மற்றும் மளிகைப்பொருட்கள் என்ன விலையாக இருந்தாலும் பரவாயில்லை நம்மால் முடிந்த அளவுக்கு இதே விலையில் சாப்பாடு போடுவது என்று முடிவு செய்து விட்டேன் என்கிறார் பெரியவர் கணேசன்.

லாபம் இல்லாமல் எந்த தொழிலும் நிலைத்து நிற்காது. ஆனால் இவர்களது 5 ரூபாய் சாப்பாடு கொள்கை கையில் சொற்பக் காசுடன் வாழும் பலரது மதியச் சாப்பாட்டுக் கவலையைத் தீர்த்துக் கொண்டிருப்பதால் 25 ஆண்டுகளாக நீடிக்கும் இவர்களது தர்ம சிந்தனையை வாழ்த்தலாம்.

]]>
சென்னையில் 5 ரூபாய்க்கு சாப்பாடு, 5 ரூபாய் சாப்பாட்டுப் பொட்டலம் https://images.dinamani.com/uploads/user/imagelibrary/2019/7/17/w600X390/5_rs_sappadu.jpg https://www.dinamani.com/lifestyle/lifestyle-food/2019/jul/17/5-rs-food-pockets-in-chennai-alwarpet-3194379.html
3227000 லைஃப்ஸ்டைல் ரசிக்க... ருசிக்க... கடவுளருக்குப் பிடித்த உணவுகள்! கஸ்தூரி ராஜேந்திரன், தேனி. DIN Friday, November 1, 2019 03:35 PM +0530  

நேற்று விநாயகர் சதுர்த்திக்கு பிள்ளையாருக்கு கொழுக்கட்டை செய்து படைத்தோம். விதம் விதமான கொழுக்கட்டைகள். பூரணம் சேர்த்து, தேங்காய் துருவிப் பிசிறி விட்டு, காரக் கொழுக்கட்டை என்று வெரைட்டியாகச் செய்தோம். ஆனால், பெரும்பாலும் பெரியவர்களே சாப்பிட்டுக் கொண்டிருந்தோமே தவிர பிள்ளைகள் அப்போதும் ம்மா, இன்னைக்கு ஃபெஸ்டிவல் ஆஃபரா வெஜ் பீட்ஸா ஆர்டர் பண்ணுங்களேன்! என்று நச்சரித்துக் கொண்டிருந்தார்கள். ச்சே... நாளும், கிழமையுமா வீட்ல பீட்ஸாவா! நோ சான்ஸ், இன்னைக்கு இந்தக் கொழுக்கட்டை சாப்பிட்டா தான் விநாயகர் அருள் பரிபூரணமா கிடைக்குமாக்கும். இல்லனா பிள்ளையார் கோவிச்சுப்பார். என்றேன். சின்னவள் நம்பினாள், பெரியவளுக்கு நம்பிக்கை பூரணமாகவில்லை. அவளுக்காக கொஞ்சம் தேடிக் கண்டுபிடித்து கண்ணில் பட்ட கடவுள்களுக்கெல்லாம் பிடித்த உணவு... ஐ மீன் ஃபேவரிட் ஃபுட் என்ன என்று கண்டுபிடித்தோம். பிறகு அவளும் கூட குத்துமதிப்பாக நம்பத் தொடங்கினாள். ஒருவழியாக செய்து வைத்த விதம் விதமான கொழுக்கட்டைகள் தீர்ந்தன. 

கடவுள்களுக்குப் பிடித்த உணவு என்றால் அது நாம் அவர்கள் மேல் கொண்டிருக்கும் பூரண பக்தியாகவே இருக்கலாம். இந்த பக்தியை அருந்தி, அருந்தியே அவர்களது சக்தி கூடுகிறதோ என்னவோ?! ஆயினும் மனிதர்களான நாம் நமக்குள் சில நம்பிக்கைகளை வளர்த்துக் கொண்டிருக்கிறோம். நமக்குப் பிடித்த கடவுளருக்கு இன்னின்ன உணவுகள் தான் பிடித்தமானவை என்று. உண்மையில் கடவுளருக்கு அது தான் பிடிக்குமோ என்னவோ? ஆனால், நம் குழந்தைகளை சத்தான ஆகாரங்களுக்குப் பழக்க நாம் ஏன் இதை ஒரு உபாயமாக்கிக் கொள்ளக் கூடாது?! எந்நேரமும் கடைகளில் விற்கப்படும் அசைவ உணவுகளுக்கும், ஃபாஸ்ட் ஃபுட் உணவுகளுக்கும் அடிமையாகிக் கிடக்கும் குழந்தைகளை மீட்க தெய்வ நம்பிக்கையை உணவு விஷயத்திலும் அழுத்தமாகப் பதிய வைக்கலாமே!

முயற்சித்துப் பாருங்கள். முடிந்தால் நல்லது.

முதலில் காளை வாகனரான எம்பெருமான் மகாதேவரில் தொடங்கலாம்.

  1. சிவன்: பாலில் குங்குமப்பூ சேர்த்துப் படைத்தால் எம்பெருமானின் அருள் பூரணமாகக் கிடைக்கும்.
  2. விஷ்ணு: விஷ்ணுவுக்குப் பிடித்த உணவு என்று தனியாக எதுவும் சொல்லப்படவில்லை. ஆனால், மஞ்சள் நிறத்தில் இருக்கும் நைவேத்திய உணவென்றால் மகாவிஷ்ணுவுக்கு இஷ்டம் என்பது ஐதீகம். மஞ்சள் நிற சர்க்கரைப் பொங்கல், லட்டு.
  3. கண்ணன்: கிருஷ்ணாவதாரக் கண்ணனுக்கு வெண்ணெயும், அவலும் என்றால் ப்ரியம் என்று சொல்கிறது குசேலர் கதை.
  4. சரஸ்வதி: கல்விக்கு அதிபதியான சாரதாம்பிகைக்கு வெண்பொங்கல் என்றால் ப்ரியம். 
  5. கணபதி: பிள்ளையாருக்கு லட்டும், மோதகமும் (கொழுக்கட்டை) அத்தனை பிடிக்கும். நேற்று விநாயகர் சதுர்த்தி இல்லையா... விதம் விதமான மோதகங்களில் நீந்திக் களித்திருப்பார் கணபதியார்.
  6. முருகன்: குமரக் கடவுளுக்கு மாம்பழங்களும், வாழைப்பழங்களும் ரொம்ப இஷ்டம் என்கிறார்கள் சிலர். பொதுவாகப் பழங்களும் வெல்லமும் என்று எடுத்துக் கொள்ளலாம். ஏனெனில், தமிழ்நாட்டில் பழனி முருகனுக்குப் பஞ்சாமிர்தம் செய்து படைக்கிறார்கள்.
  7. மகாலஷ்மி: செல்வத்துக்கு அதிபதியான மகாலஷ்மிக்கு அரிசிப் பாயசம் என்றால் இஷ்டம். பாயசம் மட்டுமல்ல அரிசியில் தயாரிக்கப்படும் அனைத்து இனிப்பு வகைகளும் அவளுக்கு இஷ்டமே!
  8. துர்கை: துர்கைக்கும் பாயசமும் காய்கறி உணவும் ரொம்பப் பிடிக்கும்.
  9. ஐயப்பன்: மணிகண்டனான ஹரிஹரனுக்கு அரவணப் பாயசம் என்றால் இஷ்டம்.
  10. ஹனுமன்: சிவப்பு நிறத் துவரம் பருப்புடன் வெல்லம் சேர்த்துச் செய்கிற பண்டங்கள் ஹனுமனுக்கு ரொம்ப இஷ்டம்.
  11. அம்மன்: மாரியம்மன், பாளையத்தம்மன், கெளமாரியம்மன், கருமாரியம்மன், காளியம்மன் என தமிழகத்து அத்தனை அம்மன்களுக்கும் ஆடிக்கூழ் அத்தனை இஷ்டம் என்று நம் எல்லோருக்குமே தெரியும்.
  12. சனி, ராகு, கேது: மூவருமே அரைத் தெய்வ, அரை அசுர ரூபங்கள் என்பதால் இவர்களுக்கு கருப்பு நிற உணவுப் பொருட்களான கடுகு, கருப்பு எள்ளில் செய்த உணவுகள் ரொம்பப் பிடிக்குமாம்.
  13. குபேரன்: சாட்ஷாத் அந்த திருமலை வெங்கடேஷன் பெருமாளுக்கே கடன் கொடுத்து உதவும் அளவுக்கு செல்வாக்கு மிக்க தனவந்தக் கடவுளான குபேரனின் அருள் பெற வேண்டுமெனில் லட்டு மற்றும் சீதாப்பழ பாயசம் படைத்து அவனை வணங்கலாம்.

இவ்வளவு தான் கண்டுபிடிக்க முடிந்தது. கட்டுரையை வாசிப்பவர்கள் கடவுளருக்குப் பிடித்த உணவுகள் விஷயத்தில் உங்களுக்குத் தெரிந்த ஐதீக நம்பிக்கைகளைப் பகிருங்கள்.


 

]]>
நம்பிக்கை, ஐதீகம், கடவுளுக்குப் பிடித்த உணவுகள், folklore, belief https://images.dinamani.com/uploads/user/imagelibrary/2019/9/3/w600X390/mahaprasad-thali.png https://www.dinamani.com/lifestyle/lifestyle-food/2019/sep/03/know-our-gods-favourite-foods-3227000.html
3263044 லைஃப்ஸ்டைல் ரசிக்க... ருசிக்க... புதுசு கண்ணா புதுசு! ஆவின் கேரட் மைசூர்பா! கஸ்தூரி ராஜேந்திரன், தேனி. DIN Friday, October 25, 2019 02:39 PM +0530  

பாக்கெட் பால் விற்பனையில் மக்களின் நம்பிக்கையைப் பெற்று பால் விற்பனையில் முன்னணியில் இருக்கும் ஆவின் நிறுவனம். விற்பனைக்குப் போக எஞ்சிய பாலில் இனிப்பு வகைகளைத் தயாரித்து ஆவின் விற்பனை நிலையங்களில் விற்பது வாடிக்கை. கடந்தாண்டு தீபாவளிக்கு 23 டன் இனிப்புகளை விற்று சாதனை படைத்திருந்த சேலம் ஆவின் நிறுவனம் இந்தாண்டும் அதே உத்தியைக் கையாண்டு 40 டன் இனிப்புகளைத் தயாரித்து விற்பனை செய்து வருகிறது. இந்த ஆண்டு சில புதிய இனிப்புகளையும் சேலம் ஆவின் தனது பட்டியலில் இணைத்திருக்கிறது. அதில் கேரட் மைசூர் பாகும், ஆவின் நெய் லட்டும் வாடிக்கையாளர்களைக் கவரும் விதத்தில் முற்றிலும் பசும்பாலில் இருந்து பெறப்பட்ட நெய்யினால் தயாரிக்கப்பட்டுள்ளதாக சேலம் ஆவின் நிறுவன தலைவர் மற்றும் மேலாளர் தெரிவித்துள்ளனர்.

தீபாவளி தோறும் இனிப்பகங்கள் அனைத்திலும் புதிய இனிப்பு வகைகள் அறிமுகம் செய்யப்படுவது வழக்கம் தான். அந்த வகையில் இம்முறை சேலம் ஆவின் நிறுவனம் ‘கேரட் மைசூர்பாகு எனும் புதிய இனிப்பு வகையை அறிமுகம் செய்திருப்பது வரவேற்கத்தக்கது.

இவை தவிர, ஆவின் நிலையங்களில் பால்கோவா, முந்திரிகேக் உட்பட மொத்தம் 42 வகையான இனிப்பு வகைகளை தரமான நெய்யில் தயாரிக்கப்பட்டு மலிவு விலையில் விற்பனைக்குத் தருகிறது ஆவின். விற்பனையில் கிடைக்கும் லாபத்தில் பால் விவசாயிகளுக்கும் பங்கு தரப்படவிருப்பதாக ஆவின் நிறுவன மேலாளர் தகவல்.

பால் உபபொருட்கள் மூலமாக மட்டும் ஆண்டிற்கு ரூ 600 கோடி ரூபாய் அளவில் வர்த்தகம் செய்து வருகிறது சேலம் ஆவின் நிறுவனம். இங்கு தயாரிக்கப்படும் இனிப்புகள் சென்னை, கோவை, மதுரை, திருச்சி உட்பட மொத்தம் 600 இடங்களுக்கு அனுப்பப் படுகிறது

]]>
New its avin carrot mysorepak! https://images.dinamani.com/uploads/user/imagelibrary/2019/10/25/w600X390/carrot_mysorepa.jpg AVIN CARROT GHEE MYSOREPA https://www.dinamani.com/lifestyle/lifestyle-food/2019/oct/25/new-its-avin-carrot-mysorepak-3263044.html
3262992 லைஃப்ஸ்டைல் ரசிக்க... ருசிக்க... தீபாவளி ஸ்பெஷல் ஸ்வீட், காஜூ கத்லி வீட்ல செய்யலாம் வாங்க! கஸ்தூரி ராஜேந்திரன், தேனி. DIN Friday, October 25, 2019 12:30 PM +0530  

உங்களுக்கு காஜூ கத்லி பிடிக்குமா?

காஜூ என்றால் இந்தியில் முந்திரிப்பருப்பு என்று பொருள். வெறும் முந்திரிப் பருப்பு, சர்க்கரை மற்றும் நெய் கொண்டு தயாரிக்கப்படும் இனிப்பை காஜூ கத்லி என்கிறார்கள். இந்த இனிப்பின் ஸ்பெஷாலிட்டி என்னவென்றால்? இது எவ்வளவு சாப்பிட்டாலும் திகட்டவே திகட்டாது என்பது தான்.

எழுத்தாளர் சுஜாதா தனது 'கற்றதும், பெற்றதும்’ அனுபவப் பகிர்வில் எழுதி இருப்பார் இந்த இனிப்பின் மகிமை குறித்து. நல்ல காஜூ கத்லி வாங்க வேண்டுமென்றால் ‘ஸ்ரீ மிட்டாய்க் கடை’ க்குச் செல்லுங்கள் என்று சுஜாதாவே மெச்சிய ஸ்வீட் இது.

சரி அப்படியாகப்பட்ட காஜூ கத்லியைத்தான் இப்போது நாம் நமது வீட்டில் தயாரிக்கப்போகிறோம்.

தேவையான பொருட்கள்:

  • முந்திரிப்பருப்பு – 2 கப்
  • சர்க்கரை – 1 1/2 கப்
  • நெய் – 2 டேபிள் ஸ்பூன்
  • சுடு தண்ணீர் – 3/4 கப்
  • சில்வர் பேப்பர் – 6
  • குங்கமப்பூ – ஒரு சிட்டிகை

செய்முறை:

முந்திரிப்பருப்பை நன்கு அரைத்து பெளடர் செய்து கொள்ளவும். அரைக்கும் போது பிசிறு தட்டாமல் நைஸாக அரைத்துக் கொள்ள வேண்டும். அப்படி அரைத்த முந்திரிப்பருப்புத் தூளை ஒரு சுத்தமான காய்ந்த பாத்திரத்தில் எடுத்து வைத்து விட்டு. அடுப்பில் பாத்திரத்தை ஏற்றி 1 1/2 கப் சர்க்கரையை அதில் கொட்டி, சர்க்கரை மூழ்கும் அளவுக்கு தண்ணீர் விட்டு பாகு காய்ச்ச வேண்டும். காய்ச்சிய பாகு நன்கு திக்கானதும். கையால் பதம் பார்த்துக் கொண்டு அதில் அரைத்து வைத்த முந்திரிப்பருப்புத் தூளைக் கொட்டி நன்கு கிளறவும்.  கிளறும் போது முந்திரிப்பருப்புத் தூளின் நிறம் மாறக்கூடாது. முந்திரிப்பருப்புத் தூள் சர்க்கரைப் பாகுடன் நன்கு கலந்து வெதுவெதுப்பான பதத்தில் இருக்கும் போது அதனுடன் 2 டேபிள் ஸ்பூன் நெய்யைச் சேர்த்து நன்கு கிளற வேண்டும்.  மாவின் பதம் சப்பாத்தி மாவு பதத்தைக் காட்டிலும் சற்று திக்காக இருக்கும் போது பாத்திரத்தைக் கீழே இறக்கி கை பொறுக்கும் சூட்டில் அதன் மீது ஃபாயில் பேப்பரை ஒட்டித் துண்டுகள் போடலாம்.

காஜூ கத்லியை டைமண்ட் வடிவில் துண்டுகளிட்டால் குழந்தைகள் முதல் பெரியவர்கள் வரை விரும்பிச் சாப்பிடுவார்கள். துண்டின் தடிமன் 2 செமீக்கு மிகாமல் பார்த்துக்கொள்ள வேண்டும்.

முற்றிலும் முந்திரிப்பருப்பும், சர்க்கரையுஜ்ம் , நெய்யும் மட்டுமே கலந்து செய்வதால் இது மிகவும் சத்தானது மட்டுமல்ல சர்க்கரை வியாதிக்காரர்களுக்கு ஆபத்தானதும் கூட. எனவே நீரழிவு நோயால் அவதிப்படுபவர்கள் இந்தப் பக்கம் எட்டியும் பார்த்து விட வேண்டாம். ஆசைக்கு வேண்டுமானால் சும்மா ஒரு துளி பிட்டுப் போட்டுக்கொள்ளலாம். அவ்வளவு தான்!

 

]]>
KAJU KATLI RECIPE https://images.dinamani.com/uploads/user/imagelibrary/2019/10/25/w600X390/kaju-katli-500x500.jpg https://www.dinamani.com/lifestyle/lifestyle-food/2019/oct/25/diwali-special-sweet-how-to-make-kaju-katli-at-home-3262992.html
3252643 லைஃப்ஸ்டைல் ரசிக்க... ருசிக்க... தலைவர்களின் டின்னர் மெனு கார்டில் இருந்து ஒரு ரெசிப்பி! கஸ்தூரி ராஜேந்திரன், தேனி. DIN Saturday, October 12, 2019 05:30 PM +0530  

பச்சை சுண்டைக்காய் பறித்து குழம்பு வைத்து சாப்பிட்டிருக்கிறீர்களா?

தேவாமிர்தமாக இருக்கும்.

நேற்று மொத்த தமிழகத்தையும் திரும்பிப்பார்க்கச் செய்ததே தலைவர்கள் சந்திப்பு எனும் ஒரு மாபெரும் நிகழ்வு. அந்த வரலாற்றுச் சிறப்பு மிக்க நிகழ்வில் இரவு விருந்தில் பரிமாறப்பட்ட உணவு வகைகளில் இந்த சுண்டைக்காய் குழம்பும் இருந்தது. 

சுண்டைக்காய் நம் தமிழ்நாட்டுப் பாரம்பர்ய உணவு வகைகளில் முக்கியமானது.

 

பச்சை சுண்டைக்காய் அரைத்த குழம்பு...

 

தேவையான பொருட்கள்:

  • பச்சை சுண்டைக்காய்: 1 கப்
  • சின்ன வெங்காயம்: 1/4 கிலோ
  • பச்சை மிளகாய்: 1
  • தக்காளி: 2
  • குடம்புளி: 4 சுளை (வெந்நீரில் ஊற வைத்துக் கொள்ளவும்)
  • பூண்டு: 4 பல்
  • இஞ்சி: 1 துண்டு
  • மிளகு: 1 டீஸ்பூன்
  • சீரகம்: 1 டீஸ்பூன்
  • வெந்தயம்: 1/2 டீஸ்பூன்
  • கடலைப் பருப்பு: 1/2 டீஸ்பூன்
  • புதினா: 1 கைப்பிடி
  • கரம் மசாலா: 1 டீஸ்பூன்
  • குழம்பு மசால்பொடி: 2 டீஸ்பூன்
  • பெருங்காயத்தூள்: 1 சிட்டிகை
  • உப்பு: தேவையான அளவு
  • நல்லெண்ணெய்: தேவையான அளவு
  • வெல்லம்: ஒரு சிறு துண்டு (துருவியது)
  • கடுகு & உளுந்தம் பருப்பு: தாளிக்க
  • கறிவேப்பிலை: ஒரு ஆர்க்

அரைக்கத் தேவையானவை:

மிளகு, சீரகம், கடலைப்பருப்பு, புதினா, இஞ்சி, பூண்டு அனைத்தையும் மிக்ஸியில் இட்டு அரைத்து எடுத்துக் கொள்ளவும்.

செய்முறை:

பச்சை சுண்டைக்காயை நன்கு கழுவி சுத்தம் செய்து ஒரு பெளலில் எடுத்துக் கொள்ளவும். சிலர் காயின் நடுவே கீறுவார்கள். அப்படிச் செய்யலாம், செய்யாமலும் விடலாம். எப்படியானாலும் காய் வதக்கும் போதே அது வெந்து விடும். 

முதலில் அடுப்பில் வாணலியை ஏற்றி கொஞ்சம் நல்லெண்ணெய் விட்டு வெந்தயம், கடுகு உளுந்தம் பருப்பைப் போட்டு தாளித்துக் கொண்டு பிறகு நீளவாக்கில் கீறிய சின்ன வெங்காயத்தைப் போட்டு வதக்கவும். வெங்காயம் பொன்னிறமாக வதங்கியதும் அதில் சுண்டைக்காயைப் போட்டு வதக்கவும். சுண்டைக்காய் அரைகுறையாக வதங்கிக் கொண்டிருக்கும் போதே அதில் நறுக்கிய தக்காளியைப் போட்டு உப்பை போடவும். தக்காளி மிருதுவாகி சாறு தெறிக்க வதங்கும் போது அத்துடன் கரம் மசாலாத்தூள், குழம்பு மிளகாய்த்தூள், மஞ்சள் தூள் சேர்த்துக் கிளறி ஊற வைத்து மசித்த குடம்புளியை நன்கு அரைத்து அதையும் விட்டு மூடி போட்டு வேக வைக்கவும். மசாலாக் கலவை நன்கு வெந்து சுண்டைக்காயுடன் சேர்ந்த வாசனை வந்ததும்  மூடியை நீக்கி அரைத்து வைத்த மேற்கண்ட மசாலாவையும் அதனுடன் சேர்த்து மீண்டும் சற்றுத் தண்ணீர் சேர்த்து ஒரு ஸ்பூன் நெய் விட்டு மூடி போட்டு வேக விடவும்.

இப்போது குழம்பு நன்கு வெந்ததும் மேலாக எண்ணெய் மிதந்து வரும். அது தான் பக்குவம். அப்போது மேலாக பெருங்காயத்தூள் மற்றும் வெல்லத்தூள் தூவி குழம்பை பாத்திரத்தில் இருந்து இறக்கி விடலாம்.

இனிப்பும், புளிப்பும், துவர்ப்பும், காரமுமாக குழம்பு வாசம் மூக்கைத் துளைக்கும். மேலாக பொடியாக நறுக்கிய ஒரு கைப்பிடி  கொத்துமல்லித் தளை தூவி பரிமாறலாம்.

குழம்பு அதிகம் தேவைப்படாது. 1 ஸ்பூன் குழம்பை வைத்தே ஒரு பானைச் சோற்றை உண்டு விடலாம்.

சுண்டைக்காய் ஹெல்த் பெனிஃபிட்ஸ்..

  • சுண்டைக்காய் வயிற்றுப் பூச்சிகளை அழிக்க வல்லது.
  • நீரழிவு நோயாளிகளுக்கு மிகச்சிறந்த நிவாரணம்
  • சுண்டைக்காயை மோருடன் கலந்து சாப்பிட்டு வர பேதி குணமாகும்.
  • சுண்டைக்காய் மூலநோய்க்கு மருந்து.
  • நாவின் சுவை உணர்வை அதிகரிக்கும்.
  • எலும்புகள் உறுதியடையும்,. குரல் வளம் அதிகரிக்கும்.
  •  
]]>
பச்சை சுண்டைக்காய், தலைவர்களின் மெனு கார்டு, பச்சை சுண்டைக்காய் கிரேவி, green sundaikai gravy, leaders menu card, https://images.dinamani.com/uploads/user/imagelibrary/2019/10/12/w600X390/benefits_of_sundaikkai.jpg https://www.dinamani.com/lifestyle/lifestyle-food/2019/oct/12/a-recipe-from-the-leaders-dinner-menu-card-3252643.html
3244137 லைஃப்ஸ்டைல் ரசிக்க... ருசிக்க... புதுசாத்தான் இருக்கு இந்த கற்றாழைக் காரக் குழம்பு! கஸ்தூரி ராஜேந்திரன், தேனி. DIN Saturday, September 28, 2019 04:08 PM +0530  

சோற்றுக் கற்றாழை ஜெல் எடுத்து முகத்தில் தடவிக் கொள்வார்கள், தலையில் தடவி ஊற வைத்து தலைக்கு குளிப்பார்கள் என்று கேள்விப்பட்டிருப்போம். ஆனால், இது கொஞ்சம் புதுசு தான். கற்றாழை ஜெல் எடுத்து அதைக் கொண்டு காரக்குழம்பு செய்வதை யூடியூப் சேனல் ஒன்றில் கண்டேன். அவர்கள் அதில் 10 பேருக்குச் சமைத்தார்கள். நாம் இப்போது 4 பேருக்கு கற்றாழை காரக்குழம்பு எப்படிச் செய்வது என்று பார்ப்போம். நான்கு பேருக்குச் சமைக்க 2 கற்றாழை மடல்கள் போதும்.

கற்றாழை ஜெல்...

தேவையான பொருட்கள்:

  • சோற்றுக் கற்றாழை மடல்கள்: 2
  • சின்ன வெங்காயம்: 1/4 கிலோ
  • பூண்டு: 1/4 கிலோ (நசுக்கியது)
  • தக்காளி: 3
  • புளி: எலுமிச்சை சைஸ் (ஊற வைத்துக் கரைசலை வடித்து எடுத்துக் கொள்ளவும்)
  • சீரகம்: 1 டேபிள் ஸ்பூன்
  • வெந்தயம்: 1 டேபிள் ஸ்பூன்
  • மஞ்சள்: சிறிதளவு
  • மிளகாய்த்தூள்: 2 டீஸ்பூன்
  • செக்கில் ஆட்டிய கடலை எண்ணெய்: 1/4 லிட்டர்
  • உப்பு: தேவையான அளவு
  • கறிவேப்பிலை & கொத்துமல்லி  தாளிக்கத் தேவையான அளவு

செய்முறை:

கற்றாழை மடல்களை முதலில் செடியிலிருந்து வெட்டி எடுத்துக் கொள்ள வேண்டும். வெட்டுவது என்றால் அடி நுனியில் இருந்து அப்படியே முழுதாக மடல்களைப் பிய்த்து எடுத்துக் கொண்டு அதன் நுனியில் இருந்து வடியும் மஞ்சள் நிறத் திரவம் முழுதாக வடிந்து நீங்கும் வரை பொறுத்திருக்க வேண்டும். அடுத்ததாக கற்றாழை மடல்களை மண், தூசு போகத் தண்ணீரில் நான்கைந்து முறை கழுவி எடுத்துக் கொண்டு தோலை நீக்கி விட்டு மீடியம் சைஸ் துண்டுகளாக அரிய வேண்டும். பிறகு மீண்டும் நல்ல தண்ணீரில் ஏழுமுறை அலசி கடைசி முறைக்கு கொஞ்சம் கல் உப்பு பிசிறி விட்டு கழுவ வேண்டும்.

பின்னர் அடுப்பைப் பற்ற வைத்து அதில் வாணலியை ஏற்றி கொஞ்சம் எண்ணெய் விட்டு வெந்தயத்தை பொன் வறுவலாகப் பொரித்து எடுத்துக் கொள்ளவும். பின்னர் மீண்டும் கொஞ்சம் கடலை எண்ணெய் விட்டு கடுகு உளுந்தம் பருப்பு தாளித்து முதலில் நசுக்கிய பூண்டைப் போட்டு வதக்கவும். பூண்டு பொந்நிறமாக வதங்கியதும் நறுக்கிய சின்ன வெங்காயம் சேர்த்து வதக்கவும். வெங்காயத்தின் இளஞ்சிவப்பு நிறம் நீங்கி பொன்மஞ்சம் நிறம் வந்ததும் அத்துடன் நறுக்கிய தக்காளி சேர்த்து நன்கு வதக்கவும். கலவை நன்கு வதங்கியதும் அதனுடன் மஞ்சள் தூள், சீரகத்தூள், மசாலாத்தூள், உப்பு சேர்த்து நங்கு பிசிறி விட்டு மசாலா நன்கு சேர்ந்ததும் நறுக்கிய சோற்றுக் கற்றாழை ஜெல் துண்டையும் சேர்த்து நன்கு வதக்குங்கள். கற்றாழை ஜெல் வேகச் சற்று நேரம் ஆகலாம். பரவாயில்லை. ஜெல்லில் உள்ள நீர் வற்றி கற்றாழை நன்கு வேகும் வரை குழம்பைக் கிளறி விட்டுக் கொண்டே இருக்க வேண்டும். கற்றாழை ஜெல் வெந்ததும் அதனுடன் புளித்தண்ணீர் சேர்த்து மீண்டும் குழம்பு சுண்டி வரும் வரை மூடி போட்டு வேக விட்டு அடுப்புத் தணலை குறைத்து விடுங்கள்.

10 நிமிடம் கழித்துப் பார்த்தால் குழம்பில் எண்ணெய் மிதக்கத் தொடங்கி இருக்கும்... இது தான் கற்றாழை காரக்குழம்பிற்கான இறக்கும் பக்குவம். இப்போது குழம்பில் மேலாக ஒரு டீஸ்பூன் கடலை எண்ணெய் விட்டு நன்கு கொதித்து வரும் போது நறுக்கிய கொத்துமல்லித் தளைகளைத் தூவிப் பரிமாறலாம். குழம்பு அருமையான சுவையில் சாப்பிட மீன் குழம்பு போல அபார சுவையில் இருக்கும்.

பலன்கள்:

கற்றாழை உடல் சூட்டைக் குறைக்க வல்லது. இதை அப்படியே பச்சையாக ஸ்லைஸ் செய்து உண்பவர்கள் இருக்கிறார்கள். அப்படி உண்ண முடியாதவர்கள் இப்படிக் குழம்பு வைத்தும் கூட சாப்பிட்டுப் பழகலாம். உடல் நலனுக்கு மிகவும் உகந்தது இந்த கற்றாழை காரக்குழம்பு.

நகரங்களில் வசிப்பவர்களுக்குத் தான் இது புதுசே தவிர, கிராமத்தினர் இப்போதும் கூட இதையெல்லாம் சமைத்து சாப்பிட்டுக் கொண்டு தான் இருக்கிறார்கள். என்ன ஒரு கஷ்டம் என்றால்; இதை வாரம் இருமுறை செய்து சாப்பிடுவது கூட சிரமம் தான் வேண்டுமானால் மாதம் ஒரு முறை அல்லது இருமுறை மெனக்கெட்டு செய்து சாப்பிட்டுப் பார்கலாம்.

இதில் நாம் அறிந்து கொள்ள வேண்டிய மற்றொரு விஷயம் கற்றாழை மடல் மற்றும் ஜெல் இரண்டுமே பெண்களுக்கு உரியது. அதன் அடிக்கட்டை மட்டுமே ஆண்களுக்கு உரியது என்பது. அந்தக் கிழங்கைக் காய வைத்துப் பொடி செய்து அந்தப் பொடியைப் பாலில் கலந்து குடித்தால் ஆண்மை பெருகும் என்றொரு நம்பிக்கை நிலவுகிறது.

]]>
aloe vera gel broth, aloe vera gel gravy, கற்றாழை ஜெல் காரக்குழம்பு, மூலிகை சமையல், கிராமத்துச் சமையல், https://images.dinamani.com/uploads/user/imagelibrary/2019/9/28/w600X390/kaRRazai_kara_kuzambu1.jpg https://www.dinamani.com/lifestyle/lifestyle-food/2019/sep/28/this-aloe-vera-broth-is-new-3244137.html
3232854 லைஃப்ஸ்டைல் ரசிக்க... ருசிக்க... ‘சிக்கன் சூப்பரோ சூப்பர்’ புகழ்ந்த பெண்ணுக்கு வாழ்நாள் முழுக்க அன்லிமிடெட் ஃப்ரீ சிக்கன்! கார்த்திகா வாசுதேவன் DIN Thursday, September 12, 2019 03:38 PM +0530  

இரண்டு வாரங்களுக்கு முன்பு பிரி ஹால் எனும் 24 வயது இளம்பெண் அமரிக்கா... வாஷிங்டனில் உணவகம் ஒன்றுக்குச் சென்றார்  அங்கே சாப்பிட்ட சிக்கன் சாண்ட்விச்சின் சுவை அவரை அள்ளிக்கொண்டது. வறுத்த சிக்கனின் சுவையில் மட்டும் அவர் மனம் பறிகொடுக்கவில்லை அந்த உணவகத்தாரின் பொறுமையான அன்பான உபசரிப்பையும் கண்டு ப்ரி ஹால் ஆனந்த அதிர்ச்சியில் இருந்தார். இதனால் என்ன ஆயிற்று தெரியுமா? சாப்பிட்ட கையோடு தான் பெற்ற இன்பம் பெறுக இவ்வையகம் என்று தனது ருசிமிக்க அனுபவத்தை சமூக ஊடகங்களில் பகிர்ந்து கொண்டார். பிரி ஹால் 24 வயது இளம்பெண் அத்துடன் அவர் ஒரு பாப் பாடகி மற்றும் மாடல் என்பதால் அவருக்கு ஏராளமான நண்பர்களும் ரசிகர்களும் உண்டு. தங்கள் தானைத் தலைவி சொல்வதைக் கேட்டு இவர்கள் அத்தனை பேரும் சம்மந்தப்பட்ட அந்த உணவகத்துக்கு இவர் குறிப்பிட்டுப் பாராட்டிய அந்த ரோமிங் ரூஸ்டர் சிக்கன் ஃப்ரை சாண்ட்விச் வாங்கிச் சாப்பிட முட்டி மோதத் தொடங்கினர். விளைவு அந்த உணவகத்தில் அன்று முதல் நீண்ட கியூ இதோ இப்போதும் கூட குறையவில்லை என்கிறார் அந்த உணவக உரிமையாளரான ஹேப்டிமரியம்.

ப்ரி ஹால் தனது ட்விட்டரில் எங்களது உணவகத்தின் ரோமிங் ரூஸ்டர் சிக்கன் சாண்ட்விச் குறித்து சிலாகித்துப் பேசிய பின் கடைக்கு வரும் கூட்டம் தொடர்ந்து நாளுக்கு நாள் அதிகரித்துக் கொண்டே செல்கிறது. பிரி ஹால் எங்கள் உணவகத்தின் சிக்கனை வெறுமே புகழ்ந்திருந்தாலும் பரவாயில்லை. அவர் அப்படிச் செய்யாமல் அமெரிக்காவின் மிகப்பிரபலமான சிக்கன் சாண்ட்விச்சான பாப்பீஸ் சிக்கனுடன் எங்களுடையதை ஒப்பிட்டுப் பேசி, அதைத்தான் அடிக்கடி சாப்பிட்டுக் கொண்டிருக்கிறீர்களே? அது நன்றாகத்தான் இருக்கிறது. ஆனாலும், நீங்கள் இந்த ரோமிங் ரூஸ்டர் சிக்கன் சாண்ட்விச்சையும் கொஞ்சம் சாப்பிட்டுப் பாருங்கள். அப்புறம் இதை விடவே மாட்டீர்கள். இங்கே உணவு மட்டுமல்ல, உணவைப் பரிமாறி அவர்கள் அன்போடு உபசரிக்கும் விதமும் அருமையாக இருக்கிறது. இதுவரை நான் சாப்பிட்ட சாண்ட்விச்சுகளிலேயே பெஸ்ட் சிக்கன் சாண்ட்விச் என்றால் அது இதுதான் ’ என்றெல்லாம் புகழ்ந்து எங்களது உணவகத்தின் பெருமையை கொலம்பியா மாகாணம் முழுக்க மட்டுமல்ல சமூக ஊடகங்கள் வாயிலாக இதோ உலகம் முழுமைக்குமாகக் கொண்டு சென்றிருக்கிறார்.

இதையும் பாருங்க... எடைக்குறைப்புக்கு தினமும் விரற்கடை அளவு காயகல்பம் எடுக்கலாமே!

அதனால் எங்கள் கடையில் கூட்டம் அதிகரித்திருப்பதோடு வியாபாரமும் பெருகியிருக்கிறது. இதற்கு நன்றி தெரிவிக்கும் விதமாகவே, நாங்கள்... ப்ரி ஹாலின் டிவிட்டிற்குப் பிறகு அவருக்கு வாழ்நாள் முழுக்க ஃப்ரீ சிக்கன் சாண்ட்விச் தருவது என முடிவெடித்தோம் என்கிறார்.
ரோமிங் ரூஸ்டர் உணவகத்தைத் தனது சகோதரர் மற்றும் நண்பர்களுடன் இணைந்து நடத்திக் கொண்டிருக்கும் ஹேப்டிமரியம்.

இந்த உணவகத்துக்கு ப்ரிஹால் தானே முடிவெடுத்துச் செல்லவில்லை. தனது பாய் ஃப்ரெண்ட் கிறிஸ்டோபர் ஹெட் முதல்முறையாக இங்கு சென்று வந்த அங்கு கிடைத்த அபார சுவை மிகுந்த சிக்கன் சாண்ட்விச் குறித்துப் புகழ்ந்து பேசவே அதைக்கேட்டு இம்ப்ரெஸ் ஆகி பிறகு தான் தானும் அந்தக் கடைக்குச் சாப்பிடச் சென்றிருக்கிறார்.

தெரிஞ்சுக்குங்க... தரமற்ற காய்கறி, பழங்களில் இருந்து எஸ்கேப் ஆவது எப்படி?

இதன் மூலமாக ப்ரி ஹால் இந்த உலகத்துக்குச் சொல்வது என்னவெம்றால்;

தயவு செய்து உணவு நன்றாக இருந்தால், நன்றாக இருக்கிறது என ஊருக்கு கேட்க உரக்கச் சொல்லி விடுங்கள். என்கிறார்.

சரி தான், ரோமிங் ரூஸ்டர் உணவகம் ப்ரிஹாலுக்கு லைஃப்டைம் ஃப்ரீ சிக்கன் அறிவித்திருக்கிறதே அதைப் பற்றி என்ன நினைக்கிறீர்கள் என்ற கேள்விக்கு;

என்னுடைய இடுப்பின் சுற்றளவை அதிகரிக்க எனக்கு ஆசையாகவா இருக்கும். என்று பதில் அளித்திருந்தார். சில நிமிடங்களில் இந்தக் கருத்தின் முன் ’மச் லவ்’ (Much Love) எனும் வார்த்தைகளைச் சேர்த்துக் கோண்டார்.

ப்ரி ஹால் பாராட்டிய உணவகத்துக்குச் சொந்தக்காரர் ஒரு எத்தியோப்பியர் என்பது குறிப்பிடத்தக்கது.

ப்ரி ஹாலின் மேடைப் பெயர் லா ஹரா (LA HARA).

]]>
America, அமெரிக்கா, பாப் பாடகி, pop model, Bri hall, washidon DC, PopeyesCHICKEN, ROAMING ROOSTER CHICKEN, FRIED CHICKEN, பிரி ஹால், ரோமிங் ரூஸ்டர் சிக்கன், வாழ்நாள் முழுமைக்கும் சிக்கன் ஃப்ரீ https://images.dinamani.com/uploads/user/imagelibrary/2019/9/12/w600X390/BRI_HALL.jpg https://www.dinamani.com/lifestyle/lifestyle-food/2019/sep/12/model-priced-roaming-rooster-chicken--in--social-media-and-gets-lifetume-free-chicken-3232854.html
3209617 லைஃப்ஸ்டைல் ரசிக்க... ருசிக்க... 10 நிமிசத்துல செய்துடலாம் ஈரானியன் ஸ்பெஷல் ‘குக்கூ சப்ஜி’: காண்டினெண்டல் டிஷ்! கஸ்தூரி ராஜேந்திரன், தேனி. DIN Thursday, August 8, 2019 02:02 PM +0530  

எப்போ பார்த்தாலும் பொரிச்சதும், அவிச்சதுமா நம்மூர் ஸ்னாக்ஸ் தான் சமைச்சுத் தருவீங்களா? எனக்கு, நாம அன்னைக்கு ரிஸார்ட்ல சாப்பிட்டோமே அந்த காண்டினெண்டல் டிஷ் வேணும். புதுசா எதுனா ட்ரை பண்ணுங்களேம்மா. மகனோ, மகளோ இப்படிக் கூக்குரலிடாத வீடுகள் ஏதேனும் உண்டா? அவர்களுக்குச் சாப்பிடுவதற்குப் புது டிஷ் வேண்டும். நாமும் தான் எத்தனை நாட்களுக்கு பிரேக் பாஸ்டுக்கு இட்லி, தோசை, பூரி, பொங்கல், என்று அரைத்த மாவையே அரைப்பது?! கொஞ்சம் வித்யாசமாக வெளிநாட்டு ரெஸிப்பிகளையும் தான் முயன்று பார்ப்போமே என்று தேர்வு செய்தது தான் இந்த ஈரானியன் ரெஸிப்பி.

இதன் பெயர் குக்கூ சப்ஜி (Koukou Sabzi). இது டாப் டென் ஈரானிய உணவு வகைகளில் ஒன்று என்பதோடு ஈரானின் தேசிய உணவாகவும் இதைக் கருதுகிறார்கள் என்று தெரிந்தது.

தேவையான பொருட்கள்:

  • கீரை: 1/2 கட்டு
  • லெட்யூஸ் (அ) முட்டைக்கோஸ் இழைகள்: 5
  • முட்டை: 4
  • உப்பு: தேவையான அளவு
  • கரம் மசாலா: 1 டீஸ்பூன்
  • கொத்துமல்லித்தூள்: 1/2 டீஸ்பூன்
  • மஞ்சள் தூள்: 1/4 டீஸ்பூன்
  • எண்ணெய்: தேவையான அளவு அல்லது 1 டேபிள் ஸ்பூன்

செய்முறை:

கீரை மற்றும் லெட்யூஸ் இழைகளைப் பொடிப்பொடியாக நறுக்கிக் கொள்ளவும். இதனுடன் உப்பு, கரம் மசாலாத்தூள், கொத்துமல்லித்தூள், மஞ்சள் தூள் சேர்த்து நன்கு பிசிறி விட்டு ஒரு வாயகன்ற பாத்திரத்தில் 5 நிமிடங்கள் ஊற விடவும்/ பின்பு முட்டையை உடைத்து ஊற்றி மிக்ஸியில் இட்டு நன்கு கலக்கி எடுத்துக் கொள்ளவும். அடித்த முட்டையை பாத்திரத்தில் உள்ள கீரைக் கலவையுடன் சேர்த்து நன்கு கலக்கி விடவேண்டும். பின்பு பிரஸ்ஸர் பானை அடுப்பில் ஏற்றி அதில் ஒரு டேபிள் ஸ்பூன் எண்ணெய் விட்டுக் காய்ந்ததும் முட்டையுடன் கலந்து எடுத்து வைத்துள்ள கீரைக்கலவையை கனமான ஆம்லெட் போல வார்த்து விட்டு ஒருபுறம் சிவக்க நன்கு வெந்ததும் மறுபுறம் திருப்பிப் போட்டு வேக விடவும். வேக வைக்கும் போதே அதை பீட்ஸா போல நான்கு துண்டுகளாக வெட்டிக் கொண்டால் எடுக்க வசதியாக இருக்கும். இரானிய அம்மாக்கள் 10 நிமிடங்களுக்குள் ஏதாவது ஸ்னாக்ஸ் செய்து சாப்பிட வேண்டுமென்றால் தங்கள் குழந்தைகளுக்கு இதைத்தான் செய்து தருவார்களாம்.

அடிப்படையில் பாரசீக உணவு வகைகளின் கீழ் வரும் இந்த குக்கூ சப்ஜி சாப்பிட செம டேஸ்ட்டாக இருக்கும் என்கிறார்கள் இதை ருசித்துப் பார்த்தவர்கள்.

இடுபொருட்களை எல்லாம் பார்க்கும் போது சத்தான உணவாகத்தான் தெரிகிறது. சமைப்பதும் ரொம்ப ஈஸி. காலையில் பிரேக் பாஸ்டாகக் கூட நம் குழந்தைகளுக்கு இதைத் தரலாமே. 

கூடவே கொஞ்சம் பழங்கள்... அப்புறம் 1 டம்ளர் பாதாம், ஏலக்காய், முந்திரி சேர்த்த மசாலா பால். போதுமே! இது தான் ராயல் காண்டினெண்டல் பிரேக்பாஸ்டாக்கும்.

பலன்கள்:

  • கீரையும், லெட்யூஸும் சேர்ப்பதால் ரிச் ஃபைபர் ஃபுட் இது எனவே கண்டிப்பாக மலச்சிக்கல் பிரச்னை தீரும்.
  • முட்டையில் புரோட்டின் கிடைத்து விடும்.
  • கூடவே பழங்களும், மசாலா பாலும் சேர்த்து எடுத்துக் கொண்டால் கிடைக்க வேண்டிய மினரல்ஸ் மற்றும் விட்டமின்ஸும் கிடைத்து விடப்போகிறது.
  • இப்படிச் சாப்பிட்டால் எடை கூடி விடுமே என்ற கவலை கூட நமக்குத் தேவையில்லை பாருங்கள்.

சமைத்து சாப்பிட்டுப் பார்த்து விட்டு எங்களுக்கு எழுதுங்கள்.

]]>
koukou sabzi, persian recipe, 10 minutes recipe, ஈரானியன் பிரேக்பாஸ்ட், குக்கூ சப்ஜி, காண்டினெண்டல் டிஷ், https://images.dinamani.com/uploads/user/imagelibrary/2019/8/8/w600X390/Kookoo_Sabzi-TurmericSaffron.jpg https://www.dinamani.com/lifestyle/lifestyle-food/2019/aug/08/10-minutes-recipe-iranian-koukou-sabzi-3209617.html
3203419 லைஃப்ஸ்டைல் ரசிக்க... ருசிக்க... மூலிகைச் சமையல் பயிற்சி பெற ஆர்வம் உண்டா? அப்படியெனில் மறவாமல் நாளை கலந்து கொள்ளுங்களேன்! DIN DIN Tuesday, July 30, 2019 02:32 PM +0530  

தமிழ்நாடு வேளாண்மைப் பல்கலைக்கழக தகவல் மற்றும் பயிற்சி மையம் சார்பில், மூலிகை சமையல் தொடர்பாக ஒருநாள் பயிற்சி ஆகஸ்ட் 1-ஆம் தேதி  கிண்டியில் நடைபெறவுள்ளது.

மூலிகை சமையல் என்றதும், அது ஏதோ நோயாளிகளுக்கு என்று நினைத்து விடத் தேவையில்லை. மூலிகை சமையல் என்பது, நாம் தினமும் தென்னகச் சமையல் அறைகளில் பயன்படுத்திக் கொண்டிருக்கிறோமே மஞ்சள், கொத்துமல்லி விதை, மிளகு, சுக்கு, இஞ்சி, கடுக்காய், வெந்தயம், சீரகம், துளசி போன்ற எல்லோருக்கும் தெரிந்த மூலிகை சமையல் இடுபொருட்களுடன் நாம் அதிகம் அறிந்திராத திப்பிலி, வசம்பு, கருஞ்சீரகம், ஜாதிக்காய், அத்திக்காய் உள்ளிட்ட வேறு பல மூலிகை இடுபொருட்களையும் பயன்படுத்தி சத்தான சமையலை எப்படிச் செய்வது என்று கற்றுக் கொடுப்பதே மூலிகை சமையல் என்று இங்கு குறிப்பிடப்படுகிறது.

இதன் முக்கியமான நோக்கமே, நமது இல்லங்களில் மூலைகைச் சமையல் செய்து உண்பது மட்டுமல்ல; புதிய தொழில் முனைவோரை உருவாக்குவதும் தான்.

சுய வேலைவாய்ப்பு மற்றும் புதிய தொழில் முனைவோரை உருவாக்கும் நோக்கில், சென்னை கிண்டியில் செயல்படும் தமிழ்நாடு வேளாண்மை பல்கலைக்கழக தகவல் மற்றும் பயிற்சி மையத்தின் சார்பில் பல்வேறு பயிற்சி வகுப்புகள் நடத்தப்படுகின்றன. அந்த வகையில், மூலிகை சமையல் தொடர்பாக ஒருநாள் பயிற்சி வரும் வியாழக்கிழமை (ஆகஸ்ட் 1) நடைபெறுகிறது. 

ஒருநாள் பயிற்சிக்கான கட்டணம் ரூ.650. இந்தப் பயிற்சி வகுப்பு காலை 10 மணி முதல் மாலை 3.30 வரை நடைபெறுகிறது. பயிற்சி பற்றிய குறிப்பேடு, கையேடு, மதிய உணவு மற்றும் சான்றிதழ் வழங்கப்படும். 

இந்தப் பயிற்சியில் கலந்து கொள்ள விருப்பமுள்ளவர்கள் 044-22250511 என்ற  தொலைபேசி எண்ணிற்கு தொடர்பு கொண்டு முன்பதிவு செய்து கொள்ளலாம்.

கூடுதல் விவரங்களுக்கு பேராசிரியர் மற்றும் தலைவர், தமிழ்நாடு வேளாண்மைப் பல்கலைக்கழக தகவல் மற்றும் பயிற்சி மையம், முதல்தளம், சிப்பெட் எதிரில், கிண்டி, சென்னை 600 032 -என்ற முகவரியில் தொடர்பு கொண்டு தெரிந்து கொள்ளலாம்.  இந்தத் தகவல் அந்த மையத்தின் தலைவர் ஆ.சதாசக்தி வெளியிட்ட செய்திக்குறிப்பில் தெரிவிக்கப்பட்டுள்ளது.
 

]]>
HERBAL COOKING, TAMILNADU AGRICULTURAL UNIVERSITY GUINDY, மூலிகை சமையல், தமிழ்நாடு வேளாண்பல்கலைக்கழகம் கிண்டி, மூலிகை சமையல் பயிற்சி வகுப்பு, https://images.dinamani.com/uploads/user/imagelibrary/2019/7/30/w600X390/mooligai_samaiyal.jpg https://www.dinamani.com/lifestyle/lifestyle-food/2019/jul/30/herbal-cooking-training-classes-commenced-on--august-1-by-tamilnadu-agricultural-university-and-training-centre-guindy-3203419.html
3196541 லைஃப்ஸ்டைல் ரசிக்க... ருசிக்க... அட, இந்த சைனாக்காரப் பொண்ணு எவ்வளவு அழகா தமிழில் தோசை சுட்டுப் போடுது பாருங்க! அழகு! கார்த்திகா வாசுதேவன் DIN Saturday, July 20, 2019 12:55 PM +0530  

தமிழ்நாட்டில் பிறந்து வளர்ந்து நன்றாகத் தமிழ் பேசத் தெரிந்த நம்மில் பலரே, பொது இடங்களில் சந்தித்துக் கொள்ளும் போது சரளமாக ஆங்கிலத்தில் உரையாடத் தொடங்கி விடுகிறோம். தமிழில் ஏன் பேசுவதில்லை? என்ற கேள்விக்கு ஆங்கிலத்தில் பேசுவது கெத்து என்பதைத் தவிர பொருத்தமான விடையேதும் இல்லை.

ஆனால், இந்த சீனப்பெண்ணைப் பாருங்கள். கிள்ளைத் தமிழில் கொஞ்சிக் கொஞ்சி இவர் பேசுவதைக் கேட்கும் போது நம் முகம் மட்டுமல்ல உள்ளமும் கூட தானாகப் புன்னகையில் மிதக்கத் தொடங்கி விடுகிறது. எல்லாம்... அந்நிய தேசப் பெண்ணின் வாயிலிருந்து அழகுத் தமிழோசை கேட்க வாய்த்த பெருமையில் தான்.

நீங்களே இந்த காணொலியைப் பாருங்களேன்...

https://www.facebook.com/critamil/videos/2095497127419440?s=100010128610443&v=e&sfns=mo

 

 

சீனத்தோசை சுவை எப்படி? நிலானியுடன் சுவையுங்கள்!]]> nilani, நிலானி, சீனா தோசை, சீனப்பெண்ணின் அழகுத்தமிழ், tamil speaking china girl, china dosa https://images.dinamani.com/uploads/user/imagelibrary/2019/7/20/w600X390/nilani2.jpg https://www.dinamani.com/lifestyle/lifestyle-food/2019/jul/20/chinese-girl-nilani-compering-about-china-dosai-3196541.html 3192330 லைஃப்ஸ்டைல் ரசிக்க... ருசிக்க... கரம் மசாலா வீட்டில் செய்யும் முறை DIN DIN Sunday, July 14, 2019 10:09 AM +0530 வரகரிசி வெஜ் பிரியாணி

தேவையானவை:

வரகரிசி - 1/2 கிலோ, கேரட், பீன்ஸ், பச்சை பட்டாணி (அனைத்தும் சேர்த்து) - 1/4 கிலோ, வரமிளகாய்-5, வெங்காயம்- 5, தக்காளி- 4, இஞ்சி பூண்டு விழுது - 50 கிராம், கரம் மசாலா-2 சிட்டிகை, உப்பு- தேவைக்கேற்ப, நெய் -25 கிராம்.

செய்முறை : பாத்திரத்தை அடுப்பில் வைத்து நெய் ஊற்றி சூடானதும் நறுக்கிய வெங்காயம், பொடித்த மிளகாய், நறுக்கிய தக்காளியைப் வதக்கவும். அதனுடன் இஞ்சி பூண்டு விழுது கரம் மசாலாவை சேர்த்து வாசம் வரும் வரை வதக்கவும். பின்னர், நறுக்கிய காய்கறிகளைப் சேர்த்து வதக்கி ஒன்றுக்கு இரண்டேகால் பங்கு நீர் சேர்த்து கொதிக்கவிடவும். இதற்கிடையில், வரகரிசியை கழுவி நீரை வடித்துவிட்டு (அதிக நேரம் அரிசி ஊற வேண்டியதில்லை) வைக்கவும். காய்கள் பாதி வெந்ததும் அரிசி, தேவையான உப்பு சேர்த்து மூடி விடவும். (அரிசி பழுப்பு நிறமாக இருக்கும். இதுவே இயற்கையானது என்பதால் மஞ்சள் தூள் தேவையில்லை) அடுப்பை சிம்மில் வைத்து தம் போட்டு வேக விடவும். அரிசி வெந்ததும் அடுப்பை நிறுத்தி மேலே நெய் சேர்த்து மூடி விடவும். இதற்கு புதினா சட்னி தொட்டுக் கொள்ள சுவை கூடும் .

கரம் மசாலா வீட்டில் செய்யும் முறை

தேவையானவை:

அன்னாசிப் பூ, கல்பாசி , பிரிஞ்சி இலை, ஜாதி பத்திரி, மராட்டி மொக்கு, பட்டை, லவங்கம், ஏலக்காய் - இவை அனைத்திலும் 10 கிராம் அளவு எடுத்து நன்கு காய வைத்து மிக்ஸியிலிட்டு பொடித்து கொள்ளவும். கரம் மசாலா தயார்.

குதிரைவாலி தக்காளி பிரியாணி

தேவையானவை:

குதிரைவாலி அரிசி - 1/2 கிலோ, தக்காளி - 1/4 கிலோ, முந்திரி -50 கிராம், வரமிளகாய் - 5, வெங்காயம் - 4, இஞ்சி பூண்டு விழுது - 50 கிராம், கரம் மசாலா - 2 சிட்டிகை , நெய் - 25 கிராம், உப்பு - தேவைக்கு

செய்முறை : வெஜ் பிரியாணி செய்யும் அதே முறைதான் இதற்கும். ஆனால் காய்கள் இருக்காது. தக்காளி அதிகம் நீர்விடும் என்பதால் அரிசிக்குத் தகுந்த நீர் மட்டும் சேர்க்கவும். முந்திரியை நெய் காய்ந்ததும் முழுதாகவே போடலாம். காரம் வேண்டுபவர்கள் மிளகாயின் எண்ணிக்கையைக் கூட்டிக் கொள்ளலாம். இதற்கு தயிர்பச்சடி காம்பினேஷன் ருசி தரும்.

ராகி - கோதுமை களி - வெண்டை

புளிக்குழம்பு

தேவையானவை:

ராகி மாவு - 3 கிண்ணம், கோதுமை மாவு - 3 கிண்ணம், உப்பு }தேவைக்கேற்ப

செய்முறை : ஒரு கிண்ணம் மாவுக்கு மூன்றுகிண்ணம் நீர் என்ற அளவில் அடுப்பில் வைத்துக் கொதிக்க வைக்கவும். மாவுகளை நீரில் கட்டியில்லாமல் கரைத்து கொதிக்கும் நீரில் கலந்து கைவிடாமல் நன்கு கிண்டவும் கூடவே தேவையான உப்பையும் சேர்க்கவும். சுமார் அரை மணி நேரம் கழித்து களி கெட்டியாகும் கையில் நீர் தொட்டு ஒட்டாமல் வரும் பதத்தில் அடுப்பை அணைத்து மூடி விடவும். இதே ராகியுடன் வெந்தயத்தை சேர்த்து வெந்தயக் களியும் செய்யலாம்.

ராகி களிக்கு தொட்டுக்கொள்ள வெண்டைக்காய் குழம்பு

தேவையானவை

வெண்டைக்காய் -1/4கிலோ, புளி-100கிராம், தேங்காய்-1 கிண்ணம், தக்காளி - 100 கிராம், சின்ன வெங்காயம் -100 கிராம், வரமிளகாய் - 5, கறிவேப்பிலை- தாளிக்க, வெந்தயம்- சிறிது, மல்லித் தூள் -1தேக்கரண்டி, மிளகாய்த் தூள் -1 தேக்கரண்டி, கடலைப் பருப்பு - சிறிது, மஞ்சள் தூள் -1 தேக்கரண்டி, நல்லெண்ணெய் - 150 மில்லி

செய்முறை : சிறிது நல்லெண்ணெய்யில் தேங்காய், கறிவேப்பிலை, மிளகாய், சின்ன வெங்காயம் இவைகளை வதக்கி அரைக்கவும். மீதமுள்ள நல்லெண்ணெய்யை வாணலியில் ஊற்றிக் காய்ந்ததும், கடலைப் பருப்பு தாளித்து வெந்தயம் சேர்த்து நறுக்கி வைத்துள்ள வெண்டைக் காய்களைச் சேர்த்து நன்கு வதக்கவும். காய்கள் வதங்கியதும் மல்லித்தூள், மிளகாய்த் தூள் சேர்த்து வதக்கி கரைத்து வைத்துள்ள புளித் தண்ணீரை ஊற்றி வெந்ததும் அரைத்து வைத்துள்ள விழுதைச் சேர்த்து உப்பு, மஞ்சள் தூள் சேர்க்கவும். காய் வெந்து எண்ணெய்ப் பிரிந்து மேலே வரும்போது இறக்கவும்.

முருங்கைக் கீரை போண்டா

தேவையானவை:

கடலை மாவு - 1 கிண்ணம், குதிரைவாலி அரிசிமாவு -1/2 கிண்ணம், முருங்கைக் கீரை -1/2 கட்டு, வரமிளகாய்-5, பூண்டு - 4 பல், இஞ்சி- சிறு துண்டு, பெருங்காயம் - சிறிது, வெங்காயம் - 2, சோம்பு - சிறிது, உப்பு - தேவைக்கேற்ப, எண்ணெய் - பொரிக்க செய்முறை : கடலைமாவு, அரிசிமாவுடன் இஞ்சி பூண்டு, மிளகாய் அரைத்த விழுதைச் சேர்த்து ஆய்ந்து சுத்தம் செய்து நறுக்கிய கீரை மற்றும் பொடியாக நறுக்கிய வெங்காயம், உப்பு, பெருங்காயம், சோம்பு சேர்த்து சிறிது நீர் விட்டுப் பிசைந்து காய்ந்த எண்ணெய்யில் போண்டாவாக போட்டு சுட்டு எடுக்கவும். இரும்புச்சத்து நிரம்பிய மாலை நேர ஸ்நாக்ஸ் இது.
 - சுபா தியாகராஜன்

]]> healthy recipe, ragi food, health kanji, varagu rice https://images.dinamani.com/uploads/user/imagelibrary/2019/7/14/w600X390/download.jpg https://www.dinamani.com/lifestyle/lifestyle-food/2019/jul/14/ragi-recipes-for-healthy-life-3192330.html 3190339 லைஃப்ஸ்டைல் ரசிக்க... ருசிக்க... நாசியைச் சுண்டி இழுக்கும் சுவையும் மணமுமான கோயில் புளியோதரை செய்வது எப்படி? கஸ்தூரி ராஜேந்திரன், தேனி. DIN Thursday, July 11, 2019 04:31 PM +0530  

வீட்டில் நாம் செய்யும் புளியோதரை என்ன தான் சுவையாக இருந்தாலும், அது கோயில் புளியோதரைக்கு ஈடே இல்லை என்பதில் யாருக்கும் மாற்றுக் கருத்து இருக்க முடியாது. கோயில் புளியோதரை தேவாமிர்தத்துக்குச் சமம் என்பதாக அதை வாங்க கியூவில் நிற்கத் தயங்காத கோல்டு காலர் அதிகாரிகள் பலர் இருக்கிறார்கள். கோயிலில் கியூவில் நின்று பிரசாதம் வாங்குவது புண்ணியம் என்று கருதிச் செய்வார்கள் சிலர். சிலருக்கோ அதன் அபார சுவை கட்டி இழுத்து கியூவில் நிற்க வைத்து விடும். அப்படிப்பட்ட புளியோதரையை அதே சுவையுடன் வீட்டில் செய்வது எப்படி என்று இப்போது தெரிந்து கொள்வோம்.

தேவையான பொருட்கள்:

  • புளி: ஆரஞ்சுப் பழ சைஸில் பந்து போன்று திரட்டி எடுத்து ஒரு பாத்திரத்தில் ஊற வைத்து விடுங்கள்
  • கொத்தமல்லி விதை: 1 1/2 டேபிள் ஸ்பூன்
  • சிவப்பு மிளகாய் வற்றல்: 8 அல்லது 10
  • மிளகு: 3/4 டேபிள் ஸ்பூன்

 
மூன்றையும் ராவாக எண்ணெய் விடாமல் வாணலியில் வறுத்து எடுத்து  வைத்துக் கொள்ளவும்.

  • கடலைப்பருப்பு: 1 1/2 டேபிள் ஸ்பூன்
  • உளுந்து : 1 டேபிள் ஸ்பூன்

இரண்டையும் சிவக்க வறுத்த பின் வெந்தயம் சேர்க்கலாம்.

  • வெந்தயம்: 1 1/2 டீஸ்பூன்

இவை மூன்றையும் சிவக்க வறுத்து எடுத்து முன்னரே வறுத்து எடுத்து வைத்துள்ள மிளகாய் வற்றல் கலவையுடன் சேர்க்கவும்.
பின்னர் 

  • வெள்ளை எள்: 2 டேபிள் ஸ்பூன்

வெள்ளை எள்ளை சிவந்து வாசம் வரும் அளவுக்கு வறுத்து எடுத்து மேற்கண்ட பொருட்களுடன் சேர்க்கவும்.
கடைசியாக;

  • கறிவேப்பிலை: 2 ஆர்க்

சேர்த்து வாணலிச் சூட்டில் மொறுமொறுவென வறுத்து எடுத்து மேற்கண்ட பொருட்களுடன் சேர்க்கவும்.

புளியோதரை மசாலா ரெடி!

வறுத்த பொருட்களை எல்லாம் சூடு ஆற விட வேண்டும். பின்னர் எடுத்து பொடியாக இடித்து எடுத்து வைத்துக் கொள்ளலாம்.

பொடி இடிக்க கல் உரல் வேண்டும். அப்போது தான் நைஸாக இல்லாமல் சற்றே கொறகொறப்பான சுவையான மணமான புளியோதரைப் பொடி கிடைக்கும். கொஞ்சம் பொறுமையாகக் கல்லுரலில் இடிக்கக் கற்றுக் கொண்டீர்களெனில் பிறகு கரண்ட் போனாலும் கூட கவலைப்பட வேண்டியதில்லை பாருங்கள்.

அடுத்தபடியாகப் புளிக்காய்ச்சல் தயாரிக்க வேண்டும்.

புளிக்காய்ச்சல் தயாரிக்கலாமா?

ஊற வைத்த புளியை வடிகட்டி கெட்டியான கரைசலை எடுத்துக் கொள்ள வேண்டும். 

பிறகு வாணலியை அடுப்பில் ஏற்றி நல்லெண்ணெய் ஊற்றி, எண்ணெய் சூடானதும் 1 டேபிள் ஸ்பூன் கடலைப்பருப்பு, 1 டேபிள் ஸ்பூன் உளுந்தப் பருப்பு சேர்த்து பருப்புகள் நன்கு சிவந்து வரும் வரை பொரிய விடவும். பின்னர் நாலைந்து காய்ந்த மிளகாயைக் கிள்ளிப்போட்டு கிளறவும். அதனுடன் 1/2 டீஸ்பூன் வெந்தயத்தையும் போட்டுக் கிளறவும்.  பின்னர் இதனுடன் 1 டீஸ்பூன் பெருங்காயத்தூள் சேர்த்துக் கிளறி விட்டு கூடவே 1 கப் நிலக்கடலை சேர்த்து வறுக்கலாம். இதனுடன் இரண்டு கொத்து கறிவேப்பிலை சேர்த்து மொறுமொறுவெனப் பொரிந்ததும் 1 டீஸ்பூன் மஞ்சள் தூள், 1 டீஸ்பூன் மிளகாய்த்தூள் சுவைக்கேற்ப கல் உப்பு சேர்த்து பின்னர் கரைத்து வைத்த புளித்தண்ணீர் சேர்த்து நன்கு கலக்கிக் கொள்ளவும். இப்போது இந்த புளிக்காய்ச்சலை நன்கு சுண்டும் அளவுக்கு அடுப்பை விட்டு இறக்காமல் காய்ச்சிக் கொண்டே இருக்கவும். எண்ணெய் மிதந்து மேலே வரும் பக்குவத்த்தில் 2 டேபிள் ஸ்பூன் அளவுக்கு முன்னரே அரைத்து வைத்திருக்கும் புளியோதரை மசாலாவை இதனுடன் சேர்க்கவும். இப்போது கோயில் புளியோதரை செய்வதற்கான அற்புதமான மசாலா தயார்.

உதிரி உதிரியாக அபார சுவையுடன் புளியோதரை தயார்!

இப்போது புளியோதரை கிளற சாதம் வடிக்க வேண்டும். புளியோதரைக்கு எப்போதுமே சாதம் உதிரி உதிரியாக இருந்தால் தான் நன்றாக இருக்கும். அப்படி உதிரியாக வடித்த சாதத்துடன் காய்ச்சாத பச்சை நல்லெண்ணெய் சிறிது சேர்த்து நன்கு கிளறி விட்டால் சாதம் பாஸ்மதி அரிசியில் வடித்தது போல இன்னும் உதிரியாகப் பிரியும். இந்தப் பக்குவம் தான் புளியோதரை கிளற வசதியானது. இப்போது புளிக்காய்ச்சலை போதுமான அளவு இதனுடன் சேர்த்து கிளற வேண்டியது தான் பாக்கி. முன்னதாக நாம் தயாரித்துவைத்த புளிக்காய்ச்சலும் சரி, புளியோதரை மசாலாவும் சரி குறைந்தபட்சம் ஒரு மாதம் வரை ஸ்டோர் செய்து வைத்துக் கொள்ளத் தக்கது. அடுத்தமுறை தேவைப்பட்டால் சூடாகச் சாதம் வடித்து அதனுடன் அந்த மசாலா + புளிக்காய்ச்சல் கலந்து கிளறினால் போதும் புத்தம் புதிய சுவையுடனும், நறுமணத்துடனும் புளியோதரை தயாராகி விடும். புளியோதரை கிளறி முடித்ததும் அதில் ஒரு கொத்து கறிவேப்பிலையை உதிர்த்து போட்டு  புளியோதரை மசாலாப் பொடியும் 2 1/2 ஸ்பூன் சேர்த்துக் கிளறி விட்டு மூடலாம். கடைசியாகக் கொஞ்சம் நல்லெண்ணெய் சேர்க்க வேண்டுமென்றாலும் சேர்க்கலாம். இப்போது உங்களுக்கு பிடித்த பெருமாள் கோயில் புளியோதரை ரெடி.
 

]]>
KOYIL PULIYODHARAI RECIPE, TEMPLE PULIYODHARAI RECIPE, கோயில் புளியோதரை ரெஸிப்பி, பெருமாள் கோயில் புளியோதரை, புளியோதரை https://images.dinamani.com/uploads/user/imagelibrary/2019/7/11/w600X390/puliyodharai.jpg https://www.dinamani.com/lifestyle/lifestyle-food/2019/jul/11/temple--puliyodharai--tamarind-rice-ready-3190339.html
3186825 லைஃப்ஸ்டைல் ரசிக்க... ருசிக்க... ஜூலை முதல் ஆகஸ்டு வரையிலான மழைக்காலத்துக்கு உகந்த ஒளஷதக் கஞ்சி ரெசிப்பி! கஸ்தூரி ராஜேந்திரன், தேனி. DIN Saturday, July 6, 2019 02:15 PM +0530  

இதை மலையாளிகள் ‘ஒளஷத கஞ்சி’ என்றும் குறிப்பிடுகிறார்கள். ஏனென்றால் கேரளாவைப் பொருத்தவரை ஜூலை முதல் ஆகஸ்டு வரையிலான கனமழை மாதத்தில் மக்களுக்கு நோய் எதிர்ப்பு சக்தியையும் உடல் வலுவூட்டக்கூடிய தெம்பையும் இந்தக் கஞ்சி அளிப்பதால் இதை அவர்கள் அவ்விதமாகக் குறிப்பிடுகிறார்கள். மழைக்காலங்களில் கேரள ஆயுர்வேதக் கடைகளை அணுகுவீர்களெனில் உங்களுக்கு மரபார்ந்த கர்கிடக கஞ்சி சமைக்கத் தேவையான அரிசி, பருப்பு, மூலிகைகள் உட்பட அனைத்துப் பொருட்களுமே மொத்தமாக பேக்கிங்காகவே கிடைத்து விடும். அப்படி இல்லாமல் ஃப்ரெஷ் ஆகப் பறித்த மூலிகை இலைகள் மற்றும் மருத்துவ குணம் கொண்ட வாசனைப் பொருட்களைக் கொண்டு இதைத் தயாரித்தும் நீங்கள் சாப்பிடலாம். அது இன்னும் அருமையான ஃப்ளேவர் தருவதோடு கூடுதல் சுவையுடனும் இருக்கும். இந்தக் கஞ்சியைச் செய்து சாப்பிடும் ஆர்வம் இருப்பவர்கள் கொஞ்சமாகச் செய்து சாப்பிடாமல் முழுக்குடும்பத்துக்குமாகச் செய்து சாப்பிட்டால் நல்லது.

மழைக்காலத்தில் இந்தக் கஞ்சியை மதிய உணவாகவோ அல்லது இரவு உணவாகவோ எடுத்துக் கொள்ளலாம். 

கஞ்சி 

தேவையான பொருட்கள்:

நவரா அரிசி : 1 1/2 கப்
பாசிப்பயறு: 1/2 கப்
ஹலீம் அல்லது கார்டன் கிரெஷ்: 1 டேபிள் ஸ்பூன்

சட்னிக்கு...

தேவையான பொருட்கள்: 

சின்ன வெங்காயம்: 4 முதல் 5
பச்சை மிளகாய் - 3
துருவிய தேங்காய்: 4 கைப்பிடி 
மஞ்சள் தூள்: 1/2 டீஸ்பூன்
மிளகுத்தூள்: 1/4 டீஸ்பூன்

மேற்கண்ட பொருட்களை மிக்ஸியில் இட்டு நன்கு அரைத்து ஒரு கப்பில் எடுத்துக் கொள்ளவும்.

முதலில் 1 1/2 கப் நவரா அரிசியுடன் 1/2 கப் பாசிப்பயறையும் ஒரு பாத்திரத்தில் எடுத்துக் கொண்டு அதை 15 முதல் 20 நிமிடங்கள் ஊற வைக்கவும். ஏனென்றால் நவரா அரிசியை வேக வைக்க நேரமாகலாம். எனவே சமைப்பதற்கு முன்பு ஊற வைப்பது முக்கியம். ஊறிய நவரா அரிசி, பாசிப்பயிறை குக்கரில் இட்டு 3 முதல் 4 கப் தண்ணீர் சேர்க்கவும், 1 அல்லது 1 1/2 டீஸ்பூன் ஹிமாலயன் சால்ட் சேர்க்கவும். பின்னர் ஊறவைத்த ஹலீமை தண்ணீர் வடித்து விட்டுச் சேர்த்து குக்கரை மூடி அடுப்பில் ஏற்றவும். ஒரு விசில் வந்ததும் அடுப்பை குறைத்து 10 நிமிடங்கள் வேக விட்டு பிறகு அடுப்பை அணைக்கவும். இப்போது குக்கரைத் திறந்து பார்த்தால் அரிசியும் பருப்பும் நன்கு வெந்திருக்கும். ஆனால் மேலாக சற்று தண்ணீர் மீந்திருக்கும். இப்போது அரைத்து வைத்த சட்னியை இதில் சேர்க்கலாம். சட்னி கஞ்சியுடன் நன்கு கலக்குமாறு கரண்டியால் கிளறி விட்டு கஞ்சி கெட்டிப்பட்டதும் அடுப்பை அணைத்து ஒரு ஆர்க் கறிவேப்பிலை கிள்ளி கஞ்சியில் சேர்க்கவும். கடைசியாக 1 டீஸ்பூன் தேங்காய் எண்ணெய் சேர்த்து கஞ்சியைக் கிளறிவிடலாம். இதன் மேல் உங்களுக்குப் பிடித்த ஊறுகாய் சேர்த்துப் பரிமாறலாம், அருந்தலாம். மிக அருமையான கர்கடக கஞ்சி தயார். 

கர்கடகம் என்பது கேரளாவில் ஜூலை முதல் ஆகஸ்டு வரையிலான மழைக்காலப் பொழுதை குறிக்கும்.

ஹெல்த் பெனிஃபிட்ஸ் ஆஃப் கர்கடக கஞ்சி அல்லது ஒளஷதக் கஞ்சி!

நவரா அரிசியில் விட்டமின் பி சத்து நிறைந்திருக்கிறது. அத்துடன் புரதம், நார்ச்சத்து, மினரல் மற்றும் கூட்டு கார்ப்போஹைட்ரேட் சத்துக்களும் இதில் அதிகம். இதில் இருக்கும் விட்டமின் பி சத்து தான் சாப்பிடுபவர்களின் நோய் எதிர்ப்பு சக்தியை தூண்டுவதில் முக்கிய பங்கு வகிக்கிறது. இந்த அரிசியை கர்ப்பிணிகள், வயதானவர்கள், குழந்தைகள் முதல் அனைத்து வயதினரும் சாப்பிடலாம். இந்த அரிசிக்கு கேன்சரைத் தடுக்கும் குணமும் உண்டு என்கிறார்கள், முக்கியமாக மார்பக கேன்சரைத் தடுப்பதில் முக்கிய பங்கு வகிக்கிறது. எனவே பெண்கள் மிக முக்கியமாக இந்தக் கஞ்சியை எடுத்துக் கொள்ள வேண்டியது அவசியமாகிறது. ஹலீமில் இரும்புச் சத்து நிறைந்திருக்கிறது. அத்துடன் ஃபோலேட் சத்தும் நிறைந்திருக்கிறது. இரும்புச் சத்து குறைபாடு இருப்பவர்கள் நிச்சயம் இதை உணவில் சேர்த்துக் கொள்வது நல்லது. அத்துடன் இதில் டயட்ரி ஃபைபர், கால்சியம், விட்டமின் C, விட்டமின் E, புரதம் நிறைந்துள்ளதால் மாதவிடாய் சுழற்சியை முறைப்படுத்தவும் இது உதவுகிறது.

 

]]>
கர்கடகக் கஞ்சி, ஒளஷத கஞ்சி, கேரளா ஸ்பெஷல் மருந்து கஞ்சி, karkidaka kanji, avshatha kanji, kerala special medicinal kanji, https://images.dinamani.com/uploads/user/imagelibrary/2019/7/6/w600X390/000karkidaka_kanji2.jpg https://www.dinamani.com/lifestyle/lifestyle-food/2019/jul/06/healthy-monsoon-special-recipe--karkidaka-kanji-3186825.html
3181868 லைஃப்ஸ்டைல் ரசிக்க... ருசிக்க... என்னது உருளைக்கிழங்கு பாயஸமா! வித்யாசமா இருக்கே... கஸ்தூரி ராஜேந்திரன், தேனி. DIN Saturday, June 29, 2019 04:04 PM +0530  

பால் பாயசம், பருப்பு பாயசம், சேமியா பாயசம், அரிசிப் பாயசம், ஜவ்வரிசிப் பாயசம்னு கேள்விப்பட்டிருப்போம் அதென்னது அது உருளைக் கிழங்கு பாயசம். வித்யாசமா இருக்கா இல்லையா? அதனால தான் அதை உங்களோட ஷேர் பண்ணிக்கத் தோணுச்சு. இப்போ நிறையப்பேர் உருளைக்கிழங்குல கூட பாயசம் பண்ணிச் சாப்பிடறாங்களாம். நீங்களும் தெரிஞ்சுக்குக்குங்களேன்.

தேவையான பொருட்கள்:

உருளைக்கிழங்கு - 2
சர்க்கரை - ஒரு கப்
முந்திரி, கிஸ்மிஸ், நெய் - தலா சிறிதளவு
பால் - 3 கப்
ஏலக்காய்தூள், குங்குமப்பூ - தலா ஒரு சிட்டிகை
கேசரி பவுடர் - ஒரு சிட்டிகை

செய்முறை:

உருளைக்கிழங்கை நன்கு கழுவி வேகவைத்து தோலுரித்து நைஸாக மசித்துக் கொள்ளவும். பிறகு அதனுடன் 3 கப் பாலும், ஒரு கப் சர்க்கரையும் சேர்த்து நன்கு கொதிக்க விடவும். கொதித்துக் கொண்டிருக்கும் போதே முந்திரிப்பருப்பு, கிஸ்மிஸ்ஸை நெய்யில் வறுத்து சேர்க்கவும். இறக்குவதற்கு முன்பு கடைசியாக கேசரிப் பவுடரும், ஏலாக்காய்த்தூளும் சேர்த்துக் கிளறி விட்டு பிறகு அடுப்பை அணைக்கலாம். கடைசியாக குங்குமப்பூ சேர்த்தால் பாயசம் பார்வைக்கு ரம்மியமாக இருக்கும். மிதமான சூட்டில் பரிமாறினால் சுவை ஏ கிளாஸாக இருக்கும்.

எப்போது பார்த்தாலும் ஒரே விதமாகப் பாயசம் செய்து சாப்பிட்டுக் கொண்டிருப்பதைக் காட்டிலும் இப்படி வித்யாசமாகவும் செய்து சாப்பிடலாமே!
 

]]>
potato payasam, உருளைக் கிழங்கு பாயசம், https://images.dinamani.com/uploads/user/imagelibrary/2019/6/29/w600X390/potato-payasam.jpg https://www.dinamani.com/lifestyle/lifestyle-food/2019/jun/29/potato-payasam-recipe-3181868.html
3179707 லைஃப்ஸ்டைல் ரசிக்க... ருசிக்க... ஒதிஷா பூரி ஜகன்னாதருக்குப் பிடித்த ‘டங்கா தொராணி’ பானம் செய்து அருந்தலாமா? கஸ்தூரி ராஜேந்திரன், தேனி. DIN Wednesday, June 26, 2019 12:42 PM +0530  

இந்த ரெஸிப்பியின் இன்னொரு ஸ்பெஷல் என்ன தெரியுமா? இது ஒதிஷா பூரி ஜகன்னாதர் ஆலயத்தில் பிரசாதமாக வழங்கப்படுகிறதாம். ஜகன்னாதரே இதை அருந்த ஆவலுடன் இருக்கும் போது நமக்கெல்லாம் என்ன வந்தது? ஆரோக்யமான இந்த டங்கா தொராணியை போகிற போக்கில் செய்து குடித்து விட்டுப் போகலாம் தானே!

உடலுக்கு ஆரோக்யமானது என்று கொடுத்தால் குடிப்பதற்கென்ன? நல்லது சொன்னால் குடித்து அனுபவிக்க வேண்டும், ஆராயக் கூடாது.

பூரி ஜகன்னாதருக்கு பிரசாதமாக வழங்கப்படும் அரிசியை சாதமாக வடித்து ஒருநாள் முழுவதும் ஊற வைத்து அதிலிருந்து பெறப்படும் தண்ணீரில் இந்த பானம் தயாரிக்கப்படுவதால் இதை ஜகன்னாதரின் ஸ்பெஷல் பிரசாதமாக அங்கத்திய மக்கள் கருதுகின்றனர். 

அதனால் தான் இந்த மே மாதம் ஒதிஷா தேர்தல் நேரத்தில் அம்மாநில முதல்வர் நவீன் பட்நாயக், தான் மேற்கொண்ட ரத யாத்திரை பிரச்சாரத்தின் போது இதே டங்கா தொராணி பானத்தை மக்களுக்கு அருந்தக் கொடுத்து ஓட்டுக் கேட்டார்.

பலன்:

டங்கா தொராணி உடல் சூட்டைக் குறைப்பதுடன், வயிற்றைக் குளிர்வித்து வயிற்றுப் புண்கள் ஏதேனும் இருந்தாலும் அதைக் குணப்படுத்துகிறது. அது மட்டுமல்ல இதில் பழைய சோறும் சேர்க்கப்படுவதால் உடலுக்குத் தேவையான மினரல்களும் போதிய அளவில் கிடைக்கும்.

தேவையான பொருட்கள்: 

  • தண்ணீர் ஊற்றி வைத்த பழைய சாதம் - இரண்டு கைப்பிடி சாதம் + 2 கப் தண்ணீரில் முதல்நாள் இரவு முதலே ஊறி இருக்க வேண்டும்.
  • சிறு மண்பானை: 1
  • கறிவேப்பிலை: 1 ஆர்க்
  • ஸ்லைஸ் செய்யப்பட்ட எலுமிச்சை: ஒன்றரை பழம்
  • இஞ்சி மாங்காய்: 1 துண்டு (நசுக்கியது)
  • துளசி இலைகள்: 4 அல்லது 5
  • பச்சை மிளகாய்: 1 (நீளவாக்கில் நறுக்கியது)
  • எலுமிச்சை இலைகள்: 2 அல்லது 3
  • தயிர் அல்லது மோர்: 1 கப்
  • எலுமிச்சை சாறு : 2 ஸ்பூன் அல்லது சுவைக்கு ஏற்ப
  • உப்பு: தேவையான அளவு

தேவையான பொருட்கள்:

டங்கா தொராணி தயாரிக்க மண்பானை தான் பெஸ்ட். அதில் தான் அற்புதச் சுவையுடன் டங்கா தொராணி தயாரிக்க முடியும். எனவே முதலில் ஒரு மண்பாண்டத்தை எடுத்துக் கொள்ளுங்கள். மண்பாண்டத்தில் தயாரிக்கப்படும் போது மாத்திரமே டங்கா தொராணிக்கு பூரி ஜகன்னாதர் ஆலயத்தில் தயாராகும் டங்கா தொராணி பிரசாதத்தில் கிடைக்கும் அதே சுவை கிட்டுகிறது.

முதல்நாள் சமைத்த சாதத்தில் தண்ணிர் ஊற்றி வைத்தால் நம்மூரில் அது பழைய சாதம் தான் இல்லையா? ஆம், அந்தப் பழைய சாதத்தில் ஒரு கைப்பிடி அல்லது 1 ஸ்பூன் எடுத்து அது ஊறிக்கொண்டிருந்த தண்ணீரிலேயே 1 அல்லது இரண்டு டம்ளர்கள் கலந்து சாதத்துடன் நன்கு பிசையவும். பின்னர் பிசைந்து கெட்டிப்பட்டிருக்கும் தண்ணீரை அப்படியே மண்பாண்டத்தில் ஊற்றவும்.

சாதம் உதிரியாக இருக்கக் கூடாது. நன்கு பிசையப்படாத சாதத்தை வடிகட்டி விட்டு வெறும் கஞ்சிப் பதத்தில் இருக்கும் பழைய கஞ்சித் தண்ணீர் மட்டும் போதும். இப்போது இதனுடன் ஒரு ஆர்க் கறிவேப்பிலை,  நசுக்கிய இஞ்சி மாங்காய் ஒரு துண்டு, நான்கைந்து துளசி இலைகள், நறுக்கிய பச்சை மிளகாய் ஒன்று, ஒன்றிரண்டு எலுமிச்சை இலைகள் மற்றும் ஒரு கப் தயிர் அல்லது மோர் கலந்து நன்கு அடித்துக் கலக்கவும். பின்னர் ஒரு சொட்டு நீரை நாக்கில் விட்டுப் பார்த்து புளிப்பு போதவில்லை என்றால் மேலும் இரண்டு ஸ்பூன் எலுமிச்சை சாறு விட்டு கொஞ்சம் உப்பு சேர்த்து மீண்டும் கலக்கவும்.

பின் அந்தக் கலவையை சுமார் இரண்டு மணி நேரத்திற்கு அப்படியே அசையாமல் ஓரிடத்தில் வைத்திருக்கவும்.

பின்னர் வெளியில் எடுத்து நறுக்கி ஸ்லைஸ் செய்யப்பட்ட ஒன்றரை எலுமிச்சம்பழங்களையும், துளசி இலைகளையும், பச்சை மிளகாயையும் போட்டு மீண்டும் கலந்தால் ஒரு சூப்பரான மணம் நாசியை நெருடும் பாருங்கள். நல்ல வெயில் நேரத்தில் இந்த பானத்தைக் குடித்தீர்கள் என்றால் பிறகு ஆயுளுக்கும் மறக்க மாட்டீர்கள். அப்படி ஒரு அருமையான சுவையுடன் வயிற்றைக் குளிர்விக்கும் பானம் இது.

கிட்டத்தட்ட நம்மூர் நீராகாரம் மாதிரி தான் இருக்கிறது. ஆனால், அதை அந்தப் பெயரில் கொடுத்தால் நம்மூர் இளசுகள் குடிப்பார்களா? வெறும் லெமன் ஜூஸையே நிம்பூ பானி என்று லேபிள் ஒட்டி விற்றால் தானே நமக்கெல்லாம் குடிக்கத் தோன்றுகிறது. அப்படித்தான் இதுவும்.

]]>
puri jagannathar special tanga torani , othisha special juice recipe, பூரி ஜகன்னாதர் ஸ்பெஷல் , டங்கா தொராணி, tanga torani https://images.dinamani.com/uploads/user/imagelibrary/2019/6/26/w600X390/odhisha_special_tanga_torani.jpg https://www.dinamani.com/lifestyle/lifestyle-food/2019/jun/26/othisha--puri-jagannathar-special-tanga-torani-juice-3179707.html
3175514 லைஃப்ஸ்டைல் ரசிக்க... ருசிக்க... அல்லேலூயா உணவகம் ‘அக்கா கடை’யைப் பத்தி பிரமாதமா பேசிக்கிறாங்களே! நீங்க சாப்பிட்டிருக்கீங்களா? RKV DIN Thursday, June 20, 2019 05:38 PM +0530  

பட்டினப்பாக்கம் கடற்கரை ஓரமாக ‘அல்லேலூயா உணவகம்’ என்ற பெயரில் உணவகம் நடத்தி வருகிறார் ஒருவர். அவர்களது கடையைப் பற்றிய விடியோக்கள் யூடியூபில் காணக் கிடைக்கின்றன. சாப்பாடு 50 ரூபாய் தான் என்கிறார்கள். 

சாம்பார், ரசம், சாப்பாடு முதல் முட்டை சாப்பாடு, எறா சாப்பாடு, கடமா சாப்பாடு, நண்டு சாப்பாடு, நெத்திலி சாப்பாடு, கறி சாப்பாடு, செனை (மீன் முட்டை) சாப்பாடு, சுறாப்புட்டு, எறா வறுவல், கடமா வறுவல், நெத்திலி வறுவல், கறி வறுவல், என்று அசைவப் ப்ரியர்களுக்கு வேண்டிய எல்லாமும் கிடைக்கிறது. 50 ரூபாய் சாப்பாடு அன்லிமிடெட் என்கிறார்கள். ஒருமுறை சாப்பாடு வாங்கி மாற்றி மாற்றி வெரைட்டியாக ஆர்டர் பண்ணி சாப்பிட்டுக் கொள்ளலாம் என்கிறார் கடை உரிமையாளர். இந்தக் கடையின் வாடிக்கையாளர்கள், வாரம் ஒருமுறையாவது இங்கே வந்து சாப்பிட்டு விட்டுச் செல்வோம் ருசி அந்த மாதிரி என்கிறார்கள்.

சுட்டி குட்டீஸ், சொல்லுங்கண்ணே, சொல்லுங்க இமாம் அண்ணாச்சி கூட இந்தக் கடையின் வாடிக்கையாளர்களில் ஒருவர்.

‘நான் இந்தப் பக்கம் வரும்போதெல்லாம் இங்க சாப்பிட மறக்க மாட்டேன். வீட்டுச் சாப்பாடு மாதிரியே மீன் குழம்பு வச்சித் தராங்க. கறியெல்லாம் நம்ம வீட்ல செஞ்சு சாப்பிட்டா கூட இந்த ருசி வராது. இறா வறுவல் ஆர்டர் பண்ணா அந்தண்ணன் மேல ஒரு மசால்பொடி தூவித் தரார். அருமையா இருக்கும் சாப்பிட. மசால் அவரே தயார் பண்றாராம். மசால் பொடியில என்னல்லாம் சேர்க்கறீங்க சொல்லுங்கண்ணு கேட்டா சொல்ல மாட்டேங்கிறார். தெரிஞ்சா நானும் தனியா கடை போட்ருவேன்னு பயப்படறார் போல’ என்று சிரிக்கிறார் இமாம் அண்ணாச்சி.

சென்னை மட்டுமல்ல இந்தியாவில் எந்தப் பெருநகரத்தை வேண்டுமானாலும் எடுத்துக் கொள்ளுங்கள். அங்கே நகரின் அழகுக்கும், சுவாரஸ்யத்துக்கும் பெருமை சேர்க்கும் வஸ்துக்களின் பட்டியலில் அவற்றின் ஸ்ட்ரீட் ஃபுட் வகைகளுக்கும் முக்கிய இடமுண்டு. சென்னையில் அனைத்து ஏரியாக்களிலும் பிரபலமான தெருவோர உணவுக்கடைகள் உள்ளன. கடற்கரையிலும் இப்படி பெயர் சொல்லும்படியாக கஸ்டமர்களை ஈர்க்கும் உணவகங்கள் இருக்கின்றன.

இவர்களுக்கென்று தனியாக தொலைக்காட்சி விளம்பரங்கள் எல்லாம் தேவை இல்லை. எல்லாம் செவி வழிச் செய்தியாகவே கடையின், உணவின் மகத்துவம் பற்றிய செய்தி பரவி ஒவ்வொரு கடையிலும் கூட்டம் அம்முகிறது. ஒருமுறை சாப்பிட்டவர்கள் மறுமுறை செல்ல மறப்பதில்லை. இப்படி வளர்ந்த கடைகள் இங்கே அனேகம்.

அந்த வகையில் இந்த வாரம் அல்லேலூயா உணவகம் பற்றித் தெரிந்து கொண்டவர்கள் அங்கே செல்லும் வாய்ப்புக் கிடைத்தால் அவர்களது உணவை ருசித்து விட்டு உங்களுக்கு கிடைக்கும் அனுபவங்களை எங்களுடன் பகிருங்கள்.

]]>
hallelooya akka kadai, pattinapakkam street food, அல்லேலூயா அக்கா கடை, அல்லேலூயா உணவகம், பட்டிணப்பாக்கம், சென்னை ஸ்ட்ரீட் ஃபுட் https://images.dinamani.com/uploads/user/imagelibrary/2019/6/20/w600X390/0000_akka_kadai.jpg https://www.dinamani.com/lifestyle/lifestyle-food/2019/jun/20/chennai-street-food-special-pattina-pakkam-akka-kadai-3175514.html
3170655 லைஃப்ஸ்டைல் ரசிக்க... ருசிக்க... குடம்புளியில் செய்ததாக்கும்... குடிச்சுப் பாருங்க செம கூல் மராட்டி ஸ்பெஷல் சம்மர் ட்ரிங்க்! கஸ்தூரி ராஜேந்திரன், தேனி. DIN Thursday, June 13, 2019 02:16 PM +0530  

சம்மர் கூல் ரெஸிப்பிகளெல்லாம் இப்போது நமக்கு ஃபிங்கர் டிப்பில் கிடைத்து விடுகின்றன. எல்லாம் இந்த நெட்டானந்தா தயவில்! அதிலும் கூட என்ன மைனஸ் என்றால்? ஏராளமாகக் கொட்டிக் கிடப்பதால், எதைத் தேர்ந்தெடுப்பது? எதை வீட்டில் செய்து ருசிப்பது? என்று பெருங்குழப்பம் வந்து விடுகிறது நமக்கு. அந்தக் குழப்பங்களை எல்லாம் தாண்டி ஒரு ரெஸிப்பியை நாம் தேர்ந்தெடுக்கிறோம் என்றால் அது அந்த ரெஸிப்பி செய்த தவம் அல்ல... எல்லாம் நாம் செய்த தவப்பயனையும் பொருத்தது தான். ஏனென்றால் அப்படித் தேர்ந்தெடுக்கும் ரெஸிப்பி ஆரோக்யமானதாகவும் இருக்க வேண்டுமே! இதோ, அப்படி ஒரு ரெஸிப்பியைப் பற்றித்தான் இப்போது தெரிந்து கொள்ளவிருக்கிறோம். இது மராத்தி ஸ்பெஷல் ரெஸிப்பி. அங்கு இது இல்லாமல் கிராமத்து விருந்துகள் பூர்ணமடைவதில்லை. உடலுக்கு மிக மிக ஆரோக்யமானது. எந்த விதமான பக்க விளைவுகளையும் ஏற்படுத்தாது. இதை நாம் குடம்புளி மற்றூம் தேங்காய்ப்பாலைப் பயன்படுத்தி செய்யவிருக்கிறோம்.

தேவையான பொருட்கள்:

  • துருவிய தேங்காய் : 1 கப்
  • பச்சை மிளகாய் : 1
  • கொத்தமல்லித் தளை : சிறிதளவு
  • பூண்டு நசுக்கியது : 1 டீஸ்பூன்
  • கோக்கம் புளி அல்லது குடம்புளி : 10 முதல் 12 சுளைகள்
  • சீரகப் பொடி : 1/2 டீஸ்பூன்
  • பிளாக் சால்ட் : 1/2 டீஸ்பூன்
  • சால்ட் : தேவைக்கேற்ப கொஞ்சம்

செய்முறை:

1 கப் துருவிய தேங்காயை மிக்ஸியில் எடுத்துக் கொண்டு அதனுடன் 1 கப் கொதிக்கும் தண்ணீரைச் சேர்க்கவும். அடுத்து குடம்புளியை அது மூழ்கும் அளவுக்கு கொஞ்சமாகத்  தண்ணீர் விட்டு அடுப்பில்ஏற்றி சூடாக்கவும். புளி சூடு ஏறி நன்கு மசியும் அளவுக்கு வேக வைக்கப்பட வேண்டும். குடம்புளி கரைந்து தண்ணீரின் நிறம் அடர்த்தியான பிரெளன் நிறத்திற்கு வரும் வரை நன்கு மசித்துக் கொண்டே புளியைக் கிளறி விட வேண்டும். பிறகு அடுப்பை அணைத்து விட்டு மிக்ஸியில் இருக்கும் தேங்காய்த்துருவலைக் கொதிக்கும் தண்ணீர் கலந்து 2 நிமிடங்களுக்கு அரைக்கவும். பின்னர் அதை ஒரு ஜூஸ் வடிகட்டியின் மீது மெல்லிய துணியைப் போட்டு வடிகட்டி தேங்காய்ப்பால் எடுக்கவும். பின்னர் இதனுடன் காய்ச்சி வடிகட்டிய கெட்டியான குடம்புளிக் கரைசலை ரோஸ் நிறம் கிடைக்கும் வரையில் சிறிது சிறிதாக மிக்ஸ் செய்யவும். பின்னர் அதனுடன் 1/2 டீஸ்பூன் நசுக்கிய பூண்டு மற்றும் நீளவாக்கில் நறுக்கிய 1 பச்சை மிளகாயையும் சேர்க்கவும். அடுத்ததாக 1/2 டீஸ்பூன் பிளாக் சால்ட், ஒரு சிட்டிகை தூள் உப்பு, 1/2 டீஸ்பூன் சீரகத்தூள் என முன்னதாக எடுத்து வைத்த அனைத்துப் பொருட்களையும் சேர்த்து நன்கு கிளறவும். பிறகு அதை அப்படியே எடுத்து ஃப்ரிஜ்ஜில் வைத்து விட்டு தேவையான போது
வடிகட்டி அப்படியே பரிமாறலாம். செம கூல் ரெஸிப்பி இது. மஹாராஷ்டிரத்தில் இது ரொம்ப ஸ்பெஷல் ரெஸிப்பி என்கிறார்கள். சரி தான் நம்மூர் பானகம் மாதிரி தான் இருக்கிறது. ஆனால், இதில் சீமைப்புளிச் சாறுக்குப் பதிலாக குடம்புளிச்சாறும், தேங்காய்ப்பாலும் சேர்க்கிறார்கள் என்பது தான் வித்யாசம்.

குடம்புளி உடல்நலனுக்கு மிகவும் நல்லது. அதனால் யார் வேண்டுமானாலும் தாராளமாக இதை வீட்டிலேயே தயாரித்து அருந்தலாம்.

]]>
கோக்கம் காடி, குடம்புளிச் சாறு, குடம்புளி ஜூஸ், கோகனட் மலபார் ஜூஸ், coconut malabar recipe, malabar tamarind juice, kokum khadi, marati special juice recipe, https://images.dinamani.com/uploads/user/imagelibrary/2019/6/13/w600X390/000kokum_khadi.jpg https://www.dinamani.com/lifestyle/lifestyle-food/2019/jun/13/summer-special-marati-recipe-kokum-khadi-3170655.html
3158357 லைஃப்ஸ்டைல் ரசிக்க... ருசிக்க... வடநாட்ல இதை லஞ்ச்னு சொல்லிக்கிறாங்க, நமக்கெல்லாம் இது வெறும் ஸ்னாக்ஸ் மட்டும் தான்! கஸ்தூரி ராஜேந்திரன், தேனி. DIN Saturday, May 25, 2019 04:14 PM +0530  

சாபுதானா கிச்சடி... அதாங்க ஜவ்வரிசி கிச்சடி அதைத் தான் இந்தியில சாபுதானா கிச்சடிக்கிங்றாங்க. அந்தக் கிச்சடி டேஸ்ட் சூப்பரா இருக்கும்னு ஸ்ட்ரீட் ஃபுட் சேனல் ஒன்னு சொல்லுச்சு. டிஃபரண்ட்டா இருக்கேன்னு வீட்ல ட்ரை பண்ணிப் பார்த்தேன். நிஜமாவே நல்லாத்தாங்க இருக்கு. ரொம்ப அதிக செலவெல்லாம் இல்லை. 2 கப் வேக வைத்த சாபுதானா தான் மெயின். கூட கொஞ்சம் சாட் மசாலா, பேல்பூரி (ஓமப்பொடி) புதினா, மல்லித்தளை 2 டீஸ்பூன், அரை மூடி லெமன் சாறு இவ்ளோ தான் முடிஞ்சது கிச்சடி வேலை. மொத்தக் குடும்பத்துக்கும் தேவையான சத்தான மாலைச் சிற்றுண்டி ரெடி.

தேவையான பொருட்கள்:

  • ஜவ்வரசி : 2 கப்
  • பெரிய வெங்காயம்: 1 பொடியாக நறுக்கியது
  • சாட் மசாலா: 2 டீஸ்பூன் (காரம் தேவைப்படுவதற்கு ஏற்ப)
  • ஓமப்பொடி அல்லது மிக்ஸர்: 1 டேபிள் ஸ்பூன்
  • புதினா மல்லித்தளை: 2 டீஸ்பூன்
  • லெமன் சாறு: அரைமூடி 
  • உப்பு: தேவையான அளவு

செய்முறை:

முதலில் ஜவ்வரிசியை ஊற வைத்து மிருதுவாக ஆனதும் தேவையான பதத்தில் வேக வச்சு எடுத்துகனும். பிறகு வெந்த ஜவ்வரிசியில் மேற்கண்ட பொருட்களை எல்லாம் பதமாகச் சேர்த்துக் கிளறிப் பரிமாற வேண்டியது தான். சுவை அள்ளும். மீண்டும் மீண்டும் சாப்பிடத் தூண்டும். ஆனால், அளவோடு நிறுத்திகனும். இல்லைன்னா திகட்டிடும். வாரம் ஓரிரு நாட்கள் எளிதா செய்து சாப்பிடக்கூடிய ஸ்னாக்ஸ் வெரைட்டி இது. 

]]>
SABUDHANA KICHIDI, EVENING SNACK, LUNCH, ஜவ்வரிசி கிச்சடி, மாலைச் சிற்றுண்டி, மதிய உணவு, https://images.dinamani.com/uploads/user/imagelibrary/2019/5/25/w600X390/Sabudana_Khichdi.jpg https://www.dinamani.com/lifestyle/lifestyle-food/2019/may/25/sabudana-khichdi-recipe-3158357.html
3157197 லைஃப்ஸ்டைல் ரசிக்க... ருசிக்க... நாட்டுப்புறத்து ஸ்டைலில் வித்யாசமாய் ஒரு முருங்கைக்காய் ரெஸிப்பி! கஸ்தூரி ராஜேந்திரன், தேனி. DIN Thursday, May 23, 2019 01:27 PM +0530  

முருங்கைக்காயை வைத்து என்னவெல்லாம் சமைக்கலாம்?

உடனே பாக்யராஜின் ‘இது நம்ம ஆளு’ சினிமா பார்க்கச் சொல்லி விடாதீர்கள்.

அந்தப் படத்தில் காட்டியதையும் தாண்டி முருங்கைக்காயை வைத்து இன்னும் விதம் விதமான ரெஸிப்பிகள் செய்யலாமாம். முருங்கை இந்தியா முழுவதிலும் விளைகிறது. அங்கே ஒவ்வொரு மாநிலத்திலும் முருங்கையை வித்யாச வித்யாசமாக சமைக்கிறார்கள். நாம் தான் இன்னும் முருங்கைக்காயை வெறும்  சாம்பாரிலும், காரக்குழம்பு, புளிக்குழம்புகளில் மட்டும் போட்டுச் சமைத்துச் சலித்துக் கொண்டிருக்கிறோம். அட சலிப்பு என்பது சாப்பிடும் நமக்கு அல்ல, சமைக்கப்படும் முருங்கைக்காய்க்கு! பின்னே நம்மை ஒவ்வொரு நாளும் நாம் எப்படியெல்லாம் அலங்கரித்துக் கொள்கிறோம். தினமும் ஒரே விதமாகவா அலங்கரிக்கத் தோன்றுகிறது? அப்படித்தான் இதுவும்.

சரி, இப்போது முருங்கையை வைத்து வித்யாசமாக ஒரு ரெஸிப்பி செய்து பார்ப்போமா?

தேவையான பொருட்கள்:

  • முருங்கைக்காய்கள்: 10 அல்லது 12
  • சின்ன வெங்காயம்: 6 அல்லது 7 (பொடியாக நறுக்கிக் கொள்ளவும்)
  • பச்சை மிளகாய்: 5 (பொடி குண்டு மிளகாயாக இருந்தால் நல்லது)
  • கசகசா: 1 டீஸ்பூன்
  • வெள்ளை கடுகு: 1 டீஸ்பூன்
  • உப்பு: தேவையான அளவு
  • சர்க்கரை: ஒரு சிட்டிகை
  • கடுகெண்ணெய் அல்லது நல்லெண்ணெய்: 3 டீஸ்பூன்

செய்முறை:

முதலில் கிரில் அடுப்போ அல்லது கறி அடுப்போ இருந்தால் அத்தனை முருங்கைக்காய்களையும் நன்றாக சுட்டுக் கொள்ளுங்கள். முருங்கைக்காய்களுக்குள் இருக்கும் சதைப்பகுதி வெந்திருக்க வேண்டும். அந்த அளவுக்கு காய்களை சுட்டு எடுத்து சற்று ஆற விடவும். கை பொறுக்கும் சூட்டுக்கு வந்த உடன் முருங்கைக்காய்களைக் கீறி உள்ளிருக்கும் வெந்த சதைப்பகுதியை கத்தி கொண்டு வலித்து எடுத்து விடுங்கள். அதை ஒரு கிண்ணத்தில் வைத்து விட்டு. பச்சை மிளகாய், வெண்கடுகு, கசகசா மூன்றையும் அம்மி இருந்தால் அம்மியிலோ அல்லது மிக்ஸியிலோ இட்டு நைஸாக அரைத்து எடுத்துக் கொள்ள வேண்டும். முருங்கைச் சதையையும் இதே விதமாக அரைத்து ஒரு கிண்ணத்தில் வைக்கவும். 

அடுத்ததாக அடுப்பைப் பற்ற வைத்து, கடுகெண்ணெய் அல்லது நல்லெண்ணெய் விட்டு கடுகு, உளுந்து தாளித்து நறுக்கிய சின்ன வெங்காயம் கறிவேப்பிலை போட்டு வதக்கவும். வெங்காயம் பொன்னிறமாக வதங்கியதும் முருங்கைச் சதையை அதில் போட்டு வதக்கவும். அது சற்று வெந்தவுடன் அதனுடன் அரைத்த பச்சை மிளகாய், கசகசா விழுதைச் சேர்த்து மீண்டும் நன்கு வதக்கவும். வெந்ததும் கடைசியாக ஒரு சிட்டிகை சர்க்கரை சேர்த்துப் பிசிறி விட்டு இறக்கவும். இறக்கும் பக்குவம் என்பது வதக்கிய துவையலில் இருந்து எண்ணெய் பிரிந்து மேலே வரவேண்டும். அப்போது தான் இந்த நாட்டுப்புறத்து முருங்கைத் துவையலின் ருசி ஊரைக்கூட்டும்.

வெறும் சாதம், இட்லி, தோசை, சப்பாத்தி, தயிர் சாதம், ரசம் என எதற்கும் இதைத் தொட்டுக் கொண்டு சாப்பிட்டு முடித்து விடலாம்.

சுவைக்கும் சுவையும், சத்துக்கு சத்துமாச்சு!

இந்த ரெஸிப்பியை DESI FOODS எனும் யூ டியூப் விடியோ பார்த்து தான் செய்யக் கற்றுக் கொண்டேன். அதில் வேறு என்ன சுவாரஸ்யம் என்றால், அதில் இந்த ரெஸிப்பியைச் செய்து காட்டிய பெண்மணி,  அப்போது தான் ஃப்ரெஷ் ஆகப் பறித்த முருங்கைக்காய்கள், வெங்காயம், பச்சை மிளகாய் என கண் முன்னே ஃப்ரெஷ் ஐட்டங்களாகச் சமையலுக்குப் பயன்படுத்தி அசத்தினார். அந்தக்காட்சி இந்த முருங்கைத் துவையல் ரெஸிப்பியின் சுவையை மேலும் கூட்டுவதாக இருந்தது.

நாமும் மாடித்தோட்டம் போட்டு தினம் தினம் இப்படி ஃப்ரெஷ் ஆகப் பறித்துச் சமைத்தால் சூப்பராக இருக்கும் தானே! செய்து பாருங்கள்!


 

]]>
drumstick, desi recipe, முருங்கைக்காய் ரெஸிப்பி, நாட்டுப்புறத்து சுவையான முருங்கை ரெஸிப்பி, https://images.dinamani.com/uploads/user/imagelibrary/2019/5/23/w600X390/0_drumstickkk.jpg https://www.dinamani.com/lifestyle/lifestyle-food/2019/may/23/tasty-desi-drumstick--recipe-3157197.html
3147500 லைஃப்ஸ்டைல் ரசிக்க... ருசிக்க... பால்கோவாவும், தூத்பேடாவும் ஒன்றா?! கார்த்திகா வாசுதேவன் DIN Tuesday, May 7, 2019 04:19 PM +0530  

சொல்லும் போதே வாய் மட்டுமல்ல உள்ளமும் கூட தித்திக்கிறது தானே? இந்தப் பண்டத்தின் பெயர் ரொம்பப் பிடிக்கும். ஆனால், இதைப் பற்றிக் கேள்விப்பட்டதென்னவோ அனுராதா ரமணனின் நாவலொன்றின் வாயிலாகத்தான். அதில் வரும் நாயகி, அவளொரு தொடர்கதை கவிதா போல (சுஜாதா) குடும்பத்துக்காக உழைத்துக் கொட்டிக் கொண்டிருப்பார். ஆனால், குடும்பத்தின் பிற உறுப்பினர்களில் யாருக்குமே குடும்பப் பொறுப்பே இருக்காது. தான் தோன்றித் தனமாக இஷ்டத்துக்கும் அந்தப் பெண்ணை கஷ்டப்படுத்திக் கொண்டே இருப்பார்கள். அவளும் உள்ளுக்குள் நொந்து நூடுல்ஸாகி அப்பா வயதிலாவது ஒரு மாப்பிள்ளை வந்து தன்னை இந்தக் குடும்பத் தளைகளில் இருந்து விடுவிக்க வந்து விட மாட்டானா? என்று மனம் குன்றிப் போய் காத்துக் கொண்டிருப்பாள். நாவலை வாசிக்கும் போது அந்தப் பெண்ணின் மீது பயங்கரக் கோபம் மூண்டது வாஸ்தவம். 

என்ன பெண் இவள்? இந்தப் பொறுப்பு கெட்ட கழுதைகளுக்கு உழைத்துக் கொட்டிக் கொண்டிருக்கிறாளே!

ஒரு கட்டம் வரை பொறுத்துப் போனதெல்லாம் சரி தான். வாழ்ந்து கெட்ட குடும்பம், ஏதோ அப்பாவின் போறாத காலம், அம்மாவின் சிக்கனமின்மை எல்லாமும் சேர்ந்து குடும்பம் உருப்படியில்லாமல் போய்விட்டது. அதற்காக கடைக்குட்டிப் பெண் பாரம் சுமக்க வேண்டும் என்று என்ன தலையெழுத்து? அத்துடன் அந்த நாவலில் தாய்மாமன் கதாபாத்திரம் ஒன்று வரும். தரங்கெட்ட மாமன் அவன், சுயநலப்பிசாசு. இந்தப் பெண்ணிடம் வேண்டுமட்டும் வேலை வாங்கிக் கொண்டு அக்கா மகளை தன் வியாபார விருத்திக்காக கண்டவனுக்கும் கம்பெனி கொடுக்கச் செய்து அவளுக்கு வாழ்க்கையின் மீதிருக்கும் கொஞ்ச நஞ்ச பற்றுதலையும் ஒழித்துக் கட்டியவன் அவனே! அடடா.... இதென்ன நான் முழுக்கதையையும் சொல்லத் தொடங்கி விட்டேனா?!

அந்த நாவலின் பெயர் ’நாளை வருவான் நாயகன்’ புத்தகம் அனைத்து லைப்ரரிகளிலும் நிச்சயம் கிடைக்கும். முடிந்தால் எடுத்துப் போயோ அல்லது இணையத்தில் தரவிறக்கியோ வாசித்துப் பாருங்கள். நீங்கள் குடும்ப நாவல் வாசகர்கள் என்றால் நிச்சயம் இந்தக் கதையில் நீங்கள் மூழ்கிப் போவீர்கள். 

அதெல்லாம் சரி... ஆனால், தூத்பேடாவைப் பற்றித் தொடங்கி விட்டு இதென்ன சம்பந்தா, சம்பந்தமில்லாமல் எதையோ கிளறிக் கொண்டிருக்கிறேனே என்று நினைத்து விட வேண்டாம்.

தூத்பேடா என்றால், வெறுமே தூத்பேடாவோடு முடிந்து விட்டால் அப்புறம் அதிலென்ன சுவாரஸ்யமிருக்க முடியும்.

தூத்பேடாவை வீட்டில் செய்து சாப்பிட வேண்டுமென்றால் அங்கேயும் மனைவி, அம்மா என்று ஒரு பெண்ணைக் கஷ்டப்படுத்தாமல் ஆகிற காரியமா அது?

இந்த தூத்பேடா ரெசிப்பியின் மகிமையைப் பற்றிச் சொல்கிறேன் கேளுங்கள்.

தேவையான பொருட்கள்:

பால்: 10 லிட்டர்
சர்க்கரை: 2 1/2 கிலோ கிராம்
நெய்: அரை கிலோ கிராம்
தேங்காய்ப்பூ அல்லது குங்குமப்பூ: கொஞ்சம்( அலங்கரிக்கத் தேவையான அளவு)

செய்முறை:

உற்றார், உறவினர், சுற்றத்தார் எல்லோருக்கும் கொடுத்து மகிழ்ந்து பிறகு உங்களது வீட்டாருக்கும் ருசிக்க தூத்பேடா கிடைக்க வேண்டுமென்றால் குறைந்தபட்சம் 10 லிட்டர் தூய பால் வேண்டும். அந்தப்பாலையும் மொத்தமாக ஒரே பாத்திரத்தில் காய்ச்சிப் பொங்கி வடிய விடாமல், பக்குவமாக இரண்டு பெரிய கடாய்களில் தனித்தனியாக 5, 5 லிட்டர் என்று காய்ச்ச வேண்டும். காய்ச்சுவது என்றால் வீட்டில் காப்பிக்காக பால் காய வைப்பது போல அல்ல. இரண்டு கடாய் பாலையும் 2 1/2 கிலோ சர்க்கரை சேர்த்து சும்மா கை விடாமல் கிளறிக் கொண்டே இருக்க வேண்டும். பால் சுண்டக் காய்ந்து சற்றுக் கெட்டிப்பட்டு வரும் போது 1/2 லிட்டர் நெய்யைக் கொஞ்சம் கொஞ்சமாக விட்டுக் கையெடுக்காமல் கிளற வேண்டும். ஒரு வழியாக முழுதாக 1 அல்லது 1 1/2 மணி நேரம் பிடிக்கலாம். தூத்பேடா கடைப்பக்குவத்தில் கெட்டியாக. அந்தப் பக்குவம் வந்ததும் கடாய்களை இறக்கி ஆற விட வேண்டும். கலவை கை பொறுக்கும் சூட்டுக்கு வந்த உடன் உள்ளங்கையில் சிறிது நெய் தடவிக் கொண்டு  அவற்றைக் குட்டி குட்டிப் பந்துக்களாக உருட்டி பாதுஷா ஷேப்பில் நடுவில் அழுத்தி வட்ட வட்டமாகத் தட்டி நடுக்குழியில் ஒன்றிரண்டு நிறமூட்டப்பட்ட தேங்காய்ப் பிசிறுகளையோ அல்லது குங்குமப் பூக்களையோ வைத்து அலங்கரித்து பரிமாறத் தொடங்கி விடலாம். 

இந்த தூத்பேடாவில் அதி முக்கியமான ஒரே விஷயம் கையெடுக்காமல் கிளறுவது மட்டுமே. கிளறும் போது சற்றே சோம்பேறித்தனப்பட்டு கிளற மறந்தீர்கள் என்றால் அவ்வளவு தான் தூத்பேடாவுக்கு நீங்கள் எதிர்பார்க்கும் அருமையான க்ரீம் நிறம் கிடைக்கவே கிடைக்காது. அப்படியே பால் கெட்டிப்பட்டு அசட்டு மஞ்சள் நிறம் வந்து விடும். இது பலருக்கு அத்தனை பிடிப்பதில்லை. தூத்பேடா உருட்டி முடிக்கும் போது அப்படியே அதன் நிறம் பாற்கடலில் பொங்கி வரும் பால் வெண்மைக்கும், வெளிர் மஞ்சளுக்கும் இடைப்பட்டு நிற்கும் நிகு நிகுவென்ற தெய்வீகமான அரை வெண்மை நிறமாக இருக்க வேண்டும். அது தான் பக்குவம்.

அட இது நம்மூர் பால்கோவா ரெசிப்பியாச்சே! இதையா இவ்வளவு நேரம் தூத்பேடா என்று விளக்கு விளக்கு என்று விளக்கிக் கொண்டிருக்கிறீர்கள்? என்று முறைக்காதீர்கள்.

பால்கோவாவும், தூத்பேடாவும் ஒன்று தான் என்று நம்மில் எத்தனை பேருக்கு தெரியும் யுவர் ஹானர்?!

அலுவலக மக்களைக் கேட்டால் இரண்டும் ஒன்று போலத்தான் இருக்கிறது. ஆனால் செய்முறையில் சர்க்கரை சேர்க்கும் பக்குவத்தில் தான் இரண்டுக்கும் இடையில் கொஞ்சமே கொஞ்சம் வித்யாசம் இருக்கிறது என்று திகட்டலாகச் சொல்கிறார்கள். சரி பால்கோவாவானாலும், தூத்பேடாவானாலும் திகட்டக் கூடிய சமாச்சாரம் தானே என்று அதைப் புறம் தள்ளி விடலாம்.

தமிழர்களுக்கு இது பால்கோவா, வட இந்தியர்களுக்கு இது தூத்பேடா. என்று ஒரு சமரசநிலைக்கு வந்துவிட்டு பிறகு தூத்பேடாவை ருசிக்கலாம் வாங்க.

நான் இரண்டையுமே ருசித்திருக்கிறேன். பால்கோவாவின் சுவை தூத்பேடாவுக்கு இல்லை என்று தான் தோன்றுகிறது.

தூத்பேடாவை ஃப்ரிஜ்ஜில் வைத்து குளுகுளுவென்று சாப்பிடலாம் என்றார் ஒருவர். ஏன் பால்கோவாவையும் கூடத்தான் அப்படிச் சாப்பிடலாம். அதற்காக இரண்டும் ஒன்று என்று மட்டும் சொல்லி விடாதீர்கள். இரண்டுமே வேறு வேறு தான் என்கிறார்கள் சிலர். இந்த பால்கோவா, தூத்பேடா குழப்பம் இப்போதைக்குத் தீராது போல.

கடைசியாகச் சொல்லிக் கொள்ள ஒன்றுண்டு.

உங்களுக்கு வீட்டில் பொழுதே போகவில்லை, வெட்டியாக இருக்கிறீர்கள். ஏதாவது சாப்பிட வேண்டும் போலிருக்கிறது. உடனே மனைவியை அழையுங்கள். எனக்கு இப்போதே பால்கோவா அல்லது தூத்பேடா சாப்பிட வேண்டும். அதற்காகக் கடைகளில் எல்லாம் வாங்கித் தரக்கூடாது. வீட்டில் உன் தங்கக் கரங்களால் சுத்தமான பசும்பால் வாங்கி சுத்தமான ஆலைச்சர்க்கரை வாங்கி பால்கோவாவோ அல்லது தூத்பேடாவோ செய்து தந்தே ஆக வேண்டும் என்று குழந்தைகளைப் போல செல்லமாகப் பிடிவாதம் பிடித்துப்பாருங்கள். அப்புறம் பாருங்கள் உங்களுக்கு வெட்டியாகக் கழிக்கப் பொழுதே இல்லாமல் செய்து விடுவார் உங்கள் மனைவி. அம்மாடியோவ் கையும், முதுகும் பின்னியெடுக்கும் போலிருக்கிறது வலி.

அனுராதா ரமணனின் நாவலொன்றை அந்தரத்தில் தொங்க விட்டு விட்டு பால்கோவாவுக்கும், தூத்பேடாவுக்குமான ஆறு வித்யாசங்களைப் பார்க்கப் புறப்பட்டு விட்டேன் பாருங்கள்.

அதாகப்பட்டது, அந்த நாவல் மூலமாகத்தான் தூத்பேடா என்றொரு இனிப்பைப் பற்றி நான் அறிந்து கொண்டது. நாயகியின் பெயர் இந்து, அவளைப் பெண் பார்க்க அந்த வீட்டுக்கு அடிக்கடி மாப்பிள்ளைகள் வந்து கொண்டே இருப்பார்கள். அவர்களுக்காக அவள் ஒவ்வொரு முறையும் தூத்பேடா வாங்கி வந்து தட்டில் வைத்துக் கொண்டிருப்பாள். ஆரம்பத்தில் அதை சாப்பிடக்கூடிய வயதிலான மாப்பிள்ளைகள் வருவார்கள். க்ளைமாக்ஸில் பெண் பார்க்க வருபவருக்கு தூத்பேடா சாப்பிட முடியாத அளவுக்கு அவர் டயாபடிக் பேஷண்டாக இருப்பார். கடைசியில் நாவலை வாசித்து வருடங்கள் பல கடந்த பின்பும் இன்றும் கூட கதையில் எனக்கு நினைவில் நின்ற கதாபாத்திரங்களில் ஒன்றாக அந்த தூத்பேடாவும் தங்கி விட்டது. அது தான் இத்தனை குழப்பங்களுக்கும் காரணம்.

சரி இப்போது நீங்களே சொல்லுங்கள் பார்க்கலாம்.

பால்கோவாவும், தூத்பேடாவும் ஒன்றா?

]]>
Dooth peda, Milk kova, பால்கோவா, தூத்பேடா, பால்கோவா VS தூத்பேடா https://images.dinamani.com/uploads/user/imagelibrary/2019/5/7/w600X390/00000_doodh_peda.jpg https://www.dinamani.com/lifestyle/lifestyle-food/2019/may/07/dooth-peda-and-milk-kova-are-same-or-different-sweets-3147500.html
3147428 லைஃப்ஸ்டைல் ரசிக்க... ருசிக்க... கமகமக்கும் கத்தரிக்காய் ரெஸிபி! DIN DIN Tuesday, May 7, 2019 11:26 AM +0530 கத்தரிக்காய் ஸ்பெஷல்!

நெல்லூர் கத்தரிக்காய் ப்ரை
தேவையானவை :
பஜ்ஜி கத்தரிக்காய் ( பெரியது) - 4
நறுக்கிய வெங்காயம் - 1 கிண்ணம்
கொப்பரை தேங்காய்த் துருவல் - 1 கிண்ணம்
பூண்டு -1
சீரகம் - 2 தேக்கரண்டி
கடுகு - 1 தேக்கரண்டி
மிளகாய்த் தூள் - 2 தேக்கரண்டி
மஞ்சள் தூள் - 1/2 தேக்கரண்டி
உப்பு - தேவையான அளவு
எண்ணெய் - தேவையான அளவு
கறிவேப்பிலை - 1 கைப்பிடி

செய்முறை : வெங்காயம், தேங்காய், பூண்டு, பாதியளவு சீரகம், கறிவேப்பிலை ஆகியவற்றை மிக்ஸியில் நன்கு அரைத்துக் கொள்ளவும். பின்னர், கத்தரிக்காயை நீளவாக்கில் இரண்டு துண்டாக நறுக்கிக் கொள்ளவும். பின்னர் வாணலியில் எண்ணெய்விட்டு காய்ந்ததும் கடுகு, மீதமுள்ள சீரகம், கறிவேப்பிலை தாளித்து, மஞ்சள் தூள் கத்தரிக்காயைச் சேர்த்து வதக்கவும். கத்தரிக்காய் பாதி வெந்ததும், இறக்கி, அரைத்து வைத்துள்ள மசாலா, மிளகாய்த்தூள், உப்பு சேர்த்து நன்கு பிரட்டவும். பின்னர், வாணலியில் எண்ணெய்விட்டு காய்ந்ததும், ஒவ்வொரு கத்தரிக்காயாக எண்ணெய்யிலிட்டு பொரித்து எடுக்கவும். சுவையான நெல்லூர் கத்தரிக்காய் ஃப்ரை தயார்.

கத்தரிக்காய் -65

தேவையானவை:
கத்தரிக்காய் - அரை கிலோ,
இஞ்சி - பூண்டு விழுது - 1 தேக்கரண்டி
65 மசாலா - 2 தேக்கரண்டி
சோள (கார்ன்) மாவு - 1தேக்கரண்டி
எண்ணெய் - தேவைக்கேற்ப,
உப்பு - தேவைக்கேற்ப\

செய்முறை: கத்தரிக்காயை வட்ட வடிவில் மெல்லிய துண்டுகளாக நறுக்கிக் கொள்ளவும். அவற்றுடன், இஞ்சி }பூண்டு விழுது, 65 மசாலா, சோளமாவு, உப்பு சேர்த்து நன்கு பிரட்டி பத்து நிமிடம் ஊறவைக்கவும். பின்னர், வாணலியில் எண்ணெய்விட்டு காய்ந்ததும், கத்தரிக்காயை பொரித்து எடுக்கவும். சுவையான கத்தரிக்காய் 65 தயார்.

கத்தரிக்காய் கிரிஸ்பி ஃப்ரை

தேவையானவை:

பெரிய கத்தரிக்காய் - 2, கார்ன் ப்ளேக்ஸ் - 1கிண்ணம்
உப்பு - தேவைக்கேற்ப
மஞ்சள் தூள் - கால் தேக்கரண்டி
சிகப்பு மிளகாய்த் தூள் - 1 தேக்கரண்டி
சீரகத் தூள் - 1தேக்கரண்டி
தனியாத் தூள் - 1 தேக்கரண்டி
பச்சை மிளகாய் - இஞ்சி விழுது - 1தேக்கரண்டி
எலுமிச்சைச் சாறு - 1 தேக்கரண்டி
மைதா மாவு - 3 தேக்கரண்டி
எண்ணெய் - தேவையான அளவு

செய்முறை : கத்தரிக்காயை அரை வட்டமாக நறுக்கிக் கொள்ளவும். அத்துடன், உப்பு, மஞ்சள் தூள், சிகப்பு மிளகாய்த் தூள், சீரகத் தூள், தனியாத் தூள், இஞ்சி - பச்சை மிளகாய் விழுது, எலுமிச்சைச் சாறு ஆகியவற்றை சேர்த்து நன்கு கலந்துக் கொள்ளவும். பின்னர், ஒரு பாத்திரத்தில் கார்ன் ப்ளேக்ஸை போட்டு நன்கு பொடித்து தனியாக வைத்துக் கொள்ளவும் . பின்னர் மைதா மாவில் தண்ணீர்விட்டு நன்கு கலந்து கொள்ளவும். பின்னர், வாணலியில் எண்ணெய்விட்டு காய்ந்ததும், மசாலாவில் பிரட்டி வைத்துள்ள கத்தரிக்காயை கரைத்து வைத்துள்ள மைதா மாவில் தோய்த்து பின்னர் பொடித்து வைத்துள்ள கார்ன் ப்ளேக்ஸ் பிரட்டி எடுத்து எண்ணெயிலிட்டு பொரித்து எடுக்கவும். சுவையான கத்தரிக்காய் கிரிஸ்பி ஃப்ரை தயார்.

கத்தரிக்காய் கிரில் ரோல்

தேவையானவை:
பஜ்ஜி கத்தரிக்காய் ( பெரியது) - 2
சீஸ் - 8
தக்காளி - 4
பெசில் இலை - சிறிது
ஆலிவ் எண்ணெய் - 2 தேக்கரண்டி
வினிகர் - 1 குழிக்கரண்டி
தக்காளி விழுது - 1 தேக்கரண்டி
எலுமிச்சைச் சாறு - 1 தேக்கரண்டி
உப்பு - தேவைக்கேற்ப

செய்முறை: கத்தரிக்காயை மெல்லிய துண்டுகளாக பஜ்ஜிக்கு நறுக்குவது போன்று நீள வாக்கில் நறுக்கிக் கொள்ளவும். பின்னர், நறுக்கிய கத்தரிக்காய்களை ஒரு பாத்திரத்தில் சிறிது தண்ணீர்விட்டு சிறிது உப்புப்போட்டு வேக வைக்கவும். கத்தரிக்காய் பாதி வெந்ததும் இறக்கி, தண்ணீரை வடித்துவிடவும். பின்னர், தண்ணீர் வடிந்த கத்தரிக்காயின் மீது தக்காளி துண்டை வைத்து அதன் மீது சீஸ் வைத்து லேசாக உப்பு தூவி ரோல் செய்ய வேண்டும். பின்னர் ரோல் செய்த கத்தரிக்காய் மீது ஆலிவ் எண்ணெய், தக்காளி விழுது, வினிகர், எலுமிச்சைச்சாறு தடவி கத்தரிக்காயை கிரில் செய்யவும். பின்னர், பெசில் இலைகளை பொடியாக நறுக்கி கத்தரிக்காய் மீது தூவி பரிமாறவும். சுவையான கத்தரிக்காய் கிரில் ரோல் ரெடி.
- சரோஜா

]]>
brinjal, spice, கத்திரிக்காய், சமையல் https://images.dinamani.com/uploads/user/imagelibrary/2019/5/7/w600X390/oetmfgbjjdibb_bigger.jpg https://www.dinamani.com/lifestyle/lifestyle-food/2019/may/07/tasty-and-spicy-brinjal-recipes-3147428.html
3145029 லைஃப்ஸ்டைல் ரசிக்க... ருசிக்க... ரெஸ்டாரெண்டுகளில் நீங்கள் நிச்சயம் தவிர்க்க வேண்டிய 13 வித உணவு வஸ்துக்கள்! கஸ்தூரி ராஜேந்திரன், தேனி. DIN Friday, May 3, 2019 03:21 PM +0530  

கார்னிஷிங் வெஜிடபிள்ஸ்...

 

 

நீங்கள் எப்போது ரெஸ்டாரெண்டுகளுக்குச் சாப்பிடப் போனாலும் தயவு செய்து ஒன்றை மட்டும் மறந்து விடாதீர்கள். அங்கே உணவுப்பொருட்களை அழகு படுத்துவதற்கு என்றே சில வேலைகளைச் செய்து வைத்திருப்பார்கள். ஒன்றுமில்லை ஐஸ்கிரீம் சர்வ் செய்தால் அதன் மேலே செர்ரிப் பழத்தையோ, அல்லது வேஃபர் பிஸ்கட்டையோ சொருகி வைப்பது, ஜூஸ் டம்ளர்களில் கேரட், லெமன், வெள்ளரித்துண்டுகளை சொருகி வைப்பது, போன்ற வேலைகளை அங்கிருக்கும் கேட்டரிங் பணியாளர்கள் செய்து வைப்பார்கள். பார்க்க அழகாகத் தான் இருக்கும். ஆனால், அது சாப்பிட அத்தனை அழகானதில்லை என்பது உங்களுக்குத் தெரிந்திருக்க வேண்டும். இப்படி கார்னிஷிங் செய்யப் பயன்படுத்தும் பழங்கள் மற்றும் காய்கறிகள் பெரும்பாலும் கழுவப்படுவதில்லை என்றொரு தகவல். சும்மா, சும்மா கழுவிப் பயன்படுத்தினால் பார்க்க அத்தனை லுக்காக இருக்காது என்பது ஒரு காரணம். அத்துடன் இதையெல்லாமா போய் கழுவிக் கொண்டிருப்பார்கள் வெகு சிலர் தானே இவற்றையும் மிச்சம் வைக்காமல் உண்பார்கள். மொத்தத்தில் பலரும் இவற்றைத் தூக்கி குப்பையில் தானே எறியப் போகிறார்கள் என்ற அலட்சியம் ஒரு காரணம். எனவே நாம் நமது ஆரோக்யத்தைப் பாதுகாத்துக் கொள்ள வேண்டுமானால் இவற்றை உண்ணாமல் புறக்கணித்து விடுவது நல்லது. அப்படி உங்களுக்கு கார்னிஷிங் பழங்களின் மீது கொள்ளைப் ப்ரியம் என்றால் பேசாமல் வீட்டிலேயே பார்ட்டி பண்ணி சாப்பிட்டுக் கொள்ளுங்கள். ரெஸ்டாரெண்டில் ரிஸ்க் எடுக்காதீர்கள்.

முளைகட்டிய தானியங்கள்...

 

 

ஹோட்டல் மற்றும் ரெஸ்டாரெண்டுகளில் பிரெட், மற்றும் நாணில் வைத்து ஸ்டஃப் செய்து சாப்பிடத் தோதாக சில பெளல்களில் முளைகட்டிய தானியங்களை நிறையவே அடுக்கி வைத்திருப்பார்கள். தீரத் தீர அது மீண்டும் நிரப்பப் படும். முளை கட்டிய தானியங்கள் நல்லது தான். ஆனால், அவை எவ்விதமாகப் பாங்காகத் தயாரிக்கப்படுகின்றன என்பதைப் பொருத்தது அவற்றின் ஆரோக்ய அளவீடு. ரெஸ்டாரெண்டுகளில் சதா சர்வ காலமும் திறந்த நிலையில் வைக்கப்பட்டிருக்கும் இந்த தானியங்களின் ஈரப்பதம் காரணமாக இவற்றில் வெகு சீக்கிரம் பாக்டீரியத் தொற்று ஏற்பட வாய்ப்புகள் அதிகம். அத்துடன் இவை ஒரே நாளில் தீர்ந்து விடப்போவதில்லை என்பதால் அப்படியே ஸ்டோரேஜ் அறையில் பாதுகாக்கப்பட்டு மீண்டும் மீண்டும் புஃபே பெளல்களில் நிரப்பப்படும் போது இவற்றில் ஆரோக்யத்தைக் காட்டிலும் பாக்டீரியாக்கள், வைரஸ்கள் மற்றும் பூஞ்சைகள் வளர்வதற்கான சூழல்களே அதிகம். எனவே இவற்றையும் நீங்கள் வீடுகளில் மட்டுமே முயற்சிக்கலாமே தவிர ரெஸ்டாரெண்டுகளில் வேண்டாம்.

டேப் வாட்டர்...

 

இப்போது அனைத்து ரெஸ்டாரெண்டுகளிலும் வாட்டர் பாட்டில் வேண்டுமா? என்று கேட்டு விட்டே குடிக்கத்  தண்ணீர் வைக்கிறார்கள். ஒருவகையில் இது நல்லது தான். ஏனெனில் ரெஸ்டாரெண்டுகளில் நாம் சிக்கனம் பார்த்துக் கொண்டு நார்மல் வாட்டர் போதும் என்று மட்டும் சொல்லிவிட்டால் பிறகு அசுத்தமான தண்ணீரை நாமே தேடி வாங்கிக் குடித்தவர்கள் ஆகி விடுவோம். அங்கெல்லாம் கஸ்டமர்கள் வரும் முன்பே டேபிளில் தண்ணீர் நிரப்பி வைத்திருப்பது தானே வழக்கம். ஒருவேளை நிரப்பப் படாமல் இருந்து பிறகு நாம் அமர்ந்த பிறகு தண்ணீர் ஊற்றினாலும் கூட அது எங்கிருந்து பிடிக்கப்பட்டது, எந்த பாண்டத்தில் சேகரிக்கப்படுகிறது. அதன் சுத்தம் எப்படி என்பதெல்லாம் நமது கற்பனைக்கு அப்பாற்பட்டது. எனவே ரெஸ்டாரெண்டுகளுக்குச் செல்லுகையில் ஒன்று கையோடு வாட்டர் பாட்டில்களை வீட்டிலேயே நிரப்பி எடுத்துச் சென்று பழக வேண்டும். அல்லது அங்கு பணம் போனால் பரவாயில்லை என்று காசு கொடுத்து வாட்டர் பாட்டில் வைக்கச் சொல்லி விடவேண்டும். நார்மல் வாட்டர் போதும் என்ற மனப்பான்மை மட்டும் வேண்டாம்.

லெக் பீஸ் (எலும்புடன் சேர்ந்த எல்லாக் கறிவகைகளும்)

 

 

ரெஸ்டாரெண்டுகளில் லெக் பீஸ் ஆர்டர் செய்து சாப்பிடும் அத்தனை பேருக்கும் இப்படி ஒரு அனுபவம் வாய்த்திருக்கக் கூடும். லெக் பீஸ் மேலே பார்க்க மொறு மொறுவென நன்கு வெந்திருப்பதைப் போலத் தோற்றமளித்தாலும் உள்ளே கறியைக் கடித்ததும் நம் முகம் அஷ்ட கோணலாகி விடும். காரணம் கறி சரியாக வெந்திருக்காது. பச்சைக்கறியைச் சாப்பிடவா நாம் ரெஸ்டாரெண்டுகளுக்குச் செல்கிறோம். அதிலும் கறி வேகவில்லை என்றால் அவற்றில் நிச்சயம் மைக்ரோ ஜெர்ம்களின் தாக்கம் நிறையவே இருக்கக் கூடும். இதனால் ஃபுட் பாய்ஸன் முதல் வயிற்று வலி, மலச்சிக்கல், வாந்தி வரை பல பிரச்னைகள் வரும். இதெல்லாம் தேவையா?  ஒருமுறை நீங்கள் ஆர்டர் செய்த லெக் பீஸ் சரியாக வேகவைக்கப்படவில்லை என்றால் தயவு செய்து மீண்டும் அதையே ஆர்டர் செய்வதைத் தவிர்த்து விடுவது நல்லது. இவை கிருமிகளின் ஒட்டுமொத்த கூடாரம். தயவு செய்து இவற்றையெல்லாம் உங்களுக்குச் சமைக்கத் தெரியுமானால் வீட்டிலேயே செய்து ருசியுங்கள். தயவு செய்து ரெஸ்டாரெண்டுகள் வேண்டாம்.

அரைகுறையாக வேக வைக்கப்பட்ட நத்தை, சிப்பி வகையறாக்கள்...

 

சிலர் புதுமையாகச் சாப்பிடுகிறோம் என்ற பெயரில் நத்தை, சிப்பி, நட்டுவாக்காலி, ஆமை, முதலை!!! என்றெல்லாம் சாப்பிட்டுக் கொண்டிருப்பார்கள். இவற்றைச் சாப்பிடுவது இந்திய உணவுப் பழக்கத்தில் அரிது என்பதால் அவற்றை எப்படிச் சமைப்பது என்பதே நம்மவர்களுக்குத் தெரியாது. அப்படியும் வெரைட்டி தருகிறோம் என்ற பெயரில் எதையாவது வித்யாசமாக முயற்சிப்பார்கள். வாயில் வைக்கச் சகிக்கவில்லை என்றாலும் விலை படு பயங்கரமாக இருக்கும். அதையும் சிலர் ட்ரெண்டியாகச் சாப்பிடுகிறோம் என்று ஆர்டர் செய்து வைப்பார்கள். தயவு செய்து உங்களுக்குச் சாப்பிட்டுப் பழக்கம் இல்லாத உணவுகளை திடீரென சாப்பிடத் தொடங்கி விடாதீர்கள். அவை நிச்சயம் உபாதையில் கொண்டு விடும்.

பிரம்புக் கூடைகளில் தரப்படும் பிரெட் வகைகள்...

 

 

ஹோட்டல்களில் நீங்கள் பிரெட் ஆர்டர் செய்தால் அவை பிரம்புக் கூடைகளில் பரிமாறப்படும். அந்தக் கூடைகள் அனைவருக்கும் பொதுவானவை. முதலில் நீங்கள் ஆர்டர் செய்து வாங்கி விட்டு மிச்சம் வைத்தால் அதை அப்படியே கீழே கொட்டி விடப்போகிறார்களா என்ன? மீண்டும் காலியானவற்றை நிரப்பி அடுத்தடுத்த டேபிள்களுக்கு அதையே பரிமாறுவார்கள். அந்த பிரெட் கூடையிலும் சரி, பிரெட்டுகளின் மீதும் சரி பலரது கை படும். இதெல்லாம் ஆரோக்யமான விஷயமா என்ன?

சிக்கன்...

கடைகளில் அசைவ உணவுகளை ஆர்டர் செய்யப்போகிறீர்கள் என்றால் அதிக பட்சம் சிக்கனைத் தவிர்த்து விடுங்கள். ஏனெனில், சிக்கன் மீண்டும், மீண்டும் சூடாக்கப்படும் போது நஞ்சாகும் வாய்ப்பு அதிகம். வீடுகளில் தயாரிக்கப்படும் போதே கூட ஒருமுறைக்கு மேல் சிக்கனை சூடு செய்து சாப்பிடக் கூடாது என்பார்கள். சிக்கனை மீண்டும் சூடுபடுத்தும் போது அதில் சால்மோனெல்லா பாக்டீரியாவின் பெருக்கம் அதிகரித்து அந்த சிக்கன் சாப்பிடத் தகாததாக மாறி விடுகிறது. அப்படிப்பட்ட சிக்கனைத் தான் வேண்டி விரும்பி ரெஸ்டாரெண்டுகளில் ஆர்டர் செய்து சாப்பிட்டு வருகிறோம். 

கொழுப்பு குறைந்த உணவு வகைகள்...

 

சிலர் நினைத்துக் கொள்வார்கள். ரெஸ்டாரெண்டுகளில் அசைவ உணவு சாப்பிட்டால் தானே ஆபத்து. நாம் சாலட்டுகள் மற்றும் பழங்களை அதிகம் சாப்பிட்டுக் கொண்டு மற்றவற்றைக் குறைவாகச் சாப்பிட்டுக் கொண்டால் ஆயிற்று என்று. உண்மையில் கொழுப்பு குறைந்த உணவுகளாகக் கருதப்படும் இவற்றில் தான் கிருமிகளின் பெருக்கம் அதிகம். அத்துடன் இவற்றில் சர்க்கரையின் அளவும் அதிகமென்பதால் இவற்றை மட்டுமே அதிகம் சாப்பிட்டு வைப்பதும் கூட பல நேரங்களில் ஆபத்தில் முடியலாம். புஃபேக்களில் கட் செய்து பெளல்களில் நிரப்பப்பட்டிருக்கும் காய்கறிகள் மற்றும் பழத்துண்டங்கள் எத்தனை நாட்களுக்கு முன்னர் வாங்கி அங்கிருக்கும் ஸ்டோரெஜ் அறைகளில் சேமிக்கப்பட்டவை, பதப்படுத்தப்பட்டவை என்பதைக் குறித்தெல்லாம் நமக்குத் தெரிந்திருக்க நியாயமில்லை. குறைந்த பட்சம் 3 முதல் 6 மாதங்கள் வரை இவற்றைச் சேகரித்து வைத்துக் கொள்ளும் வசதி நிறைந்த ஸ்டோரெஜ் அறைகள் எல்லாம் தற்போது புழக்கத்தில் வந்து விட்டன. எனவே சாலட்டுகள் மற்றும் பழத்துண்டுகள் விஷயத்திலும் ஜாக்கிரதையாக இருப்பது நல்லது.

புஃபே உணவுகள்...

 

 

20 ஆம் நூற்றாண்டின் ஆகச்சிறந்த கண்டுபிடிப்புகளில் ஒன்று புஃபே பிரேக் பாஸ்ட், லஞ்ச் மற்றும் டின்னர் வகையறாக்கள். சமைத்த உணவுகளை அப்படியே சூடாக வைத்திருக்கும் பொருட்டு குறைந்த தீயில் அடுப்பின் மேலேயே வைத்துப் பரிமாறும் டெக்னிக் இது. உணவு வேண்டுபவர்கள், பிடித்த உணவின் அருகில் சென்று அவரவர் விருப்பப்படி வேண்டிய மட்டும் உணவு வகைகளை தட்டில் நிரப்பிக் கொண்டு இருக்கை கிடைத்தால் இருக்கையில் அமர்ந்தோ அல்லது நின்று கொண்டேவோ சாப்பிட வேண்டும். அது தானே புஃபே. அதெல்லாம் சரி தான். ஆனால் இந்த உணவுகளின் மைனஸ் என்னவென்றால் அவை தொடர்ந்து சூடாகிக் கொண்டே இருப்பது தான். இந்த முறையில் மீண்டும் மீண்டும் சமைக்கப்படும் உணவுகள் முதலில் சத்துக்களை இழக்கின்றன. அத்துடன் தொடர் வெப்பத்தால் நச்சாகவும் மாறி விடுகின்றன. இவற்றையும் தவிர்த்து விடுவது நல்லது.

திங்கட்கிழமைகளில் மீன் ...

உங்களுக்கு மீன் உணவு ப்ரியமென்றால் தயவுசெய்து அதை ஞாயிற்றுக்கிழமைகளில் திட்டமிடுங்கள். திங்கட்கிழமை மீன் வாங்க சந்தைக்குப் போகாதீர்கள். ஏனெனில், ஞாயிறுக்கென்று அதிக அளவில் சந்தைக்கு வரும் மீன்களில் விற்பனையாகாத மீன்கள் மீண்டும் குளிர் அறைகளில் சேமிக்கப்பட்டு ஐஸ் மீன்களாக மீண்டும் திங்கள் மீன் சந்தையை வந்தடையும். பிற நாட்களில் அந்தக் கவலை தேவையில்லை. ஏனெனில், பிற நாட்களில் மீன் வரத்து குறைவாகவே இருக்கும். ஞாயிறு தான் மீன் மார்க்கெட்டில் உச்சபட்ச விற்பனை நடக்கும். எனவே அதற்கான வாங்கப்படும் மீன்களில் மீந்தவை எல்லாம் திங்கட்கிழமை மீன் வாங்கச் செல்பவர்களின் தலையில் கட்டப்படும் அபாயம் அதிகம். எனவே திங்கள் கிழமை மீன் சமைக்கவோ, சாப்பிடவோ உகந்த நாள் இல்லை என்பதை மறந்து விடாதீர்கள்.

ஸ்பெஷல் மெனுக்கள்...

 

ரெஸ்டாரெண்டுகளில் நுழையும் போதே வெளியில் போர்டு வைத்திருப்பார்கள், இன்றைக்கு இதெல்லாம் இங்கு ஸ்பெஷல் என்று. தயவு செய்து அந்த ஸ்பெஷல்களை வாங்கிச் சாப்பிட்டு விடாதீர்கள். காலையில் அல்லது மதியம் மீந்தது தான் பெரும்பாலும் ஸ்பெஷல் மெனுக்களாக மாற்றப்படுவதாகக் கேள்வி. எனவே உஷாரய்யா, உஷாரு!

கேவியர் (Kaviar)

உலகிலேயே மிகவும் விலை உயர்ந்த உணவு என்றால் அது இதுதான் என்கிறார்கள் ஹோட்டலியர்கள். 1 ஸ்பூன் மலிவான கேவியர் குறைந்த பட்சம் 30 கிராம் இருக்கக்கூடும் அதன் விலையே 50 முதல் 70 டாலர்கள் வரை. அதுவே முதல் தரமான கேவியர் 1 ஸ்பூன் அல்லது 1 அவுன்ஸின் விலை 400 டாலர்கள், ஒரு பவுண்டின் விலை 6,400 டாலர்கள் வரை என்றொரு பேச்சிருக்கிறது. இது நிஜமும் கூட. சரி இதில் அப்படியென்ன ஸ்பெஷல் என்று தோன்றுமே?! கேவியர் ஸ்டர்ஜியன் எனும் மீனில் இருந்து கிடைக்கும் உபபொருள். இந்த வகை மீன்கள் பெரும்பாலும் காஸ்பியன் மற்றும் கருங்கடலை வாழிடமாகக் கொண்டவை. தற்போது மிகப்பெரிய பார்ட்டிகளில் கேவியர் இல்லாமல் விழா களை கட்டாது என்கிறார்கள். அப்படி இந்த உணவு ஆகச்சிறந்த சுவை கொண்டதுமில்லை. முட்டையில் உப்பு சேர்த்தாற் போன்ற சுவை கொண்டது தான் கேவியர். சிலருக்கு இந்தச் சுவை பிடிப்பதில்லை. ஆனால், மேலை நாடுகளின் மெனுக்களில் நிச்சயம் கேவியர் இல்லாத டேபிள்கள் இல்லை. அது எத்தனை விலைஉயர்ந்ததாக இருந்தபோதும் அதை உண்பதையே பெருமையாகக் கருதுபவர்கள் இவ்வுலகில் இருக்கிறார்கள். இவற்றைச் சாப்பிட்டே தீர வேண்டும் என்றால் தயவு செய்து ஸ்டார் ஹோட்டல்களில் சாப்பிட்டு விடாதீர்கள். உங்கள் சொத்தை எழுதி வாங்கி விடுவார்கள். அவர்களை விட நியாயமான விலையில் வெளியில் சில ரெஸ்டாரெண்டுகளில் இவை மலிவான விலையில் கிடைப்பதாகத் தகவல். பர்ஸ் பழுக்க வேண்டாம் என்று நினைப்பவர்கள் அங்கே சென்று இதை ருசிக்கலாம். அல்லது இவற்றைத் தவிர்த்து விடுவதும் நல்லதே!


கொபே மாட்டுக்கறி (Kobe Beef)

 

 

அதென்னடாது கொபே பீஃப். நமக்கு நம்மூர் மாட்டுக்கறியைச் சாப்பிடவே தடை. இதில் இதென்ன புதுசா என்று புருவம் உயர்த்துவது தெரிகிறது. கொபே பீஃப் என்பது ஜப்பானில் வளர்க்கப்படும் ஸ்பெஷலான மாடுகளின் கறி. இவ்வகை மாடுகள் இறைச்சிக்காக மட்டுமே ஜப்பானியப் பண்ணைகளில் வளர்க்கப்படுகின்றன. இந்த வகை மாடுகள் சதைப்பற்றுடன் இருக்க வேண்டும் என்பதற்காகவும் சதை மிருதுவாக இருக்க வேண்டும் என்பதற்காகவும் இவற்றுக்கு வளரும் போதே பண்ணைகளில் பீர் ஊற்றி வளர்க்கப்படுகின்றன. அத்துடன் இவ்வகை மாடுகள் வளர்க்கப்படும் கொட்டில்களில் மாடுகள் தாராளமாக நடந்து, ஓட இடமில்லை என்பதால் தினமும் மாடுகளுக்கு மசாஜும் செய்யப்படுமாம். இப்படியெல்லாம் வளர்க்கப்படும் இந்த வகை மாட்டுக்கறிக்கு விலை அதிகம். இவற்றை நம்மூர் ஹோட்டல்காரர்கள் இறக்குமதி செய்து பயன்படுத்துவதாகக் கேள்வி. இந்த மாட்டுக்கறி நம்மூர் சீதோஷ்ணத்திற்கு சுத்தமாக ஒத்து வராதவை. இவற்றை அதிக விலை கொடுத்து வாங்கி ரெஸ்டாரெண்டுகளில் சாப்பிட வேண்டிய அவசியமென்ன? 

 

மேலே சொல்லப்பட்ட 13 வஸ்துக்களும் ரெஸ்டாரெண்டுகளுக்குச் சென்று சாப்பிட உகந்தவை அல்ல என்கிறீர்களே?! இவற்றையெல்லாம் சாப்பிடத்தானே நாங்கள் ரெஸ்டாரெண்டுகளுக்கே செல்கிறோம், பிறகு அதைத் தவிர்த்து விடுங்கள் என்றால் என்ன நியாயம்? என்கிறீர்களா? நியாயம், அநியாயத்தை விட்டு விட்டு தற்போது மோசமான உணவுப் பழக்கங்களால் ஆரோக்யம் கெட்டு சீரழியும் மனிதர்களை ஒரு நிமிடம் நினைத்துப்பாருங்கள். நாம் எந்த மாதிரியான ஒரு சமூகத்தில் வாழ்ந்து கொண்டிருக்கிறோம் என்று உங்களுக்குப் புரியும். 

உணவு உண்பதில் என்ன ஃபேஷன் வேண்டிக் கிடக்கிறது. எதை எதனுடன் இணைத்து உண்ண வேண்டும் என்று ஒவ்வொரு வீட்டிலும் அன்னையருக்கும், மனைவிமார்களுக்கும், சகோதரிகளுக்கும், மகள்களுக்கும் மிக நன்றாகவே தெரியும். தெரியாதபட்சத்தில் ஆண்களே நளமகாராஜாக்களாக மாறி கரண்டி பிடித்து விட வேண்டியது தான்  நல்லது. அதை விட்டுவிட்டு கண்ட கண்ட கடைகளில் கண்டதையும் ஆர்டர் செய்து சாப்பிட்டால் பிறகு இப்போதுஇருக்கும் எடையைக் கூட நம்மால் மெயிண்டெயின் செய்ய முடியாது. அத்துடன் ஆரோக்யமும் சீர்கெட்டு விடும். எனவே மேற்சொன்ன பொருட்களைத் தவிர்ப்பதுதான்  நல்லது.

]]>
தவிர்க்க வேண்டிய உணவுகள், ரெஸ்டாரெண்ட் ஸ்பெஷல், டேஞ்ஜர் ஜோன் உணவுகள், you avoid to eat these foods. 13 type of foods u must avoid, lifestyle rasika rusikka, https://images.dinamani.com/uploads/user/imagelibrary/2019/5/3/w600X390/00000bread_baskat.jpg https://www.dinamani.com/lifestyle/lifestyle-food/2019/may/03/avoid-to-order-these-13-foods-in-restaurents-3145029.html
3144369 லைஃப்ஸ்டைல் ரசிக்க... ருசிக்க... வாரம் தவறாம நான்வெஜ், நாள் தவறாம ஐஸ்கிரீம் முழுங்கறவங்க தவறாம குடிக்க வேண்டிய ‘நச்சு நீக்கி ஜூஸ்’! கஸ்தூரி ராஜேந்திரன், தேனி. DIN Thursday, May 2, 2019 01:35 PM +0530  

இப்போ விடுமுறை காலம். வீட்டில் இருக்கும் குழந்தைகள் விதம் விதமாகச் சாப்பிட ஆசைப்படுவார்கள். அது சைவமோ, அசைவமோ உடலுக்கு ஆரோக்யமானதுங்கறதை விட நாக்குக்கு ருசியா இருக்கனும்ங்கறது தான் குழந்தைகள் பாலிஸி. அதை அம்மாக்கள் நிச்சயம் மறுக்க முடியாது. ஏன்னா, எல்லா நேரமும் சாப்பாட்டு விஷயத்துல கண்ட்ரோல் பண்ணிட்டே இருந்தா குழந்தைங்களுக்கும் அலுத்துரும், அம்மாக்களுக்கும் குழந்தைகளை நினைச்சு பாவமா ஆயிடும். அதனால அம்மாக்களோட ஆரோக்ய வளையங்கள் இந்த விடுமுறை நாட்களில் மட்டும் அடிக்கடி தளர்த்தப்படும்.  வாரம் ஒருமுறை நான்வெஜ்னு இருந்த மெனு மாற்றப்பட்டு லீவு நாட்களில் அது வாரம் இருமுறை அல்லது மூன்று முறையாகவும் ஆக்கப்படலாம். ஐஸ்க்ரீம், சாக்லேட்டுகளுக்கு விதிக்கப்பட்ட கட்டுப்பாடுகள் தளர்த்தப்பட்டு தினமும் கூட சாப்பிட அனுமதிக்கப்படலாம். அம்மாதிரியான நேரங்களில் குடலும், கல்லீரலும் ஓவர் டைம் வேலை செய்ய வேண்டியதா இருக்கும். அதனால அந்த ரெண்டு உறுப்புகளுக்கும் நன்மை செய்யக் கூடியதா ஒரு நச்சு நீக்கி ஜூஸ் ரெஸிப்பி பத்தி நாம தெரிஞ்சு வச்சிக்கிறது நல்லதில்லையா?

 

அதிக அளவில் உடலில் நச்சுக்களைத் தங்கச் செய்கிற மாதிரியான உணவுகளை நம்ம குழந்தைகளும் சரி வீட்டில இருக்கும் மத்தவங்களும் சரி சாப்பிடறாங்கன்னா, அவங்களோட நன்மைக்காக நாம ஏதாவது செய்தாகனும் தானே?! அந்த நன்மை தான் இது!

 

தேவையான பொருட்கள்:

ஆப்பிள் - 1 கப் (கியூப்களாக நறுக்கியது)
எலுமிச்சை - 2 (விதை நீக்கிப் பிழிந்து கொள்ளவும்)
கேரட் - 1 கப் (தோல் நீக்கி கியூப்களாக நறுக்கிக் கொள்ளவும்)
பீட்ரூட் - 1 கப் (தோல் நீக்கி கியூப்களாக நறுக்கிக் கொள்ளவும்)
இஞ்சி - ஒரு சின்ன துண்டு (பொடியாக நறுக்கிக் கொள்ளவும்)
தண்ணீர் - தேவையான அளவு
தேன் - 1 டேபிள் ஸ்பூன்
கிளாஸ் கண்டெய்னர் - திக்கான மாக்டெய்லை வடிகட்ட வசதியாக வாய்ப்பாகம் அகலமான கண்டெய்னர்களைத் தேர்ந்தெடுக்கவும்)
மெல்லிய காட்டன் துணி - மாக்டெய்லை வடிகட்ட

செய்முறை:

ஜூஸரை எடுத்துக் கொள்ளவும், ஜூஸர் இல்லாதவர்கள் சாதாரண மிக்ஸியில் நடுத்தர அளவுள்ள ஜாரில் அதன் பிளேடு முங்கும் அளவுக்கு தண்ணீர் நிரப்பி அதில் கியூப்களாக நறுக்கிய ஆப்பிள் துண்டங்கள், கேரட் மற்றும் பீட்ரூட் துண்டங்களைப் போட்டு, இஞ்சித் துருவல் சேர்த்து எலுமிச்சம் பழங்களையும் பிழிந்து ஹை ஸ்பீடில் நன்கு அரைக்கவும். இப்போது மாக்டெய்ல் தயார். கண்ணைப் பறிக்கும் அடர் சிவப்பு நிற மாக்டெய்ல் கூழ் கிடைக்கும். இதை அப்படியே குடிக்க முடியாது. குடித்தால் நல்லது தான். ஆனால், அந்த ஃப்ளேவர் & டேஸ்ட் ஒத்துக் கொள்ளாமல் சிலருக்கு குமட்டல் வரலாம். எனவே அந்தப் பழக்கூலை அப்படியே ஒரு மெல்லிய துணி வடிகட்டி கொண்டு கிளாஸ் கண்டெய்னர் ஒன்றில் வடிகட்டவும். அடர்த்தியான கூழ் என்பதால் மெதுவாகத்தான் ஜூஸ் வடிகட்ட முடியும். கூழில் இருந்து ஜூஸ் முழுவதுமாக வடிந்த பின்னர் துணியை நன்கு கைகளால் அழுத்திப் பிழிந்து விடவும். இப்போது பழக்கூலில் இருக்கும் மொத்த ஜூஸும் கண்டெய்னருக்கு வந்திருக்கும். மிஞ்சியிருக்கும் சக்கையை நீங்கள் முகம் கழுவப் பயன்படுத்திக் கொள்ளலாம். அல்லது அப்படியே உங்கள் மாடித்தோட்டங்களில் காய்கறித் தொட்டிகளுக்கு உரமாகவும் பயன்படுத்திக் கொள்ளலாம்.

வடிகட்டிய ஜூஸில் ஐஸ் கியூப்களைச் சேர்த்து 1 டேபிள் ஸ்பூன் தேன் சேர்த்து நன்கு மிக்ஸ் செய்து அருந்தலாம். ஜுஸ் வயிற்றுக்குள் இறங்கும் போது சில்லென்று குளுமையுடன் அருமையாக இருக்கும்.

ஹெல்த் பலன்கள்...

ஆப்பிளும், எலுமிச்சையும் கல்லீரலுக்கு நன்மை செய்யக்கூடியவை. இஞ்சி செரித்தலுக்கு நல்லது. கேரட்டுகளில் பீட்டா கரோட்டின் நிறைந்துள்ளதோடு அவை நமது அட்ரீனல் சுரப்பிகளுக்கும் அற்புதமான அளவில் நன்மை செய்யக்கூடியவை. மிகக்கடினமான மன அழுத்த காலங்களில் ஸ்ட்ரெஸ்ஸைக் குறைத்து மனதை அமைதிப்படுத்துவதில் கேரட்டுக்கு மிக முக்கிய பங்கு உண்டு. பீட்ரூட்டுகளில் நைட்ரேட் அதிகமுள்ளது. இது ரத்தச் சுத்திகரிப்புக்கு உகந்ததோடு உடல், மனம் இரண்டுக்குமே புத்துணர்ச்சியும் அளிக்கக்கூடியது அத்துடன் ரத்த அழுத்ததையும் குறைக்கவல்லது என்பது நிரூபிக்கப்பட்ட மருத்துவ பலன்.

]]>
நச்சு நீக்கி ஜூஸ், DETOX JUICE, LIFESTYLE RECIPE, லைஃப்ஸ்டைல் ரெஸிப்பி, https://images.dinamani.com/uploads/user/imagelibrary/2019/5/2/w600X390/0000detox_juice.jpg https://www.dinamani.com/lifestyle/lifestyle-food/2019/may/02/detox-juice-recipe-for-non-veg-and-ice-cream-eaters-3144369.html
3128331 லைஃப்ஸ்டைல் ரசிக்க... ருசிக்க... அறுசுவையில் வாழ்க்கைத் தத்துவம் போதிக்கும் ஸ்பெஷல் ‘யுகாதி பச்சடி’ ரெசிப்பி! கஸ்தூரி ராஜேந்திரன், தேனி. DIN Saturday, April 6, 2019 01:32 PM +0530  

வாசகர்கள் அனைவருக்கும் ‘ஹேப்பி யுகாதி’ வாழ்த்துக்கள்!

தமிழர்களான நமக்கு தமிழ்ப்புத்தாண்டு எப்படியோ, அப்படித்தான் ஆந்திரர்களுக்கும் கன்னடர்களுக்கும் யுகாதித் திருவிழா. தெலுங்கு வருடப்பிறப்பு. வருடப்பிறப்பன்று என்னவெல்லாம் ஸ்பெஷல் என்றால் முதலாவதாக நமக்கு ஞாபகம் வரக்கூடியது காலண்டர். நாம் எப்போதோ ஆங்கில காலண்டர்களைப் பின்பற்றத் தொடங்கி விட்டோம். ஆயினும் தமிழ் வருஷங்களுக்கான பஞ்சாங்கங்களையும் தவிர்ப்பதில்லை. அதையும் மறவாமல் பின்பற்றிக் கொண்டு தான் இருக்கிறோம். அதனால் புத்தாண்டின் போது தான் புதுப்பஞ்சாங்கம் வெளியிடப்படும். நமக்கு சித்திரை ஒன்று என்றால் தெலுங்கர்களுக்கு யுகாதி முதல் நாளில் இருந்து புதுப்பஞ்சாங்கம் தொடங்குகிறது.

பஞ்சாங்கத்தை அடுத்து யுகாதி ஸ்பெஷலாக அனைவருக்கும் நினைவில் நிற்கக்கூடியது யுகாதி பச்சடி என்று சொல்லப்படக் கூடிய மாம்பிஞ்சு பச்சடி. அதை எப்படிச் செய்வது என்பதைத் தான் இப்போது பார்க்கப் போகிறோம். ஆந்திர முழுவதும் இருவேறு தினுசுகளில் யுகாதி பச்சடி தயாரிக்கிறார்கள். சுவையில் பெரிதாக வேறுபாடு காணமுடியாது. இரண்டுமே ஒன்று போலத்தான் தெரிகிறது. சிற்சில வித்யாசங்கள் என்னவென்றால் சிலர் இளநீர் வழுக்கை சேர்ப்பார்கள், சிலர் அதைச் சேர்ப்பதில்லை, சிலர் மாம்பிஞ்சுக்குப் பதிலாக மாங்காய் சேர்த்துச் செய்வார்கள். காரத்துக்கு சிலர் மிளகாய் சேர்ப்பார்கள், சிலர் மிளகுத்தூள் சேர்ப்பார்கள். அவ்வளவு தான். நாம் இங்கு இரண்டு முறைகளிலுமே யுகாதி பச்சடி எப்படிச் செய்வார்கள் என்பதைப் பார்க்கலாம்.

யுகாதி பச்சடி செய்முறை 1

  • புளிக்கரைசல் - 1 கப்
  • தண்ணீர் - 1/4 கப்
  • வெல்லம்- 1/2 கப்
  • மாங்காய் - 1 கப் (பொடியாக அரிந்தது)
  • பச்சை மிளகாய் - 1 (பொடியாக நறுக்கி நசுக்கியது)
  • வேப்பம்பூ - 1/4 கப்
  • இளநீர் வழுக்கை - 1/2 கப் (பொடியாக அரிந்தது)
  • தூள் உப்பு - சிறிதளவு

செய்முறை: முதலில் புளிக்கரைசல் தயார் செய்ய வேண்டும், 1 கோலிக்குண்டு அளவு புளியைத் தண்ணீரில் அரைமணி நேரம் ஊற வைத்து ஊறியதும் புளிச்சாற்றை நன்கு கசக்கிப் பிழிந்து ஒரு கப்பில் எடுத்துக் கொள்ளவும். கரைசல் கெட்டியாக இருந்தால் கொஞ்சம் தண்ணீர் கலந்து நீர்க்கச் செய்து கொள்ளலாம். அத்துடம் நன்கு நசுக்கிய வெல்லம் 1/2 கப் சேர்க்கவும். இவற்றுடன் பொடியாக அரிந்த மாங்காய், பச்சைமிளகாய், வேப்பம்பூ, இளநீர் வழுக்கையும் துளி உப்பும் சேர்த்து நன்கு கிளறவும். வெல்லம் கரையும் வரை நன்கு கிளறினால் ஆறுவிதமான சுவை கொண்ட பொருட்களும் நன்றாகக் கலந்து அனைத்தும் ஒருங்கேயான ஒருசுவை கிடைக்கும். இப்போது யுகாதி ஸ்பெஷல் பச்சடி தயார்.

இதில் வெல்லம் இனிப்புச் சுவைக்காகவும், புளிக்கரைசல் புளிப்புச் சுவைக்காகவும், வேப்பம்பூ கசப்புச் சுவைக்காகவும், இளநீர் வழுக்கை துவர்ப்புச் சுவைக்காகவும்,  உப்பு உப்புச் சுவைக்காகவும்  பச்சைமிளகாய் காரச்சுவைக்காகவும் என மொத்தத்தில் அறுசுவைக்கான 6 விதமான பொருட்கள் சேர்க்கப்படுகின்றன. இந்த அறுசுவைப் பச்சடியையே ‘யுகாதி பச்சடி’ என்கிறார்கள். இதை கர்நாடகத்தில் ‘பேவ் பெல்லா’ என்று குறிப்பிடுவார்கள். யுகாதி கன்னடர்களுக்கான பண்டிகையும் தான். இந்தப் பச்சடியின் அடிப்படைத் தத்துவம் வாழ்க்கை என்பது இன்பம், துன்பம், வலி, தியாகம், மகிழ்ச்சி சில சமயங்களில் கசப்பான பல அனுபவங்கள் என எல்லாமும் நிறைந்ததாகத் தான் இருக்கும். அதை உணர்ந்து வாழ்ந்தால் மட்டுமே வாழ்க்கை முழுமை பெறும் என்பதை உணர்த்துவதே! அதுவே யுகாதி பச்சடியின் நோக்கம்.

யுகாதி பச்சடி ரெசிப்பி 2

தேவையான பொருட்கள்: 

  • மாம்பிஞ்சு - (யுகாதி பச்சடி செய்ய துவர்ப்புச் சுவை கொண்ட மாம்பிஞ்சு தான் ஏற்றது. புளிப்பான மாங்காய் அல்ல)
  • மாப்பிஞ்சை நன்றாகக் கழுவித் துடைத்து விட்டு தோல் நீக்கி உள்ளிருக்கும் விதையையும் நீக்கி விட்டு பொடியாக நறுக்கிக் கொள்ளவும்.
  • புளிக்கரைசல் - 2 டேபிள் ஸ்பூன்
  • வெல்லம் - 1 டேபிள் ஸ்பூன்
  • பச்சை மிளகாய் - 1 (பொடியாக நறுக்கியது)
  • சால்ட் - 1/4 டீஸ்பூன்
  • மாம்பிஞ்சு அரிந்தது - 1 டேபிள் ஸ்பூன்
  • வேப்பம்பூ - 1 டீஸ்பூன்

மேலே சொன்ன அதே முறையில் ஆறு பொருட்களையும் கலந்தால் யுகாதி பச்சடி தயார். இது ட்ரெடிஷனல் முறையில் தயாராகும் ரெசிப்பி. இதில் சுவையைத்தாண்டி ஆரோக்யத்துக்கே முதலிடம் என்கிறார்கள் யுகாதி பச்சடி செய்வதில் கரை கண்ட பெண்கள்.

தமிழர், தெலுங்கர், கன்னடர், மலையாளி என யாருடைய பண்டிகையாக இருந்தால் என்ன? சில பண்டங்கள் அனைவருக்குமான வாழ்க்கைத் தத்துவம் மற்றும் ஆரோக்யத்தை போதிப்பதாக இருந்தால் அதை நாமும் வரித்துக் கொள்ள வேண்டியது தானே!
 

]]>
yugadi pachadi, யுகாதி பச்சடி, ஹேப்பி யுகாதி, happy yugadi, https://images.dinamani.com/uploads/user/imagelibrary/2019/4/6/w600X390/yugadi_pachadi.jpg https://www.dinamani.com/lifestyle/lifestyle-food/2019/apr/06/yugadi-special-mango--pachadi-3128331.html
3126450 லைஃப்ஸ்டைல் ரசிக்க... ருசிக்க... மணமணக்கும் பாய் வீட்டு மட்டன் தால்ச்சா ரெசிப்பி! கஸ்தூரி ராஜேந்திரன், தேனி. DIN Wednesday, April 3, 2019 03:56 PM +0530  

பாய்வீட்டு நிக்காஹ் சென்று வந்த பழக்கமுண்டா? ஆம் எனில் நீங்கள் நிச்சயம் தால்ச்சாவை ருசிக்க மறந்திருக்க மாட்டீர்கள். தால்ச்சா என்றால் என்னவென்றே தெரியாதவர்கள் எவரேனும் இருக்கிறீர்களா? அது அப்படியொன்றும் புதுமையான டிஷ் இல்லை. முகலாயர் காலத்திலிருந்தே நம்மூரில் இந்த டிஷ் ஃபேமஸ். கல்யாண வீடுகளில் மணக்க மணக்க சாம்பார் சாப்பிட்டிருப்பீர்களில்லையா? அந்த சாம்பாருடன் கொஞ்சமே கொஞ்சம் மட்டன் துண்டுகளை வேக வைத்துக் கொட்டி தூக்கலாக மசாலாவும் எண்ணெயும் சேர்த்து அடுப்பில் இருந்து இறக்கும் முன் 1 ஸ்பூன் நெய் விட்டு இறக்கினால் போதும். அது தான் மட்டன் தால்ச்சா! அதன் ரெசிப்பிக்காக இணையத்தில் தேடும் போது தயாரிக்கும் பக்குவமே தால்ச்சா செய்து சாப்பிடத் தூண்டுகிறது. ருசியும் அவ்விதமே அமையும் என நம்பலாம்.

தேவையான பொருட்கள்:

  • துவரம் பருப்பு: 1 டம்ளர்
  • கடலைப்பருப்பு: 1/2 டம்ளர்
  • சின்ன வெங்காயம்: 10 முதல் 15 வரை
  • தக்காளி: 4
  • கத்தரிக்காய்: 4 முதல் 5
  • மட்டன்: 1/4 கிலோ (எலும்புடன் சேர்ந்த கறி மற்றும் கொழுப்புத்துண்டுகள்)
  • செள செள: அரைக்காய் (கியூப்களாக அரிந்தது) 
  • மாங்காய்: சின்னது 1 (நீளவாக்கில் அரிந்து இரண்டாகப் பிளந்து கொள்ளுங்கள்)
  • முருங்கைக்காய்: 2
  • இஞ்சி: 1 பெரிய துண்டு
  • பூண்டு -10 பல்
  • பச்சை மிளகாய்: 4
  • கொத்துமல்லித் தழை: ஒருகைப்பிடி 
  • மசாலாத்தூள்: 2 டீஸ்பூன்
  • மஞ்சள் தூள்- 1/2 டீஸ்பூன்
  • சமையல் எண்ணெய்: 5 டேபிள் ஸ்பூன்

செய்முறை:

பருப்புகள் இரண்டையும் நன்கு கழுவி அரைமணி நேரம் ஊற வைத்த பின் குக்கரில் சேர்க்கவும் அத்துடன் 3 டம்ளர் தண்ணீர் விட்டு வேக விடவும்.

பிறகு அதை இறக்கி விட்டு மீண்டும் வேறொரு வாணலியில் நீளவாக்கில் அரிந்த சின்ன வெங்காயம் நீளவாக்கில் அரிந்த கத்தரிக்காய், செள செள, நீளவாக்கில் அரிந்த 4 பச்சைமிளகாய், நீளவாக்கில் அரிந்த மாங்காய், செள செள மற்றும் நீளவாக்கில் அரிந்த மூன்று தக்காளிகள் சேர்த்து நன்கு வதக்கவும். தால்ச்சாவைப் பொருத்தவரை எவ்வளவுக்கெவ்வளவு எண்ணெய் சேர்த்து நன்கு வதக்குகிறோமோ அவ்வளவுக்கு அவ்வளவு சுவை கூடும் என்பார்கள். சரி காய்கறிகள் குழைந்து விடாமல் நன்கு வதங்கியதும் அத்துடன் 1 டேபிள் ஸ்பூன் அளவுக்கு இஞ்சி பூண்டு பேஸ்ட் சேர்த்து நன்கு கிளறி விடவும். மறந்தும் இதில் தண்ணீர் விட்டு விடாதீர்கள். முழுவதும் எண்ணெயில் தான் வதங்க வேண்டும்.

காய்கறிகள் நன்கு வெந்ததும் அத்துடன் 3 டேபிள் ஸ்பூன் மிளகாய்த்தூள், 2 டேபிள் ஸ்பூன் மல்லித்தூள் சேர்த்து நன்கு கிளறவும். பிறகு ஒரு கோலிக்குண்டு அளவு புளியை ஊற வைத்துக் கரைத்தெடுத்த நீரை இதனுடன் சேர்த்து நன்கு கிளறிவிடவும். காய்கறிகள் 90% வெந்த பின்னரே புளி சேர்க்க வேண்டும். புளி சேர்த்ததும் ஒருமுறை நன்கு கிளறி விட்டு அத்துடன் தேவையான அளவு தண்ணீர் சேர்த்து உப்பும் சேர்த்து வேக விடவும். இத்துடன் முதலில் தனியாக நான்கைந்து விசில் விட்டு வேக வைத்து எடுத்த மட்டன் எலும்பு மற்றும் கொழுப்புக்கறித்துண்டுகளை இத்துடன் சேர்க்கவும். மட்டன் எலும்பை வேக வைத்து இதில் சேர்த்த பின்னரே தால்ச்சா நிறைவுறும்.

கடைசியாக தால்ச்சாவுக்கு தாளித்துக் கொட்ட வேண்டும். அதில் இருக்கிறது இதன் ஸ்ஃபெஷல் ஃபிளேவர்,

ஒரு கற்சட்டியில் 1 டேபிள் பூன் எண்ணெய் விட்டு அரை டீஸ்பூன் சீரகம், அரை டீஸ்பூன் சோம்பு, அரை டீஸ்பூன் வெந்தயம் போட்டு அது வெடித்து வரும்போது நீளவாக்கில் அரிந்து வைத்த ஒரு பெரிய வெங்காயம் கறிவேப்பிலையும் போட்டி நன்கு வதக்கி கறிவேப்பிலை மொறுமொறுவென பொரிந்த பக்குவத்தில் அதை எடுத்து நாம் தயாரித்து வைத்திருக்கும் தால்ச்சாவின் தலையில் கொட்டவும்.

இப்போது மணக்க மணக்க பாய்வீட்டு தால்ச்சா ரெடி.

பிரியாணியுடன் மட்டுமல்ல இது நெய்சோறு, ஜீரக சாதம், பிளைன் பிரியாணி, காய்கறி சாதம் என எல்லாவற்றுடனும் சேர்த்து உண்ணத்தக்க அருமையான காம்பினேஷன்.

]]>
மட்டன் தால்ச்சா, mutton dalcha, பாய்வீட்டு மட்டன் தால்ச்சா, லைஃப்ஸ்டைல் ரசிக்க ருசிக்க https://images.dinamani.com/uploads/user/imagelibrary/2019/4/3/w600X390/mutton_dalcha.jpg https://www.dinamani.com/lifestyle/lifestyle-food/2019/apr/03/mutton-dalcha-recipe-exclusive-muslim-style-3126450.html
3122607 லைஃப்ஸ்டைல் ரசிக்க... ருசிக்க... ஆசியாவின் சிறந்த 50 உணவகங்களுக்கான விருதுப் பட்டியல், இதில் இந்திய உணவகத்துக்கு இடமுண்டா?! கஸ்தூரி ராஜேந்திரன், தேனி. DIN Thursday, March 28, 2019 02:17 PM +0530  

ஆசியா கண்டத்தின் இந்த சிறந்த 50 உணவகங்களைத் தேர்ந்தெடுக்க உணவியல் வல்லுனர்கள், உணவியல் எழுத்தாளர்கள், உலகின் தலைசிறந்த செஃப்கள், ஹோட்டல் தொழிலில் நீண்ட கால அனுபவமும் திறமையும் கொண்ட முன்னோடிகள், உணவுப்ரியர்கள் என சுமார் 318 நபர்களிடம் முறையாக வாக்கெடுப்பு நடத்தப்பட்டிருக்கிறது. வாக்கெடுப்பின் இறுதியில் கிடைத்த ஓட்டுக்களின் அடிப்படையில் வகைப்படுத்தப்பட்டது தான் கீழுள்ள பட்டியல். இப்படி ஒரு போட்டியை வருடம் தோறும் நடத்தி வருகிறது ஐக்கிய நாடுகளைச் சார்ந்த வில்லியம் ரீட் பிசினஸ் மீடியா  எனும் ஊடக நிறுவனம் ஒன்று.

இந்த விருதுப் பட்டியலில் தொடர்ந்து 4 ஆண்டுகளாக முன்னிலை வகித்து வந்த பாங்காக்கின் 'கக்கன்' ரெஸ்டாரெண்ட் இந்த ஆண்டு துரதிர்ஷ்டவசமாக இரண்டாம் இடத்திற்குத் தள்ளப்பட்டுள்ளது. விருது ரேஸில் கக்கனை முந்தியது சிங்கப்பூரின் ஓடெட்டி  இந்தியன் ஃப்யூஷன் ரெஸ்டாரெண்ட். 

1. ஓடெட்டி- சிங்கப்பூர்
2. கக்கந் பாங்காக், தாய்லாந்து
3. டென் - டோக்கியோ, ஜப்பான்
4. சுஹ்ரிங் - பாங்காக், தாய்லாந்து
5. ஃப்ளோரிலெக் - டோக்கியோ, ஜப்பான்
6. அல்ட்ரா வயலெட் - ஷாங்காய், சீனா
7. ம்யூம்- தைபே, தைவான்
8. நரிசவா - டோக்கியோ, ஜப்பான்
9. நிஹோன்யோரி ருஜின் - டோக்கியோ, ஜப்பான்
10. பர்ன்ட் எண்ட்ஸ் - சிங்கப்பூர்
11. தி சேர்மேன் - ஹாங்காங்
12. ஒட்டோ இ மெஸ்ஸோ - ஹாங்காங்
13. மிங்கிள்ஸ் - சியோல், தென்கொரியா
14. லா சிமி - ஒசாகா, ஜப்பான்
15. பெலோன் - ஹாங்காங்
16. கா - பாங்காக், தாய்லாந்து
17. இண்டியன் அக்ஸெண்ட் - நியூ டெல்லி, இந்தியா]
18. || ரிஸ்டோரண்டே - லுகா ஃப்ராண்டின் - டோக்கியோ, ஜப்பான்
19. போலன் - பாங்காக், தாய்லாந்து
20. லீ டியூ - பாங்காக், தாய்லாந்து
21. ஆம்பர் - ஹாங்காங்
22. நாஹ்ம் - பாங்காக், தாய்லாந்து
23. சஸெங்கா - டோக்கியோ, ஜப்பான்
24. லா மாய்சன் டி ல நாவ்ரே கோ - ஃப்யூகுவாகா, ஜப்பான்
25. சுஷி சாய்டோ - டோக்கியோ, ஜப்பான்
26. எல் எஃப்ஃபர்வெஸ்ஸன்ஸ் - டோக்கியோ, ஜப்பான்
27. ஜேட் டிராகன் - மக்காவ், சீனா
28. பாஸ்டீ - பாங்காக், தாய்லாந்து
29. ஃபூ ஹி ஹூ - ஷாங்காய், சீனா
30.  ரா - தைபே, தைவான்
31. ஷோன் ரியூஜின் - தைபே, தைவான்
32. ஜான் - சிங்கப்பூர்
33. லெஸ் அமிஸ் - சிங்கப்பூர்
34. வியா - ஹாங்காங்
35. மினிஸ்டிரி ஆஃப் கிராப் - ஸ்ரீலங்கா
36. விங் லீ பேலஸ் - மக்காவ்
37. நெய்பர்ஹூட் - ஹாங்காங்
38. லங் கிங் கீன் - ஹாங்காங்
39. நூரி- சிங்கப்பூர்
40. வாகு ஜின் - சிங்கப்பூர்
41. டாக் டாகி - சியோல், தெற்கு கொரியா
42. லோகவோர் - பாலி, இந்தோனேசியா
43. டோயோ ஈட்டரி - மனிலா, பிலிப்பைன்ஸ்
44. செவன்த் சன் - ஹாங்காங்
45. குயிண்ட் எசன்ஸ் - டோக்கியோ, ஜப்பான்
46. தேவகன் - கோலாலம்பூர், மலேசியா
47. சுகலபோ - டோக்கியோ, ஜப்பான்
48. சோர்ன் - பாங்காக், தாய்லாந்து
49. கார்னெர் ஹவுஸ் - சிங்கப்பூர்
50. டா வீ - ஹாங்காங்

]]>
ஆசியாவின் சிறந்த 50 உணவகங்கள், Asia's best 50 Restarents, lifestyle, லைஃப்ஸ்டைல், https://images.dinamani.com/uploads/user/imagelibrary/2019/3/28/w600X390/BEST_RESTARENT_2019.jpg https://www.dinamani.com/lifestyle/lifestyle-food/2019/mar/28/50-best-restaurants-in-asia-3122607.html
3107306 லைஃப்ஸ்டைல் ரசிக்க... ருசிக்க... சிவராத்திரி ஸ்பெஷல் இனிப்பு ‘தம்பிட்டு’ ரெசிப்பி! கஸ்தூரி ராஜேந்திரன், தேனி. DIN Monday, March 4, 2019 05:02 PM +0530 நம்மூரில் சுண்டல் செய்து படைத்து விட்டுச் சாப்பிடுவோமில்லையா சிவராத்திரிக்கு. அதைப்போல கர்நாடகாவில் சிவராத்திரிக்கு  ‘தம்பிட்டு’ என்றொரு இனிப்பு செய்து சிவனுக்குப் படைக்கிறார்கள்.

தேவையான பொருட்கள்:

 

அரிசி: 1 கப்

பொரிகடலை: 1/4 கப்

ஏலக்காய்: 4

வெல்லம்: 1/2 கப்

வெள்ளை எள்: 1 டேபிள் ஸ்பூன்

வறுத்த நிலக்கடலை: 1/4 கப்

உலர்ந்த தேங்காய்த் துருவல்: 2 டேபிள் ஸ்பூன்

பொரிகடலை :தனியாக 1 டேபிள் ஸ்பூன்

தண்ணீர் :1/4 கப்

செய்முறை:

முதலில் அரிசியை வாணலியில் இட்டு சிவக்க வறுத்துக் கொள்ளவும். வெள்ளை எள்ளையும் அதே வாணலியில் இட்டு எள் வெடிக்கும் பக்குவத்தில் பொன்னிறமாக வறுத்தெடுக்கவும்.  எள், வறுத்த நிலக்கடலை, 1 டேபிள் ஸ்பூன் பொரிகடலை உலர்ந்த தேங்காய் துருவல் அனைத்தையும் ஒரு பெளலில் கொட்டி நன்கு கலந்து வைத்துக் கொள்ளவும். வறுத்த அரிசி மற்றும் 1/4 கப் பொரிகடலையை மிக்ஸியில் இட்டு நைஸாக அரைத்து எடுத்து ஒரு சல்லடையில் சலித்து மேற்கண்ட கலவையுடன் சேர்த்து கலக்கவும். இதைச் செய்யும் போதே மீண்டும் அடுப்பை ஏற்றி கால் கப் தண்ணீர் விட்டு 1/2 கப் வெல்லம் சேர்த்து வெல்லம் கரைந்து நன்கு கொதித்து வரும் வரை காய்ச்சி இறக்கிக் கொள்ளவும். இறக்கிய பின் வெல்லப்பாகு சூடு ஆறும் முன்பாக கை பொறுக்கும் சூட்டிலேயே மேலே அரைத்துக் களைந்து வைத்துள்ள மாவு பிளஸ் வெள்ளை எள், வறுகடலை, தேங்காய் துறுவல் மிக்ஸுடன் நன்கு கலந்து உருண்டை  பிடித்து வைக்கவும். கிட்டத்தட்ட ரவா லட்டு பதம் என்று வைத்துக் கொள்ளுங்கள். ஆறிய பின் அனைவருக்கும் பரிமாறலாம். சூடாக இருக்கும் போது குழந்தைகளுக்குத் தரவேண்டியதில்லை. 

கர்நாடக சிவராத்திரி ஸ்பெஷலான இந்த தம்பிட்டுவில் அரிசியோடு, எள், வறுகடலை, பொரிகடலை, தேங்காய், வெல்லம் எல்லாம் சேர்ப்பதால் சத்தான தின்பண்டம் என்பதில் சந்தேகமில்லை!

]]>
thambittu, sivarathiri special recipe, sweet snacks, தம்பிட்டு, சிவராத்திரி ஸ்பெஷல் ஸ்வீட், அரிசி லட்டு, கர்நாடகா ஸ்பெஷல் ரெசிப்பி, https://images.dinamani.com/uploads/user/imagelibrary/2019/3/4/w600X390/0000thambittu.jpg https://www.dinamani.com/lifestyle/lifestyle-food/2019/mar/04/thambittu-shivarathri-festival-recipes-karnadaka-3107306.html
3100897 லைஃப்ஸ்டைல் ரசிக்க... ருசிக்க... எண்ணெயே இல்லாமல் அப்பளம் பொரிக்கலாம்... எப்படி? இதோ இப்படி! கஸ்தூரி ராஜேந்திரன், தேனி. DIN Friday, February 22, 2019 02:23 PM +0530  

தேவையான பொருட்கள்:

  • சிறு சிறு அப்பளங்கள் - தேவையான அளவு
  • தூள் உப்பு: 1 கப்

செய்முறை:

அடுப்பை ஆன் செய்து கடாயை ஏற்றி அதில் 1 கப் உப்பைப் போட்டு ஹை ஃப்ளேமில் நன்கு சூடாக்கவும். உப்பு நன்றாகச் சூடானதும் அதில் அப்பளங்களைச் சிறிது சிறிதாகப் போட்டு நன்கு கிளறவும். சூடான உப்பு மேலே பட பட அப்பளங்கள் பொரியத் தொடங்கும். ஒரு ஈடுக்கு 10 அல்லது 15 அப்பளங்களை மட்டுமே வறுக்கலாம். அதிகம் போட்டு எடுத்தால் அரைகுறையாகப் பொரியும். இந்த முறையில்; அப்பளம் பொரிப்பதால் உப்பு அப்பளத்தில் ஏறி மேலும் உப்புக் கரிக்கும் என்ற பயமே வேண்டியதில்லை. உப்பு சூடாக இருப்பதால் அப்பளத்தின் மீது துளியும் ஒட்டாமல் கீழே உதிர்ந்து விடும். உடல்நலனுக்கும் நல்லது.

அப்பளம் வறுக்கப் பயன்படுத்திய உப்பை மீண்டும் குழம்பு மற்றும் கூட்டு பொரியல் செய்யும் போது மறு பயன்பாட்டுக்கு எடுத்துக் கொள்ளலாம். அதனால் பாதகம்  ஒன்றுமில்லை.
 

]]>
pappad making, pappads with out oil, அப்பளம் பொரித்தல், எண்ணெய் இல்லாத அப்பளம், உப்பு, https://images.dinamani.com/uploads/user/imagelibrary/2019/2/22/w600X390/color_color_appalam.jpeg https://www.dinamani.com/lifestyle/lifestyle-food/2019/feb/22/pappad-making-with-out-oil-3100897.html
3100876 லைஃப்ஸ்டைல் ரசிக்க... ருசிக்க... காஷ்மீர் ஸ்பெஷல் பிரேக்பாஸ்ட்... சால்ட் டீ & கந்தூர் ரொட்டி லவாசா! கஸ்தூரி ராஜேந்திரன், தேனி. DIN Friday, February 22, 2019 11:15 AM +0530  

காஷ்மீர் என்றாலே நமக்கெல்லாம் குண்டுவெடிப்பும், மனித இழப்பும் தான் நினைவுக்கு வருகிறது. ஆனால், அங்கேயும் மனிதர்கள் உண்டு, உறங்கி, சந்தோஷித்து, இழப்பு வருகையில் அழுது அரற்றிக் கொண்டு என உலகின் வேறெந்தப் பகுதிகளையும் போல வாழ்ந்து கொண்டு தான் இருக்கிறார்கள்.

இந்த நிஜத்தை நாம் பல நேரங்களில் மறந்து விடுகிறோம்.

நம்மூரில் காலை நேரம் என்றால் டீ யோ காப்பியோ அருந்துவோமே அதைப் போல அங்கேயும் டீ அருந்தும் பழக்கம் உண்டு. ஆனால், சர்க்கரை சேர்த்து அல்ல உப்பு சேர்த்து அதை அவர்கள் நூன் சாய் என்கிறார்கள். இதை தயாரிப்பதற்கென்று தனியாக நம்மூர் ஃபில்டர் போன்றே ஒரு உபகரணம் இருக்கிறது அங்கு. அதன் பெயர் சமவார்.

சமவாருக்குள் டீ டிகாக்‌ஷனை ஊற்றி அதனுடன் கொதிக்கும் பால் சேர்த்து அது கொதித்ததும் சிறிது பேக்கிங் சோடா சேர்த்தால் போதும் நூன் சாய் தயார். இங்கே நாம் டீயில் சர்க்கரை கலந்து அருந்துவதைப் போல காஷ்மீரில் பேக்கிங் சோடா கலந்து கந்தூர் ரொட்டியில் முக்கி ஊற வைத்துச் சாப்பிடுகிறார்கள். 

கந்தூர் ரொட்டி தயாரிக்க தந்தூரி அடுப்பு தேவை. ரொட்டிகளை வட்ட வட்டமாகத் திரட்டி வைத்துக் கொண்டு தந்தூரி அடுப்பில் ஒட்டி வேக வைத்து வெந்ததும் ஒரு உலோகக் குச்சி மூலமாக பிரித்தெடுத்து நூன் சாய் தொட்டு சாப்பிடுகிறார்கள். இது தான் இங்கத்திய வழக்கம்.

இது ஒரு புதிய டேஸ்ட். புதிதாக அந்த ஊருக்கு வருபவர்களுக்கும் இந்த டேஸ்ட் பிடித்துப் போவது தான் அதன் ஸ்பெஷாலிட்டி.

]]>
kashmir recipe, noon chai with kandhur bread, கஷ்மீர் ரெசிப்பி, நூன் சாய் நித் கந்தூர் ப்ரெட் https://images.dinamani.com/uploads/user/imagelibrary/2019/2/22/w600X390/kashmir_noon_chai_bread.jpg https://www.dinamani.com/lifestyle/lifestyle-food/2019/feb/22/kashmir-special-noon-chai-with-kandhur-bread-3100876.html
3095127 லைஃப்ஸ்டைல் ரசிக்க... ருசிக்க... இடுப்பு  வலி, வெட்டைச் சூட்டைப் போக்கும் அல்லி அரிசிப் புட்டு! கஸ்தூரி ராஜேந்திரன், தேனி. DIN Wednesday, February 13, 2019 01:18 PM +0530  

யூடியூபில் ‘மை கண்ட்ரி ஃபுட்ஸ்’ தளத்தில் ஒரு மாமியாரும் மருமகளும் அல்லி அரிசிப் புட்டு செய்வது எப்படி என்று செய்து காட்டியிருந்தார்கள். பார்க்க வித்யாசமாக இருந்தது. அரிசியில் பலவகை இருப்பதைக் கேள்விப்பட்டிருக்கிறோமே தவிர இதுவரை பலரும் பயன்படுத்திப் பழகியவை ஒரு சில வெரைட்டிகளைத் தான். ஏதோ இப்போது ஆர்கானிக் உணவு மோகம் தலைக்கேறி இருப்பதால் சிலருக்கு சிறுதானிய வகை அரிசிகளான கம்பு, கேழ்வரகு, திணை, சாமை, வரகு, மூங்கிலரிசி பற்றியெல்லாம் கொஞ்சம் தெரிந்திருக்கிறது. ஆனாலும் அல்லி அரிசி எல்லோருக்கும் புதுசு தான்.

குளங்களில் சர்வ சாதாரணமாக முளைத்துக் கிளைபரப்பிக் கிடக்கும் அல்லிப்பூக்களை சில இடங்களில் நாம் கண்டிருப்போம். அல்லியைப் பற்றி இதுவரை நாம் அறிந்தது அல்லி இரவில் மலரும் பூ என்பதாகவே இருந்திருக்கக் கூடும். அல்லிக்கிழங்கில் இருந்து அரிசி எடுத்து அதில் புட்டு செய்து சாப்பிடலாம் என்பதெல்லாம் அமேஸிங் திங்கிங். இந்தப் புட்டு செய்யக் கொஞ்சம் மெனக்கெடல் தேவை. பெரும்பாலும் பஞ்ச காலங்களில் மக்கள் இவ்வகைப் புட்டுக்களை செய்து சாப்பிட்டு உயிர்வாழ்ந்திருக்கிறார்கள்.

முதலில் அல்லிக்குளங்களுக்குச் சென்று அவற்றின் தண்டுகளில் கால் சிக்கிக் கொள்ளாமல் கணிசமான அளவில் அல்லிக்கிழங்குகளைப் பறித்தெடுக்க வேண்டும். பிறகு ஆரஞ்சுப் பழத்தில் சுளை உறித்து எடுத்து பழத்தினுள் இருக்கும் பல்புகளை எடுத்தாற்போன்று அல்லிக்கிழங்கில் இருந்து உள்ளிருக்கும் அரிசி போன்ற பொருளைப் பிரித்து உதிர்க்க வேண்டும். இதைக் கவனமாகச் செய்தோமென்றால் அல்லி அரிசி வீணாகாமல் காக்கலாம். அல்லி அரிசியில் இருவகை உண்டு .ஒன்று சிவப்பாக இருக்கும் மற்றொன்று வெளிர் கருப்பு. இதில் சிவப்பாக இருப்பதை அல்லிப் பச்சரிசி என்றும் வெளிர் வெள்ளையாக இருப்பதை அல்லிப் புழுங்கலரிசி என்றும் அழைக்கிறார்கள்.

தேவையான பொருட்கள்:

  • அல்லிக் கிழங்கு - 20 முதல் 25 வரை
  • பச்சரிசி: அரைப்படி
  • தேங்காய் : அரைமுடி
  • வெல்லம்: தேவையான அளவு
  • ஏலக்காய்: 4 அல்லது 5 

செய்முறை:

அல்லி அரிசியை நன்கு பொரியும் வரை வறுத்தெடுத்துக் கொள்ளவும். அதே விதமாக பச்சரிசியையும் வறுத்துப் பொன்னிறமாக எடுத்துக் கொள்ளவும். பின்னர் தேங்காயைத் துருவி அதையும் வறுத்து எடுத்துக் கொண்டு பச்சரிசி, அல்லி அரிசி இரண்டையும் உரலிலோ அல்லது மிக்ஸியிலோ இட்டு பொடித்துக் கொண்டு அதில் நன்கு  திருவிய தேங்காயையும் வெல்லத்தையும் சேர்த்துப் பிசிறி விடவும். கலவை நன்கு கலக்க சிறிது வெந்நீர் தெளித்துக் கொள்ளலாம். அரசிலையில் அவித்து வைத்த அல்லி அரிசிப் புட்டை சுடச்சுட பரிமாறி ருசித்துப் பாருங்கள். புதுமையாகவும் அதே சமயம் வித்யாசமான சுவையிலும் நாவைக் கட்டிப்போடும். எதற்காக மெனக்கெட்டு அல்லி அரிசியில் புட்டு செய்து சாப்பிட வேண்டும் என்று கேட்பவர்களுக்கான பதில்... அல்லி அரிசிக்கு இடுப்பு வலி, வெட்டை நோய், உடல்வலி போன்றவற்றை தீர்க்கும் குணங்கள் உண்டு.
 

]]>
LILLY RICE PUTTU, AMAZING RECIPE, COUNTRY FOOD, அல்லி அரிசிப் புட்டு, நாட்டுப்புற ரெசிப்பி, ஹெல்த்தி அமேஸிங் ரெஸிப்பி, https://images.dinamani.com/uploads/user/imagelibrary/2019/2/13/w600X390/lillyriceputtu.jpg https://www.dinamani.com/lifestyle/lifestyle-food/2019/feb/13/lilly-rice-puttu-amazing-puttu-recipe-3095127.html
3086742 லைஃப்ஸ்டைல் ரசிக்க... ருசிக்க... கடும் ஜலதோஷமா? மஞ்சள் கலந்த பூண்டுப்பால் அருந்துங்கள் உடனடி ரிலீஃப்! கஸ்தூரி ராஜேந்திரன், தேனி. DIN Thursday, January 31, 2019 11:26 AM +0530  

கிறிஸ்துமஸுக்கு முன்பிருந்தே தொடங்கி விட்டது இந்த ஜலதோஷ அவஸ்தை. இந்தாண்டு டிசம்பர் மாதத் துவக்கமே கடுங்குளிருடன் தான் ஆரம்பமானது. இதோ ஜனவரி கழிந்து ஃபிப்ரவரி தொடங்கவிருக்கும் இப்போது கூட நமது வீடுகளில் ஏ சி க்கு வேலையற்றுப் போன சீதோஷ்ணம் தான் இன்று வரையிலும் நிலவுகிறது. அதிகாலைப் பனியோ ஊட்டி, கொடைக்கானலை நினைவுறுத்தும் வகையில் மிகக்கொடுமையாக ஸ்வெட்டர் இல்லாத சருமம் தாங்க முடியாத அளவுக்கு சோதிக்கிறது. இன்னும் வீடுகளில் ஜலதோஷத்தால் இருமிக் கொண்டும், தொண்டையை கனைத்துக் கொண்டும் செருமிக் கொண்டும் இருப்பவர்கள் அனேகம் பேர்.

சாதரணமான ஜலதோஷம் என்றால் வாரம் பத்து நாட்களில் சீராகி விடும். ஆனால் இம்முறை கடுங்குளிர் நிலவியதால் பலருக்கு மாதக்கணக்கில் ஜலதோஷம் குணமான பாடில்லை. சரி இதற்கு என்ன தான் தீர்வு? அவ்வப்போது டாக்டரிடம் சென்று மருந்து, மாத்திரைகள் வாங்கி சாப்பிட்டு வைத்தால் ஆயிற்றா? குணமாகனுமே?! அதிலெல்லாம் குணமாகவில்லை என்றால் பாட்டி வைத்தியத்தையும் கொஞ்சம் முயன்று பார்க்கலாமே. அதில் பக்கவிளைவுகள் எதுவும் இருக்கப் போவதில்லை என்பதால் பின்பற்றுவதற்கும் எளிதானதே!

மஞ்சள் கலந்த பூண்டுப்பால் ரெஸிப்பி

தேவையான பொருட்கள்:

  • பால்: 1 கப்
  • பூண்டு: 1 பல்
  • மஞ்சள்தூள்: 1/2 டீஸ்பூன்

செய்முறை:

1 கப் பாலை அடுப்பில் ஏற்றி கொதிக்க வைக்கவும். பால் கொதித்து வரும் போது அதில் உரித்த பூண்டுப்பல் ஒன்றைப் போட்டு அதனுடன் 1/2 டீஸ்பூன் மஞ்சள் தூள் சேர்த்து நன்கு கொதிக்க விடவும். பூண்டு மசியும் அளவுக்கு பால் கொதித்து வந்ததும் இறக்கி பூண்டை நன்றாக மசித்து பாலோடு சேர்த்து சற்று ஆற வைத்து நாக்கு பொறுக்கும் சூட்டுக்கு வந்தவுடன் அப்படியே எடுத்து அருந்த வேண்டியது தான். இதில் மஞ்சள் தூள் விரலி மஞ்சளில் அரைத்த தூளாக இருந்தால் நல்லது. கடைகளில் விற்கும் ரெடிமேட் மஞ்சள் தூள் வகையறாக்கள் வேண்டாம்.

பலன்:

  • தொடர்ந்து ஒருவாரம் இரவுகளில் இப்படி மஞ்சள் கலந்த பூண்டுப்பாலை அருந்தி வந்தால் உடனடி பலன் கிடைக்கும்.
  • மஞ்சள் உடல் உள்ளுறுப்புகளில் இருக்கும் புண்களை ஆற்றவல்லது.
  • பூண்டுக்கு வாதத்தைப் போக்கும் சக்தி உண்டு. அத்துடன் பால் உடல் குளிர்ச்சியை சீராக்கி குடலை வெதுவெதுப்பாக வைத்துக் கொள்ள உதவும்.
  • ஜலதோஷத்துடன் வறட்டு இருமலும், தொண்டைக்கட்டும் சேர்ந்து கொண்டு அவஸ்தப் படுபவர்கள் மஞ்சள் கலந்த வெந்நீரில் தினமும் ஒருமுறை வாய் கொப்பளித்து வந்தால் அதற்கும் உடனடி பலன் கிடைக்கும்.
     
]]>
garlic milk, turmeric, cold, cough, winter recipy, ஜலதோஷம், பூண்டுப்பால், மஞ்சள், வறட்டு இருமல், தொண்டைக்கட்டு, பாட்டி வைத்தியம், https://images.dinamani.com/uploads/user/imagelibrary/2019/1/31/w600X390/garlic_milk.jpg https://www.dinamani.com/lifestyle/lifestyle-food/2019/jan/31/severe-cold-drink-garlic-mixed-turmeric-milk-3086742.html
3069732 லைஃப்ஸ்டைல் ரசிக்க... ருசிக்க... சாப்பிட அடம்பிடிக்கும் குழந்தைகளைச் சமாளிக்க அம்மாவின் கைமணத்தில் டேஸ்ட்டி சத்துமாவு ரெஸிப்பி! கஸ்தூரி ராஜேந்திரன், தேனி. DIN Wednesday, January 2, 2019 11:53 AM +0530  

இன்று அனைத்து சூப்பர் மார்க்கெட்களிலும் விதம் விதமாக ஹெல்த் மிக்ஸ் என்ற பெயரில் பலவகையான சத்துமாவு பாக்கெட்டுகள் கிடைக்கின்றன. அவற்றில் சிலவற்றை நீங்களும், நானும் கூட வாங்கிப் பயன்படுத்தி இருப்போம். யோசித்துப் பாருங்கள் அவை எந்த அளவுக்குப் பயனுள்ளதாக இருந்தன என்று? கடைகளில் ரெடிமேடாகக் கிடைக்கும் ஹெல்த் மிக்ஸ் பாக்கெட்டிலேயே இத்தனை பலன்கள் இருக்கையில் அதை நாமே நம் கைகளால் வீட்டிலேயே தயாரித்துக் கொள்ள முடிந்தால் அதில் எத்தனை லாபமிருக்கக் கூடும் என்று யோசித்துப் பாருங்கள். கடைகளில் 1கிலோ சத்து மாவு 350 ரூபாய்க்கும் மேல் விலை. அதையே வீட்டில் தயாரித்தால் செலவு பாதிக்குப் பாதி மிச்சமாகும். பொருட்களையும் தரமானவையாக தேர்ந்தெடுத்து வாங்கிக் கழிவு நீக்கிச் சுத்தமாக்கி சேர்த்து அரைத்த திருப்தியும் நமக்குக் கிடைக்கும்.

தேவையான பொருட்கள்:

  1. கம்பு : 1 கிலோ
  2. சோளம்: 1 கிலோ
  3. கேழ்வரகு: 1 கிலோ
  4. திணை அரிசி: 1/2 கிலோ
  5. கருப்பு உளுந்து : 1/2 கிலோ
  6. பச்சைப் பயறு: 1/2 கிலோ
  7. சம்பா கோதுமை: 1/2 கிலோ
  8. பொட்டுக்கடலை: 1/2 கிலோ
  9. அவல்: 1/2 கிலோ
  10. நிலக்கடலை: 1/4 கிலோ
  11. ஜவ்வரசி: 1/4 கிலோ
  12. பார்லி: 1/4 கிலோ
  13. மக்காச்சோளம்: 1/4 கிலோ
  14. ஆளி விதை: 1/4 கிலோ
  15. கொள்ளு: 50 கிராம்
  16. பாதாம்: 50 கிராம்
  17. முந்திரி: 50 கிராம்
  18. பிஸ்தா: 50 கிராம்
  19. சாரப்பருப்பு: 50 கிராம்
  20. வெள்ளை எள்: 25 கிராம்
  21. ஓமம்: 25 கிராம்
  22. சுக்கு: 25 கிராம்
  23. கச கசா: 25 கிராம்
  24. ஜாதிக்காய்: 1
  25. குங்குமப்பூ: 8 முதல் 10 இழைகள்

செய்முறை:

மேற்கண்ட பொருட்கள் அனைத்தையும் தரமாக எங்கு கிடைக்கும் என்று தேடி வாங்கி வைத்துக் கொண்டு நல்ல வெயில் நேரமாகப் பார்த்து சற்று நேரம் காய வைத்து எடுத்துக் கொள்ள வேண்டும். அப்போது தான் ஈரப்பதம் இன்றி பொருட்கள் வறுப்பதற்குத் தோதாக அமையும். அடுப்பில் வாணலியை ஏற்றி மிதமான தீயில் முதலில் கம்பு, சோளம், கேழ்வரகு உள்ளிட்டவற்றை வறுக்க வேண்டும். இறக்குவதற்கான அறிகுறி இடு பொருட்கள் பட படவென வெடிக்கும் பக்குவத்தில் இருந்தால் போதும். நிலக்கடலை, பொட்டுக்கடலை, அவல் எல்லாம் வெடிக்காது அவை நிறம் மாறினாலே போதும் இறக்கி விடலாம். பார்லியும், ஜவ்வரசியும் கூட இப்படித்தான். ஆளி விதை, வெள்ளை எள், கச கசா மூன்றையும் வறுக்கும் போது கவனம் தேவை கருக விடாமல் மெல்லிய தீயில் வறுக்க வேண்டும். பாதாம், முந்திரி, பிஸ்தாவுக்கும் அதே தான். கருக விடாமல் வறுத்து எடுக்கவேண்டும். சுக்கை வறுத்த பின் மருந்தரைக்கும் கல் அல்லது பூரிக்கட்டையால் இடித்து நசுக்கி வைத்துக் கொள்வது நல்லது. ஜாதிக்காயை உடைத்து ஓடு நீக்கி உள்ளிருக்கும் சக்கையை நசுக்கிய பின் வறுக்க வேண்டும். கடைசியாக குங்குமப்பூவை வறுக்கத் தேவை இல்லை அப்படியே சேர்க்கலாம். 

மேற்கண்ட பொருட்களில் கம்பு, சோளம், கேழ்வரகு, கருப்பு உளுந்து, பச்சைப்பயறை நன்றாக அலசி வடிகட்டி ஈரத்துணியில் முளைகட்டி மறுநாள் உலர வைத்து சத்துமாவு அரைப்பது ஒரு வகை. அது மிகவும் சத்து நிறைந்தது. ஆயினும் முளை கட்ட நேரமில்லாதவர்கள் அப்படியே வறுத்தும் அரைக்கலாம். எப்படியானாலும் சத்துமாவின் சத்துக்கள் முழுமையாகவே கிடைக்கும்.

இடுபொருட்களின் அளவு 1 அல்லது 2 கிலோக்களுக்கு உட்பட்டிருந்தால் வீட்டு மிக்ஸியிலேயே அரைத்துக் கொள்ளலாம். 2 கிலோக்களுக்கு மேல் ஆகும் போது மெஷினில் கொடுத்து அரைத்து எடுத்துக் கொள்வது நல்லது. சத்து மாவு அரைத்து வந்ததும் சூட்டோடு சூடாக அதை ஆற வைத்து சலித்து காற்றுப்புகாத பிளாஸ்டிக் வாளிகளிலோ அல்லது பிளாஸ்டிக் ஜார்களிலோ எடுத்து வைத்துக் கொள்வது நல்லது. ஈரக்காற்று பட்டால் மாவில் பூஞ்சை பாதிப்பு வந்தாலும் வரும். எனவே பத்திரமாக எடுத்து வைத்துப் பயன்படுத்துவது முக்கியம்.

ஒருமுறைக்கு 5 கிலோ அளவுக்கு அரைத்து வைத்துக் கொண்டோமென்றால் தினசரி பயன்படுத்தினாலும் கூட குறைந்த பட்சம் 6 மாதங்களுக்கு மேல் வரும்.

சத்து மாவுக்கஞ்சி தயாரிக்க...

மூன்று அல்லது நான்கு பேருக்கு எனில் அரைத்து வைத்துள்ள சத்துமாவில் 4 டீஸ்பூன் எடுத்து கால் அல்லது அரை டம்ளர் தண்ணீர் கலந்து கட்டி தட்டாமல் நன்கு கரைத்துக் கொள்ளவும். பின்னர் தேவையான அளவு தண்ணீர் அல்லது பாலுடன் 3 அல்லது 4 ஸ்பூன் சர்க்கரை கலந்து காய்ச்ச வேண்டும். மாவு நன்கு கொதித்து வரும் போது இறக்கி ஆறவைத்து மிதமான சூட்டில் குழந்தைகளுக்கு சாப்பிடத் தரலாம். பெரியவர்களும் சாப்பிடலாம். சத்துமாவைக் கஞ்சியாகச் சாப்பிடுவதா அல்லது நீர்க்கக் கரைத்து குடிப்பதா என்பது அவரவர் விருப்பத்தைப் பொருத்தது. 

சத்துமாவின் ஆரோக்ய பலன்கள்:

  • காலை நேரத்தில் காபி, டீ அருந்துவதைத் தவிர்த்து சத்துமாவு அருந்தினால் உடல் எடையை விரைவில் குறைக்கலாம். சோர்வைத் தவிர்க்கலாம்.
  • அனைத்து விதமான சத்து நிறைந்த பொருட்களும் சேர்க்கப்பட்டிருப்பதால் ஸ்டாமினா அதிகரிக்கும், உற்சாகம் குறையாமல் வேலைகளைத் தொடரலாம்.
  • ரத்த ஓட்டம் சீராக இருக்கும். 
  • இடுபொருட்கள்  ஆர்கானிக் பொருட்களாக தேர்ந்தெடுத்துச் சேர்த்தோமென்றால் அனாவசியமான பக்கவிளைவுகள் இருக்காது.
]]>
SATHUMAVU, HEALTH MIX, MOTHERS SPECIAL, சத்துமாவு, ஹெல்த் மிக்ஸ், அம்மாவின் கைமணம் https://images.dinamani.com/uploads/user/imagelibrary/2019/1/2/w600X390/HEALTH_MIX.jpg https://www.dinamani.com/lifestyle/lifestyle-food/2019/jan/02/home-made-health-mix-recipe-mothers-special-3069732.html
3059797 லைஃப்ஸ்டைல் ரசிக்க... ருசிக்க... உணவுப் பொருட்களில் எப்படியெல்லாம் கலப்படம் செய்கிறார்கள் பாருங்கள்! எளிதில் கண்டறிய சில உபாயங்கள்... RKV DIN Monday, December 17, 2018 11:52 AM +0530  

அன்றாடம் பயன்படுத்தும் 25 உணவுப் பொருட்களில் உயிருக்கு ஆபத்து ஏற்படும் வகையில் நிகழ்த்தப்படும் கலப்படம் குறித்தும் அவற்றை எளிய முறையில் கண்டறிவது எப்படி என்றும் இப்போது காணலாம்.

பாலில் சலவைத்தூள் கலப்படம் செய்யப்படுவதைக் கண்டறிவது எப்படி? 

10 மில்லி பாலில் அதே அளவு தண்ணீர் கலந்து குலுக்கும் போது அது கடினமான படலமாக  மாறினால் அதில் சலவைத்தூள் கலந்திருப்பதை அறியலாம்.

நெய் மற்றும் வெண்ணெயில் பிசைந்த உருளைக்கிழங்கு அல்லது ஸ்டார்ச் மாவு கலந்துள்ளதா என்பதை அறிய அரை டீஸ்பூன் நெய் மீது மூன்று டீஸ்பூன் டிங்சரை விட்டால் அது நீல வண்ணமாக மாறும். அதை வைத்து நெய் சுத்தமானதா அல்லது கலப்பட நெய்யா என்பதை எளிதில் அறிந்து கொள்ள முடியும்.
தேனில் சர்க்கரை கரைசல் கலப்படம் செய்யப்பட்டிருக்கிறதா என்பதை அறிய தேனை நீருடன் கலந்து சோதித்துப் பார்த்தால் போதும். ஏனெனில் உண்மையான தேன் நீருடன் கலக்காது.
சர்க்கரை, வெல்லம் போன்றவற்றில் சாக்பீஸ் தூள் கலப்படம் செய்யப்பட்டிருந்தால் அப்பொருட்களை நீரில் கரைக்கும் போது டம்ளரின் அடியில் மாவுப் பொருள் படிவதைக் காணலாம். இதை வைத்து சர்க்கரை, வெல்லத்தில் கலப்படம் செய்யப்பட்டிருப்பதை எளிதில் கண்டறிய முடியும்.

புரதச் சத்து மிகுந்த முழுப்பருப்பில் உடலுக்கு கேடு விளைவிக்கக் கூடிய கேசரி பருப்பு கலப்படம் செய்யப்பட்டிருந்தால் பருப்பின் அடிப்பகுதி சரிவாகவும், சதுர வடிவிலும் காணப்படும் நன்றாக உற்று நோக்கினால் இதைக் கண்டறியலாம்.

ராகி அல்லது கேழ்வரகில் ரோடமைன் பி என்ற ரசாயனப் பொருள் நிறத்திற்காகக் கலப்படம் செய்யப்பட்டிருந்தால் தண்ணீர் அல்லது தாவர எண்ணெயில் நனைத்த பருத்திப் பஞ்சை வைத்து தேய்த்தால் போதும் கேழ்வரகில் உள்ள செயற்கை நிறம் பஞ்சில் ஒட்டிக் கொள்ளும்.

மிளகில் காய்ந்த பப்பாளி விதைகள் கலப்படம் செய்யப்பட்டிருப்பதை அறிய அதையும் எளிதில் கண்டறிய வழி இருக்கிறது. கடையில் வாங்கிய மிளகில் கலப்படம் இருப்பதாக சந்தேகித்தால் ஒரு டம்ளர் நீரில் ஒரு டேபிள் ஸ்பூன் மிளகை எடுத்து போடவும். பப்பாளி விதைகள் கலப்படம் செய்யப்பட்டிருந்தால் அவை நீரில் மிதந்து நிற்கும். நிஜமான மிளகு நீருக்கடியில் கிடக்கும்.

மிளகாய்த்தூள் மற்றும் மஞ்சள் தூளில் வண்ணக்கலப்படம் இருப்பதாக அஞ்சினால் அவற்றையும் தலா ஒரு ஸ்பூன் எடுத்து டம்ளர் தண்ணீரில் கலந்தீர்கள் எனில் கலப்பட மசாலாத்தூளில் இருக்கும் செயற்கை வண்ணம் மெல்லிய கோடாக நீருக்குள் கீழிறங்குவதை கவனிக்க முடியும். அதே போல மிளகாய்த்தூளில் மரத்தூள் கலப்படம் செய்யப்பட்டிருக்கலாம் என்ற அச்சம் இருந்தால் அதையும் நீரில் கலந்து சோதிக்கலாம். மரத்தூள் நீரின் மேல் மிதக்கும்.

கடுகு விதையில் பிரம்ம தண்டு விதைகள் கலப்படம் செய்யப்பட்டிருந்தால் கடுகின் மேற்பரப்பு சொரசொரப்பாக இருப்பதுடன் உட்புறம் வெள்ளை நிறத்தில் இருக்கும்.அதே ஒரிஜினல் கடுகில் தோல் நீக்கிப் பார்த்தால் பளபளப்பான மஞ்சள் நிறத்தில் இருக்கும்.

மஞ்சள் கிழங்கில் நிறத்திற்காக லெட் குரோமைட் எனும் ரசாயனம் சேர்க்கப்பட்டிருந்தால் கிழங்கைத் தண்ணீரில் போடும் போது நீரின் நிறம் மாறும் கலப்படமற்ற கிழங்கு என்றால் நீரின் நிறம் மாறாது.

குங்குமப்பூவில் நிறமூட்டப்பட்ட மக்காச்சோளக் காம்புமுனை கொடிச்சுருள் கலப்படம் செய்யப்பட்டிருந்தால்  அவற்றை நீரில் கலக்கும் போது நிறம் மாறி வண்ணம் வெளியேறும்.

பச்சைமிளகாய் மற்றும் பச்சைப் பட்டாணியில் நிறமூட்டி கலக்கப்பட்டிருந்தால் அவற்றி நீரில் போட்டாலோ அல்லது தாவர எண்ணெயில் நனைத்த பஞ்சு கொண்டு துடைத்தாலோ போதும் நிறம் தனியாக ஒட்டிக் கொண்டு காட்டிக் கொடுக்கும்.

காபித்தூளில் தேவைக்கு அதிகமாக சிக்கரித்தூள் கலக்கப்பட்டிருந்தால் பாலில் கலக்கும் போது ஒரிஜினல் காபித்தூள் பாலில் மிதக்கும், சிக்கரித்தூள் பாலில் மூழ்கும்.

தேயிலையில் காலாவதியான தேயிலை அல்லது மரத்தூள் சேர்க்கப்பட்டிருந்தால் அதை வடிகட்டும் போது வடிகட்டியில் கரை படியும். தூய தேயிலை கரையை ஏற்படுத்தாது.

ஆப்பிளின் மீது மெலுகு பூசப்பட்டிருந்தால் ஆப்பிளின் தோலை லேசாக கத்தியால் உரசினால் போதும் மெலுகு உரிந்து வரும். கையில் ஒட்டும். 

இப்படி மேற்கண்ட பொருட்கள் மட்டுமல்ல மேலும் பல உணவுப் பொருட்களிலும் கலப்படம் செய்வதும், கலப்படம் செய்யப்பட்ட உணவுப் பொருட்களை தெரிந்தே வாங்கி கடைகளில் வைத்து விற்பனை செய்வதும் கூட தண்டனைக்குரிய குற்றமே! என எச்சரிக்கின்றனர் உணவுப் பொருள் பாதுகாப்புத்துறை அதிகாரிகள்.

ஏனெனில் இந்தக் கலப்படங்களால் இவற்றை வாங்கி தொடர்ந்து பயன்படுத்தும் நுகர்வோர்களுக்கு புற்றுநோய் உள்ளிட்ட பலவிதமான நோய்கள் வரும் அபாயம் இருப்பதாகவும் மேலும் பலவிதமான உடல் உபாதைகளுக்கு காரணமாக இவை அமைகின்றன என்றும் அவர்கள் எச்சரிக்கின்றனர். 

]]>
FOOD CONTAMINATION, EASY WAY TO FIND, உணவுக் கலப்படம், கலப்படம் கண்டறிய எளிய வழிகள், https://images.dinamani.com/uploads/user/imagelibrary/2018/12/17/w600X390/foodsafety.jpg https://www.dinamani.com/lifestyle/lifestyle-food/2018/dec/17/food-contamination-and--some-stratogies-to-find-it-easily-3059797.html
3045033 லைஃப்ஸ்டைல் ரசிக்க... ருசிக்க... ‘கார்த்திகை ஸ்பெஷல் அவல்பொரி உருண்டை’ வீட்டிலும் செய்யலாம் ஈஸி தான்! கஸ்தூரி ராஜேந்திரன், தேனி. DIN Saturday, November 24, 2018 01:32 PM +0530  

தேவையான பொருட்கள்:

  • அவல்பொரி - 200 கிராம்
  • பொட்டுக்கடலை - 4 டேபிள் ஸ்பூன்
  • தேங்காய் வில்லை - 1 சிறிய வில்லை (பொடியாக நறுக்கிக் கொள்ளவும்)
  • பனை வெல்லப் பாகு - தேவையான அளவு
  • நெய் - தேவையான அளவு

செய்முறை:

அடுப்பில் வாணலியை ஏற்றி 1 டேபிள் ஸ்பூன் நெய் விட்டு. காய்ந்ததும் பொடியாக நறுக்கி வைத்த தேங்காய் வில்லையைச் சேர்த்து தேங்காய் உலர்ந்து சிவக்கும் வரை நன்கு பொரிக்கவும். பின்பு அதனுடன் ஒன்றிரண்டு ஏலக்காயை உறித்துச் சேர்த்து கூடவே ஒரு டீஸ்பூன் சுக்கும் சேர்த்துக் கிளறவும். பின்பு அதனோடு 4 டேபிள் ஸ்பூன் பொட்டுக்கடலையும் சேர்த்து கடலை நொறு நொறுவென சிவக்கப் பொரியும் வரை வறுத்து எடுத்து தனியாக ஒரு கப்பில் வைக்கவும்.

வெல்லப்பாகு தயாரிக்கும் முறை:

200 கிராம் பொறிக்கு 100 கிராம் அல்லது 150 கிலோ கிராம் வெல்லம் தேவைப்படலாம். முதலில் வெல்லத்தைப் பொடியாக்கி நீரில் கரைத்து வடிகட்டி தூசு, துரும்பு நீக்கி ஒரு கப்பில் எடுத்துக் வைத்துக் கொள்ளவும். பிறகு அடுப்பிலேற்றிய வாணலியில் வெல்லக் கரைசலை ஊற்றிக் காய்ச்ச வேண்டும். பாகு காய்ச்சும் போது கை விடாமல் கிளறிக் கொண்டே இருக்க வேண்டும். அத்துடன் பாகு கம்பிப் பதம் வந்ததும் இறக்கி இளஞ்சூடான பதம் வந்ததும் அதில் முன்னரே வறுத்து வைத்த பொருட்களைப் போட்டுக் கலக்கவும். பிறகு அடுப்பை அணைத்து விட்டு அதே சூட்டில் முன்பே எடுத்து வைத்த அரிசிப் பொரியையும் போட்டுப் பிரட்டவும்.

இளஞ்சூடாக இருக்கும் போதே உருண்டை பிடித்தால் கடைகளில் விற்கப்படுவதைப் போன்றே நன்கு உருண்டை பிடிக்க வரும். ஆற வைத்து ஒரு பிளாஸ்டிக் கண்டெய்னரில் போட்டு ஃப்ரிஜ்ஜில் எடுத்து வைத்துக் கொண்டால் குழந்தைகளுக்கு தினமொன்றாகப் பள்ளிகளுக்கு கொடுத்து விடலாம்.

அரிசிப் பொரியும், பொட்டுக் கடலையும் எளிதில் ஜீரணமாகக் கூடியதென்பதோடு வளரும் குழந்தைகளின் ஆரோக்யத்திற்கும் மிகவும் உகந்தது. அத்துடன் பனை வெல்லம் வேறு சேர்க்கிறோமா அதனால் கிடைக்கும் சத்துக்களும் வளரிளம் குழந்தைகளுக்கு தேவையானவையே! சுக்கு சேர்ப்பதால் அஜீரணக் கோளாறைத் தவிர்க்கலாம். ஏலக்காய் வாசம் சாப்பிடத் தூண்டும்.

நம்மூரில் ஒவ்வொரு மாதமும் ஏதாவது ஒரு திருவிழாவும், பண்டிகையும் வந்து கொண்டே தான் இருக்கும். இது கார்த்திகை மாதத்திற்கு உகந்த அவல்பொரி உருண்டை ரெஸிப்பி. செய்து சாப்பிட்டுப் பார்த்து விட்டு அந்த அனுபவத்தை எங்களிடம் பகிருங்கள்.

]]>
karthigai special, aval pori urundai recipe, கார்த்திகை ஸ்பெஷல், அவல்பொரி உருண்டை ரெஸிப்பி, https://images.dinamani.com/uploads/user/imagelibrary/2018/11/24/w600X390/karthigai_special_avalpori_urundai.jpg https://www.dinamani.com/lifestyle/lifestyle-food/2018/nov/24/karthigai-special-aval-pori-urundai-recipe-3045033.html
3043703 லைஃப்ஸ்டைல் ரசிக்க... ருசிக்க... கார்த்திகை தீபம் ஸ்பெஷல் ரெசிபி பனை ஓலை கொழுக்கட்டை DIN DIN Thursday, November 22, 2018 04:16 PM +0530 கார்த்திகை அப்பம்

தேவையானப் பொருட்கள்:
அரிசிமாவு - 1 கிண்ணம்
வெல்லப்பொடி - 1/2 அல்லது 3/4 கிண்ணம்
நன்கு கனிந்த வாழைப்பழம் - 1
பொடியாக நறுக்கிய தேங்காய்த் துண்டுகள் - 2 தேக்கரண்டி
ஏலக்காய்த் தூள் - 1/2 அரைத்தேக்கரண்டி
எண்ணெய் - தேவைக்கேற்ப

செய்முறை: 1/2 கிண்ணம் தண்ணீரில் வெல்லத்தைப் போட்டு கரைத்து வடிகட்டிக் கொள்ளவும். வாழைப்பழத்தை நன்றாக மசித்துக் கொள்ளவும். பின்னர், அரிசிமாவு, மசித்த வாழைப்பழம், தேங்காய்த் துண்டுகள், ஏலக்காய்த்தூள் ஆகியவற்றை ஒன்றாகக் கலந்து, அதில் வெல்ல நீரை விட்டு இட்லி மாவு பதத்திற்கு கரைத்துக் கொள்ளவும். தேவையானால் சிறிது நீரையும் சேர்த்துக் கொள்ளலாம். ஒரு வாணலியில் எண்ணெய் விட்டு காய்ந்ததும் அதில் ஒரு தேக்கரண்டி மாவை எடுத்து ஊற்றவும். பொன்னிறமாக சிவக்கும் வரை பொரித்து எடுக்கவும். 

குறிப்பு: அரிசிமாவிற்குப் பதில், மைதா அல்லது கோதுமை மாவிலும், ரவாவிலும் கூட இந்த அப்பத்தை செய்யலாம். அல்லது எல்லா மாவிலும் கொஞ்சம் கொஞ்சம் சேர்த்தும் செய்யலாம். வெல்லத்திற்கு பதில் சர்க்கரையையும் பயன் படுத்தலாம். அப்பம் வெள்ளையாக இருக்கும். மேலும், இதை எண்ணெய்யில் பொரித்தெடுப்பதற்குப் பதில், குழிப்பணியாரச் சட்டியிலும் பணியாரம் செய்வதுபோல் சுட்டெடுக்கலாம்.

பனை ஓலை கொழுக்கட்டை

தேவையானப்பொருட்கள்:
பனை ஓலை(நடுப்பகுதி)- 10 முதல் 15 
துண்டுகள் (ஆறு அங்குல நீளம்)
பச்சரிசி மாவு - 3 கிண்ணம்
கருப்பட்டி அல்லது வெல்லத்தூள் - 2 கிண்ணம்
ஏலக்காய் தூள் - 1 தேக்கரண்டி
சுக்குப்பொடி - 1/2 தேக்கரண்டி
தேங்காய்த்துருவல் - 1கிண்ணம்

செய்முறை: கருப்பட்டியில் அரை கிண்ணம் தண்ணீரைச் சேர்த்து காய்ச்சி வடிகட்டிக் கொள்ளவும். பச்சரிசி மாவுடன் ஏலக்காய்த் தூள், சுக்குப்பொடி, தேங்காய்த்துருவல், கருப்பட்டி நீர் ஆகியவற்றைச் சேர்த்து பிசைந்து கொள்ளவும். மாவு மிகவும் கெட்டியாக இல்லாமல் சிறிது குழைவாக உள்ளவாறு நீர் விட்டுப் பிசைந்து கொள்ளவும். ஒரு ஓலையை விரித்து நடுவில் மாவை வைத்து, ஓலை அளவிற்கு நீளமாக அழுத்தி, மூடவும். ஓலை பிரிந்து விடாமல் இருக்க ஒரு நார் அல்லது நூல் கொண்டு கட்டி வைக்கவும். இதேபோன்று மீதமுள்ள மாவு அனைத்தையும் தயார் செய்து இட்லி தட்டில் வைத்து 15 அல்லது 20 நிமிடங்கள் ஆவியில் வேகவிட்டு எடுக்கவும். சற்று ஆறியபின், ஓலையைப் பிரித்து கொழுக்கட்டையைத் தனியாக எடுத்து வைக்கவும். இந்தக் கொழுக்கட்டை, திருக்கார்த்திகைத் தினத்தன்று, திருநெல்வேலி, கன்னியாகுமரி, தூத்துக்குடி மாவட்டங்களில் செய்யப்படும் ஒரு சிறப்பு பலகாரம்.

கார்த்திகை பொரி

தேவையானப்பொருட்கள்:
அவல் பொரி - 8 கிண்ணம்
வெல்லம் பொடிசெய்தது - 2 கிண்ணம்
பொட்டுகடலை - 1 கிண்ணம்
தேங்காய் - ஒரு மூடி
ஏலக்காய்த் தூள் - 1 தேக்கரண்டி
சுக்குப்பொடி - 1/2 தேக்கரண்டி

செய்முறை: தேங்காயைச் சிறு துண்டுகளாக வெட்டி வெறும் வாணலியில் போட்டு சிறிது சிவக்கும் வரை வறுத்தெடுக்கவும். பொரியை நன்றாக புடைத்து அல்லது சலித்து, சுத்தம் செய்து கொள்ளவும். சுத்தம் செய்த பொரி, பொட்டுக்கடலை இரண்டையும் ஒன்றாகக் கலந்துக் கொள்ளவும். அடி கனமான ஒரு பாத்திரத்தில் வெல்லத்தைப் போட்டு அத்துடன் அரை டம்ளர் தண்ணீரைச் சேர்த்து கொதிக்க விடவும். வெல்லம் கொதிக்க ஆரம்பித்ததும், அதை வடிகட்டி வேறொரு பாத்திரத்தில் ஊற்றி கெட்டி பாகு காய்ச்சவும். சிறிது பாகை தண்ணீரில் விட்டால், அது கரையாமல் அப்படியே கெட்டியாக இருக்கும். அதை கைகளால் எடுத்து உருட்டினால் உருட்ட வரும். இதுதான் சரியான பதம். இப்பொழுது அதில் ஏலக்காய்த்தூள், சுக்குப்பொடி, தேங்காய்த்துண்டுகள் ஆகியவற்றைச் சேர்த்து கிளறி, கீழே இறக்கி வைக்கவும். உடனே அதில் பொரியைக் கொட்டி நன்றாகக் கிளறி விடவும். பொரி சூடாக இருக்கும் பொழுதே உருண்டைப் பிடிக்கவும். ஆறினால் பிடிக்க வராது. உருண்டை பிடிக்க வரவில்லை என்றால், அப்படியே உதிரியாக விட்டு விடவும். இதுதான் கார்த்திகைப் பொரி.

குறிப்பு: நெல்பொரியிலும் மேற்கண்டப் பொரியைச் செய்யலாம். 
 

- பாலாஜிகணேஷ் 

கோதுமை பாயசம்

தேவையான பொருள்கள்: 
உடைத்த கோதுமை - 1 கிண்ணம்
உலர்ந்த பழங்கள் (பாதாம் பருப்பு , முந்திரி, பருப்பு, 
திராட்சை ) - 8-10 
வெல்லம் - 1 கிண்ணம் 
நெய் - 2 தேக்கரண்டி
தேங்காய் துருவல் - 1 கிண்ணம் 
பால் - அரை டம்ளர்
தண்ணீர் - 3 கிண்ணம்
பாப்பி விதைகள் - 1 தேக்கரண்டி
ஏலக்காய் பொடி - 1 டேபிள் ஸ்பூன் 

செய்முறை: ஒரு பாத்திரத்தில் உடைத்த கோதுமை மூழ்கும் அளவுக்குத் தண்ணீர் சேர்த்து ஒரு மணி நேரம் ஊற வைக்க வேண்டும். பிறகு தண்ணீரை வடிகட்டி கொள்ளவும். பின்னர், ஊற வைத்த கோதுமையை குக்கரில் வேக வைக்கவும். 3 விசில் வந்ததும் குக்கரைத் திறக்காமல் அப்படியே பத்து நிமிடங்கள் வரை ஆற வைக்க வேண்டும். பின்னர், வாணலியில் கசகசாவை லேசாக வறுத்துக் கொள்ளவும். அதனுடன் வெல்லத்தைச் சேர்த்து ஒரு டம்ளர் தண்ணீர் சேர்த்து வெல்லம் முழுவதுமாக கரையும் வரை சூடுபடுத்தவும். வெல்லப்பாகு ரெடியாகிக் கொண்டிருக்கும்போதே மிக்ஸியில் தேங்காய்த் துருவல் மற்றும் வறுத்த கசகசாவை சேர்த்து, சிறிது தண்ணீர் விட்டு மைய அரைத்துக் கொள்ள வேண்டும். இந்த அரைத்த விழுதை கொதித்துக் கொண்டிருக்கிற வெல்லப்பாகில் சேர்த்து, நன்றாகக் கிளறவும். பின்னர், மிதமான தீயில் 2-3 நிமிடங்கள் அந்த கலவையை வேகவிடவும். அதன்பின், அந்த கலவையோடு வேகவைத்த கோதுமையைச் சேர்க்கவும். பின்னர் நன்கு கிளறி 5 நிமிடங்கள் வரை வேகவிட்டு, ஏலக்காய்ப் பொடி சேர்த்து நன்கு கிளறவும். பின்னர், நெய்யில் வறுத்த முந்திரி, திராட்சையை வதக்கி அதனுடன் சேர்க்கவும். கடைசியாக அதில் காய்ச்சியப் பாலை சேர்த்து 5 நிமிடம் மிதமான சூட்டில் வைத்து கொதிவிட்டு இறக்கவும். கோதுமை பாயசம் தயார். 
- தவநிதி

]]>
karthigai deepam, karthigai, recipe, food, கார்த்திகை தீபம், அப்பம், ரெசிபி https://images.dinamani.com/uploads/user/imagelibrary/2018/11/22/w600X390/a2.jpg https://www.dinamani.com/lifestyle/lifestyle-food/2018/nov/22/கார்த்திகை-தீபம்-ஸ்பெஷல்-ரெசிபி-பனை-ஓலை-கொழுக்கட்டை-3043703.html
3039275 லைஃப்ஸ்டைல் ரசிக்க... ருசிக்க... உங்கள் உணவில் சுவை இருக்கலாம் அறுசுவை உள்ளதா? DIN DIN Thursday, November 15, 2018 12:54 PM +0530 இனிப்பு: உடம்பு தசையை வளர்க்கும் தன்மை வாய்ந்தது. வாதத்தைக் கூட்டும். கிடைக்கும் உணவுப் பொருட்கள் : பழவகைகள், உருளை, காரட் போன்ற கிழங்கு வகைகள், அரிசி, கோதுமை போன்ற தானியங்கள் மற்றும் கரும்பு போன்ற தண்டு வகைத் தாவரங்களிலும் இனிப்புச் சுவை அதிக அளவில் அடங்கியுள்ளது.

புளிப்பு : ரத்தக் குழாயின் அழுக்கை நீக்கவல்லது. வாதத்தைக் கூட்டும். கிடைக்கும் உணவுப் பொருட்கள் : எலுமிச்சை, புளிச்ச கீரை, இட்லி, தோசை, அரிசி, தக்காளி, புளி, மாங்காய், தயிர், மோர், நார்த்தங்காய் போன்றவற்றில் அதிகம் உள்ளது.

துவர்ப்பு : ரத்தம் வெளியேறாது தடுக்க வல்லது. ரத்தம் உறைவதை கூட்டும் தன்மையுள்ளது. கிடைக்கும் உணவுப் பொருட்கள் : வாழைக்காய், மாதுளை, மாவடு, மஞ்சள், அவரை, அத்திக்காய் போன்ற காய் வகைகளில் அடங்கியுள்ளது.

காரம் : உடலுக்கு உஷ்ணத்தைக் கூட்டும். உணர்ச்சிகளை கூட்டவும், குறைக்கவும் செய்யும். கிடைக்கும் உணவுப் பொருட்கள் : வெங்காயம், மிளகாய், இஞ்சி, பூண்டு, மிளகு, கடுகு ஆகியவற்றில் அதிகப்படியான காரச்சுவை உள்ளது.

கசப்பு: உடம்பிலுள்ள தேவையில்லாத கிருமிகளை அழித்து உடம்பிற்கு சக்தியைக் கூட்டும். சளியைக் கட்டுப்படுத்தும்.  கிடைக்கும் உணவுப் பொருட்கள் : பாகற்காய், சுண்டைக்காய், கத்தரிக்காய், வெந்தயம், பூண்டு, எள், வேப்பம்பூ, ஓமம் போன்றவற்றில் கசப்பு சுவை மிகுதியாய் உள்ளது.

உப்பு: ஞாபகசக்தியை கூட்டும். கூடினால் உடம்பில் வீக்கத்தை ஏற்படுத்தும். கிடைக்கும் உணவுப் பொருட்கள் : கீரைத்தண்டு, வாழைத்தண்டு, முள்ளங்கி, பூசணிக்காய், சுரைக்காய், பீர்க்கங்காய் போன்றவற்றில் அதிகமாய் இருக்கின்றது.

 - பொ.பாலாஜி

]]>
arusuvai, six taste, taste, அறுசுவை, உணவு, சுவை https://images.dinamani.com/uploads/user/imagelibrary/2018/11/14/w600X390/DIFFERENT-FOOD-TASTES.JPG https://www.dinamani.com/lifestyle/lifestyle-food/2018/nov/15/உங்கள்-உணவில்-சுவை-இருக்கலாம்-அறுசுவை-உள்ளதா-3039275.html
3033770 லைஃப்ஸ்டைல் ரசிக்க... ருசிக்க... பட்டாசு வெடிக்கிறீங்களோ இல்லையோ தீபாவளி லேகியம் செய்து சாப்பிட மறக்காதீங்க! கஸ்தூரி ராஜேந்திரன், தேனி. DIN Monday, November 5, 2018 01:16 PM +0530  

முன்பெல்லாம் தீபாவளிக்கு வீட்டுப் பலகாரங்கள் தான் செய்து சாப்பிட்டுக் கொண்டிருந்தோம். ஆனால், இப்போது நகரின் பிரபலமான பட்சணக் கடைகள் அனைத்துமே தீபாவளி ஸ்பெஷல் பட்சணங்கள் செய்து அவற்றைப் பெரும் விளம்பரங்கள் வாயிலாக ஆரவாரமாக விற்பனை செய்யவும் தொடங்கி விட்டதால் தீபாவளிக்கு முதல் நாள் வரை அலுவலகப் பணிகளில் மூழ்கிக் கிடக்கும் இல்லத்தரசிகளில் பலர் மறுநாள் அதிகாலையில் எழுந்து மாங்கு மாங்கென்று பலகாரம் சுட்டுக் கொண்டிருக்க மலைத்துப் போய் பேசாமல் கடைகளில் ஆர்டர் செய்து தாங்களும் ருசித்து அக்கம் பக்கத்து வீடுகளுக்கும் கொடுத்து மகிழ்ந்து கொள்கிறார்கள். பேஷ்...பேஷ் இது நல்ல ஐடியாவா இருக்கே என்று தோன்றினாலும், என்ன இருந்தாலும் கடைகளில் பலகாரம் சுடுபவர்களுக்கு வீட்டு மனிதர்களுக்கு இருக்கும் ஐ மீன் அம்மா, பாட்டிகளுக்கு இருக்கும் ஆரோக்ய மனப்பான்மை இருக்குமா என்பது சந்தேகம் தான் இல்லையா? அதற்காக கடைப் பட்சணங்களை ஒரேயடியாகத் தவிர்த்து விடவும் முடியாதே! அம்மாதிரியான நேரங்களில் நமக்கு ஆபத்பாந்தவனாக கை கொடுப்பவை தான் தீபாவளி லேகியங்கள்.

அதனால்... தீபாவளிக்குப் பட்டாசு வெடிக்கிறீர்களோ இல்லையோ தயவு செய்து லேகியம் செய்து சாப்பிட மட்டும் மறந்து விடாதீர்கள். குறைந்த பட்சம் இதையும் கடைகளில் வாங்கிப் பயன்படுத்துகிறோம் என்று இறங்காமல்.. கூடுமான வரை வீட்டில் தயாரித்து சாப்பிடுங்கள். நல்ல மனம் படைத்தவர்கள் என்றால் உங்கள் நண்பர்களுக்கும் தரலாம்.

தேவையான பொருட்கள்:

ஓமம் - 150 கிராம்
மிளகு - 75 அல்லது 100 கிராம்
கண்டந்திப்பிலி - 10 குச்சி
அரிசி திப்பிலி - 2 டீஸ்பூன் 
சுக்கு - 2 துண்டு (நசுக்கியது)
சித்தரத்தை - அரைத்துண்டு (நசுக்கியது)
கிராம்பு - 10
ஏலக்காய் - 10 
ஜாதிப்பத்திரி - 4 இதழ்கள்
ஜாதிக்காய் - 1 (உடைத்து உள்ளிருக்கும் விதையில் பாதி எடுத்துக் கொள்ளவும்)
வெல்லம் - 1 கப் ( தண்ணீர் விட்டு கொதிக்க வைத்து கல், மணல், தூசு நீக்கி வடிகட்டிக் கொள்ளவும்) கிடைக்கும் பாகு 1 டம்ளர் அளவுக்கு இருக்க வேண்டும்.
நல்லெண்ணெய் - 150 மில்லி
நெய் - 50 மில்லி

செய்முறை:

அடுப்பை ஆன் செய்து... கனமான வாணலியை ஏற்றி அதில் வெறுமே மேற்கண்ட பொருட்களைப் போட்டு வாசம் வரும் வரை நன்றாக வறுத்துக் கொள்ளவும்.

இவற்றில் ஜாதிப்பத்திரி மற்றும் ஏலக்காயை வறுக்கத் தேவையில்லை/ வறுக்காமல் அப்படியே போட்டுக் கொள்ளலாம். ஏலக்காயை கடைசியாக லேகியம் கிளறும் போது சேர்த்தால் போதும், அப்போது தான் வாசமாக இருக்கும்.

பொருட்கள் அனைத்தையும் நன்றாகச் சூடு உரைக்கும் அளவுக்கு வறுத்துக் கொட்டி ஆற விட்டுப் பின் நைஸாக அரைக்கவும். அரைத்தெடுத்த பொடி கொஞ்சம் திப்பித் திப்பியாகத்தான் இருக்கும். அதையும் நன்கு அரைபடச் செய்ய வேண்டுமானால் அரைத்த பொடியை நன்றாகக் கொதிக்க வைத்த வெந்நீர் அரை டம்ளர் ஊற்றி சுமார் இரண்டு மணி நேரத்துக்கு ஊற வைத்து விட வேண்டும். நன்கு ஊறிய பிறகு அரைத்தால் நைஸான பக்குவம் கிடைக்கும். பிறகு மிக்ஸியில் இருப்பதை கனமான இலுப்பைச் சட்டிக்கு மாற்றி விட்டு அடுப்பை சிம்மில் வைத்து நன்கு வேகும் வாசம் வரும் வரை கிளறிக் கொண்டே இருக்க வேண்டும். லேகியம் கிளறுவதில் இது தான் சவாலான விஷயம். கை விடாமல் கிளறிக் கொண்டே இருந்தால் தான் பக்குவம் மாறாமல் லேகியம் கெட்டிப் படாமல் இருக்கும். லேகியம் கெட்டிப் படும் போது முன்னதாக டம்ளரில் எடுத்து வைத்த வெல்லப்பாகுவை அதனுடன் சேர்த்து மீண்டும் கிளறிக் கொண்டே இருக்க வேண்டும். வெல்லப்பாகு நன்கு கலந்து மாவு கெட்டிப்படும் போது நல்லெண்ணெய் சேர்த்துக் கிளறவும். நல்லெண்ணெய் லேகியத்துக்கு தளதளவென்ற மிகச்சிறந்த அமைப்பையும், வடிவத்தையும் தரும். (லேகியம் கிளறும் போது ஒரு விஷயத்தை மறக்காமல் ஞாபகம் வைத்துக் கொள்ள வேண்டும்.
வாணலி நன்கு அகலமான பெரிய வாணலியாக இருக்க வேண்டும். அப்போது தான் எண்ணெய், நெய் விட்டுக் கிளறும் போது அது தெறித்தால் கையில் சிதறாமல் தடுக்க முடியும்.)

சரி, இப்போது நல்லெண்ணெயை அடுத்து நெய் விட்டுக் கிளறலாம். அடுப்பை மீடியம் ஃப்ளேமில் வைத்துக் கொண்டு நிதானமாக நன்கு கிளறிக் கொண்டே இருக்கவும். கொஞ்சம் நேரமாகத்தான் செய்யும். ஆனால் சிரமம் பாராமல் செய்து எடுத்து வைத்துக் கொண்டால் ஒரு மாதம் வரைக்கும் கெட்டுப் போகாது. நீங்கள் எப்போதெல்லாம் அஜீரணமாக உணர்கிறீர்களோ அப்போதெல்லாம் எடுத்து சாப்பிட்டுக் கொள்ள வசதியாக இருக்கும்.

லேகியத்திற்கும் அல்வா பக்குவம் தான். கட்டக் கடைசியாக நெய் பிரிந்து வரும் பக்குவத்தில் அடுப்பை அணைத்து ஆற விடலாம். இப்போது வாணலியில் நெய் அதிகமாக இருப்பது போலத் தோன்றினாலும் பரவாயில்லை அதையும் லேகியத்தை பாட்டிலில் எடுத்து வைக்கும் போது பாட்டிலில் ஊற்றி வைத்துக் கொள்ளுங்கள்... அப்போது தான் லேகியம் பூஞ்சை பிடிக்காமல் இருக்கும். அதோடு அதிகப்படியான நெய் மீந்து விட்டதாக உணர்ந்தால் அவற்றை ஓமம் மற்றும் மிளகுக் குழம்பு வைக்கும் போது இதைப் பயன்படுத்திக் கொள்ளலாம்.

தினமணி வாசகர்கள் அனைவரும்மும் தினமணி.காமின் தீபத்திருநாள் நல்வாழ்த்துகள்!


Photo Courtesy: selliyal.com

]]>
DIWALI LEGHIYAM, DIWALI MEDICINE, HAPPY DIWALI, தீபாவளி லேகியம், தீபாவளி மருந்து, ஹேப்பி தீவாளி, தீபாவளி வாழ்த்துகள் https://images.dinamani.com/uploads/user/imagelibrary/2018/11/5/w600X390/diwali-marunthui.jpg https://www.dinamani.com/lifestyle/lifestyle-food/2018/nov/05/dont-forget-to-taste-diwali-leghiyam-3033770.html
3033243 லைஃப்ஸ்டைல் ரசிக்க... ருசிக்க... தீபாவளி ரெசிபி! ரிப்பன் பக்கோடா (ரிப்பன் முறுக்கு) ஹேமா பாலாஜி DIN Sunday, November 4, 2018 12:48 PM +0530 தேவையான பொருட்கள்:

  1. அரிசி மாவு – 2 கப்
  2. கடலை மாவு – 1 கப்
  3. மிளகாய் தூள் (காரப் பொடி) -3 தேக்கரண்டி
  4. உப்பு – தேவைக்கேற்ப
  5. பெருங்காயத் தூள் – 2 சிட்டிகை
  6. எள் – ½ தேக்கரண்டி
  7. உருக்கிய வெண்ணெய் – 3 தேக்கரண்டி
  8. சூடான எண்ணேய் – 2 தேக்கரண்டி
  9. கடலை எண்ணெய் (அ) ரிஃபைண்ட் எண்ணெய் – பொரிக்கத் தேவையான அளவு
  10. முறுக்கு அச்சு

செய்முறை:

  • வாய் அகண்ட பாத்திரத்தில் அரிசி மாவு, கடலை மாவு, உப்பு, மிளகாய் தூள் மற்றும் பெருங்காயப் பொடி அனைத்தையும் போட்டு நன்றாக கலக்கவும்.
  • பின் உருக்கிய வெண்ணெய் மற்றும் சூடான எண்ணெயை பரவலாக விட்டு பிசிறவும்.
  • தேவையான தண்ணீர் சேர்த்து பிசைந்து வைக்கவும். நீரை மொத்தமாக விடாமல் தேவைக்கு ஏற்ப அவ்வப்போது சிறிது சிறிதாக சேர்த்து மாவை பிசையவும்.
  • மிருதுவான பதத்தில் மாவை பிசைந்து வைக்கவும்.
  • மாவை சிறு நீள் வட்ட உருண்டைகளாக செய்து முறுக்கு அச்சில் நிரப்பவும்.
  • எண்ணெயை கடாயில் நன்கு சுடும் வரை காய வைக்கவும்.
  • எண்ணெய் நன்றாக சுட்டதும் மாவில் இருந்து சிறு அளவைக் கிள்ளி எடுத்து போட்டுப் பார்க்கவும். மாவு சட்டென்று மேலே வந்து வேக ஆரம்பித்தால் எண்ணெய் சரியான சூட்டில் உள்ளது என்பதை அறிந்து கொள்ளலாம்.
  • பின் அச்சிலிருக்கும் மாவை எண்ணெயில் வட்ட வடிவில் பிழியவும்.
  • சத்தம் அடங்கியதும் அடுத்த பக்கம் திருப்பிப் போடவும். மிகவும் சிவக்காமல் பக்குவம் பார்த்து முறுக்கை பொரித்து எடுக்கவும்.

குறிப்புகள்:

  • கடலை மாவும் அரிசி மாவும் தரமானதாக இருத்தல் அவசியம்.
  • தரமற்ற மாவினால் செய்யபடும் முறுக்கு உடைந்தும், சிவந்தும் ருசியில் குறைந்தும் இருக்கும்.
  • வெண்ணெய் மற்றும் சூடான எண்ணெய் கலப்பது, முறுக்கை மிருந்துவாகவும் கரகரப்பாகவும் வாயில் போட்டவுடன் கரையும் ருசியுடன் இருக்க உதவும்.
  • எண்ணெயை நல்ல சூடான நிலையிலேயே வைத்திருந்து பக்கோடாக்களை பிழியவும். மிக மிதமான சூட்டிலோ அ மிதமான சூட்டிலோ அடுப்பை வைத்திருந்தால் முறுக்கு அதிக எண்ணெயை இழுத்துக் கொள்ளும்.
  • அதிக அளவு செய்வதாய் இருந்தால், மொத்த மாவையும் ஒரேடியாக பிசைந்து வைக்காமல், பகுதிகளாக பிரித்துக் கொண்டு செய்யவும். பிசைந்த மாவை அதிக நேரம் வைத்திருந்தால் முறுக்குகள் சிவந்தும் சுவை குறைவாகவும் மாறிவிடும்.  
]]>
nada pakoda, ribbon pakoda, ரிப்பன் பக்கோடா, அரிசி மாவு https://images.dinamani.com/uploads/user/imagelibrary/2018/11/4/w600X390/maxresdefault.jpg https://www.dinamani.com/lifestyle/lifestyle-food/2018/nov/04/தீபாவளி-ரெசிபி-ரிப்பன்-பக்கோடா-ரிப்பன்-முறுக்கு-3033243.html
3033242 லைஃப்ஸ்டைல் ரசிக்க... ருசிக்க... தீபாவளி ரெசிபி! ரசகுல்லா ஹேமா பாலாஜி DIN Sunday, November 4, 2018 12:31 PM +0530 தேவையான பொருட்கள்:

  1. பால் -1/2 லி
  2. எலுமிச்சை சாறு- 2 தேக்கரண்டி(அ) தயிர் – ¼ கப்
  3. சர்க்கரை – ¾ கப்
  4. தண்ணீர் – 2-/12 கப்
  5. ஏலக்காய் – 2
  6. குங்குமபூ – 2
  7. ஐஸ் கட்டிகள் - 4 அ 5

செய்முறை:

  • அடி கனமான பாத்திரத்தில் பாலை நீர் சேர்க்காமல் ஊற்றி காய்ச்சவும்.
  • பாலை நன்கு கொதிக்க வைக்கவும். நடு நடுவே கரண்டியினால் ஏடு படியாதவாறு கலக்கி விட்டுக் கொண்டே இருக்கவும். பால் நன்கு கொதித்தவுடன் அதில் எலுமிச்சை சாறு (அ) தயிரை சேர்க்கவும்.
  • பால் திரிந்து நீர் தணியாகவும் பனீர் தனியாகவும் மாற ஆரம்பிக்கும்.
  • இந்த நிலையில் ஐஸ் கட்டிகளை பாலில் சேர்க்கவும். இது மேலும் பனீர் மேலும் வேகாமல் தடுக்க உதவும்.
  • பின் வடிகட்டியின் மேல் மஸ்லின் துணியையோ (அ) மெலிதான காட்டன் துணியையோ போட்டு வடிகட்ட வேண்டும்.
  • வடிகட்டிய பனீரை ஓடும் நீரில் நன்கு அலசவும். இவ்வாறு செய்வது எலுமிச்சை (அ) தயிரின் புளித்த சுவையை நீக்கும்.
  • பின் ஈரத்தை பிழிந்து துணியுடன் மூட்டையாகக் கட்டி 20 நிமிடங்கள் மூடி வைத்துவிடவும்.
  • நீர் முற்றிலும் நீங்கி பனீர் மட்டும் எஞ்சி இருக்கும்.
  • அதை சுமார் 10 ல் இருந்து 15 நிமிடங்கள் வரை கையினால் நன்றாக பிசைந்து வைக்கவும்.
  • சிறு சிறு உருண்டைகளாக உருட்டி வைக்கவும்.
  • அகண்ட மூடியுள்ள பாத்திரத்தில் தண்ணீர் சேர்த்து சர்க்கரையை போட்டு கரையும் வரை கொதிக்க வைக்கவும்.
  • அடுப்பை மிதமான சூட்டில் வைத்து நீரை கொதிக்க விடவும். இரண்டு ஏலக்காய்களை முழுதாக நீரில் சேர்த்துவிடவும்.
  • கொதிக்கும் நீரில் ஒவ்வொன்றாக பனீர் உருண்டைகளை போட்டு தட்டால் மூடிவிடவும். பனீர் உருண்டைகளை போடும் முன் ஏலக்காய்களை எடுத்துவிடவும். ஏலக்காயின் மணமும் ருசியும் நீரில் கலந்து விட்டிருக்கும்.
  • கடைசி வரை தீ சீரான, மிதமான சூட்டில் இருக்கும் படி பார்த்துக் கொள்ளவும்.
  • சுமார் 10 ல் இருந்து 15 நிமிடங்கள் வரை சீரான சூட்டில் சர்க்கரை நீர் பனீர் உருண்டைகளுடன் கொதிக்க வேண்டும்.
  • நடு நடுவே இரண்டு மூன்று முறை மட்டும் மிருதுவாக உருண்டைகளை கலக்கி விடவும்.
  • பின் அடுப்பிலிருந்து இறக்கி நன்றாக ஆறும் வரை மூடியே வைத்திருக்கவும்.
  • இப்போது மிருதுவான ரசகுல்லா ரெடி. பாத்திரத்தில் இருந்து கப்பில் ஒவ்வொன்றாக எடுத்து வைத்து, ஜீரா நீரையும் ஊற்றி, மேலே குங்குமப் பூ ஒன்றிரண்டாக தூவி அலங்கரிக்கவும்.
  • ரசகுல்லாவை ஆறிய நிலையிலோ அல்லது ஃப்ரிட்ஜில் வைத்து குளிர்ச்சியாகவோ சாப்பிடலாம்.

குறிப்புகள்

  • பனீரை நன்கு பிசைய வேண்டும். பிசையும் தன்மையைப் பொறுத்தே ரசகுல்லாவின் மிருதுத் தன்மை இருக்கும்.
  • பனீரை ஓடும் நீரில் நன்றாக அலசிய பின்பே மூட்டையாகக் கட்டி தொங்க விட வேண்டும். இல்லை என்றால் எலுமிச்சையின் புளிப்பு சுவை அதில் தங்கி ரசகுல்லாவும் புளிப்பு சுவையுடன் இருக்கும்.
  • வாய் அகண்ட பெரிய பாத்திரத்தை உபயோகப் படுத்தவும். கொதிக்கும் போதே பனீர் உருண்டைகள் இரட்டிப்பாக (பெரிதாக) ஆகும்.
  • ரசகுல்லா கொதிக்கும் போது அடிக்கடி மூடியை திறந்து பார்க்கக் கூடாது. அப்படிச் செய்யும் போது சூட்டில் சமநிலை மாறி ரசகுல்லா உருண்டைகள் ரப்பர் போல் மாறிவிடும் வாய்ப்பு உள்ளது. குறிப்பிட்ட நேரம் தவிர நீண்ட நேரமும் கொதிக்க விடக் கூடாது.
  • அடுப்பின் தீயை மிக சன்னமாகவோ அல்லது மிக அதிகமாகவோ வைத்து கொதிக்க விடக் கூடாது. மிதமான தீயிலேயே கடைசி வரை வைத்திருப்பது மிக முக்கியம்.
  • பாத்திரம் முழுவதும் உருண்டைகளை போட்டு நிரப்பாமல் அவை வேகும் அளவு தேவையான இடம் கொடுக்கவும்.
  • அடுப்பில் இருந்து இறக்கியவுடன் ஆறும் வரை மூடியே வைத்திருக்கவும். அடிக்கடி திறந்து பார்த்தாலோ (அ) திறந்தே வைத்து ஆறவைத்தாலோ உருண்டைகள் தட்டையாகவோ ரப்பர் போலோ ஆகிவிடும்.​
]]>
milk, பால், இனிப்பு, Sweet, Rasagulla, ரசகுல்லா https://images.dinamani.com/uploads/user/imagelibrary/2018/11/4/w600X390/rasgulla-recipe_620x330_51508133855.jpg https://www.dinamani.com/lifestyle/lifestyle-food/2018/nov/04/தீபாவளி-ரெசிபி-ரசகுல்லா-3033242.html
3019032 லைஃப்ஸ்டைல் ரசிக்க... ருசிக்க... விதவிதமான ருசிகரமான சுண்டல்கள்! நவராத்திரி ஸ்பெஷல் DIN DIN Friday, October 12, 2018 05:44 PM +0530 ஜவ்வரிசி சுண்டல்

தேவையானவை: 
ஜவ்வரிசி - 1 கிண்ணம்
கடுகு - 1 தேக்கரண்டி
பெருங்காயம் - 1 தேக்கரண்டி
தேங்காய்த் துருவல் - அரை கிண்ணம்
பாசிபருப்பு - 1 கிண்ணம்
மஞ்சள் தூள் - 1 தேக்கரண்டி
கறிவேப்பிலை - 1 ஈர்க்கு
எண்ணெய் - 1தேக்கரண்டி
மிளகாய் வற்றல் - 4
எலுமிச்சைச் சாறு - 1 தேக்கரண்டி


செய்முறை: ஜவ்வரிசியை லேசாக வறுத்து இரண்டு பங்கு வெந்நீர் ஊற்றி ஊறவிடவும். ஒரு மணி நேரம் கழித்து நீரை வடித்து எடுத்து தனியாக வைத்துக் கொள்ளவும். பாசி பருப்பையும் நன்கு ஊற வைத்து எடுத்து கொள்ளவும். பின்னர், வாணலியில் எண்ணெய் விட்டு காய்ந்ததும், கடுகு தாளிக்கவும். பின்னர், பெருங்காயம், கறிவேப்பிலை, மிளகாய் வற்றல், மஞ்சள் தூள் சேர்க்கவும். அத்துடன் ஊற வைத்த பாசிப்பருப்பு, ஜவ்வரிசியை சேர்த்து கிளறவும். பின்னர், அத்துடன் உப்பு, தேங்காய்த்துருவல் சேர்த்து கிளறவும். பின்னர், எலுமிச்சைச் சாறு விட்டு கிளறி இறக்கவும். சுவையான ஜவ்வரிசி சுண்டல் தயார். 

பயறு சுண்டல் 

தேவையானவை :
பச்சைப் பயறு - கால் கிலோ
பச்சை மிளகாய் - 2
இஞ்சி - சிறிய துண்டு
தேங்காய்த் துருவல் - சிறிதளவு
உப்பு - தேவையான அளவு
எலுமிச்சைச் சாறு (விரும்பினால்)
தாளிக்க:
எண்ணெய் - 2 தேக்கரண்டி
கடுகு - 1 தேக்கரண்டி
மிளகாய் வற்றல் - 4
உளுத்தம் பருப்பு - 1தேக்கரண்டி
பெருங்காயம் - 1சிட்டிகை
கறிவேப்பிலை- சிறது
செய்முறை: பச்சைப் பயறை இரவில் ஊற வைத்து காலையில் காட்டன் துணியில் முடிந்து வைத்துவிட்டால் மாலை அதில் முளை வந்திருக்கும். அதனை குக்கரில் போட்டு 2 விசில் விட்டு எடுக்கவும். பின்னர், வாணலியில் எண்ணெய்விட்டு தாளிக்க கொடுத்துள்ளவற்றை தாளித்து, அத்துடன் பச்சை மிளகாய், இஞ்சித் துண்டு சேர்த்து வதக்கவும். பின்னர், வேக வைத்த பயறு, உப்பு சேர்த்து கிளறவும். பின்னர், தேங்காய்த் துருவல் சேர்த்து கிளறி இறக்கவும். சுவையான சத்துமிகுந்த பயறு சுண்டல் தயார். 

தேங்காய் மாங்காய் பட்டாணி சுண்டல்

தேவையானவை:
காய்ந்த பட்டாணி - ஒரு கிண்ணம்
பொடியாக நறுக்கிய மாங்காய்த் துண்டுகள் - 1 கிண்ணம்
பொடியாக நறுக்கிய பச்சை மிளகாய் - ஒன்று 
தாளிக்க:
கடுகு- 1 தேக்கரண்டி
உளுத்தம்பருப்பு - 1 தேக்கரண்டி
சீரகம் - அரை தேக்கரண்டி
இஞ்சித் துருவல் - சிறிது
பெருங்காயத்தூள் - கால் தேக்கரண்டி
கறிவேப்பிலை - சிறிதளவு
தேங்காய்த் துருவல் - அரை கிண்ணம்
உப்பு, எண்ணெய் - தேவையான அளவு.
செய்முறை: பட்டாணியை ஊற வைத்து, வேக வைக்கவும். வாணலியில் எண்ணெய்யைச் சூடாக்கி, கடுகு, உளுத்தம்பருப்பு, சீரகம், கறிவேப்பிலை, பெருங்காயத்தூள், பச்சை மிளகாய் , இஞ்சித் துருவல், மாங்காய்த் துண்டுகள் சேர்த்து தாளிக்கவும். வெந்த பட்டாணி, உப்பு சேர்த்து நன்கு கலந்து, தேங்காய்த் துருவல் சேர்த்து கிளறி இறக்கவும். சுவையான தேங்காய் மாங்காய் பட்டாணி சுண்டல் தயார். 

காராமணி இனிப்பு சுண்டல்

தேவையானவை:
காராமணி - ஒரு கிண்ணம்
வெல்லம் - அரை கிண்ணம்
நெய் - 2 தேக்கரண்டி
ஏலக்காய்த்தூள் - கால் தேக்கரண்டி
தேங்காய்த் துருவல் - 3 தேக்கரண்டி
செய்முறை: காராமணியை 6 மணி நேரம் ஊறவிட்டு, வேகவிட்டு எடுக்கவும்.
வெல்லத்தைக் கரைத்து, வடிகட்டி கெட்டிப்பாகு காய்ச்சவும். வாணலியில் நெய்யைச் சூடாக்கி, காராமணியைச் சேர்க்கவும். கூடவே, காய்ச்சிய வெல்லப்பாகு, ஏலக்காய்த்தூள் சேர்த்துக் கிளறவும். இறக்குவதற்கு முன் தேங்காய்த் துருவல் தூவி இறக்கவும். குழந்தைகளுக்கு மிகவும் பிடித்தமான சுண்டல் இது.

சோயாபீன்ஸ் மசாலா சுண்டல்

தேவையானவை:
வெள்ளை சோயா பீன்ஸ் - ஒரு கிண்ணம்
இஞ்சி, பூண்டு விழுது - ஒரு தேக்கரண்டி
பட்டை - சிறிய துண்டு
கிராம்பு, ஏலக்காய் - தலா ஒன்று
மிளகாய்த்தூள் - ஒரு தேக்கரண்டி
தனியாத்தூள் - அரை தேக்கரண்டி
கறிவேப்பிலை, புதினா - சிறிதளவு
தேங்காய்த் துருவல் - 2 தேக்கரண்டி 
உப்பு, எண்ணெய் - தேவையான அளவு.
செய்முறை: சோயா பீன்ûஸ முதல் நாளே ஊற வைக்கவும். மறுநாள் குக்கரில் வேக வைக்கவும். வாணலியில் எண்ணெய்யைச் சூடாக்கி, பட்டை, ஏலக்காய், கிராம்பு தாளித்து... கறிவேப்பிலை, இஞ்சி - பூண்டு விழுது சேர்த்து வதக்கவும். வேக வைத்த சோயா பீன்ஸ், மிளகாய்த்தூள், தனியாத்தூள், உப்பு சேர்த்துக் கலந்து சிறிதளவு தண்ணீர் சேர்த்துக் கலக்கவும். மசாலா நன்கு கலந்தவுடன் புதினா, தேங்காய்த் துருவல் சேர்த்துக் கிளறினால், சத்துமிக்க சோயா பீன்ஸ் மசாலா சுண்டல் ரெடி.
- தவநிதி

]]>
sundal, navaratri, சுண்டல், நவராத்ரி, ஜவ்வரிசி சுண்டல் https://images.dinamani.com/uploads/user/imagelibrary/2018/10/10/w600X390/a3.jpg https://www.dinamani.com/lifestyle/lifestyle-food/2018/oct/12/tasty-and-spicy-sundal-3019032.html
3013177 லைஃப்ஸ்டைல் ரசிக்க... ருசிக்க... தோசை, அப்பளம், பூரி மீந்து போனால் மறுநாள் அதை சாப்பிடத் தகுந்ததாக மாற்ற சூப்பர் டிப்ஸ்! கஸ்தூரி ராஜேந்திரன், தேனி. DIN Wednesday, October 3, 2018 06:05 PM +0530  

இட்லி மீந்து போனால் அதை இட்லி உப்புமாவாகச் செய்து சாப்பிடலாம். இந்த கான்செப்ட் பல நூற்றாண்டுகளாக வழக்கத்தில் இருந்தாலும் கூட சூர்ய வம்சம் படத்தில் தேவயானி வந்து தான் பலருக்கு இட்லி உப்புமா செய்யக் கற்றுக் கொடுத்ததாக சிலர் நினைத்துக் கொண்டிருக்கிறார்கள். அது உண்மைக்குப் புறம்பான செய்தி. ஏனெனில் உப்புமா என்ற வஸ்து சாதவாகனர்கள் காலத்தில் இருந்தே இந்துஸ்தானத்தில் புழக்கத்தில் இருக்கிறது என்பதற்குச் சரித்திரச் சான்றுகள் கூட உண்டு. சரி அந்தக் கதை இப்போது வேண்டியதில்லை. அட உலகமே ஒரு குளோபல் வில்லேஜ் ஆனபிறகும் மீந்த இட்லியை வைத்து இட்லி உப்புமா தான் செய்து சாப்பிட்டாக வேண்டுமா? இட்லி உப்புமாவெல்லாம் ஓல்ட் ஃபேஷன் என்று நினைப்பவர்கள் இட்லி மஞ்சூரியன் செய்தோ, அல்லது இட்லி 65  செய்தோ சாப்பிடலாம். அட... இதெல்லாம் நாங்கள் ஏற்கனவே செய்து சாப்பிட்டுக் கொண்டிருப்பது தானே? இதை நீங்கள் வேறு சொல்ல வேண்டுமா? என்கிறீர்களா? 

இல்லை... இப்போது நாங்கள் பேசவிருப்பது மீந்து போன தோசையைப் பற்றி!

தோசை மீந்து போனால் நாம் என்ன செய்வோம்?

இட்லியையாவது உப்புமா, மஞ்சூரியன், இட்லி 65 என்று பலவிதங்களில் உருமாற்றி உள்ளே தள்ளலாம். ஆனால் தோசையை இப்படியெல்லாம் செய்தால் அது காய்ந்து வறவறப்பாகி தொண்டையைப் பதம் பார்த்து விடுமே! ஸோ... நோ... சான்ஸ். தோசை மீந்தால் அதை அப்படியே நாய்க்கோ, காக்கா, குருவிக்கோ வைக்க வேண்டியது தான். இதில் என்ன வருத்தம் என்றால்... சில நேரங்களில் காய்ந்த தோசையை காக்கா, குருவிகள் கூடத் தீண்டுவதில்லை என்பது தான் வருத்தமான விஷயம்.

சரி அப்போ காய்ந்த தோசை வேஸ்ட் தானா என்றால்... இல்லை.. அதையும் மீண்டும் சாப்பிடத்தக்க வகையில் மாற்றலாம். அது எப்படி என்பதற்கான டிப்ஸைத்தான் இப்போது நாங்கள் சொல்லப் போகிறோம்.

தோசையை சுடச்சுட சாப்பிடுவதாக இருந்தால் மட்டுமே கிறிஸ்பியாக மெலிதாக ஊற்ற வேண்டும். ஒருவேளை தோசை மீந்து விட சான்ஸ் இருக்கிறது என்று முன்கூட்டியே உங்களால் கணிக்க முடிந்தால் ஸ்பெஷல் தோசை, ரோஸ்ட் எல்லாம் வேலைக்காகாது. தோசைகளை மெல்லிய ஊத்தாப்பங்களாகவோ அல்லது கல் தோசைகளாகவோ ஊற்றி வைத்துக் கொள்ள வேண்டும். இப்போது சாப்பிட்ட பிறகு மீந்து போன தோசைகளை ஹாட்பாகில் எடுத்து வைத்துக் கொண்டு மறுநாள் மீண்டும் தோசைக்கல்லில் சிறிது எண்ணெய் தடவி சூடு செய்து இறுக மூடிய பாத்திரத்தில் 10 நிமிடங்கள் ஆவி கட்டி பிறகு வெளியில் எடுத்தால் தோசை சாஃப்டாக இருக்கும். இப்போது அதை சாம்பாரிலோ, சட்னியிலோ முழுக்காட்டிச் சாப்பிடும் போது அது நிச்சயம் தொண்டையை அறுக்காது. டேஸ்டாகவுமிருக்கும். மொத்தத்தில் தோசை வீணாகாது. அது தானே நமக்கு வேணும்.

இதை மற்றொரு முறையிலும் செயல்படுத்திப் பார்க்கலாம். பழைய காலத்தில் கம்பு மற்றும் கேழ்வரகு மாவில் தோசைகளை சுட்டு அடுக்கும் போது சுடச்சுடச் சுட்டு ஈரத்துணியில் அடுக்குவார்கள். அந்த தோசைகளை மறுநாளும் வைத்து உண்ணும் வழக்கம் அப்போது இருந்திருக்கிறது. இப்போது அந்த வழக்கமெல்லாம் மறைந்து விட்டாலும் மீந்து போன தோசையை மீண்டும் பயன்படுத்த இது ஒன்று தான் அன்றும் இன்றும் எளிமையான டிப்ஸ்.

சரி இப்போது அப்பளம் மீந்து போனால் அதை வைத்துக் கொண்டு என்ன செய்வது?

நமுத்துப் போன அப்பளங்களை சிறு துண்டுகளாக நறுக்கிக் கொண்டு அவற்றுடன் ஒரு டேபிள் ஸ்பூன் துறுவிய தேங்காய், ஒரு கைப்பிடி கறிவேப்பிலை, ஒரு சிறு துண்டு இஞ்சி, மினி சைஸ் கோலிக்குண்டு அளவு புளி, 3 பச்சை மிளகாய் பிளஸ் உப்பு சேர்த்து மிக்ஸியில் அரைத்து வைத்துக் கொண்டால் சூப்பரான அப்பளத் துவையல் ரெடி. இதை இட்லி, தோசை, தயிர்ச்சாதம் என்று எல்லாவற்றுக்குமே தொட்டுக் கொண்டு சாப்பிடலாம். 

சரி அப்பளத்தை இப்படி செய்து ஒப்பேற்றி விடலாம். சரி பூரி மீந்து போனால் என்ன செய்வது? பூரியை மடித்து அதில் இனிப்பு போளிக்காக தயார் செய்வோமே அந்தப் பூரணத்தை வைத்து (கடலைப்பருப்பு + வெல்லம் + ஏலக்காய் சேர்த்து மசித்தது) டூத் பிக்கால் குத்தி மூடி தோசைக்கல் அல்லது அவனில் வைத்து சூடேற்றிச் சாப்பிட்டால் செம டேஸ்டாக இருக்கும்.

இந்த மூன்று டிப்ஸையும் ஃபாலோ செய்து பாருங்கள். உங்களுக்கு பயனுள்ளதாக இருந்ததா? இல்லையா? என்று கமெண்ட்டில் எங்களுக்குத் தெரிவியுங்கள்.
 

]]>
dosai, இட்லி, தோசை, பூரி, கிச்சன் டிப்ஸ், குக்கிங் டிப்ஸ், kitchen tips, cooking tips, idly, poori, appaLam, pappad, அப்பளம் https://images.dinamani.com/uploads/user/imagelibrary/2018/10/3/w600X390/crispy_dosai.jpg https://www.dinamani.com/lifestyle/lifestyle-food/2018/oct/03/தோசை-அப்பளம்-பூரி-மீந்து-போனால்-மறுநாள்-அதை-சாப்பிடத்-தகுந்ததாக-மாற்ற-சூப்பர்-டிப்ஸ்-3013177.html
2988723 லைஃப்ஸ்டைல் ரசிக்க... ருசிக்க... கண்ணிமைக்கும் நேரத்தில் தயார்... ஸ்பானிஷ் ஸ்பெஷல் ஸ்டார்ட்டர் ‘பட்டடாஸ் பிரவாஸ்’ கஸ்தூரி ராஜேந்திரன், தேனி. DIN Tuesday, August 28, 2018 11:40 AM +0530  

குழந்தைகள் பள்ளி விட்டு வீடு திரும்பும் நேரத்தில், தினம், தினம்  புதிது புதிதாக அவர்களுக்கு எதைத்தான் சமைத்துக் கொடுப்பது? என்று பெரும்பாலான அம்மாக்களுக்கு குழப்பம் இருக்கலாம். காரணம் நம் குழந்தைகளின் சலிப்பு... என்னம்மா இது? எப்போப்பார் ஒரே மாதிரி முறுக்கு, சீடை, வடை, அதிரசம், இப்படியே செய்து வைக்கறீங்க. என் ஃப்ரெண்டோட அம்மா அவளுக்கு இத்தாலியன், ஸ்பானிஷ், சைனீஸ் ஐட்டமெல்லாம் செஞ்சு கொடுத்து அசத்தறாங்க தெரியுமா? எனக்கும் அதெல்லாம் சாப்பிடனும்னு ஆசையா இருக்கும்மா... எங்கம்மாவுக்கும் அதெல்லாம் செய்யத் தெரியும்னு காட்டனும்னு ஆசையா இருக்கும்மா, என்று மகனோ, மகளோ முகவாயைப் பிடித்து கெஞ்சிக் கொஞ்சும் போது நமக்குள்ளும் ஒரு புது உத்வேகம் வரத்தான் செய்கிறது புதிது, புதிதாய் சமைத்து அசத்த. இதோ அப்படியான ஐட்டங்களில் ஒன்று தான் இந்த ஸ்பானிஷ் ஸ்பெஷல் ஸ்டார்ட்டர் ‘பட்டடாஸ் பிரவாஸ்’ சமைக்கறது ரொம்ப ஈஸி. செய்து பாருங்களேன்.

தேவையான பொருட்கள்:

  • மீடியம் சைஸ் உருளைக் கிழங்குகள் - 6
  • சில்லி சாஸ் - தேவையான அளவு
  • மயோனைஸ் சாஸ் - தேவையான அளவு
  • கறிவேப்பிலை அல்லது புதினா ஃபிளேக்ஸ் - 1 டீஸ்பூன்
  • உப்பு - தேவையான அளவு
  • சமையல் எண்ணெய் - பொரிக்கத் தேவையான அளவு

செய்முறை: 

முதலில் உருளைக் கிழங்குகளை நன்கு கழுவித் துடைத்து விட்டு அவற்றின் மேற்புறத்தையும், கீழ்புறத்தையும் வெட்டி நீக்கி விட்டோமென்றால் ஒரு ஒழுங்கான உருளை வடிவம் கிடைக்கும்.  . இப்போது அதன் தோலை நீக்கி விட்டு கிழங்குகளின் மேற்புறத்தில் அச்சுகளைப் பயன்படுத்தி குழி இடவும். பின்பு வாணலியில் எண்ணெய் காய வைத்து பொன்னிறத்தில் பொரித்தெடுக்கவும். உருளைக் கிழங்குகளைப் பொரித்து எடுத்ததும் சூடு ஆறும் முன் அதன் மேற்புறம் உள்ள குழியில் 1/4 டீஸ்பூன் சில்லி சாஸ் அதன் மேல் 2 டீஸ்பூன் மயோனைஸ் சாஸ் சேர்த்து டாப்பிங் செய்து அதன் மேல் கறிவேப்பிலை அல்லது புதினா ஃப்ளேக்ஸ் தூவிப் பரிமாறவும். இது தான் ஸ்பானிஷ் ஸ்பெஷல் ஸ்டார்ட்டர் ‘பட்டடாஸ் பிரவாஸ்’ செய்யும் முறை. சூடாகச் சாப்பிடும் போது நன்கு மொறுமொறுவென இருக்கும் இதன் சுவை குழந்தைகளுக்கு நிச்சயம் பிடிக்கும்.


மயோனைஸ் சாஸ் வீட்டில் தயாரிப்பது எப்படி?

தேவையான பொருட்கள்:

  • முட்டைகள் - 2
  • சமையல் எண்ணெய் - 1/4 லிட்டர்
  • மிளகுத்தூள் - 1 சிட்டிகை
  • உப்பு - தேவையான அளவு
  • சர்க்கரை - 1 டேபிள் ஸ்பூன்
  • கடுகுத் தூள் - 1 டீஸ்பூன்
  • எலுமிச்சைச் சாறு - அரைமூடிப் பழம் பிழிந்தது

செய்முறை: 

வீட்டு மிக்ஸியில் முதலில் முட்டைகளை உடைத்து ஊற்றி 2 நிமிடம் சுற்ற விட்டு நன்கு கலந்து கொள்ளவும். பின் அதனுடன் 1 டீஸ்பூன் உப்பு, 1 டேபிள் ஸ்பூன் சர்க்கரை, 1 டீஸ்பூன் கடுகுத் தூள், 1 சிட்டிகை மிளகுத்தூள் சேர்த்து மீண்டும் மிக்ஸியில் நன்கு அடிக்கவும். பிறகு எடுத்து வைத்துள்ள எலுமிச்சைச் சாறு சேர்த்து மெதுவாக இருமுறை மிக்ஸியைச் சுற்ற விட்டு நிறுத்தவும். இப்போது எண்ணெய் சேர்க்கும் நேரம். எண்ணெயை அப்படியே மொத்தமாகச் சேர்க்க முடியாது. சிறிது, சிறிதாக மிதமான வேகத்தில் மிக்ஸியைச் சுற்ற விட்டு நான்கைந்து தவணைகளில் எண்ணெய் சேர்த்துச் சேர்த்து மிக்ஸியைச் சுற்ற விட்டு எடுத்தால் திக்கான எக் மயோனைஸ் தயார். உணவகங்களில் நாம் ரசித்து உண்ணும் மயோனைஸ் சாஸ் இப்படித்தான் தயாரிக்கப்படுகிறது. நாம் வீட்டிலும் அதைத் தயாரிக்க முடியும். 

ஸ்பானிஷ் பட்டடாஸ் பிரவாஸ்க்கு மிகச்சிறந்த டாப்பிங் கார்லிக் மயோனைஸ் என்கிறார்கள்.

நீங்கள் உங்களுக்குப் பிடித்த எந்த ஃப்ளேவரிலும் மயோனைஸ் தயாரிக்கலாம்.

அவ்ளோ தாங்க  ‘பட்டடாஸ் பிரவாஸ்’... செய்து ருசிச்சிட்டு உங்கள் ருசி அனுபவத்தை dinamani.readers@gmail.com என்ற மின்னஞ்சல் முகவரியில் எங்களுக்கு எழுதுங்க.

]]>
பட்டடாஸ் பிரவாஸ், ஸ்பானிஷ் ஸ்பெஷல் ஸ்டார்ட்டர், லைஃப்ஸ்டைல் ரசிக்க ருசிக்க, spanish special starter, pattatas biravaS, https://images.dinamani.com/uploads/user/imagelibrary/2018/8/28/w600X390/patata-new.jpg https://www.dinamani.com/lifestyle/lifestyle-food/2018/aug/28/கண்ணிமைக்கும்-நேரத்தில்-தயார்-ஸ்பானிஷ்-ஸ்பெஷல்-ஸ்டார்ட்டர்-பட்டடாஸ்-பிரவாஸ்-2988723.html
2987448 லைஃப்ஸ்டைல் ரசிக்க... ருசிக்க... டேஸ்டி ஸ்பைஸி கோதுமை ரவை பொங்கல்! - கிரிஜா ராகவன் DIN Saturday, August 25, 2018 03:14 PM +0530  

தேவையானவை :
கோதுமை  ரவை -1கிண்ணம் 
பாசிப்பருப்பு -3/4 கிண்ணம்
துருவிய  இஞ்சி - 1/4 கிண்ணம்
நறுக்கிய பச்சைமிளகாய் - 1
உப்பு - தேவையான  அளவு
தாளிக்க:
மிளகு,சீரகம் - 1 தேக்கரண்டி
நெய் -1/2கிண்ணம்
கறிவேப்பிலை - சிறிதளவு
பெருங்காயப்பொடி - 1தேக்கரண்டி 
மிளகு, சீரகப் பொடி- 1தேக்கரண்டி
 

செய்முறை:  

கோதுமை ரவை, பாசிப் பருப்பு இரண்டையும், உப்பு சேர்த்து ஒன்றாக வேக வைக்கவும்.  நன்கு, வெந்த பிறகு  இறக்கி ஒரு பாத்திரத்தில் மாற்றிக் கொள்ளவும். பின்னர்,  ஒரு வாணலியில்  நெய்விட்டு, மிளகு சீரகம், பொடியாக நறுக்கிய இஞ்சி, பச்சை மிளகாய்,  கறிவேப்பிலை, பெருங்காயப் பொடி தாளித்து பொங்கலுடன் சேர்த்து   நன்கு கிளறவும்.  சுவையான கோதுமை ரவை பொங்கல் தயார்.

]]>
பொங்கல், recipe, pongal, wheat pongal, கோதுமை ரவை பொங்கல், சுவையான ரெசிபி https://images.dinamani.com/uploads/user/imagelibrary/2018/8/25/w600X390/pongal.jpg https://www.dinamani.com/lifestyle/lifestyle-food/2018/aug/25/டேஸ்டி-ஸ்பைஸி-கோதுமை-ரவை-பொங்கல்-2987448.html
2967567 லைஃப்ஸ்டைல் ரசிக்க... ருசிக்க... ஒரியா ஸ்பெஷல் ‘சென்ன போடா’ மில்க் கேக் ரெஸிப்பி! கஸ்தூரி ராஜேந்திரன், தேனி. DIN Wednesday, July 25, 2018 12:05 PM +0530  

நம் தேன் தமிழ்நாட்டில் ஸ்னாக்ஸ் வெரைட்டிகளுக்குப் பஞ்சமே இல்லை. ஆனால், அதையே தொடர்ந்து ருசிப்பதைக் காட்டிலும் நமது அண்டை மாநிலங்களிலும் என்னென்ன விதமான ஸ்பெஷல் ஸ்வீட்ஸ் அண்ட் ஸ்னாக்ஸ் ரெஸிப்பிகள் இருக்கின்றன என்று தெரிந்து வைத்துக் கொண்டு அவ்வப்போது அதை செய்து கொடுத்தோமானால் குழந்தைகள் பெருமையாக அவற்றைப் பள்ளியில் தங்களது நண்பர்களுடன் சேர்ந்து உண்பார்கள். இல்லையேல் ‘அட இன்னைக்கும் அதே ஸ்னாக்ஸ் தானா? உங்களுக்கு வேறெதுவும் செய்யவே தெரியாதாம்மா?! ச்சே சுத்த போர்’ எனும் முணுமுணுப்புகளைக் கேட்க வேண்டியிருக்கும். சும்மா ஒரு சேஞ்சுக்கு இப்படிப் பட்ட ஈஸியான ரெஸிப்பிகளையும் தெரிந்து வைத்துக் கொண்டு சமைத்துக் கொடுத்தீர்களெனில் அப்புறம் குழந்தைகள் முன்னிலையில் தினமொரு ஸ்பெஷல் செய்து கொடுத்து பெருமைப் பட்டுக் கொள்ளலாம்.

தேவையான பொருட்கள்...

பால் - 1 லிட்டர்
எலுமிச்சம் பழம்
பாம்பே ரவை
உலர் திராட்சை மற்றும் பழங்கள்
சர்க்கரை

செய்முறை: 

1 லிட்டர் பாலை பாத்திரத்தில் ஊற்றி அடுப்பில் ஏற்றி கொதிக்க விடவும். பால் பொங்கி வருகையில் அடுப்பை சிம்மில் வைத்து பாலை 20 நிமிடங்களுக்கு கொதிக்க விட்டு அதன் மேல் எலுமிச்சம் பழம் பிழிந்து நன்கு கலக்கி விடவும். கொதிக்கும் பாலில் எலுமிச்சையைப் பிழிந்தால் பாலில் நீர் தனியாகவும், பால் கட்டி தனியாகவும் பிரிந்து வரும். அப்போது இறக்கி அதை 10 நிமிடங்கள் ஆற விட்டு வடிகட்டவும். கிடைக்கக் கூடிய பாலாடைக் கட்டியை ஒரு பெளலில் எடுத்துக் கொண்டு அதை 10 நிமிடங்கள் ஆற விடவும்.

பின்னர் அதனுடன் கால் கப் சர்க்கரை, 2 டேபிள் ஸ்பூன் பாம்பே ரவை கலந்து ஸ்பூனால் நன்கு கிளறிக் கொண்டு அதனுடன் 1 டேபிள் ஸ்பூன் நெய் சேர்த்து மீண்டும் கிளறவும். அதனுடன் உலர்ந்த பழங்கள், முந்திரியும் சேர்த்து மீண்டும் கிளறவும்.

இப்போது குக்கரை எடுத்து அதில் சற்று உப்பு சேர்த்து அடுப்பில் ஏற்றி குக்கரை சூடாக்கவும். ஒரு சிறிய பாத்திரத்தை எடுத்துக் கொண்டு அதன் அடிப்பாகத்தில் 1 ஸ்பூன் நெய் ஊற்றி நன்கு படரத் தேய்த்து விடவும். பின்னர் முன்னரே தயாராக உள்ள பாலாடைக்கட்டி, பாம்பே ரவா + உலர் பழக் கலவையை இந்தப் பாத்திரத்தில் கொட்டவும். பிறகு அந்தப் பாத்திரத்தை முன்னதாகச் சூடேற்றியுள்ள குக்கருக்குள் வைத்து மூடவும். அரைமணி நேரம் கழித்து  குக்கரைத் திறந்து உள்ளே தயாராக இருக்கும் சென்னா போடாவை வெளியில் எடுக்கவும். அதை 10 நிமிடங்கள் ஆற விட்டு மிருதுவாகக் கத்தியால் கீறி வெளியில் எடுத்து அலங்காரமான தட்டில் வைத்து மேலே முந்திரி மற்றும் பிஸ்தா நொறுக்குகள் தூவிப் பரிமாறலாம்.

சுவைக்கு சுவையும் ஆச்சு. குழந்தைகளுக்கும், குடும்பத்தினருக்கும் புது விதமான ஸ்வீட் சாப்பிட்ட திருப்தியும் ஆச்சு.

இந்த ஒரியா ஸ்பெஷல் ஸ்னாக்ஸில் பால் தான் முக்கியமான இன்கிரடியண்ட்... அதோடு உலர் பழங்கள் மற்றும் நட்ஸ் சேர்க்கையில் அதை சாப்பிடும் குழந்தைகளின் எனர்ஜி லெவல் குறையாமல் காக்கும் வேலையை இந்த ஸ்னாக்ஸ் செய்கிறது.

]]>
oriya special snacks, sweets, evening snacks, chenna poda milk sweet recipe, ஒரியா ஸ்பெஷல் ‘சென்ன போடா’ மில்க் ஸ்வீட், மாலை நேர சிற்றுண்டி, https://images.dinamani.com/uploads/user/imagelibrary/2018/7/25/w600X390/000_chenna_poda_sweet_oriya_special.jpg https://www.dinamani.com/lifestyle/lifestyle-food/2018/jul/25/oriya-special-chenna-poda-milk-cake-resipe-2967567.html
2966862 லைஃப்ஸ்டைல் ரசிக்க... ருசிக்க... சட்டுன்னு ஒரு ஸ்னாக்ஸ், ராஜஸ்தானி ஸ்பெஷல் ஸ்வீட் ‘மால்புவா’ செய்யுங்களேன்! கஸ்தூரி ராஜேந்திரன், தேனி. DIN Tuesday, July 24, 2018 12:03 PM +0530  

மாலையில் பள்ளி விட்டு வீடு வரும் குழந்தைகள் மிகுந்த சோர்வுடன் இருப்பார்கள். அவர்களை உற்சாகப் படுத்த தினமொரு மாலை நேர ஸ்னாக்ஸ் செய்து கொடுத்து அசத்தலாம். ஒரே விதமாக நம்முடைய கைமுறுக்கு, அதிரசம், லட்டு, பூந்தி, காரா சேவு என்றெல்லாம் தின்று அலுத்துப் போன பெரியவர்களுக்கும் கூட இது கொஞ்சம் மாற்றமாக இருக்கும். அட போங்க இந்த தலைமுறை குழந்தைகள் எங்கே டிரடிஷனல் ஸ்னாக்ஸ் எல்லாம் சாப்பிட விரும்பறாங்க, அவங்களுக்கு ஜங்க் வகையறா ஸ்னாக்ஸ் ஐட்டங்களான கேக், பிரெட் டோஸ்ட், லேய்ஸ் சிப்ஸ், குர்குரே, அசைவம்னா சிக்கன் லாலிபாப், மட்டன் கபாப் தானே பிடிச்சிருக்கு. இப்படி புதுசா வீட்ல ஏதாவது ஸ்பெஷல் டிரெடிஷனல் ஸ்னாக்ஸ் எல்லாம் செய்து வச்சா சீண்டகூட மாட்டாங்க. அப்புறம் அதையும் பெரியவங்களே சாப்பிட்டுத் தீர்த்து உடல் எடையைக் கூட்டிக்க வேண்டியது தான் என்று புலம்பத் தொடங்கி விடாதீர்கள்.

அது மூன்று வேளைச் சாப்பாடாக இருக்கட்டும் அல்லது மாலை ஸ்னாக்ஸாக இருக்கட்டும், பெரியவர்களும் குழந்தைகளுடன் அமர்ந்து ஒரு அரை மணி நேரமாவது கதை பேசிக் கொண்டே அவர்களைச் சிரிக்க வைத்து நீங்களும் உண்டு, அவர்களையும் உண்ண வைத்துப் பழகுங்கள். பிறகெப்படி எந்தத் தலைமுறை குழந்தைகளும் கூட இத்தனை அருமையான ஸ்னாக்ஸுகளை சீண்டாமல் இருப்பார்கள் என்று பார்க்கலாம். எல்லாம் பழக்கத்தில் வருவது தான். அதற்கு பெரியவர்கள் சோம்பினால் பிறகு குழந்தைகளை நொந்து என்ன பயன்?

இந்த ராஜஸ்தானி மால்புவா ரெஸிப்பியிலிம் கூட மைதா பயன்படுத்தப் படுவதில் எனக்கு உடன்பாடு இல்லை. மைதாவுக்குப் பதிலாக கோதுமை மாவைப் பயன்படுத்தியும் கூட இதே ரெஸிப்பியை முயன்று பாருங்கள். நிச்சயம் சுவையுடனே இருக்கும். சாப்பிடும் போது ஒன்று அல்லது இரண்டு துண்டுகளோடு நிறுத்திக் கொள்ள வேண்டும். ஏனெனில் இது சுகர் சிரப்பில் ஊற வைத்துச் செய்யும் ஸ்னாக் என்பதால் குழந்தைகளுக்கு புழுத்தொல்லை வந்து விடக்கூடாது.

தேவையான பொருட்கள்:

  • மைதா - அரை கப்
  • பால் பெளடர் - அரை கப்
  • ஏலம் சேர்த்து பொடித்த சர்க்கரை: தேவையான அளவு
  • பால்- 1 கப் 

மேற்கண்ட பொருட்களை எல்லாம் ஒரு பாத்திரத்தில் கொட்டி... மாவை கட்டி இல்லாமல் தோசை மாவு பதத்தில் நன்கு கரைத்து வைத்துக் கொள்ளவும்.

சுகர் சிரப் தயாரிக்க...

ஒரு சிறு பாத்திரத்திரத்தில் 1 கப் சர்க்கரை எடுத்துக் கொண்டு அதில் 1 கப் தண்ணீர் சேர்த்து சர்க்கரை கரையும் வரை நன்கு கிளறிக் கொண்டே இருக்கவும். சர்க்கரை கரைந்ததும் அதை வடிகட்டி விட்டு சுகர் சிரப்பை மீண்டும் அடுப்பிலேற்றி காய்ச்சத் தொடங்குங்கள். மால்புவாவுக்கு சுகர் சிரப் தயாரிக்க கம்பிப் பதம் தேவையில்லை, பிசுக்குப் பதம் வந்தால் போதும். அதனுடன் ஒரு சிட்டிகை ஏலாக்காய்த்தூள் சேர்த்து கலக்கவும்.

மால்புவா செய்முறை...

பிறகு அடுப்பில் வாணலியை ஏற்றி பொரிக்கத் தேவையான அளவு நெய் விட்டு, நெய் காய்ந்ததும்  அடுப்பை சிம்மில் வைத்து தோசை மாவு பதத்தில் கரைத்து வைத்த மாவை கரண்டியில் அள்ளி சிதறாமல் மினி ஊத்தாப்பம் போல நெய்யில் ஊற்றிப் பொரித்து எடுக்கவும். இதை ஒவ்வொன்றாகத்தான் பொரித்தெடுக்க வேண்டும், மால்புவா பொன்னிறமாகப் பொரிந்ததும் அதை எடுத்து நெய்யை வடித்து விட்டு காய்ச்சி தயாராக வைத்திருக்கும் சுகர் சிரப்பில் போட்டு 5 நிமிடங்கள் ஊற விட்டு எடுத்து பிளேட்டில் அடுக்கி அதன் மீது அலங்காரமாக பாதம் மற்றும் முந்திரி, பிஸ்தா நொறுக்குகளைத் தூவிப் பரிமாறலாம்.

குழந்தைகளுக்கு மட்டுமல்ல பெரியவர்களுக்கும் கூட மிகப்பிடித்த ஸ்னாக்ஸ் வகைகளில் ஒன்று இந்த ராஜஸ்தானி மால்புவா! மாதம் ஒருமுறை இதைச் செய்து கொடுத்தால் குழந்தைகள் ரசித்து உண்பார்கள்.
 

]]>
ராஜஸ்தானி ஸ்பெஷல் ஸ்வீட் மால்புவா, ரெசிப்பி கார்னர், ரசிக்க ருசிக்க, ஈஸி ஸ்னாக்ஸ், Rajasthani special sweet malpuva, easy snacks, rasika rusika, malpuva recipe https://images.dinamani.com/uploads/user/imagelibrary/2018/7/24/w600X390/rajaSthani_special_sweet_malpuva.jpg https://www.dinamani.com/lifestyle/lifestyle-food/2018/jul/24/rajathani-special-sweet-malpuva-recipe-2966862.html
2962695 லைஃப்ஸ்டைல் ரசிக்க... ருசிக்க... ராகி தோசைக்கு சரியான ஈடு வெங்காயச் சட்னியா? பிரண்டைத் துவையலா? கஸ்தூரி ராஜேந்திரன், தேனி. DIN Wednesday, July 18, 2018 12:57 PM +0530  

ராகி தோசை எல்லாருக்கும் தான் செய்யத் தெரிந்திருக்கும் ஆனால் மேலும், மேலும் சாப்பிடத் தூண்டும் வகையில் சுவையாக எப்படிச் செய்வது என்று தெரியுமா?

முன்பெல்லாம் கேழ்வரகும், உளுந்தும் வாங்கி ஊற வைத்து அரைத்துப் புளிக்க வைக்க வேண்டும். இப்போது ரெடிமேட் கேழ்வரகு மாவு கிடைக்கிறது அதை வாங்கி  உளுந்தை மட்டும் 1 மணி நேரம் ஊற வைத்து தனித்தனியாக அரைத்து உப்பிட்டுக் கலந்து சுமார் 2 மணி நேரம் ஊற வைத்து எடுத்து ஃப்ரிஜ்ஜில் வைத்தால் போதும். கேழ்வரகு அலைஸ் ராகி மாவு தயார். இது வளரும் குழந்தைகளின் ஆரோக்யத்துக்கு மிகவும் உகந்தது. சரியான விகிதத்தில் கலக்கப்பட்ட கேழ்வரகும், உளுந்தும் பதமாகப் புளித்தால் ஒரு வாசம் வரும் பாருங்கள். அப்படியே அந்த மாவில் தோசை ஊற்றி தெளித்தாற் போல எண்ணெய் பிசிறி திருப்பிப் போட்டால் சும்மா மொறு, மொறு வென்று கண்ணாலேயே சாப்பிடலாம் அப்படி நாவூறும்.

ராகி தோசைக்கு அரைக்க தேவையான பொருட்கள்:

  • ராகி மாவு: 4 கப்
  • உளுந்து மாவு - 1 கப்
  • சின்ன வெங்காயம்: 10 பொடியாக அரிந்தது
  • பச்சை மிளகாய் - 4 பொடியாக அரிந்தது
  • தேங்காய்த் துருவல்: ரெண்டு டீஸ்பூன்( விரும்பினால்) 
  • உப்பு -தேவையான அளவு

செய்முறை:

4 கப் ராகி மாவுடன் 1 கப் அரைத்த உளுந்து மாவைச் சேர்த்துக் கலந்து தேவையான அளவு உப்பு சேர்த்து 2 மணி நேரம் ஊற வைக்கவும். மாவு புளித்ததும் எடுத்து ஃப்ரிஜ்ஜில் வைத்துக் கொள்ளவும். பின்னர் தோசை ஊற்றும் நேரத்தில் பொடியாக நறுக்கிய சின்ன வெங்காயம், பச்சை மிளகாய் மற்றும் 2 டீஸ்பூன் தேங்காய்த்துருவல் கலந்து மாவை நன்கு கலக்கி விட்டு தோசைக்கல்லைச் சூடேற்றி தாராளமாக எண்ணெய் தடவி தோசை ஊற்றவும். மாவு பதமாக வெந்தவுடன் திருப்பிப் போட்டு ஓரங்களில் துளி எண்ணெய் விட்டு நன்கு வெந்ததும் எடுத்து சூடாகப் பரிமாறலாம். இந்த ராகி தோசைக்கு சரியான ஈடு என்றால் அது என் பாட்டி அரைக்கும் கார, சாரமான வெங்காயச் சட்னியும், பிரண்டைத் துவையலும் தான். இரண்டில் ஏதாவது ஒன்றை மாற்றி மாற்றிச் செய்து சாப்பிடலாம்.

வெங்காயச் சட்னி செய்முறை...

தேவையான பொருட்கள்...

  • உளுந்தம் பருப்பு: 1 டேபிள் ஸ்பூன்
  • சின்ன வெங்காயம்- 12 முதல் 15
  • பூண்டு- 4 பல்
  • பச்சை மிளகாய்- 10 அல்லது 12
  • புளி- மீடியம் சைஸ் கோலிக்குண்டு அளவு
  • கறிவேப்பிலை: 1 ஆர்க்

செய்முறை: 

அடுப்பில் வாணலியை ஏற்றி 1 டீஸ்பூன் எண்ணெய் விட்டு 1 டேபிள் ஸ்பூன் உளுந்தப் பருப்பை போட்டு சிவக்க வறுக்கவும். பின் அதனுடன் பொடியாக நறுக்கிய வெங்காயம். பூண்டு, பச்சை மிளகாய் சேர்த்து நன்கு வதக்கவும். வெங்காயம் வதங்கியதும் அதனுடன் புளி, கறிவேப்பிலை சேர்த்து நன்கு பிரட்டி விட்டு உப்பு சேர்க்கவும். உப்பு கரைந்ததும் இறக்கி ஆற விட்டு மிக்ஸியில் அரைத்து கடுகு உளுந்து தாளித்து இறக்கவும். இந்தச் சட்னிக்கு அரைக்கும் போது தண்ணீர் அளவுடன் சேர்க்கவும். தண்ணீரே சேர்க்காது அரைத்தால் மூன்றூ நாட்கள் வரை வைத்துச் சாப்பிடலாம். புளி சேர்த்திருப்பதால் சீக்கிரம் கெடாது.

பிரண்டைச் சட்னி:

தேவையான பொருட்கள்:

  • பிரண்டை- நல்ல பிஞ்சுப் பிரண்டை 1 கட்டு
  • உளுந்து- 1 டேபிள் ஸ்பூன்
  • சின்ன வெங்காயம்- 10
  • காய்ந்த சிவப்பு மிளகாய்- 12 அல்லது 15
  • இஞ்சி- ஒரு சிறு துண்டு
  • பூண்டு- 4 பல்
  • புளி- 1 மலைநெல்லிக்காய் அளவு
  • எண்ணெய் - தேவையான அளவு
  • உப்பு- தேவையான அளவு

செய்முறை: பிரண்டை வாங்கும் போது முற்றாத நல்ல பிஞ்சுப் பிரண்டையாக பார்த்து வாங்க வேண்டும். பிரண்டையின் மேல் தோலை உரித்து விட்டு அதில் நார் இருந்தால் அதையும் உரித்து நீக்கி விட்டு பொடியாக நறுக்கிக் கொள்ளவும். இப்போது அடுப்பில் வாணலியை ஏற்றி 1 டீஸ்பூன் எண்ணெய் விட்டு முதலில் உளுந்தைப் போட்டு வறுக்கவும். உளுந்து சிவந்ததும் அதனுடன் காய்ந்த மிளகாய் மற்றும் கறிவேப்பிலை சேர்த்து வறுக்கவும். கறிவேப்பிலை மொறு மொறுவென வந்ததும் இஞ்சு, பூண்டைச் சேர்த்து அது வதங்கிய பின் பிரண்டையைச் சேர்த்து வதக்கவும். பச்சை வாடை அகன்று பிரண்டை வதங்கியதும்  புளி சேர்த்து தேவையான அளவு உப்பு சேர்த்து கிளறவும். பிறகு இறக்கி ஆற வைத்து மிக்ஸியில் அரைத்து கடுகு தாளித்து இறக்கவும்.
 
மேலே சொல்லப்பட்ட ராகி அலைஸ் கேழ்வரகு தோசைக்கு இந்த இரண்டு விதமான சட்னிகளுமே படு ஜோராக செட் ஆகும்.

சாதாரணமாக 2 தோசைகளுடன் எழுந்து கொள்பவர்கள் கூட இந்த காம்பினேஷனில் தோசை சுட்டுக்கொடுத்தால் 4 தோசைகள் வரை சாப்பிடுவார்கள்.

கேழ்வரகின் நன்மைகள்... (நன்றி - சத்குரு)

எந்த தானியத்தை விடவும் ராகியில்தான் மிக அதிக கால்சியமும், பாஸ்பரசும் உண்டு. இது வயோதிகர்களுக்கும், மாதவிடாய் கடந்த பெண்மணிகளுக்கும் ஏற்படும் எலும்புத் தேய்மானம் (Osteoporosis) தீவிரம் குறைய, இரத்தத்தில் கால்சியம் அளவை தக்க வைக்கிறது. ‘பி’ காம்ப்ளக்ஸ் வைட்டமின்கள், மினரல்கள் என கலவையான அத்தியாவசிய சத்துகள் நிறைந்த கேழ்வரகு, எளிதில் ஜீரணமாகக் கூடிய ஒரு மிகச்சிறந்த உணவு. இது பச்சிளங் குழந்தைக்கு உகந்தது (Baby Food). 6 மாத குழந்தை முதலே கூழாக்கிக் கொடுக்க மிக ஏற்றது. புதுத் தாயின் தாய்ப்பால் சுரப்பு அதிகரிக்கவும், இரத்த சோகை அகலவும் முளை கட்டிய கேழ்வரகில் கிடைக்கும் 88% அதிக இரும்புச் சத்து, மருந்தாய் வேலை செய்யும் ஓர் உணவு.

]]>
ராகி தோசை, வெங்காயச் சட்னி, பிரண்டைத் துவையல், வெங்காயச் சட்னி VS பிரண்டைத் துவையல், ragi dosa, onion chutny, pirandai chutny https://images.dinamani.com/uploads/user/imagelibrary/2018/7/18/w600X390/ragi_dosai_pirandai_thuvaiyal.jpg https://www.dinamani.com/lifestyle/lifestyle-food/2018/jul/18/ராகி-தோசைக்கு-சரியான-ஈடு-வெங்காயச்-சட்னியா-பிரண்டைத்-துவையலா-2962695.html
2955229 லைஃப்ஸ்டைல் ரசிக்க... ருசிக்க... உங்களுக்கு வரகரிசி அடை பிடிக்குமா? இதோ ரெஸிபி - மு.சுகாரா, திருவாடானை DIN Saturday, July 7, 2018 05:44 PM +0530 வரகரிசி அடை

தேவையான பொருட்கள்:
வரகு  -  1 கிண்ணம்
கடலைப் பருப்பு - 1/4  கிண்ணம்
துவரம் பருப்பு  1/4  கிண்ணம்
உளுத்தம் பருப்பு  -  2  தேக்கரண்டி
பாசிப் பருப்பு  -  2  தேக்கரண்டி
அவல் - 2  தேக்கரண்டி
வரமிளகாய் - 6
பெருங்காயத் தூள் -  1/4 தேக்கரண்டி
வெங்காயம் - 1 (பொடியாக நறுக்கியது)
கொத்துமல்லி -  சிறிது (பொடியாக நறுக்கியது)
கறிவேப்பிலை  - சிறிது
நறுக்கிய இஞ்சி -  2  தேக்கரண்டி
உப்பு - தேவையான அளவு

செய்முறை:

  • முதலில் வரகு, பருப்புக்கள் மற்றும் அவலை நீரில் தனித்தனியாக 3 மணிநேரம் ஊற வைத்துக் கொள்ள வேண்டும். 
  • பின்னர்,  மிக்ஸியில் வரமிளகாய்,  உப்பு மற்றும் பெருங்காயத் தூளைப் போட்டு, பொடி செய்து கொள்ள வேண்டும்.
  • பின்னர்,  ஊற வைத்துள்ள வரகில் உள்ள நீரை முற்றிலும் வடித்து, மிக்ஸியில் போட்டு மென்மையாக அரைத்து தனியாக ஒரு பாத்திரத்தில் வைத்துக் கொள்ள வேண்டும். 
  • பிறகு கடலைப் பருப்பு, பாசிப்பருப்பு, உளுத்தம் பருப்பு, துவரம் பருப்பு மற்றும் அவல் ஆகியவற்றை மிக்ஸியில் போட்டு மென்மையாக அரைத்து, வரகுடன் சேர்த்து கலந்து, 2 மணிநேரம் தனியாக வைத்துக் கொள்ள வேண்டும்.
  • 2 மணிநேரம் ஆன பின்னர், அதில் வெங்காயம், கறிவேப்பிலை, கொத்துமல்லி, இஞ்சி ஆகியவற்றை சேர்த்து கலந்து கொள்ள வேண்டும்.
  • அடுத்து தோசைக்கல்லை அடுப்பில் வைத்து, அதில் எண்ணெய் தடவி காய்ந்ததும், அடை மாவை தோசைகளாக சுட்டு எண்ணெய் ஊற்றி முன்னும் பின்னும் வேக வைத்து எடுத்தால், வரகு அரிசி பருப்பு அடை ரெடி. 
  • இதனை நாட்டுச்சர்க்கரையுடன் சேர்த்து சாப்பிட்டால் சூப்பராக இருக்கும். அவியலுடனும் சாப்பிடலாம்.
]]>
https://images.dinamani.com/uploads/user/imagelibrary/2018/7/7/w600X390/image.jpg https://www.dinamani.com/lifestyle/lifestyle-food/2018/jul/07/varagu-rice-adai-recipe-2955229.html
2955232 லைஃப்ஸ்டைல் ரசிக்க... ருசிக்க... டேஸ்டி ஸ்பைஸி குடைமிளகாய் பொரியல் -  எஸ்.சரோஜா, திருவண்ணாமலை. DIN Saturday, July 7, 2018 03:07 PM +0530 குடைமிளகாய் பொரியல்

தேவையான பொருள்கள்:
குடைமிளகாய் - 3
வெங்காயம் - 1
பொட்டுக்கடலை - 3   தேக்கரண்டி
மிளகாய்த் தூள் - 1 தேக்கரண்டி
மஞ்சள் தூள் - 1/2  தேக்கரண்டி
உப்பு - தேவையான அளவு
தாளிக்க:
எண்ணெய்
கடுகு - 1 தேக்கரண்டி
கறிவேப்பிலை - சிறிது
உளுத்தம் பருப்பு -  தேக்கரண்டி

செய்முறை: 

குடைமிளகாய் மற்றும் வெங்காயத்தை பொடியாக நறுக்கிக் கொள்ளவும்.  பொட்டுக் கடலையைப்  பொடித்து வைக்கவும். 

வாணலியில் எண்ணெய் விட்டு  கடுகு, உளுந்தம் பருப்பு, கறிவேப்பிலையை தாளிக்கவும்.  பின்னர்,  பொடியாக  நறுக்கிய வெங்காயத்தை சேர்த்து வதக்கவும்.  

அத்துடன் மிளகாய்த் தூள், மஞ்சள் தூள் சேர்த்து கிளறவும். பின் குடைமிளகாயைச் சேர்த்து வதக்கவும். சிறிது வதங்கியதும் உப்பு சேர்த்து நன்கு வதக்கவும். 

பின்னர், பொடித்து வைத்த பொட்டுக்கடலைப் பொடியை சேர்த்து நன்கு கிளறி அடுப்பிலிருந்து இறக்கவும்.  சுவையான குடை மிளகாய் பொரியல் தயார்.

]]>
capsicum fry, kudai milagai porial, குடை மிளகாய், குடைமிளகாய் பொரியல் https://images.dinamani.com/uploads/user/imagelibrary/2018/7/7/w600X390/capsicum-fry.jpg https://www.dinamani.com/lifestyle/lifestyle-food/2018/jul/07/tasty-and-spicy-capsicum-fry-2955232.html
2944305 லைஃப்ஸ்டைல் ரசிக்க... ருசிக்க... அடடே ஆச்சர்யம்! கெண்டைக்கால் வலி தீர்க்கும் கோதுமை ரவை உப்புமா ரெஸிப்பி! கஸ்தூரி ராஜேந்திரன், தேனி. DIN Thursday, June 21, 2018 01:36 PM +0530  

இன்று காலை ஜீ நியூஸ் சேனலில் ‘பாரம்பர்ய மருத்துவம்’ என்ற பெயரில் ஒரு நிகழ்ச்சி ஒளிபரப்பானது. அதில் வந்த தம்பதிகள் கூறியது தான் இந்த ரெஸிப்பி. எனக்கு கொஞ்சம் ஆச்சர்யமாகத்தன் இருந்தது... சுகர் பேஷண்டுகள் தானே கோதுமை ரவை உப்புமா செய்து சாப்பிடுவது வழக்கம். இதென்ன, இவரகள் கெண்டைக்கால் வலிக்கு கோதுமை ரவை உப்புமா சாப்பிடச் சொல்கிறார்களே என்றிருந்தது. ஆனாலும், அவர்கள் சொன்ன ரெஸிப்பியில் கலந்துள்ள பொருட்களும் சரி கோதுமை ரவையும் சரி இரவு உணவாக உட்கொள்ளும் போது பிற உணவு வகைகளைப் போல வயிற்றை அடைத்துக் கொண்டு இல்லாமல் லைட்டாக ஃபீல் செய்ய வைக்கும் என்பதால் ஆபத்தில்லாத ரெஸிப்பி தான் என்று தோன்றியது. இதைச் செய்து சாப்பிடுவதால் கெண்டைக்கால் வலி தீர்ந்தால் நல்லது தானே?! அதனால் தான் இந்த ரெஸிப்பியைப் பற்றி தினமணி இணையதள வாசகர்களிடமும் பகிர்ந்து கொள்ளத் தோன்றியது.

தேவையான பொருட்கள்...

கோதுமை ரவை: 1 கப்

தண்ணீர்: 2 கப்

கருப்பு உளுந்து - 2 டீஸ்பூன்

கருப்பு எள் - 2 டீஸ் பூன்

கடுகு: 1 டீஸ்பூன்

சீரகம்: 1 டீஸ்பூன்

காய்ந்த மிளகாய்: 2 அல்லது 3

சின்ன வெங்காயம்: 10 (பொடியாக நறுக்கியது)

உப்பு: தேவையான அளவு

கொத்துமல்லி மற்றும் கறிவேப்பிலை: 2 ஆர்க்

எண்ணெய்: உப்புமா தாளிக்கப் போதுமான அளவு

செய்முறை:

அடுப்பில் வாணலியை ஏற்றிப் பற்ற வைத்து, வாணலி காய்ந்ததும் 2 டீஸ்பூன் எண்ணெய் விட்டு, எண்ணெய் காய்ந்ததும் முதலில் 2 டீஸ்பூன் கருப்பு உளுந்தை சேர்த்து அது சூடானதும் சீரகம் மற்றும் கடுகு சேர்த்து அது பொரிந்து வருகையில் கருப்பு எள்ளையும் சேர்த்து அது பொரிகையில் வெங்காயத்தைச் சேர்த்து கொஞ்சம் உப்பும் சேர்த்து நன்கு வதக்கவும். வெங்காயம் வதங்கியதும் அதனுடன் இரண்டு கப் தண்ணீர் சேர்த்தும், தண்ணீர் கொதித்து வரும் போது சிறிது, சிறிதாக கோதுமை ரவையைச் சேர்த்து நன்கு கிளறவும். கோதுமை ரவை தண்ணீரை ஈர்த்துக் கொண்டு வெந்ததும்... நன்றாகக் கிளறி ரவை நன்கு வெந்திருக்கிறதா எனப் பதம் பார்த்து மேலாக கொஞ்சம் கொத்துமல்லித் தளை தூவி இறக்கிப் பரிமாறவும். இந்த உப்புமாவில் என்ன ஸ்பெஷல் என்றால் சாதரணமாக உப்புமா செய்யும் போது நாம் கடுகும், வெள்ளைஉளுந்தும் சேர்த்துத் தானே தாளிதம் செய்வோம். அப்படியில்லாமல் இதில் கருப்பு உளுந்து, கருப்பு எள் சேர்க்கப் படுகிறது. அவை இரண்டுமே உடல் தசைகள் தளர்ந்திருந்தால் அவற்றை இறுக்கும் ஆற்றம் கொண்டவை என இந்த உப்புமாவைச் சமைத்துக் காட்டிய தம்பதியினர் கூறினார்கள். பாரம்பர்ய மருத்துவத்தில் இப்படி ஒரு டிப்ஸ் கிடைக்கையில் அதனால் பக்க விளைவுகள் ஏதுமில்லை எனும் போது நாமும் ஒருமுறை முயற்சித்துப் பார்க்கலாமே!


நன்றி: ஜீ நியூஸ்

]]>
Calf foot pain releiving wheat rava upma!, கெண்டைக்கால் வலி, கோதுமை ரவா உப்புமா, ஜீ நியூஸ், பாரம்பர்ய மருத்துவம், https://images.dinamani.com/uploads/user/imagelibrary/2018/6/21/w600X390/wheat_rava_uppma_recipi.jpg https://www.dinamani.com/lifestyle/lifestyle-food/2018/jun/21/calf-foot-pain-releiving-wheat-rava-upma-2944305.html
2940962 லைஃப்ஸ்டைல் ரசிக்க... ருசிக்க... ஜங்கிள் ஜிலேபி... கொடுக்கா புளி ஞாபகமிருக்கா? கார்த்திகா வாசுதேவன் DIN Wednesday, June 20, 2018 07:30 AM +0530  

நன்றாக ஞாபகமிருக்கிறது. ஆனால், ருசி பார்த்துத் தான் பல ஆண்டுகளாகி விட்டது. எங்கள் ஊரில் ஒரே ஒரு கொடுக்காய்ப் புளி மரம் தான் உண்டு. அதில் விளைந்து தான் நாங்கள் கொடுக்காய் பழம் சாப்பிட்டாக வேண்டுமெனில், நாங்கள் ஜென்மத்துக்கும் கொடுக்காய் சாப்பிட்டிருக்கவே இயலாது. ஆனால், அப்போதெல்லாம் எங்கெங்கேயோ இருந்தெல்லாம் கூடை, கூடையாகக் கொடுக்காய் பறிந்து வந்து பள்ளிக்கூட வாசல்கள் தோறும் கூறு கட்டி விற்பார்கள். ஒரு கூறு விலை 25 பைசாக்கள். அப்படிச் சாப்பிட்டுப் பழகியது. பள்ளிக்கூட நாட்களைப் போலவே கொடுக்காய்ப் பழ ஞாபகங்களும் கூட அப்படியே ஏதோ ஒரு யுகம் போலும் கடந்து கரைந்து போய்விட்டன. இன்று மகளை பள்ளியிலிருந்து வீட்டுக்கு அழைத்துப் போய் விட்டுவிட்டு மீண்டும் அலுவலகம் வருகையில் வழியில் ஒரு மனிதர் மஞ்சள் பை நிறைய சிவந்த கொடுக்காய் பழங்களைத் திணித்து எடுத்துச் செல்வதைக் கண்டேன்.

பிஞ்சு கொடிக்காய்
கொடுக்காய்ப் பிஞ்சு...

இந்தக் கொடுக்காய் பழத்தைச் சுற்றித்தான் எத்தனை, எத்தனை ஞாபகங்கள். அதில் சுவாரஸ்யமான ஒன்று... கொடுக்காய் பழத்தை தின்று விட்டு உள்ளே கறுப்பாக இருக்கும் அதன் விதையின் மேல்தோலை உறிப்போம். உள்ளே முதலில் மெல்லிய பிரெளன் நிறத்தோல் வரும் அதற்கும் அப்பால் வெள்ளை நிற விதை இருக்கும். இந்த வெள்ளை தெரியாமல் பிரெளன் நிறம் மட்டுமே தெரியுமாறு தோலை உறித்து அதை ஜன்னல் திட்டிலோ அல்லது நிலைக்கதவின் மேலிருக்கும் திட்டிலோ வைக்க வேண்டும். எத்தனை விதைகளை இப்படி வைக்கிறோமோ அத்தனை சொந்தக்காரர்கள் கூடிய விரைவில் நம் வீட்டுக்கு வருவார்கள் என்று குழந்தைகளுக்கிடையே ஒரு நம்பிக்கை.

கொடுக்காயினுள்ளிருக்கும் கருநிற விதை...

குருவி உட்கார பனம்பழம் விழுந்த கதையாக இந்த நம்பிக்கை சில சமயங்களில் எங்களுக்கு நிறைவேறவும் செய்திருக்கிறது. இதில் ஒரே ஒரு கண்டிஷன் உண்டு. அது, கொடிக்காய் விதையை உறிக்கும் போது விதையின் உள்ளிருக்கும் வெள்ளை நிறம் தென்பட்டு விடக்கூடாது. அப்படி வெள்ளை வந்து விட்டால் பிறகு சொந்தக்காரர்கள் வரமாட்டார்கள். இப்படியெல்லாம் நம்பிக்கொண்டு கிலோக் கணக்கில் கொடுக்காய் விதைகளை உறித்து ஜன்னல் திட்டில் வைத்துக் கொண்டு திரிந்திருக்கிறோம் அந்த நாட்களில். இப்போது நினைத்துப் பார்த்தால் சிரிப்பாகக் கூட இருக்கிறது.

கொடுக்காய் பழ சீசன்...

மாம்பழம் போலவே கொடுக்காய் பழத்துக்கும் சீசன் உண்டு. ஃபிப்ரவரி முதல் ஜூன் மாதம் வரை தேனி, திண்டுக்கல், மதுரை, கம்பம், போடி வட்டாரங்களில் கொடுக்காய் பழம் விளையும்.

இந்த கொடுக்காய்ப் பழங்களை முன்பெல்லாம் எவ்வித மருத்துவ நோக்கமும் இன்றி சும்மா கிடைக்கிறதே என்று ஆசைக்கு உண்ட காலமிருந்தது. ஆனால், இப்போது உண்பவர்கள் அதன் மருத்துவ பலன்களை அறிந்து வைத்துக் கொண்டு சாப்பிடத் தொடங்கி இருக்கிறார்கள். இது ஆறுதலான விஷயம். நாவல் பழங்களை நீரழிவு நோய்க்கு மருந்து என பலர் உண்ணத்தொடங்கி இருக்கிறார்கள். சென்னையில் கூட வீதிக்கு வீதி நாவல் பழம் விற்பவர்களைக் காண முடிகிறது. கிராமங்களில் நாவல் மரங்களையும், கொடுக்காய் மரங்களையும் வயல் வரப்புகளில் வேலிகளைப் போல வளர்ப்பார்கள். இந்த மரங்களை வளர்ப்பதில் வியாபார நோக்கம் அவர்களுக்கு இருந்ததில்லை. 

கொடுக்காய் மரத்தின் கிளைகளில் முட்கள் நிறைந்திருக்கும் எனவே அதை ஒரு இயற்கை அரண் எனக் கருதி கிராமங்களில் வேலியாக வளர்ப்பது வழக்கம். ஆனால், அதிக மரங்கள் இல்லாததால் இதற்கு நிலவும் தட்டுப்பாட்டின் காரணமாக கொடுக்காய் பழம் கிலோ 200 ரூபாய்க்கும் மேலாக இப்போது விற்கப்படுகிறது. இனிமேல் அப்படியின்றி கொடுக்காய் பழ மரத்தையும் வியாபார நோக்கத்தின் பேரில் நிறைய வளர்க்கத் தொடங்கினார்கள் எனில் அதன் மூலம் லாபம் கிடைப்பதோடு அதனாலான மருத்துவப் பலன்களும் பலருக்கும் பரவலாகக் கிடைக்கத் தொடங்கும்.

கொடுக்காப்புளியின் வேறு பெயர்கள்...

கொடுக்காய் புளிக்கு கோணப்புளியங்கா, சீனிப் புளியங்கா, கொறுக்கா புளி, என்று பல பெயர்களில் அழைக்கப்படுகிறது. இந்தியில் இதன் பெயர் ஜங்கிள் ஜிலேபி.

கொடுக்காயின் மருத்துவ குணங்கள்...

மருத்துவக் குணம் வாய்ந்த கொடுக்காய் தற்போது மிகவும் அரிதாகி வரும் நிலையில், கிலோ ரூ.200 க்கு விற்பனை செய்யப்படுகிறது. கொடுக்காயை பொறுத்தவரை மரத்திலே பழுத்து காய்த்திருக்கும் நிலையில் மழை, காற்று அதிகம் அடித்தாலும், கீழே விழாமல் தொங்கி கொண்டிருக்கும். இதனால் இந்த மரத்தினை 'உதிரா மரம்' என்றும் பெயருண்டு. கொடுக்காய் சாப்பிடுவதன் மூலம் சிறுவர்களுக்கு நோய் எதிர்ப்பு சக்தி அதிகமாகிறது, அதோடு கொடுக்காய் நீர்க்கடுப்பு, ஆஸ்துமா போன்ற நோய்களை குணப்படுத்த கூடிய மருத்துவக் குணம் வாய்ந்தது என மருத்துவர்கள் கூறுகின்றனர். அவை தவிர...

  • வாத நோய் மற்றும் மூட்டுவலி தீர மருந்தாகிறது.
  • நெடுநாள் ஆரோக்யம் குன்றி சிகிச்சையில் இருந்து தேறியவர்களுக்கு உடல் சூட்டினால் ஏற்படும் வயிற்றைப் போக்கைத் தவிர்க்கும் சக்தியும் கொடுக்காய் புளிக்கு உண்டு.
  • ஜீரண சக்தியை அதிகரிக்கிறது.
  • பெண்களின் கருப்பை நோய்கள் மற்றும் உள்ளுறுப்பு புண்களை ஆற்றும் திறனும் உண்டு.
  • உடல் எடை குறைப்பிலும் முக்கியப் பங்கு வகிக்கிறது.
  • கொடுக்காய் புளி விதையில் இருந்து எடுக்கப்படும் எண்ணெய்யில் இருந்து குளியல் சோப்புகள் தயாரிக்கப்படுகிறது.
]]>
Have you remember kodikai pazham (botanical name - pith, கொடிக்காய் பழம், கொறுக்கா புளி, சீனிப் புளியங்கா, ஜங்கிள் ஜிலேபி, manila tamarind https://images.dinamani.com/uploads/user/imagelibrary/2018/6/16/w600X390/kodikai_pazam.jpg https://www.dinamani.com/lifestyle/lifestyle-food/2018/jun/16/have-you-remember-kodikai-pazham-or-jungle-jilebi-botanical-name---pithecellobium-dulce-2940962.html
2940986 லைஃப்ஸ்டைல் ரசிக்க... ருசிக்க... புளியமுத்து வடை! வித்யாசமான சிறுதீனி... எப்படிச் சுடுவதென தெரிந்து கொள்ளுங்கள். கஸ்தூரி ராஜேந்திரன், தேனி. DIN Saturday, June 16, 2018 02:44 PM +0530  

புளிய முத்தை வைத்துப் பல்லாங்குழி ஆடுவார்களெனக் கேள்விப் பட்டிருக்கிறேன். இதோ முதல் முறையாக அதை வைத்து வடையும் சுடலாம் எனத் தெரியவந்திருக்கிறது.

வாசகர்களும் கூட மசால் வடை, மெதுவடை சாப்பிட்டிருப்பீர்கள் புளியமுத்தில் வடை சுட்டுச் சாப்பிட்டிருக்க மாட்டீர்கள் இல்லையா? 

கிராமங்களில் கூட புளியமுத்தை அவித்தும், வறுத்தும் சாப்பிடுவதைப் பற்றிக் கேள்விப்பட்டிருக்கிறேனே தவிர வடை சுட்டு சாப்பிடுவதெல்லாம் இதுவரை நான் அறிந்திராத செய்தி. 

புளிய முத்து

இதுவரை வாழை மரம் ஒன்று தான் அதன் தண்டு, இலை, பூ, காய், நார் எனப்பலவிதமாகவும் முழுமையாக மனிதர்களுக்குப் பயன் தருகிறது என்று நினைத்துக் கொண்டிருந்தேன்.... இதோ அந்த வரிசையில் இப்போது புளியமரத்தையும் சேர்க்கலாம். புளிய மரத்தின் பழங்கள், காய்கள், இலைகள், விதைகள், மரத்தண்டுகள் என எல்லாமுமே மனிதர்களுக்குப் பயன்படத்தான் செய்கிறது.

அதனால் தான் இப்போதும் கூட கிராமப் புறங்களில் புளியமுத்து பொறுக்கி விற்பதை ஒரு தொழில்வாய்ப்பாகக் கருதி மக்கள் செய்து கொண்டிருக்கிறார்கள். இந்தப் புளியமுத்தில் பல்வேறு விதமான மருத்துவக் குணங்கள் இருப்பதாகக் கூறுகிறார்கள். அப்படிப்பட்ட விதைகளை நாம் பெரும்பாலும் பயன்படுத்துவதில்லை. பழத்தை மட்டும் பயன்படுத்தி விட்டு முத்தைக் கீழே வீசி விடுகிறோம். இல்லையேல் விதை நீக்கப்பட்ட புளி வாங்கிச் சமைக்கிறோம்.

புளியம்பழம்

தேவையான பொருட்கள்:

  • புளிய முத்து : 4 கப்
  • உளுந்தப் பருப்பு: 1 கப்
  • பெருஞ்சீரகம்: 1 டீஸ்பூன்
  • இஞ்சி: 1 துண்டு
  • சின்ன வெங்காயம்: 10
  • பச்சை மிளகாய்: 8 அல்லது தேவைக்கேற்ப
  • கறிவேப்பிலை: 2 ஆர்க்
  • உப்பு: தேவையான அளவு
  • காய்ந்த மிளகாய்: 4
  • எண்ணெய்: பொரிக்கத் தேவையான அளவு

செய்முறை:

புளிய முத்திலிருந்து முதலில் தோல் நீக்கப்பட வேண்டும். அது கொஞ்சம் கஷ்டமான காரியம் தான். இரண்டு மூன்று முறை புளிய முத்தை உரலில் இட்டு இடித்து, முறத்தால் புடைத்து எடுத்தால் தான் அதன் தோல் நீங்கும். இப்படி தோல் நீக்கிய விதைகளை சுமர் 15 மணி நேரம் நீரில் ஊற வைக்க வேண்டும். நன்கு ஊறிய புளிய விதைகளை மறுநாள் எடுத்து நீரை வடித்து உலர்த்தி எடுத்து ஆட்டுரலில் இட்டு ஆட்டி எடுக்க வேண்டும். கிரைண்டரிலும் ஆட்டலாம். கெட்டியாக ஆட்டி எடுக்க வேண்டும். தண்ணீர் நிறையச் சேர்க்கக் கூடாது. புளிய விதைகளை ஆட்டி எடுத்துக் கொண்ட பின். நல்ல தண்ணீரில் 1 மணி நேரம் ஊற வைத்திருக்கும் உளுந்தப் பருப்பை எடுத்து அதிகம் தண்ணீர் சேர்க்காமல் கெட்டியாக ஆட்டி எடுக்கவும். அதைத் தொடர்ந்து பெருஞ்சீரகம், இஞ்சி, சின்ன வெங்காயம், பச்சை மிளகாய், கறிவேப்பிலை உள்ளிட்டவற்றை மிக்ஸியில் நைஸாக அரைத்து எடுத்துக் கொண்டு முதலில் ஆட்டிய புளிய விதை மாவு மற்றும் உளுந்து மாவுடன் நன்கு கலந்து கொள்ளவும். இப்போது எஞ்சியிருக்கும் காய்ந்த மிளகாய், மிச்ச, சொச்ச கறிவேப்பிலையைக் கிள்ளி மாவில் கலந்து, தேவையான உப்பையும் போட்டு பிசைந்து சிறிது சிறிதாக வடை தட்டி காய்ந்து கொண்டிருக்கும் எண்ணெயில் போட்டு பொரித்தெடுக்கவும். இதற்கும் தொட்டுக் கொள்ள தேங்காய்ச் சட்னி வைக்கலாம். மொறு, மொறுவென நாக்குக்கு ருசியாக இருக்கும்.

புளியமுத்தின் மருத்துவ பலன்கள்...

  • ஜீரண சக்திக்கு நல்லது.
  • மலச்சிக்கலை தீர்க்கும்.
  • புளிய விதையில் இருக்கும் பாலிஃபீனாலிக் கூட்டுப் பொருட்கள் பெப்டிக் அல்சரின் தீவிரத்தைக் குறைக்க உதவுகிறது.
  • புளியம் பழத்தில் இருக்கும் ஃபிளேவனாய்டுகள் இதயநலனுக்கு நெருக்கமானவை. இவை கெட்ட கொலஸ்ட்ராலைக் குறைத்து நல்ல கொலஸ்ட்ராலை அதிகரிக்கச் செய்கின்றன.
  • இதில் பொட்டாசியச் சத்து அதிகமிருப்பதால் பிளட் பிரஸ்ஸைரை கட்டுக்குள் வைக்கவும் உதவுகிறது.
]]>
புளியமுத்து வடை, tamarind seed health benefits, tamarind seed vada https://images.dinamani.com/uploads/user/imagelibrary/2018/6/16/w600X390/puliya_muthu_vadai.jpg https://www.dinamani.com/lifestyle/lifestyle-food/2018/jun/16/tamarind-seed-vada-its-health-benefits-2940986.html
2929184 லைஃப்ஸ்டைல் ரசிக்க... ருசிக்க... அபார சுவை கொண்டது ‘வெடி தேங்காய்’ அதை வீட்டில் தயார் செய்வது எப்படி? கஸ்தூரி ராஜேந்திரன், தேனி. DIN Tuesday, May 29, 2018 04:00 PM +0530  

வாழ்வில் ஒருமுறையாவது வெடி தேங்காய் சாப்பிட்டிருக்கிறீர்களா? இதுவரை  இல்லாவிட்டாலும்  இனி அப்படியொரு ஆசையிருந்தால் மெனக்கெட்டு நமது சொந்த கிராமங்களுக்குச் சென்று அங்கே தோப்புகளில் நெருப்பு மூட்டம் போட்டு அதில் தேங்காயைச் சுட்டுத் தான் வெடி தேங்காய் சாப்பிட்டாக வேண்டுமென்பதில்லை. நகரங்களில் கேஸ் அடுப்புகளிலும் கூட வெடி தேங்காய் தயாரித்து சுவையாக சாப்பிடலாம். இன்று நகரங்களில் கேக் ஷாப்புகள், பேக்கரிகள், இனிப்பகங்கள், எல்லாம் பெருகி இங்கிருக்கும் ஒவ்வொரு மனிதனும் எதை உண்பதென அவை தீர்மானிக்கும் நிலை வரினும் அன்றொரு காலத்தில் நாமெல்லோரும் உளுந்துக் களி, புட்டு, பணியாரம், பால் கொலுக்கட்டை, இடியாப்பம், என பாரம்பரியமான கிராமத்து ஸ்னாக்ஸ் வகைகளை உண்டு களித்தவர்களே என்பதை எப்போதும் மறந்திடக் கூடாதில்லையா? 

தேவையான பொருட்கள்

  • தேங்காய் - 1 (முற்றலாகவோ, இளநீர்க்காயாகவோ இருக்கக் கூடாது)
  • வெள்ளை எள் - 2 டீஸ்பூன்
  • பொட்டுக்கடலை - 2 டேபிள் ஸ்பூன்
  • பயத்தம் பருப்பு - 1 டேபிள் ஸ்பூன்
  • வெல்லம் - அரை அச்சு (நைஸாக பொடி செய்து கொள்ளவும்)

செய்முறை: 

தேங்காயில் நார் உறித்து மேலிருக்கும் சொரசொரப்பான பாகத்தை துருவியால் அகற்றி அதன் மேல்புறத்தில் இருக்கும் முக்கண் போன்ற பகுதியில் துளையிட்டு தேங்காயிலிருக்கும் நீரை முற்றிலுமாக வடிகட்டிக் கொள்ள வேண்டும். பின்னர் ஒரு நீண்ட மரக்குச்சியை எடுத்து நுனிப்பகுதியை நன்கு செதுக்கி தேங்காயிலிட்ட துளையை அடைக்கும் விதத்தில் கூர்மையாகச் சீவிக் கொள்ளவும்.  இப்போது மேலே சொல்லப்பட்டுள்ள பொருட்களில் வெல்லம் நீங்கலாக மீதமுள்ளவற்றை மிதமான சூட்டில் வாணலியில் வறுத்து ஆற வைத்து கொரகொரப்பாக அரைத்துக் கொண்டு வெல்லத்தை நசுக்கிக் கொள்ளவும். பிறகு வெல்லம் கலந்த அந்தக் கலவையை தேங்காயின் மேற்புறத்தில் இட்ட துளையின் வழியாக தேங்காயினுள் சேர்க்கவும். தேங்காயின் உட்புறம் முழுவதுமாக நிறைந்தவுடன் அதைக் கெட்டித்து முன்னதாக சீவி வைத்த குச்சியினுள் நுழைத்து இறுக்கமாகத் தள்ளவும்.

இப்போதும் தேங்காயின் கண் பகுதிக்கும், குச்சிக்கும் இடையே சிறு இடைவெளி தெரிந்தால் அதன் மீது கோதுமை மாவு உருண்டை கொண்டு சீல் செய்யவும். இப்போது தேங்காய் சுடுவதற்கு தயார். அடுப்பை ஏற்றி மிதமான நெருப்பில் குச்சியில் மாட்டிய தேங்காயை உருட்டி, உருட்டி சூடாக்கவும். தேங்காயும் சேர்ந்து எரியக் கூடும். அதற்காகத் தான் குச்சியை உருட்டி, உருட்டி காண்பிப்பது. தீயில் தேங்காயின் மேலோடு கருகிக் கொண்டே வரும். அதனால் பரவாயில்லை. அதை உடைத்துக் கீழே தான் வீசப்போகிறோம். எனவே மீண்டும் தேங்காயை நெருப்பில் சுட்டுக் கொண்டே இருக்கவும். எதுவரை என்றால், உள்ளே அடைத்துள்ள பொருட்களில் எள் இருக்கிறதே... அந்த எள் வெடிக்கும் சத்தம் மிதமாக வெளியில் நமக்குக் கேட்கத் தொடங்கும் வரை தேங்காயை சுடவும். பிறகு எடுத்து 30 நிமிடங்கள் சுட்ட தேங்காயை ஆற வைக்கவும். இப்போது தேங்காயின் மேலோட்டை உடைத்து நீக்கி விட்டு உள்ளிருக்கும் தேங்காய்ப்பூவை கத்தியால் துண்டுகளாக்கி சாப்பிடலாம். 

இந்தச் சுவைக்கு எந்த இனிப்பையும் ஈடு இணையாக்கவே முடியாது. அது ஓர் அபார ருசியுடனிருக்கும்.

பொதுவாக வெடிதேங்காய் வீட்டில் செய்தால் இப்படித்தான் செய்ய முடியும். இதையே தோப்புகளிலோ அல்லது வீட்டுக்கு வெளியே காலி இடங்களிலோ செய்தால் நெருப்பை இன்னும் அதிகப்படுத்தி தேங்காயை நன்கு சுடலாம். நெருப்பு அதிகரிக்கும் போது உள்ளிருக்கும் கலவையில் வெல்லம் கரைந்து வழித்து பருப்பு வெந்து அது சாப்பிட மேலும் சுவையாக இருக்கும்.

வெடி தேங்காயின் நியூரிஷனல் பெனிஃபிட்ஸ்:

தேங்காய் மிகச்சிறந்த நார்ச்சத்து மிக்க உணவு. அதோடு இதில் எள், வெல்லம், பொட்டுக்கடலை, பயத்தம் பருப்பெல்லாம் வேறு சேர்க்கிறோமில்லையா? அவையெல்லாமும் மிகச்சிறந்த புரதச் சத்து கொண்ட உணவுப் பொருட்கள். நாட்டு வெல்லத்தில் இருக்கும் இரும்புச் சத்தும் இன்ன பிற மினரல்களும் உடலும், உள்ளமும் உற்சாகமாக இயங்கத் தேவையான சக்தியை வழங்கக் கூடியவை.
 

]]>
வெடி தேங்காய், ஹோம் மேட் வெடி தேங்காய், flamming coconut, homemade flamming coconut, sweets, traditional indian sweet, பாரம்பர்ய இந்திய இனிப்பு https://images.dinamani.com/uploads/user/imagelibrary/2018/5/29/w600X390/flaming_coconut.jpg https://www.dinamani.com/lifestyle/lifestyle-food/2018/may/29/flamming-coconut-preparation-at-home-2929184.html
2921613 லைஃப்ஸ்டைல் ரசிக்க... ருசிக்க... கடையில் பாஸ்தா வாங்குவதா? வீட்டிலேயே ஃப்ரெஷ் பாஸ்தா செய்து சாப்பிடலாமே ‘இட்ஸ் ஹைலி ரொமான்டிக்’! கஸ்தூரி ராஜேந்திரன், தேனி. DIN Thursday, May 17, 2018 02:04 PM +0530  

பாஸ்தா... பீட்ஸாவைப் போலவே ஸ்பெஷலான இத்தாலிய உணவு வகைகளில் ஒன்று. பீட்ஸாவைக் கூட உணவு ஆர்வலர்கள் மற்றும் வல்லுனர்களில் சிலர் அது உடல் ஆரோக்யத்துக்கு கேடு விளைவிக்கும் ஜங்க் ஃபுட் வகையறா என்று நிராகரிக்கலாம்.ஆனால் பாஸ்தாவை அப்படி நிராகரிக்கத் தேவையில்லை, அது மக்ரோனி போல உடலுக்கு ஆரோக்யம் தரக்கூடியது என்று சொல்பவர்களும் உண்டு. எது எப்படியோ பாஸ்தாவை இன்றைய தலைமுறையினர் இந்திய உணவுவகைகளைக் காட்டிலும் அதிகமாக சாப்பிட்டுப் பழகத் தொடங்கி நெடுநாட்களாகிறது. எனவே எப்போதும் கடைகளில் ட்ரை பாஸ்தாவாக வாங்கி வந்து வீட்டில் வெந்நீரில் காய்கறிகளை அரை வேக்காட்டில் அவித்து அதனுடன் நீரில் ஊற வைத்த பாஸ்தாவையும் போட்டு சமைத்து அதன் மீது ரெடிமேட் சாஸ் ஊற்றி சாப்பிடத் தருவதைக் காட்டிலும் ஃப்ரெஷ் ஆக நாமே பாஸ்தா தயாரித்துச் சமைத்தால் என்ன என்று தோன்றியது.

பாஸ்தா மாவு தயாரிக்கும் முறை...

  • டபிள் ஜீரோ ஃப்ளோர் (மாவு) - 150 கிராம்ஸ் (சூப்பர் மார்கெட்டுகளில் கிடைக்கும்)
  • துரம் வீட் செமொலினோ பெளடர் - 50 கிராம்ஸ் (சூப்பர் மார்கெட்டுகளில் கிடைக்கும்)

(துரம் வீட் செமோலினா பெளடர் என்பது கோதுமை மாவு தான். ஆனால் இது நாம் சப்பாத்திக்கு பயன்படுத்தும் வழக்கமான கோதுமை மாவில்லை, அதைக் காட்டிலும் மென்மையாக பாஸ்தாவுக்கென்றே விளைவிக்கப்படும் கோதுமையில் இருந்து அரைக்கப்படும் மாவு. இவை தனியாக டெட்ராபிளாய்ட் கோதுமை என்ற பெயரில் அறுவடை செய்யப்படுகின்றன. கோதுமை மாவு மிகமிக நைஸாக சுத்திகரிக்கப்பட்ட நிலை இது என்கிறார்கள். இந்த மாவில் தான் பாஸ்தா தயாரிக்க முடியுமாம். அதனால் பாஸ்தாவுக்கான மாவை மட்டும் நாம் சூப்பர் மார்க்கெட்டுகளில் தான் வாங்கியாக வேண்டும்)

இரண்டும் சேர்த்து 200 கிராம் மாவை ஒரு அகன்ற கிண்ணத்தில் எடுத்துக் கொண்டு அதில் இரண்டு நாட்டுக்கோழி முட்டைகளை உடைத்து ஊற்றவும். பின்னர் ஒரு ஸ்பூனால் மாவை நன்கு கிளறி முட்டையில் மாவை நன்கு புரட்டிப் பிசையவும். எப்படி என்றால் நம்மூர் சப்பாத்தி மாவு பிசைவதைப் போல அல்ல. இதற்கு இன்னும் கொஞ்சம் ஸ்பெஷல் கவனம் தேவைப்படுகிறது. மாவை நீட்டி இழுத்து மீண்டும் மடக்கி பாய்போலச் சுருட்டி நன்கு பிசைய வேண்டும். நாம் எதிர்பார்த்த அளவுக்கு இளகு தன்மையும், அதற்குண்டான நிறமும் நாம் கலந்து மாவுக் கலவையில் வரும் வரை அதைப் பிசைந்து கொண்டே இருக்கவும். ஒரு வழியாக மாவை பாஸ்தா பிழிவதற்கு தோதாக நமது எதிர்பார்ப்புக்கு ஏற்றவாறு பிசைந்து முடிந்ததும் அதை ஒரு காற்றுப்புகாத பிளாஸ்டிக் கவரில் சுற்றி வைக்கவும்.

அதற்கான விடியோக்கள்...

 

மார்க்கெட்டில் ஏகப்பட்ட ஷேப்களில் பாஸ்தா கிடைக்கிறது. நம்மூரில் திருகு, குழல் மற்றும் சங்கு வடிவ பாஸ்தாக்கள் ஃபேமஸ். நூடுல்ஸ் வடிவிலும் பாஸ்தாக்களை வெட்டிக் கொள்ளலாம். இதற்கென்று பிரத்யேக மெஷின்கள் ஆன்லைனில் விற்பனைக்கு கிடைக்கின்றன. அவற்றில் ஒன்றை வாங்கி வைத்துக் கொண்டு நமக்குப் பிடித்த வடிவத்தில் பாஸ்தாக்களைப் பிழிந்து வைத்துக் கொண்டு பயன்படுத்தலாம். மெஷின் வாங்க முடியாதவர்கள் பூரிப்பலகை கொண்டு பாஸ்தா மாவை வட்டமாகத் திரட்டி அதிலிருந்து தங்களுக்குத் தேவையான டிசைனில் பாஸ்தாக்களை வெட்டிக் கொள்ளலாம்.

பிசைந்து ஃப்ரிஜ்ஜில் வைத்த பாஸ்தா மாவை எடுத்து சப்பாத்திக்கு மாவு திரட்டுவதைப்போல மெலிதாகத் திரட்டவும். மாவு ஒட்டாது... ஆனால் ஒட்டிக் கொள்ளும் என்று அச்சம் இருந்தால் அதில் கொஞ்சம் செமோலினா மாவைக் கொட்டி புரட்டவும். கிட்டத்தட்ட மாவில் புரட்டி சப்பாத்திக்கு திரட்டுவதைப் போலத்தான். ஓகே... இப்போது பாஸ்தா மாவு தயார். அப்புறம் டிசைன் எல்லாம் அவரவர் விருப்பம்.

 

இதில் இவர் பட்டர்ஃபிளை பாஸ்தா செய்யக் கற்றுத் தருகிறார். நாம் நமக்குப் பிடித்த வேறு எந்த வடிவத்திலுமாக வெட்டிக் கொள்ளலாம்.

சரி இப்போது ஃப்ரெஷ் பாஸ்தா தயார்... ஆனால் அதை அப்படியே சாப்பிட்டால் சுவையாக இருக்காதே.. அதை சாப்பிடத் தோதாக மாற்ற சில அலங்காரங்கள் தேவைப்படுகின்றன.

இப்போது ஃப்ரெஷ் பாஸ்தா தயார். இதைக் காய வைத்து எடுத்து வைத்தால் அது ட்ரை பாஸ்தா. நாம் கடைகளில் வாங்கி சமைத்து உண்பது ட்ரை பாஸ்தா வகையறா.

இந்த காணொளியில் ஃப்ரெஷ் பாஸ்தா மாவு தயாரிக்கவும், அதை விருப்பத்துக்கு ஏற்றவாறு வெட்டிக் கொள்ளவும் நமக்குக் கற்றுத்தருகிறாரே அந்த மனிதரின் பெயர் ஜென்னாரோ கண்டல்டோ. இத்தாலியின் பாப்புலர் செஃப்களில் ஒருவர்.

 

பட்டர்ஃபிளை பாஸ்தாவுக்குப் பொருத்தமாக பூசணிக்காய் ஸ்டஃபிங்...

  • மஞ்சள் பூசணிக்காய் - 400 கிராம் துண்டுகள் (துண்டுகளாக நறுக்கிக் கொள்ளவும்)
  • ஆலிவ் ஆயில் - தேவையான அளவு
  • பூண்டு - 5 பல் (முதலில் நசுக்கிக் கொள்ளவும்)
  • மிளகாய் - 2 (அதிகக் காரம் வேண்டாம் என்பவர்கள் விதைகளை நீக்கிக் கொள்ளவும்)
  • பூண்டு மற்றும் மிளகாயைப் பொடியாக நறுக்கிக் கொள்ளவும்.

பூண்டு மற்றும் மிளகாயை நறுக்கியதும் ஆலிவ் எண்ணெயில் இட்டு வதக்கவும்.

அடுத்ததாக அதனுடன் ரோஸ்மேரி செடியின் இரு சிறு கிளைகளை ஒடித்து சேர்க்கவும். இது நாம் தயார் செய்யும் பதார்த்தங்களுக்கு மிக அருமையான சாப்பிடத் தூண்டும் மணத்தைத் தரும். ரோஸ் மேரி ஃப்ரெஷ் ஆக கிடைக்கவில்லை என்றால் சூப்பர் மார்க்கெட்டுகளில் ட்ரை ரோஸ் மேரி இலைகள் மற்றும் தண்டுகள் கிடைக்கும். அவற்றைப் பயன்படுத்திக் கொள்ளலாம். வாசமாக இருக்கிறதே என்று அதிகமாக ரோஸ் மேரி சேர்த்து விடக்கூடாது. 400 கிராம் பூசணிக்காய்க்கு இரண்டு ரோஸ்மேரி தண்டுகள் போதும். 

ரோஸ்மேரி வதங்கி லேசாக வாசமெழத் தொடங்கியதுமே அவற்றுடன் பொடியாக நறுக்கி வைத்த பூசணிக்காய்த் துண்டுகளைப் போட்டு வதக்கவும். பூசணி வதங்கிக் கொண்டிருக்கும் போதே அதில் மூன்று டேபிள் ஸ்பூன் காய்கறி சூப் சேர்க்கவும். 5 நிமிடங்கள் கழித்து அதில் சிறிதளவு உப்பு சேர்த்துக் கிளறவும். 

காய்கறி சூப்பில் பூசணிக்காய் வெந்து கொண்டிருக்கும் போதே அடுப்பை சிம்மில் வைத்து விட்டு மற்றொரு பர்னரில் மூடி போட்ட பாத்திரமொன்றில் முன்பே தயார் செய்து வைத்திருக்கும் ஃப்ரெஷ் பாஸ்தாவை அதில் அளவாக நீரூற்றி, உப்பு சேர்த்து வேக வைக்கவும். பாஸ்தா வெந்ததும் அதை இறக்கி வடிகட்டவும். வடிகட்டிய பாஸ்தாவை அப்படியே வெந்து கொண்டிருக்கும் பூசணிக்காய் கலவையில் கொட்டிக் கிளறவும். நீங்கள் விரும்பிய ஃப்ளேவர் பெற பூசணிக்காயை இறக்கும் முன் அதில் சிறிதளவு ஆலிவ் ஆயில் சேர்க்கலாம். இப்போது பூசணிக்காய், பாஸ்தாவில் நன்கு கலந்து மணம் நாசியை நிரப்பும். இந்த் நிலையில் பாஸ்தாவை பிளேட்டில் கொட்டி அதன் மீது துருவிய சீஸ் தூவி மேலே அழகுக்காக நம்மூர் ஸ்டைலில் கொத்தமல்லி இலைகளையோ, புதினாவையோ வைத்து அலங்கரித்து அப்படியே சூடாகச் சாப்பிடலாம்.

பாருங்கள்.. இந்த பாஸ்தாவும் சரி அதற்கான ஸ்டப்பிங்கும் சரி நாமே நமது கைகளால் சொந்தமாக வீட்டில் தயாரித்தது. இதில் எதுவுமே கடைகளில் வாங்கிய ரெடிமேட் சரக்குகள் அல்ல.

பாஸ்தாவைக் கூட இப்படிச் சொந்தமாக நாம் வீட்டில் தயாரித்து உண்பதால் ஆரோக்யத்துக்கு ஆரோக்யம் என்பதோடு இத்தாலியன் ஸ்பெஷல் உணவுகளை தயாரிக்கத் தெரியும் என்ற பெருமையும் நம்மை வந்து சேரும். இது கூட ஒருவகை தன்னம்பிக்கை தான்.

]]>
HOME MADE PASTA, vegetarian Pumpkin Farfalle, ஹோம்மேட் பாஸ்தா, வெஜிடேரியன் பூசணிக்காய் பாஸ்தா, பட்டர்ஃப்ளை பாஸ்தா, இத்தாலியன் ஸ்பெஷல், ஹைலி ரொமான்டிக் https://images.dinamani.com/uploads/user/imagelibrary/2018/5/17/w600X390/zpumpkin-farfalle.png https://www.dinamani.com/lifestyle/lifestyle-food/2018/may/17/make-pasta-at-home-its-highly-romantic-yar-2921613.html
2915761 லைஃப்ஸ்டைல் ரசிக்க... ருசிக்க... யாரெல்லாம் கருவாடு சாப்பிடக்கூடாது? எப்போதெல்லாம் கருவாடு தவிர்க்கவேண்டும்? RKV DIN Tuesday, May 8, 2018 03:51 PM +0530  

அசைவ உணவுகளில் அதிகமாகக் கொழுப்புச் சத்து இல்லாதது மீன் மற்றும் கருவாடு தான். கருவாடு சாப்பிடும் போதும் மீன், நண்டு உள்ளிட்ட உணவுகளைச் சாப்பிடும் போது மோர், தயிர், கீரை போன்ற உணவுகளைச் சேர்த்துக் கொள்ளக் கூடாது. இது உணவு நச்சாதலுக்கு வழிவகுத்து மருத்துவர்கள் குறிப்பிடும் ஃபுட் பாய்சனில் கொண்டு விடும். 

கருவாடு சமைக்கும் போது அதில் மிளகு, பூண்டு, சீரகம், திப்பிலி போன்ற மூலிகை உணவுப் பதார்த்தங்களைச் சேர்த்துச் சமைத்தால் ஆரோக்யமானதாக இருக்கும். இதை கருவாட்டுச் சாறு என்பார்கள். பார்ப்பதற்கு ரசம் போல இருக்கும் இந்தக் கருவாட்டுச்சாறு அஜீரணக் கோளாறு, மாந்தம், பசியின்மைக்கு மிகச்சிறந்த நிவாரணமளிக்கக் கூடியது.

எண்ணெய் தேய்த்து தலை முழுகும் நாட்களில் மீன், கருவாடு, நண்டு, இறால், தயிர், மோர் சாப்பிடக் கூடாது, சைனஸ் தொல்லை, சளி, இருமல், ஆஸ்த்துமா தொல்லை இருப்பவர்கள் தலைக்கு எண்ணெய் தேய்த்துக் குளித்த அன்று இவற்றையெல்லாம் சாப்பிட்டால் சைனஸ் பிரச்னை அதிகமாகும் அபாயம் உண்டு.

ரத்த அழுத்தம் மற்றும் சர்க்கரை அதிகமாக இருப்பவர்கள் உப்பு அதிகமாக உணவில் சேர்த்துக் கொள்ளக் கூடாது. கருவாட்டில் உப்பு மிக அதிகமாக இருக்கும் எனவே இந்தப் பிரச்னை இருப்பவர்கள் கருவாட்டைத் தவிர்த்து விடுவது நல்லது.

சரும நோய் அல்லது ஒவ்வாமை இருப்பவர்களுக்கும் கூட கருவாடு தடை செய்யப்பட்ட உணவாகவே இருக்கிறது. ஏனெனில் கருவாடு சருமப் பிரச்னை உடையவர்களின் ஜென்ம எதிரி என்றால் மிகையில்லை. சரும நோய் உள்ளவர்கள் கருவாடு சாப்பிட்டால் உடலில் நமைச்சலும், அரிப்பும் ஏற்பட்டு மிகுந்த தொல்லைகளுக்கு ஆளாவார்கள்.

]]>
கருவாடு, dry fish, who should avoid dry fish, கருவாடு யார் தவிர்க்கவேண்டும்?, கருவாடு சாப்பிட உகந்த நேரம் https://images.dinamani.com/uploads/user/imagelibrary/2018/5/8/w600X390/zkaruvadu.jpg https://www.dinamani.com/lifestyle/lifestyle-food/2018/may/08/who-should-avoid-to-eat--dry-fish-2915761.html
2915055 லைஃப்ஸ்டைல் ரசிக்க... ருசிக்க... எடை குறைக்க நினைப்பவர்கள் முட்டை சாப்பிடலாமா?  கஸ்தூரி ராஜேந்திரன், தேனி. DIN Monday, May 7, 2018 05:21 PM +0530  

சிலருக்கு சாப்பாட்டில் முட்டை இல்லையென்றால் தொண்டைக்குள் சாப்பாடு இறங்காது. தினமும் குறைந்த பட்ச அசைவ பட்சணமாக முட்டையாவது வயிறுக்குள் இறங்கியாக வேண்டும். இல்லாவிட்டால் வயிறு முட்டச் சாப்பிட்ட பின்பும் நிறைவாக உண்ட திருப்தி கிடைக்காது. அப்படிப்பட்டவர்கள் உடல் எடையைக் குறைக்கிறேன் பேர்வழியென்று டயட்டில் இறங்கினால் என்ன ஆகும்? முட்டை உண்ணும் போது கீழே சொல்லப்பட்டுள்ள சில ஆலோசனைகளைக் கடைபிடித்தால் போதும்... அதனால் எடை கூடுதலை எளிதில் தவிர்க்கலாம்.

முட்டையினால் உடல் எடை கூடும் என்பது தவறான நம்பிக்கை. முட்டை மட்டுமல்ல அது காய்கறிகளாகட்டும், கீரை வகைகளாகட்டும், பழங்கள் மற்றும் அசைவ உணவு வகைகளாகவே இருக்கட்டுமே, எது ஒன்றையும் கணக்கு வழக்கின்றி அதீதமாக உண்டால் மட்டுமே உடல் எடை கூடுமென்ற பயம் வரவேண்டும் என்கிறார்கள் உணவு மற்றும் ஊட்டச்சத்து நிபுணர்கள் குழுவினர். 

எதையும் அளவறிந்து உண்டால் எடை கூடுமேயென்று அஞ்சத் தேவையில்லை. முட்டையைப் ‘புரதங்களின் அரசன்’ என்பார்கள். ஏனெனில் அதில் இல்லாத அமினோ அமிலங்கள், புரதச் சேர்க்கைகள் இல்லை. முட்டையின் வெண்கருவில் அல்புமின் எனும் புரதம் இருக்கிறது. மஞ்சள் கருவில் குளோபுலின் எனும் புரதம் இருக்கிறது. இந்த இரு புரதங்களுமே மனித ஆரோக்யத்தில் பங்கு வகிக்கக் கூடிய மிக முக்கியமான புரதங்கள். அல்புமின்னில் கொழுப்புச் சத்து மிக, மிக சொற்பம் என்பதால் அதை எல்லா வயதினரும் உண்ணலாம். குளோபுலின் அப்படியல்ல சிறு குழந்தைகள் மற்றும் சிறார்களுக்கு குளோபுலினைத் தவிர்க்கச் சொல்லி சில மருத்துவர்கள் பரிந்துரைக்கிறார்கள். காரணம் அதிலிருக்கும் கொழுப்பு மூலக்கூறுகள் உடல் எடையை அதிகரிக்கச் செய்யலாம்.

உடல் எடையைக் குறைக்க நினைப்பவர்கள் உட்டையின் வெண்கருவை மட்டும் தினமும் சாப்பிடுவதை வழக்கமாகக் கொள்ளலாம். வெண்கருவை மட்டுமே சாப்பிடுவதென்றால் தினமும் இரண்டு முதல் நான்கு முட்டைகள் வீதம் சாப்பிடுவதை பழக்கமாக்கிக் கொள்ளலாம். மஞ்சள் கருவையும் சேர்த்து உண்பீர்கள் எனில் அதாவது முழு முட்டையை உண்பது தான் திருப்தி என்று நினைப்பவர்கள் வாரத்திற்கு ஒரே ஒரு முட்டை தான் சாப்பிட வேண்டும். கோடையில் முட்டை அதிகம் சாப்பிடாமல் தவிர்ப்பதும் நல்லதே, காரணம் முட்டை உண்பதால் மனித உடலில் உஷ்ணம் அதிகரிக்கும் என்கிறார்கள் ஊட்டச்சத்து நிபுணர்கள். ஒருவேளை கோடையில் தினமும் உணவில் முட்டை சேர்த்துக் கொள்ள விரும்பினீர்கள் எனில் மறக்காமல் அதிகளவில் பழரசங்கள், மோர், தண்ணீர் அருந்துவதையும் பழக்கமாக்கிக் கொள்ள வேண்டும். இந்த நீராகாரங்களும், பழரசங்களும் முட்டை உண்பதால் உடல் அடையக்கூடிய உஷ்ணத்தின் சதவிகிதத்தைக் குறைக்குமாம்.

முட்டை சாப்பிடுவதைக் குறைக்காமல் எடை குறைக்க வேண்டும் என்று நினைப்பவர்கள், முட்டையைப் பொரித்து உண்ணாமல் அப்படியே அவித்து உண்ணலாம். பொரிக்கும் போது அதில் சேர்க்கப்படும் எண்ணெய் மற்றும் இயல்பாக மஞ்சள் கருவில் இருக்கும் கொழுப்பு இரண்டும் சேர்ந்து எடையை அதிகரிக்கச் செய்யுமே தவிர குறைக்கும் முயற்சியைத் தடை செய்து விடும்.

இந்த ஆலோசனைகளை மனதில் வைத்துக் கொண்டு முட்டை சாப்பிட்டால் உடல் எடை கூடுமேயென்று அஞ்சத் தேவையில்லை.

]]>
weight loss, EGG EATING, முட்டை உணவு, எடை குறைப்பு, முட்டை சாப்பிட டிப்ஸ், எடை குறைக்க டிப்ஸ் https://images.dinamani.com/uploads/user/imagelibrary/2018/5/7/w600X390/Z_EGG_EATING.jpg https://www.dinamani.com/lifestyle/lifestyle-food/2018/may/07/can-i-eat-eggs-for-weight-loss-2915055.html
2900121 லைஃப்ஸ்டைல் ரசிக்க... ருசிக்க... பாக்கெட்டில் அடைத்த சிப்ஸுக்குப் பதிலாக வீட்டிலேயே மொறு மொறு சிப்ஸ் செய்யலாமா? கஸ்தூரி ராஜேந்திரன், தேனி. DIN Saturday, April 14, 2018 03:12 PM +0530  

தேவையான பொருட்கள்: 

  • வாழைக்காய் அல்லது உருளைக் கிழங்கு - 2 அல்லது 3
  • சமையல் எண்ணெய் - பொறித்தெடுக்கத் தேவையான அளவு
  • உப்பு - சிறிதளவு
  • மிளகாய்த்தூள் - சிறிதளவு
  • பெருங்காயத்தூள் - சிறிதளவு 
  • கறிவேப்பிலை- 1 கைப்பிடி

செய்முறை:

கடையில் நல்ல மொந்தன் வாழைக்காயாகப் பார்த்து வாங்கி நங்கு கழுவி விட்டு முதலில் நுனியையும் காம்பையும் வெட்டிப் பின் தோல் நீக்கவும். அடுத்து நல்ல கனமான இரும்புக் கடாயில் தேவையான அளவு சமையல் எண்ணெய் விட்டு அது பொரிப்பதற்குத் தோதாகச் சூடானதும் தோல் நீக்கிய வாழைக்காயை கட்டரில் இட்டு ஸ்லைஸ் செய்து அதை எண்ணெயில் போடவும். கடாயில் பொரிக்கும் போது ஸ்டவ்வில் தீயை ஹை ஃபிளேமில் வைத்துப் பொறுமையாகப் பொரித்தெடுக்க வேண்டும். அப்போது தான் நீங்கள் எதிர்பார்க்கும் கோடன் ப்ரெளன் நிற சிப்ஸ்கள் கிடைக்கும். மறந்தீர்களானால் சிப்ஸ் கருகிப் போய் மொத்த வேலையையும் கெடுத்த விடும். அதே சமயம் சிம்மில் வைத்தும் பொரிக்கக் கூடாது. அப்படிப் பொரித்தால் சிப்ஸ் மொறு மொறுப்பு இல்லாமல் வதக் , வதக்கென அமைந்து சீக்கிரமே நமுத்துப் போகும். எனவே சிப்ஸ் போடும் போது இந்த டிப்ஸ்களை கவனமாகக் கையாள வேண்டும்.

சிப்ஸ்களை வடிகரண்டியில் எண்ணெயை வடித்தெடுத்து ஒரு வாயகன்ற அகலமான சில்வர் அல்லது மண் பாத்திரத்தில் போடவும். சூடு குறையுமுன் தேவையான அளவு உப்பு, பெருங்காயத்தூள், மிளகாய்த்தூள் சேர்த்து நன்கு குலுக்கி விட்டு ஒரு டப்பர் வேர் ஜாரில் எடுத்து வைத்துக் கொண்டு தேவைப்படும் போது சாப்பிடலாம். 

தயிர்ச்சாதத்துக்கு சிப்ஸ் நன்றாக இருந்தாலும் பொதுவாக புளியோதரை, தக்காளிச் சாதம். தேங்காய்ச் சாதம், பிரியாணி, சாம்பார் சாதம், நெய் விட்ட பருப்புச் சாதம் என அனைத்து விதமான கலந்த சாதங்களுக்கும் வீட்டிலேயே சொந்தமாக நாம் தயரித்த இந்த சிப்ஸ்கள் மிக அருமையான காம்பினேஷனாக இருக்கும்.

குழந்தைகளுக்கு பள்ளிக்குக் கொடுத்தனுப்ப ஸ்னாக்ஸ் வகையறாக்களாக கடைகளில் பாக்கெட் செய்து வைத்திருக்கும் கண்ட, கண்ட சிப்ஸ்களைப் பயன்படுத்துவதை விட இப்படி நமக்கு நாமே திட்டம் போல நம் சொந்தக் கைகளால் படு சுத்தமாகவும், ஆரோக்யமாகவும் வீட்டிலேயே வாழைக்காய் அல்லது உருளை சிப்ஸ் செய்து கொடுத்து அசத்தலாம்.

ஒருமுறை இப்படிச் செய்து பழகி விட்டோம் என்று வையுங்கள். பிறகு கடைகளில் வாங்கத் தோன்றாது. 

]]>
home made banana potato chips, வீட்டிலேயே மொறு மொறு வாழை உருளை சிப்ஸ் https://images.dinamani.com/uploads/user/imagelibrary/2018/4/14/w600X390/home_madebanana_chipss.jpg https://www.dinamani.com/lifestyle/lifestyle-food/2018/apr/14/homemade-banana-chips-2900121.html
2899484 லைஃப்ஸ்டைல் ரசிக்க... ருசிக்க... நீங்கள் வாங்கியுள்ள தேன் சுத்தமானதுதானா? சினேகா DIN Friday, April 13, 2018 03:57 PM +0530  

நமக்கு மிகவும் பிடித்தமானவர்களை மானே தேனே என்று அழைப்போம். காரணம் தேன் அத்தனை மகத்தானது. அவ்வளவு சுத்தமானது. ஆனால் மனிதன் தான் எல்லாவற்றையும் கலப்படம் செய்து விடுகிறானே! கொம்புத் தேன், மலைத்தேன், கடைத்தேன், தேனடை என்று தேன்களை விதவிதமாக வாங்கினாலும் நாம் வாங்கியுள்ளோமா அல்லது வெல்லக் கரைசலா என்பதை எப்படிக் கண்டுபிடிப்பது. பொதுவாக தேன் பார்ப்பதற்கு அடர் செந்நிறமாக இல்லாமல் சற்று இளமஞ்சள் நிறத்தில் இருக்கும். நாவினால் நக்கினால் அதன் இனிப்பு நாக்கில் நீண்ட நேரம் இருக்காது. சுவைத்தபின் மஞ்சள், சிவப்பு என்று எந்த நிறமும் நாக்கில் ஒட்டியிருக்காது. இப்படி விஷயம் அறிந்தவர்கள் சொல்வதைக் கேட்டால் ஆச்சரியமாக இருக்கும். தேன் தானே என்று அலட்சியமாக எண்ணாமல் கவனமாக வாங்கிப் பயன்பெறுங்கள்.

ஒரு கண்ணாடி டம்ளரை எடுத்துக் கொள்ளுங்கள். அதில் முக்கால் பங்கு தண்ணீர் ஊற்றியபின், ஒரு சொட்டு தேனை விடுங்கள். தேன் கரையாமல் கலங்காமல் அப்படியே டம்பளரின் அடியில் சென்று படிந்தால் சுத்தமான தேன் என்றறிக.

ஒரு ப்ளாட்டிங் பேப்பரை எடுத்து அதன்மேல் இரண்டு சொட்டுத் தேனை விடுங்கள். அது பேப்பரின் பின்புறம் ஊறி கசியாமல் இருந்தால் சுத்தமான தேன் என்கிறார்கள் செய்து பார்த்தவர்கள்.

சுத்தமான தேனுக்கு எறும்பு வராது என்கிறார்கள். வெல்லத்துக்குதான் எரிம்பு மொய்க்கும். தேனை எவ்வளவு நாள் வைத்திருந்தாலும் எறும்பு அண்டாது.

இந்த மூன்று முறையுமே நல்ல தேனைக் கண்டுபிடிக்க உங்களுக்கு உதவும் டிப்ஸ். இவை சரிப்படாது என்று நினைத்தால் நான்காவதாக ஒரு டிப்ஸ் உள்ளது.

ஆற்று மணலில் ஓரிரு சொட்டு தேனைச் சொட்டவும். சில நிமிடங்கள் காத்திருக்கவும். நன்றாக குனிந்து உங்கள் வாயால் அதனை ஊதவும். தேன் மட்டும் உருண்டு ஓடினால் அது தூய்மையான தேன். மணலோடு மணலாக கலந்துவிட்டால் ஊதினால் திரண்டு வராவிட்டால் அது போலியானது. 

சுத்தமான தேனை கண்டு பிடித்து அதனை தினமும் சாப்பிட்டு வந்தால் அதனால் ஏற்படும் பலன்கள் கணக்கிலடங்காதது. தேனின் மருத்துவ பலன்கள் சிலவற்றைப் பார்க்கலாம்.

  • கடுமையான வயிற்றுவலி குணமாக ஒரு தேக்கரண்டி தேனை கொதிக்கும் சூடுள்ள ஒரு கப் நீர் எடுத்து அதனுடன் கலந்து ஆற்ற வேண்டும். தாங்கக் கூடிய சூட்டுடன் அந்த நீரைக் கொஞ்சம் கொஞ்சமாக அருந்த வேண்டும். அருந்தி வந்தால் கடுமையான வயிற்று வலி உடனே நின்றுவிடும். ஜீரணக் கோளாறுகளும் குணமாகும்.
  • வயிறு மற்றும் குடற்புண் ஆற தினமும் இரண்டு தேக்கரண்டி தேனை உணவு உண்பதற்கு இரண்டு மணி நேரத்திற்கு முன்பு  குடித்து வந்தால் வயிறு மற்றும் குடற்புண்கள் ஆறி விடும்.
  • உடல் சோர்வு, சளி, வயிற்றுப் பிரச்சனைகள் தீர ஒரு தேக்கரண்டி தேனை ஒரு டம்ளர் சுடுநீரில் கலந்து, பின்பு அதில் அரை எலுமிச்சம்பழச் சாற்றையும் சேர்த்துச் சாப்பிட்டு வந்தால் உடல் எப்பொழுதும் சுறுசுறுப்பாக இருக்கும். நுரையீரலில் சேர்ந்துள்ள சளி எல்லாம் கண் காணாத இடத்திற்கு ஓடிவிடும். குடல் மற்றும் வயிற்றுக் கோளாறுகள் நீங்கிவிடும்.
  • வறட்டு இருமல் குணமாக தேனுடன்  நெல்லிக்காய்களைத் துண்டு துண்டாக்கி அதனுடன் சிறிதளவு ஏலக்காய், ரோஜா இதழ்கள் சேர்த்து இரண்டு நாட்கள் வெயிலில் காய வைக்கவேண்டும். பின்பு ஒரு ஸ்பூன் வீதம் காலையும், மாலையும் சாப்பிட்டு வந்தால் வறட்டு இருமல் குணமாகிவிடும்.
  • மூட்டுத் தேய்மானம், வலி நீங்க மூட்டு வலிகளுக்குச் சிறந்த மருந்து தேனை எடுத்து மூட்டு வலி உள்ள இடத்தில் நன்றாகத தேய்த்துவிட வேண்டும். அத்துடன் எப்பொழுது உணவு உட்கொண்டாலும் ஒரு தேக்கரண்டி தேனையும் உடனே உட்கொள்ள வேண்டும். மூட்டுகள் தேயாது, மூட்டுகள் வலிக்காது.
  • தேனின் மற்ற பயன்கள் தினந்தோறும் இரவு படுக்க போகும்முன் ஒரு தேக்கரண்டி தேனை சாப்பிட்டு வந்தால் உடல் சோர்வுற்ற நிலை, அதிக வேலை, பசியின்மை, அதிக அமிலத்தன்மை, பித்தம் சம்பந்தமான தொல்லைகள், ரத்தக்குழாய் தொடர்பான சில தொல்லைகள், இருதயத் தசைகளுக்குப் போதுமான ரத்தம் இன்மையால் ஏற்படும் வலி, தொற்று நோய்க் கிருமிகளால் உண்டான காய்ச்சல், மூளைக்கு அதிக வேலை கொடுத்ததால் ஏற்பட்ட சோர்வு, கர்ப்பிணிகளுக்கு ஏற்படும் காலை நேரத் தொல்லைகள், ஹைபோகிளை சீமியா எனப்படும் ரத்தத்தில் சர்க்கரைச் சத்து குறைந்த நிலை போன்றவகளுக்குச் மிகச் சிறந்த தீர்வு .
]]>
honey https://images.dinamani.com/uploads/user/imagelibrary/2017/2/15/w600X390/jars_of_honey.jpg https://www.dinamani.com/lifestyle/lifestyle-food/2018/apr/13/how-to-find-pure-honey-few-tips-to-get-the-best-2899484.html
2899475 லைஃப்ஸ்டைல் ரசிக்க... ருசிக்க... ஓட்டல் பூரி போல் உப்பலாக பூரி வேண்டுமா? DIN DIN Friday, April 13, 2018 03:44 PM +0530 பஜ்ஜி மாவில் பொடியாக நறுக்கிய புதினா, ஓமவல்லி இலை அல்லது வெற்றிலை சேர்க்கலாம் - நல்ல வாசனையாக இருப்பதுடன் எளிதில் ஜீரணமாகும்.

புதினாவை நிழலில் காயவைத்து பொடி செய்து பனங்கற்கண்டு சேர்த்து கஷாயம் செய்து அருந்தி வந்தால். இரவில் நல்ல உறக்கம் வரும். நோய் எதிர்ப்புச் சக்தி அதிகரிக்கும்.

இருமல், கபம் முதலியவற்றால் மூச்சுத்திணறும் குழந்தைகளுக்கு இஞ்சிச்சாறு, மாதுளம் பழச்சாறு கலவையுடன் தேன் கலந்து குடிக்க கொடுத்தால் உடனடி நிவாரணம் கிடைக்கும்.

பாதுஷா செய்யும் போது மாவில் ஒரு சிட்டிகை சமையல் சோடா சேர்த்து, சிறிதளவு வனஸ்பதியையும், நெய்யும் சேர்த்தால் பாதுஷா மிருதுவாகவும் நல்ல சுவையுடனும் இருக்கும்.

ஓட்டல் பூரி போல் உப்பலாக பூரி வேண்டுமா? கோதுமை மாவைப் பிசையும் போதே ஒரு தேக்கரண்டி சோயாமாவு, அரை தேக்கரண்டி சர்க்கரை சேர்த்துப் பிசைந்தால் போதும். பூரிஉப்பலாக வரும். இது சீக்கிரத்தில் நமர்த்தும் போகாது.
வேக வைத்த உருளைக் கிழங்குடன் அரிசிமாவு, கடலை மாவு சேர்த்து ஓமப் பொடி பிழிந்தால் பிரமாதமான சுவையுடன் இருக்கும்.

நாலு டம்ளர் கோதுமை மாவுக்கு அரை டம்பளர் உளுத்தம் பருப்பை ஊற வைத்து அரைத்து கோதுமையுடன் கலந்து உப்பு போட்டு கரைத்து தோசை வார்த்தால் தோசை மிருதுவாக இருக்கும்.

பாதாம் அல்வா கிளறும் போது ஊறிய பாதாம் பருப்புடன் குங்குமப் பூவையும் போட்டு அரைத்தால் நிறமும் மணமும் தூக்கலாக இருக்கும்.

வெண்பொங்கல் செய்து பக்குவம் ஆனதும் குக்கரை திறந்து காய்ச்சிய பாலில் ஒரு கரண்டி விட்டுக் கிளறி மூடினால் பொங்கல் மிகவும் சுவையாக இருக்கும்.

இட்லி மிளகாய் பொடியில் எண்ணெய் ஊற்றிக்கொள்வதற்குப் பதிலாக தயிர் சேர்த்து சாப்பிட்டு பாருங்கள். ருசியாகவும் இருக்கும். உடம்புக்கும் நல்லது.

]]>
டிப்ஸ், Tips, பூரி, poori, pudhina, ஓமவல்லி https://images.dinamani.com/uploads/user/imagelibrary/2018/4/13/w600X390/poori.jpg https://www.dinamani.com/lifestyle/lifestyle-food/2018/apr/13/tips-tips-tips-2899475.html
2899457 லைஃப்ஸ்டைல் ரசிக்க... ருசிக்க... உங்களுக்கு கத்தரிக்காய் சாப்பிடப் பிடிக்காதா? இதைப் படிச்சப்புறம், நிச்சயம் சாப்பிடுவீங்க! விமல் DIN Friday, April 13, 2018 01:46 PM +0530  

இயற்கை நமக்கு அளித்திருக்கும் கொடைகளில் ஒன்று காய்கறிகள். தினமும் நாம் சமைப்பதற்கு காய்கறிகளை பயன்படுத்துகிறோம். அந்த  காய்கறிகளில் என்ன சத்துகள் இருக்கின்றது என்பதை நாம் தெரிந்து சாப்பிடுகிறோமா என்றால் இல்லை, எத்தனை பேருக்கு தெரியும் நாம் சாப்பிடும் காய்கறியில் என்ன சத்துகள் இருக்கிறது என்று… கேரட், கறிவேப்பிலை கண்களுக்கு உகந்தது என பொதுவாக நாம் அறிந்திருப்போம். நாம் சாப்பிடும்  காய்கறிகளின் பயன்கள் மற்றும் சத்துகளை அறிந்து சாப்பிட்டலாமே. காய்கறிகளில் நாம் முதலில் கத்தரிக்காய் பற்றி பார்ப்போம்.

கத்தரிக்காய்...

என்ன சத்துகள் இருக்கு? தினமும் கத்தரிக்காய் சாப்பிடுவதால் கிடைக்கும் சத்துகள். பொதுவாக கத்தரிக்காயில் வைட்டமின் சி மற்றும் இரும்புச்சத்து  இருப்பதைத் தெரிந்துகொள்ள வேண்டும். மேலும் ஃபைபர் 11%, மாங்கனீசு 10%, பொட்டாசியம் 5.3%,  ஃபோலேட் 4.5%, வைட்டமின் கே 3.5%,  செம்பு 3.5%, வைட்டமின் பி 63.5%, டிரிப்தோபன் 3.1%, வைட்டமின் சி 3%, மெக்னீசியம் 2.8%,  வைட்டமின் பி 32.6%, கலோரி 1%.

யாருக்கு நல்லது?

ஆஸ்துமா நோயாளிகள் கத்தரிக்காயை மிளகு, சீரகம், பூண்டு சேர்த்து சாப்பிடலாம். மேலும் உடல் சூட்டை தக்க வைத்துக்கொள்ள  விரும்புபவர்களும் இவ்வாறு சாப்பிடலாம்.

யாருக்கு நல்லதல்ல?

சரும நோயாளிகள், புண், அலர்ஜி உள்ளவர்கள் சாப்பிடக்கூடாது. மேலும் இவற்றை சாப்பிட்டால் அலர்ஜி அதிகப்படும், மேலும்  அரிப்பை தூண்டும்.. அறுவை சிகிச்சை செய்து கொண்டவர்கள் முதல் மூன்று மாதங்களுக்கு சாப்பிடக்கூடாது.

பலன்கள்...

கத்தரிக்காய் பெருங்குடல் புற்றுநோயிலிருந்து பாதுகாக்கும். மேலும் நீரிழிவை கட்டுப்படுத்த கத்தரிக்காயை பயன்படுத்துகின்றனர்.  நரம்புகளுக்கு வலுவூட்டும். சளி, இருமலை குறைக்கும். கொழுப்பின் அளவை கட்டுபடுத்தி இதயத்திற்கு பாதுகாப்பு அளிக்கும், ரத்த அழுத்தத்தை  குறைக்கும். ஊதாநிற கத்தரிக்காய் உடல் ஆரோக்கியத்தை மேம்படுத்தும்.

Image courtesy: archanaskitchen.com

]]>
ஹெல்த் பெனிஃபிட்ஸ், brinjal health benefits, egg plant benefits, கத்தரிக்காய், கத்தரிக்காயின் நன்மைகள் https://images.dinamani.com/uploads/user/imagelibrary/2018/4/13/w600X390/zzz_brinjal_gravy.jpg https://www.dinamani.com/lifestyle/lifestyle-food/2018/apr/13/dont-you-like-brinjal-2899457.html
2890473 லைஃப்ஸ்டைல் ரசிக்க... ருசிக்க... வீட்டிலேயே சுத்தமான ஆர்கானிக் தேங்காய் எண்ணெய் தயாரிப்பது எப்படி? கஸ்தூரி ராஜேந்திரன், தேனி. DIN Friday, March 30, 2018 03:04 PM +0530  

தேவையான பொருட்கள்: 

  • வீட்டுத் தோட்டத்தில் விளைந்த நன்கு முற்றிய தேங்காய்: 3
  • அகலமான பாத்திரம் - ஒன்று
  • தேங்காய் உடைத்து சில்லுகள் எடுக்க கத்தி: 1
  • வடிகட்ட வெள்ளைக் கதர்த்துணி- அரை மீட்டர்

செய்முறை:

நன்கு முற்றிய தேங்காய்களை நார் உறித்து எடுத்துக் கொண்டு. தேங்காயின் கண் உள்ள இடத்தில் கத்தியால் பதமாகக் கீறி அதன் வழியே தேங்காயில் இருக்கும் அமிர்தம் போன்ற நீரை வடிகட்டில் ஒரு பாத்திரத்தில் அருந்துவதற்காக எடுத்து வைத்துக் கொள்ளவும். இந்த நீரை திருமணமாகாத இளம்பெண்கள் தவிர ஏனையோர் தாராளமாக அருந்தலாம் என்கிறார்கள் வயதில் மூத்தவர்கள். அதற்கு ஏதாவது காரணமிருக்கலாம், அதைப் பற்றித் தனியாக அலசி ஆராய்வோம். இப்போது சுத்தமான தேங்காய் எண்ணெய் தயாரிக்க வேண்டுமில்லையா?

தேங்காயில் உள்ள நீரை வடிகட்டிய பின் அதை உடைத்து சில்லுகளாக எடுத்து வைத்துக் கொண்டு சிறு துண்டுகளாக நறுக்கிக் கொள்ளவும். நறுக்கிய துண்டுகளில் சிறிது, சிறிதாக நீர் விட்டு நன்கு நைஸாக அரைத்து தேங்காய்ப் பாலை ஒரு வெள்ளைத்துணியால் வடிகட்டி எடுக்க வேண்டும். வெள்ளைத்துணியால் நன்கு அழுத்திப் பிழிந்தெடுத்த பின் ஓரிரவு முழுதும் அதை அப்படியே ஒரு பாத்திரத்தில் மூடி வைக்கவும். மறுநாள் காலையில் எழுந்து பார்த்தால் பாத்திரத்தின் மேற்புறத்தில் நமக்கு எண்ணெய் காய்ச்சத் தேவையான தெளிவு படிந்திருக்கும்.

அதை ஒரு கரண்டியின் உதவியால் மெதுவாக வழித்து வேறொரு ஜாடியில் சேகரிக்க வேண்டும். இந்த ஜாடியை மைக்ரோ வேவ் ஓவனிலோ அல்லது கேஸ் அடுப்பிலோ வைத்துக் காய்ச்சினால் நமக்குத் தேவையான சுத்தமான சுகாதார முறையில் தயாரிக்கப் பட்ட தேங்காய் எண்ணெய் கிடைத்து விடும்.

இந்த தேங்காயெண்ணெயின் சிறப்பே அது வீட்டுத்தோட்டத்தில் விளைந்து நன்கு முற்றிய ஆர்கானிக் தேங்காய் என்பது தான். எனவே வீட்டில் தேங்காய் எண்ணெய் தயாரிக்கும் ஆசை இருப்பவர்கள் வீட்டுத் தோட்டத்தில் தென்னை இருந்தால் மட்டுமே முயற்சி செய்யுங்கள். இல்லாவிட்டால் மரச்செக்கு வைத்து எண்ணெய் ஆட்டி விற்பனை செய்யும் இடங்களுக்கே நேரில் சென்று உங்கள் கண்ணெதிரே தேங்காய்களைத் தேர்ந்தெடுத்துக் கொடுத்து அரைத்துத் தரச் சொல்லி வாங்கிக் கொள்ளலாம். 

இப்படி வீட்டில் தயாரிக்கையில் அதன் அளவு குறைவாகத்தான் இருக்கும். ஆனாலும் இந்த எண்ணெயையும் நாம் சமையலுக்குப் பயன்படுத்தலாம்.

]]>
ஹோம் மேட் தேங்காயெண்ணெய், home made coconut oil making, வீட்டிலேயே தேங்காயெண்ணெய் தயாரிப்பு , ஆர்கானிக் தேங்காயெண்ணெய் https://images.dinamani.com/uploads/user/imagelibrary/2018/3/30/w600X390/home_made_coconut_oil_at_home.jpg https://www.dinamani.com/lifestyle/lifestyle-food/2018/mar/30/வீட்டிலேயே-சுத்தமான-ஆர்கானிக்-தேங்காய்-எண்ணெய்-தயாரிப்பது-எப்படி-2890473.html
2888445 லைஃப்ஸ்டைல் ரசிக்க... ருசிக்க... துறு துறு சுட்டிக் குழந்தைகளுக்கு சத்துமிக்க ஆர்கானிக் கீரை சாதம்! கஸ்தூரி ராஜேந்திரன், தேனி. DIN Tuesday, March 27, 2018 03:30 PM +0530  

தேவையான பொருட்கள் :

 

  • அரிசி                                                                               -1  கப்
  • பொடியாக நறுக்கிய பசலைக் கீரை                  -3  கப்கள்
  • பச்சை மிளகாய்                                                         -2  அல்லது 3
  • மஞ்சள்  தூள்                                                              -1 /4  டீ  ஸ்பூன்
  • வெங்காயம்                                                                -1 /4  கிலோ
  • எண்ணெய்                                                                  -1  டேபிள் ஸ்பூன்
  • பட்டை ,கிராம்பு     -                                                தேவையான அளவு

தனியாக வறுக்க ....

  • கடுகு                                           - 1 /4  டீ ஸ்பூன்
  • உளுந்தம் பருப்பு                    - 1 டீஸ்பூன்
  • கடலைப் பருப்பு                     - 1 டீஸ்பூன்
  • காய்ந்த மிளகாய்                   - 2
  • சின்ன வெங்காயம்               - 1
  • உப்பு                                            -தேவையான அளவு 

செய்முறை:


பாசுமதி அரிசியை 15  நிமிடங்களுக்குத் தண்ணீரில்  ஊற வைக்கவும் ,இப்படிச் செய்வதால் சாதம் சீக்கிரம் கெட்டுப் போகாமல் இருக்கும். அரிந்து வைத்த பசலைக்கீரை, பச்சை மிளகாய் மற்றும் வெங்காயத்தை கொஞ்சமாய் தண்ணீர் சேர்த்து 3  முதல் 4 நிமிடங்களுக்கு மைக்ரோ வேவ் ஓவன் அல்லது பாத்திரத்தில் வேக வைக்கவும். கீரை வெந்ததும் ஆற விட்டு அளவாக உப்பு சேர்த்து மிக்ஸியில் இட்டு பேஸ்ட் போல அரைத்துக் கொள்ளவும். குக்கரை அடுப்பில் வைத்து சூடானதும் ஒரு டேபிள் ஸ்பூன் எண்ணெய் விட்டு எண்ணெய் காய்ந்ததும் சீரகம், லவங்கப் பட்டை போட்டு வெடித்ததும் அரைத்து வைத்த கீரைக் கலவையை அதில் கொட்டி கிளறி விடவும். கீரைக் கலவை சூடானதும் ஒரு கொதியில் அரிசி மற்றும் தேவையான அளவு தண்ணீர் சேர்த்து நன்றாக கீரைக் கலவை அரிசியோடு கலக்குமாறு கிளறி விட்டு குக்கரை மூடவும். ஒரு கப் பாசுமதி அரிசிக்கு ஒரு கப் தண்ணீர் சேர்த்தால் போதும், கீரையில் இருக்கும் தண்ணீர் மீதித் தண்ணீர் தேவையை ஈடு செய்யும்.

வாணலியை அடுப்பில் ஏற்றிச் சூடாக்கி எண்ணெய் காய்ந்ததும் கடுகு, உளுந்தம் பருப்பு, கடலைப் பருப்பு, கறிவேப்பிலை சேர்த்து கடுகு வெடித்து உளுந்து பொன்னிறமானதும் பொடியாக நறுக்கிய சின்ன வெங்காயம், காய்ந்த மிளகாய், மற்றும் பொடியாக அரிந்த கீரை மூன்று முதல் நான்கு கப்கள் சேர்த்து அளவாக உப்பு சேர்த்து வெந்த பின்பு இறக்கி  குக்கரில் இருக்கும் சாதத்தோடு கலந்து நன்றாக கிளறவும். கீரை அதிகமாக சேர்க்க சேர்க்க சுவை கூடும்.

கீரைச்சாதம் செய்யும் போது தண்ணீரின் அளவில் மூன்றில் ஒரு பங்குக்கு தேங்காய் பால் அல்லது பசும்பால், பாக்கெட் பால்  கலந்தும் செய்து பார்க்கலாம், தேங்காய் பாலில் செய்யும் போது சுவை இன்னும் அருமையாக இருக்கும்.

கீரையின் பலன்கள்:

கீரையின் பலன்களைப் பற்றி தனியாகச் சொல்லித் தான் தெரிந்து கொள்ள வேண்டும் என்பதில்லை. எல்லா வகைக் கீரைகளிலும் விட்டமின் ஏ சத்துகள் அபிரிமிதமாக இருக்கின்றன. மேலும் கால்சியம் போன்ற மினரல்களும் இரும்புச் சத்தும் கூட கீரை வகைகளில் அதிகம் உண்டு என்பதால் பெரியவர்கள் முதல் குழந்தைகள் வரை எல்லோரும் தினமும் உணவில் சேர்த்துக் கொள்ளக் கூடிய அத்யாவசியமான உணவு கீரை. வெறுமே கீரையை மசித்தும் ,பொரியல் செய்தும் உண்பதைக் காட்டிலும் இப்படி சாதமாக செய்து சாப்பிட்டுப் பழக்கினால்  குழந்தைகள் கீரையை சாதத்தின் நிறத்திற்காகவும் அதில் கலக்கப் படும் வாசனைப் பொருட்களின் மனத்தாலும் பசி தூண்டப் பட்டு கீரை சாப்பிட மாட்டோம் என்று எப்போதும் அடம் பிடிக்கவே மாட்டார்கள்.தினமொரு கீரை சாப்பிடுங்கள் வாழ்வை பசுமையாக்க!

]]>
கீரை சாதம், லஞ்ச் ரெஸிப்பி, keerai sadham, lunch recipie https://images.dinamani.com/uploads/user/imagelibrary/2018/3/27/w600X390/00000_keerai_sadham.JPG https://www.dinamani.com/lifestyle/lifestyle-food/2018/mar/27/organic-spinache-rice-recipie-2888445.html
2884919 லைஃப்ஸ்டைல் ரசிக்க... ருசிக்க... நாக்கு ருசிக்க ஆந்திர ஸ்பெஷல் ஸ்பைஸி சிக்கன் ஊறுகாய் செய்வது எப்படி? கஸ்தூரி ராஜேந்திரன், தேனி. DIN Wednesday, March 21, 2018 05:57 PM +0530  

தேவையான பொருட்கள்:

  • கோழிக்கறி - 1 கிலோ
  • பூண்டு - 1/4 கிலோ
  • இஞ்சி - 4 அல்லது 5 பெரிய துண்டு
  • புளி - 1/2 கிலோ
  • மஞ்சள் தூள் -1 டேபிள் ஸ்பூன்
  • மிளகாய்த்தூள் - ஒரு கைப்பிடி
  • மல்லித்தூள் - 1 கைப்பிடி
  • கடுகுத்தூள் - 1 கைப்பிடி
  • சீரகத்தூள் - 1 கைப்பிடி
  • நல்லெண்ணெய் - 1/4 லிட்டர்
  • தண்ணீர் - ஒரு சொம்பு நிறைய

செய்முறை: 

கோழிக்கறியை தோல் நீக்கி நன்கு சுத்தம் செய்து சிறு சிறு துண்டுகளாக நறுக்கி எடுத்து வைத்துக் கொள்ளவும். ஒரு பெரிய இரும்பு வாணலியை அடுப்பில் ஏற்றி, 1 சொம்புத் தண்ணீர் விட்டு சுத்தம் செய்த கோழிக்கறித்துண்டுகளை அதில் இட்டு நன்கு வேக வைக்கவும். கோழிக்கறி நன்றாக வெந்தபின்பும் அதில் ஊற்றிய தண்ணீர் நன்கு சுண்டி கோழிக்கறி தண்ணீரை முழுவதுமாக இழுத்துக் கொண்ட பின் நீரின்றி நன்கு வெந்த கோழிக்கறியைத் தனியே ஒரு கோப்பையில் எடுத்து வைத்துக் கொள்ளவும்.

1/2 கிலோ புளியை தண்ணீரில் ஊற வைத்து எடுத்து அதை மண் வாணலியில் போட்டு சூடாக்கவும். புளிக்கரைசல் நன்கு சூடானதும் அதை இறக்கி வைத்து விட்டுப் பிறகு பூண்டு + இஞ்சித் துண்டுகளை தோல் நீக்கி சுத்தம் செய்து சிறு கல்லுரலில் இட்டு நன்கு இடித்து பேஸ்ட் போல மசித்து எடுத்து வைத்துக் கொண்டு இரும்பு வாணலியில் 2 டேபிள் ஸ்பூன் நல்லெண்ணெய் விட்டு இஞ்சி, பூண்டு விழுதை பொன்னிறத்தில் வதக்கி எடுத்துக் கொள்ளவும். பிறகு மீண்டும் குளிரக் குளிர கோழிக்கறி முங்கும் அளவுக்கு நல்லெண்ணெய் விட்டு தண்ணீரில் வேக வைத்து எடுத்து வைத்த கோழிக்கறித் துண்டங்களை அதில் போட்டு நன்கு பொன்னிறமாக வறுத்து எடுத்து ஒரு பீங்கான் ஜாடி அல்லது மண் பானையில் எடுத்து வைக்கவும்.

இந்த வறுத்த கோழிக்கறியுடன் நன்கு கெட்டியாகக் கரைந்து மிதமான சூட்டிலிருக்கும் புளிக்கரைசலுடன் சேர்த்து மீண்டும் வாணலியில் இட்டு ஒன்றுடன் ஒன்று நன்கு கலக்குமாறு கிளறி விட்டு இறக்கி மேலே சொல்லப்பட்ட அளவுகள் கைப்பிடி கடுகுத்தூள், மல்லித்தூள், மிளகாய்த்தூள், மஞ்சள் தூள், சீரகத்தூள் எல்லாம் கலந்து தேவையான அளவு உப்பும் சேர்த்து கோழிக்கறியை வதக்கியது போக மிஞ்சியிருக்கும் நல்லெண்ணெயும் சேர்த்துக் கிளறி ஒரு மண் ஜாடியில் எடுத்து வைக்கவும். இப்போது அருமையான ஆந்திரா ஸ்பெஷல் சிக்கன் ஊறுகாய் ரெடி.

இதை சாதத்துக்கும் தொட்டுக் கொண்டு சாப்பிடலாம் அல்லது இட்லி, தோசை, சப்பாத்தி, ப்ரெட், ரொட்டி என எல்லாவற்றுக்கும் தொட்டுக் கொண்டோ, ஸ்டஃப் செய்து வைத்தோ சாப்பிடலாம். காரம், சாரமாக அபார ருசியுடன் இருக்கும். என்ன கைப்பக்குவம் சரியாக அமைய வேண்டும். அது ஒன்று தான் எல்லாவற்றையும் விட முக்கியம்.

 

ஆந்திராவில் ஒரு பாட்டி இந்த சிக்கன் ஊறூகாயை எப்படி அருமையாகச் செய்து அசத்துகிறார் என்று இந்த காணொளியில் பாருங்கள். சிக்கன் ஊறுகாய் தயாராகும் விதத்தைப் பார்த்தால் பார்த்துக் கொண்டிருக்கும் போதே நாவூறும்.
 

Video courtesy: myna street foods in you tube...

]]>
chicken pickle, andhra spcial chicken pickle, சிக்கன் ஊறுகாய், ஆந்திரா ஸ்பெஷல் சிக்கன் ஊறுகாய் https://images.dinamani.com/uploads/user/imagelibrary/2018/3/21/w600X390/chicken_pickle.jpg https://www.dinamani.com/lifestyle/lifestyle-food/2018/mar/21/andhra-special-spicy-chicken-pickle-2884919.html
2882505 லைஃப்ஸ்டைல் ரசிக்க... ருசிக்க... பலா இலையில் வேக வைக்கப்படும் ஆந்திர ஸ்பெஷல் ‘பொட்டிகலு’ @ ரவா இட்லி! கஸ்தூரி ராஜேந்திரன், தேனி. DIN Saturday, March 17, 2018 12:21 PM +0530  

நம்மூர் ரவா இட்லி போலத்தான் இருக்கிறது. ஆனால் ஆந்திராவில் இதை ‘பொட்டிகலு’ என்கிறார்கள். காரணம் பலா இலைகளை மடக்கிச் சிறு ஓலைப்பெட்டி தினுசில் மடித்து அதற்குள் ஒரு கரண்டி ரவா இட்லி மாவை விட்டு அவித்தெடுப்பதால் இதற்கு இந்தப் பெயர் வந்திருக்கலாம். மற்றபடி செய்முறை எல்லாம் நம்மூர் ரவா இட்லி அவித்தெடுப்பதைப் போல இட்லிப் பானையில் ஊற்றி வேக வைப்பது தான். இதற்கு எண்ணெய் தேவையில்லை என்பதோடு இட்லி வெந்து வரும் போது பலா இலையும், கருப்பு உளுந்தும், அரசியும் கலந்த ஒரு மணம் நாசியை நிரப்புகிறது... அடடா அந்த மணம் உடனடியாகப் பசியைத் தூண்டி உண்ணும் ஆவலை அடக்க முடியாததாக்கி விடுகிறது.

இந்த ‘பொட்டிகலு’வுக்கு மணக்க மணக்க வெங்காய சாம்பார், தக்காளிச் சட்னி, கார சாரமாகத் தேங்காய்ச் சட்னி, புதினாச்சட்னி என்று வகைக்கொன்றாகச் செய்து வைத்துக் கொண்டு பொட்டிகலுவை இவற்றிலெல்லாம் இதம், பதமாகப் புரட்டி எடுத்து திவ்யமாக உண்டு முடிக்கலாம். 

விரும்புபவர்கள் கும்மோணம் கடப்பாவைத் தொட்டுக் கொண்டு உண்ணலாம். 

அசைவைப் பிரியர்கள் மீன் குழம்பு, மட்டன்  கிரேவி, சிக்கன் கிரேவி, நண்டு மசாலா என்று கூட சமைத்து இதற்கு தொட்டுக் கொண்டு சாப்பிடலாம். 

மொத்தத்தில் ‘பொட்டிகலு’ சற்று அதிகமாக உண்டாலும் கூட உங்களது உடலுக்கு கெடுதல் ஏற்படுத்தாத உணவு வகைகளில் ஒன்று.

கைக்குழந்தைகளுக்கு துளி நெய்யும், சர்க்கரையும் தொட்டுப் பிசிறி ஊட்டி விடலாம். வயதானவர்கள் தாளித்த தயிர் சேர்த்து சாப்பிடலாம். அபார ருசியுடன் மயக்கும்.

தேவையான பொருட்கள்:

அரிசி ரவை - 4 கப்
கருப்பு உளுந்து - 1 கப்
வெந்தயம் - 1 டீ ஸ்பூன்
பலா இலைகள் - தேவைக்கேற்ப

உப்பு - சிறிதளவு

செய்முறை:

கருப்பு உளுந்தை நன்கு ஊற வைத்து தோல் நீக்கி கிரண்டரில் இட்டு ஆட்டி எழுத்துக் கொள்ளவும், அதே போல அரிசியுடன் ஒரு டீஸ்பூன் வெந்தயம் கலந்து ஊறவைத்து அதையும் கிரைண்டரில் இட்டு நன்கு ஆட்டி எடுக்கவும். பிறகு இந்த இரண்டு மாவுக்கலவையையும் ஒன்றாக்கி மொத்தமாகக் கலக்கி உப்பிட்டு ஒரு பாத்திரத்தில் எடுத்து வைக்க வேண்டும். குறைந்த பட்சம் 6 மணி நேரம் பமாவைப் புளிக்க வைத்த பின்னர் பலா இலைகளை சிறு ஓலைப்பெட்டிகல் போல மடக்கி அதில் மாவுக்கலவையை ஊற்றி இட்லிப் பானையில் வேக வைத்து எடுத்தால் பொட்டிகலு தயார்.

ஆந்திராவின் மேற்கு கோதாவரி மாவட்டங்களில் இந்த பொட்டிகலு வெகு பிரபலமானது. நீங்களும் இதைச் செய்து பார்த்து ருசித்து விட்டுச் சுவை எப்படி இருக்கிறது என்று எங்களுக்கு எழுதுங்கள்.
 

Image courtesy: you tube

]]>
ஆந்திர ஸ்பெஷல் பொட்டிகலு, Andhra special pottikkalu @ jack fruit leaf cooked rava idly, லைஃப்ஸ்டைல் ரெசிப்பி https://images.dinamani.com/uploads/user/imagelibrary/2018/3/17/w600X390/pottigalu_rava_idli.jpg https://www.dinamani.com/lifestyle/lifestyle-food/2018/mar/17/andhra-specialtraditional-food-east-godavari-pottikkalu-2882505.html
2874953 லைஃப்ஸ்டைல் ரசிக்க... ருசிக்க... காஃபியில் சிக்கரி கலக்கறாங்களே அது ஏன்? வாங்க தெரிஞ்சுக்கலாம்! கார்த்திகா வாசுதேவன் DIN Monday, March 5, 2018 05:33 PM +0530  

இன்று தமிழர்களின் மாதாந்திர மளிகை லிஸ்டில் தவறாது இடம்பிடிக்கக் கூடிய முக்கியமான பொருட்களின் லிஸ்டில் காபிப்பொடிக்கு தனித்த இடமுண்டு. தமிழகத்தில் மட்டுமல்ல தென்னிந்தியாவில் நீங்கள் எங்கு பயணிப்பதாக இருந்தாலும் நிச்சயம் எல்லா ஊர்களிலும் காஃபிக் கடைகள் உண்டு. ஆனால் இந்தக் காபி என்கிற வஸ்து நமது இல்லங்களில் விடாப்பிடியாகப் புகுந்து கொண்டது கடந்த 100 ஆண்டுகளுக்குள்ளாகத்தான். அதற்கு முன்பெல்லாம் கருப்பட்டித் தண்ணீரும், நீராகாரமும் அருந்தியவர்கள் நாம்! இந்தியாவில் காஃபி அறிமுகமான ஆரம்ப காலத்தில் வட இந்தியர்கள் ‘சாய்’ என்று தேயிலைப் பக்கம் ஒதுங்கி விட  தென்னிந்தியர்கள் கூஜா, கூஜாவாய் காஃபி அருந்தத் தொடங்கினார்கள். இன்றும் அருந்திக் கொண்டிருக்கிறார்கள். இந்தக் காஃபி பித்து எப்படி வந்தது என்று தெரியும் முன்பே நொடியில் அதற்கு அடிமையாகி நூற்றாண்டு தாண்டி இன்று வீட்டிற்கு வரும் விருந்தாளிகளை ‘காஃபி சாப்பிடுங்க’ என்று கேட்க மறந்தோமெனில் அது மிகப்பெரிய கலாச்சாரப் பண்பாட்டுக் குற்றமாகி விருந்தோம்பலின் மிக மோசமான அம்சமெனக் கூக்குரலிடும் அளவுக்கு காபி பைத்தியம் தலைக்கேறி விட்டது நமக்கு.

காஃபி அருந்துவது என்றால் காஃபிக் கொட்டைகளை மட்டுமே அரைத்துப் பொடியாக்கி பாலில் கலந்தோ அல்லது தனித்து டிகாக்‌ஷன் எடுத்து வெந்நீரில் கலந்தோ அருந்துவது என்று பொருளில்லை. காஃபியுடன் ஒருகுறிப்பிட்ட அளவில் சிக்கரி கலந்து அருந்துவதே இப்போது நாம் அருந்திக் கொண்டிருக்கும் காஃபியின் ஃபார்முலா. தூய காஃபிப்பொடியில் எத்தனை சதவிகிதம் சிக்கரி கலக்கிறோம் என்பதில் இருக்கிறது காஃபியின் மகத்துவம். சிலருக்குச் சிக்கரி சற்றுத் தூக்கலாக இருந்தால் காஃபி அருந்திய திருப்தி கிடைக்கும். சிக்கரி பொதுவாக காஃபியில் திடமூட்டப் பயன்படுகிறது. சிலருக்கு காஃபியில் திடமெல்லாம் தேவையில்லை மூக்கைச் சுண்டியிழுக்கும் மணம் மட்டுமே போதுமென நினைப்பார்கள். அப்படிப்பட்டவர்களுக்கு காஃபியில் சிக்கரியின் சதவிகிதம் குறைவாக இருக்க வேண்டும்.

பொதுவாக நம்மூரில் தாராளமாகக் கிடைக்கும் நரசூஸ், ப்ரூ, நெஸ்கஃபே காஃபிப்பொடி சாஸேக்களில் அதில் காஃபி மற்றும் சிக்கரியின் சதவிகிதம் எத்தனை என குறிப்பிட்டிருப்பார்கள்.

சமையல் காண்ட்ராக்டர்கள், கேன்ட்டீன்கள், மெஸ்கள் உள்ளிட்ட இடங்களில் சப்ளை செய்வதற்கென ஸ்பெஷல் காபிப்பொடி சாஸேக்கள் மார்க்கெட்டில் உண்டு. அந்தக் காஃபிப்பொடி வகையறாக்களில் 60% காஃபிப்பொடியும் 40% சிக்கரியும் கலக்கப்பட்டிருக்கும். இவை எல்லா வகையான காஃபிப்பொடி பிராண்டுகளிலும் தற்சமயம் கிடைக்கின்றன.

வீடு மற்றும் தனிநபர் உபயோகங்களுக்கென தயாராகும் நெஸ்கஃபே, ப்ரூ, நரசூஸ் காஃபிப்பொடிகளில் காஃபி, சிக்கரிக் கலவை 70க்கு 30 எனும் விகிதத்தில் இருக்கும்.

இவையெல்லாம் இன்ஸ்டண்ட் காஃபிப்பொடிகளுக்குப் பொருந்தும்.

நீங்கள் ஃபில்ட்டர் காஃபிப் பிரியர்கள் என்றால்... உங்களுக்கு சிக்கரியே தேவையில்லை என தூய, தரமான காப்பிக் கொட்டைகளை வாங்கி சிக்கரியே சேர்க்காமலும் அரைத்து வைத்துக் கொண்டு பயன்படுத்தலாம். இது 100% தூய காஃபி. ஆனால் இப்படி காஃபி அருந்தினால் சிலருக்கு காஃபியின் அதீத மணத்தில் தலைச்சுற்றல் வரவும் வாய்ப்புகள் உண்டு.

அதனால் 80% தூயகாப்பிப் பொடியும் 20% சிக்கரியும் கலந்து காபிபொடி தயாரித்து வைத்துக் கொண்டு அதிலிருந்து டிகாக்‌ஷன் எடுத்து திடமும் மணமுமான காஃபியைச் சுவைக்கலாம்.
 

]]>
coffee, chikari coffee, percentage of coffee/chikari, காஃபீ, சிக்கரி, காஃபீ:சிக்கரி https://images.dinamani.com/uploads/user/imagelibrary/2018/3/5/w600X390/coffee.jpg https://www.dinamani.com/lifestyle/lifestyle-food/2018/mar/05/coffee-lovers-2874953.html
2872442 லைஃப்ஸ்டைல் ரசிக்க... ருசிக்க... குருவித்தலை பாகற்காயில் கசப்பு நீக்க சில டிப்ஸ், ஆந்திர ஸ்பெஷல் காவரகாய புலுசு ரெஸிப்பி! கஸ்தூரி ராஜேந்திரன், தேனி. DIN Thursday, March 1, 2018 11:22 AM +0530  

கசப்பு நீக்க டிப்ஸ்...

  • பாகற்காயை நன்றாகக் கழுவி மேற்புறத் தோலை உரசி எடுத்து விட்டு உட்புற விதைகளையும் நீக்கவும், பின்னர் 2 தேக்கரண்டி உப்பு கலந்த நீரில் 15 முதல் 20 நிமிடங்கள் ஊறவைத்துச் சமைக்கலாம். அதன் கசப்புத் தன்மை இப்போது நிச்சயம் குறைந்திருக்கும்.
  • வளையங்களாக நறுக்கப்பட்டு விதை நீக்கப்பட்ட பாகற்காயை குறைந்தது 1 மணி நேரமாவது மோரில் ஊற வைத்துப் பிறகு எடுத்து சமைத்தால் அப்போதும் அதன் கசப்புச் சுவை குறையும்.
  • பாகற்காயுடன் புளி சேர்த்தாலும் அதன் கசப்புச் சுவை குறையும்.
  • சிலர் பாகற்காயுடன் வெல்லம் கலந்து சமைப்பார்கள். சிறு கசப்பும் இனிப்புமான அந்தச் சுவை குழந்தைகளுக்கு பிடித்துப் போகும்.

எப்படிப் பார்த்தாலும் கசப்பு தான் பாகற்காயின் அடையாளம். அந்தக் கசப்பை நீக்கி விட்டு பாகற்காயை உண்பதால் அதன் சத்துக்களும் பலன்களும் குறையக் கூடுமோ என்று சிலருக்கு சந்தேகம் இருக்கலாம். கசப்பை நீக்குவதென்றால் இனிப்பில் முக்கி உண்பதில்லை. மொத்தமும் கசப்பு என்பதை மாற்றி சிறு கசப்புடன், அதன் கசப்பை சகித்துக் கொண்டு உண்பது எந்த விதத்திலும் கெடுதலான பலன்களைத் தரப்போவதில்லை. எனவே பாகற்காயின் கசப்பை இவ்விதமாகக் குறைத்து உண்பதில் தவறில்லை.

குழந்தைகளுக்கும் ஆரம்பம் முதலே இப்படிச் சமைத்து பாகற்காயை உண்ணப் பழகலாம்.

ஆந்திரா ஸ்டைல் காவரகாய புலுசு... (தெலுங்கில் காவரகாய என்றால் பாகற்காய், புலுசு என்றால் புளிக்குழம்பு)

தேவையான பொருட்கள்:

  • குருவித்தலை பாகற்காய் - 10 முதல் 15
  • இஞ்சி பூண்டு விழுது - சிறிதளவு
  • சின்ன வெங்காயம் - 10
  • பச்சை மிளகாய் - 2]
  • நாட்டுத் தக்காளி (பெரியது) - 1
  • புளி - எலுமிச்சை அளவு
  • தேங்காய் (துருவியது) - 1 சின்ன கப்
  • மசால் பொடி - 2 தேக்கரண்டி
  • மஞ்சள் பொடி - 1/2 தேக்கரண்டி
  • உப்பு - தேவையான அளவு
  • எண்ணெய் - தேவையான அளவு
  • நெய் - 1 தேக்கரண்டி

செய்முறை:

பாகற்காயை தோல், விதை நீக்கி சுத்தம் செய்து நன்றாகக் கழுவி நீரை வடிகட்டவும். அடுப்பில் வாணலியை ஏற்றி எண்ணெய் விட்டு கடுகு, உளுந்து தாளித்து சின்ன வெங்காயம் போட்டு வதக்கி, வெங்காயம் பொன்னிறமானதும் அதில் பச்சை மிளகாய் மற்றும் தக்காளி சேர்த்து வதக்கவும். நன்கு வதங்கியதும் தேவையான அளவு மசால் பொடி, மஞ்சள் பொடி, உப்பு  சேர்த்து சிறிது தண்ணீர் தெளித்து நன்றாகப் பிரட்டி வதக்கி ஊற வைத்துக் கரைத்த புளித்தண்ணீரையும் சேர்த்து கொதிக்க விடவும். அடுப்பை சிம்மில் வைத்து இரண்டு கொதி வந்ததும் தேங்காய்த் துருவலையும் சேர்த்து கொதிக்க விட்டு நன்கு கொதித்து வருகையில் ஒரு தேக்கரண்டி நெய் சேர்க்கவும். குழம்பு நன்றாகக் கொதித்து எண்ணெய் மிதக்க சுண்டி மேலே வரும் போது அடுப்பை அணைத்து இறக்கி விடலாம்.

பாகற்காயை இப்படிச் சமைப்பதால் அதன் கசப்புச் சுவை பெருமளவில் குறைந்து விடும்.

குழந்தைகளுக்கு இந்தச் சுவையைப் பழக்கினால் அவர்களுக்கும் பிடித்துப் போகும்.

குழந்தைகள் முதல் பெரியவர்கள் வரை உடல் ஆரோக்யத்துக்கு உறுதி தரக் கூடியது இந்தக் காவரகாய புலுசு.

பாகற்காயின் நன்மைகள்: 

  • ரத்தத்தில் சர்க்கரையின் அளவைக் கட்டுப்படுத்த உதவுகிறது.
  • கெட்ட கொலஸ்ட்ராலை நீக்க உதவுகிறது.
  • பளபளப்பான சருமம் மற்றும் கரும்பட்டுப் போன்ற கூந்தல் அழகுக்கு தினமும் உணவில் பாகற்காய் சேர்த்துக் கொள்வது நல்லது.
  • கல்லீரலைச் சுத்தப்படுத்த உதவுகிறது.
  • உடல் எடையைக் குறைப்பதிலும் உதவுகிறது.
  • உடலின் நோய் எதிர்ப்பு சக்தியை அதிகரிக்கவும் உதவுகிறது.
  • கண்கள் நலம் பெறவும் பாகறகாய் உதவுகிறது.

ஆகவே வாரம் ஒருமுறையாவது இந்த ரெஸிப்பியை செய்து கொடுத்து குடும்பத்தினரை அசத்துங்கள்.

Image courtesy: padhus kitchen.com.

]]>
Andra special bitter gourd recipe, ஆந்திர ஸ்பெஷல் காவரகாய புலுசு, rasikka rusikka, lifestyle recipe https://images.dinamani.com/uploads/user/imagelibrary/2018/3/1/w600X390/kuruvithalai_pakarkai_recipe_1.jpg https://www.dinamani.com/lifestyle/lifestyle-food/2018/mar/01/bitter-gourd-recipe-reduce-bitterness-tips-2872442.html
2866469 லைஃப்ஸ்டைல் ரசிக்க... ருசிக்க... கடுமையான சளி, இருமல், தலைவலியா சூடா ஒரு கப் திரிகடுக காஃபீ குடிங்க சரியாகிடும்! கஸ்தூரி ராஜேந்திரன், தேனி. DIN Monday, February 19, 2018 06:07 PM +0530  

தேவையான பொருட்கள்:

சுக்கு: 50 கிராம்
மிளகு: 50 கிராம்
திப்பிலி: 50 கிராம்
தேன்: சிறிதளவு
நாட்டுச் சர்க்கரை அல்லது பனைவெல்லம்: தேவையான அளவு.

செய்முறை: 

சுக்கு, மிளகு, திப்பிலி மூன்றையும் திரிகடுகம் என்பார்கள். மனிதனின் உடல் ஆரோக்யத்தில் இதன் பங்கு அதிகம். சளி, இருமல், கபம், ஆஸ்துமா போன்ற சுவாச மண்டலத்துடன் தொடர்புடைய நோய்களுக்கு இந்த திரிகடுகம் கண்கண்ட மருந்து. மேலே சொல்லப்பட்ட மூன்று பொருட்களையும் சொல்லப்பட்ட அளவுகளில் எடுத்துக் கொண்டு நன்கு அரைத்து நைஸான பொடியாக்கி வைத்துக் கொள்ளவும். இந்தப் பொடியில் ஒரு கிராம் எடுத்து சுத்தமான தேன் கலந்து சப்பிட்டு வர விரைவில் சளி, இருமல், கபக்கட்டு அகலும். 

இப்படி அருந்துவது போர் என்று நினைப்பவர்கள். சுக்குமல்லிக் காஃபீ போல இந்தப் பொடியை ஒரு தேக்கரண்டி எடுத்து பாலில் கலந்து கொதிக்க வைத்து அதில் நாட்டுச் சர்க்கரை அல்லது பனை வெல்லம் கலந்து அருந்தலாம். கூட நாலு ஏலம் கலந்தால் மணக்க, மணக்க இந்த திரிகடுக காஃபீ நாக்கைச் சுண்டி இழுக்கும்.

சுக்குமல்லியில் கொத்தமல்லி விதைகளைப் பயன்படுத்துவோம், திரிகடுகத்தில் திப்பிலி சேர்க்கிறோம் அவ்வளவு தான் வித்யாசம். இதில் திப்பிலி இருக்கிறதே அது மிளகைக் காட்டிலும் காரம் அதிகமானது. எனவே கார்ப்புச் சுவை வேண்டாம் என நினைப்பவர்கள் திப்பிலியின் அளவைக் குறைத்துக் கொள்ளலாம். காய்ந்த இஞ்சி தான் சுக்கு எனவே மூன்றையும் சில மணி நேரங்கள் வெயிலில் காய வைத்து எடுத்து மிஷினில் அரைத்து வைத்துக் கொண்டால் வீட்டில் யாருக்கெல்லாம் சளித்தொல்லை, இருமல், கபம் இருக்கிறதோ அவர்களுக்கெல்லாம் திரிகடுக காஃபீ போட்டுக் கொடுத்து அருந்த வைத்து சளித்தொல்லையிலிருந்து தப்பலாம்.

]]>
sukku milagu thippili, three kadugam coffee, சுக்கு மிளகு திப்பிலி, திரிகடுகம், திரிகடுகக் காஃபீ https://images.dinamani.com/uploads/user/imagelibrary/2018/2/19/w600X390/sukku.jpg https://www.dinamani.com/lifestyle/lifestyle-food/2018/feb/19/three-kadugam-coffee-for-to-reduce-severe-cold-2866469.html
2858546 லைஃப்ஸ்டைல் ரசிக்க... ருசிக்க... இட்லி, தோசைக்கு கும்பகோணம் கடப்பா தொட்டுச் சாப்பிட்டிருக்கீங்களா?! கஸ்தூரி ராஜேந்திரன், தேனி. DIN Tuesday, February 6, 2018 03:36 PM +0530  

தமிழ்நாட்டின் டிரெட் மார்க் உணவுவகைகள் என்றால் அது  பெரும்பாலும் இட்லி, தோசை, பொங்கல், வடை தான். இதில் இட்லி, தோசை, பொங்கலுக்குத் தொட்டுக் கொள்ள வழக்கமாக சாம்பார் மற்றும் சட்னி வெரட்டிகள் தான் வைப்பார்கள். ஆனால், தமிழகத்தில் தஞ்சை, ஒரத்த நாடு, கும்பகோணம் உள்ளிட்ட ஏரியாக்களில் எல்லாம் கடப்பா என்றொரு ரெசிப்பி படு பேமஸ். அதென்னடா கடப்பா?! ஆந்திராவில் கடப்பா என்ற பெயரில் ஒரு ஊர் இருப்பது தெரியும். ஆனால், இதென்ன சாம்பார் மாதிரியான ஒடு தொடுகறிக்கு கடப்பா என்று பெயர் வைத்திருக்கிறார்களே என்று தேடியதில் அருமையான கடப்பா ரெசிப்பியே கிட்டியது. அதன்படி கும்பகோணத்தில் பாரம்பரிய முறையில் சூப்பர் சுவையில் கடப்பா எப்படிச் செய்வார்கள் என் இன்று தெரிந்து கொள்வோம்.

தேவையான பொருட்கள்...

  • விளக்கெண்ணெய் - 1 தேக்கரண்டி
  • பட்டை - 3
  • லவங்கம் - 4
  • ஏலக்காய் - 4
  • பிரியாணி இலை - 1
  • கல்பாசிப்பூ - 1
  • கிராம்பு - 3
  • மஞ்சள் தூள் -1/4 தேக்கரண்டி
  • உப்பு - தேவையான அளவு
  • ஊற வைத்த முந்திரிப்பருப்பு - 6
  • ஊற வைத்த கசகசா - 1 தேக்கரண்டி
  • எண்ணெய் - 2 தேக்கரண்டி
  • கறிவேப்பிலை, கொத்துமல்லி இலைகள் - சிறிதளவு
  • பச்சை மிளகாய் நறுக்கியது - 5
  • எலுமிச்சம்பழம் நறுக்கியது - 1/2 மூடி
  • பாசிப்பருப்பு - 1/2 கப்
  • தேங்காய்த்துருவல் -1/2 கப்
  • பெரிதாக நறுக்கிய வெங்காயம்- 1 கப்
  • தக்காளி பெரியது - 1
  • இஞ்சி நறுக்கியது =- 1 தேக்கரண்டி
  • பூண்டு - 7 பல்
  • உருளைக் கிழங்கு நறுக்கியது - 1 கப்

செய்முறை: 

கடப்பா செய்வதற்கு முதலில் துருவி வைத்த ஒரு கப் தேங்காய்த்துருவல், நறுக்கிய பச்சை மிளகாயில் பாதி, இஞ்ஜி, பூண்டு, ஊற வைத்த கசகசா, ஊற வைத்த முந்திரிப்பருப்பு இவற்றையெல்லாம் ஆட்டுரலில் இட்டு நன்கு பேஸ்ட் பதத்துக்கு ஆட்டி எடுத்து வைத்துக் கொள்ளவும். கடப்பா செய்வதற்கு இது தான் முதல்படி. அடுத்ததாக அடுப்பில் வாணலியை வைத்து அடுப்பு மூட்டி பாசிப்பருப்பை அதில் கொட்டி 1 நிமிடம் மட்டுமே கலர் மாறாது மிதமாக வறுக்கவும். 1 நிமிடத்துக்குப் பிறகு வாணலியை இறக்கி பாசிப்பருப்பை ஆற விடவும் பின்னர் ஒரு பாத்திரத்தை அடுப்பி ஏற்றி அதில் பாசிப்பருப்பு மூழ்கும் அளவுக்கு சிறிது நீர் விட்டு வறுத்த பாசிப்பருப்பை அதில் கொட்டவும். பின்பு அதனுடனேயே விளக்கெண்ணெய், மஞ்சள் தூள், தக்காளி, பச்சை மிளகாய், நறுக்கிய வெங்காயம், உருளைக் கிழங்கு, எல்லாவற்றையும் சேர்த்து நன்கு வேக விட வேண்டும். பொதுவாக மண் பாண்டத்தில் செய்தால் சுவையாக இருக்கும், ஆனால் மண் பாண்டம் இல்லாதவர்கள் வெறும் ஈயப்பாத்திரம் அல்லது ஸ்டீல் பாத்திரத்தையும் பயன்படுத்தலாம். இப்போது வேக விடப்பட்ட கலவையைப் பாருங்கள். கலவை நன்கு நிறம் மாறியிருப்பதோடு மணமும் எட்டூரை இழுக்கும் வண்ணம் மிக அருமையாக மூக்கை நெருடும்.  இப்போது கொதிக்கும் பருப்புக் கலவையில் நாம் முன்பே தயார் செய்து வைத்திருக்கும் மசாலா பேஸ்டை கொட்டவும்.. இப்போது மீண்டும் கலவையால் கிளறும் போது மசாலாவும், தேங்காய்க் கலவையும் ஒன்றாக இணைந்து விடும். அதனுடன் தேவையான அளவு உப்பைச் சேர்த்து நன்கு கொதிக்க விட்டு இறக்கினால் கும்பகோணம் கடப்பா தயார். இதை அடுப்பிலிருந்து இறக்கும் முன்பாக கொத்துமல்லி, கறிவேப்பிலை இலை கிள்ளிப்போட்டு அரை மூடி எலுமிச்சம் பழத்தையும் பிழிந்து முன்னரே எடுத்து வைத்த பட்டை லவங்கம், பிரியாணி இலை, கல்பாசிப்பூ சேர்த்து தாளிதல் செய்து இறக்கினால் சுவை! சும்மா சொல்லக்கூடாது சுவை நாவோடு சேர்த்து மனதையும் மயக்கும் என்பதில் ஐயமில்லை.

]]>
kumbakonam kadappa recipe, கும்பகோணம் கடப்பா ரெஸிப்பி, லைஃப்ஸ்டைல் ரெஸிப்பி https://images.dinamani.com/uploads/user/imagelibrary/2018/2/6/w600X390/kummonam_kadappa.jpg https://www.dinamani.com/lifestyle/lifestyle-food/2018/feb/06/kumbakonam-kadappa-recipe-for-idly--dosa-2858546.html
2856082 லைஃப்ஸ்டைல் ரசிக்க... ருசிக்க... பட்சணம் செய்யப் போறீங்களா? அப்போ படிங்க... இந்த டிப்ஸ் உங்களுக்கு உதவலாம்! சி.ஆர்.ஹரிஹரன், கொச்சின் DIN Friday, February 2, 2018 05:51 PM +0530  

  • பொடியாக நறுக்கிய புதினா சேர்த்துப் பிசைந்து தட்டை தட்ட  ருசி கூடும். நல்ல மணமாகவும் இருக்கும்.
  • தேன் குழல் செய்யும்போது நீருக்குப் பதில் தேங்காய்ப் பால் சேர்த்துச் செய்ய சுவை கூடுதலாக இருக்கும்.
  • எந்த பட்சணம் செய்வதாக இருந்தாலும் அதன் மொறுமொறுப்புக்கு வெண்ணெய் சேர்த்தால் உத்திரவாதம் தரும். சீக்கிரம் பட்சணங்கள் நமத்தும் போகாது.
  • மைக்ரோ அவனில் உட்புறப் பகுதியைச் சுத்தப்படுத்த ஒரு கண்ணாடிப் பாத்திரத்தில் அரை மூடி எலுமிச்சைப் பழத்தைப் பிழிந்து அவனில் இரண்டு நிமிடங்கள் வைத்து எடுத்துத் துடைக்க பளிச்சென்று     இருக்கும்.
  • காரம் சேர்த்து செய்யும் பட்சணத்துக்கு காரப்பொடி போடாமல், பச்சைமிளகாயுடன், ஓரிரு காய்ந்த மிளகாயைச் சேர்த்து அரைத்து, வடிகட்டி, அந்தத் தண்ணீரைப் பயன்படுத்திச் செய்தால் பட்சணம் நல்ல   நிறமாக இருக்கும்.
  • வெண்ணெய் சேர்த்து செய்யும் பலகாரங்களுக்கு மாவுடன் வெண்ணெய்யை நன்கு கலந்தபின் தண்ணீர்விட்டுப் பிசைய வேண்டும்.
  • பட்சணங்கள் செய்ய பயன்படுத்தும் பெருங்காய நீர் மீந்துவிட்டால் ஃப்ரிட்ஜில் வைத்துவிட்டு தேவைப்படும்போது பயன்படுத்திக் கொள்ளலாம்.
  • லட்டு, ரவா லட்டு, பொட்டுக் கடலை மாவு உருண்டை போன்றவற்றை பிடிக்கும் போது கையில் சிறிது நெய்தடவிக் கொண்டு பிடித்தால் நன்கு பிடிக்க வருவதுடன் மணமாகவும் இருக்கும்.
  •   குலோப்ஜாமூன் பாகு மீந்து விட்டால் அதில் மைதா மாவை சிறிது சிறிதாகச் சேர்த்து பிசைந்து சப்பாத்தி போல திரட்டி சதுர துண்டுகளாக வெட்டி எண்ணெயில் பொரித்தெடுத்தால் சுவையான, மணமான   பிஸ்கெட் தயார்.
  •  ரசத்தில் மண்டி மீந்துவிட்டதா? பெரிய வெங்காயம், பச்சை மிளகாய், இஞ்சி, தக்காளி ஆகியவற்றைப் பொடியாக நறுக்கி, வாணலியில் சிறிது எண்ணெய் விட்டு கடுகு சேர்த்துத் தாளித்து, நறுக்கி   வைத்ததைப் போட்டு நன்கு வதக்கவும். பின்னர் மிஞ்சிய ரசத்தை ஊற்றி சிறிது உப்பு சேர்த்து கொதிக்க வைக்கவும். அரிசி அல்லது கடலைமாவு, வெல்லம் ஆகியவற்றையும் போட்டு அடிப்பிடிக்காமல்   கிளறி இறக்கினால் அருமையான தொக்கு ரெடி. இட்லி, தோசை, பூரி, சப்பாத்தி போன்ற பலகாரங்களுக்கு இந்த தொக்கு நல்ல "காம்பினேஷன்'.
]]>
லைஃப்ஸ்டைல் , ரசிக்க ருசிக்க, lifestyle recipe, cooking tipS, சமையல் டிப்ஸ் https://images.dinamani.com/uploads/user/imagelibrary/2018/2/2/w600X390/cooking_tips.jpg https://www.dinamani.com/lifestyle/lifestyle-food/2018/feb/02/cooking-tips-2856082.html
2851177 லைஃப்ஸ்டைல் ரசிக்க... ருசிக்க... வயிற்றுப் புண் உபாதை தீர்க்கும் அதிமதுர மூலிகைப் பால் ரெஸிப்பி! கஸ்தூரி ராஜேந்திரன், தேனி. DIN Thursday, January 25, 2018 06:22 PM +0530  

அதிமதுரம் அனைத்து வகை நாட்டு மருந்துக் கடைகளிலும் கிடைக்கும்.

வாதம், பித்தம், கபம் எனும் முப்பிணியால் ஏற்படும் உபாதைகளைப் போக்க வல்லது அதுமதுரம். அதி மதுரம் என்றால் அதிக இனிப்பு என்று பொருள். அடிப்படையில் இது ஒரு மூலிகைச்செடியின் வேர். மேலே சொல்லப்பட்ட மூவகைப் பிணிகளாலும் வயிற்றில் ஏற்படும் புண்களை ஆற்றக் கூடிய திறன் அதிமதுரத்துக்கு உண்டு.

  • இது இயல்பாகவே இனிப்புச் சுவை கொண்டதாக இருப்பதால் தினமும் ஒரு அரை தேக்கரண்டி அளவில் அதுமதுரப் பொடியை எடுத்துக் கொண்டு அதை தண்ணீரில் கொதிக்க வைத்து வடிகட்டி அதிமதுர தேனீர் என்ற பெயரில் அருந்தலாம். இதுவே இனிப்பாகத்தான் இருக்கும்...
  • மேலும் இனிப்பு தேவை என நினைப்பவர்கள் இதில் கொஞ்சம் சுக்கு, கொஞ்சம் பனைவெல்லம், ஏலம் எல்லாம் கலந்து கொதிக்க வைத்து வடிகட்டியும் அருந்தலாம். அதையும் அதிமதுர தேனீர் என்று தான் சொல்கிறார்கள். அதிமதுரத்தை இப்படி தினமும் அருந்தினால் அன்றன்றைக்கு உடலில் சேரக்கூடிய நஞ்சுகளை நீக்க அவை உதவும்.
  • அதிமதுரத்தை பொடி செய்து வைத்துக் கொண்டு தினமும் நாம் சமைக்கக் கூடிய கஞ்சி அல்லது ரசத்தில் தூவியும் உண்ணலாம். அதன் பெயர் அதிமதுர ரசம். சற்றே இனிப்புச் சுவையுடன் இருக்கும்.
  • அதிமதுரப் பொடியை தேனில் கலந்து அப்படியே சுவைத்தும் சாப்பிடலாம். இப்படிச் செய்வதால் வயிற்றுப் புண் வரும் அபாயத்திலிருந்து நமது உடல் ஆரோக்யத்தை வரும் முன் காத்து பலம் பெற வைக்கலாம்.

அதிமதுரப் பால் ரெசிப்பி:

தேவையான பொருட்கள்:

 

  • அதிமதுரம்: 3 அல்லது 5 சிறு வேர்
  • அதிமதுரச் சாறு: 1 டம்ளர்
  • தேங்காய்ப் பால்: 1 டம்ளர்
  • சுக்குப் பொடி : 1 சிட்டிகை
  • பனை வெல்லம்: தேவையான அளவு
  • ஏலம்: 1 சிட்டிகை

அதிமதுரத்தை ஒன்றிரண்டாகத் தட்டி அல்லது நசுக்கி எடுத்து 4 முதல் 6 மணி நேரம் தண்ணீரில் ஊற வைக்க வேண்டும். பிறகு அதை அரைத்து ஒரு டம்ளர் அளவுக்குச் சாறு எடுத்து அந்தச் சாற்றை வெறு வாணலியை சூடாக்கி காய்ச்ச வேண்டும். அதிமதுரச் சாறு கொதித்ததும் அந்தச் சாறுடன் சம பங்கு தேங்காய்ப்பால் சேர்த்து அது ஒரு கொதி வந்ததும் சுக்கு, பனைவெல்லம் கலந்து அதிமதுரப் பால் தயாரிக்க வேண்டும். இந்தப் பாலை நன்கு ஆற வைத்துப் பின் அருந்துவதால் வயிற்றுப் புண் உபாதை உடனடியாகக் குறைய வாய்ப்புண்டு என சித்த மருத்துவம் கூறுகிறது.

நன்றி: செல்வ சண்முகம் (சித்த மருத்துவர்)

]]>
அதி மதுரம் மூலிகைப் பால், உணவே மருந்து, ரசிக்க ருசிக்க, adhimadhuram herbal milk, https://images.dinamani.com/uploads/user/imagelibrary/2018/1/25/w600X390/adhimathuram_herbal_milk.jpg https://www.dinamani.com/lifestyle/lifestyle-food/2018/jan/25/adhimathuram-herbal-milk-recipe-2851177.html
2843642 லைஃப்ஸ்டைல் ரசிக்க... ருசிக்க... சுவையும் சத்தும் நிறைந்த கேரட் கேசரி சாப்பிட்டு இருக்கிறீர்களா? சினேகா DIN Friday, January 12, 2018 02:36 PM +0530 கேரட் அல்வா சாப்பிட்டு இருப்போம். ரவா கேசரியும் பலமுறை சுவைத்திருப்போம். இதென்ன கேரட் கேசரி? குழந்தைகளை கேரட் சாப்பிட வைக்கும் ஒரு அம்மா கண்டுபிடித்த ரெசிபியாகத் தான் இது இருக்கும். கேரட்டை துருவி அதை தோசை மாவில் போட்டு கேரட் தோசை என்று கொடுத்தால், சில பிள்ளைகள் கவனமாக கேரட்டை நீக்கிவிட்டு தோசையை சாப்பிடும் கலையை கற்றுக் கொள்கிறார்கள். கேரட் கண்ணுக்கு நல்லது என்று பொதுபுத்தியிலிருந்து ஏதாவது சொல்வீர்கள் என்றால், எவன் சொன்னான் அவனை முதல்ல வரச் சொல்லு என்று வியாக்யானம் படிப்பார்கள். பேசாமல் அவர்களுக்குப் பிடித்த வகையில் இனிப்பாகவே கொடுத்துவிட்டால் வாதம் செய்யாமல் சாப்பிட்டுவிடுவார்கள். இது ஒரு எளிமையான ரெசிபி. முயற்சித்துப் பாருங்கள் அதன் பின் அடிக்கடி கேரட் கேசரியை நீங்களும் சாப்பிட ஆரம்பித்துவிடுவீர்கள்.

தேவையானவை:

ரவை - 1/2 கப்
கேரட் விழுது - 1 கப்
சர்க்கரை - 3/4 கப்
தண்ணீர் - 1/2 கப்
முந்திரி, பிஸ்தா, பாதம் - தேவைக்கேற்ப
ஏலக்காய்த்தூள் - சிறிதளவு
நெய் - 1/4 கப்
 

செய்முறை:

வாணலியில் சிறிதளவு நெய்யை விட்டு லேசாகச் சூடாக்கவும்.

முந்திரி, பிஸ்தா மற்றும் பாதாம் பருப்புக்களை சேர்த்து வறுத்துத் தனியாக வைக்கவும். அதே நெய்யில் ரவையை வறுக்கவும்.

அடிகனமான பாத்திரத்தில் தண்ணீர் ஊற்றிக் கொதிக்க வைத்து ரவை, கேரட் விழுது சேர்த்துக் கட்டிகள் இல்லாமல் வேகும் வரை கிளறவும்.

பின்னர் சர்க்கரை, ஏலக்காய்த்தூள், முந்திரி, பிஸ்தா, பாதாம் ஆகியவற்றைச் சேர்த்துக் கிளறவும். பாத்திரத்தில் ஒட்டாமல் சுருண்டு வரும்போது இறக்கவும்.

நெய் தடவிய தட்டில் கேசரியைச் சமமாக பரப்பி, சதுரமாக அல்லது டயமெண்ட் ஷேப்பில் வெட்டி எடுக்கவும்.

சுவையான கேரட் கேசரி தயார்.

]]>
Carrot Kesari, Sweet Recipe, கேரட் கேசரி https://images.dinamani.com/uploads/user/imagelibrary/2018/1/12/w600X390/Carrot-Kesari-pillaiyar.jpg https://www.dinamani.com/lifestyle/lifestyle-food/2018/jan/12/carrot-kesari-recipe-2843642.html
2842385 லைஃப்ஸ்டைல் ரசிக்க... ருசிக்க... டயட் ஆம்லெட் சினேகா DIN Wednesday, January 10, 2018 02:48 PM +0530 தேவையானவை:

முட்டையின் வெள்ளைக் கரு மட்டும் - 2  
வெங்காயம் - 1/2 டீஸ்பூன்
தக்காளி -  1/2 டீஸ்பூன்
கொத்தமல்லி (நறுக்கியது) - சிறிதளவு
இஞ்சி - தேவைக்கேற்ப
ஸ்பிரிங் ஆனியன் -  1 டீஸ்பூன்
ஆலிவ் ஆயில் - 1 டீஸ்பூன்
கோதுமை பிரெட் டோஸ்ட் - 2 ஸ்லைஸ்

செய்முறை:

தோசைக்கல் நன்கு சூடானவுடன் ஒரு டீஸ்பூன் ஆலிவ் எண்ணெய் ஊற்றி வெங்காயம், தக்காளி, கொத்தமல்லித்தழை, இஞ்சி, ஸ்ப்ரிங் ஆனியன் ஆகியவற்றை சேர்த்து நன்கு வதக்கவும். 

நன்கு அடிக்கப்பட்ட முட்டையின் வெள்ளைப் பகுதியை இதன் மீது ஊற்றி, வெந்தவுடன் திருப்பிப் போட்டால் சூடான ஆம்லெட் தயாராகி விடும். இந்த டயட் ஆம்லெட்டுடன் கோதுமை பிரெட்டை டோஸ்ட் செய்து சாப்பிடலாம்  

]]>
Omlette, Diet food, டயட் முட்டை டோஸ்ட், முட்டை தோசை https://images.dinamani.com/uploads/user/imagelibrary/2018/1/10/w600X390/omelet.jpg https://www.dinamani.com/lifestyle/lifestyle-food/2018/jan/10/டயட்-ஆம்லெட்-2842385.html
2841821 லைஃப்ஸ்டைல் ரசிக்க... ருசிக்க... கார சாரமான பேபி உருளைக்கிழங்கு ரெசிபி! சினேகா DIN Tuesday, January 9, 2018 03:08 PM +0530  

உருளைக் கிழங்கில் செய்த உணவுகள் என்றால் குழந்தைகளுக்கு மிகவும் பிடிக்கும். அதுவும் சிறிய அளவிலான பேபி உருளை என்றால் அவர்கள் மறு வார்த்தைப் பேசாமல் சாப்பிட்டுவிடுவார்கள். குளிர்காலத்தில் பேபி உருளைக்கிழங்குகளின் சீசன் என்பதால், இந்த மாதத்தில் பேபி உருளையை வெரைட்டியாகச் சமைத்து அவர்களுக்குத் தரலாம். 

தேவையான பொருட்கள் :

பேபி பொட்டேடோ - 200 கிராம்
குடை மிளகாய் - 1
இஞ்சி-பூண்டு விழுது - 1 ஸ்பூன்
பெரிய வெங்காயம் - 1
தக்காளி சாஸ் - 50 கிராம்
இடித்த மிளகாய்த்தூள் - 3 டீஸ்பூன்
வெள்ளை மிளகுத்தூள் - 2 டீஸ்பூன்
சர்க்கரை - 1 டீஸ்பூன்
இஞ்சி, பூண்டு - 10 கிராம்
மைதா மாவு - 50 கிராம்
கார்ன்ஃப்ளார் - 100 கிராம்
வெங்காயத்தாள் - 10 கிராம்
தக்காளி - 1
உப்பு, எண்ணெய் - தேவையான அளவு.

செய்முறை :

தக்காளி, வெங்காயத்தாளை பொடியாக நறுக்கி கொள்ளவும்.

வெங்காயத்தை சதுரமாக வெட்டிகொள்ளவும். இஞ்சி, பூண்டை பொடியாக நறுக்கிக் கொள்ளவும்.

குடைமிளகாயை பெரிய துண்டுகளாக வெட்டிக் கொள்ளவும். பேபி பொட்டேடோவை நன்றாக கழுவிக் கொள்ளவும்.

ஒரு பாத்திரத்தில் மைதா, கார்ன்ஃப்ளார், உப்பு, இஞ்சி, பூண்டு விழுது, சிறிதளவு தண்ணீர் சேர்த்துப் பிசைந்து, அதனுடன் பேபி பொட்டேடோவை சேர்த்து பிசறி சிறிது நேரம் ஊற வைக்கவும்.

வாணலியில் எண்ணெய் ஊற்றி சூடானதும் அதில் ஊற வைத்துள்ள பேபி உருளைக்கிழங்கைப் போட்டு பொரித்தெடுக்கவும்.

இன்னொரு வாணலியில் எண்ணெய் விட்டு சூடானதும் நறுக்கிய இஞ்சி, பூண்டு, பெரிய வெங்காயம், குடைமிளகாய் போட்டு வதக்கவும்.

அனைத்தும் சிறிது வதங்கியதும் இதில் சிறிது தண்ணீர் சேர்த்து தக்காளி சாஸ், இடித்த மிளகாய்த்தூள், உப்பு, சர்க்கரை, வெள்ளை மிளகுத்தூள் சேர்த்து நன்றாக வதக்கவும்.

கடைசியாக பொரித்த உருளை, தக்காளி, பொடியாக நறுக்கிய வெங்காயத்தாள் சேர்த்து நன்றாக கிளறி இறக்கி பரிமாறவும்.

குழந்தைகள் மட்டுமின்றி பெரியவர்களும் மிகவும் விரும்பி சாப்பிடும் சைட் டிஷ் இது. 

]]>
https://images.dinamani.com/uploads/user/imagelibrary/2018/1/9/w600X390/Chotti_Aloor_Dum.jpg https://www.dinamani.com/lifestyle/lifestyle-food/2018/jan/09/spicy-tasty-devilled-potatoes-2841821.html
2841802 லைஃப்ஸ்டைல் ரசிக்க... ருசிக்க... ஜப்பானியர் விரும்பிச் சாப்பிடும் பச்சை மீன் உணவு இதுதான்! உமா DIN Tuesday, January 9, 2018 12:56 PM +0530  

ஜப்பானியர் பாரம்பரிய உணவுப் பழக்கத்தை பெரிதும் விரும்புபவர்கள். சுறுசுறுப்புக்கும் ஆரோக்கியத்துக்கும் பெயர் பெற்றவர்கள் அவர்கள். ஒல்லியான அதே சமயம் உறுதியான உடல்வாகைக் கொண்டவர்கள் அவர்கள். தொப்பை பிரச்னை அவர்கள் நாட்டில் அதிகம் கிடையாது. 

ஜப்பானியரின் உணவுப் பட்டியலில் காய்கறிகள், பழங்கள், தானிய வகைகள் மீன், முட்டை, கடற்பாசி, சோயா, அரிசி, கிரீன் டீ போன்றவை நிச்சயம் இடம்பெற்றிருக்கும். இறைச்சி மற்றும் பால் பொருட்களை அவர்கள் ‌மிக‌க் குறை‌ந்த அள‌வில் மட்டுமே உட்கொள்கின்றனர்.

ஜப்பானியர்களின் சமைக்கும் முறையும் சற்று வித்தியாசமானது. எந்தந்த உணவை எப்படிச் சமைக்க வேண்டும் என்று அவர்களுக்கு ஒரு பழக்கம் உள்ளது. சில உணவை வேக வைத்து உண்பார்கள். சிலவற்றை தீயில் வாட்டினால் போதுமானது. குறைந்த தீயில் மிகக் குறைந்த அளவு எண்ணெயைப் பயன்படுத்தி உணவுப் பொருட்களை வறுத்து சாப்பிடுவார்கள். பச்சையாக இருக்கும் மீன் வகை ஷாஷிமி (sashimi) என அழைக்கப்படுகிறது.

சல்மோன் மீன் வகைகளும் பெரும்பாலும் ஜப்பானியர்களால் பச்சையாகவே உண்ணப்படுகிறது. லேசான புகை காட்டப்பட்ட விலாங்கு மீன் வகையை 'உனாங்கி' என அழைக்கக்கிறார்கள். ஃபுகு என்ற ஒரு வகை ஷாஷிமி உணவு பஃப்பர் மீனிலிருந்து செய்யப்படுகிறது. ப்ஃப்பர் மீனின் உடலில் சில பாகங்களில் உள்ள விஷம் தசைகளை மரத்துப் போக வைக்குமாம். இது உயிருகே ஆபத்தானது. ஆனாலும் ஷாஷிமியை முறையாக தயாரித்து உண்பதில் மகிழ்ச்சி அடைகிறார்கள் ஜப்பானியர். 

ஷாஷிமி என்பது நறுக்கப்பட்ட, சமைக்காத, குளிர்விக்கப்பட்ட இறைச்சி அல்லது மீன். ஷாஷிமி என்பதற்கு அர்த்தம் துளைக்கப்பட்ட இறைச்சி. ஷாஷிமி செய்யப்படும் மீன்கள் தூண்டில்கள் மூலம் பிடிக்கப்பட்டவுடன், அவை உயிருடன் இருக்கும்போதே, ஒரு உலோக கம்பியில் குத்தி வைக்கப்படுகின்றன. ஷாஷிமிக்கு சூரை, சால்மன், சங்கரா, கணவாய், கானாங்கெளுத்தி போன்ற மீன்கள் பயன்படுத்தப்படுகின்றன. மாட்டிறைச்சியும் சிக்கனும்கூட இதில் பயன்படுத்தப்படும். 

ஜப்பானியரின் உணவின் தொடக்கத்தில் இவை பரிமாறப்படும். இந்த உணவின் ஒரு பகுதியாக மீசோ சூப், அரிசி சாதத்துடன் பரிமாறுவார்கள். ஷாஷிமி வகை உணவை உண்பதற்கு முன் முக்கியமாக இருக்க வேண்டியது சுவைச்சாறும் (கிச்சாப்) 'வசாபியும்' (காரமானச் சாறு). ஷாஷிமி சோயா சாஸிலும் முக்கியெடுத்து பரிமாறப்படும்.  கரிப்பு சுவைக்காக 'கிச்சாப்பை' தெளித்துக் கொள்வதற்காக பயன்படுத்துவார்கள். சில வேளைகளில் காரச் சாறுடன் (வசாபி) 'கிச்சாப்பை' கலந்துவிடுவார்கள். வசாபியின் மிகுந்த காரச் சுவையுடையது. 

ஷாஷ்மி​ மீன் உணவின் ஆரோக்கிய பலன்கள்

சமைக்காத மீன்கள் ஆரோக்கியமானவையே. ஆனால் அதில் சில சிக்கல்கள் உள்ளன. வாசாபியுடன் சாப்பிட்டால் பாக்டீரியா தொடர்பான சிக்கல்கள் சரி செய்யப்படும். இதை மீசோ சூப் சாதத்துடன் முழு உணவாக சாப்பிடும்போது அதில் மொத்தமுள்ள சோடியம் அளவுக்கு அதிகமாக இருக்கும்.

ஷாஷ்மி ஆரோக்கியமான உணவாக கருதப்பட்டாலும் வேக வைத்து உணவுகளை சாப்பிடும் பழக்கம் உள்ளவர்களுக்கு இது ஒவ்வாமையை ஏற்படுத்தும் என்பதும் உண்மைதான்

]]>
Japanese food, sashimi, Salmon fish, ஜப்பானிய உணவு, ஷாஷிமி, சாஷிமி மீன் https://images.dinamani.com/uploads/user/imagelibrary/2018/1/9/w600X390/1.jpg https://www.dinamani.com/lifestyle/lifestyle-food/2018/jan/09/japanese-food-sashimi-fish-health-benefits-2841802.html
2838146 லைஃப்ஸ்டைல் ரசிக்க... ருசிக்க... அடைக்குப் பொருத்தமான அவியல் ரெசிப்பி! கஸ்தூரி ராஜேந்திரன், தேனி. DIN Wednesday, January 3, 2018 05:24 PM +0530  

தேவையான பொருட்கள் :

  • அவரைக்காய் - நூறு கிராம்
  • கத்தரிக்காய் - நூறு கிராம்
  • பீன்ஸ் - நூறு கிராம்
  • சேப்பங்கிழங்கு - நூறு கிராம்
  • உருளைக் கிழங்கு - ஒன்று
  • முருங்கை காய் - ஒன்று
  • வாழைக்காய் - ஒன்று
  • புடலங்காய் - நூறு கிராம்
  • தேங்காய் - அரை மூடி
  • கெட்டித் தயிர் - ஒரு கப்
  • பச்சை மிளகாய் - பத்து
  • சீரகம் - இரண்டு டீ ஸ்பூன்
  • கருவேப்பிலை - ஒரு கைப்பிடி அளவு
  • தேங்காய் எண்ணெய் - கால் கப்

அவிக்க...

முதலில் சொல்லப் பட்ட காய்கறிகளையும்,கிழங்கு வகைகளையும் அளவில் சற்றே பெரிய துண்டுகளாக நறுக்கிக் கொள்ளவும் ,பிறகு ஒரு சிட்டிகை மஞ்சள் தூள் கலந்து தேவையான உப்பு சேர்த்து காய்கள் முங்கும் அளவு தண்ணீர் ஊற்றி மேலாக ஒரு டேபிள் ஸ்பூன் தேங்காய் எண்ணெய் விட்டு குக்கரில் இரண்டு விசில் வரும் வரை வேக வைக்கவும் .வேக வைக்கப் பட்ட காய்கறிகளை எடுத்து அதிலிருக்கும் நீரை வடிகட்டி பிரிக்கவும்.

அரைக்க...

அரை மூடி தேங்காயை துருவி அல்லது நறுக்கி அதனோடு இரண்டு டீ ஸ்பூன் சீரகம் பத்துப் பச்சை மிளகாய்கள் சேர்த்து மையாக அரைத்து எடுத்து ஒரு கப் கெட்டித் தயிரில் கலந்து வைத்துக் கொள்ளவும் .

அவியல்:

அரைத்து எடுத்த தேங்காய் தயிர் கலவையில் முன்பே வேக வைத்து எடுத்துக் கொண்ட காய்கறிகளைப் போட்டு நன்றாகக் கொதிக்க விட்டு இறுதியாக தேங்காய் எண்ணெய் விட்டு ஒரு கைப்பிடி கருவேப்பிலையும் தூவி கிளறி விட்டு இறக்கிப் பரிமாறலாம் .இதற்க்கு தாளிதம் அவசியமில்லை.

அடைக்கு மிகப் பிரமாதமான சைடு டிஷ் அவியல் தான், அருமையான காலை டிபனுக்கு அடை அட்டகாசமாய்பொருந்தும், நிறையக் காய்கறிகளும் பருப்புகளும் கலப்பதால் நல்ல சத்து மிக்க உணவும் கூட.

குறிப்பு :-

இன்னும் நிறைய காய்கள் சேர்த்துச் செய்ய விரும்பினால் அப்படியும் சேர்க்கலாம். என்னென்ன காய்கள் சேர்க்க வேண்டும் என்பது சாப்பிடுபவர்களின் விருப்பத்தைப் பொறுத்தது.

அடையைத் தயிர் கலந்தும் செய்யலாம், ஆனால் அது ஒரு முழுநாள் வைத்திருந்து சாப்பிடுவதற்கு மட்டுமே உகந்தது. அதையே தயிருக்குப் பதிலாகப் புளிக்கரைசல் சேர்த்து செய்தீர்கள் எனில் மறுநாளும் வைத்திருந்து உண்ணலாம்.

]]>
அவியல் ரெசிப்பி, அடை அவியல், aviyal recipe. adai aviyal, lifestyle taste, taste https://images.dinamani.com/uploads/user/imagelibrary/2018/1/3/w600X390/adai_aviyal.jpg https://www.dinamani.com/lifestyle/lifestyle-food/2018/jan/03/aviyal-recipe-for-adai-dosa-2838146.html
2835210 லைஃப்ஸ்டைல் ரசிக்க... ருசிக்க... வாணி, ராணி தொடரில் நேற்று பூமிநாதன் குறிப்பிட்ட ‘உத்தம வடை’ ரெஸிப்பி! கஸ்தூரி ராஜேந்திரன், தேனி. DIN Friday, December 29, 2017 01:10 PM +0530  

நேற்று வாணி, ராணி மெகாத்தொடரில் ‘பாதாம் வடை’ என்ற புது ரெஸிப்பி ஒன்றைப் பற்றி அதில் வரும் பூமிநாதன் கதாபாத்திரம் கூறியது. இம்மாதிரி ரெஸிப்பிகளைக் கண்டுபிடிக்க அந்த வசனத்தை எழுதியவருக்குக் கடுமையான உழைப்பு தேவைப்பட்டிருக்கலாம். அது அத்தொடரின் வசனகர்த்தா பா.ராகவனின் கைவண்ணமாகவே இருக்கக் கூடுமென அவரது எழுத்துக்களை அறிந்தவர்களுக்கு எளிதில் தெரிந்திருக்கக் கூடும். பா.ரா தனது ‘ருசியியல்’ என்ற தொடரில் இந்த பாதாம் வடை எனும் உத்தம வடையைப் பற்றி முன்பே பகிர்ந்திருக்கிறார். அதென்ன பாதாம் வடை?! அதெப்படி உத்தம வடையாகும் என்கிறீர்களா? அதாவது எண்ணெயில் முழுக்காட்டிப் பொறிக்கப்படும் வடைகள் எல்லாம் கொலஸ்ட்ராலை அதிகரிக்கக் கூடிய பொல்லாத வடைகளாம். ஆனால் இந்தப் பாதாம் வடை அப்படியல்ல, இதனோடு மாவு சேர்க்கப் படுவதில்லை என்பதால் இதில் கொலஸ்ட்ராலின் சதவிகிதம் குறைவு எனும் அர்த்தத்தில் இதை உத்தம வடை என்கிறார் பா.ரா.

சரி மெகாத்தொடரில் பார்ப்பதோடு நிறுத்தி விட முடியுமா என்ன? அப்படி ஒரு வடைக்கான ரெஸிப்பி எங்கிருக்கிறது என்று இணையத்தில் தேடியதில் கடைசியில் கிடைத்தே விட்டது.

இதோ அதற்கான ரெஸிப்பி இது தான். உத்தம வடை சாப்பிட ஆர்வமிருப்பவர்கள் பேஷாக இதை முயற்சித்துப் பாருங்கள். சத்துக்குச் சத்து, ருசிக்கு ருசி!

தேவையான பொருட்கள்:

பாதாம் பருப்பு: ஒரு பிடி
முட்டைக்கோஸ்: கொஞ்சம்
வெங்காயம்: நான்கைந்து சிறு வெங்காயங்கள்
பூண்டு: 3 பல்
உப்பு: தேவையான அளவு
மிளகு: 1 டீஸ்பூன்

செய்முறை:

பாதாம் பருப்பு மற்றும் பூண்டை அரைத்துப் பேஸ்ட் ஆக்கிக் கொள்ளவும். அதனுடன் பொடியாக நறுக்கிய கோஸ் மற்றும் வெங்காயத்தைக் கலந்து தேவையான அளவு உப்பும், மிளகும் சேர்க்கவும். பிறகு இந்த மாவுக் கலவையை நன்றாகக் பிசிறி விட்டு மைக்ரோ மசால் வடைகள் போல குட்டிக் குட்டியாக கைகளில் தட்டி எடுத்து தோசைக்கல்லில் எண்ணெய் தடவி சுட்டு எடுக்கலாம். அல்லது மைக்ரோ வேவிலும் எண்ணெய் தடவி சுட்டு எடுக்கலாம். அதை அப்படியே சாப்பிட்டாலும் ருசியாகத் தான் இருக்கும் அல்லது பா.ரா விவரித்திருப்பது போல சுடச்சுட உருக்கிய நெய்யில் இரண்டு நிமிடங்கள் போட்டுப் புரட்டி ஊறவைத்து எடுத்துச் சாப்பிட்டாலும் சுவையாகத் தான் இருக்கும். ஆனால், நெய்யில் போட்டுப் புரட்டிய பின் அந்த வடையை உத்தம வடை என்று என்னால் சொல்ல இயலாது. அது அந்த வடையை ருசிப்பவர்களின் ஆரோக்யத்தைப் பொறுத்தது.
 

Thanks to writer PaRa.

Image : Representional purpose only

]]>
BADHAM VADA, GOOD TO HEALTH, SOUTH INDIAN SNACKS, UDHDHAMA VADA, உத்தம வடை, பாதாம் வடை, பா.ராகவன், லைஃப்ஸ்டைல், https://images.dinamani.com/uploads/user/imagelibrary/2017/12/29/w600X390/0000badham_vadai.jpg https://www.dinamani.com/lifestyle/lifestyle-food/2017/dec/29/வாணி-ராணி-தொடரில்-நேற்று-பூமிநாதன்-குறிப்பிட்ட-உத்தம-வடை-ரெஸிப்பி-2835210.html
2833375 லைஃப்ஸ்டைல் ரசிக்க... ருசிக்க... இந்த குளிருக்கு ஏற்ற சத்தான சுவையான காய்கறி சூப் உமா DIN Tuesday, December 26, 2017 05:44 PM +0530  

தேவையானவை

பீன்ஸ், கேரட், முட்டைகோஸ் - 150 கிராம்
தக்காளி - 2
மிளகுத் தூள் - 1/4 டீஸ்பூன்
உப்பு - தேவையான அளவு

செய்முறை

காய்கறிகள் மற்றும் தக்காளியை பொடியாக நறுக்கவும்

நறுக்கிய காய்களை ஒரு கப் தண்ணீர் விட்டு குக்கரில் போட்டு நன்கு வேக வைக்கவும்

மூன்று விசில் வந்ததும் இறக்கி நன்றாக ஆற வைக்கவும்

தண்ணீரை வடித்து ஒரு கிண்ணத்தில் தனியாக வைத்துவிட்டு, காய்கறியை மிக்சியில் போட்டு நைசாக அரைக்கவும்

இந்த விழுதுடன் வடித்து வைத்த தண்ணீரைச் சேர்க்கவும். மீண்டும் லேசாக சூடு படுத்தவும்

உப்பு மிளகு தேவையான அளவு சேர்க்கவும்.

]]>
vegetable soup, veg soup, clear soup, வெஜிடபிள் சூப், காய்கறி சூப் https://images.dinamani.com/uploads/user/imagelibrary/2017/12/26/w600X390/soup.jpg https://www.dinamani.com/lifestyle/lifestyle-food/2017/dec/26/recipe-of-vegetable-soup-2833375.html
2831187 லைஃப்ஸ்டைல் ரசிக்க... ருசிக்க... குளிருக்கு இதமாக ஒரு சமையல் குறிப்பு! சோள ரொட்டி செய்வது எப்படி? உமா DIN Friday, December 22, 2017 02:23 PM +0530  

தேவையானவை :

மக்காச் சோள மாவு - 1 கப்
கோதுமை மாவு - 1 கப்
எண்ணெய் அல்லது நெய் - தேவைக்கேற்ப
மல்லித்தூள் - சிறிதளவு
உப்பு - தேவைக்கேற்ப
தண்ணீர் - மிதமான சூட்டில் தேவையான அளவு

செய்முறை :

சோள மாவையும் கோதுமை மாவையும் கலக்கி அதில் உப்பு போடவும் 

நெய், உப்பு, மல்லித்தூள் ஆகியவற்றை சேர்த்து நன்கு மிதமான சூட்டில் உள்ள தண்ணீரை விட்டு ரொட்டிப் பதத்தில் பிசைந்து வைத்துக் கொள்ளவும்.

30 நிமிடங்கள் ஊற வைத்தபின், எலுமிச்சை அளவு உருண்டைகளாக எடுத்துக் கொள்ளவும். 

எண்ணெய் தடவிய வாழை இலை அல்லது பாலித்தீன் கவரில் வைத்து லேசாகத் தண்ணீர் தொட்டு சப்பாத்தியைவிட சற்று தடிமனான ரொட்டிகளாகத் தட்டவும்.

தோசைக்கல்லில் மிதமான தீயில் எண்ணெய் பூசி போட்டு இரண்டு பக்கமும் நன்றாக வேக வைக்கவும். 

சூடான சுவையான சோள ரொட்டி தயார்! சர்க்கரை வியாதி இருப்பவர்களுக்கு இது சிறந்த உணவாகும்.

]]>
Chola Roti, Recipe, சோள ரொட்டி, சமையல் குறிப்பு https://images.dinamani.com/uploads/user/imagelibrary/2017/12/22/w600X390/corn.jpg https://www.dinamani.com/lifestyle/lifestyle-food/2017/dec/22/recipe-of-corn-roti-2831187.html
2817273 லைஃப்ஸ்டைல் ரசிக்க... ருசிக்க... நீங்கள் காஃபி பிரியரா? காபி குடிப்பதன் 5 நன்மைகள் உங்களுக்கே! உமா DIN Wednesday, November 29, 2017 12:40 PM +0530  

லேசாக மழை தூறிக் கொண்டிருக்கும் ஒரு இளம் காலையை மேலும் அழகாக்க என்ன செய்யலாம்? ஒரு கப் காஃபியை விட அத்தருணத்தை அழகூட்டுவது எதுவாக இருக்க முடியும்? காஃபி என்றதும் முதலில் நம் நினைவுக்கு வருவது அதன் மணம். காஃபி பிரியர்களுக்கு டிகாஷன் காஃபிதான் பிடிக்கும். என்னதான் தூள் காஃபியை கலக்கினாலும், டிகாஷனும் பாலும் சிறிதளவு சர்க்கரையும் சேர்ந்த காஃபியின் சுவைக்கு ஈடாக இந்த ஈரேழு உலகில் வேறு எதுவும் உள்ளதா என்ன?  சரி காஃபியின் மகிமையைப் பற்றிக் கூறிக் கொண்டே போகலாம்.

காஃபி குடிக்கும் பழக்கம் பற்றிய ஆராய்ச்சிகள் அனேகம் உள்ளன. சில ஆய்வாளர்கள் காஃபி குடிப்பது உடல் நலத்துக்குக் கெடுதல், நரம்புத் தளர்ச்சியை ஏற்படுத்தி, விரைவில் பலவித உடல்நலக் கோளாறுகளை ஏற்படுத்திவிடும் என்கின்றனர். ஆனால் வேறு சில ஆராய்ச்சியாளர்கள் காஃபி தேவாம்ருதம், அது உடல்நலத்தை மேம்படுத்தி உங்கள் ஆயுளை அதிகரிக்கச் செய்யும் என்றும் கூறி வருகின்றனர்.

இதில் எது சரி, எது தவறு? ஆயிரக்கணக்கான டாலர்கள் செலவழித்து லட்சக்கணக்கான நபர்களை வைத்து இவர்கள் மேற்கொள்ளும் ஆய்வு முடிவுகள் சுவாரஸ்யமாக இருந்தாலும், பெரும்பாலானோர்க்கு குழப்பம்தான் மிஞ்சுகிறது. ஆனால் நம்முடைய சுய அறிவைப் பயன்படுத்தி, யோசித்துப் பார்த்தால், காஃபி குடித்து இதுவரை யாரேனும் மரணம் அடைந்தார்கள் என்று கேள்விப்பட்டதில்லை அல்லவா? காஃபியோ டீயோ அதற்கு அடிக்ட் ஆகி, அளவுக்கு அதிகமாக குடித்தால் நிச்சயம் பிரச்னைகள் ஏற்படும். ஆனால் அளவாக காஃபி குடிப்பது நலமே தரும். அது சுவையுடன் சேர்ந்து ஒரு பரவச அனுபவம் தரும் என்பது உண்மை. 

1. ஒரு நாளில் எத்தனை காபி குடிக்கலாம்?

ஒரு நாளைக்கு 2 அல்லது 3 கோப்பை காஃபி குடிக்கலாம். சராசரியாக ஒரு கப் காஃபியில் 95 மில்லிகிராம் கஃபைன் கலந்திருக்கும். ஏற்கனவே கஃபைன் அதற்கு மேல் பால் மற்றும் சர்க்கரை சேர்த்தால் காஃபியின் நன்மைகளை அழிந்து விடும். எனவே பாலும் சர்க்கரையும் சேர்க்காத ப்ளாக் காஃபியைக் குடித்துப் பழகுங்கள். ஆரம்பத்தில் கசக்கும் ஆனால் காஃபியின் ருசியே கசப்புத்தானே? அதுவே பழகிவிடும். இந்த ப்ளாக் காபி பல நன்மைகள் தரவல்லது. பால் சேர்க்காத கருப்பட்டி காபி குடிக்கும் பழக்கம் ஒருசிலருக்கு உள்ளது. 'கடுங்காபி' என்று அந்த காபியை சொல்லுவார்கள். அதுவும் உடல் நலத்தை மேம்படுத்தும்.

2. நோய்களுக்கு நோ என்ட்ரி

பல ஆண்டுகள் காஃபி குடிப்பவர்களுக்கு சர்க்கரை நோய் வரும் வாய்ப்புகள் குறைவு. கேன்சர், டிமென்ஷியா, அல்ஸீமர் போன்ற மறதி நோய், இதயம், லிவர் சம்மந்தப்பட்ட பிரச்னைகள், பார்க்கின்சன், டைப் 2 டயபடீஸ், உள்ளிட்ட பல நோய்கள் வராமல் தடுக்கும் சக்தியும் காஃபிக்கு உண்டு என்கிறார்கள் ஆராய்ச்சியாளர்கள்.

3. ஆக்டிவ் எனர்ஜி தரும் காஃபி

காஃபியில் ஆன்டி ஆக்ஸிடெண்டுகள் அதிகம் உள்ளன. அது உங்களை சுறு சுறுப்பாகவும், இளமையாகவும் வைத்திருக்க உதவும். சூடான காஃபி உடலுக்கு உடனடி தெம்பை அளிக்கும் என்பது கண்கூடான உண்மை. நோய் எதிர்ப்புச் சக்தியை அதிகரிக்கும் ஆற்றல் காஃபி பீனில் உள்ளது. காபி குடிக்கும்போது ஹார்மோன்கள் தூண்டப்பட்டு மூளையை சுறுசுறுப்பாக்கும். உடலில் ரத்த ஓட்டம் அதிகரிக்கச் செய்து, தசைகளுக்கு அதிக ரத்தம் அனுப்பப்படுகிறது. காஃபி குடுக்கும்போது, கண் பார்வை விரியும். சுவாசக் குழாய் நன்கு திறந்து புத்துணர்வு கிடைக்கும்.  இதன் மூலம் நாம் செய்து கொண்டிருக்கும் வேலையில் தீவிரமாக ஆழ்ந்து உற்சாகத்துடன் செய்ய முடியும்.

4. காஃபி குடிப்பதால் நீண்ட நாள் வாழலாம்

4,00,000 நபர்கள் பங்கேற்ற ஒரு மாபெரும் ஆராய்ச்சியொன்றின் முடிவில் காஃபி குடிப்பவர்கள் நீண்ட நாள் ஆரோக்கியமாக வாழ முடியும் என்று கண்டறிந்துள்ளார்கள். தினமும் இரண்டு கப் காஃபி குடித்தவர்கள் காபி குடிக்காதவர்களை விட 10 சதவிகிதம் அதிக காலம் உயிர் வாழ்ந்தார்கள். இதில் காஃபி குடிக்கும் பெண்களின் ஆயுள் 13 சதவிகிதம் ஆண்களை விட அதிகமிருந்தது என்பதையும் கண்டுபிடித்தனர்.

5. ஒவ்வாமை

காஃபி  குடிப்பதால் சிலருக்கு படபடப்பு, பதற்றம், தூக்கமின்மை, வயிற்றில் கோளாறு, ப்ராஸ்டேட் போன்ற பிரச்னைகள் ஏற்படுகின்றன. காரணம் அவர்களுக்கு ஒவ்வாமை இருக்கலாம். காஃபி குடிப்பதால்தான் அத்தகைய பிரச்னைகள் வருகிறது என்று தெரிந்தால், காஃபி குடிப்பதைத் தவிர்ப்பதே நல்லது.

காபி அருந்துபவர்கள் பெரும்பாலும் புகைப் பிடிப்பவர்களாகவும், குறைந்த உடற்பயிற்சி செய்பவர்களாகவும், கொழுப்புச் சத்து நிறைந்த உணவு வகைகளை அதிகம் உண்பவர்களாகவும் இருப்பதாக ஓர் ஆய்வு தெரிவிக்கிறது.

]]>
cafe, coffee, காபி, காஃபி, Black Cafe, ப்ளாக் காபி https://images.dinamani.com/uploads/user/imagelibrary/2017/11/29/w600X390/Coffee-coffee-lovers-drinking.jpg https://www.dinamani.com/lifestyle/lifestyle-food/2017/nov/29/5-proven-benefits-of-drinking-coffee-2817273.html
2814827 லைஃப்ஸ்டைல் ரசிக்க... ருசிக்க... அடடே! நீங்க இன்னும் ஒரு தடவை கூட அதலைக்காய் சாப்பிட்டதில்லையா? கஸ்தூரி ராஜேந்திரன், தேனி. DIN Saturday, November 25, 2017 04:00 PM +0530  

சென்னையில் பலருக்கும் அதலைக்காய் பற்றித் தெரிந்திருக்கவில்லை. அது என்னவோ சாப்பிடக் கூடாத வஸ்து போல அதைச் சீண்டுவார் இல்லை இங்கே! 

நேற்று கடையில் அதலைக்காயைக் கண்டதும் எனக்கு அப்படி ஒரு சந்தோஷம்!

கெட்டிப் பருப்புச் சாதத்தில் நெய் விட்டுப் பிசைந்து உருட்டி அதன் நடுவில் லட்டுக்கு நடுவில் முந்திரிப்பருப்பு போல பொரித்த அதலைக்காயை கையோடு அதக்கி எடுத்து உண்டிருந்தால் தானே தெரியக்கூடும் அதன் அருமை. பாகற்காய் கசப்புத்தான், காஃபீ கூட கசப்புத்தான் தான் ஆனால் சாப்பிடாமலோ அருந்தாமலோ இருக்கிறோமா என்ன? அந்தந்தச் சுவைகளை அது அதற்கு ஏற்றமாதிரி பக்குவமாகச் சமைத்துண்ணலும், அருந்தலும் ஒரு கலை. 

அந்த வகையில் அதலைக்காயையும் கூட நன்கு அலசி, அளவாகத் தண்ணீர் விட்டு அடுப்பிலேற்றி பக்குவமாக ஒரே கொதியில் இறக்கி வாணலியில் எண்ணெய் விட்டு கடுகு, உளுந்து தாளித்துக் கருவேப்பிலை இட்டுப் பொரிந்து வருகையில் பொடியாக நறுக்கிய வெங்காயமும், நீள நறுக்கிய பச்சை மிளகாயும் இட்டு அதலைக்காய்க்கு வலுக்குமோ, வலிக்காதோ எனப் பூம்பிரட்டலாக நான்கைந்து முறை கிளறி விட்டு அடுப்பை அணைத்து வாணலியைத் தட்டுப் போட்டு மூடி விடவேண்டும்.

பிறகு சூடான சாதத்தில் கெட்டிப் பருப்பும் நெய்யும் விட்டுப் பிசைந்து கூட இந்த அதலைக்காய்ப் பொரியலையும் சேர்த்து சாப்பிட்டுப் பாருங்கள், அப்புறம் பரிமாறுபவர்களை அடிக்கடி கேட்பீர்கள்;

ஒன்ஸ் மோர், ஒன்ஸ் மோர் என்று!

மழைக்காலத்தில் தான் அதலைக்காய் சீசன் தொடங்கும்; இதோ இப்போது கூட சீசன் தான். காய்கறி மார்க்கெட்டிலோ அல்லது தெருவில் விற்று வரும் காய்கறி வண்டியிலோ எங்கே கண்டாலும் அதலைக்காயை மட்டும் விட்டு விடாதீர்கள். வெறுமே ருசிக்காக மட்டுமில்லை. அதலைக்காய்க்கும், பாகற்காய் போலவே மருத்துவ குணங்கள் நிறைய உண்டு. அதைப் பற்றியும் பார்த்து விடலாம்.

மருத்துவ குணம் கொண்ட அதலைக்காய் சாத்தூர் மற்றும் சுற்றுப்புற பகுதிகளில் அமோகமாக விளைந்து வருகிறது.
 விருதுநகர் மாவட்டம், சாத்தூர் மற்றும் சுற்றியுள்ள பகுதியான கரிசல்பட்டி, கலிங்கபட்டி, வண்ணிமடை, ஓடைப்பட்டி, கொல்லபட்டி, பெத்துரெட்டிபட்டி, பெரியஓடைப்பட்டி, நடுவபட்டி மற்றும் அதனை சுற்றியுள்ள பகுதிகளில் குளிர் காலங்களில் தானகவே அதலைச் செடிகள் முளைக்கின்றன. இந்தச் செடிகளில் மழையின் ஈரப்பதம் காரணமாகவும், மண்ணின் தன்மை காரணமாகவும் அதிக அளவில் அதலைக்காய்கள் விளைகின்றன.
 

இந்த காய்கள் சர்க்கரை நோய், மஞ்சள் காமாலை உள்ளிட்ட நோய்களை குணப்படுத்தும் தன்மை கொண்டதாக கூறப்படுகிறது. அதனால் இவற்றை அனைவரும் விரும்பி வாங்கி உண்டு வருகின்றனர். மேலும் அதலைக்காயின் மனமும், ருசியும் அனைத்து தரப்பினரையும் கவர்வதால், சாத்தூர் பகுதியில் விளையும் அதலைக்காய்களுக்கு சுற்று வட்டார பகுதிகளில் தனி மவுசு ஏற்பட்டுள்ளது. இங்கு விளையும் அதலைக்காய்கள் திருச்சி, மதுரை, தேனி, தூத்துக்குடி போன்ற மாவட்டங்களுக்கு அனுப்பப்படுகிறது.
 

அதலைக்காய்கள் பிற மாவட்டங்களில் விளைவதற்க்கு முன்பே சாத்தூர் பகுதியில் விளைவதற்கு இப்பகுதியின் மண்ணின் தன்மை மற்றும் தட்பவெப்பநிலையே காரணம் என்று கூறப்படுகிறது. பிற மாவட்டங்களைவிட முன்பே விளைச்சல் காண்பதால் சாத்தூர் பகுதி அதலைக்காய்கள் பிரபலமாகி வெளிமாவட்டங்களுக்கும், வெளியூர்களுக்கும் அனுப்பப்பட்டு வருகின்றன.
 பொதுவாக அதலைக்காயை பறித்த உடன் உடனடியாக சமைத்துவிட வேண்டும். அதனாலயே பிஞ்சு அதலைக்காய்களை அனைத்து தரப்பினரும் வாங்கி விரும்பி உண்டு வருகின்றனர். இவற்றைத் தனியாக விவசாயம் செய்ய முடியாது. தானாகவே கரிசல்காட்டில் வளரக் கூடிய தன்மை கொண்ட, இத்தகைய செடிகள் களையை போல் தானகவே வளரும் தன்மை கொண்டவை.
 

இதுகுறித்து அதலைக்காய் வியாபாரிகள் கூறியது: 

காலையில் காட்டுக்கு போகும்போது சாதாரணமாக வளர்திருக்கும் அதலைக்காய்களை பறிப்போம், மழை காலமாக இருப்பதால் ஒரு நாளைக்கு 7-லிருந்து 15 கிலோ கிடைக்கிறது. இதை சந்தைக்கு கொண்டு சென்று விற்பனை செய்வோம். கிலோ ரூ. 60 முதல் 80 வரை கிடைக்கும். இது விதையாக விதைக்க கூடியது அல்ல, மேலும் மற்ற காய் மாதிரி முதலீடு கிடையாது, முதலீடு இல்லாமல் வருமானம் கிடைக்கக் கூடியது.


இதுகுறித்து மருத்துவர் வெங்கடேஷ் கூறுகையில்: அதலைக்காய், பாகற்காய்-க்கு இணையான மருத்துவக் குணம் கொண்டது. இது சர்க்கரை நோய், மஞ்சள் காமாலை நோய்களை கட்டுப்படுத்தும் தன்மையுடையது. கசப்புத்தன்மை இருந்தாலும் ருசியுள்ளது. இந்த அதலைக்காய் மற்ற காய் மாதிரி அறுத்து சமைக்க முடியாது. அப்படியே தான் சமைக்க முடியும். தென்மாவட்டங்களில் மட்டுமே அதிகளவில் விளையக்கூடியது என்றார்.

தகவல் போதுமல்லவா? இனி கடைகளில் அதலைக்காய்களைக் கண்டால் ஐயோ... என்று விலகி ஓட மாட்டீர்கள் தானே?!

]]>
Momordica cymbalaria, athalaikai, அதலைக்காய், அதலைக்காய் பொரியல், ரெஸிப்பி, உணவே மருந்து https://images.dinamani.com/uploads/user/imagelibrary/2017/11/25/w600X390/0000_athalaikay_poriyal.jpg https://www.dinamani.com/lifestyle/lifestyle-food/2017/nov/25/havent-you-ever-eat-momordica-cymbalaria-2814827.html
2813516 லைஃப்ஸ்டைல் ரசிக்க... ருசிக்க... நாவூறும் காளான் ஃப்ரை! டேஸ்ட் அன்லிமிடட்! உமா DIN Thursday, November 23, 2017 04:09 PM +0530  

குழந்தைகளுக்கு மட்டுமல்லாமல் பெரியவர்களுக்கும் பிடிக்கும் காளானைச் சமைப்பது எளிது. காரணம் சில உணவுப் பொருட்களை நாம் அதன் தன்மை கெடாமல் சமைத்தால் போதும், அதனுள் ருசி பொதிந்துகிடக்கும்.

காளான் தண்ணீரை மிக விரைவாக உறிஞ்சும் தன்மை உடையது, அதைக் கழுவினால் வேகமாகத் தண்ணீரை தன்னுள் இழுத்துக் கொள்ளும், இதனால் அதிலுள்ள வைட்டமின் சத்துக்களை இழக்கப்படும்.  அழுக்கும் மண்ணும் கலந்திருந்தால் சில விநாடிகள் மட்டும் தண்ணீரில் முக்கி எடுக்கலாம்.

காளானைப் பலவகையாக சமைக்கலாம், வித்யாசம் எல்லாம் சாப்பிடுவர்களின் கையில் இல்லையில்லை வாயில்தான் உள்ளது. இதோ ஒரு எளிமையான ரெசிபி :

தேவையானவை

நறுக்கிய காளான் - ஒரு பாக்கெட்
பெரிய வெங்காயம் - 1
மிளகாய் வற்றல் - 3
சீரகம் - 1 டீஸ்பூன்
இஞ்சி பூண்டு (விழுதாக அரைத்தது) 1 டீஸ்பூன்
கரம் மசாலா - 1 டீஸ்பூன்
மிளகாய் தூள் - 1 டீஸ்பூன்
மஞ்சள் தூள் - சிறிதளவு
மிளகுத் தூள் - சிறிதளவு
கொத்துமல்லி - சிறிதளவு
எண்ணெய் - 2 டீஸ்பூன்
உப்பு - தேவைக்கேற்ப
சோயா சாஸ்  - 1/2 டீஸ்பூன்
வினிகர் - 1/2 டீஸ்பூன்

செய்முறை :

வாணலியில் எண்ணெய் ஊற்றி, சீரகம் மற்றும் வரமிளகாய் போட்டு தாளிக்கவும்.

இஞ்சி பூண்டு விழுதைச் சேர்க்கவும். பின்னர் நறுக்கிய வெங்காயம் போட்டு பிரட்டவும்.

பச்சை வாசனை போனவுடன் மிளகாய்த் தூள் மற்றும் மஞ்சள் தூளைப் போடவும். அதன்பின் நறுக்கிய காளானைச் சேர்த்து நன்கு வதக்கவும். சோயா சாஸ் மற்றும் வினிகர் ஊற்றி, கரம் மசாலாவைச் சேர்த்து வறுக்கவும்.

மிளகத் தூள் மற்றும் கொத்துமல்லியை அளவாகச் சேர்த்து பரிமாறவும்.

]]>
mushroom, Kaalan, Mushroom fry, காளான் https://images.dinamani.com/uploads/user/imagelibrary/2017/11/23/w600X390/musroom_fry.jpg https://www.dinamani.com/lifestyle/lifestyle-food/2017/nov/23/mushroom-fry-2813516.html
2808415 லைஃப்ஸ்டைல் ரசிக்க... ருசிக்க... கர கர மொறு மொறு கருப்பட்டி முட்டாசு... சாப்பிட்டதுண்டா?! கார்த்திகா வாசுதேவன் DIN Wednesday, November 15, 2017 12:19 PM +0530  

விடுமுறையில் பாட்டி வீட்டுக்குப் போய் சில பல நாட்கள் சீராடுவதெல்லாம் கல்யாணம் ஆன கையோடு கனவு போலத்தான் ஆகி விட்டது, இப்போதெல்லாம் அப்படிப் போனாலும் கூட எங்கே தங்க முடிகிறது? குழந்தைகளுக்குப் பள்ளி, ஓரிரு நாட்களுக்கு மேல் அலுவலகத்தில் விடுமுறை கேட்க முடியாது. என்னதான் பாட்டி வீடு என்றாலும் அடிக்கடி போய்த் தங்கினால் பிரியம் கெட்டு விடும். இப்படிச் சில பல காரணங்களைக் இட்டுக் கட்டிய பின், பாட்டி வீட்டு செல்லச் சீராடல் எல்லாம் கானல் நீரானது தான் மிச்சம் .

அதை ஏன் இங்கே புலம்புவானேன்! சொல்ல வந்த விஷயம் வேறு... பாட்டி வீடு என்றதும் எல்லோருக்குமே சில விஷயங்கள் சட்டென்று நினைவை நிரப்பும் அப்படி ஒரு விஷயம் தான் எனக்கு உச்சிக்குடுமி முட்டாசுக் கடை! இந்த மனிதருக்கு ஏன் இப்படிப் பெயர் வந்ததென்பது இன்னும் கூட எனக்குப் புரியாத விஷயம். அவருக்கு தலையில் முடியே இருந்ததில்லை... முழு வழுக்கை. பெயரா முக்கியம்? தினம் தினம் மாலையானால் போதும் அவர் கடையில் சுடச் சுடத் தயாராகும் கருப்பட்டி முட்டாசின் சுவைக்கு எதுவும் ஈடில்லை!

அப்போது உச்சிக்குடுமி கடையில் மைதா கேக், அதிரசம், முறுக்கு என்று இன்னும் சில பலகாரங்கள் கூட செய்து விற்றுக் கொண்டிருந்தார்கள், ஆனாலும் இந்தக் கருப்பட்டி முட்டாசுக்கு ஈடு இணை எதுவுமே இல்லை,

அதுவும் மாலை சரியாக ஒரு ஐந்து அல்லது ஆறு மணிக்கு அகலமான பெரிய மூடி போன்ற ஓலை நார் தட்டின் மீது பழைய (பெரும்பாலும் எண்ணெய்க் கரை படிந்த ஒரே அழுக்குத் துண்டு தான்) துண்டை விரித்து அதன் மேல் பழைய தினசரிப் பேப்பரைப் போட்டு அதற்கும் மேல் பொன்னிறமான கருப்பட்டி முட்டாசுகளை அடுக்கி அதற்கும் மேலே இன்னொரு தினசரியை வைத்து மூடி உச்சிகுடுமியின் மகள் பாண்டீஸ்வரி கை இடுக்கில் இடுக்கிக் கொண்டு வருவாள், கூட ஒரு பொடியன் காசு வாங்கிப் போட சுருக்குப் பையுடன் வருவான்.

அவர்கள் தலையைக் கண்டாலே போதும் தெருவில் மொய்த்துக் கொண்டு கூட்டம் கூடும். தினம் தினம் வருவதால் எல்லோரும் நூறு கிராம், இருநூறு கிராம் என்று வாங்கி அங்கேயே தின்றும் விடுவார்கள். மாலையானால் கிராமப் புறங்களில் அப்போதெல்லாம் ஒவ்வொரு திண்ணையிலும் பெண்கள் உட்கார்ந்து கொண்டு ஊர்க்கதை, உலகக் கதை, அடுத்த வீட்டுப் புறணி, ஆகாசப் புறணிகள் எல்லாம் பேசுவது வாடிக்கை ஆயிற்றே. முட்டாசோடு ஊர், உலகக் கதைகளை மெல்வதும் கூட சுகம் தான் போலும்.

சென்ற விடுமுறையில் அம்மா வீடு, மாமியார் வீடு, சித்தி வீடு, அத்தை வீடு என்று சுற்றி விட்டு பாட்டி வீட்டில் எட்டிப் பார்க்கும் போது பாட்டிக்கும் வயதாகி விட்டது... சேர்ந்தார் போல இரண்டு நாட்கள் ஆசைதீரப் பாட்டியோடு தங்கினால் தான் என்ன?! என்று தோன்றி விட... தங்கினோம். வழக்கம் போல உறவுகள், நட்புகள், தெரிந்தவர், தெரியாதவர் என்று திண்ணையில் ஜமா சேர்ந்ததில் மெல்ல மெல்லப் பேச்சு கருப்பட்டி முட்டாசுக்குப் போய் விட்டது.

‘மொறு மொறுவென்று பங்காரம் போல (பங்காரம் என்றால் தெலுங்கில் தங்கம்) என்னமா இருக்கும் உச்சிக் குடுமி கடை முட்டாசு!’

‘இப்ப ஒருத்தன் முட்டாசு போட்டு விக்கறான் மதினி, வாயில போட்டா என்னமோ இனிப்பாத்தான் இருக்கு, ஆனா ஒரு மொறு மொறுப்பு இல்ல ஒண்ணுமில்ல, சும்மா சவ சவன்னு என்னமோ பச்சைப் புல்லைக் காய்ச்சி சீனி போட்டு மென்டாப்புல(மெல்லுதல்) இருக்கு, நம்ம உச்சிக்குடுமி முட்டாசு மாதிரி இல்லை ஹூம்! ஓட்டு வீட்டு தனக்கா சொல்லி அங்கலாய்க்க ,

பாட்டி உடனே உச்சிக்குடுமி பெருமையை கொஞ்ச நேரம் சிலாகித்தார்.

எனக்கோ இந்த முட்டாசெல்லாம் சென்னையில் எங்கே கிடைக்கப் போகிறது?! இப்போது யாராவது விற்று வந்தால் சூடாக வாங்கி ஒரு விள்ளல் வாயில் போட்டால் தேவலாம் என்று இருந்தது அந்த மாலை நேரக் கூதல் காற்றுக்கும் கிராமங்களுக்கே உரிய ஒரு வித இதமான வாசனைக்கும்.

அதென்னவோ நீண்ட நேரம் எதிர்பார்த்தும் முட்டாசு விற்பவனைக் காணோம்.

சிவகாசியில் வேலாயுத நாடார் கடையில் சீனி, கருப்பட்டி முட்டாசு ரெண்டுமே பேமஸ் என்று ஊருக்கு கிளம்பும் போது சித்தியும் பாட்டியும் ஆளுக்கு ஒரு கிலோ வாங்கிக் கொடுத்து அனுப்பினார்கள். அங்கே கேட்டால், பனை ஓலைப் பெட்டியில் முட்டாசு அடுக்கித் தருவார்கள். அது ஒரு பாரம்பரியச் சுவை என்றால் மிகை இல்லை. பாலித்தீன் பைகளில் சுற்றித் தரப்படும் எந்தப் பண்டமுமே ஈர்ப்பதில்லை எனக்கு.

இதே போல வாழை இலையில் வைத்து சூடாகக் கட்டித் தரும் சாத்தூர் லாலாக் கடை அல்வாவையும் சொல்லாம். பால்யத்துடன் கலந்து விட்ட இனிமையான நினைவுகள் அவை. இங்கே இனிப்பானவை முட்டாசும், அல்வாவுமா? இல்லை பால்ய நினைவுகளா என்பதை பூதக் கண்ணாடி கொண்டு பார்த்தாலும் பகுத்துப் பார்த்து விட முடியாது.

ம்... என்ன சொல்லிக் கொண்டிருந்தேன்... ஆமாம் வேலாயுத நாடார் கடை முட்டாசும் கூட எனக்கென்னவோ உச்சிக்குடுமி கடை கருப்பட்டி முட்டாசுக்கு ஈடாகத் தோன்றவில்லை என்பதே!

உச்சிக்குடுமியோடு போய் விட்டது அவரது மொறு மொறுப்பான முட்டாசுகளும்!

அவர் இறந்து விட்டார்.

கருப்பட்டி முட்டாசை சாத்தூர், சிவகாசிக்காரர்கள் எப்போதுமே தங்களது வீடுகளில் செய்து சாப்பிட நினைக்க மாட்டார்கள். ஏனெனில் பக்குவம் சரியாக அமையாது என்பதோடு அதொரு சல்லை பிடித்த வேலையாகி விடக்கூடும் என்பதாலும்!

ஆனால் தினமணி வாசகர்கள் எல்லோரும் இதற்காக சாத்தூருக்கும், சிவகாசிக்கும் சென்று இந்தப் பண்டத்தை ருசி காண்பது முடியாது என்பதால், செய்முறையையும் தருகிறோம்.

ஆர்வமிருப்பவர்கள் வீட்டிலேயே தயாரித்து ருசியுங்கள். பக்குவம் சரியாக அமைந்து நீங்கள் செய்த கருப்பட்டி முட்டாசை எவரேனும் பாராட்டினால் அதைக் குறித்து எங்களுக்கும் எழுதி அனுப்புங்கள்.

தேவையான பொருட்கள்:

வெல்லம்- 3/4 கிலோ 
சுக்கு- 1 டீஸ்பூன் 
பச்சரிசி மாவு / அரிசி மாவு - 1/2 கிலோ 
உளுந்து - 50 கிராம் 

செய்முறை: 

ஒரு அடி கனமான பத்திரத்தை எடுத்து கொண்டு, பச்சரிசியையும், உளுந்தையும் நன்றாக ஊற வைக்க வேண்டும். பிறகு அதை இட்லி மாவு பதத்தில் அரைத்து கொள்ள வேண்டும் இப்பொழுது வெல்லத்தை எடுத்துக் கொண்டு, ஒரு பத்திரத்தில் தண்ணீரை நன்றாகச் சுட வைத்து அதில் இந்த வெல்லத்தை கரைக்க வேண்டும். வெல்லப்பாகு தயாரான பின் அதைத் தனியாக வைத்து கொள்ளவும் ஒரு துணியை எடுத்து கொண்டு அதில் காலணா சைஸில் துளையிட்டுக் கொண்டு அதில் மாவுக்கலவையை இட்டு, கொதிக்கும் எண்ணெயில் முறுக்கு பிழிவது போல் பிழிய வேண்டும். பிழிந்த மாவு வெந்து பொன்னிறமாக வந்த பின் அதை வெல்லப்பாகில் பத்து நிமிடங்களுக்கு ஊறவைத்தால் கருப்பட்டி முட்டாசு தயார்.

 

Image courtesy: pettikadai.in

]]>
jaggery candy, sathur sivakasi famous jaggery candy, கருப்பட்டி மிட்டாய், கருப்பட்டி முட்டாசு, சாத்தூர் சிவகாசி புகழ் கருப்பட்டி முட்டாசு https://images.dinamani.com/uploads/user/imagelibrary/2017/11/15/w600X390/jaggery_candy.jpg https://www.dinamani.com/lifestyle/lifestyle-food/2017/nov/15/sathur-sivakasi-famous-jaggery-candy-2808415.html
2807058 லைஃப்ஸ்டைல் ரசிக்க... ருசிக்க... சூப்பர் டேஸ்ட்டி இட்லி மிளகாய்ப் பொடி தயாரிப்பது எப்படி? DIN DIN Monday, November 13, 2017 01:27 PM +0530 தேவையான பொருட்கள்

நன்கு உலர்ந்த மிளகாய் வற்றல் – 8 (பெரியது)
பூண்டு - தேவைக்கேற்ப
கறுப்பு எள் – 100 கிராம்
உளுந்தம் பருப்பு & கடலைப் பருப்பு – 150 கிராம்
பெருங்காயப் பொடி – ஒரு டீஸ்பூன்
காய வைக்கப்பட்ட கறிவேப்பிலை – சிறிதளவு
உப்பு – தேவைக்கேற்ப

செய்முறை

மிளகாய் வற்றலின் காம்புகளை நீக்கி மிதமான வெயிலில் காய வைத்து எடுத்துக் கொள்ளவும். 

கறிவேப்பிலையை நீரில் அலசி தனித்தனி இலைகளாக உருவி காய வைத்து எடுத்து தனியாக வைக்கவும். 

வெறும் வாணலியில் மிதமான சூட்டில் கறுப்பு எள், பூண்டு மற்றும் மிளகாய் வற்றலை போட்டு வறுக்கவும்.

எள் பொறிந்து வெடிக்கும் சமயத்தில் வாணலியில் இருந்து எள்ளினையும், மிளகாய் வற்றலையும் வெளியே எடுத்து வைக்கவும். அதன் பிறகு உளுந்தை அதே வாணலியில் போட்டு வறுக்கவும்.

உளுந்து வறுபட்ட வாசனை வந்த பின் வாணலியில் இருந்து தனியே கொட்டி விடவும். அதன் பின் கடலைப் பருப்பை வறுக்கவும்.

கறிவேப்பிலையை போட்டு நன்கு சுருளும் வரை வதக்கவும். தொடர்ந்து அடுப்பை சிம்மிலேயே வைத்திருக்கவும். வறுத்த அனைத்துப் பொருட்களை நன்கு ஆற வைக்கவும்.

மிக்ஸியில் சிறிதளவு உளுந்தம் பருப்பு, சிறிதளவு எள், மீண்டும் சிறிதளவு உளுந்து மறுபடியும் எள் என மாறி மாறி போடவும்.

அதனுடன் வறுத்த மிளகாய் வற்றல், கறிவேப்பிலை, தேவையான உப்பு, பெருங்காயப் பொடி ஆகியவற்றைச் சேர்த்து அரைக்கவும். மிகவும் பொடிந்து போகாமல் சற்று கொரகொரப்பாக இருக்குமாறு பார்த்துக் கொள்ளவும். சூப்பர் டேஸ்ட்டி இட்லிப் பொடி தயார். 

இட்லி மிளகாய்ப் பொடியுடன் நல்ல எண்ணெய் குழைவாக ஊற்றி இட்லி அல்லது தோசையுடன் சாப்பிடும் போது அதன் சுவைக்கு ஈடு இணை இருக்க முடியாது.

]]>
Idli Podi, Dosa side dish, Recipe, இட்லி மிளகாய்ப் பொடி, இட்லி பொடி, தோசை பொடி https://images.dinamani.com/uploads/user/imagelibrary/2017/11/13/w600X390/Idli_podi_recipe.JPG https://www.dinamani.com/lifestyle/lifestyle-food/2017/nov/13/home-made-idly-podi-2807058.html
2803463 லைஃப்ஸ்டைல் ரசிக்க... ருசிக்க... கின்னஸ் உலக சாதனைக்காக மாஸ்டர் செஃப் சஞ்சீவ் கபூரால் கிண்டப்பட்ட ஜெயண்ட்  கிச்சடி! கார்த்திகா வாசுதேவன் DIN Tuesday, November 7, 2017 12:47 PM +0530  

கடந்த வாரத்தில் நம்ம ஊர் உப்புமாவை பலவகை காய்கறிகளைக் கலந்து கிச்சடி என்ற பெயரில் தேசிய உணவாக அறிவித்தது மத்திய அரசு. கிச்சடியை தேசிய உணவாக அறிவித்ததை யார்
வரவேற்கிறார்களோ இல்லையோ? நிச்சயமாக இந்திய இல்லத்தரசிகள் மிகக் குதூகலமாக ஏகோபித்த ஆதரவுடன் வரவேற்பார்கள் என்பதில் எவ்வித ஐயமுமில்லை. ஏனென்றால் சட்டென்று சடுதியில் தயாரித்து விடக்கூடிய வகையிலான ஈஸி ரெசிப்பி என்பதால் தேசிய உணவுத் தேர்வில் கிச்சடியை அடித்துக் கொள்ள எந்த உணவும் ஈடில்லை!

கிச்சடியை தேசிய உணவாக அறிவித்து விட்டு ஐயோ பாவம்! என்று அப்படியே விட்டு விட முடியுமா என்ன? பிறகு ஏர்டெல் வாசிங் பவுடர் விளம்பரப் புகழ் மாஸ்டர் செஃப் சஞ்சீவ் கபூர் எதற்கு இருக்கிறார்? அவரை வைத்து மொத்த இந்தியாவுக்குமாகச் சேர்த்து இந்தியக் கிச்சடி கிண்டினால் உலகம் முழுக்க நமது கிச்சடி வெகு ஜோராக வழுக்கிக் கொண்டு போய்ச் சேராதா பின்னே?! அப்படியானயான முயற்சிகளில் ஒன்றாக சஞ்சீவ் கபூர் தன் கையால் கிண்டிப்போட்ட பிரமாண்ட இந்தியக் கிச்சடி, இன்று கின்னஸ் உலக சாதனைகளில் ஒன்றாகி இருப்பது நமக்கும் பெருமை என்று நினைத்துக் கொள்ள வேண்டியது தான்.

வேர்ல்டு ஃபுட் இந்தியா என்பது இந்தியாவில் என்றுமில்லாத வகையில் முதன்முதலாக இந்த ஆண்டு கொண்டாடப்பட்ட பட்ட உணவுத் திருவிழாக்களில் ஒன்று. இந்திய உணவு வகைகளுக்கு உலக நாடுகளிடையே இருக்கும் வரவேற்பு மற்றும் வியாபார வாய்ப்புகளுக்காக இந்திய அரசால் திட்டமிடப்பட்டது இந்த உணவுத் திருவிழா. கடந்த நவம்பர் 4 ஆம் தேதி இந்த உணவுத் திருவிழா நிகழ்வில் தான் சஞீவ் கபூர் தனது மகா மெகா கிச்சடியை கிண்டத் தொடங்கினார். அந்தக் கதையை நீங்களும் தெரிந்து கொள்ளத்தான் வேண்டும். நூறு கிலோவுக்கும் அதிகமான உயரதர அரிசி, பருப்பு, கம்பு, ராகி, அமராந்த் (தண்டுக்கீரை), ஃப்ரெஷ்ஷாகப் பறுத்தெடுக்கப்பட்ட புத்தம் புது காய்கறிகள் மற்றும் சுத்தமான முறையில் தயாரிக்கப்பட்ட 1000 லிட்டர் ஆர்கானிக் நெய், உள்ளிட்ட பொருட்களுடன் 7 அடி விட்டம் கொண்ட மகாப் பெரிய ராட்ஷதக் கடாயில் தயாரிக்கப்பட்டது அந்த கிச்சடி. கிட்டத்தட்ட 918 கிலோ கிச்சடி! கிச்சடி தயாரிக்க எரிபொருளாக நெருப்பைப் பயன்படுத்தாமல் 150 மீட்டர் நீளமான குழாய் வழியாக நீராவியைப் பயன்படுத்தி இருப்பது இதில் சிறப்பான அம்சம் எனலாம். அதுமட்டுமல்ல, கிச்சடி சமைப்பது அதிலும் இப்படி ஜெயண்ட் கிச்சடி சமைப்பதென்றால் சமையலைத் தாண்டியும் சில விஷயங்களில் கவனம் செலுத்தியாக வேண்டுமே... பயன்படுத்தக் கூடிய சேர்மானப் பொருட்களின் சுத்தம் முதற்கொண்டு சமைக்கும் போது எந்த விதமான விபத்துக்களோ அல்லது அசம்பாவிதங்களோ நேர்ந்து விடக்கூடாது எனும் முன்னெச்சரிக்கை நடவடிக்கை வரை பலவிதமான புரோட்டோகால் முறைகள் இந்த கிச்சடி தயாரிப்பில் பின்பற்றப்பட்டிருக்கிறது.

சரி இப்படி தயாரான கிச்சடி யாருக்கு வழங்கப்பட்டது என்பதையும் அறிந்து கொள்ள வேண்டும் இல்லையா? ஜெயண்ட் கிச்சடி தயாரான நாளும் வட இந்தியர்கள் குரு பிரவாஸ் விழா கொண்டாடும் நாளும் ஒன்றாக அமைந்து விடவே அந்தக் கிச்சடியை டெல்லியிலிருக்கும் அட்சயபாத்ரா ஃபவுண்டேஷன் அமைப்பின் கீழுள்ள ஆதரவற்ற குழந்தைகளுக்கு அளிக்கப்பட்டது.

பிரமாண்ட உணவுத் திருவிழாவில் மெகா கிச்சடி கிண்டி முடித்து அதைக் குழந்தைகளுக்கும் வழங்கி விட்டு, இப்படி ஒரு பிரமாண்ட நிகழ்வு வெற்றிகரமாக நிகழத் துணை புரிந்த நமது இந்திய அரசுக்கும், அதன் உணவுத்துறை அமைச்சருக்கும், தனக்கு உதவி செய்த தனது சக செஃப்களுக்கும், கிச்சடியைப் பெற்றுக் கொள்ள மனமுவந்து முன் வந்த அட்ஷயபாத்ரா ஃபவுண்டேஷன் அமைப்பினருக்கும் இந்த நிகழ்வை கின்னஸ் உலக சாதனைகளில் ஒன்றாக அங்கீகரித்த கின்னஸ் சாதனை தேர்வுக் குழுவினருக்கும் எனது மனமார்ந்த நன்றிகள் என முகநூலில் ஸ்டேட்டஸ் தட்டியுள்ளார் மாஸ்டர் செஃப் சஞ்ஜீவ் கபூர்!

அதுமட்டுமல்ல, தனது பிரமாண்டமான இந்த சாதனைக் கனவு நிறைவேறத் துணையாக நின்ற அத்தனை பேருக்கும் அவர் நன்றி சொல்லியிருக்கிறார்.

வீடுகளில் மட்டுமல்ல, உணவுத் திருவிழாக்களில் மட்டுமல்ல, இனி இந்திய அரசியல் மேடைகளிலும் கூட கிச்சடி தொடர்ந்து பல விற்பன்னர்களால் கிண்டப்படலாம். அதற்கு அடிகோலிய பெருமை மத்திய அரசை மட்டுமே சாரும்.

]]>
it's a Guinness World Record!, Guinness khichidi, கிச்சடியில் கின்னஸ் சாதனை, ஜெயண்ட் கிச்சடி, மாஸ்டர் செஃப் சஞ்சீவ் கபூர் https://images.dinamani.com/uploads/user/imagelibrary/2017/11/7/w600X390/00000_world_record_kichidi_by_sanjeev_kapoor.jpg https://www.dinamani.com/lifestyle/lifestyle-food/2017/nov/07/its-a-guinness-world-record-2803463.html
2802803 லைஃப்ஸ்டைல் ரசிக்க... ருசிக்க... சுவையான புளியோதரை தயாரிப்பது எப்படி? DIN DIN Monday, November 6, 2017 03:10 PM +0530 தேவையான பொருட்கள் :

அரிசி - 2 தம்ளர்
வெந்தயம் - 1/4 டீஸ்பூன்
சீரகம் - 1/2 டீஸ்பூன்
மிளகு - 1 டீஸ்பூன்
எள் - 1/2 டீஸ்பூன்
மிளகாய் வத்தல் - 5
கொத்தமல்லி - 1 டீஸ்பூன்
உடைத்த வேர்க்கடலை - 50 கிராம்
தேங்காய் - 1 கப் (துருவியது)
புளி - 1 எலுமிச்சை அளவு
நல்லெண்ணெய் - 5 டீஸ்பூன்
வெல்லம் - 25 கிராம்
கருவேப்பிலை - சிறிதளவு
உப்பு - தேவைக்கேற்ப

கடுகு, உளுத்தம்பருப்பு, கடலைப் பருப்பு, முந்திரி பருப்பு - தாளிக்க தேவைக்கேற்ப
பட்டை - தேவைப்பட்டால் ஒரு துண்டு

செய்முறை

புளியை ஒரு பாத்திரத்தில் சிறிதளவு நீர் விட்டு கெட்டியாக கரைத்துக் கொள்ளவும்

அரிசியை நன்கு கழுவி நான்கு தம்ளர் தண்ணீர் விட்டு குக்கரில் வைக்கவும். சாதம் குழைவாக இல்லாமல் உதிரியாக இருக்க வேண்டும். ஒரு பெரிய பாத்திரத்தில் சாதத்தை ஆற வைக்கவும்.

ஒரு வாணலியில் வெந்தயம் மற்றும் பட்டை இரண்டையும் போட்டு நன்றாக வாசனை வரும் வரை வறுத்து, இத்துடன் கொத்தமல்லி, மிளகாய் வத்தல், மிளகு, சீரகத்தையும் சேர்த்து வறுத்து நன்றாக பொடித்துக் கொள்ளவும்.

ஒரு வாணலியில் இந்த பொடியுடன் புளிக் கரைசலை சேர்த்து நன்கு கொதிக்க விடவும். பிறகு 1 டீஸ்பூன் எண்ணெய் தேவையான அளவு உப்பு சேர்த்து மிதமான வெப்பத்தில் வைக்கவும்.

நன்கு கெட்டியான பதத்துக்கு வந்ததும் வெல்லம் சேர்த்து கொதிக்க வைத்து இறக்கவும்.

மீதமிருக்கும் எண்ணெயை ஒரு வாணலியில் ஊற்றி கடுகு, உளுத்தம் பருப்பு, கடலைப் பருப்பு, மிளகாய் வத்தல் சேர்த்து தாளித்த பிறகு வேர்க்கடலையும் அதனுடன் சேர்த்து பொன்னிறமாக வறுத்து கருவேப்பிலையையும் சேர்த்து புளிக்காய்ச்சலில் கொட்டவும்.

எள்ளைத் தனியாகச் சிறிது எண்ணெயில் தாளித்துச் சேர்க்கவும். தேங்காயையும் தனியாக வாணலியில் லேசாக வறுத்து புளிக்காய்ச்சலில் கொட்டிக் கிளறவும்.

ஆற வைத்திருந்த சாதத்தில் கொஞ்சம் கொஞ்சமாக புளிக்காய்ச்சலை ருசிக்கேற்ப கலக்கவும். 

சுவையான புளியோதரை தயார்.

]]>
puliyogare, puliyodharai, கோவில் புளியோதரை, புளி சாதம் https://images.dinamani.com/uploads/user/imagelibrary/2017/11/6/w600X390/puliyodhara.jpg https://www.dinamani.com/lifestyle/lifestyle-food/2017/nov/06/tasty-puliodharai-recipe-2802803.html
2798010 லைஃப்ஸ்டைல் ரசிக்க... ருசிக்க... கம கமவென்று சாம்பார் மணக்க இதை செய்து பாருங்கள்! DIN DIN Sunday, October 29, 2017 01:37 PM +0530 உங்களிடம் உள்ள அரிசியில்  சாதம் வடித்தால் நிறம் மங்கலாக இருக்கிறதா, அரிசி வேக வைக்கும் போது தண்ணீருடன் சிறிது கெட்டியான மோர் அல்லது பால் கலந்து விடுங்கள் சாதம் வெள்ளையாக இருக்கும்.

நெய் ஜாடியில் ஒரு சிறிய வெல்லக்கட்டியை போட்டு மூடி வைத்துவிட்டால் மூன்று மாதங்கள் ஆனாலும் நெய் கெட்டுப்போகாது.

சோயா பீன்ஸ் பருப்புகளை  உளுந்துக்குப் பதிலாக  போட்டு ஆட்டி இட்லி சுட்டால்,  இட்லி அருமையாக இருக்கும். உடம்புக்கும் நல்லது.

எப்போதும் சாம்பாரில் பெருங்காயத்தைப் பொரித்துத்தான் சேர்ப்போம். மாறுதலாக கொத்துமல்லி விதைகளை  சிறிது நெய்யில் வறுத்துப் பொடி செய்து சாம்பாரில்  சேர்த்துப் பாருங்கள். அதன் மணமே அலாதிதான்.

- கீதா ஹரிஹரன்

]]>
Tasty Sambar, Tips for cooking, சாம்பார், டிப்ஸ் டிப்ஸ் https://images.dinamani.com/uploads/user/imagelibrary/2017/10/29/w600X390/super_sambar.jpg https://www.dinamani.com/lifestyle/lifestyle-food/2017/oct/29/for-tasty-sambar-simple-tips-2798010.html
2798002 லைஃப்ஸ்டைல் ரசிக்க... ருசிக்க... ருசியான ஊறுகாய் போடுவது எப்படி? DIN DIN Sunday, October 29, 2017 12:16 PM +0530 ஊறுகாய் தயாரிப்பது எளிமையானது ஆனால் அதைப் பராமரிப்பது சற்றுக் கடினம் தான். சீக்கிரம் கெட்டுப் போய்விடும். சின்னச் சின்ன விஷயங்களை கவனம் வைத்தால் அற்புத சுவையுள்ள ஊறுகாய்களை தயாரித்து, அதன் தன்மை மாறாமல் நீண்ட நாட்கள் வைத்துப் ருசிக்கலாம்.

ஊறுகாய்   தாளிக்கும் போது  அதற்குரிய  பொருட்களுடன் சிறிது  எள்ளையும் வறுத்துப் பொடி செய்து போட்டால் ஊறுகாய் வாசனை மிகுந்து இருக்கும்.  அதுமட்டுமல்லாமல் ஊறுகாய் சீக்கிரம் கெட்டும் போகாது.

வெயில் காலத்தில் ஊறுகாயைத் தயாரித்து வைத்துக் கொண்டால், அந்த வருடம் முழுவதும் அதைப் பயன்படுத்தலாம்.

உப்பும் உரைப்பும் தான் ஊறுகாயின் பிரதான காரணி. ஊறுகாய் தயாரிப்பதற்குப் பொடி உப்பை விட கல் உப்பே சிறந்தது. தேவைப்பட்டால் கல் உப்பை மிக்ஸியில் நன்றாகப் பொடித்தும் பயன்படுத்தலாம்.  

ஊறுகாய் விரைவில் கெட்டுப் போக முதல் காரணம் ஈரத்தன்மை தான். ஊறுகாயை நன்கு உலர்ந்த ஜாடியில் அல்லது பாட்டிலில் பத்திரப்படுத்த வேண்டும்.  ஒவ்வொருமுறை அதன் எடுக்கும்போதும் மரத்தாலான ஸ்பூன் உபயோகப்படுத்தவேண்டும். கைகளால் தொடக் கூடாது. அப்படியே கையால் எடுக்க நேர்ந்தால், ஈரக்கையில் தொடாமல் நன்றாக உலர்ந்த கைகளால் எடுக்க வேண்டும்.

ஊறுகாய் தயாரிக்கும் போது அதன் நிறம் முக்கியம். மிளகாய் மற்றும் புளி புதியதாக பளிச் நிறத்தில் இருந்தால், ஊறுகாயும் நல்ல நிறத்தில் இருக்கும். கறுத்து நிறம் மாறி விடாது.

ஊறுகாயைத் தாளிப்பதற்கு நல்லெண்ணெயைப் பயன்படுத்த வேண்டும்.

ஊறுகாயை பாட்டிலில் ஊற்றிய பின், மேலே சிறிதளவு எண்ணெய் நின்றால் ஊறுகாய் கெடாமல் நீண்ட நாட்கள் அப்படியே இருக்கும்.

ஜாடியில் அல்லது பாட்டிலில் ஊறுகாயை பத்திரப்படுத்தும் போது விளிம்பு வரை போட்டு நிரப்பக் கூடாது. ஒரு இஞ்ச் அளவேனும் வெற்றிடம் விட வேண்டும்.

எலுமிச்சை ஊறுகாய் தயாரிக்கும் போது, மெல்லிய தோலுள்ள பழங்களைத் தேர்ந்தெடுத்துப் போடவும். காரணம் அவற்றில்தான் அதிகளவு சாறு இருக்கும்.

நெல்லிக்காய் ஊறுகாய் தயாரிக்கும் போது அரி நெல்லிக்காயை நன்கு அலசி அதனுடைய மேற்பரப்பு உலர்ந்தவுடன் துணியில் லேசாக துடைத்து விட்டு உப்பில் ஊற விடவும்.

பூண்டு ஊறுகாய் தயாரிக்கும்போது, சிறிதளவு பூண்டை விழுதாக அரைத்துக் சேர்த்தால், நல்ல மணமாகவும் சுவையாகவும் இருக்கும்.

ஆவக்காய் ஊறுகாயை தயாரிக்கும் போது மாங்காய் புதியதாக இருந்தால், நன்றாக வரும்.

]]>
Pickle, mango prickle, ஊறுகாய் https://images.dinamani.com/uploads/user/imagelibrary/2017/10/29/w600X390/pickles.jpg https://www.dinamani.com/lifestyle/lifestyle-food/2017/oct/29/how-to-prepare-tasty-pickles-2798002.html
2796929 லைஃப்ஸ்டைல் ரசிக்க... ருசிக்க... மொறு மொறு வடை எப்படி தயாரிப்பது? உமா DIN Friday, October 27, 2017 04:40 PM +0530 தேவையானவை :

உளுந்து - 1 கப்
பச்சை மிளகாய் - 4
சீரகம் - 1 டீஸ்பூன்
கறிவேப்பிலை - சிறிதளவு
உப்பு - தேவையான அளவு

செய்முறை 

  • உளுந்தை ஊற வைக்கவும்
  • ஊற வைத்த உளுந்து, பச்சை மிளகாய் மற்றும் உப்பு ஆகியவற்றை க்ரைண்டரில் மையாக அரைக்கவும்
  • இந்த மாவில் கறிவேப்பிலை மற்றும் சீரகம் சேர்த்து நன்றாக கிளறவும்
  • அடுப்பை பற்ற வைத்து ஒரு வாணலியை எண்ணெயை காய வைக்கவும். 
  • உள்ளங்கை அளவு மாவை எடுத்துக் கொண்டு அதைச் சிறு உருண்டையாக்கி அதன் பின் வட்டமாகத் தட்டவும்.
  • அதன் நடுவில் தண்ணீர் தொட்டு துளை போடவும்
  • இப்போது வடை மாவை வாணிலியில் போடவும்.
  • இருபுறமும் பொன்னிறமாக வேகவிட்டபின் எடுத்து தேங்காய் சட்னியுடன் பரிமாறவும்
  • பொடியாக‌ நறுக்கிய கீரையை சேர்த்து அரைத்து கீரை வ‌டையாக‌வும் சுட‌லாம்.

சில டிப்ஸ்

மாவை நைசாக அரைக்க வேண்டும். எந்தளவுக்கு என்றால் அரைத்து முடித்ததும் சிறிதளவு மாவை கையில் எடுத்துக் கொண்டு ஊதினால் அது பஞ்சு போல் பறக்க வேண்டும். அப்படி அரைத்த மாவில் வடை சுட்டால் மொறு மொறுவென்று அதிக ருசியில் வடை சூப்பராக இருக்கும்.

மொறு மொறுவென்று வடை தயாரிக்க ஒரு டீஸ்பூன் அரிசி மாவு சேர்க்கலாம்.

வடைக்கு அரைக்கும் போது தண்ணீர் அதிகமாகிவிட்டால் பொரிக்கும் போது அதிக எண்ணை குடிக்கும். எனவே அளவாக நீர் விடவும். மேலும் மிக்ஸியில் அரைப்பதை விட க்ரைண்டரில் அரைப்பது சுவை அதிகமாக இருக்கும். 

மிக்ஸியில் அரைக்க நேர்ந்தால், அதன் பிளேடுகளில் நடுவில் சிறிதளவு எண்ணை விட்டால் சிக்காமல் அரையும்.
 

]]>
Vada, Super Soft Vadai, வடை, ருசியான வடை, வடை ரெசிபி https://images.dinamani.com/uploads/user/imagelibrary/2017/10/27/w600X390/img_4783.jpg https://www.dinamani.com/lifestyle/lifestyle-food/2017/oct/27/மொறு-மொறு-வடை-எப்படி-தயாரிப்பது-2796929.html
2795677 லைஃப்ஸ்டைல் ரசிக்க... ருசிக்க... சப்பாத்தி….சப்பாத்திதான்…சுவையான சப்பாத்திக்கு 7 டிப்ஸ் DIN DIN Wednesday, October 25, 2017 12:06 PM +0530 1

குழந்தைகளுக்கு தயாரிக்கும் சப்பாத்தியை தவாவில் மூடிப் போட்டு மூடி வைத்து வேக வைத்தால் சப்பாத்தி மிருதுவாகவும் இருப்பதுடன் பூரி போல உப்பும்.

2

மாவு பிசையும் போது தளரப் பிசைந்து கொண்டாலே சப்பாத்தி நீண்ட நேரம் மிருதுவாக இருக்கும். போலவே பூரிக்கு மாவை இறுகப் பிசைந்து கொண்டால் அதிகம் எண்ணெய் உறிஞ்சாது. 

3

சப்பாத்தி மாவில் நன்றாகப் பழுத்த வாழைப்பழம் ஒன்று சேர்த்து பிசைந்து சப்பாத்தி செய்தால் சப்பாத்தி மென்மையாக இருக்கும். சுவையும் கூடுதலாக இருக்கும்.

4

ச‌ப்பா‌‌த்‌தி‌க்கு ‌திர‌ட்டு‌ம் போது மாவை தொ‌ட்டு‌ ‌‌ச‌ப்பா‌த்‌தி ‌திர‌ட்டுவா‌ர்க‌ள். மேலு‌ம் எ‌ண்ணெ‌ய் ஊ‌ற்‌றி ‌திர‌ட்டினா‌ல் ச‌ப்பா‌த்‌தி சுடு‌ம்போது அ‌திக எ‌ண்ணெ‌ய் ஊ‌ற்ற‌த் தேவை‌யி‌ல்லை.

5

ச‌ப்பா‌த்‌தியை ந‌ன்கு பே‌ப்ப‌ர் போ‌‌ல் ‌திர‌ட்டி அத‌ன் மே‌ல் எ‌ண்ணெ‌ய் உ‌ற்‌றி அதனை நா‌ன்காக மூடி ‌‌மீ‌ண்டு‌ம் ஒரு முறை ‌திர‌ட்டி எடு‌த்து தோசை‌க் க‌ல்‌லி‌ல் போடு‌ங்க‌ள். ச‌ப்பா‌த்‌தி எ‌ப்படி உ‌ப்பு‌கிறது எ‌ன்று தெ‌ரி‌‌யு‌ம். 

6

சப்பாத்தி மாவை முன் தினமே பிசைந்து வைத்தாலோ அல்லது கொஞ்சம் மீதமிருந்தாலோ, மாவின் மீது எண்ணெய் தடவி எடுத்து வையுங்கள். கருப்பாக காய்ந்து போகும் தன்மை ஏற்படாது.

7

சப்பாத்தி காய்ந்து போனால் அதில் சிறிது தண்ணீர் தெளித்து பத்து விநாடி மைக்ரோவேவ் அவனில் வைத்துச் சூடாக்கினால் சப்பாத்தி சாஃப்ட்டாகி விடும்.

]]>
சப்பாத்தி, chappathis, சாஃப்ட் சப்பாத்தி, டிப்ஸ் டிப்ஸ் https://images.dinamani.com/uploads/user/imagelibrary/2017/10/25/w600X390/tasty_chapthi.jpg https://www.dinamani.com/lifestyle/lifestyle-food/2017/oct/25/7-tips-for-tasty-chappathis-2795677.html
2783712 லைஃப்ஸ்டைல் ரசிக்க... ருசிக்க... இட்லி சூப்பர் சாஃப்டாக வர என்ன செய்யலாம்? DIN DIN Tuesday, October 3, 2017 05:56 PM +0530 காலை உணவுக்கு ஏற்றது இட்லி மற்றும் சட்னிதான். தயாரிக்கவும் எளிது. ஆனால் எல்லோர் வீட்டிலும் இட்லி சாஃப்டாக இருப்பதில்லை. நமக்கே கூட ஒரு சில நாட்கள் மிருதுவாக வரும், சில நாட்கள் கல் போன்று சுவையற்று இருக்கும். எப்போதும் ஒரே மாதிரியான மிருதுவாக இட்லி வர என்ன செய்யவேண்டும்?

தேவையான பொருட்கள் :

புழுங்கல் அரிசி - 4 தம்ளர்  
உளுந்து - 1 டம்ளர்
வெந்தயம் - 1/2 ஸ்பூன்  
உப்பு - தேவையான அளவு 

செய்முறை :

முதலில் தரமான அரிசி மற்றும் உளுந்தை பயன்படுத்தவேண்டும். அதன் பின் உளுந்து, அரிசி இவற்றை மூன்று மணி நேரமாவது ஊற வைக்கவும். பிறகு உளுந்தை கழுவி, வெந்தயத்துடன் சேர்த்து கிரைண்டரில் அரைக்கவும். மிக்ஸியில் அரைப்பதை விட கிரைண்டரில் அரைத்தால் தான் இட்லி மிருதுவாக கிடைக்கும். அவ்வப்போது தண்ணீர் விடவும். அதிகம் தண்ணீர் விடவும் கூடாது. குறைவாகவும் தண்ணீர் விட கூடாது.

அதன் பிறகு கிரைண்டரில் அரிசியை கழுவி போடவும். அதனுடன் கல் உப்பு சேர்த்து அரைக்கவும். அரிசி ரவை பதத்தை விட சற்று மைய அரைப்பட வேண்டும். அரிசி அரைக்கும் போது அன்று வடித்த சாதத்தை கால் கப் சேர்த்து அரைத்தால் மிக மிருதுவான இட்லி கிடைக்கும். உளுந்து நன்கு மையாக அரைபட வேண்டும். மாவை வழித்தெடுக்கும் போது பஞ்சு போல பந்து பந்தாக வரவேண்டும்.

இப்படி அரைக்கப்பட்ட அரிசி மற்றும் உளுந்தை ஒரு பாத்திரத்தில் வழித்தெடுத்து இரண்டு மாவைவும் கைகளால் நன்கு கலக்கவும் அதன் பின்  வேறொரு பாத்திரத்துக்கு மாற்றி இரவு முழுவதும் புளிக்க விடவும்.  புளிக்க வைக்கும் மாவை  கிளறி விட்டால் கல் போன்ற இட்லி தான் வரும். எனவே அதைத் தொடவேண்டாம்.

மறுநாள் மாவு சரியான பதத்தில் பொங்கியிருக்கும். அப்போதும் மாவை அதிகம் கிளறாமல் அப்படியே எடுத்து, இட்லித் தட்டுக்களில் மென்மையான வெள்ளைத் துணி போட்டு அதன் மீது ஊற்றவேண்டும். இட்லி பாத்திரத்தில் தண்ணீர் கொதித்த பின் இட்லி தட்டை வைத்து மூடி வேக விடவும். அதிக குழிவாகவும் இல்லாமல் மேடாகவும் இல்லாமல் இட்லி ஊற்ற ஏதுவாக அமைக்க வேண்டும். 

இப்போது பூப் போன்ற சூப்பர் சாஃப்ட் இட்லி ரெடி!

]]>
idli, Soft idli, சுவையான இட்லி, மிருதுவான இட்லி https://images.dinamani.com/uploads/user/imagelibrary/2017/10/3/w600X390/instant-rice-idli-recipe-1-768x480.jpg https://www.dinamani.com/lifestyle/lifestyle-food/2017/oct/03/how-to-make-soft-and-tasty-idlis-2783712.html
2775956 லைஃப்ஸ்டைல் ரசிக்க... ருசிக்க... மீன் சாப்பிடத் தெரிஞ்சா போதுமா? பார்த்துப் பார்த்து வாங்கவும் தெரியனுமே! கஸ்தூரி ராஜேந்திரன், தேனி. DIN Tuesday, September 19, 2017 05:19 PM +0530  

சாதாரண மீன் சமாச்சாரம்... ஆனால் சாப்பிடத் தெரிந்த அளவுக்கு எத்தனை பேருக்குப் பார்த்துப், பார்த்து வாங்கத் தெரியும்?

மீன்! அசைவப் ப்ரியர்களின் சொர்க்கம். சிக்கன், மட்டன் சாப்பிடக் கூட சில வகை டயட்களில் தடையுண்டு. ஆனால் மீனுக்கு மட்டும் அசைவப் பட்சிணிகளிடையே எங்கும், எப்போதும் தடையே இருப்பதில்லை. சருமத்தில் ஒவ்வாமை பாதிப்பு கொண்டவர்கள் கூட கருவாடு சாப்பிடக் கூடாது என்று தான் ஒதுக்குவார்களே தவிர மீனை அல்ல; அடடா... இந்த உலகத்தில் ரசித்து, ருசித்துச் சாப்பிடத் தோதாக எத்தனை, எத்தனை மீன் வகைகளை ஜோராகப் படைத்துக் கடவுள், நமக்காக மீன் ருசிகர்களுக்காக அனுப்பித் தந்திருக்கிறார்! யோசித்துப் பாருங்கள்... குறைந்த பட்சம் சென்னை வானகரம் மீன் மார்க்கெட்டில் உங்களால் வாங்க முடிந்த சில வகை மீன்களையாவது வகைப்படுத்த முடிகிறதா? என்று பாருங்கள்...

"வாளை மீன், விலாங்கு மீன், விரால் மீன், வஞ்சிரம் மீன், சீலா மீன், கெண்டை மீன், கெளுத்தி மீன், குறவை மீன், கட்லா மீன் (ஜிலேபிக் கெண்டை), சுறா மீன், மாங்காய்ச் சாளை மீன், தேங்காய் பாறை மீன், ஊழி மீன், கிழங்கா மீன், வெள்ளைக் கிழங்கா மீன், இறால் மீன், சங்கரா மீன், சென்னாக்குண்ணி மீன், கொடுவா மீன், மத்தி மீன், கணவாய் மீன், கானாங்கெளுத்தி மீன், அயிரை மீன், அயிலை மீன், அசுரப் பொடி மீன், உழுவ மீன், நெத்திலி மீன், காரப் பொடி மீன், மீசைக்கார கடுவா மீன், வாவல் மீன், கூனிப்பாறை மீன், கூனி இறால் மீன், சுதும்பு மீன், சூடை மீன், திருக்கை வால் மீன், திமிங்கலம், வெல மீன், சால்மன் மீன், கோலா மீன், செம்மீன்... "

- இப்படிச் சொல்லிக் கொண்டே போகலாம். இவையெல்லாம் எனக்குத் தெரிந்த, நான் சாப்பிட்டுப் பழகிய மீன்கள். இதைக் காட்டிலும் இன்னும் அதிகமான அளவில், தினுசு, தினுசாகச் சமைக்கத் தோதாக ருசியான மீன் வகைகள் சென்னையில் கிடைக்கலாம். உங்களுக்குத் தெரிந்தால் நீங்களும் கீழே பட்டியலிடுங்கள் தெரிந்து கொள்கிறேன்.

மீன்களைப் பொருத்தவரை, மீன் போஜனப் ப்ரியர்கள் பலருக்கும் ருசி, மசியாய்ச் சப்புக் கொட்டிக் கொண்டு சாப்பிடத் தெரிந்த அளவுக்குப் பார்த்து, பார்த்து மீன் வாங்கத் தெரியுமா? என்றால், பலரும் சொல்லக் கூடிய ஒரே பதில், இல்லையென்பதாகவே இருக்கக் கூடும். ஆனால் சாப்பிடத் தெரிந்தவர்களுக்கு, அந்தப் பொருட்களைத் தரம் பார்த்து, கண்ணாலேயே ருசி பார்த்து வாங்கத் தெரியவில்லை என்றால் அவர்களது சுவை நரம்புகள் ஒரு மாற்றுக் குறைவு தான் என்று எண்ணத் தோன்றுகிறது.

சரி... சரி அதெல்லாம் போகட்டும், இதுநாள் வரையிலும் தான், மீன் சாப்பிடுவதைத் தவிர்த்து வாங்கத் தெரியாத மக்குகளாக இருந்து விட்டோம்... இனிமேலாவது நல்ல மீன்களாகப் பார்த்து வாங்கக் கற்றுக்கொள்வோம் என்று யாருக்காவது ஆர்வம் வந்திருந்தால் அவர்கள் தொடர்ந்து வாசியுங்கள். 

ஃப்ரெஷ் மீன்களைப் பார்த்ததுமே கண்டறிவது எப்படி?

  • மீன் வாங்கப் போகையில், மீனின் உடல் பகுதியில் விரலால் அழுத்தினால், விரலை எடுத்த வேகத்தில் மீன் மீண்டும் பழைய நிலைக்கு வரவேண்டும். அது மட்டுமல்ல மீனின் மேல் தோலில் இருக்கும் உலோக மினு, மினுப்பு மங்காமல் அப்படியே மினுங்க வேண்டும். மீனின் தோல் கிழியாமல் இறுக்கமாக இருக்கவேண்டும், செதில்கள் கூட உதிராமல் இறுக்கமாக இருக்குமாயின்; மீன் ஃப்ரெஷ் ஆன மீன் தான் என்று தாராளமாக நம்பலாம். அப்படியில்லாமல் மீனின் மேல் தோல் கிழிந்தும், செதில்கள் அனைத்தும் வாங்கும் போதே தொட்டால் உதிரும் நிலையிலோ இருந்தால் அது நிச்சயமாகக் கெட்டுப் போன மீன் தான் என்று அர்த்தம்.
  • மீன் வாங்கச் செல்கையில் மீனை முகர்ந்து பாருங்கள்... அதற்காகக் கையில் எடுத்து முகர்ந்து பார்த்து கடைக்காரரிடம் திட்டு வாங்கிக் கட்டிக்கொள்ளத் தேவையில்லை. வெறுமே மீன் கடையில் நின்றாலே மீன் நாற்றம் நாசியைத் தீண்டி மெய்மறக்கச் செய்யும். பொதுவாக மீன் எங்கே பிடிக்கப் பட்டதோ அந்த ஆறு அல்லது கடலின் இயல்பான வாசம் அந்த மீனிலும் வந்து சேரும். அந்த வாசம் இயற்கையானது. ஆனால் கெட்டுப் போன மீன் என்றால் அதில் டிரைமெத்திலமைன் வாசம் வரும். அந்த வாசத்தை உங்களால் முகர் முடிந்தால் நிச்சயம் உங்களுக்கு முன்னிருப்பது கெட்டுப்போன மீனே தான். அதனால் அதைத் தவிர்த்து விடுவது நல்லது. 
  • கெட்டுப் போன மீன்களை மட்டும் தான் தவிர்க்க வேண்டுமென்பதில்லை. சில மீன்கள் ஃப்ரெஷ் ஆக இல்லாமல் துவண்டு போய் பார்த்தாலே சமைத்து உண்ணத் தோன்றாத அளவுக்கு எந்த ஈர்ப்பையும் ஏற்படுத்தாத வண்ணமிருக்கும். அப்படி பட்ட மீன்கள் சுவையாக இருப்பதில்லை அவற்றையும் தவிர்த்து விடலாம்.
  • மீன் வாங்கச் செல்லும் போது, அது ஃப்ரெஷ் மீன் தானா? இல்லையா? என்று பார்க்க... மீனின் கண்களைப் பாருங்கள். மீன் பிடிக்கப் பட்டு சில மணி நேரங்களே தான் ஆகியிருக்கிறது என்றால் மீனின் கண்கள் நல்ல ஒளியுடன் பொலிவாக இருக்கும். அதுமட்டுமல்ல கண்களில் புகை படிந்ததைப் போலில்லாமல் மீனின் கண்கள் தெளிவுடன் இருந்தாலும் மீன் ஃப்ரெஷ் ஆன மீன் தான் என்று புரிந்து கொள்ளலாம்.
  • மீனின் செவுள் பகுதியைச் சோதித்துப் பார்த்தும் கூட அது ஃப்ரெஷ் மீன் தானா? இல்லையா? என்பதைக் கண்டுபிடித்து விடலாம். வாஙப் போகும் மீனின் செவுளைத் தூக்கிப் பாருங்கள், செவுள் பகுதி இளஞ்சிவப்பு நிறத்தில் லேசாக ஈரத்தன்மையுடன் மென்மையாக இருக்க வேண்டும். உலர்ந்தும், மெலிந்தும் நிறம் மாறியும் இருந்தால் அது பழைய மீன்.
  • மீனின் தோல்பகுதியிலிருக்கும் நிறமாற்றத்தைக் கவனியுங்கள், மீனின் மேல் தோல் மஞ்சளாகவோ, பிரவுன் நிறத்திலோ இருந்தால் அது நாள்பட்ட மீன் என்று அர்த்தம். அது மட்டுமல்ல மேல் தோல் அதிகம் சேதமாகி இருந்தாலும் கூட அது பழைய மீன் என்று தான் அர்த்தம்.

மேலே சொன்ன டிப்ஸ்களை எல்லாம் மீன் வாங்கச் செல்லும் போது மறவாமல் பின்பற்றி ஃப்ரெஷ் மீன்களாக வாங்கி அபார ருசியுடன் ரசித்துச் சமைத்து ருசியுங்கள்.

]]>
மீன், ஃப்ரெஷ் மீன், மீன் வாங்க டிப்ஸ், fish buying tips, fish, fresh fish https://images.dinamani.com/uploads/user/imagelibrary/2017/9/19/w600X390/fish_fry111.jpg https://www.dinamani.com/lifestyle/lifestyle-food/2017/sep/19/fish-buying-tips-2775956.html
2755247 லைஃப்ஸ்டைல் ரசிக்க... ருசிக்க... இன்ஸ்டண்ட் காஃபி போர் அடிக்குதா? அப்போ ஸ்ட்ராங்கா ஃபில்டர் காஃபி போடக் கத்துக்கலாமே! கஸ்தூரி ராஜேந்திரன், தேனி. DIN Monday, August 14, 2017 04:40 PM +0530  

சிலருக்கு கடையில் விற்பனையாகிற ப்ரூ, லியோ, நரசுஸ், உள்ளிட்ட காப்பித்தூள்களில் ஒன்றை வாங்கி ஃபில்டர் காஃபி தயாரிப்பதே திருப்தியாக இருக்கும். சிலருக்கோ, தாங்களே நேரடியாக சூப்பர் மார்கெட்டுகளுக்குச் சென்று தரமான காப்பிக் கொட்டைகளும், பீபரியும் வாங்கி தங்கள் கை பட மெஷினில் அரைத்து அதில் பதமாகச் சிக்கரி கலந்து நாசி மணக்க, மணக்க திடமான காப்பித் தூளை தாங்களே தயாரித்து அதில் காஃபி போட்டு அருந்தினால் தான் திருப்தியாக உணர முடியும். இதெல்லாம் அவரவர் மனநிலை சார்ந்த விஷயங்கள் என்றாலும் யோசித்துப் பார்க்கையில் இது கூட சற்று சுவாரஸ்யம் தரக் கூடிய விஷயம் தான் இல்லையா? சரி இப்போது தரமான, திடமான ஃபில்டர் காப்பித் தூள் எப்படி தயாரிப்பது என்று பார்க்கலாம்;

காப்பித்தூள் தயாரிக்கத் தேவையானவை...

  • பிளாண்டேஷன் A - 1/4 கிலோ 
  • பீ பரி - 1/4 கிலோ
  • சிக்கரி - 50 கிராம்

காப்பித்தூள் தயாரிக்கத் தேவையான பொருட்களை நாமே நேரடியாக வாங்கி, வீட்டிலேயே காப்பிக் கொட்டைகளை பதமாக வறுத்து, பீபரியும், சிக்கரியும் தேவையான அளவு சேர்த்து மெஷினில் அரைத்துக் கொள்வது ஒரு வகை... அல்லது சென்னையில் பல இடங்களில் தரமான காப்பித்தூள் அரவை அங்காடிகள் உள்ளன. அவற்றில் ஒன்றில் தரமான, மணமான காப்பித்தூளை சுடச் சுட அரைத்து விலைக்கு வாங்கிக் கொண்டு அதைக் கொண்டும் ஃபில்டர் காஃபி போட கற்றுக் கொள்ளலாம். இரண்டுமே ஒன்று தான். 

ஃபில்டர் காபி போடத் தேவையானவை:

  • மணமான காப்பித்தூள்: 2 முதல் 3 டேபிள் ஸ்பூன்
  • கொதிக்கும் தண்ணீர்: அரை கப்
  • பால்: 2 கப்
  • சர்க்கரை: தேவையான அளவு
  • காஃபி ஃபில்டர்

ஃபில்டர் காஃபி தயாரிக்கும் முறை:

காஃபி ஃபில்டரில் முதலில் தேவையான அளவு காப்பித்தூளைப் போட்டு அதன் மேல், உள்ளிருக்கும் குடை கொண்டு காப்பித்தூளை கெட்டித்து அடைக்கவும். பின்னர் கொதிக்கும் தண்ணீரை அதன் மீது மெதுவாக விட்டு ஃபில்டரை அடைத்து டிகாக்‌ஷன் இறங்கும் வரை 5 நிமிடங்கள் காத்திருக்கவும். கொதிக்கும் தண்ணீர் விடப்பட்டிருப்பதால் வெகு சீக்கிரமாகவே டிகாக்‌ஷன் இறங்கி விடும். காஃபி ப்ரியர்களுக்கு கள்ளிச்சொட்டுப் போன்ற அதிகாலையின் முதல் டிகாக்‌ஷனை கண்ணால் காண்பதைப் போன்ற பேரானந்தம் தரக்கூடிய செயல் வேறில்லை! சூடான டிகாக்‌ஷனில் தேவையானதை ஒரு கப்பில் ஊற்றிக் கொண்டு, தேவையான அளவு சர்க்கரை சேர்த்து அதன் பின்னரே கொதித்து இறக்கிய பாலை அதில் கலக்க வேண்டும்.

இப்போது லோட்டாவில் அந்தக் காஃபியை ஊற்றி ஒரு ஆற்று ஆற்றிப் பாருங்கள். மணக்க, மணக்க நுரை பொங்கும் ஃபில்டர் காஃபி தயார். மனதிற்குத் திருப்தியாக, நிறம், மணம், திடம் மூன்றும் ஒருங்கே அமைந்த ஃபில்டர் காஃபியை மட்டும் நம்மால் தயாரிக்க முடிந்தந்தென்று வையுங்கள் அப்புறம் எப்பேற்பட்ட தலைவலியாலும் நம்மை ஒன்றுமே செய்து விட முடியாது. 

மனச்சோர்வு, உடற்சோர்வு, தலைவலி, தொண்டை வலி எல்லாவற்றுக்குமே மிகச் சிறந்த நிவாரணியாக நாம் இந்த ஃபில்டர் காஃபியை உணரலாம்.

ஃபில்டர் காஃபி தயாரிக்கும் போது கவனத்தில் கொள்ள வேண்டியவை...

ஃபில்டரில் காப்பித்தூளைப் போட்டு உடனடியாக அதில் கொதிக்கும் தண்ணீரைச் சேர்த்து விடக் கூடாது. முதலில் குடை கொண்டு மூடி காப்பித்தூளை கெட்டிக்கச் செய்து அதன் மீது சிறிது, சிறிதாக நிதானமாகத் தான் கொதிக்கும் தண்ணீர் விடவேண்டும். அப்போது தான் தூள் இறங்காமல் வெறும் டிகாக்‌ஷன் மாத்திரம் ஃபில்டரில் இறங்கும். நமக்கும் கெட்டியான திடமான டிகாக்‌ஷன் கிடைக்கக் கூடும். அதே போல காஃபி போடும் போது முதலில் டிகாக்‌ஷனில் சர்க்கரை சேர்த்த பிறகே பால் சேர்க்க வேண்டும். அப்போது தான் காஃபி மணமாக இருக்கும்.

]]>
filter coffee, instant coffee, coffee powder making, ஃபில்டர் காஃபி, இன்ஸ்டண்ட் காஃபி, காப்பித்தூள் தயாரிப்பு, காப்பி பவுடர், லைஃப் ஸ்டைல், https://images.dinamani.com/uploads/user/imagelibrary/2017/8/14/w600X390/filter_coffee.jpg https://www.dinamani.com/lifestyle/lifestyle-food/2017/aug/14/filter-coffee-making-tips-2755247.html
2739640 லைஃப்ஸ்டைல் ரசிக்க... ருசிக்க... தமிழர் ஸ்பெஷல் பாரம்பரிய தின்பண்டங்கள் அத்தனையும் ஒரே இடத்தில் பெற நேட்டிவ் ஸ்பெஷல்.காம் வாங்க! RKV DIN Tuesday, July 18, 2017 03:33 PM +0530  

பகையும் விரும்பும் தனிச் சுவை கொண்டது நமது தமிழ் மட்டுமல்ல, அம்மொழி கொண்ட நிலத்தின் பண்டங்களும் தான். இன்றைக்கும் உலகின் எந்த சுவைக்கும் சரி நிகர் சவால் விடும் திறன் கொண்டவை நமது மனோகரமான ருசி மிக்க தின்பண்டங்கள்.  இத்தகைய சிறப்பு வாய்ந்த பண்டங்கள் இன்று வரை உலகப் பொது அரங்கில் தனக்கான அடையாளத்தினை நிலை நிறுத்திக் கொள்ள முடியாத நிலையில் தான் உள்ளது. இன்னும் சொல்லப் போனால் நம் வீட்டிலும் கூட இவற்றிற்கான இடம் அருகிக் கொண்டு தான் வருகிறது.

இத்தகைய சூழலை தனது வெளிநாட்டு அலுவல் காலங்களில் பல சந்தர்ப்பங்களில் எதிர் கொண்ட திரு. பார்த்திபன் அவர்களின் ஆதங்கத்தின் வெளிப்பாடாக உதயமானது நேட்டிவ்ஸ்பெஷல்.காம் (https://nativespecial.com) இணைய தளம்.  தமிழர் பாரம்பரிய தின்பண்டங்கள்அனைத்தையும் ஒரே குடையின் கீழ் கொணர்ந்து அதனை மக்களிடம் சேர்க்கும் இமாலய முயற்சியின் துவக்கப் புள்ளிதான் அது.  அதன் பின் இவரது தம்பி மற்றும்  நண்பரின் கூட்டு முயற்சியால் இன்று வெள்ளியணை அதிரசம், பள்ளபட்டி பூந்தி, முதலூர் மஸ்கோத் அல்வா, ஊத்துக்குளி நெய் பிஸ்கட் முதல் தூத்துக்குடி குச்சிமிட்டாய், ஸ்ரீவில்லிபுத்தூர் பால்கோவா, கோவில்பட்டி கடலை மிட்டாய், மணப்பாறை முறுக்கு தாண்டி இன்னும் பல ருசிகரமான தின்பண்டங்கள் வரை, தங்களின் இணையத்தில் சேர்த்துள்ளனர்.

ஆன்லைனில் ஆர்டர் செய்தால் இந்தியா மட்டும் இன்றி, அமெரிக்கா, ஐரோப்பா, அமீரகம், கனடா என பல நாடுகளுக்கும் வெற்றிகரமாக டெலிவரி செய்கின்றனர். இன்று நமது ஊரின் பாரம்பரிய ருசியினைச் சுவைக்க நினைப்பவர்கள் நேட்டிவ்ஸ்பெஷல்.காம் (https://nativespecial.com) இணையத்தில் ஆர்டர் செய்தால் போதும்.

மூவரும் கை நிறைய வருவாய் ஈட்டும்  தகவல் தொழில்நுட்பத்துறை வேலையில் இருந்தும் தங்களின் நோக்கத்தினை முதன்மையாகக் கொண்டு தங்கள் உயர் சம்பள வேலையினை உதறிவிட்டு முழு நேரமாக நேட்டிவ்ஸ்பெஷல்.காம் (https://nativespecial.com) இணையத்தில் இணைந்து பணியாற்றுகிறார்கள்.  பொருளாதார பலமற்ற விவசாய பின்னணியில் இருந்து வந்திருந்த போதும் தங்களின் நோக்கில் தெளிவாகவும், உறுதியும் கொண்ட காரணத்தால் தான் இத்தகைய முடிவினை எடுக்க இயன்றதாக இவர்கள் கூறுகின்றனர்.

இப்படி தெளிவான நோக்கம் கொண்ட ஒரு புதிய தலைமுறை தங்களின் வேரினை நோக்கிப் பயணிக்கத் துவங்கி இருப்பது தமிழ்ச் சமூகத்தின் மிகப்பெரும் நம்பிக்கையாகப் பார்க்கப் படுகிறது. இது போன்ற இளைய தலைமுறையின் முயற்சியினை உறுதியோடு ஊக்குவிப்போம்.
 

]]>
https://nativespecial.com, தமிழர் பாரம்பரிய தின்பண்டங்கள், tamil traditional sweets & snacks, நேட்டிவ் ஸ்பெஷல்.காம், பார்த்திபன், parthiban https://images.dinamani.com/uploads/user/imagelibrary/2017/7/18/w600X390/nativespecial.jpg https://www.dinamani.com/lifestyle/lifestyle-food/2017/jul/18/httpsnativespecialcom-2739640.html
2670016 லைஃப்ஸ்டைல் ரசிக்க... ருசிக்க... மிளகு ரசத்துக்கு தொட்டுக் கொள்ள அபார சுவையுடன் பிரண்டைத் துவையல்! கஸ்தூரி ராஜேந்திரன், தேனி. DIN Monday, July 10, 2017 02:29 PM +0530  

தேவையானவை:

இளம் தண்டுப் பிரண்டை: 2 கட்டு
உளுந்தம் பருப்பு: 1 டேபிள் ஸ்பூன்
குடம் புளி/ நாட்டுப் புளி: 1 நெல்லிக்காய் அளவு
சிவப்பு நீட்டு மிளகாய் வத்தல்: 10/ 12
இஞ்சி: 1 துண்டு
பூண்டு: 4/ 5 பல்
பெருங்காயத்தூள்: 1 சிட்டிகை
கல் உப்பு: தேவையான அளவு
பனை வெல்லம்: 1 நெல்லிக்காய் அளவு
செக்கிலாட்டிய நல்லெண்ணெய்: 1 டேபிள் ஸ்பூன்
கடுகு உளுந்தம் பருப்பு: தாளிக்க

செய்முறை:

பிரண்டையை கணு நீக்கி நன்கு சுத்தம் செய்ய வேண்டும். இல்லா விட்டால் துவையல் செய்து சாப்பிடும் போது போது பற்களில் நார் சிக்கிக் கொண்டே இருக்கும். எனவே கணு நீக்கி தோல் சீவி, நாரை உறித்து சுத்தமாக்கி சிறு, சிறு துண்டுகளாக நறுக்கிக் கொள்ள வேண்டும்.

பிறகு வாணலியை சூடாக்கி 1 டீஸ்பூன் நல்லெண்ணெய் விட்டு, எண்ணெய் சூடானதும் முதலில் 1 டேபிள் ஸ்பூன் உளுந்தம் பருப்பை போட்டு சிவக்க வறுக்கவும், உளுந்துடன் 1 துண்டு இஞ்சி மற்றும் நான்கைந்து உறித்த பூண்டுப் பற்களை சேர்த்து, இஞ்சி பூண்டு வதங்கியதும் அதனுடன் 10 அல்லது 12 நீட்டு மிளகாய் வத்தலைப் போட்டு வறுக்கவும். பின்னர் இவற்றுடன் பனை வெல்லம் சேர்த்து வெல்லம் கரைந்ததும்  தேவையான அளவு கல் உப்பு சேர்த்து கிளறி விட்டு இறக்கவும். கலவை சற்று ஆறிய பின் அவற்றை மிக்ஸியில் இட்டு நீர் சேர்க்காமல் அரைக்கவும். பிரண்டை நஙு அரைக்காவிட்டால் பற்களில் சிக்கும். எனவே நைஸாக அரைத்தெடுத்து ஒரு சில்வர் கிண்ணத்தில் வழித்தெடுக்கவும். கடைசியாக வாணலியில் 1 டேபிள் ஸ்போன் எண்ணெய் விட்டு காய்ந்ததும் கடுகு உளுந்து தாளித்து அரைத்து வைத்த துவையலில் கொட்டி. எண்ணெய் சூடு இறங்கியதும் ஒரு கண்ணாடி ஜாரில் எடுத்து வைத்துக் கொண்டு 10 நாட்கள் வரை வைத்துச் சாப்பிடலாம். கெடாது.

பிரண்டையால் என்ன பலன்?

கிராமங்களில் பள்ளி செல்லும் சிறு குழந்தைகளுக்கு வயிற்று உப்பிசம் இருந்தால், சாதத்துடன் வெறும் மிளகு ரசம் ஊற்றிப் பிசைந்து தொட்டுக் கொள்ள பிரண்டைத் துவையல் வைத்துத் தருவார்கள். மறுநாளே வயிற்று உப்பிசம் போன இடம் தெரியாமல் மறைந்து விடும். அதோடு பசியே இல்லாமல் சாப்பிட அடம் பிடிக்கும் குழந்தைகளுக்கும் சாப்பிட வைக்க பாட்டியமார்கள் இதே பிரண்டைத் துவையல் டெக்னிக் தான் பின்பற்றூவார்கள். இனிப்பும், புளிப்பும் சுள்ளென்ற காரமுமாக பிரண்டைத் துவையல் இருந்தால் ரசம் சாதமும், மோர் சாதமும் கொண்டா.. கொண்டா என்று தொண்டைக்குள் இறங்கும். பிரண்டைத் துவையலை வீட்டில் செய்து சாப்பிட்டால் உங்களுக்கும் தெரிந்து விடப் போகிறது. 

Image courtsy: Google

]]>
உணவே மருந்து, pirandai thuvaiyal, herb recipy, traditional south indian dish, பிரண்டைத் துவையல், மரபார்ந்த தென்னிந்திய சமையல் https://images.dinamani.com/uploads/user/imagelibrary/2017/3/21/w600X390/pirandai_thuvaiyal.jpg https://www.dinamani.com/lifestyle/lifestyle-food/2017/mar/21/மிளகு-ரசத்துக்கு-தொட்டுக்-கொள்ள-அபார-சுவையுடன்-பிரண்டைத்-துவையல்-2670016.html
2724360 லைஃப்ஸ்டைல் ரசிக்க... ருசிக்க... எடை குறைப்பில், ஆரோக்கியத்தில் ஓட்ஸுக்கு மாற்றா இந்த கின்வா?! கஸ்தூரி ராஜேந்திரன், தேனி. DIN Tuesday, June 20, 2017 01:52 PM +0530  

அரிசியில் இருக்கும் கொழுப்பும், புரதமும் அளவுக்கு அதிகம் என்று நினைப்பவர்கள் அரிசிக்குப் பதிலாக அரிசியின் அதே சுவையுடன் ஆனால் கொழுப்பின் சதவிகிதம் மட்டும் குறைந்துள்ள கின்வாவைப் பயன்படுத்தலாம். கின்வா பார்ப்பதற்கு தினை அரிசி போல இருக்கிறது. எடை குறைப்பில் கின்வா ரெஸிப்பிகளைப் பயன்படுத்தினால் மிகச்சிறந்த பலன் உண்டாம். கின்வாவில் செய்த உணவுகளை சாப்பிட்டு எடை குறைந்த அனுபவம் உள்ளவர்களின் கருத்து இது! நீங்களும் சாப்பிட்டுப் பார்த்து விட்டு சொல்லுங்கள்.

கின்வா கஞ்சி தயாரிக்கத் தேவையான பொருட்கள்:

  • கின்வா: 1 கப்
  • பால்- 2 1/2 கப்
  • தண்ணீர்: 2 கப்
  • பாதாம்: 6 / பெளல்
  • உலர் திராட்சை: 6 / பெளல்
  • தேன்: 1/2 டீஸ் ஸ்பூன்/ பெளல்
  • ஆப்பிள்: 1 (கியூப்களாக நறுக்கிக் கொள்ளவும்)

செய்முறை:

1 கப் கின்வா எடுத்து நன்கு கழுவி, அதனுடன் 2 கப் தண்ணீர் விட்டு வேக வைக்கவும்.  கின்வாவை நன்கு வேக வைக்க 15 நிமிடங்கள் தேவை. 15 நிமிடங்களில் கின்வா வெந்ததும் இறக்கி சற்று ஆறியதும் நாக்கு பொறுக்கும் சூட்டில் ஒரு பெளலில் கின்வா கஞ்சியை ஊற்றி அதில் அரை கப் கொதிக்க வைத்து ஆறிய பாலை ஊற்றி நன்கு கலக்கவும். நீர்க்க கலக்கக் கூடாது. கஞ்சிப் பதத்தில் கரைத்து அதனுடன் 1/2 டீஸ் ஸ்பூன் தேன் ஊற்றி அதென் மேல் சுத்தமான 6 பாதாம், 6 உலர் திராட்சை மற்றும் ஆப்பிள் கியூப்களை அலங்காரமாக வைத்துப் பரிமாறலாம். 1 கப் கின்வாவை கஞ்சியாகக் காய்ச்சினால் அதை 4 முதல் 5 நபர்கள் தாராளமாக அருந்தலாம். 5 பேருக்கு தனித் தனியாக 1 பெளல் என்று கணக்கிட்டால் 5 நபர்களுக்கு 30 பாதாம்கள், 30 உலர் திராட்சைகள், 2 1/2 டீஸ்பூன் தேன் தேவை. தினமும் காலை உணவாக இதை எடுத்துக் கொண்டால் போதும். கின்வா கஞ்சியில் பால், பாதாம், உலர் திராட்சை, தேன், என உடலுக்குத் தேவையான விட்டமின், மினரல்கள் கலந்த சத்தான பொருட்களைத் தேவையான அளவு கலப்பதால் நன்றாகப் பசி தாங்கும். ஒரு பெளல் கின்வா கஞ்சி மட்டும் காலை உணவாகப் போதாது என்று உணர்பவர்கள் அதனுடன் சேர்த்து ஒரு வெஜ் ஆம்லெட் எடுத்துக் கொள்ளலாம். சிறந்த சத்தான, சரி விகித டயட் கொண்ட காலை உணவுக்கு இது போதும். உடல் எடை கூடிக் கொண்டே போகிறதே என்று கவலைப் படுபவர்கள் அரிசிக்குப் பதிலாக கின்வாவை முயற்சி செய்யலாம்.

கின்வாவில் மேலே கண்ட நட்ஸ் மற்றும் பழம் சேர்க்க விரும்பாதவர்கள் இப்படி வெறுமே உப்பும்,  பட்டைப் பொடி மட்டும் சேர்த்து நீர்க்க கரைத்தும் அருந்தலாம்.

இந்தியாவில் சமீப காலங்களில், காலை உணவாக ஓட்ஸ் உபயோகிப்பவர்களின் எண்ணிக்கை அதிகரித்துள்ளது. எத்தனைக்கெத்தனை அதிகரித்துள்ளதோ, அத்தனைக்கத்தனை ஓட்ஸ் பயன்பாடு விமர்சனத்திற்கும் உள்ளாகியிருக்கிறது. வெளிநாடுகளில் குதிரைகளுக்கு உணவாகப் பயன்படுத்தும் ஒரு வஸ்துவை எடை குறைக்க சிறந்த உணவு, இதய நோயாளிகளுக்கு சிறந்த உணவு என்று பன்னாட்டு நிறுவனங்கள் ஓட்ஸை இந்தியாவின் தலையில் கட்டி விட்டன என்ற பொதுவான குற்றச்சாட்டுக்கு இதுவரை ஒரு பதிலும் இல்லை. இந்த சஞ்சலத்துடன் ஓட்ஸ் பயன்படுத்துவதைக் காட்டிலும் கின்வா, சிறு தானியங்கள் என்று மாற்று முயற்சிகளை மேற்கொள்வதில் தவறொன்றும் இல்லை. கின்வா உபயோகிப்பதில், என்ன ஒரு கஷ்டம் என்றால்? அதன் விலை அரிசியை விட, சிறு தானியங்களை விட, ஓட்ஸை விடவும் அதிகம் என்பது தான். ஒரு கிலோ கின்வா விலை ரூ.500 க்கு குறையாமலிருக்கும். விலை அதிகம் என்று நினைப்பவர்கள் வாரத்திற்கு மூன்று நாட்கள் மட்டும் கின்வா கஞ்சி சாப்பிடத் தொடங்கலாம். மற்ற நாட்களில் எடை குறைப்பிற்குத் தோதாக வேறு டயட்களும் இருக்கிறதே!

கின்வாவில் கஞ்சி மட்டுமல்ல, அரிசிக்குப் பதிலாக, அரிசியைப் பயன்படுத்திச் செய்யக் கூடிய அத்தனை ரெஸிப்பிகளையும் கின்வாவிலும் செய்யலாம். அப்போ நீங்க ரெடியா? கின்வா பிரியாணி, கின்வா தோசை, கின்வா இட்லி, கின்வா உப்புமா, கின்வா புலாவ் என்று செய்து அசத்துங்கள். எடை குறைப்பும் ஆச்சு... ஆரோக்கியத்துக்கு ஆரோக்கியமும் ஆச்சு. 

Image courtsy: www.padhuskitchen.com
 

]]>
kinwa nuts bowl, kinwa spicy bowl, கின்வா நட்ஸ் கஞ்சி, ஓட்ஸ், கின்வா, குயினோவா, எடை குறைக்க, ஆரோக்கியம், healthy breakfast, ஆரோக்கியமான காலை உணவு, weight loss recipy, https://images.dinamani.com/uploads/user/imagelibrary/2017/6/20/w600X390/breakfast_kinwa_kanji.jpg https://www.dinamani.com/lifestyle/lifestyle-food/2017/jun/20/is-kinwa-replace-oats-in-indian-kitchens-2724360.html
2723632 லைஃப்ஸ்டைல் ரசிக்க... ருசிக்க... காலையில் சாப்பிட அடம்பிடிக்கும் குழந்தைகளுக்கு இந்த மாக்டெய்ல் 1 கிளாஸ் போதுமே! கஸ்தூரி ராஜேந்திரன், தேனி. DIN Monday, June 19, 2017 02:09 PM +0530  

பாதாம், கேரட், பனானா, டேட்ஸ் ஸ்மூத்தி...

முன்பெல்லாம் அரசுப் பள்ளிகளில் பயிலும் மாணவர்கள் பத்து மற்றும் 12 வகுப்புகள் தவிர அனைவருமே 8.45 அல்லது 9 மணிக்குப் பள்ளியில் இருந்தால் போதும். ஆனால் இன்றைக்குப் பாருங்கள் எல்.கே.ஜி குழந்தைகளுக்குக் கூட 7.30 க்கு பள்ளி வேன் அல்லது பேருந்து அழைத்துச் செல்ல வந்து விடுகிறது. காரணம் பெரு நகரங்களின் வாகனப் போக்குவரத்து இடைஞ்சல்கள், பெருகிப் போன மாணவர்கள் எண்ணிக்கை, விரிவடைந்து விட்ட நகரத்தின் விஸ்தீரணம் எனப் பல காரணங்கள் சொல்லப் படுகின்றன. என்னென்ன காரணங்கள் சொல்லப் பட்டாலும், இன்றைய நாட்களில் பெரும்பாலான பள்ளிக் குழந்தைகள் மற்றும் மாணவர்கள் காலை உணவை போஷாக்காக எடுத்துக் கொள்வதே இல்லை. ஒரு இட்லி, ஒரு தோசை அல்லது ஒரு கிளாஸ் பால் என்று ஏனோ தானோவென வெறுமே கொறித்து விட்டு பள்ளிப் பேருந்தை நோக்கி ஓடி விடுகிறார்கள் என்பது பெற்றோரின் பொதுவான குற்றச்சாட்டாக இருக்கிறது. அதற்காகப் பள்ளிகள் தங்களது பள்ளி நேரத்தை மாற்றப் போகின்றனவா என்ன? அப்படியே மாற்றினாலும் கூட அதெல்லாம் இன்றைய அவசர யுகத்தில் வேலைக்காகுமா என்றும் புரியவில்லை!

சரி நம்மால் ஆனது... ஆண்டாண்டு காலமாய் குழந்தைகளின் போஷாக்குக்கு அவரவர் அம்மாக்கள் தான் பொறுப்பு என்று ஒரு மையக்கருத்து நிலவி வருவதால். மனதார அம்மாக்களான நாம் ஏதாவது செய்தே ஆக வேண்டுமில்லையா? இதோ அம்மாக்களான நமது மன திருப்திக்காகவும், நமது குழந்தைகளின் ஆரோக்கியத்துக்காகவும் இதோ ஒரு புதிய சத்து பான ரெஸிப்பி. வாரத்தில் மூன்று நாட்களேனும் காலையில் சாப்பிட அடம்பிடிக்கும் குழந்தைகளுக்கு இதை செய்து கொடுத்து, அருந்த வைத்து அனுப்பலாம். இது சத்தானது மட்டுமல்ல, சுவையானதும் கூட. சளித் தொல்லை இல்லாத குழந்தைகளுக்கு மிதமான ஜில்லிப்புடன் அருந்தக் கொடுத்தால் அவர்கள் எப்போதுமே இதை அருந்த மறுக்கவே மாட்டார்கள்.

தேவையான பொருட்கள்:

  • பாதாம் பருப்பு: 8 (முதல் நாள் இரவே ஊற வைத்து தோல் உரித்து எடுத்துக் கொள்ளவும்)
  • கேரட்: 2 முதல் 4 வரை
  • வாழைப்பழம்: 1 (நன்கு கனிந்த மலை வாழைப் பழம்)
  • டேட்ஸ்: 4 முதல் 8
  • பால்: 2 முதல் 4 கப்
  • ஐஸ் கியூப்கள்: 6
  • சர்க்கரை: தேவையான அளவு

செய்முறை:

பாதாம் பருப்பை முதல் நாளே ஊற வைத்து தோல் உறித்து எடுத்து வைத்துக் கொள்ளவும். கேரட்டை ஸ்லைஸ்களாக நறுக்கி கொதிக்க வைத்து ஆறிய பாலுடனும், பாதாம் பருப்புடனும் சேர்த்து ஜூஸரில் இட்டு அரைக்கவும். இவற்றோடு நன்கு கனிந்த மலைவாழைப் பழம் மற்றும் விதை நீக்கிய டேட்ஸ் சேர்த்து மீதமுள்ள பாலையும் சேர்த்து நைஸாக அரைக்கவும். பெரிய குழந்தைகள் எனில் இதில் சிறிது சர்க்கரை சேர்த்து ஐஸ் கியூப்கள் இட்டு நன்கு கலந்து அப்படியே அருந்தத் தரலாம். எல்.கே.ஜி, யூ.கே.ஜி குழந்தைகள் எனில் பழசாறு வடிகட்டி கொண்டு ஒரு முறை வடிகட்டி சிறிது சர்க்கரை சேர்த்து அருந்தத் தரலாம். ஏனெனில் சில குழந்தைகளுக்கு பாதாம் துணுக்குகள் தொண்டையில் சிக்கிக் கொண்டு புரையேறி விடக்கூடாது என்பதால். குழந்தைகளுக்கு பாதாம் அலர்ஜி இல்லையென்றால் ஜூசரில் வடிகட்டியதே போதுமானது. அப்படியே அருந்தத் தரலாம். சர்க்கரைக்குப் பதில் தேன் கலந்து சாப்பிடுவது அல்லது பனங்கற்கண்டு கலந்து சாப்பிடத் தருவது எல்லாம் அவரவர் சாய்ஸ். 

சத்து நிறைந்த மாக்டெய்ல்:

கேரட்டில் இருக்கும் விட்டமின் ‘A’, பாதாமில் இருக்கும் அதிகப் படியான புரதம், வாழைப்பழத்தின் நார்சத்து, டேட்ஸில் இருக்கும் இரும்புச் சத்து, பாலில் இருக்கும் கால்சியம் என இந்த பானம் காலையில் சாப்பிட மறுக்கும் குழந்தைகளின் வயிற்றைக் குளிர்விப்பது மட்டுமல்லாமல் தேவையான சத்துக்களையும் உள்ளே தள்ள வசதியாக அம்மாக்களுக்கு கை கொடுக்கும். எனவே இனிமேலும் சாப்பிட மறுக்கும் குழந்தைகளை வைத்து மல்லுக் கட்டிக் கொண்டிராமல் இப்படி எதையாவது சத்தாக செய்து சாப்பிடத் தரலாம்.
 

]]>
mocktail, smoothi, badham. carrot. banana.dates smoothi, school going kids, மாக்டய்ல் ரெசிப்பி, பாதாம் கேரட் பனானா டெட்ஸ் ஸ்மூத்தி https://images.dinamani.com/uploads/user/imagelibrary/2017/6/19/w600X390/Orange-Carrot-Ginger-Smoothie.jpg https://www.dinamani.com/lifestyle/lifestyle-food/2017/jun/19/badham-carrot-banana-dates-smoothi-moctail-recipy-2723632.html
2722423 லைஃப்ஸ்டைல் ரசிக்க... ருசிக்க... கூடுதலாக இரண்டு சப்பாத்தியை உள்ளே தள்ள வைக்கும் ‘கிரீன் தால் கார்லிக் பனீர் கிரேவி’! கஸ்தூரி ராஜேந்திரன், தேனி. DIN Saturday, June 17, 2017 12:16 PM +0530  

இல்லத்தரசிகளின் அன்றாடக் கவலைகளில் தலையாயது... இன்று என்ன சமையல் என்பதில் இருந்து  தொடங்குகிறது. காலையில் இட்லி, தோசை, மதியம் மீல்ஸ்,  இரவுக்குச் சப்பாத்தி என்பது பல வீடுகளில் இன்றைக்கு ரொட்டீன் மெனு.  இவற்றில் ஐட்டங்கள் மாறுமே தவிர மெனு அப்படியே தான் இருக்கும். இந்த மெனுவிலும் கூட இட்லி, தோசை, சப்பாத்தி, மீல்ஸ் வரை எந்தக் குழப்பமும் இல்லை. ஆனால் அவற்றுக்கு தொட்டுக் கொள்ள என்ன சமைப்பது என்பது தான் பல நேரங்களில்  மிகப்பெரிய குழப்பமாகி விடும். 

பெரும்பாலும் நமது தென்னிந்திய வீடுகளில் இட்லி, தோசை என்றால் சாம்பார், சட்னி வகைகள், சப்பாத்தி என்றால் உருளைக் கிழங்கு குருமா, நவரத்ன குருமா, காளான் கிரேவி, பனீர் கிரேவி என்று வழக்கமாக ஒரே விதமான கிரேவிகளை மட்டுமே செய்து கொண்டிருப்போம். சில நேரங்களில் அந்த மெனுவை நினைக்கும் போது நமக்கு போர் அடிக்கத் தொடங்கி விடும். இதைத் தவிர்க்க நாமே புதிதாகவும், சத்தாகவும் ஏதாவது புது ரெசிப்பி கண்டுபிடித்தால் என்ன என்று தோன்றியதின் பலன் தான் இந்த ரெசிப்பி. குழந்தைகள் விரும்பிச் சாப்பிடுவார்கள் என்பதோடு இது மிக மிக சத்தான கிரேவியும் கூட! இட்லி, தோசை, இடியாப்பம், சப்பாத்தி, பூரி எனப் பல ஐட்டங்களை இதைத் தொட்டுக் கொண்டு சாப்பிடலாம்.

தேவையான பொருட்கள்:

  • பாசிப் பயறு: 1 கப்
  • தக்காளி- 2 (பெரியது)
  • சின்ன வெங்காயம்: 8 (பொடியாக நறுக்கவும்)
  • பனீர்: 1/2 பாக்கெட் (கியூப்களாக நறுக்கிக் கொள்ளவும்)
  • சோம்பு: 1/2 டீஸ்பூன்
  • மிளகு: 1 டீஸ்பூன்
  • முந்திரிப்பருப்பு: 4
  • புதினா: 1 கைப்பிடி
  • இஞ்சி: 1 சி. துண்டு
  • பூண்டு: 6 பல்
  • கொத்தமல்லி தளை: கொஞ்சம்
  • மஞ்சள் தூள்: 1/2 டீஸ்பூன்
  • கரம் மசாலத்தூள்: 1 டீஸ்பூன்
  • உப்பு: தேவையான அளவு
  • கடுகு, உளுந்தம் பருப்பு: 1/2 டீஸ்பூன்
  • நெய்: 2 டீஸ்பூன்
  • கறிவேப்பிலை: 1 ஆர்க்

அரைக்க:

மேலே சொன்னவற்றில் இஞ்சி, 4 பூண்டுப் பற்கள், ஒரு கைப்பிடி புதினா, மிளகு, சோம்பு, தக்காளி, எல்லாவற்றையும் போட்டு நன்கு அரைத்து எடுத்து தனியாக வைக்கவும்.

செய்முறை: 

ஒரு கப் பாசிப்பயிறை எடுத்துக் கொண்டு அதை நீரில் நன்கு கழுவவும். கழுவிய பாசிப்பயிறை குக்கருக்கு மாற்றி விட்டு, ஒரு கப் பாசிப்பயிறுக்கு 2 கப் தண்ணீர் ஊற்றி 5 விசில் வரும் வரை வேக விடவும். வேக வைக்கும் போது உப்பு சேர்க்கத்தேவை இல்லை. பாசிப்பயிறு வெந்து இறக்கியதும் அதில் உள்ள தண்ணீரைக் கீழே கொட்டி வீணாக்கத் தேவையில்லை. அதை அப்படியே தேவையான அளவுக்கு கடைசியில் கிரேவியில் கலந்து கொதிக்க வைத்து இறக்கிக் கொள்ளலாம். பயிறு வெந்த தண்ணீர் என்பதால் இதனால் கிரேவிக்குக் கூடுதல் சுவை கிடைக்கும்.

வெந்த பாசிப்பயிறை இறக்கி வைத்து விட்டு, இப்போது அடுப்பில் வாணலியை ஏற்றி 1 ஸ்பூன் நெய் விட்டு கடுகு, உளுந்தம் பருப்பு போட்டு தாளித்து விட்டு பொடியாக நறுக்கிய  சின்னவெங்காயத்தைப் போட்டு வதக்கவும்,  வெங்காயம் பொன்னிறமாக வதங்கியதும் அதனுடன் மேலே அரைத்து வைத்த கலவையைச் சேர்த்து கொஞ்சமாக பயிறு வடித்த தண்ணீரையும் ஊற்றி நன்றாகக் கிளறி விடவும். இந்தக் கலவை ஒரு கொதி வந்ததும் அதனுடன் வெந்த பாசிப்பயிறைச் சேர்த்து நாசூக்காக கிளறவும் ஏனெனில் பாசிப்பயிறு குழைந்து விடக் கூடாது. அரைத்த மசாலாக் கலவை பாசிப்யிறுடன் கலந்ததும் எடுத்து வைத்துள்ள மஞ்சள் தூள், கரம் மசாலாத் தூள் உள்ளிட்ட ஐட்டங்களைச் சேர்க்கலாம். மசாலாக் கலவை, பாசிப்பயிறுடன் நன்றாகக் கலந்ததும், இப்போது தேவையான அளவு உப்பு சேர்த்து நன்கு கிளறி விட்டு பனீர் கியூப்களை கிரேவியின் மேற்பகுதியில் ஒவ்வொன்றாக உடைந்து விடாமல் கவனமாகச் சேர்க்கவும். கியூப்களுடன் மசாலா ஒட்டும் அளவுக்கு மிக நாசூக்காக கரண்டியால் கிரேவியை அடியிலிருந்து மேலாக  ஓரிரு முறை மெல்லப் புரட்டி விட்டால் உப்பும், மசாலாக்கலவையில் பனீரில் நன்கு கலந்து விடும். பனீரைப் போட்டுக் கிளறி ஓரிரு கொதி வந்ததும் 1 டீஸ்பூன் நெய் சேர்த்து அப்படியே அடுப்பை அணைத்து  வாணலியை கீழிறக்கி கொத்தமல்லித் தளை கிள்ளிப் போட்டு அலங்கரித்து பரிமாறலாம்.  சுவையும், மணமுமாக இந்தக் கிரேவி கூடுதலாக இரண்டு சப்பாத்திகளை உண்ணும் ஆசையைத் தூண்டக் கூடியது.

நிஜமா? இல்லையா? என்பதை சமைத்து சாப்பிட்டு விட்டுச் சொல்லலாம்.

 

 

]]>
green dhal garlic paneer gravy, chappathi, idly, dosai, கிரீன் தால் கார்லிக் பனீர் கிரேவி, சப்பாத்தி, இட்லி, தோசை, ரசிக்க... ருசிக்க https://images.dinamani.com/uploads/user/imagelibrary/2017/6/17/w600X390/green_dhal_garlic_paneer.jpg https://www.dinamani.com/lifestyle/lifestyle-food/2017/jun/17/சப்பாத்திக்கு-தொட்டுக்கொள்ள-ஈஸி-கிரீன்-தால்-கார்லிக்-பனீர்-க்ரேவி-2722423.html
2712410 லைஃப்ஸ்டைல் ரசிக்க... ருசிக்க... அரிசி, கோதுமை வேண்டாம்; ஆம்லெட், சாலட், ஃப்ரெஷ் ஜூஸ் போதுமே ப்ரேக்ஃபாஸ்டுக்கு! கஸ்தூரி ராஜேந்திரன், தேனி. DIN Thursday, June 1, 2017 04:30 PM +0530  

இப்போதெல்லாம் மார்கெட்டிங் துறை தவிர அலுவலகத்தில் டெஸ்க் வொர்க் வகை  வேலைகளில் ஈடுபடும் பெரும்பாலனோருக்கு உடல் உழைப்பு என்பதே இல்லாமல் போய் விட்டது. காலையில் போய் டெஸ்கில் அமர்ந்தால் இடையிடையே காஃபி, டீ, ஸ்நாக்ஸுக்கு எழுவது தவிர வேறு எந்த விதமான உடல் அசைவுகளும் அவர்களுக்கு இருக்கப் போவதில்லை. இப்படியான வேலைகளில் ஈடுபடுவோருக்கு காலையில் பிரேக்ஃபாஸ்டாக 4 இட்லிகளோ, 3 சப்பாத்திகளோ சாப்பிட்டு விட்டுச் சென்றால் கூட அது மதிய லஞ்ச் க்குள் செரித்து மீண்டும் பசி எடுக்குமா? என்றே தெரிவதில்லை. ஆனால் சரியாக 1 மணிக்கு சாப்பாட்டு நேரத்தில் லஞ்ச் வேறு எடுத்தாக வேண்டும். இப்இப்டி முதலில் உண்ட உணவு செரித்ததா? இல்லையா? என்பதையே உனராமல் மூன்று வேலையும் பல்க்காக உண்டால் என்ன ஆகும்? நாளடைவில் ஒபிஸிட்டி வரும். வேறென்ன?! அப்படியான வருத்தம் யாருக்கேனும் இருக்குமென்றால் பிரேக்ஃபாஸ்டுக்கு இங்கே உள்ள ரெசிப்பியை பின்பற்றிப் பார்க்கலாம். இது ஆரோக்கியமானது என்பதோடு ஃபார்ச்சூன் விளம்பரத்தில் சொல்லப்படுவது போல வெரி வெரி லைட்டானதும் கூட !

தேவையான பொருட்கள்:
ஆம்லெட்டுக்கு:
முட்டை: 2
சின்ன வெங்காயம்: 10 (பொடியாக அரிந்தது)
கேரட்: 1( பொடியாக அரிந்தது)
பச்சை மிளகாய்: 2 (பொடியாக அரிந்தது)
உப்பு: தேவையான அளவு

செய்முறை: ஒரு கப்பில் முட்டைகளை உடைத்து ஊற்றி, அவற்றோடு சின்ன வெங்காயம் மற்றும் கேரட் + பச்சை மிளகாய் மற்றும் உப்பு சேர்த்து கலக்கி தோசைக்கல்லில் ஆம்லெட்டுகளாக ஊற்றி பொன்னிறமாக  வார்த்து எடுக்கவும்.

சாலட்டுக்கு:
பெங்களூர் தக்காளி: 2 (ஸ்லைஸ் செய்து கொள்ளவும்)
கேரட்: 2 (ஸ்லைஸ் செய்து கொள்ளவும்)
வெள்ளரிக்காய்:1 (ஸ்லைஸ் செய்தது)

மூன்றையும் ஸ்லைஸ்களாக நறுக்கி அப்படியே சாப்பிட வேண்டியது தான்.

ஃப்ரெஷ் ஜூஸ் தயாரிக்க:

தேவையான பொருட்கள்:

ஆப்பிள், ஆரஞ்சு, நெல்லிக்காய், வாட்டர்மெலன், சப்போட்டா, பப்பாளி, மஸ்க் மெலன், மாதுளை என சீஸனுக்கு ஏற்றவாறு ஏதாவது ஒரு பழவகை.

சர்க்கரை அல்லது தேன்...

ஆரோக்கியத்தில் விருப்பமுள்ளவர்கள் எனில் சர்க்கரை சேர்க்காமல் குறைந்த அளவு தேன் கலந்து அருந்துவது நல்லது. அப்படியே ராவாக அருந்தினாலும் சரி தான். சர்க்கரை கலந்து தான் அருந்துவீர்கள் என்றால் உங்களது சுவைக்குத் தக்க சர்க்கரை சேர்க்கலாம்.

காலையில் அலுவலகத்துக்கு கிளம்பும் அவசரத்தில் காய்கறி பழங்களை நறுக்கிக் கொண்டிருக்க முடியாது என்று நினைப்பவர்கள் முதல் நாளே காய்கறி பழங்களை நறுக்கி ஜிப் லாக் கவரில் போட்டு ஃப்ரிஜ்ஜில் வைத்து விட்டு மறுநாள் பயன்படுத்தலாம். பிறகு காலையில் உங்களுக்கு ஆம்லெட் ஊற்றுவதும், ஃப்ரெஷ் ஜூஸ் அரைப்பது மட்டுமே தான் வேலை.

இரண்டு முட்டைகள் மற்றும் கணிசமான அளவு காய்கறிகள், பழங்களை எடுத்துக் கொள்வதால் மதியம் லஞ்ச் சாப்பிடும் வரை உற்சாகமாகவே இருக்க முடியும். 

]]>
ப்ரேக்ஃபாஸ்ட், லைட் ப்ரேக்ஃபாஸ்ட், ஆம்லெட், வெஜ் சாலட், ஃப்ரெஷ் ஜூஸ், light breakfast, amlet, salad, fresh juice https://images.dinamani.com/uploads/user/imagelibrary/2017/6/1/w600X390/amlet_salad_fresh_juice_1.jpg https://www.dinamani.com/lifestyle/lifestyle-food/2017/jun/01/no-rice-and-wheat-for-breakfast-2712410.html
2709165 லைஃப்ஸ்டைல் ரசிக்க... ருசிக்க... பொன்னிறத் தேனீர் தயாரிக்க தெரியுமா உங்களுக்கு?! கஸ்தூரி ராஜேந்திரன், தேனி. DIN Friday, May 26, 2017 11:12 AM +0530  

உங்களுக்குத் தேனீர் தயரிக்க தெரிந்திருக்கலாம். ஆனால் அது நமது அம்மாக்களும், பாட்டிகளும் கற்றுத் தந்த வழக்கமான முறையாக இருக்கும். தேனீர் தயாரிப்பதென்றால் என்ன செய்வீர்கள்? முதலில் தண்ணீரைக் கொதிக்க வைத்து அதில் தேயிலைத் தூளைக் கொட்டி அதை நன்கு கொதிக்க விட்டு வடிகட்டி தேவைப்பட்டால் பால் சேர்த்தும், சேர்க்காமலும் சர்க்கரை சேர்த்து தேனீர் தயாரிப்பது தானே வழக்கம். சிலர் பாலுடன் தேயிலையைக் கொதிக்க வைத்து சுண்டக் காய்ச்சி 2 கப் பால் 1 கப்பாக வற்றும் வரை காத்திருந்து கள்ளிச்சொட்டு போல திக்காக தேனீர் தயாரிப்பார்கள். இதில் இஞ்சியும், ஏலமும் கலந்தால் மணம் எட்டு ஊருக்கு சேதி சொல்லும். இந்த வகையில் தேனீர் தயாரிக்க எப்படியும் 15 நிமிடங்களாவது ஆகலாம். ஆனால் அருமையான டீ தயாரிக்க வெறும் மூன்று நிமிடங்கள் மட்டுமே போதுமென்கிறார் ஒருவர். அது எப்படி?

தேவையான பொருட்கள்:

சூப்பர் பிரீமியம் தேயிலைத் தூள்: 1 டீஸ்பூன்
நன்கு கொதித்துக் கொண்டிருக்கும் தண்ணீர்: 1 கப்
சர்க்கரை: 1 அல்லது 2 டீஸ்பூன்
ஏலம்: 2

தயாரிப்பு முறை:

முதலில் நன்கு கொதிக்க வைத்த தண்ணீரை ஒரு கப்பில் எடுத்துக் கொண்டு அதில் 1 டீஸ்பூன் தேயிலைத் தூளைக் கொட்டி 3 நிமிடங்களுக்கு ஒரு தட்டால் இறுக மூடி வைக்கவும். பிறகு மூடியைத் திறந்து தேவையான அளவு சர்க்கரை கலந்து ஸ்பூனால் கிளறி விட்டு கரைத்து வடிகட்டவும். வெறும் மூன்று நிமிடங்கள் மட்டும் போதும் இல்லா விட்டால் தேனீரின் பொன்னிறம் மாறி விடக்கூடும். வடிகட்டிய தேனீரை இப்போது அருந்தலாம். இது தான் மலையாளிகளின் கட்டன் சாயா. பெரும்பாலும் பால் சேர்க்காமல் அருந்துவதே நன்றாகத் தான் இருக்கிறது. நமக்கு பால் சேர்க்க வேண்டுமெனில் கொதித்துக் கொண்டிருக்கும் பாலில் ஒரு கப் எடுத்து அதில் மேலே சொன்னவாறு தேயிலைத் தூள் சேர்த்து 3 நிமிடங்களுக்கு தேயிலை வாசம் வெளியேறாமல் மூடி வைத்து பின்னர் வடிகட்டினால் அந்த தேனீர் பொன்னிறமாக இல்லாவிட்டாலும் கூட சுவையும், மணமும் கியாரண்டி என்கிறார் மூணாறில் டீ ஷாப் வைத்திருக்கும் வேலுசாமி.

தேயிலை சேர்த்ததும் மூடி வைப்பதில் இருக்கும் ரகசியம் அதன் மணம் கப்பை விட்டு வெளியேறி விடக் கூடாது என்பதால் தான். இப்படி தேனீர் தயாரித்து அருந்திப் பாருங்கள். நிஜமாகவே அதன் சுவையும், மணமும் அலாதியாகத் தான் இருக்கிறது.

Image courtsy: google

]]>
golden tea, velusamy, பொன்னிறத் தேனீர்,preparation,தயாரிப்பு முறை https://images.dinamani.com/uploads/user/imagelibrary/2017/5/26/w600X390/golden_tea.jpg https://www.dinamani.com/lifestyle/lifestyle-food/2017/may/26/how-to-make-a-golden-tea-2709165.html
2701538 லைஃப்ஸ்டைல் ரசிக்க... ருசிக்க... வேலைக்குச் செல்லும் பெண்களின் வசதிக்காக ரெடிமேட் தாளித வடகம் செய்முறை! கோதையம்மாள் வேலுச்சாமி, அம்பை DIN Saturday, May 13, 2017 12:15 PM +0530  

வேலைக்குச் செல்லும் பெண்கள் காலையில் சமையற்கட்டில் சமைப்பது ஒரு பேரழகு! அப்போது சமையலறை ஒரு குட்டிப் போர்க்களமாகவே காட்சியளிக்கும். கணவர்கள் மனைவியிடம் ஏதேனும் சந்தேகம் கேட்க வேண்டுமெனில் அந்த நேரத்தைப் பக்குவமாகத் தவிர்த்து விடுதல் நலம். ஏனெனில் அந்நேரத்தில் தாளிதம் செய்ய கடுகு டப்பா கைக்கெட்டும் தூரத்தில் இல்லாமல் எங்கே வைத்தோம் என குழம்பிப்போய் தேடிக் கொண்டிருக்கும் மனைவிகள் சமூகம்; வாணலியில் எண்ணெய் சூடாகிக் கொண்டிருக்க கடுகு கிடைக்காத கோபத்தில் கணவர்களான உங்களையே தாளித்துக் கொட்டினாலும் ஆச்சரியப்படுவதற்கில்லை! புத்திசாலிக் கணவர்கள் எனில் உங்கள் அம்மா, பாட்டி அல்லது மாமியாரிடம் ரெடிமேட் தாளித வடகம் ரெஸிப்பி கேட்டுக் கொண்டு அதை சர்ப்பிரைஸாக உங்கள் மனைவிக்கு அனுப்பி வைக்கலாம். தாளித வடகத்தில் சின்ன வெங்காயம் அல்லது சாம்பார் வெங்காயத்தின் பங்கு பிரதானம் என்பதால் கண்ணைக் கசக்கிக் கொண்டு அதை செய்வதற்கு பொறுமை வேண்டும். அதனால் ஊரிலிருந்து மாமியாரோ, அம்மாவோ உங்கள் வீட்டுக்கு விருந்தாட வருகையில் அன்பொழுகப் பேசி அவர்களை இந்த வடக தயாரிப்பில் மனைவியோடு கோர்த்து விட்டு விடுங்கள். அதுவும் முடியாது எனில் நகரத்தின் சூப்பர் மார்க்கெட்டுகள் எதிலாவது இந்த ரெடிமேட் வடகங்கள் கிடைக்கிறதா என்று தேடி உங்கள் மனைவிக்கு வாங்கித் தரலாம். என்ன இருந்தாலும் கடைகளில் வாங்குவது வீட்டில் செய்வது போல வராது என்பது மட்டும் உறுதி!

வீட்டில் தங்களது சொந்த முயற்சியில் தாளித வடகம் செய்ய ஆசைப்படுபவர்கள் கீழுள்ள ரெஸிப்பியைப் பயன்படுத்திக் கொள்ளலாம். வடகத்தில் நம்மை ஈர்க்கக் கூடிய முக்கிய அம்சம் அதன் மணம். உங்கள் வீட்டில் வத்தக்குழம்பு வைத்து நீங்களே தயாரித்த வடகத்தால் தாளிதம் செய்து பாருங்கள் மணம் எட்டுத் தெருவைத் கூட்டும்.

தேவையான பொருட்கள்:
சாம்பார் வெங்காயம்: 1 கிலோ
பூண்டு: 10 பல்
கறிவேப்பிலை: ஒரு கைப்பிடி
உளுந்தம்பருப்பு: 200 கிராம்
கடுகு: 50 கிராம்
வெந்தயம்: 50 கிராம்
சீரகம்: 1 டீஸ்பூன்
உப்பு: 1 1/2 டேபிள் ஸ்பூன் அல்லது அவரவர் தேவைக்கேற்ப

செய்முறை: 
சாம்பார் வெங்காயம் அல்லது சின்ன வெங்காயம் மற்றும் பூண்டை தோலுரித்து நீளவாக்கில் இரண்டிரண்டாக நறுக்கிக் கொள்ளவும். பொடியாக நறுக்க வேண்டாம். உளுந்தை 10 நிமிடங்கள் நீரில் ஊற வைத்து நறுக்கிய வெங்காயத்துடன் தேவையான அளவு உப்பு சேர்த்து பிசைந்து தனியாக வைக்கவும். இதனுடன் மேலே சொல்லப்பட்ட கறிவேப்பிலை, பூண்டு கடுகு, வெந்தயம், சீரகம் போன்ற அனைத்துப் பொருட்களையும் சேர்த்துக் கெட்டியாகப் பிசையவும். பிசைந்த உருண்டைகளை கையில் லேசாக எண்ணெய் தொட்டுக் கொண்டு சிறு சிறு உருண்டைகளாகப் பிடிக்கவும். இந்த உருண்டைகளை குறைந்த பட்சம் 10 நாட்களாவது வெயிலில் காய வைத்து எடுத்து டப்பாவிலோ அல்லது சில்வர் சம்புடத்திலோ சேமித்து பயன்படுத்தலாம். பல நாட்களுக்கு வீட்டில் தாளிதப் பிரச்னை தீர்ந்தது. மாத பட்ஜெட்டில் கடுகு வாங்க மறந்து தாளித வாசனையின்றி சாப்பிட்டாக வேண்டிய சங்கடம் குறையும். 

வடகம் செய்து சாப்பிட்டுப் பாருங்கள். இந்த வடகத்தில் இன்னொரு விசேஷம் என்ன தெரியுமா? சிலருக்கு தாளிதத்தில் மட்டுமல்ல வெறுமனே நெய் ஊற்றிப் பிசைந்த கெட்டிப் பருப்புச் சாதத்துக்கு பொறித்த வெங்காய வடகம் வைத்துச் சாப்பிடப் பிடிக்கும். பருப்பும், நெய்யும், தாளித்த வெங்காய வடகமும் அபாரமான சுவையாக இருக்கும். அதனால் தாளிக்க மட்டுமன்றி பருப்புச் சாதத்துக்கு தொடுகறியாகவும் இந்த வடகத்தைப் பயன்படுத்திக் கொள்ளலாம். செய்து சாப்பிட்டுப் பாருங்கள் அப்போது தெரியும் இதன் மகத்துவம்!

Image courtsy: www.yarlcuisines.com, www.geethachalrecipe.com

]]>
https://images.dinamani.com/uploads/user/imagelibrary/2017/5/13/w600X390/Vadakam.JPG https://www.dinamani.com/lifestyle/lifestyle-food/2017/may/13/readymade-onion-vadam-recipe-2701538.html
2687883 லைஃப்ஸ்டைல் ரசிக்க... ருசிக்க... கரண்டி ஆம்லெட்! கஸ்தூரி ராஜேந்திரன், தேனி. DIN Thursday, April 20, 2017 05:53 PM +0530  

தோசைக் கல்லில் முட்டையை உடைத்து ஊற்றினால் அது ஆம்லெட். அதே பணியாரக் கல்லில் முட்டைகளை உடைத்து ஊற்றி முழுக்கரண்டி எண்ணெயில் பொன்னிற உருண்டையாக பந்து போல பொரித்து எடுத்தால் அது கரண்டி ஆம்லெட்.

தேவையான பொருட்கள்:

முட்டை: 3
உப்பு: தேவையான அளவு
மிளகுத் தூள்: தேவையான அளவு
சின்ன வெங்காயம்: 8 பொடியாக அறிந்தது
வெங்காயத்தாள்: பொடியாக நறுக்கியது
எண்ணெய்: தேவையான அளவு

செய்முறை:

முதலில் முட்டைகளை உடைத்து ஒரு கப்பில் ஊற்றவும். அதனுடன் மிளகுத் தூள், பொடியாக அறிந்த சின்ன வெங்காயம், உப்பு, வெங்காயத்தாள் எல்லாம் சேர்த்து எக் பிளண்டரால் நன்கு அடித்துக் கலக்கவும். பின்னர் பணியாரக் கல்லை அடுப்பிலேற்றி சூடாக்கவும். கல் சூடானதும் அதில் 1 டீஸ்பூன் எண்ணெய் விட்டு சூடாக்கவும். எண்ணெய் சூடானதும் கப்பில் எடுத்து வைத்திருக்கும் முட்டைக் கலவையை குழிக் கரண்டியில் அள்ளி சிறிது சிறிதாக பணியாரக் கல்லில் இட்லி வார்ப்பது போல மெதுவாக சூடான எண்ணெயின் மீது வார்க்கவும். முட்டை முழுதும் வெந்து போகும் முன் அதன் பந்து வடிவம் கெடாமல் மேலே இன்னும் கொஞ்சம் மாவை வார்த்து அரை டீஸ்பூன் எண்ணெய் விட்டுத் திருப்பி விடவும். இப்போது பணியாரக் கல்லில் வார்த்த முட்டை அழகான பந்து போல தோற்றமளிக்கும். பந்து போன்ற முட்டை பொன்னிறமானதும் எடுத்து அழகாகத் தட்டுகளில் அடுக்கி பரிமாறலாம். குழந்தைகளுக்கு மிகவும் பிடித்த டிஷ் இது.

 

Image courtsy: www.7umsuvai.com

]]>
https://images.dinamani.com/uploads/user/imagelibrary/2017/4/20/w600X390/karandi_amlet.jpg https://www.dinamani.com/lifestyle/lifestyle-food/2017/apr/20/spoon-amlet-2687883.html