Dinamani - ஸ்பெஷல் - https://www.dinamani.com/lifestyle/lifestyle-special/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3356714 லைஃப்ஸ்டைல் ஸ்பெஷல் உங்க காதலை சொல்லப் போறீங்களா? முத்துமாரி Tuesday, February 18, 2020 01:27 PM +0530
காதல்... இந்த வார்த்தை யாருக்குத்தான் பிடிக்காது. காதல் என்ற ஒற்றை வார்த்தையில் கூறிவிட்டாலும், அன்பானவர்கள் கூறும் அந்த மூன்று வார்த்தை ஒவ்வொருவருக்கும் தனிசுகம் தானே. வாழ்க்கையில் அந்த மூன்று வார்த்தைகளை கேட்காதவர்கள் வாழ்வதற்கே தகுதியற்றவர்கள் என்றுகூட சொல்லலாம்.

ஆனால், உறவுகளைப் பொறுத்து அந்த வார்த்தைகளின் உணர்ச்சிகள் வேறுபடுகின்றன. நமக்கு பிரியமானவரிடம் வரும் காதல் உணர்ச்சிகள் சில நேரங்களில் அருமருந்தாகவே பார்க்கப்படுகிறது. வாழ்க்கையை அழகாக்கும், அற்புதமாக்கும் இந்தக் காதல், தினம் தினம் கொண்டாடப்பட வேண்டியவை. என்றாலும், உலகறிய வருடத்திற்கு ஒருமுறை அனைத்து தரப்பினராலும் மிக விமரிசையாகக் கொண்டாடப்பட்டு வருகிறது.

அப்படிப்பட்ட உணர்ச்சிகள் ததும்பும் காதலை தங்கள் அபிமானவரிடம் சொல்வதற்கு பலர் தயக்கம் காட்டுகின்றனர். உண்மையான அன்பை தெரியப்படுத்துவதற்கு ஏன் தயக்கம் காட்ட வேண்டும்? இந்த உலகத்தில் தற்போது அன்புக்குதான் பஞ்சம் அதிகம் என்று பலர் சொல்லக் கேட்டிருப்போம். காதலும் அன்பின் மிகுதியே. இளம் வயதில் தன் மனதில் பூத்த காதலை சொல்லியிருக்கலாமே என இன்று புலம்புபவர்கள் ஏராளம். அந்தவகையில் இக்கால தலைமுறையினர் அதிபாக்கியசாலிகள். ஆதலால், உங்கள் காதல் ஜெயிக்கிறதோ, தோற்கிறதோ அதனை உங்கள் அபிமானவருக்கு தெரியப்படுத்திவிடுங்கள். நாளைய தினம் நிச்சயமில்லாத உலகத்தில் அன்பைச் சொல்வதற்கு தயக்கம் வேண்டாம். 

ஒவ்வொரும் காதலைச் சொல்லும்போது ஒவ்வொரு மனநிலையில் இருப்பார்கள். எனினும், உங்களுக்கு உதவும் சில குறிப்புகள் இதோ..

யதார்த்தமாக இருங்கள்

காதலில் இன்றைய இளம் தலைமுறையினர் யதார்த்தத்தையே விரும்புகின்றனர். பழைய திரைப்படங்களில் மலை உச்சியில் நின்று 'ஐ லவ் யூ' என்று கூறி அதன் எக்கோ சத்தத்திற்காக இன்று யாரும் காத்திருப்பதில்லை. 'உங்களை எனக்கு புடிச்சுருக்கு' என்று மிகவும் சாதாரணமாக கூறுவதையே விரும்புகின்றனர். வேண்டுமென்றால் உங்களுக்கு ஏற்ப அதில் சற்று சுவாரசியத்தை சேர்த்துக் கொள்ளுங்கள்.

உங்களுடைய அபிமானவருக்கு என்ன பிடிக்கும் என்று தெரிந்து கொண்டு அதனை பரிசளித்து ப்ரொபோஸ் செய்யலாம். நம் வாழ்வில் ஒவ்வொரு உறவும் தனித்துவமானது. அதிலும், கண்மூடித்தனமாக நமக்கு பிடிக்கும் ஒருவருக்கு அந்தக் காதலை தெரியப்படுத்தச் செல்லும்போது யதார்த்தமான அதே நேரத்தில் சற்று வித்தியாசமான காதல் வெளிப்பாடு உண்மையில் எதிரானவரைக் கவரும்.

நமது வார்த்தைகள் ஒட்டுமொத்த அன்பையும் வெளிக்காட்ட வேண்டும். எனவே, உங்களுக்கு எந்த மொழியில், என்ன உடல் மொழியில் கூற முடியுமோ, அவ்வாறு கூறுவது உங்கள் காதலிக்கு புரிதலை ஏற்படுத்தும். 

பாராட்ட மறக்க வேண்டாம்

காதலிப்பவர்களுக்குத் தெரியும். நமக்குப் பிடித்தவர், மற்றவர்கள் கண்களுக்கு அழகாக தெரிகிறாரோ, இல்லையோ, நம் கண்களுக்கு கொள்ளை அழகாகத் தெரிவர். அவர்கள் செய்யும் தவறுகளை கூட நாம் எளிதில் மன்னித்து விடுவோம். அவர்களின் கோபமூட்டும் செயல்களைக் கூட பல நேரங்களில் ரசிப்பதுண்டு. அவ்வாறு உங்கள் அபிமானவருக்கு காதலைச் சொல்லும்போது அவர்களின் அழகை பாராட்டத் தவறாதீர்கள். அவர்கள் செய்யும் சில 'செல்ல' சேட்டைகளையும் அவ்விடத்தில் நினைவு கூறுங்கள். எதிரானவர் கோபமடைய முற்பட்டால் கூட அது தடுத்துவிடும். 

பயம் வேண்டாம்

ஒருவர் காதலை சொல்லும்போது கண்டிப்பாக இதயம் பன்மடங்கு வேகமாக செயல்படும். அதிலும், முதல்முறையாக காதலை வெளிப்படுத்த செல்பவருக்கு '96' படத்தின் ராமகிருஷ்ணனின் கதிதான். காதலியைப் பார்த்தவுடன் மயக்கம் கூட வரலாம். ஆனால், சிறிது நேரத்திற்கு உங்களை திடப்படுத்திக் கொண்டு எளிமையாக நேர்மையாக காதலை தெரிவியுங்கள்.

நீங்கள் விரும்புகின்றவர் அதனை எப்படி எடுத்துக்கொள்வார் என்றெல்லாம் அந்த நேரத்தில் யோசிக்காதீர்கள். அவர் ஏற்றுக்கொள்வாரா, நிராகரிப்பாரா என்றெல்லாம் உங்களை குழப்பிக்கொள்ளாமல் உங்களது பாணியில் காதலைச் சொல்லுங்கள்.

உங்களுக்கு பிடித்தமானவர்தானே? என்ன செய்துவிடப்போகிறார்? அப்படியே செய்தாலும் வாங்கிக்கொள்ளுங்கள், வாழ்க்கையின் மறக்கமுடியாத தருணம் அது. 

பெண்களோ, ஆண்களோ, ஒருவர் நம்மிடம் வந்து காதலைச் சொல்லும்போது முகத்தில் கோபத்தை காட்டுபவர்கள் கூட நீங்கள் சென்றபிறகு அதனை நினைத்து ரசிப்பதுண்டு. அதனை மனதில் வைத்துக் கொள்ளுங்கள்.

கண்களிடம் தெரிவியுங்கள் 

அனைத்து வகையான வித்தியாசமான ப்ரோபோசல்களுக்குப் பின்னாலும் அன்புக் காதல் மட்டுமே ஒளிந்திருக்கிறது. கண்களில் அன்புடன் காதலைச் சொல்லுங்கள். அன்பின் மொழியான கண்களின் வழியே ஒழுகி ஓடும் அன்பு நேரடியாக எதிரானவரைச் சென்று சேருகிறது.

மொழி வெளிப்பாடு அவசியம்

'ஐ ஆம் ஆல்வேய்ஸ் வித் யூ' என்று சொல்வதற்கும் ' நான் உன்னுடன் எப்போதும் இருக்கிறேன்' என்று சொல்வதற்கும் நிறைய வித்தியாசம் இருக்கிறது. ஆனால், எந்த மொழியானாலும் அந்த மூன்று வார்த்தைக்கு சக்தி அதிகம்தான். எனினும் நமது மொழியில் அதனைச் சொல்லும்போது புரிதலும் சரி, சென்று சேரும் செய்தியும் சரியான பதத்தில் வெளிப்படும். 

வார்த்தைகளுக்கு முக்கியத்துவம் கொடுங்கள்

சாதாரணமாக காதலை சொல்லிவிடாமல் 'உனது சுக, துக்கத்தினை பகிர்ந்துகொள்வேன்', 'உனது சின்ன சின்ன எதிர்பார்ப்புகளையும் பூர்த்தி செய்வேன்', 'கருத்து வேறுபாடு வந்தாலும் பிரிய மாட்டேன்', அதைவிட 'உனக்கும், காதலுக்கும் உண்மையாக இருப்பேன்' என்று வாக்குறுதி அளியுங்கள். இந்த வார்த்தைகளைவிட யாரும் பெரிதாக எதிர்பார்த்துவிட மாட்டார்கள்.

காதலின் ஒவ்வொரு தருணத்தையும் அனுபவிக்கப்போகும் நீங்கள் காதலை முதலில் சொல்லும் அந்த தருணம் மிக முக்கியமானதே.. அந்த இனிமையான தருணத்தை இந்த காதலர் தின நாளில் அனுபவியுங்கள்.

இறுதியாக, நமது நண்பர்களுக்கு இருப்பது போல நமக்கும் ஒரு கேர்ள் பிரண்ட், பாய் பிரண்ட் வேண்டும் என்று நினைக்காமல் உண்மையிலே ஒரு பெண்ணையோ, ஆணையோ பார்க்கும்போது மனதில் பட்டாம்பூச்சி பறந்தால் மட்டுமே காதலைச் சொல்லுங்கள். வாழ்க்கையில் காதலின் ஆழத்தை கண்டிப்பாக உணருவீர்கள்.

 

]]>
valentinesday https://images.dinamani.com/uploads/user/imagelibrary/2020/2/13/w600X390/love.JPG https://www.dinamani.com/lifestyle/lifestyle-special/2020/feb/14/lovers-day-2020--are-you-going-to-tell-your-love-3356714.html
3356677 லைஃப்ஸ்டைல் ஸ்பெஷல் காதல் போய் கமர்ஷியல் வந்தது டும்... டும்... டும்...   - நசிகேதன் Friday, February 14, 2020 11:50 AM +0530 பொதுவாகவே திரைப்படங்கள் காலங்காலமாக ரசிகர்களின் உணர்வைத் தூண்டுபவையாகவும் அவர்களை ரசனையின்பால் உணர வைப்பவையாகவும் இருப்பதால் அதன் திரையின் பிரமாண்ட வெற்றி தொடர்ந்து கொண்டிருக்கிறது. மேலும் திரைப்படங்கள் மொழிகளைக் கடந்து அது பேசும் திரை மொழியின் அனுபவத்தின் மூலம், உண்மை கூறும் ரசனையின் மூலம் ரசிகர்களைக் கவர்ந்து வருகிறது.

திரைப்படங்களின் திரை வடிவங்கள் மலிந்து தற்போது கையடக்க அலைபேசியில்கூட திரைப்படங்களை உட்கார்ந்த இடத்திலேயே பார்க்கக் கூடியவையாக அவை தடம் மாறியிருக்கின்றன. ஆனாலும் திரைப்படங்களுக்கான மவுசு சற்றும் குறைந்தபாடில்லை. திரையரங்குகள் தற்போது குளிரூட்டும் மல்டி பிளக்ஸ் அரங்குகளாகத் தரம் உயர்வு பெற்றுக் கட்டணங்களும் பல மடங்கு உயர்ந்துள்ள  நிலையிலும் ரசிகர்கள் பலரும் திரையரங்குகளில் திரைப்படங்களை பார்த்து ரசிப்பதையே பெரும்பாலும் விரும்புவர்களாகவே உள்ளனர். தனியாகவோ, நண்பர்களுடனோ, அல்லது குடும்பத்தினருடனோ திரையரங்குகளில் திரைப்படங்களை ரசிப்பவர்கள் எண்ணிக்கை  இன்றும் இருந்துகொண்டேதான் இருக்கிறது.

கண்ணடக்க அல்லது கையடக்க வடிவில் திரைப்படங்களைப் பார்த்து ரசித்தவர்கள் அதற்குப் பிறகு நிறைவாக திரையரங்கில் பார்க்க வேண்டி அந்தத் திரையரங்க அனுபவத்திற்காகப் பார்த்து ரசிப்பதை கேள்விப்பட்டு வருகிறோம்.

இந்த வழியில் கடந்த பல ஆண்டு காலமாகவே திரையில் காதல் மொழி பேசும் திரைப்படங்களுக்குத் தமிழ் கூறும் ரசிகர்கள் தொடர்ந்து தங்களது பெரும்பான்மையான ஆதரவை நல்கி வந்ததையும் அறிவோம். காதல் திருமணம் செய்துகொண்டவர்கள் பலரும் அந்தத் திரைப்படத்தைப் பார்த்து காதல் கொண்டதாகவும், அந்தப் படங்களைப் பார்த்து திருமணம் செய்து கொண்டதாகவும் பெருமிதம் கொண்டதை செய்திகள் மூலமாக அறிந்திருக்கிறோம். அம்பிகாவதி,அமராவதி காலத்தைய காதல் திரைப்படங்கள் தொடங்கி நவீன வழிக் காதல் பேசிய படங்கள் வரை காதல்மொழி படங்கள் திரை ரசிகர்களின் ஏகோபித்த வரவேற்பைப் பெறத் தவறியதில்லை.

தியாகராஜ பாகவதர், கிட்டப்பா, பி.யு. சின்னப்பா, என்.எஸ்.கிருஷ்ணன், கே.பி.சுந்தராம்பாள், எம்.ஜி.ஆர்., சிவாஜி, எஸ்.எஸ்.ராஜேந்திரன், ஜெமினி கணேசன், ஏ.வி.எம்.ராஜன், ஜெய்சங்கர், சிவக்குமார், கமலஹாசன், ரஜினிகாந்த், தியாகராஜன், விஜய்காந்த், சத்யராஜ், பிரபு, மோகன், ராமராஜன், ராம்கி, விஜய், அஜித், சூர்யா, கார்த்தி, பிரசாந்த், ஆர்யா, சிவகார்த்திகேயன், விஜய்சேதுபதி என அனைத்து நடிகர்களும் காதல் பேசும் திரைப்படங்களில் நடித்துத் தங்களது மேன்மையை, திறமையை வெளிப்படுத்திப் பெண் ரசிகர்களின் ஆதரவினை பெற்றதற்குப் பிறகே அடுத்தகட்ட நகர்வுக்குச் சென்றுள்ளனர்.

இந்தப் பட்டியலில் நகைச்சுவை நடிகர்களான கவுண்டமணி, சந்தானம், யோகிபாபு உள்ளிட்டவர்களும் காதல் மொழி பேசும் திரைப்படங்களில் நடித்துத் தங்களை உயர்த்திக் கொள்ள முயற்சித்தவர்களே.

இவர்களில் நடிகர்கள் பலரும் தன்னுடன் காதல் மொழி பேசும் படங்களில் இணையாக நடித்த நடிகைகளைக் காதலித்து திருமணம் செய்துகொண்ட வரலாறும் திரையுலகில் உண்டு.

கே.பி.சுந்தராம்பாள்-கிட்டப்பா, என்.எஸ்.கிருஷ்ணன் – டி.ஏ.மதுரம், ஜெமினிகணேசன் – சாவித்திரி, எஸ்.எஸ்.ராஜேந்திரன்– விஜயகுமாரி, ஏ.வி.எம்.ராஜன் – புஷ்பலதா, பார்த்திபன்– சீதா, ராம்கி – நிரோஷா, ராமராஜன் – நளினி, ராஜசேகர் – ஜீவிதா, கார்த்தி – ராகினி,  அஜித்– சாலினி, பிரசன்னா– சினேகா, சூர்யா – ஜோதிகா எனப் பலரும் காதலித்து திரைப்பட நேரங்களைத் தவிர்த்து காதலர்களாகக் காத்திருந்து திருமணம் செய்து தங்களது காதலை வெற்றிகரமாக்கியவர்கள். இதில் சில திரைப்பட இயக்குநர்களும் காதலுக்குள் அகப்பட்டவர்களே. பாலுமகேந்திரா- ஷோபா காதல் உள்பட சொல்லப்படாத காதல் ஏராளமாக வதந்திகளாகவும் கிசுகிசுக்களாகவும் உலா வந்தவை, வந்து கொண்டிருப்பவை.

காதல் மொழித் திரைப்படங்கள் எந்த மொழியாக இருந்த போதிலும் திரைப்படம் பேசிய காதல் மொழி பிடித்துப் போய் அதனை வெற்றியாக்கியவர்கள் தமிழ்த் திரைப்பட ரசிகர்கள், அம்பிகாவதி, அமராவதி போன்ற திரைப்படங்கள் பேசிய காதல் மொழிக்குப் பிறகு நீண்ட இடைவெளி விட்டது தமிழ்த் திரைப்படவுலகம்.

இயக்குநர் ஸ்ரீதர், நெஞ்சம் மறப்பதில்லை என அடுத்த ஜென்மக் காதல் பேசும் காதல் திரைப்படத்தைத் தந்து காதல் இயக்குநராகத் தன்னை நிலைநிறுத்திக் கொண்டார். அவரது திரைப்படங்கள் காதலுக்கு வக்காலத்து வாங்கும் திரைப்பட வரிசைகளாகவே தொடர்ந்தது.

நெஞ்சம் மறப்பதில்லை தொடங்கி கல்யாணப்பரிசு, காதலிக்க நேரமில்லை, ஊட்டி வரை உறவு, இளமை ஊஞ்சலாடுகிறது. அழகே உன்னை ஆராதிக்கிறேன், செளந்தர்யமே வருக வருக, என வெள்ளைத் திரையிலிருந்து வண்ணத்திரை வரை தனது காதல் மாயாஜாலத்தை திரையில் ஜொலிக்க வைத்தவர் இயக்குநர் ஸ்ரீதர். இந்த வரிசையைக் கெளரவப்படுத்திய கே. பாலச்சந்தர்,  பொருத்தமில்லாத உறவுகள் மீது ஏற்படும் காதலை மையமாக வைத்துப் புதுவகைத் திரைப்படங்களை எடுத்து வெற்றி பெற்ற இயக்குநர்.

நெஞ்சம் மறப்பதில்லை

குறிப்பாக அழகில்லாத ஒருவர் அழகானவரைக் காதலிக்கும் சர்வர் சுந்தரம், தங்களுக்கு அடைக்கலம் கொடுத்துத் தாய், தந்தை போலிருப்பவர்களை அவர்கள் காட்டும் அன்பு, அக்கறையினால் காதல் வயப்படும்  இளைஞர், இளம்பெண் ஆகியோரைக் கொண்ட அபூர்வ ராகங்கள், காதலைத் தான் விரும்புவரிடம் வெளிப்படையாகக் கூற முடியாமல் தனது வாழ்க்கையை தான் விரும்புவரிடம் இழந்து தன்னை  அவர் ஒதுக்கிய நிலையில் தன்னை ஒருதலைப்பட்சமாக தீவிரமாகக் காதலித்துத் தனக்கு ஆதரவு வழங்கி வரும் தகுதியில்லாதவரைத் திருமணம் செய்துகொள்ளும் நிழல் நிஜமாகிறது, தகுதியில்லாதவரைத் திருமணம் செய்துகொண்டு சந்தேகத்தின் பலனை அனுபவித்துக் காதலையும், கணவரையும் ஏற்றுக்கொள்ள முடியாமல் தவிக்கும் அவர்கள் திரைப்படம், மாற்று மொழிக்காரர்கள் காதலித்து காதலுக்காக மரணிக்கும் தெலுங்கு மொழியில் மரோசரித்ராவாக காதல் பேசிய கமல்ஹாசனை ஹிந்திக்கு அழைத்துச் சென்ற ஏக் துஜே கேலியே திரைப்படம், சங்கீதம் பேசி தன்னைக் காதலாகக் கவர்ந்தவர் காணாமல் போனதால் தனது இசை ராஜாங்கத்தை அழித்துக்  கொண்டு மீண்டு வரும் இசைக்கலைஞர் படம் சிந்துபைரவி, நிறைவேறாத காதலுக்காகத் தற்கொலை செய்து தனது காதலியை இழந்து உயிர் மீண்ட நாட்டியக் கலைஞர் மீண்டும் காதல் வயப்பட்டு அவர்கள் காதலை ஏற்காமல் அவர்களை கொலைக்கு உள்ளாக்க வைக்கும் படமான  புன்னகை மன்னன் என பாலச்சந்தர் திரையில் பேசிய காதல் திரைப்படங்கள் தமிழுலகுக்கு புதிது. இதே வரிசையில் தெலுங்கு பட இயக்குநர் கே. விஸ்வநாத் அறிமுகப்படுத்திய தெலுங்கு மொழி திரைப்படங்களும் அரிதான காதல் மொழி பேசிய திரைப்படங்கள்தான். குறிப்பாக வயதான பாடகரும், நாட்டியக் கலைஞரும் காதல் வயப்படும் சங்கராபரணம், ஆதரவற்ற விதவையைக் காதலித்து அவருக்கு மறுவாழ்க்கை கொடுக்கும் தெலுங்கில் சுவாதிமுத்யம் தமிழில் சிப்பிக்குள் முத்து, நாட்டியக் கலைஞருக்கும் பணக்கார நாட்டிய விமர்சருக்கும் ஏற்படும் காதல் தோல்வியில் முடிவடைந்து குடிகாரனாக மாறி தனது காதலியின் மகளை நாட்டியக் கலைஞராக்க்கி விட்டு மரணமடையும் காதலர் திரைப்படம் சலங்கை ஒலி போன்ற திரைப்படங்களும் காதலைச் சாகாவரமாக்கிய திரைப்படங்கள். மகேந்திரனும் தனது பங்குக்கு தமிழ் ரசிர்களுக்கு வழங்கிய முக்கியத் திரைப்படமாக நெஞ்சத்தைக் கிள்ளாதே அமைந்தது. புதிய இயக்குநர்கள் பாரதிவாசு வழங்கிய பன்னீர்புஷ்பங்களும் புதிய வகை காதல் மொழிப் பட வரிசையில் இடம்பெற்று வெற்றி பெற்றது. இந்த வரிசையில் இயக்குநர் பாரதிராஜா 16 வயதினிலே, கிழக்கே போகும் ரயில், புதிய வார்ப்புகள், கல்லுக்குள் ஈரம், நிறம் மாறாத பூக்கள், முதல் மரியாதை, கடலோரக் கவிதைகள் போன்ற காதல் பேசும் திரைப்படங்களை வழங்கிய அவர் காதல் மதத்திற்கும் ஜாதிக்கும் அப்பாற்பட்டதாக பூநூலையும், சிலுவையையும் அறுத்து எறிந்து காதலர்கள் காதலை அடைவதாக அலைகள் ஓய்வதில்லையில் காட்டி புதிய சகாப்தத்தை படைத்தார். இவருக்குப் பின் வரிசையில் இடம் பிடித்த மணிரத்னம் தமிழின் ஆகச் சிறந்த காதல் திரைப்படங்களான மெளனராகம், அலைபாயுதே, ஓகே ஒகே கண்மணி, காற்று வெளியிடை போன்ற திரைப்படங்களை மிகவும் தைரியமாக வழங்கியவர்.

அதேகாலத்தில்தான் மலையாளப் பட இயக்குநர் பாசில் இயக்கத்தில் வெளிவந்த வருஷம் 16, காதலுக்கு மரியாதை திரைப்படங்களும் சிறந்த படங்கள் வரிசையில் இடம்பிடிக்கத் தக்க படங்களாக வெற்றி பெற்றன.

அதேபோல் ஆர். சுந்தர்ராஜன் இயக்கத்தில் வந்தவை அனைத்தும் உண்மையான காதல் படங்களாக இருந்தபோதிலும் முடிவில் ஒருவித மென்சோகத்தை வெளிப்படுத்திடும் வகையிலான படங்களாகவே வந்து வெற்றி பெற்றன. குறிப்பாக பயணங்கள் முடிவதில்லை, வைதேகி காத்திருந்தாள் படங்களைக் குறிப்பிடலாம்.

இதே காலத்தில்தான் டி.ராஜேந்தர் மிகவும் எளிமையான, ஆடம்பரமற்ற, அழகற்ற நாயக நாயகியர்களைக் கொண்ட புதுவகைக் காதல் மொழித் திரைப்படங்களைத் தரத் தொடங்கினார். ஒருதலை ராகம், ரயில் பயணங்களில், உயிருள்ளவரை உஷா, மைதிலி என்னைக் காதலி போன்ற திரைப்படங்களை இவ்வாறு பட்டியலிடலாம்.

இவரது காலத்திலேயே பாரதிராஜாவின் சீடராக இருந்த இயக்குநர் பாக்கியராஜ் வழங்கிய தூறல் நின்னு போச்சு, சுவரில்லா சித்திரங்கள், இன்று போய் நாளை வா, நடிகர் சந்திரபாபுவின் வாழ்க்கையைப் பிரதிபலிக்கும் அந்த 7 நாட்கள் போன்றவை நகைச்சுவை கலந்த படங்களாக வெளிவந்து பிற்காலத்தைய படங்களுக்கு உதாரணங்களாக விளங்கியது.

இவர்களின் காலத்தில்தான் புது இயக்குநர்களான ராபர்ட் - ராஜசேகரன், பாலைவனச் சோலை என்கிற நான்கு இளைஞர்கள் - ஒரு பெண் என்கிற புதுவகைத் திரைப்பட மொழியைத் தொடங்கி வைத்தவர் என்று கூறலாம்.

அதற்குப் பிறகு அதே வரிசையில் இயக்குநர் விக்ரமன் தந்த புது வசந்தம் திரைப்படத்தையும் முக்கியமான காதல் படமாகக் கூறலாம். அதன் பின்னர் காதம் மட்டுமே பேசிய காதல் போன்ற திரைப்படங்களும் தமிழ்த்  திரைமொழிக்கு பலம் சேர்க்கும் படங்களாக அமைந்தன.

இயக்குநர்கள் வரிசைக்குப் பிறகு நடிகர்கள் வரிசை என்று ஆராயத் தொடங்கினால் தமிழ்த் திரையுலகத்தில் நீண்ட இடைவெளிவிட்டு ஜெமினி கணேசன், சிவாஜி கணேசன் காலத்தில்தான் அடுத்தகட்ட காதல் திரைப்படங்கள் அதிகம் வரத் தொடங்கின.

எம்.ஜி.ஆர். நடித்த திரைப்படங்களில் காதலும் இருக்குமே தவிர காதல் மட்டுமே இருக்கும் வகையிலான திரைப்படங்கள் இல்லையென்றே கூறலாம். அவரது காலங்களில் வாழ்க்கை வழியான திரைப்படங்கள் ஊடாகக் காதல் திரைப்படங்களும் வரத் தொடங்கி சற்றே குறைவான வரவேற்புடன் படங்கள் வெற்றி பெற்றன. சிவாஜி கணேசன் நடித்த எங்கிருந்தோ வந்தாள், வசந்த மாளிகை, தியாகம், அந்தமான் காதலி, முதல் மரியாதை போன்றவை காலங்கடந்தும் இன்றும் ரசிக்கத் தகுந்த காதல் திரைப்படங்களாக சிவாஜி கணேசனுக்கு மரியாதை கொடுக்க கூடிய திரைப்படங்களாக உள்ளன.

இந்த வரிசையில் காதல் ஜோடிகள் ஜெமினி கணேசன் - சாவித்திரி ஜோடியாக நடித்த பல காதல் திரைப்படங்கள் நிஜக் காதலர்களுக்காகவே வெற்றி பெற்றன. குறிப்பாகக் களத்தூர் கண்ணம்மா, மனம் போல் மாங்கல்யம், மிஸ்ஸியம்மா உள்பட பல திரைப்படங்களை உதாரணமாகக் கூறலாம்.

இதனையடுத்து நடிகர் ரவிச்சந்திரன் நடித்த காதல் திரைப்படங்களான காதலிக்க நேரமில்லை, கொஞ்சும் குமரி உள்ளிட்ட திரைப்படங்கள் வெற்றி பெற்று அவரை ரசிகர்கள் காதல் நாயகனாக வரித்துக்கொண்டனர்.

அவருக்குப் பின்னதாக அவரது இடத்தை ஜெய்சங்கர், முத்துராமன், சிவகுமார் ஆகியோர் மாறிமாறித் தக்கவைத்துக் கொண்டனர்.

இதே வரிசையில் காதல் மன்னன் பட்டத்தைத் தாமாக சுவீகரித்துக் கொண்டு காதல் இளவரசனாக வலம் வந்த கமல்ஹாசன் நடித்த பல திரைப்படங்கள் அவருக்கான அடைமொழியைத் தக்க வைத்தது. குறிப்பாக மரோ சரித்ரா, ஏக் துஜே கேலியே, சலங்கை ஒலி, புன்னகை மன்னன், சாகர், மூன்றாம் பிறை, 16 வயதினிலே, இளமை ஊஞ்சலாடுகிறது, அவர்கள், அவள் ஒரு தொடர்கதை, மூன்று முடிச்சு, உயந்தவர்கள், கோகிலா, நினைத்தாலே இனிக்கும், ராஜபார்வை, வாழ்வே மாயம், சனம் தேரி கசம், பேசும்படம் போன்றவை அவருக்கான காதல் இளவரசன் பட்டத்திற்கான திரைப்படங்களாக அமைந்தன.

இந்தக் காலக்கட்டத்தில் கமலஹாசனுக்கு ஈடாக வந்த நடிகர் ரஜினிகாந்துக்கு காதல் பேசும் படங்கள் பெரிதாக அமையவில்லை. காதலுடன் கமர்சியல் அதிகம் கலந்தவையாக அவரது திரைப்படங்கள் அமைந்திருந்தன. குறிப்பாக பைரவி, நினைத்தாலே இனிக்கும், தம்பிக்கு எந்த ஊரு, நல்லவனுக்கு நல்லவன், கை கொடுத்த கை, கொடி பறக்குது போன்றவை காதலுடன் சேர்ந்த கதாநாயக அம்சம் நிறைந்த படங்களாகவே அமைந்து. அவரது படங்களில் காதலுக்கான இடமும் கொஞ்சமாக ஒதுக்கப்பட்டிருந்தது.

இவர்கள் காலத்தில் பிரபலமாகிக் கொண்டிருந்த நடிகர் விஜய்காந்த் நடித்த தண்ணீருக்குப் பலி கொடுத்த காதலிக்குப் பதிலாக காதலின் வெற்றிக்காக உயிரைக் கொடுக்கும் வைதேகி காத்திருந்தாள் முக்கிய படமாகவே அமைந்தது.

இதேபோல் நடிகர் சத்யராஜ் நடித்த கடலோரக் கவிதைகளும் காதல் திரைப்பட வரிசையில் முக்கிய இடத்தைப் பிடித்தது.

இந்த வரிசையில் மோகன் நடித்த கிளிஞ்சல்கள், பயணங்கள் முடிவதில்லை, மெளனராகம், இதயக் கோவில், உதயகீதம் போன்ற திரைப்படங்கள் காதல் பேசும் திரைப்படங்களாக திரையில் மின்னின. இவர்களுக்குப் பின்னர் விஜய் நடித்த காதலுக்கு மரியாதை, அஜித் நடித்த கடிதம் மூலம் மட்டுமே பேசி காதலை வெற்றியாக்கிய காதல் கோட்டை, சூர்யா நடித்த மெளனம் பேசியதே, கார்த்தி நடித்த பருத்தி வீரன் போன்ற திரைப்படங்களும் காதலுக்கான முக்கிய திரைப்படங்களாக பட்டியலில் இடம் பெற்றுள்ளன.

இப்படித்தான் தமிழ்த் திரைப்படவுலகம் காதலுக்கு பெரிய மரியாதையைக் கடந்த பல ஆண்டுகளாக வழங்கி வருகிறது. என்றபோதிலும் கடந்த கால காதல் பெருமை பேசும் திரைப்ப்டங்கள் தற்போது வெகுவாகக் குறைந்துவிட்டன. இப்போது கமர்ஷியல் திரைப்படங்களை நோக்கியும், புதிய வகை மாற்று வகைப் படங்களையும் தந்து கொண்டிருக்கிறது தமிழ்த் திரையுலகம். கடந்த காலங்களில் காதல் கோலோச்சிக் கொண்டிருந்த தமிழ்த் திரையுலகம் ஆரோக்கியமாகவும் வெற்றிகரமாகவும் இருந்ததா அல்லது தற்போது தொடரும் கமர்ஷியல் காலத் திரைப்படவுலகம் ஆரோக்கியமானதா என்பது தெரியாமல் தமிழ்த் திரைப்படவுலகம் தடுமாறிக் கொண்டிருக்கிறது என்பதுதான் உண்மை.

]]>
https://images.dinamani.com/uploads/user/imagelibrary/2020/2/13/w600X390/ek_kamal1.jpg https://www.dinamani.com/lifestyle/lifestyle-special/2020/feb/14/from-love-to-commercial-movies-3356677.html
3356699 லைஃப்ஸ்டைல் ஸ்பெஷல் காதலர் தினம் ஒரு நாள் அல்ல; ஒரு வாரக் கொண்டாட்டம்! வாணிஸ்ரீ சிவக்குமார் Friday, February 14, 2020 11:23 AM +0530
வெளி நாடுகளில் எல்லாம் பிரிந்து வாழும் சொந்தங்களையும், பந்தங்களையும் நினைவு கூறவும் தேடி அல்லது ஓடிச் சென்றுப் பார்க்கவும் 365 நாட்களையும் ஒவ்வொரு விஷயத்துக்காக ஒதுக்கினார்கள்.

ஆனால், வர்த்தக யுக்தியால், மெல்ல இந்த கலாசாரம் இந்தியர்களையும் சூழ்ந்து கொண்டுள்ளது. சரி கொண்டாட்டம்தானே.. அதனால் என்ன என்று மக்களும் அதற்கு பழகிவிட்டார்கள்.

அதில் ஒன்றுதான் இந்த காதலர் தினம். காதலைக் கொண்டாடாத நாடுகளே இல்லை என்ற நிலையில், காதலர் தினத்தை மட்டும் புறக்கணித்து விட முடியுமா என்ன?

மனதுக்குள் காதலித்துக் கொண்டு இதயம் முரளி போல சொல்லாமல் இருப்பவர்களுக்கும், காதலிக்கிறார் என்று தெரியும், இதுவரை சொல்லவில்லை என்று ஆதங்கத்தில் இருப்போருக்கும், லவ் பிரபோஸல் முதல் லவ் பிரேக் வரை பல விஷயத்துக்கும் பிப்ரவரி 14ம் தேதி மிகக் கச்சிதமான நாளாக அமைந்துவிட்டது.

சரி இந்த பிப்ரவரி 14ம் தேதியை காதலர்கள் எப்படி கொண்டாடப் போகிறார்கள் என்று ஏற்கனவே திட்டமிட்டு இன்று செயல்படுத்திக் கொண்டிருப்பார்கள். 

மேலும் படிக்க.. காதல் என்பது எது வரை?

ஆனால், காதலர் தினம் என்பது ஒரு நாள் கொண்டாட்டமல்ல, இது ஒரு வாரக் கொண்டாட்டமாக உள்ளது உலக நாடுகளில்.

அதாவது, இந்த கொண்டாட்டம் பிப்ரவரி 7ம் தேதி தொடங்கி பிப்ரவரி 14ம் தேதி வரை நீள்கிறது.

பிப்ரவரி 7 - ரோஜாக்கள் தினம் : அழகாகப் பூத்திருக்கம் ரோஜாப் பூக்களை விட உங்கள் உணர்வுகளை வெளிப்படுத்தும் வேறு பரிசுப் பொருள் இருக்கவே முடியாது என்கிறார்கள் காதலில் திளைத்தவர்கள். எனவே, காதலர் தினத்தை பிரம்மாண்டமாகக் கொண்டாட நினைக்கும் காதலர்கள், பிப்ரவரி 7ம் தேதி தனது இணையருக்கு இந்த நாளில் ரோஜா மலரைப் பரிசளிக்கிறார்கள்.

பிப்ரவரி 8 - காதலைச் சொல்லும் தினம் : காதலைச் சொன்னவர்களும் சரி, சொல்லாதவர்களும் சரி இன்று உங்கள் இணையரிடம் நீங்கள் கொண்ட காதலை மிக அழகாக வெளிப்படுத்தலாம். 

பிப்ரவரி 9 - சாக்லேட் தினம்: உங்கள் உறவில் ஒரு இனிமையை ஏற்படுத்தும் வகையில், இணையருக்கு சாக்லேட்டை பரிசளிக்கும் தினம் இது. இப்போதுதான் இதய வடிவில் சாக்லேட் பாக்ஸ் முதல் இதய வடிவ சாக்லேட்டுகளும் விற்பனைக்கு வருகின்றனவே.

பிப்ரவரி 10 -  டெட்டி டே : பெண்களுக்குப் பிடித்த பொம்மையாக கரடி பொம்மைகள் (டெட்டி பியர்) விளங்குகின்றன. அவற்றை பரிசளித்து மகிழலாம்.

பிப்ரவரி 11 - வாக்குறுதி தினம் : இருவரும் காதலில் இணைந்து இணை பிரியாமல் வாழ்வோம் என்று வாக்குறுதி அளிக்கும் தினமாக இது அமைந்துள்ளது.

பிப்ரவரி 12 - முத்த தினம் : காதலின் அழகிய உணர்வை மிக மென்மையாக வெளிப்படுத்தும் வகையில் இந்த தினத்தை காதலர்கள் முத்தமிட்டு வெளிப்படுத்துகிறார்கள். 

பிப்ரவரி 13 - அணைத்தல் தினம் : தங்களுக்குள் இருக்கும் எந்த வலியையும் எந்தக் கவலையையும் மறக்கச் செய்யும் ஆற்றல் அணைத்தலுக்கு உள்ளது. அதைத்தானே வசூல்ராஜா எம்பிபிஎஸ் படத்தில் கமலும் கட்டிப்பிடி வைத்தியம் என்று சொல்லியிருக்கிறார்.  அதைக் கொண்டாடும் தினம் தான் இது.

பிப்ரவரி 14 - காதலர் தினம் : இன்றைய தினம் எல்லாவற்றுக்கும் மேலான காதலர் தினம். இதைத்தான் இன்று உலகமே மிக உற்சாகமாகக் கொண்டாடி வருகிறது. காதலிப்பவர்கள் மட்டுமல்ல, தம்பதியரும் கூட தற்போது காதலர் தினத்தை மிக மகிழ்ச்சியாகக் கொண்டாடி வருகிறார்கள்.

ஆதலால் காதல் செய்வோம்...

]]>
https://images.dinamani.com/uploads/user/imagelibrary/2016/7/4/13/w600X390/53063-love-happy-couple-hugging.jpg https://www.dinamani.com/lifestyle/lifestyle-special/2020/feb/14/valentines-day-is-not-a-day-a-weekly-celebration-3356699.html
3356707 லைஃப்ஸ்டைல் ஸ்பெஷல் காதல் தோல்வியைக் கொண்டாடும் ரசிகர்கள் வாணிஸ்ரீ சிவக்குமார் Friday, February 14, 2020 11:23 AM +0530  

காதலுக்கு கண் இல்லை என்பார்கள். ஆனால். கண்ணீர் நிச்சயம் உண்டு. காதலில் மகிழ்ச்சியும், துள்ளலும் மட்டுமல்ல.. வலிகளும், கண்ணீரும் நிறைந்ததுதான். அதில் வெற்றி பெற்று மணம் முடித்து மனம் ஒத்த தம்பதிகளாக வாழ்வதுதான் காதலுக்கு செய்யும் மரியாதை.

ஆனால், காதலில் ஜெயித்தவர்களை விட, தோற்றவர்களைத்தானே நாம் கொண்டாடி வருகிறோம், கொண்டாடிக் கொண்டிருக்கிறோம். ஆம், லைலா - மஜ்னு, அம்பிகாபதி - அமராவதி, ரோமியோ - ஜூலியட் கூட காதலில் தோல்வி அடைந்தவர்கள்தானே. இவர்களைத்தானே இன்று வரை காதல் ஜோடிகள் எனச் சொல்லி கவிதை முதல் காவியம் வரை படைத்துக் கொண்டிருக்கிறார்கள்.

அவ்வளவு ஏன், யாரையாவது கிண்டல் செய்ய வேண்டும் என்றால் கூட இவர்களைத்தானே வம்புக்கு இழுக்கிறோம். 'ஆமாம் இவங்க பெரிய ரோமியோ - ஜூலியட் பாரு'.. என்றோ, 'லைலா - மஜ்னு' எனச் சொல்லியோ தானே கிண்டல் செய்கிறோம்.

இதையும் படிக்கலாம்.தோற்றவர் வென்றவர் ஆகிறார்

அது மட்டுமா? காதலை மையமாகக்  கொண்ட திரைப்படங்களில் கூட பாருங்கள், காதலில் தோல்வி அடைந்த படங்கள்தான் வசூலிலும் சரி, நூறு நாட்களைத் தாண்டி ஓடியிருப்பதிலும் சரி மிகப்பெரிய அளவில் வெற்றிகண்ட படங்களாக இருக்கும்.  

இதற்குக் காரணம், மனிதர்கள், தங்களுக்குள் இருக்கும் ஏதோ ஒரு தோல்வியின் வெளிப்பாடாக, இதுபோன்ற படங்களைப் பார்த்து ரசிப்பதன் மூலம் ஆறுதல் தேடிக் கொள்ள முயல்கிறார்களா? என்றும் எண்ணத் தோன்றுகிறது.

அப்படிக் காதல் தோல்வி அடைந்த எத்தனை படங்கள்தான் சக்கைப்போடு போட்டிருக்கும் என்று கணக்குப் பார்த்தால்..

  • உயிருள்ளவரை உஷா
  • முதல் மரியாதை
  • அந்த 7 நாட்கள்
  • மண்வாசனை
  • மூன்றாம் பிறை

  • பதினாறு வயதினிலே
  • இதயத்தைத் திருடாதே
  • புன்னகை மன்னன்
  • புதிய பாதை
  • இதயம்

  • மௌன ராகம்
  • காதல்
  • ஆட்டோகிராஃப்
  • குணா
  • நீ வருவாய் என..

  • பொற்காலம்
  • உயிரே
  • மௌனம் பேசியதே
  • பூவே உனக்காக
  • காதலர் தினம்

  • சேது
  • 7ஜி ரெயின்போ காலனி
  • விண்ணைத் தாண்டி வருவாயா
  • பருத்தி வீரன்
  • சுப்ரமண்யபுரம்
  • 96

என இந்த பட்டியல் நீண்டு கொண்டேப் போகும். இதுபோன்ற இன்னும் பல படங்கள் உதாரணமாக உள்ளன.. நினைவில் வராதவை ஏராளம்.

அவ்வளவு ஏன்? விஜய் நடித்த காதலுக்கு மரியாதையை விட, காதலில் தோல்வி அடைந்த பூவே உனக்காக படம் மெகா ஹிட்டானதும் நினைவிருக்குமே?

காதலித்து ஜெயித்தவர்கள் தம்பதிகளாகிவிடுகிறார்கள். ஆனால், காதலித்து தோல்வி அடைந்தவர்கள், எப்போதும் ஒருவருக்கு ஒருவர் காதலர்களாகவே இருக்கிறார்கள். அதனால்தானோ என்னவோ, காதலில் ஜெயிப்பவர்களை விட, காதலில் தோற்பவர்களை ரசிகர்கள் கொண்டாடுகிறார்கள் என்று வைத்துக் கொள்வோமா?
 

]]>
valentinesday https://images.dinamani.com/uploads/user/imagelibrary/2019/7/30/w600X390/love.jpg https://www.dinamani.com/lifestyle/lifestyle-special/2020/feb/14/fans-celebrating-romantic-failure-3356707.html
3357502 லைஃப்ஸ்டைல் ஸ்பெஷல் காதலி காதலிப்பது காதலனுக்கு தெரியாமலேயே...  -கிருஷ்ணமூர்த்தி Friday, February 14, 2020 11:08 AM +0530 படத்தின் தலைப்பிற்கு ஏற்றார்போல் காதலி காதலிப்பது காதலனுக்கு தெரியாமலேயே முடிவடைகிற படம் ஒருதலை ராகம்.

1980-ஆம் ஆண்டு வெளியான இப்படம் கல்லூரி மாணவர்களுக்கிடையேயான காதலை மையமாக வைத்து மிக எளிமையாகவும், எதார்த்தமாகவும் எடுக்கப்பட்டது.

இப்படத்தில் நாயகன் ராஜாவாக சங்கரும், நாயகி சுபத்ராவாக ரூபா நடித்துள்ளார்கள். இப்படத்தின் இயக்குநர் இப்ராஹிம் என்று டைட்டிலில் வரும். ஆனால் இப்படத்தை இயக்கியது டி.ராஜேந்தர் என்று பேச்சு உண்டு. படத்தின் ஒளிப்பதிவு ராபர்ட் ராஜசேகரன். இப்படத்தில் நடித்துள்ள அனைத்து கதாபாத்திரங்களும் ஏறக்குறைய புதுமுகங்கள் என்றும் கூறலாம்.

இப்படத்தின் நாயகன் ராஜா வசதியான குடும்பத்தைச் சேர்ந்தவன். அம்மா இல்லை, அப்பா சிங்கப்பூரில் வசித்து வருவதாக கூறுகிறார்கள். நாயகன் ராஜா கல்லூரியில் படிப்பதற்காக இங்கு கிராமத்தில் தனியே வசித்து வருகிறான். ஆனால் நாயகி சுபத்ரா மிக ஏழ்மையான குடும்பத்தைச்  சேர்ந்தவள். தந்தை இல்லை, அம்மா மற்றும் தங்கையுடன் வாழ்ந்து வருகிறாள்.

படத்தின் துவக்கமே நாயகன் ராஜாவை மூர்த்தியாக (நடிகர் சந்திரசேகர்) மாணவர் சங்கத் தலைவனிடம் இவன் எனது நண்பன் என அறிமுகப்படுத்துகிறார். பின் கதாநாயகி மற்ற அனைவரும் கதைக்குள் வருகிறார்கள். நாயகன் ராஜா, நாயகி சுபத்ராவை பார்த்த முதல் சந்திப்பிலேயே அவள்மீது காதல் கொள்கிறான்.

படம் ஆரம்பித்த சிறிது நேரத்திலேயே கல்லூரி விழா மேடையில் டி.ராஜேந்தர் ஏக்.. தோ.. தீன்.. என இந்தி பாடல் ஒன்று பாட, அதற்கு மாணவர்கள் மேடையிலிருந்து கீழிறங்குமாறு கூச்சலிட அதற்கு  டி.ராஜேந்தர் மாணவர்களைப் பார்த்து 'ஏம்பா மேடை ஏறினதில் என்ன தப்பு இந்தி தெரியாதா' என்று கேட்டு 'எங்கே நீ வந்து பாடு' என்று கூற அதற்கு நடிகர் தியாகு நாயகன் ராஜாவை 'இவன் ரொம்ப நல்லா பாடுவான்' என்று கூறி மேடையேற்றி பாடவிடுகிறார்கள். ‘மன்மதன் ரட்சிக்கனும் மங்கையர் காளைகளே’ என்ற பாடலை பாடுகிறான்.

நாயகி சுபத்ரா அவளது குடும்பச்சூழல் காரணமாக யாரிடமும் பேசுவது கிடையாது. ஒருவித சோகத்துடனே இருப்பது போல இருப்பாள். மேலும் தன் தோழி லாவண்யாவிடம் (நடிகை உஷா) மட்டுமே பேசுவதாக கதை அமைந்திருக்கும்.

இப்படம்  கிராமம் சார்ந்த கல்லூரி, ரயில் பயணம் மற்றும்  கல்லூரி வளாகம் மாணவர்களுக்கிடையேயான உரையாடல் போன்ற நிகழ்வுகளுடன் மாணவர்களை சுற்றியே கதை ஓட்டம் அமைந்துள்ளது. காதலியைத் தொடாமல் காதலித்த முதல் படம் ஒருதலைராகம். நாயகனைச் சுற்றி ஒரு மாணவர் கூட்டம், நாயகியைச் சுற்றி மாணவிகள் கூட்டம் இவர்களுக்கிடையேயான உரையாடல்களுடன் கதை நகர்கிறது.

படத்தில் ’வாசமில்லா மலரிது வசந்தத்தை தேடுது’, ’கடவுள் வாழும் கோவிலிலே’, இன்றளவும் காதலில் தோல்வியடைந்தவர்கள் கேட்கும் பாடலாக ‘நான் ஒரு ராசியில்லா ராஜா’ என்ற பாடலும் ‘என் கதை முடியும் நேரமிது’ என அனைத்துப் பாடல்களும் ரசிகர்களை கவர்வதாக அமைந்துள்ளது. 

தொடர்ந்து நாயகன் ராஜா தன் காதலை நாயகி சுபத்ராவிடம் தெரிவித்தும் பதில் இல்லாததாலும், மேலும் சில சந்தர்ப்பங்களில் சுபத்ரா ராஜா மீது வெறுப்பை காட்டியதாலும் ராஜா மனமுடைந்து நோய் வாய்ப்படுகிறான். 

கல்லூரி இறுதிநாளில் மூர்த்தி (நடிகர் சந்திரசேகர்) மாணவர்களிடம் கூறும் கதை இன்றளவும் பேசப்படுகிறது.

"ஒரு அழகான வெள்ளை ரோஜாவை ஒரு குருவி காதலிச்சுதாம். அந்த வெள்ளை ரோஜாவோ நான் எப்போ சிகப்பா மாறுகிறனோ அப்ப தான் உன்னை காதலிப்பேன் என்று சொல்லிச்சாம். அதற்கு அந்த குருவி நீ எப்போ சிகப்பா மாறுவது நான் எப்போ உன்னை காதலிக்கிறது என சொல்லி அந்த ரோஜா செடியில் இருக்கிற முள்ளில் தன்னுடைய உடம்பை குத்தி உடம்பில் உள்ள ரத்ததை எல்லாம் சிந்த அந்த ரோஜாவும் கொஞ்சம் கொஞ்சமாக சிகப்பா மாறிகிட்டோ வந்துச்சாம். அந்த ரோஜா முழு சிகப்பா மாறுகிற போது அந்த குருவி உயிரோட இல்லை செத்துப்போச்சு" என்று கூறி நான் சொன்ன கதை யாருக்கு புரியுதோ, இல்லையா சுபத்ரா உனக்கு கூடவா புரியலா என்று மூர்த்தி கூற பார்வையாளர்களை சோகத்தின் எல்லைக்கே கொண்டு செல்கிறது படம்.

கிளைமாக்ஸில் சுபத்ரா ராஜாவுக்காக ரயில் நிலையத்தில் காத்திருக்கிறாள். ராஜாவும் மூர்த்தியும் ரயிலில் கல்லூரி நாட்களின் அனுபவங்களை பேசிக்கொண்டுவருகிறார்கள். ரயில், ரயில் நிலையம் வரும் சமயம் ராஜாவுக்கு உடல் நிலை மோசமடைய மூர்த்தி தண்ணீர் கொண்டுவர செல்லும் சமயத்தில் ரயிலில் அமர்ந்திருக்கும் ராஜா இறந்து விடுகிறார்.  

இச்சமயம் ராஜா எதிரில் வந்து அமர்ந்த சுபத்ரா, "நீங்க இன்னைக்கு வருவீங்கன்னு எனக்கு தெரியும். நீங்க என மனதை எந்த அளவுக்கு புரிஞ்சு வச்சிருக்கீங்கன்னு எனக்கு நல்லா தெரியும்" என்று கூறி "நீங்க அன்றைக்கு சென்னீங்களே நான் ஒரு வட்டத்துக்குள்ளே இருக்கன்னு அந்த வட்டத்தை தாண்டி வந்துவிட்டேன். நீங்க தான் என் வாழ்க்கைன்னு முடிவு பண்ணீட்டேன்" என்று கூறுகிறார். "என்ன நானே தான் பேசுறேன் நீங்க பேச மாட்டேங்குறீங்க என் மீது கோபமா" என்று கேட்க ரயில் கிளம்பவே ராஜா இறந்தது சுபத்ராவுக்கு தெரிகிறது. அவன் மடியில் விழுந்து கதறி அழுகிறாள். 

சுபத்ரா காதலுக்கு சம்மதம் தெரிவித்ததை அறியாமலே ராஜா இறந்துவிடுகிறான்.

ரயில் வருவதைக் காட்டித் தொடங்கும் இந்தத் திரைப்படம், ’ரயில் பயணத்தில் துணையாய் அவள் வந்தாள்’ என்ற பாடலுடன் மீண்டும் ரயில் காட்சியுடனே முடிகிறது.

]]>
valentinesday https://images.dinamani.com/uploads/user/imagelibrary/2020/2/14/w600X390/oruthalai_raagam.jpg https://www.dinamani.com/lifestyle/lifestyle-special/2020/feb/14/valentines-day-special-oru-thalai-raagam-movie-3357502.html
3307536 லைஃப்ஸ்டைல் ஸ்பெஷல் திருமணமா? முன்னதாக செய்து கொள்ள வேண்டிய 4 மருத்துவப் பரிசோதனைகள்! RKV Monday, December 16, 2019 02:24 PM +0530  

குடும்பத்தில் ஒரு திருமணம் நடக்கவிருக்கிறது என்றால் ஜாதகப் பொருத்தம், திருமணச் செலவு, இரு வீட்டார் இருப்பிடங்களுக்கும் இடையில் இருக்கும் தூரம், திருமணத்தை எங்கே நடத்துவது? எத்தனை ஆடம்பரமாக நடத்துவது? யாருக்கெல்லாம் அழைப்பு அனுப்புவது? என்று நாம் பல விஷயங்களைப் பற்றி அலசி ஆராய்ந்து கொண்டிருப்போம். ஆனால், உண்மையில் ஆராய வேண்டிய விஷயமென்பது மணமகள் மற்றும் மணமகனின் உடல்நலனாக இருந்த போதும், நாம் எப்போதுமே அதைப்பற்றிப் பெரிதாக அலட்டிக் கொள்வதில்லை. இதற்கு நம்பிக்கை என்று பெயர் சூட்டி நம்மை நாமே சமாதானப் படுத்திக் கொள்ளவும் நாம் மறப்பதில்லை. இன்றைய இளைஞர்களிடையே பெருகி வரும் விவாகரத்து வழக்குகளுக்கு இந்த அசட்டு நம்பிக்கை கூட ஒரு காரணமாகி விடுகிறது. மணமகனுக்கோ, மணமகளுக்கோ ஏதேனும் வியாதி இருந்து அதை மறைத்தோ அல்லது அறியாமலோ திருமணத்தை நடத்தி வைத்து விட்டுப் பிறகு அவஸ்தைப்படுவானேன். முன்னெச்சரிக்கையாக திருமணம் என்று முடிவானதுமே இல்லற வாழ்வை தடங்கலின்றி மேற்கொள்ளத் தேவையான அடிப்படை மருத்துவப் பரிசோதனைகளை மட்டுமேனும் மேற்கொண்டு விடலாமே என்று உங்களில் யாருக்கேனும் இதுவரை தோன்றியிருக்கிறதா? இதுவரை தோன்றியிருக்கவில்லை என்றாலும் இனியேனும் கீழ்க்காணும் மருத்துவப் பரிசோதனைகளை மேற்கொண்டு விடுங்கள் என்கிறார்கள் விவரமறிந்த மருத்துவர்கள்.

திருமண வாழ்வில் அடியெடுத்து வைக்கும் முன் செய்து கொள்ள வேண்டிய 4 முக்கியமான மருத்துவப் பரிசோதனைகள்

  • மலட்டுத்தன்மை பரிசோதனை ( Infertility test )
  • ரத்த வகைப் பொருத்தம் காணும் பரிசோதனை (Blood group compatibility test )
  • மரபணு நோய் பரவல் நிலை குறித்த பரிசோதனை (Genetically transmitted conditions test )
  • பால்வினை நோய்த் தொற்றுகளுக்கான பரிசோதனை (​STD test)

இந்த 4 அடிப்படை மருத்துவப் பரிசோதனைகளையும் மேற்கொண்ட பின்பு. நீங்கள் திருப்தியாக திருமண வாழ்வில் இணையலாம் என்கிறார்கள் மருத்துவர்கள். அவர்கள் சொல்வதிலும் அர்த்தமில்லாமல் இல்லை.

மலட்டுத்தன்மை பரிசோதனை ( Infertility test )

மணப்பெண் மற்றும் மணமகனின் கருமுட்டைகள் மற்றும் விந்தணுக்களின் எண்ணிக்கையானது ஒரு ஆரோக்கியமான குழந்தையை உருவாக்கித் தரும் அளவுக்கு இருக்கிறதா என்பதைப் பற்றி அறிந்து கொள்ள மேற்கொள்ளப்படும் பரிசோதனையே மலட்டுத் தன்மைக்கான பரிசோதனை. கருவுறுதலை ஒத்திப் போடக்கூடியவர்கள் கூட தங்களது தாம்பத்திய வாழ்க்கை ஏமாற்றமின்றி நிறைவாக அமைய இந்தப் பரிசோதனையை மேற்கொண்டு தெளிவடைவது நல்லது தான். ஒருவேளை உங்களுக்கு தாம்பத்தியத்தில் ஈடுபடுவதிலோ அல்லது எதிர்காலத்தில் குழந்தைக்கான திட்டமிடலுக்கோ கூட இந்தப் பரிசோதனை நிச்சயம் உதவலாம். அது மட்டுமல்ல, முடிவுகள் எதிர்மறையாக இருந்தால் அதைத் தீர்ப்பதற்கான முறையான சிகிச்சைகளைப் பெறவும் இந்தப் பரிசோதனை உதவலாம்.

ரத்த வகைப் பொருத்தம் காணும் பரிசோதனை (Blood group compatibility test )

இந்தப் பரிசோதனையானது மிக மிக முக்கியம் என்று சொல்ல முடியாது. ஆனால் திருமணத்திற்குப் பிறகு நீங்கள் உடனடியாகக் குழந்தை பெற்றுக் கொள்ளத் திட்டமிட்டால், உங்களுக்கும் உங்கள் மனைவிக்கும் ஒரே Rh காரணி (ரீசஸ் காரணி) இருப்பது முக்கியம். ஒருவேளை, உங்களது இரத்தக் குழுக்கள் ஒருவருக்கொருவர் பொருந்தவில்லை என்றால், அது கர்ப்ப காலத்தில் சிக்கல்களை உருவாக்கக்கூடும். Rh பொருந்தாத தன்மை இருந்தால் அது இரண்டாவது குழந்தைக்கு ஆபத்தாக முடியும். ஏனெனில் பொருந்தாத ரத்த வகையுள்ள கர்ப்பிணிப் பெண்ணின் இரத்தத்தில் உள்ள ஆன்டிபாடிகள் கருவிலிருக்கும் குழந்தையின் இரத்த அணுக்களை அழிக்கும் தன்மை கொண்டவை என்பதே இங்கே நாம் கவனத்தில் கொள்ள வேண்டிய அம்சம். அதனால் இந்தப் பரிசோதனையைச் செய்து கொள்வதும் இன்று முக்கியமானதாகக் கருதப்படுகிறது.

மரபணு நோய் பரவல் நிலை குறித்த பரிசோதனை (Genetically transmitted conditions test )

மரபணு நோய்கள் என்பவை ஒரு தலைமுறையிலிருந்து மற்றொரு தலைமுறைக்கு எளிதாகக் கடத்தப்படக் கூடியவை. எனவே, இந்த நாள்பட்ட மருத்துவ நிலைமைகளுக்கு மிகவும் தாமதமாகிவிடும் முன் பரிசோதனை செய்ய வேண்டியது அவசியம். தலைமுறைகள் தோறும் மரபணு வழியாகக் கடத்தப்படும் நோய்களில்  மார்பகப் புற்றுநோய், பெருங்குடல் புற்றுநோய், சிறுநீரக நோய்கள் மற்றும் நீரிழிவு நோய் போன்றவை அடங்கும். சரியான நேரத்தில் இவ்வகை நோய்களைக் கண்டறிதல் என்பது மிக முக்கியம். ஏனெனில், அவற்றால் உயிருக்கு ஆபத்தான நிலை வருமுன் நாம் நமது சிகிச்சையைத் தொடங்கி அதிலிருந்து நிவாரணம் பெற இந்த மருத்துவப் பரிசோதனை நமக்கு நிச்சயம் உதவும்.

பால்வினை நோய்த் தொற்றுகளுக்கான பரிசோதனை (​STD test)

திருமணத்திற்கு முன்பே உடலுறவில்  ஈடுபடுவது என்பது இன்றைக்கு சர்வ சாதாரணமாகி விட்டது. லிவிங் டுகெதர் என்று அதற்குப் பெயரிட்டு அதையும் சற்றேறக்குறைய இந்த சமூகம் ஏற்றுக் கொள்ளக்கூடிய வாழ்க்கைமுறைகளில் ஒன்றாக்கி விடத் துடிக்கிறார்கள் இன்றைய இளைஞர்களும், இளம்பெண்களும். நிலைமை அப்படி இருக்கையில், ஜோடிகள் மாறும் நிலை ஏற்படலாம். அப்போது இரு தரப்பினரும் பால்வினை நோய்களுக்கான பரிசோதனைகளைச் செய்து கொள்ள வேண்டியது அவசியமாகிறது. இவ்வகை நோய்களில் எச்.ஐ.வி / எய்ட்ஸ், கொனோரியா, ஹெர்பெஸ், சிபிலிஸ் மற்றும் ஹெபடைடிஸ் சி போன்றவை அடங்கும். இந்த நோய்களில் சில உயிருக்கு ஆபத்தானவையாகவும்,  வாழ்நாள் முழுவதும் நீடிக்கும் தன்மை கொண்டவையாகவும் இருப்பதால், எஸ்.டி.டி பரிசோதனை செய்ய வேண்டியது அவசியமெனக் கருதப்படுகிறது.

தீ என்று சொல்வதால் மட்டுமே நாக்கு சுட்டு விடப் போவதில்லை எனும்படியாக ஒருவேளை மேற்காணும் பரிசோதனைகள் அனைத்தையும் எடுத்துக் கொண்ட பின் உங்கள் திருமண இணையின் மருத்துவ சோதனை அறிக்கைகள் ஒருவேளை நேர்மறையானதாக மாறினால், அது எதிர்காலத்தில் நீங்கள் எதிர்கொள்ளக்கூடிய உளவியல் மற்றும் உளவியல் அதிர்ச்சியிலிருந்து உங்களைக் காப்பாற்றும், அத்துடன் நீங்கள் உங்கள் திருமண முடிவில் மேலும் முன்னேற விரும்புகிறீர்களா? அல்லது அத்துடன் முறித்துக் கொள்ள விரும்புகிறீர்களா? என்பதையும் தெளிவுபடுத்திக் கொள்ள இந்தப் பரிசோதனைகள் உதவலாம். 

முடிவு எதுவாயினும் வரும் முன் காப்போம் எனும் மனநிலை நல்லது தானே!

]]>
WEDDING MEDICAL TESTS https://images.dinamani.com/uploads/user/imagelibrary/2019/12/16/w600X390/WEDDING1.jpg Pre wedding medical tests https://www.dinamani.com/lifestyle/lifestyle-special/2019/dec/16/want-to-get-married-before-that--please-dont-forget-to-take-these-4-medical-tests-3307536.html
3305000 லைஃப்ஸ்டைல் ஸ்பெஷல் கூகுள் டாப் 10 ல் இடம்பிடித்த இந்தியப் பிரபலங்களில் இவருக்கு மட்டும் தனிச்சிறப்பு உண்டு! RKV Friday, December 13, 2019 05:09 PM +0530  

கூகுள் ஒவ்வொரு ஆண்டும், தனது தேடுபொறியில் அதிகமும் தேடப்பட்ட டாப் 10  பிரபலங்கள் என்றொரு பட்டியலை வெளியிடுவது வழக்கம். இந்த ஆண்டு இறுதியிலும் பிரபலங்களை உள்ளடக்கிய அப்படியொரு பட்டியல் தயாராகிக் கொண்டிருக்கிறது. கூகுள் வெளியிட்டுள்ள அந்தப் பட்டியலில் சூப்பர் 30 பயிற்சி மையத்தின் நிறுவனரான ஆனந்த் குமார் கூகுளில் அதிகமும் தேடப்பட்ட பிரபலங்கள் பட்டியலில் 4 ஆம் இடத்தைப் பிடித்துள்ளார் எனத் தெரிய வந்துள்ளது. ஏழ்மையில் வாடும் பல்லாயிரக் கணக்கான இளைஞர்களுக்கு மிகச்சிறந்த முன்னுதாரணமாக விளங்கி வரும் ஆனந்த் குமார் கடந்த 18 ஆண்டுகளில் சுமார் 500 க்கும் மேற்பட்ட ஏழை மாணவர்களது ஐஐடி கனவு நிறைவேற உந்துசக்தியாகவும், வழிகாட்டியாகவும் விளங்கினார் என்பது குறிப்பிடத்தக்கது. ஆனந்த் குமாரின் வாழ்க்கை வரலாற்றுத் திரைப்படத்தில் அவரது வேடத்தில் பாலிவுட்டின் பிரபல நடிகர் ஹிருத்திக் ரோஷன் நடித்து ’சூப்பர் 30’ என்றொரு திரைப்படம் வெளிவந்த பின்னர், அவர் இந்தியா முழுவதும் அறியப்பட்ட பிரபலமானார். அவரது கல்விச்சேவையைப் பாராட்டி இந்தியா முழுவதிலுமாகப் பிரபல கல்வி நிறுவனங்கள் அவரைத் தங்களது விருந்தினராக அழைத்துக் கெளரவித்திருந்தன. அவ்வகையில் ஆனந்த் குமாரின் புகழ் இந்தியா தாண்டியும் உலகம் முழுவதும் பரவியது.

கூகுள் டாப் 10 பட்டியலில் ஆனந்த் குமார் தவிர மேலும் பல பிரபலங்கள் இடம் பெற்றுள்ளனர். அவர்களில் பாகிஸ்தான் ராணுவத்திடம் பிடிபட்டு மீண்ட இந்திய விமானப்படை வீரரான அபிநந்தன் வர்த்தமான், பாலிவுட் நடிகர் சயீஃப் அலிகானின் மகளும் நடிகையுமான சாரா அலிகான், பிரபல பாடகி லதா மங்கேஷ்கர், இந்திய கிரிக்கெட் அணியின் முன்னாள் ஆல் ரவுண்டரான யுவராஜ் சிங் உட்பட பலரது பெயர் அப்பட்டியலில் இடம்பெற்றுள்ளது.

இவர்களில் மற்ற அனைவருக்கும் திரைப்படப் பின்னணி இருக்கையில் ஆனந்த் குமார் மட்டுமே விதிவிலக்கானவர். அவருக்கு கிடைத்த புகழ் வெளிச்சத்துக்குப் பிறகு தான் அவரது வாழ்க்கை திரைப்படமானது. எனவே, சாமானிய இந்தியர் ஒருவர், தனது திறமையாலும், விடாமுயற்சியாலும் முன்னேறி இன்று கூகுள் தேடலில் டாப் 10 ல் இடம்பெற்றிருப்பது மிகச்சிறந்த முன்னுதாரணமாகக் கருதப்படுகிறது. தவிர, ஏழை, எளிய குடும்பத்தைச் சார்ந்த மாணவர்களுக்கு ஐ ஐ டியில் இணைந்து பயிலும் விருப்பம் இருப்பின் அவர்களுக்குத் தனது பயிற்சி மையத்தின் மூலமாக இலவசப் பயிற்சி அளிப்பதை வழக்கமாக்கிக் கொண்டுள்ளார் ஆனந்த் குமார் என்பது வரவேற்கத்தக்க விஷயங்களில் ஒன்று.

ஆனந்த் குமாரின் வெற்றிகளைப் பற்றி இன்னும் குறிப்பிட வேண்டுமென்றால், இதையும் சேர்த்துச் சொல்லலாம். கடந்த மாதம் கேம்பிரிட்ஜ் பல்கலைக்கழகத்திற்கு சிறப்புரையாற்ற அழைக்கப்பட்டிருந்தார் ஆனந்த்குமார். இது சாதாரண அழைப்பல்ல. ஒரு உலகப் பிரசித்தி பெற்ற பல்கலைக்கழகம் தனது மாணவர்கள் மத்தியில் சிறப்புரை ஆற்ற ஒரு இந்தியரை அழைக்கிறது என்றால் அவர் செயற்கரிய காரியங்களைச் செய்திருக்க வேண்டும். அவரது புகழ் அங்கு வரை பரவியிருக்க வேண்டும். அப்படியில்லாமல் அவர்கள் தங்களது மரியாதைக்குரிய விருந்தினராக இவரை அழைத்துச் சிறப்பிப்பது எங்ஙனம் சாத்தியம்?! அவ்வகையில் கூகுள் டாப் 10 பட்டியலில் இடம்பெற்றுள்ள பிற இந்தியர்களைக் காட்டிலும் ஆனந்த் குமார் தனி மரியாதைக்குரியவர் எனலாம். அத்துடன் எந்த பல்கலைக்கழகத்துக்கு சிறப்பு விருந்தினராக அழைக்கப்பட்டாரோ, அதே பல்கலைக்கழகத்தில் இணைந்து பயில விரும்பி, அந்த ஆசைக்கனவு நிறைவேறாமல் தவித்தவர் ஆனந்த் குமார் என்பதும் இதில் குறிப்பிடத்தகுந்த விஷயமே. எளிமையான குடும்பத்தைச் சேர்ந்தவரான ஆனந்த் குமாருக்கு கேம்ப்ரிட்ஜில் இணைந்து பயில மிகுந்த விருப்பமிருந்தது. அது அவரது கனவுகளில் ஒன்று. ஆனால், குடும்பத்தில் நிலவிய பொருளாதாரச் சிக்கல் காரணமாக அவரால் அன்று அங்கெல்லாம் சென்று பயில முடியவில்லை. ஆனால், இப்போது ஆனந்த் குமாரின் சாதனை காரணமாக அந்தப் பல்கலைக்கழகமே அவரை வேண்டி விரும்பி சிறப்பு விருந்தினராக அழைத்துக் கெளரவித்திருக்கிறது என்பது பெருமைக்குரிய விஷயம்.   
 

]]>
Google top ten 2019 list https://images.dinamani.com/uploads/user/imagelibrary/2019/12/13/w600X390/anand_kumar.jpg super 30 Anand kumar https://www.dinamani.com/lifestyle/lifestyle-special/2019/dec/13/anand-kumar-is-the-4th-most-searched-indian-on-google-3305000.html
3299144 லைஃப்ஸ்டைல் ஸ்பெஷல் இந்தியப் பிரிவினைக்குப் பிறகு லேடி மவுண்ட் பேட்டன் செய்த நல்ல காரியம்! (வி. கல்யாணம் நேர்காணல் பார்ட் -2) கார்த்திகா வாசுதேவன் Friday, December 6, 2019 06:06 PM +0530  

 

இந்திரா காந்தி, ராஜீவ் காந்திங்கிற பெயர்களால காந்தியின் வாரிசுகள் தான் இந்தியாவை அரசியல்ரீதியா ஆண்டுக்கிட்டு இருக்காங்கன்னு வெள்ளைக்காரங்க நினைக்கிறாங்கன்னு சொல்றீங்க இல்லையா, நேரு குடும்பத்துக்கு காந்திங்கிற பேர் எப்படி சொந்தமாச்சு? 

ஏன்னா, இந்திரா காந்தியோட ஹஸ்பண்ட் பேரு பெரோஸ் காந்தி. அந்த காந்திய வச்சுண்டு இங்க இவா நடத்திண்டு இருக்கா. அவ பிள்ளை ராஜீவ் காந்தியா போயிட்டார். அதுனால வந்தது இது.

அப்போ ஃபெரோஸ் காந்திங்கறது தான் அவரோட நிஜமான பேரா?

ஃபெரோஸ் காந்தி வாஸ் அ பார்ஸி. ஹி மேரீட் இந்திரா. அதனால தான் இந்த காந்தின்னு பேர் வந்துடுத்து கடைசி வரைக்கும்.

சிலர், நேரு காந்தி மேல தனக்கிருந்த அபிமானத்துல தான் நேரு இந்திரா பிரியதர்ஷிணின்னு வச்ச தன் மகளோட பெயரை இந்திரா காந்தின்னு மாத்தினதா சொல்றாங்களே.. அது நிஜமில்லையா?

ஆமாம், ஹஸ்பண்ட் பெயரைத்தானே வச்சுக்கனும். அது அவளுக்குப் பொருந்திப் போச்சி. அதை அவங்க அரசியல்ரீதியா பயன்படுத்திக்கிட்டாங்க. பிரியதர்ஷிணின்னு வச்சிருந்தா ஒருத்தரும் கவனிச்சிருக்க மாட்டா... தே மிஸ்யூஸ்டு ஹிஸ் நேம்.

சரி காந்தியை வெள்ளைக்காரனுக்கு ரொம்ப பிடிக்கும்னு சொன்னீங்க இல்லையா? இவர் மேலான அவங்க ஈர்ப்புக்கு குறிப்பிடத்தக்க காரணங்கள் ஏதாவது?

ஏன்னா, காந்தி நெவர் யூஸ்டு அப்யூசிவ் வேர்ட்ஸ் அகேன்ஸ்டு தி பிரிட்டிஷ். அவர் அன்பான முறையில அவங்களை இந்தியாவில இருந்து வெளியேறச் சொன்னார். அதனால தான் தே ஹேவ் கிரேட்டஸ்ட் ரிகார்ட் ஃபார் காந்தி. (They have greatest Regard for Gandhi). அவரோட இறப்பின் போதும் கூட நிறைய ஐரோப்பியர்கள் அழுதார்கள். இது மாதிரியான ஒரு மாமனிதர் 3000 ஆண்டுகளுக்கு ஒருமுறை தான் தோன்றுவார்ன்னு கூட அவங்க சொல்றதுண்டு. அவரப்போல ஆள் பிறக்கறது கஷ்டம். By Love Not By Force.. By Love He threw the British from our Country. பிரிட்டிஷ்காரன் இந்தியாவை ஆளக்கூடாதுன்னு காந்தி விரும்பினார். அதனால தான் வெள்ளைக்காரன் வெளியேறினான்.  

நேர்காணலை காணொலியில் காண

 

 

காந்தியுடன் இருந்த போது நேரு,  மவுண்ட் பேட்டன் உள்ளிட்ட இந்திய மற்றும் பிரிட்டிஷ் தலைவர்களுடன் நெருங்கிப் பழகும் வாய்ப்பு உங்களுக்குக் கிடைத்திருக்கும். அந்த அனுபவங்களைப் பற்றி எங்களுக்குச் சொல்லுங்கள்?

நான் அவங்களை அடிக்கடி மீட் பண்றதுக்கான காரணம் காந்தி ஏதாவது சொன்னாத்தான். நானா போக மாட்டேன். அவங்க ஏதாவது வேலை சொன்னாத்தான். நேரு கிட்ட போயிருக்கேன். மவுண்ட் பேட்டன் கிட்ட போயிருக்கேன், காந்தி இறந்ததுக்கு அப்புறம் லேடி மெளண்ட் பேட்டன் என்னை அவளோட சேர்ந்து வேலை பார்க்க கூப்பிட்டா. 1000 ரூபாய் சம்பளம் தரேன்னா. நான் சம்பளம் வாங்க மாட்டேன்னுட்டேன். ஏன்னா, ராஷ்ட்ரபதி பவன்லயே இருந்தேன். ராஷ்ட்ரபதி பவன்னா என்ன? வைஸ்ராய் மாளிகையிலேயே நல்ல ஃபுட் கிடைக்குது. தங்கறதுக்கு நல்ல ரூம் கிடைக்குது. அப்புறம் என்ன வேணும்? அவகிட்ட என்னத்துக்கு வேலை பண்ணேன்னா? யுனைடெட் கவுன்சில் ஃபார் ரிலீஃப் அண்ட் வெல்ஃபேர். அதுக்கு அவ சேர்மன். எல்லாருக்கும் சம்பளம் இருந்தது அதுல. அதுல நிறைய பேர் இருந்தா. அவளோட சேர்ந்து டகோடாவுல பாகிஸ்தான் போவோம். அந்தக் காலத்துல பாலம் ஏர்போர்ட் கிடையாது. சப்தர்ஜங் ஏர்போர்ட் தான். அங்க தான் எல்லா ப்ளேனும் வரும். அங்க இருந்து டகோடா ஃப்ளைட் பாகிஸ்தானுக்குப் போகும். அங்க இருந்து அப்டக்டெட் இந்தியன் கேர்ள்ஸ் (அதாவது கடத்தப்பட்ட ஹிந்து பெண்களை) அவாளை எல்லாம் அங்கருந்து கொண்டு வந்து இங்க இந்தியாவில இருக்கற அவாளோட ஃபேமிலீஸ் கிட்ட சேர்க்கனும். அதே போல இங்க இந்தியாவில முஸ்லீம் பெண்களை இங்க இருக்கறவா கடத்தி வச்சுண்டு இருப்பா. அவங்களை மீட்டு பாகிஸ்தான் கொண்டு சேர்க்கனும். இப்படி பொழுது விடிஞ்சா ப்ளேன்ல வந்துண்டும், போயிண்டும் இருந்தோம். நடுவுல் ஒரு நாள், இல்ல ரெண்டு நாள் ரெஸ்ட் எடுப்போம். மறுபடியும் நானே போய் கேட்பேன். கேன் வி கோ டுடே ன்னு. அவ உடனே.. ஓ யெஸ், அரேஞ்ச் ஃபார் தி ப்ளேன்ம்பா... பிளேனுக்கு டெலிபோன் பண்ணா ரெடியாயிரும். இப்போ அதெல்லாம் நடக்காது. இப்படி டகோடால அடிக்கடி போய் வந்து இந்து கேர்ள்ஸை இந்தியாவில இருக்கக்கூடிய அவ அப்பா, அம்மா கிட்டயும், முஸ்லீம் கேர்ள்ஸை பாகிஸ்தான்ல இருக்கக் கூடிய அவா அப்பா, அம்மாக்கிட்டயும் ஒப்படைக்கிறது தான் எங்க வேலை. 

அதுல ரொம்பப் பேரு பிரெக்னண்ட். முஸ்லீம்ஸ் அவள பிரெக்னெண்ட் பண்ணிட்டா.. யாரை? இந்தியன் கேர்ள்ஸை. அதனால அந்தப் பொண்களோட அப்பா, அம்மா எல்லாம் பெண்களை வீட்ல சேர்த்துக்க மாட்டேன்னுட்டா.. சொந்தப் பெண்ணையே வாங்கிக்க மாட்டேன்னுட்டா. அப்புறம் ரொம்பக் கஷ்டப்பட்டு நாங்க ஃபோர்ஸ் பண்ணி, உங்க பொண்ணு தானங்க, இந்த மாதிரி ஆயிடுச்சு. என்ன பண்றது, நீங்க ஏத்துக்கத்தான் வேணும்னு சொல்லி ஒப்படைச்சிட்டு வருவோம். இல்லன்னா என்ன பண்றது? அந்தப் பெண்கள் எல்லாம் தெருவுல தான் நிக்கனும்! அதனால அவங்களை அவங்கவங்க குடும்பத்துல ஒப்படைச்சே ஆகனும், வேற வழி இல்லை. அந்த மாதிரி ஆயிடுத்து.

அப்படின்னா, வெள்ளைக்காரங்க நம்ம நாட்டை விட்டு விட்டு வெளியேறும் போது, இந்தியாவை பயன்படுத்திட்டு அப்படி அப்படியே போட்டது போட்டபடி போகல, இந்த மாதிரி நிறைய நல்ல விஷயங்களையும் செய்து வைச்சிட்டு தான் போனாங்களா?

ஆமாம், நிறைய உதவிகளும் செஞ்சாங்க. அப்படியே போகல.

நம்ம வரலாற்றுல வெள்ளைக்காரன் ஆட்சிக்காலம் ரொம்ப கொடுமையா இருந்ததுன்னு படிக்கிறோமே ஸ்கூல்ல எல்லாம்?

இல்ல, அப்போ ரொம்ப ஈஸி லைஃப், லக்ஸுரியஸ் லைஃப். எவ்ரிபடி லிவ்டு இன் ஹேப்பினஸ். ஒரு மனுஷனும், இந்தியா இண்டிபெண்டன்ஸ் வந்துதே, இந்த பொலிடீசியன்ஸ் தான் ஜாஸ்தி ஹெல்ப் பண்ணாங்களே ஒழிய ஆஃபீஸர் வேலை பண்ணிண்டிருந்தவா ஒருத்தரும் கவனிக்கவே இல்லை அதை. எனக்குத் தெரிஞ்சவரைக்கும் எங்க அப்பா, அம்மால்லாம் கவர்மெண்ட்ல வேலை பண்ணிண்டிருந்தா, அவாள்லாம் கவனிக்கல, பேப்பர்ல படிச்சா அவ்ளோ தான் ஏதோ ஒன்னு நடந்துட்டுப் போறது அப்படின்னு அதோட விட்டுட்டா. தே வேர் ஆல் வெரி ஹேப்பி டியூரிங் த பிரிட்டிஷ் ரூல். டிராயிங் வெரிகுட் சேலரி. சின்ன சேலரியா இருந்தாலும் லைஃப் வாஸ் ஸோ சீப் இன் தோஸ் டேய்ஸ். மாசச்செலவு 400 ஐத் தாண்டாது. மாசமான எலெக்ட்ரிசிட்டி பில் 15 ரூபா தாண்டாது. ஆனா, இன்னைக்குப் பாருங்க சம்பளம் எவ்வளவு நிறைய வருது. ஆனா, என்ன லாபம், யாருக்கும் அது போறாது. இப்ப யாரும் பொறுப்பா வேலை பண்றதே இல்லை. ஆனா, பிரிட்டிஷ்காரன் காலத்துல எல்லாமே பெர்ஃபெக்டா இருக்கும். இத்தனை மணிக்கு லஞ்ச் ன்னா அத்தனை மணிக்கு லஞ்ச்க்குப் போவான். இத்தனை மணிக்கு திரும்ப சீட்ல இருக்கனும்னா அத்தனை மணிக்கு கரெக்டா சீட்ல இருப்பான். ஒரு நிமிஷம் முன்னால, பின்னால நேரம் விரயமாகாது. அதெல்லாம் வெள்ளைக்காரன் காலத்துல தான் நடக்கும். இப்ப அதெல்லாம் கிடையாது. இவங்க எங்க வேலை செய்யறாங்க. எல்லாம் ஃபிராடு. ஒருத்தன் தப்பு பண்ணினா உடனே உள்ள போடனும். அதெல்லாம் பண்றதில்லை. இப்ப நான் எனக்கு ஏற்பட்ட வுமன்ஸ் ஹாஸ்டல் பிரச்சினையைப் பத்தி சொன்னேன்ல, அவங்க பண்ணது தப்பு, ஆனா, அவங்களை ஒன்னும் பண்ண முடியலை. அரசு அதிகாரிங்க எல்லாம் இங்க லஞ்சம் வாங்கறாங்க. அதை நான் சொல்லல.. சுப்ரீம் கோர்ட் ஜட்ஜ் சொல்லிருக்கார். 'Nothing can be done in this government without payment of money'அவ்ளோ தான். இன்னி வரைக்கும் அதான்.

அப்போ, வெள்ளைக்காரங்க ஆண்ட காலத்தில சட்டம், ஒழுங்கு எல்லாம் நல்லா இருந்ததுன்னு சொல்றீங்களா?

இல்ல, ஒருத்தரும் காலணா வாங்கல. மினிஸ்டர்ஸ் எல்லாம் இவாளப் போல அங்க, இங்க சுத்த மாட்டான். கரெக்ட்டா 1 மணிக்கு லஞ்ச்சுக்குப் போவான், 2 மணிக்கு சீட்ல இருப்பான். ஒரு நிமிஷம் இந்தாண்ட, அந்தாண்ட இல்லை. அவன் வேலை ஆஃபீஸ்ல இருக்கு, வெளியில இல்ல. இவங்க எல்லாம் பாருங்க வெளியில சுத்திட்டு இருக்காங்க. ஒன்னும் பிரயோஜனம் இல்ல.  பிரிட்டிஷ் காலத்துல நேரம் தவறாமை ரொம்ப பெர்ஃபெக்ட்டா இருந்தது, அதை பீட் பண்ண முடியாது. அதனால தான் நான் இன்னைக்கும் சொல்றேன். அவன் திரும்பி வந்தா நல்லாருக்கும்னு.

]]>
V Kalyanam interview part 2 https://images.dinamani.com/uploads/user/imagelibrary/2019/12/6/w600X390/part_2.jpg V Kalyanam interview part 2 https://www.dinamani.com/lifestyle/lifestyle-special/2019/dec/06/good-things-have-done-by-lady-mountbatten-after-the-partition-of-india-v-kalyanam-interview-part-2-3299144.html
3296521 லைஃப்ஸ்டைல் ஸ்பெஷல் வெள்ளைக்காரனை விடுங்க, இந்த ஊர்க்காரனுக்கே புரியல எந்த காந்தி ரூல் பண்ணார்னு! (வி. கல்யாணம் நேர்காணல் பார்ட் - 1) கார்த்திகா வாசுதேவன் Friday, December 6, 2019 05:37 PM +0530  

நம்முடைய தேசப்பிதா காந்தியின் தனிச்செயலராக 4 ஆண்டுகளுக்கும் மேலாகப் பணிபுரிந்த அனுபவம் மிக்கவர் பெரியவர் வி.கல்யாணம். காந்தியுடன் தொடர்புடைய இந்தியாவின் மூத்த குடிமக்கள் சிலரது பட்டியலில் தமிழக அளவில் இன்று எஞ்சியுள்ளவர் இவர் மட்டுமே! அவருடன் உரையாடிய போது அவர் பகிர்ந்து கொண்ட பல சுவாரஸ்யமான தகவல்கள் இங்கே வாசகர்களுக்காக;

கேள்வி 1

ஐயா, உங்களைப் பற்றி இன்றைய இளைய சமுதாயம் தெரிந்து கொள்ள வேண்டிய விஷயங்கள் நிறைய இருக்கின்றன, தேசப்பிதாவுடன் நீங்கள் இணைந்த கதையை ஆரம்பத்தில் இருந்து எங்களுக்குச் சொல்லுங்களேன்...

நான் பிறந்தது சிம்லாவில், சிம்லாவிலும், டெல்லியிலுமாக அப்போது மாற்றி, மாற்றி கவர்ன்மெண்ட் நடந்து கொண்டிருந்தது. என் படிப்பெல்லாம் சிம்லாவில் தான் நடந்தது. நான் கிராஜுவேட் ஆகும் போது டெல்லியில் இருந்தேன். அப்போ தான் காந்திங்கறவர் ஒருத்தர் இண்டிபெண்டன்ஸ் வேணும்னு சொல்றார்னு கேள்விப்பட்டேன். அப்போ தான் காந்தி எதுக்கு இண்டிபெண்டன்ஸ் வேணும்னு கேட்கறார்? நம்ம நல்லாத்தானே இருக்கோம். வெள்ளைக்காரன் நம்மள நல்லாத்தான் பார்த்துக்கறான். அவன் ரொம்ப நல்லவன் அப்படினெல்லாம் சொல்லி பேசாம உட்கார்ந்திருந்தேன். அப்புறம், அங்க பிரிட்டிஷ் கவர்மெண்ட்லயே வேலைக்கு இருந்தேன். அப்போ எனக்கு 250 ரூபாய் சம்பளம். அந்த 250 ரூபாய் சம்பளத்துல எனக்கு செலவு ஒன்னும் இல்லை. என் அப்பாவோடயே நான் இருந்ததுனால எனக்கு அந்த 250 ரூபாயில மிச்சம் இருந்தது. ரெண்டு வருஷம் வேலையில இருந்தேன். கிட்டத்தட்ட 6000 ரூபாய் கைல வந்தது. அந்தச் சமயம் பார்த்து எனக்கு காந்தி கிட்டப் போய் சேரனும்னு ஆசை வந்தது. டெல்லிக்குப் போனேன். அப்போ 6 மாசம் டெல்லியில தான் இருக்கனும், அதனால டெல்லிக்குப் போனேன். அங்க தேவதாஸ் காந்தி எனக்குப் பழக்கம். அவர் காந்தியோட பையன்கறது அப்போ எனக்குத் தெரியாது. அவர் காந்தியோட நாலாவது பையன். அவர் அப்போ இந்துஸ்தான் டைம்ஸோட எடிட்டரா இருந்தார். அவர் கிட்டப்போய் சொன்னேன். எனக்கு ஆஃபீஸ் வேலை பிடிக்கல.. மேனுவல் வொர்க் தான் பிடிச்சிருக்குன்னு சொன்னேன். ஏன்னா, ஆஃபீஸ்ல எனக்கு ஆஃபீஸரா இருந்த பிரிட்டிஷ்காரன் எனக்குப் பக்கத்து வீடு. அவன் சாயந்திரமான என்கூடவே வீட்டுக்கு வந்து ஹாஃப் பேண்ட் போட்டுக்கிட்டு கார்டன்ல இறங்கி வேலை செய்ய ஆரம்பிச்சுடுவான். அந்த கார்டன் வேலை எனக்கும் ரொம்பப் பிடிக்கும். நானும் அதையே பிடிச்சுண்டு இன்னி வரைக்கும் பண்ணிண்டு இருந்தேன். என் வீட்ல மெட்ராஸ் சிட்டியிலேயே பெஸ்ட் கார்டன் இருந்தது. இப்போ நான் எம்பொண்ணு வீட்டுக்கு வந்துட்டேன். எல்லாம் நாசமா போயிடுத்து.

வெள்ளைக்காரன் கிட்ட இருந்து கார்டன் வொர்க் மட்டுமா நான் கத்துண்டேன்?! அவன் கார்டன் வொர்க் முடிஞ்சதும் வீட்டுக்குள்ள போய் அதைத் துடைப்பான், இதைத் துடைப்பான், அப்புறமா எலெக்ட்ரிசிட்டி செக் பண்ணுவான். நமக்கெல்லாம் எலெக்ட்ரிசிட்டி போய்டுச்சுன்னா அதை சரி பண்ணத் தெரியாது. எலெட்ரீசியனைக் கூப்பிடறோம். ஆனா, நான் அதை வெள்ளைக்காரங்கிட்ட இருந்து கத்துண்டேன். அந்த மாதிரி மேனுவல் வொர்க் எனக்கு ரொம்பப் பிடிச்சுப் போச்சு. அதைத்தான் நான் தேவதாஸ் காந்தி கிட்ட சொன்னேன். 

பெரியவர் வி.கல்யாணத்துடனான உரையாடலை விடியோ வடிவில் பார்க்க விரும்புகிறவர்களுக்கு...

 

 

அவர் சொன்னார்; மேனுவல் வொர்க் உனக்குப் பிடிச்சிருந்தா ஏதாவது ஒரு ஆசிரமத்துல போய்ச் சேரு. அங்க தான் எல்லாரும் மேனுவல் வொர்க் பண்ணுவா. பெருக்குவா, துடைப்பா, அங்க போன்னார். அவர் பேச்சைக் கேட்டுண்டு நான் சேவாக்கிராம் ஆசிரமத்துக்குப் போனேன். அது காந்தியோடது. அங்க இருக்கற மேனேஜருக்கு தேவதாஸ் காந்தி ஒரு லெட்டர் கொடுத்தனுப்பிச்சார். 

‘கல்யாணம்னு ஒரு பையன், அவன் தமிழ்நாட்டுப் பையன். பிறந்த வளர்ந்ததெல்லாம் டெல்லி சிம்லால. அவன் ஆசிரமத்துல சேரனும்னு இருக்கான். அவன அனுப்பறேன். சேர்த்துக்குங்கன்னார்.’

அங்க போய் சேர்ந்துட்டேன். அங்க சேவாகிராம் ஆசிரமம் போனபோது கூட அது காந்தியோட ஆசிரமம்னு எனக்குத் தெரியாது. அனுப்பிச்சவரும் காந்தியோட பிள்ளைன்னு எனக்குத் தெரியாது. அங்க இருந்த போது என்ன வேலை பண்ணேன். எல்லாமே மேனுவல் வொர்க். எனக்கு ஆஃபீஸ் வொர்க் பிடிக்காதுன்னு தான அங்க போனேன். சரி, ஆஃபீஸ் வேலை பிடிக்காதுன்னா ஃபீல்டு வொர்க் பண்னுன்னு சொல்லிட்டாங்க. அங்க ஆசிரமத்துக்கு சொந்தமா பெரிய வயல் இருந்தது. சேவாகிராம ஆசிரமத்தை காந்திக்கு ஜம்னாலால் பஜாஜ் கொடுத்தார். பெரிய வாஸ்ட் லேண்ட் அதுல ஆசிரமத்தைக் கட்டி பின்னால பெரிய வயலோட கொடுத்தார். அங்க நான் காலைல எழுந்து வயலுக்குப் போயிடுவேன். 10 மணி வரைக்கும் வயல்ல வேலை பார்ப்பேன். அப்புறமா ஆசிரமத்துக்குத் திரும்ப வந்துடுவேன். அப்புறம் என்ன பண்றது? ஆஃபீஸ் வேலை பிடிக்காததுனால அங்க சும்மா உட்கார்ந்திருப்பேன். அப்போ, அங்க காந்திக்கு நிறைய கடிதங்கள் வரும். ஆனா, காந்தி தான் அப்போ இங்க இல்லையே, அவர் ஆஹாகான் பேலஸ்ல சிறை வைக்கப்பட்டிருந்தார்.  1943 ஆம் வருஷத்தைப் பத்தி நான் சொல்லிண்டிருக்கேன். அப்போ தான் நான் சேவாகிராம் போனேன். காந்திய அப்போ வரைக்கும் நான் பார்த்ததே இல்லை. அப்போ காந்திக்கு வர்ற லெட்டர் எல்லாம் அவரைப் போய்ச் சேரக்கூடாதுன்னு வெள்ளைக்காரன் ஒரு ரூல் போட்டிருந்தான். அதனால அவருக்கு வர்ற லெட்டரெல்லாம் ஆசிரமத்துக்கு வந்துண்டிருந்தது. ஒருநாளைக்கு 30 லெட்டர் வரும். காந்தி ரெண்டு வருஷம் ஆஹாகான் பேலஸ்ல இருந்தார். அப்போ யோசிச்சுப் பாருங்கோ எத்தனை லெட்டர் ஆசிரமத்துக்கு வந்து சேர்ந்திருக்கும்னு. அப்போ, என் வேலை என்ன தெரியுமா? வயல்ல இருந்து வந்ததுக்கப்புறம் ஆஃபீஸ்ல உட்காரனும். ஆஃபீஸ் வேலை எனக்குப் பிடிக்காது. அதனால அவங்களும் எனக்கு ஆஃபீஸ் வேலை கொடுக்கலை. அதுக்குப் பதிலா இந்த லெட்டரெல்லாம் வாங்கி பிரிச்சுப் பார்க்கனும். பார்த்துட்டு ஒவ்வொண்ணையும் மொழிவாரியா பிரிச்சி அடுக்கிடனும். தமிழ் தனியா, இந்தி தனியா, உருது தனியா, இங்லீஷ் தனியா. வெள்ளைக்காரன் கிட்ட இருந்து வந்தது தனியா, நிறைய லெட்டர்ஸ் வெளிநாட்டுல இருந்தும் வரும். காந்தியோட ஆட்டோகிராப் வேனும், ஃபோட்டோகிராப் வேணும்னு வரும். நாட்டுல இருக்கறவா எல்லாம் நாட்டைப்பத்தி பேசறதுக்கு நிறைய எழுதி இருப்பா. அதுக்கெல்லாம் காந்தி பதில் போடனும். ஆனா, அந்த லெட்டரெல்லாம் அவருக்குப் போய் சேரலை. ஆசிரமத்துலயே தான் இருக்கும். இதையே பார்த்துண்டு இருந்தேன். அந்த லெட்டர்ஸ் எல்லாம் பார்த்தோடனே தான் எனக்குத் தெரிய வந்தது இது காந்தியோட ஆசிரமம்னு. காந்தியோட செக்ரட்டரி ரொம்பப் பெரிய ஆள். மஹா தேவ் தேசாய்... அவரோட கம்பேர் பண்ணும் போது நானெல்லாம் ஆர்டினரி கிளெர்க். அவர் முன்னால் நான் தூசி.  அவர் 1942 ஆம் வருஷம் ஆகஸ்டு 15 ஆம் தேதி இறந்துட்டார். நான் பிறந்தது 1922 ஆகஸ்டு 15. மஹாதேவ் தேசாய் ஆஹாகான் பேலஸ்லயே இறந்துட்டார். அவரை அரெஸ்ட் பண்ணி காந்தியோட அங்க கொண்டு போனது 1942 ஆகஸ்டு 9 ஆம் தேதி அன்னைக்குத்தான் வெள்ளையனே வெளியேறு போராட்டம். அதுக்காகத்தான் காந்தி, கஸ்தூர்பா காந்தி, மஹாதேவ் தேசாய் எல்லாரையும் கைது பண்ணி பிரிட்டிஷ்காரன் ஆஹாகான் பேலஸ்ல சிறை வைச்சான். அங்க போன ஒரே வாரத்துல தேசாய் இறந்துட்டார். அவர் போனது காந்திக்கு ரொம்ப மன வருத்தமாயிடுத்து. தேசாயை நினைச்சு காந்தி ரொம்ப கஷ்டப்பட்டார். ஏன்னா, அவரைப் போல ஒரு செக்ரட்டரி காந்திக்கு கிடைக்காது. இன்னும் 100 வருஷம் ஆனாலும் கிடைக்காது. அவ்வளவு நல்ல ஆளு அவர். இதனால அப்போலாம் பொழுதுவிடிஞ்சா காந்தி சோகமா இருப்பார். அதுக்கு ரெண்டு வருஷத்துக்கு அப்புறம் அதே ஆஹாகான் பேலஸ்ல காந்தியோட வைஃப் கஸ்தூர்பா காந்தி செத்துப் போயிட்டாங்க. கஸ்தூர்பா காந்திக்கு ஒரு வியாதி வந்தது. அதுக்கு பென்சிலின் கொடுத்தா சரியா போயிடும்னு சொன்னா. அப்போ தான் பென்சிலின் புதுசா வந்திருக்கு வெளிநாட்டுல. தேவதாஸ் காந்தி லண்டன்ல இருந்து அந்த மருந்தை தன் அம்மாவுக்காக வரவழைச்சார். ஆனா, காந்தி அதை கொடுக்கப்படாதுன்னுட்டார். காந்தி பிலீவ்டு இன் நேச்சர் கியூர். அதைக் கொடுத்திருந்தா இன்னைக்கு பொழைச்சிருப்பா அவ. அதைக் கொடுக்காம விட்டுட்டா. எனக்கு வெளிநாட்டு மருந்தெல்லாம் பிடிக்காது. உள்நாட்டு மருந்து தான் வேணும் ஆயூர் வேதா வேணும், ஹோமியோபதி வேணும்னு சொல்லிட்டார். அதனால அவளும் செத்துப்போயிட்டா. இப்ப காந்தி ஒருத்தர் தான் இருக்கார். 

ஐயா, இப்ப எனக்கு ஒரு சின்ன கேள்வி.. காந்தி வெளிநாட்டு மருந்து வேணாம்னு சொல்லும் போது கஸ்தூர்பா காந்தி அதை எதிர்க்கலையா? என்னை குணப்படுத்தக்கூடிய இஞ்சக்‌ஷனை நீங்க எப்படி மறுக்கலாம்னு காந்தி கிட்ட கேட்கலையா?

அவ என்ன பண்ண முடியும்? ஹஸ்பண்ட் வேணாம்னு சொல்லும் போது வைஃப் என்ன பண்ண முடியும்? 

அப்போ அந்தக் காலத்துல பெண்களுக்கு சமத்துவம் இல்லைங்கறீங்களா?

அப்படின்னு இல்லை. அவர் கொடுக்கலை. அவளோ உடம்பு சரியில்லாம படுத்துண்டு இருக்கா. என்ன வந்திருக்கு, என்ன போயிருக்குன்னு அவளுக்கு என்ன தெரியும்? காந்தி கொடுக்கப்படாதுன்னுட்டார். கொடுக்கல. அவ இறந்து போயிட்டா.

கஸ்தூர்பா காந்தி இறந்ததுக்கப்புறம் காந்தி வருத்தப்படலையா? ஒருவேளை மருந்து கொடுத்திருந்தா மனைவியை காப்பாத்தி இருக்க முடியுமேன்னு?!

வருத்தப்பட்டார். ரெண்டு பேரையும் ஆஹாகான் பேலஸ்ல சமாதி பண்ணியிருக்கு. வருஷா வருஷம் எல்லாரும் அங்க போறா, அங்க போய் வழிபாடு பண்ணி மரியாதை செலுத்திட்டு வர்றாங்க.

அதே வருஷம் சில மாசங்களுக்குப் பிறகு காந்திக்கு உடம்பு சரியில்லாமப் போயிடுது. காந்தி வெள்ளைக்காரங்க கூட நிறைய ஃபைட் பண்ணியிருக்கார். அப்படி இருந்தும் காந்தியை அவங்க நல்லா பார்த்துகிட்டாங்க. ஏன்னா, காந்தி அவங்க கிட்ட கெட்ட வார்த்தை ஒண்ணும் பேச மாட்டார். இங்க விட்டுப் போயிடுங்கன்னு சொல்லி வைய மாட்டார். அவர் நல்ல வார்த்தை சொல்லி அவங்களை நாட்டை விட்டு வெளியேறச் சொன்னார். நீங்க இங்க இருக்கறது சரியில்லை. நீங்க போங்கோன்னு சொல்வார். இவர் ஃபைட் பண்ணல அவங்களோட.நல்ல வார்த்தை சொல்லிப் போகச் சொன்னார். அதைக் கேட்டுண்டு தான் அவன் ‘குயிட் இந்தியா’ போனான். நல்ல வார்த்தை சொல்லாம அவன அடிச்சு விரட்டனும்னு சொன்னது சுபாஷ் சந்திர போஸ் ஒருத்தன் தான். காந்தி, நல்ல வார்த்தை சொல்லி அவாள நம்ம சைட்ல கன்வெர்ட் பண்ணனும்னு நினைச்சார். அதனால தான் அவன் போனான். நேதாஜி சொன்னதுனால போகல. அதனால வெள்ளைக்காரனுக்கு காந்தின்னா ப்ரியம். அவரை ரொம்ப நன்னா பார்த்துண்டான். எப்பவுமே, காந்திக்கு எதானா துன்பம் வந்துதோ உடனே பெரிய, பெரிய டாக்டர்ஸை அனுப்பிடுவான் வெள்ளைக்காரன். விடமாட்டான். அவ்ளோ அவாளுக்குப் ப்ரியம். இன்னைக்கும் 75 வருஷம் ஆயிடுத்து. வெளிநாட்டுல போய் காந்தின்னு சொன்னா, என் கால்ல விழுவா. அவங்களுக்கு என்னமோ காந்தி மேல அப்படியொரு ப்ரியம். 

ஜார்ஜ் பெர்னாட்ஷா என்ன சொன்னார்? காந்தி இஸ் நாட் அ மேன், ஹி இஸ் அ ஃபினாமினன் (He is not a Man, He is a Phenomenon) அப்படின்னார். 

ஐன்ஸ்டீன் கூட சொல்லிருக்கார் காந்தி பத்தி;

“Generations to come will scarce believe that such a one as this ever in flesh and blood walked upon this earth. (said of Mahatma Gandhi)”
― Albert Einstein, On Peace

- அதுபோல எல்லா வெள்ளைக்காரனுக்கும் காந்தின்னா ரொம்ப ப்ரியம் இருந்தது. அவா நினைச்சிண்டிருக்கா, என்னமோ இந்தியால காந்தி ஃபேமிலி தான் ரூல் பண்ணிண்டு இருக்குன்னு. ஏன்னா, மொதல்ல இருந்தே இந்திரா காந்தி, ரஜீவ் காந்தி, ராகுல் காந்தி, ப்ரியங்கா காந்தின்னு வந்துண்டிருக்கு. இந்த ஊர்க்காரனுக்கே புரியல எந்த காந்தி ரூல் பண்றார்னு. எல்லாரும் ரியல் காந்தி தான் ரூல் பண்றார்னு நினைச்சிண்டு இருக்கா. ஆனா, ரியல் காந்தி போயாச்சு.  அவருக்கே பிடிக்கல.

 

- தொடரும்

]]>
வி.கல்யாணம் நேர்காணல் https://images.dinamani.com/uploads/user/imagelibrary/2019/12/3/w600X390/vkalyanam.jpg வி.கல்யாணம், மகாத்மாவின் முன்னாள் தனிச்செயலர். https://www.dinamani.com/lifestyle/lifestyle-special/2019/dec/03/our-indians-also-yet-to-know-which-gandhi-family-ruled-us-those-years-3296521.html
3297416 லைஃப்ஸ்டைல் ஸ்பெஷல் தால் ஏரியில் தாமரைத் தண்டு அறுவடை! ‘காஸ்ட்லி’ உணவு வகையின் சிறப்பு என்ன? கார்த்திகா வாசுதேவன் Wednesday, December 4, 2019 02:27 PM +0530  

காஷ்மீர் தால் ஏரியில் நேற்று முதல் மீண்டும் தாமரைத் தண்டு அறுவடை தொடங்கியது. இதனால் அங்கிருக்கும் விவசாயிகளின் முகத்தில் அளவற்ற மகிழ்ச்சியைக் காண முடிகிறது.

கடந்த 2014 ஆம் ஆண்டு ஏற்பட்ட கடுமையான வெள்ளப்பெருக்கினால் காஷ்மீரில் ஏரிகள் அனைத்தும் நிரம்பி வழிந்தன. வெள்ளத்தின் காரணமாக ஏரிகளில் இருந்த தாமரை விதைகள் அனைத்தும் துடைத்தெடுத்தாற் போல காணாமல் போய்விட்டன. இதனால் அடுத்த மூன்று ஆண்டுகளுக்கு தாமரைத் தண்டு அறுவடை என்பதே அங்கு இல்லாமலானது. இவ்விதமாகக் குறைந்திருந்த தாமரைத் தண்டு அறுவடையானது மீண்டும் தொடங்கியதன் காரணமாகத் தற்போது அங்கிருக்கும் விவசாயிகள் மற்றும் வணிகர்கள்  மிகுந்த மகிழ்ச்சியுடன் காணப்படுகின்றனர்.

தாமரைத் தண்டு

காஷ்மீரில் தாமரைத் தண்டை ‘நத்ரு’ என்று அழைக்கிறார்கள். அவர்களைப் பொருத்தவரை ‘நத்ரு’ விலையுயர்ந்த விளைபொருட்களில் ஒன்று. 15 ஆம் நூற்றாண்டில் காஷ்மீர் மன்னராக இருந்த சுல்தான் ஜெய்ன் -உல்- அபிதீன் காலத்தில் நத்ருவின் புகழ் இந்தியா முழுவதும் பரவியது. தால் ஏரியைச் சுற்றி குடியிருப்புகளை அமைத்து வாழ்ந்து வந்த மக்கள் பல நூற்றாண்டுகளாக நத்ரு சாகுபடி செய்து வருகின்றனர். ஆயினும், தாமரைத் தண்டு சாகுபடி செய்வதென்பது அத்தனை எளிதான காரியமல்ல. பல ஆண்டுகளாக நத்ரு சாகுபடி செய்து வரும் அனுபவம் மிக்க தால் ஏரியின் மூத்த விவசாயிகளுடன்  அறுவடையின் போது துணைக்குச் சென்று கற்றுக் கொள்ள வேண்டிய வித்தை அது. 

ஏரிக்குள் தாமரைத் தண்டு அறுவடை

நத்ரு சாகுபடி என்பது நாம் வயலில் காய்கறிகளை நட்டு அறுவடை செய்வதைப் போன்றது அல்ல. சிறு படகுகளில் ஏரிக்குள் பயணித்துக் கொண்டே ஏரியின் ஆழமான பகுதிகளில் கிளைத்துப் பரவியிருக்கும் தாமரைத் தண்டுகளை கண்டறிந்து அவற்றைப் பதமாக வெட்டி எடுக்க வேண்டும். அனுபவமற்ற புதியவர்களுக்கு இது ஆபத்தான பணியாகக் கருதப்படுகிறது. 

காஷ்மீரிகள், ஏரிகளைக் கனல்களாகப் பிரித்துக் கொள்கின்றனர்.  கனல் என்பது பிரிட்டிஷ் காலத்தில் இருந்த அடிப்படை நில அளவை முறைகளில் ஒன்று. ஒரு கனல் என்பது சரியாக 605 சதுர கெஜம் அல்லது 1⁄8 ஏக்கருக்கு சமம்; இது சுமார் 505.857 சதுர மீட்டருக்கு சமம்) ஒரு கனலில் 200 முதல் 250 தாமரைத் தண்டு கட்டுக்களை அறுவடை செய்ய முடியும் என்கிறார்கள். ஒரு கட்டு நத்ரு அல்லது தாமரைத் தண்டின் விலையானது ரூபாய் 250 முதல் 350 ரூபாய் வரை இருக்கலாம்.

தாமரைத் தண்டு கட்டுகள்..

தாமரைத் தண்டைப் பயன்படுத்தி தயாரிக்கப்படும் உணவு வகைகள் காஷ்மீரின் பண்டிகைக் காலங்களுக்கு மட்டுமே உரித்தானவையாகக் கருதப்படுகின்றன. காரணம் அவற்றின் அதிக விலையே! காஷ்மீரில் தால் ஏரியைச் சுற்றி மட்டுமே அறுவடை செய்யப்பட்டாலும் கூட காஷ்மீர் முழுதுமே அனைத்து காய்கறிச் சந்தைகளிலும் தற்போது ‘நத்ரு’ எனப்படும் தாமரைத் தண்டு கிடைக்கும் சீசன் இது என்கிறார்கள்.

தாமரைத் தண்டில் விட்டமின் சி நிறைந்திருப்பதால் வைரஸ் தொற்றுநோய்களால் பாதிக்கப்பட்டவர்களின் நோய் எதிர்ப்பு சக்தியை அதிகரிக்க உதவுகிறது. தாமரைத் தண்டில் இருக்கும் வேர்ப்பகுதியில் துத்தநாகம், மெக்னீசியம், தாமிரம் மற்றும் இரும்புச் சத்து நிறைந்திருப்பதால் மனித உடலில் ரத்தச் சிவப்பணுக்களின் எண்ணிக்கையை அதிகரிக்க அது உதவுகிறது.

எனவே காஷ்மீரிகள் மட்டுமல்ல மொத்த இந்தியர்களுக்குமே தற்போது தாமரைத் தண்டின் முக்கியத்துவம் தெரிய வந்து நாடு முழுவதுமே அதற்கான தேவை அதிகரித்துள்ளது!


 

]]>
What is special in kashmir's lotus stem harvesting?! https://images.dinamani.com/uploads/user/imagelibrary/2019/12/4/w600X390/nadru_or_lotus_stem.jpg தால் ஏரியில் தாமரைத் தண்டு அறுவடை செய்யும் விவசாயி https://www.dinamani.com/lifestyle/lifestyle-special/2019/dec/04/what-is-special-in-kashmirs-lotus-stem-harvesting-3297416.html
3293956 லைஃப்ஸ்டைல் ஸ்பெஷல் வாழ்த்தலாமே சாந்தனுவை.. ரத்தன் டாடாவை பெருமிதத்தில் புல்லரிக்க வைத்த மும்பை இளைஞர்! RKV Saturday, November 30, 2019 01:07 PM +0530  

இரவில் நீங்கள் நெடுஞ்சாலையில் சென்று கொண்டிருக்கிறீர்கள். திடீரென நடுவழியில் வாகனத்தில் அடிபட்டு இறந்த நாயொன்றின் சடலத்தைக் கண்டால் என்ன செய்வீர்கள்? அப்படியே அதைச் சுற்றிக் கொண்டு தங்கள் பயணத்தை தொடரக்கூடியவர்கள் தான் நம்மில் அனேகம் பேர். பொறுப்புணர்வு மிக்க சிலர் வேண்டுமானால் கார்ப்பரேஷன் துப்புறவுப் பணியாளர்களை அழைத்து நாயின் சடலத்தை அப்புறப்படுத்தச் சொல்வது கூட நடக்கலாம். அதெல்லாம் தாண்டி இனிமேல் எந்த நாயும் இப்படி அடிபட்டுச் சாகக்கூடாது. நாய்களை நெடுஞ்சாலை அல்லது பொதுவான சாலை விபத்துக்களில் இருந்து எப்படியாவது காப்பாற்றியே தீர வேண்டும் என இரவு பகலாக யோசித்து அதற்கென்று புத்திசாலித்தனமான வழிமுறைகள் எதையேனும் கண்டடையக் கூடியவர்கள் நம்மில் மிக மிகச் சொற்பமானவர்களே!  அப்படிப்பட்டவர்களில் ஒருவரே இந்த சாந்தனு நாயுடு.

மும்பையைச் சேர்ந்த இந்த 27 வயது இளைஞர் அப்படி என்ன செய்து விட்டார்? வாருங்கள் தெரிந்து கொள்ளலாம்.

2014 ஆம் ஆண்டில் பொறியியல் பட்டதாரியான சாந்தனு நாயுடு , தொழிலதிபர் ரத்தன் டாடாவின் நிறுவனத்தில் இணைந்து பணிபுரியத் தொடங்கினார். பிடித்த படிப்பு, படிப்பிற்கேற்றவகையில் உடனடியாகக் கிடைத்த மனமுவந்த வேலை. பொறியியல் பட்டதாரிகளின் கனவு நிறுவனமான டாடா நிறுவனத்தில் வேலை. கை நிறைய சம்பளம் என நாட்கள் மிக அழகாகக் கடந்து கொண்டிருந்தன. இந்தச் சமயத்தில் தான் திடீரென ஒரு நாள் மாலையில் அலுவலகத்தில் வேலை முடிந்து திரும்பிக் கொண்டிருந்த போது நட்ட நடுச்சாலையில் ஒரு நாயின் சடலத்தைக் கண்டேன். நாய் இறந்து சில மணி நேரங்கள் கடந்திருக்கலாம் எனத் தெரிந்தது. அஹை அப்புறப்படுத்த யாரும் எந்த முயற்சியும் எடுத்ததாகத் தெரியவில்லை. இந்த நிலையை என்னால்  தாங்கிக் கொள்ள முடியவில்லை. இனிமேல் எந்த ஒரு நாயும் இப்படி வாகனங்களில் சிக்கி இறக்கும் நிலை வரக்கூடாது என யோசித்தேன். அதற்கொரு விடை கிடைத்தது. இனிமேல் தெருநாய்களுக்கெல்லாம் ரிஃப்ளெக்டர்கள் (Reflector) பொருத்தப்பட்ட கழுத்துப் பட்டிகள் அணிவித்து விட்டால் கனரக வாகன ஓட்டிகள் தூரத்தில் இருந்து பார்த்தாலே பாதையின் குறுக்கே நாய்கள் ஏதேனும் இருந்தால் கண்டுபிடித்து விட ஏதுவாக இருக்கும் எனத் தோன்றியது. நினைத்ததை உடனடியாக செயல்படுத்தினேன். நானும் என்னது நண்பர்கள் சிலருமாக நாய்களுக்கான ரிஃப்லெக்டர்கள் பொருத்தப்பட்ட கழுத்துப் பட்டிகளை தயாரிட்து அவற்றைத் தெருநாய்களுக்கு அணிவிக்கத்  தொடங்கினோம்.

எங்கள் முயற்சிக்கு நல்ல மரியாதை கிடைத்தது. எங்கள் முயற்சியைப் பாராட்டி டாடா நிறுவனத்தின் செய்தி மடலில் சாந்தனுவின் புதிய முயற்சி குறித்த பாராட்டுகளும், வாழ்த்துச் செய்தியும் இடம்பெற்றது.

அந்தச் சமயத்தில் என் அப்பா, என்னிடம் வந்து உனது இந்த புதிய முயற்சி குறித்து நீ ஏன் ரத்தன் டாடாவுக்கு ஒரு கடிதம் எழுதக் கூடாது? என்று கேட்டார். ஏனென்றால் அவரும் நாய்களின் மீது மிகுந்த பரிவு கொண்டவர்கள் என்பதால் கடிதம் எழுதினால் நல்லது என்றார் அப்பா. எனக்கு முதலில் தயக்கமாக இருந்தது, பிறகு யோசித்துப் பார்க்கையில் ஏன் கூடாது?! என்றும் தோன்றியது. சரி கடிதம் எழுதி அனுப்பி விட வேண்டியது தான் என்று முடிவெடுத்து என் கையால் சொந்தக் கையெழுத்தில் ரத்தன் டாடாவுக்கு நான் ஒரு கடிதம் எழுதிப் போட்டு விட்டு, பிறகு அதை மறந்தும் போனேன்.

ஆனால், இரண்டு மாதங்கள் கடந்த பின் ஒரு அதிசயம் நடந்திருந்தது.

ஆம், சாந்தனுவும் அவரது நண்பர்களும் இணைந்து நடத்திக் கொண்டிருந்த ‘மோட்டோபாவ்ஸ் (Motopaws)' எனும் நாய்கழுத்துப் பட்டை நிறுவனத்திற்கு முழுமையான புரவலராக இருக்க  ரத்தன் டாடா முடிவெடுத்திருந்தார். அதை கடிதம் மூலமாக அவர் சாந்தனுவுக்கும் தெரிவித்திருந்தார்.

கடிதத்தில் அவர் குறிப்பிட்டிருந்தவை ‘தெருநாய்களைக் காப்பாற்றுவதற்காக நீ மேற்கொண்டிருக்கும் சேவைப்பணி எனது இதயத்தை ஆழமாகத் தொட்டு விட்டது. அதைப்பற்றி நினைக்கும் போதெல்லாம் எனக்குப் புல்லரிக்கிறது.’ என்று சாந்தனுவின் சேவை மீதான தனது அன்பையும், மரியாதையையும் வெளிப்படுத்தி இருந்தார் ரத்தன் டாடா.

சாந்தனுவின் வாழ்வில் இது மிகப்பெரிய ஆச்சர்யம் கலந்த ஆனந்த தருணமாகப் பதிவாகி விட்டது. இந்த மகிழ்ச்சியைத் தனது நண்பர்களுக்குத் தெரியப்படுத்தும் பொருட்டு முகநூலில் பகிர்ந்திருக்கிறார் சாந்தனு.

பகிர்ந்த மாத்திரத்தில் சுமார் 20,000 எதிர்வினைகளையும், 1000 கருத்துரைகளையும் பெற்றுள்ளது சாந்தனுவின் பதிவு.

பலரும் சாந்தனுவின் பொறுப்புணர்வை பாராட்டியதோடு அல்லாமல், ‘ரத்தன் டாடா இன்று இந்திய இளைஞர்கள் பலருக்கும் மிகப்பெரிய முன்னுதாரணமாகத் திகழக்கூடிய நபராக இருக்கிறார். அவரது நிறுவனத்தில் பணிபுரிய வேண்டும் என்ற கனவுடன் இருப்பவர்கள் பலருண்டு அப்படியிருக்கையில் நீ அவருடனே இணைந்து பணிபுரியும் வாய்ப்பையும் பாராட்டுக்களையும் பெற்றுள்ளாய், எல்லாம் உனது கர்மா உனக்குத் தந்த பலன் தான். வாழ்த்துக்கள் இளைஞனே!’

- எனப்பலரும் முகநூலில் சாந்தனுவை வாழ்த்திக் கொண்டிருக்கிறார்கள்.

ஓய்ந்து போய் உட்கார நேரமின்றி வேலை வேலை என்று மனிதர்கள் சதா ஓடிக்கொண்டே இருக்கும் தூங்கா நகரமான மும்பையில் நடுச்சாலையில் அனாதையாக இறந்து கிடந்த ஒரு நாயின் சடலத்தைக் கண்டு ஒரு இளைஞனின் மனம் துன்பப்படுவதும்.. வெறும் துன்பப்படுதலோடு அவனது பரிவு முடிந்து விடாமல் அது உயிருடன் இருக்கும் தெருநாய்களுக்கான பாதுகாப்பு ஏற்பாடாக முகிழ்வதும் அதற்கு இந்தியாவின் தலைசிறந்த தொழிலதிபர்களில் ஒருவர் உதவ முன்வருவதும் மிகப்பெரிய சாதனை தான் இல்லையா?

இப்படியொரு முயற்சியில் இறங்கி வெற்றி கண்ட சாந்தனுவை நாமும் கூட வாழ்த்தலாமே!

Image Courtesy: HT

]]>
Ratan Tata impressed by Mumbai man’s innovative dog collars! https://images.dinamani.com/uploads/user/imagelibrary/2019/11/30/w600X390/ratan_tata.jpg RATAN TATA WITH SHANTHANU NAIDU https://www.dinamani.com/lifestyle/lifestyle-special/2019/nov/30/ratan-tata-impressed-by-mumbai-mans-innovative-dog-collars-3293956.html
3290471 லைஃப்ஸ்டைல் ஸ்பெஷல் தங்களது பிரபல்யத்தை மோசடி விளம்பரங்களில் நடிக்கப் பயன்படுத்திய இரு நடிகர்களுக்கு நுகர்வோர் நீதிமன்றம் வைத்த குட்டு! RKV Tuesday, November 26, 2019 03:47 PM +0530  

ராதிகாவும், மீனாவும், சுகன்யாவும், கே ஆர் விஜயாவும் கோல்டு லோன் வாங்கச் சொல்கிறார்கள். காஜல் அகர்வாலும், சமந்தாவும் வீட்டை உடைத்துக் கொண்டு வந்து பிரபல உப்பு நிறைந்த டூத் பேஸ்டை பயன்படுத்தச் சொல்கிறார்கள். ஜோதிகா வேறு  மசாலா பெளடரும், துணிகளுக்கு வாசனையூட்டும் திரவமும் வாங்கச் சொல்கிறார். ரகுமான் என்னவோ ஹேர் டை விளம்பரம் பண்ணுகிறார். இன்னும் நிறைய நடிகர், நடிகைகள் நிறைய நிறைய விளம்பரங்களில் வந்து அதை வாங்குங்க, இதை வாங்குங்க என்று படு சாமர்த்தியமாக மூளைச்சலவை செய்கிறார்கள். அதைப் பார்க்கும் ரசிகர்கள் என்ன செய்கிறார்கள்? இந்த விஷயத்தில் நான் புத்திசாலிகளைப் பற்றி பேசவில்லை. விளம்பரங்களுக்கு மயங்கும் சில, பல அப்பாவிகளைச் சொல்றேன். அவர்களுக்கெல்லாம் சினிமா நடிகர், நடிகைகள் விளம்பரத்தில் வந்து சொல்லிவிட்டால் போதும், அந்தப் பொருட்களைத்தான் கடைகளில்  சென்று வாங்குவார்கள். 

அப்படிப் பட்டவர்களில் ஒருவர் தான் உத்தரப்பிரதேச மாநிலம் முசாபர்நகரில் இப்போது நீதிமன்றப் படிகளில் ஏறி தான் ஏமாந்த கதையைச் சொல்லி நிவாரணம் பெற்றிருக்கும் அபிநவ் அகர்வால். 

நடந்த கதை இது தான்..

2012 ஆம் ஆண்டில் முசாபர் நகரைச் சார்ந்த வழக்கறிஞரான அபிநவ் அகர்வால், தனது 70 வயதுத்  தந்தை பிரிஜ்பூஷன் அகர்வாலுக்காக 3,600 ரூபாய் கொடுத்து வலி நிவாரண எண்ணெய் ஒன்றை ஆர்டர் செய்து வாங்கியிருக்கிறார். குறிப்பிட்ட அந்த வலி நிவாரண எண்ணெயை அவர் எப்படித் தெரிந்து கொண்டார் என்றால், தொலைக்காட்சி விளம்பரங்கள் பார்த்துத்தான். ஆம், அந்த எண்ணெய் 15 நாட்களில் பூரண நிவாரணம் அளிக்கும் என பாலிவுட் நடிகர்கள் கோவிந்தாவும், ஜாக்கி ஷெராஃபும் சம்மந்தப்பட்ட அந்த எண்ணெய் நிறுவனம் வெளியிட்ட தொலைக்காட்சி விளம்பரங்களில் தோன்றி நடித்து பொதுமக்களுக்கு சேதி சொல்லி இருக்கின்றனர். இதை நம்பிட்தான் அபிநவ் தன் தந்தைக்கு அதே எண்ணெயை ஆர்டர் செய்து வாங்கி இருக்கிறார். ஆனால், அந்த நடிகர்கள் சொன்னது போல 10 நாட்களுக்குள் வலி நிவாரணம் கிடைக்கவில்லை. 3,600 ரூபாய் வீண் தானா? என்று யோசித்த அபிநவ்வுக்கு, சம்மந்தப்பட்ட அந்த எண்ணெய் நிறுவனம் விளம்பரத்தில் குறிப்பிட்டிருந்த வாக்குறுதி ஒன்று நினைவுக்கு வந்தது. அது என்னவென்றால்? தாங்கள் அளித்த வாக்குறுதியின் படி தங்களது தயாரிப்பான எண்ணெய் வலி நிவாரணம் தரவில்லை என்றால் அதற்கான பணத்தை திரும்பப் பெற்றுக் கொள்ளும் வசதி வாடிக்கையாளர்களுக்கு உண்டு என்பதே அது. 

இதை அப்படியே நம்பிய அபிநவ், குறிப்பிட்ட அந்த வலி நிவாரண எண்ணெய் நிறுவனத்தைத் தொடர்பு கொண்டு தன் தந்தைக்கு வலி இன்னும் தீர்ந்தபாடில்லை. அதனால், நான் எண்ணெய்க்குச் செலுத்திய தொகையை திரும்பத் தாருங்கள் என்று கேட்டிருக்கிறார். அந்த நிறுவனமும் நல்ல பிள்ளைத்தனமாக, சரி நீங்கள் எங்களது எண்ணெயைத் திருப்பி அனுப்புங்கள், உடனடியாக உங்களது பணம் உங்களுக்கு திருப்பி அனுப்பப்படும் என்று கூறியிருக்கிறார்கள். அதை நம்பி அபிநவ் தன் அப்பாவுக்காக வாங்கிய வலி நிவாரண எண்ணெயைத் திருப்பி அனுப்பி இருக்கிறார். அனுப்பி பல நாட்களான பின்னும் அபிநவ்வுக்கு ரீஃபண்ட் தொகை கிடைக்கவில்லை.

மீண்டும் அந்த நிறுவனத்தைத் தொடர்பு கொண்டாலோ, அவர்கள் இப்போது அபிநவ்வை மிரட்டத் தொடங்கி விட்டார்கள். இதனால் கடுப்பான அபிநவ், சம்மந்தப்பட்ட எண்ணெய் நிறுவனம் தன்னை நம்ப வைத்து ஏமாற்றி விட்டதாகவும், தான் நடிகர்கள் கோவிந்தா மற்றும் ஜாக்கி ஷெராஃபை நம்பியே இப்படி அவர்களிடம் பணத்தை இழந்ததோடு மன உளைச்சலாலும் அவஸ்தைப் பட்டு வருவதாகவும் கூறி, இது மிகப்பெரிய மோசடி என்று குறிப்பிட்டு  புகார் எழுதி நுகர்வோர் நீதிமன்றத்தில் வழக்குப் போட்டு விட்டார்.

அந்த வழக்கில் இப்போது தீர்ப்பு வந்திருக்கிறது. காலம் கடந்த தீர்ப்பு என்றாலும் இதெல்லாம் நுகர்வோருக்கு விழிப்புணர்வு ஊட்டக்கூடிய தீர்ப்புகளில் ஒன்று என்பதால் இதை நாம் பாராட்டினால் தகும்.

தீர்ப்பின் விவரம் பின்வருமாறு;

வலி நிவாரண எண்ணெயை விளம்பரத்தில் நடித்து தங்களது பிரபலத்தை மோசடியான ஒரு பொருளின் விற்பனையை அதிகரிக்க பொதுமக்களை நம்ப வைத்து ஏமாற்றியதற்காக உத்தரபிரதேசத்தின் முசாபர்நகரில் உள்ள நுகர்வோர் நீதிமன்றம் நடிகர்கள் கோவிந்தா மற்றும் ஜாக்கி ஷிராஃப் ஆகியோருக்கு தலா ரூ .20,000 அபராதம் விதித்துள்ளது அவர்களுடன் சேர்த்து அந்த எண்ணெய் தயாரிக்கும் நிறுவனத்திற்கும் அபராதம் விதித்துள்ளது.

ஒரு மூலிகை எண்ணெய் நிறுவனம் மற்றும் அதன் இரண்டு பிரபல பிராண்ட் தூதர்கள் மீது ஐந்து ஆண்டுகளுக்கு முன்பு ஒரு இளைஞர் அளித்த புகாரின் பேரில் நுகர்வோர் நீதிமன்றம் இவ்விதமாகத்  தீர்ப்பு வழங்கி இருப்பது பிற நடிகர், நடிகைகளுக்கான ஒரு எச்சரிக்கையாகவும் கூட எடுத்துக் கொள்ளத் தக்கதே!

இவ்வழக்கின் தீர்ப்பில் பாதிக்கப்பட்டவருக்கு இழப்பீடாக ரூ .20,000 செலுத்த கோவிந்தா, ஜாக்கி ஷிராஃப், டெலிமார்ட் ஷாப்பிங் நெட்வொர்க் பிரைவேட் லிமிடெட் மற்றும் மேக்ஸ் கம்யூனிகேஷன்ஸ் ஆகிய ஐந்து பங்குதாரர்களுக்கும் நுகர்வோர் நீதிமன்றம் உத்தரவிட்டுள்ளது. அது மட்டுமல்ல.. அபிநவ் அகர்வால் செலுத்திய ரூ .3,600 ஐ ஆண்டுக்கு 9 சதவீத வட்டியுடனும் மற்ற சட்ட செலவினங்களுடனும் திருப்பித் தரவும் மூலிகை எண்ணெய் நிறுவனத்துக்கு நுகர்வோர் நீதிமன்றம் உத்தரவிட்டுள்ளது.

இந்த வழக்கின் தீர்ப்பைக் கண்ட பிறகாவது முன் யோசனையின்றி தங்களது பிரபலத் தன்மையை இவ்விதமான மோசடி விளம்பரங்களில் நடிக்கப் பயன்படுத்தும் நடிகர், நடிகைகள் திருந்துவார்களா?

அவர்கள் திருந்துவது என்பது எப்படியோ? குறைந்தபட்சம் பொதுமக்களாவது இத்தகைய நடிகர், நடிகைகளை நம்பி ரியல் எஸ்டேட் விளம்பரங்கள் முதல் கன்ஸூமர் பொருட்களுக்கான விளம்பரங்கள் வரை நம்பி ஏமாந்து மோசடி பொருட்களை அதிக விலை கொடுத்து வாங்கி ஏமாறுவதை நிறுத்திக் கொள்வார்களா?! என்றால்.. அதெல்லாம் உறுதியாகச் சொல்லி விட முடியாது என்ற நிலை தான் இப்போதும்.

Image Courtesy: you tube

]]>
FRAUD PAIN RELIEF OIL https://images.dinamani.com/uploads/user/imagelibrary/2019/11/26/w600X390/fraud_addss.jpg GOVINDA & JACkIE https://www.dinamani.com/lifestyle/lifestyle-special/2019/nov/26/the-consumer-court-slammed-for-two-actors-who-acted-in-fraud-advertising-3290471.html
3289609 லைஃப்ஸ்டைல் ஸ்பெஷல் சாப்பிட அடம்பிடிக்கும் குழந்தைகளின் பசியைத் தூண்டுவது எப்படி? கஸ்தூரி ராஜேந்திரன், தேனி. DIN Monday, November 25, 2019 04:31 PM +0530  

‘என்னாச்சு காலை நேரத்துல உங்க வீடே ஒரு போர்க்களமாகிடுது போல இருக்கே? வீட்டுக்குள்ள இருந்து ஒரே சத்தம். அப்புறம் பார்த்தா கையில சாப்பாட்டுக் கிண்ணத்தைத் தூக்கிக்கிட்டு  சாப்பாடு ஊட்டிக்கிட்டே உங்க பொண்ணு பின்னால நீங்களும் ஸ்கூல் வேன் வரைக்கும் ஓடியாறீங்களே அஷ்மிதா. நாள் தவறாம நானும் பார்க்கறேன். உங்க வீட்ல இதான் நடக்குது. ஏன் இப்படி?’

- என்று பக்கத்து வீட்டுப் பெண்மணி நலம் விசாரிக்கவே... அஷ்மிதாவுக்கு முகம் வாடிப்போகிறது.

அதையேன் கேட்கறீங்க? எம்பொண்ணு நாள் தவறாம காலைச் சாப்பாட்டை ஸ்கிப் பண்றா. அவளையே சாப்பிடச் சொன்னா அவ்வளவு தான். சுத்தம். வச்ச சாப்பாடு அப்படியே கிடக்கும். எடுத்து அப்புறம் மாட்டுக்குத்தான் போடனும். அதான் என் கையாலயே கொஞ்சம் சாப்பிட வச்சு அனுப்பிட்டா தேவலாம்னு தான் இந்த முயற்சி.

எப்படியாவது குழந்தைகளை சாப்பிட வச்சே ஆகனுமே! அதான் இப்படி ஓடியாற வேண்டியதா இருக்கு. அலுத்துக் கொண்டே அஷ்மிதா உள்ளே போனாள்.

அஷ்மிதாவின் கவலையை அண்டை வீட்டுக்காரம்மாள் தீர்க்கிறாரோ இல்லையோ நம்மால் நிச்சயம் தீர்க்க முடியும்.

இதோ கீழே உள்ளவை அதற்கான வழிகாட்டல்கள்;

1. காலை உணவை ஒருபோதும் தவிர்க்க அனுமதிக்காதீர்கள்

சில குழந்தைகள் காலையில் பள்ளிக்கு கிளம்பும் அவசரத்தில் சரியாகச் சாப்பிடாமல் காலை உணவை தவிர்த்து விட்டோ அல்லது அரைகுறையாகச் சாப்பிட்டு விட்டோ ஓடுவார்கள். இப்படிச் செய்வதால் நாள் முழுவதும் சோர்வாகவே உணர்வார்கள். அதனால் பெற்றோர்களான நாம் செய்ய வேண்டிய முதல் காரியம், எப்பாடுபட்டாவது நமது குழந்தைகளை காலை உணவை சரியாக உண்ண வைப்பது.

2. குழந்தைகளின் உடலில் போதுமான அளவு இரும்புச் சத்து உள்ளதா என்று சோதியுங்கள் 

குழந்தைகளின் உடலில் இரும்புச் சத்து குறைந்தால் அது குழந்தையின் பசியைக் குறைக்கும் கூறுகிறார்கள் ஊட்டச்சத்து நிபுணர்கள்.  உலகில் எட்டு குழந்தைகளில் ஒருவராவது 2 வயதுக்கு முன்பே இரத்த சோகைக்கு ஆளாகின்றன என்று உலகளாவிய மருத்துவ ஆய்வுக் கட்டுரைகள் சான்று பகர்கின்றன.  9 வயதுக்கு குறைவான குழந்தைகளுக்கு ஒரு நாளைக்கு சுமார் 7 முதல் 10 மில்லிகிராம் இரும்புச் சத்து தேவைப்படுகிறது, மேலும் 9 வயதுக்கு மேற்பட்டவர்களுக்கு தினமும் சுமார் 8 மில்லிகிராம் இரும்புச்சத்து தேவைப்படுகிறது. இரும்புச் சத்துக்காக கீரை, முட்டை, பயறு போன்ற இரும்புச்சத்து நிறைந்த உணவுகளை குழந்தைகளின் உணவில் சேர்க்கலாம். இரும்புச்சத்து நிறைந்த உணவுகளை வைட்டமின் சி உடன் இணைந்து எடுத்துக் கொள்ளும் போது அவை உடலின் விட்டமின் மற்றும் ஆற்றல் உறிஞ்சுதலையும் பயன்பாட்டையும் அதிகரிக்கின்றன என்பது நிரூபிக்கப்பட்ட உண்மை.

3. குழந்தைகளை, அவர்கள் சாப்பிடுவதற்கு 30 நிமிடங்களுக்கு முன்பு மறக்காமல் ஒரு டம்ளர் தண்ணீர் அருந்தச் செய்யுங்கள்

உங்கள் குழந்தையின் நாளை ஒரு கிளாஸ் தண்ணீரில் தொடங்குங்கள். உண்மையில், அவர்கள் பால் குடிப்பதற்கு முன்பே தண்ணீர் குடிக்க வேண்டும். மேலும், காலை உணவை எடுத்துக் கொள்வதற்கு முன்  குறைந்தது 30 நிமிடங்களுக்கு முன்பே அவர்களுக்கு தண்ணீர் அருந்தும் பழக்கத்தை ஏற்படுத்த வேண்டும். இந்த அடிப்படைகள் உண்மையில் உதவுகின்றன. தண்ணீர் வயிற்றுக்குள் சுரக்கும் செரிமானச் சாறு மற்றும் என்சைம்களை செயல்லூக்கப்படுத்தி பசியை அதிகரிப்பதோடு செரிமானத்தையும் அதிகரிக்கும்.

4. குழந்தைகளின் உணவில்  துத்தநாகச் சத்துக்கள் நிறைந்த உணவுகளை சேர்க்கவும்

நீங்கள் இதைப் பற்றி யோசித்திருக்க மாட்டீர்கள், ஆனால் துத்தநாகம் மிக முக்கியமானதொரு கனிமமாகும், நோய் எதிர்ப்பு சக்தியை அதிகரிப்பது, ஆக்ஸிஜனேற்றத்தின் செயல்பாடுகளை ஒழுங்குபடுத்துதல் மற்றும் வளர்ச்சி போன்ற பல உடலியல் செயல்பாடுகளுக்கு இது தேவைப்படுகிறது. துத்தநாகத்தின் லேசான குறைபாடு பசியின்மை, எடை இழப்பு, வயிற்றுப்போக்கு மற்றும் தொற்றுநோய்களுக்கான பாதிப்பை அதிகரிக்கும். பூசணி விதைகள், கொட்டைகள், கீரை, பீன்ஸ் மற்றும் காளான்கள் போன்ற துத்தநாகம் நிறைந்த உணவுகளை ஆரோக்கியமான இடைவெளியில் குழந்தைகளின் உணவில் சேர்க்கத் தயங்காதீர்கள்.

5.ஒவ்வொரு இரண்டு மணி நேரத்திற்கும் ஒரு முறை அவர்களுக்கு உணவு கொடுங்கள்

குழந்தைகளுக்கு நாள் முழுவதும் படிப்பதற்கும், விளையாடுவதற்கும், வேடிக்கை பார்ப்பதற்கும் அவர்களுக்குப் பூரண சக்தி தேவை. உங்கள் குழந்தைகள் குறைவாக உண்பவர்களாக இருக்கலாம். அவர்களுக்கு ஒருபோதும் பசியோ அல்லது சாப்பிட விருப்பமோ இல்லாதிருந்தால், ஒவ்வொரு இரண்டு மணி நேரத்திற்கும் ஒரு முறை  சிறிது சிறிதாக உணவைப் பிரித்து குழந்தைகளுக்குச் சாப்பிடத் தந்து பழகலாம். பெரும்பாலான குழந்தைகள் மூன்றுவேளை வயிறு நிறைய உண்பதை வெறுக்கின்றன. காரணம் உடல் எடை அதிகரித்து விடுமோ என்ற பயமாகக் கூட இருக்கலாம். எனவே, அவர்களின் பசியைத் தூண்டுவதற்கு ஒவ்வொரு இரண்டு மணி நேரத்திற்கும் ஒரு முறை சிறிது சிறிதாக உணவு அளிக்கப் பழகுங்கள். அது மட்டுமல்ல குழந்தைகளுக்கு உணவுக்கு இடையில் லேசான தின்பண்டங்கள் அல்லது கொட்டைகள் கொடுங்கள். வேர்க்கடலை பசியை அதிகரிக்கும் மற்றும் புரதத்தை உருவாக்கும் பண்புகளுக்கு பெயர் பெற்றது. இந்த சிறுதீனிப் பண்டங்கள் குழந்தையின் பசியை மந்திக்கச் செய்யும் அளவுக்கு இருந்து விடாது.

மேலே சொல்லப்பட்டவற்றை சரியாகப் பின்பற்றுங்கள். அப்புறம் பாருங்கள் உங்கள் குழந்தைகள் நீங்கள் வற்புறுத்தாமலே தாங்களே வேலா வேலைக்கு பசி, பசியின்று உங்களைச் சுற்றி சுற்றி வரத் தொடங்கி விடுவார்கள்.

சந்தோஷம் தானே!

]]>
How to stimulate childrens appetite for eating https://images.dinamani.com/uploads/user/imagelibrary/2019/11/25/w600X390/hunger_kids.jpg How to stimulate kids appetite https://www.dinamani.com/lifestyle/lifestyle-special/2019/nov/25/how-to-stimulate-childrens-appetite-for-eating-3289609.html
3289596 லைஃப்ஸ்டைல் ஸ்பெஷல் வெங்காய விலையேற்றம் அச்சுறுத்துகிறதா? அதனாலென்ன வெங்காயம் இல்லாமலும் சமைக்கலாம்.. பிடிங்க டிப்ஸ்! கார்த்திகா வாசுதேவன் Monday, November 25, 2019 01:42 PM +0530  

வெங்காயம் விலை ஏறிக்கொண்டே செல்வதற்கு பல காரணங்கள் இருக்கலாம். அதில் மிக முக்கியமானது மகாராஷ்டிரத்திலும், கர்நாடகத்திலும் பருவமழை கொட்டு கொட்டென்று கொட்டித் தீர்த்ததில் அந்த மாநிலங்களில் வெங்காய சாகுபடி குறைந்து நாட்டின் பிற பகுதிகளுக்கு வெங்காய வரத்து குறைந்தது. இதில்.. முன்னரே சேகரித்த வெங்காயச் சுமைகளை சில பேராசை மிக்க வணிகர்கள் பதுக்கி வைத்து கள்ளச் சந்தையில் விற்பனை செய்ய இதோ வெங்காயம் விலை ஏற்றத்தின் உச்சத்தில்  நிற்கிறது. சரி அதைவிடுங்கள், வெங்காயத்திற்கு அரசுகளைக் கவிழ்க்கும் அளவுக்கு சக்தி இருக்கையில் இது எம்மாத்திரம்?!

இந்தியாவில் வெங்காய விலை இப்படி  திடீர் திடீரென விஸ்வரூபம் எடுப்பது புதிதொன்றும் இல்லை.

  • தமிழ்நாட்டில் இன்றையதேதிக்கு பெரிய வெங்காயம் கிலோ ரூ 96 க்கும்,
  • சின்ன வெங்காயம் கிலோ ரூ 120 க்கும் விற்பனையாகிக் கொண்டிருக்கிறது.

அதிலும் இப்போது மழைக்காலமும் இல்லாமல் வெயில் காலமுமில்லாமல் சீதோஷ்ணம் ஒரு மார்க்கமாக இருப்பதால் எப்போது மழை வரும்? எப்போது குளிர் நடுக்கும் என்று தெரியாத நிலை. இதனால் இல்லத்தரசிகள் அதிகமாக வெங்காயம் வாங்கி சேமிப்பில் வைத்துக் கொள்ளவும் முடியாத நிலை. கிராமங்கள் என்றால் இடவசதி இருக்கும். விலை குறைவான காலகட்டங்களில் கிலோக்கணக்கில் வெங்காயம் வாங்கி வைத்துக் கொண்டு அவற்றை வடகமிட்டுக் காயவைத்து சம்புடங்களில் எடுத்து வைத்துக் கொண்டு தேவைப்படும் போது தாளிதத்துக்கும், பருப்பு, சாம்பார் சாதத்திற்கு தொட்டுக் கொள்ளவும் பயன்படுத்துவார்கள். ஆனால், இன்று சென்னை போன்ற பெருநகரங்களில் வெங்காயத்தை வீடுகளில் சேமித்து வைத்துக் கொள்ளக்கூட முடியாத நிலை. அப்படியே வடகம் செய்து வைத்துக் கொண்டாலும் தினமும் அதை வெயிலில் காய வைத்து எடுக்க வேண்டும். மறந்தோமென்றால் அதோகதி... பூஞ்சை படிந்து மொத்த வடகமும் கெட்டுப் போகும்.

வெங்காய விலை வேறு உச்சத்தில் இருக்கும் இந்த நிலையில் இதெல்லாம் தேவையா?

வெங்காய விலையேற்றத்தில் இருந்து தப்பிக்க வழியே இல்லையா? என்று கதறுவோருக்கு சில எளிய குறிப்புகளை இங்கே வழங்கவிருக்கிறோம்.

ஏனென்றால், வெங்காயம் மற்றும் பூண்டு ஆகியவற்றை நம் உணவில் இருந்து நாமே மனமுவந்து விலக்க விரும்பும் நேரங்களும் நம்முடைய வாழ்வில் இருக்கத்தான் செய்கின்றன.

  • சிலருக்கு மதம் சார்ந்த காரணங்கள் இருக்கலாம். அவர்கள் தங்களது சடங்கு சம்பிரதாயங்களை முறையாகப் பின்பற்ற குறிப்பிட்ட நாட்களில் வெங்காயம் மற்றும் பூண்டு சேர்க்கவே கூடாது எனப் பிடிவாதமாக இருந்தாக வேண்டும்.
  • தவிர, ஆயுர்வேத அடிப்படையிலான வாழ்க்கைமுறையைத் தேர்வு செய்தவர்களும் கூட வெங்காயம் மற்றும் பூண்டை விலக்கியாக வேண்டும் என்ற நிபந்தனைகள் உண்டு.
  • இவை தவிர, வெங்காயத்தை விலக்க மற்றுமொரு முக்கிய காரணமாக நாம் மேலே கண்ட  விஸ்வரூப விலையேற்றத்தையும் பட்டியலில் சேர்த்துக் கொள்ளலாம்.

அப்படியான நிர்பந்தம் கொண்டவர்களுக்கு சில எளிமையான வெங்காயமில்லா சமையல் ரெசிப்பிகளை இங்கே பகிர்கிறோம்.

வெங்காயம் சேர்க்காத காரணத்தால் இந்த உணவு ஐட்டங்களில் சுவை குன்றிவிடும் என்று நினைக்காதீர்கள். இப்போது சமையலில் நாம் தவிர்க்கப்போவது வெங்காயம் மற்றும் பூண்டை மட்டுமே.. அவை தவிர எத்தனை விதமான வாசனையூட்டிகள் இருக்கின்றன நமது இந்தியச் சமையல் அறைகளில்.. வாருங்கள் அவற்றைப் பயன்படுத்தி சில சுவையான உணவு வகைகளைச் சமைப்பது எப்படி என்று பார்க்கலாம். வெங்காயம் இல்லாமலும் சுவையான உணவு வகைகளைத் தயாரிக்க முடியும் என்பது தான் இதன் சவாலே!

1. வேர்க்கடலை-எள்மசாலா அடைத்த ஸ்டஃப்டு குட்டிக் கத்தரிக்காய் ரெசிப்பி!

2. லாக்கி ஆலூ... சுரைக்காய் மற்றும் உருளைக்கிழங்கு வெட்டிப் போட்ட சூப்

3. கட்டா மிட்டா பபீட்டா: இனிப்பும் புளிப்புமான பப்பாளி பொரியல்

4. கீரை உருளைக் கிழங்கு கறி

5. மசித்த கடலைப்பருப்பில் பொரித்த திராட்சைப் பழங்களைச் சேர்த்துச் செய்யும் ஒருவகை டிஷ்!

6. வெங்காயம் பூண்டு சேர்க்காத சோலே மசாலா 

7.ஆலூ போஸ்டோ.. உருளைக்கிழங்கு  கடுகுக் கறி

8. சிவப்பு பூசணிக்கறி

9. மசித்த கடலைப்பருப்பு மலபார் வெள்ளரிக்கூட்டு

10. இஞ்சி, மிளகு, தயிர் சேர்த்து வேகவைத்த பிஞ்சு வெண்டைக்காய்க் கறி    

அடேயப்பா! இத்தனை ரெசிப்பிகள் இருக்கின்றனவே வெங்காயம், பூண்டு சேர்க்காமல் சமைத்துச் சாப்பிட. பிறகென்ன கவலை?

அதுசரி, இதேது... எல்லாம் ஒரே வட இந்திய ரெசிப்பிக்களாக இருக்கிறதே என்று கடுப்பாகாதீர்கள் மாதுசிரோமணிகளே! இங்கே இருக்கும் எல்லா ரெசிப்பிக்களும் நம்முடைய தமிழ்நாட்டு ரெசிப்பிகளும் தான். ஆனால், அவற்றின் தமிழ்ப் பெயரைச் சொன்னால் நிச்சயம் அது உங்களுக்கே புரியுமோ என்னவோ? அதனால் தான் இன்றைக்கு ரெஸ்டாரெண்டுகளில் அவற்றிற்கு என்ன பெயரோ அந்தப் பெயரில் இங்கே குறிப்பிட்டிருக்கிறோம். தேவையான எல்லா பொருட்களும் நம்மூர் சூப்பர் மார்கெட்டில் மட்டுமல்ல கோயம்பேடு காய்கறி மார்கெட்டிலும் கிடைக்கும்.

வெங்காயம், பூண்டு தவிர்த்து செய்யக்கூடிய இந்த ரெசிப்பிக்களை தினமொன்றாகச் செய்து அசத்துங்கள்.

அடப்போங்க! வெங்காயமும், பூண்டும் உரித்துப் போட்டு எண்ணெயில் வேக விட்டால் ஒரு மணம் வருமே! அதற்கு ஈடாகுமா? வெங்காயம் இல்லாத சமையல்? என்று அலுத்துக் கொள்வோர் கவனத்துக்கு.. வெங்காயம் இல்லாவிட்டால் ஒன்றும் நஷ்டமாகி விடாது. மனிதன் வெங்காயம் கண்டிபிடிப்பதற்கு பல ஆண்டுகளுக்கு முன்பு வாசனைக்காக சீரகம், கடுகு, வெந்தயம், கொத்துமல்லி விதை, எனப் பலவகையான அஞ்சறைப்பெட்டி சமாச்சாரங்களைப் பயன்படுத்தி வந்திருக்கிறான். அவற்றைக் கொண்டு இன்றும் கூட நம்மால் வெங்காயம் இல்லாத சுவையான பண்டங்களைத் தயாரிக்க முடியும் என்று நம்புங்கள்.

வேறு என்ன தான் செய்வது? இன்று பாருங்கள் சின்ன வெங்காயம் கிலோ ரூ 120, பெரிய வெங்காயம் கிலோ ரூ 96. இப்படிச் சென்று கொண்டிருந்தால் அப்புறம் வெங்காயம் இல்லாத சமையலை கற்றுக் கொள்வதைத் தவிர விலைவாசியைச் சமாளிக்க வேறு என்ன வழியாம்?!

 

]]>
onion price hike https://images.dinamani.com/uploads/user/imagelibrary/2019/11/25/w600X390/without_onion_ecipe.jpg no onion recipe tips https://www.dinamani.com/lifestyle/lifestyle-special/2019/nov/25/is-the-onion-price-threatening-thats-why-you-can-cook-without-onions--3289596.html
3288084 லைஃப்ஸ்டைல் ஸ்பெஷல் அந்தோ பரிதாபம்! செல்ல நாய் நக்கியதால் எஜமானர் மரணம்! RKV DIN Saturday, November 23, 2019 01:30 PM +0530  

செல்லநாயுடன் விளையாடிக் கொண்டிருந்த 63 வயது நபர் ஒருவர் திடீரென வளர்ப்பு நாய் செல்லமாக அவரை நக்கி விளையாடிய சில நிமிடங்களில் தீவிர உடல்நலக் கோளாறுகளுக்கு ஆளானார். அவரது உடலில் அரியவகை நோய்த்தொற்று ஏற்பட்டு கொப்புளங்களும், விசித்திரமான காயங்களும் தோன்றின. இதையடுத்து அவர், உடனடியாக மருத்துவமனையில் அனுமதிக்கப்பட்டார். இருப்பினும் மருத்துவர்களால் அவரைக் காப்பாற்ற முடியவில்லை. சிகிச்சை பலனின்றி மருத்துவமனையில் அனுமதிக்கப்பட்ட ஒரு சில வாரங்களில் அவர் மரணத்தைத் தழுவினார்.

அவருக்கு ஏற்பட்டது ஆபத்தான பாக்டீரியா தொற்று என மருத்துவர்கள் தெரிவித்தனர். முறையாகப் பராமரிக்கப்படும் வளர்ப்பு நாய்கள் மூலமாக மனிதர்களுக்கு நோய்த்தொற்றுகள் ஏற்படுவது அரிதானது என்றாலும் கூட வளர்ப்பு நாய்களுடன் விளையாடும் போது எஜமானர்கள் தங்களது உடலில் திறந்த நிலையில் காயங்கள் ஏதேனும் உள்ளதா என்பதை நன்கு அறிந்திருக்க வேண்டும். ஏனெனில், நாய், பூனை போன்ற வளர்ப்பு மிருகங்களின் உமிழ்நீரில் கலந்திருக்கும் கேப்னோசைட்டோபாகா எனும் பாக்டீரியாக்கள் மனிதர்களின் திறந்திருக்கும் காயங்களின் வழியே ஊடுருவி உயிருக்கு ஆபத்தை விளைவிக்கும் அளவுக்கு மோசமான தன்மை கொண்டவை எனக் கண்டறியப்பட்டுள்ளது. இந்த வகை பாக்டீரியாக்கள் மனிதர்களின் உடலில் ஊடுருவினால் மொத்த நோய் எதிர்ப்பு மண்டலத்தையும் காலி செய்து தீவிரமான உடல் நலக் கோளாறுகளுக்கு வழி வகுக்கக் கூடிய சக்தி கொண்டவையாகக் கருதப்படுகின்றன. எனவே, நீங்கள் ஒரு வளர்ப்பு நாய் பிரியர் என்றால், உங்கள் நாய் அல்லது பூனையுடன் விளையாடும் முன் உங்கள் உடலில் திறந்த நிலையில் காயங்கள் ஏதும் உள்ளதா? என்பதைப் பரிசோதித்துக் கொள்வது நல்லது.

மேற்கண்ட சம்பவத்தில் பலியான அந்த 63 வயது நபர் முதலில் நோய்க்கூறுக்கு என்ன காரணம் என்பதைக் கண்டறிய முடியாமலே தான் சிகிச்சை பெற்றுக் கொண்டிருந்தார். அவருக்கு வந்த மர்ம நோயைக் கண்டறிய மருத்துவர்கள் போராட வேண்டியிருந்தது. இறுதியில் அவர்களுக்குத் தெரியவந்தது நோய்த்தொற்றுக்குக் காரணமானவர் வேறு யாருமல்ல, அவருடைய செல்ல நாயே தான் என.

தனது அன்பான செல்ல நாயுடன் விளையாடிய சிறிது நேரத்திலேயே, காய்ச்சல் மற்றும் தசை வலிக்கான அறிகுறிகளை உணர்ந்ததாக அந்த நபர் தெரிவித்தார். சுவாசிப்பதில் சிரமம், முகத்தில் கொப்புளங்கள் மற்றும் அவரது உடலின் கீழ்ப்பாகத்தில் விசித்திரமான காயங்கள் போன்ற அறிகுறிகளையும் கண்ட போது  முதலுதவி சிகிச்சை பெறத் தாமதமாகி விட்டது. ஆம், அவரது நிலையானது நிதானமான சிகிச்சைக்கு உட்படும் நிலையில் இல்லை. அது மிக  விரைவில் மோசமடைந்தது.

மருத்துவமனையில் அனுமதிக்கப்பட்டு, நுண்ணுயிர் எதிர்ப்பிகளுடன் சிகிச்சையளிக்கப்பட்ட போதிலும், அந்த நபருக்கு செப்டிக் அதிர்ச்சி ஏற்பட்டு அது மாரடைப்பில் முடிந்தது. தொடர்ந்து அவரது உறுப்புகள் ஒவ்வொன்றாகச் செயலிழக்கத் தொடங்கின, அவருக்கு மூளை பாதிப்பு ஏற்பட்டது.

அவர் மருத்துவமனையில் சேர்க்கப்பட்ட நான்கு நாட்களின் பின்னரே மருத்துவர்கள் நோய்க்கான  காரணத்தைக் கண்டறிந்தனர். வீட்டு பூனைகள் மற்றும் நாய்களின் உமிழ்நீரில் இருக்கக்கூடிய பொதுவான ஒரு வகை பாக்டீரியாவால் தான் அவருக்கு இத்தகைய விசித்திர நோய்த்தாக்குதல் ஏற்பட்டிருக்கிறது என்பதை ஒருவழியாக மருத்துவர்கள் கண்டறிந்து அவருக்கு சிகிச்சை முறையைத் தீவிரமாக்குவதற்கு முன்பு அவர் இறந்து விட்டார். செப்டம்பர் மாதம் ஐரோப்பிய மருத்துவ வழக்கு அறிக்கைகளில் உள்நாட்டு மருத்துவப் பிரிவில் வெளியிடப்பட்ட ஒரு கேஸ் ஹிஸ்டரியின் படி . 16 நாட்கள் சிகிச்சையின் பின்னர், அந்த நபர் சிகிச்சை பலனின்றி உயிரிழந்ததாகத் தெரிகிறது.

கேப்னோசைட்டோபாகா எனப்படும் பாக்டீரியா செல்லப்பிராணிகளில் காணப்படும் ஒரு பொதுவான நுண்ணுயிர் தான். இது பெரும்பாலும் ஆபத்தானது இல்லை எனக் கருதப்பட்டாலும் சில அரிதான கேஸ்களில் மரணம் வரை இட்டுச் செல்லும் அளவுக்கு மோசமான தன்மை கொண்டதாகவும் இருக்கிறது. அதனால் தான் சொல்கிறார்கள், உடலில் காயங்களுடன் இருக்கையில் மனிதர்கள் தங்களது வளப்பு மிருகங்களிடமிருந்து ஒதுங்கி இருப்பது நல்லது என. ஏனெனில்,  
அவற்றின் மூலமாகத்தான் இத்தகைய பாக்டீரியாக்கள் எளிதாக மனித உடலை ஊடுருவிச் சென்று உயிராபத்தை விளைவிக்கின்றன.

மனிதர்களிடையே இந்த வகை நோய்த்தொற்றுகள் 25% வரை அரிதானவை என்றாலும், 74% நாய்கள் இந்த வகை பாக்டீரியாக்களைக் கொண்டுள்ளன. எனவே வளர்ப்பு மிருகங்களுடன் கொஞ்சி விளையாடும் முன்பு முன்னெச்சரிக்கையாக இருக்க வேண்டியது அவசியமாகிறது.

மேற்கண்ட சம்பவத்தில் உயிரிழந்த அந்த 63 வயது நபருக்கு உடலில் காயங்கள் ஏதும் இல்லை என்றபோதும் அவர் ஏன் மரணத்தைத் தழுவினார் என்றால், நாட்பட்ட நோய்கள், தொடர் குடிப்பழக்கம், புற்றுநோய், எச் ஐ வி பாதிப்பு உள்ளிட்ட நோய்க்கூறுகள் கொண்டவர்களுக்கும் கூட இந்த நோய் மிக எளிதில் பரவிவிடும் வாய்ப்பு உண்டு. அதன் காரணமாக அவர்களது ஒட்டுமொத்த நோய் எதிர்ப்பு சக்தியும் மிக கடுமையான அளவில் குறைந்து அவர்களை மரணம் வரை இட்டுச் செல்கிறது.

அதற்காக செல்லப்பிராணிகளே வளர்க்கக் கூடாது. உயிருக்கு ஆபத்து என மடத்தனமாக நினைக்கத் தேவையில்லை. செல்ல நாய்களை அடிக்கடி மருத்துவரிடம் சிகிச்சைக்கு அழைத்துச் சென்று காட்டி அதன் ஆரோக்யத்தைப் பாதுகாக்க வேண்டும். அத்துடன் செல்ல நாய் தானே கடித்தது, நக்கியது என்று சாதாரணமாக அதைக் கடக்காமல் நாய் நக்கினாலோ, கடித்தாலோ என்னென்ன விதமான முன்னெச்சரிக்கை நடவடிக்கைகளை நாம் கையாள வேண்டும் என்பதை முன்கூட்டியே விலங்குகளுக்கான மருத்துவர்களிடம் கேட்டு நாம் அறிந்து வைத்துக் கொளவது நல்லது.

Image courtesy: Yahoo news

]]>
Man died after his dog licked him https://images.dinamani.com/uploads/user/imagelibrary/2019/11/23/w600X390/dog_licking_man.jpg Pet Dog Licking Man https://www.dinamani.com/lifestyle/lifestyle-special/2019/nov/23/man-died-after-his-dog-licked-him-3288084.html
3288072 லைஃப்ஸ்டைல் ஸ்பெஷல் தலையணை மந்திரோபதேசம்! கார்த்திகா வாசுதேவன் Saturday, November 23, 2019 12:11 PM +0530  

கணவனுக்கும், மனைவிக்குமான அன்றாடச் சண்டைகளில் நிச்சயம் இந்த காய்கறி பர்சேஸுக்கும் முக்கிய இடமுண்டு. ஒன்று மனைவியே நேராக கறிகாய் வாங்க முடிந்து விட்டால் சச்சரவுகளுக்கு வாய்ப்பே இல்லை. ஒருவேளை மனைவிக்கு கறிகாய் வாங்கச் செல்ல நேரமின்றி அந்தப் பொறுப்பு கணவரிடத்தில் ஏதோ சில நாட்கள் ஒப்படைக்கப்படுகிறது என்று வையுங்கள். தீர்ந்தது கதை! கணவர் வாங்கி வந்த தக்காளி சொத்தை, கத்தரிக்காயில் புழு ஊர்கிறது. பப்பாளி அழுகல், கீரை வாடி வதங்கியது, வெங்காயத்தில் பூஞ்சை பிடித்து விட்டது. கேரட்டைப் பார் இப்படியா வெடித்துப் பிளந்த காய்களாகப் பார்த்து பார்த்து வாங்கி வருவது!

அடச்சே! இந்த ஆம்பிளைங்கள கடைக்கு அனுப்பினாலே இப்படித்தான், எல்லாம் அழுகலும், வாடலும், மட்கலுமாக வாங்கி வந்து சமையலறையை நிரப்பி விடுவார்கள். இவர்களை அனுப்புவானேன்? பிறகு புலம்புவானேன்?! 

- என்று சலித்துக் கொள்ளாத மனைவிகளே இல்லை.

இது இன்று நேற்றல்ல உலகத்தில் மனித நாகரீகம் தோன்றி கணவன், மனைவி பந்தங்கள் தோன்றிய காலத்திலிருந்தே தொடங்கி விட்ட பிரச்னை எனலாம். 

அதற்கொரு சான்று தான் கீழுள்ள சுவாரஸ்யமான பகிர்வு.

நவீனத் தமிழ் இலக்கியத்தின் ஆரம்பகால முக்கியப் படைப்பாளி பண்டித நடேச சாஸ்திரி. தலையணை மந்திரோபதேசம் என்ற இந்த படைப்பின் செய்நேர்த்தி நம்மை வியக்க வைக்கிறது. அடுத்தது சாஸ்திரியின் அற்புதமான நகைச்சுவைத்திறன். தினம்தோறும் கதாநாயகன் ராமபிரஸாத் இரவு படுக்கும் போது மனைவி அம்மணிபாயிடம் கேட்கும் புகார்க் காண்டத்தையே நூலாக்கியுள்ளார் ஆசிரியர். அதிலிருந்து ஒரு பகுதி.

ராமபிரஸாத் காய்கறி வாங்கினதற்காக மனைவி அம்மணிபாய் புகழ்தல்

இன்றைக்கு நீங்கள் வாங்கி வந்த வாதமொடக்கிக் கீரை வாய்க்கு நன்றாக இருந்ததா? உங்களுக்கு பித்து தான் பிடித்திருக்கிறது. ஒருவள் ஒருநாளைக்கு எத்தனை கீரைகள் சமையல் செய்வாள்! வாதமொடக்கி ஒரு கட்டு, அகத்திக்கீரை இரண்டு முடிப்பு. சேமைக்கீரை ஒரு கூடை, எல்லாம் ஒரே அடியாய் வாங்கி வந்தீர்கள். வாடிப் போகாதா, என்று கேட்டால் வாய் திறக்கவில்லை. இன்று துவாதசியில்லையே. அகத்தி ஏன் என்றால், பூவும் பிஞ்சுமாக இருந்தது, ஆசையாயிருந்தது என்றீர்கள். மூன்றாங்கீரை என்னத்திற்கு என்றால் உடம்புக்கு நல்லது என்று பல்லிளிக்கிறீர்கள். நாளைக்கு நமது கொல்லையில் முளைத்திருக்கும் அருகம்புல்லை அறுத்து அதை உப்புப்போட்டு சுண்டி இலையில் போட்டால் அதுவும் ஒரு ருசி தான். தினந்தோறும் கீரை தின்றால் குழந்தைகளுக்கு வயிற்றில் கிருமி உண்டாகாதா? அது போகட்டும்.

கீரையில்  தான் மூன்று விதம். எத்தனைவிதம் கறி வாங்கி வந்தீர்கள். கொத்தவரை ஒரு தூக்கு; மூக்குத்திக்காய் கால்கூடை; அத்திக்காய் இரண்டு தூக்கு. சுண்டைக்காய் கால்கூடை. பயத்தங்காய் பத்துக்கட்டு, கீரைத்தண்டு, வாழைத்தண்டு, இவ்வளவும் வாங்கிவந்தால் எதை முன்னால் பண்ணுகிறது? உங்களுக்கு என்று கறிகள் அகப்படுகின்றனவே. இவ்வளவு காய்கறிகள் வாங்கி வருவதை விட பஞ்சு பறக்கிறாஉ வாழைக்காய், உருளைக்கிழங்கு, அவரைக்காய், புடலம்பிஞ்சு இவைகள் வாங்கி வரக்கூடாதா? கீரையும் வாங்கி கீரைத்தண்டு வாங்கி வரப்பட்ட புத்திமான்களை நான் கண்டதே இல்லை!

“நான் முளைக்கீரை வாங்கவில்லையடி!”

காலமே எழுந்திருந்து அது ஒரு கூடை வாங்கி வந்து வேறு காரியம் பாருங்கள். இனிமேல் அத்திக்காயும், ஆலங்காயும் வாங்கி வந்தால் நான் மாட்டுக்குப் போட்டு விடுவேன். மாடு கூட அத்திக்காயை திங்குமோ திங்காதோ சந்தேகம். அதற்குள்ள அறிவு கூட உமக்கில்லை. நல்லது மலிவு என்று அத்திக்காயை வாங்கி வந்தீர்களா? மலிவு மலிவு தான். அதை உரலில் போட்டு நான்கு நாழிகை இரண்டு கைகளும் விட்டுப் போக இடிக்க வேண்டுமே. அது யாராலாகும்? அப்படியே தான் இடித்து எடுத்துவிட்டால் அதை வேகவிட சரியாய் ஒரு சாமம் செல்லும். அதன் தலையில் ஒருபடி எண்ணெய் ஊற்ற வேண்டும். ஊற்றினாலும் சக்கை சக்கையாக இருக்கும். இலுப்பைக் கட்டி போலிருக்குமே ஒழிய கறியாக லட்சணமாக இருக்கமாட்டாது. அத்துடனில்லை, அதற்கு இரண்டு தேங்காயாவது அரைப்படை பருப்பாவது கலக்க வேண்டும். இவ்வளவு சிங்காரமும் பண்ணினால் ஒரு அத்திக்காய் கறி பண்ணி முடியும். லாபம்! வெகு லாபமாயிற்றே! எல்லா விஷயத்திலும் லாபத்தை உத்தேசித்து செலவு நடத்தித்தானே இந்த குடும்பம் இவ்வளவு ஷேமத்திற்கு வந்திருக்கிறது! வெட்கக்கேட்டை வாய்விட வேண்டாம்! நாலை முதல் ஒரே தீர்மானம்! ஈரை என்பது இனி என் உத்தரவில்லாமல் வாங்கக்கூடாது; வாங்கி வந்தீர்களோ, அப்ப்படியே வாசலில் கொட்டி விடுவேன்!

“நல்லது”

அத்திக்காய் வேண்டவே வேண்டாம். கொத்தவரை வேண்டவே வேண்டாம். சுண்டை, மூக்குத்தி -இவைகள் யாருக்குப் பிடிக்கும்? அவைகளும் வேண்டாம். நல்லதாய் இரண்டொரு காய்கறி வாங்கி வந்தால் போதும். வாடி வதங்கி குப்பையில் போவதில் என்ன பிரயோஜனம்!

“அப்படியே” 

“நல்லது, அப்படியே” என்று வெகு யோக்கியர்கள் போல் சொல்லிவிட்டு உமது மனப்போக்குப்படி எல்லாம் வாங்கி வந்து கொண்டிரும். என் பேச்சை லட்சியம் பண்ணாதேயும், என்ன பதிலில்லை!

எப்படி பதில் வரும்? ராமபிரஸாத் ஏற்கனவே தூங்கி விட்டான்.

நன்றி: தினமணி தீபாவாளி மலர் 2005

]]>
Curtain Lectures by Natesa Sastri https://images.dinamani.com/uploads/user/imagelibrary/2019/11/23/w600X390/vegetables.jpg curtain lectures https://www.dinamani.com/lifestyle/lifestyle-special/2019/nov/23/curtain-lectures-by-natesa-sastri-3288072.html
3281592 லைஃப்ஸ்டைல் ஸ்பெஷல் ‘நிம்மி’ சூப்பர் ஸ்டாரின் நெஞ்சுக்குள் பெய்திட்ட மாமழை! ஆம்.. கபாலி ஸ்டைலில் ஒரு கவிதைக் காதல் மொமெண்ட்!  சரோஜினி DIN Saturday, November 16, 2019 04:10 PM +0530  

மலையாள நடிகர் தேவன் மனோரமா நியூஸ் யூ டியூப் சேனலுக்கு அளித்திருந்த நேர்காணல் ஒன்றில் சூப்பர் ஸ்டார் குறித்து நெகிழ்வான சில விஷயங்களைப் பகிர்ந்திருந்தார்.

தேவன் ‘பாட்ஷா’ திரைப்படத்தில் ரஜினியுடன் இணைந்து நடித்திருந்தார். அதை யாரும் மறந்திருக்க முடியாது.

அந்தப் படத்துக்கான படப்பிடிப்பு மும்பையில் நடந்து கொண்டிருந்த போது, நாங்கள் ‘ஹாலிடே இன்’னில் தங்கி இருந்தோம். அப்போது ரஜினி சாரின் அறையும், எனது அறையும் பக்கத்து பக்கத்தில் அமைந்து விட்டன. படப்பிடிப்பின் போது ஒருமுறை ரஜினி சார் என்னிடம், தேவன்.. இரவு உணவுக்கு என் அறைக்கு வாருங்கள், சேர்ந்து சாப்பிடலாம் என்று அழைத்தார்.

நான் அதைப் பெரிதாக எடுத்துக் கொள்ளவில்லை. ஏனென்றால், சூப்பர் ஸ்டார் நடிகர்கள் பலர் சும்மா முகமனுக்காக இப்படித்தான் அழைப்பார்கள், ஆனால், பிறகு மறந்து விடுவார்கள். அதைப்போலத்தான் இவரும் அழைக்கிறார் என்று நினைத்துக் கொண்டு மாலையில் ஷூட்டிங் முடிந்ததும் விஜயகுமார் சாருடன் இணைந்து ஷாப்பிங் சென்று விட்டேன். பிறகு இரவு 10 மணிக்கு நாங்கள் இருவரும் ஹோட்டலுக்குத் திரும்பினோம். அறைச் சாவி வாங்க ஹோட்டல் ரிசப்ஷனுக்குச் சென்றால் அங்கே ஒரு கத்தை காகிதக் குறிப்புகளைக் கொடுத்தார் ஹோட்டல் பணியாளர். இதென்னடா என்று பார்த்தால், அதில் 80.30 க்கு ஒருமுறை 8.45 க்கு ஒருமுறை 9 மணிக்கு ஒருமுறை என்று 10 மணி வரையிலும் 1/4 மணி நேரத்துக்கு ஒருமுறை ரஜினி என்னை அழைக்க ஃபோனில் தேடி இருக்கிறார் என்ற விவரம் இருந்தது. எனக்கு ஒரே ஆச்சர்யம். இதை விஜயகுமார் சாரிடம் சொன்ன போது, ஐயோ.. போய்யா, அவர் உனக்காக காத்துக்கிட்டு இருக்கார் போல, சீக்கிரமா போ என்று அனுப்பினார். ஆச்சர்யப்பட்ட நான்  உடனடியாக என் அறையில் எனது உடைமைகளை வைத்து விட்டு ரஜினி சாரின் அறைக்கு ஓடினேன். அங்கே போய் கதவைத் தட்டினால் நல்ல அழகான வெள்ளை உடையில் நெற்றியில் திருநீற்றுக் கீற்றுடன் ரஜினி கதவைத் திறந்தார்.

நான், தாமதமாக வந்ததற்கு மன்னிப்புக் கேட்டேன்.

அவர், அடடா, அதெல்லாம் பரவாயில்லை, உள்ளே வாருங்கள் என்று வரவேற்றார்.

அறைக்குள் ஒரு டேபிள் அதைச்சுற்றி நாற்காலிகள் டேபிள் மேலே ஒரு பெரிய பாட்டில், கண்ணாடி கிளாஸ்கள் எல்லாம் இருந்தது.

அதைப்பார்த்ததும் நான் என்னுடன் விஜயகுமார் சாரும் ஷாப்பிங் வந்திருந்தார் என்று சொன்னேன். உடனே ரஜினி, அவரையும் கூப்பிடு என்று பணித்தார்.

பிறகு அந்த இரவில் நான், ரஜினி சார், விஜயகுமார் சார், ஜனகராஜ் என்றொரு நடிகர் இருந்தார், அவர் நான்கு பேரும் சேர்ந்து பேசிக் கொண்டே எங்களது தாகசாந்தியைத் தொடங்கினோம்.

அன்று நிறையப் பேசினோம்.. பேச்சு எங்கெங்கோ சென்றது.. ஒரு 12 மணியிருக்கும் எங்களது பேச்சு காதலில் வந்து நிலைகொண்டது. அப்போது ரஜினி சார் கேட்டார்;

‘தேவன்... உங்களுக்கு ஃபர்ஸ்ட் லவ் இருந்ததா?’ என்றார்...

நான் உடனே... ‘யாருக்குத்தான் இருக்காது, ஆமாம் சார் இருந்தது’ என்றேன். 

‘அப்படியா? நிஜமாகவா?’ என்றார்.

நானும், ‘ஆமாம் சார், யாராவது அதெல்லாம் இல்லை என்று சொன்னால், அது பொய், எல்லோருடைய வாழ்க்கையிலும் முதல் காதலென்ற ஒன்று நிச்சயமாக இருக்கும்’ என்றேன்.

அப்படின்னா, உங்க காதல் கதையை எனக்குச் சொல்லுங்கள் என்றார்..

எனக்கு இவர் எதற்கு என் காதல் கதையைப் பற்றியெல்லாம் கேட்கிறார் என்று தோன்றினாலும்... என் கதையை அவரிடம் சொல்லத் தொடங்கினேன்.

என் முதல் காதல் என்பது மிக பயங்கரமானதொரு அனுபவம். துன்பத்தில் முடிந்த அந்தக் காதலைப்பற்றி நான் சொல்லச் சொல்ல ரஜினி சாரின் முகம் விசனப்பட்டு மாறிக் கொண்டே இருந்தது. நான் சொல்லி முடிக்கும் போது அவர் கண்கலங்கி அழத்தொடங்கி இருந்தார். எனக்கோ, இதென்னடா இது! ஈயாள் என் கதையைக் கேட்டு இப்படி அழுகிறாரே! என்று சங்கடமாக இருந்தது. 

சொல்லி முடித்து விட்டு நான் ரஜினி சாரிடம் கேட்டேன். சார், ஏன் அழுகிறீர்கள்? உங்கள் வாழ்க்கையிலும் முதல் காதல் இருந்ததா? என்று கேட்டேன்.

நெகிழ்ந்து போயிருந்த ரஜினி, ஆமாம், என்றார்.

அப்போ, உங்க காதல் கதையையும் எனக்குச் சொல்லுங்களேன் சார் என்று நான் அவரைக் கேட்டேன்.

ரஜினி சொல்லத் தொடங்கினார்...

பெங்களூரு, சிவாஜி நகரில் ரஜினி கண்டக்டராக இருந்த போது, ஒருநாள் திடீரென ஒரு இளம்பெண் இவரது பேருந்தில் முன்புறமாக ஏறி வந்திருக்கிறார். பேருந்தில் பின்புறப் படிகளில் தான் ஏற வேண்டும். முன்புற படி வழியே இறங்க வேண்டும் என்று விதி இருந்தது. அதனால் ரஜினி, என்னம்மா இது? இப்படி பண்றியே, பின்னால வந்து ஏறும்மா என்று தடுக்க, அந்தப் பெண்ணோ, ரஜினியின் கைகளைத் தட்டி விட்டுவிட்டு அசால்ட்டாகச் சென்று இருக்கை தேடி அமர்ந்து விட்டார். ரஜினிக்கோ, ஹே.. இதென்ன, இப்படியொரு பெண்ணா?! என்று அந்தப் பெண்ணின் மீது கொஞ்சம் சுவாரஸ்யமாகி விட்டது. அந்தப் பெண்ணின் பெயர் நிர்மலா, ரஜினி அவரை நிம்மி என்று குறிப்பிட்டார். பிறகு அந்தப் பெண் தினமும் ரஜினி இருந்த பேருந்திலேயே கல்லூரி செல்லத் தொடங்கி இருக்கிறார். அவரொரு மருத்துவ மாணவி. அப்போது எம் பி பி எஸ் படித்துக் கொண்டிருந்திருக்கிறார். இவர்களது இந்தச் சந்திப்பு பிறகு மெல்ல மெல்ல காதலாக மாறத் தொடங்கிய வேளையில் ஒருமுறை ரஜினி வசித்த காலனிப்பகுதியில் நாடகம் போட்டிருக்கிறார்கள். அதில் ரஜினியும் நடித்திருக்கிறார். அதனால் தனது நடிப்பை காண நிம்மியையும் ரஜினி அழைத்திருக்கிறார். அந்தப் பெண்ணும் வந்தார். நாடகத்தில் ரஜினியின் நடிப்பு பெரிதும் பேசப்பட்டிருக்கிறது. அந்தப் பெண்ணும் பாராட்டி விட்டுச் சென்று விட்டார். பிறகு சில நாட்களின் பின் ரஜினிக்கு அடையாறு திரைப்படக் கல்லூரியில் சேர்ந்து பயில அட்மிஷன் கார்டு வந்திருக்கிறது. அதைக் கணு ஆச்சர்யப்பட்டுப் போன ரஜினி, அதைப்பற்றி அந்தப் பெண் நிம்மியிடம் பகிர்ந்திருக்கிறார்.

நான் முயற்சிக்கவே இல்லை. ஆனால், யாரோ என் பெயரில் அப்ளிகேஷன் போட்டிருக்கிறார்கள். எனக்கு அட்மிஷன் கிடைத்திருக்கிறது. ஆனாலும் என்ன செய்ய? என்னிடம் நயாப்பைசா இல்லை, அங்கே சென்றால் தானே சேர்ந்து படிப்பதைப் பற்றி யோசிக்க என்று வருத்தப்பட்டிருக்கிறார். அதற்கு நிம்மி. உன் பெயரில் நான் தான் அங்கே அப்ளிகேஷன் போட்டேன். அதற்குத்தான் இப்போது அழைப்பு வந்திருக்கிறது. நீ அங்கே போய் படி. உனக்கு நல்ல எதிர்காலம் இருக்கிறது. என்று கூறி ரஜினிக்கு 500 ரூபாய் பணத்தையும் (500 ரூபாய் என்பது அந்தக்காலத்தில் பெரிய பணம்) கொடுத்து சென்னைக்கு அனுப்பி வைத்திருக்கிறார்.

அப்போது நிம்மி சொன்ன ஒரு வார்த்தை, உனக்கு சினிமாவில் பெரிய எதிர்காலம் இருக்கிறது என்று நான் நம்புகிறேன். உன்னால் முடியும். கூடிய விரைவில் நகரத்தின் சுவர்களில் எல்லாம் உன் போஸ்டர் ஒட்டப்பட வேண்டும். நீ பெரிய நடிகனாக வேண்டும் என்று தன் விருப்பத்தைக் கூறி இருக்கிறார்.

சரி என்று நிம்மியிடம் பணம் வாங்கிக் கொண்டு சென்னைக்கு வண்டியேறி இருக்கிறார் ரஜினி.

இங்கே வந்து திரைப்படக்கல்லூரியில் அட்மிஷன் போட்டு விட்டு வார விடுமுறையில் மீண்டும் நிம்மியைக் காண பெங்களூருக்குச் சென்றார் ரஜினி.

ஆனால், அங்கே நிம்மி வழக்கமாக பேருந்தில் ஏறும் நிறுத்தத்தில் அவளைக் காணோம்.

அவருடன் பயிலும் மாணவிகளிடம் கேட்டதில், அவள் மூன்று நாட்களாகவே கல்லூரிக்கு வரவில்லை என்று தெரிந்தது.

சரி, வீட்டுக்கே சென்று பார்த்து விடலாம் என்று நண்பர்கள் உதவியுடன் விசாரித்து அவளது வீட்டுக்குச் சென்று பார்த்தால் அங்கே  பூட்டு தொங்கிக் கொண்டிருந்தது.

ரஜினிக்கு ஆற்றாமையாகப் போய்விட்டது. அங்கு விசாரித்ததில்.. அவளது குடும்பம் மூன்று நாட்களுக்கு முன் வீட்டைக் காலி செய்து கொண்டு போனது தெரிய வந்தது.

அன்று தொலைத்த நிம்மியை, ரஜினி இன்று வரையிலும் தேடிக் கொண்டிருக்கிறார்.

ரஜினிக்கு என்ன வேதனை என்றால், அவள் என்னிடம் சொன்னதை எல்லாம் நான் இன்று நிறைவேற்றி விட்டேன். இப்போது என்னிடம் பணம் இருக்கிறது, புகழ் இருக்கிறது, பெயர் இருக்கிறது. ஆனால்,. அதையெல்லாம் நான் அடைவேன் என்று சொன்ன நிம்மியை மட்டும் என்னால் இன்று வரை காணவே முடியாமல் போய் விட்டது. அவள் நிச்சயமாக எங்கேயாவது இருந்து கொண்டு இதையெல்லாம் பார்த்துக் கொண்டு தான் இருப்பாள். அவளது மனசு என்ன மனசு?! என்று நான் வியந்து கொண்டிருக்கிறேன். இன்று இந்தியாவில் என்னைத் தெரியாதவர்கள் யாரும் இல்லை. ஆனால், நிம்மி என்னை ஒருமுறை கூட வந்து பார்க்க முயற்சிக்கவே இல்லையே! என்று நினைத்து நினைத்து நான் அழாத நாள் இல்லை.. 

- சொல்லி விட்டு கதறிக் கதறி அழத் தொடங்கி விட்டார் ரஜினி சார்.

அந்த மாதிரியான ஒரு அழுகையை நான் அவரிடம் எதிர்பார்க்கவே இல்லை.

அப்படியொரு அழுகை...

அந்த நிமிடத்தில்... ரஜினி சார் மாதிரியான வெற்றிகரமான மனிதர் இப்படி அழுதார் என்றால் வாழ்க்கையின் வெற்றிகளுக்கும், மனதின் சந்தோஷங்களுக்கும் சம்பந்தமே இல்லை என்று தானே அர்த்தம் என்று அப்போது எனக்குத் தோன்றியது.

அழுது சமாதானமான பிறகு ரஜினி சார் சொன்னது...

'இன்றும்  நான் இமயமலைக்குச் சென்றாலும் சரி, அமெரிக்காவுக்குச் சென்றாலும் சரி, கோடம்பாக்கத்தில் ஒரு தெருவில் சென்று கொண்டிருந்தாலும், மெட்ராஸ், பெங்களூரு என்று எங்கு சென்றாலும் சரி, அங்கிருக்கும் தெருக்களில் என் கண்கள் தேடிக் கொண்டிருப்பது நிம்மியைத்தான், அவளை எப்படியாவது ஒருமுறை பார்த்து விட மாட்டேனா? என்று தான் என் கண்கள் ஏங்கிக் கொண்டிருக்கின்றன. என்றார் மிகுந்த ஏக்கத்துடன்.

நான்; ‘ரஜினி சார், நிச்சயமாக ஒருநாள் நீங்கள் அவளைக் காண்பீர்கள்’ என்றேன்.

சந்தோஷத்தில் அவர் என் கைகளைப் பற்றிக் கொண்டு பள்ளிச் சிறுவனைப் போல குதூகலம் கலந்த நம்பிக்கையுடன், ‘தேவன் சார், அப்படியா?!’ என்றார்.

நான்  ‘டெஃபனட்லி சார், நான் சொல்றேன், ஒருநாளைக்கு வரும் ’ என்றேன்.

என் பதிலைக் கேட்டதும், அவர் ’ஹப்பா’ என்று பயங்கர சந்தோஷமாகி விட்டார்.

மலையாளம் புரியுமென்றால் தேவனின் நேர்காணலை விடியோ வடிவில் காண இங்கே செல்லுங்கள்.

 

நன்றி: மனோரமா நியூஸ் யூ டியூப் சேனல்.

Image courtesy: Instafeed.org

]]>
super star's first love story, ரஜினியின் முதல் காதல், https://images.dinamani.com/uploads/user/imagelibrary/2019/11/16/w600X390/RAJINI.jpg young rajini https://www.dinamani.com/lifestyle/lifestyle-special/2019/nov/16/nimmy-a-poetic-first-love-moment-in-super-star-rajinis-life-3281592.html
3281531 லைஃப்ஸ்டைல் ஸ்பெஷல் தேசிய பத்திரிகையாளர் தினம்.. இன்றாவது சிந்தித்தாக வேண்டும்தானே? இந்தியாவில் பத்திரிகை சுதந்திரம் கிலோ என்ன விலை..! கார்த்திகா வாசுதேவன் Saturday, November 16, 2019 12:40 PM +0530  

‘நிமிர்ந்த நன்னடை நேர்கொண்ட பார்வை நிலத்தில் யார்க்கும் அஞ்சாத நெறிகள்’ 

பாரதியின் இந்த எழுச்சி வரிகளைத் தாரக மந்திரமாகக் கொண்டு இந்த சமூகத்தின் அநீதிகளைத் தட்டிக் கேட்டு அதை ஊருக்கு உரக்கச் சொல்லும் தைரியம் படைத்த அனைவருமே சுதந்திர உணர்வு மிக்க பத்திரிகையாளர்களே! என்பதில் எவருக்கேனும் ஐயமுண்டோ?!

இன்று தேசிய பத்திரிகையாளர் தினம்!

பிரஸ் கவுன்சில் ஆஃப் இந்தியா தொடங்கப்பட்ட தினமான இன்றைய நாள் இந்தியா முழுவதும் தேசிய பத்திரிகையாளர் தினம் அனுசரிக்கப்படுகிறது. இதையொட்டி நாட்டின் பிரதமரான நரேந்திர மோடியும், தமிழக முதல்வர் எடப்பாடி பழனிசாமியும் இந்தியப் பத்திரிகையாளர்களுக்குத் தங்களது வாழ்த்துகளைத் தெரிவித்துள்ளனர்.

பிரதமர் மோடி தமது ட்விட்டர் பக்கத்தில் தேசிய பத்திரிகையாளர் தினத்தை முன்னிட்டு வெளியிட்டுள்ள வாழ்த்தில்;

‘சுதந்திரமாக இயங்கும் பத்திரிகை என்பது ஜனநாயகத்தின் மூலக்கல்லாகும். அனைத்து வகையான பத்திரிகை மற்றும் கருத்துச் சுதந்திரத்தையும் நிலைநிறுத்துவதில் நாங்கள் உறுதியாக இருக்கிறோம். 125 கோடி இந்தியர்களின் திறன்கள், பலங்கள் மற்றும் படைப்பாற்றலை வெளிப்படுத்த நமது ஊடகங்கள் மேலும் மேலும் பயன்படுத்தப்படட்டும்.’

- எனத் தெரிவித்துள்ளார்.

தமிழக முதல்வர் எடப்பாடி பழனிசாமி வெளியிட்டுள்ள வாழ்த்துச் செய்தியில்;

‘ஜனநாயகத்தை கட்டிக்காப்பதில் முக்கிய பங்காற்றும் அச்சு மற்றும் காட்சி ஊடகத் துறையின் பணிகளை கெளரவிக்கும் வகையில், ஆண்டுதோறும் நவம்பர், 16ம் தேதி, தேசிய பத்திரிகை தினமாக கொண்டாடப்படுகிறது. இந்த இனிய நாளில், பத்திரிகை மற்றும் தொலைக்காட்சிகளில் பணிபுரியும் அனைத்து பத்திரிகையாளர்கள் மற்றும் ஊடகவியலாளர்களுக்கும் வாழ்த்துகள். பத்திரிகையாளர்களுக்காக, பத்திரிகையாளர் ஓய்வூதியம், குடும்ப ஓய்வூதியம், குடும்ப உதவி நிதி, பத்திரிகையாளர் நல நிதியம் உட்பட, பல்வேறு நலத்திட்டங்களை, அரசு செயல்படுத்தி வருகிறது. அரசு செயல்படுத்தி வரும், மக்கள் நலத்திட்டங்கள் மற்றும் வளர்ச்சிப்பணிகள் குறித்த செய்திகளை, மக்களிடம் எடுத்து செல்லும் பணியை செய்து வரும், பத்திரிகை மற்றும் தொலைக்காட்சி நண்பர்களுக்கு, தேசிய பத்திரிகை தின வாழ்த்துகள்.

- எனக் குறிப்பிட்டுள்ளார்.

தேசிய பத்திரிகையாளர் தினம் என்பது ஊடக சுதந்திரம் மற்றும் தன்னிச்சையான தைரியத்துடன் இயங்கும் இதழியல் துறையின் செயல்பாடுகளை உறுதிப்படுத்திக் கொள்ளும் நாளாக 1996 ஆம் ஆண்டு முதல் நவம்பர் 16 ஆம் நாள் இந்தியாவெங்கும் கொண்டாடப்பட்டு வருகிறது.

இதன் அடிப்படை நோக்கம், உலகெங்கும் எச்சூழலிலும் அச்சமின்றிச் சென்று செய்திகளையும், புகைப்படங்களையும் சேகரித்து வந்து நாட்டு மக்களுக்கு அறியத் தரும் பத்திரிகையாள நண்பர்களின் பணியை கெளரவித்தலே!

ஊடகத்துறையை ஜனநாயகத்தின் நான்காவது தூண் என்பார்கள். பத்திரிகையாளர்கள் என்பவர்கள் சமுதாயத்தின் கண்ணாடி போன்றவர்கள். சமூகம் என்ன நினைக்கிறது என்பதை அதன் எதிர்பார்ப்புகளை, எதிர்ப்புகளை, ஆதங்கங்களை, ஏமாற்றங்களை, வலிகளை, துயரங்களை, அறச்சீற்றங்களை மிகச்சரியாகப் பதிவு செய்ய ஊடகமே இன்றளவும் உதவுகிறது. காலப்போக்கில் ஒன்றுக்கு மேற்பட்ட ஊடகங்கள் பெருகி எதை நம்புவது? எதை விடுப்பது என்ற குழப்பம் மக்களிடையே நீடித்தாலும் கூட எந்தப் பத்திரிகை தனது தனித்தன்மையால் மக்களிடையே நம்பகத்தன்மை பெற்று நிற்கிறதோ அதன் தலையங்கத்தில் பிரதிபலிக்கிறது பத்திரிகைச் சுதந்திரத்தின் எழுச்சி மிக்க வெற்றி. அரசு இயந்திரத்தின் செயல்பாடுகளில் குறை இருப்பின் அயராது தட்டிக் கேட்கத் தவறாத ஊடகங்கள் இன்றும் இருக்கின்றன. அதை அதன் வாசகர்கள் நன்கறிவார்கள். அப்படிப்பட்ட அசலான பத்திரிகைகளின் உழைப்பை கெளரவிக்கும் தினம் இது.

இந்த நாள், பத்திரிகை சுதந்திரத்தையும்.. சமூகத்தின் மீதான பத்திரிகைகளின் பொறுப்புகளையும் உணர்த்தும் முக்கியமான நாள். இந்திய பத்திரிகை கவுன்சில் இந்த நாளில் இருந்து தான் தனது செயல்பாட்டை முழுவேகத்துடன் தொடங்கியது. இன்று, உலகில் சுமார் 50 நாடுகளில் பத்திரிகை கவுன்சில் அல்லது ஊடக கவுன்சில் உள்ளது. பத்திரிகை சுதந்திரத்தை பாதுகாப்பதற்கான கடமையில் அரசு எந்திரத்தின் மீது கூட அதிகாரம் செலுத்துவதற்கான ஒரு தன்னாட்சி அமைப்பு இந்திய பத்திரிகை கவுன்சில்.

1996 ஆம் ஆண்டு முதல் வருடம் தோறும் தேசிய  பத்திரிகையாளர் தினம் கொண்டாடப்பட்டாலும் கூட பல சந்தர்பங்களில் பத்திரிகையாளர்கள் தாக்கப்படுவதும், மிரட்டப்படுவதும், படுகொலை செய்யப்படுவதும் அரசு மற்றும் அதிகார மையங்களின் செயல்பாட்டை எதிர்க்கும் பத்திரிகைகள் மீது பொய் வழக்குகள் பதியப்பட்டு அவற்றின் கருத்துச் சுதந்திரம் முடக்கப்படுவதும் உலகம் முழுவதுமாகப் பரவலாக நிகழ்த்தப்பட்டுக் கொண்டு தான் இருக்கின்றன. யுனெஸ்கோ வெளியிட்ட தகவலின் படி சர்வதேச அளவில் ஒவ்வொரு 5 நாள் இடைவெளியில் உலகின் ஏதோ ஒரு மூலையில் ஏதோ ஒரு பத்திரிகையாளர் அல்லது ஊடகவியலாளர் கொலையுண்டு கொண்டே தான் இருக்கிறார். இந்த நிலை வன்மையாகக் கண்டிக்கத் தக்கது. 

இதில் அதிகமும் பாதிக்கப்படுபவர்கள் இன்வெஸ்டிகேட்டிவ் ஜர்னலிஸம் என்று சொல்லப்படக்கூடிய புலனாய்வு இதழியல் பத்திரிகையாளர்களே! பிற நாடுகளை ஒப்பிடும் போது இந்தியப் பத்திரிகைகள் போதுமான கருத்துச் சுதந்திரத்துடன் செயல்படுகின்றன என்கிறது ஒரு சர்வே. ஆனால், உலக அளவில் பத்திரிகை சுதந்திரம் வலுவாக உள்ள நாடுகளின் பட்டியலில் இந்தியா 136 வது இடத்திலேயே இப்போதும் இருந்து வருகிறது. உலகில் உள்ள மொத்த நாடுகளின் எண்ணிக்கை 196. அதில் பிரஸ் கவுன்சில் உருவாக்கப்பட்டு பத்திரிகை சுதந்திரம் பற்றியெல்லாம் சிந்திக்கக் கூடிய நாடுகளாக இருப்பவை வெறும் 50.

பத்திரிகை சுதந்திரத்தில் முதலிடத்தில் இருக்கும் நாடு நார்வே.

கடைசி இடத்தில் இருக்கும் நாடு வடகொரியா. என்கிறது அந்த சர்வே!

சரி இப்போது தலைப்புக்கு வரலாம்.

இந்தியாவில் பத்திரிகை சுதந்திரம் என்பது எந்த அளவுக்கு நிலை நிறுத்தப்பட்டிருக்கிறது என்றால்;

இன்றும் கூட உண்மையை உரக்கச் சொல்ல நினைக்கும் பத்திரிகை அலுவலகங்கள் மீது கல்லெறிதல் நடத்தத் தயங்காத அதிகார மையங்கள் நீடித்துக் கொண்டு தான் இருக்கின்றன. தம்முடன் உடன்படாத கொள்கைகளைக் கொண்ட பத்திரிகைகள் மீது பொய் வழக்குகள் போட்டு முடக்கி வைக்கத் துடிக்கும் சர்வாதிகாரப்போக்கு இன்றளவும் கண்கூடாகக் காணக்கிடைக்கும் காட்சிகளே! பத்திரிகை சுதந்திரம் என்பதை எப்போதும் தங்களது சுய லாபத்துக்காகப் பயன்படுத்திக் கொள்ள நினைக்கும் அத்தனை விதமான ஆதிக்க சக்திகளும் இன்றும் உண்டு. சற்று அதீதமாகவே உண்டு. அவர்களிடையே எவ்வித சமரசமும் இன்றி தங்களது சுதந்திரத்தை இழக்காமல் ஊடக தர்மத்தை நிலைநிறுத்தும் பத்திரிகைகள் நம்மிடையே இல்லாமலில்லை. அதன் அச்சமற்ற பத்திரிகையாளர்கள் அனைவருக்கும் இந்த நாள் உரித்தாகட்டும்!

வாழ்க பத்திரிகை சுதந்திரம்!

 

Image Courtesy: newsmobile.in

]]>
National Press Day https://images.dinamani.com/uploads/user/imagelibrary/2019/11/16/w600X390/national_press_day.jpg https://www.dinamani.com/lifestyle/lifestyle-special/2019/nov/16/national-press-day-3281531.html
3280544 லைஃப்ஸ்டைல் ஸ்பெஷல் சுசித்ரா.. தேவையா சுசி இதெல்லாம்?! சரோஜினி Friday, November 15, 2019 12:45 PM +0530  

சுசித்ராவை எப்போதிருந்து தெரியும் என்று யோசித்துப் பார்த்தேன். ஒருமுறை பிரபல வாரப்பத்திரிகை ஒன்றில் சுசித்ராவின் நேர்காணல் வெளியாகியிருந்தது. அதில் சுசித்ரா, அன்றைய முதல்வர் ஜெயலலிதா தன்னை வீட்டுக்கு அழைத்துப் பாராட்டி விருந்து கொடுத்த அனுபவங்களைப் பகிர்ந்திருந்தார். விருந்து எதற்காக என்றால்‘குறுமிளகின் பயணம்’ என்ற அவரது சிறுகதைத் தொகுப்புக்கு 2003 - 2004 ஆம் ஆண்டுக்கான காமன்வெல்த் சிறுகதைப் போட்டியில் முதல்பரிசு கிடைத்திருந்தது. சுசித்ராவின் இந்த திறமையைப் பாராட்டவே ஜெயலலிதா அவரை வீட்டுக்கு அழைத்திருந்தார். அவருடனான அந்த சந்திப்பைத் தன்னால் வாழ்நாள் முழுமைக்குமாக மறக்கவே முடியாது என்று சுசித்ரா அந்த நேர்காணலில் கூறியிருந்தார். 

அடுத்து சுசித்ராவைப் பற்றி சற்று அதிகமாகத் தெரிந்து கொள்ள நேர்ந்தது, அவர் விஜய் தொலைக்காட்சியில் நடத்திய ‘காஃபி வித் சுசி’ ரியாலிட்டி ஷோவின் போது. சுசி அந்த நிகழ்ச்சியை நடத்தும் போது அதில் சுசியின் விருந்தினர்களாகப் பல பிரபலங்கள் கலந்துகொண்டனர். அதில் இயக்குனர் பாக்யராஜ் கலந்து கொண்ட ஒருநாளில் சுசியின் குரலை வெகுவாகப் பாராட்டிப் பேசினார். அவரது மனைவி பூர்ணிமா, சாருக்கு உங்க எஃப் எம் நிகழ்ச்சின்னா ரொம்ப பிடிக்கும். தவறாம கேட்பார் என்று கூறினார். இது சுசித்ராவுக்கான பாராட்டு மட்டுமல்ல, அவருக்கான மரியாதையும் கூட. இம்மாதிரியான நிகழ்ச்சிகளில் கலந்து கொள்ளும் விருந்தினர்களை சில சமயங்களில் நிகழ்ச்சியின் காம்பியர்கள் தான் அதீதமாகப் புகழ வேண்டியதாயிருக்கும், ஆனால், சுசி அந்த ஷோவை நடத்தும் போது கலந்து கொண்ட விருந்தினர்களில் பலரும் சுசியின் குரலுக்கு ரசிகர்களாக இருந்தார்கள். காஃபி வித் சுசி யை நடத்தும் முன்பே சுசித்ரா ரேடியோ மிர்ச்சி வாயிலாக பிரபல ஆர் ஜே வாகியிருந்தார் என்பது குறிப்பிடத்தக்கது.

ரேடியோ மிர்ச்சியில் சுசி நடத்திய ‘ஹலோ சென்னை’ க்கு நல்ல வரவேற்பு இருந்தது. ஆர் ஜே சுசி.. சுச்சி.. சுச்சி என்று இளம் எஃப் எம் ரசிக உள்ளங்களை உருக வைத்தார். இத்தனை அருமையான குரலுக்குச் சொந்தமானவருக்கு பெரிய திரையில் வாய்ப்பு வராமலிருக்குமா? வந்தது... அடடா! எத்தனை எத்தனை ஸ்டைலிஷ் குத்துப் பாடல்கள்? 

2003 ஆம் ஆண்டில் வெளிவந்த ‘ஜே ஜே’ திரைப்படத்தின் ‘மே மாதம் 98 ல் மேஜர் ஆனேனே’ முதல் அதே விதமாக வெஸ்டர்ன் குத்துப்பாட்டுகளை பல திரைப்படங்களில் பாடிக் கலக்கினார் சுசித்ரா.

சுசி பாடியதில் பெரும்பான்மையும் வெஸ்டர்ன் டைப் குத்துப் பாடல்கள் தான் அவரது குரலுக்கு மெலடி பாடல்களை எந்த இயக்குனரும் ஏன் முயன்று பார்க்கவில்லை எனத் தெரியவில்லை. ஒருவேளை இளைஞர்களுக்குப் பிடித்த உற்சாகம் கொப்பளிக்கும் குரலாக இருந்ததால் இவர் மெலடிக்கு சரிப்பட்டு வரமாட்டார் என்று நினைத்து விட்டார்களோ?!

ஆனாலும்.. சுசியின் குரலில் 2004 ல் வெளிவந்த மன்மதன் திரைப்படத்தின் ‘என் ஆசை மைதிலியே’  காக்க காக்க திரைப்படத்து ‘உயிரின், உயிரே’ போன்ற பாடல்களை வை மறக்க முடியுமா?

ஆம், அப்போது சுசியின் குரலுக்கு தங்கள் மனதைப் பறிகொடுக்காதவரகளே இல்லை எனும்படியாக சுசி தன் கனமான பட்டுக்குரலில் தமிழ்நாடு மட்டுமல்ல மொத்த தென்னிந்தியாவையுமே கட்டிப் போட்டிருந்தார்.

தொடர்ந்து திரைப்படங்களில் பாடிக்கொண்டே பிரபல நடிகைகளுக்கு பின்னணி குரலும் அளித்தார்.

திருட்டுப் பயலே திரைப்படத்தில் மாளவிகாவுக்கும், கந்தசாமியின் ஸ்ரேயாவுக்கும், மங்காத்தாவின் லஷ்மி ராய்க்கும், கோவாவில் பியாவுக்கும், நான் சிகப்பு மனிதனில் இனியாவுக்கும் பின்னணி பேசியிருந்தார் சுசி.

இப்படி சுசியைப் பொறுத்தவரை அவரது கேரியர் கிராஃப் ஆரோக்யமாகவே இருந்தது.

நடுவில் ‘அலைபாயுதே’ திரைப்படத்தில் அமெரிக்க மாப்பிள்ளையாக அறிமுகமானாரே நடிகர் கார்த்திக் குமார் அவருடன் திருமணம் ஆனாது சுசிக்கு. அன்றிலிருந்து வெறும் சுசியாக அடையாளம் காணப்பட்டுக் கொண்டிருந்தவர் பிறகு சுசித்ரா கார்த்திக் குமார் ஆனார். எல்லாம் நன்றாகத்தான் போய்க்கொண்டிருந்தது. 

ஒருமுறை.. எந்த வார இதழ் என்று நினைவில்லை/ ஆனால், ஏதோ ஒரு சினிமா இதழில் சுசித்ராவைப் பற்றி கிசுகிசு போல செய்தித் துணுக்கு ஒன்று இடம்பெற்றிருந்தது.

‘பார்ன் வித் ச்ல்வர் ஸ்பூன்’ புகழ் பிரபல வாரிசு நடிகர் ஒருவருடன் இணைந்து லேட் நைட் பார்ட்டிகளில் பங்கெடுத்துக் கொள்கிறார். இதெல்லாம் அவருக்குத் தேவையா? அவர் தனது குரல் மூலமாக லைம்லைட்டில் இதுவரை அடைந்திருக்கும் பிரபல்யத்திற்கு இதெல்லாம் ஒத்து வருமா?! என்று நெருங்கிய நட்புகள் எச்சரித்த போதும், அதெல்லாம் எப்படிப்பட்ட நட்பையும் ஒரு லிமிட்டில் வைத்துக் கொண்டு தன்னால் ஹேண்டில் செய்ய முடியும் என்று நட்புகளின் எச்சரிக்கையைப் சுசி அலட்சியப் படுத்தியதாகவும்... இந்த விபரீதப் பயணம் எங்கு சென்று முடியுமோ? என்றும் சுசியின் இன்றைய நிலைக்கு கட்டியம் கூறிச் சென்றது அந்த செய்தித் துணுக்கு.

அதற்குப் பிறகு தான் சுசியின் வாழ்வில் ஏழரைச் சனியின் ஆதிக்கம் தொடங்கியதென்றால் அது மிகையில்லை.

தொடர்ந்து சில ஆண்டுகளிலேயே சுசிலீக்ஸ் சர்ச்சை வெளியானது. காரணமாக மேலே குறிப்பிட்ட வாரிசு நடிகரின் பெயர் இடம்பெறவில்லை, அந்த வாரிசுக்குப் போட்டி நடிகராகக் கருதப்பட்ட மற்றொரு வாரிசு நடிகரின் பெயரும், இளம் இசையமைப்பாளர் ஒருவரது பெயரும் சுசிலீக்ஸில் அம்பலமேறியது. அப்போது சுசியின் சமூக ஊடகப்பக்கம் ஹேக்கர்களால் களவாடப்பட்டதாகவும் அதில் வெளியான செய்திகளுக்கெல்லாம் சுசி பொறுப்பில்லை என்றும் சுசியின் கணவர் கார்த்திக் குமார் தன் மனைவி சார்பாக விளக்கமளித்த பின் அந்த சர்ச்சை ஒருவழியாக முடிவுக்கு வந்தது.

சுசிலீக்ஸ் ஒரு அருமையான ஆர் ஜே வை முடக்கிப் போட்டது என்றால் மிகையில்லை.

தவறு யார் மீது என்று புரியாத நிலை. மிக அரிய திறன்கள் கொண்ட ஒரு இளம்பெண்.. ரசிகர்களால் ஆராதிக்கப்பட்டு புத்திசாலி எனக் கொண்டாடப்பட்ட ஒரு இளம்பெண். தனது கேரியரின் உச்சத்தில் இருக்கும் போது வீணாக இப்படிப்பட்ட சர்ச்சைகளில் சிக்கி இருக்க வேண்டாம். ஆனால் சுசி வகையாக சிக்கிக் கொண்டு இந்தச் சுழலில் இருந்து எப்படி வெளிவருவது என்று தெரியாமல் விழித்துக் கொண்டிருந்தார். நடுவில் சில காலம் சுசியைப் பற்றி எந்த சர்ச்சைகளும் இல்லை.

சுசிலீக்ஸ் சர்ச்சை வெளிவந்த சமயத்தில் சுசிக்கு மனநலம் சரியில்லை. அவர் அதற்கான சிகிச்சையில் இருக்கிறார் என்றெல்லாம் கூட செய்திகள் வெளியாகின. அது நிஜமோ, வதந்தியோ தெரியவில்லை. ஆனாலும், தனது திறமைகளுக்காக மதிக்கப்பட வேண்டிய நிலையில் இருந்த ஒரு பெண்ணை இன்று நிலைமைக்கு ஆளாக்கியது யார்?

அவரது சஞ்சல மனதா?

இல்லை இந்த ஊடக வெளிச்சத்தின் மீதான பிரேமையும், பிரமையுமா?

அல்லது அவர் கொண்ட ஏடாகூட நட்புக்களுக்கான விலையா?

அதற்கான பதில் சுசிக்கு மட்டுமே தெரிந்திருக்க கூடும்.

எப்படியாயினும் சுசி இந்த சுழலில் இருந்து விடுபட்டு மீண்டும் பழைய சுசியாக ஆவதென்பது அவரது மனோதிடத்தில் தான் இருக்கிறது.

தேவையா சுசி இதெல்லாம்? என்று அவரது நெருங்கிய நட்புகள் எச்சரித்த போதே அவர்களது கருத்துக்கு சுசி காது கொடுத்திருந்தால் இன்று இந்த நிலைக்கு ஆளாகாமல் இருந்திருப்பாரோ?! என்று தோன்றுவதைத் தவிர்க்க முடியவில்லை.

இதோ இப்போது கூட சுசித்ரா பற்றிய சர்ச்சை ஒன்று ஊடகங்களில் ஓடிக்கொண்டிருக்கிறது.

சுசித்ராவைக் காணவில்லை என அவரது தங்கை சுனிதா கடந்த 11 ஆம் தேதி காவல்துறையில் புகார் அளித்திருப்பதாகத் தகவல் வெளியானது. அவரது புகாரை ஏற்றுக் கொண்ட காவல்துறை தேடுதல் வேட்டையில் இறங்கியதில் அடையாறில் இருக்கும் நட்சத்திர ஹோட்டல் ஒன்றில் சுசித்ரா இருப்பது தெரிய வந்தது. சுசியிடம் காவல்துறை நடத்திய விசாரணையில் , தான் காணாமல் போகவில்லை என்றும், ஓய்வெடுப்பதற்காகவே அங்கு சென்று தங்கியதாகவும் அவர் தெரிவித்திருக்கிறார். 

]]>
Suchitra https://images.dinamani.com/uploads/user/imagelibrary/2019/11/15/w600X390/suchitra.jpg Suchitra RJ https://www.dinamani.com/lifestyle/lifestyle-special/2019/nov/15/suchitra-is-that-all-you-needed-suchi-3280544.html
3278797 லைஃப்ஸ்டைல் ஸ்பெஷல் பள்ளிச் சிறுவனுக்கு அளித்த பதிலுக்காக சசி தரூரை உச்சி முகரும் நெட்டிஸன்கள்! RKV Wednesday, November 13, 2019 01:14 PM +0530  

கடினமான வார்த்தைப் பிரயோகம் ஒன்றைக் கற்றுத்தரச் சொல்லி சசி தரூரை சிறுவன் ஒருவன் அணுகினான். அச்சிறுவனுக்கு சசி தரூர் அளித்த பதிலால் இன்று இணையம் அவரைக் கொண்டாடிக் கொண்டிருக்கிறது.  அப்படி என்ன பதிலைச் சொல்லி விட்டார் சசி தரூர், வாருங்கள் தெரிந்து கொள்வோம்.

காங்கிரஸ் முன்னாள் அமைச்சர் சசி தரூர் தனது ஆங்கில மொழிப் புலமைக்காக அடிக்கடி புகழப்படுவார். உச்சரிக்க மிகக் கடினமான ஆங்கில வார்த்தைகளை தொடர்ந்து தனது சமூக ஊடகப் பக்கங்களில் பகிர்ந்து நெட்டிஸன்களின் அப்ளாஷ்களை அள்ளிக் கொள்வார். உதாரணத்திற்கு கீழே சில வார்த்தைகளை அளித்துள்ளோம். நாக்கு சுளுக்கிக் கொள்ளாமல் இதை முதல் முறையிலேயே மிகச்சரியாக உச்சரிக்க முடிகிறதா என்று முயற்சித்துப் பாருங்கள். 

  • Hippopotomonstrosesquipedaliophobia

Meaning : The fear of long words.

  • Floccinaucinihilipilification 

Meaning: The action or habit of estimating something as worthless.

  • Lalochezia

Meaning: Emotional relief gained by using indecent or vulgar language

  • Rodomontade

Meaning: Boastful or inflated talk or behaviour

  • Kakistocracy

Meaning: Government by the least suitable or competent citizens of a state.

 

சரி இனி விஷயத்திற்கு வருவோம்.

தனது இலக்கிய அறிவிற்கும் சொல் விளையாட்டிற்கும் பிரசித்தி பெற்ற ஒரே இந்திய அரசியல்வாதியான சசி தரூர் பல சமயங்களில் நிபுணர்கள் கூட கேள்விப்பட்டிராத ஆங்கில கலைச் சொற்களை பயன்படுத்தி வருபவர்.

ஆனால் இந்த முறை, இணையத்தில் வைரல் ஆகிக் கொண்டிருப்பது அவரது இலக்கியச் செறிவு மிக்க வார்த்தைகள் அல்ல. அப்படிப்பட்ட கடினமான கவர்ச்சியான வார்த்தைப் பிரயோகமொன்றை தனக்கு பரிந்துரைக்குமாறு கேட்டுக் கொண்ட ஒருவருக்கு அவரளித்த பதில் தான் இன்று இணையத்தில் ஹாட் ட்ரெண்டிங்கில் இருக்கிறது.

அடடா, சசி தரூர் அப்படி என்ன பதிலைச் சொல்லி விட்டார் என்று தெரிந்து கொள்ள வேண்டுமா?

ஒரு நிகழ்ச்சியில் 10 ஆம் வகுப்பு ஐ.சி.எஸ்.இ சிறுவனுக்கு தான் பதிலளித்த வீடியோ ஒன்றை சசி தரூர் தனது ட்விட்டர் பக்கத்தில் பகிர்ந்துள்ளார். சிறுவன் அவரிடம் "நீங்கள் சொல்லகராதி மனிதராக உலகளவில் ஒப்புக் கொள்ளப்பட்டுள்ளதால், இன்று நீங்கள் எனக்கும் கூட்டத்திற்கும் நாங்கள் கற்றுக்கொள்ள ஒரு புதிய வார்த்தையை கற்றுத்தர வேண்டுமென விரும்புகிறேன்."
எனக் கோரிக்கை வைத்தான். 

அதற்கு தரூர் பதிலளித்தார், 

தரூரின் பதிலில் அங்கமர்ந்திருந்த முழுக் கூட்டமும் இடி முழக்கம் போல ஆர்பரித்துக் கைதட்டியது. ஏனெனில், சசி தரூர் அந்தச் சிறுவனுக்கு இந்த உலகின் பழமையானதும், எளிமையானதுமான மிகச்சிறந்த வார்த்தை ஒன்றை அப்போது பரிந்துரைத்திருந்தார். அந்த வார்த்தை என்னவென்றால், அது.. 'READ' என்ற வார்த்தை. அதாவது வாசிப்பு.

அவர் பரிந்துரைத்த வார்த்தையைப் பற்றி மேலும் பேசுகையில் சசி தரூர் சொன்னதையும் தெரிந்து கொள்ளுங்கள். 

வாசிப்பதின் மூலம் மட்டுமே தாம் இத்தகைய விரிவான சொற்களஞ்சியத்தைப் பெற்றுள்ளதாக அவர் கூறினார்.

மேலும் ’நான் ஒருவித நட்கேஸ் என்று மக்கள் நினைக்கிறார்கள், ஏதோ நான் நாள் முழுவதும் அகராதிகளைப் படித்துக் கொண்டிருப்பவன் என்று அவர்கள் நினைத்துக் கொண்டிருக்கிறார்கள். ஆனால், நான் என் வாழ்க்கையின் பெரும்பாலான நாட்களில் அகராதியைத் திறக்காதவர்களில் ஒருவனாகவே இருக்கிறேன். இங்கே முக்கியமாக நாம் அறிந்து கொள்ள வேண்டியது அகராதியைப் பற்றி அல்ல. நான் விரிவாக வாசிக்கக் கூடியவன்.

எப்படி தெரியுமா? எனக் கேட்டு வாசிக்கும் பழக்கத்தை தன்னால் எவ்வாறு கட்டியெழுப்ப முடிந்தது என்ற கதையையும் அவர் அந்தச் என்று சிறுவனிடம் சொல்லத் தொடங்கினார். ‘நான் தொலைக்காட்சியில்லாமல், கணினி இல்லாமல், நிண்டெண்டோ இல்லாமல், பிளே ஸ்டேஷன் இல்லாமல், மொபைல் போன்கள் இல்லாமல் இந்தியாவில் பிறந்து வாழ்ந்ததால் தான் நான் இப்படி இருந்தேன். என்னிடம் இருந்தவை அனைத்தும் புத்தகங்கள் மட்டுமே, எனவே நான் விரிவான வாசிப்புப் பழக்கத்தை மேற்கொண்டேன்’

இவ்விதமாகச் சிறுவனுக்கு சசி தரூர் பதிலளிக்கும் வீடியோ ட்விட்டரில் பரவலான பாராட்டுகளைப் பெற்றுள்ளது. காங்கிரஸ் எம்.பி. தனது அறிவை மிகவும் நேர்மையாக பகிர்ந்து கொண்டதற்காக நெட்டிசன்கள் அவரைக் கொண்டாடிக் கொண்டிருக்கிறார்கள்.

]]>
Shashi Tharoor https://images.dinamani.com/uploads/user/imagelibrary/2019/11/13/w600X390/sasi_dharoor.jpg Shashi Tharoor answer to a boy https://www.dinamani.com/lifestyle/lifestyle-special/2019/nov/13/shashi-tharoors-simple-and-old-word-of-advice-to-a--class-10-th-student-3278797.html
3273516 லைஃப்ஸ்டைல் ஸ்பெஷல் எது ஆரோக்யமானது சின்ன வெங்காயமா? பெரிய வெங்காயமா?! கஸ்தூரி ராஜேந்திரன், தேனி. Thursday, November 7, 2019 01:40 PM +0530  

தென்னிந்திய சமயலறைகளைப் பொருத்தவரை வெங்காயம் என்றாலே  இரண்டு வகைகள் பெரும்பாலும் பயன்பாட்டில் இருக்கின்றன. ஒன்று பெரிய வெங்காயம், மற்றொன்று சாம்பார் வெங்காயம் அல்லது சின்ன வெங்காயம். இந்த இரண்டைத் தவிர்த்து, சில சமயங்களில் அடர் சிவப்பில் சில வெங்காய வகைகள் சந்தைகளில் கிடைக்கின்றன. அவை நம்மூர் வெங்காய வகைகளைக் காட்டிலும் மட்டமானவை என்றொரு கருத்து இங்கு நிலவுகிறது. நம்மைப் பொறுத்தவரை அடர் சிவப்பின்றி அளவான நிறத்தில் ஓரங்கள் காய்ந்து வெளிறிய நிலையில் இருக்கும் பெரிய வெங்காயங்களும், சின்ன வெங்காயங்களுமே சத்தானவை. இந்த இரண்டு வகைகள் தவிர, இன்னும் பல விதமான வெங்காயங்கள் உலகச் சந்தைகளில் இடம்பெற்று வருகின்றன. முதலில் அவை என்னென்ன என்று தெரிந்து கொள்வோம். பிறகு எந்த வெங்காயம் ஆரோக்யமானது என்பதையும் தெரிந்து கொள்ளலாம்.

வெங்காய வகைகள்..

மஞ்சள் நிற வெங்காயம்பர்கர் மற்றும் பீட்ஸாவின் மேற்புற டாப்பிங்குகளில் இந்த வகை வெங்காயம் தான் பயன்படுத்தப் படுகிறது. இவற்றைப் பச்சையாக உண்ணும் போது சற்றுக் காரமாக இருக்கலாம். எனவே லேசாக எண்ணெயில் வறுத்து உணவின் மேற்புறங்களில் சேர்க்கலாம்.

இனிப்பு வெங்காயம்

இனிப்பு வெங்காயம், நீங்கள் யூகித்தபடி, இனிப்புச் சுவையுடன் இருக்கும். அவை மற்ற வகைகளை விட குறைவான கந்தகத்தைக் கொண்டிருக்கின்றன, எனவே இவற்றில் அதிக காரம் இல்லை. அவை சற்று வித்தியாசமான வடிவத்தையும் கொண்டுள்ளன, அதாவது வட்டமாக இல்லாமல் சற்றே தட்டையான ஓவல் வடிவம். 

சிவப்பு வெங்காயம்

இனிப்பு வெங்காயத்தைப் போல இது அத்தனை இனிமையாக இல்லாவிட்டாலும், சிவப்பு வெங்காயமும் கொஞ்சமே கொஞ்சம் இனிப்புச் சுவை கொண்டது தான். எப்படி எனில், இனிப்பு வெங்காயம் தவிர்த்த ஏனைய பிற வெங்காய வகைகளைக் காட்டிலும் இவற்றில் அதிக சர்க்கரை இருக்கிறது. எனவே இவை உருளைக்கிழங்கு சாலட்களிலும், டகோஸிலும் மிகச்சிறந்த காம்பினேஸானச் செயல்படுகின்றன. உதாரணத்திற்கு BBQ பீட்சாக்களில் இவை முதலிடம் வகிக்கின்றன. மேலும் இவை பச்சையாக சாப்பிட மிகவும் உகந்த வெங்காய வகைகளாகவும் திகழ்கின்றன. ஆனால் நீங்கள் சிவப்பு வெங்காயத்தை சமைக்க விரும்பினால், அவற்றை நாள்பட வைத்திருங்கள். வெங்காயம் நாள்பட நாள்பட காய்ந்தால் தான் அதற்குத் தனிச்சுவையும், தரமும் அதிகரிக்கிறது.

மற்ற எல்லா வெங்காய வகைகளைக் காட்டிலும் இது கிரில் சமையல் ஐட்டங்களில் மிகச்சிறப்பாக ஒத்துழைக்கிறது. இதிலிருக்கும் இனிப்புச் சுவை அதற்கு உதவுகிறது. அதனால் தான் இவை மஞ்சள் மற்றும் இனிப்பு வெங்காய வகைகளைக் காட்டிலும் சற்று வித்தியாசமான சுவையை வழங்குகிறது.

வெள்ளை நிற பெரிய வெங்காயம்

இந்த வகை வெங்காயங்களைத்தான் நாம் தினமும் சமையலில் பொரியல், கூட்டு, ஆம்லெட் வகையறாக்கள் செய்யப்பயன்படுத்துகிறோம். இவற்றில் இனிப்புத் தன்மை குறைவு. காரம் சற்று தூக்கலாக இருக்கும்.

சின்ன வெங்காயம் அல்லது சாம்பார் வெங்காயம்..

தென்னிந்திய சமையலில் இந்த சாம்பார் வெங்காயம் இல்லாவிட்டால் மணப்பெண் இல்லாத கல்யாண வீடு போலத்தான். ஒட்டுமொத்த சமையலுமே உவப்பில்லாமல் போய்விடும். இது மிக ஆரோக்யமானது மட்டுமல்ல. சுவையிலும் இதற்குத் தனி இடம் உண்டு. இவற்றில் ஆண்ட்டி ஆக்ஸிடண்டுகள் அதிகமிருப்பதால் மிகச்சிறந்த நோய் எதிர்ப்புத் திறனை வழங்குவதில் வல்லவையாகத் திகழ்கிறது. எனவே தான் வளரும் குழந்தைகளுக்கு சின்ன வெங்காயத்தைப் பொடிப்பொடியாக நறுக்கி நல்லெண்ணெய் விட்டு வதக்கி சாப்பிடத் தரச் சொல்கிறார்கள் மருத்துவர்கள். 

வெங்காயத்தாள் அல்லது பச்சை நிற வெங்காயம்

சாலட்டுகள், பிரியாணி வகைகள், புலாவ் வகைகளில் இவற்றை நிச்சயம் சேர்க்கத்தான் வேண்டும். உணவுக்கு ஒரு ஸ்பெஷல் நிறத்தையும், மணத்தையும், தருவதில் இவை வல்லைவை.

தட்டையான சிபோல்லினி வெங்காயம்

இவற்றை அப்படியே தோல் எடுத்து விட்டு முழுதாக எண்ணெயில் வதக்கி சாப்பிடலாம். சுவை தூக்கலாக இருக்கும். 5 நட்சத்திர உணவு விடுதிகளில் இவை பெரிதும் பயன்பாட்டில் இருக்கின்றன. கூடுதல் இனிப்புச் சுவை கொண்டது. எல்லா உணவு வகைகளுடனும் சேர்த்து உண்ணத் தக்கது.

வெள்ளை மற்றும் சிவப்பு நிற முத்து வெங்காயம்

வடிவத்தில் தான் வித்தியாசமே தவிர, இந்த வெங்காயமும் அனைத்து வகை சூப்புகள், குழம்பு வகைகள், பொரியல்கள், மேலை நாட்டு உணவு வகைகள், வட இந்திய உணவு வகைகள் என அனைத்திலுமே முக்கிய பங்கு வகிக்கிறது.

சரி இனி எந்த வெங்காயம் உடலுக்கு ஆரோக்யமானது?

அதற்கான காரணம் என்ன என்பதையும் பார்த்து விடலாம்.

உலகம் முழுவதுமே பொதுவாக சிவப்பு நிற சின்ன வெங்காய வகை தான் மற்ற பிற வெங்காய வகைகளைக் காட்டிலும் மிகவும் ஆரோக்யமானது என்று நம்பப் படுகிறது.

ஏனெனில்,

  • இந்த வகை வெங்காயங்களில் விட்டமின்கள், மினரல்கள் அதிகமிருப்பதோடு, இவற்றில் கொழுப்புச் சத்து மிகக்குறைவான அளவில் இருக்கும்.
  • இவை மிகச்சிறந்த ஆண்ட்டி பயோடிக் மற்றும் ஆண்ட்டி மைக்ரோபியல் இயல்பு கொண்டவையாக இருப்பதால் நோய் எதிர்ப்பு சக்தியைத் தூண்டக்கூடிய காரணிகளாகவும் செயல்படுகின்றன.
  • கேன்சரை எதிர்க்கும் காரணிகளும் சின்ன வெங்காயத்தில் உண்டு.
  • தினமும் உணவில் சின்ன வெங்காயம் சேர்த்துக் கொண்டோமெனில் தூக்கமின்மை தொடர்பான அனைத்து குறைபாடுகளையும் களைய முடியும்.
  • வெங்காயத்திலிருக்கும் குரோமியச் சத்து ரத்தத்தில் உள்ள சர்க்கரையின் அளவைக் கட்டுப்படுத்த உதவுகிறது.
  • பச்சை வெங்காயம் கரிம சல்பர் கலவை மிக அதிக அளவில் தன்னகத்தே கொண்டிருக்கிறது.
  • வெங்காயத்தில் இருக்கும் ஃப்ளேவனாய்டுகள் ரத்தத்தின் அடர்த்தி குறையாமல் காக்க உதவுகிறது.
  • உடல் உள்ளுறுப்புகளில் காயங்களோ, நோய்த்தொற்றுகளோ ஏற்படாமல் காக்க வெங்காயம் உதவுகிறது.


 

]]>
Small onion or Big onion?! which one is most healthy? https://images.dinamani.com/uploads/user/imagelibrary/2019/11/7/w600X390/onion.jpg onion myths https://www.dinamani.com/lifestyle/lifestyle-special/2019/nov/07/small-onion-or-big-onion-which-one-is-most-healthy-3273516.html
3272610 லைஃப்ஸ்டைல் ஸ்பெஷல் என் உடை.. என் இஷ்டம்! கரூர் எம் பி ஜோதிமணி ‘நறுக்’ ன்னு சொன்ன நாலு வார்த்தை! RKV Wednesday, November 6, 2019 06:35 PM +0530  

பொதுவெளியில் தனது கருத்துக்களைத் தைரியமாக முன் வைக்கக் கூடிய பெண் அரசியல் தலைமைகளில் மிக முக்கியமானவர் கரூர் எம் பி ஜோதிமணி.  இவர் தற்போது ஐநா சபையின் கீழ் இயங்கும் ‘விட்டல் வாய்ஸ்’ அமைப்பின் மாநாட்டில் கலந்து கொள்ள இந்தியா சார்பாகச் சென்றுள்ளார். இந்த கெளரவம் ஜோதிமணிக்கு புதிதல்ல. இது அவருக்கு இரண்டாம் முறையாகக் கிடைத்திருக்கிறது. 15 ஆண்டுகளுக்கு முன்பே இப்படியொரு அழைப்பை ஏற்று மாநாட்டில் கலந்து கொண்டு சிறப்பித்தவர் தான் ஜோதிமணி.

இந்த மாநாட்டில் கலந்து கொள்ள அழைக்கப்படும் தலைவர்கள் தங்களைப்பற்றியும், தங்களது பின்னணி பற்றியும், எவ்விதச் சூழலில் தாங்கள் அரசியலில் இணைந்தோம் என்பது பற்றியும் இதுவரையிலும் தாங்கள் தேர்ந்தெடுத்த பாதையில் வெற்றி நடை போட தாங்கள் சந்தித்த இடர்கள் குறித்தும், அவற்றை வெற்றிப்படிகளாக்க தான் சந்திக்க நேர்ந்த துயர்கள் குறித்தும் அந்த மாநாட்டில் தமது அனுபவங்களை முன் வைக்கலாம்.

சுமார் 25 நாடுகளைச் சேர்ந்த பெண் ஆளுமைகள் பங்கேற்கும் அப்படியானதொரு மாநாட்டில் கலந்து கொள்ளச் சென்ற எம் பி ஜோதிமணியை சென்னை விமானநிலையத்தில் வைத்து செந்தில் பாலாஜி பூங்கொத்து கொடுத்து வழியனுப்பி வைத்தார். அத்துடன் மாநாடு குறித்து சில வார்த்தைகள் கூறிச் சிறப்பித்து, அப்படியோர் மாநாட்டில் கலந்து கொள்ளச் செல்லும் எம் பி ஜோதிமணியை தாய், தந்தை ஸ்தானத்தில் இருந்து வாழ்த்திய போது எடுத்த புகைப்படம் எனக்கூறி வழியனுப்பிய போது எடுத்த புகைப்படம் ஒன்றை தனது முகநூல் பதிவில் பகிர்ந்திருந்தார்.

உடனே கிளம்பி விட்டார்கள் ஜோதிமணி வெறுப்பாளர்கள். உடனே அந்தப் புகைப்படத்தில் அவர் அணிந்திருந்த உடைகளைக் காரணமாக வைத்து ஜோதிமணியை விமரிசிக்கத் தொடங்கி விட்டார்கள். புகைப்படத்தில் ஜோதிமணி ஜீன்ஸ், ஷர்ட் அணிந்திருந்தார்.

அவர் ஜீன்ஸ், ஷர்ட் அணிந்த புகைப்படங்கள் முன்பே ஊடகங்களில் வெளியாகி இருக்கின்றன. இதொன்றும் புதிதில்லை.

ஆயினும். தனது உடை குறித்து சமூக ஊடகங்களில் வெளியாகும் விமரிசனம் கண்டு ஜோதிமணி நறுக்கென பதில் சொல்லி அத்தகைய  விமரிசனத்திற்கு ஒரு முற்றுப்புள்ளி வைத்திருக்கிறார்.

ஜோதிமணியின் பதில்...

‘உலகம் முழுதுமுள்ள பெண் அரசியல்வாதிகள் பங்கேற்கும் மாநாட்டில் கலந்து கொள்ள எனக்குக் கிடைத்த வாய்ப்பைப் பாராட்டி, என் தொகுதி, மற்றும் பல்வேறு இடங்களில் இருந்து வாழ்த்துக்கள் வந்து கொண்டு இருக்கின்றன. என் உடை குறித்து விமர்சிக்கும் காவிவாதிகளின், பெண் வெறுப்பாளர்களின் நெஞ்சு பொருமலை என்னால் புரிந்துகொள்ள முடிகிறது. எந்த நிகழ்ச்சிக்கு எப்படி டிரஸ் அணிய வேண்டும் என்று எனக்கு நன்றாகவே தெரியும். இது என் தனிப்பட்ட உரிமை. அதனால் அமைதியாகுங்கள்.

பெண்களின் உடை ஏன் எப்போதுமே விவாதத்துக்கு உள்ளாகிறது? தனிப்பட்ட ஒருவரது விருப்பத்தின் மீது அடுத்தவர்களுக்கு அப்படி என்ன ஆர்வம்? இப்படி உடை குறித்து விமர்சிக்கும் எல்லா ஆண்களும், தமிழ் கலாச்சாரத்தின்படி வேஷ்டி தான் அணிகிறார்களா? முதலில் மற்றவர்களை மதிப்பதுதான் தமிழ் மற்றும் இந்திய கலாச்சாரம். அதை முதலில் கற்றுக்கொள்ளுங்கள்.

காட்டன் புடவைகள், ஜீன்ஸ், டீ ஷர்ட்டுகள் எனக்கு மிகப் பிடித்த உடைகள். நான் மாநாட்டில் கலந்து கொண்டு திரும்பும் போது நீங்கள் இன்னும் எரிச்சல் அடையும் வகையில் பதிவிடுவேன். அதுவரைக்கும் கலாச்சாரம் என்றால் என்ன என்பதை தேடி கொண்டிருங்கள். பெண்களுக்கு மட்டும் முன்னேறி செல்வதில் ஏன் இவ்வளவு சுமைகள்? ஆண்களுக்கு இப்படி இல்லையே..

பெண் தலைவர்கள் தான் தங்களது தோற்றம், உடை, சிரிப்பு, திருமண வாழ்க்கை போன்றவற்றின் அடிப்படையில் எப்படிஇப்படியெல்லாம் தாக்குதலுக்கு உள்ளாக்கப்படுகிறார்கள். ஆண்கள் ஏன் அப்படியெல்லாம் அணுகப்படுவதில்லை என்பது குறித்தும் விவாதிப்பதே இந்த கூட்டத்தின் சாராம்சம். பெண்கள் மீது தொடர்ந்து வெளிப்படுத்தும் இந்த வெறுப்பை எதிர்த்துதான் நாங்கள் திடமாக போராடுகிறோம். எங்களுடன் இணைந்திருக்கும் எல்லா ஆண்களுக்கும் நன்றி’

- என்று பதிவிட்டுள்ளார்.

]]>
Jothimani reply on dress controversy https://images.dinamani.com/uploads/user/imagelibrary/2019/11/6/w600X390/jothimani.jpg jothimani dress controversy https://www.dinamani.com/lifestyle/lifestyle-special/2019/nov/06/jothimani-reply-on-dress-controversy-3272610.html
3242592 லைஃப்ஸ்டைல் ஸ்பெஷல் பெங்களூரு பயணியின் மனதைக் குளிர வைத்த ஓலா ஓட்டுநரின் நற்செய்கை! RKV Wednesday, November 6, 2019 04:37 PM +0530  

பெங்களூரைச் சேர்ந்த ஓலா ஓட்டுநர் கதீப் ரஹ்மான். இவரது நல்லெண்ணத்தைப் பற்றித் தான் இன்று ஊர் முழுக்கப் பேச்சு. அப்படி என்ன செய்து விட்டார் இந்த ஓட்டுநர் என்கிறீர்களா? ஐந்து ரூபாய், பத்து ரூபாய்க் காசு கீழே கிடந்தால் கூட அதை அனாமதேயமாகக் கண்டெடுத்தால் உடனே அதைச் சொந்தமாக்கிக் கொள்ளத் துடிக்கும் மனிதர்கள் நிறைந்த இந்த உலகில் தனது வாகனத்தில்.. பயணி ஒருவர் மறந்து விட்டுச் சென்ற சுமார் 2.5 லட்ச ரூபாய் மதிப்புள்ள எலெக்ட்ரானிக் உபகரணங்களை மீண்டும் தேடிச் சென்று அவரிடமே ஒப்படைத்திருக்கிறார் கதீப்.

இதோ அந்தப் பயணியே தனக்கு நேர்ந்ததை விவரிக்கிறார் பாருங்கள்...

‘என் உறவினர் வீட்டுத் திருமணத்துக்குச் சென்று விட்டு அதிகாலை 3.30 மணியளவில் பெங்களூரு திரும்பிய நான், கே ஆர் புரம் ரயில் நிலையத்திலிருந்து வீட்டுக்குச் செல்ல ஓலா கார் அமர்த்திக் கொண்டேன். வீடு திரும்பிக் கொண்டிருக்கையில் பாதி வழியில் கார் பஞ்சர் ஆகி விட்டது.  கார் டயரை மாற்ற வேண்டியிருந்ததால்  ஓட்டுநர் கதீர் ரஹ்மான், கார் தயாராக சற்று தாமதமாகலாம், நீங்கள் வேறு வாகனம் ஒன்றை அமர்த்திக் கொண்டு வீடு திரும்புங்கள் என்று கேட்டுக் கொண்டார். அவர் சொன்னபடியே, நானும் 10 நிமிடங்களில் வேறொரு வாகனத்தை அமர்த்திக் கொண்டு வீடு வந்து சேர்ந்தேன். வீட்டுக்கு வந்த 10 நிமிடத்தில் எனக்கு கதீப்பிடம் இருந்து அலைபேசி அழைப்பு வந்தது.  நான் எனது மடிக்கணினி மற்றும் சில விலையுயர்ந்த எலெட்ரானிக் உபகரணங்களை வைத்திருந்த கைப்பையை அவரது காரிலேயே விட்டு வந்து விட்டதாகவும், திரும்ப வந்து அதை எடுத்துக் கொள்ளுமாறும் அவர் கேட்டுக் கொண்டார். என் கைப்பை கிடைத்து விட்ட போதும், அதிலிருந்து விலையுயர்ந்த பொருட்களை தொலைக்கவிருந்த நிலையை எண்ணிக் கொஞ்டம் பதட்டமாகி விட்டேன் நான். அப்போதும், கதீப் என்னிடம் பதற்றமின்று வாருங்கள், நான் உங்களுக்காகக் காத்திருக்கிறேன் என்று என்னைச் சமாதானப்படுத்தி நான் அவரைச் சென்று அடைவதற்குள்ளாகப் பாதி வழியிலேயே என் கைப்பையை என்னிடம் கொண்டு வந்து சேர்த்து விட்டார். 

இந்த உபகாரத்துக்கு நன்றி செலுத்தும் விதமாக நான் அவருக்கு பணம் கொடுத்தேன். ஆனால், அவர் அதை ஏற்றுக் கொள்ளவில்லை. ஆனாலும், என்னால் அவரைப் பாராட்டாமல் இருக்க முடியவில்லை. அதனால், வற்புறுத்தி சிறுது பணத்தை அவருடைய பாக்கெட்டில் திணித்து விட்டு வந்தேன். அதிகாலையில் நேர்ந்த இந்த சம்பவம் என் மனதை நெகிழ்த்துவதாக அமைந்து விட்டது. 

எனவே, என்னிடம் மிக மிக நேர்மையாக நடந்து கொண்டவரான ஓலா ஓட்டுநர் கதீப் ரஹ்மானை நீங்களும் பாராட்டுங்கள்;

- என்று கூறி பயணி சயூஜ் ரவீந்திரன் தனக்கு நேர்ந்த இந்த அனுபவத்தை தனது முகநூல் பக்கத்தில் பகிர்ந்திருந்தார்.

அவர் பகிர்ந்தது தான் தாமதம், அந்தப் பதிவு தற்போது 10,000 லைக்குகள், 2,600 பகிர்வுகள் என வைரலாகி விட்டது.

அது மட்டுமல்ல,  பெங்களூரைச் சேர்ந்த எஸ் ஜி பி க்ரூப் நிறுவனம் குறிப்பிட்ட அந்த ஓலா ஓட்டுநரின் நற்செய்கையையும் நேர்மையையும் பாராட்டும் விதமாக அவருக்கு ரூ 25,000 க்கான காசோலைப் பரிசையும் அனுப்பி வைத்திருக்கிறது.

வாஸ்தவத்தில், தென்மாநிலங்களில் பெருவாரியாக இயக்கப்பட்டுக் கொண்டிருக்கும் ஓலா, உபேர் போன்ற வாகன ஓட்டுநர்களின் பெயர்கள் பெரும்பாலும் எதிர்மறையான விஷயங்களுக்காகத் தான் இதுவரையிலும் ஊடகங்களில் அடிபட்டுக் கொண்டிருந்தன. அகஸ்மாத்தாக எப்போதேனும் இம்மாதிரியான நல்ல காரியங்களுக்காகவும் பேசப்படுவதும், பாராட்டப்படுவதும் வரவேற்கத் தக்கது.

அத்துடன் இச்சம்பவம் மூலமாக, ஒரு மனிதன் தனது நல்ல செய்கைக்காக எந்த அளவுக்கு இந்த சமூகத்தில் மதிக்கப்படுகிறான், துதிக்கப்படுகிறான் என்பதும் தற்போது புலனாகி இருக்கிறது.
 

]]>
பெங்களூரு, ஓலா ஊட்டுநர், பயணி சயூஜ் ரவீந்திரன், ஓட்டுநர் கதீப் ரஹ்மான், ஓட்டுநரின் நல்லெண்ணம், நேர்மை வெல்லும், நேர்மைக்குப் பரிசு, bangaluru ola cab driver, viral on the internet https://images.dinamani.com/uploads/user/imagelibrary/2019/9/26/w600X390/Khateeb_Ur_Rahman_Ola_Facebook_PTI.jpg https://www.dinamani.com/lifestyle/lifestyle-special/2019/sep/26/bengaluru-ola--drivers-heartwarming-gesture-got-10000-likes-on-facebook-3242592.html
3229012 லைஃப்ஸ்டைல் ஸ்பெஷல் தரமற்ற காய்கறி, பழங்களில் இருந்து எஸ்கேப் ஆவது எப்படி? கார்த்திகா வாசுதேவன் Wednesday, November 6, 2019 04:23 PM +0530  

கடைக்குப் போய் காய்கறி மற்றும் பழங்கள் வாங்குவது முதல் அதை சமைத்து சாப்பிடுவது வரை சிலருக்கு ஆயிரம் சந்தேகங்கள். பலர் எதையும் கண்டு கொள்வதே இல்லை. போனோமா... வாங்கினோமா? சமைத்தோமா? மிச்சமானால் ஃப்ரிஜ்ஜில் எடுத்துப் போட்டோமா? தீரும் வரை சுட வைத்து சுட வைத்து சாப்பிடுவோமா? என்றிருக்கிறார்கள். இதில் வயது வித்யாசமே இல்லை. சமையலில் தேர்ந்தவர்கள், ஆரோக்யத்தில் அக்கறை கொண்டவர்கள் அப்படிச் செய்ய மாட்டார்கள். பிறகு யாரெல்லாம் அப்படிச் செய்கிறார்கள் என்றால்? சமைப்பதையும், சாப்பிடுவதையும் வெறும் ஒரு கடமையாகவும், நிர்பந்தமாகவும் நினைக்கிறவர்கள் மட்டுமே அப்படிச் செய்கிறார்கள். அது தவறு. இப்படியான மனோபாவம் இருப்பதால் தான் விருந்தென்று நினைத்துக் கொண்டு நாம் பெரும்பாலும் விஷத்தைச் சாப்பிட வேண்டியதாகி விடுகிறது. சமைத்த உணவுகளை அன்றைன்றைக்கே சாப்பிட்டு முடித்து விடுவது தான் உடல்நலனுக்கு நல்லது. சில உணவுப் பொருட்களை மறுநாள் வரை வைத்திருக்கலாம். ஆனால் வாரக் கணக்கில் வைத்துச் சாப்பிடுவது ஒன்று வற்றல், வடாம்களாக இருக்க வேண்டும் அல்லது ஊறுகாயாக மட்டுமே இருக்க வேண்டும். அசைவம் சாப்பிடக் கூடியவர்கள் என்றால் உப்புக்கண்டத்தையும், கருவாட்டையும் தவிர்த்து வேறு எதையுமே தயவு செய்து ஃப்ரிஜ்ஜில் சேமித்து வைத்து வாரக் கணக்கில் பயன்படுத்தாதீர்கள். உங்களுக்கு வரக்கூடிய பலவிதமான உடல்நலக் கேடுகளுக்கு அது தான் முக்கியமான காரணமாகி விடுகிறது என்பதை நினைவில் வையுங்கள்.

 

 

இந்தக் காணொலியில் காய்கறி, பழங்களை எப்படித் தரம் பார்த்து வாங்குவது? அவற்றை எத்தனை நாட்களுக்குள் உண்டு முடிக்க வேண்டும், காய்கறி மற்றும் பழங்களின் மேற்புறத்தில் படியும் ரசாயனக் கலப்பை எப்படி நீக்குவது என்பன போன்ற தகவல்களைப் பற்றி அலசியுள்ளோம்.

இது தினமணியின் டீ பிரேக் நேரம்.

இதில் பல விஷயங்களைப் பற்றி அலசி வருகிறோம்.

இதற்கு முன் இரண்டு டீ பிரேக் தொடர்கள் முடிந்துள்ளன.

டீ பிரேக் 1 ல் தனிமையில் வசிக்க நேரும் முதியவர்கள் தங்களை எப்படிப் பாதுகாத்துக் கொள்வது? என்பதற்கான எளிய டிப்ஸ்களை வழங்கி இருந்தோம்.

டீ பிரேக் 2 வில் பெரும்பாலான பெண்களிடையே நிலவக் கூடிய ஒரு சார்பான கண்ணோட்டமான, ‘ஆண்கள், பெண்களைப் பயன்படுத்திக் கொள்கிறார்களா? எனும் தலைப்பில் உரையாடியிருந்தோம்.

இது டீ பிரேக் - 3

இதில் இன்றைய நாகரீக யுகத்தின் மிக முக்கியமான பிரச்னையான காய்கறிகள் மற்றும் பழங்களின் தரத்தைக் கணித்து ஆரோக்யமான வாழ்க்கை வாழ்வதற்கான குறிப்புகளை வழங்கியிருக்கிறோம்.

வாசகர்கள், மறவாமல் அனைத்து டீ பிரேக் தொடர்களையும் கண்டு உங்களது கருத்துக்களை எங்களுடன் பகிர்ந்து கொள்ளுங்கள். அத்துடன் தினமணி யூ டியூப் சேனலையும் சப்ஸ்கிரைப் செய்ய மறவாதீர்கள்.

நன்றி!

]]>
UNHEALTHY FRUITS AND VEGETABLES, AVOID UNHEALTHY VEGETABLES, ஆரோக்யமற்ற சமையல், சமைத்த உணவுகளை வாரக்கணக்கில்சேமித்து வைப்பது தவறு https://images.dinamani.com/uploads/user/imagelibrary/2019/9/6/w600X390/teabreak_thumbnail_vegetables.jpg https://www.dinamani.com/lifestyle/lifestyle-special/2019/sep/06/escape-from-un-healthy-vegetables--and-fruits-3229012.html
3252618 லைஃப்ஸ்டைல் ஸ்பெஷல் எச்சரிக்கை! காட்டில் குட்டி யானைகளுடன் எதிர்ப்படும் யானைக் கூட்டங்கள் ஆபத்தானவை! கார்த்திகா வாசுதேவன் Wednesday, November 6, 2019 04:21 PM +0530  

ஒரு புகைப்படக் கலைஞர் அதிலும் குறிப்பாக ஒரு கானுயிர் புகைப்படக் கலைஞர் இதைச் சொல்லும் போது நாம் அதை நிச்சயம் பொருட்படுத்தத் தான் வேண்டும். ஏனெனில், அவர் சொல்வது அறிவுரை அல்ல, அனுபவம்.

குழுவாகப் பயணிக்கும் யானைக்கூட்டங்களில் குட்டி யானைகளைப் பாதுகாப்பாக அழைத்துச் செல்தல் என்பது மிகப்பெரிய நீதியாகப் பேணப்படும். அவற்றுக்கு ஏதாவது ஆபத்து விளைவிக்க வேண்டும் என்பதில்லை. யானைகள் கூட்டமாக அப்படிச் செல்கையில் நாம் ஒற்றை ஆளாகவோ அல்லது கும்பலாகவோ கூட காட்டில் அகப்பட்டுக் கொண்டால் தீர்ந்தோம். தங்களது பாதுகாப்புக்காக யானைகளை மனிதர்களைத் தாக்கத் தொடங்கி விடும்.

அதே போல சமவெளிகளில் வசிப்பதில் ஆர்வம் காட்டும் சிங்கக் குடும்பங்கள் தனியாக வேட்டையாடுவதில்லை. பெரும்பாலும் பெண் சிங்கங்கள் வேட்டையாடுவதை ஆண் சிங்கங்கள் பகிர்ந்து உண்பதுண்டு. சிங்கங்கள் குடும்பமாக ஓய்வெடுக்கையில் மரத்தின் மேலிருந்து வயதான சிங்கங்கள் தூங்காமல் விழித்திருந்து தன் குடும்பத்தினருக்கு காவல்பணி செய்துண்டு.

புதிதாக ஒரு காட்டுப்பகுதியில் பிரவேசிக்கும் வேங்கைப்புலியானது, தன்னால் அங்கே நீடிக்க முடியுமா? அல்லது தன்னைக் காட்டிலும் வல்லவனான புலியொன்றின் ஆதிக்கத்தில் அல்லது கட்டுப்பாட்டில் அந்தப் பிரதேசம் இருக்கிறதா? என்பதைச் சோதித்தறிய மரத்தில் கால் நகக்குறியிட்டு கோடிழுத்துச் செல்லும் புத்திசாலித்தனமான நடைமுறைகளும் வேங்கைப்புலிகளுக்குள் உண்டாம். ஒருவேளை இதைக் காட்டிலும் பலசாலியான புலி அந்தப் பகுதியில் இருந்தால் அந்தப்புலி இந்தப்புலி கோடிழுத்த இடத்திற்கும் மேலே தனது பலத்தைக் காட்ட கோடிழுத்து விட்டுச் செல்லுமாம்.

இம்மாதிரியான தகவல்கள் எல்லாம் நம்மைப் போன்ற சாதாரணர்கள் அறிந்திராதவை. 

இது மட்டுமல்ல, இது போன்ற இன்னும் பல சுவாரஸ்யமான தகவல்களை நம்முடன் பகிர்ந்து கொண்டிருக்கிறார் ராதிகா ராமசாமி.

 

இந்தியாவின் கடைக்கோடி கிராமங்களில் ஒன்றான வெங்கடாசலபுரத்தில் பிறந்தவரான இவர் பள்ளிப்படிப்பை தனது சொந்தக் கிராமத்தில் முடித்தவர். பின் பொறியியல் பட்டப் படிப்பை முடித்து எம்பிஏ பட்டமும் பெற்று டெல்லியில் பணி புரிந்தார். அங்கு வசிக்கும் போது துவங்கியது தான் கானுயிர் புகைப்படக் கலை மீதான ஆர்வம். புகைப்படங்கள் எடுப்பது சிறு வயதிலிருந்து இவருக்கு விருப்பமான பொழுது போக்காக இருந்து வந்தாலும் துறை சார்ந்து தனது ஆர்வத்தை இவர் அடையாளம் கண்டது டெல்லியில் வசிக்கத் தொடங்கிய போது தான். காரணம் வீட்டிலிருந்து சடுதியில் செல்லத்தக்க தூரத்திலிருந்த விலங்குகள் மற்றும் பறவைகள் சரணாலயங்களும் அந்தப் பறவைகள் எழுப்பிய சுதந்திர ஓசைகளும் தான். அப்படித் தொடங்கிய பின்னரே தெரிந்தது இந்திய அளவில் விரல் விட்டு எண்ணத்தக்க அளவில் மட்டுமே நிபுணர்களைக் கொண்டுள்ள இத்துறையில் பெண்களுக்கான பங்களிப்பில் தான் தான் முதல் என்பது.

ஆயினும் அந்தப் பெருமையை தலைக்கேற்றிக் கொள்ளாமல் இன்றும் கூட ஒரு சிறுமிக்கான பூரிப்புடன் காடுகளில் தனக்கேற்பட்ட அனுபவங்களை நமக்குப் பாடங்களாக விவரிக்கிறார்.

பறவைகள், விலங்குகளுக்கும் கூட பாஷைகள் உண்டு. அவற்றுக்குள்ளும் குடும்பச் சண்டைகள் உண்டு. சர்வைவல் என்று சொல்லப்படக்கூடிய போட்டிகள் உண்டு. அத்தனையையும் மிக அழகியலோடு பதிவு செய்வதே ஒரு தேர்ந்த கானுயிர் புகைப்படக் கலைஞரின் மிகப்பெரிய சவால் என்கிறார் ராதிகா.

அவருடனான முழு நேர்காணலை உங்களுடன் பகிர்வதில் பெருமை கொள்கிறது தினமணி.காம்.

பார்த்து விட்டு வாசகர்கள் தங்கள் கருத்துக்களைக் கூறலாம்.

 

]]>
ராதிகா ராமசாமி, கானுயிர் புகைப்படக் கலை வல்லுனர், அனுபவங்கள், rathika ramasamy, wild life photography https://images.dinamani.com/uploads/user/imagelibrary/2019/10/12/w600X390/39-Mother_care.JPG https://www.dinamani.com/lifestyle/lifestyle-special/2019/oct/12/எச்சரிக்கை-காட்டில்-குட்டி-யானைகளுடன்-எதிர்ப்படும்-யானைக்-கூட்டங்கள்-ஆபத்தானவை-3252618.html
3178195 லைஃப்ஸ்டைல் ஸ்பெஷல் கடைசியா எப்போ நீங்க ஹேப்பியா ஃபீல் பண்ணீங்க?  கார்த்திகா வாசுதேவன் Wednesday, November 6, 2019 04:21 PM +0530  

இந்த வாழ்க்கை ஆயிரமாயிரம் அற்புதத் தருணங்களால் நிரம்பியது...

உங்க வாழ்க்கையைக் கொஞ்சம் ரீவண்ட் செய்து பார்த்தீங்கன்னா உங்களுக்கே அது புரியும்.

நீங்க எப்போல்லாம் சந்தோசமா உணர்ந்தீங்கன்னு யோசிச்சுப் பாருங்க;

ஸ்கூல்ல ஃபர்ஸ்ட் ரேங்க் வந்து கிளாஸ் டீச்சர் பென் கிஃப்ட் கொடுக்கும் போதுன்னு ஆரம்பிக்கலாம். ஆனா அது க்ளிஷேவா ஆயிடும். உங்க மனசுக்குள்ள இன்னும் கொஞ்சம் ஆழமா ட்ராவல் பண்ணுங்க. யெஸ்... போர் அடிச்சுக் கிடக்கிற சம்மர் ஹாலிடேஸ் நாட்கள், இன்னும் 1 மாசம் லீவிருக்கே, எங்கயும் போக முடியலையேன்னு நொந்து போய் பராக்குப் பார்த்துட்டு இருக்கும் போது திடீர்னு அம்மாவோ, சித்தியோ, பக்கத்து வீட்டு ஆண்ட்டியோ, உங்க வயசுல ஒரு குட்டிப் பெண்ணையோ, பையனையோ அழைச்சிட்டு வந்து, இவளையும் விளையாட்டுல சேர்த்துக்குங்கன்னு சொன்ன நிமிஷத்துல சோர்ந்து போன மனசு சும்மா பல்ப் போட்ட மாதிரி உற்சாக ஒளி வெள்ளத்தில் மிதக்க ஆரம்பிச்சிரும் அதுல தொடங்கலாம் ஹேப்பி மொமெண்ட்ஸை...

அப்புறம் இருக்கே வரிசையா...

ஸ்கூல்ல நம்ம கிரஷ் எய்தர்  பாய் ஆர் கேர்ள் திடீர், திடீர்ன்னு நம்ம எதிர்ல வரும்போதெல்லாம் சும்மா ஜிவ்வுன்னு காத்துல பறக்கற மாதிரி இருக்கும் மனசு...

அப்புறம் கில்லி ஆடினாலும் சரி கோலி ஆடினாலும் சரி தாயமாடினாலும் சரி ஜெயிச்சுட்டா வருமே ஒரு கிறக்கம். அதுக்கு ஈடு இணை இந்த உலகத்தில் எதுவுமே இல்லை.

நைன்த் படிச்சு முடிக்கற வரை கவர்ன்மெண்ட் பஸ் மாதிரி ஸ்லோவா ஜாலியா போற லைஃப் 10 த் வந்ததுமே எக்ஸ்ட்ரா லோட் ஏத்தினா மாதிரி கொஞ்சம் மூச்சுத் திணறி வருஷக் கடைசில பரீட்சை எழுதி முடிச்ச கடைசி நாள் சாயங்காலப் பொழுதுகளை யோசிங்க... அப்புறம் ரிசல்ட் வரனும். 11 த் போகனும். ஆசைப்படற குரூப் கிடைக்கனும். பாஸாகி 12 த் போகனும். அப்புறம் திரும்ப பப்ளிக் எக்ஸாம் ஃபீவர். அது முடிஞ்சதும் ஒரு சின்ன ஹேப்பி மொமெண்ட்ஸ். ரிசல்ட் வந்ததும் காலேஜ் போற சந்தோசமிருக்கே.

அது எஞ்சினியரிங் காலேஜோ, ஆர்ட்ஸ் காலேஜோ எதுவா வேணா இருந்துட்டுப் போகட்டும்

.

முதல் நாள் காலேஜ் போற அனுபவம் இன்னைக்கும் கூட அப்படியே பசுமையாக மனசுல நிக்கும். காரணம் அந்த தருணங்கள் அத்தனை அழகானவையாக நம்மால் டிஸைன் செய்யப்பட்டிருக்கும் என்பதால். முதல் நாள் காலேஜ், அதுலயும் கோ எட் காலேஜ்னா சொல்லவே வேண்டாம் மனசின் பரபரப்பை. ஒட்டுமொத்த காலேஜும் நம்மள தான் பார்க்குதுன்னு ஒவ்வொரு பொண்ணும், ஒவ்வொரு பையனுமே தனக்குத் தானே கற்பனை பண்ணிட்டு மந்தாரமா திரியற அந்தக் காலம் இருக்கே நத்திங் கேன் ரீப்ளேஸ் இட் தெட் குட் ஓல்ட் டேய்ஸ்.

இங்கே காதலில் விழுந்து கசிந்துருகி வாழ்க்கைக்கு எக்ஸ்ட்ரா எஃபெக்ட்ஸ் சேர்த்துக்கிறவங்களும் இருக்காங்க. சும்மா வாழ்க்கைக்கு சுவாரஸ்யம் கூட்ட கிரஷ் மட்டும் போதும்னு கண்களால் மட்டும் பேசி காணாமல் போறவங்களும் இருக்காங்க. எப்படிப் பட்டவங்களுக்கும் காலேஜ் டேய்ஸ் சம்திங்க் ஸ்பெஷல் தான்.

ஒரு டிகிரி முடிச்சாச்சா? பொண்ணுங்கன்னா அடுத்து கல்யாணம்னு ஆரம்பிச்சிடுவாங்களே வீட்ல.

வரப்போற ராஜகுமாரன் எப்படி இருப்பான்னு யோசிச்சு முடிக்கிறதுக்குள்ள கல்யாணமாகி அடுத்த கட்ட புது வாழ்க்கையே ஆரம்பமாயிரும் பலருக்கு. இந்த வாழ்க்கையில் ஆயிரம் கஷ்ட நஷ்டங்கள் இருந்தாலும் அடுத்தடுத்து சுவாரஸ்யம் கூட்ட நிறைய தருணங்கள் இடைப்படும். முதலாவதா முதல் குழந்தைக்கு கருத்தரிக்கிற மொமெண்ட். அடுத்து அது ஆணா, பெண்ணாங்கற கற்பனைகளோட 9 மாதம் வயிற்றில் சுமக்கும் மொமெண்ட்... பிறந்ததும் அது யார் ஜாடைன்னு கண்டுபிடிக்கற மொமெண்ட், அப்புறம் குழந்தை வளர்கிற ஒவ்வொரு நொடியுமே எல்லா அம்மாக்களுக்கும், அப்பாக்களுக்குமே சம்திங் ஸ்பெஷலோ ஸ்பெஷல் தான்.

அப்படி வளர்கிற குழந்தைகளை முதல்நாள் பள்ளிக்கு அனுப்பற அனுபவம்... குழந்தைகளைப் பொருத்தவரைக்கும் அவங்களுக்காக நாம செய்யற ஒவ்வொரு விஷயமுமே சந்தோசமான அனுபவங்களை மட்டுமே அடிப்படையா கொண்டு தான் கட்டமைக்கப்பட்டிருக்கறதா ஒவ்வொரு பேரண்ட்ஸுமே நினைச்சுக்கிறோமே அது அற்புதமான சந்தோஷ தருணமில்லையா.

யெஸ் அப்புறம் ஆணோ, பெண்ணோ முதன் முதல்ல ஒரு வேலையில் சேர்ந்து முதல் மாச சம்பளத்தை கையில் வாங்கி ஸ்பர்சிக்கும் போது ஆனந்தக் கண்ணீர் வராத குறையா ஒரு ஃபீல் வரும் பாருங்க. அந்த ஹேப்பியஸ்ட் மொமெண்ட்ஸுக்கும் இந்த உலகத்தில் ஈடு இணை கிடையாது.

அப்புறமா இருக்கவே இருக்கு சொந்தமா வீடு கட்டி கிரஹப் பிரவேஷம் செய்து குடி போகற ஹேப்பி மொமெண்ட்...

வளரும் பிள்ளைகளின் ஒவ்வொரு சக்ஸஸையும் கிட்ட இருந்து பார்த்து பரவசப்படுகிற ஹேப்பி மொமெண்ட்ஸ்... 

அட நில்லுங்க... நில்லுங்க...

ஆமா இப்போ எதுக்கு இப்படி ஒரு ஹேப்பி மொமெண்ட்ஸ் லிஸ்ட் எடுத்துக்கிட்டு இருக்கேன்னு நீங்க கேட்கலாம்.

கேட்கனும்.

ஏன்னா? வாழ்க்கைங்கறது சந்தோசமான தருணங்களைப் போலவே சில கசப்பான தருணங்களையும் தன்னகத்தில் கொண்டதா தான் இருக்கு. அந்த மாதிரியான நேரங்களில் மீண்டும் ஒரு வெளிச்சப் புள்ளியை தரிசிப்பதற்கான நம்பிக்கையை நாம் மீட்டெடுக்க உதவியா இருக்கிறது நாம் மேலே சொன்ன அந்த அற்புத தருணங்களே! அதனால, வாழ்க்கையை புரிஞ்சு வாழும் யாருமே பிரச்னைகளுக்கான தீர்வா ஒரு போதும் வன்முறையையோ, வஞ்சத்தையோ, தற்கொலையையோ, அல்லது துரோகத்தையோ நினைச்சுப் பார்த்திட வேண்டாம்.

ஏன்னா இந்த வாழ்க்கை ஆயிரமாயிரம் அற்புத தருணங்களால் நிரம்பியது.

நல்லதோர் வீணை செய்தே அதை நலங்கெடப் புழுதியில் எறிவதுண்டோன்னு கேட்ட நம் மகாகவி பாரதியின் வார்த்தைகளைப் பின்பற்றி வாழ்வை மேலும் மேலுமென அற்புத தருணங்களால் நிரப்பிக் கொள்வோம்.

]]>
WONDERFUL MOMENTS, அழகான தருணங்கள், ஹேப்பி மொமெண்ட்ஸ், அற்புதத் தருணங்கள் https://images.dinamani.com/uploads/user/imagelibrary/2019/6/24/w600X390/happiest_moments.jpg https://www.dinamani.com/lifestyle/lifestyle-special/2019/jun/24/happiest-moments-in-life-3178195.html
3176898 லைஃப்ஸ்டைல் ஸ்பெஷல் அடேங்கப்பா! இவங்கள மாதிரி யோகா டீச்சர்கள் கிடைச்சா, யோகா கத்துக்கிட கசக்குமா என்ன? சரோஜினி Wednesday, November 6, 2019 04:20 PM +0530  

யோகா என்றாலே காத தூரம் ஓடக்கூடியவர்கள் இன்னும் இருக்கிறார்கள். அவர்களுக்கெல்லாம் யோகா என்றாலே ஏதோ உடற்பயிற்சி, தியானம் என்ற எண்ணமிருப்பதால் தான் அப்படி உணர்கிறார்கள். ஆனால், யோகாவை சுவாரஸ்யமாகக் கற்றுத்தர அருமையான ட்ரெய்னர்கள் கிடைத்து விட்டார்கள் என்று வைத்துக் கொள்ளுங்கள். அப்புறம் நீங்கள் யோகா செண்ட்டரே கதி என்று கிடக்க வேண்டியது தான். அப்படி ஒரு அற்புதமான கலை இது. அதிலும் அழகு மற்றும் இளமையுடன் யோகாவில் பெரும் ஈடுபாடும் கொண்ட ட்ரெய்னர்கள் கிடைத்து விட்டார்கள் என்றால் பிறகு யோகாவைப் போன்ற ஒரு அற்புதமான ஃபிட்னஸ் மந்திரத்தை நம்மால் அத்தனை எளிதில் புறக்கணித்து விட முடியாது.

பாலிவுட் செலிபிரிட்டிகளில் பலருக்கு யோகாவில் ஆழமான ஈடுபாடு உண்டு. அவர்கள் தங்கள் உடலை ஃபிட்டாக வைத்துக் கொள்ள கடுமையான உடற்பயிற்சிகளில் ஈடுபட்டாலும் மன அமைதிக்காகவும், தேவையற்ற மன அழுத்தங்களில் இருந்து விடுபடவும் யோகாவுக்கும் தங்களது அன்றாட வாழ்க்கை முறையில் குறிப்பிடத்தக்க அளவிலான நேரத்தை ஒதுக்கத் தவறுவதில்லை. யோகா என்றால் வெட்டவெளியிலோ அல்லது பூட்டப்பட்ட பெரிய ஏ சி அறைகளிலோ ஓம் சாண்ட்டிங் மந்திரத்துடன் தியானம் செய்வது மட்டுமல்ல, அதிலும் ஏரியல் யோகா, காஸ்மிக் ஃபியூஷன் யோகா, ஆண்ட்டி கிரேவிட்டி யோகா, அஸ்டாங்க யோகா, எனப் புதிது புதிதாக முயற்சிக்கிறார்கள். அப்படி பாலிவுட்டையே யோகா மந்திரத்தால் கட்டி வைத்திருக்கும் டாப் 5 யோகா ட்ரெய்னர்களைப் பற்றித்தான் இப்போது பார்க்கப் போகிறோம்.

அடேங்கப்பா! இவங்கள மாதிரி யோகா டீச்சர்கள் கிடைச்சா, யோகா கத்துக்கிட கசக்குமா என்ன?

அனுஷ்கா பர்வானி

அன்ஷுகா ஏரியல் (பறவைகளைப் போன்று பறந்துகொண்டே செய்யும் ஒருவிதமான யோகக் கலை) யோகா கலையில் வல்லவர். இவரிடம் ஏரியல் யோகா கற்றுக் கொள்ளும் பாலிவுட் செலிபிரிட்டிகள் யாரெல்லாம் என்றால்... கரீனா கபூர் கான், சயீஃப் அலி கான், ஜாக்குலின் ஃபெர்னாண்டஸ், துஷார் கபூர் உள்ளிட்டோரைக் கூறலாம். இவர்களில் கரீனாவுக்கு தனிப்பட்ட பெர்ஸனல் யோகா ட்ரெய்னராக கோல்மால், வீ ஆர் தி ஃபேமிலி உள்ளிட்ட திரைப்படங்களில் பணியாற்றிய அனுபவமும் அன்ஷுகாவுக்கு உண்டு. தற்போது கடந்த மூன்று ஆண்டுகளாக ஜாக்குலினுக்கு தொடர்ந்து ஏரியல் யோகா இன்ஸ்ட்ரக்டராகச் செயல்பட்டுவ் அரும் அன்ஷுகாவுக்கு யோகாவின் மீதான ஆர்வம் அவரது அம்மாவிடமிருந்து கடத்தப்பட்டதாகக் கூறுகிறார். அவரது அம்மாவும் ஒரு யோகா குரு தான். இவை தவிர, யோகா மூலமாக மட்டுமே தனது கடுமையான காயங்களில் இருந்து விடுபட முடிந்ததாக அன்ஷுகா கருதுகிறார். அதனால் யோகா தனக்குஅளித்த நம்பிக்கையை தன்னிடம் யோகா கற்றுக் கொள்ள வரும் அனைவருக்கும் கடத்த விரும்புவதாக அனுஷுகா கூறுகிறார். 

தியானி பாண்டே

தியானி பாண்டே மும்பைக்கு ஆன்டிகிராவிட்டி யோகாவை அறிமுகப்படுத்தியவர்களில் ஒருவர். அவர் பிபாஷா பாசு, லாரா தத்தா, குணால் கபூர் மற்றும் அபய் தியோல் ஆகியோருக்கு யோகா ட்ரெய்னராகச் செயல்பட்டு வருகிறார். யோகாவை மையமாக வைத்து இதுவரை இரண்டு புத்தகங்களையும் வெளியிட்டுள்ளார். அவை முறையே 1. ஷட் அப் அண்ட் ட்ரெய்ன் (Shut up and Train)’ மற்றும் ‘நான் அழுத்தமாக இல்லை: அமைதியான மனது மற்றும் ஆரோக்கியமான உடலுக்கான ரகசியங்கள்’ (I’m Not Stressed: Secrets for a calm mind and a healthy body’). தியானி பாண்டேவுக்கும் பாலிவுட்டுக்கும் இருக்கும் மற்றொரு நெருக்கமான தொடர்பு என்றால் அது இவர் சங்கி பாண்டேவின் அண்ணியாகவும், அனன்யா பாண்டேவின் அத்தையாகவும் இருப்பது தான்.

பாயல் கித்வானி திவாரி

பாலிவுட் பிரபலங்களான கரீனா கபூர் கான், சைஃப் அலி கான், மலாய்க்கா அரோரா, ஃபர்ஹான் அக்தர், ஜாக்குலின் பெர்னாண்டஸ், மறைந்த ஸ்ரீதேவி கபூர், ராணி முகர்ஜி உள்ளிட்ட பலருக்கு காஸ்மிக் ஃபியூஷன் யோகா பயிற்றுவிப்பாளராக இருக்கிறார் பாயல் கித்வானி. யோகாவில் மேலும் பல புதிய முயற்சிகளை மேற்கொள்ளும் பொருட்டு தனது இண்டீரியர் டிஸைனர் வேலையைக் கூட இழக்கத் தயங்காதவர் பாயல். யோகா பயிற்சியை மையமாக வைத்து இதுவரை பாயல் திவாரி நான்கு புத்தகங்கள் எழுதியுள்ளார் - அவை முறையே, 1.ஓன் தி பம்ப், 2. யோன் சே யோவன் தக், 3. உடல் தேவதை: பெண்களுக்கான முழுமையான யோகா வழிகாட்டி,  4. எக்ஸ்எல் முதல் எக்ஸ்எஸ் வரை: உங்கள் உடலை மாற்றுவதற்கான உடற்தகுதி குருவின் வழிகாட்டி போன்றவை.

ராதிகா கார்லே

சோனம் கபூரின் ஒல்லியான உடல்வாகுக்கு எண்ணற்ற ரசிகர்கள் இருப்பார்களெனில் அதற்கான முழு கிரெடிட்டும் ராதிகா கார்லேவையே சேரும். யோகா மற்றும் பைலேட்ஸ் இன்ஸ்ட்ரக்டரான ராதிகா மும்பையில் ‘பேலன்ஸ் பாடி’ எனும் ஃபிட்னஸ் ஸ்டுடியோ ஒன்றின் உரிமையாளராகவும் இருக்கிறார். இவரிடம் ஃபிட்னஸ் பயிற்சி எடுத்துக்கொள்ளும் பாலிவுட் செலிபிரிட்டிகள் யாரெல்லாம் என்றால்... சோனம் கபூர், நர்கீஸ் ஃபக்ரி, கிருத்திகா ரெட்டி, தான்யா காவ்ரி மற்றும் ரியா கபூர்.

தீபிகா மேத்தா

பாலிவுட்டின் மோஸ்ட் ஃபேமஸ் அஸ்டாங்கா யோகா குரு யார் என்றால் அது தீபிகா தான். 1997 ஆம் ஆண்டு மலையேற்றப் பயிற்சியின் போது மோசமான விபத்தில் சிக்கி மரணத்தை வெகு நெருக்கத்தில் கண்டு தப்பியவர் தீபிகா. தப்ப உதவியது யோகப் பயிற்சி என்கிறார். விபத்தில் சிக்கி படுத்த படுக்கையாக இருந்தவரிடம் டாக்டர்கள்... இனிமேல் பழையபடி எழுந்து நடப்பதே சிரமம் என்று கூறி இருக்கிறார்கள். அப்படிப்பட்ட சூழலில் இருந்து தன்னை மீட்டு மீண்டும் பழைய தீபிகாவாக மாற்றியது யோகா தான் என்கிறார் அவர். இன்றைக்கு தீபிகா வெறும் ஃப்ட்னஸ் எக்ஸ்பர்ட் மட்டுமல்ல. தீபிகா படுகோன், ஐஸ்வர்யா ராய் பச்சன், ப்ரியங்கா சோப்ரா, ப்ரீத்தி ஜிந்தா, வித்யா பாலன், லிஸா ஹெய்டன், ஜாக்குலின் ஃபெர்னாண்டஸ், அலியா பட், விது வினோத் சோப்ரா, அனுபமா சோப்ரா, நேஹா துபியா, நிம்ரத் கெளர் என பல பாலிவுட் செலிபிரிட்டிகளுக்கு டயட் மற்றும் லைஃப்ஸ்டைல் அட்வைஸராக இயங்கி வருகிறார்.
 

]]>
பாலிவுட் செலிபிரிட்டிகளின் டாப் 5 யோகா ட்ரெய்னர்கள், சர்வ தேச யோகா தினம், international yoga day special https://images.dinamani.com/uploads/user/imagelibrary/2019/6/22/w600X390/deepika_3.jpg https://www.dinamani.com/lifestyle/lifestyle-special/2019/jun/22/bollywood-celebrities--top-5--yoga-trainers-3176898.html
2995443 லைஃப்ஸ்டைல் ஸ்பெஷல் ‘சென்னையின் சமையல்ராணி’ மெகா சமையல் போட்டி ஹைலைட்ஸ்! கார்த்திகா வாசுதேவன் Wednesday, November 6, 2019 04:19 PM +0530  

தினமணி இணையதளம் சார்பாக கடந்த சனிக்கிழமை அன்று சென்னை எம் ஓ பி வைஷ்ணவ் மகளிர் கல்லூரி வளாகத்தில் நடைபெற்ற சென்னையின் சமையல் ராணி மெகா சமையல் போட்டி குறித்து தினமணி வாசகர்களிடம் ஒரு பகிரல்.

முன்னதாக அறிவித்தபடி போட்டிக்கான பதிவு காலை 8.30 மணி முதல் தொடங்கியது. தினமணி வாசகர்களுடன் எம் ஓ பி கல்லூரி மாணவிகள் வாயிலாக போட்டி குறித்த விவரங்களை அறிந்து மாணவிகளின் அம்மாக்களில் பலரும் கூடப் பெருவாரியாகப் போட்டியில் கலந்து கொண்டிருந்தனர். போட்டியாளர்கள் குலுக்கலில் தங்களுக்குக் கிடைத்த சீட்டில் குறிக்கப்பட்டிருந்த மெனுவைத் தேர்ந்தெடுத்துக் கொண்டு சமைக்கத் தயாராக அவரவருக்கான இடங்களில் நின்றனர்.

முதலில் 11.30 மணியளவில் ஸ்டார்ட்டர் மெனு தொடங்கியது.

சமையல் போட்டியில் பங்கேற்றவர்களுக்குத் தேவையான அடிப்படை பொருட்கள் போட்டிக்கான வளாகத்தின் மையத்தில் வைக்கப்பட்டிருந்தன. சமையல் போட்டிக்குத் தேவையான இண்டக்‌ஷன் அடுப்பு வசதிகள், அரைப்பதற்கான மிக்ஸிகள், டிஸ்ப்ளே ட்ரேக்கள், பிளாஸ்டிக் ஸ்பூன்கள் அனைத்தும் அங்கேயே ஒருங்கமைக்கப் பட்டிருந்தன.

அது தவிர போட்டியாளர்கள் தங்களுக்குத் தேவையான பொருட்களை கூடுதலாகத் தாங்களே கொண்டு வந்தும் பயன்படுத்தினர். நிகழ்ச்சியில் கலந்து கொண்ட அனைவருக்கும் ஸ்னாக்ஸ் மற்றும் பழரசங்கள் வழங்கப்பட்டன. ஸ்டார்ட்டர் பிரிவு 11.30 க்குத் தொடங்கி சரியாக 12.30 மணியளவில் முடிவுற்றது. ஸ்டார்ட்டர் பிரிவு உணவுகளை உணவியல் வல்லுனரான மீனாக்‌ஷி பெட்டுக்கோலா நடுவராகப் பங்கேற்று தேர்ந்தெடுத்தார். 

ஸ்டார்ட்டர் பிரிவில்... முதல் பரிசு - தீபா மேத்தா, இரண்டாம் பரிசு - பாயல் ஜெயின், மூன்றாம் பரிசு - லட்சுமிகாந்தம்மா மூவரும் பெற்றனர்.

அடுத்ததாக மெயின் கோர்ஸ் மெனு சிறு உணவு இடைவேளைக்குப் பிறகு 2 மணியளவில் துவக்கப்பட்டது. சரியாக 1 மணி நேரத்தில் போட்டியாளர்கள் மஷ்ரூம் பிரியாணி, பனீர் பிரியாணி, காஷ்மீரி புலாவ், சாஃப்ரான் புலாவ், நவதானிய பிரியாணி, கத்தரிக்காய் தீயல், ஆரோக்யத்திற்கு முக்கியத்துவம் அளிக்கும் விதம் விதமான ரய்தாக்கள் என்று சமைத்து அசத்தியிருந்தனர். சமையல் வாசனை உணவு இடைவேளையின் பின்னும் கூட மூக்கைத் துளைத்துப் மீண்டும் பசியுணர்வைத் தூண்டும் விதமாக இருந்தது.

மெயின் கோர்ஸ் மெனுவில் பரிசுக்குரியவர்களை நளமகாராணி மல்லிகா பத்ரிநாத் நடுவராக வந்திருந்து தேர்ந்தெடுத்தார்.

மெயின் கோர்ஸ் பிரிவில்... முதல் பரிசு - பேனசீர் ஷாகுல், இரண்டாம் பரிசு - சத்யா, மூன்றாம் பரிசு - அனுராதா. மூவரும் பெற்றனர்.

அடுத்ததாக 3.30 மணியளவில் டெஸ்ஸர்ட் மெனு துவங்கியது. இப்பிரிவில் பரிசுக்குரியவர்களை அறுசுவை அரசு நடராஜன் அவர்களின் புதல்வி ரேவதி தேர்ந்தெடுத்தார்.

டெஸ்ஸர்ட் பிரிவில் எலிஸா, இரண்டாம் பரிசு - மாதவி, மூன்றாம் பரிசு - ஸ்வேதா மூவரும் பெற்றனர்.

மூன்று பிரிவுகளிலும் முதலிடம் பெற்றவர்களுக்கு ரொக்கப் பரிசாக தினமணி இணையதளம் சார்பில் ரூ.5000, சான்றிதழ், வெற்றிக்கேடயம் மற்றும் பரிசுக் கூப்பன்கள் வழங்கப்பட்டன. இரண்டாவது இடம் பெற்றவர்களுக்கு ரூ.3000, சான்றிதழ், வெற்றிக்கேடயம் மற்றும் பரிசுக் கூப்பன்களும், மூன்றாவது இடம் பெற்றவர்களுக்கு ரூ.2500, சான்றிதழ், வெற்றிக்கேடயம் மற்றும் பரிசுக் கூப்பன்களும் வழங்கப்பட்டன. இவை தவிர, போட்டியில் கலந்துகொண்டவர்களுக்கும் சான்றிதழ் மற்றும் பரிசுக் கூப்பன்களும் வழங்கப்பட்டன.

இப்போட்டியை, எக்ஸ்பிரஸ் நெட்வொர்க் நிறுவனத்தின் நிர்வாக இயக்குநர் சித்தார்த் சொந்தாலியா, தி நியூ இந்தியன் எக்ஸ்பிரஸ் நிறுவனத்தின் முதுநிலை துணைத் தலைவர்கள் லக்ஷ்மி மேனன், விக்னேஷ் குமார், எக்ஸ்பிரஸ் நெட்வொர்க் நிறுவனத்தின் பொது மேலாளர் ஆர். வெங்கடசுப்பிரமணியன், தி நியூ இந்தியன் எக்ஸ்பிரஸ் நிறுவனத்தின் மனிதவள மேம்பாட்டுப்பிரிவு துணைப் பொது மேலாளர் மாலினி சரவணன் உள்ளிட்ட ஏராளமானோர் பார்வையிட்டனர்.

நிகழ்ச்சியின் இடையே எம் ஓ பி வைஷ்ணவ் பெண்கள் கல்லூரி மாணவிகளின் மெல்லிசைக்குழுவினர் தங்களது ரம்மியமான பாடல்கள் மூலம் பார்வையாளர்களைக் கவர்ந்தனர்.

நிகழ்ச்சி நடைபெற்ற எம் ஓ பி வைஷ்ணவ் பெண்கள் கல்லூரி வளாகத்தில் மெகா சமையல் போட்டியின் பார்வையாளர்களைக் கவரும் விதத்தில் கோ ஆப்டெக்ஸ், ஃபுடிக்ஸ், வைப்ரண்ட் நேச்சர், டப்பர் வேர், எக்ஸ்பிரஸ் குழுமத்தின் பினாக்கிள் புக்ஸ் பதிப்பகம், ப்ரீத்தி மிக்ஸி உள்ளிட்டோரது ஸ்டால்கள் இடம் பெற்றிருந்தன.

காலை 8.30 மணி முதல் மாலை 4.30 மணி வரையிலான முழு நாள் நிகழ்வாக நடந்த இந்த மெகா சமையல் போட்டியின் பிரதான நோக்கம் நம் சென்னைப் பெண்களின் சமையல் திறனைப் பற்றி மீண்டுமொரு முறை ஊருக்குப் பறைசாற்றும் விதத்தில் மிக இனிதாக நடந்தேறியது.
 

]]>
மெகா சமையல் போட்டி, சென்னையின் சமையல் ராணி வெற்றியாளர்கள், தினமணி இணையதளம் சமையல் போட்டி, chennaiyin samaiyal rani 2018 https://images.dinamani.com/uploads/user/imagelibrary/2018/9/6/w600X390/main_corse_winnerr.jpg https://www.dinamani.com/lifestyle/lifestyle-special/2018/sep/06/dinamanicoms-chennaiyin-samaiyal-rani-mega-cooking-event-2018-highlights-2995443.html
3271607 லைஃப்ஸ்டைல் ஸ்பெஷல் பணியிடங்களில் மன உளைச்சலுக்கு ஆளானால் முதலில் வேலையை விட முயற்சிப்பது யார்? ஆண்களா / பெண்களா?  கார்த்திகா வாசுதேவன் Tuesday, November 5, 2019 02:36 PM +0530  

பணியிடங்களில் அதிக வேலைப்பளுவால் மிரட்டப் படும் போது ஆண்களும், பெண்களும் அதை எப்படி எதிர் கொள்கிறார்கள் என டென்மார்க்கின் ஆர்ஹஸ் பல்கலைக் கழகத்தில் சில ஆண்டுகளுக்கு முன்பு ஒரு ஆய்வு மேற்கொள்ளப்பட்டது. இந்த ஆய்வை நடத்திய துணைப் பேராசிரியர் முண்ட்ஜெர்க் எரிக்சன் ஒரு ஒரு உண்மையைக் கண்டறிந்தார். அவரது ஆய்வின் படி அலுவல் தளத்தில் கொடுமைகளுக்கு ஆளாகும் போது ஆண்களும், பெண்களும் கடுமையான மன உளைச்சலுக்கு ஆளாவது சர்வதேச அளவில் ஒரு பொதுப்பிரச்னையாக இருந்த போதும் அதற்கான எதிர்வினைகளையாற்றும் போது ஆண்கள் ஒரு விதமாகவும், பெண்கள் ஒரு விதமாகவும் செயல்படுகிறார்கள் என அவர் தனது ஆய்வின் முடிவில் கண்டறிந்தார். பிரச்னை ஒன்று தான், ஆனால் அதை ஆண்கள் ஒரு விதமாகவும், பெண்கள் ஒரு விதமாகவும் கையாள்வது இந்த விசயத்திலும் உறுதிப் படுத்தப்பட்டிருக்கிறது.

வேலைத்தளத்தில் மேலதிகாரிகளோ அல்லது சக அலுவலர்களோ உடன் பணிபுரியும் ஒரு அலுவலரை கட்டம் கட்ட நினைத்தால் முதலில் அவரது வேலைத்திறனை, ஆற்றலைத் தடுப்பார்கள், வழக்கமான வேலையைச் செய்ய விடாமல் தொடர்ந்து புதிது, புதிதாக முக்கியத்துவமற்ற, திறமையை வெளிப்படுத்த அத்தனை வாய்ப்புகளற்ற வேலைகளைத் தருவார்கள், நிஜமாகவே உற்சாகமாகச் செய்யப்படக் கூடிய அல்லது பாராட்டுதல்களைப் பெற்றுத் தரக்கூடிய வேலைகளை எல்லாம் தங்களுக்கு இணக்கமான பிற அலுவலர்களுக்கு வாரி வழங்கி விட்டு கட்டம் கட்டப் பட்டவரை உப்புச் சப்பற்ற வேலைகளில் ஈடுபடச் செய்து, அவரால் இலக்கை எட்ட முடியவில்லை என்று வாய்ப்புக் கிடைக்கும் போதெல்லாம் மட்டம் தட்டி உயரதிகாரிகள் அல்லது நிறுவன இயக்குனர்கள் முன்னிலையில் மொத்தமாக பலிகடாவாக்குவார்கள். இதுவே பெண் அலுவலர்கள் எனில் அதிக வேலைப் பளுவைத் திணிப்பது, நிர்ணயிக்கப் பட்ட அலுவல் நேரம் தாண்டியும் கசக்கிப் பிழிந்து உழைப்பைத் திருடுவது, பாலியல் தொல்லைகள் தருவது என அவர்களுக்கான பணியிடக் கொடுமைகள் ஆண்களை விட சற்றே மாறுபட்டிருக்கும்.

இதனடிப்படையில் 3000 பேர்களிடம் நடத்தப்பட்ட ஒரு ஆய்வில் 70 சதவிகித மக்கள் தாங்கள் பணியிடங்களில் மிரட்டல் மற்றும் கொடுமைகளுக்கு ஆளாவதாகவும், ஆளாக்கப்படுவதாகவும் தெரிவித்துள்ளனர். அதில் 43 சதவிகிதம் பேர் ஆண்கள் என்பது குறிப்பிடத்தக்க விசயம்.

இதில் அலுவலகங்களில் தங்களுக்கு நேரும் பிரச்சினைகளைத் தவிர்க்க அல்லது பிரச்னைகளில் இருந்து தப்பிக்க நினைப்பவர்கள் ஆண்கள் எனில் அவர்கள் உடனடியாக அந்த வேலையை விட்டு விட்டு குறிப்பிட்ட இடைவெளிக்குப் பின் வேறு வேலைக்குச் செல்ல முயற்சிக்கிறார்கள். அதே பெண்கள் எனில் அவர்கள் வேலையை விட முயற்சிப்பதைத் தவிர்த்து மிக நீண்ட மருத்துவ விடுப்புகள் எடுத்துக் கொள்வதில் ஆர்வம் காட்டுகின்றனராம். இந்த விசயத்தை கையாள்வதில் ஆண்களுக்கும், பெண்களுக்கும் ஏன் இத்தனை வேறுபாடு எனப் புரியவில்லை. 

இதனால் சம்பள உயர்வு, புரமோஷன், எதிர்கால வேலை வாய்ப்புகள் உள்ளிட்ட பல்வேறு விசயங்களில் தங்களுக்கு பாதிப்பு ஏற்படும் எனத் தெரிந்திருந்தாலும் ஆண்கள் ஏன் குறிப்பிட்ட காலத்திற்கு தங்களது வேலையை விட முயற்சிக்கிறார்கள் என்பது மில்லியன் டாலர் கேள்வி!
 

]]>
who will resign the job first?! https://images.dinamani.com/uploads/user/imagelibrary/2019/11/5/w600X390/work_place_depression.jpg https://www.dinamani.com/lifestyle/lifestyle-special/2019/nov/05/if-you-feel-depressed-in-the-workplace-who-will-try-to-resign-the-job-first-men-women-3271607.html
3270627 லைஃப்ஸ்டைல் ஸ்பெஷல் விசித்ர மூர்த்தி சரபேஸ்வரரின் ரிஷிமூலம்! கார்த்திகா வாசுதேவன் Monday, November 4, 2019 11:13 AM +0530  

நமது இந்து மதத்தில் ஆயிரமாயிரம் கடவுள்கள் இருக்கின்றனர். அவர்களில் ஒவ்வொருவருக்கும் ஒரு தோற்றுவாய்க் கதைகள் உண்டு. ஆதி சக்தி எப்படித் தோன்றினாள்? அவள் மும்மூர்த்திகளை எப்படிப் படைத்தாள், மகாலட்சுமி எங்கிருந்து தோன்றினாள்? சரஸ்வதி தேவி எங்கிருந்து தோன்றினாள், அவரவர்களின் பிறப்பு மூலம் என்ன? அவர்கள் வந்த காரியம் என்ன? காரணம் என்ன? கண்ணன் எப்படிப் பிறந்தான், எதற்காகப் பிறந்தான் என்றெல்லாம் கதைகள் இருப்பதைப் போல சரபேஸ்வரருக்கும் ஒரு கதை உண்டு.

அதைத் தெரிந்து கொள்ளும் முன்பு இந்துக் கடவுளரில் அரை தெய்வ அரை மிருக ரூபம் கொண்டவர்கள் யாரெல்லாம் என்று ஒரு பார்வை பார்த்து விடலாம்.

முதலில் எல்லோருக்கும் நன்கு அறிமுகமானவரான ஆத்மசுத்தி கொண்ட ஜெய ஆஞ்சநேயரில் இருந்து தொடங்கலாம்.

அவரைப் பின்பற்றி பலர் வருகிறார்கள் இந்தப் பட்டியலில்.

வராகமூர்த்தி, நரசிம்மர், பிரத்யங்கரா தேவி, வராகி அம்மன், ஹயக்ரீவர், மச்சாவதார மூர்த்தி, நந்திகேஸ்வரர், பைரவ மூர்த்தி, சரபேஸ்வரர், ஆதிசேஷன் எனப் பெருந்தெய்வங்களையும் ராகு, கேது என நவக்ரஹங்களையும் நாம் அரை மனித, அரை மிருக ரூபத்தில் நாம் துதித்துக் கொண்டிருக்கிறோம்.

இவர்களில் சரபேஸ்வரர் உருவான கதையைப் பற்றி இப்போது தெரிந்து கொள்வோம். 

ஐதீகக் கதை..

இரண்ய கசிபுவை வதம் செய்து பிரகலாதனைக் காக்க மகா விஷ்ணு நரசிம்ம மூர்த்தியாக தூணைப் பிளந்து கொண்டு அவதரித்தார். 

நரசிம்மரின் அவதார நோக்கம் முடிவடைந்த பின்னரும் கூட அவரது சினம் அடங்கவில்லை. உக்கிரமூர்த்தியாக கர்ஜித்துக் கொண்டிருந்த நரசிம்மரின் கோபத்தைத் தணிக்க இயலாத தேவாதி தேவர்கள் மகாதேவரைச் சரணடைந்தனர். முப்பத்து முக்கோடி தேவர்களின் கோரிக்கையை ஏற்று நரசிம்மரின் சினத்தைத் தணிக்க சிவபெருமான் சரபம் எனும் பறவையின் ரூபத்தை ஏற்று சரபேஸ்வரராகப் பூமியில் தோன்றுகிறார். 

இவரது தோற்றத்தைப் பற்றி வர்ணிக்கையில், மனித உடல், எட்டு கால்கள், நான்கு கரங்கள், கருடன் போன்ற மூக்கு, யாளியின் வாய், இரண்டு பெரிய இறக்கைகள், அவரது காலடியில் வணங்கி நிற்கும் நரசிம்மம் இதுவே சரபேஸ்வரரின் உருவமாகச் சித்தரிக்கப்படுகிறது. நாராயணன் நரசிம்மவதாரம் எடுத்த போது, அவரது உக்கிரத்தைத் தணிக்க அவரை விட உக்கிரமாக வெளிப்பட்ட சிவ வடிவமே சரபேஸ்வர வடிவம் என்கிறார்கள்.

// இதை பக்தி இலக்கிய காலத்தில் நிகழ்ந்த சைவ, வைணவ பக்திமார்க்கச் சண்டைகள் மற்றும் தர்க்கங்களுடன் வைத்து ஒப்பு நோக்கும் போது, வைணவர் போற்றும் மகா நரசிம்மரைத் தாழ்த்துவதற்காகவே சைவர்கள் கண்டறிந்த கடவுள் உருவம் தான் சரபேஸ்வரர் என்ற வாதமும் உண்டு. //

இந்த விசித்திரமான தோற்றத்துடன் சரபர் தோன்றும் போது வெளிப்பட்ட மாபெரும் ஓசையிலேயே நரசிம்மர் உக்கிரம் தணிந்து சாந்தி அடைந்து விட்டதாகச் சொல்வார்கள்.

இந்தக் கதை காஞ்சி புராணத்தில் வேறு விதமாகவும் சொல்லப்படுகிறது. அதாவது நரசிம்மரின் உக்கிரம் தணிக்க சிவபெருமான் முதலில் வீரபத்ரரை அனுப்பியதாகவும், வீரபத்ரரைக் கண்டு உக்கிரம் தணியாத நரசிம்மர் அவரைக் கட்டிப் போட்டு விட்டு வேடிக்கை பார்த்து அட்டகாசம் செய்யவே அதைப் பொறுத்துக் கொள்ள இயலாத சிவன் ரெளத்ர ஜோதி ரூபமாக வீரபத்ரரின் உடலுக்குள் புகுந்ததும் அதில் பெருவெடிப்போசையுடன் உதித்தார் சரபேஸ்வரர் என்கிறது காஞ்சி புராணம்.

சரபேஸ்வரரின் வேறு பெயர்கள்:

இவரைப் பட்சிகளின் அரசன் என்றும், நரசிம்ம கர்வ பஞ்சக மூர்த்தி என்றும் சாலுவேஸ்வரன் என்றும் குறிப்பிடுகிறார்கள்.

சரபேஸ்வரரின் மனைவிகள்..

சரபேஸ்வரருக்கு தேவிகள் இருவர், அதில் மூத்தவர் பிரத்யங்கரா தேவி, இளையவர் சூலினி. இருவரும் இரு இறக்கைகளாக சரபருடன் சதா வாசம் செய்கிறார்கள். சரபரின் நெற்றிக்கண்ணிலிருந்து வெளிவந்த அக்னியில் உதித்தவர் பிரத்யங்கரா தேவி என்ற கதையும் உண்டு. தேவியின் உதவியுடன் தான் சரபர், நரசிம்மரின் உக்கிரம் தணித்து சாந்தியடைய வைத்தார் என்கிறது காஞ்சி புராணம்.

சரபேஸ்வர வழிபாடு குறித்து வியாசர் சொல்வதென்ன?

தீவிரமான நோய்ப்பிணி கொண்டவர்கள் அதிலிருந்து சுகமடையவும், பயம், பீதி, இனம் காண முடியாத சஞ்சலத்தில் உழல்பவர்கள் அதிலிருந்து விடுபடவும், பகைவர்களை ஒழித்து ஜெயம் காணவும் சரபேஸ்வரரை வழிபட வேண்டும் என்கிறார் வேத வியாசர்.

சரபேஸ்வர வழிபாட்டுக்கு உகந்த காலம்...

ஞாயிறு மாலை 4.30 மணி முதல் 6 மணி வரை உள்ள ராகு காலத்தில் இவரை வழிபடுவது சிறப்பு என்கிறார்கள். மனதை ஒருநிலைக்கு கொண்டு வந்து ‘நான்’ என்ற அகங்காரத்தை ஒழித்து, சகலவிதமான ஐஸ்வர்யங்களையும் அருள்பவர் சரபேஸ்வரர். அதுமட்டுமல்ல அப்படி வழிபடுபவர்களின் எதிரிகள் அழிக்கப்படுவார்கள், அவர்களது பிணிகள் நீங்கும், அவர்கள் எண்ணியதை எண்ணியாங்கு ஆள்வார்கள் என்கின்றன சரபேஸ்வர வழிபாட்டு நூல்கள்.

மைசூர் சாண்டல் சோப்பில் சரபரின் உருவம் லட்சிணையானது எப்படி?!

சரபரைப்பற்றிய மற்றொரு சுவாரஸ்யமான தகவலையும் தெரிந்து கொள்ளுங்கள். நீங்கள் குளியலுக்கு மைசூர் சாண்டல் சோப் பயன்படுத்தி இருக்கிறீர்களா? இல்லையென்றாலும் பரவாயில்லை... அந்த சோப்பின் கவரை உற்றுப் பாருங்கள். உள்ளே ஒரு விசித்திர உருவம் பொறிக்கப்பட்டிருப்பது தெரியும். அது சாட்ஷாத் நம் சரபேஸ்வரரின் உருவமே தான். 

முதலாம் உலகப் போர் நடந்து கொண்டிருந்த காலத்தில் இந்தியாவின் மிகப்பெரிய சந்தனமர ஏற்றுமதி செய்யும் பிரதேஷமாக கருநாடகம் இருந்து வந்தது. ஆனால், திடீரென போர் காரணமாக சந்தன மரங்களை வெளிநாடுகளுக்கு அனுப்பத் தடை ஏற்பட்டதால் கணக்கற்ற மரங்கள் தேங்கிப் போயின. அப்படி தேங்கிப் போன சந்தன மரக்கட்டைகளை லாபகரமானதாக மாற்றவே அன்றைய கர்நாடக மன்னர் கிருஷ்ண ராஜ உடையாரும், திவான் மோக்‌ஷகுண்டம் விஸ்வேரய்யாவும் இணைந்து திட்டமிட்டு 1916 ஆம் ஆண்டில் உருவாக்கியது தான் மைசூர் சாண்டல் சோப் ஃபேக்டரி. ஃபேக்டரி உருவான பின்னரும் சோப் அதன் திட்டமிட்ட வடிவை அடைய மேலும் சில காலம் ஆனது. அப்படி உருவான சோப்பின் லச்சினையாக சரப்ரை அவர்கள் ஏன் தேர்ந்தெடுத்தார்கள் என்று தெரியவில்லை. அச்சமின்மையையும், சுதந்திர சிந்தனையையும் வெளிப்படுத்தும் விதமாக சரப லச்சினை அன்றைய மைசூர் அரசால் பொறிக்கப்பட்டதாக மைசூர் சாண்டல் சோப் உருவான வரலாறு சொல்கிறது.

Image courtesy: Google

]]>
story of Sharabeshwaramurti https://images.dinamani.com/uploads/user/imagelibrary/2019/11/4/w600X390/sarabeswara_1.jpg சரபேஸ்வரர் பட்சி ராஜா https://www.dinamani.com/lifestyle/lifestyle-special/2019/nov/04/sharabha-is-associated-with-god-shiva-who-incarnates-to-subdue-fierce-manifestations-of-vishnu-3270627.html
3269044 லைஃப்ஸ்டைல் ஸ்பெஷல் உங்க கிட்ட 10 பேனா இருக்கலாம்.. ஆனா, அதுல ஒரே ஒரு பேனாவாச்சும் சுதேசிப் பேனாவா இருக்கா? கார்த்திகா வாசுதேவன் Saturday, November 2, 2019 12:30 PM +0530  

இன்றைய செய்தித்தாள் வாசித்தீர்களா? அதில் ஜெர்மானியப் பிரதர் ஏஞ்சலா மெர்கல், இந்தியப் பிரதமர் மோடி சந்திப்பு குறித்த செய்தியை யாரும் தவற விட்டிருக்க வாய்ப்பில்லை. அதில் மெர்கலை தமது இல்லத்திற்கு அளித்து சிறப்புச் செய்த மோடி, அவருக்கு சில பொருட்களைப் பரிசளித்தார். அவை, இந்தியாவில் முதன்முதலில் தயாரான ’ரத்னம்’ சுதேசிப் பேனா, மற்றொன்று லடாக்கில் இருந்து தயாரான கதர் சால்வை ஒன்று. இந்த இரண்டு பொருட்களையும் தமது அன்புப் பரிசாக ஜெர்மானியப் பிரதமருக்கு அளித்திருக்கிறார் மோடி. தலைவர்கள் பிற தலைவர்களுக்கு அளிக்கும் பரிசுப் பொருட்கள் எப்போதுமே தனிச்சிறப்பானவை. அந்த விதத்தில் பிரதமர் மோடி அளித்த பரிசுகளில் ‘ரத்னம்; சுதேசிப் பேனா பற்றித் தெரிந்து கொள்வோமே!

அதற்கு முன்பு நமக்குத் தெரிய வேண்டியது ஒன்றுண்டு. இன்று சந்தையில் ஏராளமான பேனாக்கள் வந்து விட்டன. அவற்றில் யூஸ் அண்ட் த்ரோ என்று சொல்லப்படக்கூடிய ஒரே முறை மட்டுமே பயன்படுத்தி விட்டு தூக்கி எறியக்கூடிய பேனாக்களின் ஆதிக்கம் அதிகமாக இருந்த போதும் பவுண்டன் பேனாக்களுக்கு இருக்கும் மவுசும் என்றுமே குறைந்ததில்லை.

சரி அத்தகைய பேனா இண்டஸ்ட்ரியில் எவையெல்லாம் சுதேசி அல்லது இந்தியன் மேட் பேனாக்கள், எவையெல்லாம் அந்நிய நிறுவன பேனாக்கள் என்று தெரியுமா உங்களுக்கு?

அதெல்லாம் தெரிந்தா நாம் இதுவரை பேனாக்கள் வாங்கிக் கொண்டிருந்தோம் என்கிறீர்களா?

இனிமேலாவது வாங்க முயற்சிக்கலாமே... குறைந்த பட்சம் ஒருவரிடம் பத்துப் பேனாக்கள் இருக்கிறதென வைத்துக் கொள்ளுங்கள், அதில் ஒன்றாவது சுதேசிப் பேனாவாக இருந்தால் நல்லது தானே?

இந்தியாவில் தயாரிக்கப்படும் சுதேசிப் பேனாக்கள்...

ரத்னம், கேமல், கிஞ்சன், ஷார்ப், செல்லோ, நட்ராஜ், அம்பாசடர், லின்க், மான்டெக்ஸ், ஸ்டீக், சங்கீதா, லக்ஸர் உள்ளிட்ட பிராண்டுகள் அனைத்தும் இந்தியத் தயாரிப்புகள்

அந்நிய நிறுவனத் தயாரிப்பு பேனாக்கள்... 

பார்கர், நிக்கல்சன், ரோட்டோமாக், ஸ்விஸ்சயர், ஆட் ஜெல், ரைடர், மிட்ஸுபிசி, ஃப்ளெய்ர், யூனிபால், பைலட், ரோல்கோல்ட் போன்றவை ஃபாரின் மேக்குகள்.

இப்போது சொல்லுங்கள், நம்மிடம் பத்து பவுண்டன் பேனாக்கள் இருந்தாலும் அதில் ஒரே ஒரு பேனாவேனும் சுதேசிப் பேனாவாக இருந்தால் அதிலொரு சந்தோஷம் கிடைக்குமா? இல்லையா?

ஏனெனில் இந்த சுதேசி என்ற வார்த்தைக்கு ரத்தமும், சதையுமான நமது இந்திய சுதந்திரப் போராட்ட காலத்துடன் மிக நெருங்கிய தொடர்பு உண்டு.

பிரிட்டிஷ்காரர்களை இந்தியாவில் இருந்து விரட்ட அந்நியப் பொருட்களை ஒரு மனதாகப் பகிஷ்கரிக்க நினைத்தவர்கள் நாம்.

இன்று அந்தப் பிரச்னைகளெல்லாம் தேவையற்றவை. உலகமே ஒரு குளோபல் கிராமமாகி விட்டது. இன்றைய தேதிக்கு நாம் அந்நியப் பொருட்களை பயன்படுத்த மாட்டோம் என்று ஒற்றைக்காலில் நிற்கத் தேவையில்லை. ஆனாலும், இந்தியாவில் தயாராகும் பொருட்களின் பால் சற்று அதிக ஆர்வத்துடனும், கரிசனத்துடனும் இருக்க முயற்சிப்பதில் தவறேதும் இருக்க முடியாது. தரத்தில் எவ்வித  காம்ப்ரமைஸும் செய்து கொள்ளாத இந்திய நிறுவனங்கள், சுதேசி நிறுவனங்கள் நிறைய இருக்கலாம். அவற்றைத் தேடிக் கண்டுபிடித்து தரமான பொருட்களை வாங்குவது ஒவ்வொரு இந்தியரின் கடமையாக வேண்டும்.

மேடம் மெர்கலுக்கு சுதேசிப் பேனாவை பரிசளித்து இத்தனை நினைவுகளைக் கிளறி விட்ட பிரதமர் மோடிக்கு நன்றி!

]]>
Swadhesi pen https://images.dinamani.com/uploads/user/imagelibrary/2019/11/2/w600X390/swadeshi_pen.jpg https://www.dinamani.com/lifestyle/lifestyle-special/2019/nov/02/do-you-have-modi-special-swadeshi-pen-3269044.html
3267216 லைஃப்ஸ்டைல் ஸ்பெஷல் ‘திடீர் மாரடைப்பு’ தடுக்கக்கூடியது தான்! எப்படி? கார்த்திகா வாசுதேவன் DIN Thursday, October 31, 2019 05:04 PM +0530  

உறவுக்காரர்களில் ஒருவர் எந்நேரமும் ‘உர்’ரென உம்மனாம்மூஞ்சியாகவே இருப்பார். மரியாதை நிமித்தம் அவரை எப்போது சந்திக்கச் சென்றாலும் முக பாவனை மாறவே மாறாது. எங்களிடம் மட்டுமல்ல, அவர் தனது சொந்தக் குடும்பத்தினரிடமும் அப்படித்தான். அவரது இந்தப்போக்கை அவரது இயல்பான குணமென்று எண்ணி அப்படியே விட்டு விட்டார்கள் எல்லோரும். வருடங்கள் கடந்தன. கடந்த முறை ஊருக்குச் சென்றிருக்கையில் அவரைப் பார்க்க முடியவில்லை. சடன் கார்டியாக் அரெஸ்ட்... ஹார்ட் அட்டாக்... சடன் டெத் என்றார்கள். வருத்தமாக இருந்தது. அவர் இறக்கும் வரையிலும் எவரொருவரிடமும் மனம் விட்டுப் பேசியிருக்கவே வாய்ப்பில்லையே! என்று தோன்றியது.

எதற்காக அப்படி ஒரு வாழ்க்கையை வாழ்ந்தார்? துளி சிரிப்பில்லாத முகம்... பெண்டாட்டியிடம் கூட அதட்டலான எஜமான மனோபாவம்!

குழந்தைகளுக்கு அவர் அப்பாவாக இருந்தாலும் அவர் வீட்டிலிருந்தால் அது வீடல்ல... பள்ளியின் ஹெட்மாஸ்டர் அறை தான். அப்படியோர் அமைதி.. அமைதியோ அமைதி.

இத்தனைக்கும் அவரது கட்டுப்பாடான வாழ்வில் அவர் ஸ்ட்ரிக்ட்டாகப் பின்பற்றியது ஆரோக்யமான உணவுப் பழக்கங்கள், தினமும் நடைபயிற்சி உண்டு. இரண்டு வேளை வீட்டில் பூஜையும் உண்டு. காலையில் பிரும்ம முஹூர்த்தத்தில் எழுந்து கொள்வார். நாள் தவறாமல் சூர்ய நமஸ்காரம் செய்வார். அப்புறமும் ஏன் சடன் கார்டியாக் அரெஸ்ட்?!

அவர் தன் வாழ்க்கையை ரசித்து வாழத் தெரியாதவராக இருந்திருக்கிறார். எல்லாமே அவருக்கு நியமங்களாகவே கண்ணில் பட்டிருக்கின்றன. இப்படித்தான் இருக்க வேண்டும் என்று தனக்குத்தானே கட்டுப்பாடு விதித்துக் கொண்டு வாழ்ந்து தனக்குக் கிடைக்க வேண்டிய சந்தோஷத்தை மட்டுமல்ல தன் குடும்பத்தினரின் சந்தோஷத்திற்கும் அவர் தடையாக இருந்திருக்கிறார். இது கூட அவரது ஹார்ட் அட்டாக்குக்கு காரணமாக இருந்திருக்கலாம்.

‘சடன் கார்டியாக் அரெஸ்ட்’ (Sudden Cardiac Arrest) என்று சொல்லப்படக்கூடிய திடீர் மாரடைப்புக்கு ஆயிரம் காரணங்கள் இருக்கலாம். அதில் சில காரணங்களாக மன உளைச்சல், தீவிர மன அழுத்தம், நிரந்தரத் தனிமையான மனநிலை, வாழ்வில் நீடித்த விரக்தி என்பனவற்றையும் அடக்கலாம். ஆரோக்யமற்ற உணவுப் பழக்கம், கட்டுப்பாடற்ற வாழ்க்கை, என்பவற்றைத் தாண்டி கொடூரத் தனிமை கூட இம்மாதிரியான பிரச்னைகளுக்குக் காரணமாகலாம்.

ஆனால், ஒரு விஷயத்தை இங்கே நாம் மறந்து விடக்கூடாது.

நான் மேலே குறிப்பிட்ட மனிதருக்கு மட்டும் எல்லோருடனும் கலந்து ஏதோ கொஞ்சம் பேசிச் சிரிக்கும் மனநிலை இருந்திருக்குமாயின் அவரால் தனக்கு வந்த பிரச்னையைப் பற்றி குடும்பத்தினருடன் பகிர்ந்து கொண்டிருந்திருக்க முடியும். அதற்குத் தேவையான முன்னெச்சரிக்கைத் தடுப்பு நடவடிக்கைகளை மேற்கொண்டிருக்க முடியும். எதையும், யாருடனும் பகிர்ந்து கொள்ளாமலே போய் விட்டது தான் அவருடைய பிழை.

அவரது மரணத்திற்குப் பிறகு அந்த வீட்டில் இப்போது சதா ஓடிக்கொண்டிருக்கிறது திடீர் மாரடைப்பை எப்படியெல்லாம் தடுக்கலாம்? எப்படியெல்லாம் தவிர்க்கலாம்? என்ற பேச்சு.

கண் கெட்ட பிறகு சூர்ய நமஸ்காரமே தான்.

ஆயினும், இது ஒரு ஆரோக்யமான முன்னெடுப்பே.. குடும்பத்தில் அப்பாவை யாரும் பின்பற்றத் தொடங்கி இருந்தால் அவர்களுக்கு உதவுமே!

சடன் கார்டியாக் அரெஸ்ட் அறிகுறிகள் தோன்றினால் உடனடியாக அருகிலிருக்கும் மருத்துவமனைக்குச் சென்று முதலுதவி சிகிச்சைகள் எடுத்துக் கொண்டு அதன் பின்னர் உடனடியாக ஸ்பெஷலிஸ்டுகளை அணுகலாம். இத்தகைய திடீர் மாரடைப்புகள் உண்டாகக் காரணங்களைப் பட்டியலிட்டால் இதயத்திற்குச் செல்லும் ரத்தக் குழாய்களில் அடைப்புகள் இருந்தாலோ அல்லது இதயத் தசைகளில், ரத்த நாளங்களில்  பிரச்னைகள் இருந்தாலோ வரலாம் என்கிறார்கள் இதய மருத்துவர்கள். இத்தகைய பிரச்னைகளுக்குத் தீர்வுகள் இல்லாமலில்லை. உரிய முன்னெச்சரிக்கை நடவடிக்கைகள் மூலம் இவற்றைக் கட்டுப்படுத்தவும், குணப்படுத்தவும் முடியும்.

"கரோனரி தமனி நோய், கட்டமைப்பு இதய நோய்கள் மற்றும் இதயத்தின் மின் தொந்தரவுகள் உள்ளவர்கள் திடீர் மாரடைப்புக்கு ஆளாக நேரிடலாம். ஆனால் மக்களுக்கு இதைக்குறித்த போதிய தெளிவு இருந்தால்... ஆபத்து காரணிகளைக் கட்டுப்படுத்தி தீர்வு நடவடிக்கைகளை மேற்கொண்டால் 50% இந்த நோயைத் தடுத்து விட முடியும் என்கிறார்கள் மருத்துவர்கள்.

இது குறித்த விழிப்புணர்வு நிகழ்ச்சி ஒன்று அண்மையில் காவேரி மருத்துவமனையில் நடைபெற்றது. அதில் பங்கேற்ற மருத்துவர்கள் தெரிவித்தது தான் மேலே குறிப்பிடப்பட்டவை.

தவிர மேலே குறிப்பிட்டுள்ளதைப் போல கரோனரி தமனி நோய் உள்ளவர்கள், தங்களுடைய வாழ்க்கை முறையை மாற்றிக் கொள்வது, ஆரோக்யமான உணவுப் பழக்கத்தை கடைபிடிப்பது, அதன் மூலமாக உயர் ரத்த அழுத்தத்தையும், கொழுப்பையும் கட்டுக்குள் வைப்பது, நீரழிவு நோய் மற்றும் ஒபிசிட்டி அண்டாமல் பார்த்துக் கொள்வது போன்ற நடவடிக்கைகளின் மூலமாக திடீர் மாரடைப்பு உண்டாவதற்கான காரணங்களைத் தவிர்க்க முடியும் என்றும் அவர்கள் தங்களது உரையில் குறிப்பிட்டார்கள்.

திடீர் மாரடைப்பு உண்டாவதற்கான பெரும்பான்மைக் காரணங்களில் ஒன்றாக ’அரித்மியாஸ்’ கருதப்படுகிறது. இதன் பொருள் அசாதாரணமான இதய ஓசை. ஆங்கிலத்தில் சொல்வதென்றால் Abnormal Heart Rhythms. இதில் பலவகையான ரிதங்கள் இருந்தாலும் அதில் உயிருக்கு ஆபத்தானது எது என்று பார்த்தால் வெண்ட்ரிகுலர் ஃபைப்ரிலேஷனைச் சொல்லலாம். இது எப்படி இருக்குமென்றால்? இதயத்தின் கீழறைகளில் வெண்ட்ரிக்கிள் சுவர்களில் தொடர்ந்து அடுத்தடுத்து தாங்க முடியாத அளவுக்கு, வாய் விட்டுச் சொல்லிவிட முடியாத அளவுக்கு விட்டு விட்டு வலியை உணர்வது. 

இதற்கான அறிகுறியை நாம் இருவாரங்களுக்கு முன்னதாகவே அறிந்து கொள்ள முடியும் என்கிறார்கள் இதய மருத்துவர்கள்.

ஆண்களுக்கு எனில் முதலில் சாதாரண மார்பு வலியில் தொடங்கும். அதை வாயுக்கோளாறு என்று பெரும்பாலானோர் அசட்டை செய்து விடுகின்றனர். அதே பெண்களுக்கு எனில், மூச்சுத்திணறல், இன்னதென்று விவரிக்க முடியாத மயக்க உணர்வு, சோர்வு அல்லது இதயப் படபடப்பு போன்ற அறிகுறிகள் உணரப்படும்.

40 வயதிற்குப் பின் இம்மாதிரியான அறிகுறிகள் இருப்பின் தயவு செய்து தாமதிக்காமல் மருத்துவரிடம் சென்று ஒருமுறை அனைத்துப் பரிசோதனைகளையும் செய்து கொள்வது நல்லது.

தேவைப்பட்டால் ஓபன் ஹார்ட் சர்ஜரி இன்றியே சடன் கார்டியாக் அரெஸ்ட்டைத் தடுத்துவிட முடியுமென்கிறார்கள் இதய நோய் மருத்துவர்கள். 

சரி கட்டுரையை முழுதாக வாசித்து விட்டீர்களா? இப்போது சொல்லுங்கள்.

திடீர் மாரடைப்பைத் தடுக்க முன்னெச்சரிக்கை நடவடிக்கைகள் எடுப்பதெல்லாம் அப்புறம்... முதலில் அப்படி ஒரு பிரச்னைக்கு நீங்களே உங்களை வலிந்து ஆளாக்கிக் கொள்ளாமல் இருக்கப் பார்ப்பீர்களா இல்லையா?

ஆம், குடும்பத்திற்குள் அலுவலக அதிகாரங்களைச் செயல்படுத்தி வீட்டையே கறார் பள்ளிக்கூடங்களாகவோ அல்லது ஸ்ட்ரிக்ட் ஆஃபீஸாகவோ மாற்றி விடாதீர்கள்.

சிரிக்கச் சிரிக்கப் பேசுவது ஒரு கலை. அது எல்லோருக்கும் வந்து விடாது. குறைந்தபட்சம் குடும்ப உறுப்பினர்களுடன் மனம் விட்டுப் பேசி, உங்களது பயங்களையும், பதற்றங்களையும் பகிர்ந்து கொண்டு அவற்றுக்கான தீர்வுகளை அடையப்பாருங்கள். அதுவே போதும்.

]]>
Sudden heart attack is preventable! How? https://images.dinamani.com/uploads/user/imagelibrary/2019/10/31/w600X390/heart_attack.jpg https://www.dinamani.com/lifestyle/lifestyle-special/2019/oct/31/sudden-heart-attack-is-preventable-how-3267216.html
3267161 லைஃப்ஸ்டைல் ஸ்பெஷல் அன்பார்ந்த தமிழ் குடிமக்களே! தமிழின் டாப் டென் டிக்டாக் சூப்பர் ஸ்டார்கள் இவங்க தான்! கார்த்திகா வாசுதேவன் Thursday, October 31, 2019 02:52 PM +0530  

நீங்கள் ஒரு டிக் டாக் ரசிகரா? அல்லது நீங்களே ஒரு டிக் டாக் புரட்சியாளரா? ஐ மீன் டிக் டாக் விடியோக்கள் வெளியிடுவதில் ஆர்வமுள்ளவரா? என்று கேட்டேன்.. அந்த மல்ட்டி ஃப்ளெக்ஸ் மாலில் என்னருகில் நின்று கொண்டு கையிலிருந்த ஸ்மார்ட் ஃபோனில் டிக் டாக் விடியோக்களை ஸ்கிரால் செய்து கொண்டிருந்த இளம்பெண் சற்றே திடுக்கிட்டு என்னை நிமிர்ந்து பார்த்து விட்டு ... சற்று இடைவெளி விட்டு ஒரு அந்நியச் சிரிப்புடன் புருவம் சுளித்து... ஏன் நானும் பண்ணுவேனே! என்றவாறு அப்பால் நகர்ந்தார்.

எனக்குச் சிரிப்பு வந்தது. அந்தப் பெண்ணை கிட்டத்தட்ட 20 நிமிடங்களுக்கும் மேலாக கவனித்துக் கொண்டிருக்கிறேன். யாருக்காக அந்த லெளஞ்சில் காத்திருக்கிறாள் என்று தெரியாது. ஆனால், காத்திருக்கும் நேரம் முழுக்க டிக் டாக்கில் தான் இருந்தாள். 

தனக்குத் தானே சிரித்துக் கொண்டும், அடிக்கடி மைல்டாக முக பாவனைகளை மாற்றியவாறு அந்தப் பெண் டிக் டாக் விடியோக்களில் மூழ்கி இருந்ததைப் பார்க்கையில் இப்போது சுனாமியே வந்தாலும் இவள் கவனத்தில் அது பதியாது போலிருக்கிறதே என்று தோன்றியது எனக்கு. அவளது கவனத்தைக் கலைக்கும் விதமாகவே நான் அப்படிக் கேட்டுப் பார்த்தேன்.

அந்தக் கேள்வியும் கூட அவளுக்கு தொந்திரவாகவே இருந்திருக்கும். அதனால் தான் அப்பால் நகர்ந்து விட்டாள். அவள் மட்டுமல்ல. இன்று எண்ணற்ற இளம்பெண்களும், இளைஞர்களும் இப்படித்தான் சமூக ஊடக மயக்கத்தில் மூழ்கிக் கிடக்கிறார்கள்.

சரி அப்படி என்ன தான் இருக்கிறது இந்த டிக் டாக்கில் என்று தேடத் துவங்கினால் அதிலும் சூப்பர் ஸ்டார்கள் லிஸ்ட் காட்டியது கூகுள்.. 

பாருங்கள்.. நீங்களும் தெரிந்து கொள்ளுங்கள்.. அந்த டிக் டாக் சூப்பர் ஸ்டார்களின் யாரெல்லாம்? அவர்களது விடியோக்களில் அவர்கள் எதைப் பற்றி பேசுகிறார்கள் என்று? 

முக்கால்வாசியும் சும்மா பொழுது போக்கு விடியோக்கள் தான். சினிமாப்பாடல்களுக்கு வாயசைப்பதும், நடிப்பதும், முக பாவனைகள் காட்டுவதுமாக எதையோ செய்து கொண்டிருக்கிறார்கள். இதனால் அவர்களது மன அழுத்தமும், தனிமையும் தீர்ந்தால் சரி. வேறு வினைகளை எல்லாம் இழுத்துக் கொள்ளாமல் இருந்தால் நல்லது.

 

1. டெவில் குயின் 

டெவில் குயின் இரட்டைச் சகோதரிகள்..

1.6 மில்லியன் ஃபாலோயர்கள் இவரைப் பின் தொடர்கிறார்கள்.

 

 

இந்த டிக்டாக் கணக்கானது அம்ரிதா & அமலா எனும் இரட்டைச் சகோதரிகளால் உருவாக்கப்பட்டது. இவர்கள் இருவருமே இன்னும் பள்ளிச் சிறுமிகள் தான். மூத்தவர் 12 ஆம் வகுப்பும் இளையவர் 10 ஆம் வகுப்பும் படித்துக் கொண்டிருக்கிறார்களாம். இவர்களுடைய சம வயதுடைய ஃபாலோயர்களால் இன்று தமிழின் நம்பர் ஒன் டிக் டாக் ஸ்டார்களாகப் பரிணமித்துக் கொண்டிருக்கும் இந்தச் சகோதரிகள் தமிழர்கள் அல்ல, பிறப்பால் மலையாளிகளான இவர்கள் டிக் டாக் விடியோ வெளியிடுவதெல்லாம் தமிழில் தான். 

2. அனிதா ... 

அனிதா..

1.5 மில்லியன் ஃபாலோயர்களுடன் பட்டியலில் இரண்டாமிடம் பெற்றிருக்கும் இந்த டிக் டாக் ஸ்டார் அடிப்படையில் விவசாயக் கல்லூரி மாணவியாக இருந்த போதும் தமிழ் குறும்படங்களிலும், ஆல்பம் விடியோக்களிலும் நடிப்பதில் பெரும் ஆர்வத்துடன் இயங்கிக் கொண்டிருக்கிறார்.

 

இவருக்கு இதுவரையிலும் 10ஆயிரம் சப்ஸ்கிரைபர்கள் வாய்த்துள்ளனர். இந்தப் பெண்ணுக்கு ஃபோட்டோகிராபி என்றால் மிக இஷ்டம் என்றும் சொல்கிறார்கள்.

3. காயத்ரி ஷான்...

காயத்ரி ஷான்

1.4 மில்லியன் ஃபாலோயர்களுடன் டிக் டாக்கில் இயங்கிக் கொண்டிருக்கும் காயத்ரி ஷான் இலங்கைத் தமிழ்ப் பெண்.

 

தற்போது ஸ்ரீலங்காவில் வசிக்கும் காயத்ரி அங்கு தொலைக்காட்சித் தொடர்களிலும் ஆல்பம் விடியோக்களிலும் நடித்து வருவதாகத் தகவல். டிக் டாக்கின் அழகான பெண்களில் காயத்ரி தான் டாப்பாம்.

4. ஹசல் ஷைனி..

ஹசல் ஷைனி..

1.1 மில்லியன் ஃபாலோயர்களுடன் பட்டியலில் இடம்பிடித்திருக்கும் ஹசல் ஷைனி வசிப்பது சென்னையில். டான்ஸரான ஹசலுக்கு 19 வயது தான் ஆகிறது.

 

டிக் டாக் முயற்சிகளில் எக்ஸ்பிரஸன் குயின் என்று புகழப்படும் ஹசலுக்கு கோலிவுட் கனவும் உண்டு. தற்போது தமிழ் குறும்படங்களில் நடித்து வருகிறார்.

5. ராஜ் ப்ரியன்...

ராஜ் ப்ரியன்

டாப் டென் லிஸ்டில் இதுவரை ஒரு ஆண் முகம் கூட காணோமே என்று தேடக்கூடியவர்களுக்கு இதோ வந்து சிக்கியிருக்கிறார் ராஜ் ப்ரியன். 1 மில்லியன் ஃபாலோயர்களுடன் டாப் டென் லிஸ்டில் இடம்பெறும் ராஜ் ப்ரியன் மதுரைக்காரர், தற்போது பணி நிமித்தம் சென்னையில் வசிக்கிறார்.

 

யூடியூபில் லுங்கி பாய்ஸ் டீம் என்றொரு சேனல் வைத்திருக்கிறார். தமிழ் குறும்படங்களிலும் நடித்துக் கொண்டிருக்கிறார்.

6. சிந்துஜா..

சிந்துஜா..

960.4 ஆயிரம் ஃபாலோயர்களுடன் லிஸ்டில் அடுத்த இடம் பெறுகிறார் சிந்துஜா. இவரும் சென்னைக்காரர் தான். மாடலான சிந்துஜா, தற்போது அனைத்து டிக் டாக் ஸ்டார்களைப் போலவே தானும் குறும்படங்களிலும், பாப் ஆல்பங்களிலும் நடித்துக் கொண்டிருக்கிறார். விரைவில் பெரிய திரைக்கு வரும் எண்ணமும் இருக்கிறது.

7. விஷ்ணு உன்னிகிருஷ்ணன்..

விஷ்ணு உன்னி கிருஷ்ணன்

900 ஆயிரம் ஃபாலோயர்களுடன் பட்டியலில் இணைந்திருக்கும் விஷ்ணு உன்னி கிருஷ்ணனை நீங்கள் விஜய் தொலைக்காட்சித் தொடர்கள் சிலவற்றில் பார்த்திருக்கலாம். அங்கிருந்து விலகிய நிலையில் தற்போது ஜீ தமிழில் கண்டுகொண்டேன், கண்டுகொண்டேன் தொடரில் நடித்துக் கொண்டிருக்கிறார்.

8. மாபு கிரஷ்...

மாபு கிரஷ்

661.6 ஆயிரம் ஃபாலோயர்களுடன் மாபு பட்டியலில் 8 ஆம் இடம் பிடித்திருக்கிறார். மற்ற டிக் டாக் ஸ்டார்களைப் போலவே இவரும் தமிழ் குறும்படங்கள், விளம்பரங்கள் என்று தொடங்கி கோலிவுட்டில் வெற்றிகரமாக நுழைவதையே தனது விருப்பமாகக் கொண்டிருக்கிறார்.

9. அக்‌ஷய் கமல்..

அக்‌ஷய் கமல்

463.9 ஆயிரம் ஃபாலோயர்களுடன் பட்டியலில் 9 ஆம் இடத்திலிருக்கும் அக்‌ஷய் கமல் விஜய் தொலைக்காட்சியின் ‘ராஜா, ராணி’ தொடரில் முக்கிய கதாபாத்திரத்தில் நடித்திருந்தார். மேலும் சில தொலைக்காட்சித் தொடர்களிலும் நடிக்க ஆர்வம் காட்டி வரும் அக்‌ஷய் ஒரு பொறியியல் பட்டதாரி. ஆயினும் டிக் டாக் உலகில் பெண்களுக்கு இணையாக எக்ஸ்பிரஸனில் கலக்கி வரும் இவருக்கு எக்ஸ்பிரஸன் கிங் என்ற பட்டப் பெயர் கூட உண்டாம்.

10. ராகுல் வர்மா..

ராகுல் வர்மா..

டாப் டென்னில் கடைசி இடம் இவருக்குத்தான். சென்னையைச் சேர்ந்த ராகுல் விஷுவல் கம்யூனிகேஷன் மாணவர். மாணவராக இருந்த போதும் தமிழ்நாடு முழுதும் பல பள்ளிகள் மற்றும் கல்லூரி விழாக்களுக்குத் தலமை விருந்தினராகக் கலந்து கொண்டு கலக்கும் வகையில் மிகச்சிறந்த நடனத்திறமையும், நடிப்புத் திறனும் கொண்டவர் என்கிறார்கள். எல்லாச் சாலைகளும் ரோமை நோக்கியே என்பது போல இந்தப் பையனும் தமிழ் குறும்படங்களில் நடித்து வருகிறார். அடுத்து என்ன? அப்படியே கோலிவுட் தான்.

இவங்க தான் 2019 ஆம் ஆண்டுக்கான தமிழகத்தின் டாப் டென் டிக் டாக் சூப்பர் ஸ்டார்கள். 

இவர்களைப் பின் தொடர்வதும். இவர்கள் செய்யும் விடியோக்களைப் பார்த்து தாங்களும் அப்படியே டிக் டாக் விடியோக்கள் உருவாக்க முயற்சிப்பதுமாக பல இளைஞர், இளைஞிகள் இன்று நம்மிடையே உலவிக் கொண்டிருக்கின்றனர்.

நடுத்தர வயதினர் பலருக்கு இப்போது ஃபேஸ்புக், இன்ஸ்டாவெல்லாம் போரடிக்கத் தொடங்கி விட்டதாகக் கேள்வி. மின்சார ரயில், பேருந்து, மருத்துவமனை, அரசு அலுவலகங்கள் என எங்காயினும் சரி காத்திருக்கும் மக்களின் ஒரே குதூகலம் டிக் டாக் என்பதாக இன்று காலம் மாறி விட்டது.

டிக் டாக்கால் பல்வேறு விபரீதங்களும் நிகழ்வதாகப் பல செய்திகள் வெளிவந்தாலும் கூட மக்களின் டிக் டாக் ஆர்வம் தணியவில்லை.

சமூக ஊடகங்களில் ஒன்றான டிக் டாக் மீதான மோகத்தை ஆரோக்யமானதாகக் கருத வாய்ப்பில்லை.

நடிப்புத் துறையில் நுழையும் விருப்பமுள்ளவர்களுக்கு வேண்டுமானால் இது பயன் தரலாம். ஆனால், எண்ணற்ற இல்லத்தரசிகள், அலுவலகங்களில் பணி புரியும் மகளிர், ஏன் பள்ளி குழந்தைகளைக் கூட பங்கேற்க வைத்து பலர் டிக் டாக் விடியோக்களை வெளியிட்டு வருகிறார்கள். அம்மாதிரியான முயற்சிகள் எல்லாம் விபரீதங்களுக்கு வழிவகுக்கக் கூடியவை என்பதை சம்மந்தப்பட்டவர்கள் உணர்ந்திருக்கிறார்களா? என்று தெரியவில்லை.

Image courtesy: allReviewers.com

 

 

]]>
Top Ten Tictok Stars Of Tamil 2019 https://images.dinamani.com/uploads/user/imagelibrary/2019/10/31/w600X390/top_ten_tik_tok_stars_list.jpg tik tok super stars https://www.dinamani.com/lifestyle/lifestyle-special/2019/oct/31/dear-tamil-citizens-here-is-the-list-of-top-ten-tictok-stars-of-tamil-3267161.html
3263847 லைஃப்ஸ்டைல் ஸ்பெஷல் குழந்தை மீட்பு பணிகளிடையே மனதைக் குடையும் தாயின் ஓலம்! தேவையா நேரலை ஒளிபரப்பு?! கார்த்திகா வாசுதேவன் Saturday, October 26, 2019 03:43 PM +0530  

இன்னும் எத்தனை காலங்களுக்கு இப்படி பரிதவித்துக் கொண்டிருக்கப் போகிறோம்!

இன்று முழுவதும் இந்நேரம் வரையிலுமே செய்தி ஊடகங்களில் நேரலைகளில் ஒளிபரப்பாகிக் கொண்டிருக்கிறது திருச்சியில் 2 வயது ஆண் குழந்தை ஆழ்துளைக் கிணறு விபத்தில் சிக்கிக் கொண்ட மீட்புப் பணிக் காட்சிகள். நேரலையில் ஒளிபரப்புவதால் மட்டும் என்ன நிகழ்ந்து விடப்போகிறது?

இது மாதிரியான விபத்துக்களை இனிமேல் நேராமல் தடுத்து விடப்போகிறோமா என்ன?

இன்று நேற்றா நடக்கத் தொடங்கி இருக்கின்றன இம்மாதிரியான ஆழ்துளைக் கிணறு விபத்துக்கள்?!

1990 ஆம் வெளிவந்த ‘மாலூட்டி’ என்ற மலையாளத் திரைப்படத்தின் கரு இப்படியொரு விபத்தை அடிப்படையாகக் கொண்டது தான்.

அந்தத் திரைப்படத்திலும் 3 வயது பேபி ஷாமிலி இப்படித்தான் கைவிடப்பட்டதொரு ஆழ்துளைக்கிணற்றுக்குள் விழுந்து விடுவார். தட தட வென பரபரப்புடனும் மனம் பதற வைக்கும் காட்சிகளுடனும் நகரும் திரைக்கதையின் முடிவில் அந்தக் குழந்தை காப்பாற்றப் பட்டு விடும்.

ஆனால், இங்கு திருச்சி குழந்தை விஷயத்தில் குழந்தை ஆழ்துளைக் குழாய் கிணற்றுக்குள் தவறி விழுந்து இப்போது 20 மணி நேரங்கள் கடக்கவிருக்கிறது.

நம் மாநில அரசும், அமைச்சர்களும், சென்னை ஐஐடி பேராசிரியர்கள் மற்றும் மாணவர் குழுவும், தனிநபர் தன்னார்வலர்களும், தேசியப் பேரிடர் மீட்புக் குழுவுமாய் தொடர்ந்து முயன்று வருகிறார்கள். ஆனால், நேரம் செல்லச் செல்ல பெற்றோர் மற்றும் உறவினர்கள் மத்தியில் நம்பிக்கை வலுவிழந்து கொண்டே வருகிறது. 

போதாக்குறைக்கு நம்முடைய செய்தி ஊடகங்கள் பின்னணி இசையெல்லாம் சேர்த்து மீட்புப் பணிகளை நேரலை செய்து கொண்டிருக்கின்றன. இந்த நேரத்தில் நமதுய் ஊடகங்கள் செய்யத் தகுந்த பணி தானா இது? என்று நம்மை நாமே கேள்வி கேட்டுக் கொண்டாக வேண்டிய நேரமிது.

விபத்தில் சிக்கிய குழந்தையின் தாயாரது பரிதாப ஓலம் கேட்ட மாத்திரத்தில் மனம் பதறுகிறது.

இத்தனைக்கும் இது யாருடைய தவறு?

ஆழ்துளைக் கிணறுகள் தோண்டப்படுவது எதற்காக? தோண்டிய கிணற்றில் தண்ணீர் இல்லையென்றால் அதை அப்படியே கைவிட்டு விடுவதா? நம் வீட்டுக் குழந்தைகளுக்கு மட்டுமல்ல அந்த சுற்றுவட்டாரப் பகுதியில் எந்தக் ஒரு குழந்தையும் இப்படி விபத்தில் சிக்கிக் கொண்டால் அதற்கும் இதே வேதனை தானே? அப்படியானால் அவற்றை முறையாக மூடுவதற்கான வேலைகளை சம்மந்தப்பட்ட குடும்பங்கள் செய்து முடித்திருக்க வேண்டுமா இல்லையா? அவர்கள் செய்து முடித்தார்களா? இல்லையா? எனும் விவரங்கள் சம்மந்தப்பட்ட பகுதியின் கிராம நிர்வாக அலுவலரையோ அல்லது பஞ்சாயத்துத் தலைவரையோ சென்றடைந்திருக்க வேண்டுமா இல்லையா? இப்படி ஒட்டுமொத்தமாக பல அடுக்குகளில் மக்கள் கவனக்குறைவாக இருந்து விட்டு இப்போது ஒரு குழந்தையை மரண ஆபத்தில் சிக்க வைத்து விட்டு நேரலையில் அந்த பரிதாபத்தைக் காட்டிக் கொண்டிருப்பது வெட்கக் கேடான விஷயம்.

நம் நாடு தொழில்நுட்பத்தில் முன்னேறிய நாடாகத் தன்னைத் தானே அறிவித்துக் கொண்ட நாடு.

இங்கே நாம் சந்திரனுக்கு விண்கலம் அனுப்புகிறோம். அது தோல்வியில் முடிகிறதோ, வெற்றியில் முடிகிறதோ அதைப் பற்றிய கவலைகளை எல்லாம் புறம் தள்ளி மேலும் மேலும் அதற்காக பெருந்தொகை செலவிட்டு எப்படியாவது நிலவில் கால் பதித்தே ஆக வேண்டும் என்று கங்கணம் கட்டிக் கொண்டு பணி செய்து வருகிறார்கள் நம் இஸ்ரோ விஞ்ஞானிகள். ஆம், இது நமது வளர்ச்சியின் அத்தாட்சியாகும் நாளை. ஆனால், ஒரு விஷயத்தை யோசித்துப் பாருங்கள். நாளை நிலவுக்குச் செல்லும் நாள் வந்தே தீரும். அப்படி ஒரு நாள் வரும் போது, அங்கு சென்றும் கூட தண்ணீருக்காக ஆழ்துளை கிணறுகளைத் தோண்டி விட்டு அதில் தண்ணீர் கிடைக்கவில்லை என்றால் அப்போது அதையும் கைவிட்டு அங்கே ஏதாவது ஒரு குழந்தையை விபத்தில் சிக்கவைத்து விட்டு  இப்படித்தான் நிலவிலிருந்தும் கூட ஏதோ ஒரு அபலைத்தாயின் மரண ஓலக்குரலை நேரலை செய்து கொண்டிருப்போம்.

ஏனென்றால் நமது டி என் ஏ டிசைன்கள் அப்படி?

நமது மூளைச்செல்லின் விழிப்புணர்வு எல்லை அத்தகையது?

நோயாகட்டும், போராகட்டும், ஒவ்வொன்றுக்கும் தேவையான முன்னெச்சரிக்கை நடவடிக்கைகளாகட்டும் எதிலுமே...  ‘வரும் முன் காப்போம்’என்பதில் நமக்கு நம்பிக்கை இருப்பதில்லை. வரட்டும் பார்த்துக் கொள்ளலாம் என்பதே நமது தாரக மந்திரமாக இருக்கிறது.

இது முற்றிலும் தவறான அணுகுமுறை.

இதற்குத் தொடர்ந்து பலிகடாக்கள் ஆகிக் கொண்டிருக்கின்றனர் நமது இந்தியக் குழந்தைகள்.

இந்திய அளவில் இப்படிக் கைவிடப்பட்ட ஆழ்துளைக் கிணறுகள் வாயிலாக ஆண்டுதோறும் மாநிலவாரியாக குழந்தைகள் பலியாகிறார்கள். இதற்கான கருத்துக் கணிப்பொன்றை எடுத்துப் பார்த்தால் மொத்த இந்தியாவிலும் தமிழகம் தான் முதலிடத்தில் இருக்கிறது. அடுத்தடுத்த இடங்கள் ஹரியானா மற்றும் குஜராத்துக்கு. பட்டியலில் ராஜஸ்தானுக்கும் முக்கிய இடம் உண்டு. இந்த மாநிலங்களில் எல்லாம் மக்கள் ஆழ்துளைக் கிணறு விபத்து விஷயத்தில் ஏன் இத்தனை விழிப்புணர்வு இன்றி இருக்கிறார்கள் என்பது தான் மிகப்பெரிய கேள்விக்குறி.

Borewell accidents..

2016 ஆம் ஆண்டில் எடுக்கப்பட்ட சர்வே இது. இது தவிர 2010 ஆண்டு வாக்கில் பதிவு செய்யப்பட்ட கருத்துக் கணிப்பு ஒன்றின் படி;

2010 ஆம் ஆண்டில் எடுக்கப்பட்ட சர்வே முடிவுகள்...

குழந்தை மீட்பு விவரப் பட்டியலைப் பாருங்கள். அரிதாக மீட்கப்பட்ட இரு குழந்தைகள் கூட மீட்புக்குப் பிறகான மருத்துவ சிகிச்சைகள் பலனளிக்காமல் இறந்திருக்கின்றனர் என்று தெரிய வருகிறது.

இப்படித் தொடர்ந்து குழந்தைகளை பலியிட்டும் கூட நாம் ஏன் இன்னும் திருந்தாமல் இருக்கிறோம் என்பது தான் புரியாத புதிர். 

இந்த நிலையில் ஊடகங்கள் செய்ய வேண்டிய பணிகள் என்ன?

மீட்புப் பணிகளை நேரலையில் ஒளிபரப்புவதைக் காட்டிலும் இந்தியா முழுவதிலுமாக இதுவரை நடந்திருக்கும் ஆழ்துளைக் கிணறு விபத்துக்களைப் பற்றிய விழிப்புணர்வை மக்களிடையே ஏற்படுத்தும் மார்க்கங்கள் எதையாவது கண்டுபிடித்துச் சொல்லலாம்.

அல்லது தன்னார்வத் தொண்டு நிறுவனங்கள், சென்னை ஐஐடி, அண்ணா பல்கலைக்கழகம் உள்ளிட்டவற்றுடன் இணைந்து ஆழ்துளைக் கிணறுகளில் சிக்கிக் கொண்ட குழந்தைகளை மீட்பதற்கான நவீன கருவிகள் எதையேனும் கண்டுபிடிக்க முயற்சிக்கலாம். அதெல்லாம் எங்கள் வேலையில்லை என்பவர்கள் அப்படி யாரேனும் கண்டுபிடிக்கப் பின்புலமாகவோ அல்லது பக்கபலமாகவோ இருக்க முயற்சிக்கலாம். 
 

]]>
trichy boy sujith rescue live https://images.dinamani.com/uploads/user/imagelibrary/2019/10/26/w600X390/babys_mother.jpg trichy sujith's mother borewell victim https://www.dinamani.com/lifestyle/lifestyle-special/2019/oct/26/do-we-need-live-broadcosting-for-borewell-rescue-3263847.html
3262980 லைஃப்ஸ்டைல் ஸ்பெஷல் எங்க அப்பா M.A, B.L, ஆனா பொண்ணுங்க எல்லோருமே 4 வது தாண்டலை, நான் அந்தத் தடையை உடைச்சேன்!  கார்த்திகா வாசுதேவன் Friday, October 25, 2019 11:19 AM +0530  

இயக்குனர் வெற்றிமாறனின் தாயார் மேகலா சித்ரவேல். ஒரு பள்ளி ஆசிரியை, நாவலாசிரியை, பள்ளித் தாளாளர் என அஷ்டாவதானியாகத் திகழும் அவர் தனது மகனின் சமீபத்திய வெற்றிகரமான படைப்புக்குப் பின் ஊடகப் பேட்டியொன்றில் பகிர்ந்து கொண்ட விஷயங்கள் சுவாரஸ்யமானவை. அவற்றிலிருந்து சில துளிகள் இங்கே நம் வாசகர்களுக்காக;

எங்க வீட்ல எங்க அப்பா M.A, B.L ஆனா எங்கம்மாவும் வீட்ல இருக்கற மத்த பெண்களும் 4 வது 5 வதைத் தாண்டலை. இந்த வழக்கத்தை நான் உடைக்கனும்னு நினைச்சேன். ஆனாலும், எங்க குடும்பத்துல கட்டுப்பாடு அதிகம்கறதால எனக்கு ஸ்கூல் முடிச்சதுமே கல்யாணம் பண்ணி வச்சிட்டாங்க. ஆனாலும், நான் விடல, என் கணவர் கிட்ட, நான் மேல படிக்கனும், என்னை ஒரு டிகிரி ஹோல்டர் ஆக்குங்கன்னு கேட்டுக்கிட்டேன். அவரும் அதை ஏத்துக்கிட்டு என்னைப் படிக்க வச்சாரு. முதல் குழந்தை பிறந்தப்போ BA படிச்சேன். அடுத்தடுத்து MA, B.Ed, M,Phil படிச்சேன். ஆனா, அதையெல்லாம் முடிக்க முடியாம போயிடுச்சு. இப்போ வேல் யூனிவர்சிட்டில P.hd பண்ணிட்டு இருக்கேன். என்னைப் பொருத்தவரைக்கும் கடமையைச் செய், அப்புறமா உரிமையை கேள், கிடைக்கலன்ன அடிச்சுக் கூட கேள்! அவ்ளோ தான்.

பெண்கள் கல்வி கற்பது, ஆண்களுக்கு இணையாக வேலைக்குப் போதல் பற்றிய ஒரு கேள்விக்கு அவரது பதில், பெண்கள் வேலைக்குப் போகலன்னா இன்னிக்கு யாரு மதிக்கிறாங்க, ஆனா, படிச்ச படிப்பை கர்வத்தோடு வெளிப்படுத்தும் போது தான் அது யாருக்கும் பிடிக்கறதில்லை. எல்லாக் குடும்பங்களிலும் ஆம்பளை ஒரு ஆள் சம்பாதித்து வீடு, கார், ஆடம்பர பொருட்கள் எல்லாம் வாங்கி விட முடியாது. பெண்களும் தங்கள் பொறுப்பை உணர்ந்து கடமையைச் செய்து விட்டு பிறகு உரிமையைக் கேட்டு வாங்கலாம். 

அம்மா மேகலா மீது மகன் வெற்றிமாறனுக்கு இருந்த பாசத்தைப் பற்றியதொரு கேள்விக்கான பதில்;

அவன் எல் கே ஜி படிச்சிட்டிருக்கும் போது ஈவினிங் ப்ளே டைம் விடுவாங்க இல்லையா? அப்போ இவன் மட்டும் மத்த பசங்க கூட விளையாடாம அங்க சும்மா உட்கார்ந்து வேடிக்கை பார்த்துட்டு இருப்பான். அப்போ, அதைத் தொடர்ந்து பார்த்துக்கிட்டே இருந்த அவனோட டீச்சர் ஒருத்தங்க, அவன்கிட்ட போய், ‘நீயும் இறங்கி வந்து விளையாடேன்... ஏன் சும்மா நின்னு வேடிக்கை பார்த்துட்டே இருக்கே?’ ன்னு கேட்டிருக்காங்க, 

அதுக்கு வெற்றி சொன்ன பதில்;

‘எங்க வீட்ல சர்வண்ட்ஸ் இல்ல மிஸ், என் ட்ரெஸ் எல்லாம் ரொம்ப அழுக்காயிட்டா எங்கம்மா தான் கஷ்டப்பட்டு துவைக்கனும். அவங்க கை வலிக்கும்ல, எங்கம்மா பாவம், அதான் நான் என் ட்ரெஸ்ஸை அழுக்குப் பண்ணிக்காம இருக்கேன்’ ன்னு சொல்லிருக்கான். 

அதைக்கேட்டுட்டு அந்த டீச்சர் என்னைப் பார்க்கும் போது என் கிட்ட சொன்னாங்க;

என்னங்க இது, உங்க பையன் உங்களுக்காக கோயில் கட்டுவான் போல இருக்கேன்னு சிரிச்சாங்க.

எம்பையனுக்கு எம்மேல அவ்ளோ பாசம்.

என்கிறார் திருமதி மேகலா சித்ரவேல்.

இன்றைய குழந்தை வளர்ப்பு பற்றியதொரு கேள்விக்கு;

நாங்கள்லாம் அந்தக்காலத்துல கவிதை மாதிரி குழந்தைகளை வளர்த்தோம். ஸ்கூல்க்குப் போகும் போது எம் பையன இடுப்புல தூக்கிப்பேன், எம்பொண்ணு நடந்து கூடவே வருவா, போகும் போதே அவகிட்ட, அன்னைக்கு என்ன டெஸ்ட் இருக்கோ, அதுல இருந்து கேள்விகள் கேட்டுக்கிட்டே வருவேன், அவ பதில் சொல்லிக்கிட்டே வருவா... எழுதற டெஸ்ட்ல 100/100 மார்க் வாங்கிடுவா. இன்னைக்கு அப்படி நடந்து யாரு ஸ்கூல்க்கு போறாங்க, பல குழந்தைங்க ஸ்கூல் வேன், கார்ன்னு தான் போறாங்க. இன்னைக்கு காலமே மாறிட்டுது. இதையும் தப்புன்னு சொல்ல முடியாது. ஆனா, பாருங்க இன்னைக்கு குழந்தைங்க கையில எல்லாம் மொபைல் போன் தான் இருக்கு. அதைப்பார்த்துக்கிட்டே தான் சாப்பிடனும்கிறாங்க. அவங்கள ரொம்பவும் கண்டிக்கவும் முடியல. காலையில 7 மணிக்கெல்லாம் ஸ்கூல்க்கு கிளம்பற குழந்தையோட சின்ன ஆசைதானேன்னு அவங்க விருப்பத்துக்கு ஒத்துக்கிட வேண்டியதா இருக்கு. அது தப்பு தான். ஆனா, அது தப்புன்னு தெரிஞ்சும் இன்னைக்கு நாம அதை அனுமதிக்கிறோமேன்னு தான் இருக்கு. என்ன செய்யறதுன்னு தான் தெரியல.

-என்கிறார்.

தமிழ் திரையுலகிற்கு அற்புதமானதொரு இயக்குனரைப் பெற்றுத் தந்தவர் என்ற வகையில் மேகலா சித்ரவேல் அவர்களது அனுபவப் பகிரல்கள் அனைத்துமே அருமையானவையாகவே இருந்தன.

]]>
Director verrimaran, https://images.dinamani.com/uploads/user/imagelibrary/2019/10/25/w600X390/picture1.png https://www.dinamani.com/lifestyle/lifestyle-special/2019/oct/25/director-vijayamarans-mother-shared-some-interesting-facts-about-her-son-3262980.html
3010506 லைஃப்ஸ்டைல் ஸ்பெஷல் ‘பிரண்டை‘ ஒரு புன்செய் மூலிகைச் செடியில் இத்தனை பலன்களா? ஆச்சர்யம்! DIN Monday, October 21, 2019 10:37 AM +0530 பெண்கள் சில சமயங்களில் தங்களது குழந்தைகளின் மேல் அதீத கோபமிருந்தால், ‘உன்னைப் பெத்த வயித்துல பிரண்டையை வைத்துத்தான் கட்ட வேண்டும்’ என்று இயலாமை கலந்த கோபத்துடன் கத்தித் தீர்ப்பார்கள். அதையெல்லாம் பிள்ளைகள் கண்டு கொள்ளமாட்டர்கள். ஆனாலும் அதென்ன பெத்த வயித்துல பிரண்டையை வைத்து மட்டும் கட்டச் சொல்கிறார்களே, அது ஏன் என்ற எண்ணம் மட்டும் உள்ளுக்குள் உருத்தியிருக்கக் கூடும். என்ன ஒரு கஷ்டம் என்றால் அதைக் கேட்டு விளக்கம்பெறும் அளவுக்கு அந்நேரத்தில் அம்மாக்களின் பொறுமை இருந்தபடியால் நாம் அவர்களிடம் இதைப் பற்றியெல்லாம் விளக்கம் கேட்டிருக்க வாய்ப்பில்லை. இப்போது தெரிந்து கொள்ளுங்களேன் அந்த விளக்கத்தை.

பிரண்டை புண்களை ஆற்றும் ஒரு சிறந்த மூலிகை. பிரசவத்தின் போது பெண்களுக்கு பெல்விஸ் எனப்படும் இடுப்பு எலும்பின் விரிவாலும்,  குழந்தையின் பாரத்தாலும்  பெண்களின் கருப்[பையும், பிரசவ உறுப்புகளும், வயிறும் புண்ணாகி இருக்கும், அந்தப் புண்களை  வெகுவாக ஆற்றக் கூடியது பிரண்டை. இகழ்ச்சிக் குறிப்பாக இருந்தாலும்

பெற்ற குழந்தைகளின் நடத்தை  அவர்களது வயிற்றெரிச்சலை அதிகப்படுத்தும்போது அந்த புண்ணையும், அவர்களின் மனப்புண்ணையும் ஆற்றும் வகையில் இரண்டையும் இணைத்து  அப்படி சொல்வார்கள்

பெத்த வயித்துக்கு பிரண்டை  என்னும் சொல் வழக்கு உண்டு

பொதுவாக பிரண்டை வெப்பமான இடங்களில் வளர்கிறது. கொடி வகையைச் சார்ந்தது. இந்தியாவிலும், இலங்கையிலும் அதிகமாகக் காணப்படுகிறது. சதைப்பற்றான நாற்கோண வடிவத் தண்டுகளையுடைய ஏறு கொடி, பற்றுக்கம்பிகளும் மடலான இலைகளும் கொண்டிருக்கும் சாறு உடலில் பட்டால் நமச்சல் ஏற்படும் சிவப்பு நிற உருண்டையான சிறியசதைக் கனியுடையது விதை. கொடி மூலம் விருத்தி அடைகிறது, இதில் ஆண் பிரண்டை, பெண் பிரண்டை எனஇரு வகை உண்டு. பெண் பிரண்டையின் கணு 1 முதல் 1 1\2 அங்குலமும் ஆண் பிரண்டையின் கணு 2 முதல் 3 அங்குலமும் இருக்கும். இலைகள் முக்கோண வடிவில் முள் இல்லாமல் பெரிதாக இருக்கும். காரத்தன்மையும், எரிப்புக் குணமும் கொண்டது.

இது மூலம், வயிற்றுப்புண், தாது நட்டம் குணமாகும், வாயு அகற்றல், பசி மிகுதல், நுண்புழுக் கொல்லுதல் போன்ற பலன்கள் கிட்டும்.

பிரண்டையை உலர்த்தி எடுத்துச் சாம்பலாக்க வேண்டும். ஒரு கிலோ சாம்பலை 3 லிட்டர் நீரில் கரைத்து வடிகட்டி அரை நாள் தெளிய வைக்க வேண்டும் தெளிந்த நீரை பீங்கான் பாத்திரத்தில் ஊற்றி 8 -10 நாள் வெயிலில் காயவைக்கவும் நீர் முழுதும் சுண்டி உலர்ந்தபின் படிந்திருக்கும் உப்பினை சேர்த்து வைக்கவும்.

குழந்தைகளுக்கு வரும் வாந்திபேதிக்கு ஒரு கிராம் அளவு பாலில் இந்த உப்பைக் கரைத்து மூன்று வேளை கொடுக்க குழந்தையின் வாந்தி பேதி குணமாகும். செரியாமை குணமடையும். பெரியவர்களுக்கு 2  முதல் 3 கிராம் வடித்த கஞ்சியில், மோரில் கலந்து கொடுக்கவும்.

வாய்ப்புண், வாய் துர்நாற்றம், உதடு வெடிப்பு ஆகியவற்றிக்கு 2 கிராம் வெண்ணெயில் இரு வேளை இந்த மோரை மூன்று நாள் கொடுக்க நல்ல விதமாகக் குணமாகும்.

தீராத வயிற்றுப்புண், வயிற்று வலி ஆகியவற்றிக்கு இதன் உப்பை 48 முதல் 96 நாள் வரை இரு வேளை சாப்பிட குணமாகும். நவ மூலமும், சீழ் ரத்தம் வருதல், அரிப்பு, கடுப்பு, ஆசனவாயில் எரிச்சல் இருந்தாலும் இந்த உப்பை 3 கிராம் அளவு கொடுத்தால் குணமாகும்.

300 கிராம் பிரண்டை 100 கிராம் உப்புடன் ஆட்டி அடை தட்டி மண் குடுவையில் வைத்துச் சீலைமண் செய்து புடம் போட்டு எடுக்க சாம்பல் பற்பமாகமாறி இருக்கும் உப்பைப் போலவே எல்லா நோய்களுக்கும் இந்த பஸ்பத்தைக் கொடுக்கலாம்.

பிரண்டை உப்பை 2 முதல் 3 கிராம் பாலில் கொடுத்துவர இரு திங்களில் உடல் பருமன் குறைந்து விடும். ஊளைச் சதைகளையும் குறைக்கும்.ந்த உப்பை தென்னங்கள்ளில் கொடுத்துவர ஆஸ்துமா, எலும்புருக்கி, நீரிழிவு குணமடையும்.

மூன்று வேளை  2 கிராம் பிரண்டை உப்பை 2 கிராம் நெய்யில் கொடுக்க சூதகவலி குணமடையும்.

பிரண்டை உப்பை 2 கிராம் அளவு ஜாதிக்காய்த் தூள் 5 கிராமுடன் கலந்து சாப்பிட்டு வர தாது நட்டம் குணமடையும். வீரியம் பெருகும், உடம்பு வன்மை பெரும்.

பிரண்டை இலையையும், தண்டையும் உலர்த்தி, எடுத்து சூரணம் செய்து கொண்டு அதனோடு சுக்குத்தூள், மிளகுத்தூள் சமஅளவாக எடுத்துக்கொண்டு உள்ளுக்குக் கொடுத்துவர செரியாமை தீரும். இதனை கற்கண்டுகலந்த பாலுடன் உட்கொண்டுவந்தால் உடலுக்கு வன்மை தரும்.

நெய்விட்டு பிரண்டைத்தண்டை வறுத்து துவையலாக அரைத்து உண்டு வர வயிற்றுப் பொருமல், சிறு குடல், பெருகுடல் புண் நீங்கி நல்ல பசி உண்டாகும்.

பிரண்டைத் தண்டை நெய்விட்டு வறுத்து அரைத்து கொட்டைப பாக்களவு வீதம் தினம் இரு வேளையாக எட்டு நாட்கள்உட் கொண்டு வந்தால் மூல நோயில்உண்டாகும் நமச்சலும், குருதி வடிதலும் நிற்கும்.

பிரண்டையை தீயில் வதக்கி சாறு பிழிந்து தகுந்த அளவில் உள்ளுக்குக் கொடுத்து வர பெண்களுக்கு உண்டாகும் மாதவிலக்கு கோளாறுகள் நீங்கும்.

பிரண்டை, பேரிலந்தை, வேப்ப ஈர்க்கு, முருங்கன் விதை, ஓமம் இவைகளை சமளவு எடுத்து கஷாயமிட்டு அருந்தி வர, வயிற்றில் உள்ள வாயு நீக்கி வயிற்றில் உள்ள புழுக்கள் வெளியேறி நல்ல பேதி ஏற்படும்.

முறிந்த எலும்பு விரைவில் சேர்வதற்கு இதன்வேரை உலர்த்திப் பொடித்து 2 கிராம் வீதம் உண்டு வரலாம் இதனை வெந்நீரில் குழைத்து பற்றிட்டும் வரலாம்.

பிரண்டைத் தண்டை எடுத்து சுண்ணாம்பு தெளிநீரில் ஊற வைத்து வேளைக்கு ஒன்றாக உட்கொண்டு வந்தால் நல்ல பசி ஏற்படும்.

பிரண்டையை இடித்துப் பிழிந்த சாற்றுடன் புளியையும் உப்பையும் கூட்டிக்காச்சி, குழம்பு பதத்தில் இறக்கி பற்றிட்டு வந்தால் சுளுக்கு, கீழே விழுந்து அடிபடுதல், சதை பிரளுதல், வீக்கங்கள் குணமடைந்து நல்ல பலன் கிடைக்கும்.

மருத்துவ மூலிகை...

இலைகளும், இளம் தண்டுத் தொகுதியும் உடல்நலம் தேற்றுபவை. வயிற்றுவலி போக்க வல்லது. இதன் பொடி ஜீரணக்கோளாறுகளுக்கு மருந்தாகிறது. தண்டின் சாறு எலும்பு முறிவுகளில் பயன்படுகிறது. ஒழுங்காக மாதவிடாய் வராத கோளறு, ஆஸ்துமா, ஆகியவற்றை தீர்க்கும். வேரின் பொடி எலும்பு முறிவில் கட்டுப்போட உதவுகிறது.

மெலிந்த உடல் குண்டாக...

ஒரு சிலர் எவ்வளவு சாப்பிட்டாலும் உடல் தேறாமல் இருப்பார்கள். இவர்கள் பிரண்டையை நெய்விட்டு வதக்கி, துவையலாக செய்து வாரம் இருமுறை சாப்பிட்டு வந்தால் தேகம் வலுப்பெறும். உடல் நன்கு தேறும்.

வயிற்றுப் பொருமலால்அவதியுறுபவர்கள் பிரண்டையை நெய்விட்டு வறுத்து அரைத்து துவையல் செய்து சாப்பிட்டு வந்தால் வயிற்றுப் பொருமல் நீங்கி, வாயுத் தொல்லை மட்டுப்படும். மேலும் சுவையின்மையைப் போக்கி பசியைத் தூண்டும்.

பிரண்டை துவையல்...

எலும்புசந்திப்புகளிலும் நரம்பு முடிச்சுகளிலும் வாயுக்களின் சீற்றத்தால் தேவையற்ற நீர் தேங்கிவிடும். அவர்கள் முதுகு மற்றும் கழுத்து வலியால் அவதிப்படுவார்கள். இந்த நீரானது முதுகுத் தண்டு வழியாக இறங்கி சளியாக மாறி பின் பசைபோல் முதுகு, கழுத்துப் பகுதியில் இறுகி முறுக்கிக்கொள்ளச் செய்யும். இதனால்தான் இவர்களால் தலையை திருப்பவோ, அசைக்கவோ, குனியவோ முடியாமல் அவஸ்தைப்படுவார்கள். இத்தகைய பாதிப்பிலிருந்து விடுபட சித்தர்கள் பிரண்டை உப்பு, பிரண்டை கற்பக மருந்து போன்றவற்றைக் கொடுத்து சிகிச்சை செய்துள்ளனர்.

இளம் பிரண்டையை நிழலில் உலர்த்தி பொடி செய்து அதனுடன் சிறிது வெந்நீர் கலந்து பசைபோல் தயாரித்து கழுத்து, முதுகு இடுப்புப்பகுதியில் பற்றுப்போட்டு வந்தால் முறுக்கிய பகுதிகள் இளகி முதுகு வலி, கழுத்துவலி குணமாகும். பிரண்டையை துவையல் செய்து சாப்பிட்டு வந்தால் இந்த நோயிலிருந்து விடுபடலாம்.

மன அழுத்தம் அல்லது வாயு சம்பந்தப்பட்டநோய்கள் இருந்தால் வயிறு செரிமான சக்தியை இழக்கும். பிரண்டைத்துவையல் நன்கு செரிமான சக்தியைத் தூண்டும். அஜீரணக் கோளாறை நீக்கும்.

மூலநோயால்அவதிப்படுபவர்களின் மூலப் பகுதி அதிக அரிப்பை உண்டாக்கி புண்ணை ஏற்படுத்தும். இதனால் மலத்தோடு இரத்தமும் கசிந்துவரும். இவர்கள் பிரண்டையை நெய்விட்டு வறுத்து அரைத்து காலை மாலை என இருவேளையும், 1 தேக்கரண்டி வீதம் சாப்பிட்டு வந்தால் இரத்த மூலம் மாறி, மூல நோயால் ஏற்பட்ட புண்கள் விரைவில் குணமாகும்.

ரத்த ஓட்டம் சீராகும்...

உடலில்கொழுப்புச் சத்துக்கள் நிறைந்துள்ளவர்களுக்கு இரத்தக் குழாய்களில் கொழுப்புகள் படிந்து இரத்த ஓட்டத்தின் வேகத்தைக் குறைக்கும். இதனால் இருதயத்திற்குத் தேவையான இரத்தம் செல்வது தடைபடுகிறது. இதனால் இதய வால்வுகள் பாதிப்படைகின்றன. பிரண்டைத் துவையல் செய்து அடிக்கடி சாப்பிட்டு வந்தால் இரத்த ஓட்டம் சீராகும், இதயம் பலப்படும்.

பெண்களுக்கு மாதவிடாய் காலத்தில் ஏற்படும் முதுகு வலி, இடுப்புவலி போன்றவைக்கு பிரண்டை சிறந்த மருந்தாகும். பிரண்டை உடலில் உள்ள தேவையற்ற நீர்களை வெளியேற்றும் தன்மை கொண்டது. புற்று நோய்க்கு கொடுக்கப்படும் மருந்துகளில் பிரண்டையும் இடம் பெற்றிருக்கும்.

எலும்பு முறிவு ஏற்பட்டால், பிரண்டையை அரைத்து அடிபட்ட இடத்தின் மீது கட்டியும், பிரண்டையை துவையலாகச் செய்து சாப்பிட்டும் வந்தால் எலும்பு முறிவால் ஏற்படும் வலி, வீக்கம் குணமாகும். உடைந்த எலும்புகள் விரைவில் இணைந்து எலும்புகள் பலம்பெறும். கள்ளிச் செடியின்மீது படர்ந்திருக்கும் பிரண்டையை தவிர்ப்பது நல்லது.

]]>
HEALTH BENEFITS, பிரண்டை, மூலைக்கைச் செடி, வயிற்றுப்புண்., வயிற்று உபாதை, pirandai https://images.dinamani.com/uploads/user/imagelibrary/2018/9/29/w600X390/PIRANDAI.jpg https://www.dinamani.com/lifestyle/lifestyle-special/2018/sep/29/pirandai---health-benefits-3010506.html
3253985 லைஃப்ஸ்டைல் ஸ்பெஷல் தீபாவளியும் அதுவுமாக இனிப்பு வியாபாரிகளைச் சென்றடைந்துள்ள கசப்பு மாத்திரைகள்! RKV Monday, October 14, 2019 01:29 PM +0530  

தீபாவளிக்கு இன்னும் சில வாரங்களே உள்ள நிலையில், நெய், பால் பொருட்கள் மற்றும் ஏலக்காய் ஆகியவற்றின் விலை அதிகரித்திருப்பது இனிப்பு தயாரிப்பாளர்களை கவலையடையச் செய்துள்ளது. ஏனெனில், இந்திய இனிப்பு வகைகளில் சுமார் 60% இனிப்புகளுக்கேனும் செரிமான பண்புகளைக் கொண்ட நறுமண ஏலக்காயைப் பயன்படுதுவதை வாடிக்கையாகக் கொண்டிருக்கிறார்கள். அப்படியான சூழலில் தற்போது தீபாவளி நெருங்கிக் கொண்டிருக்கும் நேரத்தில் இனிப்பு தயாரிப்புக்கான இடுபொருட்களில் ஒன்றான ஏலக்காய் மற்றும் மூலப்பொருட்களில் ஒன்றான நெய் உள்ளிட்ட பால் பொருட்களின் விலையானது தொடர்ந்து அதிகரித்து வரும் நிலையில் இனிப்பு வர்த்தகர்கள் தங்களுக்கான வாடிக்கையாளர்களைத் தக்க வைத்துக் கொள்ள லாப வரம்பைக் குறைக்க வேண்டிய கட்டாயத்தில் உள்ளனர்.

“கேரளாவில் ஏற்பட்ட வெள்ளம் காரணமாக, ஏலக்காய் சாகுபடியில் பெருமளவில் உற்பத்தி  குறைந்தது. வெள்ளச் சேதத்தை அடுத்து இப்போது தான் புதிய பயிர்கள் வரத் தொடங்கியுள்ளன. இதனால் ஏலக்காய் உள்ளிட்ட உலர் பழங்கள் மற்றும் கொட்டைகளின் விலையானது கிலோ ₹ 3,000  - 3,700 வரையிலாகக் குறைக்கப்படுகிறது. தீபாவளிக்குப் பிறகு, தேவை குறைவதால் விலைகள் குறையும் என்று நாங்கள் நம்புகிறோம், ”என்று உலர் பழங்களின் மொத்த விற்பனையாளர்கள் கருத்து தெரிவித்துள்ளனர்.

கடந்த மாதம், ஏலக்காய் விலை கிலோவுக்கு, 6,000 ரூபாய் வரை கிடு கிடுவென உயர்ந்தது, ஆனால், ஆறு மாதங்களுக்கு முன்பு, அதே கிலோ ஏலக்காய் 850 ரூபாய்க்கு விற்பனையானது. ஆனால் இப்போது திடீரென்று தீபாவளி மற்றும் கடந்த ஒருமாத காலமாகத் தொடர்ந்து ஒன்று மாற்றி ஒன்றாக வந்து கொண்டிருக்கும் விழாக்களால் ஏலக்காய் விலையேற்றத்தில் விஸ்வரூபம் எடுத்துள்ளதாக ஒரு தோற்றம் நிலவுகிறது. இதற்குக் காரணம், சில கடைக்காரர்கள்... செயற்கையாகத் தேவையை உருவாக்க தங்களது பங்குகளைப் பதுக்கி வைத்திருக்கிறார்கள், இது போன்ற செயல்களே விலை உயர்வுக்கு வழிவகுக்கின்றன. இதனால் ஏலக்காயைப் பயன்படுத்தி இனிப்புகள் தயாரிப்பதற்கு முன்பு இனி இனிப்பு உற்பத்தியாளர்கள் ஒருமுறைக்கு இருமுறை சிந்திக்க வேண்டியதாக இருக்கும் என இனிப்பு உற்பத்தியாளர் சங்கத் தலைவர்கள் மற்றும் உறுப்பினர்கள் கருதுகிறார்கள்.

ஏலக்காயுடன், நெய் மற்றும் பால் சார்ந்த பிற பொருட்களான வெண்ணெய் மற்றும் கோவா ஆகியவற்றின் விலைகளும் சமீபத்திய பால் பொருட்களுக்கான விற்பனை மற்றும் விலை திருத்தத்திற்குப் பிறகு அதிகரித்துள்ளன. நெய் விலையானது கிலோவுக்கு 100 ரூபாய் வீதம் அதிகரித்திருக்கையில் இனிப்பு உற்பத்தியாளர்கள் தங்களது லாபத்தைக் குறைத்துக் கொண்டால் மாத்திரமே வாடிக்கையாளர்களைத் தக்க வைத்துக் கொள்ளும் நிலை நீடித்து வருகிறது. இதனால் அவர்களுக்கு லாபம் குறையலாம். ஆனால் முதலுக்கு மோசம் வர வாய்ப்பில்லை என்கிறார்கள் வர்த்தகர்கள்.

இச்சூழலில், தனியாக கடைகள் வைத்து இனிப்பு தயாரிப்பவர்கள் மற்றும் ஸ்வீட் ஸ்டால் உரிமையாளர்களைக் காட்டிலும் ஹோம் மேட் இனிப்புகள் தயாரித்து வழங்குபவர்களின் நிலையானது பாதுகாப்பானதாகக் கருதப்படுகிறது.

எது எப்படியாயினும் ஏலக்காய் மற்றும் நெய், வெண்ணெய் உள்ளிட்ட பால் பொருட்களுக்கான மூலப்பொருட்களின் விற்பனையில் ஏற்பட்டுள்ள விலை உயர்வானது தீபாவளி நேரத்தில் இனிப்பு தயாரிப்பாளர்களுக்கு வழங்கப்படும் கசப்பு மாத்திரை போன்ற உணர்வைத்தான் ஏற்படுத்தும்.
 

]]>
bitter pills to sweet manufacturers, diwali bad mood, தீபாவளி கசப்பு மனநிலை, இனிப்பு வியாபாரிகளுக்கு ஒரு கசப்புச் செய்தி, நெய் , ஏலாக்காய் விலை உயர்வு, hike in ghee and cardamom prices, https://images.dinamani.com/uploads/user/imagelibrary/2019/10/14/w600X390/sweet_stall_2.jpg https://www.dinamani.com/lifestyle/lifestyle-special/2019/oct/14/bitter-pills-have-reached-the-sweet--manufacturers--may-break-the-celeberation-mood-3253985.html
3251250 லைஃப்ஸ்டைல் ஸ்பெஷல் தாம்பத்யம் சிறக்க இதை ட்ரை பண்ணுங்க! கார்த்திகா வாசுதேவன் Saturday, October 12, 2019 04:30 PM +0530  

- தகவல் தங்கலட்சுமி

தனுஜாவுக்கு செம மூட் அவுட்.

‘ஏன்? என்னாச்சு?’

- என்றவாறு பக்கத்தில் வந்த தோழி அனுஜாவிடம் சுள்ளென எரிந்து விழுந்தாள்..

‘அடச்சே! என்னடி வாழ்க்கை இது?’

‘அம்மாடீ, நீ பாட்டுக்கு திடீர்னு இப்படி கொழுந்து விட்டு எரிஞ்சா, என்னடி அர்த்தம், எதுக்கு மூட் அவுட்ன்னு சொல்லு.’

‘அடப்போடீ, வீடு, ஆஃபீஸ், வீக் எண்ட் அவுட்டிங்ல ஒரு மூவி, இல்லனா ரெஸ்டாரெண்ட் இப்டி சுருங்கிப் போச்சே வாழ்க்கைன்னு நினைக்கறப்போ அப்படியே பத்தீட்டு வருது தெரியுமா.. வீட்டுக்குப் போனா குழந்தைங்களோட டைம் ஸ்பெண்ட் பண்ணனும். அவங்க படிப்பு, புராஜெக்ட் வொர்க், எக்ஸாம்ஸ், மார்க்ஸ், டியூஷன்ஸ்ன்னு அங்கயும் இங்கயுமா பறந்து கடைசில தினமும் தூங்க அர்த்த ஜாமம் ஆயிடுது. இதுல ஹஸ்பண்ட் வேற, நீ இப்போலாம் என்னைக் கவனிக்கறதே இல்லைன்னு புலம்பல். மத்ததெல்லாம் டைஜெஸ்ட் பண்ணிக்கலாம், ஆனா, இவரோட புலம்பலைத்தான் டைஜெஸ்ட் பண்ணிக்கவே முடியறதில்லை. நடு ராத்திரியில அடிச்சுப் போட்ட மாதிரி தூக்கம் வரப்போ எங்கருந்துடீ ரொமான்ஸ் மூட் வரும்?’

புருவம் சுளித்து கோபம் தலைக்கேற தனுஜா கேட்கையில், அனுஜாவுக்கும் கூட, ‘அட... ஆமாமில்லை, இவ கேட்கறது நியாயம் தானே?’ என்று தானிருந்தது.

இவர்கள் இப்படி தன்னிலை மறந்து பேசிக் கொண்டிருக்கையில் அவர்களைக் கடந்து சென்று அலுவலக அறையைச் சுத்தம் செய்து கொண்டிருந்த ஆஃபீஸ் அட்டண்டர் தங்கலட்சுமியின் பாம்புச் செவியில் எல்லாம் உள்ளது உள்ளபடி பதிவாக... 

‘இன்னா மேம், இதுக்குப் போய் இத்தனை அலுத்துக்கற!’
- என்றவாறு இருவர் ஜமாவில் மூன்றாம் தேவியாக அழைப்பின்றி இணைந்தாள்.

தங்கலட்சுமியை அனுஜாவும், தனுஜாவும் வேற்றாளாகவோ, அட்டண்டர் தானே என்று மட்டமாகவோ கருதுவதில்லை என்பதால்... அவளது குறுக்கிடலை அவர்கள் கெளரவக் குறைச்சலாக எடுத்துக் கொள்ளாமல் தங்கள் பேச்சில் இணைத்து ஆதங்க உரையாடலை விட்ட இடத்திலிருந்து மீண்டும் தொடர்ந்தனர்.

‘தங்சு... கேட்டுட்டுத் தான இருந்த, அவ்ளோ தான் எங்களால முடியுது. ராத்திரி தூங்கலன்னா ஆஃபீஸ்ல தூங்கி வழிய வேண்டியது தான்.’ 
- என்று நொடித்துக் கொண்டாள் அனுஜா.

தொடர்பான கட்டுரை... ‘சிருங்காரம்’ என்பது வெறும் உடல்சுகமல்ல; பிறகு வேறென்ன? தெரிந்து கொள்ள இதைப் படியுங்கள்!

தனுஜா ஒன்றும் பேசவில்லை... அவள் இன்னும் புளிய மரத்தில் இருந்து இறங்க விரும்பாத வேதாளமாக சுளித்த புருவத்துடன் முகத்தில் சோபையின்றி அப்படியே நீடித்தாள்.

பக்கத்தில் வந்த தங்சு என்ற தங்கலட்சுமிக்கு 50 வயதிருக்கலாம்.

மெல்ல அருகே வந்து தனுஜாவின் முகவாய் பற்றி, தன்னை நோக்கித் திருப்பி,

‘இன்னா மேம், உம் புருஷன் ரொமான்ஸ் பண்ண உன்னைக் கூப்பிடாம வேற யாரைக் கூப்பிடுவார்? அதுக்கா இம்புட்டு கோவம்? என்று ஆறுதலாக வினவ;

பிரச்னை ரொமான்ஸ் பண்றதுல இல்ல தங்சு, அதுக்கான மூட் கிரியேட் ஆக மாட்டேங்குது... அதான் இப்போ பிரச்னை.

அட இன்னா மேம்? ரெண்டு பேரும் மெத்தப் படிச்சும், இதுக்கெல்லாமா நேரம், காலம் பார்ப்பீங்க? எனக்கொன்னும் புரியல. தங்சு, முகவாயைத் தோள்பட்டையில் இடித்துச் சிரித்துக் கொண்டே இதைச் சொல்ல;

அவளது கேள்வியில் நிதானமடைந்து, அவளை நோக்கி பரிதாபமாகத் திரும்பிய தனுஜா;

‘டயர்டா இருக்கு தங்சு. பிள்ளைங்களையும் சமாளிக்கனும், வீட்டு வேலைகளையும் முடிக்கனும், சாப்பாடு, ஹவுஸ் கீப்பிங்னு மறுநாளைக்கும் தயார் பண்ணனும். நடுவுல என் வேலையில புரமோஷன் ஆகனும்னா நானும் நிறைய படிச்சிட்டே இருக்கனும். அதுக்கான வொர்க்‌ஷாப்ஸ் போகனும், இதுல ரெண்டு குழந்தைங்க பிறந்து அவங்க வளர, வளர இண்ட்ரெஸ்ட் எல்லாம் ஃபியூச்சர் ப்ளான்ஸ் மேல தான் இருக்கே தவிர சத்தியமா ரொமாண்டிக்கா எதையுமே யோசிக்க முடியல. அப்புறம் இன்னொரு முக்கியமான விஷயம் எப்பவுமே ஒரு கை தட்டினா ஓசை எழும்பாது தெரிஞ்சுக்கோ. ரெண்டு பேருக்குமே சேர்ந்தாப்ல தோணனும். யாராச்சும் ஒருத்தருக்கு மட்டும் தோணினா, அது ரொமான்ஸ் இல்ல நியூஸன்ஸ்.

- என்றாள் சோர்வாக. விரக்தியாக.

அப்போது அனுஜா, இரு உன் பிரச்னைக்கான தீர்வையும் கூகுளாண்டவர் கிட்டயே கேட்டுடலாமே என்று விட் அடிக்க, அவளைப் பார்த்து தனு முறைக்க, 
தங்கம்மா, 
‘இதுக்கும் இந்தப் பொட்டி பதில் சொல்லுமா?’ 
- என்று கணினித் திரையை உற்றுப் பார்க்க.. தனு திரையில் ஒளிர்ந்த இணையப்பக்கத்தை ப்ரிண்ட் எடுத்து மூவருக்கும் பொதுவாக வாசித்துக் காட்டத் தொடங்கினாள்;

அதில் சொல்லப்பட்ட டிப்ஸ் கீழே;

மேலும் படிக்க... ரொமான்ஸ் உணர்வு குறைய ஒபிசிட்டியும் ஒரு காரணம்னு சொல்றாங்க, முதல்ல அதைச் சரி செய்யுங்க, ஃபிட்டா இருக்க கத்துக்குங்க...

  1. காதலில் கசிந்துருகி கணவரைப் பற்றி எதையாவது எழுதி அவருக்கே தெரியாமல் அவரது பர்ஸில் அதை ஒளித்து வையுங்கள், திடீரென அது அவரது கண்களில் படும்போது தானாய் மடல் விரிக்கும் ரொமாண்டிக் மூட்.
  2. எந்தக் காரணமும் இல்லாமல் ‘லவ் யூ லாட், மிஸ் யூ லாட்’ மெசேஜ் அனுப்புங்கள் உங்கள் கணவருக்கு.
  3. அன்றைய இரவு ஆரோக்யமாகக் கழிய முன்னேற்பாடாக காதல் சொட்டச் சொட்ட எதையாவது பிதற்றி வாய்ஸ் மெசேஜ் அனுப்பலாம்.
  4. கணவரோ, மனைவியோ ஒருவர் பேசும் போது மற்றவர் குறுக்கிட்டு கடுப்படிக்காமல் உறவை மேம்படுத்தத் தக்க விதத்தில் ஒருவர் பேசும் போது மற்றவர் அமைதி காக்கலாம்.
  5. அவருக்கு/அவளுக்குப் பிடித்த இரவு உணவை சமைக்கவும்.
  6. அவருக்கு/அவளுக்குப் பிடித்த உடைகள் சுத்தமாகவும், அணியத் தயாராகவும் இருப்பதை விளம்பரங்களில் காட்டுவதைப் போல ரொமாண்டிக்காகவும் சூசகமாகவும் வெளிப்படுத்தலாம். 
  7. அவரது /அவளது வேலையில் ஆர்வம் காட்டுங்கள்.
  8. தொலைக்காட்சி நிகழ்ச்சிகளையோ அல்லது விளையாட்டு நிகழ்ச்சிகளையோ எதுவானாலும் சரி முழுதாக என் ஜாய் செய்து அவருடன்/அவளுடன் பாருங்கள்.
  9. கணவரோ அல்லது மனைவியோ இருவருமே கண்டிப்பாக மென்மையான மனம் மயக்கத்தில் ஆழ்த்தும் விதமான பெர்ஃபியூம்களைப் பயன்படுத்துங்கள்
  10. கணவர் / மனைவி இருவரில் யார் ஜோக் அடித்தாலும் இருவருமே விழுந்து விழுந்து சிரியுங்கள்.
  11. நாளுக்கு நாள் அழகு கூடிக் கொண்டிருப்பதாக இருவருமே ஒருவருக்கொருவர் சமயம் கிடைக்கும் போதெல்லாம் ஒருவருக்கொருவர் மெச்சிக் கொள்ள மறக்காதீர்கள்.
  12. இருவருமாக இணைந்து நல்ல மூட் கிரியேஷனுக்கு அவரவருக்குப் பிடித்த பாடல்களுடனான அந்தாக்ஸரி நிகழ்த்தலாம்.
  13. குழந்தைகள் முன் கணவன், மனைவி இருவருமே ஒருவரை ஒருவர் புகழ்ந்து பேசுங்கள்.
  14. அவரது அவளது நண்பர்கள் முன் அவரை/அவளை புகழ்ந்து பேசுங்கள்.
  15. ஒவ்வொரு முறை வீட்டை விட்டு வெளியேறும் போதும் அவரை/அவளை மென்மையாக நெற்றியிலோ அல்லது புறங்கையிலோ/ உள்ளங்கையிலோ முத்தமிடத் தவறவேண்டாம்.
  16. இரவு உணவை முடிக்கையில் நகைச்சுவை நிறைந்திருக்கட்டும்.
  17. இரவு உடைகள் அழகானதாக மட்டுமல்ல மென்மையானதாகவும் தேர்ந்தெடுத்து அணிய மறக்க வேண்டாம்.
  18. கணவர் / மனைவி இருவருமே ஒருவருக்கொருவர் ஏதேனும் வாக்குறுதி அளித்துக் கொண்டால் அதை எப்பாடுபட்டாவது நிறைவேற்றப் பழகுங்கள்.
  19. படுக்கையில் தாம்பத்யத்தின் நித்தியமான பூரணத்துவம் கிட்ட அதை மென்மையான மசாஜில் இருந்து தொடங்கலாம்.
  20. குழந்தைகள் முன் அவரை / அவளை மரியாதையை எப்போதும் காப்பாற்றத் தவற வேண்டாம்.
  21. அருமையான தாம்பத்யத்தை உணரும் ஒவ்வொரு முறையும் மறுநாள் பகலில் சுகமான நினைவுகள் நீடிக்கும் போதெல்லாம் ‘மீண்டும் எப்போது?!’ என்ற ஒற்றைவரிச் செய்தியை கணவரும், மனைவியும் ஒருவருக்கொருவர் அனுப்பிக் கொள்ளத் தவற வேண்டாம்.
  22. கணவர் /மனைவி வீட்டுக்குள் நுழையும் போது யார் முதலில் வீட்டுக்குள் இருக்கிறார்களோ அவர்கள் வீடு முழுவதையும் சுத்தம் மற்றும் நறுமணத்தால் நிறைக்கத் தவற வேண்டாம்.
  23. படுக்கையறையில் ஒரு அழகான வாசனை மெழுகுவர்த்தியை ஏற்றி வைக்கவும். குறைந்த பட்சம் மென்மையான இரவு விளக்கின் ஒளி நிறைந்திருக்கச் செய்யலாம்.
  24. அவருக்கு / அவளுக்குப் பிடித்த சிற்றுண்டி அல்லது பானத்தில் இருந்து துவங்கலாம்.
  25. அவர் / அவள் வீட்டுக்குள் நுழையும் போது மற்றவர் முகத்தில் மென்னகையை மலரச் செய்ய மறக்காதீர்கள்.
  26. அவர் / அவள் உங்களை எவ்வளவு பெருமைப்படுத்துகிறார் என்று அவரிடம் /அவளிடம் அடிக்கடி சொல்லுங்கள்.
  27. இருவரும் இணைந்திருக்கும் போது குறைந்தபட்சம் அடிக்கடி ஒருவர் மற்றவரது கைகளைப் பற்றிக் கொள்ள மறக்காதீர்கள்.
  28. கணவரது மடியில் குழந்தைகள் தான் மடியில் அமர வேண்டும் என்பதில்லை, மனைவியும் அமரலாம். அதே போல மனைவி, கணவரைத் தன் மடியில் தலை வைத்துப் படுக்க அனுமதிக்கலாம்.
  29. அவனும் / அவளும் நண்பர்களுடன் இணைந்து ஏதாவது புது முயற்சிகளை மேற்கொண்டால் ஒருவருக்கொருவர் முகம் காட்டாமல் இருவருமே ஒருவரை ஒருவர் ஊக்குவிக்கலாம்.
  30. கணவர் . மனைவிக்கு மட்டுமே அர்த்தமாகும் படியான கண் சிமிட்டல்கள், தோள் குலுக்கல்கள் போன்ற சங்கேத பாஷைகள் அத்திப் பூத்தாற் போல் வெளிப்பட்டு உறவை பலப்படுத்தட்டும்
  31. ஒருவரது அழைப்புக்கு மற்றொருவர் எப்போதும் ‘சரி’ என்றே சொல்லிப் பழகுங்கள்.
  32. கணவன், மனைவிக்குள் என்றென்றைக்குமாக ‘நோ’ என்ற வார்த்தைக்கு அவசியமில்லாது போகச் செய்யுங்கள்.
  33. கட்டக் கடைசியாக ஒரு வார்த்தை, நேரம், காலம், மீனம், மேஷம் பார்க்கத் தேவையற்ற ஒரே உறவு தாம்பத்யம் ஒன்றே! டோண்ட் ஃபர்கெட் இட்!

கூகுளாண்டவரின் கடைசி பாயிண்டை வாசித்து முடிக்கையில் தங்கம்மா அவசர, அவசரமாகக் குறுக்கிட்டாள்.

இன்னா கண்ணு, இம்மாம் பெருசா, வழ வழ, கொழ, கொழான்னு சொல்லிக்கினே போற, அதான் கடைசியா நாஞ்சொன்ன பாயிண்ட்டுக்கே வந்துட்டியே!

அட இன்னா மேம்? ரெண்டு பேரும் மெத்தப் படிச்சும், இதுக்கெல்லாமா நேரம், காலம் பார்ப்பீங்க? எனக்கொன்னும் புரியல. 

என்று தங்சு, மீண்டும் முகவாய்க் கட்டையில் தோள்பட்டையில் இடித்துச் சிரிக்கவே..

இப்போது மூவருக்குள்ளும் தங்களையறியாமல் சிரிப்பு மூண்டது.. தங்ஸின் கைகளைப் பற்றிக் கொண்டு வெடித்துச் சிரித்தவர்கள்...

சரி... சரி விடும்மே, இது கூகுளாண்டவர் டிப்ஸ் இல்ல, நம்ம தங்ஸு சொன்ன டிப்ஸ்ன்னு மொத்த கிரெடிட்டும் உனக்கே கொடுத்துடலாம். அம்புட்டுத்தானே!

என்று ரிலாக்ஸாகி அவரவர் வேலைகளில் இரண்டறக் கலந்தனர்.

]]>
தாம்பத்தியம் சிறக்க, romance secrets, ROMANTIC MOOD CREATION TIPS, ரொமன்ஸ் ரகசியங்கள், ரொமான்டிக் மூட் கிரியேஷன் டிப்ஸ் https://images.dinamani.com/uploads/user/imagelibrary/2019/10/10/w600X390/romanticmoodcreationtips.jpg Romantic mood creation tips https://www.dinamani.com/lifestyle/lifestyle-special/2019/oct/10/romantic-mood-creation-tips-by-thangs-3251250.html
3252006 லைஃப்ஸ்டைல் ஸ்பெஷல் அக்டோபர் 11.. அப்பாக்களின் இளவரசிகளே! இன்று உங்களுக்கான கொண்டாட்ட நாள்! கார்த்திகா வாசுதேவன் Friday, October 11, 2019 04:13 PM +0530 அக்டோபர் 11.. அப்பாக்களின் இளவரசிகளே! இன்று உங்களுக்கான கொண்டாட்ட நாள்!

2014 ஆம் ஆண்டு எடுக்கப்பட்ட ஒரு புள்ளி விவரக் கணக்கீட்டின் படி உலகம் முழுவதுமாக 62 மில்லியன் பெண்களுக்கு இன்றளவும் கூட அடிப்படை கல்வி பெறுவதற்கான வசதிகள் இல்லை என்பது தெரிய வந்திருக்கிறது. சர்வதேச அளவில் மேற்கொள்ளப்பட்ட மற்றொரு கணக்கீடு என்ன சொல்கிறது என்றால்? 5 முதல் 14 வயதுக்குட்பட்ட பெண்குழந்தைகள் தங்களது வாழ்நாளில் 160 மில்லியன் (1,135,92,80,000) மணி நேரங்களை பெரும்பாலும் வீட்டு வேலைகளுக்காகவே செலவிடுகிறார்கள். அந்த நேரத்தில் அவர்களுக்கு கல்வி கற்கவோ, புதிதாக ஆராய்ச்சிகளில் இறங்கவோ ஏன் விளையாட்டு மற்றும் கேளிக்கைகளில் ஈடுபடக்கூட நேரமிருப்பதில்லை. சுருங்கச் சொல்வதென்றால் அந்த நேரங்களில் அவர்களுக்கு ஓய்வு தேவைப்படுமென்றாலும் கூட அதைப் புறக்கணித்து விட்டு வீட்டு வேலைகளில் உழன்று கொண்டிருக்கும் பெண் குழந்தைகள் இங்கு அதிகம் பேர் இருக்கிறார்கள் என்கிறது. அதே சமயம் இந்தப்பக்கம் 5 முதல் 15 வயதுக்குட்பட்ட ஆண் குழந்தைகள் அல்லது சிறுவர்கள் என்று எடுத்துக் கொண்டீர்களெனில் அவர்களது வாழ்க்கை முறையானது பெண் குழந்தைகளின் வாழ்க்கை முறையிலிருந்து முற்றிலும் வேறுபட்டதாக இருக்கிறது. அவர்களுக்கு விளையாடுவதும், கல்வி கற்றலுமே முக்கியப் பணிகளாக ஒதுக்கப்படுகின்றன. 

அதுமட்டுமல்ல, உலகம் முழுக்க நிகழ்த்தப்பட்ட சர்வே ஒன்றில் தெரிய வந்த உண்மை. உலக அளவில் 4 ல் ஒரு பெண்ணாவது 18 வயதுக்கு முன்பே திருமணமானவராக இருக்கிறார். மனமுதிர்ச்சியற்ற சிறுமிப் பருவத்தில் நிகழும் கட்டாயக் குழந்தைத் திருமணங்களில் மனைவி என்ற பெயரில் அந்தச் சிறுமி பாலியல் ரீதியாகக் கட்டாயப்படுத்தப்பட்டு துன்புறுத்தப்படுகிறாள். இப்படியான பாலியல் வன்முறைகளில் குற்றவாளியாகக் கருதப்படும் வயது வந்த ஆண்களுக்கு தண்டனை எதுவுமே பெற்றுத்தர முடிவதில்லை. இந்த நிலை நிச்சயம் மாற வேண்டும். அதற்காகவாவது சர்வ தேச அளவில் பெண் குழந்தைகளுக்கென்று பிரத்யேக நாள் ஒன்றை கொண்டாட வேண்டும் என்று அறைகூவல் விடுத்திருக்கிறார் ஐக்கிய நாடுகளுக்கான பெண்கள் நல்லெண்ணத் தூதர் எம்மா வாட்ஸன்.

இப்படி தினம் தினம் பெண்கள் எதிர்கொள்ளும் பிரச்சினைகள் குறித்து மட்டுமல்லாமல், அந்த பிரச்சினைகள் தீர்க்கப்படும்போது என்ன நடக்கக்கூடும் என்பதைப் பற்றிய விழிப்புணர்வை ஏற்படுத்தவும் சர்வதேச பெண்கள் தினம் உதவுகிறது. எடுத்துக்காட்டாக, சிறுமிகளுக்கு கட்டாயக் கல்வி பெற்றுத்தருதல், குழந்தைத் திருமண விகிதங்களை முற்றிலுமாகக் குறைப்பது, பெண் குழந்தைகளைத் தாக்கும் நோய் வீதத்தைக் குறைப்பது போன்ற திட்டமிடல்களுக்கு சர்வ தேச பெண்கள் தினம் உதவுகிறது அதுமட்டுமல்ல அதிக ஊதியம் பெறும் வேலைகளை அணுக பெண்களுக்கு உதவுவதன் மூலம் பெண்களின் பொருளாதார நிலையை வலுப்படுத்தவும் இந்த குறிப்பிட்ட தினத்திற்கான நோக்கங்கள் வலுப்பெறுகின்றன.

அந்த வகையில் உலக பெண்குழந்தைகளுக்கான தினமாக அக்டோபர் 11 அனுசரிக்கப்படுவது

நாம் யாரை தேவதைகள் என கொண்டாடுகிறோமோ? அவர்கள் மீது தான் மேலும் மேலுமென சுமைகளை ஏற்றிக் கொண்டே செல்கிறோம். அந்தச் சுமைகளைக் குறைப்பது எப்படி? அவர்களை பட்டாம் பூச்சிகளாக சுற்றிப் பறந்தாட அனுமதிப்பது எப்போது? அதற்கான விடைகளைத் தேடத்தான் சர்வதேச பெண் குழந்தைகள் தினம் அனுமதிக்கப்படுகிறது.

இன்று சிலர் கூறலாம்;

பெண் சிசுக் கொடுமை எல்லாம் முன்னொரு காலத்தில் இருந்தது. இப்போது அதை ஒழித்து விட்டோம் என்று. அது உண்மையல்ல. 

இன்றும் கூட நம் திரைப்படங்கள் மற்றும் சின்னத்திரையின் பேசுபொருட்களில் ‘பெண் சிசுக் கொலை’ யும் ஒன்றாகப் பேணப்பட்டு வருகிறது.

அந்தக் கொடுமைகள் எல்லாம் களையப்பட வேண்டுமென்றால் பெண் குழந்தைகளின் பிரச்னைகளைப் பேச தனியாக ஒரு அமைப்பு வேண்டும். உலகப் பெண்குழந்தைகளின் உரிமைகளை நிலைநாட்ட அதற்கென ஒரு மையக்கருதுகோள் வேண்டும். அப்படித் துவங்கியது தான் சர்வ தேச பெண் குழந்தைகளுக்கென ஒரு தினம். 2012 ஆம் ஆண்டு முதல் கொண்டாட்டத்திற்கு உரிய நாளாக அனுசரிக்கப்பட்டு வரும் இந்த நாளானது ஒவ்வொரு ஆண்டுக்கும் ஒவ்வொரு விதமான மையக் கருதுகோள்களைக் கொண்டிருக்கிறது. இந்த ஆண்டுக்கான கருதுகோள் (தீம்)

இந்த ஆண்டுக்கான தீம் (கருப்பொருள்) "GirlForce: Unscripted and Unstoppable".(தடுத்து நிறுத்தப்பட முடியாததும், பதிவு செய்யப்பட முடியாததுமான மகளிர் சக்தி) என்று அர்த்தம் தரும் இந்த கருதுகோளானது பெண்ணெனும் மகா சக்தியின் பல்வேறு பரிமாணங்களை உலகம் முழுதுணர்த்தி பெண் குழந்தைகளின் முக்கியத்துவத்தை உலக அரங்கில் நிலை நாட்டப் புறப்பட்டிருக்கிறது.
 

]]>
சர்வ தேச பெண் குழந்தைகள் தினம் 2019, அக்டோபர் 11, International girl child day, october 11, https://images.dinamani.com/uploads/user/imagelibrary/2019/10/11/w600X390/girl_child_day.jpg girl force: unscriptable, unstoppable! https://www.dinamani.com/lifestyle/lifestyle-special/2019/oct/11/oct-11--dads-princesses-today-is-your-celebration-day-3252006.html
3244114 லைஃப்ஸ்டைல் ஸ்பெஷல் கால்வலி, மூட்டு வலி தாங்க முடியலையா? சட்டுன்னு நிவாரணம் கிடைக்க இந்த யோகாசனப் பயிற்சிகளைச் செஞ்சு பாருங்களேன்! கஸ்தூரி ராஜேந்திரன், தேனி. Tuesday, October 1, 2019 05:22 PM +0530  

கால் ரொம்ப வலிக்கிறதா? ரொம்ப நேரம் ஆஃபீஸ்ல உட்கார்ந்தே இருந்தாலும் சரி, இல்லன்னா, ரொம்ப நேரம் நின்னுக்கிட்டே இருக்க வேண்டிய சூழ்நிலை ஏற்பட்டிருந்தாலும் சரி கால் வலி, மூட்டு வலி  வந்துடறது சகஜம் தான். அந்த மாதிரி நேரங்கள்ல வலி தாங்க முடியலன்னா? உடனே டாக்டரைப் போய் பார்க்கறதும் கலர் கலரா மாத்திரையை வாங்கிப் போட்டுக்கறதும் அவசரக்கோலம். முதல்ல இந்த மாதிரி வலிகளுக்கு டாக்டரைப் பார்க்காமலே ஏதாவது நிவாரணம் கிடைக்குதான்னு பார்க்கனும். அதுக்கு யோகா தான் பெஸ்ட்.

இதோ இந்த 5 யோகாசனப் பயிற்சிகளை செய்து பாருங்க. இது நிச்சயமா உங்களுக்குப் பலன் கொடுக்கும்.

1. அதோமுக சவாசனா அல்லது கீழ் நோக்கிப் பார்க்கும் நாய் போஸ்

அதோமுக ஸ்வானாசனா அல்லது கீழ் நோக்கிப் பார்க்கும் நாய் போஸ்

முதலில் யோகா மேட்டை விரித்து நேராக நின்று கொண்டு பின் நிதானமாகக் குனிந்து இரண்டு கைகளையும் தரையில் உள்ளங்கைகள் படிய ஊன்றிக் கொள்ள வேண்டும். பிறகு கால்களை பின்னோக்கிக் கொண்டு சென்று ஒரு முக்கோண போஸில் நிற்க வேண்டும்.

அதோமுக ஸ்வானாசனா பார்ப்பதற்கு எளிமையாகத்தான் இருக்கும். ஆனால், இதில் மிக முக்கியமானது கால் பாதங்களைத் தூக்கக் கூடாது. நிற்கும் போது கால் பாதங்கள் எப்படித் தரையில் படிந்திருக்கின்றனவோ அதே போல நாய் போஸில் ஆசனம் செய்யும் போதும் குதிகால்களை உயர்த்தாலும் நேராக நிற்பது போலவே கால் பாதங்கள் தரையில் சமமாகப் படிந்திருக்க வேண்டும். அதே தான் கைகளுக்கும், உள்ளங்கைகள் இரண்டும் தரையில் சமமாகப் படிந்திருக்க வேண்டும். முதுகுத் தண்டு வளைவுகள் இன்றி ஒரு முக்கோணம் போலவோ அல்லது மேருவைப் போலவோ மிகச்சரியாக வளைக்கப்பட்டிருக்க வேண்டும். கண் பார்வை கால் பெருவிரலில் மையம் கோண்டிருக்க வேண்டும். இதே போஸில் தொடர்ந்து 30 விநாடிகள் பயிற்சி எடுத்துக் கொள்ளலாம். பழகிய பின் மேலும் 15 விநாடிகளைக் கூட்டிக் கொண்டால் போதும்.

பலன்: இந்த யோகாசனப் பயிற்சி செய்வதால் முதுகெலும்பு வலுவாகும், மிகச்சரியாக உடலை சரிபாதியாகக் குனியச் செய்வதால் உச்சி முதல் உள்ளங்கால் வரையிலும் ரத்த ஓட்டம் சீராக இருக்கும். கால்பாதம் மற்றும் உள்ளங்கைகளைத் தரையில் படருமாறு அழுத்தமாக ஊன்றிக் கொள்வதால் முழு உடலும் தாங்கப்பட்டு முதுகெலும்பின் மீதான அழுத்தம் குறையும். இதனால் முழு உடலுக்கும் புத்துணர்ச்சி கிடைக்கும். கை, கால் ஆடுதசைகள் இறுக்கமாகும்.

2. கபோடாசனா அல்லது புறா போஸ்

கபோடாசனா அல்லது புறா போல அமர்ந்திருக்கும் நிலை

யோகா மேட்டில் முதலில் முழங்காலிட்டு அமர்ந்து கொண்டு பின் மெதுவாக வலக்காலை பத்மாசன நிலைக்கு நகர்த்தி அமர்ந்து கொண்டு இடக்காலை பின்னோக்கி நீளச் செய்து இரு கைகளையும் தரை தொடுமாறு வைத்துக் கொள்ளவும். இதே நிலையில் 30 விநாடிகள் இருந்து விட்டு பின் கால் மாற்றி இதே பயிற்சியை மீண்டும் 30 விநாடிகள் செய்யலாம். பார்ப்பதற்கு புறாக்கள் அமர்ந்திருப்பது போன்று தோற்றமளிக்கும்.

பலன்: இந்த யோகாசனப் பயிற்சியானது உங்களது கால் இணைப்புத் தசைகள் மற்றும் திசுக்களை வலுவாக்கும். இடுப்பு மற்றும் முதுகெலும்புகளில் நிலவும் இறுக்கத்தை குறைக்கும்.

ரத்த அழுத்தத்தை சீராக்கி மனம் மற்றூம் உடலை அமைதி நிலையில் வைத்துக் கொள்ள உதவும்.

3. சுசிராந்த்ராசனா அல்லது ஊசியில் நூல் கோர்ப்பது போன்ற போஸ்

சுசிருந்தாசனா அல்லது ஊசியில் நூல் கோர்ப்பது போன்ற நிலை

யோகா மேட் விரித்து வானத்தைப் பார்த்து நேராகப் படுத்துக் கொண்டு வலது காலை மடக்கி இடது காலை படுத்துக் கொண்டே சம்மணமிடும் போஸில் வலது தொடையின் மீது வைக்க வேண்டும். பின்னர் வலது கையையும், இடது கையையும் மாலையாகக் கோர்த்து மடக்கிய வலது தொடையின் மீது படிய வைத்து இறுக்கிக் கொள்ள வேண்டும். இதே விதமான பயிற்சியை கால்களை மாற்றி மாற்றி 30 நிமிடங்கள் செய்ய வேண்டும். பார்ப்பதற்கு ஊசியில் நூல் கோர்ப்பதைப் போல இருப்பதால் இதற்கு இப்படி ஒரு பெயர்.

பலன்:

இதை ஒரு வார்ம் அப் பயிற்சியாக யோகாசனம் தொடங்குவதற்கு முன்பு செய்யத் தொடங்கலாம். ஏனெனில், இந்த யோகாசனப் பயிற்சியானது உடலின் கீழ்ப்பகுதிக்கு மிகச்சிறந்த நீட்டித்தலை வழங்குதோடு மற்ற யோகாசனப் பயிற்சிகளை முறையாகத் தொடங்குவதற்கு ஏற்ற வகையில் உடல் தசைகளைத் தயார் நிலையில் வைப்பதற்கும் உதவும்.

4.விருக்‌ஷாசனா அல்லது மரம் போல நிற்றல் போஸ்

விருக்‌ஷாசனா அல்லது மரம் போல நிற்றல் நிலை 

இந்த ஆசனம் பார்க்க எளிமையாகத் தோன்றினாலும் செய்யும் போது ஆசன போஸில் நீடிப்பது சற்றுச் சிரமம் தான். ஆனால், தொடர்ந்து பயிற்சி எடுத்துக் கொண்டால் இதெல்லாம் ஒரு கஷ்டமே இல்லை. இது ரொம்ப சிம்பிள். நேராக நின்று கொண்டு வலது காலை மடக்கி இடது காலின் முட்டி மீது அழுந்த வைத்து நின்று கொள்ள வேண்டும். அதே நேரத்தில் கைகள் இரண்டையும் தூக்கி மரம் போல விரியச் செய்து நின்று கொண்டு ஆழ மூச்சிழுத்து 30 விநாடிகள் வரை இப்படியே நிற்க வேண்டும். பிறகு கால் மாற்றிச் செய்யலாம். 

பலன்:

இந்த ஆசனம் செய்வதால் முதுகெலும்பு, கால் முட்டிகள் வலுப்பெறு, கைகள், தோள்பட்டை தசைகள் வலுவாகும். முதுகு வலி, கால் வலி பூரண குணமாகும்.

5. விபரீத கரணி அல்லது சுவரின் மீது கால்களைத் தூக்கி நிறுத்தும் போஸ்

விபரீத கரணி ஆசனா அல்லது சுவற்றில் நிற்கும் நிலை.. 

இது ரொம்ப சுகமான ஆசனம் என்று சொன்னால் அது பொய்யில்லை. பெண்களைப்  பொதுவாக அடக்க ஒடுக்கமாக இருக்க வேண்டும் என்று சொல்லியே பழக்கப்படுத்துவார்கள். அதனால் அவர்கள் கால்களை உயர்த்தி சுவற்றில் வைத்துக் கொண்டு அமர்வது எல்லாம் அடக்கமின்மை எனக் கற்பிக்கப்பட்டிருக்கிறது நமது சமூகத்தில். ஆனால், இந்த யோகாசனப் பயிற்சி செய்ய நிச்சயம் இரண்டு கால்களையும் உயர்த்தி சுவற்றில் படிய வைத்தே ஆக வேண்டும். கிட்டத்தட்ட அரை சிரசாசனம் என்று வையுங்கள். ஆம், முழுமையாகச் செய்தால், சிரசு தரையில் அழுந்தி இருக்கும். ஆனால், இதில் பிருஷ்டம் கீழே அழுந்தி இருப்பதால் இதை அரை சிரசாசனம் என்று சொன்னால் தவறில்லை தானே! சரி, விளக்கம் புரிந்திருக்கும். புரியாதவர்கள் படத்தைப் பாருங்கள். இந்தப் போஸில் 15 விநாடிகள் அப்படியே மூச்சை ஆழ இழுத்து வெளியில் விடுங்கள். அது தான் விபரீத கரணி

பலன்:

இந்த ஆசனம் செய்வதால் கால் ஆடு சதைகள் வலுப்பெறும். சதை தொங்கிப் போகாமல் உறுதியாக மாறும். கால் நரம்புகள், முதுகெலும்புகள் வலுப்பெறும், தண்டுவடம் சற்றே ரிலாக்ஸ் ஆகி வலி நிவாரணம் கிடைக்கும். கால் பகுதியில் ரத்த ஓட்டம் சீராகும்.


இந்த 5 யோகாசனங்களையும் செய்து முடித்த பிறகு மறக்காமல் சவாசன நிலையில் 15 விநாடிகள் பயிற்சி செய்ய மறக்காதீர்கள்.

சவாசன நிலை

எந்த ஆசனம் செய்வதாக இருந்தாலும் முடிவில் சவாசனப் பயிற்சி அவசியம். அதைச் செய்து முடித்தால் மட்டுமே பல்வேறு பயிற்சி நிலைகளுக்கு உட்பட்டு விட்ட உடற்தசைகள் மீண்டும் இயல்பு நிலைக்குத் திரும்பி உடல் இயக்கம் எளிமையாக இருக்கும்.

இந்த 5 யோகாசனங்களையும் தினமும் காலையிலோ அல்லது மாலையில் அலுவலகம் விட்டு வீட்டுக்கு வந்த உடனோ தொடர்ந்து பயிற்சி செய்து வந்தீர்கள் என்றால் உங்களது கால்வலி வெகு சீக்கிரத்தில் காணாமலே போய்விடும்.

]]>
கால் வலி மூட்டு வலி, மூட்டு வலிக்கு யோகாசனப் பயிற்சி, கால் வலி மூட்டு வலி நிவாரணம், yoga for leg pain relief, 5 easy yogas for leg pain, No doctor for small pains, do regular yoga https://images.dinamani.com/uploads/user/imagelibrary/2019/9/28/w600X390/Pigeon_Pose_Kapotasana.jpg https://www.dinamani.com/lifestyle/lifestyle-special/2019/sep/28/can-not--you-tolerate-leg-pain-and-joint-pain-take-these-5-yogasanas-for-the-sudden--relief-3244114.html
3246051 லைஃப்ஸ்டைல் ஸ்பெஷல் புதர் வேடமிட்டு சகோதரியின் திருமண புரப்போஸல் தருணத்தை கேமிராவில் சிறைபிடித்த தங்கை!  RKV Tuesday, October 1, 2019 11:06 AM +0530  

ஆணோ, பெண்ணோ ஒருவருக்கொருவர் திருமணத்திற்காக தங்களுக்குள் கோரிக் கொள்ளும் (அட அதாங்க புரப்போஸ் பண்றதுன்னு இந்தக் காலத்தில் சிம்பிளா சொல்லிக்கிறாங்களே அதே தான்...) அது மாதிரியான திருமண கோரிக்கைகள் அவர்களுடைய வாழ்வில் என்றென்றைக்குமாக மறக்கமுடியாதவையாக அமைந்து விடுவதுண்டு. ஆனால் அதன் தன்னியல்பான திடீர் சர்ப்பிரைஸ் தன்மையை பெரும்பாலும் புகைப்படங்கள் மற்றும் வீடியோக்களில் ஆவணப்படுத்துவது கடினம். இருப்பினும், ஒரு பெண் தனது சகோதரியின் திருமண புரபோஸல் தருணத்தை மிகச் சரியாக புகைப்படங்கள் எடுப்பதற்காக தன்னை கண்ணுக்குத் தெரியாதவளாக மாற்றிக் கொள்ள முடிவு செய்தாள்.

அதாவது அக்கா, தன் வருங்காலக் கணவரிடம் திருமணத்திற்காகப் புரப்போஸ் செய்யும் போது அவளது முகத்தில் தெரியும் வெட்கம், திடீர் பரவசம், குதூகலம் இதையெல்லாம் மிகத் துல்லியமாகப் படம் பிடிக்க வேண்டி தங்கை தன்னை ஒரு புதர் போல ஜோடித்து அவர்களுக்கு அருகில் இருந்த புதரொன்றில் கேமிராவுடன் மறைந்து கொண்டாள். தங்கை இருப்பதை உணராத அக்காவும் அவரது வருங்காலக் கணவரும் தங்களது திருமணத்திற்காக ஒருவருக்கொருவர் புரப்போஸ் செய்து கொள்ளும் அற்புதக் கணத்தை நிகழ்த்தினர். அதை அப்படியே காட்சிப் படுத்திய தங்கை அப்படியே ட்விட்டரில் பகிர்ந்தார். மேலை நாடுகளைப் பொருத்தவரை எல்லா திருமண புரப்போஸல்களும் சுபமாகத் திருமணத்தில் முடிவதில்லை. ஆனால், தங்கை இத்தனை சிரத்தையாகப் படம் பிடித்த இந்த புரப்போஸல் அப்படியே அந்த வார இறுதியிலேயே திருமண நிச்சயதார்த்தத்தில் முடிந்தது என்ற தகவலையும் அந்த சமத்காரத் தங்கை தனது ட்விட்டர் பகிர்வில் பகிர்ந்துள்ளார்.

மேர்க்கெல் எனும் பெயருடைய அந்தத் தங்கை பசுமையான புதர் போல மாறுவேடமிட்டுக் கொண்டு தன் சகோதரியின் திருமண கோரிக்கையைப் படம் பிடித்த ஆச்சர்யமான காட்சியை ஷாட் பை ஷாட் தனது ட்விட்டர் பதிவுகளில் விளக்கிய பதிவிற்கு ஏராளமான லைக்குகள் கிடைத்து அது நேற்று டிவிட்டரில் ட்ரெண்டிங் ஆனது.

அழகிய தருணத்தைக் காட்சிப் படுத்த புதர் போல வேடமிட்ட தங்கை..

மேர்க்கெல் தன் சகோதரி குறித்துக் குறிப்பிடும் போது, அவளுக்கும் எனக்கும் பெரிதாக வயது வித்யாசமில்லை, நடுவில் ஒரு வருட இடைவெளி தான். ஆனால், எங்கள் வாழ்க்கை வித்தியாசமானதாக இருக்கிறது. என் சகோதரியின் வெட்டிங் புரப்போஸல் குறித்து நான் வெளியிட்ட பகிர்வுக்கு பலர் கருத்துத் தெரிவித்திருந்தனர். அதில், சிலருடைய கருத்தானது என் சகோதரியின் இனிமையான முகபாவனைகள் மற்றும் சைகைகளுக்காகப் பாராட்டுத் தெரிவித்திருந்தனர். சிலர் அந்தத் தருணத்தின் அழகியலுக்காகவும் பெருங்களிப்பூட்டிய அந்த பரவச நிமிடங்களை அப்படியே படம் பிடித்தமைக்காகவும் பாராட்டுத் தெரிவித்திருந்தனர்.

 

]]>
wedding proposal, sister portrait herself as bush, Woman Disguises Herself as a Bush, திருமண கோரிக்கைகள், புதர் வேடமிட்டு கேமிரா பிடித்த தங்கை, அக்காவின் திருமண புரபோஸல் https://images.dinamani.com/uploads/user/imagelibrary/2019/10/1/w600X390/bush_wedding_proposal.jpg https://www.dinamani.com/lifestyle/lifestyle-special/2019/oct/01/woman-portraits-herself-as-a-bush-to-secretly-photograph-sisters-wedding-proposal-3246051.html
3243453 லைஃப்ஸ்டைல் ஸ்பெஷல் புருவ மத்தியில் பொட்டு வைத்துக் கொள்வது ஏன்? RKV Friday, September 27, 2019 05:09 PM +0530  

இந்து மத நம்பிக்கைகளின் படி நெற்றி நடுவில் வட்டத் திலகமிட்டுக் கொள்வது பெண்களின் பாரம்பர்ய வழக்கங்களில் ஒன்றாகக் கருதப்படுகிறது. 

தவிரவும் அந்தக் காலத்தில் ஆண்களும் கூட இங்கு நெற்றியில் திலகமிட்டுக் கொண்டிருந்த பழக்கமும் இருந்திருக்கிறது. அப்போது வட்டத் திலகம் பெண்களுக்கு எந்தக் கட்டாயமும் இருந்ததில்லை. அனைவருமே ஏதோ ஒரு சின்னத்தை நெற்றி நடுவில் இன்னும் குறிப்பிட்டுச் சொல்வதென்றால் புருவ மத்தியில் இட்டுக் கொள்வது வழக்கமாயிருந்திருக்கிறது. அவை பெரும்பாலும் குலச்சின்னங்களாக இருந்திருக்கின்றன. நான் குறிப்பிடுவது புராதன இந்தியப்பழங்குடிகள் காலத்தில் இருந்த பழக்கத்தை. அதன் பிறகு வேத கால மன்னர் பரம்பரைகள் வரத் தொடங்கிய பின் சூரிய, சந்திர, லச்சினைகளை நெற்றி நடுவில் வைத்துக் கொள்ளத் தொடங்கினர். இப்படித் திலகமிடுவதற்கென்றே அரண்மனைகளில் அக்கலையில் தேர்ந்த சூதர்கள் என்று சொல்லப்படக்கூடிய பணியாளர்களை அப்போது அரசர்கள் வேலைக்கு அமர்த்தியிருந்தனர்.

அதெல்லாம் பழங்கதை...

இன்று நெற்றி நடுவில் பொட்டிட்டுக் கொள்வது ஏன் என்ற கேள்வியை இன்றைய இளம் தலைமுறையினரிடம் முன் வைத்தால், அவர்களுக்கு அதற்கான அர்த்தம் தெரிந்திருக்குமா? என்றால் பதில் சந்தேகத்திற்குரியதே.

இந்து மத நம்பிக்கைகளின் படி, புருவ மத்தி என்பது ஆக்னேய சக்கரம் இருக்குமிடம். அந்த ஆக்னேய சக்கரம் என்பது நமது உடலில் உள்ள 7 சக்தி மையங்களில் ஒன்று. 

ஏழு சக்கரங்களில் முதலாவது சக்கரம் முதுகுத்தண்டின் அடிப்பாகத்தில் உள்ளது. இதற்கு மூலாதாரம் என்று பெயர். மூலாதார சக்கரத்திற்கு சற்று மேலே தொப்புளுக்கு சற்று கீழே இரண்டாவது சக்கரம் அமைந்துள்ளது அதற்கு ஸ்வாதிஷ்தானம் என்று பெயர். தொப்புள் பகுதியில் மூன்றாவது சக்கரம் அமைந்துள்ளது. அதற்கு மணிப்பூரகம் என்று பெயர். அடுத்து இருதயப்பகுதியில் நான்காவது சக்கரம் அமைந்துள்ளது இதற்கு அனகதம் என்று பெயர். கழுத்துப்பகுதியில் ஐந்தாவது சக்கரம் அமைந்துள்ளது இதற்கு விசுத்தி என்று பெயர். புருவ மத்தியில் ஆறாவது சக்கரம் உள்ளது. அதற்கு ஆக்னேயம் என்று பெயர். அடுத்து தலை உச்சியில் ஏழாவது சக்கரம் உள்ளது, அதற்கு சஹஸ்ரரம் என்று பெயர்.

இந்த ஏழு சக்கரங்களிலும் தெய்வசக்திகள் இருப்பதாக கூறப்பட்டிருக்கிறது. அதன்படிஇந்த 7 ஐயும் தட்டி எழுப்பினால் குண்டலினி சக்தி வலுப்பெறும் என்பது குண்டலினி யோக முறையின் நம்பிக்கை. 
அது மட்டுமல்ல, புருவ மத்தியில் பொட்டு வைத்துக் கொண்டால் பிறர் நம்மை வசியம் செய்வது கடினம் என்றொரு நம்பிக்கையும் இந்துக்களிடையே நிலவுகிறது.

பொதுவாக திருமணமான பெண்கள் நெற்றியில் மட்டுமல்ல நெற்றி வகிட்டிலும் சிந்தூரம் இட்டுக் கொள்வது வட இந்தியப்பழக்கம். தென்னிந்தியாவிலும் சுமங்கலிகள் நெற்றி வகிட்டில் குங்குமம் வைத்துக் கொள்கிறார்கள். இது அவர்களை இளம்பெண்கள் மற்றும் திருமணமாகாத பெண்களில் இருந்து வேறுபடுத்திக் காட்டுவதோடு ஆண்களின் பிறழ் பார்வையில் இருந்து தப்புவதற்கும் உதவுவதாகப் பெண்கள் நம்புகின்றனர். விதவைகள் பொட்டு வைத்துக் கொள்ளக் கூடாது எனும் நம்பிக்கையை உடைத்து தற்போது சிறு திலகம் அல்லது கருப்புச் சாந்திட்டுக் கொள்வது வழக்கமாகியிருக்கிறது. பாழ் நெற்றி என்பது இந்துக்களிடையே ஆரோக்யமான விஷயமாகக் கருதப்படவில்லை. 

குங்குமம், சந்தனம், திருநீறு, நாமக்கட்டியால் இடப்படும் கோபி வடிவ திலகம் இப்படி ஏதேனும் ஒன்று ஆண்கள் மற்றும் பெண்களின் நெற்றியில் இடம்பெற வேண்டும் என்பதும், அவை மங்கலச் சின்னங்களாகக் கருதப்படும் என்ற நம்பிக்கையும் இந்துக்களிடையே நிலவுகிறது.

மருத்துவ ஆராய்ச்சிகளின்படி, புருவ மத்தி என்பது நினைவாற்றலுக்கும் சிந்திக்கும் திறனுக்கும் உரிய இடம். அதனால் தான் யோகக்கலை இதனை ஆக்னேயச் சக்கரம் என்கிறது. இந்தச் சக்கரத்தின் இயல்பு எலக்ட்ரோ மேக்னடிக் எனப்படும் மின்காந்த அலைகளை புருவ மத்தி மற்றும் நெற்றிப் பொட்டில் வெளிப்படுத்தக் கூடியதாக இருப்பதால் இங்கு பொட்டி இட்டுக் கொள்வதின் மூலம் சக்தி விரயமாவதைத் தடுக்கலாம் என்கிறது யோகக்கலை.

அதனால்தான், நம் மனம் கவலையால் வாடும்போது, இந்தப் பகுதியானது சூடாகித் தலைவலி அதிகமாவதை உணர்கிறோம். நெற்றியில் இடும் திலகம், அந்தப் பகுதியைக் குளிர்விப்பதோடு நம் உடலின் சக்தி வெளியேறி விரயமாவதையும் தடுக்கிறது.

விஞ்ஞான ரீதியாகப் பார்த்தால்;

புருவ மத்தியில் பொட்டு வைத்துக் கொள்வதால்;

மனம் நிர்மலமாகி அமைதி பெறுகிறது என்பது நிரூபிக்கப்பட்ட உண்மைகளில் ஒன்று.

ஆண்கள் இருபுருவங்களையும் இணைத்தாற் போல் குங்குமம் அணிவது தன்னம்பிக்கையை அதிகரிக்கும்.

குங்குமம் வைத்துக் கொள்வதால் உடல் குளிர்ச்சி அடைவதோடு மனதில் எதிர்மறை எண்ணங்களின் தாக்கம் குறைந்து ஆரோக்யமான எண்ணங்கள் மேம்படும் என்பதும் பல்வேறு சந்தர்பங்களில் நிரூபிக்கப்பட்ட உண்மைகளே!


 

]]>
why should wear bindhi?, புருவ மத்தியில் பொட்டு வைப்பது ஏன்?, பொட்டு, திலகம், bindhi, belief, https://images.dinamani.com/uploads/user/imagelibrary/2019/9/27/w600X390/bindhi.jpeg https://www.dinamani.com/lifestyle/lifestyle-special/2019/sep/27/why--we-should-wear-bindhi-on-forehead-3243453.html
3235768 லைஃப்ஸ்டைல் ஸ்பெஷல் ‘கடைசிக் காலத்தில் கவனித்துக் கொள்பவர்களுக்கு சொத்தில் பெரும்பான்மை அளிக்க பெற்றோருக்கு உரிமை உண்டு’ உச்சநீதிமன்றம் தீர்ப்பு.  கார்த்திகா வாசுதேவன் DIN Monday, September 16, 2019 06:11 PM +0530  

50 ஆண்டுகளுக்கு முன்பு போடப்பட்ட வழக்கு இது. வயதான பெற்றோரில் தந்தை இறந்ததும் அவரது உயில் குடும்பத்தார் முன்னிலையில் வாசிக்கப்பட்டது. உயிலில் இருந்த வாசகங்களைக் கேட்டதும் குடும்பத்தில் அனைவருக்கும் அதிர்ச்சி. காரணம், தன் சொத்தில் பெரும்பகுதியை, கடைசிக் காலத்தில் தன்னை கவனித்துக் கொண்ட வாரிசுக்கு எழுதிவைத்திருந்தார் அந்தத் தந்தை. பிற வாரிசுகள் சும்மா விட்டு விடுவார்களா என்ன? உடனே நீதிமன்றத்தில் வழக்குத் தொடுத்தார்கள்.

என் தந்தையை இறுதிக் காலத்தில் கவனித்துக் கொள்வதாகச் சொல்லி அழைத்துச் சென்ற வாரிசு, அவருக்குச் சாதகமாக அதிகப்படியான சொத்துக்களை எழுதி வாங்கிக் கொண்டார். சட்டப்படி இந்த உயில் செல்லாது. மரணத்தறுவாயில் முதியவரின் மனதில் மாற்றத்தை ஏற்படுத்தி அந்தச் சொத்தை அவர் எழுதி வாங்கியிருப்பார் என்று நினைக்கச் சாத்தியங்கள் உண்டு. எனவே இந்த உயில் செல்லாது எனத் தீர்ப்பளித்து மாற்று உயில் மூலமாக தந்தையின் சொத்துக்களை சரிவிகிதமாக அவரது குழந்தைகள் அனைவருக்குமாகப் பங்கிட வேண்டும் எனக்கோரி நீதிமன்றத்திற்குச் சென்றனர் இறந்தவரின் இதர வாரிசுகள்.

இந்த வழக்கு போடப்பட்டது 1970 களில் ஆனால் இதற்கு அப்போதே மாவட்ட அளவிலான நீதிமன்றத்தில் இறந்தவரின் உயிலைச் செல்லாது என அறிவிக்க முடியாது. அவர் இந்த உயிலை எழுதும் போது பூரண நலத்துடன் தான் இருந்தார் எனும் போது அவரிஷ்டப்படியே தனது சொத்துக்களைப் பங்கிடும் உரிமை அவருக்கு உண்டு. எந்தக் குழந்தைக்கு எவ்வளவு என முடிவெடுக்கும் உரிமையானது அவரது மனதிற்கு உகந்ததாகவே இருந்திருக்கக் கூடும். அந்த மனநிலையை குறிப்பிட்ட அந்த வாரிசு தனக்குச் சாதகமாகப் பயன்படுத்திக் கொண்டார் என்று சொல்வதைக்காட்டிலும் பெற்றவரின் அன்பை அவர் அதிகமாகச் சம்பாதித்திருக்கக் கூடும் என்றும் நாம் இந்த வழக்கில் எடுத்துக் கொள்ள இயலும். இப்போது சொத்துக்காக வழக்காடும் பிற வாரிசுகள் தன் தந்தை மீதான உரிமையை அவர் உயிரோடு இருக்கும் காலத்தில் அவரைக் கவனித்துக் கொள்வதில் காட்டியிருக்கலாம். அப்போதெல்லாம் கண்டுகொள்ளாமல் இருந்து விட்டு இப்போது தந்தை மீதான உரிமையை அவரது சொத்துக்களை அடைவதில் மட்டும் காட்டுவது நியாயமானது இல்லை. 

நாடு, மதம், மொழி, இன வித்தியாசங்கள் கடந்து இன்று உலகை அச்சுறுத்தும் பிரச்னைகளில் ஒன்றாக நிற்கிறது இறுதிக் காலத்தில் பிள்ளைகளால் கைவிடப்பட்டு தவிக்கும் முதியோரின் பரிதாபநிலை. அப்படிப் பட்ட நிலையில் தங்கள் பெற்றோரைத் தவிக்க விட்டு விட்டு அவர்கள் சேர்த்து வைத்த சொத்துக்களுக்காக மட்டுமே நீதிமன்றப் படியேறுவதென்பது முற்றிலும் சட்டத்திற்குப் புறம்பான செயல். இந்த சுயநல அணுகுமுறையை நீதிமன்றம் எக்காரணம் கொண்டும் அனுமதிக்காது. எனவே கடைசிக் காலத்தில் எந்த வாரிசுகள் தம் பெற்றோரை கவனித்துக் கொள்கிறார்களோ, அவர்களுக்கே சொத்தில் பெரும்பான்மையை எழுதி வைக்கும் உரிமை பெற்றோருக்கு உண்டு என ஜஸ்டிஸ் நவின் சின்ஹா மற்றும் இந்திரா பானர்ஜி இருவரும் இணைந்த உச்சநீதிமன்ற பெஞ்ச் தீர்ப்பளித்தது.
 

இளமையில் பிள்ளைகளைப் பெற்றோர் கவனித்துக் கொள்வதில் குறைந்தபட்சம் 10 % அன்பையும், கடமையுணர்வையுமாவது பிள்ளைகள் வயதான காலத்தில் தம் பெற்றோரைக் கவனித்துக் கொள்வதில் காட்ட வேண்டும். இல்லையேல் கடமை தவறிய பிள்ளைகள் ஆவார்கள், இதை நான் சொல்லவில்லை உச்சநீதிமன்ற பெஞ்ச் தீர்ப்பு சுட்டிக் காட்டுகிறது என்று எடுத்துக் கொள்ள வேண்டியது தான்.

]]>
SC Encourages parents, property sharing among nominees, will, old age parents rights https://images.dinamani.com/uploads/user/imagelibrary/2019/9/16/w600X390/parents_old_age.jpg https://www.dinamani.com/lifestyle/lifestyle-special/2019/sep/16/sc-encourages-parents-transferring-property-to-caring-children-3235768.html
3235753 லைஃப்ஸ்டைல் ஸ்பெஷல் சூப்பர் மாம் / சூப்பர் டாட் ஆக என்ன செய்யனும்? கார்த்திகா வாசுதேவன் Monday, September 16, 2019 03:57 PM +0530  

இன்றைக்கு பெரும்பாலான குடும்பங்களில் ஒற்றைக் குழந்தைகள் தான். அரிதாக இரண்டு குழந்தைகள் இருக்கிறார்கள். அவர்களை நல்ல குடிமக்களாக வளரச் செய்ய பெற்றோர்களான நமது மெனக்கெடல்கள் முந்தைய தலைமுறையினரைக் காட்டிலும் இப்போது அதிகம் என்று தான் சொல்ல வேண்டும். இதில் கஷ்டம் என்னவென்றால், நாம் சிரமப்பட்டு நம் குழந்தைகளை வளர்த்தெடுக்கிறோம் பேர்வழியென்று பெரும்பாலும் குழந்தைகளைக் கொஞ்சிக் கொஞ்சியோ அல்லது கேட்டதெல்லாம் வாங்கிக் கொடுத்தோ வளர்த்து குட்டிச் சுவராக்கி விடுகிறோம். பிறகு கண் கெட்ட பிறகு சூர்ய நமஸ்காரம் கதையாக எல்லாம் முடிந்த இறுதிக் கட்டத்தில் நின்று கொண்டு அதுவரையிலான எல்லாத் தவறுகளுக்குமே குழந்தைகளை மட்டுமே குற்றவாளிகளாக நிறுத்திக் குறை கூறிக் கொண்டிருக்கிறோம். இது தவறு. இப்படியெல்லாம் இருந்தால் உங்களால் நிச்சயம் நீங்கள் உங்கள் ஆழ்மனதில் புதைத்து வைத்திருக்கும் ஆசைகளில் ஒன்றான சூப்பர் மாம் / சூப்பர் டாட் இலக்குகளை எப்போதும் எட்டவே முடியாது. அப்படியானால் நாம் செய்ய வேண்டியது தான் என்ன? அதைத்தான் இந்த விடியோவில் பேசி இருக்கிறோம்.

பாருங்கள், பார்த்து விட்டு உங்கள் கருத்தைப் பகிர்ந்து கொள்ளுங்கள். எங்களது அரட்டையில் விடுபட்டுப் போனதாக நீங்கள் நினைக்கும் கருத்துக்களையும் கமெண்ட் பகுதி வாயிலாக எங்களுடன் பகிர்ந்து கொள்ளுங்கள்.

மீண்டுமொரு டீ பிரேக் விடியோவில் சந்திக்கலாம்.

முந்தைய டீ பிரேக் வீடியோக்களைக் காண...

டீ பிரேக் -1 (https://www.youtube.com/watch?v=xWuZZ...)

டீ பிரேக் -2 (https://www.youtube.com/watch?v=lOyAx...)

டீ பிரேக் -3 (https://www.youtube.com/watch?v=Gfa8D...)

நன்றி.

கருத்தாக்கம்: கார்த்திகா வாசுதேவன், உமா ஷக்தி
படத்தொகுப்பு: ராகேஷ் குமார்
ஒளிப்பதிவு: ஹேம்நாத் லட்சுமணன்
 

]]>
சூப்பர் மாம் / சூப்பர் டாட் https://images.dinamani.com/uploads/user/imagelibrary/2019/9/16/w600X390/tea_break.jpg https://www.dinamani.com/lifestyle/lifestyle-special/2019/sep/16/wants-to-be-a-role-model--parent-or-smart--mom--smart-dad-3235753.html
3231538 லைஃப்ஸ்டைல் ஸ்பெஷல் 74 வயதில் இரட்டைக் குழந்தைகள் பிரசவ விவகாரம், IFS மருத்துவர்களின் கண்டனத்தில் நியாயமிருக்கோ?! கார்த்திகா வாசுதேவன் Tuesday, September 10, 2019 03:58 PM +0530  

கடந்த வாரம் 74 வயதுப் பாட்டி ஒருவர் இரட்டைக் குழந்தைகளைப் பிரசவித்து உலகின் மிக வயது முதிர்ந்த தாய் என கொண்டாடப்பட்டார்.  74 வயதில் குழந்தை உண்டாக செயற்கை கருத்தரித்தல் முறையைப் பின்பற்றியிருந்தார்கள் அத்தம்பதியினர். குழந்தைகளும், 74 வயது முதிய பெண்மணியும் அவரது கணவரும் தற்போது ஆரோக்யமாகவே இருந்தாலும் கூட இந்தச் செய்தி உலகம் முழுக்கப் பரபரப்பாக பரவியதைத் தொடர்ந்து திடீரென செயற்கை கருத்தரிப்பு முறையிலும் சோதனைக்குழாய் முறையிலும் குழந்தைப்பேற்றுக்கு வகை செய்யக்கூடிய இனப்பெருக்க சுகாதார வழங்குநர்கள் என்று சொல்லப்படக்கூடிய மருத்துவர்கள் மத்தியில் இந்த விஷயம் பெரும் அதிர்வலைகளையும் கடும் கண்டனத்தையும் ஏற்படுத்தியுள்ளது.

இதையும் கொஞ்சம் பாருங்க... என்றாவது ஒருநாள், மாஞ்சி தன் அம்மாவைத் தேடி இந்தியா வந்தால்... அம்மாவென யாரைக் காட்டுவீர்கள் மருத்துவர்களே?!

‘இது முற்றிலும் மனிதநேயமற்ற செயல். செயற்கைக் கருத்தரிப்பு முறையை முறைகேடாகப் பயன்படுத்தி இருக்கிறார்கள். கொஞ்சமும் மனிதாபிமானம் இல்லாமல் குறைந்த பட்ச நெறிமுறைகளைக் கூட பின்பற்றாமல் 74 வயது முதிய பெண்மணிக்கு இரட்டைக் குழந்தைகள் பிரசவம் என்பது உடல்ரீதியாக அந்தப் பெண்மணிக்கு மட்டுமல்ல பிறந்திருக்கும் குழந்தைகளுக்கும் கூட ஆரோக்யமானதல்ல. செயற்கை கருத்தரிப்பு முறை சிகிச்சைக்கான வரையறைகளின் படி 18 முதல் 45 வயதுக்குட்பட்ட பெண்களுக்கு திருமணத்தின் பின் நெடுநாட்கள் குழந்தைப்பேறில்லாத பட்சத்தில் இந்த செயற்கை கருத்தரிப்பு முறைகளைப் பின்பற்றலாம் என்பது விதி. இந்த விதியானது 2017 ஆம் ஆண்டு திருத்தி அமைக்கப்பட்ட உதவி இனப்பெருக்க தொழில்நுட்ப மசோதாவின் (Assisted reproductive technology (ART Bill) கீழ் சட்டமாக்கப்படாமல் இன்னும் வெறும் நிபந்தனையாக மட்டுமே நீடித்திருப்பதால் தான் மேற்கண்ட அவலங்கள் எல்லாம் ஈடேறிக் கொண்டிருக்கின்றன. இது நிச்சயம் வன்மையாகக் கண்டிக்கப்பட வேண்டிய விஷயங்களில் ஒன்று என அந்த மருத்துவர்கள் 74 வயதுப் பாட்டியின் பிரசவம் குறித்து போர்க்கொடி உயர்த்துகிறார்கள்.

இந்தியக் கருவுறுதல் சமூகத்தின் தலைவரான கெளரி தேவி, இது குறித்துப் பேசுகையில், மேற்கண்ட வயோதிக செயற்கை கருத்தரித்தல் உதாரணத்தில் தாய், சேய் இருவரது வாழ்வுமே பணயம் வைக்கப்பட்டிருக்கிறது. இதில் இருவரது உடல் மட்டும் மன ஆரோக்யம் சம்மந்தப்பட்டிருக்கிறது அத்துடன் அவர்களது வாழ்க்கைத் தரம் மற்றும் உயிரோடு வாழக்கூடிய நாட்களின் எண்ணிக்கை என இன்ன பிற விஷயங்களும் சம்மந்தப்பட்டிருக்கின்றன. அப்படி இருக்கும் போது இது கண்டனம் தெரிவிக்கப்பட வேண்டிய செயலே என்றார்.

அப்படியே இதையும் வாசிச்சிட்டா விஷயம் புரியும்... மக்களவையில் வாடகைத் தாய் முறை (ஒழுங்குபடுத்துதல்) மசோதா தாக்கல்

பங்கஜ் தல்வார், இந்தியக் கருவுறுதல் சமூகத்தின் பொதுச்செயலாளரான பங்கஜ் இதுகுறித்துப் பேசுகையில், நாங்கள் இவ்விஷயத்தில் எங்களது தனிப்பட்ட கருத்தை முன் வைக்கவில்லை. இந்திய கருவுறுதல் மையத்தின் எண்ணற்ற மருத்துவர்களிடம் பேசி அவர்களது ஒட்டுமொத்த கருத்துக்களைத் தான் முன்வைக்கிறோம். இம்மாதிரியான வயோதிக செயற்கைப் பிரசவங்களில் ஆரோக்யமான கருக்களை உருவாக்குதல் தொடங்கி பிரசவத்திற்கு முன்பும், பின்பும் தாய், சேய் இருவரின் நலம் பேணுவதும் மிகக் கடினமான காரியம். எனவே இது போன்ற செயற்கை கருத்தரிப்பு முறையை அந்த வயோதிகத் தம்பதிகளுக்கு இந்த வயதில் பரிந்துரைத்து அவர்களை குழந்தையும் பெற வைத்த இனப்பெருக்க சுகாதார வழங்குனர்களின் நெறியற்ற முறைகேடான செயலாகவே இதை நாங்கள் கருதுகிறோம். என்றார்.

அதுமட்டுமல்ல, இந்தியா முழுவதிலுமிருக்கும் பிற செயற்கை கருத்தரிப்பு மருத்துவர்களை ஒருங்கிணைத்து அவர்களிடம் மேற்கண்ட விஷயத்தின் தீவிரத் தன்மையை வலியுறுத்தி அதற்கு எதிரான கண்டனத் தீர்மானங்களைப் பெற்று அதை மத்திய உள்துறை அமைச்சரின் கவனத்துக்கு கொண்டு சென்று இனி வரும் காலங்களில் இது மாதிரியான கேலிக்கூத்தான முறையற்ற பிரசவங்கள் நிகழ்வதை தடுக்க தங்களால் இயன்றதை தாங்கள் செய்து கொண்டிருப்பதாகவும் அவர் தெரிவித்தார்.

 

ஆந்திராவைச் சேர்ந்த 74 வயது முதிய பெண்மணியொருவருக்கு செயற்கை கருத்தரிப்பு முறையில் கடந்த வாரம் ஒரே பிரசவத்தில் இரட்டைக் குழந்தைகள் பிறந்தன. வயோதிகத்தின் காரணமாக அவருக்கு சுகப்பிரசவம் நிகழவில்லை அறுவை சிகிச்சை மூலமே இரட்டைக் குழந்தைகள் பிறந்தன. மேலோட்டமாகப் பார்க்கும் போது இச்சம்பவம் உலகோர் முன் பரபரப்புச் செய்தியாகப் பார்க்கப்படினும் முறையான கடுமையான சட்டங்கள் இல்லாத காரணத்தால் தான் நம் நாட்டில் மட்டும் செயற்கை கருத்தரிப்பு முறை என்பது இன்றைக்கும் கேலிக்கூத்தான செயலாகக் கருதப்படப்பட்டுக் கொண்டிருக்கிறது. இந்த நிலை மாற வேண்டுமெனில் இது போன்ற செயற்கை கருத்தரித்தல் நிகழ்த்தப்படுவது தவிர்க்கப்பட வேண்டும், அவற்றைத் தடுப்பதற்கான கடுமையான சட்டங்கள் இயற்றப்பட வேண்டும் என IVF சிறப்பு நிபுணரும், மகளிர் மகப்பேறு மருத்துவருமான அர்ச்சனா தவான் பஜாஜ் தெரிவித்துள்ளார்.

இவ்விஷயத்தில் பாட்டிக்கு செயற்கை கருத்தரிப்பு முறையைப் பரிந்துரைத்து அதைச் செயல்படுத்தியும் காட்டிய ஆந்திரப் பிரதேஷ அகல்யா நர்ஸிங் ஹோம் செயற்கை கருத்தரிப்பு சிகிச்சைக்கான மருத்துவர் குழுவினரும் தீர விசாரிக்கப்பட வேண்டும். அவர்கள் பணத்திற்காக அன்றி வேறெதற்காகவும் வயது முதிர்ந்த பெண்ணொருவருக்கு செயற்கை கருத்தரிப்பை பரிந்துரைத்திருக்க வாய்ப்பில்லை எனவே எதிர்காலத்தில் இப்படியான விபரீதங்கள் நடவாமல் தடுக்க அவர்களுக்கும் உரிய தண்டனை வழங்கப்பட் வேண்டும் என்றும் இந்தியக் கருவுறுதல் சமூக மருத்துவர்கள் தங்களது கடுமையான கண்டனத்தைப் பதிவு செய்துள்ளனர்.
 

]]>
MISUSE OF IVF, 74 YEARS OLD GIVING BIRTH OF TWINS, ANDRA PRADESH, AHALYA NURSING HOME, ART DOCTORS CONDEMNS, செயற்கை கருத்தரிப்பு சிகிச்சை மருத்துவர்களின் கண்டனம், முற்றிலும் நெறியற்ற செயல், முறைகேடாகப் பயன்படுத்துதல், ஐ வி எஃப் சிகிச்சை, 74 வயது https://images.dinamani.com/uploads/user/imagelibrary/2019/9/10/w600X390/74_years_delivery.jpg https://www.dinamani.com/lifestyle/lifestyle-special/2019/sep/10/misuse-of-ivf--doctors-condemns-against-74-year-old-woman-giving-birth-of-twins-through--ivf-3231538.html
3230828 லைஃப்ஸ்டைல் ஸ்பெஷல் அனாமத்தா 3 லட்சம் ரூபாயைப் பாதையில கண்டெடுத்தா நீங்க என்ன செய்வீங்க?! கார்த்திகா வாசுதேவன் DIN Monday, September 9, 2019 12:20 PM +0530  

நீதிக்கதைகள் கேட்ட காலம் போய் தாங்களே நீதிக்கதைகளின் நாயகர்களாகும் பிஞ்சுகள்!

ஆத்திச்சூடியில் அறம் செய விரும்பு, ஆறுவது சினம், இயல்வது கரவேல், ஈவது கைவிடேல் வரிசையில்  ‘நேர்பட ஒழுகு’ என்றொரு ஒழுக்கநெறியும் போதிக்கப்பட்டிருக்கும். இந்த நேர்பட ஒழுகு எனும் வாக்கியம் வரும் வரையில் ஆத்திச்சூடியை முழுமையாகக் கற்றவர்கள், கற்றதை மனதில் நிற்க வைத்திருப்பவர்கள் நம்மில் எத்தனை பேர்?! 

கணக்கெடுத்தால் வெகு சொற்பமானவர்களே மிஞ்சக் கூடும். அப்படிப் பட்டவர்களில் சில நல்லுதாரணங்களைப் பற்றித்தான் இப்போது நாம் தெரிந்து கொள்ளவிருக்கிறோம்.

சம்பவம் 1:

காவல்துறை அதிகாரியிடம் பணத்தை ஒப்படைக்கும் மாணவி ஜீனத் ராபியா

மதுரை மாவட்டம், பேரையூரில் இயங்கும் தொடக்கப்பள்ளி ஒன்றில் 3 ஆம் வகுப்பு படித்து வருகிறார் மாணவி ஜீனத் ராபியா. இவர் சாலையில் நடந்து வரும் போது 2500 ரூபாய் பணத்தைக் கண்டெடுத்தார். பள்ளிக்குச் செல்லும் பாதையில் கிடைத்த அப்பணத்தை உடனடியாக மாணவி ராபியா தனது ஆசிரியரிடம் ஒப்படைத்து விட்டு அதைத் தான் சாலையில் கண்டெடுத்த தகவலையும் கூறினார். மாணவியின் நேர்மையை எண்ணி வியந்த ஆசிரியர், மாணவியையும் அழைத்துக் கொண்டு பேரையூர் காவல்நிலையம் சென்றார். அங்கு உதவி ஆய்வாளர் மகேந்திரன் அவர்களிடம் இருவரும் இணைந்து மாணவி கண்டெடுத்த பணத்தை ஒப்படைத்தனர். அப்போது அங்கிருந்த காவல்நிலைய போலீஸார் மாணவியின் நேர்மையை எண்ணி வியந்து பாராட்டினர்.. பின்னர் மாவட்ட கண்காணிப்பாளர் அலுவலகத்தில் நடைபெற்ற மாதாந்திர கலந்தாய்வு கூட்டத்தில் மதுரை சரக காவல்துறைத் துணைத் தலைவர் ஆனி விஜயா ஐ பி எஸ் சிறுமியின் நேர்மையை பாராட்டி அவரது தாயாரின் முன்னிலையில் சிறுமிக்கு பாராட்டுச் சான்றிதழை வழங்கி கெளரவித்தார்.

இதையும் தெரிஞ்சுக்கங்க... 96 வயசுல படிச்சு 98/100 மார்க் வாங்கின பாட்டிகளும் இந்தியாவுல இருக்காங்க!

சம்பவம் 2:

கண்டெடுத்த பணத்தை தலைமை ஆசிரியரிடம் ஒப்படைக்கும் பள்ளி மாணவிகள் மதுஸ்ரீ & கனிஷ்கா

சாலையில் கிடந்த 50 ஆயிரத்தை ஆசிரியரிடம் கொடுத்த மாணவிகள், அறம் காக்கும் தமிழ்க் குழந்தைகள்

திருச்சி மாவட்டம், மணிகண்டம் ஒன்றியத்தைச் சார்ந்தது  உங்கள் ஊர் கிராமம். இங்கு 68 ஆண்டுகளாக இயங்கி வரும் அரசு புனித வளனார் தொடக்கப் பள்ளியில்  இலவச வாகன வசதி இருப்பதால், சுற்றுவட்டாரத்தில் உள்ள பல்வேறு கிராமங்களைச் சேர்ந்த பொதுமக்கள் தங்கள் பிள்ளைகளை, இங்கு படிக்க வைக்கிறார்கள்.
அப்படி இங்கே பயிலும் வாய்ப்பைப் பெற்றவர்களே... பள்ளியிலிருந்து சுமார் 9 கிலோ மீட்டர் தொலைவில் உள்ள மேலக்காடு தாயனூர் கிராமத்தைச் சேர்ந்த கல்லுடைக்கும் தொழிலாளி அர்ஜுனன் - ராஜலெட்சுமி ஆகியோரின் மகள் மதுஶ்ரீ மற்றும் பெயின்டர் ராமன் - நல்லம்மாள் ஆகியோர் மகளான கனிஷ்கா உள்ளிட்டோர். இவர்கள் இருவரும் இந்தப் பள்ளியில் நான்காம் வகுப்பு படித்து வருகிறார்கள்.

நேற்று ஆசிரியர் தினம் என்பதால், பள்ளி நிர்வாகத்தினர், மக்களுக்கு தூய்மை பாரத இயக்கம் மூலமாக பொது சுகாதாரம் பற்றிய  ஒரு விழிப்புணர்வு நிகழ்ச்சியை நடத்த திட்டமிட்டனர்.  ஆசிரியர்கள், மாணவர்களை வரிசையாக அழைத்துச் சென்று விழிப்புணர்வு பிரசாரத்தை மேற்கொண்டனர். மாணவர்கள் வகுப்பு வாரியாக வரிசையில் சென்று, சுகாதாரம் மற்றும் தூய்மை குறித்த விழிப்புணர்வு வாசகங்களை முழங்கியபடி நடந்து சென்றனர். பேரணி தொடங்கிய கொஞ்சம் தூரத்தில் மாணவிகள் கனிஷ்கா மற்றும் மதுமிதா ஆகியோர் சாலையோரத்தில் 500 ரூபாய் பணக்கட்டு ஒன்று கிடப்பதைப் பார்த்தனர். உடனே அந்தப் பணத்தை எடுத்த மாணவிகள் அதை ஆசிரியை கிறிஸ்டியிடம் ஒப்படைத்தனர்.

500 ரூபாய் தாள்கள் அடங்கிய அந்தப் பணக் கட்டில் 50,000 ரூபாய் இருந்ததை எண்ணிப் பார்த்து தெரிந்து கொண்ட ஆசிரியை அப்பணத்தை அப்பகுதியில் உள்ள கனரா வங்கியிலிருந்து எடுத்துச் செல்லும்போது யாரோ தவற விட்டிருக்கக் கூடும் என ஊகித்தார். எனவே,  இதுகுறித்த தகவலை பள்ளியின் தலைமை ஆசிரியை மெட்டில்டா ஜெயராணியின் கவனத்துக்குக் கொண்டு சென்றார்.

தொடர்ந்து பணத்தைப் பள்ளியின் தாளாளர் செபாஸ்டின் மற்றும் தலைமையாசிரியையிடம் மாணவிகள் மதுஶ்ரீ மற்றும் கனிஷ்கா ஆகியோர் ஒப்படைத்தனர்.தகவலறிந்த பலரும் மாணவிகளை நேரில் வந்து பாராட்டி வருகிறார்கள்.  உதவி தொடக்கக் கல்வி அலுவலர் மருதநாயகம் உள்ளிட்ட அதிகாரிகள் நேரில் வந்து மாணவிகளுக்கு சால்வையணிவித்து கௌரவப்படுத்தினார்கள்.

``மிகவும் கஷ்டப்படும் குடும்பச் சூழ்நிலையை கொண்ட அந்த மாணவிகள், கீழே கிடந்த பணத்தை எடுத்து ஆசிரியர்களிடம் ஒப்படைத்தது மிகப் பெரிய விஷயம். அவர்களின் நேர்மை எங்களைப் பெருமை அடைய வைத்துள்ளது. அந்தப் பணத்தை மாவட்ட கண்காணிப்பாளரிடம் ஒப்படைக்க இருக்கிறோம். கடந்த 68 வருடங்களாக இதுபோன்ற ஒழுக்கம் உள்ள மாணவர்களை நாங்கள் உருவாக்கி வருகிறோம் என நினைக்கும்போது மனநிறைவாக உள்ளது” என்றார் பள்ளியின் தலைமையாசிரியர் மெட்டில்டா ஜெயராணி,.

``பணம் கிடந்ததைப் பார்த்ததும், யாரோ ஒருத்தர் பணத்தை தவறவிட்டுட்டாங்கனு மட்டும் தோணுச்சு. பணத்தை தொலைச்சிட்டு அவங்க மனசு என்ன பாடுபடும். உடனே அந்தப் பணத்தை எங்க டீச்சரிடம் கொடுத்து உரியவரிடம் கொடுத்துடணும்’னு மட்டும் தோணுச்சு. அதான் பணத்தை எடுத்த நாங்கள் உடனே டீச்சர்க்கிட்ட கொடுத்தோம்” என்றார்கள் மாணவிகள்..

சிவில் சர்வீஸ் நேஷனல் டாப்பர்ஸ் 25 பேரில் ஸ்ரீதன்யாவுக்கு மட்டும் ஏன் ஸ்பெஷல் பாராட்டு?! வாங்க தெரிஞ்சுக்கலாம்!

சம்பவம் 3:
 
 

கண்டெடுத்த பணத்தை ஒப்படைக்கும் சிறுவன் யாசின் 

50 ஆயிரம் பணத்தை அப்படியே ஒப்படைத்த பள்ளி சிறுவன்...

அரசுப் பள்ளியில் படிக்கும் 2-ம் வகுப்பு சிறுவர் ஒருவர் சாலையில் 50,000 ரூபாயை கண்டெடுத்து அதனை உடனே பாதுகாப்பாக போலீசாரிடம் ஒப்படைத்தார்.

ஈரோடு மாவட்டம் கனிராவுத்தர்குளம் பகுதியை சேர்ந்தவர் பாட்ஷா. இவரது மனைவி அப்ரோஸ்பேகம். இவர்களுக்கு 7 வயதில் மகன் ஒருவர் இருக்கிறார். அவர் பெயர் முகமதுயாசின். இவர் சேமூரில் உள்ள அரசுப் பள்ளியில்  இரண்டாம்  வகுப்பு படித்து வருகிறார்.

இந்நிலையில் பள்ளிக்கு செல்லும் வழியில் முகமதுயாசின் சாலையோரம் ரூ50,000 ரூபாயுடன் கூடிய பையொன்றைக் கண்டெடுத்தார். பயில் பணமிருப்பதை அறிந்ததுமே அதனை பத்திரமாக எடுத்துச் சென்று  தனது பள்ளி ஆசிரியர்களிடம் ஒப்படைத்தார். ஆசிரியர் மூலம் அந்தப் பணம் மாவட்ட காவல்துறை கண்காணிப்பாளர் சக்திகணேஷ் வசம் பாதுகாப்பாக ஒப்படைக்கப்பட்டது. பணத்தை பத்திரமாக சேர்க்க உதவிய சிறுவருக்கு காவலர்கள் தங்களது பாராட்டினை தெரிவித்தனர்.

இதையும் கொஞ்சம் பாருங்க...  விஷக்காய்கறிகளை அடையாளம் காண்பது எப்படி?!

சம்பவம் 4:

கண்டெடுத்த 3 லட்சம் ரூபாய் பணத்தைக் காவல்துறை அதிகாரியிடம் ஒப்படைக்கும் இளைஞர்கள்

சாலையில் கிடந்த ரூ.3 லட்சம் பணத்தை போலிஸில் ஒப்படைத்த இளைஞர்களுக்கு குவியும் பாராட்டு!
 
சென்னையில் சாலையோரம் கிடந்த 3 லட்சம் மதிப்புள்ள பணத்தை எவ்வித முறைகேட்டிலும் ஈடுபடாமல் போலிஸாரிடம் இரு இளைஞர்கள் ஒப்படைத்துள்ளனர்.

சென்னை க்ரீம்ஸ் சாலையில் முருகேசன் நாயக்கர் காம்ப்ளக்ஸ் அருகே ரூ.3 லட்சம் மதிப்புள்ள பணம் கேட்பாரற்று கிடந்துள்ளது. இதனைக் கண்ட வியாசர்பாடியைச் சேர்ந்த தனியார் நிறுவன ஊழியர் அரி நாராயணன் (21), மத்திய கைலாஷ் பகுதியைச் சேர்ந்த சதாம் உசேன் (24) ஆகிய இரு இளைஞர்களும் ஆயிரம் விளக்கு பகுதி காவல் நிலையத்தில் அந்த பணத்தை ஒப்படைத்துள்ளனர்.

பணத்தை பிரித்துக்கூட பார்க்காமல் போலிஸாரிடம் ஒப்படைத்த இரண்டு இளைஞர்களையும் காவல்துறை உயர் அதிகாரிகள் பாராட்டியதோடு விட்டுவிடாமல் கெளரவிக்கவும் உள்ளதாகவும் தெரிவிக்கப்பட்டுள்ளது.

மேலும், சாலையில் கிடந்த பணம் யாருடையது என்றும், சட்டத்துக்கு புறம்பானதா என்ற கோணத்திலும் காவல்துறையினர் விசாரணை மேற்கொண்டு வருகின்றனர்.

நிற்க!

மேற்கண்ட நான்கு சம்பவங்களிலும் குறிப்பிடப்படும் சிறுவர், சிறுமியர் மற்று இளைஞர்கள் இருவரும் கூட நம்மிடையே இதே சமூகத்தில் வாழ்ந்து வருகிறவர்களே! அவர்கள் தாம் வரித்துக் கொண்ட நேர்மையின் காரணமாக இன்று நம் முன்னே மிகச்சிறந்த வாழ்வியல் உதாரணங்களாகி நிற்கிறார்கள்.

இரவுகளில் குழந்தைகளுக்கு நீதிக்கதைகள் சொல்லும் பழக்கம் கொண்டவர்கள், இனி இந்தச் சிறுவர், சிறுமியரின் பேராசையற்ற, ஒழுக்கம் தவறா குணங்களைப் பற்றிய கதைகளை கோர்வையாக உருவாக்கி அதைத் தமது குழந்தைகளுக்குச் சொல்லலாம்.

என்னடா உலகம் இது? எங்கு பார்த்தாலும் பொய்யும், புரட்டும், களவும், கொலை, கொள்ளையுமாக உலகமே சீர்கெட்டு விட்டது என்று புலம்பிக் கொண்டிருப்பவர்களுக்கு... வறுமையிலும் நேர்மை தவறா இச்சிறுவர், சிறுமியரின் நேர்மை நிச்சயம் ஆறுதலோடு சேர்த்து உலகப்போக்கின் மீதான நம்பிக்கையையும் உறுதிப் படுத்தலாம்.

அது தானே நமது இப்போதைய முக்கியத் தேவை!

எனவே நாமும் நம் குழந்தைகளின் மனதில் பதிய வைக்கத் தொடங்குவோம்...

அது ஐந்து பைசாவாகவே இருந்தாலும் சரி அல்லது 5 லட்சம் ரூபாய்களாகவே இருந்தாலும் சரி நாம் கஷ்டப்பட்டு உழைத்துச் சம்பாதித்தால் மட்டுமே அது நம்முடைய பணமாக இருக்க முடியும். அனாமத்தாக எது கிடைத்தாலும் சரி, அல்லது எத்தனை கோடி ரூபாய் கிடைத்தாலும் சரி அது உரியவர்களிடம் சேர்ப்பிக்கப்பட்டே ஆகவேண்டும் எனும் மன உறுதியையும் பக்குவத்தையும் மிக இளம் வயதிலேயே நம் குழைந்தைகளின் மனதில் புகுத்துவோம் எனும் மன உறுதியை!

]]>
found 5 lakhs rs on road, sincerity, integrity, rightiousness, நேர்மை, நேர்பட ஒழுகு, ஆத்திச்சூடி, நீதிக்கதைகளின் நாயகர்களாகும் தமிழ்ச் சிறுவர்கள், அனாமதேயப் பணம், கண்டெடுத்த பெருந்தொகை, தமிழகத்தின் நேர்மைச் சிறுவர்கள், https://images.dinamani.com/uploads/user/imagelibrary/2019/9/9/w600X390/nermai.jpg https://www.dinamani.com/lifestyle/lifestyle-special/2019/sep/09/if-you-found-3-lakhs-rupees-on-road-means-what-you-will-do-next-3230828.html
3226967 லைஃப்ஸ்டைல் ஸ்பெஷல் ‘உருவக்கேலி முதல் தெலுங்கானா கவர்னர் வரை’ தமிழிசையின் அரசியல் ராஜபாட்டை! கார்த்திகா வாசுதேவன் Wednesday, September 4, 2019 02:36 PM +0530  

‘என் அப்பா.. அந்தக் காலத்துலயே எனக்கு தமிழிசைன்னு அழகான தமிழ்ப்பெயரைத் தேர்ந்தெடுத்து சூட்டியிருக்கிறார், ஆனால், இந்த மீம்ஸ் போடறவங்களப் பார்த்தீங்கன்னா, என் பெயரை இஷ்டத்துக்கும் டுமீலிசைன்னு மாத்தி கலாய்க்கறாங்க’

அது மட்டும் தான் என்னைப் பாதிக்கிற மீம்ஸுன்னு நான் சொல்வேன். மத்தபடி என்னைப் பத்தி வர்ற சில மீம்ஸ்களைப் பார்த்து நானே கூட கை கொட்டிச் சிரிச்சிருக்கேன். எல்லாத்தையும் பாசிட்டிவ்வா எடுத்துக்கனும்ங்கறது என்னோட கொள்கை. 

யூடியூப் சேனல் ஒன்றுக்கு தமிழிசை அளித்த நேர்காணலில் அவரே பகிர்ந்து கொண்டது மேற்கண்ட தகவல்.

தமிழகத்தில் பெண் அரசியல் தலைவர்கள் பலர் இருந்திருக்கிறார்கள். அவர்களில் ஜெயலலிதா, வானதி ஸ்ரீநிவாசன், ஜெயந்தி நடராஜன், குஷ்பு உட்பட பலரும் அவர்களது அரசியல் செயல்பாடுகளுக்காக மட்டுமல்ல புறத்தோற்றத்துக்காகவும் கூட மக்களால் பல சந்தர்பங்களில் போற்றிப் புகழப்பட்டிருக்கிறார்கள். இவர்களில் எவரொருவரும் தமிழிசை அளவுக்கு உருவக் கேலிக்கு ஆளாகியிருக்க மாட்டார்கள். 

கூந்தல் முதல் உடையலங்காரம் வரை தமிழிசை பல சந்தர்பங்களில் பலரால் கேலி செய்யப்பட்டார். அவர் அரசியலில் காலடி எடுத்து வைத்த ஆரம்ப காலங்களில் இருந்தே இம்மாதிரியான பகடிக்கு ஆளானாரா? அல்லது  தீவிர அரசியலுக்கு இன்னும் குறிப்பிட்டுச் சொல்ல வேண்டுமென்றால் தன் தந்தையை எதிர்த்து பாஜகவில் இணைந்து தீவிர அரசியலுக்கு வந்த பிறகு தான் இப்படியான கேலிகளுக்கு ஆளானாரா? என்பதைப் பிரித்துப் பார்ப்பது கடினம்.

ஏனெனில் தமிழகத்தில்...  தமிழிசை என்றாலே உடனடியாக கவனத்துக்கு வரக்கூடியவை தாமரையும், பாஜகவும் அல்ல, களை கட்டும் மீம்ஸுகளும், ட்ரால்களும் தான்.

தமிழகத்தில் தாமரை மலர்ந்தே தீருமென்றால் உடனடியாகப் பறக்கும் மீம்ஸ்களும் ட்ரால்களும் தமிழிசையின் பெயர் சொல்லும்.

பிறந்தநாளுக்கு கேக் வெட்டி தொண்டர்களுக்கு ஊட்டினால் அதற்கும் மீம்ஸ் போட்டே கொல்வார்கள்.

தூத்துக்குடி விமான நிலையத்தில் சக பயணியாக வந்த மாணவி சோபியா, தமிழிசையை விமர்சித்தாலும் சரி, தமிழிசை அந்த மாணவியைப் பற்றி புகார் அளித்தாலும் சரி பறக்கும் மீம்ஸ்கள், ட்ரால்களும் குறி வைப்பது தமிழிசையைத்தான்.

ஒரு கட்டத்தில் தமிழிசை என்ன செய்தாலும் குற்றம், யாரைப் பற்றி பேசினாலும் குற்றம், அவர் அரசியலில் நுழைந்ததே குற்றம், என்று மீம்ஸ் கிரியேட்டர்கள் வரிந்து கட்டிக் கொண்டு சமூக ஊடகங்களில் அவரைச் சகட்டு மேனிக்குப் போட்டுத் தாக்க, பொட்டுக் கலக்கமில்லை தமிழிசையிடம்.

அவர் கூலாக யூ டியூப் சேனலொன்றில் ‘ஹேண்ட் பேக் சீக்ரெட்ஸ்’ நிகழ்ச்சியில் கலந்துகொண்டு தனது ஹேண்ட் பேக்கை தொகுப்பாளரிடம் திறந்து காட்டிக் கொண்டிருந்தார். உள்ளே பார்த்தால் தொகுப்பாளருக்கு அதிர்ச்சி, காரணம் தமிழிசையின் ஹேன்ட் பேக்கில் ஒரு தாமரைப்பூ இருந்தது. தொகுப்பாளர் நக்கலாக, ‘மேம், தமிழகத்தில் தாமரை மலர்ந்தே தீரும்னு சொல்றீங்களே, அப்புறம் ஏன் நீங்க தலையில மல்லிகைப்பூவுக்கு பதில் இந்த தாமரையை வச்சுக்கக் கூடாது? என்று கேட்டு வைக்க, அதற்கும் அசராமல் அதிரடியாக இப்படி பதில் சொன்னவர் தமிழிசை.

‘ஏங்க நான் என்ன லூஸா? தாமரைப்பூவை தலையில வச்சுட்டு சுத்த, தலையில என்ன பூவெல்லாம் வைக்கலாமோ, அதைத்தான் வச்சுக்க முடியும். தாமரைப்பூ நான் சார்ந்திருக்கும் கட்சியின் சின்னம், அந்த ஞாபகார்த்தமா, அதை ஹேண்ட் பேக்ல வச்சிருக்கேன். அதுக்காக அதைத் தலையில் வச்சிக்கனும்னு இல்லையே!’ என்றாரே பார்க்கலாம். அது தான் தமிழிசை! 

இடக்கு மடக்கான கேள்விகளின் போது அவர் எப்போதும் தன் உணர்வுகளை வெளிப்படையாகக் காட்டத் தயங்கியதே இல்லை.  

காங்கிரஸ் மூத்த தலைவர்களில் ஒருவரும், தமிழகத்தின் சிறந்த பேச்சாளருமான குமரி அனந்தனின் மகள்களில் ஒருவரான தமிழிசைக்கு சிறுவயது முதலே தன் தந்தையைப் போலத் தானும் மிகச்சிறந்த பேச்சாளராக வேண்டும் என்ற ஆவல் இருந்திருந்தால் அதைத் தவறென்று சொல்ல முடியுமா? ஏனெனில் வளர்ந்த சூழல் அப்படியானது. ஆயினும் குமரி அனந்தனுக்கு தன் மகள் அரசியலில் ஈடுபடுவதில் சுத்தமாக விருப்பமிருந்ததில்லை என்கிறது தமிழிசையில் வாழ்க்கைக் கதை. காரணம் என்னவாக இருந்திருக்கக் கூடுமோ? ஆனால் வெளியில் சொல்லப்பட்டது... வாரிசு அரசியல் என்ற குற்றச்சாட்டுக்கு இலக்காக விருப்பமின்றி குமரி அனந்தன், தன் மகள் தமிழிசையையை காங்கிரஸில் வளர்த்து விடவோ, தன்னுடைய வாரிசாக அடையாளம் காட்டவோ விரும்பியதில்லை என செய்தியாளர்களுக்கும், பொது மக்களுக்கும் சொல்லப்பட்டது.

இப்போது குமரி அனந்தன் மட்டுமல்ல யாராலுமே அசைத்துப் பார்க்க முடியாத ஓரிடத்தில் நிலை கொண்டு விட்டார் தமிழிசை.

தமிழிசையை தமிழக பாஜக தலைவராக கட்சியின் உயர்மட்டம் நியமித்த போது அக்கட்சியின் உள்மட்டத் தலைவர்களில் பலருக்கே கூட அதில் பலத்த கருத்து வேறுபாடு இருந்தது.

‘தமிழக பாஜக என்ன செய்து கொண்டிருக்கிறது? டெல்லியில் இருந்து யாராவது வந்தால், அவர்களை ரிசீவ் செய்து ஸ்டார் ஹோட்டல்களில் தங்க வைத்து மீடியாக்களில் பேட்டி அளிக்க வைத்து, ஊடகங்களுக்குச் சிரித்து போஸ் கொடுத்து அனுப்புவது தான் இவர்களது வேலையா? ஆக்கப்பூர்வமாக, அதிகார மையமாக தமிழகத்தில் பாஜகவை நிலைக்க வைக்க இவர்கள் என்ன முயற்சி செய்கிறார்கள்? முதலில் தமிழக பாஜக தலைமையை மாற்ற வேண்டும். அப்போது தான் தமிழகத்தில் பாஜகவால் காலூன்ற முடியும்’ என்று தனது அதிருப்தியை மிகக்கடுமையாகப் பலமுறை பாஜக மூத்த தலைவரான சுப்ரமண்யம் சாமி கூட ஊடகங்களில் முன் வைத்தார். அதற்கெல்லாம் தமிழிசை கலங்கியதாகத் தெரியவில்லை. 

தமிழிசை 2000 ஆம் ஆண்டு வாக்கில் தீவிர அரசியலில் இறங்கியிருந்தாலும் அதற்கு முன்பே 1996 ஆம் ஆண்டுத் தேர்தலில் தன் தந்தை குமரி அனந்தனுக்காக கன்யாகுமரித் தொகுதியில் தேர்தல் வேலைகளில் ஈடுபட்ட போதே அவருக்கு பாஜக தொண்டர்களின் அரசியல் செயல்பாடுகள் மீது பேரார்வமும், பிடிப்பும் ஏற்பட்டு விட்டதாகச் சொல்கிறார்கள் இன்று தமிழிசையின் அரசியல் வரலாற்றைப் பொது ஊடகங்களில் பகிரும் அரசியக் நிபுணர்கள் பலர். பாஜகவின் மீது பிடிப்பு இருந்த போதும் ஆர் எஸ் எஸ் அமைப்பின் மீது கொஞ்சம் பயமும் வெறுப்பும் எப்போதும் இருந்து வந்த சூழ்நிலையில் அதை மாற்றிக் கொள்ளவும் கிடைத்த ஒரு வாய்ப்பாக ஒரு சம்பவத்தை நினைவு கூர்ந்திருக்கிறார் தமிழிசை. தமிழிசை தஞ்சை மருத்துவப் பல்கலைக்கழகத்தில் மருத்துவராகப் பணியாற்றிக் கொண்டிருந்த போது, அங்கே திடீரென ஒரு எமர்ஜென்ஸி நோயாளிக்கு ரத்தம் தேவைப்பட்டிருக்கிறது. குறிப்பிட்ட வகை ரத்தம் உரிய நேரத்தில் கிடைக்கா விட்டால் நோயாளி மரணமடைவது உறுதி என்றிருந்த நிலையில் வார்ட் பாய் ஒருவர் தமிழிசையிடம், ‘இந்த மாதிரி சூழலில் நமக்கு உடனடியாகக் கை கொடுக்க கூடியவர்கள் ஆர் எஸ் எஸ் தொண்டர்கள் மட்டுமே, அவர்களைத் தொடர்பு கொள்ளுங்கள் டாக்டர்’ என்றிருக்கிறார்.

தமிழிசை சஞ்சலத்துடன் தான் வார்ட்பாய் சொன்ன வார்த்தைகளை நம்பி ஆர் எஸ் எஸ் தொண்டர்களைத் தொடர்பு கொண்டிருக்கிறார். ஆனால், விளைவோ வெகு அற்புதமான பலனை அளித்திருக்கிறது. அவசரசிகிச்சைப் பிரிவில் உயிருக்குப் போராடிக் கொண்டிருந்த நோயாளிக்கு உடனடியாக குறித்த நேரத்தில் வேண்டிய ரத்தவகை கிடைத்து அவர் உயிர் பிழைத்தது தமிழிசையைப் பொருத்தவரை அதிசயம். ஏனெனில், ஒரு மருத்துவருக்கு மட்டுமே தெரியும் ‘கோல்டன் ஹவர்ஸின்’ முக்கியத்துவம். அப்படி நெருக்கடி நிலையில் ஒரு மருத்துவராக தனது கடமையை ஆற்றி வெற்றி இலக்கை எட்ட உதவியவர்கள் ஆர் எஸ் எஸ் தொண்டர்கள் எனும் வகையில் அவர்கள் மீதான வெறுப்புணர்வும், அவநம்பிக்கையும் நீங்கி முறைப்படி பாஜகவில் இணையும் துணிவு தனக்கு ஏற்பட்டதாக தமிழிசையே நேர்காணலொன்றில் பகிர்ந்து கொண்டுள்ளார். ஆர் எஸ் எஸ் அபிமானத்திற்கு காரணம், அதன் உறுப்பினர்களிடையே இருக்கும் கட்டுப்பாடும், ஒழுங்கும், உதவும் மனப்பான்மையும் தான் என்கிறார் தமிழிசை.

அப்பா, காங்கிரஸில் பிரதானத் தலைவர்களில் ஒருவராக இருந்து வருகையில் மகள் பாஜகவில் சேர்வதென்பது குடும்ப அளவில் தமிழிசைக்கு மிகப்பெரிய பின்னடைவைத் தந்திருக்கிறது. அப்பா குமரி அனந்தன், மகளிடம் 7 மாதங்கள் வரை எந்தப் பேச்சு வார்த்தையும் வைத்துக் கொள்ளவில்லை என்கிறார் தமிழிசை. அப்போதெல்லாம் தமிழிசைக்கு பக்கபலமாக இருந்தது அவரது கணவர் செளந்திர ராஜன் தான். இவர்கள் இருவருக்கும் திருமணம் நடந்த போது அது தமிழகத்தின் தலைப்புச் செய்தியானது எப்படி தெரியுமா? குமரி அனந்தன் காங்கிரஸில் பெரிய தலைவர் என்பதால் அவரது மகளான தமிழிசையின் திருமணத்திற்கு பக்தவத்சலம், அன்றைய முதல்வர் எம்ஜிஆர், எதிர்கட்சித் தலைவர் கருணாநிதி எனப்பலரும் வந்து அதிகாலைத் திருமணத்தில் கலந்து கொண்டு சிறப்பித்திருக்கிறார்கள். விழாவில் மைக் பிடித்த அன்றைய முதல்வர் எம் ஜி ஆர், மாப்பிள்ளையான செளந்திர ராஜனிடம் வைத்த வேண்டுகோள். வீட்டுப் பொறுப்புகள் மட்டுமல்ல, மணமகளான தமிழிசை சமூகப் பணிகளில் ஈடுபட்டாலும் சரி அவரை ஊக்குவித்து திருமண வாழ்வில் சம உரிமை கொடுத்து மதித்து நடந்து இணைந்து வாழ வேண்டியது முக்கியம் எனும் பொருள்படப் பேசினார். அதை அன்று முதல் இன்று வரையிலும் கைவிட்டாரில்லை செளந்திர ராஜன் என்று தான் சொல்ல வேண்டும். 

இல்லையேல்;

நீங்க கட்சியப் பார்த்தது போதும், முதல்ல குடும்பத்தை பாருங்க! - மகன் சுகநாதன் விமான நிலையத்தில் வைத்து தமிழிசையிடம் மனஸ்தாபம் கொண்ட செய்தி ஊடகங்களில் வெளிவந்தபோது, அதை ஊடகங்கள் பூதாகரமாக்காமல் நீர்த்துப் போகச் செய்யவும், மீண்டும் தமிழிசை தொடர்ந்து இயங்கவுமான உந்துசக்தியாகச் செயல்பட்டவர் செளந்திரராஜனன்றி வேறு யாராக இருக்க முடியும்?!

இதெல்லாம் இருக்க, பாஜகவில் தமிழிசையைக் காட்டிலும் ஆக்டிவ்வாகச் செயல்பட்ட தலைவர்கள் பலரிருக்க பாஜக தலைமை தமிழக பாஜக தலைவராக தமிழிசையைத் தேர்ந்தெடுத்தது ஏன்? என்ற கேள்விக்குப் பதிலாக தமிழிசையின் கடந்த நான்கு ஆண்டுகால செயல்பாடுகளைக் கூறலாம். தமிழகத்தில் பாஜக பல்லாண்டுகளாக தேசியக் கட்சிகளில் ஒன்றாக நிலைபெற்றிருந்த போதும் ஊடகங்களில்; பாஜகவைத் தூக்கிப் பிடித்தது தமிழிசையே. தமிழகத்தைப் பொருத்தவரை கடந்த நான்கு ஆண்டுகளாக தமிழிசை தான் பாஜகவின் முகம். மற்றை தலைகள் எல்லோரும் கொஞ்சம் ஃபேட் அவுட் ஆகி விட்டதான உணர்வு. காரணம், தமிழிசை தலைவராக இருந்த கடந்த ஆண்டுகளில் தினம் தினம் பாஜக குறித்த ஏதோ ஒரு செய்தி ஊடகங்களில் பிரதானமாக வெடிப்பது வாடிக்கையானது. 

அதெல்லாம் சரி ஆனால். நரேந்திர மோடி, அமித் ஷாவின் குட்புக்கில் தமிழிசை இடம்பெற்றது எப்படி?

இருக்கிறார்களே... இங்கேயும் இல கணேசன், பொன் ராதாகிருஷ்ணன், சி பி ராதாகிருஷ்ணன், வானதி ஸ்ரீனிவாசன் உள்ளிட்ட பாஜக தலைவர்கள் பலர்! அவர்களுக்கெல்லாம் கிடைக்காத வாய்ப்பு தமிழிசைக்கு கிடைத்ததெப்படி?

பாஜகவினரைக் கேட்டால், குஜராத் கலவரத்தின் போது தமிழகம் சார்பாக சிகிச்சையளிக்கச் சென்ற குழுவில் இடம்பெற்றிருந்த டாக்டர் தமிழிசையின் செயல்பாடு மோடி, அமித்ஷா அன்கோவின் கவனத்திற்கு கொண்டு செல்லப்பட்டதாகவும், அதில் அவர்கள் எதிர்பார்த்த அர்ப்பணிப்பு உணர்வு இருந்ததால் தமிழக பாஜகவின் முதல் பெண் தலைவராக தமிழிசை நியமிக்கப்பட்டார் என்றும் கூறுவார்களாயிருக்கும்.

அப்படியுமிருக்கலாம், அதையும் தாண்டி ஓட்டு அரசியல் என்றொரு மாபெரும் வியூகமும் இதில் உண்டென்பது தீவிர அரசியல் கண்காணிப்பாளர்களுக்குப் புரிந்திருக்கும்.

எது எப்படியோ? தமிழகத்தில் மிகக்கடுமையாக உருவக்கேலிக்கு உருவான தமிழிசை இன்று தெலுங்கானா மாநில கவர்னர். 

‘தெலுங்கானாவைப் பொருத்தவரை பெரிதாக எந்தப் பிரச்சினைகளும் இல்லாத அமைதியான மாநிலங்களில் ஒன்று, அங்கே கவர்னராகச் செயல்பட தமிழிசைக்குப் பெரிதாக எந்த ஒரு சிரமமும் இருக்கப்போவதில்லை. எனவே தெலுங்கானா கவர்னராக தமிழிசை மிக அமைதியான சூழலில் செயல்படுவார் என்று எதிர்பார்ப்பதாக’ பத்திரிகையாளர் மாலன் குறிப்பிட்டிருந்தார். அது மட்டும் பலித்தால் நிச்சயம் தமிழிசைக்குப் போரடிக்கலாம்.

தமிழ்நாட்டைப் பொறுத்தவரை பரபரப்பு அரசியலுக்குப் பெயர் போனவர் தமிழிசை!

தெலுங்கானாவில் தாமரையை மலரச் செய்விக்கும் முயற்சியிலும் இனி ஈடுபட முடியாது. ஏனெனில் கவர்னர் பதவி என்பது நடுநிலைத் தன்மை கொண்டது.

பார்க்கலாம், ஒரு கவர்னராக இனி ஊடகங்களில் நடுநிலைத் தமிழிசையின் பேச்சு எப்படிப்பட்டதாக இருக்கும் என?!

]]>
tamilisai soundararajan, பாஜக, political entry, தமிழக பாஜக, from image mockery, kumari anandhan, doctor tamilisai, தமிழிசை செளந்திரராஜன், டாக்டர் தமிசை செளந்திர ராஜன், உருவக்கேலி, மீம்ஸ், தெலுங்கானா கவர்னர், தமிழிசையின் அரசியல் பாதை https://images.dinamani.com/uploads/user/imagelibrary/2019/9/3/w600X390/tamilisai.jpg https://www.dinamani.com/lifestyle/lifestyle-special/2019/sep/03/from-image-mockery-to-telangana-governor---tamilisai-soundararajans-political-entry-3226967.html
3227707 லைஃப்ஸ்டைல் ஸ்பெஷல் ‘நெல்லை முதல் டெல்லி வரை’ கொள்ளையர்களை விரட்டும் பெண்களின் துணிவு! (விடியோ இணைப்பு) கார்த்திகா வாசுதேவன் Wednesday, September 4, 2019 01:15 PM +0530  

டெல்லி சாலையொன்றில் தன் மகளுடன் சைக்கிள் ரிக்‌ஷாவில் இருந்து இறங்கிய பெண் ஒருவரிடமிருந்து கழுத்துச் செயினை பறித்துச் செல்ல முயன்றார்கள் மோட்டார் சைக்கிள் திருடர்கள் இருவர். ஹெல்மெட் அணிந்து மோட்டார் சைக்கிளில் வந்த அந்த இருவரும் ரிக்‌ஷாவில் இருந்து இறங்கிய பெண்ணின் அருகில் வந்ததும் அவரது கழுத்துச் செயினை அறுத்துக் கொண்டு சிட்டாகப் பறக்க முயன்றிருக்கிறார்கள். ஆனால், செயினைப் பறிகொடுத்த பெண் சற்றும் தயங்காமல் தன்னிடமிருந்து செயினைப் பறித்தவனை மோட்டார் சைக்கிளில் இருந்து இழுத்துக் கீழே தள்ளி சரமாரியாக உதைக்கத் தொடங்கினார். நடந்து கொண்டிருப்பதைக் கண்ட அக்கம் பக்கத்து மனிதர்கள் உடனடியாக அந்தப் பெண்ணின் உதவிக்கு வரவே மோட்டார் சைக்கிளில் இருந்து பிடிபட்ட செயின் திருடனுக்கு பலத்த உதை கிடைத்தது. அவனிடம் பறிகொடுத்த செயினையும் அப்பெண்மணி மீட்டார். பிடிப்பட்ட திருடனை அருகிலிருந்த காவல்நிலையத்தில் ஒப்படைத்தனர். செயினை பறிகொடுத்த பெண்மணியின் வீரத்தை பாராட்டியே தீர வேண்டும். ஏனெனில், கழுத்துச் செயினைப் பறித்துச் சென்ற திருடனைக் குறித்த பயமின்றி உடனடியாக எதிர்த்துப் போராடுவது என சடுதியில் முடிவெடுத்ததால் மட்டுமே அவரால் இழந்த செயினை மீட்க முடிந்ததுடன் திருடனையும் பிடிக்க முடிந்திருக்கிறது.

 

 

அத்துடன் மோட்டார் சைக்கிள் திருடர்களில் ஒருவன் பிடிபட்டு விட்டதால் வாகனத்தில் தப்பிச் சென்ற மற்றொருவனையும் பிடித்து விடுவதற்கான சாதகமான அம்சமும் ஏற்பட்டிருக்கிறது. இதற்காகவேனும் அந்தப் பெண்மணியையும் அவரது மகளையும் பாராட்டா விட்டால் எப்படி? தற்போது டெல்லி பெண்கள் மோட்டார் சைக்கிள் திருடனைப் பிடித்து சரமாரியாக அடித்துத் துவைத்து செயினை மீட்கும் சி சி டி வி காட்சிகள் வைரலாக இணையத்தில் பரவி வருகின்றன. இதைப் பார்த்து இப்படியான சூழலில் சிக்கிக் கொள்ளும் பலரும் துணிவு கொள்ள வேண்டும் என்பதே அனைவருக்குமான பாடம்.

நெல்லையில் கடந்த மாதம் இரவு பத்து மணி அளவில் தங்கள் வீட்டைக் கொள்ளையடிக்க வந்த திருடர்களை விரட்டிப் பிடிக்க முற்பட்ட முதிய தம்பதிகள் சம்பவத்திற்கு ஒப்பாக இந்த டெல்லி பெண்களின் வீரத்தையும் நாம் புகழ்வதே சரி. நெல்லை, கடையம் கிராமத்தைச் சார்ந்த சண்முகவேல், செந்தாமரை தம்பதியினர் வீட்டில் தனியாக இருந்த போது இரவு பத்து மணிக்கு மேல் முகமூடி அணிந்த கொள்ளையர் இருவர் வந்து சண்முகவேலைத் துண்டால் கழுத்தை இறுக்கிக் கட்டி விட்டு வீட்டைக் கொள்ளையிட முயன்றனர். அப்போது முதியவர் அலறும் சத்தம் கேட்டு வீட்டுக்குள் இருந்து ஓடி வந்த செந்தாமரை அம்மாள், முகமூடிக் கொள்ளையர்களுக்கு அஞ்சாமல் துணிந்து தனது கையில் கிடைத்த பொருட்களைக் கொண்டு திருடர்களைத் தாக்கி கணவரை விடுவித்ததுடன் கொள்ளையரையும் ஓட ஓட விரட்டினார்.

 

இதில் செந்தாமரை அம்மாளின் துணிச்சல் எதிர்பாராத இன்ப அதிர்ச்சி. இச்சம்பவத்தில் செந்தாமரை அம்மாளின் கழுத்தில் இருந்த 4 சவரன் செயினை கொள்ளையர்கள் பறித்துச் சென்றிருந்தாலும் கூட அவர்களுக்கு இந்திய சுதந்திர தினத்தன்று வீரதீர குடிமக்கள் விருது வழங்கி கெளரவித்தது தமிழக அரசு. முதல்வர் எடப்பாடி கையால் விருது பெற்றனர் அத்தம்பதியினர்.

இப்படி நெல்லை முதல் டெல்லி வரை மக்கள் குறிப்பாகப் பெண்கள் திருடர்களையும், கொள்ளையர்களையும் எதிர்த்துப் போராடக் கிளம்பியிருப்பது வரவேற்கப்பட வேண்டிய முன்னேற்றமே!

 

Video Courtesy: Hindustan times

]]>
நெல்லை முதிய தம்பதிகள், வீரச்செயல், கொள்ளையரை விரட்டி மடக்கிய வீரத்தம்பதிகள், டெல்லி சம்பவம், திருடனைப்பிடித்த டெல்லி பெண்கள், மோட்டார் சைக்கிள் திருடன், செயின் பறிப்புத் திருடர்கள் https://images.dinamani.com/uploads/user/imagelibrary/2019/9/4/w600X390/delhi.jpg https://www.dinamani.com/lifestyle/lifestyle-special/2019/sep/04/nellai-to-delhi-indian-womens-brave--reaction-against-thieves-and--burglars-3227707.html
3224552 லைஃப்ஸ்டைல் ஸ்பெஷல் ட்ரெயின்ல பிச்சை எடுக்கற மாதிரி பாடாதன்னு இனிமே யாரையாவது கிண்டல் பண்ணீங்கன்னா தெரியும் சேதி!  சரோஜினி Friday, August 30, 2019 04:02 PM +0530  

இந்தியாவில் திறமையானவர்களுக்குப் பஞ்சமே இல்லை. அவர்கள் எங்கெங்கும் நிறைந்திருக்கிறார்கள். சில சமயங்களில் குப்பை வண்டிகளைத் தள்ளிக் கொண்டும், ரயில்வே ஸ்டேஷனுக்கு வெளியே பழம் விற்றுக் கொண்டும், வயல்களில் கை, கால் விரலிடுக்கில் சேற்றுக்கரை படியப் படிய விவசாயம் செய்தவாறு உற்சாகமாகப் பாடிக் கொண்டும் இந்தியா முழுதுமாக நிறைந்திருக்கிறார்கள். என்ன ஒரு பரிதாபம் என்றால், அவர்களுக்கான வாய்ப்புகள் அனைத்தும் மிக மிக அரிதாகவே அடையாளம் காணப்படுகின்றன என்பது தான். 

கடந்தாண்டில் கேரளாவைச் சார்ந்த விவசாயி ஒருவர், கமலின் ‘விஸ்வரூபம்’ படத்தில் இடம் பெறும், உன்னைக் காணாமல் நானும் நானில்லையே’ பாடலை அசலாக அதைப் பாடியவரான சங்கர் மகாதேவனைக் காட்டிலும் மிக அருமையாகப் பாடி வாட்ஸப்பில் வெளியிட அது இந்தியா முழுதும் வைரலாகி... இறுதியில் சங்கர் மகாதேவனே, அந்தப் பாடகரது விடியோவை சமூக ஊடகத்தில் வெளியிட்டு நெக்குருகிப் பாராட்டும் அளவுக்குச் சென்றது. கமல் கூட அவரை தனது ஆழ்வார்பேட்டை இல்லத்துக்கு வரவழைத்து பாராட்டி அனுப்பினார். 

அவர் மட்டுமல்ல, ஜீ தமிழ் சூப்பர் சிங்கர் போட்டியில் கலந்து கொண்டு பாடி அசத்திய ரமணி அம்மாள் எனும் வயதான பெண்மணியும் கூட விளிம்பு நிலைக் குடும்பத்திலிருந்து தனது பாட்டுத் திறமையால் வெளி உலகில் அடையாளம் காணப்பட்டவரே. வீட்டு வேலை செய்து தன் குடும்பத்தைக் காப்பாற்றி வந்த ரமணி அம்மாள் அந்த சீசன் சூப்பர் சிங்கர் நிகழ்ச்சியின் போது ஜீ தமிழ் தொலைக்காட்சிக்கு கிடைத்த அருமையான எண்டர்டெயினராக இருந்தார். போட்டியில் அவர் டைட்டில் வென்று பரிசும் பெற்றார். 

இந்த வரிசையில் இப்போது கொல்கத்தாவில் ஒரு பாடகி கடந்த வாரம் இணையத்தில் வைரலானார். அவர் பெயர் ரானு மரியா மண்டல்.

கொல்கத்தா ரணகாட் ரயில்வே ஸ்டேஷனுக்கு வெளியே லதா மங்கேஷ்கரின் மாஸ்டர் பீஸ் பாடல்களில் ஒன்றான ‘ஏக் பியார் க்க நாக்மா’ பாடல் ஒலிக்கத் தொடங்கினால் அங்கே உடனடியாக அவசரக் கூட்டம் கூடி விடுகிறது. ஸ்டேஷனில் காத்திருப்போர் அனைவரும் பாடலினால் ஈர்க்கப்பட்டு அந்த இடத்தில் திரண்டு விடுகிறார்கள். அங்கே பாடிக் கொண்டிருப்பது லதா மங்கேஷ்கர் அல்ல, மிக மிக சாதாரணத் தோற்றம் கொண்ட ரானு மண்டல் எனும் அப்பாவிப் பெண் ஒருவர் என்று தெரிந்ததும் மக்கள் ஆச்சர்யத்தின் உச்சத்திற்குச் சென்று விடுகிறார்கள். ஏனெனில், ஒரிஜினலாக அந்தப் பாடலைப் பாடிய லதா மங்கேஷ்கரின் குரலுக்கு எந்த விதத்திலும் சளைத்ததாக இல்லை இந்தப் பெண்ணின் குரல்.

இவர் மட்டும் பாலிவுட் தொலைக்காட்சி சேனல்களில் நடத்தப்படும் சூப்பர் சிங்கர் போட்டிகளில் கலந்து கொண்டாரென்றால் இப்போது லைம்லைட்டில் படு பிஸியாகப் பாடிக் கொண்டிருக்கும் பல டாப் பாடகிகளை எல்லாம் சட்டெனப் பின்னுக்குத் தள்ளி விடுவார் என்று புகழ்ந்து தள்ளுகிறார்கள் நெட்டிஸன்கள்.

புகழ் வெளிச்சத்துக்கு வந்த பிறகு ரானு மண்டலைப் பாராட்டாதாவர்கள் குறைவு. எவரொருவரும் அவரது பாடலைக் கேட்டமாத்திரத்தில் ரசிகர்களாகி விடுகிறார்கள். அந்தக் கூட்டத்தில் சல்மான்கான் கூட இருக்கிறார். சல்மான், வெறும் ரசிகராக மட்டும் நிறுத்திக் கொள்ளாமல் ரேணு மண்டலுக்கு 55 லட்சம் மதிப்புள்ள வீடு ஒன்றையும் வாங்கி பரிசளித்திருக்கிறார், தனது டபாங் 3 படத்திலும் பாடுவதற்கு வாய்ப்பளித்திருக்கிறார் என்றெல்லாம் கூட இணையத்தில் செய்திகள் கசிந்த வண்ணம் உள்ளன. ஆனால், இது எந்த அளவுக்கு உண்மை எனத் தெரியவில்லை. ஏனெனில், சல்மானிடம் இருந்து இதற்கான அதிகாரப்பூர்வ அறிவிப்பு எதுவும் இதுவரை வெளிவரவில்லை.

ரானு... சல்மான் படத்தில் பாடுவது குறித்து அதிகாரப்பூர்வ தகவல்கள் இல்லையெனினும் ஹிமேஷ் ரேஷம்மியாவின் அடுத்த படத்தில் ரானு பாடுவது உறுதியான செய்தி, பாடலுக்கான ரெகார்டிங் கூட முடிவடைந்து விட்டது என்கிறார்கள்.

இது உறுதியான செய்தி தான் ஏனெனில், இது குறித்து ஹிமேஷ்...  தனது அதிகாரப்பூர்வ இன்ஸ்டாகிராமில்... வரவிருக்கும் தனது புதிய திரைப்படமான ஹேப்பியில் ‘தெரி மேரி கஹானி’ எனும் பாடலுக்கான ட்ராக்கை ரானு மண்டலை வைத்து பாட வைத்திருப்பதாக புகைப்படத்துடன் செய்தி பகிர்ந்திருக்கிறார். 

சரி திறமை எங்கிருந்தால் என்ன? அது அடையாளம் காணப்பட வேண்டும் என்பது தானே முக்கியம்.

எத்தனை காலம் தான் ஆனாலென்ன? திறமை இருந்தால் கண்டிப்பாக ஒரு நாள் அடையாளம் காணப்படுவோம் என்பதற்கு ரானு மண்டல் தற்போது ஒரு உதாரணமாகியிருக்கிறார்.

 

Image Courtesy: your story.com

]]>
Salman Khan, RANU MONDAL, BOLLYWOOD SINGER, ரானு மண்டல், சல்மான் கான், ரயில்வே பாடகி டு பாலிவுட் பாடகி, railway station singer https://images.dinamani.com/uploads/user/imagelibrary/2019/8/30/w600X390/ranu_maria_mandal.png https://www.dinamani.com/lifestyle/lifestyle-special/2019/aug/30/from-rayilway-station-singer-to-bollywood-singer---ranu-maria-mondals-exciting-talent-3224552.html
3223209 லைஃப்ஸ்டைல் ஸ்பெஷல் கல்வி, வேலை நிமித்தம் வெளிநாடுகளுக்குச் சென்ற பிள்ளைகள் அங்கே பேராபத்தில் சிக்கிக் கொண்டால் இந்தியாவில் பெற்றவர்களின் நிலை என்ன? கார்த்திகா வாசுதேவன் Wednesday, August 28, 2019 12:34 PM +0530  


கடந்த வாரம் தினமணி கதிரில் ஒரு சிறுகதை வெளிவந்திருந்தது. ஞாயிறு தோறும் வெளிவரும் தினமணி கதிரில் இந்த வாரம் சிவசங்கரி சிறுகதைப் போட்டியில் வெற்றி பெற்ற சிறுகதைகளில் ஒன்று வெளியாகி இருந்தது. கதைக்கும் இந்தச் செய்திக்கும் ஒரு தொடர்பு இருப்பதால் அதை இப்போது இங்கே பகிர்ந்து கொண்டிருக்கிறேன்.

கதையில் மருத்துவரான அப்பா கதாபாத்திரம் இரவில் போஸ்ட் மார்ட்டம் அறுவை சிகிச்சைகள் பல செய்து முடித்த அலுப்பில் மிக மிகச் சோர்வுடன் வீடு திரும்புவார். அப்போது பார்த்து மனைவி வீட்டில் அழுது கொண்டிருப்பதைக் கண்டதும் அவருக்கு ‘என்னாகி விட்டதோ, ஏதாகி விட்டதோ எனும் பதற்றம் அதிகமாகி எல்லையற்ற துயரத்துடன் மனைவியிடம் விவரம் கேட்பார். அப்போது மனைவி;

அமெரிக்காவில் மூன்று வருட காண்ட்ராக்டில் வேலை கிடைத்துச் சென்ற தங்களது ஒரே மகன் ராகவ்... அங்கே சீதோஷ்ணமோ அல்லது உணவோ ஏதோ ஒன்று ஒத்துக்கொள்ளாத காரணத்தால் இரண்டு நாட்களாக வயிற்றுப் போக்கினால் அவஸ்தைப்பட்டு இன்று மயக்க நிலைக்குச் சென்று விட்டான் என்று அவனது அறை நண்பன் தொலைபேசியில் அழைத்துச் சொன்னது முதல் தன்னால் நிம்மதியாகவே இருக்க முடியவில்லை என்றும் ஏதாவது செய்து மகனை அங்கிருக்கும் மருத்துவமனையில் உடனடியாகச் சேர்த்து சிகிச்சை அளித்தால் மட்டுமே அவனைக் காப்பாற்ற முடியும் என்றும் சொல்லி அழுவார்.

மனைவி சொன்னதைக் கேட்டு இடிந்து போகும் கணவர், ஆயினும் மனதை விட்டு விடாமல், மீண்டும் தன் மகனது இருப்பிடத்திற்குத் தொலைபேசியில் அழைத்து அவனது நண்பனையே அவனுக்கு முதலுதவி அளித்து உடனடியாக மருத்துவமனைக்கு அழைத்துச் செல்லுமாறு கூறுவார். 


ஆனால், அந்தோ பரிதாபம்!  அந்த நாட்டு மருத்துவச் சட்டப்படி, மெடிக்கல் இன்சூரன்ஸ் எடுத்திருந்தால் மட்டுமே எவர் ஒருவருக்கும் அந்நாட்டு மருத்துவமனைகளில் சிகிச்சை அளிப்பார்கள். இல்லாவிட்டால் எமர்ஜென்ஸி சிகிச்சை பெறக்கூட ஆயிரத்தெட்டு ஃபார்மாலிட்டிகள் உண்டு அங்கே. அதற்குள் கொஞ்சம் கொஞ்சமாக கோமா நிலைக்குச் சென்று கொண்டிருக்கும் மகனுக்கு என்ன வேண்டுமானாலும் ஆகலாம். இந்நிலையில் ஒரு மருத்துவராகவும், பையனின் தகப்பனாகவும் அந்த தந்தையின் மனம் மகனை எப்பாடு பட்டாவது காப்பாற்றி விடத் துடித்து படாதபாடு படுகிறது.

மகனை அவர்கள் எப்படிக் காப்பாற்றினார்கள் என்பதை அறிந்து கொள்ளும் முன் சற்றுப் பெரிய கதை என்பதால் அக்கதையில் தொடரும் போட்டு விட்டார்கள். இனி அடுத்த வாரம் ஞாயிறு அன்று தான் கதையின் முடிவு தெரியவரும். இந்தக் கதையை ஏன் இங்கு குறிப்பிடுகிறேன் என்றால்?

தெலுங்கானா பாஜக பிரமுகரும், எம் பியுமான ஒருவரின் மகன் ஆகஸ்டு 21 ஆம் தேதி லண்டனில் காணாமல் போய் விட்டதாகச் செய்தியொன்றைக் காண நேர்ந்தது.

தெலுங்கானா, கம்மம் பகுதியைச் சார்ந்த  உஜ்வல் ஸ்ரீஹர்ஷா எனும் 23 வயது இளைஞர் கடந்தாண்டு எம் எஸ் பயில்வதற்காக லண்டன் சென்றார். லண்டன் சென்றது முதல் தினமும் தனது குடும்பத்தினருடன் அலைபேசியில் தொடர்பு கொண்டு ஒருமுறையாவது பேசுவது உஜ்வல் ஸ்ரீஹர்ஷாவின் வழக்கம். ஆனால், கடந்த ஆகஸ்டு 21 க்குப் பிறகு அவரிடமிருந்து எந்த ஒரு அழைப்பும் குடும்பத்தினருக்கு வரவில்லை. மறுநாள் முதல் குடும்பத்தினர் அவரது லண்டன் எண்ணுக்கு முயன்ற போதும் எவ்வித பதிலும் கிடைக்கவில்லை என்பதால் ஸ்ரீஹர்ஷாவின் குடும்பத்தினர், மகன் காணாமல் போய் விட்டதாக வெள்ளியன்று லண்டன் போலீஸில் புகார் அளித்தனர். 

போலீஸாரின் தேடலில் ஸ்ரீஹர்ஷா பயன்படுத்திய பேக் மட்டும் கடற்கரையில் தன்னந்தனியே கிடந்தது கண்டறியப்பட்டது.

பள்ளி மற்றும் கல்லூரிக் காலங்களில் மிகச்சிறந்த மாணவனாகத் தேறியிருந்த ஸ்ரீஹர்ஷாவுக்கு தானொரு விஞ்ஞானியாக வேண்டும் என்பதே பெருவிருப்பமாக இருந்திருக்கிறது. அதற்காக சமீபத்தில் கூட ஒரு புராஜெக்ட் வேலைக்காக ஜப்பான் சென்று வந்திருக்கிறார் என்று அவரது அப்பா உதய் பிரதாப் தெரிவித்தார். 

ஆந்திரமாநிலம் மதனபள்ளியில் இருக்கும் புகழ்பெற்ற ரிஷிவேலி பள்ளியில் பள்ளிப்படிப்பையும், ஹைதராபாத் கல்லூரியொன்றில் பொறியியல் பட்டப் படிப்பையும் முடித்து மெரிட்டில் தேறியவர் ஸ்ரீஹர்ஷா. லண்டனில் காணாமல் போன தெலுங்கானா மாணவரைத் தேடிக் கண்டுபிடித்து மீண்டும் அவரது குடும்பத்தினரிடம் ஒப்படைக்க வேண்டியது என் கடமை என ஸ்ரீஹர்ஷாவின் அப்பாவுக்கு  மாநில உள்துறை அமைச்சரன ஜி கிஷன் ரெட்டி வாக்களித்துள்ளார்.

மேலே குறிப்பிட்ட இரு சம்பவங்களில் ஒன்று கதை... அதிலும் ஒரு அப்பா, தன் மகனைக் காப்பாற்றி விடத் துடிக்கிறார். அதிலாவது மகன் காணாமல் போகவில்லை நோய்வாய்பட்டு ஸ்கைப் வழியாகத் தந்தையின் கண்முன்னே இருக்கிறார். நண்பரும், மருத்துவரான தந்தையும் மனது வைத்து பிரயத்தனப்பட்டால் அவரைக் காப்பாற்றி விட 100 ல் 50 % வாய்ப்புகள் இருக்கின்றன. ஆனால், இரண்டாவது சம்பவம், அப்பட்டமான உண்மை. இச்செய்தியில் இடம் பெற்றிருக்கும் தந்தைக்கு... காணாமல் போன மகனை கண்டு பிடிப்பது மிகப்பெரிய சவால். அதிலும் இந்தியாவில் காணாமல் போயிருந்தால் கூட தனது அரசியல் செல்வாக்கையும், காவல்துறை செல்வாக்கையும் கொண்டு எப்படியாவது மகனை மீட்டு விடலாம் என்று அவர் நம்பிக்கை கொள்ள வாய்ப்பிருக்கிறது. ஆனால், இங்கே மகன் காணாமல் போன இடமோ லண்டன்.

இதில், தெலுங்கானா பிரமுகரின் மகன் திரும்பக் கிடைத்து விட்டால் அவருக்கு மட்டுமல்ல, அது இச்செய்தியை அறிந்து மனம் பரிதவிக்கும் அனைவருக்குமே சுபமான செய்தி. ஆனால், நடுவில் அவருக்காக நடத்தப்படும் தேடுதல் வேட்டை, அப்போது எதிர்கொள்ள நேரும் இரக்கமற்ற கேள்விகள் மற்றும் விசாரணையில் பங்கேற்பது  இத்யாதி, இத்யாதி மன சஞ்சலங்கள் எல்லாம் நரகத்துக்கு ஒப்பானவை. அதைக் கடப்பதென்பது பாறாங்கல்லைச் சுமப்பதற்கு நிகரானது.

கதையானாலும் சரி, நிஜமானாலும் சரி மகன்களோ, மகள்களோ வெளிநாடுகளில் காணாமல் போய்விட்டாலோ அல்லது அவர்களுக்கு உதவ முடியாத தூரத்தில் பெற்றோர்களானவர்கள் இருக்க வேண்டிய சூழல் நேர்ந்து விட்டாலோ சரி அது மிகப்பெரிய நரகவேதனை. இதைத் தான் புத்திர சோகம் என்கிறார்களோ!

]]>
boy missing in london, ujwal sriharsha, telangana boy missing in london, காணாமல் போனவர்கள், உஜ்வல் ஸ்ரீஹர்ஷா, லண்டனில் காணாமல் போன தெலுங்கானா மாணவர், பாஜ க பிரமுகர் மகனைக் காணவில்லை, புத்திர சோகம், the tragedy https://images.dinamani.com/uploads/user/imagelibrary/2019/8/28/w600X390/ujwal_sriharsha_apn_live.jpg https://www.dinamani.com/lifestyle/lifestyle-special/2019/aug/28/anyway-sons-or-daughters-who-were-gone-to-abroad-for-work-or-study-went-missing-is-a-painfull-dream-for-their-parrents-3223209.html
3220402 லைஃப்ஸ்டைல் ஸ்பெஷல் சாலையில் பயமின்றி வாகனம் ஓட்டிச் செல்ல முடிகிறதா? இந்த ரூல் பிரேக்கர்களை என்ன செய்வது?  கார்த்திகா வாசுதேவன் Saturday, August 24, 2019 12:05 PM +0530  

என்னிடம் ஒரு இருசக்கர வாகனம் இருக்கிறது. நான் வெகு சுமாரான வாகன ஓட்டி. சுமார் என்றால் ரூல்ஸ்படி வாகனம் ஓட்டத் தெரியாதவன் என்று நினைத்து விடாதீர்கள். அழகாக எட்டுப் போட்டுக் காட்டி, பரீட்சை எல்லாம் எழுதி பாஸ் ஆகி லைசன்ஸ் வாங்கி இருக்கிறேனாக்கும். எனக்கு நமது தமிழ்நாட்டுச் சாலைகளில் என்னுடைய இரு சக்கர வாகனத்தை ஓட்டிச் செல்ல நன்றாகவே தெரியும். மிதமான வேகத்தில் எங்கெங்கே இண்டிகேட்டர் பயன்படுத்த வேண்டும், வாகன விளக்குகளை எங்கே, எப்போது ஆன்/ஆஃப் செய்ய வேண்டும்? எங்கே பிரேக் அழுத்த வேண்டும்? ஸ்பீட் பிரேக்கர் வந்தால் வாகனத்தை எப்படிக் கையாள வேண்டும். எல்லாமே எனக்கு நன்றாகவே தெரியும். அதனால் தான் நம்மூரில் சாலைகள்... ஈ, காக்கை இன்றி வெறிச்சோடிப் போயிருந்தாலும் கூட நான் 40 க்கு மேல் செல்வதில்லை என எனக்கு நானே சத்தியப் பிரமாணம் எடுத்துக் கொண்டிருக்கிறேன். காரணம் இந்த ரூல் பிரேக்கர்கள். அவர்கள் யார்? எங்கிருந்து வருகிறார்கள்? ஆளரவமற்ற சாலைகளில், தெருமுக்குகளில் இருந்தெல்லாம் திடீரென எப்படி ஓசையின்றி முளைத்து வந்து வண்டியை இடித்துத் தள்ளி விட்டுப் பறக்கிறார்கள்? அவர்கள் ஏன் சாலை விதிகளை மதிப்பதில்லை என்றெல்லாம் ஒரு சீக்ரெட் மிஷன் வைத்துக் கண்டுபிடித்து தொலைக்க வேண்டும். அவர்களால் தான் ஒழுங்காக லைசன்ஸ் வாங்கி வண்டி, வாகனங்களை ஓட்டிக் கொண்டிருப்பவர்கள் கூட பீதியடைந்து பயந்து பயந்து வண்டியோட்ட வேண்டியதாயிருக்கிறது.

நேற்றைக்குப் பாருங்கள். சிக்னல் விழுவதற்காக காத்துக் கொண்டிருந்தோம். இருந்தோம் என்றால் என்னைப் போல முறையாக சாலை விதிகளைப் பின்பற்ற வேண்டும் என்று திட சங்கல்பம் செய்து கொண்ட பலர் தேமேவென பச்சை விளக்குக்காக காத்துக் கொண்டிருந்தோம். ஆனால், அதெல்லாம் அம்மஞ்சல்லிக்குத் தேறாது, சாலைவிதிகளாவது, சல்லாத்துணியாவது? என்று யோசித்த சில பரப்பிரும்மங்கள் ஆக்ஸிலேட்டரை முறுக்கோ முறுக்கென்று முறுக்கிச் சிட்டுக்குருவி போல விருட்டெனப் பறந்து விட்டார்கள். பார்த்துக் கொண்டிருந்த டிராபிக் போலீஸ்கார்  ‘இதுவும் கடந்து போகும்’ என்று எதுவுமே நடக்காதது போல, தான் எதையுமே கவனிக்காதது போல முகத்தைத் திருப்பிக் கொண்டார். இப்போது எங்களைப் போன்றவர்கள் என்ன செய்ய வேண்டும்? 

ஒன்வேயில் எதிர்ப்பக்கமாக வண்டியோட்டிக் கொண்டு வருபவர்களைப் பார்க்கும் போது, எல் கே ஜி பிள்ளைகளைப் போல ‘ரூல் பிரேக்கர், டவுன், டவுன்’ என்று கத்த வேண்டும் போலிருக்கிறது. அப்படி வரக்கூடாது என்று தெரிந்தும் செளகர்யத்துக்காக அப்படிச் செய்பவர்கள் மீது கோபம் தலைக்கேறுகிறது. இவர்கள் பாட்டுக்கு எந்தப் பக்கம் வேண்டுமானாலும் வண்டியோட்டிக் கொண்டு சென்று விடுகிறார்கள். இவர்களிடம் மிரண்டு இடிபட்டுச் சாய்பவர்களுக்குத் தான் எல்லாச் சேதங்களும்.

நடைபாதைகள் பாதசாரிகள் பயமின்றி நடப்பதற்குத் தான். ஆனால், இந்த ரூல் பிரேக்கர்களின் முதல் வேலையே... சிக்னல்களில் காத்திருப்பதைத் தவிர்ப்பதற்காக நடைபாதையில் வண்டியை விட்டு விரட்டிச் சென்று சகலரையும் அரள வைப்பதும் இடைஞ்சல் செய்வதுமே!

இவர்களெல்லாம் சொல்லித் திருந்தக் கூடியவர்கள் அல்ல. ஃபைன் விதிக்கப்பட்டாலும் மீண்டும் அதே தவறைச் செய்து விட்டு ஃபைன் கட்டத் தயங்காதவர்கள். இவர்களை என்ன தான் செய்வது?

கன்னடத்தில் ‘யூ டர்ன்’ என்றொரு திரில்லர் படம் வந்தது. தமிழிலும் சமந்தா நடிப்பில் ரீமேக் செய்தார்கள். அந்தப் படத்தில் வருவதைப் போல சாலை விதிகளைப் பின்பற்றத் தவறியதால் நேர்ந்த விபத்துகளில் மரணித்தவர்கள் எல்லோரும் பேய்களாகி வந்து பாடம் கற்றுக் கொடுத்தால் தான் இவர்களைப் போன்றவர்கள் திருந்துவார்களோ என்னவோ?!

மித வேகம் நன்று என்று எனக்குத் தெரியும், உங்களுக்குத் தெரியும்... ஆனால் இந்த ரூல் பிரேக்கர்களுக்கு எப்போதும் தெரிவதில்லை.

இந்தியச் சாலைகளில் 18 வயதுக்கு குறைந்தவர்கள் வாகனங்களை ஓட்டிச் செல்ல அனுமதி இல்லை. ஆனால், நம்மூரில் பள்ளிச் சீருடையில் இருசக்கர வாகனங்களை ஓட்டிச் செல்பவர்கள் கண்ணில் படத்தான் செய்கிறார்கள்... (மேல்நிலைப்பள்ளி என்றே வைத்துக் கொண்டாலும் அவர்கள் 18 தாண்டியிருப்பார்களா என்பது அரிது தானே) அரும்பு மீசை கூட முளைக்காத சிறுவர்கள் எல்லாம் கூட விடுமுறை நாட்களில் அதிவேகமாக ட்ரிபிள்ஸ் போவதை முகப்பேர், நொளம்பூர் வளாகங்களில் அடிக்கடி பார்க்க முடிகிறது. அவர்களுக்கு புத்திமதி சொன்னால் நம்மை வேற்றுக்கிரக ஜந்துக்களைப் போலப் பார்த்து... ‘எல்லாம் எங்களுக்குத் தெரியும் நீங்க ஷட் அப் பண்ணுங்க’ எனும் ரீதியில் கடக்கிறார்கள்.

இவர்கள் இப்படி என்றால் இந்த குட்டி யானை லாரிக்காரர்களைப் பற்றியும் சொல்ல வேண்டும். பள்ளி வளாகம் மற்றும் குடியிருப்புப் பகுதிகள் என்பதால் நொளம்பூர் மாந்தோப்பு சாலைப்பகுதியில் கனரக வாகனங்கள் செல்ல அனுமதி இல்லை. அதற்கென்று அவர்கள் ஒரு தடுப்பு செக்போஸ்ட் வைத்திருக்கிறார்கள். அந்த மட்டத்தை விட உயரமான வாகனங்கள் அங்கே கடந்து செல்ல முடியாது. இது தெரிந்திருந்தும் பல பெரிய லாரிகள் மற்றும் குட்டியானைக்காரர்கள் அந்த வழியாக வந்து மேலே செல்ல முடியாது தடுத்து நிறுத்தப்பட்டு அடிக்கடி அங்கே போக்குவரத்து நெரிசலை ஏற்படுத்தி அந்தப் பக்கமாகச் செல்பவர்களின் பிராணனை வாங்கிக் கொண்டு தான் இருக்கிறார்கள்.

பிரதான சாலைகளில் இருந்து பிரிந்து செல்லும் சாலைகளில் இண்டிகேட்டர் போட்டுக் கொண்டு வலது, இடது பக்கம் திரும்ப முயலும் இருசக்கர வாகன ஓட்டிகள் சில நேரங்களில் சாலையில் சடுகுடு ஆட வேண்டியதாகி விடுகிறது. ஏனெனில் பிரதான சாலைகளில் எதிரில் வரும் வாகனங்கள் இண்டிகேட்டரை எல்லாம் மதிப்பதே இல்லை. நான் முதலில் போய் விடுகிறேன், அப்புறம் நீ இடமோ, வலமோ போய்த்தொலை என்பதாகத்தான் இருக்கிறது அவர்களது மனநிலை.

சில நாட்களுக்கு முன்பு வாவின் சிக்னலில் காத்திருக்கும் போது. ஒரு கல்லூரிப் பெண் தன், தந்தையிடம், அப்பா நான் இனிமே காலேஜுக்கு டூவிலர்லயே போய்க்கிறேனே? என்று கேட்டுக் கொண்டிருந்த போது அவளது அப்பாவாகப் பட்டவர் சொன்ன பதில்;

‘சென்னையில ரோட் சென்ஸ் இல்லாம வண்டி எடுத்துட்டு ரோட்ல இறங்கறது தற்கொலைக்குச் சமம்’ நீ இன்னும் நல்லா ட்ரைவ் பண்ணக் கத்துக்கனும். எப்போ பயமில்லாம வண்டி ஓட்டறயோ அன்னைக்குப் பார்க்கலாம். என்றார்.

‘அலை எப்ப ஓயும் கடல்ல எப்ப குளிக்கலாம்’ கதை தான். நம்மூர் சாலையில் பயமில்லாமல் வண்டி ஓட்டுவதெல்லாம் நடக்கிற காரியமா?

முதலில் இந்த ரூல் பிரேக்கர்கள் திருந்தினால் அல்லவா அதைப்பற்றியெல்லாம் நாம் யோசிக்க முடியும்.

நாம் முறையாகத்தான் வாகனங்களைக் கையாள்கிறோம், பயன்படுத்துகிறோம். நம் எதிரில், வலப்புறத்தில், இடப்புறத்தில், பின்னால் வாகனங்களில் விரைபவர்களும் கூட அப்படியே இருக்க வேண்டுமே!

அவர்களுக்கு அவர்களது உயிர் வெல்லக்கட்டி இல்லையோ என்னவோ?!

அதனால் தான் அப்படிப் பட்டவர்களைக் காணும் போது சித்திர குப்தனின் எண்ணெய்ச்சட்டி நினைவுக்கு வருகிறது. 

எண்ணெய்ச்சட்டியில் தள்ளி வறுத்தால் தான் இவர்கள் திருந்துவார்களோ?!

]]>
சாலை விதிகள், ரூல் பிரேக்கர்கள், சென்னை சாலைகள், road sense, chennai roads, rule breakers, https://images.dinamani.com/uploads/user/imagelibrary/2019/8/24/w600X390/traffic_road.jpg https://www.dinamani.com/lifestyle/lifestyle-special/2019/aug/24/chennaites--fear-about-road-sense--rule-breakers-3220402.html
3219784 லைஃப்ஸ்டைல் ஸ்பெஷல் ஆண்கள்... பெண்களைப் பயன்படுத்திக் கொள்கிறார்களா? பிக்பாஸ் விவாதத்தின் மீதான தினமணி டீ பிரேக் அரட்டை! கார்த்திகா வாசுதேவன் Friday, August 23, 2019 04:46 PM +0530  

 

ஆண்கள் பெண்களைப் பயன்படுத்திக் கொள்கிறார்களா? பிக் பாஸ் பரபரப்பை ஒட்டி தினமணி டீ பிரேக்கில் ஒரு சின்ன அரட்டை.

பிக்பாஸ் சீசன் 3 ல் கடந்த வாரம் நடிகை மதுமிதா போட்டியிலிருந்து வெளியேற்றப்பட்டார். அவர் வெளியேற்றப்பட்டதற்கான காரணம், பிக்பாஸ் ஹவுஸ்மேட்டுகளுடன் ஏற்பட்ட விவாதமே. மதுமிதா, கடந்த வாரத்தில் ஒரு நாள், பிக்பாஸ் வீட்டில் ஆண்கள், பெண்கள் மீது ஆதிக்கம் செலுத்துவதாகவும், பெண்களை பயன்படுத்திக் கொள்வதாகவும் குற்றம் சாட்டினார். அதைத் தொடர்ந்த விவாதத்தில் போட்டியாளர்கள் அனைவரும் மதுமிதாவின் வாதத்தை ஏற்க மறுத்து மதுமிதாவைச் சாடத் தொடங்கவே விவாதம் சண்டையாகி, சண்டை மதுமிதாவின் தற்கொலை முயற்சியில் வந்து முடிந்தது. இத்தனைக்கும் காரணம் ஆண்கள், பெண்கள்... யார், யார் மீது ஆதிக்கம் செலுத்துகிறார்கள் என்று தொடங்கிய கருத்து வேறுபாடு தான். அந்தப் பிரச்னை இன்றும் கூட ஓய்ந்தபாடில்லை.

ஆண்களும், பெண்களும் சேர்ந்தியங்க வேண்டிய இந்த சமூகத்தில் ஒருவருக்கொருவர் மற்றவரை இவ்விஷயத்தில் குற்றம் சுமத்திக் கொண்டே இருந்தால் அதற்கு முடிவேது? பிறகு, அப்படியான ஆண்களிடையே பழகும் போது என்ன தான் செய்வது? என்கிறீர்களா?

 

அதற்கு பதில் கண்டுபிடிக்கும் முகமாகத்தான் உருவானது இந்த வார தினமணி.காம் டீ பிரேக் அரட்டை.

 

 

டீ பிரேக் அரட்டை பார்த்து விட்டு உங்களது கருத்துக்களை பகிர மறக்காதீர்கள். ஒருவேளை உங்களுக்கு இதன் மூலமாக ஒரு தீர்வு கிடைக்கலாம்.

]]>
dinamani tea break, tea break 2, bigboss season 3, jangiri madhumitha, தினமணி டீ பிரேக் - 2, ஜாங்கிரி மதுமிதா, ஆண்கள் VS பெண்கள், பிக்பாஸ் சீசன் 3 , https://www.dinamani.com/lifestyle/lifestyle-special/2019/aug/23/does-men-use-women-dinamanicom-tea-break--2-3219784.html
3193704 லைஃப்ஸ்டைல் ஸ்பெஷல் பூச்செடிகள், காய்கறிச் செடிகளுடன் பேசும் வழக்கமிருக்கா உங்களுக்கு? கார்த்திகா வாசுதேவன் Tuesday, August 20, 2019 05:17 PM +0530  

மூன்று வருடங்களுக்கு முன்பு திடீரென ஒரு ஆர்வம் கிளர்ந்தெழுந்து மொத்தமாக நிறையப் பூச்செடிகள் வாங்கினோம். பல வண்ண ரோஜாச் செடிகள். வெள்ளை ரோஜா, கிரீம் நிறத்தில் ஒரு ரோஜா, மஞ்சளும் இளஞ்சிவப்புமாய் ஒரு ரோஜா, சிவப்பு ரோஜா, ஃபேண்டா நிறத்தில் ஒரு ரோஜா, பன்னீர் ரோஜாச்செடி ஒன்று என்று மொத்தம் 6 ரோஜாச்செடிகள். இரண்டு சிவப்பு இட்லிப்பூச்செடிகள், இரண்டு வெள்ளை இட்லிப்பூச்செடிகள், சிவப்பு நாட்டுச் செம்பருத்திச் செடி 1, அடுக்குச் செம்பருத்தி 1, வெள்ளைச் செம்பருத்தி 1, மஞ்சளும், வெள்ளையுமாய் செவ்வந்திப்பூச்செடி 1, மஞ்சளுமில்லாத, சிவப்புமில்லாத நடுவாந்திர நிறத்தில் கேந்திப்பூச்செடிகள் பல. (கேந்திப்பூச்செடிகளை மட்டும் விலைக்கு வாங்கவில்லை, கிணற்றடியில் கண்டெடுத்தேன்) ஜாதிமல்லிப்பூச்செடி ஒன்று, மரமல்லி ஒன்று என்று வாங்கிக் குவித்திருந்தோம். வாங்கிய ஜோரில் இவை அனைத்துடனும் தினமும் காலையில் முழுதாய் அரைமணி நேரம் செலவளித்துப் பேசிக்கொண்டிருக்கும் வழக்கம் எனக்கிருந்தது. 

செடிகளுடன் பேசுவதென்பது புதிதாய் பெற்றெடுத்த குழந்தையுடன் பேசுவதைப் போன்ற அதீத ஆனந்த அனுபவம் தரத்தக்கது.

காலையில் ஒரு கையில் ஆவி பறக்கும் சூடான காஃபியுடன் சென்று மொட்டைமாடியில் வரிசை கட்டி தொட்டியில் அணிவகுத்திருக்கும் பூச்செடிகளின் மத்தியில் அமர்ந்தேன் என்றால், அவைகளின் சின்னஞ்சிறு அசைவும் கூட எனக்குப் பேச்சுக் கச்சேரி தான். மஞ்சள் ரோஜாக்கிளையின் மீது பரவத் துடிக்கும் சிவப்பு ரோஜாக்கிளையை கண்டித்து சின்னஞ்சிறு நூல்கொண்டு அதற்கு வலிக்காது சேர்த்துக் கட்டி இனிமே ‘இந்தப்பக்கம் வந்தா இப்படித்தான்’ என்று மெலிதாகக் கண்ணை உருட்டி கள்ளப்புன்னகையுடன் மிரட்டும் போது எனக்கே என்னைப்பார்த்து, ‘ஹே பைத்தியம் முத்திடுச்சு போல இருக்கே’ என்று தான் தோன்றும். ஆனாலும் செடிகளுடன் பேசுவதில் ஒரு ஆனந்தம்.

அடுத்து நகர்ந்தால் பன்னீர் ரோஜாச்செடி... பச்சிளங்குழந்தையின் பிஞ்சுப் பாதமொத்த வெளிர் ரோஸ் நிறத்தில் விரியத் துவங்கி இருக்கும் அதன் மொட்டுக்களைக் கண்டால் தானாய் முகம் பல்ப் போட்டது போல ஒளிரத் தொடங்கிவிடும் எனக்கு. மொத்தம் எத்தனை மொட்டுக்கள் என்று எண்ணி வைத்துக் கொண்டு கொஞ்சம் தேங்காய்நார் + மட்கிய இலைகளை மேலாகத் தொட்டியில் தூவி பூவாளித்தண்ணீரால் அதன் உடலுக்கு அபிஷேகம் செய்தால் குழந்தையை மிருதுவாக குளிப்பாட்டிய திருப்தி கிடைக்கும். ‘இன்னும் நல்லா வளரனும் சரியா! இன்னும் நிறைய மொட்டு விடனும் கேட்டியா?!’ என்று செடியைப் பட்டும் படாமலும் ஆசையாக வருடி நகர்கையில் மனதுக்கு இதமாயிருக்கும்.

அடர்சிவப்பு ரோஜா என் சின்ன மகளுக்கு ரொம்பப் ப்ரியமானது. உச்சிக் குடுமியில் தினமொரு ரோஜாவைக் கொய்து சூடி மகிழ அத்தனை ஆசைப்படுவாள். இத்தனைக்கும் அப்போது அவளுக்கு 2 வயது கூட நிரம்பியிருக்கவில்லை. காலையில் துயில் எழும்போதே ‘ம்மா... ரோஜாப்பூ பார்க்கப் போலாமா!’ என்று தான் எழுந்து வருவாள். என் குழந்தைக்காகத் தான் என்றாலும் செடியில் இருந்து ரோஜாக்களைப் பறிக்கும் போது மனசு வலிக்கும். 

‘ஐயோடா... பாப்பாக்குத்தானே பறிக்கறேன், என்ன மன்னிச்சுக்கடி குட்டிப்பூவே! பாப்பா வளர்ந்ததும் உன்னைப் பறிக்க மாட்டேனாம், என் செல்லம்ல, எம்பட்டுல்ல!’ என்று கொஞ்சிக் கெஞ்சி தினம் ஒரு பூப்பறித்து பாப்பா தலையில் சூட்டி விடுவேன்.

பூக்கள் மட்டுமல்ல, துளிர் விடும் அதன் தளிர்கள் தரும் இதம் இருக்கிறதே அது பேரானந்தம்.

மாந்தளிர் நிறத்து துளிர்கள் என் வரையில் மிகச்சிறந்த ஸ்ட்ரெஸ் பர்ஸ்டர்கள்.

மனதில் எத்தனை சுமை இருந்தாலும் இந்தத் தளிர்களை ஒருமுறை கண் நிறைக்கப் பார்த்தால் போதும் சட்டென்று சுமை இறங்கி மனம் லேசாகிப் பறக்கத் தொடங்கி விடும்.

மனதில் என்ன கஷ்டம் இருந்தாலும் இவர்களிடம் இறக்கி வைக்கலாம். இறக்கி வைப்பதென்றால் செடிகளிடம் வந்து நின்று கொண்டு கஷ்டங்களைச் சொல்லிப் புலம்புவதென்று அர்த்தமில்லை. அப்படியெல்லாம் செய்தீர்களென்றால் பிறகு நம் கஷ்டங்களின் சுமை தாங்காது செடிகள் பட்டுப் போய்விடக்கூடும். அப்படிச் செய்யவேண்டியதில்லை. மனம் சுமையேறி பாரமாய் உணரும் போது சும்மா வந்து செடிகளின் அருகில் நின்று பாருங்கள். செடிகளுடனான உறவு இறுகும் போது பேசவேண்டிய அவசியம் கூட இல்லை. சும்மா நின்றாலே போதும் பூச்செடிகள் நம்மை உணர்ந்து நம் சோகத்தை பெருமளவு குறைத்து விடும்.

பூச்செடிகளுடன் ஒரே ஒரு கற்பூர வல்லிச் செடியையும் வளர்த்துப் பார்க்கலாம். சர்வரோக நிவாரணி அது! இரண்டு இலைகளைத் தண்டுடன் கிள்ளி நட்டு வைத்தாலே போதும் அப்படியே அடுக்கடுக்காகக் கிளைக்கத் தொடங்கி விடும். அதன் வாசம் இருக்கிறதே... ஆஹா புத்துணர்ச்சி பொங்கிப் பிரவகிக்க ஒரே ஒரு கற்பூர வல்லியை ஜன்னல் திட்டுத் தொட்டியிலாவது வளர்த்துப் பாருங்கள் நீங்களே உணர்வீர்கள்.

கற்பூர வல்லியுடன் ஒரே ஒரு துளசிச் செடியும் இருந்தால் போதும் சாதாரண ஜலதோஷத்திற்கெல்லாம் கூட டாக்டரிடம் செல்லக்கூடிய சிரமத்தைக் குறைக்கலாம்.

இந்தச் செம்பருத்தி இருக்கிறாளே, அவள் நாட்டுப்புறத்தாளோ, நகரத்து அடுக்குச் செம்பாவோ எப்படி இருந்தாலும் அவள் அழகு தான். அவளைக் கொய்து பூஜைக்கு வைத்து விடுவார் அப்பா. பறிக்காமல் செடியில் வைத்தும் பூஜிக்கலாமே அப்பா என்று பலமுறை சொல்லத் தோன்றியதுண்டு. ஆனால், சொன்னதில்லை. பூக்களைக் கொய்து பூஜிப்பது அவரது நம்பிக்கை, கொய்யாமல் செடியிலேயே விட்டு பூஜிப்பது என் நம்பிக்கை :)

இட்லிப்பூ இருக்கிறதே அது நம் வீட்டு சேட்டைக்கார குட்டி வாண்டு மாதிரி.... தொட்டியில் பாதியும், தரையில் மீதியுமாய் குட்டிக்குட்டிப் பூக்களைச் சொரிந்து வைக்கும், பார்க்கக் கொள்ளை அழகு தான். ஆனால் ஏனோ கறுப்பு எறும்பும், சிவப்பு எறும்புமாய் அதன் வாசத்துக்குப் படை எடுத்து வரும். அதை விரட்ட எனக்குக் கொஞ்சம் சலிப்பு. ஏண்டீ இப்படி பூக்களைச் சொரிந்து வைக்கிறாய்? சும்மா இருக்க மாட்டாயா? என்று மெல்லத் தலையில் குட்டி காய்ந்த சிறுமலர்களை முறத்தில் வாரிக் கொட்டி விட்டு ‘அம்மாடியோவ், இம்மாம்பூவைக் கொட்டிட்டியா இன்னைக்கு?!’ என அதற்கு திருஷ்டி வழித்துச் சொடக்குப் போட்டால் தான் எனக்குத் திருப்தி!

இந்த ஜாதிப்பூ இருக்கிறாளே! அவளுக்குத்தான் எத்தனை குறும்பு! சாயந்திரமானால் போதும் வாசம் மயக்கி இழுத்துச் சென்று தன்னருகில் நிற்க வைத்து விடுவாள்.

கேந்திப்பூச்செடிகளை அவர்கள் குட்டிச்செடிகளாக இருக்கையிலேயே நான் கிணற்றடியில் இருந்து காபந்து பண்ணி கொத்தாகப் பறித்து வந்து தனித்தனியே நட்டு வைத்தேன். நட்ட செடிகள் வளர்ந்தன...வளர்ந்தன... வளர்ந்தனவே தவிர பூக்கக் காணோம். பலமுறை பாட்டியும், அம்மாவும் அதைப் பறித்து தூர வீசி விட்டு அந்த இடத்தில் தக்காளியோ, கொத்தவரையோ நடலாமே என்று யோசித்துக் கொண்டிருந்தார்கள். நான் விடவே இல்லை. இருக்கட்டும்... மலராத செடியாகவே கூட இருந்து விட்டுப்போகட்டும் அதை பறித்து வீச மட்டும் கூடவே கூடாது என்று பிடிவாதமாய் இருந்ததில்... செடி  வைத்துப் பல மாதங்கள் கடந்த நிலையில் ஒருநாள் காலை வெயிலில் முதல் மஞ்சள் மொட்டு கண் பட்டுச் சிரித்தது.

அடைந்த ஆனந்தத்துக்கு அளவே இல்லை. என்னவோ சொந்த மகள் வயதுக்கு வந்த சேதி கேட்ட அன்னையாக மனம் முழுக்க சந்தோஷம் பரவி கேந்திச்செடிகளைச் சுற்றிச் சுற்றி வந்து தொட்டுப் பார்த்து மொட்டுக்களை எண்ணிக் கொண்டிருந்தேன். அப்புறம் கேட்பானேன்... பூக்களாகப் பூத்துத் தள்ளி விட்டுத்தான் ஓய்ந்தது கேந்தி!

கேந்தியோடு ஒப்பிடுகையில் செவ்வந்தி சற்று சாத்வீகி. அவளது அடர் மஞ்சள் இவளுக்கு இல்லை. இவளது வெளிர் மஞ்சள் கண்ணுக்கு குளிர்ச்சியோ குளிர்ச்சி.

மரமல்லியை வீட்டுக்கு வெளியே தெருவில் நட்டிருந்தோம். பார்க்கப் பார்க்க கொள்ளை அழகு. 

இதெல்லாம் நான் பூச்செடி வளர்த்த கதை.... இந்த ஆர்வம் எனக்குள் வந்தது என் பாட்டியால்.

என் பாட்டிகள் அத்தனை பேருமே செடிப் ப்ரியர்கள்.  அம்மாவைப் பெற்ற பாட்டிக்கு காய்கறிச்செடிகளுடன் பேசும் வழக்கம் இருந்தது. காய்க்காத கத்தரி, வெண்டை, தக்காளி, பருத்தி இத்யாதி, இத்யாதி செடிகளுடன் எல்லாம் அவர் பேசிக் கொண்டிருப்பார். காய்த்துத் தள்ளிய செடியிடமும் பேசுவதற்கு அவரிடம் விஷயம் இருந்தது.

அப்பா வழிப்பாட்டிக்கு காய்கறிச் செடிகள் மட்டுமல்ல சற்று முன்னேறி தென்னை, கொய்யா மரங்களுடனும் வீட்டில் இருக்கும் சிற்றுயிர்களான பல்லி, கரப்பான் பூச்சி தெருவோரம் காணும் நாய், பூனை, கோழிகளென எல்லா உயிர்களுடனும் பேசும் வழக்கம் இருந்தது. இதையெல்லாம் பார்த்து வளர்ந்ததினால் எனக்கும் அந்தப் பழக்கம் தொற்றிக் கொண்டிருக்கலாம்.

எதுவானால் என்ன?

பாரதியின் ‘காக்கைக் குருவி எங்கள் ஜாதி நீள் கடலும் மலையும் எங்கள் கூட்டம்’ பாடலைப் போலத்தான் வாழ்க்கை சகலவிதமான பைத்தியக்காரத்தனங்களுடனும் சில நேரம் இன்பங்களும் சில நேரம் துன்பங்களுமாய் கழிந்து கொண்டிருக்கிறது.

இதில் எனக்கொரு சோகம் என்னவென்றால்?

ஓரிரு வருடங்களுக்கு முன்பு மே விடுமுறையில் அம்மா வீட்டுக்குச் சென்றிருந்த போது என் பூச்செடிகள் அத்தனையும் அருங்கோடையில் பட்டுப் போய் விட்டன.

வளர்க்கத் தெரியாதவள் பிள்ளை பெற்ற கதை தான்!  ஒரே வாரத்தில் திரும்பி வந்து பார்க்கையில் இரண்டொரு ரோஜாச் செடிகள் குற்றுயிரும், குலையுயருமாய் லேசான பசுஞ் சுவாசத்துடன் இருந்தன. அவற்றையேனும் காப்பாற்றி விடலாம் என்று பார்த்தால்...

நோ மை லார்ட் என் ரோஜாச்செடிகள் என்னை மன்னிப்பதாய் இல்லை. ஒரேயடியாக என்னை விட்டு விட்டுப் போய் விட்டன.

பட்டுப்போய் தொட்டியில் வேருடன் இறுகிப் போயிருந்த அந்தச் செடிகளை மனம் பதற செடியில் இருந்து பறித்து நீக்கி குப்பையில் கொட்டிய போது மனம் கனத்துப் போனது. அன்றைக்கு முழுவதும் மூட் அவுட். நார்மலாக ஓரு முழு நாள் தேவைப்பட்டது. பிறகு முடிவு செய்து கொண்டேன். இனிமேல் ரோஜாச் செடிகளை வளர்ப்பதில்லை என.

ஆம், என்னால் மீண்டும் ஒருமுறை ஆசையாசையாகச் செடிகளை வளர்த்து விடுமுறைக் காலங்களில் பராமரிக்க முடியாமல் இழக்க முடியாது என.

அண்டைவீட்டுக்காரம்மா சொல்கிறார். ஒரு பாட்டிலில் நீர் நிரப்பி சிறு சிறு துளையிட்டு செடிகளுக்கருகில் மாட்டி விட்டுச் சென்றிருந்தால் போதும் செடிகளைக் காப்பாற்றி இருக்கலாம் என. 

சென்னையின் வெயில் நாட்களைப் பற்றி எனக்கு நம்பிக்கை இல்லை. 

ஆனால் இதை நான் முழு மூச்சாக நம்புகிறேன்... செடிகளுடன் பேசுவதென்பது புதிதாய் பெற்றெடுத்த குழந்தையுடன் பேசுவதைப் போன்ற அதீத ஆனந்த அனுபவம் தரத்தக்கது!
 

]]>
சென்னை, கோடையில் வாட்டும் சென்னை வெயில், செடிகளுடன் பேசுவீர்களா?, செடிப் பேச்சு, habit of talking to plants, plant talk, talking to plant, rose plant https://images.dinamani.com/uploads/user/imagelibrary/2019/7/16/w600X390/TALKING_TO_PLANTS.jpg https://www.dinamani.com/lifestyle/lifestyle-special/2019/jul/16/habit-of-talking-to-plants-3193704.html
3210938 லைஃப்ஸ்டைல் ஸ்பெஷல் உங்களுக்கொரு உப்புமா கேள்வி... ரவை எதிலிருந்து கிடைக்குது பாஸ்! கஸ்தூரி ராஜேந்திரன், தேனி. Saturday, August 10, 2019 01:58 PM +0530  

சண்டே மார்னிங், இன்னைக்கு நான்வெஜ் டே. மார்னிங் சமைக்க காய்கறி எல்லாம் எதுவும் கிடையாது. மத்யான, வேற ஹெவி லஞ்ச் சாப்பிடப் போறோம். அதனால காலையில லைட்டா உப்புமா சாப்பிட்டா போதும்...

ராத்திரி திடீர்னு கெஸ்ட் வந்துட்டாங்க, சாப்பிடாம வேற வந்துட்டாங்க, சட்டுன்னு அவங்களுக்கு என்ன சமைச்சுத் தர்றது, அட ரவை இருக்கப் பயமேன், உப்புமா கிளறிப் போட்டுற வேண்டியது தான் வேறென்ன...

இப்படி சகல அவசரகாலத்துலயும் நமக்கு கை கொடுக்கக் கூடிய நண்பன் தான் இந்த உப்புமா. 

இந்தில உப்மா, கன்னடத்துல உப்பிட்டு, மராட்டில உபீட்... இந்த உபீட் இல்லாம இன்னைக்குத் தமிழர்கள் இல்லைன்னு ஆயாச்சு. அந்த அளவுக்கு உப்புமா நம்ம மக்களோட இரண்டறக்கலந்துருக்கு. ஒன்னுமில்லைங்க.... நஷ்டத்துல ஓடுற நிறுவனங்களை எல்லாம் உப்புமாக் கம்பெனின்னு சொல்ற அளவுக்கு அந்த வார்த்தையோட புழக்கமும் அதன் எளிமையும் நம்மை அத்தனை ஈர்த்திருக்குன்னு சொல்ல வந்தேன். அவ்வளவு தான்.

சரி இப்போ உப்புமா கிளறனும்னா நமக்கு என்னல்லாம் வேணும்?

முதல்ல ரவை வேணும்.

இந்த ரவை எதிலிருந்து கிடைக்குதுன்னு எப்போவாவது நீங்க யோசிச்சிருக்கீங்களா?

உப்புமா பண்ண பாம்பே ரவை, சொஜ்ஜி ரவை இல்லனா பன்சி ரவை தான் நாம இதுவரைக்கும் யூஸ் பண்ணிட்டு இருக்கோம். சில சமயம் அரிதா மக்காச்சோள ரவை, சம்பா கோதுமை ரவை, அரிசி ரவையைக் கூட பயன்படுத்துவாங்க சிலர். எல்லா ரவையுமே ஈஸியா டைஜெஸ்ட் ஆகக்கூடியது தாங்கிறதால இதை குழந்தைகள் முதல் பெரியவங்க வரை யார் வேணும்னாலும் மார்னிங் பிரேக் பாஸ்டாவோ இல்லனா ஈவினிங் ஸ்னாக்ஸ் அதர்வைஸ் நைட் டின்னருக்கு கூட சாப்பிடலாம்.

பொதுவா ரவை கோதுமைல இருந்து கிடைக்கிறதா சொல்றாங்க. சாதா கோதுமைக்கும் அதாவது நாம சப்பாத்தி, பூரி சுட்டுச் சாப்பிட பயன்படுத்துறோமே அந்த கோதுமைக்கும் ரவை தயாரிக்கப் பயன்படுத்தற கோதுமைக்கும் என்ன வித்யாசம்னா, இந்த கோதுமை வெரைட்டி முன்னதைக் காட்டிலும் கொஞ்சம் கடினமா இருக்குமாம். அதை உடைக்கவோ, அரைக்கவோ கொஞ்சம் மெனக்கெடனும்னு சொல்றாங்க. துரம் வீட்னு சொல்லப்படக்கூடிய அந்த கடினமான கோதுமையை உடைச்சுக் கிடைக்கிற பொருளை செமோலினா ரவைன்னு சொல்றாங்க. இந்த ரவையைத் தான் நாம பெரும்பாலும் உப்புமாக் கிளற பயன்படுத்திட்டு இருக்கோம். இதுக்கு நம்மூர்ல பாம்பே ரவை, சொஜ்ஜி ரவை, பன்சி ரவைன்னு வெவ்வேறு பெயர்கள் வழங்கி வந்தாலும் எல்லாமே ஒரே பொருளைத்தான் சுட்டுதுன்னு இனிமே நல்லா ஞாபகம் வச்சுக்குங்க.

சிலருக்கு ரவை, மைதால இருந்து கிடைக்குதோன்னு சந்தேகம் இருக்கலாம். இல்லை மைதா வேற, ரவை வேற. கோதுமை மணிகள் பலமுறை அரைக்கப்பட்டு, சுத்திகரிக்கப் பட்டு கிடைக்கக் கூடிய நைஸான பெளடர் தான் மைதா. மைதாவுக்கு வெள்ளை நிறம் கிடைக்க அதில் கெமிக்கல் எல்லாம் சேர்க்கப்படுது. ரவையில் அப்படி எதுவும் சேர்க்கப்படுவது இல்லைங்கறதோட இதில் நார்ச்சத்தும் அழிக்கப்படுவதில்லைங்கறது இதன் சிறப்புகளில் ஒன்னு.

அடுத்தபடியா ரவையிலிருந்து கிடைக்கக் கூடிய ஹெல்த் பெனிஃபிட்ஸ் என்னென்னன்னு தெரிஞ்சுக்கலாம் வாங்க...

ரவையில் புரதச் சத்து அதிகம். ரவா உப்புமா சாப்பிடும் ஒவ்வொருமுறையும் நம் உடம்புல 6 கிராம் அளவுக்கு புரதச் சத்து ஏறும்னு சொல்றாங்க. அதுமட்டுமல்ல இதில் விட்டமின் பி சத்தும் அதிகம். அதாவது கைக்குத்தல் அரிசியில் இருக்கறதா சொல்லப்படக்கூடிய  ஃபோலேட் மற்றும் தயமின் சத்துக்கள் ரவையிலும் உண்டாம். இது நம்மை ஆற்றலோடு இயங்க வைக்கறதோட மூளைச் செயல்பாட்டையும் அதிகரிக்கச் செய்யும்ங்கறாங்க. செமோலினா ரவையின் அடுத்த சிறப்பு அதிலிருந்து கிடைக்கக் கூடிய செலினியம்ங்கற வேதிப்பொருள். இது மிகச்சிறந்த ஆண்ட்டி ஆக்ஸிடன்டாகச் செயல்பட்டு இதய நோய்களை கட்டுப்படுத்தும் காரணியா விளங்குது.

ரவையில் ஒரே ஒரு விரும்பத் தகாத அம்சம்னா அதுல இருக்கற குளூட்டனைச் சொல்லலாம். குளூட்டன் ஃப்ரீ டயட் ஃபாலோ பண்றவங்க தயவு செய்து செமோலினா ரவையை தவிர்த்துடுங்க. 

]]>
RAVA, BOMBAY RAVA, SEMOLINA RAVA, BANSI RAVA, UPMA, UPPUMA, UPPITTU, UPEET, RAVA IDLY, RAVA LADDU, RAVA KESARI, SOJJI, https://images.dinamani.com/uploads/user/imagelibrary/2019/8/10/w600X390/upma33.jpg https://www.dinamani.com/lifestyle/lifestyle-special/2019/aug/10/how-is-rava-made-3210938.html
3204101 லைஃப்ஸ்டைல் ஸ்பெஷல் ‘ப்ரியமீனா மனோகரன்’  யூடியூப் வருமானத்தை சப்ஸ்கிரைபர்களுக்கே பகிர்ந்தளித்துக் கொண்டாடும் வித்யாச யூடியூபர்! ஜேசு ஞானராஜ் Wednesday, July 31, 2019 11:55 AM +0530  

"தனக்குப்போகத்தான் தான தர்மம்" ன்னு சொல்வாங்க. ஆனால், அமெரிக்காவின் நியூயார்க் நகரில் வசிக்கும் இந்த மதுரைக்காரப்  பெண்மணியோ, தன் Youtube subscriber களுக்குப் போகத்தான் மீதி  என்று, சமீபத்தில் தன் வருவாயில் ஒரு பெரிய பங்கை அவர்களுக்குக் கொடுத்து மகிழ்ந்திருக்கிறார். வேலை, குடும்பத்தை நிர்வகித்தல், Youtuber என்று பன்முகத்தன்மை கொண்ட இவருக்கு ஒரு வருடத்திற்குள்ளாகவே ஒரு லட்சத்திற்கும்  மேலான subscriber கள்.

"வணக்கம்" என்று இவர் சொல்லும் போதே, இவரின் Youtube சேனலை பார்ப்பவர்களுக்கு உற்சாகம் தொற்றிக் கொள்கிறது. மேற்கத்திய Halloween day முதல் நம்மூர் தீபாவளி வரை இவர் வெளியிட்டுள்ள அனைத்து வீடியோக்களுமே  தெறி ஹிட். தன் குடும்பம், Youtube சேனல் ஆரம்பித்தது, அதில் ஏற்பட்ட நெருக்கடியிலிருந்து மீண்டது எப்படி? என்று நம்முடைய  பல கேள்விகளுக்கு  உற்சாகமாகப்  பதிலளித்தார் "ப்ரியமீனா மனோகரன்" எனும் Youtube சேனலை நடத்தி வரும் ப்ரியமீனா மனோகரன் அவர்கள். 

இதோ அவரது பிரத்யேகப் பேட்டி...

அமெரிக்காவில் தமிழில் Youtube சேனல்... எப்படி?

நான் பக்கா மதுரைக்காரப் பொண்ணுங்க. கணவர் பெயர் செந்தில். அமெரிக்காவில் வேலை. நான் மதுரையில் உள்ள நேஷனல் இஞ்சினியரிங் காலேஜில் B.E  படித்தேன். படிப்பு முடிந்ததும் திருமணம். உடனே நானும் அவருடன் நியூயார்க் வந்துவிட்டேன். இங்கே ஒரு கம்பனியில் Project Coordinator ஆக இருக்கிறேன். மகன் ஆதர்ஷ்,  9 அம் வகுப்பு  படிக்கிறார். மகள்  சாராஸ் மழலையர் பள்ளியில்   படிக்கிறார். அளவான குடும்பம், சந்தோஷமான வாழ்க்கை.

Youtuber ஆகும் எண்ணம் எப்படி வந்தது?

நான் எங்க அம்மா மாதிரி, ஏதாவது பண்ணிக்கிட்டே இருக்கனும்னு நினைப்பேன். அதோட செயல்லயும் இறங்கிடுவேன். சனி மற்றும் ஞாயிற்று கிழமைகளில் சும்மா தானே இருக்கோம், ஏதாவது உருப்படியா பண்ணலாமேன்னு யோசிக்கும் போது கிடைச்சது தான் இந்த Youtube சேனல் ஆரம்பிக்கும் ஐடியா.

தொடக்கத்தில் உங்கள் குடும்பத்தினரின் ஆதரவு?

இந்த சேனலை ஆரம்பிக்கப்போறேன்னு சொன்னதும் என் கணவர் பச்சைக் கொடி காட்டியதோடு நிறைய யோசனைகளையும் கூறினார். அது எனக்கு உத்வேகமாக இருந்தது. உதாரணமாக, என்னோட பட்டுப் புடவைகள் கலெக்ஷன் பற்றி ஒரு வீடியோ போடச்சொன்னார். அது எவ்வளவு பெரிய ஹிட்டுன்னு அந்த viewing count ஐப் பார்த்தாலே உங்களுக்குப் புரியும்.

Turning Point னு சொல்வாங்களே! அது உங்களுக்கு எந்த வீடியோவில் வந்தது?

எங்க Anniversary கொண்டாட்டத்தை வீடியோவாக வெளியிட்டிருந்தேன். அந்த வீடியோ தான் எனக்குப் பல Subscriber களைப் பெற்றுத் தந்தது. பெட்ரோல் பங்க்ல காருக்கு பெட்ரோல் போடும் போது, கட  கடனு அந்த மீட்டர் ஓடுமே! அது மாதிரி 500, 600 னு என் Subscriber எண்ணிக்கைக் கூடிக்கொண்டே போனது. அந்த நாளை என்னால் மறக்கவே முடியாது. இந்த நேரத்தில் என்னுடைய அனைத்து Subscriber களுக்கும் நான் நன்றி சொல்லிக் கொள்கிறேன். 

எவ்வளவோ சேனல் இருக்க, உங்களோட இந்த Youtube சேனல் மிகவும் பிரபலமாக என்ன காரணம்னு நினைக்கிறீங்க?

தனித்துவம் தாங்க. நான் யாரையும் காப்பி அடிக்கிறதில்லை. அது மட்டுமல்ல. காப்பியடிக்கும் போது, நம் சுயத்தை இழந்து விடுகிறோம். ஒரு கட்டத்துக்கு மேல என்ன பண்ணனும்னு நமக்கே புரியாது. அதனால, எனக்கு என்ன வருமோ, அதைத்தான் நான் பண்றேன். இதை ப்ரியமீனா ஸ்டைல்னு வெச்சிக்கலாம். எனக்கு இது பிடிச்சிருக்கு.

பெண்களுக்கு பெரும் இடையூறாக இருக்கும் Harassment பிரச்சினையை  எப்படி உடைத்து வெளிவந்தீர்கள்?

தொடக்கத்தில் மிகவும் கஷ்டமாகத்தான் இருந்தது. மனதளவில் ரொம்ப சோர்ந்துவிட்டேன். அந்த சமயத்தில் என் கணவர் மிகவும் சப்போர்ட்டாக இருந்தார். அடுத்தடுத்து என் வீடியோக்கள் ஹிட்டாகி பார்வையாளர்கள் அதிகமானவுடன் என் சப்ஸ்கிரைபர்களே இந்த எதிர்மறையாளர்களுக்கு பதிலடி கொடுக்கத் தொடங்கிவிட்டனர். அது மட்டுமல்ல. Fake Id பெயரில் தப்பா கமெண்ட் போடுறவங்களைப்பத்தி தனியாக ஒரு வீடியோவே வெளியிட்டேன். அப்புறமென்ன! துண்டைக்  காணோம் துணியைக்  காணோம்னு ஓடிட்டாங்க. மதுரைக்கார பொண்ணாயிற்றே! தைரியமும் என் கூடவே பிறந்தது.

குடும்பத்தை நிர்வகித்தல், அலுவலக வேலை, Youtuberன்னு தொடர்ச்சியா இயங்கும் போது 24 மணி நேரம் போதுமா?

Scheduling ரொம்ப முக்கியம்னு நான் நினைக்கிறன். சுவர் இருந்தாத்தானே சித்திரம் வரைய முடியும். அதனால நான் Health க்கு ரொம்ப முக்கியத்துவம் கொடுக்கிறேன். அப்புறம் குடும்பம், அடுத்து வேலை அப்புறம் சனிக்கிழமைகளில் Youtue வீடியோ என்று நேரத்தைப் பிரிச்சுக்கிறதால எனக்கு ஈஸியா  Manage பண்ண முடியுது.

வாழ்க்கையில் முன்னேறத் துடிக்கும் பெண்களுக்கு உங்களின் Advice என்ன?

"மங்கையராய்ப்  பிறப்பதற்கே மாதவம் செய்திடல் வேண்டுமம்மா" னு கவிமணி சொன்னதை நல்லா ஞாபகத்துல வச்சுக்குங்க. அது தான் நம்மளோட மிகப்பெரிய ப்ளஸ். அடுத்து, தைரியமாய் செயல்ல இறங்குங்க. எட்டு எட்டா ஏறினா, இமய மலையும் நம் காலடியில் தான். அது மாதிரி, தினமும் ஒரு சதவீதம் வேலை செய்தாலே வருடக் கடைசியில்  365% வேலை செய்து முடித்திருப்போம். இது எத்தனை மடங்கு அதிகம்னு யோசிச்சிப் பாருங்க. அப்போ நீங்களே உங்க காலரைத் தூக்கி விட்டுக்குவீங்க.

உங்களின் எதிர்காலத்திட்டம்?

பணம் நிறைய சம்பாதிக்கணும்னு நான் என்னைக்குமே நினைச்சதில்லை. அதனால் தான் என்னுடைய வருமானத்துல ஒரு பங்கை என் Subscriber களுக்கு கொடுத்து, அவங்க மகிழ்ச்சியில நான் சந்தோஷப்பட்டுக்கிட்டேன். அவர்களுக்கு நான் என்றென்றும் கடமைப்பட்டிருக்கிறேன். குடும்பத்தைப் பொறுத்த வரையில் பிள்ளைகள் படிப்பில் ரொம்ப கவனமாக இருக்கிறேன். "பிள்ளைகளிடம் தோற்றுப் போவது தான் பெற்றவர்களுக்கு கிடைத்த மிகப்பெரிய வெற்றி" ன்னு சொல்வாங்களே! அந்த வெற்றிக்காக காத்திருக்கிறேன்.

சொல்லி வைத்து கில்லி அடிப்பது போல தன் வாழ்க்கையில் வேலை, குடும்பம், யூடியூபர் எனும் தனிப்பட்ட விருப்பம் போன்ற அத்தனை இலக்குகளையும் மிகச்சரியாக ஷெட்யூலிங் செய்து வைத்துக் கொண்டு அனைத்திலுமே வெற்றிகரமாக இயங்கிக் கொண்டிருக்கும் ப்ரியமீனாவின் ஆசைகள் நிறைவேற வாழ்த்துக்கள் கூறி விடை பெற்றோம்.

]]>
Priyameenamanoharan, youtube channel, youtuber, ப்ரியமீனா மனோகரன், யூடியூபர், யூடியூப் சேனல், https://images.dinamani.com/uploads/user/imagelibrary/2019/7/31/w600X390/priya_meena_manoharan.jpg https://www.dinamani.com/lifestyle/lifestyle-special/2019/jul/31/youtuber-priyameena-manoharan-announced-we-are-planning-for-100-dollar7000-for-5-winners-3204101.html
3203409 லைஃப்ஸ்டைல் ஸ்பெஷல் ‘மேன் வெர்சஸ் வைல்ட்’ புகழ் பியர் கிரில்ஸுடன் பிரதமர் மோடியின் வனப்பிரவேஷம்! - பிஸ்மி பரிணாமன் Tuesday, July 30, 2019 01:08 PM +0530  


இம்முறை இந்தியப் பிரதமர் மோடிக்கு முக்கியத்துவம் கொடுத்து   தயாரிக்கப்பட்டிருக்கிறது டிஸ்கவரி சானலின்  'மேன்  வெர்சஸ்  வைல்ட்'

பிரதமர்  மோடி குறித்த  திரைப்படம்   விவேக் ஓபராய் நடித்து சமீபத்தில் வெளியானது. அதைத் தொடர்ந்து, யாரும் நினைத்துப் பார்க்கமுடியாத  விஷயத்தை  பிரதமர்  நரேந்திர  மோடி செய்து முடித்திருக்கிறார்!

டிஸ்கவரி சானலின்  'மேன்  வெர்சஸ்  வைல்ட்'  (MAN  Vs  WILD)  டிவி நிகழ்ச்சியில்,  மோடி... மோடியாகவே  பங்கேற்றுள்ளார்.     கொடிய  விலங்குகள் வாழும்  அடர்ந்த வனத்தை 360 டிகிரி மோடிக்கு சுற்றிக் காண்பிப்பதுடன் அவரது பாதுகாவலராகவும் 'சாகச வன வீரர்'  பியர் க்ரில்ஸ் மோடியுடன் பயணிக்கிறார்.  
உலகெங்கும்  பல்லாயிரக்கணக்கானவர்கள்  விரும்பிப் பார்க்கும் சின்னத்திரை நிகழ்ச்சி  'மேன்  வெர்சஸ்  வைல்ட்'. உயிருக்கு ஆபத்தான  அடர்ந்த  வனத்திற்குள்  எதிர் பாராத தருணங்களில்,  கொடிய விலங்குகளிடமிருந்து  எப்படி உயிர் தப்புவது? காட்டு விலங்குகள்  நடமாட்டத்தை எப்படித் தெரிந்து கொள்வது? காட்டினுள்  சிக்கிக் கொள்ளும்  மனிதன் எப்படியெல்லாம் உயிர் வாழ முடியும்? காட்டில்  தனியாக சிக்கிக் கொண்டால் தற்காப்பிற்காக  என்ன செய்ய வேண்டும்? பாதுகாப்பிற்காக ஆயுதங்கள்  கொண்டு போகாத சூழ்நிலையில் காட்டிலிருந்து  தந்திரமாகத் தப்பித்து வருவது  எப்படி? போன்ற சுவாரஸ்யமான கேள்விகளுக்கான பதில்களை பிரதமர் மோடியுடன்  பியர் க்ரில்ஸ் இந்நிகழ்ச்சி மூலமாகப் பகிர்ந்து கொள்கிறார்.

பியர் க்ரில்ஸ்   தனது   சாகச  நிகழ்ச்சிகளில் மலையிலிருந்து  கீழே குதிப்பது, பாய்ந்தோடும் ஆற்றில்  அட்டகாசமாக நீந்துவது, பசிக்கு  விலங்குகளை வேட்டையாடி உண்பது  போன்றவற்றை படமாக்கியிருப்பார்.  இவரது சாகசங்களைப் பார்க்க பல்லாயிரக்கணக்கானவர்கள்  டிஸ்கவரி சானல் முன் ஆஜராகிவிடுகிறார்கள். இந்த நிகழ்ச்சியில்  நிச்சயம் வன விலங்கு வேட்டையை மோடியின் முன்னிலையில்  பியர் க்ரில்ஸ் நடத்தியிருக்கமாட்டார் என்று நம்பலாம்.

ஆகஸ்ட் 12, இரவு ஒன்பது மணிக்கு   டிஸ்கவரி சானலில் காண்பிக்கப்படவிருக்கும்  நிகழ்ச்சியின்  முன்னோட்டமாக  டீசர் ஒன்று  நேற்று (ஜுலை 29 ) 'சர்வதேச புலிகள் பாதுகாப்பு தினத்தை' ஒட்டி சமூக தளங்களில்  வெளியாகியுள்ளது.  

 

 

'இந்தியப்  பிரதமர் மோடி  பங்கேற்கும்  இந்த நிகழ்ச்சி 180 நாடுகளில்  ஐந்து மொழிகளில்  ஒளிபரப்பாகும். இந்த நிகழ்ச்சி மூலம் உலக மக்கள் இதுவரை அறிந்திராத  பிரதமர் நரேந்திர மோடியின்   இன்னொரு பக்கம்  தெரியவரும். வன விலங்குகளின் பாதுகாப்பு மற்றும் சுற்றுச்சூழல் மாற்றம் பற்றிய விழிப்புணர்வை ஏற்படுத்தவே மோடி  இந்திய வனப்பகுதிக்குள்  சென்று  இயற்கையை தரிசித்து வந்துள்ளார்' என்று   தனது  ட்விட்டர் பக்கத்தில் பியர் க்ரில்ஸ் தெரிவித்துள்ளார். 

பியர் க்ரில்ஸ் தயாரித்திருக்கும் சாகச  நிகழ்ச்சிகளில், அமெரிக்காவின் முன்னாள் குடியரசு தலைவர் பராக் ஒபாமா, ஆங்கில நடிகை  'டைட்டானிக்' புகழ் கேட் வின்ஸ்லெட், டென்னிஸ் வீரர்  ரோஜர் ஃபெடெரர் போன்றோரும்  பங்கேற்றுள்ளனர். 

நிகழ்ச்சியில்  வனத்திற்குள்   மோடி  பியருடன் நடைப்பயணம் செய்வதுடன்,  ஆற்றில் தெப்பம்  செலுத்துகிறார். தற்காப்பிற்காக மூங்கிலைப் பயன்படுத்தி  ஈட்டி மாதிரியான ஆயுதம் செய்து கொள்கிறார். நிகழ்ச்சியில், "உங்களுக்காக  இந்த ஈட்டியை நான் ஏந்தி வருகிறேன்"  என்று பியரிடம் மோடி சொல்கிறார். அதற்கு "நீங்கள் இந்தியாவின் வெகு முக்கியமானவர். எனது தலையான வேலை உங்களை பாதுகாப்பதுதான்" என்று பதிலுக்கு பியர் சொல்கிறார்.

உத்திராகாண்ட் மாநிலத்தில்  இருக்கும் ஜிம் கார்பெட்  தேசிய வனப்பூங்காவில்  இந்தச் சிறப்பு நிகழ்ச்சி  'உள்ளது உள்ளபடி' இயல்பாக படமாக்கப்பட்டுள்ளது. விரல் விட்டு எண்ணக்   கூடிய சிறு படக் குழுவினருடன்  பியர் படப்பிடிப்பை நடத்தி முடித்துள்ளார்.

"இந்த நிகழ்ச்சி, இந்தியாவிலுள்ள அடர்ந்த பசுமையான காடுகள், அழகான மலைகள், ஆர்ப்பரிக்கும் நதிகளை உலக மக்களுக்கு விருந்தாகப் படைத்து இவற்றைக் காண வெளிநாட்டுப் பயணிகளை இந்தியாவிற்கு அழைத்து வரும்" என்கிறார் மோடி.  ரஷ்ய அதிபர் புடின்  இந்த மாதிரியான அதிரடி சாகச  டிவி நிகழ்ச்சிகளில் பங்கேற்றுள்ளார். இந்த 'மேன் வெர்சஸ் வைல்ட்' நிகழ்ச்சியானது,  வனத்திற்குள்  அலைந்து திரியும் மோடி நல்ல திடகாத்திரமாக இருக்கிறார்  என்பதை  மறைமுகமாகச் சொல்கிறது.  

"பல ஆண்டுகளாக நான் இயற்கையின் மடியில், அதாவது மலைகளில் காடுகளில்  வாழ்ந்திருக்கிறேன்.  அந்த  வாழ்க்கை என்னுள் பெரிய தாக்கத்தை ஏற்படுத்தியுள்ளது. அரசியலைத் தாண்டி,   'மேன் வெர்சஸ் வைல்ட்'  சிறப்பு நிகழ்ச்சியில் பங்கேற்க முடியுமா?  என்று அழைப்பு  வந்ததும், வனத்தில்   படம் பிடிக்கப்படும் நிகழ்ச்சி என்பதால்  இயற்கையையே மீண்டும் தரிசிக்க உடனே  ஒத்துக்க கொண்டேன்" என்று பிரதமர் மோடி  தனது  பங்கேற்பு குறித்துச்  சொல்கிறார். 

சென்ற  பிப்ரவரி 14 ஆம் தேதி புல்வாமாவில் பயங்கரவாதிகள் இந்திய ராணுவத்தின் மேல்  தாக்குதல் நடத்திய  போது, மோடி ஜிம் கார்பெட்  வனப்  பூங்காவில்  செய்திப் படத்திற்காக படப்பிடிப்பில் கலந்து கொண்டார் என்ற குற்றச்சாட்டு எழுந்திருந்தது. அந்த  செய்திப் படம்தான்  ஆகஸ்ட் 12  அன்று இரவு ஒளிபரப்பப்படவிருக்கும் 'மேன் வெர்சஸ்  வைல்ட்' என்று சொல்லப்படுகிறது. இந்த நிகழ்ச்சியின் முன்னோட்டம் வெளியானதும் இந்த நிகழ்ச்சிக்கு ஆதரவாகவும் விமர்சித்தும்  அநேக பதிவுகள்  வலைத்தளங்களில்  இடம் பெற்றுவருகின்றன. அதில் சாம்பிளுக்கு ஒன்று. மறைந்த  முன்னாள் பிரதமர் நேரு சொல்வதாக பதிவு செய்யப்பட்டுள்ளது. "மோடி என்னுடன் போட்டி போடுகிறாரா? நான் 'டிஸ்கவரி ஆஃப் இந்தியா'  என்ற பெயரில் இந்திய சரித்திரத்தை எழுதினேன். மோடியோ 'டிஸ்கவரி இந்தியா' சானல் நிகழ்ச்சியின் படப்பிடிப்பில் கலந்துகொண்டிருக்கிறார்."   

இந்திய வனப்பகுதியில் பிரதமர் மோடியைக் காண ஆகஸ்ட் 12 இரவிற்காகக் காத்திருப்போம்!

 

Image Courtesy: Bear Grylls twitter page
 

]]>
Man VS Wild with Bear Grylls and PM Modi : wait to watch till august 12!, PM Modi, BEAR GRYLLS, MAN VS WILD, AUGUST 12, பியர் க்ரில்ஸ், மேன் வெர்சஸ் வைல்ட், பிரதமர் மோடி, மோடியின் சாகஷப் பயணம் https://images.dinamani.com/uploads/user/imagelibrary/2019/7/30/w600X390/modi_man_vs_modi.jpeg https://www.dinamani.com/lifestyle/lifestyle-special/2019/jul/30/man-vs-wild-with-bear-grylls-and-pm-modi--wait-to-watch-till-august-12-3203409.html
3200726 லைஃப்ஸ்டைல் ஸ்பெஷல் க்ரைம் கதைகளின் முடிசூடா மன்னன் ராஜேஷ்குமாரின் 50 ஆண்டுகால எழுத்துப்பயணம்! கார்த்திகா வாசுதேவன் Friday, July 26, 2019 03:32 PM +0530  

50 ஆண்டுகளாகத் தமிழ் எழுத்துலகில் க்ரைம் அண்ட் டிடெக்டிவ் கதைகளின் மன்னனாக வெற்றிகரமாக இயங்கிக் கொண்டிருப்பவர் எழுத்தாளர் ராஜேஸ் குமார். 1980 ஆம் ஆண்டில் மாலைமதியில் வெளியான ‘வாடகைக்கு ஒரு உயிர்’ நாவலே அவருடைய முதல் நாவல். வாரப்பத்திரிகைகளில் எழுதப்படும் நெடுந்தொடர்கள் பிரசித்தி பெற்று விளங்கிய காலகட்டத்தில் கல்கண்டுவில் ராஜேஸ்குமார் எழுதிய ‘ஏழாவது டெஸ்ட் டியூப்’ எனும் தொடருக்கு மிகப்பெரிய வாசக வரவேற்பு கிடைத்தது. அதுவே அவர் எழுதிய முதல் தொடர். இவர் இதுவரை 1500 நாவல்கள், 2000 சிறுகதைகள், 250 தொலைக்காட்சித் தொடர்கள் எழுதி இருக்கிறார். இவற்றில் ஒரு எழுத்தாளர் 50 ஆண்டுகளில் இடைவெளியின்றித் தொடர்ந்து 1500 நாவல்கள் எழுதிக் குவித்திருப்பது உலக சாதனையாகக் கருதப்படுகிறது.

எழுத்துலகில் ராஜேஸ்குமாரின் பெருமை என்பது அவருக்கு கிடைத்திருக்கும் வாசகர்களை அடிப்படையாகக் கொண்டது. ஆம் இன்று மிகப்பெரிய நிறுவனங்களில் உயர்பதவிகள் வகிப்பவர்கள் முதல் ரயில்வே ஃப்ளாட்பார கூலிகள், துப்புறவுப் பணியாளர்கள் உள்ளிட்ட கடைநிலை ஊழியர்கள் வரை அவருக்கான பிரத்யேக ரசிகர்கள் உண்டு. இவரது நாவல்களை யார் வேண்டுமானாலும் வாசிக்கலாம், ஏனெனில் இவருடைய கதைக்களங்கள் பெரும்பாலும் அன்றாட  சமகாலநிகழ்வுகளை மையமாகக் கொண்டவை என்பதோடு இவர் கரண்ட் அஃபையர்ஸ் என்று சொல்லப்படக்கூடிய தற்கால நிகழ்வுகள் மற்றும் தொழில்நுட்ப அப்டேட்டுகளை எல்லாம் சடுதியில் கிரகித்துக் கொண்டு அதைத் தமது கதைகளில் பயன்படுத்தக் கூடியவர் என்பதால் இவரது கதைகளை வாசிக்கக் கூடிய சாமான்யர்களுக்கு கூட இஸ்ரோ, சேட்டிலைட், ஃபாரன்ஸிக் ரிப்போர்ட், எஃப் ஐ ஆர், டிடெக்டிவ் ஏஜென்ஸியின் செயல்பாடுகள் உள்ளிட்ட பல விஷயங்கள் அத்துப்படியாகி விடுகின்றன. எனவே இப்படி புதிது, புதிதாக எதையாவது அறிந்து கொள்ள வேண்டியாவது இவரை வாசிப்பவர்கள் அதிகரித்துக் கொண்டே சென்றார்கள். ராஜேஸ்குமாருக்கு வாசக ரசிகர்கள் குவிந்தது இப்படித்தான்.

கோயம்பத்தூர்க்காரரான எழுத்தாளர் ராஜேஸ்குமாரின் இயற்பெயர் கே.ஆர் ராஜகோபால். ஆனால், அதே பெயரில் அந்தக் காலத்தில் ஏற்கனவே இரண்டு எழுத்தாளர்கள் தமிழ் புனைவுலகில் கோலோச்சிக் கொண்டிருந்ததால் இவருக்கு வேறு பெயர் தேவைப்பட்டது. பெயர் தேடிக் கொண்டிருந்தவருக்கு சட்டென ஞாபகம் வந்தது சகோதரி மற்றும் மைத்துனரின் பெயர்களே. அப்படித்தான் ராஜேஸ்வரியில் இருந்து ராஜேஸையும் அனந்தகுமாரில் இருந்து குமாரையும் இரவல் வாங்கி ராஜேஸ்குமார் என்று புனைப்பெயர் வைத்துக் கொண்டு எழுதத் தொடங்கினார்.

1969 ல் முதல் சிறுகதை ‘உன்னை விட மாட்டேன்’  வெளிவந்தது.

ராஜேஸ்குமாரின் மாஸ்டர் பீஸ்கள் என்றால்...

  1. விவேக், விஷ்ணு, கொஞ்சம் விபரீதம்
  2. டிசம்பர் இரவுகள்
  3. நில் கவனி கொல்
  4. வெல்வெட் குற்றங்கள்
  5. உன்னுடைய கண்களுக்கு மட்டும்
  6. பூவில் செய்த ஆயுதம்
  7. நல்லிரவு வானவில்
  8. அபாயம் தொடு

போன்ற நாவல்களைச் சொல்லலாம். இவையெல்லாம் வசூல் விற்பனையை அடிப்படையாகக் கொண்டு சொல்லப்படும் பட்டியலாக இருக்கலாம் உண்மையில், மொத்தமுள்ள 1500 நாவல்களில் டாப் டென்னைத் தேர்ந்தெடுப்பது கொஞ்சம் கஷ்டம் தான். 

எழுத்தாளராவதற்கு முன்பு என்ன செய்து கொண்டிருந்தார்?

கோயம்பத்தூர்க்காரரான ராஜேஸ்குமார் ஆரம்பத்தில் ஆசிரியராக இருந்தார். பிறகு சில காலம் விற்பனைப் பிரதிநிதி வேலையும் பார்த்திருக்கிறார். ஆனால் வாரப்பத்திரிகைகளில் எழுதத் தொடங்கிய பிறகு வாழ்க்கை திசை மாறியது. 80 களில் ராஜேஸ்குமார் எழுதாத பத்திரிகைகளென்று எதுவுமே தமிழில் இல்லை எனும்படியாக அசுரகதியில் நாவல்களையும், நெடுந்தொடர்களையும், சிறுகதைகளையும் எழுதிக் குவித்தார் என்று சொல்லலாம். இந்தச் சிறப்பு அப்படியொன்றும் எளிதில் கிடைத்து விடவில்லை. பத்ரிகைகளுக்கு எழுதி அனுப்பிய கதைகள் பிரசுரமாகாமல் திரும்பி வந்த அனுபவங்கள் ராஜேஸ்குமாருக்கும் உண்டு. பிறகெப்படி தமிழ் எழுத்துச் சூழல் இவரை கொண்டாடத் தொடங்கியது என்றால்? அதற்குக் காரணமானவரை இன்றளவும் பெருமையுடன் நினைவு கூரத் தவறுவதில்லை ராஜேஸ்குமார்.

1980 களில் ஒருநாள் குமுதம் முன்னாள் ஆசிரியர் எஸ் ஏ பி அண்ணாமலை அவர்கள் எங்கோ செல்வதற்காக எக்மோர் ரயில்வே ஸ்டேஷன் சென்று ரயிலுக்காகக் காத்திருந்திருக்கிறார். அந்த நேரம் பார்த்து அங்கிருந்த போர்ட்டர்களில் ஒருவர் கையில் ராஜேஸ்குமாரின் நாவல் இருந்ததை அவர் அதிசயத்துடன் கண்டிருக்கிறார். அதிசயம் எதற்கென்றால்? அந்த போர்ட்டர் நாவலை வாசித்து முடிக்கும் ஆர்வத்தில் தன்னை அணுகிய வாடிக்கையாளர்களைக் கூட தவற விட்டுக் கொண்டிருந்திருக்கிறார். இப்படி ரயில்வே போர்ட்டர்களைக் கூட ஈர்க்கும்படியான எழுத முடியும் என்றால் அவரால் தமிழ்கூறும் நல்லுலகின் சாமான்ய வாசகர்கள் அத்தனை பேரையும் நிச்சயம் ஈர்க்க முடியும் என்று அந்த நிமிடத்தில் முடிவெடுத்து விட்டார் எஸ் ஏ பி. அப்படி வந்தது தான் மாலைமதியில் எழுதிய ‘வாடகைக்கு ஒரு உயிர்’ எனும் முதல் நாவல் வாய்ப்பு. இன்றைக்கு எண்ணிப்பார்த்தால் ராஜேஸ்குமாருக்கான ரசிகர்கள் தமிழ்நாட்டில் மட்டுமல்ல உலகெங்கும் தமிழ் எங்கெல்லாம் ஒலிக்கிறதோ அங்கெல்லாமும் அவரது நாவல்கள் பயணித்துக் கொண்டிருக்கின்றன.

ராஜேஸ்குமாரின் எழுத்தில் அப்படி என்ன ஸ்பெஷல்?

நாட்டு நடப்பு, உலக நடப்பில் அப்டுடேட்டாக இருப்பது தான் ராஜேஸ்குமார் ஸ்பெஷல். அது மட்டுமல்ல க்ரைம் கதைகள் எழுத வேண்டும் என்றால் அந்த தளத்தில் பயன்படுத்தப்படும் வார்த்தைகள் குறித்த தெளிவு இருக்க வேண்டும். அதற்காக இன்றைக்கு இணையத்தைப் பயன்படுத்திக் கொண்டாலும் 80 களில் எல்லாம் அப்படியான வாய்ப்புகள் இல்லாத காலகட்டத்தில் நேரடியாக கதையுடன் தொடர்பு கொண்ட துறைக்கு சம்மந்தப்பட்ட மருத்துவர்கள், காவல்துறை அதிகாரிகள்,  விஞ்ஞானிகள், அறுவை சிகிச்சை நிபுணர்கள் என யாரையும் சந்தித்து தனது சந்தேகங்களைத் தீர்த்துக் கொள்ளத் தயங்கியதில்லை இவர்.

இவரது நாவல்களில் மற்றுமொரு ஸ்பெஷல் என்னவென்றால் அப்போதெல்லாம் பெரும்பாலான எழுத்தாளர்களின் கதைக்களம் என்பது சென்னை, டெல்லி, மும்பை அல்லது அதையொத்த மற்ற பெருநகரங்கள் என்றிருந்த நிலையில் அதை மாற்றி கோயம்பத்தூரை மையமாக வைத்து அதிகப்படியான கதைகள் எழுதத் தொடங்கியவர் ராஜேஷ்குமாராகத்தான் இருக்க முடியும். இது கோயம்பத்தூரைப் பற்றி பிறமாநிலத்தில் வசிக்கும் தமிழர்கள் அறிந்துகொள்ள வசதியாக அமைந்து விட்டது. ஒருமுறை வெளிமாநில வாசகர் ஒருவர், கோவையில் இருக்கும் தன் வீட்டின் முகவரியைக்  கண்டறிந்து மிகச் சரியாக வந்திறங்கி தன்னைச் சந்தித்த போது, ராஜேஷ்குமாருக்கு மிகப்பெரிய ஆச்சர்யம், எப்படி அட்ரஸ் கண்டுபிடித்து வந்து சேர்ந்தீர்கள்? என்ற கேள்விக்கு, நீங்கள் உங்கள் நாவலொன்றில் குறிப்பிட்டிருந்த கோயம்பத்தூர் டோபோகிராபியின் (ஸ்தல விவரங்கள்) துணை கொண்டு இடம் கண்டுபிடித்து வந்து விட்டேன். என்றிருக்கிறார். அந்த அளவுக்கு ராஜேஸ்குமார் நாவல்களில் ஸ்தலம் குறித்த விவரங்கள் மிகத்தெள்ளத் தெளிவாக இருந்திருக்கின்றன என்பது பெருமைக்குரிய சாதனையே!

இவை தவிர, தமிழ் ரசிகர்களுக்கு தமிழ்வாணனின் சங்கர்லாலுக்குப் பிறகு புத்தம் புதிய துப்பறிவாளர்கள் தேவைப்பட்ட காலகட்டத்தில் விவேக், ரூபலா என்ற இரண்டு கதாபாத்திரங்களை உருவாக்கி அவர்களை நாவலை வாசிக்கும் ஒவ்வொருவருக்கும் நண்பர்களாக்கினார் ராஜேஸ்குமார்

க்ரைம் கதை மன்னராக 50 ஆண்டுகளைக் கடந்தும் வெற்றிகரமாக இயங்கிக் கொண்டிருக்கும் ராஜேஸ்குமார் தற்போது இணைய ஊடகமொன்றில் தொடர்கதை எழுதிக் கொண்டிருப்பதோடு தனது படைப்புகளுக்காக மட்டும் எக்ஸ்குளூஸிவ்வாக பதிப்பகம் ஒன்றையும் துவக்கி இருக்கிறார். அதில் தனது நாவல்கள், நெடுந்தொடர்களை அருமையான பதிப்பில் புத்தகங்களாகக் கொண்டுவரும் முயற்சியில் இருக்கிறார். இத்தனை ஆண்டுகால எழுத்துப்பணியில் உங்களை மிக மிக சந்தோஷத்தில் ஆழ்த்திய விஷயம் எது என்ற கேள்விக்கு;

சில நாட்களுக்கு முன்பு 95 வயது மதிக்கத்தக்க பெண்ணொருவர் என்னை அலைபேசியில் அழைத்தார். அவர் எனது நெடுநாள் வாசகியென்று தன்னை அறிமுகப்படுத்திக் கொண்டு என்னிடம் பேசத்தொடங்கினார். இன்றைக்கு அவருக்கு கண்பார்வை மங்கி விட்டது, புத்தகங்களை நேரடியாகத் தானே வாசிக்க இயலாத நிலை, ஆனபோதும், தன் பேத்தியிடம் என் நாவல்களைக் கொடுத்து அதைத் தனக்கு வாசித்துக் காட்டச் சொல்லி ரசிக்கும் அளவுக்கு அவருக்கு என் நாவல்கள் மீதான ஆர்வம் இன்னும் குன்றவில்லை என்றார். ஒரு எழுத்தாளராக இதை விட மிகப்பெரிய பாராட்டு எனக்கு என்ன வேண்டும் சொல்லுங்கள். அவர் என்னை அழைத்தது இதைச் சொல்வதற்காக அல்ல, நான் எழுதத் தொடங்கி 50 ஆண்டுகள் ஆகி விட்டது என்பதை அறிந்து அதற்காக வாழ்த்தத்தான் என்னை அவர் அழைத்திருந்தார். இதை விட எனது எழுத்துக்குரிய அங்கீகாரம் வேறென்ன வேண்டும்?! என்கிறார் ராஜேஸ்குமார்.

நிஜம் தான். 

இன்று எழுத்துலகில் ராஜேஸ்குமாரைத் தெரியாதவர்கள் யார்?

இன்றைக்கும் கூட தொலைக்காட்சித் தொடர்களில் புலன் விசாரணைத் தொடர்கள் எடுக்க வேண்டும் என்றால் உடனடியாக நினைவுக்கு வரக்கூடிய எழுத்தாளர்கள் பட்டியலில் நிச்சயம் ராஜேஸ்குமார் முதலிடத்தில் இருப்பார் என்பதில் யாருக்கும் ஐயமிருக்க முடியாது. அவருக்கு தினமணியின் சார்பாக வாழ்த்துக்கள்.

]]>
rajeshkumar, 50 not out, 50 years of writing journey, crime novel king, ராஜேஸ்குமார், க்ரைம் கதைகளின் முடிசூடா மன்னன், 50 ஆண்டு கால எழுத்துலகப் பயணம், https://images.dinamani.com/uploads/user/imagelibrary/2019/7/26/w600X390/1.jpg https://www.dinamani.com/lifestyle/lifestyle-special/2019/jul/26/crime-novel-king-writer-rajeshkumars-50-not-out-special-3200726.html
3199196 லைஃப்ஸ்டைல் ஸ்பெஷல் உயிர்பலி வாங்கிய ‘பெயின் கில்லர்’! கார்த்திகா வாசுதேவன் Wednesday, July 24, 2019 01:08 PM +0530  

 

இன்று நேற்றல்ல அலோபதி மருத்துவம் சரளமாகப் புழக்கத்துக்கு வந்த நாள் முதற்கொண்டே நம் மக்கள் வலி நிவாரணிகளை சர்வ சாதாரணமாகப் பயன்படுத்துவதை பழக்கமாக்கிக் கொண்டுள்ளனர். காய்ச்சலா ஒரு பாராசிட்டமால் போட்டுக்கங்க, தலைவலின்னா மெட்டாஸின், அனாஸின் போதும். உடல் வலியா... மளிகைக்கடையில் சாரிடான் கிடைக்கும் வாங்கிப் போட்டுக்கிட்டு போர்த்திப் படுங்க. 1 மணி நேரத்துல விட்டுடும். இப்படித்தான் அறிவுரைகள் சர்வசாதாரணமாக வழங்கப்படும். இந்த அறிவுரைகளை நாம் தலைமுறை தலைமுறைகளாக கடத்திக் கொண்டிருப்பது தான் வேடிக்கை. அந்த வேடிக்கை சில நேரங்களில் உயிர்ப்பலியில் கொண்டு விட்டுவிடும் போது தான் அந்தப் பழக்கத்தின் அபத்தம் சுடுகிறது.

எத்தனை பட்டும் திருந்தாவிட்டால் எப்படி?

இதோ நேற்றுக்கூட அம்பத்தூரில் குமார் என்ற 43 வயது இளைஞர் ஒருவர் ஒரே வாரத்தில் ஓரிரு நாட்கள் இடைவெளிவிட்டு விட்டு வலிநிவாரணி மருந்தை இஞ்செக்சன் மூலமாக தொடர்ந்து 3 முறை எடுத்துக் கொண்டதில் இசகு பிசகாகி அது மாரடைப்பில் கொண்டு விட்டுள்ளது.

சிகிச்சைக்காக அவரை தனியார் மருத்துவமனைக்கு கொண்டு சென்ற போது குமார் ஏற்கனவே இறந்து விட்டார் என்று அங்குள்ள மருத்துவர்கள் தெரிவித்திருக்கிறார்கள். பிரேதப் பரிசோதனையின் பின்னரே குமாரின் மரணத்திற்கான காரணம் என்னவென்பது தெரிய வரும்.

ஆயினும் குமார் மயங்கி விழுந்தது வலி நிவாரணி இஞ்செக்‌ஷன் எடுத்துக் கொண்ட பிறகே என்பதாலும், குமாருக்கு அந்த இஞ்செக்‌ஷனைப் போட்டு விட்டது அவர் மருந்து வாங்கிய மருந்தக உரிமையாளர் என்பதாலும் அவரைக் கைது செய்திருக்கிறது காவல்துறை. காரணம் குமாருக்கு போடப்பட்ட இஞ்செக்‌ஷன் மருந்தின் வீரியம் அவருக்கு மருத்துவர் பரிந்துரைத்த அளவைக் காட்டிலும் அதிகம் என்பதால். 

மருந்தக உரிமையாளர் இப்படிச் செய்திருக்கக் கூடாது. சட்டப்படி அது தவறு. 

மருத்துவர் மருந்துச்சீட்டில் பரிந்துரைத்த மருந்தையே நோயாளிகளுக்கு விற்பதாக இருந்தாலும் கூட ஒரே வாரத்தில் அந்த மருந்தை 3 முறை எடுத்துக் கொள்ளக் கூடாது என்பது மருந்தாளுனருக்கு நிச்சயம் தெரிந்திருக்கும், அப்படி இருக்கும் பட்சத்தில் நோயாளி வலி தாங்காமல் எத்தனை தூரம் வற்புறுத்திய போதும் கூட அந்த மருந்தாளுனர் கண்டிப்பாக மறுத்திருக்க வேண்டும். மருந்தின் வீரியம் பற்றிய பொறுப்புணர்வு இன்றி விற்பனை செய்ததால் அவர் தனது கடமையில் இருந்து தவறியவர் ஆகிறார். எனவே காவல்துறையினர் அவரைக் கைது செய்து விசாரித்திருக்கிறார்கள்.

விசாரணையின் போது, குமார் தோள்பட்டை மற்றும் கழுத்து வலியால் தொடர்ந்து அவஸ்தப்பட்டு வந்ததனால் தனது மருந்தகத்துக்கு வந்து வலிநிவாரணை மருந்துகளை வாங்குவதும், இஞ்செக்‌ஷன் போட்டுக் கொள்வதும் வழக்கம் தான் என்றும் சம்பவ தினத்தன்று மருந்தின் வீரியம் குறித்து தான் எடுத்துச் சொல்லியும் கூட கேட்காமல் இஞ்செக்‌ஷன் போடச்சொல்லி வற்புறுத்தியதால் வேறு வழியின்றி தான் அவ்விதமாகச் செய்ததாகவும் இதில் தன் தவறு எதுவும் இல்லை என்றும் அவர் தெரிவித்திருக்கிறார்.

ஆனால், வலி நிவாரணை இஞ்செக்‌ஷன் எடுத்துக் கொண்டதும் சில நிமிடங்களில் குமார் மயங்கி விழுந்தது இவரது மருந்தகத்தில் தான் என்பதால் குமாரின் குடும்பத்தார் மருந்தக உரிமையாளரின் மீது புகார் அளித்ததில் இப்போது கம்பி எண்ணிக் கொண்டிருக்கிறார் மருந்தக உரிமையாளரான பாஸ்கரன்.

இதில் தவறு இரண்டு பக்கமும் இருந்த போதும் குமார் இப்போது உயிருடன் இல்லை என்பதால் மருந்தக உரிமையாளர் பாஸ்கரன் மீதான கோபம் குமார் குடும்பத்தாருக்கு அதிகரித்திருக்கிறது.

இந்த வழக்கின் விசாரணை எப்படிச் செல்லும் என்பதை கிடைக்கக் கூடிய ஆதாரங்கள் மற்றும் சாட்சிகள் தீர்மானிக்கும். எனினும் மருந்தாளுனர் பாஸ்கரனுக்கு நிச்சயம் தண்டனை கிடைக்க வாய்ப்பிருக்கிறது. 

மருந்தகம் நடத்துவதற்கான தகுதி பெற டி.ஃபார்ம் அல்லது பி ஃபார்ம் படித்திருக்க வேண்டும். மருந்துகளை கையாள்வதற்கான இந்த டிகிரி இருந்தால் மட்டுமே மருந்தகம் நடத்துவதற்கான உரிமம் அரசால் வழங்கப்படும். ஆனால் நம் நாட்டில் அப்படி முறைப்படி உரிமம் பெற்றவர்கள் மட்டும் தான் மருந்துக்கடைகளை நடத்துகிறார்களா? என்றால்? இல்லை என்பதே பதில்.

அரசை ஏமாற்றி உரிமம் பெறுவதற்காக டி ஃபார்ம், பி ஃபார்ம் படித்தவர்களின் சான்றிதழ்களை இரவல் பெற்று அவர்களையும் மருந்தகத்தில் ஒரு கூட்டாளியாக்கி முதலில் கடையைத் தொடங்கி விட்டு பிறகு தாங்களே சுயமாக மருந்தகங்களை நிர்வகித்து வருபவர்கள் கணிசமானோர் இங்கிருக்கிறார்கள். தவறான மருந்துகள் அளித்து பெரிய அளவில் பிரச்னைகள் எழாதவரை அவர்கள் குறித்தான புகார்கள் எழுப்பப்படுவதில்லை. அதனால் தான் நம் நாட்டில் போலி மருந்தாளுனர்கள் மேலும் மேலும் அதிகரித்து வருகிறார்கள். இவர்களால் உயிர்பலிகள் ஏதும் நிகழாத வரை மக்கள் விழிப்புணர்வு அடைவதே இல்லை. 

இந்த அம்பத்தூர் சம்பவத்தை எடுத்துக் கொள்ளுங்கள். மருந்தக உரிமையாளர் பாஸ்கரன் வெறும் +2 தான் படித்திருக்கிறார். ஆனால், ஒரு மருத்துவரைப்போலவோ அல்லது மருத்துவம் அறிந்த கம்பவுண்டர் போல தன்னை எண்ணிக் கொண்டு நோயாளிக்கு இஞ்செக்‌ஷன் போட்டிருக்கிறார். அதையும் அவர் முழு விவரத்துடனோ அல்லது பொறுப்புணர்வுடனோ செய்ததாகத் தெரியவில்லை. இப்படியான குற்றங்கள் எல்லாம் நடக்காமல் தடுக்க வேண்டும் எனில் தமிழ்நாட்டில் நகரங்கள் மட்டுமல்ல கிராமங்களில் உள்ள மருந்தகங்களின் உரிமங்களும் கூட அடிக்கடி சரிபார்க்கப்பட வேண்டும். மருந்தாளுனர்களின் தகுதியும் அடிக்கடி ஆய்வுக்கு உட்படுத்தப்பட வேண்டும். தகுதியற்ற மருந்தக உரிமையாளர்கள், போலி டாக்டர்களைக் கண்டறிய இந்த கள ஆய்வுகள் உதவும்.

இதெல்லாம் போலி மருந்தாளுனர்கள் மற்றும் மருந்தகங்களை ஒழிக்கப் பயன்படலாம். அதைத்தாண்டி இவர்களால் உயிர்ப்பலி நேராமல் தடுக்க வேண்டுமெனில் மக்களுக்கு வலி நிவாரணிகள் குறித்த விழிப்புணர்வு கட்டாயம் தேவை. எடுத்ததெற்கெல்லாம் வலி நிவாரணிகளைத் தேடாமல் முறையான சிகிச்சை முறைகளைப் பின்பற்றும் நிதானம் தேவை. ஏனெனில், உடனடி நிவாரணம் தரக்கூடிய வலி நிவாரணிகளை டாக்டர்களின் ஆலோசனை இன்றி நாமே எடுத்துக் கொள்ளத் தொடங்கினோம் என்றால் சில சமயங்களில் அது மாரடைப்பில் கொண்டு நிறுத்தும் என அயல்நாட்டு ஆய்வு முடிவொன்று கூறுகிறது.

சமீபத்தில் இது குறித்து அமெரிக்காவின் மான்ட்ரீயல் பல்கலைக்கழகத்தைச் சேர்ந்த பேராசிரியர்கள் குழு ஆய்வொன்றை நடத்தி, முடிவுகளை வெளியிட்டனர்.

அந்த முடிவானது ’வலி நிவாரணிகளை, அளவுக்கு அதிகமாக நாம் எடுத்துக் கொள்ளத் தொடங்கினால், நாளடைவில் மாரடைப்பு வரும் வாய்ப்புகள் அதிகம் என்று கூறுகிறது. NSAID அல்லது ஸ்டீராய்ட் மாத்திரைகள், மருந்துகள் உள்ளிட்ட அனைத்திலுமே காக்ஸ் 2 என்ற வேதிப்பொருளை அதிகளவு உள்ளது. இவற்றால், நம் உடலின் ரத்த அழுத்தம் பன்மடங்கு அதிகரிக்கும் வாய்ப்புகள் அதிகமுண்டு. இறுதியாக இது மாரடைப்பில் கொண்டு விட 50 % வாய்ப்புகள் உண்டு என அந்த ஆய்வில் எச்சரிக்கப்பட்டுள்ளது.

எனவே இது போன்ற விபரீதமுடிவுகளைக் கண்ட பிறகாவது பொதுமக்களிடையே வலி நிவாரணிகளைப் பயன்படுத்துவது குறித்தான தெளிவு மேம்பட வேண்டும். இனியும் சாதாரண ஜலதோஷம், தலைவலி, முதுகுவலிக்கு வலிநிவாரணிகளை நாடும் போக்கு குறைய வேண்டும். அத்துடன் மருந்தாளுனர்களை அல்லது மருந்தகவம் வைத்திருக்கும் சாமான்யர்களைக் கூட மருத்துவராக எண்ணிக் கொண்டு கண்ட கண்ட வலி நிவாரணிகளை வாங்கி விழுங்கி வைக்கும் போக்கும் குறையவேண்டும்... இந்த விழிப்புணர்வு இருந்தால் மட்டுமே இத்தகைய விபரீதங்களைத் தடுக்க முடியும்.

]]>
Pain killer kills man in Ambathur!, உயிர்பலி வாங்கிய ‘பெயின் கில்லர்’ https://images.dinamani.com/uploads/user/imagelibrary/2019/7/24/w600X390/pain_killer2.jpg https://www.dinamani.com/lifestyle/lifestyle-special/2019/jul/24/pain-killer-kills-man-in-ambathur-3199196.html
3198517 லைஃப்ஸ்டைல் ஸ்பெஷல் தூத்துக்குடி கலெக்டருக்கு நன்றி... உருகும் மாற்றுத் திறனாளிகள்! (விடியோ) கார்த்திகா வாசுதேவன் Tuesday, July 23, 2019 01:01 PM +0530  

வேலை தேடிக் காத்திருக்காமல், தூத்துக்குடி மாவட்ட ஆட்சியர் உதவியுடன் தாங்களே வேலை வாய்ப்பை உருவாக்கிக் கொண்டு தங்களுக்குத் தாங்களே எஜமானர்களாகி பிறருக்கு முன்னுதாரணமாகி இருக்கும் 14 மாற்றுத்திறனாளிகளின் வெற்றிப் பயணத்தை இந்தக் காணொலி மூலம் அறிந்து கொள்ளலாம். தூத்துக்குடி மாவட்ட ஆட்சியர் அலுவலகத்தின் உள்ளே ‘ட்ரீம் கிச்சன்’ உணவகம் நடத்தி வரும் அந்த மாற்றுத்திறனாளிகளின் மன உறுதி வியக்க வைக்கிறது. மன உறுதியால் இவர்கள் பிற மாற்றுத்திறனாளிகளுக்கு மட்டுமல்ல நம் அனைவருக்குமே முன்னுதாரணங்கள் ஆகத் தகுந்தவர்கள்.

 

 

இந்தக் காணொலி உங்களுக்குப் பிடித்திருந்தால் தினமணி யூ டியூப் சேனலுக்கு சப்ஸ்கிரைப் செய்ய மறக்காதீர்கள்.

இது போன்ற பயனுள்ள சுவாரஸ்யமான காணொலிகளைக் காண தினமணி யூடியூப் சேனலுடன் தொடர்பில் இருங்கள்.

நன்றி!

Concept Courtesy: Inbaraj, Dinamani Kondattam magazine

Image courtesy: Inbaraj

]]>
தூத்துக்குடி கலெக்டர், சந்தீப் நந்தூரி, ட்ரீம் கிச்சன் உணவகம், மாற்றுத்திறனாளி உணவகம், thoothukudi collector, dream kitchen cafetoria, sandeep nanduri IAS, Thoothukudi, https://images.dinamani.com/uploads/user/imagelibrary/2019/7/23/w600X390/6.jpeg https://www.dinamani.com/lifestyle/lifestyle-special/2019/jul/23/தூத்துக்குடி-கலெக்டருக்கு-நன்றி-உருகும்-மாற்றுத்-திறனாளிகள்-விடியோ-3198517.html
3196562 லைஃப்ஸ்டைல் ஸ்பெஷல் ஆச்சர்யமென்ன? சல்மான் கானை கோர்ட் படியேற வைத்த பிஷ்னோய் பெண்களுக்கு மான்குட்டிகளும், பெற்றெடுத்த பிள்ளைகளும் ஒன்றே! கார்த்திகா வாசுதேவன் Saturday, July 20, 2019 03:06 PM +0530  

மான்குட்டிக்கு அமுதூட்டும் வட இந்தியப் பெண்ணொருத்தியின்  புகைப்படம் நேற்று முதல் இணையத்தில் ட்ரெண்ட் ஆகிக் கொண்டிருக்கிறது. அந்தப் பெண் ராஜஸ்தானைச் சேர்ந்த பிஷ்னோய் இனத்தைச் சேர்ந்த பெண். அவர்களது இனத்தில் மான்குட்டிகளுக்குப் பெண்கள் பாலூட்டுவது தொன்று தொட்டு இருந்து வரும் பழக்கம் தான்.

தனது ஒரு மார்பகத்தில் தான் பெற்ற குழந்தைக்கும், மறுமார்பில் புதிதாய் பிறந்த அனாதையாகிப் போன இளம் மான் குட்டிக்கும் பெண்கள் பாலூட்டும் காட்சி அங்கொன்றும் புதிதில்லை. இது இன்றைய மக்களுக்கு வேண்டுமானால் புதுமையான காரியமாகத் தோன்றலாம்.

பிஷ்னோய்கள் தங்களது குருவாகக் கொண்டாடும் ஜம்பேஸ்வர்ஜியின் 29 கொள்கைகளைத் தங்களது வாழ்க்கையின் அருநெறிகளாகக் கொண்டு அதன் படியே வாழ்ந்து வருபவர்கள். இயற்கையின் மீதும் வன விலங்குகள் மீதும் மிகுந்த அக்கறை கொண்டவர்கள். ஜம்போஜி என பிஷ்னோய்களால் அன்போடு அழைக்கப்படும் ஜம்பேஸ்வர்ஜி 1700 களில் வாழ்ந்து வந்தவர். ரஜபுத்திர குலத்தைச் சார்ந்த ஜம்போஜி அந்நாட்களில் அப்பகுதியை ஆட்டிப் படைத்த பஞ்சத்தில் இருந்து மக்களைக் காப்பதில் முக்கிய பங்காற்றினார். எனவே மக்கள் இவரை விஷ்ணுவின் அம்சமாகக் கருதி கொண்டாடி வருகின்றனர்.

 

பிஷ்னோய் சமூகத்தைச் சார்ந்த அம்ருதா தேவி எனும் பெண், 1787 ல் ஜோத்பூர் பிராந்தியத்தில் மரங்களை வெட்டுவதற்கு அரசர் உத்தரவு பிறப்பித்த போது, அந்த உத்தரவுக்கு எதிராகக் கடுமையாகப் போராடியவர்களில் ஒருவர்.  ஜோத்பூரில் அப்போது ராஜா அபய் சிங்கின் ஆட்சி நடந்து கொண்டிருந்தது. தனது உத்தரவை ஏற்க மறுத்த பிஷ்னோய்களின் மீது ராஜா கடும் ஆத்திரம் கொண்டார். அதனால் என்ன? அரசனே ஆனாலும் இயற்கையையும், வனவிலங்குகளையும் நிலைகுலையச் செய்யும்படியாக மரங்களை வெட்டுவது தவறு, அதற்கு நாங்கள் ஒருபோதும் அனுமதிக்க மாட்டோம், மரங்களை வெட்டுவதை விட, எங்களை வெட்டுங்கள். என பிஷ்னோய் பெண்களும், ஆண்களுமாக ஏராளமானோர் மரங்களைச் சுற்றிச் சூழ்ந்து நின்று அவற்றைக் கட்டிப்பிடித்துக் கொண்டனர். இதைக் கண்டு வெகுண்டெழுந்த ராஜாவின் ஆட்கள் கொஞ்சமும் யோசிக்காமல் அரச உத்தரவை ஏற்று அவர்களை வெட்டிக் கொன்றனர். ஏறத்தாழ 363 பேர் அதில் உயிரிழந்தனர், அதில், அம்ருதா தேவி உட்பட 111 பேர் பெண்கள் என்பது குறிப்பிடத்தக்கது.

தங்கள் சமூகத்து முன்னோர்களின் இந்த உயிர்த்தியாகத்தை பிஷ்னோய் இன மக்கள் இன்றும் மறந்தாரில்லை. அதன் வெளிப்பாடு தான் இதோ இணையத்தில் ட்ரெண்ட் ஆகிக் கொண்டிருக்கும் அந்த இளம்பெண்ணின் புகைப்படம். மான்குட்டிகள் பிறந்ததும் அதன் தாய்மான் இறந்து விட்டால், பிஷ்னோய் இனப்பெண்கள் அவற்றை அப்படியே காட்டுக்குள் விட்டுவிடுவதில்லை. அவற்றை வீட்டுக்கு எடுத்து வந்து தாம் பெற்ற குழந்தைகளுக்கு ஈடாக அன்பு காட்டி பாலூட்டி வளர்த்து மூன்று மாதங்கள் பராமரிப்பில் வைத்திருந்து மான்குட்டிகள் தானாக இயங்கத் தொடங்கியதும் தான் காட்டுக்குள் அனுப்பி வைப்பார்கள் அந்த அளவுக்கு விலங்குகள் மீது அவர்களுக்கு பரிவு அதிகம். 

ராஜஸ்தான், ஹரியானா, உத்தரப்பிரதேசம், மத்தியப் பிரதேசம் போன்ற இந்திய மாநிலங்களில் இவர்கள் கணிசமாக வாழ்ந்து வருகிறார்கள். பிஷ்னோய்களின் கொள்கை பிடித்துப் போய் இவர்களது இனத்திற்கு மாறி வருகின்ற மக்களின் எண்ணிக்கையும் தற்போது அதிகரித்து வருகிறதாம். 

சில ஆண்டுகளுக்கு முன் நடிகர் சல்மான் கான் மான் வேட்டையாடிய வழக்கில் கைதாகி தண்டனை பெற்றாரில்லையா? அப்போது அவருக்கு எதிராகக் களமிறங்கிப் போராடியதும் இதே பிஷ்னோய் இன மக்கள் தான்.

பிஷ்னோய்களின் வாழ்வாதாரமே காடும், காடு சார்ந்த விவசாயமும் தான் என்கிறார்கள் அப்பகுதி சுற்றுச்சூழலியல் செயல்பாட்டாளர்கள். இப்போது காலமாற்றத்துக்கு ஏற்ப அவர்களிலும் சிலர் வியாபாரம், படிப்பு என நகரங்களுக்கு இடம்பெயர்ந்தாலும் கூட முன்னோர்களது வாழ்க்கை நெறிமுறைகளைத் தவறாது பின்பற்ற அவர்கள் தயங்குவதில்லை.

]]>
Bishnoi woman, breast feed baby deer, மான்குட்டி, மான்குட்டிக்கு பாலூட்டும் பிஷ்னோய் பெண், பிஷ்னோய்கள், https://images.dinamani.com/uploads/user/imagelibrary/2019/7/20/w600X390/000_bisnoy_commn_deer_love.jpg https://www.dinamani.com/lifestyle/lifestyle-special/2019/jul/20/bishnoi-woman-breastfeeds-baby-deer-in-jodhpur-3196562.html
3192984 லைஃப்ஸ்டைல் ஸ்பெஷல் மயிர்க்கூச்செறியும் திகில் அனுபவத்தில் சிக்கி உயிர் பிழைத்த அதிர்ஷ்டசாலிகளா நீங்கள்? தினமணியில் பகிருங்களேன் உங்கள் அனுபவங்களை! கார்த்திகா வாசுதேவன் Monday, July 15, 2019 04:13 PM +0530  

தினமணி.காமில் இன்று ஒரு செய்தி வெளியானது. செய்தி நட்டநடுக் கடலில் மீன்பிடிப் படகு புயலில் சிக்கி கவிழ அதில் பயணித்த 14 பேரில் மற்ற அனைவரும் கடலில் மூழ்கி உயிரிழந்தனர். ஒரே ஒரு மீனவர் மட்டும் தொடர்ந்து 5 நாட்கள் ஒரு மூங்கில் கழியைப் பற்றிக் கொண்டு மிகுந்த மன உறுதியுடன் கடலில் மிதந்து உயிர் தப்பினார். அவரை அப்பகுதியில் சென்று கொண்டிருந்த வங்கதேசக் கப்பலொன்று காப்பாற்றி கரை சேர்த்தது.

அவர் மீண்டு வந்த கதையை இந்த இணைப்பை அழுத்தித் தெரிந்து கொள்ளலாம்.

இந்தச் செய்தியை வாசிக்கும் போது தோன்றியது. 

இது போன்ற அனுபவங்கள் அரிதானவை.

இதே போன்ற அனுபவங்கள்... அதாவது தொழில் நிமித்தமோ அல்லது யதேட்சையாகவோ எக்குத் தப்பாக பேராபத்தில், பேரிடரில் மாட்டிக் கொண்டு விடா முயற்சி மற்றும் மன உறுதியை மட்டுமே துணையாகக் கொண்டு உயிர் பிழைத்த அனுபவம் நம்மில் பலருக்கு இருக்கலாம். அந்த அனுபவங்களை எல்லோராலும் எல்லோருடனும் பகிர்ந்து கொண்டிருந்திருக்க முடியாது. சிலர் இன்னும் கூட மனதுக்குள் வைத்துக் கொண்டு மருகலாம். அப்படிப்பட்டவர்களுக்கு ஒரு நல்வாய்ப்பு.

உங்கள் வாழ்விலும் இப்படியோர் மயிர்கூச்செறியச் செய்யும் அனுபவமொன்றை நீங்கள் கடக்க நேர்ந்திருந்தால், அந்த அனுபவம் அதை வாசிப்பவர்களுக்கு படிப்பினைகளையும், மன உறுதியையும் தரக்கூடுமென நீங்கள் நம்பினால் தயவு செய்து தினமணி.காமில் உங்கள் பெயர், முகவரி, புகைப்படத்துடன் பகிருங்கள்.

பகிரப்படும் உங்களது அனுபவங்களில் சிறந்தவை 24.07.19 அன்று தினமணி.காம் லைஃப்ஸ்டைல் ஸ்பெஷல் பகுதியில் வெளியிடப்படும்.

அனுபவக் கட்டுரைகளை அனுப்ப வேண்டிய மின்னஞ்சல் முகவரி dinamani.readers@gmail.com

கட்டுரைகள் எங்களுக்கு வந்து சேர வேண்டிய இறுதித் தேதி: 23.07.19
 

 

]]>
thrill experiences, extreme thrill, dinamani.com contest, dinamani.com contest 2, share your thrill, திரில் அனுபவங்கள், எக்ஸ்ட்ரீம் திரில் அனுபவங்களைப் பகிருங்கள், தினமணி.காம் காண்டெஸ்ட் 2, தினமணி வாசகர் போட்டி 2, மயிர் கூச்செறியும் திரில் அனுபவங்க https://images.dinamani.com/uploads/user/imagelibrary/2019/7/15/w600X390/thrill.jpg https://www.dinamani.com/lifestyle/lifestyle-special/2019/jul/15/share-your-extreme--thrill-experience-with-dinamanicom-dinamanicom-contest-2-3192984.html
3191040 லைஃப்ஸ்டைல் ஸ்பெஷல் தேவி சாகம்பரீ நீ எங்கிருக்கிறாய்? வந்து கொஞ்சம் இந்த பூவுலகைப் பாரேன்! கார்த்திகா வாசுதேவன் DIN Friday, July 12, 2019 06:24 PM +0530  

காலையில் தினமணி முன்னாள் ஆசிரியர் கே என் சிவராமனின் பத்திரிகை உலகம் என்றொரு புத்தகத்தை வாசித்துக் கொண்டிருந்தேன். எங்கள் அலுவலக நூலகத்தில் கிடைத்தது. அதில் ஓரிடத்தில் தமிழக விவசாய மற்றும் விவசாயிகளின் பிரச்னைகளைப் பற்றி பேசுமிடத்து அவர் சாகம்பரீயைப் பற்றி எழுதியிருந்த வரிகளை வாசிக்க நேர்ந்தது. இதுவரையிலும் சாகம்பரீ எனும் பெயரைக் கேள்விப்பட்டிருந்த போதிலும் அதன் அர்த்தம் குறித்துப் பெரிதாகச் சிந்தித்ததில்லை. சாகம்பரி என்ற பெயருக்குப் பின் இத்தனை அழகான அர்த்தம் இருக்கும் என்று தெரிந்து கொள்கையில் மனதுக்குள் ஏதோ ஒரு சந்துஷ்டி. இப்போதும் கூட நவராத்திரி 9 நாட்களில் அம்மனுக்கு அலங்காரம் செய்விக்கும் போது பழங்கள், காய்கறிகளால், தானியங்களால் அலங்காரம் செய்வது உண்டு. அப்படி அலங்காரம் செய்வதன் நோக்கம் அன்னை பராசக்தி சதாஷியாகி (1000 கண்ணுடையாளாகி) அத்தனை கண்களிலும் நீர் சொரிந்து மாமழையாய்ப் பொழிந்து பூமியில் வளம் மிளிர்ந்து விவசாயம் செழிக்க வரம் அருளுவாள் என்றொரு நம்பிக்கை. இந்த நம்பிக்கை வெறும் நம்பிக்கை அல்ல, இதற்கொரு ஐதீகக் கதையும் சொல்லப்படுகிறது. 

சாகம்பரீ குறித்து இணையத்தில் தேடும் போது இந்து ஆன்மீகத் தளமொன்றில் இந்தக் கதை கிடைத்தது. படிக்க சுவாரஸ்யமாக இருந்ததோடு சாகம்பரீ குறித்தும் நிறையத் தெரிந்து கொள்ள முடிந்ததால் தினமணி வாசகர்களுடன் பகிர்கிறேன்.

இதை லலிதா சகஸ்ரநாமத்தின் துணைகொண்டு புரிந்துகொள்ள வேண்டுமெனில் அவளுக்குப் பெயர் சாகம்பரீ.

ஒருவேளை உங்களுக்கு இதில் நம்பிக்கை இல்லையென்றால், நம் மாரியம்மனை சாகம்பரீயாக உருவகம் செய்து கொள்வதிலும் எவ்விதத் தடையும் இல்லை. பூமியில் வறட்சி நீங்கி மழையைப் பொழிவிக்க வல்ல மாரியம்மனும் சாகம்பரீயே தான்.

இனி ஓவர் டு தி ஸ்டோரி

ய இமம் ச்ருணூயான் நித்யம் அத்யாயம் பக்தி தத்பர:
ஸர்வான் காமான் அவாப்னோதி தேவீ லோகே மஹீயதே

- தேவீ பாகவதம் சாகம்பரீ மஹாத்மியம்

எவன் தேவியுடைய (சாகம்பரி அவதார) வரலாற்றை பக்தியுடன் கேட்பானோ அவன் ஆசைப்பட்டது அனைத்தும் அடைந்து வாழ்வின் முடிவில் தேவியின் லோகத்தையும் அடைவான்.

அம்பிகையின் அவதார வடிவங்களில் இந்த அவதாரத்தைக் குறித்து பலரும் கேள்விப்பட்டு இருப்போம். பல திருக்கோயில்களில் அம்பிகைக்கு ‘சாகம்பரி’ என்ற அலங்காரம் செய்வது உண்டு. காய்கனிகளைக் கொண்டும், தானியங்களைக் கொண்டும் அன்னைக்கு அலங்காரம் செய்திருப்பதைக் காணலாம்.

சாகம்பரி என்றும் சதாக்ஷி என்றும் அழைக்கப்படும் அம்பிகையின் இந்த அவதாரத்துக்கு தனிச்சிறப்பு உண்டு. அம்பிகையின் கருணையையும், கர்ம வினையையும் மீறி அவள் புரியும் அனுக்ரஹத்தையும் காட்டும் அவதாரம் இது.

ஜனங்கள் தர்மத்தை மறந்து பாப வழியில் செல்ல ஆரம்பிக்கும்போது இயற்கையும் தன்நிலை மாறி செயல்படத் துவங்கும். அதன்படி ஒரு காலகட்டத்தில் ஜனங்கள் அதர்மத்தை நியாயப்படுத்தத் துவங்கினார்கள்; தங்கள் சுயநலத்துக்காக எதையும் செய்ய தலைப்பட்டார்கள். பாப எண்ணம் கூடியது. இந்த பாப எண்ணம் கூடக் கூட மழையின் அளவு குறைந்து கொண்டே வந்தது. உலகில் பல்லாயிரம் ஆண்டுகள் மழை இல்லாமல் போய் விட்டது.

மழையில்லாத காரணத்தால் பயிரினங்கள் கருகின. எங்கும் வறட்சி தாண்டவமாடியது. தண்ணீருக்கும் உணவுக்கும் கடும் பஞ்சம் உண்டானது. வறட்சியால் மக்கள் சொல்லொணா துயர் அடைந்து தவித்தார்கள். எங்கு நோக்கினும் வறட்சி, பஞ்சம், பசி, பட்டினி. அன்ன ஆகாரம் இன்றி உயிரினங்களெல்லாம் செத்து மடிந்தன.

ஜனங்கள் பாபம் செய்தாலும், பாபத்தினால் இத்தனை துன்பங்களை அடைந்தாலும், அவர்கள் தங்கள் தவறை உணரவில்லை. பாபத்தைக் கண்டு அஞ்சவும் இல்லை. ஆனால், பாபமே அறியாத தவமுனிவர்கள் இந்த ஜனங்கள் படும் துன்பத்தினைக் கண்டு வருந்தினார்கள். உலக மக்களின் துயர் பொறுக்க முடியாமல் இமயமலைச் சாரலில் ஒன்று கூடினார்கள். ஆதிசக்தியை நோக்கி மனம் உருகி ‘கருணைக் கடலே! அனைவருக்கும் அன்னையே! உனக்கு இந்த ஜனங்களின் கஷ்டம் தெரியாதா? எத்தனை தவறுகள் செய்திருந்தாலும் அதை பொறுப்பதல்லவோ தாயின் குணம். மனமிரங்கி அருள் செய்வாய்’ என்று பிரார்த்தனை செய்தார்கள்.

அன்னை பராசக்தி, முனிவர்களின் பிரார்த்தனையைக் கண்டு வியந்தாள். பாபமே வடிவான உலக மக்களுக்காகப் பிரார்த்தனை செய்யும் தன்னலமில்லாத அந்த முனிவர்களைக் கண்டு அம்பிகையின் உள்ளம் உருகியது.

‘அவ்யாஜ கருணா மூர்த்தி‘ என்றல்லவா லலிதா ஸஹஸ்ரநாமம் இவளைப் போற்றுகிறது? காரணம் ஏதுமின்றியே கருணை செய்யும் கிருபா சமுத்திரம். அந்தக் கருணை அம்பிகைக்கு பெருக்கெடுத்தது. உலக மக்களின் துன்பத்துக்காக உருகும் முனிவர்களை இரண்டு கண்களால் பார்த்தால் போதாது என்று கணக்கில்லாத கண்களைக் கொண்டு அவர்களை நோக்கினாள்.
அம்பிகையின் வடிவத்தைப் பார்த்ததுமே முனிவர்கள் ‘சதாக்ஷி’ என்று அவளை அழைத்துப் போற்றினர். (சதம் என்றால் நூறு; அக்ஷி என்றால் கண்கள். நூற்றுக் கணக்கான கண்களை உடையவள். அதாவது, கணக்கில்லாத கண்களை உடையவள் என்று அர்த்தம்.)

அம்பிகையின் மனம் உருகியது. அம்பிகையில் அனைத்து கண்களிலும் கண்ணீர் சிந்தியது. அன்னையின் கண்ணீர் பெருகியதும் உலகெங்கும் ஆறுகள் பெருகி ஓடத் துவங்கின. அடுத்த கணம் அம்பிகை தன் உடலிலிருந்தே உலகுக்கு பசுமையை உருவாக்கினாள். பயிர்களும், காய்களும், கனிகளும், தாவரங்களும், மூலிகைகளும் அன்னையின் சரீரத்திலிருந்து உற்பத்தி ஆகத் துவங்கின.

சாகம் என்றால் காய்கனி. உலகம் முழுமைக்கும் சாக வகைகளை உருவாக்கிக் கொடுத்ததால் அம்பிகைக்கு ‘சாகம்பரி‘ என்ற பெயர் உண்டானது.

‘குழந்தைகளே! கவலை வேண்டாம். இயற்கையாகவே மழை பொழிந்து உலகில் பஞ்சம் தீர்ந்து, பசுமை தோன்றும் வரையில் என் உடலிலிருந்தே உணவினை உருவாக்கித் தருகிறேன்’ என்று வாக்களித்தாள்.

இங்கே அம்பிகையின் வார்த்தைகளை கவனமாக கவனிக்க வேண்டும். ‘இயற்கையாக மழை பொழியும் வரை தான் உணவளித்துக் காப்ப’தாக கூறுகிறாளே, இவள் நினைத்தால் மழை பெய்ய வைக்க முடியாதா? நம் கர்மவினை எனும் கணக்கு மிகவும் புதிரானது.

லலிதோபாக்யானத்தில் ஹயக்ரீவர் கூறுகிறார்: ‘அம்பிகை பிறப்பும் இறப்பும் இல்லாதவள். மெய்யறிவால் அறியத்தக்கவள். ஞானமும், ஞானத்தை அடையும் வழியும் ஆனவள். எங்கும் நிறைந்த அவளே பிரம்மதேவனின் தவத்தின் பயனா வெளிப்பட்டாள். அப்போது அவள் இயற்கை என்று அழைக்கப்பட்டாள்’ என்று.

அம்பிகையின் முதல் அவதாரம் ‘ப்ரக்ருதி’ என்ற இயற்கைதான். தானே இயற்கை வடிவான அன்னை, உலக மக்கள் பாப வசப்படும்போது அவர்களை தண்டிக்கும் பொருட்டு மழை பொய்த்துப் போகும்படி செய்கிறாள். அதே அன்னை கண்ணாமூச்சி ஆட்டம் ஆடி, தானே தன் உடலிலிருந்து உணவளித்துக் காக்கவும் செய்கிறாள்.

மழையில்லாமல் பஞ்சத்தால் உலக மக்கள் அவதியுற வேண்டும் என்பது கர்மவினையினால் வந்த துன்பம். ஒரு அதிகாரியாக விதிகளை நடைமுறைப்படுத்தி விட்டு, அவளே கருணை மிக்க அன்னையாக தன் உடலிலிருந்து உணவினை உற்பத்தி செய்தும் கொடுக்கிறாள்.

முன்பு செய்த புண்ணியத்தின் காரணமாக உருவாவது இன்பம். முன்பு செய்த பாபத்தின் காரணமாக உருவாவது துன்பம். இதுவே கர்மவினைக் கணக்கு.

புண்ணியத்தையும், பாபத்தையும் நாம் செய்து விட்டு பலனை அனுபவிக்கும்போது மற்றவரை குறை சொல்லுவது மனித இயல்பு. இந்தக் கர்மக் கணக்கை உண்டாக்கியவளும் அவள்தானே? அதனால் அம்பிகை இந்த கர்மக் கணக்கில் தலையிடுவதில்லை.

கர்மவினையின்படி நாம் அனுபவிக்க வேண்டிய துன்பமாக இருந்தால் அனுபவிக்கத்தான் வேண்டும். ஆனால், அந்த அனுபவம் நம்மை பாதிக்காதபடி அன்னை காத்து நிற்பாள் என்பதற்கு இதைவிட வேறு என்ன உதாரணம் வேண்டும்?
‘விதிகளை மீற வேண்டாம். மழை பெய்யும் போது பெயட்டும். அதுவரை குழந்தைகளே... நீங்கள் கஷ்டப்பட வேண்டாம், நான் உங்களைக் காக்கிறேன்’ என்கிறாள்.

சாகம்பரியை தேவீ மஹாத்மியம் வர்ணிக்கிறது :
சாகம்பரீ நீலவர்ணா நீலோத்பல விலோசலா
கம்பீர நாபிஸ் த்ரிவலீ விபூஷித தனூதரீ
ஸுகர்க்கச ஸமோத்துங்க வ்ருத்த பீந கனஸ்தனீ
முஷ்டிம் சிலீமுகாபூர்ணம் கமலம் கமலாலயா
புஷ்ப பல்லவ மூலாதி பலாட்யம் சாக ஸஞ்சயம்
காம்யானந்த ரஸைர் யுக்தம் க்ஷுத் த்ருண் ம்ருத்யு ஜ்வராபஹம்
கார்முகஞ் ச ஸ்புரத் காந்தி பிப்ரதீ பரமேச்வரீ
சாகம்பரீ சதாக்ஷி ஸா ஸைவ துர்க்கா ப்ரகீர்த்தி தா

சாகம்பரீ நீல வர்ணமானவள், கருநெய்தல் போன்ற கண்ணழகு கொண்டவள், சாமுத்ரிகா லக்ஷணப்படி ஆழ்ந்த நாபியும், மூன்று மடிப்புகளும் கொண்ட அழகிய குறுகிய வயிற்றினை உடையவள். கடினமான, பருத்து எழுந்த வட்ட ஸ்தனங்களை உடையவள். தாமரை மலரில் வீற்றிருப்பவள். அழகிய நான்கு கைகளை உடையவள். ஒரு கையில் தாமரை மலர், மற்றொன்றில் கைப்பிடி நிறைய அம்புகள், பிறிதொரு கையில் ஒளி வீசும் வில், வேறொரு கையில் பசி, தாகம், சாக்காடுகளைப் போக்கும் புஷ்பம், தளிர், வேர், பழம் ஆகியவற்றை ஒன்றாகவும் பிடித்து சாகம்பரி எனும் சதாக்ஷி காட்சி தருகிறாள்.

சாகம்பரி தேவியை வணங்குவதால் மனதின் சோகங்கள் அனைத்தும் நீங்கி சந்தோஷமான, நிறைவான வாழ்வு கிட்டும். நன்மை நினைப்போர்க்கு தீமை உண்டாக்க நினைக்கும் துஷ்டர்களை இவள் அடக்கி ஒடுக்குவாள். பாவத்தினால் உண்டான கஷ்டங்களையும், எதிர்பாராமல் உண்டாகும் விபத்துக்களையும் இவள் அழித்து விடுவாள்.

இவளை பூஜித்து வணங்குபவனுக்கு எக்காலத்திலும் உணவுக்குக் குறை வாராது, இன்ப வாழ்வினை அருள்வாள்.

நன்றி: http://hinduspritualarticles.blogspot.com/2015/05/blog-post_6.html

]]>
Goddess Sagambari, அன்னை சாகம்பரீ தேவி, அன்னை பராசக்தி https://images.dinamani.com/uploads/user/imagelibrary/2019/7/12/w600X390/devi_sahambari.jpg https://www.dinamani.com/lifestyle/lifestyle-special/2019/jul/12/goddess-sagambari-where-are-you-come-and-see-this-earth-3191040.html
3191004 லைஃப்ஸ்டைல் ஸ்பெஷல் தமிழ் மேல் தீராக்காதல் கொண்டு பழமொழி விளக்கம் சொன்ன வாசகர்கள் அனைவருக்கும் நன்றி! இதோ உங்கள் பதில்கள்! கார்த்திகா வாசுதேவன் Friday, July 12, 2019 12:01 PM +0530  

கடந்த வாரம் சுமார் 10 பழமொழிகளை அளித்து அவற்றுக்கான விளக்கங்களைத் தெளிந்து கூறுமாறு அன்பான தினமணி வாசகர்களிடம் கேட்டிருந்தோம். ஆறே முக்கால் கோடி தமிழர்களில் வெறும் 4 பேர் மட்டுமே பதில் சொல்ல ஆர்வமாய் இருந்தார்கள் என்பதை நினைக்கும் போது ஒருபக்க வருத்தமாக இருந்தாலும் பதில் அனுப்பிய வாசகர்களின் முயற்சியை நிச்சயம் பாராட்டியே ஆக வேண்டும். மேலும் இருவர் கருத்துரையிட்டிருந்தனர். அவர்களது பங்களிப்பும் பாராட்டுதலுக்குரியதே. 

கருத்துரையிட்ட C S ரங்கராஜன் எனும் வாசகர் பழமொழிக்கு பதிலாகத் தானுமொரு பழமொழியைச் சுட்டி தினமணியின் முன்னெடுப்பைப் பாராட்டியிருந்தார்.. இதோ அவரது கருத்துரை... 

‘ஆலிலை பழுப்பதேன், ராவழி நடப்பதேன்’ போன்ற பல பழமொழிகள் வழக்கொழிந்து போவதை தடுக்கும் முயற்சி போற்றத்தக்கதே. ஆலிலை பழுப்பதேன் ராவழி நடப்பதேன் என்பதற்கான விடை 'பறிப்பாரற்று'.

Peace Lover எனும் வாசகர், 

நாங்கள் போட்டிக்காக கேட்டிருந்ததில் பழமொழிகளைக் காட்டிலும் விடுகதைகள் அதிகமிருப்பதாகக் கூறி இருந்தார். போட்டிக்கான பழமொழிகள் அனைத்தும் ‘தமிழ்முதுமொழிகள்’ எனும் ஆய்வுக்கட்டுரைப் பக்கங்களில் இருந்து தேடிப் பெறப்பட்டவையே.

அத்துடன்

பழமொழி என்றால் என்ன? என்பதற்குத் தொல்காப்பியர் இலக்கணம் வகுத்துள்ளார்.

தாம் நினைத்த கருத்தைப் பிறருக்கு எளிமையாகப் புரியும்படி, நுண்மையாகவும், தெளிவாகவும், இனிமையாகவும், சுருக்கமாகச் சொல்வது முதுமொழி (பழமொழி) என்று குறிப்பிடுகிறார் தொல்காப்பியர்.

நுண்மையும் சுருக்கமும் ஒளியும் உடைமையும் 
மென்மையும் என்றிவை விளங்கத்தோன்றிக்
குறித்த பொருளை முடித்தற்கு வரூஉம்
ஏது நுதலிய முதுமொழி என்ப”
(தொல் பொருள்:478)

தொல்காப்பியர் காலத்திற்கு முன்பே, தமிழ் மக்களிடம் பழமொழிகள் வழங்கப்பட்டு வந்துள்ளன என்பது இதனால் புலனாகும். 

விடுகதை குறித்தும் தொல்காப்பியர் விளக்கம் அளித்திருக்கிறார்.

பழமொழியைப் போல, பாமரர்களிடம் வாய்மொழியாக வழங்கி வரும் இன்னொரு பண்பாட்டுக் கூறு விடுகதை. இது இன்றைய நொடி வினா (Quiz) முறைக்கு முன்னோடி எனலாம். இதுவும் எந்த மொழியில் வழங்கப்படுகிறதோ அந்த மொழி பேசுவோரின் மதி நுட்பத்தையும், புலமையையும் ஆற்றலையும் வெளிப்படுத்துவதாக உள்ளது. இன்று வரையிலும் இதைக் காப்பாற்றி வருபவர்கள் பாமரர்களே.

விடுகதை என்பது 'அது என்ன?' 'அது யார்?' என்பது போன்ற கேள்விகளுடன் அமைந்திருக்கும். விடையைத் தானே ஊகித்துத் தெரிந்து கொள்ளும் வகையில் உள்ளடக்கம் அமைந்திருக்கும். இதுவே விடுகதை. வினாவுக்கு உரிய விடை மூலம் விடுவிக்கப்பட வேண்டிய கற்பனைக் கதை என்பதினால் விடுகதை என அழைக்கப்பட்டது என்பர்.

இது குறுகிய வடிவ அமைப்பைக் கொண்டது. மிக எளிமையாக அமைந்திருக்கும். முதலில் பாட்டாக இருந்தது. பின்னர் உரைநடையிலும் அமைந்துள்ளது. 

ஆக, நாங்கள் கேட்டிருந்த 10 ம் பழமொழிகளாக இருக்கவே வாய்ப்பிருக்கிறது என்று கருதலாம். வாசகருக்கு மாற்றுக் கருத்து இருப்பின், தாங்களே இவற்றில் எது பழமொழி? எது விடுகதை என்று தெளிவாக விளக்கிச் சொன்னால் தன்யவான்கள் ஆவோம்.

இனி வாசகர்களின் பழமொழி விளக்கப் பங்களிப்பைக் காணலாம்.

1. பெங்களூரிலிருந்து வாசகி சசிகலாவின் பழமொழி விளக்க பதில்கள்...

1.  பட்டும் பாழ், நட்டும் சாவி .

இது விவசாய்களின் மத்தியில் கிராமங்களில் புழங்கும் பழமொழி... விவசாயத்தில் இழப்பு ஏற்படும் போது கூறப்படுவது. பட்டும் பாழ்- பாடு பட்டது (உழைத்தது ) எல்லாம் வீண்
நட்டும் சாவி - நட்ட பயிர்கள் எல்லாம் விளையாமல்  பதர்கள் ஆகுவது. (சாவி என்பது முற்றாத நெற் கதிர்களை குறிக்கும்.) கடுமையாக உழைத்தும் நம்மால் சில நேரங்களில் வெற்றி பெற முடியாமல் போவதைக் குறிக்கும் பழ மொழி ..

2. கொடுக்கிறது உழக்குப்பால் , உதைக்கிறது பல்லு போக.

இதுவும் கிராமத்து பழ மொழி தான்...வீடுகளில் வளருக்கும் பசு / எருமை மாடுகளில் பால் கறப்பது பெரிய விஷியமாக இருக்கும். காரணம் பால் கறக்கும் போது மாடுகள் உதைக்கும்...உதைத்தாலும் நாம் விட்டு விடுவோமா....குறைந்த பாலாக இருந்தாலும் உதை பட்டாவது ...கறந்து விட மாட்டோமா ... அதற்குத் தான் இந்த  பழமொழி சில நேரங்களில் நம் வாழ்க்கையில் இப்படித்  தான்... சிறிய  பலனிற்காக நிறைய துன்பங்களை அனுபவிப்பது....

3. கை காய்த்தால் கமுகு (பாக்கு ) காய்க்கும்.

இதுவும் கிராமத்து பழ மொழி தான்....பாக்கு (மரம்) பயிரிட்டால் அதை நன்கு பராமரிக்க வேண்டும்...கைக்கு தான் அதிக வேலை...கை காய்த்துவிடும் என்பார்கள்.. வேலை.. செய்து செய்து கைகள் கருப்பாக (வேலை செய்ததின் அடையாளம் )இருக்கும். ஆனால் பாக்கு நன்கு காய்த்து பலன் கொடுக்கும்... கடின உழைப்புக்கு என்றும் நல்ல பலன் தான் கிடைக்கும் ...


4. மேய்த்தால் கழுதை  மேய்ப்பேன் , இல்லாது  போனால் பரதேசம் போவேன் .

மேய்ப்பது என்றால் .. ஆடு ..மாடு ..இவற்றைத் தான் குறிக்கும்..மிஞ்சி போனால் வாத்து..கோழி ..இவற்றைஎல்லாம் கூட சொல்லிக்கொள்ளலாம்...கழுதையை பற்றி கேள்வி பற்றிருக்கிறோமா....அந்த வேலை கிடைக்காவிட்டால்..வேறு ஊருக்கு சென்று விடுவேன் (சுற்றி திரிவேன்) என்று கூறுவது அபத்தம் அல்லவா... இப்படித்தான்..சிலர் நம்மில் இருக்கிறார்கள் ..எத்தனையோ முக்கியமான ,
தேவையான  விஷியங்கள் ..இருந்தாலும் தேவையில்லாத செயல்களை செய்வார்கள்... இதற்குத்தான் இந்த பழ மொழி...


5. முடி வைத்த தலைக்குச் சுழிக் குற்றம்  பார்க்கிறதா?

மனிதனின் உருவ அழகை நிர்ணயிப்பதில் முடியின் பங்கும் முக்கியம். முடியுள்ள தலைக்கும், முடியில்லா தலைக்கும் நிறைய வேறுபாடு இருக்கிறது...தலையில் பார்த்துயிருப்பீர்கள் ....சுழி ஒன்றோ அல்லது இரண்டோ ..இருக்கும். முடி இருந்தால் போதும்.. எனும் போது  தலையில் உள்ள சுழி, முடி இப்படித்தான் இருக்க வேண்டும் என்று நினைப்பது தவறு அல்லவா.. மனிதர்கள் சிலர் இப்படித்தான் இருக்கிறார்கள்.உதவி பெரும் நிலையில் உள்ளவர்கள் ..உதவியை பெற்றவுடன் , இப்படி உதவிருக்கலாம்.. அப்படி உதவிருக்கலாம் என்று
நினைப்பது ..

6. பார்க்கக் கொடுத்த பணத்துக்கு வெள்ளிக்கிழமையா?

ஒரு  பொதுவான நம்பிக்கையைக் காரணம் காட்டி செயல் படுவது... வெள்ளிக்கிழமை என்றால் ஒரு சிலர் பணம், பொருள் எதையும் தரமாட்டார்கள். செலவும் செய்ய மாட்டார்கள். இது அவரவர் நம்பிக்கை விஷயம். எண்ணிப் பார்த்து சொல் என்று ஒருவர் கொடுத்த பணத்தை .."இன்று வெள்ளிக்கிழமை... தரமாட்டேன்.." என்று சொல்வது அபத்தம் அல்லவா.. சில  மனிதர்களின் நம்பகத்தன்மையும் இப்படித்தான்....

7. கெரடி கற்றவன் இடறி விழுந்தால் , அதுவும் ஒரு வரிசை என்பான்.

கரடி என்ற சொல்லின் திரிபு தான் கெரடி . கரடி என்றால் சிலம்பம் என்று பொருள். வரிசை என்றால்  முறை,ஒழுங்கு, வகை என்று பொருள். சிலம்பம் கற்றவன் ஆடும்
போது இடறி விழுந்தாலும் , அதைத்  தவறாக ஒப்புக்கொள்ளாமல் அதையும் ஒரு வகை என்று கூறுவது தான் இதன் பொருள் .மனிதர்கள் எத்தனையோ பேர் ...இப்படித்தான் இருக்கிறார்கள்.தவறி செய்யும் தப்பை  ஒப்புக்கொள்வதில்லை..

8. சங்கிலே விட்டால் தீர்த்தம், மொந்தையில் விட்டால் தண்ணீர்.

ஏற்றத் தாழ்வு, நிறைவு குறைவு இதை உணர்த்துவது தான் இந்த பழ மொழி ...

நீர் ஒன்று தான்..இது  சங்கிலே இருக்கும் போது தீர்த்தம்...மண்ணாலான மொந்தையில் இருக்கும் போது வெறும் நீர் தான். சமூகத்தில் உயர்வான மற்றும் சாதாரண இடத்தில் இருப்பவர்கள்  சொல்லும்,
செயலும் ஒரே மாதிரி உணரப்படுவதில்லை..


9. வாழைப் பழம் கொண்டு  போனவள் வாசலில் இருந்தாள் , வாயைக் கொண்டுபோனவள் நடு வீட்டில் இருந்தாள் .

'வாய் உள்ள பிள்ளை பிழைக்கும் '.  மேல சொல்லப்பட்ட பழ மொழியின் சுருக்கம் இது தான். பிற இல்லங்களுக்கு செல்லும் போது பழங்கள் வாங்கிச் செல்வது ஒரு மரபு.மரபை கடைபிடிப்பவர்கள் பலராக இருந்தாலும், ஒரு சிலர் இவர்களை பின்னுக்குத்   தள்ளி, வாய் ஜாலத்தினால், மிகுந்த முக்கியமானவர்கள் போல வீட்டின் உள்ளே அமர்ந்திருப்பார்கள். சிலர் பேர் பேசியே வசியம் செய்து விடுவார்கள்.. இன்றைய சமுதாயத்தில் இவர்கள் ஏராளம்...

10. நேற்று வெட்டின கிணற்றிலே, முந்தாநாள் வந்த முதலை போல.

நேற்று வெட்டின கிணற்றிலே,முந்தா நாளே முதலை வருவதற்கு சாத்தியம் இருக்கிறதா? சாத்தியம் இல்லாத ஒன்றை ...சாத்தியம் என்று சொல்லும் மனிதர்கள் இன்றுஏராளம்...ஏமாந்து போகும் மனிதர்களும் அதிகம்... பிரித்து அறியவே இம்மொழி
....


2. தேனியிலிருந்து வாசகர் முத்துக்கனகராஜின் பழமொழி விளக்கங்கள்...


1) "பட்டும் பாழ் ;  நட்டும் சாவி"

இயற்கை சோதிக்க நினைத்தால் விவசாயியைத்தான் முதலில் சோதனைக்குத் தேர்ந்தெடுக்கும். பாடுபட்டு உழன்றும், நட்ட நெல் சாவியாகிப் போனது. (பதர் (சண்டு)ஆனது.. சண்டாளப் பிறந்தவனோ பாவப்பட்ட விவசாயி? சாபம்...ஹூ..ம்..)

2) "கொடுக்கிறது உழக்குப் பால், 
உதைக்கிறது பல்லுப் போக"

இப்போதெல்லாம் அப்படித்தான். வாரி வாரிக் கொடுப்பவர், வாரிக் கொடுத்த கையோடு வழியே போய்விடுவார். எச்சில் கையால் மிச்சம் மீதியை வழித்துப் போடுகின்றவர்தான் எகத்தாளப் பேச்சும், பீற்றலும்.! (ஆழாக்கு பால் கறக்கும் பசு தண்டமானம் போடுகிறது)

3)  கை காய்த்தால், கமுகு காய்க்கும்"
   
ஈக் கொட்டாமல் தேனெடுக்க விரும்பும் சோம்பேறிகளுக்குச் சொல்லப்படும் அறிவுரை இது.பாக்கு மரம் பனை போல; தென்னை போல! அடிக்கடி மரம் ஏறி, காய்ந்து பட்ட மட்டை நீக்கி, பழுது பார்த்து, பக்குவம் செய்தால்தான் நல்ல பலன் தரும். கணுக்கள் நிறைந்த அம்மரம் காய்த்துப் பலன்தர வேண்டின், கைகள் புண்ணாகி, காய் காய்க்கஅடிக்கடி மரம் ஏறுவது அவசியம். மரக்கன்றை ஊன்றினால் போதாது. கைகள் கெட்டிப்பட, மரம் ஏறி, உழைக்க வேண்டும்.
    
4) "மேய்த்தால் கழுதை மேய்ப்பேன்; இல்லாது போனால் பரதேசம் போவேன்"
    
இது சுயநல சுகபோகிகளின் கோட்பாடு. "எனக்குத் தெரிந்தது ஒரே ஒரு   தொழில். அதை விட்டு, வேறு தொழில் செய்ய வற்புறுத்தாதீர்கள்" என்ற வீம்பு பிடித்த மனோபாவம். புதிதாய் கற்றுக் கொள்ள விரும்பாத சுபாவம். "அடைந்தால் மகா தேவி; இல்லையேல் மரண தேவி" என்ற பிடிவாத வசனமும் கூடப் பொருந்தும்.
     
5) "முடி வைத்த தலைக்கு, சுழிக் குற்றம் பார்க்கிறதா?"
    
'பொய் முடி வைத்த தலைக்கு' என்றும் எடுத்துக் கொள்ளலாம். 'மூடி வைத்த தலைக்கு' என்றும் கொள்ளலாம். இரண்டிலும் 'இது சொத்தை, அது சொள்ளை' என்று சொல்ல, அதற்குள் அடங்கிய சுழிக்கு அதிகாரமில்லை. சொல்வதில் அர்த்தமும் இல்லை. ஒண்ட வந்த இடத்தில் அனாவசியமாக அதிகாரம் பண்ணுகிறவர்களைக் குறிக்கும் என்று நினைக்கின்றேன்.
     
6) "எண்ணிப் பார்க்கக் கொடுத்த பணத்திற்கு நாளும், கிழமையும் எதற்கு?"
 
இப்படியும் பொருள் படலாம். சாட்சிகள் பார்த்திருக்க, கைமாறாகப் பெற்ற பணம் இது. கடன் பட்டது உறுதியாயிற்று. இதைத் திருப்பிக் கொடுக்கும் வரை, கடன்காரன்தானே? கொடுத்துக் கடன் அடைக்க, நாளும் கோளும் என்ற செண்ட்டிமெண்ட் எதற்கு? எவ்வளவு விரைவில் கடன் அடையும், அவ்வளவுக்கு நல்லது.

7) "கெரடி கற்றவன் இடறி விழுந்தால் அதுவும் ஒரு வரிசை என்பான்"
       
'கெரடி' என்பது சிலம்பக் கலை. இந்தக் கலையில் வல்லவனாக இருப்பவன், என்ன செய்தாலும் அது அவனது கலையில் ஓர் அங்க அசைவு என்றே பார்ப்போர் நம்புவர். தடம் மாறினாலும், தடுமாறினாலும், தவறி விழுந்தாலும், அதை கலையின் ஓர் அங்கம் என்றே உலகம் கருதும். ஆடத் தெரிந்தவர் தப்பாட்டம் போட்டு விட்டு, 'தெரு கோணல்' என்றாலும், துதிபாடும் கூட்டம் ஏற்கும். திறமையாளன் தவறை,சரியென்று நிலைநாட்டுவான். மெத்தப் படித்தவன் வைத்ததே வரிசை.! வல்லான் வகுத்ததே வாய்க்கால்.!

8) "சங்கிலே விட்டால் தீர்த்தம்; மொந்தையிலே விட்டால் தண்ணீர்."

சேருமிடத்தைப் பொறுத்து, சிறப்புச் சேர்கின்றது. சிப்பிக்குள் நுழைந்த மழைத்துளி முத்தாகின்றது. கூரையில் விழும் நீர் குட்டை சேர்கின்றது. மனிதச் சேர்க்கையும் அப்படியே!. சேரிடம் அறிந்து சேர வேண்டும்.! சங்கில் நுழைந்த தண்ணீரின் அளவு சிறிதெனினும் கீர்த்தி பெரிது.! மொந்தைத் தண்ணீரானது, தாகம் தணிக்கும். சங்குத் தண்ணீரோ, பாவம் போக்கும்! இருக்கும் இடத்தில் இருந்தால் முதல் மரியாதை!

9) "வாழைப்பழம் கொண்டு போனவள் வாசலில் இருந்தாள்; வாயைக் கொண்டு போனவள் நடுவீட்டில் இருந்தாள்"

வாயுள்ள பிள்ளை பிழைக்கும். இனிமையாக, மற்றவர் ஏற்கும்படி சமர்த்தாகப் பேசும் மருமகள் நடு வீட்டில் அமர்ந்து நாயகம் பண்ணுவாள். வாயில்லாப் பூச்சியானவள், சாமர்த்தியம் இல்லாமையால், எத்தனை செல்வம் கொணர்ந்தாலும், வெளிவேலைதான் செய்வாள். அவளை, செல்வச் செருக்கோடு வந்தவள் என்று வைத்துக் கொண்டால், வீட்டிலுள்ளவர்களின் மனம் குளிரப் பேசத் தெரியாதவள், மனிதர்களோடு ஒட்டாதவள், தன்னோடு யார்தான் பேசுவார்கள் என்று ஏக்கத்துடன் வாசலில் நிற்பாள்.

10) "நேற்று வெட்டின கிணற்றினிலே முந்தாநாள் வந்த முதலை போல."
கொடுமையிலிருந்து தப்ப, கோவிலுக்குள் போனால், நமக்கு முன்னாடியே கொடுமை வந்து காத்துக் கொண்டிருப்பதைக் குறிக்கிறது. துயரம் தொடர்கின்றது எனப்பொருள்.. எடுத்த முயற்சிகளில் எல்லாம் துரதிர்ஷ்டம் துரத்துவதைச் சுட்டும் பழமொழி இது.  

3. வாசகர் கு. முருகேசனின் பழமொழி விளக்கங்கள்...

 

1. பட்டும் பாழ், நாட்டும் சாவி.
பொருள்: இது ஒரு விவசாயியின் புலம்பல். நான் பாடுபட்டதெல்லாம் வீணாயிற்றே, நான் நட்ட நெல் பயிர்கள் எல்லாம் நெல்மணிகள் திரளாமல் சாவியாகிப் (பதறாகிப்) போனதே என்று ஒரு விவசாயி புலம்புவது.

2. கொடுக்கிறது உழக்குப் பால், உதைக்கிறது பல்லுபோக.
பொருள்: ஒரு உழக்குப் (கால் படி) பால் மட்டுமே கொடுக்கும் பசு உதைப்பதென்னவோ பல் உடையும் அளவிற்கு.
ஒரு உழக்கு என்பது கால் படி பால். கொஞ்சமே கூலி கொடுத்துவிட்டு அளவில்லாமல் வேலைவாங்கும் ஒரு கஞ்சத்தனம் உள்ள முதலாளியைப் பற்றி அவன் வேலையாள் சொன்னது.

3. கை காய்த்தால் கமுகு(பாக்கு) காய்க்கும்.
பொருள்: கைகள் காப்புகாய்க்கும் வரை தண்ணீர் விட்டால்தான் பக்கு மரம் காய்க்கும் அல்லது விளைச்சல் தரும். 
விடா முயற்சிதான் வெற்றி தரும் என்பது மட்டுமல்ல. அந்த விடா முயற்சிக்கு மிகுந்த உடல் வலிமையையும் மன வலிமையையும் வேண்டும் என்பதை உணர்த்துவதாகும். 

4.மேய்த்தால் கழுதை மேய்ப்பேன், இல்லாது போனால் பரதேசம் போவேன்.
பொருள்: எனக்கு மற்ற பிராணிகளை மேய்ப்பது சரிப்படாது, எனவே நான் மேய்த்தால் கழுதைதான் மேய்ப்பேன் இல்லையென்றால் விட்டுவிடு நான் தீர்த்த யாத்திரை போகிறேன் என்று கூறும் ஒரு சோம்பேறியின் கூற்று.
வேறு நல்ல வேலை காத்திருக்க நீச அல்லது அற்ப விஷயங்களிலேயே குறியாக இருப்பவனை குறிக்கும் பழமொழி இது. 

5. முடி வைத்த தலைக்குச் சுழிக் குற்றம் பார்க்கிறதா?
பொருள்: தலையில் முடி சூட்டிய (பதவி ஏற்ற)பிறகு அந்த தலையில் சுழியை ஆராயமுடியுமா? 
ஒருவரை பதவியில் அமர்த்திய பிறகு நொந்து கொள்வதில் பயனில்லை.

6. பார்க்கக்கொடுத்த பணத்துக்கு வெள்ளிக்கிழமையா?
பொருள்: இந்த பணத்தை எண்ணிப் பார்த்துவிட்டு சொல் என்றதற்கு, எண்ணிப் பார்த்துவிட்டு, இன்று வெள்ளிக்கிழமை, அதனால் பணத்தைத் திருப்பித்தர  இயலாது என்றானாம்.
பொதுவான நம்பிக்கையைக்/மூடா நம்பிக்கையைக்  காரணம் காட்டி நொண்டி சாக்கு சொல்வது.

7. கெரடி கற்றவன் இடறிவிழுந்தால், அதுவும் ஒரு வரிசை என்பான்.
பொருள்: சிலம்பம் (கெரடி) கற்றவன் தன் ஆட்டத்தில் இடறி கீழே விழுந்தால் அதுவும் அவன் ஆட்டக் கலையின் ஒரு வகை என்பான். அதாவது வல்லவன் ஒருவன் தன் தவறை ஒப்பாதது குறித்து சொன்னது. 

8. சங்கிலே விட்டால் தீர்த்தம், மொந்தையிலே விட்டால் தண்ணீர்.
பொருள்: ஒரு பொருள் இருக்கும் இடத்தைப்பொருத்து மதிக்கப்படும். இரண்டுமே தண்ணீர்தான் என்ற போதிலும் சங்கில் இருந்து கொடுத்தால் அதை தீர்த்தம் என்றும் மொந்தையில் இருந்து கொடுத்தால் அதை தண்ணீர் என்றும் இடத்துக்குத் தக்கவாறு மதிக்கப்படும். 
கோயிலுக்குள் சென்று வரும் சாதம் பிரசாதம் ஆவது போல இருக்கும் இடத்தைப் பொருத்து ஒரு பொருளின் மதிப்பு போற்றப்படுகிறது. 

9. வாழைப்பழம் கொண்டுபோனவள் வாசலில் இருந்தாள், வாயைக் கொண்டுபோனவள் நடுவீட்டில் இருந்தால்.
பொருள்: வாழைப்பழத்தை மரியாதை நிமித்தமாக வாங்கிக்கொண்டு போன பெண் வாசலிலேயே காத்திருக்க, தன் வாய் ஜாலத்தால் பேச்சு சாதுரியத்தால் இன்னொரு பெண் உடனே வரவேற்கப்பட்டு வீட்டின் நடுக்கூடத்திற்கு அழைத்துச் செல்லப்பட்டால். 
முகஸ்துதிக்கு மயங்காதவர்கள் யாரும் இல்லை. வாய் உள்ள பிள்ளை பிழைத்துக்கொள்ளும் என்பதை சொல்வது.

10. நேற்று வெட்டின கிணற்றிலே முந்தாநாள் வந்த முதலைபோல. 
பொருள்: நேற்றுதான் கிணறே வெட்டியது. அப்படி இருக்க அதில் முந்தாநாள் முதலையைப் பார்ப்பது எங்கனம்?
சமீபத்தில் தெரிந்து கொண்டதை ரொம்பநாள் முன்னரே தெரிந்தது போல பேசும் ஒருவனிடம் அங்கதமாகக் கூறுவது. 

4. சென்னை, முகப்பேரில் இருந்து வாசகி கீதாஞ்சலியின் பழமொழி விளக்கங்கள்...

தமிழ் மொழி மீதும் தமிழ் இலக்கியம் மீதும் ஈடுபாட்டை உண்டாகும் வகையில் செயல்படும் தினமணிக்குப் பாராட்டுகள். இவ்வாறு எளிய போட்டிகள் மூலம் தமிழ் மொழியின் மீது சாதாரண பொதுமக்களும் ஆர்வம் கொள்ளும் வண்ணம் செயல்படும் நாளிதழ் தினமணி  மட்டுமே.  தினமணியின் பணி  தொடர  வாழ்த்துகள்.
பழந்தமிழ்  பழமொழி  இன்பம்

1. பட்டும் பாழ், நட்டும் சாவி
விளக்கம் : பாடுபட்டு விளைவித்த பயிர்,  தானியமாகக் கிடைக்காமல் பதராகிப் பலனின்றி வீணாவது போல கடின உழைப்புக்கான பலன் கிடைக்காமல் நம்  உழைப்பு வீணாவதைக் குறிக்கும்.
கருத்து : கடின உழைப்பு கண்டிப்பாகப் பலன் தரும் தான். அதற்காக நிழலைக் கையால் பிடிக்கலாம் என முயற்சி செய்தால் அது பாழாகும். ஆகவே உழைப்பு சரியான முறையில் இருக்க வேண்டும்.  

2. கொடுக்கறது  உழக்கு  பால்,  உதைக்கறது  பல்லு  போக.
விளக்கம்: ஒருவர் தன்னிடம் வேலை செய்பவரிடம்  வேலையை அதிகமாக வாங்கிக்கொண்டு அதற்கான ஊதியத்தைக்  குறைவாகக் கொடுப்பதைக் குறிக்கும்.
கருத்து : உழைப்புக்கேற்ற  ஊதியம்  கொடுக்க  வேண்டும்.

3. கை  காய்த்தால்  கமுகு  காய்க்கும்.
விளக்கம் : கை காய்த்தால் என்பது கடின உழைப்பைக் குறிக்கும். கமுகு காய்க்கும் என்பது உழைப்பால் கிடைக்கும் பலனைக் குறிக்கும். கடினமாக உழைத்தால் சிறந்த பலன் கிடைக்கும் என்பது  இதன்  பொருள்.
கருத்து : கடின  உழைப்பே  உயர்வுக்கு  வழி

4. மேய்த்தால்  கழுதை  மேய்ப்பேன்,  இல்லாதே  போனால்  பரதேசம்  போவேன்.
விளக்கம் : எந்த வேலை கிடைத்தாலும் விருப்பத்தோடு செய்து முன்னேறவேண்டும் என்ற எண்ணமில்லாமல் மனதிற்குப் பிடித்த வேலை கிடைத்தால் மட்டுமே வேலை செய்து, பிடித்த வேலை கிடைக்காவிட்டால்  சோம்பேறியாக சுற்றித்  திரிபவர்களைக்   குறிப்பது.
கருத்து : கிடைக்கும் வாய்ப்பைப் பயன்படுத்தி வாழ்வில் முன்னேறவேண்டும்.

5. முடி  வைத்த தலைக்குச்  சுழிக்  குற்றம்  பார்க்கிறதா?
விளக்கம்: ஒருவரிடம் ஒரு பொறுப்பை ஒப்படைத்த பிறகு அவர் செயலில் குறை காண்பது சரியல்ல.
கருத்து : எண்ணித்  துணிக  கருமம் துணிந்தபின் 
       எண்ணுவம்  என்பது  இழுக்கு.

6. பார்க்கக்  கொடுத்த  பணத்துக்கு  வெள்ளிக்கிழமையா?
விளக்கம் : நம்மிடம் பொருளை இரவல் வாங்கிச் சென்றவர்கள் அதைத் திருப்பித் தராமல் ஏதாவது சாக்கு  போக்கு சொல்லி  காலம்  தாழ்த்துவதைக்  குறிக்கும்.
கருத்து : சாக்குபோக்குக்  கூறுதலைத்  தவிர்த்தல்.

7. கெரடி  கற்றவன்  தடுக்கி  விழுந்தால்  அதுவும்  ஒரு  வரிசை  என்பான்.
விளக்கம்: திறமையுள்ள ஒருவன் அபத்தமாக ஏதாவது செய்து மாட்டிக் கொண்டாலும் அதை ஒத்துக் கொள்ளாமல் ஏதாவது சொல்லி சமாளித்து தன் தவறை மறைப்பதைக்  குறிக்கும். (கெரடி கற்றவன் – சிலம்பம் கற்றவன்)
கருத்து : தவறும்  சரியென்று  கூற  முயற்சித்தல்.

8. சங்கிலே  விட்டால்  தீர்த்தம்,  மொந்தையிலே  விட்டால்  தண்ணீர்.
விளக்கம் : ஒரு பொருள் பணக்காரரிடம் இருந்தால் மேன்மையானது என்றும் அதுவே ஏழையிடம் இருந்தால் சாதரணமானது என்றும் இந்த உலகம் சொல்லும். ஒரு பொருள் இருக்கும் இடத்தை வைத்து மதிக்கப்படுதல் போல ஒரு மனிதன் யாருடன் நட்பாக இருக்கிறான் என்பதைப் பொருத்தே அவனுக்கு மரியாதை கிடைக்கும் என்றும் பொருள் கொள்ளலாம். 
கருத்து : சிப்பியில் விழுந்த மழைத்துளி முத்தாகும். கடலில் விழுந்த மழைத்துளி உப்பாகும். ஆகவே யாருடன் நட்பு கொள்ள வேண்டும் என்பதில் தெளிவாக இருக்கவேண்டும். சேரிடம்  அறிந்து  சேர்  என்பது  இதற்கு  இணையான  பழமொழியாகும்.

9. வாழைப்பழம் கொண்டு போனவள் வாசலில் இருந்தாள்,  வாயைக் கொண்டு போனவள்  நடு  வீட்டில்  இருந்தாள்.
விளக்கம் : அனைவருக்கும் உதவி செய்து அன்போடு இருப்பவருக்குக் கிடைக்காத நற்பெயரும் மரியாதையும் எந்த உதவியும் செய்யாமல் நான் அதைச் செய்வேன் இதைச் செய்வேன்  என்று  பேசியே  சாதிப்பவருக்குக்  கிடைத்துவிடுகிறது.
கருத்து : செயல்  திறனோடு  பேச்சுத்  திறனும்  வேண்டும்.

10. நேற்று  வெட்டிய  கிணற்றிலே  முந்தாநாள்  வந்த  முதலை  போல.
விளக்கம் : தனக்கு எல்லாம் தெரியும் என்று பெருமை பீற்றிக்கொள்ளும் ஒருவன், அண்மையில் நடந்த நிகழ்ச்சியைப் பற்றி எதுவும் தெரியாவிட்டாலும் தனக்கு அது குறித்து வெகு நாட்களுக்கு முன்பே தெரியும்  என்று  கூறுவதைக்  குறிக்கும்.
கருத்து : தன்னை  முதன்மைப்  படுத்திக்  கொள்ளுதல்.

 

பழமொழிகளின் மேல் ஆர்வம் கொண்டு பதில் அனுப்பிய வாசகர்கள் அனைவருக்கும் தினமணியின் நன்றிகள் உரித்தாகட்டும்.

மீண்டுமொரு அருமையான போட்டியில் சந்திப்போம்.

நன்றி!

]]>
pazhamozigal, tamil pazhamozi, tamil proverb contest, தமிழ் பழமொழி விளக்கப் போட்டி, பழமொழி இன்பம், தினமணி வாசகர் போட்டி, https://images.dinamani.com/uploads/user/imagelibrary/2019/7/12/w600X390/proverb.jpg https://www.dinamani.com/lifestyle/lifestyle-special/2019/jul/12/tamil-proverbs-contest--for-dinamani-readers-3191004.html
3186147 லைஃப்ஸ்டைல் ஸ்பெஷல் இப்போதெல்லாம் ஏ டி எம் திருடர்கள் பாலிவுட் ஹீரோக்கள் போலத்தான் அணுகுகிறார்கள், நம்பி விடாதீர்கள்: வங்கி அதிகாரி எச்சரிக்கை! RKV Friday, July 5, 2019 01:24 PM +0530  

பெங்களூரு, பாப்பரெட்டிபாள்யா பகுதியைச் சேர்ந்த ஓய்வு பெற்ற் கல்லூரிப் பேராசிரியையான ராதா எனும் பெண்மணி (69) கடந்த ஜூன் மாதம் 16 ஆம் தேதி தனது வீட்டின் அருகில் உள்ள ஏ டி எம் நிலையமொன்றில் பணம் எடுக்கச் சென்றுள்ளார். தொழில்நுட்பக் கோளாறுகளால் மெஷினில் பணம் எடுக்க முடியாத நிலையில் தயங்கி நின்றவரை அப்போது அங்கு வந்த இளைஞன் ஒருவர் அணுகியிருக்கிறார்.

நான் இந்த ஏ டி எம் நிலையத்தின் செக்யூரிட்டி கார்ட், என்னிடம் உங்கள் கார்டைத் தாருங்கள் நான் மீண்டும் சோதித்துப் பார்க்கிறேன் என்று நயமாகப் பேசி கார்டை வாங்கி மெஷினில் சொருகி பணம் எடுக்க உதவுவது போல நடித்திருக்கிறார். ராதாவுக்கு அப்போது லேசாகச் சந்தேகம் எழவே, ‘ஏ டி எம் நிலைய செக்யூரிட்டி என்றால் சீருடை அணிந்திருக்க வேண்டுமே?’  என்று கேள்வி கேட்டிருக்கிறார். 

அதற்கு அந்த இளைஞர், ‘அம்மா, நான் இப்போது தான் பணிக்கு வந்திருக்கிறேன், என் சீருடை ஏ டி எம் மெஷினின் பின்புற அறையில் இருக்கிறது. உங்களுக்கு உதவி விட்டு பிறகு சென்று நான் சீருடை அணிந்து கொள்வேன்’

-  என மிகவும் நயமாகவும் பணிவாகவும் பதில் கூறி இருக்கிறார். 

இந்த பதிலில் சற்று சமாதானமடைந்த ராதா, அந்த இளைஞர் கேட்டுக் கொண்டதற்கிணங்க தனது டெபிட் கார்டின் பின் நம்பர்களை மெஷினில் எண்ட்டர் செய்திருக்கிறார். இதை ராதா அறியாமல் ரகசியமாகக் கவனித்து குறித்து வைத்துக் கொண்டான் அந்த இளைஞன். இம்முறையும் தொழில்நுட்ப கோளாறு காரணமாகப் பணம் எடுக்க முடியாது என ஏடிஎம் திரை ஒளிரவே, கார்டை மெஷினில் இருந்து வெளியில் எடுத்து ராதாவிடம் ஒப்படைத்திருக்கிறான் அந்தப் புதிய இளைஞன். 

பணம் எடுக்க முடியாமல் ராதா வீடு திரும்பிய அன்று மாலை ராதாவின் அலைபேசிக்கு குறுஞ்செய்தி வந்திருக்கிறது. உங்களது கணக்கில் இருந்து 40,000 ரூபாய் பணம் பெங்களூரு நகர்பவி ஏ டி எம் மெஷின் மூலமாக எடுக்கப்பட்டிருக்கிறது என்று. ராதா நிஜமாகவே ஆச்சர்யப்பட்டுப் போனார். தான் பணம் எதுவும் எடுக்க முடியாத நிலையில் இது எப்படி சாத்தியம் என்று அவருக்கு குழப்பமாக இருந்திருக்கிறது. மறுநாள் காலை மீண்டும் ஒரு குறுஞ்செய்தி அதில் மேலும் 40,000 ரூபாய் ராதாவின் எஸ் பி ஐ வங்கிக் கணக்கில் இருந்து எடுக்கப்ப்ட்டிருப்பதாகத் தகவல் இருந்தது. அதன் பின் வெகு விரைவிலேயே மீண்டும் ஒரு குறுஞ்செய்தி. இப்போதும் ரூ 40,000 பணத்தை ராதாவின் கணக்கில் இருந்து ஏம் டி மெஷின் மூலமாக யாரோ எடுத்ததாக குறுஞ்செய்தி.வந்திருந்தது. மொத்தம் 1. 2 லட்சம் ரூபாய்கள் ஸ்வாஹா. 

ராதாவும் அவரது கணவரும் ஓய்வு பெற்ற கல்லூரிப் பேராசிரியர்கள். அவர்களது சேமிப்பில் இருந்த மொத்தப் பணமும் இப்போது காலி. வயது காரணமாகவோ அல்லது அறியாமை காரணமாகவோ ராதா உடனடியாக வங்கிக்குச் சென்று புகார் அளிக்கத் தவறியதாலும், தன்னுடைய டெபிட் கார்டை பிளாக் செய்யத் தவறியதாலும் மொத்தமாக குறுகிய காலத்தில் பெரும்பணம் இழந்து விட்டார். சம்பவம் நடந்து 10 நாட்களுக்குப் பின் ராதா வங்கியை அணுகிப் புகார் அளித்ததில் இப்போது அவரது கார்டு பிளாக் செய்யப்பட்டும் எவ்விதப் பயனுமில்லை, பணம் போனது போனது தான். இதில் ஹைலைட்டான விஷயம் என்னவென்றால், ராதாவுக்கு வங்கி அதிகாரி அளித்த அறிவுரை தான்.

‘இப்போதெல்லாம் ஏ டி எம் திருடர்கள் பாலிவுட் ஹீரோக்களைப் போல ஜம்மென்று இருக்கிறார்கள் எனவே பொதுமக்கள் அப்படிப்பட்ட ஆட்களைக் கண்டு நம்பி ஏ டி எம் கார்டுகளைக் கொடுத்து ஏமாறி விட வேண்டாம்.’ எந்தக் காரணத்தை முன்னிட்டும் எவர் ஒருவரும் தங்களது ஏ டி எம் கார்டு பின் நம்பர்களை எவரிடமும் பகிர்ந்து கொள்ளக் கூடாது. புதியவர்களை நம்பி தங்களது ரகசிய எண்களைக் கொடுத்து மாட்டிக் கொள்ளும் போது தான் இத்தகைய மோசடிகள் நடக்கின்றன. எனவே தொழில்நுட்பக் கோளாறு காரணமாக ஏ டி எம் மெஷின்களில் பணம் எடுக்க முடியவில்லை என்றால் சம்பந்தப்பட்டவர்கள் உடனடியாக வங்கியின் கஸ்டமர் கேர் நிறுவனத்தையோ அல்லது நேரடியாக வங்கியையோ தான் அணுக வேண்டுமே தவிர, உதவி செய்வதாகச் சொல்லி அணுகும் புதியவர்களை அல்ல’ என்று அறிவுரை கூறி அனுப்பியிருக்கிறார்.

அவர் சொன்ன எச்சரிக்கையில் பிற எல்லாவற்றையும் விட முக்கியமானது;

‘இப்போதெல்லாம் ஏ டி எம் திருடர்கள் பாலிவுட் ஹீரோக்கள் போல இருக்கிறார்கள், எளிதில் நம்பி மோசம் போய் விட வேண்டாம்’ என்பது தான்.

தற்போது ராதா அளித்த புகாரின் அடிப்படையில் அந்தக் குறிப்பிட்ட ஏ டி எம் நிலையைத்தின் சி சி டி வி ஃபூட்டேஜ் காட்சிகள் சோதிக்கப்பட்டதில் சில தடயங்கள் சிக்கி அதன் அடிப்படையில் அவ்வழக்கின் விசாரணை நடந்து கொண்டிருப்பதாகத் தகவல். 

]]>
A T M THEFT, RETIRED PROFESSOR LOSES 1.2 LAKH, ஏ டி எம் திருட்டு, பேராசிரியை இழந்த 1.2 லட்சம் ரூபாய், பாலிவுட் ஹீரோஸ், ஏ டி எம் திருடர்கள், https://images.dinamani.com/uploads/user/imagelibrary/2019/7/5/w600X390/ATM_THEFT.JPG https://www.dinamani.com/lifestyle/lifestyle-special/2019/jul/05/beware--of-scamters-of-bollywood--type-looks-3186147.html
3184577 லைஃப்ஸ்டைல் ஸ்பெஷல் வால்நட்டில் போதை மருந்து கடத்திய பெண்! கடத்தல்காரர்கள் 8 அடி பாய்ந்தால் கஸ்டம்ஸ்காரர்கள் 16 அடி பாய்ந்தாக வேண்டிய நிர்பந்தம்! RKV Wednesday, July 3, 2019 11:43 AM +0530  

ஸ்மக்லிங்... 

ரெகுலர் சினிமா ரசிகர்களுக்கு ஸ்மக்லிங் என்ற வார்த்தைக்கு அர்த்தம் தெரியாமலிருக்காது. இந்திய சினிமா மட்டுமல்ல உலகத்திரைப்படங்களிலும் கூட கணக்கிலடங்கா ஸ்மக்லர் சீரீஸ் திரைப்படங்கள் வெளிவந்து விட்டன. இன்னும் வெளிவந்து கொண்டும் இருக்கின்றன. அந்தத் திரைப்படங்களில் காட்டப்படுவதைக் காட்டிலும் புது மாதிரியான நவீன உத்திகளை இன்றைய கடத்தல் காரர்கள் யோசிக்கத் தொடங்கி விட்டார்கள் என்பதைப் பற்றியது தான் இந்தக் கட்டுரை.

ஸ்மக்லிங் அதாவது தங்கம், வைரம், விலையுயர்ந்த இதர உலோகங்கள், போதைப் பொருட்கள், அரிய விலை உயர்ந்த கடல்வாழ் உயிரினங்கள், சந்தனக் கட்டைகள், செம்மரக் கட்டைகள், யானைத் தந்தங்கள், புலி, யானை, முதலை, மான் முதலிய விலங்குகளின் தோல் உள்ளிட்ட பல பொருட்களுக்கு உலகம் முழுவதுமே பலத்த டிமாண்ட் உண்டு. இத்தகையக் பொருட்களை மாநிலம் விட்டு மாநிலம், நாடு விட்டு நாடு எனக் கடத்த விரும்புபவர்கள் பல்வேறு நுட்பமான வழிமுறைகளைக் கையாள்கிறார்கள்.

சமீபத்தில் எஸ்.ஜே சூர்யா நடிப்பில் ‘மான்ஸ்டர்’ என்றொரு திரைப்படம் வெளிவந்ததே, நினைவிருக்கிறதா? அந்தப் படத்தில் வரும் கடத்தல்காரன், வைரங்களைக் கடத்த ரஸ்க் பாக்கெட்டுகளைப் பயன்படுத்தி இருப்பான். ரஸ்க் வில்லைகளில் மெல்லிய துளைகள் இட்டு அதற்குள் பொடிப்பொடியான மிகச்சிறிய விலையுயர்ந்த வைரங்களை ஒட்டி அதன் மேல் மீண்டும் ரஸ்கு தூளைப் பூசி பழையபடி ரஸ்க் பாக்கெட்டுகளில் அடைத்து அவன் கடத்தலில் ஈடுபட்டிருப்பதைப் போல காட்டியிருப்பார்கள். இது ஒரு விதமான நூதனக் கடத்தல் என்றால்;

அயன் திரைப்படத்தில் நாடு விட்டு நாடு தங்கம் மற்றும் வைரக் கடத்தலில் ஈடுபடும் சூர்யா கதாபாத்திரம், வாட்டர் பாட்டில் மேல் ஒட்டப்படும் சுய விவர, விளம்பர ஸ்டிக்கரை அகற்றி அதனுள் பொடிப்பொடியான வைரங்களை ஒட்டிக் கடத்தலில் ஈடுபடுவதைப் போலக் காட்டியிருப்பார்கள். சிலர் தலையை மழுங்க மொட்டையடித்து விட்டு விக் மாட்டிக் கொண்டு அந்த விக்குக்குள்( பொய்முடி) கடத்தல் பொருட்களை வைத்துக் கடத்துவதாக பல திரைப்படங்களில் நாம் கண்டிக்கிறோம். 

இந்த வரிசையில் பட்டிலிடத் தக்க வகையில் தற்போது துபாயில் பெண்ணொருவர் மேற்கண்ட முறைகளை எல்லாம் தூக்கிச் சாப்பிட்டு ஏப்பம் விடும்படியான  புதுமையான முறையில் கடத்தலில் ஈடுபட்டுள்ளதாகத் தெரியவந்துள்ளது.

துபாய் கஸ்டம்ஸ் தலைமை  இயக்குனர் அஹமத் மஹ்பூப் முஸாபிஹ் இதைப் பற்றிப் பேசுகையில், ‘இன்றைக்கெல்லாம் கடத்தல்காரர்கள் மிக சாமர்த்தியமாக யோசிக்கத் தொடங்கி விட்டார்கள். அவர்கள் கடத்தலுக்கு புதுப்புது ட்ரிக்குகளைக் கையாள்கிறார்கள். அவர்களது ட்ரிக்குகளை முறியடித்து கடத்தலைக் கண்டுபிடிக்க சுங்கத்துறை கடுமையாகச் சிந்திக்க வேண்டியுள்ளது. 2019 ஆம் ஆண்டின் முதல் காலாண்டில் இதுவரை 14 கிலோ போதைப்பொருட்களை கடத்தல்காரர்களிடமிருந்து கைப்பற்றியிருக்கிறோம். ஒவ்வொரு முறையும் அதிர்ச்சியில் திகைக்கச் செய்யும் விதமாக புதுப்புது விதமாக கடத்தல்களை முறியடிக்க வேண்டிய நிர்பந்தம் எங்களுக்கு இருந்தது.

துபாய் சர்வதேச விமான நிலையத்தில் பெண்ணொருவர் 3 கிலோ போதை மருந்தை 6 வால்நட் விதைகளில் மறைத்து வைத்து கடத்த முயன்ற போது சுங்கப் பரிசோதனையில் பிடிபட்டார்.

அவரிடமிருந்து பறிமுதல் செய்யப்பட்டவை துபாய் விமானநிலைய வளாகத்தில் கடந்த ஜனவரி 1 முதல் மார்ச் 31 வரையிலான காலகட்டத்தில் தடை செய்யப்பட்டதாக அறிவிக்கப்பட்ட 973 வலிப்பு நோய் மருந்துகளில் ஒருபகுதியாகும் என துபாய் ஹலீஜ் டைம்ஸ் பத்திரிகையாளர் சந்திப்பில் தெரிவித்துள்ளார்.
மற்றொரு கடத்தல் வழக்கில், ஒரு நபர் தனது செல்ஃபோனின் பேட்டரியில் போதை மருந்தைத் திணித்து கடத்த முயன்ற போது சுங்கப் பரிசோதனையில் பிடிபட்டார்.
இப்போதெல்லாம் கடத்தல்காரர்கள் கடத்த வாய்ப்பு உள்ளதெனக் கருதும், நம்பும் எந்த ஒரு பொருளையும் விட்டு வைப்பதே இல்லை. சிலர் சிவப்பு பயிர்கள், பொம்மைகள், வாழைப்பழங்கள், சாக்லேட்டுகள