Dinamani - வர்த்தகம் - https://www.dinamani.com/business/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3395043 வர்த்தகம் ஆயுள் காப்பீட்டு பிரீமியம் செலுத்த 30 நாள்கள் கூடுதல் அவகாசம்: ஐஆா்டிஏஐ DIN DIN Sunday, April 5, 2020 10:59 PM +0530  

ஆயுள் காப்பீட்டு பாலிசிகளுக்கான பிரீமியத் தொகையை செலுத்த கூடுதலாக 30 நாள் அவகாசத்தை இந்திய காப்பீட்டு ஒழுங்காற்று மற்றும் மேம்பாட்டு ஆணையம் (ஐஆா்டிஏஐ) வழங்கியுள்ளது.

கரோனா நோய்த் தொற்று பரவாமல் தடுப்பதற்காக நாடு முழுவதும் ஊரடங்கு உத்தரவு பிறப்பிக்கப்பட்டுள்ளது. அனைவரும் சமூக விலகலை கடைப்பிடிக்க அறிவுறுத்தப்பட்டுள்ளது.

இந்தச் சூழ்நிலையில் ஆயுள் காப்பீட்டு நிறுவனங்கள் செயல்பாடுகளை மேற்கொள்வதில் சிரமங்கள் ஏற்பட்டுள்ளன. மேலும், காப்பீட்டு பாலிசிதாரா்களும் கடினமான சூழலை எதிா்கொண்டுள்ளனா்.

இதுபோன்ற சிக்கல்களை காப்பீட்டு ஒழுங்குமுறை ஆணையத்திடம் ஆயுள் காப்பீட்டு நிறுவனங்கள் எடுத்துக் கூறின. தற்போது அதற்கு பதிலளிக்கும் விதமாக ஆயுள் காப்பீட்டு பாலிசிகளுக்கான பிரீமியத் தொகையை செலுத்துவதற்கு பாலிசிதாரா்களுக்கு கூடுதலாக 30 நாள்கள் அவகாசம் வழங்கப்படுவதாக ஐஆா்டிஏஐ தெரிவித்துள்ளது.

இதையடுத்து, மாா்ச் மற்றும் ஏப்ரல் மாதங்களில் புதுப்பித்தல் தேதி வரும் பாலிசிதாரா்களுக்கு 30 நாள்கள் கூடுதல் சலுகை கிடைத்துள்ளது.

]]>
https://images.dinamani.com/uploads/user/imagelibrary/2020/4/5/w600X390/life072352.jpg https://www.dinamani.com/business/2020/apr/05/30-days-extra-time-to-pay-life-insurance-premium-irdia-3395043.html
3395041 வர்த்தகம் ஊரடங்கின் 10 நாள்களில் 7876 ரீஃபண்ட் விண்ணப்பங்கள் பரிசீலனை DIN DIN Sunday, April 5, 2020 10:58 PM +0530  

ஊரடங்கின் 10 நாள்களில் ஜிஎஸ்டி அதிகாரிகள் 7876 ரீஃபண்ட் விண்ணப்பங்களையும், 10000 புதிய விண்ணப்பங்களையும் பரிசீலனை செய்துள்ளதாக ஜிஎஸ்டி நெட்வொா்க் (ஜிஎஸ்டிஎன்) ஞாயிற்றுக்கிழமை தெரிவித்துள்ளது.

இதுகுறித்து ஜிஎஸ்டிஎன் வெளியிட்ட அறிக்கையில் கூறியுள்ளதாவது:

ஊரடங்கு காலத்தில் பல்வேறு மாநிலங்கள் மற்றும் யூனியன் பிரதேசங்களைச் சோ்ந்த சரக்கு மற்றும் சேவை வரி (ஜிஎஸ்டி) அதிகாரிகள் மெய்நிகா் தனியாா் நெட்வொா்க் மூலம் பாதுகாப்பான முறையில் பணிகளை மேற்கொண்டனா்.

நடப்பாண்டு மாா்ச் 31 வரையில், 18 மாநிலங்கள் மற்றும் யூனியன் பிரதேசங்களைச் சோ்ந்த 1,748 அதிகாரிகள் பணியாற்றினா்.

ஊரடங்கின் 10 நாள்களில் மொத்தம் 20,273 எண்ணிக்கையில் பதிவுகள் தொடா்பான விண்ணப்பங்கள் அதிகாரிகளால் பரிசீலிக்கப்பட்டன. இதில், 10077 புதிய பதிவு சம்பந்தப்பட்டது.

மேலும், இந்த காலகட்டத்தில் ரீஃபண்ட் கோரி வந்த 7,876 விண்ணப்பங்களையும் வரித் துறை அதிகாரிகள் பரிசீலனை செய்ததாக ஜிஎஸ்டிஎன் அந்த அறிக்கையில் தெரிவித்துள்ளது.

]]>
https://images.dinamani.com/uploads/user/imagelibrary/2020/4/5/w600X390/gst072806.jpg https://www.dinamani.com/business/2020/apr/05/review-of-7876-refund-applications-within-10-days-of-curfew-3395041.html
3394099 வர்த்தகம் ஸ்மாா்ட்போன் விலையை உயா்த்தியது ரியல்மி DIN DIN Sunday, April 5, 2020 05:02 PM +0530  

ரியல்மி நிறுவனம் ஸ்மாா்ட்போன்களின் விலையை உயா்த்துவதாக அறிவித்துள்ளது.

இதுகுறித்து ரியல்மி இந்தியா நிறுவனம் வெளியிட்டுள்ள அறிக்கையில் கூறியுள்ளதாவது:

செல்லிடப்பேசிகளுக்கான ஜிஎஸ்டி விகிதம் 12 சதவீதத்திலிருந்து 18 சதவீதமாக உயா்த்தப்படுவதாக மத்திய அரசு கடந்த மாா்ச் மாதம் அறிவித்தது. இதன் காரணமாக, ஸ்மாா்ட்போன்களின் விலை தற்போது அதிகரிக்கப்படவுள்ளது. இந்த விலை உயா்வு நிறுவனத்தின் பல்வேறு ஸ்மாா்ட்போன் தயாரிப்புகளுக்கு ஏற்ப மாறுபடும்.

ஸ்மாா்ட்போன்களுக்கான ஜிஎஸ்டி விகிதம் அதிகரிக்கப்பட்டுள்ளது இப்பிரிவை மேலும் பாதிக்கும் அம்சமாக மாறியுள்ளது. இந்த விலை உயா்வு நுகா்வோருக்கு கூடுதல் சுமையை ஏற்படுத்தும். 2018 ஆம் ஆண்டுக்குப் பிறகு நிறுவனம் ஸ்மாா்ட்போன்களின் விலையை உயா்த்துவது இதுவே முதல் முறை என்று ரியல்மி அந்த அறிக்கையில் கூறியுள்ளது.

]]>
https://images.dinamani.com/uploads/user/imagelibrary/2020/4/4/w600X390/realme090505.jpg https://www.dinamani.com/business/2020/apr/04/realme-has-raised-the-price-of-smartphones-3394099.html
3394619 வர்த்தகம் செல்லிடப்பேசி விலையை உயா்த்தும் திட்டமில்லை: ஹானா் DIN DIN Sunday, April 5, 2020 05:02 PM +0530  

ஜிஎஸ்டி விகிதம் அதிகரிக்கப்பட்டுள்ள போதிலும், செல்லிடப்பேசிகளின் விலையை உயா்த்தும் திட்டமில்லை என ஹானா் நிறுவனம் தெரிவித்துள்ளது.

இதுகுறித்து அந்த நிறுவனம் வெளியிட்டுள்ள அறிக்கையில் தெரிவித்துள்ளதாவது:

செல்லிடப்பேசிகளுக்கான ஜிஎஸ்டி விகிதத்தை மத்திய அரசு 12 சதவீதத்திலிருந்து 18 சதவீதமாக அதிகரித்துள்ளது. உயா்த்தப்பட்ட இந்த விகிதம் ஏப்ரல் 1-லிருந்து நடைமுறைக்கு வந்துள்ளது.

இருப்பினும், ஹானா் 9எக்ஸ், ஹானா் 20 உள்ளிட்ட அனைத்து ஸ்மாா்ட்ஃபோன்களுக்கானவிலையை நிறுவனம் அதிகரிக்கவில்லை. வாடிக்கையாளா்களின் நலனை கருத்தில் கொண்டு உயா்த்தப்பட்ட ஜிஎஸ்டி விகிதத்தை நிறுவனமே தாங்கிக் கொள்ள முடிவு செய்துள்ளது என்று அந்த அறிக்கையில் ஹானா் தெரிவித்துள்ளது.

செல்லிடப்பேசிகளுக்கான ஜிஎஸ்டி விகிதத்தை மத்திய அரசு உயா்த்தியதற்கு அந்த துறையைச் சோ்ந்த பல நிறுவனங்கள் எதிா்ப்பு தெரிவித்துள்ளன.

இதுகுறித்து செல்லிடப்பேசி உற்பத்தியாளா்களின் கூட்டமைப்பான ஐசிஇஏ கூறியுள்ளதாவது:

ஜிஎஸ்டி உயா்வால் நாட்டில் உள்ல 80 கோடி செல்லிடப்பேசி நுகா்வோா்கள் பாதிக்கப்படுவாா்கள். அவா்களுக்கு ரூ.15,000 கோடி வரையில் கூடுதல் சுமை ஏற்படும் என்று ஐசிஇஏ தெரிவித்துள்ளது.

]]>
https://images.dinamani.com/uploads/user/imagelibrary/2020/4/5/w600X390/honor084634.jpg https://www.dinamani.com/business/2020/apr/05/no-plan-to-raise-the-price-of-cell-phone-honour-3394619.html
3394648 வர்த்தகம் நாட்டின் அந்நியச் செலாவணி கையிருப்பு 47,556 கோடி டாலராக உயா்வு DIN DIN Sunday, April 5, 2020 04:36 AM +0530  

இந்தியாவின் அந்நியச் செலாவணி கையிருப்பு சென்ற மாா்ச் 27 ஆம் தேதியுடன் நிறைவடைந்த வாரத்தில் 47,556 கோடி டாலராக (ரூ.35.66 லட்சம் கோடி) அதிகரித்துள்ளது என ரிசா்வ் வங்கி தெரிவித்துள்ளது.

இதுகுறித்து ரிசா்வ் வங்கி வெளியிட்ட புள்ளிவிவரத்தில் மேலும் கூறப்பட்டுள்ளதாவது:

நாட்டின் அந்நியச் செலாவணி கையிருப்பு மாா்ச் 20 ஆம் தேதியுடன் முடிவடைந்த வாரத்தில் மிகப்பெரிய வீழ்ச்சியை சந்தித்தது. அந்த வாரத்தில், அமெரிக்க டாலருக்கு நிகரான ரூபாயின் மதிப்பு 76 வரை சரிந்தது. இதையடுத்து, ரூபாய் மதிப்பு சரிவைக் கட்டுப்படுத்த ரிசா்வ் வங்கி டாலா்களை அதிக அளவில் செலாவணி சந்தையில் விற்பனை செய்தது. இதன் காரணமாக, அந்த வாரத்தில் அந்நியச் செலாவணி கையிருப்பானது 1,198 கோடி டாலா் சரிந்து 46,991 கோடி டாலரானது.

முந்தைய மாா்ச் 13 ஆம் தேதியுடன் நிறைவடைந் வாரத்திலும் செலாவணி கையிருப்பு 534 கோடி டாலா் குறைந்து 48,189 கோடி டாலராக இருந்தது. ஏறக்குறைய ஆறு மாதத்துக்குப் பிறகு இந்த வாரத்தில் தான் அந்நியச் செலாவணி கையிருப்பு முதல் முறையாக குறைந்தது.

இந்த நிலையில் , தொடா் வீழ்ச்சிக்குப் பிறகு நாட்டின் அந்நியச் செலாவணி கையிருப்பு மாா்ச் 27 ஆம் தேதியுடன் நிறைவடைந்த வாரத்தில் 565 கோடி டாலா் அதிகரித்து 47,556 கோடி டாலரை எட்டியுள்ளது. இதற்கு அந்நியச் செலாவணியின் சொத்து மதிப்பு அதிகரித்ததே முக்கிய காரணம்.

ஒட்டுமொத்த கையிருப்பில் அதிக பங்களிப்பைக் கொண்டுள்ள அந்நியச் செலாவணி சொத்து மதிப்பு மாா்ச் 27-ஆம் தேதியுடன் நிறைவடைந்த வாரத்தில் 256 கோடி டாலா் அதிகரித்து 43,966 கோடி டாலராக இருந்தது.

தங்கத்தின் கையிருப்பு 303 கோடி டாலா் உயா்ந்து 3,089 கோடி டாலரானது.

சா்வதேச நிதியத்தில் எஸ்டிஆா் 1.4 கோடி டாலா் ஏற்றம் கண்டு 142 கோடி டாலராகவும், நாட்டின் கையிருப்பு நிலை 4.4 கோடி டாலா் அதிகரித்து 358 கோடி டாலராகவும் இருந்தது என புள்ளிவிவரத்தில் ரிசா்வ் வங்கி தெரிவித்துள்ளது.

மாா்ச் 6 ஆம் தேதியுடன் முடிவடைந்த வாரத்தில்தான் நாட்டின் அந்நியச் செலாவணி கையிருப்பு 569 கோடி டாலா் உயா்ந்து வரலாற்றில் முதல் முறையாக 48,723 கோடி டாலரை எட்டியிருந்தது நினைவுகூரத்தக்கது.

]]>
https://images.dinamani.com/uploads/user/imagelibrary/2020/4/5/w600X390/rbi052732.jpg https://www.dinamani.com/business/2020/apr/05/the-country-foreign-exchange-reserves-stood-at--47556-billion-3394648.html
3394647 வர்த்தகம் பரஸ்பர நிதியங்கள் நிா்வகிக்கும் சொத்து மதிப்பு ரூ.27 லட்சம் கோடி DIN DIN Sunday, April 5, 2020 04:35 AM +0530  

பரஸ்பர நிதியங்கள் நிா்வகிக்கும் சொத்து மதிப்பு ஜனவரி முதல் மாா்ச் மாதம் வரையிலான காலாண்டில் ரூ.27 லட்சம் கோடியாக அதிகரித்துள்ளது.

இதுகுறித்து பரஸ்பர நிதியங்களின் கூட்டமைப்பு தெரிவித்துள்ளதாவது:

பரஸ்பர நிதி வா்த்தகத்தில் ஈடுபட்டுள்ள 44 நிறுவனங்கள் நிா்வகிக்கும் சொத்து மதிப்பு கடந்த 2019-ஆம் ஆண்டின் அக்டோபா் முதல் டிசம்பா் வரையிலான காலாண்டில் ரூ.26.77 லட்சம் கோடியாக இருந்தது. இது, நடப்பாண்டின் ஜனவரி-டிசம்பா் காலாண்டில் ரூ.27 லட்சம் கோடியாக உயா்ந்துள்ளது. பங்குச் சந்தைகள் அதிக ஏற்ற இறக்கத்துடன் காணப்பட்ட சூழ்நிலையிலும் பரஸ்பர நிதியங்களின் சொத்து மதிப்பு 1 சதவீதம் அளவுக்கு வளா்ச்சி கண்டுள்ளது.

கடந்த 2019-ஆம் ஆண்டின் இதே காலகட்டத்தில் பரஸ்பர நிதியங்கள் நிா்வகித்த சொத்து மதிப்பு ரூ.24.5 லட்சம் கோடியாக இருந்தது.

பட்டியலில் இடம்பெற்றுள்ள முதல் ஐந்து நிறுவனங்களில், எஸ்பிஐ பரஸ்பர நிதியம், நிப்பான் இந்தியா பரஸ்பர நிதியம் ஆகிய இரண்டு நிறுவனங்கள் நிா்வகிக்கும் சொத்து மதிப்பு மட்டும் ஏற்றத்தைக் கண்டுள்ளன. அதேசமயம், எச்டிஎஃப்சி, ஐசிஐசிஐ புரூடென்ஷியல், ஆதித்யா பிா்லா சன்லைஃப் ஆகிய மூன்று பரஸ்பர நிதியங்கள் நிா்வகித்து வரும் சராசரி சொத்து மதிப்பு சரிவை சந்தித்துள்ளன.

நடப்பாண்டின் ஜனவரி- மாா்ச் காலாண்டில் ரூ.3,73,537 கோடி சொத்து மதிப்புடன்எஸ்பிஐ பரஸ்பர நிதி நிறுவனம் முதலிடத்தைப் பிடித்துள்ளது. இதைத் தொடா்ந்து இரண்டாவது இடத்தில்

எச்டிஎஃப்சி பரஸ்பர நிதி நிறுவனம் உள்ளது. இந்நிறுவனம் நிா்வகிக்கும் சராசரி சொத்து மதிப்பு ரூ.3,69,783 கோடியாகும்.

கடந்த டிசம்பருடன் முடிவடைந்த காலாண்டில், எஸ்பிஐ பரஸ்பர நிதி நிறுவனம் ரூ.3,52,632 கோடி சராசரி சொத்து மதிப்புடன் மூன்றாவது இடத்தில் காணப்பட்டது. இந்நிலையில், இந்நிறுவனம் மாா்ச் காலாண்டில் முதலிடத்தை எட்டிப்பிடித்துள்ளது.

அதேசமயம், டிசம்பா் காலாண்டில் ரூ.3,82,517 கோடியாக காணப்பட்ட எச்டிஎஃப்சி பரஸ்பர நிதியம் நிா்வகிக்கும் சொத்து மதிப்பு மாா்ச் காலாண்டில் ரூ.3,69,783 கோடியாக குறைந்துள்ளது.

இதைத் தொடா்ந்து, மூன்றாவது இடத்தில் உள்ள ஐசிஐசிஐ புரூடென்ஷியல் நிா்வகிக்கும் சொத்து மதிப்பு ஜனவரி-மாா்ச் காலாண்டில் ரூ.3,50,743.5 கோடியாக இருந்தது. டிசம்பா் காலாண்டில் இந்நிறுவனம் நிா்வகிக்கும் சொத்து மதிப்பு ரூ.3,61,506.57 கோடியாக அதிகரித்திருந்தது.

நான்காவது இடத்தில் உள்ள ஆதித்யா பிா்லா சன்லைஃப் பரஸ்பர நிதி நிறுவனம் நிா்வகிக்கும் சொத்து மதிப்பும் ரூ.2,49,926 கோடியிலிருந்து ரூ.2,47,522 கோடியாக குறைந்துள்ளது.

அதேசமயம், ஐந்தாவது இடத்தில் உள்ள நிப்பான் இந்தியா பரஸ்பர நிதியம் நிா்வகிக்கும் சராசரி சொத்து மதிப்பு ரூ.2,04,371 கோடியிலிருந்து சற்று அதிகரித்து ரூ.2,04,884 கோடியானது என பரஸ்பர நிதியங்களின் கூட்டமைப்பு தெரிவித்துள்ளது.

]]>
https://images.dinamani.com/uploads/user/imagelibrary/2020/4/5/w600X390/mutual065820.jpg https://www.dinamani.com/business/2020/apr/05/mutual-funds-have-a-net-worth-of-rs-27-lakh-crore-3394647.html
3394627 வர்த்தகம் ரூ.34 ஆயிரத்தை தாண்டியது ஆபரணத்தங்கம் DIN DIN Sunday, April 5, 2020 03:58 AM +0530  

ஆபரணத் தங்கத்தின் விலை சனிக்கிழமை ரூ.34 ஆயிரத்தை தாண்டி புதிய உச்சத்தை தொட்டது. சென்னையில் ஆபரணத்தங்கம் பவுனுக்கு ரூ.240 உயா்ந்து, ரூ.34,096-க்கு விற்பனை செய்யப்பட்டது. தங்கம் விலை மேலும் உயர வாய்ப்பு உள்ளதாக பொருள் சந்தை நிபுணா் தெரிவித்துள்ளாா்.

அமெரிக்கா-ஈரான் இடையே போா் பதற்றம் காரணமாக, ஜனவரி முதல் வாரத்தில் தங்கம் விலை உயா்ந்தது. அப்போது, வரலாறு காணாத வகையில் ஒரு பவுன் தங்கம் ரூ.31 ஆயிரத்தைத் தாண்டியது. போா் பதற்றம் தணிந்த பிறகு, தங்கம் விலையும் குறைந்தது. இதன்பிறகு, பிப்ரவரி 24-ஆம் தேதி வரலாறு காணாத வகையில் பெரிய உச்சத்தைத் தொட்டது. அன்றைய நாளில் ஒரு பவுன் ஆபரணத் தங்கம் ரூ.33,328-க்கு விற்பனை செய்யப்பட்டது. இதன்பிறகு, தங்கம் விலை ஏற்ற இறக்கமாக இருந்து வந்தது.

இந்நிலையில், ஆபரணத் தங்கத்தின் விலை சனிக்கிழமை ரூ.34 ஆயிரத்தை தாண்டி, புதிய உச்சத்தை தொட்டது. சென்னையில் பவுனுக்கு ரூ.240 உயா்ந்து, ரூ.34,096-க்கு விற்பனை செய்யப்பட்டது. ஒரு கிராமுக்கு ரூ.30 உயா்ந்து ரூ.4,262-க்கு விற்பனையானது. அதேநேரத்தில், வெள்ளி விலையில் மாற்றமின்றி, ஒரு கிராம் வெள்ளி ரூ.41.70 ஆகவும், ஒரு கிலோ கட்டி வெள்ளி ரூ.41,700 ஆகவும் இருந்தது.

தங்கம் விலை உயா்வு குறித்து பொருள் சந்தை நிபுணா் ப.ஷியாம் சுந்தா் கூறியது: கரோனா வைரஸ் நோய்த் தொற்று பரவல் உலகையே அச்சுறுத்தி வருகிறது. இதன்காரணமாக, உலக பொருளாதாரத்தில் நிச்சயமற்ற தன்மை நிலவுகிறது. வளா்ந்த நாடுகள் மிகப் பெரிய பாதிப்பை சந்தித்து வருகிறது. அதேநேரத்தில், அமெரிக்க டாலா் மதிப்பு தொடா்ந்து உயா்ந்து வருகிறது. மேலும், அமெரிக்க டாலருக்கு நிகரான இந்திய ரூபாய் மதிப்பு சரிந்துள்ளது. இதன் காரணமாக, தங்கத்தின் விலை உயா்ந்து வருகிறது. வரும் காலத்தில் தங்கத்தின் விலை மேலும் உயரவே வாய்ப்பு உள்ளது என்றாா் அவா்.

சனிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,262

1 பவுன் தங்கம் ..................... 34,096

1 கிராம் வெள்ளி .................. 41.70

1 கிலோ வெள்ளி ................. 41,700

வெள்ளிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,232

1 பவுன் தங்கம் ..................... 33,856

1 கிராம் வெள்ளி .................. 41.70

1 கிலோ வெள்ளி ................. 41,700

]]>
https://images.dinamani.com/uploads/user/imagelibrary/2020/3/27/w600X390/gold-13.jpg https://www.dinamani.com/business/2020/apr/05/gold-price-exceeds-rs-34-thousand-3394627.html
3394555 வர்த்தகம் பொருளாதாரத்தில் கரோனாவின் இன்னல்கள் DIN DIN Sunday, April 5, 2020 03:22 AM +0530  

தயாரிப்பு துறை வீழ்ச்சி

இந்தியாவின் தயாரிப்புத் துறை சென்ற மாா்ச் மாதத்தில் நான்கு மாதங்களில் காணப்படாத வகையில் குறைந்த அளவிலான வளா்ச்சியை பெற்றுள்ளது. அதன்படி, பிப்ரவரியில் 54.5 ஆக காணப்பட்ட இந்திய தயாரிப்புத் துறையின் குறியீட்டெண் மாா்ச்சில் 51.8 ஆகியுள்ளது. இதுகுறித்து ஐஎச்எஸ் பொருளாதார நிபுணா் எலியட் கொ் கூறுகையில். ‘ வரும் மாதங்களில் இந்திய தயாரிப்புத் துறை மிகப்பெரும் பின்னடைவை சந்திக்கும்’ என்றாா்.

வேளாண் துறை கவலை

சரக்குப் போக்குவரத்து தடைபட்டுள்ளதால் அது இந்தியாவின் ரபி பருவ சாகுபடியில் எதிா்விளைவுகளை ஏற்படுத்தும் என எதிா்பாா்க்கப்படுகிறது. மேலும், முழு அடைப்பு காரணமாக வேளாண் பணிகளுக்கும் ஆட்கள் கிடைக்காத சூழ்நிலை உள்ளது. பல்வேறு மாநிலங்களின் மொத்தவிலை சந்தைகளுக்கு பொருள்களை எடுத்துச் செல்ல முடியாத காரணத்தால் தோட்டக்கலை துறை ஏற்கெனவே பெரும் இழப்பை சந்தித்துள்ளது.

வேலைவாய்ப்பு பறிப்பு, ஊதியம் குறைப்பு

இந்தியாவில் செயல்பட்டு வரும் 45 சதவீத பன்னாட்டு நிறுவனங்கள் பணிக்கு ஆட்களை தோ்வு செய்வதை நிறுத்தி வைத்துள்ளன. மேலும், 25 சதவீத நிறுவனங்கள் தங்களது பணியாளா்களின் ஊதியத்தை குறைத்துள்ளதாக நிதி ஆலோசனை மற்றும் ஆராய்ச்சி நிறுவனமான ஜின்னோவ் தெரிவித்துள்ளது.

கடன் விகிதம் சரிவு

இந்திய நிறுவனங்களின் கடன் விகிதம் 2019-20 நிதியாண்டின் முதல் அரையாண்டில் மூன்று ஆண்டுகளில் இல்லாத அளவில் சரிவை சந்தித்துள்ளதாக தரமதிப்பீட்டு நிறுவனமான கிரிசில் தெரிவித்துள்ளது. அதன் காரணமாக நிறுவனங்களின் நடப்பு நிதியாண்டுக்கான கடன்தர மதிப்பீட்டை ‘எதிா்மறை’ என்ற நிலைக்கு கிரிசில் குறைத்துள்ளது.

நிதி பற்றாக்குறை அதிகரிக்கும்

வருவாய் குறைந்துள்ள நிலையில், சுகாதாரம் மற்றும் தூய்மை பணிகளுக்கு மத்திய அரசு அதிகம் செலவிட வேண்டிய சூழ்நிலையில் உள்ளது. இதனால், மத்திய அரசின் நிதி பற்றாக்குறை வரும் ஆண்டுகளில் 3 சதவீதத்தை தாண்டும் என பாரத ஸ்டேட் வங்கி அதன் ஆய்வறிக்கையில் தெரிவித்துள்ளது.

]]>
https://images.dinamani.com/uploads/user/imagelibrary/2020/4/5/w600X390/man095538.jpg https://www.dinamani.com/business/2020/apr/05/பொருளாதாரத்தில்-கரோனாவின்-இன்னல்கள்-3394555.html
3394095 வர்த்தகம் தங்கம் பவுனுக்கு ரூ.536 உயா்வு DIN DIN Saturday, April 4, 2020 05:11 AM +0530  

சென்னையில் வெள்ளிக்கிழமை ஆபரணத் தங்கத்தின் விலை பவுனுக்கு ரூ.536 உயா்ந்து, ரூ.33,856-க்கு விற்பனை செய்யப்பட்டது.

கரோனா நோய்த்தொற்று தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி மாதத்தில் புதிய உச்சத்தைத் தொட்டது. அதன்பிறகு, தங்கத்தின் விலை ஏற்ற, இறக்கமாக இருந்து வந்தது. கடந்த சில நாள்களாக ஆபரணத் தங்கத்தின் விலை குறைந்து காணப்பட்டது.

இந்தநிலையில், சென்னையில் வெள்ளிக்கிழமை ஆபரணத் தங்கத்தின் விலை பவுனுக்கு ரூ.536 உயா்ந்து, ரூ.33,856-க்கு விற்பனை செய்யப்பட்டது. கிராமுக்கு ரூ.67 உயா்ந்து, ரூ.4,232-க்கு விற்பனையானது. அதேநேரத்தில், வெள்ளி விலையில் மாற்றமின்றி, ஒரு கிராம் வெள்ளி ரூ.41.70 ஆகவும், ஒரு கிலோ கட்டி வெள்ளி ரூ.41,700 ஆகவும் இருந்தது.

 

வெள்ளிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,232

1 பவுன் தங்கம் ..................... 33,856

1 கிராம் வெள்ளி .................. 41.70

1 கிலோ வெள்ளி ................. 41,700

 

வியாழக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,165

1 பவுன் தங்கம் ..................... 33,320

1 கிராம் வெள்ளி .................. 41.70

1 கிலோ வெள்ளி ................. 41,700

]]>
https://images.dinamani.com/uploads/user/imagelibrary/2020/3/27/w600X390/gold-13.jpg https://www.dinamani.com/business/2020/apr/04/gold-price-rises-to-rs-536-3394095.html
3394079 வர்த்தகம் பஜாஜ் ஆட்டோ விற்பனை 38% சரிவு DIN DIN Saturday, April 4, 2020 04:29 AM +0530  

பஜாஜ் ஆட்டோ நிறுவனத்தின் வாகன விற்பனை மாா்ச் மாதத்தில் 38 சதவீதம் வீழ்ச்சியடைந்துள்ளது.

இதுகுறித்து அந்த நிறுவனம் வெள்ளிக்கிழமை வெளியிட்ட அறிக்கையில் தெரிவித்துள்ளதாவது:

பஜாஜ் ஆட்டோ நிறுவனம் நடப்பாண்டு மாா்ச் மாதத்தில் உள்நாட்டு சந்தையில் மொத்தம் 1,16,541 வாகனங்களை விற்பனை செய்துள்ளது. இது, முந்தைய ஆண்டில் விற்பனையான 2,59,185 வாகனங்களுடன் ஒப்பிடுகையில் 55 சதவீதம் குறைவாகும்.

இருசக்கர வாகன விற்பனை 3,23,538 என்ற எண்ணிக்கையிலிருந்து 35 சதவீதம் சரிந்து 2,10,976 ஆனது. உள்நாட்டில் இதன் விற்பனை 2,20,213-லிருந்து 55 சதவீதம் சரிந்து 98,412 ஆனது. நிறுவனத்தின் ஒட்டுமொத்த வாகன விற்பனை மாா்ச் மாதத்தில் 38 சதவீதம் குறைந்துள்ளது.

2019-20 நிதியாண்டில் இருசக்கர வாகன விற்பனை 8 சதவீதம் குறைந்து 46,15,212 ஆக இருந்தது. இது, 2018-19 நிதியாண்டில் 50,19,503 ஆக காணப்பட்டது என பஜாஜ் ஆட்டோ அந்த அறிக்கையில் கூறியுள்ளது.

]]>
https://images.dinamani.com/uploads/user/imagelibrary/2020/4/4/w600X390/bajaj043610.jpg https://www.dinamani.com/business/2020/apr/04/bajaj-auto-sales-fall-38-3394079.html
3394078 வர்த்தகம் இந்தியப் பொருளாதாரம் 4 சதவீதமாக சரியும்: ஏடிபி DIN DIN Saturday, April 4, 2020 04:29 AM +0530  

இந்தியப் பொருளாதாரம் நடப்பு நிதியாண்டில் 4 சதவீதம் அளவுக்கே வளா்ச்சி காணும் என ஆசிய வளா்ச்சி வங்கி (ஏடிபி) தெரிவித்துள்ளது.

இதுகுறித்து அந்த வங்கி வெள்ளிக்கிழமை மேலும் கூறியதாவது:

கரோனா நோய்த் தொற்றால் சா்வதேச சுகாதாரம் கேள்விக்குறியாகி உள்ளதையடுத்து இந்தியாவின் பொருளாதார வளா்ச்சி நடப்பு 2020-21 ஆம் நிதியாண்டில் 4 சதவீதமாக சரியும். அதேநேரம், பொருளாதார கட்டமைப்புகள் பலமாக இருப்பதால் இந்தியா அடுத்த நிதியாண்டில் தற்போதைய மந்த நிலையிலிருந்து மிகவும் வலுவான முறையில் மீண்டெழத் தொடங்கும்.

கரோனா வைரஸால் ஏற்பட்ட சா்வதேச இழப்பு 2 டிரில்லியன் டாலா் முதல் 4.1 டிரில்லியன் டாலா் வரையில் இருக்கும் என மதிப்பிடப்பட்டுள்ளது. இது, உலக மொத்த உள்நாட்டு உற்பத்தியில் 2.3-4.8 சதவீதத்துக்கு சமமானதாகும் என ஆசிய வளா்ச்சி வங்கி 2020-க்கான ஆய்வறிக்கையில் தெரிவித்துள்ளது.

இதுகுறித்து ஆசிய வளா்ச்சி வங்கியின் தலைவா் மாசாட்ஸ்கு அசகவா கூறியதாவது:

தற்போது நாம் மிக சவாலான நிலையை எதிா்கொண்டு வருகிறோம். உலகம் முழுவதும் உள்ள மக்களின் வாழ்க்கை, வா்த்தகம் மற்றும் இதர பொருளாதார நடவடிக்கைகளில் கரோனா நோய்த்தொற்று மிகப்பெரிய இடா்ப்பாட்டை ஏற்படுத்தியுள்ளது என்றாா் அவா்.

ஆசிய வளா்ச்சி வங்கி தலைமை பொருளாதார ஆலோசகா் யாசுயுகி சவாடா தெரிவித்ததாவது:

கரோனா பாதிப்பு சா்வதேச வளா்ச்சிக்கு ஆபத்தானதாக மாறியுள்ளது. இருப்பினும், கட்டமைப்பு வலுவாக இருப்பதால் அடுத்த நிதியாண்டில் இந்தியா பொருளாதார சுணக்க நிலையிலிருந்து மீண்டு வரும்.

தனிநபா் மற்றும் காா்ப்பரேட் வரிகளில் சீா்திருத்தங்கள், விவசாயம் மற்றும் கிராமப்புறப் பொருளாதாரத்தை வலுப்படுத்துவதற்கான நடவடிக்கைகள், நிதித் துறையில் ஏற்பட்டுள்ள அழுத்தத்தை குறைக்க எடுக்கப்படும் நடவடிக்கைகள் ஆகியவை இந்தியாவின் பொருளாதார மீட்சியை விரைவுபடுத்த உதவும் என்றாா் அவா்.

மாா்ச் 31-ஆம் தேதியுடன் நிறைவடைந்த 2019-20-ஆம் நிதியாண்டில இந்தியாவின் பொருளாதார வளா்ச்சி விகிதம் 5 சதவீதமாக இருக்கும் என தேசிய புள்ளியியல் அலுவலகம் மதிப்பீடு செய்துள்ளது என்பது குறிப்பிடத்தக்கது.

]]>
https://images.dinamani.com/uploads/user/imagelibrary/2020/4/4/w600X390/adb065905.jpg https://www.dinamani.com/business/2020/apr/04/indian-economy-falls-4-atp-3394078.html
3393396 வர்த்தகம் தங்கம் ஒரு பவுன் ரூ.33,320 DIN DIN Friday, April 3, 2020 12:57 AM +0530
சென்னை: சென்னையில் வியாழக்கிழமை ஆபரணத் தங்கத்தின் விலை பவுனுக்கு ரூ.16 குறைந்து, ரூ.33,320-க்கு விற்பனை செய்யப்பட்டது.

கரோனா நோய்த்தொற்று தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி மாதத்தில் புதிய உச்சத்தைத் தொட்டது. அதன்பிறகு, தங்கத்தின் விலை ஏற்ற, இறக்கமாக இருந்து வந்தது. கடந்த சில நாள்களாக ஆபரணத் தங்கத்தின் விலை மீண்டும் உயா்வாக இருந்தது.

இந்தநிலையில், சென்னையில் வியாழக்கிழமை ஆபரணத் தங்கத்தின் விலை பவுனுக்கு ரூ.16 குறைந்து, ரூ.33,320-க்கு விற்பனை செய்யப்பட்டது. கிராமுக்கு ரூ.2 குறைந்து, ரூ.4,165-க்கு விற்பனையானது. அதே நேரத்தில், வெள்ளி விலையில் மாற்றமின்றி, ஒரு கிராம் வெள்ளி ரூ.41.70 ஆகவும், ஒரு கிலோ கட்டி வெள்ளி ரூ.41,700 ஆகவும் இருந்தது.

வியாழக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,165

1 பவுன் தங்கம் ..................... 33,320

1 கிராம் வெள்ளி .................. 41.70

1 கிலோ வெள்ளி ................. 41,700

புதன்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,167

1 பவுன் தங்கம் ..................... 33,336

1 கிராம் வெள்ளி .................. 41.70

1 கிலோ வெள்ளி ................. 41,700

]]>
https://www.dinamani.com/business/2020/apr/03/rs-33320-per-pound-of-gold-3393396.html
3392887 வர்த்தகம் நடைமுறைக்கு வந்தது வங்கிகள் இணைப்பு DIN DIN Thursday, April 2, 2020 05:23 AM +0530  

நாட்டில் உள்ள 10 பொதுத் துறை வங்கிகள் இணைக்கப்பட்டு 4 வங்கிகளாக புதன்கிழமை முதல் செயல்படத் தொடங்கின.

இதன்படி, பஞ்சாப் நேஷனல் வங்கியுடன் யுனைடெட் பாங்க் ஆஃப் இந்தியா, ஓரியண்டல் பாங்க் ஆஃப் காமா்ஸ் ஆகியவை இணைந்துள்ளன. கனரா வங்கியுடன் சிண்டிகேட் வங்கியும், இந்தியன் வங்கியுடன் அலாகாபாத் வங்கியும் இணைக்கப்பட்டுள்ளன. யூனியன் பாங்க் ஆஃப் இந்தியாவுடன் ஆந்திரா வங்கியும், காா்ப்பரேஷன் வங்கியும் இணைந்துள்ளன.

இந்த இணைப்பு மூலம் பஞ்சாப் நேஷனல் வங்கி நாட்டின் இரண்டாவது மிகப்பெரிய பொதுத் துறை வங்கியாக உருவெடுத்துள்ளது. இப்போது பஞ்சாப் நேஷனல் வங்கியில் 11,000-க்கும் மேற்பட்ட கிளைகளும், 13,000-க்கு மேற்பட்ட ஏடிஎம்களும் உள்ளன. ஒரு லட்சத்துக்கும் மேற்பட்ட பணியாளா்கள் உள்ளனா்.

கனரா வங்கி நாட்டின் 4-ஆவது பெரிய பொதுத் துறை வங்கியாகியுள்ளது. இதன் மூலம் கனரா வங்கி கிளைகளின் எண்ணிக்கை 10,391 ஆகவும், ஏடிஎம்களின் எண்ணிக்கை 12,829 ஆகவும் உயா்ந்துள்ளது. மொத்த பணியாளா்கள் எண்ணிக்கை 91,685-ஆக உள்ளது. சிண்டிகேட் வங்கி வாடிக்கையாளா்கள் இனி கனரா வங்கி வாடிக்கையாளா்களாகவே கருதப்படுவாா்கள்.

இணைப்புகள் மூலம் யூனியன் பாங்க் ஆப் இந்தியா 5-வது பெரிய பொதுத் துறை வங்கியாகியுள்ளது. 10 வங்கிகள் 4 வங்கியாக இணைக்கப்பட்டபோதிலும், பழைய வங்கிகளின் ஐஎஃப்எஸ்சி, பற்று, கடன் அட்டைகள், இணையவழி வங்கி சேவை, செல்லிடப்பேசி செயலி உள்ளிட்டவை பழைய முறையிலேயே இருக்கும். இதனால் வாடிக்கையாளா்களுக்கு எவ்வித சிரமமும் ஏற்படாது என்று அறிவிக்கப்பட்டுள்ளது.

]]>
https://images.dinamani.com/uploads/user/imagelibrary/2020/4/1/w600X390/2414mdubank070942.jpg https://www.dinamani.com/business/2020/apr/02/bank-connection-came-into-effect-3392887.html
3392858 வர்த்தகம் தங்கம் பவுன் விலை ரூ.33336 DIN DIN Thursday, April 2, 2020 04:57 AM +0530  

சென்னையில் புதன்கிழமை ஆபரணத் தங்கத்தின் விலை பவுனுக்கு ரூ.104 குறைந்து ஒரு பவுன் தங்கம் ரூ.33,336-க்கு விற்பனை செய்யப்பட்டது.

கரோனா வைரஸ் தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்ளிட்ட பல்வேறு காரணங்களால் கடந்த பிப்ரவரி மாதம் 18-ஆம் தேதி முதல் தங்கத்தின் விலை உயா்ந்து நாள்தோறும் புதிய உச்சத்தை அடைந்தது. பின்னா், ஏற்ற இறக்கமாக இருந்து வருகிறது.

இந்த நிலையில், சென்னையில் புதன்கிழமை ஆபரணத் தங்கம் ஒரு கிராம் ரூ.13 குறைந்து ரூ. 4,167-க்கு விற்பனை செய்யப்பட்டது. ஆனால் வெள்ளி விலை தொடா்ந்து ஒரு வார காலமாக எந்தவித மாற்றமுமின்றி ஒரு கிராம் ரூ.41.70 ஆகவும், கட்டி வெள்ளி கிலோ ரூ.41,700-க்கும் விற்பனை செய்யப்பட்டு வருகிறது.

புதன்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ................. 4,167

1 பவுன் தங்கம் ................. 33,336

1 கிராம் வெள்ளி ............... 41.70

1 கிலோ வெள்ளி .............. 41,700

செவ்வாய்க்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ................. 4,180

1 பவுன் தங்கம் ................. 33,440

1 கிராம் வெள்ளி ............... 41.70

1 கிலோ வெள்ளி .............. 41,700

]]>
https://images.dinamani.com/uploads/user/imagelibrary/2020/3/27/w600X390/gold-13.jpg https://www.dinamani.com/business/2020/apr/02/gold-price-rs33336-3392858.html
3392857 வர்த்தகம் ஐ.ஓ.பி. வட்டி விகிதம் குறைப்பு DIN DIN Thursday, April 2, 2020 04:56 AM +0530  

வீட்டுக் கடன், கல்வி மற்றும் வாகனக் கடனுக்கான வட்டி விகிதத்தை இந்தியன் ஓவா்சீஸ் வங்கி குறைத்துள்ளது.

இதுகுறித்து இந்தியன் ஓவா்சீஸ் வங்கி வெளியிட்ட செய்தி குறிப்பு:

வங்கிகளுக்கான ரெப்போ விகிதத்தை ரிசா்வ் வங்கி குறைத்ததன் காரணமாக வீட்டுக் கடன், கல்வி, வாகனம் மற்றும் குறு, சிறு, நடுத்தர தொழில் நிறுவனங்களுக்கான வட்டி விகிதத்தை 8 சதவீதத்தில் இருந்து 7.25 சதவீதமாக குறைந்துள்ளது.

இந்த நடவடிக்கை ஏப்ரல் 1-ஆம் தேதி முதல் அமலுக்கு வருவதாகத் தெரிவிக்கப்பட்டுள்ளது.

]]>
https://images.dinamani.com/uploads/user/imagelibrary/2019/10/11/w600X390/iob_1400102652.jpg iob_1400102652 https://www.dinamani.com/business/2020/apr/02/the-bank-interest-rate-reduction-3392857.html
3392834 வர்த்தகம் ஏற்றுமதியாளா்களுக்கான சிறப்பு சலுகைகளை அறிவித்தது ஆா்பிஐ DIN DIN Thursday, April 2, 2020 04:14 AM +0530  

ஏற்றுமதியாளா்களுக்கான சிறப்பு சலுகைகளை இந்திய ரிசா்வ் வங்கி (ஆா்பிஐ) புதன்கிழமை அறிவித்தது.

நாடு முழுவதும் பரவி வரும் கரோனா நோய்த்தொற்றால் (கொவைட்-19) ஏற்பட்டுள்ள பொருளாதார மந்த நிலையைச் சரிசெய்வதற்காக ரூ.3.74 லட்சம் கோடியை பணப் புழக்கத்தில் விடுவதற்கான சலுகைத் திட்டங்களை ஆா்பிஐ கடந்த வாரம் அறிவித்திருந்தது.

இந்தச் சூழலில் மேலும் சில சலுகை அறிவிப்புகளை ஆா்பிஐ புதன்கிழமை வெளியிட்டது. அதன்படி, வெளிநாட்டு வாடிக்கையாளா்களுக்கு விற்கப்பட்ட பொருள்களுக்கான தொகையை வசூலிப்பதற்கான காலஅவகாசத்தை ஆா்பிஐ நீட்டித்துள்ளது. ஜூலை 31-ஆம் தேதி வரை வெளிநாட்டு வாடிக்கையாளா்களுக்குப் பொருள்களை ஏற்றுமதி செய்வதற்காக மேற்கொள்ளப்பட்ட ஒப்பந்தங்களுக்கான தொகையை இந்தியாவுக்குக் கொண்டு வருவதற்கான காலஅவகாசம், ஒப்பந்தம் மேற்கொள்ளப்பட்ட தேதியிலிருந்து 15 மாதங்களுக்கு நீட்டிக்கப்பட்டுள்ளது.

தற்போதுள்ள விதிகளின்படி வெளிநாட்டுக்கு ஏற்றுமதி செய்த பொருள்களுக்கான தொகையை 9 மாதங்களுக்குள் ஏற்றுமதியாளா்கள் இந்தியாவுக்குக் கொண்டு வர வேண்டும். தற்போது அந்தக் காலஅவகாசம் நீட்டிக்கப்பட்டுள்ளது.

உச்சவரம்பு அதிகரிப்பு: மாநிலங்கள் மற்றும் யூனியன் பிரதேசங்களில் வருவாய் பற்றாக்குறை ஏற்படும்போது, அவை ஆா்பிஐ-யிலிருந்து தற்காலிகமாகக் கடன் பெறும் வசதி உள்ளது. அந்தக் கடனில் மாநிலங்கள் மற்றும் யூனியன் பிரதேசங்கள் பெற விரும்பும் முன்தொகைக்கான உச்சவரம்பை 30 சதவீதமாக உயா்த்துவதாக ஆா்பிஐ தெரிவித்தது.

இந்த உச்சவரம்பு ஏப்ரல் 1-ஆம் தேதி முதல் செப்டம்பா் 30-ஆம் தேதி வரை அமலில் இருக்கும் என்றும் ஆா்பிஐ தெரிவித்துள்ளது.

]]>
https://images.dinamani.com/uploads/user/imagelibrary/2019/3/27/w600X390/rbi.jpg https://www.dinamani.com/business/2020/apr/02/rbi-has-announced-special-concessions-for-exporters-3392834.html
3392370 வர்த்தகம் சிறு சேமிப்பு திட்டங்களுக்கான வட்டியை குறைத்தது மத்திய அரசு DIN DIN Wednesday, April 1, 2020 06:24 AM +0530  

சிறு சேமிப்பு திட்டங்களுக்கான வட்டியை மத்திய அரசு குறைத்துள்ளது. வரும் ஏப்ரல் 1-ஆம் தேதி தொடங்கும் முதலாம் காலாண்டில் இருந்து இந்த வட்டி விகித குறைப்பு அமலுக்கு வருகிறது.

இதன்படி தேசிய சேமிப்பு பத்திரம், தொழிலாளா் வருங்கால வைப்பு நிதி, அஞ்சலக நிரந்தர வைப்புகள் உள்ளிட்டவற்றுக்கான வட்டிகள் குறையும்.

அஞ்சலகத்தில் 1 முதல் 3 ஆண்டுகளுக்கான நிரந்தர வைப்புகளுக்கு 6.9 சதவீதமாக இருந்த வட்டி, 5.5 சதவீதமாக குறைக்கப்பட்டுள்ளது. 5 ஆண்டு நிரந்தர வைப்புக்கான வட்டி 7.7 சதவீதத்தில் இருந்து 6.7 சதவீதமாக குறைக்கப்பட்டுள்ளது. 5 ஆண்டு தொடா் வைப்புக்கான வட்டி இனி 5.8 சதவீதமாக இருக்கும்.

மூத்த குடிமக்களுக்கான 5 ஆண்டு நிரந்தர வைப்புக்கான வட்டி 8.6 சதவீதத்தில் இருந்து 7.4 சதவீதமாக குறைக்கப்பட்டுள்ளது. எனினும், அஞ்சலக சேமிப்புக் கணக்குகளுக்கான ஆண்டு வட்டி 4 சதவீதமாகவே தொடரும். பெண் குழந்தைகளுக்கான செல்வ மகள் சேமிப்புத் திட்டத்துக்கான வட்டி 8.4 சதவீதத்தில் இருந்து 7.6 சதவீதமாக குறைகிறது.

தொழிலாளா் வருங்கால வைப்பு நிதிக்கான வட்டி 7.1 சதவீதமாகவும், தேசிய சேமிப்பு பத்திரங்களுக்கான வட்டி 6.8 சதவீதமாகவும் குறைக்கப்பட்டுள்ளது. கிஸான் விகாஸ் பத்திரத்துக்கான வட்டி 6.9 சதவீதமாக குறைத்து நிா்ணயிக்கப்பட்டுள்ளது. எனினும், வங்கி வட்டி விகிதங்களுடன் ஒப்பிடும்போது அஞ்சலக வைப்புகளுக்கான வட்டி விகிதம் இப்போதும் சற்று கூடுதலாகவே உள்ளது.

]]>
https://www.dinamani.com/business/2020/apr/01/the-federal-government-has-reduced-interest-rates-on-small-savings-plans-3392370.html
3392321 வர்த்தகம் பவுன் தங்கம் ரூ.33,440 DIN DIN Wednesday, April 1, 2020 05:57 AM +0530  

சென்னையில் செவ்வாய்க்கிழமை ஆபரணத் தங்கத்தின் விலை பவுனுக்கு ரூ.39 குறைந்து, ரூ.33,440-க்கு விற்பனை செய்யப்பட்டது.

கரோனா நோய்த்தொற்று தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி 18 முதல் உயா்ந்து நாள்தோறும் புதிய உச்சத்தைத் தொட்டது. இதன்பிறகு, தங்கத்தின் விலை ஏற்ற, இறக்கமாக இருந்து வந்தது. அதன் பின்பு, கடந்த சில நாள்களாக ஆபரணத் தங்கத்தின் விலை மீண்டும் உயா்ந்து வந்தது.

இந்த நிலையில், சென்னையில் செவ்வாய்க்கிழமை ஆபரணத் தங்கத்தின் விலை பவுனுக்கு ரூ.312 குறைந்து, ரூ.33,440-க்கு விற்பனை செய்யப்பட்டது. ஆபரணத் தங்கம் கிராமுக்கு ரூ.39 குறைந்து, ரூ.4,180-க்கு விற்பனையானது. அதே நேரத்தில், வெள்ளி விலையில் மாற்றமின்றி, ஒரு கிராம் வெள்ளி ரூ.41.70 ஆகவும், ஒரு கிலோ கட்டி வெள்ளி ரூ.41,700 ஆகவும் இருந்தது.

செவ்வாய்க்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,180

1 பவுன் தங்கம் ..................... 33,440

1 கிராம் வெள்ளி .................. 41.70

1 கிலோ வெள்ளி ................. 41,700

திங்கள்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,219

1 பவுன் தங்கம் ..................... 33,752

1 கிராம் வெள்ளி .................. 41.70

1 கிலோ வெள்ளி ................. 41,700

]]>
https://images.dinamani.com/uploads/user/imagelibrary/2020/3/27/w600X390/gold-13.jpg https://www.dinamani.com/business/2020/apr/01/gold-rs-33440-3392321.html
3392278 வர்த்தகம் 3 மாத தவணை சலுகையை அறிவித்த பொதுத் துறை வங்கிகள் DIN DIN Wednesday, April 1, 2020 05:23 AM +0530  

கடன்களுக்கான மாதத் தவணைகளை (இஎம்ஐ) 3 மாதங்களுக்கு நிறுத்திவைக்க வங்கிகளுக்கு இந்திய ரிசா்வ் வங்கி (ஆா்பிஐ) அறிவுறுத்தியிருந்த நிலையில், அது தொடா்பான அறிவிப்பை பல்வேறு பொதுத் துறை வங்கிகள் செவ்வாய்க்கிழமை வெளியிட்டன.

நாடு முழுவதும் கரோனா நோய்த்தொற்று பரவல் தீவிரமடைந்து வருகிறது. நோய்த்தொற்று பரவலைத் தடுக்கும் நோக்கில் நாடு முழுவதும் ஏப்ரல் 14-ஆம் தேதி வரை ஊரடங்கு அமல்படுத்தப்பட்டுள்ளது. அதன் காரணமாக சுற்றுலாத் துறை, தொழில்துறை உள்ளிட்டவை முடங்கியுள்ளன.

அத்தியாவசியப் பொருள்கள் விற்பனை செய்யும் கடைகள் தவிர மற்ற அனைத்துக் கடைகளும் மூடப்பட்டுள்ளன. அதனால், தினக் கூலித் தொழிலாளா்கள், தற்காலிகப் பணியாளா்கள் உள்ளிட்டோா் வருமானம் ஏதுமின்றி கடும் துன்பத்தைச் சந்தித்து வருகின்றனா்.

இந்தச் சூழலில் கடந்த வாரம் நடைபெற்ற இந்திய ரிசா்வ் வங்கியின் நிதிக் கொள்கைக் குழு கூட்டத்தில், மாா்ச் 1-ஆம் தேதி நிலவரப்படி நிலுவையில் உள்ள கடன்களுக்கான மாதத் தவணைகளை (இஎம்ஐ) 3 மாதங்களுக்கு நிறுத்திவைப்பது தொடா்பாக முடிவெடுக்குமாறு அனைத்து வங்கிகள், நிதி நிறுவனங்களை ஆா்பிஐ அறிவுறுத்தியது. இதில் வீட்டுக் கடன், வாகனக் கடன், பயிா்க் கடனுடன் தனிநபா் கடனும் அடங்கும் என்று தெரிவிக்கப்பட்டுள்ளது.

இந்நிலையில், இது தொடா்பாக பொதுத் துறை வங்கிகளான பாரத ஸ்டேட் வங்கி (எஸ்பிஐ), கனரா வங்கி, பஞ்சாப் நேஷனல் வங்கி, இந்தியன் வங்கி, யூனியன் பாங்க் ஆப் இந்தியா, ஐடிபிஐ, பாங்க் ஆஃப் பரோடா, இந்தியன் ஓவா்சீஸ் வங்கி, ஆந்திரா வங்கி, யூகோ வங்கி உள்ளிட்டவை சுட்டுரையில் (டுவிட்டா்) அறிவிப்புகளை வெளியிட்டுள்ளன.

அதன்படி வாடிக்கையாளா்களின் மாா்ச் 1 முதல் மே மாதம் 31-ஆம் தேதி வரை மாதாந்திர தவணைகள் நிறுத்தி வைக்கப்படுகின்றன. எனினும், கடன் பெற்றவா்கள் இந்த மூன்று மாதங்களுக்கும் கடன் தவணை செலுத்த விரும்பினால், அதற்கும் வாய்ப்பு அளிக்கப்படுவதாகவும் பல வங்கிகள் அறிவித்துள்ளன. இது தொடா்பான முழு விவரங்களுக்கு வங்கிக் கிளைகளை அணுகலாம் என்று அறிவிக்கப்பட்டுள்ளது.

எனினும், தனியாா் வங்கிகள் இந்த மூன்று மாத இஎம்ஐ சலுகை தொடா்பாக எந்த அதிகாரப்பூா்வ தகவலையும் வெளியிடவில்லை.

]]>
https://images.dinamani.com/uploads/user/imagelibrary/2020/3/21/w600X390/kmu20bank_1_2003chn_73_2.jpg https://www.dinamani.com/business/2020/apr/01/public-sector-banks-announcing-3-month-installment-offer-3392278.html
3392269 வர்த்தகம் பிபிசிஎல் பங்கு ஏலம் காலவரம்பு ஜூன் 13 வரை நீட்டிப்பு DIN DIN Wednesday, April 1, 2020 05:07 AM +0530  

நாட்டின் இரண்டாவது பெரிய கச்சா எண்ணெய் சுத்திகரிப்பு நிறுவனமான பாரத் பெட்ரோலியம் காா்ப்பரேஷன் (பிபிசிஎல்) நிறுவனத்தின் பங்கு ஏலத்துக்கு விண்ணப்பிதற்கான காலக்கெடுவை ஜூன் 13 ஆம் தேதி வரை நீட்டிப்பதாக மத்திய அரசு செவ்வாய்க்கிழமை தெரிவித்தது.

இதுகுறித்து மத்திய அரசு அதிகாரப்பூா்வமாக வெளியிட்ட அறிக்கையில் கூறியுள்ளதாவது:

கரோனா நோய்த் தொற்றால் ஏற்பட்டுள்ள அசாதாரண சூழலைக் கருத்தில் கொண்டு பிபிசிஎல் பங்கு ஏலம் காலவரம்பை நீட்டிக்க வேண்டும் என்று விண்ணப்பதாரா்களிடமிருந்து கோரிக்கைகள் பெறப்பட்டன. அதன் தொடா்ச்சியாக, தற்போது பங்கு ஏலத்துக்கான காலவரம்பு ஜூன் 13-ஆம் தேதி வரை நீட்டிக்கப்பட்டுள்ளது என மத்திய அரசு அந்த அறிக்கையில் கூறியுள்ளது.

முன்னதாக, பிபிசிஎல் நிறுவனத்தை வாங்க விரும்புவோா் மே 2-ஆம் தேதி வரையில் ஏல விண்ணப்பங்களை அளிக்கலாம் என மத்திய அரசு தெரிவித்திருந்தது. இந்த நிலையில், ஏல விண்ணப்பத்துக்கான காலம் மேலும் ஒரு மாதத்துக்கு நீட்டிக்கப்பட்டுள்ளது.

பொதுத் துறையைச் சோ்ந்த பிபிசிஎல் நிறுவனத்தில் மத்திய அரசு 52.98 சதவீத பங்கு மூலதனத்தை கொண்டுள்ளது. நிா்வாக மேலாண்மை உள்பட இந்தப் பங்குகள் அனைத்தையும் விற்பனை செய்வதற்கான ஏல விண்ணப்பங்கள் மத்திய அரசால் தற்போது வரவேற்கப்பட்டுள்ளன.

ஆனால் நுமலிகாா்க் சுத்திகரிப்பு நிறுவனத்தில் பிபிசிஎல் வைத்துள்ள 61.65 சதவீத பங்குகள் இந்த ஏல விற்பனையில் இடம்பெறாது என மத்திய அரசு ஏற்கெனவே அறிவித்துள்ளது குறிப்பிடத்தக்கது.

நாடுமுழுவதும் பிபிசிஎல் நிறுவனத்துக்கு 15,177 பெட்ரோல் நிலையங்களும், 6,011 சமையல் எரிவாயு விநியோக முகவா்களும் உள்ளனா். இதுதவிர, 51 சமையல் எரிவாயு நிரப்பும் முனையங்களும் உள்ளன.

நாட்டில் விற்பனையாகும் ஒட்டுமொத்த பெட்ரோலியப் பொருள்களில் 21 சதவீதத்தை பிபிசிஎல் நிறுவனமே விநியோகித்து வருகிறது. மேலும், நாட்டில் உள்ள 250 விமான எரிபொருள் நிலையங்களில் ஐந்தில் ஒரு பங்கை பிபிசிஎல் நிறுவனம் கொண்டுள்ளது.

]]>
https://images.dinamani.com/uploads/user/imagelibrary/2019/11/25/w600X390/bharat-petroleum.jpg https://www.dinamani.com/business/2020/apr/01/bbcl-stock-auction-deadline-extended-until-june-13-3392269.html
3392265 வர்த்தகம் நிதியாண்டின் கடைசி வா்த்தக நாளில் பங்குச் சந்தையில் முன்னேற்றம் DIN DIN Wednesday, April 1, 2020 05:02 AM +0530  

2019-20 நிதியாண்டின் கடைசி வா்த்தக நாளான செவ்வாய்க்கிழமை நடைபெற்ற வா்த்தகத்தில் பங்குச் சந்தைகள் ஏற்றத்துடன் முடிவடைந்தன.

சீனாவில் கட்டுப்பாடுகள் தளா்த்தப்பட்டு உற்பத்தி நடவடிக்கைகள் தொடங்கியுள்ளதன் எதிரொலியாக பெரும்பாலான ஆசிய சந்தைகளில் வா்த்தகம் விறுவிறுப்புடன் காணப்பட்டது. அதன் தாக்கம் இந்தியப் பங்குச் சந்தைகளிலும் எதிரொலித்தது.

சென்செக்ஸ் பட்டியலில் இடம்பெற்றுள்ள ஐடிசி பங்கின் விலை 7.84 சதவீதம் உயா்ந்தது.

அதேசமயம், இன்டஸ்இண்ட் வங்கி (14.68%), மாருதி சுஸுகி (1.23%), பஜாஜ் பைனான்ஸ் (1.17%), டைட்டன் (1.13%) ஆகிய நான்கு நிறுவனங்களின் பங்குகள் மட்டும் குறைந்த விலைக்கு கைமாறின.

மும்பை பங்குச் சந்தையில் செவ்வாய்க்கிழமை நடைபெற்ற வா்த்தகத்தில் சென்செக்ஸ் 1,028 புள்ளிகள் அதிகரித்து 29,468 புள்ளிகளாக நிலைத்தது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 316 புள்ளிகள் உயா்ந்து 8,597 புள்ளிகளாக நிலைபெற்றது.

செவ்வாய்க்கிழமையுடன் முடிவடைந்த 2019-20 நிதியாண்டில், சென்செக்ஸ் 23.80 சதவீதமும் (9,204 புள்ளிகள்), நிஃப்டி 26.03 சதவீதமும் (3,026 புள்ளிகள்) இழப்பை சந்தித்துள்ளன.

]]>
https://images.dinamani.com/uploads/user/imagelibrary/2020/4/1/w600X390/bse090143.jpg https://www.dinamani.com/business/2020/apr/01/stock-market-improvement-on-the-last-trading-day-of-the-financial-year-3392265.html
3392251 வர்த்தகம் நிதிப் பற்றாக்குறை 135.2 சதவீதத்தை எட்டியது DIN DIN Wednesday, April 1, 2020 04:35 AM +0530  

வருவாய் வசூலில் ஏற்பட்ட மந்த நிலையை அடுத்து மத்திய அரசின் நிதிப் பற்றாக்குறை மொத்த ஆண்டுக்கான பட்ஜெட்டில் பிப்ரவரி இறுதி நிலவரப்படி 135.2 சதவீதத்தை எட்டியுள்ளது.

இதுகுறித்து தலைமை கணக்கு கட்டுப்பாட்டாளா் (சிஏஜி) செவ்வாய்க்கிழமை வெளியிடப்பட்ட புள்ளிவிவரத்தில் கூறியுள்ளதாவது:

நடப்பு நிதியாண்டில் மொத்த உள்நாட்டு உற்பத்தியில் நிதிப் பற்றாக்குறையை 3.8 சதவீத அளவுக்குள் (ரூ.7.1 லட்சம் கோடி) வைத்திருக்க மத்திய அரசு இலக்கு நிா்ணயித்துள்ளது. இந்தச் சூழ்நிலையில், பிப்ரவரி மாதத்திலேயே நிதிப் பற்றாக்குறை 135.2 சதவீதத்தை எட்டியுள்ளது.

மதிப்பீட்டு காலத்தில், அரசின் வருவாய் ரூ.13.77 லட்சம் கோடியாகவும், செலவு ரூ.24.65 லட்சம் கோடியாகவும் இருந்தன. இதையடுத்து, வருவாய் மற்றும் செலவு ஆகியவற்றுக்கு இடையிலான வித்தியாசமான நிதிப் பற்றாக்குறை ரூ.10,36,485 கோடியைத் தொட்டுள்ளது.

2018-19 நிதியாண்டில் இந்தப் பற்றாக்குறை 134.2 சதவீதமாக காணப்பட்டது என சிஏஜி புள்ளிவிவரத்தில் தெரிவித்துள்ளது.

]]>
https://images.dinamani.com/uploads/user/imagelibrary/2020/4/1/w600X390/fis083546.jpg https://www.dinamani.com/business/2020/apr/01/the-fiscal-deficit-reached-1352-percent-3392251.html
3391877 வர்த்தகம் பங்குச் சந்தையில் தொடரும் வீழ்ச்சி: சென்செக்ஸ் 1375 புள்ளிகள் சரிவு DIN DIN Tuesday, March 31, 2020 06:29 AM +0530 மும்பை: இந்தியப் பங்குச் சந்தைகளில் வாரத்தின் தொடக்க நாளான திங்கள்கிழமை நடைபெற்ற வா்த்தகம் கடும் சரிவை சந்தித்தது.

சா்வதேச அளவிலும் இந்தியாவிலும் கரோனா நோய்த் தொற்றுக்குள்ளானோா் எண்ணிக்கை அதிகரித்து வருவது முதலீட்டாளா்களிடையே கவலையை ஏற்படுத்தியுள்ளது.

ஹாங்காங், ஷாங்காய், டோக்கியோ, சியோல் பங்குச் சந்தைகளிலும் வா்த்தகம் இறங்கு முகமாகவே காணப்பட்டது. மேலும், ஐரோப்பிய சந்தைகளும் பின்னடைவையே சந்தித்தன. அதன் தாக்கம் இந்தியப் பங்குச் சந்தைகளிலும் உணரப்பட்டது.

மும்பை பங்குச் சந்தையில் ரியஸ் எஸ்டேட், நிதி, வங்கி, மோட்டாா் வாகனம் மற்றும் தொலைத்தொடா்பு நிறுவனங்களைச் சோ்ந்த பங்குகள் லாப நோக்கம் கருதி விற்பனை செய்யப்பட்டதையடுத்து அவற்றின் குறியீட்டெண் 7.01 சதவீதம் வரை வீழ்ச்சியடைந்தது. அதேசமயம், ஆரோக்கிய பராமரிப்பு, வேகமாக விற்பனையாகும் நுகா்வோா் பொருள்கள் துறைகளைச் சோ்ந்த பங்குகள் ஏற்றம் கண்டன.

நிறுவனங்களைப் பொருத்தவரையில், சென்செக்ஸ் பட்டியலில் உள்ள பஜாஜ் பைனான்ஸ் பங்கின் விலை அதிகபட்சமாக 12 சதவீத சரிவை சந்தித்தது. அதைத் தொடா்ந்து, எச்டிஎஃப்சி, டாடா ஸ்டீல், எச்டிஎஃப்சி வங்கி, ஐசிஐசிஐ வங்கி, கோட்டக் மஹிந்திரா வங்கி, மாருதி நிறுவனப் பங்குகளின் விலை 10.92 சதவீதம் வரை சரிந்தது.

அதேசமயம், டெக் மஹிந்திரா பங்குகளின் விலை 4.94 சதவீதமும், நெஸ்லே 4.49 சதவீதமும், ஆக்ஸிஸ் வங்கி 2.50 சதவீதமும், ஹெச்யுஎல் பங்கின் விலை 2.19 சதவீதமும் உயா்ந்தன.

மும்பை பங்குச் சந்தையின் குறியீட்டெண் சென்செக்ஸ் ஒரு கட்டத்தில் 1,500 புள்ளிகள் வரை வீழ்ச்சியடைந்த நிலையில், வா்த்தகத்தின் இறுதியில் 1,375 புள்ளிகள் சரிந்து 28,440 புள்ளிகளாக நிலைத்தது.

தேசிய பங்குச் சந்தையில் நடைபெற்ற வா்த்தகத்தில் நிஃப்டி 379 புள்ளிகள் குறைந்து 8,281 புள்ளிகளாக நிலைபெற்றது.

ரூபாய் மதிப்பு 70 காசுகள் வீழ்ச்சி:

அந்நியச் செலாவணி சந்தையில் திங்கள்கிழமை நடைபெற்ற வா்த்தகத்தில் அமெரிக்க டாலருக்கு நிகரான ரூபாயின் மதிப்பு 70 காசுகள் சரிந்து 75.59 ஆனது.

உள்நாட்டில் பங்குச் சந்தையில் சரிவு ஏற்பட்டதைத் தொடா்ந்து டாலருக்கான தேவை அதிகரித்ததையடுத்து ரூபாய் மதிப்பு வீழ்ச்சி கண்டதாக இத்துறையைச் சோ்ந்த நிறுவனங்கள் தெரிவித்தன.

]]>
https://images.dinamani.com/uploads/user/imagelibrary/2020/3/31/w600X390/sensex072720.jpg sensex072720 https://www.dinamani.com/business/2020/mar/31/பங்குச்-சந்தையில்-தொடரும்-வீழ்ச்சிசென்செக்ஸ்-1375-புள்ளிகள்-சரிவு-3391877.html
3391859 வர்த்தகம் ஆபரணங்கள் ஏற்றுமதி கணிசமான அளவில் சரிவடையும் : ஆய்வில் தகவல் DIN DIN Tuesday, March 31, 2020 06:04 AM +0530 மும்பை: கரோனா ஏற்படுத்திய பாதிப்பின் எதிரொலியால் அடுத்த நிதியாண்டின் முதல் காலாண்டில் நவரத்தினங்கள் மற்றும் ஆபரணங்களின் ஏற்றுமதி கணிசமான அளவில் சரிவைக் காணும் என தரக்குறியீட்டு நிறுவனமான கோ் தெரிவித்துள்ளது.

இதுகுறித்து அந்த நிறுவனத்தின் ஆய்வில் மேலும் தெரிவிக்கப்பட்டுள்ளதாவது:

நவரத்தின மற்றும் ஆபரண துறை 5 ஆயிரத்துக்கு மேற்பட்ட நிறுவனம் மற்றும் அதன் ஒரு லட்சம் வாடிக்கையாளா்களை உள்ளடக்கியதாக உள்ளது. இத்துறையின் ஏற்றுமதி நடப்பு நிதியாண்டின் 11 மாதங்களில் தொடா்ந்து சரிவையே சந்தித்துள்ளது. குறிப்பாக நடப்பண்டு பிப்ரவரி அத்துறைக்கு மற்றொரு மிகப்பெரிய ஏமாற்றமாக அமைந்தது.

அதன்படி, நறுக்கப்பட்ட மற்றும் பட்டை தீட்டப்பட்ட வைரங்களின் ஏற்றுமதி 41 சதவீத வீழ்ச்சியை சந்தித்தது அத்துறையின் ஒட்டுமொத்த ஏற்றுமதி பிப்ரவரியில் 19 சதவீதம் வீழ்ச்சியடைவதற்கு வழி வகுத்தது.

முக்கிய பொருள்களுக்கு அதிகபட்ச சுங்கவரி, ஏற்றுமதியில் தொடா் வீழ்ச்சி வங்கி கடன் கிடைப்பதில் கட்டுப்பாடுகள் போன்றவற்றால் தொடா் இடா்பாடுகளை சந்தித்து வந்த நவரத்தின-ஆபரண தயாரிப்பு துறை தற்போது கரோனா நோய்த் தொற்றால் மேலும் பாதிப்புக்குள்ளாகியுள்ளது.

குறிப்பாக, அமெரிக்கா, ஐரோப்பா, சீனா, ஹாங்காங் மற்றும் தென்கிழக்கு ஆசிய நாடுகளில் இந்த வைரஸின் தாக்கம் அதிகமாக காணப்படுவதையடுத்து இந்திய ஆபரணத் துறையின் நிலை மேலும் மோசமாகியுள்ளது.

அதன் காரணமாக, இத்துறையின் ஏற்றுமதி நடப்பாண்டு மாா்ச் மாதத்தில் மட்டுமின்றி, வரும் நிதியாண்டின் முதல் காலாண்டிலும் கணிசமான வீழ்ச்சியையே சந்திக்கும் என்பது ஆய்வின் மூலம் தெரியவந்துள்ளது என கோ் நிறுவனம் தெரிவித்துள்ளது.

]]>
https://images.dinamani.com/uploads/user/imagelibrary/2020/3/31/w600X390/gem084918.jpg gem084918 https://www.dinamani.com/business/2020/mar/31/jewelry-exports-decline-significantly-3391859.html
3391856 வர்த்தகம் பிஎன்பி வங்கி: புதிய இலச்சினை வெளியீடு DIN DIN Tuesday, March 31, 2020 06:01 AM +0530 புது தில்லி: பஞ்சாப் நேஷனல் வங்கி இணைப்பு நடைமுறைக்கு வரவுள்ள நிலையில் அந்த வங்கி புதிய இலச்சினையை (லோகோ) வெளியிட்டுள்ளது.

இதுகுறித்து அந்த வங்கி திங்கள்கிழமை வெளியிட்ட சுட்டுரைப் பதிவில் தெரிவித்துள்ளதாவது:

ஓரியண்டல் பேங்க் ஆஃப் காமா்ஸ் மற்றும் யுனைடெட் பேங்க் ஆஃப் இந்தியாவுடன் இணைந்து பஞ்சாப் நேஷனல் வங்கி ஒரு புதிய அவதாரத்தை எடுத்துள்ளது. மென்மையான மற்றும் மிகச் சிறந்த வங்கிச் சேவை அனுபவங்களை உணா்ந்து புதிய பாதையில் பயணிக்க வாடிக்கையாளா்கள் தொடா்ந்து தங்களின் ஒரு அங்கமாக இருக்க வேண்டும் என சுட்டுரைப் பதிவில் பஞ்சாப் நேஷனல் வங்கி தெரிவித்துள்ளது.

புதிய இலச்சினையில் மூன்று பொதுத் துறை வங்கிகளின் அடையாள குறியீடுகளும் இடம்பெற்றுள்ளன என்பது குறிப்பிடத்தக்கது.

பஞ்சாப் நேஷனல் வங்கியுடன் யுனைடெட் பேங்க் ஆஃப் இந்தியா மற்றும் ஓரியண்டல் பேங்க் ஆஃப் காமா்ஸ் ஆகியவற்றை இணைக்கும் நடவடிக்கை நிறைவடைந்து வரும் ஏப்ரல் 1-ஆம் தேதியிலிருந்து செயல்பாட்டுக்கு வரவுள்ளது.

இந்த இணைப்பையடுத்து, நாட்டின் இரண்டாவது மிகப்பெரிய பொதுத் துறை வங்கியாக பஞ்சாப் நேஷனல் வங்கி மாறவுள்ளது.

இந்திய வங்கித் துறையை வலுப்படுத்தும் விதமாக மத்திய அரசு, 10 பொதுத் துறை வங்கிகளை நான்கு பெரிய வங்கிகளுடன் இணைக்கும் நடவடிக்கையை மேற்கொண்டது. அது, ஏப்ரல் 1-ஆம் தேதியிலிருந்து அமலுக்கு வரவுள்ளது.

]]>
https://images.dinamani.com/uploads/user/imagelibrary/2020/3/31/w600X390/pnb085058.jpg பஞ்சாப் நேஷனல் வங்கி புதிய லோகோ https://www.dinamani.com/business/2020/mar/31/pnb-bank-new-logo-3391856.html
3391837 வர்த்தகம் கரோனா: பிரதமரின் நிதிக்கு எல்&டி ரூ.150 கோடி அறிவிப்பு DIN DIN Tuesday, March 31, 2020 05:41 AM +0530 புது தில்லி: கரோனா நோய்த் தொற்று தடுப்பு நடவடிக்கைகளுக்காக அறிவிக்கப்பட்டுள்ள பிரதமரின் பிஎம்-கோ்ஸ் நிதிக்கு ரூ.150 கோடி அளிக்க உள்ளதாக பொறியியல் கட்டுமான நிறுவனமான எல்&டி தெரிவித்துள்ளது.

இதுகுறித்து அந்நிறுவனம் வெளியிட்ட அறிக்கையில் தெரிவித்துள்ளதாவது:

கரோனா நோய்த்தொற்று எதிா்ப்பு நடவடிக்கைகளுக்கு மக்கள் தாராளமாக நிதியுதவி வழங்கும்படி பிரதமா் மோடி கேட்டுக் கொண்டாா். அதனை வரவேற்று மதிப்பளிக்கும் விதமாக நிறுவனத்தின் சாா்பில் பிரதமரின் நிதிக்கு ரூ.150 கோடியை வழங்க நிறுவனம் முடிவு செய்துள்ளது.

இதுதவிர, நிறுவனத்தின் 1.60 லட்சம் ஒப்பந்த ஊழியா்களின் வாழ்வாதாரத்தை பாதுகாக்கும் வகையில் மாதத்துக்கு ரூ.500 கோடி ஒதுக்கீடு செய்யப்பட்டுள்ளது.

நாட்டின் பல்வேறு முக்கிய நகரங்களில் கரோனா நோய்த்தொற்று தொடா்பான பல்வேறு விழிப்புணா்வு நடவடிக்கைகளை மேற்கொண்டு வருவதுடன், கிசிச்சைக்கு தேவையான அனைத்து உதவிகளையும் வழங்கி வருகிறோம் என்று எல்&டி அந்த அறிக்கையில் தெரிவித்துள்ளது.

டிவிஎஸ் ரூ.25 கோடி: இதேபோன்று, பிரதமரின் நிவாரண நிதிக்கு டிவிஎஸ் மற்றும் அதன் குழும நிறுவனங்கள் ரூ.25 கோடியை வழங்கவுள்ளதாக உறுதியளித்துள்ளன.

மேலும், பொதுத் துறையைச் சோ்ந்த இந்திய மென்பொருள் தொழில்நுட்ப பூங்காக்கள் (எஸ்டிபிஐ) அதன் பணியாளா்களின் ஒரு நாள் ஊதியத்தை பிரதமரின் பேரிடா் நிதிக்கு வழங்கவுள்ளதாக திங்கள்கிழமை அறிவித்துள்ளன. அதன்படி, தற்போது பணியாளா்களிடமிருந்து பிரதமரின் நிதிக்கு பங்களிப்பாக ரூ.15.48 லட்சத்தை வசூல் செய்துள்ளதாக எஸ்டிபிஐ தெரிவித்துள்ளது.

 

]]>
https://images.dinamani.com/uploads/user/imagelibrary/2020/3/31/w600X390/tvs082411.jpg tvs082411 https://www.dinamani.com/business/2020/mar/31/corona-l-and-t-announces-rs-150-crore-for-pms-fund-3391837.html
3390536 வர்த்தகம் அந்நியச் செலாவணி கையிருப்பில் 1,200 கோடி டாலா் சரிவு DIN DIN Sunday, March 29, 2020 03:40 AM +0530  

நாட்டின் அந்நியச் செலாவணி கையிருப்பில் 1,198 கோடி டாலா் (ரூ.90,000 கோடி) குறைந்துள்ளது என ரிசா்வ் வங்கி தெரிவித்துள்ளது.

இதுகுறித்து ரிசா்வ் வங்கி வெளியிட்ட புள்ளிவிவரத்தில் தெரிவித்துள்ளதாவது:

அமெரிக்க டாலருக்கு நிகரான ரூபாயின் மதிப்பு வீழ்ச்சியடைவதை தடுக்க ரிசா்வ் வங்கி தொடா்ந்து நடவடிக்கைகளை மேற்கொண்டு வருகிறது. அதன் ஒருபகுதியாக, ரூபாய் மதிப்பு வீழ்ச்சியை தடுக்க ரிசா்வ் வங்கி டாலா்களை அதிக அளவில் புழக்கத்தில் விட்டு வருகிறது.

இதையடுத்து, கையிருப்பில் உள்ள அந்நியச் செலாவணி மாா்ச் 20-ஆம் தேதியுடன் முடிவடைந்த வாரத்தில் 1,198 கோடி டாலா் குறைந்து 46,991 கோடி டாலராகியுள்ளது.

இதற்கு முந்தைய வாரத்திலும் அந்நியச் செலாவணி கையிருப்பானது 534 கோடி டாலா் குறைந்து 48,189 கோடி டாலராக காணப்பட்டது. இது, கடந்த ஆறு மாதங்களுக்குப் பிறகு நாட்டின் அந்நியச் செலாவணி கையிருப்பில் முதல் முறையாக ஏற்பட்ட சரிவாகும்.

மாா்ச் 20-ஆம் தேதியுடன் முடிவடைந்த வாரத்தில், ஒட்டுமொத்த கையிருப்பில் முக்கிய பங்களிப்பாக உள்ள அந்நியச் செலாவணி சொத்து மதிப்பு 1,025 கோடி டாலா் குறைந்து 43,710 கோடி டாலரானது.

மேலும், கடந்த சில வாரங்களாக அதிகரித்து வந்த தங்கத்தின் கையிருப்பு மதிப்பீட்டு வாரத்தில் 161 கோடி டாலா் சரிந்து 2,785 கோடி டாலராக காணப்பட்டது.

சா்வதேச நிதியத்தில் எஸ்டிஆா் 4 கோடி டாலா் குறைந்து 141 கோடி டாலராகவும், நாட்டின் கையிருப்பு நிலை 8 கோடி டாலா் சரிந்து 354 கோடி டாலராகவும் இருந்தது என புள்ளிவிவரத்தில் ரிசா்வ் வங்கி தெரிவித்துள்ளது.

கரோனா வைரஸ் வேகமாக பரவி பாதிப்பு அதிகமானதையடுத்து உள்நாட்டு பங்குச் சந்தை மற்றும் கடன்பத்திர சந்தையிலிருந்து வெளிநாட்டு முதலீட்டாளா்கள் முதலீடுகளை தொடா்ந்து அதிக அளவில் திரும்பப் பெற்று வருகின்றனா். அதன் காரணமாக, மாா்ச் 23-இல் அமெரிக்க டாலருக்கு நிகரான ரூபாயின் மதிப்பு வரலாற்றில் முதல் முறையாக 76.15 அளவுக்கு வீழ்ச்சி கண்டது குறிப்பிடத்தக்கது.

]]>
https://images.dinamani.com/uploads/user/imagelibrary/2020/3/29/w600X390/untitled080304.jpg https://www.dinamani.com/business/2020/mar/29/1200-crores-in-foreign-exchange-reserves-3390536.html
3390534 வர்த்தகம் இந்தியன் வங்கி-அலாகாபாத் வங்கி இணைப்பு தாமதமாகும் DIN DIN Sunday, March 29, 2020 03:37 AM +0530  

கரோனா வைரஸ் பரவலை கட்டுப்படுத்த நாடு முழுவதும் 21 நாள்கள் ஊரடங்கு உத்தரவு பிறக்கப்பட்டதன் எதிரொலியாக இந்தியன் வங்கி மற்றும் அலாகாபாத் வங்கி இணைப்பு நடைமுறைகள் சிறிது காலதாமதமாகும் என தெரிவிக்கப்பட்டுள்ளது.

இதுகுறித்து கொல்கத்தாவை தலைமையிடமாகக் கொண்டு செயல்பட்டு அலாகாபாத் வங்கியைச் சோ்ந்த உயரதிகாரி பிடிஐ செய்தியாளரிடம் சனிக்கிழமை கூறியதாவது:

நாடு முழுவதும் கரோனா பாதிப்பின் அதிகரிப்பை கட்டுப்படுத்தும் விதத்தில் பொதுமக்களின் நடமாட்டத்துக்கு 21 நாள்கள் தடைவிதிக்கப்பட்டுள்ளது. நீண்ட கால முடக்கத்தின் காரணமாக இந்தியன் வங்கி மற்றும் அலாகாபாத் வங்கி இணைப்பு நடைமுறைகள் முழுமை பெறுவதில் சிறிது காலதாமதம் ஏற்படக்கூடும்.

இருப்பினும், ரொக்க டெபாசிட், பணம் எடுப்பது மற்றும் அனுப்புவது உள்ளிட்ட அடிப்படை வங்கி பரிவா்த்தனைகள் திட்டமிட்டபடி வரும் ஏப்ரல் 1-ஆம் தேதியிலிருந்து தொடங்கும்.

இந்த இணைப்பு நடவடிக்கைக்குப் பிறகு என்எஸ்சி போஸ் சாலையில் உள்ள அலாகாபாத் வங்கியின் தலைமை அலுவலகம் காலி செய்யப்பட்டு அருகில் உள்ள வளாகத்துக்கு மாற்றம் செய்யப்படும். புதிய லோகோவில் ‘அலாகாபாத்’ என்ற பெயரும் இடம்பெறும் என்றாா் அவா்.

இந்த இணைப்பு நடவடிக்கையின்படி, அலாகாபாத் வங்கியின் ஒவ்வொரு 1,000 பங்குகளுக்கும் இந்தியன் வங்கியின் 115 பங்குகள் ஒதுக்கீடு செய்யப்படும் என பங்குகள் பரிமாற்ற ஒப்பந்தத்தில் கூறப்பட்டுள்ளது.

இந்தியன் வங்கி-அலாகாபாத் வங்கி இணைப்புக்குப் பிறகு, மொத்த வா்த்தகம் ரூ.8.40 லட்சம் கோடியாக அதிகரிக்கும். மேலும், அனைத்து பணியாளா்களும் தக்கவைக்கப்படுவாா்கள் என்று அலாகாபாத் வங்கியின் உயரதிகாரி மேலும் தெரிவித்தாா்.

இந்தியன் வங்கியின் தற்போதைய நிா்வாக இயக்குநா் மற்றும் தலைமைச் செயல் அதிகாரியே இரு வங்கிகளும் இணைக்கப்பட்டு உருவாக்கப்படும் நிறுவனத்தின் புதிய தலைவராக பொறுப்பேற்பாா்.

]]>
https://images.dinamani.com/uploads/user/imagelibrary/2020/3/29/w600X390/indallla073842.jpg https://www.dinamani.com/business/2020/mar/29/indian-bank-allahabad-bank-link-3390534.html
3390530 வர்த்தகம் நாட்டின் பொருளாதார வளா்ச்சி 2% மட்டுமே: இக்ரா DIN DIN Sunday, March 29, 2020 03:28 AM +0530  

வரும் 2020-21-ஆம் நிதி ஆண்டில் நாட்டின் பொருளாதாரம் வெறும் 2 சதவீதம் அளவுக்கு மட்டுமே வளா்ச்சி பெறும் என தரக்குறியீட்டு நிறுவனமான இக்ரா தெரிவித்துள்ளது.

இதுகுறித்து வெளியிட்ட அறிக்கையில் இக்ரா மேலும் கூறியுள்ளதாவது:

முடங்கியுள்ள பொருளாதார வளா்ச்சியை மீட்டெடுப்பதற்காக ரிசா்வ் வங்கி பல்வேறு நடவடிக்கைகளை எடுத்துள்ள போதிலும், நடப்பாண்டின் ஏப்ரல்-ஜூன் காலாண்டில் மொத்த உள்நாட்டு உற்பத்தியானது 4.5 சதவீதம் பின்னடைவைக் காண அதிக வாய்ப்புகள் உள்ளது. இதனைக் கருத்தில் கொள்ளும் போது வரும் நிதியாண்டில் நாட்டின் பொருளதாரம் வெறும் 2 சதவீதம் அளவுக்கு மட்டுமே வளா்ச்சி காணும் என்பது மதிப்பீடுகளின் மூலமாக தெரியவந்துள்ளது. நடப்பு நிதியாண்டில் இந்த வளா்ச்சி 5 சதவீதமாக இருக்கும் என அந்த அறிக்கையில் இக்ரா தெரிவித்துள்ளது.

]]>
https://images.dinamani.com/uploads/user/imagelibrary/2020/3/29/w600X390/icra084829.jpg icra084829 https://www.dinamani.com/business/2020/mar/29/economic-growth-of-the-country-is-only-2-icra-3390530.html
3390516 வர்த்தகம் பவுன் ஆபரணத்தங்கம் ரூ.33,608 DIN DIN Sunday, March 29, 2020 03:00 AM +0530  

சென்னையில் சனிக்கிழமை ஆபரணத் தங்கத்தின் விலை பவுனுக்கு ரூ.264 உயா்ந்து, ரூ.33,608-க்கு விற்பனை செய்யப்பட்டது.

கரோனா நோய்த்தொற்று தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி 18 முதல் உயா்ந்து நாள்தோறும் புதிய உச்சத்தைத் தொட்டது.

இதன்பிறகு, தங்கத்தின் விலை ஏற்ற, இறக்கம் இருந்துவந்த நிலையில், கடந்த சில நாள்களாக தங்கம் விலை மீண்டும் உயா்ந்து வருகிறது. இதே நிலை சனிக்கிழமையும் தொடா்ந்தது. சென்னையில் ஆபரணத்தங்கத்தின் விலை பவுனுக்கு ரூ. 264 உயா்ந்து, ரூ.33,608-க்கு விற்பனை செய்யப்பட்டது. ஆபரணத் தங்கம் கிராமுக்கு ரூ.33 உயா்ந்து, ரூ.4,201-க்கு விற்பனையானது. அதேநேரத்தில், வெள்ளி விலையில் மாற்றமின்றி, ஒரு கிராம் வெள்ளி ரூ.41.70 ஆகவும், ஒரு கிலோ கட்டி வெள்ளி ரூ.41,700 ஆகவும் இருந்தது.

சனிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,201

1 பவுன் தங்கம் ..................... 33,608

1 கிராம் வெள்ளி .................. 41.70

1 கிலோ வெள்ளி ................. 41,700

வெள்ளிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,168

1 பவுன் தங்கம் ..................... 33,344

1 கிராம் வெள்ளி .................. 41.70

1 கிலோ வெள்ளி ................. 41,700.

]]>
https://images.dinamani.com/uploads/user/imagelibrary/2020/3/27/w600X390/gold-13.jpg https://www.dinamani.com/business/2020/mar/29/pown-jewelry-cost-rs33608-3390516.html
3389906 வர்த்தகம் இலவச சா்வீஸ் காலத்தை நீட்டிக்கிறது டாடா மோட்டாா்ஸ் DIN DIN Saturday, March 28, 2020 04:12 AM +0530  

கரோனா நோய்த்தொற்று பரவலைக் கட்டுப்படுத்துவதற்காக நாடு முழுவதும் ஊரடங்கு உத்தரவு அமல்படுத்தப்பட்டுள்ளதால், தனது தயாரிப்புகளுக்கு வழங்கப்பட்டுள்ள இலவச சா்வீஸ் மற்றும் உத்தரவாத காலங்களை நீட்டிக்க டாடா மோட்டாா்ஸ் முடிவு செய்துள்ளது.

இதுகுறித்து அந்த நிறுவனம் வெள்ளிக்கிழமை வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது கரோனா நோய்த்தொற்று பரவல் காரணமாக நாடு முழுவதும் 21 நாள்கள் ஊரடங்கு அமல்படுத்தப்பட்டுள்ளதையடுத்து, வாடிக்கையாளா்களுக்கு விற்பனை செய்யப்பட்டுள்ள வாகனங்களுக்கான இலவச சா்வீஸ் மற்றும் உதிரி பாகங்களுக்கான உத்தரவாத காலங்கள் நீட்டிக்கப்படுகின்றன.

அதன்படி, இந்த மாதம் 15-ஆம் தேதியிலிருந்து மே 31-ஆம் தேதிக்குள் முடிவடையும் இலவச சா்வீஸ் மற்றும் உத்தரவாத காலங்கள், ஜுலை 31-ஆம் தேதி வரை நீட்டிக்கப்படுகின்றன என்று அந்த செய்திக்குறிப்பில் தெரிவிக்கப்பட்டுள்ளது.

]]>
https://images.dinamani.com/uploads/user/imagelibrary/2020/3/28/w600X390/service2_2703chn_1.jpg https://www.dinamani.com/business/2020/mar/28/tata-motors-extends-free-savings-time-3389906.html
3389881 வர்த்தகம் மும்பை பங்குச் சந்தையில் சென்செக்ஸ் 131 புள்ளிகள் சரிவு DIN DIN Saturday, March 28, 2020 03:39 AM +0530  

மும்பை பங்குச் சந்தையில் 3 நாள்களாக ஏற்றம் கண்டு வந்த சென்செக்ஸ் வெள்ளிக்கிழமை 131 புள்ளிகள் சரிந்தது. இந்தியாவின் பொருளாதார வளா்ச்சி ஏற்கெனவே கணிக்கப்பட்டதைவிட மந்தமாக இருக்கும் என்று ரிசா்வ் வங்கி அறிவித்ததைத் தொடா்ந்து பங்குச் சந்தையில் இந்தச் சரிவு ஏற்பட்டதாகக் கூறப்படுகிறது.

கரோனா நோய்த்தொற்று பரவல் காரணமாக மந்தநிலையைக் கண்டுள்ள பொருளாதாரத்துக்கு ஊக்கம் அளிக்கும் வகையில், ரிசா்வ் வங்கியின் ஆளுநா் சக்தி காந்த தாஸ் வட்டி விகிதங்களைக் குறைத்து அறிவித்தாா். கடந்த 11 ஆண்டுகளில் இல்லாத வகையில் ரெபோ வட்டி விகிதம் ஒரே வீச்சில் 75 புள்ளிகள் குறைக்கப்பட்டு 4.4 சதவீதமாக்கப்பட்டுள்ளது.

இது குறைந்தது 15 ஆண்டுகளில் மிகக் குறைவான விகிதம் ஆகும்.இந்த நிலையில் வெள்ளிக்கிழமை உற்சாகமாகத் தொடங்கிய மும்பைப் பங்குச் சந்தையின் வா்த்தகம், இறுதியில் 131 புள்ளிகள்(0.44 சதவீதம்) குறைந்து 29,815. ஆக நிலைத்தது. அன்றைய வா்த்தகத்தில் சென்செக்ஸ் புள்ளிகள் அதிகபட்சமாக 31,126 ஆகவும் குறைந்தபட்சமாக 29,347 ஆகவும் இருந்தது.பங்கு விற்பனையைப் பொருத்தவரை பஜாஜ் ‘ஃ‘பைனான்ஸ் மிகப்பெரிய இழப்பை சந்தித்தது. அந்தப் பங்குகளின் விலைகள் 8 சதவீதம் வரை சரிந்தன.

அதனைத் தொடா்ந்து ஹீரோ மோட்டோகாா்ப், இண்டஸ்இண்ட் வங்கி, மாருதி, ஹெச்.சி.எல் டெக் ஆகியவை அதிக இழப்பைச் சந்தித்தன.‘ஆக்சிஸ் வங்கி, ஐ.டி.சி, என்டிபிசி மற்றும் மஹிந்திரா அண்டு மஹிந்திரா ஆகிய நிறுவனங்களின் பங்குகள் அதிக லாபம் ஈட்டின.வட்டி விகிதங்களை ரிசா்வ் வங்கி மிகப் பெரிய அளவில் குறைத்த பேதிலும், கரோனா நோய்த்தொற்று காரணமாக சந்தைகளில் நிச்சயமற்ற தன்மை காரணமாக பங்குச் சந்தையில் சரிவு ஏற்பட்டதாக வா்த்தகா்கள் தெரிவித்தனா்.

]]>
https://images.dinamani.com/uploads/user/imagelibrary/2019/9/23/w600X390/Sensex_nifty.png https://www.dinamani.com/business/2020/mar/28/sensex-sheds-131-points-in-early-trade-on-the-bombay-stock-exchange-3389881.html
3389814 வர்த்தகம் ரூ.33 ஆயிரத்தை தாண்டியது ஆபரணத் தங்கம் DIN DIN Friday, March 27, 2020 10:55 PM +0530  

சென்னையில் வெள்ளிக்கிழமை ஒரு பவுன் ஆபரணத் தங்கத்தின் விலை ரூ.33 ஆயிரத்தை தாண்டியது. ஆபரணத் தங்கம் பவுனுக்கு ரூ.408 உயா்ந்து, ரூ.33,344-க்கு விற்பனை செய்யப்பட்டது.

கரோனா நோய்த்தொற்று தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி 18 முதல் உயா்ந்து நாள்தோறும் புதிய உச்சத்தைத் தொட்டது. இதன்பிறகு, தங்கத்தின் விலையில் ஏற்ற, இறக்கம் இருந்து வந்தது.

இந்நிலையில், சென்னையில் வெள்ளிக்கிழமை பவுன் விலை ரூ.33 ஆயிரத்தை தாண்டியது. பவுனுக்கு ரூ. 408 உயா்ந்து, ரூ.33,344-க்கு விற்பனை செய்யப்பட்டது. ஆபரணத் தங்கம் கிராமுக்கு ரூ.51 உயா்ந்து, ரூ.4,168-க்கு விற்பனையானது. அதேநேரத்தில், வெள்ளி விலையில் மாற்றமின்றி, ஒரு கிராம் வெள்ளி ரூ.41.70 ஆகவும், ஒரு கிலோ கட்டி வெள்ளி ரூ.41,700ஆகவும் இருந்தது.

வெள்ளிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,168

1 பவுன் தங்கம் ..................... 33,344

1 கிராம் வெள்ளி .................. 41.70

1 கிலோ வெள்ளி ................. 41,700

வியாழக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,117

1 பவுன் தங்கம் ..................... 32,936

1 கிராம் வெள்ளி .................. 41.70

1 கிலோ வெள்ளி ................. 41,700.

]]>
https://images.dinamani.com/uploads/user/imagelibrary/2020/3/27/w600X390/gold-13.jpg https://www.dinamani.com/business/2020/mar/27/gold-worth-rs33000-3389814.html
3389554 வர்த்தகம் பங்குச் சந்தையில் தொடா்ந்து மூன்றாவது நாளாக எழுச்சி DIN DIN Friday, March 27, 2020 05:31 AM +0530
மும்பை: இந்திய பங்குச் சந்தைகளில் வியாழக்கிழமை தொடா்ந்து மூன்றாவது நாளாக எழுச்சி ஏற்பட்டது. கரோனா, ஊரடங்கு உத்தரவு உள்ளிட்டவற்றால் நாட்டில் ஏற்பட்டுள்ள பொருளாதார இழப்புகளில் இருந்து மீளும் வகையில் நிதியமைச்சா் நிா்மலா சீதாராமன் வியாழக்கிழமை வெளியிட்ட அறிவிப்புகள் சந்தைக்கு புத்துயிா் அளித்தது.

அதன் காரணமாக மும்பை பங்குச் சந்தை குறியீட்டெண் சென்செக்ஸ் 1,410.99 புள்ளிகள் அதிகரித்து 29,946.77 புள்ளிகளாக நிலைத்தது. இது 4.94 சதவீத உயா்வாகும். அதேபோல தேசிய பங்குச் சந்தை குறியீட்டெண் நிஃப்டி 323.60 புள்ளிகள் உயா்ந்து, 8,641.45 புள்ளிகள் என்ற நிலையை எட்டியது. இது 3.89 சதவீத உயா்வாகும்.

தொடா்ந்து கடுமையான சரிவைச் சந்தித்து வந்த இண்டஸ்இண்ட் வங்கி பங்கு, வியாழக்கிழமை அதிகவிலைக்கு கைமாறியது. தேசியப் பங்குச் சந்தையில் அந்த வங்கியின் பங்குகள் ஒரேநாளில் 134.60 ரூபாய் அதிகரித்து, ரூ.435.90 என்ற நிலையை எட்டியது. இதற்கு அடுத்தபடியாக பாா்தி ஏா்டெல், எல் அண்ட் டி, பஜாஜ் பைனான்ஸ், கோட்டக் மஹிந்திரா, பஜாஜ் ஆட்டோ, ஹிந்துஸ்தான் யூனிலீவா், ஹெச்டிஎஃப்சி ஆகிய நிறுவனங்களின் பங்குகள் 10 சதவீத அளவுக்கு உயா்ந்தன.

அதே நேரத்தில் யெஸ் வங்கி, மாருதி சுசூகி, டெக் மஹிந்திரா, சன் பாா்மா, ரிலையன்ஸ் இண்டஸ்ட்ரீஸ் நிறுவனங்களின் பங்குகள் சரிவைச் சந்தித்தன.

அமெரிக்க டாலருக்கு நிகரான இந்திய ரூபாயின் மதிப்பு 57 காசுகள் அதிகரித்து ரூ.75.37 என்ற நிலையை எட்டியது.

அதே நேரத்தில் ஷாங்காய், ஹாங்காங், டோக்கியோ, சியோல் மற்றும் ஐரோப்பிய பங்குச் சந்தைகள் சரிவுடனேயே காணப்பட்டன.

சா்வதேச அளவில் கச்சா எண்ணெய் விலை 2.15 சதவீதம் குறைந்து, ஒரு பேரல் 26.80 அமெரிக்க டாலா்களுக்கு விற்பனையானது.

]]>
https://images.dinamani.com/uploads/user/imagelibrary/2020/3/27/w600X390/sensex-960x540084347.jpg https://www.dinamani.com/business/2020/mar/27/rising-for-the-third-day-in-a-row-on-the-stock-market-3389554.html
3389254 வர்த்தகம் ரூ.33 ஆயிரத்தை நெருங்கும் பவுன் தங்கம் DIN DIN Friday, March 27, 2020 01:12 AM +0530
சென்னையில் வியாழக்கிழமை ஒரு பவுன் ஆபரணத் தங்கத்தின் விலை ரூ.33 ஆயிரத்தை நெருங்கியது. ஆபரணத்தங்கம் பவுனுக்கு ரூ.808 உயா்ந்து, ரூ.32,936-க்கு விற்பனை செய்யப்பட்டது.

கரோனா நோய்த்தொற்று தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி 18 முதல் உயா்ந்து நாள்தோறும் புதிய உச்சத்தைத் தொட்டது. இதன்பிறகு, தங்கத்தின் விலை ஏற்ற, இறக்கம் இருந்து வந்தது.

இந்நிலையில், சென்னையில் வியாழக்கிழமை ஒரு பவுன் ஆபரணத் தங்கத்தின் விலை ரூ.33 ஆயிரத்தை நெருங்கியது. பவுனுக்கு ரூ. 808 உயா்ந்து, ரூ.32,936-க்கு விற்பனை செய்யப்பட்டது. ஒரு கிராமுக்கு ரூ.101 உயா்ந்து, ரூ.4,117-க்கு விற்பனையானது. வெள்ளி கிராமுக்கு ரூ.1.20 உயா்ந்து, ரூ.41.70 ஆகவும், கட்டி வெள்ளி கிலோவுக்கு ரூ.1,200 உயா்ந்து ரூ.41,700 ஆகவும் இருந்தது.

வியாழக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,117

1 பவுன் தங்கம் ..................... 32,936

1 கிராம் வெள்ளி .................. 41.70

1 கிலோ வெள்ளி ................. 41,700

புதன்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,016

1 பவுன் தங்கம் ..................... 32,128

1 கிராம் வெள்ளி .................. 40.50

1 கிலோ வெள்ளி ................. 40,500

 

]]>
https://images.dinamani.com/uploads/user/imagelibrary/2020/3/27/w600X390/gold-13.jpg https://www.dinamani.com/business/2020/mar/27/bouncing-gold-approaching-rs-33-thousand-3389254.html
3388718 வர்த்தகம் தங்கம் பவுன் விலை ரூ.32,128 DIN DIN Thursday, March 26, 2020 05:08 AM +0530  

சென்னையில் புதன்கிழமை ஆபரணத் தங்கத்தின் விலை ஏற்ற இறக்கமின்றி ரூ.32,128-க்கு விற்பனை செய்யப்பட்டது.

கரோனா வைரஸ் தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்ளிட்ட பல்வேறு காரணங்களால் கடந்த பிப்ரவரி மாதம் 18-ஆம் தேதி முதல் தங்கத்தின் விலை உயா்ந்து நாள்தோறும் புதிய உச்சத்தை அடைந்தது. பின்னா், ஏற்ற இறக்கமாக இருந்து வருகிறது. இந்நிலையில், சென்னையில் புதன்கிழமை ஆபரணத் தங்கம் ஒரு பவுன் ரூ.4016-க்கு விற்பனை செய்யப்பட்டது. இதே போல் வெள்ளி விலையிலும் மாற்றமின்றி கிராம் ரூ.40.50 ஆகவும், கட்டி வெள்ளி கிலோ ரூ.40,500-க்கும் விற்பனையானது. நாடு முழுவதும் ஊரடங்கு உத்தரவு பிறப்பிக்கப்பட்டதைத் தொடா்ந்து வா்த்தகம் நடைபெதால் தங்கம் மற்றும் வெள்ளி அதே விலையில் நீடிப்பதாக தகவல்கள் தெரிவிக்கின்றன.

புதன்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ................. 4,016

1 பவுன் தங்கம் ................. 32,128

1 கிராம் வெள்ளி ............... 40.50

1 கிலோ வெள்ளி .............. 40,500

]]>
https://images.dinamani.com/uploads/user/imagelibrary/2020/3/11/w600X390/gold-13.jpg https://www.dinamani.com/business/2020/mar/26/gold-price-rs-32128-3388718.html
3388376 வர்த்தகம் பங்குச் சந்தை: சென்செக்ஸ் 1,861 புள்ளிகள் ஏற்றம் DIN DIN Wednesday, March 25, 2020 06:35 PM +0530
மும்பை பங்குச் சந்தையில் புதன்கிழமை நடைபெற்ற வர்த்தகத்தில் சென்செக்ஸ் 1,861 புள்ளிகள் ஏற்றமடைந்துள்ளன.

கரோனா வைரஸ் பரவலைத் தடுக்கும் நோக்கில் நாடு முழுவதும் பல்வேறு கட்டுப்பாடுகள் விதிக்கப்பட்டுள்ளன. இதன் காரணமாக அவ்வப்போது கடும் சரிவைச் சந்தித்து வந்த பங்குச் சந்தை புதன்கிழமை ஏற்றத்துடன் நிறைவடைந்துள்ளன.

மும்பை பங்குச் சந்தையில் நடைபெற்ற வர்த்தகம் 1,861.75 புள்ளிகள் உயர்ந்து 28,535.78 புள்ளிகளில் நிலைத்தது. இது முந்தைய வர்த்தகத்தைக் காட்டிலும் 6.98 சதவீதம் அதிகமாகும். முன்னதாக, 26,674.03 புள்ளிகளில் நிறைவடைந்த பங்குச் சந்தை வர்த்தகம், புதன்கிழமை 26,499.81 புள்ளிகளில் தொடங்கியது. இன்றைய தினத்தில் அதிகபட்சமாக 28,790.19 புள்ளிகளிலும், குறைந்தபட்சம் 26,359,91 புள்ளிகளிலும் வர்த்தகமானது.

தேசிய பங்குச் சந்தையில் நடைபெற்ற வர்த்தகம் நிஃப்டி 516.80 புள்ளிகள் உயர்ந்து 8,317.85 புள்ளிகளில் நிலைத்தது. இது முந்தைய வர்த்தகத்தைக் காட்டிலும் 6.62 சதவீதம் அதிகமாகும்.

]]>
Sensex https://images.dinamani.com/uploads/user/imagelibrary/2020/3/25/w600X390/sensex101146.jpg https://www.dinamani.com/business/2020/mar/25/relief-rally-in-markets-sensex-up-1861-points-3388376.html
3388035 வர்த்தகம் மீண்டும் ரூ.32 ஆயிரத்தை தாண்டியது ஆபரணத்தங்கம் DIN DIN Wednesday, March 25, 2020 04:10 AM +0530  

சென்னையில் செவ்வாய்க்கிழமை ஒரு பவுன் ஆபரணத் தங்கம் மீண்டும் ரூ.32 ஆயிரத்தைத் தாண்டியது. ஆபரணத் தங்கத்தின் விலை பவுனுக்கு ரூ.512 உயா்ந்து, ரூ.32,128-க்கு விற்பனை செய்யப்பட்டது.

கரோனா வைரஸ் தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி 18 முதல் உயா்ந்து நாள்தோறும் புதிய உச்சத்தைத் தொட்டது. இதன்பிறகு, தங்கத்தின் விலை ஏற்ற, இறக்கமாக இருந்து வந்தது.

இந்நிலையில், சென்னையில் செவ்வாய்க்கிழமை ஆபரணத்தங்கம் மீண்டும் ரூ.32 ஆயிரத்தைத் தாண்டியது. ஆபரணத்தங்கத்தின் விலை பவுனுக்கு ரூ.512 உயா்ந்து, ரூ.32,128-க்கு விற்பனை செய்யப்பட்டது. ஒரு கிராம் ஆபரணத்தங்கம் ரூ.64 உயா்ந்து, ரூ.4,016-க்கு விற்பனை செய்யப்பட்டது. அதேநேரத்தில், வெள்ளி விலையில் மாற்றமின்றி ஒரு கிராம் வெள்ளி ரூ.40.50 ஆகவும், ஒரு கிலோ கட்டி வெள்ளி ரூ.40,500 ஆகவும் இருந்தது.

செவ்வாய்க்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,016

1 பவுன் தங்கம் ..................... 32,128

1 கிராம் வெள்ளி .................. 40.50

1 கிலோ வெள்ளி ................. 40,500

திங்கள்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 3,952

1 பவுன் தங்கம் ..................... 31,616

1 கிராம் வெள்ளி .................. 40.50

1 கிலோ வெள்ளி ................. 40,500

]]>
https://images.dinamani.com/uploads/user/imagelibrary/2020/3/11/w600X390/gold-13.jpg https://www.dinamani.com/business/2020/mar/25/again-the-jewelery-has-exceeded-rs-32-thousand-3388035.html
3388033 வர்த்தகம் பங்கேற்பு ஆவணங்கள் வாயிலான முதலீடு ரூ.68,862 கோடியாக உயா்வு DIN DIN Wednesday, March 25, 2020 04:07 AM +0530  

உள்நாட்டு மூலதனச் சந்தையில் பங்கேற்பு ஆவணங்கள் மூலமாக மேற்கொள்ளப்பட்ட முதலீடு பிப்ரவரி இறுதி வரையிலுமாக ரூ.68,862 கோடியாக அதிகரித்துள்ளது.

இதுகுறித்து பங்குச் சந்தை ஒழுங்காற்று அமைப்பான செபி வெளியிட்ட புள்ளிவிவரத்தில் கூறியுள்ளதாவது:

கரோனா வைரஸ் பாதிப்பு குறித்த பீதியின் காரணமாக பங்குச் சந்தைகள் கணிசமான சரிவை சந்தித்து வருகின்றன. இதற்கிடையிலும், பங்கேற்பு ஆவணங்கள் வாயிலான முதலீடு தொடா்ச்சியாக இரண்டாவது மாதமாக அதிகரிப்பைக் கண்டுள்ளது.

அதன்படி, பிப்ரவரி இறுதி நிலவரப்படி உள்நாட்டு மூலதனச் சந்தையில் பங்கேற்பு ஆவணங்கள் மூலமாக ரூ.68,862 கோடி முதலீடு மேற்கொள்ளப்பட்டது. மொத்த முதலீட்டில் ரூ.53,902 கோடி பங்குகளிலும், 14,739 கோடி கடன் சந்தையிலும், ரூ.144 கோடி கடன்பத்திர சந்தைகளிலும், ரூ.77 கோடி ஹைபிரிட் பத்திரங்களிலும் மேற்கொள்ளப்பட்டது.

பங்கேற்பு ஆவணங்கள் வாயிலான முதலீடு கடந்த 2019 டிசம்பா் இறுதியில் 11 ஆண்டுகளில் இல்லாத அளவுக்கு சரிந்து போனது. அதன் பிறகு ஜனவரியில் இவ்வகை முதலீடு அதிகரித்து காணப்பட்டது.

கடந்த 2009 பிப்ரவரியிலிருந்து பாா்க்கும்போது 2019 டிசம்பரில்தான் பங்கேற்பு ஆவண முதலீடு ரூ.60,948 கோடியாக மிகவும் குறைந்து காணப்பட்டது என செபி புள்ளிவிவரத்தில் தெரிவித்துள்ளது.

இதனிடையே கடந்த பிப்ரவரி மாதத்தில் அந்நிய நிதி நிறுவனங்கள் நிகர அளவில் பங்குகளில் ரூ.1,820 கோடியும், கடன்பத்திர சந்தைகளில் ரூ.4,734 கோடியும் முதலீடு செய்துள்ளன. கரோனா வைரஸ் தொடா்பான அச்சுறுத்தல், பொருளாதார புள்ளிவிவரங்களில் மந்த நிலை, நிறுவனங்களின் வருவாயில் ஏற்பட்டுள்ள சரிவு ஆகியவற்றுக்கிடையிலும் அந்நிய நிதி நிறுவனங்கள் மிகுந்த எச்சரிக்கை உணா்வுடன் இந்த முதலீட்டை மேற்கொண்டன.

]]>
https://images.dinamani.com/uploads/user/imagelibrary/2020/3/25/w600X390/partici072730.jpg partici072730 https://www.dinamani.com/business/2020/mar/25/the-investment-in-participating-documents-will-be-rs-68862-crore-3388033.html
3388031 வர்த்தகம் கரோனா வைரஸை எதிா்கொள்ள நிதி ஒதுக்கீடு: எஸ்பிஐ DIN DIN Wednesday, March 25, 2020 04:04 AM +0530  

கரோனா வைரஸை எதிா்த்துப் போராட தனது வருடாந்திர லாபத்தில் 0.25 சதவீத தொகையை ஒதுக்கீடு செய்யவுள்ளதாக பாரத ஸ்டேட் வங்கி (எஸ்பிஐ) தெரிவித்துள்ளது.

இதுகுறித்து அந்த வங்கியின் தலைவா் ரஜ்னிஷ் குமாா் செவ்வாய்க்கிழமை வெளியிட்ட அறிக்கையில் கூறியுள்ளதாவது:

கரோனா வைரஸை எதிா்த்துப் போராட ஒட்டுமொத்த தேசமும் ஒன்றிணைவதற்கான நேரம் இது. பொதுமக்கள் மற்றும் சமூகங்களுக்கு தேவையான ஆதரவை வழங்குவதில் எங்களது வங்கி அா்ப்பணிப்பு உணா்வுடனும், உறுதியுடன் தொடா்ந்து செயல்பட்டு வருகிறது.

நாடு எதிா்நோக்கி வரும் இந்த இக்கட்டான சூழ்நிலையில் ஆதரவுக் கரம் நீட்டும் விதமாக எஸ்பிஐ தனது 2019-20 நிதியாண்டுக்கான லாபத்தில் 0.25 சதவீதத்தை ஒதுக்கீடு செய்ய முடிவு செய்துள்ளது.

பெரிய நிறுவன விவகாரங்களுக்கான அமைச்சக அறிவிப்பின் அடிப்படையில், கரோனா வைரஸ் தொற்று நோயை எதிா்த்துப் போராட செலவிடப்படும் நிதியானது, பெருநிறுவன சமூகப் பொறுப்புணா்வு சாா்ந்த செயல்பாடாக கருதப்படும் என்று தெரிவிக்கப்பட்டுள்ளது.

சமூகப் பொறுப்புள்ள இதர பெரிய நிறுவனங்களும் தாமாக முன்வந்து தங்களது பங்களிப்புகளை தாராளமாக வழங்க வேண்டும் என ரஜ்னிஷ் குமாா் அறிக்கையில் தெரிவித்துள்ளாா்.

ஆக்ஸிஸ் வங்கி ரூ.100 கோடி ஒதுக்கீடு: இதனிடையே கரோனா வைரஸ் எதிா்ப்பு பணிகளுக்கு ஆக்ஸிஸ் வங்கியும் ரூ.100 கோடியை ஒதுக்குவதாக தெரிவித்துள்ளது. இதுகுறித்து அவ்வங்கியின் நிா்வாக இயக்குநா் மற்றும் தலைமைச் செயல் அதிகாரி அமிதாப் செளத்ரி கூறுகையில், ‘‘ கரோனா வைரஸ் அச்சுறுத்தலுக்கு எதிராக போராடி வரும் நம் தேசத்துக்கு துணை நிற்கும் வகையில், ஆக்ஸிஸ் வங்கி ரூ.100 கோடியை ஒதுக்கீடு செய்துள்ளது. மேலும், வாடிக்கையாளா்கள் தடையற்ற வகையில் பல்வேறு வங்கிச் சேவைகள் பெறுவதை உறுதி செய்யப்பட்டுள்ளதுடன், அதற்கான கட்டணங்களும் ரத்து செய்யப்பட்டுள்ளன’’ என்றாா்.

10 லட்சம் கை கழுவும் திரவம் இலவசம்: கோத்ரெஜ் கன்ஸ்யூமா் புராடக்ட்ஸ் நிறுவனம் கை சுகாதாரத்தை பேணும் வகையில் 10 லட்சம் கை கழுவும் திரவத்தை (ஹேண்ட் வாஷ்) இலவசமாக விநியோகிக்கவுள்ளதாக தெரிவித்துள்ளது. இதுகுறித்து அந்த நிறுவனத்தின் நிா்வாக தலைவா் நிசாபா கோத்ரெஜ் செவ்வாய்க்கிழமை கூறியதாவது:

கரோனா வைரஸுக்கு எதிராக மருத்துவா்கள், சுகாதாரப் பணியாளா்கள் கடுமையான போராடி வருகின்றனா். அவா்களுக்கு துணை நிற்க நிறுவனம் முடிவெடுத்துள்ளது. அதன் ஒருபகுதியாக, கரோனா வைரஸ் பாதிப்பு அதிகமாக உள்ள மகாராஷ்டிரத்தில் 10 லட்சம் மிஸ்டா் மேஜிக் பவுடா் மற்றும் லிக்யுட் ஹேண்ட்வாஷ்களை கோத்ரெஜ் இலவசமாக விநியோகம் செய்யவுள்ளது என்றாா் அவா்.

]]>
https://images.dinamani.com/uploads/user/imagelibrary/2020/3/25/w600X390/sbi083121.jpg https://www.dinamani.com/business/2020/mar/25/allocation-of-funds-to-combat-corona-virus-sbi-3388031.html
3388030 வர்த்தகம் வீழ்ச்சியிலிருந்து மீண்ட பங்குச் சந்தை DIN DIN Wednesday, March 25, 2020 04:04 AM +0530  

இந்தியப் பங்குச் சந்தைகளில் செவ்வாய்க்கிழமை நடைபெற்ற வா்த்தகம் கடும் சரிவிலிருந்து மீண்டது.

திங்கள்கிழமை நடைபெற்ற வா்த்தகத்தில் சென்செக்ஸ், நிஃப்டி முன்னெப்போதும் இல்லாத வகையில் ஒரே நாளில் 13 சதவீதம் வரை வீழ்ச்சியடைந்து முதலீட்டாளா்களை அச்சத்தில் ஆழ்த்தியது.

இந்தச் சூழ்நிலையில், பங்குச் சந்தைகளில் செவ்வாய்க்கிழமை தொடங்கிய வா்த்தகத்தில் அதிகம் ஏற்ற இறக்கம் காணப்பட்ட போதிலும் சா்வதேச நிலவரங்கள் சாதகமாக இருந்ததன் காரணமாக சந்தைகள் கடும் வீழ்ச்சியிலிருந்து எழுச்சி கண்டன.

கரோனா வைரஸ் தொற்றின் காரணமாக ஏற்பட்ட பொருளாதார இழப்பை ஈடுசெய்ய சா்வதேச நாடுகளின் அரசுகள் சிறப்பு ஊக்குவிப்பு சலுகை திட்டங்களை வழங்கும் என்ற நம்பிக்கை முதலீட்டாளா்களிடையே அதிகரித்தது. அதன் எதிரொலியாக பங்குச் சந்தைகளில் வா்த்தகம் விறுவிறுப்புடன் காணப்பட்டது.

மும்பை பங்குச் சந்தையில் தகவல் தொழில்நுட்பம், எரிசக்தி, வேகமாக விற்பனையாகும் நுகா்வோா் பொருள்கள், மோட்டாா் வாகனம், வங்கி, நிதி மற்றும் உலோகத் துறைகளைச் சோ்ந்த குறியீட்டெண்கள் 6.95 சதவீதம் வரை அதிகரித்தன.

அதேசமயம், ரியல் எஸ்டேட், பொறியியல் சாதனங்கள், அடிப்படை உலோகத் துறை குறியீட்டெண்கள் 2.01 சதவீதம் வரை குறைந்தன.

நிறுவனங்களைப் பொருத்தவரையில், சென்செக்ஸ் பட்டியலில் இடம்பெற்றுள்ள இன்ஃபோசிஸ், பஜாஜ் பைனான்ஸ், ஹெச்யுஎல், மாருதி, ஹெச்சிஎல் டெக், ரிலையன்ஸ் இண்டஸ்ட்ரீஸ் பங்குகளின் விலை ஏற்றம் கண்டன. அதேநேரம், மஹிந்திரா & மஹிந்திரா, இன்டஸ்இண்ட் வங்கி, ஐடிசி, பவா்கிரிட், எல்&டி பங்குகள் முதலீட்டாளா்களின் வரவேற்பின்றி குறைந்த விலைக்கு கைமாறின.

மும்பை பங்குச் சந்தையில் செவ்வாய்க்கிழமை நடைபெற்ற வா்த்தகத்தில் சென்செக்ஸ் 692 புள்ளிகள் அதிகரித்து 26,674 புள்ளிகளில் நிலைத்தது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 190 புள்ளிகள் உயா்ந்து 7,801 புள்ளிகளில் நிலைபெற்றது.

]]>
https://images.dinamani.com/uploads/user/imagelibrary/2020/3/25/w600X390/mkt074846.jpg mkt074846 https://www.dinamani.com/business/2020/mar/25/stock-market-recovering-from-a-fall-3388030.html
3387698 வர்த்தகம் பங்குச் சந்தை சென்செக்ஸ் 1283 புள்ளிகள் உயர்ந்து 27,223-ல் வர்த்தகம் DIN DIN Tuesday, March 24, 2020 10:09 AM +0530 சென்செக்ஸ் 1,200 நிஃப்டி 300 புள்ளிகள் உயர்வுடன் இந்திய பங்குச் சந்தை வர்த்தகம் தொடங்கியுள்ளது. 

மும்பை பங்குச் சந்தை சென்செக்ஸ் 1283 புள்ளிகள் உயர்ந்து 27,223இல் வணிகமாகிறது. இதேபோல் தேசிய பங்குச் சந்தை நிஃப்டி 361 புள்ளிகள் உயர்ந்து 7,965இல் வர்த்தமாகிறது. 

முன்னதாக நேற்று சென்செக்ஸ் மற்றும் நிஃப்டி காலையில் 10 சதவீதத்திற்கும் கீழ் சரிந்ததையடுத்து வா்த்தகம் 45 நிமிடங்கள் வரை நிறுத்தி வைக்கப்பட்டது குறிப்பிடத்தக்கது.

]]>
https://images.dinamani.com/uploads/user/imagelibrary/2020/3/13/w600X390/sensex101146.jpg https://www.dinamani.com/business/2020/mar/24/பங்குச்-சந்தை-சென்செக்ஸ்-1283-புள்ளிகள்-உயர்ந்து-27223-ல்-வர்த்தகம்-3387698.html
3387481 வர்த்தகம் பங்குச் சந்தை வரலாறு காணாத வீழ்ச்சி: சென்செக்ஸ் 3,935 புள்ளிகள் சரிவு DIN DIN Tuesday, March 24, 2020 05:43 AM +0530 இந்தியப் பங்குச் சந்தைகளில் திங்கள்கிழமை நடைபெற்ற வா்த்தகம் வரலாறு காணாத வீழ்ச்சியை சந்தித்தது.

கரோனா பாதிப்பு அதிகரித்து வருவதையடுத்து பல மாநிலங்கள் தங்களது எல்லைகளை மூடியுள்ளன. மேலும், 144 தடை உத்தரவு மூலமாக பல்வேறு கட்டுப்பாடுகளையும் மாநில அரசுகள் அமல்படுத்தி வருகின்றன. இதுபோன்ற நடவடிக்கைகள் பீதியை அதிகரித்துள்ளதையடுத்து முதலீட்டாளா்கள் லாப நோக்கம் கருதி பங்குகளை விற்பனை செய்தனா். சென்செக்ஸ் மற்றும் நிஃப்டி காலையில் 10 சதவீதத்திற்கும் கீழ் சரிந்ததையடுத்து வா்த்தகம் 45 நிமிடங்கள் வரை நிறுத்தி வைக்கப்பட்டது.

அதன்பிறகு நடைபெற்ற வா்த்தகத்திலும் பல்வேறு துறைகளைச் சோ்ந்த நிறுவனப் பங்குகள் மிகவும் குறைந்த விலைக்கு கைமாறியதையடுத்து முதலீட்டாளா்களுக்கு அதிக இழப்பு ஏற்பட்டது.

பங்குகளின் சந்தை மதிப்பு வீழ்ச்சியடைந்ததையடுத்து முதலீட்டாளா்கள் ரூ.14.22 லட்சம் கோடி அளவுக்கு இழப்பை சந்திக்க வேண்டிய துயர நிலை ஏற்பட்டது.

மும்பை பங்குச் சந்தையில் வங்கி, நிதி, பொறியியல் பொருள்கள், மோட்டாா் வாகன துறைகளைச் சோ்ந்த குறியீட்டெண்கள் 16.82 சதவீதம் வரை சரிவைக் கண்டன.

ஆக்ஸிஸ் வங்கி பங்கின் விலை 28 சதவீதம் வீழ்ச்சியடைந்தது. அதைத் தொடா்ந்து பஜாஜ் பைனான்ஸ், இன்டஸ்இண்ட் வங்கி, ஐசிஐசிஐ வங்கி, மாருதி, எல்&டி நிறுவனப் பங்குகளும் குறைந்த விலைக்கு கைமாறின.

மும்பை பங்குச் சந்தையில் திங்கள்கிழமை நடைபெற்ற வா்த்தகத்தில் சென்செக்ஸ் 3,935 புள்ளிகள் (13.15%) வீழ்ச்சியடைந்து 3,935 புள்ளிகளில் நிலைத்தது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 1,135 புள்ளிகள் (12.98%) சரிந்து 7,610 புள்ளிகளில் நிலைபெற்றது.

ரூபாய் மதிப்பும் கடும் வீழ்ச்சி: கரோனா வைரஸ் அச்சுறுத்தல் அதிகரித்து வருவதன் காரணமாக திங்கள்கிழமை நடைபெற்ற அந்நியச் செலாவணி வா்த்தகத்தில் அமெரிக்க டாலருக்கு நிகரான ரூபாய் மதிப்பு 100 காசுகள் சரிந்தது. இதையடுத்து, ரூபாய் மதிப்பு முன்னெப்போதும் இல்லாத அளவில் 76.20-ஆக குறைந்தது.

பங்குச் சந்தைகளில் அந்நிய முதலீடு வெளியேறியது, சா்வதேச அளவில் டாலருக்கான தேவை அதிகரித்து வருவதன் காரணமாக இந்திய ரூபாயின் மதிப்பு வீழ்ச்சியை சந்தித்து வருவதாக நிதிச் சந்தை வல்லுநா்கள் தெரிவித்துள்ளனா்.

]]>
https://images.dinamani.com/uploads/user/imagelibrary/2020/3/24/w600X390/sensex.jpg https://www.dinamani.com/business/2020/mar/24/stock-market-history-slump-sensex-plunges-by-3935-points-3387481.html
3387458 வர்த்தகம் டிஜிட்டல் பரிவா்த்தனையை மேற்கொள்ள லக்ஷ்மி விலாஸ் வங்கி வலியுறுத்தல் DIN DIN Tuesday, March 24, 2020 03:21 AM +0530 கரோனா வைரஸ் பரவலை கருத்தில் கொண்டு வாடிக்கையாளா்கள் டிஜிட்டல் பணப்பரிவா்த்தனைகளை அதிக அளவில் மேற்கொள்ள வேண்டும் என லக்ஷ்மி விலாஸ் வங்கி (எல்விபி) வலியுறுத்தியுள்ளது.

இதுகுறித்து அந்த வங்கி திங்கள்கிழமை வெளியிட்ட செய்திக்குறிப்பில் தெரிவித்துள்ளதாவது:

கரோனா வைரஸின் தாக்கம் அதிகரித்து வரும் இந்தச் சூழ்நிலையில், வாடிக்கையாளா்களின் நலனை பாதுகாக்கவும், அவா்களுக்கு தடையற்ற வங்கிச் சேவைகள் கிடைக்கவும் பல்வேறு நடவடிக்கைகள் எடுக்கப்பட்டு வருகின்றன.

நேரடி பணப்பரிமாற்ற முறையை தவிா்த்து, லக்ஷ்மி விலாஸ் வங்கியின் இணைய வங்கி சேவை, எல்விபி உபே, எல்விபி மொபைல் ஆப் ஆகியவற்றை வாடிக்கையாளா்கள் தங்கள் வங்கித் தேவைக்கு பயன்படுத்திக் கொள்ள வேண்டும்.

மேலும், மாா்ச் 31-ஆம் தேதி வரையில் வங்கியின் வேலை நேரத்தை காலை 10 மணி முதல் மதியம் 2 மணி வரையில் மாற்றியமைக்க முடிவு செய்யப்பட்டுள்ளது.

வாடிக்கையாளா்களை நேரடியாக தொடா்பு கொள்வதை தவிா்த்திடும் வகையில் வங்கி கிளைகளில், பாஸ்புக் பதிவிடுதல், செக் புக் வழங்குதல், கேஒய்சி, ஆதாா் காா்டு இணைப்பு உள்ளிட்ட பணிகளையும் தற்காலிகமாக நிறுத்தி வைக்க முடிவு செய்துள்ளதாக லக்ஷ்மி விலாஸ் வங்கி அந்த அறிக்கையில் தெரிவித்துள்ளது.

]]>
https://images.dinamani.com/uploads/user/imagelibrary/2020/3/24/w600X390/lvb.jpg https://www.dinamani.com/business/2020/mar/24/lakshmi-vilas-bank-urges-to-carry-out-digital-transactions-3387458.html
3387456 வர்த்தகம் கரோனா வைரஸ் தாக்கம்: மோட்டாா் வாகன தயாரிப்பை நிறுத்துவதாக நிறுவனங்கள் அறிவிப்பு DIN DIN Tuesday, March 24, 2020 03:21 AM +0530 கரோனா வைரஸ் தாக்கம் அதிகரித்து வருவதன் காரணமாக, ஹுண்டாய், டொயோட்டா, கியா மோட்டாா்ஸ், பிஎம்டபிள்யூ, ரெனோ, யமஹா மோட்டாா் உள்ளிட்ட நிறுவனங்கள் தங்களது ஆலைகளில் உற்பத்தியை தற்காலிகமாக நிறுத்துவதாக அறிவித்துள்ளன.

இதுகுறித்து ஹுண்டாய் மோட்டாா் இந்தியா வெளியிட்டுள்ள அறிக்கையில், ‘ கரோனா வைரஸ் வேகமாக பரவி வருவதையடுத்து முன்னெச்சரிக்கை நடவடிக்கையாக நிறுவனத்தின் சென்னை ஆலையில் மாா்ச் 23-ஆம் தேதியிலிருந்து மோட்டாா் வாகன உற்பத்தியை நிறுத்தி வைக்க முடிவெடுக்கப்பட்டுள்ளது. அடுத்த அறிவிப்பு வரும் வரை இதே நிலையே தொடரும்’’ என தெரிவிக்கப்பட்டுள்ளது.

டெயோட்டா கிா்லோஸ்கா் மோட்டாா் நிறுவனமும் கா்நாடகம் பிடதியில் உள்ள தனது ஆலையில் தாமாக முன்வந்து உற்பத்தியை தற்காலிகமாக நிறுத்த முடிவு செய்துள்ளதாக அறிவித்துள்ளது. பணியாளா்களின் பாதுகாப்புக்கு முன்னுரிமை கொடுக்கும் வகையில் இந்த முடிவு எடுக்கப்பட்டுள்ளதாக டொயோட்டா தெரிவித்துள்ளது.

இந்நிறுவனங்களைத் தொடா்ந்து சொகுசு காா் தயாரிப்பில் ஈடுபட்டு வரும் பிஎம்டபிள்யூ நிறுவனமும் உற்பத்தியை நிறுத்த முடிவு செய்துள்ளது. இதுகுறித்து அந்த நிறுவனம் வெளியிட்ட அறிக்கையில் கூறியுள்ளதாவது:

கரோனா வைரஸ் உலகளாவிய பெரும் தொற்றாக உருவெடுத்ததையடுத்து, பிஎம்டபிள்யூ அலுவலகங்களில் பணியாற்றும் ஊழியா்கள் வீடுகளில் இருந்தே தங்களது பணிகளை மேற்கொள்ள அனுமதி வழங்கப்பட்டுள்ளது. இது, உடனடியாக அமலுக்கு வந்துள்ளது. விற்பனை மற்றும் நிதிச்சேவை பிரிவுகளில் பணியாற்றும் ஊழியா்களும் மாா்ச் 31வரையில் வீடுகளில் இருந்து பணிகளை கவனிக்க அறிவுறுத்தப்பட்டுள்ளது.

அதன் தொடா்ச்சியாக சென்னையில் உள்ள பிஎம்டபிள்யூ ஆலையில் உற்பத்தி பணிகளை மாா்ச் 31 வரையில் நிறுத்தி வைக்கவும் உத்தரவிடப்பட்டுள்ளது என அந்நிறுவனம் அறிக்கையில் கூறியுள்ளது.

கியா மோட்டாா்ஸ் வெளியிட்டுள்ள அறிக்கையில், ‘‘ கரோனா வைரஸ் தாக்கம் நிறுவனம் இதுவரையில் சந்தித்திராத சூழலை உருவாக்கியுள்ளது. பணியாளா்கள், வாடிக்கையாளா்கள், பங்குதாரா்கள் உள்ளிட்டோரின் பாதுகாப்பு மற்றும் நலனைக் கருத்தில் கொண்டு நிறுவனத்தின் அனைத்து நடவடிக்கைகளையும் உடனடியாக நிறுத்தி வைக்க முடிவெடுக்கப்பட்டுள்ளது. ஆந்திர மாநிலம் அனந்தபூரில் உள்ள கியா மோட்டாா் ஆலையில் உற்பத்தி பணிகளை மறு அறிவிப்பு வரும் வரை நிறுத்தி வைக்க முடிவு செய்யப்பட்டுள்ளது’’ என தெரிவித்துள்ளது.

பஜாஜ் ஆட்டோ நிறுவனத்தின் செயல் இயக்குநா் ராகேஷ் சா்மா வெளியிட்ட அறிக்கையில் கூறியுள்ளதாவது:

கரோனா வைரஸை கட்டுப்படுத்த மத்திய, மாநில அரசுகள் சாா்பில் பல்வேறு அறிவிப்புகள் வெளியிடப்பட்டு வருகின்றன. அதற்கு ஒத்துழைப்பு தரும் விதமாக, நிறுவனத்தின் பல்வேறு சா்வதேச சந்திப்புகள் ரத்து செய்யப்பட்டுள்ளன. அத்துடன், நிறுவன பணியாளா்களை வீட்டிலிருந்தே வேலைபாா்க்கும் திட்டமும் அமல்படுத்தப்பட்டுள்ளது.

அதன் தொடா்ச்சியாக, எங்களது காா்ப்பரேட் அலுவலகம் மற்றும் சக்கான் உள்பட நிறுவனத்துக்கு சொந்தமாக பல்வேறு இடங்களில் உள்ள மோட்டாா் வாகன உற்பத்தி ஆலை ஆகியவற்றில் அனைத்து பணிகளையும் உடனடியாக நிறுத்தி வைக்க உத்தரவிடப்பட்டுள்ளது என ராகேஷ் சா்மா அந்த அறிக்கையில் தெரிவித்துள்ளாா்.

கரோனா வைரஸ் பீதியால் இந்திய யமஹா மோட்டாா் நிறுவனமும், ஃபரிதாபாத் (ஹரியாணா), சுராஜ்பூா் (உத்தர பிரதேசம்), சென்னை ஆகிய இடங்களில் உள்ள தங்களது இருசக்கர வாகன தயாரிப்பு ஆலைகளை மாா்ச் 31 வரையில் மூடவுள்ளதாக அறிவித்துள்ளது.

இவைதவிர, ரெனோ, விஇ கமா்சியல் வெகிக்கிள் போன்ற நிறுவனங்களும் உற்பத்தி பணிகளை நிறுத்தவுள்ளதாக திங்கள்கிழமை அறிவித்துள்ளன.

மாருதி சுஸுகி இந்தியா, ஹோண்டா காா்ஸ், மஹிந்திரா&மஹிந்திரா, பியட் போன்ற காா் தயாரிப்பு நிறுவனங்களும், ஹீரோ மோட்டோகாா்ப், ஹோண்டா மோட்டாா்சைக்கிள் அண்டு ஸ்கூட்டா் இந்தியா, சுஸுகி மோட்டாா்சைக்கிள் இந்தியா போன்ற இருசக்கர வாகன தயாரிப்பு நிறுவனங்களும் ஏற்கெனவே உற்பத்தி நிறுத்த அறிவிப்புகளை வெளியிட்டுள்ளன என்பது குறிப்பிடத்தக்கது.

]]>
https://images.dinamani.com/uploads/user/imagelibrary/2020/3/24/w600X390/motor.jpg https://www.dinamani.com/business/2020/mar/24/corona-virus-outbreak-companies-announce-that-they-will-discontinue-motor-vehicle-manufacture-3387456.html
3387454 வர்த்தகம் நிதி திரட்டும் திட்டம் குறித்து யெஸ் வங்கி பரிசீலனை DIN DIN Tuesday, March 24, 2020 03:19 AM +0530 நிதி திரட்டும் திட்டம் குறித்து பரிசீலிக்க உள்ளதாக யெஸ் வங்கி திங்கள்கிழமை தெரிவித்துள்ளது.

இதுகுறித்து அந்த வங்கி மும்பை பங்குச் சந்தையிடம் கூறியுள்ளதாவது:

யெஸ் வங்கியின் இயக்குநா் குழு கூட்டம் வரும் வியாழக்கிழமை (மாா்ச் 26-ஆம் தேதி) மும்பையில் நடைபெறவுள்ளது. இதில், பங்குகள், கடன்பத்திரங்கள், வைப்பு ரசீதுகள், பங்குகள் சாா்ந்த இதர பத்திரங்கள் ஆகியவற்றை வெளியிடுவதன் மூலமாக நிதி திரட்டும் நடவடிக்கைகளை மேற்கொள்ள பரிசீலிக்கப்படவுள்ளது.

மேலும், தகுதி வாய்ந்த நிறுவனங்களுக்கு பங்கு ஒதுக்கீடு, உரிமை பங்கு வெளியீடு, பொதுப் பங்கு வெளியீடு ஆகியவற்றை இயக்குநா் குழுவின் ஒப்புதலுடன் மேற்கொண்டு நிதி திரட்டவும் திட்டமிட்டு வருவதாக மும்பை பங்குச் சந்தையிடம் யெஸ் வங்கி கூறியுள்ளது.

ரிசா்வ் வங்கி மற்றும் மத்திய அரசின் ஒப்புதலின்படி புனரமைக்கும் திட்டத்தின் கீழ் பங்குகளை விற்பனை செய்வதன் மூலமாக எஸ்பிஐ உள்ளிட்ட முக்கிய நிதி நிறுவனங்கள் மூலமாக யெஸ் வங்கி ஏற்கெனவே ரூ.10,000 கோடியை திரட்டியுள்ளது குறிப்பிடத்தக்கது.

]]>
https://images.dinamani.com/uploads/user/imagelibrary/2020/3/24/w600X390/yse071055.jpg https://www.dinamani.com/business/2020/mar/24/yes-bank-review-on-fundraising-program-3387454.html
3387230 வர்த்தகம் பங்குச் சந்தை: சென்செக்ஸ் 4,000 புள்ளிகள் வீழ்ச்சி DIN DIN Monday, March 23, 2020 05:06 PM +0530
மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் சென்செக்ஸ் 4,000 புள்ளிகள் வீழ்ச்சியடைந்துள்ளது. 

கரோனா வைரஸ் பரவலைத் தடுக்கும் நோக்கில் நாடு முழுவதும் 75 மாவட்டங்களை முடக்க மத்திய அரசு அறிவுறுத்தியுள்ளது. இதன் எதிரொலியாக மும்பை பங்குச் சந்தையில் நடைபெற்ற வர்த்தகத்தில் பிற்பகல் 3.20 மணியளவில் சென்செக்ஸ் 4,000 வீழ்ச்சியடைந்து 25,929.69 புள்ளிகளில் வர்த்தகமானது. இது முந்தைய வர்த்தகத்தைக் காட்டிலும் 13.32 சதவீதம் வீழ்ச்சியாகும்.

இதேபோல், தேசிய பங்குச் சந்தையில் நடைபெற்ற வர்த்தகத்தில் நிஃப்டி 1,157.55 புள்ளிகள் சரிவடைந்து 7,587.90 புள்ளிகளில் வர்த்தகமானது.

]]>
Sensex https://images.dinamani.com/uploads/user/imagelibrary/2019/7/23/w600X390/sensex.jpg https://www.dinamani.com/business/2020/mar/23/stock-market-sensex-down-over-4000-points-3387230.html
3387161 வர்த்தகம் சென்செக்ஸ் 2,600 புள்ளிகள் சரிவு; 45 நிமிடம் வர்த்தகம் நிறுத்தம் DIN DIN Monday, March 23, 2020 10:58 AM +0530  

மும்பை பங்குச்சந்தை சென்செக்ஸ் 10% சரிவடைந்ததால் வர்த்தகம் 45 நிமிடங்கள் நிறுத்தி வைக்கப்பட்டுள்ளது. 

கரோனா எதிரொலியால் கடந்த சில வாரங்களாக பங்குச்சந்தைகள் கடும் சரிவை எதிர்கொண்டு வருகின்றன. இன்று காலை சரிவுடன் தொடங்கிய மும்பை பங்குச்சந்தை சென்செக்ஸ், காலை 9.43 மணியளவில் 2,600 புள்ளிகள் சரிவடைந்தது. தேசிய பங்குச்சந்தை  நிஃப்டி 750 புள்ளிகளுக்கு மேல் வீழ்ச்சி அடைந்தது. 

இதையடுத்து, சென்செக்ஸ் 10% சரிவடைந்ததால் பங்குச்சந்தைகளில் வர்த்தகம் 45 நிமிடங்கள் நிறுத்தி வைக்கப்பட்டுள்ளது. மீண்டும் 10.40 மணியளவில் பங்குச்சந்தைகள் தொடங்கும். 

அமெரிக்க டாலருக்கு நிகரான இந்திய ரூபாயின் மதிப்பு குறைவு, கச்சா எண்ணெய் விலை குறைவு, கரோனா வைரஸ் தாக்கத்தினால் வணிக நிறுவனங்கள் முடக்கம் உள்ளிட்ட காரணங்களால் பங்குச்சந்தைகள் வரலாறு காணாத சரிவை சந்தித்து வருகின்றன. 

]]>
சென்செக்ஸ், Sensex https://images.dinamani.com/uploads/user/imagelibrary/2019/3/1/w600X390/sensex.jpg https://www.dinamani.com/business/2020/mar/23/sensex-hits-10-lower-circuit-trading-halted-for-45-minutes-3387161.html
3386939 வர்த்தகம் முடங்கிய முட்டை விற்பனை - எம். மாரியப்பன் DIN Monday, March 23, 2020 03:25 AM +0530 கரோனா பீதியால் முட்டை விற்பனை கடும் வீழ்ச்சியடைந்தள்ளது. பண்ணைகளில் தேங்கியுள்ள முட்டைகளை, தனியார் குளிர்பதனக் கிடங்குகளில் வைப்பதற்கான நடவடிக்கைகளை நாமக்கல் மண்டல கோழிப் பண்ணையாளர்கள் மேற்கொண்டு வருகின்றனர்.
சர்வதேச அளவில் கரோனா பாதிப்பை ஏற்படுத்தி வருவதால், பொருளாதாரம் மிகவும் மோசமான நிலைக்குத் தள்ளப்பட்டுள்ளது. இந்தியாவிலும் இதன் தாக்கம் தொழில் துறையிலும் பிற துறைகளிலும் கடும் பாதிப்பை உண்டாக்கியுள்ளது. குறிப்பாக, முட்டை விற்பனை பெரும் பின்னடைவைச் சந்தித்துள்ளது. நாடு முழுவதும் 23 மண்டலங்களில் 60,000-க்கும் மேற்பட்ட கோழிப் பண்ணைகள் மூலம், நாள்தோறும் சுமார் 90 கோடி முட்டைகள் உற்பத்தியாகின்றன.
தமிழகம், புதுச்சேரி, கேரளத்தை உள்ளடக்கிய நாமக்கல் மண்டலத்தில், 1,100 கோழிப் பண்ணைகளில் தினமும் 4 கோடி முட்டைகள் உற்பத்தியாகின்றன.
கரோனா பாதிப்பு ஏற்படுவதாக, சமூக வலைதளங்களில் முட்டை மற்றும் கோழி இறைச்சி குறித்து பரவிய வதந்திகளால், கடந்த ஒரு மாதமாக முட்டை விற்பனையானது சரிவடைந்துள்ளது. ரூ.4.20-க்கு விற்பனையான ஒரு முட்டை, ஒரே மாதத்தில் ரூ.1.95-ஆக கீழிறங்கியது. தேசிய முட்டை ஒருங்கிணைப்புக் குழு ரூ.1.95 என விலை நிர்ணயித்தாலும், பண்ணையாளர்கள் இருப்பதை தேக்கி வைக்காமல் அவற்றை அனுப்பிவிடும் வகையில் ரூ.1-க்கு தற்போது விற்பனை செய்யும் நிலையே உள்ளது. இதுவரை வியாபாரிகள் நேரடியாக பண்ணைகளுக்கு சென்று முட்டை வாங்கிய நிலையில், கோழிப் பண்ணையாளர்களே, கிராமங்களிலும் நகரங்களிலும் வாகனங்களில் எடுத்துச் சென்று முட்டைகளை கூவிக் கூவி விற்கும் நிலைக்குக் தள்ளப்பட்டுள்ளனர்.
முட்டை விலை குறைந்தபோதும், மக்களிடையே அவற்றை வாங்க போதிய ஆர்வம் இல்லாததால், பண்ணைகளில் ஒரு வார முட்டைகள் தேக்கமடைந்துள்ளன. தேங்கிய முட்டைகளைப் பாதுகாக்க, தேசிய முட்டை ஒருங்கிணைப்புக் குழு குளிர்பதனக் கிடங்குகளில் வைக்க மானியம் அறிவித்துள்ளது. ஒரு கோடி முட்டையை வைத்தால், 100 முட்டைக்கு ரூ.10 வீதம் மானியம் வழங்குவதாகத் தெரிவித்துள்ளது. இதனால் பெரிய பண்ணையாளர்கள் அவற்றை குளிர்பதனக் கிடங்குகளில் வைக்க முயற்சிக்கின்றனர்.
ஆனால், 20, 30 லட்சம் எண்ணிக்கையில் முட்டை உற்பத்தி செய்யும் சிறிய பண்ணையாளர்கள் தனியார் குளிர்பதனக் கிடங்குகளில் வைப்பதற்கான நடவடிக்கையை எடுத்து வருகின்றனர். தனியார் கிடங்குகளில் ஒரு முட்டைக்கு 20 காசுகள் வீதம் கட்டணமாக வசூலிக்கப்படுகிறது. அதுவும் ஒரு மாதம் மட்டுமே முட்டைகள் குளிர்பதனக் கிடங்கில் வைத்திருக்க வேண்டும். அதன்பின் இருந்தால் கூடுதல் கட்டணம் அல்லது திரும்ப எடுத்துச் செல்லுதல் வேண்டும் போன்ற கட்டுப்பாடுகளை விதித்துள்ளன. இதனால் விற்பனைக்குச் செல்லாமல் பண்ணையில் தேங்கும் முட்டைகளை கொண்டு வந்து வைக்கின்றனர்.
கரோனா வைரûஸ தடுக்கும் விதமாக மார்ச் 31-ஆம் தேதி வரையில் பல்வேறு முன்னெச்சரிக்கை நடவடிக்கைகள் எடுக்கப்பட்டு வருவதாலும், வேலைவாய்ப்பு குறைந்து மக்களிடையே வாங்கும் சக்தி குறைந்துள்ளதாலும், பள்ளிகள் விடுமுறையால் சத்துணவுக்கு அனுப்ப வேண்டிய முட்டைகள் தேக்கமடைவதாலும் பெரும்பாலான பண்ணைகளில் முட்டை உற்பத்தியைக் குறைக்க கோழிகளுக்கு தீவனமிடுதலும் குஞ்சுகள் விடுதலும் நிறுத்தப்பட்டுள்ளன. 72 வாரம் கொண்ட முட்டைக் கோழிகள் இறைச்சிக்காக கொண்டு செல்வதும் தடைபட்டுள்ளது.
கேரளத்தில் ஏற்பட்ட பறவைக் காய்ச்சலால், தமிழகத்தில் இருந்து முட்டைக் கோழிகளை அங்கு இறைச்சி விற்பனைக்கு எடுத்துச் செல்ல முடியாத நிலை உள்ளது. முட்டையைப் போல், கோழிகளையும் மிகவும் குறைவான விலைக்கு வியாபாரிகள் கேட்பதால், பண்ணையாளர்கள் பலர் செய்வதறியாது தவித்து வருகின்றனர். முட்டை தேக்கம் ஒரு புறம், கோழி விற்பனையாகாதது மறுபுறம் என கோழிப் பண்ணைத் தொழில் மீண்டு வருவதற்கு வழியில்லாமல் நெருக்கடியில் சிக்கிக் கொண்டுள்ளது.
இதுகுறித்து நாமக்கல் வள்ளிபுரத்தைச் சேர்ந்த கோழிப் பண்ணையாளர்கள் கூறியது: முட்டை விலை ரூ.1-க்கும் குறைவாகவே வியாபாரிகள் கேட்கின்றனர். வாகனங்களில் வைத்து ஊர், ஊராகச் சென்று விற்பனை செய்வதென்பது இயலாத காரியம். எல்லா பண்ணையாளர்களாலும் அதனைச் செய்ய முடியாது. சிறிய பண்ணைகளில் ஒரு வார முட்டைகள் தேக்கமடைந்துள்ளன. பெரிய பண்ணைகளில், 3, 4 நாள் முட்டைகள் தேக்கமடைந்திருக்கின்றன. சத்துணவுக்கு அனுப்புவதும் நிறுத்தப்பட்டுவிட்டது.
கரோனா வைரஸ் பற்றிய அச்சம் முழுமையாக மக்களிடம் இருந்து மறைவதற்கு இன்னும் ஒரு மாதமாகி விடும். அதுவரையில் தேங்கிய முட்டைகளை வைத்து பார்த்துக் கொண்டிருப்பதைவிட, நஷ்டமடையாமல் தடுக்க குளிர்பதனக் கிடங்குகளில் வைக்கிறோம்.
முட்டையை விற்பனைக்கு அனுப்பும் வியாபாரிகள் வைத்திருக்கும் குளிர்பதனக் கிடங்குகளில் குறைந்தபட்சம் 30 லட்சம் முட்டைகளைத் தேக்கி வைக்க முடியும். எங்களைப் போன்ற சிறிய பண்ணையாளர்கள் ஒரு லட்சம் முதல் 10 லட்சம் வரையில் வைக்கிறோம்.
ஒரு முட்டைக்கு 20 காசுகள் கட்டணமாகச் செலுத்த வேண்டும். ஒரு மாதம் மட்டும்தான் கால அவகாசம் வழங்கப்படும். அதற்கான பணிகள்தான் நடைபெற்று வருகின்றன. முட்டைக் கோழிகள் பெரும்பாலும், கேரளத்தில் நடைபெறும் திருமண விழாக்களுக்கு இறைச்சிக்காக அனுப்பப்படும். அதுவும் தற்போது சரிவர விற்பனைக்கு அனுப்பப்படவில்லை.
ஒட்டுமொத்தமாக கோழிப் பண்ணைத் தொழில் சரிவடைந்துள்ளது. வங்கிகளிலும், நிதி நிறுவனங்களிலும் வாங்கிய கடன்களை எவ்வாறு திரும்பச் செலுத்தப் போகிறோம் என்ற கவலைதான் தற்போது பண்ணையாளர்கள் அனைவரிடத்திலும் உள்ளது என்றனர்.

]]>
https://images.dinamani.com/uploads/user/imagelibrary/2020/3/21/w600X390/egg2.jpg கோப்புப் படம் https://www.dinamani.com/business/2020/mar/23/stale-egg-sales-3386939.html
3386937 வர்த்தகம் கோவை தொழில் துறையிலும் கரோனா பாதிப்பு - க. தங்கராஜா DIN Monday, March 23, 2020 03:25 AM +0530 உலகையே உலுக்கி வரும் கரோனா வைரஸ் இந்திய தொழில் துறையிலும் பெரும் தாக்கத்தை ஏற்படுத்தியுள்ளது. தொழில் நகரமான கோவையும் கரோனாவின் சுழலில் சிக்கி சிதைந்து வருகிறது.
உலக வரலாற்றில் இடம் பிடித்துவிட்ட கரோனா, அதற்காகப் பெற்றுக் கொண்ட விலையோ, பல்லாயிரக்கணக்கான உயிர்கள். அத்துடன் உலகெங்கும் பல லட்சம் கோடி மதிப்பிலான வணிகத்திலும் பாதிப்பை ஏற்படுத்தி, பல கோடி தொழிலாளர்களின் வாழ்க்கையிலும் பெரும் தாக்கத்தை ஏற்படுத்தியுள்ளது.
இந்தியாவில் கரோனாவின் தாக்கம், உயிர் பலிகள் சொற்பம்தான் என்றாலும் பொருளாதார ரீதியாக தந்துள்ள பாதிப்போ மிகவும் அதிகம். உள்நாட்டில் ஏற்பட்ட பொருளாதார மந்த நிலையால் ஏற்கெனவே சுணக்கத்தில் இருந்த தொழில் துறையினரை மேலும் ஆட்டிப் பார்த்து வருகிறது கரோனா.
ஆனால் முந்தைய மந்த நிலைக்கும் தற்போதைய மந்த நிலைக்கும் ஒரு வித்தியாசம் என்னவென்றால் முந்தைய மந்த நிலைக்கான காரணி உள்நாட்டில் இருந்தது. ஆனால் இப்போதோ காரணி, வெளிநாடுகளில் இருந்து வந்து நம்மைத் தாக்குகிறது. இதனால் முந்தைய மந்த நிலையில் தப்பித்த ஒரு சில தொழில் துறைகளும் இப்போது தப்பிக்க முடியவில்லை என்பது பெரும் சோகம்.
ஜவுளித் தொழில் துறையைப் பொருத்தவரை இதுவரை இல்லாத வித்தியாசமான சவாலை எதிர்கொண்டிருக்கிறது என்கிறார் இந்தியன் டெக்ஸ்பிரனர்ஸ் கூட்டமைப்பின் ஒருங்கிணைப்பாளர் பிரபு தாமோதரன். "இந்தியாவின் 65 சதவீத ஏற்றுமதி பொருள்கள் உலகின் 15 நாடுகளுக்கே செல்கின்றன. கரோனாவால் அந்த 15 நாடுகளும் பாதிக்கப்பட்டிருப்பதே இந்திய தொழில் துறையின் மந்த நிலைக்குக் காரணம். அமெரிக்க, ஐரோப்பிய நாடுகள் இந்திய நிறுவனங்களுக்கு ஏற்கெனவே வழங்கிய ஜவுளி ஆர்டர்களை நிறுத்திவைத்துள்ளன. சிலர் ரத்து செய்துள்ளனர். மேலும் சிலரோ பின்னர் பார்த்துக் கொள்ளலாம் என்று ஒத்திவைத்துள்ளனர்.
கரோனா தாக்கம் குறைந்துள்ள தென் கொரியா, சிங்கப்பூர், ஜப்பான் நாடுகளின் நிலையை வைத்துப் பார்க்கும்போது வர்த்தகம் இயல்பு நிலைக்குத் திரும்ப 90 முதல் 120 நாள்கள் வரை ஆகும். ஏற்றுமதி இல்லாததால் தானாகவே ஆடை உற்பத்தி, துணி உற்பத்தி, நூல் உற்பத்தி குறைந்து வேலையிழப்பு ஏற்படுகிறது. இதனால் இந்தியாவில் அடுத்த காலாண்டில் பொருளாதார வீழ்ச்சி கட்டாயம் இருக்கும். ஏற்றுமதி மீண்டும் இயல்பு நிலைக்கு வரும் வரையிலும் தொழில்முனைவோர் தாக்குப்பிடிக்க வேண்டும் என்றால் வங்கிக் கடன்களை திருப்பிச் செலுத்த அவகாசம் வழங்குவது நம்பிக்கை அளிப்பதாக இருக்கும்' என்றார்.
ஏற்றுமதி பாதிப்புடன் உள்நாட்டு வியாபாரமும் பாதிக்கப்பட்டதால் சிக்கல் உருவாகியிருப்பதாகக் கூறும் தென்னிந்திய பஞ்சாலைகள் சங்கத்தின் (சைமா) தலைவர் அஸ்வின் சந்திரன், இந்த பாதிப்பில் இருந்து மீள ஓராண்டாகும் என்கிறார். "ஏற்றுமதி, இறக்குமதி நிறுத்தம், வணிக வளாகங்கள் மூடல் போன்ற நடவடிக்கைகளால் ஜவுளிப் பொருள்களுக்கான தேவை பெருமளவில் குறைந்துள்ளது. இதனால் ஜவுளித் தொழில் நிறுவனங்கள் எதிர்பாராத பெரும் இழப்பை சந்திக்க வேண்டிய சூழலில் உள்ளன. ஜவுளித் தொழில் அதிக மூலதனத்தையும் அதிக தொழிலாளர்களுக்கு வேலைவாய்ப்பையும் அளிக்கும் துறையாக இருப்பதால், தற்போதைய சிக்கலான சூழலில் இருந்து மீள அரசின் உடனடி உதவி தேவைப்படுகிறது. எனவே, இந்த இக்கட்டான நிலையில் இருந்து ஜவுளித் தொழில் மீண்டு வர வங்கிக் கடன் அளிக்கவும், வட்டி செலுத்துவதற்கு ஏப்ரல் 2020 முதல் மார்ச் 2021 வரை அவகாசம் அளிக்கவும் வங்கித் துறைக்கு மத்திய அரசு உத்தரவிட வேண்டும்' என்றார்.
வங்கிக் கடன் மீதான வட்டிக் குறைப்பின் மூலம் பம்ப்செட் தயாரிப்பாளர்களின் பிரச்னையை ஓரளவுக்கு சமாளிக்க முடியும் என்கிறார் தென்னிந்திய பொறியியல் உற்பத்தியாளர் சங்கத்தின் (சீமா) தலைவர் வி.கிருஷ்ணகுமார்.
"நாட்டின் மொத்த பம்ப்செட் தேவையில் ரூ.16 ஆயிரம் கோடி மதிப்பிலான சுமார் 55% தேவையை கோவை நிறுவனங்களே பூர்த்தி செய்கின்றன. கரோனாவால் விற்பனை, உற்பத்தியில் பம்ப்செட் துறை பெரும் சரிவைச் சந்தித்துள்ளது. குறு, சிறு, நடுத்தரத் தொழில் நிறுவனங்கள் பெற்றுள்ள கடன், புதிய கடன்கள் மீதான வட்டியை வங்கிகள் குறைப்பதன் மூலம் பாதிப்பை ஓரளவுக்கு சரிகட்ட முடியும்.
அத்துடன் வட்டியில்லாத புதிய கடன்களை அவர்களின் நடப்பு மூலதனம், கொள்முதல் அல்லது விற்பனை சரக்குகளின் மதிப்புக்கு வழங்க வேண்டும். இ.எஸ்.ஐ., பி.எஃப். தொகையை செலுத்த 6 மாத அவகாசமும், ஜி.எஸ்.டி. செலுத்த 3 மாத அவகாசமும் வழங்க வேண்டும்' என்றார்.
அடுத்தடுத்த மந்த நிலைக்கு ஆளாகி வரும் பம்ப்செட், உதிரி பாகங்கள் தயாரிப்பாளர்களுக்கு கடன் தள்ளுபடி வழங்கினால் மட்டுமே தொழில் நிலைக்கும் என்கிறார் கோவை பம்ப்செட், உதிரி பாகங்கள் தயாரிப்பாளர் சங்கத்தின் (கோப்மா) தலைவர் கே.மணிராஜ்.
கோவையின் தயாரிப்புகள் அண்டை மாநிலங்களுக்கே அதிகம் செல்கின்றன. தற்போது எல்லைகள் மூடப்பட்டிருப்பதாலும், கரோனா அச்சம் காரணமாக விற்பனை சரிவு, பணப்புழக்கம் பாதிக்கப்பட்டிருப்பதாலும் உற்பத்தி முடங்கியுள்ளது. இதனால் 20 ஆயிரத்துக்கும் மேற்பட்ட தொழிற்சாலைகள் பாதிக்கப்பட்டுள்ளன.
எனவே, கடுமையான நிதி நெருக்கடியைக் கருத்தில் கொண்டு ஜிஎஸ்டி செலுத்த 3 மாதங்கள் அவகாசம் வழங்க வேண்டும். அரசுடமையாக்கப்பட்ட வங்கிகளில் ரூ.10 லட்சம் வரை கடன் பெற்றுள்ள குறுந்தொழில்களின் கடன், வாராக்கடன்களை தள்ளுபடி செய்ததைப் போன்று தள்ளுபடி செய்ய வேண்டும். ரூ.10 லட்சத்துக்கும் மேலான கடன்களுக்கான வட்டி, தவணைக் காலத்தை 3 மாதங்களுக்கு நிறுத்திவைப்பதுடன், 11.50% வட்டியை 4 சதவீதமாக குறைக்க வேண்டும் என்கிறார்.
கரோனா வைரஸ் தாக்கத்தால் நெருக்கடிக்குள்ளாகியிருக்கும் தொழில் துறையினருக்கு ரூ.5 லட்சம் வரை வட்டியில்லா கடன் வழங்க வேண்டும் என்று தமிழ்நாடு கைத்தொழில், குறுந்தொழில் முனைவோர் சங்கத்தின் (டேக்ட்) தலைவர் ஜே.ஜேம்ஸ் வலியுறுத்துகிறார். கோவையில் உள்ள சிறு, குறு, நடுத்தரத் தொழில் நிறுவனங்களை கரோனா நெருக்கடியில் இருந்து பாதுகாக்க தொழில் நிறுவனங்களின் உற்பத்தித் திறனுக்கு ஏற்றவாறு ரூ.50ஆயிரம் முதல் ரூ.5லட்சம் வரை உடனடியாக வட்டியில்லாக் கடன்கள் வழங்க வேண்டும்.
அத்துடன், தொழில்முனைவோர் ஏற்கெனவே வாங்கிய கடன்களை திருப்பிச் செலுத்த மேலும் ஓராண்டு கால அவகாசம் வழங்க வேண்டும். வட்டி, அபராத வட்டிகளைத் தள்ளுபடி செய்ய வேண்டும். கரோனாவின் பாதிப்பில் இருந்து நாடு மீண்டு வரும் வரையிலும் மக்களின் நலனை கருத்தில் கொண்டு அத்தியாவசிய பொருள்களை ரேஷன் கடைகள் மூலம் வழங்க நடவடிக்கை எடுக்க வேண்டும் என்கிறார் ஜேம்ஸ்.
வாகனப் போக்குவரத்தை தடை செய்தாலே சிறுதொழில்கள் முடங்கும். ஏற்கெனவே மகாராஷ்டிரத்தில் சிறு தொழில்முனைவோர் உற்பத்தியை நிறுத்திவிட்டனர். தமிழகமும் அதை நோக்கிப் பயணிக்கிறது என்கிறார் கோவை மாவட்ட சிறுதொழில்கள் சங்கத்தின் (கொடிசியா) தலைவர் ஆர்.ராமமூர்த்தி.
"குறுந்தொழில்களின் உற்பத்தி நின்றால் தானாகவே சிறுதொழில்கள் முடங்கும். அதன்படி தற்போது கடுமையான மந்த நிலையை நோக்கி நகர்ந்து வருகிறோம். நாட்டில் உள்ள பெருநிறுவனங்களே சலுகைத் திட்டங்களைக் கேட்கும்போது, வசதி குறைந்த எங்களால் எப்படி இந்த நிலையை சமாளிக்க முடியும்?
வங்கிக் கடனை திருப்பிச் செலுத்த குறைந்தது 6 மாத அவகாசம் வழங்க வேண்டும். நிதி அமைச்சர் ஏற்கெனவே அறிவித்த மூலதனக் கடனை வங்கிகள் இப்போதாவது வழங்க வேண்டும். அப்படி வழங்கினாலாவது வரும் டிசம்பருக்குள் நிலைமையைச் சரி செய்துவிடலாம் என்கிறார் ராமமூர்த்தி.
கோவையில் சுமார் 3,200 கிரில் தொழில்முனைவோர் உள்ளனர். இவர்களிடம் சுமார் 15 ஆயிரம் தொழிலாளர்கள் பணியாற்றி வருகின்றனர். கரோனா வைரஸ் அச்சம் காரணமாக தொழில் நலிவடைந்துள்ளது. எனவே வங்கிக் கடன் பெற்றுள்ள தொழில்முனைவோர் கடனை திருப்பிச் செலுத்த 3 மாதங்கள் அவகாசம் அளிக்க வேண்டும் என்கிறார் கிரில் தொழில்முனைவோர் சங்கத்தின் தலைவர் திருமலை ரவி.
மீன்பிடித் தடைக்காலத்தில் மீனவர்களுக்கு உதவித் தொகை வழங்கப்படுகிறது. அதேபோல, எதிர்பாராத நெருக்கடியால் எங்களது தொழில் பாதிக்கப்பட்டுள்ளது. இதிலிருந்து மீண்டு வரும் வரையிலும், நாங்கள் தொழிலாளர்களைத் தக்க வைத்துக்கொள்ள வேண்டும். அதற்காக மீனவர்களுக்கு வழங்கப்படுவதைப் போலவே எங்களுக்கும் உதவித் தொகை வழங்க வேண்டும். மின் கட்டணம் செலுத்த ஒரு மாதம் அவகாசம் அளிக்க வேண்டும்.
மூலப் பொருள்களின் விலை உயர்வு, ஜிஎஸ்டி, உயர் மதிப்பு ரூபாய் நோட்டுகள் மதிப்பிழப்பு ஆகியவற்றால் ஏற்பட்ட சுணக்கம் என அடுத்தடுத்து பாதிப்பை சந்தித்து அதிலிருந்து மீண்டு வந்து கொண்டிருந்த நிலையில், தற்போது கரோனா வைரஸ், தொழில் துறையை கடுமையாகத் தாக்கியுள்ளது.
வைரஸ் பாதித்தவர்களுக்கு தேவைப்படும் மருத்துவ சிகிச்சையைப் போலவே வைரஸால் தொழில் பாதித்தவர்களுக்கும் உடனடி சிகிச்சையாக சலுகைகள் தேவைப்படுகின்றன.

]]>
https://images.dinamani.com/uploads/user/imagelibrary/2020/3/23/w600X390/factory.jpg https://www.dinamani.com/business/2020/mar/23/corona-affect-in-the-coimbatore-industry-3386937.html
3386365 வர்த்தகம் 4ஜி இணைய வேகத்தில் ஜியோ முதலிடம் DIN DIN Sunday, March 22, 2020 01:56 AM +0530 புது தில்லி: சென்ற பிப்ரவரி மாதத்தில் 4ஜி இணைய பதிவிறக்க வேக பட்டியலில் ரிலையன்ஸ் ஜியோ நிறுவனம் முதலிடத்தைப் பிடித்துள்ளது.

இதுகுறித்து தொலைத்தொடா்பு ஒழுங்காற்று அமைப்பான ‘டிராய்’ புள்ளிவிவரத்தில் கூறியுள்ளதாவது:

சென்ற பிப்ரவரி மாதத்தில் 4ஜி இணைய பதிவிறக்க வேகத்தில் 21.5 எம்பிபிஎஸுடன் ரிலையன்ஸ் ஜியோ பட்டியலில் முதலிடத்தில் உள்ளது. இதையடுத்து பாா்தி ஏா்டெல் நிறுவனம் உள்ளது. வோடஃபோன் நிறுவனம் 8 எம்பிபிஎஸ் பதிவிறக்க வேகத்துடன் மூன்றாவது இடத்தில் உள்ளது.

வோடஃபோன் மற்றும் ஐடியா நிறுவனங்கள் தங்கள் மொபைல் வணிகத்தை ஒன்றிணைத்தபோதிலும், டிராய் அந்த இருநிறுவனங்களின் செயல்பாடுகளை தனித்தனியாக மதிப்பிட்டுள்ளது. அவற்றின் நெட்வொா்க் ஒருங்கிணைப்பு தற்போதுதான் மேற்கொள்ளப்பட்டு வருகிறது.

பதிவிறக்க வேகத்தில் ஜியோ முதலிடத்தைப் பிடித்துள்ளபோதிலும், புகைப்படம், விடியோ உள்ளிட்டவைகளை பதிவேற்றுவதில் வோடஃபோன் 6.5 எம்பிபிஎஸ் வேகத்துடன் முதலிடத்தை தக்க வைத்துக் கொண்டது. இதையடுத்து, 5.5 எம்பிபிஎஸ் வேகத்துடன் ஐடியா இரண்டாவது இடத்திலும், 3.9 எம்பிபிஎஸ் வேகத்துடன் ஜியோ மூன்றாவது இடத்திலும், 3.7 எம்பிபிஎஸ் வேகத்துடன் பாா்தி ஏா்டெல் நான்காவது இடத்திலும் உள்ளதாக புள்ளிவிவரத்தில் ‘டிராய்’ தெரிவித்துள்ளது.

‘மை ஸ்பீடு’ செயலியின் உதவியால் நாடு முழுவதும் சேகரிக்கப்பட்ட தரவுகளின் அடிப்படையில் நிறுவனங்களின் சராசரி வேகத்தை ‘டிராய்’ கணக்கிடுகிறது என்பது குறிப்பிடத்தக்கது.

]]>
https://images.dinamani.com/uploads/user/imagelibrary/2020/3/22/w600X390/trai051456.jpg trai051456 https://www.dinamani.com/business/2020/mar/22/geo-tops-4g-internet-speeds-3386365.html
3386363 வர்த்தகம் டிஜிட்டல் பணப் பரிவா்த்தனைகளுக்கு கட்டணமில்லை: பேங்க் ஆஃப் பரோடா DIN DIN Sunday, March 22, 2020 01:55 AM +0530 மும்பை: நாட்டின் இரண்டாவது பெரிய பொதுத் துறை வங்கியான பேங்க் ஆஃப் பரோடா, டிஜிட்டல் பணப்பரிவா்த்தனைகளுக்கு கட்டணமில்லை என அறிவித்துள்ளது. அடுத்த மூன்று மாதங்களுக்கு இந்த திட்டம் நடைமுறையில் இருக்கும் என அவ்வங்கி தெரிவித்துள்ளது.

இதுகுறித்து பேங்க் ஆஃப் பரோடா வங்கியின் நிா்வாக இயக்குநா் விக்ரமாதித்ய சிங் கூறியதாவது:

அனைத்து வகையான சேவைகளையும், அனைத்துப் பிரிவு வாடிக்கையாளா்களுக்கும் வழங்குவதே வங்கியின் முக்கிய நோக்கமாக உள்ளது. கரோனா வைரஸின் தாக்கம் அதிகமாக இருக்கும் இந்த காலகட்டத்தில் நாட்டின் பல்வேறு பின்தங்கிய பகுதிகளில் வசிக்கும் எங்களின் வாடிக்கையாளா்களும் வங்கிச் சேவைகளைப் பெறவேண்டும் என்பதற்காக ‘மகிழ்ச்சிக்கான ரிமோட் கன்ட்ரோல்’ என்ற இந்த திட்டம் தற்போது அறிமுகப்படுத்தப்பட்டுள்ளது.

அதன்படி, அடுத்த மூன்று மாதங்களுக்கு டிஜிட்டல் பணப் பரிவா்த்தனைகளுக்கு கட்டணமில்லா சேவையை வாடிக்கையாளா்களுக்கு வழங்க வங்கி முடிவெடுத்துள்ளது. இதுகுறித்து விழிப்புணா்வை ஏற்படுத்த பாட்மிண்டன் வீராங்கனை பி.வி.சிந்து வங்கியின் சாா்பில் தூதராக நியமிக்கப்பட்டுள்ளாா் என்றாா் அவா்.

]]>
https://images.dinamani.com/uploads/user/imagelibrary/2020/3/22/w600X390/bob063302.jpg bob063302 https://www.dinamani.com/business/2020/mar/22/no-fee-for-digital-money-transactions-bank-of-baroda-3386363.html
3386361 வர்த்தகம் 6 மாதங்களில் முதல் முறையாக அந்நியச் செலாவணி கையிருப்பு சரிவு DIN DIN Sunday, March 22, 2020 01:53 AM +0530 மும்பை: நாட்டின் அந்நியச் செலாவணி கையிருப்பு 6 மாதங்களில் முதல் முறையாக சரிவைச் சந்தித்துள்ளது என ரிசா்வ் வங்கி தெரிவித்துள்ளது.

இதுகுறித்து ரிசா்வ் வங்கி வெளியிட்ட புள்ளிவிவரத்தில் மேலும் கூறியுள்ளதாவது:

மாா்ச் 13-ஆம் தேதியுடன் நிறைவடைந்த வாரத்தில் அந்நியச் செலாவணி கையிருப்பு 535 கோடி டாலா் குறைந்து 48,189 கோடி டாலரானது.

இதற்கு முந்தைய வாரத்தில், அந்நியச் செலாவணி கையிருப்பானது 569 கோடி டாலா் உயா்ந்து முன்னெப்போதும் காணப்படாத வகையில் வரலாற்று உச்சமாக 48,724 கோடி டாலரை எட்டியிருந்தது.

அந்நியச் செலாவணி கையிருப்பு இதற்கு முன்பு கடந்த 2019 செப்டம்பா் 20-ஆம் தேதியுடன் முடிவடைந்த வாரத்தில்தான் 39 கோடி டாலா் சரிவடைந்து 42,858 கோடி டாலராக காணப்பட்டது. இந்நிலையில், 6 மாதங்களுக்குப் பிறகு தற்போதுதான் அந்நியச் செலாவணி கையிருப்பில் 535 கோடி டாலா் அளவுக்கு சரிவு ஏற்பட்டுள்ளது குறிப்பிடத்தக்கது.

ஒட்டுமொத்த கையிருப்பில் முக்கிய பங்களிப்பாக உள்ள அந்நியச் செலாவணி சொத்து மதிப்பு மாா்ச் 13-ஆம் தேதியுடன் நிறைவடைந்தை வாரத்தில் 378 கோடி டாலா் வீழ்ச்சியடைந்து 44,736 கோடி டாலராக இருந்தது.

கடந்த பல வாரங்களாக அதிகரித்து வந்த தங்கத்தின் கையிருப்பு கணக்கீட்டு வாரத்தில் 153 கோடி டாலா் சரிந்து 2,947 கோடி டாலரானது.

சா்வதேச நிதியத்தில் எஸ்டிஆா் 20 லட்சம் டாலா் அதிகரித்து 145 கோடி டாலராகவும், அதேசமயம் நாட்டின் கையிருப்பு நிலை 3.8 கோடி டாலா் குறைந்து 369 கோடி டாலராகவும் இருந்தது என ரிசா்வ் வங்கி புள்ளிவிவரத்தில் தெரிவித்துள்ளது.

கரோனா வைரஸ் பீதியால் உள்நாட்டு சந்தையிலிருந்து அந்நிய நிதி நிறுவனங்கள் அதிக அளவிலான முதலீட்டை வெளியே எடுத்தன. அதன் தொடா்ச்சியாக, அந்நியச் செலாவணி சந்தையில் அமெரிக்க டாலருக்கு நிகரான ரூபாயின் மதிப்பு வீழ்ச்சியடைவதை கட்டுப்படுத்தும் விதமாக ரிசா்வ் வங்கி அதிக அளவிலான டாலா்களை புழக்கத்தில் விட்டது. அதன் காரணமாகவே ரிசா்வ் வங்கியின் கையிருப்பு கணிசமான அளவில் குறைந்துள்ளது என வங்கியாளா்கள் தெரிவித்தனா்.

]]>
https://images.dinamani.com/uploads/user/imagelibrary/2020/3/22/w600X390/forex043713.jpg forex043713 https://www.dinamani.com/business/2020/mar/22/forex-reserves-decline-for-the-first-time-in-6-months-3386361.html
3386350 வர்த்தகம் ஆபரணத் தங்கம் பவுன் ரூ.31,728 DIN DIN Sunday, March 22, 2020 01:36 AM +0530 சென்னை: சென்னையில் சனிக்கிழமை ஆபரண தங்கத்தின் விலை பவுனுக்கு ரூ.112 உயா்ந்து, ரூ.31,728-க்கு விற்பனை செய்யப்பட்டது.

கரோனா வைரஸ் தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி 18 முதல் உயா்ந்து நாள்தோறும் புதிய உச்சத்தைத் தொட்டது. இதன்பிறகு, தங்கத்தின் விலை ஏற்ற, இறக்கம் இருந்து வந்த நிலையில், கடந்த சில நாள்களாக தங்கம் விலை மீண்டும் உயா்ந்து வந்தது. இதே நிலை சனிக்கிழமை தொடா்ந்தது.

சென்னையில் சனிக்கிழமை ஆபரண தங்கத்தின் விலை பவுனுக்கு ரூ.112 உயா்ந்து, ரூ.31,728-க்கு விற்பனை செய்யப்பட்டது. ஒரு கிராமுக்கு ரூ.14 உயா்ந்து, ரூ.3,966-க்கு விற்பனையானது. அதேநேரத்தில் வெள்ளி விலை சற்று குறைந்துள்ளது. வெள்ளி கிராமுக்கு 10 பைசா குறைந்து, ரூ.40.10 ஆகவும், கட்டி வெள்ளி கிலோவுக்கு ரூ.100 குறைந்து ரூ.40,100 ஆகவும் இருந்தது.

சனிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 3,966

1 பவுன் தங்கம் ..................... 31,728

1 கிராம் வெள்ளி .................. 40.10

1 கிலோ வெள்ளி ................. 40,100

வெள்ளிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 3,952

1 பவுன் தங்கம் ..................... 31,616

1 கிராம் வெள்ளி .................. 40.20

1 கிலோ வெள்ளி ................. 40,200

]]>
https://images.dinamani.com/uploads/user/imagelibrary/2019/11/23/w600X390/gold_maala.jpg https://www.dinamani.com/business/2020/mar/22/ornament-gold-rs31728-3386350.html
3386344 வர்த்தகம் கரோனா பாதிப்பிலிருந்து தப்பிக்க டிஜிட்டல் வங்கி சேவை: இந்தியன் வங்கி DIN DIN Sunday, March 22, 2020 01:25 AM +0530 சென்னை: கரோனா பாதிப்பிலிருந்து தப்பிக்க வாடிக்கையாளா்கள் டிஜிட்டல் வங்கிச் சேவையை பயன்படுத்த வேண்டும் என இந்தியன் வங்கி கோரிக்கை விடுத்துள்ளது.

இதுகுறித்து அந்த வங்கியின் செய்திக்குறிப்பில் கூறப்பட்டுள்ளதாவது:

கரோனா தொற்று வேகமாகி வரும் நிலையில் வாடிக்கையாளா்கள் பாதுகாப்பான பணப்பரிவா்த்தனைகளை மேற்கொள்வது மிகவும் அத்யாவசியமாகி உள்ளது. இதனை கருத்தில் கொண்டு, டிஜிட்டல் வங்கி சேவையை இந்தியன் வங்கி மேம்படுத்தியுள்ளது. இதன் மூலமாக, தடையற்ற மற்றும் பாதுகாப்பான பணப்பரிவா்த்தனைகளை வாடிக்கையாளா்கள் மேற்கொள்ள முடியும்.

பாதுகாப்பாக பணம் செலுத்துவோம்-பாதுகாப்பாக இருப்போம் என்பதே இந்தியன் வங்கியின் தற்போதைய தாரக மந்திரம் என செய்தி குறிப்பில் கூறப்பட்டுள்ளது.

]]>
https://images.dinamani.com/uploads/user/imagelibrary/2020/3/22/w600X390/iob074848.jpg iob074848 https://www.dinamani.com/business/2020/mar/22/digital-banking-service-to-escape-corona-impact-indian-bank-3386344.html
3385731 வர்த்தகம் யெஸ் வங்கி குழுவில் கூடுதல் இயக்குநா்கள் நியமனம் DIN DIN Saturday, March 21, 2020 03:09 AM +0530 யெஸ் வங்கி நிா்வாக குழுவில் கூடுதலாக இரண்டு இயக்குநா்களை ரிசா்வ் வங்கி வெள்ளிக்கிழமை நியமித்தது.

ரிசா்வ் வங்கியின் முன்னாள் துணை ஆளுநா் ஆா். காந்தி மற்றும் எஸ்பி ஜெயின் மேலாண்மை மற்றும் ஆராய்ச்சி நிறுவனத்தின் துணைப் பேராசிரியா் ஆனந்த் நாராயண் ஆகியோரை யெஸ் வங்கி குழுவில் கூடுதல் இயக்குநா்களாக ரிசா்வ் வங்கி நியமித்துள்ளது. இவா்களின் நியமனம் மாா்ச் 26-ஆம் தேதியிலிருந்து நடைமுறைக்கு வரும். அவா்கள் இருவரும் இரண்டு ஆண்டுகளுக்கு அப்பதவியில் இருப்பா் என ரிசா்வ் வங்கி வெளியிட்ட அறிக்கையில் தெரிவித்துள்ளது.

]]>
https://images.dinamani.com/uploads/user/imagelibrary/2020/3/21/w600X390/yes080926.jpg https://www.dinamani.com/business/2020/mar/21/appointment-of-additional-directors-in-yes-bank-group-3385731.html
3385729 வர்த்தகம் இந்தியாவின் பொருளாதார வளா்ச்சி 5.1%: ஃபிட்ச் DIN DIN Saturday, March 21, 2020 03:07 AM +0530 கரோனா வைரஸ் பாதிப்பால் 2020-21-ஆம் நிதியாண்டில் இந்தியாவின் பொருளாதார வளா்ச்சி 5.1 சதவீதமாக இருக்கும் என தரக்குறியீட்டு நிறுவனமான ஃபிட்ச் வெள்ளிக்கிழமை தெரிவித்தது.

இதுகுறித்து அந்த நிறுவனம் மேலும் கூறியுள்ளதாவது:

கரோனா வைரஸ் உலக நாடுகளில் பெருந்தொற்றாக உருவெடுத்திருப்பதால் அது விநியோக சங்கிலித் தொடரில் கடும் பாதிப்பை ஏற்படுத்தியுள்ளது. அதன் காரணமாக, முதலீடு மற்றும் ஏற்றுமதி நடவடிக்கைகள் கடும் பாதிப்புக்கு உள்ளாகும் என எதிா்பாா்க்கப்படுகிறது.

சா்வதேச அளவில் நெருக்கடி நிலை ஏற்பட்டுள்ளதால் உலக பொருளாதார வளா்ச்சி விகிதமும் சரிவடையும் சூழல் ஏற்பட்டுளளது. இதுபோன்ற தற்போதைய நிகழ்வுகளை கருத்தில் கொண்டு, வரும் 2020-21-ஆம் நிதியாண்டில் இந்தியாவின் பொருளாதார வளா்ச்சி 5.1 சதவீதமாக இருக்கும் என மதிப்பிடப்பட்டுள்ளது. இது, கடந்த டிசம்பரில் மதிப்பீடு செய்த அளவான 5.6 சதவீதத்தை காட்டிலும் குறைவாகும்.

இருப்பினும் 2021-22-இல் இந்தியாவின் பொருளாதார வளா்ச்சி 6.5 சதவீதத்தை எட்டும் என எதிா்பாா்க்கப்படுகிறது.

அதேபோன்று உலக நாடுகளின் பொருளாதார வளா்ச்சி 2020-இல் 2.5 சதவீதமாக இருக்கும் என கடந்தாண்டு டிசம்பரில் மதிப்பிட்டிருந்த நிலையில், அது தற்போது வெறும் 1.3 சதவீதமாக குறைக்கப்பட்டுள்ளது.

அமெரிக்க டாலருக்கு நிகரான ரூபாயின் மதிப்பு தற்போது 74.78 என்ற அளவில் வா்த்தகமாகி வருகிறது. இது, 2020 டிசம்பா் இறுதியில் 74-ஆக இருக்கும் என்று மதிப்பிடப்பட்டுள்ளது.

பொருளாதாரத்தில் ஏற்பட்டுள்ள மந்த நிலையை சரி செய்யும் வகையில் ரிசா்வ் வங்கி கூடுதல் நடவடிக்கைகளை எடுக்கும் என எதிா்பாா்க்கப்படுகிறது. அதன் ஒரு பகுதியாக இவ்வாண்டு இறுதிக்கு முன்னதாக ரெப்போ வட்டி விகிதத்தை ரிசா்வ் வங்கி 4.5 சதவீதமாக குறைக்க அதிக வாய்ப்புகள் உள்ளது.

கடந்தாண்டு டிசம்பரில் 62.5 டாலராக காணப்பட்ட ஒரு பேரல் பிரெண்ட் கச்சா எண்ணெயின் விலை 2020-இல் 41 டாலராக (ஆண்டு சராசரி விலை) இருக்கும் என ஃபிட்ச் நிறுவனம் தெரிவித்துள்ளது.

]]>
https://images.dinamani.com/uploads/user/imagelibrary/2020/3/21/w600X390/fitch065151.jpg https://www.dinamani.com/business/2020/mar/21/இந்தியாவின்-பொருளாதார-வளா்ச்சி-51-ஃபிட்ச்-3385729.html
3385726 வர்த்தகம் கடும் சரிவிலிருந்து மீண்டது பங்குச் சந்தை: சென்செக்ஸ் 1,627 புள்ளிகள் அதிகரிப்பு DIN DIN Saturday, March 21, 2020 03:06 AM +0530 பங்குச் சந்தைகளில் வெள்ளிக்கிழமை நடைபெற்ற வா்த்தகம் 4-நாள் கடும் வீழ்ச்சியிலிருந்து மீண்டெழுந்தது.

இந்தியப் பிரதமா் நரேந்திர மோடியும் கரோனா வைரஸ் தொற்று எதிரொலியால் பாதிக்கப்பட்டுள்ள துறைகளுக்கு தேவையான நிதி ஆதரவு வழங்கப்படும் என வியாழக்கிழமை அறிவிப்பு வெளியிட்டாா்.

மேலும், இது தொடா்பாக மத்திய நிதி அமைச்சா் நிா்மலா சீதாராமன் தலைமையின் கீழ் பணிக் குழு அமைக்கப்படும். அது எதிா்கால செயல்பாடுகளுக்குத் தேவையான நடவடிக்கைகளை மேற்கொள்ளும் என்று பிரதமா் தெரிவித்தாா். அவரின் இந்த அறிவிப்பு உள்நாட்டு முதலீட்டாளா்களிடையே பெரும் நம்பிக்கையை ஏற்படுத்தியது.

கரோனா வைரஸால் பாதிப்படைந்த பல நாடுகளின் பொருளதாரம் முடங்கிப் போனது. இந்நிலையில், பொருளாதாரத்தில் வளா்ச்சியை ஊக்குவிக்கும் வகையில் நடவடிக்கைகள் மேற்கொள்ளப்படும் என சம்பந்தப்பட்ட நாடுகளின் அரசு தெரிவித்ததையடுத்து உலக பங்குச் சந்தைகளில் விறுவிறுப்பு ஏற்பட்டது. ஆசிய, ஐரோப்பிய சந்தைகளிலும் வா்த்தகம் ஏற்றத்துடன் காணப்பட்டன. அவற்றின் தாக்கம் இந்தியப் பங்குச் சந்தைகளிலும் எதிரொலித்தது.

சென்செக்ஸ் பட்டியலில் இடம்பெற்றுள்ள ஓஎன்ஜிசி பங்குகளின் விலை அதிகபட்சமாக 18.58 சதவீதம் உயா்வைக் கண்டது. அதைத் தொடா்ந்து, அல்ட்ரா டெக் சிமென்ட் 13.01 சதவீதமும், ஹெச்யுஎல் 11.75 சதவீதமும், ரிலையன்ஸ் இண்டஸ்ட்ரீஸ் 11.24 சதவீதமும், டிசிஎஸ் 9.90 சதவீதமும், டாடா ஸ்டீல் 9.60 சதவீதமும், ஏஷியன் பெயின்ட்ஸ் பங்கின் விலை 8.91 சதவீதமும் அதிகரித்தன.

எச்டிஎஃப்சி, இன்டஸ்இண்ட் வங்கி பங்குகள் மட்டும் 1.39 சதவீத சரிவை சந்தித்தது.

மும்பை பங்குச் சந்தையில் வெள்ளிக்கிழமை நடைபெற்ற வா்த்தகத்தில் சென்செக்ஸ் 1,627 புள்ளிகள் அதிகரித்து 29,915 புள்ளிகளாக நிலைபெற்றது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 482 புள்ளிகள் உயா்ந்து 8,745 புள்ளிகளாக நிலைத்தது.

நடப்பு வாரத்தில் ஒட்டுமொத்த அளவில் சென்செக்ஸ் 4,187 புள்ளிகளும் (12.27%), நிஃப்டி 1,209 புள்ளிகளும் (12.15%) வீழ்ச்சியை சந்தித்துள்ளன என்பது குறிப்பிடத்தக்கது.

ரூபாய் மதிப்பு 8 காசுகள் சரிவு: அந்நியச் செலாவணி சந்தையில் வெள்ளிக்கிழமை நடைபெற்ற வா்த்தகத்தில் அமெரிக்க டாலருக்கு நிகரான ரூபாய் மதிப்பு 8 காசுகள் சரிந்து முன்னெப்போதும் கண்டிராத வகையில் புதிய குறைந்தபட்ச அளவாக 75.20 ஆனது.

]]>
https://images.dinamani.com/uploads/user/imagelibrary/2020/3/21/w600X390/bse073840.jpg https://www.dinamani.com/business/2020/mar/21/stock-exchange-sensex-gains-1627-points-3385726.html
3385000 வர்த்தகம் பரஸ்பர நிதி திட்டம்: முதலீட்டாளா் கணக்கு 3 லட்சம் அதிகரிப்பு DIN DIN Friday, March 20, 2020 02:32 AM +0530
புது தில்லி: பரஸ்பர நிதி துறையில் முதலீட்டாளா் கணக்குகளின் எண்ணிக்கை பிப்ரவரியில் 3 லட்சம் அதிகரித்துள்ளது.

இதுகுறித்து இந்திய பரஸ்பர நிதியங்களின் கூட்டமைப்பு தெரிவித்துள்ளதாவது:

பரஸ்பர நிதி திட்டங்களில் சென்ற பிப்ரவரியில் கூடுதலாக 3.03 லட்சம் முதலீட்டாளா் கணக்குகள் தொடங்கப்பட்டன. இதையடுத்து, நடப்பாண்டு ஜனவரியில் 8,85,33,153-ஆக இருந்த பரஸ்பர நிதி திட்ட முதலீட்டாளா் கணக்குகளின் எண்ணிக்கை பிப்ரவரியில் 8,88,36,162-ஆக அதிகரித்துள்ளது.

பிப்ரவரியில் தொடங்கப்பட்ட பரஸ்பர நிதி திட்ட கணக்குகளின் எண்ணிக்கை அதற்கு முந்தைய இரண்டு மாதங்களுடன் ஒப்பிடும்போது குறைவாகவே உள்ளது. முந்தைய ஜனவரியில் 14 லட்சம் கணக்குகளும், கடந்த ஆண்டு டிசம்பரில் 6 லட்சம் கணக்குகளும் பரஸ்பர நிதி திட்டத்தில் புதிதாக தொடங்கப்பட்டன. இந்த எண்ணிக்கை நவம்பரில் 2.6 லட்சமாக மட்டுமே காணப்பட்டது.

பங்கு மற்றும் பங்குகள் சாா்ந்த சேமிப்பு திட்டங்களில் பரஸ்பர நிதி முதலீட்டாளா் கணக்குகளின் எண்ணிக்கை பிப்ரவரி இறுதி நிலவரப்படி 6.85 லட்சம் அதிகரித்து 6.18 கோடியாக இருந்தது. இது முந்தைய மாத எண்ணிக்கையான 6.13 கோடியுடன் ஒப்பிடுகையில் அதிகம். குறிப்பாக, பிப்ரவரியில் பங்கு சாா்ந்த பரஸ்பர நிதி திட்டங்களில் மேற்கொள்ளப்பட்ட முதலீடு 11 மாதங்களில் இல்லாத அதிகபட்ச அளவாக ரூ.10,730 கோடியாக இருந்தது.

இருப்பினும், கடன்சாா்ந்த திட்டங்களில் பரஸ்பர நிதி முதலீட்டாளா் கணக்குகளின் எண்ணிக்கை பிப்ரவரி இறுதியில் 6 லட்சம் குறைந்து 61.88 லட்சமாக இருந்தது. இது, ஜனவரியில் 67.88 லட்சமாக அதிகரித்திருந்தது.

கடன் பிரிவில், லிக்யுட் ஃபண்ட் திட்டங்களில் முதலீட்டாளா் கணக்குகளின் எண்ணிக்கை தொடா்ந்து அதிகரித்து 61.88 லட்சம் எண்ணிக்கையைத் தொட்டு முதலிடத்தில் உள்ளது. இதைத் தொடா்ந்து 9.91 லட்சம் கணக்குகள் என்ற எண்ணிக்கையுடன் குறைந்த கால அளவைக் கொண்ட பரஸ்பர நிதி திட்டங்கள் உள்ளது.

கடந்த பிப்ரவரியில் பரஸ்பர நிதி திட்டங்களிலிருந்து ஒட்டுமொத்த அளவில் ரூ.1,985 கோடி வெளியேறியுள்ளதாக பரஸ்பர நிதியங்களின் கூட்டமைப்பு தெரிவித்துள்ளது.

]]>
https://images.dinamani.com/uploads/user/imagelibrary/2020/3/20/w600X390/mutual074040.jpg https://www.dinamani.com/business/2020/mar/20/mutual-fund-scheme-investor-account-increase-of-rs-3-lakhs-3385000.html
3384997 வர்த்தகம் 4-ஆவது நாளாக பங்குச் சந்தைகளில் வீழ்ச்சிசென்செக்ஸ் 581 புள்ளிகள் குறைந்தது DIN DIN Friday, March 20, 2020 02:31 AM +0530
மும்பை: இந்தியப் பங்குச் சந்தைகளில் வியாழக்கிழமை நடைபெற்ற வா்த்தகம் தொடா்ந்து 4-ஆவது நாளாக சரிவுடன் முடிவடைந்தது.

காலையில் மந்தமாக தொடங்கிய பங்கு வா்த்தகம் பிற்பகலில் சற்று சூடுபிடித்து காணப்பட்டது. இந்த நிலையில், ஆசிய நாடுகளில் பொருளாதாரத்தை ஊக்குவிக்க மத்திய வங்கிகள் நடவடிக்கை எடுத்த போதிலும், அரசுகளின் சாா்பில் ஊக்குவிப்பு சலுகைகள் அறிவிக்கப்படவில்லை என்ற நிலைப்பாட்டால் முதலீட்டாளா்கள் அச்சமடைந்து பங்குச் சந்தையிலிருந்து அதிக அளவில் வெளியேறினா்.

அதன் காரணமாக, தென் கொரிய பங்குச் சந்தை 8 சதவீத வீழ்ச்சியை சந்தித்தது. ஹாங் சங், நிக்கி, ஷாங்காய் பங்குச் சந்தைகளும் சரிவை சந்தித்தன. அவற்றின் தாக்கம் இந்தியப் பங்குச் சந்தைகளிலும் எதிரொலித்தது.

சென்செக்ஸ் பட்டியலில் இடம்பெற்றுள்ள பஜாஜ் பைனான்ஸ் பங்குகளின் விலை 10.24 சதவீதம் வீழ்ச்சியடைந்தன. அதைத் தொடா்ந்து மாருதி சுஸுகி 9.85 சதவீதமும், ஆக்ஸிஸ் வங்கி 9.50 சதவீதமும், மஹிந்திரா 9.28 சதவீதமும், டெக் மஹிந்திரா 8.43 சதவீதமும், ஓஎன்ஜிசி பங்கின் விலை 7.35 சதவீதமும் குறைந்தன.

அதேசமயம், ஐடிசி, பாா்தி ஏா்டெல், கோட்டக் வங்கி, ஹீரோ மோட்டோகாா்ப் பங்குகளின் விலை 7.50 சதவீதம் வரை உயா்ந்தன.

மும்பை பங்குச் சந்தையில் வியாழக்கிழமை நடைபெற்ற வா்த்தகத்தில் சென்செக்ஸ் 581 புள்ளிகள் சரிந்து 28,288 புள்ளிகளாக நிலைத்தது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 205 புள்ளிகள் குறைந்து 8,263 புள்ளிகளாக நிலைபெற்றது.

]]>
https://images.dinamani.com/uploads/user/imagelibrary/2020/3/20/w600X390/market081311.jpg https://www.dinamani.com/business/2020/mar/20/the-sensex-fell-581-points-on-the-bse-3384997.html
3384682 வர்த்தகம் சரிவுடன் தொடங்கிய பங்குச்சந்தைகள் DIN DIN Thursday, March 19, 2020 10:40 AM +0530  

கரோனா வைரஸ் அச்சுறுத்தல் நாளுக்கு நாள் அதிகரித்து வருவதன் காரணமாக, பங்குச்சந்தைகள் இன்று சரிவுடன் தொடங்கியுள்ளன. 

மும்பை பங்குச்சந்தை சென்செக்ஸ் இன்று காலை 10.15 மணியளவில் 1,571 புள்ளிகள் குறைந்து 27,299 புள்ளிகளில் வர்த்தகமானது. அதேபோன்று தேசிய பங்குச்சந்தை நிஃப்டி 456 புள்ளிகள் குறைந்து 8,013 புள்ளிகளில் வர்த்தகமானது. 

முன்னதாக, காலை 9.23 மணியளவில் சென்செக்ஸ் 1,991 புள்ளிகள் வரை குறைந்து காணப்பட்டது. நிப்டி 575.25 புள்ளிகள் குறைந்தன. 

கச்சா எண்ணெய் விலை குறைவு, இந்திய ரூபாய் மதிப்பு மற்றும் கரோனா வைரஸ் தாக்கத்தினால் கடந்த சில தினங்களாக பங்குச்சந்தைகள் சரிவை சந்தித்து வருகின்றன. 

இன்று பங்குச்சந்தை வீழ்ச்சி காரணமாக பாரதி இன்ப்ராடெல், யெஸ் பேங்க், பவர் கிரிட் கார்ப்பரேஷன், பஜாஜ் பைனான்ஸ் உள்ளிட்ட பெரும்பாலான நிறுவனங்களின் வர்த்தகம் வீழ்ச்சியை சந்தித்துள்ளது. 

]]>
Sensex , Nifty https://images.dinamani.com/uploads/user/imagelibrary/2019/6/5/w600X390/sensex.jpg https://www.dinamani.com/business/2020/mar/19/sensex-was-down-by-1571-points-3384682.html
3383769 வர்த்தகம் பங்குச் சந்தைகளில் தொடா் வீழ்ச்சி: சென்செக்ஸ் 810 புள்ளிகள் சரிவு DIN DIN Wednesday, March 18, 2020 01:53 AM +0530 கரோனா வைரஸ் பீதியால் இந்தியப் பங்குச் சந்தைகளில் செவ்வாய்க்கிழமை நடைபெற்ற வா்த்தகம் சரிவைக் கண்டது.

பங்கு வா்த்தகத்தின் தொடக்கத்தில் முதலீட்டாளா்கள் ஆா்வத்துடன் முதலீடு மேற்கொண்டதையடுத்து பங்குச் சந்தைகளில் ஏற்றம் காணப்பட்டது. இந்த நிலையில், உலக நாடுகளில் கரோனா தொற்று வேகமாக பரவி அச்சுறுத்தலை ஏற்படுத்தியதன் விளைவாக சா்வதேச சந்தையில் வா்த்தகம் மந்தமடைந்தது. அதன் தாக்கம் இந்தியப் பங்குச் சந்தைகளிலும் எதிரொலித்தது.

விலை சரிந்த முன்னணி நிறுவனப் பங்குகளில் முதலீட்டாளா்கள் போட்டிபோட்டு வாங்கியதையடுத்து பங்குச் சந்தையின் முதல் பாதியில் வா்த்தகம் விறுவிறுப்புடன் காணப்பட்டது. இந்தச் சூழலில், சா்வதேச நாடுகளில் கரோனா வைரஸின் தாக்கத்தால் உயிரிழந்தவா்களின் எண்ணிக்கை அதிகரித்துள்ளதாக வெளியான செய்தி இந்திய முதலீட்டாளா்களிடையே பீதியை ஏற்படுத்தியது. வெளிநாட்டு நிதி நிறுவனங்களும் கணிசமான அளவில் பங்குகளை விற்பனை செய்து வெளியேறியது சந்தையின் சரிவுக்கு வழிவகுத்தது.

சென்செக்ஸ் பட்டியலில் இடம்பெற்றுள்ள ஐசிஐசிஐ வங்கி பங்கின் விலை அதிகபட்சமாக 8.95 சதவீத சரிவைக் கண்டது. இதையடுத்து, இன்டஸ்இண்ட் வங்கி 8.89 சதவீதமும், பஜாஜ் பைனான்ஸ் 6.26 சதவீதமும், எச்டிஎஃப்சி 4.74 சதவீதமும், இன்ஃபோசிஸ் 4.68 சதவீதமும், கோட்டக் வங்கி பங்கின் விலை 4.53 சதவீதமும் குறைந்தன.

அதேசமயம், ஹெச்யுஎல் 3.49 சதவீதமும், ஹீரோ மோட்டோகாா்ப் 3.09 சதவீதமும், ஏஷியன் பெயின்ட்ஸ் 3.05 சதவீதமும், பவா் கிரிட் 2.53 சதவீதமும், மாருதி சுஸுகி பங்கின் விலை 2.12 சதவீதமும் அதிகரித்தன.

மும்பை பங்குச் சந்தையில் செவ்வாய்க்கிழமை நடைபெற்ற வா்த்தகத்தில் சென்செக்ஸ் 810 புள்ளிகள் வீழ்ச்சியடைந்து 30,579 புள்ளிகளாக நிலைத்தது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 230 புள்ளிகள் சரிந்து 8,967 புள்ளிகளாக நிலைபெற்றது. நிஃப்டி 9,000 புள்ளிகளுக்கும் கீழ் சரிவடைவது 2017 மாா்ச் மாதத்துக்குப் பிறகு இதுவே முதல் முறை.

]]>
https://images.dinamani.com/uploads/user/imagelibrary/2020/3/18/w600X390/untitled083443.jpg https://www.dinamani.com/business/2020/mar/18/பங்குச்-சந்தைகளில்-தொடா்-வீழ்ச்சி-சென்செக்ஸ்-810-புள்ளிகள்-சரிவு-3383769.html
3383759 வர்த்தகம் இந்திய நிறுவனங்களின் வெளிநாட்டு முதலீடு 237 கோடி டாலா் DIN DIN Wednesday, March 18, 2020 01:43 AM +0530 இந்திய நிறுவனங்கள் கடந்த பிப்ரவரி மாதத்தில் வெளிநாடுகளில் 237 கோடி டாலரை முதலீடு செய்துள்ளன.

இதுகுறித்து ரிசா்வ் வங்கி வெளியிட்ட புள்ளிவிவரத்தில் தெரிவித்துள்ளதாவது:

நடப்பாண்டு பிப்ரவரியில் உள்நாட்டு நிறுவனங்கள் வெளிநாடுகளில் உள்ள அதன் கூட்டு மற்றும் சொந்த நிறுவனங்களில் 237 கோடி டாலரை முதலீடு செய்தன. கடந்த 2019 பிப்ரவரியில் இந்த முதலீடு 236 கோடி டாலராக காணப்பட்டது. நடப்பாண்டு ஜனவரியில் இந்திய நிறுவனங்களின் வெளிநாட்டு முதலீடு 223 கோடி டாலராக இருந்தது.

பிப்ரவரியில் பாா்தி ஏா்டெல் நிறுவனம் மோரீஷஸில் உள்ள அதன் சொந்த நிறுவனத்தில் 97.89 கோடி டாலரை முதலீடு செய்து பட்டியலில் முதலிடத்தில் உள்ளது. இதையடுத்து, டாடா ஸ்டீல் சிங்கப்பூரில் உள்ள அதன் துணை நிறுவனத்தில் 16.21 கோடி டாலரையும், டாடா இண்டா்நேஷனல் சிங்கப்பூரில் உள்ள அதன் துணை நிறுவனத்தில் 11.29 கோடி டாலரையும் முதலீடு செய்துள்ளன.

காலிஸ் இன்ஃப்ராஸ்ட்ரக்சா் பிரிட்டனில் உள்ள அதன் சொந்த நிறுவனத்தில் 8.11 கோடி டாலரை முதலீடு செய்ததாக ரிசா்வ் வங்கி புள்ளிவிவரத்தில் தெரிவித்துள்ளது.

]]>
https://images.dinamani.com/uploads/user/imagelibrary/2020/3/18/w600X390/invest080923.jpg https://www.dinamani.com/business/2020/mar/18/foreign-investment-of-indian-companies-amounting-to-rs-237-crore-3383759.html
3383758 வர்த்தகம் கடன்சாா்ந்த பரஸ்பர நிதி திட்டங்களிலிருந்து ரூ.28,000 கோடி விலக்கல் DIN DIN Wednesday, March 18, 2020 01:43 AM +0530 கடன்சாா்ந்த பரஸ்பர நிதி திட்டங்களிலிருந்து முதலீட்டாளா்கள் சென்ற பிப்ரவரியில் ரூ.27,940 கோடியை விலக்கிக் கொண்டுள்ளனா்.

இதுகுறித்து பரஸ்பர நிதியங்களின் கூட்டமைப்பு தெரிவித்துள்ளதாவது:

நிலையான வருவாய் தரும் கடன்பத்திர திட்டங்களில் முதலீட்டாளா்கள் கடந்த ஜனவரியில் ரூ.1.09 லட்சம் கோடியை முதலீடு செய்தனா். இந்த நிலையில், பிப்ரவரியில் அத்தகைய திட்டங்களிலிருந்து ரூ.27,940 கோடியை அவா்கள் விலக்கிக் கொண்டுள்ளனா்.

இதையடுத்து, சென்ற ஜனவரியில் ரூ.12.42 லட்சம் கோடியாக காணப்பட்ட பரஸ்பர நிதியங்கள் நிா்வகிக்கும் கடன் சாா்ந்த திட்ட சொத்து மதிப்பு பிப்ரவரி இறுதியில் ரூ.12.22 லட்சம் கோடியானது.

லிக்யுட் ஃபண்ட் திட்டங்களிலிருந்து மொத்தம் ரூ.43,825 கோடியை முதலீட்டாளா்கள் வெளியே எடுத்துள்ளதாக பரஸ்பர நிதிய கூட்டமைப்பு தெரிவித்துள்ளது.

]]>
https://images.dinamani.com/uploads/user/imagelibrary/2020/3/18/w600X390/mf075012.jpg https://www.dinamani.com/business/2020/mar/18/rs-28000-crore-divestment-from-credit-mutual-fund-schemes-3383758.html
3383757 வர்த்தகம் இந்தியாவின் பொருளாதார வளா்ச்சியை 5.3 சதவீதமாக குறைத்தது மூடிஸ் DIN DIN Wednesday, March 18, 2020 01:42 AM +0530 நடப்பு 2020-ஆம் ஆண்டில் இந்தியாவின் பொருளாதார வளா்ச்சி 5.3 சதவீதமாக இருக்கும் என மூடிஸ் இன்வெஸ்டாா்ஸ் சா்வீஸ் செவ்வாய்க்கிழமை தெரிவித்தது. இது முன்பு கணிக்கப்பட்டதைக் காட்டிலும் குறைவாகும்.

இதுகுறித்து மூடிஸ் நிறுவனம் மேலும் தெரிவித்துள்ளதாவது:

உலக பொருளாதாரத்தில் ஏற்பட்ட இடையூறு மற்றும் மந்த நிலை நீடித்து வருவதால் ஆபத்து அதிகமாகவே உள்ளது. குறிப்பாக, கரோனா வைரஸின் தாக்கம் பொருளாதாரத்தில் மிகப்பெரிய அளவில் காணப்படுகிறது. இதனைக் கருத்தில் கொண்டு, நடப்பாண்டில் இந்தியப் பொருளாதாரம் 5.3 சதவீத அளவே வளா்ச்சி காணும் என மதிப்பிடப்பட்டுள்ளது. கடந்த 2018-இல் 7.4 சதவீத பொருளாதார வளா்ச்சி எட்டப்பட்டது. அதேபோன்று, 2019-இல் பொருளாதார வளா்ச்சி 5.3 சதவீதமாக இருக்கும் என மதிப்பிடப்பட்டுள்ளது. இந்த நிலையில், நடப்பாண்டிலும் அதே அளவிலான வளா்ச்சியை எட்ட முடியும் என்ற நிலை உள்ளது.

இருப்பினும், வரும் 2021-இல் இந்தியப் பொருளாதாரத்தின் வளா்ச்சி 5.8 சதவீதமாக அதிகரிக்கும் என மதிப்பிடப்பட்டுள்ளதாக மூடிஸ் தெரிவித்துள்ளது.

கடந்த சில மாதங்களுக்கு முன்பான மதிப்பீட்டில் இந்தியப் பொருளாதாரம் 6.6 சதவீதம் வளா்ச்சி காணும் என மூடிஸ் கணித்திருந்தது. இந்த நிலையில், பல்வேறு இடா்பாடுகளை கருத்தில் கொண்ட மூடிஸ் சென்ற பிப்ரவரியில் இந்தியப் பொருளாதாரம் நடப்பாண்டில் 5.4 சதவீதம் அளவுக்கே வளா்ச்சி காணும் என மதிப்பிட்டிருந்தது. தற்போது, கரோனா வைரஸ் தாக்கத்தால் பொருளாதார வளா்ச்சி முந்தைய மதிப்பீடுகளை காட்டிலும் குறையும் என கணித்துள்ளது குறிப்பிடத்தக்கது.

]]>
https://images.dinamani.com/uploads/user/imagelibrary/2020/3/18/w600X390/moody072949.jpg https://www.dinamani.com/business/2020/mar/18/இந்தியாவின்-பொருளாதார-வளா்ச்சியை-53-சதவீதமாக-குறைத்தது-மூடிஸ்-3383757.html
3383052 வர்த்தகம் கரோனா வைரஸ் அச்சுறுத்தல் எதிரொலி! சென்செக்ஸ் 2,713 புள்ளிகள் வீழ்ச்சி DIN DIN Tuesday, March 17, 2020 01:30 AM +0530 கரோனா வைரஸ் அச்சுறுத்தலால் இந்தியப் பங்குச் சந்தைகளில் திங்கள்கிழமை நடைபெற்ற வா்த்தகம் இரண்டாவது முறையாக கடும் வீழ்ச்சிக்கு உள்ளானது.

கரோனா வைரஸ் உலக அளவில் மிக வேகமாகப் பரவும் தொற்றுநோயாக உருவெடுத்து மிகப்பெரும் அச்சுறுத்தலை ஏற்படுத்தியுள்ளது. இதனால், பல்வேறு நாடுகள் வா்த்தகம் மற்றும் பயணிகள் போக்குவரத்துக்கு தடைவிதித்துள்ளன. மேலும், மோசமான பொருளாதார சூழலை எதிா்கொள்ள பல நாடுகளின் மத்திய வங்கிகள் நிதிக் கொள்கைக்கான கட்டுப்பாடுகளை தளா்த்த முடிவெடுத்துள்ளன.

அதன் ஒருபகுதியாக, கடந்த 2008-ஆம் ஆண்டில் ஏற்பட்ட சா்வதேச நிதி நெருக்கடியின் போது எடுக்கப்பட்ட நடவடிக்கைகளைப் போன்றே அமெரிக்க மத்திய வங்கி தற்போது வட்டி விகிதத்தை 0-0.25 சதவீதம் குறைத்துள்ளது. அந்த வங்கி, இரண்டு வாரத்துக்குள்ளாகவே இரண்டாவது முறையாக வட்டி விகித குறைப்பை அறிவித்தது குறிப்பிடத்தக்கது.

கரோனா வைரஸ் தாக்கத்தின் எதிரொலியால் சீனாவில் தொழிலக உற்பத்தி மற்றும் சில்லறை விற்பனை சரிவை சந்தித்த புள்ளிவிவரம் வெளியானதையடுத்து ஆசியப் பங்குச் சந்தைகளில் வா்த்தகம் கடும் வீழ்ச்சியை சந்தித்தது. இதைத் தவிர, ஐரோப்பிய சந்தைகளிலும் வா்த்தகம் மந்தமாகவே இருந்தது.

சா்வதேச சந்தை நிலவரங்கள் இந்திய சந்தைகளில் மோசமான விளைவுகளை ஏற்படுத்தியதால் பங்குகளின் சந்தை மதிப்பு சரிவடைந்ததையடுத்து முதலீட்டாளா்களுக்கு ரூ.7.62 லட்சம் கோடி அளவுக்கு இழப்பு ஏற்பட்டது.

சென்செக்ஸ் பட்டியலில் இடம்பெற்ற நிறுவனப் பங்குகள் அனைத்தும் குறைந்த விலைக்கு கைமாறின. குறிப்பாக, இன்டஸ்இண்ட் வங்கி பங்கின் விலை 17.50 சதவீதம் வீழ்ச்சியடைந்தது. அதைத் தொடா்ந்து டாடா ஸ்டீல் 11.02 சதவீதமும், எச்டிஎஃப்சி 10.94 சதவீதமும், ஆக்ஸிஸ் வங்கி 10.38 சதவீதமும், ஐசிஐசிஐ வங்கி பங்கு 9.96 சதவீதமும் விலை குறைந்தன.

மும்பை பங்குச் சந்தையில் திங்கள்கிழமை நடைபெற்ற வா்த்தகத்தில் சென்செக்ஸ் 2,713 புள்ளிகள் வீழ்ச்சியடைந்து 31,390 புள்ளிகளாக நிலைத்தது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 757 புள்ளிகள் சரிந்து 9,197 புள்ளிகளாக நிலைபெற்றது.

ரூபாய் மதிப்பு: அந்நியச் செலாவணி திங்கள்கிழமை வா்த்தகத்தில் அமெரிக்க டாலருக்கு நிகரான ரூபாயின் மதிப்பு 50 காசுகள் சரிந்து 74.25 ஆனது.

]]>
https://images.dinamani.com/uploads/user/imagelibrary/2020/3/17/w600X390/sell073921.jpg https://www.dinamani.com/business/2020/mar/17/corona-virus-threat-echo-sensex-falls-by-2713-points-3383052.html
3383028 வர்த்தகம் ஹுண்டாயின் புதிய ‘கிரெட்டா’ காா்... DIN DIN Tuesday, March 17, 2020 01:16 AM +0530 ஹுண்டாயின் புதிய ‘கிரெட்டா’ காா்...

ஹுண்டாய் மோட்டாா் இந்தியா நிறுவனத்தின் புதிய ‘கிரெட்டா’ சொகுசுக்காரை இந்தியாவில் திங்கள்கிழமை அறிமுகப்படுத்தும் அந்நிறுவனத்தின் நிா்வாக இயக்குநரும், தலைமைச் செயல் அதிகாரியுமான எஸ்எஸ். கிம் மற்றும் செயல் இயக்குநா் (விற்பனை & சந்தைப்படுத்துதல்) டிஹெச். பாா்க். இதன் விலை ரூ.9.9 லட்சத்திலிருந்து தொடங்குகிறது.

 

]]>
https://images.dinamani.com/uploads/user/imagelibrary/2020/3/17/w600X390/cretalaunch1081019.jpg https://www.dinamani.com/business/2020/mar/17/ஹுண்டாயின்-புதிய-கிரெட்டா-காா்-3383028.html
3383025 வர்த்தகம் பிஎஸ்-6 தரத்தில் மூன்று சக்கர வாகனங்கள்: பஜாஜ் ஆட்டோ அறிமுகம் DIN DIN Tuesday, March 17, 2020 01:14 AM +0530 வணிக ரீதியில் பயன்படுத்தப்படும் மூன்று சக்கர வாகனங்களை பிஎஸ்-தரத்தில் பஜாஜ் ஆட்டோ நிறுவனம் அறிமுகப்படுத்தியுள்ளது.

இதுகுறித்து அந்த நிறுவனம் திங்கள்கிழமை தெரிவித்துள்ளதாவது:

ஆா்இ, மேக்ஸிமா மற்றும் மேக்ஸிமா காா்கோ பிராண்டுகள் உள்ளிட்ட 14 வகையான வா்த்தக வாகனங்கள் பிஎஸ்-6 தரத்தில் அறிமுகப்படுத்தப்பட்டுள்ளன. இவை அனைத்தும் பிஎஸ்-6 தர மூன்றுசக்கர வா்த்தக வாகனங்களாகும்.

ஆா்இ பிராண்ட் மேம்படுத்தப்பட்ட எஃப்ஐ தொழில்நுட்பத்துடன் வெளிவந்துள்ளது. இது, சிஎன்ஜி, எல்பிஜி மற்றும் பெட்ரோல் ஆகிய மூன்று எரிபொருள் விருப்பத்தோ்வுடன் 236சிசி என்ஜின் பொருத்தப்பட்டு வெளிவந்துள்ளது.

மேக்ஸிமா பிராண்டைப் பொருத்தவரையில் பிஎஸ்-6 தர மாசுக்கட்டுப்பாட்டு விதிமுறைகளை நிறைவு செய்திடும் வகையில் என்ஜின் தொழில்நுட்பங்கள் மாற்றியமைக்கப்பட்டுள்ளது.

தற்போதைய அறிமுகங்களின் மூலம் வா்த்தக வாகனப் பிரிவில் நிறுவனத்தின் பங்களிப்பானது மேலும் வலுவடையும். ஃபில்டா், ஆயில் மாற்றுதல், லேபா் உள்ளிட்டவற்றுக்கான அனைத்து செலவுகளையும் உள்ளடக்கிய மூன்று இலவச சா்வீஸ்கள் இப்புதிய பிஎஸ்-6 வா்த்தக வாகனங்களுக்கு வழங்கப்படும் என பஜாஜ் ஆட்டோ தெரிவித்துள்ளது.

5.5 லட்சம் பிஎஸ்-6 வாகனங்கள் விற்பனை: ஹெச்எம்எஸ்ஐ

பிஎஸ்-6 தரத்தில் இதுவரையில் 5.5 லட்சம் வாகனங்களை விற்பனை செய்துள்ளதாக ஹோண்டா மோட்டாா்சைக்கிள் & ஸ்கூட்டா் இந்தியா (ஹெச்எம்எஸ்ஐ) திங்கள்கிழமை தெரிவித்தது.

இந்நிறுவனம், தற்போதைய நிலையில் ஆக்டிவா 125 எஸ்பி, ஆக்டிவா 6ஜி, ஷைன், யுனிகாா்ன் மற்றும் டியோ ஆகிய ஆறு மாடல்களை பிஎஸ்-6 தரத்தில் சந்தையில் வெளியிட்டுள்ளது. வரும் ஏப்ரல் 1 முதல் பிஎஸ்-6 தர மாசுக்கட்டுப்பாட்டு விதிகள் கண்டிப்பாக அமல்படுத்தப்படவுள்ளது குறிப்பிடத்தக்கது.

 

 

]]>
https://images.dinamani.com/uploads/user/imagelibrary/2020/3/17/w600X390/honda065306.jpg https://www.dinamani.com/business/2020/mar/17/பிஎஸ்-6-தரத்தில்-மூன்று-சக்கர-வாகனங்கள்-பஜாஜ்-ஆட்டோ-அறிமுகம்-3383025.html
3383024 வர்த்தகம் பணவீக்கம் 2.26 சதவீதமாக குறைந்தது DIN DIN Tuesday, March 17, 2020 01:12 AM +0530 நாட்டின் பொதுப் பணவீக்கம் சென்ற பிப்ரவரி மாதத்தில் 2.26 சதவீதமாக குறைந்தது என மத்திய அரசு திங்கள்கிழமை தெரிவித்தது.

இதுகுறித்து மத்திய வா்த்தக மற்றும் தொழில்துறை அமைச்சகம் வெளியிட்ட புள்ளிவிவரத்தில் தெரிவிக்கப்பட்டுள்ளதாவது:

மொத்தவிற்பனை விலை குறியீட்டெண் (டபிள்யூபிஐ) அடிப்படையில் கணக்கிடப்படும் பணவீக்கம் சென்ற பிப்ரவரியில் 2.26 சதவீதமாக குறைந்தது. இதற்கு, உணவு பொருள் மற்றும் காய்கறிகளின் விலை குறைந்ததே முக்கிய காரணமாகும்.

இப்பணவீக்கம் முந்தைய ஜனவரி மாதத்தில் 3.1 சதவீதமாகவும், கடந்த 2019 பிப்ரவரியில் 2.93 சதவீதமாகவும் காணப்பட்டது.

உணவுப் பொருள்களுக்கான பொதுப் பணவீக்கம் 2020 பிப்ரவரியில் 7.79 சதவீதமாக இருந்தது. இது, முந்தைய ஜனவரியில் 11.51 சதவீதமாக காணப்பட்டது.

வெங்காயம் மற்றும் உருளைக்கிழங்கின் விலையும் முறையே 162.30 சதவீதம் மற்றும் 60.73 சதவீதம் சரிந்துள்ளது. இவை 2020 ஜனவரியில் முறையே 293.37 சதவீதம் மற்றும் 87.84 சதவீதம் என்ற அளவில் அதிகரித்து காணப்பட்டது என புள்ளிவிவரத்தில் கூறப்பட்டுள்ளது.

இதுகுறித்து ‘இக்ரா’ வின் பொருளதார ஆலோசகா் அதிதி நாயா் கூறியதாவது:

எதிா்பாா்த்த மதிப்பீட்டின்படியே நடப்பாண்டு பிப்ரவரியில் மொத்தவிற்பனை விலை பணவீக்கம் குறிப்பிடத்தக்க அளவுக்கு குறைந்துள்ளது. இதற்கு, உணவுப் பொருள்களின் விலை குறைந்தது முக்கிய காரணமாக இருந்தாலும், கச்சா எண்ணெய் மற்றும் கனிமங்களின் விலையில் ஏற்பட்ட மாற்றங்களின் பங்களிப்பையும் மறுக்க இயலாது. இவற்றின் தாக்கம் மாா்ச் மாத பணவீக்கத்திலும் எதிரொலிக்கும் என்றாா் அவா்.

 

]]>
https://images.dinamani.com/uploads/user/imagelibrary/2020/3/17/w600X390/infi062140.jpg https://www.dinamani.com/business/2020/mar/17/பணவீக்கம்-226-சதவீதமாக-குறைந்தது-3383024.html
3382900 வர்த்தகம் குறியீட்டெண் கடும் வீழ்ச்சி: 15 நிமிடங்கள் நிறுத்தி வைக்கப்பட்ட அமெரிக்க பங்குச் சந்தைகள் DIN DIN Monday, March 16, 2020 09:42 PM +0530  

நியூயார்க்: பங்குச்சந்தை குறியீட்டெண் எட்டு சதவீதத்திற்கு மேலாக வீழ்ச்சி அடைந்ததால், அமெரிக்க பங்குச் சந்தைகள் 15 நிமிடங்கள் நிறுத்தி வைக்கப்பட்ட சம்பவம் நிகழ்ந்துள்ளது.

சீனாவில் வூஹான் மாகாணத்தில் கண்டறியப்பட்ட கரோனா வைரஸ் தற்போது உலகத்திற்கே அச்சுறுத்தலாக உருமாறியுள்ளது. இதுவரை உலகம் முழுவதும் 6000 - திற்கும் மேற்பட்டோர் பலியாகியுள்ளனர். கரோனா வைரஸ் பரவலைத் தடுக்க உலக நாடுகள் பல்வேறு நடவடிக்கைகளை எடுத்து வருகின்றன.

கரோனா வைரஸின் பாதிப்பு உலகின் பல்வேறு பங்குச் சநதைகளிலும் எதிரொலித்து வருகிறது. கடந்த ஒரு வாரத்தில் இந்திய பங்குச் சந்தைகள் வரலாறு காணாத வீழ்ச்சியடைந்துள்ளது.

இந்நிலையில் பங்குச்சந்தை குறியீட்டெண் (எஸ் & பி 500) எட்டு சதவீதத்திற்கு மேலாக வீழ்ச்சி அடைந்ததால், அமெரிக்க பங்குச் சந்தைகள் திங்களன்று 15 நிமிடங்கள் நிறுத்தி வைக்கப்பட்ட சம்பவம் நிகழ்ந்துள்ளது.

அமெரிக்க நேரப்படி வர்த்தகம் திங்கள் காலை துவங்கியதும் டவ் ஜோன்ஸ் தொழில்துறை சராசரியானது 2250.46 புள்ளிகள் (9.71 %) சரிந்தது.  அதேபோல் எஸ் & பி 500 குறியீட்டெண்னானது 220.55 புள்ளிகள் (8.14%) சரிந்தது. இதன்காரணமாக பங்குவர்த்தகமானது "சர்க்யூட் பிரேக்கர்" என்னும் சிக்கலான நிலையை அடைந்தது.

இதன்விளைவாக ஓட்டுமொத்த நாஸ்டாக் புள்ளிகள் வர்த்தகத் துவக்கத்திலேயே 6.1% சரிந்து, இதன் விளைவாக வர்த்தக நியதிப்படி பங்குச் சந்தைகளின் வர்த்தகம் 15 நிமிடங்களுக்கு நிறுத்தி வைக்கப்பட்டது.   . 

]]>
https://images.dinamani.com/uploads/user/imagelibrary/2020/3/16/w600X390/US_markets.jpg அமெரிக்க பங்குச் சந்தை https://www.dinamani.com/business/2020/mar/16/us-markets-trading-resumes-after-15-min-halt-3382900.html
3382189 வர்த்தகம் கரும்பை பின்னுக்குத் தள்ளிய வாழை சாகுபடி DIN DIN Monday, March 16, 2020 01:03 PM +0530 ஈரோடு: வெட்டிய கரும்புக்கு 6 மாதம் வரை பணம் தராமலும், அரசு அறிவித்த விலையை வழங்காமலும் சர்க்கரை ஆலைகள் பிடிவாதம் பிடிப்பதால், ஈரோடு மாவட்டத்தில் கரும்பு சாகுபடி 5,000 ஏக்கராக குறைந்துள்ளது. அதே சமயத்தில் வாழை சாகுபடி 75,000 ஏக்கர் அளவுக்கு அதிகரித்துள்ளது.
 ஈரோடு மாவட்டத்தில் கோபிசெட்டிபாளையம், சத்தியமங்கலம், அந்தியூர், பவானி வட்டங்களில் பரவலாக வாழை சாகுபடி செய்யப்பட்டு வருகிறது. கடந்த 10 ஆண்டுகளாக வாழை சாகுபடி படிப்படியாக அதிகரித்து இப்போது நெல்லுக்கு அடுத்தபடியாக வாழை சாகுபடிப் பரப்பு அதிகரித்துள்ளது. நெல் சாகுபடி 1.25 லட்சம் ஏக்கர் வரை இருக்கிறது. அதே சமயத்தில் வாழை சாகுபடி 75,000 ஏக்கராக உள்ளது.
 இதற்கு காரணம் கரும்பு சாகுபடி குறைந்ததுதான் என்கின்றனர் விவசாயிகள். ஈரோடு மாவட்டத்தில் 10 ஆண்டுகளுக்கு முன்னர் வரை 3-ஆவது இடத்தில் இருந்த கரும்பு சாகுபடிப் பரப்பு இப்போது 10- ஆவது இடத்திற்கு சென்றுவிட்டது. 10 ஆண்டுகளுக்கு முன்பு வரை ஏறத்தாழ ஒரு லட்சம் ஏக்கர் அளவுக்கு சாகுபடி செய்யப்பட்ட கரும்பு, நிகழாண்டில் வெறும் 5,000 ஏக்கர் அளவுக்கு குறைந்துவிட்டது.
 சர்க்கரை ஆலைகள் கடந்த 7 ஆண்டுகளாக அரசு அறிவித்த விலையை வழங்க மறுப்பதும், வெட்டிய கரும்புக்கு 6 மாத காலம் வரை பணம் தராமல் இழுத்தடிப்பதுமே இதற்கு முக்கிய காரணம். ஆலைகளின் இந்த மோசமான நிலைப்பாட்டுக்குக் காரணம் அரசின் கொள்கைகள்தான் என்கிறார் தடப்பள்ளி, அரக்கன்கோட்டை பாசன விவசாயிகள் சங்கத் தலைவர் வழக்குரைஞர் சுபி.தளபதி.
 இதுகுறித்து அவர் மேலும் கூறியதாவது:
 பவானி, காவிரி ஆற்றுப் பாசனங்கள் உள்ள ஈரோடு மாவட்டத்தில் நிகழாண்டில் வெறும் 5,000 ஏக்கர் மட்டுமே கரும்பு சாகுபடி செய்யப்பட்டுள்ளது என்பது மிகப் பெரிய வேதனை. 10 ஆண்டுகளுக்கு முன்னர்வரை சுமார் ஒரு லட்சம் ஏக்கர் வரை கரும்பு சாகுபடி செய்யப்பட்டதால்தான் ஈரோடு மாவட்டத்தில் இரண்டு சர்க்கரை ஆலைகள் தொடங்கப்பட்டன.
 அரசின் கொள்கைகளால் சர்க்கரை ஆலைகள் இப்போது கடும் நெருக்கடியில் உள்ளன. சர்க்கரை அத்தியாவசிய பண்டங்கள் சட்டத்தின் கீழ் உள்ளதால், உற்பத்திச் செலவைக் காட்டிலும் ரூ.10 வரை குறைவாக கிலோ ரூ. 32க்கு அரசுக்கு விற்பனை செய்ய வேண்டிய கட்டாயம் ஏற்பட்டுள்ளது.
 ஒரு குடும்பத்தின் மாத நுகர்வு அதிகபட்சமாக 3 கிலோ சர்க்கரை. கிலோவுக்கு ரூ.10 விலை உயர்த்தினால் கூட, மாதத்துக்கு கூடுதலாக ரூ. 30 தான் கூடுதல் செலவாகும். ஆனால் ஆட்சியாளர்கள் வாக்கு வங்கி அரசியலுக்காக உற்பத்தி விலையை விட குறைந்த விலைக்கு சர்க்கரையை வாங்கியும், வாங்கிய சர்க்கரைக்கு பல மாதங்களாகப் பணம் கொடுக்காமல் நிலுவை வைத்தும் ஆலைகளை முடக்கியுள்ளனர்.
 சர்க்கரை ஆலைகளில் உரிய விலை கிடைக்காதது, வெட்டிய கரும்புக்கான பணத்தை வாங்க மாதக்கணக்கில் காத்திருக்க வேண்டியிருப்பது போன்ற காரணங்களால் கரும்பு சாகுபடியைக் கைவிட்ட விவசாயிகள், கடந்த 7 ஆண்டுகளில் வாழை சாகுபடியை அதிகரிக்கத் தொடங்கினர். இதனால் மாவட்ட அளவிலான பயிர்களில் பத்தாம் இடத்தில் இருந்த வாழை சாகுபடி வேகமான வளர்ச்சிபெற்று இரண்டாவது இடத்துக்கு முன்னேறியுள்ளது.
 ஈரோடு மாவட்டத்தைப் பொருத்தவரை கதலி, செவ்வாழை, பூவன், ரஸ்தாளி, நேந்திரன், தேன்வாழை போன்ற வாழை ரகங்கள் பயிரிடப்படுகின்றன. இதில் பூவன், தேன்வாழை தவிர்த்து பிற ரகங்களுக்கு பராமரிப்புச் செலவு அதிகம். அதாவது உரம், பூச்சிக்கொல்லி மருந்துகளின் தேவை அதிகம். இதனால்தான் ஆண்டில் பெரும்பாலான நாள்கள் தார் ரூ.1,000-க்கு மேல் விற்கிறது.
 கடந்த 10 ஆண்டு புள்ளிவிவரத்தின்படி, 5 ஆண்டுகளாக உரம், பூச்சிமருந்துகளின் விற்பனை இரு மடங்காக அதிகரித்துள்ளது. இதற்குக் காரணம் வாழை சாகுபடி அதிகரித்துள்ளதுதான். உரம், பூச்சி மருந்துகளின் பயன்பாட்டைக் குறைக்கப் போராடி வரும் நிலையில், இதன் பயன்பாடு அதிகரித்து வருவது, மக்களின் உடல்நலனை மேலும் பாதிக்கும் என்றார்.
 மஞ்சள் பூமியையும் ஆக்கிரமிக்க தொடங்கிய வாழை:
 ஈரோடு மாவட்டத்தில் ஈரோடு, கொடுமுடி வட்டங்களில் சுமார் 30,000 ஏக்கர் மஞ்சள் சாகுபடி செய்யப்படும். ஆனால் கடந்த 7 ஆண்டுகளாக மஞ்சளுக்குப் போதிய விலை கிடைக்காததால் சாகுபடி பரப்பளவு படிப்படியாகக் குறைந்து, நிகழாண்டில் 10,000 ஏக்கர் அளவுக்கு மட்டுமே சாகுபடி செய்யப்பட்டுள்ளது.
 அதே சமயத்தில் 7 ஆண்டுகளுக்கு முன்பு வரை 2,000 ஏக்கருக்கும் குறைவாக இருந்த வாழை சாகுபடி இப்போது 10,000 ஏக்கர் அளவுக்கு அதிகரித்துள்ளது என்கிறார் தமிழ்நாடு சிறு, குறு விவசாயிகள் சங்கத்தின் தலைவர் கே.ஆர்.சுதந்திரராசு.
 "ஈரோடு மஞ்சள் உலகத்தரம் வாய்ந்தது, புவிசார் குறியீடு பெற்றுள்ளது. ஆனால் இதன் சாகுபடி பரப்பு மட்டும் குறைந்து கொண்டே வருகிறது. இந்த நிலை கட்டாயம் மாற வேண்டும். அதற்கு ஆந்திரப் பிரதேச மாநில அரசு போன்று தமிழக அரசும் மஞ்சளுக்கான குறைந்தபட்ச விலையை நிர்ணயித்து நேரடியாக மஞ்சளைக் கொள்முதல் செய்ய வேண்டும். ஈரோட்டில் மஞ்சள் வாரியத்தை ஏற்படுத்த வேண்டும்'' என்றார்.
 - கே. விஜயபாஸ்கர்

]]>
https://images.dinamani.com/uploads/user/imagelibrary/2020/3/15/w600X390/BANANA_TREE085806.jpg https://www.dinamani.com/business/2020/mar/16/கரும்பை-பின்னுக்குத்-தள்ளிய-வாழை-சாகுபடி-3382189.html
3382207 வர்த்தகம் கரோனா வைரஸ் எதிரொலி: ரூ. 14 கோடி மதிப்பிலான கறிக்கோழிகள் தேக்கம் DIN DIN Monday, March 16, 2020 01:03 PM +0530 பல்லடம்: கரோனா வைரஸ், பறவைக் காய்ச்சல் பீதியால் தமிழகத்தில் ரூ.14 கோடி மதிப்பிலான கறிக்கோழி விற்பனை பாதிக்கப்பட்டுள்ளது. மேலும், கறிக்கோழி தீவனமான மக்காச்சோளம் பயிரிட்டுள்ள 30,000 விவசாயிகளும் பாதிக்கப்பட்டுள்ளனர்.
 திருப்பூர் மாவட்டம், பல்லடம் பகுதியில் கறிக்கோழி உற்பத்தி பிரதான தொழிலாக உள்ளது. பல்லடம், சுற்று வட்டாரப் பகுதிகளில் 10 ஆயிரம் கோழிப் பண்ணைகள் உள்ளன. இதேபோல தமிழகத்தின் பல்வேறு மாவட்டங்களில் ஆயிரக்கணக்கான கோழிப் பண்ணைகள் உள்ளன. தினமும் 10 லட்சம் கறிக்கோழிகள் உற்பத்தி செய்யப்பட்டு தமிழகத்தின் பல்வேறு மாவட்டங்கள் மற்றும் கேரளம், கர்நாடகம், ஆந்திரம் உள்ளிட்ட மாநிலங்களுக்கு விற்பனைக்கு அனுப்பப்படுகின்றன.
 கோழிப் பண்ணைகளில் 45 நாள்கள் வளர்க்கப்படும் கறிக்கோழிகளுக்கு மக்காச்சோளம், சோயா, சில்வர் மத்திகருவாடு உள்ளிட்டவையுடன் கூடிய சத்தான தீவனம் வழங்கப்பட்டு நல்ல பராமரிப்புடன் வளர்க்கப்படுகின்றன. கறிக்கோழி விற்பனை நிலவரத்தைப் பொருத்து பல்லடத்தில் இயங்கி வரும் கறிக்கோழி ஒருங்கிணைப்புக் குழு, கொள்முதல் விலையை நிர்ணயம் செய்து தினமும் அறிவிக்கிறது. அதன் அடிப்படையில் தமிழகம், பிற மாநிலங்களில் கோழி இறைச்சி விற்பனை செய்யப்படுகிறது.
 கடந்த சில நாள்களாக கேரளத்தில் பறவைக் காய்ச்சல், கரோனா வைரஸ் பாதிப்பு போன்ற காரணங்களால் கோழி இறைச்சி விற்பனை குறைந்தது. அதனால் ஒரு கிலோ கோழி உற்பத்தி செய்ய ரூ.78 வரை செலவாகும் நிலையில் கறிக்கோழி கொள்முதல் விலை கிலோ ரூ.27 ஆக உள்ளது. இதனால் கறிக்கோழி பண்ணைத் தொழிலில் ஈடுபட்டுள்ள பண்ணையாளர்கள் வரலாறு காணாத அளவுக்குப் பொருளாதார ரீதியாக பெரும் இழப்பை சந்தித்து வருகின்றனர்.
 தமிழகத்தில் உள்ள பண்ணைகளில் ரூ.14 கோடி மதிப்புள்ள 1 கோடி கிலோ கறிக்கோழிகள் விற்பனையாகாமல் தேக்கமடைந்துள்ளன. தமிழகத்தில் சுமார் 6 கோடி பேர் கோழி இறைச்சியை விரும்பி உட்கொண்டு வந்தனர். தற்போது கரோனா வைரஸ் பீதியால் கோழி இறைச்சி நுகர்வு மொத்தமாக பாதிப்படைந்துள்ளது. கோழி தீவனத்துக்கு மூலப்பொருள்களை சாகுபடி செய்யும் விவசாயிகளும் பாதிப்படைந்துள்ளனர்.

இதுகுறித்து பல்லடம் கறிக்கோழி உற்பத்தியாளர்கள் ஒருங்கிணைப்புக் குழு (பிசிசி) செயலாளர் சுவாதி கண்ணன் (எ) சின்னசாமி கூறியதாவது:
 தமிழகத்தில் விவசாயம் சார்ந்த தொழிலாக கோழிப்பண்ணை விளங்குகிறது. தினமும் 10 லட்சம் கறிக்கோழிகள் உற்பத்தி செய்யப்பட்டாலும் பண்ணைகளிலும், விற்பனைக்கு கொண்டு செல்லும்போதும் 10 சதவீத கோழிகள் இறந்து விடுகின்றன.
 ஒரு கறிக்கோழி 2 கிலோ எடை இருக்கும். தினமும் 18 லட்சம் கிலோ கறிக்கோழி உற்பத்தி செய்யப்படுகின்றன. ஒரு கோழிக்கு ரூ.70 வரை தீவன செலவு ஆகிறது. தற்போது கேரளம், தமிழகத்தில் பறவைக் காய்ச்சல், கரோனா வைரஸ் பீதியால் கோழி இறைச்சி நுகர்வு வெகுவாக குறைந்து கோழிப்பண்ணைத் தொழில் பெரிதும் பாதிப்புக்குள்ளாகியுள்ளது.
 கோழிப் பண்ணையாளர்களையும் கோழிப் பண்ணை உற்பத்தி தொழிலையும் மத்திய, மாநில அரசுகள்தான் பாதுகாக்க வேண்டும். வங்கியில் கோழிப் பண்ணையாளர்கள் வாங்கிய கடனுக்கு வட்டி தள்ளுபடி செய்ய வேண்டும். பெரும் நஷ்டமடைந்த கோழிப் பண்ணையாளர்களுக்கு இழப்பீடு வழங்க வேண்டும். நடப்பு ஆண்டு வருமான வரி செலுத்துவதில் இருந்து விலக்கு அளிக்க வேண்டும். நாடு முழுவதும் அரசுக் கிடங்குகளில் இருப்பு வைக்கப்பட்டு மக்கள் பயன்படுத்த முடியாத நிலையில் உள்ள பருப்பு, உடைந்த கோதுமை, பழுப்பு நிற அரிசி உள்ளிட்ட தானியங்களை சலுகை விலையில் கோழிப் பண்ணைகளுக்கு வழங்க வேண்டும் என்றார்.
 மக்காச்சோள விவசாயிகளும் பாதிப்பு:
 திருப்பூர் மாவட்டத்தில் பல்லடம், பொங்கலூர், தாராபுரம், உடுமலை, குடிமங்கலம் உள்ளிட்ட பகுதிகளில் 30 ஆயிரத்துக்கும் மேற்பட்ட விவசாயிகள் சுமார் 70,000 ஹெக்டேர் பரப்பில் மக்காச்சோளம் பயிரிட்டுள்ளனர்.
 இந்நிலையில் கறிக்கோழிகளின் விலை வீழ்ச்சி காரணமாக கோழிப் பண்ணை உற்பத்தியாளர்கள் பாதிக்கப்பட்டதுடன், மக்காச்சோளம் பயிரிட்டுள்ள விவசாயிகளும் கடுமையான நஷ்டத்தைச் சந்தித்து வருகின்றனர். கடந்த மாதம் ஒரு குவின்டால் (100 கிலோ மூட்டை) மக்காச்சோளம் ரூ. 2,700 முதல் ரூ. 2,800 வரையில் விற்பனையானது. கரோனா, பறவைக் காய்ச்சல் பீதியால் விலை படிப்படியாக குறைந்து தற்போது ஒரு குவின்டால் ரூ. 1,350 முதல் ரூ. 1,400 வரை மட்டுமே விற்பனை செய்யப்படுகிறது.
 ஒரு ஏக்கரில் சராசரியாக 25 குவின்டால் மக்காச்சோளம் விளைச்சல் கிடைக்கும். இதற்கு மருந்துடன் சேர்த்து சுமார் ரூ. 60,000 செலவாகிறது. ஆனால் தற்போது விலை சரிவு காரணமாக விவசாயிக்கு ஏக்கருக்கு சுமார் ரூ. 40,000 நஷ்டம் ஏற்படுகிறது. இதனால் மக்காச்சோளம் பயிரிட்ட பெரும்பாலான விவசாயிகள் 40 சதவீதம் விளைச்சலை இருப்பு வைத்துள்ளனர். நெல்லைப் போன்று மக்காச்சோளத்தையும் அரசே கொள்முதல் செய்ய வேண்டும் என விவசாயிகள் தற்போது கோரிக்கை விடுத்துள்ளனர்.
 கரோனா குறித்து விழிப்புணர்வு ஏற்படுத்த வேண்டும்:

இதுகுறித்து கட்சி சார்பற்ற தமிழக விவசாயிகள் சங்கத்தின் திருப்பூர் மாவட்டத் தலைவர் எம்.ஈஸ்வரன் கூறியதாவது:
 கோழிப்பண்ணைத் தொழிலைக் காப்பதற்கு கரோனா, பறவைக் காய்ச்சல் குறித்து தவறான தகவல்களைப் பரப்பும் நபர்கள் மீது அரசு நடவடிக்கை எடுக்க வேண்டும். மேலும், கறிக்கோழிகளில் இருந்து கரோனா பரவாது என்ற விழிப்புணர்வையும் பொதுமக்களிடம் தமிழக அரசு ஏற்படுத்த வேண்டும் என்றார்.
 அரசே கொள்முதல் செய்ய வேண்டும்:


 தமிழ்நாடு விவசாயிகள் சங்கத்தின் மாநில துணைத் தலைவரும், திருப்பூர் மாவட்டத் தலைவருமான எஸ்.ஆர்.மதுசூதனன் கூறியதாவது:
 தற்போது கரோனா வைரஸ் பீதியால் ஒரு குவின்டால் ரூ. 1,400க்கு மட்டுமே விற்பனை செய்யப்படுகிறது. அதேவேளையில் மக்காச்சோளத்தில் இருந்து தயாரிக்கப்படும் மாட்டுத் தீவனங்களின் விலை குறையவில்லை. பயிரிடப்பட்டுள்ள மக்காச்சோளத்தில் 60 சதவீதத்தை விவசாயிகள் தற்போது விற்பனை செய்துவிட்டனர். ஆனால் மீதமுள்ள 40 சதவீத மக்காச்சோளத்துக்கு போதிய விலை கிடைக்காததால் இருப்பு வைத்துள்ளனர். இந்த மக்காச்சோளத்தை அரசே கொள்முதல் செய்து விவசாயிகளைப் பாதுகாக்க வேண்டும் என்றார்.
 - ஏ. குணசேகரன்
 
 

]]>
https://images.dinamani.com/uploads/user/imagelibrary/2020/3/15/w600X390/CHICKENPRICE.jpg https://www.dinamani.com/business/2020/mar/16/கரோனா-வைரஸ்-எதிரொலி-ரூ-14-கோடி-மதிப்பிலான-கறிக்கோழிகள்-தேக்கம்-3382207.html
3382181 வர்த்தகம் கரோனா அச்சுறுத்தல்: முடங்கியது கரூர் ஜவுளி வர்த்தகம் DIN DIN Monday, March 16, 2020 01:02 PM +0530 உலகையே அச்சுறுத்திக் கொண்டிருக்கும் கரோனா வைரஸ் தொற்று கரூர் ஜவுளி வர்த்தகத்தையும் விட்டுவைக்கவில்லை. கரோனா அச்சம் காரணமாக கரூர் ஜவுளித் தொழில் முற்றிலும் முடங்கியுள்ளது. பல ஆயிரம் கோடி ரூபாய் மதிப்பிலான சரக்குகள் தேக்கம் அடைந்துள்ளதால் உற்பத்தியாளர்கள் அச்சத்தில் உள்ளனர்.
 வீட்டு உபயோக ஜவுளி ஏற்றுமதியில் கரூருக்கு என்றென்றும் தனியொரு இடமுண்டு. இங்கு உற்பத்தி செய்யப்படும் திரைச்சீலை, அலங்கார குஷன்கள், மேஜை விரிப்புகள், சமையல் அறைகளுக்கு பயன்படுத்தப்படும் ஏப்ரான்கள், கால் மிதியடிகள், கையுறைகள், கைக்குட்டைகள் உள்ளிட்டவை நேர்த்தியாகவும், தரமாகவும் தயாரிக்கப்படுவதால், ஐரோப்பிய நாடுகளான இத்தாலி, ஸ்பெயின், கிரீஸ், ஜெர்மனி, குரோஷியா போன்ற நாடுகளில் கரூர் ஜவுளிப் பொருள்களுக்கு எப்போதும் தனி மவுசு உள்ளது. ஐரோப்பிய நாடுகளைத் தவிர, அமெரிக்கா, தென் அமெரிக்கா, ஜப்பான், ஸ்வீடன், கனடா ஆகிய நாடுகளுக்கும் கரூரில் இருந்து அதிகளவில் வீட்டு உபயோக ஜவுளிகள் ஏற்றுமதியாகின்றன.
 ஆண்டுக்கு ரூ.2,500 கோடி முதல் ரூ.3,000 கோடி வரை இந்திய நாட்டுக்கு அந்நிய செலாவணியை ஈட்டித் தரும் இந்தத் தொழில் தற்போது ஆட்டம் கண்டுள்ளது. கரோனா வைரஸ் தொற்று பரவலால் உலக மக்கள் பீதியடைந்திருக்கும் நிலையில், இந்த பீதி கரூர் ஜவுளி உற்பத்தியாளர்களையும் தொற்றியுள்ளது. காரணம், கரூரில் இருந்து அதிக அளவில் வீட்டு உபயோக ஜவுளியை கொள்முதல் செய்யும் நாடுகளான இத்தாலி, அமெரிக்கா, ஸ்பெயின், ஜெர்மனி, பிரான்ஸ், நார்வே, ஸ்வீடன், ஆஸ்திரேலியா, கிரீஸ், கனடா, பின்லாந்து ஆகிய நாடுகளில் கரோனா கடும் பாதிப்பை ஏற்படுத்தியுள்ளது.
 ஜவுளி உற்பத்தியில் இந்தியாவுக்கு பெரும் சவாலாக இருந்த சீனா தனது நாட்டின் பல்வேறு இடங்களில் அனைத்து உற்பத்தி ஆலைகளையும் மூடிவிட்டது. இதை பயன்படுத்தி இந்தியா பொருளாதாரத்தில் உயர வாய்ப்புள்ளதாக கணிக்கப்பட்ட நிலையில், தற்போது அதற்கான வாயிலும் மூடப்பட்டுவிட்டது போன்ற தோற்றம் ஏற்பட்டுவிட்டிருக்கிறது.
 கரோனா வைரஸ் பரவலால் இத்தாலி, ஜெர்மனி உள்ளிட்ட பல நாடுகள் வெளிநாடுகளுக்கான ஏற்றுமதி, இறக்குமதியை தற்காலிகமாக நிறுத்திவைத்துள்ளன. இதனால், கரூரில் தயாராகும் வீட்டு உபயோக ஜவுளியும் ஏற்றுமதி செய்வதற்கு முடியாமல், பல கோடி ரூபாய் மதிப்பிலான சரக்குகள் தேக்கம் கண்டு, இந்தத் தொழிலை நம்பியிருக்கும் லட்சக்கணக்கான தொழிலாளர்களும் வேலைவாய்ப்பை இழந்து வருகின்றனர்.
 இதுதொடர்பாக கரூர் ஜவுளி ஏற்றுமதியாளர் சங்கத்தின் ஆர். ஸ்டீபன்பாபு கூறியது:
 ஆண்டுதோறும் மார்ச், ஏப்ரல் மாதங்களில் வழக்கத்தைவிட, கரூர் ஜவுளி ஏற்றுமதி அதிகரித்து காணப்படும். காரணம், ஜனவரி மாதம் ஜெர்மனியின் பிராங்க்பர்ட் நகரில் நடைபெறும் ஜவுளி கண்காட்சியில் கரூரைச் சேர்ந்த ஜவுளி ஏற்றுமதியாளர்கள் அதிகளவில் பங்கேற்போம். அங்கு அரங்குகள் அமைத்து, உற்பத்திக்கான ஆர்டர்களை அதிகளவில் பெறுவோம். இதனிடையே, நிகழாண்டு ஜெர்மனியில் கண்காட்சி நடைபெற்றபோது, சீனாவில் மட்டும்தான் கரோனா வைரஸின் தாக்கம் இருந்தது. இதன் காரணமாக, அக்கண்காட்சியில் சீன நாட்டவர்கள் பங்கேற்றபோதும், அவர்களுக்கு ஆர்டர்கள் கிடைக்கவில்லை.
 சீனாவுக்கு அடுத்தபடியாக வியாபாரிகள் அதிகம் நம்பும் நாடுகளில் ஒன்றான இந்தியாவுக்குத்தான் அந்த கண்காட்சியில் அதிகளவில் ஆர்டர்கள் கிடைத்தன.
 ஒரு நபருக்கு ரூ. 400 கோடி வரை ஆர்டர் கிடைத்தது குறிப்பிடத்தக்கது. இதனால், வழக்கத்தைவிட மகிழ்ச்சியில் இருந்தோம். இதனால், ஆர்டர் கிடைத்த இருமாதங்களுக்குள் எங்களது ஆர்டருக்கு ஏற்ற துணிகளை உற்பத்தி செய்து, அதில் 75 சதவீதத்துக்கும் மேல் கப்பல்களில் அனுப்பிவிட்டோம். ஆனால், இப்போது கரோனா வைரஸால் பல நாடுகளும் பாதிக்கப்பட்டுள்ளன. இந்த நாடுகள், வெளிநாடுகளைச் சேர்ந்த கப்பல், விமானப் போக்குவரத்தை அடியோடு துண்டித்துவிட்டதால், சரக்குகளை ஏற்றிச் சென்ற கப்பல்கள், அந்நாடுகளின் துறைமுகத்தில்தான் நிற்கின்றன. ஆனால், அவற்றை இறக்குவதற்கு அங்கு யாரும் இல்லை. மேலும், அங்குள்ள ஜவுளி கொள்முதல் நிறுவனங்கள், சில்லறையாக ஜவுளியை விற்பனை செய்யும் நிறுவனங்கள் 90 சதவீதம் மூடப்பட்டு விட்டன. மேலும், வரும் திங்கள்கிழமை முதல் வங்கிகளையும் மூட அந்நாடுகள் முடிவெடுத்துள்ளன. ஊரடங்கு உத்தரவு போன்ற சூழ்நிலை அங்கு நிலவுவதால், பல ஆயிரம் கோடி ரூபாய் மதிப்பிலான சரக்குகள் அந்த நாடுகளின் எல்லைக்குள் சென்றும், நகருக்குள் செல்ல வழியின்றி தேக்கம் கண்டுள்ளன. இதனால், கரூரில் பெரும்பாலான உற்பத்தியாளர்கள் தற்காலிகமாக கடந்த வாரம் முதல் உற்பத்தியை நிறுத்திவைத்துள்ளனர். உற்பத்தி தற்காலிகமாக நிறுத்தி வைக்கப்பட்டுள்ளதால், ஜவுளி உற்பத்தியில் ஈடுபட்டிருந்த சாய, சலவைத் தொழிலாளர்கள், நூல் உற்பத்தியாளர்கள், தையல் தொழிலாளர்கள் என ஜவுளித் தொழிலோடு சார்ந்த மற்ற தொழில்களைச் சேர்ந்த தொழிலாளர்களும் என லட்சக்கணக்கான தொழிலாளர்கள் வேலைவாய்ப்பை இழந்துள்ளனர்.
 ஏற்கெனவே, ஜிஎஸ்டி, பண வீக்கம், அடிக்கடி நூல்விலை உயர்வு போன்றவற்றால் ஆட்டம் கண்டிருந்த இந்தத் தொழில் தற்போது கரோனாவைல் மேலும் ஆட்டம் கண்டுள்ளது. கரோனா வைரஸ் மனிதர்களை மட்டும் பலி வாங்கவில்லை; தொழில்களையும், அதை சார்ந்து இருப்போரையும் பலி வாங்கிக் கொண்டிருக்கிறது. கரோனாவை நிரந்தரமாக குணப்படுத்தும் மருந்துகள் கண்டுபிடிக்கப்பட்டு, நோய்த் தொற்றின் பரவலை கட்டுப்படுத்தி, இந்நோய் பரவாமல் இருக்க உரிய நடவடிக்கை எடுத்தால் மட்டுமே கரூர் ஜவுளித் தொழிலையும் காப்பாற்ற முடியும் என்றார் அவர்.
 - அ. அருள்ராஜ்

]]>
https://images.dinamani.com/uploads/user/imagelibrary/2020/3/15/w600X390/karur.jpg https://www.dinamani.com/business/2020/mar/16/கரோனா-அச்சுறுத்தல்-முடங்கியது-கரூர்-ஜவுளி-வர்த்தகம்-3382181.html
3381525 வர்த்தகம் ஏழு மாதங்களில் முதல் முறையாக ஏற்றுமதியில் முன்னேற்றம் DIN DIN Sunday, March 15, 2020 12:00 AM +0530 இந்தியாவின் ஏற்றுமதி ஏழு மாதங்களில் முதல் முறையாக சென்ற பிப்ரவரியில் முன்னேற்றத்தைக் கண்டுள்ளது.

இதுகுறித்து மத்திய வா்த்தக அமைச்சகம் கூறியுள்ளதாவது:

பெட்ரோலியம், பொறியியல், ரசாயனப் பொருள்களின் ஏற்றுமதி சிறப்பாக வளா்ச்சி கண்டதையடுத்து ஏழு மாதங்களில் முதல் முறையாக பிப்ரவரியில் நாட்டின் ஏற்றுமதி 2.91 சதவீதம் வளா்ச்சி கண்டு 2,765 கோடி டாலராக (ரூ.1.97 லட்சம் கோடி) இருந்தது. அதேபோன்று ஒன்பது மாதங்களில் முதல் முறையாக பிப்ரவரியில் இறக்குமதியும் 2.48 சதவீதம் அதிகரித்து 3,750 கோடி டாலராக (ரூ.2.68 லட்சம் கோடி) காணப்பட்டது.

நடப்பாண்டு பிப்ரவரியில் வா்த்தக பற்றாக்குறை 985 கோடி டாலராக அதிகரிப்பைக் கண்டுள்ளது. இது, கடந்த 2019-ஆம் ஆண்டு பிப்ரவரியில் 972 கோடி டாலராக காணப்பட்டது.கடந்த 12 மாதங்களில் வா்த்தக பற்றாக்குறையானது நடப்பாண்டு பிப்ரவரியில்தான் மிக குறைந்த அளவில் காணப்பட்டது. இதற்கு முன்பு கடந்த ஆண்டு பிப்ரவரியில்தான் வா்த்தக பற்றாக்குறை மிகவும் குறைந்திருந்தது.

கடந்தாண்டு ஜூன் மாதத்திலிருந்து இறக்குமதி எதிா்மறை வளா்ச்சியை கண்டு வருகிறது. சென்ற பிப்ரவரியில் தங்கம் இறக்குமதி 8.5 சதவீதம் குறைந்து 236 கோடி டாலராக இருந்தது.

நறுமணப் பொருள்கள், முந்திரி, எண்ணெய் வித்துக்கள், கடல் உணவுப் பொருள்கள், இரும்புத் தாது, மருந்து, தரைவிரிப்பு, கைவினைப் பொருள்கள் ஆகியவற்றின் ஏற்றுமதி வளா்ச்சி சாதகமான நிலையில் காணப்பட்டன.

சென்ற பிப்ரவரியில் எண்ணெய் இறக்குமதி 14.26 சதவீதம் அதிகரித்து 1,076 கோடி டாலராக இருந்தது. அதேசமயம் எண்ணெய் சாரா பொருள்கள் இறக்குமதி 1.6 சதவீதம் குறைந்து 2,674 கோடி டாலராக காணப்பட்டது.

நடப்பு நிதியாண்டின் ஏப்ரல் முதல் பிப்ரவரி வரையிலான காலகட்டத்தில் ஏற்றுமதி 1.5 சதவீதம் குறைந்து 29,291 கோடி டாலரானது. இதே காலகட்டத்தில் இறக்குமதி 7.30 சதவீதம் குறைந்து 43,600 கோடி டாலராக காணப்பட்டது. இதையடுத்து, நாட்டின் வா்த்தக பற்றாக்குறை 14,312 கோடி டாலராக இருந்தது என மத்திய வா்த்தக அமைச்சகம் தெரிவித்துள்ளது.

இது தொடா்பாக மத்திய வா்த்தக மற்றும் தொழில்துறை அமைச்சா் பியூஷ் கோயல் சுட்டுரை பதிவில் கூறியுள்ளதாவது:

உலக சூழ்நிலை கடினமாக உள்ள போதிலும், இந்தியாவின் ஏற்றுமதி ஆறு மாத கால இடைவெளிக்குப் பிறகு முன்னேற்றப் பாதையைத் தொட்டுள்ளது. மின்னணு சாதனங்கள் மற்றும் ரசாயனப் பொருள்கள் ஏற்றுமதி முறையே 37 சதவீதம் மற்றும் 16 சதவீதம் வளா்ச்சி கண்டது என பியூஷ் கோயல் அந்தப் பதிவில் தெரிவித்துள்ளாா்.

இதனிடையே, நாட்டின் சேவைகள் ஏற்றுமதி ஜனவரியில் 1,900 கோடி டாலராகவும், இறக்குமதி 1,200 கோடி டாலராகவும் இருந்ததாக ரிசா்வ் வங்கி தெரிவித்துள்ளது.

]]>
https://images.dinamani.com/uploads/user/imagelibrary/2020/3/14/w600X390/expr073201.jpg https://www.dinamani.com/business/2020/mar/15/ஏழு-மாதங்களில்-முதல்-முறையாக-ஏற்றுமதியில்-முன்னேற்றம்-3381525.html
3381498 வர்த்தகம் ரூ.2,100 கோடி மூலதனம் திரட்ட திட்டம்: ஏஏஐ DIN DIN Sunday, March 15, 2020 12:00 AM +0530 ஏா்போா்ட்ஸ் அத்தாரிட்டி ஆஃப் இந்தியா (ஏஏஐ) வெளிநாட்டு வா்த்தக கடன் மூலம் ரூ.2,100 கோடியை (30 கோடி டாலா்) திரட்ட திட்டமிட்டுள்ளது.

இதுகுறித்து ஏஏஐ தலைவா் அா்விந்த் சிங் கூறியுள்ளதாவது:

நடப்பு ஆண்டில் தொடங்கி அடுத்த ஐந்து ஆண்டுகளுக்கு விமான நிலை ஆபரேட்டா்கள் ரூ.5,000 கோடி மூலதனத்தை செலவிடவுள்ளனா். விரிவாக்க நடவடிக்கைகளுக்கு தேவையான மூலதனத்தை வெளிநாட்டு வா்த்தக கடன் மூலமாக குறைந்த வட்டியில் திரட்டிக் கொள்ள திட்டமிடப்பட்டுள்ளது. இதனுடன், உடான் திட்டத்தின் மூலமாக மத்திய அரசிடமிருந்தும் நிதி கிடைக்கும். இந்த திட்டத்தின் கீழ் விமான நிலையங்களை கட்டமைக்க ரூ.4,500 கோடியை மத்திய அரசு ஒதுக்கீடு செய்துள்ளது.

வெளிநாட்டு வா்த்தக கடன் மூலம் நிதி திரட்டும் நடவடிக்கை அடுத்த நிதியாண்டில் தொடங்கும். முதல் கட்டமாக முதல் கட்டமாக 30 கோடி டாலா் திரட்டிக் கொள்ளும் திட்டத்துக்கு இயக்குநா் குழு ஏற்கெனவே தனது ஒப்புதலை தெரிவித்துள்ளது என்றாா் அவா்.

]]>
https://images.dinamani.com/uploads/user/imagelibrary/2020/3/14/w600X390/air082541.jpg https://www.dinamani.com/business/2020/mar/15/ரூ2100-கோடி-மூலதனம்-திரட்ட-திட்டம்-ஏஏஐ-3381498.html
3381499 வர்த்தகம் அந்நியச் செலாவணி கையிருப்பு 48,723 கோடி டாலராக அதிகரிப்பு DIN DIN Sunday, March 15, 2020 12:00 AM +0530 நாட்டின் அந்நியச் செலாவணி கையிருப்பு மாா்ச் 6-ஆம் தேதியுடன் முடிவடைந்த வாரத்தில் 48,723 கோடி டாலராக அதிகரித்துள்ளது.

இதுகுறித்து ரிசா்வ் வங்கி வெளியிட்ட புள்ளிவிவரத்தில் தெரிவித்துள்ளதாவது:

இந்தியாவின் அந்நியச் செலாவணி கையிருப்பு மாா்ச் 6-ஆம் தேதியுடன் நிறைவடைந்த வாரத்தில் 569 கோடி டாலா் அதிகரித்து முன்னெப்போதும் இல்லாத வகையில் 48,723 கோடி டாலரை எட்டியுள்ளது.

இதற்கு முந்தைய வாரத்தில், அந்நியச் செலாவணி கையிருப்பானது 542 கோடி டாலா் ஏற்றம் கண்டு 48,154 கோடி டாலராக காணப்பட்டது.

ஒட்டுமொத்த கையிருப்பில் முக்கிய அங்கமாக இருக்கும் அந்நியச் செலாவணி சொத்து மதிப்பு கணக்கீட்டு வாரத்தில் 531 கோடி டாலா் உயா்ந்து 45,113 கோடி டாலராக இருந்தது. தங்கத்தின் கையிருப்பு மதிப்பும் 32 கோடி டாலா் அதிகரித்து 3,100 கோடி டாலராக காணப்பட்டது.

சா்வதேச நிதியத்தில் எஸ்டிஆா் 1.5 கோடி டாலா் உயா்ந்து 144 கோடி டாலராகவும், நாட்டின் கையிருப்பு நிலை 5 கோடி டாலா் அதிகரித்து 365 கோடி டாலராகவும் இருந்தது என ரிசா்வ் வங்கி புள்ளிவிவரத்தில் தெரிவித்துள்ளது.

]]>
https://images.dinamani.com/uploads/user/imagelibrary/2020/3/14/w600X390/foe065532.jpg https://www.dinamani.com/business/2020/mar/15/அந்நியச்-செலாவணி-கையிருப்பு-48723-கோடி-டாலராக-அதிகரிப்பு-3381499.html
3381340 வர்த்தகம் முகக் கவசம், கையுறை மற்றும் சானிடைசர் அத்தியாவசியப் பொருள்களாக அறிவிப்பு DIN DIN Saturday, March 14, 2020 02:35 PM +0530  

கரோனா வைரஸ் நோய் தொற்று எதிரொலியாக பாதுகாப்புக்காகப் பயன்படுத்தப்படும் முகக் கவசம், கையுறை மற்றும் கைகளை சுத்தப்படுத்தப் பயன்படுத்தப்படும் கிருமி நாசினி (சானிடைசர்) ஆகியவற்றை அத்தியாவசியப் பொருள்களாக மத்திய அரசு அறிவித்துள்ளது.

கசுகாதார முன்னெச்சரிக்கை நடவடிக்கையாக பயன்படுத்தப்படும் இந்தப் பொருள்களுக்கு சில இடங்களில் தட்டுப்பாடு ஏற்பட்டுள்ளது. 

இந்த நிலையில், முகக் கவசம், கையுறை மற்றும் கைகளை சுத்தப்படுத்தப் பயன்படுத்தப்படும் கிருமி நாசினி (சானிடைசர்) ஆகியவற்றை அடுத்த 100 நாள்களுக்கு அதாவது ஜூன் 30, 2020 வரை அத்தியாவசியப் பொருள்களாக மத்திய அரசு அறிவித்துள்ளது. மேலும் அதனுடன் பேரிடர் மேலாண்மை விதிகளையும் அமல்படுத்தியுள்ளது.

இதன்மூலம் குறிப்பிட்ட பொருள்களின் உற்பத்தி, விநியோகம் மற்றும் விலை ஆகியவற்றை ஒழுங்குமுறைப்படுத்த மாநில அரசுகள் நடவடிக்கை எடுக்க வேண்டும். இவற்றைப் பதுக்கவோ, கள்ளச்சந்தையில் விற்கவோ முடியாது என்று அந்த உத்தரவில் நுகர்வோர் நலத்துறை அமைச்சகம் தெரிவித்துள்ளது.

]]>
coronavirus, essential commodities https://images.dinamani.com/uploads/user/imagelibrary/2020/3/2/w600X390/Coronavirus_test.jpg https://www.dinamani.com/business/2020/mar/14/coronavirus-sanitizers-masks-gloves-declared-as-essential-commodities-for-the-next-100-days-by-gover-3381340.html
3381326 வர்த்தகம் பெட்ரோல் மற்றும் டீசல் விலை உயருகிறது: கலால் வரி லிட்டருக்கு ரூ. 3 அதிகரிப்பு DIN DIN Saturday, March 14, 2020 11:07 AM +0530 உலகம் முழுவதும் பெட்ரோல், டீசல் விலைகள் குறைந்துகொண்டிருக்கும் நிலையில் இந்தியாவில் பெட்ரோல், டீசல் விலைகள் உயருகிறது.

பெட்ரோல் மற்றும் டீசல் மீதான கலால் வரி, சனிக்கிழமை முதல் லிட்டருக்கு ரூ.3 உயர்த்தப்பட்டுள்ளது. 

மேலும், பெட்ரோல் மீதான சிறப்பு கலால் வரி லிட்டருக்கு ரூ. 2  முதல் ரூ. 8 ஆகவும், டீசல் ரூ.4 ஆகவும் உயர்த்தப்பட்டதாக அதிகாரப்பூர்வ அறிவிப்பில் தெரிவிக்கப்பட்டுள்ளது.

கூடுதலாக, பெட்ரோல் மற்றும் டீசல் மீதான செஸ் வரி ஒரு லிட்டருக்கு ரூ. 1-ல் இருந்து ரூ. 10ஆக அதிகரிக்கப்பட்டுள்ளது.

கலால் வரியின் அதிகரிப்பு காரணமாக பெட்ரோல் மற்றும் டீசல் விலைகள் உயரும்.. இருப்பினும் சர்வதேச அளவிலான கச்சா எண்ணெய் விலை வீழ்ச்சியால் ஏற்படும் விகிதங்களின் வீழ்ச்சிக்கு எதிராக சரிசெய்ய இந்த நடவடிக்கை எடுக்கப்படுகிறது.

]]>
Petrol and diesel , Excise duty https://images.dinamani.com/uploads/user/imagelibrary/2016/11/15/w600X390/petrol__diesel.jpg https://www.dinamani.com/business/2020/mar/14/excise-duty-on-both-petrol-and-diesel-increased-by-rs-3-per-litre-3381326.html
3380777 வர்த்தகம் பொருளாதார மந்த நிலையால்மோட்டாா் வாகன விற்பனை 19.08% சரிவு DIN DIN Saturday, March 14, 2020 12:00 AM +0530 பொருளாதார மந்த நிலையால் உள்நாட்டில் மோட்டாா் வாகன விற்பனை பிப்ரவரி மாதத்தில் 19.08 சதவீதம் சரிந்துள்ளதாக இந்திய மோட்டாா் வாகன தயாரிப்பாளா்கள் சங்கம் (எஸ்ஐஏஎம்) வெள்ளிக்கிழமை தெரிவித்தது.

இதுகுறித்து அந்த சங்கம் மேலும் கூறியுள்ளதாவது:

பொருளாதார மந்த நிலை மோட்டாா் வாகன தேவையில் தொடா்ந்து பாதிப்பை ஏற்படுத்தி வருகிறது. இந்த நிலையில், பிஎஸ்-6 தர நிா்ணயத்துக்கு மாறவுள்ளதையடுத்து பிஎஸ்-4 ரக வாகனங்கள் தயாரிப்பு கணிசமாக குறைக்கப்பட்டதும் பிப்ரவரி மாத மோட்டாா் வாகன விற்பனை சரிவுக்கு வகுத்தது.

நடப்பாண்டு பிப்ரவரியில் ஒட்டுமொத்த மோட்டாா் வாகன விற்பனை 16,46,332-ஆக இருந்தது. இது, கடந்த 2019 பிப்ரவரியில் விற்பனையான 20,34,597 வாகனங்களுடன் ஒப்பிடுகையில் 19.08 சதவீதம் குறைவாகும்.

உள்நாட்டு பயணிகள் வாகன விற்பனை 2,72,243 என்ற எண்ணிக்கையிலிருந்து 7.61 சதவீதம் சரிந்து 2,51,516-ஆனது. காா் விற்பனை 8.77 சதவீதம் குறைந்து 1,56,285-ஆக இருந்தது.

சந்தையில் முதலிடத்தில் உள்ள மாருதி சுஸுகி இந்தியாவின் பயணிகள் வாகன விற்பனை 2.34 சதவீதம் குறைந்து 1,33,702-ஆனது. அதற்கு போட்டியாளராக கருதப்படும் ஹுண்டாய் மோட்டாா் இந்தியா நிறுவனத்தின் காா் விற்பனையும் பிப்ரவரியில் 7.19 சதவீதம் சரிந்து 40,010-ஆக காணப்பட்டது. சந்தைக்கு புதிய வரவான கியா மோட்டாா்ஸ் 15,644 காா்களை விற்று மூன்றாவது இடத்தில் இருந்தது.

மதிப்பீட்டு மாதத்தில் மொத்த இருசக்கர வாகன விற்பனை 19.82 சதவீதம் சரிந்து 12,94,791-ஆக இருந்தது. சந்தையில் முதலிடத்தில் உள்ள ஹீரோ மோட்டோகாா்ப் இருசக்கர வாகன விற்பனை 20.05 சதவீதம் வீழ்ச்சியடைந்து 4,80,196-ஆக இருந்தது. அதற்குப் போட்டியான ஹோண்டா மோட்டாா்சைக்கிள் & ஸ்கூட்டா் இந்தியா விற்பனை 22.83 சதவீதம் குறைந்து 3,15,285-ஆனது.

அதேபோன்று சென்னையைச் சோ்ந்த டிவிஎஸ் மோட்டாா் விற்பனையும் 26.73 சதவீதம் பாதிக்கப்பட்டு 1,69,684-ஆனது.

ஒட்டுமொத்த மோட்டாா்சைக்கிள் விற்பனை பிப்ரவரி மாதத்தில் 22.02 சதவீதத்திலிருந்து குறைந்து 8,16,679-ஆக இருந்தது. ஸ்கூட்டா் விற்பனை 14.27 சதவீதம் சரிந்து 4,22,310-ஆனது.

வா்த்தக வாகனங்கள் விற்பனையும் 87,436-லிருந்து 32.9 சதவீதம் வீழ்ச்சியடைந்து 58,670-ஆனது.

சீனாவிலிருந்து மோட்டாா் வாகன உதிரிபாகங்களின் வரத்து தடைபட்டுள்ளது நிறுவனங்களின் உற்பத்தி திட்டங்களில் தாக்கத்தை ஏற்படுத்தியுள்ளது. அதற்கு தீா்வு காணும் வகையில் மத்திய அரசு எடுத்து வரும் நடவடிக்கைகள் வரவேற்புக்குரியது என எஸ்ஐஏஎம் தெரிவித்துள்ளது.

]]>
https://images.dinamani.com/uploads/user/imagelibrary/2020/3/13/w600X390/siam073701.jpg https://www.dinamani.com/business/2020/mar/14/பொருளாதார-மந்த-நிலையால்மோட்டாா்-வாகன-விற்பனை-1908-சரிவு-3380777.html
3380778 வர்த்தகம் ஐஓசி நிறுவனம்: இடைக்கால ஈவுத்தொகை அறிவிப்பு DIN DIN Saturday, March 14, 2020 12:00 AM +0530 பொதுத் துறையைச் சோ்ந்த இந்தியன் ஆயில் காா்ப்பரேஷன் (ஐஓசி) நிறுவனம், இடைக்கால ஈவுத்தொகையாக பங்கு ஒன்றுக்கு ரூ.4.25 வழங்குவதாக வெள்ளிக்கிழமை அறிவித்தது.

இதுகுறித்து அந்த நிறுவனம் மும்பை பங்குச் சந்தையிடம் கூறியுள்ளதாவது:

ஐஓசி நிறுவனத்தின் இயக்குநா் குழு கூட்டம் வெள்ளிக்கிழமை நடைபெற்றது. இதில், பங்குதாரா்களுக்கு 42.50 சதவீத இடைக்கால ஈவுத்தொகை வழங்குவதென முடிவெடுத்து அறிவிக்கப்பட்டது.

இதன் மூலம் நடப்பு 2019-20-ஆம் நிதியாண்டுக்கு ரூ.10 முகமதிப்பு கொண்ட பங்கு ஒன்றுக்கு ரூ.4.25 இடைக்கால ஈவுத்தொகையாக கிடைக்கும்.

ஐஓசி நிறுவனத்தின் மத்திய அரசு 51.50 சதவீத பங்கு மூலதனத்தைக் கொண்டுள்ளதால் அதற்கு ஈவுத்தொகை வகையில் ரூ.2,060 கோடி கிடைக்கும். இதுதவிர, மத்திய அரசுக்கு வரி வருவாயும் கிடைக்கும்.

நடப்பாண்டு மாா்ச் 31-க்கு முன்பாக பங்குதாரா்களின் கணக்குகளில் ஈவுத்தொகை வரவு வைக்கப்படும் என ஐஓசி தெரிவித்துள்ளது.

]]>
https://images.dinamani.com/uploads/user/imagelibrary/2020/3/13/w600X390/ioc053039.jpg https://www.dinamani.com/business/2020/mar/14/ஐஓசி-நிறுவனம்-இடைக்கால-ஈவுத்தொகை-அறிவிப்பு-3380778.html
3380779 வர்த்தகம் பங்குச் சந்தையில் திடீா் முன்னேற்றம்: சென்செக்ஸ் 1,325 புள்ளிகள் அதிகரிப்பு DIN DIN Saturday, March 14, 2020 12:00 AM +0530 இந்தியப் பங்குச் சந்தைகளில் வாரத்தின் கடைசி வா்த்தக தினமான வெள்ளிக்கிழமை நடைபெற்ற வா்த்தகம் பெரும் சரிவுக்கு பிறகு ஏற்றத்துடன் நிறைவடைந்தது.

சா்வதேச சந்தை நிலவரங்களின் சாதகமற்ற சூழலால் வா்த்தகத்தின் தொடக்கத்தின் ஒரு கட்டத்தில் சென்செக்ஸ் 3,400 புள்ளிகளுக்கும் மேல் வீழ்ச்சியடைந்து முதலீட்டாளா்களை அதிா்ச்சிக்குள்ளாக்கியது. சந்தை 10 சதவீதத்துக்கும் மேலாக வீழ்ச்சியடைந்ததையடுத்து அதனை கட்டுப்படுத்தும் விதமாக 12 ஆண்டுகளில் முதல் முறையாக பங்குச் சந்தையில் வா்த்தகம் 1 மணி நேரம் 45 நிமிடங்கள் நிறுத்தி வைக்கப்பட்டது.

இதற்கு முன்பு கடந்த 2008 ஜனவரி 22-இல் பங்கு சந்தையில் ஏற்பட்ட வீழ்ச்சியை கட்டுப்படுத்தும் வகையில் வா்த்தகம் தற்காலிகமாக நிறுத்தப்பட்டது.

அந்நிய நிதி நிறுவனங்கள் அதிக அளவில் பங்குகளை விற்று வெளியேறி வருவதையடுத்து இந்தியப் பங்குச் சந்தைகளில் வா்த்தகம் அதிக ஏற்ற இறக்கத்துடன் காணப்படுகிறது. கடந்த ஐந்து வா்த்தக தினங்களில் மட்டும் ரூ.16,000 கோடி அளவுக்கு பங்குகளை விற்பனை செய்துள்ளதாக புள்ளிவிவரங்கள் தெரிவிக்கின்றன.

முன்னணி நிறுவனப் பங்குகளின் விலை குறைவை சாதகமாக பயன்படுத்தி அவற்றை முதலீட்டாளா்கள் வாங்கியதையடுத்து சந்தைகள் ஏற்றம் பெறத் தொடங்கியது. மேலும், அமெரிக்க மற்றும் இதர உலக நாடுகள் ஊக்குவிப்பு சலுகைகளை வழங்கும் என்ற எதிா்பாா்ப்பும் பங்குச் சந்தை ஏற்றத்துக்கு வலு சோ்த்தது.

எஸ்பிஐ பங்கின் விலை 13.87 சதவீதம் உயா்ந்தது. நெஸ்லே, ஏஷியன் பெயின்ட்ஸ், ஹெச்சிஎல் டெக் பங்குகள் 4.12 சதவீதம் வரை விலை குறைந்தன.

மும்பை பங்குச் சந்தையில் வெள்ளிக்கிழமை நடைபெற்ற வா்த்தகத்தில் சென்செக்ஸ் 1,325 புள்ளிகள் உயா்ந்து 34,103 புள்ளிகளாக நிலைத்தது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 365 புள்ளிகள் அதிகரித்து 9,955 புள்ளிகளாக நிலைபெற்றது.

ரூபாய் மதிப்பு உயா்வு: கரன்ஸி சந்தையில் போதுமான நிதிப் புழக்கம் இருப்பதை உறுதி செய்ய தேவையான நடவடிக்கைகள் எடுக்கப்படும் என ரிசா்வ் வங்கி உறுதியளித்ததைத் தொடா்ந்து அமெரிக்க டாலருக்கு நிகரான ரூபாய் மதிப்பு வெள்ளிக்கிழமை நடைபெற்ற அந்நியச் செலாவணி சந்தையில் 48 காசுகள் உயா்ந்து 73.80-ஆக காணப்பட்டது.

 

]]>
https://images.dinamani.com/uploads/user/imagelibrary/2020/3/13/w600X390/bse080741.jpg https://www.dinamani.com/business/2020/mar/14/பங்குச்-சந்தையில்-திடீா்-முன்னேற்றம்-சென்செக்ஸ்-1325-புள்ளிகள்-அதிகரிப்பு-3380779.html
3380780 வர்த்தகம் நிதி நிலை ஸ்திரத் தன்மையுடன் உள்ளது: லக்ஷ்மி விலாஸ் வங்கி DIN DIN Saturday, March 14, 2020 12:00 AM +0530 தனியாா் துறையைச் சோ்ந்த லக்ஷ்மி விலாஸ் வங்கி அதன் நிதி நிலை ஸ்திரத்தன்மையுடன் உள்ளதாக தெரிவித்துள்ளது.

இதுகுறித்து அந்த வங்கி வெளியிட்ட அறிக்கையில் கூறியுள்ளதாவது:

ஒழுங்காற்று அமைப்பு பரிந்துரைத்த அளவைக் காட்டிலும் ஒப்பீட்டளவில் லக்ஷ்மி விலாஸ் வங்கியின் லிக்விடிட்டி கவரேஜ் விகிதம் மிகச் சிறப்பாகவே உள்ளது. மேலும் வாராக் கடன் வசூல் நடவடிக்கைகளும் வேகமாக மேற்கொள்ளப்பட்டு வருகின்றன. அதன் காரணமாக, கடந்த டிசம்பா் காலாண்டில் வாராக் கடன் அளவு ஓரளவு குறைந்துள்ளது.

வாடிக்கையாளா்களின் வைப்பு நிதி பாதுகாப்பாக உள்ளது. நடைமுறையிலிருக்கும் விதிமுறைகளின்படி மூலதனம் திரட்டும் திட்டங்கள் குறித்து வாடிக்கையாளா்களுக்கு தெரியப்படுத்தப்படும் என்று லக்ஷ்மி விலாஸ் வங்கி அந்த அறிக்கையில் கூறியுள்ளது.

]]>
https://images.dinamani.com/uploads/user/imagelibrary/2020/3/13/w600X390/lvb082109.jpg https://www.dinamani.com/business/2020/mar/14/நிதி-நிலை-ஸ்திரத்-தன்மையுடன்-உள்ளது-லக்ஷ்மி-விலாஸ்-வங்கி-3380780.html
3380546 வர்த்தகம் யெஸ் வங்கியில் எஸ்பிஐ ரூ.7,250 கோடி முதலீடு! DIN DIN Friday, March 13, 2020 02:10 PM +0530  

வாராக்கடன் சுமையில் சிக்கியுள்ள யெஸ் வங்கியில் ரூ.7,250 கோடி முதலீடு செய்வதற்கு எஸ்பிஐ வங்கியின் நிா்வாகக் குழு வியாழக்கிழமை ஒப்புதல் வழங்கியது.

தனியாா் வங்கிகளில் ஒன்றான யெஸ் வங்கி வாராக்கடன் சுமையால் பாதிப்புக்கு உள்ளானது. இதைத் தொடா்ந்து அந்த வங்கியின் நிா்வாகத்தை இந்திய ரிசா்வ் வங்கி (ஆா்பிஐ) தனது கட்டுப்பாட்டுக்குள் கொண்டு வந்தது. யெஸ் வங்கியில் சேமிப்புக் கணக்கு வைத்துள்ளவா்கள் ஏப்ரல் மாதம் 3-ஆம் தேதி வரை வங்கிக் கணக்கிலிருந்து அதிகபட்சமாக ரூ.50,000 மட்டுமே எடுக்க முடியும் என்று ஆா்பிஐ கட்டுப்பாடு விதித்தது.

இந்தச் சூழலில் எஸ்பிஐ-யின் நிா்வாகக் குழுக் கூட்டம் மகாராஷ்டிரத் தலைநகா் மும்பையில் புதன்கிழமை நடைபெற்றது. இது தொடா்பாக எஸ்பிஐ சாா்பில் வெளியிடப்பட்ட அறிக்கையில்,

‘யெஸ் வங்கியின் ரூ.10 மதிப்பு கொண்ட 725 கோடி பங்குகளை வாங்குவதற்கு நிா்வாகக் குழுக் கூட்டத்தில் ஒப்புதல் வழங்கப்பட்டது. யெஸ் வங்கியில் அதிகபட்சமாக 49 சதவீதப் பங்குகளில் முதலீடு செய்யும் திட்டத்தில் எந்தவித மாற்றமும் செய்யப்படவில்லை’ என்று குறிப்பிடப்பட்டுள்ளது.

]]>
SBI, State Bank Of India, YES BANK https://images.dinamani.com/uploads/user/imagelibrary/2020/3/13/w600X390/sbi_yes_bank_invest.jpg https://www.dinamani.com/business/2020/mar/13/sbi-to-invest-rs7250-crores-at-yes-bank-3380546.html
3380521 வர்த்தகம் மீண்டும் 3 ஆயிரம் புள்ளிகள் உயர்ந்த சென்செக்ஸ், நிலைபெற்ற நிஃப்டி வர்த்தகம் DIN DIN Friday, March 13, 2020 11:19 AM +0530  

கரோனா வைரஸ் (கொவைட்-19) எதிரொலி காரணமாக இந்திய பங்குச்சந்தைகள் கடும் சரிவுடன் வெள்ளிக்கிழமை தொடங்கி மீண்டும் ஏற்றம் கண்டது.

கரோனா வைரஸ் வேகமாக பரவி வருவதன் பீதி காரணமாக சா்வதேச சந்தைகள் மட்டுமின்றி இந்தியப் பங்குச் சந்தைகளிலும் வா்த்தகம் கடும் வீழ்ச்சி ஏற்பட்டுள்ளது.

மும்பை பங்குச் சந்தையில் தொடா்ந்து கடந்த ஒரு வாரமாக நடைபெற்ற வா்த்தகம் கடும் வீழ்ச்சி கண்டதையடுத்து, வெள்ளிக்கிழமை காலை வர்த்தகம் தொடங்கியதும் சென்செக்ஸ் 3,177 புள்ளிகள் குறைந்து 29,600 புள்ளிகளாக வர்த்தகம் சரிந்தது

அதேபோன்று, தேசிய பங்குச் சந்தை குறியீட்டெண் நிஃப்டி 966 புள்ளிகள் குறைந்து 8,624 புள்ளிகளாக வர்த்தகத்தின் தொடக்கத்திலேயே சரிந்தது. தொடக்க வர்த்தகத்தின் சந்தை மதிப்பு 10 சதவீதத்துக்கும் மேலாக சரிந்த காரணத்தால் 45 நிமிடங்களுக்கு வர்த்தகம் நிறுத்தப்பட்டது.

இந்த நிலையில், வர்த்தகம் மீண்டும் தொடங்கியதும் சென்செக்ஸ் 3,600 புள்ளிகள் ஏற்றம் கண்டு 33 ஆயிரம் புள்ளிகளாக உயர்ந்தது. இதன்மூலம் 250 புள்ளிகள் கூடுதலாக வர்த்தகம் நடைபெற்று வருகிறது. அதுபோன்று தேசிய பங்குச் சந்தையான நிஃப்டியும் 9,600 புள்ளிகளாக ஏற்றம் கண்டு வர்த்தகம் நடைபெற்று வருகிறது.

மேலும் அமெரிக்க டாலருக்கு நிகரான இந்திய ரூபாயின் மதிப்பு சந்தை தொடங்கியதும் ரூ.74.43 ஆக சரிந்தது. இதையடுத்து தற்போது மீண்டும் 40 பைசா அதிகரித்து 74.04 ஆக உயர்ந்தது.

கடந்த 2008-ஆம் ஆண்டு நிதி நெருக்கடி ஏற்பட்ட போது சா்வதேச சந்தைகளில் பங்கு வா்த்தகம் கடும் வீழ்ச்சி கண்டது. அதற்குப் பிறகு சா்வதேச பங்குச் சந்தைகளில் வா்த்தகம் கடந்த ஒரு வாரமாகத் தான் மிக மோசமான நிலையை எட்டியுள்ளது.

இந்த நிலையில், மத்திய நிதியமைச்சர் நிர்மலா சீதாராமன் பிற்பகல் 3 மணியளவில் செய்தியாளர்களை சந்திக்க உள்ளதாக நிதியமைச்சகம் தரப்பில் தெரிவிக்கப்பட்டுள்ளது.

]]>
Sensex, Nifty , coronavirus https://images.dinamani.com/uploads/user/imagelibrary/2020/3/13/w600X390/sensex101146.jpg https://www.dinamani.com/business/2020/mar/13/3600-point-swing-sensex-moves-back-in-the-green-jumps-250-points-nifty-above-9600-us-dollar-at-7404-3380521.html
3380453 வர்த்தகம் கரோனா எதிரொலி: சென்செக்ஸ் 3 ஆயிரம் புள்ளிகள் சரிவு, நிஃப்டி வர்த்தகம் நிறுத்தம் DIN DIN Friday, March 13, 2020 10:08 AM +0530  

கரோனா வைரஸ் (கொவைட்-19) எதிரொலி காரணமாக இந்திய பங்குச்சந்தைகள் மீண்டும் கடும் சரிவுடன் வெள்ளிக்கிழமை தொடங்கியது.

கரோனா வைரஸ் வேகமாக பரவி வருவதன் பீதி காரணமாக சா்வதேச சந்தைகள் மட்டுமின்றி இந்தியப் பங்குச் சந்தைகளிலும் வா்த்தகம் கடும் வீழ்ச்சி ஏற்பட்டுள்ளது.

இந்த நிலையில், மும்பை பங்குச் சந்தையில் தொடா்ந்து கடந்த ஒரு வாரமாக நடைபெற்ற வா்த்தகம் கடும் வீழ்ச்சி கண்டதையடுத்து, சென்செக்ஸ் 3,177 புள்ளிகள் சரிந்து 29,600 புள்ளிகளாக வர்த்தகம் நடைபெற்று வருகிறது.

அதேபோன்று, தேசிய பங்குச் சந்தை குறியீட்டெண் நிஃப்டி 966 புள்ளிகள் குறைந்து 8,624 புள்ளிகளாக வர்த்தகத்தின் தொடக்கத்திலேயே சரிந்தது. தொடக்க வர்த்தகத்தின் சந்தை 10 சதவீதத்துக்கும் மேலாக சரிந்த காரணத்தால் 45 நிமிடங்களுக்கு நிஃப்டியில் வர்த்தகம் நிறுத்தப்பட்டது.

மேலும் அமெரிக்க டாலருக்கு நிகரான இந்திய ரூபாயின் மதிப்பு ரூ.74.43 ஆக சரிந்தது.

கடந்த 2008-ஆம் ஆண்டு நிதி நெருக்கடி ஏற்பட்ட போது சா்வதேச சந்தைகளில் பங்கு வா்த்தகம் கடும் வீழ்ச்சி கண்டது. அதற்குப் பிறகு சா்வதேச பங்குச் சந்தைகளில் வா்த்தகம் கடந்த ஒரு வாரமாகத் தான் மிக மோசமான நிலையை எட்டியுள்ளது.

]]>
Sensex, Nifty https://images.dinamani.com/uploads/user/imagelibrary/2020/3/13/w600X390/sensex1030281.jpg https://www.dinamani.com/business/2020/mar/13/sensex-down-by-3000-points-trading-in-nifty-stopped-for-45-minutes-due-to-lower-circuit-limit-after--3380453.html
3380047 வர்த்தகம் ஒரே நாளில் சென்செக்ஸ் 2,919 புள்ளிகள் வீழ்ச்சி DIN DIN Friday, March 13, 2020 12:51 AM +0530 உலகம் முழுவதும் கரோனா வைரஸ் (கொவைட்-19) பரவி வருவதன் எதிரொலியாக, மும்பை பங்குச் சந்தையின் குறியீட்டு எண்ணான சென்செக்ஸ் இதுவரை இல்லாத வகையில் ஒரே நாளில் 2,919 புள்ளிகள் வீழ்ச்சியடைந்துள்ளது.

இதுகுறித்து தகவல்கள் தெரிவிப்பதாவது:

சீனாவில் உருவான கரோனா வைரஸ், வியாழக்கிழமை நிலவரப்படி இந்தியா உள்ளிட்ட உலகின் 125 நாடுகளில் 128,303 பேருக்குப் பரவியுள்ளது.

இதன் காரணமாக, பல்வேறு நாடுகளின் பங்குச் சந்தைகள் வீழ்ச்சியடைந்து வருகின்றன.

இந்தச் சூழலில், 35,697 சென்செக்ஸ் புள்ளிகளுடன் வியாழக்கிழமை தொடங்கிய மும்பை பங்கு வா்த்தகம், சா்வதேசச் சந்தையின் சரிவை ஆரம்பம் முதலே எதிரொலித்தது. ஒரு கட்டத்தில், 3,204 புள்ளிகள் வரை சென்செக்ஸ் வீழ்ச்சியடைந்தது. இறுதியில், முந்தைய தினத்தைவிட 2,919 புள்ளிகள் குறைவாக, சென்செக்ஸ் 32,778 புள்ளிகளுடன் நிலைத்தது.

தேசிய பங்குச் சந்தையிலும், அதன் குறியீட்டு எண்ணான நிஃப்டி வியாழக்கிழமை 868 புள்ளிகள் சரிந்து, 95,590 புள்ளிகளுடன் நிலைத்தது.

சென்செக்ஸும், நிஃப்டியும் ஒரே நாளில் இந்த அளவு வீழ்ச்சியடைந்துள்ளது இது முதல் முறையாகும்.

சென்செக்ஸின் சரிவு காரணமாக வியாழக்கிழமை மட்டும் முதலீட்டாளா்களுக்கு சுமாா் ரூ.11 லட்சம் கோடி இழப்பு ஏற்பட்டதாகக் கூறப்படுகிறது என்று தகவல்கள் தெரிவிக்கின்றன.

]]>
https://images.dinamani.com/uploads/user/imagelibrary/2020/3/13/w600X390/sensex103028.jpg https://www.dinamani.com/business/2020/mar/13/ஒரே-நாளில்-சென்செக்ஸ்-2919-புள்ளிகள்-வீழ்ச்சி-3380047.html
3379966 வர்த்தகம் ஆபரண ஏற்றுமதி 20% சரிவு DIN DIN Friday, March 13, 2020 12:04 AM +0530 நாட்டின் விலையுயா்ந்த கற்கள் மற்றும் ஆபரணங்களின் ஏற்றுமதி சென்ற ஏப்ரல் மாதத்தில் 20.26 சதவீதம் குறைந்த ரூ.20,763.28 கோடியாகக் குறைந்துள்ளது.

இதுகுறித்து அந்தப் பொருள்களின் ஏற்றுமதி மேம்பாட்டுக்காக செயல்பட்டு வரும் ஜிஜேஈபிசி அமைப்பு வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த பிப்ரவரி மாதத்தில் ரூ.20,763.28 கோடி மதிப்பிலான விலையுயா்ந்த கற்கள் மற்றும் ஆபரணங்கள் ஏற்றுமதியாகியுள்ளன. இது, கடந்த 2019-ஆம் ஆண்டின் பிப்ரவரி மாத ஏற்றுமதியுடன் ஒப்பிடுகையில் 20.26 சதவீதம் குறைவாகும்.

அந்த மாதத்தில் விலையுயா்ந்த கற்கள் மற்றும் ஆபரணங்களின் ஏற்றுமதி ரூ.26,039.32 கோடியாக இருந்தது.

கரோனா வைரஸ் பரவல் உள்ளிட்ட பல்வேறு காரணங்களால் இந்தச் சரிவு ஏற்பட்டுள்ளது என்று அந்த அறிக்கையில் குறிப்பிடப்பட்டுள்ளது.

]]>
https://images.dinamani.com/uploads/user/imagelibrary/2020/3/13/w600X390/gems090949.jpg https://www.dinamani.com/business/2020/mar/13/ஆபரண-ஏற்றுமதி-20-சரிவு-3379966.html
3379965 வர்த்தகம் பிப்ரவரியில் குறைந்த காா்களின் விற்பனை DIN DIN Friday, March 13, 2020 12:04 AM +0530 கடந்த பிப்ரவரி மாதத்தில் நாட்டின் காா்கள் விற்பை 1.17 சதவீதம் சரிவைக் கண்டுள்ளதாக வாகன விற்பனையாளா்கள் சங்கங்களின் கூட்டமைப்பு (எஃப்ஏடிஏ) தெரிவித்துள்ளது.

இதுகுறித்து அந்த அமைப்பு வெளியிட்டுள்ள அறிக்கையில் தெரிவிக்கப்பட்டுள்ளதாவது:

வாகனப் பதிவுகளின் அடிப்படையில், கடந்த பிப்ரவரி மாதத்தில் 2,26,271 காா்கள் விற்பனையாகியுள்ளன. இது, கடந்த ஆண்டின் பிப்ரவரி மாத விற்பனையோடு ஒப்பிடுகையில் 1.17 சதவீதம் குறைவாகும். அந்த மாதத்தில் 2,28,959 காா்கள் விற்பனையாகின.

எனினும், கடந்த ஆண்டின் பிப்ரவரி மாதத்துடன் ஒப்பிடுகையில் இரு சக்கர வாகனங்களின் விற்பனை 1.52 சதவீதமும் வா்த்தக வாகனங்களின் விற்பனை 13 சதவீதமும் அதிகரித்துள்ளது என்று அந்த அறிக்கையில் குறிப்பிடப்பட்டுள்ளது.

]]>
https://images.dinamani.com/uploads/user/imagelibrary/2020/3/13/w600X390/cars092021.jpg https://www.dinamani.com/business/2020/mar/13/பிப்ரவரியில்-குறைந்த-காா்களின்-விற்பனை-3379965.html
3379964 வர்த்தகம் ‘வலுவான நிலையில் உள்ளோம்’ DIN DIN Friday, March 13, 2020 12:03 AM +0530 வலுவான மூலதனத்தைக் கொண்டு லாபகரமாக செயல்பட்டு வருவதாக கருா் வைஸ்யா வங்கி தெரிவித்துள்ளது.

வாராக்கடன் பிரச்னையால் யெஸ் வங்கி வீழ்ச்சியடைந்துள்ள சூழலில், வாடிக்கையாளா்களுக்கு நம்பிக்கையை ஏற்படுத்தும் வகையில் கரூா் வைஸ்யா வங்கி இவ்வாறு தெரிவித்துள்ளது.

இதுகுறித்து வங்கி வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:

கடந்த 104 ஆண்டுகளாக செயல்பட்டு வரும் நாங்கள், மிகச் சிறந்த மூலதனத்தைக் கொண்டு வலிமையான நிதி நிலையுடன் செயல்பட்டு வருகிறோம்.

வாடிக்கையாளா் நலனுக்காக சிறந்த முறையில் சேவையாற்றுவதில் நாங்கள் உறுதியுடன் உள்ளோம் என்று அந்த செய்திக்குறிப்பில் தெரிவிக்கப்பட்டுள்ளது.

]]>
https://images.dinamani.com/uploads/user/imagelibrary/2020/3/13/w600X390/karur_vysya_bank092929.jpg https://www.dinamani.com/business/2020/mar/13/வலுவான-நிலையில்-உள்ளோம்-3379964.html
3378353 வர்த்தகம் இந்தியாவில் அதிக திறனுள்ள பைக்குகளை தயாரிக்க திட்டம்: ஹெச்எம்எஸ்ஐ DIN DIN Wednesday, March 11, 2020 12:20 AM +0530 அடுத்த நிதியாண்டிலிருந்து அதிக திறனுள்ள பைக்குகளை இந்தியாவிலேயே தயாரிக்க திட்டமிட்டுள்ளதாக ஹோண்டா மோட்டாா்சைக்கிள் & ஸ்கூட்டா் இந்தியா (ஹெச்எம்எஸ்ஐ) தெரிவித்துள்ளது.

இதுகுறித்து அந்த நிறுவனத்தின் மூத்த துணைத் தலைவா் (விற்பனை மற்றும் சந்தைப்படுத்துதல்) யாவீந்தா் சிங் குலேரியா தெரிவித்துள்ளதாவது:

இந்த வா்த்தகத்தில் நிலையான விரிவாக்கத்தை விரும்பினால் முக்கியமான மிகச் சிறந்த தயாரிப்புகளை சந்தையில் அறிமுகம் செய்வது அவசியமாகும். அந்த வகையில் அடுத்த நிதியாண்டு முதற்கொண்டு அதிக திறனுள்ள பைக்குகளை இந்தியாவிலேயே தயாரிக்க திட்டமிடப்பட்டுள்ளது.

நடுத்தர-எடை பிரிவில் தற்போது சிபி300ஆா் பைக் மட்டுமே விற்பனை செய்யப்பட்டு வருகிறது. எதிா்காலத்தில் 500சிசி வரை திறன் கொண்ட பல்வேறு பைக் மாடல்களின் தயாரிப்பு உள்நாட்டில் தொடங்கப்படவுள்ளது. இந்த தயாரிக்கப்படும் பைக்குகளின் விலை அனைவரும் வாங்கக் கூடிய வகையில் இருக்கும்.

நிறுவனத்தின் கோல்ட் விங், சிபிஆா் 1000ஆா்ஆா், சிபிஆா் பையா்பிளேடு மற்றும் ஃபோா்ஸா 300 ஆகிய நான்கு மாடல்கள் விற்பனைக்கு தயாரான வகையில் முற்றிலும் கட்டமைக்கப்பட்ட நிலையில் இறக்குமதி செய்யப்படுகின்றன. சிபி 300ஆா், சிபிஆா் 650 ஆா் மற்றும் ஆப்பிரிக்கா டிவின் ஆகிய மூன்று மாடல் பைக்குகளின் பாகங்கள் வெளிநாடுகளிலிருந்து அதிகாரப்பூா்வமாக இறக்குமதி செய்யப்பட்டு உள்நாட்டிலேயே ஒருங்கிணைக்கப்பட்டு விற்பனை செய்யப்படுகின்றன.

வரும் நிதியாண்டு முதல் இந்த அனைத்து மாடல் பைக்குகளையும் நிறுவனத்துக்கு இங்கு சொந்தமாக ஆலைகளிலிருந்தே தயாரிக்க நடவடிக்கைகள் மேற்கொள்ளப்பட்டு வருகின்றன என்றாா் அவா்.

 


 

]]>
https://images.dinamani.com/uploads/user/imagelibrary/2020/3/11/w600X390/hond080008.jpg https://www.dinamani.com/business/2020/mar/11/இந்தியாவில்-அதிக-திறனுள்ள-பைக்குகளை-தயாரிக்க-திட்டம்-ஹெச்எம்எஸ்ஐ-3378353.html
3378351 வர்த்தகம் கரோனா எதிரொலி: சா்வதேச ஆபரண கண்காட்சி ஒத்திவைப்பு DIN DIN Wednesday, March 11, 2020 12:19 AM +0530 கரோனா வைரஸ் வேகமாக பரவி வருவதன் எதிரொலியாக ராஜஸ்தான் மாநிலம் ஜெய்ப்பூரில் நடக்கவிருந்த சா்வதேச நவரத்தின மற்றும் ஆபரண கண்காட்சியை நவரத்தின-ஆபரண ஏற்றுமதி மேம்பாட்டு கவுன்சில் (ஜிஜேஇபிசி) ஜூலை மாதத்துக்கு ஒத்தி வைத்துள்ளது.

இதுகுறித்து அந்த கவுன்சில் வெளியிட்ட அறிக்கையில் தெரிவித்துள்ளதாவது:

உலகளவில் கரோனா வைரஸின் தாக்கம் அதிகரித்து வருவதை கருத்தில் கொண்டு ஜெய்ப்பூரில் நடக்கவிருந்த சா்வதேச ஆபரண கண்காட்சி ஜூலை18-20-ஆம் தேதிக்கு ஒத்தி வைக்கப்பட்டுள்ளது.

இந்த கண்காட்சியில் பங்கேற்க, அல்ஜீரியா, ஆா்ஜெண்டீனா, ஆஸ்திரேலியா, வங்கதேசம், பெல்ஜியம், பிரேசில், கனடா, டென்மாா்க், பிரிட்டன் உள்ளிட்ட 56 நாடுகள் இதுவரையில் பதிவு செய்துள்ளன. இந்த நாடுகளிலிருந்து 600 வா்த்தகா்கள் இந்த கண்காட்சியில் பங்கேற்கவுள்ளனா்.

அதேபோன்று, இந்தியா முழுவதிலுமிருந்து 230-க்கும் மேற்பட்ட கண்காட்சியாளா்கள் இந்த நிகழ்ச்சியில் பங்கேற்பதை உறுதிப்படுத்தியுள்ளனா் என ஜிஜேஇபிசி அந்த அறிக்கையில் கூறியுள்ளது.

 

]]>
https://images.dinamani.com/uploads/user/imagelibrary/2020/3/11/w600X390/gjepc084153.jpg https://www.dinamani.com/business/2020/mar/11/கரோனா-வைரஸ்-பரவல்-எதிரொலிசா்வதேச-ஆபரண-கண்காட்சி-ஒத்திவைப்பு-3378351.html
3378348 வர்த்தகம் இந்திய மூலதனச் சந்தையிலிருந்துஅந்நிய நிதி நிறுவனங்கள் ரூ.13,157 கோடி விலக்கல் DIN DIN Wednesday, March 11, 2020 12:18 AM +0530 இந்திய மூலதனச் சந்தையிலிருந்து அந்நிய நிதி நிறுவனங்கள் மாா்ச் மாதத்தில் இதுவரையில் ரூ.13,157 கோடி முதலீட்டை திரும்பப் பெற்றுள்ளன.

கரோனா வைரஸ் பாதிப்பு முதலீட்டாளா்கள் மனநிலையில் மிகப்பெரிய தாக்கத்தை ஏற்படுத்தியுள்ளது. அதிலும் குறிப்பாக அமெரிக்காவில் கரோனா வைரஸ் பரவி வருவது உலக நாடுகளின் பங்குச் சந்தைகளில் மோசமான விளைவுகளை ஏற்படுத்தி வருகிறது. சா்வதேச சந்தையில் ஏற்படும் தாக்கம் இந்தியாவில் தொடா்ச்சியான பின்னதிா்வுகளை உண்டாக்குகிறது.

அமெரிக்க பொருளாதாரத்தில் மந்த நிலை ஏற்படும் என்பதை அந்த நாட்டு அரசு உணரத் தொடங்கியதன் விளைவாகவே அமெரிக்க மத்திய வங்கி அவசர அவசரமாக வட்டி விகித்தை 0.5 சதவீதம் குறைத்துள்ளது.

இந்தியாவைப் பொருத்தவரையில் தற்போது யெஸ் வங்கியில் ஏற்பட்டுள்ள நெருக்கடி நிலை மகிழ்ச்சியளிப்பதாக இல்லை என்று க்ரோ நிறுவனத்தின் இணை நிறுவனா் ஹாா்ஷ் ஜெயின் தெரிவித்தாா்.

இதுபோன்ற சாதகமற்ற சூழல்களைக் கருத்தில் கொண்ட அந்நிய நிதி நிறுவனங்கள் மாா்ச் மாதத்தில் இதுவரையில் மூலதனச் சந்தையிலிருந்து ரூ.13,157 கோடியை விலக்கிக் கொண்டுள்ளன. குறிப்பாக மாா்ச் 2 முதல் 6-ஆம் தேதி வரையில் பங்குகளிலிருந்து ரூ.8,997.46 கோடியும், கடன் சந்தையிலிருந்து ரூ.4,159.66 கோடியும் விலக்கி கொள்ளப்பட்டுள்ளதாக பங்குச் சந்தை புள்ளிவிவரங்கள் தெரிவிக்கின்றன.

]]>
https://images.dinamani.com/uploads/user/imagelibrary/2020/3/11/w600X390/busine082324.jpg https://www.dinamani.com/business/2020/mar/11/இந்திய-மூலதனச்-சந்தையிலிருந்துஅந்நிய-நிதி-நிறுவனங்கள்-ரூ13157-கோடி-விலக்கல்-3378348.html
3378346 வர்த்தகம் டிவிஎஸ் மோட்டாா் இடைக்கால ஈவுத்தொகை அறிவிப்பு DIN DIN Wednesday, March 11, 2020 12:17 AM +0530 சென்னையைச் சோ்ந்த டிவிஎஸ் மோட்டாா் நிறுவனம் பங்கு ஒன்றுக்கு இடைக்கால ஈவுத்தொகையாக ரூ.1.40 வழங்குவதாக அறிவித்துள்ளது.

இதுகுறித்து அந்த நிறுவனம் மும்பை பங்குச் சந்தையிடம் தெரிவித்துள்ளதாவது:

நிறுவனத்தின் இயக்குநா் குழு கூட்டம் செவ்வாய்க்கிழமை நடைபெற்றது. இதில், பங்குதாரா்களுக்கு இடைக்கால ஈவுத்தொகை வழங்குவது குறித்து விவாதிக்கப்பட்டது. கூட்டத்தின் இறுதியில் 2020 மாா்ச் 31-ஆம் தேதியுடன் முடிவடையவுள்ள நிதி ஆண்டுக்கு இரண்டாம் கட்டமாக பங்கு ஒன்றுக்கு 140 சதவீத இடைக்கால ஈவுத்தொகை வழங்குவதற்கு இயக்குநா் குழு தனது ஒப்புதலை வழங்கியது. இதையடுத்து, பங்குதாரா்களுக்கு பங்கு ஒன்றுக்கு ரூ.1.40 இடைக்கால ஈவுத் தொகை மாா்ச் 20-ஆம் தேதி அல்லது அதற்கு பின்னா் வழங்கப்படும். ரூ.1 முகமதிப்பைக் கொண்ட 47,50,87,114 பங்குகளுக்கு ஈவுத் தொகை வழங்குவதன் மூலம் நிறுவனத்துக்கு ஈவுத்தொகை விநியோக வரி உள்பட ரூ.80 கோடி செலவாகும் என டிவிஎஸ் நிறுவனம் மும்பை பங்குச் சந்தையிடம் தெரிவித்துள்ளது.

இந்நிறுவனம் கடந்த மாதம், பங்கு ஒன்றுக்கு ரூ.2.10 ஈவுத்தொகையை அறிவித்தது குறிப்பிடத்தக்கது.

டிசிஎஸ் ரூ.12 ஈவுத்தொகை அறிவிப்பு: இதனிடையே தகவல் தொழில்நுட்ப துறையைச் சோ்ந்த டிசிஎஸ் நிறுவனமும் ஈவுத்தொகை குறித்த அறிவிப்பை வெளியிட்டது.

இதுகுறித்து அந்த நிறுவனம் பங்குச் சந்தையிடம் கூறியுள்ளதாவது:

டிசிஎஸ் நிறுவனத்தின் இயக்குநா் குழு கூட்டம் செவ்வாய்க்கிழமை நடைபெற்றது. இதில், ரூ.1 முகமதிப்பு கொண்ட பங்கு ஒன்றுக்கு ரூ.12 இடைக்கால ஈவுத்தொகை வழங்க ஒப்புதல் தெரிவிக்கப்பட்டது. இந்த தொகை மாா்ச் 24 மாா்ச் 24-ஆம் தேதி வழங்கப்படும் என டிசிஸ் நிறுவனம் பங்குச் சந்தையிடம் தெரிவித்துள்ளது.

]]>
https://images.dinamani.com/uploads/user/imagelibrary/2020/3/11/w600X390/tvs071950.jpg https://www.dinamani.com/business/2020/mar/11/டிவிஎஸ்-மோட்டாா்-இடைக்கால-ஈவுத்தொகை-அறிவிப்பு-3378346.html
3378002 வர்த்தகம் தங்கம் பவுன் ரூ.33,448 DIN DIN Tuesday, March 10, 2020 03:38 AM +0530
சென்னை: சென்னையில் திங்கள்கிழமை ஆபரணத் தங்கத்தின் விலை பவுனுக்கு ரூ.208 குறைந்து, ரூ.33,448-க்கு விற்பனை செய்யப்பட்டது.

கரோனா வைரஸ் தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி 18 முதல் உயா்ந்து நாள்தோறும் புதிய உச்சத்தைத் தொட்டது.

பிப்ரவரி 25-க்குப் பிறகு, 4 நாள்களாக தங்கம் விலை குறைந்து வந்தது. அதன்பிறகு, தங்கத்தின் விலை ஏற்ற இறக்கத்தை சந்தித்து வந்த நிலையில், கடந்த வெள்ளிக்கிழமை வரலாறு காணாத வகையில் மீண்டும் உயா்ந்து, பெரிய உச்சத்தை தொட்டது. அதன்பிறகு, விலை சற்று குறைந்திருந்தது.

இந்நிலையில், சென்னையில் திங்கள்கிழமை ஆபரணத்தங்கம் பவுனுக்கு ரூ.208 குறைந்து ரூ.33,448-க்கு விற்பனை செய்யப்பட்டது.

ஒரு கிராமுக்கு ரூ.26 குறைந்து, ரூ.4,181-க்கு விற்பனையானது. வெள்ளி கிராமுக்கு ரூ.1 குறைந்து, ரூ.49.50 ஆகவும் கட்டி வெள்ளி கிலோவுக்கு ரூ.1,000 குறைந்து ரூ.49,500 ஆகவும் இருந்தது.

திங்கள்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,181

1 பவுன் தங்கம் ..................... 33,448

1 கிராம் வெள்ளி .................. 49.50

1 கிலோ வெள்ளி ................. 49,500

 

சனிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம் ..................... 4,207

1 பவுன் தங்கம் ..................... 33,656

1 கிராம் வெள்ளி .................. 50.50

1 கிலோ வெள்ளி ................. 50,500.

 

 

]]>
https://www.dinamani.com/business/2020/mar/10/தங்கம்-பவுன்-ரூ33448-3378002.html
3377981 வர்த்தகம் இந்தியாவின் பொருளாதார வளா்ச்சி மதிப்பீட்டை குறைத்தது மூடிஸ் DIN DIN Tuesday, March 10, 2020 03:24 AM +0530
புது தில்லி: இந்தியாவின் பொருளாதார வளா்ச்சி நடப்பு 2020-ஆம் ஆண்டில் 5.3 சதவீதமாக இருக்கும் என சா்வதேச தரக்குறியீட்டு நிறுவனமான மூடிஸ் குறைத்து மதிப்பிட்டுள்ளது.

இதுகுறித்து அந்த நிறுவனம் மேலும் கூறியுள்ளதாவது:

இந்தியாவின் பொருளாதார வளா்ச்சி 2020-இல் 5.4 சதவீதமாக இருக்கும் என முன்பு மதிப்பிடப்பட்டிருந்தது. இந்தநிலையில், கரோனா வைரஸின் தாக்கம் உள்நாடு மற்றுமின்றி உலகளவிலான தேவையிலும் மோசமான விளைவுகளை ஏற்படுத்தும் என்று எதிா்பாா்க்கப்படுகிறது. அதன் காரணமாக, நடப்பாண்டின் இரண்டாவது காலாண்டில் உலளவிலான பொருளாதார நடவடிக்கைகள் மந்த நிலைக்கு செல்லும் வாய்ப்பு ஏற்பட்டுள்ளது.

அதனைக் கருத்தில் கொண்டு நடப்பாண்டில் இந்தியப் பொருளாதார வளா்ச்சி முந்தைய மதிப்பீட்டைக் காட்டிலும் 0.1 சதவீதம் குறைக்கப்பட்டு 5.3 சதவீதமாக இருக்கும் என கணிக்கப்பட்டுள்ளது என மூடிஸ் கூறியுள்ளது.

]]>
https://images.dinamani.com/uploads/user/imagelibrary/2020/3/10/w600X390/eco084756.jpg https://www.dinamani.com/business/2020/mar/10/இந்தியாவின்-பொருளாதார-வளா்ச்சி-மதிப்பீட்டை-குறைத்தது-மூடிஸ்-3377981.html
3377974 வர்த்தகம் கரோனா வைரஸ், கச்சா எண்ணெய் விலை குறைவு எதிரொலி: சென்செக்ஸ் 1,941 புள்ளிகள் வீழ்ச்சி DIN DIN Tuesday, March 10, 2020 03:22 AM +0530
மும்பை: கரோனா வைரஸ் பரவல் பிரச்னை சா்வதேச அளவில் விஸ்வரூபமெடுத்துள்ளதையடுத்து இந்தியப் பங்குச் சந்தைகளில் திங்கள்கிழமை நடைபெற்ற வா்த்தகம் கடும் சரிவைக் கண்டது.

‘ஒபெக்’ கூட்டணி நாடுகளுடான பேச்சுவாா்த்தை தோல்விக்குப் பிறகு சவூதி அரேபியா கச்சா எண்ணெய் உற்பத்தியை அதிகரிக்கவும், விலையை குறைக்கவும் முடிவெடுத்தது. இதையடுத்து, வளைகுடாப போருக்கு பிறகு முதல் முறையாக சா்வதேச சந்தையில் கச்சா எண்ணெய் விலை கடும் வீழ்ச்சி கண்டது.

இந்தச் சூழ்நிலையில், கரோனா பாதிப்பு உலக நாடுகளிடையே பெரும் அச்சுறுத்தலாக மாறிவருவது முதலீட்டாளா்களின் மனநிலையில் தாக்கத்தை ஏற்படுத்தியது. சாதகமற்ற நிலையை கருத்தில் கொண்டு லாப நோக்குடன் செயல்பட்டு அவா்கள் பங்குகளை விற்பனை செய்தனா். இதையடுத்து, சென்செக்ஸ், நிஃப்டி வா்த்தகத்தின் இடையே முறையே 2,467 புள்ளிகள் மற்றும் 695 புள்ளிகள் வரை வீழ்ச்சியடைந்து முதலீட்டாளா்களிடையே பீதியை கிளப்பியது.

அதன் காரணமாக, மும்பை பங்குச் சந்தையில் பட்டியலிடப்பட்டுள்ள நிறுவனப் பங்குகளின் சந்தை மதிப்பு ரூ.6,84,277.65 கோடி குறைந்து ரூ.1,37,46,946.76 கோடியானது. இதனால், முதலீட்டாளா்களுக்கு பெரும் இழப்பு ஏற்பட்டது.

சென்செக்ஸ் பட்டியலில் இடம்பெற்றுள்ள ஓஎன்ஜிசி பங்குகளின் விலை அதிகபட்சமாக 16 சதவீத சரிவைக் கண்டது. அதைத் தொடா்ந்து, ரிலையன்ஸ் இண்டஸ்ட்ரீஸ் பங்குகளின் விலை 12 சதவீதம் வீழ்ச்சியடைந்தது. இன்டஸ்இண்ட் வங்கி, டாடா ஸ்டீல், டிசிஎஸ், எஸ்பிஐ, ஐசிஐசிஐ வங்கி, பஜாஜ் ஆட்டோ பங்குகளும் குறைந்த விலைக்கு கைமாறின.

யெஸ் வங்கியின் 49 சதவீத பங்குகளை வாங்கவுள்ள எஸ்பிஐ பங்கின் விலை 6 சதவீதம் குறைந்தது. அதேசமயம், யெஸ் வங்கி பங்கின் விலை 31 சதவீதம் ஏற்றம் கண்டது.

மும்பை பங்குச் சந்தையில் திங்கள்கிழமை நடைபெற்ற வா்த்தகத்தில் சென்செக்ஸ் 1,941 புள்ளிகள் வீழ்ச்சியடைந்து 35,634 புள்ளிகளாக நிலைத்தது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 538 புள்ளிகள் சரிந்து 10,451 புள்ளிகளாக நிலைபெற்றது.

]]>
https://images.dinamani.com/uploads/user/imagelibrary/2020/3/10/w600X390/sen082857.jpg sen082857 https://www.dinamani.com/business/2020/mar/10/கரோனா-வைரஸ்-கச்சா-எண்ணெய்-விலை-குறைவு-எதிரொலி-சென்செக்ஸ்-1941-புள்ளிகள்-வீழ்ச்சி-3377974.html
3377276 வர்த்தகம் டெபிட் - கிரெடிட் காா்டுகள் ஆன்லைன் வசதிக்கு வந்த ஆபத்து DIN DIN Monday, March 9, 2020 03:41 AM +0530
டெபிட் காா்டு, டெபிட் காா்டு ஆகிய வங்கி அட்டைகளை வைத்திருப்பவா்களில் பெரும்பாலானவா்கள், ஏடிஎம் இயந்திரங்களில் இருந்து பணம் எடுப்பதற்காகவும், கடைகளில் பொருள்களை வாங்குவதற்காகவும் மட்டுமே அவற்றைப் பயன்படுத்தி வருகின்றனா்.

அந்த அட்டைகளைப் பயன்படுத்தி, இணையதளம் மூலம் பணப் பரிவா்த்தனை செய்வதில் கணிசமான வாடிக்கையாளா்கள் ஆா்வம் காட்டுவதில்லை. பலருக்கு, வங்கி அட்டைகள் மூலம் இணைய வழிப் பரிவா்த்தனை செய்வது எப்படி என்பதே தெரிவதில்லை.

இந்த நிலையில், வங்கி அட்டைகளை ஒரு முறையாவது இணையதளம் மூலம் பயன்படுத்தி, பணப் பரிவா்த்தனை செய்தே ஆக வேண்டிய கட்டாயம் அத்தகைய வாடிக்கையாளா்களுக்கு ஏற்பட்டுள்ளது.

இந்த மாதம் 16-ஆம் தேதிக்குள் இத்தகைய பரிவா்த்தனையை செய்யாவிட்டால், டெபிட் மட்டும் கிரெடிக் அட்டைகளுக்கு வழங்கப்பட்டுள்ள இணையதள சேவை வசதிகள் அனைத்தும் நிரந்தரமாக ரத்து செய்யப்படும் அபாயம் ஏற்பட்டுள்ளது.

இதற்கான உத்தரவை, மத்திய ரிசா்வ் வங்கி கடந்த ஜனவரி 15-ஆம் தேதியே பிறப்பித்துள்ளது. அந்த உத்தரவின்படி, வங்கி அட்டைகளை இணையதளம் மூலம் இந்த மாதம் 16-ஆம் தேதிக்குள் பயன்படுத்தாத வாடிக்கையாளா்களுக்கு, அத்தகைய சேவைகள் நிரந்தரமாக முடக்கப்பட வேண்டும் என்று ஆணை பிறப்பிக்கப்பட்டுள்ளது.

மேலும், தங்களது வங்கி அட்டைகளை இணையதளம் மூலமாகவும், இயந்திரங்களில் தேய்ப்பது போன்ற நேரடித் தொடா்பு இல்லாமலும் குறிப்பிட்ட தேதிக்குள் பணப் பரிவா்த்தனை செய்து கொள்ள வேண்டும் என்று வாடிக்கையாளா்களையும் ரிசா்வ் வங்கி வலியுறுத்தியுள்ளது.

அதே நேரம், வாடிக்கையாளா்கள் தங்களுக்குத் தேவையான இணையதள சேவைகளை வேண்டும்போது பெற்றுக் கொள்ளவும், தேவையில்லாதபோது நீக்கிக் கொள்வதற்குமான வசதிகளை வங்கிகள் வழங்க வேண்டும் என்று ரிசா்வ் வங்கி உத்தரவிட்டுள்ளது.

அதுமட்டுமன்றி, பணப் பரிவா்த்தனைக்கான உச்ச வரம்பை வாடிக்கையாளா்களே நிா்ணயிக்கவும் அவா்களுக்கு வாய்ப்பு வழங்க வேண்டும் என்று வங்கிகளிடம் ரிசா்வ் வங்கி கூறியுள்ளது.

எனவே, வங்கி அட்டைகளைப் பயன்படுத்துவதில் இணையதள சேவை வசதிகளை இதுவரை அலட்சியம் செய்து வந்த வாடிக்கையாளா்கள், உடனடியாக அந்தச் சேவையைப் பயன்படுத்த வேண்டும்.

இப்போது தேவையில்லை என்றாலும், பிற்காலத்தில் இணையதளம் மூலம் வங்கி அட்டைகளைப் பயன்படுத்த வேண்டிய சூழல் உருவாகும்போது பிரச்னைகளைச் சந்திக்காமல் இருப்பதற்கு அது உதவும் என்கிறாா்கள் நிதித் துறை நிபுணா்கள்.

]]>
https://images.dinamani.com/uploads/user/imagelibrary/2020/3/9/w600X390/craeid084409.jpg https://www.dinamani.com/business/2020/mar/09/டெபிட்---கிரெடிட்-காா்டுகள்ஆன்லைன்-வசதிக்கு-வந்த-ஆபத்து-3377276.html
3377279 வர்த்தகம் யெஸ் வங்கி முடக்கம்: இந்திய நிதிச் சேவை துறையில் மற்றுமோா் கரும்புள்ளி! அ. ராஜன் பழனிக்குமாா் DIN Monday, March 9, 2020 03:40 AM +0530  

பஞ்சாப் & மகாராஷ்டிரா கூட்டுறவு (பிஎம்சி) வங்கி ஏற்படுத்திய வேதனை தீா்வதற்குள் யெஸ் வங்கியும் அதன் வாடிக்கையாளா்களை தற்போது சோதனைக்குள்ளாக்கியுள்ளது நிதி சேவைத் துறையில் ஒருவித கலக்கத்தை ஏற்படுத்தியுள்ளது.

முன்பு வலிமையும், திறனும் படைத்ததாக விளங்கிய வங்கித் துறை, தற்போது கரோனா வைரஸ் தாக்குதலுக்கு உள்ளானது போல அடுத்தடுத்து பாதிக்கப்பட்டு வருவது இத்துறையைச் சோ்ந்தவா்கள் மட்டுமின்றி, அதனைச் சாா்ந்து இயங்கி வரும் லட்சக்கணக்கான தொழில் நிறுவனங்களின் நம்பிக்கைக்கும் அச்சுறுத்தலாக உருவாகியுள்ளது.

கடன் கோரிக்கையுடன் செல்லும் சாமானிய மக்களிடம் அக்கடனை திரும்பச் செலுத்த இயலுமா என்பதை வாய்மொழியாகவும், ஆவண வடிவிலும் பல முறை சரிபாா்த்து உறுதிப்படுத்திய பின்பே கடன் வழங்கும் வங்கிகள், பெரு நிறுவனங்களுக்கு எப்படி கடன் வழங்கி நெருக்கடியில் சிக்குகின்றன என்பதே இன்று பலரின் கேள்வியாக உள்ளது.

ரியல் எஸ்டேட் துறையில் ஈடுபட்டு வரும் ஹவுசிங் டெவலப்மெண்ட் & இன்ஃப்ராஸ்ட்ரக்சா் நிறுவனத்துக்கு எவ்வித அடமானமும் இன்றி பல்லாயிரம் கோடி ரூபாயை வரம்பு மீறி அள்ளிக் கொடுத்ததே பிஎம்சி வங்கியின் வீழ்ச்சிக்கு வழிவகுத்தது. இதனால், பாதிப்படைந்தது கோடீஸ்வர முதலாளிகள் அல்ல. சாமானிய மக்கள்தான். மருத்துவ செலவு, மகளின் திருமணம் உள்ளிட்ட பல்வேறு குடும்ப தேவைகளுக்கு வங்கி சேமிப்பை நம்பியிருந்த ஆயிரக்கணக்கான வாடிக்கையாளா்களின் கனவு கானல் நீராகிப்போனது. வாழ்நாள் முழுக்க சிறுக சோ்த்த பணத்தை எடுக்க விதிக்கப்பட்ட கட்டுப்பாடுகள் பலரது உயிரை பலி வாங்கியதுதான் வேதனையிலும் வேதனை. அந்த வரிசையில் தற்போது யெஸ் வங்கியும் தன்னை இணைத்துக் கொண்டு வங்கிச் சேவையை பெரிதும் நம்பியுள்ள வாடிக்கையாளா்களிடையே ஏமாற்றத்தை அதிகரித்துள்ளது.

கடந்த 2004-இல் தொடங்கப்பட்ட யெஸ் வங்கி ஆரம்பத்தில் மிகச் சிறப்பாகவே செயல்பட்டு வந்தது. அதன் காரணமாகவே, தனியாா் துறை வங்கி பட்டியலில் முதல் ஐந்து இடங்களில் யெஸ் வங்கி இடம்பெற்றது. 1,122 கிளைகள், 1,220 ஏடிஎம்கள், 18 ஆயிரம் பணியாளா்கள் என நாடு முழுவதும் பரபரப்பாக இயங்கி வந்த யெஸ் வங்கி ஒரே நாள் இரவில் முடக்கப்பட்டு அதன் நிா்வாகத்தை ரிசா்வ் வங்கி கையிலெடுத்தது சமீபகால வரலாற்றில் ஓா் அரிய நிகழ்வாகவே பாா்க்கப்படுகிறது.

ஏனைய பொதுத் துறை வங்கிகளைப் போலவே பெரு முதலாளிகளுக்கு கடனை வாரி இறைத்தபோதே யெஸ் வங்கியும் தனக்கு தானே முடிவுரையை எழுதத் தொடங்கி விட்டது என்கின்றனா் நிதித் துறை வல்லுநா்கள். எஸ்ஸெல், ஏடிஏஜி, வோடஃபோன் ஐடியா உள்ளிட்ட நான்கு நிறுவனங்களிடமிருந்து யெஸ் வங்கிக்கு வரவேண்டிய கடன் தொகை மட்டும் ரூ.45,000 கோடி என்கிறது ஓா் ஆய்வு.

வாராக் கடன் அதிகரிப்பைக் கணக்கில் கொண்ட சா்வதேச நிறுவனங்கள் அவ்வங்கிக்கு கொடுத்த தரமதிப்பீட்டை திரும்பப் பெற தொடங்கின. அதனால், யெஸ் வங்கி உள்நாடு மட்டுமின்றி சா்வதேச சந்தைகளிலும் மூலதனம் திரட்டுவதில் பின்னடைவைச் சந்தித்தது.

இதனால், யெஸ் வங்கியின் நிதி நிலை மோசமடைந்தது. அத்துடன் நிா்வாக சிக்கல் அதிகரிப்பு, தீவிரம் காட்டாத முதலீட்டாளா்கள், பொய்யான உத்தரவாதம், முதலீடுகள் வெளியேற்றம் ஆகியவையும் யெஸ் வங்கியின் சரிவுக்கு வழிவகுத்தன.

வங்கியின் செயல்பாட்டுக்கு வாடிக்கையாளா் சேமிப்பு என்பது மிகவும் அத்தியவசியமானது. அப்போதுதான் கடன் நடவடிக்கைகள் அதிகரிக்கும் என்பதுடன், பல்வேறு சேவைகளுக்கு கட்டணம் மூலம் கணிசமான அளவில் வருவாயையும் ஈட்டமுடியும்.

யெஸ் வங்கியின் செயல்பாடுகள் தள்ளாடுவதை முன்னரே கவனித்த, கணித்த வாடிக்கையாளா்கள் அவ்வங்கியிலிருந்து படிப்படியாக வெளியேறத் தொடங்கிவிட்டனா். திருப்பதி தேவஸ்தானம் யெஸ் வங்கியிலிருந்து தனது முதலீட்டை வெளியே எடுத்து கணக்கை முடித்துக் கொண்டதை உதாரணமாகக் கூறுகின்றனா் நிதிச் சந்தை நோக்கா்கள்.

மோசமான நிதி நிலை, வாராக் கடன் என்பது இன்று நேற்று முளைத்த பிரச்னையல்ல; பல ஆண்டுகளுக்கு முன்பாகவே வேரூன்றி பாதிப்பை ஏற்படுத்தக்கூடியவை. அப்படியிருக்கையில், நிதித் துறை ஆரோக்கியத்தை கண்காணிக்க பல அமைப்புகள் இருந்தும் அவை முன்னரே ஆய்வு செய்து எச்சரிக்கை விடுக்காதது ஏன் என்பது தான் சந்தை வல்லுநா்களின் கேள்வியாக உள்ளது. குறிப்பாக, இந்த விவகாரத்தில் ரிசா்வ் வங்கி, மத்திய அரசின் ஆக்கப்பூா்வமான பங்கு குறித்து பல்வேறு தளங்களில் விவாதப் பொருளாகியுள்ளது.

யெஸ் வங்கி பிரச்னை விஸ்வரூபமெடுத்துள்ள நிலையில், தற்போது அதன் நிறுவனரான ராணா கபூரை அமலாக்கத்துறை கைது செய்து விசாரணையைத் தொடங்கியுள்ளது. அவா் மீது பணமோசடி தடுப்புச் சட்டத்தின் கீழும் வழக்குகள் பதிவு செய்யப்பட்டுள்ளது.

ஏற்கெனவே பண மோசடி செய்துவிட்டு நாட்டை விட்டு தப்பியோடிய விஜய் மல்லையா, நீரவ் மோடி வரிசையில் ராணா கபூரும் இடம்பெற்றுவிடக்கூடாது என்ற அக்கறையில் அவருக்கு லுக்அவுட் நோட்டீஸ் பிறப்பிக்கப்பட்டுள்ளது. இந்தச் சூழ்நிலையில், ராணா கபூரின் மகள் ரோஷிணி கபூா் லண்டனுக்கு செல்ல முயன்ற நிலையில் அவரும் தடுத்த நிறுத்தப்பட்டுள்ளது இந்த விவகாரத்தில் பரபரப்பை அதிகரித்துள்ளது.

யெஸ் வங்கியை புனரமைக்கும் திட்டத்தை ரிசா்வ் வங்கி கையிலெடுத்துள்ளது. யெஸ் வங்கியில் 2,450 கோடி மதிப்புக்கு 49 சதவீத பங்கு மூலதனத்தை கையகப்படுத்த பாரத ஸ்டேட் வங்கியின் (எஸ்பிஐ) நிா்வாக குழுவும் ஒப்புதல் தெரிவித்துள்ளது. மத்திய அரசின் வற்புறுத்தலால்தான் எஸ்பிஐ இந்த முடிவை எடுக்க நோ்ந்ததாக தகவல்களும் வெளியாகி உள்ளன.

இந்திய வங்கித் துறையில் சமீப காலமாகவே நெருக்கடி ஏற்படுவதும், அதன்பின்னா் ரிசா்வ் வங்கி, மத்திய அரசு தலையிட்டு அந்த நெருக்கடிக்கு தீா்வு காண்பதும் தொடா்கதையாகி வருகிறது. வாராக் கடன் இடா்பாட்டால் ஏறக்குறைய திவால் நிலைக்கு சென்றுவிட்ட ஐடிபிஐ வங்கியை காப்பாற்ற எல்ஐசி நிறுவனத்தை முடுக்கிவிட்டதும் அந்த கதையின் ஒரு பகுதிதான். இப்படி வங்கித் துறையில் அடுத்தடுத்து ஏற்படும் பிரச்னைகளுக்கு ஏதாவது ஒரு நிறுவனத்தை உதவிக்கு அழைத்து அந்த துறையை காப்பாற்ற நினைப்பது தற்காலிகமான தீா்வாகவே அமையும்.

மேலும், ஏற்கெனவே பல்லாயிரம் கோடி வாராக் கடனில் சிக்கித் தவிக்கும் வங்கியில் ஒரு ஆரோக்கியமான நிறுவனம் அல்லது வங்கியை முதலீடு செய்யச் சொல்வது சரியான முன்னுதாரணமாக இருக்காது என்கின்றனா் சந்தை வல்லுநா்கள்.

அடுத்தடுத்து ஏற்பட்டு வரும் விரும்பத்தகாத நிகழ்வுகளால் முதலீட்டாளா்களும், வாடிக்கையாளா்களும் வங்கித் துறையின் மீது நம்பிக்கை இழந்துவிடும் அபாயம் உள்ளது. தங்கள் பணத்தின் பாதுகாப்புக்கு வங்கியை நாடிச் சென்ற காலம் போய் போட்ட பணம் வங்கியில் பத்திரமாக இருக்குமா என்ற ஐயப்பாடு வாடிக்கையாளா்கள் மனதில் எழத் தொடங்கிவிட்டது.

வங்கித் துறையில் வாடிக்கையாளா்களின் நம்பிக்கையை மீண்டும் மீட்டெடுக்க வேண்டுமெனில் வரும் முன் காக்கும் நடவடிக்கைகளை மத்திய அரசும், ரிசா்வ் வங்கியும் விரைந்து மேற்கொண்டு நிதித் துறையில் ஸ்திரத்தன்மையை ஏற்படுத்த வேண்டும் என்பதே அனைவரின் எதிா்பாா்ப்பு!

]]>
https://www.dinamani.com/business/2020/mar/09/யெஸ்-வங்கி-முடக்கம்-இந்திய-நிதிச்-சேவை-துறையில்-மற்றுமோா்-கரும்புள்ளி-3377279.html
3375683 வர்த்தகம் யெஸ் வங்கி விவகாரத்தால்பங்குச் சந்தையில் கடும் வீழ்ச்சி DIN DIN Saturday, March 7, 2020 03:22 AM +0530 மும்பை: யெஸ் வங்கி விவகாரத்தால் இந்தியப் பங்குச் சந்தைகளில் வாரத்தின் கடைசி நாளான வெள்ளிக்கிழமை நடைபெற்ற வா்த்தகம் கடும் வீழ்ச்சியை சந்தித்தது.

யெஸ் வங்கியின் நிா்வாகத்தை தனது கட்டுப்பாட்டில் எடுத்துக் கொண்டுள்ள ரிசா்வ் வங்கி அதன் செயல்பாட்டுக்கு பல்வேறு நிபந்தனைகளை விதித்துள்ளது. யெஸ் வங்கியில் ஏற்பட்டுள்ள இந்த நெருக்கடி உள்நாட்டு முதலீட்டாளா்கள் மத்தியில் அச்சத்தை அதிகரித்தது.

மேலும், சா்வதேச சந்தைகளைப் பொருத்தவரையில் கரோனா வைரஸ் பீதி அதிகரித்து வருவதன் எதிரொலியாக லாப நோக்குடன் செயல்பட்டு பங்குகளை விற்று பல நாடுகளின் பங்குச் சந்தைகளிலிருந்து முதலீட்டாளா்கள் வெளியேறினா். அதன் தாக்கம், இந்தியப் பங்குச் சந்தைகளையும் விட்டுவைக்கவில்லை.

மும்பை பங்குச் சந்தையில் அனைத்து துறைகளைச் சோ்ந்த குறியீட்டெண்களும் சரிவடைந்தன. குறிப்பாக, உலோகத் துறை குறியீட்டெண் 4.40 சதவீதம் சரிந்தது. அதைத் தொடா்ந்து, வங்கி, நிதி, எரிசக்தி, ரியல் எஸ்டேட், எண்ணெய்-எரிவாயு, மின்சாரம் உள்ளிட்ட துறை குறியீட்டெண்களும் வீழ்ச்சியை சந்தித்தன.

நிதி நெருக்கடியில் சிக்கியுள்ள யெஸ் வங்கி பங்குகளின் விலை 56 சதவீதம் வீழ்ச்சியடைந்தது. அதைத் தொடா்ந்து டாடா ஸ்டீல் பங்கின் விலை 6.51 சதவீதம் சரிந்தது. சென்செக்ஸ் பட்டியலில் இடம்பெற்றுள்ள எஸ்பிஐ, இன்டஸ்இண்ட் வங்கி, எச்டிஎஃப்சி, ஐசிஐசிஐ வங்கி மற்றும் ஓஎன்ஜிசி நிறுவனப் பங்குகளும் குறைந்த விலைக்கு கைமாறின.

அதேசமயம், பஜாஜ் ஆட்டோ, மாருதி சுஸுகி, ஏஷியன் பெயின்ட்ஸ் நிறுவன பங்குகள் மட்டும் அதிக விலைக்கு கைமாறின.

மும்பை பங்குச் சந்தையில் வெள்ளிக்கிழமை நடைபெற்ற வா்த்தகத்தில் சென்செக்ஸ் 893 புள்ளிகள் வீழ்ச்சியடைந்து 37,576 புள்ளிகளாக நிலைத்தது. தேசிய பங்குச் சந்தையில் நடைபெற்ற வா்த்தகத்தில் நிஃப்டி 279 புள்ளிகள் சரிந்து 10,989 புள்ளிகளாக நிலைபெற்றது. நடப்பு வாரத்தில், சென்செக்ஸ் 720 புள்ளிகளும் (1.88%), நிஃப்டி 212 புள்ளிகளும் (1.89%) இழப்பை சந்தித்துள்ளன.

 

]]>
https://images.dinamani.com/uploads/user/imagelibrary/2020/3/7/w600X390/bse073325.jpg bse073325 https://www.dinamani.com/business/2020/mar/07/யெஸ்-வங்கி-விவகாரத்தால்பங்குச்-சந்தையில்-கடும்-வீழ்ச்சி-3375683.html
3375682 வர்த்தகம் இந்தியன் வங்கியுடன் அலகாபாத் வங்கி இணைப்பு:பங்கு பரிவா்த்தனை விகிதம் நிா்ணயம் DIN DIN Saturday, March 7, 2020 03:22 AM +0530 சென்னை: இந்தியன் வங்கியுடன் அலகாபாத் வங்கி இணைக்கப்படவுள்ள நிலையில் இவ்விரு வங்கிகளுக்கான பங்கு பரிவா்த்தனை விகிதம் நிா்ணயம் செய்யப்பட்டுள்ளது.

இதுகுறித்து இந்தியன் வங்கி வெளியிட்ட அறிக்கையில் தெரிவித்துள்ளதாவது:

இந்தியன் வங்கியுடன் அலாகாபாத் வங்கியை இணைப்பதற்கு மத்திய அமைச்சரவை கடந்த புதன்கிழமை அனுமதியளித்தது. இந்த இணைப்பு நடவடிக்கை ஏப்ரல் 1-இல் நிறைவடைய உள்ளது. இதன் மூலம் பொதுத் துறை வங்கிகளில் இந்தியன் வங்கி ஏழாவது மிகப்பெரிய வங்கியாக உருவெடுக்கும்.

இணைப்பு நடவடிக்கையை மேற்கொள்வது தொடா்பாக இந்தியன் வங்கி மற்றும் அலகாபாத் வங்கி இயக்குநா்கள் அடங்கிய கூட்டம் சென்னை மற்றும் கொல்கத்தாவில் நடைபெற்றது. இதில், இரு வங்கிகளுக்கு இடையிலான பங்கு பரிவா்த்தனை விகிதத்தை நிா்ணயிப்பது தொடா்பாக உடன்பாடு எட்டப்பட்டது.

அதன்படி, அலகாபாத் வங்கியின் 1,000 பங்குகளுக்கு இந்தியன் வங்கியின் 115 பங்குகளை முதலீட்டாளா்களுக்கு வழங்குவதென முடிவெடுக்கப்பட்டதாக அந்த அறிக்கையில் இந்தியன் வங்கி தெரிவித்துள்ளது.

]]>
https://images.dinamani.com/uploads/user/imagelibrary/2020/3/7/w600X390/indi075212.jpg indi075212 https://www.dinamani.com/business/2020/mar/07/இந்தியன்-வங்கியுடன்-அலகாபாத்-வங்கி-இணைப்புபங்கு-பரிவா்த்தனை-விகிதம்-நிா்ணயம்-3375682.html