Dinamani - வர்த்தகம் - https://www.dinamani.com/business/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3178986 வர்த்தகம் சரிவைக் கண்ட காபி ஏற்றுமதி DIN DIN Wednesday, June 26, 2019 12:46 AM +0530
கடந்த ஜனவரி மாதம் 1-ஆம் தேதியிலிருந்து இந்த மாதம் 21-ஆம் தேதி வரையிலான கால அளவில், இந்தியாவின் காபி ஏற்றுமதி கடந்த ஆண்டின் இதே கால அளவோடு ஒப்பிடுகையில் சரிவைக் கண்டுள்ளதாக இந்திய காபி வாரியம் தெரிவித்துள்ளது.
இதுகுறித்து அந்த வாரியம் வெளியிட்டுள்ள புள்ளிவிவரத்தில், கடந்த ஆண்டின் ஜனவரி 1-ஆம் தேதியிலிருந்து ஜூன் மாதம் 21-ஆம் தேதி வரை வெளிநாடுகளுக்கு ரூ.3,321 கோடி மதிப்பிலான காபி கொட்டைகள் ஏற்றுமதி செய்யப்பட்டதாகவும், நடப்பாண்டின் இதே கால அலவில் அது ரூ.3,264 கோடியாகக் குறைந்துள்ளதாகவும் தெரிவிக்கப்பட்டுள்ளது.
 

]]>
https://www.dinamani.com/business/2019/jun/26/சரிவைக்-கண்ட-காபி-ஏற்றுமதி-3178986.html
3178985 வர்த்தகம் பங்குச் சந்தைகளில் ஏறுமுகம்: சென்செக்ஸ் 312 புள்ளிகள் அதிகரிப்பு DIN DIN Wednesday, June 26, 2019 12:46 AM +0530
மும்பை பங்குச் சந்தையின் குறியீட்டு எண்ணான சென்செக்ஸ் செவ்வாய்க்கிழமை 312 புள்ளிகள் அதிகரித்தது.
தொடக்கத்தில் சுணக்கத்தைக் கண்ட பங்குச் சந்தை, இந்தியாவில் இந்த ஆண்டுக்கான பருவ நிலை சாதகமாக அமைந்துள்ளதாக வானிலை ஆய்வுத் துறை வெளியிட்ட அறிக்கையைத் தொடர்ந்து சூடு பிடிக்கத் தொடங்கியது.
இதுகுறித்து தகவல்கள் தெரிவிப்பதாவது: 39,123 சென்செக்ஸ் புள்ளிகளுடன் செவ்வாய்க்கிழமை தொடங்கிய மும்பை பங்குச் சந்தையின் வர்த்தகம், தொடக்கத்தில் மந்தமாகக் காணப்பட்டது. 350 புள்ளிகள் வரை வீழ்ச்சியடைந்த சென்செக்ஸ், பிறகு விறுவிறுப்படைந்து இறுதியில் 39,435 புள்ளிகளுடன் நிறைவடைந்தது. இது, முந்தைய தினத்தைவிட 312 புள்ளிகள் (0.80 சதவீதம்) அதிகமாகும். எரிசக்தி, ஆட்டோமொபைல் ஆகிய துறைகளைச் சேர்ந்த நிறுவனங்கள் மற்றும் வங்கிகளின் பங்குகள் அதிக அளவில் விற்பனையாகி சென்செக்ஸ் வளர்ச்சிக்குக் கைகொடுத்தன.
இந்தியாவின் சுமார் பாதி இடங்களில் இந்த ஆண்டு நல்ல பருவ மழை பெய்திருப்பதாகவும், நாட்டின் தெற்கு மற்றும் மத்தியப் பகுதிகளில் விவசாயத்துக்குச் சாதகமான பருவ நிலை இருப்பதாகவும் இந்திய வானிலை ஆய்வுத் துறை அறிக்கை வெளியிட்டதைத் தொடர்ந்து முதலீட்டாளர்கள் உற்சாகமடைந்தது. அதன் காரணமாகவே மும்பை பங்குச் சந்தையில் வர்த்தகம் செவ்வாய்க்கிழமை சரிவிலிருந்து மீண்டு வளர்ச்சியைக் கண்டது.
தேசிய பங்குச் சந்தையான நிஃப்டியும், செவ்வாய்க்கிழமை 99 புள்ளிகள் அதிகரித்து 11,796 புள்ளிகளாக நிறைவடைந்தது என்று தகவல்கள் தெரிவிக்கின்றன.
 

]]>
https://www.dinamani.com/business/2019/jun/26/பங்குச்-சந்தைகளில்-ஏறுமுகம்-சென்செக்ஸ்-312-புள்ளிகள்-அதிகரிப்பு-3178985.html
3178984 வர்த்தகம் ஃபியட் கிறிஸ்லரின் புதிய மேம்படுத்தப்பட்ட ஜீப் ரகம் அறிமுகம் DIN DIN Wednesday, June 26, 2019 12:45 AM +0530
ஃபியட் கிறிஸ்லர் ஆட்டோமொபைல்ஸ் இந்தியா நிறுவனம் தனது உயர் வகை ஜீப் கம்பாஸ் டிரெயில்ஹாக் வாகனத்தை செவ்வாய்க்கிழமை அறிமுகப்படுத்தியது.
ரூ.26.8 லட்சம் விலையிடப்பட்டுள்ள இந்த மேம்படுத்தப்பட்ட புதிய ரகம், பாரத் ஸ்டேஜ்-6இன் விதிகளை நிறைவு செய்யும் 2 லிட்டர் டர்போ டீசல் என்ஜினுடன் அறிமுகமாகிறது.
எந்த விதமான தரையிலிலும் தடங்கலின்றி செல்லும் வகையில், இந்த புதிய ரகத்தில் பல்வேறு மாற்றங்கள் செய்யப்பட்டுள்ளதால் இதன் முந்தைய ரகங்களைவிட இந்த ரகத்தின் விலை அதிகமாக உள்ளதாகக் கூறப்படுகிறது.
 

]]>
https://www.dinamani.com/business/2019/jun/26/ஃபியட்-கிறிஸ்லரின்-புதிய-மேம்படுத்தப்பட்ட-ஜீப்-ரகம்-அறிமுகம்-3178984.html
3178983 வர்த்தகம் தொலைத் தொடர்பு வாடிக்கையாளர் எண்ணிக்கை 118.38 கோடியாக உயர்வு DIN DIN Wednesday, June 26, 2019 12:44 AM +0530
இந்திய தொலைத் தொடர்பு வாடிக்கையாளர்களின் எண்ணிக்கை கடந்த ஏப்ரல் மாதத்தில் 118.38 கோடியாக உயர்ந்துள்ளதாக இந்திய தொலைத் தொடர்பு ஒழுங்குமுறை ஆணையம் (டிராய்) தெரிவித்துள்ளது.
இதுகுறித்து அந்த ஆணையம் வெளியிட்டுள்ள அறிக்கையில் தெரிவிக்கப்பட்டுள்ளதாவது:
தொலைத்தொடர்பு வாடிக்கையாளர்களின் எண்ணிக்கை முந்தைய மார்ச் மாதத்தைவிட கடந்த ஏப்ரல் மாதம் மிகக் குறைந்த அளவு அதிகரித்துள்ளது.
2019-ஆம் ஆண்டு மார்ச் மாத இறுதியில் 118.35 கோடியாக இருந்த அந்த எண்ணிக்கை ஏப்ரல் மாத இறுதியில் 118.38 கோடியாக உயர்ந்துள்ளது. இது 0.02 சதவீத வளர்ச்சியாகும்.
கம்பியில்லா தொலைத் தொடர்புப் பிரிவைப் பொருத்தவரை கடந்த மார்ச் மாதத்தில் 116.18 கோடியாக இருந்த வாடிக்கையாளர்களின் எண்ணிக்கை, ஏப்ரல் மாதத்தில் 116.23 கோடியாக அதிகரித்தது.
இந்தப் பிரிவில் ரிலையன்ஸ் ஜியோவும், பிஎஸ்என்எல்-லும் 83.1 லட்சம் வாடிக்கையாளர்களை புதிதாக இணைத்திருந்தாலும், பார்தி எர்டெல், டாடா டெலிசர்வீசஸ், வோடஃபோன் ஐடியா, எம்டிஎன்எல், ரிலையன்ஸ் கம்யூனிகேஷன் ஆகிய நிறுவனங்கள் ஏராளமான வாடிக்கையாளர்களை இழந்ததால் இப்பிரிவு வாடிக்கையாளர்களின் எண்ணிக்கை 4.9 லட்சம் மட்டுமே அதிகரித்துள்ளது என்று டிராய் வெளியிட்டுள்ள அறிக்கையில் குறிப்பிடப்பட்டுள்ளது.
 

]]>
https://www.dinamani.com/business/2019/jun/26/தொலைத்-தொடர்பு-வாடிக்கையாளர்-எண்ணிக்கை-11838-கோடியாக-உயர்வு-3178983.html
3178214 வர்த்தகம் மும்பை, தேசியப் பங்கு சந்தைகள் சரிவு DIN DIN Tuesday, June 25, 2019 12:57 AM +0530
சர்வதேச அளவில் அமெரிக்கா-ஈரான் இடையே நிலவும் பதற்றம் காரணமாக, இந்தியப் பங்குச் சந்தைகளில் திங்கள்கிழமை நடைபெற்ற வர்த்தகம் சரிவுடன் நிறைவடைந்தது.
திங்கள்கிழமை காலை ஏற்றத்துடன் தொடங்கிய மும்பை பங்குச் சந்தை, மாலையில் 71.53 புள்ளிகள் சரிவடைந்து, 39,122.96 புள்ளிகளாக நிறைவடைந்தது. இதேபோல், தேசியப் பங்குச் சந்தை நிஃப்டி 24.45 புள்ளிகள் சரிவடைந்து 11,699.65 புள்ளிகளாக நிலைப்பெற்றது. இருப்பினும், நண்பகல் நேரத்தில் தேசியப் பங்குச் சந்தை  குறியீட்டு எண் 11,670.22-இல் இருந்து 11,754  வரை அதிகரித்துக் காணப்பட்டது.
அமெரிக்கா-சீனா இடையேயான வர்த்தகப் பேச்சுவார்த்தையில் எவ்வித முன்னேற்றமும் ஏற்படாததால் பங்குச் சந்தைகளில் முதலீடு செய்வதற்கு முதலீட்டாளர்கள் தயக்கம் காட்டி வருகின்றனர்.
இதனால், எண்ணெய் உற்பத்தி, உலோகம், ஆட்டோமொபைல் உற்பத்தி நிறுவனங்களின் பங்குகளின் விலை குறைந்துள்ளன. குறிப்பாக, ஓஎன்ஜிசி, டாடா ஸ்டீல், வேதாந்தா குழுமம், பஜாஜ் ஆட்டோ, டெக் மஹிந்திரா, ஹீரோ மோட்டோகார்ப், கோட்டக் வங்கி, ஆக்ஸிஸ் வங்கி, இன்ஃபோசிஸ் ஆகிய நிறுவனங்களின் பங்குகளின் விலை சரிவைச் சந்தித்தன.
இருப்பினும், யெஸ் பேங்க், மஹிந்திரா அண்ட் மஹிந்திரா, டாடா கல்சடன்சி, பாரத ஸ்டேட் வங்கி, இண்டஸ்இண்ட் வங்கி, மாருதி, ஐடிசி ஆகிய நிறுவனங்களின் பங்கு விற்பனை 2.19 சதவீதம் அதிகரித்துக் காணப்பட்டது.
சர்வதேச சந்தையில் அமெரிக்க டாலருக்கு நிகரான இந்திய ரூபாயின் மதிப்பு திங்கள்கிழமை 23 காசுகள் அதிகரித்து, ரூ.69.35 காசுகளாக உயர்ந்துள்ளது.


 

]]>
https://www.dinamani.com/business/2019/jun/25/மும்பை-தேசியப்-பங்கு-சந்தைகள்-சரிவு-3178214.html
3178213 வர்த்தகம் டாப் 10 பட்டியல்: மாருதி நிறுவனத்தின் 8 கார்கள்: விற்பனையில் அமோகம் DIN DIN Tuesday, June 25, 2019 12:56 AM +0530 பயணிகள் வாகன விற்பனைச் சந்தையில் 18 ஆண்டுகளில் இல்லாத அளவுக்கு சரிவு ஏற்பட்ட போதிலும், கடந்த மே மாதத்தில் அதிகம் விற்பனையான டாப் 10 வாகனங்களின் பட்டியலில், மாருதி சுஸுகி இந்தியா நிறுவனத்தின் 8 ரக கார்கள் இடம்பெற்றுள்ளன.
இந்திய வாகன உற்பத்தியாளர்கள் சங்கம் வெளியிட்டுள்ள அந்தப் பட்டியலில் கூறப்பட்டுள்ளதாவது:
மக்கள் அதிகம் விரும்பும் மாருதி நிறுவனத்தின் ஸ்விஃப்ட் கார்கள் கடந்த மாதம் 17,039 விற்பனையாகி முதலிடத்தைப் பிடித்துள்ளது.
அந்த நிறுவனத்தின் ஆல்டோ கார் 2-ஆவது இடத்தைப் பிடித்துள்ளது. அதில், 16,394 கார்கள்  விற்பனையாகின. மேலும், அந்த நிறுவனத்தின் டிசையர் ரகம் 16,196 கார்களும், பலேனா ரகம் 15,176 கார்களும் விற்பனையாகி முறையே 3-ஆவது, 4-ஆவது இடத்தைப் பிடித்துள்ளன.
அதைத் தொடர்ந்து, மாருதி வேகன்-ஆர் ரகம் 14,561 கார்கள் விற்பனையாகி 5-ஆவது இடத்திலும், அந்த நிறுவனத்தின் ஈக்கோ வேன் 11,739 விற்பனையாகி 6-ஆவது இடத்திலும் உள்ளன. 7-ஆவது மற்றும் 8-ஆவது இடத்தை ஹுண்டாய் மோட்டார் இந்தியா நிறுவனம் கைப்பற்றியுள்ளது. அந்த நிறுவனத்தின் கிரீட்டா ரகம் 9,054 கார்கள் விற்பனையாகி 7-ஆவது இடத்திலும், எலைட் ஐ20 ரகம் 8,958 கார்கள் விற்பனையாகி 8-ஆவது இடத்திலும் உள்ளன.
மாருதி நிறுவனத்தின் எர்டிகா கார்கள் விற்பனையில் 9-ஆவது இடத்தைப் பிடித்துள்ளது. இந்த மாடல் கார்கள் 8,864 விற்பனையாகின. மேலும், இதே நிறுவனத்தின் விட்டாரா பிரிஸா ரக கார்கள் 10-ஆவது இடத்தைப் பிடித்துள்ளது. இந்த ரக கார்கள், கடந்த மாதம் 8,781 விற்பனையாகின. 
கடந்த ஆண்டு மே மாதத்தில் இந்த ரக கார்கள் 15,629 விற்பனையாகி, 6-ஆவது இடத்தில் இருந்தது.
நாடு முழுவதும் கடந்த 18 ஆண்டுகளில் இல்லாத அளவுக்கு பயணிகள் வாகனங்களின் விற்பனை ஒட்டுமொத்தமாக சரிவடைந்துள்ளது. கடந்த ஆண்டு மே மாதம் 3,01,238 வாகனங்கள் விற்பனையாகி இருந்தன. ஆனால், கடந்த மாதம் வாகன விற்பனை 20 சதவீதம் குறைந்து 2,39,347 வாகனங்கள் விற்பனையாகின.
 

]]>
https://www.dinamani.com/business/2019/jun/25/டாப்-10-பட்டியல்-மாருதி-நிறுவனத்தின்-8-கார்கள்-விற்பனையில்-அமோகம்-3178213.html
3178212 வர்த்தகம் பேட்டரி வாகனங்கள் குறித்த திட்டம்: டிவிஎஸ், பஜாஜ் ஆட்சேபம் DIN DIN Tuesday, June 25, 2019 12:55 AM +0530
இருசக்கர, மூன்று சக்கர மோட்டார் வாகன பயன்பாட்டிலிருந்து 2025ஆம் ஆண்டுக்குள் பேட்டரி வாகன பயன்பாட்டுக்கு மாற்றுவது தொடர்பான திட்டத்துக்கு டிவிஎஸ் மோட்டார் நிறுவனம், பஜாஜ் ஆட்டோ நிறுவனம் ஆகியன ஆட்சேபம் தெரிவித்துள்ளன.
மோட்டார் வாகன தயாரிப்பாளர்கள் கூட்டமைப்பான இந்தியன் ஆட்டோமொபைல் உற்பத்தியாளர்கள் கூட்டமைப்பிடம் நீதி ஆயோக் அமைப்பு கடந்த வாரம், இருசக்கர் மோட்டார் வாகன பயன்பாட்டிலிருந்து 2025ஆம் ஆண்டுக்குள் பேட்டரி வாகன பயன்பாட்டுக்கு மாற்றுவது தொடர்பான திட்டத்தை  2 வாரங்களில் சமர்ப்பிக்கும்படி கோரியிருந்தது.
இதற்கு டிவிஎஸ் மோட்டார் நிறுவனம், பஜாஜ் ஆட்டோ நிறுவனம் ஆகியன ஆட்சேபம் தெரிவித்துள்ளன. 
இதுகுறித்து டிவிஎஸ் மோட்டார் நிறுவன தலைவரும், நிர்வாக இயக்குநருமான வேணு ஸ்ரீநிவாசன் கூறுகையில், 
இதுவொன்றும் ஆதாரோ, தொழில்நுட்பமோ, பதிவு அட்டைகளோ கிடையாது. ஒட்டுமொத்த விநியோக அமைப்பையும் இதற்காக ஏற்படுத்த வேண்டும் என்றார்.
பஜாஜ் ஆட்டோ நிறுவன நிர்வாக இயக்குநர் ராஜீவ் பஜாஜ் கூறுகையில், 100 சதவீத மாற்றம் தேவையில்லாத ஒன்று என்றார்.

]]>
https://www.dinamani.com/business/2019/jun/25/பேட்டரி-வாகனங்கள்-குறித்த-திட்டம்-டிவிஎஸ்-பஜாஜ்-ஆட்சேபம்-3178212.html
3178199 வர்த்தகம் கருப்பு பணத்தை கணக்கிடுவது கடினமான காரியம்: நாடாளுமன்றக் குழு DIN DIN Monday, June 24, 2019 08:34 PM +0530

இந்தியாவுக்கு வெளியே இருக்கும் கணக்கில் வராத வருமானம் மற்றும் சொத்துகளை கணக்கிடுவது கடினமான காரியம் என்று நாடாளுமன்றக் குழு தெரிவித்துள்ளது. 

மார்ச் 2011-இல் என்பிஎஃப்பி, என்சிஏஈஆர் மற்றும் என்ஐஎஃப்எம் ஆகிய நிறுவனங்களிடம், இந்தியா மற்றும் இந்தியாவுக்கு வெளியே கணக்கில் வராத வருமானம் மற்றும் சொத்துகளின் மதிப்பீடுகள் குறித்து ஆய்வு நடத்துமாறு மத்திய நிதியமைச்சகம் கேட்டுக்கொண்டது. இந்த ஆய்வுகளின் முடிவை காங்கிரஸ் தலைவர் எம்.வீரப்ப மொய்லி தலைமையிலான நாடாளுமன்றக் குழு, இன்று (திங்கள்கிழமை) மக்களவையில் அறிக்கையாக தாக்கல் செய்தது.

இந்த ஆய்வுகளின் முடிவில் 1980 மற்றும் 2010-க்கு இடைப்பட்ட காலகட்டங்களில், கணக்கில் வராத வெளிநாடு சொத்துகளின் மதிப்பு 216-490 பில்லியன் அமெரிக்க டாலர்களாக கணிக்கப்பட்டுள்ளது. ரியல் எஸ்டேட், சுரங்கம், மருந்தகம், பான் மசாலா, குட்கா, புகையிலை, சரக்கு வியாபாரம், திரைப்படம் மற்றும் கல்வி உள்ளிட்ட துறைகளில் தான் அதிகளவில் கணக்கில் வராத வருமானம் இருப்பதாக கண்டறியப்பட்டுள்ளது. 

என்சிஏஈஆர் நடத்திய ஆய்வின் முடிவில், 1980-2010 காலகட்டத்தில் இந்தியாவுக்கு வெளியே கணக்கில் வராத சொத்துகளின் மதிப்பு 384 - 490 பில்லியன் அமெரிக்க டாலர்களாக கணக்கிடப்பட்டுள்ளது.

என்ஐஎஃப்எம் ஆய்வின் முடிவில், 1990-2008 காலகட்டத்தில், இந்தியாவிற்கு வெளியே சட்டவிரோதமாக இருக்கும் தொகை தற்போதைய மதிப்பின்படி ரூ. 9,41,837 கோடியாக இருக்கிறது. கணக்கில் வராத வருமானமாக கணக்கிடப்படும் மொத்த தொகையில் இருந்து, சராசரியாக 10 சதவீதம் இந்தியாவிற்கு வெளியே கொண்டு செல்லப்படுவதாக கணக்கிடப்பட்டுள்ளது. 

என்பிஎஃப்பி ஆய்வின்படி, வெளிநாட்டில் இருக்கும் கணக்கில் வராத தொகையின் மதிப்பு, ஜிடிபியில் இருந்து 0.2 சதவீதம் முதல் 7.4 சதவீதமாக கணக்கிடப்பட்டுள்ளது.

இந்த மூன்று நிறுவனங்கள் நடத்திய ஆய்வுகள் மூலம், வெளிநாடுகளில் இருக்கும் கணக்கில் வராத சொத்துகளின் மதிப்பு முற்றிலுமாக வேறுபடுகிறது. இந்த மூன்று ஆய்வுகளையும் அடிப்படையாகக் கொண்டு, சராசரியான ஒரு மதிப்பீட்டுக்கு வர முடியவில்லை என்று தலைமை பொருளாதார ஆலோசகர் கருதுகிறார்.  

எனவே, வெளிநாடுகளில் இருக்கும் கணக்கில் வராத சொத்துகளின் மதிப்பை இந்தியா போன்ற நாட்டில் கணக்கிடுவது கடினம் என்று நாடாளுமன்றக் குழு தெரிவிக்கிறது. 

அதேசமயம், இதுதொடர்பாக ஒரு சில நிபுணர்கள் மற்றும் சாட்சியங்களிடம் மேற்கொள்ள வேண்டிய விசாரணை நிலுவையில் இருப்பதால், அதற்கு முன் ஒரு முடிவுக்கு வர முடியாது. அதனால், இது முதற்கட்ட அறிக்கையாக பார்க்கப்படுகிறது என்றும் நாடாளுமன்றக் குழு தெரிவித்துள்ளது.

]]>
https://www.dinamani.com/business/2019/jun/24/indians-unaccounted-wealth-abroad-estimated-at-usd-216-490-bn-studies-3178199.html
3177624 வர்த்தகம் ஈரான்-அமெரிக்கா போர் பதற்றம்: கேள்விக் குறியாகும் இந்திய வளர்ச்சி திட்டங்கள் -அ.ராஜன் பழனிக்குமார் DIN Monday, June 24, 2019 10:34 AM +0530  

ஈரான்-அமெரிக்கா இடையேஏற்பட்டுள்ள போர் பதற்றம் எங்கு பீதியை கிளப்பி உள்ளதோ... இல்லையோ... இந்தியாவில் அதன் தாக்கம் அதிகமாகவே காணப்படுகிறது. உலகின் பல நாடுகளுக்கு கச்சா எண்ணெயை ஏற்றுமதி செய்வதில் ஈரான் முக்கிய பங்காற்றி வருகிறது. இந்தியாவும் அதற்கு விதிவிலக்கல்ல.

ஹோர்மூஸ் ஜலசந்தி பகுதியில் எண்ணெய் கப்பல்கள் தாக்கப்பட்டது முதலே உலக நாடுகள் கச்சா எண்ணெய் சந்தையில் தங்களது முழு கவனத்தை செலுத்த ஆரம்பித்து விட்டன.

எரிகிற தீயில் எண்ணெய் வார்ப்பதைப் போல அமெரிக்காவின் கண்காணிப்பு விமானத்தை ஈரான் சுட்டு வீழ்த்தியது இப்பிரச்னையை மேலும் தீவிரமாக்கியுள்ளது.    

இந்தியா போன்ற மக்கள் தொகை அதிகம் மிகுந்த நாடுகள் சமூக நல திட்டங்களுக்கு அதிக நிதி ஒதுக்கீடு செய்து ஏழைகளின் வாழ்க்கையை முன்னேற்றப் பாதைக்கு கொண்டு வருவதை குறிக்கோளாக கொண்டு செயல்பட்டு வருகின்றன. இந்த நிலையில்,  ஈரான்-அமெரிக்கா இடையே எழுந்துள்ள இந்த போர் பதற்றம் அந்த குறிக்கோளை பதம்பார்த்து விடுமா என்ற அச்சம் எல்லோரிடத்திலும் ஏற்பட்டுள்ளது.

இருப்பினும், தற்போது வரை கச்சா எண்ணெய் விலை பயமுறுத்த கூடிய அளவுக்கு உயரவில்லை என்பது உலக நாடுகளின் ஒரே ஆறுதல். 

மத்திய அரசு, தூய்மை, வீட்டு வசதி, அனைவருக்கும் மின்சாரம், ஏழைகளுக்கு இலவச சமையல் எரிவாயு இணைப்பு, சுகாதாரம் உள்ளிட்ட சமூக நல திட்டங்களுக்கு அதிக நிதி ஒதுக்கி செய்ய திட்டமிட்டுள்ளது. இதற்கு, கச்சா எண்ணெய் விலையில் அண்மைக் காலமாக காணப்பட்டு வரும் அதிக ஏற்றஇறக்கமின்மையே  முக்கிய காரணம். கச்சா எண்ணெய் விலை திடீரென்று அதிகரிக்கும்பட்சத்தில் அது திட்டங்களுக்கான நிதி ஒதுக்கீட்டில் நிச்சயம் பாதிப்பை ஏற்படுத்தும்.     

கச்சா எண்ணெய் விலை ஒவ்வொரு பேரலுக்கு  10 டாலர் அதிகரிக்கும்போதும் மொத்த உள்நாட்டு உற்பத்தியில் 0.4 சதவீதம் பாதிக்கப்படும் என்பதும் இதன் மூலம் நடப்பு கணக்கு பற்றாக்குறை 1,200 கோடி டாலர் அதிகரிக்கும் என்பதும் ஆய்வு நிறுவனங்களின் மதிப்பீடு.

கச்சா எண்ணெய் விலையில் காணப்படும் திடீர் ஏற்றம், மத்திய அரசின் மானியப் பொறுப்பை அதிகரிப்பதுடன், அது நாட்டின் இறக்குமதி செலவினத்தையும் உயரச் செய்யும். அந்நியச் செலாவணி கரைந்து போகும் அதன் பாதிப்பு ரூபாய் மதிப்பில் எதிரொலிக்கும். மொத்தத்தில் இவை, அரசின் சமூக நல திட்டங்களுக்கான நிதி ஒதுக்கீட்டை அதிக அளவில் பாதிக்கும். 

இதனை உணர்ந்துதான், பெட்ரோலியத் துறை அமைச்சர் எண்ணெய் கப்பல் தாக்கப்பட்ட சம்பவத்தில் நட்பு நாடான அபுதாபியை அழைத்து கச்சா எண்ணெய் விலை உயரக்கூடிய சூழல் குறித்து தனது கவலையை பரிமாறிக் கொண்டுள்ளார்.

அதேபோன்று, சவூதி பெட்ரோலியத் துறை அமைச்சர் காலித் அல்-ஃபலிஹ்,  கச்சா எண்ணெய் விலையை நியாயமான அளவில் கட்டுக்குள் வைக்க ஒபெக் நாடுகளின் ஆதரவை திரட்டினார். அதற்கு முன்னதாக, ஐக்கிய அரசு அமீரகத்தின் சுல்தான் அகமது அல் ஜபீரை தொடர்பு கொண்ட காலித் ஹோர்மூஸ்,  ஜலசந்தியில் குறுக்கீடுகள் இருந்தபோதிலும்,  தடையற்ற எண்ணெய் மற்றும் எல்பிஜி போக்குவரத்துக்கு உத்தரவாதம் அளிக்குமாறு கோரினார்.  

ஈரான்-ஐக்கிய அரபு அமீரகம் இடையேயான கடல் பாதை சர்வதேச கச்சா எண்ணெய் போக்குவரத்துக்கு மிக முக்கியமானது. அதன்படி,  20 சதவீத கச்சா எண்ணெய், 25 சதவீத பெட்ரோலிய சுத்திகரிப்பு பொருள்கள் இந்த ஜலசந்தி வழியாகவே செல்கிறது.

இந்தியா அதன் கச்சா எண்ணெய் தேவையில் 83 சதவீதத்தை இந்த வழியாகத்தான் பெற்று வருகிறது. பெருமளவு கச்சா எண்ணெய், எல்பிஜி தேவைக்கு இந்த பாதையைத்தான் இந்தியா பெரிதும் நம்பியுள்ளது. எனவே, ஈரான் மீது தொடுக்கப்படும் எந்தவொரு போரும்,  இந்திய பொருளாதார, சமூக நல திட்ட நடவடிக்கைகளில் பாதிப்பை ஏற்படுத்தும் என்பது மட்டும் திண்ணம்.

 

  • பாரசீக வளைகுடா பகுதியில் எண்ணெய் கப்பல்கள் தாக்கப்பட்டது முதலே சர்வதேச சந்தையில் கச்சா எண்ணெய் விலையில் ஏற்ற இறக்கம் காணப்பட்டு வருகிறது.
  • கடந்த ஜூன் 13-இல் அமெரிக்காவின் ஆளில்லா விமானத்தை ஈரான் சுட்டு வீழ்த்தியதையடுத்து, சர்வதேச சந்தையில் கச்சா எண்ணெய் விலை 5 சதவீதம் உயர்ந்தது. கடந்த ஜனவரியிலிருந்து காணப்படும் அதிகபட்ச ஏற்றம் இது. 
  • அமெரிக்க அதிபர் டொனால்ட் டிரம்ப் ஈரான் மீது வான்வழித் தாக்குதல் நடத்த உத்தரவிட்டு பின்னர் திரும்ப பெற்றதன் எதிரொலியாக கடந்த வெள்ளிக்கிழமை சந்தை மேலும் நடுக்கத்துக்குள்ளாகியது. இறுதியில், ஒரு பீப்பாய் கச்சா எண்ணெய் விலை 65 டாலரை எட்டியது.
]]>
https://www.dinamani.com/business/2019/jun/24/ஈரான்-அமெரிக்கா-போர்-பதற்றம்-கேள்விக்-குறியாகும்-இந்திய-வளர்ச்சி-திட்டங்கள்-3177624.html
3177623 வர்த்தகம் ஜவுளித் துறை: ஏற்றுமதியை அதிகரிக்க என்ன செய்யலாம்? - மத்திய அரசுக்கு உற்பத்தியாளர்களின் பரிந்துரைகள் - க. தங்கராஜா DIN Monday, June 24, 2019 10:33 AM +0530  


செயற்கை பஞ்சின் விலையானது மூலப் பொருள் நிலையிலேயே அதிகமாக இருப்பதால், அதனை பயன்படுத்தி ஆடை தயாரிக்கும் வியத்நாம் போன்ற நாடுகளுடன் போட்டியிட முடிவதில்லை.


போட்டி நாடுகளின் கடுமையான சவால்களுக்கு இடையே இந்திய ஜவுளித் துறையின் ஏற்றுமதி சுணக்கத்திலேயே உள்ளது. இதை முன்னேற்றப் பாதைக்கு கொண்டு செல்வது எப்படி என்பது தொடர்பாக கோவையைச் சேர்ந்த ஜவுளித் துறை நிறுவனம் ஆய்வு நடத்தி, பரிந்துரைகளை மத்திய அரசுக்கு அனுப்பி வைத்துள்ளது.

நாட்டின் மொத்த ஏற்றுமதியில் ஜவுளித் துறையின் பங்களிப்பு சுமார் 14 சதவீதமாக உள்ளது. இந்த நிலையில், வரும் 2025 ஆம் ஆண்டுக்குள் இந்திய பொருளாதாரத்தை ரூ.350 லட்சம் கோடி கொண்டதாக மாற்றுவதற்கு எந்தெந்த துறைகளில் கவனம் செலுத்த வேண்டும் என்பது தொடர்பான செயல் திட்டத்தை மத்திய தொழில் வர்த்தகத் துறை அமைச்சகம் உருவாக்கி வருகிறது. ஆனால், பொருளாதார வளர்ச்சிக்கும், வேலைவாய்ப்பு பெருக்கத்துக்கும் உதவிக்கூடிய துறைகளில் ஒன்றான ஜவுளித் துறையில், ஏற்றுமதி மந்த நிலையில் உள்ளது கவலை அளிப்பதாக மாறியுள்ளது.

கடந்த 2017-18ஆம் ஆண்டில் 586.78 கோடி டாலராக இருந்த பருத்தி ஆடைகள் ஏற்றுமதி, 2018-19 இல் 584.90 கோடி டாலராக குறைந்துள்ளது. அதேபோல செயற்கை இழை ஆடைகள் ஏற்றுமதி கடந்த ஆண்டில் 254.69 கோடி டாலராக இருந்த நிலையில், தற்போது 212.17 கோடி டாலராக குறைந்துள்ளது. இது ஏறத்தாழ 16 சதவீதம் சரிவாகும். இதர வகை ஆடைகளின் ஏற்றுமதி கடந்த ஆண்டில் 191.41 கோடி டாலராக இருந்த நிலையில், இந்த ஆண்டு 189.53 கோடி டாலராக குறைந்துள்ளது.

இந்திய பொருளாதாரத்தின் முன்னோக்கிய பயணத்துக்கு ஜவுளித் துறை தடைக்கல்லாக இருந்திடக் கூடாது என்ற எண்ணத்தில், கோவையைச் சேர்ந்த ஜவுளித் தொழில் அமைப்பான இந்தியன் டெக்ஸ்பிரனர்ஸ் அமைப்பு, ஜவுளித் துறையின் வளர்ச்சிக்கு என்ன செய்ய வேண்டும் என்பது தொடர்பாக ஆய்வில் ஈடுபட்டது. 

அதன்படி, அந்தக் கூட்டமைப்பில் இடம் பெற்றுள்ள, ஜவுளி உற்பத்தித் தொடரின் பல்வேறு நிலைகளில் தொடர்புடைய 320 நிறுவனங்களிடம் ஆய்வு நடத்தப்பட்டது. இந்த ஆய்வின் முடிவில், ஜவுளித் துறையின் ஏற்றுமதி வளர்ச்சி அடையாததற்கு சில காரணங்கள் கண்டறியப்பட்டுள்ளன.

அதில் முதல் காரணமாக இருப்பது உற்பத்திச் செலவுதான். உள்நாட்டில் ஜவுளியை உற்பத்தி செய்வதற்கும் போட்டி நாடுகளில் உற்பத்தி செய்வதற்கும் இடையே மிகப்பெரிய இடைவெளி உள்ளது. இந்தியாவில் ஆண்டுதோறும் உற்பத்தி செலவு உயர்ந்து வரும் நிலையில், மிகக் குறைந்த செலவில் உற்பத்தி செய்யும் வங்கதேசம், வியத்நாம், சீனா போன்ற நாடுகளுடன் போட்டியிட முடியாத நிலை உள்ளது.

இந்தியாவின் ஏற்றுமதித் துறை வெறும் 3, 4 நாடுகள் அல்லது பகுதிகளில் மட்டுமே கவனம் செலுத்தி வருகிறது. இந்திய ஆயத்த ஆடை உற்பத்தித் துறையின் உற்பத்தித் திறன் முன்னேறவில்லை. ஒப்பீட்டளவில் சுமார் 30 சதவீதம் அளவுக்கு உற்பத்தித் திறனில் நாம் பின்தங்கியிருக்கிறோம். ஆள் பற்றாக்குறையும் கடுமையாக உயர்ந்துள்ளது. செயற்கைப் பஞ்சின் விலையானது மூலப் பொருள் நிலையிலேயே அதிகமாக இருப்பதால், அதனைப் பயன்படுத்தி ஆடை தயாரிக்கும் வியத்நாம் போன்ற நாடுகளுடன் போட்டியிட முடிவதில்லை.

சர்வதேச சந்தையில் செயற்கைப் பஞ்சும், இயற்கைப் பஞ்சும் கலந்த ஆடைகளுக்கே அதிக வரவேற்பு இருக்கும் நிலையில், நாம் வெறும் பருத்தி ஆடைகளைத் தயாரிப்பதில் மட்டுமே கவனம் செலுத்துவதால் பெரிய அளவிலான சந்தையை இழக்கிறோம். ஆனால் இதை சரி செய்ய நாடு தழுவிய அளவில் எந்த ஒரு பெரிய முயற்சியும் இதுவரை எடுக்கப்படவில்லை என்று 320 ஜவுளி உற்பத்தி நிறுவனங்களும் கவலை தெரிவித்துள்ளன.

அதேநேரம், குறைந்த முதலீட்டில் அதிக வேலைவாய்ப்பை வழங்குவதாக இருப்பதும், வேலைவாய்ப்பில் பெண்களின் பங்களிப்பை அதிகரிப்பதற்கான காரணியாக இருப்பதுமான ஜவுளித் துறையை சீரமைத்து ஏற்றுமதியை அதிகரிப்பது காலத்தின் கட்டாயம் என்பதால், அதற்கான பரிந்துரைகளும் அந்த ஆய்வறிக்கையில் இடம் பெற்றுள்ளன.

இது தொடர்பாக இந்தியன் டெக்ஸ்பிரனர்ஸ் கூட்டமைப்பின் ஒருங்கிணைப்பாளர் பிரபு தாமோதரன் கூறியதாவது:

 ஜவுளித் துறை சீரமைப்பு, ஏற்றுமதியை அதிகரிப்பதற்காக, ஜவுளித் தொழில் முனைவோர் தரப்பில் இதுபோன்ற பிரம்மாண்டமான ஆய்வறிக்கை தயாரிக்கப்பட்டிருப்பது இதுவே முதல் முறை. இந்த ஆய்வின் முடிவில் அரசுக்கு சில பரிந்துரைகளையும், கோரிக்கைகளையும் விடுத்திருக்கிறோம்.

 அதன்படி, மத்திய அரசு ஜவுளித் துறை ஏற்றுமதி வளர்ச்சிக்காக ஒரு வழிகாட்டும் குழுவை அமைக்க வேண்டும். அந்தக் குழு மாநில வாரியான ஜவுளி உற்பத்தி சங்கங்களுக்கு சரியான பிரதிநிதித்துவம் அளிக்கும் வகையில் அமைக்கப்பட்டு ஏற்றுமதி வளர்ச்சிக்கான குறுகிய, மத்திய கால தீர்வைக் கண்டறிந்து செயல்படுத்த வேண்டும். 

 தமிழகத்தைப் பொருத்தவரை கோவை, திருப்பூர், கரூர், ஈரோடு போன்ற பெரிய ஜவுளி உற்பத்தி ஏற்றுமதி மையங்கள் இருப்பதால் ஒரு இணைச் செயலர் அளவிலான அதிகாரி, மத்திய ஜவுளி அமைச்சகத்தில் இருந்து குறிப்பிட்ட கால இடைவெளியில் இப்பகுதிக்கு வந்து, அவரது தலைமையில் ஒரு வழிகாட்டும் குழுவை அமைத்து, வளர்ச்சிக்கான வழிகாட்டுதலை அளிப்பதுடன், உள்ளூரில் நிலவும் பிரச்னைகளுக்கும் தீர்வு காண உதவ வேண்டும்.

ஒட்டுமொத்த ஜவுளி மூலப் பொருள்களுக்கும் ஒரே மாதிரியான குறைவான ஜி.எஸ்.டி. வரி விதிப்பைக் கொண்டு வருவதன் மூலம் இந்திய ஜவுளித் துறை, மற்ற நாடுகளுடன் போட்டியிட முடியும். புதிய பருத்தி தொழில்நுட்பக் கொள்கையை அறிவித்து, ஒரு ஹெக்டேரில் ஆயிரம் கிலோ பருத்தி விளைவிக்க முயற்சி மேற்கொள்ள வேண்டும். உலகில் உள்ள பல நாடுகள் ஆயிரம் கிலோ உற்பத்தியைத் தாண்டிவிட்டன.

இதன் மூலம் இந்திய ஜவுளி உற்பத்தித் துறைக்கு மிகுதியான மூலப் பொருள்கள் கிடைப்பதுடன் விவசாயிகளுக்கும் வருமானம் இரட்டிப்பாகும். மேலும் தற்போதுள்ள அதிரடி ஏற்ற, இறக்கங்கள் பருத்தி விலையில் ஏற்படாது. பெரிய அளவிலான ஆயத்த ஆடை நிறுவனங்கள் அமைக்க சிறப்பு உதவித் திட்டங்களை அறிவிக்க வேண்டும். சிறிய, நடுத்தர ஜவுளி ஏற்றுமதியாளர்களை புதிய நாடுகளின் சந்தைகளுக்கு மார்க்கெட்டிங் செய்ய அந்தந்த நாடுகளின் தூதரகங்களில் தனி அலுவலரை நியமித்து உதவி செய்ய வேண்டும்.

தமிழகத்தில் பல ஜவுளித் தயாரிப்பு நிறுவனங்கள் பசுமை முறையில் ஆடைகளை உற்பத்தி செய்கின்றன. இந்தத் தயாரிப்பு முயற்சிகளை "பிராண்ட்' செய்து வெளிநாட்டு வாடிக்கையாளர்களிடம் மார்க்கெட்டிங் செய்ய வேண்டும்.

இந்தியா - யூரேசியா ஒப்பந்தம், பிற வர்த்தக ஒப்பந்தங்களை விரைந்து முடிக்க வேண்டும். அமெரிக்கா, சீனாவின் வர்த்தகப் போரை பயன்படுத்தி அமெரிக்க சந்தையைக் கைப்பற்ற முயற்சி மேற்கொள்ளலாம். 

ஏனெனில் அமெரிக்காவுக்கு சீனாவின் ஏற்றுமதி 4,001 கோடி டாலர். அதேநேரம் இந்தியாவின் ஜவுளி ஏற்றுமதி 767 கோடி டாலர் மட்டுமே. துறையில் தற்போது நிலவும் சவால்களுக்கு தீர்வு காணும் வரையிலும் ஜவுளி ஏற்றுமதிக்கு வழங்கப்படும் ஏற்றுமதி ஊக்கத் தொகைகளைத் தொடர வேண்டும். இது தற்போது இருக்கும் வியாபாரத்தைத் தக்க வைத்துக் கொள்ள உதவும். இந்த கோரிக்கைகளை மத்திய ஜவுளித் துறை அமைச்சகத்துக்கு அனுப்பியுள்ளோம். ஏற்றுமதியையும், அதன் மூலம் இந்திய பொருளாதாரத்தையும் உயர்த்துவதற்கு அமைச்சர் உரிய நடவடிக்கை எடுப்பார் என்ற எதிர்பார்ப்பில் காத்திருக்கிறோம் என்றார்.

]]>
https://www.dinamani.com/business/2019/jun/24/ஏற்றுமதியை-அதிகரிக்க-என்ன-செய்யலாம்-மத்திய-அரசுக்கு-உற்பத்தியாளர்களின்-பரிந்துரைகள்-3177623.html
3177447 வர்த்தகம் ரூ.26 ஆயிரத்தைத் தாண்டியது தங்கம் DIN DIN Sunday, June 23, 2019 04:39 AM +0530 சென்னையில் சனிக்கிழமை ஒரு பவுன் ஆபரணத் தங்கத்தின் விலை ரூ.26 ஆயிரத்தை தாண்டி புதிய உச்சத்தை தொட்டது.  பவுனுக்கு ரூ.176 உயர்ந்து, ரூ. 26,072-க்கு விற்பனை செய்யப்பட்டது.  கடந்த 10 நாளில் பவுனுக்கு ரூ.1,096 வரை உயர்ந்துள்ளது. 
ஆபரணத் தங்கத்தின் விலை பவுன் ரூ.27 ஆயிரத்தை விரைவில் தொடும் என்று தங்க மற்றும் வைர நகை வியாபாரிகள் சங்கத்தினர் தெரிவித்துள்ளனர்.
தங்கத்தின் விலை கடந்த  மாதத்தில் இருந்து படிப்படியாக உயர்ந்து வந்தது. ஜூன் 1-ஆம் தேதியன்று ஒரு பவுன் ரூ.24,632 ஆகவும், 19-ஆம் தேதி பவுன்  ரூ.25,176 ஆகவும் இருந்தது. அதன்பிறகு தங்கத்தின் விலை  அதிரடியாக உயரத் தொடங்கியது. கடந்த வியாழக்கிழமை பவுனுக்கு ரூ.528 உயர்ந்து ரூ.25,704-ஆக  இருந்தது. இந்த விலை உயர்வு மேலும் தொடர்ந்தது. 
இந்நிலையில்,  சனிக்கிழமை ஒரு பவுன் தங்கத்தின் விலை ரூ.26 ஆயிரத்தை தாண்டியது. இந்த விலை உயர்வுக்கான காரணம் குறித்து சென்னை தங்கம் மற்றும் வைர வியாபாரிகள் சங்கத் தலைவர் ஜெயந்திலால் சல்லானி கூறியது: தங்கத்தின் விலை இரண்டாவது முறையாக புதிய உச்சத்தை தொட்டுள்ளது. 
அமெரிக்க, சீன இடையே வர்த்தகப் போர் நீடிக்கிறது. சீன பொருள்களுக்கு அமெரிக்காவிலும், அமெரிக்கா பொருள்களுக்கு சீனாவிலும் அபரிமிதமான இறக்குமதி வரி விதிக்கப்படுகிறது. இதனால், தொழில்துறை சார்ந்த பங்கு சந்தையில் முதலீடு செய்தவர்கள் இப்போது தங்கத்தின் பக்கம் திரும்பியுள்ளனர். இதுதவிர, அமெரிக்காவில் பெடரல் கூட்டமைப்பு, வைப்பு நிதி வட்டி விகிதத்தை உயர்த்த வேண்டாம் என்று தெரிவித்துள்ளது. இதையடுத்து, வைப்பு நிதியில் முதலீட்டு செய்தவர்கள் தற்போது  தங்கத்தின் மீது முதலீடு செய்ய தொடங்கியுள்ளனர். இதுதவிர, அமெரிக்க-ஈரான் இடையே போர் பதற்றம் நீடிக்கிறது. இந்த மூன்று காரணங்களால் தங்கம் விலை உயர்ந்து வருகிறது. தங்கத்தின் விலை விரைவில் ரூ.27 ஆயிரத்தை தொடும் என்றார் அவர்.
தங்கம் விலை உயர்ந்து வந்தாலும், சனிக்கிழமை வெள்ளி விலை குறைந்தது. வெள்ளி கிராமுக்கு 69 பைசா குறைந்து  ரூ.40.31-ஆகவும், கட்டி வெள்ளி கிலோவுக்கு ரூ.690 குறைந்து, ரூ.40,310-ஆகவும் இருந்தது.

சனிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    3,259
1 பவுன் தங்கம்    26,072
1 கிராம் வெள்ளி    40.31
1 கிலோ வெள்ளி    40,310

]]>
https://www.dinamani.com/business/2019/jun/23/ரூ26-ஆயிரத்தைத்-தாண்டியது-தங்கம்-3177447.html
3176979 வர்த்தகம் வாகனங்கள் மீதான ஜிஎஸ்டி வரியை குறைக்க வேண்டும்: எஸ்ஐஏஎம் DIN DIN Sunday, June 23, 2019 12:34 AM +0530 வாகனங்கள் மீதான சரக்கு மற்றும் சேவை வரி விகிதத்தை 18 சதவீதமாக குறைக்க வேண்டும் என இந்திய மோட்டார் வாகன தயாரிப்பாளர்கள் சங்கம் (எஸ்ஐஏஎம்) மத்திய அரசை  வலியுறுத்தியுள்ளது.
இதுகுறித்து அந்த சங்கத்தின் தலைவர் ராஜன் வதேரா தெரிவித்துள்ளதாவது:
மோட்டார் வாகனங்கள் மீதான ஜிஎஸ்டி வரி விகிதம் தற்போதைய நிலையில் 28 சதவீதமாக உள்ளது. இதனை, 18 சதவீதமாக குறைக்க வேண்டும் என மத்திய அரசிடம் வலியுறுத்தப்பட்டுள்ளது. கார், வர்த்தக வாகனம், இருசக்கர மற்றும் மூன்று சக்கர வாகன உற்பத்தியாளர்கள் அனைவரும் ஒருங்கிணைந்து இந்த கோரிக்கையை முன் வைத்துள்ளனர். 
வாகன  விற்பனையில் ஏற்பட்டுள்ள மந்த நிலை தற்போது மோட்டார் வாகன துறைக்கு மிகப்பெரும் அச்சுறுத்தலாகவும், சவாலாகவும் அமைந்துள்ளது. இந்த இக்கட்டான சூழ்நிலையை கருத்தில் கொண்டு மத்திய அரசு மோட்டார் வாகன துறையை ஊக்குவிப்பதற்கான சலுகை திட்டங்களை அறிவிக்க வேண்டும்.
புதிய பாதுகாப்பு மற்றும் மாசுக்கட்டுப்பாட்டு விதிமுறைகள் அடுத்த சில மாதங்களில் அமலுக்கு வரவுள்ள நிலையில் வாகனங்களின் விலை மேலும் உயரும் நிலை ஏற்பட்டுள்ளது. இதுவும், தேவையில் மிகப்பெரிய அழுத்தத்தை உருவாக்கும். இந்த நிலையில் ஜிஎஸ்டி வரி விகித குறைப்பு என்பது மோட்டார் வாகன துறைக்கு மிகப்பெரிய ஆறுதலாக இருக்கும் என்றார் அவர்.

]]>
https://www.dinamani.com/business/2019/jun/23/வாகனங்கள்-மீதான-ஜிஎஸ்டி-வரியை-குறைக்க-வேண்டும்-எஸ்ஐஏஎம்-3176979.html
3176976 வர்த்தகம் சமூக-பொருளாதார மேம்பாட்டுக்கு ஊக்கமளிப்பதில் உருக்கு துறையின் பங்கு மகத்தானது DIN DIN Sunday, June 23, 2019 12:33 AM +0530 நாட்டின் சமூக-பொருளாதார முன்னேற்றத்துக்கு ஊக்கமளிப்பதில் உருக்கு துறையின் பங்கு மிக முக்கியமானதாக உள்ளது என்று மத்திய உருக்குத் துறை இணையமைச்சர் ஃபகன் சிங் குலாஸ்தே (படம்) தெரிவித்தார்.
செயில் நிறுவனம் ஏற்பாடு செய்திருந்த நிகழ்ச்சியில் கலந்து கொண்ட அவர் இதுகுறித்து மேலும் பேசியதாவது:
நீடித்த சமூக-பொருளாதார மேம்பாட்டை ஊக்குவிப்பதில் உருக்குத் துறை பங்கு மகத்தானதாக உள்ளது. இருப்பினும், உருக்கு மற்றும் இரும்புப் பொருள்களை ஓரிடத்திலிருந்து மற்றொரு இடத்திற்கு கொண்டு செல்வதற்கு போக்குவரத்து வசதியானது பெரிய சவாலாகவே உள்ளது.
ஆனால், வடகிழக்கு மாநிலங்கள் இந்த சவாலில் ஓரளவுக்கு வெற்றி பெற்றுள்ளன. அங்கு போக்குவரத்து வசதிகள் அதிக அளவில் ஏற்படுத்தப்பட்டுள்ளன.
வாடிக்கையாளர்களின் தேவை அறிந்து அவர்களுக்கு பொருத்தமான மற்றும் சிறப்பான தயாரிப்புகளை உருக்கு துறை நிறுவனங்கள் வழங்க வேண்டும். அனைத்து தொழில்களுக்கும் உருக்குத் துறை தான் ஆதாரமாக திகழ்கிறது என்றார் அவர்.

]]>
https://www.dinamani.com/business/2019/jun/23/சமூக-பொருளாதார-மேம்பாட்டுக்கு-ஊக்கமளிப்பதில்-உருக்கு-துறையின்-பங்கு-மகத்தானது-3176976.html
3176965 வர்த்தகம் அந்நியச் செலாவணி கையிருப்பு 42,220 கோடி டாலராக சரிவு DIN DIN Sunday, June 23, 2019 12:31 AM +0530 இந்தியாவின் அந்நியச் செலாவணி கையிருப்பு ஜூன் 14-ஆம் தேதியுடன் முடிவடைந்த வாரத்தில் 42,220 கோடி டாலராக (ரூ.29.55 லட்சம் கோடி) குறைந்துள்ளது என ரிசர்வ் வங்கி புள்ளிவிவரத்தில் தெரிவித்துள்ளது. 
இதுகுறித்து அந்தப் புள்ளிவிவரத்தில் மேலும் தெரிவிக்கப்பட்டுள்ளதாவது: அந்நியச் செலாவணி கையிருப்பு கடந்த ஜூன் 14-ஆம் தேதியுடன் நிறைவடைந்த வாரத்தில் 130 கோடி டாலர் (ரூ.9,100 கோடி) சரிந்து 42,220 கோடி டாலராகியுள்ளது. அந்நியச் செலாவணி சொத்து மதிப்பில் ஏற்பட்ட வீழ்ச்சியையடுத்து இந்த நிலை ஏற்பட்டது. 
இதற்கு முந்தைய வாரத்தில் செலாவணி கையிருப்பு 168  கோடி டாலர் அதிகரித்து 42,350  கோடி டாலராக காணப்பட்டது.
மதிப்பீட்டு வாரத்தில், ஒட்டுமொத்த கையிருப்பில் முக்கிய பங்களிப்பாக உள்ள அந்நியச் செலாவணி சொத்து மதிப்பு  135 கோடி டாலர் வீழ்ச்சியடைந்து  39,444 கோடி டாலராக இருந்தது.
அதேசமயம், தங்கத்தின் கையிருப்பு மாற்றம் எதுவுமின்றி 2,295 கோடி டாலர் என்ற அளவிலேயே உள்ளது.  சர்வதேச நிதியத்தில் எஸ்டிஆர் 1 லட்சம் டாலர் குறைந்து 144 கோடி டாலராகவும், நாட்டின் கையிருப்பு நிலையும் 20  லட்சம் டாலர் சரிந்து 334 கோடி டாலராகவும் இருந்தது என புள்ளிவிவரத்தில் ரிசர்வ் வங்கி தெரிவித்துள்ளது.
கடந்த 2018-ஆம் ஆண்டில் ஏப்ரல் 13-ஆம் தேதியுடன் முடிவடைந்த வாரத்தில்தான் அந்நியச் செலாவணி கையிருப்பானது வரலாற்று சாதனையாக  42,602 கோடி டாலரை எட்டியது என்பது குறிப்பிடத்தக்கது.
 

]]>
https://www.dinamani.com/business/2019/jun/23/அந்நியச்-செலாவணி-கையிருப்பு-42220-கோடி-டாலராக-சரிவு-3176965.html
3176961 வர்த்தகம் இணைத்தல் & கையகப்படுத்துதல் நடவடிக்கை 87 சதவீதம் சரிவு DIN DIN Sunday, June 23, 2019 12:30 AM +0530 இணைத்தல் மற்றும் கையகப்படுத்துதல் நடவடிக்கை கடந்த மே மாதத்தில் மதிப்பின் அடிப்படையில் 87 சதவீதம் சரிந்துள்ளதாக கிராண்ட் தோர்ன்டன் ஆய்வு நிறுவனம் தெரிவித்துள்ளது.
இதுகுறித்து அந்த நிறுவனத்தின் அறிக்கையில் மேலும் கூறப்பட்டுள்ளதாவது:கடந்த மே மாதத்தில் இணைத்தல் மற்றும் கையகப்படுத்துதல் நடவடிக்கை சென்ற ஆண்டுடன் ஒப்பிடும்போது,  மதிப்பின் அடிப்படையில் 87 சதவீதமும், அளவின் அடிப்படையில் 27 சதவீதம் சரிந்துள்ளது.  
அதன்படி, இணைத்தல் மற்றும் கையகப்படுத்துதல் தொடர்பாக 33 ஒப்பந்தங்கள் மேற்கொள்ளப்பட்டன. அவற்றின் மதிப்பு 340 கோடி டாலராக இருந்தது.  
டாலருக்கு நிகரான ரூபாய் மதிப்பு சரிவு, கச்சா எண்ணெய் விலையேற்றம், பொதுத் தேர்தல் ஆகியவற்றின் காரணமாகவே இந்த சரிவு ஏற்பட்டது. குறிப்பாக, தேர்தல் முடிவுகள் வெளியாகும் வரை முதலீட்டாளர்களிடையே காணப்பட்ட ஒருவித நிச்சயமற்ற மனோபாவம் இந்த நடவடிக்கைகளை வெகுவாக பாதித்தது.
மே மாதத்தில், ஸ்டெர்லைட் பவரிடமிருந்து மின்பகிர்மான சொத்துக்களை இந்தியா கிரிட் கையகப்படுத்தியது மற்றும் ரிலையன்ஸ் நிப்பான் லைஃப் அùஸட் மேனேஜ்மெண்ட் பங்குகளை நிப்பான் லைஃப் நிறுவனத்துக்கு விற்பனை செய்தது முக்கியமான நடவடிக்கைகளாக உள்ளது. ஒட்டுமொத்த இணைத்தல் மற்றும் கையகப்படுத்துதல் மதிப்பில் இந்த இரண்டு ஒப்பந்தங்களின் மதிப்பு மட்டும் 78 சதவீத அளவுக்கு பங்களிப்பை வழங்கின.
நடப்பாண்டில் இதுவரையில் மேற்கொள்ளப்பட்ட இணைத்தல்-கையகப்படுத்துதல் நடவடிக்கையில் 81 சதவீத பங்களிப்பை, தயாரிப்பு, எரிசக்தி, மருந்து, தகவல் தொழில்நுட்பம், வங்கி ஆகிய துறைகள் தக்கவைத்துக் கொண்டுள்ளன. அதேசமயம், ஒப்பந்தங்களின் எண்ணிக்கை அடிப்படையில் 34 சதவீத பங்களிப்பை (61 ஒப்பந்தங்கள்) தகவல் தொழில்நுட்பம், ஸ்டார்ப்-அப் துறை நிறுவனங்கள் வழங்கியுள்ளதாக அந்த அறிக்கையில் கிராண்ட் தோர்ன்டன் தெரிவித்துள்ளது.

]]>
https://www.dinamani.com/business/2019/jun/23/இணைத்தல்--கையகப்படுத்துதல்-நடவடிக்கை-87-சதவீதம்-சரிவு-3176961.html
3176309 வர்த்தகம் ஏற்றுமதியாளர்களுக்கு அந்நிய செலாவணி கடன்: கோயல் DIN DIN Saturday, June 22, 2019 12:53 AM +0530
ஏற்றுமதியாளர்களுக்கு அந்நிய செலாவணி கடன் வசதியை வழங்குவதற்கான வழிமுறைகள் குறித்து வங்கிகளுடன் பேச்சுவார்த்தையில் ஈடுபட்டு வருவதாக மத்திய வர்த்தக மற்றும் தொழில் துறை அமைச்சர் பியூஷ் கோயல் வெள்ளிக்கிழமை தெரிவித்தார்.
இந்திய தொழிலக கூட்டமைப்பின் (சிஐஐ) பிரதிநிதிகளிடையே உரையாற்றிய அவர் இதுகுறித்து மேலும் கூறியுள்ளதாவது:
மத்திய அரசுக்கு அதிக அழுத்தத்தை தராமல் போதிய மற்றும் மதிப்புமிக்க கடன்பிரச்னைகளை தீர்க்க வழிமுறைகள் உள்ளன. வர்த்தகம் தொடர்பான பிரச்னைகளுக்கு மானியம் தருவது என்பது நிரந்தர தீர்வாக அமையாது. எனவே, மாற்றுவழிமுறைகள் செயல்படுத்துவது குறித்தும் அதில் சிறப்பானவற்றை நாம் தேர்ந்தெடுப்பது குறித்தும் ஆராய வேண்டும்.
அந்த வகையில், ஏற்றுமதியாளர்களுக்கு மானியம் மற்றும் வட்டி மானியத்திற்கு பதிலாக அந்நியச் செலாவணி கடன் வசதியை ஏற்படுத்தி தர திட்டமிடப்பட்டுள்ளது. அந்நியச் செலாவணி கடன்களை எவ்வாறு விரிவுபடுத்துவது என்பது குறித்து ஏற்கெனவே வங்கிகளுடன் பேச்சுவார்த்தை நடத்தப்பட்டு வருகிறது என்றார் அவர்.
 

]]>
https://www.dinamani.com/business/2019/jun/22/ஏற்றுமதியாளர்களுக்கு-அந்நிய-செலாவணி-கடன்-கோயல்-3176309.html
3176308 வர்த்தகம் அமெரிக்கா-ஈரான் போர்ப் பதற்றம் எதிரொலி! சென்செக்ஸ் 407 புள்ளிகள் வீழ்ச்சி DIN DIN Saturday, June 22, 2019 12:53 AM +0530
அமெரிக்கா-ஈரான் இடையே ஏற்பட்டுள்ள போர்ப் பதற்றம் காரணமாக இந்தியப் பங்குச் சந்தைகளில் வெள்ளிக்கிழமை நடைபெற்ற வர்த்தகம் மந்த நிலையில் காணப்பட்டது. அதன் காரணமாக, சென்செக்ஸ் 407 புள்ளிகள் வீழ்ச்சியை சந்தித்தது.
அமெரிக்க அதிபர் டொனால்ட் டிரம்ப் ஈரான் மீது ராணுவ தாக்குதல் நடத்துவதற்கு அனுமதி அளித்ததாக வெளியான தகவலையடுத்து  சர்வதேச சந்தையில் கச்சா எண்ணெய் விலை வேகமாக உயர்ந்தது.
இருப்பினும், பின்னர் அந்த முடிவிலிருந்து டிரம்ப் பின்வாங்கியதாக செய்திகள் வெளியாகின. 
எண்ணெய் கப்பல் தாக்குதல், அமெரிக்க கண்காணிப்பு விமானம் சுட்டு வீழ்த்தப்பட்டது ஆகிய நிகழ்வுகளால் மத்திய கிழக்கு நாடுகளில் ஏற்பட்டுள்ள அரசியல் பதற்றம் உலக சந்தைகளில் தாக்கத்தை ஏற்படுத்தி வருகிறது.
இந்த நிலையில், டாலருக்கு நிகரான ரூபாய் மதிப்பு சரிவும் இந்திய பங்குச்சந்தைகளில் மோசமான பின்னடைவுக்கு வழிவகுத்தது.
மும்பை பங்குச் சந்தையில் மோட்டார் வாகனம், எரிசக்தி, தொலைத்தொடர்பு, வேகமாக விற்பனையாகும் நுகர்வோர் பொருள்கள், ஆரோக்கிய பராமரிப்பு, தொழில்நுட்பம், எண்ணெய்-எரிவாயு, நிதி மற்றும் ரியல் எஸ்ட்டேட் துறைகளைச் சேர்ந்த குறியீட்டெண்கள் 1.32 சதவீதம் வரை குறைந்தன. அதேசமயம், மின்சாரம் மற்றும் அடிப்படை உலோகங்கள் குறியீட்டெண்கள் மட்டும் 0.10 சதவீதம் அளவுக்கு உயர்ந்தன.
நிறுவனங்களைப் பொருத்தவரையில், யெஸ் வங்கி பங்கின் விலை  அதிகபட்சமாக 4.36 சதவீதம் வீழ்ச்சியடைந்தது. அதேசமயம், எஸ்பிஐ, இன்டஸ்இண்ட் வங்கி பங்குகளின் விலை 1.28 சதவீதம் வரை ஏற்றம் கண்டன.
மும்பை பங்குச் சந்தையில் வெள்ளிக்கிழமை நடைபெற்ற வர்த்தகத்தில் சென்செக்ஸ் 407 புள்ளிகள் வீழ்ச்சியடைந்து 39,194 புள்ளிகளாக நிலைத்தது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 107 புள்ளிகள் சரிந்து 11,724 புள்ளிகளாக நிலைபெற்றது.
 

]]>
https://www.dinamani.com/business/2019/jun/22/அமெரிக்கா-ஈரான்-போர்ப்-பதற்றம்-எதிரொலி-சென்செக்ஸ்-407-புள்ளிகள்-வீழ்ச்சி-3176308.html
3176307 வர்த்தகம் டேப்லெட் வர்த்தகத்தில்  20 சதவீத வளர்ச்சி: சாம்சங் இலக்கு DIN DIN Saturday, June 22, 2019 12:52 AM +0530
நடப்பாண்டில் டேப்லெட் கம்ப்யூட்டர் வர்த்தகத்தில் 20 சதவீத வளர்ச்சியை எட்ட சம்சங் நிறுவனம் இலக்கு நிர்ணயித்துள்ளது.
இதுகுறித்து சாம்சங் இந்தியா (மொபைல் பிஸினஸ்) இயக்குநர் ஆதித்ய பாபர் பிடிஐ செய்தியாளரிடம் கூறியதாவது:
சாம்சங் நிறுவனத்தின் டேப்லெட் பிரிவு விற்பனை சிறப்பாக உள்ளது. கடந்த 2018-இல்  டேப்லெட் வர்த்தகம் முந்தைய ஆண்டை விட மதிப்பின் அடிப்படையில் 8 சதவீத வளர்ச்சியையும்,  அதிகபட்ச எண்ணிக்கையையும் தக்க வைத்துக் கொண்டது.
இந்த நிலையில், நடப்பாண்டில் இப்பிரிவில் இரட்டை இலக்க வளர்ச்சியை எதிர்பார்த்துள்ளோம். குறிப்பாக, நடப்பாண்டில் டேப்லெட் வர்த்தகத்தில் 20 சதவீத வளர்ச்சியை எட்டுவதே எங்களின் தற்போதைய இலக்கு.
இந்தாண்டு தொடக்க நிலவரப்படி, இந்தியாவில் மொத்த டேப்லெட் விற்பனையில் சாம்சங் நிறுவனம் 50 சதவீத பங்களிப்பை கொண்டுள்ளது. இது. நடப்பாண்டு இறுதியில் 60 சதவீதமாக அதிகரிக்கும் என எதிர்பார்க்கப்படுகிறது.
டேப்லெட் வாங்குவோரின் எண்ணிக்கை ஆயிரக்கணக்கில் அதிகரித்து வருகிறது. இதையடுத்து, அதிகரித்து வரும் தேவையை ஈடு செய்வதற்காக, புதிய  டேப்லெட் கம்ப்யூட்டர்கள் சந்தையில் அறிமுகம் செய்யப்பட்டு வருகின்றன என்றார் அவர்.
 

]]>
https://www.dinamani.com/business/2019/jun/22/டேப்லெட்-வர்த்தகத்தில்--20-சதவீத-வளர்ச்சி-சாம்சங்-இலக்கு-3176307.html
3176306 வர்த்தகம் இந்தியாபுல்ஸ் ஹவுசிங் பைனான்ஸ்-லக்ஷ்மி விலாஸ் வங்கி இணைப்புக்கு சிசிஐ அனுமதி DIN DIN Saturday, June 22, 2019 12:52 AM +0530
லக்ஷ்மி விலாஸ் வங்கியை தங்களுடன் இணைத்துக் கொள்வதற்கான அனுமதியை இந்திய போட்டி ஆணையம் (சிசிஐ) வழங்கியுள்ளதாக இந்தியாபுல்ஸ் ஹவுசிங் பைனான்ஸ் நிறுவனம் வெள்ளிக்கிழமை தெரிவித்தது.
இதுகுறித்து அந்த நிறுவனம் மும்பை பங்குச் சந்தையிடம் தெரிவித்துள்ளதாவது:
இந்திய போட்டி ஆணையத்தின் கூட்டம் ஜூன் 20-ஆம் தேதி நடைபெற்று.
 இதில், இணைப்பு திட்டம் பரிசீலிக்கப்பட்டு அதற்கான அனுமதி வழங்கப்பட்டுள்ளது என இந்தியாபுல்ஸ் ஹவுசிங் பைனான்ஸ் தெரிவித்துள்ளது.
நடப்பாண்டு ஏப்ரலில், லக்ஷ்மி விலாஸ் வங்கி தனது இணைப்பு திட்டம் குறித்த அறிவிப்பை வெளியிட்டது. அதன்படி, அந்த வங்கி, இந்தியாபுல்ஸ் ஹவுசிங் பைனான்ஸ் நிறுவனத்துடன் இணைய உள்ளதாக தெரிவித்தது. 
பங்கு பரிமாற்றத்தின் அடிப்படையில் இணைந்து உருவாகும் நிறுவனம் அதிக முதலீட்டை கொண்டதாக இருப்பதுடன், பரவலான வீச்சை கொண்டதாக இருக்கும் என அறிவிக்கப்பட்டது.
லக்ஷ்மி விலாஸ் வங்கியின் ஒவ்வொரு 100 பங்குக்கும், இந்தியாபுல்ஸ் ஹவுசிங் பைனான்ஸ் நிறுவனத்தின் 14 பங்குகளை ஒதுக்கீடு செய்து இணைப்பு திட்டத்தை நிறைவேற்ற அவ்வங்கியின் இயக்குநர் குழு ஏற்கெனவே ஒப்புதல் அளித்துள்ளது.
 

]]>
https://www.dinamani.com/business/2019/jun/22/இந்தியாபுல்ஸ்-ஹவுசிங்-பைனான்ஸ்-லக்ஷ்மி-விலாஸ்-வங்கி-இணைப்புக்கு-சிசிஐ-அனுமதி-3176306.html
3175541 வர்த்தகம் பங்குச் சந்தையில் எழுச்சி: சென்செக்ஸ் 488 புள்ளிகள் அதிகரிப்பு DIN DIN Friday, June 21, 2019 12:49 AM +0530
இந்தியப் பங்குச் சந்தைகளில் வியாழக்கிழமை நடைபெற்ற  வர்த்தகம் எழுச்சியுடன் காணப்பட்டது. இதையடுத்து, சென்செக்ஸ் 488 புள்ளிகள் வரை உயர்ந்து முதலீட்டாளர்களிடையே மகிழ்ச்சியை ஏற்படுத்தியது. 
அமெரிக்க மத்திய வங்கியின் கூட்டத்தில் கடனுக்கான வட்டி விகிதத்தை தற்போதைய நிலையிலேயே தக்க வைக்க முடிவெடுக்கப்பட்டது. இருப்பினும், எதிர்கால சூழ்நிலைகளை கருத்தில் கொண்டு வளர்ச்சியை ஊக்குவிக்கும் வகையில்  வட்டி குறைப்புக்கான சாத்தியக்கூறுகள் உள்ளதாக  அவ்வங்கி தெரிவித்ததையடுத்து சர்வதேச சந்தைகளில் வர்த்தகம் விறுவிறுப்படைந்தது. அதன் தாக்கம் இந்தியப் பங்குச் சந்தைகளிலும் உணரப்பட்டது. 
டாலருக்கு நிகரான ரூபாய் மதிப்பு உயர்வு, வரவுள்ள பட்ஜெட்டில் தொழில்துறை வளர்ச்சிக்கு சாதகமான அறிவிப்புகள் வெளியாகும் என்ற எதிர்பார்ப்பு, பிரதமர் மற்றும் நிதியமைச்சர் இணைந்து 100 நாள் செயல்திட்டத்தை வகுக்க முனைந்துள்ளது ஆகியவை பங்குச் சந்தைகளின் ஏற்றத்துக்கு கூடுதல் வலு சேர்த்தது.
மும்பை பங்குச் சந்தையில், மோட்டார் வாகனம், பொறியியல் சாதனங்கள், மருந்து தயாரிப்பு, தொலைத்தொடர்பு, நுகர்வோர் சாதனங்கள், ரியல் எஸ்டேட், உலோகம் உள்ளிட்ட அனைத்து துறையைச் சேர்ந்த குறியீட்டெண்களும் 2.46 சதவீதம் வரை ஏற்றம் கண்டன. யெஸ் வங்கி பங்கின் விலை 10.94 சதவீதம் அதிகரித்தது.
கடந்த 13 வர்த்தக தினங்களாக 90 சதவீதம் வரை சரிந்த ஜெட் ஏர்வேஸ் பங்குகளின் விலை வியாழக்கிழமை வர்த்தகத்தில் 93 சதவீத ஏற்றத்தைக் கண்டது. அதேசமயம், முதலீட்டாளர்களிடம் வரவேற்பு கிடைக்காததால், ஹெச்யுஎல், ஹெச்டிஎஃப்சி வங்கி, ஐடிசி மற்றும் என்டிபிசி பங்குகளின் விலை 0.26 சதவீதம் வரை குறைந்தன.
மும்பை பங்குச் சந்தையில் வியாழக்கிழமை நடைபெற்ற வர்த்தகத்தில் சென்செக்ஸ் 488 புள்ளிகள் அதிகரித்து 39,601 புள்ளிகளாக நிலைத்தது.
தேசிய பங்குச் சந்தையில் நடைபெற்ற வர்த்தகத்தில் நிஃப்டி 140 புள்ளிகள் உயர்ந்து 11,831 புள்ளிகளாக நிலைபெற்றது.
 

]]>
https://www.dinamani.com/business/2019/jun/21/பங்குச்-சந்தையில்-எழுச்சி-சென்செக்ஸ்-488-புள்ளிகள்-அதிகரிப்பு-3175541.html
3175540 வர்த்தகம் கியா மோட்டார்ஸின் செல்டோஸ் கார் அறிமுகம் DIN DIN Friday, June 21, 2019 12:48 AM +0530
தென் கொரிய நிறுவனமான கியா மோட்டார்ஸ்,  தனது சொகுசு வகை தயாரிப்பான செல்டோஸ் காரை இந்திய சந்தைகளில் வியாழக்கிழமை அறிமுகப்படுத்தியது.
இதுகுறித்து கியா மோட்டார்ஸ் கார்ப்பரேஷன் தலைவரும், தலைமை செயல் அதிகாரியுமான ஹன்-வூ பார்க் செய்தியாளர்களிடம் கூறியதாவது:
நிறுவனத்தின் சர்வதேச விரிவாக்க திட்டங்களுக்கு இந்தியா மிக முக்கிய மையமாக உள்ளது. கியா மோட்டார்ஸின் எதிர்கால வெற்றிக்காக மிகப்பெரிய ஆற்றல் மற்றும் வளங்களை முதலீடு செய்துள்ளோம்.
அதன் ஒரு பகுதியாக தற்போது சர்வதே அளவில் பெரும் வரவேற்பைப் பெற்ற   செல்டோஸ் காரை அறிமுகப்படுத்தியுள்ளோம். 
இந்திய சந்தையை மனதில் வைத்து பிரத்யேகமாக இந்தக் காரை வடிவமைப்பு செய்து மேம்படுத்தியுள்ளோம்.
ஆந்திர மாநிலம் அனந்தபூர் ஆலையில் உற்பத்தி செய்யப்படும் செல்டோஸ் கார், மத்திய கிழக்கு , ஆப்பிரிக்கா, லத்தீன் அமெரிக்கா மற்றும் இதர ஆசிய நாடுகளுக்கு ஏற்றுமதி செய்யப்படும் 
அடுத்த இரண்டு ஆண்டுகளில் அனந்தபூர் ஆலையில்  செல்டோஸ் உள்ளிட்ட நான்கு புதிய மாடல் கார்களை தயாரித்து வெளியிட திட்டமிடப்பட்டுள்ளது.
இந்தியாவில் கியா நிறுவனம் 200 கோடி டாலரை முதலீடு செய்துள்ளது. அனந்தபூர் ஆலை 110 கோடி டாலர் மதிப்பில் உருவாக்கப்பட்டுள்ளது. 
இது, ஆண்டுக்கு 3 லட்சம் கார்களை உற்பத்தி செய்யும் திறனுடையது.
கியா மோட்டார்ஸ் இந்தியாவில் 265 விநியோகஸ்தர் மற்றும் சேவை மையங்களுடன் தனது பயணத்தை தொடங்கியுள்ளது. இது, 2020-இல் 300-ஆகவும், 2021-இல் 350-ஆகவும் அதிகரிக்கப்படும் என்றார் அவர்.


 

]]>
https://www.dinamani.com/business/2019/jun/21/கியா-மோட்டார்ஸின்-செல்டோஸ்-கார்-அறிமுகம்-3175540.html
3175539 வர்த்தகம் வங்கிகள் கடன் வழங்கும் நடவடிக்கையில் தொய்வு: ரிசர்வ் வங்கி DIN DIN Friday, June 21, 2019 12:47 AM +0530
வங்கிகளின் கடன் வழங்கல் மற்றும் டெபாசிட் திரட்டல் ஆகிய இரண்டு நடவடிக்கைகளிலுமே தொய்வு ஏற்பட்டுள்ளதாக ரிசர்வ் வங்கி புள்ளிவிவரத்தில் தெரிவித்துள்ளது.
இதுகுறித்து அந்தப் புள்ளிவிவரத்தில் மேலும் தெரிவிக்கப்பட்டுள்ளதாவது:
ஜூன் 7-ஆம் தேதியுடன் முடிவடைந்த இரு வார காலத்தில் வங்கிகள் வழங்கிய கடன் 9.92 சதவீதம் மட்டுமே உயர்ந்து ரூ.96.52 லட்சம் கோடியாக இருந்தது. இது, முந்தைய ஆண்டின் இதே கால அளவில் 85.94 லட்சம் கோடியாக காணப்பட்டது. டெபாசிட் வளர்ச்சியும் ரூ.114.08 லட்சம் கோடியிலிருந்து 12.31 சதவீதம் மட்டுமே உயர்ந்து ரூ.125.40 லட்சம் கோடியாக இருந்தது.
இதற்கு முந்தைய மே 24-ஆம் தேதியுடன் முடிவடைந்த இரு வார காலத்தில் வங்கி வழங்கிய கடன் 12.70 சதவீதம் உயர்ந்து ரூ.96.22 லட்சம் கோடியாகவும், டெபாசிட் 10.09 சதவீதம் அதிகரித்து ரூ.124.98 லட்சம் கோடியாகவும் இருந்தன.
கடந்தாண்டு ஏப்ரலுடன் ஒப்பிடுகையில் நடப்பாண்டு ஏப்ரலில் உணவு சாரா துறைகளுக்கு வழங்கப்பட்ட கடன் 10.7 சதவீதத்திலிருந்து உயர்ந்து 11.9 சதவீதத்தை எட்டியுள்ளது.
அதேபோன்று வேளாண் மற்றும் அது சார்ந்த துறைகளுக்கு வழங்கப்பட்ட கடன் 5.9 சதவீதத்திலிருந்து 7.9 சதவீதமாக அதிகரித்தது.
அதேசமயம், சேவை துறைக்கு வழங்கப்பட்ட கடன் 20.7 சதவீதத்திலிருந்து 16.8 சதவீதமாகவும், தனிநபர் கடன் 19.1 சதவீதத்திலிருந்து 15.7 சதவீதமாகவும் தொய்வைக் கண்டுள்ளது. 
கடந்தாண்டு ஏப்ரலில் ஆலைகளுக்கு வழங்கப்பட்ட கடன் வெறும் 1 சதவீதம் மட்டுமே வளர்ச்சியை கண்டிருந்த நிலையில், நடப்பாண்டு ஏப்ரலில் அது 6.9 சதவீதமாக அதிகரித்துள்ளதாக புள்ளிவிவரத்தில் ரிசர்வ் வங்கி தெரிவித்துள்ளது.
 

]]>
https://www.dinamani.com/business/2019/jun/21/வங்கிகள்-கடன்-வழங்கும்-நடவடிக்கையில்-தொய்வு-ரிசர்வ்-வங்கி-3175539.html
3174053 வர்த்தகம் 5 ஆண்டுகளில் ஜவுளி உற்பத்தியில் காதியின் பங்களிப்பு இருமடங்காக உயர்வு DIN DIN Wednesday, June 19, 2019 12:54 AM +0530 இந்தியாவின் ஒட்டுமொத்த ஜவுளி உற்பத்தியில் காதி துணியின் பங்களிப்பு  5 ஆண்டுகளில் இருமடங்கு வளர்ச்சி கண்டுள்ளது என காதி மற்றும் கிராம தொழில் ஆணையம் செவ்வாய்க்கிழமை தெரிவித்தது.
இதுகுறித்து அந்த ஆணையத்தின் தலைவர் வினய் குமார் சக்úஸனா மேலும் கூறியதாவது:
2014-15-ஆம் நிதியாண்டில் இந்தியாவின் ஜவுளி உற்பத்தி 2,486 மில்லியன் சதுர மீட்டராக இருந்தது. இதில், காதியின் பங்களிப்பு 105.38 மில்லியன் சதுர மீட்டராகும். மொத்த ஜவுளி உற்பத்தியில் இது 4.23 சதவீதமாகும்.
இந்த நிலையில், 2018-19-ஆம் நிதியாண்டில் ஜவுளி உற்பத்தி 2,012 மில்லியன் சதுர மீட்டராக குறைந்தது. இதில், காதி துணியின் பங்களிப்பு 170.80 மில்லியன் சதுர மீட்டராகும். ஒட்டுமொத்த ஜவுளி உற்பத்தியில் இது 8.49 சதவீதமாகும்.
ஆக, கடந்த 2014-15-ஆம் நிதியாண்டுடன் ஒப்பிடுகையில் 5 ஆண்டுகளில் மொத்த ஜவுளி உற்பத்தியில் காதி துணியின் பங்களிப்பு இரண்டு மடங்கு அளவுக்கு அதிகரித்துள்ளது என்றார் அவர்.
 

]]>
https://www.dinamani.com/business/2019/jun/19/5-ஆண்டுகளில்-ஜவுளி-உற்பத்தியில்-காதியின்-பங்களிப்பு-இருமடங்காக-உயர்வு-3174053.html
3174052 வர்த்தகம் சென்செக்ஸ் 85 புள்ளிகள் அதிகரிப்பு DIN DIN Wednesday, June 19, 2019 12:53 AM +0530
நான்கு நாள்கள் சரிவுக்குப் பிறகு  முதலீட்டாளர்களின் ஆர்வத்தால் இந்தியப் பங்குச் சந்தைகளில் செவ்வாய்க்கிழமை நடைபெற்ற வர்த்தகம் ஏற்றத்துடன் முடிவடைந்தது.
சர்வதேச சந்தையில் கச்சா எண்ணெய் விலை குறைந்தது, டாலருக்கு நிகரான ரூபாய் மதிப்பில் காணப்பட்ட வலுவான உயர்வு ஆகியவை பங்குச் சந்தை வர்த்தகத்துக்கு சாதகமாக இருந்தன. 
இதையடுத்து முதலீட்டாளர்கள்,  உலோகம், எரிசக்தி, தகவல் தொழில்நுட்ப துறை நிறுவனங்களின் பங்குகளை ஆர்வத்துடன் வாங்கி குவித்தனர். இதையடுத்து, பங்கு வர்த்தகம் சூடுபிடிக்கத் தொடங்கியது. 
இருப்பினும், அமெரிக்க மத்திய வங்கி கூட்டத்தை எதிர்பார்த்து சர்வதேச முதலீட்டாளர்கள் மிகுந்த முன்னெச்சரிக்கையுடன் செயல்பட்டதால் இந்தியப்  பங்குச் சந்தைகளின் ஏற்றம் கட்டுப்படுத்தப்பட்டது.
மும்பை பங்குச் சந்தையில் எண்ணெய்-எரிவாயு, தொழில்நுட்பம், மின்சாரம், எரிசக்தி, உலோகம் ஆகிய துறைகளைச் சேர்ந்த குறியீட்டெண் 1.13 சதவீதம் வரை உயர்ந்தது. 
அதேசமயம், மருந்து, மோட்டார் வாகனம், வேகமாக விற்பனையாகும் நுகர்வோர் பொருள்கள் துறைகளைச் சேர்ந்த குறியீட்டெண் 0.55 சதவீதம் வரை குறைந்தது.
வேதாந்தா, கோல் இந்தியா, பவர்கிரிட், ஐசிஐசிஐ வங்கி, ஹெச்சிஎல் டெக், பஜாஜ் பைனான்ஸ் மற்றும் இன்ஃபோசிஸ் பங்குகளின் விலை 2.47 சதவீதம் வரை அதிகரித்தன.
அதேசமயம், ஜெட் ஏர்வேஸ் பங்கின் விலை 40.48 சதவீதமும்,  யெஸ் வங்கி பங்கின் விலை 5.94 சதவீதமும் வீழ்ச்சியைக் கண்டன. இதைத் தொடர்ந்து, ஹெச்டிஎஃப்சி நிறுவனம்,  மாருதி சுஸுகி, ஏஷியன் பெயின்ட்ஸ், சன் பார்மா, ஹெச்டிஎஃப்சி வங்கி பங்குகளின் விலை 2.20 சதவீதம் வரை சரிந்தன.
மும்பை பங்குச் சந்தையில் செவ்வாய்க்கிழமை  நடைபெற்ற வர்த்தகத்தில் 300 புள்ளிகள் வரையிலான ஏற்ற இறக்கங்களுக்குப் பிறகு,  சென்செக்ஸ் 85 புள்ளிகள் மட்டுமே உயர்ந்து 39,046 புள்ளிகளில் நிலைத்தது.
தேசிய பங்குச் சந்தையில் நடைபெற்ற வர்த்தகத்தில் நிஃப்டி 19 புள்ளிகள் அதிகரித்து 11,691 புள்ளிகளில் நிலைபெற்றது.
 

]]>
https://www.dinamani.com/business/2019/jun/19/சென்செக்ஸ்-85-புள்ளிகள்-அதிகரிப்பு-3174052.html
3174051 வர்த்தகம் வெளிநாட்டு வர்த்தக தலைமை இயக்குநரின் பதவிக்காலம் நீட்டிப்பு DIN DIN Wednesday, June 19, 2019 12:53 AM +0530
வெளிநாட்டு வர்த்தக தலைமை இயக்குநர் (டிஜிஎஃப்டி) அலோக் வரதன் சதுர்வேதியின் பதவிக்காலம்  நீட்டிக்கப்பட்டுள்ளதாக மத்திய அரசு செவ்வாய்க்கிழமை தெரிவித்ததது.
இதுகுறித்து மத்திய பணியாளர் நலன்,  பொதுமக்கள் குறைதீர்ப்பு மற்றும் ஓய்வூதிய அமைச்சகம் வெளியிட்ட செய்திக்குறிப்பில் தெரிவிக்கப்பட்டுள்ளதாவது:.வெளிநாட்டு வர்த்தக தலைமை இயக்குநராக உள்ள அலோக் வர்தன் சதுர்வேதியின் பதவிக் காலம் மேலும் மூன்று மாதங்களுக்கு நீட்டிக்கப்பட்டுள்ளது. இதையடுத்து, அவர் வரும் செப்டம்பர் மாதம் 30-ஆம் தேதி வரையில் அப்பதவியில் இருப்பார் என அந்த செய்திக்குறிப்பில் தெரிவிக்கப்பட்டுள்ளது.
பிகார் மாநிலத்திலிருந்து 1986-ஆம் ஆண்டு தேர்ந்தெடுக்கப்பட்ட ஐஏஎஸ் அதிகாரியான சதுர்வேதி, வெளிநாட்டு வர்த்தக தலைமை இயக்குநரகத்தின் தலைமை இயக்குநராக உள்ளார்.
 

]]>
https://www.dinamani.com/business/2019/jun/19/வெளிநாட்டு-வர்த்தக-தலைமை-இயக்குநரின்-பதவிக்காலம்-நீட்டிப்பு-3174051.html
3173358 வர்த்தகம் அமெரிக்கா-இந்தியா வர்த்தக மோதல் எதிரொலி! பங்குச் சந்தையில் கடும் சரிவு DIN DIN Tuesday, June 18, 2019 12:44 AM +0530
அமெரிக்கா-இந்தியா இடையே ஏற்பட்டுள்ள வர்த்தக மோதல் எதிரொலியாக பங்குச் சந்தைகளில் திங்கள்கிழமை நடைபெற்ற வர்த்தகம் கடும் சரிவைக் கண்டது.
அமெரிக்காவிலிருந்து இறக்குமதி செய்யப்படும், பாதாம், பருப்பு, வால்நட் உள்ளிட்ட  28 வகையான பொருள்களுக்கு இந்தியா சுங்க வரியை உயர்த்தியுள்ளது. உருக்கு, அலுமினியம் உள்ளிட்ட இந்திய தயாரிப்புகளின் இறக்குமதிக்கு அமெரிக்கா வரியை அதிகரித்ததற்கு  எதிர்வினையாக இந்தியா இந்த நடவடிக்கையை மேற்கொண்டது. அமெரிக்கா-இந்தியா இடையே  வரி விதிப்பு தொடர்பாக கருத்து  வேறுபாடுகள் எழுந்துள்ளது முதலீட்டாளர்களிடையே அச்சத்தை ஏற்படுத்தியது.
மேலும், இந்தியாவின் வர்த்தக பற்றாக்குறை தொடர்ந்து மூன்று மாதங்களாக அதிகரிப்பு,  டாலருக்கு நிகரான ரூபாய் மதிப்பு வீழ்ச்சி, சர்வதேச சந்தையில் கச்சா எண்ணெய் விலை அதிகரிப்பு உள்ளிட்ட பல்வேறு அம்சங்களையும் கருத்தில் கொண்டு முதலீட்டாளர்கள் மிகுந்த முன்னெச்சரிக்கையுடன் பங்கு வர்த்தகத்தில் ஈடுபட்டனர். அதன் காரணமாக, திங்கள்கிழமை வர்த்தகம் தொடங்கியது முதலே பங்குச் சந்தையில் மந்த நிலையே காணப்பட்டது.
அதன் விளைவாக, மும்பை பங்குச் சந்தையில் உலோக துறை குறியீட்டெண் 3 சதவீதம் அளவுக்கு இழப்பை சந்தித்தது. எரிசக்தி துறை குறியீட்டெண்ணும் 2 சதவீதம் வரை குறைந்தது.
நிறுவனங்களைப் பொருத்தவரையில்,  டாடா ஸ்டீல் பங்கின் விலை அதிகபட்ச இழப்பாக 5 சதவீதம் வரை குறைந்தது. இதைத் தொடர்ந்து, வேதாந்தா, டாடா மோட்டார்ஸ் பங்குகளின் விலையும் 3.33 சதவீதம் வரை சரிந்தன.
அதேசமயம், யெஸ் வங்கி, கோல் இந்தியா மற்றும் இன்ஃபோசிஸ் நிறுவன பங்குகளுக்கு சந்தையில் வரவேற்பு காணப்பட்டதன் காரணமாக அவற்றின் விலை அதிகரித்தது.
மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் சென்செக்ஸ் 491 புள்ளிகள் வீழ்ச்சியடைந்து 38,960 புள்ளிகளாக நிலைத்தது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 151 புள்ளிகள் சரிந்து 11,672 புள்ளிகளாக நிலைபெற்றது.
 

]]>
https://www.dinamani.com/business/2019/jun/18/அமெரிக்கா-இந்தியா-வர்த்தக-மோதல்-எதிரொலி-பங்குச்-சந்தையில்-கடும்-சரிவு-3173358.html
3173357 வர்த்தகம் ஸ்ரீராம் டிரான்ஸ்போர்ட் நிறுவனத்திலிருந்து வெளியேறியது பிராமல் எண்டர்பிரைசஸ் DIN DIN Tuesday, June 18, 2019 12:43 AM +0530
ஸ்ரீராம் டிரான்ஸ்போர்ட் பைனான்ஸ் நிறுவனத்தில் வைத்திருந்த தனது பங்குகள் முழுவதையும் விற்று பிராமல் எண்டர்பிரைசஸ் வெளியேறியுள்ளது.
இதுகுறித்து மும்பை பங்குச் சந்தையிடம் பிராமல் எண்டர்பிரைசஸ் திங்கள்கிழமை கூறியுள்ளதாவது:
ஸ்ரீராம் டிரான்ஸ்போர்ட் பைனான்ஸ் நிறுவனத்தில் எங்களின் முழு அளவிலான நேரடி முதலீட்டை விலக்கி கொண்டுள்ளோம். அந்த வகையில், அளிக்கப்பட்ட பங்கு மூலதனமாக வைத்திருந்த 9.96 சதவீத பங்குகளை முழுவதுமாக விற்று அந்நிறுவனத்திலிருந்து வெளியேறியுள்ளோம் என்று மும்பை பங்குச் சந்தையிடம் பிராமல் எண்டர்பிரைசஸ் தெரிவித்துள்ளது.
கடந்த 2013-ஆம் ஆண்டு மே மாதத்தில், ஸ்ரீராம் டிரான்ஸ்போர்ட் பைனான்ஸ் நிறுவனத்தின் 9.96 சதவீத பங்குகளை பிராமல் எண்டர்பிரைசஸ் ரூ.1,652 கோடிக்கு கையகப்படுத்தியது. 
கடந்த ஆறு ஆண்டுகளாக, ஸ்ரீராம் டிரான்ஸ்போர்ட் பைனான்ஸின் பங்குதாரராக இருந்த பிராமல் எண்டர்பிரைசஸ் தற்போது அந்த பங்குகள் முழுவதையும் ரூ.2,305 கோடிக்கு பங்குச் சந்தையின் மூலமாக திங்கள்கிழமை  விற்பனை செய்துள்ளது. இந்த விற்பனையின் மூலம், பிராமல் எண்டர்பிரைசஸ் நிறுவனத்துக்கு வெறும் ஆறே ஆண்டுகளில் ரூ.653 கோடி (40%) லாபம் கிடைத்துள்ளதாக கூறப்படுகிறது.
பிராமல் எண்டர்பிரைசஸ் வெளியேறியதையடுத்து, ஸ்ரீராம் டிரான்ஸ்போர்ட் பைனான்ஸ் பங்கின் விலை 8 சதவீதம் அளவுக்கு சரிவை சந்தித்தது. 
மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் ஸ்ரீராம் டிரான்ஸ்போர்ட் பைனான்ஸ் பங்கின் விலை 6.52 சதவீதம் குறைந்து ரூ.1,011-ஆனது. தேசிய பங்குச் சந்தையில் நடைபெற்ற வர்த்தகத்தில் இந்நிறுவனப் பங்கின் விலை 7.82 சதவீதம் சரிந்து ரூ.1,000-ஆக இருந்தது.
இதேபோன்று, மும்பை பங்குச் சந்தையில் பிராமல் எண்டர்பிரைசஸ் பங்கின் விலை 1.85 சதவீதம் குறைந்து ரூ.2,030.10-ஆக காணப்பட்டது.
 

]]>
https://www.dinamani.com/business/2019/jun/18/ஸ்ரீராம்-டிரான்ஸ்போர்ட்-நிறுவனத்திலிருந்து-வெளியேறியது-பிராமல்-எண்டர்பிரைசஸ்-3173357.html
3173356 வர்த்தகம் இந்திய பொருளாதார வளர்ச்சி மதிப்பீடு: 6.6% சதவீதமாக குறைத்தது ஃபிட்ச் நிறுவனம் DIN DIN Tuesday, June 18, 2019 12:43 AM +0530
நடப்பு நிதியாண்டுக்கான பொருளாதார வளர்ச்சி குறித்த  மதிப்பீட்டை ஃபிட்ச் நிறுவனம் 6.6 சதவீதமாக குறைத்துள்ளது.
இதுகுறித்து அந்த நிறுவனம் திங்கள்கிழமை வெளியிட்ட அறிக்கையில் தெரிவித்துள்ளதாவது:
நடப்பு 2019-20-ஆம் நிதியாண்டில் இந்தியாவின் பொருளாதார வளர்ச்சி 6.8 சதவீதமாக இருக்கும் என்று  முன்னர் மதிப்பிடப்பட்டிருந்தது. ஆனால், கடந்த ஓராண்டாக தயாரிப்பு மற்றும் வேளாண் துறைகளின் வளர்ச்சி மந்த நிலையில் இருந்து வருவதற்கான அறிகுறிகள் தென்பட்டுள்ளன. அதன் காரணமாக, நடப்பு நிதியாண்டில் பொருளாதாரம் 6.6 சதவீத வளர்ச்சியை மட்டுமே எட்டும் என தற்போது மதிப்பிடப்பட்டுள்ளது.
இருப்பினும், இந்த வளர்ச்சி எதிர்வரும் 2020-21 நிதியாண்டில் 7.1 சதவீதமாகவும், 2021-22 நிதியாண்டில் 7.0 சதவீதமாகவும் இருக்கும் என ஃபிட்ச் அந்த அறிக்கையில் தெரிவித்துள்ளது.
கடந்த நிதியாண்டில், இந்தியாவின் பொருளாதாரம் 5-ஆண்டுகளில் இல்லாத குறைந்தபட்ச அளவாக 6.8 சதவீத வளர்ச்சியை மட்டுமே பெற்றிருந்தது. இந்த நிலையில், நடப்பு நிதியாண்டில் பொருளாதார வளர்ச்சி அதைவிட குறைவான அளவில் 6.6 சதவீதமாகவே இருக்கும் என ஃபிட்ச் கணித்துள்ளது. 2018 மார்ச் காலாண்டில் 8.1 சதவீதமாக அதிகரித்து காணப்பட்ட இந்தியாவின் பொருளாதார வளர்ச்சி 2018-19 நிதியாண்டில் தொடர்ந்து நான்காவது காலாண்டாக ஜனவரி-மார்ச்சில் 5.8 சதவீதமாக குறைந்து போனது குறிப்பிடத்தக்கது.
 

]]>
https://www.dinamani.com/business/2019/jun/18/இந்திய-பொருளாதார-வளர்ச்சி-மதிப்பீடு-66-சதவீதமாக-குறைத்தது-ஃபிட்ச்-நிறுவனம்-3173356.html
3173355 வர்த்தகம் மனம் கவர்ந்த நிறுவன பிராண்ட்: அமேசான் இந்தியாவுக்கு முதலிடம் DIN DIN Tuesday, June 18, 2019 12:42 AM +0530
இந்தியாவில் மிகவும் மனம் கவர்ந்த நிறுவன பிராண்ட் பட்டியலில் அமேசான் இந்தியா முதலிடத்தில் இருப்பதாக ஆய்வில் தெரிவிக்கப்பட்டுள்ளது. 
இதுகுறித்து ரான்ட்ஸ்டட் எம்ப்ளாயர் பிராண்ட் ரிசர்ச் 2019- ஆய்வறிக்கை திங்கள்கிழமை வெளியிடப்பட்டது. அதில் தெரிவிக்கப்பட்டிருப்பதாவது:
இந்தியாவில் பெரும்பான்மை மக்களை கவர்ந்திழுக்கும் நிறுவன பிராண்ட் பட்டியலில் அமேசான் இந்தியா முதலிடத்தைப் பிடித்துள்ளது. 
நிதி நிலைமை, பயன்பாடு, நவீன தொழில்நுட்பம் மற்றும் வலுவான நற்பெயர் ஆகியவற்றின் அடிப்படையில் அமேசான் இந்தியா அதிக புள்ளிகளைப் பெற்று பட்டியலில் முதலிடத்தை தக்க  வைத்துக் கொண்டுள்ளது. இதற்கு அடுத்தபடியாக மைக்ரோஸாஃப்ட் இந்தியா இரண்டாவது இடத்தையும், சோனி இந்தியா மூன்றாவது இடத்தையும் பிடித்துள்ளன.
10 நிறுவனங்கள் அடங்கிய அந்தப் பட்டியலில், மெர்ஸிடிஸ்-பென்ஸ் (4), ஐபிஎம் (5), லார்சன் & டூப்ரோ (6), நெஸ்லே (7), இன்ஃபோசிஸ் (8), சாம்சங் (9), டெல் (10) ஆகிய நிறுவனங்கள் இடம்பெற்றுள்ளதாக அந்நிறுவனத்தின் ஆய்வில் தெரிவிக்கப்பட்டுள்ளது.
 

]]>
https://www.dinamani.com/business/2019/jun/18/மனம்-கவர்ந்த-நிறுவன-பிராண்ட்-அமேசான்-இந்தியாவுக்கு-முதலிடம்-3173355.html
3172772 வர்த்தகம் மத்திய பட்ஜெட் - சிறு தொழிலகங்களின் எதிர்பார்ப்பு - ந. முத்துமணி  DIN Monday, June 17, 2019 12:46 PM +0530
இந்தியப் பொருளாதாரத்தின் முதுகெலும்பு உற்பத்தித் தொழில் என்றால், அந்த உற்பத்தித் தொழிலின் முதுகெலும்பு சிறுதொழில்கள்தான். நாட்டின் மொத்த உள்நாட்டு உற்பத்தியில் சிறுதொழில்கள் 8% அளவுக்குப் பங்காற்றிவருகின்றன. இத்துறை 8 கோடி பேருக்கு வேலைவாய்ப்பு அளிக்கிறது. கர்நாடகத்தில் செயல்பட்டுவரும் 6 லட்சம் சிறுதொழிலகங்களில் 75 லட்சம் தொழிலாளர்கள் பணியாற்றுகிறார்கள். 

2020-ஆம் ஆண்டுக்குள் ஜிடிபியில் சிறுதொழில்களின் பங்களிப்பு 8 சதவீதத்தில் இருந்து 25 சதவீதமாகவும், இத்தொழில்கள் வழியான வேலைவாய்ப்பு 10 கோடியாக உயரவும் திட்டமிடப்பட்டுள்ளது. 

 எனினும் அதற்கான பாதை சுலபமானதல்ல. சிறுதொழில்களுக்கு அடிப்படை ஆதாரமாக விளங்கும் கடனுதவியை பெறுவதில் பெரும் நடைமுறை சிக்கல்கள் காணப்படுகின்றன. கச்சா பொருள் தட்டுப்பாடு, குறைவான சந்தைப்படுத்தல் வாய்ப்புகள், நடைமுறை மூலதனம் பற்றாக்குறை, ஏற்றுமதி செய்வதில் நடைமுறை தடைகள், தொழில்நுட்பத்தை மேம்படுத்துவதில் இடைஞ்சல்கள், பல்லடுக்கு தொழிலாளர் சட்டங்களால் தொந்தரவு, சுற்றுச்சூழல் விதிமுறைகளை பின்பற்ற இயலாமல் தவிப்பு, பொதுத்துறை மற்றும் தனியார் நிறுவனங்களிடம் இருந்து தாமதமாக வந்துசேரும் பணம், உரிய நேரத்தில் கிடைக்காத மானியம் உள்ளிட்ட பிரச்னைகளை இந்தத் துறை சந்தித்து வருகிறது.

பிரதமர் மோடி தலைமையில் மத்தியில் கூடுதல் பலத்துடன் அரசு மீண்டும் அமைந்துள்ளதால், சிறுதொழிலகங்கள் நம்பிக்கையோடு காத்திருக்கின்றன. மத்திய நிதி அமைச்சர் நிர்மலா சீதாராமன் ஜூலை 5-ஆம் தேதி நாடாளுமன்றத்தில் புதிய அரசின் முதல் பட்ஜெட்டை தாக்கல் செய்யவிருக்கிறார். இந்த பட்ஜெட்டில் புலிப் பாய்ச்சலுக்குத் தேவையான திட்டங்களை அறிவிப்பார் என்று சிறுதொழில்கள் காத்திருக்கின்றன. சிறுதொழில்களை வாழவைக்கும் திட்டங்களை அறிவிக்க வேண்டுமென்று கர்நாடகம், தமிழகம், தெலங்கானா, ஆந்திரம், கேரளம், கோவா மாநிலங்களை சேர்ந்த தென்னிந்திய சிறுதொழில்சங்கங்களின் கூட்டமைப்பு கோரிக்கை விடுத்துள்ளது. சிறுதொழில்களின் வளர்ச்சிக்கு பட்ஜெட்டில் என்ன இடம்பெற வேண்டும் என்று தொழில்முனைவோர்கள் எதிர்பார்க்கிறார்கள்?

கர்நாடக சிறுதொழில் சங்கத்தின் முன்னாள் பொருளாளர் ஜி.முரளி கூறுகையில்,"சிறுதொழிலகங்கள் நிம்மதியாகத் தொழில் செய்யும் நிலையில், நாட்டின் பொருளாதாரம் உயரத்தை நோக்கிப் பயணிக்கும் என்பதில் சந்தேகமில்லை. குறு,சிறு, நடுத்தரத்தொழில் நிறுவனங்களுக்கு உயிரூட்டமாக விளங்கும் நிதி ஆதாரங்களை எளிமையாக கிடைக்க வழிசெய்ய வேண்டும். மத்தியில் மோடி தலைமையில் புதிய அரசு அமைந்துள்ளது எங்கள் நம்பிக்கையை அதிகரித்துள்ளது. 

புதிய அரசின் முதல் பட்ஜெட்டை தாக்கல் செய்யவிருக்கும் மத்திய நிதி அமைச்சர் நிர்மலா சீதாராமன், சிறுதொழில்களின் பிரச்னைகளை ஆராய்ந்து அவற்றுக்கான தீர்வுகளை தனது பட்ஜெட்டில் அறிவிப்பார் என்று எதிர்பார்க்கிறோம். வேளாண் தொழிலைப் போலவே சிறுதொழிலகங்கள்தான் அதிக வேலைவாய்ப்பை அளித்துவந்துள்ளன. இதன் காரணமாகவே கர்நாடக மாநில நிதிக் கழகம், சிறுதொழில் நிறுவனங்களுக்கு ரூ.10 லட்சம் வரையில் 4% வட்டியில் கடனளித்துவருகிறது. ஆனால், தேசிய வங்கிகளில் சிறுதொழில் கடன் மீதான வட்டி 10 சதவீதம் வரை உள்ளது. ரூ.10கோடி வரையிலான கடனுக்கு வட்டி விகிதத்தை 4 சதவீதமாக குறைக்க பட்ஜெட்டில் அறிவிப்பை எதிர்பார்க்கிறோம்.

முத்ரா திட்டத்தில் ரூ.10 லட்சம் வரை அளிக்கப்படும் கடனுதவிகள் புதிய தொழில்முனைவோருக்கு கிடைக்க, நிபந்தனைகளை எளிமையாக்க வேண்டும். ஏற்கெனவே தொழில் செய்துவருவோருக்கு முத்ரா திட்டத்தில் கடனுதவியை வழங்குவது பயனற்றதாகும். நடைமுறை மூலத்தனத்திற்கான வட்டியையும் கணிசமாக குறைக்க வேண்டும். 

தேசிய வங்கிகளில் கடனுதவி பெறுவதில் ஏராளமான நடைமுறைத் தடங்கல்கள் இருக்கின்றன. இப்பிரச்னைக்கு தீர்வு காண வேண்டும். வட்டியை திருப்பிச் செலுத்தும் காலத்தை 2-3 ஆண்டுகளுக்கு நீட்டிக்கவேண்டும். சிறுதொழில்கள் எதிர்கொள்ளும் கடன் சார்ந்த குறைகளைத் தீர்த்துவைக்க இத்துறைக்கென்றே சிறப்பு குறைதீர் அதிகாரியை நியமிக்க வேண்டும்.

குறு-சிறுதொலகங்களுக்கான கடன் உறுதி நிதிய ஒதுக்கீட்டை உயர்த்தினால், கடன் வழங்குவதில் தட்டுப்பாடு ஏற்படாது. மேலும் உத்தரவாதக் கட்டணத்தை பாதியளவுக்கு குறைக்க வேண்டும். மாநில நிதிக் கழகங்களை குறு-சிறு தொழிலகங்களுக்கான கடன் உறுதி நிதியத்தின் கீழ் கொண்டுவரலாம். தொழில்நுட்பங்களை மேம்படுத்துவதற்காக கொண்டுவரப்பட்ட கடனுடன் கூடிய மூலதன மானிய திட்டத்தில் (சிஎல்சிஎஸ்எஸ்) ரூ.5கோடி வரையிலான மானியத்தை மேலும் உயர்த்த வேண்டும்.

வாராக்கடன் திட்டத்தில் சிறுதொழில்களுக்கான விதிகளைத் தளர்த்தி, கடனை திரும்ப செலுத்தும் காலத்தை நீட்டிக்க வகை செய்யவேண்டும். சிறுதொழில்களுக்கான பிரதமரின் கடனுதவித் திட்டத்திற்கு இணையதளம் வழியே விண்ணப்பிக்கும் முறை கொண்டுவரப்பட்டுள்ளது சரிதான். ஆனால் கடனுக்கான ஒப்புதல் கிடைப்பதால் சிறு தொழில்முனைவோர் தவிக்கும் நிலை ஏற்பட்டுள்ளது. இதைத் தீர்க்க முனைப்பு காட்ட வேண்டும். உற்பத்தி செய்து அளித்த பொருள்களுக்கான தொகையை 45 நாட்களுக்குப் பிறகு வழங்குவதால் சிறுதொழில்கள் வெகுவாக பாதிக்கப்படுகின்றன. இதையும் அரசு, தனியார் நிறுவனங்கள் சரியாக பின்பற்றாததால், பல நேரங்களில் தொகை கிடைக்க 90 நாட்கள் வரை கூட ஆகின்றது. மத்திய அரசு நிறுவனங்களாவது 45 நாட்களுக்குள் தொகை அளிப்பதை உறுதி செய்ய வேண்டும். 

சிறுதொழிலகங்களில் தொழிலாளர் உற்பத்தித் திறன் குறைவாக உள்ளது. திறன் குறைவானவர்களை வேலைக்குச் சேர்த்துக் கொள்வதே இதற்கு அடிப்படை காரணம். எனினும், தொழிலாளர்களுக்கு ஊதியங்களை நிர்ணயிப்பதற்காக கொண்டுவரப்பட்டுள்ள தொழிலாளர் சட்டங்களால் சிறுதொழிலகங்கள் வெகுவாக பாதிக்கப்பட்டுள்ளன. எனவே, இந்தவிதிகளை தளர்த்த வேண்டும். சிறுதொழிலகங்களுக்கென தனியாக தொழிலாளர் சட்டங்களை இயற்ற வேண்டும்.

நவீன தொழில்நுட்பங்களை உள்வாங்கிக்கொள்வதில் சிறுதொழிலகங்கள் தடுமாறுகின்றன. போதுமான நிதி ஆதாரங்கள் இல்லாததுதான் இதற்கு காரணம். இதில் மத்திய அரசு கவனம் செலுத்த வேண்டும். சிறுதொழிலகங்கள் அமைக்கப்பட்டுள்ள தொழில்பேட்டைகளில் அடிப்படை கட்டமைப்பு வசதிகளை மேம்படுத்த வேண்டும். 

பொதுத்துறை நிறுவனங்கள், தங்கள் பொருளின் உற்பத்தியில் 20 சதவீதத்தை சிறுதொழிலகங்களுக்கு வழங்க வேண்டுமென்ற விதி உள்ளது. ஆனால் இது நடைமுறையில் அமலாக்கப்படுவதில்லை. இந்தவிதியை தீவிரமாக நடைமுறைப்படுத்த மத்திய அரசு முனைப்பு காட்டவேண்டும். சிறுதொழில்களை காப்பாற்றினால்தான் பெருந்தொழில்கள் சீராக இயங்கும், நமது பொருளாதாரமும் மேம்படும் என்றார் அவர்.

கர்நாடக சிறுதொழில் சங்கத்தின் துணைத்தலைவர் ஆர்.ராஜு கூறுகையில், "பிரதமர் மோடி தலைமையிலான புதிய அரசு எளிதாகத் தொழில் செய்வதற்கான சூழலை உருவாக்கும் என்ற நம்பிக்கை உள்ளது. இதுநாள்வரை குறு, சிறு, நடுத்தர நிறுவனங்களை தொழிலகத்தில் நிறுவப்படும் இயந்திரத்தின் மதிப்பின் அடிப்படையில் வகைப்படுத்தப்பட்டு வந்தது. இதனை ஆண்டு விற்றுமுதல் அடிப்படையில் வகைப்படுத்த முனைந்துள்ளதை மத்திய அரசு கைவிடவேண்டும். இதை செய்யாவிட்டால் உற்பத்தியில் ஈடுபடாத முகவர்கள் கூட சிறுதொழில்நிறுவனங்கள் என்று தங்களை அழைத்துக் கொள்வர்.

சிறுதொழில்களுக்குத் தனியாக தொழிலாளர் சட்டங்களை இயற்ற வேண்டும். சிறுதொழிலில் இருந்து வெளியேறுவதற்கான சட்டங்களை எளிமையாக்க வேண்டும்' என்றார் அவர்.

]]>
https://www.dinamani.com/business/2019/jun/17/மத்திய-பட்ஜெட்---சிறு-தொழிலகங்களின்-எதிர்பார்ப்பு-3172772.html
3172771 வர்த்தகம் நெருக்கடியில் சென்னிமலை கைத்தறிப் போர்வை தயாரிப்புத் தொழில் - கே. விஜயபாஸ்கர் DIN Monday, June 17, 2019 12:35 PM +0530
கடந்த 20 ஆண்டுகளுக்கு முன்பு வரை இந்தியாவிலேயே 50 சதவீத அளவுக்கு கைத்தறி போர்வைகள் சென்னிமலையில்தான் உற்பத்தி செய்யப்பட்டன. இங்கு சுமார் 30 ஆயிரம் பேர் கைத்தறி நெசவு செய்தனர். மேலும், இவர்கள் நூல் நூற்றல், பாவு தேய்த்தல், இணைத்தல், பாவு சட்டம், ரகம் பிரித்தல் என பிரித்து வேலைகளை செய்வர். இங்குள்ள மக்களின் வாழ்வாதாரமே கைத்தறி போர்வை உற்பத்திதான். ஆனால், கடந்த 10 ஆண்டுகளாக இத் தொழில் கடும் நெருக்கடியில் சிக்கியுள்ளதால் கைத்தறி போர்வை தயாரிப்புத் தொழில் இப்போது 50 சதவீதம் அளவுக்கு குறைந்துவிட்டது. 


சென்னிமலை என்றாலே நினைவுக்கு வருவது முருகன் கோயிலும், கைத்தறிப் போர்வையும்தான். இத்தகைய சிறப்பு வாய்ந்த கைத்தறி போர்வை உற்பத்தி தொழில் பல்வேறு நெருக்கடிகளில் சிக்கியுள்ளதால் நெசவாளர்களில் 70 சதவீதத்துக்கும் மேற்பட்டோர் கூலித் தொழிலாளர்களாக மாறியுள்ளனர். 

நெசவில் தனிச்சிறப்பு வாய்ந்தவை சென்னிமலை கைத்தறி போர்வைகள். போர்வைகள் கைத்தறியால் நெய்யப்படுபவை என்பதால் இதன் ஆயுள் சுமார் 15 ஆண்டுகளுக்கு மேல் நீடிக்கும். ஆனால், இயந்திரங்களால் தயாரிக்கப்படும் போர்வைகள் தண்ணீரில் நனைய, நனைய நிறம் மாறுவதுடன் 3 அல்லது 4 ஆண்டுகளுக்குள் நைந்து கிழிந்துவிடும்.

50 ஆண்டுகளுக்கு முன்பு விரிவடைந்த தொழில்

சென்னிமலை மற்றும் அருகில் உள்ள கிராமங்களில் கைத்தறி போர்வை உற்பத்தி 100 ஆண்டுகள் பாரம்பரிய கொண்டது என்றாலும், இந்தத் தொழில் 50 ஆண்டுகளுக்கு முன்புதான் விரிவடைந்தது. 

நெசவாளர்கள் தனித்தனி குழுவாக சேர்ந்து தங்களுக்கென கூட்டுறவு சங்கங்களைத் தொடங்கினர். இதன் மூலம் கூட்டுறவு சங்கங்களிடம் இருந்து பாவு வாங்கி நெசவு செய்து உற்பத்தியான போர்வைகளை கூட்டுறவு சங்கத்திடம் மீண்டும் அளித்து வணிகம் செய்யத் தொடங்கினர். கோஆப்டெக்ஸ் தொடங்கப்பட்ட பிறகு கைத்தறி போர்வைகள் மொத்தமாக அந்த நிறுவனம் மூலம் கொள்முதல் செய்யப்பட்டன.

50 சதவீத உற்பத்தி மையம் 

கடந்த 20 ஆண்டுகளுக்கு முன்பு வரை இந்தியாவிலேயே 50 சதவீத அளவுக்கு கைத்தறி போர்வைகள் சென்னிமலையில்தான் உற்பத்தி செய்யப்பட்டன. இங்கு சுமார் 30 ஆயிரம் பேர் கைத்தறி நெசவு செய்தனர். மேலும், இவர்கள் நூல் நூற்றல், பாவு தேய்த்தல், இணைத்தல், பாவு சட்டம், ரகம் பிரித்தல் என பிரித்து வேலைகளை செய்வர்.

இங்குள்ள மக்களின் வாழ்வாதாரமே கைத்தறி போர்வை உற்பத்திதான். ஆனால், கடந்த 10 ஆண்டுகளாக இத் தொழில் கடும் நெருக்கடியில் சிக்கியுள்ளதால் கைத்தறி போர்வை தயாரிப்புத் தொழில் இப்போது 50 சதவீதம் அளவுக்கு குறைந்துவிட்டது. 

கடந்த 2000 ஆம் ஆண்டுக்குப் பிறகு கைத்தறி போர்வை நெசவுத் தொழில் படிப்படியாக தொய்வடையத் தொடங்கியது. கடந்த 10 ஆண்டுகளில் கடும் நெருக்கடியில் இந்த தொழில் சிக்கியுள்ளது. 30 ஆயிரம் நெசவாளர்கள் இருந்த சென்னிமலை பகுதியில் இப்போது சுமார் 5 ஆயிரத்துக்கும் குறைவான நெசவாளர்கள்தான் உள்ளனர்.

நெருக்கடியைத் தீர்க்க அரசு நம்பிக்கை தரும் எந்தச் செயல்களையும் முன்னெடுக்காத நிலையில் இன்னும் சில ஆண்டுகளில் பெயரளவில் நடக்கும் தொழிலாக மாறிவிட வாய்ப்புள்ளது என்கின்றனர் கைத்தறி நெசவாளர்கள். 

கூலி தொழிலாளர்களான நெசவாளர்கள்

இதுகுறித்து சென்னிமலையைச் சேர்ந்த கைத்தறி நெசவாளரும், கோஆப் டெக்ஸ் முன்னாள் இயக்குநருமான சா.மெய்யப்பன் கூறியதாவது: சென்னிமலை சுற்று வட்டாரப் பகுதிகளில் மட்டும் 38 பிரதம கைத்தறி நெசவாளர்கள் கூட்டுறவு சங்கங்கள் செயல்படுகின்றன. இந்த சங்கங்கள்தான் நெசவாளர்களுக்கு வழிகாட்டியாக உள்ளன. கூட்டுறவு சங்கங்களில் பாவு வாங்கித்தான் நெசவாளர்கள் போர்வை நெய்து, அதனை கூட்டுறவு சங்கத்திடம் கொடுத்து கூலியைப் பெற்று வருகின்றனர். 

ஆனால், கடந்த 10 ஆண்டுகளாக கூட்டுறவு சங்கங்கள் கடும் நிதி நெருக்கடியில் சிக்கியுள்ளன. இதற்கு காரணம் அரசு வழங்கும் தள்ளுபடி மானியம் சுமார் ரூ.100 கோடி வரை இந்தக் கூட்டுறவு சங்கங்களுக்கு வரவில்லை.

எப்போதாவது வரும் சிறுத் தொகையும், மாவட்ட, மத்திய கூட்டுறவு வங்கிகளில் வாங்கிய கடனுக்கு வட்டி கட்டவும்,  பணியாளர்களின் ஊதியத்துக்கும் சென்றுவிடுகிறது.

இதனால் நெசவாளர்களுக்கு பாவு வாங்கிக் கொடுக்க கூட்டுறவு சங்கங்களிடம் நிதி இல்லை. பொருளாதாரரீதியாக பாதிக்கப்பட்டுள்ள நெசவாளர்கள் பலர் திருப்பூர் பனியன் கம்பெனிகளுக்கும், பெருந்துறை சிப்காட் தொழிற்பேட்டைக்கும், கட்டட வேலைக்கும் கூலி தொழிலாளர்களாக சென்று குடும்பத்தைக் காப்பாற்ற வேண்டிய நிலைக்கு தள்ளப்பட்டுள்ளனர்.

இந்த நிலை மாற நெசவாளர் கூட்டுறவு சங்கங்களுக்கு வழங்க வேண்டிய தள்ளுபடி மானியத்தை முழுமையாக அரசு வழங்க வேண்டும். இதன் மூலம் சங்கங்களுக்கு ரூ.50 லட்சம் முதல் ரூ.2 கோடி வரை நிதி கிடைக்கும்.

மாவட்ட, மத்திய கூட்டுறவு வங்கிகளில் சங்கங்கள் வாங்கியுள்ள கடனை முழுமையாகத் தள்ளுபடி செய்ய வேண்டும். மேலும், கைத்தறி நெசவுத் தொழிலுக்கு ஜிஎஸ்டியில் இருந்து முழுமையான விலக்கு அளிக்க 
வேண்டும். 

இந்தத் தள்ளுபடி மானியம், கடன் தள்ளுபடி, ஜிஎஸ்டி விலக்கு மூன்றையும் செய்தால் நெசவாளர் கூட்டுறவு சங்கங்கள் நெருக்கடியில் இருந்து மீண்டு வரும். இதன் மூலம் சென்னிமலை கைத்தறி போர்வை தயாரிப்புத் தொழில் மீண்டும் வளமான பாதையை நோக்கிச் செல்லும் என்றார்.

கோரிக்கைகள் அரசின் கவனத்தில்  

இதுகுறித்து கைத்தறி மற்றும் துணி நூல் துறை அதிகாரிகள் மற்றும் கோஆப்டெக்ஸ் அதிகாரிகள் கூறியதாவது: நெசவாளர் கூட்டுறவு சங்கங்கள் மாவட்ட, மத்திய கூட்டுறவு வங்கிகளின் கட்டுப்பாட்டில் உள்ளன. சங்கங்களின் நிதி நெருக்கடியைத் தீர்க்க தள்ளுபடி மானியத்தை முழுமையாக விடுவிக்க வேண்டும் என்ற கோரிக்கை பிரதானமாக உள்ளது.

மேலும், கைத்தறி நெசவாளர்களுக்கு மாதாந்திர உதவித்தொகை, குடியிருப்பு போன்ற கோரிக்கைகளும் முன்வைக்கப்பட்டுள்ளன. இந்தக் கோரிக்கைகள் அனைத்தும் அரசின் கவனத்துக்கு கொண்டுச் செல்லப்பட்டுள்ளன என்றனர்.

]]>
https://www.dinamani.com/business/2019/jun/17/நெருக்கடியில்-சென்னிமலை-கைத்தறிப்-போர்வை-தயாரிப்புத்-தொழில்-3172771.html
3172146 வர்த்தகம் வரலாற்று உச்சத்தை நெருங்கும் அந்நியச் செலாவணி கையிருப்பு DIN DIN Sunday, June 16, 2019 12:50 AM +0530 இந்தியாவின் அந்நியச் செலாவணி கையிருப்பு வரலாற்று உச்சமான 42,602 கோடி டாலரை நெருங்கி வருவதாக ரிசர்வ் வங்கி தெரிவித்துள்ளது.
இதுகுறித்து அந்த வங்கி மேலும் கூறியுள்ளதாவது: அந்நியச் செலாவணி சொத்து மதிப்பு ஏற்றம் கண்டு வருவதையடுத்து,  நாட்டின் அந்நியச் செலாவணி கையிருப்பு கடந்த ஜூன் 7-ஆம் தேதியுடன் நிறைவடைந்த வாரத்தில் 170 கோடி டாலர் (ரூ.11,900 கோடி) அதிகரித்து 42,355 கோடி டாலரைத் (ரூ.29.64 லட்சம் கோடி) தொட்டுள்ளது.   
இதற்கு முந்தைய வாரத்தில் செலாவணி கையிருப்பு 180  கோடி டாலர் உயர்ந்து 42,185  கோடி டாலராக காணப்பட்டது.
கணக்கீட்டு வாரத்தில், ஒட்டுமொத்த கையிருப்பில் முக்கிய பங்களிப்பாக உள்ள அந்நியச் செலாவணி சொத்து மதிப்பு  166 கோடி டாலர் உயர்ந்து  39,580 கோடி டாலராக இருந்தது. அதேசமயம், தங்கத்தின் கையிருப்பு மாற்றம் எதுவுமின்றி 2,295 கோடி டாலர் என்றஅளவிலேயே உள்ளது.  
சர்வதேச நிதியத்தில் எஸ்டிஆர் 61 லட்சம் டாலர் அதிகரித்து 144.9 கோடி டாலராகவும், நாட்டின் கையிருப்பு நிலை 14  லட்சம் டாலர் உயர்ந்து 333.4 கோடி டாலராகவும் இருந்தது என புள்ளிவிவரத்தில் ரிசர்வ் வங்கி தெரிவித்துள்ளது.
கடந்த 2018-ஆம் ஆண்டு ஏப்ரல் 13-ஆம் தேதி வாரத்தில்தான் அந்நியச் செலாவணி கையிருப்பானது வரலாற்று உச்சமாக 42,602 கோடி டாலரை எட்டியிருந்தது. அதன் பிறகு தற்போதுதான் செலாவணி கையிருப்பானது இந்த அளவுக்கு நெருங்கி வருவது  குறிப்பிடத்தக்கது.

]]>
https://www.dinamani.com/business/2019/jun/16/வரலாற்று-உச்சத்தை-நெருங்கும்-அந்நியச்-செலாவணி-கையிருப்பு-3172146.html
3172142 வர்த்தகம் நோவார்டிஸின் துணைத் தலைவராக சஞ்சய் மூர்தேஸ்வர் நியமனம் DIN DIN Sunday, June 16, 2019 12:47 AM +0530 மருந்து தயாரிப்புத் துறையைச் சேர்ந்த நோவர்டிஸ் இந்தியா நிறுவனத்தின் துணைத் தலைவராக சஞ்சய் மூர்தேஸ்வர் நியமனம் செய்யப்பட்டுள்ளார்.
இதுகுறித்து அந்த நிறுவனம் மும்பை பங்குச் சந்தையிடம் தெரிவித்துள்ளதாவது:
நிறுவனத்தின் இயக்குநர் குழு கூட்டம் சனிக்கிழமை நடைபெற்றது. இதில், நிறுவனத்தின் நியமன மற்றும் ஊதியக் குழு பரிந்துரைத்ததன் அடிப்படையில் நோவர்டிஸ் இந்தியாவின் துணைத் தலைவராகவும், நிர்வாக இயக்குநராகவும் சஞ்சய் மூர்தேஸ்வரை நியமிக்க ஒப்புதல் அளிக்கப்பட்டது. இவரது நியமனம் ஜூன் 15, 2019-லிருந்து அமலுக்கு வந்துள்ளதாக மும்பை பங்குச் சந்தையிடம் நோவார்டிஸ் இந்தியா நிறுவனம் தெரிவித்துள்ளது.
 

]]>
https://www.dinamani.com/business/2019/jun/16/நோவார்டிஸின்-துணைத்-தலைவராக-சஞ்சய்-மூர்தேஸ்வர்-நியமனம்-3172142.html
3172140 வர்த்தகம் நாட்டின் ஏற்றுமதி 3.93% அதிகரிப்பு DIN DIN Sunday, June 16, 2019 12:46 AM +0530 நாட்டின் ஏற்றுமதி சென்ற மே மாதத்தில் 3.93 சதவீதம் அதிகரித்துள்ளது.
இதுகுறித்து மத்திய வர்த்தக அமைச்சகத்தின் புள்ளிவிவரத்தில் தெரிவிக்கப்பட்டுள்ளதாவது: இந்தியா சென்ற மே மாதத்தில் 3,000 கோடி டாலர் (ரூ.2.10 லட்சம் கோடி)  மதிப்புக்கு பொருள்களை ஏற்றுமதி செய்துள்ளது. இது, கடந்த 2018-இல் இதே கால அளவிலான ஏற்றுமதியுடன் ஒப்பிடுகையில் 3.93 சதவீதம் அதிகம்.
ஏற்றுமதி அதிகரித்துள்ள அதே சூழ்நிலையில், கச்சா எண்ணெய் மற்றும் தங்கத்துக்கான தேவை உள்நாட்டில் அதிகரித்ததால் நாட்டின் இறக்குமதியும் 4.31 சதவீதம் உயர்ந்து 4,535 கோடி டாலரைத் (ரூ.3.17 லட்சம் கோடி) தொட்டது.
ஏற்றுமதியுடன் ஒப்பிடும்போது இறக்குமதி அதிகமானதைத் தொடர்ந்து வர்த்தக பற்றாக்குறையானது ஆறு மாதங்கள் இல்லாத அளவில் 1,536 கோடி டாலராக உயர்ந்தது.  இதற்கு முன், கடந்த 2018 நவம்பரில்தான் வர்த்தக பற்றாக்குறையானது 1,667 கோடி டாலராக மிகவும் அதிகரித்து காணப்பட்டது. ஏற்றுமதியைப் பொருத்தவரையில், மின்னணு சாதனங்கள் (51 சதவீதம்), பொறியியல் (44 சதவீதம்), ரசாயனம் (20.64 சதவீதம்), மருந்து (11 சதவீதம்), தேயிலை (24.3 சதவீதம்) ஆகிய துறைகள் சிறப்பான வளர்ச்சியை பதிவு செய்துள்ளன.
அதேசமயம், முக்கிய அடிப்படைத் துறைகள் என்று கூறப்படும், பெட்ரோலிய பொருள்கள், கைத்தறி துணிகள், நவரத்தினங்கள் மற்றும் ஆபரணங்கள், கடல்சார் பொருள்கள், காபி, அரிசி ஆகியவற்றின் ஏற்றுமதி சென்ற மே மாதத்தில் எதிர்மறை வளர்ச்சியை கண்டிருந்தது.
கச்சா எண்ணெய் இறக்குமதி 8.23 சதவீதம் அதிகரித்து 1,244 கோடி டாலராக இருந்தது. அதேபோன்று, எண்ணெய்-சாரா பொருள்களின் இறக்குமதியும் 2.9 சதவீதம் உயர்ந்திருந்தது. தங்கம் இறக்குமதி 37.43 சதவீதம் அதிகரித்து 478 கோடி டாலராக காணப்பட்டது.
நடப்பு 2019-20 நிதியாண்டின் ஏப்ரல்-மே மாதங்களில் நாட்டின் மொத்த ஏற்றுமதி 2.37 சதவீதம் அதிகரித்து 5,600 கோடி டாலராகவும், இறக்குமதி 4.39 சதவீதம் உயர்ந்து 8,675 கோடி டாலராகவும் இருந்தது. இதையடுத்து, அக்கால கட்டத்தில் வர்த்தக பற்றாக்குறை 3,069 கோடி டாலராக இருந்தது என புள்ளிவிவரத்தில் வர்த்தக அமைச்சகம் தெரிவித்துள்ளது.

]]>
https://www.dinamani.com/business/2019/jun/16/நாட்டின்-ஏற்றுமதி-393-அதிகரிப்பு-3172140.html
3172139 வர்த்தகம் உருக்கு உற்பத்தி 5 சதவீதம் வளர்ச்சி DIN DIN Sunday, June 16, 2019 12:46 AM +0530 இந்தியாவின் உருக்கு உற்பத்தி சென்ற மே மாதத்தில் 5.2 சதவீதம் அதிகரித்துள்ளது.
இதுகுறித்து உருக்கு துறை அமைச்சகம் தெரிவித்துள்ளதாவது:
நடப்பாண்டு மே மாதத்தில் நாட்டின் கச்சா உருக்கு உற்பத்தி 92.35 லட்சம் டன்னை எட்டியது. கடந்தாண்டு இதே கால அளவில் உற்பத்தி செய்யப்பட்ட 87.79 லட்சம் டன் உருக்குடன் ஒப்பிடுகையில் இது 5.2 சதவீதம் அதிகமாகும். 
2019-20 நிதியாண்டின் ஏப்ரல்- மே மாதங்களில் இதன் உற்பத்தி 1.74 கோடி டன்னிலிருந்து 3.4 சதவீதம் உயர்ந்து 1.80 கோடி டன்னைத் தொட்டது.
விற்பனைக்கு தயாரான உருக்கு பொருள்களின் உற்பத்தி 2.11 கோடி டன்னிலிருந்து  1 சதவீதம் உயர்ந்து 2.13 கோடி டன்னாக இருந்தது.
அதேபோன்று, நடப்பு நிதியாண்டின் முதல் இரண்டு மாதங்களில் உருக்கு பயன்பாடு 1.52 கோடி டன்னிலிருந்து 6.5 சதவீதம் அதிகரித்து 1.62 கோடி டன்னானது.
மே மாதத்தில் உருக்கு பொருள்களின் ஏற்றுமதி மற்றும் இறக்குமதி ஆகிய இரண்டுமே சரிவை சந்தித்துள்ளது.
கடந்தாண்டுடன் ஒப்பிடும்போது நடப்பாண்டின் இரு மாதங்களில் உருக்கு ஏற்றுமதி 10.18 லட்சம் டன்னிலிருந்து 29.8 சதவீதம் சரிந்து 7.15 டன்னாக இருந்தது.
அதேபோன்று, அதன் இறக்குமதியும் 12.18 லட்சம் டன்னிலிருந்து 8 சதவீதம் குறைந்து 11.12 லட்சம் டன்னாக காணப்பட்டது என அந்தப் புள்ளிவிவரத்தில் உருக்கு அமைச்சகம் தெரிவித்துள்ளது.
வரும் 2030-31-க்குள் உருக்கு உற்பத்தியை 30 கோடி டன்னாக உயர்த்த இந்தியா இலக்கு நிர்ணயித்துள்ளது.

]]>
https://www.dinamani.com/business/2019/jun/16/உருக்கு-உற்பத்தி-5-சதவீதம்-வளர்ச்சி-3172139.html
3172118 வர்த்தகம் தங்கம் விலை ரூ.104 குறைவு DIN DIN Sunday, June 16, 2019 12:29 AM +0530
சென்னையில் ஆபரணத் தங்கத்தின் விலை பவுனுக்கு ரூ.104 குறைந்து, ரூ.25,184-க்கு விற்பனை செய்யப்பட்டது. 
சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. சென்னையில் சனிக்கிழமை நிலவரப்படி, ஆபரணத் தங்கம் ஒரு கிராமுக்கு ரூ.13 குறைந்து ரூ.3,148-க்கு விற்பனை செய்யப்பட்டது. வெள்ளி ஒரு கிராமுக்கு 30 பைசா குறைந்து, ரூ.40.10 ஆகவும், ஒரு கிலோ கட்டி வெள்ளி கிலோவுக்கு ரூ.300 குறைந்து, ரூ.40,100 ஆகவும் இருந்தது.

சனிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    3,148
1 பவுன் தங்கம்    25,184
1 கிராம் வெள்ளி    40.10
1 கிலோ வெள்ளி    40,100

வெள்ளிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    3,161
1 பவுன் தங்கம்    25,288
1 கிராம் வெள்ளி    40.40
1 கிலோ வெள்ளி    40,400

]]>
https://www.dinamani.com/business/2019/jun/16/தங்கம்-விலை-ரூ104-குறைவு-3172118.html
3171878 வர்த்தகம் தென்கொரிய பல்கலை.யுடன் புரிந்துணர்வு ஒப்பந்தம் DIN DIN Saturday, June 15, 2019 04:36 AM +0530 சென்னையை அடுத்த வண்டலூர் பி.எஸ்.அப்துர்ரகுமான் கிரசென்ட் உயர்தொழில்நுட்பக் கல்வி நிறுவனமும்,தென்கொரியா குயிங்டாங் சர்வதேச பல்கலையும் புரிந்துணர்வு ஒப்பந்தம் மேற்கொள்ளும் நிகழ்ச்சி வெள்ளிக்கிழமை நடைபெற்றது.
இரு கல்வி நிறுவனங்களுக்கும் இடையே மாணவர்கள், ஆசிரியர்கள் பரிமாற்றம், பொறியியல், கணினி அறிவியல், தகவல் தொழில்நுட்பம், மேலாண்மைக் கல்வி ஆகிய துறைகளில் ஒருங்கிணைந்த ஆய்வு நடவடிக்கைகள் மேற்கொள்வது குறித்த கலந்தாய்வுக்குப்பின் புரிந்துணர்வு ஒப்பந்தப் பரிமாற்றம் நடைபெற்றது. ஒப்பந்தத்தில் கிரசென்ட் உயர்தொழில்நுட்பக் கல்வி நிறுவனம் சார்பில் பதிவாளர் ஏ.ஆஸாத்தும்,  குயிங்டாங் பல்கலைக்கழகத் தலைவரும்,துணை வேந்தருமான ஜான் லீயும் கையெழுத்திட்டனர். அப்போது வெளிநாட்டு விவகாரத்துறை இயக்குநர் ராஜா பிரபு, இணைப் பதிவாளர் ராஜா ஹூசேன், கொரிய பல்கலைக்கழகங்களின் மாணவர் சேர்க்கை மையம் நிர்வாக இயக்குநர் ஜூலியா ஜங், 
மனிதவள மேம்பாட்டுத்துறை இயக்குநர் நிக்கத் எம்.ஹம்சா. உடனிருந்தனர்.

]]>
https://www.dinamani.com/business/2019/jun/15/தென்கொரிய-பல்கலையுடன்-புரிந்துணர்வு-ஒப்பந்தம்-3171878.html
3171877 வர்த்தகம் மீண்டும் ரூ.25 ஆயிரத்தை தாண்டியது தங்கம் DIN DIN Saturday, June 15, 2019 04:35 AM +0530 சென்னையில் ஆபரணத் தங்கத்தின் விலை 4 நாள்களுக்கு பிறகு மீண்டும் ரூ.25 ஆயிரத்தைத் தாண்டியது. ஆபரணத் தங்கம் வெள்ளிக்கிழமை நிலவரப்படி,  ஒரு பவுனுக்கு ரூ.312 உயர்ந்து, ரூ.25,288-க்கு விற்பனை செய்யப்பட்டது.

சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. தங்கத்தின் விலை ஜூன் மாதம் தொடக்கத்தில் இருந்து படிப்படியாக உயர்ந்து வந்த நிலையில்,  கடந்த 8-ஆம் தேதி ஆபரணத் தங்கத்தின் விலை ரூ.25 ஆயிரத்தைத் தாண்டியது. 
அன்றைய தினத்தில் ஒரு கிராம் ஆபரணத்தங்கம் ரூ.3,142 ஆகவும், ஒரு பவுன் ஆபரணத் தங்கம் ரூ.25,136 ஆகவும் இருந்தது. அதன்பிறகு, விலை படிப்படியாக குறைந்து வந்தது. 

கடந்த 4 நாள்களாக தங்கத்தின் விலை குறைந்திருந்த நிலையில், வெள்ளிக்கிழமை ஒரு பவுன் ஆபரணத் தங்கத்தின் விலை ரூ.25 ஆயிரத்தை கடந்தது. சென்னையில் வெள்ளிக்கிழமை நிலவரப்படி, ஆபர

த்தங்கம் ஒரு பவுனுக்கு ரூ.312 உயர்ந்து, ரூ.25,288-க்கு விற்பனை செய்யப்பட்டது.
ஆபரணத் தங்கம் ஒரு கிராமுக்கு ரூ.39 உயர்ந்து ரூ.3,161-க்கு விற்பனை செய்யப்பட்டது. வெள்ளி ஒரு கிராமுக்கு50 பைசா உயர்ந்து, ரூ.40.40 ஆகவும், ஒரு கிலோ கட்டி வெள்ளி கிலோவுக்கு ரூ.500 உயர்ந்து, ரூ.40,400 
ஆகவும் இருந்தது.


வெள்ளிக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    3,161
1 பவுன் தங்கம்    25,288
1 கிராம் வெள்ளி    40.40
1 கிலோ வெள்ளி    40,400


வியாழக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    3,122
1 பவுன் தங்கம்    24,976
1 கிராம் வெள்ளி    39.90
1 கிலோ வெள்ளி    39,900

]]>
https://www.dinamani.com/business/2019/jun/15/மீண்டும்-ரூ25-ஆயிரத்தை-தாண்டியது-தங்கம்-3171877.html
3171375 வர்த்தகம் சென்செக்ஸ் 289 புள்ளிகள் வீழ்ச்சி DIN DIN Saturday, June 15, 2019 12:24 AM +0530 சர்வதேச அளவில் காணப்பட்ட நிச்சயமற்ற சந்தை நிலவரங்களால்  மும்பை பங்குச் சந்தையில் வெள்ளிக்கிழமை நடைபெற்ற வர்த்தகம் தொடர்ந்து மூன்றாவது நாளாக சரிவுடன் காணப்பட்டது.
சர்வதேச சந்தையில் காணப்பட்டு வரும் ஸ்திரமற்ற தன்மை பங்கு வர்த்தகத்தின் தொடக்கத்திலேயே மந்த நிலையை ஏற்படுத்தியது. 
சீனாவின் தொழில்துறை உற்பத்தி வளர்ச்சி கடந்த 17 ஆண்டுகள் காணாத அளவில் சரிவைக் கண்டது,   எண்ணெய் கப்பல்கள் தாக்குதல் விவகாரத்தில் அமெரிக்கா மற்றும் ஈரானிடையே தொடர்ந்து கடுமையான வார்த்தை மோதல்கள் வெடித்து வருவது முதலீட்டாளர்களிடையே அச்சத்தை அதிகரித்தது. 
அதுமட்டுமின்றி, அமெரிக்க-சீன வர்த்தகப் போர், அமெரிக்க மத்திய வங்கி நிதிக் கொள்கை வெளியீடு குறித்த எதிர்பார்ப்பு, பருவநிலை முன்னேற்றம் ஆகியவற்றை கருத்தில் கொண்டும் சர்வதேச முதலீட்டாளர்கள் மிகுந்த முன்னெச்சரிக்கை நடவடிக்கையுடன் செயல்பட்டு வருகின்றனர். அதன் தாக்கம் பங்குச் சந்தைகளில் தொடர்ச்சியாக உணரப்பட்டும் வருகிறது.
முதலீட்டாளர்கள் லாப நோக்கம் கருதி பங்குகளை விற்பனை செய்ததையடுத்து, பொறியியல் பொருள்கள் தவிர்த்து மும்பை பங்குச் சந்தையில் அனைத்து துறைகளைச் சேர்ந்த குறியீட்டெண்களும் சரிவைக் கண்டன.
இன்டஸ்இண்ட் வங்கி, பார்தி ஏர்டெல், டாடா மோட்டார்ஸ், ஆக்ஸிஸ் வங்கி, கோட்டக் வங்கி, பஜாஜ் ஆட்டோ, யெஸ் வங்கி, ஹெச்சிஎல் டெக், ஹெச்யுஎல் மற்றும் ஹீரோ மோட்டோகார்ப் பங்குகளின் விலை 4.36 சதவீதம் வரை குறைந்தன.
அதேசமயம், எல் & டி, வேதாந்தா, சன் பார்மா, பவர் கிரிட் மற்றும் டிசிஎஸ் பங்குகள் 0.80 சதவீதம் வரை விலை உயர்ந்தன.
மும்பை பங்குச் சந்தையில் வாரத்தின் கடைசி தினமான வெள்ளிக்கிழமை நடைபெற்ற வர்த்தகத்தில் 289 புள்ளிகள் சரிவடைந்து 39,452 புள்ளிகளாக நிலைத்தது. 
தேசிய பங்குச் சந்தையில் நடைபெற்ற வர்த்தகத்தில் நிஃப்டி 90 புள்ளிகள் குறைந்து 11,823 புள்ளிகளாக நிலைபெற்றது.

]]>
https://www.dinamani.com/business/2019/jun/15/சென்செக்ஸ்-289-புள்ளிகள்-வீழ்ச்சி-3171375.html
3171374 வர்த்தகம் புதிய மாடல் அபே ஆட்டோ... DIN DIN Saturday, June 15, 2019 12:24 AM +0530  

இந்தியாவில் முதன் முதலாக 230 சிசி திறனில் மூன்று வால்வு என்ஜின் கொண்ட புதிய மாடல் அபே சிட்டி+ ஆட்டோவை அறிமுகப்படுத்தும் பியாஜியோ நிறுவனத்தின் நிர்வாக இயக்குநரும், தலைமைச் செயல் அதிகாரியுமான டிகோ கிராஃபி. இதன் விலை மாடல்களுக்கு ஏற்ப ரூ.1.72 லட்சம் (பெட்ரோல் வகை) முதல் ரூ.1.92 லட்சம் (சிஎன்ஜி வகை) வரையில் நிர்ணயிக்கப்பட்டுள்ளது.

]]>
https://www.dinamani.com/business/2019/jun/15/புதிய-மாடல்-அபே-ஆட்டோ-3171374.html
3171373 வர்த்தகம் இந்தியாவின் சேவைகள் ஏற்றுமதி 1,806 கோடி டாலராக அதிகரிப்பு DIN DIN Saturday, June 15, 2019 12:22 AM +0530 இந்தியாவின் சேவை துறை ஏற்றுமதி கடந்த ஏப்ரல் மாதத்தில் 1,806 கோடி டாலராக அதிகரித்துள்ளது.
இதுகுறித்து ரிசர்வ் வங்கி வெளியிட்ட புள்ளிவிவரத்தில் தெரிவித்துள்ளதாவது:
கடந்த 2018-ஆம் ஆண்டு ஏப்ரலில் சேவைகள் துறை ஏற்றுமதி 1,756 கோடி டாலராக காணப்பட்டது. இந்த நிலையில், நடப்பாண்டின் முதல் மாதத்தில் இது 2.8 சதவீதம் அதிகரித்து 1,806 கோடி டாலரை (ரூ.1.26 லட்சம் கோடி) எட்டியது. 
மதிப்பீட்டு காலத்தில், நாட்டின் சேவைகள் இறக்குமதி 1,092 கோடி டாலரிலிருந்து 4.6 சதவீதம் அதிகரித்து 1,140 கோடி டாலரானது என அந்தப் புள்ளி விவரத்தில் ரிசர்வ் வங்கி தெரிவித்துள்ளது.
சேவைகள் குறித்த இந்தியாவின் சர்வதேச வர்த்தகம் தொடர்பான மாதாந்திர புள்ளிவிவரங்களை ரிசர்வ் வங்கி 45 நாள்களுக்கு ஒரு முறை வெளியிட்டு வருகிறது.

]]>
https://www.dinamani.com/business/2019/jun/15/இந்தியாவின்-சேவைகள்-ஏற்றுமதி-1806-கோடி-டாலராக-அதிகரிப்பு-3171373.html
3171372 வர்த்தகம் பணவீக்கம் 2 ஆண்டுகள் காணாத அளவில் சரிவு DIN DIN Saturday, June 15, 2019 12:20 AM +0530 உணவுப் பொருள்களின் விலை குறைந்ததையடுத்து சென்ற மே மாதத்தில் பணவீக்கம் 22 மாதங்கள் காணாத அளவுக்கு குறைந்துள்ளது. 
இதுகுறித்து மத்திய அரசு வெள்ளிக்கிழமை வெளியிட்ட புள்ளிவிவரத்தில் தெரிவித்துள்ளதாவது:
மொத்தவிற்பனை விலை அடிப்படையில் கணக்கிடப்படும் பணவீக்கம் சென்ற மே மாதத்தில் 2.45 சதவீதமாக குறைந்துள்ளது. இது, நடப்பாண்டு ஏப்ரலில் 3.07 சதவீதமாகவும், 2018 மே மாதத்தில் 4.78 சதவீதமாகவும் அதிகரித்து காணப்பட்டது.
கடந்த 2017-ஆம் ஆண்டு ஜூலையில் மொத்தவிற்பனை விலை பணவீக்கம் 1.88 சதவீதமாக மிகவும் குறைந்த அளவில் காணப்பட்டது. ஆனால், அதன் பிறகு அதிகரித்து வந்த இப்பணவீக்கம் 22 மாதங்களுக்குப் பிறகு சென்ற மே மாதத்தில் தான் இந்த அளவுக்கு குறைந்துள்ளது. இதற்கு,  உணவுப் பொருள்கள் மற்றும் எரிபொருள்கள் விலையில் ஏற்பட்ட சரிவே மிக முக்கிய காரணம்.
நடப்பாண்டு ஏப்ரலில் 7.37 சதவீதமாக அதிகரித்து காணப்பட்ட உணவுப் பொருள்களுக்கான பணவீக்கம் மே மாதத்தில் 6.99 சதவீதமாக குறைந்தது. இருப்பினும், வெங்காயத்தின் விலை -3.43 சதவீதத்திலிருந்து 15.89 சதவீதமாக உயர்ந்தது.
பருப்பு வகைகளுக்கான பணவீக்கம் 14.32 சதவீதத்திலிருந்து அதிகரித்து 18.36 சதவீதமாக தொடர்ந்து இரட்டை இலக்கமாகவே உள்ளது. 
சர்வதேச சந்தையில் கச்சா எண்ணெய் விலை குறைந்ததன் காரணமாக,  எரிபொருள்களுக்கான பணவீக்கம் 3.84 சதவீதத்திலிருந்து வீழ்ச்சியடைந்து 0.98 சதவீதமானது.
நடப்பாண்டு மார்ச் மாதத்துக்கான பணவீக்கம் தற்காலிக மதிப்பீட்டில் 3.18 சதவீதம் என்று அறிவிக்கப்பட்டிருந்த நிலையில் தற்போது அது 3.10 சதவீதம் என குறைத்து மதிப்பிடப்பட்டுள்ளது என அந்தப் புள்ளிவிவரத்தில் மத்திய அரசு தெரிவித்துள்ளது.

]]>
https://www.dinamani.com/business/2019/jun/15/பணவீக்கம்-2-ஆண்டுகள்-காணாத-அளவில்-சரிவு-3171372.html
3170691 வர்த்தகம் ஆயுள் காப்பீட்டு நிறுவனங்களின் புதிய பிரீமியம் 43% அதிகரிப்பு DIN DIN Friday, June 14, 2019 12:53 AM +0530
ஆயுள் காப்பீட்டு நிறுவனங்களின் புதிய பிரீமியம் வருவாய் மே மாதத்தில் 43 சதவீதம் அதிகரித்துள்ளது.
இதுகுறித்து இந்திய காப்பீட்டு ஒழுங்காற்று மற்றும் மேம்பாட்டு ஆணையத்தின் (ஐஆர்டிஏஐ) புள்ளிவிவரத்தில் தெரிவிக்கப்பட்டுள்ளதாவது:
ஆயுள் காப்பீட்டில் ஈடுபட்டுள்ள 24 நிறுவனங்கள் கடந்தாண்டு மே மாதத்தில் புதிய வர்த்தகத்தின் மூலம் ரூ.12,838.24 கோடியை ஈட்டியிருந்தன. இது, நடப்பாண்டு மே மாதத்தில் 43 சதவீதம் அதிகரித்து ரூ.18,414.02 கோடியை எட்டியது. 
குறிப்பாக, நாட்டின் மிகப் பெரிய ஆயுள் காப்பீட்டு நிறுவனமான எல்ஐசி புதிய பிரீமிய வருவாய் மூலம் ரூ.13,496.68 கோடியை ஈட்டியது. இது, கடந்தாண்டுடன் ஒப்பிடுகையில் 46.6 சதவீதம் அதிகமாகும்.
எஞ்சியுள்ள 23 தனியார் துறை ஆயுள் காப்பீட்டு நிறுவனங்கள் புதிய பிரீமிய வசூல் மூலம் ரூ.4,917.34 கோடியை ஈட்டியது. முந்தைய ஆண்டுடன் ஒப்பிடும்போது இது 35.3 சதவீதம் அதிகமாகும் என அந்தப் புள்ளிவிவரத்தில் ஐஆர்டிஏஐ தெரிவித்துள்ளது.
நடப்பு 2019-20 நிதியாண்டின் முதல் இரு மாத காலத்தில் (ஏப்ரல்-மே) நிறுவனங்களின் புதிய பிரீமிய வசூல், கடந்த 2018-19 நிதியாண்டுடன் ஒப்பிடும்போது 41.2 சதவீதம் அதிகரித்து ரூ.28,395.90 கோடியாக உள்ளது.
இதில், எல்ஐசி நிறுவனத்தின் புதிய பிரீமிய வசூல் 38.4 சதவீதம் உயர்ந்து ரூ.18,764.63 கோடியாக காணப்பட்டது.
இதர தனியார் துறை ஆயுள்காப்பீட்டு நிறுவனங்களின் புதிய பிரீமியம் வருவாய் 47 சதவீதம் அதிகரித்து ரூ.9,631.27 கோடியாக இருந்தது.
 

]]>
https://www.dinamani.com/business/2019/jun/14/ஆயுள்-காப்பீட்டு-நிறுவனங்களின்-புதிய-பிரீமியம்-43-அதிகரிப்பு-3170691.html
3170690 வர்த்தகம் ஏற்ற இறக்கத்தில் பங்குச் சந்தை DIN DIN Friday, June 14, 2019 12:52 AM +0530
இந்தியப் பங்குச் சந்தைகளில் வியாழக்கிழமை நடைபெற்ற  வர்த்தகம் அதிக ஏற்ற இறக்கத்துடன் காணப்பட்டது.
அமெரிக்க மற்றும் சீனா இடையிலான பேச்சுவார்த்தையில் நிச்சயமற்றதன்மை நிலவி வருவது சர்வதேச நாடுகளின் பங்குச் சந்தையில் மந்த நிலையை ஏற்படுத்தியது. 
இந்த நிலையில், ஓமன் வளைகுடாவில் இரண்டு எண்ணெய் கப்பல்கள் தாக்கப்பட்டதன் விளைவாக கச்சா எண்ணெய் விலை சர்வதேச சந்தையில் அதிரடியாக உயர்ந்தது மற்றும் ரூபாய் மதிப்பில் ஏற்பட்ட சரிவு ஆகியவை பங்கு முதலீட்டாளர்களிடையே எதிர்மறை எண்ணத்தை உண்டாக்கின. அதன் காரணமாக, பங்கு வர்த்தகம் விறுவிறுப்பின்றியே காணப்பட்டது.
யெஸ் வங்கி தரக்குறியீட்டை மூடிஸ் நிறுவனம் குறைக்க வாய்ப்புள்ளதாக எழுந்த தகவலையடுத்து அந்த வங்கி பங்கின் விலை 12.96 சதவீதம் வரை வீழ்ச்சியடைந்தது.
அதேசமயம், முதலீட்டாளர்களிடம் ஓரளவிற்கு வரவேற்பு காணப்பட்டதையடுத்து, பவர் கிரிட், மஹிந்திரா & மஹிந்திரா, கோட்டக் வங்கி, பஜாஜ் பைனான்ஸ், பார்தி ஏர்டெல், ஹெச்டிஎஃப்சி பங்குகளின் விலை 1.54 சதவீதம் வரை அதிகரித்தன.
மும்பை பங்குச் சந்தையில் வியாழக்கிழமை நடைபெற்ற வர்த்தகத்தில் சென்செக்ஸ் 15 புள்ளிகள் சரிந்து 39,741 புள்ளிகளாக நிலைபெற்றது.
அதேசமயம், தேசிய பங்குச் சந்தையில் நடைபெற்ற வர்த்தகத்தில் நிஃப்டி 7 புள்ளிகள் உயர்ந்து 11,914 புள்ளிகளாக நிலைத்தது.
 

]]>
https://www.dinamani.com/business/2019/jun/14/ஏற்ற-இறக்கத்தில்-பங்குச்-சந்தை-3170690.html
3170689 வர்த்தகம் மெர்ஸிடிஸ்-பென்ஸ் நிறுவனம் இந்திய விற்பனை பிரிவு தலைவராக சந்தோஷ் ஐயர் நியமனம் DIN DIN Friday, June 14, 2019 12:52 AM +0530
மெர்ஸிடிஸ்-பென்ஸ் நிறுவனத்தின் இந்திய விற்பனை மற்றும் சந்தைப்படுத்துதல் பிரிவு தலைவராக சந்தோஷ் ஐயர் நியமிக்கப்பட்டுள்ளார்.
இதுகுறித்து மெர்ஸிடிஸ்-பென்ஸ் இந்தியாவின் நிர்வாக இயக்குநரும், தலைமைச் செயல் அதிகாரியுமான மார்டின் ஸ்வெங்க் கூறியுள்ளதாவது:
உலக அளவில் ஆடம்பர சொகுசு கார் பிரிவில் மெர்ஸிடிஸ்-பென்ஸ் நிறுவம் முன்னோடியாகத் திகழ்ந்து வருகிறது. இந்த நிலையில், நிறுவனத்தின் வளர்ச்சியை அதிகரிக்கும் விதத்தில் விற்பனை மற்றும் சந்தைப்படுத்துதல் பிரிவில் 2019-ஆம் ஆண்டு ஜூலை 1-ஆம் தேதி முதல் மாற்றங்களை ஏற்படுத்த முடிவெடுக்கப்பட்டுள்ளது. அதன் ஒரு பகுதியாக, தற்போது வாடிக்கையாளர் சேவை மற்றும் பெருநிறுவன விவகாரங்கள் துறை துணைத் தலைவராக இருக்கும் சந்தோஷ் ஐயரை, மெர்ஸிடிஸ்-பென்ஸ் இந்தியாவின் விற்பனை மற்றும் சந்தைப்படுத்துதல் பிரிவு தலைவராக நியமிக்க முடிவெடுக்கப்பட்டுள்ளது. இப்புதிய நியமனம் வரும் ஜூலை-1 முதல் அமலுக்கு வருகிறது.
ஏற்கெனவே இப்பொறுப்புகளை வகித்து வரும் மைக்கேல் ஜாப், மலேசியாவில் மெர்ஸிடிஸ்-பென்ஸ் நிறுவனத்தின் விற்பனை மற்றும் சந்தைப்படுத்துதல் பிரிவின் தலைமை பொறுப்பை ஏற்கவுள்ளார் என்றார் மார்டின் ஸ்வெங்க்.
 

]]>
https://www.dinamani.com/business/2019/jun/14/மெர்ஸிடிஸ்-பென்ஸ்-நிறுவனம்-இந்திய-விற்பனை-பிரிவு-தலைவராக-சந்தோஷ்-ஐயர்-நியமனம்-3170689.html
3170688 வர்த்தகம் டாடா குழும நிறுவனங்களுடன் மேலும் இணைந்து செயல்படுவோம் DIN DIN Friday, June 14, 2019 12:51 AM +0530
டாடா குழும நிறுவனங்களுடன் மேலும் நெருக்கமாக செயல்படுவோம் என்று டாடா சன்ஸ் தலைவர் என்.சந்திரசேகரன் தெரிவித்தார்.
டிசிஎஸ் நிறுவனத்தின் ஆண்டு பொதுக் குழு கூட்டம் மும்பையில் வியாழக்கிழமை நடைபெற்றது. இதில், கலந்துகொண்ட அவர் மேலும் பேசியதாவது:
டாடா குழும நிறுவனங்கள் வெளிப்படைத்தன்மையுடன் செயல்படக்கூடியவை. இருப்பினும், மேலும் நாம் நெருக்கமாக இணைந்து பணியாற்ற வேண்டிய தேவை ஏற்பட்டுள்ளது.
குழுமத்தின் தலைவராக பொறுப்பேற்றதிலிருந்து பார்க்கும்போது சில முன்னேற்றங்கள் தென்படுவது கண்கூடாக தெரிகிறது. ஆனால், இது போதுமானதல்ல. நமக்கு இன்னும் அதிக அளவிலான முன்னேற்றங்கள் தேவைப்படுகின்றன. அதற்கு நாம் ஒருங்கிணைந்து பணியாற்றுவது அவசியம்.
டிசிஎஸ் நிறுவனத்தைப் பொருத்தவரையில், ஆண்டுக்கு 1 கோடி சம்பளம் பெறுவோரின் 100-க்கும் மேல் அதிகரித்துள்ளது. மொத்த வருவாயில் பணியாளர் செலவினம் 53 சதவீத அளவுக்கே உள்ளது. இதர நிறுவனங்களுடன் ஒப்பிடுகையில் இது மிகவும் குறைவாகும் என்றார் அவர்.

 

]]>
https://www.dinamani.com/business/2019/jun/14/டாடா-குழும-நிறுவனங்களுடன்-மேலும்-இணைந்து-செயல்படுவோம்-3170688.html
3169988 வர்த்தகம் குன்மிங் நகரில் தெற்காசிய மற்றும் தென்கிழக்காசிய நாடுகளுக்கான வர்த்தக மற்றும் முதலீட்டு கண்காட்சி திருமலை சோமு DIN Wednesday, June 12, 2019 08:40 PM +0530
சீனாவின் ஸ்பிரிங் சிட்டி என்று அழைக்கப்படும் குன்மிங் நகரில், தெற்காசிய மற்றும் தென்கிழக்காசிய நாடுகளுக்கான வர்த்தக மற்றும் முதலீட்டு கண்காட்சி இன்று (புதன்கிழமை) கோலாகலமாக தொடங்கியது. உள்நாட்டிலும் வெளிநாடுகளிலும் இருந்து சுமார் 3,348 நிறுவனங்கள் இதில் பங்கெடுத்துள்ளன.

தென்மேற்கு சீனாவின் யுன்னன் மாகாணத்தின் தலைநகரான குன்மிங்கில் நடைபெறும் இக்கண்காட்சியில் செயற்கை நுண்ணறிவு (AI), மெய்நிகர் உண்மை (VR) போன்ற டிஜிட்டல் தொழில்நுட்பங்களில் கவனம் செலுத்தப்பட்டுள்ளது.

டியான்ச்சி சர்வதேச கண்காட்சி மையத்தில் நடைபெறும் நடப்பு பொருட்காட்சியில் 74 நாடுகளின், மண்டலங்கள் மற்றும் சர்வதேச அமைப்புகளிடமிருந்து ஆறு பிரதான கண்காட்சிப் பகுதிகள் அமைக்கப்பட்டுள்ளன. அவற்றில் கிட்டத்தட்ட பாதி வெளிநாட்டு நிறுவனங்கள் தான் என்று ( SSANIF) இக்கண்காட்சியின் நிர்வாகக் குழு இயக்குனர் ஜாங் குஹுவா கூறினார்.

மேலும் 17 கண்காட்சி அரங்குகளில் 7500 கடைகள் அமைக்கப்பட்டுள்ளன. இவற்றில் தெற்காசிய மற்றும் தென்கிழக்கு ஆசிய அரங்கம் பல வெளிநாட்டு வணிகர்களை ஈர்த்துள்ளது. 

இந்தியா பாகிஸ்தான், நேபாளம், இலங்கை, மாலத்தீவு, ஆப்கானிஸ்தான், கம்போடியா, தாய்லாந்து உள்ளிட்ட பல நாடுகளை சேர்ந்த வர்த்தகர்கள், தங்கள் நாட்டின் சிறப்பு வாய்ந்த பொருட்களை, கண்காட்சி அரங்குகளில் வைத்து விற்பனை செய்கின்றனர். 

இவ்வாண்டு பொருட்காட்சியில் இலங்கையும் கம்போடியாவும் சிறப்பு தகுநிலையை பெற்று தேசிய அரங்குகளை தொடங்கி வைத்தன. இந்த சிறப்பு நிகழ்வில் இரு நாட்டு கலைஞர்களும், தங்கள் நாட்டு  பாரம்பரிய உடையுடன் கலை நிகழ்ச்சியும் அரங்கேற்றம் செய்தனர். 

மேலும் நடப்பு பொருட்காட்சியில் மருத்துவம், சுகாதாரம், இயற்கை உணவு, தூய்மை எரியாற்றல் போன்ற விரிவான வகையில் கண்காட்சி அரங்குகள் அமைக்கப்பட்டுள்ளன. சீன-தெற்காசிய கூட்டுறவு கருத்துக்களம், சீன-தெற்காசிய வணிகக் கருத்துக்களம் மற்றும் 7 வது சீன-தெற்காசிய தென்கிழக்கு ஆசியா சிந்தனையாளர் மன்றம் ஆகியவை ஏழு நாள் நிகழ்வில் இடம்பெறவுள்ளன.

முதல் நாளான இன்று காலை நடைபெற்ற துவக்க விழாவில் பேசிய யுன்னான் மாநில ஆளுநர், 

"ஒருவழி ஒரு பாதை, உலகப் பொருளாதார வளர்ச்சிக்கான ஒரு புதிய இடம் திறந்து வைக்கப்பட்டுள்ளது. மேலும் இது சர்வதேச வர்த்தகத்திற்கும் முதலீட்டிற்கும் ஒரு புதிய தளத்தை உருவாக்குவதன் மூலம், உலகளாவிய பொருளாதார ஆளுமையை மேம்படுத்துவதற்கான புதிய நடைமுறைகளை இது வழங்குகிறது.  

யுன்னான் வெளியுலகிற்கான வாய்ப்புகளை மேலும் திறந்துவிடும், எல்லை தாண்டிய மின்னணு வர்த்தகம், லாஜிஸ்டிக்ஸ், தொழிற்துறை பூங்காக்கள், நிதி மற்றும் சுற்றுலா ஆகிய முக்கியத் துறைகளில் ஒத்துழைப்பை ஆழமாக்கும்" என்று உறுதியளித்தார்.

]]>
https://www.dinamani.com/business/2019/jun/12/குன்மிங்-நகரில்-தெற்காசிய-மற்றும்-தென்கிழக்காசிய-நாடுகளுக்கான-வர்த்தக-மற்றும்-முதலீட்டு-கண்காட்சி-3169988.html
3169357 வர்த்தகம் சென்செக்ஸ் 165 புள்ளிகள் அதிகரிப்பு DIN DIN Wednesday, June 12, 2019 12:57 AM +0530
இந்தியப் பங்குச் சந்தைகளில் செவ்வாய்க்கிழமை நடைபெற்ற வர்த்தகம் தொடர்ந்து மூன்றாவது நாளாக ஏற்றத்துடன் நிறைவடைந்தது.
சர்வதேச அளவில் வர்த்தகப் போர் ஏற்படுவதற்கான அபாயம் அருகி வருவதற்கான அறிகுறிகள் தென்பட்டதையடுத்து பங்குச் சந்தைகளில் வர்த்தகம் சூடுபிடித்து காணப்பட்டது.
இந்த நிலையில், சர்வதேச சந்தையில் கச்சா எண்ணெய் விலை குறைவு, அந்நியச் செலாவணி சந்தையில் டாலருக்கு நிகரான ரூபாய் மதிப்பில் காணப்பட்ட ஏற்றம் ஆகியவை பங்குச் சந்தைகளின் உற்சாகத்தை மேலும் ஊக்குவிக்கும் முக்கிய காரணிகளாக அமைந்தன.
இதையடுத்து, பெரும்பாலான முதலீட்டாளர்கள் மிகுந்த நம்பிக்கையுடன் இந்திய நிறுவனங்களின் பங்குகளை வாங்கி குவித்தனர்.
இதையடுத்து, உலோகம், எண்ணெய்-எரிவாயு மற்றும் வங்கி துறையைச் சேர்ந்த குறியீட்டெண்கள் 1.33 சதவீதம் வரை அதிகரித்தன.
நிறுவனங்களைப் பொருத்தவரையில், டாடா மோட்டார்ஸ், ஓஎன்ஜிசி, யெஸ் வங்கி, இன்டஸ்இண்ட் வங்கி மற்றும் வேதாந்தா பங்குகளின் விலை 2.71 சதவீதம் வரை உயர்ந்தன. 
இதைத் தவிர, ஹெச்சிஎல் டெக், ஐசிஐசிஐ வங்கி, டாடா ஸ்டீல், எஸ்பிஐ, ஹீரோ மோட்டோகார்ப், டிசிஎஸ், பஜாஜ் பைனான்ஸ் மற்றும் ரிலையன்ஸ் நிறுவனப் பங்குகளும் முதலீட்டாளர்கள் ஆர்வத்தால் விலை அதிகரித்தன.
அதேசமயம், சன் பார்மா, மஹிந்திரா &  மஹிந்திரா, எல் & டி, கோல் இந்தியா மற்றும் ஹெச்யுஎல் பங்குகளின் விலை 3 சதவீதம் வரை சரிவைக் கண்டன.
மும்பை பங்குச் சந்தையில் செவ்வாய்க்கிழமை நடைபெற்ற வர்த்தகத்தில் சென்செக்ஸ் 165 புள்ளிகள் அதிகரித்து 39,950 புள்ளிகளாக நிலைத்தது.
தேசிய பங்குச் சந்தையில் நடைபெற்ற வர்த்தகத்தில் நிஃப்டி 42 புள்ளிகள் ஏற்றம் கண்டு 11,965 புள்ளிகளாக நிலைபெற்றது.

]]>
https://www.dinamani.com/business/2019/jun/12/சென்செக்ஸ்-165-புள்ளிகள்-அதிகரிப்பு-3169357.html
3169356 வர்த்தகம் 18 ஆண்டுகளில் இல்லாத அளவில் பயணிகள் வாகன விற்பனை சரிவு DIN DIN Wednesday, June 12, 2019 12:56 AM +0530
பயணிகள் வாகன மொத்தவிற்பனை கடந்த மே மாதத்தில் 20 சதவீதம் வீழ்ச்சியடைந்துள்ளது. இது, கடந்த 18 ஆண்டுகளில் காணப்படாத சரிவாகும் என இந்திய மோட்டார் வாகன உற்பத்தியாளர்கள் சங்கம் (எஸ்ஐஏஎம்) செவ்வாய்க்கிழமை வெளியிட்ட புள்ளிவிவரத்தில் தெரிவித்துள்ளது.
இதுகுறித்து அந்த புள்ளிவிவரத்தில் மேலும் தெரிவிக்கப்பட்டுள்ளதாவது: பயணிகள் வாகன விற்பனை நடப்பாண்டு மே மாதத்தில் 2,39,347-ஆக இருந்தது. இது, கடந்தாண்டில் இதே கால அளவில் விற்பனையான 3,01,238 வாகனங்களுடன் ஒப்பிடுகையில் 20 சதவீதம் குறைவாகும்.
கடந்தாண்டு அக்டோபரில் மட்டும் இதன் விற்பனை 1.55 சதவீதம் உயர்ந்திருந்தது. அதைத் தவிர்த்து கடந்த 11 மாதங்களில் 10 மாதங்கள் பயணிகள் வாகன விற்பனை சரிந்தே காணப்பட்டது. இதற்கு முன்பாக, கடந்த 2001 செப்டம்பரில்தான் பயணிகள் வாகன விற்பனை மிகவும் மோசமாக 21.91 சதவீதம் என்ற அளவில் வீழ்ச்சியடைந்திருந்தது.
இதைத் தவிர, இருசக்கர வாகன விற்பனை மற்றும் வர்த்தக வாகனங்கள் விற்பனையும் சென்ற மே மாதத்தில் குறைந்தே காணப்பட்டது.
உள்நாட்டு சந்தையில் கார் விற்பனை 1,99,479-லிருந்து 26.03 சதவீதம் சரிந்து 1,47,546-ஆனது. மோட்டார் சைக்கிள் விற்பனை 12,22,164-லிருந்து 4.89 சதவீதம் குறைந்து 11,62,373-ஆனது.
ஒட்டுமொத்த இருசக்கர வாகன விற்பனை சென்ற மே மாதத்தில் 6.73 சதவீதம் குறைந்து 17,26,206-ஆக இருந்தது. கடந்தாண்டு இதே கால அளவில் இதன் விற்பனை 18,50,698-ஆக காணப்பட்டது.
பொருளாதார சுணக்கத்தை எடுத்துக்காட்டும் வகையில், வர்த்தக வாகனங்கள் விற்பனையும் 10.62 சதவீதம் வீழ்ச்சியடைந்து 68,847-ஆக ஆனது.
அனைத்து பிரிவுகளையும் உள்ளடக்கிய மோட்டார் வாகன விற்பனை 22,83,262 என்ற எண்ணிக்கையிலிருந்து 8.62 சதவீதம் குறைந்து 20,86,358-ஆக ஆனது என அந்தப் புள்ளிவிவரத்தில் தெரிவிக்கப்பட்டுள்ளது.
இதுகுறித்து எஸ்ஐஏஎம் அமைப்பின் தலைமை இயக்குநர் விஷ்ணு மாத்தூர் செய்தியாளர்களிடம் செவ்வாய்க்கிழமை தெரிவித்ததாவது:
மோட்டார் வாகன விற்பனையில் ஏற்பட்ட சரிவு மே மாதத்திலும் தொடர் கதையாகி உள்ளது. மொத்த விற்பனை புள்ளிவிவரங்களுடன் ஒப்பிடும்போது சில்லறை விற்பனை நிலவரம் ஓரளவுக்கு நல்ல நிலையில்தான் உள்ளது. இதனை உணர்ந்து பல நிறுவனங்கள் ஏற்கெனவே உற்பத்தி குறைப்பை அறிவிக்கத் தொடங்கி விட்டன.
தற்போதைய சந்தை நிலையை கருத்தில் கொண்டு மோட்டார் வாகன துறையை ஊக்குவிக்கும் வகையில் தேவையான நடவடிக்கைகளை மத்திய அரசு எடுக்க வேண்டும் என்றார்.

]]>
https://www.dinamani.com/business/2019/jun/12/18-ஆண்டுகளில்-இல்லாத-அளவில்-பயணிகள்-வாகன-விற்பனை-சரிவு-3169356.html
3168668 வர்த்தகம் நிஸான் இந்தியா தலைவராக சினன் ஓஸ்கோக் நியமனம்   DIN DIN Tuesday, June 11, 2019 01:47 AM +0530 ஜப்பானைச் சேர்ந்த நிஸான் நிறுவனத்தின் இந்திய செயல்பாடுகளுக்கான தலைவராக சினன் ஓஸ்கோக் (49) நியமனம் செய்யப்பட்டுள்ளார்.
 இதுகுறித்து அந்நிறுவனம் வெளியிட்ட அறிக்கையில் தெரிவித்துள்ளதாவது:
 இந்தியாவில் நிஸான் மற்றும் டாட்ஸன் பிராண்டுகளின் வாகன தயாரிப்பு, விற்பனை, சந்தைப்படுத்துதல், ஆராய்ச்சி மற்றும் மேம்பாடு ஆகிய அனைத்து செயல்பாடுகளுக்கும் ஓஸ்கோக் தலைவராக இருப்பார் என்று அந்த அறிக்கையில் நிஸான் தெரிவித்துள்ளது. துருக்கியில் உள்ள நிஸான் நிறுவனத்தில் கடந்த 2015-ஆம் ஆண்டு முதல் நிர்வாக இயக்குநர் பொறுப்பை வகித்து வந்த ஓஸ்கோக், தாமஸ் குயெலுக்கு பதிலாக தற்போது இந்திய செயல்பாடுகளுக்கான பொறுப்பை ஏற்கவுள்ளார்.
 கடந்த 1993-இல் ரெனோ நிறுவனத்தில் பணியை தொடங்கிய ஓஸ்கோக், சந்தைப்படுத்துதல், விநியோக நெட்வொர்க் மேலாண்மை, ரீடெயில் ஆபரேஷன் மற்றும் விற்பனை உள்ளிட்ட பல்வேறு பிரிவுகளில் பணியாற்றிய அனுபவம் கொண்டவர். நிஸான் நிறுவனத்தில் கடந்த 2015-இல் இணைந்தார்.
 ஜப்பானில் யோகோஹாமாவில் தலைமையகத்தைக் கொண்டு இயங்கி வரும் நிஸான் நிறுவனம், டாட்ஸன், இன்ஃபினிட்டி, நிஸான் பிராண்டுகளில் 60-க்கும் மேற்பட்ட மாடல்களில் வாகனங்களை தயாரித்து விற்பனை செய்து வருகிறது.
 கடந்த 2018-இல் இந்நிறுவனம் சர்வதேச அளவில் 55.20 லட்சம் வாகனங்களை விற்பனை செய்ததன் மூலம் 11.6 லட்சம் கோடி யென்னை வருவாயாக ஈட்டியது.
 

]]>
https://www.dinamani.com/business/2019/jun/11/நிஸான்-இந்தியா-தலைவராக-சினன்-ஓஸ்கோக்-நியமனம்-3168668.html
3168667 வர்த்தகம் வாகன உற்பத்தியை 18 சதவீதம் குறைத்தது மாருதி சுஸுகி   DIN DIN Tuesday, June 11, 2019 01:46 AM +0530 நாட்டின் மிகப்பெரிய கார் தயாரிப்பு நிறுவனமான மாருதி சுஸுகி, கடந்த மே மாதத்தில் வாகன உற்பத்தியை 18 சதவீதம் குறைத்ததாக தெரிவித்துள்ளது.
 இதுகுறித்து அந்நிறுவனம் செபி-க்கு அளித்த அறிக்கையில் தெரிவித்துள்ளதாவது:
 நிறுவனத்தின் வாகன உற்பத்தி மே மாதத்தில் 18 சதவீதம் குறைக்கப்பட்டது. விற்பனையில் மந்த நிலை காணப்பட்டு வருவதையடுத்து, தொடர்ந்து நான்காவது மாதமாக வாகன உற்பத்தியை குறைக்கும் நிலைக்கு நிறுவனம் ஆளாகியுள்ளது.
 கடந்தாண்டு மே மாதத்தில் நிறுவனம் 1,84,612 வாகனங்களை தயாரித்தது. நடப்பாண்டு இதே காலத்தில் நிறுவனம் 1,51,188 வாகனங்களை மட்டுமே தயாரித்துள்ளது. கடந்தாண்டுடன் ஒப்பிடும்போது நடப்பாண்டு மே மாதத்தில் வாகன உற்பத்தியானது 18.1 சதவீதம் குறைக்கப்பட்டுள்ளது.
 இலகு ரக வர்த்தக வாகனமான சூப்பர் கேரி தவிர்த்து, இதர மாடல் வாகனங்கள் அனைத்தும் உற்பத்தி குறைப்பு செய்யப்பட்டது.
 ஆல்டோ, ஸ்விஃப்ட் மற்றும் டிசையர் உள்ளிட்ட பயணிகள் வாகன உற்பத்தி கடந்த மே மாதத்தில் 1,82,571 என்ற எண்ணிக்கையிலிருந்து 18.88 சதவீதம் குறைந்து 1,48,095-ஆனது.
 சிறிய ரக வாகனங்கள் பிரிவில் உற்பத்தி 41,373-லிருந்து 42.29 சதவீதம் குறைந்து 23,874-ஆனது. வேன்கள் பிரிவில் உற்பத்தி 34.99 சதவீதம் சரிந்து 10,934-ஆக காணப்பட்டது என்று அந்த அறிக்கையில் மாருதி சுஸுகி தெரிவித்துள்ளது.
 வாகன விற்பனை சந்தையில் ஏற்பட்டுள்ள தேக்க நிலையை அடுத்து, மாருதி சுஸுகி தனது வாகன உற்பத்தியை கடந்த பிப்ரவரியில் 8 சதவீதமும், மார்ச் மாதத்தில் 20.9 சதவீதமும், ஏப்ரலில் 10 சதவீதமும் குறைக்க வேண்டிய நிலைக்கு ஆளானது.
 கடந்த வாரம், மஹிந்திரா & மஹிந்திரா நிறுவனம் தனக்கு சொந்தமான ஆலைகளில் வாகன உற்பத்தியை 13 நாள்கள் நிறுத்தப்போவதாக அறிவித்தது.
 சென்ற ஏப்ரலில் ஒட்டுமொத்த வாகன விற்பனை எட்டு ஆண்டுகள் காணாத அளவுக்கு 17 சதவீத சரிவை சந்தித்தது.
 

]]>
https://www.dinamani.com/business/2019/jun/11/வாகன-உற்பத்தியை-18-சதவீதம்-குறைத்தது-மாருதி-சுஸுகி-3168667.html
3168666 வர்த்தகம் பங்குச் சந்தையில் தொடர் முன்னேற்றம்   DIN DIN Tuesday, June 11, 2019 01:45 AM +0530 சர்வதேச நிலவரங்களின் சாதகமான அம்சங்களால் இந்தியப் பங்குச் சந்தைகளில் திங்கள்கிழமை நடைபெற்ற வர்த்தகம் தொடர்ந்து இரண்டாவது வர்த்தக தினமாக ஏற்றத்துடன் முடிவடைந்தது.
 வரி விதிப்பு விவகாரம் தொடர்பான பிரச்னையில் அமெரிக்கா-மெக்ஸிகோ இடையே ஏற்பட்டுள்ள சுமுகமான தீர்வு, சர்வதேச நாடுகளின் பங்குச் சந்தைகளில் சாதகமான விளைவுகளை ஏற்படுத்தியது. அதன் தாக்கம் இந்தியப் பங்குச் சந்தைகளிலும் எதிரொலிக்கத் தவறவில்லை.
 இருப்பினும் வங்கி சாரா நிதி நிறுவன துறையில் ஏற்பட்டுள்ள கடும் நிதி நெருக்கடி ஒட்டுமொத்த சந்தை போக்கை தொடர்ந்து பாதிப்புக்குள்ளாக்கி வருகிறது. அதன் காரணமாக நிதி துறையைச் சேர்ந்த பங்குகள் குறைந்த விலைக்கு கைமாறின.
 மும்பை பங்குச் சந்தையில், தொழில்நுட்பம், எப்எம்சிஜி, தொலைத்தொடர்பு, நுகர்வோர் சாதனங்கள் துறை குறியீட்டெண்கள் 1.61 சதவீதம் வரை அதிகரித்தன.
 அதேசமயம், எண்ணெய்-எரிவாயு, மின்சாரம், நிதி மற்றும் வங்கி துறை குறியீட்டெண்கள் 1.20 சதவீதம் வரை இறக்கத்தை சந்தித்தன.
 நிறுவனங்களைப் பொருத்தவரையில் முதலீட்டாளர்களிடம் கிடைத்த வரவேற்பால், டிசிஎஸ், பார்தி ஏர்டெல், இன்ஃபோசிஸ், ஆக்ஸிஸ் வங்கி, எல் &டி, ஐடிசி, பவர் கிரிட், ஹெச்சிஎல் டெக் மற்றும் டாடா ஸ்டீல் பங்குகளின் விலை 2.39 சதவீதம் வரை ஏற்றம் கண்டன.
 அதேசமயம், லாப நோக்கு விற்பனை காரணமாக யெஸ் வங்கி, டாடா மோட்டார்ஸ், கோல் இந்தியா மற்றும் ஓஎன்ஜிசி பங்குகளின் விலை 2.89 சதவீதம் வரை சரிவைக் கண்டன.
 மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் சென்செக்ஸ் 168 புள்ளிகள் உயர்ந்து 39,784 புள்ளிகளாக நிலைத்தது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 52 புள்ளிகள் அதிகரித்து 11,922 புள்ளிகளாக நிலைபெற்றது.
 

]]>
https://www.dinamani.com/business/2019/jun/11/பங்குச்-சந்தையில்-தொடர்-முன்னேற்றம்-3168666.html
3167957 வர்த்தகம் ஆபத்தில் கைகொடுக்கும் தீ விபத்து காப்பீடு! DIN DIN Monday, June 10, 2019 11:40 AM +0530 சாமானிய மக்கள் முதல் வசதி படைத்தவர்கள் வரை அவரவர் தகுதிக்கேற்ப, சொந்தப் பணத்தில் அல்லது வங்கி, நிதிநிறுவன உதவியோடு வீடு கட்டுகின்றனர். தொழில்புரிவோர், வணிக நிறுவனங்கள், ஆலைகள், கல்வி நிறுவனங்கள் வைத்திருப்போர் என பல்வேறு தரப்பினரும் அவரவர் தேவைக்கு ஏற்ப வங்கிகள் மூலமாக கடன்களை பெற்று தொழிலை நடத்தி வருவோம்.
 அப்படி இருக்கையில் தீ விபத்து ஏற்படுதல் போன்ற அசாதாரண சூழ்நிலை ஏற்பட்டுவிட்டால், அதை எதிர்கொள்ளும் சக்தி இல்லாத பட்சத்தில் அவர்களால் தொழிலில் மீண்டெழவே முடியாத நிலை ஏற்பட்டுவிடும். அதோடு அவர்களின் குடும்ப வாழ்க்கைச் சூழலையே ஆட்டம் காணச் செய்துவிடும்.
 இத்தகைய அசாதாரண சூழ்நிலையை எதிர்கொள்ள் ஒரே வழி தீ விபத்துக் காப்பீடு எடுத்துக்கொள்வதே ஆகும்.
 தீ விபத்து காப்பீட்டின் அவசியம்: கடந்த சில ஆண்டுகளுக்கு முன்பு சென்னையில் பிரபல ஜவுளிக்கடை தீ விபத்தில் முற்றிலுமாக எரிந்து சேதமடைந்தது. அப்போது அந்த ஜவுளிக்கடை தீ காப்பீடு செய்திருந்ததாக தகவல்கள் வெளியாகின. இதன் மூலம் அந்த நிறுவனத்தால் மீண்டெழ முடிந்தது.
 இதேபோன்று திருநெல்வேலி மாவட்டம் ஆலங்குளம் பகுதியில் சூடம் தயாரிக்கும் ஆலை, தேங்காய் நார் கழிவுகளை மூலப்பொருள்களாக கொண்டு செயல்படும் தொழிற்சாலை, கயிறு தயாரிக்கும் ஆலை போன்றவற்றில் ஏற்பட்ட தீவிபத்தில், பல லட்சம் ரூபாய் நஷ்டம் ஏற்பட்டபோதும், அந்த ஆலைகளுக்கு காப்பீடு செய்யப்பட்டிருந்ததால், அவை பொருளாதார இழப்பிலிருந்து தப்பின.
 பொதுவாக ஆலைகள், வீடுகள், கடைகள் போன்றவை தீ விபத்தால் இழப்பு ஏற்பட்டிருக்கும் பட்சத்தில், காப்பீடு செய்யப்பட்டிருந்தால் இழப்பீட்டுத் தொகையை பெறலாம்.
 ஆனால் காப்பீடு செய்யப்படாத நிலையில், தீ விபத்துகள் ஏற்பட்டு இழப்பீடு பெற முடியாமல் போனவர்களே ஏராளம். அதற்கு காரணம் தீ விபத்து காப்பீடு குறித்த விழிப்புணர்வு அனைத்து தரப்பினரிடமும் இல்லாததே.
 அபாயக் கூறுகள்: தீ விபத்து காப்பீடு என்றவுடன் அனைவருக்கும் நினைவுக்கு வருவது, தீ விபத்தால் ஏற்படும் இழப்புகளுக்கு மட்டுமே பொருந்தும் என்பதுதான். அப்படி இருந்தால் அதை மாற்றிக் கொள்ளுங்கள்.
 தீ, மின்னல், வெடிப்பு, விமானம் மூலம் ஏற்படும் சேதம், கலவரம், வன்செயல் போன்றவற்றால் ஏற்படும் இழப்பு, புயல், பெருங்காற்று, வெள்ளம், வெள்ளத்தில் மூழ்குதல் அல்லது அடித்துச் செல்லப்படுதல், விலங்குகளால் அல்லது வாகனங்களால் ஏற்படும் சேதம், பாறை அல்லது நிலச்சரிவு, தண்ணீர் தொட்டி மற்றும் அதன் குழாய் ஆகியவற்றில் ஏற்படும் வெடிப்பு ஆகியவற்றால் ஏற்படும் சேதம், ஏவுகணை சோதனைகளால் ஏற்படும் சேதங்கள், தானியங்கி சிதறல் மூலம் தெளிப்புகளில் ஏற்படும் கசிவு, புதர், காடு ஆகியவற்றால் ஏற்படும் தீ விபத்து உள்ளிட்ட அபாய கூறுகளுக்காக காப்பீடு செய்து கொள்ளலாம். பூகம்பம், பயங்கரவாதிகள் தாக்குதல் போன்ற அசாதாரண நிகழ்வுகளுக்கு பிரீமியம் தொகை சற்று அதிகம் செலுத்த வேண்டியது இருக்கும்.
 வணிக நிறுவனங்கள், ஆலைகளுக்கு அவசியம்: தீ விபத்து காப்பீடு, வணிக நிறுவனங்கள், ஆலைகளுக்கு மிக மிக அவசியமான ஒன்று. வீடுகளுக்கும், வீட்டில் இருக்கும் பொருள்களுக்கும் காப்பீடு செய்யலாம்.
 தீ விபத்தில் வீட்டில் உள்ள ஃபிரிட்ஜ், வாஷிங்மெஷின், டிவி, நகை, கடைகளில் உள்ள கணினி, பிரிண்டர் உள்ளிட்ட இயந்திரங்கள், பர்னிச்சர் பொருள்கள், தொழிற்சாலைகளில் மூலப் பொருள்கள், உற்பத்தி பொருள்கள் உள்ளிட்ட அசையும் சொத்துகளுக்கும், வீடு, ஆலைகள், தொழில் நடைபெறும் கட்டடம், கட்டடத்தில் பொருத்தப்பட்டிருக்கும் விலை உயர்ந்த பொருள்கள் உள்ளிட்ட அசையா சொத்துகளுக்கும் காப்பீடு செய்ய முடியும்.
 ஒரே நிறுவனம் வெவ்வேறு இடங்களில் கிடங்குகள் வைத்திருந்தாலும், அவை அனைத்தையும் ஒரே பாலிசியின் கீழ் காப்பீடு செய்ய முடியும்.
 பிரீமியம் தொகை நிர்ணயித்தல்: தீ விபத்து காப்பீட்டிற்காக செலுத்தப்படும் பிரீமியம் தொகை, கட்டடத்தின் தரம் மற்றும் அதை பயன்படுத்தும் விதம், அதில் வைக்கப்பட்டுள்ள பொருள்களின் தன்மை, காப்பீட்டுக் காலம் ஆகியவற்றை பொருத்து நிர்ணயிக்கப்படுகிறது.
 உதாரணமாக, வசிக்கும் வீடு, கடைகள், ஆலைகள், விபத்து அபாயம் அதிகம் உள்ள தொழிற்சாலைகள் போன்றவற்றுக்கு வெவ்வேறு தொகை வசூலிக்கப்படுகிறது.
 இதில், வீடு, பள்ளிகள், மருத்துவமனை, அலுவலகம், தங்கும் விடுதி, கூட்ட அரங்கு போன்றவற்றுக்கு மிகக் குறைவான பிரீமியம் தொகையே வசூலிக்கப்படுகிறது. சிலவற்றுக்கு குறிப்பிட்ட சதவீத பிரீமியம் தள்ளுபடியும் உண்டு.
 ஆபத்தான தொழில்கள் நிறைந்த வணிக வளாகங்கள், வெடிமருந்து விற்பனைக் கூடங்கள், பெட்ரோல் விற்பனை நிலையங்கள், மர அறுவைக் கூடங்கள், சுரங்கங்கள் போன்றவற்றுக்கு பிரீமியம் தொகை சற்று கூடுதலாக இருக்கும்.
 வீடுகளுக்கு நீண்ட கால திட்டத்தில் காப்பீடு செய்யப்படுகிறது. மற்றவற்றுக்கு காப்பீட்டுக் காலம் ஒரு ஆண்டு மட்டுமே. தொடர்ந்து புதுப்பித்துக் கொள்ள வேண்டும்.
 காப்பீடு யார் பெற முடியும்?
 வீடுகள், சிறிய கடையாக இருந்தாலும் பெரிய நிறுவனமாக இருந்தாலும் காப்பீடு எடுத்துக் கொள்ளலாம். காப்பீடு செய்யும்போது தம்முடைய சொத்து விவரங்களை அன்றைய சந்தை மதிப்புப்படி குறிப்பிட வேண்டும். அப்போதுதான் காப்பீடு எடுப்பதன் நோக்கம் சரியானதாக இருக்கும்.
 சிலர் செலுத்தும் பிரீமியம் தொகை குறைவாக இருக்க வேண்டும் என்பதற்காக மதிப்பைக் குறைத்து போட்டு பெயரளவுக்கு பாலிசி எடுப்பர். அப்படிப்பட்ட சூழலில் அசம்பாவிதம் நிகழ்ந்துவிட்டால் இழப்பீட்டுத் தொகை பெறுவதில் பெரும் சிக்கல் ஏற்படும்.
 சில காப்பீட்டு நிறுவனங்கள் வீடுகளுக்கு காப்பீடு செய்யும் போது, அந்த வீட்டின் உரிமையாளருக்கும் வீட்டின் மதிப்பு அளவுக்கு விபத்து காப்பீடு வழங்குகிறது. இதன் மூலம் ஒரு குடும்பத் தலைவர் விபத்தால் உயிரிழந்துவிட்டாலும், அதற்கான இழப்பீட்டுத் தொகையை பெறமுடியும்.
 இழப்பீடு கோருவது எப்படி? தீ விபத்து நிகழ்ந்துவிட்டால் காப்பீட்டு நிறுவனத்திற்கு எழுத்துப் பூர்வமாக தெரிவிக்க வேண்டும். விபத்துக்கான காரணம் தெளிவாக குறிப்பிடப்பட வேண்டும். காவல் நிலையத்தில் முதல் தகவல் அறிக்கை பதிவு செய்வது நல்லது.
 காப்பீட்டு நிறுவனத்தின் சர்வேயர் நிகழ்விடத்துக்கு வந்து விரிவான ஆய்வு மேற்கொள்வார். பின்னர் அவரது ஆலோசனையின் பேரில் விபத்து நடைபெற்ற பகுதியில் மேம்பாட்டுப் பணிகளை மேற்கொள்ளலாம்.
 சர்வேயர் காப்பீட்டு நிறுவனத்துக்கு அளிக்கும் அறிக்கையின் அடிப்படையில் காப்பீட்டு நிறுவனம் இழப்பீட்டுத் தொகையை வழங்கும். சிலர் தொழில் நஷ்டம் காரணமாக தீவிபத்தை அவர்களாக ஏற்படுத்திக் கொண்டதாகத் தெரியவந்தால் இழப்பீடு கிடைக்காது.
 இதுகுறித்து அரசு நிறுவனமான யுனைடெட் இந்தியா பொதுக் காப்பீட்டு நிறுவன முதன்மை காப்பீட்டு ஆலோசகர் ஒருவர் தெரிவித்ததாவது: நாம் கடுமையாக முயன்று சேர்க்கும் சொத்துகளான வீடு, கடைகள், அலுவலகம், சேமிப்புக் கிடங்கு, தொழிற்சாலை ஆகியவற்றுக்கும், அவற்றை சார்ந்த பொருள்களுக்கும் பல்வேறு வகைகளில் சேதங்கள், இழப்பு ஏற்படலாம். அத்தகைய இழப்புகளை ஈடுசெய்வதற்கு, தீ விபத்துக் காப்பீடு எடுப்பது அவசியமாகிறது.
 தீ விபத்து காப்பீடு சொத்தின் உரிமையாளரால் மட்டுமே எடுக்க முடியும். முன் மொழிவு படிவத்தில் அவர்கள் கொடுக்கும் விவரங்களின் அடிப்படையில்தான் காப்பீடு செய்யப்படுகிறது. தவறான தகவல்கள் கண்டுபிடிக்கப்பட்டால் இழப்பீடு கோரும் நிலையில் பாலிசி பயனற்றதாகிவிடும்.
 விபத்து ஏற்பட்டுவிட்டால் உடனடியாக காப்பீட்டு நிறுவனம், தீயணைப்பு நிலையம், காவல் நிலையம் ஆகியவற்றுக்குத் தகவல் தர வேண்டும். அதன் பிறகு இழப்பீட்டிற்கான விண்ணப்பத்தை முழுமையாக நிரப்பி, தகுந்த ஆவணங்களுடன் காப்பீட்டு அலுவலகத்தில் சமர்ப்பிக்க வேண்டும்.
 நடுத்தர வர்க்கத்தினரை பொருத்த வரையில், விபத்துக் காப்பீடு, மருத்துவக் காப்பீடு, வாகனக் காப்பீடு, வீட்டிற்கான தீவிபத்து காப்பீடு ஆகியவற்றை கட்டாயம் வைத்திருத்தல் மிக அவசியமாகிறது. தீ காப்பீடு, வாகனக் காப்பீட்டில் அன்றைய சந்தை மதிப்பை சரியாக குறிப்பிடுவது மிகச் சிறந்தது என்றார் அவர்.
 - வை. இராமச்சந்திரன்

]]>
https://www.dinamani.com/business/2019/jun/10/ஆபத்தில்-கைகொடுக்கும்-தீ-விபத்து-காப்பீடு-3167957.html
3167956 வர்த்தகம் மீண்டும் நெருக்கடியில் ஜவுளி உற்பத்தித் தொழில் DIN DIN Monday, June 10, 2019 11:39 AM +0530 ராஜஸ்தான், குஜராத் மாநிலங்கள் வறட்சியால் பாதிக்கப்பட்டிருக்கும் நிலையில், அங்குள்ள சாயப் பட்டறைகள் மூடப்பட்டு வருகின்றன. இதனால் அந்த மாநில சாயப் பட்டறைகளை நம்பியுள்ள தமிழக ஜவுளி உற்பத்தித் தொழில் மீண்டும் நெருக்கடிக்கு ஆளாகியுள்ளது.
 இந்தியாவின் ஜவுளி ஏற்றுமதியிலும், உள்நாட்டுத் தேவையை பூர்த்தி செய்வதிலும் முக்கிய பங்கு வகிப்பது கோவை மண்டலமே. ஜவுளி உற்பத்திக்குத் தேவையான அனைத்துத் தொழில்களும் தடையின்றி செயல்படும் காலங்களில் ஏற்றுமதி பிரச்னையின்றி நடைபெறும். இந்த ஜவுளி உற்பத்தி சங்கிலியில் ஏதாவது ஓர் இடத்தில் பிரச்னை நேரிடும்போது அது ஒட்டுமொத்த தொழில் துறையையும் பாதித்துவிடுகிறது.
 ஜவுளித் துறையில் முக்கிய இடத்தை வகிப்பது சாயசலவைத் தொழிலாகும். துணிகளை பிளீச்சிங் செய்வது, சாயமேற்றுவது போன்றவற்றைச் செய்யும் இந்த "பிராசசிங்' ஆலைகள் கோவை, திருப்பூர், ஈரோடு, சேலம், நாமக்கல், கரூர் மாவட்டங்களில் ஆயிரக்கணக்கில் செயல்பட்டு வந்தன. தொடக்கத்தில் கைத்தறி ஆடைகளுக்கு சாயமேற்றும் பணியைச் செய்வதற்காக இந்த ஆலைகளுக்கு அனுமதி வழங்கப்பட்டதால், ஆங்காங்கே குடிசைத் தொழில்கள்போல தொடங்கி நடத்தப்பட்டு வந்தன. நாளடைவில் மாசுக் கட்டுப்பாட்டு பிரச்னைகள் உருவானதால் இந்த ஆலைகள் மீதான நடவடிக்கை தீவிரப்படுத்தப்பட்டு அவை அகற்றப்பட்டன. சில பெரிய "பிராசசிங்' ஆலைகள் மட்டும் கடுமையான கட்டுப்பாடுகளுடன் இயங்கி வருகின்றன.
 இதனால் தமிழகத்தில் உற்பத்தியாகும் துணி வகைகளை "பிராசசிங்' செய்வதற்காக குஜராத், ராஜஸ்தான், மகாராஷ்டிரம் போன்ற மாநிலங்களுக்கு அனுப்பி வருகின்றனர். தற்போது ராஜஸ்தான், குஜராத் மாநிலங்களில் நிலவும் கடுமையான வறட்சியால் அங்குள்ள ஆலைகள் மூடப்பட்டுவிட்டன. இதனால் தமிழகத்தில் தயாராகும் துணிகள் தேக்கமடைந்து வருகின்றன.
 இந்தப் பிரச்னையால் ஓபன் எண்ட் மில்கள் உற்பத்தியை நிறுத்த வேண்டிய கட்டாயத்தில் இருப்பதாகக் கூறுகிறார் ஓபன் எண்ட் ஸ்பின்னிங் மில்கள் சங்கத்தின் பொதுச் செயலர் ஜி.அருள்மொழி. இது குறித்து அவர் கூறியதாவது:
 பஞ்சாலைகளில் இருந்து வெளியேறும் தரமான கழிவுப் பஞ்சை (கோம்பர்) பயன்படுத்தி தயாரிக்கப்படும் நூல்களின் மூலமாகவே ஜீன்ஸ் பேண்ட், சட்டைகள், காடா துணி, படுக்கை விரிப்புகள், துண்டு, நைட்டிகள், கைப்பைகள் உள்ளிட்ட பல்வேறு ஆடைகள், வீட்டு உபயோகத் துணி வகைகள் தயாரிக்கப்படுகின்றன. இந்த நூல் தயாரிக்கும் தொழிலில் தமிழகத்தில் சுமார் 400-க்கும் மேற்பட்ட ஓபன் எண்ட் மில்கள் இயங்கி வருகின்றன.
 இந்த மில்கள் மூலம் தினசரி சுமார் 7 லட்சம் கிலோ உற்பத்தி நடைபெறுகிறது. எங்களிடமிருந்து பெறப்படும் நூலைப் பயன்படுத்தி திருப்பூர், பல்லடம், சோமனூர், அவிநாசி, ஈரோடு உள்ளிட்ட பகுதிகளில் மட்டும் சுமார் 2 லட்சம் விசைத்தறிகள் இயங்கி வருகின்றன. ஒரு தறி மூலம் நாளொன்றுக்கு 50 மீட்டர் வரையிலான துணி வகைகள் நெய்யப்படுகின்றன. இந்நிலையில், ராஜஸ்தான், குஜராத் மாநிலங்களில் கடுமையான வறட்சி நிலவுவதால் அங்கு சாயப் பட்டறைகள் மூடப்பட்டுவிட்டன. இதனால் இங்கு உற்பத்தியாகும் துணிகள் சாயமேற்றுவதற்கு அனுப்பப்படாமல் கிடங்குகளில் தேங்கத் தொடங்கியுள்ளன.
 துணிகள் தேங்குவதால் தறிகள் உற்பத்தியைக் குறைக்கும் நிலைக்கும், அதனால் ஓபன் எண்ட் மில்கள் நூல் உற்பத்தியைக் குறைக்கும் நிலைக்கும் தள்ளப்பட்டுள்ளன. ஆண்டுதோறும் வறட்சியின்போது இந்தப் பிரச்னை ஏற்பட்டு வருகிறது. இதனால் "பிராசசிங்' தொழிலுக்கு நிரந்தரத் தீர்வு காண வேண்டியது அவசியமாகிறது. அதேநேரம், துணிகளை "பிராசசிங்' செய்வதற்காக ஜெய்ப்பூர் போன்ற பகுதிகளுக்கு அனுப்பி, பிறகு அங்கிருந்து கொண்டு வரும் வகையில் போக்குவரத்துக்கு மட்டுமே ஒரு மீட்டர் துணிக்கு ரூ.10 செலவாகிறது. எனவே உள்ளூரிலேயே "பிராசசிங்' தொழிலுக்கு தீர்வு காண வேண்டும் என்றார்.
 ஆனால், பிராசசிங் தொழில் சந்திக்கும் பிரச்னைகளுக்கான நிரந்தரத் தீர்வை பல ஆண்டுகளுக்கு முன்னதாகவே நாங்கள் முன்மொழிந்துவிட்டதாகவும், அதை நிறைவேற்றுவது மட்டுமே நிலுவையில் இருப்பதாகவும் கூறுகிறார் தென்னிந்திய பஞ்சாலைகள் சங்கத்தின் (சைமா) தலைவர் பி.நடராஜ். இதுகுறித்து அவர் மேலும் கூறியதாவது:
 இந்திய ஜவுளித் துறை சர்வதேச அளவுக்கு வளர முடியாமல் இருப்பதற்கு முக்கிய காரணம் சாயசலவைத் தொழில் நெருக்கடிதான். சாயப் பட்டறைகளால் நிலத்தடி நீர் பாதிக்கப்படுவதாகப் பிரச்னைகள் எழுந்தபோது, அதற்குத் தீர்வு காண சுத்திகரிப்பு நிலையம் அமைக்கிறோம் என்று சாயப் பட்டறைகள் சார்பில் நீதிமன்றத்தில் வாக்குறுதி அளிக்கப்பட்டது.
 ஆனால், செலவு அதிகம் என்பதாலும் அரசு மானியம் போதுமானதாக இல்லை என்பதாலும் எதிர்பார்த்த அளவுக்கு சுத்திகரிப்பு நிலையங்களை அமைக்க முடியாத நிலை உருவாகிவிட்டது. சுத்திகரிப்பு நிலையங்களால் 85 சதவீத நீரை சுத்தம் செய்து மறுசுழற்சிக்குப் பயன்படுத்திக் கொள்ள முடியும் என்றாலும் எஞ்சியுள்ள 10 சதவீத உப்பு நீரையும், 5 சதவீத திடக்கழிவையும் என்ன செய்வது என்று தெரியாத நிலை உருவாகிவிட்டது.
 உப்பு நீரை ஆவியாக்கவும், திடக்கழிவை சிமென்ட் தயாரிப்பு, எரிகற்கள் தயாரிக்கவும் திட்டங்கள் உள்ளன. ஆனால் உப்பு நீரை மின்சாரத்தைப் பயன்படுத்தி ஆவியாக்குவதற்கு, சுத்திகரிப்பு நிலையங்களுக்கு விசைத்தறிகளுக்கு வழங்கப்படுவதைப் போல யூனிட் ரூ.2 என்ற மானிய விலையில் மின்சாரம் வழங்க வேண்டும். இல்லாவிட்டால், சூரியசக்தி மின்சாரம், காற்றாலை மின்சாரம் தயாரிக்க அரசு மானியம் வழங்க வேண்டும்.
 சுத்திகரிப்பு நிலையத் திட்டங்களும் தண்ணீர் எளிதில் கிடைக்கும் வரைதான் செயல்பட முடியும். தற்போது ராஜஸ்தானில் ஏற்பட்டிருப்பதைப் போன்று தண்ணீர்ப் பற்றாக்குறை ஏற்பட்டால் அவற்றையும் மூடவேண்டியதுதான். எனவேதான் சாயசலவைத் தொழில் கூடங்கள் அடங்கிய தொகுப்புகளை (கிளஸ்டர்) கடலோரங்களில் அமைக்க வேண்டும் என்று கடந்த பல ஆண்டுகளாகவே வலியுறுத்தி வருகிறோம். கடல் நீரை சுத்திகரித்து ஆலைக்கு பயன்படுத்திக் கொள்ளும் வாய்ப்பு இருக்கும் அதே நேரத்தில், இந்த ஆலைகளில் இருந்து கிடைக்கும் உப்பு நீரானது கடல் நீரின் உப்பைவிட அடர்த்தி குறைவானது என்பதால் அதை கடலில் கலந்துவிடலாம். இதனால் நிலத்தடி நீருக்கு மட்டுமின்றி கடல்வாழ் உயிரினங்களுக்கும் எந்த பாதிப்பும் ஏற்படாது என்பதாலும் இந்தத் திட்டத்தை நாங்கள் நிரந்தரத் தீர்வாகக் கருதுகிறோம்.
 இருப்பினும் இந்தத் திட்டம் அமலுக்கு வரும் வரையிலும், நாடு முழுவதிலும் சாயசலவை ஆலைகள் அதிகம் உள்ள தமிழகம், மகாராஷ்டிரம், குஜராத் உள்ளிட்ட மாநிலங்களில் டையிங் கிளஸ்டர்கள் அமைத்து, அதில் கிடைக்கும் உப்பு நீரை பைப் லைன் அமைத்து, கடலில் கலக்கும் திட்டத்தை செயல்படுத்த வேண்டும் என்று மத்திய அரசை வலியுறுத்தி வருகிறோம்.
 இதன் மூலம் தமிழகத்தில் ஒரே பைப்லைன் மூலம் கோவை, திருப்பூர், ஈரோடு, சேலம், கரூர், மதுரை உள்ளிட்ட பகுதிகளில் சேகரமாகும் கழிவு நீரை நேரடியாக கடலில் கலக்க முடியும். இதன் மூலம் உற்பத்தி செலவில் 70 சதவீதம் வரை குறையும். இது சர்வதேச அளவில் இந்திய ஆடை ரகங்கள் போட்டியிடுவதை ஊக்குவிக்கும்.
 இது தொடர்பாக மத்திய ஜவுளித் துறை அமைச்சர் ஸ்மிருதி இரானியை மீண்டும் வரும் 12-ஆம் தேதி நேரில் சந்தித்து வலியுறுத்த இருக்கிறோம். அண்மையில் வெளியான தமிழக அரசின் ஜவுளிக் கொள்கையிலும் "பிராசசிங்' தொழிலுக்கு முக்கியத்துவம் அளிக்கப்படும் என்று உறுதி அளிக்கப்பட்டுள்ளது. எனவே, மத்திய - மாநில அரசுகளின் உதவியுடன் "பிராசசிங்' தொழிலுக்கு ஏற்பட்டுள்ள சிக்கல் விரைவில் தீர்க்கப்படும் என எதிர்பார்க்கிறோம் என்றார்.
 - க. தங்கராஜா
 

]]>
https://www.dinamani.com/business/2019/jun/10/மீண்டும்-நெருக்கடியில்-ஜவுளி-உற்பத்தித்-தொழில்-3167956.html
3167485 வர்த்தகம் ஈரான் மீதான பொருளாதார தடையால் பிண்ணாக்கு ஏற்றுமதி 78% வீழ்ச்சி DIN DIN Sunday, June 9, 2019 12:47 AM +0530 ஈரான் மீது அமெரிக்கா பொருளாதாரத் தடைகளை அமல்படுத்தியுள்ளதால் பிண்ணாக்கு ஏற்றுமதி 78 சதவீதம் சரிவடைந்துள்ளதாக இந்திய எண்ணெய் உற்பத்தியாளர்கள் சங்கம் (எஸ்இஏ) தெரிவித்துள்ளது.
 இதுகுறித்து அந்த சங்கத்தின் செயல் இயக்குநர் பி.வி.மேத்தா பிடிஐ செய்தி நிறுவனத்திடம் தெரிவித்தது:
 இந்தியாவின் பிண்ணாக்கு ஏற்றுமதிக்கு ஈரான் மிகப் பெரிய சந்தையாக உள்ளது. ஆனால், தற்போது அந்த நாட்டின் மீது அமெரிக்க பொருளாதாரத் தடை விதித்துள்ளதால் ஏற்றுமதி அளவு வெகுவாக பாதிக்கப்பட்டுள்ளது. இந்த நிலை வரும் மாதங்களிலும் தொடரும்.
 கடந்தாண்டு மே மாதத்தில் 2,63,644 டன் பிண்ணாக்கு ஏற்றுமதி செய்திருந்த நிலையில், நடப்பாண்டில் இதே கால அளவில் ஏற்றுமதி 78 சதவீதம் சரிந்து வெறும் 58,549 டன்னாகியுள்ளது என்றார் அவர்.
 
 
 

]]>
https://www.dinamani.com/business/2019/jun/09/ஈரான்-மீதான-பொருளாதார-தடையால்-பிண்ணாக்கு-ஏற்றுமதி-78-வீழ்ச்சி-3167485.html
3167484 வர்த்தகம் 30 சதவீதம் சந்தைப் பங்கை பிடிக்க ரோகோ நிறுவனம் இலக்கு DIN DIN Sunday, June 9, 2019 12:46 AM +0530 ஸ்பானிஸ் சானிட்டரிவேர் (பாத்ரூம் பொருள்கள்) தயாரிக்கும் ரோகோ நிறுவனம், சிபிவிசி( குளோரினேடட் பாலிவினைல் குளோரைடு)-பைப்புகளுக்கான 30 சதவீதம் சந்தை பங்கை பிடிக்க இலக்கு நிர்ணயித்துள்ளது.
 இது குறித்து ரோகோ நிறுவனத்தின் மேலாண்மை இயக்குநர் கே.இ. ரங்கநாதன் கூறியது: மதுரை மற்றும் தூத்துக்குடியில் வீட்டு பிளம்பிக் பைப்புகளுக்காக பேரிவேர் சிபிவிசி பைப்புகள் 2018-ஆம் ஆண்டு அறிமுகப்படுத்தப்பட்டது.
 தொடக்கத்தில், பாத்ரூம் தீர்வுக்கான பொருள்களுக்கு வரவேற்பு குறைவாக இருந்தது. தற்போது விற்பனை அதிகரித்துள்ளது. தற்போது முழு ஆண்டுக்கு ஆர்டர் பதிவு செய்யப்பட்டுள்ளது.
 மதுரையில் கடந்த 4 மாதங்களில் 10 சதவீதம் சந்தை பங்கை ரோகோ நிறுவனம் பெற்றது. இதை பின்பற்றி, திருச்சி, கோயம்புத்தூரில் தயாரிப்பை அறிமுகப்படுத்தியுள்ளோம். சென்னை சந்தை கணக்கு ரூ.150 கோடி ஆகும். இரண்டு ஆண்டுகளில் 30 சதவீதம் பெற இலக்கு நிர்ணயிக்கப்பட்டுள்ளது. தொடர்ந்து, தென் இந்தியாவில் கவனம் செலுத்துகிறோம்.
 ரோகோ நிறுவனம் 2018-ஆம் ஆண்டில் ரூ.1,100 கோடி வருவாய் ஈட்டியது. நிகழாண்டில் ரூ.1,300 கோடியை எட்டுவோம் என்ற நம்பிக்கை உள்ளது. நிறுவனத்தின் வளர்ச்சி ஆண்டுக்கு ஆண்டு 20 சதவீதம் உயர்கிறது. வளர்ச்சி விகிதம் நன்றாக உள்ளது. நடப்பு ஆண்டில் முதல் 6 மாதத்தில் ரூ.650 கோடி ஈட்டப்பட்டுள்ளது என்றார் அவர்.
 
 

]]>
https://www.dinamani.com/business/2019/jun/09/30-சதவீதம்-சந்தைப்-பங்கை-பிடிக்க-ரோகோ-நிறுவனம்-இலக்கு-3167484.html
3167483 வர்த்தகம் 13 நாள்களுக்கு உற்பத்தி நிறுத்தம்: மஹிந்திரா முடிவு DIN DIN Sunday, June 9, 2019 12:45 AM +0530 உள்நாட்டைச் சேர்ந்த மஹிந்திரா & மஹிந்திரா நிறுவனம், தனது ஆலைகளில் 13 நாள்களுக்கு உற்பத்தியை நிறுத்தப் போவதாக சனிக்கிழமை அறிவித்தது.
 இதுகுறித்து அந்த நிறுவனம் செபி-க்கு தெரிவித்துள்ளதாவது:
 நாடு தழுவிய அளவில் நிறுவனத்துக்கு சொந்தமாக உள்ள மோட்டார் வாகன தயாரிப்பு ஆலைகளில் நடப்பு காலாண்டில் 5-13 நாள்களுக்கு உற்பத்தியை நிறுத்த முடிவு செய்யப்பட்டுள்ளது. மேலும், வேளாண் துறைக்கான உபகரணங்கள் தயாரிப்பும் இந்த கால கட்டத்தில் நிறுத்தப்படவுள்ளது.
 இந்த உற்பத்தி நிறுத்தத்தால் சந்தையில் நிறுவனத்தின் வாகன விற்பனையில் எந்தவித பாதிப்பும் ஏற்படாது. போதுமான அளவில் சந்தையில் ஏற்கெனவே வாகனங்கள் கையிருப்பு உள்ளது. சந்தையில் தேவையை சரி செய்து கொள்வதற்காகவே இந்த உற்பத்தி நிறுத்தம் கடைபிடிக்கப்படவுள்ளது என்று செபி-யிடம் மஹிந்திரா தெரிவித்துள்ளது.
 வாகனங்களின் உற்பத்தி அதிகரித்ததையடுத்து, மாருதி சுஸுகி நிறுவனம் தனது குர்கான், மானேசர் ஆலையில் கடந்த மாதம் ஒரு நாள் மட்டும் உற்பத்தியை நிறுத்தியது.
 சந்தையில் மோட்டார் வாகனங்களின் விற்பனை தற்போது மந்தமாகவே காணப்படுகிறது. இதன் காரணமாக, சந்தையில் வாகனத்தின் தேவைக்கு ஏற்ப அதன் உற்பத்தியை குறைக்க வேண்டிய கட்டாயம் நிறுவனங்களுக்கு ஏற்பட்டுள்ளது.
 ஏப்ரல் மாதத்தில் ஒட்டுமொத்த பயணிகள் வாகன விற்பனை 17 சதவீதம் வீழ்ச்சியடைந்தது. இது, கடந்த 8 ஆண்டுகளில் காணப்படாத சரிவாகும். நுகர்வோர் மன நிலையில் மாற்றம் மற்றும் பணப்புழக்கம் குறைவு ஆகியவை கார் விற்பனையில் பாதிப்பை ஏற்படுத்தியுள்ளதாக சந்தை வட்டாரத்தினர் தெரிவித்துள்ளனர்.
 

]]>
https://www.dinamani.com/business/2019/jun/09/13-நாள்களுக்கு-உற்பத்தி-நிறுத்தம்-மஹிந்திரா-முடிவு-3167483.html
3167482 வர்த்தகம் அந்நியச் செலாவணி கையிருப்பு 42,180 கோடி டாலராக அதிகரிப்பு DIN DIN Sunday, June 9, 2019 12:44 AM +0530 இந்தியாவின் அந்நியச் செலாவணி கையிருப்பு மே 31-ஆம் தேதியுடன் முடிவடைந்த வாரத்தில் 42,180 கோடி டாலராக (ரூ.29.52 லட்சம் கோடி) அதிகரித்துள்ளது.
 இதுகுறித்து ரிசர்வ் வங்கி வெளியிட்ட புள்ளிவிவரத்தில் கூறப்பட்டுள்ளதாவது:
 அந்நியச் செலாவணி சொத்து மதிப்பு வெகுவாக அதிகரித்ததையடுத்து, நாட்டின் அந்நியச் செலாவணி கையிருப்பு கடந்த மே 31-ஆம் தேதியுடன் நிறைவடைந்த வாரத்தில் 180 கோடி டாலர் (ரூ.12,600 கோடி) அதிகரித்து 42,180 கோடி டாலரை எட்டியுள்ளது.
 இதற்கு முந்தைய வாரத்தில் செலாவணி கையிருப்பு 199 கோடி டாலர் உயர்ந்து 42,000 கோடி டாலராக காணப்பட்டது.
 மதிப்பீட்டு வாரத்தில், ஒட்டுமொத்த கையிருப்பில் முக்கிய பங்களிப்பாக உள்ள அந்நியச் செலாவணி சொத்து மதிப்பு 194 கோடி டாலர் உயர்ந்து 39,413 கோடி டாலராக இருந்தது.
 கடந்த சில வாரங்களாக நிலையான அளவில் இருந்த தங்கத்தின் கையிருப்பு கணக்கீட்டு வாரத்தில் 6 கோடி டாலர் சரிந்து 2,295 கோடி டாலரானது.
 அதேபோன்று, சர்வதேச நிதியத்தில் எஸ்டிஆர் 23 லட்சம் டாலர் சரிந்து 144.3 கோடி டாலராகவும், நாட்டின் கையிருப்பு நிலை 53 லட்சம் டாலர் வீழ்ச்சியடைந்து 333.1 கோடி டாலராகவும் இருந்தது என புள்ளிவிவரத்தில் ரிசர்வ் வங்கி தெரிவித்துள்ளது.
 கடந்த 2018-ஆம் ஆண்டு ஏப்ரல் 13-ஆம் தேதி வாரத்தில் தான் அந்நியச் செலாவணி கையிருப்பானது வரலாற்று உச்சமாக 42,602 கோடி டாலரை எட்டியிருந்தது குறிப்பிடத்தக்கது.
 
 

]]>
https://www.dinamani.com/business/2019/jun/09/அந்நியச்-செலாவணி-கையிருப்பு-42180-கோடி-டாலராக-அதிகரிப்பு-3167482.html
3166880 வர்த்தகம் சென்செக்ஸ் 86 புள்ளிகள் உயர்வு DIN DIN Saturday, June 8, 2019 12:34 AM +0530 இந்தியப் பங்குச் சந்தைகளில் வெள்ளிக்கிழமை நடைபெற்ற வர்த்தகம் மந்த நிலையில் காணப்பட்டது.
வங்கி சாரா நிதி நிறுவனங்கள் நிதி நெருக்கடியை சந்தித்து வருவதாக கூறப்பட்டதையடுத்து முதலீட்டாளர்கள் மிகுந்த எச்சரிக்கையுடன் பங்கு வர்த்தகத்தில் ஈடுபட்டனர். இதையடுத்து, முதலீட்டாளர்கள் நிதி நிலைமை நன்கு உள்ள அத்துறையைச் சேர்ந்த குறிப்பிட்ட சில நிறுவனப் பங்குகளில் மட்டும் தங்களது முதலீட்டை அதிகரித்தனர். இது, வர்த்தக நேர இறுதியில் பங்கு வர்த்தகம் சூடுபிடிக்க காரணமாக அமைந்தது.
இதைத்தவிர, டாலருக்கு நிகரான ரூபாய் மதிப்பு சரிவு தொழில்நுட்பத் துறை பங்குகளின் விற்பனைக்கு உத்வேகம் தருவதாக இருந்தது.
மும்பை பங்குச் சந்தையில் தொலைத்தொடர்பு, நிதி, நுகர்வேர் சாதனங்கள், வங்கி, தொழில்நுட்ப துறை குறியீட்டெண் 0.79 சதவீதம் வரை உயர்ந்தது. 
அதேநேரம், மின்சாரம், எரிசக்தி, மருந்து, ரியல் எஸ்டேட், உலோகத் துறை குறியீட்டெண் 1.29 சதவீதம் குறைந்தது.
நிறுவனங்களைப் பொருத்தவரையில், இன்டஸ்இண்ட் வங்கி, பஜாஜ் பைனான்ஸ், மஹிந்திரா & மஹிந்திரா, எஸ்பிஐ, ஐசிஐசிஐ பங்குகளின் விலை 1.90 சதவீதம் வரை உயர்ந்தது.
அதேசமயம், யெஸ் வங்கி, பவர் கிரிட், சன்பார்மா, கோல் இந்தியா, பஜாஜ் ஆட்டோ, ஓஎன்ஜிசி, ஆர்ஐஎல் பங்குகளின் விலை 2.37 சதவீதம் வரை சரிந்தது.
மும்பை பங்குச் சந்தையில் வாரத்தின் கடைசி நாளான வெள்ளிக்கிழமை நடைபெற்ற வர்த்தகத்தில் சென்செக்ஸ் 86 புள்ளிகள் உயர்ந்து 39,615 புள்ளிகளாக நிலைத்தது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 26 புள்ளிகள் அதிகரித்து 11,870 புள்ளிகளாக 
நிலைபெற்றது.
 

]]>
https://www.dinamani.com/business/2019/jun/08/சென்செக்ஸ்-86-புள்ளிகள்-உயர்வு-3166880.html
3166879 வர்த்தகம் சுஸூகியின் புதிய ஜிக்ஸர் மாடல்கள் அறிமுகம் DIN DIN Saturday, June 8, 2019 12:33 AM +0530 சுஸூகி மோட்டார்சைக்கிள் நிறுவனம், ஜிக்ஸர் எஸ்எஃப்250, ஜிக்ஸர் எஸ்எஃப் என்ற இரண்டு புதிய மாடல்களை சந்தையில் வெள்ளிக்கிழமை அறிமுகம் செய்தது.
இதுகுறித்து சுஸூகி மோட்டார்சைக்கிள் இந்தியாவின் தலைவர் கொய்ஷிரோ ஹிராவோ கூறியதாவது:
இந்திய சந்தையின் வாடிக்கையாளர்கள் விருப்பத்திற்கேற்ப நிறுவனம் சுஸூகி ஜிக்ஸர் எஸ்எஃப் வரிசையில் புதிய மாடல்களை அறிமுகப்படுத்தியுள்ளது. இதன் மூலம், உள்ளூர் சந்தையில் இருசக்கர பிரிவு விற்பனையில் நிறுவனத்தின் பங்களிப்பு மேலும் வலுப்படும்.
மெட்டாலிக் பிளாட்டினம் சில்வர் மற்றும் மெட்டாலிக் பிளாக் என்ற இரு வண்ணங்களில் வெளிவரும் ஜிக்ஸர் 
எஸ்எஃப்250 பைக், 200 சிசிக்கும் அதிகமான திறன் கொண்ட பைக்கை விரும்புவோருக்கு சிறந்த மாற்றாக இருக்கும். 
இதன் விலை ரூ.1.70 லட்சமாகும்.
அதேபோன்று, 150 சிசி பிரிவில் அறிமுகப்படுத்தப்பட்டுள்ள ஜிக்ஸர் எஸ்எஃப் பைக்கின் விலை ரூ.1.09 லட்சமாக நிர்ணயிக்கப்பட்டுள்ளது என்றார் அவர்.
சுஸூகியின் புதிய ஜிக்ஸர் 250எஸ்எஃப் அறிமுகம் யமஹாவின் 250சிசி, ஹோண்டாவின் சிபிஆர்250, டிவிஎஸ் 
மோட்டாரின் அப்பாச்சி 200 சிசி பைக்குகளுக்கு போட்டியாக இருக்கும் என்று கருதப்படுகிறது. அதேபோன்று, ஜிக்ஸர் எஸ்எஃப் பைக் அறிமுகம் யமஹாவின் எஃப்இசட், ஹோண்டா சிபிஆர் 150, டிவிஎஸ் அப்பாச்சி 160 பைக்குகளுக்கு போட்டியாக இருக்கும் என்று கூறப்படுகிறது.

]]>
https://www.dinamani.com/business/2019/jun/08/சுஸூகியின்-புதிய-ஜிக்ஸர்-மாடல்கள்-அறிமுகம்-3166879.html
3166878 வர்த்தகம் நிதி அமைச்சர் - தொழில் கூட்டமைப்பினர் ஜூன் 11-இல் சந்திப்பு DIN DIN Saturday, June 8, 2019 12:32 AM +0530 மத்திய நிதி அமைச்சர் நிர்மலா சீதாராமன், பட்ஜெட் தயாரிப்புக்கு முன்னதாக தொழில் துறையினரின் ஆலோசனைகளை பெறும் வகையில் ஜூன் 11-ஆம் தேதி வர்த்தக கூட்டமைப்புகளை சந்தித்துப் பேச உள்ளார்.
பாஜக தலைமையிலான தேசிய ஜனநாயக கூட்டணி இரண்டாவது முறையாக பொறுப்பேற்ற பிறகு, முழு நேர பெண் நிதியமைச்சராக கடந்த மாதம் நிர்மலா சீதாராமன் பொறுப்பேற்றுக் கொண்டார். ஜூலை 5-இல் பட்ஜெட் தாக்கல் செய்யப்படவுள்ள நிலையில் அதற்கான ஆயத்த பணிகளில் நிதி அமைச்சகம் தீவிரமாக ஈடுபட்டுள்ளது. 
அதன் ஒரு பகுதியாக, தொழில்துறையினரின் ஆலோசனை மற்றும் அவர்களது கோரிக்கைகளை பெறும் வகையில் வர்த்தக கூட்டமைப்புகளை ஜூன்-11இல் நிதி அமைச்சர் சந்திக்க உள்ளார்.
இதில், சிஐஐ, ஃபிக்கி, அசோசேம் உள்ளிட்ட முக்கிய கூட்டமைப்புகளின் பிரதிநிதிகள் பங்கேற்பார்கள் என்று எதிர்பார்க்கப்படுகிறது. 
மேலும், இந்த சந்திப்பின்போது, அந்நிய நேரடி முதலீட்டை ஊக்குவிப்பது, தொழில்துறை உற்பத்தித் திறன் உள்ளிட்ட பல்வேறு விவகாரங்கள் 
குறித்து ஆலோசிக்கப்பட வாய்ப்புள்ளதாக தகவல்கள் தெரிவிக்கின்றன.

]]>
https://www.dinamani.com/business/2019/jun/08/நிதி-அமைச்சர்---தொழில்-கூட்டமைப்பினர்-ஜூன்-11-இல்-சந்திப்பு-3166878.html
3166855 வர்த்தகம் ரூ.25 ஆயிரத்தை நெருங்கும் தங்கம் DIN DIN Saturday, June 8, 2019 12:22 AM +0530 சென்னையில் ஒரு பவுன் ஆபரணத் தங்கத்தின் விலை ரூ.25 ஆயிரத்தை நெருங்குகிறது. வெள்ளிக்கிழமை நிலவரப்படி, ஆபரணத் தங்கம் பவுனுக்கு ரூ.8 உயர்ந்து, ரூ.24,984-க்கு விற்பனை செய்யப்பட்டது. 

சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. இந்நிலையில், ஒரு பவுன் ஆபரணத்தங்கம் தற்போது  ரூ.25 ஆயிரத்தை நெருங்குகிறது. மே மாதத்தில் தங்கத்தின் விலை ஏற்ற, இறக்கமாக இருந்தது. மே 3-ஆம் தேதி ஒரு பவுன் ஆபரணத் தங்கம் ரூ.23, 936 ஆக இருந்தது. அதன்பிறகு, தங்கம் விலை சிறிது இறங்கியது. இந்நிலையில்  தங்கத்தின் விலை  மீண்டும் படிப்படியாக உயர்ந்து, மே 31-ஆம் தேதி  ஒரு பவுன் தங்கம் ரூ.24,496 ஆக இருந்தது. 

ஜூன் மாதத்தில் மேலும் உயர்ந்து வந்தது. வெள்ளிக்கிழமை (ஜூன் 7) ஒரு பவுன் தங்கத்தின் ரூ.24,984 ஆக உயர்ந்தது.  ஒரு கிராமுக்கு ஒரு ரூபாய் உயர்ந்து ரூ.3,123-க்கு விற்பனை செய்யப்பட்டது. அதே நேரத்தில் வெள்ளி விலை குறைந்துள்ளது. வெள்ளி ஒரு கிராமுக்கு ரூ.1 குறைந்து, ரூ.40.10 ஆகவும், ஒரு கிலோ கட்டி வெள்ளி கிலோவுக்கு ரூ.1,000 குறைந்து, ரூ.40,100 ஆகவும் இருந்தது.

தங்கம் விலை உயர்வு குறித்து சென்னை தங்கம் மற்றும் வைர நகை வியாபாரிகள் சங்கத் தலைவர் ஜெயந்திலால் சல்லானி கூறியது: அமெரிக்காவில் இறக்குமதி செய்யப்படும் சீனப் பொருள்களுக்கு அபரிமிதமாக சுங்கவரியை அமெரிக்கா விதித்துள்ளது. இதுபோல, சீனாவில் இறக்குமதியாகும் அமெரிக்க பொருள்களுக்கு சீனா அபரிமிதமான சுங்கவரி விதித்துள்ளது. இரு வல்லரசு நாடுகளுக்கும் இடையே பொருளாதார போர் ஏற்பட்டுள்ளது. இதனால், தொழில்துறை சார்ந்த பங்குகள் பலவீனம் அடைந்துள்ளன. பெரிய முதலீட்டாளர்கள் தங்கத்தின் மீது முதலீடு செய்கின்றனர். இதனால், உலக சந்தையில் தங்கத்தின் விலை உயர்ந்து, அதன் தாக்கம் இங்கு காணப்படுகிறது. இந்தப் பொருளாதார போர் நீடிக்கும் வரை, தங்கம் விலை தொடர்ந்து உயரும். வரும் நாள்களில்  ஒரு பவுன் ஆபரணத்தங்கம் ரூ.25 ஆயிரத்தைத் தாண்டும். அதேநேரத்தில் வெள்ளி விலையில் பெரிய மாற்றம் இருக்காது என்றார் அவர்.
வெள்ளிக்கிழமை விலை 

ரூபாயில் (ஜி.எஸ்.டி. தனி):

1 கிராம் தங்கம்    3,123
1 பவுன் தங்கம்    24,984
1 கிராம் வெள்ளி    40.10
1 கிலோ வெள்ளி    40,100

]]>
https://www.dinamani.com/business/2019/jun/08/ரூ25-ஆயிரத்தை-நெருங்கும்-தங்கம்-3166855.html
3166336 வர்த்தகம் தங்கம் பவுனுக்கு ரூ.48 உயர்வு DIN DIN Friday, June 7, 2019 03:04 AM +0530 சென்னையில் ஆபரணத் தங்கத்தின் விலை வியாழக்கிழமை பவுனுக்கு ரூ.48 உயர்ந்து, ரூ.24,976-க்கு விற்பனை செய்யப்பட்டது. 

சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. 

சென்னையில் வியாழக்கிழமை நிலவரப்படி, ஆபரணத் தங்கம் ஒரு கிராமுக்கு ரூ.6 உயர்ந்து ரூ.3,122-க்கு விற்பனை செய்யப்பட்டது. வெள்ளி ஒரு கிராமுக்கு ரூ.1.10  உயர்ந்து, ரூ.41.10 ஆகவும், ஒரு கிலோ கட்டி வெள்ளி கிலோவுக்கு ரூ.1,100 உயர்ந்து, ரூ.41,100 ஆகவும் இருந்தது.

வியாழக்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்       3,122
1 பவுன் தங்கம்    24,976
1 கிராம் வெள்ளி    41.10
1 கிலோ வெள்ளி     41,100

 புதன்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    3,116
1 பவுன் தங்கம்    24,928
1 கிராம் வெள்ளி    40.00
1 கிலோ வெள்ளி    40,000

]]>
https://www.dinamani.com/business/2019/jun/07/தங்கம்-பவுனுக்கு-ரூ48-உயர்வு-3166336.html
3166194 வர்த்தகம் சென்செக்ஸ் 554 புள்ளிகள் சரிவு DIN DIN Friday, June 7, 2019 12:51 AM +0530 வங்கிகளுக்கான வட்டி விகிதத்தை ரிசர்வ் வங்கி குறைத்துள்ள நிலையிலும், மும்பை பங்குச் சந்தையின் குறியீட்டு எண்ணான சென்செக்ஸ் வியாழக்கிழமை 554 புள்ளிகள் சரிந்தது.
இதுகுறித்து தகவல்கள் தெரிவிப்பதாவது:
வங்கிகளுக்கான ரெபோ விகிதத்தை ரிசர்வ் வங்கி 0.25 சதவீதம் குறைத்தது. இது பங்குச் சந்தைக்கு உற்சாகமளிக்கும் செய்தியாக இருந்தும், இந்த நிதியாண்டுக்கான நாட்டின் உத்தேச பொருளாதார வளர்ச்சி விகித்ததை 7 சதவீதமாக ரிசர்வ் வங்கி குறைத்தது.
இது முதலீட்டாளர்களை சோர்வடையச் செய்ததால், மும்பை பங்குச் சந்தையில் வியாழக்கிழமை 40,083 புள்ளிகளில் தொடங்கிய சென்செக்ஸ், இறுதியில் 39,529 புள்ளிகளில் நிலைத்தது. இது, முந்தைய தினத்தைவிட 554 புள்ளிகள் குறைவாகும் என 
தகவல்கள் தெரிவிக்கின்றன.

]]>
https://www.dinamani.com/business/2019/jun/07/சென்செக்ஸ்-554-புள்ளிகள்-சரிவு-3166194.html
3166191 வர்த்தகம் "2025-இல் 8.8 கோடி 5 இணைப்புகள்' DIN DIN Friday, June 7, 2019 12:50 AM +0530 வரும் 2025-ஆம் ஆண்டுக்குள் இந்தியாவில் 8.8 கோடி 5ஜி இணைப்புகள் வழங்கப்படுவதற்கு வாய்ப்புள்ளதாக சர்வதேச தொலைத் தொடர்பு அமைப்பான ஜிஎஸ்எம்ஏ தெரிவித்துள்ளது.
இதுகுறித்து அந்த அமைப்பு வெளியிட்டுள்ள அறிக்கையில் தெரிவிக்கப்பட்டுள்ளதாவது:
2018-ஆண்டு இறுதியில் இந்தியாவில் சுமார் 75 பேருக்கு பிரத்யேக தொலைத் தொடர்பு இணைப்பு வழங்கப்பட்டிருந்தது.
இந்த எண்ணிக்கை 2025-ஆம் ஆண்டில் 92 கோடியாக உயர்வதற்கு வாய்ப்புள்ளது. அதில், 8.8 கோடி இணைப்புகள் அடுத்த தலைமுறைக்கான  5ஜி தொழில்நுட்பத்தைக் கொண்டவையாக இருக்கும் என்று அந்த அறிக்கையில் குறிப்பிடப்பட்டுள்ளது.

]]>
https://www.dinamani.com/business/2019/jun/07/2025-இல்-88-கோடி-5-இணைப்புகள்-3166191.html
3166189 வர்த்தகம் ஓய்வு பெறுகிறார் அஸிம் பிரேம்ஜி DIN DIN Friday, June 7, 2019 12:50 AM +0530 இந்தியாவின் முன்னணி தகவல் தொழில்நுட்ப நிறுவனங்களில் ஒன்றான விப்ரோவின் நிறுவனர் அஸிம் பிரேம்ஜி, அந்த நிறுவனத்தின் செயல் தலைவர் பதவியிலிருந்து ஓய்வு பெறுகிறார்.
அவருக்குப் பதிலாக, நிறுவனத்தின் தலைமைப் பொறுப்பை அவரது மகன் ரிஷத் ஏற்பார் என்று தெரிவிக்கப்பட்டுள்ளது.
இதுகுறித்து விப்ரோ நிறுவனம் வியாழக்கிழமை வெளியிட்டுள்ள செய்திக்குறிப்பில் கூறப்பட்டுள்ளதாவது:
நிறுவனத்தின் செயல் தலைவர் பொறுப்பிலிருந்து அஸிம் பிரேம்ஜி ஓய்வு பெறுகிறார். வரும் ஜூலை மாதம் 30-ஆம் தேதியுடன் அவர் பதவியிலிருந்து விலகுகிறார்.
அவருக்குப் பதிலாக, தற்போது தலைமை திட்ட அலுவலராகவும், இயக்குநர் குழு உறுப்பினராகவும் உள்ள அஸிம் பிரேம்ஜியின் மகன் ரிஷத் பிரேம்ஜி நிறுவனத்தின் புதிய செயல் தலைவராகப் பொறுப்பேற்பார்.
விப்ரோ நிறுவனத்திலிருந்து ஓய்வு பெற்றாலும், விப்ரோ என்டர்பிரைசஸ் நிறுவனத்தின் தலைவராகவும், விப்ரோ-ஜிஇ ஹெல்த்கேர் நிறுவனத்தின் இயக்குநர் குழுத் தலைவராகவும் அஸிம் பிரேம்ஜி தொடர்ந்து பொறுப்பு வகிப்பார் என்று அந்த அறிக்கையில் தெரிவிக்கப்பட்டுள்ளது.
சாதாரண சமையல் எண்ணெய் தயாரிப்பாளராக இருந்து, சுமார் 58.8 லட்சம் கோடி மதிப்புடைய பன்னாட்டு தகவல் தொழில்நுட்ப நிறுவனத்தை உருவாக்கிய அஜிம் பிரேம்ஜி, இந்திய தொழில்முனைவோருக்கு முன்னதாரணமாகத் திகழ்ந்து வருவதாக தொழில் வட்டாரங்கள் தெரிவிக்கின்றன.
 

]]>
https://www.dinamani.com/business/2019/jun/07/ஓய்வு-பெறுகிறார்-அஸிம்-பிரேம்ஜி-3166189.html
3165635 வர்த்தகம் தங்கம் பவுனுக்கு ரூ.152 உயர்வு DIN DIN Thursday, June 6, 2019 12:08 AM +0530 சென்னையில் ஆபரணத் தங்கத்தின் விலை புதன்கிழமை பவுனுக்கு ரூ.152 உயர்ந்து, ரூ.24,928-க்கு விற்பனை செய்யப்பட்டது. 

சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. 

சென்னையில் புதன்கிழமை நிலவரப்படி, ஆபரணத் தங்கம் ஒரு கிராமுக்கு ரூ.19 உயர்ந்து ரூ.3,116-க்கு விற்பனை செய்யப்பட்டது. வெள்ளி ஒரு கிராமுக்கு 40 பைசா உயர்ந்து, ரூ.40 ஆகவும், ஒரு கிலோ கட்டி வெள்ளி கிலோவுக்கு ரூ.400 உயர்ந்து, ரூ.40,000 ஆகவும் இருந்தது. 

புதன்கிழமை விலை ரூபாயில் (ஜி.எஸ்.டி. தனி):

1 கிராம் தங்கம்    3,116
1 பவுன் தங்கம்    24,928
1 கிராம் வெள்ளி    40.00
1 கிலோ வெள்ளி    40,000

]]>
https://www.dinamani.com/business/2019/jun/06/தங்கம்-பவுனுக்கு-ரூ152-உயர்வு-3165635.html
3164961 வர்த்தகம் சென்செக்ஸ் 184 புள்ளிகள் சரிவு DIN DIN Wednesday, June 5, 2019 01:01 AM +0530
இந்தியப் பங்குச் சந்தைகளில் செவ்வாய்க்கிழமை நடைபெற்ற வர்த்தகத்தில் சென்செக்ஸ் மற்றும் நிஃப்டி குறியீட்டெண்கள் உச்சத்திலிருந்து சரிந்தன.
ரிசர்வ் வங்கி வரும் வியாழக்கிழமை தனது நிதி கொள்கை முடிவுகளை வெளியிடவுள்ளது. இதில், கடனுக்கான வட்டி விகிதங்கள் மூன்றாவது முறையாக 0.25 சதவீதம் குறைக்கப்படலாம் என்ற எதிர்பார்ப்பு சந்தை வட்டாரத்தில் பரவலாகவே காணப்படுகிறது. இருப்பினும், முன்னெச்சரிக்கை நோக்குடன் முதலீட்டாளர்கள் மோட்டார் வாகனம், தகவல் தொழில்நுட்ப துறைகளைச் சேர்ந்த நிறுவனப் பங்குகளை லாப நோக்கம் கருதி விற்பனை செய்ததால் வர்த்தகம் மந்த நிலை கண்டது.  
மும்பை பங்குச் சந்தையில் தகவல் தொழில்நுட்ப துறை குறியீட்டெண் 1.63 சதவீதம் வீழ்ச்சியடைந்தது. தொழில்நுட்பம், மருந்து, எண்ணெய்-எரிவாயு துறை குறியீட்டெண்களும் பின்னடைவை கண்டது.
சென்செக்ஸ் பட்டியலில் இடம்பெற்றுள்ள ஹீரோ மோட்டோகார்ப், ஹெச்சிஎல் டெக், டிசிஎஸ், ஏஷியன் பெயின்ட்ஸ், இன்டஸ்இண்ட் வங்கி மற்றும் இன்ஃபோசிஸ் பங்குகளின் விலை 3.08 சதவீதம் வரை சரிந்தது.
அதேசமயம், யெஸ் வங்கி, என்டிபிசி, ஆக்ஸிஸ் வங்கி பங்குகளுக்கு முதலீட்டாளர்களிடையே வரவேற்பு இருந்ததையடுத்து அந்நிறுவனப் பங்குகளின் விலை 2.71 சதவீதம் வரை ஏற்றம் பெற்றது.
மும்பை பங்குச் சந்தையில் செவ்வாய்க்கிழமை நடைபெற்ற வர்த்தகத்தில் சென்செக்ஸ் 184 புள்ளிகள் குறைந்து 40,083 புள்ளிகளாக நிலைபெற்றது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 66 புள்ளிகள் சரிந்து 12,021 புள்ளிகளாக நிலைத்தது.
 ரம்ஜானை முன்னிட்டு மும்பை மற்றும் தேசிய பங்குச் சந்தைகளுக்கு புதன்கிழமை (ஜூன் 5) விடுமுறை விடப்பட்டுள்ளது.
 

]]>
https://www.dinamani.com/business/2019/jun/05/சென்செக்ஸ்-184-புள்ளிகள்-சரிவு-3164961.html
3164960 வர்த்தகம் டிவி விற்பனையில் 34% சந்தை பங்களிப்பு: சாம்சங் இலக்கு DIN DIN Wednesday, June 5, 2019 01:01 AM +0530
சாம்சங் இந்தியா நிறுவனம் டிவி விற்பனையில் அதன் பங்களிப்பை 34 சதவீதமாக அதிகரிக்க இலக்கு நிர்ணயித்துள்ளது.
இதுகுறித்து அந்நிறுவனத்தின் துணைத் தலைவர் ராஜு புல்லான் பிடிஐ செய்தியாளரிடம் தெரிவித்ததாவது:
 சந்தையில் கியூஎல்இடி டிவிக்களுக்கு வாடிக்கையாளர்களிடையே வரவேற்பு பெருகி வருகிறது. இதையடுத்து,  நடப்பாண்டில் அதன் விற்பனை மூன்று மடங்கு அதிகரிக்கும் என எதிர்பார்க்கப்படுகிறது.
இதைத் தவிர, சாம்சங் பெரிய திரை பிரிவில் மூன்று கியூஎல்இடி 8கே டிவிக்களை, ரூ.10.99 லட்சம் (75 அங்குலம்) மற்றும் ரூ.16.99 லட்சம் (82 அங்குலம்) விலையில் அறிமுகப்படுத்தியுள்ளது. இதைத்தவிர, 98 அங்குல திரை கொண்ட கியூஎல்இடி 8கே டிவிக்களை நிறுவனம் முன்கூட்டிய ஆர்டர்களின் பேரில் தயாரித்து வருகிறது.
65 அங்குல திரையுடைய டிவியின் விலை விரைவில் அறிவிக்கப்படவுள்ளது. 
இவைதவிர, 12 கியூஎல்இடி 4கே டிவிக்களை சாம்சங் அண்மையில்தான் அறிமுகப்படுத்தியது.
தற்போதைய நிலையில், டிவி சந்தையில் நிறுவனத்தின் பங்களிப்பு 30 சதவீத அளவுக்கே உள்ளது. இந்த நிலையில், இதுபோன்ற புதிய அறிமுகங்களின் உதவியால், வரும் அக்டோபர்-நவம்பர் பண்டிகை காலங்களில் நிறுவனத்தின் சந்தை பங்களிப்பை 34 சதவீதம் அளவுக்கு அதிகரிக்க இலக்கு நிர்ணயிக்கப்பட்டுள்ளது என்றார் அவர்.
 

]]>
https://www.dinamani.com/business/2019/jun/05/டிவி-விற்பனையில்-34-சந்தை-பங்களிப்பு-சாம்சங்-இலக்கு-3164960.html
3164959 வர்த்தகம் ரூ.1,550 கோடிக்கு புதிய பங்கு வெளியீடு: செபியின் அனுமதியைப் பெற்றது பென்னா சிமென்ட் DIN DIN Wednesday, June 5, 2019 01:00 AM +0530
பென்னா சிமென்ட் நிறுவனம் புதிய பங்கு வெளியீட்டின் (ஐ.பி.ஓ.) மூலம் ரூ.1,550 கோடி திரட்டிக் கொள்ள செபி அனுமதி அளித்துள்ளது.
இதுகுறித்து அந்த நிறுவனம் மேலும் தெரிவித்துள்ளதாவது:
விரிவாக்க நடவடிக்கைகளுக்குத் தேவையான ரூ.1,550 கோடியை புதிய பங்கு வெளியீட்டின் மூலம் திரட்டிக் கொள்ள முடிவு செய்யப்பட்டது. இதையடுத்து, இந்த பங்கு வெளியீட்டுக்கு அனுமதி கோரி பென்னா சிமென்ட் கடந்தாண்டு நவம்பர் மாதம் செபியிடம் விண்ணப்பித்திருந்தது. இதனை ஆய்வு செய்த செபி நடப்பாண்டு மே 31-ஆம் தேதியன்று நிறுவனத்தின் புதிய பங்கு வெளியீட்டுக்கு தனது ஒப்புதலை தெரிவித்துள்ளது.
இந்த ஐ.பி.ஓ.-மூலம் ரூ.1,300 கோடி மதிப்பிலான நிறுவனத்தின் புதிய பங்குகளும், பென்னா சிமென்டின் மேம்பாட்டாளரான பிஆர் சிமென்ட் ஹோல்டிங்ஸின் ரூ.250 கோடி மதிப்பிலான பங்குகள் ஓஎஃப்எஸ் முறையிலும் விற்பனை செய்யப்படவுள்ளன.
எடல்வெய்ஸ் பைனான்ஸியல் சர்வீசஸ், ஐஐஎஃப்எல் ஹோல்டிங்ஸ், ஜேஎம் பைனான்ஸியல் மற்றும் யெஸ் செக்யூரிட்டீஸ் ஆகியவை இப்பங்கு வெளியீட்டை நிர்வகிக்க உள்ளதாக பென்னா சிமென்ட் தெரிவித்துள்ளது.
 

]]>
https://www.dinamani.com/business/2019/jun/05/ரூ1550-கோடிக்கு-புதிய-பங்கு-வெளியீடு-செபியின்-அனுமதியைப்-பெற்றது-பென்னா-சிமென்ட்-3164959.html
3164958 வர்த்தகம் 50,000 டன் வெங்காயம் கையிருப்பு: விலையேற்றத்தை கட்டுப்படுத்த அரசு நடவடிக்கை DIN DIN Wednesday, June 5, 2019 01:00 AM +0530
வரும் மாதங்களில் விலையேற்றத்தை தடுக்கும் வகையில் மத்திய அரசு 50,000 டன் வெங்காயத்தை இருப்பு வைக்கும் நடவடிக்கையை தொடங்கியுள்ளது.
இதுகுறித்து மத்திய உணவு அமைச்சக அதிகாரிகள் செவ்வாய்க்கிழமை தெரிவித்ததாவது:
ஆசியாவின் மிகப்பெரிய மொத்தவிலை சந்தையான மகாராஷ்டிராவின் லசல்கோனில் செவ்வாய்க்கிழமை நிலவரப்படி ஒரு கிலோ வெங்காயத்தின் விலை ரூ.11-ஆக உள்ளது. கடந்த ஆண்டில் இதே நாளில் ஒரு கிலோ வெங்காயத்தின் விலை ரூ.8.50-ஆக மட்டுமே காணப்பட்டது. அதனுடன் ஒப்பிடும்போது தற்போது வெங்காயத்தின் விலை 29 சதவீதம் அளவுக்கு உயர்ந்துள்ளது.
அதேசமயம், தேசிய தலைநகர் தில்லியில் ஒரு கிலோ வெங்காயத்தின் விலை ரகத்துக்கேற்ப ரூ.20-ரூ.25 வரையில்  விற்பனை செய்யப்படுகிறது.
வெங்காயம் பயிரிடப்படும் மாநிலங்களில் காணப்படும் வறட்சியால் ரபி பருவத்தில் அதன் விளைச்சல் எதிர்பார்த்ததை விட குறைந்த அளவுக்கே இருக்கும் என மதிப்பிடப்பட்டுள்ளது. எனவே, வரும் மாதங்களில் வெங்காயத்துக்கு தட்டுப்பாடு ஏற்பட்டு அதன் விலை  அதிரடியாக உயர வாய்ப்புள்ளது.
அதனை தடுக்கும் வகையில் மத்திய அரசு பல்வேறு நடவடிக்கைகளை முடுக்கி விட்டுள்ளது. அதன் ஒரு பகுதியாக, 50,000 டன் வெங்காயத்தை இருப்பு வைக்கும் நடவடிக்கையில் மத்திய அரசு தற்போது தீவிரமாக  இறங்கியுள்ளது. இதன் மூலம் சப்ளை அதிகரிக்கப்பட்டு விலையேற்றம் கட்டுப்படுத்தப்படும் என்று அதிகாரிகள் தெரிவித்தனர்.
 

]]>
https://www.dinamani.com/business/2019/jun/05/50000-டன்-வெங்காயம்-கையிருப்பு-விலையேற்றத்தை-கட்டுப்படுத்த-அரசு-நடவடிக்கை-3164958.html
3164339 வர்த்தகம் பங்குச் சந்தையில் விறுவிறுப்பு: சென்செக்ஸ் 553 புள்ளிகள் அதிகரிப்பு DIN DIN Tuesday, June 4, 2019 12:53 AM +0530
சாதகமான உள்நாட்டு நிலவரங்களால் இந்தியப் பங்குச் சந்தைகளில் திங்கள்கிழமை நடைபெற்ற வர்த்தகம் விறுவிறுப்புடன் காணப்பட்டது.
ஏற்கெனவே கடனுக்கான வட்டி விகிதங்களை இருமுறை குறைத்துள்ள ரிசர்வ் வங்கி வியாழக்கிழமை வெளியிடவுள்ள நிதிக் கொள்கையில் வட்டி விகிதங்களை மேலும் 0.25 சதவீதம் குறைக்கும் என்ற நிலைப்பாடு முதலீட்டாளர்கள் மத்தியில் பரவலாக காணப்பட்டது. அதுமட்டுமின்றி, பிரதமர் நரேந்திர மோடி தலைமையிலான புதிய அரசு தொடர்ந்து சீர்திருத்த திட்டங்களை செயல்படுத்தும் என்ற நம்பிக்கையும் முதலீட்டாளர்கள் மத்தியில் அதிகரித்தது.
இதுபோன்ற காரணங்களால், பங்குச் சந்தையில் திங்கள்கிழமை நடைபெற்ற வர்த்தகம் சூடுபிடித்து காணப்பட்டது. 
மும்பை பங்குச் சந்தையில், மோட்டார் வாகனம், மருந்து, எரிசக்தி, நுகர்வோர் சாதனங்கள் மற்றும் உலோகத் துறை பங்குகளுக்கு முதலீட்டாளர்களிடையே வரவேற்பு அதிகரித்து காணப்பட்டதால் அத்துறைகளின் குறியீட்டெண்கள் 1.93 சதவீதம் வரை உயர்ந்தது.
நிறுவனங்களைப் பொருத்தவரையில், ஹெச்டிஎஃப்சி, ரிலையன்ஸ் இண்டஸ்ட்ரீஸ், ஹெச்டிஎஃப்சி வங்கி, டிசிஎஸ் பங்குகளுக்கு சந்தையில் அதிக வரவேற்பு காணப்பட்டது. ஹீரோ மோட்டோகார்ப் பங்கின் விலை அதிகபட்ச அளவாக 6.01 சதவீதம் வரை ஏற்றம் பெற்றது. பஜாஜ் ஆட்டோ, இன்டஸ்இண்ட் வங்கி, ஏஷியன் பெயின்ட்ஸ், ஹெச்யுஎல், மாருதி சுஸுகி பங்குகளின் விலை 3.92 சதவீதம் வரை உயர்ந்தது. 
அதேசமயம், ஐசிஐசிஐ வங்கி, என்டிபிசி, ஐடிசி பங்குகள் குறைந்த விலைக்கே கைமாறின.
மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் சென்செக்ஸ் 553 புள்ளிகள் அதிகரித்து வரலாற்றில் முதல் முறையாக 40,267 புள்ளிகளாக நிலைபெற்றது. தேசிய பங்குச் சந்தை குறியீட்டெண்  நிஃப்டி 166 புள்ளிகள் ஏற்றம் கண்டு முன்னெப்போதும் இல்லாத வகையில் 12,088 புள்ளிகளாக நிலைத்தது.
 

]]>
https://www.dinamani.com/business/2019/jun/04/பங்குச்-சந்தையில்-விறுவிறுப்பு-சென்செக்ஸ்-553-புள்ளிகள்-அதிகரிப்பு-3164339.html
3164338 வர்த்தகம் ரெப்கோ ஹோம் பைனான்ஸ் லாபம் 58 சதவீதம் உயர்வு DIN DIN Tuesday, June 4, 2019 12:53 AM +0530
ரெப்கோ ஹோம் பைனான்ஸ் நிறுவனத்தின் நிகர லாபம் கடந்த நிதியாண்டின் நான்காவது காலாண்டில் 58 சதவீதம் அதிகரித்துள்ளது.
இதுகுறித்து அந்த நிறுவனம் வெளியிட்டுள்ள செய்திக்குறிப்பில் தெரிவித்துள்ளதாவது:
ரெப்கோ ஹோம் பைனான்ஸ் நிறுவனம் கடந்த மார்ச் மாதத்துடன் முடிவடைந்த 2018-19 நிதியாண்டின் நான்காவது காலாண்டில் ரூ.51.5 கோடி நிகர லாபம் ஈட்டியுள்ளது. இது, முந்தைய 2017-18 நிதியாண்டின் இதே கால அளவில் ஈட்டிய லாபத்துடன் ஒப்பிடுகையில் 58 சதவீதம் அதிகமாகும்.
நிகர வட்டி வருவாய் 3 சதவீதம் அதிகரித்து ரூ.116.3 கோடியாக காணப்பட்டது.
நான்காவது காலாண்டில் நிறுவனத்தின் கடன் அனுமதி அளவு ரூ.972.8 கோடியாகவும், விநியோக அளவு ரூ.878.1 கோடியாகவும் இருந்தது. மொத்த வாராக் கடன் விகிதம் 3.9 சதவீதத்திலிருந்து 2.95 சதவீதமாக குறைந்துள்ளது.
2017-18 நிதியாண்டுடன் ஒப்பிடுகையில் கடந்த 2018-19 முழு நிதியாண்டில் நிறுவனத்தின் நிகர லாபம் 17 சதவீதம் உயர்ந்து ரூ.234.6 கோடியாகவும், நிகர வட்டி வருவாய் 2 சதவீதம் அதிகரித்து ரூ.469.3 கோடியாகவும் இருந்தது. 
கடன் அனுமதி அளவு 9 சதவீதம் உயர்ந்து ரூ.3,370 கோடியாகவும், கடன் விநியோக அளவு 10 சதவீதம் அதிகரித்து ரூ.3,091.8 கோடியாகவும் காணப்பட்டது என அந்நிறுவனத்தின் செய்திக்குறிப்பில் தெரிவிக்கப்பட்டுள்ளது.
 

]]>
https://www.dinamani.com/business/2019/jun/04/ரெப்கோ-ஹோம்-பைனான்ஸ்-லாபம்-58-சதவீதம்-உயர்வு-3164338.html
3164337 வர்த்தகம் பஜாஜ் ஆட்டோ விற்பனை 3 சதவீதம் அதிகரிப்பு DIN DIN Tuesday, June 4, 2019 12:53 AM +0530
பஜாஜ் ஆட்டோ நிறுவனத்தின் மொத்த விற்பனை மே மாதத்தில் 3 சதவீதம் அதிகரித்துள்ளது.
இதுகுறித்து அந்த நிறுவனம் திங்கள்கிழமை வெளியிட்ட அறிக்கையில் தெரிவித்துள்ளதாவது:
பஜாஜ் ஆட்டோ நிறுவனம் சென்ற மே மாதத்தில் 4,19,235 வாகனங்களை விற்பனை செய்துள்ளது. 2017-18 நிதியாண்டில் இதே கால அளவில் விற்பனையான 4,07,044  வாகனங்களுடன் ஒப்பிடுகையில்  இது 3 சதவீதம் அதிகமாகும். 
மோட்டார்சைக்கிள் விற்பனை 3,42,595 என்ற எண்ணிக்கையிலிருந்து 7 சதவீதம் உயர்ந்து 3,65,068 ஆகியுள்ளது.
அதேசமயம், வர்த்தக வாகனங்கள் விற்பனை 64,449-லிருந்து 16 சதவீதம் சரிவடைந்து 54,167 ஆனது.
நிறுவனத்தின் வாகன ஏற்றுமதி அந்த மாதத்தில் 1,83,411-ஆக காணப்பட்டது. 2018 மே மாதத்தில் ஏற்றுமதி செய்யப்பட்ட 1,82,419 வாகனங்களுடன் ஒப்பிடுகையில் இது 1 சதவீதம் அதிகம் என அந்த அறிக்கையில் பஜாஜ் ஆட்டோ தெரிவித்துள்ளது.
 

]]>
https://www.dinamani.com/business/2019/jun/04/பஜாஜ்-ஆட்டோ-விற்பனை-3-சதவீதம்-அதிகரிப்பு-3164337.html
3164336 வர்த்தகம் ஆக்ஸிஸ் வங்கியின் தலைவர் நியமனத்துக்கு ரிசர்வ் வங்கி ஒப்புதல் DIN DIN Tuesday, June 4, 2019 12:52 AM +0530
ஆக்ஸிஸ் வங்கியின் தலைவர் நியமனத்துக்கு ரிசர்வ் வங்கி ஒப்புதல் அளித்துள்ளதாக அவ்வங்கி திங்கள்கிழமை தெரிவித்துள்ளது.
இதுகுறித்து அந்த வங்கி செபிக்கு மேலும் தெரிவித்துள்ளதாவது:
ஆக்ஸிஸ் வங்கியின் தலைவராக நியமிக்கப்பட்ட ராகேஷ் மஹிஜாவுக்கு வங்கியின் இயக்குநர் குழு ஏற்கெனவே கடந்த மார்ச் மாதத்தில் அனுமதி அளித்தது.
இந்த நிலையில், ரிசர்வ் வங்கி கடந்த மாதம் இறுதியில் அனுப்பிய கடிதத்தில் அவரின் நியமனத்துக்கு தமது ஒப்புதலை வழங்குவதாக தெரிவித்துள்ளது.
ரிசர்வ் வங்கியின் அனுமதியை அடுத்து, ராகேஷ் மஹிஜா, ஆக்ஸிஸ் வங்கியின் தனிப்பட்ட இயக்குநர், செயல் சாரா (பகுதி நேரம்) தலைவராக 3 ஆண்டுகளுக்கு பதவியில் இருப்பார். இவரது நியமனம் 2019 ஜூலை 18-ஆம் தேதியிலிருந்து 2022-ஆம் ஆண்டு ஜூலை 17-ஆம் தேதி வரையில் அமலில் இருக்கும்.
ஆக்ஸிஸ் வங்கியின் தலைவராக நியமிக்கப்படுவதற்கு முன்பாக ராகேஷ், எஸ்கேஎஃப் குழுமத்தின் தலைமைச் செயல் அதிகாரியாகவும், டாடா ஹனிவெல் நிறுவனத்தில் நிர்வாக இயக்குநராகவும் பணியாற்றிய அனுபவம் கொண்டவர்.
 

]]>
https://www.dinamani.com/business/2019/jun/04/ஆக்ஸிஸ்-வங்கியின்-தலைவர்-நியமனத்துக்கு-ரிசர்வ்-வங்கி-ஒப்புதல்-3164336.html
3164328 வர்த்தகம் 2018-19 நிதியாண்டில் ரூ.71,500 கோடி வங்கி ஊழல்: ஆர்பிஐ தகவல் DIN DIN Monday, June 3, 2019 09:07 PM +0530  

கடந்த 2018-19 நிதியாண்டில் மட்டும் ரூ.71,500 கோடி வங்கி ஊழல் நடைபெற்றுள்ளதாக ஆர்பிஐ தகவல் தெரிவித்துள்ளது. ஆர்டிஐ மனு மீது விளக்கமளித்துள்ள ரிசர்வ் வங்கி,

2018-19 நிதியாண்டில் மட்டும் வங்கி மற்றும் தனியார் நிதித்துறை நிறுவனங்களில் மட்டும் மோசடி மற்றும் முறைகேடு தொடர்பாக 6,801 வழக்குகள் பதிவாகியுள்ளன. இதன்மூலம் ரூ.71,542.93 கோடி ஊழல் நடைபெற்றுள்ளது. இது கடந்த நிதியாண்டைக் காட்டிலும் 73 சதவீதம் அதிகமாகும். 

முன்னதாக, 2017-18 நிதியாண்டில் வங்கி மற்றும் தனியார் நிதித்துறை நிறுவனங்களில் மட்டும் மோசடி மற்றும் முறைகேடு தொடர்பாக 5,916 வழக்குகள் பதிவாகியுள்ளன. இதன்மூலம் ரூ.41,167.03 கோடி ஊழல் நடைபெற்றுள்ளது என்று ஆர்பிஐ தெரிவித்துள்ளது. 

]]>
https://www.dinamani.com/business/2019/jun/03/2018-19-நிதியாண்டில்-ரூ71500-கோடி-வங்கி-ஊழல்-ஆர்பிஐ-தகவல்-3164328.html
3163876 வர்த்தகம் புதிய விதிமுறைகளால் பாதிப்புக்குள்ளாகும் லாரி கூண்டு கட்டும் தொழில் DIN DIN Monday, June 3, 2019 11:08 AM +0530 ஒரு நாட்டின் வளர்ச்சியில் முக்கியப் பங்கு போக்குவரத்துக்கு உண்டு. ஏற்றுமதி, இறக்குமதி முதல் ஓரிடத்திலிருந்து மற்றோர் இடத்துக்கு பொருள்களை எடுத்துச் செல்வதாக இருந்தாலும், அதற்கு சரக்கு வாகனம் வேண்டும். அதிலும், மற்ற நாடுகளைக் காட்டிலும் இந்தியாவில் சரக்குப் போக்குவரத்து என்பது அதிகளவில் நடைபெறுகிறது. கனரக வாகனங்களில் பலவகை உண்டு. அவற்றில் முக்கியப் பங்கு வகிப்பது டாரஸ் லாரி. இவை தவிர, டேங்கர், டிரெய்லர் வகையிலான லாரிகளும் உள்ளன. இந்த லாரிகளுக்கான கூண்டு கட்டும் பட்டறைகள் அதிகம் இருப்பது, இந்திய அளவில், பஞ்சாப், ஹரியாணா, சண்டீகர், ஆந்திரம், கர்நாடகம், தெலங்கானா, தமிழ்நாடு உள்ளிட்ட மாநிலங்களில்தான்.
 தமிழகத்தைப் பொருத்தமட்டில், நாமக்கல், கரூர், தருமபுரி, சேலம், கோவை, ஈரோடு மாவட்டங்களில் சுமார் 5 ஆயிரம் லாரி கூண்டு கட்டும் பட்டறைகள் உள்ளன. இவற்றில், நாமக்கல், திருச்செங்கோடு சுற்று வட்டாரப் பகுதிகளில்தான் டாரஸ் மற்றும் டேங்கர் வகையிலான லாரிகள் தயாராகின்றன. இத் தொழிலை நம்பி நேரடியாகவும், மறைமுகமாகவும் 30 ஆயிரம் தொழிலாளர்கள் உள்ளனர். அண்மைக் காலமாக இந்த கூண்டு கட்டும் தொழில் சரிவடைந்து வருகிறது. மத்திய அரசு கொண்டு வந்துள்ள பல்வேறு கட்டுப்பாடுகளால் சிறு, குறு பட்டறை உரிமையாளர்கள், லாரிகளுக்கான கூண்டு கட்டும் பணியை மேற்கொள்ள முடியாமல் தடுமாறுகின்றனர்.
 வட மாநிலங்களில் லாரி கூண்டு கட்டும் பட்டறைகள் இருந்தாலும், தரமான, உறுதியான, தகுதியான அளவில் லாரிகளுக்கு கூண்டு கட்டுவதற்காக அந்த மாநிலங்களைச் சேர்ந்தவர்களும் நாமக்கல்லை நாடி வந்த நிலை கொஞ்சம், கொஞ்சமாக மாறி வருகிறது. மகாராஷ்டிர மாநிலம் புணேவில் உள்ள இந்திய வாகனப் பதிவு மையத்தில், ஒவ்வொரு லாரி பட்டறை உரிமையாளரும், தங்களுடைய நிறுவனத்தைப் பதிவு செய்ய வேண்டும் என்று உத்தரவு வெளியிடப்பட்டுள்ளது. மேலும், அந்த மையம் சான்றளித்தால் மட்டுமே, வட்டாரப் போக்குவரத்து அலுவலகங்களில், கூண்டு கட்டப்பட்ட லாரிகளுக்கு பதிவு எண் கிடைக்கும்.
 மேலும், மரங்களைக் கொண்டு கூண்டு கட்டப்பட்ட லாரிகள், இனிமேல் உலோகங்களினால் மட்டுமே கூண்டு கட்ட வேண்டும் என்ற உத்தரவு அமலுக்கு வரவுள்ளது. வரும் அக்டோபர் 1-ஆம் தேதி முதல் இந்த நடைமுறை செயல்பாட்டுக்கு வருகிறது. அதுமட்டுமின்றி, மனிதப் பயன்பாடின்றி இயந்திரங்களைக் கொண்டே கூண்டு கட்ட வேண்டும் என்ற விதியும் வகுக்கப்பட்டுள்ளது. மேலும், கூண்டு கட்டும் பட்டறைகள் 12 ஆயிரம் சதுரஅடி அளவில் அமைக்கப்பட வேண்டும். தேவையான பாதுகாப்பு உபகரணங்கள் அனைத்தும் பட்டறையில் இருக்க வேண்டும்.
 பட்டறைகள் முறையின்றி அமையுமானால், உரிமம் ரத்து செய்யப்படும் என்ற கட்டுப்பாட்டினை மத்திய அரசு கொண்டு வந்துள்ளது. இவற்றில் இருந்து விலக்கு அளிக்க வேண்டும் என லாரி கூண்டு கட்டும் பட்டறை உரிமையாளர்கள் சங்கம் சார்பில், மத்திய போக்குவரத்து அமைச்சகத்திடம் கோரிக்கை மனு அளிக்கப்பட்டுள்ளது. மத்தியில் அமைந்துள்ள புதிய அமைச்சரவை, தங்களுடைய கோரிக்கைகளை நிறைவேற்றும் என்ற நம்பிக்கையில் பட்டறை உரிமையாளர்கள் உள்ளனர்.
 நாமக்கல் தாலுகா லாரி கூண்டு கட்டும் பட்டறைகள் உரிமையாளர்கள் சங்கத் தலைவர் எம்.புகழேந்திரன் கூறியது: சரக்குப் போக்குவரத்தில் மரத்தினாலான வாகனங்கள் தயாரிப்பு என்பது லாரியைத் தவிர்த்து வேறு எதிலும் கிடையாது. பாதுகாப்பு சாதனங்களுடன் கூடிய கார் உருவாக்கப்பட்டதைத் தொடர்ந்து, முழுவதும் இரும்பினாலும், பல்வேறு வசதிகளுடன் கூடிய வகையிலும் பேருந்துகள் தயாரிக்கப்பட்டு வருகின்றன. லாரி கூண்டு கட்டுவது என்பது, நாமக்கல் சுற்று வட்டாரங்களில் அதிகம் நடைபெறுகிறது. இதற்காக, மலேசியா, தாய்லாந்து போன்ற நாடுகளில் இருந்து மரப் பட்டைகளை இறக்குமதி செய்து வந்தோம்.
 ஆனால் அக்டோபர் 1 -ஆம் தேதி முதல் இரும்பைக் கொண்டே கூண்டு கட்ட வேண்டும் என மத்திய அரசு அறிவுறுத்தியுள்ளது. இரும்பினைப் பொருத்தவரை, இந்தியாவிலேயே அதிகம் கிடைக்கிறது. இதனால் இறக்குமதி செலவு என்பது ஓரளவு குறையும் என்றாலும், புணேவில் உள்ள இந்திய வாகனப் பதிவு மையம் அனுமதி சான்றைப் பெற்றால் மட்டுமே பட்டறைகளையும், புதிதாக கூண்டு கட்டிய லாரிகளையும் பயன்பாட்டுக்கு கொண்டு வர முடியும் என்ற விதி வகுக்கப்பட்டுள்ளது.
 தமிழகத்தில் பெரும்பாலும் சிறிய பட்டறை உரிமையாளர்களே உள்ளனர். 12 ஆயிரம் சதுர அடி நிலம் வேண்டும், மனிதப் பயன்பாடு இல்லாமல் முழுவதும் இயந்திரமயமாக வேண்டும் போன்ற விதிகளால் அவர்கள் அச்சத்தில் உள்ளனர். எங்களைப் போன்ற சங்க நிர்வாகிகள் விதிகளைத் தளர்த்த வேண்டும் என்ற கோரிக்கையை விளக்கமாக மத்திய அரசிடம் எடுத்துரைத்துள்ளோம். விரைவில் நல்ல பதில் வரும் என எதிர்பார்க்கிறோம்.
 தற்போது ஒரு லாரி கூண்டு கட்டுவதற்கு 6 டயர் லாரியாக இருந்தால் ரூ.3.50 லட்சம், 12 டயராக இருந்தால் ரூ.10 லட்சம், இதைத் தவிர்த்து ஜி.எஸ்.டி. வரியும் உண்டு. கூண்டும் கட்டும் பணியில் ஈடுபடும் ஊழியருக்கும், இத் தொழிலில் ஜி.எஸ்.டி. என்பது உண்டு. நாமக்கல்லில் 350 பட்டறைகளுக்கு மேல் உள்ளன. மத்திய அரசு கொண்டு வந்துள்ள கட்டுப்பாடுகளில் இருந்து சிறு, குறு கூண்டு கட்டும் உரிமையாளர்களைக் காப்பாற்ற, நாமக்கல் }திருச்செங்கோடு சாலையில், வேலகவுண்டம்பட்டி அருகில் எங்களுடைய உறுப்பினர்களுக்கென நிலம் வாங்கியுள்ளோம். ஓரிரு நாளில் ஒவ்வொரு பட்டறை உரிமையாளருக்குத் தேவையான இடத்தை ஒதுக்கிக் கொடுத்து, அங்கேயே கூண்டு கட்டும் தொழிலைச் செய்வதென முடிவெடுத்துள்ளோம். அனைத்து வசதிகளும் தயார் நிலையில் உள்ளன. லாரி கூண்டு கட்டும் தொழில் வளர்ச்சியடைந்திருந்தாலும், பட்டறை உரிமையாளர்கள், தொழிலாளர்களுக்கான லாபத்தை பெரிதாக ஈட்டிக் கொடுப்பதில்லை. இரும்பினால் கூண்டு கட்டப்படும் லாரிகள் பயன்பாட்டுக்கு வரும்போது ஓட்டுநர்கள் பயமின்றி இயக்க முடியும், விபத்து ஏற்பட்டால் உயிர் பிழைக்கும் வகையிலான பாதுகாப்பு அம்சங்கள் புதிய லாரிகளில் இருக்கும் என்றார்.
 -எம். மாரியப்பன்
 
 
 
 

]]>
https://www.dinamani.com/business/2019/jun/03/புதிய-விதிமுறைகளால்-பாதிப்புக்குள்ளாகும்-லாரி-கூண்டு-கட்டும்-தொழில்-3163876.html
3163877 வர்த்தகம் விரைவில் புதிய தொழில் கொள்கை DIN DIN Monday, June 3, 2019 11:08 AM +0530 கூடுதல் பெரும்பான்மை பலத்துடன் தொடர்ந்து இரண்டாவது முறையாக ஆட்சிக் கட்டிலில் அமர்ந்துள்ள தேசிய ஜனநாயகக் கூட்டணியின் புதிய தொழில் கொள்கை விரைவில் வெளியாகும் என்று எதிர்பார்க்கலாம்.
 நாடு சுதந்திரம் பெற்றதிலிருந்து மூன்றாவது முறையாக வெளியிடப்படவுள்ள இப்புதிய தொழில் கொள்கையில் குறு, சிறு மற்றும் நடுத்தர நிறுவனங்களில் வேலைவாய்ப்புகளை அதிகரிக்க அதிக முக்கியத்துவம் தரப்பட்டுள்ளது.
 மேலும், ஆலைகளில் செயற்கை நுண்ணறிவு தொழில்நுட்பத்தை புகுத்துவதற்கும், இணையதள நடவடிக்கைகளை ஊக்குவிப்பதற்கும் இப்புதிய கொள்கையில் வழிவகை செய்யப்பட்டுள்ளது.
 மொத்த உள்நாட்டு உற்பத்தியில் 16.5 சதவீதமாக உள்ள தயாரிப்பு துறையின் பங்களிப்பை 25 சதவீதமாக அதிகரிக்கும் வகையிலான புதிய தொழில் கொள்கையை வடிவமைக்கும் பணி கடந்த 2016-ஆம் ஆண்டே தொடங்கப்பட்டு விட்டது.
 அதற்கு ஏதுவாக, வேலைவாய்ப்பு உருவாக்கத்துக்கான சலுகைகள், திறன் மேம்பாடு, ஆராய்ச்சி மற்றும் மேம்பாட்டு துறையில் அதிக வேலைவாய்ப்புகள் உருவாக்கப்படும் என்ற நிறுவனங்களின் உறுதிமொழி ஆகியவற்றின் அடிப்படையில் புதிய தொழில் கொள்கை உருவாக்கப்பட்டது.
 மின்னணுப் பொருள்கள், தொலைத்தொடர்பு கருவிகள், மின் உபகரணங்கள், மருந்து தயாரிப்புக்கான மூலப் பொருள்கள் ஆகியவை பெருமளவு இறக்குமதி செய்யப்பட்டதன் காரணமாக, நமது நாட்டின் இறக்குமதி செலவினம் கணிசமாக அதிகரித்தது. இதற்கு தீர்வு காணும் வகையில், இறக்குமதிக்கான தெளிவான மாற்றுத் திட்டங்களை இப்புதிய தொழில் கொள்கையில் மத்திய வர்த்தக அமைச்சகம் பரிந்துரை செய்துள்ளதாக தெரிகிறது.
 தொழில் கொள்கை மற்றும் மேம்பாட்டுத் துறையால் வடிவமைக்கப்பட்டுள்ள புதிய தொழில் கொள்கையில் வரிகளை குறைந்த விகிதத்தில் மாற்றியமைக்கவும், தொழில் தொடங்க எளிதில் நிதி கிடைப்பதை உறுதி செய்யவும் நடவடிக்கை எடுக்க வேண்டும் என கேட்டுக் கொள்ளப்பட்டுள்ளது. இதன் மூலம், தொழில் முனைவோர் எளிதில் தங்களது தொழில்களை கட்டமைத்து நிர்வகிக்க முடியும் என்று தெரிவிக்கப்பட்டுள்ளது.
 வரி சீரமைப்பு என்று வரும்போது ஜிஎஸ்டி மற்றும் நிறுவன வரி ஆகிய இரண்டையுமே சீர்தூக்கிப் பாத்து தகுந்த அளவில் நிர்ணயிக்க வேண்டும். அத்துடன், குறு, சிறு, நடுத்தர நிறுவனங்களின் நிதி உதவிக்காக தனி அமைப்பு ஏற்படுத்தப்பட வேண்டும் என புதிய தொழில் கொள்கையில் வலியுறுத்தப்பட்டுள்ளதாக தெரிவிக்கின்றனர் தொழில்துறை அமைச்சக அதிகாரிகள்.
 தொழில் புரட்சி 4.0-வின் முக்கிய இலக்கு, தயாரிப்பு துறையில் செயற்கை நுண்ணறிவு, இணையதளம், ரோபாட்டிக்ஸ் ஆகிய தொழில்நுட்பங்களை நடைமுறைப்படுத்துவதாகும். இது தொழில் துறைக்கு ஊக்கமளிப்பதாக இருந்தாலும், வேலைவாய்ப்புகளை உருவாக்குவது என்பது சவாலானதே.
 இந்தநிலையில், அந்நிய நேரடி முதலீட்டு கொள்கைகளை நாம் மறுஆய்வுக்கு உட்படுத்துவது அத்தியாவசியமானதாக கருதப்படுகிறது. இதன்மூலம், இந்திய தொழில் துறையில் அந்நிய நேரடி முதலீட்டை அதிக அளவு தக்க வைத்துக் கொள்வதுடன், தாய் நிறுவனங்களிலிருந்து தொழில்நுட்பங்களையும் பெற முடியும் என்கின்றனர் அதிகாரிகள்.
 மதிப்புக் கூட்டு தொழில்முறையில் கவனத்துடன் முன்னேற வேண்டும்.இது, உள்ளூர் தொழில் நிறுவனங்களுக்கு மட்டுமின்றி, பெரிய நிறுவனங்கள் தங்களது பல்வேறு தொழில் கிளைகளை இங்கே உருவாக்கப் பேருதவியாக அமையும் என்கின்றனர் தொழில் துறை அமைச்சக அதிகாரிகள்.
 தற்போது மூலப் பொருள்களுக்கான வரி விகிதம் அதிகமாகவே உள்ளது. இதற்கு நிதி அமைச்சகத்திடம் கலந்தாலோசித்து விரைவாக தீர்வு காணப்பட வேண்டும். இப்பிரச்னை வரும் பட்ஜெட்டில் எதிரொலிக்கும் என்று எதிர்பார்க்கப்படுகிறது.
 உலக வர்த்தக அமைப்பின் வரிவிதிப்பு கொள்கைகளின் கெடுபிடியால் , உள்ளூர் உற்பத்திக்கு ஊக்கத்தொகை வழங்கும் கொள்கையை செயல்படுத்துவதில் சிக்கல் ஏற்பட்டுள்ளது. ஆனால், அமெரிக்கா உள்ளிட்ட பல நாடுகள் தங்களது உள்நாட்டுத் தொழில் ஊக்குவிப்பை வெற்றிகரமாக மேற்கொண்டு வருகின்றன. எனவே, அது போன்ற சாத்தியக்கூறுகள் இருக்குமெனில் நாமும் அதனை செயல்படுத்த தயங்கக் கூடாது என்பதே தொழில்துறை அமைச்சக அதிகாரிகளின் கருத்தாகும்.


 -அ.ராஜன் பழனிக்குமார்

]]>
https://www.dinamani.com/business/2019/jun/03/விரைவில்-புதிய-தொழில்-கொள்கை-3163877.html
3163314 வர்த்தகம் தங்கப் பத்திரத்தின் விலை கிராமுக்கு ரூ.3,196: மத்திய அரசு DIN DIN Sunday, June 2, 2019 02:09 AM +0530 மத்திய அரசு, திங்கள்கிழமை புதிய வரிசையில் வெளியிடவுள்ள தங்கப் பத்திரங்களுக்கான விலையை கிராமுக்கு ரூ.3,196-ஆக நிர்ணயம் செய்துள்ளது.
 மத்திய அரசு வெளியிடும் தங்கப் பத்திரங்கள் விற்பனை வரும் திங்கள்கிழமை (ஜன.3) தொடங்க உள்ளது. தற்போது வெளியிடப்படவுள்ள தங்கப் பத்திரங்களுக்கான விலை கிராமுக்கு ரூ.3,196-ஆக நிர்ணயம் செய்யப்பட்டுள்ளது.
 தங்கப் பத்திரங்களை வாங்க ஆன்லைன் மூலம் விண்ணப்பித்து பணம் செலுத்தும் வாடிக்கையாளர்களுக்கு வெளியீட்டு விலையிலிருந்து ரூ.50 தள்ளுபடி அளிக்க ரிசர்வ் வங்கியுடன் ஆலோசித்து மத்திய அரசு முடிவெடுத்துள்ளது.
 இதையடுத்து, இந்த வகை முதலீட்டாளர்களுக்கு தங்கப் பத்திரம் கிராமுக்கு ரூ.3,146- விலையில் வழங்கப்படும். நடப்பு நிதியாண்டின் முதல் அரையாண்டுக்கான தங்கப் பத்திர விற்பனைக்கான அட்டவணையை ரிசர்வ் வங்கி கடந்த வியாழக்கிழமை வெளியிட்டது. அதில், நடப்பாண்டு ஜூன் முதல் செப்டம்பர் வரை ஒவ்வொரு மாதமும் தங்கப் பத்திர விற்பனை நடைபெறும் என்று ரிசர்வ் வங்கி கூறியுள்ளது.
 தனி நபர் ஒருவர் நிதியாண்டுக்கு அதிகபட்சம் 500 கிராம் வரையிலான தங்கப் பத்திரங்களில் முதலீடு செய்யலாம். வங்கிகள், பங்கு விற்பனை மையங்கள், அஞ்சல் அலுவலகங்கள், மும்பை மற்றும் தேசிய பங்குச் சந்தைகள் ஆகியவற்றின் மூலமாக இந்த தங்க பத்திர விற்பனை நடைபெற உள்ளது.
 

]]>
https://www.dinamani.com/business/2019/jun/02/தங்கப்-பத்திரத்தின்-விலை-கிராமுக்கு-ரூ3196-மத்திய-அரசு-3163314.html
3163313 வர்த்தகம் மாருதி சுஸுகி கார் விற்பனை 22 சதவீதம் சரிவு DIN DIN Sunday, June 2, 2019 02:09 AM +0530 நாட்டின் மிகப்பெரிய கார் தயாரிப்பு நிறுவனமான மாருதி சுஸுகியின் வாகன விற்பனை சென்ற மே மாதத்தில் 22 சதவீதம் சரிந்துள்ளது.
 இதுகுறித்து மாருதி சுஸுகி இந்தியா சனிக்கிழமை வெளியிட்ட அறிக்கையில் தெரிவித்துள்ளதாவது:
 மாருதி சுஸுகி நிறுவனம் நடப்பாண்டு மே மாதத்தில் 1,34,641 கார்களை விற்பனை செய்துள்ளது. இது, கடந்த 2018-ஆம் ஆண்டு இதே கால அளவில் விற்பனையான 1,72,512 கார்களுடன் ஒப்பிடுகையில் 22 சதவீதம் குறைவாகும்.
 குறிப்பாக, உள்நாட்டில் கார் விற்பனை 1,63,200 என்ற எண்ணிக்கையிலிருந்து 23.1 சதவீதம் சரிந்து 1,25,552-ஆனது.
 ஆல்டோ, வேகன் ஆர் உள்ளிட்ட சிறிய ரக கார்கள் விற்பனை 37,864-லிருந்து 56.7 சதவீதம் வீழ்ச்சியடைந்து 16,394-ஆனது.
 அதேபோன்று, ஸ்விஃப்ட், செலிரியோ, இக்னிஸ், பலேனோ மற்றும் டிசையர் மாடல் விற்பனையும் 9.2 சதவீதம் குறைந்து 70,135-ஆகியது.
 செடன் சியாஸ் கார் விற்பனை 4,024 என்ற எண்ணிக்கையிலிருந்து 3,592-ஆக குறைந்து போனது.
 விட்டாரா பிரெஸ்ஸா, எஸ்-கிராஸ், எர்டிகா ஆகியவற்றின் விற்பனையும் 25.3 சதவீதம் சரிந்துள்ளது.
 மேலும், நிறுவனத்தின் வாகன ஏற்றுமதியும் மே மாதத்தில் 9,312 என்ற எண்ணிக்கையிலிருந்து 2.4 சதவீதம் குறைந்து 9,089-ஆக இருந்தது என அந்த அறிக்கையில் மாருதி சுஸுகி தெரிவித்துள்ளது.
 
 

]]>
https://www.dinamani.com/business/2019/jun/02/மாருதி-சுஸுகி-கார்-விற்பனை-22-சதவீதம்-சரிவு-3163313.html
3163312 வர்த்தகம் அந்நியச் செலாவணி கையிருப்பு 199 கோடி டாலர் அதிகரிப்பு DIN DIN Sunday, June 2, 2019 02:07 AM +0530 இந்தியாவின் அந்நியச் செலாவணி கையிருப்பு மே 24-ஆம் தேதியுடன் முடிவடைந்த வாரத்தில் 199 கோடி டாலர் (ரூ.13,930 கோடி) அதிகரித்துள்ளது என ரிசர்வ் வங்கி தெரிவித்துள்ளது.
 இதுகுறித்து ரிசர்வ் வங்கி வெளியிட்ட புள்ளிவிவரத்தில் தெரிவிக்கப்பட்டுள்ளதாவது:
 அந்நியச் செலாவணி சொத்து மதிப்பு கணிசமாக அதிகரித்ததையடுத்து, நாட்டின் அந்நியச் செலாவணி கையிருப்பு கடந்த மே 24-ஆம் தேதியுடன் முடிவடைந்த வாரத்தில் 199 கோடி டாலர் அதிகரித்து 41,999 கோடி டாலராக (ரூ.29.39 லட்சம் கோடி) உள்ளது.
 இதற்கு முந்தைய வாரத்தில் செலாவணி கையிருப்பு 205 கோடி டாலர் குறைந்து 41,800 கோடி டாலராக காணப்பட்டது.
 மதிப்பீட்டு வாரத்தில், ஒட்டுமொத்த கையிருப்பில் முக்கிய பங்களிப்பாக உள்ள அந்நியச் செலாவணி சொத்து மதிப்பு 199 கோடி டாலர் உயர்ந்து 39,218 கோடி டாலராக இருந்தது.
 தங்கத்தின் கையிருப்பு மாற்றம் எதுவுமின்றி 2,302 கோடி டாலர் என்ற அளவிலேயே உள்ளது. சர்வதேச நிதியத்தில் எஸ்டிஆர் 8 லட்சம் டாலர் அதிகரித்து 144.5 கோடி டாலராகவும், நாட்டின் கையிருப்பு நிலை 20 லட்சம் டாலர் உயர்ந்து 333.6 கோடி டாலராகவும் இருந்தது என ரிசர்வ் வங்கி புள்ளிவிவரத்தில் தெரிவிக்கப்பட்டுள்ளது.
 

]]>
https://www.dinamani.com/business/2019/jun/02/அந்நியச்-செலாவணி-கையிருப்பு-199-கோடி-டாலர்-அதிகரிப்பு-3163312.html
3163017 வர்த்தகம் ரூ.1 லட்சம் கோடியை தாண்டிய மே மாத ஜிஎஸ்டி வசூல்! DIN DIN Saturday, June 1, 2019 05:48 PM +0530  

சரக்கு மற்றும் சேவை வரி (ஜிஎஸ்டி) வசூல் மே மாதத்தில் ரூ.1 லட்சம் கோடியை தாண்டியுள்ளது.

இதுதொடர்பாக மத்திய நிதியமைச்சகம் சனிக்கிழமை வெளியிட்ட அறிக்கையில் தெரிவிக்கப்பட்டுள்ளதாவது:

2019-ஆம் ஆண்டு மே மாதம் மட்டும் மொத்தம் ரூ.1,00,289 கோடி ஜிஎஸ்டி வரி வசூலாகியுள்ளது. இதில் (சி) ஜிஎஸ்டி ரூ.17,811 கோடி, (எஸ்) ஜிஎஸ்டி ரூ.24,462 கோடி, ஒருங்கிணைந்த (ஐ) ஜிஎஸ்டி ரூ.49,891 கோடி (இறக்குமதி வரி ரூ.24,875 உட்பட) மற்றும் கூடுதல் வரி (செஸ்) ரூ.8,125 கோடி (இறக்குமதி வரி ரூ.953 உட்பட) வசூலாகியுள்ளது.

முன்னதாக, சரக்கு மற்றும் சேவை வரி (ஜிஎஸ்டி) வசூல் கடந்த ஏப்ரல் மாதத்தில் ரூ.1.13 லட்சம் கோடியாக உயர்ந்து புதிய சாதனை படைத்தது. ஜிஎஸ்டி அறிமுகம் செய்யப்பட்டதிலிருந்து கிடைத்த அதிகபட்ச வருவாயாக இது என்பது குறிப்பிடத்தக்கது. 

]]>
GST, GST revenue https://www.dinamani.com/business/2019/jun/01/gst-revenue-collected-in-may-2019-is-rs-100289-crores-3163017.html
3162317 வர்த்தகம் சுந்தரம் பைனான்ஸ் லாபம் ரூ.675 கோடி DIN DIN Saturday, June 1, 2019 12:46 AM +0530
வங்கி சாரா நிதி நிறுவனமான சுந்தரம் பைனான்ஸ் மார்ச் மாதத்துடன் முடிவடைந்த நான்காவது காலாண்டில் ரூ.675 கோடி நிகர லாபம் ஈட்டியுள்ளது. 
இதுகுறித்து அந்த நிறுவனம் வெளியிட்ட செய்திக்குறிப்பில் தெரிவித்துள்ளதாவது:
2019 ஜனவரி முதல் மார்ச் வரையிலான நான்காவது காலண்டில் நிறுவனம் செயல்பாடுகள் மூலம் ரூ.881 கோடி வருவாய் ஈட்டியது. கடந்த 2018 இதே கால அளவில் வருவாய் ரூ.788 கோடியாக காணப்பட்டது. நிகர லாபம் ரூ.138 கோடியிலிருந்து அதிகரித்து ரூ.675 கோடியானது.
கடந்த மார்ச் மாதத்துடன் நிறைவடைந்த 2018-19 நிதியாண்டில் நிறுவனத்தின் வருவாய் ரூ.2,806 கோடியிலிருந்து உயர்ந்து ரூ.3,398 கோடியாக இருந்தது. நிகர லாபம் ரூ.563 கோடியிலிருந்து அதிகரித்து ரூ.1,126 கோடியானது என செய்திக்குறிப்பில் சுந்தரம் பைனான்ஸ் நிறுவனம் தெரிவித்துள்ளது.
 

]]>
https://www.dinamani.com/business/2019/jun/01/சுந்தரம்-பைனான்ஸ்-லாபம்-ரூ675-கோடி-3162317.html
3162316 வர்த்தகம் என்எல்சி லாபம் ரூ.1,266 கோடி DIN DIN Saturday, June 1, 2019 12:45 AM +0530
என்எல்சி இந்தியா நிறுவனம்  கடந்த 2018-19-ஆம் நிதியாண்டில் ரூ.1,266.97 கோடி நிகர லாபம் ஈட்டியுள்ளது.
இதுகுறித்து அந்நிறுவனத்தின் செய்திக்குறிப்பில் தெரிவிக்கப்பட்டுள்ளதாவது: 
2017-18-ஆம் நிதியாண்டில் என்எல்சி நிறுவனம் மொத்த வருவாயாக ரூ.9,083.05 கோடி ஈட்டியிருந்த நிலையில், கடந்த 2018-19-ஆம் நிதியாண்டில் இது ரூ.8,059.27 கோடியாக குறைந்துள்ளது. பசுமை வரியை நீக்கியது வருவாய் குறைவுக்கு காரணமாக அமைந்தது.  நிகர லாபம் ரூ.1,848.78 கோடியிலிருந்து குறைந்து ரூ.1,266.97 கோடியானது.  
31.3.2019 அன்றுடன் நிறைவடைந்த 2018-19-ஆம் நிதியாண்டில் இந்த நிறுவனத்தின் மின் நிலையங்கள் 2,067.70 கோடி யூனிட் மின் சக்தியை உற்பத்தி செய்துள்ளன. 
2017-18-ஆம் நிதியாண்டில் நிறுவனம் ரூ.372.57 கோடிக்கு பழுப்பு நிலக்கரி விற்பனை செய்த நிலையில், 2018-19-ஆம் நிதியாண்டில் அதன் விற்பனை 55 சதவீதம் அதிகரித்து ரூ.579.28 கோடியை எட்டியது. 
மேலும், 2018-19-ஆம் நிதியாண்டில் புதிய திட்டங்களை அமைக்க முதல் முறையாக ரூ.7,111 கோடி மதிப்பிலான தொகை முதலீடு செய்யப்பட்டதாக அந்த செய்திக்குறிப்பில் என்எல்சி தெரிவித்துள்ளது.
 

]]>
https://www.dinamani.com/business/2019/jun/01/என்எல்சி-லாபம்-ரூ1266-கோடி-3162316.html
3162315 வர்த்தகம் பங்குச் சந்தைகளில் திடீர் சரிவு DIN DIN Saturday, June 1, 2019 12:45 AM +0530
சாதகமற்ற சர்வதேச மற்றும் உள்நாட்டு நிலவரங்களால் இந்தியப் பங்குச் சந்தைகளில் வெள்ளிக்கிழமை நடைபெற்ற வர்த்தகம் திடீர் சரிவைக் கண்டது.
பொருளாதாரம் மற்றும் முக்கிய 8 துறைகளின் வளர்ச்சி குறித்த மத்திய அரசின் புள்ளிவிவரங்கள் வெள்ளிக்கிழமை வெளியாகவிருந்த நிலையில் முதலீட்டாளர்கள் முன்னெச்சரிக்கை உணர்வுடன் பங்கு வர்த்தகத்தில் ஈடுபட்டனர்.
 அதன் காரணமாக, பங்கு சந்தைகளில் வர்த்தகம் அதிக ஏற்ற இறக்கத்துடனேயே காணப்பட்டது.
குறிப்பாக, மோட்டார் வாகனம், நிதி துறையைச் சேர்ந்த நிறுவனங்களின் பங்குகளை முதலீட்டாளர்கள் லாப நோக்கம் கருதி விற்பனை செய்ததையடுத்து அத்துறைகளைச் சேர்ந்த குறியீட்டெண் 1.30 சதவீதம் வரை சரிந்தது.
அதேசமயம், எண்ணெய்-எரிவாயு, தொலைத்தொடர்பு, எரிசக்தி துறை குறியீட்டெண் 1.07 சதவீதம் வரை உயர்ந்தது.
யெஸ் வங்கி பங்கின் விலை 4.27 சதவீதம் வீழ்ச்சியடைந்தது. மேலும், ஐடிசி, வேதாந்தா, மஹிந்திரா நிறுவன பங்குகளின் விலை 3.61 சதவீதம் வரை குறைந்தது.
ஏஷியன்பெயின்ட்ஸ், டிசிஎஸ் மற்றும் ஹெச்சிஎல் டெக் நிறுவன பங்குகளின் விலை 2.43 சதவீதம் வரை ஏற்றம் கண்டது. 
மும்பை பங்குச் சந்தையில் வெள்ளிக்கிழமை நடைபெற்ற வர்த்தகத்தில் சென்செக்ஸ் 117 புள்ளிகள் சரிந்து 39,714 புள்ளிகளில் நிலைபெற்றது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 23 புள்ளிகள் குறைந்து 11,922 புள்ளிகளில் நிலைபெற்றது.
 

]]>
https://www.dinamani.com/business/2019/jun/01/பங்குச்-சந்தைகளில்-திடீர்-சரிவு-3162315.html
3162314 வர்த்தகம் முக்கிய 8 துறைகள் உற்பத்தி 2.6 சதவீதமாக குறைவு DIN DIN Saturday, June 1, 2019 12:44 AM +0530
முக்கிய 8 துறைகளின் உற்பத்தி வளர்ச்சி சென்ற ஏப்ரல் மாதத்தில் 2.6   சதவீதமாக குறைந்துள்ளது. 
இதுகுறித்து மத்திய அரசு வெள்ளிக்கிழமை வெளியிட்ட புள்ளி விவரத்தில் தெரிவித்துள்ளதாவது:
கடந்த 2018-ஆம் ஆண்டு ஏப்ரல் மாதத்தில் முக்கிய 8 துறைகளின் உற்பத்தி வளர்ச்சி 4.7  சதவீதமாக காணப்பட்டது. இது, நடப்பு 2019-ஆண்டின் இதே கால அளவில் 2.6  சதவீதமாக குறைந்துள்ளது.
நடப்பாண்டு ஏப்ரலில் நிலக்கரி துறையின் உற்பத்தி வளர்ச்சி 2.8 சதவீதமாக சரிவை சந்தித்துள்ளது. இதைத் தவிர, கச்சா எண்ணெய், இயற்கை எரிவாயு, உரம் ஆகிய துறைகளின் உற்பத்தி வளர்ச்சியும் பின்னடைவையே சந்தித்துள்ளது.  
அதேசமயம், மின் உற்பத்தி துறையின் உற்பத்தி வளர்ச்சி 5.8 சதவீதம் என்ற அளவிலும், சுத்திகரிப்பு பொருள்கள் துறையின் உற்பத்தி 4.3 சதவீதம் என்ற அளவிலும் அதிகரித்து காணப்பட்டது என புள்ளிவிவரத்தில் மத்திய அரசு தெரிவித்துள்ளது.
நிலக்கரி, கச்சா எண்ணெய், இயற்கை எரிவாயு, சுத்திகரிப்பு பொருள்கள், உரம், உருக்கு, சிமென்ட் மற்றும் மின்சாரம் ஆகிய எட்டு உள்கட்டமைப்பு துறைகளின் வளர்ச்சி தொழில் துறை உற்பத்தி குறியீட்டு எண்ணை (ஐஐபி) கணக்கிடுவதில் அதிக தாக்கத்தை ஏற்படுத்துகிறது. மொத்த தொழிலக உற்பத்தியில் இந்த எட்டு துறைகளின் பங்களிப்பு மட்டும் 41 சதவீதம் அளவுக்கு உள்ளது குறிப்பிடத்தக்கது.
 

]]>
https://www.dinamani.com/business/2019/jun/01/முக்கிய-8-துறைகள்-உற்பத்தி-26-சதவீதமாக-குறைவு-3162314.html
3162313 வர்த்தகம் பங்கேற்பு ஆவணங்களில் ரூ.81,220 கோடி முதலீடு DIN DIN Saturday, June 1, 2019 12:44 AM +0530
மூலதன சந்தைகளில் பங்கேற்பு ஆவணங்கள் மூலமாக ஏப்ரல் இறுதி நிலவரப்படி ரூ.81,220 கோடி முதலீடு செய்யப்பட்டுள்ளது.
இதுகுறித்து செபி புள்ளிவிவரத்தில் தெரிவிக்கப்பட்டுள்ளதாவது:
உள்நாட்டு மூலதன சந்தைகளில் பங்குகள், கடன்பத்திரங்கள் ஆகியவற்றில் பார்டிசிபேட்டரி நோட் எனப்படும் பங்கேற்பு ஆவணங்கள் மூலமாக ஏப்ரல் இறுதி வரையில் ரூ.81,220 கோடி முதலீடு மேற்கொள்ளப்பட்டுள்ளது.
இதில் பங்கு சார்ந்த திட்டங்களில் ரூ.58,220 கோடியும், கடன் சந்தையில் ரூ.21,542 கோடியும்,  நிதி சந்தை பத்திரங்களில் ரூ.123 கோடியும் முதலீடு செய்யப்பட்டுள்ளன.
மார்ச் மாத இறுதியில் ரூ.78,110 கோடியாக காணப்பட்ட பங்கேற்பு ஆவண முதலீடு மார்ச் மாதத்தில் 3.98 சதவீதம் அதிகரித்துள்ளது என்று புள்ளிவிவரத்தில் செபி தெரிவித்துள்ளது. பதிவு செய்யப்பட்ட அந்நிய முதலீட்டாளர் நிறுவனங்கள் வழங்கும் பங்கேற்பு ஆவணங்கள் மூலம் வெளிநாட்டு முதலீட்டாளர்கள் இந்திய பங்குச் சந்தைகளின் வர்த்தகத்தில் பங்கெடுக்க முடியும். இதனால், அவர்கள் நேரடியாக பதிவு செய்ய வேண்டியதில்லை.

]]>
https://www.dinamani.com/business/2019/jun/01/பங்கேற்பு-ஆவணங்களில்-ரூ81220-கோடி-முதலீடு-3162313.html
3161627 வர்த்தகம் ரெப்கோ வங்கி நிகர லாபம் ரூ.107 கோடி DIN DIN Friday, May 31, 2019 12:45 AM +0530
சென்னையைத் தலைமையிடமாகக் கொண்டு செயல்பட்டு வரும் ரெப்கோ வங்கி கடந்த 2018-19 நிதியாண்டில் ரூ.170 கோடி நிகர லாபம் ஈட்டியுள்ளது.
கடந்த மார்ச் 31-ஆம் தேதி நிலவரப்படி வங்கியின் மொத்த வர்த்தகம் ரூ.15,200 கோடியை எட்டியுள்ளது. வங்கி திரட்டிய டெபாசிட் 11.34 சதவீதம் வளர்ச்சி கண்டு ரூ.8,727 கோடியாகவும், வழங்கப்பட்ட கடன் 13.84 சதவீதம் அதிகரித்து ரூ.6,503 கோடியாகவும் இருந்தது.
2017-18 நிதியாண்டுடன் ஒப்பிடும்போது கடந்த நிதியாண்டில் மொத்த வாராக் கடன் விகிதம் 6.58 சதவீதத்திலிருந்து குறைந்து 6.33 சதவீதமாகவும், நிகர வாராக் கடன் விகிதம் 1.79 சதவீதத்திலிருந்து சரிந்து 1.56 சதவீதமாகவும் இருந்தது என செய்திக்குறிப்பில் ரெப்கோ வங்கி தெரிவித்துள்ளது.
 

]]>
https://www.dinamani.com/business/2019/may/31/ரெப்கோ-வங்கி-நிகர-லாபம்-ரூ107-கோடி-3161627.html
3161626 வர்த்தகம் லக்ஷ்மி விலாஸ் வங்கி நிகர இழப்பு ரூ.264 கோடி DIN DIN Friday, May 31, 2019 12:44 AM +0530
லக்ஷ்மி விலாஸ் வங்கியின் நிகர இழப்பு கடந்த நிதியாண்டின் நான்காவது காலாண்டில் ரூ.264.43 கோடியாக குறைந்துள்ளது. இது, 2017-18 நிதியாண்டின் இதே கால அளவில் ரூ.373.49 கோடியாக காணப்பட்டது.
நடப்பாண்டு மார்ச் 31-ஆம் தேதி நிலவரப்படி வங்கியின் மொத்த வர்த்தகம் ரூ.51,235 கோடியாக இருந்தது. கடந்த 2018 மார்ச் மாதத்தில் காணப்பட்ட மொத்த வணிகமான ரூ.60,314 கோடியுடன் ஒப்பிடுகையில் இது 15.05 சதவீதம் குறைவாகும்.
வழங்கப்பட்ட கடன் ரூ.27,005 கோடியிலிருந்து 18.70 சதவீதம் குறைந்து ரூ.21,956 கோடியாகி உள்ளது. அதேபோன்று திரட்டப்பட்ட மொத்த டெபாசிட்டும் ரூ.33,309 கோடியிலிருந்து 12.10 சதவீதம் சரிந்து ரூ.29,279 கோடியாகி உள்ளது என செய்திக்குறிப்பில் லக்ஷ்மி விலாஸ் வங்கி தெரிவித்துள்ளது.
 

]]>
https://www.dinamani.com/business/2019/may/31/லக்ஷ்மி-விலாஸ்-வங்கி-நிகர-இழப்பு-ரூ264-கோடி-3161626.html
3161625 வர்த்தகம் பியாஜியோ நிறுவனத்தின் புதிய ஸ்கூட்டர் அறிமுகம் DIN DIN Friday, May 31, 2019 12:44 AM +0530
இத்தாலியைச் சேர்ந்த இருசக்கர வாகன தயாரிப்பு நிறுவனமான பியாஜியோ அப்ரில்லா ஸ்டார்ம்  என்ற புதிய வகை ஸ்கூட்டரை இந்தியாவில் அறிமுகம் செய்துள்ளது.
இதுகுறித்து பியாஜியோ வெஹிக்கிள் இந்தியா தலைமை செயல் அதிகாரியும், நிர்வாக இயக்குநருமான டியேகோ கிராஃபி கூறியதாவது:
அனைவரும் ஆவலுடன் எதிர்பார்த்த அப்ரில்லா ஸ்டார்ம் ஸ்கூட்டர் அறிமுகப்படுத்தப்பட்டுள்ளது. அதி நவீன தொழில்நுட்பத்தில் வடிவமைக்கப்பட்ட இந்த ஸ்கூட்டர் ஏனைய தயாரிப்புகளிலிருந்து மிகவும் மாறுபட்டது.
125 சிசி திறன் கொண்ட இப்புதிய ஸ்கூட்டரின் விலை ரூ.65,000-ஆக நிர்ணயிக்கப்பட்டுள்ளது என்றார் அவர்.
இந்தியாவில், பியாஜியோ நிறுவனம் அபே பிராண்டில் மூன்று சக்கர வாகன விற்பனையை கடந்த 1999-ஆம் ஆண்டு முதல் மேற்கொண்டு வருகிறது. 
இந்நிறுவனம், வெஸ்பா மற்றும் அப்ரில்லா பிராண்டுகளில் ஸ்கூட்டர்களை விற்பனை செய்து வருகிறது.
 

]]>
https://www.dinamani.com/business/2019/may/31/பியாஜியோ-நிறுவனத்தின்-புதிய-ஸ்கூட்டர்-அறிமுகம்-3161625.html
3161624 வர்த்தகம் தமிழ்நாடு மெர்க்கன்டைல் வங்கியின் மொத்த வணிகம் 9.91% உயர்வு DIN DIN Friday, May 31, 2019 12:43 AM +0530
தமிழ்நாடு மெர்க்கன்டைல் வங்கியின் 2018-19ஆம் ஆண்டுக்கான மொத்த வணிகம் 9.91 சதவீதம் வளர்ச்சி அடைந்துள்ளதாக வங்கியின் நிர்வாக இயக்குநரும், தலைமை நிர்வாக அதிகாரியுமான கே.வி.ராமமூர்த்தி தெரிவித்தார்.
இதுகுறித்து அவர் மேலும் கூறியதாவது: 
 2018-19ஆம் நிதியாண்டில் வங்கியின் மொத்த வணிகம் 9.91 சதவீதம் வளர்ச்சி அடைந்து ரூ. 62,165.66 கோடியை எட்டியுள்ளது. வைப்புத் தொகை ரூ.35,136.25 கோடி என்ற நிலையை அடைந்துள்ளது. கடன்களை பொருத்தமட்டில் ரூ.27,029.41 கோடி என்ற நிலையில் உள்ளது.
நிகர லாபம் ரூ.221.92 கோடியிலிருந்து அதிகரித்து ரூ 258.58 கோடியானது. நிகர வட்டி வருமானம் ரூ. 1,209.73 கோடியிலிருந்து ரூ.1, 230.16 கோடியாக உயர்ந்துள்ளது.  
 நடப்பு நிதி ஆண்டுக்கான வங்கியின் மொத்த வணிக இலக்கு ரூ. 76,500 கோடியாக நிர்ணயிக்கப்பட்டுள்ளது என்றார் அவர்.
 

]]>
https://www.dinamani.com/business/2019/may/31/தமிழ்நாடு-மெர்க்கன்டைல்-வங்கியின்-மொத்த-வணிகம்-991-உயர்வு-3161624.html
3161623 வர்த்தகம் டிஎன்பிஎல் வருவாய் ரூ.1,059 கோடி DIN DIN Friday, May 31, 2019 12:43 AM +0530
தமிழ்நாடு செய்தித்தாள் காகித நிறுவனம் (டிஎன்பிஎல்), மார்ச் மாதத்துடன் முடிவடைந்த நான்காவது காலாண்டில் ரூ.1,059 கோடி வருவாய் ஈட்டியுள்ளது. இது, 2017-18 நிதியாண்டின் இதே கால அளவில் ரூ.1,062 கோடியாக காணப்பட்டது.
நிகர லாபம் ரூ.57.65 கோடியிலிருந்து குறைந்து ரூ.26.95 கோடியானது.
2018-19 முழு நிதியாண்டில் நிறுவனத்தின் மொத்த வருவாய் ரூ.4,121.95 கோடியாக காணப்பட்டது. முந்தைய 2017-18 நிதியாண்டில் ஈட்டிய வருவாய் ரூ.3,158.70 கோடியுடன் ஒப்பிடுகையில் இது 30 சதவீதம் அதிகமாகும். 
நடப்பாண்டு மார்ச் 31-ஆம் தேதியுடன் நிறைவடைந்த 2018-19 நிதியாண்டில் நிறுவனத்தின் காகித விற்பனை 4,45,389 மில்லியன் டன்னாகவும், காகித அட்டை விற்பனை 1,77,047 மில்லியன் டன்னாகவும் இருந்தது.
கடந்த நிதியாண்டுக்கு பங்கு ஒன்றுக்கு இயக்குநர்குழு ரூ.7.50 ஈவுத் தொகை அறிவித்துள்ளது என செய்திக்குறிப்பில் டிஎன்பிஎல் தெரிவித்துள்ளது.
 

]]>
https://www.dinamani.com/business/2019/may/31/டிஎன்பிஎல்-வருவாய்-ரூ1059-கோடி-3161623.html
3160216 வர்த்தகம் பஞ்சாப் நேஷனல் வங்கி இழப்பு ரூ.4,750 கோடியாக குறைவு DIN DIN Wednesday, May 29, 2019 12:47 AM +0530
பொதுத் துறையைச் சேர்ந்த பஞ்சாப் நேஷனல் வங்கியின் இழப்பு நான்காம் காலாண்டில் ரூ.4,750 கோடியாக குறைந்துள்ளது.
நிதி நிலை முடிவுகளை செவ்வாய்க்கிழமை வெளியிட்ட அவ்வங்கியின் நிர்வாக இயக்குநர் சுனில் மேத்தா மேலும் கூறியதாவது:
ஆபரண வர்த்தகர்களான மெகுல் சோக்ஸி மற்றும் நீரவ் மோடி ஆகியோரின் மோசடி நடவடிக்கைகளால் கடந்த 2017-18 நிதியாண்டில் ஜனவரி முதல் மார்ச் வரையிலான நான்காவது காலாண்டில் வங்கிக்கு முன்னெப்போதும் இல்லாத அளவில் ரூ.13,417 கோடி அளவுக்கு இழப்பு ஏற்பட்டிருந்தது. அதுபோன்ற மோசடிக்கு போதுமான தொகை ஒதுக்கீடு செய்யப்பட்டும் கூட 2018-19 நிதியாண்டில் வங்கிக்கு ஏற்பட்ட நிகர இழப்பு கடந்தாண்டுடன் ஒப்பிடுகையில் 65 சதவீதம் குறைந்துள்ளது.
வங்கியின் மொத்த வருவாய் ரூ.12,945.68 கோடியிலிருந்து அதிகரித்து ரூ.14,725.13 கோடியானது. 
குறிப்பாக, வங்கியின் செயல்பாட்டு லாபம் நான்காவது காலாண்டில் ரூ.2,861 கோடி என்ற அளவில் சிறப்பாக அதிகரித்துள்ளது. 
நடப்பாண்டு மார்ச் இறுதி நிலவரப்படி மொத்த வாராக் கடன் விகிதம் 18.38 சதவீதத்திலிருந்து கணிசமாக குறைந்து 15.50 சதவீதமாகியுள்ளது. அதேபோன்று,  நிகர வாரக் கடன் விகிதமும் 11.24 சதவீதத்திலிருந்து 6.56 சதவீதமாக சரிந்துள்ளது.
கடந்தாண்டுடன் ஒப்பிடும்போது கடன் மீட்பு நடவடிக்கைகளின் மதிப்பு 2018-19 நிதியாண்டில் இரண்டு மடங்கு அதிகரித்து ரூ.20,000 கோடியாகியுள்ளது. அதேசமயம், 2017-18 நிதியாண்டில் இது ரூ.9,666 கோடியாக காணப்பட்டது.
2018-19 முழு நிதியாண்டில் வருவாய் ரூ.57,608.19 கோடியிலிருந்து அதிகரித்து ரூ.59,514.53 கோடியாகவும், இழப்பு ரூ.12,283 கோடியிலிருந்து சரிந்து ரூ.9,975 கோடியாகவும் இருந்தது என்றார் அவர்.
 

]]>
https://www.dinamani.com/business/2019/may/29/பஞ்சாப்-நேஷனல்-வங்கி-இழப்பு-ரூ4750-கோடியாக-குறைவு-3160216.html
3160215 வர்த்தகம் 6 ஆண்டுகளில் முதல்முறையாக அந்நிய நேரடி முதலீட்டில் சரிவு DIN DIN Wednesday, May 29, 2019 12:47 AM +0530
அந்நிய நேரடி முதலீடு,  ஆறு ஆண்டுகளில் முதல் முறையாக சென்ற  நிதியாண்டில் சரிவைக் கண்டுள்ளது.
இதுகுறித்து தொழில் மேம்பாடு மற்றும் உள் வர்த்தக துறை வெளியிட்ட புள்ளிவிவரத்தில் தெரிவித்துள்ளதாவது:
கடந்த 2018-19-ஆம் நிதியாண்டில் 4,437 கோடி டாலர் மதிப்பிலான ( இந்திய மதிப்பில் ரூ.3.10 லட்சம் கோடி) அந்நிய நேரடி முதலீடு இந்தியாவில் மேற்கொள்ளப்பட்டது. 
இதற்கு முந்தைய 2017-18 நிதியாண்டில் மேற்கொள்ளப்பட்ட அந்நிய நேரடி முதலீடான 4,485 கோடி டாலருடன் ஒப்பிடும்போது இது 1 சதவீதம் குறைவாகும்.
கடந்த ஆறு ஆண்டுகளுக்குப் பிறகு முதல்முறையாக 2018-19 நிதியாண்டில்தான் அந்நிய நேரடி முதலீட்டில் சரிவு ஏற்பட்டுள்ளது. 
2011-12 நிதியாண்டில் 3,512 கோடி டாலராக இருந்த அந்நிய நேரடி முதலீடு 2012-13 நிதியாண்டில் 36 சதவீதம் சரிவடைந்து 2,242 கோடி டாலராக சரிந்தது. ஆனால், அதன் பிறகு அந்நிய முதலீட்டு வரத்து தொடர்ந்து அதிகரித்தே காணப்பட்டது. இது, 2017-18 நிதியாண்டில் சாதனை அளவை எட்டியிருந்தது. 
2018-19 நிதியாண்டில்,  தொலைத்தொடர்பு, கட்டுமான மேம்பாடு, மருந்து மற்றும் மின் துறைகளில் மேற்கொள்ளப்பட்ட முதலீடு கணிசமான சரிவை சந்தித்துள்ளது. குறிப்பாக, 2017-18 நிதியாண்டில் தொலைத் தொடர்புத் துறையில் 621 கோடி டாலர் முதலீடு செய்யப்பட்டிருந்த நிலையில் 2018-19 இல் இது 271 கோடி டாலராக மிகவும் சரிவடைந்து போனது.
கடந்த நிதியாண்டில் இந்தியாவில் அதிக அளவில் அந்நிய நேரடி முதலீட்டை மேற்கொண்டதில் 1,622 கோடி டாலருடன் சிங்கப்பூர் மோரீஷஸை (800 கோடி டாலர்) பின்னுக்குத் தள்ளி  முதலிடத்தைப் பிடித்துள்ளது என புள்ளிவிவரத்தில் தெரிவிக்கப்பட்டுள்ளது.
 

]]>
https://www.dinamani.com/business/2019/may/29/6-ஆண்டுகளில்-முதல்முறையாக-அந்நிய-நேரடி-முதலீட்டில்-சரிவு-3160215.html
3160214 வர்த்தகம் பங்குச் சந்தையில் தொடரும் உற்சாகம்: சென்செக்ஸ் 66 புள்ளிகள் அதிகரிப்பு DIN DIN Wednesday, May 29, 2019 12:46 AM +0530
மக்களவைத் தேர்தலில் பாஜக வெற்றி பெற்றதாக அறிவிக்கப்பட்டது  முதல் பங்குச் சந்தைகளில் வர்த்தகம் விறுவிறுப்படைந்து குறியீட்டெண்கள் அடுத்தடுத்த புதிய உச்சங்களைத் தொட்டு வருகின்றன. 
அந்த வகையில் செவ்வாய்க்கிழமை நடைபெற்ற வர்த்தகத்தில் சர்வதேச நிலவரங்களால் பங்குச் சந்தைகள் அதிக ஏற்ற இறக்கங்களை சந்தித்த போதும் இறுதியில் புதிய உச்சங்களை எட்டி நிறைவடைந்தன.
அதிகபட்சமாக, யெஸ் வங்கி பங்கின் விலை 4.06 சதவீதம் அதிகரித்தது. இதையடுத்து, கோல் இந்தியா, இன்ஃபோசிஸ், பவர் கிரிட், வேதாந்தா, ரிலையன்ஸ், டிசிஎஸ், ஹெச்யுஎல், ஓஎன்ஜிசி, ஹெச்சிஎல் டெக், இன்டஸ்இண்ட் வங்கி, ஹெச்டிஎஃப்சி வங்கி மற்றும் ஏஷியன் பெயின்ட்ஸ் பங்குகளின் விலை 2.72 சதவீதம் வரை அதிகரித்தது.
அதேசமயம், முதலீட்டாளர்களின் லாப நோக்கு விற்பனையால், ஹீரோ மோட்டோகார்ப், பஜாஜ் ஆட்டோ, பார்தி ஏர்டெல், எல் & டி, பஜாஜ் பைனான்ஸ், மஹிந்திரா & மஹிந்திரா, டாடா ஸ்டீல், ஹெச்டிஎஃப்சி, கோட்டக் வங்கி மற்றும் ஐடிசி பங்குகளின் விலை 2.55 சதவீதம் சரிவடைந்தது.
மும்பை பங்குச் சந்தையில் செவ்வாய்க்கிழமை நடைபெற்ற வர்த்தகத்தில் சென்செக்ஸ் 66 புள்ளிகள் உயர்ந்து புதிய உச்சமாக 39,749 புள்ளிகளைத் தொட்டது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 4 புள்ளிகள் உயர்ந்து வரலாற்றில் முதல் முறையாக 11,928 புள்ளிகளாக நிலைபெற்றது.


 

]]>
https://www.dinamani.com/business/2019/may/29/பங்குச்-சந்தையில்-தொடரும்-உற்சாகம்-சென்செக்ஸ்-66-புள்ளிகள்-அதிகரிப்பு-3160214.html
3160213 வர்த்தகம் ஹட்கோ நிறுவனத்தின் நிகர லாபம் ரூ.1,180 கோடி DIN DIN Wednesday, May 29, 2019 12:45 AM +0530
ஹட்கோ நிறுவனத்தின் நிகர லாபம் கடந்த நிதியாண்டில் முன்னெப்போதும் இல்லாத அளவில் ரூ.1,180 கோடியை எட்டி சாதனை படைத்துள்ளது.
இதுகுறித்து அந்த நிறுவனத்தின் தலைவரும், நிர்வாக இயக்குநருமான எம்.ரவி காந்த் கூறியதாவது:
கடந்த 2018-19-ஆம் நிதியாண்டில் ஹெட்கோ நிறுவனத்தின் நிகர அளவிலான மொத்த வருவாய் ரூ.5,548 கோடியாக இருந்தது. 2017-18 நிதியாண்டில் ஈட்டிய வருவாய் ரூ.4,171 கோடியுடன் ஒப்பிடுகையில் இது 33 சதவீதம் அதிகமாகும். அதேபோன்று, நிறுவனத்தின் நிகர சொத்து மதிப்பு ரூ.9,943 கோடியிலிருந்து அதிகரித்து ரூ.10,956 கோடியாகி உள்ளது.
நிகர லாபம் ரூ.1,010 கோடியிலிருந்து 17 சதவீதம் உயர்ந்து முதல்முறையாக ரூ.1,180 கோடியை எட்டியுள்ளது. நிகர அளவிலான வாராக் கடன் விகிதமும் 0.50 சதவீதம் என்ற மிக குறைந்த அளவிலேயே உள்ளது.
2017-18 நிதியாண்டில் ரூ.16,565 கோடி மதிப்பிலான கடன்களை நிறுவனம் வழங்கியது. 2018-19 நிதியாண்டில் இது 87 சதவீதம் அதிகரித்து ரூ.31,009 கோடியாக இருந்தது என்றார் அவர்.
 

]]>
https://www.dinamani.com/business/2019/may/29/ஹட்கோ-நிறுவனத்தின்-நிகர-லாபம்-ரூ1180-கோடி-3160213.html
3159540 வர்த்தகம் இந்தியா சிமென்ட்ஸ்: விற்பனை 11% உயர்வு DIN DIN Tuesday, May 28, 2019 01:01 AM +0530
இந்தியா சிமென்ட்ஸ் நிறுவனத்தின் மொத்த விற்பனை சென்ற 2018-19-ஆம் நிதியாண்டில்   11 சதவீதம் அதிகரித்துள்ளது.
இதுகுறித்து அந்நிறுவனத்தின் நிர்வாக இயக்குநர்  என். சீனிவாசன்  கூறியதாவது:  சென்ற 2018-2019 நிதியாண்டின் ஜனவரி முதல் மார்ச் மாதம் வரையிலான  நான்காவது காலாண்டில், சிமென்ட் விலை மற்றும் விற்பனை அதிகரித்ததால் இந்தியா சிமென்ட்ஸ் நிறுவனத்தின் செயல்பாடு சிறப்பாக அமைந்தது. அதையடுத்து, நிறுவனம் அக்காலாண்டில் ரூ.62 கோடி நிகர லாபம் ஈட்டியது. 2017-18 நிதியாண்டில் ஈட்டிய லாபம் ரூ.24 கோடியுடன் ஒப்பிடுகையில் இது மிகவும் அதிகம்.
சென்ற நிதியாண்டில் கிளிங்கர் உள்ளிட்ட ஒட்டுமொத்த சிமென்ட் விற்பனை 124.40 லட்சம் டன்னாக இருந்தது. கடந்த 2017-18 நிதியாண்டில் சிமென்ட் விற்பனையான 111.75 லட்சம் டன்னுடன் ஒப்பிடும்போது இது 11 சதவீதம் அதிகம்.
முதலீட்டாளர்களுக்கு பங்கு ஒன்றுக்கு 8 சதவீத ஈவுத் தொகை வழங்க இயக்குநர் குழு ஒப்புதல் அளித்துள்ளது என்றார் அவர்.
 

]]>
https://www.dinamani.com/business/2019/may/28/இந்தியா-சிமென்ட்ஸ்-விற்பனை-11-உயர்வு-3159540.html
3159539 வர்த்தகம் பங்குச் சந்தையில் தொடர் சாதனை உச்சம் DIN DIN Tuesday, May 28, 2019 01:00 AM +0530
மத்தியில் பிரதமர் நரேந்திர மோடி தலைமையிலான அரசு இரண்டாவது முறையாக பொறுப்பேற்கவிருப்பதையடுத்து முதலீட்டாளர்கள் தொடர்ச்சியாக பங்குகளில் முதலீட்டை அதிகரித்து வருகின்றனர். இதனால், பங்குச் சந்தைகள்  தொடர்ச்சியாக திங்கள்கிழமையன்று நடைபெற்ற வர்த்தகத்திலும் புதிய வரலாற்று உச்சத்தை தொட்டது.
அதிகபட்சமாக, சென்செக்ஸில் இடம்பெற்றுள்ள டாடா ஸ்டீல் பங்கின் விலை 5.78 சதவீதம் அதிகரித்தது. அதனைத் தொடர்ந்து, யெஸ் வங்கி, என்டிபிசி, எல் அண்டு டி, ஆக்ஸிஸ் வங்கி, எஸ்பிஐ, மஹிந்திரா அண்டு மஹிந்திரா, ஹெச்டிஎஃப்சி, வேதாந்தா, ஹெச்யுஎல், பவர்கிரிட், ஐசிஐசிஐ வங்கி, கோட்டக் வங்கி, ஹெச்சிஎல், டிசிஎஸ் மற்றும் ஐடிசி நிறுவன பங்குகளின் விலையும் 3.79 சதவீதம் வரை உயர்ந்தது.
அதேசமயம், இன்டஸ்இண்ட் வங்கி, ரிலையன்ஸ் இண்டஸ்ட்ரீஸ், ஏஷியன் பெயின்ட்ஸ், பார்தி ஏர்டெல், ஓஎன்ஜிசி, மாருதி, பஜாஜ் ஆட்டோ, டாடா மோட்டார்ஸ், பஜாஜ் பைனான்ஸ், கோல் இந்தியா, ஹீரோ மோட்டோகார்ப், சன் பார்மா மற்றும் இன்ஃபோசிஸ் நிறுவன பங்குகள் முதலீட்டாளர்களின் வரவேற்பின்றி 2.37 சதவீதம் வரை சரிந்தது.
பொருளாதார வளர்ச்சி அடுத்து வரும் காலாண்டுகளில் வேகமெடுக்கும் என்ற முதலீட்டாளர்களின் நிலைப்பாட்டால் மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் சென்செக்ஸ் ஒரு கட்டத்தில் 400 புள்ளிகள் வரை அதிகரித்தது. அதன் பிறகு வர்த்தகத்தின் இறுதியில் சென்செக்ஸ் 248 புள்ளிகள் ஏற்றம் கண்டு முன்னெப்போதும் இல்லாத அளவில் 39,683 புள்ளிகளாக நிலைத்தது. தேசிய பங்குச் சந்தையில் திங்கள்கிழமை நடைபெற்ற வர்த்தகத்தில் நிஃப்டி 80 புள்ளிகள் உயர்ந்து புதிய உச்சமாக 11,924 புள்ளிகளாக நிலைத்தது.
 

]]>
https://www.dinamani.com/business/2019/may/28/பங்குச்-சந்தையில்-தொடர்-சாதனை-உச்சம்-3159539.html
3159538 வர்த்தகம் பெல் நிறுவனத்தின் லாபம் ரூ.682 கோடி DIN DIN Tuesday, May 28, 2019 01:00 AM +0530
பொதுத் துறையைச் சேர்ந்த பெல் (பி.ஹெச்.இ.எல்.) நிறுவனம் நான்காம் காலாண்டில் ரூ.682.70 கோடியை தனிப்பட்ட நிகர லாபமாக ஈட்டியுள்ளது.
இதுகுறித்து அந்த நிறுவனம் மும்பை பங்குச் சந்தைக்கு திங்கள்கிழமை அளித்த அறிக்கையில் தெரிவித்துள்ளதாவது: சென்ற மார்ச் மாதத்துடன் முடிவடைந்த நிதியாண்டின் நான்காவது காலாண்டில் பெல் நிறுவனம் ரூ.10,418.03 கோடி வருவாய் ஈட்டியது. முந்தைய 2017-18 நிதியாண்டில் ஈட்டிய வருவாய் ரூ.10,351.07 கோடியுடன் ஒப்பிடுகையில் இது அதிகம். நிகர லாபம் ரூ.457.17 கோடியிலிருந்து 49 சதவீதம் அதிகரித்து ரூ.682.70 கோடியானது.
கடந்த 2018-19 முழு நிதியாண்டில் நிறுவனத்தின் மொத்த வருவாய் ரூ.29,507.28 கோடியிலிருந்து அதிகரித்து ரூ.31,026.59 கோடியாக இருந்தது. தனிப்பட்ட நிகர லாபம் ரூ.806.60 கோடியிலிருந்து உயர்ந்து ரூ.1,215.39 கோடியானது. கடந்த நிதியாண்டுக்கு ரூ. 2 முகமதிப்பைக் கொண்ட பங்கு ஒன்றுக்கு ரூ.1.20 (60%) இறுதி ஈவுத்தொகை வழங்க நிறுவனத்தின் இயக்குநர் குழு பரிந்துரை செய்துள்ளது என பெல் நிறுவனம் தெரிவித்துள்ளது.
 

]]>
https://www.dinamani.com/business/2019/may/28/பெல்-நிறுவனத்தின்-லாபம்-ரூ682-கோடி-3159538.html
3159022 வர்த்தகம் சென்செக்ஸ் அடுத்த இலக்கு 45,000! - மல்லி எம். சடகோபன் DIN Monday, May 27, 2019 11:57 AM +0530
அமெரிக்கா-சீனா இடையேயான வர்த்தகப் போர் உலக அளவில் பங்குச் சந்தைகளுக்கு பாதகமாக அமையக்கூடும் என வல்லுநர்கள் கருதுகின்றனர். இருப்பினும் காலப் போக்கில் இப்பிரச்னைக்கு தீர்வு காணப்படும் என நம்பிக்கை உள்ளதால் பங்குச் சந்தை உற்சாகம் பெறும் என வல்லுநர்கள், நிபுணர்கள் எதிர்பார்க்கின்றனர். இதற்கிடையே, வங்கி வட்டி விகிதம் குறைக்கப்படும் பட்சத்தில் அது பங்குச் சந்தையில் மிகுந்த உற்சாகத்தை ஏற்படுத்தும் என வல்லுநர்கள் கணிக்கின்றனர்.


மோடி தலைமையிலான பாஜக கூட்டணி ஆட்சியில் கடந்த 5 ஆண்டுகளில் இந்திய பங்குச் சந்தை ஏற்ற இறக்கத்தை கண்டிருந்தது. இருப்பினும்  ஒட்டுமொத்தமாக நிறைய நிறுவனப் பங்குகள் முதலீட்டாளர்களுக்கு நல்ல லாபத்தை அளித்துள்ளது.  குறிப்பாக தேசிய பங்குச் சந்தைக் குறியீடான நிஃப்டி, மும்பை பங்குச் சந்தைக் குறியீடான சென்செக்ஸ் ஆகிய இரண்டும் கடந்த 5 ஆண்டுகளில் சுமார் 60 சதவீதம் வரை உயர்ந்துள்ளன. 

கடந்த 2014, மே 26 முதல் நிகழாண்டு ஆண்டு மே 24-ஆம் தேதி வரையிலான காலத்தில் சென்செக்ஸ் சுமார் 14,742 புள்ளிகள் உயர்ந்துள்ளன. கடந்த 2014, மே 24-இல் சென்செக்ஸ் 24,217.34 புள்ளிகளாக நிலை கொண்டிருந்தது. சென்செக்ஸ் தற்போது 39,434.72 புள்ளிகளில் நிலை பெற்றுள்ளது. இதேபோல  நிஃப்டி 7,229.95 புள்ளிகளில் நிலை கொண்டிருந்தது.  தற்போது (மே 24) 11,844.10 புள்ளிகளாக நிலை கொண்டுள்ளது.   இதன்படி கடந்த 5 ஆண்டுகளில் நிஃப்டி 4,614.15‬ புள்ளிகள் உயர்ந்துள்ளன.

இந்நிலையில், 17-ஆவது மக்களவைக்கான தற்போதைய தேர்தலில் பாஜக தலைமையிலான தேசிய ஜனநாயகக் கூட்டணி அபார வெற்றி பெற்று மீண்டும் ஆட்சியைப் பிடித்துள்ளது. இதில் குறிப்பாக பாஜக மட்டுமே தனிப் பெரும்பான்மை பலத்துடன் ஆட்சி அமைக்கவுள்ளது. ஏற்கெனவே கடந்த 5 ஆண்டு கால ஆட்சியில் பண மதிப்பிழப்பு, ஜிஎஸ்டி, பொருளாதார சீர்திருத்தம் உள்ளிட்ட நடவடிக்கைகள் மேற்கொள்ளப்பட்டன. இதில் பணம் மதிப்பிழப்பு, ஜிஎஸ்டி உள்ளிட்டவற்றுக்கு எதிர்க்கட்சிகள் கடும்  விமர்சனங்களை முன்வைத்தாலும், மக்களிடையே பெரிய அளவில் தாக்கத்தை ஏற்படுத்தவில்லை என்றே சொல்ல வேண்டும். இதையடுத்து, தொடர்ந்து நடைபெற்ற ஜிஎஸ்டி கவுன்சில் கூட்டங்களில் பல்வேறு பொருள்களுக்கு ஜிஎஸ்டி குறைப்பட்டுள்ளது.  பணமதிப்பிழப்பு, ஜிஎஸ்டி ஆகியவற்றின் பலன்கள் வரும் காலாண்டுகளில்தான் தெரிய வரும் என்று மத்திய நிதியமைச்சகம் கூறியுள்ளது.

இந்நிலையில், மத்தியில் மீண்டும் ஆட்சியைப் பிடித்துள்ள பாஜக தலைமையிலான தேசிய ஜனநாயகக் கூட்டணி அரசு அடுத்தடுத்து பல்வேறு பொருளாதார சீர்திருத்த நடவடிக்கைகளை மேற்கொள்ளும் என்று சந்தை வட்டாரம் மிகுந்த எதிர்ப்பார்ப்புடன் உள்ளது. அரசின் இந்த நடவடிக்கைகள் கண்டிப்பாக பங்குச் சந்தை உள்ளிட்ட நிதிச்  சந்தைகளுக்கு மிகுந்த சாதகமான சூழ்நிலையை ஏற்படுத்தும் என்று மார்க்கெட் வட்டாரம் கருதுகிறது.

இந்த வகையில் கிராமப்புற பொருளாதார வளர்ச்சிக்கும் உள்கட்டமைப்பு வசதிக்கும் மத்திய அரசு மிகுந்து முக்கியத்துவம் கொடுக்கும் என எதிர்பார்க்கப்படுகிறது. கட்டுப்படியான விலையில் வீடுகள் கட்டும் திட்டத்துக்கு அரசு மிகுந்த முன்னுரிமை அளிக்கும் எனத் தெரிய வருகிறது. கிராமப்புற பொருளாதாரம் வளர்ச்சியுற்றால்  நுகர்பொருள் உற்பத்தித் துறை மிகுந்த பயனடயும். மேலும்,  வங்கி சாரா நிதி நிறுவனங்களின்  நிதி நெருக்கடி பிரச்னையைத் தீர்க்க அரசு மகுந்த கவனம் செலுத்தும் என்றும் எதிர்பார்க்கப்படுகிறது. இதுதவிர  பொதுத் துறை வங்கிகளின் வாராக்கடன் பிரச்னையைத் தீர்க்கவும் மத்திய அரசு தீவிர நடவடிக்கைகளை மேற்கொள்ளும் என எதிர்பார்க்கப்படுகிறது. 

இதற்கிடையே, அமெரிக்கா-சீனா இடையேயான வர்த்தகப் போர் உலக அளவில் பங்குச் சந்தைகளுக்கு பாதகமாக அமையக்கூடும் என வல்லுநர்கள் கருதுகின்றனர். இருப்பினும் காலப் போக்கில் இப்பிரச்னைக்கு தீர்வு காணப்படும் என நம்பிக்கை உள்ளதால் பங்குச் சந்தை உற்சாகம் பெறும் என வல்லுநர்கள், நிபுணர்கள் எதிர்பார்க்கின்றனர். இதற்கிடையே, வங்கி வட்டி விகிதம் குறைக்கப்படும் பட்சத்தில் அது பங்குச் சந்தையில் மிகுந்த உற்சாகத்தை ஏற்படுத்தும் என வல்லுநர்கள் கணிக்கின்றனர்.

இந்நிலையில், பல்வேறு சர்வதேச  முதலீட்டு வங்கிகளும், தர நிர்ணய நிறுவனங்களும் இந்திய பங்குச் சந்தை அடுத்துவரும் 5 ஆண்டுகளில் மேலும் உற்சாகம் பெறும் என்று கணித்துள்ளன. இதில் பேங்க் ஆஃப் அமெரிக்கா மெர்ரில் லிஞ்ச், சிஎல்எஸ்ஏ, கிரெடிட் சுஸி உள்ளிட்டவை அடங்கும்.

இதற்கிடையே, சர்வதேச முதலீட்டு நிறுவனமான மோர்கன் ஸ்டான்லி மும்பை பங்குச் சந்தைக் குறியீடான சென்செக்ஸ் அடுத்த ஆண்டு (2020) ஜூனில் 45,000 புள்ளிகளைத் தொடும் என கணித்துள்ளது. இதற்கு பண வீக்கம் குறைவது, உள்கட்டமைப்பு வசதிகளுக்கான செலவினத் தொகையை  அதிகரிப்பது, அன்னிய நேரடி முதலீட்டுக்கு முக்கியத்துவம் அளிப்பது, கிராமப்புற மேம்பாட்டில் அரசின் அதீத கவனம் உள்ளிட்டவை சந்தைக்கு சாதகமான அம்சங்களாகப் பார்க்கப்படுவதாக மோர்கன் ஸ்டான்லி தெரிவித்துள்ளது. மேலும்,  மத்திய அரசின் பல்வேறு புதிய கொள்கை முடிவுகள் பங்குச் சந்தைக்கு சாதகமாக அமையும் என்று புரோக்கிங் நிறுவனமான நமூரா தெரிவித்துள்ளது.

மக்களவைத் தேர்தலையொட்டி கடந்த 2 மாதங்களாக நிலையற்ற தன்மையில் பங்குச் சந்தை இருந்து வந்தது இந்நிலையில், தேர்தல் முடிவுகள் பாஜக தலைமையிலான தேசிய ஜனநாயகக் கூட்டணிக்கு சாதகமாக அமைந்தது. இதைத் தொடர்ந்து சென்செக்ஸ் 40,000 புள்ளிகளையும், நிஃப்டி 12,000 புள்ளிகளையும் கடந்து புதிய உச்சத்தைத் தொட்டுள்ளது. ஏற்கெனவே மோர்கன் ஸ்டான்லி 17-ஆவது மக்களவைத் தேர்தலுக்குள் சென்செக்ஸ் 40,000 புள்ளிகளைக் கடக்கும் என்று சில மாதங்களுக்கு முன் தெரிவித்திருந்தது. இந்தக் கணிப்பு இதே தொழில் வர்த்தக சிறப்புப் பக்கத்தில் சில மாதங்களுக்கு முன்பு பதிவு செய்யப்பட்டிருந்தது நினைவுகூரத்தக்கது.

பிஎஸ்இ-500: அதிக லாபமளித்த 200 பங்குகள்!

இந்த மோடி சுனாமியில் மும்பை பங்குச் சந்தையில் பிஎஸ்இ-500 பட்டியலில் இடம் பெற்றுள்ள 500 பங்குகளில்  197 நிறுவனப் பங்குகள் முதலீட்டாளர்களின் சொத்து மதிப்பை இரட்டிப்பாக்கியுள்ளது. இந்தப் பங்குகள் 100 சதவீத்துக்கும் மேல் உயர்ந்து சாதனை படைத்துள்ளது.  இதன் மூலம் முதலீட்டாளர்கள் இவற்றில் மிண்டா இண்டஸ்ட்ரீஸ், பஜாஜ் ஃபைனான்ஸ், கேஇஐ இண்டஸ்ட்ரீஸ் ஆகிய மூன்று நிறுவனப் பங்குகள் 1000 சதவீதம் உயர்ந்து நல்ல  லாபத்தை அளித்துள்ளது. மேலும், இந்தப் பட்டியலில் 100 முதல் 900 சதவீதம் வரை வில உயர்ந்துள்ள நிறுவனப் பங்குகள் பட்டியலில் பஜாஜ் ஃபைனான்சியல் சர்வீஸஸ், டாடா மெட்டாலிக்ஸ், அவந்தி ஃபீட்ஸ், இந்தியா புல்ஸ் வெஞ்சூர்ஸ், ஐஎஃப்பி இண்டஸ்ட்ரஸ், வி-மார்ட், சொனாட்டா சஃப்ட்வேர் உள்ளிட்டவை அடங்கும்.

பிஎஸ்இ-500 பட்டியலில் உள்ளவற்றில் நல்ல வலுவான அடிப்படைகளை கொண்ட நிறுவனப் பங்குகள் வரும் 5 ஆண்டுகளிலும் நல்ல லாபத்தை அளிக்க வாய்ப்புகள் அதிகம் உள்ளதாக பங்குச் சந்தை வல்லுநர்கள், நிபுணர்கள் கணித்துள்ளனர்.  இது குறித்து வல்லுநர்கள் கூறுகையில், "நல்ல வலுவான அடிப்படை, நல்ல ஆளுகை, நல்ல மதிப்பீடு ஆகியவற்றைக் கொண்டுள்ள கார்ப்பரேட் நிறுவனங்களை அடையாளம் கண்டு அதுபோன்ற நிறுவனப் பங்குகளில் முதலீட்டை மேற்கொண்டால் நிச்சயம் நல்ல லாபம் பெறலாம். அந்த நிறுவனங்கள் அரசின் புதிய கொள்கைகளின் மூலம் பயன்பெறும் நிறுவனங்களாகவும் இருக்க வேண்டும்' என்கின்றனர்.

இதற்கிடையே, இந்தப் பட்டியலில் 100 சதவீத்துக்கும் மேல் லாபம் ஈட்டியுள்ள 197 நிறுவனப் பங்குகளில் இன்னும் லாபத்தைப் பதிவு செய்யாதவர்கள், சந்தையில் எழுதப்படாத விதிமுறையாகக் கருதப்படும் 20 சதவீதம் அளவுக்கு நஷ்ட இடர்பாட்டு (ஸ்டாப்-லாஸ்) அளவை நிர்ணயித்துக் கொள்வதும் அவசியம் என்கின்றனர் அவர்கள். அதே சமயம், வலுவான அடிப்படைகளைக் கொண்டுள்ள நிறுவனப் பங்குகள் விலை குறைந்த நிலையில் நீண்ட கால முதலீட்டுக்கு வாங்குவதிலும் கவனம் செலுத்த வேண்டும் என்றும் தெரிவித்தனர்.

கடந்த 5 ஆண்டு கால மோடி ஆட்சியில் 600 முதல் 1500 சதவீதம் வரை ஏற்றம் பெற்ற நடுத்தர, சிறிய நிறுவனப் பங்குகள்:

கம்பெனி பெயர்    உயர்வு (சதவீதத்தில்)  
மிண்டா இண்டஸ்ட்ரீஸ்    1928.53
பஜாஜ் பைனான்ஸ்    439.54
கேஇஐ இண்டஸ்ட்ரீஸ்    1434.65
ஏஜிஸ் லாஜிஸ்டிக்ஸ்    931.16
இந்தியா புல்ஸ் இன்டகிரேடட் சர்வீஸஸ்      912.90
ஆர்த்தி இண்டஸ்ட்ரீஸ்    908.12
இந்தியா புல்ஸ் வெஞ்சர்ஸ்    874.64
பாம்பே பர்மா டிரேடிங் கார்ப்பரேஷன்    848.47
காப்லின் பாயிண்ட் லேப்    840.16
அவந்தி ஃபீட்ஸ்    838.92
டாடா மெட்டாலிக்ஸ்    801.15
கேஎன்ஆர் கன்ஸ்ட்ரக்ஷன்     767.90
பிலிப்ஸ் கார்பன்    765.87
பஜாஜ் பைனான்சியல் சர்வீஸஸ்    756.34
நவீன் ஃபுளோரின் இன்டர்நேஸனல்    715.20
ஐஎஃப்பி இண்டஸ்ட்ரீஸ்     699.20
ஜான்சன் கன்ட்ரúôல்ஸ்    686.77
வீ மார்ட் ரீடெய்ல்     650.43
கேபிஆர் மில்ஸ்    648.24
மகாராஷ்ட்ரா ஸ்கூட்டர்ஸ்    646.60
சொனாட்டா சஃப்ட்வேர்    639.71


பங்குச் சந்தையிலும் "மோடி அலை'

நரேந்திர மோடி தலைமையிலான கடந்த 5 ஆண்டு கால ஆட்சியில் பங்குச் சந்தையிலும் சுனாமி வீசியுள்ளது எனலாம்.  மும்பை பங்குச் சந்தைக் குறியீடான சென்செக்ஸூம், தேசிய பங்குச் சந்தைக் குறயீடான நிஃப்டியும் 60 சதவீதம் வரை ஏற்றம் கண்டுள்ளன.

இதே போன்று  கடந்த 5 ஆண்டு கால ( 2014, மே 26-2019, மே 21)  பாஜக ஆட்சியில்  பங்குச் சந்தையில் முக்கிய தனியார், பொதுத் துறை வங்கிப் பங்குகளை உள்ளடக்கிய பேங்கிங் இன்டெக்ஸ் 94 சதவீதம், தகவல் தொழில்நுட்ப நிறுவனப் பங்குகளை உள்ளடக்கிய ஐடி இன்டெக்ஸ் 78 சதவீதம், வேகமாக விற்பனையாகும் நுகர்பொருள் உற்பத்தி நிறுவனப் பங்குகளை உள்ளடக்கிய எஃப்எம்சிஜி இன்டெக்ஸ் 73 சதவீதம் உயர்ந்துள்ளன.

இதற்கிடையே, நடுத்தரப் பங்குகளை உள்ளடக்கிய மிட்கேப் இன்டெக்ஸ் 73 சதவீதம், சிறிய நிறுவனப் பங்குகளை உள்ளடக்கிய ஸ்மால் கேப் இன்டெக்ஸ் 60 சதவீதம் உயர்ந்துள்ளது.  அதே சமயம், மின் உற்பத்தி, மின்சாதன நிறுவனப் பங்குகளை உள்ளடக்கிய பவர் இன்டெக்ஸ்,  மோடி ஆட்சியில் சுமார் 13 சதவீதம் வீழ்ச்சியைச் சந்தித்துள்ளது.  ஆனால், முக்கிய உலோக நிறுவனப் பங்குகளை உள்ளடக்கிய மெட்டல் இன்டெக்ஸ்  கடந்த 2014, மேமுதல் இதுவரை 15 சதவீதம் வரை உயர்ந்துள்ளது. "ஏஸ்  ஈக்விட்டி' நிறுவனம் வெளியிட்டுள தகவல்கள் மூலம் இந்தப் புள்ளி விவரங்கள் தெரிய வந்துள்ளன.

இது ஒரு புறம் இருக்க  நீண்ட கால முதலீட்டாளர்கள் விரும்பி வாங்கும் முதல் தரப் பங்குகளும் நல்ல லாபம் ஈட்டிக் கொடுத்துள்ளதாக புள்ளிவிவரங்கள் தெரிவிக்கின்றன.

இந்த வகையில் மோடியின் 5 ஆண்டு கால ஆட்சியில் சென்செக்ஸ், நிஃப்டி பட்டியலில் இடம்பெற்றுள்ள நிறுவனப் பங்குகளில் 3-இல் ஒரு பங்கு நிறுவனப் பங்குகள் முதலீட்டாளர்களின் சொத்து மதிப்பை இரட்டிப்பாக்கியுள்ளது.

50 முன்னணி நிறுவனப் பங்குகளை உள்ளடக்கிய நிஃப்டி பட்டியலில் 17 பங்குகளும், 30 நிறுவனப் பங்குகளை உள்ளடக்கிய சென்செக்ஸ் பட்டியலில் 9 பங்குகளும்  சுமார் 100 முதல் 1500 சதவீதம் வரை உயர்ந்து முதலீட்டாளர்களை குஷிப்படுத்தியுள்ளது.  இதில் நிஃப்டி-50,  சென்செக்ஸ் ஆகிய இரண்டு பட்டியலிலும் இடம் பெற்றுள்ள பஜாஜ் ஃபைனான்ஸ் நிறுவனப் பங்கின் விலை கடந்த 5 ஆண்டுகளில் 14 மடங்கு உயர்ந்துள்ளது.

லாபம் அளித்த நிஃப்டி, சென்செக்ஸ் பங்குகள்: மேலும், அல்ட்ரா டெக் சிமெண்ட், பிபிசிஎல்,  ரிலையன்ஸ், ஆசியன் பெயிண்ட்ஸ், மாருதி சுஸூகி, ஹிந்துஸ்தான் யுனி லீவர், யுபிஎல், கோடாக் மகேந்திரா பேங்க், டைட்டான் கம்பெனி, பஜாஜ் ஃபைனான்சியல் சர்வீஸஸ் உள்ளிட்ட 17 நிஃப்டி நிறுவனப் பங்குகள் முதலீட்டாளர்களுக்கு  இரட்டிப்பு லாபத்தை அளித்துள்ளது. இதேபோன்று, சென்செக்ஸ் பட்டியலில் உள்ள பஜாஜ் ஃபைனான்ஸ், கோடக் மகேந்திரா பேங்க், ஹிந்துஸ்தான் யுனிலீவர், ஹெச்டிஎஃப்சி பேங்க், மாருதி சுஸூகி, ஆசியன் பெயிண்ட்ஸ், இண்டஸ் இண்ட் பேங்க், ரிலையன்ஸ் இண்டஸ்ட்ரீஸ், ஹெச்டிஎஃப்சி ஆகிய 9 நிறுவனப் பங்குகள் 100 சதவீத்துக்கும் மேலான லாபத்தை அளித்துள்ளது. இவை அனைத்தும் புளு சிப்ஸ் என்றழைக்கப்படும் முதல் தர நிறுவனப்  பங்குகளாகும். மேலும்,  இவை அனைத்தும் நல்ல வலுவான அடிப்படையையும், நிதி மேலாண்மையையும் கொண்டுள்ள இவை  முதலீட்டாளர்களால் அதிகம் விரும்பி வாங்கும்  பங்குகள் பட்டியலில் உள்ளவை. இதே போன்று முன்னணி ஐடி, எஃப்எம்சிஜி, பேங்க் பங்குகளும் மோடி ஆட்சியில் முதலீட்டாளர்களுக்கு நல்ல லாபத்தை ஈட்டிக் கொடுத்துள்ளது.

வல்லுநர்கள் யோசனை

குறைந்த விலையில் இது போன்ற நிறுவனப் பங்குகளில் முதலீடு செய்துள்ளவர்கள், ரிஸ்க் எடுக்கத் தயாராக உள்ளவர்கள்,  முதலீட்டை அதிகரித்துக் கொள்ளலாம். அவ்வாறு விருப்பப்படாதவர்கள், நல்ல லாபம் இருக்கும் போது, குறிப்பிட்ட அளவோ அல்லது பாதியளவுக்கு லாபத்தைப் பதிவு செய்யலாம். மேலும்,  எஞ்சியுள்ள  பங்குகளுக்கு நஷ்ட இடர்பாட்டு விலையை நிர்ணயித்துக் கொள்ளலாம் என்று தெரிவித்துள்ளனர். மேலும், லாபத்தைப் பதிவு செய்துள்ள நிறுவனப் பங்குகள் விலை குறந்த நிலையில் மீண்டும் முதலீட்டை மேற்கொள்ளலாம் என்றும் யோசனை தெரிவித்துள்ளனர்.
தற்போது மத்தியில் பாஜக தலைமையிலான தேசிய ஜனநாயக் கூட்டணி மீண்டும் ஆட்சியைப் பிடித்துள்ளது. குறிப்பாக கடந்த தேர்தலைக் காட்டிலும் இந்தத் தேர்தலில் பாஜக மட்டுமே அறுதிப் பெரும்பான்மையுடன் கூடுதல் இடங்களைக் கைப்பற்றியுள்ளது. அதனால், பொருளாதார சீர்திருத்த நடவடிக்கைகள் உத்வேகம் பெறும் என எதிர்பார்க்கப்படுகிறது. இது பங்குச் சந்தைக்கு சாதகமாகப் பார்க்கப்படுகிறது. இதன் காரணமாக வரும் ஆண்டுகளிலும் முதல் தரப் பங்குகளை உள்ளடக்கிய நிஃப்டி, சென்செக்ஸ் பங்குகளின் விலை மேலும் ஏற்றம் பெறுவதற்கு நிறைய வாய்ப்பு இருப்பதாகப் பங்குச் சந்தை வல்லுநர்கள், நிபுணர்கள், நிதி ஆலோசகர்கள் கருதுகின்றனர்.


பாஜக வெற்றியின் அபரிமித தாக்கம்:நடுத்தர, சிறிய நிறுவனப் பங்குகளுக்கு கிராக்கி!

கடந்த 2017-2018 ஆண்டுகளில் நடுத்தர, சிறிய நிறுவனப் பங்குகளின் விலை தொடர்ந்து சரிவைச் சந்தித்து வந்தன. கடந்த ஆண்டு (2018) இறுதியில் இவற்றின் விலை மிகவும் குறைந்திருந்த நிலையில், முதலீட்டாளர்களிடையே வாங்கும் போக்கும் அதிகரிக்கத் தொடங்கியது. இதைத் தொடர்ந்து, நடுத்தர மற்றும் சிறிய நிறுவனப் பங்குகளுக்கு சந்தையில் கிராக்கி வரத் தொடங்கியது. குறிப்பாக தற்போது  மக்களவைத் தேர்தலில் பாஜக தலைமையிலான தேசிய ஜனநாயக் கூட்டணி மீண்டும் ஆட்சிக்கு வந்துள்ளதைத் தொடர்ந்து,  இந்த நிறுவனப் பங்குகள் மீது முதலீட்டாளர்களின் மோகம் அதிகரிக்கத் தொடங்கியுள்ளதாக மார்க்கெட் வட்டாரங்கள் தெரிவிக்கின்றன.

கடந்த வாரத்தில் (மே 20-25),  5 நாள்களில் குறிப்பிட்ட சில சிறிய நிறுவனப் பங்குகளின் விலை 10 முதல் 40 சதவீதம் வரை உயர்ந்துள்ளன. இதுவே இவற்றின் மீது முதலீட்டாளர்களுக்கு ஏற்பட்டுள்ள மோகத்தைக் காணமுடியும். கடந்த மே 17-ஆம் தேதி மும்பை பங்குச் சந்தையில் பட்டியலிடப்பட்டுள்ள நிறுவனப் பங்குகளி மொத்த சந்தை மூலதன மதிப்பு ரூ.146.58 லட்சம் கோடியாக இருந்தது. இது கடந்த வாரத்தின் இறுதி வர்த்தக தினமான  24-ஆம் தேதி  ரூ.152.71 லட்சம் கோடியாக உயர்ந்துள்ளது. அதாவது 5 நாள்களில்  சந்தை மூல தன மதிப்பு ரூ.6.1 லட்சம் கோடி உயர்ந்துள்ளது.

]]>
https://www.dinamani.com/business/2019/may/27/சென்செக்ஸ்-அடுத்த-இலக்கு-45000-3159022.html