Dinamani - இளைஞர்மணி - https://www.dinamani.com/weekly-supplements/ilaignarmani/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3393150 வார இதழ்கள் இளைஞர்மணி இணைய வெளியினிலே... Thursday, April 2, 2020 05:48 PM +0530
முக நூலிலிருந்து....

சாலைகளில் காத்திருந்தார்கள் மனிதர்கள்.
மனிதர்களுக்காககாத்திருக்கின்றன சாலைகள்.

தங்கம் மூர்த்தி

வெட்டியா இருக்கறது மாதிரிஒரு கஷ்டம் வேறில்லை...
ஒரு நாளுக்கேமூச்சு முட்டுது.

சுதா ஆறுமுகம்

பூனைகள் வாழும்வீட்டில்தான்எலிகள் குடித்தனம்நடத்திக்குட்டி போடுகின்றன.

பட்டுக்கோட்டை ராஜா

 

பூட்டிய கோயில் வாசலில்ஒரு பெண் ஏற்றிக்கொண்டிருந்தாள்...
நம்பிக்கையின்அகல் விளக்கை!

நேசமிகு ராஜகுமாரன்

சுட்டுரையிலிருந்து...


சொந்த வீட்டில் இருந்தபடி...
சோபாவில் கால் மீது கால்போட்டபடி
நொறுக்குத் தீனி சாப்பிட்ட படி
டிவி பார்த்தபடி
சும்மா நேரத்தை வீணடித்தபடி
இந்த உலகத்தையே காப்பாற்றும்
ஓர் அரிய வாய்ப்பு
நமக்குக் கிடைத்திருக்கிறது...
வாய்ப்பைத் தவறவிடாதீர்கள்!

ராஜலக்ஷ்மி

ஒரு பிணி
ஒரு சாவு
எல்லாருக்கும் வரும்
எப்படியும் வரும்
இதனால் மட்டுமே எனில்
இறந்து போவது,
நிச்சயமாக
நம்பிக்கை மட்டுமே!

வேகவதி

விலங்கென்று நினைத்தால் விலங்கு
கவசம் என்று நினைத்தால் கவசம்
கவசமாகப் பாவித்து...
தனித்திருங்கள்.

பனித்துளி

தனக்கு நிகழும் வரை...
அனைத்தும் வேடிக்கைதான்.

சுகன்யா

வெளிச்சம் தருவதுஎன்னமோவிளக்கின் வேலை தான்...
ஆனால் அதன் தேவையின் இடத்தைத்தீர்மானிக்கும் முழு உரிமையும்
நம்மிடம் மட்டுமே உள்ளது.

பிரியமானவள்


வலைதளத்திலிருந்து...


கிணற்றில் நீர் இறைத்து குளிப்பது என்பது தனி இன்பம் தான். அது ஒரு கனாக்காலம் மாதிரி ஆகிவிட்டது. அப்போதெல்லாம் வீட்டுக்கு வீடு கிணறு என்பது சாதாரணம்.
துண்டை கட்டிக்கொண்டு, சத்தமாக ஒரு பாட்டையும் பாடிக்கொண்டு, இறைத்து இறைத்து தலையில் "ஜோ'வென்று கொட்டிக்கொண்டு குளிப்பது மிக மிக ஆனந்தமான கணங்கள். சில சமயம் பறவைகள் கூட்டமாக தண்ணீரில் கும்மாளமிடுமே அது மாதிரி. ஒரு பத்து வாளி முடிந்த பின் லைஃபாயோ இல்லை காதிகிராம் குடீர் சோப்போ (என் அண்ணன் சொல்லுவான் குடீர் சோப், தேயோ தேய் என்று தேய்த்தால் நன்றாக நுரை வரும், உங்கள் வாயில் என) போட்ட பின் மறுபடி ஒரு பத்து வாளி. குளிச்சா இப்படில்ல குளிக்கணும். இப்ப முடியுதா என்ன?
நான் விளையாடிவிட்டு ஒரு மூன்று மணிக்கு மேல் வீட்டுக்கு வந்து குளிக்கச் செல்வேன். அப்போது பாட்டி, ""வெக்கை அதிகமா இருக்குடா... ஒரு ரெண்டு வாளி ஜில்லுன்னு இறைச்சு
ஊத்து''ன்னு சொல்லுவாங்க. சரி வான்னு ரெண்டு என்ன, இந்தா இன்னும் ஒரு வாளி, இன்னும் ஒரு வாளின்னு இறைச்சு ஊத்திக்கிட்டே இருப்பேன். மிக மிக சந்தோஷமானது அது.
1982- இல் மாடக்குளம் கண்மாய் உடைந்து வந்த வெள்ளத்தில் என் வீட்டில் இருந்த கிணற்றில் சிமிண்ட் உறைகள் தாறுமாறாகச் சரிந்துவிட்டது. அதை அப்படியே மூடி விட்டு பக்கத்தில் புதிதாக இன்னுமொரு கிணறு வெட்டினார்கள். ஒரு வருடத்திலேயே தண்ணீர் மட்டம், நான் கிணற்று உள்ளேயே இறங்கி கப்பு வைத்து வாளியில் தண்ணீர் ரொப்பி இறைக்குமளவுக்கு கீழே போய்விட்டது அதனால் இன்னும் ஆழமாகத் தோண்ட வேண்டி வந்தது. பிறகு அதுவும் கீழே போனதால், ஒரு நல்ல முகூர்த்த நாளில், நள்ளிரவில் கம்ப்ரசர் வைத்து 150 அடி ஆழத்துக்கு ஆழ்துளை போட்டு, மோட்டார் போட்டு ஸ்ட்ராவில் இளநீர் உறிஞ்சுவது போல சுலபமாக 5 நிமிடத்தில் 1000 வாளி ரொப்பிவிடலாம் என்றாகிப் போனது. ஆக இப்போது கிணறும் இல்லை, பாட்டியும் இல்லை.
http://mounam.blogspot.com/

]]>
https://images.dinamani.com/uploads/user/imagelibrary/2020/4/2/w600X390/im11.jpg https://www.dinamani.com/weekly-supplements/ilaignarmani/2020/apr/02/இணைய-வெளியினிலே-3393150.html
3393149 வார இதழ்கள் இளைஞர்மணி கரோனா பரிசோதனையில் ரோபோ! அ.சர்ஃப்ராஸ் DIN Thursday, April 2, 2020 05:14 PM +0530 பூமி சுற்றுவதையே கரோனா தொற்று நோய் நிறுத்திவிட்டதைப் போன்ற நெருக்கடியான சூழலை உலகம் எதிர்கொண்டு வருகிறது. கண்ணுக்குத் தெரியாத கரோனா தொற்று மக்களை பீதியில் ஆழ்த்தி உள்ளது. எனினும், மன தைரியத்துடன் மருத்துவர்கள், சுகாதாரப் பணியாளர்கள் மனித உயிர்களைக் காப்பாற்றும் பணியில் களத்தில் செயலாற்றி வருகின்றனர். இந்த நோயினால் பாதிக்கப்பட்டவர்களைக் கண்டறியும் சோதனை செய்யும்போது தெரிந்தோ, தெரியாமலோ மருத்துவர்களும் இந்த நோய்த் தொற்றுக்கு 
ஆளாகின்றனர். 

கரோனா நோயின் கடும் பாதிப்புக்கு உள்ளான இரண்டாவது நாடான ஸ்பெயினில் இந்த நோய்த்தொற்றால் பாதிக்கப்பட்டவர்களில் 12 சதவீதம் பேர் மருத்துவ பணியாளர்கள் என்பது ஆய்வில் தெரிய வந்துள்ளது. அதிலும், கரோனா தொற்றைக் கண்டறியும் பரிசோதனை மேற்கொண்டபோதுதான் அதிக அளவில் பாதிக்கப்பட்டுள்ளனர். ஆகையால், இந்தப் பணியில் ரோபோக்களை ஈடுபடுத்த அந்நாட்டு அரசு முடிவு செய்துள்ளது.

ஒவ்வொரு நாளும் சுமார் 20 ஆயிரம் பேரை கரோனா பரிசோதனை செய்யும் ஆற்றல் ஒரு ரோபோவுக்கு உண்டு. நான்கு ரோபோக்களை வாங்கி சுமார் 80 ஆயிரம் பேருக்கு கரோனா பரிசோதனை மேற்கொள்ள அந்நாட்டு அரசு திட்டமிட்டுள்ளது. ஆனால் இந்த ரோபோக்கள் எங்கிருந்து வாங்கப்படுகின்றன என்ற விவரங்களை அந்நாட்டு அரசு வெளியிடவில்லை. ஆனால், இந்த ரோபோக்கள் தயார் நிலையில் உள்ளதாகவும், விரைவில் பணியில் ஈடுபடுத்தப்படும் என்றும் ஸ்பெயின் நாட்டு சுகாதாரத் துறை அமைச்சகம் உறுதிபடுத்தியுள்ளது.

கரோனா பாதித்த நோயாளிகளுக்கு உணவு, மருந்து ஆகியவற்றை மருத்துவமனைகளில் விநியோகிக்க அமெரிக்கா, சீனா உள்ளிட்ட நாடுகள்  ஏற்கெனவே ரோபோக்களைப் பயன்படுத்தி வருகின்றன. ஆனால், இக்கட்டான கரோனா பரிசோதனையை மேற்கொள்ளும் இந்த செயற்கை நுண்ணறிவு ரோபோவை உலக நாடுகள் ஆர்வத்துடன் எதிர்நோக்கி உள்ளன.

]]>
https://images.dinamani.com/uploads/user/imagelibrary/2020/4/2/w600X390/im10.jpg https://www.dinamani.com/weekly-supplements/ilaignarmani/2020/apr/02/கரோனா-பரிசோதனையில்-ரோபோ-3393149.html
3393148 வார இதழ்கள் இளைஞர்மணி சரியான பார்வை... சரியான வழி... சரியான செயல்!  - தா.நெடுஞ்செழியன் DIN Thursday, April 2, 2020 05:13 PM +0530 வேலூரில் உள்ள கிறிஸ்தவ மருத்துவக் கல்லூரியில் வழங்கப்படும் துணை மருத்துவப் படிப்புகளைப் பற்றி சென்ற இதழில் பார்த்தோம். இப்போது மேலும் சில துணை மருத்துவப் படிப்புகளைப் பற்றிப் பார்ப்போம்.

நியூக்கிளியர் மெடிசன் டெக்னலாஜி (Bachelor of Science in Nuclear Medicine Technology):

நியூக்கிளியர் மெடிசன் டெக்னலாஜி துறை சார்ந்த படிப்பு, குறைந்த அளவு கதிர்வீச்சை வெளியிடும் கதிரியக்க பொருள்களைப் பயன்படுத்தி மனித உடலில் உள்ள நோய்களைக் கண்டறிவதற்கும், குறிப்பிட்ட சில நோய்களைக் குணப்படுத்துவதற்கும் உதவும் படிப்பாகும். மனித உடலில் உள்ள மூலக்கூறு
களின் நிலை, திசுக்களினிடையே ஏற்படும் உயிரியல் செயல்பாடுகள் ஆகியவற்றைக் கண்டறிய இந்த நியூக்கிளியர் மருத்துவத் தொழில்நுட்பம் உதவுகிறது.

இவர்கள் ஒரு நோயாளிக்கு அவரின் உடல்நிலைக்கு ஏற்ப எந்த அளவுக்கு கதிர்வீச்சை அளிக்க வேண்டும் என்பதை ஆராய்ந்து, நியூக்ளியர் மருத்துவத்துறை சார்ந்த மருத்துவர்களிடம் தெரிவிப்பார்கள். இந்தப் படிப்பு மிகுந்த தொழில்நுட்பம் உள்ள காமா கேமரா, PET ஸ்கேனர், தைராய்ட் அப்டேக்ப்ரோப் போன்ற கருவிகளைப் பயன்படுத்தும் திறன்களை ஏற்படுத்தித் தருகிறது.

இந்தக் கருவிகளின் வாயிலாகக் கிடைக்கக் கூடிய தரவுகளைச் சேகரித்து, பல்வேறு நோய்களுக்கான காரணங்களைக் கண்டறிய இந்தப் படிப்பு உதவுகிறது.

ஒரு நோயாளியின் உடல்நிலையைப் பற்றிய தகவல்களை இந்தக் கருவிகளின் வாயிலாகச் சேகரிப்பது, கதிரியக்க மருத்துவம் மேற்கொண்ட போது எந்த அளவில் எல்லாம் கதிர்வீச்சுகள் நோயாளியின் உடலில் செலுத்தப்பட்டன என்பதை பதிவு செய்வது ஆகியவை இதைப் பயின்றவர்களின் பணியாகும்.

கதிரியக்க மருத்துவத்தைச் செய்யும்போது, அதற்கான பாதுகாப்பு நெறிமுறைகளை எவ்வாறு பின்பற்ற வேண்டும் என்பதை இந்தப் படிப்பு சொல்லித்தருகிறது. கதிர்வீச்சினால் நோயாளியோ, மருத்துவர்களோ, மருத்துவப் பணியாளர்களோ பாதிப்படையாமல், எந்த அளவுக்குக் குறைந்த கதிர்வீச்சைப் பயன்படுத்த வேண்டும் என்பதையும் இந்த நியூக்ளியர் மெடிசன் டெக்னாலஜி மாணவர்கள் தெரிந்து கொள்கிறார்கள்.

ரேடியோகிராபி, மெடிகல் இமேஜிங் தொடர்பான அறிவை மாணவர்களுக்கு இந்தப் படிப்பு கற்றுத் தருகிறது. பல்வேறு கதிரியக்க மருத்துவம் சார்ந்த திறமைகளையும் அறிவையும் மாணவர்களுக்கு இந்தப் படிப்பு ஏற்படுத்துகிறது. ரேடியோகெமிஸ்ட்ரி, அப்ளைடு பிசிக்ஸ், ரேடியேசன் பிசிக்ஸ் மற்றும் எக்யூப்மென்ட் பிசிக்ஸ் ஆகிய துறைகளில் மாணவர்
களின் அறிவை இந்தப் படிப்பு வளர்க்கிறது.

ஆக்குபேஷனல் தெரபி ( Bachelor of Occupational Therapy) (BOT):

ஒரு தனிப்பட்ட நோயாளியை மையப்படுத்தி அவர்களின் ஆரோக்கியத்தை மேம்படுத்தும் பணியை இந்த ஆக்குபேஷனல் தெரபி பயின்ற மாணவர்கள் செய்வார்கள். மக்களின் அன்றாட வாழ்க்கை, வேலை, கல்வி, சமூகப் பங்களிப்பு ஆகியவற்றில் மக்களின் தேவை என்ன, மக்கள் எவற்றைச் செய்ய வேண்டும் என்பனவற்றையெல்லாம் தெரிந்து கொண்டு அவற்றை மேம்படுத்துவது இவர்களின் பணியாகும்.

மக்களின் வாழ்க்கையில் அன்றாடம் அவர்கள் சந்திக்கும் உடல்ரீதியான, மனரீதியான, சமூகரீதியான பிரச்னைகள் ஆகியவை மக்களின் வாழ்க்கையில் ஏற்படுத்தும் தாக்கத்தைத் தெரிந்து கொள்வது ஆக்குபேஷனல் தெரபி படித்தவர்களின் முக்கிய பணியாகும்.

வகுப்பறையில் சொல்லித் தரும் கல்வியுடன் மட்டுமல்லாது, நேரடியாக மக்களுடன் மாணவர்கள் தொடர்பு கொண்டு கற்றுக் கொள்வதும் இந்தப் படிப்பில் உள்ளடங்கும். மக்களின் வேலை காரணமாக அவர்களின் உடலில் ஏற்படும் பல்வேறு பாதிப்புகளைப் பற்றித் தெரிந்து கொள்வதற்கும், அந்தக் குறைபாடுகளினூடே மக்களைச் சிறப்பாகப் பணியாற்ற வைக்க என்ன செய்ய வேண்டும் என்பது பற்றியும் ஆக்குபேஷனல் தெரபி படிப்பில் கற்றுத் தரப்படுகிறது.

உதாரணமாக தகவல் தொழில்நுட்பத் துறையினர் ஏசி அறையில் வேலை செய்பவர்கள் உடலுக்குப் போதிய பயிற்சி அளிக்கமாட்டார்கள். அப்படிப்பட்டவர்கள் எம்மாதிரியான உணவை எடுத்துக் கொள்ள வேண்டும்? குளிர்சாதனப் பெட்டியில் இருந்து வரும் காற்றில் எந்த அளவுக்குத் தூசி இருக்க வேண்டும்? அதைக் குறைப்பதற்கு என்ன செய்ய வேண்டும்? என்பன போன்ற வேலை சார்ந்த உடல் பிரச்னைகளைச்சரி செய்வதற்கான படிப்பு ஆக்குபேஷனல் தெரபியாகும். இந்தப் படிப்பை முடிக்கும் மாணவர்களுக்கு பாலிகிளினிக், மருத்துவமனைகள், மாற்றுத் திறனாளிப் பள்ளிகள், மனநல சிகிச்சை மையங்கள், கல்லூரிகள், வயோதிகர்களுக்கான இல்லங்கள் ஆகியவற்றில் வேலை வாய்ப்புகள் அதிகம் உள்ளன.

பிசியோ தெரபி:

மனிதர்களின் உடல் செயல்பாடுகளில் ஏற்படும் குறைகளை நீக்கும் பணியை பிசியோ தெரபி கற்றவர்கள் செய்கிறார்கள். பாதிப்புக்கு உள்ளானவர்களின் அன்றாட வாழ்க்கையில் இயல்பான நிலையைக் கொண்டு வருவதற்கு இந்தப் படிப்பு உதவுகிறது.

உடலில் ஏற்பட்ட பாதிப்புகளில் இருந்து நோயாளிகளை மீட்டு, அவர்களை இயல்பான நிலைக்குக் கொண்டு வருவதற்கு என்ன சிகிச்சைகளைச் செய்வது? எம்மாதிரியான உடற்பயிற்சிகளை மேற்கொள்வது? என்ற சொல்லித் தருவது பிசியோ தெரபிஸ்ட்களின் பணியாகும். முகவாதம், பக்கவாதம், தலையில் காயம், தசையின் செயல்பாடுகளில் ஏற்படும் இயல்பு பிறழ்ந்த நிலை, எலும்பு முறிவு, மூட்டுவிலகல், இதய மற்றும் நுரையீரல் அறுவைச் சிகிச்சை ஆகியவற்றுடன் தொடர்புடையது பிசியோ தெரபி படிப்பு ஆகும். இவற்றில் பாதிக்கப்பட்ட நோயாளிகளின் உடல்நிலையை இயல்புநிலைக்குக் கொண்டு வருவது பிசியோ தெரபிஸ்ட்களின் பணியாகும்.
இவர்கள் தங்களுடைய பணியின் வாயிலாகக் கற்றுக் கொள்வதே அதிகம். அனாடமி, பிசியாலஜி, எக்ஸர்ûஸஸ் தெரபி, எலக்ட்ரோ தெரபி, பயோ மெகானிக்ஸ், மேனுவல் தெரபி, கிளினிகல் ஆர்த்தோ பேடிக்ஸ் ஆகியவை பிசியோ தெரபி படிப்பின் பாடத்திட்டத்தின் உள்ளடங்குபவையாகும்.

பிசியோ தெரபி படித்தவர்கள் உடலின் இயக்கம் தொடர்பான அறிவைப் பெற்றிருப்பதுடன், உடலில் ஏற்படும் பல்வேறு வலிகளை நீக்குவது, உடல் உறுப்புகள் சரியாக இயங்காதநிலையை மாற்றியமைப்பது ஆகியவற்றுக்கான பயிற்சிகளை அளிக்கும் திறனும் பெற்றிருப்பார்கள்.

உடலில் இயங்காமல் முடங்கிப் போன செல்களை இயங்க வைப்பதும் பிசியோ தெரபி படித்தவர்களே.

பிசியோ தெரபி படித்தவர்கள் orthopaedics, paediatrics, neurology, cardiopulmonary, sports, oncology, community physiotherapy ஆகிய பிரிவுகளில் முதுநிலைப் பட்டப்படிப்பைப் படிக்கலாம். இத்துறையில் முனைவர் பட்டப் படிப்பும் உள்ளது.

Prosthetics & Orthotics (BPO)

கால், கை ஊனமுற்றவர்களுக்கு செயற்கைக் கை, கால்களை உருவாக்குபவர்கள் இந்தப் படிப்பு படித்தவர்களே. இவர்கள் இது தொடர்பான அறிவைப் பெற்றிருப்பதுடன் செயல்முறைப் பயிற்சியையும் மேற்கொள்வார்கள்.

செயற்கைக் கைகள், கால்களை வடிவமைத்தல், உருவாக்குதல், பொருத்துதல் ஆகியவை இவர்களின் பணியாகும்.

அதுமட்டுமல்லாமல், அவ்வாறு செயற்கை கை, கால்கள் பொருத்தப்பட்டவர்கள் அதற்குப் பிறகு எந்த அளவுக்கு பிற மனிதர்களைப் போல தங்களுடைய கை, கால்களை இயக்குகிறார்கள் என்பதைக் கண்டறிவதும், தேவையான மாறுதல்களைச் செய்வதும் புராஸ்தெடிக்ஸ் மற்றும் ஆர்தோடிக்ஸ் படிப்பு படித்தவர்களின் வேலையாகும்.

பிற மருத்துவப் பணியாளர்களுடன் இணைந்து, போலியோ நோயினால் பாதிக்கப்பட்டவர்கள், கை, கால் துண்டிக்கப்பட்டவர்கள், பெருமூளை வாதம், நீரிழிவு நோய், தலையில் பலத்த காயமடைந்தவர்கள், தண்டுவட பாதிப்பு உள்ளவர்கள் ஆகியவர்களுக்கு அளிக்கப்படும் சிகிச்சைகளில் பணியாற்றுவார்கள்.

மூளையில் பாதிப்பு ஏற்பட்டவர்களுக்கு பல்வேறு பயிற்சிகளை அளிப்பது இவர்களின் சிறப்பாகும்.

Bachelor of Business Administration (BBA) – Hospital Administration

ஆக்ஸிலியம் கல்லூரியும், வேலூர் கிறிஸ்தவ மருத்துவக் கல்லூரியும் இணைந்து திருவள்ளுவர் பல்கலைக்கழகம் வாயிலாக இந்த பேச்சலர் ஆஃப் பிசினஸ் அட்மினிஸ்ட்ரேஷன் என்ற படிப்பை வழங்கி வருகிறார்கள். இந்தப் படிப்பு பெண்களுக்கு மட்டும் சொல்லித் தரப்படுகிறது.

மருத்துவத்துறையின் செயல்பாடுகள்மற்றும் நிர்வாகம் தொடர்பான இந்தப் படிப்பில் மருத்துவமனைகளின் நிதி மேலாண்மை, மனித வள மேலாண்மை, மருத்துவமனையின் அன்றாடச் செயல்பாடுகளை நிர்வகித்தல் ஆகியவை சொல்லித் தரப்படுகின்றன.

இந்தப் படிப்பு படிப்பவர்கள் 3 மாதம் நேரடிப் பயிற்சி பெற வேண்டும். அதற்காக வேலூரைச் சுற்றியுள்ள பல மருத்துவமனைகளில் இவர்கள் பயிற்சியாளராக நியமிக்கப்படுவார்கள்.

பிளஸ் டூ படிப்பில் தேர்ச்சி பெற்ற மாணவிகள் இதில் சேர்த்துக் கொள்ளப்படுவார்கள்.

நிறைய துணை மருத்துவப்படிப்புகள் இருந்தாலும் குறிப்பிடத்தக்க சிலவற்றைப் பற்றி மட்டுமே நாம் சொல்லியிருக்கிறோம். இந்த துணை மருத்துவப் படிப்புகளுக்கான கட்டணம் அரசுக்கல்லூரிகளில் மிகக் குறைவாக உள்ளது. அரசுக் கல்லூரிகள், ஜிப்மர், வேலூர் கிறிஸ்தவ மருத்துவக் கல்லூரி, தில்லியில் உள்ள ஆல் இண்டியன் இன்ஸ்டிடியூட் ஆஃப் மெடிகல் சயின்ஸஸ், நிம்ஹான்ஸ் போன்ற கல்லூரிகளில் படிப்பதற்கான கல்விக் கட்டணம் ஓராண்டுக்கு ரூ.3 ஆயிரத்திலிருந்து ரு. 40 ஆயிரம் வரை ஆகும். தனியார் கல்லூரிகளில் குறைந்தது ஆண்டுக்கு ரூ.1 லட்சத்துக்கும் மேல் இதற்குக் கட்டணம் செலுத்த
வேண்டியிருக்கும்.

மேலும் அரசுக் கல்லூரிகளில் படிப்பதால் கிடைக்கும் அறிவும், நடைமுறை பயிற்சியும் தனியார் கல்லூரிகளில் கிடைப்பது ஐயமே. 50 ஆண்டுகளுக்கு முன்பு தொடங்கப்பட்ட கல்லூரிகளில் பயின்றால், அவற்றில் பயின்றவர்கள் திறமையுடையவர்களாக இருப்பார்கள் என்று கருதி அடுத்தடுத்த உயர் வாய்ப்புகள் அங்கு படிக்கும் மாணவர்களுக்குக் கிட்டுவதும் எளிதாகும்.

(தொடரும்)

கட்டுரையாசிரியர் சமூக கல்வி ஆர்வலர்
www.indiacollegefinder.org

]]>
https://images.dinamani.com/uploads/user/imagelibrary/2020/4/2/w600X390/im9.jpg https://www.dinamani.com/weekly-supplements/ilaignarmani/2020/apr/02/சரியான-பார்வை-சரியான-வழி-சரியான-செயல்-3393148.html
3393146 வார இதழ்கள் இளைஞர்மணி மேடைப் பேச்சு... விடா முயற்சி! DIN DIN Thursday, April 2, 2020 05:02 PM +0530 எந்தவொரு செயலிலும் வெற்றி பெற அடிப்படையாக அமைவது தொடர் முயற்சி என்பது எல்லாரும் அறிந்ததுதான். ஒரு செயலை முயற்சியுடன் செய்யும்போது அந்தச் செயல் வெற்றிக்குரியதாக மாறுகிறது. ஒருவேளை அந்தச் செயல் வெற்றியைத் தராவிட்டாலும் மீண்டும் முயற்சி செய்தால் அது வெற்றியைத் தருகிறது. இதேபோலத்தான்,
"மேடையில் பேச வேண்டும்' என்ற ஆர்வத்தோடு மேடைக்கு வருபவர்கள் முதல் மேடையிலேயே வெற்றிப் பேச்சாளராக மாற இயலாது. அதற்கு முறையான முயற்சியும், சரியான பயிற்சியும் கண்டிப்பாகத் தேவை.
மேடை பயத்தால், தான் சொல்ல வந்த கருத்தை மறந்து கூட்டத்தினரிடையே கேலிப் பொருளாக மாறியவர்களும் உண்டு. மேடை ஏறியதும் "நான் பேசுவதைப் பற்றி அவர் என்ன நினைப்பாரோ? இவர் என்ன சொல்வாரோ? என்று குழம்பித் தவிப்பவர்கள்', "வலைக்கு முன்னால் கல்லைப் போட்டு மீன் பிடிப்பதில் தோல்வியடைந்தவரைப் போல, " மேடைப் பேச்சில் தோல்வியைச் சந்திக்கிறார்கள். மனதில் எழும் வீணான பயம் சிலரை மேடையில் கண்டபடி உளற வைத்துவிடுகிறது.
மேடைக்குச் செல்லும் முன்பே பயத்தோடு இருப்பவர்களால் கேட்பவர்களை உற்சாகப்படுத்த முடியாது. எனவே, மேடையில் பேசும் கருத்துகளை முன் கூட்டியே திட்டமிட்டு, அதனைச் சிறந்த பயிற்சிகள் மூலம் வெளிப்படுத்த பழகிக் கொள்வது நல்லது.
மேடையில் பேசும் திறமை ஒருவருக்கு இயற்கையாக அமைந்துவிடாது. தொடர்முயற்சியுடன் கூடிய உழைப்பால் மட்டுமே பேசும் திறமையை வளர்க்க இயலும்'' என்பது வெளிநாட்டு அறிஞரின்
கருத்தாகும்.
மேடை ஏறும்போதே மகிழ்ச்சியான மனநிலையை உருவாக்கிக் கொள்ள வேண்டும். நடுக்கம் இல்லாமல் மகிழ்ச்சியோடு மனம் இருக்கும்போதுதான் வார்த்தைகளைத் தெளிவாக வெளிக் கொணர இயலும். முதன்முதலில் மேடையில் பேச ஆரம்பிப்பவர்களுக்கு பயம் அதிகமாக இருக்கும்.
ஆரம்பத்தில் மேடை ஏறும்போது பயமாக இருந்தாலும், தொடர்ந்து பேசிப் பழகுவதன் மூலம்தான் விடாமுயற்சி அவர்களுக்கு வெற்றியைத் தரும்.
நெல்லை கவிநேசன் எழதிய "வாருங்கள் மேடையில் பேசலாம்' என்ற நூலிலிருந்து...

]]>
https://images.dinamani.com/uploads/user/imagelibrary/2020/4/2/w600X390/im8.jpg https://www.dinamani.com/weekly-supplements/ilaignarmani/2020/apr/02/மேடைப்-பேச்சு-விடா-முயற்சி-3393146.html
3393145 வார இதழ்கள் இளைஞர்மணி பொருள் இயைபியலின் தந்தை  மு.கலியபெருமாள் DIN Thursday, April 2, 2020 05:00 PM +0530 சோசியா வில்லார்டு கிப்சு 839-1903 அந்த மேடையில் சொற்பொழிவாற்றியவர் பிரிட்டனின் தலைசிறந்த அறிவியற் புலவர் ஆவர்; பெயர் கிளார்க் மேக்சுவெல் (ClerK Maxwell) என்பது. அக்கூட்டத்தில் குழுமியிருந்த பெருமக்கள் விக்டோரியா அரசியார், ஐரோப்பாவின் பல பகுதிகளிலுமிருந்து வந்திருந்த புகழ்பெற்ற அறிவியற் பெரியார்கள் ஆகியோர் ஆவர். அவரது பேச்சின் தலைப்பு: "அமெரிக்காவிலுள்ள யேல் பல்கலைக்கழகத்தின் பேராசிரியர் வில்லார்டு கிப்சு Professor Willard Gibbs என்ற அமெரிக்க இளைஞர் ஒருவர் செய்து கொண்டிருக்கும் ஆராய்ச்சிகள்'.

இடம் : இலண்டன் மாநகரம்: காலம்: 1876-ஆம் ஆண்டு.

கிப்சைப் பற்றி மேக்சுவெல்லின் பேச்சு, புகழின் உச்சியிலிருக்கும் ஒருவரிடமிருந்து வந்த சிறப்பான பாராட்டுரையாகும். இறவாத புகழ் படைத்த அறிவியல் பெரியார்களின் வரிசையிலே கிப்சும் ஒருவராக இருப்பார் என்பதை மேக்சுவெல் அன்றே கண்டிருந்தார்.

அந்த ஆண்டு கிப்சு தனது 37-ஆவது வயதை எட்டிப் பிடித்திருந்தார். மெல்லிய உருவமும், தாடியும் அறிவுச்சுடர் விடும் கண்களும், வேடிக்கைப் பேச்சும் உடைய அவர் ஐந்தாண்டு காலம் யேல் பல்கலைக்கழகத்தில் கணிதப் பொருளியல் புலவராகப் (Mathematical Physicist) பணிபுரிந்தார்.

அதுவரை அவருக்கு திருமணமாகவில்லை. தம்முடைய உடன் பிறந்தாளின் குழந்தைகளுடன் வெளியில் செல்வதும் அவர்களுக்கு வேடிக்கையும் விந்தையும் நிறைந்த புதுமைக் கதைகள் சொல்வதுமே அவருக்குப் பொழுதுபோக்காக இருந்தன. அவருடைய வாழ்நாளில் பத்தொன்பது பரிசுகளும் சிறப்புப் பட்டங்களும் பெற்றார். அதிலே அறிவியலின் மிகப் பெரிய சாதனைக்கு கொடுக்கக் கூடிய அனைத்து நாட்டுப் பரிசும் (Internatioal Prize) இருந்தது. இத்தனை சிறப்பிருந்தும் இவற்றைப் பற்றி எல்லாம் அவருடன் மிகவும் நெருங்கிப் பழகுகிற நண்பர்களுக்குக் கூட அவருடைய வாழ்க்கை வரலாற்றைச் செய்தித்தாளில் படிக்கும் வரை தெரியாது.

இத்தகைய தலைசிறந்த பண்பையும், தலையாய அறிவையும் பெற்ற பொருளியற் புலவரான (Physicist) சோசியா வில்லார்டு கிப்சு 1839-ஆம் ஆண்டு பிப்ரவரித் திங்கள் 11-ஆம் நாள் நியூஹேவனில் (New Haven) பிறந்தார்.

கிப்சு 10 வயதாக இருந்த போது தனியார் பள்ளி ஒன்றுக்குச் சென்று வந்தார். அடக்கமும் கூச்சமும் நிறைந்த அவர் மற்ற மாணவர்களையே பின்பற்றிச் சென்றார். பள்ளிப் படிப்பு முடிந்ததும் 1854-இல் கிப்சு கல்லூரியில் சேர்ந்தார்.

கிப்சின் கல்லூரி வாழ்க்கை தொடங்கும்போதும், பின்னரும் யேல் கல்லூரியின் நிலை மிகவும் சீர்கெட்டிருந்தது. கல்லூரி மாணவர்கள் கட்டுப்பாடில்லாமல் தங்கள் விருப்பப்படியெல்லாம் இயங்கிக் கொண்டிருந்தார்கள்.

கல்லூரியின் பொது நிலை எப்படியிருந்தாலும், கிப்சு தன்னுடைய தரத்தை என்றும் நிலை நிறுத்தி வந்தார். 1858-இல் "இளைஞர்' பட்டத்தை பெற்ற கிப்சு 1863-இல் பொறியியலில் பேரறிஞர் பட்டத்தைப் பெற்ற முதல் அமெரிக்கர் அவரே.

பேரறிஞர் பட்டத்திற்கு அவர் எழுதிக் கொடுத்த ஆராய்ச்சிக் கட்டுரை "விரைவாக இணைந்து செல்லும் பற்சக்கரங்களிலுள்ள பற்களின் அமைப்பு' (On the form of the teeth of wheels inspur gearing) என்பதை பற்றியதாகும். பேரறிஞர் பட்டத்தைப் பெற்ற உடனே யேல் கல்லூரியில் மூன்றாண்டு காலம் ஆசிரியராகப் பணியாற்றும் வேலை அவருக்குக் கிடைத்தது.

ஆசிரியராகப் பணியாற்றிய போது அவருக்கு மிகவும் பிடித்தமான பொறியியல் ஆராய்ச்சியில் அவர் ஈடுபட்டார். நீராவிப் பொறி உருளையைப் பற்றி நிறைய ஆராய்ச்சிக் குறிப்புகள் எழுதினார். தொடர் வண்டியின் தடையாற்றலால் இயங்கும் தண்டவாளச் சக்கரத் தடுக்கையைக் கண்டுபிடித்து 1866-ஆம் ஆண்டு மார்ச்சு திங்கள் 24-ஆம் நாளில் அதற்குரிய தனி உரிமைப் பத்திரத்தையும் (Patent) பெற்றார்.

யேல் கல்லூரியில் ஆசிரியர் பணியின் காலம் முடிவுற்றதும், அவரது இரு உடன்பிறந்தாள்களுடன் கிப்சு வெளிநாடு சென்றார். இந்த நிகழ்ச்சி அவரது வாழ்க்கையையே மாற்றியமைத்தது. ஐரோப்பாவில் அவர் பெற்ற மேற் பயிற்சியே அவரது வாழ்நாளின் அரிய பெரிய பணியினுக்கு அவரைச் செம்மைபடுத்தியது; அவருக்கு வழிகாட்டியது.

டுகாமல், லியோ வில்லி, குண்ட், கெல்மோல்ட்சு, கார்னாட் போன்ற தலைசிறந்த அறிவியற் பெரியார்களிடமிருந்து கொள்கை நிலை பொருளியல் பற்றி மேலும் பலவற்றைக் கற்றறிந்தார்.
தமது சுற்றுப் பயணத்தை முடித்துக் கொண்டு திரும்பியதும் 1871-ஆம் ஆண்டு சூலைத் திங்கள் 13-ஆம் நாள் கிப்சு, யேல் பல்கலைக்கழகத்தின் தத்துவக் கலைத்துறையில் கணித பொருளியல் பேராசிரியராக ஊதியம் இல்லாமல் அமர்த்தப்பட்டார். அமெரிக்காவில் ஏற்பட்ட இத்தகைய பதவி இதுவே முதலாவதாகும்.
பேராசிரியர் பதவி ஏற்ற கிப்சு அவர், வாழ்ந்த காலத்திற்கு ஏற்பவே அவரது முதல் ஆராய்ச்சியை அமைத்துக் கொண்டார். பொறியியல் வல்லுநரான அவர் அக்காலத்தின் பெரும் சிக்கலாக இருந்த நீராவிப் பொறிகளின் திறனைப் (Effiency of steam engines) பற்றி ஆராய்ந்தார். ஐரோப்பாவில் அவர் பெற்ற கணித அறிவும் பொருளியல் கொள்கைகளும் அவரது பொறியியல் ஆராய்ச்சிக்குப் பெரிதும் உதவின.

எக்காலத்திலும் மறையாத மிகப்பெரிய அறிவியற் புரட்சிகளில் ஒன்றைச் செய்தவர் நியூட்டன். வில்லார்டு கிப்சின் ஆராய்ச்சியும் அந்த அளவுக்குப் பெருமையும் சிறப்பும் உடையதாகும்.

பொருள்களின் நிலை மாற்றத்திலும் (Change of state) சமநிலைக் கொள்கையைப் (the concept of equilibrium) புகுத்தினார் வில்லார்டு கிப்சு. பனிக்கட்டி உருகி நீராகிறது: நீர் ஆவியாகிறது. நீராவி நீரகமாகவும் ( Hydrogen) தீயகமாகவும் (Oxyogen) பிரிகின்றது. பின்னர் நீரகம் உப்புவளியுடன் சேர்ந்து நவச்சாரமாக (Ammonia) மாறுகிறது.

இப்படி இயற்கையில் ஏற்படும் ஒவ்வொரு விளைவும் ஒரு மாற்றமாகும். இந்த வகை மாற்றத்தின் விதிகளைத்தான் கிப்சு கண்டுபிடித்தார். நியூட்டன் பொறியியக்க இயலை நிலை நிறுத்தியது போல், கிப்சு பொருளியைபியல் (Physical chemistry) என்ற ஒரு புது அறிவியலையே தோற்றுவித்தார். இதனால் கிப்சைப் பொருளியைபியலின் தந்தை என்று அழைக்கிறார்கள்.

இயைபியலில் கிப்சு கண்டுபிடித்த சமநிலைக் கொள்கை அது கண்டுபிடித்த 50 ஆண்டுகளுக்குள்ளாக உலகத்தின் மிகப் பெரிய தொழில்களில் எல்லாம் சென்று பரவியது. எஃகு இயைபியலாக மாறியது. ரொட்டி சுடுதல், சீமைக் காரை செய்தல், உப்பு உற்பத்தி (வெட்டி எடுத்தல்), பாறை எண்ணெய் எரிபொருள் (Petrolium fuel) உற்பத்தி, தாள் உற்பத்தி, டங்சுடன் இழை உற்பத்தி, துணி உற்பத்தி போன்ற ஆயிரக்கணக்கான பொருள்கள் கிப்சின் கொள்கைப்படி ஆராயப்பட்டு ஒழுங்குபடுத்தப்பட்டன. அதோடு அவைகளின் எதிர்காலத்தைப் பற்றியும் முன்னறிவிக்க முடிந்தது.
எரிமலைகளின் இயக்கம், குருதியின் உடற் கூற்றுமுறை மின்னடுக்குகளில் மின்பகுப்பு செயல், உர உற்பத்தி முதலிய எத்தனையோ வகையான நிகழ்ச்சிகளை கிப்சின் கொள்கையைக் கொண்டு விளக்கமளித்தார்கள்.
மாறாத கன அளவில் நீரை வெப்பப்படுத்தி நீராவியாக்கும் போது ஒரு குறிப்பிட்ட அளவு வெப்பத்தை நீரானது அதனுடைய மூலகத்தின் உள் அமைப்புக்கு இழந்துவிடுகிறது. இது போல் நீர்ம நவச்சாரம் நீர்ம நிலையிலிருந்து நவச்சார வளியாக மாறும் போது வேறு அளவு வெப்பத்தை இழக்கிறது. வெப்பத்தை உள் இழுக்கம் இந்தத் தன்மைக்குத் தான் வெப்ப அடைவு (ENTROPY) என்று பெயர். எந்த நிகழ்ச்சியிலும் இன்றியமையாத அளவு வெப்ப அடைவின் மாற்றமே யாகும். மாறாத பருமனில் ஒரு நீர்மப் பொருள் கொதிக்கும் போது ஏற்படுகின்ற வெப்ப அடைவின் மாற்றம் ஆவியாகும் வெப்பத்தை கொதி நிலையால் வகுத்து வருவதற்குச் சமமாகும்.
பொதுவாக எந்த நிகழ்ச்சியிலும் வெப்ப அடைவின் மாற்றம் எளிய எண் கணிதமே யாகும். அதாவது வெப்பப்படுத்தும் போது அந்த மாற்றத்திற்கு வேண்டிய வெப்பத்தின் கேலாரி எண்ணிக்கையை வெப்ப நிலையின் எண்ணிக்கையால் வகுத்து வரும் அளவேயாகும். கிப்சுக்கு முன்னால் வெள்ள இயக்கவியலின் அளவு சொற்களாக ஆற்றல், அழுத்தம், கனஅளவு, வெப்பநிலை வேலை ஆகியவைகளே இருந்தன. இந்தப் பட்டியலில் வெப்ப அடைவையும் கிப்சு சேர்த்தார்.

(அடுத்த இதழில்)

]]>
https://images.dinamani.com/uploads/user/imagelibrary/2020/4/2/w600X390/im7.jpg https://www.dinamani.com/weekly-supplements/ilaignarmani/2020/apr/02/பொருள்-இயைபியலின்-தந்தை-3393145.html
3393144 வார இதழ்கள் இளைஞர்மணி ஒழுக்கம்... முன்னேற்றத்துக்கு மூலதனம்! கவிதாசன் DIN Thursday, April 2, 2020 04:50 PM +0530
முன்னேற்றக் காற்றை மூச்சுக் காற்றாகச் சுவாசிக்க வேண்டும் என்ற எண்ணம் எல்லாருடைய மனதிலும் சிறகு விரிப்பதுண்டு. அந்த எண்ணம்தான் வெற்றியை நோக்கி மனிதர்களை இயக்குகின்ற உந்துசக்தியாக விளங்குகிறது.

மேலும், ஒவ்வொருவரும் ஏதாவது ஓர் உன்னத இலக்கை வைத்துக் கொண்டு, அதை நோக்கி தங்களுடைய வாழ்க்கையைச் செலுத்த வேண்டும். அப்போதுதான் வாழ்க்கைக்கு ஓர் அர்த்தத்தை ஏற்படுத்திவிட்டுச் செல்ல முடியும்.

ஆம். லட்சியமில்லாத வாழ்க்கை துடுப்பில்லாத படகு போன்றது. அது காற்றுக்கு அசையலாம்; ஆனால், கரையைச் சென்று சேராது. அவ்வாறு தாங்கள் நினைத்த இலக்கை அடைவதற்கு அறிவு மட்டுமே போதும் என்றே பலர் எண்ணுகின்றார்கள். அதன் வெளிப்பாடாகத்தான், பெரும்பாலான பெற்றோர் தங்களுடைய குழந்தைகளைப் போட்டி போட்டுக் கொண்டு மதிப்பெண்களை மட்டுமே கொட்டுகின்ற இயந்திரங்களாக மாற்றுவதற்குத் துடிக்கிறார்கள். மேலும், அதற்கேற்றவாறே இன்றைய பள்ளிகளிலும், மதிப்பெண்களைக் குறிவைத்தே பாடங்கள் போதிக்கப்படுகின்றன.

ஒரு சமுதாயம் அறிவு சார்ந்ததாக மலர்வது வரவேற்கத்தக்கதுதான். "அறிவு அற்றம் காக்கும் கருவி' என்றார் வள்ளுவர்.

அறிவார்ந்த செயல்பாடுகளும் உழைப்பும்தான் ஒருவரை வெற்றிப் பாதையில் பயணிக்க வைக்கின்றன என்றாலும், அறிவை மட்டுமே வைத்துக் கொண்டு ஒருவரால் வெற்றிச் சிகரத்தை எட்டமுடியுமா, ஒருவேளை எட்டினாலும் அங்கே தொடர்ந்து நிலைத்து நிற்க முடியுமா என்ற கேள்விகள் நமக்குள் எழ வேண்டும்.

"அரம்போலும் கூர்மைய ரேனும் மரம்போல்வர் மக்கட்பண்பு இல்லாதவர்' என்று மனிதப் பண்புகளின் அவசியத்தை வலியுறுத்துகிறார் வள்ளுவர்.

திறமையும் அறிவும் இருந்தால் ஒருவனால் சிகரத்தைத் தொடமுடியும் என்பதில் எள்ளவும் சந்தேகமில்லை. ஆனால், ஒழுக்கமில்லை என்றால், ஒருவன் எவ்வளவு உயரத்தில் இருந்தாலும் அங்கிருந்து வழுக்கி விழுவதைத் தடுக்க முடியாது. எனவே, அறிவைவிட ஒழுக்கமே முன்னேற்றத்துக்கு மூலதனமாக அமைகிறது என்பதை அனைவரும் புரிந்து கொள்ள வேண்டும்.

இன்றைய அன்றாட நடைமுறை வாழ்க்கையில், பலர் தங்களுடைய அறிவின் மூலம் உயரிய பதவிகளை அடைந்திருந்தாலும், நேர்மை, சுய ஒழுக்கம், கை சுத்தம், மனிதப் பண்புகள் முதலான அறநெறிகளைக் கடைப்பிடிக்காத காரணத்தினால், உயரத்தில் இருந்து வழுக்கி விழுந்து சிதறிப் போவதை தினமும் படிக்க நேரிடுகிறது.

அதாவது, ஒழுக்கமில்லாத மனிதர்கள், சமுதாய வயல்களில் களைகளாகவே இருப்பதால், எவ்வளவு உயரமாக அவர்கள் வளர்ந்தாலும் என்றாவது ஒருநாள் வெட்டி வீழ்த்தப்படுவது உறுதி.

இளமைப் பருவம் முதலே, நமது பிள்ளைகளுக்கு அறநெறிகளைப் போதித்து ஒழுக்கசீலர்களாக வளர்ப்பது பெற்றோர், ஆசிரியர்களின் முதன்மையான கடமையாகும். இதைத்தான் சமுதாயம் காலங்காலமாக வலியுறுத்தி வருகிறது. "கல்வியின் நோக்கம் ஒழுக்கத்தைக் கற்றுக் கொடுப்பதுதான்' என்கிறார் சுவாமி விவேகானந்தர்.

முன்பெல்லாம் பள்ளிக்கூடங்களில் அறநெறி (Moral Science) வகுப்புகள் நடத்தப்படும். ஆனால் இப்போது அதற்கெல்லாம் பள்ளிகளில் நேரம் ஒதுக்கப்படுவதில்லை என்பதுடன் அவற்றுக்கெல்லாம் பாடத் திட்டத்தில் இடமுமில்லை என்பதும் உண்மைதான்.

மேலும், அன்றைய குடும்பங்கள் கூட்டுக் குடும்பங்களாக விளங்கியதால், அனுபவ அறிவு மிகுந்த தாத்தா, பாட்டி, பெரியம்மா, பெரியப்பா போன்றவர்கள், தங்களுடைய வீட்டில் வளரும் சிறுவர்களைக் கண்காணித்து, அவ்வப்போது அறிவுரைகளைக் கதைகளாகவும், அனுபவப் பகிர்வுகளாகவும் பிஞ்சு மனங்களில் அள்ளித் தெளித்தார்கள்.

அவை இளையோர் நெஞ்சில் வேரூன்றி வளர்ந்து அவர்களுடைய வாழ்நாள் முழுவதும், நற்பண்புகளாக மலர்ந்து பயன் கொடுத்தன. மேலும், அவற்றின் மூலமாக செழிப்படைந்தவர்கள் தனிமனிதர் மட்டுமல்ல, இந்தச் சமுதாயமும்தான் என்பதை விளக்க வேண்டியதில்லை.

தற்போது நகர நெரிசலிலும் நாகரிக வளர்ச்சியிலும் கூட்டுக் குடும்பங்கள் சிக்கிச் சிதறுண்டு போனதுடன், கணவன்- மனைவி கூட தனித்தனியாக வாழும் அவலமும், அவசியமும் நேர்ந்துள்ளது என்பதை யாராலும் மறுக்க முடியாது.

இதன் காரணமாக, குழந்தைகளின் எண்ணிக்கையும் குறைந்து போனதுடன், பெற்ற ஓரிரு பிள்ளைகளும், தந்தையிடமோ தாயிடமோ அல்லது விடுதிகளிலோதான் வளர்வதைப் பார்க்க முடிகிறது.

இவ்வாறாக, இளம்வயதில் பெற்றோரின் அன்பும் அரவணைப்பும் முழுமையாகக் கிடைக்காமல் முறையாக அறத்தின் பாதையில் வளர்க்கப் படாதவர்களால் எப்படி நல்ல மனிதர்களாக வாழமுடியும்? இதைத்தான் ஒரு மாணவி, தனது உள்ளக் குமுறலாக இப்படி வெளியிட்டுள்ளார்.

"அப்பா சொன்னார்
டாக்டர் ஆகவேண்டும் என்று
அம்மா சொன்னார்
இன்ஜினியர் ஆகவேண்டும் என்று
அண்ணன் சொன்னார்
ஆடிட்டர் ஆகவேண்டும் என்று
அக்கா சொன்னார்
அட்வகேட் ஆகவேண்டும் என்று
ஆனால்
யாருமே சொல்லவில்லை
நல்ல மனிதராக
வேண்டும் என்று!'

ஆக, ஒழுக்கமற்ற சமுதாயமாக நமது சமுதாயம் மாறிவருகிறதோ என்ற அச்சம் பலருக்கு மனதில் உருவெடுக்கத் தொடங்கிவிட்டது. மேலும், ஒழுக்கமற்ற கல்வியின் வெளிப்பாடுதான், பாலியல் வன்கொடுமைகள், திருட்டுகள், வழிப்பறிக் கொள்ளைகள், போதைப் பழக்கம் என சிறார் குற்றங்கள் பெருகுவதற்கும், படித்த வாலிபர்களுடைய ஒழுக்கமற்ற செயல்களும் என்று உறுதியாகக் கூறுகிறார்கள் சமூக அறிவியலாளர்கள்.

வேகமாக வளர்ந்து வரும் அதிதொழில்நுட்பம், கணினி சார்ந்த ஊடகப் புரட்சியும் வளரிளம் சிறார்களைத் தாக்கி அவர்களின் திசையை மாற்றத் தொடங்கிவிட்டன. இவ்வாறான தற்சிதைப்பு நடவடிக்கைகளைத் தடுக்க ஆசிரியர்களும், பெற்றோரும் தேவையான தற்காப்பு நடவடிக்கைகளை துரிதமாக எடுக்க வேண்டும்.

பள்ளிகளும், இல்லங்களும், சிறார்களின் அறிவு வளர்ச்சிக்கு கொடுக்கும் முக்கியத்துவத்தைவிட ஒழுக்கம் சார்ந்த நுட்பங்களையும் பண்புகளையும் இளைய உள்ளங்களில் வார்த்தெடுப்பதற்கு அதிக முக்கியத்துவம் கொடுக்க வேண்டும். ஏனெனில், இன்றைய இளையவர்கள்தான் எதிர்காலத்தை செதுக்கும் சிற்பிகளாக, ஏன் நாட்டையே வழிநடத்தும் தலைவர்களாக உருவாக இருக்கிறார்கள்.

எனவே, பிஞ்சுகள் வெம்பிவிடாமல் பாதுகாப்பாக வளர்ப்பதுதான் சமூகப் பொறுப்புணர்வு. ஆனால், சமூகத்தின் செயல்பாடுகளாக நாம் கருதும் செய்தி ஊடகங்களும், திரைப்படங்களும், சின்னத்திரைக் காட்சிகளும் சமுதாயத்தைச் செதுக்கும் முயற்சிக்குப் பதிலாக, விழுமியங்களைச் சிதைக்கும் விதமாகவே உள்ளன என்பதுதான் பலரின் புலம்பல்களாக இருக்கிறது.

மேலும், அப்பாவி மக்களின் மனங்களில் நச்சு விதைகளைச் ஓசையின்றித் தூவி விடுகின்றன என்கிறார்கள் மனோதத்துவ அறிவியலாளர்கள்.

இத்தகைய சூழலில், நமது வளரும் பருவத்தினரைச் செம்மைப்படுத்துவதற்கு என்னதான் செய்ய வேண்டும் என்பதுதான் மில்லியன் டாலர் கேள்வி. பள்ளிகளும் பெற்றோரும் கட்டாயம் சமுதாயப் பொறுப்புணர்வுடன் செயல்பட வேண்டும் என்பதில் மாற்றுக் கருத்து இருக்கமுடியாது.

ஆம்! பாடத்திட்டத்தில், இல்லை எனச் சொல்லி, நழுவிக் கொள்ளாமல், வாரத்தில் இரண்டு பாடப்பிரிவுகளையாவது அறநெறிக் கல்விக்காக பள்ளிகள் ஒதுக்க வேண்டும். மேலும், இதற்காக புதிய ஆசிரியர்களை நியமிக்க வேண்டும் என்ற கட்டாயம் இல்லை.

ஓய்வு பெற்ற ஆசிரியர்களை பகுதி நேர சேவைக்கு நியமிக்கலாம். அது இரு வழிகளில் நன்மை செய்யும். ஒன்று பள்ளிகளுக்குச் செலவைக் குறைப்பதுடன், ஓய்வு பெற்ற ஆசிரியர்களுக்கு உற்சாகத்தையும் நன்மதிப்பையும் கொடுக்கிறது.

இரண்டாவதாக, நாள்தோறும் குறைந்தபட்சம் ஒரு மணி நேரமாவது தங்களின் குழந்தைகளுடன் பெற்றோர் அமர்ந்து பேசி, அவர்களுடன் மன ரீதியாக நெருக்கத்தை ஏற்படுத்திக் கொள்வது மிகவும் அவசியம். மேலும், தங்களுடைய அனுபவங்களையும் அறநெறிக் கருத்துகளையும் வாரிசுகளிடம் பகிர்ந்து அவர்களைப் பக்குவப்படுத்தி நன்னெறிப்படுத்த வேண்டும். அத்துடன் நீதி நூல்களை வாசிக்கும் பழக்கத்தையும் உருவாக்க வேண்டும்.

தங்களுடைய குழந்தைகளுக்குத் தேவையானதையெல்லாம் ஆசிரியர்களே பார்த்துக் கொள்வார்கள் என்று தங்களுடைய தார்மீகப் பொறுப்பை தட்டிக் கழிக்காமல், தாம் பெற்ற குழந்தைகளை ஒழுக்க நெறிகளுடன் வளர்த்து பொறுப்புள்ள குடிமக்களாக மாற்றுவது தங்களுடைய கடமைதான் என்பதை உணர்ந்து ஆசிரியர்களுக்கு ஒத்துழைப்பு நல்கும் விதமாகப் பெற்றோர் செயல்பட வேண்டும்.

அத்துடன் ஆசிரியர்களும் சம்பந்தப்பட்ட பெற்றோரும் இரு மாதங்களுக்கு ஒருமுறையாவது நேரில் சந்தித்து கலந்து ஆலோசித்து, வளரும் குழந்தைகளிடையே தோன்றியுள்ள களைகளைக் களைந்து ஊக்கப்படுத்தி பாராட்டு என்னும் உரமிட வேண்டும். குறைகளைக் காண்பதுடன் நிறுத்திக் கொள்ளாமல், நிறைகளைக் கட்டாயம் கண்டறிந்து போற்ற வேண்டும். அதாவது, குழந்தைகளிடையே காணும் நற்பண்புகளைப் பாராட்டும்போது, அவை மேன்மேலும் வளரும் என்பதை நினைவில்கொண்டு செயல்பட வேண்டும்.

நிறைவாக, ஒழுக்கமும், தன்னம்பிக்கையும், மனிதப் பண்புகளும்தான் முன்னேற்றத்துக்கான உண்மையான மூலதனம் என்பதை அனைவரும் உணர்ந்து செயல்பட வேண்டும். அப்போதுதான் நமது தேசத்தின் கனவுகள்
நிறைவேறும். காலத்தின் நெஞ்சில் சுவடு பதிக்கும் திறன் மிக்கவர்களை உருவாக்க முடியும்.

]]>
https://images.dinamani.com/uploads/user/imagelibrary/2020/4/2/w600X390/im6.jpg https://www.dinamani.com/weekly-supplements/ilaignarmani/2020/apr/02/ஒழுக்கம்-முன்னேற்றத்துக்கு-மூலதனம்-3393144.html
3393139 வார இதழ்கள் இளைஞர்மணி வாங்க இங்கிலீஷ் பேசலாம் DIN DIN Thursday, April 2, 2020 04:40 PM +0530 ஊரடங்கு உத்தரவு பிரகடனம்பண்ணப்பட்ட நிலையில்புரொபஸர், கணேஷ் மற்றும் ஜூலிபுரொபஸரின் நண்பரான வீரபரகேசரியின் வீட்டுக்குச் சென்றிருக்கிறார்கள். வீரபரகேசரி தன்னை சோழப்பேரரசின் சக்கவர்த்தியாக நம்பி தனது சேவகர்களின் உதவியுடன் தனது பெரிய வீட்டில் வாழ்ந்து வருகிறவர். ஒரு சின்ன விசயத்துக்காக வீரபரகேசரி கணேஷிடம் கோபித்துக் கொள்கிறார். அவர் அவனுக்கு மரண தண்டனை விதிப்பதாக, அவன் தலை உடனே கொய்யப்படுமென கட்டளை பிறப்பிக்கிறார். கணேஷ் மன்னிப்புக் கோர அவர்அவனிடம் பத்து கேள்விகள் கேட்கப் போவதாகச் சொல்கிறார். அதில் ஒன்பதுக்கு சரியாகபதிலளித்தால் அவன் தலை தப்பும்.
கணேஷ் (தனக்குள்): அப்பாடா...
இன்னும் சில கேள்விகள் தாம், எப்படியும் சீக்கிரமே விடிஞ்சிரும். அதுவரைக்கும்சமாளிச்சிட்டா இந்த கிறுக்கன் கிட்டேயிருந்து தப்பிச்சிரலாம்.
அமைச்சர்: மன்னர் மன்னா, நாட்டில்ஏற்பட்டுள்ள அபாய நிலையை முன்னிட்டு உங்களிடம் பேச மருத்துவ ஆலோசகர்குழு வந்துள்ளது.
வீரபரகேசரி: சரி, வரச் சொல்.

மருத்துவர் குழுவில் ஐவர் இருக்கிறார்கள். அவர்களின் தலைவர் ஒரு முதிய மருத்துவர்.
மருத்துவக்குழு தலைவர்: மன்னர் மன்னா, நீ நீடூழி வாழ்க.
வீரபரகேசரி: இருக்கட்டும், இருக்கட்டும். நாட்டில் ஏதோ படுபயங்கர வியாதி உலவுகிறதாமே?
மருத்துவக்குழு தலைவர்: ஆம், மன்னா, it could soon turn into a pandemic. அடுத்த வாரமே ஐம்பது கோடி பேர் இறந்து விடுவார்கள்... நாம் உடனடியாய் நடவடிக்கை எடுக்காவிட்டால்.
வீரபரகேசரி: சரி, நீங்கள் எல்லாம் என்ன செய்கிறீர்கள்?
மருத்துவக்குழு தலைவர்: நாங்கள் தினமும் டிவியில் தோன்றி மக்களை எச்சரிக்கிறோம். பேஸ்புக்கில் எழுதி பயமுறுத்து
கிறோம்.
வீரபரகேசரி: Wasted fellows. Scare mongers. Doom mongers. Doom and glood merchants. Prophets of doom.

ஜூலியிடம் கணேஷ்: என்ன சொல்ல திட்டுகிறார் மன்னர்?
ஜூலி: Scare mongers, doom mongers என்றால் பீதியை, புரளியைக் கிளப்புகிறவர்கள். Doom and gloom merchants, prophets of doom என்றால் உலகம் அழியப் போகிறது எனும் கணக்கில் பேசி மக்களை பய
முறுத்துகிறவர்கள். உதாரணமாக கடந்த வாரத்தில் லண்டனின் இம்பீரியல் காலேஜ் ஓர் ஆய்வு முடிவை வெளியிட்டது. அதன் கணிப்பு என்னவெனக் கேட்டால் அதிர்ந்து விடுவாய்.
கணேஷ்: என்ன?
வீரபரகேசரி: என்ன சொல்கிறது உனது நாய்?
ஜூலி: ஒன்றுமில்லை மன்னா...
வீரபரகேசரி: Fear not doggy.
கணேஷ்: அதென்ன doggy?
ஜூலி: குழந்தைகள் நாயை செல்லமாக doggy எனச் சொல்லும். நம் மன்னர் இன்னும் அந்த குழந்தை நிலையில் தான் இருக்கிறார் போல.
வீரபரகேசரி: என்ன சொல்கிறது உமது ஸ்ரீன்ழ்?
கணேஷ்: cur என்றால் என்ன?
ஜூலி: அதுவா, தெருநாயை ஸ்ரீன்ழ், ம்ர்ய்ஞ்ழ்ங்ப் என்றெல்லாம் சொல்வார்கள். நீ இப்படி கேட்டுக்கொண்டே போனால் என்னால்
உன் முதல் கேள்விக்கு பதில் சொல்லவே முடியாமல் போகும் கேட்டுக்கோ.
கணேஷ்: சாரி.
வீரபரகேசரி: What says the tyke?

ஜூலி: இதுக்கும் மீனிங் கேட்காதே. ஙர்ய்ஞ்ழ்ங்ப் என்பதன் மற்றொரு பெயர் Mongrel. இவர் வேற திரும்பத் திரும்ப ஒரே கேள்வியைக் கேட்டு கடுப்பேத்தறார். My lord, I am not a mongrel. I am a breed dog.
வீரபரகேசரி: ஓஹோ.... உம்மை எமது பட்டத்து அரசியாருக்கு
பரிசளிக்கலாமே?
ஜூலி: இல்லை மன்னா, யாமார்க்கும் குடியல்லோம். என்னை விற்கவோ வாங்கவோ பரிசளிக்கவோ முடியாது.
வீரபரகேசரி: வர வர நாய் கூட எதிர்த்து பேசுகிறது. (அமைச்சரிடம்) யோவ் மண்டைவீங்கி.
அமைச்சர்: மன்னர் மன்னா
வீரபரகேசரி அவரை கன்னத்தில் அறைகிறார்: போ. இனி எவனும் எதிர்ப்பேச்சு எனக்கு பேசக் கூடாது.
அமைச்சர் (கன்னத்தைத் தடவியபடி): அபாரம் மன்னா.
ஜூலி: மன்னர் மன்னா, நான் கணேஷுக்கு மருத்துவர்களும், விஞ்ஞானிகளும் சேர்ந்து செய்கிற scare mongering பற்றி சொல்லிக் கொண்டிருந்தேன். இம்பீரியல் காலேஜ் விஞ்ஞானிகள் வெளியிட்ட அறிக்கைப்படி இம்மாத இறுதியில் அமெரிக்காவில் மட்டுமே இந்த வைரஸால் 22 லட்சம் பேர் இறந்து போவார்கள் எனக் கூறியிருந்தார்கள்.
வீரபரகேசரி: ஐயகோ
ஜூலி: ஆனால் எதார்த்தமோ வேறு. அமெரிக்காவில் இதுவரை வெறும் 785 பேர் தான் இறந்திருக்கிறார்கள். லெவிட் எனும் நோபல் பரிசு பெற்ற அமெரிக்க விஞ்ஞானியோ வரும் வாரங்களில் நோய்த்தொற்று வெகுவாகக் குறையும் என்றிருக்கிறார். He is a realist, while the rest of the experts seem to be doom mongers. நீங்க இவனுங்களைத் திட்னதில் தப்பே இல்லை.
வீரபரகேசரி அமைச்சரிடம்: இந்த மருத்துவக்குழுவினரை கொதிக்கிற எண்ணெய் சட்டியில் இட்டு வாட்டு.
(கணேஷிடம்) உனக்கு ஒரு கேள்வி: Pandemic என்றால் என்ன?

(இனியும் பேசுவோம்)

]]>
https://images.dinamani.com/uploads/user/imagelibrary/2020/4/2/w600X390/im5.jpg https://www.dinamani.com/weekly-supplements/ilaignarmani/2020/apr/02/வாங்க-இங்கிலீஷ்-பேசலாம்-3393139.html
3393138 வார இதழ்கள் இளைஞர்மணி மிச்சமெல்லாம்  உச்சம் தொடு - 62: உயிர் பயமா? எதிர்ப்பை உருவாக்கி வெல்வோமா? விஞ்ஞானி வெ. பொன்ராஜ் DIN Thursday, April 2, 2020 04:38 PM +0530
கரோனா மிகப்பெரிய உயிர் பயத்தை மனித குலத்திற்கு உருவாக்கி விட்டது. கரோனா வைரஸ்கள் (nCoV) ஒரு பெரிய குடும்பமாகும், அவை சளி முதல் கடுமையான சுவாச கோளாறு வியாதிகளை தோற்றுவிக்கும் MERS-CoV மற்றும் SARS-CoV போன்ற நோய்களுக்கு காரணமாகின்றன. கரோனா வைரஸ் (SARS-Co2) மனிதர்களில் இதற்கு முன்னர் அடையாளம் காணப்படாத ஒரு புதிய வகை பிறழ்ந்த திரிபு (Mutated Strain) நோயாகும். நோய்த்தொற்றின் பொதுவான அறிகுறிகள் சுவாசப் பிரச்னைகள், காய்ச்சல், இருமல்,மூச்சுத் திணறலாகும். மிகவும் கடுமையானசந்தர்ப்பங்களில், தொற்று நிமோனியா,கடுமையான சுவாச நோய்க்குறியாகவும்,சிறுநீரகச் செயலிழப்பு மற்றும் இறப்பு கூட
ஏற்படலாம்.

25 மார்ச் 2020 -இல் உலகம் முழுவதும் 4,17,348 பேர் கரோனா வைரஸ் கிருமியால் பாதிக்கப்பட்டு, 18,595 உயிரிழப்பைச்சந்தித்து, இதிலிருந்து 1,08,300 பேர் காப்பாற்றப்பட்டிருக்கிறார்கள். இதில் சீனாவில் 81,171 பேர் பாதிக்கப்பட்டு (3,277) பேர் இறந்திருக்கிறார்கள், இத்தாலியில் 69,179 (6,820), அமெரிக்காவில் 52,921 (684) ஸ்பெயினில் 39,676 (2800), ஜெர்மனியில் 32,986 (157),

ஈரானில் 28,811 (1934), பிரான்ஸ் 22,304 (1,100), மற்ற நாடுகள் 10,000 - த்திற்கும் கீழே பாதிப்பு, இறப்பு 500 -க்கும் கீழே தான். இதில் இந்தியாவில் பாதிக்கப்பட்டவர்கள் 536, இறப்பு 10, புதிதாக பாதிக்கப்பட்டவர்களின் எண்ணிக்கை 57, மீண்டுவந்தவர்கள் 40, சிகிச்சையில் இருப்பவர்கள் 486.

இதில் அதிக அளவில் மீண்டவர்கள் சீனர்கள்தான். பாதிக்கப்பட்டவர்கள் 81,171. சிகிச்சையினால் குணமானவர்கள் 73,159 பேர்.

கடுமையாகப் பாதிக்கப்பட்டாலும், நல்ல சிகிச்சை கொடுத்து சீனா அவர்களைக் காப்பாற்றியிருக்கிறது. ஆனால் இத்தாலியில் மட்டும் ஏன் இவ்வளவு உயிரிழப்பு அதிகம்? இத்தாலியும், சீனாவும் பக்கத்து நாடுகள் அல்ல. சீனாவிற்கு பக்கத்து நாடு இந்தியா. சீனாவைப்போல் பாதிப்பு இந்தியாவில் இல்லை. அப்புறம் எப்படி இத்தாலி சீனாவை விட அதிகம் பாதிக்கப்பட்டது. இவ்வளவு மோசமாக இத்தாலி பாதிக்கப்பட்டதற்குக் காரணம், வடக்கு இத்தாலி லெதர் மற்றும் டெக்ஸ்டைல் கம்பெனிகளை சீனாவிற்கு விற்க, சீனா வுகான் மாநிலத்தில் இருந்து 1 லட்சம் சீனர்களை இறக்குமதி செய்து தொழிற்சாலைகளில் வேலைக்குப் பயன்படுத்தினார்கள். அதனால் அதிக கரோனா நோய் தொற்று பரவி சீனாவை விட செத்தவர்கள் அதிகம்.

இத்தாலியில் இறந்தவர்களில் அதிகம் முதியோர்கள். புகைப்பிடித்து நுரையீரல் கெட்டவர்கள், அதோடு உலக சுற்றுலாப் பயணிகள், எல்லாம் சேர்ந்தது. இத்தாலியில் கரோனாவால் பாதிக்கப்பட்டு இறந்தவர்கள் அதிகம். இந்த நோய் மனிதர்களிடம் இருந்து தும்மல் நீர்திவலைகள் மூலமும், அவை படிந்திருக்கும் இடங்களில் கையை வைத்து அதை வாய், மூக்கு, கண், காது மூலம் நம் உடலுக்குள் செல்ல அனுமதிப்பதால் பரவுகிறது. இது பெரும்பாலும் முதியோர்களை, நோய் எதிர்ப்பு சக்தி குறைவாக இருப்பவர்களைப் பாதிக்கிறது.

மரணமடைந்தவர்களில் சதவிகிதம் 80 வயதிற்கும் மேலே 14.8%, 70-79 வயதினர் 8.0%, 60-69 வயதினர் 3.6%, 50-59 வயதினர் 1.3%, 50 வயதிற்கும் கிழே இறந்தவர்கள் 0.4 சதவிகிதத்திற்கும் கீழ் தான்.

எனவே, வெளிநாட்டில் இருந்தும் குறிப்பாக சீனாவில் இருந்தும் ஜனவரி 2020- இல் இருந்து இந்தியா வந்தவர்கள், அவர்கள் யாரோடு தொடர்பு கொண்டார்கள், எங்கு தங்கினார்கள், அவர்களை அழைத்து சென்ற டிரைவர்கள், இப்படி இந்த இணைப்புகளைக் கண்டறிந்து, அவர்களுக்கு கரோனாவின் அறிகுறிகள் இருக்கின்றனவா என்று கண்டறிய வேண்டும். இந்தியாவில் விமான நிலையங்கள் இருக்கும் நகரத்தில், இந்த இணைப்பில் தொடர்புடைய மக்கள் அதிகம் வசிக்கும் பகுதிகளுக்கு மருத்துவர்களை அனுப்பி, யாருக்கேனும் கரோனா தொற்று இருக்கிறதா என்று கண்டறிந்து, அவர்களைத் தனிமைப்படுத்தி அந்த, அந்த பகுதியிலேயே தனிமை வார்டுகளை பள்ளி, கல்லூரி ஆகிய இடங்களில் உருவாக்கி சிகிச்சை கொடுத்து இருக்க வேண்டும். இப்படி செய்திருந்தால் பாதிக்கப்பட்டவர்கள், அந்த, அந்த பகுதியிலேயே தனிமைப்படுத்தப்பட்டிருப்பார்கள். அவர்களுக்குத் தேவையான சிகிச்சை அங்கேயே கொடுக்கப்பட்டிருக்கும். பதற்றம் ஏற்பட்டிருக்காது. வீட்டில் தனிமைப்படுத்தப்பட்டவர்கள், சிகிச்சை ஏதும் இன்றி மரணத்தை எண்ணிக் கலங்கி இருக்கும் சூழல்தான் இங்கு ஏற்பட்டிருக்கிறது. அவர்களைத் தொலைதூர மருத்துவத்தின் மூலம் கண்காணித்து, அவர்களது மனஉளைச்சலில் இருந்து மீட்டெடுக்க அவர்களுக்கு நம்பிக்கை கொடுத்திருக்க வேண்டும்.

தமிழக அரசு 24-31 மார்ச் 2020 வரை ஊரடங்கு உத்தரவு 23- இல் பிறப்பித்தது. உடனே மக்கள் சென்னை, திருச்சி, கோயம்புத்தூர், சேலம், ஈரோடு, திருப்பூர் போன்ற இடங்களில் இருந்து தங்களது சொந்த ஊருக்கு திரும்ப பேருந்து நிலையங்களில் ஆயிரக்கணக்கில் கூடி செல்ல ஆரம்பித்துவிட்டார்கள். இவர்களில் எத்தனை பேர் கரோனாவால் பாதிக்கப்பட்டவர்கள் என்று தெரியவில்லை. இவர்கள் தங்கள் ஊருக்குச் சென்று தாங்கள் பெற்றோர்களுக்கும் மற்ற நோயாளிகளுக்கும் கரோனா வைரஸ் பரப்புவதற்கு மிகவும் வாய்ப்பு இருக்கிறது. இதனால் அடுத்த 20 நாட்களில் கிராமங்கள் அதிகம் பாதிக்கப்படவும் வாய்ப்பு உருவாக்கப்பட்டு விட்டது.

ஆனால் இதுவரை தமிழக அரசு சுகாதாரத்துறை 24 மார்ச் 2020 வரை 15,298 பேரை வீட்டு கண்காணிப்பில் தனிமைப்படுத்தி வைத்திருக்கிறார்கள். பெரும்பாலும் மக்கள் வீட்டிற்குள் தான் இருக்கிறார்கள். பெரியவர்களையும், நோயாளிகளையும் தனிமைப்படுத்தி, குழந்தைகளை அவர்களிடம் இருந்து பிரிக்க வேண்டும். போர்கால அடிப்படையில் அரசு மற்றும் தனியார் மருத்துவர்கள், செவிலியர்கள், சித்தா, ஆயுர்வேதம், ஹோமியோபதி, யுனானி, அக்கு பிரஷர் மருத்துவர்களைக் களம் இறக்கியிருந்தால், வீட்டில் இருப்பவர்கள் ஆங்காங்கே அந்த பகுதிகளில், ஊர்களில் மருத்துவ முகாம்களில் சிகிச்சை அளிக்கப் பட்டிருந்தால், வீட்டில் இருப்பவர்களுக்கும்,
மற்றவர்களுக்கும் பரவாமல் தடுக்க முடியும்.

அரசு மருத்துவமனைகளில் ஏற்படுத்தப்பட்டிருக்கும் தனிமைப்படுத்தப்பட்ட வார்டுகள் 9154. இதில் அட்மிட் செய்யப்பட்டவர்கள் மட்டும் 116, கரோனா சோதனை செய்யப்பட்டவர்கள் 743, இதில் கரோனா தொற்று இருப்பவர்கள் 15, வியாதியில் இருந்து குணமானவர்கள் 1, மதுரையில் முதல் மரணமடைந்தவர் 1, அவருக்கு பல்வேறு வியாதிகள் இருந்ததினால் இந்த மரணம் நேர்ந்தது.

இவ்வளவு ஏற்பாடு செய்தும், பாதிக்கப்பட்டவர்கள் குறைவாகத்தான் கண்டுபிடிக்கப்பட்டிருக்கிறார்கள். ஆனாலும் உலகத்தில் பாதிக்கப்படுபவர்களின் எண்ணிக்கை அதிகரிக்க, அதிகரிக்க, இன்றைக்கு ஊரடங்கு என்பது வரை போக வேண்டிய கட்டாயம் நேர்ந்து விட்டது.

இந்த நிலையில் கரோனா வைரஸ் பரவலைத் தடுக்கும் நடவடிக்கையாக 25 மார்ச் 2020, 12 மணி முதல் அடுத்த 21 நாட்களுக்கு நாடு முழுவதும் ஊரடங்கு பிறப்பிக்கப்பட்டு, பிரதமர் முதல் சாதாரண குடிமகன் வரை அனைவரும் ஊரடங்குக்குக் கட்டுப்பட்டு சமூக விலகலைக் கடைபிடிக்க வேண்டும் என்று அறிவிக்கப்பட்டிருக்கிறது. அதோடு கூட "கரோனா சிகிச்சைகளை மேற்கொள்வதற்கான உபகரணங்களுக்காக ரூ. 15,000 கோடியை மத்திய அரசு ஒதுக்குகிறது. மத்திய, மாநில அரசுகள் அறிவுறுத்தும் அனைத்து முன்னெச்சரிக்கை நடவடிக்கைகளைக் கடைபிடித்தால் தொற்று ஏற்படாமல் பாதுகாத்துக் கொள்ளலாம். இந்த கடினமான சூழலில் அரசு அறிவுரைகளை ஏற்று அனைத்து நாட்டு மக்களும் தங்களைத்தாங்கள் பாதுகாத்துக் கொள்ள வேண்டும். இதுபோன்ற நடவடிக்கைகளைப் பின்பற்றினால்தான் நாடு கடினமான சூழலில் இருந்து மீள முடியும்' என்றார் பிரதமர்.

கரோனா வைரஸ் தாக்குதலினால் உலகமெங்கும் இயல்பு வாழ்க்கை பாதிக்கப்பட்டு, உயிர் பயம் அனைவரையும் தொற்றிக்கொண்டிருக்கிறது. கரோனா வைரஸ் தாக்குதலுக்கு மருந்து இன்னமும் கண்டுபிடிக்கப்படவில்லை என்பது அச்சத்தை பன்மடங்கு அதிகமாக்கிவிட்டிருக்கிறது. வைரஸ் தாக்காமல் தடுப்பது எப்படி என்பதில்தான் நமது கவனம் முழுவதும் குவிந்திருக்கிறது. அதற்கே ஒவ்வொரு நாட்டு அரசும் மக்களுக்கு விழிப்புணர்வை ஏற்படுத்த படாத பாடுபட வேண்டியிருக்கிறது.

"ஹைட்ராக்ஸிக்ளோரோகுயின் மற்றும் அசித்ரோமைசின் ஆகியவற்றை ஒன்றாக எடுத்துக்கொண்டால், மருத்துவ வரலாற்றில் கரோனா தொற்றிலிருந்து மக்களை காக்கும் மிகப்பெரிய சாதனை படைக்கும் உண்மையான வாய்ப்பு உள்ளது' என்று 21 மார்ச் 2020 அன்று அமெரிக்க அதிபர் டோனால்ட் டிரம்ப் ட்வீட் செய்தார். சில நோயாளிகளுக்கு ஹைட்ராக்ஸி குளோரோகுயின் / அஜித்ரோமைசின் மருந்துகளை கொடுத்து குணப்படுத்தியதாகக் கூறப்படுகிறது. கலிபோர்னியா பல்கலைக்கழகம், சான்பிரான்சிஸ்கோ மற்றும் வாஷிங்டன் பல்கலைக்கழகம் ஆகிய இரண்டும் மிகவும் நோய்வாய்ப்பட்ட கோவிட் -19 நோயாளிகளுக்கு ஹைட்ராக்ஸிகுளோரோகுயின் மருந்தைப் பரிந்துரைக்கின்றன. ஆனால் இதனால் ஏற்படும் பக்க விளைவுகளைப்பற்றிய ஒரு பயம் இருந்து கொண்டிருக்கிறது.

அதாவது, ஹைட்ராக்ஸிகுளோரோகுயின் SARS-CoV-2 நோய்த்தொற்றின் நோய்த்தடுப்புக்கான அனுபவ பயன்பாட்டிற்காக இந்திய மருத்துவ கவுன்சில் (ICMR), 22 மார்ச் 2020 -இல் ஒரு பரிந்துரை செய்திருக்கிறது.

COVID-19 க்கான தேசிய பணிக்குழு, தேர்ந்தெடுக்கப்பட்ட நபர்களுக்கு SARS - COV 2 நோய்த்தொற்றின் முற்காப்புக்கு ஹைட்ராக்ஸிகுளோரோகுயின் பயன்படுத்த பரிந்துரைக்கிறது. அதாவது COVID - 19- இன் சந்தேகத்திற்கிடமான அல்லது உறுதிப்படுத்தப்பட்ட நோயாளிகளின் பராமரிப்பில் ஈடுபட்டுள்ள அறிகுறியற்ற சுகாதார ஊழியர்கள் மற்றும் ஆய்வகச் சோதனைகளில் கரோனா வைரஸ் உறுதிப்படுத்தப்பட்ட நோயாளிகளை கவனிக்கும் அறிகுறியற்ற வீட்டு நபர்கள் மட்டுமே மருத்துவர்கள் பரிந்துரைக்கும் அளவில் உபயோகிக்கவேண்டும் என்று அறிவுறுத்தியிருக்கிறார்கள்.

இந்நிலையில் ஓர் ஆறுதலான செய்தி கியூபாவிலிருந்து வெளிவந்திருக்கிறது. கரோனா வைரஸ் தாக்குதலைக் குணப்படுத்தும் மருந்துகள் தம்மிடம் இருப்பதாக கியூபா கூறியிருக்கிறது. Interferon alpha 2B என்ற மருந்து உட்பட 23 மருந்துகள் அதனிடம் தயார்நிலையில் உள்ளதாக அது தெரிவித்துள்ளது. சென்டர் ஃபார் ஜெனெட்டிக் என்ஜினியரிங் அண்ட் பயோடெக்னாலஜி (CIGB) என்ற நிறுவனம் ஒரு கியூபா - சீன கூட்டு நிறுவனம் ஆகும். இது சீனாவின் சாங்க் சுன் நகரில் உள்ளது. இந்நிறுவனத்தின் மூலமாக இந்த மருந்துகள் தயாரிக்கப்படுகின்றன. Biomodulin T என்ற மருந்து கரோனா வைரஸ் தாக்குதலுக்கு எதிராகப் பயன்படுத்தபடுகிறது.

2003 ஆம் ஆண்டு இம்மருந்துகள் தயாரிப்பது தொடர்பான தொழில்நுட்பங்களை கியூபா, சீனாவுடன் பகிர்ந்து கொண்டது. அதற்குப் பிறகு இருநாடுகளும் இணைந்து ஆராய்ச்சிப் பணிகளில் ஈடுபட்டு வருகின்றன. அந்த ஆராய்ச்சிப் பணிகளின் தொடர்ச்சியாக கரோனா வைரஸின் தாக்குதலின் தன்மையை அறிந்து தற்போது 23 மருந்துகள் உருவாக்கப்பட்டிருக்கின்றன.

தற்போது கியூபாவில் பயன்படுத்தப்படும் கரோனா வைரஸýக்கு எதிரான மருந்துகள் உடலின் நோய் எதிர்ப்பு ஆற்றலை அதிகப்படுத்துபவையாக உள்ளன. இந்த மருந்துகளை கரோனா வைரஸ் தொற்றால் பாதிக்கப்பட்டவர்களுக்குத் தந்து, பரிசோதனைகள் செய்து பார்த்து, மேலும் இந்த மருந்துகளைப் படிப்படியாக மேம்படுத்தி புதிய மருந்துகளை கரோனா வைரஸ் பாதிப்புக்காக உருவாக்கியுள்ளார்கள். இந்த மருந்துகள் கரோனா வைரஸ் உடலில் தொற்றி பல்கிப் பெருகுவதைத் தடுத்துவிடுகின்றன. சீனாவில் கரோனா வைரஸால் பாதிக்கப்பட்டவர்களுக்கு இந்த மருந்துகள் தரப்பட்டு பலர் நலமடைந்து வீடு திரும்பியிருக்கின்றனர் என்கிறது சீனா. இந்த மருந்துகளை இந்திய அரசு உடனடியாக வரவழைத்து சிகிச்சை மேற்கொள்ள வேண்டும்.

தமிழகத்தில் சித்த மருத்துவத்தில், டெங்கு பாதிப்பில் இருந்து தப்பிப்பதற்கு நிலவேம்பு குடிநீர், பப்பாளி இலைச்சாறு பயன் அளித்தது. அதுபோல, கரோனா வைரஸ் பாதிப்பில் இருந்து தப்ப, கப மற்றும் வாத சுர குடிநீர் பயன் தரலாம் என்கிறார்கள் சித்த மருத்துவர்கள். இந்த கப சுர குடிநீர், நெஞ்சில் ஏற்படும் சளியை தடுக்கும் தன்மை உடையது. அதோடு கியூபாவின் மருந்தைப்போல கரோனா வைரஸ் (SARS-Co2) நம் செல்களில் புகுந்து பல்கிப்பெருகாவண்ணம் ஒரு தடுப்பை இந்த சித்த மருந்துகள் செய்கின்றன என்பது தான் மிகவும் முக்கியமான செய்தி.

21 நாள்கள் வீட்டில் இருக்கும் மக்கள் சித்த மருத்துவர்களின் ஆலோசனையைப் பெற்று இந்த மருந்தை எடுத்துக்கொண்டால் நம்மை கரோனா வைரஸின் தொற்று பெருக்கத்திலிருந்து காத்து மரணத்தில் இருந்து விடுவிக்கும் என்ற நம்பிக்கையைக் கொடுக்கிறார்கள். கரோனாவிற்கு ஓர் அலோபதி மருந்தும் இல்லாத நிலையில் நம்மிடம் இருக்கும் சித்தா, ஆயுர்வேதம், ஹோமியோபதி போன்ற மருந்துகளை - பக்க விளைவு எதுவும் இல்லாத இந்த மருந்துகளை - மருத்துவர்களின் ஆலோசனையோடு எடுத்து நமது நோய் எதிர்ப்பு சக்தியை வலுவாக்கி கரோனாவை ஒழிப்பதே இன்றைக்கு நம்மிடம் உள்ள ஒரே வழி. நோய் மிகவும் அதிகமானால் அரசின் தனிமைப்படுத்தப்பட்ட கரோனா வார்டுகளில் சேர்ந்து ஆன்டி வைரல் மருந்துகளின் மூலமும், வென்டிலேட்டர் உதவியுடனும் சிகிச்சை பெற்று கரோனாவிடம் இருந்து மீண்டு வருவது கடைசி வாய்ப்பாக இருக்கிறது.

ஆங்கில மருந்துகள் கண்டுபிடிக்க படாத நிலையில் கரோனா இந்தியாவை சிந்திக்க வைத்து விட்டது. உயிர் பயமா? இல்லை நமது மூலிகை மருந்துகளின் ஆராய்ச்சிக்கு வித்திட்டு வைரஸ், பாக்டீரியா, பூஞ்சை தொற்றுக்கு சுயசார்பு மருந்து கண்டுபிடித்து வெல்வோமா? என்ன செய்ய வேண்டும் தொடர்ந்து பார்ப்போம்.

உங்கள் கனவுகளை, இலட்சியங்களை பகிர்ந்து கொள்ள தொடர்பு கொள்ளுங்கள்: vponraj@live.com  

(தொடரும்)

]]>
https://images.dinamani.com/uploads/user/imagelibrary/2020/4/2/w600X390/im4.jpg https://www.dinamani.com/weekly-supplements/ilaignarmani/2020/apr/02/மிச்சமெல்லாம்--உச்சம்-தொடு---62-உயிர்-பயமா-எதிர்ப்பை-உருவாக்கி-வெல்வோமா-3393138.html
3393135 வார இதழ்கள் இளைஞர்மணி குப்பைகளுக்காக ஒரு செயலி! -வனராஜன் DIN Thursday, April 2, 2020 04:17 PM +0530 மக்கள் தொகை பெருகுவது போல் குப்பைகளின் அளவும் நாளுக்குநாள் அதிகரித்து வருகிறது. குவியும் குப்பைகளாலும் அவற்றை அப்புறப்படுத்தாமல் இருப்பதாலும் சுற்றுச்சூழல் மாசடைகிறது. சுற்றுச்சுழலை தூய்மைப்படுத்தும் முயற்சியில் Trash man Greentechnology என்ற அமைப்பைச் சேர்ந்த பொறியியல் பட்டம் பெற்ற ஐந்து இளைஞர்கள் (சாந்தாராம், உதயாகுமார், கிங்ஸி, திவாகர், விஜய்) இந்த குப்பைகளை அப்புறப்படுத்துவதை சமூக நோக்குடன் செய்து வருகிறார்கள். இது பற்றி அவர்களிடம் பேசினோம்:

""சென்னையில் நாள் ஒன்றுக்கு 5400 டன் குப்பை சேருகிறது. இவ்வாறு சேரும் குப்பையில் தினமும் 429 டன் பிளாஸ்டிக் கழிவுகள் கிடைக்கின்றன. உடைந்த பிளாஸ்டிக் பொருட்கள், பிளாஸ்டிக் பைகள், கேரி பேக்குகள், தண்ணீர் பாக்கெட்கள், தண்ணீர்பாட்டில்கள், சி.டிக்கள் என்று பலவிதமான பிளாஸ்டிக் கழிவுகள் குப்பையோடு குப்பையாக வருகின்றன. குப்பையில் பிளாஸ்டிக் கழிவு சேர்வது நாளுக்கு நாள் அதிகரித்து வருகிறது.

குப்பையில் சேரும் 40 சதவீத பிளாஸ்டிக் கழிவுகள் மறு சுழற்சி செய்யப்படுவதில்லை. கையாளப்படாமல் சென்னையில் மட்டும் நாளொன்றுக்கு 171.6 டன் பிளாஸ்டிக் கழிவுகள் நிலத்தில் கொட்டப்படுகின்றன. இந்த பிளாஸ்டிக் கழிவுகள் பலவித ஆபத்துகளை ஏற்படுத்துகின்றன. குறிப்பாக நிலத்தடிக்குள் மழை நீர் செல்ல முடியாத நிலை ஏற்படுகிறது. இதனால் வருங்காலத்தில் பிளாஸ்டிக் கழிவு மற்றும் பிளாஸ்டிக் குப்பையால் பெரிய அளவில் பாதிப்பு ஏற்படும் என்று எச்சரிக்கப்பட்டுள்ளது. பிளாஸ்டிக் பயன்பாட்டிற்கு தடை இருந்த போதிலும் தண்ணீர் பாக்கெட்டில் தொடங்கி, கேரி பேக் வரை பிளாஸ்டிக் பயன்பாட்டில்உள்ளது.

சென்னை நகரை சுகாதாரமாக்க வேண்டும் என்ற எண்ணத்தில் தான் எங்களுடைய குப்பை சேகரிக்கும் Trash man செயலி திட்டத்தை செயல்படுத்த ஆரம்பித்து இருக்கிறோம். அதுவும் வீட்டில் சேரும் குப்பையை வீட்டிற்கே தேடிச் சென்று வாங்கிக் கொள்கிறோம். அவர்களின் கண்முன் தரம் பிரிக்கிறோம். மக்கும் குப்பைகளை அவர்களிடம் கொடுத்துவிடுகிறோம். மக்காத பிளாஸ்டிக் குப்பை, எலக்ட்ரானிக் கழிவுகள், சமையல் பாத்திரங்கள், போர்டுகள், போன்றவற்றை எடை போட்டு அதற்கான பணத்தை அவர்களிடம் கொடுத்துவிடுவோம். உங்களிடம் நாங்கள் குப்பைகளை வாங்க வேண்டுமென்றால் எங்களுடைய trashman app- இல் பதிவிறக்கம் செய்து அதில் உள்ள விவரங்களை நீங்கள் தெரிவித்தால்போதும்.

அதாவது குப்பை சேகரிக்க வேண்டிய முகவரி, என்ன வகை குப்பை உள்ளது, அதனை நாங்கள் எந்த நேரத்தில் பெற்று கொள்வது போன்ற விவரங்கள் தாம் அவை. எங்களுடைய இந்தச் செயலி 2019 ஜுலை மாதம் முதல் செயல்பட்டு வருகிறது. தற்போது தென் சென்னையில் குப்பைகளை சேகரித்து குப்பை இல்லாத மண்டலமாக மாற்றியுள்ளோம்.

எங்களுடன் இந்த திட்டம் பரவலாகப் பேசப்பட்டதையடுத்து, பொறியியல் பட்டதாரிகள் சிலரும் எங்களுடன் கைகோர்க்க முன் வந்து இருக்கிறார்கள். தற்போது சென்னையின் புறநகர் பகுதிகளில் செயல்படுத்தப்படும் எங்களுடைய இந்த திட்டத்தை இனி வரும் காலங்களில் சென்னை முழுக்க செயல்படுத்த முயற்சி செய்வோம்'' என்றார்கள்.

]]>
https://images.dinamani.com/uploads/user/imagelibrary/2020/4/2/w600X390/im3.jpg https://www.dinamani.com/weekly-supplements/ilaignarmani/2020/apr/02/குப்பைகளுக்காக-ஒரு-செயலி-3393135.html
3393134 வார இதழ்கள் இளைஞர்மணி இலவச "டேட்டா'... இரவுகளுக்கு "டாட்டா' ! - கே.பி. மாரிக்குமார் DIN Thursday, April 2, 2020 04:15 PM +0530
முழுநேரமாகப் பணியாற்றும் எவரும் வறுமையில் வாழத் தகுதியற்றவர்கள்

- எலிசபெத் வாரன்


""ஏன் தம்பி... லேட்டு?'', ""நேரமாயிடுச்சு... சார்''. ""அதான் தம்பி... ஏன் நேரமாயிடுச்சு?'', ""லேட்டாயிடுச்சு சார்''. ""ஏய்... திரும்பத் திரும்ப... உன்னையப் பாரு'' என்று குரலை உயர்த்தி... ""ஏன் லேட்டுன்னு காரணத்தை சொல்லுடான்னா'' என்று நாம் இழுத்தால் மாணவர்களிடமிருந்து வரும் காரணங்களில் பெரும்பான்மையானது காலையில் படுக்கையிலிருந்து அவர்கள் தாமதமாக எழுந்ததாகத்தானிருக்கும்.

இன்று நிறைய வீடுகளில், இரவு நேரங்களில் "ஜீரோ வாட்ஸ்'... "நைட் லாம்ப்' பயன்பாடுகளுக்கு பதிலாக ஒவ்வொரு படுக்கையிலிருந்தும் செல்லிடைப் பேசிகளிலிருந்து வரும் வெளிச்சமே பயன்படுத்துபவர்களின் கண்ணையும், அவர்களது இரவையும் காலி பண்ணிக் கொண்டிருக்கின்றன. காரணம், இன்று உலகெங்கும் உள்ள தொலைத்தொடர்பு நிறுவனங்களின் அதிரடி திட்டங்களும், 3 ஜி, 4 ஜி, 5ஜி சேவைகளுக்கான வணிக, வியாபார உத்திகளும் அள்ளிக் கொடுக்கும் இணைய சேவை மற்றும் தேவைகளுக்கான "டேட்டா'க்கள். ஆங்கிலத்தில் data என்பது பன்மைச் சொல்."ஈஹற்ன்ம்' என்பதே இதன் ஒருமைச் சொல் (Singular).

"டேட்டா' என்கிற ஆங்கில சொல்லுக்கு "தகவல்கள்' என்று தமிழில் பொதுவான அர்த்தம் சொன்னாலும், இன்று அது தகவல் தொழில்நுட்ப கவர்ச்சி முகத்தோடு இணைய சேவைகளுக்கான இருப்பு வங்கியாக, ஆற்றலாக, எரிபொருளாக அறியப்படுகிறது.

அப்படியென்றால் அதை "இணைய தகவல்கள்' என்று சொல்லலாம். உங்களது அலைபேசியில் "டேட்டா' தீர்ந்துவிட்டது என்றால், இணைய சேவையைப் பயன்படுத்துவதற்கான எரிபொருள் தீர்ந்துவிட்டது என்றே பொருள். அப்படிப்பட்ட "டேட்டா'வைத்தான் இத்தனை "ஜிபி' (எஆ) இலவசம்... அத்தனை "ஜிபி' இலவசம் என்று சாலையோர வியாபாரிகளைப் போல கூவிக்கூவி விற்பனை செய்கின்றன தொலைத்தொடர்பு நிறுவனங்கள்.

எந்தத் திட்டத்துக்கு (டப்ஹய்) எத்தனை "ஜிபி' டேட்டா... எவ்வளவுக் கட்டணம்... எப்பக் கட்டணும் என்று தெரிந்து வைத்திருப்பவர்கள் "பொது அறிவு'ப் புலிகள் என்று அறியப்படுகிறார்கள்.

கண்ணைக் கட்டி காட்டில் விட்டதுபோல இருக்கிறது தொலைத்தொடர்பு நிறுவனங்களின் சேவைக்கான வியாபார உத்திகள்.

எந்த நிறுவனம்... எந்தத் திட்டத்தைத் தேர்ந்தெடுப்பது என்கிற குழப்பத்தைத் தாண்டி, எல்லா விளம்பரங்களும் குழப்பமாகத்தான் இருக்கின்றன.

கடந்த வாரம் இருந்த கட்டணம் இந்த வாரம் இல்லை; இந்த வாரம் இருந்த சேவை அடுத்த வாரம் இல்லை என்கிற சுழலுக்குள் சிக்கியிருக்கிறோம் நாம். இப்படிப் பின்னப்பட்டிருக்கும் மாயவலையில் தப்பிக்க முடியாத நிலையில் சிக்கித் தவிப்பவர்களில் முதன்மையானவர்கள் நமது "பொது அறிவு'ப் புலிகள்தான்.

சரி, ஏதோ ஒரு திட்டத்துக்கு, ஏதோ பணத்தைக் கொடுத்து "சிம்' கார்டோ... "டேட்டா' கார்டோ வாங்கியாச்சு. அப்புறம் குறிப்பிட்ட தேதிக்குள்ள அந்த "டேட்டா'வை காலி செய்யணும் அல்லது பயன்படுத்தணும்.

எவ்வளவுதான் அவசியமானதுக்கு முக்கி... முனங்கி, மெனக்கெட்டு பயன்படுத்தினாலும் ஒரு நாளுக்கான அளவையே முழுசாப் பயன்படுத்த முடியாது. அப்புறம்...? அப்புறமென்ன... விடிய விடிய குப்புறப்படுத்து, மல்லாக்கப் படுத்து... கண்ணைக் கெடுத்து, எல்லாத்துக்கும் மேலே தூக்கத்தையும் கெடுத்து, புத்துணர்ச்சியோடு எழுந்திருக்க வேண்டிய காலையில், விடியலில் நடைபிணமாக... வேண்டாவெறுப்பாக, கண் எரிச்சலோடு விழித்து, யப்பா... இந்த மாயவலை நமது மாணவர்கள் மற்றும் இளைஞர்களின் எதிர்காலத்திற்கு நன்மை பயக்குமா என்பதைச் சிந்திப்போம்.
நமது இந்த "மொபைல் டேட்டா' மோகத்தால் 3ஜி, 4ஜி என்கிற அலைக்கற்றை தொழில்நுட்பத்தை வைத்து மிகப் பெரிய சதுரங்க ஆட்டம் ஆடப்படுகிறது. ஒருவர் எவ்வளவு சம்பாதித்தாலும் எத்தனைக் கோடி சொத்து வைத்திருந்தாலும் அவருக்குத் தூக்கமில்லை என்றால், அத்தனையும் வீண்தான். ஆரோக்கியத்துக்கு உணவு எப்படி முக்கியமோ, அப்படித்தான் தூக்கமும். நமது உடலமைப்பின்படி, இரவு பத்து மணிக்கு முன்னதாக நிச்சயம் தூங்கிவிட வேண்டும்.

ஏனெனில், சூரியன் உதிக்கும்போதும், அதேபோல் இரவு நேரத்திலும் மட்டும் நமது உடலில் சில ஹார்மோன்கள் சுரக்கும். இது பல இலட்சம் ஆண்டுகளாக நமது உடலில் நடைபெற்று வரும் இயற்கையான சுழற்சி. முக்கியமாக, மெலோட்டலின் என்கிற ஹார்மோன் இரவில் தூங்கும்போது மட்டும், அதுவும் அறையில் வெளிச்சம் இல்லாமல் தூங்கும்போது மட்டுமே சுரக்குமாம். அப்படியென்றால் இரவில் நமது செல்லிடைப்பேசியின் திரை வெளியிடும் விஷவெளிச்சம்?

இப்பொழுது "டார்க் மோட்' (Dark Mode) என்ற பெயரில் கருப்பு அல்லது இருட்டுத் திரைகளை நமது செல்லிடைப் பேசிகளில் அறிமுகப்படுத்தியிருக்கிறார்கள்.
இவை நம் கண்களைக் கெடுக்காது என்று சொல்கிறார்கள். ஆனால், இரவுத்தூக்கத்தை கெடுத்து... நாம் பார்க்கும் இதுமாதிரியான பணிகள் மற்றும் செயல்கள் எல்லாமே நம் கண்ணையும், உடலையும், வாழ்வையும் பாதிக்கும் என்கிற புரிதலிலிருந்து நாம் மாறுபடக் கூடாது.

நாம் நமது பசிக்கு, உடல் ஆரோக்கியத்திற்கு, வயிறு கொள்ளும் அளவிற்கு சாப்பிடலாம், நிறைய சமைத்துவிட்டோம்... இருக்கிறது என்பதற்காக, அது தீரும் வரை சாப்பிட்டால் எப்படி வயிறு வெடித்து செத்துவிடுவோமோ... அப்படித்தான் வாங்கிய, இருக்கிற "டேட்டா' அனைத்தையும் தீர்த்தே ஆவது என்கிற சவக்குழி முயற்சியும்.

வேண்டாம் நமக்கு அதிகமான டேட்டா! இரவுகளுக்கு சொல்ல வேணாம் "டாட்டா'! விடிந்த பிறகு எழுந்திருக்க வேண்டாம் லேட்டா! இந்த வரிகள் பிரபல அடுக்குமொழி திரைக்கலைஞர் ஒருவரை உங்களுக்கு நினைவுபடுத்தினால், அதற்கு நான் பொறுப்பல்ல.

]]>
https://images.dinamani.com/uploads/user/imagelibrary/2020/4/2/w600X390/im2.jpg https://www.dinamani.com/weekly-supplements/ilaignarmani/2020/apr/02/இலவச-டேட்டா-இரவுகளுக்கு-டாட்டா--3393134.html
3393133 வார இதழ்கள் இளைஞர்மணி குழாயைத் தொடாமல் கை கழுவலாம்! ந.ஜீவா Thursday, April 2, 2020 04:11 PM +0530 கரோனா வைரஸ் தொற்று ஏற்படாமலிருக்க நமது கைகளைத் தூய்மையாக வைத்திருக்க வேண்டும்; குறைந்தது 20 விநாடிகள் கைகளை முறையாகச் சுத்தம் செய்ய வேண்டும் என்று டாக்டர்கள் கூறுகிறார்கள்.
ஆனால் கைகளைக் கழுவுபவர்கள் 20 விநாடிகளுக்கும் மேலாகவே கழுவிக் கொண்டிருப்பதைப் பார்க்கிறோம். கை கழுவி முடிக்கும் வரை குழாயிலிருந்து தண்ணீர் கொட்டிக் கொண்டே இருக்கிறது. நிறையத் தண்ணீர் இதனால் வீணாகிறது.
சுத்தம் இல்லாத கைகளினால் குழாயைத் திறந்துவிட்டு, கிருமிநாசினிகளைக் கொண்டு நன்றாகக் கைகளைச் சுத்தம் செய்கிறோம். சுத்தம் செய்த கைகளைக் கொண்டு குழாயை மூடுகிறோம்.
குழாயில் நம் கைபட்ட இடங்களில் ஏற்கெனவே வைரஸ் ஒட்டிக் கொண்டிருந்தால்... நம் கைகளைச் சுத்தம் செய்ததும் வீண்... மீண்டும் வைரஸ் கைகளில் ஒட்டிக் கொள்ளும். குழாயைத் தொடும் எல்லாரும் வைரஸ் தொற்றுதலுக்கு உள்ளாவார்கள். என்னதான் செய்வது?
மருத்துவர்கள், நர்சுகள், சுத்தம் செய்பவர்கள், ஆம்புலன்ஸ் ஓட்டுநர்கள் என நோயாளிகளுடன் தொடர்புடைய அனைவருக்கும் கரோனோ தொற்றிக் கொள்ளும் அபாயம் இருக்கிறது. சாதாரண மக்களை விட அடிக்கடி கைகளைத் தூய்மை செய்ய வேண்டிய நிலையில் இருப்பவர்கள் மருத்துவத்துறையினர்.
இதற்கு என்ன செய்வது என்று யோசித்தார் டாம்சாவ்ஸ் குர்மேட். லடாக் யூனியன் பிரதேசத்தின் லே மாவட்டத்தில் உள்ள டோம்ஹார் என்ற கிராமத்தைச் சேர்ந்த 35 வயது இளைஞர் இவர். அவர் சாதாரணக் குழாய்களில் உள்ள வைரஸ் தொற்று அபாயத்தைத் தவிர்க்கும்விதமாக புதுவிதமான வாஷ்பேசின் ஒன்றை வடிவமைத்திருக்கிறார். அதற்கு அவர் "தொற்று ஏற்படாத குழாய்' என்றும் பெயரும் இட்டிருக்கிறார்.
இந்த வாஷ்பேசினில் கைகளைச் சுத்தம் செய்ய, மக்கள் குழாயைத் தொடத் தேவையில்லை.
""ஸ்டீலால் செய்யப்பட்ட இந்த வாஷ்பேசினின் அடிப்பகுதியில் கால்களினால் அழுத்தக் கூடிய இரண்டு அமைப்புகளைப் பொருத்தியிருக்கிறேன். அதில் வலது பக்கத்தில் உள்ள அழுத்தும் அமைப்பைக் கால்களினால் அழுத்தினால், குழாயிலிருந்து திரவ சோப் கொட்டும். அதைக் கை
களில் பிடித்து நன்றாகத் தடவிக் கொண்டு இடது பக்கத்தில் உள்ளஅழுத்தும் அமைப்பை அழுத்தினால் குழாயிலிருந்து தண்ணீர் கொட்டும். இப்படி குழாயைத் தொடாமலேயே கைகளை நன்றாகச் சுத்தம் செய்து கொள்ளலாம்'' என்கிறார் இந்தக் கருவியைக் கண்டுபிடித்த டாம்சாவ்ஸ்.
இதனால் சாதாரண குழாய்களில் இருந்து கைகளைக் கழுவி முடிக்கும் வரை தண்ணீர் கொட்டிக் கொண்டு இருப்பதைப் போல இந்த வாஷ்பேசினில் உள்ள குழாய்களில் இருந்து தண்ணீர் கொட்டாது. கால்களினால் அழுத்தும்போது மட்டுமே தண்ணீர் கொட்டும் என்பதால் தண்ணீர் வீணாகாது. அழுத்தம் அமைப்பிலிருந்து கால்களை எடுத்தவுடன் தண்ணீர் நின்றுவிடும்.
""நாம் வழக்கமாகப் பயன்படுத்தும் வாஷ்பேசினில் செலவாகும் தண்ணீரில் 80 சதவீதத்தை இந்த வாஷ்பேசினைப் பயன்படுத்துவதால் சேமிக்க முடியும்'' என்கிறார் அவர்.
இந்த வாஷ்பேசினின் பின்புறத்தில் ஒரு தண்ணீர்த் தொட்டி பொருத்தப்பட்டிருக்கிறது. லடாக் பகுதியில் அதிக குளிர் என்பதால், தண்ணீர் ஜில்லென்று இருக்கும். கைகளை 20 விநாடிகள் சுத்தம் செய்வது குளிர்பிரதேசமான லடாக் பகுதியில் சாத்தியமே இல்லை. எனவே பின்புறத்தில் பொருத்தப்பட்டு இருக்கும் தொட்டியில் வெதுவெதுப்பான தண்ணீர் இருக்கும்படி அமைத்திருக்கிறார் டாம்சாவ்ஸ். இதனால் அந்தப் பகுதி மக்கள் முறையாகக் கை கழுவ முடியும் என்கிறார் அவர்.
""இந்த வாஷ்பேசினை இரண்டே நாளில் செய்து முடித்தேன். இதற்குத் தேவையான எல்லாப் பொருள்களையும் இங்குள்ள ஹார்ட்வேர் கடைகளில், மெக்கானிகல் ஸ்பேர் பார்ட்ஸ் கடைகளில் வாங்கினேன். வாகனங்களுக்குப் பயன்படும் பிரேக் பிடிக்க பயன்படும் பெடல்களைப் பயன்படுத்தி அழுத்தும் அமைப்புகளை உருவாக்கினேன். ஒரு சாதாரண வெல்டிங் பட்டறைக்குச் சென்று இந்தக் கருவியைச் செய்து முடித்தேன்'' என்கிறார் டாம்சாவ்.
இப்போது டாம்சாவ்ஸ் தயாரித்த இந்த வாஷ்பேசினுக்கு ஆர்டர்கள் குவிந்து கொண்டிருக்கின்றன. தற்போது இந்த வாஷ்பேசின் லே நகரத்தில் உள்ள úஸானம் நார்பூ மெமோரியல் மருத்துவமனையில் உள்ளது. இப்போது நிறைய உணவகங்களில் இருந்து இந்த வாஷ்பேசின் வேண்டும் என கேட்டிருக்கிறார்கள். பாதுகாப்புத்துறையினர், விமானநிலையத்தினர், கார்கிலிலுள்ள அரசு மருத்துவமனை எல்லாரும் வாஷ்பேசின் வேண்டுமென கேட்டிருக்கிறார்கள். ஆனால், வாஷ்பேசினைச் செய்வதில் பல தடைகள் தற்போது அவருக்கு ஏற்பட்டுள்ளன.
""இந்த வாஷ்பேசினைச் செய்யத் தேவைப்படும் பொருள்களை வாங்கும் கடைகள் ஊரடங்கு உத்தரவினால் மூடப்பட்டிருக்கின்றன. அதனால் நிறையச் செய்ய முடியவில்லை. அதுமட்டுமல்ல, இந்தக் வாஷ்பேசினை நிறையச் செய்து பிறருக்கு அளிக்கும்போது தேவையில்லாமல் கண்ணுக்குத் தெரியாத கரோனா வைரஸ்களை பிற இடங்களுக்குப் பரப்பிவிட்டுவிடுவோமோ என்ற அச்சமும் எங்களுக்கு இருக்கிறது. அதனால் கேட்பவர்கள் அனைவருக்கும் செய்து கொடுக்காமல், மருத்துவமனைகளுக்கு மட்டும் செய்து கொடுக்கிறோம். ஏனென்றால் மருத்துவர்கள் மக்களுக்கு மிக மிகத் தேவைப்படும் மருத்துவப் பணிகளைச் செய்து வருகிறார்கள். போரின் போது படைவீரர்களுக்கு எதிரியைப் பார்க்க முடியும்; எதிரி யாரென்று தெரியும். ஆனால் இந்த கரோனா வைரஸ், கண்ணுக்குத் தெரியாத எதிரி. எந்த நேரத்திலும் யாரை வேண்டுமானாலும் தொற்றிக் கொள்ளலாம். மருத்துவப் பணி செய்பவர்களும் மனிதர்கள்தானே?
உயிருக்குப் பயப்படாமல் நம்மைக் காக்கும் மருத்துவர்களுக்கு இந்த வாஷ்பேசினைச் செய்து தருவதற்கு நான் முன்னுரிமை கொடுக்கிறேன். பிறருக்கு அப்புறம் செய்து கொடுக்கலாம்'' என்கிறார் டாம்சாவ்ஸ்.இப்போதைய உடனடித் தேவையான இந்தக் கண்டுபிடிப்பிற்காக அவருக்கு பாராட்டு மாலைகள் குவிகின்றன. அவற்றையெல்லாம் பெரிதாக நினைக்கவில்லை அவர்.
""இந்த நெருக்கடியான நேரத்தில் சாதாரண மக்கள் எவ்வளவோ சேவைகள் செய்கிறார்கள். எவ்வளவு பேர் ஏழை மக்களுக்கு இலவசமாக முகமூடிகளை வழங்குகிறார்கள்? ஒரு முகமூடியை அணிவதால் கரோனா தொற்று ஏற்படாமல் ஓர் உயிர் காப்பாற்றப்படுகிறது. நானென்ன பெரிதாகச் செய்துவிட்டேன்?'' என்கிறார் பணிவுடன்.

]]>
https://images.dinamani.com/uploads/user/imagelibrary/2020/4/2/w600X390/im1.jpg https://www.dinamani.com/weekly-supplements/ilaignarmani/2020/apr/02/குழாயைத்-தொடாமல்-கை-கழுவலாம்-3393133.html
3387734 வார இதழ்கள் இளைஞர்மணி  வீட்டில் இருந்து வேலை: என்ன செய்ய வேண்டும்? DIN DIN Tuesday, March 24, 2020 01:35 PM +0530 கரோனா வைரஸ் பாதிப்பினால் பல தனியார் அலுவலகங்களில் வேலை செய்பவர்கள், வீட்டிலிருந்தே வேலை செய்யக் கூடிய நிலை ஏற்பட்டு உள்ளது. அரசு நிறுவனங்களிலும் ஒரு சில குறிப்பிட்ட பிரிவினர் வீட்டில் இருந்து வேலை செய்யும் நிலை ஏற்பட்டுள்ளது. வீட்டை விட்டு வெளியே போய், கரோனா வைரஸ் தொற்றால் தேவையில்லாமல் பாதிக்கப்படக் கூடிய நிலையைத்தவிர்க்கவே இந்த ஏற்பாடு.
 அலுவலகத்தில் வேலை செய்ததைப் போன்று முழுத்திறனுடன் வீட்டில் இருந்து ஒருவர் வேலை செய்ய முடியுமா? அலுவலகச் சூழலை வீட்டுக்குக் கொண்டு வர முடியுமா? என்ற கேள்வி எழுவது இயல்பு.
 தகவல் தொழில்நுட்ப நிறுவனங்களில் வேலை செய்பவர்கள் ஏற்கெனவே வீட்டில் இருந்து வேலை செய்து கொண்டிருக்கின்றனர்.
 வீட்டிலிருந்து வேலை செய்யும்போது, வேலைக்கு இடைஞ்சலான பல விஷயங்கள் நம் எதிரே அணிவகுத்து நிற்கக் கூடும்.
 நமது குடும்ப உறுப்பினர்கள் வழக்கமாகப் பேசுவதைப் போல பேசித் தொல்லை கொடுப்பார்கள், குழந்தைகள் வேலை செய்யும்போது நமது மடியில் அமர்ந்து கொள்ளும், கவனத்தைத் திசை திருப்பும் தொலைக்காட்சி நிகழ்ச்சிகளின் ஒலி, வேலைக்குப் போகும்போது நாம் கடைப்பிடித்த உணவு நேரங்கள், இதர செயல்கள் எல்லாம் வீட்டில் இருந்து வேலை செய்யும்போது மாறிவிடும்... இப்படி இடைஞ்சல்களைச் சொல்லிக் கொண்டே போகலாம்.
 வீட்டில் அலுவலக வேலைகளைச் செய்யும்போது, அலுவலகத்தில் எந்த அளவுக்கு எந்தத் திறனோடு நீங்கள் வேலை செய்தீர்களோ, அதே அளவுக்கு அதே திறனோடு வீட்டிலும் வேலை செய்தாக வேண்டும். அதற்கு என்ன செய்வது?
 ஒவ்வொரு நாளும் திட்டமிடுங்கள்:
 வீட்டில் இருந்து வேலை செய்யத் தொடங்கிவிட்டால், முதலில் இன்று என்ன என்ன வேலைகளைச் செய்ய வேண்டும் என்று முழுமையாகத் திட்டமிட வேண்டும். எதை முதலில் செய்வது, எதை அடுத்து செய்வது என்பதைத் திட்டமிட்டு குறித்து வைத்துக் கொள்ள வேண்டும். இன்று இவற்றை எல்லாம் செய்து முடிக்க வேண்டும் என்று இலக்கை நிர்ணயித்துக் கொள்வது நல்லது.
 யாரோடு எல்லாம் இன்றைக்கு தொலைபேசியில் பேச வேண்டும்? எப்போது வெப் கான்ஃபரென்ஸ் நடத்த வேண்டும்? சக பணியாளர்களுடன் அல்லது வாடிக்கையாளர்களுடன் என்னென்ன விஷயங்கள் குறித்துப் பேச வேண்டும்? என்பதையெல்லாம் நாளின் தொடக்கத்திலேயே திட்டமிட்டு வைத்துக் கொள்ள வேண்டும்.
 குழுவினருடன் தொடர்பில் இருங்கள்: உங்களுடைய அலுவலகத்தில் வேலை செய்யும் குழுவினருடன் ஒரு நாளின் தொடக்கம் முதல் அன்றைய வேலை முடியும் வரை எப்போதும் தொடர்பில் இருக்க வேண்டும். அதற்கு நீங்கள் உங்களுக்கு வரும் தொலைபேசி அழைப்புகளை உடனே எடுத்துப் பேச வேண்டும். இ மெயில்களை உடனுக்குடன் பார்க்க வேண்டும். உடனடி தகவல் தொடர்பு செயலிகளைப் பயன்படுத்த வேண்டும். அலுவலகத்தில் இருக்கும்போது பிற பணியாளர்களுடன் என்ன தகவல்களை எல்லாம் உடனுக்குடன் பகிர்ந்து கொள்வீர்களோ, அதேபோல் வீட்டில் இருந்து வேலை செய்யும்போதும் பகிர்ந்து கொள்ள வேண்டும்.
 அலுவலகம் போல வீட்டை மாற்றி அமையுங்கள்: அலுவலக வேலை செய்வதற்கு ஏற்ற சூழ்நிலையை வீட்டில் ஏற்படுத்த வேண்டும். அதற்கென ஒரு தனி அறையை ஒதுக்குவது நல்லது. வீட்டில் உள்ளவர்கள் அல்லது கூடத் தங்கியிருக்கும் அறை நண்பர்கள் வேலை செய்யும்போது இடையில் வந்து குறுக்கிட்டுப் பேசக் கூடாது என்பதில் கண்டிப்பாக இருங்கள். அதற்கு உங்கள் வேலை முறைகளை அவர்களுக்கு விளக்கிச் சொல்லுங்கள்.
 அதேபோன்று வீட்டில் இருந்து வேலை செய்யும்போது, தேநீர் அருந்த, உணவு உண்ண, நொறுக்குத் தீனிகள் தின்ன குறிப்பிட்ட நேரத்தை நீங்கள் ஒதுக்கிக் கொள்ளுங்கள். இதை எக்காரணத்தைக் கொண்டும் நீங்கள் மீறக் கூடாது. அன்றைய வேலை நேரம் முடியும் வரை இதை மிகவும் கண்டிப்பாக நீங்கள் பின்பற்றினால்தான் உங்களுடைய வேலையை நீங்கள் திட்டமிட்டபடி செய்து முடிக்க முடியும்.
 வேலை செய்வதற்கான கருவிகளை ஒழுங்கமையுங்கள்: வீட்டில் இருந்து வேலை செய்யும் போது லேப் டாப், கம்ப்யூட்டர் ஆகியவற்றை நீங்கள் பயன்படுத்த வேண்டியிருக்கும். தொலைத்தொடர்புக்காக இணையதளத்தைப் பயன்படுத்த வேண்டியிருக்கும். இவையெல்லாம் பழுதாகாத வகையில் இயங்க வேண்டும். எதிர்பாராத மின்தடைகளைச் சமாளிக்க லேப்டாப், செல்பேசி போன்றவற்றை முழுமையாக சார்ஜ் செய்து கொள்ள வேண்டும். இணையதளத்தைச் சிறப்பாகப் பயன்படுத்த சிக்னல் கிடைப்பதில் தொந்தரவு இல்லாத தொலைத் தொடர்பு நிறுவனங்களை நீங்கள் பயன்படுத்த வேண்டும். இன்வெர்ட்டரைப் பயன்படுத்த வேண்டும். இவற்றில் எது ஒன்று சரியாக இல்லையென்றாலும், உங்களுடைய அன்றைய வேலை உடனே நின்று போய்விடக் கூடிய நிலை ஏற்பட்டு, பல எதிர்பாராத பிரச்னைகளை நீங்கள் சந்திக்க வேண்டியிருக்கும்.

விடியோ கான்ஃபரன்ஸ் மூலமாக நீங்கள் உங்களுடைய நிறுவனத்தின் வாடிக்கையாளருடன் பேச வேண்டியிருக்கலாம்; வேலைக்குப் புதிதாகக் சேரும் ஒருவருக்கான நேர்காணலை நீங்கள் நடத்த வேண்டியிருக்கலாம். எனவே, தொலைத் தொடர்புக்காக நீங்கள் பயன்படுத்தும் இமெயில், கூகுள் டிரைவ், டிராப்பாக்ஸ், ஸ்கைப் உள்ளிட்ட அனைத்திற்குமான கட்டணங்களை உடனுக்குடன் செலுத்தி, அவற்றின் இயக்கம் தடைபடாமல் பார்த்துக் கொள்ள வேண்டும்.
 வீட்டில் இருந்து வேலை...பயன்கள் எவை?: ஒவ்வொரு நாளும் அலுவலகத்துக்குப் போய் வருவதற்கான உங்களுடைய நேரம் மிச்சமாகும். அலைச்சல் குறைவு என்பதால் உடல் சோர்வு ஏற்படாது. அந்த பயண நேரத்தை வீட்டில் உள்ளவர்களுடன் கழிக்க, விரும்பிய பொழுதுபோக்குகளில் ஈடுபட பயன்படுத்திக் கொள்ள முடியும். உங்களுடைய குழந்தைகளுடன் அதிக நேரம் செலவழித்து அவர்களுடைய படிப்புக்கும்
 நீங்கள் உதவ முடியும்.
 எல்லாவற்றுக்கும் மேலாக அலுவலகத்தில் ஒவ்வொன்றுக்கும் உங்களுடைய உயர் அதிகாரியின் உதட்டசைவிற்காகக் காத்திருப்பதற்கு மாறாக, சொந்தமாக முடிவெடுக்கும் திறன் உங்களுக்கு ஏற்படும். உங்களுடைய நேரத்தை திட்டமிடும் திறன் மேம்படும். வேலைக்கு இடைஞ்சலாக ஏற்படும் பல தொந்தரவுகளைச் சமாளிக்கும் திறனுடையவராக நீங்கள் மாறிவிடுவீர்கள்.
 ந.ஜீவா

]]>
https://images.dinamani.com/uploads/user/imagelibrary/2020/3/24/w600X390/VEEDU1.JPG https://www.dinamani.com/weekly-supplements/ilaignarmani/2020/mar/24/வீட்டில்-இருந்து-வேலை-என்ன-செய்ய-வேண்டும்-3387734.html
3387733 வார இதழ்கள் இளைஞர்மணி வேலை மாறுதல்: திட்டமிடு... தயாராகு... செயல்படு! DIN DIN Tuesday, March 24, 2020 01:31 PM +0530 தற்போதைய காலகட்டத்தில் பலர் தங்களது படிப்புக்கு ஏற்ற வேலையை செய்வது இல்லை. பெரும்பாலானவர்கள் தாங்கள் பெற்ற கல்வித்தகுதிக்குக் குறைந்த வேலையையே செய்து வருகின்றனர். அதே வேளையில், அவர்களின் மனதில் லட்சியக்கனவும் ஊற்றெடுத்துக் கொண்டேதான் இருக்கின்றன.
ஆனால், தற்போது பார்த்து வரும் வேலை அவர்கள் விரும்புகிற வேலையாக இருக்காது. விரும்புகிற வேலை என்கிற இலக்கை நோக்கிப் பயணிக்க தற்போது பார்த்துவரும் வேலையே பெரும் தடைக்கல்லாக இருக்கலாம். எனினும், அந்த வேலையைக் கைவிட்டு, புதிய வேலை அல்லது தொழில் தொடங்குவது குறித்த தயக்கமும் பலருக்கு இருக்கும். 
ஆனால், வருமானத்துக்கு வழிகோலும் வேலையை விடுவதில் பலருக்கு குழப்பம் ஏற்படுகிறது. வேலையை விடுவதற்கு முன் சிந்திக்க வேண்டியவை நிறைய உள்ளன. 
தீர ஆராய்ந்து திட்டமிடுதல் : வாழ்வாதாரத்தை ஏற்படுத்தித் தரவல்ல வேலையைக் கைவிடுவது அவ்வளவு எளிதானதல்ல. வேலையைக் கைவிட எண்ணி வருபவர்கள் சில முக்கியமான கேள்விகளைத் தங்களுக்குள் எழுப்ப வேண்டும். "நாம் செய்து வரும் வேலை, நமது வாழ்வின் இலக்கை அடைவதற்கு உதவிகரமாக உள்ளதா அல்லது தடைகளை ஏற்படுத்துகிறதா?', "நாம் பார்த்து வரும் வேலை வாழ்வில் நம்மை மேம்படுத்தி வருகிறதா?' என்பன போன்றவற்றை முதலில் ஆராய வேண்டும். 
இந்தக் கேள்விகளுக்கு விடை காணும்போது நாம் மிகுந்த கவனமாக இருக்க வேண்டும். ஏனெனில், கவனச்சிதறல்களால் நிறைந்ததுதான் வாழ்க்கை. வேறு பொழுதுபோக்கு விஷயங்களே புதிய வேலைக்கு, தொழிலுக்கு நம்மைத் தயார்ப்படுத்திக் கொள்வதற்கு தடையாக இருக்கலாம். எது தடை என்பதை நன்கு ஆராய வேண்டும். தடைகளை நீக்குவது மட்டுமல்ல, அடுத்த வேலை அல்லது தொழிலுக்கு நாம் நம்மை எந்தவிதங்களில் எல்லாம் தயார்ப்படுத்திக் கொள்ள வேண்டும் என்பதை நன்றாக ஆராய்ந்து திட்டமிட வேண்டும். திட்டத்தைச் செயல்படுத்தும் செயல்களையும் திட்டமிட வேண்டும். 
வேண்டாததைக் கைவிடல்: நமது இலக்குகளை அடைய வேண்டுமானால், முக்கியத்துவம் இல்லாத விஷயங்களில் அன்றாடம் கவனம் செலுத்துவதைத் தவிர்க்க வேண்டும். பணி நேரம் தவிர மற்ற காலங்களில் நமது அடுத்த வேலை அல்லது தொழிலை நோக்கிச் செல்வதற்கான நடவடிக்கைகளில் தீவிரமாக ஈடுபட வேண்டும். அவ்வாறு ஈடுபடும்போது ஓய்வில்லாமல் உழைக்கிறோமே என்ற எண்ணமும் எழலாம். 
இலக்குகளை நோக்கி நம்மைச் செலுத்தாத விஷயங்களைக் கண்டறிந்து அவற்றைக் களைய முற்பட வேண்டும். 
பொழுதுபோக்கை துச்சமாக எண்ணுதல்: அப்படி கடினமாக உழைத்த பிறகும் தற்போது பார்த்துவரும் வேலை மிகப் பெரிய தடைக்கல்லாக இருப்பதாக உணர்ந்தால், புதிய வேலை அல்லது தொழிலைத் தேடுவதற்கு நமது கடின உழைப்பு போதுமானதாக உள்ளதா? என்று ஆராய வேண்டும். நமது கடின உழைப்பின் மேல் நம்பிக்கை கொண்டு வேலையைக் கைவிட்டு, நமது இலக்கை நோக்கி முன்னேறலாம். 
கிடைக்கும் சமயங்களில் எல்லாம் நமது இலக்கை நோக்கி முன்னேறுவதற்கான சாத்தியக்கூறுகளை ஆராய வேண்டும். 
வாழ்வாதாரத்தை அளிக்கும் வேலையைப் பார்த்துக் கொண்டு, குடும்ப பாரங்களைச் சுமந்து கொண்டும் நம் அடுத்த வேலைக்கான - தொழிலுக்கான தயாரிப்புகளைச் செய்து கொண்டிருப்பவர்களுக்கு பொழுதுபோக்க நேரம் இருக்காது. 
வெற்றி கொள்ள முடியாதது எதுவுமில்லை: "நாளை' என்பது கனவு என்பதால், இன்று இந்த நேரத்தில் முழு கவனத்தையும் நமது இலக்கின் மீது குவிக்க வேண்டும். 
ஏனெனில் காலம் பொன் போன்றது. எந்த வயதிலும் கடின உழைப்புடன் நம்மால் பணியாற்ற முடியும். அதனால், காலத்தை முறையாகப் பயன்படுத்தி வெற்றி கொள்ள வேண்டும்.
இதையே "வலியறிதல்' என்னும் அதிகாரத்தில் வள்ளுவப் பெருந்தகை,
"ஒல்வது அறிவது அறிந்ததன் கண்தங்கிச் 
செல்வார்க்கு செல்லாதது இல்'' 
(குறள் எண்: 472)
என்கிறார். 
இதற்கான விளக்கம், "தனக்குப் பொருந்தும் செயலையும், அதற்காக அறிய வேண்டியதையும் அறிந்து அதனிடம் நிலைத்து முயல்கின்றவர்க்கு முடியாதது ஒன்றும் இல்லை' என்பதாகும். அவர் வழி நடந்து நமது இலக்கை அடைந்து வெற்றி காண்போம்.
-சுரேந்தர் ரவி

]]>
https://images.dinamani.com/uploads/user/imagelibrary/2020/3/24/w600X390/CAREER_CHANGE.JPG https://www.dinamani.com/weekly-supplements/ilaignarmani/2020/mar/24/வேலை-மாறுதல்-திட்டமிடு-தயாராகு-செயல்படு-3387733.html
3387731 வார இதழ்கள் இளைஞர்மணி வேலை...வேலை...வேலை...(24/03/2020) Tuesday, March 24, 2020 01:26 PM +0530 தமிழ்நாடு மாசு கட்டுப்பாடு வாரியத்தில் வேலை
பணி: Assistant Engineer  
காலியிடங்கள்: 78
சம்பளம்: மாதம் ரூ. 37,700 - ரூ.1,19,500
பணி: Environmental Scientist  
காலியிடங்கள்: 70 
சம்பளம்: மாதம் ரூ.37,700 - ரூ 1,19,500 
பணி: Assistant (Junior Assistant) 
காலியிடங்கள்: 38 
பணி: பஹ்ல்ண்ள்ற்
காலியிடங்கள்: 56 
சம்பளம்: மாதம் ரூ.19,500 - ரூ.62,000 
தகுதி: பொறியியல் துறையில் சிவில், வேதியியல், சுற்றுச்சூழல் பிரிவில் பிஇ, பி.டெக் முடித்தவர்கள், வேதியியல், உயிரியியல், விலங்கியல், சுற்றுச்சூழல் அறிவியல், சுற்றுச்சூழல் டெக்னாலஜி, மைக்ரோபயாலஜி, பயோகெமிஸ்ட்ரி, தாவரவியல் போன்ற ஏதாவதொரு பிரிவில் எம்.எஸ்சி முடித்தவர்கள், ஏதாவதொரு பிரிவில் இளங்கலைப் பட்டத்துடன் கம்ப்யூட்டர் அப்ளிகேசன் தொடர்பான 6 மாத படிப்பை முடித்தவர்கள், தமிழ் மற்றும் ஆங்கிலத்தில் தட்டச்சுப் பிரிவில் முதுகலை சான்றிதழ் பெற்றிருப்பவர்கள் சம்பந்தப்பட்ட பணியிடங்களுக்கு விண்ணப்பிக்கத் தகுதியானவர்கள். 
வயதுவரம்பு: 18 வயது முதல் 30 வயதிற்குள் இருக்க வேண்டும்.
தேர்வு செய்யப்படும் முறை: ஆன்லைன் வழி எழுத்துத் தேர்வு மற்றும் நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள்.
விண்ணப்பக் கட்டணம்: ரூ.500. எஸ்சி, எஸ்டி மற்றும் மாற்றுத்திறனாளி, விதைகள் பிரிவினர் ரூ.250 கட்டணமாக செலுத்த வேண்டும். கட்டணத்தை ஆன்லைனில் செலுத்தலாம். 
விண்ணப்பிக்கும் முறை: www.tnpcb.gov.in என்ற இணையதளத்தில் ஆன்லைன் மூலம் விண்ணப்பிக்க வேண்டும். ஆன்லைனில் விண்ணப்பித்த பின்னர் அதனை பிரிண்ட் அவுட் எடுத்து கைவசம் வைத்துக்கொள்ளவும்.
மேலும் முழுமையான விவரங்கள் அறிய: https://tnpcb2020.onlineregistrationform.org/TNPCB_DOC/Notification.pdf  என்ற லிங்கில் சென்று தெரிந்துகொள்ளவும்.
ஆன்லைனில் விண்ணப்பிப்பதற்கான கடைசித் தேதி: 26.03.2020

நார்தெர்ன் கோல்ஃபீல்ட்ஸ் லிமிடெட் நிறுவனத்தில் வேலை 
பணி: Dragline Operator (Traninee) - 09
பணி: Dozer Operator (Trainee) - 48
பணி: Grader Operator (Trainee) - 11
பணி: Dumper Operator (Trainee) - 167
பணி: Shovel Operator (Trainee) - 28 
பணி:  Pay Loader Operator (Trainee) - 06
பணி:  Crane Operator (Trainee) - 21
பணி:  Drill Operator (Trainee) - 17   
தகுதி: 10, பிளஸ் 2 தேர்ச்சியுடன் டீசல் மெக்கானிக், மோட்டார் மெக்கானிக், பிட்டர் போன்ற பிரிவுகளில் ஐடிஐ முடித்திருக்க வேண்டும். மேலும் கனரக வாகன ஓட்டுநர் உரிமம் பெற்றிருக்க வேண்டும். 
பணி:  Accountant/ Cost Accountant - 41 
தகுதி: சிஏ, ஐசிடபுள்யுஏ முடித்தவர்கள் விண்ணப்பிக்கத் தகுதியானவர்கள்.
பணி: Overseer Grade-C  - 35 
தகுதி: பத்தாம் வகுப்பு தேர்ச்சியுடன் பொறியியல் துறையில் சிவில் பிரிவில் டிப்ளமோ முடித்திருக்க வேண்டும்.
பணி: AminGrade-D - 10
தகுதி: பத்தாம் வகுப்பு தேர்ச்சியுடன் Amanat, Surveyorship சான்றிதழ் படிப்பை முடித்து 2 ஆண்டு பணி அனுபவம் பெற்றிருக்க வேண்டும்.
பணி:  Junior Chemist T&S Grade-D - 07
தகுதி: வேதியியல் பாடப்பிரிவில் இளங்கலை பட்டம் பெற்றிருக்க வேண்டும்.
வயது வரம்பு: 30.03.2020 தேதியின்படி 18 வயது முதல் 30 வயதுக்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில் தளர்வு உண்டு. 
தேர்வு செய்யப்படும் முறை: எழுத்துத் தேர்வு மூலம் தகுதியானவர்கள் தேர்வு செய்யப்படுவார்கள்.
விண்ணப்பக் கட்டணம்: ரூ.500. இதனை ஆன்லைன் முறையில் செலுத்த வேண்டும். எஸ்சி, எஸ்டி, முன்னாள் ராணுவத்தினர் பிரிவைச் சேர்ந்தவர்கள் விண்ணப்பக் கட்டணம் செலுத்த தேவையில்லை.
விண்ணப்பிக்கும் முறை: www.nclcil.in என்ற இணையதளம் மூலம் ஆன்லைனில் விண்ணப்பிக்க வேண்டும். விண்ணப்பித்த பின்னர் அதனை பிரிண்ட் அவுட் எடுத்து கைவசம் வைத்துக்கொள்ளவும். 
ஆன்லைனில் விண்ணப்பிப்பதற்கான கடைசித் தேதி: 30.03.2020

புதுச்சேரி சமூக நலத்துறையில் வேலை
பணி: வெல்பர் ஆபிஸர்
காலியிடங்கள்: 48
தகுதி: சமூகவியல், சமூகப் பணி, உளவியல் ஆகியவற்றில் ஏதாவது ஒன்றில் இளங்கலைப் பட்டம் பெற்றிருக்க வேண்டும். 
வயது வரம்பு: 18 வயது முதல் 30 வயதுக்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில் தளர்வு உண்டு. 
விண்ணப்பிக்கும்முறை : https:/socwelfare.py.gov.in & https://www.py.gov.in  என்ற இணையதளத்தில் உள்ள விண்ணப்பப் படிவத்தைப் பதிவிறக்கம் செய்து, தேவையான சான்றிதழ்களின் நகல்களை இணைத்து கீழ்க்காணும் முகவரிக்கு அனுப்பி வைக்க வேண்டும்.
முகவரி:
The Director,
Directorate of Social Welfare,
Saradhambal nagar,
Ellaipillaichavady,
Puducherry - 605 005.
மேலும் விவரங்கள் அறிய: https://www.py.gov.in/citizens/recruitments/SOCIAL07022020NOT.pdf என்ற லிங்க்கை கிளிக் செய்து தெரிந்து கொள்ளுங்கள். 
பூர்த்தி செய்யப்பட்ட விண்ணப்பம் சென்று சேர கடைசித் தேதி: 31.3.2020

கூட்டுறவு வங்கியில் உதவியாளர் வேலை
மொத்த காலியிடங்கள்: 64
பணி: Assistant - 20 (Assistant In Cooperative Institutions In Cuddalore District (Other Than Cuddalore District Central Cooperative Bank)
பணி: Assistant - 44 
தகுதி: ஏதேனும் ஓர் துறையில் பட்டப்படிப்பு முடித்தவர்கள் மற்றும் கூட்டுறவுப் பயிற்சி முடித்தவர்கள் விண்ணப்பிக்க தகுதியானவர்கள். 
வயதுவரம்பு: 01.01.2019 தேதியின்படி18 வயது பூர்த்தி அடைந்தவராக இருக்க வேண்டும். 
சம்பளம்: மாதம் ரூ.14,000 - ரூ.47,500 
தேர்வு செய்யப்படும் முறை : எழுத்துத் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள்.
விண்ணப்பக் கட்டணம் : ரூ. 250 விண்ணப்பக் கட்டணமாகச் செலுத்த வேண்டும். அரசு விதிமுறைப்படி எஸ்.சி, எஸ்டி, அனைத்து பிரிவைச் சேர்ந்த மாற்றுத்திறனாளிகள், விதவைகள் பிரிவைச் சேர்ந்த விண்ணப்பதாரர்கள் கட்டணம் செலுத்தத் தேவையில்லை. கட்டணத்தை ஆன்லைனில் செலுத்தலாம்.
விண்ணப்பிக்கும் முறை : http://www.cuddrb.in/  என்ற இணையதளத்தின் மூலம் ஆன்லைனில் விண்ணப்பிக்க வேண்டும்.
மேலும் முழுமையான விவரங்கள் அறிய: http://www.cuddrb.in/doc_pdf/Notification_2.pdf எனும் அதிகாரப்பூர்வ லிங்கில் சென்று தெரிந்து கொள்ளவும். 
எழுத்துத் தேர்வு நடைபெறும் தேதி: 17.05.2020
ஆன்லைனில் விண்ணப்பிப்பதற்கான கடைசித் தேதி: 31.03.2020 
தொகுப்பு: இரா.வெங்கடேசன்
 

]]>
https://images.dinamani.com/uploads/user/imagelibrary/2020/3/24/w600X390/VELAI.JPG https://www.dinamani.com/weekly-supplements/ilaignarmani/2020/mar/24/வேலைவேலைவேலை24032020-3387731.html
3387728 வார இதழ்கள் இளைஞர்மணி மகிழ்ச்சி DIN DIN Tuesday, March 24, 2020 01:14 PM +0530 ஆடம்பர வாழ்க்கை வாழ்பவர்கள் வெளித்தோற்றத்திற்குதான் மகிழ்ச்சியாக இருக்கிறார்கள். அவர்கள் பெரும்பாலானோரின் உள் மனது மகிழ்வுடன் இல்லை. அதுவே உண்மை!
 தொலைக்காட்சி பார்ப்பது, வெளியில் எந்நேரமும் சுற்றித் திரிவது, அரட்டை அடிப்பது போன்ற வேண்டாத வேலைகளைத் தவிர்த்துவிட்டு, பயனுள்ள காரியங்களில் உங்களின் உழைப்பை, நேரத்தைச் செலவிட்டால் உண்மையான மகிழ்ச்சி உள்ளத்தில், உங்கள் இல்லத்தில் குடியேறும்.
 திட்டமிட்ட செயல்களில் ஈடுபட வேண்டும். "காலம் பொன் போன்றது' அதைக் கருத்தில் கொள்ள வேண்டும். சோம்பலைத் தூர விரட்டிட வேண்டும். தொடர்ந்து செயலாற்ற வேண்டும்.
 இவ்வாறெல்லாம் இருந்தால், நீங்கள் மகிழ்ச்சியுடன் எப்போதும் இருப்பீர்கள் என்பது நிச்சயம்.
 நட்பில் கவனம் தேவை. எல்லா இடங்களிலும், எல்லா சந்தர்ப்பத்திலும் நாம் பலரையும் சந்திக்கிறோம். பேச நேர்கிறது. சில வேளைகளில் அவர்களுடனான சந்திப்பு தொடரவும் செய்கிறது. அதுவே நல்ல நட்பாகி விடுமா?
 அன்பானவர்களும் அறிவாளிகளும் பிறருக்குத் தீமை செய்ய நினைக்காதவர்களுமே நட்பு கொள்ளத் தகுதியானவர்கள். அவர்களைப் போன்றோரிடம் நட்பு பாராட்டினால்,
 எப்போதும் மகிழ்ச்சியே உண்டாகும்.
 மற்றவர்களிடம் மரியாதையுடன் நடந்து கொள்வது, நல்ல மதிப்பினைப் பெற்றுத் தரும். அன்பாகப் பேசுவது, ஆதரவாக இருப்பது போன்ற விஷயங்கள் உங்கள் உள்ளத்தில் என்றைக்குமே மகிழ்ச்சியை நிரப்பி வைக்கக் கூடியவை.
 கவலை, அச்சம், சந்தேகம் இவை, கொண்டவர்களையே அழிக்கும் வல்லமை கொண்டவை. வாழ்க்கையில் நீங்கள் இவற்றைத் துளியும் சேர்த்துக் கொள்ளக் கூடாது.
 மயிலாடுதுறை இளையபாரதி எழுதிய "எண்ணங்களே வாழ்க்கை'
 என்ற நூலிலிருந்து...
 

]]>
https://images.dinamani.com/uploads/user/imagelibrary/2020/3/24/w600X390/im6.jpg https://www.dinamani.com/weekly-supplements/ilaignarmani/2020/mar/24/மகிழ்ச்சி-3387728.html
3387727 வார இதழ்கள் இளைஞர்மணி உலகச் சுழற்சி உண்மையெனக் காட்டியவர்!- மு.கலியபெருமாள் DIN DIN Tuesday, March 24, 2020 01:13 PM +0530 சென்ற இதழ் தொடர்ச்சி...
நியூட்டனின் முதல் இயக்க விதியை அதாவது(Newton first law of motion) வேறு வெளி ஆற்றலினால் (external forces) பாதிக்கப்படாமல் இருக்கும் போது ஒரே ஒழுங்காகவே செல்கிறது - என்ற விதியை நன்றாக அறிந்திருந்த போக்கால்ட் தன்னுடைய ஊசல் எப்போதும் ஒரு குறிப்பிட்ட திசையில் ஆடிக் கொண்டிருக்கிறது என்பதையும் அறிந்தார். ஊசலுக்குக் கீழ் உள்ள மணல் வட்டம் சுற்றிக் கொண்டிருக்கிறது என்ற முடிவுக்கு வந்தார். இந்த நேரத்தில் எல்லாருக்கும் ஒரு கேள்வி எழுவது இயற்கையே. அதாவது பூமியோடு சேர்ந்திருக்கும் வீடு சுழலும்போது, வீட்டோடு இணைந்திருக்கும் ஊசலும் சுற்ற வேண்டியதுதானே என்பதுதான் அக்கேள்வி. ஆனால், ஊசல் மட்டும் சுற்றவில்லை. அதற்குக் காரணம், கம்பியில் தொங்கும் குண்டானது எந்த திசையில் வேண்டுமானாலும் சுற்ற முடிகிறது. ஆனால், பூமியோடு இணைந்திருக்கும் வீடு, பூமி சுற்றும் போது தானும் சேர்ந்து பூமி சுற்றுகிற திசையிலேயே சுற்ற வேண்டியிருக்கிறது. இவ்வாறு உலகச் சுழற்சி உண்மை என்பதை மெய்ப்பித்துக் காட்டினார் போகால்ட். தன்னுடைய ஆராய்ச்சியை விவரித்து 1851 -ஆம் ஆண்டுப் பிப்ரவரி மாதம் மூன்றாம் நாள் பிரெஞ்சு அறிவியல் கழகத்திற்கு ஒரு கடிதம் எழுதினார்.
பின்னர் தன்னுடைய ஆராய்ச்சியைப் பாரிஸ் வான ஆராய்ச்சி நிலையத்திலும் வேறு பல இடங்களிலும் பெரிய அளவில் செய்து காட்டினார். இவற்றில் மிகவும் சிறப்பு வாய்ந்தது பாரிசில் நடத்திக் காட்டிய 
பரிசோதனையே. போகால்ட் இந்தப் பரிசோதனையைப் பாரிசிலுள்ள உரோமர் கோயிலில் இரண்டாம் நெப்போலியனின் வேண்டுகோளுக்கிணங்கிச் செய்து காட்டினார். அந்த கோயிலில் உள்ள பெரிய வளைவு மாடத்தில் (dome) 67 மீட்டர் நீளமுள்ள எஃகு கம்பியில் 28,000 கிராம் எடையுள்ள ஈயக் குண்டைத் தொங்கவிட்டு அந்த பரிசோதனையைச் செய்துகாட்டினார். இந்த ஈயக்குண்டு தாமிரத் தகட்டினால் மூடப்பட்டிருந்தது. 1855- இல் நடந்த பொருட்காட்சி ஒன்றில் இந்த சோதனையைச் செய்து காட்டும் ஊசலின் அசைவுகள் குறையாமல் ஒரே அளவாக வைக்க ஒரு மின்காந்த முறையைப் பயன்படுத்தினார்.
"போகால்ட் ஊசலின்' அடிப்படைக் கூறுகளை பெஞ்சமின் டிராப்பர் என்பவர் ஒரு கட்டுரையில் அழகாக குறிப்பிடுகிறார். அதாவது, ஊசல் ஆடத் தொடங்கியதும் ஊசலின் ஆடுதளம்(Plane of Pendulums) உடனே வலது பக்கமாக சுற்ற தொடங்குகிறது. குண்டின் அடியில் பொருத்தி வைக்கப்பட்டிருக்கும் ஊசியானது ஒவ்வொரு ஆட்டத்துக்கும் மணலில் ஒரு புதிய இடத்தில் வரிவரியாகச் சிறுசிறு கோடுகளை போடுகிறது. ஒரே அளவாக ஆடிக் கொண்டிருக்கும் ஊசல் ஒரு வட்டத்தைச் சுற்றிக் கோடுபோடுகிறது. ஆனால், குண்டானது ஒரே இடத்தில் பொருத்தி வைக்கப்பட்டிருப்பதால் ஆடும் ஊசலின் மாறாத தளத்திற்கு அடியில் கட்டடத்தின் தரை உண்மையாகவும் கண்ணுக்குத் தெரியும் படியும் நகர்ந்து சென்றது. வலம்புரியாகச் (Clockwise) சுற்றிய நிலமானது, ஊசல் இடம்புரியாகச் (AntiClockwise) சுற்றுவது போன்ற தோற்றத்தை அளித்தது. இவ்வாறு பூமி தன்னைத் தானே சுற்றிக் கொள்கிறது என்ற உண்மையை 1851 -ஆம் ஆண்டு போகால்ட் மெய்ப்பித்தார். 
இவ்வாறு உலகச் சுழற்சியை உண்மையெனக் காட்டிய போகால்ட் ஒரு சாதாரண பத்திரிகையாளரின் மகனாக 1819 -ஆம் ஆண்டு செப்டம்பர் திங்கள் 18- ஆம் நாள் பிரான்ஸ் நாட்டில் உள்ள ரியூ டி ஆசாஸ் என்ற ஊரில் பிறந்தார். இயற்கையிலேயே உடல் நலம் குன்றி வளர்ந்து பள்ளியிலும் கல்லூரியிலும் தன் திறமை வெளித் தெரியாமல் வாழ்ந்து வந்த போகால்ட், மாணவர்களின் உள்ளத்திலும் உலக வரலாற்றினை விளக்கும் உயர்ந்த மாளிகைகளிலும் பொறித்து வைக்கும் படியான சிறந்த நிலையை அடைந்தார். 
ஏனென்றால் "போகால்ட் ஊசலின்' தத்துவத்தை விளக்குவதற்காக உலகத்தின் பல முக்கியமான நகரங்களிலும் அது வைக்கப்பட்டிருக்கிறது. இதுபோன்ற போகால்ட் ஊசல்கள் லண்டனில் உள்ள தெற்கு கென்லிங்ஸ்டன் அறிவியல் பொருட்காட்சி சாலை, வாஷிங்டனிலுள்ள தேசிய அறிவியல் கழகம், லாஸ் ஏஞ்சலிலுள்ள கிரி வித் பிளானடோரியம், சான்பிரான்சிஸ்கோவிலுள்ள கலிபோர்னியா அறிவியல் கழகம், சிகாகோவில் உள்ள அறிவியல் தொழிலியல் பொருட்காட்சிச் சாலை முதலிய இடங்களில் அமைக்கப்பட்டிருக்கின்றன. 
இதுபோல் இன்னும் பல பொருட்காட்சிச் சாலைகளிலும், பல்கலைக்கழகங்களிலும், வான ஆராய்ச்சி நிலையங்களிலும் போகால்ட் ஊசல்கள் இருக்கின்றன.
சாதாரண இயந்திர விளையாட்டுக் கருவிகள் செய்வதில் வியப்பூட்டும் திறமை பெற்றிருந்த போகால்ட்- ஒரு மருத்துவ மாணவனாகத் தனது வாழ்க்கையை தொடங்கிய அவர்- பாரிஸ் ஆராய்ச்சிச் சாலையில் வேலையில் அமர்ந்து அரசியல் கழகத்தினரின் "காப்ளி' பதக்கம் பெற்ற போகால்ட் உலக சுழற்சியை மெய்ப்பித்த தனது ஊசலை விட அறிவியல் உலகிற்கும் மக்களுக்கும் செய்த தொண்டு மிகவும் பெரியது.
அவருடைய படிப்பின் கதை, அவருடைய கண்டுபிடிப்புகளே. மருத்துவப் படிப்பை விட்டு விலகிய போகால்ட் முதன் முதலில் டாக்டரின் ஒளிப்படம் (photo) எடுக்கும் முறையில் சில சீர்திருத்தங்கள் செய்தார். பிறகு 1850 - இல் சுற்றும் கண்ணாடி முறையினால் (Rotating mirror method) ஒளியின் வேகம் நீரில் குறைவாகவும், காற்றில் மிகுதியாகவும் இருப்பதையும் கண்டார். இதுபோலவே ஒளி ஊடுருவும் ஒவ்வொரு ஊடகங்களிலும் (media) ஒளியின் வேகம் வேறுபடுகிறது என்பதைக் காட்டினார். பூமியின் சுழற்சியைச் செய்துகாட்ட 1852-இல் சுழல் மானி (gyroscope) என்ற கருவியைக் கண்டுபிடித்தார். 
பின்னர் 1855- இல் காப்பிடப்படாத கடத்திகளைச் (uninsulated coductors) சுற்றி உண்டாகும் மின் ஓட்டத்தைக் கண்டுபிடித்தார். இதற்குப் "போகால்ட் மின் ஓட்டம்' அல்லது "எட்டி மின் ஓட்டம்' என்று பெயர். அடுத்த ஆண்டிலேயே பிரதிபலிக்கும் தொலைநோக்கிக்கு (reflecting telescope) வேண்டிய வட்டமானது நீள் வட்டமானது மான (ellipticel) கண்ணாடிகள் செய்வதற்கு ஒரு முறையைக் கண்டார்.
இவ்வாறு அல்லும் பகலும் அறிவியல் கூட்டங்களில் அயராது உழைத்து வந்த அவருக்கு மற்ற அலுவல்களையும் கவனிக்க எப்படி தான் நேரம் கிடைத்ததோ? 1845 முதல் தனது வாழ்க்கையின் இறுதி வரையில் journal des debats என்ற செய்தித்தாளின் அறிவியல் பகுதியை மேற்பார்த்து வந்தார். பத்தொன்பதாம் நூற்றாண்டில் நடுப்பகுதியில் மிகப்பெரிய அறிவியல் சாதனை ஆகிய காற்றில் ஒளியின் வேகத்தை 1862 -ஆம் ஆண்டில் கணக்கிட்டார். 

அதாவது காற்றில்- ஒளியின் வேகம் ஒரு விநாடிக்கு 1,86,000 கல் என்பதை அளவிட்டார். 1851-இல் போகால்ட் அறிவியல் கழகத்தின் உறுப்பினராகச் சேர்த்துக்கொள்ளப் பட்டார். பிறகு 1864-இல் அறிவியல் கழகத்தின் வெளிநாட்டு உறுப்பினராகத் தேர்ந்தெடுக்கப்பட்டார். பேரும் பெருமதிப்பும் பெற்றுப் புகழ் ஏணியில் உச்சியில் நின்ற போகால்ட் திடீரென்று பக்கவாத நோயால் பாதிக்கப்பட்டார். அன்று அவருடைய ஆராய்ச்சிக்கு முற்றுப்புள்ளி வைத்தது அந்த கொடுநோய். உலகம் சுற்றுகிறது என்ற உண்மையை இந்த உலகத்துக்கு எடுத்துக் காட்டிய அந்த உத்தமரை இந்த உலகத்தில் இருந்து பிரித்து விட்டது. ஆம்; 1868 -ஆம் ஆண்டு பிப்ரவரி திங்கள் 11-ஆவது நாள். தனது 49-ஆவது வயதில் அவர் நேசித்த அவர் வாழ்ந்த பாரிஸ் மாநகரத்திலேயே அவர் இவ்வுலகத்தை விட்டு நீங்கினார். என்றாலும், இந்த உலகம் உள்ளவரை, இந்த உலகம் சுழன்று கொண்டிருக்கும் வரை அவருடைய பெயரும் புகழும் இந்த உலகின் மூலை முடுக்குகளில் எல்லாம் ஒலித்துக் கொண்டிருக்கும் அல்லவா?

]]>
https://images.dinamani.com/uploads/user/imagelibrary/2020/3/24/w600X390/im4.JPG https://www.dinamani.com/weekly-supplements/ilaignarmani/2020/mar/24/உலகச்-சுழற்சி-உண்மையெனக்-காட்டியவர்--முகலியபெருமாள்-3387727.html
3387725 வார இதழ்கள் இளைஞர்மணி வாங்க இங்கிலீஷ் பேசலாம் 235 ஆர்.அபிலாஷ் DIN Tuesday, March 24, 2020 01:03 PM +0530 ஊரடங்கு உத்தரவு பிரகடனம் பண்ணப்பட்ட நிலையில் புரொபஸர், கணேஷ் மற்றும் ஜூலி புரொபஸரின் நண்பரான வீரபரகேசரியின் வீட்டுக்குச் சென்றிருக்கிறார்கள். வீரபரகேசரி வரலாற்றுப் புதினங்கள் தொடர்ந்து எழுதி மனம் பேதலித்துப் போனவர். தன்னை சோழப் பேரரசின் சக்கவர்த்தியாக நம்பி தனது சேவகர்களின் உதவியுடன் தனது பெரிய வீட்டில் வாழ்ந்து வருகிறார். அவருடன் இருவரும் உரையாடி இரவைக் கழிக்கிறார்கள். அப்போது ஒரு சின்ன விசயத்துக்காக வீரபரகேசரி கணேஷிடம் கோபித்துக் கொள்கிறார். அவர் அவனுக்கு மரண தண்டனை விதிப்பதாக, அவன் தலை உடனே கொய்யப்படுமென கட்டளை பிறப்பிக்கிறார். கணேஷ் மன்னிப்புக் கோர அவர் அவனிடம் பத்து கேள்விகள் கேட்கப் போவதாக சொல்கிறார். அதில் ஒன்பதுக்குச் சரியாக பதிலளித்தால் அவன் தலை தப்பும். 
வேகமாய் ஆடையைக் கழற்றுவதைக் குறிக்கும் ஆங்கில சொற்றொடர் என்ன என வீரபரகேசரி கேட்கிறார். கணேஷ் அதற்கு ஜூலியின் உதவியுடன் அளிக்கும் பதில்கள் கிட்டத்தட்ட சரியாகவும் ஆனால் பொருத்தமற்றதாகவும் உள்ளன. இப்போது புரொபஸர் அவனுக்கு ஒரு clue தரப்போவதாய் சொல்லி அனுமதி வாங்குகிறார். கணேஷ் சரியான பதிலைக் கூறாவிட்டால் அவன் தலை தப்பாது. என்ன ஆகும்? பார்க்கலாமா! 
புரொபஸர்: கணேஷ், கவனமா கேளு! நீ குளியலறையில் குளிக்கும்போது பண்ணும் போது சோப்பு வழுக்கி விழுகிறது. அதை நீ எடுக்கிறதுக்காகக் குனியும் போது சோப்பை மிதித்து விடுகிறாய். அப்போ என்னவாகும்? 
கணேஷ்: வழுக்கிருவேன். வழுக்கி விழுந்திருவேன். ஓ... இதுவா, இது தான் க்ளூவா? புரிஞ்சிருச்சு. 
ஜூலி: என்ன? 
கணேஷ்: Slip. She slipped off her jumper after she returned from the football game. 
வீரபரகேசரி: சரியான பதில். இந்த முறையும் எப்படியோ தப்பி விட்டாய். (மந்திரியை நோக்கி): ஏய் தூங்குமூஞ்சி! 
மந்திரி: மன்னர்... மன்னா... தங்கள் உத்தரவுக்காகக் காத்திருக்கிறேன். 
வீரபரகேசரி: ரொம்ப போர் அடிக்கிறது. இந்த பையனின் இன்னும் சில கேள்விகள் கேட்டு விட்டு வருகிறேன். அதற்குள் எனக்கு ஏதாவது வெளிநாட்டு பயணங்களை ஏற்பாடு பண்ணீரும். I need to peel off somewhere..
கணேஷ் (ஜுலியிடம்): Peel off என்பதை இவர் என்ன அர்த்தத்தில் பயன்படுத்துகிறார்? 
ஜூலி: கொச்சையான அமெரிக்க ஆங்கிலத்தில் ஏதாவது ஓர் இடத்துக்குக் கிளம்பிச் செல்வதை peel off எனச் சொல்வார்கள். இந்த மன்னர் நிறைய அமெரிக்க pulp நாவல்கள் படிக்கிறவர் போல இருக்கிறது. 
புரொபஸர்: ஒரு விமானம் தன்னுடைய திட்டமிடப்பட்ட பாதையில் இருந்து திடீரென வேறு திசைக்குப் போவதை peel off  என்பதுண்டு. The flight peeled off in a near vertical dive. 
வீரபரகேசரி: சொல்லு மந்திரியாரே, எங்கே போகிறோம் இந்த முறை? 
மந்திரி: மன்னர் மன்னா, போன வருடம் தாம் உலகில் உள்ள கிட்டத்தட்ட எல்லா நாடுகளுக்கும் ஒரு பயணம் போய் கலாசார நிகழ்ச்சிகளைக் கண்டுகளித்து அங்குள்ள பிரதமர், பிரதமர் மனைவி ஆகியோருடன் கைகுலுக்கி, டான்ஸ் ஆடி வந்து விட்டீர்கள். இனி நீங்கள் போவதற்கு நாடே இல்லை மன்னா. 
வீரபரகேசரி: ஓ... அப்படியா, போன நாடுகளுக்கே மற்றொரு டிரிப் அடித்தால் என்ன? 
மந்திரி: மன்னர் மன்னா, நம்முடைய ஒற்றர்களின் தலைமையகம் தெரிவித்த தகவலின்படி உங்களுடைய வருகையைத் தடுப்பதற்காகவே தீயசக்திகள் ஒரு பயங்கரமான வைரஸை உலகம் முழுக்க பரப்பி வருகின்றனவாம்.
வீரபரகேசரி: ஐயோ வேண்டாம்... நான் இங்கே அந்தப்புரத்திலே இருந்து கொள்கிறேன். 
புரொபஸர்: They say fear spreads like virus, much faster than a virus could. 
ஜூலி: ஹா... ஹா... 
வீரபரகேசரி: சரி, நாம உள்நாட்டு விவகாரங்களைக் கவனிச்சு பொழுதைக் கழிப்போம். தம்பி கணேஷ், உனக்கு அடுத்த ஒரு கேள்வி. நீ ஒருவர் தேவையில்லாத ஆடையைக் கழற்றுவதை slough off என சொன்னாய் நினைவிருக்கிறதா? 
கணேஷ்: ஆம்... மன்னா. 
வீரபரகேசரி: இந்த சொல் ஒரிஜினலாய் ஒரு குறிப்பிட்ட விலங்கைப் பற்றிப் பேசவே பயன்படுத்தப்பட்டது. 
நான் என்னுடைய கடந்த வார வானொலி உரையில் அதைப் பற்றி பேசியிருந்தேன். அதைக் கேட்டாய் அல்லவா? 
கணேஷ்: மன்னிக்கவும் மன்னா, வயதானவர்கள் பேசுவதை நாங்கள் கேட்பதில்லை. அதுவும் ரேடியோவில் எல்லாம் வாய்ப்பே இல்லை. 
வீரபரகேசரி: மிகவும் நல்லது. ஏனென்றால் இல்லாவிடில் நீ சுலபத்தில் பதில் சொல்லியிருப்பாய். 
கணேஷ்: அடடா, அப்போ கேட்டிருக்கலாமோ. Slough என்பது எந்த விலங்குடன் தொடர்புள்ளது? ம்...ம்...ம்... ஆங் கண்டு
பிடிச்சிட்டேன்.
பாம்பு. The snake sloughed. 
வீரபரகேசரி: கரெக்ட். Slough என்றால் பாம்பின் உதிர்க்கப்பட்ட தோல்.
(இனியும் பேசுவோம்) 

]]>
https://images.dinamani.com/uploads/user/imagelibrary/2020/3/24/w600X390/eng.jpg https://www.dinamani.com/weekly-supplements/ilaignarmani/2020/mar/24/வாங்க-இங்கிலீஷ்-பேசலாம்-235-3387725.html
3387724 வார இதழ்கள் இளைஞர்மணி திட்டமிட்ட செயல்பாடு... தடையை மீறி வெற்றி! DIN DIN Tuesday, March 24, 2020 12:52 PM +0530 மிச்சமெல்லாம் உச்சம் தொடு 61 விஞ்ஞானி வெ. பொன்ராஜ்(அப்துல்கலாமின் முன்னாள் அறிவியல் ஆலோசகர்)
அறிவியல் எல்லை கடந்தது. அனைத்து நாடுகளுக்கும் பொதுவானது. ஆனால் தொழில்நுட்பம், அதை கண்டுபிடித்த நாடுகளுக்கு மட்டும் உரித்தானது. 
அறிவுசார் சொத்துரிமைகளை உலகளாவிய நிலையில் பதிவு செய்து, அதை விற்பனை செய்து அதில் அதிக லாபம் மட்டுமே ஈட்ட பார்ப்பார்கள். 
வளர்ச்சியடைந்த நாடுகள் முக்கியமான இராணுவம், பாதுகாப்பு, விண்வெளி, அணு ஆயுதம், அணுசக்தி போன்ற துறைகளின் தொழில்நுட்பங்களை இந்தியா போன்ற வளரும் நாடுகளுக்கு ஒரு போதும் கொடுக்க மாட்டார்கள். இந்த துறைகள் வளர்ச்சியடைய வேண்டுமானால், அதற்குஉரிய தொழில்நுட்பத்தை இந்தியாவின் விஞ்ஞானிகள்தான் சுயசார்போடு தன்னிச்சையாக உருவாக்க வேண்டும். அதை ஊக்கப்படுத்தும் - வெளிநாட்டு நிர்பந்தங்களுக்கு பணியாமல் சுயசார்பு தொழில்நுட்பங்களை உருவாக்கி, இறக்குமதியை குறைக்கும் அரசியல் தலைமையால் தான் - இந்தியா அறிவியல் தொழில்நுட்பத்தில் தன்னிறைவு அடையும். 
இந்தியா அறிவியில் தொழில்நுட்பத் துறையில் வளர்ந்து விடக்கூடாது என்று 1975 முதல் 2000 வரை அனைத்து வளர்ந்த நாடுகளும் போட்டி போட்டு தொழில்நுட்பத் தடைகளை விதித்தன. இந்த கடுமையான காலகட்டத்தில் தான் அப்துல்கலாம் விண்வெளி, பாதுகாப்பு, இராணுவம், அணு ஆயுதம், அணு சக்தி போன்ற துறைகளில் முக்கிய பொறுப்புகளை வகித்த காலகட்டம். 
1975 - ஆம் ஆண்டில், இஸ்ரோவுக்கு ஒரு புதிய சாதனத்திற்கு பெரிலியம் டயாபிராம் தேவைப்பட்டது. இந்த டயாபிராம்களை உயர்நிலை ஆடியோ ஸ்பீக்கர்களில் காணலாம். ஆனால் சில நாடுகள் 40 ஆண்டுகளுக்கு முன்பே அவற்றை உருவாக்கும் திறன் பெற்று இருந்தார்கள். இதை செய்யும் திறன் பெற்ற அமெரிக்கா கம்பெனியை அப்துல்கலாம் அணுகினார். இந்தியாவிற்கு விற்க அந்த கம்பெனி ஒப்புக் கொண்டது. இந்த கம்பெனி பெரிலியம் கம்பிகளை வாங்கி டயாபிராம் செய்யும் தொழில்நுட்பத்தை தனது அறிவுசார் சொத்தாகப் பதிவு செய்திருந்தது. ஒப்பந்தம் ஏற்படவிருந்த நிலையில், அமெரிக்க அரசாங்கம் மூலோபாய ஏவுகணைகளில், ராக்கெட்டுகளில் இந்த பொருளைப் பயன்படுத்தப்படுத்த வாய்ப்பு இருப்பதால் விற்பனையைத் தடுத்தது. சோர்வடைந்த அப்துல்கலாம், இந்த பெரிலியம் கம்பிகளை அமெரிக்கா, ஜப்பானில் இருந்து இறக்குமதி செய்கிறது என்ற உண்மையைக் கண்டுபிடித்தார். ஜப்பானிய தயாரிப்பாளர்களை அணுகி, "இந்த பெரிலியம் கம்பிகளுக்கான மூலப்பொருள்களை எங்கிருந்து பெறுகிறீர்கள்?'' என்று கேட்ட போது, "இதை இந்தியாவில் இருந்துதான் இறக்குமதி செய்கிறோம்'' என்று சொன்னதைக் கேட்டு அதிர்ச்சியடைந்தார். அந்த தொழில்நுட்பம் இந்தியாவிற்கு பாதுகாப்பு காரணம் காட்டி மறுக்கப்பட்டது. நமது மூலப்பொருள், மூலப்பொருளாக ஏற்றுமதி செய்யப்பட்டு, மதிப்பு கூட்டப்பட்டு, நமக்கே மறுக்கப்படுகிறது. உடனே இந்தியாவே சொந்தமாக பெரிலியம் டயாபிராம் தயாரிக்க சிறந்த ஆராய்ச்சி ஆய்வகங்களின் குழு அமைக்கப்பட்டு, நான்கே மாதங்களில், அமெரிக்காவால் மறுக்கப்பட்ட தொழில்நுட்பத்தை இந்தியா உருவாக்கி அப்துல் கலாம் தலைமையிலான விஞ்ஞானிகள் குழு வெற்றி பெற்றது. 
இந்த வகையில் பார்த்தால், இந்தியா பல விஞ்ஞான துறைகளில் அப்துல்கலாம் மற்றும் பல விஞ்ஞானிகளின் தலைமையில் தன்னம்பிக்கையோடு பணியாற்றி இந்தியாவை இந்த மூலோபாய அறிவியல் தொழில்நுட்பத்தில் சுயசார்பு அடைய வைத்தார்கள். 
வெளிநாடுகளின் தொழில் நுட்பத் தடைகளைத் தாண்டி இந்தியா பல துறைகளில் வெற்றி பெற்றது - இஸ்ரோவின் கிரையோஜெனிக் இயந்திரம், டி.ஆர்.டி.ஓ & ஏ.டி.ஏவிலிருந்து எல்.சி.ஏ-க்காக அக்னி -3 மற்றும் விமான கட்டுப்பாட்டு அமைப்பில் அதிக துல்லியத்துடன் உள்நாட்டு ரிங் லேசர் கைரோ அடிப்படையிலான ஐ.என்.எஸ் (INS); IGCAR, DAE - இல் உள்ள அணு உலைகளில் கார்பைடு எரிபொருள் பதப்படுத்துதல் மற்றும் DAE  - ஆல் மின் உற்பத்தியில் அதே அளவிலான செயல்திறனை அடைய யுரேனியத்தின் பயன்பாடு குறைந்தது போன்ற பல்வேறு முக்கியமான புதுமையான சாதனைகளை இந்தியா படைத்திருக்கிறது. அவை இன்றைக்கும் சாட்சியாக நிற்கின்றன. 
எப்போதெல்லாம் நாம் தொழில்நுட்பத் தடையை எதிர்கொண்டோமோ, அப்போது இந்தியா உயர்ந்துள்ளது. 1998 - க்குப் பிறகு தொழில்நுட்பத் தடை நமது முன்னேற்றத்தைத் தடுத்து நிறுத்த முடியவில்லை. ஆனால் ஒவ்வோர் இந்தியரும் முக்கியமான தொழில்நுட்பங்களில் தன்னம்பிக்கை கொள்ள மனதைப் பலப்படுத்தியுள்ளது. இதுவரை நாம் செய்த விஞ்ஞான மற்றும் தொழில்நுட்பச் சாதனைகளில் நாம் முதலில் நம் சொந்த பலத்தை புரிந்து கொள்ள வேண்டும். மேலும் தேசத்தை பெருமைப்படுத்துவதில் பணியாற்றும் விஞ்ஞானிகளுக்கு நம்பிக்கையையும் ஊக்கத்தையும் அளிக்க வேண்டும். 
சரி 1998- இல் அமெரிக்க தொழில்நுட்பத் தடை விதிக்கப்பட்ட பின்பு LCA போர் விமானம் தொழில் நுட்பம் சந்தித்த சோதனைகளைத் தாண்டி வெற்றி பெற்றது எப்படி? 
1992- இல், LCA குழு இலகு ரக போர் விமானத்திற்கான டிஜிட்டல் -ஃப்ளை -பை - வயர் கண்ட்ரோல் சிஸ்டத்தை (எஃப்.சி.எஸ்) உருவாக்க முடிவு செய்தபோது, இது ஒரு நிலையற்ற விமானம் (Unstable Aircraft). அந்த நேரத்தில், எஃப்.சி.எஸ்ஸை உருவாக்கும் அனுபவம் பிரான்ஸ் மற்றும் அமெரிக்காவிற்கு மட்டுமே உண்டு. பிரெஞ்சு நிறுவனத்திற்கு (DASSAUT SYSTEM) கையால் இயங்கும் அமைப்பும் ஒரு சில கணினியால் இயங்கும் அமைப்பும் இணைந்த கலப்பின அமைப்பு உருவாக்கும் அனுபவம் உண்டு. ஆனால் எங்கள் தேவை அனைத்தும் ஒட்டுமொத்தமும் டிஜிட்டல்-ஃப்ளை-பை-வயர் ஆகும். எனவே, போர் விமானங்களில் எஃப்.சி.எஸ் இன் வடிவமைப்பு, மேம்பாடு மற்றும் ஒருங்கிணைப்பு ஆகியவற்றில் திறனைக் கொண்ட அமெரிக்காவை இந்த திட்டத்தில் இணைந்து செயல்பட வைப்பது பொருத்தமானது என்று கருதப்பட்டது. மூன்று வெளிநாட்டு நிறுவனங்கள் இதில் கலந்து கொண்டன. அதாவது ஜெனரல் எலக்ட்ரிக் கன்ட்ரோல் என்ற கம்பெனி பின்னர் இது எல்எம்சிஎஸ் (LMCS) (இப்போது பிஏ சிஸ்டம்ஸ் என்று அழைக்கப்படுகிறது), லியர் ஆஸ்ட்ரோனிக்ஸ் மற்றும் பெண்டிக்ஸ் என்ற மூன்று நிறுவனங்கள் இந்தியாவோடு இணைந்து உருவாக்கும் திட்டத்திற்கு தயார் என்று டெண்டரில் கலந்து கொண்டார்கள். 
எஃப் -16 விமானத்திற்கான எஃப்.சி.எஸ் (FLIGHT CONTROL SYSTEM) வடிவமைப்பதில் LMCS நிறுவனத்திற்கு அனுபவம் இருந்ததால் ஒப்பந்தத்திற்காக LMCS இறுதியாக தேர்ந்தெடுக்கப்பட்டது. இந்திய FCS இன் வடிவமைப்பு மற்றும் மேம்பாட்டுக்கான கூட்டுக் குழு இந்தியாவின் ADE (DRDO Labs) மற்றும் LMCS உடன் இணைந்து உருவாக்கப்பட்டது. இந்திய அணிக்கும் LMCS அணிக்கும் இடையிலான பணி, யார் யார் என்ன செய்ய வேண்டும் என்று அடையாளம் காணப்பட்டது. இருவரும் இணைந்து இந்த திட்டத்தை செய்து முடிப்பதற்கு தேவையான அடிப்படைக் கூறுகளான எஸ்.ஆர்.எஸ் (SRS) உருவாக்கினார்கள். முன்மாதிரி விமான கட்டுப்பாட்டு கணினி ADE -ஆல் செய்யப்பட இருந்தது. ஒட்டு மொத்த FCS கணினி ஒருங்கிணைப்பு கூட்டுப் பொறுப்பாகும். விமான சான்றிதழை எல்.எம்.சி.எஸ் வழங்க வேண்டும் என்று அப்துல் கலாம் முடிவு செய்தார். 
1992-98 }க்கு இடையில் சற்று மெதுவாக ஒப்பந்தம் முன்னேறியது. நீங்கள் அனைவரும் அறிந்திருப்பதைப் போல, இந்தியா தனது அணுசக்தி பரிசோதனையை 11 மே 1998 அன்று நடத்தியது. இந்த நிகழ்வு நடந்தவுடன் அமெரிக்க அரசு தொழில்நுட்பத் தடை விதித்தது. தடையின் காரணமாக, எல்.எம்.சி.எஸ் ஒப்பந்தத்தை மீறி, அனைத்து இந்திய உபகரணங்கள், மென்பொருள் மற்றும் தொழில்நுட்ப தகவல்களை தங்களே வைத்துக் கொண்டு இதில் பணியாற்றிய இந்திய விஞ்ஞானிகளை உடனடியாகத் தடைவிதிக்கப்பட்ட மறுநாளே நாட்டை விட்டு வெளியேற்றியது. 
இது இந்திய இலகு ரக போர் விமான அணிக்கு ஓர் அதிர்ச்சியாக இருந்தது. உடனடியாக, அப்துல் கலாம் ADA, NAL, ADE, CAIR, HAL, தேசிய விமான சோதனை மையத்தின் இயக்குநர்கள் கூட்டத்திற்கு அழைப்பு விடுத்தார், பேராசிரியர் ஐ.எ. ஷர்மா, புகழ்பெற்ற கட்டுப்பாட்டு அமைப்பு நிபுணர் பேராசிரியர் கோஷல், பிரபல டிஜிட்டல் கட்டுப்பாட்டு அமைப்பு நிபுணர் மற்றும் டி.ஆர்.டி.எல் மற்றும் இஸ்ரோவைச் சேர்ந்த வழிகாட்டுதல் மற்றும் கட்டுப்பாட்டு நிபுணர்கள். எல்.எம்.சி.எஸ் ஒருதலைப்பட்சமாக ஒப்பந்தத்தை முடித்ததன் காரணமாக எழும் நிலைமையை இந்த உறுப்பினர்களுக்கு எஃப்.சி.எஸ் குழுவினர் விளக்கினார்கள். டிஜிட்டல் ஃப்ளை கம்பி அமைப்பின் வளர்ச்சியை வெற்றிகரமாக முடித்து இலகு ரக போர் விமானம் பறக்கக்கூடிய முறையைப் பற்றி ஒரு முழு நாள் கலந்துரையாடல் அப்துல் கலாம் தலைமையில் நடந்தது. இதன் மூலம் எஃப்.சி.எஸ் (FLIGHT CONTROL SYSTEM) அமைப்பை இந்தியாவிலேயே வடிவமைத்து அதை சீக்கிரம் முடித்து விமான சோதனைகளுக்கான கணினி சான்றிதழ் பெற வேண்டும் என்று நீண்ட கலந்துரையாடல்களுக்குப் பிறகு குழு இந்த திட்டத்தை செயல்படுத்த கூடிய மேலாண்மை கட்டமைக்கப்பட்ட முறையை உருவாக்கியது. ADE மற்றும் ADA குழுக்களுடன் இணைந்து இந்த எஃப்.சி.எஸ் குழு எந்த நிலையிலும் பணியாற்ற வேண்டும் என்று அப்துல் கலாம் இலக்கு நிர்ணயித்தார். 
நிபுணர்களின் பரிந்துரைகளின் அடிப்படையில், ADA இலிருந்து கூடுதல் அனுபவமுள்ள பத்து மென்பொருள் பொறியாளர்களுடன் ADE மென்பொருள் குழுவை உடனடியாக பலப்படுத்தினார் கலாம். மென்பொருளின் சரிபார்ப்பு மற்றும் சரிபார்ப்பு ஆகியவற்றின் பொறுப்பு ADA க்கு வழங்கப்பட்டது. கட்டுப்பாட்டு சட்டக் குழு, இரும்புப் பறவை (IRON BIRD), மென்பொருள், வன்பொருள் மற்றும் உருவகப்படுத்துதல் ஆகியவற்றுக்கு இடையே எழும் அனைத்து மோதல்களையும் தீர்ப்பதற்கும், அபிவிருத்திக்கு ஆதரவளிப்பதற்கும் ஒருங்கிணைந்த விமானக் கட்டுப்பாட்டு அமைப்பு மறுஆய்வுக் குழு இயக்குநராக ADE தலைவராகவும்,  PGD - (ADA)இணைத் தலைவராகவும் அமைக்கப்பட்டது. இந்த குழு வாரத்திற்கு ஒரு முறை சந்தித்து வெவ்வேறு பணி மையங்களில் எழும் அனைத்துச் சிக்கல்களையும் கொண்டு வந்து விவாதித்து தீர்வுகள் காணப்பட்டன. கூடுதலாக, திட்ட இயக்குநர் விமான கட்டுப்பாட்டு அமைப்புடன் தலைவராக ஓர் இரும்பு பறவை மறுஆய்வுக் குழு உருவாக்கப்பட்டது, HAL, ADA, ADE, சான்றிதழ் நிறுவனம் (CEMILAC) மற்றும் தேசிய விமான சோதனை மையத்தைச் சேர்ந்த டெஸ்ட் பைலட்டுகள் உறுப்பினர்களாக இருந்தனர். இந்த குழு ஒவ்வொரு வாரமும் சந்தித்து இரும்பு பறவை (IRON BIRD) மீதான வளர்ச்சி மற்றும் சோதனையில் எழும் அனைத்து பிரச்னைகளையும் தீர்த்தது.
எந்தவொரு அமைப்பிலும் எந்தவொரு பிரச்னையும் விரைவாக கவனம் செலுத்தப்பட்டு அதற்கு தீர்வு காண்பதற்கு சான்றிதழ் நிறுவனம் (CEMILAC) மற்றும் ஆய்வு நிறுவனம் சிஆர்ஐ பங்கேற்பதை அறிமுகப்படுத்தினார்.
கூடுதலாக, ஒருங்கிணைந்த விமானக் கட்டுப்பாட்டு முறையின் மேம்பாடு குறித்த மாதாந்திர தொழில்நுட்பக் குழுக் கூட்டத்திலும் ஒரு சிறப்பு நிகழ்ச்சி நிரலைக் கொண்டு இதை பற்றி விவாதிக்க வேண்டும் அதில் இயக்குநர் (ஏடிஇ), இயக்குநர் (என்ஏஎல்), இயக்குநர் (தேசிய விமான சோதனை மையம்), பொது மேலாளர் (எச்ஏஎல் ) கலந்து கொண்டு இந்த திட்டத்தில் ஏற்படும் முன்னேற்றம் மற்றும் சிக்கல்களை விவாதிக்கும் வழி முறை வகுக்கப்பட்டது. 
சோதனைகளைத் தீவிரப்படுத்துவதன் மூலம் இந்த திட்டத்தின் வெற்றி மீதான நம்பிக்கை நிரூபிக்கப்பட வழி வகுக்கப்பட்டது. உதாரணமாக முறைசாரா இரும்பு பறவை (IRON BIRD) சோதனை ஆயிரம் மணி நேரத்திற்கும் மேலாகவும், முறையான இரும்பு பறவை சோதனை 150 மணி நேரத்திற்கும் மேலாக நடத்தப்பட்டது. இதேபோல், பைலட் 2000 மணி நேரத்திற்கும் மேலாக சிமுலேட்டரை பறக்கவிட்டார். 

ஆகவே, எதையெல்லாம் வெளிநாட்டு நிறுவன கூட்டாளரிடமிருந்து நாங்கள் தவறவிட்டோமோ, அதை முக்கியமான வடிவமைப்பு மதிப்பாய்வை மேம்படுத்துவதன் மூலமும், ஒருங்கிணைந்த விமானக் கட்டுப்பாட்டு அமைப்பின் பாதுகாப்பான மதிப்பிடப்பட்ட வடிவமைப்பை உறுதி செய்வதற்கான சோதனை நேரத்தை அதிகரிப்பதன் மூலமும் LCA  விஞ்ஞானிகள் குழு ஈடு செய்தார்கள். 
இதுவரை செய்யாத சாதனையை இந்தியா இந்த வகுப்பிற்கான LCA தொழில்நுட்பத்தில் ஒருங்கிணைந்த விமானக் கட்டுப்பாடு, நிலையற்றதாக இருக்கும் முதல் முன்மாதிரிகளில் கம்பி தொழில்நுட்பத்தாலான அதிநவீன டிஜிட்டல் பிளை பை வயர் பறக்கும் வடிவமைப்பு, இதற்கு தேவையான வன்பொருள், மென்பொருள் போன்ற தொழில் நுட்பங்களை உருவாக்கி, சிமுலேட்டர் மற்றும் இரும்புப்பறவை ஆகியவற்றில் பறக்கும் அனுபவத்தின் அடிப்படையில், இந்த தொழில் நுட்பங்களைச் சோதனை செய்து பார்க்கும் தொழில்நுட்பத்தையும் முதன் முறையாக உருவாக்கி, அதை வைத்து சோதனை செய்து 3 வெவ்வேறு விமானங்களில் 2000 - க்கும் மேற்பட்ட சிக்கல் இல்லாத, விபத்தில்லா விமான சோதனை நடத்தப்பட்டு ஒரு முறை கூட தோல்வியில்லாமல் பறக்கும் விமானத்தை அமெரிக்காவின் தொழில்நுட்பத் தடையை மீறி நமது விஞ்ஞானிகள் சாதித்தார்கள். அமெரிக்காவின் தொழில்நுட்பத் தடையை மீறி நாங்கள் வெல்வோம் என்று சொல்லி வென்றார்கள், நம் விஞ்ஞானிகள். 
உங்கள் கனவுகளை, இலட்சியங்களை 
பகிர்ந்து கொள்ள தொடர்பு கொள்ளுங்கள்:
vponraj@live.com
(தொடரும்)

]]>
https://images.dinamani.com/uploads/user/imagelibrary/2020/3/24/w600X390/im3.JPG https://www.dinamani.com/weekly-supplements/ilaignarmani/2020/mar/24/திட்டமிட்ட-செயல்பாடு-தடையை-மீறி-வெற்றி-3387724.html
3387721 வார இதழ்கள் இளைஞர்மணி சரியான பார்வை... சரியான வழி...சரியான செயல்!- தா.நெடுஞ்செழியன் DIN DIN Tuesday, March 24, 2020 12:29 PM +0530 சென்ற இதழில் பி.எஸ்சி ஆபரேஷன் தியேட்டர் அண்ட் அனஸ்தீசியா டெக்னாலஜி படிப்பு தொடர்பான விவரங்களைப் பார்த்தோம். அறுவைச் சிகிச்சையின்போது நோயாளிகளுக்கு மயக்க மருந்து தருவது தொடர்பான பணிகளை மட்டுமல்லாமல், அறுவைச் சிகிச்சைக்கான அனைத்துப் பணிகளிலும் இந்த படிப்பு படித்தவர்களின் பங்கு உண்டு. 
ஓர் அறுவைச் சிகிச்சைக் கூடத்தில் தேவையான அளவுக்கு ரத்தம் இருக்கிறதா? தேவையான வெப்பநிலை இருக்கிறதா? ஆக்சிஜன் இருக்கிறதா? அறுவைச் சிகிச்சைக்குத் தேவையான அனைத்துக் கருவிகளும் இருக்கின்றனவா? அறுவைச் சிகிச்சை செய்யும்போது அறுவைச் சிகிச்சை செய்யப்படும் நோயாளியின் உடல் பகுதியை அறுவைச் சிகிச்சைக் கூடத்தில் உள்ள அனைவரும் பார்க்கும் வகையில் திரை அமைக்கப்பட்டிருக்கிறதா? அறுவைச் சிகிச்சையின்போது மின்தடை ஏற்படாமல் இருக்க உரிய ஏற்பாடுகள் செய்யப்பட்டுள்ளனவா? அறுவைச் சிகிச்சை முடிந்த பிறகு, அறுவைச் சிகிச்சைக் கூடத்தைத் தூய்மையாக்கும் பணிகள் முறையாகச் செய்யப்படுகின்றனவா? என அறுவைச் சிகிச்சைக்கூடம் தொடர்பான அனைத்துப் பணிகளையும் இந்த பி.எஸ்சி ஆபரேஷன் தியேட்டர் அண்ட் அனஸ்தீசியா டெக்னாலஜி படிப்பு படித்தவர்கள் செய்கிறார்கள். 
துணை மருத்துவப் படிப்புகள் வேலூரில் உள்ள கிறிஸ்தவ மருத்துவக் கல்லூரியிலும் வழங்கப்படுகின்றன.
பி.எஸ்சி பட்டப் படிப்பில் Accident  and Emergency Care Technology, Audiology & Speech Language Pathology, Cardiac Technology,  Cardiopulmonary Perfusion Care Technology,  Critical Care Technology,  Dialysis Technology,  
Medical Laboratory Technology (BScMLT),  Medical Record Science (BMRSc),   Medical Sociology,  Neuro-Electrophysiology,  Nuclear Medicine Technology,  Occupational Therapy(BOT),  Operation Theatre and Anaesthesia Technology,  Optometry (B.Optom),  Physiotherapy (BPT),  Prosthetics & Orthotics (BPO),  Radiography & Imaging Technology ஆகியவை உள்ளன. அவற்றில் சிலவற்றைப் பற்றி விரிவாகப் பார்ப்போம். 
பி.எஸ்சி மெடிகல் ரிகார்ட் சயின்ஸ் B.Sc in Medical Record Science (BMRSc): இந்த இளங்கலைப் பட்டம் மருத்துவத்துறையில் மிக இன்றியமையாத ஒன்றாகும். இது ஹெல்த் இன்ஃபர்மேஷன் சயின்ஸ் என்றும் அழைக்கப்படுகிறது. இதில் ஒரு நோயாளி முதன்முதலில் மருத்துவமனைக்கு வரும்போது அவருக்கு எந்த மாதிரியான நோய் அறிகுறிகள் உள்ளன என்பதைக் கண்டறிந்து அவற்றை பதிவு செய்து கொள்வது, அவருக்கு அளிக்கப்படும் சிகிச்சை பற்றிய தகவல்களை முறையாகச் சேகரித்து பாதுகாப்பது, சிகிச்சையின் பல்வேறு கட்டங்களில் நோயாளியின் உடலில் ஏற்படும் மாறுதல்கள் பற்றிய தகவல்களைச் சேகரித்து வைப்பது, குறிப்பாக நோயின் தன்மை சிகிச்சையின்போது எவ்வாறு மாறுபடுகிறது என்பதைக் கண்டறிய அதற்கான தகவல்களைப் பாதுகாத்து வைப்பது ஆகியவை இந்தப் பிரிவின் முக்கிய பணிகளாகும். 
மேலும் நோய் தொடர்பான தகவல்களைத் திரட்டித் தொகுத்து ஆவணப்படுத்துவது இவர்களின் முக்கிய பணியாகும். உதாரணமாக ஒரு நோய் தாக்குகிறது என்றால் அது எந்த வயதுப் பிரிவினரை அதிகமாகத் தாக்குகிறது?என்னவிதமான உணவு உட்கொள்பவர்களைத் தாக்குகிறது? என்ன ரத்தப் பிரிவு உடையவர்களைப் பாதிக்கிறது? இப்படிப்பட்ட மருத்துவத்துறைக்கு மிகவும் தேவைப்படும் பல்வேறு விதமான தகவல்களைத் திரட்டித் தருவது இவர்களின் பணியாகும். 
மருத்துவத்துறை சார்ந்து அரசு என்னென்ன திட்டங்களைச் செயல்படுத்தலாம் என்பதற்குத் தேவையான தகவல்களைத் தருவதும் இவர்களுடைய பணியாகும். உதாரணமாக கொசுக்களினால் ஒரு நோய் பரவுகிறது என்றால் கொசுக்கள் எங்கு, எதனால் அதிகமாக உற்பத்தியாகின்றன, அவற்றைத் தடுக்க என்ன செய்ய வேண்டும் என்பன போன்ற தகவல்களைத் தருவது இவர்களின் பணியாகும். 
அமெரிக்காவில் உள்ள ஸ்டான்போர்டு பல்கலைக்கழகம் கொசுக்கள் பறக்கும்போது ஏற்படும் ஒலியை வைத்து அது எந்த வகை கொசு, அதனால் அந்தப் பகுதியில் என்னென்ன நோய்கள் ஏற்படும் என்பதைக் கண்டறிய ஓர் அலைபேசி செயலியை உருவாக்கியுள்ளது. இதன் மூலம் கொசுக்களினால் உலகின் எந்தப் பகுதியில் என்ன நோய்கள் ஏற்படும் என்பது போன்ற தகவல்களைத் திரட்ட முடிகிறது. இப்படிப்பட்ட பணிகளும் கூட மெடிகல் ரிக்கார்ட் சயின்ஸ் பிரிவைச் சேர்ந்தவையாகும். 
இந்தப் படிப்பைப் பயின்றவர்கள் மருத்துவர்களுடன், மருத்துவத் தொழில்நுட்பத்துறையினருடன், சுகாதாரப் பணியாளர்களுடன் இணைந்து வேலை செய்வார்கள். 
ஒரு மருத்துவமனையின் பல்வேறு செயல்பாடுகளை ஆராய்ந்து அவற்றைப் பற்றிய தகவல்களைத் திரட்டித் தருவதும் இவர்களுடைய பணியாகும். இதன் மூலம் அந்த மருத்துவமனையை மேம்படுத்துவதற்கான கொள்கை முடிவுகள் எடுப்பதற்கும் மற்றும் திட்டமிட்டுச் செயல்படுவதற்கும் உதவுவார்கள். 
மருத்துவக் காப்பீடு, டெலி மெடிசன் போன்றவற்றில் ஏற்பட்டுள்ள மாறுதல்களை, வளர்ச்சிகளை இவர்கள் ஆராய்வார்கள். 
1962- ஆம் ஆண்டிலிருந்து இந்தக் கல்லூரியில் இந்தப் படிப்பு வேலூர் கிறிஸ்தவ மருத்துவக் கல்லூரியில் சொல்லித் தரப்படுகிறது. தமிழ்நாடு டாக்டர் எம்.ஜி.ஆர். மருத்துவப் பல்கலைக்கழகத்தின் வாயிலாக இது நான்காண்டு பட்டப் படிப்பாக வழங்கப்பட்டு வருகிறது. இந்த 4 ஆண்டுகளில் 1 ஆண்டு செயல்முறைப் பயிற்சி பெறுவதற்கு ஒதுக்கப்பட்டுள்ளது. 
மெடிகல் லேப் ரிக்கார்டு லைப்ரேரியனாகவும், ஹெல்த் இன்பர்மேஷன் மேனேஜராகவும், தரக்கட்டுப்பாடு நிர்வாகியாகவும், டேட்டா ஸ்பெஷலிஸ்ட்டாகவும் இந்தப் படிப்பு படித்தவர்கள் பணியாற்ற முடியும். இவர்களுக்குப் பல வேலை வாய்ப்புகள் உள்ளன. சென்னை மருத்துவக் கல்லூரியிலும் இந்தப் படிப்பு உள்ளது. வேலூர் கிறிஸ்தவ மருத்துவக் கல்லூரியில் இந்தப் படிப்பில் சேர தனியாக நுழைவுத் தேர்வு எழுத வேண்டும். பிளஸ் டூ மதிப்பெண்களின் அடிப்படையில் தமிழகத்திலுள்ள அரசு மருத்துவக் கல்லூரிகளில் இப்படிப்பில் மாணவர்கள் சேர்த்துக் கொள்ளப்படுவார்கள். 
பி.எஸ்சி மெடிகல் சோசியாலஜி: ஒரு குறிப்பிட்ட பகுதியைச் சேர்ந்தவர்களை நோய்கள் பாதிப்பதற்கும் அல்லது ஒட்டுமொத்த சமூகத்தையே நோய்கள் பாதிப்பதற்கும் காரணமான சமூகக் காரணிகளைக் கண்டறிவது தொடர்பாகப் படிப்பது, மெடிகல் சோசியாலஜி படிப்பாகும். 

உதாரணமாக பழங்குடியின மக்கள் வாழும் பகுதிகளில் அவர்களின் உணவுப் பழக்க வழக்கங்கள் அவர்களின் குழந்தைகளுக்கு என்னவிதமான நோய்களை ஏற்படுத்துகின்றன? இளம் வயதினரை, முதியவர்களை அந்த உணவு பழக்க வழக்கங்கள் எவ்வாறு பாதிக்கின்றன என்பதை மெடிகல் சோசியாலஜி படிப்பு படித்தவர்கள் கண்டறிவார்கள். அவர்களுடைய உணவுப் பழக்க வழக்கங்களில் என்ன மாறுதல்களைக் கொண்டு வந்தால், நோய்களின் பாதிப்புகளிலிருந்து பழங்குடியின மக்களை மீட்க முடியும் என்பதற்கான ஆலோசனைகளையும் சொல்வார்கள். 
ஓர் ஊரில் உள்ள ஒவ்வொரு வீட்டிலும் ஒன்றிரண்டு பேருக்கு பர்கின்சன் நோய் வந்துவிடுகிறது என்றால் அதற்கு என்ன காரணம் என்று கண்டுபிடிப்பதை இந்த மெடிகல் சோசியாலஜி படித்தவர்கள் செய்வார்கள். அந்த ஊரில் உள்ள கிணற்று நீரைக் குடித்ததினால் பர்கின்சன் நோய் ஏற்பட்டது என்று அவர்கள் கண்டுபிடித்தால், கிணற்று நீரை மேம்படுத்துவது தொடர்பான ஆலோசனைகளைச் சொல்வதோடு அதற்கான நடவடிக்கைகளிலும் ஈடுபடுவார்கள். இவ்வாறு சமூகம் சார்ந்த மருத்துவப் பணியாற்றுவார்கள். 
ஒரு குடும்பத்தில் ஒருவருக்கு நோய் வந்தால், அது தொடர்பான தகவல்களைக் குடும்பத்தினருடன் பகிர்ந்து கொள்வது, நோயிலிருந்து மீண்டு விடலாம் என்ற நம்பிக்கையை அவர்களிடம் விதைப்பது ஆகியவற்றின் மூலமாக நோயை எதிர்கொள்ளும் மனநிலையை உருவாக்குவார்கள். 
இந்தப் படிப்பை முடித்தவர்கள் இத்துறையிலேயே எம்பிஏ பட்டப் படிப்பும் படிக்கலாம். மெடிகல் சோசியலாஜி 3 ஆண்டு படிப்பு. ஓராண்டு செயல்முறைப் பயிற்சி மேற்கொள்ள வேண்டும். 
பி.எஸ்சி நியூரோ எலக்ட்ரோபிசியாலஜி (Neuro-Electrophysiology): இந்தப் படிப்பு படித்தவர்கள், இஇஜி, இஇஜி டெலிமெட்ரி, இஎம்ஜி, டெமோகிராம், மேக்னெடிக் ஸ்டிமுலேட்டர், டெமோகிராம் போன்ற பல்வேறு தொழில்நுட்பங்களைப் பயன்படுத்தி ஒரு தனிநபரின் நரம்பு மண்டலத்தின் செயற்பாடுகளைக் கண்டறிவார்கள். நரம்பு மண்டலத்தில் ஏற்பட்டுள்ள நோய்களின் தன்மையைக் கண்டறிவார்கள். 
நியூரோ கெமிஸ்ட்ரி, நியூரோ பெத்தாலஜி, நியூரோ ரேடியோலாஜி, நியூரோ பிஸியாலஜி போன்ற துறைசார்ந்த பணிகளைச் செய்வார்கள். இவர்கள் காகினிட்டிவ் நியூரோலாஜி, நியூரோ சைகாலஜி ஆகிய துறைகளில் அதிக அளவில் பணியாற்றுவார்கள். இளம் பருவத்தினருக்கு ஏற்படும் பக்கவாதம், காக்கை வலிப்பு, நரம்பு தசை தொடர்பான நோய்களுக்குச் சிகிச்சையளிக்கும் மருத்துவமனைகளிலும் பணியாற்றுவார்கள். நியூரோ மெட்டாபோலிக், செரிபரல் பால்சி கிளினிக்குகளிலும் வேலை செய்வார்கள். மூளையில் ஏதேனும் ரசாயனம் கூடுதலானாலோ, குறைவானாலோ ஏற்படும் பாதிப்புகளைக் கண்டறிந்து அவற்றைச் சரி செய்வதற்கு உதவுபவர்களும் இவர்களே.
பி.எஸ்சி நியூரோ எலக்ட்ரோபிசியாலஜி 3 ஆண்டு படிப்பாகும். ஓராண்டு செயல்முறைப் பயிற்சி மேற்கொள்ள வேண்டும். 
(தொடரும்)
கட்டுரையாசிரியர்
சமூக கல்வி ஆர்வலர் 
www.indiacollegefinder.org

]]>
https://images.dinamani.com/uploads/user/imagelibrary/2020/3/24/w600X390/NEDU_1.jpg https://www.dinamani.com/weekly-supplements/ilaignarmani/2020/mar/24/சரியான-பார்வை-சரியான-வழிசரியான-செயல்--தாநெடுஞ்செழியன்-3387721.html
3387719 வார இதழ்கள் இளைஞர்மணி பார்வையற்றவர்களின் கண்... இந்த கண்ணாடி! Tuesday, March 24, 2020 12:13 PM +0530 உலகை மனிதர்களுக்கு காட்டுபவை கண்கள்தாம். மனிதனின் உடலில் முக்கியமான உறுப்பு கண் என்பதால்தான், "தானத்தில் சிறந்தது கண்தானம்' என்கிறார்கள்.
 பார்வையற்றவர்கள் வெளியே செல்லும்போது சந்திக்கும் இன்னல்கள் ஏராளம். ஆகையால், கூகுள் நிறுவனம் பார்வையற்றவர்களுக்கு என செயற்கை நுண்ணறிவு பொருந்திய ஸ்மார்ட் கண்ணாடியை உருவாக்கியுள்ளது. "என்விஷன் கிளாஸஸ்' எனப் பெயரிடப்பட்டுள்ள இந்த கண்ணாடிகளைப் பார்வையற்றவர்கள் அணிந்து கொண்டு நடந்தால்போதும், அவர்கள் காணும் பொருள்களின் விளக்கத்தை உடனடியாக ஒலி வடிவின் மூலம் ஸ்மார்ட் கண்ணாடிகள் தெரிவிக்கும்.
 கற்பனை வடிவில் அவர்கள் முன் உள்ள பொருள்களைத் தெரிந்து கொள்ளலாம். பொருள்கள் மட்டுமின்றி, ஹோட்டல்களில் எழுதப்பட்டிருக்கும் சாப்பாட்டு வகைகள், நண்பர்களைக் கண்டுபிடிப்பது என பல்வேறு வகையிலான ஒலிகள் மூலம் இடத்தைக் கண்டுபிடிப்பது போன்றவற்றுக்கும் இந்த ஸ்மார்ட் கண்ணாடி உதவுகிறது. 60-க்கும் மேற்பட்ட மொழிகளை வாசிக்கும் திறன் இந்த கண்ணாடிக்கு உள்ளது என்பது சிறப்பாகும்.

பார்வையற்றவர்களுக்குகாக சந்தையில் பல்வேறு வகையிலான கண்ணாடிகள் இருக்கும்போது, கூகுளின் இந்த ஸ்மார்ட் கண்ணாடியின் செயல்பாடு தனித்தன்மை வாய்ந்ததாக உள்ளது. இந்த கண்ணாடிகளைப் பெறுவதற்கான முன்பதிவு தொடங்கியுள்ளது. இதன் விலை சுமார் ரூ. 1.25 லட்சமாகும். அதிக விலையின் காரணமாக இந்தத் தொழில்நுட்பம், பார்வையற்ற மாற்றுத்திறனாளிகளுக்கு எட்டாக்கனியாக மாறிவிடும். ஆகையால், சந்தையில் இந்த ஸ்மார்ட் கண்ணாடிகளின் விலையைக் குறைக்க கூகுள் நிறுவனம் முயற்சி மேற்கொண்டால் மட்டுமே இது அனைவருக்குமானதாக இருக்கும்.
 - அ.சர்ஃப்ராஸ்
 

]]>
https://images.dinamani.com/uploads/user/imagelibrary/2020/3/24/w600X390/ENVISION_SMART_GLASSES.JPG https://www.dinamani.com/weekly-supplements/ilaignarmani/2020/mar/24/பார்வையற்றவர்களின்-கண்-இந்த-கண்ணாடி-3387719.html
3387710 வார இதழ்கள் இளைஞர்மணி இணைய வெளியினிலே...(24/03/2020) Tuesday, March 24, 2020 11:46 AM +0530 முக நூலிலிருந்து....
அடையாளப்படுத்துவதற்கு 
ஆளற்ற தருணங்களில்...
செய்கூலிக்கே
சேதாரமாகிவிடுகின்றன...
சில நல்ல புத்தகங்களும் கூட.
சுப்புராஜ் ரெங்கசாமி

எத்தனை முறை
இறங்கிப் போனாலென்ன?
தூக்கிப் போட்டது
தலைக்கனத்தை அல்லவா!
கனகா பாலன்

துருப்பிடித்த உந்தன் நாக்கு...
அவற்றின் பொய்யான 
வார்த்தைகள்... 
உண்மைத்தன்மை இல்லாத
உன் மனது! 
இவற்றைச் சகிக்க இயலாத நின்
ஆன்மாவின் பெரும் 
மௌனமானது... 
கோடைக்கால வெப்பநிலையை
இன்னும் அதிகரிக்கின்றது! 
வவுனியூர் சுஜனி

"என்னடா வெயில் இது... கொளுத்தி எடுக்குது' 
என்றவர்கள், முதன்முறையாக "வெயில் நல்லது' என்று 
சொல்லத் தொடங்கியுள்ளனர். 
வெயில் இருக்கும்
இடங்களில் கொரோனா கிருமி உயிர்வாழும் கால அளவு குறையும் என்று 
மருத்துவ நிபுணர் 
தெரிவித்துள்ளார்.
சுந்தரபுத்தன் நடராஜன்

சுட்டுரையிலிருந்து...
உலகில் சிறந்த சந்தர்ப்பவாதி
தண்ணீர்தான்...
அதுதான் எந்தப் பாத்திரத்தில் ஊற்றினாலும் 
அதற்கேற்றவாறு தன்னை மாற்றிக்கொள்ளும்
வல்லமை கொண்டது.
ஊர்க்காவலன்

அன்பு அனைத்துயிர்க்கும் பொது. 
தேவை...
நெஞ்சில் ஈரமும்,
அடுத்தவர் மகிழ்வில் 
மகிழும் மனமும். 
பனித்துளி

முட்டாளாய் இருப்பதில் எந்த
சிரமமும் இல்லை.....
அறிவாளியாய் நடிப்பதில்
தான் சிரமம் உள்ளது.
ஆர்.ஐ.பி.ரேஷ்மா

முகவரியைத் தொலைக்காமல்...
முட்டுச்சந்தில் முட்டாமல்
ட்ராபிக்கிலும் மாட்டி
தாமதிக்காமல் 
காசில்லாமலே தினமும் 
டோர் டெலிவரி 
செய்யப்படுகின்றன...
புதுப் புது பிரச்னைகள்.
நட்சத்திரா

வலைதளத்திலிருந்து...
நான் சிறுவனாக இருக்கும் போது (அதாவது பெற்றோரை நம்பி இருக்கும் போது) பெற்றோர்களிடம் நான் வாங்காத அடிகள் இல்லை. வடிவேலு ஒரு படத்தில் சொல்வது போல "புதுசு புதுசா கண்டுபுடிச்சு... அடிக்கிறாங்கய்யா'
பெல்ட் அடி, தடி அடி, சைக்கிள் ட்யூப் அடி, சாட்டை அடி, விளக்கமாத்து கட்டை அடி, ரூலர் அடி, இன்னும் பல... 
எனது அனுபவத்தில் அடியை இரண்டு வகையாக பிரித்துள்ளேன்.
1. எதிர்பாராத அடி
2. எதிர்பார்த்த அடி
அண்ணன் செஞ்ச தப்புக்கு வாங்குறது எதிர்பாராத அடி. (உன்னால் தான் நான் அடி வாங்கினேன்னு எங்களுக்குள் அடி தடி... அது தனி... கடைசியில் "ஏன்டா நம்ம அப்பா அம்மா மட்டும் இப்படி அடிக்குறாங்க... பேசாம நம்ம அவுங்க வீட்டுல பொறந்திருக்கலாம்டா'ன்னு எங்களுக்குல்லேயே சமாதானம் செய்யுறது.) 
எக்சாம் பேப்பர் வந்ததும் வாங்குறது எதிர்பார்த்த அடி. சாவை முன் கூட்டியே அறிந்து மரண ஓலமிடும் ப்ராய்லர் கோழி அனுபவம் இந்த எதிர்பார்த்த அடியில் இருக்கும். இத்தனை அடியையும் வாங்கிட்டு சொந்தக்காரங்க முன்னாடி வலிக்காதது போல... அடியே வாங்காதது போல கெத்தா போறது... ஆக்கா.. க்கா... (வடிவேலு மாதிரி உச்சரிங்க) வடிவேலு சொல்றது மாதிரி வலிக்காத மாதிரி எவ்வளவு நேரம் தான் நடிக்கிறது? மறுநாள் பள்ளிக்கூடத்துல நண்பர்கள் என்ன ஆச்சுன்னு கேக்கும் போது "கீழ உளுந்துட்டேன்னு' கூலா சொல்லுறது. (அந்த பய புள்ளயும் அவன் வீட்டுல அடி வாங்கிட்டு தான் வந்துருப்பான்) 
ம்ம்ம்... இப்ப நினைக்கும்போது ஒரு சிரிப்பா வருது ஓய்....
http://tamilmakkal.blogspot.com/

]]>
https://images.dinamani.com/uploads/user/imagelibrary/2020/3/24/w600X390/im1.JPG https://www.dinamani.com/weekly-supplements/ilaignarmani/2020/mar/24/இணைய-வெளியினிலே24032020-3387710.html
3383494 வார இதழ்கள் இளைஞர்மணி தண்ணீரில்லாமல் கார்களைக் கழுவலாம்! DIN DIN Tuesday, March 17, 2020 01:25 PM +0530 "மிகவும் தாகமாக இருப்பவருக்கு உலகத்தில் எல்லாவற்றையும் விட, ஒரு சொட்டு தண்ணீர்தான் மிகவும் முக்கியமானது' - இது ஏதோ மிகைப்படுத்திக் கூறுவது அல்ல. கடுமையான தாகத்தை அனுபவித்தவர்களுக்குத்தான் தெரியும் அது எவ்வளவு உண்மையென்று. 
கடந்த ஆண்டு மத்திய அரசின் நிதி ஆயோக் வெளியிட்ட தகவல் ஒன்றில், இந்தியாவில் சென்னை, பெங்களூரு, ஹைதராபாத், புதுதில்லி உள்ளிட்ட 21 நகரங்களில் இந்த ஆண்டு நிலத்தடி நீர் மட்டம் வெகுவாகக் குறைந்துவிடும் என்று கூறப்பட்டுள்ளது. 600 மில்லியன் மக்கள் மிகவும் கொடுமையான தண்ணீர்ப் பற்றாக்குறையால் பாதிக்கப்படும் நிலை ஏற்படும் என்று அது எச்சரித்துள்ளது. 
ஆனால் நாம் ஒவ்வொரும் ஒரு நாளைக்கு சராசரியாக 135 லிட்டர் தண்ணீரைப் பயன்படுத்துகிறோம். 
அதுவும் இருசக்கர வாகனங்கள், கார்கள் போன்றவற்றைக் கழுவுவதற்கு நாம் பயன்படுத்தும் தண்ணீரின் அளவு மிக மிக அதிகம். வாளியில் தண்ணீரைப் பிடித்து ஒரு காரை மிகச் சிக்கனமாகக் கழுவினோம் என்றால் கூட குறைந்தது 40 லிட்டர் தண்ணீர் தேவைப்படுகிறது. அதுவே தண்ணீர் பைப்பில் இருந்து ரப்பர் ட்யூப் மூலமாக காரைக் கழுவினோம் என்றால் 90 லிட்டர் வரை தண்ணீர் தேவைப்படுகிறது. காரைக் கழுவும் சர்வீஸ் ஸ்டேஷன்களில் ஒரு காரைக் கழுவ 200 லிட்டர் தண்ணீர் வரை பயன்படுத்துகிறார்கள். நமது நாட்டில் இப்போது 23 கோடி கார்களுக்கும் அதிகமாக உள்ளன. அவற்றைக் கழுவ ஓராண்டில் எவ்வளவு தண்ணீரை நாம் செலவழிக்கிறோம் என்று நினைத்துப் பார்த்தால்... குற்ற உணர்வில் நாம் மூழ்கிவிடுவோம்.
ஆனால் ஒரு சொட்டு தண்ணீர் கூட செலவழிக்காமல் காரைக் கழுவும் முறையைக் கண்டுபிடித்து பயன்படுத்திக் கொண்டிருக்கிறார், நிதின் சர்மா. அவரும் அவருடைய மனைவி ஷாமா சர்மாவும் சேர்ந்து கடந்த ஆண்டு அக்டோபர் மாதம் கோ வாட்டர்லெஸ் (GO WATERLESS) என்ற நிறுவனத்தை மும்பையில் தொடங்கி நடத்தி வருகிறார்கள். இப்போது நாக்பூரிலும் அதன் கிளை நிறுவனம் தோன்றியிருக்கிறது. 
தண்ணீரில்லாமல் காரைக் கழுவுவதா? என்ற கேள்வி எல்லாருக்கும் எழும். அந்தக் கேள்வி நிதினுக்கும் எழுந்தது.
நிதின் சர்மா ராஜஸ்தானில் உள்ள IASE கல்விநிறுவனத்தில் பிபிஏ பட்டப் படிப்பை முடித்தார். படிப்பை முடித்ததும் வேலை தேடிக் கொண்டிருக்காமல், அவருடைய தந்தை சத்தீஷ்கரில் நடத்தி வந்த வாகனத் தொழிலில் ஈடுபட்டார். அங்கே ஒரு கார் மெக்கானிக் வொர்க்ஷாப்பை நடத்தி வந்தார். பேட்டரிகளை விற்பனை செய்து வந்தார். கார்களைப் பழுது பார்க்கும் நிறுவனத்தையும் நடத்தி வந்தார். 

கார்களைப் பழுது பார்த்து, கடைசியில் வாட்டர் சர்வீஸ் செய்து தந்தார். ஆனால் அங்கே தண்ணீர்ப் பற்றாக்குறை ஏற்பட்டது.
"தண்ணீர் இல்லாமல் நாங்கள் மிகவும் சிரமப்பட்டோம். வாடிக்கையாளர்கள் எங்களிடம் பழுது பார்க்க விட்டுச் சென்ற கார்களைக் கழுவத் தண்ணீர் இல்லை. காரைக் கழுவாமல் சர்வீஸ் செய்து தந்ததற்கு நிறைய வாடிக்கையாளர்களிடம் மன்னிப்புக் கேட்டோம். அந்த ஆண்டு மட்டுமில்லை. அதற்கு அடுத்த ஆண்டும் அதேபோன்று தண்ணீர்ப் பற்றாக்குறை. இதற்கு என்னதான் தீர்வு? தலையைப் பிய்த்துக் கொண்டேன். தண்ணீர் இல்லாமல் காரைக் கழுவ முடியுமா? என்ற எண்ணம் எனக்குத் தோன்றியது. 
சில கெமிகல் என்ஜினியர்களின் உதவியோடு நானோ டெக்னாலஜிமுûயைப் பயன்படுத்தி, தாவரங்களில் இருந்து காரின் அழுக்குகளை நீக்கும் பசை போன்ற திரவத்தை உருவாக்க முடியுமா என்ற ஆராய்ச்சியில் இறங்கினேன். இயற்பியல், அதி நவீன மாலிகுலர் வேதியல் என எனது படிப்புக்குத் தொடர்பில்லாத துறைகளில் என் தலையை மூழ்கடித்து காரைக் கழுவும் பசை போன்ற திரவத்தைக் கண்டுபிடித்தேன். 

இந்தத் திரவம் முற்றிலும் சுற்றுச்சூழலுக்கு எந்தவிதத்திலும் கேடு ஏற்படுத்தாதது. அதை காரின் வெளிப்புறத்திலோ உட்புறத்திலோ லேசாகத் தடவி, துடைத்தால் போதும். காரில் உள்ள அழுக்குகள் நீங்கிவிடும். காரில் கீறலை ஏற்படுத்தாது. காரின் எல்லாப் பகுதிகளிலும் கண்ணாடியிலும், பிரேக்கிலும் இந்தத் திரவத்தைப் பயன்படுத்தி தூய்மையாக்கலாம். 
நானும் என் மனைவியும் சேர்ந்து ரூ.10 லட்சம் முதலீட்டில் மும்பையில் வாட்டர்லெஸ் நிறுவனத்தைத் தொடங்கினோம்'' என்கிறார் நிதின். 
இப்போது நாக்பூரிலும் இந்த நிறுவனம் செயல்பட்டுக் கொண்டிருக்கிறது. ஏறத்தாழ 1000 நிலையான வாடிக்கையாளர்கள் இவர்களுக்கு இப்போது உள்ளனர். 23 பேர் நிறுவனத்தில் வேலை செய்கின்றனர். 
"ஒரு காரைச் சுத்தம் செய்ய 100 மி.லி. ஸ்பிரே போதுமானது. நாங்கள் இதுவரை 1000 லிட்டர் ஸ்பிரேவை கார்களைக் கழுவுதற்காகப் பயன்படுத்தியிருக்கிறோம் என்றால் எத்தனை கார்களைச் சுத்தம் செய்திருப்போம் என்று நீங்களே கணக்குப் போட்டுக் கொள்ளுங்கள். தாவரங்களில் இருந்து இந்த பசை போன்ற திரவத்தைச் செய்வதற்கான மூலப்பொருள்களை பிரேசிலிலிருந்து இறக்குமதி செய்கிறோம். 
காரைச் சுத்தம் செய்ய தண்ணீர் மட்டுமல்ல, மின்சாரமும் தேவையில்லை. கைகளால் ஸ்பிரே செய்து கைகளாலேயே துடைத்துவிடலாம். அதுமட்டுமல்ல, இதைப் பயன்படுத்துவதால் காரில் துரு பிடிப்பதில்லை. காரில் பூசப்பட்டுள்ள பெயிண்ட்களில் கீறல் விழுவதில்லை. இதற்கென நாங்கள் ஒரு செயலியை உருவாக்கியிருக்கிறோம். வாடிக்கையாளர்கள் அதைப் பயன்படுத்தி கார் கழுவும்படி கூறினால், அவர்களுடைய வீட்டுக்கே சென்று எங்களுடைய பணியாளர்கள் காரைச் சுத்தம் செய்து தருவார்கள். இதனால் வாடிக்கையாளர்களின் நேரமும் மிச்சமாகிறது. மக்கள் குடியிருக்கும் நிறைய காலனிகளில் எங்களுக்கு வாடிக்கையாளர்கள் உள்ளனர்'' என்கிறார் நிதின்.
இந்தியாவின் பெரும்பாலான நகரங்களில் தண்ணீரில்லாமல் கார்களைக் கழுவும் நிறுவனங்களை ஏற்படுத்துவதுதான் நிதினின் கனவாக இப்போது இருக்கிறது.
- ந.ஜீவா

]]>
https://images.dinamani.com/uploads/user/imagelibrary/2020/3/17/w600X390/WATER1.JPG https://www.dinamani.com/weekly-supplements/ilaignarmani/2020/mar/17/தண்ணீரில்லாமல்-கார்களைக்-கழுவலாம்-3383494.html
3383491 வார இதழ்கள் இளைஞர்மணி முயற்சி என்கிற ஆயுதம்! DIN DIN Tuesday, March 17, 2020 01:20 PM +0530 ஆள்குறைப்பு என்பது பல நிறுவனங்களில் தொடர்ந்து இருந்து வரும் நிரந்தரப் பிரச்னையாகி விட்டது. ஆள்குறைப்பின் காரணமாக வேலையை விட்டு நீக்கப்படுபவர்கள் படும் துயரம் அளவிட முடியாது.
அந்த துயரத்தால், அடுத்து என்ன செய்வது எனத் தெரியாமல் எதிர்காலத்தைத் தொலைத்து விட்டு நிற்பவர்கள் பலருண்டு. 
ஆனால், இது போன்ற ஆள் குறைப்பு நடவடிக்கையால் பாதிக்கப்பட்ட ஒருவர், அது குறித்து கவலைப்படாமல், சுயமாக உழைத்து, புதிதாக நிறுவனம் ஒன்றை உருவாக்கி சாதித்துக் காட்டியுள்ளார். ஆசிய அமெரிக்கரான டிம்சென்தான் அந்த பெருமைக்குச் சொந்தக்காரர். 
அமெரிக்காவின் ஸ்டான்போர்ட் பல்கலைக்கழகத்தில் பட்டம் பெற்ற டிம் சென், அமெரிக்காவின் நிதித்துறையில் பணியாற்றிக் கொண்டிருந்தார். பல்வேறு பெரிய நிறுவனங்களில் அவர் நிதி விஷயங்களை நிர்வகிக்கும் பணியிலும் இருந்தார். ஆனால் 2008- ஆம் ஆண்டு நிதித்துறையில் பிரச்னை உருவாகி பொருளாதார தேக்கநிலை உருவான போது, அவர் வேலையில் இருந்து நீக்கப்பட்டார். 
வேலையை இழந்து அடுத்து என்ன செய்வது எனற சிந்தனையுடன் இருந்தவருக்கு, புதிய எண்ணத்தை உருவாக்கியது அவரது சகோதரி கேட்ட ஒரு விஷயம்தான். ஆஸ்திரேலியாவில் வசித்து வந்த அவரது சகோதரி, குறைந்த வெளிநாட்டு பரிவர்த்தனைக் கட்டணம் கொண்ட கிரெடிட் கார்டு குறித்து தெரிவிக்குமாறு டிம்சென்னிடம் கேட்டதே அவரின் புதிய நிறுவனத்தைத் தொடங்குவதற்கான புள்ளியாக மாறியது. சகோதரிக்கு சரியான கிரடிட் கார்டை தேர்ந்தெடுத்து சொல்வதற்காக இணையத்தில் அவர் தனது தேடலைத் தொடர்ந்தார். 
ஆனால் கிரெடிட் கார்டு விவரங்களைத் தேடிப்பார்த்த போது தான் தனக்கு ஏமாற்றமாகவும், அதிர்ச்சியாகவும் இருந்தது என கூறும் சென், "இணையத்தில் உள்ள தகவல்கள் விற்பனை நோக்கிலும், விளம்பர நோக்கிலும் மட்டுமே இருந்தன'' என்கிறார்.
இதையடுத்து, வங்கி மற்றும் கிரெடிட் கார்டு நிறுவனங்கள் அளிக்கும் பல்வேறு சேவைகளில் இருந்து தகவல்களைச் சேகரித்து, அவற்றை பல வகைகளில் ஒப்பிட்டு பார்க்கக் கூடிய வகையில் புதிய மென்பொருளை உருவாக்கி சகோதரிக்கு அனுப்பி வைத்தார். சென் அனுப்பிய மென்பொருள் அவரது சகோதரிக்கு மட்டுமின்றி அவரின் உறவினர்களுக்கும் மிக உதவியாக இருந்ததாக சகோதரி தெரிவித்துள்ளார். 
அப்போது தான், சென்னுக்கு இதையே ஓர் இணைய சேவையாக வழங்கலாமே என்ற எண்ணம் தோன்றியது. கைவசம் இருந்த 800 டாலர் தொகையைக் கொண்டு "நெர்ட் வாலெட்' (Nerd Wallet) என்ற இணையதளத்தை உருவாக்கினார் சென். இந்த இணையதளத்தை தனது வீட்டில் இருந்தே தொடங்கினார். தொழில்முறை பத்திரிகையாளர்களைக் கொண்டு கட்டுரைகள் எழுத வைத்தார். அடுத்த சில மாதங்களில் இந்தத் தளத்திற்கு ஓரளவு வரவேற்பு இருந்தாலும், அவர் மணிக்கணக்கில் உழைக்க வேண்டியிருந்தது. 
படிப்படியாக அவரது இணையதளத்திற்கான பார்வையாளர்கள் மற்றும் வருவாய் இரண்டுமே அதிகரித்தது. 2010 - ஆம் ஆண்டில் வருவாய் மூன்று மடங்காக உயர்ந்தது. அடுத்த சில ஆண்டுகளில் அவரது நிறுவனத்திற்கு 105 மில்லியன் டாலர் நிதி கிடைத்தது. இன்று "நெர்ட் வாலெட்' நிறுவனம் 500 மில்லியன் டாலர் கொண்டதாக மதிப்பிடப்பட்டுள்ளது.
"இந்த தளம், CREDIT CARDS ,BANKING, 
INVESTING, MORTGAGES, LOANS, INSURANCE, MONEY (கிரெடிட் கார்டு, வீட்டுக்கடன், வாகனக் கடன்) போன்ற சேவைகள் தொடர்பான தகவல்களைத் திரட்டி தருவதுடன், தகவல்களை ஒப்பிட்டுப் பார்த்து அவற்றில் சரியானதைத் தேர்வு செய்யவும் வழிவகுக்கிறது'' என்கிறார் சென். 
வெளிப்படையான தன்மையுடன் நிதிச்சேவைகளை தேர்வு செய்யப் பரிந்துரைக்கும் அதன் சேவை, வாடிக்கையாளர்கள் மத்தியில் பிரபலமாகி வருகிறது. 
"வங்கிகள் உள்ளிட்ட நிதி நிறுவனங்களுடனான கூட்டு மூலம் நிறுவனத்திற்கு வருவாயும் கிடைத்து வருகிறது'' என்கிறார் சென்.
-வி.குமாரமுருகன் 
 

]]>
https://images.dinamani.com/uploads/user/imagelibrary/2020/3/17/w600X390/TIM-CHEN.JPG https://www.dinamani.com/weekly-supplements/ilaignarmani/2020/mar/17/முயற்சி-என்கிற-ஆயுதம்-3383491.html
3383490 வார இதழ்கள் இளைஞர்மணி  ஓங்கி அடிச்சா... ஒன்னுமே நடக்காது தம்பி! Tuesday, March 17, 2020 01:18 PM +0530 யுத்தம் ஒரு சிறந்த தீர்வு என்பதில் எனக்கு நம்பிக்கை இல்லை. கடந்த யுத்தத்தில் வென்றவர் எவருமில்லை; அடுத்த யுத்தத்தில் வெல்லப் போவதும் யாருமில்லை."
 -எலினோர் ரூஸ்வெல்ட்
 "நாங்கள்லாம் சிங்கம்டா, "சிறுத்தைடா, புலிடா, யானைடா, கரடிடா, நரிடா, ஓநாய்டா' என்றெல்லாம் கொக்கரிக்கும் மனிதர்கள் பலர், அவர்கள் தங்களை"நான் மனிதன்டா' என்று ஏன் சொல்லிக் கொள்வதில்லை? தங்களை மனிதரல்லாத, ஏதோ மிருகங்களாக சித்திரித்துக் கொள்ள விரும்புபவர்கள், அச்சித்திரிப்பை தங்களது தகுதியாக, கம்பீரமாகக் கருதுவதோடு, தாங்கள் பயங்கரக் கோபக்காரர்கள் என்பதையே இதன் மூலம் சொல்ல விழைகின்றனர்.
 "நாங்கள்லாம் பயங்கரக் கோபக்காரர்கள்... பார்த்துக்க'" என்கிற வசனத்தை அவர்களது அடையாள அட்டையைப்போல அடிக்கடி பயன்படுத்தியவர்கள் எல்லாரும், அவர்கள் பெற்றதை விட, இழந்ததே அதிகம். இது நமக்கு வாழ்க்கையும், வரலாறும் சொல்லும் பாடம்.
 வீரத்தைப் படம் பிடித்து காட்டுகிறேன் என்றே எத்தனையோ திரைப்படங்களில் ஆதிக்கத்தையும், அடக்குமுறையும், அராஜகத்தையும், அக்கிரமத்தையும் தொடர்ந்து காட்டிவந்ததன் விளைவுதான், படித்த, படிக்கின்ற மாணவர்கள், இளைஞர்கள் அவர்களது புஜ பலத்தை வீரமாகக் கருதுகின்ற அவலநிலை.
 "ஓங்கி அடிச்சா ஒன்றரை டன் வெயிட்றா! பாக்குறியா... பாக்குறியா' என்று கோடிகளில் சம்பளம் வாங்கிக்கொண்டு நடிகர்கள் உரக்கப் பேசுவதை திரையில் பார்க்க நன்றாக இருந்திருக்கலாம். ஆனால், அது பிழைப்புக்கு உதவாது. வீரனுக்கு அழகு கோபத்தில் இல்லை; வேகத்தில் இல்லை. விவேகத்திலும், மென்மையிலும்தான் உள்ளது. கோபத்தை அடக்குபவனே தலைசிறந்த வீரன். அப்படியென்றால் படித்த மாணவனுக்கு, படித்து முடித்து முனைப்போடு உழைக்கின்ற இளைஞனுக்கு, எது அழகு? வீரம் என்ற பெயரில் தறிகெட்ட கோபத்தை வெளிப்படுத்தவது அல்ல என்பது நமக்கெல்லாம் தெளிவாகும்.
 காவல்துறையினரின் சமீபத்திய குற்றக் குறிப்புகள், புள்ளிவிவரங்கள் நமக்கு அதிர்ச்சிகரமான தகவல்களைத் தருகின்றன. இன்று மதுரை போன்ற மாநகரங்களில் நடக்கும் பெரும்பாலான கொலைகள் இருபதிற்கும் குறைவான வயதிற்குட்பட்ட மாணவர்கள் மற்றும் படித்த இளைஞர்களால் செய்யப்படுகின்றன என்றும், அக்கொலைகளுக்கான நோக்கமோ, காரணமோ எதுவுமே இல்லாமலும் இருக்கிறது எனவும் தெரிவித்திருப்பது நமது அதிர்ச்சியைப் பன்மடங்காக்குகிறது. குற்றவாளிகளாக ஆக்கப்படும் இத்தகைய மாணவர்களுக்கு தெரிவதில்லை, வீரம் என்கிற பெயரில் வெளிப்படும் கோபம்... நம் அறிவை, உடலை, நடத்தையை, குடும்பத்தை, சுற்றத்தை, வாழ்க்கையை, எதிர்காலத்தை, எதிர்கால சந்ததியினரின் வாழ்க்கையை பாதிக்கக் கூடியது என்று.
 ஒன்றை ஆக்க வல்லது வீரம். ஒன்றை அழிக்க வல்லது கோபம். வீரம் என்பது வாழ்வை அழிப்பதல்ல; வாழ்வை அளிப்பது என்கிற உண்மையை எப்படியோ நம் இளைஞர்களுக்கு உணர்த்த, புரிய வைக்க நாம் தவறிவிட்டோம். கோபம் வரும்போது மனதைக் கட்டுப்படுத்துவதே ஒரு வீரனுக்கு அழகு; அணிகலன்.
 "கோபம் கொண்டவன் ஓர் அரைப் பைத்தியம்' என்று ஓர் ஆங்கில பழமொழியும், "கோபத்தின் ஆரம்பம் பைத்தியம், அதன் முடிவு வருத்தம்' என்று ஓர் அரபிப் பழமொழியும், "கோபத்தோடு எழுந்தவன் நஷ்டத்தோடு உட்காருவான்' என்று ஒரு தமிழ் பழமொழியும் கூறுகிறது. அது போல "ஆத்திரக்காரனுக்கு புத்தி மட்டு' என்ற தமிழ் பழமொழியையும், ஒளவை பாட்டியின் "ஆறுவது சினம்' என்கிற ஆத்திச்சூடியையும் நம்மில் பலர் படித்திருப்போம். இத்தகைய பழமொழிகள் உணர்த்துவதெல்லாம், மிதமிஞ்சிய கோபம் மனிதனைப் பாழாக்கிவிடும் என்பதே!
 திருவள்ளுவரும் தன்னுடைய பங்குக்கு வெகுளாமை என்னும் அதிகாரத்தில் பத்துக் குறள்களிலும் கோபத்தினால் நேரும் துன்பங்களைப் பற்றி விவரித்திருக்கிறார். அளவுக்கு மீறி சினம் கொண்டவர் உயிருடன் இருப்பினும் செத்தவராகவே கருதப்படுவர் என்று "இறந்தார் இறந்தார் அனையர் சினத்தைத் துறந்தார் துறந்தார் துணை"
 (குறள்: 310) என்றும், கோபத்தை துறந்தவர் உயர்ந்தவராகவே போற்றப்படுவார் என்றும் கூறுகிறார்.
 "சினமென்னும் சேர்ந்தாரைக்
 கொல்லி இனமென்னும்
 ஏமப் புணையைச் சுடும்'
 என்கிற குறளில், "சேர்ந்தாரைக் கொல்லி எனப்படும் கோபம், சேர்ந்தவரை மட்டும் அன்று; சேர்ந்தவர்க்குத் துணையாக இருப்பவரையும் எரித்துவிடும்' என்கிறார்.
 கோபம் ஒருவரை அழித்து விடும் என்று சான்றோர்கள் இத்தனை பேர் இவ்வளவு சொல்லியிருந்தாலும், "ரெளத்திரம் பழகு'" என்று பாரதி சொல்லியிருப்பதை இங்கு தொடர்புப்படுத்தி குழப்பிக் கொள்ள வேண்டாம். காரணம் "பாதகம் செய்பவரைப் பார்த்தால் பயங்கொள்ளல் ஆகாது பாப்பா. மோதி மிதித்து விடு பாப்பா. அவர் முகத்தில் உமிழ்ந்து விடு பாப்பா' என்று பாரதி கூறியதின் அர்த்தம், தேவையான நேரங்களில், தவறு நடக்கின்ற இடத்தில் அதைத் தட்டிக் கேட்பதற்கு கோபம் கொள்வதில் தவறில்லை என்பதுதான்.
 இங்கு கோபம் ஆக்கும்; உருவாக்கும். குலைந்து கிடப்பதைச் சீராக்கும். வளைந்து கிடப்பதை நேராக்கும். மொத்தத்தில் அனைவருக்கும் நன்மை மட்டுமே செய்வது "ரெளத்திரம்'. ஆனால், சினம் என்று அறிப்படும் கோபம் சீரழிவை மட்டுமே தரும் என்பதை நாம் மறந்துவிடக்கூடாது.
 கோபம் என்பது இருமுனைக் கத்தி போன்றது. கோபம் கொண்டவரையும் பாதிக்கும்; மறுதரப்பினரையும் பாதிக்கும். அந்த அடிப்படையில், "ஓங்கி அடிச்சா ஒன்றரை டன் வெயிட்றா! பாக்குறியா பாக்குறியா' என்று யார் சொன்னாலும், எவ்வளவு பிரம்மாண்டமாக உரக்கச் சொன்னாலும், ஒன்னுமே நடக்காது என்பது மட்டுமே உண்மை.
 பார்க்க வேண்டியவனும் இருக்க மாட்டான்; பார்க்கச் சொல்றவனும் இருக்கமாட்டான் என்பதை படித்த, படிக்கின்ற மாணவர்கள் மற்றும் நாம் அனைவரும் புரிந்து கொள்வோம்.
 - கே.பி. மாரிக்குமார்
 

]]>
https://images.dinamani.com/uploads/user/imagelibrary/2020/3/17/w600X390/im4.jpg https://www.dinamani.com/weekly-supplements/ilaignarmani/2020/mar/17/ஓங்கி-அடிச்சா-ஒன்னுமே-நடக்காது-தம்பி-3383490.html
3383480 வார இதழ்கள் இளைஞர்மணி நமது சவால்கள்: பொருளாதாரத் தடை... தொழில்நுட்பத் தடை! விஞ்ஞானி வெ. பொன்ராஜ் (அப்துல்கலாமின் முன்னாள் அறிவியல் ஆலோசகர்) DIN DIN Tuesday, March 17, 2020 12:51 PM +0530 மிச்சமெல்லாம் உச்சம் தொடு 60
இந்தியா 1998 -ஆம் ஆண்டு மே மாதம் 11 மற்றும் 13 தேதிகளில் நடத்திய 5 அணு ஆயுத சோதனைகள் உலகின் பெரும்பகுதியை சீற்றப்படுத்தியது. அமெரிக்காவிற்கு கடும் கோபம் ஏற்பட்டது. "இந்தியாவின் அணுசக்தி சோதனைகள் நியாயமற்றவை என்று நான் நம்புகிறேன்; இந்தியா தங்கள் பிராந்தியத்தில் ஓர் ஆபத்தான புதிய உறுதியற்ற தன்மையை தெளிவாக உருவாக்குகிறார்கள். இதன் விளைவாக, யு.எஸ். சட்டத்தின்படி, இந்தியாவுக்கு எதிராகப் பொருளாதாரத் தடைகளை விதிக்க முடிவு செய்துள்ளேன்' என்று 1998 மே, 13 - இல் அமெரிக்க ஜனாதிபதி கிளிண்டன் தடை விதித்தார். 
அணு ஆயுதத்தை முதலில் பயன்படுத்தமாட்டோம் (NFU - No First Use) என்ற தனது கொள்கையை அறிவித்தது அணுசக்தி வல்லமை பெற்ற இந்தியா. அணு ஆயுதங்களைப் பயன்படுத்தி ஓர் எதிரியால் முதலில் தாக்கப்படாவிட்டால், அணு ஆயுதங்களை முதல் போர் வழிமுறையாகப் பயன்படுத்த வேண்டாம் என்று அணுசக்தி வல்லமை பெற்ற நாடுகள் அறிவித்து அதன்படி நடப்பது தான் இந்த கொள்கையின் முக்கிய குறிக்கோள். இதே கொள்கைகள் முன்பு இரசாயன மற்றும் உயிரியல் போருக்கும் பயன்படுத்தப்பட்டன. சரி யாரும் பயன்படுத்தவில்லையே... அப்புறம் எதற்கு இந்த அணு ஆயுதம் என்ற கேள்வி சரிதானே?
ஒரு நாடு அணு ஆயுதம் வைத்திருந்தால் அது மற்ற நாடுகளுக்கு அச்சுறுத்தல். இன்னொரு நாடு அணு ஆயுதம் தயாரித்திருந்தால், இரண்டு நாடுகளுக்கு இடையே யுத்தம், மிரட்டல்... யார் இந்த உலகத்தில் பலம் வாய்ந்த நாடு என்று. 5 நாடுகள் அணு ஆயுத பலம் வைத்திருந்தால், உலகத்தில் மற்ற நாடுகளுக்கு இந்த நாடுகளைப் பற்றிய பயம். மற்ற நாடுகள் அணு ஆயுதங்களை உருவாக்க தடை ஒப்பந்தத்தில் (NPT) கையெழுத்திட்ட 5 நாடுகள் அமெரிக்கா, ரஷ்யா, யு.கே, பிரான்சு, சீனா. இந்த ஒப்பந்தத்தில் கையெழுத்திடாத நாடுகள் இந்தியா, பாகிஸ்தான், வடகொரியா மற்றும் இஸ்ரேல். 
உலகின் அதிக மக்கள் தொகை கொண்ட நாடுகள் சீனாவும், இந்தியாவும். சீனாவிடம் அணு ஆயுதம் இருக்கும் போது, இந்தியாவிடம் அணுஆயுதம் இருந்தால் தான் இரண்டு நாடும் அமைதிப் பாதையில் செல்லும். இல்லையென்றால் சீனா பொருளாதார பலத்தில் மட்டுமல்ல, அணு ஆயுதத்தை வைத்துக் கொண்டும் இந்தியாவை மிரட்டிக்கொண்டிருக்கும். இந்தியா அணு ஆயுதம் செய்துவிடக் கூடாது என்பது இந்த 5 அணு ஆயுத நாடுகளின் எண்ணம். அந்த எண்ணத்தைத் தகர்த்தெறிந்ததினால்தான் இந்தியா மீது இந்த நாடுகளுக்கு கடும் கோபம். இந்தியா மீது பொருளாதாரத் தடை, தொழில்நுட்பத் தடை விதித்தது. பொருளாதார பலத்தில் சீனா இந்தியாவை விட பன்மடங்கு பெரியது. அணு ஆயுத பலத்தில் சீனாவிற்கு நிகராக இந்தியாவை வல்லமை பெற்ற நாடாக மாற்றினார்கள் அப்துல் கலாமும், சிதம்பரமும், அன்றைய பாரத பிரதமர்கள் நரசிம்மராவ் மற்றும் வாஜ்பாய் ஆகியோருடைய தலைமையில். 1998- இல் அணு ஆயுத வல்லமை பெற்ற நாடு இந்தியா, 2020- இலும் இந்தியா அணு சக்தி வல்லமை பெற்ற நாடுதான். அமெரிக்கா மற்றும் உலகத்தின் தொழில்நுட்பத் தடையை மீறி இன்றைக்கு இந்தியா போர்விமான தொழில்நுட்பத்திலும், ராக்கெட் தொழில்நுட்பத்திலும், செயற்கைக்கோள் தொழில்நுட்பத்திலும், அணு மின்சாரத் தொழில் நுட்பத்திலும் பல்வேறு நிலைகளில் சுயசார்பை எட்டியிருக்கிறது. 
இந்தியாவில் 1990 - களில் பொருளாதாரச் சீர்திருத்தத்தைக் கொண்டு வந்தார் பிரதமர் நரசிம்மராவ். அது இந்தியாவை லைசன்ஸ் ராஜ் அரசாட்சியில் இருந்து ஏற்றுமதிக்கு முக்கியத்துவம் கொடுத்து, தொழில் வளர்ச்சிக்கு வித்திட்டது. அன்றிலிருந்து தான் இந்தியா பொருளாதாரம் வளர்ச்சிப்பாதையில் அடியெடுத்து வைத்தது. 1998- இல் இந்தியா மீது பொருளாதாரத் தடை விதித்தது அமெரிக்கா. ஆனால் 28 ஆண்டுகள் கழித்து 2020- இலும் இன்றும் இந்தியா பொருளாதாரத்தில் வளர்ச்சியடையவில்லை; வீழ்ச்சியடைந்து இருக்கிறது. 
இந்தியாவின் பொருளாதார வளர்ச்சிக்கு தங்க நாற்கர சாலை அமைத்து பொருளாதாரத்தை மேலும் ஊக்கப்படுத்தியவர் வாஜ்பாய். ஆனால் இன்றைக்கு பொருளாதாரத்தில் இந்தியா கோட்டை விட்டு விட்டு செய்வதறியாது நிற்கும் நிலை ஏற்பட்டிருக்கிறது. பொருளாதாரத்தில் சாதிக்க தவறிய இந்தியா தொழில்நுட்பத்தில் தடையை மீறி எப்படிச் சாதித்தது?
இந்தியா அணு ஆயுத சோதனை நடத்தியதும், அமெரிக்கா மற்றும் வளர்ந்த நாடுகள் பொருளாதாரத் தடையும், தொழில்நுட்பத் தடையும் விதித்த பின்பு ஒரு முக்கியமான சம்பவம் நடந்தது. விமான தொழில் நுட்ப திட்டத்தில் அமெரிக்காவுடன் பணியாற்றிய 20 இந்திய பாதுகாப்பு ஆராய்ச்சித்துறை விஞ்ஞானிகள் தடைவிதிக்கப்பட்ட மறுநாள் இந்தியாவிற்கு திருப்பி அனுப்பப்பட்டனர். 1992 -ஆம் ஆண்டில் ஆரம்பித்த எல்.சி.ஏ போர் விமானத்திற்காக டிஜிட்டல்-ஃப்ளை-பை-வயர் கண்ட்ரோல் சிஸ்டம் (Digital Fly-by-Wire Control System - 
DFCS) உற்பத்திக்காக BAE சிஸ்டம்ஸ் எலக்ட்ரானிக் சிஸ்டம்ஸ் இந்தியாவுடன் இணைந்து உருவாக்க ஒப்பந்தம் போடப்பட்டிருந்தது. 1998 -இல் தடை விதிக்கப்பட்டதும் இத்தனை வருடம் இணைந்து தயாரித்த அனைத்து உபகரணங்கள், வடிவமைப்பு திட்டங்கள், மென்பொருள், திட்டத்திற்கு ஒதுக்கப்பட்ட பணம் ஆகிய அனைத்தையும் ஒட்டுமொத்தமாக தங்களிடம் வைத்துக்கொண்டு, ஒப்பந்தத்தை முறித்து விஞ்ஞானிகளை திருப்பி அனுப்பியது. 6 ஆண்டு கால இந்திய விஞ்ஞானிகளின் கடின உழைப்பு, பொருள்கள் அனைத்தும் வீணாகின. 

இந்தியா அணுசக்தி வல்லமை பெற்ற நாடாக இந்தியா மாறிவிட்டது என்ற மகிழ்ச்சி ஒருபுறம். ஆனால் எங்கள் அலுவலகத்தில் விஞ்ஞானிகள் மத்தியில் சோகம். அனைவரும் எங்களுக்குள் விவாதித்துக் கொண்டோம். அமெரிக்கா மற்றும் மேலை நாடுகள் தொழில்நுட்ப மேம்பாட்டினால், நம் நாட்டின் வளர்ச்சியை பொறுத்துக்கொள்ளாமல் எவ்வளவு சோதனைகளை, தடைகளை விதித்து நம்மை முன்னேறவிடாமல் வைப்பதற்கு கடினமாக உழைக்கிறார்கள் என்ற சோகம். சோர்ந்து போன எங்களுக்கு ஊக்கம் தேவைப்பட்டது. உடனே அப்துல்கலாம் வருகிறார் வந்து அனைத்து விஞ்ஞானிகளையும் அழைத்து பேச போகிறார் என்ற செய்தி வந்தது. உடனே அனைவருக்கும் அவரிடம் இருந்து ஏதேனும் முக்கிய செய்தி இருக்கும் என்ற நம்பிக்கை ஏற்பட்டது. 
நாங்கள் அனைவரும் ADA கேன்டீனில் உள்ள ஹாலில் கூடிஇருந்தோம். அப்துல் கலாம் வந்தார். அவர் உள்ளே நுழைந்ததும் முதல் ஆளாக கை கொடுத்து நான் வரவேற்றேன். அப்துல் கலாம் உரையாற்றினார். அணு ஆயுத சோதனைக்குப் பின் இந்தியாவின் மீது விதிக்கப்பட்ட பொருளாதாரத் தடையை பற்றி சொல்லிவிட்டு அதை பிரதமர் வாஜ்பாய் பார்த்துக்கொள்வார். ஆனால் இந்தியாவின் மீது ஏவப்பட்ட தொழில்நுட்பத் தடையை நமது ஒருங்கிணைந்த முயற்சியின் மூலம் நாம் தான் வெற்றிகரமாக தகர்த்தெறிய வேண்டும். இந்த தொழில்நுட்பத் தடையினால் ஏற்பட்ட மனிதவள இழப்பு, பணமிழப்பு, அதனால் வரும் பல்வேறு பின்னடைவுகளை பற்றி எடுத்துச் சொல்லிவிட்டு, சில கடினமான யோசனைகளையும், நாங்கள் மேற்கொண்டு என்ன செய்ய வேண்டும் என்பதைப் பற்றியும் எடுத்துச் சொன்னார். 
பல்வேறு பாதுகாப்பு ஆராய்ச்சிக் கூடங்களில் இருந்து NATIONAL CLAW TEAM (Control LAW TEAM) விஞ்ஞானிகள் கொண்ட விமான கட்டுப்பாட்டு தொழில்நுட்ட விதிகளை உருவாக்கி, டிஜிட்டல் பிளை பை வயர் கன்ட்ரோல் சிஸ்டம் உருவாக்கப்பட்டது. அமெரிக்காவையும் மற்ற நாடுகளையும் தொழில் நுட்பத்திற்காகச் சார்ந்திருந்த இந்தியா, இந்த தடையை ஒரு சவாலாக எடுத்து நாம் அந்த இலக்கிற்குள் செய்து முடிக்க வேண்டும்; அனைத்து விஞ்ஞானிகளும், இந்த திட்டம் வெற்றியடைய ஒற்றுமையோடு கடுமையாக உழைக்க வேண்டும் என்று கேட்டுக்கொண்டார். முழு அணியும் அமெரிக்காவின் தொழில்நுட்பத் தடையை ஒரு தேசிய சவாலாக எடுத்துக் கொண்டது. 
"இந்தத் திட்டத்தை முடிக்க மூன்று வருடங்கள் ஆகப்போகின்றன என்றால் இரண்டு ஆண்டுகளில் செய்வோம்'' என்றார். ""செய்வோம் நாங்கள்'' என்றோம். "இது இருபது மில்லியன் டாலர்களை எடுக்கப் போகிறது என்றால் அதை பத்து மில்லியன் டாலர்களில் செய்வோம்'' என்றார். ""செய்து முடிப்போம் சார்'' என்றோம். எங்கள் வேலை நேரம் எட்டு மணி நேரம் அல்ல. நாங்கள் ஒரு நாளைக்கு இருபத்து நான்கு மணி நேரம் வேலை செய்து பணியை முடிப்போம் என்று அனைவரும் உறுதியளித்தோம். இந்திய அறிவியல் சமூகத்தின் சக்தியையும், நம் நாட்டின் சக்தியையும் அப்துல் கலாம் எங்களுக்கு உணர்த்திய நேரம், அதை நான் உணர்ந்தேன். தொழில்நுட்பத் தடை அல்லது பொருளாதாரத் தடை விதிப்பதன் மூலம் எந்த நாடும் நம்மை ஆதிக்கம் செலுத்த முடியாது என்பதை நான் உணர்ந்தேன். நமது விஞ்ஞானிகளின் சக்தி நம்மை அடக்கி ஆள நினைக்கும் எந்த நாட்டினது குரூர புத்தியையும் தோற்கடிக்கும் என்று அப்துல் கலாம் எங்களுக்கு உணர்த்திய தருணம் அது. 
இதன் பின்னணி என்ன? இந்த தேசிய சவாலை எப்படி சமாளித்தோம்? 1992 - ஆம் ஆண்டில் ஏ பி ஜே அப்துல் கலாம் பல்வேறு துறைகளில் இருந்து தேர்ந்தெடுக்கப்பட்ட விஞ்ஞானிகள் கொண்ட ஒரு குழுவை அமைத்தார். அவர்களின் நோக்கம்: இலகு ரக போர் விமானம் (LCA-தேஜாஸ்) திட்டத்திற்காக ஃப்ளை-பை-கம்பி (Fly-by-Wire) விமானக் கட்டுப்பாட்டு விதிகளை (CLAW - Control LAW) உருவாக்குவது. இந்த குழு அப்துல் கலாம் கொடுத்த கனவை நனவாக்க உறுதி எடுத்துக்கொண்டு களம் இறங்கியது. 
1992 -ஆம் ஆண்டு ஜூன் 2 -ஆம் தேதி, கலாம் பெங்களூரில் CLAW குழுவின் முதல் கூட்டம் நடந்தது, சி.எஸ்.ஐ.ஆர்-என்ஏஎல் (CSIR-NAL) இந்த பணிக்கு தலைமையிடமாக இருந்தது. இந்த குழுவினர் அடிப்படை பூஜ்ஜியத்திலிருந்து எல்லாவற்றையும் தொடங்கினார்கள். அவர்களுக்குள் அப்துல் கலாம் ஒரு பெரிய தாக்கத்தை ஏற்படுத்தினார். அந்த குழு உறுப்பினர்களில் பெரும்பாலோர் ஒவ்வொரு நாளும் 18 மணி நேரம் வேலை செய்தனர். 
28 ஆண்டுகளுக்கு முன்பு தேசிய CLAW குழுவை விஞ்ஞானிகள் மற்றும் பொறியியலாளர்களுடன் முக்கியமாக ஏரோநாட்டிகல் டெவலப்மென்ட் ஏஜென்சி (ADA), இந்துஸ்தான் ஏரோநாட்டிக்ஸ் லிமிடெட் (HAL) மற்றும் தேசிய விண்வெளி ஆய்வகங்கள் (NAL) ஆகியவற்றிலிருந்து தேர்வு செய்ய முடிவு செய்தார் அப்துல் கலாம். 1992 - ஆம் ஆண்டில், தேஜாஸுக்கு CLAW - ஐ உருவாக்குவது உட்பட ஆறு முக்கியமான தொழில்நுட்பங்களை உருவாக்குவதற்கான ஆலோசனையைத் தேடும் உலகளாவிய டெண்டரை ADA உருவாக்கியது. 
CLAW - ஐத் தவிர்த்து, ஐந்து தொழில்நுட்பங்களுக்கும் அவர்கள் பதில்களைப் பெற்றனர், CLAW இராணுவம் மற்றும் பாதுகாப்பு முக்கியத்துவம் வாய்ந்த தொழில்நுட்பம் என்பதால் அதை இந்தியாவுக்கு கொடுக்கவோ, அல்லது அந்த தொழில் நுட்பத்தை இந்தியாவுடன் இணைந்து உருவாக்கவோ எந்த நாடும் தயாராக இல்லை. 
இந்த செயல்பாட்டில், LCA திட்டத்தின் முக்கியமான பகுதியான வேக் என்கவுண்டர் சிமுலேஷனை CLAW குழு உருவாக்கி தேர்ச்சி பெறவேண்டும். வேக் என்கவுண்டர் சிமுலேஷன் மிகவும் சிக்கலான மற்றும் சவாலான மாடலிங் கட்டுப்பாட்டு செயலியாகும். விமானத்தை ஏழு கூறுகளாகப் பிரிப்பதன் மூலமும் ஒவ்வொரு கூறுகளிலும் கணினி சக்திகள் மற்றும் தருணங்களைக் கணக்கிடுவதன் மூலமும் ஏரோடைனமிக்ஸ் உருவகப்படுத்தப்படுகிறது.
HOTAS (ஹேண்ட்ஸ் ஆன் úத்ராட்டில்-அண்ட்-ஸ்டிக்) பைலட் தனது பணியின் போது முழுமையான சுலபமாக இருப்பதை உறுதி செய்கிறது. எனவே இந்த தொழில் நுட்பத்தை உருவாக்க வேண்டும். ஏனென்றால் தேஜாஸ் ஒரு நிலையற்ற தளம். எனவே அதன் மூளையாகச் செயல்படக்கூடிய முக்கிய பாகம் தான் CLAW, அதை உருவாக்க வேண்டும். 
இந்திய விமானப்படையின் இணைக்கப்பட இருக்கிற இலகு ரக போர் விமானம் LCA-தேஜாஸின் வெற்றிகரமான இயக்கும் பகுதியாக CLAW சிஸ்டமும் ஒன்றாகும் இதை வெற்றிகரமாக செயல்பட வைப்பதின் மூலம் தான் முக்கியமான ஆரம்ப செயல்பாட்டு அனுமதி (ஐஓசி) பெறுவதற்கான முதல் கட்டத்திற்கே வரமுடியும். 
LCA இலகு ரக போர் விமானத்திற்கான முக்கியமான தொழில்நுட்பங்களை இந்தியா இதுவரை உருவாக்காதநிலையில் நாம் அவற்றை உருவாக்க வேண்டிய நிலை ஒரு புறம். ஒரு சில தொழில்நுட்பங்களை வெளிநாட்டு நிறுவனங்கள் உதவியோடு உருவாக்கினாலும் - ஆரம்ப நாட்களில் இலகு ரக போர் விமானம் உருவாக்கும் திறன், நமது பத்திரிகைகள், அரசியல்வாதிகள் மற்றும் விமானப் படையினரால் மிகவும் விமர்சிக்கப்பட்டது. ஏனென்றால் இறக்குமதி சுலபம், ஊழலுக்கு வாய்ப்பு, அந்நியச் செலாவணி வீண். ஆனால் இந்தியாவில் சுயசார்பாக உருவாக்குவது மிகவும் கடினம், ஆனால் ஒரு முறை செய்துவிட்டால் நாம் நமது போர்விமானங்களுக்கு அந்நிய நாடுகளை நம்பி இருக்கத் தேவையில்லை. நமது பாதுகாப்பு கொள்முதல் கொள்கையின் விளைவாக ஏற்படும் தாமதம் மற்றும் செயல்திறன் குறைவு, குறைந்த சம்பளத்தால் வெளிநாடுகளுக்கு நாம் இழக்கும் விஞ்ஞானிகள், இதற்கு மத்தியில் இந்தத் திட்டத்தில் வேலை செய்த விஞ்ஞானிகள், பொறியாளர்களுக்கு பெண் கொடுக்க மாட்டார்கள். இதையெல்லாம் தாண்டி தான் நாம் வென்றோம். 
எப்படி வென்றோம்? தொழில்நுட்பத் தடையை எப்படி நாம் சமாளித்தோம்? தொடர்ந்து பார்ப்போம். 
உங்கள் கனவுகளை, இலட்சியங்களை 
பகிர்ந்து கொள்ள தொடர்பு கொள்ளுங்கள்:
vponraj@live.com
(தொடரும்)

]]>
https://images.dinamani.com/uploads/user/imagelibrary/2020/3/17/w600X390/PONRAJ.JPG https://www.dinamani.com/weekly-supplements/ilaignarmani/2020/mar/17/நமது-சவால்கள்-பொருளாதாரத்-தடை-தொழில்நுட்பத்-தடை-விஞ்ஞானி-வெ-பொன்ராஜ்-அப்துல்கலாமின்-முன்னாள்-3383480.html
3383478 வார இதழ்கள் இளைஞர்மணி வாங்க இங்கிலீஷ் பேசலாம் 234 - ஆர்.அபிலாஷ் DIN DIN Tuesday, March 17, 2020 12:38 PM +0530 ஊரடங்கு உத்தரவு பிரகடனம் பண்ணப்பட்ட நிலையில் புரொபஸர், கணேஷ் மற்றும் ஜூலி புரொபஸரின் நண்பரான வீரபரகேசரியின் வீட்டுக்குச் சென்றிருக்கிறார்கள். வீரபரகேசரி வரலாற்றுப் புதினங்கள் தொடர்ந்து எழுதி மனம் பேதலித்துப் போனவர்.
தன்னை சோழப் பேரரசின் சக்கவர்த்தியாக நம்பி தனது சேவகர்களுடன் உதவியுடன் தனது பெரிய வீட்டில் வாழ்ந்து வருகிறார். அவருடன் இருவரும் உரையாடி இரவைக் கழிக்கிறார்கள். அப்போது ஒரு சின்ன விசயத்துக்காக வீரபரகேசரி கணேஷிடம் கோபித்துக் கொள்கிறார். அவர் அவனுக்கு மரண தண்டனை விதிப்பதாக, அவன் தலை உடனே கொய்யப்படுமென கட்டளை பிறப்பிக்கிறார். கணேஷ் மன்னிப்புக் கோர அவர் அவனிடம் பத்து கேள்விகள் கேட்கப் போவதாக சொல்கிறார். அதில் ஒன்பதுக்குச் சரியாகப் பதிலளித்தால் அவன் தலை தப்பும். ஒவ்வொரு கேள்வியாக கேட்டு வரும் போது throw எனும் சொல்லை ஒட்டின சொற்றொடர்களை விவாதிக்கிறார்கள். அப்போது ஒரு கேள்வி எழுகிறது: ஒருவர் வேகமாய் ஆடையை அணிவதை throw on a dress என சொல்லலாம்; ஆனால் அதே போல ஒருவர் வேகமாய் ஆடையைக் கழற்றுவதற்கு என்ன சொற்றொடர் உள்ளது? இந்த கேள்விக்கு கணேஷ் பதில் சொல்வானா? அவனது தலை தப்புமா?
கணேஷ்: ம்...ம்...ம்... தமிழில் என்றால் ஆடையை உரிந்து போட்டு விட்டு கிளம்பினான் என சொல்வோம். 
வீரபரகேசரி: நிறையக் கதைகள் படிக்கிறாய் போல?
கணேஷ்: ஆமாம் மன்னா, நான் படிக்கிற நாவல்களில் அடிக்கடி ஏதாவது ஒரு பெண் வந்து ஆடையை உரிந்து விட்டு ... சரி அதெல்லாம் எதுக்கு? டேய் கணேஷ் Focus focus ... உரிவதற்கு மொழியாக்கம் என்ன? என்ன என்ன? நான் உதவியை நாடலாமா? 
வீரபரகேசரி: ஓ... தாராளமா. ஆனால் நீ அதற்கு ஈடாக பின்னர் ஒரு சிரமமான கேள்வியை எதிர்கொள்ள நேரிடும். பரவாயில்லையா? 
கணேஷ்: பரவாயில்லை வேந்தே.
வீரபரகேசரி: சரி... எர் Go ahead!
கணேஷ்: ஜூலி, நீ சொல்லேன். 
ஜூலி: டங்ங்ப்
கணேஷ்: அடப்பாவி... இதுவா? இது ஏன் என் நினைவுக்கு வரல? 
புரொபஸர்: மொழிபெயர்ப்பு மூலமா சொற்களை நினைவு வச்சுக்கிறது மூக்கை தலையைச் சுற்றி தொடுறது போல. சீக்கிரம் மறந்திடும். 
கணேஷ்: பிறகு? 
புரொபஸர்: நேரடியாகவே நினைவு வச்சுக்கிறது மேல். ஒவ்வொரு சந்தர்ப்பமா அதற்கு ஏற்ற ஒரு சொற்றொடர் சார்ந்து கற்பனை பண்ணி அப்படியே பொருத்திப் பேசறது நினைவில் வச்சுக்க உதவும். ஒவ்வொரு சொல்லும் ஒரு மனித முகம் போல. என்னுடைய முகத்தை நீ இன்னொருத்தரோட முகத்தோட தொடர்புபடுத்தி நினைவு வச்சுக்கிறது சிரமம் இல்லையா? அதை விட என்னோடு உனக்குள்ள அனுபவங்களை உணர்வுரீதியா என்னோட முகத்தோட பொருத்தி யோசிச்சா சட்டுன்னு என் முகம் பதிஞ்சிரும். அதே டெக்னிக்கை தான் சொற்களை நினைவு வச்சுக்கிறதுக்கும் பயன்படுத்தணும். 
கணேஷ்: நன்றி சார். (வீரபரகேசரியை நோக்கி): மன்னா, சொல்லட்டுமா? Peel off. She peeled off her T-shirt after she returned from gym. 
வீரபரகேசரி: நீ சொன்ன பதில் ஒருவிதத்தில் சரி தான். அதாவது நீ குறிப்பிடுகிற சந்தர்பத்துக்கு இது ஏற்றது. ஆனால் நான் கேட்ட கேள்விக்கு இது ஏற்ற பதில் இல்லை. 
கணேஷ்: இல்லை மன்னா. சரி தானே? 
(புரொபஸரிடம்) சார், என்ன இப்படி சொல்லுறார்? 
புரொபஸர்: ஆமாடா... அவர் சொல்றது சரி தான். 
கணேஷ்: புரியல சார்.
புரொபஸர்: ஒரு டைட்டான ஆடையை நீ வேகமாகக் கழற்றும் போது அதை உள்ளிலிருந்து வெளியே, inside out, கழற்றுவாய். டி-ஷர்ட்டை பெரும்பாலும் அப்படித் தான் கழற்றுவோம். கையுறையைக் கூட. இந்த சந்தர்ப்பத்துக்கான சொற்றொடர் இது. ஆனால் அவர் கேட்டது சும்மாவே வேகமாய் ஆடையைக் கழற்றுவதற்கு என்ன சொற்றொடர் என்று? 
கணேஷ்: ஓ ... சார் இது எப்படி? Slough off. He sloughed off his overcoat. 
புரொபஸர்: Not bad. ஆனால் இதுவும் கச்சிதமான பதில் அல்ல. Slough off என்றால் தேவையற்றதை உதிர்ப்பது. ஆகையால் அந்த பாணியில் ஒருவர் வெளியே இருந்து உள்ளே வந்ததும் ஒரு குறிப்பிட்ட ஆடை தேவையில்லை எனக் கருதி கழற்றினால் அது sloughing off. நான் உனக்கு ஒரு clue தருகிறேன். 
வீரபரகேசரி: விதிமுறைகளின் படி நீ ஸ்ரீப்ன்ங் கொடுக்க முடியாது. ஆனால் கொடுக்கலாம், ஒரே நிபந்தனை: அடுத்த கேள்வியை நீங்க ரெண்டு பேரும் சேர்ந்து பதிலளிக்க வேண்டும். இல்லாவிட்டால் ரெண்டு பேர் தலையையும் சீவி விடுவேன். 
புரொபஸர்: சரி, Challenge accepted.
(இனியும் பேசுவோம்)

]]>
https://images.dinamani.com/uploads/user/imagelibrary/2020/3/17/w600X390/ENG.JPG https://www.dinamani.com/weekly-supplements/ilaignarmani/2020/mar/17/வாங்க-இங்கிலீஷ்-பேசலாம்-234---ஆர்அபிலாஷ்-3383478.html
3383476 வார இதழ்கள் இளைஞர்மணி தனித்திருக்கும் தன்மை! DIN DIN Tuesday, March 17, 2020 12:32 PM +0530 தாமரை மலர் தத்துவப் பார்வைக்கு அடையாளமாக்கப்பட்டிருக்கிறது. புத்தர் தாமரையை துறவு மனப்பான்மைக்கு அடையாளமாகக் கூறியிருக்கிறார். "தாமரை மலர் தண்ணீரிலேயே பிறந்து, தண்ணீரிலேயே வளர்ந்து, தண்ணீரிலிருந்து வெளிவந்து, மண்படாமல் இருப்பதைப் போல நானும் இவ்வுலகத்தில் பிறந்து, உலகத்தில் வளர்ந்து, உலகின் சாயல் படாமல் அதிலிருந்து வெளிவந்துவிட்டேன்' என்று புத்தர் குறிப்பிடுவதாக மேற்கோள்கள் உண்டு.
 தண்ணீரிலேயே இருந்து நனையாமல் இருக்கும் தாமரையைப் போல உலகத்திலிருந்தாலும் உலகியல் போக்குகள், ஆசைகள் போன்றவை ஒட்டாமல் வாழ வேண்டும் என்ற தத்துவப் பார்வையை ஞானிகள் சீடர்களுக்குக் கூறுவார்கள். எந்த இடத்திலிருந்தாலும், தனித்திருக்கும் தன்மை பெற்றவர்களே அத்தகைய மனப்பான்மையை அடைய முடியும். திச் நாட் ஹான் என்கிற பெளத்தத் துறவி, ""சேற்றிலிருந்து செந்தாமரை மலர்கிறது. தாமரை மலர சேறு தேவைப்படுகிறது' என்று குறிப்பிடுகிறார்.
 "தாமரை சூத்திரம்' என்கிற ஒன்று மகாயான பெளத்தத்தில் முக்கியமான ஒன்று. புத்தர் நடக்கும்போது ஒவ்வோர் அடியிலும் தாமரை மலர்கள் பூத்ததாக புராணம் உண்டு. நடப்பது கூட மென்மையாகவும், எந்த உயிருக்கும் தீமை விளைவிக்காமலும் இருக்க வேண்டும் என்பதையே அப்படிச் சொல்வார்கள். அவருடைய உபதேசங்களில் ஒன்றே தாமரை சூத்திரம்.
 இறையன்பு, க.கந்தவேல் எழுதிய "நமது அடையாளங்
 களும் பெருமைகளும்' என்ற நூலிலிருந்து...

]]>
https://images.dinamani.com/uploads/user/imagelibrary/2020/3/17/w600X390/BOOK.JPG https://www.dinamani.com/weekly-supplements/ilaignarmani/2020/mar/17/தனித்திருக்கும்-தன்மை-3383476.html
3383475 வார இதழ்கள் இளைஞர்மணி உலகச் சுழற்சி உண்மையெனக் காட்டியவர்! - மு.கலியபெருமாள் Tuesday, March 17, 2020 12:30 PM +0530 ஓர் இரவு; இருள் இல்லை. வண்ணக் கடலின் உள்ளிருந்து தோன்றியது முழுநிலா. வெண்கரங்களால் குளிர்ச்சியை வாரி வழங்கியது. வெயிலின் வெப்பத்தால் வெதும்பிய உலகம், வெம்மை போக்கி தண்மை விரிந்த குளிர் வெண் திங்களை வாழ்த்தியது. முகிலைக் கிழித்துக் கொண்டு தண்முகங்காட்டி வெண்கோல் ஓச்சியது முழுமதி. இணைபிரியா உயிர்கள் இன்பத்தில் ஆழ்ந்தன. இணை பிரிந்த உயிர்கள் துன்பத்தில் உழன்றன. ஆழ்கடலும் தனது இன்பப்பெருக்கைப் பொங்கி எழுந்த பேரலைகளின் மூலமும், பேரிரைச்சலின் மூலமும் உலகுக்கு அறிவித்தன.
இரவு ஓடி மறைந்தது. புள்ளினங்கள் கரைந்தன; கோழிகள் கூவின; மக்கள் கண் விழித்தனர்; மாடுகள் கழனி நோக்கி நடந்தன; ஞாயிறு தோன்றியது; இளங்கதிர் பரப்பியது; வெங்கதிர் விரிந்து வெம்மை தாங்காமல் விழி நீரில் மூழ்கியது. ஒரு நாள் ஓடி மறைந்தது. இல்லை, ஒரு நிகழ்ச்சி - பகல் இரவு என்ற நிகழ்ச்சி முடிந்தது. பகல் இரவு என்ற வேறுபாடு அன்று ஒரு நிகழ்ச்சியாக கருதப்பட்டதே தவிர, ஒரு நாள் கணக்காக எண்ணப்படவில்லை. மறுநாள் திங்கள் தோன்றி முந்திய நாளை விடச் சிறிது நேரமாயிற்று. வெண்ணிலா புறப்பட்டது; தண்ணொளி படர்ந்தது. ஆனால் முந்திய நாளை போல் முழுமதியாக இல்லை. ஒரு விளிம்பிலே குறைவு.
எழுந்து உயர்ந்து ஆழ்கடலில் இடறி விழுந்தது. காலம் நகர்ந்தது ஒவ்வொரு நாளும் நிறைமதி குறைமதியானது. மக்கள் ஏங்கினர், ஒருநாள் நிலாவையே காணவில்லை. மக்கள் கலக்கமுற்றனர். இரண்டு நாள் கழித்து மீண்டும் தோற்றம்; தோற்றத்தில் வளர்ச்சி மீண்டும் முழுநிலா. முன்போல் மகிழ்ச்சி. ஆனால், ஞாயிற்றின் தோற்றத்தில் எவ்விதக் குறைவுமில்லை. நிறைந்த நிறைவு. எப்பொழுதும் ஒரே உருவம்; கதிர்வீச்சில் மட்டும் சில வேறுபாடு. இதற்கிடையில் விண்ணில் மின்னிய மின்மினிப் பூச்சிகள் பளிங்கு மண்டபத்தில் கருப்பு நிறப் பட்டு விரித்து வைரங்கள் பதிக்கப்பட்டது போன்ற விண்ணுலக தாரகைகள் சேர்ந்தும் குவிந்தும் பரந்தும் அவை இருந்த பால்வண்ண எழில் காட்சி. அவற்றின் "ஊர்வலத்தில்' மாற்றம். முதல் நாள் இருந்த இடத்தில் மறுநாள் காணப்படுவதில்லை. இருப்பிடத்தில் மாற்றம். ஆனால், அந்த மாற்றத்தில் ஓர் ஒழுங்குமுறை உண்டு.
இவையெல்லாம் அந்தக் காலத்து மக்களின் உள்ளத்தில் பெரும் அச்சத்தை மூட்டின. அஞ்சியவர் பின்னர் வியந்து நோக்கினர். அச்சத்தோடும் வியப்போடும் பல நூற்றாண்டுகள் ஓடி மறைந்தன. பிறகு வினவினர். வியப்புக்கும் வினாவுக்கும் இடையே பல நூற்றாண்டுகள் பறந்து மறைந்தன. 
வியப்புக்குப் பின் வினா தோன்றுவது இயற்கையே. அறிவுப் பாதையில் வியப்பு முதற்படி; வினா-விடை கடைப்படி. அப்படி அந்த வினாவுக்கு கிடைத்த அவர்களது விடையே இன்று நாம் காணும் அறிவு உலகத்திற்கு வித்திட்டது; வானவெளிப் பயணத்திற்கு படி அமைத்து.
இரவு பகல் நிகழ்ச்சியைக் கண்டு ஆதி மனிதன் அஞ்சினான்; வியந்தான்; வினவினான்; விடை காண முயன்றான். காலம் நகர்ந்து கொண்டே இருந்தது. மனிதனின் அறிவு பல்வேறு சூழ்நிலைகளினால் விரைந்து கொண்டேயிருந்தது. இதற்கிடையில் பல நூற்றுக்கணக்கான ஆண்டுகள் ஓடி மறைந்தன. வினாவுக்கு சரியான விளக்கம் தர முடியாத மதவாதிகளும் மற்றவர்களும் இந்த நிகழ்ச்சிகளுக்கு பல கட்டுக்கதைகளை இட்டுக்கட்டிக் காற்றிலே பறக்க விட்டனர். அந்த கதையில் பல புது கடவுளர்களும் தோன்றினார்கள். காலம் பறந்தது. எத்தனை கதைகளைக் காட்டியபோதிலும் உண்மையைக் காண துடிக்கும் உள்ளமும் பகுத்தறிவும் மக்கள் மன்றத்தில் எந்த காலத்திலும் இருந்துதான் வந்திருக்கின்றன.
இரவு பகல் எப்படி ஏற்படுகிறது? ஏன் ஏற்பட வேண்டும்? என்றெல்லாம் அவர்கள் ஆராய்ந்தார்கள். அந்த ஆராய்ச்சியில் சிதறுண்ட முத்தானக் கருத்துக் குவியல்களே நாளடைவில் வானியல் (Astronomy) என்ற அறிவியலாக வளர்ந்தது. உலகத்தில் முதன் முதலில் தோன்றியதும் மிகவும் பழமையானதுமான அறிவியல், வானியலே. இதற்குக் காரணம், அன்று வாழ்ந்த மக்களின் வாழ்க்கைக்கு வானியல்பற்றி அறிய வேண்டியது மட்டும் மிகவும் தேவையாக இருந்தது. கண்ணுக்குச் சாதாரணமாகத் தெரியும் நிகழ்ச்சிகளை வைத்துக் கொண்டு அவர்கள் முடிவு செய்தனர். 
உலகம் நிலைத்து நிற்கிறது. ஞாயிறு, திங்கள் போன்ற கோள்களும் மற்ற விண்மீன்களும் நில உலகை சுற்றி வருகின்றன என்ற கருத்து முளைத்தது; வளர்ந்தது. மத குருக்களும் அவர்களின் ஆணைக்கு அடிபணியும் மன்னர்களுக்கும் இக்கொள்கை சாதகமாக இருந்ததால் அந்த கொள்கைக்கு அமோகமான ஆதரவு கிடைத்தது. ஆனால், இந்தக் கருத்தை ஏற்றுக் கொள்ளாத ஒரு கூட்டமும் இருந்து வந்தது. உண்மையை உண்மையாகக் காணுவதிலேயே கண்ணும் கருத்துமாய் நின்றது அந்தப் பகுத்தறிவுக் கூட்டம். முடிவு, ஞாயிறுதான் நிலையாக இருக்கிறது. பூமி, புதன் போன்ற கோள்கள் சூரியனைச் சுற்றி வருகின்றன என்ற கொள்கை பிறக்கலாயிற்று. தங்கள் கொள்கைக்கும் அதன் வழியாக அவர்களின் பிழைப்புக்கும் கேடு வருகிறது என்று அச்சங்கொண்ட மதகுருக்கள் அந்தப் பகுத்தறிவு படைகளை அழிக்க முயன்றனர். ஆனால் எத்தனை காலத்திற்குத்தான் உண்மையை ஒளித்து வைத்திருக்க முடியும்!
அறிவியலுக்கு அடிக்கல் நாட்டிய பல நாடுகளில் கிரேக்கமும் ஒன்று. சிலை போல் அசையாமல் இருப்பதாகத் தோன்றும் இந்த உலகம் பம்பரம்போல் சுழல்கிறதா என்ற ஐயம் 2,500 ஆண்டுகளுக்கு முன்பு வாழ்ந்த கிரேக்கர்களின் உள்ளத்திலும் எழுந்தது.16, 17-ஆம் நூற்றாண்டில் வாழ்ந்த இயற்கை மெய் விளக்க வல்லார்கள்(Naturla philosophers) சிலர் சில கொள்கைகளை வெளியிட்டனர். அம்புகளின் போக்கையும், உயர்ந்த கோபுரங்களிலிருந்து விழும் கற்களின் வீழ்ச்சியையும் துப்பாக்கியிலிருந்து வெளிக் கிளம்பும் குண்டுகள் பக்கவாட்டில் விலகிச் செல்வதையும் ஆராய்ந்தனர். ஆனால், இந்த ஆராய்ச்சியிலிருந்து உலகம் சுழல்கிறதா இல்லையா என்று அவர்களால் மெய்ப்பிக்க முடியவில்லை.
இந்த நேரத்தில், அதாவது 17-ஆம் நூற்றாண்டின் பிற்பகுதியில் நியூட்டன் கண்ட பல கொள்கைகளும் விதிகளும் வெளிவந்தன. இந்த விதிகளின் அடிப்படையில் ஆராய்ச்சியாளர்கள் தங்களுடைய கணக்குகளைச் சரியாகப் போட முடிந்தது. எனினும் இந்த கொள்கைகளினாலும், விதிகளினாலும் நிலம் சுழல்கிறதா என்று மெய்ப்பிக்க முடியவில்லை. ஆனால், நியூட்டனின் கொள்கைகள் வெளிவந்த பிறகு ஏறக்குறைய ஒன்றரை ஆண்டு கழித்துச் செய்த ஓர் ஆராய்ச்சி இந்த உலகம் சுழல்கிறது- சுழன்றுகொண்டே யிருக்கிறது என்ற உண்மையை உலகுக்கு அறிவித்தது. திகைத்துக் கொண்டிருந்த அறிவியல் உலகத்துக்கு தேன் பாகாக இனித்தது அந்த ஆராய்ச்சி. அந்த ஆராய்ச்சியைச் செய்து காட்டியவர் ஜீன்லியோ போகால்ட் (Jean Leo Foucault) என்ற பிரெஞ்சு அறிவியல் வல்லுநர். செய்து காட்டிய காலம் 1851, ஜனவரி 8. இடம்- பாரிஸ் மாநகரம்.
இந்த ஆராய்ச்சியைச் செய்யும்போது போகால்ட்க்கு வயது 32. ரியூ டிஆசாஸ் (Rued'Assas) என்ற இடத்திலிருந்த அவருடைய வீடே ஆராய்ச்சிக் கூடமாக அமைந்தது. அந்த வீட்டில் 6 அடி உயரமுள்ள மேல் தளத்தில் தனது ஆராய்ச்சிக்கான கருவியைப் பொருத்தினார். பல்லாயிரம் ஆண்டுகளாக மக்களை வியப்பில் ஆழ்த்தி வந்த இந்த நிகழ்ச்சியை மெய்ப்பிக்க அவர் எடுத்துக் கொண்ட கருவியோ மிகவும் சாதாரணமானதே. 
வீடு கட்டுவோர் வைத்திருக்கும் தூக்குக் குண்டு இருக்கிறதல்லவா, அது போன்றதே அவருடைய கருவியின் அமைப்பு. 5,000 கிராம் எடை உள்ள அந்த பித்தளை குண்டை 200 சென்டிமீட்டர் நீளமுள்ள கம்பியில் கட்டி தொங்கவிட்டார். அந்த குண்டிற்கு கீழே ஈர மணலைப் பரப்பி அதில் ஒரு வட்டம் போட்டார். பிறகு அந்த பித்தளைக் குண்டை ஒரு பக்கமாக இழுத்து ஒரு நாரால் கட்டினார். அந்த குண்டு ஆடாமல் அசையாமல் தொங்கியது. பிறகு அந்த நாரை ஒரு விளக்கினால் கொளுத்தினார். கட்டியிருந்த நார் எரிந்துவிடவே ஊசல் ஒழுங்காக (Uniform) ஒரே தளத்தில் ஆடியது. ஊசல் ஒரு பக்கத்திலிருந்து மறுபக்கம் சென்று திரும்பியது. ஊசலின் கூர் நுனி மணலைத் தொட்டுக் கொண்டிருந்ததால் ஒவ்வொரு அசைவிற்கும் அந்த மணல் வட்டத்தின் மேல் ஒரு கோடு போட்டது. இதில் ஒரு விந்தை என்னவென்றால், முதலில் போட்ட கோட்டின் மேலேயே மறுபடியும் கோடு போட வில்லை. அவர் எதிர்பார்த்தது போலவே ஒவ்வோர் அசைவிற்கும் ஒரு புதுக்கோட்டை மணலின் மேல் போட்டது அந்த குண்டு. ஆனால் ஒவ்வொரு கோட்டிற்கும் இடையில் இருந்த இடைவெளியோ மிக மிக நுண்ணியது. ஓர் அங்குலத்தில் பல மடங்கு சிறியது. அந்தக் கோடுகள் எந்தப் பக்கம் விழுந்தன தெரியுமா? முதலில் விழுந்த கோட்டிற்கு வலது பக்கமாகவே மற்ற கோடுகளும் விழுந்தனவே தவிர, முதல் கோட்டிற்கு இடது பக்கமாக விழவில்லை. இந்த நிகழ்ச்சி சரிதானா என்பதை உறுதிப்படுத்த அவர் பலமுறை இந்த பரிசோதனையைச் செய்தார். அவரது ஊசலின் அசைவுத் தளம் வலஞ் சுழியாக (Clockwise direction) நகர்ந்து சென்றது. சுமார் 33 மணி நேரத்திற்கு அந்த ஊசல் வட்டத்தின் சுற்றளவு முழுவதும் கோடு போட்டது.
(அடுத்த இதழில்)
 

]]>
https://images.dinamani.com/uploads/user/imagelibrary/2020/3/17/w600X390/KALIYA.JPG https://www.dinamani.com/weekly-supplements/ilaignarmani/2020/mar/17/உலகச்-சுழற்சி-உண்மையெனக்-காட்டியவர்---முகலியபெருமாள்-3383475.html
3383466 வார இதழ்கள் இளைஞர்மணி வேலை...வேலை...வேலை...(17/03/2020) DIN DIN Tuesday, March 17, 2020 11:55 AM +0530 இந்திய விலங்கியல் ஆய்வு நிறுவனத்தில் வேலை 
மொத்த காலியிடங்கள்: 225
பணி மற்றும் காலியிடங்கள் விவரம்:
பணி:  Junior Technical Assistant - 4
பணி:  Library & Information Assistant - 01
பணி:  Junior Zoological Assistant - 2
பணி:  Girl Cadet Instructor - 18
பணி:  Senior Zoological Assistant - 90
பணி:  Technical Officer - 02
பணி:  Laboratory Assistant - 01
பணி: Junior Technical Assistant (Drilling) - 35
பணி:  Senior Technical Assistant - 08
பணி:  Library Clerk - 06
பணி:  Laboratory Technician - 14
பணி:  Office Attendant - 11
பணி:  Field Attendant - 15
பணி:  Scientific Assistant - 11
பணி:  Senior Radio Technician - 03
பணி:  Junior Zoological Assistant - 1
பணி:  Junior Engineer - 02
பணி:  Mechanical Supervisor - 01 
தகுதி: 10, பிளஸ் 2, பட்டம் முடித்தவர்கள் சம்பந்தப்பட்ட பணியிடங்களுக்கு விண்ணப்பிக்கத் தகுதியானவர்கள். அதிகாரப்பூர்வ அறிவிப்பைப் பார்த்து தெரிந்துகொள்ளவும். 
வயதுவரம்பு: ஒவ்வொரு பணிக்கும் தனித்தனியாக வயது வரம்புகள் அறிவிக்கப்பட்டுள்ளன. 18 வயதிற்கு மேல் உள்ளவர்கள் ஒவ்வொரு பணிக்கும் அறிவிக்கப்பட்டுள்ள உச்சபட்ச வயது வரம்பினைத் தெரிந்து கொண்டு சம்பந்தப்பட்ட பணியிடங்களுக்கு விண்ணப்பிக்கலாம். 
தேர்ந்தெடுக்கும் முறை: கணினி வழி எழுத்துத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: எஸ்சி, எஸ்டி, மாற்றுத்திறனாளிகள், முன்னாள் ராணுவத்தினர் பிரிவைச் சேர்ந்த விண்ணப்பதாரர்கள் விண்ணப்பக் கட்டணம் செலுத்தத் தேவையில்லை. மற்ற பிரிவைச் சேர்ந்த விண்ணப்பதாரர்கள் ரூ.100 விண்ணப்பக் கட்டணமாகச் செலுத்த வேண்டும். கட்டணத்தை ஆன்லைன் மற்றும் வங்கி பரிவர்த்தனை அட்டைகளைப் பயன்படுத்தியும் செலுத்தலாம். 
விண்ணப்பிக்கும் முறை: zsi.gov.in என்ற அதிகாரப்பூர்வ இணையதளத்தின் மூலம் ஆன்லைனில் விண்ணப்பிக்க வேண்டும். எதிர்காலப் பயன்பாட்டிற்காக ஆன்லைனில் விண்ணப்பித்த பின்னர் அதனைப் பிரிண்ட் அவுட் எடுத்து கைவசம் வைத்துக் கொள்ளவும். 
கணினி வழி எழுத்துத் தேர்வு நடைபெறும் தேதி: 10.06.2020 - 12.06.2020
மேலும் முழுமையான விவரங்கள் அறிய: https://zsi.gov.in/WriteReadData/userfiles/file/Advertisement/2020_Feb_Advertisement_04.pdf என்ற லிங்கில் சென்று தெரிந்து கொள்ளவும். 
ஆன்லைனில் விண்ணப்பிப்பதற்கான கடைசித் தேதி: 20.03.2020
புதுச்சேரி பெண்கள் மற்றும் குழந்தைகள் 

மேம்பாட்டுத் துறையில் வேலை 
மொத்த காலியிடங்கள்: 25
பணி: Consultant - 05
பணி: Project Associate - 01
பணி: Accountant - 01
பணி: Secretarial Assistant - 02
பணி: Office Messenger - 02
பணி: Block Coordinator - 04
பணி:  Project Assistant, Block Level - 04
பணி: District Coordinator  - 01
பணி: Project Assistant, Distrect Level - 01
பணி: Block Coordinator - 01
பணி: Project Assistant, Block Level - 01
பணி: Block Coordinator - 01
பணி: Project Assistant, Block Level - 01
தகுதி: ஒவ்வொரு பணிக்கும் தனித்தனியாக தகுதிகள் அறிவிக்கப்பட்டுள்ளன. சம்பந்தப்பட்ட பிரிவில் முதுகலை, இளங்கலைப் பட்டம், பட்டயம், ஐடிஐ, பிஇ, பி.டெக் முடித்தவர்கள் விண்ணப்பிக்கத் தகுதியானவர்கள். 
வயதுவரம்பு: ஒவ்வொரு பணிக்கும் தனித்தனியான வயதுவரம்புகள் அறிவிக்கப்பட்டுள்ளன. கன்சல்டன்ட், அக்கவுண்டன்ட் பணிக்கு விண்ணப்பிப்பவர்கள் 55 வயதுக்குள் இருக்க வேண்டும். புராஜெக்ட் அசோசியேட், கோ ஆர்டினேட்டர், அசிஸ்டன்ட் பணிக்கு விண்ணப்பிப்பவர்களுக்கு 18 வயதிலிருந்து 30 வயதுக்குள் இருக்க வேண்டும். ஆபிஸ் மெசஞ்ஜர் பணிக்கு விண்ணப்பிப்பவர்களுடைய வயது 18 முதல் 32 வயதுக்குள் இருக்க வேண்டும். வயதுவரம்பு சலுகையை அறிவிப்பைப் பார்த்துத் தெரிந்துகொள்ளவும். 
தேர்வு செய்யப்படும் முறை: எழுத்துத் தேர்வு மற்றும் சான்றிதழ்கள் சரிபார்ப்பு மூலம் தகுதியானவர்கள் தேர்வு செய்யுப்படுவார்கள். 
விண்ணப்பிக்கும் முறை: https://wcd.py.gov.in/ அல்லது https://www.py.gov.in/ என்ற இணையதளத்தில் கொடுக்கப்பட்டுள்ள விண்ணப்பத்தைப் பதிவிறக்கம் செய்து, பூர்த்தி செய்து தேவையான சான்றிதழ்களின் நகல்களை இணைத்து கீழ்வரும் முகவரிக்கு அனுப்பி வைக்க வேண்டும். எதிர்காலப் பயன்பாட்டிற்காக பூர்த்தி செய்யப்பட்ட விண்ணப்பப் படிவத்தை ஒரு பிரிண்ட் அவுட் எடுத்து கைவசம் வைத்துக்கொள்ளவும்.
பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி: The Director, Department of Women and Child Development, No.12,New Saram,(Opposite LIC Office), Puducherry - 13. 
மேலும் முழுமையான விவரங்கள் அறிய: https://www.py.gov.in/citizens/recruitments/WCD25022020.pdf என்ற லிங்கில் சென்று தெரிந்துகொள்ளவும். 
பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 23.03.2020
தமிழ்நாடு செய்தித்தாள் மற்றும்

காகித ஆலை நிறுவனத்தில் வேலை
மொத்த காலியிடங்கள்: 50 
பணியிடம்: கரூர்
பணி மற்றும் காலியிடங்கள் விவரம்: 
பணி: Graduate Engineer Trainee (Chemical) - 09
பணி: Graduate Engineer Trainee (Mechanical) - 07
பணி: Graduate Engineer Trainee (Electrical) - 07
பணி: Graduate Engineer Trainee(Instrumentation) - 07
பணி:  Shift Engineer (Chemical) / Assistant Manager (Chemical) - 05
பணி: Plant Engineer (Mechanical) / Assistant Manager (Mechanical) - 05
பணி:  Plant Engineer (Electrical) / Assistant Manager (Electrical) - 05
பணி: Plant Engineer (Instrumentation) / Assistant Manager (Instrumentation) - 05
தகுதி: சம்பந்தப்பட்ட பிரிவில் பிஇ அல்லது பி.டெக் முடித்து பணி அனுபவம் உள்ளவர்கள் விண்ணப்பிக்கத் தகுதியானவர்கள். 
வயது வரம்பு: ஒவ்வொரு பணிக்கும் தனித்தனியான வயது வரம்புகள் குறிப்பிடப்பட்டிருப்பதால், அதிகாரப்பூர்வ அறிவிப்பைப் பார்த்து, வயது வரம்புகளைத் தெரிந்து கொள்ளுங்கள். 
விண்ணப்பிக்கும் முறை: http://www.tnpl.com/ என்ற வலைதளத்தின் மூலம் ஆன்லைனில் விண்ணப்பிக்கலாம். விண்ணப்பித்த பின்னர் அதனைப் பிரிண்ட் அவுட் எடுத்து அதனுடன் தேவையான சான்றிதழ்களின் நகல்களையும் இணைத்து கீழ்வரும் அஞ்சல் முகவரிக்கு அஞ்சல் அல்லது கூரியர் மூலம் அனுப்ப வேண்டும். 
விண்ணப்ப உறையின் மீது APPLICATION FOR THE POST OF விண்ணப்பிக்கும் பணிக்கான பெயரை குறிப்பிட வேண்டும். 
ஆன்லைன் விண்ணப்பப் பிரிண்ட் அவுட்டை அனுப்ப வேண்டிய முகவரி: 
CHIEF GENERAL MANAGER-HR
TAMIL NADU NEWSPRINT AND PAPERS LIMITED
KAGITHAPURAM-639 136, KARUR DISTRICT, TAMIL NADU. 
விண்ணப்பம் சென்று சேர கடைசித் தேதி: 30.3.2020
மேலும் முழுமையான விவரங்கள் அறிய: https://www.tnpl.com/uploads/careers/27bda6ec78a84f01684aba9de0230cf9.pdf என்ற லிங்கில் சென்று தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 23.03.2020

இந்திய தேசிய தகவல் மையத்தில் வேலை
மொத்த காலியிடங்கள்: 495 
பணி மற்றும் காலியிடங்கள் விவரம்: 
பணி: Scientist-"B' Group "A'
காலியிடங்கள்: 288 
சம்பளம்: மாதம் ரூ. 56100 - 1,77,500
பணி: Scientific/Technical Assistant - "A' Group "B' 
காலியிடங்கள்: 207
சம்பளம்: மாதம் ரூ. 35400 - ரூ.1,12,400
தகுதி: எலெக்ட்ரானிக்ஸ், எலெக்ட்ரானிக்ஸ் மற்றும் கம்யூனிகேஷன், கணினி அறிவியல், கம்யூனிகேஷன், கணினி மற்றும் நெட்வொர்க்கிங் பாதுகாப்பு, கணினி பயன்பாடு, மென்பொருள் அமைப்பு, தகவல் தொழில்நுட்பம், தகவல் தொழில்நுட்ப மேலாண்மை, கணினி மேலாண்மை, சைபர் சட்டம் போன்ற ஏதாவதொரு துறையில் பிஇ, பி.டெக் அல்லது எம்.எஸ்சி., எம்.எஸ்., எம்சிஏ முடித்தவர்கள் சம்பந்தப்பட்ட பணியிடங்களுக்கு விண்ணப்பிக்கத் தகுதியானவர்கள். 
வயதுவரம்பு: 30 வயதிற்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில் விலக்கு உண்டு.
தேர்வு செய்யப்படும் முறை: எழுத்துத் தேர்வு, நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள். பணிக்கு தேர்வு செய்யப்படுவோர் இந்தியாவில் எங்கு வேண்டுமானாலும் பணியமர்த்தப்படலாம். 
விண்ணப்பிக்கும் முறை: https://www.calicut.nielit.in/nic என்ற அதிகாரப்பூர்வ இணையதளத்தின் மூலம் ஆன்லைனில் விண்ணப்பிக்க வேண்டும். 
விண்ணப்பக் கட்டணம்: பொது மற்றும் ஓபிசி பிரிவினர் ரூ.800 கட்டணமாகச் செலுத்த வேண்டும். 
எஸ்சி, எஸ்டி, மாற்றுத்திறனாளிகள், பெண் விண்ணப்பத்தாரர்களுக்கு விண்ணப்பக் கட்டணம் செலுத்துவதில் இருந்து விலக்கு அளிக்கப்பட்டுள்ளது. 
மேலும் முழுமையான விவரங்கள் அறிய: https://www.calicut.nielit.in/nic/documentformats/DetailedAdvertisement.pdf என்ற லிங்கில் சென்று தெரிந்துகொள்ளவும்.
ஆன்லைனில் விண்ணப்பிப்பதற்கான கடைசித் தேதி: 26.03.2020
தொகுப்பு: இரா.வெங்கடேசன்
 

]]>
https://images.dinamani.com/uploads/user/imagelibrary/2020/3/17/w600X390/VELAI.JPG https://www.dinamani.com/weekly-supplements/ilaignarmani/2020/mar/17/வேலைவேலைவேலை17032020-3383466.html
3383464 வார இதழ்கள் இளைஞர்மணி சரியான பார்வை...சரியான வழி...சரியான செயல்! 89 - தா.நெடுஞ்செழியன் Tuesday, March 17, 2020 11:42 AM +0530 மருத்துவப் படிப்புகளில் அரசு மருத்துவக் கல்லூரிகள் மற்றும் பல் மருத்துவக் கல்லூரிகளில் உள்ள துணை மருத்துவப் படிப்புகளைப் பற்றி நாம் இன்று பார்க்கப் போகிறோம். தமிழகத்தைப் பொருத்தவரை எம்பிபிஎஸ், பிடிஎஸ் படிப்பைத் தவிர, 4 ஆண்டுகால படிப்புகளான பேச்லர் ஆஃப் பார்மஸி(பி.பார்ம்), பி.எஸ்சி நர்சிங், பிசியோ தெரபி, பேச்லர் ஆஃப் ஆக்குபேஷன் தெரபி, பேச்லர் ஆஃப் ஆடியாலஜி அன்ட் ஸ்பீச் லாங்க்வேஜ் பெத்தாலஜி Bachelor in Audiology and Speech Language Pathology  (BASLP) ஆகியவை உள்ளன. பேச்லர் ஆஃப் ஆடியாலஜி அன்ட் ஸ்பீச் லாங்க்வேஜ் பெத்தாலஜி நான்காண்டு படிப்பு என்றாலும் அதில் 1 ஆண்டு இன்டர்ன்ஷிப் செய்ய வேண்டும். பி.எஸ்சி ரேடியாலஜி அன்ட் இமேஜிங் டெக்னாலஜி மூன்றரை ஆண்டுகள் படிப்பாகும். இதில் 6 மாதங்கள் கண்டிப்பாக இன்டர்ன்ஷிப் பயிற்சி மேற்கொள்ள வேண்டும். இவற்றோடு B. Sc. Radio Therapy Technology,  B. Sc. Cardio Pulmonary Perfusion Technology,  B. Sc. Medical Laboratory Technology,  B. Sc. Operation Theatre & Anaesthesia Technology,   B. Sc. Cardiac Technology,  B. Sc. Critical Care Technology, B. Sc. Dialysis Technology,  B. Sc. Physician Assistant,  B. Sc. Accident & Emergency Care Technology,  B. Sc. Respiratory Therapy ஆகிய படிப்புகளும் உள்ளன. 
இந்தப் படிப்புகள் ரிகேபிலிட்டேஷன் ஆப் கவுன்சில் இந்தியாவின் (REHABILITATION COUNCIL OF INDIA) நெறியாளுமையின் கீழ் வரக் கூடிய படிப்புகளாகும். இவற்றில் சிலவற்றைப் பற்றி விரிவாகப் பார்ப்போம். 
பேச்லர் ஆஃப் ஆடியாலஜி அன்ட் ஸ்பீச் லாங்க்வேஜ் பெத்தாலஜி (BASLP): கணிதம், இயற்பியல், உயிரியல் பிரிவில் பிளஸ் டூ முடித்த மாணவர்கள் இதில் சேரத் தகுதியுடையவர்கள். 17 வயது முடிந்திருக்க வேண்டும். டிப்ளமோ இன் ஹியரிங் லாங்க்வேஜ் ஸ்பீச் என்ற பட்டயப் படிப்பைப் படித்த மாணவர்களும் இந்தப் படிப்பில் சேரலாம். அவர்கள் இந்தப் படிப்பில் நேரடியாக இரண்டாம் ஆண்டில் சேரலாம். ஆனால் அதற்கு இந்தத்துறையில் அவசியம் 2 ஆண்டுகள் பணி அனுபவம் பெற்றிருக்க வேண்டும். 
இந்தப் படிப்பு படித்தவர்கள், ஒருவர் பேசும்போது அவருடைய பேச்சின் ஒலி அளவைக் கணக்கிடும் திறன் பெற்றிருப்பார்கள். காது கேளாதோரின் செவித்திறனுக்கேற்ற அளவில் ஹியரிங் எய்ட் கருவியின் ஒலி அளவைத் தீர்மானிப்பது பற்றி இந்தப் படிப்பில் சொல்லித் தரப்படுகிறது. உரிய வயதில் அல்லாமல் தாமதமாகப் பேசக் கூடிய பிறவிக்குறைபாடு உள்ள பிள்ளைகளுக்கு பேச்சுப் பயிற்சி அளிப்பது தொடர்பாகவும் இந்தப் படிப்பில் கற்றுத் தருகிறார்கள். 
தற்போது குழந்தைகளுக்கு செவித்திறன் குறைபாடு அதிகமாக உள்ளது. வயது முதிர்ந்தவர்களுக்கும் வயதாக ஆக காது கேட்கும் திறன் குறைந்துவிடுகிறது. தற்போது இளம் வயதினர் மொபைல் போனை அதிக அளவில் பயன்படுத்துவதாலும், காதிலேயே ஹெட் செட்டை வைத்து அதிக ஒலியில் இசை கேட்பதாலும் இளம்வயதினருக்கும் செவித்திறன் பிரச்னைகள் ஏற்படுகின்றன. இளம் வயதினர் தற்போது செவித்திறன் குறைபாடு பிரச்னைகளினால் அதிக அளவில் பாதிக்கப்படுகின்றனர். 
செவித்திறன் எந்த அளவுக்குக் குறைந்திருக்கிறது என்பதைக் கண்டறிவதற்கு, அதற்கான முறையான பயிற்சி பெற்றவர்கள் தேவை. அவர்களின் எண்ணிக்கை, செவித்திறன் பாதிக்கப்பட்டவர்களின் எண்ணிக்கையோடு ஒப்பிடும்போது, மிக மிகக் குறைவாகவே உள்ளது. அதனால் இந்தப் படிப்பு படித்தவர்களுக்கு நிறைய வேலைவாய்ப்புகள் உள்ளன. இவர்கள் ENT மருத்துவர்களுடன் இணைந்து பணியாற்றுவார்கள். 
பி.எஸ்சி ரேடியாலஜி அண்ட் இமேஜிங் டெக்னாலஜி: இது டாக்டர் எம்.ஜி.ஆர்.மெடிகல் யுனிவர்சிடியின் கீழ் வழங்கப்பட்டு வருகிறது. மனித உடலுக்குள் உள்ள நோயின் தன்மையைப் பற்றி மருத்துவரீதியாகத் தெரிந்து கொள்வதற்கும், சிகிச்சையின்போது மனித உடலுக்குள் நிகழ்வதை, அப்போது ஏற்படும் மாற்றங்களைக் காட்சியாகக் கண்டு கொள்வதற்கும், உடலில் உள்ள உறுப்புகளின், திசுக்களின் செயல்களை அறிந்து கொள்வதற்கும் இந்த மெடிகல் இமேஜிங் பயன்படுகிறது. எலும்பு, தோல் ஆகியவற்றுக்குள் மறைந்திருக்கும் உள் அமைப்புகளைத் தெரிந்து கொள்ள, அவற்றைப் பரிசோதித்துப் பார்க்கவும் இந்த மெடிகல் இமேஜிங் பயன்படுகிறது. எக்ஸ்ரே, ரேடியோ கிராபி, அல்ட்ரா சவுண்ட், கம்ப்யூட்டர் டோமோகிராபி (CT), எம்ஆர்ஐ உள்ளிட்ட தொழில்நுட்பங்களைப் பயன்படுத்தி, நோய்களைக் கண்டறிந்து அவற்றைக் குணப்படுத்த இந்தப் படிப்பு உதவுகிறது. அறுவைச் சிகிச்சையின்போது மனித உடலில் நீக்க வேண்டிய குறிப்பிட்ட பகுதிகளை மட்டும் பிற உறுப்புகளுக்குப் பாதிப்பு ஏற்படாமல் நீக்க, இந்த ரேடியாலஜி அண்ட் இமேஜிங் டெக்னாலஜி உதவுகிறது.

கருவில் வளரும் குழந்தைகளின் வளர்ச்சி நிலை எவ்வாறு இருக்கிறது, அது கருப்பையில் எந்தநிலையில் இருக்கிறது என்பன போன்ற தகவல்களை வெவ்வேறு வகைகளில் திரட்டி அவற்றை மருத்துவர்களுக்கு தெரிவிப்பார்கள். 
பி.எஸ்சி ரேடியோ தெரபி டெக்னாலஜி: புற்றுநோய் மருத்துவம் தொடர்பான படிப்பு இது. ரேடியோ தெரபியைப் பயன்படுத்தி கட்டிகளைக் குணப்படுத்த முடியும். மார்பகப் புற்றுநோயை ரேடியோ தெரபி மூலம் மிக விரைவாகக் கண்டுபிடித்து, சிகிச்சை மேற்கொள்ள முடியும். கீமோ தெரபியுடன் சேர்ந்து இந்த ரேடியோ தெரபியைச் செய்வார்கள். இந்த ரேடியோ தெரபி முறையினால் நிறைய பக்கவிளைவுகள் ஏற்படக் கூடிய வாய்ப்புகளும் உள்ளன. 
புற்றுநோயால் பாதிக்கப்பட்டவர்களின் உடலில் எந்த அளவுக்குக் கதிர்வீச்சைப் பயன்படுத்தினால் அவர்களின் உடலுறுப்புகளுக்குப் பாதிப்பு ஏற்படாமல் இருக்கும் என்பதைக் கண்டறிந்து, தேவையான அளவு கதிர்வீச்சை முறையாகச் செலுத்தக் கூடிய பணியை இந்தப் படிப்பைப் பயின்றவர்கள் செய்வார்கள். மும்பையில் உள்ள டாட்டா மெமோரியல் மருத்துவமனையில் இந்த ரேடியோ தெரபி டெக்னலாஜியைச் சிறப்பாகப் பயன்படுத்துகிறார்கள். 
கார்டியோ பல்மனரி பெர்ஃபியுசன் டெக்னாலஜி (Cardio Pulmonary Perfusion Technology):
இந்தப் படிப்பு படித்தவர்கள், இதய அறுவைச் சிகிச்சைகளின்போது, நோயாளிகளின் உடல் நிலை குறித்த தகவல்களை மருத்துவர்களுக்கு உடனுக்குடன் அளிப்பார்கள். அறுவைச் சிகிச்சையின்போது நோயாளியின் ரத்த ஓட்டத்தின் நிலையைக் கண்டறிவார்கள். நுரையீரலில் இருந்து உடலின் உறுப்புகளுக்குச் செல்லும் ரத்தத்தில் சரியான அளவு ஆக்சிஜன் கலந்திருக்கிறதா? கார்பன் நீக்கப்பட்டிருக்கிறதா என்பதைக் கவனிப்பார்கள். ரத்த ஓட்டத்தை முறைப்படுத்த இதய- நுரையீரல் கருவி (Heart-Lung Machine) பயன்படுகிறது. 
இதய அறுவைச் சிகிச்சை செய்யும் குழுவில் இடம் பெற்றுள்ள இந்த கார்டியோ பல்மனரி பெர்ஃபியசனிஸ்ட் இந்த இதய - நுரையீரல் கருவியை இயக்குவார்கள். 
அதுமட்டுமல்ல, மருத்துவமனையில் அறுவைச் சிகிச்சைக்குத் தேவையான பொருள்களை வாங்கும் பிரிவினருடன் இணைந்து வேலை செய்வார்கள். 
இந்தப் படிப்பை முடித்து இரண்டு - மூன்று ஆண்டுகள் பணி அனுபவத்துக்குப் பிறகு நல்ல சம்பளம் இவர்களுக்குக் கிடைக்கும் வாய்ப்புகள் உள்ளன. 
ஆப்ரேஷன் தியேட்டர் அன்ட் அனெஸ்தீசியா டெக்னாலஜி (Operation Theatre & Anaesthesia Technology): அறுவைச் சிகிச்சைகளின்போது, மயக்க மருந்து கொடுக்கக் கூடிய துறை சார்ந்த படிப்பை பயின்ற இவர்கள், அறுவைச் சிகிச்சை தியேட்டருக்குள் இருக்க வேண்டிய என்ன மாதிரியான சூழ்நிலை இருக்க வேண்டுமோ, அந்தச் சூழ்நிலையை ஏற்படுத்தும் குழுவினருடன் இணைந்து பணியாற்றுவார்கள். 
மயக்க மருந்து கொடுக்கும்போது நோயாளியைக் கண்காணிப்பது இவர்களுடைய பொறுப்பாக இருக்கிறது. மயக்க மருந்து கொடுப்பதில் உள்ள பல்வேறு முறைகளை - அதற்குப் பயன்படும் பல்வேறு தொழில்நுட்ப கருவிகளை- பயன்படுத்துவது; நோயாளிகளின் உடல்நிலைக்குப் பொருந்தக் கூடிய மயக்க மருந்துகளை, அவற்றின் அளவைத் தீர்மானிப்பது ஆகியவை இந்தப் படிப்பு படித்தவர்களின் பொறுப்பாகும். 
நோயாளிகளுக்கு மயக்க மருந்து கொடுப்பதற்கு முன்பு, அதற்குத் தேவையான மருந்துகள், கருவிகள் சரியான அளவில் உள்ளனவா என்பதை முறைப்படுத்துவதும் இவர்களே. 
இவர்கள், அறுவைச் சிகிச்சை செய்யப்படும் நோயாளியிடம் மயக்க மருந்து தருவதற்கு முன்பும், தந்த பிறகும் பேசிக் கொண்டே இருப்பார்கள். அதன் மூலம், மயக்க மருந்து எந்த அளவுக்கு நோயாளியின் உடலில் மாறுதல்களை ஏற்படுத்தியிருக்கிறது என்பதைக் கண்டுபிடிப்பார்கள். 
இவ்வாறு அவர்கள் தொடர்ந்து நோயாளியின் உடல்நிலையைக் கண்காணித்து, அதைப் பற்றிய தகவல்களை அறுவைச் சிகிச்சை செய்யும் மருத்துவர்களிடம் தெரிவிப்பார்கள். அறுவைச் சிகிச்சை முடிந்த பிறகு நோயாளியை வேறு சிகிச்சைப் பிரிவுக்கு மாற்றும் வரை நோயாளியைக் கவனித்துக் கொள்வார்கள். 
இன்னும் சில துணை மருத்துவப் படிப்புகளைப் பற்றி விரிவாக அடுத்த இதழில் பார்ப்போம்.
(தொடரும்)
கட்டுரையாசிரியர்
சமூக கல்வி ஆர்வலர் 
www.indiacollegefinder.org

]]>
https://images.dinamani.com/uploads/user/imagelibrary/2020/3/17/w600X390/im2.JPG https://www.dinamani.com/weekly-supplements/ilaignarmani/2020/mar/17/சரியான-பார்வைசரியான-வழிசரியான-செயல்-89---தாநெடுஞ்செழியன்-3383464.html
3383460 வார இதழ்கள் இளைஞர்மணி இணைய வெளியினிலே...(17/03/2020) DIN DIN Tuesday, March 17, 2020 11:21 AM +0530 முக நூலிலிருந்து....
* ஏதாவது பேசிட்டு...
அப்புறம் அந்த இருமலை
வைங்கப்பா...
பக்குன்னுது...
கொரானோவை விட 
இவங்க படுத்தற பாடு இருக்கே...
வேல்கண்ணன்

* நாள் நிழல்களைச் சேகரித்து...
இரவாக்குகிறது.
இரவுக்கு... 
மின்மினிகளின்
சிமிட்டலே போதும்,
மறுபடி பகலைச் சமைக்க.
டிகே கலாப்ரியா

* ரயில் ஏறும் முன்பே...
அரண்மனை வாசல் தெரு
யானைகட்டி கல்தெரு
செண்பகவல்லி அம்மன் கோவில் மேடு
தெற்கு பஜார்
டால்துரை பங்களா தெரு
கடலைக்காரத்தெரு...
றெக்கை கட்டிபறக்கிறது...
மனசு
துரை பாரதி

* ஆயிரம் வாட்கள் 
உடைந்து போனபோது இல்லை...
ஒரே ஒரு கேடயம் 
கைநழுவிய போது...
பீடித்ததே இந்தத் துக்கம்.
நேச மித்ரன்

சுட்டுரையிலிருந்து...
* எந்த உறவாக இருந்தாலும்
சுண்ணாம்பு மாதிரி அளவா இருக்கணும்...
அளவுக்கு மீறினால், 
வாயும் வெந்து போகும்...
வாழ்க்கையும் நொந்து போகும். 
மென்நிலா

* மனிதாபிமானம்
இல்லா மனிதர்களிடத்தில்...
என்ன செஞ்சாலும்
நற்பெயர் இல்லை.
ஓட்டைப் பானையில்
தண்ணீர் ஊற்றுவதைப்
போலத்தான்.
படிக்காதவன்

* ஒரு பொருளை
அடுக்கணும்னா...
ஒன்பது பொருளை
கலைச்சிவிடறதுல
தப்பே இல்லை...
குழந்தைகள்.
ரமேஷ்.ஏ

வலைதளத்திலிருந்து...
மொழி என்பது ஒரு கலாச்சாரத்தின் அடையாளம் என்பர். அது போல பெயர் என்பதும் ஒரு வம்சத்தின், ஒரு குலத்தின், ஓர் இனத்தின், அடையாளமாகக் கருதப்பட்டது. ஒரு குறிப்பிட்ட இனத்தின் அடையாளத்தை அந்தப் பெயரை வைத்தே கண்டுபிடிக்கலாம். ஆனால் சிலருக்கு தங்கள் அடையாளத்தை மறக்க வேண்டியிருந்தது, மறைக்க வேண்டியிருந்தது. காரணம் சமூகத்தில் அவர்களுக்கிருந்த அவல நிலை. அடுத்த தலைமுறை புதிய அடையாளத்தோடு வளர வேண்டும் என ஆசை கொண்டனர். இதன் காரணமாக குப்புசாமி, ராமசாமி எல்லாம் ரமேஷ், சுரேஷ் ஆகிப் போனார்கள். மேலும் நம் மக்களுக்கு ஓசை மீது ஒரு ஈடுபாடு "ஷ்', "யா'" இப்படி முடியும் பெயர்கள் மீது பெரிய காதலே வந்துவிட்டது எனக் கூறலாம். இப்படி பெயர்கள் மருவி மருவி இப்போது ஒரு குறிப்பிட்ட இனத்தைக் குறிக்கும் பெயர் என்பது இல்லாமலேயே போய்விட்டது. அதுவும் கூட பரவாயில்லை. மொழியையே மறந்து ஆங்கிலப் பெயர்களை வைப்பவர்களும் உள்ளனர். என்னுடைய நண்பர் ஒருவர் அவரின் மகளுக்கு ஷாரன் லோபஸ் (SHARONE LOPAZ) என்ற பெயர் வைத்துள்ளார், இன்னொருவர் ஜோதிகா, நான் இருவரிடமும் கேட்டேன் பெயர் காரணங்களை... "கேட்க இனிமையாக இருக்கிறது; அதனால் வைத்திருக்கிறோம்'' என்று சொன்னார்கள். 
சமீபத்தில் நான் என் மனைவி, மகன் சகிதம் திருவள்ளூர் போய்விட்டுத் திரும்பிக் கொண்டிருந்தோம். ரயிலில் ஒரு பெரியவர் என் மகனின் பெயர் கேட்க, அவன் ஆதித்தன் என்று கூற, அவர் உன் பெயரைப் பற்றி தெரியுமா? ராஜ ராஜ சோழன், ராஜேந்திர சோழன், பற்றி எல்லாம் சொல்லி ஆதித்த கரிகாலன் என்ற பெயரைப் பற்றியும் சொன்னார். 
உண்மையில் என் மகனுக்கு நான் முதலில் வைத்த பெயர் ஆதித்த கரிகாலன். என் மனைவி பள்ளியில் கரிகாலன் என்ற பெயர் கேலிக்குள்ளாகும் எனச் சொல்லி கரிகாலனை என்னுடன் சண்டையிட்டு நீக்கிவிட்டாள். அந்த ரயில் பயணத்தின் போது அந்த பெரியவர் ஆதித்த கரிகாலன் பெயருக்கு கொடுத்த விளக்கத்தின் போது அவளுக்கு சங்கடமாகிப் போய்விட்டது. 
மதிய உணவிற்கு சென்ட்ரல் ரயில் நிலையத்திற்கு அருகில் உள்ள புஹாரி உணவகத்திற்கு வந்தோம் அங்கு மறுபடியும் இந்தப் பெயரை முன்னிறுத்தி ஒரு நிகழ்வு. உணவுக்கு ஆர்டர் எடுத்தவர் என் மகனிடம் பேச்சு கொடுத்தார். அவர் என் மகனின் பெயர் கேட்க, இவன் சொல்ல, அவர் உன் பெயர் யாருடையது தெரியுமா? என்று கேட்க, இவன் ஒரு ராஜாவின் பெயர் என்று சொல்ல, அவர் சி. பா. ஆதித்தனார் பற்றி சொல்ல ஆரம்பித்துவிட்டார். "உடல் மண்ணுக்கு உயிர் தமிழுக்கு என்று சொன்ன மாமனிதர், அதுபோல அவரைப் போல நீ நல்லா வரணும்''னு வாழ்த்திவிட்டுப் போனார். 
https://adhithakarikalan.wordpress.com/
 

]]>
https://images.dinamani.com/uploads/user/imagelibrary/2020/3/17/w600X390/trian.JPG https://www.dinamani.com/weekly-supplements/ilaignarmani/2020/mar/17/இணைய-வெளியினிலே17032020-3383460.html
3383458 வார இதழ்கள் இளைஞர்மணி கரோனா பரவலைக் கட்டுப்படுத்த உதவும் கருவி! Tuesday, March 17, 2020 11:17 AM +0530 2020-ஆம் ஆண்டு தொடக்கத்தில் இருந்தே சீனாவில் கரோனா வைரஸின் தாக்கம் தொடங்கிவிட்டது. தற்போது உலகின் பெரும்பாலான பகுதிகளில் இந்த வைரஸ் பரவி வருகிறது. தொற்று வைரஸ் என்பதாலும், இதற்கு தடுப்பு மருந்துகள் இல்லை என்பதாலும் மக்கள் மத்தியில் அச்சம் உள்ளது. எனினும், கைகளை சோப்புப் போட்டு நன்றாகக் கழுவுவது, கைகளை முகத்துக்கு அருகே கொண்டு செல்லாமல் இருப்பது போன்ற செயல்களால் இந்த வைரஸ் பரவலைத் தடுக்கலாம் என்று மருத்து நிபுணர்கள் தெரிவிக்கின்றனர்.
 ஆனால், உடல் அசைவில் இருந்தாலே முகப் பகுதிக்கு கைகள் செல்வதைத் தடுப்பது கடினமான காரியமாகும். கைகளைக் கட்டாமல் இது சாத்தியமில்லை என்றே கூறலாம். இந்தப் பிரச்னைக்கு அமெரிக்காவின் "ஸ்லைட்லி ரோபட்' என்ற நிறுவனம் "இம்முடச்' என்ற கையில் அணியும் பட்டையை அறிமுகம் செய்துள்ளது. இதை அணிந்து கொண்டு நமது கைகளை கண், வாய், மூக்கு பகுதிகளுக்கு கொண்டு சென்றால் உடனடியாக எச்சரிக்கை அதிர்வை அளிக்கும். இந்தப் பட்டையை ஸ்மார்ட் போன் செயலியுடன் இணைத்துவிட்டால் ஒரு நாள் முழுவதும் சராசரியாக எத்தனை முறை நாம் கைகளை முகத்தின் அருகே கொண்டு சென்றோம் என்ற விவரங்களையும் பார்த்துக் கொள்ளலாம்.
 மனநலம் பாதிக்கப்பட்டவர்கள் தலை முடியை இழுத்து கொள்ளாமல் இருப்பதற்காக தயாரிக்கப்பட்ட இந்தப் பட்டையை, சற்று மாறுதல் செய்து கரோனாவுக்குப் பயன்படுத்தி உள்ளதாகவும், இதை குறைந்த விலையே விற்க உள்ளதாகவும் "ஸ்லைட்லி ரோபட்' நிறுவனர் மேத்திவ் தெரிவித்துள்ளார். கைகளை மட்டுமின்றி, நாம் பயன்படுத்தும் செல்லிடப்பேசியையும் பொதுஇடங்களில் வைத்து விட்டு முகத்தின் அருகே கொண்டு செல்வதைக் கட்டுப்படுத்த வேண்டியதும் தற்போதைய நிலையில் அவசியமே.
 அ.சர்ஃப்ராஸ்
 

]]>
https://images.dinamani.com/uploads/user/imagelibrary/2020/3/17/w600X390/im1.jpg https://www.dinamani.com/weekly-supplements/ilaignarmani/2020/mar/17/கரோனா-பரவலைக்-கட்டுப்படுத்த-உதவும்-கருவி-3383458.html
3381400 வார இதழ்கள் இளைஞர்மணி இணைய வெளியினிலே... Saturday, March 14, 2020 09:42 PM +0530
முக நூலிலிருந்து....

நேற்றைய ஆடம்பரம்
இன்றைய அத்தியாவசியம்!

நேசமிகு ராஜகுமாரன்

 

யாரைப் பிரிந்த பின் உன்னால் எப்போதும் போல் இயல்பாக இருக்க முடியவில்லையோ...
அவர்கள்தான் உன் இதயம் என்று புரிந்து கொள்.

திருப்பதி ராஜா


கற்பிக்கப்பட்ட வரலாறுகள் எல்லாவற்றையும்...
மாற்றி அமைக்கின்றன பயணங்கள்.

உமாநாத் செல்வன்

 

சந்தோஷத்தில் அதிகம் எகிறிக் குதிப்பவனே சிறுதுயரிலும் துவண்டு விழுகிறான்.
துய்த்தலில் நிதானம் கடைப்பிடிப்பவனோபெருந்துயரிலும் சுடராய் எழுகிறான்.
உணர்வுகளில் சமச்சீர்த்தன்மை உடலையும் பேணுகிறது. 
நீரிழிவு, ரத்த அழுத்தம் போன்றவற்றை விரட்டுகிறது.
சந்தோஷமோ, துக்கமோ அஞ்சு நிமிஷம் மனசுக்கு வெளியிலேயே காக்க வைப்போம். 
அதன் சூடு ஆறிய பிறகு உள்ளே அனுப்புவோம்.

பெ. கருணாகரன்


கூழானாலும் குளித்துக் குடி...
கூழாக்கவும் குளிக்கவும் தண்ணீர் கொடு

வானரசன் கோமதி

 

சுட்டுரையிலிருந்து...

தொட்டால் உடையக் கூடும்
தொடாமல் ரசித்துக் 
கொண்டிருக்கிறேன்...
இன்னும் கொஞ்சம் நீளட்டும்
அந்த நீர்க்குமிழியின் ஆயுள்...

யாது

 

தடிமனாக தங்கச் சங்கிலி அணிந்திருக்கும் நபர் தம் சட்டையின் மேல் பட்டனைத்  திறந்து வைத்திருப்பது ஒரு விளம்பரத்திற்காகவே! 

கோழியின் கிறுக்கல் 

 

உணர்ச்சிகளுக்கு அடிமையான மனிதன்...
பிறரைத் திருத்துவதில் நேரத்தைச் செலவு செய்கிறான்.
ஆனால், அறிவுள்ள மனிதனோ தன்னைத் திருத்திக் கொள்வதில் கவனத்தைச் செலுத்துகிறான்.

சோலை ராஜா


உளிகளை அங்கீகரிப்பதில் கவனமாயிருங்கள்...
அத்தனை உளிகளும் சிற்பம் செதுக்குவதில்லை.
விமர்சனத்தையும் உலகம் உளியென்றேயழைக்கிறது!

பனித்துளி


வலைதளத்திலிருந்து...

மங்குனி அமைச்சர்க்கு இன்டர்வியூ. கூட நானும் போயிருந்தேன்... பைல் புல்லா சர்டிபிகேட்ஸ்... (ஸ்போர்ட்ஸ் கோட்டானு நெனச்சிக்காதீங்க...  எல்லாம் கோட்டு அடிச்சி... கோட்டு அடிச்சி  பாஸ் பண்ணினது )
இன்டர்வியூ முடிச்சி வெளியே வந்த  மங்குனிகிட்ட...
"" மங்கு... என்ன ஆச்சு? ''
"" மார்க்கெல்லாம் ரொம்ப கம்மியா  இருக்குனு சொன்னாரு''
""அது தெரிஞ்சது தானே... அதை விடு  நீ ஒரு பிரபல பிளாக்கர்னு சொன்னியா?  இல்லியா?''
"" சொன்னேன்.. பன்னிக்குட்டி ராம்சாமி,  கோகுலத்தில் சூரியன் வெங்கட் எல்லாம்  என் ப்ரெண்டுனு சொன்னேன்''
"" அப்புறம் ? ''
""அதை கேட்டதும் அவர் முகத்துல ஒரு  பிரகாசம் 
தெரிஞ்சது ''
""சரி.. நெக்ஸ்ட்  ''
"" ஃபேஸ்புக்ல ஸ்டேடஸ் எல்லாம் போடுவேன்,   ரெண்டு க்ரூப்புக்கு அட்மினா இருக்கேனு  சொன்னேன்''
""சூப்பரு... இதுக்கு என்ன சொன்னாரு?''
""அந்த 3வது சிஸ்டம்ல போயி உக்காருங்கனு  சொன்னாரு!''
""வாவ்... ட்ரீட் எப்ப மங்குனி?''
""அட முழுசா கேளுயா?''
""சொல்லு''
""வந்ததுக்கு அதுல அரைமணி நேரம்  ஆழ்ர்ஜ்ள்ண்ய்ஞ் பண்ணிட்டு ஓடிப் போயிடுனு  சொல்லிட்டான்யா''
"" ஙே...!!! '' 
https://gokulathilsuriyan.blogspot.com/

]]>
https://images.dinamani.com/uploads/user/imagelibrary/2020/3/14/w600X390/im4.jpg https://www.dinamani.com/weekly-supplements/ilaignarmani/2020/mar/14/இணைய-வெளியினிலே-3381400.html
3381401 வார இதழ்கள் இளைஞர்மணி சரியான பார்வை... சரியான வழி... சரியான செயல்! - 88  - தா.நெடுஞ்செழியன் DIN Saturday, March 14, 2020 09:37 PM +0530 பிரிட்டனில் நர்சிங் துறையில் உள்ள வேலைவாய்ப்புகள் பல்வேறு பிரிவுகளில் உள்ளன என்பதை சென்றஇதழில் பார்த்தோம். அதன் தொடர்ச்சியாக மேலும் சில நர்சிங் பிரிவுகளைப் பார்ப்போம்.
கம்யூனிடி அட்வான்ஸ் பிராக்டிஷனர்: பல்வேறு மருத்துவப் பிரிவுகளை உள்ளடக்கிய பிரிவு இது. இந்தத் துறை சார்ந்த செவிலியர்கள் ஆக்குபேஷனல் தெரபிஸ்ட்டுகளுடன் சேர்ந்து வேலை செய்வார்கள்; பிஸியோ தெரபிஸ்ட்டுகளுடன் சேர்ந்து வேலை செய்வார்கள்; நர்சுகளுடன், இதர மருத்துவமனைப் பணியாளர்களுடன், மருந்தியல்துறையினருடன் இணைந்து வேலை செய்வார்கள். அதுமட்டுமல்ல, சமூக நலன் சார்ந்து வேலை செய்பவர்களுடனும் இணைந்து வேலை செய்வார்கள். பொது நல மருத்துவத்தில் ஆர்வமுடையவர்களாகவும், நல்ல தகவல்தொடர்புத் திறன் உள்ளவர்களாகவும், வேலைக்கு முன்னுரிமை தருபவர்களாகவும் இத்துறை சார்ந்த செவிலியர்கள் இருப்பார்கள். அனைத்துப் பிரிவினருடனும் இணைந்து பணியாற்றும் திறமை, ஒருங்கிணைக்கும் திறமை இவர்களுக்கு உண்டு. பல பகுதிகளுக்குச் சென்று பொது நல மருத்துவத்தில் ஈடுபடுவார்கள்.

தியேட்டர் பிராக்டிஷனர்(அனஸ்தெடிக்ஸ்): அறுவைச் சிகிச்சைக்கு ஒரு நோயாளி வருவதற்கு முன்பு அவர் எதற்காக அறுவைச் சிகிச்சைக்கு வருகிறார் என்பதைத் தெரிந்து கொண்டு, அவர் உடல் நிலை குறித்த எல்லா விவரங்களையும் தெரிந்து கொண்டு, அறுவைச் சிகிச்சை செய்யும் குழுவினருடன் இணைந்து, அந்த நோயாளிக்கு மயக்க மருந்து தரக்கூடிய பணியாளர்களுடன் கலந்தாலோசித்து, அறுவைச் சிகிச்சைக்கான ஏற்பாடுகளை செய்து தருவதுதான் தியேட்டர் பிராக்டிஷனர் (அனஸ்தெடிக்ஸ்) பிரிவில் பணியாற்றும் செவிலியர்களின் வேலையாகும்.

நோயாளியின் உடலிலுள்ள பல்வேறு நோய்கள், குறைபாடுகள், நோயாளியின் உடல்நிலை ஆகியவற்றைப் பொருத்து மயக்க மருந்து தருவதை நிர்ணயிக்க வேண்டும். எந்த மயக்க மருந்தை எந்த அளவுக்குக் கொடுக்க வேண்டும் என்பதும், எத்தனை நிமிட இடைவெளியில் மயக்க மருந்து தரப்பட வேண்டும்
என்பதும் நோயாளிக்கு நோயாளி மாறுபடும். தியேட்டர் பிராக்டிஷனர் (அனஸ்தெடிக்ஸ்) பிரிவைச் சேர்ந்த செவிலியர்கள் நோயாளியின் உடல்நிலை
பற்றிய முழுமையான தகவல்களை இதற்காகத் தெரிந்து வைத்திருக்க வேண்டும்.

அறுவைச் சிகிச்சை முடிந்த பின்பு - மயக்க மருந்தின் வீரியம் குறைந்த பின்பு - நோயாளியின் உடல்நிலையைக் கண்காணித்து அதைப் பற்றி மருத்துவர்களிடம் தெரிவிப்பதும் இந்த செவிலியர்களின் பணியாக இருக்கிறது.

தியேட்டர் பிராக்டிஷனர்: இப்பிரிவில் பணி செய்யும் செவிலியர்கள் அனைத்துவிதமான அறுவைச் சிகிச்சைகளின்போதும் மருத்துவருடன் இணைந்து பணியாற்றுகிறார்கள். எலும்பு முறிவு, மூளை அறுவைச் சிகிச்சை, கண் அறுவைச் சிகிச்சை, பிளாஸ்டிக் சர்ஜரி, இதயநோய் அறுவைச் சிகிச்சை என்ற எந்த அறுவைச் சிகிச்சையானாலும் நோயாளியின் உடல் நிலை பற்றிய துல்லியமான தகவல்களை இவர்கள் தெரிந்து வைத்திருப்பார்கள். மயக்கநிலை முடிந்து சாதாரண நிலைக்கு நோயாளிகள் வரும் வரை இவர்களின் பணி தொடர்ந்து நடந்து கொண்டிருக்கும்.

அறுவைச் சிகிச்சைக்கு நோயாளியைத் தயார் செய்வது, அறுவைச் சிகிச்சைக்குத் தேவைப்படும் நவீன கருவிகள் உட்பட அனைத்துக் கருவிகளையும் தயார்நிலையில் வைத்திருப்பது, அறுவைச் சிகிச்சை செய்யும் மருத்துவர் என்ன சொல்கிறாரோ அதற்கேற்றபடி நடந்து அவருக்கு உதவியாக இருப்பது, அறுவைச் சிகிச்சை செய்யும்போது ஏற்படும் நோயாளியின் உடல்நிலை மாறுதல்களை உடனுக்குடன் மருத்துவரிடம் தெரிவிப்பது, அறுவைச் சிகிச்சை செய்து கொண்டிருக்கும்போது அறுவைச் சிகிச்சைக்குத் தேவையான கருவிகளை உடனுக்குடன் அறுவைச் சிகிச்சை செய்யும் மருத்துவரிடம் எடுத்துக் கொடுப்பது ஆகியவை இத்துறை சார்ந்த செவிலியர்களின் பணியாகும்.

மூளைஅறுவைச் சிகிச்சையின்போது நிறைய ரத்தம் வெளியேறும். ஓரிரு விநாடிகளுக்குள் அவற்றைத் துடைக்கத் தேவையானவற்றை எடுத்துத் தருவது உட்பட பல பணிகளை அறுவைச் சிகிச்சையின் போது இந்த தியேட்டர் பிராக்டிஷனர் செவிலியர்கள் செய்வார்கள்.

தற்போதைய நவீன அறுவைச் சிகிச்சைக் கூடங்களில் அறுவைச் சிகிச்சையின்போது நடக்கிற நிகழ்வுகளை அறுவைச் சிகிச்சைக் கூடத்தின் சுவர்களில் உள்ள பெரிய திரையில் அறுவைச் சிகிச்சை செய்யும் மருத்துவர் உட்பட அங்குள்ள அனைவரும் பார்க்க முடியும். பிரிட்டனில் மட்டுமல்ல, இந்தியாவிலும் கூட தியேட்டர் பிராக்டிஷனர் பிரிவில் வேலை செய்யும் செவிலியர்கள் மாதம் ரூ.2 லட்சத்துக்கும் மேல் சம்பளம் வாங்குகிறார்கள்.

டெபுடி தியேட்டர் மேனேஜர்: இந்தப் பிரிவில் பணி செய்யும் செவிலியர்கள் அறுவைச் சிகிச்சைக்கான அனைத்து செயல் முறைகளுக்கும் திட்டமிடுகிறார்கள். அறுவைச் சிகிச்சைக்குத் தேவையான அனைத்தையும் கணக்கில் எடுத்துக் கொண்டு, அவை இருக்கிறதா என்பதைச் சோதித்துப் பார்ப்பார்கள். உரிய நேரத்தில் தேவையான அனைத்தும் அறுவைச் சிகிச்சைக் கூடத்தில் இருக்கும்படியான மேலாண்மைப் பணியை இந்தப் பிரிவில் உள்ள செவிலியர்கள் செய்வார்கள்.

லேர்னிங் டிùஸபிளிட்டி நர்சிங்: இந்தப் பிரிவில் வேலை செய்யும் செவிலியர்களின் பணி மிக முக்கியமானது. தனிப்பட்ட ஒரு நோயாளிக்குத் தேவையான மருத்துவப் பணிகள் என்பவை அவருடைய உடல் நலம் சார்ந்த பணிகள் மட்டுமல்ல. தனிப்பட்ட ஒரு நோயாளியின் மனம் சார்ந்த பிரச்னைகளுமாகும். எனவே ஒரு நோயாளிக்கு மனஅழுத்தம் ஏற்படாமல் பார்த்துக் கொள்வது இந்த லேர்னிங் டிùஸபிளிட்டி பிரிவில் வேலை செய்யும் செவிலியர்களின் பணியாகும்.

குறிப்பாக இவர்கள் வயதான நோயாளிகளைப் பார்ப்பதற்கு நிறைய நேரம் செலவழிக்க வேண்டியிருக்கும். வயதானவர்களுக்கு வரக் கூடிய நோய்களுக்கான மருத்துவத்தில் இவர்களின் பங்கு முக்கியமானது. பிரிட்டனில் ஆண்டுக்கு ரூ.23 - ரூ.40 லட்சம் வரை இந்தப் பிரிவில் வேலை செய்யும் செவிலியர்களுக்கு சம்பளமாகக் கிடைக்கிறது.

நர்சிங் அண்ட் மிட்வைஃபரி கவுன்சில் (Nursing & Midwidery Council) என்பது பிரிட்டனில் உள்ளது. இதன் இணையதளம் https://www.nmc.org.uk/ஆகும். செவிலியர்கள் இந்த இணையதளத்தின் வாயிலாக எவ்வாறு தங்களைப் பதிவு செய்து கொள்வது என்பது பற்றிவிரிவாக இந்த இணையதளத்தில் கூறப்பட்டுள்ளது.

மேலே குறிப்பிட்ட செவிலியர்களின் பணிகளில் உள்ள பல்வேறு பிரிவுகளைத் தவிர இன்னும் நிறைய செவிலியர் பணிப் பிரிவுகள் உள்ளன. செவிலியர் பணி என்பது நோயாளிகளுடன் நேரடியாகத் தொடர்பு உள்ள அவர்களைக் குணப்படுத்தும் பணி என்பதாக மட்டுமே நமது நாட்டில் பெரும்பாலானோர் நினைத்துக் கொண்டு இருக்கிறார்கள். ஒரு காலத்தில் அந்த எல்லைகளுக்குள் மட்டும் செவிலியர் பணி இருந்திருக்கலாம். ஆனால் பல மாறுதல்களுக்கு உட்பட்ட நமது வாழ்க்கையும், அதனால் ஏற்படும் புதிய புதிய நோய்களும், அவற்றைக் குணப்படுத்துவதற்கான புதிய புதிய சிகிச்சை முறைகளும், நவீன கருவிகளும் என மருத்துவ உலகம் ஒவ்வொரு நாளும் வளர்ந்து வருகிறது. எனவே மருத்துவப் பணி செய்யும் அனைவரும் புதியனவற்றைக் கற்றுக் கொள்வதுடன், அவற்றை உடனுக்குடன் நடைமுறைப் பணியாக மாற்ற வேண்டிய தேவையும் உள்ளது.

மேலும் ஒரு சில நோயாளிகள் மட்டுமே உள்ள மருத்துவமனைகள் என்ற நிலை மாறி இன்று ஆயிரக்கணக்கான நோயாளிகளுக்குச் சிகிச்சை அளிக்கும் மருத்துவமனைகள் தோன்றிவிட்டன. எனவே மருத்துவமனைகளை நிர்வகிப்பது, மருத்துவப் பணிகளை நிர்வகிப்பது உள்ளிட்ட புதிய பணிகள் மருத்துவத்துறையில் தோன்றியுள்ளன. செவியலியர்களின் பணிகளில் பல்வேறு பிரிவுகள் தோன்றி வளர்ந்ததற்கு இதுவே காரணம். அந்தப் பிரிவுகளைத் தெரிந்து கொண்டால் எதிர்காலத்தில் செவிலியர் பணி செய்யும் எண்ணம் கொண்டிருப்பவர்கள், அந்தப் பிரிவுகளில் பணி செய்யத் தங்களைத் தகுதிப்படுத்திக் கொள்ள இது உதவும் என்பதற்காகவே இவ்வளவு விரிவாக அவற்றைப் பற்றி நாம் பேச வேண்டியிருக்கிறது. செவிலியர் பணி தவிர, மருத்துவப் படிப்புகளில் பல்வேறு துணை மருத்துவப் படிப்புகள் உள்ளன. அவற்றைப் பற்றி இப்போது பார்ப்போம்.

தமிழ்நாட்டில் தற்போது துணை மருத்துவப் படிப்புகள் நிறைய உள்ளன. இதில் சேர்வதற்கு மாணவர்கள் பிளஸ் டூ வில் பிஸிக்ஸ், கெமிஸ்ட்ரி, பயாலஜி அல்லது பிஸிக்ஸ், கெமிஸ்ட்ரி, தாவரவியல் மற்றும் விலங்கியல் பாடங்களை எடுத்துப் படித்திருக்க வேண்டும். அவற்றில் எடுக்கும் மதிப்பெண்களின் அடிப்படையில் மட்டுமே துணை மருத்துவப் படிப்புகளில் மாணவர்கள் சேர்த்துக் கொள்ளப்படுகிறார்கள். தமிழ்நாடு அரசு இட ஒதுக்கீட்டுக் கொள்கையின் படி 69 சதவீதம் பிற்படுத்தப்பட்டோர், மிகவும் பிற்படுத்தப்பட்டோர் உட்பட பல பிரிவினருக்கு பிரிவு வாரியாக ஒதுக்கீடு செய்யப்படுகிறது.

அரசு மருத்துவ மற்றும் பல் மருத்துவக் கல்லூரிகளில் உள்ள துணை மருத்துவப் படிப்புகளைப் பற்றி பார்ப்போம்.
(தொடரும்)

கட்டுரையாசிரியர் சமூக கல்வி ஆர்வலர்
www.indiacollegefinder.org
 

]]>
https://images.dinamani.com/uploads/user/imagelibrary/2020/3/14/w600X390/im5.jpg https://www.dinamani.com/weekly-supplements/ilaignarmani/2020/mar/14/சரியான-பார்வை-சரியான-வழி-சரியான-செயல்---88-3381401.html
3381399 வார இதழ்கள் இளைஞர்மணி வாங்க இங்கிலீஷ் பேசலாம் - 233 ஆர்.அபிலாஷ் Saturday, March 14, 2020 08:41 PM +0530 ஊரடங்கு உத்தரவு  பிரகடனம் பண்ணப்பட்ட நிலையில் புரொபஸர், கணேஷ் மற்றும் ஜூலி புரொபஸரின் நண்பரான வீரபரகேசரியின் வீட்டுக்குச் சென்றிருக்கிறார்கள். வீரபரகேசரி வரலாற்று புதினங்கள் தொடர்ந்து எழுதி மனம் பேதலித்துப் போனவர். தன்னை சோழப்பேரரசின் சக்கவர்த்தியாக நம்பி தனது சேவகர்களின் உதவியுடன் தனது பெரிய வீட்டில் வாழ்ந்து வருகிறவர். அவருடன் இருவரும் உரையாடி இரவைக் கழிக்கிறார்கள். அப்போது ஒரு சின்ன விசயத்துக்காக வீரபரகேசரி கணேஷிடம் கோபித்துக் கொள்கிறார். அவர் அவனுக்கு மரண தண்டனை விதிப்பதாக, அவன் தலை உடனே கொய்யப்படுமென கட்டளை பிறப்பிக்கிறார். கணேஷ் மன்னிப்புக் கோர அவர் அவனிடம் பத்து கேள்விகள் கேட்கப் போவதாக சொல்கிறார். அதில் ஒன்பதுக்கு சரியாக பதிலளித்தால் அவன் தலை தப்பும். 

வீரபரகேசரி: நல்ல பதில் அளித்தாய் தம்பி. ஆனால் இந்த millstone around the neck என்பதில் மில் ஸ்டோன் என்றால் தமிழில் என்ன தெரியுமா? 
கணேஷ்: அரவைக்கல் மன்னா.  
வீரபரகேசரி: மிக நல்லது. அடுத்து ஒரு மிக எளிய கேள்வி கேட்கிறேன். மந்திரியாரே ... 
மந்திரி: மன்னர் மன்னா! 
வீரபரகேசரி: நேற்று ஒரு வழக்கைப் பற்றி குறிப்பிட்டீர்களே... அந்த நாட்டு வெடிகுண்டு... 
மந்திரி: ஆமாம் மன்னா 
வீரபரகேசரி: அதை தெளிவாக எடுத்துக் கூறும்  மந்திரி: Yesterday two miscreants on a bike hurled a country-made bomb at a passing car near a police station in Anna Salai. நமது படையினர் அவர்களைக் கைப்பற்றி விசாரித்துக் கொண்டிருக்கிறார்கள். அப்போது தான் இனிமேல் விசாரிக்க வேண்டாம், கழுத்தை வெட்டி விடுங்கள் என உங்கள் ஆணை வந்தது மன்னா. 
வீரபரகேசரி: ஆம்... அது எனது கொள்கை } குற்றவாளிகள் தாமாக குற்றத்தை ஒப்புக்கொள்ள வேண்டும், விசாரணைக்குப் பிறகு ஒப்புக் கொள்கிறார்கள் என்றால் அது மிகப்பெரிய குற்றமாகக் கருதப்பட்டு அவர்களின் தலையை யானையை வைத்து மிதிப்போம். விசாரணைக்கு முன்பே ஒப்புக் கொண்டால் they will be hung to death. 

கணேஷ்: ஒப்புக் கொள்ளாவிட்டால்? 
வீரபரகேசரி: தலையை வெட்டி விடுவோம். சரி உன் மூன்றாவது கேள்வி இப்போது ஆரம்பிக்கிறது: hurl a bomb என்பதற்கும் throw a bomb என்பதற்கும் என்ன வித்தியாசம்?
கணேஷ்: ரெண்டுமே எறிவது தானே? 
வீரபரகேசரி: மரண தண்டனை ஒன்று தான் } அதற்காக வெட்டிக் கொல்வதும் சுட்டுக் கொல்வதும் ஒன்றா?
கணேஷ்: ஐயோ மாட்டிக் கிட்டேனே... 
புரொபஸர்: தெரிந்த பதிலைச் சொல்லு. 
கணேஷ்: ம்ம்ம்ம்.... hurl என்றால் மூர்க்கமாக கோபமாக வீசுவது. throw என்றால் சும்மா வீசுவது. சரிங்களா? 
வீரபரகேசரி: இல்லை தப்பு, ஆனால் கிட்டத்தட்ட சரி. 
கணேஷ்: மன்னியுங்கள் வேந்தே... 
வீரபரகேசரி: மன்னிக்கிறதெல்லாம் இருக்கட்டும். Hurl என்றால் வேகமாய் ஆற்றலுடன் வீசுவது. To throw something 
forcefully. அதே போலத் தான் மூர்க்கமாய் ஒரு வசையை சொல்வதையும் hurl என்பார்கள். கேள்விப்பட்டிருக்கியா? 
கணேஷ்: ஆமா... ஆனால் மன்னா எனக்கு ஒரு சந்தேகம் - ற்ட்ழ்ர்ஜ் என்பதுக்கு இந்த பொருள் எல்லாம் வராதா? 
வீரபரகேசரி: ஏன் வராது? Throw என்றாலும் ஒரு பொருளை ஆற்றலுடன் ஒரு திசை நோக்கி வீசுவது எனத் தான் பொருள். ஆனால் குண்டு வீசுவதைப் பொறுத்த மட்டில் பொருத்தமான சொல்லாக hurl தான் இருக்கிறது.  
ஜூலி: You also throw up when you have a tummy upset - அதாவது வாந்தி எடுக்கிறது. And if someone throws up on you you can throw a punch at them. 
வீரபரகேசரி: Yes, to throw a punch என்றால் ஒரு குத்து விடுவது எனப் பொருள்.  
ஜூலி: அதே போல you throw a glance. அதாவது ஒரு பார்வையை வீசுவது. You get up from bed in a hurry, throw on your tracksuit and go for a short run before you return for a
healthy breakfast.  

வீரபரகேசரி: ஆமாம், அவசரமாக ஆடையை அணிவதையும் throw on a dress என்று சொல்லலாம். அவசரமாக ஆடை கழற்றுவதற்கு என்ன தெரியுமா?
(இனியும் பேசுவோம்) 

]]>
https://images.dinamani.com/uploads/user/imagelibrary/2020/3/14/w600X390/im3.jpg https://www.dinamani.com/weekly-supplements/ilaignarmani/2020/mar/14/வாங்க-இங்கிலீஷ்-பேசலாம்---233-3381399.html
3381393 வார இதழ்கள் இளைஞர்மணி மிச்சமெல்லாம்  உச்சம் தொடு - 59: வலிமை, வலிமையால் மதிக்கப்படும்! Saturday, March 14, 2020 07:58 PM +0530  

ஜனவரி 14, 1996 அன்று, பாதுகாப்பு ஆராய்ச்சி மற்றும் மேம்பாட்டு நிறுவனத் தலைவரும், மத்திய பாதுகாப்பு அமைச்சரின் ஆலோசகருமான ஆ.ப.ஜெ. அப்துல் கலாம், அன்றைய பிரதமர் நரசிம்மராவிற்கு கடிதம் எழுதினார். அப்போது உலகத்தில் நடைபெற்று வரும் அணு சோதனை மற்றும் விரிவான சோதனை தடை ஒப்பந்தம் CTBT(Nuclear Testing and Comprehensive TestBan Treaty) தொடர்பான பேச்சுவார்த்தைகளை இந்தியா புறக்கணிக்க வேண்டும் என்றும், இந்தியா தயார் நிலையில் வைத்திருக்கும் அணு ஆயுதங்களை விரைவில் சோதிக்க அனுமதி வேண்டும் என்றும் அனுமதி கேட்டார்.

அணு ஆயுத சோதனையை உலக அளவில் நிறுத்துவது பற்றியும், அணு ஆயுதப் போட்டியை முடிவுக்குக் கொண்டு வருவதற்கும், அணு ஆயுதப் பெருக்கத்தைத் தடுப்பதற்கு ஒரு படியாக 1954 - ஆம் ஆண்டில் அன்றைய இந்தியப் பிரதமர் ஜவஹர்லால் நேருவால் முன்மொழியப்பட்டது தான் (CTBT) அணு சோதனை மற்றும் விரிவான சோதனை தடை ஒப்பந்தம். அணுசக்தி சோதனை மீதான தடை அமெரிக்காவின் முக்கிய தேசிய பாதுகாப்பு நோக்கமாக 1950 -களின் பிற்பகுதியிலிருந்து ஜனாதிபதி டுவைட் டி. ஐசனோவர் முன்முயற்சியில் யு.எஸ்-யுகே-யுஎஸ்எஸ்ஆர் (US-UK-USSR) ஆகிய நாடுகள் விரிவான சோதனை தடை பேச்சுவார்த்தைகளை ஆரம்பித்ததில் இருந்து தொடங்குகிறது.

1994-96 வரை, உலக நாடுகள் ஒன்றிணைந்து விரிவான சோதனை தடை ஒப்பந்தத்தை (சி.டி.பி.டி) அமுல்படுத்துவதற்கு பேச்சுவார்த்தைகள் நடத்தின. இது அனைத்து அணுசக்தி சோதனை வெடிப்புகளையும் தடைசெய்கிறது மற்றும் அணு ஆயுதங்கள் பரவுவதைத் தடுக்கவும் அணு ஆயுதப் போட்டியைத் தடுக்கவும் இந்த ஒப்பந்தத்தில் ஷரத்துகள் ஏற்படுத்தப்பட்டன.

செப்டம்பர் 24, 1996 அன்று, CTBT இல் கையெழுத்திட்ட முதல் நாடு அமெரிக்கா, இது அனைத்து அணு ஆயுத சோதனை வெடிப்புகள் அல்லது பிற அணு வெடிப்புகளையும் தடைசெய்கிறது. ஆனால் செனட் 1999 - இல் ஒப்புதலை நிராகரித்தது. இந்த ஒப்பந்தம் இன்னும் 2020-லும் நடைமுறைக்கு வரவில்லை.
ஆக, 1950 முதல் 2020 வரை ஏற்கெனவே அணு ஆயுதங்களை உருவாக்கிய நாடுகள், மற்ற நாடுகள் அணு ஆயுத சோதனை செய்வதற்கு தடை விதிப்பதில் குறியாக இருந்தார்கள். இந்த 5 அணு ஆயுத நாடுகள் வைத்திருக்கும் அணு ஆயுதங்களைக் குறைக்க வேண்டும் என்ற கோரிக்கையை ஏற்பதை விட, மற்ற நாடுகள் அணு ஆயுதங்களை உற்பத்தி செய்ய விடக்கூடாது என்பது தான் இந்த நாடுகளின் எண்ணமாக இருந்தது. ஆனால் இன்று வரை இவர்களால் இந்த அணு ஆயுத தடை ஒப்பந்தத்தை அமுல் படுத்த இயலவில்லை.

எனவே தான், அப்துல்கலாம் இவர்களது எண்ணத்தை உணர்ந்து, 1996- இல் அன்றைய பிரதமர் நரசிம்மராவை அணு ஆயுத சோதனை தடை ஒப்பந்தத்தில் கையெழுத்து போடக்கூடாது; நாம் அணு சக்தி சோதனையை நடத்தி இந்த உலகிற்கு நிரூபிக்க வேண்டும்; வலிமை ஒன்று தான் வலிமையை மதிக்கும் என்று உறுதியாக நின்றார். இந்தியாவிடம் அணு ஆயுதம் இருந்தால் தான்- அந்த வலிமை ஒன்று தான் - இந்தியாவை போரில்லா அமைதியான வளர்ச்சியை முன்னெடுக்க வித்திடும் என்று வலியுறுத்தினார். பொருளாதார சீர்திருத்தத்தை இந்தியாவில் நடைமுறைப்படுத்திய முதல் பிரதமர் நரசிம்மராவும் அதை ஏற்றுக் கொண்டார். இதைப் பற்றி மேலும் கலாம் என்னிடம் பகிர்ந்து கொண்ட விவரங்கள் முக்கியமானவை.

ஜனவரி 19, 1996 அன்று காலை 11 மணிக்கு, பிரதமர் நரசிம்மராவ் தனது முதன்மை செயலாளரையும், வெளிநாட்டு, அணுசக்தி மற்றும் பாதுகாப்பு செயலாளர்களையும் சந்தித்து சிடிபிடி குறித்த அப்துல் கலாமின் நிலைப்பாட்டைக் கருத்தில் கொள்ள ஆலோசனை செய்துவிட்டு, அணுசக்தி சோதனையின் மூலம் வளர்ந்த நாடுகள் நம்மீது பொருளாதாரத் தடை விதித்தால் அதனால் ஏற்படும் விளைவுகள் குறித்து மற்றொரு பகுப்பாய்வைத் தயாரிக்குமாறு ராவ் நிதி அமைச்சகத்திடம் கேட்டார். அதே நேரத்தில் தொழில்நுட்பத் தடை விதித்தால் நமது நாட்டின் அறிவியல், தொழில்நுட்ப, இராணுவ, விண்வெளி, அணுசக்தி தொழில்நுட்பத்தில் ஏற்படும் தடைகளை எப்படிச் சமாளிப்பீர்கள் என்று அப்துல்கலாமிடம் விவாதித்தார்.

19 டிசம்பர் 1995 -இல் இந்தியா அணு சக்தி சோதனைக்குத் தயாராக இருந்ததை தனது உளவு செயற்கைக்கோள் படங்கள் மூலம் அறிந்து கொண்ட அமெரிக்கா, இந்தியா அணு சக்தி சோதனையை மேற்கொள்ள கூடாது என்று மிகப்பெரிய அழுத்தம் கொடுத்தது. அன்றைய வெளியுறவுத்துறை அமைச்சர் பிரணாப் முகர்ஜியை வைத்து இந்தியா அணுசக்தி சோதனையை இப்போது நடத்தவில்லை என்று சொல்லியும் அமெரிக்கா திருப்தி அடையவில்லை.

அன்றைய அமெரிக்க ஜனாதிபதி பில் கிளிண்டன் 21 டிசம்பர் 1995 காலையில் பிரதமர் ராவை அழைத்தார். வழக்கமான நடைமுறை பேச்சுவார்த்தை பரிவர்த்தனைகளுக்கு பிறகு CTBT ஒப்பந்த பேச்சுவார்த்தையின் முன்னேற்றத்தைப் பற்றி சொல்லிவிட்டு, ""உங்கள் வெளியுறவுத்துறை அமைச்சரின் அறிக்கையின்படி இந்தியா அணு சக்தி சோதனை நடத்தவில்லை என்பதில் எனக்கு மிக்க மகிழ்ச்சி. ஆனால் எங்களது உளவு செயற்கைக்கோளின் படங்களின்படி இந்தியா அணு சக்தி சோதனைக்கான முன்னேற் பாடுகளைச் செய்து கொண்டிருக்கிறதாக அறிகிறோம். அதற்கான விளக்கம் என்ன?'' என்று கேட்டிருக்கிறார்.

அதற்கு பிரதமர் நரசிம்மராவ், ""அது எங்களின் அணுசக்தி கட்டமைப்பின் வழக்கமான பராமரிப்பு தான்'' என்று சொல்லி சமாளித்துவிட்டு, "" இப்போது சோதனை இல்லை'' என்று மறுத்திருக்கிறார். அமெரிக்கா தெரிந்து கொண்டதை அடுத்து அணு ஆயுத சோதனையை பிரதமர் ராவ் இன்னும் 4 வாரத்திற்கு தள்ளி வைத்தார். 1996 பிப்வரியில் அணு ஆயுத சோதனை நடத்த வேண்டும் என்ற ஆலோசனையை ஏற்றுக் கொண்டார். அது தொடர்ந்து தாமதமானது. 1996 மார்ச் மாத இறுதியில், பில் கிளிண்டனிடமிருந்து ராவிற்கு இரண்டாவது அழைப்பு வந்தது. ராவ் அணு ஆயுத சோதனையை செய்ய வேண்டாம் என்று அமெரிக்க ஜனாதிபதி மீண்டும் வலியுறுத்தினார். கிளின்டன் சரியாக என்ன சொன்னார் என்று தெரியவில்லை. ஆனால் ராவ் ஒரு வேளை சோதனை நடத்தினால் ஏற்படும் பின் வரும் விளைவுகளைச் சமாளிக்க தேவையான முன்னேற்பாட்டில் கவனம் செலுத்தியதால் மீண்டும் தாமதமானது. இதிலிருந்து இந்தியா அணுஆயுத வல்லமை பெற்ற நாடாக மாறிவிடக்கூடாது என்பதில் அமெரிக்கா எவ்வளவு கண்ணும் கருத்துமாக கண்காணித்து வந்தது என்பது தெளிவாகிறது.

இந்திய தேசிய பாராளுமன்ற தேர்தல்கள் மே 1996 - இல் திட்டமிடப்பட்டிருந்ததால், பிரதமர் நரசிம்மராவ் அடுத்த இரண்டு மாதங்களில் தீவிர பிரச்சாரத்தில் இருந்தார். மே 8 -ஆம் தேதி இரவு 9 மணிக்கு அப்துல் கலாமிற்கு ஒரு தகவல் வந்தது, உடனடியாகப் பிரதமரைச் சந்திக்குமாறு கேட்டுக் கொள்ளப்பட்டார். பிரதமர் ராவ் அவரிடம், “""கலாம், அணுசக்தித் துறை மற்றும் உங்கள் குழுவுடன் அணு ஆயுத சோதனைக்குத் தயாராக இருங்கள். நான் திருப்பதிக்குச் செல்கிறேன். எனது உத்தரவுக்காக நீங்கள் காத்திருங்கள்.

DRDO-DAE அணிகள் அணு ஆயுத சோதனை நடவடிக்கைக்குத் தயாராக இருக்க வேண்டும்''” என்று உத்தரவிட்டார்.

இரண்டு நாட்களுக்குப் பிறகு, தேர்தல் முடிவுகள் அறிவிக்கப்பட்டன. தேர்தல் முடிவு அவர் எதிர்பார்த்ததைவிட முற்றிலும் மாறுபட்டு என்.டி.ஏ வெற்றி பெற்றது என்பதால், இப்போது சோதனை செய்ய வேண்டாம் என்று ராவ் உத்தரவிட்டார். இந்த பின்னடைவு கலாமிற்கு சோர்வை ஏற்படுத்தியது. திடீரென்று அன்று நள்ளிரவு நரசிம்மராவிடம் இருந்து கலாமிற்கு அழைப்பு வந்தது. ""அணு சக்தி துறை தலைவர் சிதம்பரத்தை அழைத்து கொண்டு வாருங்கள், நாம் மூவரும் இப்போது தேர்தலில் வெற்றி பெற்று பிரதமராகவிருக்கிற அடல் பிகாரி வாஜ்பாயைச் சந்தித்து அணுசக்தி சோதனை திட்டத்தின் தயார் நிலையை முற்றிலும் விளக்க வேண்டும்'' என்று அழைத்தார். அதைத்தொடர்ந்து அன்று நள்ளிரவில் இவர்கள் மூவரும் வாஜ்பாயைச் சந்தித்து இதன் அனைத்து முன்னேற்பாடுகளையும், அமெரிக்காவின் தொடர்ந்த அழுத்தத்தையும், அணு சக்தி திட்டத்தினால் ஏற்படும் பொருளாதார மற்றும் தொழில்நுட்ப தடைகளைப் பற்றியும் விவாதிக்கப்பட்டது. அடல் பிஹாரி வாஜ்பாய் 1996 மே 16 அன்று பிரதமராக பொறுப்பேற்றார். இருப்பினும், வாஜ்பாய் அரசாங்கம் வெறும் 13 நாட்கள் நீடித்ததால் அணுசக்தி சோதனைத் திட்டங்களைச் செயல்படுத்த முடியவில்லை.

""அணுசக்தித் திட்டத்தின் தொடர்ச்சியை அடுத்த பிரதமர் வாஜ்பாய் மூலம் உறுதி செய்யும் ராவின் செயல், "அரசியலை விட தேசம் பெரியது'” என்று நம்பிய ஓர் அரசியல்வாதியின் முதிர்ச்சியையும் அவரது தேசபக்தியையும் வெளிப்படுத்துகிறது'' என்று டாக்டர் கலாம் குறிப்பிட்டார். பிரதமர் வாஜ்பாய் இரண்டாவது முறையாக 1998- இல் வெற்றி பெற்ற பின்பு தனது முதல் பணியாக அணு ஆயுதச் சோதனையை விரைவாக நடத்தவேண்டும் என்பதில் உறுதியாக இருந்தார். டாக்டர் கலாமையும், டாக்டர் சிதம்பரத்தையும் அழைத்தார் பிரதமர் வாஜ்பாய். சோதனைக்கான நாள் குறிக்கப்பட்டது. "ஆபரேஷன் சக்தி 98' திட்டம் ரகசியமாக பிறந்தது.

ஆபரேஷன் சக்தி 43 டிகிரி செல்சியஸ் வெப்பநிலையில் செயல்படத் தொடங்கியது, ஏ.பி.ஜே. அப்துல் கலாம் இராணுவ சீருடை அணிந்த மேஜர் ஜெனரல் பிருத்விராஜ் என்று அழைக்கப்பட்டார். கலாமும், சிதம்பரமும் இதற்கான போர்த்தந்திரங்களை வகுத்தார்கள், எல்லாம் ரகசியமாக நடந்தது.

டி.ஆர்.டி.ஓவின் மூன்று ஆய்வகங்கள் வெடிகுண்டுகளுக்கான கூறுகளை வடிவமைத்தல், சோதனை செய்தல் மற்றும் தயாரித்தல் ஆகியவற்றில் ஈடுபட்டன, இதில் மேம்பட்ட டெட்டனேட்டர்கள், வெடிப்பு மற்றும் உயர் மின்னழுத்த தூண்டுதல் அமைப்புகள் ஆகியவை அடங்கும். கர்னல் உமாங் கபூரின் கட்டளையின் கீழ் நான்கு இந்திய ராணுவ லாரிகளில் குண்டுகள் கொண்டு செல்லப்பட்டன; மே 1, 1998 அன்று அதிகாலை 3 மணிக்கு BARC இலிருந்து அனைத்து சாதனங்களும் இடமாற்றம் செய்யப்பட்டன. சத்ரபதி சிவாஜி சர்வதேச விமான நிலையத்திலிருந்து, குண்டுகள் இந்திய விமானப்படையின் AN-32 இல் படைத் தலைவர் மகேந்திர பிரசாத் சர்மா விமானத்தின் தலைமையில் ஜெய்சால்மேருக்கு கொண்டு செல்லப்பட்டன. அவை இராணுவப் படகில் பொக்ரானுக்கு கொண்டு செல்லப்பட்டன. அணுகுண்டு வெடிப்பு சாதனங்கள், சாதனங்கள் தயாரிப்பு கட்டிடத்திற்கு அனுப்பப்பட்டு, "பிரார்த்தனை மண்டபம்' என்று பெயரிடப்பட்டது.

சோதனைத் தளங்கள் இரண்டு அரசாங்க குழுக்களாக ஒழுங்கமைக்கப்பட்டன. முதல் குழுவில் தெர்மோநியூக்ளியர் சாதனம் (சக்தி I), பிளவு சாதனம் (சக்தி II) மற்றும் துணை கிலோட்டன் சாதனம் (சக்தி III) ஆகியவை இருந்தன. இரண்டாவது குழுவில் மீதமுள்ள IV துணை கிலோட்டன் சாதனங்கள் சக்தி IV மற்றும் V ஆகியவற்றைக் கொண்டிருந்தன. முதல் குழு மே 11 -ஆம் தேதியும், இரண்டாவது குழு மே 13 -ஆம் தேதியும் சோதிக்கப்படும் என்று முடிவு செய்யப்பட்டது. தெர்மோநியூக்ளியர் சாதனம் "வெள்ளை மாளிகை' என்ற தண்டு குறியீட்டில் வைக்கப்பட்டது. இதை போல வெடிகுண்டுகள் "தாஜ்மஹால்', "கும்பகர்ணன்' என்று பெயரிடப்பட்டு மே 10, 1996 அன்று தயார் நிலையில் ஒன்றன் பின் ஒன்றாக இராணுவ அதிகாரிகளால் சீல் வைக்கப்பட்டன. இது திட்டமிட்ட சோதனை நேரத்திற்கு 90 நிமிடங்களுக்கு முன்னதாகவே இருந்தது. தண்டுகள் எல் வடிவத்தில் இருந்தன. சோதனை சாதனத்திற்கான கிடைமட்ட அறை இருந்தது.

சோதனைகளின் நேரம் உள்ளூர் வானிலை நிலைமைகளைப் பொருத்தது.காற்று முக்கியமான காரணியாக இருந்தது. சோதனைகள் நிலத்தடி இருந்தன, ஆனால் அமெரிக்கா, சோவியத் யூனியன் மற்றும் யுனைடெட் கிங்டம் நடத்திய சோதனைகளின் போது ஏற்பட்ட பல தண்டு முத்திரை தோல்விகள் (Shaft Seal Failures) காரணமாக, தண்டுக்கு சீல் வைப்பது கசிவு-ஆதாரம் என்று உத்தரவாதம் அளிக்க முடியவில்லை. அதிகாலை வாக்கில், காற்று வீச்சு குறைந்தது, வெடிப்பு சோதனை வரிசை தொடங்கப்
பட்டது.
அமெரிக்காவின் உளவு செயற்கைகோள்களின் கவனத்தைத் திசை திருப்ப ஏவுகணைகளை ஒரிஷா வீலர் தீவில் இருந்து தொடர்ச்சியாக ஏவச் செய்தார் அப்துல்கலாம். சோதனை தள தயாரிப்புகளுக்குப் பொறுப்பான டி.ஆர்.டி. ஓவின் டாக்டர் கே.சந்தானம், சோதனை கவுண்ட் டவுனை செயல்படுத்தும் இரண்டு விசைகளை வரம்பு பாதுகாப்பு அதிகாரி டாக்டர் எம். வாசுதேவுக்கு வழங்கினார். அனைத்து சோதனை குறிகாட்டிகளும் இயல்பானவை என்பதைச் சரிபார்க்கும் பொறுப்பு. குறிகாட்டிகளைச் சரி பார்த்த பிறகு, வாசுதேவ் தலா ஒரு சாவியை BARC மற்றும் DRDO இன் பிரதிநிதியிடம் ஒப்படைத்தார். அவர்கள் கவுண்ட்டவுன் முறையை ஒன்றாகத் திறந்தனர். 11 மே 1998 -இல் மாலை 3.45 மணிக்கு அணு சக்தி சோதனை வெற்றிகரமாக நடத்தப்பட்டது. சோதனை வெற்றி பெற்றது. 200 கிலோட்டான்கள் வரை பிளவு (Fission) மற்றும் தெர்மோநியூக்ளியர் முறையில் அணு ஆயுதங்களை உருவாக்கும் திறனை இந்தியா பெறுவதற்கான முக்கிய நோக்கத்தை இந்த சோதனைகள் வென்று எடுத்தன. போக்ரான்- ஐஐ இன் வெடிப்புகள் ஒவ்வொன்றும் "பல பத்தாண்டுகளாக மற்ற அணு ஆயுத நாடுகளால் மேற்கொள்ளப்பட்ட பல சோதனைகளுக்குச் சமம்' என்று கலாமும், சிதம்பரமும் உறுதி செய்தார்கள். பிரதமர் அடல் பிஹாரி வாஜ்பாய் தலைமையிலான இந்திய அரசாங்கம் ஒரு பத்திரிகையாளர் சந்திப்பைக் கூட்டி இந்தியாவை முழு அளவிலான அணுசக்தி நாடாக அறிவித்தது. சோதனைகளின் விளைவாக அமெரிக்கா உட்பட பல முக்கிய வளர்ந்த நாடுகள் இந்தியாவுக்கு எதிராக பல்வேறு பொருளாதார மற்றும் தொழில்நுட்பத் தடைகளை விதித்தன. இதனால் ஏற்பட்ட கடுமையான பாதிப்புகளை இந்தியா எப்படிச் சமாளித்தது? தொடர்ந்து பார்ப்போம்.

உங்கள் கனவுகளை, இலட்சியங்களை பகிர்ந்து கொள்ள தொடர்பு கொள்ளுங்கள்: vponraj@live.com

(தொடரும்)
 

]]>
https://images.dinamani.com/uploads/user/imagelibrary/2020/3/14/w600X390/im2.jpg https://www.dinamani.com/weekly-supplements/ilaignarmani/2020/mar/14/மிச்சமெல்லாம்--உச்சம்-தொடு---59-வலிமை-வலிமையால்-மதிக்கப்படும்-3381393.html
3381389 வார இதழ்கள் இளைஞர்மணி வேலை... வேலை... வேலை... தொகுப்பு: இரா.வெங்கடேசன் DIN Saturday, March 14, 2020 06:41 PM +0530 கணினி தொழில்நுட்ப மேம்பாட்டு நிறுவனத்தில் வேலை 

மொத்த காலியிடங்கள்: 132
பணி: Project Manager  - 10
பணி: Project Engineer - 122
வயது வரம்பு: 31.01.2020 தேதியின்படி திட்ட பொறியாளர் பணிக்கு 37 வயதுக்குள்ளும், திட்ட மேலாளர் பணிக்கு 50 வயதிற்குள்ளும்  இருக்க வேண்டும். 
தகுதி: பொறியியல் துறையில் எம்இ, எம்.டெக்,. பி.எச்டி முடித்தவர்கள் சம்பந்தப்பட்ட பணியிடங்களுக்கு விண்ணப்பிக்கத் தகுதியானவர்கள். 
விண்ணப்பிக்கும் முறை: https://cdac.in என்ற இணையதளத்தின் மூலம் ஆன்லைனில் விண்ணப்பிக்க வேண்டும். 
மேலும் முழுமையான விவரங்கள் அறிய: https://cdac.in/index.aspx?id=ca_noida_recruit_Feb2020 என்ற லிங்கில் சென்று தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 11.03.2020


எல்லை பாதுகாப்புப் படையில் வேலை 

மொத்த காலியிடங்கள்: 317
பணி மற்றும் காலியிடங்கள்: 
பணி: SI (Master)  - 05
பணி: Engine Driver - 09 
வயது வரம்பு: 22 வயது முதல்  28 வயதுக்குள் இருக்க வேண்டும்.
பணி: Workshop - 03 
சம்பளம்: மாதம் ரூ.35,400 - ரூ.1,12,400
பணி: HC (Master)  - 56 
பணி: HC (Engine Driver)  - 68
சம்பளம்: மாதம் ரூ.25,500 - ரூ.81,100 
பணி: HC (Workshop)  - 16
சம்பளம்: மாதம் ரூ.25,500 - ரூ.81,100 
பணி: CT (Crew)  - 160
சம்பளம்: மாதம் ரூ.21,700 - ரூ.69,100
வயது வரம்பு: 20 வயது முதல்  25 வயதுக்குள் இருக்க வேண்டும்.

தகுதி: 12 -ஆம் வகுப்பு தேர்ச்சி பெற்றிருக்க வேண்டும். மேலும், இன்லேண்ட் வாட்டர் டிரான்ஸ்போர்ட் சர்டிபிகேட் வைத்திருப்பவர்கள், பொறியியல் துறையில் மெக்கானிகல், ஆட்டோமொபைல், மரைன் போன்ற துறைகளில் பட்டம் அல்லது 3 ஆண்டு டிப்ளமோ முடித்தவர்கள், சம்பந்தப்பட்ட பிரிவில் ஐடிஐ முடித்தவர்கள் தொடர்புடைய  பணியிடங்களுக்கு விண்ணப்பிக்கத் தகுதியானவர்கள். 
தேர்வு செய்யப்படும் முறை: எழுத்துத் தேர்வு, துறைவாரியான  தேர்வு, சான்றிதழ் சரிபார்ப்பு,   உடற்தகுதித் தேர்வு மற்றும் மருத்துவ பரிசோதனைத் தேர்வுகள் அடிப்படையில் தகுதியானவர்கள் தேர்வு செய்யப்படுவார்கள்.  
மேலும் விண்ணப்பிக்கும் முறை, தேர்வுக் கட்டணம், தேர்வு முறைகள் போன்ற முழுமையான விவரங்கள் அறிய :
www.bsf.gov.in அல்லது http://bsf.nic.in/doc/recruitment/r0118.pdf என்னும் அதிகாரப்பூர்வ லிங்கில் சென்று தெரிந்துகொள்ளவும். 
விண்ணப்பிப்பதற்கான கடைசித் தேதி: 16.03.2020 

 

தமிழக மின்வாரியத்தில் உதவிப் பொறியாளர் வேலை

மொத்த காலியிடங்கள்: 600
பணி: Assistant Engineer (AE) 

துறைவாரியான காலியிடங்கள்: 

1. மின்னியல் (Electrical) - 400

2. இயந்திரவியல் (Mechanical) - 125

3. கட்டடவியல் (Civil) - 75 

தகுதி: பொறியியல் துறையில் சம்பந்தப்பட்ட பிரிவில் பிஇ அல்லது பி.டெக் முடித்திருக்க வேண்டும். முன்னாள் ராணுவ வீரர்களும், வேலைவாய்ப்பு அலுவலகத்தில் பதிவு செய்து காத்திருப்பவர்களும், ஆள்குறைப்பு மற்றும் பல்வேறு காரணங்களுக்காக மூடப்பட்ட அரசுத் துறையில் பணியாற்றி வேலை இழந்தவர்களும் விண்ணப்பிக்க தகுதியானவர்கள். 
வயது வரம்பு: 01.07.2020 தேதியின்படி குறைந்தபட்சம் 18 வயது பூர்த்தி அடைந்தவராகவும், அதிகபட்சமாக எஸ்சி, எஸ்டி, விதவைப் பிரிவைச் சேர்ந்த விண்ணப்பதாரர்கள்  35 வயதுக்குள்ளும், எம்பிசி, டிசி, பிசிஓ, பிசிஎம் பிரிவினர்
32 வயதுக்குள்ளும், மற்ற பிரிவினர் 30 வயதுக்குள்ளும் இருக்க வேண்டும்.  
சம்பளம்: மாதம் ரூ.39,800 - 1,26,500 
தேர்வு செய்யப்படும் முறை:  எழுத்துத் தேர்வு மற்றும் சான்றிதழ்கள் சரிபார்ப்பு அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்:  ஓசி, பிசிஓ, பிசிஎம், எம்பிசி மற்றும் டிசி பிரிவினர் ரூ.1000, மற்ற பிரிவைச் சேர்ந்த விண்ணப்பத்தாரர்கள் ரூ.500 கட்டணமாகச் செலுத்த வேண்டும். கட்டணத்தை ஆன்லைனில் செலுத்தலாம்.  
விண்ணப்பிக்கும் முறை: www.tangedco.gov.in என்ற மின்வாரிய இணையதளத்தின் மூலம் ஆன்லைனில் விண்ணப்பிக்க வேண்டும்.  
எழுத்துத் தேர்வு, கணினி அடிப்படையிலான தேர்வு நடைபெறும் நாள் மற்றும் நேரம் ஆகியன குறித்து www.tangedco.gov.in எனும் வெளியிடப்படும். 
மேலும் முழுமையான விவரங்கள் அறிய: https://www.tangedco.gov.in/linkpdf/AE_NOTIFICATION_%20FINAL_PDF.pdf என்ற லிங்கில் சென்று தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 16.03.2020 


நேஷனல் அலுமினியம் கம்பெனியில்  வேலை

பணியிடம்: புவனேஸ்வர்
பணி: மேலாண்மை (நிதி) - 08
சம்பளம்: மாதம் ரூ.40,000-ரூ.1,40,000
வயது வரம்பு: 30 வயதுக்குள் இருக்க வேண்டும்.
பணி:  உதவி மேலாளர் - 04
சம்பளம்: மாதம் ரூ.70,000 - ரூ.2,00,000
தகுதி: வணிகத் துறையில் இளங்கலைப் பட்டம் மற்றும்    சிஏ  முடித்திருக்க வேண்டும். பணி அனுபவம் பெற்றிருக்க வேண்டும். 
வயது வரம்பு:    44 வயதுக்குள் இருக்க வேண்டும். 
தேர்வு செய்யப்படும் முறை: குழு விவாதம் மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: ரூ.100. மாற்றுத்திறனாளிகளுக்கு விலக்கு அளிக்கப்பட்டுள்ளது. 
விண்ணப்பிக்கும் முறை: www.nalcoindia.com என்ற இணையதளத்தில் ஆன்லைன் மூலம் விண்ணப்பிக்க வேண்டும்.  ஆன்லைனில் விண்ணப்பித்த பிறகு பூர்த்தி செய்யப்பட்ட விண்ணப்பத்தைப் பதிவிறக்கம் செய்து,  சுய கையொப்பமிட்ட தேவையான சான்றிதழ்களின் நகலுடன்  கீழ்க்காணும் முகவரிக்கு உடனே அனுப்பி வைக்க வேண்டும். 
முகவரி:  Recruitment Cell, HRD Department, National Aluminium Company Limited, NALCO Bhawan, P/1, Nayapalli, Bhubaneswar — 751013, Odisha. 

மேலும் முழுமையான விவரங்கள் அறிய: https://nalcoindia.com/wp-content/uploads/2020/02/Recruitment-of-Management-Trainee-Asst.-Manager-For-Finance-Discipline.pdf சென்று தெரிந்துகொள்ளவும். 

ஆன்லைனில் விண்ணப்பிப்பதற்கான கடைசித் தேதி: 18.03.2020
அஞ்சல் மூலம் பூர்த்தி செய்யப்பட்ட விண்ணப்பம் சென்று சேரக் கடைசித் தேதி: 25.3.2020

இந்திய வேளாண்மை ஆராய்ச்சிக் கழகத்தில் வேலை 

பணி: ஆய்வக உதவியாளர்  - 01 
சம்பளம்: மாதம் ரூ.15,000
தகுதி:  வேளாண்மை/ தாவரவியல்/ உயிரி அறிவியலில் இளநிலைப் பட்டம் பெற்றவர்கள் விண்ணப்பிக்கத் தகுதியானவர்கள். முன் பணி அனுபவம் விரும்பத்தக்கது.
வயது வரம்பு: 35 வயதிற்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில்  தளர்வு அளிக்கப்படும். 
தேர்வு செய்யப்படும் முறை : நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள்.  
நேர்முகத் தேர்வு நடைபெறும் இடம் : ICAR - IARI, Regional Station, Wellington 643 231. 

விண்ணப்பிக்கும் முறை: மேற்கண்ட இப்பணியிடத்தில் சேர தகுதியும், விருப்பமும் உள்ளவர்கள் ஜ்ஜ்ஜ்.ண்ஹழ்ண்.ழ்ங்ள்.ண்ய் என்னும் அதிகாரப்பூர்வ இணையதளத்தில் கொடுக்கப்பட்டுள்ள விண்ணப்பப் படிவத்தைப் பதிவிறக்கம் செய்து, அதனைப் பூர்த்தி செய்து, மார்ச் 18 -ஆம் தேதி நடைபெறும் நேர்முகத் தேர்வில் நேரடியாக பங்கேற்கும் போது தர வேண்டும்.  

மேலும் முழுமையான விவரங்கள் அறிய:  https://www.iari.res.in/bic/projectnew32/admin/jobs/BRNSTech_Wellington_25022020.pdf என்ற லிங்கை கிளிக் செய்து தெரிந்துகொள்ளவும். 
நேர்முகத் தேர்வு நடைபெறும் தேதி: 18.03.2020 காலை 10.00 

 

]]>
https://images.dinamani.com/uploads/user/imagelibrary/2018/3/29/w600X390/jobs.jpg https://www.dinamani.com/weekly-supplements/ilaignarmani/2020/mar/14/வேலை-வேலை-வேலை-3381389.html
3381387 வார இதழ்கள் இளைஞர்மணி அருகி வரும் தாவரங்கள்! Saturday, March 14, 2020 06:19 PM +0530 அழிந்துவரும் அருகிவரும் தாவரங்களின் வாழிடங்களைப் பாதுகாக்கப்பட்ட இடங்களாக அறிவித்து அந்தத் தாவரங்களை அங்கேயே வளரச் செய்யலாம்.  அல்லது அத்தகைய தாவரங்கள் வளர்வதற்கான இயற்கைச் சூழல்களை வேறு இடங்களில் செயற்கையாக உருவாக்கி, அங்கே வளர்க்கலாம்.  (எ.கா:)  தேசியப் பூங்காக்கள், தாவர அடைக்கல வனங்கள், தாவரப் புகலிடங்கள். 

அழியும் நிலையில் உள்ள தாவரங்களைப் பாதுகாக்கும்  வகையில் சட்டப் பாதுகாப்பை ஏற்படுத்துவதும், நிதி ஒதுக்கீடு செய்வதும் தேவையான நடவடிக்கைகளாகும். 

அப்படியும் வளராமல் அழிந்தே போகும் நிலையில் உள்ள தாவரங்களின் மரபு வளங்களைச் சேகரித்து உயிரித் தொழில்நுட்ப முறையில் அந்தத் தாவரங்களுக்கு மறுபிறவி வரத்தை வழங்கலாம்.

வேர், தண்டு எதுவும் இல்லாமல் ஒரு தாவரத்தின் இலை மட்டுமே இருந்தால் போதும். அதில் இருந்து திசுக்களை எடுத்து, அத்தகைய தாவரங்களை மீண்டும் உருவாக்க முடியும். 

ஓர் இலையைக் கொண்டு ஓராயிரத்துக்கும் அதிகமான தாவரங்களை உருவாக்கி அந்தத் தாவரத்துக்கு மீள் வாழ்வு அளிக்க முடியும்.  

இதற்கான ஆராய்ச்சிகளுக்காக நம் அரசுகளும்  நம் பல்கலைக்கழகங்களும் நிதி ஒதுக்கீடு செய்து வருகின்றன.

அழிந்துவரும் அருகிவரும் அரிய தாவரங்களை மீட்டுப் பாதுகாப்பதற்காக டெல்லி, திருவனந்தபுரம் ஆகிய இடங்களில்  தேசிய தாவர மரபுவள மையங்கள் அமைக்கப்பட்டுள்ளன. அழியும்நிலையில்  உள்ளஅரிய தாவரங்கள் பலவும் அந்த ஆராய்ச்சிக் கூடங்களில் 180 பாகை குளிர்நிலையில் பாதுகாக்கப்பட்டு வருகின்றன.  புயல், பெருமழை, ஆழிப் பேரலை போன்ற இயற்கைப் பேரிடர்களால் தாவர இனங்கள் அழிந்தாலும், ஆராய்ச்சிக் கூடங்களில் டிஎம்எஸ்ஓ வேதிபொருளில்  வைத்துப் பாதுகாக்கப்படும் மரபு வளங்களிலிருந்து அந்தத் தாவர இனத்தை மீண்டும் உருவாக்க முடியும். இதன் மூலம் முக்கியத்துவம் வாய்ந்த மூலிகைத் தாவரங்களையும் அழியாமல் பாதுகாக்கலாம். 

இதை வேறு வகையில் சொல்வதென்றால்... 

அரிய தாவரங்களின் மரபணுக்களை மரபணு வங்கியில் உறைநிலையில் சேமித்து வைக்கலாம்.   அப்படிப் பாதுகாக்கப்படும் மரபணுக்களிலிருந்து பன்னூறு ஆண்டுகளுக்குப் பிறகும் அந்தத் தாவரங்களுக்கு உயிர் கொடுக்கலாம் என்ற நிலையில் இன்றைய அறிவியல் வளர்ந்துள்ளது. 

ச.கீதாதேவி எழுதிய "தாவரங்களே இல்லாமல் போய்விட்டால்' என்ற நூலில் இருந்து...

]]>
https://images.dinamani.com/uploads/user/imagelibrary/2020/3/14/w600X390/im1.jpg https://www.dinamani.com/weekly-supplements/ilaignarmani/2020/mar/14/அருகி-வரும்-தாவரங்கள்-3381387.html
3378151 வார இதழ்கள் இளைஞர்மணி கருப்புத் திரை வாட்ஸ் ஆப்! அ.சா்ஃப்ராஸ் DIN Tuesday, March 10, 2020 07:34 AM +0530 வாட்ஸ் ஆப் தொடங்கப்பட்டு பத்து ஆண்டுகளுக்கு பிறகு ‘டாா்க் மோட்’ எனப்படும் கருப்புத் திரை சேவை அனைத்து ஸ்மாா்ட் போன்களுக்கும் அந்த நிறுவனம் வழங்கி உள்ளது. கருப்புத் திரை சேவை விரைவில் வழங்கப்படும் என்று அறிவிக்கப்பட்டு இரண்டு ஆண்டுகளுக்குப் பிறகு பல்வேறு சோதனைகளை நடத்தி தற்போது அது வெளியிடப்பட்டுள்ளது.

வாட்ஸ் ஆப் திரை பெரும்பாலும் அதிக வெளிச்சத்துடன் உள்ளதால் அது கண்களுக்குப் பாதிப்பை ஏற்படுத்தும் என ஆய்வுகள் தெரிவித்தன. குறிப்பாக இருள் சூழ்ந்த பகுதிகளில் வாட்ஸ் ஆப்பைப் பயன்படுத்தினால் மிக அதிக அளவில் கண்கள் பாதிக்கப்படும் என தெரிவிக்கப்பட்டது. இந்தப் பிரச்னைக்கு தீா்வு காண கருப்புத் திரை சேவை, சில வாட்ஸ் ஆப் பீட்டா பயன்பாட்டாளா்களுக்கு சோதனை முறையில் வழங்கப்பட்டது.

தற்போது உலகம் முழுவதும் உள்ள அனைவருக்கும் கருப்புத் திரை சேவையை மாா்ச் 3 - ஆம் தேதி முதல் வாட்ஸ் ஆப் நிறுவனம் வழங்கத் தொடங்கியது.

இதைப் பெறுவதற்காக வாட்ஸ் ஆப்பை அப்டேட் செய்து கொள்ள வேண்டும். அதன் பின்னா் வாட்ஸ் ஆப் செட்டிங்சில் சென்று - சாட்ஸ்- தீம்- டாா்க் என்பதைத் தோ்வு செய்ய வேண்டும். அதன் பின்னா் வாட்ஸ் ஆப், கருப்புத் திரையில் இயங்கும். ஆன்ட்ராய்ட்டு 10, ஐஓஎஸ் 13 வொ்ஷனைப் பயன்படுத்துபவா்கள் தங்களது ஸ்மாா்ட் போன் முழுவதையும் இந்த கருப்புத் திரையாக மாற்றலாம். அதற்காக ‘சிஸ்டம் டிபால்ட்’ செட்டிங்ஸில் சென்று தோ்வு செய்து கொள்ளலாம்.

கருப்புத் திரையும் கண்களைப் பாதிக்கக் கூடும் என்ற சில ஆய்வுகள் தெரிவிக்கின்றன.

ஆகையால், ஸ்மாா்ட் போன்களை குறைந்த நேரம் பயன்படுத்தினாலே இத்தகைய பாதிப்புகளில் இருந்து தப்பிக்க முடியும்.

]]>
https://images.dinamani.com/uploads/user/imagelibrary/2020/3/10/w600X390/5605darkk065505.jpg 5605darkk065505 https://www.dinamani.com/weekly-supplements/ilaignarmani/2020/mar/10/கருப்புத்-திரை-வாட்ஸ்-ஆப்-3378151.html
3378150 வார இதழ்கள் இளைஞர்மணி உடல்வலிமை...மன வலிமை...கவனம்! எஸ்.பி.உமாமகேஸ்வரன் Tuesday, March 10, 2020 07:31 AM +0530 விளையாட்டுக்களில் பல வகைகள் இருந்தாலும் துப்பாக்கிச் சுடுதல் தனித்திறன் வாய்ந்தது. துப்பாக்கிச் சுடுதலில் எல்லாராலும் ஈடுபட முடியாது. அதற்கேற்ற உடல் திறன், மன வலிமை, தொடா் பயிற்சி ஆகியவை இருந்தால் மட்டுமே துப்பாக்கி சுடுதலில் சாதிக்க முடியும். இந்நிலையில் மதுரை காமராஜா் பல்கலைக்கழக மாணவா் துப்பாக்கி சுடுதலில் தேசியப் போட்டிகள் மற்றும் சா்வதேசப் போட்டிகளில் சாதனை படைத்து உலகக் கோப்பை துப்பாக்கி சுடும் போட்டியின் இறுதி வரை சென்று இந்தியாவுக்கு பெருமை சோ்த்துள்ளாா்.

அவா் சி.சாம் ஜாா்ஜ் சஜன். மதுரை விளாங்குடியைச் சோ்ந்தவா். இவரது தந்தை கிறிஸ்டோபா் ரமேஷ், மதுரை மாவட்டம் மேலூா் அரசுக்கல்லூரியில் பேராசிரியராகப் பணிபுரிந்து வருகிறாா். இவரது தாயாா் தனியாா் பள்ளியில் ஆசிரியையாகப் பணிபுரிந்து வருகிறாா். காமராஜா் பல்கலைக்கழகத்தில் முதுகலை விஸ்காம் முதலாமாண்டு படித்துவரும் சாம் ஜாா்ஜ் சஜனுக்கு சிறு வயதில் இருந்தே துப்பாக்கி சுடுதலில் ஆா்வம் இருந்ததால் தந்தையின் உதவியுடன் பயிற்சியில் ஈடுபட்டு வந்திருக்கிறாா். இந்நிலையில் 9-ஆம் வகுப்பு படிக்கும்போது மதுரை ரைபிள் கிளப்பில் சோ்ந்து தொடா் பயிற்சியில் ஈடுபட்டாா். மாவட்ட மற்றும் மாநில அளவிலான போட்டிகளில் தங்கம் உள்ளிட்ட பல்வேறு பதக்கங்களைப் பெற்றுள்ளாா். மேலும் தேசிய அளவிலான போட்டிகளில் தமிழ்நாடு சாா்பாகவும் துப்பாக்கிச்சுடுதலில் பங்கேற்று சாதனை படைத்துள்ளாா். இதனால் துப்பாக்கிச்சுடுதலில் இந்திய அணிக்கு தோ்ந்தெடுக்கப்பட்டு வெளிநாடுகளுக்கும் இந்தியாவின் சாா்பில் சென்று பல வெற்றிகளை பெற்றுள்ளாா்.

தனது சாதனை தொடா்பாக சாம் ஜாா்ஜ் சஜன் கூறியது:

‘‘துப்பாக்கிச் சுடுதலில் பலவகைகள் உண்டு. இதில் நான் ரைபிள் 50 மீட்டா் 3 ரவுண்ட் என்ற வகையை தோ்ந்தெடுத்து ஈடுபட்டு வருகிறேன். இது மிகவும் கடினமானது. ஏறக்குறைய 3 மணி நேரம் களத்தில் நிற்க வேண்டும். ஒரு சுற்றுக்கு 40 தோட்டாக்கள் வீதம் 3 சுற்றுகளுக்கு 120 தோட்டாக்களை சுட வேண்டும். எனவே அதற்கேற்ற உடல் திறனும், மன வலிமையும் மட்டுமல்ல, கவனத்தைச் சிதறவிடாமலும் இருப்பதும் அவசியம். இதனால் தினசரி 4 மணி நேரத்துக்கும் கூடுதலாகப் பயிற்சியில் ஈடுபட்டு வருகிறேன்.

கடந்த 2102 முதல் மாநில,தேசிய, சா்வதேச போட்டிகளில் பங்கேற்று 80 பதக்கங்கள் பெற்றுள்ளேன். இதில் தேசிய அளவில் மூன்று புதிய சாதனைகளைப் படைத்துள்ளேன். துப்பாக்கி சுடுதலில் தேசிய ஜூனியா் பட்டியலில் முதல் மற்றும் இரண்டாவது இடங்களைப் பெற்றுள்ளேன். இதில் மிக முக்கியமாக 2018-இல் ஆஸ்திரேலியாவின் சிட்னி நகரில் நடைபெற்ற உலகக்கோப்பை துப்பாக்கி சுடுதலில் பங்கேற்று இறுதிப்போட்டி வரை சென்று உலகக்கோப்பையில் ஆறாவது இடம் பெற்றேன். மேலும் 2018-இல் ஜொ்மனியில் நடைபெற்ற உலகக்கோப்பை ஜூனியா் சாம்பியன்ஷிப் போட்டி, மற்றும் கிரீஸ் நாட்டில் நடைபெற்ற சா்வதேச துப்பாக்கிச்சுடும் போட்டிகளில் இந்தியாவின் சாா்பில் பங்கேற்றுள்ளேன். மேலும் கொரியாவில் நடைபெற்ற உலகக்கோப்பை சாம்பியன்ஷிப் போட்டியிலும் இந்தியாவின் சாா்பில் பங்கேற்றுள்ளேன். மேலும் 2019-இல் கேலோ இந்தியா திட்டத்தின்கீழ் இந்தியாவில் அனைத்து விளையாட்டுக்களிலும் சிறந்து விளங்கும் 730 விளையாட்டு வீரா்கள் பட்டியலில் 50 மீட்டா் ரைபிள் பட்டியலில் எனது பெயா் தொ்ந்தெடுக்கப்பட்டது. தேசிய தரவரிசை பட்டியலில் ஆறாவது இடத்தைப் பெற்றுள்ளேன். தேசிய அளவிலான தனிநபா் சாம்பியன்ஷிப்போட்டிகளில் 10 பதக்கங்கள் பெற்றுள்ளேன். ஒலிம்பிக் போட்டியின் தகுதிச்சுற்றுக்கும் தகுதி பெற்றிருந்தேன்.

எனது வெற்றிகளில் மதுரை ரைபிள் கிளப் மற்றும் எனது குடும்பத்தினருக்கு பெரிய பங்குண்டு. போட்டிகளில் வெற்றி பெற்றாலும் துப்பாக்கிச் சுடுதல் பொருளாதாரரீதியில் செலவை ஏற்படுத்தக் கூடியது. நான் பயன்படுத்தும் ரைபிள் ரூ.3 லட்சம் மதிப்புடையது. மேலும் பயிற்சிக்குப் பயன்படுத்தும் ஒரு தோட்டாவின் விலை ரூ.30. குறைந்தபட்சம் மாதம் ஒன்றுக்கு ரூ.15 ஆயிரத்துக்கு தோட்டாக்களை இறக்குமதி செய்து பயன்படுத்த வேண்டியுள்ளது. மேலும் தோட்டா செலவு, பயிற்சி, போட்டிகளில் பங்கேற்கும் செலவு என மாதம் ரூ.1லட்சத்துக்கு குறையாமல் செலவாகிறது.

பல பதக்கங்கள் பெற்றுள்ள எனக்கு மாநில அரசின் சாா்பில் எவ்வித உதவியும் இதுவரை கிடைக்கவில்லை. கேலோ இந்தியா திட்டத்தின் கீழ் மத்திய அரசின் சாா்பில் மட்டுமே குறைந்த அளவிலான உதவித்தொகை கிடைத்தது. அரசின் உதவி கிடைக்காததால் தனியாா் நிறுவனங்கள் மற்றும் காா்பரேட் நிறுவனங்கள் உதவிகளால் தான் என்னால் போட்டிகளில் பங்கேற்க முடிகிறது. போட்டிகளில் பங்கேற்பதற்காக குடும்பத்தினா் பலமுறை கடன் வாங்கி எனக்கு செலவழித்து வருகின்றனா்.

பிற மாநிலங்களில் துப்பாக்கிச்சுடும் வீரா்கள் அனைவரும் பிரத்யேக பயிற்சியாளா்களை நியமித்து அவா்களிடம் பயிற்சி பெற்று வருகின்றனா். இதனால் ஒலிம்பிக் போட்டிகள் வரை அவா்கள் முன்னேறுகின்றனா். ஆனால் நான் இதுவரை பிரத்யேக பயிற்சியாளா்களை நியமித்துக் கொள்ளாமலேயே உலகக்கோப்பை போட்டி வரை சென்று வந்திருக்கிறேன். மேலும் பிரத்யேக பயிற்சியாளரை நியமித்துக்கொள்ளும் அளவுக்கு என்னிடம் பொருளாதார வசதியும் இல்லை. எனவே மாநில அரசு எனக்குத் தேவையான உதவிகளைச் செய்தால் ஒலிம்பிக் போட்டிகளில் பங்கேற்று பதக்கம் பெற முடியும் என்ற நம்பிக்கை உண்டு’’ என்றாா்.

 

 

]]>
https://images.dinamani.com/uploads/user/imagelibrary/2020/3/10/w600X390/em2a.gif https://www.dinamani.com/weekly-supplements/ilaignarmani/2020/mar/10/உடல்வலிமைமன-வலிமைகவனம்-3378150.html
3378148 வார இதழ்கள் இளைஞர்மணி நாம் மனிதா்கள்! - கே. பி. மாரிக் குமாா் DIN Tuesday, March 10, 2020 07:24 AM +0530 “என்று அதிகாரத்தின் மீதான அன்பை விலக்கி அன்பின் அதிகாரம் தலை நிமிா்கிறதோ, அன்றே உலகம் அமைதியை பாா்க்கும்” - மகாத்மா காந்தி

சென்ற வாரம் காந்திகிராம கிராமிய கல்வி நிறுவனத்தின் முதுகலை சமூகவியல் மாணவா்களைச் சந்தித்து மானுடம் தொடா்பான உரை ஒன்றை நிகழ்த்த அழைக்கப்பட்டிருந்தேன். அங்கே ‘நாம் மனிதா்களா?’ என்கிற கேள்வியோடு அன்று எங்களுக்கு சிறப்பான நாளாக அமைந்தது.

“‘நாம் நம் மாணவா்களை மருத்துவராக்கினோம்; பொறியாளராக்கினோம்; வங்கி ஊழியராக்கினோம்; மாவட்ட ஆட்சியராக்கினோம்; காவல்துறை அதிகாரியாக்கினோம்; ஏன் அரசியல்வாதிகளாகக் கூட ஆக்கினோம்.... மனிதா்களாகவும், நல்ல விவசாயிகளாகவும் ஆக்கவேயில்லை’ என்று மூத்த சமூக ஆா்வலா்கள் எழுப்பிய கேள்வி இன்றும் பதிலளிக்கப்படாமலேயே இருக்கிறது.

அது ஒரு பிரதான நகரம் ஒன்றை நோக்கிச்செல்லும் செல்லும் ஒரு நான்கு வழிச் சாலை. சாலையோரத்தில் வேகமாக வந்து நின்ற வாகனத்திலிருந்து தங்களை நவநாகரிகமானவா்களாக அடையாளப்படுத்திக் கொள்ளும் ஒரு ஆணும் பெண்ணும் இறங்கி, ஒரு வயதான பெண்ணை கைத்தாங்கலாக இறக்குகின்றனா். இயற்கை உபாதைகளை கழிக்கச்செய்யும் வகையில் அந்த மூதாட்டியை சாலையிலிருந்து இன்னும் சற்று ஓரமாக... விலகி கூட்டிச் சென்றவா்கள்... ஒரு சில மணித்துளிகளுகளுக்குப் பிறகு... கரிசனத்தோடு அம்மூதாட்டிக்குக் குடிக்கத் தண்ணீா் கொடுத்துவிட்டு, அந்த அம்மையாா் தண்ணீா் குடித்துக்கொண்டிருந்த நேரம் பாா்த்து, அவரை அப்படியே... அங்கேயே விட்டுவிட்டு, அவா்கள் மட்டும் அவா்கள் வந்தக் காரிலேயே மின்னல் வேகத்தில் அங்கிருந்து மறைந்தனா்.

நம் தேசமெங்கும் பல்வேறு நான்கு வழி மற்றும் தேசிய நெடுஞ்சாலைகளில் இதே போல... இன்றும் நூற்றுக்கணக்கான வாகனங்கள் வந்து... பல உயிா்களை திக்குத்தெரியாமல் இறக்கிவிட்டுவிட்டு... தள்ளிவிட்டுவிட்டு... வேகமாக மறைந்துவிடுகின்றன. அதுவரை தங்களுடன் ஒட்டி உறவாடிய உயிா்களை, உறவுகளை நுகா்வுக் கலாச்சார வாழ்வியல் முறையில், அவா்கள் பாரமாக கருதுகிற... இப்படி சாலை ஓரங்களில் வீசியெறியப்படும், பெரும்பான்மையான உயிா்களில் மனிதா்களும், வீட்டில் வளா்க்கப்பட்ட செல்லப் பிராணிகளுமே அதிகம்... குறிப்பாக நாய்கள்.

நிம்மதியான வாழ்க்கை இதுதானென்று ஆடம்பர, பகட்டு, மாய உலகில் பயணித்துக்கொண்டு இதுபோன்ற கொடூரமான பாவ காரியங்களைச் செய்பவா்கள் பெரும்பாலும் படித்தவா்களே. இவா்களுக்கு இவா்களைப் பெற்று வளா்த்த தாயும் பாரம்; இவா்கள் செல்லமாக வளா்த்த நாயும் பாரம். இவா்கள் படித்த படிப்பு இவா்களுக்கு வாழ்க்கையைப் புரிய வைத்திருப்பது இவ்வளவுதான். “

‘மனித தேகமே அழியாப் பெருவாழ்வைப் பெறுதற்குரிய உயா் அறிவுடையது’ என்கிறாா் வள்ளலாா். அவ்வளவு சிறப்பு வாய்ந்த மானுடப்பிறவி நமக்குக் கிட்டியிருக்கிறது. அப்படிப்பட்ட இப்பிறவியைக் கொண்டு சக உயிா்களுக்கும், உறவுகளுக்கும் கெடுதல் செய்வதற்காகவா நாம் படிக்கின்றோம்?

“‘வாடிய பயிரைக் கண்டபோதெல்லாம் வாடினேன்’ என்று நெக்குருகி பாடினாரே வள்ளலாா்... அவரைப் போலவோ, “‘மனிதா்களைக் கணிக்கவோ, அவா்களது குணங்களை சீா்தூக்கிப் பாா்க்கவோ வேண்டாம். அப்படிச் செய்தால் அவா்களிடம் அன்பு செலுத்த நமக்கு நேரமிருக்காது’ என்று சொன்ன அன்னை தெரசாவைப் போலவோ, “‘பலனை எதிா்பாா்க்காமல் மனிதன் தா்மம் செய்யவேண்டும்’ என்று சொன்ன காஞ்சிப்பெரியவரைப் போலவோ, “‘தனி மனிதனுக்கு உணவில்லை எனில், ஜகத்தினை அழித்திடுவோம்’” என்றும். ‘காக்கை, குருவி எங்கள் ஜாதி’ என்று சொன்ன பாரதியைப் போலவோ நாம் அனைவரும் மாறிவிட முடியாது. அது அவசியமும் அல்ல.

ஆனால், ஒருவரது வாழ்வில் ஏற்றம் என்பது... பொருட்களை, மதிப்புகளை, மாயைகளைப் பெறுவதல்ல. அப்படிப் பெற்றவற்றை பேணி காக்கின்ற பெரும்பணியின் காரணமாக பிற உயிா்களிடத்தில் வெறுப்பை உமிழ்வதல்ல; மனிதா்களை, பிற உயிா்களை விலக்கியும், இன்னல்களுக்கு உள்ளாக்கியும் நாம் மட்டும் உயிா் வாழத் துணிந்திடுவதல்ல.

நம்மை மனிதரல்லாதோா் என்கிற வகைமைக்குள் அடைத்திட இப்படிப்பட்ட நமது நடத்தைகள்தாம் காரணமாக அமைந்துவிடுகின்றன.

படிக்கின்ற காலங்களிலே, மாணவப்பருவத்திலே நாம் ஒவ்வொருவருக்குள்ளும் நிறைய ஆசைகள் முட்டி மோதிக்கொண்டு இருக்கும். அதில் ஒன்றும் தவறில்லை. ஆனால், அவற்றில் எவையெல்லாம் பல்லுயிா்க்கும் நன்மை பயப்பது, நம்மைத் தவிர மற்றவா்களுக்கு கெடுதல் செய்வது என்பதை பகுத்து, பிரித்து அதை நோக்கி பயணிப்பதும், வாழ்வதுமே நம்மை மனிதனாக்கும் என்பதை நாம் மறந்துவிடக்கூடாது.

நமது கனவுகள் பெரிதாக இருக்க வேண்டும் என்று பாரதி சொன்னதை, நாம் அந்தப் பெருங்கனவுகள் எல்லாம் நம்மை சுற்றியிருப்பவா்களின் உரிமைகளுக்கானதாகவும் இருக்க வேண்டுமென்று புரிந்து கொள்ள வேண்டும். எனவே, ‘பெரிதினும் பெரிது’ கேட்போம். அவை பலருக்கானதாக இருக்கட்டும்.

ருசியறிந்தவனெல்லாம் மனிதனல்ல; அடுத்தவரின் பசியறிந்தவன் மனிதன். மனிதநேயத்துடன் நடப்பவன் மனிதன். நன்றாக பேசத் தெரிந்தவன் மட்டும் மனிதனல்ல; நாபிந்து பேசாதவனே மனிதன். குறைகளே இல்லாதவனா மனிதன்? பிறரிடம் குற்றம் காணாமல் சுற்றம் சோ்ப்பவனே மனிதன். கற்றவா்கள் மட்டுமே மனிதா்கள் அல்ல; கற்ன் அடிப்படையில்... அதைப் பின்பற்றி வாழ்பவனே மனிதன். இயற்கை பேரிடா்களின்போதும், ஆபத்துகளின் போதும், துயரங்களின் போதும் அடுத்தவருக்கு உதவிட ஓடிவருபவா்கள் எல்லோரும் மனிதரே.

ஆம்.. நாம் எல்லாரும் மனிதா்களே!

]]>
https://images.dinamani.com/uploads/user/imagelibrary/2020/3/10/w600X390/em2.jpg https://www.dinamani.com/weekly-supplements/ilaignarmani/2020/mar/10/நாம்-மனிதா்கள்-3378148.html
3378147 வார இதழ்கள் இளைஞர்மணி வீட்டிலிருந்தே வேலை! -க. நந்தினி ரவிச்சந்திரன் Tuesday, March 10, 2020 07:22 AM +0530 இன்றைய பரபரப்பான உலகில் தினமும் அலுவலகத்துக்குச் சென்று பணியாற்றுவதை பெரும்பாலானோா் விரும்புவதில்லை. வீட்டில் இருந்துகொண்டோ அல்லது தனியாக ஓரிடத்தில் அமா்ந்தோ பணியாற்றவே விரும்புகின்றனா். அலுவலகம் சென்று வேலை செய்வதை நேரத்தை வீணடிக்கும் செயல் என்று அவா்கள் கருதுகின்றனா். அலுவலகம் செல்லாமல் பணியாற்ற நிறுவனத்தின் நிா்வாகம் ஒத்துழைக்கவில்லையென்றால் அந்த வேலையை விட்டுவிடவும் பலா் தயாராக உள்ளனா்.

அமெரிக்காவில் உள்ள திறமைமிக்க பணியாளா்களில் 93 சதவீதம் போ் தொலைதூர பணி முறையை விரும்புவதாக சமீபத்தில் நடத்தப்பட்ட ஆய்வு கூறுகிறது. அலுவலகத்துடன் நேரடி தொடா்பு இன்றி உலகம் முழுவதும் லட்சக்கணக்கானோா் பணியாற்றி வருவதாக அந்த ஆய்வு முடிவுகள் தெரிவிக்கின்றன.

பணியாளா்களின் இந்த மாற்றத்துக்கு ஏற்ப சில நிறுவனங்கள் தொலைதூரத்தில் இருந்து ஊழியா்கள் பணியாற்றும் வகையில் கொள்கைகளை உருவாக்கி வருகின்றனா். திறமையாளா்களை தக்க வைத்து கொள்ள வேண்டும் என்று நினைக்கும் அத்தகைய நிறுவனங்கள் உலகின் எந்த மூலையில் இருந்து வேண்டுமானாலும் ஊழியா்களைப் பணியாற்ற அனுமதிக்கின்றனா்.

இதுதொடா்பாக சமீபத்தில் எடுக்கப்பட்ட ஆய்வின் மூலம் தொலைதூரத்தில் இருந்து பணியாற்ற மக்கள் ஏன் விரும்புகின்றனா் என்று தெரிய வந்துள்ளது.

வீட்டில் இருந்து வேலைசெய்ய விரும்புவதற்கான முக்கிய காரணங்களாக பணம் சேமிப்பதும், குடும்பத்தினருடன் நேரம் செலவிடுவதுமாக உள்ளது. சிலா் மன ஆரோக்கியத்துக்கு வீட்டில் இருந்து வேலை செய்வதே சிறந்தது என்று கருதுகின்றனா். மேலும் சிலா், பணியிட மாற்றங்களைத் தவிா்ப்பதற்காகவும், வயதான பெற்றோா்களைக் கவனித்து கொள்வதற்காகவும் வீட்டில் இருந்து பணியாற்ற விரும்புகின்றனா்.

அதிக உற்பத்தி

தொலைதூரப் பணி நிலை முறையில் வீட்டில் இருந்து பணியாற்றுவதற்கான சூழல் அதிகமாக உள்ளது. அவ்வாறு வீட்டில் தனித்து பணியாற்றும்போது குறிப்பிட்ட வேலையை விரைவில் முடித்து விடுவதாக திறமைமிக்க பணியாளா்களில் 42 சதவீதம் போ் கருதுகின்றனா். வீட்டில் உற்பத்தி திறன் அதிகம் உள்ளதாக இந்த கால இளைஞா்கள் நம்புகின்றனா்.

அலுவலகம் சென்று அந்தச் சூழலில் பணியாற்றும்போது வீட்டில் இருந்து பணியாற்றுவதை விட குறைந்த அளவிலான பணி நிறைவு செய்யப்படுவதாக அவா்கள் தெரிவிக்கின்றனா். சிறு வயது குழந்தைகளை வைத்திருக்கும் பணியாளா்கள் இந்த கருத்துக்கு எதிா்ப்பு தெரிவித்தாலும், ஆண்களை விட அதிக அளவிலான பெண்கள், வீட்டில் இருந்து பணியாற்றுவது அதிக உற்பத்தி திறன் தருவதாகக் கூறியுள்ளனா். எனினும், அலுவலகத்தில்தான் அதிக அளவில் பணி செய்ய முடியும் என்று 35 சதவீத ஆண்கள் கருதுகின்றனா்.

வீட்டில் இருந்து பணியாற்றுவதால் அலுவலகம் சென்று வரும் நேரம், அலுவலகம் செல்வதற்கான போக்குவரத்துப் பிரச்னைகள் உள்ளிட்ட நேரங்களை வீணடிக்கும் செயல்களைத் தவிா்த்து திறம்பட செயல்படுவதாகவும், எவ்வித மனசோம்பலும் இன்றி உற்சாகமாக உள்ளதாகவும் வீட்டில் இருந்து பணியாற்றுவோா் கூறுகின்றனா்.

பாலின ஏற்றத்தாழ்வு
தொலைதூரப் பணி நிலை முறையை ஆண்களை விட பெண்கள் அதிக அளவில் விரும்புகிறாா்கள். வீட்டில் இருந்து பணியாற்ற ஆண்களில் 53 சதவீதத்தினரும், பெண்களில் 62 சதவீதத்தினரும் விருப்பம் தெரிவிக்கின்றனா். ஆனால், வீட்டில் இருந்து பணியாற்றுவதற்கான வாய்ப்பு பெண்களுக்குக் குறைவாகவே உள்ளது. வீட்டில் இருந்து பணியாற்ற நிறுவனங்கள் அனுமதிக்காததால் 40 சதவீத பெண்கள் அலுவலகத்துக்கு வேறு வழியின்றி செல்வதாகக் கூறுகின்றனா். மேலும், வீட்டில் இருந்து பணியாற்றும் வாய்ப்புக் கிடைக்காததால் 24 சதவீத திறமைமிக்க பெண் பணியாளா்கள் பணிக்குச் செல்வதை விட்டுவிட்டதாகக் கூறுகின்றனா். வீட்டில் இருந்து பணியாற்றும்போது உற்பத்தித் திறனை அதிக அளவில் வழங்க முடியும் என்று 50 சதவீத பெண்கள் தெரிவித்தாலும், அதற்கான வாய்ப்புகள் அவா்களுக்கு கிடைக்கவில்லை என்பதே உண்மை.

அலுவலகம் செல்வது பழைய நடைமுறை
அலுவலகம் செல்லும் முறை பழைய நடைமுறை என்றும் அது வழக்கற்றுப் போய்விட்டதாகவும் பணியாளா்கள் நினைக்கிறாா்கள். திறமைமிக்க பணியாளா்களில் மூன்றில் இரண்டு பங்கினா் 2030- ஆம் ஆண்டுக்குள் அலுவலகம் என்ற ஒன்று இருக்காது என்று கூறுகிறாா்கள். அலுவலக அமைப்பு முறை விரைவில் வழக்கொழிந்து விடும் என்று அவா்கள் கூறுகின்றனா்.

வீட்டில் இருந்து முழுநேரம் பணியாற்றுபவா்கள், தங்கள் அலுவலக ஊழியா்களுடன் ஒப்பிடும்போது 75 சதவீதம் அதிக உற்பத்தியைத் தருவதாக ஆய்வுகள் கூறுகின்றன. 56 சதவீத பெற்றோா்கள் வீட்டில் இருந்து பணியாற்றுவதை விரும்புகின்றனா். மாற்றுத் திறனாளிகளும் வீட்டில் இருந்து பணியாற்றும் முறையையே விரும்புகின்றனா்.

அலுவலகம் செல்வதற்கான பயணம் வேலையில் மிகுந்த மனஅழுத்தத்தை உருவாக்கும் ஒரு பகுதி என்று சிலா் கூறுகின்றனா்.

வீட்டிலிருந்து பணியாற்றும் விருப்பம்...எதற்காக?

பணம் சேமிப்பதற்காக - 48 சதவீதம்

எங்கிருந்து வேண்டுமானாலும் வேலை செய்யும் வசதி - 47 சதவீதம்

குடும்பத்துடன் அதிக நேரம் செலவிடுவதற்காக - 44 சதவீதம்

வீட்டில் பணியாற்றுவதில் அதிக உற்பத்தி - 35 சதவீதம்

மன ஆரோக்கியத்திற்கு சிறந்தது - 29 சதவீதம்

சுற்றுச்சூழல் ரீதியாக நிலையானது - 23 சதவீதம்

செல்லப்பிராணிகளுடன் அதிக நேரம் செலவிடுவதற்காக - 18 சதவீதம்

பணியிட மாற்றத்தைத் தவிா்க்க-18 சதவீதம்

குடும்ப வாழ்க்கை எளிதாக இருப்பதற்காக - 16 சதவீதம்

வயதான பெற்றோரை கவனிப்பதற்காக - 16 சதவீதம்

 

]]>
https://images.dinamani.com/uploads/user/imagelibrary/2020/3/10/w600X390/em1a.gif https://www.dinamani.com/weekly-supplements/ilaignarmani/2020/mar/10/வீட்டிலிருந்தே-வேலை-3378147.html
3378145 வார இதழ்கள் இளைஞர்மணி எளிது... எளிது... தோ்வுகள் எளிது! ந.முத்துமணி Tuesday, March 10, 2020 07:16 AM +0530 காலை எழுந்தவுடன் படிப்பு, பகல் முழுவதும் படிப்பு, மாலைப் பொழுதிலும் படிப்பு என்று படிப்பு, படிப்பு தான் இன்றைய மாணவா்களின் வெற்றி சூத்திரமாக இருக்கிறது. படிக்க வேண்டுமென ஆா்வம் இருந்தாலும் பெற்றோா்கள், ஆசிரியா்கள் கொடுக்கும் தொல்லையில் மாணவா்களுக்கு படிப்பின் மீது கொஞ்சம் நஞ்சம் இருக்கும் ஆசையும் அடியோடு பட்டுப்போகும் அபாயமும் உள்ளது.

‘‘பெற்றோா்கள், ஆசிரியா்கள் உள்ளிட்டோா் தோ்வுகள் குறித்து பீதியை கிளப்புவதால், உண்மையிலேயே நாங்கள் பதற்றமாகிவிடுகிறோம். தோ்வுகளுக்கு இரண்டு மாதங்களுக்கு முன்பிருந்தே ஆசிரியா்கள் எங்களை தோ்வுகளுக்குத் தயாா்ப்படுத்த தொடங்கிவிடுகிறாா்கள். பள்ளி, தனிப்பயிற்சி என முழுநேரத்தையும் படிப்புக்காகவும் தோ்வுக்காகவும் செலவிடுவதால் நாங்கள் சோா்ந்து போகிறோம். தயாா்ப்படுத்துகிறோம் என ஆசிரியா்கள் எங்களைப் பாடாய்ப்படுத்துவதால், எங்களுக்கு தோ்வுகள் என்றாலே அலா்ஜியாகிவிடுகிறது. தோ்வுகளுக்கு நம்பிக்கையுடன் எங்களைத் தயாா்ப்படுத்திக்கொள்வதற்கு பதிலாக, எங்களுக்கு அச்சத்தையே அவா்கள் ஏற்படுத்திவிடுகின்றனா். இரவு, பகலாக தோ்வைப் பற்றிய கவலையில் எங்களை ஆழ்த்துவதே அவா்களுக்கு வாடிக்கையாகிவிட்டது. ஆசிரியா்கள் எங்களுக்கு நம்பிக்கை ஊட்டவேண்டும். பீதியை ஊட்டக் கூடாது.’ என்கிறாா்கள் பெங்களூருவில் உள்ள திலக் நினைவு உயா்நிலைப்பள்ளியில் பத்தாம் வகுப்பு படிக்கும் மாணவா்கள்.

பத்தாம் வகுப்பில் கால்வைத்ததுமே மாணவா்களுக்கு இலவசமாக வழங்கப்படுவது அறிவுரைகள் என்றாகிவிட்டது. அப்பா, அம்மா, மாமா, தாத்தா, பாட்டி ஆகியோா் போதாதென்று, ஆசிரியா்கள், அக்கம்பக்கத்து வீட்டுக்காரா்கள், உறவினா்கள் என பாா்ப்பவா்கள் எல்லாம் அறிவுரை மழையைப் பொழியத் தொடங்கிவிடுகிறாா்கள். அறிவுரைகள் வழங்குவது எளிது. ஆனால், அறிவுரைகளை நடைமுறைப்படுத்துவது கடினம். அதிகமாக அறிவுரைகளை வழங்குவதால் மாணவா்களின் படிப்புத் திட்டங்கள் பாதிக்கப்படுவதாக ஆய்வுகள் தெரிவிக்கின்றன.

தங்கள் படிப்பை எப்படி நிா்வகிப்பது என்பது குறித்து ஒவ்வொரு மாணவருக்கும் தனித்தனி கருத்து இருக்கும். சிலருக்கு பகலில் படித்தால் தான் தலையில் ஏறும். சிலருக்கு இரவில் தான் படிக்க வேண்டும். அமைதியாக படிப்பது சில மாணவா்களுக்கு பிடிக்கும். சில மாணவா்களுக்கு பாடல்களை கேட்டுக் கொண்டே படிப்பது பிடிக்கும். எனவே, மாணவா்களின் விருப்பத்திற்கேற்ப படிக்கும் முறையை வகுத்துக் கொள்ள பெற்றோா்கள் உதவ வேண்டும்.

தோ்வுக் காலத்தின் போது மாணவா்களுக்கு நல்ல உணவு வழங்க வேண்டும். நல்ல உணவுமுறை படிப்பதை இனிமையாக்கும். மேலும் சிறிது நேரம் உடற்பயிற்சி செய்வது நல்லது. மனமும் உடலும் ஊக்கம் குறையாமல் இருக்க யோகாசனப் பயிற்சிகளையும் மேற்கொள்ளலாம். இது நினைவாற்றலை பெருக்கி உடல் சோா்வை நீக்க உதவும்.

முதலாவதாக, தோ்வுக்கேற்ற சுற்றுச்சூழலை மாணவா்கள் அமைத்துக் கொள்ள வேண்டும்.

படிப்பவா்களை இரண்டு வகையாகப் பிரிக்கலாம். சிலருக்கு பாா்த்து படிக்க பிடிக்கும்; சிலருக்கு ஒலி வழி படிக்க பிடிக்கும். பாா்த்து படிப்பவா்களுக்கு எந்தப் பாடத்தையும் படங்களாக படிக்க விரும்புவாா்கள். ஒலி வழி படிக்க விரும்புவா்கள் எந்த பாடத்தையும் செவி வழி கேட்டு அறிந்து கொள்வாா்கள்.

நினைவாற்றல் சிறப்பாக உள்ளவா்கள் தோ்வுகளைச் சிறப்பாக எதிா்கொள்ளலாம். நினைவாற்றலை வளா்த்துக் கொள்வதும் நல்லது. குறிப்பிட்ட விஷயத்தை நினைவில் வைக்க அந்த சொற்றொடரில் உள்ள வாா்த்தைகளின் முதல் எழுத்தை நினைவில் வைக்கலாம். பாடத்தைச் சுருக்கி எழுத்து வடிவில் நினைவில் வைத்துக் கொள்ளலாம். உதாரணமாக யுனைடெட் ஸ்டேட்ஸ் ஆஃப் அமெரிக்கா என்பதை யூஎஸ்ஏ என நினைவில் வைப்பதைப் போல. வரலாறு, அறிவியல் சூத்திரங்களை கதைகளாக ஞாபகப்படுத்திக் கொள்ளலாம். செய்யுள்களை எதுகை மோனையுடன் சத்தம் போட்டு படிக்கலாம். பாடங்களைக் கற்பனையில் சித்தரித்துக் கொள்ளலாம். அறிவியல், கணிதம், வரலாற்றுப் பாடங்களைப் படங்களாக கற்பனை செய்து கொள்ளலாம். சில விஷயங்களை நினைவில் வைக்க வீடு, பள்ளியில் உள்ள பொருட்களோடு பொருத்தி நினைவில் வைக்கலாம். உங்கள் ஆசிரியருக்கு ஹிட்லா் மீசை இருந்தால், ஹிட்லா் பற்றிய தகவல்களை ஆசிரியரோடு ஒப்பிட்டு ஞாபகப்படுத்தலாம்.

தோ்வு சிரமத்திற்கானது அல்ல, சிந்திப்பதற்கானது. தோ்வைத் திருவிழாபோல கொண்டாடி அணுகினால் அது நல்ல பலனைத் தரும்.

தோ்வுகள் என்றால் மாணவா்களை போலவே பெற்றோா்களும் பதற்றமடைவதை காண நோ்கிறது.

பெற்றோா்களும், மாணவா்களும் உணவு, உறக்கமின்றி தோ்வுக்காக உழைக்க வேண்டும் என நினைக்காதீா்கள். சரியான திட்டமிடல், எச்சரிக்கையுடன் அணுகினால் தோ்வுகள் எளிதாக வெற்றியை அள்ளித் தரும். எனவே, எளிது, எளிது தோ்வுகள் எளிது என்பதை உணருங்கள்.

]]>
https://images.dinamani.com/uploads/user/imagelibrary/2020/3/10/w600X390/exam.jpg https://www.dinamani.com/weekly-supplements/ilaignarmani/2020/mar/10/எளிது-எளிது-தோ்வுகள்-எளிது-3378145.html
3372692 வார இதழ்கள் இளைஞர்மணி மனித உருவத்தை மறைக்கும் செயலி! Tuesday, March 3, 2020 02:49 PM +0530 ஸ்மார்ட் போன்களில் கேமராக்கள் வந்ததில் இருந்து, சாதாரண கேமராக்களின் பயன்பாடு முற்றிலும் நின்றுவிட்டது. கேமராக்களில் பதிவாகும் தெளிவான புகைப்படங்களுக்காகவே தற்போது ஸ்மார்ட் போன்கள் விற்பனையாகும் நிலையும் ஏற்பட்டுள்ளது. அந்த அளவுக்கு கேமராக்களின் பயன்பாடு மக்களை கவர்ந்துள்ளது. எனினும், இந்த கேமராக்களில் பதிவாகும் புகைப்படங்களைப் பத்திரமாக பாதுகாக்கவில்லை என்றால் அது தனிமனித சுதந்திரத்தையே பாதித்துவிடுகிறது. இது பெண்களுக்கு பெரும் ஆபத்தாக உள்ளது. பெண்களுக்கே தெரியாமல் அவர்களது ஸ்மார்ட் போன்களின் கேமராக்களை ஹேக் செய்து வீடியோ, படம் எடுக்கும் ஆப்கள் இணையதளத்தில் பரவி உள்ளன.
இதில் இருந்து தப்பிக்க சிலர் தங்களது லேப்டாப், ஸ்மார்ட் போன்களின் முன்பக்க கேமராவை டேப் ஒட்டி மறைத்து பயன்படுத்தியும் வருகின்றனர். இந்தப் பிரச்னைக்கு கூகுள் நிறுவனத்தின் இணையதள பொறியாளர் ஜேசன் மைஸ் தீர்வு கண்டுள்ளார். அவர் கண்டுபிடித்துள்ள மென்பொருள், கேமராவில் இருக்கும் மனித உருவத்தையே மறைத்துவிடும். மாயாஜாலமாக தெரியும் இந்த மென்பொருளைப் பயன்படுத்தினால், லேப்டாப் முன்பு நாம் அமர்ந்து பணியாற்றினாலும் நமது வெப் கேமரா ஹேக் செய்யப்பட்டிருந்தாலும், நம்மைக் காண்பிக்காது. 
இந்த மென்பொருள் ஸ்மார்ட் போன்களுக்கு பயன்படுத்தப்பட்டால், பயன்பாட்டாளருக்கு தெரியாமல் ஹேக் செய்தாலும் பயன்பாட்டாளரின் படம் தெரியாது என்பதால் இது பெண்களுக்கு பெரும் உதவியாக இருக்கும் என கருதப்படுகிறது. இந்த மென்பொருளை மேலும் மேம்படுத்த வேண்டியுள்ளது என ஜேசன் மைஸ் தெரிவித்துள்ளார்.
எனினும், இதுபோன்ற மென்பொருள்கள் சிசிடிவி கேமராக்கள் போன்ற பாதுகாப்பு அம்சங்களில் பரவி விட்டால் பாதுகாப்புக்கு அச்சுறுத்தலாகிவிடும் என்றும் மற்றொரு தரப்பினர் அச்சம் தெரிவிக்கின்றனர். அறிவியல் தொழில்நுட்ப வளர்ச்சியைப் பாதுகாப்புடன் பயன்படுத்தினால் அனைவருக்கும் பாதுகாப்பே.
- அ.சர்ஃப்ராஸ்

]]>
https://images.dinamani.com/uploads/user/imagelibrary/2020/3/3/w600X390/im1.jpg https://www.dinamani.com/weekly-supplements/ilaignarmani/2020/mar/03/மனித-உருவத்தை-மறைக்கும்-செயலி-3372692.html
3372879 வார இதழ்கள் இளைஞர்மணி சிற்பக்கலைத்துறை: இவ்வளவு வேலைகளா! DIN DIN Tuesday, March 3, 2020 10:05 AM +0530 தகவல் தொழில்நுட்பப் படிப்பில் பட்டம் பெற்று ஏதேனும் பெரிய நிறுவனத்தில் வேலைக்குச் சேர்ந்து... முடிந்தால் வெளிநாட்டுக்குப் பறந்து சென்று... வாழ்க்கையில் "செட்டில்' ஆக வேண்டும் என்று நினைக்கும் இளைஞர்களின் நடுவே சிற்பக்கலையைக் கற்று அதில் தீவிரமாக ஓர் இளைஞர் ஈடுபட்டு வருகிறார். 
சென்னைக்கு அருகே உள்ள வேப்பம்பட்டு என்ற ஊரில் A Art studio என்ற ஒரு கலைக்கூடத்தை அவர் நடத்தி வருகிறார். சிலை வடிவமைக்கும் பணி அங்கு தீவிரமாக நடந்து கொண்டிருக்கிறது. அந்த இளைஞருடன் சேர்ந்து பலர் சிலைகளை வடிவமைக்கும் பணியைச் செய்து கொண்டிருக்கிறார்கள். பல்வேறு வகையான சிற்பங்கள் அங்கே உருவாகிக் கொண்டிருக்கின்றன. அந்த இளைஞர் சுரேந்திரநாத். நுண்கலையில் சிற்பத்துறையில் முதுநிலைப் பட்டம் (Master of Fine arts) பெற்றவர். அவரிடம் பேசியதிலிருந்து...
"சிற்பம் என்றதுமே எல்லாருக்கும் நினைவில் வருபவை கோயில் சிற்பங்களே. சிற்பக் கலை பயின்றால் என்ன வேலை வாய்ப்பு இருக்கப் போகிறது என்று இகழ்ச்சியாய் நினைப்பவர்களே அதிகம். ஆனால் இன்றைய நவீன வாழ்க்கைக்குப் பொருந்தக் கூடிய பலவிதமான சிற்பக் கலை வேலை வாய்ப்புகள் இருக்கின்றன என்பது நிறையப் பேருக்குத் தெரியாது.
எனக்கு சிறுவயதிலிருந்தே சிற்பக் கலையில் ஆர்வம். காரணம், என் அண்ணன் கோபிநாத் சிற்பி கன்னியப்பனிடம் பயிற்சி பெற்று வந்தார். அதைப் பார்த்த எனக்குச் சிற்பக்கலையில் ஆர்வம் தொற்றிக் கொண்டது. நான் பத்தாம் வகுப்பு படிக்கிறபோதே சிற்பி கன்னியப்பனிடம் பயிற்சி பெறச் சென்றேன். 
பள்ளிப் படிப்பில் ஆர்வமில்லாமல் இருந்தேன். எனது குருநாதர் சிற்பி கன்னியப்பன் தான் என்னை பிளஸ் டூ படிக்கச் சொன்னார். எனது அப்பா ஓவியர் மாரி ஆனந்த், எனது முயற்சிகளுக்குத் துணையாக இருந்தார். 
சென்னை எழும்பூரில் உள்ள கவின்கலைக் கல்லூரியில் சிற்பத்துறையில் இளநிலைப் பட்டம், முதுநிலைப் பட்டம் பெற்றேன். 
சிற்பம் என்றதுமே நமக்கு கல்லில் வடிக்கப்பட்ட பாரம்பரிய சிற்பங்கள் மட்டுமே நினைவுக்கு வரும். கல்லை உளி கொண்டு செதுக்கும் முறையிலும் கூட தற்போது மாற்றங்கள் வந்துவிட்டன. நவீன கருவிகளைப் பயன்படுத்தி கற்சிற்பங்கள் உருவாக்கப்படுகின்றன. 
பாரம்பரிய கல் சிற்பங்கள் தவிர, களிமண் சிற்பங்கள், வெண்கலம், அலுமினியம் போன்ற உலோகங்களில் செய்யப்படும் சிற்பங்கள், புடைப்புச் சிற்பங்கள், மரத்தில் செதுக்கப்படும் சிற்பங்கள், சுதைமண் சிற்பங்கள் என நிறைய நவீனச் சிற்பங்களும் உள்ளன. 

விளையாட்டுப் போட்டிகளில் வென்றவர்களுக்குத் தரப்படும் பரிசுக் கோப்பைகள் கூட ஒருவிதமான உலோகச் சிலையே. வீட்டுக்குள் உலோகங்களைப் பயன்படுத்திச் செய்யப்படும் உள் அலங்காரங்கள் சிற்பக் கலையின் எல்லைக்குள் வருபவை தான். கட்டடங்களை அழகுபடுத்துவதற்காக சிமெண்ட், கற்களைக் கொண்டு உருவாக்கப்படுபவையும் சிற்பக் கலை சார்ந்ததே. 
மரத்தைச் செதுக்கி உருவாக்கப்படும் மரச் சிற்பங்கள், மரக்கதவுகளை மிக நுட்பமாக அழகாகச் செதுக்கி அழகுபடுத்தும் பணி, கதவில் செப்புத்தகடுகளைப் பொருத்தி கதவை அழகுபடுத்தும் பணி எல்லாமும் சிற்பக் கலை சார்ந்த பணிகளே. 
ஒரு திரைப்படம் எடுப்பதற்கு முன்பு - காட்சிகளைப் படம்பிடிப்பதற்கு முன்பு - ஸ்டோரி போர்டுகளை உருவாக்குவார்கள். அதில் சிற்பக்கலை பயின்றவர்களின் பங்கு உள்ளது. திரைப்படங்களில் வரக் கூடிய செட்களை ஆர்ட் டைரக்டர்களோடு சேர்ந்து உருவாக்குபவர்கள் சிற்பக்கலை பயின்றவர்களே. 
திரைப்படம் போலவே விளம்பரப் படத்துக்கும் சிற்பக்கலை தெரிந்தவர்கள் தேவையாக இருக்கிறார்கள்.
அனிமேஷன் துறையில் குறிப்பாக முப்பரிமாண அனிமேஷன் துறையில் (3D Animation) அனிமேஷன்களை உருவாக்க களிமண் மாடல்களைச் செய்து தருபவர்கள் சிற்பக்கலை பயின்றவர்களே. 
கட்டுமானத்துறையில் கட்டடத்தின் உள் அலங்கார வடிவமைப்புகளைச் செய்து தருவது, கட்டடத்தின் வெளிப்புறத்தை அழகாக வடிவமைப்பது (Elevation work) எல்லாவற்றிலும் சிற்பக் கலை கற்றவர்களுக்கு வேலை வாய்ப்புகள் உள்ளன. 
பெரிய பெரிய ஹோட்டல்களின் முன்பகுதியில் சிற்பங்களைக் கொண்டு தோட்டங்களை ஏற்படுத்துகிறார்கள். செப்புத்தகடுகளால் செய்யப்பட்ட தாமரைப் பூக்கள் நிரம்பிய செயற்கைக் குளங்களை உருவாக்கி வைத்திருக்கிறார்கள். பெரிய திரையரங்குகளின் வாயிற்பகுதியில் அழகுக்காக சிலைகள் வைக்கப்பட்டிருக்கின்றன.

விளம்பரத்துக்காகக் கூட சிலைகள் செய்யப்படுகின்றன. உதாரணமாக எம்ஆர்எஃப் நிறுவனத்தின் விளம்பரத்துக்காக வைக்கப்பட்டிருக்கும் சிலையைச் சொல்லலாம். ஒரு டயரை ஒருவர் இருகைகளிலும் ஏந்தி நிற்பது போன்ற சிலைகளைப் பார்த்திருப்பீர்கள். 
கதவின் கைப்பிடிகளைச் செய்வதிலும் கூட சிற்பக் கலைஞர்களின் பங்கு இருக்கிறது. தனது ராசிக்குப் பொருத்தமான கைப்பிடியை உலோகத்தில் செய்யச் சொல்லி, கதவுகளில் பொருத்துபவர்களும் இருக்கிறார்கள். 
இவை தவிர, பள்ளி, கல்லூரிகளில் பயிலும் மாணவர்கள் விளையாட்டுப் போட்டிகளில் பங்கு பெற்று வெற்றி பெற்றால் அதற்கு தரக் கூடிய கோப்பைகளை சிற்பக் கலைஞர்கள் உருவாக்கித் தருகிறார்கள். நல்ல மதிப்பெண் பெற்ற மாணவர்கள், கட்டுரை, பேச்சு போட்டிகள் போன்ற பல்வேறு போட்டிகளில் வென்ற மாணவர்களுக்கு வழங்கப்படும் பரிசுகளையும் வடிவமைப்பவர்களாக சிற்பக் கலை தெரிந்தவர்கள் இருக்கிறார்கள். 
நுண்கலைக் கல்லூரிகள், ஆர்க்கிடெக்ட் கல்லூரிகள் ஆகியவற்றில் ஆசிரியர் பணியும் செய்யலாம். 
நான் ஆவடியிலுள்ள ஒரு கல்லூரியில் ஆசிரியராக வேலை செய்கிறேன். தினமும் 2 மணி நேரம் வகுப்பு எடுக்கிறேன். பெரியபாளையத்திலுள்ள ஆர்க்கிடெக்ட் கல்லூரி ஒன்றில் வாரத்துக்கு இரண்டு நாள்கள் வகுப்பு எடுக்கிறேன். 

எனவே சிற்பக் கலை பயின்றவர்களுக்கு நிறைய வேலைவாய்ப்புகள் உள்ளன. 
சிற்பக் கலையைப் பயின்றவர்கள் தங்களுடைய பணியைச் செய்யும்போது முழுத்திறமையையும் பயன்படுத்திச் செய்ய வேண்டும். முழு ஈடுபாட்டுடன் செய்ய வேண்டும். வேலை என்று நினைத்துச் செய்யக் கூடாது. தொழில் பக்தி வேண்டும். யார் நமக்கு வேலை தருகிறார்களோ அவர்களுடை மனம் நிறைவடையும் விதமாக வேலை செய்து தர வேண்டும். எல்லாவற்றுக்கும் மேலாக நமக்கு இந்தக் கலையைக் கற்றுத் தந்த குருவின் மேல் பக்தி இருக்க வேண்டும்'' என்கிறார் சுரேந்திரநாத். 
- ந.ஜீவா

]]>
https://images.dinamani.com/uploads/user/imagelibrary/2020/3/3/w600X390/im8.JPG https://www.dinamani.com/weekly-supplements/ilaignarmani/2020/mar/03/சிற்பக்கலைத்துறை-இவ்வளவு-வேலைகளா-3372879.html
3372878 வார இதழ்கள் இளைஞர்மணி தகவல் திருட்டு... தடுக்கலாம் வாங்க! Tuesday, March 3, 2020 09:57 AM +0530 செல்லிடப் பேசிகளில் தனிப்பட்ட தகவல்கள், வங்கி கணக்குகள் குறித்த தகவல்கள், ஏடிஎம் பாஸ்வேர்ட் (கடவுச்சொல்) உள்பட அனைத்து முக்கிய தகவல்களையும் சேகரித்து வைக்கின்றனர். கணினி மற்றும் மடிக்கணினிகளிலும் இது போன்ற தகவல்களை சேமித்து வைக்கின்றனர். ஆனால் இந்த தகவல்கள் அனைத்தும் பாதுகாப்பாக உள்ளதா என்பது குறித்து நம்மில் பலர் சிந்திப்பதில்லை. 
கடந்த ஆண்டில் மட்டும் கோடிக்கணக்கான பயனர்களின் தனிப்பட்ட தரவுகள் (தகவல்கள் ) திருடப்பட்டுள்ளதாக அதிர்ச்சியளிக்கும் வகையில் ஆய்வு முடிவுகள் வெளியாகியுள்ளன. அதிலும் இணையத்தை அதிகமாக பயன்படுத்தும் பயனாளிகளின் தகவல்கள் எளிதாக திருடப்படுகின்றன. 
இணையத்தில் நாம் சில தகவல்களை தேடும்போது அல்லது சில இணையதளங்களை பார்வையிடும்போது, நமது செல்லிடப் பேசியில் உள்ள தகவல்களைப் பயன்படுத்திக் கொள்ள நாம் அனுமதித்துவிடுவோம். இவையே நமது தனிப்பட்ட தகவல்கள் திருடப்படுவதற்கும், வரம்பு மீறலுக்கும் அடிப்படையாக அமைகின்றன. 
நமது தகவல்களைப் பாதுகாப்பாக வைத்திருப்பதற்கான சில வழிகள்... 
தகவல்கள் திருடப்பட்டுள்ளதா?
செல்லிடப்பேசி, மடிக்கணினி, கணினி உள்ளிட்டவற்றில் நாம் சேகரித்து வைத்திருக்கும் நமது தனிப்பட்ட தகவல்கள் திருடப்பட்டுள்ளதா, நமது தகவல்களை திருட யாரேனும் முயற்சித்துள்ளனரா என்பது குறித்து முதலில் நாம் கண்டறிய வேண்டும். have i been pwned -இந்த இணையதளத்தின் மூலம் நமது தகவல்கள் மற்றவர்களால் திருடப்பட்டுள்ளதா என்பதை நாம் தெரிந்து கொள்ளலாம். இந்த இணையதளத்தில் நமது மின்னஞ்சல் முகவரி, பழைய கடவுச்சொற்கள் உள்ளிட்டவற்றை பயன்படுத்தி நம் தகவல்கள் திருடப்பட்டுள்ளதா என்பது குறித்து தெரிந்து கொள்ள இயலும்.
கடவுச்சொல் (பாஸ்வேர்ட்) மாற்றம்
மேற்கண்ட இணையதளத்தின் மூலம் நமது தகவல்கள் திருடப்பட்டுள்ளது என்பது உறுதி செய்யப்பட்டால், உடனடியாக நமது செல்லிடப்பேசி, கணினி உள்ளிட்டவற்றின் கடவுச்சொற்களை மாற்ற வேண்டும். 
கடவுச் சொல்லை அமைக்கும்போது, ஒவ்வொரு முறையும் புதிது புதிதாக அமைக்க வேண்டும். எளிதில் கண்டுபிடிக்கும் வகையில் பெயர், பிறந்த தேதி, செல்லிடப்பேசி எண் உள்ளிட்டவற்றை கடவுச்சொல்லாகப் பயன்படுத்துவதைத் தவிர்க்க வேண்டும். எழுத்து மற்றும் எண் ஆகியவை கலந்த கலவையாக கடவுச்சொல் இருப்பது சிறந்தது.
கடவுச்சொல் டைரி
குறிப்பிட்ட இணையதளங்கள், செயலிகள் என ஒவ்வொன்றுக்கும் நாம் ஒரு கடவுச்சொல்லை பயன்படுத்த நேரிடும். அவ்வாறு பல்வேறு கடவுச்சொற்களை பயன்படுத்தும்போது, அவை அனைத்தையும் நினைவில் வைத்துக் கொள்வது மிகவும் சிரமமாகிடும். அதனால், கடவுச்சொற்களைப் பராமரிக்கும் வகையில் ஒரு சிறிய டைரியைப் பயன்படுத்திக் கொள்ளலாம். ஆன்லைனிலும் பல கடவுச் சொல் டைரிகள் உள்ளன. நேரத்தை மிச்சப்படுத்துகிறேன் என்று ஆன்லைன் டைரிகளில் அனைத்தையும் சேகரித்து நமக்கு நாமே தீங்கு செய்து கொள்ள வேண்டாம்.
கூடுதல் பாதுகாப்பு அம்சங்கள்
இன்றைய பரபரப்பான வாழ்வில் வங்கிகளுக்கு நேரில் சென்று பணப் பரிவர்த்தனைகளை மேற்கொள்பவர்களின் எண்ணிக்கை குறைந்து விட்டது. லட்சக்கணக்கான பணத்தை இணையத்தில் நிமிடத்தில் பரிமாற்றம் செய்யும் வசதியையே அனைவரும் விரும்புகின்றனர். அவ்வாறு பணப் பரிவர்த்தனைகளில் ஈடுபடுவதற்கு எளிதான கடவுச் சொற்களை வைக்காமல் சற்று கடினமான கடவுச் சொற்களைப் பயன்படுத்த வேண்டும். 
மேலும், ஒரேயொரு கடவுச்சொல்லைப் பயன்படுத்தி நமது வங்கிக் கணக்கை பயன்படுத்தும் வசதியை மாற்றி, நமக்கு மட்டும் தெரிந்த தனிப்பட்ட தகவல்களைப் பாதுகாப்பு கேள்விகளாக வைப்பது, சில புகைப்படங்களை அடையாளம் காண்பதற்காக வைப்பது உள்பட பல்வேறு பாதுகாப்பு அம்சங்களில் கவனம் செலுத்த வேண்டும். அப்போது நமது தரவுகள் பாதுகாக்கப்படும். 
ad trafficking
சில இணையதளங்களில் தகவல்களை பார்க்கும்போது, நடுவில் விளம்பரங்கள் வரும். அதை நாம் கிளிக் செய்யும்போது, அது வேறு ஒரு பக்கத்துக்கு அழைத்து செல்லும். இத்தகைய விளம்பரங்கள் மூலமாகவும் நமது தகவல்கள் திருடப்படுவதாக கூறுகின்றனர். அதனால், நமது செல்லிடப்பேசி, கணினி உள்ளிட்டவற்றில் விளம்பரங்கள் வரும்போது அதை நாம் கவனத்துடன் பயன்படுத்த வேண்டும். நமது செல்லிடப்பேசி மற்றும் கணினிகளில் ad trafficking
 அம்சத்தை turn off செய்து வைக்க வேண்டும்.
BROWSER
மிக முக்கியமான தகவல்களை நாம் இணையத்தில் பதிவிட நேரிடும்போது, கூகுள் குரோம், மொஸிலா உள்ளிட்ட BROWSER- களை பொதுவாக பயன்படுத்தாமல், அதில் உள்ள incognito tab என்ற அம்சத்தைப் பயன்படுத்தலாம். இதன் மூலம் நமது தகவல்கள் BROWSER-களில் சேமிக்கப்படுவது தடுக்கப்படும். 
virtual private network (vpn)
இணையத்தில் நமது தகவல்கள் பாதுகாப்பாக இருக்க வேண்டும் என்று நினைப்பவர்கள், சிறிது பணம் செலவு செய்து தனியே vpn பெற்றுக் கொள்ளலாம். இந்த வசதி மூலம், மற்றவர்கள் நமது தகவல்களை பார்வையிடுவது தடுக்கப்படும். மேலும், பொது இடங்களில் wi-fi வசதிகள் உள்ளிட்டவற்றை நாம் பயன்படுத்தும்போது, நமது தகவல்கள் திருடப்படாமல் இருப்பதை ஸ்ல்ய் உறுதி செய்யும்.
-க. நந்தினி ரவிச்சந்திரன்


 

]]>
https://images.dinamani.com/uploads/user/imagelibrary/2020/3/3/w600X390/im7.JPG https://www.dinamani.com/weekly-supplements/ilaignarmani/2020/mar/03/தகவல்-திருட்டு-தடுக்கலாம்-வாங்க-3372878.html
3372877 வார இதழ்கள் இளைஞர்மணி மேலாண்மைத்துறை...புதிய படிப்புகள்! Tuesday, March 3, 2020 09:52 AM +0530 மேலாண்மை தொடர்பான படிப்புகளுக்கு அண்மைக்காலமாக அதிக கிராக்கி ஏற்பட்டு வருகிறது. பொறியியல் துறையில் ஏற்பட்டுள்ள தேக்க நிலையை மேலாண்மை தொடர்பான படிப்புகள் ஈடுகட்டி விடுகின்றன. இதனால் இளங்கலையில் கணினி அறிவியல் மற்றும் பொறியியல் படித்தவர்கள் கூட முதுகலையில் மேலாண்மை தொடர்பான படிப்புகளைப் படித்து மென்பொருள் நிறுவனங்களில் பணியில் அமர்ந்து விடுகின்றனர்.
 தற்போதைய சூழலில் முதுகலையில் குறிப்பிடத்தக்க இரண்டு படிப்புகள் எதுவெனில் எம்பிஏ மற்றும் எம்ஐபி ஆகியவையாகும். எம்பிஏ என்பது இந்தியாவிலும் வெளிநாட்டிலும் கல்வித்துறையில் புகழ்பெற்ற மற்றும் பிரபலமான படிப்பாகும். முதுகலைப் பாடத்திட்டத்தில் கோட்பாடு, நடைமுறை, மினி மற்றும் பெரிய திட்டம் உட்பட 4 செமஸ்டர்களைக் கொண்ட 2 ஆண்டு பாடத்திட்டமாகும். எம்பிஏ படிப்பில் சேர்வதற்கு 50 சதவீத மதிப்பெண்களைப் பெற்ற எந்த இளங்கலை பட்டம் பெற்றிருப்பதும் தகுதியானது. எம்பிஏ படிப்பவர்கள் சிறந்த நிர்வாக, மேலாண்மை மற்றும் வணிக திறன்களைப் பெற்று விளங்க முடியும். கூடுதலாக அவர்கள் சிறந்த தலைமை, சந்தைப்படுத்தல், ஆய்வாளர், தொழில் உறவு, பேரிடர் மேலாண்மை மற்றும் விளம்பரம் கையாளும் நபராகவும் பணியாற்ற முடியும்.
 தற்போதைய சூழலில் எம்பிஏவிற்கு அதிகரித்து வரும் மவுசைக் குறித்து கோவை பாரதியார் பல்கலைக்கழகத்தின் வேலை வழிகாட்டி துறையின் தலைவர் அ.விமலா நம்மிடம் பகிர்ந்து கொண்டவை...
 ""முதுகலை வணிக மேலாண்மை பயில விரும்பும் மாணவர்கள் டான்செட் எனும் நுழைவுத்தேர்வை எழுத வேண்டும். இந்த நுழைவுத் தேர்வு தமிழகத்தில் உள்ள அனைத்து அங்கீகரிக்கப்பட்ட பல்கலைக்கழகங்கள் மற்றும் கல்லூரிகளுக்கும் பொருந்தும். இந்திய அரசாங்கத்தினால் நிறுவப்பட்ட அனைத்து இந்திய மேலாண்மை கழகத்தில் ஐஐடியில் பயில விரும்பும் மாணவர்கள் கேட் எனும் நுழைவுத்தேர்வை எழுத வேண்டும். இரண்டாம் கட்ட "பி' ஸ்கூலுக்கான நுழைவுத் தேர்வாக மேட் எழுத வேண்டும். மேற்கண்ட கல்விக் குழுமங்களைத் தவிர்த்து, பிற "பி' ஸ்கூல்களில் எம்பிஏ பயில விரும்பும் மாணவர்கள் சேட், ஐஐஎப்டி, ஸ்னாப், டிஷ்னெட் மற்றும் ஜி மேட் போன்ற நுழைவுத்தேர்வுகளை எழுத வேண்டும்.
 எம்பிஏ பாடத்திட்டத்தில் மனித வள மேலாண்மை, நிதி மேலாண்மை, சந்தையியல் மேலாண்மை மற்றும் தகவல் அமைப்புகள் மேலாண்மை ஆகியவையே பிரதான பாடப் பிரிவுகளாகும். ஆனால், இவற்றில் தற்போது சுமார் 50 உட்பிரிவுகளும் உருவாகியுள்ளன. இவற்றில் சர்வதேச வணிக மேலாண்மை, தொழில் முனைவோர் மேலாண்மை, செய்முறை மேலாண்மை, மருத்துவமனை மற்றும் சுகாதார மேலாண்மை, பேரிடர் மேலாண்மை, சில்லறை மற்றும் தளவாடங்கள் மேலாண்மை, சுற்றுலா மேலாண்மை, வேளாண் வணிக மேலாண்மை, ஹோட்டல் மேலாண்மை, டிஜிட்டல் மார்க்கெட்டிங் போன்றவை குறிப்பிடத்தக்கவையாகும்.
 முதுகலை வணிக மேலாண்மை படிக்கும் மாணவர்கள் அனைத்து மேலாண்மை மற்றும் நிர்வாகத் துறைகளிலும் சிறப்பாகப் பணியாற்ற முடியும். மேலும் அவர்கள் ஒரு தொழில் முனைவோராகவும் மாறலாம். மனித வள மேலாளர், நிதி மேலாளர், சந்தைப்படுத்தல் மேலாளர், உற்பத்தி மற்றும் செயல்பாட்டு மேலாளர், தகவல் தொழில்நுட்ப மேலாளர், திட்ட மேலாளர், வாடிக்கையாளர் உறவு மேலாளர், மேலாண்மை ஆலோசகர் உள்ளிட்ட பணிகளோடு வங்கிகளிலும், பிற நிறுவனங்களிலும் எந்தவொரு நிர்வாகப் பணியையும் அவர்கள் செய்ய முடியும்'' என்றார்.
 இந்நிலையில் கோவையிலிருந்து ஆண்டுதோறும் பல்வேறு தனியார் கல்லூரிகளிலுள்ள இங்கிலாந்திலுள்ள பல்கலைக் கழகங்களுக்கு சம்மர் ஸ்கூல் என்ற பெயரில் விடுமுறைக்கால பள்ளியில் பயில்வதற்கு மாணவ, மாணவியர்அழைத்து செல்லப்படுகின்றனர். இதன்மூலம் அவர்களது மூன்றாம் பருவப் படிப்பின்போது வெளிநாட்டில் கல்வி கற்க வாய்ப்புக் கிடைக்கிறது. இங்கிலாந்தில் கோடைக்காலத்தில் கல்வி நிறுவனங்களுக்கு விடுமுறை கிடையாது. அதற்குப் பதிலாக பருவமழைக் காலத்தில்தான் விடுமுறைக்காலமாகும். அப்போது பல்கலைக்கழகங்களில் மாணவ, மாணவியர் எவரும் இருக்க மாட்டார்கள் என்பதால் ஜூலை மற்றும் ஆகஸ்டு மாதங்களை சம்மர் ஸ்கூலுக்காக பயன்படுத்திக் கொள்கின்றனர். பயணச்செலவு, தங்குமிடம் மற்றும் உணவு ஆகியவற்றோடு கல்விக் கட்டணமாகவும் சேர்த்து நபருக்கு இந்திய மதிப்பில் ரூ.2 லட்சம் வரை வசூலிக்கப்படுகிறது. இந்த வாய்ப்பு வெளிநாட்டு பல்கலைக்கழக்ததிலும் கல்வி கற்றோர் என்ற பெருமையை எம்பிஏ மாணவர்களுக்கு ஏற்படுத்தித் தருகிறது.
 இதைப்போலவே கோவை பாரதியார் பல்கலைக்கழகமும் விரிவாக்கம் மற்றும் மேல் வழிகாட்டி துறையின் சார்பில் உள்நாடு மற்றும் வெளிநாட்டில் கல்வி மற்றும் வேலைவாய்ப்புகள் தொடர்பான தேசிய அளவிலான விழிப்புணர்வு கருத்தரங்குகளை அவ்வப்போது நடத்தி வருகிறது. இதில் பேச்சுத்திறன், வேலை வழிகாட்டி நெறிமுறைகள், கணினி அறிவு உள்ளிட்டவற்றை வளர்த்துக் கொள்வதன் அவசியம் குறித்தும் வலியுறுத்தப்படுகிறது. இத்தகைய கருத்தரங்குகளின் மூலம் மாணவர்களின் திறன் மெருகூட்டப்படுவதோடு அவர்களுக்கான வேலைவாய்ப்புகளும் அதிகரிக்கின்றன. இவ்வாண்டில் பாரதியார் பல்கலைக் கழகத்தில் நடத்தப்பட்ட வேலைவாய்ப்பு முகாமில் இன்போசிஸ் நிறுவனத்திற்கு மட்டும் 1, 218 மாணவர்கள் தேர்வு பெற்று சாதனை படைத்துள்ளனர் என்பது குறிப்பிடத்தக்கது.


 -ஏ.பேட்ரிக்
 
 
 

]]>
https://images.dinamani.com/uploads/user/imagelibrary/2020/3/3/w600X390/im6.JPG https://www.dinamani.com/weekly-supplements/ilaignarmani/2020/mar/03/மேலாண்மைத்துறைபுதிய-படிப்புகள்-3372877.html
3372805 வார இதழ்கள் இளைஞர்மணி வாங்க இங்கிலீஷ் பேசலாம் 232 - ஆர்.அபிலாஷ் DIN DIN Tuesday, March 3, 2020 09:03 AM +0530 ஊரடங்கு உத்தரவு பிரகடனம் செய்யப்பட்ட நிலையில் புரொபஸர், கணேஷ் மற்றும் ஜூலி புரொபஸரின் நண்பரான வீரபரகேசரியின் வீட்டுக்குச் சென்றிருக்கிறார்கள். வீரபரகேசரி வரலாற்றுப் புதினங்கள் தொடர்ந்து எழுதி மனம் பேதலித்துப் போனவர். தன்னை சோழப்பேரரசின் சக்கவர்த்தியாக நம்பி தனது சேவகர்களின் உதவியுடன் தனது பெரிய வீட்டில் வாழ்ந்து வருகிறவர். அவருடன் இருவரும் சம்பாஷணையில் ஈடுபட்டு இரவைக்கழிக்கிறார்கள். அப்போது ஒரு சின்ன விசயத்துக்காக வீரபரகேசரி கணேஷிடம் கோபித்துக் கொள்கிறார். அவர் அவனுக்கு மரண தண்டனை விதிப்பதாக, அவன் தலை உடனே கொய்யப்படுமென கட்டளை பிறப்பிக்கிறார். கணேஷ் மன்னிப்புக் கோர அவர் அவனிடம் பத்து கேள்விகள் கேட்கப் போவதாகச் சொல்கிறார். அதில் ஒன்பதுக்கு சரியாகப் பதிலளித்தால் அவன் தலை தப்பும். அப்போது millstone around the neck Gàm idiomatic expressionஇன் பொருள் என்ன எனும் கேள்வியை வீரபரகேசரி எழுப்புகிறார். இந்த கேள்வி அவர் கேட்டுக்கொண்டிருக்கும் பத்து கேள்விகளில் ஒன்று.
கணேஷ் தலையைச் சொறிகிறான்: சார், யாராவது கேள்வி கேட்டா தான் என் மூளை விழிச்சிக்குது. பரபரன்னு யோசிக்குது. அதுவரைக்கும் தெரியாதது எல்லாம் ஸ்விட்சு போட்டு பல்பு எரியிற மாதிரி தெரியுது.
புரொபஸர்: பரீட்சை எழுதும் போது எல்லாம் புதுசா படிச்ச மாதிரி, கேள்விப்படுற மாதிரி இருக்குமே, அதைச் சொல்றியா?
கணேஷ்: சார் ... இதோ பாருங்க, கரெக்டா பதில் சொல்றேன், millstone around the neck என்றால் ... ஒரு தவிர்க்க முடியாத தொந்தரவாக பொறுப்பு அல்லது தப்பிக்க முடியாத பிரச்சனை. 
வீரபரகேசரி: என்ன புரொபஸர் இவனோட பதில் சரியா?
புரொபஸர்: Absolutely!
வீரபரகேசரி (கணேஷிடம்): Am I a millstone around your neck?
கணேஷ்: இதுக்கு சரியான பதில் சொன்னா என்னாகும்? 
புரொபஸர்: நூறு கசையடி கொடுப்பான்.
கணேஷ்: ஏன் சார்?
புரொபஸர்: மன்னரைப் போய் தவிர்க்க முடியாத தொந்தரவுன்னு சொல்லலாமா? என்னதான் அது உண்மையாக 
இருந்தாலும். 
கணேஷ்: தப்பான பதில் சொல்லவா?
புரொபஸர்: You will be beheaded. தலை வேண்டாமா?
கணேஷ்: சரி... சமாளிக்கிறேன் பாருங்க.
வீரபரகேசரி: ம்ம்ம்... என்ன அங்கே குசுகுசுக்கிறாய்?
கணேஷ்: மன்னர் மன்னா you are not a millstone around the neck, rather you are a garland around our necks!
புரொபஸர்: ஆஹா! சபாஷ்!
வீரபரகேசரி: Donot sweet talk me! ஆனால் அது நல்ல பதில் தான்.
கணேஷ்: அதென்ன சார் sweet talk?
புரொபஸர்: அதுவா? ஜால்ரா அடிக்கிறது. காரியம் சாதிக்கிறதுக்காக பொய்யாகப் புகழ்வது. 
வீரபரகேசரி: ஆனால் இத்தகைய smoothies அவர்களுக்கு என் தேசத்தில் வரையறுக்கப்பட்ட இடம் உள்ளதால் எந்த பிரச்னையும் இல்லை. அதாவது ஜால்ராவுக்கு என் நாட்டில் இடமேஇல்லை.
கணேஷ்: புரியவில்லை மன்னா.
வீரபரகேசரி: ஜால்ரா அடிப்பவர்களே இல்லை என்கிறேன். உதாரணமாக (கையைக் கட்டிக் கொண்டு நிற்கும் ஒரு அதிகாரியை அழைக்கிறார்) டேய் இங்கே வா.
அதிகாரி: மன்னர் மன்னா! தங்களுக்கு அடிபணிகிறேன். தங்கள் கட்டளையை சிரமேற்கொள்கிறேன். தங்களைப் புகழ்ந்து பா புனைவதும் வானளாவ தங்களைப் போற்றி கதைகள், காவியங்கள் புனைவதுமே என் பணி. அதைத் தவிர நான் வேறெதையும் செய்வதில்லை. 
வீரபரகேசரி: சரி... போ...
அவர் சென்று மூக்கை நோண்டுகிறார். 
வீரபேரகேசரி: டேய்... இங்கே வா.
அதிகாரி திரும்பவும் வந்து: மன்னர் மன்னா! தங்களுக்கு அடிபணிகிறேன். தங்கள் கட்டளையை சிரமேற்கொள்கிறேன். தங்களைப் புகழ்ந்து பா புனைவதும்...
வீரபேரகேசரி: சரி... சரி... போ. (அதிகாரி திரும்பவும் வந்த இடத்துக்கு சென்று மூக்கை நோண்டுகிறார்.) அவ்வளவு தான். நான் கேட்காத போது he won’t sweet talk. இதனால் நான் கேட்காத போது என் தேசத்தில் யாருமே ஜால்ரா அடிக்க மாட்டார்கள். இதனால் என் நாட்டில் பொய்யும் புரட்டும் இல்லவே இல்லை. அதாவது ...
புரொபஸர்: அன்றாட வாழ்வில் யாருமே பொய் பேச மாட்டார்கள். கூலிக்கு மட்டுமே பொய் கூறப்படும். 
வீரபேரகேசரி: ஆம், அதுவே தான். 
கணேஷ்: இது மிக நல்ல சிஸ்டம் மன்னா. பொய்யை ஒழித்துக் கட்ட இதை விட சிறந்த வழியில்லை.
வீரபேரகேசரி: ஆம். டிவி விவாத நிகழ்ச்சிகளில் கூட ஒன்று என் ஆதரவாளர்கள் நேரடியாக இருப்பார்கள், அல்லது என் அங்கீகாரம் பெற்ற எதிரிகள் இருப்பார்கள். நடுநிலையாளர்கள் எனும் பொய்யர்களே கிடையாது. சரி, millstone around neck என்பதன் வரலாறு என்ன?
கணேஷ்: விவிலியம் மன்னா, கர்த்தர் ஒருமுறை என் பிள்ளைகளை மதிக்காத பெற்றோர்களை கழுத்தில் கல்லைக் கட்டி கடலில் வீசுவேன் என்றார். அப்படித் தான் ஒரு தவிர்க்க முடியாத பிரச்னையை கழுத்தில் கட்டப்பட்ட கல் எனும் பொருளில் குறிப்பிடும் வழக்கம் ஏற்பட்டது.
(இனியும் பேசுவோம்)

]]>
https://images.dinamani.com/uploads/user/imagelibrary/2020/3/3/w600X390/ENG.JPG https://www.dinamani.com/weekly-supplements/ilaignarmani/2020/mar/03/வாங்க-இங்கிலீஷ்-பேசலாம்-232---ஆர்அபிலாஷ்-3372805.html
3372800 வார இதழ்கள் இளைஞர்மணி நாட்டை வளப்படுத்துவது சுயசார்பா? இறக்குமதியா? விஞ்ஞானி வெ. பொன்ராஜ்(அப்துல்கலாமின் முன்னாள் அறிவியல் ஆலோசகர்) DIN DIN Tuesday, March 3, 2020 08:56 AM +0530 மிச்சமெல்லாம் உச்சம் தொடு 58
நமது சொந்த போர் விமானத்தை நாமே உருவாக்குவோம்; 
தனது செயல்திறனில் ஒரு தனித்துவமான விமானமாக,
அது இந்தியக் கொடியுடன் பறக்க வேண்டும். 
ஆம். பாரீஸ் ஏர் ஷோவில். 
- ஆ.ப.ஜெ. அப்துல் கலாம் 
பாரீஸ் விமான கண்காட்சியில் அப்துல் கலாம் 1991- இல் எழுதினார். 1980-95 கால கட்டத்தில் இந்தியா இலகு ரக போர் விமானத் திட்டம் வரைந்து வடிவமைக்கும் (Drawing board) நிலையிலும், கணினி உதவி வடிவமைப்பு நிலையிலும் (Computer Aided Design), விமான வடிவமைப்பில் எந்த வகையான தொழில்நுட்பத்தை தெரிவு செய்வது மற்றும் மேலாண்மை நிர்வாக அமைப்பை எப்படி அமைப்பது என்ற சிந்தனைக் குழப்பங்களுக்கு மத்தியில் இருந்த நேரம் அது. 
1982 - ஆம் ஆண்டில் டாக்டர் வி.எஸ். அருணாச்சலம் மற்றும் டாக்டர் ராஜா ராமண்ணா ஆகியோர் அப்போதைய பாதுகாப்பு மந்திரி ஆர்.வெங்கட்ராமனுடன் பேசி, இஸ்ரோ தலைவர் பேராசிரியர் சதீஷ் தவானிடம் கோரிக்கை விடுத்து, அப்துல் கலாமை இஸ்ரோவிலிருந்து டிஆர்டிஓவில் மீண்டும் கொண்டு வந்தார்கள். அப்துல் கலாம் பாதுகாப்பு ஆராய்ச்சி மற்றும் மேம்பாட்டு துறையில் DRDL ஆய்வகத்தின் Integrated Guided Missile Development Programme 
(IGMDP) ஒருங்கிணைந்த வழிகாட்டப்பட்ட ஏவுகணை மேம்பாட்டு திட்டத்தின் தலைவராக அக்னி, பிரித்வி, ஆகாஷ், நாக், திரிசூல் ஏவுகணை வடிவைப்பில் தீவிரமாக இருந்த நேரம். 
அப்போது பாரிஸ் விமானக் கண்காட்சியை அன்றைய இராணுவ அமைச்சரின் அப்போதைய அறிவியல் ஆலோசகரான டாக்டர் வி.எஸ்.அருணாசலம் மற்றும் அப்போதைய ADA (Aeronautical Development Agency) விமான மேம்பாட்டு முகமையின் திட்ட இயக்குநராக இருந்த டாக்டர் கோட்டா ஹரிநாராயணா மற்றும் ஏடிஇ (ADE - Aeronautical Development Establishment) இயக்குநர் டாக்டர் கே.ஜி.நாராயணன் ஆகியோர் உடன் டாக்டர் அப்துல்கலாமும் இந்த நிகழ்சியில் கலந்து கொண்டார். பாரீஸ் விமான கண்காட்சியில் அந்த காலை வேளையில் அமெரிக்கா, ரஷ்யா மற்றும் ஐரோப்பாவின் பல்வேறு விமானங்கள் விண்ணைக் கிழித்துக் கொண்டு சாகசங்களை நிகழ்த்தும் போது அப்துல் கலாமின் கனவு இந்தியாவின் இலகு ரக போர் விமானத்தை இந்தியாவே சுயமாக வடிவமைத்து அதை இந்த நாடுகளின் போர் விமானங்களோடு போட்டி போட்டு இந்திய கொடியை ஏந்திப் பறக்க வேண்டும் என்பதாக இருந்தது. 
அதாவது எப்படி ராக்கெட்டையும், ஏவுகணையையும் வெளிநாடுகளின் தொழில் நுட்ப உதவி மறுக்கப்பட்ட நிலையிலும் தொழில்நுட்பத் திறனை இந்தியாவிலேயே உருவாக்கி இந்தியாவே சொந்தமாக உருவாக்க முடியும் என்று உருவாக்கி காட்டினாரோ... அதே போல் போர் விமானத்தையும் இந்தியாவே உருவாக்க வேண்டும் என்பது தான் அவர் கனவு. அந்தக் கனவை எங்கெல்லாம் விதைத்திருக்கிறார் பாருங்கள். 1995- இல் கிட்டத்தட்ட ஆயிரக்கணக்கான விஞ்ஞானிகளும், பொறியாளர்களும் இந்தியாவின் இலகு ரக விமானத்தை உருவாக்கி, அதன் சோதனை ஒட்டம் தொடங்கப்பட்ட நேரத்தில், அப்போது தான் அந்த திட்டத்தில் சேர்ந்திருந்த என்னிடம் கூட இந்த கேள்வியைக் கேட்டார் என்றால், அவரது எண்ணம், செயல் எல்லாம் இந்தியாவின் பாதுகாப்பை, வலிமையை உலகிற்கு உணர்த்தும் அறிவியல் தொழில் நுட்பங்களில், போர்த் திறம் வாய்ந்த முக்கியமான தொழில்நுட்பங்களில் இந்தியா சுயசார்பை எய்த வேண்டும் என்பதாக இருந்தது. 
நான் முதன் முதலாக 17 நவம்பர் 1995- இல் அவரைச் சந்தித்த போது அவர் என்னிடம் கேட்ட முதல் கேள்வி, "உனது இலட்சியம் என்ன?'' என்பதுதான். நான், "உங்களைச் சந்திப்பது தான் எனது 15 ஆண்டுகால இலட்சியம்'' என்று கூறினேன். "அது தான் சந்தித்துவிட்டாயே, அடுத்த இலட்சியம் என்ன?'' என்று கேட்டார். அப்போது சொன்னேன், "சார் இலகு ரக போர் விமானத்தை வடிவமைத்து உருவாக்குவது'' என்று சொன்னேன். அதற்கு அப்துல் கலாம் சொன்னார்: "இந்தியா ராக்கெட் தொழில்நுட்பத்திலும், ஏவுகணை தொழில்நுட்பத்திலும் சுயசார்பை அடைந்துவிட்டோம். அதே போல் விமானத்தை உருவாக்கும் தொழில்நுட்ப வளர்ச்சியில் சுயசார்பை அடைய வேண்டும். அதை உனது இலட்சியமாக்கி உழைக்க வேண்டும்'' என்றார். 
"வெளிநாடுகள் தாங்கள் கண்டறிந்த அறிவார்ந்த தொழில்நுட்பத்தை வளரும் நாடுகளுக்கு கொடுக்க மாட்டார்கள்; அவர்கள் போர்விமானங்களை இந்தியாவிற்கு ஏற்றுமதி செய்வதற்கு தான் விரும்புவார்கள். ஆனால் அதனால் நமக்கு அதை உருவாக்கும் தொழில் நுட்பம் கிடைக்காது; நாம் வெறும் உபயோகிப்பாளர்களாகவே, நமது மக்கள் பணத்தை வைத்து வெளிநாடுகளில் இருந்து இராணுவத்திற்கு வேண்டிய ஆயுதங்கள், ஏவுகணைகள், ராக்கெட்டுகள், விமானங்கள் இறக்குமதி செய்து கொண்டிருக்கிறோம்; இதனால் மக்களது வரிப்பணம் வீணாகிறது. இந்த தொழில்நுட்பங்களை எல்லாம் நாமே உருவாக்கினால் தான் இந்தியா தனது பாதுகாப்பை நமது அறிவியல் கண்டுபிடிப்புகளால் காக்க முடியும். அது மட்டுமல்ல, அதனால் நமது இளைஞர்களுக்கு வேலைவாய்ப்பும் கிடைக்கும். இந்தியாவின் சொந்த அறிவியல், தொழில்நுட்ப ஆராய்ச்சி மேம்படும். எனவே தான் எளிதில் கிடைக்காத அனைத்து அறிவியல் தொழில்நுட்பங்களையும் நாம் நம் நாட்டிலேயே சுயசார்பாக உற்பத்தி செய்ய வேண்டும். கொஞ்சம் கொஞ்சமாக இறக்குமதியால் வீணாகும் அந்நியச் செலாவணியை தவிர்க்க வேண்டும்'' என்பதைப் புரிய வைத்தார். கூடிய சீக்கிரம் நாட்டின் பாதுகாப்பை உறுதிப்படுத்தும் முக்கியமான துறைகளில் சுயசார்பை எய்த வேண்டும் என்பது தான் டாக்டர் கலாமின் எண்ணம். 
இலகு ரக போர் விமானத்தை (LCA - Light Combat Aircraft) இந்தியாவில் வடிவமைக்கவும், மேம்படுத்தவும் DRDO (Defence Rese-arch and Development Organisation) பாதுகாப்பு ஆராய்ச்சி மற்றும் மேம்பாட்டு நிறுவனம் 1983- இல் அப்போதைய இந்திய பிரதமர் திருமதி இந்திரா காந்தியின் அனுமதியைப் பெற, அப்போதைய பாதுகாப்பு அமைச்சரின் அறிவியல் ஆலோசகரான டாக்டர் வி.எஸ். அருணாச்சலம் முக்கிய காரணமாக இருந்தார். 1984- இல் ADA நிறுவப்பட்டு LCA வடிமைப்பை தொடங்கியது. அதற்கு பின் பிரதமரான ராஜீவ்காந்தி இந்த திட்டத்திற்கு முக்கியத்துவம் கொடுத்து பல்வேறு பிரச்னைகள், தொழில் நுட்ப சவால்களைச் சமாளித்து இந்த திட்டம் வளர்வதற்கு உறுதுணையாக இருந்தார். 
1982-1992 காலம் டிஆர்டிஓவுக்கு (DRDO) ஒரு முக்கியமான காலகட்டமாகும். இந்த காலகட்டத்தில் டாக்டர் அருணாச்சலத்தின் தலைமை காரணமாக மூன்று முக்கிய திட்டங்கள் அனுமதிக்கப்பட்டன. ஒன்று ஒருங்கிணைந்த வழிகாட்டப்பட்ட ஏவுகணை மேம்பாட்டு திட்டம் (IGMDP). IGMDP-க்கு ஒரு மேலாண்மை வாரியம் உருவாக்கப்பட்டது (Board Management Structure), LCA-க்காக ஒரு சமூக அமைப்பு (Society Structure) உருவாக்கப்பட்டது மற்றும் ஏடிவிக்கு (All Terrain Vehicles-ATV) ஒரு கலப்பின கட்டமைப்பு (Hybrid Structure) உருவாக்கப்பட்டது. டிஆர்டிஓ இந்த காலகட்டத்தில் DRDO ஒரு இறக்குமதிக்கு மாற்று நிறுவனம் என்ற நிலையில் இருந்து ஒரு முழு அளவிலான பாதுகாப்பு உபகரணங்கள், இயந்திரங்கள், ஆயுதங்கள், பீரங்கிகள், ஏவுகணைகள், விமானங்கள் போன்ற முக்கியத்துவம் வாய்ந்த அமைப்புகளை உருவாக்கும் வடிவமைப்பு மற்றும் மேம்பாட்டு அமைப்பு என்ற நிலைக்கு உயர்த்தப்பட்டது. டிஆர்டிஓவின் விஞ்ஞானிகளின் வலிமையும்வளர்ந்தது. 
1990- இல் LCA விமானத்தை சிறிய டெல்டா சிறகுகள் தளர்வான நிலையான நிலைத்தன்மை விமானமாக (Small Delta Winged Relaxed Static Stablility Aircraft) வடிமைப்பது என்று முடிவு எடுக்கப்பட்டு முதல் திட்ட இலக்கு நிர்ணயிக்கப்பட்டது. அந்த கால கட்டத்தில் பொருளாதார சிக்கலில் இந்தியா இருந்ததால் முழு அளவிலான செயல்பாடுகள் தொடங்குவதில் தடை ஏற்பட்டது. 1993-க்கு மத்தியில் தான் திட்டத்தின் முதல் கட்டம், முழு அளவிலான மேம்பாட்டுப் பணிகள் தொடங்கின. 
17 நவம்பர் 1995- இல் LCA - TD-1 (Technology Demonstrator-1) முதல் தொழில்நுட்ப செய்முறை விமானம்-1 முதல் முறையாக பரிசோதனை ஓட்டம் செயல்படுத்தப்பட்டது. அதைத் தொடர்ந்து 1998 - இல் TD-2 பரிசோதனை ஒட்டம் நடத்தப்பட்டது. இருப்பினும், விமானக் கட்டுப்பாட்டு அமைப்புகளில் (Flight Control System), தொழில்நுட்ப சிக்கல்கள் மற்றும் விமான கட்டமைப்பில் சில குறைபாடுகள், இந்த தொழில்நுட்ப செய்முறை விமான முன்மாதிரிகளைப் பாதித்தன. அவை மீண்டும் தரையிறக்கப்பட்டிருக்கிறது. 1997 - எல்.சி.ஏ வடிவமைப்பு பணிகளுக்கான மல்டி-மோட் ரேடார் (MMR) எச்.ஏ.எல் (HAL) இன் ஹைதராபாத் பிரிவு மற்றும் எல்.ஆர்.டி.இ இணைந்து பணியாற்றியது. 
அந்த காலகட்டத்தில் நான் LCA போர் விமான வடிவமைப்புத் திட்டத்தில் ADA வில் பணியாற்றிய வாய்ப்பு கிடைத்தது. மிகவும் ஒரு சிக்கலான தொழில்நுட்பங்களை விமான வடிவமைப்பிற்கு தேவையான கணிணி கட்டமைப்பு மற்றும் தொடர் இணைப்பை உருவாக்கி அதைச் செயல்பாட்டிற்கு கொண்டு வரும் பணி, வடிவமைப்பு நிறுவனமான ADAவிற்கும் விமான உற்பத்தி நிறுவனமான HALக்கும் இணைப்பு ஏற்படுத்தி, இறுதி செய்யப்பட்ட வடிவமைக்கப்பட்ட விமானப் பொருள்களை கணிணி மூலமாக உற்பத்தி செய்வதற்கும், அதை இணைத்து விமானத்தை உருவாக்கும் பணியைச் செயல்படுத்தும் முக்கிய பணி, விமான கட்டமைப்பு அமைப்புகளைச் சோதனை செய்து பார்க்கும் கணிப்பொறி செயலிகள் மூலம் ஒரே நேரத்தில் பணியாற்றி முடிவுகளைக் கண்டறியும் செயலிகளை உருவாக்குவதிலும், வெர்சுவல் ரியாலிட்டி மூலம் விமான கட்டமைப்புகளைக் கணிணி மூலம் விரைவாக முடிக்கவும், விமான பைலட் செயல்பாட்டு தளம் என்று சொல்லப்படக்கூடிய காக்பிட், அதன் சிமுலேசன் கணிணி செயலி அமைப்பை (Object Oriented Design) மூலம் உருவாக்குவதிலும், தொலைத்தொடர்பு கட்டமைப்பு மற்றும் இணையதள கட்டமைப்பை வடிவமைப்பு போன்ற பணிகளில் நான் ஈடுபட்டேன். டாக்டர் அப்துல் கலாம் ADAவின் டைரக்டர் ஜெனரலாக, அவரது வழிகாட்டலில் நேரடியாக ADAவின் தலைவர் டாக்டர் கோட்டா ஹரிநாராயன், PGD பணியாற்றினார். அவர் தலைமையில் தொழில்நுட்ப மேம்பாட்டு பிரிவின் தலைவர் PD(TD) டி.ஜி. பை - இன் கீழ், தொழில்நுட்ப மேம்பாட்டு கணினி துறையின் தலைவர் டாக்டர் ஆர். கே. ராமநாதன் தலைமையில் தான், நான் மற்ற விஞ்ஞானிகள் ராமகிருஷ்ணன் மற்றும் ஆர்.டி.பாண்டியன் (TD-Computer Systems, Networking and ICT Infrastructure), எம்.டி.ஆர் பிரசாத் (Virtual Reality), யூசுப் மற்றும் வினோத் குமார் (CAD), விமான ஒட்டி சிமுலேசன் (Avionics and Cockpit Simulation) அமைப்பில் தினகர் ராஜ்குமார் மற்றும் சுரேஷ்குமார், பொது விமான அமைப்புகள் (General Systems) தலைவர் டாக்டர் எம்.பி. வர்மா மற்றும் தங்கவேல், சுவாமிநாதன், கணினி திரவ இயக்கவியல் (CFD) கே.பி.சிங் மற்றும் ஏ.கே. கோஷ், விமான கட்டுபாட்டு கணிணி (Flight Control Systems) அமைப்பின் விஞ்ஞானிகள், விமான சோதனை அமைப்புகள், கணிணி உதவியுடன் உற்பத்தி (CAM) செய்யும் துறையின் தலைவர் சேகர் போன்ற பல்வேறு துறையில் பணியாற்றும் விஞ்ஞானிகளுடன் இணைந்து இலகு ரக போர் விமான உற்பத்தி திட்டத்தில் பணியாற்றும் வாய்ப்பு எனக்குக் கிடைத்தது. 
இதில் முக்கியமான ஒன்று நினைவு கூறப்படவேண்டும். 4 ஜனவரி 2001- அன்று எல்.சி.ஏவின் முதல் தொழில்நுட்ப செய்முறை விமானம் (LCA-TD-1) வெற்றிகரமாகப் பறந்தது. இதை இயக்கிய பைலட் விங் கமாண்டர் கோத்தியால் 20 நிமிடம் LCA  வை முதன் முறையாக விண்ணில் ஓட்டினார். இந்த விமானம் பறக்குமா இல்லை ஏதேனும் விபத்து நடந்து விடுமா என்று எங்கள் எல்லாருக்கும் பதற்றம். டாக்டர் கலாம் இந்த நிகழ்ச்சிக்கு டெல்லியில் இருந்து வந்திருந்தார். LCA  வெற்றிகரமாக பறந்தது, வந்து தரையில் இறங்கியது. இறங்கியவுடன் முதன் முதலாக பைலட் சொன்னார்: "ADA COCK PIT SIMULATOR - இல் எப்படி பறந்து பயிற்சி பெற்றேனோ, அப்படியே எவ்வித மாற்றமும் இல்லாமல் LCA  பறந்தது'' என்று கூறினார். LCA  தொழில்நுட்பம் எப்படி சிறப்பாகச் செயல்பட்டது என்பதற்கு இது ஒரு சான்று. அன்றைய பிரதமர் அடல் பிஹாரி வாஜ்பாய் எல்.சி.ஏவை தேஜாஸ் என்று பெயர் மாற்றினார்.
இவ்வாறு மக்கள் நலனில் அக்கறை கொண்ட தலைவர்கள் தொலைநோக்குப் பார்வையோடு இருந்ததால்தான், எப்படிப்பட்ட இக்கட்டான சூழ்நிலையிலும் கூட நாட்டை வளப்படுத்தும் இப்படிப்பட்ட தொலைநோக்குப் பார்வை கொண்ட புது கண்டுபிடிப்பு திட்டங்கள் தோன்றின. அவர்களால் தான் இந்தியா பாதுகாப்பு, விண்வெளி மற்றும் அணுமின் சக்தியில் சுயசார்பை எய்தும் நிலையை நாம் அடைந்திருக்கிறோம். தேசிய முன்னுரிமையை அடிப்படையாகக் கொண்ட அனைத்து திட்டங்களுக்கும் தெளிவான தொலைநோக்குப் பார்வை இருக்க வேண்டும். 

பிப்ரவரி 9, 2005 - அன்று, இந்துஸ்தான் ஏரோநாட்டிக்ஸ் லிமிடெட் உடன் இணைந்து பெங்களூருவின் ஏரோநாட்டிக் டெவலப்மென்ட் ஏஜென்சி உருவாக்கி தயாரித்த மூன்று LCA  TEJAS லைட் காம்பாட் விமானங்கள் - 187 விமான நேரங்களைப் பதிவு செய்த பின்னர் ஏரோ இந்தியா 2005 - இன் விமான கண்காட்சியின் ஒரு பகுதியாக LCA  விமானங்கள் பறந்தன. அப்போது டாக்டர் அப்துல் கலாம் என்னிடம் சொன்னார்: "1991- இல் நான் எழுதிய கவிதை 15 வருடம் கழித்து நனவாகும் நிலையை எட்டியிருக்கிறது'' என்று. இதில் 1998- இல் ஒரு பெரிய சோதனை வந்தது. அதை எப்படி இந்தியா சமாளித்தது? தொடர்ந்து பார்ப்போம்.
உங்கள் கனவுகளை, இலட்சியங்களை
பகிர்ந்து கொள்ள தொடர்பு கொள்ளுங்கள்:
vponraj@live.com 
(தொடரும்)

]]>
https://images.dinamani.com/uploads/user/imagelibrary/2020/3/3/w600X390/im4.JPG https://www.dinamani.com/weekly-supplements/ilaignarmani/2020/mar/03/நாட்டை-வளப்படுத்துவது-சுயசார்பா-இறக்குமதியா-விஞ்ஞானி-வெ-பொன்ராஜ்அப்துல்கலாமின்-முன்னாள்-அறிவியல்-3372800.html
3372759 வார இதழ்கள் இளைஞர்மணி வேலை...வேலை...வேலை...(03/03/2020) Tuesday, March 3, 2020 08:34 AM +0530 பாரத் எலெக்ட்ரானிக்ஸ் நிறுவனத்தில் வேலை 
பணி:  Trainee Hindi Officer (Translator) - 3
கல்வித்தகுதி: ஹிந்தியில் முதுகலைப் பட்டம் பெற்று இருக்க வேண்டும். ஆங்கிலம் ஒரு தாளாக பயின்றிருக்க வேண்டும். 
பணி: Trainee Publication Officer - 2 
கல்வித்தகுதி: எலக்ட்ரானிக்ஸ், எலக்ட்ரானிக்ஸ் அறிவியல் பிரிவில் எம்.எஸ்சி முடித்திருக்க வேண்டும். 
வயது வரம்பு: 25 வயதுக்குள் இருக்க வேண்டும். குறிப்பிட்ட சில பிரிவினருக்கு உச்சபட்ச வயது வரம்பில் தளர்வு உண்டு. 
சம்பளம்: மாதம் ரூ.25,000 வழங்கப்படும். 
தேர்வு செய்யப்படும் முறை: நேர்முகத்தேர்வு மற்றும் எழுத்துத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: பொது, ஓபிசி பிரிவினர் ரூ.200 கட்டணமாகச் செலுத்த வேண்டும்.
விண்ணப்பிக்கும் முறை: http://www.bel-india.in என்ற வலைதளத்தில் உள்ள மாதிரி விண்ணப்பப் படிவத்தைப் பதிவிறக்கம் செய்து தேவையான சான்றிதழ்களின் நகல்களை இணைத்து கீழ்க்காணும் முகவரிக்கு அனுப்பி வைக்க வேண்டும். 
முகவரி: The Manager (HR/A&F/CMS), Bharat
Electronics Limited, Jalahalli Post, Bengaluru – 560 013.
மேலும் முழுமையான விவரங்கள் அறிய: http://www.bel-india.in/Documentviews.aspx?fileName=web-ad-english-18-02-2020.pdf என்ற லிங்கில் சென்று தெரிந்துகொள்ளவும். 
பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 04.03.2020

மத்திய பாதுகாப்புப் படையில் வேலை 
பணியிடம்: இந்தியா முழுவதும்
மொத்த காலியிடங்கள்: 1412 (ஆண்-1331, பெண்-81)
பணி: தலைமைக் காவலர் - Head Constable (General Duty) 
சம்பளம்: மாதம் ரூ. 25,500 - ரூ.81,100 
தகுதி: பிளஸ் 2 தேர்ச்சி பெற்று குறைந்தது 4 ஆண்டுகள் பாதுகாப்புப் படையில் பணிபுரிந்திருக்க வேண்டும். 
வயது வரம்பு: 32 வயதிற்குள் இருக்க வேண்டும். 
தேர்வு செய்யப்படும் முறை: எழுத்துத் தேர்வு, உடல் திறன் தேர்வு, சான்றிதழ் சரிபார்ப்பு மற்றும் மருத்துவப் பரிசோதனைகள் அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: ஏற்கெனவே பணிபுரியும் அலுவலகத்தின் மூலமாக விண்ணப்பிக்க வேண்டும். 
மேலும் முழுமையான விவரங்கள் அறிய: https://crpf.gov.in/writereaddata/Portal/Recruitment_Advertise/ADVERTISE/1_189_1_Notification_of_HCGD LDCE_EXAMINATION_2019.pdf என்ற லிங்கில் சென்று தெரிந்துகொள்ளவும். 
தேர்வு நடைபெறும் தேதி: 19.04.2020 
ஆன்லைனில் விண்ணப்பிப்பதற்கான கடைசித் தேதி: 06.03.2020

மதுரை மாவட்ட கருவூலத் துறையில் வேலை
பணி: அலுவலக உதவியாளர் 
காலியிடங்கள்: 06
தகுதி: குறைந்தபட்சம் எட்டாம் வகுப்பு தேர்ச்சி பெற்றிருக்க வேண்டும். 
வயது வரம்பு: 01.01.2020 தேதியின்படி 18 வயது முதல் 30 வயதுக்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில் தளர்வு உண்டு. 
சம்பளம்: மாதம் ரூ.15700 - ரூ.50000
தேர்வு செய்யப்படும் முறை: நேர்முகத் தேர்வு மற்றும் எழுத்துத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: https://madurai.nic.in என்ற அதிகாரப்பூர்வ வலைதளத்தில் கொடுக்கப்பட்டுள்ள விண்ணப்பத்தைப் பதிவிறக்கம் செய்து, பூர்த்தி செய்து அதனுடன் தேவையான சான்றிதழ் நகல்களை இணைத்து கீழ்வரும் முகவரிக்கு அனுப்ப வேண்டும். 
முகவரி: சம்பளக் கணக்கு அலுவலர், சம்பளக் கணக்கு அலுவலகம், 224, தெற்கு வெளிவீதி, மதுரை - 625 001
மேலும் விவரங்களுக்கு: https://cdn.s3waas.gov.in/s3f5f8590cd58a54e94377e6ae2eded4d9/uploads/2020/02/2020021817.pdf என்ற லிங்கில் சென்று பதிவிறக்கம் செய்துகொள்ளவும். 
பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 09.03.2020

திருவள்ளூர் மாவட்ட கூட்டுறவு வங்கிகளில் வேலை 
மொத்த காலியிடங்கள்: 36
பணி: உதவியாளர்
சம்பளம்: மாதம் ரூ.14,000 - ரூ.47,500 + இதர படிகள்
தகுதி: ஏதேனும் ஒரு பட்டப்படிப்பு மற்றும் கூட்டுறவு பயிற்சி முடித்திருக்க வேண்டும். தமிழ் மொழியை ஒரு பாடமாகப் படித்து தேர்ச்சி பெற்றிருக்க வேண்டும். கணினி பயன்பாட்டில் அடிப்படை அறிவு பெற்றிருத்தல் வேண்டும். 
வயது வரம்பு: 01.01.2020 தேதியின்படி 18 வயது பூர்த்தி அடைந்தவராக இருக்க வேண்டும். அதாவது 01.01.2001 அன்றோ அதற்கு முன்னரோ பிறந்தவராக இருக்க வேண்டும். கூடுதல் விவரங்களுக்கு அதிகாரப்பூர்வ அறிவிப்பைப் பார்த்து தெரிந்துகொள்ளவும். 
விண்ணப்பக் கட்டணம்: ரூ.250 செலுத்த வேண்டும். எஸ்சி, எஸ்டி, அனைத்துப் பிரிவையும் சார்ந்த மாற்றுத் திறனாளிகள், ஆதரவற்ற விதவைகள் பிரிவைச் சேர்ந்த விண்ணப்பத்தாரர்களுக்கு கட்டணம் செலுத்துவதில் இருந்து விலக்கு அளிக்கப்படுகிறது. கட்டணத்தை ஆன்லைன் மூலம் செலுத்தலாம்.
விண்ணப்பிக்கும் முறை: www.tvldrb.in என்ற இணையதளம் மூலம் ஆன்லைனில் விண்ணப்பிக்க வேண்டும். 
தேர்வு செய்யப்படும் முறை: எழுத்துத் தேர்வு, நேர்முகத் தேர்வில் பெற்ற மதிப்பெண்கள் அடிப்படையில் தரவரிசைப் பட்டியல் தயார் செய்யப்பட்டு அரசாணைப்படியான இட ஒதுக்கீடு, இனச் சுழற்சி முறை, அவர்கள் தெரிவித்த முன்னுரிமை விருப்பச் சங்க வகை ஆகியவற்றின் அடிப்படையில் தேர்வு செய்யப்படுவார்கள். 
மேலும் முழுமையான விவரங்கள் அறிய: http://tvldrb.in/doc_pdf/Notification_1.pdf  என்ற லிங்கை கிளிக் செய்து தெரிந்துகொள்ளவும். 
எழுத்துத் தேர்வு நடைபெறும் தேதி: 05.04.2020
ஆன்லைனில் விண்ணப்பிப்பதற்கான கடைசித் தேதி: 09.03.2020

தமிழ்நாடு மின்சார வாரியத்தில் வேலை
மொத்த காலியிடங்கள்: 500 
பணி: Junior Assistant (Accounts) - 500 
சம்பளம்: மாதம் ரூ. 19,500 - ரூ.62,000
வயதுவரம்பு: 01.07.2019 தேதியின்படி 18 வயது முதல் 30 வயதிற்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில் தளர்வு உண்டு. 
தகுதி: வணிகவியல் பிரிவில் பி.காம் முடித்தவர்கள் விண்ணப்பிக்கத் தகுதியானவர்கள். பத்தாம் வகுப்பு மற்றும் பிளஸ் 2 தேர்ச்சி பெற்று பின்னர் பட்டப்படிப்பில் தேர்ச்சி பெற்ற விண்ணப்பதாரர்கள் மட்டுமே விண்ணப்பிக்கத் தகுதியானவர்கள். 
தேர்வு செய்யப்படும் முறை: கணினி வழி எழுத்துத் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
தேர்வுக் கட்டணம்: பிசி, எம்பிசி பிரிவினர் ரூ.1000, எஸ்சி, எஸ்டி பிரிவினர் ரூ.500, அனைத்து பிரிவைச் சேர்ந்த விதவைகள் மற்றும் மாற்றுத்திறனாளிகள் ரூ.500 செலுத்த வேண்டும். 
விண்ணப்பிக்கும் முறை: www.tangedco.gov.in என்ற அதிகாரப்பூர்வ இணையதளத்தின் மூலம் ஆன்லைனில் விண்ணப்பிக்க வேண்டும். 
மேலும் முழுமையான விவரங்கள் அறிய: www.tangedco.gov.in என்ற இணையதளத்தில் கொடுக்கப்பட்டுள்ள லிங்கை கிளிக் செய்து தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 09.03.2020
தொகுப்பு: இரா.வெங்கடேசன்


 

]]>
https://images.dinamani.com/uploads/user/imagelibrary/2020/3/3/w600X390/VELAI.JPG https://www.dinamani.com/weekly-supplements/ilaignarmani/2020/mar/03/வேலைவேலைவேலை03032020-3372759.html
3372749 வார இதழ்கள் இளைஞர்மணி நம்மால் எதுவும் இல்லை! DIN DIN Tuesday, March 3, 2020 08:27 AM +0530 இச்சை உலகம், சிந்தனை உலகம், பொருள்களாலான உலகம் என்பன மூன்று உலகங்கள் - சுருங்கச் சொன்னால், அனைத்துமே. கேள்வி என்னவெனில், இவை அனைத்துமே நம்மை அச்சுறுத்தும் சமயம் நாம் என்ன செய்வது? உண்மையில் இந்த மூன்று உலகங்களும் நல்லவையும் அல்ல. தீயவையும் அல்ல; சரியானவையும் அல்ல, தவறானவையும் அல்ல. அவை நம்மை அச்சுறுத்துவதும் இல்லை, நமக்குச் சாதகமாக இருப்பதும் இல்லை. அவை இருக்கின்றன. அவ்வளவே.
 எல்லாமே நமது சிந்தனையில் தோன்றுபவைகளே. நமது கட்டுப்பாட்டில் எதுவுமே இல்லை. மழை, காற்று, வெப்பம், குளிர்ச்சி, நாம் பிறந்து வளர்ந்து , வயது முதிர்ந்து இறப்பது அனைத்துமே வந்து போகக் கூடியவை. தாமாக நடப்பவை. வாழ்க்கையின் உண்மைகளான இவற்றை நாம் சந்தித்தே ஆக வேண்டும். இவற்றை மனப்பூர்வமாக ஒப்புக் கொள்வதே இவற்றைக் கடந்து செல்லும் ஒரே வழியாகும்.
 (ஒப்புக் கொள்வது என்பது, இவற்றை நம்முடைய மனதால் எதிர்க்காமல் இருப்பது என்று பொருள், ஏன் இவ்வளவு வெயில் அடிக்கின்றது, ஏன் இவ்வளவு மழை பொழிகின்றது, ஏன் மழையே பெய்யவில்லை, ஏன் எனக்கு மட்டும் இப்படியெல்லாம் நடக்கின்றது - என்பன போன்ற எண்ணங்கள் நடப்பவற்றை மனதால் எதிர்ப்பதாகும்).
 மூன்று உலகங்களும் வரட்டும், செல்லட்டும். குரு கண்டோ சொன்னதைப் போல ஒரு மலையைப் பெயர்த்து நம்மால் எடுக்க முடியாது என்கிற உண்மையை நாம் ஒப்புக் கொள்வோம் என்பதைப் போல நம்மால் எதுவும் இல்லை என்கிற உண்மையையும் ஒப்புக் கொண்டு அமைதியாக நாம், நாமாக வாழ்வது ஒன்றுதான் வழி.
 ந.முரளிதரன்
 மொழிபெயர்த்த "ஜென் பாடங்கள் ' என்ற நூலிலிருந்து...
 

]]>
https://images.dinamani.com/uploads/user/imagelibrary/2020/3/3/w600X390/BOOK.JPG https://www.dinamani.com/weekly-supplements/ilaignarmani/2020/mar/03/நம்மால்-எதுவும்-இல்லை-3372749.html
3372744 வார இதழ்கள் இளைஞர்மணி  குரூப் - 1 தேர்வு: மாற்றங்கள் அவசியம்! (03/03/2020) DIN DIN Tuesday, March 3, 2020 08:26 AM +0530 சென்ற இதழ் தொடர்ச்சி...
 ஓய்வு பெற்ற பாராளுமன்ற தொலைத் தொடர்புத்துறை இயக்குநர் என்.எம்.பெருமாள் தொடர்ந்து நம்மிடம் கூறியதாவது:
 "இந்தியாவில் மாநில அரசு வேலைகளுக்கு தாய்மொழியும் தேர்வின் ஒரு பகுதியாக விளங்கும். அநேக மாநிலங்களில் இந்தி கண்டிப்பாக எழுத்துத் தேர்வின் ஒரு பகுதியாகக் காணப்படுகிறது. சமீபத்தில் அசாம் மாநிலத்திலும் 10- ஆம் வகுப்பு வரை அசாமில் படித்தால் மட்டுமே அரசு வேலை என்று அறிவிக்கப்பட்டுள்ளது.
 ஆனால் தமிழில் ஓர் எழுத்துக் கூட பள்ளிகளில் படிக்காதவர் தமிழ்நாடு தேர்வாணையத் தேர்வுகளில் வெற்றி பெறலாம் என்ற நிலை உள்ளது. இந்த நிலை மாற வேண்டும்.
 எனவே குரூப்-1 முதன்மைத் தேர்விலும் பொதுத்தமிழ் என்ற ஒரு தாள் கண்டிப்பாக இருக்க வேண்டும்.
 இத்தேர்வு 10-ஆம் வகுப்பு நிலையில் இருக்க வேண்டும். ஆனால் இதை ஒரு தகுதித்தேர்வாக வைத்துக் கொள்ளலாம்.
 கட்டுரை எழுதுவது என்பது மத்திய அரசின் பல்வேறு நிலை தேர்வுகளில் ஒரு குறிப்பிடத்தக்க அம்சமாகும். அரசு அதிகாரிகள் பல நேரங்களில் அரசுப்பணியில் எதிர்பாராத சந்தர்ப்ப சூழ்நிலைகளைச் சந்திக்க வேண்டியிருக்கும். ஆட்சியாளர்களுடன் இணைந்து பல்வேறு பிரச்னைகளுக்குத் தீர்வு காண வேண்டும். இந்நேரங்களில் சிந்தித்து திறனாற்றும் செயல்திறன் நிறைந்த அளவில் வேண்டும். இதற்கு கிட்டத்தட்ட முன்பின் தெரியாத தலைப்புகளில் ஒரு மணி நேரமோ அல்லது அதற்கு மேற்பட்ட கால அளவுகளிலோ கட்டுரை எழுத பயிற்சி அளிப்பது தகுந்த திறனை வளர்க்கும்.
 கட்டுரை என்பது விளக்கமான விடை என எடுத்துக் கொள்ளலாம். பல ஆண்டுகளாக மத்திய பணியாளர் தேர்வாணையம் மற்றும் வங்கித் தேர்வுகளில் வெறும் கொள்குறி வகையில் மட்டுமே தேர்வு நடத்தி வந்தார்கள். தேர்வு பெற்றவர்களில் அநேகருக்கு கோர்வையாக ஓரிரு பத்திகள் கோப்புகளில் எழுத முடியவில்லை. எனவே மத்திய அரசும் வங்கிகளும் நடத்தும் தேர்வுகளில் விளக்கவுரை வடிவில் கேள்விகள் கேட்க ஆரம்பித்துவிட்டார்கள். இதற்காகவே தனியாக ஒரு தாளை ஒதுக்கி விட்டார்கள்.
 எனவே கட்டுரை வடிவில் இளைஞர்கள் எழுதப் பழகிக் கொண்டால் அது பல்வேறு துறைகளில் அவர்கள் முன்னேற வாய்ப்பாக இருக்கும். ஆகவே குரூப் - 1 தேர்வில் ஒரு கட்டுரைத்தாளும் இருப்பது மிகவும் நல்லது.
 தற்பொழுது ஐ.ஏ.எஸ் தேர்வில் மூன்று மணிநேரத்தில் இரண்டு கட்டுரைகள் எழுத வேண்டும்.
 பொது ஆங்கிலம் எப்படித் தகுதித் தேர்வாக இருக்க வேண்டும் என முந்தைய பத்திகளில் குறிப்பிடப்பட்டுள்ளதோ அதே மாதிரி கட்டுரைத்தாளும் ஒரு தகுதித் தேர்வாக அமையலாம்.
 பொதுவாக முன்பின் தயாராக இல்லாத நிலையில் பக்கம் பக்கமாக ஒரு தலைப்பில் கட்டுரை எழுதுவது என்பது எளிதான காரியம் அல்ல. எனவே தகுதித் தேர்வில் கட்டுரையில் குறைந்தது 25 விழுக்காடு எடுக்க வேண்டும் என்று வைத்துக் கொள்ளலாம். விருப்பப் பாடங்கள் ஐ.ஏ.எஸ் தேர்வில் ஒரு முக்கிய இடத்தை வகிக்கின்றன. கடந்த ஐம்பது ஆண்டுகளில் விருப்பப் பாடங்களின் நிலையில் பல்வேறு மாற்றங்கள் ஏற்பட்டுள்ளன.
 1970 - களில் ஐ.பி.எஸ்-க்கு இரண்டு விருப்பப்பாடங்கள், அஞ்சல்துறை, வருமான வரித்துறை போன்ற மத்திய அரசு சேவைகளுக்கு மூன்று விருப்பப்பாடங்கள், ஐ.ஏ.எஸ் மற்றும் இந்திய வெளியுறவுத்துறை சேவைக்கு ஐந்து விருப்பப்பாடங்கள் என்றிருந்தன.
 1979 - ஆம் ஆண்டிலிருந்து கடந்த சில ஆண்டுகள் வரை நான்கு தாள்களைக் கொண்ட இரண்டு விருப்பப்பாடங்கள் இருந்தன. இன்றைய நிலையில் இரண்டு தாள்களைக் கொண்ட ஒரு விருப்பப்பாடம் உள்ளது.தமிழ்நாடு தேர்வாணையத் தேர்வுகளிலும் விருப்பப்பாடங்கள் நிறைந்த அளவில் இருந்த காலங்கள் உண்டு. 1970-களில் குரூப் - 1,2,3 என இம்மூன்றுக்குமே குறைந்தது மூன்று விருப்பப்பாடங்கள் எடுக்க வேண்டியிருந்த நிலை இருந்தது.
 குரூப் - 3 என்பது அக்காலத்தில் கூட்டுறவுத்துறை முதுநிலை ஆய்வாளர் போன்ற பதவிகளுக்குத் தெரிவு செய்வதற்கான தேர்வாகும். மூன்றாம் நிலைத் தேர்வுக்கே விருப்பப்பாடங்கள் இருந்தன. இன்று முதல் நிலைத் தேர்வுக்குக்கூட இல்லாத நிலை ஏற்பட்டுள்ளது.
 உத்தரபிரதேச மாநிலத்தின் குரூப்-1 தேர்வு ஐ.ஏ.எஸ் தேர்வினை அடியொற்றி அமைக்கப்பட்டுள்ளது. அம்மாநில குரூப்-1 தேர்வில் இரண்டு தாள்களைக் கொண்ட ஒரு விருப்பப்பாடம் அமைந்துள்ளது.
 விருப்பப்பாடம் குரூப்-1 தேர்வில் அமைவது தமிழக இளைஞர்களின் முன்னேற்றத்திற்கு மிகப்பெருந்துணையாக இருக்கும். எடுத்துக்காட்டாக, சிவில் என்ஜினியரிங்கை எடுத்துக் கொள்வோம். ஓரிரு ஆண்டு
 களாக குரூப்-1 தேர்வுக்குத் தயாராகும் தேர்வர்கள் சிவில் இன்ஜினியரிங் பாடத்தைப் படித்துக் கொண்டிருந்தால் அது ஐ.ஏ.எஸ் இந்திய வனத்துறை சேவைத்தேர்வு, கேட் தேர்வு, இந்திய பொறியியல் சேவைத் தேர்வு போன்ற தேர்வுகளில் வெற்றி பெற வசதியாக இருக்கும்.
 குரூப்-1 சேவைகள் கிடைக்காவிட்டாலும், நநஇ நடத்தும் இளநிலை பொறியாளர் தேர்வு, ரயில்வே நடத்தும் பல்வேறு நிலை சிவில் என்ஜினியரிங் தேர்வுகளுக்கும் பேருதவியாக இருக்கும். இது போன்ற பல்வேறு விருப்பப்பாடங்களை எடுப்பவர்கள் குரூப்-1 தேர்வில் வெற்றி பெற முடியாவிட்டாலும் மற்ற மாநில, மத்திய அரசு பதவிகள், ஆசிரியத் தொழில் போன்ற தொழில்களுக்கு வரும்பொழுது ஆழ்ந்த பாடப் புலமையுடன் வருவார்கள். இது ஒட்டு மொத்தமாக தமிழகத்துக்கே நன்மை பயக்கும்.
 குரூப்-1 தேர்வு என்பது தமிழ்நாடு தேர்வாணைய தேர்வுகளில் மிக உயர்ந்ததாகக் கருதப்படுகிறது. இத்தேர்வினால் நிரப்பப்படும் பதவிகள் தமிழ்நாடு அரசின் ஊதிய நிலைகளில் கீழிருந்து 22-வது நிலையில் உள்ளது. படிகள் இல்லாத ஆரம்ப ஊதியமே ரூ.56,000-ஆக உள்ளது. எனவே இத்தேர்வு மிக எளிதாக இல்லாமல் சற்று கடினமாக இருந்தால் தமிழக இளைஞர்களுக்கு மத்திய அரசு வேலைகளைப் பெற உதவியாக இருக்கும்.
 மேலே குறிப்பிட்டுள்ள பொதுத்தமிழ்,பொது ஆங்கிலம், கட்டுரை,விருப்பப் பாடபகுதி தாள்களை போட்டித் தேர்வுத் தாள்களாக அமைவதற்குப் பதிலாக தகுதித்தேர்வுகளாக அமையலாம். ஒதுக்கீடுகளின் அடிப்படையில் 15%(பழங்குடியினர்), 20% (தாழ்த்தப்பட்ட பிரிவினர்), 25%(மிகப்பின்தங்கிய வகுப்பினர்), 30% (பின் தங்கிய வகுப்பினர்), 35% (பொதுப் பிரிவினர்) என்று தகுதித் தேர்வு மதிப்பெண்களை தமிழக அரசும், தமிழ்நாடு தேர்வாணையமும் முடிவு செய்யலாம்.
 குரூப்-4 தேர்வை ஆண்டுதோறும் 15 லட்சத்துக்கும் மேற்பட்டோர் எழுதுகின்றனர். ஆனால் குரூப்-1 தேர்வை பொதுவாக இரண்டு லட்சம் இளைஞர்களே எழுதுகின்றனர். (2019- ஆம் ஆண்டு குரூப்-1 தேர்வை (முதல் நிலை) இரண்டே கால் லட்சம் தேர்வர்கள் எழுதினார்கள்) இந்த இரண்டு லட்சம் தேர்வர்களை சற்று ஆழ்ந்த புலமை உடையவர்களாக ஆக்குவது நல்லது.
 கல்வியில் உயர்நிலையில் உள்ள மாநிலங்களில் முதல் மூன்று இடங்களில் ஒன்றாக தமிழகம் இருக்கிறது. தமிழக இளைஞர்கள் அகில இந்திய அளவில் கொடி கட்டிப் பறக்க மேலே கூறப்பட்ட மாற்றங்கள் வழிவகுக்கும். தமிழக அரசும் தமிழக தேர்வாணையமும் மாற்றங்களைக் கொண்டு வந்தால் நலம் பயக்கும்'' என்றார் என்.எம்.பெருமாள்.
 - வி.குமாரமுருகன்
 

]]>
https://images.dinamani.com/uploads/user/imagelibrary/2020/3/3/w600X390/KUMARA.JPG https://www.dinamani.com/weekly-supplements/ilaignarmani/2020/mar/03/குரூப்---1-தேர்வு-மாற்றங்கள்-அவசியம்-03032020-3372744.html
3372735 வார இதழ்கள் இளைஞர்மணி சரியான பார்வை... சரியான வழி... சரியான செயல்! 87 - தா.நெடுஞ்செழியன் DIN DIN Tuesday, March 3, 2020 08:19 AM +0530 நர்சிங் துறையில் வேலைவாய்ப்புகள் பிரிட்டனில் அதிகம் உள்ளன. நர்சிங் படித்தவர்கள் அங்கு வேலைக்குச் செல்ல வேண்டும் என்றால் நர்சிங் துறையில் அங்குள்ள பல்வேறு பிரிவுகளைப் பற்றியும் அவற்றில் வேலை செய்ய என்ன தகுதிகளைப் பெற்றிருக்க வேண்டும் என்பதையும் தெரிந்து வைத்திருக்க வேண்டும். 
உதாரணமாக Occupational Health Nurse Manager பதவி வகிக்கும் செவிலியர் பணி, ஆயிரக்கணக்கானோர் வேலை செய்யக் கூடிய மருத்துவமனையில் பணி செய்பவர்களின் ஆரோக்கியத்தைப் பேணுகிற மேலாண்மைப் பணியாகும். 
மருத்துவமனையில் நோய்த் தொற்று ஏற்படாமல் இருக்க செய்ய வேண்டிய நடவடிக்கைகளை மேற்கொள்ள வேண்டும். மருத்துவமனையில் பணிபுரியும் செவிலியர் அப்பணிக்கான முழுமையான தகுதிகளைப் பெற்றிருக்கிறாரா என்பதைச் சோதித்து அறிய வேண்டும். 
மருத்துவமனையில் வேலை செய்யும் செவிலியர்கள், மருத்துவர்கள், இதர பணியாளர்களுக்கு நோய்த் தொற்று பாதிப்புகள் ஏற்பட்டால், அவர்களைக் குணப்படுத்துவதற்கான நடவடிக்கைகளை மேற்கொள்ள வேண்டும். 
செவிலியர்களின் பணிகளை எளிதாக்கி மனஅழுத்தம் இல்லாமல் அவர்கள் வேலை செய்ய உதவ வேண்டும். நோயின் காரணமாக பணியிலிருந்து விலக முடிவெடுக்கும் செவிலியர்களின் பிரச்னைகளை ஆராய்ந்து தீர்த்து வைக்க வேண்டும். செவிலியர்கள் நல்ல உடல் நலத்துடன் இருப்பதற்கான பயிற்சிகளை அளிக்க வேண்டும். 
சீனியர் மிட்வைஃப் (Senior Midwife) பணி செய்யும் செவிலியர்கள் பிரசவம் செய்பவர்கள். பிறந்த குழந்தைகளைப் பாதுகாக்கும் பணியைச் செய்பவர்கள். கர்ப்பிணிப் பெண்களுடன் கனிவுடன் பேசி பிரசவத்திற்கு தயாரான மனநிலையை அவர்களுக்கு உருவாக்குபவர்களும் இவர்களே. 
பிறந்த குழந்தைகளுக்கும், கர்ப்பிணிப் பெண்களுக்கும் மருத்துவர் இல்லாத சமயங்களில் மருத்துவம் செய்யும் திறனை இவர்கள் பெற்றிருக்க வேண்டும். மருத்துவமனையில் வேலை செய்யும் பிற செவிலியர்களின் வேலைத்திறன்களை மேம்படுத்த அவர்களுக்குப் பயிற்சி அளிப்பது சீனியர் மிட் வைஃப்களின் கடமையாகும். 
கிளினிகல் நர்ஸஸ் ஃபார் லிவர் டிரான்ஸ்பிளான்டேஷன் கோ ஆர்டினேட்டர் (clinical nurses for liver transplantation coordinator) என்ற பணி செய்யும் செவிலியர்கள், கல்லீரல் பாதிக்கப்பட்ட ஒருவரை கல்லீரலை மாற்று அறுவைச் சிகிச்சைக்காக உடல்ரீதியாகவும், மனரீதியாகவும் தயாரிக்கும் பணியை மேற்கொள்ள வேண்டும். 
சிகிச்சை பெறுபவருக்கு உடல் உறுப்பைத் தானமாகத் தருபவரிடம் உடல் உறுப்பு தானம் குறித்து மிகத் தெளிவாக விளக்க வேண்டும். அவருக்கு இயல்பாக எழக்கூடிய சந்தேகங்களைத் தீர்த்து வைக்க வேண்டும். உடல் உறுப்பை பிறருக்காகத் தருபவர், உடல் உறுப்பைப் பிறரிடம் இருந்து பெறுபவர் ஆகிய இருவரையும், அவர்களுடைய உறவினர்களையும் தெளிவுபடுத்த வேண்டியது இவர்களுடைய பணியாகும். 
அதற்காக பல கூட்டங்களை நடத்துவது, சந்திப்புகளை ஏற்பாடு செய்வது என எல்லாவற்றையும் இந்த கிளினிகல் நர்ஸஸ் ஃபார் லிவர் டிரான்ஸ்பிளான்டேஷன் கோ ஆர்டினேட்டர் செய்ய வேண்டும். 
கிளினிகல் நர்ஸ் ஸ்பெஷலிஸ்ட் (Clinical Nurse Specialist) என்ற பணியைச் செய்யும் செவிலியர்கள் மருத்துவத்தில் உள்ள பல்வேறு பிரிவுகளில் குறிப்பிட்ட பிரிவுகளை மையப்படுத்தி செவிலியர் பணியைச் செய்ய வேண்டும். 
Nutrition, Percutaneous Endoscopic Gastrostomy (PEG), Haemato- Oncology,  Urology and Renal, Pain Management,  Breast Care, Plastic Surgery, Capsule Endoscopy, Symptom Control, Head and Neck ஆகிய பிரிவுகள் உட்பட பல பிரிவுகளில் Clinical Nurse Specialist பணிகள் உள்ளன. Diabetes Specialist Nurse,  Breast Care Surgical Nurse Specialist ஆகிய பணிகளைச் செய்பவர்களும் Clinical Nurse Specialist பணியைச் செய்பவர்களே. குறிப்பிட்ட இந்த ஒவ்வொரு பிரிவிலும் அனுமதிக்கப்பட்ட நோயாளிகளின் நோய்க்குறிகளை நன்கு கண்டறிதல், அவருக்கு உரிய சிகிச்சைகளை மேற்கொள்ளும் மருத்துவருடன் இணைந்து பணியாற்றுதல், நோயாளி நலமடையும் வரை அவரை நன்கு கவனித்துப் பாதுகாத்தல் ஆகிய பணிகளைச் செய்யும் இந்தச் செவிலியர்கள் ஒவ்வொரு குறிப்பான நோய்களைப் பற்றியும் அவற்றுக்கான மருத்துவம் பற்றியும் நன்கறிந்து இருக்க வேண்டும். 

Gastroenterology Research Nurse பணியைச் செய்யும் செவிலியர்கள், அடிப்படையில் என்டோஸ்கோபி பற்றி நன்றாகத் தெரிந்து வைத்திருப்பார்கள். மருத்துவர்களுக்கும், நோயாளிகளுக்கும் உதவும்விதமாக பல்வேறு பணிகளைச் செய்வார்கள். 
டயாபடீஸ் எஜுகேட்டர் பணியைச் செய்யக் கூடிய செவிலியர்கள், நீரிழிவு நோய் பற்றிய சிறந்த அறிவைப் பெற்றிருக்க வேண்டும். பிறந்த குழந்தைகள், சிறுவயதுக் குழந்தைகளுக்கு வரக் கூடிய நீரிழிவு நோய் தொடர்பான ஆழமான அறிவைப் பெற்றிருக்க வேண்டும். நீரிழிவு நோயால் பாதிக்கப்பட்ட குழந்தைகளின் பெற்றோருடன் பேசி அவர்களை அமைதிப்படுத்த வேண்டும். அந்நோய் பாதிப்புள்ள குழந்தையை வளர்க்கும் முறைகளை எடுத்துக் கூறி வழிகாட்ட வேண்டும். அந்நோயின் பாதிப்புகளில் இருந்து மீள்வதற்கான வழிமுறைகளைச் சொல்லித் தர வேண்டும். paediatric nursing கீழ் இந்த டயாபடீஸ் எஜுகேட்டர் பணியைச் செய்யும் செவிலியர்கள் வருவார்கள். 
பேடியாட்ரிக் கார்டியோ கிளினிகல் கேர் என்ற பிரிவின் கீழ் பணிபுரியும் செவிலியர்கள், குழந்தைகளுக்கு ஏற்படக் கூடிய இதயநோய்களைப் பற்றி தெளிவான அறிவைப் பெற்றிருக்க வேண்டும். அதைப் பற்றி குழந்தைகளின் பெற்றோருக்கு விளக்குவது இப்பிரிவின் கீழ் பணிபுரியும் செவிலியர்களின் வேலையாகும். இந்தச் செவிலியர்கள் மிக அன்பாகவும் அதே சமயம் மிகுந்த கவனத்துடனும் இருக்க வேண்டும். கவனக் குறைவால் பெற்றோருக்குத் தவறான தகவல்களைத் தந்துவிடக் கூடாது. பாதிக்கப்பட்ட குழந்தைகளுக்குத் தேவையான ஊட்டச் சத்தான உணவுகள், அவர்களின் வளர்ச்சி, அவர்களை நடத்தும் விதம் ஆகியவை பற்றி பெற்றோரிடம் பேசுவது இந்த செவிலியர்களின் பணியாகும். பாதிக்கப்பட்ட குழந்தையின் இதயத்தின் நிலையைப்பற்றிய உண்மையான தகவல்களைக் கண்டறிந்து, அதற்கான மருத்துவத்தைப் பற்றியும் தெளிவாகச் சொல்ல வேண்டும்.
Major trauma nursing என்பது விபத்துகளின்போது ஏற்படும் பாதிப்புகளைச் சரி செய்யும் மருத்துவப் பிரிவில் பணியாற்றும் செவிலியர் பணியாகும். விபத்தினால் உடம்பில் பல்வேறு பகுதிகளில் எலும்புகள் உடைந்துவிடலாம். மார்பு எலும்புகள் பாதிப்படையலாம். தலையில் காயம் ஏற்படலாம். இவ்வாறு விபத்தினால் பாதிக்கப்பட்ட நோயாளிகளைப் பாதுகாக்க தனியான நர்சுகள் தேவைப்படுகிறார்கள். 
இந்த செவிலியர்களுக்கு orthopedics, neuroscience, critical care, acute surgical, medical nursing ஆகிய துறைகளில் அனுபவம் தேவைப்படுகிறது. இவர்களுக்கு வாய்ப்புகள் அதிகம் உள்ளது. 
Endocrinology and acute medicine என்ற பிரிவு உள்ளது. சுரப்பிகளில் ஏற்படக் கூடிய மாறுதல்களினால் நீரிழிவு, தைராய்டு போன்ற பாதிப்புகள் ஏற்படலாம். நீரிழிவு நோய் பல உள் உறுப்புகளில் பாதிப்புகளை ஏற்படுத்தலாம். அப்படி பாதிப்புடன் வரக் கூடிய நோயாளிகளை மருத்துவமனையில் அனுமதித்து சிகிச்சை செய்து தர வேண்டும். ஆபத்தான நிலைகளில் வரக் கூடிய நோயாளிகளைப் பரிசீலனை அவர்களை எந்த மருத்துவப் பிரிவின் கீழ் சிகிச்சைக்குக் கொண்டு செல்ல வேண்டும் என்பதை இந்தச் செவிலியர்கள் தீர்மானிப்பார்கள். 
scrub theatre practitioner என்ற பிரிவில் பணிசெய்யும் செவிலியர்கள், அறுவைச் சிகிச்சைக்குப் போவதற்கு முன்பு ஒரு நோயாளிக்குச் செய்ய வேண்டிய ஹேர் கிளீனிங், உறுப்புகளைச் சுத்தமாக வைத்திருத்தல் போன்ற பணிகளை மேற்பார்வை செய்ய வேண்டும். அறுவைச் சிகிச்சைக்குத் தேவையான எல்லாவிதமான மருந்துகளை, கருவிகளை தயார்நிலையில் வைத்தல் ஸ்க்ரப் தியேட்டர் பிராக்டிஷனர் பணி ஆகும். இந்தப் பணி செய்யும் செவிலியர்கள் பல்வேறு நோய்களுக்கான மருத்துவம், அறுவைச் சிகிச்சை தொடர்பான ஆழமான அறிவைப் பெற்றிருக்க வேண்டும். அப்போதுதான் அறுவைச் சிகிச்சை தொடர்பானவற்றை மேலாண்மை செய்யும் திறன் ஏற்படும். அறுவைச் சிகிச்சை செய்யும் மருத்துவக் குழுவுடன் இணைந்து பணியாற்றும் தன்மையும் இவர்களுக்கு அவசியம்.
(தொடரும்)
கட்டுரையாசிரியர்
சமூக கல்வி ஆர்வலர் 
www.indiacollegefinder.org

]]>
https://images.dinamani.com/uploads/user/imagelibrary/2020/3/3/w600X390/NURSE.JPG https://www.dinamani.com/weekly-supplements/ilaignarmani/2020/mar/03/சரியான-பார்வை-சரியான-வழி-சரியான-செயல்-87---தாநெடுஞ்செழியன்-3372735.html
3372711 வார இதழ்கள் இளைஞர்மணி இணைய வெளியினிலே...(03/03/2020) DIN DIN Tuesday, March 3, 2020 08:08 AM +0530 முக நூலிலிருந்து....
வரிசை நெருக்கித்
தள்ளிக் கொண்டிருக்கிறது.
முந்தி வந்தவர்களுக்கும்...
முந்திக் கொண்டவர்களுக்கும்...
பூங்கொத்துடன்
அனுமதிச் சீட்டு கிடைத்து
அரங்கினுள் சென்றுவிட்டார்கள்.
பிதுங்கி வெளியேறி...
வீட்டுக்குத் திரும்ப முடிவெடுத்தான்.
இன்னொரு வரிசை நின்றது... 
இது வீடு திரும்புபவர்களுக்கான வரிசை என்றார்கள்.
டிகே கலாப்ரியா

நரிகளின் நாட்டாமையில்
அவ்வப்போது
கர்ஜித்துதான்...
தன்னைச் சிங்கமென
காட்டிக் கொள்ள வேண்டிய
கட்டாயம் உள்ளது.
துரை பாரதி

வெயிலில் நடக்கிறேன்...
நிழலை 
எண்ணிக்கொண்டு.
நிழலில் நிற்கிறேன்...
வெயிலை உணர்ந்து கொண்டு.
செங்கான் கார்முகில் 

கர்ப்பிணிக் கல்...
பிரசவம் பார்க்கிறார்
சிற்பி.
ஆரூர் தமிழ்நாடன்

சுட்டுரையிலிருந்து...
ரகசியத்தை
வெளிப்படுத்தியவனுக்கும்,
துக்கத்தை
வெளிப்படுத்தாதவனுக்கும்
மனதில் நிம்மதி இருக்காது.
மழைமுகில் 

தான் தவறு செய்தால்... 
வக்கீலாக மாறுவதும்,
அடுத்தவர் தவறு செய்தால்...
நீதிபதியாக மாறுவதும் 
இவ்வுலகின் இயல்பு. 
முத்துச்செல்வன்

புத்தகங்கள் 
தம்மைத் தொட்டு
வாசிப்பவனிடம்
எந்த தகுதியையும்
எதிர்பார்ப்பதில்லை.
மஞ்சப்பை

எந்த ஒரு மனிதனின்
உழைப்பும் பணமாகும்...
உழவனுடைய உழைப்பு
மட்டுமே
மனிதனுக்கு
உணவாகும். 
காளையன்

வலைதளத்திலிருந்து...
தனிமை என்பது மனிதனுக்குப் புதிதல்ல. அவன் இவ்வுலகில் வரும்போதும் தனியாகத்தான் வருகிறான். உலகை விட்டு பிரியும்போதும் தனியாகத்தான் செல்கிறான். இதை உணர்ந்து கொள்பவர்களுக்கு தனிமை பழகிப் போய்விடும் என்கிறது இன்னோர் ஆய்வு. 
"தனிமையிலே இனிமை காண முடியுமா' என்றார் கண்ணதாசன். அது இரவினிலே சூரியனைக் காண நினைப்பதுபோலத்தான் என்கிறார். 
இதில் உண்மை இல்லாமல் இல்லை. அதே சமயம் தனிமையை எவராலும் தவிர்க்க முடியாது என்பதும் உண்மை. ஏதாவது ஒரு காலகட்டத்தில் நாம் அனைவருமே தனிமையை தனியாகச் சந்திக்க வேண்டிய சூழலுக்குத் தள்ளப்படுவது நிச்சயம். ஆகவே அதை எதிர்கொள்ளப் பழகிக் கொள்ள வேண்டும். 
குறிப்பாக பணியிலிருந்து ஓய்வு பெற்றவர்களுக்கு இந்தத் தனிமை உணர்வு சற்று அதிகமாகவே இருக்கும். தினசரி அலுவல்கள் ஏதும் இல்லாத சூழல் மட்டுமல்லாமல், வளர்ந்துவிட்ட குழந்தைகள் தங்களுடன் இல்லை என்கிற உணர்வும் இத்தகைய உணர்வுகளை அதிகரிக்க வாய்ப்புள்ளது. 
இதுதான் வாழ்க்கை, இதுதான் நிதர்சனம் என்று ஏற்றுக்கொள்கிறவர்கள், தங்களுடைய சிந்தனைகளை பல ஆக்கப்பூர்வமான வழிகளில் செலுத்தி தனிமையை எதிர்கொள்கின்றனர். ஆனால் நட்பு, சுற்றம், சூழல் என்று கலகலப்பாக இருந்து பழகிப் போனவர்களால் அதை அவ்வளவு எளிதாக எதிர்கொள்ள முடியவில்லை. 
இத்தகையோர் நட்பும் சொந்தமும் நம்முடைய வாழ்வின் இறுதிவரையிலும் உடன் வருவதில்லை என்கிற யதார்த்தத்தை புரிந்துகொள்ள வேண்டும். தனிமை என்பது பிறரால் ஏற்படுவதல்ல. நமக்கு நாமே ஏற்படுத்திக்கொள்வது என்பதையும் உணர வேண்டும்.
https://ennulagam.blogspot.com/
 

]]>
https://images.dinamani.com/uploads/user/imagelibrary/2020/3/3/w600X390/im2.JPG https://www.dinamani.com/weekly-supplements/ilaignarmani/2020/mar/03/இணைய-வெளியினிலே03032020-3372711.html
3367032 வார இதழ்கள் இளைஞர்மணி வேலை...வேலை...வேலை...(25/02/2020) Tuesday, February 25, 2020 06:08 PM +0530 இந்திய தேசிய நெடுஞ்சாலை 
ஆணையத்தில் வேலை
பணி: கூட்டு ஆலோசகர் 
காலியிடங்கள்: 10
தகுதி: விவசாயம், தோட்டக்கலை அறிவியல்,வனத்துறை, சூழ்நிலை அறிவியல் போன்ற துறைகளில் பி.எஸ்சி பட்டம் பெற்று, 15 ஆண்டுகள் பணி அனுபவம் பெற்றிருப்பவர்கள் விண்ணப்பிக்கத் தகுதியானவர்கள். 
வயதுவரம்பு: 65 வயதுக்குள் இருக்க வேண்டும். 
சம்பளம்: மாதம் ரூ.75,000
தேர்வு செய்யப்படும் முறை: நேர்முகத் தேர்வின் மூலம் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: www.nhai.org என்ற அதிகாரப்பூர்வ வலைதளத்தின் மூலம் ஆன்லைனில் விண்ணப்பிக்க வேண்டும். 
மேலும் முழுமையான விவரங்கள் அறிய: https://images.dinamani.com/uploads/user/resources/pdf/2020/2/19/nhai-apply-online-for-10-joint-advisor-plantation-posts-advt-details-7b22f9.pdf என்ற லிங்கில் சென்று தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 26.02.2020

தமிழ்நாடு கால்நடை மற்றும் விலங்கு அறிவியல் பல்கலைக்கழகத்தில் வேலை
மொத்த காலியிடங்கள்: 67
பணி மற்றும் காலியிடங்கள் விவரம்: 
1. Farm Manager - 3
2. Junior Engineer (Civil) -1
3. Junior Engineer(Mechanical) -1 
4. Assistant Draughtsman(Civil)- 1 
5. Binder (Grade-II) -1
6. Boiler Man (Grade-II) -1
7. Carpenter (Grade-II) -2
8. Driver -10
9. Electrician (Grade-II) -2
10. High Tension Operator 1
11. Data Entry Operator- 2
12. Machine Operator/ Machine Man 1
13. Offset Assistant / Cameramancum-Platemaker- 2
14. Sanitary Inspector -1
15. Steno Typist(Grade-III)- 4
16. Technical Assistant - 33
17. Wireman (Grade-II) - 1
வயது வரம்பு: 31.12.2019 தேதியின்படி 18 வயது முதல் 30 வயதிற்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில் தளர்வு உண்டு. 
தகுதி: ஒவ்வொரு பணிக்கும் தனித்தனியான தகுதிகள் அறிவிக்கப்பட்டுள்ளதால் அறிவிப்பைப் பார்த்துத் தெரிந்துகொள்ளவும். 
சம்பளம்: மாதம் ரூ. 19,500 முதல் 1,13,500 வழங்கப்படும். பணிக்குத் தகுந்தவாறு மாறுபாடு கொண்டது. 
விண்ணப்பக் கட்டணம்: பொது மற்றும் பிசி, எம்பிசி, டிசி பிரிவினர் ரூ.500, மற்ற பிரிவினர் ரூ.250 கட்டணமாகச் செலுத்த வேண்டும். 
தேர்வு செய்யப்படும் முறை: எழுத்துத் தேர்வு மற்றும் திறனறி தேர்வுகள் அடிப்படையில் தகுதியானவர்கள் தேர்வு செய்யப்படுவார்கள்.
விண்ணப்பிக்கும் முறை: http://www.tanuvas.ac.in என்ற அதிகாரப்பூர்வ வலைதளத்தில் கொடுக்கப்பட்டுள்ள விண்ணப்பத்தைப் பதிவிறக்கம் செய்து, பூர்த்தி செய்து தேவையான சான்றிதழ் நகல்களை இணைத்து விண்ணப்பிக்க வேண்டும். 
பூர்த்தி செய்யப்பட்ட விண்ணப்பங்களை அனுப்ப வேண்டிய முகவரி: 
The Registrar, Tamil Nadu Veterinary and Animal Sciences University, Madhavaram Milk Colony, Chennai 600 051, India
மேலும் முழுமையான விவரங்கள் அறிய: http://www.tanuvas.ac.in/pdf/recruit_admn/01_2020.pdf என்ற லிங்கை கிளிக் செய்து தெரிந்துகொள்ளவும். 
பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 27.02.2020

அஞ்சல் துறையில் வேலை
மொத்த காலியிடங்கள்: 08
பணி: Skilled Artisans
துறைவாரியான காலியிடங்கள் விவரம்: 
1. Motor Vehicle Mechanic - 02
2. Welder - 02
3. Tyreman - 02
4. Tinsmith - 01
5. Blacksmith - 01
சம்பளம்: மாதம் ரூ.19,900
வயதுவரம்பு: 01.07.2020 தேதியின்படி 18 வயது முதல் 30 வயதுக்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில் தளர்வு உண்டு. 
தகுதி: சம்பந்தப்பட்ட பிரிவில் ஐடிஐ முடித்திருக்க வேண்டும் அல்லது 8 -ஆம் வகுப்பு தேர்ச்சி பெற்ற சம்பந்தப்பட்ட பிரிவுகளில் ஓர் ஆண்டு பணி அனுபவம் பெற்றிருக்க வேண்டும். மேலும் கனரக வாகன ஓட்டுநர் உரிமம் பெற்றிருக்க வேண்டும். 
தேர்வு செய்யப்படும் முறை: திறனறி தேர்வு மற்றும் நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: www.indianpost.gov.in என்ற வலைதளத்தில் கொடுக்கப்பட்டுள்ள விண்ணப்பத்தைப் பதிவிறக்கம் செய்து, பூர்த்தி செய்து தேவையான சான்றிதழ் நகல்களில் சுயசான்று செய்து கீழ்வரும் முகவரிக்கு அனுப்ப வேண்டும். 
பூர்த்தி செய்யப்பட்ட விண்ணப்பங்களை அனுப்ப வேண்டிய முகவரி:
The Senior Manager, Mail Motor Services, 134-A, S.K.Ahire MARG, Worli, Mumbai- 400 018
மேலும் விவரங்கள் அறிய: https://www.indiapost.gov.in/VAS/Pages/Recruitment/MMSMumbai.pdf என்ற லிங்கில் சென்று தெரிந்துகொள்ளவும். 
பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 29.02.2020

நாமக்கல் குழந்தைகள் பாதுகாப்பு 
அலுவலகத்தில் வேலை
மொத்த காலியிடங்கள்: 03 
பணி: குழந்தைகள் பாதுகாப்பு அலுவலர் - 01 
தகுதி: சமூகவியல், சமூகப்பணி, உளவியல், குழந்தை வளர்ப்பு, குற்றவியல், கல்வியியல் ஆகிய ஏதேனும் ஒரு துறையில் பட்டம் பெற்றிருப்பதுடன், சம்பந்தப்பட்ட துறையில் 3 ஆண்டு பணி அனுபவம் பெற்றிருக்க வேண்டும்.
வயது வரம்பு : 40 வயதுக்குள் இருக்க வேண்டும். 
சம்பளம்: மாதம் ரூ.21,000
பணி: சமூகப்பணியாளர் - 01 
சமூகப்பணி: உளவியல், வழிகாட்டுதல், ஆற்றுப்படுத்துதல் போன்ற துறைகளில் இளங்கலை, முதுகலைப் பட்டம் பெற்று 2 ஆண்டு பணி அனுபவம் பெற்றிருப்பவர்கள் விண்ணப்பிக்கத் தகுதியானவர்கள். 
பணி: மாதம் ரூ.14,000 
வயதுவரம்பு: 40 வயதுக்குள் இருக்க வேண்டும். 
பணி: உதவியாளர் மற்றும் கணினி தட்டச்சு செய்பவர் ஆப்ரேட்டர் -01 
சம்பளம்: மாதம் ரூ.10,000
தகுதி: பத்தாம் வகுப்பு தேர்ச்சி, டிசிஏ முடித்து ஓர் ஆண்டு பணி:: அனுபவம் பெற்றிருக்க வேண்டும். 
விண்ணப்பிக்கும் முறை: https://namakkal.nic.in/ என்னும் அதிகாரப்பூர்வ இணையதளத்தில் கொடுக்கப்பட்டுள்ள விண்ணப்பப் படிவத்தினை பதிவிறக்கம் செய்து, பூர்த்தி செய்து அதனுடன் தேவையான சான்றிதழ் நகல்களை இணைத்து கீழ்வரும் அஞ்சல் முகவரிக்கு அனுப்ப வேண்டும். 
பூர்த்தி செய்யப்பட்ட விண்ணப்பங்களை அனுப்ப வேண்டிய முகவரி: மாவட்ட குழந்தைகள் பாதுகாப்பு அலுவலர், மாவட்ட குழந்தைகள் பாதுகாப்பு அலகு, 78/அ, இளங்கோ திருமண மண்டபம் அருகில், மோகனூர் ரோடு, நாமக்கல் - 637 001. 
மேலும் முழுமையான விவரங்கள் அறிய: https://cdn.s3waas.gov.in/s3b9228e0962a78b84f3d5d92f4faa000b/uploads/2020/02/2020021339.pdf  என்ற லிங்கில் சென்று தெரிந்துகொள்ளவும். 
பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 29.02.2020
தொகுப்பு: இரா.வெங்கடேசன்

]]>
https://images.dinamani.com/uploads/user/imagelibrary/2020/2/25/w600X390/velai.jpg https://www.dinamani.com/weekly-supplements/ilaignarmani/2020/feb/25/வேலைவேலைவேலை25022020-3367032.html
3367036 வார இதழ்கள் இளைஞர்மணி தேவைக்கேற்ற புதிய படிப்புகள்! DIN DIN Tuesday, February 25, 2020 03:56 PM +0530 நம் நாட்டில் பல கல்வி நிறுவனங்கள் நல்ல பாடத்திட்டங்களுடன் திறன்மிக்க மாணவர்களை உருவாக்கி வருகின்றன. அவற்றில் பயிலும் மாணவர்கள் உள்நாட்டிலும், வெளிநாடுகளிலும் மிக அதிக சம்பளத்துடன் வேலைவாய்ப்பைப் பெறுகின்றனர்.
இன்றைய நிலையில், செயற்கை நுண்ணறிவு துறையில் வேலைவாய்ப்பு ஆண்டு வளர்ச்சி 74 சதவீதத்துடன் முதலிடத்திலும், ரோபாட்டிக்ஸ் பொறியாளர் - 40, Data Scientist - 37, Full Stack Engineer - 35, Site Reliability Engineer, Customer Success Specialist, Sales Development Representative - 34, Data Engineer - 33, Behavioral Health 
Technician - 32, Cyber security Specialist - 30  சதவீதம் என அடுத்தடுத்த நிலையிலும் உள்ளன.
இந்த நிலையில், நம் நாட்டின் பஞ்சாப் மாநிலம், மொஹாலி மாவட்டம், லாண்ட்ரானில் உள்ள சண்டீகர் குழும கல்லூரிகளில் 10 புதிய ஆராய்ச்சி அடிப்படையிலான மற்றும் பிற தொழில்முறையிலான படிப்புகள் நிகழாண்டு தொடங்கப்பட்டுள்ளன.
கல்வித்துறைக்கும், தொழில் துறைக்கும் இடையிலான இடைவெளியைக் குறைப்பதற்கும், நவீன தொழில்நுட்பங்களை தங்கள் குழுமக் கல்லூரிகளில் அறிமுகப்படுத்துவதற்கும், தற்போதைய சந்தை தேவைக்கேற்ப மாணவர்களை உருவாக்குவதற்கும் இந்த புதிய படிப்புகள் அறிமுகப்படுத்தப்பட்டுள்ளதாக கல்லூரி நிர்வாகம் தெரிவித்துள்ளது.
ஐ.கே. குஜ்ரால் பஞ்சாப் தொழில்நுட்பப் பல்கலைக்கழகத்துடன் இணைவு பெற்ற இந்த கல்லூரியில், பல்கலைக்கழக நிதிநல்கைக் குழு அனுமதியுடன், B.Sc  Artificial Intelligence & Machine Learning, B.Sc Microbiology, BBA Sales, Marketing, Advertising, Public Relations Management ஆகிய படிப்புகளும், இந்திய மருந்து கவுன்சில் அனுமதியுடன் Pharm. D (Post Baccalaureate), M Pharma in Pharmacy Practice,  M Pharma in Regulatory Affairs ஆகிய படிப்புகளும் தொடங்கப்பட்டுள்ளன. 
இதுகுறித்து சண்டீகர் குழும கல்லூரிகளின் லாண்ட்ரான் வளாக இயக்குநர் பேராசிரியர் பி.என். ஹிருஷிகேஷா கூறியது:
"அமெரிக்காவின் தனியார் இணைய கல்வி நிறுவனத்தின், வளர்ந்து வரும் வேலைகள்-2020 என்ற அறிக்கையின்படி, வளர்ந்து வரும் முதல் 15 வேலைகளில் செயற்கை நுண்ணறிவு (AI) முதலிடத்தைப் பிடித்துள்ளது. இந்தத் துறையில் பணியமர்த்தல் வளர்ச்சி கடந்த 4 ஆண்டுகளில் ஆண்டுதோறும் 74% வளர்ந்துள்ளது. இந்தியாவில் செயற்கை நுண்ணறிவு மற்றும் இயந்திர கற்றல் (ML) நிபுணர்களுக்கான இந்த தேவை அதிகரிப்பு, 12-ஆம் வகுப்பு தேர்ச்சி பெற்று வரும் மாணவர்களுக்காக செயற்கை நுண்ணறிவு மற்றும் இயந்திர கற்றலில் (பி.எஸ்சி) இளங்கலை படிப்பை கொண்டுவர எங்களைத் தூண்டியது. 
அதேபோல, இளைஞர்களை மேம்பட்ட சந்தைப்படுத்தல் மற்றும் விளம்பர திறன்களுடன் உருவாக்குவதே இந்த நேரத்தின் மற்றொரு தேவை. இதனால், தற்போது பிளஸ் 2 முடிக்கும் மாணவர்களுக்காக, விற்பனை, சந்தைப்படுத்தல், விளம்பரம் மற்றும் மக்கள்தொடர்பு மேலாண்மை ஆகியவற்றில் 3 ஆண்டு பிபிஏ படிப்புகளும் எங்களது கல்லூரியில் தொடங்கப்பட்டுள்ளன. 
மேலும், மருத்துவ ஆராய்ச்சி, தரக் கட்டுப்பாடு ஆகியவற்றில் நுண்ணுயிரியலாளர்கள் அதிகம் தேவைப்படுகின்றனர். இதையொட்டி, மருத்துவ மற்றும் மருத்துவரல்லாத மாணவர்களுக்கான நுண்ணுயிரியலில் அறிவியல் பட்டப்படிப்பை (பி.எஸ்சி) அறிமுகப்படுத்துகிறோம். அதோடு, எம்.பார்மசி (ஒழுங்குமுறை விவகாரங்கள்) என்ற மருந்தியல் நடைமுறை படிப்பு, இதில் பயில்வோரை ஒழுங்குமுறை விவகார ஆலோசகர், மருந்து பாதுகாப்பு நிபுணர், மருந்து ஆய்வாளர், மருத்துவ தகவல் கூட்டாளர் போன்றவர்களாக ஆக்குகிறது. எம்.பார்மசி (மருந்து பயிற்சி) மற்றும் ஃபார்ம். டி (போஸ்ட் பேக்கலரேட்) படிப்புகள் பேராசிரியராக அல்லது மருத்துவமனைகளில் Pharma Co - vigilance, ஆராய்ச்சியாளராகப் பணியாற்றும் வாய்ப்பை அளிக்கின்றன.

தற்போது, உலகெங்கிலும் உள்ள அனைத்து தொழில்கள் மற்றும் களங்களில் டிஜிட்டல்மயமாக்கல் அதிகரித்து வருகிறது. இதையொட்டி, BBA Digital marketing என்று இன்னும் சில படிப்புகள் முன்மொழியப்பட்டுள்ளன. இது 3 ஆண்டு இளங்கலை பட்டப் படிப்பாகும். இன்று பரவலாகப் பயன்படுத்தப்படும் இணையம், மொபைல்கள், விளம்பரம் மற்றும் பிற டிஜிட்டல் மீடியா துறைகளில் உள்ள தொழில்நுட்பங்களைப் பயன்படுத்தி, தயாரிப்புகள் அல்லது சேவைகளைச் சந்தைப்படுத்துவதில் பயன்படுத்தப்படும் மேம்பட்ட நுட்பங்கள் இந்த படிப்புகளில் கற்றுத் தரப்படவுள்ளன.
எங்கள் குழும கல்லூரி மாணவர்கள் சுமார் 4000 பேர், நிகழாண்டு வரை 350-க்கும் மேற்பட்ட சிறந்த நிறுவனங்களில் வேலைவாய்ப்பு பெற்றுள்ளனர். அவற்றில், கம்ப்யூட்டர் சயின்ஸ் என்ஜினியரிங் மாணவர்கள் அதிகபட்சமாக ஆண்டுக்கு ரூ. 30.25 லட்சம் ஊதிய தொகுப்பில் பணியமர்த்தப்பட்டுள்ளனர்'' என்றார் அவர்.
- இரா.மகாதேவன்

]]>
https://images.dinamani.com/uploads/user/imagelibrary/2020/2/25/w600X390/CGC.JPG https://www.dinamani.com/weekly-supplements/ilaignarmani/2020/feb/25/தேவைக்கேற்ற-புதிய-படிப்புகள்-3367036.html
3367035 வார இதழ்கள் இளைஞர்மணி  இசை... புதிய வணிகம்! DIN DIN Tuesday, February 25, 2020 03:47 PM +0530 மனதை இசைய வைப்பது இசையாகிறது. பழங்காலம் தொட்டு இன்றுவரை, இசையும் தாளமும் நம் வாழ்வில் இணைந்துள்ளன. உலக கலாசாரங்கள் அனைத்திலும் இசைக்கு முக்கிய இடமளிக்கப்பட்டுள்ளது. ஒவ்வொரு நிகழ்விலும் பாடல்கள், இசைக்கருவிகள் வாசிக்கப்படுகின்றன. குழந்தைப் பிறப்பு, திருமணம், திருவிழா, விளையாட்டு நிகழ்ச்சி, மற்ற சமூக, கலாசார நிகழ்வுகள் என அனைத்திலும் இசைக்கு ஓரிடம் அளிக்கப்படுகிறது.
 அதேபோல், இசையை ஆரோக்கியத்துக்காக, சிகிச்சையாகப் பயன்படுத்தும் வழக்கமும் பலகாலமாக உள்ளது. வருத்தமான ஒருவரின் மனநிலையை மாற்றி இசை ஆறுதல் அளிக்கிறது. ஏதேனும் ஒரு வடிவத்தில் இசை நமது அனைவருடன் தினமும் பயணிக்கிறது.
 இத்தகைய முக்கியத்துவம் பெற்றுள்ள இசையை அனைவராலும் எளிதாகக் கேட்க முடிவதில்லை. வானொலியில் இலவசமாக காது குளிர கேட்ட இசையை, இப்போது கட்டணம் செலுத்தி கேட்கும் நிலை உருவாகியுள்ளது. இசையை ரசிப்பதற்காக, பாடல்களைக் கேட்பதற்காக பல்வேறு செல்லிடப்பேசி செயலிகள் தற்போது உள்ளன.
 ஒரு நாளைக்கு குறைந்த பட்சம் 2 மணி நேரம் இசைச் செயலிகளைப் பலர் பயன்படுத்துகின்றனர் என்று ஆய்வு முடிவுகள் தெரிவிக்கின்றன. இதனால் செயலிகளின் பயன்பாடு வரும் ஆண்டுகளில் மிகப் பெரிய தாக்கத்தை மக்களிடையே ஏற்படுத்தியிருக்கும் என்றும் அந்த ஆய்வு தெரிவிக்கிறது.
 இசை நூலகம்
 அறிதிறன் பேசிகளில் (ஸ்மார்ட் போன்) பயன்படுத்தப்படும் இசைச் செயலிகள், இப்போது இசை நூலகங்களாக செயல்படுகின்றன. தமிழ், தெலுங்கு, மலையாளம், ஹிந்தி, ஆங்கிலம் என அனைத்து மொழி பாடல்கள் அந்த செயலிகளில் உள்ளன. அந்தக் கால பாடல்கள் முதல் இன்றைய பாடல்கள் வரை அனைத்தும் கிடைக்கும் பொக்கிஷமாக இசைச் செயலிகள் உள்ளன. தமக்குப் பிடித்த அனைத்து பாடல்களையும் இந்த ஒரு செயலி மூலம் கேட்டுக் கொள்ளலாம் என்ற எண்ணம், இந்தச் செயலிகளைப் பயன்படுத்தத் தூண்டுகிறது.
 கலாசார ஈடுபாடு
 இந்தியாவில் பல்வேறு சமூகங்கள் மற்றும் கலாசார வேறுபாடுகள் இருந்தாலும், அவற்றுக்கிடையேயான பாலமாக இசை உள்ளது. வடஇந்தியர்களில் பலர் தமிழ், தெலுங்கு இசை மற்றும் பாடல்களை விரும்பிக் கேட்கின்றனர். அதுபோல, தென்னிந்தியர்களும் ஹிந்தி பாடல்களைக் கேட்கின்றனர். அந்த பாடல்களுக்கான உரிய அர்த்தம் தெரியாவிட்டாலும், அந்த இசைக்காக பாடல்களை மீண்டும் மீண்டும் கேட்கின்றனர். இவ்வாறு மொழி பேதமின்றி, பல்வேறு பகுதிகளின் இசைகளைக் கேட்பதன் மூலம், அந்தந்த பகுதிகளின் கலாசாரங்களை அனைவரும் தெரிந்து கொள்ள முடிகிறது.
 வணிகமாக மாறிய இசை
 இசைச் செயலிகளைப் பயன்படுத்த பல்வேறு காரணங்கள் இருந்தாலும், அந்த செயலிகள் தற்போது வணிகப் பொருளாக மாறி விட்டதால் நிறையப் பேர் பயன்படுத்துகின்றனர்.
 இந்த செயலிகளுக்குக் கிடைக்கும் வரவேற்பைக் கண்டு பல நிறுவனங்கள் புதிது புதிதாக இசைச் செயலிகளை உருவாக்கத் தொடங்கி விட்டன. இசைச் செயலிகளை வடிவமைப்பது முக்கிய வணிகமாகி விட்டது.
 நுகர்வோர்களுடன் எவ்வாறு தங்களை இணைத்துக் கொள்வது என்று ஒவ்வோர் இசைச் செயலியும் ஒவ்வோர் உத்தியைக் கையாள்கிறது. தங்களது செயலியைப் பலர் பயன்படுத்த வேண்டும் என்ற வணிக நோக்கில் பல சலுகைகளை வாரி வழங்குகின்றன.
 சில இலவச செல்லிடப் பேசி இசைச் செயலிகள் இருந்தாலும், அவை தொடக்கத்தில் மட்டுமே இலவசமாகப் பாடல்கள் கேட்கும் சலுகைகளை வழங்குகின்றன. இலவசச் சலுகைகளை அனுபவித்து பாடல்களை கேட்டு ரசித்தவர்களால், பின்னர் பாடல்களைக் கேட்காமல் இருக்க முடிவதில்லை. அதனால், கட்டணம் செலுத்தி பாடல்களைத் தொடர்ந்து கேட்டு மகிழத் தயாராகிவிட்டனர்.

இன்றைய இளைஞர்களால் உண்ணாமல் கூட இருக்க முடியும். ஆனால், செல்லிடப்பேசியின் இணைய சேவைகளைப் பயன்படுத்தாமல் இருக்க முடியாது என்ற அளவுக்கு நிலைமை மாறி விட்டது. இசைச் செயலிகளைப் பயன்படுத்துவதற்கான முக்கியமான தேவைகளுள் ஒன்றாக இது உள்ளது. மற்ற சேவைகளை அதிகம் பயன்படுத்தாதோர் கூட இசைச் செயலிகளுக்காக செல்லிடப்பேசியில் இணைய சேவையைப் பயன்படுத்தி வருகின்றனர். இவ்வாறு இசையை மையமாகக் கொண்டு இப்போது புதிய வணிகம் வளர்ந்து கொண்டிருக்கிறது.
 - க. நந்தினி ரவிச்சந்திரன்
 
 

]]>
https://images.dinamani.com/uploads/user/imagelibrary/2020/2/25/w600X390/MUSIC_APP1.JPG https://www.dinamani.com/weekly-supplements/ilaignarmani/2020/feb/25/இசை-புதிய-வணிகம்-3367035.html
3367034 வார இதழ்கள் இளைஞர்மணி கொஞ்சம் சிரிப்போம்... நிறைய ஜெயிப்போம்! DIN DIN Tuesday, February 25, 2020 03:44 PM +0530 எந்த தருணத்திலும் நமக்கு இரண்டு வழிகள் உள்ளன. வளர்ச்சியில் முன்னேற அல்லது பாதுகாப்பிற்கு பின்வாங்க.
- ஆபிரகாம் மாஸ்லோ
சிரிப்பும் புன்னகையும் வெறும் உதடு மற்றும் வாய் சார்ந்த செயல் மட்டுமல்ல. அது உணர்வுப்பூர்வமான ஓர் உடல்மொழி. உயிரோட்டமானது... சமயங்களில் உன்னதமானது. தெய்வீகமானது.
ஒரு சிலரைப் பார்த்தவுடன் நமக்குப் புத்துணர்ச்சி தொற்றிக் கொள்ளும். பெரும்பாலான நேரங்களில் முகத்தில் எந்த உணர்ச்சியையும் வெளிப்படுத்தாமல் எதையோ பறிகொடுத்த மாதிரியே அமர்ந்திருப்பவர்களைப் பார்த்து, "உர்ருன்னு .... உம்முன்னு இருக்கிறதைப் பாரு'"என்றோ"எப்பப்பாரு இஞ்சி தின்ன குரங்காட்டம் முகத்தை வச்சுக்கிட்டு' என்று சொல்வதையும் கேள்விப்பட்டிருக்கிறோம். 
இவற்றையெல்லாம் கடந்து ஒரு மனிதனின் வாழ்வை உயிர்ப்போடு வைத்திருக்க "சிரிப்பு' பிரதான இரத்த ஓட்டமாக இருக்கிறது என்பதை மறக்காதவர்கள் மட்டுமே வாழ்வில் வெற்றி பெற்றிருக்கின்றனர். மிகப்பெரிய சாதனைகளையும் செய்திருக்கின்றனர்.
"சிந்திக்கத் தெரிந்த மனித குலத்துக்குச் சொந்தமானது சிரிப்பு' என்கிறார் "கலைவாணர்' என்.எஸ்.கிருஷ்ணன். "சிரிப்பு, இதன் சிறப்பை சீர்தூக்கிப் பார்ப்பதே நமது பொறுப்பு' என்று தொடங்கும் அந்தப் பாடலின் வரிகள் மேலும் இப்படித் தொடர்கின்றன: "மனம் கருப்பா வெளுப்பா என்பதை எடுத்துக் காட்டும் கண்ணாடி சிரிப்பு' "இது களையை நீக்கி கவலையைப் போக்கி மூளைக்குத் தரும் சுறுசுறுப்பு'. 
"புன்னகைதான் மொழிக்கும் முன்னர் மனிதன் கண்டுபிடித்த முதல் தொடர்பு ஊடகம்' என்கிறார் தலைசிறந்த "சிரிப்பு' ஆய்வாளர் பேராசிரியர் ராபர்ட் புரொவின். அகில உலகத்துக்கும் பொதுவான மொழி சிரிப்பு. கைக்குழந்தையாக இருக்கும்போது நாம் நாள் ஒன்றுக்கு எத்தனை முறை சிரித்துக் கொண்டிருந்தோமா, அதில் ஐந்து சதவிகிதத்திற்கும் குறைவாகவே நாம் வளர்ந்து பொறுப்பானவர்கள் ஆகிய பிறகு சிரிக்கிறோம். ஏன் என்றால், இன்றையச் சூழ்நிலையில் நாம் மனிதர்களிடமிருந்து வெகு தூரம் விலகி, இயந்திரங்கள் மற்றும் மின் சாதன உபகரணங்களோடு அதிகமாக நேரத்தைச் செலவிடுகிறோம். செல்லிடைப் பேசி வழியாக, கட்செவி அஞ்சல்களில் சிரிப்பைக் கூட குறியீடாக, பொம்மைப் படங்களாகப் போட்டுவிட்டுவிட்டு அற்ப மகிழ்ச்சியில் திருப்தியடைந்து விடுகிறோம். 
இந்த வாழ்க்கை முறையின் காரணமாக நம்மில் பலரும் மன அழுத்தத்தால் எளிதில் பாதிக்கப்பட்டு, ஒருவரை ஒருவர் பார்க்கின்ற நேரங்களில் சிரிக்கின்றோமா அல்லது முறைக்கின்றோமோ என்பதைக் கூட வேறுபடுத்திப் பார்க்க முடியாத "ரோபோ'க்களாக மாறிக் கொண்டிருக்கிறோம். 
"வாய்விட்டுச் சிரித்தால் நோய்விட்டுப் போகும்' என்கிற பழமொழியையும், சிரிப்பு, மன அழுத்தத்தைக் குறைத்து நோய் எதிர்ப்புச் சக்தியை அதிகரிக்கும் என்பதையும், சிரிப்பு நம்மை நல்ல மனநிலையோடு நாள் முழுவதும் மகிழ்ச்சியோடு வைத்திருக்கும் என்பதையும், கடினமான நேரங்களிலும் நேர்மறையான மனநிலையைக் கொடுத்து உற்சாகத்தோடு செயல்பட வைக்கும் என்பதையும் கூட நாம் ஒருவரிடம் பணம் கொடுத்து மருத்துவம் என்கிற பெயரில் தெரிந்துகொள்ள விரைகிறோம்.
சிரிப்பைப் பற்றி பேசும்பொழுது சந்திரபாபுவின், "சிரிப்பு வருது.... சிரிப்பு வருது, சிரிக்க... சிரிக்க... சிரிப்பு வருது' என்கிற பாடலைப் பற்றி நாம் பேசாமல் இருக்க முடியாது. இந்தப் பாடலையும், நாமே மேலே சுட்டிக்காட்டிய என்.எஸ். கிருஷ்ணன் பாடலையும் இன்றைய இளைஞர்கள் மற்றும் மாணவர்கள் அனைவரும் இணைய "யூ டியூப்' வாயிலாக அடிக்கடி பார்ப்பதுஅவசியம் . அது அவர்களுக்கு நல்ல உற்சாகத்தைத் தரும். புன்னகையும் சிரிப்பும் மகிழ்ச்சியை மட்டும் அல்ல... ஆரோக்கியத்தையும் இலவச இணைப்பாகத் தருகின்றன என்பதை, "மகிழ்ச்சி 100 சதவிகிதம் பலன் அளிக்கும் ஒரு தடுப்பு மருந்து' என திருக்குறள் முதல் கட்செவி ஸ்மைலி வரை அனைத்தும் அழுத்தமாகச் சொல்வதை நாம் அப்படியே அடுத்தவருக்கு தகவலாக தள்ளிவிடுவோமே தவிர, அதை செயல்படுத்தத் தவறிவிடுகிறோம்.
நோயாளிகளின் மனதில் மலர்ச்சியை உண்டாக்குவதே மருத்துவத்தின் முதல் நோக்கம் என்பதில் உறுதியாக இருந்த அமெரிக்க மருத்துவர் பாட்ச் ஆடம்ஸ், அதற்காக கோமாளி முகமூடி அணிந்துகொண்டு கோணங்கி சேட்டைகளைக் கூட செய்வாராம். இவர் எழுதிய "உடல்நலம் ஒரு சிரிப்புப் பொருள்" (Good 
health is a laughing matter) என்ற நாவலில் ஊசி, மருந்துகளைத் தாண்டி நலம்தரும் முக்கியமான விஷயங்கள், சிரிப்பும் மகிழ்ச்சியுமே என்பதை பல உதாரணங்களுடன் உணர்த்தியிருக்கிறார் பாட்ச். 
இரண்டும் உணர்வுகள்தானே என்றாலும், "குபீர்' சிரிப்பும், "சுரீர்' கோபமும் மனித உடலில் வேறுபாடான தாக்கங்களை உண்டாக்கும். "சிரிப்பு' நம் நரம்பு மண்டலங்களுக்கும் மனதிற்கும் நேர்மறையான பயிற்சியையும், "கோபம்' நம் உடலில் எதிர்மறையான விளைவுகளையுமே உண்டாக்கும். நாவலாசிரியர் நா. பார்த்தசாரதி அவரது "குறிஞ்சி மலர்' நாவலில் நாயகியின் மலர்ந்த முகத்தை... "நிலவைப் பிடித்து, சிறு கறைகள் துடைத்து... குறுமுறுவல் பதித்த வதனம் இது' என்று பதிவிடுகிறார். அந்த வகையில் புன்முறுவல் வேறு, புன்னகை வேறு, சிரிப்பு வேறு... செயற்கையான காரிய சிரிப்புக்கு... வளிதலுக்கு பேச்சுவழக்கில் சொல்லப்படும் "இளிப்பு' என்பது வேறு. ஒரு மாணவனின், இளைஞனின் வெற்றிக்கு படிப்பும், உழைப்பும், நேர்மறையான எண்ணமும் எவ்வளவு முக்கியமோ, அதற்கு கொஞ்சமும் குறைவில்லாமல் முக்கியமானது இந்தச் "சிரிப்பு'. எனவே நம் வாழ்வில் கொஞ்சம் சிரிப்போம்! நிறையவே ஜெயிப்போம்! 
-கே.பி. மாரிக்குமார்

]]>
https://images.dinamani.com/uploads/user/imagelibrary/2020/2/25/w600X390/im5.jpg https://www.dinamani.com/weekly-supplements/ilaignarmani/2020/feb/25/கொஞ்சம்-சிரிப்போம்-நிறைய-ஜெயிப்போம்-3367034.html
3367029 வார இதழ்கள் இளைஞர்மணி குரூப் - 1 தேர்வு: மாற்றங்கள் அவசியம்! DIN DIN Tuesday, February 25, 2020 03:31 PM +0530 சென்ற இதழ் தொடர்ச்சி...
ஓய்வு பெற்ற பாராளுமன்ற தொலைத் தொடர்புத்துறை இயக்குநர் என்.எம்.பெருமாள் தொடர்ந்து நம்மிடம் கூறியதாவது: உத்தரபிரதேச மாநிலத்தின் தமிழக குரூப் - 1 தேர்வுக்கு இணையான தேர்வைப் (Combined State / Upper Subordinate Services Exam - 2020) பற்றி பார்ப்போம். இத்தேர்வு முதல் நிலைத்தேர்வு, முதன்மைத்தேர்வு மற்றும் வாய்மொழித்தேர்வு ஆகியவற்றை உள்ளடக்கியுள்ளன.
முதல் நிலைத்தேர்வில் இரண்டு தாள்கள் உள்ளன. முதல்தாள் பொது அறிவும், இரண்டாம் தாள் புத்திக்கூர்மை பற்றியதும் ஆகும். ஒவ்வொரு தாளும் 200 மதிப்பெண்களைக் கொண்டுள்ளது. முதல்தாள் 150 கேள்விகளைக் கொண்டதாகவும், இரண்டாம் தாள் 100 கேள்விகளைக் கொண்டதாகவும் இருக்கும். தவறான விடைகளுக்கு 0.33% மதிப்பெண்கள் கழிக்கப்படும். இரண்டாம் தாள் தகுதித்தேர்வு மட்டுமே. ஐ.ஏ.எஸ் தேர்வை ஒட்டி, இத்தாளிலும் குறைந்தது 33% மதிப்பெண்கள் எடுக்க வேண்டும்.
இரண்டாம் நிலைத் தேர்வில் மொத்தம் எட்டு தாள்கள் உள்ளன. பொது இந்தி, கட்டுரை, நான்கு பொது அறிவுத் தாள்கள், ஏதாவது ஒரு விருப்பப்பாடத்தில் இரண்டு தாள்கள் ஆகியன ஆகும்.
பொது இந்திக்கும், கட்டுரைக்கும் தலா 150 மதிப்பெண்கள், மற்ற நான்கு பொது அறிவு தாள்களுக்கும், ஒரு விருப்பப் பாட இரு தாள்களுக்கும் தலா 200 மதிப்பெண்கள் ஆக முதன்மைத் தேர்வின் எட்டுத் தாள்களுக்கும் சேர்ந்து 1500 மதிப்பெண்கள்.
முதன்மைத் தேர்வின் விருப்பப்பாடப் பகுதிக்கு 30-க்கும் மேற்பட்ட பாடங்கள் கொடுக்கப்பட்டுள்ளன. கிட்டத்தட்ட ஐ.ஏ.எஸ் தேர்விலும் இதைப் போன்று 30-க்கும் மேற்பட்ட விருப்பப் பாடங்கள் கொடுக்கப்பட்டுள்ளன.
நேர்முகத் தேர்வுக்கு 100 மதிப்பெண்களே கொடுக்கப்பட்டுள்ளது. 
மேலே கூறப்பட்ட தேர்வுகளுடன் இப்பொழுது தமிழ்நாடு தேர்வாணையத்தின் குரூப் - 1 தேர்வை ஒப்பிடலாம்.
குரூப் - 1 தேர்வும் மற்ற இரு தேர்வுகளை ஒட்டி முதல் நிலை, முதன்மைத் தேர்வு மற்றும் நேர்முகத் தேர்வு ஆகிய மூன்று நிலைகளையும் கொண்டது. மற்ற இரு தேர்வுகளைப் போல அல்லாமல்
முதல் நிலைத்தேர்வு ஒரே ஒரு தாளைக் கொண்டது. கொள்குறி வகையில் அமைந்துள்ள இத்தேர்வு மூன்று மணி நேரமும், 300 மதிப்பெண்களையும் கொண்டுள்ளது. முதன்மைத் தேர்வு மூன்று தாள்களைக் கொண்டுள்ளது. மூன்று தாள்களும் பொது அறிவுத் தாள்களாகும். ஒவ்வொரு தாளும் 250 மதிப்பெண்களைக் கொண்டதாகும். 
தமிழ்நாட்டின் குரூப் - 1 தேர்வை மேலே கூறப்பட்ட இரண்டு தேர்வுகளுடன் ஒப்பிடும் போது ஒரு மிகப்பெரிய வித்தியாசம் தென்படுகிறது.
அடிப்படை ஆங்கிலம், அடிப்படை தமிழ், கட்டுரைத் தாள், விருப்பப்பாடம் ஆகிய நான்கும் குரூப் - 1 முதன்மைத் தேர்வில் இல்லாததால் தமிழக இளைஞர்களுக்கு இவற்றில் புலமை பெறுவதற்கு அது வாய்ப்பு இல்லாமல் போய்விடுகிறது. ஆதலால் மத்திய அரசு வேலைகளைத் தகுந்த அளவில் தமிழக இளைஞர்கள் பெறுவதற்கு அது ஒரு தடையாக இருக்கிறது.
கிராமப்புற மாணவர்களின் போட்டித் திறமையைப் பற்றி பெரும்பாலானவர்களிடையே ஒரு தவறான கருத்து நிலவுகிறது. அவர்கள் தமிழ் வழியில் மட்டுமே கற்பவர்கள். நகர்ப்புற மாணவர்களை விட திறமை குறைந்தவர்கள். ஆதலால் அவர்களுக்கு தேர்வு நிலைகள் எல்லாமே எளிதாக இருக்க வேண்டும். 
அப்பொழுது தான் அவர்கள் சிறந்து விளங்க முடியும் என்பது. மற்றொரு கருத்து அவர்களுக்கு ஆங்கிலம் சரியாக வராது என்பது. இந்த இரண்டு கருத்துக்களும் சரியல்ல. 
நகர்ப்புற மாணவர்களுக்கு கிடைத்தற்கரிய ஓர் அருமையான வாய்ப்பு கிராமப்புற மாணவர்களுக்கு அமைந்துள்ளது. 
ஆற்றுப்படுகைகளிலும், குளத்தங்கரைகளிலும், ஆலமரத்தடிகளிலும் அமர்ந்து அமைதியான சூழ்நிலைகளில் நூல்களைப் படித்து தங்களது அறிவாற்றலைப் பெருக்கிடும் வாய்ப்பு கிராமப் புற மாணவர்களுக்கே உரித்தானது. ஆரவாரம் மிக்க சூழ்நிலையில் வாழும் நகர்ப்புற மாணவர்களுக்கு இவ்வரிய சூழ்நிலை கிடைப்பது மிகவும் கடினம்.
எனவே எந்தவித போட்டித் தேர்வுகளையும் கிராமப்புற மாணவர்களுக்கென்று மிகமிக எளிதாக வைக்கவேண்டிய அவசியமில்லை.
ஒரு காலத்தில் தமிழக இளைஞர்கள் மத்திய அரசு வேலைகளில் இந்தியா முழுமைக்கும் நிறைந்து இருந்தார்கள். ஆனால் இன்றோ தமிழகத்திலுள்ள மத்திய அரசு வேலைகளில் குறிப்பாக ரயில்வே, வங்கிகள் போன்றவற்றில் தமிழக இளைஞர்கள் முழுமையாக வருவதில்லை. இதற்கு பல்வேறு காரணங்கள் உள்ளன. இருந்த போதிலும் தமிழ்நாடு தேர்வாணையம் ஆங்கிலத்துக்குத் தேவையான அளவு அழுத்தம் கொடுக்கவில்லை என்பதும் ஒரு குறிப்பிடத்தக்க காரணமாகும். எனவே குரூப்-1 தேர்வுக்கு ஓர் ஆங்கிலத்தாள் கொண்டு வருவது இன்றையச் சூழலில் இன்றியமையாதது. இத்தாள் 10 அல்லது 12- ஆவது வகுப்பு ஆங்கிலப் பாடநிலையில் கொண்டு வரலாம்.
ஐ.ஏ.எஸ் தேர்வில் அமைந்துள்ளது போல, ஆங்கிலத் தாளை ஒரு தகுதித் தேர்வாக வைக்கலாம். இப்பாடத்தில் 33 அல்லது 35 விழுக்காடு அடிப்படைத் தகுதியாக வைக்கலாம். தரவரிசைப் பட்டியலுக்கு இத்தாளின் மதிப்பெண்ணைச் சேர்க்க வேண்டாம்.
ஆங்கிலத் தேர்வில் கேட்கப்படும் கேள்விகள் பள்ளியில் உண்டான பாடங்களை ஒட்டி அமையாமல் இருத்தல் நலம். ஒரு குறிப்பிட்ட ஆங்கில எழுத்தாளரின் குறிப்பிட்ட கவிதை அல்லது கட்டுரையை ஒட்டி இல்லாமல் இருக்க வேண்டும். மத்திய பணியாளர் தேர்வாணையம் நடத்தும் பிளஸ்-2 நிலைத்தேர்வு அல்லது 10-ஆம் வகுப்பு நிலைத் தேர்வு - இவற்றின் பாடத்திட்டத்தை ஒட்டி அமையலாம்.
ஆங்கிலம் ஒரு தகுதிப் பாட அளவிலாவது வைப்பது தமிழக இளைஞர்களுக்கு பெரும் பயன் விளைவிக்கும். 2019- இல் நடந்த குரூப்-1 தேர்வில் இரண்டே கால் இலட்சம் பேர் முதல் கட்டத்தேர்வு எழுதினார்கள். இருந்த பதவிகளோ 181 மட்டுமே. இரண்டு லட்சம் பேருக்கு மேலே தேர்வில் தோல்வியைச் சந்திக்க வேண்டியிருந்தது.
இவர்களுக்கு பல்லாயிரக்கணக்கான அளவில் வரும் மத்திய அரசு வேலைகளைப் பெறுவதிலும் வாய்ப்புகளை ஏற்படுத்திக் கொடுத்தால் அது தமிழகத்துக்கே நல்லது. குறிப்பாக பின் தங்கிய வகுப்பினரும் தாழ்த்தப்பட்ட வகுப்பினரும் தமிழகத்திலுள்ள மத்திய அரசு வங்கி வேலைகளில் நிறைந்த அளவில் வருவதில்லை. இந்த நிலை மாறுவதற்கு மேலே குறிப்பிட்டுள்ள ஆங்கிலப் புலமை வழிவகுக்கும். இந்த ஆண்டிலும் குரூப்-1 தேர்வினால் நிரப்பப்பட வேண்டிய பதவிகள் 69 மட்டுமே.
(அடுத்த இதழில்)
வி.குமாரமுருகன்

]]>
https://images.dinamani.com/uploads/user/imagelibrary/2020/2/25/w600X390/KUMARA.JPG https://www.dinamani.com/weekly-supplements/ilaignarmani/2020/feb/25/குரூப்---1-தேர்வு-மாற்றங்கள்-அவசியம்-3367029.html
3367027 வார இதழ்கள் இளைஞர்மணி வாங்க இங்கிலீஷ் பேசலாம் 231 ஆர்.அபிலாஷ் DIN Tuesday, February 25, 2020 03:27 PM +0530 ஊரடங்கு பிரகடனம் செய்யப்பட்ட நிலையில் புரொபஸர், கணேஷ் மற்றும் ஜூலி புரொபஸரின் நண்பரான வீரபரகேசரியின் வீட்டுக்குச் சென்றிருக்கிறார்கள். வீரபரகேசரி வரலாற்றுப் புதினங்களைத் தொடர்ந்து எழுதி மனம் பேதலித்துப் போனவர். தன்னை சோழப்பேரரசின் சக்ரவர்த்தியாக நம்பி தனது சேவகர்களின் உதவியுடன் தனது பெரிய வீட்டில் வாழ்ந்து வருகிறவர். அவருடன் இருவரும் சம்பாஷணையில் ஈடுபட்டு இரவைக் கழிக்கிறார்கள். அப்போது ஒரு சின்ன விசயத்துக்காக வீரபரகேசரி கணேஷிடம் 
கோபித்துக் கொள்கிறார். அவர் அவனுக்கு மரண தண்டனை விதிப்பதாக, அவன் தலை உடனே கொய்யப்படுமென கட்டளை பிறப்பிக்கிறார். கணேஷ் மன்னிப்புக் கோர, அவர் அவனிடம் பத்து கேள்விகள் கேட்கப் போவதாக சொல்கிறார். அதில் ஒன்பதுக்கு சரியாகப் பதிலளித்தால் அவன் தலை தப்பும். பதில் தெரியாவிட்டால் lifeline எடுத்துக் கொள்ளலாம். அப்படி எடுத்துக் கொண்டு அவன் பதிலை சரியாகச் சொல்கிறான். இப்போது lifeline என்ற சொல்லின் வரலாறு என்ன எனும் கேள்வி எழுகிறது.
வீரபரகேசரி: என்ன பதில் தெரியவில்லையா? 
கணேஷ்: இதற்கு கண்டிப்பாக பதில் அளித்தே ஆகணுமா? 
வீரபரகேசரி: என் நாட்டில் யாருக்கும் சாய்úஸ இல்லை. 
கணேஷ்: lifeline ... lifeline ... இப்போது நினைவுக்கு வந்து விட்டது. அது ஒரு கயிறு. படகுகளில் பயணிக்கிறவர்களை, அதில் துடுப்பு போடுகிறவர்களை கீழே விழுந்து விடாமல் பிணைத்து வைக்கிற கயிறு. அதுவே அவர்களின் உயிரைப் பல சமயங்களில் காப்பாற்றும் உபாயம் என்பதால் அதற்கு இந்தப் பெயர் வந்தது. பத்தொன்பதாம் நூற்றாண்டில் இருந்து ஆங்கிலத்தில் இது வேறு பொருளில் புழக்கத்தில் இருக்கிறது. 
வீரபரகேசரி: அது என்ன? 
கணேஷ்: ஒரு சிக்கலான, இக்கட்டான பிரச்னையில் இருந்து தப்பிப்பதற்கான மார்க்கம் அல்லது உதவிக்கு அப்போது வரக் கூடிய ஆள். வேறெதுவும் சரிவரவில்லை என்றால் அவர் வருவார்; அவரை அழைக்கலாம். 
மகாபாரதத்தில் திரெளபதிக்கு கிருஷ்ணனைப் போல. 
வீரபரகேசரி: சபாஷ், நல்ல உதாரணம். ஆனால் தம்பி... இதோ பார் (தன் உள்ளங்கையைத் திறந்து அபயமுத்திரைக் காண்பிக்கிறார்) எனக்கு பல ஆபத்துகள் நேர்ந்துள்ளன, எதிரிநாட்டு மன்னர் என்னைக் கொல்ல அனுப்பிய ஏவலாள்களிடம் இருந்து தப்பியிருக்கிறேன். ஜனங்களைத் திணறத் திணற கொடுமைப்படுத்தி விட்டு தேர்தலில் அவர்களின் ஆதரவைப் பெருவாரியாகப் பெற்றிருக்கிறேன். அதற்குக் காரணம் இதோ நீ குறிப்பிடுகிற இந்த ப்ண்ச்ங்ப்ண்ய்ங் தான். 
கணேஷ்: அப்படியா? 
வீரபரகேசரி: ஆமாம், அது என்ன? 
கணேஷ்: ஐயய்யோ இதுவும் ஒரு கேள்வியா? இதுவரை எதோ ஒரு பத்திரிகையில் படிச்ச துணுக்கை வைத்து இந்த கேள்வியைச் சமாளிச்சிட்டேன். இது என்ன புதுசா? 
(புரொபஸரிடம்) சார் காப்பாத்துங்க. 
புரொபஸர்: நான் ஒண்ணு தான் சொல்வேன் ... நீ பார்த்தது தான் கேள்விக்கான பதில். 
கணேஷ்: பார்த்ததா? பார்த்ததா? ஐயோ குழம்புதே. என்ன பார்த்தேன்? ஞாபகம் வந்திருச்சு. 
புரொபஸர்: என்ன? 
கணேஷ்: அபயமுத்திரை. அதை அவர் சற்று முன் காட்டினாரே? 
புரொபஸர்: உனக்கு அது தான் நினைவுக்கு உடனே வருகிறதென்றால் நீ அதை வைத்து பதிலைக் கண்டுபிடி. இதற்கு மேல் நான் குறுக்கிட மாட்டேன். சாரி... 
கணேஷ்: ம்ம்ம்... 
வீரபரகேசரி: ரெண்டாவது கேள்வியிலே பல் இளித்து விட்டதே. மந்திரியாரே... 
மந்திரி: மன்னர் மன்னா? 
வீரபரகேசரி: இவன் தலையை முதலில் பாறாங்கல்லை வைத்து சிதைத்து விட்டு பிறகு கழுத்தை வெட்டு. 
மந்திரி: அதற்கு முன் மிளகாய்ப்பொடியைக் கண்ணில் தூவட்டுமா? 
வீரபரகேசரி: நீ மிளகாய்ப் பொடியிலே இரு. நம்முடைய தண்டனை முறைமை manuel ஐ நீ சரியாக படிக்கவில்லையா இன்னும். இன்றிரவு தூங்கும் முன்பு அதை ஆயிரம் முறை மனனம் பண்ணு. எனக்கு இங்கே கேட்கணும். 
மந்திரி: இன்னிக்கு தூக்கமும் போச்சா? I am gonna lose my sleep over this.
வீரபரகேசரி: உனக்கு வெட்கமாயில்லை. Lose sleep over something என்றால் ஒரு விசயத்தை நினைத்து அதிகமாய் கவலைப்பட்டு தூங்க முடியாமல் போவது. வெறுமனே தூங்காமல் இருப்பதல்ல. 
ஆங்கிலமும் தெரியாது... அமைச்சுப்பணியும் தெரியாது. Having you as my minister is a millstone around 
my neck. கணேஷ்! 
கணேஷ்: ஐயோ! 
வீரபரகேசரி: நான் கடைசியாய் பயன்படுத்திய idiomatic expression -இன் அர்த்தம் தெரியுமா? 
கணேஷ்: ஓ... தெரியுமே. புரொபஸர் அடிக்கடி வகுப்பில் இதைப் பயன்படுத்தி அலுத்துப்பார். 
வீரபரகேசரி: அது போதாது. இது எப்படி தோன்றியதென்றும் நீ சொல்லணும். ரெண்டு கேள்விகளுக்கும் சேர்த்து சொல்லு.?
(இனியும் பேசுவோம்)
 

]]>
https://images.dinamani.com/uploads/user/imagelibrary/2020/2/25/w600X390/ENG.JPG https://www.dinamani.com/weekly-supplements/ilaignarmani/2020/feb/25/வாங்க-இங்கிலீஷ்-பேசலாம்-231-3367027.html
3367026 வார இதழ்கள் இளைஞர்மணி மாமனிதனாக விளங்க... DIN DIN Tuesday, February 25, 2020 03:22 PM +0530 பழங்காலத்தில் வஞ்சினம் கூறுதல் என்பதை தற்போது சபதம் என்கிறோம். அதனைச் சங்கற்பம் என்று கூறி பாரதியார் சில சங்கற்பங்களைக் குறித்துள்ளார்.
 அ.இயன்றவரை தமிழே பேசுவேன். தமிழே எழுதுவேன். சிந்தனை செய்வது தமிழிலேயே செய்வேன். எப்போதும் பராசக்தியே முழு உலகின் முதற்பொருள். அதனையே தியாகம் செய்து கொண்டிருக்க முயல்வேன். அதனைக் குறித்தே ஓயாமல் எழுதிக் கொண்டிருப்பேன்.
 ஆ. பொழுது வீணே கழிய இடம் கொடேன். லெளகீக காரியங்களை ஊக்கத்துடனும், மகிழ்ச்சியுடனும் அவை தோன்றும்போதே பிழையறச் செய்து முடிக்கப் பழகுவேன்.
 இ. உடலை நல்ல காற்றாலும், இயன்றவரை உழைப்பாதாலும் தூய்மையுறச் செய்வேன்.
 ஈ. மறந்தும், மறைத்தும் தற்புகழ்ச்சி பாராட்டுதல் விரும்பேன்.
 உ. மூடரின் உள்ளத்தில் என்னைப் பற்றிய பொய் மதிப்புண்டாக இடம் கொடேன்.
 ஊ. சர்வசக்தியுடைய பரம்பொருளை தியானத்தால் என்னுள்ளே புகச் செய்து எனது தொழில்களையெல்லாம் தேவர்களின் தொழில்போல் இயலுமாறு சூழ்வேன்.
 எ. பொய் பேசுதல், இரட்டுற மொழிதல், நயவஞ்சனை, நடிப்பு இவற்றால் பொருளீட்டிப் பிழைத்தல் நாய்ப் பிழைப்பென்று கொள்வேன்.
 ஏ. இடையறாது தொழில் புரிந்து இவ்வுலகப் பெருமைகள் பெற முயல்வேன். இல்லாவிடின் விதிவசமென்று மகிழ்ச்சியோடிருப்பேன்.
 ஐ.எப்போதும் மலர்ந்த முகம், இனிய சொல், தெளிந்த சித்தம் இவற்றோடு இருப்பேன். ஓம்
 மேற்கண்ட உறுதியுரைகள், சூளுரைகள். சங்கற்பங்கள் சி.சுப்பிரமணிய பாரதியார், தராசு, சித்தக்கூடல் 5, பல்வேறு எண்ணங்கள் என்ற பகுதியில் இடம் பெற்றுள்ளது.
 ஒளவை அருள் எழுதிய "நாளும் நினைவோம்
 பாரதியார் -366' என்ற நூலிலிருந்து...
 

]]>
https://images.dinamani.com/uploads/user/imagelibrary/2020/2/25/w600X390/BHARATHIYAR.JPG https://www.dinamani.com/weekly-supplements/ilaignarmani/2020/feb/25/மாமனிதனாக-விளங்க-3367026.html
3367025 வார இதழ்கள் இளைஞர்மணி கனவு... இலட்சியம்: வெற்றிக்கு விதை - விஞ்ஞானி வெ. பொன்ராஜ் (அப்துல்கலாமின் முன்னாள் அறிவியல் ஆலோசகர்) DIN DIN Tuesday, February 25, 2020 03:20 PM +0530 மிச்சமெல்லாம் உச்சம் தொடு 57
நடிகை கங்கனா ரானாவத் முதல் விமான பைலட்டாக தேஜாஸ் என்ற இலகு ரக போர்விமானத்தை ஒட்டும் இந்திய விமானப் படை விமானியாக "தேஜாஸ்' என்ற திரைப்படத்தில் நடிக்கும் செய்தி கடந்த வாரம் டிவிட்டரில் டிரென்டிங் ஆனது. 2016- இல் பெண்களை போர் விமானத்தை ஓட்டும் பணிக்கு ஈடுபடுத்தியதில் நாட்டின் பாதுகாப்பு படைகளில் இந்திய விமானப் படை (IAF) முதலிடத்தில் இருந்தது. இந்த படம் 2021-இல் வெளியாகும் என்ற செய்திக்கும், இந்தியாவின் போர்விமானத்தை உருவாக்கும் இந்தியாவின் தற்சார்பு தொழில்நுட்ப வளர்ச்சிக்கும், முன்னாள் குடியரசுத் தலைவர் கலாமிற்கும் என்ன சம்பந்தம்? இந்தத் திட்டத்தையும், அதில் ஏற்பட்ட பல்வேறு தொழில்நுட்ப சோதனைகளை, வளர்ந்த நாடுகள் விதித்த தொழில்நுட்ப தடைகளையும் தாண்டி சாதனைகளாக மாற்றிக் காண்பித்ததில், கலாமிற்கு முக்கிய பங்கு இருக்கிறது. இத்தனை சோதனைகளையும் தாண்டி உருவாக்குவதை விட இறக்குமதி செய்வது நல்லது என்று நினைப்பவர்கள், "இந்தியாவின் போர் விமான உற்பத்தி திட்டம் மிகவும் தாமதமாகிறது' என்று சொன்ன குற்றச்சாட்டையும் தாண்டி இன்றைக்கு இந்த விமானம் இந்திய விமானப் படையில் சேர்க்கப்பட்டு விட்டதன் மூலம் அப்துல் கலாமின் போர்விமான கனவு நனவாகியிருக்கிறது. 
இந்திய விமானப்படை (IAF) 83 இலகு ரக போர் விமானம் (LCA) தேஜாஸ் போர் விமானங்களை வாங்க இந்துஸ்தான் ஏரோநாட்டிக்ஸ் லிமிடெட் (எச்ஏஎல்) உடன் சுமார் 45,000 கோடி ரூபாய் ஆர்டர்களை வழங்கும் என்று எதிர்பார்க்கப்படுகிறது. இந்த நிகழ்வு உள்நாட்டு பாதுகாப்பு உற்பத்தி திறனுக்கான ஒரு பெரிய ஊக்கமாக இருக்கும். 
LCA தேஜாஸ் விமானம் பாதுகாப்பு ஆராய்ச்சி மற்றும் மேம்பாட்டு அமைப்பால் (DRDO) முழுமையாக உருவாக்கப்பட்டுள்ளன. இந்த ஆண்டின் தொடக்கத்தில், DRDO தலைவர் ஜி சதீஷ் ரெட்டி, LCA -க்கான இறுதி செயல்பாட்டு அனுமதி (FOC) சான்றிதழை IAF மற்றும் பாதுகாப்பு அமைச்சகத்திற்கு வழங்கினார். எந்தவோர் இந்திய நிறுவனத்திற்கும் இது முதல் வகையான ஆர்டராக இருக்கும்; இது உள்நாட்டு பாதுகாப்புத் தொழிலுக்கு பெரும் ஊக்கத்தை அளிக்கும். 
ரூ 45,000 கோடி ஆர்டரின் 65 சதவீதத்திற்கும் அதிகமான நிதி நாட்டில் இருக்கும் தனியார் மற்றும் பொதுத் துறைகளில் வேலைவாய்ப்புகளை உருவாக்க உதவும்.
ஆரம்ப செயல்பாட்டு அனுமதி மற்றும் இறுதி செயல்பாட்டு அனுமதி தரங்களில் 40 எல்.சி.ஏ விமானங்கள் ஐ.ஏ.எஃப் செயல்பாட்டுப் பயிற்சிகளில் பங்கேற்று ககன் சக்தி சோதனையில் வெற்றி பெற்று தங்களை நிரூபித்துள்ளன. இது விமானப்படைக்கு வழங்கி முடிந்ததும் முதல் எல்.சி.ஏ மார்க் 1 ஏ விமானம் 2023 -க்குள் தயாரிக்க காலக்கெடு நிர்ணயிக்கப்பட்டிருக்கிறது. 
LCA Mk 1A என்பது தேஜாஸ் விமானத்தின் மேம்பட்ட பதிப்பாகும். IAF -ஆல் வழங்கப்பட்ட தர தேவைகளின்படி, முதல் LCA Mk 1A  விமானம் ஒப்பந்தத்தில் கையெழுத்திட்டதிலிருந்து 36 மாதங்களில் வழங்கப்படும் என்று எதிர்பார்க்கப்படுகிறது. புதிய LCA Mk 1A விமானம் விமானப்படைக்கு வழங்கப்படும் ஆரம்ப 40 LCA களை விட மேம்பட்ட ஏவியோனிக்ஸ் மற்றும் ரேடார்களை கொண்டிருக்கும். HAL இதுவரை 16 எல்.சி.ஏ.க்களை 45 படைப்பிரிவின் கீழ் தமிழ்நாட்டின் சூலூரில் விமானப்படை தளத்திற்கு வழங்கியுள்ளது.
10 வயது சிறுவனாக அப்துல் கலாம் கண்ட கனவு நனவாகியிருக்கிறது என்றால், அதற்கு காரணம், கனவு கண்டால் மட்டும் போதாது, அந்தக் கனவை நனவாக்க தொடர்ந்து உழைக்க வேண்டும். பறவை எப்படி பறக்கிறது என்று பாடம் நடத்தி, கடற்கரைக்கு அழைத்துச் சென்று நேரடியாக கடற்பறவைகளைக் காண்பித்து அவருடைய ஆசிரியர் சிவசுப்பிரமணி ஐயர் விளக்கியபோது அனைத்து மாணவர்களுக்கும் புரிந்தது பறவை எப்படி பறக்கிறது என்பது; ஆனால் அப்துல் கலாமிற்கு மட்டும் தானும் பறவை போல் பறக்க வேண்டும் என்ற கனவு பிறந்தது. அது இலட்சியமாக மாறியது. இலகு ரக போர் விமானத்தை பல்வேறு தடைகளைத் தாண்டி பறக்க வைத்ததில் அந்த கனவு நனவானது. பாடத்தைப் புரிந்தவர்கள் அனைவரும் விஞ்ஞானியாகவோ, ஜனாதிபதியாகவோ ஆகவில்லை. ஆனால் அந்த கனவை இலட்சியமாக ஆக்கி அதற்காக தொடர்ந்து உழைத்ததினால் தான் கலாம் விஞ்ஞானியானர், ஜனாதிபதியானார். 
நாம் ஒவ்வொருவரும் தனித்துவமானவர்கள். நான் தனித்துவமானவன், தனித்துவமானவள் என்று நீங்கள் உணர்ந்த அடுத்த வினாடி வரலாற்றில் உங்களுக்காக ஒரு பக்கம் ஒதுக்கப்பட்டு விடும். அந்த பக்கத்தை உங்கள் வருங்கால சந்ததியை திரும்பத் திரும்ப படிக்க வைக்கவேண்டுமானால் உங்களுக்குள் எழும் கனவை, இலட்சியமாக மாற்றி, தோல்வி மனப்பான்மைக்கு தோல்வி கொடுத்து வெற்றி பெறக் கூடிய விடாமுயற்சி வேண்டும். 
எனது 14 வயதில் ஒரு கனவு பிறந்தது. அது எப்படி நனவானது. காலை எழுந்தவுடன் நான் பிறந்த தோணுகால் கிராமத்தில் சவுண்டையா டீ கடையில் டீ குடித்துவிட்டு பத்திரிகை படித்துவிட்டு, எங்கள் அண்ணன் பொன்னையாவின் கிணற்றுக்குச் சென்று குளித்துவிட்டு பள்ளிக்குச் செல்வது வழக்கம். 19 ஜூலை 1980 அன்று காலை வழக்கம் போல டீக்கடையில் பத்திரிகையைப் படித்த போது, "இந்தியா முதன் முதலாக சொந்தமாக வடிவமைக்கப்பட்ட எஸ்.எல்.வி 3 ராக்கெட்டை விண்ணில் ஏவி ரோகிணி செயற்கைக்கோளை நிலை நிறுத்தியது; அப்துல் கலாம் சாதனை' என்ற செய்தியை படித்தேன், அப்போது எனக்கு 14 வயது. அந்தச் செய்தி எனக்குள் ஓர் உத்வேகத்தைக் கொடுத்தது. தொடர்ந்து படித்தேன். அன்றைக்கு எனக்குள் ஒரு கனவு பிறந்தது. நானும் அப்துல் கலாமைப்போல ஒரு விஞ்ஞானி ஆகவேண்டும். ஒரு நாளாவது அவரைச் சந்திக்க வேண்டும் என்ற கனவு எனக்குள் பிறந்தது. அதிலிருந்து அப்துல் கலாம் பற்றிய செய்திகளைப் படிப்பது வழக்கம். தொடர்ந்து பிரித்வி ஏவுகணை, அக்னி ஏவுகணை ஏவியது போன்ற செய்திகளை ஆர்வத்துடன் படிப்பேன். அந்தக் கனவை ஆழ்மனதிற்குள் சுமந்து கொண்டு படித்தேன். தொடர்ந்து படித்தேன். நான் கணிணி அறிவியல் மற்றும் கணித துறையில் மேல் பட்டப்படிப்பு முடித்து பல்வேறு நிலைகளில் பணியாற்றும் போது, பாதுகாப்பு ஆராய்ச்சி மேம்பாட்டு நிறுவனத்திற்கு கீழ் வரும் இலகு ரக போர் விமானம் (LCA - Light Combat Aircraft) வடிமைத்து தயாரிக்கும் பணியில் இருக்கும் ஏரோநாட்டிகல் டெவலப்மெண்ட் ஏஜென்ஸில் (ADA) விஞ்ஞானி சி பிரிவில் தேர்வு பெற்று 16 ஆகஸ்டு 1995 -இல் சேர்ந்தேன். சேர்ந்த பின்பு தான் தெரியும் ADAவின் டைரக்டர் ஜெனரல் ஆ.ப.ஜெ. அப்துல் கலாம் என்று. எனக்குள் அளவில்லா மகிழ்ச்சி. என் கனவு நாயகனை ஒரு முறையாவது சந்திக்கவேண்டும் என்ற எனது கனவு ஒரு கண்டிப்பாக நனவாகும் என்று நம்பினேன். 
LCA வடிமைப்பு நிறைவு பெற்று ரோல் அவுட் என்று சொல்லப்படக்கூடிய முதல் பரிசோதனை உருட்டல் அதாவது முழுமையாக வடிவமைக்கப்பட்ட மாதிரியை சோதனை முறையில் எச்.ஏ.எல் விமான தளத்தில் உருட்டல் அல்லது இழுத்து ஓட்டிப் பார்த்தல் என்ற நிகழ்ச்சி 17 நவம்பர் 1995 -இல் நடைபெற்றது. அன்று எனது 15 ஆண்டுகால கனவு நனவானது. ஆம். அந்த நிகழ்ச்சிக்கு அன்றைய பாரத பிரதமர் நரசிம்மராவ், பாதுகாப்பு அமைச்சர், அவரது ஆலோசகர் அப்துல்கலாம் ஆகியோர் வந்து அந்த ரோல் அவுட் நிகழ்ச்சியை தொடங்கி வைத்தார்கள். நான் சேர்ந்து 3 மாதங்கள் ஆன நிலையில் எங்களுக்கு ஒதுக்கப்பட்ட பணியை செய்து கொண்டு அந்த நிகழ்வில் எனது சக விஞ்ஞானிகளுடன் கலந்து கொண்டேன். முதன் முதலில் 15 ஆண்டு கால கனவு நாயகனைப் பார்ப்பது ஒரு வகை மகிழ்ச்சி என்றால், அப்போது நடந்த ஒரு நிகழ்வு அப்துல் கலாம் மேல் எனக்கு இருந்த மதிப்பை பன்மடங்கு அதிகப்படுத்தியது. 
எச்.ஏ.எல் பெங்களூர் விமான தள வளாகத்தில் எல்.சி.ஏ. போர்விமான ரோல்அவுட் நிகழ்ச்சி தொடங்கியது, அந்த நிகழ்ச்சிக்கு பிரதமர், கலாம் உள்ளிட்ட அனைவரும் மேடையில் ஏறினார்கள். அப்போது கலாம் மேடையைச் சுற்றி பார்த்தார், யாரையோ தேடினார். யாரை தேடுகிறார் என்று பார்க்கும் போது ஒரு முக்கியமான நபர் மேடைக்கு அழைக்கப்படவில்லை; அந்த முக்கியமான நபரை மேடைக்கு அழைத்து தனது இருக்கையில் உட்காரச் சொன்னார். உடனே கூடியிருந்த ஆயிரத்திற்கும் மேற்பட்ட விஞ்ஞானிகளும், பொறியாளர்களும் கைதட்டி ஆரவாரம் செய்தார்கள். அது அடங்க நேரம் பிடித்தது. உடனே அவருக்கும் இருக்கையைப் போட்டார்கள். அவர் தான் எல்.சி.ஏ விமானத்தை வடிவமைத்த முதன்மை விஞ்ஞானியும், ADA 
திட்ட முதன்மை இயக்குநருமான கோட்டா ஹரிநாராயணன். அழைக்கப்படவேண்டியவர் அழைக்கப்படாவிட்டாலும் அவரை அழைத்து அவருக்கு இருக்கை கொடுத்து, அவரைப்பற்றி, அவர் எப்படி இந்த எல்.சி.ஏ என்ற விமானத்தை சிறப்பாக வடிவமைத்தில் மிக முக்கிய பங்காற்றினார் என்று அன்றைய பாரத பிரதமர் நரசிம்மராவின் முன்பாக எடுத்துரைத்தார் கலாம். மிக முக்கியமான விழாவில் எங்கள் திட்ட இயக்குநர் இல்லையே என்று வேதனைப்பட்ட எங்களுக்கு, திறமைக்கும் உழைப்பிற்கும் மதிப்பளித்த கலாமின் செயல் எங்களுக்குள் திறமைக்கு மதிப்பளிக்க வேண்டும் என்ற விதையை விதைத்தது. 

பின்னால் கலாம் என்னிடம் ஒரு முக்கிய நிகழ்ச்சியைப் பற்றி சொல்லிய போது இந்த நிகழ்வு எனக்கு மீண்டும் நினைவிற்கு வந்தது. 
அதாவது எஸ்.எல்.வி-3 திட்டத்தின் தலைவராக அப்துல் கலாம் இருக்கும் போது, ராக்கெட் வடிவமைக்கும் திட்டத்தில் நான்காவது கட்ட அபோஜீ மோட்டரின் வடிவமைப்பு பணியில் பணிபுரியும் போது கலாமிற்கு ஏற்பட்ட ஓர் அனுபவத்தைப் பற்றி சொன்னார். விஞ்ஞானி விக்ரம் சாராபாயின் காலத்தில், முத்துநாயகம் மூன்றாம் கட்டத்திற்கான வடிவமைப்பு திட்டத் தலைவராக இருந்தார். எம்.ஆர்.குருப் இரண்டாம் கட்டம், கவாரிகர் முதல் கட்டம். ராக்கெட் வழிகாட்டல் அமைப்பிற்கான வடிவமைப்பு திட்டத் தலைவராக குப்தா இருந்தார். பேராசிரியர் யு.ஆர். ராவ் ரோகிணி செயற்கைக்கோளின் வடிவமைப்புத் திட்டத் தலைவராக இருந்தார். நான்காவது நிலை மற்றும் வெப்பக் கவசத்திற்கான வடிவமைப்பு திட்டத்தின் தலைவராக அப்துல் கலாம் இருந்தார். அப்போது மதிப்பாய்வை இஸ்ரோவின் விக்ரம் சரபாய் மேற்கொண்டார். இது ஒரு ராக்கெட் மற்றும் செயற்கைக்கோள் வடிவமைப்புக் கட்டமாக இருந்ததால் கல்வி நிறுவனங்களின் சார்பாக மதிப்புரைகளை, ஆய்வுக்காக விக்ரம் சாராபாய் அழைப்பது வழக்கம். இந்த ஆய்வுக்காக நன்கு அறியப்பட்ட வழிகாட்டல் மற்றும் கட்டுப்பாட்டு அமைப்பு மற்றும் உருவகப்படுத்துதலில் நிபுணரான பேராசிரியர் ஐ.ஜி. சர்மா, ஏரோடைனமிக் வடிவமைப்பு மற்றும் வளிமண்டல அறிவியல் நிபுணர் பேராசிரியர் நரஷிமா, ரேடார் அமைப்பு நிபுணர் பேராசிரியர் மகாபத்ரா, விண்வெளி அமைப்பு பேராசிரியர் கே.ஏ.வி. பண்டலை அழைத்திருந்தார். ஒவ்வொரு திட்டத் தலைவரும் தங்கள் பணி தொடர்பான முன்னேற்றம் மற்றும் பிரச்னைகள் குறித்து விளக்கினார்கள். இறுதியாக அப்துல் கலாமின் முறை வந்ததும், திட்டத்தின் ஒட்டுமொத்த நிலை குறித்து மூன்று நிமிட விளக்கக் காட்சியைக் கொடுத்துவிட்டு, பின்னர், சிஸ்டம் டிசைனர் சத்யா, கலப்பு தயாரிப்பு பொறியாளர் அப்துல் மஸ்ஜித், விண்வெளி பொறிமுறை பொறியாளர் மற்றும் ராக்கெட் மோட்டார் வடிவமைப்பாளரான நம்பூதிரி ஆகியோரை துணை அமைப்பு வடிவமைப்பின் முன்னேற்றம் குறித்து குறுகிய விளக்கக் காட்சியை வழங்குமாறு கேட்டுக் கொண்டார். கலாம் குழுவின் விளக்கக்காட்சியை முடித்ததும், விவாத நேரம் வந்தது. பல தொழில்நுட்ப மற்றும் நிர்வாக கேள்விகள் கேட்கப்பட்டன. அது அனைத்திற்கும் அப்துல் கலாம் பதிலளித்தார். அந்த கட்டத்தில் ஓர் அனுபவமிக்க விஞ்ஞானி ஒரு கேள்வி கேட்டார்: ""கலாம் உங்கள் அணியிலிருந்து விளக்கக்காட்சியை ஒன்றன் பின் ஒன்றாகப் பார்த்தேன். நீங்கள் என்ன செய்தீர்கள்?'' என்று கேட்டார். இந்த கேள்விக்கு எவ்வாறு பதிலளிப்பது என்று கலாம் சிந்தித்துக்கொண்டிருக்கும் போது, டாக்டர் விக்ரம் சாராபாய் உடனே பதிலளித்தார்: ""கலாம் செய்தது உண்மையில் ஒட்டுமொத்த திட்ட மேலாண்மை. அது தான் தலைமைப்பண்பு, எல்லாவற்றையும் நான் தான் செய்தேன் என்று அவர் கூறவில்லை, பணியில் உழைத்த அனைவரையும் அழைத்து உண்மையில் பணியைச் செய்தவர்களிடமிருந்து அவர்களுக்கு உரிய வாய்ப்பை தலைவரான என்னிடம் அறிமுகப்படுத்தியிருக்கிறாரே'' என்றார். 
ஒரு திட்டத்திற்கு பங்களிக்கும் நபர்கள் எப்படி அந்த திட்டத்திற்கு மிகவும் முக்கியம் என்பதை உணர்த்திய கலாமின் தலைமைப்பண்பை நான் உட்பட அனைத்து இளம் விஞ்ஞானிகளும் அன்று அறிந்து கொண்டோம். 
15 ஆண்டுகால கனவு நிறைவேறியது. டாக்டர் கலாமை தூரத்தில் வைத்து பார்த்து விட்டோம். எப்படி அவரைபக்கத்தில் வைத்து பார்ப்பது என்று எனது ஆழ் மனது துடித்தது. விழா முடிந்ததும் அஈஅ மாநாட்டு அறையில்பத்திரிகையாளர் சந்திப்பு நடந்தது. அப்போது மூத்த விஞ்ஞானிகள் அறையின் முதல் வரிசையில் இருந்தார்கள். நான் உட்பட இளையவர்கள் கடைசி வரிசையில் இருந்தோம். பத்திரிகையாளர் சந்திப்பு முடிந்து வரும்போது அவரிடம் கை கொடுத்து, "" வணக்கம் சார்'' என்றேன். "என்ன தமிழ்நாடா?'' என்று கேட்டார். அடுத்து அவர் கேட்ட கேள்வி என்னை சிந்திக்க வைத்தது. அது என்ன, தொடர்ந்து பார்ப்போம்.
உங்கள் கனவுகளை, இலட்சியங்களை 
பகிர்ந்து கொள்ள தொடர்பு கொள்ளுங்கள்:
vponraj@live.com 
(தொடரும்)

]]>
https://images.dinamani.com/uploads/user/imagelibrary/2020/2/25/w600X390/im4.jpg https://www.dinamani.com/weekly-supplements/ilaignarmani/2020/feb/25/கனவு-இலட்சியம்-வெற்றிக்கு-விதை---விஞ்ஞானி-வெ-பொன்ராஜ்-அப்துல்கலாமின்-முன்னாள்-அறிவியல்-ஆலோசகர்-3367025.html
3367021 வார இதழ்கள் இளைஞர்மணி ஜாமர் பிரேஸ்லெட்! DIN DIN Tuesday, February 25, 2020 03:03 PM +0530 பாதுகாப்பு துறைக்காக உருவாக்கப்பட்ட செயற்கை நுண்ணறிவுடன் கூடிய கண்காணிப்புக் கருவிகள், பின்னர் மக்களின் அன்றாட பாதுகாப்புக்காக பொது வெளியில் பயன்பாட்டுக்கு வந்தன. அதிலும், உத்தரவிட்டதும் உடனடியாக மக்களின் பணிகளைச் செய்யும் செயற்கை நுண்ணறிவு கொண்ட ஸ்மார்ட் கருவிகள் உலகம் முழுவதும் பெரிதும் பயன்படுத்தப்பட்டு வருகின்றன. தற்போது மைக்ரோபோன் கருவிகளை முடக்கும் ஜாமர் பிரேஸ்லெட்டை சிகாகோ பல்கலைக்கழக ஆராய்ச்சியாளர்கள் கண்டுபிடித்துள்ளனர்.
 இந்த பிரேஸ்லெட்டில் உள்ள 24 ஸ்பீக்கர்கள் அல்ட்ரா சோனிக் ஒலிக் கதிர்களை வெளியிடும். இவை ஸ்மார்ட் போன்கள், ஸ்மார்ட் வாட்சுகள், லேப்டாப்கள், ஸ்மார்ட் ஸ்பீக்கர்கள் போன்றவற்றில் உள்ள மைக்ரோ போன்களை முடக்கும் திறனுடையவை. வேவு பார்ப்பதற்காக உடைகளுக்குள் மைக்ரோ போன்களை மறைத்து வைத்து வந்தாலும் அவற்றை இந்த பிரேஸ்லெட் செயல்இழக்க வைக்கும். கையில் இந்த பிரேஸ்லெட்டை மாட்டிக் கொண்டு கையை அசைத்து பேசுவதால், மைக்ரோ போன் எந்த திசையில் இருந்தாலும் அது எளிதில் செயல் இழக்கும். ஜாமர் பிரேஸ்லெட்டில் உள்ள ஸ்பீக்கர்கள் வெளிப்படுத்தும் அல்ட்ரா சோனிக் ஓலிக் கதிர்கள் மனிதர்களுக்கு கேட்காது. ஆனால், அந்த ஒலிக் கதிர்கள், மைக்ரோ போன்களில் நுழைந்து ஒலிப்பதிவை நிறுத்திவிடுகின்றன.
 முந்தைய ஜாமர் கருவிகள் ஒரே இடத்தில் வைக்கப்படுவதால் மறைத்து வைத்து கொண்டு வரப்படும் மைக்ரோ போன்களை அவை முடக்க முடிவதில்லை. ஆனால், இந்த ஜாமர் பிரேஸ்லெட் அனைத்து திசைகளிலும் உள்ள மைக்ரோ போன்களை செயல்இழக்க வைப்பதாக ஆராய்ச்சியாளர்கள் தெரிவிக்கின்றனர். சோதனையில் உள்ள இந்த ஜாமர் பிரேஸ்லெட் எப்போது சந்தைக்கு வரும் என்பது அறிவிக்கப்
 படவில்லை.
 அ.சர்ஃப்ராஸ்
 

]]>
https://images.dinamani.com/uploads/user/imagelibrary/2020/2/25/w600X390/JAMMER.JPG https://www.dinamani.com/weekly-supplements/ilaignarmani/2020/feb/25/ஜாமர்-பிரேஸ்லெட்-3367021.html
3367020 வார இதழ்கள் இளைஞர்மணி சரியான பார்வை... சரியான வழி... சரியான செயல்! 86 - தா.நெடுஞ்செழியன் DIN DIN Tuesday, February 25, 2020 03:01 PM +0530 செவிலியர் பணி செய்பவர்கள் ஒவ்வொரு நாளும் தங்களைப் புதுப்பித்துக் கொண்டே இருக்க வேண்டும். இந்த புதுப்பித்தல் பணியை முறைப்படுத்தும்விதமாக தமிழ்நாடு நர்சிங் கவுன்சில் "தொடர்ச்சியான செவிலியர் பணிக் கல்வி' முறையை - Continuing Nursing Education (CNE) நடைமுறைப்படுத்தி வருகிறது. 
தமிழ்நாட்டில் செவிலியர் பணிபுரிபவர்கள் ஐந்தாண்டுகளுக்கு ஒருமுறை தங்களுடைய செவிலியர் உரிமத்தைப் புதுப்பித்துக் கொள்ள வேண்டும். அவ்வாறு புதுப்பிப்பதற்கு அடிப்படையாக, தமிழ்நாட்டில் செவிலியர் பணிபுரிபவர்கள், அவர்கள் பணியாற்றும் காலத்தில் ஓர் ஆண்டில் குறைந்தபட்சம் 30 மணி நேரம் பயிற்சி வகுப்புகளில் பயிற்சி பெற்றிருக்க வேண்டும். இவ்வாறு 5 ஆண்டுகாலத்தில் குறைந்தபட்சம் 150 மணி நேரம் பயிற்சி வகுப்புகளில் பயிற்சி பெற்றிருக்க வேண்டும் என்பதை தமிழ்நாடு நர்சிங் கவுன்சில் அடிப்படை விதியாக வைத்திருக்கிறது.
ஓர் ஆண்டில் 60 மணி நேரம் அதிகபட்சமாக பயிற்சி வகுப்பில் ஒருவர் பயிற்சி பெற்றிருக்க வேண்டும்.
இதுதவிர பேசிக் லைஃப் சப்போர்ட் சிஎன்இ (Basic Life Support CNE)என்பது உள்ளது. செவிலியர் பணியில் ஈடுபட்டுள்ள அனைவரும் இந்தப் பயிற்சியில் கண்டிப்பாக பங்கேற்றிருக்க வேண்டும். இந்தப் பயிற்சியில் ஐந்தாண்டுகளில் இரண்டு முறை பங்கேற்றிருக்க வேண்டும். இந்த பேசிக் லைஃப் சப்போர்ட் சிஎன்இ - இல் ஆன்லைன் மூலமாகப் பயிற்சி பெறுவதும் உள்ளது. நேரடியான திறன் மேம்பாட்டுப் பயிற்சிகளும் உள்ளன. 
அதேபோன்று டிசாஸ்டர் மேனேஜ்மென்ட் சிஎன்இ (Disaster Management CNE) புரோகிராம் என்ற பயிற்சியிலும் செவிலியர்கள் பங்கேற்றிருக்க வேண்டும். வெள்ளம், புயல், நிலநடுக்கம் போன்ற இயற்கை பாதிப்புகளின்போது, மருத்துவமனையின் செயல்பாடுகளில் பாதிப்புகள் ஏற்படக் கூடும். உதாரணமாக அறுவைச் சிகிச்சைக் கூடங்களில் ஆக்சிஜன் சப்ளை இல்லாமல் போய்விடலாம். அப்படிப்பட்ட சமயங்களில் மருத்துவமனைகளை நிர்வகிப்பதில் செவிலியர்களுக்கும் பங்கு உள்ளது. அதற்காக செவிலியர்களுக்குத் தரப்படும் பயிற்சிதான் இந்த பேரிடர் கால நிர்வாகப் பயிற்சி. இந்த பயிற்சியை ஐந்தாண்டுகளுக்கு ஒரு முறை மேற்கொண்டால் போதுமானது. 
நேரடியாக நோயாளிகளுக்குச் சேவை செய்யும் பணியில் ஈடுபட்டிருக்கும் செவிலியர்கள் அல்லது நேரடியான பொதுநல மருத்துவப் பணிகளில் ஈடுபட்டிருக்கும் செவிலியர்கள் பணியினூடகப் பெறும் பயிற்சிகள் தமிழ்நாடு நர்சிங் கவுன்சிலால் கணக்கில் எடுத்துக் கொள்ளப்படுகின்றன. குறைந்தபட்சம் பெற வேண்டிய 30 மணி நேரப் பயிற்சி வகுப்புகளுக்குப் பதிலாக, இவர்கள் 15 மணி நேரம் பயிற்சி வகுப்புகளில் பங்கேற்றால் போதுமானது. இந்த 15 மணி நேரப் பயிற்சி என்பதில் அவர்கள் ஓராண்டில் பயிற்சி பட்டறைகளில், மருத்துவம் தொடர்பான கருத்தரங்குகளில் பங்கேற்ற காலமும் உள்ளடங்கும். ஆன்லைனில் பயிற்சி வகுப்புகளில் பங்கேற்றாலும் அவையும் கணக்கில் எடுத்துக் கொள்ளப்படும். 
நேரடியாக நோயாளிகளுக்குச் சேவை செய்யும் அல்லது பொதுநல மருத்துவப் பணிகளில் ஈடுபட்டிருக்கும் செவிலியர்கள் அவர்கள் பணி செய்ததற்கான சான்றுகளை ஒரு டாக்டரிடமோ, அவர்கள் பணி செய்யும் மருத்துவ நிறுவன மனிதவளப் பிரிவிலிருந்தோ பெற்றுத் தந்தால் அதை தமிழ்நாடு நர்சிங் கவுன்சில் ஏற்றுக் கொள்ளாது. அவர்கள் இந்த மருத்துவமனையில், இந்தப் பிரிவில், நோயாளிகளின் நேரடியான மருத்துவச் சேவையில் இத்தனை மணி நேரங்கள் ஈடுபட்டிருந்தார்கள் என்பதற்கான குறிப்பான விவரங்கள் அடங்கிய சான்றை நர்சிங் அட்மினிஸ்ட்ரேட்டர் பொறுப்பில் உள்ளவர்கள்தான் தர வேண்டும். 
நேரடியாக நோயாளிகளுடன் தொடர்புடைய மற்றும் நேரடியான பொதுநல மருத்துவப் பணி செய்யும் செவிலியர்கள் தவிர, பிற பணிகள் செய்யும் செவிலியர்களுக்கு இந்த 15 மணி நேரப் பயிற்சி வகுப்புகளுக்கான சலுகை இல்லை. உதாரணமாக, செவிலியர்களை நிர்வகிக்கும் பணி செய்பவர்கள், தரக்கட்டுபாடு பணி செய்யும் செவிலியர்கள், செவிலியர்களுக்குப் பயிற்சி தரும் பணிகளில் ஈடுபட்டிருப்பவர்கள் ஆகியோருக்கு இந்த 15 மணி நேரப் பயிற்சி வகுப்புகளுக்கான சலுகை இல்லை. இவர்கள் 30 மணி நேரம் பயிற்சி வகுப்புகளில் கண்டிப்பாகப் பங்கேற்றிருக்க வேண்டும். 
தமிழகத்தில் சொல்லித் தரப்படுகிற பி.எஸ்சி நர்சிங் கவுன்சில் படிப்புக்கான பாடத்திட்டங்கள் பல சிறப்பம்சங்களைக் கொண்டிருக்கிறது. 
தனிப்பட்ட நோயாளிகளை மையப்படுத்திச் செய்யப்படும் செவிலியர் பாடப் பிரிவு அதில் ஒன்று. தனிப்பட்ட நோயாளிகளின் வயது, உடல்நிலை, மனநிலை, நோயின் தன்மைக்கேற்ப செவிலியர் பணி 
எவ்வாறு அமைந்திருக்க வேண்டும் என்பது அதில் கற்றுத் தரப்படுகிறது.
செவிலியர் பணி சார்ந்த, அறநெறிசார்ந்த செவிலியருக்கான பாடப்பிரிவும் உள்ளது. செவிலியர் அறநெறி சார்ந்து எவ்வாறு இருக்க வேண்டும், நோயாளிகளிடம் மனித நேயத்துடன் எவ்வாறு நடந்து கொள்ள வேண்டும் என்ற அடிப்படையில் இந்தப் பாடப்பிரிவு உள்ளது. 
செவிலியர் பணி என்பது நோயாளிகளின் உடல், மன நலன்களை மேம்படுத்துவது மட்டுமல்ல, மருத்துவமனைப் பணியாளர்கள் உட்பட அனைவரையும் ஒருங்கிணைத்து செயல்படும் பணியாகும். செவிலியர்களுக்கு தலைமைப் பண்புகள் இருந்தால்தான், அவர்கள் தங்களுடைய பணியைச் சிறப்பாகச் செய்ய முடியும். தலைமைப் பண்புகளை வளர்த்துக் கொள்வதற்கான பாடப்பிரிவும் செவிலியர் இளநிலைப் பட்டப்படிப்பில் உள்ளது. 

எந்தவொரு பணியுமே முறையான செயல் திட்டம், செயல்முறைகளின் அடிப்படையிலேயே நடத்தப்படுகின்றன. செவிலியர் பணியும் அதற்கு விதிவிலக்கல்ல. மருத்துவத்துறையின் செயல்முறைகளுக்குட்பட்டு, நல்ல தரமான மருத்துவப் பணிகளைச் செய்யும் பயிற்சியை வழங்கும் ஸிஸ்டம் பேஸ்டு பிராக்டிஸும் ஒரு பாடப்பிரிவாக பி.எஸ்சி நர்சிங் படிப்பில் உள்ளது. 
செவிலியர் பணியில் மிகவும் முக்கியமானது, மருத்துவம் சார்ந்த தகவல்களை உடனுக்குடன் தெரிந்து கொள்வதாகும். மேலும் மருத்துவத்துறையில் வளர்ந்து வரும் தொழில்நுட்பங்களையும் செவிலியர்கள் உடனுக்குடன் தெரிந்து கொள்ள வேண்டும். தொழில்நுட்ப வளர்ச்சிகளைப் பயன்படுத்தி நோயாளிகளின் உடல்நிலையைக் கண்டறிவது, அதற்கேற்ற உடனடி முடிவுகளை எடுப்பது, செயல்படுத்துவது ஆகியவை தொடர்பான பாடங்களும் பி.எஸ்சி நர்சிங் படிப்பில் உள்ளன. 
செவிலியர்கள் நல்ல தகவல் தொடர்புத் திறன் மிக்கவர்களாக இருக்க வேண்டும். நோயாளிகளின் உடல்நிலைப் பற்றி மருத்துவர்களிடம் தெரிவிப்பதாகட்டும், நோயாளிகளிடம் கூறுவதாகட்டும், நோயாளிகளின் உறவினர்களிடம் பேசுவதாகட்டும் எல்லாவற்றுக்கும் நல்ல தகவல் தொடர்புத் திறன் தேவைப்படுகிறது. செவிலியர்களின் தகவல் தொழில்நுட்பத் திறன்களை வளர்க்கும்விதமான பாடப் பிரிவும் செவிலியர் கல்வியில் உள்ளது. 
நோயாளிகளுக்கு எந்த தீங்கும் ஏற்படாமல், நோயாளிகளுக்குச் சிறந்தமுறையில் பாதுகாப்பான மருத்துவத்தை தருவது தொடர்பான பாடப்பிரிவும் பி.எஸ்சி நர்சிங் படிப்பில் உள்ளது. 
செவிலியர்கள் ஒவ்வொரு நாளும் நோயாளிகளுக்குச் சேவை செய்கிறார்கள். புதிய தொழில்நுட்பங்களைப் பின்பற்றுகிறார்கள். என்றாலும், எந்தக் காலத்திலும் சிகிச்சை அளிப்பதில் முழுநிறைவான மேம்பாடு அடைந்துவிட்டதாகக் கூற முடியாது. எப்போதும் மருத்துவச் சேவையின் தரத்தை மேம்படுத்த வேண்டிய தேவையிருக்கும். இந்த தர மேம்பாடு தொடர்பாக செவிலியர்களுக்குக் கற்றுத் தர செவிலியர் கல்வியில் ஒரு பாடப் பிரிவு உள்ளது.
மருத்துவச் சேவையில் மிக மிக முக்கியமானது - என்ன நிகழ்ந்திருக்கிறதோ, உண்மையில் என்ன இருக்கிறதோ அதைக் கண்டறிந்து, அதன் அடிப்படையில் தேவையான மருத்துவச் சேவையை செய்வதாகும். அதாவது கிடைத்துள்ள தகவல்களின் அடிப்படையில் மருத்துவ சேவை நடைமுறைகளை மேற்கொள்வதாகும். இந்த EVIDENCE BASED PRACTICE பற்றி சிகிச்சை அளிப்பது பற்றி பி.எஸ்சி நர்சிங் படிப்பில் கற்றுத் தரப்படுகிறது. 
செவிலியர் பணி, மிக மிகக் கவனமாக மேற்கொள்ள வேண்டிய பணியாகும். செவிலியர்கள் நோயாளிகளைப் பாதுகாப்பதோடு, தங்களையும் நோய்த் தொற்றுகளிலிருந்து பாதுகாத்துக் கொள்ள வேண்டியது மிக மிக அவசியமாகும். 
(தொடரும்)
கட்டுரையாசிரியர்
சமூக கல்வி ஆர்வலர் 
www.indiacollegefinder.org

]]>
https://images.dinamani.com/uploads/user/imagelibrary/2020/2/25/w600X390/im3.JPG https://www.dinamani.com/weekly-supplements/ilaignarmani/2020/feb/25/சரியான-பார்வை-சரியான-வழி-சரியான-செயல்-86---தாநெடுஞ்செழியன்-3367020.html
3367018 வார இதழ்கள் இளைஞர்மணி இணைய வெளியினிலே...(25/02/2020) Tuesday, February 25, 2020 02:57 PM +0530 முக நூலிலிருந்து....
• அந்தப் புல்வெளியில்
பனித்துளிகளை மேயுமாம் வெயில்!
வதிலை பிரபா

• துன்பங்களே
ஆசைகளுக்குக் காரணம்.
சுதீர் செந்தில்

• முகத்தில் குத்தினால்
முகத்தில் காயம் படும்.
கையில் குத்தினால்
கையில் காயம் படும். 
முதுகில் குத்தினால் மட்டும்
மனதில் காயம் படுதே.... 
ஏன்?
பெ. கருணாகரன்

• "யாரையும் 
காதலிக்கவுமில்லை...
யாரும் என்னைக்
காதலும் செய்யவில்லை''
என்ற நண்பன்
கடைசியாய் சொன்னான்:
"100% மனநலனுடன் 
இருப்பது
அவ்வளவு நன்றாகவும் இல்லை''
அன்பில்பிரியன் 

சுட்டுரையிலிருந்து...
• எத்தனை அவசரமாக 
வந்தாலும்
நம்மை உட்கார வைத்து
அழகு பார்ப்பவர்தான்...
ரிசப்சனிஸ்ட்.
சப்பாணி

• ஒரே மாதிரி 
உலகத்துல ஏழு பேர் 
இருப்பாங்களாம்...
நம்ம நிலமையே 
மோசமாயிருக்கு...
மிச்ச ஆறு பேரு... 
எந்த நாட்ல... எந்த தெருவுல...
பிச்சை எடுத்துட்டு 
இருக்காங்களோ?
வண்டு முருகன் 

• எதை நீங்கள் புரிந்து கொள்ள 
விரும்புகிறீர்களோ, 
அதை மட்டுமே நீங்கள் புரிந்து கொள்கிறீர்கள்-
எல்லாவற்றையும் அல்ல...
பூரணமாக அல்ல.
யாத்திரி 

• தரையிறங்கும்
மழைத்துளிகளிலிருந்து
சட்டென்றெழுந்து 
விரிகின்றன...
நமக்கான குழந்தைமைகள்.
சுகந்தீ

வலைதளத்திலிருந்து...
பொதுவாகவே சிங்கப்பூர் வாழ்மக்கள் வரிசையில் நிற்பதில் பாதி வாழ்க்கை போய்விடும் என்று சொல்வார்கள். உண்மைதான், இங்கு வரிசையில் நிற்பதில் ஒழுங்கு கடைபிடிக்கப்படும். சின்ன நாடாக இருந்தாலும், மக்கள் நெருக்கம் உள்ள நாடு. வரிசை முறை இல்லை என்றால் எங்கும் சச்சரவுகள் ஏற்பட்டுவிடும். மற்றவர்கள் நேரத்தில் நாம் கைவைக்கக் கூடாது என்பதால், எங்கெல்லாம் வரிசையில் நிற்க வேண்டுமோ, அங்கெல்லாம் வரிசை உருவாகும்.
புது ஐபேசி (ஐபோன்) வெளியிட்டால் முதல் நாள் இரவே போய் நிற்க தொடங்கிவிடுவார்கள்.
24 மணி நேரம் கூட வரிசையில் நிற்பதை நேர விரயம் என்று நினைக்க மாட்டார்கள். தமக்கு ஒரு பொருள் வேண்டி இருக்கிறதென்றால், அதற்காக வரிசையில் நிற்பதைத் தவிர வேறு வழியில்லை என்றால், நிற்பார்கள். புதுவீடுகள் விற்பனைக்கு விடும் போது வரிசையில் நிற்பதற்கே கல்லூரி மாணவர்கள் அதை பகுதி நேர வேலையாக எடுத்துக் கொண்டு, வரிசையில் நிற்பதற்காக பணம் பெற்றுக் கொண்டு (டோக்கன்) வாங்குபவர்கள் சார்பில் நிற்பார்கள். 24 மணி நேரம் வரிசையில் நிற்க இவ்வளவு கூலி என்று மணிக் கணக்குகளை வைத்து வரிசையில் நிற்பதும் இங்கு தொழிலாகத்தான் நடக்கிறது. 
வரிசை முறைகளை சீர்குலைக்கக் கூடாது என்பதற்காக மாற்று ஏற்பாடுகளாக கூலிக்கு ஆள் அமர்த்தி வரிசையில் நிறுத்திக் கொள்வது இங்கு தவறாகப் பார்க்கப்படுவது இல்லை. ஒருவர் வரிசையில் நிற்பதால் இழக்கும் பணம், அவர் சார்பில் நிற்பவருக்கு சொற்பக் கூலி தான். பெரிய மக்கள் தொகையைக் கொண்ட இந்தியாவில் / தமிழகத்தில் இருந்து இதைப் படிப்பவர்களுக்கு வரிசை முறைக்கு ஏன் சிங்கப்பூரில் இவ்வளவு முதன்மைத்துவம் கொடுக்கிறார்கள் என்பதை மேலே புரிய வைத்திருக்கிறேன் என்றே நினைக்கிறேன். முறைப்படி வருபவர்களுக்கு முன் உரிமை இங்கு அனைவராலும் புரிந்து கொள்ளப்படும் ஒன்று தான். இங்கு யாரும் குறுக்கே சென்றோ, மற்றவர்கள் முகம் சுளிக்கும் வண்ணம் குறுக்கு வழியில் நுழையவோ முயற்சிக்க மாட்டார்கள். 
http://govikannan.blogspot.com/


 

]]>
https://images.dinamani.com/uploads/user/imagelibrary/2020/2/25/w600X390/im1.JPG https://www.dinamani.com/weekly-supplements/ilaignarmani/2020/feb/25/இணைய-வெளியினிலே25022020-3367018.html
3360989 வார இதழ்கள் இளைஞர்மணி சுட்டுரை தந்த வாய்ப்பு! DIN DIN Tuesday, February 18, 2020 11:53 AM +0530 மும்பை கோட்டை பகுதியைச் சேர்ந்தவர் விஷால் சம்ஜிஸ்கர். இவர், அங்குள்ள ஒரு விளம்பர நிறுவனத்தில் காலை 9 மணி முதல் மாலை 5 மணி வரை ஓவியக் கலைஞராகப் பணியாற்றுகிறார். பிறகு, இரவு 7 மணி முதல் நள்ளிரவு வரை தனியார் உணவு விநியோக நிறுவனத்தில், உணவு விநியோகிக்கும் பணியில் ஈடுபடுகிறார்.
விளம்பர நிறுவனத்தில் பெறும் பணிகள் மூலம் மாதம் ரூ.10 ஆயிரம் மட்டுமே கிடைப்பதால், கடந்த 2 ஆண்டுகளாக உணவு விநியோகிக்கும் பணியையும் மேற்கொண்டு வருகிறார். விளம்பர நிறுவனத்தில் கிடைக்கும் ஊதியத்தில் 5 பேர் கொண்ட குடும்பத்தைக் காப்பாற்றுவது எளிதானது அல்ல என்பதால், பிற பணிகளிலும் ஈடுபடுவதாகக் கூறுகிறார்.
விஷால் சம்ஜிஸ்கர் ஒரு வண்ணப்பூச்சுத் தூரிகையால், வெற்று கேன்வாஸில் மென்மையான ஓவியங்களை எளிதில் வரைகிறார். கிட்டத்தட்ட 30 ஆண்டுகளாக ஓவியம் வரைந்து வரும் இவர், அண்மைக்காலம் வரை இதை முழுநேரமாகச் செய்ய முடியவில்லை. 

விஷால், ஓவியப் பணிகள் மூலம் பொருளீட்ட தொடங்கியபோது 12 - ஆம் வகுப்பில் படித்துக்கொண்டிருந்தார். பிறகு, வணிகக்கலையில் டிப்ளமா முடித்தார். 
உருவப்படங்கள், இயற்கைக் காட்சிகள் மற்றும் வால்பேப்பர்களை வரைவதற்கு அவருக்கு பணி வாய்ப்பு கிடைத்தது. எனினும், ஓவியம் வரையும் தொழிலில் இருந்துகொண்டு வாழ்க்கையை நகர்த்துவது மிகப்பெரிய சவால் என்பதால், அவர் உணவு விநியோகப் பணியிலும் ஈடுபட்டார்.
உணவு விநியோகத்தின் போது, சார்வி கோலேச்சா என்ற வாடிக்கையாளர்களுடன் விஷால் ஓவியம் பற்றி சாதாரணமாகப் பேசிக் கொண்டிருந்தார். அது அவருடைய வாழ்க்கையில் மாற்றத்தை ஏற்படுத்தியது. 
அப்போது, அவர் தனது செல்லிடப்பேசியை எடுத்து அதிலிருந்த அவரது ஓவியங்கள் சிலவற்றை சார்வி கோலாச்சாவிடம் காட்டினார். கடந்த ஜூன் 2019 இல் விஷாலுக்காக ஓர் இன்ஸ்டாகிராம் கணக்கைத் தொடங்கினார் சார்வி. 
வங்கி ஊழியர் நிகிலுடனான விஷாலின் சந்திப்பு மிக அண்மையில் நடைபெற்றது. இந்த சந்திப்பைத் தொடர்ந்து, கடந்த ஜனவரி 6 - ஆம் தேதி விஷால் குறித்தும், அவரது திறமை குறித்தும் தனது சுட்டுரையில் பதிவு செய்தார் நிகில். இந்தப் பதிவு அவரே ஆச்சரியப்படும் அளவிற்கு வைரலாகியது. 

இதுகுறித்து நிகில் கூறுகையில், "நிறைய கலைத் துறை நண்பர்கள் வேலை பெற ட்விட்டர் மற்றும் இன்ஸ்டாகிராம் பயன்படுத்துவதை நான் பார்த்திருக்கிறேன். இதையடுத்தே விஷாலுக்கு நான் உதவ முடியும் என்று நினைத்தேன். முதல் நாள் என்னுடைய பதிவுக்கு அதிக பதில் இல்லை. 10 அல்லது 15 பேர் மட்டுமே விருப்பம் தெரிவித்திருந்தனர். ஆனால், அடுத்த நாள், என் தொலைபேசி தொடர்ந்து ஒலித்துக்கொண்டே இருந்தது. நான் விஷாலின் அனுமதி பெற்று, அவரின் செல்லிடப்பேசி எண்ணை சுட்டுரையில் பகிர்ந்துகொள்ளத் தொடங்கினேன். மூன்றாவது நாளில், விஷாலுக்கு 12 ஆயிரம் லைக்குகள் கிடைத்ததுடன், கிட்டத்தட்ட 6 ஆயிரம் முறை மறு ட்வீட் செய்யப்பட்டார். நண்பர்களிடையே இருக்கும் முகநூல், வாட்ஸ்அப், சுட்டுரை வலைத்தொடர்பு இவ்வளவு பெரிய விளைவை ஏற்படுத்தும் என நான் நினைக்கவில்லை'' என்கிறார். 
சுட்டுரை பதிவுக்குப் பிறகு, விஷாலுக்கு தனி நபர்களிடமிருந்து ஓவியங்கள் வரைவதற்கான பணி ஆணைகள் கிடைக்கின்றன. பெரிய நிறுவனங்களின் ஆதரவையும் அவர் பெறத் தொடங்கியுள்ளார்.
லக்னெளவைத் தளமாகக் கொண்ட ஒரு கலைக் கண்காட்சி நிறுவனம், விஷாலின் படைப்புகளைக் காட்சிப்படுத்த முன்வந்துள்ளது. பல பெருநிறுவனங்களின் உரிமையாளர்கள், புகழ்பெற்ற நடிகர்கள் அவரது கலைப்படைப்புகளை வாங்குவதற்கும், தொடர்புகொள்ளவும் விருப்பம் தெரிவித்துள்ளனர்.

மேற்கு வங்கத்தைச் சேர்ந்த ஓர் ஐ.ஏ.எஸ் அதிகாரி, மகாராஷ்டிர மாநில அதிகாரி, மனிதவள மென்பொருள் நிறுவனமான sumHR நிறுவனர் மற்றும் தலைமை நிர்வாக அதிகாரி ஜெய் தாக்கர், வீடியோ அனலிட்டிக்ஸ் Vidooly தளத்தின் சுப்ரத் கார், பாலிவுட் நடிகர் பூஜா பட் உள்ளிட்டோர் அவருக்கு பணி வழங்கவும், உதவவும் முன்வந்துள்ளனர். அவர் பணியாற்றிய தனியார் உணவு விநியோகநிறுவனமும் அவருக்கு உதவ விரும்புவதாகக் கூறியுள்ளது. 
இதுகுறித்து விஷால் கூறுகையில், "சவாலான ஒன்றை வரைவது மகிழ்ச்சிக்குரியது. அதைச் செய்வதற்கான வாய்ப்பு எனக்கு கிடைக்கும் என்று நான் நம்புகிறேன். என் கலையில் அதிக கவனம் செலுத்துவேன். அதுவே எனக்கு உண்மையான மகிழ்ச்சியைத் தருகிறது. எனது முழுநேர வேலையாக இதைத் தொடரும்போது, அதை நான் எவ்வாறு நிர்வகிப்பது, அதில் பயணிப்பது என்பதைக் கண்டுபிடிக்க முயற்சிப்பேன்'' என்கிறார்.
- இரா.மகாதேவன்

]]>
https://images.dinamani.com/uploads/user/imagelibrary/2020/2/18/w600X390/im9.jpg https://www.dinamani.com/weekly-supplements/ilaignarmani/2020/feb/18/சுட்டுரை-தந்த-வாய்ப்பு-3360989.html
3360985 வார இதழ்கள் இளைஞர்மணி கூட்டிக் கழிச்சுப் பாருங்க...கணக்கு தப்பா வரும்! Tuesday, February 18, 2020 11:50 AM +0530 எது நமது கவனத்தை திசை திருப்புகிறதோ, 
அதுவே தீமை.
- ஃபிரான்ஸ் காஃப்கா
ஒரு பிஸ்கட் பாக்கெட்டின் விலை 28/- ரூபாய். ஐந்து பாக்கெட்டுக்கு மொத்தம் ரூபாய் 140 என்று கணக்கிட்டு சரியான சில்லரையாக கடையின் கல்லாவில் இருந்த பணிப்பெண்ணிடம் கொடுத்தேன். என்ன பொருள்? எத்தனை? என்ன விலை என்பதை பார்த்துக்கொண்டே , என்னிடமிருந்து பணத்தையும் வாங்கிக்கொண்டு, கால்குலேட்டரில் 28 x 5 என்று தட்டிக்கொண்டிருந்தாள் அந்தப்பெண். ஏறக்குறைய அனைத்து வியாபார, வணிக நிறுவனங்களிலும் இதுதான் நிலைமை.
எல்லாவிதமான கூட்டல், கழித்தலுக்கும்... கணக்கு வழக்குகளுக்கும், படித்தவர்கள் எல்லோருமே சார்ந்திருக்கும் ஒரே கருவி இந்த கால்குலேட்டர். ஆனால், இன்றும் பெரிய அளவிற்கு கல்வி அறிவினைப் பெறாத நடைபாதை மற்றும் சாலையோர வியாபாரிகள், நடைச்சுமையாக காய்கறி மற்றும் பழங்கள் விற்பவர்கள் இந்தக் கால்குலேட்டரை பயன்படுத்துவதில்லை. 
படித்தவர்கள், பட்டம் பெற்றவர்கள் பலரும் படிக்கின்ற வயதில் கணிதத்தை, அடிப்படை வாய்பாட்டை சரியாக, முறையாகப் படிக்காததால் இன்று பலவீனப்பட்டு நிற்கிறார்கள் - வணிக நிறுவனங்களில் ஊழியர்களாக, பெருந்தொழில் மற்றும் நுகர்வு பொருட்கள் விற்பனையாளர்களாக. இந்த இளைஞர்கள் பலர் ஏதோ வசியத்திற்கு ஆளானவர்களைப் போல 1 + 1 என்று கூட்டுவதற்குக் கூட கருவிகளைப் பயன்படுத்தும் நிலையில் இருக்கிறார்கள். ஏன் இந்த நிலைமை? இது எந்தவகையில் அறிவு அல்லது வளர்ச்சி?
கணிதம் மிகவும் சிக்கலானது என்ற அச்சத்துடன் பலரும் விலகிச் சென்றது நம் சமூகத்தில் சாதாரணமாக நடந்திருக்கிறது. பள்ளி வாழ்க்கை முடிந்ததும் கணிதம் பற்றிய ஆர்வம் இன்றி நம்மில் பலரும் ஒதுங்கிவிடுவதற்குக் காரணம், கணிதம் அன்றாட வாழ்க்கைக்கு வெகு தூரத்தில் இருப்பதாக நாம் நினைப்பதால்தான். வாழ்க்கையை ஓட்ட அடிப்படையான கூட்டலும் கழித்தலும் போதுமானது என்பது பலரின் தவறான புரிதலாக இருந்தாலும், அந்த அடிப்படைகளைக் கூடத் தெரிந்துகொள்ளாதவர்களை உருவாக்கியிருக்கிறது நமது நாகரிகக் கல்வி.
கணிதத்தின் அவசியத்தை மாண்பை மிகத் தெளிவாக நமக்கு புரியவைக்கிறது இரா.நடராசன் எழுதிய "கணிதத்தின் கதை'. தமிழக அரசின் பரிசு பெற்ற இது பாடநூல் அல்ல. குறைந்தது நான்காயிரம் ஆண்டு கணித வரலாற்றை மிக சுருக்கமாக சொல்லும் நூல் இது. 
இன்று நாம் அனுபவிக்கும் வசதிகளும் நாகரிக வாழ்க்கையும் நம்மை ஒரு நாளில் வந்தடைந்தவை அல்ல. பல ஆயிரம் ஆண்டுகளாக மனித இனம் போராடி உருவாக்கிய உலகில் நாம் இப்போது வாழ்ந்துகொண்டிருக்கிறோம். தொழிநுட்ப வளர்ச்சி என்பது அறிவியல் கண்டுபிடிப்புகளின் மொத்தம். 
அறிவியல் என்பது கணிதத்தை உள்ளீடாகக் கொண்ட ஆய்வுத் துறை. 
மனித உடலில் ஐம்புலன்களின் ஆற்றல்கள் எல்லைகள் உள்ளவை. தொழில்நுட்பம் அந்த எல்லைகளைத் தாண்ட உதவுகிறது. ஆகவே கணிதத்தின் வழியேதான் அறிவியலும் தொழிநுட்பமும் முன்னேறிச் செல்கின்றன என்பதை ஓர் இலக்கிய படைப்புக்குரிய தேர்ந்த மொழியில் இரா.நடராசன் இப்புத்தகத்தில் சொல்லியுள்ளார். 
பள்ளியில் கணிதப்பாடம் மனனம் மற்றும் வலுப்படுத்துதல் வழி ஆசிரியர்களால் போதிக்கப்படுவது பெரும்பாலான மாணவர்களைச் சலிப்படையச் செய்துவிடுகிறது. கணிதத்தில் வெற்றிபெற நினைவாற்றலும் அறிவுக் கூர்மையும் மட்டும் போதும் என்பது பலரின் கருத்து. ஆனால் "கணிதத் துறைக்கு தேவை அதீத கற்பனை, கொஞ்சம் புத்திசாலித்தனம் ஏராளமான தன்னம்பிக்கை அவ்வளவுதான்" என்பது நூலாசிரியர் இரா. நடராசனின் கருத்து. அந்தக் கருத்தை மெய்ப்பிக்க கணித வரலாற்றில் இருந்து பல உதாரணங்களை நூல் முழுவதும் தொகுத்தளித்திருக்கிறார்.
திருச்சி மாவட்டத்தைச் சேர்ந்த பொறியியல் பட்டதாரிசரவணக்குமார் சொல்கிறார்:""கணக்குப் பாடத்தை எளிமையாகவும், மிக வேகப்படுத்தியும் கணக்கிடக்கூடிய திறன் வேத கணிதத்தில் மட்டுமே உண்டு. வேத கணிதம் கற்பதற்கு வயது வரம்பு எதுவுமில்லை. வேத கணிதம் 20 - ஆம் நூற்றாண்டின் தொடக்கத்தில் ஸ்ரீபாரதி கிருஷ்ணா தீர்த்த சுவாமிகள் என்ற அறிஞர் மற்றும் கணிதவியலாளரால் உருவாக்கப்பட்டது. இம்முறையானது 16 முதன்மை வாய்ப்பாடுகளையும் 13 துணை வாய்ப்பாடுகளையும் கொண்டுள்ளது. இக்கணிதப் பயிற்சியால் மனித மூளை ஒரே சீராகவும், எந்த ஒரு விஷயத்தையும் உன்னிப்பாகவும், எளிமையாகவும் மனதில் பதிய வைக்கும் சக்தி உடையது. மனதை ஒருமுகப்படுத்தி எந்தக்காரியத்தயையும் எளிதாகசெய்திட உதவிடும்'' என்று. இவர் சொல்கிற உண்மையை, தகுதியை நாம் எந்தவித சிறப்பு கணித முறைகளுக்குள் ஆட்படுத்திக்கொள்ளாமலே... தொடக்க கல்வியிலிருந்து நாம் அறிந்துகொள்ள வேண்டிய அடிப்படை கணிதத்தை, வாய்ப்பாட்டை, கூட்டல், கழித்தலை முறையாகப் பயின்றாலே பெற்றுவிடலாம் என்பது திண்ணம். 
ஆனால், என்ன செய்வது? வாய்ப்பாட்டை வேப்பங்காயை கண்டு முகம் சுளிக்கும் குழந்தையைப் போல ஒதுக்கி வைத்துவிட்ட நம் மாணவர்களும், ஆசிரியர்களும், கல்வித்திட்டமும் அதற்கான விலையை பெரிய அளவில் கொடுத்துக்கொண்டிருக்கிறது. நினைவாற்றலே முற்றிலும் வற்றிப்போன ஒரு சந்ததியினரை நாம் உருவாக்கிவிட்டோமோ என்கிற அச்சம் நமக்கு ஏற்படுகிறது. கால்குலேட்டரை, கணினியை மட்டுமே நம்பி நாம் அடிப்படை கணிதத்தையும், வாய்ப்பாட்டையும் முறையாகப் படிக்காமல் இனியும் விலக்கிவைத்தால்... நாம் என்னதான் தெளிவாகக் கூட்டி கழித்துப் பார்த்தாலும் ஒட்டுமொத்த வாழ்க்கைக் கணக்குமே தப்பாகவே போய்விடும். அடிப்படை கணிதத்தை, வாய்ப்பாட்டை... இருகரம் கூப்பி வரவேற்போம்.
- கே.பி. மாரிக்குமார் 

]]>
https://images.dinamani.com/uploads/user/imagelibrary/2020/2/18/w600X390/im7.jpg https://www.dinamani.com/weekly-supplements/ilaignarmani/2020/feb/18/கூட்டிக்-கழிச்சுப்-பாருங்ககணக்கு-தப்பா-வரும்-3360985.html
3360984 வார இதழ்கள் இளைஞர்மணி அலைபேசி... தலைவலி! DIN DIN Tuesday, February 18, 2020 11:42 AM +0530 அலைபேசி மட்டுமல்ல, உலகில் உள்ள எந்தப் பொருளுமே நன்மை, தீமைகளின் கலவைதான். இன்று அலைபேசி, உடல் மற்றும் மனத்தளவிலான தாக்கத்தை நம்முள் ஏற்படுத்தி உள்ளது என்பதை எவராலும் மறுக்க முடியாது. இதனால் ஏற்படும் "தலைவலி' பற்றி இப்போது பார்ப்போம். 
முதலில் உடல் அளவிலான பாதிப்புகளைக் காண்போம்:
தலைவலி, கழுத்துவலி, தலைசுற்றல், காது சூடேறுதல், தூக்கமின்மை, நினைவாற்றலில் குறைபாடு, கவனித்துச் செயல்படுவதில் ஏற்படும் குறைபாடு, காதிலிருந்து மூளைக்குத் தகவல்களை எடுத்துச் செல்லும் எட்டாவது கிரேனியல் நரம்பில் ஏற்படும் கட்டி ஆகியவை.
அடுத்து மனத்தளவிலான பாதிப்புகளைப் பற்றிப் பார்ப்போம்:
குடும்பத்தின் மகிழ்ச்சி என்பது குழந்தைகளின் வெகுளித்தனத்தினாலும், விளையாட்டுத்தனத்தினாலும்தான். கைக்குள் அடங்கும் அலைபேசி குழந்தைகளின் மனத்தை மட்டுமல்ல, பெரியவர்களின் மனத்தையும் மாற்றிவிட்டது என்பதை அனைவரும் உணர்ந்திருப்பர் என்றே நம்புகிறேன். உடல் பாதிப்பை விட, பல ஆயிரம் மடங்கு தீயதை விளைவிக்கக் கூடியது இந்த எண்ணங்களின் கலப்படம். இதனால் ஏற்படும் பாதிப்பு தனிமனிதனுக்கு ஏற்படும் தலைவலி மட்டுமல்ல, இந்தச் சமுதாயத்திற்கே ஏற்படும் தலைவலி.
தனிமனிதனின் தலைவலியைச் சிகிச்சை கொடுத்துச் சீர் செய்துவிடலாம். ஆனால் அலைபேசியினால் உருவான சமுதாயத் தலைவலியை என்ன செய்வது? பெற்றோர்கள், கல்விநிறுவனங்கள், அதிகாரிகள் ஒருங்கிணைந்து செயல்பட்டுத்தான் மாற்றங்களைக் கொண்டு வர முடியும்.
அ.வேணி எழுதிய 
"தலைவலியே உன் முகவரிதான் என்ன?' 
என்ற நூலிலிருந்து...

]]>
https://images.dinamani.com/uploads/user/imagelibrary/2020/2/18/w600X390/BOOK.JPG https://www.dinamani.com/weekly-supplements/ilaignarmani/2020/feb/18/அலைபேசி-தலைவலி-3360984.html
3360983 வார இதழ்கள் இளைஞர்மணி வாங்க இங்கிலீஷ் பேசலாம் 230 - ஆர்.அபிலாஷ் DIN DIN Tuesday, February 18, 2020 11:40 AM +0530 ஊரடங்கு பிரகடனம் பண்ணப்பட்ட நிலையில் புரொபஸர், கணேஷ் மற்றும் ஜூலி புரொபஸரின் நண்பரான வீரபரகேசரியின் வீட்டுக்குச் சென்றிருக்கிறார்கள்.
வீரபரகேசரி வரலாற்றுப் புதினங்களைத் தொடர்ந்து எழுதிமனம் பேதலித்துப் போனவர். தன்னை சோழப் பேரரசின் சக்கவர்த்தியாக நம்பி தனது சேவகர்களுடன் உதவியுடன் தனது பெரிய வீட்டில் வாழ்ந்து வருகிறவர். அவருடன் பேசும் போது தன் நாட்டில் இனிமேல் தேர்தல்களே நடக்காது, அரசியலமைப்பு சட்டம் விரைவில் nullify ஆகும் என பறைசாற்றுகிறார். அந்த சொல்லின் பொருள் என்ன என கணேஷ் புரொபஸரிடம் வினைவுகிறான்.
புரொபஸர்: Nullification is an act by which you can declare another rule null and void. 
கணேஷ்: சார் அப்படி ஒரு சட்டம் போட்டு என் மீது விதிக்கப்பட்ட மரண தண்டனையை ரத்து பண்ண முடியாதா? 
புரொபஸர்: மன்னர் மன்னர் மனம் கனிய வேண்டும் அதற்கு... 
கணேஷ் இரு கரமும் கூப்பி: மன்னா என்னை மன்னித்தருள மாட்டீரா? 
வீரபரகேசரி: நான் மன்னரான பிறகு அதை மட்டும் தானே பண்ணுகிறேன்? இந்த முறை ஒரு தலையையாவது கொய்யாமல் விடப்போவதில்லை. இந்த சிறுவனிடம் நான் ஒரு கேள்வியைக் கேட்கப் போகிறேன். அவன் சரியாகப் பதில் சொன்னால் அவன் மீதான தண்டனை குறைக்கப்படுவதை பரிசீலிப்பேன். 
கணேஷ்: நன்றி மன்னா. கேளுங்கள். ஈஸியா கேளுங்க ப்ளீஸ். சாய்ஸ் உண்டுமா? பதில் தெரியாம இருந்தா வெளியே கேட்டுக்கலாமா? lifeline உண்டுமா? 
வீரபரகேசரி: இந்த காலத்துப் பையன்கள் எவ்வளவு வசதிகளைக் கோருகிறார்கள்? சரி போகட்டும். எல்லாம் உண்டு. ஆனால் தப்பான பதில் சொன்னால் உன் lifelineகளின் life உம் போய் விடும். சரியா? 
கணேஷ்: அது பரவாயில்ல. என் தலையோடு அதையும் இலவச இணைப்பா வச்சுக்குங்க மன்னா. 
புரொபஸர்: நான் இந்த விளையாட்டில் கலந்துக்கல. 
கணேஷ்: ஜூலி உன்னை நம்பித் தான் களம் இறங்குறேன். 
ஜூலி: ஜமாய்ச்சுருவோம். எனக்கு சூப்பும் இடியாப்பமும் காலையில வாங்கிக் கொடு. 
கணேஷ்: தாராளமா. நைட்டே வாங்கித் தர்றேன். 
ஜூலி: செம... நான் தயார். 
வீரபரகேசரி: நாயும் பேயும் நரியும் பரியும் நாட்டில் பேசுவது நல்ல சகுனமா அமைச்சரே? 
அமைச்சர்: ....
வீரபரகேசரி: அமைச்சரே?
அமைச்சர்: மன்னியுங்கள் மன்னர் மன்னா... சற்றே கண்ணசந்து விட்டேன். 
வீரபரகேசரி: உன் கண்ணில் மிளகாய்ப் பொடி தூவ ஏற்பாடு பண்ணவா? 
அமைச்சர்: மன்னவா, நேற்று நீங்க தூவின மிளகாய்ப் பொடியினால் இரவெல்லாம் தூங்கவில்லை. அதனால் தான் பகலில் தூக்கம் சொக்குகிறது. 
வீரபரகேசரி: பகலிலும் தூங்க முடியாதபடி தூவினால் போச்சு. அது போகட்டும். சகுனம் பார்த்தீரா? 
அமைச்சர்: நல்ல சகுனம் மன்னவா. பேயும் வந்து பேசி விட்டால் சிறப்பாக இருக்கும். 
வீரபரகேசரி: பேய்ன்னு உன்னைத் தான் சொன்னேன்.
(கணேஷிடம்) If my ministers do not pull their weight I will have to pick up the slack. Is it good or bad? And why? இது தான் முதல் கேள்வி.
கணேஷ்: ஆரம்பமே திகிலா இருக்குதே. மன்னா, மொத்தமா எவ்வளவு கேள்விகள்? 
வீரபரகேசரி: பத்து. பத்தில் ஒன்பது கேள்விகள் சரியாகப் பதிலளித்தால் மட்டுமே உன் தலை தப்பும். உனக்கான ப்ண்ச்ங்ப்ண்ய்ங்ள் மொத்தமாக ஐந்து மட்டுமே. சீக்கிரம். எனக்கு பொறுமையில்லை. 
கணேஷ் ஜுலியிடம்: முதல் lifelineI பயன்படுத்த வேண்டியது தான். ஜூலி நீ இல்லாட்டி நான் காலி.
ஜூலி: The answer is ‘bad' 
வீரபரகேசரி: ஏன்? 
ஜூலி: when your ministers do not pull their weight they do not do their portion of the work. அப்படீன்னா ஒரு மன்னராக அந்த தீர்க்கப்படாத வேலைகள் உங்களோட பொறுப்புகளில் வந்து சேரும். அதனால் உங்க தலைவலி அதிகமாகும். So you need to then pick up the slack. நீங்க தான் கூடுதல் வேலையை, அடுத்தவங்க வேலையை எடுத்து சுமக்கணும். அப்படி சுமப்பது தான் picking up the slack. That is, doing the extra work because of the irresponsibility of your co-workers. 
வீரபரகேசரி: வெரி குட். இப்போ சொல்லு கணேஷ்... lifeline என்றால் என்ன? அந்த சொல் எப்படித் தோன்றியது?
(இனியும் பேசுவோம்)
 

]]>
https://images.dinamani.com/uploads/user/imagelibrary/2020/2/18/w600X390/eng.jpg https://www.dinamani.com/weekly-supplements/ilaignarmani/2020/feb/18/வாங்க-இங்கிலீஷ்-பேசலாம்-230---ஆர்அபிலாஷ்-3360983.html
3360979 வார இதழ்கள் இளைஞர்மணி காந்தி, நேதாஜி கனவை நனவாக்க...! DIN DIN Tuesday, February 18, 2020 11:24 AM +0530 மிச்சமெல்லாம் உச்சம் தொடு 56: விஞ்ஞானி வெ. பொன்ராஜ்(அப்துல்கலாமின் முன்னாள் அறிவியல் ஆலோசகர்)
17-01-2006 அன்று மேற்கு வங்காளம் சென்று இருந்தோம். அன்று ஜனாதிபதி டாக்டர் அப்துல் கலாமிற்கு 12 நிகழ்ச்சிகள். காலையில் அனைத்து இடங்களுக்கும் ஹெலிகாப்டரில் செல்ல வேண்டும், மாலை கொல்கத்தாவில் பல நிகழ்ச்சிகள். சாகர் தீவு சுந்தர்பன்ஸ் செல்ல வேண்டும். காலை முதல் நிகழ்ச்சி. ராஜ்பவனில் இருந்து கிளம்ப வேண்டும். நாங்கள் அனைவரும் 8 மணிக்கே தயாராகிவிட்டோம். ஆனால் அன்றைக்கு கிளம்ப வேண்டிய ஹெலிகாப்டர் பைலட் அவசரமாக வந்தார். ""நாம் இறங்கும் இடத்தில் மேகமூட்டம் அதிகமாக இருப்பதால் இறங்க முடியாது. மேகமூட்டம் விலகினால் மட்டுமே அங்கு இறங்க முடியும், 2 மணி நேரம் தாமதமாகும். இந்த தகவலை ஜனாதிபதியிடம் தெரிவிக்க வேண்டும்'' என்றார். தகவலைத் தெரிவிக்க ஜனாதிபதியிடம் போனார்கள். 15 நிமிடம் கழித்து வந்தார்கள். என்ன? என்று கேட்டேன். 
"ஹெலிகாப்டரை எடுங்கள். அங்கு போனவுடன் வானம் நமக்கு வழிவிடும், கீழே பூமி தெரிந்தால் இறங்கி விடுவோம், இல்லையென்றால் அடுத்த நிகழ்ச்சிக்கு செல்வோம் என்று சொன்னார்'' என்றார்கள். அந்த நிகழ்ச்சி எனக்கு முக்கியம், ஏனென்றால் சுந்தர் பன்ஸ் தீவில் தான் 250 கிலோ வாட் சூரிய ஒளிமின்சக்தி நிறுவப்பட்டிருந்தது. அது ராஷ்டிரபதி பவனில் நான் மேற்கொண்ட 5 மெகாவாட் திட்டத்திற்கு அடிப்படையாக இருந்ததினால் அதை கலாம் பார்வையிட நான் ஏற்பாடு செய்திருந்தேன். 
அந்த நிகழ்ச்சி ரத்தாகக் கூடாது என்பது எனது விருப்பம். இருந்தும் வானநிலை ஒத்துழைக்காவிட்டால் நாம் என்ன செய்ய முடியும்? கொல்கத்தாவில் இருந்து 3 ஹெலிகாப்டர்கள் கிளம்பின. எங்கு பார்த்தாலும் மேக மூட்டம். கீழே ஒன்றும் தெரியவில்லை. அப்போது கலாம் பக்கத்தில் உட்கார்ந்து இருந்த என்னிடம் 14 ஆகஸ்டு 1947 நள்ளிரவில் நேரு ஆற்றிய சுதந்திரதின விழாப் பேருரை பற்றியும், அதை அவர் இராமேஸ்வரத்தில் நள்ளிரவில் ரேடியோவில் கேட்டது பற்றியும், மறுநாள் காலை தினமணி நாளிதழில் நவகாளியில் கலவரத்தால் பாதிக்கப்பட்ட மக்கள் மத்தியில் காந்தியடிகள் இருந்ததைப் பற்றிய செய்தியைப் படித்தது பற்றியும், நேதாஜியின் வீர முழக்கத்தையும் பற்றியும் என்னிடம் கூறிக்கொண்டு வந்தார். அனைவருக்கும் கீழே இறங்க முடியுமா இல்லையா? என்று பதட்டம். கலாம் என்னிடம் சுவாரசியமாக பேசிக்கொண்டு வருகிறார். 
எங்கு பார்த்தாலும் மேக மூட்டம். கீழே தரையே தெரியவில்லை. சரியாக 10 நிமிடத்தில் மேக கூட்டத்தில் ஒரு ஹெலிகாப்டர் மட்டும் செல்லும் வகையில் ஓர் ஓட்டை மட்டும் தெரிந்தது. கலாம் கையைக் காட்டினார். பைலட் அந்த மேக ஓட்டையில் ஹெலிகாப்டரை செலுத்தினார். கீழே பார்த்தால் சுந்தர்பன்ஸ் தீவு மக்கள் ஜனாதிபதி கலாமைப் பார்க்க ஆர்ப்பரிக்கிறார்கள். கலாம் சொன்னது போல் வானம் திறந்து வழிவிட்டது. அப்போது ஒளவையார் பாடிய, "தானமும் தவமும் தான்செய்வ ராயின் வானவர் நாடு வழிதிறந் திடுமே' என்ற பாடல் வரிதான் எனக்கு நினைவிற்கு வந்தது. 
சரி, மகாத்மா காந்தியைப் பற்றியும், நேதாஜி சுபாஷ் சந்திர போஸ் பற்றியும் கலாம் என்னிடம் என்ன சொன்னார்? 
ஆகஸ்ட் 15, 1947 அன்று இந்தியா மகாத்மா காந்தியடிகள் தலைமையில் அகிம்சை, சத்தியாகிரகம் என்ற இரண்டு அமைதி ஆயுதங்களால் நிகழ்ந்த சுதந்திரப் போராட்ட வரலாற்றில் வெகுஜன மக்களை ஒருங்கிணைத்து, உப்புச்சத்தியாகிரகம், தண்டி யாத்திரை, வெள்ளையனே வெளியேறு என்ற பல்வேறு போராட்ட வழிமுறைகளை உருவாக்கி பெற்ற சுதந்திரத்தைக் கொண்டாடியபோது, சுதந்திரப் போராட்டத்தில் முதன்மையான முக்கிய பங்கு வகித்த மகாத்மா காந்தி நாட்டின் பிரிவினையால் வருத்தப்பட்டு, கொல்கத்தாவில் உண்ணாநோன்பு மற்றும் மவுன விரதத்தில் கழித்தார். முதல் நாள் இரவு டெல்லியில் ஜவஹர்லால் நேரு 20 -ஆம் நூற்றாண்டின் முக்கியமான தனது "ட்ரைஸ்ட் வித் டெஸ்டினி' உரையை வழங்கினார். 
""நீண்ட ஆண்டுகளுக்கு முன்பு ... நாங்கள் விதியுடன் போராடி ஒரு முயற்சி செய்தோம். இப்போது எங்கள் நாட்டைப்பற்றி நாங்கள் எடுத்துக்கொண்ட உறுதிமொழியை முழுமையாகவோ அல்லது பகுதியாகவோ, கணிசமாக மீட்டெடுக்கும் நேரம் வந்துவிட்டது.
நள்ளிரவு மணி நேரத்தில், உலகம் தூங்கும்போது, இந்தியா தனது வாழ்க்கை மற்றும் சுதந்திரத்திற்கு விழித்திருக்கும் தருணம் வந்திருக்கிறது. ஆனால் வரலாற்றில் அரிதாகவே, நாம் பழையதிலிருந்து புதிய நிலைக்கு அடியெடுத்து வைக்கும் போது, பழைய காலகட்டம் முடிவடையும் போது, நீண்ட காலமாக அடக்கி ஒடுக்கப்பட்ட ஒரு தேசத்தின் ஆன்மாவின் உயிர்த் துடிப்பைக் காணலாம். 
இந்த புனிதமான தருணத்தில் இந்தியாவிற்கும், அதன் மக்களுக்கும் சேவை செய்வதற்கும், மனிதகுலத்தின் மறுவாழ்விற்கு இன்னும் பெரிய காரணத்துக்குமான அர்ப்பணிப்பு உறுதிமொழியை நாங்கள் எடுத்துக்கொள்வது பொருத்தமானது'' என்றார். இந்த உரை எப்படி அப்துல் கலாமின் 15 வயதில் ஒரு தாக்கத்தை உருவாக்கியது என்பதைப் பற்றி என்னிடம் ஹெலிகாப்டரில் செல்லும்போது அவர் விவரித்தார். அவரது பிற்கால வாழ்வை, இலட்சியத்தை உருவாக்கி அவரது ஆழ்மனதில் தாக்கத்தை ஏற்படுத்திய உரையாக அமைந்தது நேருவின் உரை. 
ஒரு பக்கம் மகாத்மா காந்தியின் அகிம்சை, சத்தியாகிரகம், எளிமை, நேர்மை, அன்பு, தொலைநோக்குப் பார்வை, சமத்துவம், சகோதரத்துவம், கிராம சுயராஜ்யம், ஒற்றுமையான, வலிமையான இந்தியா கலாமின் சிறுவயதில் ஆழ்மனதில் பதிந்தது. காந்தியின் கீழ்க்காணும் தத்துவங்கள் கலாமை சிறுவயதில் தொட்டன. 
"உண்மையைப் பின்தொடர்பவர்கள், எதிரிக்குக் கூட வன்முறையை அனுமதிக்க மாட்டார்கள்". "நான் போதிப்பது கோழைகளின் அகிம்சையை அல்ல. அகிம்சையின் மூலமே மனித வர்க்கம் பலாத்காரத்திலிருந்து வெளியேறியாக வேண்டும். எல்லா சமயங்களுக்கும் பொதுவானது அகிம்சை. வலிமையும், வீரமும் மிக்கவர்களின் ஆயுதம் அகிம்சை. அகிம்சையிலும், சத்தியத்திலும் தோல்வி என்பதே கிடையாது.' இந்த தத்துவங்கள் தனது வாழ்வின் ஒவ்வொரு பகுதியையும் செம்மைப்படுத்தியதாக கலாம் சொன்னார். 
" இந்தியாவின் சுதந்திரத்தை வென்றெடுக்க, வலிமையான இந்தியாவைக் கட்டமைக்க "உன் இரத்தத்தைக் கொடு; சுதந்திரக் காற்றை நான் சுவாசிக்க வைக்கிறேன்'" என்று 1943 - இல் இந்திய தேசிய இராணுவத்தைக் கட்டியமைத்து இரண்டாம் உலகப் போரின்போது ஆங்கிலேயர்களுக்கு எதிராக இராணுவக் கூட்டணிகளை உருவாக்கிய சுபாஷ் சந்திர போஸ் சொன்னார். இந்தியா சுதந்திரம் பெற வேண்டுமென்றால் வலிமைமிக்க இராணுவத்தைக் கட்டியமைத்தால் மட்டுமே முடியும் என்று நம்பினார். "ஜெய் ஹிந்த்' என்ற முழக்கத்தை உருவாக்கியவர். மகாத்மா காந்தியை "தேசத்தின் தந்தை' என்று உரையாற்றிய முதல் நபர் சுபாஷ் சந்திரபோஸ் ஆவார். 

"ஒரு கொள்கைக்காக அதை உருவாக்கியவர் இறக்கலாம்; ஆனால் அந்த எண்ணம், அவரது மரணத்திற்குப் பிறகு, ஆயிரமாயிரம் பேரின் வாழ்க்கையில் அவதாரம் எடுக்கும்' என்றார் நேதாஜி . "மனிதனும், பணமும் மற்றும் பொருட்களால் மட்டுமே வெற்றியையோ அல்லது சுதந்திரத்தையோ கொடுக்க முடியாது. துணிச்சலான செயல்களை, வீரத்தோடு, விவேகத்தையும் நம் ஒவ்வொருவரிடமும் தூண்டும் சக்தி நம்மிடம் உருவானால் தான் சுதந்திரத்தை வென்றெடுக்க முடியும்' என்று நம்பினார் நேதாஜி. 
"இந்த தேசத்தின் முக்கிய பிரச்னைகளான வறுமை, கல்லாமை மற்றும் நோய் ஒழிப்பு மற்றும் விஞ்ஞானம் மூலம் உற்பத்தி பெருக்கம் மற்றும் விநியோகம் போன்றவற்றை சோசலிசம் போன்ற பொது நலக் கோட்பாடுகளால் மட்டுமே செய்து முடிக்க முடியும் என்பதில் என் மனதில் எந்த சந்தேகமும் இல்லை' என்றார் நேதாஜி. 
இந்த வரலாற்று நாயகர்களின் வாழ்க்கை, அவர்களது தியாக வாழ்வு அப்துல் கலாமின் நெஞ்சில் அவருடைய 15 ஆவது வயதில் பதிந்ததாக அப்துல்கலாம் என்னிடம் சொன்னார்.
அவருடைய இளைமைக்காலத்தில் - 1960 முதல் 1998 வரை - அவர் ஆற்றிய பணிகள் இந்தியாவை வலிமை மிக்கதாகக் கட்டியமைப்பதில் முதலிடம் பெற்றது. அதாவது நேதாஜியின் கனவை தனது அறிவாற்றலால் நனவாக்கியவர் கலாம். 
1980- இல் SLV3 ராக்கெட்டை வெற்றிகரமாக வடிவமைத்தார். அது தொலைத் தொடர்பு செயற்கைக்கோள், நீர் வளம், நில வளத்தை விண்ணில் இருந்து கண்டறியும் செயற்கைக்கோள், கல்வி மற்றும் மருத்துவத்திற்கான செயற்கைக்கோள். இன்றைக்கு நிலவில் தண்ணீர் இருப்பதைக் கண்டறிவதற்கும், நிலவில் கால் பதிப்பதற்கும் அடித்தளமிட்டு தொடர்ந்து உழைத்தவர் கலாம். கண்டம் விட்டு கண்டம் தாவும் ஏவுகணைகளான அக்னி, பிரித்வி, ஆகாஷ், திரிசூல், நாக், பிரம்மோஸ் போன்ற ஏவுகணைகளை உருவாக்கி, இந்தியாவில் எதிரி நாட்டு ஏவுகணை என்ன அதில் அணுகுண்டே வைத்து ஏவினாலும் அதை விண்ணிலேயே தாக்கி அழிக்கும் வல்லமை பெற்ற நாடாக மாற்றி காண்பித்தவர் அப்துல் கலாம். அது மட்டுமல்ல, இந்தியாவை அணுசக்தி வல்லமை பெற்ற நாடாக மாற்றி அமெரிக்கா, ரஷ்யா போன்ற அணுசக்தி வல்லமை பெற்ற நாடுகளைத் திரும்பிப் பார்க்க வைத்தவர். அதனால் ஏற்படுத்தப்பட்ட தடைகளைத் தகர்த்தெறிந்து இலகு இரக போர்விமானம் தேஜஸை உருவாக்கி காண்பித்தார். இத்தனை இராணுவ சாதனைகளை தனது அறிவியல் தொழில்நுட்ப சாதனைகளால் கலாம் உருவாக்கியதற்கு நேதாஜியின் இராணுவ சித்தாந்தம் தான் காரணம் என்பதை நான் உணர்ந்து கொண்டேன். இதை அப்துல்கலாமிடம் சொன்னபோது சிரிக்க மட்டும் செய்தார். 
இந்தியாவை வலிமை பெற்ற நாடாக மாற்றி விட்டபின்பு மகாத்மா காந்தியின் கனவை நனவாக்க அவர் உருவாக்கி கொடுத்த தொலைநோக்குப் பார்வைத் திட்டம் தான் 2020 -க்குள் இந்தியாவை அறிவார்ந்த வல்லரசு இந்தியாவாக, 2020- க்குள் வளமான, வளர்ச்சியடைந்த நாடாக உருவாக்க அவர் கொடுத்த திட்டம்தான் "தொழில்நுட்ப தொலைநோக்கு பார்வைத் திட்டம் 2020'. காந்தியடிகளின் கிராம சுயராஜ்யத்தை வென்றெடுக்க கலாம் கொடுத்த திட்டம் தான் "புரா' திட்டம். இப்படி நேதாஜியின் கனவை 40 ஆண்டுகளில் நனவாக்கினார். 
மகாத்தமா காந்தியின் கனவை 1998- இல் செயல் திட்டமாக்கி தனது வாழ்நாளில் காண்பேன் என்ற கனவையும் இலட்சியத்தையும் 17 ஆண்டுகள் பாராளுமன்றத்தில், சட்டமன்றங்களில், தொழில், விவசாயம் மற்றும் அனைத்து துறைசார்ந்தவர்களிடமும், மக்களிடமும், மாணவர்களிடமும், இளைஞர்களிடமும் விதைத்து விட்டு இந்த மண்ணில் விதைக்கப்பட்டவர் அப்துல் கலாம். பெரும் தலைவர்களின் கனவை ஒரு கிராமப்புற மாணவரான அப்துல் கலாமால் நனவாக்க முடியும் என்றால், அப்துல் கலாமின் கனவை நம்மால் நனவாக்க முடியுமா, முடியாதா? எப்படி மிச்சமெல்லாம் உச்சம் தொடுவது, தொடர்ந்து பார்ப்போம்.
உங்கள் கனவுகளை, இலட்சியங்களை 
பகிர்ந்து கொள்ள தொடர்பு கொள்ளுங்கள்:
vponraj@live.com 
(தொடரும்)

]]>
https://images.dinamani.com/uploads/user/imagelibrary/2020/2/18/w600X390/im6.JPG https://www.dinamani.com/weekly-supplements/ilaignarmani/2020/feb/18/காந்தி-நேதாஜி-கனவை-நனவாக்க-3360979.html
3360976 வார இதழ்கள் இளைஞர்மணி வேலை...வேலை...வேலை...(18/02/2020) DIN DIN Tuesday, February 18, 2020 11:18 AM +0530 சென்னை பெருநகர் வளர்ச்சிக் குழுமத்தில் வேலை 
மொத்த காலியிடங்கள்: 131 
பணி: Junior Assistant  - 34
தகுதி: ஏதேனும் ஒரு டிகிரி முடித்திருக்க வேண்டும்.
பணி: நற்ங்ய்ர் பஹ்ல்ண்ள்ற் - 24
தகுதி: 10 -ஆம் வகுப்பு முடித்திருந்தால் போதுமானது. அத்துடன் தட்டச்சு, சுருக்கெழுத்து ஆகியவற்றில் தேர்ச்சி பெற்றிருக்க வேண்டும். 
பணி: Typist - 10
தகுதி: தட்டச்சு தேர்வில் தேர்ச்சி பெற்றிருக்க வேண்டும். 
பணி: Fieldman - 19
தகுதி: 10 -ஆம் வகுப்பு தேர்ச்சி பெற்றிருப்பதுடன் சைக்கிள் ஓட்டத் தெரிந்திருக்க வேண்டும் 
பணி: Messenger - 44
தகுதி: 8 -ஆம் வகுப்பு தேர்ச்சி பெற்றிருக்க வேண்டும். 
தேர்வு செய்யப்படும் முறை: தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: www.cmdachennai.gov.in  என்ற அதிகாரபூர்வ வலைதளத்தின் மூலம் ஆன்லைனில் விண்ணப்பிக்க வேண்டும். விண்ணப்பித்த பின்னர் அதனை பிரிண்ட் அவுட் எடுத்து கைவசம் வைத்துக்கொள்ளவும். 
மேலும் முழுமையான விவரங்கள் அறிய: http://109.73.234.178/cmdarecruitment/cmda directrecruitment2020.pdf என்ற லிங்கில் சென்று தெரிந்துகொள்ளவும்.
ஆன்லைனில் விண்ணப்பிப்பதற்கான கடைசித் தேதி: 24.02.2020 

தமிழ்நாடு உடற்கல்வியியல் மற்றும் விளையாட்டு பல்கலைக்கழகத்தில் வேலை
மொத்த காலியிடங்கள்: 17 
பணி: Controller of Examinations  - 01
பணி: Professor  - 04
சம்பளம்: மாதம் ரூ.1,44,200 - ரூ.2,18,200
பணி: Associate Professor - 05
பணி: Deputy Director (Physical Education) - 01 
சம்பளம்: மாதம் ரூ.1,31,400 - ரூ.2,17,100
பணி:  Assistant Professor  - 5
பணி: Assistant Engineer (Civil) - 01
சம்பளம்: மாதம் ரூ. 57,700 - ரூ.1,82,400 
தகுதி: சம்பந்தப்பட்ட துறையில் முதுகலைப் பட்டம், முனைவர் பட்டம், பி.இ. முடித்தவர்கள் சம்பந்தப்பட்ட பணியிடங்களுக்கு விண்ணப்பிக்கலாம். 
தேர்வு செய்யப்படும் முறை: எழுத்துத் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
விண்ணப்ப கட்டணம்: எஸ்சி, எஸ்டி, எஸ்சிஏ, மாற்றுத்திறனாளிகள் பிரிவைச் சேர்ந்த விண்ணப்பதாரர்களுக்கு ரூ.250, 
மற்ற அனைத்து விண்ணப்பதாரர்கள் ரூ.500 கட்டணமாகச் செலுத்த வேண்டும். 
விண்ணப்பிக்கும் முறை: www.tnpesu.org என்ற அதிகாரப்பூர்வ இணையதளத்தில் கொடுக்கப்பட்டுள்ள விண்ணப்பத்தை பதிவிறக்கம் செய்து பூர்த்தி செய்து கீழ்வரும் முகவரிக்கு அனுப்ப வேண்டும். 
முகவரி:  Registrar, Tamil Nadu Physical Education and Sports University, Chennai - 600127. 
மேலும் முழுமையான விவரங்கள் அறிய: https://www.tnpesu.org/upload/appointment/jan25/1_Notification_%20Instructions_Qualification_dated_25.01.2020.pdf என்ற இணையதள லிங்கில் சென்று தெரிந்துகொள்ளவும். 
பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 24.02.2020

ஷிப்பிங் கார்ப்பரேஷன் ஆஃப் இந்தியா நிறுவனத்தில் வேலை
மொத்த காலியிடங்கள்: 46
1. Finance -10
2. HR -10
3. Management -17
4. Civil Engineering - 03
5. Law - 05
6. Fire & Security - 01
தகுதி: ஒவ்வொரு பணிக்கும் தனித்தனியாக தகுதியும் அறிவிக்கப்பட்டுள்ளதால், அதிகாரப்பூர்வ அறிவிப்பை பார்த்து தெரிந்துகொள்ளவும். 
வயது வரம்பு: 01.12.2019 தேதியின்படி 27 வயதிற்குள் இருக்க வேண்டும். 
தேர்வு செய்யப்படும் முறை: ஆன்லைன் எழுத்துத்தேர்வு, குழு விவாதம், நேர்முகத்தேர்வு அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை : www.shipindia.com என்ற அதிகாரப்பூர்வ வலைதளத்தின் மூலம் ஆன்லைனில் விண்ணப்பிக்க வேண்டும். 
விண்ணப்பக் கட்டணம்: பொது மற்றும் ஓபிசி பிரிவினர் ரூ.500, எஸ்சி, எஸ்டி, மாற்றுத்திறனாளி பிரிவைச் சேர்ந்தவர்கள் ரூ.100 செலுத்த வேண்டும். 
மேலும் முழுமையான விவரங்கள் அறிய: www.shipindia.com/upload/Adv/AM_contract_detailed_Advertisement_22_01_2020-converted.pdf என்ற லிங்கில் சென்று தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 24.02.2020.

தமிழ்நாடு மின்சார வாரியத்தில் வேலை
மொத்த காலியிடங்கள்: 600
பணி: Assistant Engineer (AE) - 600
துறைவாரியான காலியிடங்கள் விவரம்: 
1. Assistant Engineer (AE) Electrical - 400
2. Assistant Engineer (AE) Mechanical - 125
3. Assistant Engineer (AE) Civil - 75
சம்பளம்: மாதம் ரூ. 39800 - ரூ.1,26,500
தகுதி: பொறியியல் துறையில் சம்பந்தப்பட்ட பிரிவில் பி.இ. அல்லது பி.டெக் முடித்தவர்கள் விண்ணப்பிக்க தகுதியானவர்கள். 
வயது வரம்பு: 01.07.2019 தேதியின்படி 18 வயது முதல் 30 வயதுக்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில் விலக்கு உண்டு.
தேர்வு செய்யப்படும் முறை: கணினி வழி எழுத்துத் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். 
தேர்வுக் கட்டணம்: பிசி, எம்பிசி பிரிவினர் ரூ.1000, எஸ்சி, எஸ்டி பிரிவினர் ரூ.500, அனைத்து பிரிவைச் சேர்ந்த விதவைகள் மற்றும் மாற்றுத்திறனாளிகள் ரூ.500 செலுத்த வேண்டும்.
விண்ணப்பிக்கும் முறை: www.tangedco.gov.in என்ற அதிகாரப்பூர்வ இணையதளத்தின் மூலம் ஆன்லைனில் விண்ணப்பிக்க வேண்டும். 
மேலும் முழுமையான விவரங்கள் அறிய: https://www.tangedco.gov.in/linkpdf/AE_NOTIFICATION_%20FINAL_PDF.pdf  என்ற லிங்கை கிளிக் செய்து தெரிந்துகொள்ளவும். 
ஆன்லைனில் விண்ணப்பிப்பதற்கான கடைசித் தேதி: 24.02.2020 

அஞ்சல் துறையில் வேலை
மொத்த காலியிடங்கள்: 44
பணி மற்றும் காலியிடங்கள் விவரம்: 
பணி: Junior Accountant (JA) in Postal Accounts Office - 02
சம்பளம்: மாதம் ரூ.25,500 - ரூ.81,100
பணி: Postal Assistant (PA) in Post Offices or Administrative Offices  -11
சம்பளம்: மாதம் ரூ.25,500 - ரூ.81,100
பணி: Sorting Assistant (SA)in Railway Mal Offices  - 04
சம்பளம்: மாதம் ரூ.25,500 - ரூ.81,100
பணி: Postman (PM) in Post Offices - 27
சம்பளம்: மாதம் ரூ.21,700 - ரூ.69,100
தகுதி: 10, பிளஸ் 2 தேர்ச்சி பெற்றவர்கள், இளங்கலை பட்டதாரிகள் சம்பந்தப்பட்ட பணியிடங்களுக்கு விண்ணப்பிக்கலாம். உள்ளூர் மொழி தெரிந்திருக்க வேண்டும். குறைந்தது 10 ஆம் வகுப்பு வரையில் கன்னட மொழியை ஒரு பாடமாகப் படித்திருக்க வேண்டும்.
வயது வரம்பு: 18 வயது முதல் 27 வயதுக்குள் இருக்க வேண்டும். குறிப்பிட்ட பிரிவினருக்கு உச்சபட்ச வயது வரம்பில் விலக்கு உண்டு.
தேர்வு செய்யப்படும் முறை: தகுதிகள் அடிப்படையில் தேர்வு பட்டியல்கள் தயார் செய்யப்பட்டு நேர்முகத் தேர்வு நடத்தப்பட்டு தகுதியானவர்கள் தேர்வு செய்யப்படுவார்கள். 
விண்ணப்பக் கட்டணம்: பொது மற்றும் ஓபிசி பிரிவைச் சேர்ந்தவர்கள் ரூ.200 செலுத்த வேண்டும். கட்டணத்தை வங்கி பரிவர்த்தனை அட்டைகள் அல்லது நெட் பேங்கிங் மூலம் செலுத்தலாம். எஸ்சி, எஸ்டி, முன்னாள் ராணுவத்தினர், மாற்றுத்திறனாளிகள் பிரிவினர் செலுத்த வேண்டாம். 
விண்ணப்பிக்கும் முறை: www.karnatakapost.gov.in என்ற அதிகாரப்பூர்வ வலைதளத்தில் உள்ள விண்ணப்படிவத்தைப் பதிவிறக்கம் செய்து பூர்த்தி செய்து தேவையான சான்றிதழ்களின் நகல்களை இணைத்து கீழ்க்காணும் முகவரிக்கு விரைவு அஞ்சல்/ பதிவு அஞ்சலின் மூலம் அனுப்ப வேண்டும். 
முகவரி:
The Assistant Director ( R&E)
0/0 Chief Postmaster General
Karnataka Circle
Bengaluru-560001
மேலும் முழுமையான விவரங்கள் அறிய: https://www.karnatakapost.gov.in/download/Karnataka_Circle_Sports_Notification_dtd_17-01-2020.pdf என்ற லிங்கில் சென்று தெரிந்துகொள்ளவும்.
பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 26.2.20

தொகுப்பு: இரா.வெங்கடேசன்

]]>
https://images.dinamani.com/uploads/user/imagelibrary/2020/2/18/w600X390/employ.JPG https://www.dinamani.com/weekly-supplements/ilaignarmani/2020/feb/18/வேலைவேலைவேலை18022020-3360976.html
3360970 வார இதழ்கள் இளைஞர்மணி குரூப் - 1 தேர்வு: மாற்றங்கள் அவசியம்! DIN DIN Tuesday, February 18, 2020 11:04 AM +0530 குரூப் 1 தேர்வில் சில மாற்றங்களைக் கொண்டு வந்தால் தமிழக இளைஞர்கள் மத்திய, மாநில அரசுப் பணிகளில் ஜொலிக்க முடியும்'' என்கிறார் , தென்காசி அருகேயுள்ள பண்பொழி என்னும் சிற்றூரைச் சேர்ந்த ஓய்வு பெற்ற பாராளுமன்ற தொலைத் தொடர்புத்துறை இயக்குநர் என்.எம்.பெருமாள். அவர் கூறியது: 
"இந்திய அரசின் பல்வேறு துறைகளில் உள்ள உயர்நிலைப் பதவிகளுக்கு போட்டித் தேர்வுகள் மூலமாக இளைஞர்களைத் தேர்ந்தெடுக்கும் அமைப்பு மத்திய அரசு தேர்வாணையம் ((UPSC) ஆகும். இவ்வாணையம் இந்திய குடிமைப் பணித்தேர்வு, இந்திய பொறிஇயல் சேவைத் தேர்வு, இந்திய வனத்துறை தேர்வு, இந்திய பொருளியல் புள்ளியியல் சேவைகள் தேர்வு, இந்திய மண்ணியல் சேவைத் (Geological Services) தேர்வு, ஒருங்கிணைந்த மருத்துவ சேவைத் தேர்வு (Combined Medical Services Exam), துணை ஆணையர், மத்திய சேமநலநிதி ஆணையத் தேர்வு (Assistant Commissioner, Central Provident Fund Organisation), மத்திய அரசு துணைக் காவல் படைகள் உதவி படைத் தலைவர் தேர்வு (Assistant Commandant, Central Armed Police Forces Exam) போன்ற தேர்வுகளை ஆண்டுதோறும் நடத்தி வருகிறது. 
பாதுகாப்புத்துறையின் உயர்நிலைப்பதவிகளுக்காக +2 நிலையில் தேசிய பாதுகாப்பு அகாதெமி தேர்வு (NDA) மற்றும் பட்டநிலையில் ஒருங்கிணைந்த பாதுகாப்பு துறை சேவைகள் (Combined Defence Services Exam) தேர்வும் மத்திய தேர்வாணையம் நடத்துகிறது. இவ்விரண்டு தேர்வுகளும் ஆண்டுக்கு இருமுறை நடத்தப்படுகின்றன. இவற்றைத் தவிர, பல்வேறு நிலையிலுள்ள மத்திய அரசின் பல்வேறு பதவிகளுக்கு நேரடியான வாய்மொழித் தேர்வு மூலமாகவும் இவ்வாணையம் தகுந்த நபர்களைத் தேர்ந்தெடுக்கிறது.
மத்திய தேர்வாணையம் நடத்தும் தேர்வுகளில் மிக உயர்ந்ததாகக் கருதப்படுவது இந்திய குடிமைப்பணி தேர்வாகும் (Civil Services Exam). ஆண்டுதோறும் ஏறக்குறைய 800 முதல் 1000 காலி இடங்களுக்காக இத்தேர்வு நடத்தப்படுகிறது. கடந்த சில ஆண்டுகளாகவே இந்தியா முழுவதும் மூன்று இலட்சம் முதல் ஐந்து லட்சம் இளைஞர்கள் விண்ணப்பிக்கிறார்கள். பல்வேறு துறைகளில் பட்டப் படிப்பு முதுகலை பட்டப்படிப்பு அளிக்கும் கல்விநிலையங்கள் தமிழகத்தில் ஆயிரத்துக்கும் அதிகமாக உள்ளன. எனவே தமிழகத்திலிருந்து பல்லாயிரக்கணக்கான இளைஞர்கள் இத்தேர்வுக்கு முயற்சிக்கிறார்கள். 
பல்லாயிரக்கணக்கான தமிழக இளைஞர்களுக்கு ஐ.ஏ.எஸ் தேர்வு ஓர் எழுச்சிக் கனவாகவே உள்ளது. ஐ.ஏ.எஸ் தேர்வுக்கு வழிகாட்டுகிறோம் என்று எந்த கல்வி நிறுவனமோ பயிற்சி நிறுவனமோ செய்தித்தாள்களில் அறிவித்தால் ஆயிரக்கணக்கான இளைஞர்களும் பெற்றோர்களும் கூடுகிறார்கள். வழிகாட்டும் நிகழ்ச்சிகளை உன்னிப்பாக கவனிக்கிறார்கள். 
இன்றைய தமிழகத்தில் உள்ள ஐ.ஏ.எஸ். பயிற்சி நிலையங்களின் எண்ணிக்கையை நினைத்துப் பார்த்தால் மனதில் ஒரு பிரமிப்பு ஏற்படுகிறது. நான் ஐ.ஏ.எஸ் தேர்வு எழுதிய 1971 முதல் 1974 வரை காலத்தில் தமிழகத்தில் தனியார் துறையில் சென்னையில் கே.எஸ் ஐயர் கல்லூரி என்ற ஒரு நிறுவனம் தான் மாணவர்களுக்கும் இளைஞர்களுக்கும் தெரிந்த வகையில் இருந்தது. தமிழக அரசு சார்பில் பின்தங்கிய வகுப்பு மாணவர்களுக்கும் தாழ்த்தப்பட்ட பழங்குடி வகுப்பு மாணவர்களுக்கும் ஐ.ஏ.எஸ் பயிற்சி நிலையங்கள் இருந்தன. 
இன்றைய நாட்களில் ஒரு வட்டத் தலைநகரில் கூட குறைந்தது நாலைந்து ஐ.ஏ.எஸ் அகாதெமிகள் உள்ளன. சென்னையில் அநேக அகாதெமிகளில் ஆயிரக்கணக்கான மாணவர்கள் படிக்கிறார்கள். இவ்வளவு ஆர்வமான இளைஞர்களும் கணக்கற்ற ஐ.ஏ.எஸ் பயிற்சி நிலையங்களும் இருக்கும் தமிழகத்திலிருந்து மிக நிறைந்த அளவில் இளைஞர்கள் தேர்ச்சி பெறுவார்கள் என்பது தமிழக மக்களின் எதிர்பார்ப்பாகும். ஆனால் கடந்த சில ஆண்டுகளாகவே சிவில் சர்வீஸஸ் தேர்வில் தமிழக இளைஞர்கள் வெற்றி பெறுவது மிகக்குறைந்த நிலையிலே உள்ளது. 
2018-ஆம் ஆண்டின் சிவில் சர்வீஸஸ் தேர்வு இறுதி முடிவுகள் ஏப்ரல் 2019-இல் வெளியிடப்பட்டன. 759 பணிகளுக்கு வெளியிடப்பட்ட தேர்வு முடிவில் தமிழ்நாட்டில் இருந்து 36 பேர் மட்டுமே வெற்றி பெற்றனர். இதே போன்று 2017-ஆம் ஆண்டுக்கான தேர்வில் மொத்தம் 990 பேர் தேர்வு செய்யப்பட்டதில் 42 பேர் மட்டுமே தமிழகத்தைச் சார்ந்தவர்கள் ஆவர். கடந்த பத்தாண்டுகளாகவே ஐ.ஏ.எஸ் தேர்வில் தமிழகம் முந்தைய ஆண்டுகளை விட பின்தங்கிய நிலையில் உள்ளது என்பதை இதன் மூலம் அறியலாம். 
30 ஆண்டுகளுக்கு முன்னால் தமிழகத்திலிருந்து என்னைப் போன்று ஏராளமானோர் எந்தவிதப் பயிற்சி நிலையங்களிலும் சேராமல் ஐ.ஏ.எஸ் தேர்வில் வெற்றி பெற்றோம். தற்போது லட்சக்கணக்கில் பணம் செலவழித்து பயிற்சி நிலையங்களில் சேர்ந்து படித்தாலும் பெரும்பான்மையினருக்கு வெற்றி கிடைப்பதில்லை. இதற்கு பல காரணங்கள் உண்டு. கல்லூரிப் பாடங்களில் ஆழ்ந்த புலமை இன்மை, செய்தித் தாள்களை முறையாக தினந்தோறும் கல்லூரி நாட்களிலேயே படிக்காமை, தமிழிலும், ஆங்கிலத்திலும் வெளிவரும் போட்டித்தேர்வு இதழ்களை கல்லூரி நாட்களிலேயே படிக்கும் பழக்கம் இல்லாமை போன்ற காரணங்களைக் கூறலாம். 
ஆனால் இவற்றையெல்லாம் தாண்டி ஒரு குறிப்பிடத்தக்க காரணமாக விளங்குவது, தமிழ்நாடு தேர்வாணையம் நடத்தும் மிக உயர்ந்த தேர்வான குரூப் - 1 தேர்வுக்கும், மத்திய தேர்வாணையத்தின் சிவில் சர்வீஸஸ் தேர்வுக்கும் ஒரு நெருங்கிய தொடர்பு இல்லாமல் இருப்பது ஆகும்.
மத்திய அரசின் ஐ.ஏ.எஸ் தேர்வு பாடத்திட்டத்தையும், வடமாநிலங்களில் ஒரு சில மாநிலங்களின் குரூப் - 1 தேர்வுக்கு இணையான தேர்வின் திட்டத்தையும் தமிழ்நாடு குரூப் - 1 தேர்வு பாடத்திட்டத்தையும் ஒப்பிட்டால் தமிழக மாணவர்கள் ஐ.ஏ.எஸ் தேர்வில் நிறைந்த அளவில் வருவதற்காக தமிழ்நாடு குரூப் - 1 தேர்வில் என்னென்ன மாற்றங்கள் தேவை என்பது எளிதாக விளங்கும்.
2019 -ஆம் ஆண்டு ஐ.ஏ.எஸ் தேர்வை எடுத்துக் கொண்டால் தேர்வு மூன்று நிலைகளில் இருப்பதைக் காணலாம். முதல் நிலைத் தேர்வில் இரண்டு தாள்கள் உண்டு. முதல் தாள் பொது அறிவும், இரண்டாம் தாள் புத்திக் கூர்மையும் அதைச் சார்ந்த பகுதிகளும் உண்டு. 
ஒவ்வொரு தாளுக்கும் 200 மதிப்பெண்கள் ஆகும். இரண்டாம் தாளில் குறைந்தது முப்பத்து மூன்றரை சதவீதம் எடுக்க வேண்டும். அப்படி எடுத்தவர்கள் முதல் தாள் மதிப்பெண்ணின் அடிப்படையில் முதல் நிலைத்தேர்வில் வெற்றி பெறுவார்கள். அந்த ஆண்டில் எத்தனை காலியிடங்கள் வருகின்றனவோ அதைப் போன்று கிட்டத்தட்ட 14 மடங்கு தேர்வர்கள் முதல் நிலைத்தேர்வில் தேர்ந்தெடுக்கப்படுவார்கள். இந்திய வனத்துறை தேர்வுக்கும் முதல் நிலைத்தேர்வு இத்தேர்வே ஆகும்.
முதல் நிலைத்தேர்விலும், முதன்மைத்தேர்விலும் பொதுப்பிரிவினர், பின் தங்கிய வகுப்பினர், தாழ்த்தப்பட்ட பழங்குடி இனப்பிரிவினர் ஒவ்வொருவருக்கும் தனித்தனி கட் ஆஃப் மதிப்பெண்கள் உண்டு. முதன்மை தேர்வில் ஒன்பது தாள்கள் உண்டு. ஓர் ஆங்கிலத்தாளும், ஓர் இந்திய மொழித் தாளும் தகுதித் தேர்வுகளாகும். தரவரிசைப் பட்டியலை நிர்ணயிப்பதற்கு இத்தேர்வுகளின் மதிப்பெண்கள் எடுத்துக் கொள்ளப்படமாட்டாது.
இதைத் தவிர ஏழு தாள்கள் உண்டு. ஒரு கட்டுரைத் தாளும், நான்கு பொது அறிவுத் தாள்களும், ஒரு விருப்பப் பாடத்தில் இரு தாள்கள் என 7 தாள்கள் உண்டு. இந்த ஏழு தாள்களில் ஒவ்வொரு தாளும் 250 மதிப்பெண்களைக் கொண்டது ஆகும். முதன்மைத் தேர்விலிருந்து இறுதித் தரவரிசைப் பட்டியலை தயாரிப்பதற்கு இந்த ஏழு தாள்களின் மொத்த மதிப்பெண்களான 1750 மட்டுமே எடுத்துக் கொள்ளப்படுகிறது. ஆளுமை நிர்ணயத்தேர்வுக்கு 275 மதிப்பெண்கள்.
தமிழ்நாட்டைப் போல கிட்டத்தட்ட எல்லா மாநிலங்களும் குரூப் - 1-க்கு இணையான தேர்வை நடத்துகின்றன. இத்தேர்விலிருந்து வரும் வருவாய்த்துறை அதிகாரிகள், காவல் துறை உதவி கண்காணிப்பாளர் போன்றோர்களே பின்னாளில் இந்திய ஆட்சித்துறை சேவை, மற்றும் இந்திய காவல்துறை சேவைகளில் இணைகிறார்கள். 
இந்த இரு அனைத்திந்திய சேவைகளிலும் 60 விழுக்காடு, மத்திய தேர்வாணையம் நடத்தும் ஐ.ஏ.எஸ். தேர்வு மூலமாகவும் 40 விழுக்காடு மாநில சேவைகளின் உயரதிகாரிகள் மூலமாக தேர்வு செய்யப்படுகிறார்கள். மாநில குரூப் - 1 தேர்வு எந்த அளவுக்கு மத்திய தேர்வாணையத் தேர்வான இந்திய குடிமைப்பணித் தேர்வை ஒட்டி உள்ளதோ, அந்த அளவுக்கு அந்த மாநில இளைஞர்கள் மத்திய தேர்வாணையத் தேர்வான ஐ.ஏ.எஸ் தேர்விலும் சிறிது கடின உழைப்புடன் வெற்றி பெற பிரகாசமான வாய்ப்புகள் ஏற்படுகின்றன.
(அடுத்த இதழில்)
வி.குமாரமுருகன்

]]>
https://images.dinamani.com/uploads/user/imagelibrary/2020/2/18/w600X390/KUMARA.JPG https://www.dinamani.com/weekly-supplements/ilaignarmani/2020/feb/18/குரூப்---1-தேர்வு-மாற்றங்கள்-அவசியம்-3360970.html
3360968 வார இதழ்கள் இளைஞர்மணி மழைத்துளி மின்சாரம்! Tuesday, February 18, 2020 10:59 AM +0530 உலகம் முழுவதும் மனிதர்களின் போக்குவரத்துக்கு எரிசக்தி தேவைப்படுகிறது. பூமிக்கு அடியில் இருக்கும் இயற்கை வள எரிபொருள், எதிர்காலத்துக்குப் போதாது என்பதால் மாற்று எரிசக்தியைத் தேடி உலகமே அலைந்து கொண்டிருக்கிறது.
 காற்று, சூரிய ஒளி, நீர்மின் நிலையங்கள் ஆகியவற்றை வைத்து மாற்று எரிசக்தி உருவாக்கப்பட்டு வருகிறது. எனினும், இவை தேவையான அளவைப் பூர்த்தி செய்யாததால் பற்றாக்குறை நிலவுகிறது. இந்நிலையில், மழைத் துளிகளில் இருந்து மின்சாரம் தயாரிக்கும் புதிய முறை கண்டுபிடிக்கப்பட்டுள்ளது. நீண்ட நாள்களாக நடைபெற்று வந்த இதற்கான பணிகள் தற்போது பலன் தரத் தொடங்கியுள்ளன.

 ஒரு மழைத் துளியில் இருந்து 100 எல்இடி பல்புகளை எரிய வைப்பதற்கான 140 வாட் மின்சாரம் இந்த முறையில் தயாரிக்கலாம். சூரிய மின் ஒளி மூலம் மின்சாரத்தைத் தயாரிப்பதைப்போல், மழையில் இருந்தும் மின்சாரம் தயாரிக்கும் இந்த புதிய முறை மழைப் பிரதேசங்களுக்கு பெரிதும் உதவும் என எதிர்ப்பார்க்கப்படுகிறது.
 அலுமினியம் எலக்ட்ரோடு மூலம் தயாரிக்கப்படும் தகடில், வானத்தில் இருந்து விழும் மழைத் துளி பட்டதும் உற்பத்தியாகும் மின்சாரத்தை ஜெனரேட்டர்களில் சேமித்து வைத்து பயன்படுத்தலாம் என்று ஹாங்காங்கைச் சேர்ந்த சிட்டி பல்கலைக்கழக ஆராய்ச்சியாளர்கள் தெரிவித்துள்ளனர். மழை நீர் சேமிப்பைப்போல் மழை நீரில் இருந்து மின் உற்பத்தியும் செய்யும் முறை செயல்பாட்டுக்கு வந்தால் இயற்கை வளங்கள் பெருகும்.
 அ.சர்ஃப்ராஸ்

]]>
https://images.dinamani.com/uploads/user/imagelibrary/2020/2/18/w600X390/im5.JPG https://www.dinamani.com/weekly-supplements/ilaignarmani/2020/feb/18/மழைத்துளி-மின்சாரம்-3360968.html
3360967 வார இதழ்கள் இளைஞர்மணி இணைய வெளியினிலே...(18/02/2020) DIN DIN Tuesday, February 18, 2020 10:57 AM +0530 முக நூலிலிருந்து....
* நீரில்லாத நதி
என்கிறீர்கள் நீங்கள்...
கூழாங்கல் தெரியும் நதி
என்கிறேன் நான்.
நேசமிகு ராஜகுமாரன்

* பட்டங்கள் உயரத்தில் 
பறப்பதற்குக் காரணம்...
அதன் வண்ணமும் 
வடிவமுமல்ல,
அதை இயக்குபவரின்
முயற்சியும் பயிற்சியுமே !
அ. முத்துசாமி 

* முகநூலும்
ஊர் சுற்றுவதும் 
ஒன்றுதான்...
இரண்டிலும் வீட்டை மறந்து விடுகிறோம்.
நா.வே.அருள்

* வாகனத்தைத் தவிர்த்து
நடந்தே கடக்கிறேன்...
பாதையெங்கும் சருகுகள். 
துரை.நந்தகுமார்

சுட்டுரையிலிருந்து...
* அடை காத்த அன்னையை 
ஒரு போதும் அடைத்து விடாதீர்கள்
அநாதை இல்லங்களில்..!!
எம்.ஆர்.கே.

* என்னை உதாசீனப்படுத்துமளவு
தைரியம் உனக்கு இருக்குமேயானால்,
உன்னை உதறிவிட்டுக் 
கடக்குமளவு தன்னம்பிக்கை
எனக்கு நிறையவே உண்டு.
விறகு

* மழைக்குத் தேங்கிய குட்டையைக்
கடப்பதைப் போன்றதே வாழ்க்கை...
நாம்தான் கடலில் நீந்துமளவிற்கு
ஆயத்தம் செய்து கொள்கிறோம்.
Mr.பாமரன் 

* நமக்கு வேலை இல்லாதபோது...
கடிகாரமும்
சோம்பேறி ஆகிவிடும் போல.
அஜித்

வலைதளத்திலிருந்து...
தர்மத்தை அனுஷ்டிக்க நினைப்பவனுக்கே தர்ம சங்கடம் எழும். அறத்தைக் கடைபிடிக்க வேண்டும் என்று கருதுபவனுக்கே அறச்சிக்கல்கள் எழும். "அறம் செய்ய விரும்பு' என்கிறாள் மூதாட்டி. "அறம் செய்' என்று கட்டளையிடவில்லை. "அறம் செய்ய விரும்பு' என்று கோருகிறாள். அறம் செய்வது அவரவர் விருப்பம். செய்ய விரும்பு. விரும்பாமல் வேறு செய்தாலும் ஒன்றுமில்லை. அது குற்றமும் இல்லை. அறத்திற்குப் புறம்பான செயல் எனலாம். அவ்வாறான வேலைகள் செய்வதில் குற்றமில்லை என்பதால் தண்டனைகளுமில்லை. இங்குதான் பாவம் என்று வருகிறது. குற்றம் செய்தால் தண்டனையோடு போயிற்று. அறத்தை வழுவினால் பாவம் சேர்கிறது என்று வைத்துள்ளோம். இது உண்மையா என்று தெரியாது. நம்பினால் நன்மை. நம்புவதற்கு நம் நாட்டின் நீதி ஞான நூல்களையும் அவை பரிந்துரைக்கும் சமூகத் தனிமனித நல்வாழ்விற்கான விழுமியங்களையுமே நாட வேண்டும். ஆனாலும் அறப்படி ஒழுகுவதைக் கட்டாயப் படுத்த முடியாது. அறம் அவரவர் விருப்பம்!
அறச்சிக்கல் அசாத்தியமானது.... 
காரில்தான் வந்திறங்கினேன். கார்கள் சுற்றுச்சூழலை மாசுபடுத்துபவை. மறுப்பதற்கில்லை. நூறு வருடங்களுக்கு முன்னர் பலர் குதிரைகள் வைத்திருந்தனர். பணக்காரர்கள் கார்கள் வைத்திருந்தனர். இன்று உல்டா. பலர் கார்கள் வைத்திருக்கிறோம். பணக்காரர்கள் குதிரைகள் வைத்திருக்கின்றனர். சரி, கார் வேண்டாம்... குதிரை வண்டியில் முன்போல் வரலாம்... மிருகவதை... தவிர, சிட்டிக்குள் குதிரை வண்டி இன்றில்லை... யார் செய்தது? சரி நடக்கலாமே... நடந்து வந்தால் இன்றைய "நீயா நானா'வில் பேச முடியாது. அல்லது நேற்றே கிளம்பியிருக்க வேண்டும். சரி எதையுமே செய்யாமல் சும்மா வீட்டிலேயே இருக்கலாம், ஆதிமனிதன் குகைகளில் இருந்ததுபோல... சும்மா இருக்கையில் சுவாசித்தால் நுண்ணுயிர்களை உள்ளிழுத்து அதில் பலவற்றைக் கொன்றுவிடுகிறோம்... மனிதப்பிறவி இருப்பதாலேயே அவனியில் மற்ற அனைவருக்கும் அவதியே... என் கடன் பணி செய்யாமல் கிடப்பதே...
https://arunn.me/

]]>
https://images.dinamani.com/uploads/user/imagelibrary/2020/2/18/w600X390/im4.JPG https://www.dinamani.com/weekly-supplements/ilaignarmani/2020/feb/18/இணைய-வெளியினிலே18022020-3360967.html
3360965 வார இதழ்கள் இளைஞர்மணி சரியான பார்வை...செயல்! வழி... 85  - தா.நெடுஞ்செழியன் Tuesday, February 18, 2020 10:53 AM +0530 இந்தியாவைப் பொறுத்தவரை இந்திய நர்சிங் கவுன்சில் என்பது செவிலியர் பணி மற்றும் கல்வியை ஒழுங்குபடுத்தக் கூடிய அமைப்பாகும். இது இந்திய சுகாதாரம் மற்றும் குடும்பநல அமைச்சகத்தின் கீழ் இயங்கும் அமைப்பாகும். இந்திய நர்சிங் கவுன்சில் புதுதில்லியைத் தலைமையிடமாகக் கொண்டு இயங்கி வருகிறது. 
இந்தியா முழுவதுமாக ஒரே மாதிரியான செவிலியர் பயற்சி அளிக்கப்பட வேண்டும் என்பதற்காக ஏற்படுத்தப்பட்ட இந்திய நர்சிங் கவுன்சில் சட்டம் - 1947 -இன் படி இது இயங்கி வருகிறது. 
இந்த நர்சிங் கவுன்சிலின் கீழ் பல செவிலியர் படிப்புகள் வழங்கப்படுகின்றன. ஆக்ஸிலியரி நர்ஸ் அண்ட் மிட்வைஃப் என்ற படிப்பு 2 ஆண்டுகள் படிக்க வேண்டும். ஜெனரல் நர்சிங் அண்ட் மிட்வைஃபெரி என்ற படிப்பு 3 ஆண்டு காலப் படிப்பாகும். இந்த இரண்டு படிப்புகளையும் நர்சிங் தேர்வாணையக் கழகம் நடத்துகிறது. 
பி.எஸ்சி நர்சிங்கில் இரண்டுவிதமான படிப்புகள் உள்ளன. பி.எஸ்சி நர்சிங் பேசிக் படிப்பு 4 ஆண்டுகள் படிக்கக் கூடியதாகும். பி.எஸ்சி போஸ்ட் பேசிக் என்ற படிப்பை அதைக் கற்றுத் தரும் கல்லூரியில்நேரடியாகப் பயின்றால் 2 ஆண்டுகளும், அஞ்சல் வழியில் பயின்றால் 3 ஆண்டுகளும் படிக்க வேண்டும். 
2 ஆண்டு காலம் படிக்கும் எம்.எஸ்சி நர்சிங் படிப்பு, ஓராண்டு காலம் படிக்கும் எம்.பில் நர்சிங் படிப்பு, 3 இலிருந்து 5 ஆண்டுகள் வரை படிக்கும் பி.எச்டி நர்சிங் படிப்புகளும் உள்ளன. 
இந்தியாவில் எந்த செவிலியர் கல்லூரியில் சேர விரும்பினாலும், அந்த கல்லூரி நர்சிங் கவுன்சிலால் அங்கீகரிக்கப்பட்டுள்ளதா என்பதை முதலில் தெரிந்து உறுதிப்படுத்திக் கொள்ள வேண்டும். இந்திய நர்சிங் கவுன்சில் அமைப்பு அவர்களுடைய இணையதளத்தில் (http://www.indiannursingcouncil.org/) அவர்களால் அங்கீகரிக்கப்பட்ட நர்சிங் கல்வி நிலையங்களின் பட்டியலை (30.1.2020 ) வெளியிட்டிருக்கிறார்கள். இதன்படி இந்திய நர்சிங் கவுன்சில் அங்கீரித்த பி.எஸ்சி நர்சிங் படிப்புகளைச் சொல்லித் தரும் நர்சிங் கல்லூரிகள் ஆந்திராவில் 103 கல்லூரிகளும், அருணாசலப் பிரதேசத்தில் 1 கல்லூரியும், அசாமில் 14 கல்லூரிகளும், பீகாரில் 5 கல்லூரிகளும், சண்டிகாரில் 1 கல்லூரியும், சத்தீஸ்கரில் 87 கல்லூரிகளும், உத்தரபிரதேசத்தில் 100 கல்லூரிகளும், குஜராத்தில் 89 கல்லூரிகளும், கர்நாடகாவில் 197 கல்லூரிகளும். கேரளாவில் 112 கல்லூரிகளும், பஞ்சாபில் 100 கல்லூரிகளும், தமிழ்நாட்டில் 161 கல்லூரிகளும் அங்கீகரிக்கப்பட்டுள்ளன. அனைத்து மாநிலங்களிலும் அங்கீகரிக்கப்பட்ட நர்சிங் கல்லூரிகளின் மொத்த எண்ணிக்கை 1413 ஆகும். 
20 மாணவர்களை மட்டுமே சேர்க்க வேண்டும் என்று அனுமதி தரப்பட்ட கல்லூரிகளிலிருந்து அதிகபட்சமாக 100 மாணவர்கள் வரை சேர்த்துக் கொள்ளலாம் என்று அனுமதி தரப்பட்ட கல்லூரிகள் வரை இந்த பட்டியலில் உள்ளன. 

ஒவ்வொரு கல்லூரியிலும் எத்தனை மாணவர்களைச் சேர்க்க வேண்டும் என்று அங்கீகாரம் வழங்கியிருக்கிறார்களோ, அந்த அளவு எண்ணிக்கையுள்ள மாணவர்களை மட்டுமே சேர்க்க வேண்டும். 
எனவே ஒரு நர்சிங் கல்லூரியில் சேர்ந்து படிப்பதற்கு முன்னதாக அந்த நர்சிங் கல்லூரிக்கு நர்சிங் கவுன்சிலால் அங்கீகாரம் வழங்கப்பட்டு இருக்கிறதா என்பதை முதலில் மாணவர்கள் தெரிந்து கொள்ள வேண்டும். அதுமட்டுமல்லாமல், அங்கு பயில அனுமதிக்கப்பட்டுள்ள மாணவர்களின் எண்ணிக்கையையும் தெரிந்து கொள்ள வேண்டும். சில கல்லூரிகள் அனுமதிக்கப்பட்ட எண்ணிக்கையை விட அதிகப்படியான மாணவர்களைச் சேர்த்துக்கொள்வார்கள். இதனால் அங்கு பயின்ற, அனுமதிக்கப்பட்ட அளவை விட கூடுதலாகச் சேர்த்துக் கொள்ளப்பட்ட மாணவர்கள், நர்சிங் படிப்பில் தேர்ச்சி பெற்றாலும் அவர்கள் நர்சிங் படித்ததற்கான அங்கீகாரம் கிடைக்காமல் போய்விடும் அபாயம் உள்ளது. அவர்கள் படித்து முடித்த பிறகு, நர்சிங் கவுன்சிலில் தங்களைப் பதிவு செய்து கொள்ள முடியாமல் போய்விடும். பதிவு செய்யாவிட்டால் நர்சிங் பணியைச் செய்ய முடியாது. எனவே இது குறித்த தகவல்களை மாணவர்களும், பெற்றோர்களும் இந்திய நர்சிங் கவுன்சிலின் இணையதளத்துச் சென்று தெரிந்து கொள்வது மிகவும் அவசியம். 
இதேபோன்று தமிழகத்திலும் தமிழ்நாடு செவிலியர் மற்றும் தாதியர் குழுமம்(Tamil Nadu Nurses and Midwives Council) உள்ளது. அது தனது இணையதளத்தில் (https://www.tamilnadunursingcouncil.com/) நர்சிங் படிப்பு தொடர்பான தகவல்களை வெளியிட்டுள்ளது. இந்த தமிழக நர்சிங் கவுன்சிலால் அங்கீகாரம் செய்யப்பட்ட 208 நர்சிங் கல்லூரிகளில் பி.எஸ்சி நர்சிங் படிப்புச் சொல்லித் தரப்படுகிறது. தமிழக மாணவர்கள் ஒரு நர்சிங் கல்லூரியில் சேர்வதற்கு முன்பு அந்த கல்லூரி, இந்திய நர்சிங் கவுன்சில் மற்றும் தமிழ்நாடு நர்சிங் கவுன்சில் ஆகியவற்றின் அங்கீகாரம் பெற்றிருக்கிறதா என்பதை பலமுறை சரி பார்த்த பிறகு சேர்வதே நல்லது. 
பி.எஸ்சி முடித்த மாணவர்களுக்கு மேலும் பயில நர்சிங் துறையில் எண்ணற்ற வாய்ப்புகள் உள்ளன. தமிழகத்தைப் பொறுத்தவரை சிஎம்சி வேலூரில் 1907 ஆம் ஆண்டு முதல் செவிலியர் பயிற்சி வழங்கப்படுகிறது. பின்னர் இது 1909 ஆம் ஆண்டு ஹையர் கிரேடு டிரெயினிங் ஸ்கூலாக மாற்றப்பட்டது. 1946 ஆம் ஆண்டு முதல் சென்னைப் பல்கலைக்கழகத்துடன் இணைந்து நான்காண்டுகள் பி.எஸ்சி நர்சிங் பட்டப் படிப்பு வழங்கப்படுகிறது. இங்கு எம்.எஸ்சி நர்சிங் படிப்புகளும் சொல்லித் தரப்படுகின்றன. 
National Institute of Mental Health and Neuro Sciences (NIMHANS) என்ற பெங்களூருவில் உள்ள கல்வி நிலையத்தில் எம்.எஸ்சி சைக்கியாரிட்டிக் நர்சிங் படிப்பு சொல்லித் தரப்படுகிறது. பி.எச்டி நர்சிங் படிப்பும் உள்ளது. Post basic Diploma in Psychiatric/Mental health Nursing, Post basic Diploma in Neuroscience Nursing ஆகிய படிப்புகளும் உள்ளன. மூன்று மாதம் பயிலக் கூடிய Post-Certificate Diploma in Community Mental Health Nursing என்ற சான்றிதழ் படிப்பும் உள்ளது. 

எய்ம்ஸ், ஜிப்மர் ஆகிய கல்விநிறுவனங்களிலும் முதுகலை நர்சிங் படிப்புகள் சொல்லித் தரப்படுகின்றன. இங்கு படிக்கக் கூடிய மாணவர்களுக்கு அதிக வேலை வாய்ப்புகள் உள்ளன. 
நர்சிங் படிப்பு முடித்தவர்கள் 5 ஆண்டுகளுக்கு ஒரு முறை தமிழ்நாடு நர்சிங் கவுன்சிலில் தங்களுடைய நர்சிங் உரிமத்தைப் புதுப்பிக்க வேண்டும்.
அப்போதுதான் தொடர்ந்து அவர்கள் பணியாற்ற முடியும். இந்தியா மற்றும் வெளிநாடுகளில் பணிபுரிவதற்கு இந்த நர்சிங் உரிமத்தைப் புதுப்பிப்பது அவசியம் ஆகும். 
உரிமத்தைப் புதுப்பிக்காமல் பணியாற்றும் சிலருக்கு நர்சிங் பணி என்பதற்கான அங்கீகாரமோ, சம்பளமோ அவர்கள் பணிபுரியும் மருத்துவமனைகளில் தரப்படுவதில்லை. 
நர்சிங் படிப்பைப் பயின்று ஒரு மருத்துவமனையில் பணிபுரியும் ஒருவர், தன்னுடைய திறனை மேம்படுத்திக் கொள்ள வேண்டும். உதாரணமாக கார்டியாலஜி, நியூரோ சர்ஜரி போன்ற துறைகளில் தங்களின் திறனை மேம்படுத்திக் கொண்டால் அதிகச் சம்பளம் பெற வாய்ப்புண்டு. அதே சமயம் ஒரே மருத்துவமனையில் தொடர்ந்து பணிபுரிய வேண்டும் என்ற அவசியமில்லை. ஏற்கெனவே இருப்பதை விட அதிக சம்பளம் தரும் வேறு மருத்துவமனைகளில் சேர்ந்து பணிபுரிவது சம்பள உயர்வு பெற அவசியம். 
சென்னையில் டிவிஎஸ் சுந்தரம் மெடிகல் ஃபவுண்டேஷன் பிற நிறுவனங்களுடன் இணைந்து செவிலியர் படிப்பை முடித்த - நடைமுறைப் பயிற்சி இல்லாத மாணவர்களுக்கும்- செவிலியர் பணியைச் செய்து கொண்டிருப்பவர்களுக்கும் - திறன் மேம்பாட்டுப் பயிற்சிகளை அளிக்கிறது . இந்தப் பயிற்சிகள் உலகத்தரமுடையவையாக இருக்கின்றன. இந்த பயிற்சிகளைப் பெறும் மாணவர்கள் உலகத் தரத்திலான நர்சிங் பணித் திறன்களை வளர்த்துக் கொள்ள முடிகிறது. இதன் மூலம் உலகில் உள்ள எந்தப் பெரிய மருத்துவமனையிலும் சேர்ந்து அதிகமான சம்பளத்தைப் பெற முடியும். செவிலியர் பணியில் அனுபவம் அதிகரிக்க அதிகரிக்க சம்பளமும் அதிகரிக்க வாய்ப்புகள் உள்ளன. இதுபோன்ற பயிற்சி வகுப்புகளில் பயிற்சி பெற்றவர்களுக்கு 100 சதவீதம் வேலை வாய்ப்புகள் உள்ளன. 
(தொடரும்)
கட்டுரையாசிரியர்
சமூக கல்வி ஆர்வலர் 
www.indiacollegefinder.org

]]>
https://images.dinamani.com/uploads/user/imagelibrary/2020/2/18/w600X390/im1.JPG https://www.dinamani.com/weekly-supplements/ilaignarmani/2020/feb/18/சரியான-பார்வைசெயல்-வழி-85----தாநெடுஞ்செழியன்-3360965.html
3354941 வார இதழ்கள் இளைஞர்மணி ஜப்பானில் வேலை! DIN DIN Tuesday, February 11, 2020 11:55 AM +0530 உலகின் மூன்றாவது பெரிய பொருளாதார நாடான ஜப்பான், வயதானவர்களின் அதிக மக்கள்தொகை, பிறப்பு விகிதம் குறைவு போன்றவற்றால், பல்வேறு துறைகளில் தொழிலாளர் பற்றாக்குறையை எதிர்கொண்டு வருகிறது. இதனால், கடந்த ஆண்டு அக்டோபர் மாதம் 5 லட்சம் வெளிநாட்டுத் தொழிலாளர்களை ஈர்க்கும் திட்டத்தை அது வெளியிட்டது.