Dinamani - சிறுவர்மணி - https://www.dinamani.com/weekly-supplements/siruvarmani/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3418804 வார இதழ்கள் சிறுவர்மணி ராட்டினக் குதிரை! DIN DIN Saturday, May 23, 2020 04:05 PM +0530  சுத்துது ராட்டினம் சுத்துது!
 சுத்துது பம்பரம் போலவே!
 சுத்துற ராட்டினக் குதிரைகள்
 சீக்கிரம் வா என்றழைக்குது!
 
 பத்திரம்! என்றெனை அம்மாவும்
 பச்சைக் குதிரையில் ஏற்றினாள்!
 சித்திரம் தீட்டிய குதிரையில்
 செய்யப் போகிறேன் சவாரியே!
 
 மின்னலின் வேகமாய் ஓடிட
 ரெக்கைகள் முளைத்துப் பறக்கிறேன்!
 நண்பனும் என்பின்னே வருவதால்
 நெஞ்சினில் தேன்துளி சொட்டுதே!
 
 பின்புறம் தங்கையை ஏற்றியே
 ஊரினைச் சுற்றிக் காட்டுவேன்!
 மன்னனைப் போலவே மாறியே
 நாட்டையும் சுற்றவே போகின்றோம்!
 
 வட்டமாய்ப் பறந்திடும் பறவையாய்
 வானிலே பறக்கவும் போகின்றேன்!
 தொட்டிடத் துரத்திடும் குதிரைகள்
 தோற்றுத்தான் போகுதே என்னிடம்!
 
 பட்டமாய் வானிலே பறக்கின்றேன்
 புன்னகைப் பூக்களைப் பறிக்கின்றேன்
 சட்டென சுற்றியே விட்டிடும்
 ராட்டின மாமா வாழ்கவே!
 ந.பாஸ்கரன்

]]>
https://images.dinamani.com/uploads/user/imagelibrary/2020/5/23/w600X390/sm12.jpg https://www.dinamani.com/weekly-supplements/siruvarmani/2020/may/23/ராட்டினக்-குதிரை-3418804.html
3418803 வார இதழ்கள் சிறுவர்மணி  மரங்களின் வரங்கள்! பொந்தன் புளி மரம் DIN DIN Saturday, May 23, 2020 04:03 PM +0530 அதிசய மரம்
 குழந்தைகளே நலமா ?
 நான் தான் பொந்தன் புளிமரம் பேசறேன். எனது அறிவியல் பெயர் அடன்சோனியா டிஜிடேட்டா என்பதாகும். நான் மால்வேசியே குடும்பத்தைச் சேர்ந்தவன். எனக்கு ஏன் இந்த பெயர் வந்ததுன்னு தெரியுமா குழந்தைகளே, அரபு மொழியில் வழங்கப்படும் பெயரையும், ஆப்பிரிக்கா வறண்ட நிலங்களில் என்னை முதன்முதலா கண்டுப்பிடிச்ச பிரெஞ்ச் நாட்டைச் சேர்ந்த மைக்கேல் அடன்சன் (1727-1806) என்னும் தாவரவியலாளர் பெயரையும், இணைத்து என்னை இப்படி அழைக்கிறாங்க. இந்த அறிஞர் தான் செனகல் நாட்டிலுள்ள சோர் என்ற தீவில் 1749-ஆம் ஆண்டு என்னை கண்டுபிடிச்சாரு. என் இலைகளை கீரையாக சமைத்து உண்ணலாம், கனிகளிலிருந்து பானம் தயாரிக்கலாம் என்று இவர் தான் உலகுக்கு எடுத்துரைத்தார். அவர் ஆப்பிரிக்காவில் இருக்கும் போது என் கனிகளிலிருந்து பானம் தயாரித்து குடித்தால் நோய் ஏதும் வராது என அங்குள்ள மக்களுக்கு சொல்லி, என் மகத்துவத்தை மக்களிடையே பரப்பினார். நான் ஆப்பிரிக்கா கண்டத்தைச் சேர்ந்தவன். வறண்டு காணப்படும் சகாராவுக்கு தெற்கில் உள்ள ஆப்பிரிக்கா பகுதிகளில் உள்ள சவானாவில் நான் அதிகம் இருக்கேன்.
 எனக்கு மங்கி பிரட் ட்ரீ, பேவோபாப், ஆனைப்புளி, பெருக்கமரம் என்ற வேறு பெயர்களும் உண்டு. நான் 5000 ஆண்டுகள் கூட உயிர் வாழ்வேன். என் கிளைகள் மற்றும் இலைகள் உங்களின் ஐவிரல் அமைப்புடன் கையைப் போன்று இருக்கும். என் கிளையின் நுனியில் 15 செ.மீ அகலத்தில் வெண்மை நிறப்பூக்கள் பூக்கும். நீண்ட காம்புகளில் காய்கள் உருவாகும். பழுப்பு நிறத்தில் உள்ள பொந்தன் புளி பழங்கள், நீண்ட நாட்கள் மரத்திலேயே தொங்கிக் கொண்டிருக்கும். என் காயின் ஓட்டை குடுவையாக பயன்படுத்தலாம். என் பட்டைக்கு உட்புறத்தில் உள்ள நாரை கயிறு திரிக்க பயன்படுகிறது.
 என்னை ஒரு அதிசயமுன்னு சொல்வாங்க. சட்டென்னு என்னை பாத்தீங்கனா மரத்தை பிடுங்கி யாரோ தலைகீழா நட்டது போல இருக்கும். பெரிய உடம்போடு மெல்லிய கால்களுடன் நிற்கும் இராட்சசன் போல நானிருப்பேன். இராட்சசன் ஒருத்தன் என்னைப் பிடுங்கி தலைகீழாக நட்டுவிட்டதால் தான், இலையுதிர் காலத்தில் நான் தலைகீழாக நிற்கிறேன் என்று அரேபியக் கதையில் தெரிவித்துள்ளார்கள்.
 என் இலைகள், பூக்கள் மற்றும் கொட்டைகள் என்றால் குதிரைகளுக்கு மிகவும் பிரியம். அதனால் தான் ஆயிரம் ஆண்டுகளுக்கு முன்னரே அரேபியர்கள் மூலம் நம்ம தமிழ்நாடு மற்றும் இலங்கைக்கு நான் வந்து சேர்ந்தேன். என் பழங்களிலிருந்து ஜாம், ஜெல்லி, ஜுஸ், ஏன் உங்களுக்கு பிடிச்ச ஐஸ் கீரிம் கூட தயாரிக்கலாம்.
 என் இலைகளை கீரையாக சமைத்து உண்ணலாம், அதில் இல்லாத சத்தே இல்லை. என் மரத்திலிருந்து நாரும் எடுக்கலாம், அவ்வளவு ஸ்ட்டிராங்கா இருக்கும். காகிதமும் தயாரிக்கலாம். என் காயின் சதைப்பற்றை உண்ணலாம், இதனால் வயிறு சம்பந்தமான அனைத்துப் பிரச்னைகளும் தீரும், சொறி, சிறங்கு அண்டாது. மீன்பிடி வலைகளுக்கு மிதவையாகவும் என் காயை குஜராத் மீனவர்கள் பயன்படுத்தறாங்க. என் மரத்துண்டு கடற்பஞ்சு போன்று மிருதுவாக இருக்கும். என் மரத்தை கட்டுமரம் செய்யவும் பயன்படுத்தலாம்.
 கிராம மக்கள் என்னை தண்ணீர் தொட்டியாகவும் பயன்படுத்தறாங்க. என் மையப்பகுதி சில ஆண்டுகளில் உளுத்துப் போய் உதிர்ந்து தண்ணீர் தொட்டி போலாயிடும். மழைக் காலத்தில் பெய்யும் மழை நீர் இந்த பெரிய மரத் தொட்டிக்குள் சேகரமாகும். அதிகபட்சமா ஒரு மரத்தொட்டிக்குள் 1,20,000 லிட்டர் தண்ணீர் வரை சேமிக்கலாம். ஆப்பிரிக்காவின் வறண்ட பாலைவனங்களில், தாகமுள்ள பறவைகள் கோடைக்காலத்தில் என்னை தான் தேடி வருவாங்க. இந்தப் பொந்தில் தானியங்களையும் கொட்டி வைக்கலாம், கெடவே கெடாது. அதனால் தான் பேவோபாப் மரங்கள், ஆயத்த தானிய சேமிப்பு தொம்பைகள்ன்னு சொல்றாங்க. இராமநாதபுரம் மாவட்டம், தொண்டியிலும், சென்னை, வேளாண் தோட்டக்கலை கழகத்திலும் என்னைக் காணலாம். மிக்க நன்றி குழந்தைகளே, மீண்டும் சந்திப்போம்.
 (வளருவேன்)
 -- பா. இராதாகிருஷ்ணன்

]]>
https://images.dinamani.com/uploads/user/imagelibrary/2020/5/23/w600X390/sm11.JPG https://www.dinamani.com/weekly-supplements/siruvarmani/2020/may/23/மரங்களின்-வரங்கள்-பொந்தன்-புளி-மரம்-3418803.html
3418802 வார இதழ்கள் சிறுவர்மணி கடி DIN DIN Saturday, May 23, 2020 04:00 PM +0530 * "ஊர்க்குருவி எவ்வளவு உயரம் பறந்தாலும் பருந்தாக முடியாது தெரிஞ்சுக்கோ!''
"பருந்து எவ்வளவு பறந்தாலும் ஊர்க்குருவி ஆகாது அதைத் தெரிஞ்சுக்கோ!''
சு.ஆறுமுகம், கழுகுமலை.

* "குரங்கு கையில் பூமாலை கிடைச்சா என்ன ஆகும்?''
இன்னொரு குரங்கு கழுத்திலே போடும்!''
ஏ.நாகராஜன், பம்மல்.

* "பாலு தொலைபொருள் ஆராய்ச்சி 
செஞ்சுக்கிட்டு இருக்கான்!''
"தொல் பொருள் ஆராய்ச்சின்னு சொல்லு!''
"இல்லே!.... தொலை பொருள் ஆராய்ச்சிதான்!..... எதையோ தொலைச்சிட்டுத் தேடிக்கிட்டு இருக்கான்!''
என்.பர்வதவர்த்தினி, சென்னை - 600075

* "என்னடா இது உன் செருப்பு பெரிசா இருக்கு?''
"அது 20 பர்சென்ட் எக்ஸ்ட்ரா 
ஆஃபர்லே வாங்கினதுடா!''
பொ.பாலாஜி, 11/ 12, ராஜேந்திரா கார்டன், 
சிவபுரி மெயின் ரோடு, 
அண்ணாமலைநகர் 608002.

* "பையன் கேட்டதை வாங்கிக் 
குடுத்தும் அழறானா?...ஏன்?...என்ன 
வாங்கிக் குடுத்தே?''
"மிளகாய் பஜ்ஜி!''
சரஸ்வதி செந்தில், பொறையார்.

* "ஐயய்யோ!..... என்னடா இது வீடு ஃபுல்லா கிறுக்கி வெச்சிருக்கே!''
"நீதானே சொன்னே இது "ட்ராயிங் ரூம்' னு!
வி.ரேவதி, 68, ராம் நகர், 4 - ஆவது தெரு, மெடிக்கல் காலேஜ் ரோடு, 
தஞ்சாவூர் - 613007.
வாரம் 2 டி-சர்ட் பரிசு நட்சத்திரக் குறியிட்ட 2 கடிகளும் பட்டுக்கோட்டை ரூபி ரெடிமேட்ஸ் வழங்கும் 
தலா ஒரு டி-சர்ட்டைப் பெறுகின்றன. பரிசு பெற்றவர்களுக்கு வாழ்த்துகள்.
 

]]>
https://images.dinamani.com/uploads/user/imagelibrary/2020/5/23/w600X390/sm9.JPG https://www.dinamani.com/weekly-supplements/siruvarmani/2020/may/23/கடி-3418802.html
3418800 வார இதழ்கள் சிறுவர்மணி இந்தியாவின் முதல் எஞ்ஜின் இல்லா இரயில்! DIN DIN Saturday, May 23, 2020 03:58 PM +0530 கருவூலம்
இந்தியாவின் முதலாவது, இஞ்ஜின் இல்லாது, தானியங்கி முறையில் செயல்படும் எக்ஸ்பிரஸ் இரயில் சென்னை பெரம்பூரில் உள்ள இரயில்பெட்டித் தொழிற்சாலையில் (INTEGRAL COACH  FACTORY) தயாரிக்கப்பட்டது.
18 மாதங்களில் உருவான, இந்த அதிவேக இரயிலுக்கு முதலில் சூட்டப்பட்ட பெயர் "இரயில் 18''. 
பின்னர், ஜனவரி 2019 - இல் இதற்கு "வந்தே மாதரம் எக்ஸ்பிரஸ்'' என்று மாற்றுப் பெயர் சூட்டப்பட்டது. நூறு கோடி ரூபாய் செலவில் முற்றிலும் உள்நாட்டின் உயர் தொழில் நுட்பத்தைக் கொண்டு, இந்த இரயில் வடிவமைக்கப்பட்டுள்ளது. 
இதன் முதல் சேவை புதுதில்லி முதல் வாரணாசி வரை பிப்ரவரியில் தொடங்கப்பட்டது!
இந்த இரயிலில் எஞ்ஜின் இருக்காது! இரயில் பெட்டியிலேயே இயங்குவதற்கான வசதிகள் இருக்கும்! 
இந்த இரயிலில் முழுமையான குளிர்சாதன வசதி, சுழலும் இருக்கைகள். வைஃபை (WI-FI) வசதி, தானியங்கிக் கதவுகள், சுற்றுச் சூழலுக்கு மாசு ஏற்படுத்தாத கழிப்பறைகள், ஜி.பி.எஸ். அடிப்படையில் இயங்கும் தகவல் மையம், எல்.இ.டி. விளக்குகள் உள்ளிட்ட பல வசதிகள் உள்ளன.
இந்த அதிவேக ரயிலை, அதிக பட்சமாக 180 கி.மீ. வேகத்தில் இயக்க முடியும. இருப்பினும் தண்டவாளத்தின் வலிமை உள்ளிட்ட பிற விஷயங்களைக் கணக்கில் கொண்டு 130 கி.மீ. வேகத்தில் இயக்க இரயில்வே முடிவு செய்துள்ளது. 
"வந்தே பாரத் இரயிலின் அடுத்த சேவை, புதுதில்லியிலிருந்து, ஜம்மூ, காஷ்மீரில் உள்ள கட்ராவுக்கு 2019, அக்டோபர் - 5 - ஆம் தேதி முதல் இயக்கப்பட்டது. மற்ற இரயில்கள் இந்த வழித்தடத்தைக் கடக்க பன்னிரெண்டு மணி நேரம் எடுத்துக் கொள்ளும். வந்தே பாரத் இரயில் இந்தத் தொலைவை எட்டு மணி நேரத்தில் கடந்துவிடும்!
தொகுப்பு : கோட்டாறு ஆ.கோலப்பன்.
 

]]>
https://images.dinamani.com/uploads/user/imagelibrary/2020/5/23/w600X390/sm8.JPG https://www.dinamani.com/weekly-supplements/siruvarmani/2020/may/23/இந்தியாவின்-முதல்-எஞ்ஜின்-இல்லா-இரயில்-3418800.html
3418799 வார இதழ்கள் சிறுவர்மணி  புட்டு DIN DIN Saturday, May 23, 2020 03:54 PM +0530 புட்டு விற்க மணி அடித்துப்
 பூமிநாதன் வருகிறான்!
 புட்டுப் புட்டு வைக்கும் பேச்சில்
 புட்டு முழுதும் விற்கிறான்!
 
 சிரித்து விற்கும் தந்தி ரத்தால்
 புட்டு நிறைய விற்குது!
 அரிசிப் புட்டு, வரகுப் புட்டு
 அதிகமாக விற்குது!
 
 தேங்காய்ப்பூ சர்க்கரைதான்
 தேடி நாக்கை இழுக்குது!
 தெவிட்டாத சுவையினாலே
 தினமும் வாங்கத் தூண்டுது!
 
 கொஞ்ச நேரம் ஆவதற்குள்
 குழாய்ப் புட்டும் விற்றது!
 அஞ்சலையும் உதிரிப்புட்டு
 ஆசையோடு வாங்கினாள்!
 
 நல்லதுதான் புட்டு இதை
 நாளும் வாங்கித் தின்னுக்கோ!
 வெல்லம் போல "அறிவு' சொல்வான்
 விட்டுடாம வாங்கிக்கோ!
 
 - பொன்னியின் செல்வன்
 
 

]]>
https://images.dinamani.com/uploads/user/imagelibrary/2020/5/23/w600X390/sm7.jpg https://www.dinamani.com/weekly-supplements/siruvarmani/2020/may/23/புட்டு-3418799.html
3418797 வார இதழ்கள் சிறுவர்மணி பொய் சொல்லக்கூடாது DIN DIN Saturday, May 23, 2020 03:52 PM +0530 குரங்குக் குட்டி ரங்கு மிகவும் புத்திசாலி. ஆனால், எதற்கெடுத்தாலும் பொய் சொல்லும் கெட்டப் பழக்கம் அதனிடம் இருந்தது. காட்டில் இருக்கும் எந்த மிருகமும் அதன் பேச்சை நம்பாது. இந்தப் பழக்கத்தை விட்டுவிடு என்று அம்மா, அப்பா சொல்லியும் அது கேட்கவில்லை. ரங்குவின் ஆசிரியர் எச்சரிக்கையையும் அலட்சியம் செய்தது.
 ஒரு நாள் ரங்குவின் சித்தப்பா ஷெனாய் அன்று வீட்டுக்கு வந்திருந்தார். இரண்டு நாள்கள் தங்கப் போவதாகவும் கூறினார். ரங்குவுக்கு தன் சித்தப்பாவை மிகவும் பிடிக்கும். அவர் வீட்டுக்கு வரும்போதெல்லாம் ரங்குவுக்கு நிறைய திண்பண்டங்கள் வாங்கி வருவார். அவரோடு ரங்கு நிறைய நேரம் மகிழ்ச்சியாக விளையாடிப் பொழுதைக் கழிப்பான். அன்றும் வழக்கம் போலவே ரங்குவுக்குப் பிடித்த திண்பண்டங்களை அவர் வாங்கி வந்திருந்தார்.
 மறுநாள் காலை எழுந்ததுமே ரங்கு, "அம்மா எனக்கு உடம்பு சரியில்லை. பயங்கர காய்ச்சல்... நான் ஓய்வு எடுக்கணும்...'' என்றது.
 இதைக் கேட்ட சித்தப்பா அது பொய்தான் சொல்கிறது என்பதைப் புரிந்து கொண்டார். ஏற்கெனவே அவரிடம், ரங்கு நிறைய பொய் சொல்லத் தொடங்கியிருக்கிறான் என்பதை ரங்குவின் அம்மா அவரிடம் சொல்லியிருக்கிறார்.
 ரங்கு "உடம்பு சரியில்லை' என்றதும் "சரி ஓய்வெடு' என்று அம்மா கூறிவிட்டார். ரங்குவுக்கு மகிழ்ச்சி தாங்க முடியவில்லை.
 சிறிது நேரத்துக்குப் பிறகு "ரங்கு கண்ணா... நான் சினிமாவுக்குப் போகப் போகிறேன்... நீயும் வரியா?'' என்று சித்தப்பா கேட்டவுடன் இரண்டே நிமிடத்தில் ரங்கு சித்தப்பாவுடன் சினிமா பார்க்கத் தயாராகிவிட்டான்.
 ரங்குவை அழைத்துச் சென்ற சித்தப்பா சினிமா தியேட்டருக்குப் போகாமல் தன் நண்பரும், டாக்டருமான கரடி ஆலீவ் ஹாஸ்பிடலுக்குள் நுழைந்தார்.
 இதைப் பார்த்து அதிர்ந்தது ரங்கு. அந்தக் காட்டிலேயே மிகவும் பிரபலமான டாக்டர் கரடி ஆலீவைத் தெரியாதவர்கள் யாரும் இருக்க முடியாது. இதுபோன்ற கெட்ட பழக்கம் உள்ளவர்களை எல்லாம் உளவியல் முறையில் அவர் உடனே குணப்படுத்தி விடுவார்.
 "சித்தப்பா.... ஏன் என்னை இங்கே கூட்டி வந்தீர்கள்? நாம் சினிமாவுக்குத்தானே போக வேண்டும்?'' என்றது ரங்கு.
 "உனக்குத்தான் உடம்பு சரியில்லையே... அதனால் முதலில் நாம் இந்த டாக்டரைப் பார்த்துவிட்டு, பிறகு சினிமாவுக்குப் போகலாம்... சரியா...?'' என்றார் சித்தப்பா.
 ரங்கு உடனே, "சித்தப்பா நீங்க ரொம்ப பொய் சொல்வீங்களா? சினிமாவுக்கு என்று பொய் சொல்லி இங்கே கூட்டி வந்துவிட்டீர்களே...?'' என்று கோபப்பட்டது.
 அதற்குள் டாக்டர் ஆலீவ் அறைக்குள் நுழைத்தார். சித்தப்பாவுக்கு வணக்கம் சொல்லிவிட்டு, தன் கழுத்தில் கிடந்த ஸ்டெதஸ்கோப்பை எடுத்து ரங்குவின் மார்பு, முதுகுப் பகுதியில் வைத்துப் பரிசோதனை செய்துவிட்டு, "ரங்குவுக்குக் கடுமையான காய்ச்சல் கண்டிருக்கிறது.... உடனடியாக ஊசி போட வேண்டும். ஒரு வாரத்துக்கு சாப்பாடு, தண்ணீர் எதுவும் தரக்கூடாது. இந்த ஆஸ்பத்திரியில் உடனே அட்மிட் செய்தால்தான் குணப்படுத்த முடியும்'' என்றார்.
 "சித்தப்பா ஊரிலிருந்து சாப்பிட என்னென்னவோ வாங்கி வந்திருக்கிறாரே... அதையெல்லாம் சாப்பிடாமல் எப்படி இருப்பது?... இந்த டாக்டர் வேறு ஊசி போட வேண்டும் என்கிறாரே... ஒரு வாரம் ஆஸ்பத்திரியில் இருக்க வேண்டுமாமே...! சாப்பாடு, தண்ணீர்கூடத் தரமாட்டார்களாமே...' - இதையெல்லாம் நினைக்க நினைக்க ரங்குவுக்கு அழுகையாகவும் அதிர்ச்சியாகவும் இருந்தது. உடனே,
 ""டாக்டர் எனக்குக் காய்ச்சல் இல்லை... இன்று பள்ளிக்குப் செல்லாமல் இருப்பதற்காகத்தான் நான் இப்படியொரு பொய்யைச் சொன்னேன்'' என்று அழுதது.
 குட்டிக் குரங்கு ரங்கு சொன்னதைக் கேட்டு அங்கிருந்த எல்லோரும் சிரித்தார்கள். டாக்டர் கரடி ஆலீவ்... ரங்குவைப் பார்த்து, "நீ பொய் சொல்கிறாய் என்பது எனக்குத் தெரியும்... உன் வாயாலேயே அதை நீ ஒப்புக்கொள்ள வேண்டும் என்றுதான் அப்படி சொன்னேன்...'' என்றார்.
 அப்போது ரங்குவின் சித்தப்பா, "ரங்குக் கண்ணா... நமக்கு எவ்வளவு பெரிய கஷ்டம் வந்தாலும் யாரிடமும் எப்போதும் பொய் சொல்லவே கூடாது... புரிந்ததா? நம் உடம்பில் உள்ள அழுக்கை தண்ணீர் விட்டுக் கழுவி சுத்தம் செய்கிறோமில்லையா... அதைப் போல நம் உள்ளத்தில் உள்ள அழுக்கை "வாய்மை' என்கிற "உண்மை'தான் சுத்தம் செய்யும்... இதை வள்ளுவர் சொல்லியிருக்கிறாரே... அதுமட்டுமா? பலரும் புகழ நீ சான்றோராக ஆக வேண்டுமென்றால் "பொய்யா (பொய்யாமை) என்ற விளக்கே விளக்கு' என்றும் சொல்லியிருக்கிறாரே...' என்றார்.
 "மன்னிச்சிடுங்க சித்தப்பா... இனிமே பொய்யே சொல்ல மாட்டேன்...'' என்றது ரங்கு.
 உடனே, டாக்டர் ஆலீவ் தன் கைப் பையில் வைத்திருந்த சில சாக்லேட்டுகளை எடுத்து ரங்குவுக்குக் கொடுத்துவிட்டு சிரித்தார்.
 குட்டிக் குரங்கு ரங்கு... தன் தவறை நினைத்து வருந்தியது. அம்மா-அப்பா, ஆசிரியர் மட்டுமல்ல... இனி எவரிடமும் பொய் சொல்லக்
 கூடாது என்கிற பாடத்தையும் கற்றுக் கொண்டது. தன்னை எல்லோரும் புகழும்படியாக ரங்கு தன் நடத்தையை மாற்றிக்கொண்டது.
 -இடைமருதூர் கி.மஞ்சுளா

]]>
https://images.dinamani.com/uploads/user/imagelibrary/2020/5/23/w600X390/sm6.JPG https://www.dinamani.com/weekly-supplements/siruvarmani/2020/may/23/பொய்-சொல்லக்கூடாது-3418797.html
3418796 வார இதழ்கள் சிறுவர்மணி அங்கிள் ஆன்டெனா (23/05/2020) DIN DIN Saturday, May 23, 2020 03:49 PM +0530 கேள்வி:
விமானப்படை சில விழாக்களில் விமானங்களைத் தலைகீழாகப் பறக்க விட்டு சாகசங்கள் செய்வதைப் பார்த்திருக்கிறோம். அதே போல பறவைகளாலும் தலைகீழாகப் பறக்க முடியுமா? 
பதில்: பறவைகள் வானில் பறப்பதைப் பார்த்துத்தான் மனிதன் பறப்பதற்கே பலவிதமான முயற்சிகளைச் செய்து பார்த்துக் கடைசியில் விமானத்தைக் கண்டுபிடித்தான். அதிலும் இப்போது அதிவேகமாக முன்னேறி செவ்வாய் கிரகம், புதன் கிரகம், சூரியன் என்று கூட ராக்கெட் அனுப்ப முயற்சித்துக் கொண்டிருக்கிறோம்.
பறவைகள் பறப்பதே ஒரு அழகுதான். அவை தலை கீழாகப் பறப்பதற்கு ஒருபோதும் முயற்சி செய்வதில்லை. அது அவற்றுக்கு இயலாத காரியமும்கூட. சில பறவைகள் வேகமாக டைவ் அடிப்பதைப் போலக் கீழே இறங்குவதை எல்லாருமே பார்த்திருப்போம்.
பறவைகளால் தலைகீழாகப் பறக்க முடியாது. இதற்குக் காரணம் அவற்றின் சிறகுகளின் அமைப்புதான். சிறகுகள் ஒன்றின் மீது ஒன்றாக சற்றுத் தள்ளி கூரையில் ஓடு அடுக்கியது போல ஓர் அடுக்காக அமைந்திருக்கும். இந்த அடுக்கின் கீழ் பகுதி வழியே காற்று உள்ளே போவதால் அவற்றின் உடல் மேலும் லேசாகி பறப்பதற்கான மெக்கானிசம் உண்டாகிறது.
பறவைகள் தலைகீழாகப் பறந்தால் என்ன ஆகும்? இந்த சிறகு அடுக்கு அமைப்பு தலைகீழாகும்போது சிறகுகள் அந்த ஒழுங்கான அடுக்கை இழந்து கன்னாபின்னாவென்று விலகி விடுவதால் இந்த மெக்கானிசம் ஒழுங்காக வேலை செய்ய இயலாமல் போய் விடும். 
-ரொசிட்டா
அடுத்த வாரக் கேள்வி
தூங்கும் விஷயத்தில் விலங்குகள் எப்படி? 
நம்மைப் போல குறட்டை விடும் விலங்குகள் உள்ளனவா?
பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம் 
நல்ல பதில் கிடைக்கும்.

]]>
https://images.dinamani.com/uploads/user/imagelibrary/2020/5/23/w600X390/sm5.jpg https://www.dinamani.com/weekly-supplements/siruvarmani/2020/may/23/அங்கிள்-ஆன்டெனா-23052020-3418796.html
3418795 வார இதழ்கள் சிறுவர்மணி விடுகதைகள் (23/05/2020) DIN DIN Saturday, May 23, 2020 03:46 PM +0530  1. விழுந்தால் படுக்காது, எழுந்தால் நிற்காது...
 2. மாவில் பழுத்த பழம், மக்கள் யாவரும் விரும்பும் பழம்... "ழ'தான் வித்தியாசம்...
 3. முதுகு மேல் கூடு... முத்தம்மாளுக்கு அது வீடு...
 4. மட்டையுண்டு,கட்டையில்லை.பூவுண்டு,மண மில்லை...
 5. பெயருக்குத்தான் புலி, உருவுமில்லை, செயலுமில்லை..
 6. ஏழு மலைக்கு அந்தப் பக்கம், எருமைக்கடா கத்துது...
 7. விடிய விடிய பூந்தோட்டம், விடிந்து பார்த்தால் வெறுந் தோட்டம்...
 8. சித்தூர் சிறுமணலிலே காய்க்கும் கத்திரிக்காய், கூட்டிப் பார்த்தால் கொம்புக்கு முப்பது காய்...
 9. அத்துவானக் காட்டுக்குள்ளே குடை பிடிக்கும் அய்யா...
 விடைகள்
 1. தஞ்சாவூர் பொம்மை. 2. அப்பளம்.
 3. நத்தை. 4. வாழை. 5. அம்புலி.
 6. இடியோசை. 7. நட்சத்திரங்கள்
 8. காப்பிச் செடி (காப்பிக்காய்கள்).
 9. காளான்
 -ரொசிட்டா

]]>
https://www.dinamani.com/weekly-supplements/siruvarmani/2020/may/23/விடுகதைகள்-23052020-3418795.html
3418794 வார இதழ்கள் சிறுவர்மணி மாய திரவம் ! DIN DIN Saturday, May 23, 2020 03:45 PM +0530 பிஞ்சுக்கை ஓவியத்திற்கு ஒரு சின்னஞ்சிறு கதை
ஜூலோக் கிரகத்தில் அஸ்தமனமாகிவிட்டது! அதிவேக விண்கலம் ஜிப்ரான் அங்கு இறங்குகிறது. 
"தீக்ஷô!.... மாயக்குப்பி எங்கே?'' வில்டா கேட்டான்!
"ஐயய்யோ!.... அதை நான் பூமியிலேயே விட்டுட்டேன்!''
"பைத்தியமே!.... பொறுப்பில்லையா உனக்கு?.... இப்போ என்ன செய்யறது?.... சுத்தமாக இங்கே வெளிச்சமே இல்லை!.... நமது விண்கலம் அதி வேகமாக இருந்தாலும் திரும்ப பூமிக்குப் போய் எடுத்து வர ஒரு வாரம் ஆகும்!'' 
"விடியும் வரை காத்திருக்கலாம்!'' 
"திரையில் வந்த தகவல்படி இங்கு விடிவதற்கு இன்னும் நாற்பத்தி ஏழு நாட்களாகும்!..... அந்த மாயக்குப்பியிலிருக்கும் திரவத்தை தடவிக்கொண்டால் இங்கே இருக்கும் நீர் நிலைகளில் தண்ணீர் அள்ளலாம்!..... தண்ணீர் ஒளி தரும்!.... உணவைத் தேடிக்கொண்டு சமாளிக்கலாம்!.... பசி பிராணன் போகிறது!....தண்ணீரைத் தேடவே வெளிச்சம் இல்லை! இந்த கிரகத்தில் உணவு கிடைக்கும்னுதான் இங்கே இறங்கினேன்!''
பூமி!
மாலை நேரம். அன்பரசியும், அழகம்மாவும் தன் வீட்டிற்கு அருகே இருக்கும் ஏரிக்கரையில் விளையாடிக்கொண்டிருக்கிறாள். இருட்டத் தொடங்குகிறது. அன்பரசியின் கண்களில் ஒரு மிகவும் அழகான கண்ணாடிக்குப்பி தென்படுகிறது! உள்ளே பொன்னிறத்தில் ஒரு திரவம்! அழகம்மாவும் அன்பரசியும் ஆச்சரியமாக அதைப் பார்க்கிறார்கள். அன்பரசி மூடியைத் திறக்கிறாள்! அற்புதமான வாசனை! கும்மென்று மனதை மயக்கும் வாசனை! அழகம்மாவுக்கும் அதைச் சிறிது கையில் ஊற்றுகிறாள். அவள் முகர்ந்து பார்த்து மகிழ்கிறாள். 
ஜூலோக் கிரகம்!
"யாரேனும் அந்த மாயக்குப்பியைத் திறந்து அதிலுள்ள திரவத்தைக் கையில் தடவிக்கொண்டு தண்ணீரை அள்ளினால் அந்த ஒளி இங்கு வந்து சேரும்! அதற்கான சமிக்ஞை நம் விண்கலத்தில் இருக்கிறது! யார் அதைச் செய்யப் போகிறார்கள்?'' இருட்டில் வில்டாவின் குரல்.
"கடவுளை வேண்டிக்கொள்வோம்!.... ஏதாவது நடக்கும்!'' என்றாள் தீக்ஷô. 
பூமி!
"எனக்கு தாகமா இருக்கு!'' என்றாள் அன்பரசி.
"ரொம்ப இருட்டாயிடுச்சு!..... வா!.... வீட்டுக்குப்போய் தண்ணி குடிச்சுக்கலாம்!...'' என்றாள் அழகம்மா.
"ஏன்? ஏரித்தண்ணீர் சுத்தமாத்தானே இருக்கு!.... கொஞ்சம் இரு!.... நான் போய் ஒரு கை அள்ளிக் குடிச்சுட்டு வரேன்!'' என்று கூறியவள். ஏரிக்குச் சென்று தண்ணீரை அள்ளினாள்! 

ஆச்சரியம்!.... தண்ணீர் ஒளிர்ந்தது! கையில் ஒளி
மயம்! அன்பரசிக்கு பயமாகிவிட்டது! கையை உதறினாள். ஒளி மேல்நோக்கி மிதக்க ஆரம்பித்து விட்டது!.... அவளுக்கு துளிக்கூட சுடவில்லை! அழகிய ஒளி! மேலும் அந்த ஒளி வானில் பறக்க ஆரம்பித்தது! மறுபடியும் தண்ணீரை அள்ள, அதுவும் ஒரு ஒளிப்பிழம்பாக, சுடாத ஒளியாக வானில் பறந்து பின் வேகமெடுத்தது! 
"உனக்கு சுடவில்லையா?''அழகம்மை அலறினாள்! 
"ம்ஹூம்!....'' என்று கூறி மறுபடியும் தண்ணீரை அள்ள அதுவும் ஒளியாக மாறி வானில் மிதந்து பின் வேகமெடுத்தது. இப்போது அழகம்மையும் சேர்ந்துகொண்டாள்! வானில் நூற்றுக்கணக்கான ஒளிப்பிழம்புகள் குட்டிக்குட்டி நட்சத்திரங்காய் மிதந்து பின் வேகமெடுத்தன! 
ஜூலோக் கிரகம்!
"ஆச்சரியமாக இருக்கிறது தீக்ஷô!.... ஒளி நம்மை நோக்கி வந்துகொண்டிருக்கிறது!..... திரையில் தகவல் வந்துவிட்டது! இன்னும் ஒரு மணிநேரத்தில் ஒளிப் பிழம்புகள் வந்துவிடும்!..... யார் செய்த புண்ணியமோ!'' என்றான் சந்தோஷமாய் வில்டா.
"நான்தான் சொன்னேனே!.... கடவுள் ஏதாவது செய்வார் என்று! யாரோ கையில் திரவத்தைத் தடவிக்கொண்டு நீரை அள்ளியிருக்கிறார்கள். ஒளி பிறந்தவுடன் சமிக்ஞை கிடைத்துவிட்டது! அவர்களுக்கு நாம் ஏதாவது செய்ய வேண்டும்.....'' என்றாள் தீக்ஷô.
வேகமெடுத்த ஒளிப்பிழம்புகள் அவர்களை நோக்கி வருவதை மகிழ்ச்சியுடன் பார்க்கிறார்கள். அங்கிருந்த செடி கொடிகளில் விளைந்த பழங்களை எடுத்துக்கொள்கிறார்கள். பசியாறுகிறார்கள். சிறிது ஓய்வுக்குப் பிறகு அவர்களது சொந்தக் கிரகமான "லாஷ்டம்' முக்குத் திரும்புகிறார்கள்.
"நிச்சயம் பூமிக்குச் சென்று அவர்களுக்கு நாம் ஏதாவது செய்ய வேண்டும்!'' என்றாள் தீக்ஷô மறுபடியும்! 
ரமணி
படம் வரைந்தவர் : எஸ் . மீனாக்ஷி தீக்ஷித், 
சிலிகான் சிடி அகாடமி ஆஃப் செகண்டரி எஜுகேஷன், பெங்களூரு.

]]>
https://images.dinamani.com/uploads/user/imagelibrary/2020/5/23/w600X390/sm3.jpg https://www.dinamani.com/weekly-supplements/siruvarmani/2020/may/23/மாய-திரவம்--3418794.html
3418793 வார இதழ்கள் சிறுவர்மணி பொன்மொழிகள்(23/05/2020) DIN DIN Saturday, May 23, 2020 03:41 PM +0530 * நூலறிவைப் பெற்றவன் குளத்தைப் போன்றவன். மெய்யறிவு பெற்றவன் சுனையைப் போன்றவன். 
- ஆல்ஜெர்
* நமக்கு சமமானவர்களுக்கு நாம் அளிக்கும் மரியாதையைவிட, நமக்கு கீழ்ப்பட்டவர்களுக்கு நாம் அளிக்கும் மரியாதை மிக முக்கியமானது! 
- பிளாட்டோ
* தர்மம் என்பது வேறொன்றும் அல்ல!..... பிற உயிர்களிடத்தில் அன்பு காட்டுவதுதான்! 
- விவேகானந்தர்.
* நேரத்தை வீணாக்காதே! வாழ்க்கை என்பதே நேரம்தான்! 
- பிராங்ளின்
* கறை படியாத இதயத்தைவிட உறுதியான மார்புக் கவசம் வேறொன்றும் இல்லை. 
- ஷேக்ஸ்பியர்
* ஒழுக்கமுள்ளவனே உண்மை எது, போலி எது என்பதை உள்ளபடி அறிவான். 
- டால்ஸ்டாய்
* உழைப்பில்லாதவனுக்குக் கிடைக்காத பொருளே "மகிழ்ச்சி' என்பது.
- இங்கர்சால்
* நம் வீட்டு ஒளியும், அடுத்த வீட்டு ஒளியும் ஒன்றோடொன்று உறவாடிக்கொள்கின்றன! எனவே நாமும் அன்புடன் உறவாடுவோம்! 
- சாய்பாபா
* ஒரு எறும்பின் உயிரைக் காப்பாற்றுவது என்பது ஒரு பேரரசை நிறுவுவதைவிடச் சிறந்த செயல்! 
- அரவிந்தர்
* எளிதில் முடியக்கூடிய காரியத்தைக்கூட சோம்பேறித்தனம் காலதாமதமாக்கிவிடும்! 
- புளூடர்க்கி
தொகுப்பு : அ.ராஜா ரஹ்மான்
 

]]>
https://images.dinamani.com/uploads/user/imagelibrary/2020/5/23/w600X390/sm2.jpg https://www.dinamani.com/weekly-supplements/siruvarmani/2020/may/23/பொன்மொழிகள்23052020-3418793.html
3418792 வார இதழ்கள் சிறுவர்மணி தீவினையெச்சம் Saturday, May 23, 2020 03:39 PM +0530  அறத்துப்பால் - அதிகாரம் 21 - பாடல் 7
 எனைப் பகை உற்றாரும் உய்வர் வினைப்பகை
 வீயாது பின் சென்று அடும்.
                                                                                               - திருக்குறள்
 எத்தனை பகை இருந்தாலும்
 எந்தத் தொல்லையும் இல்லாமல்
 உய்ந்து வாழ வழியுண்டு
 பகையை நட்பாய் மாற்றலாம்
 
 தீய வினைகள் செய்வதால்
 தீய பயன்கள் விளைந்திடும்
 வினையின் பயன் நீங்காமல்
 பின் தொடர்ந்து வருத்திடும்.
 -ஆசி.கண்ணம்பிரத்தினம்
 

]]>
https://images.dinamani.com/uploads/user/imagelibrary/2020/5/23/w600X390/sm1.jpg https://www.dinamani.com/weekly-supplements/siruvarmani/2020/may/23/தீவினையெச்சம்-3418792.html
3416322 வார இதழ்கள் சிறுவர்மணி அஞ்சல் சேவை! கே.பி.பத்மநாபன் DIN Saturday, May 16, 2020 06:01 PM +0530
அஞ்சல் சேவை செய்பவர்கள் 
அயரா உழைப்பில் உயர்ந்தவர்கள்
அஞ்சுகின்ற வெயில்தனிலும் 
அவர்தம் சேவை நிற்பதில்லை!

இடியும் மழையும் இருந்தாலென்?
இவர்தம் சேவை தொடர்ந்திடுமே!
கடிதில் கடிதம் சேர்ப்பதற்கு 
கடினமாகத் தாமுழைப்பார்

கடிதம் என்னும் இலக்கியத்தால் 
காசினியையே இணைத்திடுவர்!
படிப்போர்க்கெல்லாம் மகிழ்வூட்டும் 
பணிக்காய் நன்றாய் உழைத்திடுவார்!

உறவு நட்பு மனிதத்தை 
உணர்த்தும் கடிதப் பாலத்தை 
திறமையோடு கட்டுகிற 
தெய்வம் அஞ்சல்காரர்தான்!

அனைத்துத் தொடர்பாய் அலைபேசி 
அறிவுத் தொடர்பாய் வலைத்தளங்கள் 
அனைத்தும் இங்கே இருந்தாலென்?
அஞ்சல் அட்டை ஆனந்தம்!

கடிதம் எழுதும் பழக்கத்தை 
கண்டிப்பாகத் தொடர்ந்திடுவீர்!
மடியில் கணினி இருந்தாலும் 
மனதின் மகிழ்ச்சி கடிதம்தான்!

]]>
https://images.dinamani.com/uploads/user/imagelibrary/2020/5/16/w600X390/sm8.jpg https://www.dinamani.com/weekly-supplements/siruvarmani/2020/may/16/அஞ்சல்-சேவை-3416322.html
3416321 வார இதழ்கள் சிறுவர்மணி மரங்களின் வரங்கள்! -- பா. இராதாகிருஷ்ணன் DIN Saturday, May 16, 2020 06:00 PM +0530
மருத்துவ சுரங்கம்  பவளமல்லி மரம்

குழந்தைகளே நலமா?

நான் தான் பவளமல்லி மரம் பேசுறேன். நான் முதலில் ஒண்ணே ஒண்ணு உங்கக்கிட்ட சொல்ல விரும்பறேன்.  தயவுசெய்து என்னையும் பாரிஜாத மரத்தையும் போட்டு குழப்பிக்காதீங்க.  எப்படி நெட்டிலிங்க மரத்தையும், அசோக மரத்தையும் ஒண்ணா சேத்து குழப்பிக் கொண்டிருக்கிறீர்களோ, அது போல என்னையும், பாரிஜாத அக்காவையும் குழப்பிக்காதீங்க.  அந்த அக்கா பெரியவங்க, அவங்க தேவலோகத்திலிருந்து வந்தவங்க. நான் வேற. எனது அறிவியல் பெயர் நைக்டன்டிரஸ் அர்போர்ட்ரிஸ்டிஸ் என்பதாகும். நான் ஒசியசியே குடும்பத்தைச் சேர்ந்தவன். நான் ஆண் மரம். என் காய்கள் தட்டையாக வட்ட வடிவிலிருக்கும். இரண்டு விதைகள் இருக்கும். தன்மகரந்தச் சேர்க்கையால் காய்கள் உண்டாகும்.  என்னை வீட்டுத் தோட்டங்களிலும், பூங்காக்களிலும் காணலாம். 

என் இலை, பூ, பட்டை முதலியன மருத்துவ குணம் உடையன. வயிற்றுத் தொந்தரவு, மூட்டுவலி, காய்ச்சல், தலைவலி, இரத்தப்போக்கு போன்றவற்றிற்கு மருந்தாக பயன்படுது. என் பூக்கள் கிளை நுனியில் பூக்கும், அது பவழ  நிறம் பட்டு வகைத் துணிகளுக்குத் சாயம் ஏற்ற பயன்படும்.  காம்பு பவழ நிறத்திலும், பூ வெண்மையாகவும் மல்லிகைப்பூ போல நறுமணத்துடனும் இருக்கும்.  என் மரத்தின் வேரை மென்று தின்றால் பல்லீறுகளில் உருவாகும் வலி குணமாகும். என் விதைகளை வறுத்து பொடியாக்கி உண்டு வந்தால் சரும நோய்கள் உருவாகாது.  இலைச்சாறு குழந்தைகளுக்கு சிறந்த மலமிளக்கி. 

என் இலைகள், பூக்கள், விதைகள், வயிற்று உப்புசம், மூட்டு வலி, காய்ச்சல், தலைவலி போன்றவற்றிற்கு மருந்தாக பயன்படுது. என் இலைக் கொழுந்தை இஞ்சிச் சாற்றில் கலந்து குடித்து வந்தீர்களேயானால், காய்ச்சல் வராது. உங்களுக்கு பதட்டத்தால் அதிக வியர்வை வருகிறதா, முதுகுவலி, காய்ச்சல் இருக்கா, என் இலையை சுடுநீரில் போட்டு நன்றாய் ஊற வைத்து நாள் ஒன்றுக்கு இரு வேளை அருந்தி வாங்க, அவைகள் இருந்த இடம் தெரியாது. 

என் இலையை மென்று தின்னுங்கள். வியர்வை வராது.  அதுமட்டுமல்ல என் இலைக்கு சிறுநீர், பித்தம், ஆகியவற்றைப் பெருக்கி, மலமிளக்கும்.  என் பூவில் சிறுநீரகத்தை பாதுகாக்கும் மருத்துவத் தன்மை இருக்கிறது.  இது நீரிழிவு நோயாளிகளுக்கு சிறந்த மருந்து.  என் இலைகளை 200 கிராம் எடுத்து மண்சட்டியில் வதக்கி, ஒரு லிட்டர் நீர் விட்டு சுண்டக்காய்ச்சி, குடித்து வந்தால்  இதயம் வலுப் பெறுவதுடன், இரத்தம் பெருகும்.  என் இலைச் சாறுடன் சிறிது உப்பு சேர்த்து, அத்தோடு தேன் கலந்து அருந்தினால் உங்கள் வயிற்றிலுள்ள புழுக்கள் வெளியேறிவிடும்.  என் விதையைப் பொடி செய்து அதை தேங்காய் எண்ணெய்யில் குழைத்து தலையில் தேய்ந்து வந்தால் வழுக்கை மறைந்து முடி வளரும். 

குழந்தைகளே, மரங்கள் நிழலை மட்டுமா தருகின்றன. நாம் உண்ண காய், கனிகளைத் தருகின்றன. மண் அரிப்பைத் தடுத்து, மண்ணிலுள்ள நைட்ரஜன், பொட்டாஷ், பாஸ்பேட் போன்ற சத்துகளை வீணாக்கமாமல் தடுப்பதும் மரங்களே.  சுற்றுப்புறத்தை தூய்மையாக்கி, நீங்கள் மாண்புற வாழும் வழிகளையும் காட்டுவது மரங்களே, மறக்கலாமோ அதன் வரங்களை. 

நான் விழுப்புரம் மாவட்டம் மரக்காணம் அருள்மிகு பூமீஸ்வரர்,  நாகப்பட்டினம் மாவட்டம்,  சீர்காழி, அருள்மிகு சட்டைநாதர் பிரம்மபுரீஸ்வரர், தஞ்சாவூர் மாவட்டம், ஆடுதுறை, தென்குரங்காடுதுறை ஆபத்சகாயேசுவரர், திருநறையூர், சித்தநாதேசுவரர் ஆகிய திருக்கோயில்களில் தலவிருட்சமாக இருக்கேன். என் தமிழ் ஆண்டு  சோபகிருது. மிக்க நன்றி குழந்தைகளே, மீண்டும் சந்திப்போம். 

(வளருவேன்)

]]>
https://images.dinamani.com/uploads/user/imagelibrary/2020/5/16/w600X390/sm7.jpg https://www.dinamani.com/weekly-supplements/siruvarmani/2020/may/16/மரங்களின்-வரங்கள்-3416321.html
3416320 வார இதழ்கள் சிறுவர்மணி கடி DIN DIN Saturday, May 16, 2020 05:58 PM +0530  

""என்னுடைய பையன் ராமுவுக்கு ஜுரம்!.... அதனாலே இன்று பள்ளிக்கு ஒரு நாள் லீவு தருமாறு கேட்டுக்கொள்கிறேன்....''
""அப்படியா,.... சரிங்க..... ஃபோன்லே பேசறது யாருங்க?...''
""என்னுடைய அப்பாதான் சார் பேசறேன்!''

உ.அப்துல் ஹாதி, கடையநல்லூர்.



""குலுங்கி, குலுங்கி சிரிக்கிறா மாதிரி ஒரு ஜோக் சொல்லு!''
""ஏன்,.... எதுக்கு?''
""மருந்து பாட்டிலைக் குலுக்கிட்டுக் 
குடிக்கணும்னு போட்டிருக்கு!.... நான் மறந்துபோய் குலுக்காம குடிச்சுட்டேன்!''


உ.அப்துல் ஹாதி, கடையநல்லூர்.


""உன் பேர் என்ன?''
""முதலாம் பாபு!''
""உன் தம்பி பேரு?''
""இரண்டாம் பாபு!''
""ஏண்டா இப்படி பேர் வெச்சிருக்காங்க.... வித்தியாசமா இருக்கே!''
""எங்கப்பா சரித்திர ஆசிரியர்டா!''

ஆர்.எம்.ஸ்ரீஅக்ஷயராம், 
திருநெல்வேலி டவுன்- 627006.



""எதுக்கு அந்த பாம்பு சாமியார் முன்னாடி படமெடுத்து ஆடுது?''
""அதுவா?.... சாமியார் முகத்திலே தவக்களை தெரியுதில்லே!.... அதான்!''

உ.அலிமா பீவி, கடையநல்லூர்.



""புல்லாங்குழல் வாங்கப் போனியே,.... ஏன் வெறுங்கையோட திரும்பி 
வந்துட்டே?''
""எல்லாத்திலேயும் ஓட்டையா இருந்திச்சிடா!''

ஜி.சுந்தரராஜன்,  திருத்தங்கல் - 626130.

 

""கொடியிலே காயுற எங்கம்மா புடவைகள்ளே எல்லாம் ஒரே எறும்பா இருக்குடா!''
""கரெக்டுதானே!.... எறும்புகள் சாரி, சாரியாத்தானே போகும்!''

பாளைபசும்பொன், 9/20, கிரம்மர்புரம்,
 மதுரை - 625076.

]]>
https://images.dinamani.com/uploads/user/imagelibrary/2020/5/16/w600X390/sm6.jpg https://www.dinamani.com/weekly-supplements/siruvarmani/2020/may/16/கடி-3416320.html
3416316 வார இதழ்கள் சிறுவர்மணி பிஞ்சுக் கை வண்ணம்! DIN DIN Saturday, May 16, 2020 05:38 PM +0530 பிஞ்சுக் கை வண்ணம்! - I

 

பிஞ்சுக் கை வண்ணம்! - II

 

]]>
https://www.dinamani.com/weekly-supplements/siruvarmani/2020/may/16/பிஞ்சுக்-கை-வண்ணம்-3416316.html
3416314 வார இதழ்கள் சிறுவர்மணி   அங்கிள் ஆன்டெனா    -ரொசிட்டா DIN Saturday, May 16, 2020 05:35 PM +0530  

கேள்வி: மின்னல் மின்னும்போது அது நேர்கோட்டில் இல்லாமல் கன்னாபின்னாவென்று வளைந்தும் நெளிந்தும் ஒரு ஒழுங்கில்லாமல் தெரிவது ஏன்?

பதில்: முதலில் மின்னல் எப்படி வருகிறது என்று பார்ப்போம். வானில் உள்ள மேகங்கள் ஒன்றை ஒன்று மோதிக் கொள்வதால் மின்னல் 
உண்டாகிறது.

வானில் உயரத்தில் உள்ள மேகங்கள் (அதாவது மேல் பகுதியில் உள்ளவை)  பாஸிட்டிவ் சார்ஜை கொண்டிருக்கின்றன. கீழே உள்ள மேகங்கள் நெகட்டிவு சார்ஜை கொண்டவை.  சாதாரணமாக  வீட்டு உபயோக வயர்கள் இரண்டு வயர்களையும் சில மூன்று வயர்களையும் கொண்டிருக்கும். ஒன்று நெகட்டிவ் சார்ஜ், மற்றொன்று பாசிட்டிவ் சார்ஜ். மூன்றாவது எர்த் ஆகப் பயன்படுகிறது.

வான் மேகங்களிடையே இருக்கும் இந்த நெகட்டிவு சார்ஜும் பாசிட்டிவ் சார்ஜும் இணையும் போது மின்சாரம் உண்டாகிறது. அதனால்தான் பளீரென்ற வெளிச்சம் உண்டாகிறது.

இந்த மின்சாரத்தைக் கடத்துவதற்குக் காற்று தேவையல்லவா. இந்த காற்று ஒரே சீராக இருந்தால் மின்னலும் நேர்கோட்டில் பாயும். ஆனால் எப்போதும் காற்று சீராக இருப்பதில்லை. காற்று கன்னாபின்னாவென்று வீசுவதால் மேலிருந்து வரும் மின்சாரக் கதிர்களும் கன்னா பின்னாவென்று பாய்வதால்தான் இந்த நிலை.    

]]>
https://images.dinamani.com/uploads/user/imagelibrary/2020/5/9/w600X390/sm4.jpg https://www.dinamani.com/weekly-supplements/siruvarmani/2020/may/16/அங்கிள்-ஆன்டெனா-3416314.html
3416311 வார இதழ்கள் சிறுவர்மணி கண்டுபிடி கண்ணே! Saturday, May 16, 2020 05:33 PM +0530  

இரண்டு படங்களுக்கும் 15 வித்தியாசங்கள் உள்ளன. கண்டுபிடித்து மகிழுங்கள்...

 

]]>
https://images.dinamani.com/uploads/user/imagelibrary/2020/5/16/w600X390/sm3.jpg https://www.dinamani.com/weekly-supplements/siruvarmani/2020/may/16/கண்டுபிடி-கண்ணே-3416311.html
3416312 வார இதழ்கள் சிறுவர்மணி விடுகதைகள் -ரொசிட்டா Saturday, May 16, 2020 05:33 PM +0530  

1. நடைக்கு உதாரணம்தான், ஆனாலும் குறுக்கே வந்தால் ஆகாது என்பர் சிலர்...
2. இரண்டு கொம்புகள் உண்டு மாடு அல்ல, வேகமாய் ஓடும் மான் அல்ல... கால்கள் உண்டு மனிதன் அல்ல...
3. அரை சாண் அரசி... அவளுக்குள்ளே ஆயிரம் முத்துக்கள்...
4.  ஆனை விரும்பும் சேனை விரும்பும், அடித்தால் வலிக் கும், கடித்தால் இனிக்கும்...
5. இரவெல்லாம் பூங்காடு, பகலெல்லாம் வெறுங்காடு...
6.  உருவத்தில் பெரியவன், ஊருக்குள் உயர்ந்தவன்...
7. உருவத்தில் சிறியவன், உழைப்பில் பெரியவன்...
8. ஊரெல்லாம் வம்பளப்பான், ஓர் அறையில் அடங்குவான்...
9. எட்டி நின்று பார்ப்பான் பெட்டியில் போட்டுக் கொள்வான்...


விடைகள்


1. பூனை, 
2.  சைக்கிள், 
3. வெண்டைக்காய், 
4. கரும்பு
5.  வானம், 
6.  கோயில் கோபுரம்
7.  எறும்பு, 
8.  நாக்கு, 
9.  கேமரா

 

]]>
https://www.dinamani.com/weekly-supplements/siruvarmani/2020/may/16/விடுகதைகள்-3416312.html
3416308 வார இதழ்கள் சிறுவர்மணி பிஞ்சுக்கை  ஓவியத்திற்கு  ஒரு சிறு கதை: நிலா சோறு DIN DIN Saturday, May 16, 2020 05:27 PM +0530
நவீன் இரண்டு வயதாகும் குட்டிப்பையன், சுட்டிப்பையனும் கூட.

அப்பா, அம்மா இருவரும் வேலைக்குச் செல்வதால் அவனுடன் இருப்பது பாட்டி தாத்தா மட்டுமே.

மாலை நேரத்தில் வீடு திரும்பும் அம்மாவுக்கு, வீட்டு வேலை செய்யவே நேரம் சரியாக இருக்கும். அதனால் நவீனுடன் விளையாட முடிவதில்லை.

அம்மா, அப்பாவுடன் விளையாட முடியவில்லை என்ற ஏக்கம் நவீனுக்கு அதிகம் உண்டு.

அந்தக் குறையை போக்குபவர் தாத்தா. மாலை பொழுதில் மொட்டை மாடிக்கு நவீனை அழைத்துச் சென்று விடுவார்.

தாத்தாவை யானையாக்கி அவர் முதுகில் உட்காருவது என்றால் நவீனுக்கு கொள்ளைப் பிரியம்.

தாத்தாவுடன் எவ்வளவு நாள் தான் விளையாடுவது, ""இனி நான் மாடிக்கு வரமாட்டேன்'' என தாத்தாவிடம் கோபித்து கொண்டு ஓரமாக உட்கார்ந்து
கொண்டான் நவீன்.

வேலை முடிந்து வந்த அம்மா நவீனை பார்த்ததும், ""ஏன்னடா செல்லம் மாடிக்கு போகலையான்னு'' கேட்க, ""உன் கூட டூ..., எல்லார் கூடவும் டூ,... இனி நான் யார் கூட பேசமாட்டேன் போ'' என தலையை திருப்பி கொண்டேன்.

""அச்சச்சோ குட்டி, இன்னைக்கு நான் உன்னைய மாடிக்கு அழைச்சிட்டு போய் மம்மம் தர்றேன்'' என அம்மா ஆறுதல் சொன்னாள். ஆனால் நவீன் முகம் மாறவில்லை.

தனது வேலைகளை சீக்கிரமாக முடித்துவிட்டு நவீனுக்கு சாப்பாடு எடுத்துக் கொண்டு, மாடிக்கு அம்மா அழைத்துப் போனாள்.

அன்று பெளர்ணமி. அழகு நிலா அற்புதமாக வெளிச்சத்தை பூமியில் கொட்டிக்கொண்டு இருந்தது.

நவீனுக்கு நிலாவைக் காட்டியதும் ஒரே உற்சாகம். ""இப்போ நீ சாப்பிடுறயே அது நிலா சோறு'' என்று அம்மா சிறுவயது ஞாபகத்தை சொல்ல, அப்படியே கேட்டுக் கொண்டிருந்தான் நவீன்.

அப்போது மேலே இருந்து ஒரு கலர் கலரான பப்பிள்ஸ், நவீன் மேல் வந்து விழுந்து காணாமல் போனது.

""அம்மா இந்த பப்பிள்ஸ் எங்க இருந்து வருது'?' என நவீன் கேட்டான்.

""அது நிலா அனுப்பியது'' என்றாள் அம்மை. ""நிலாவுக்கு உன்னை பிடித்துபோய்விட்டது. அதனால் உனக்கு அன்பு பரிசாக அதை அனுப்பி இருக்கிறது நிலா'' என்றாள்.

""அம்மா நானும் நிலாவுக்கு என்னுடைய அன்பை திருப்பி கொடுக்க வேண்டும். அதற்கு என்ன வழி?

என்று கேட்டான்'' நவீன்.

""நாம் ரெண்டு பேரும் சேர்ந்து பப்பிள்ஸ் தயார் செய்து நாளை நிலாவுக்கு அனுப்புவோம்'' என்றதும் நவீனுக்கு ஒரே சந்தோஷம்.

கீழே வந்ததும் தாத்தா , பாட்டியிடம், ""அம்மா வந்து நிலா சோறு தந்தாள். நிலா எனக்கு பப்பிள்ஸ் தந்தது'' என மழலை குரலில் பேசி ஆனந்தப்படுத்தினான்.

அன்று இரவு நிலா கனவு நவீனுக்கு வந்தது. மாடியில் இருந்து நவீன் பப்பிள்ஸ் ஊதி ஊதி நிலாவுக்கு அனுப்பினான். ஆனால் நிலாவிடமிருந்து தனக்கு எதுவும் திருப்பி வரவில்லை என்றதும் கோபம் வந்துவிட்டது நவீனுக்கு. கண் விழித்துப் பார்த்தான். அம்மா கையால் அரவணைத்து தூங்கிக் கொண்டிருந்தாள்.

ஓ... அம்மா வந்தால்தான் நிலாவிலிருந்து பப்பிள்ஸ் வருமா..என யோசித்தபடி தூங்கிவிட்டான்.

மறுநாள் அம்மாவும் நவீனும் சேர்ந்து சோப்பை கரைத்து ஒரு பாட்டிலில் ஊற்றிக் கொண்டு மேலே போய் ஸ்ட்ரா வைத்து ஊதினார்கள். அழகான பெரிய பப்பிள்ஸ் மேலே பறந்தது.

ஒரே குஷி நவீனுக்கு. கலர் கலராக பப்பிள்ஸ் மேலே பறக்க நவீனும் பறப்பது போல் உணர்ந்தான். அம்மா கூட இருக்கிறாள் அதனால் பப்பிள்ஸ் வந்துவிடும் என்ற ஆனந்தத்தில்...

அம்மா இறுக்கி அணைத்து நவீனை முத்தமிட்டாள்.

விகசிதா
படம் வரைந்தவர் - கோ. ஹரிஹா,
எட்டாம் வகுப்பு "அ' பிரிவு,
வேளாங்கன்னி மேல்நிலைப்பள்ளி,
வளசரவாக்கம் - 110

]]>
https://images.dinamani.com/uploads/user/imagelibrary/2020/5/16/w600X390/sm2.jpg https://www.dinamani.com/weekly-supplements/siruvarmani/2020/may/16/பிஞ்சுக்கை--ஓவியத்திற்கு--ஒரு-சிறு-கதை-நிலா-சோறு-3416308.html
3416306 வார இதழ்கள் சிறுவர்மணி பொன்மொழிகள் தி.சே.அறிவழகன், திருப்புலிவனம். DIN Saturday, May 16, 2020 05:23 PM +0530
ஒழுக்க நெறிகளுடன் வாழ்வதே பெருமை!.... பல ஆண்டுகள் வாழ்வதில் பெரிய பெருமை ஒன்றுமில்லை!  

- மாந்தேன்

தனக்காக உழைப்பது பொருளைச் சேர்க்கும். பிறருக்காக  உழைப்பது புகழைச் சேர்க்கும்!

 - பில்டிஸ்

செலவுகளைக் குறைப்பதுகூட  பணம் சேர்ப்பதற்கான ஒரு வழிமுறைதான்! 

- வால்ட் விட்மேன்

பிறருடைய குற்றங்களைக் காண்பவன் அரை மனிதன். அவற்றை மன்னிப்பவனோ முழு மனிதனாகிறான். 

- வேட்லி

கோபம் சட்டென்று வாயைத் திறக்கும்! ஆனால் கண்களை மூடிவிடும்! 

- கியாதே

முகமலர்ச்சியை ஈடு செய்யும் அலங்காரங்களே கிடையாது! 

- பியாட்டி

பொறுமையில்லாத, அவசரத்தனம் இதயத்தை மழுங்க அடிக்கும்! 

- லாட்ஷே

முடிவு செய்வதில் தயக்கம் காட்டுவது காலத்தைக் களவாடுவது போலத்தான்! 

- எட்வர்டு யங்

ஆயிரம் எதிரிகளைவிட, ஒரு போலி நண்பன் அதிகத் தீங்குகள் விளைவிக்கிறான் 

- பிட்டீ

ஒருமுறை ஏமாறுவது தவறல்ல.... மறுமுறையும் ஏமாறுவது பெரும் தவறு 

- பேக்கன்

]]>
https://images.dinamani.com/uploads/user/imagelibrary/2020/5/16/w600X390/sm1.jpg https://www.dinamani.com/weekly-supplements/siruvarmani/2020/may/16/பொன்மொழிகள்-3416306.html
3416305 வார இதழ்கள் சிறுவர்மணி பயனில சொல்லாமை Saturday, May 16, 2020 05:13 PM +0530 அறத்துப்பால்   -   அதிகாரம்  20   -   பாடல்  7

நயன் இல சொல்லினும் சொல்லுக சான்றோர் 
பயன் இல சொல்லாமை நன்று.


- திருக்குறள்

நயமில்லாத சொற்களை 
நன்மையில்லாமல் பேசுவார் 
நாக்கு என்ற சதையினை 
தேவையின்றி ஆட்டுவார்

நயமில்லாமல் சொன்னாலும் 
பயனில்லாமல் பேசுதல் 
சான்றோர்க்கு அழகு ஆகாது
பயனோடு பேசப் பழகுவோம்.

-ஆசி.கண்ணம்பிரத்தினம்

]]>
https://images.dinamani.com/uploads/user/imagelibrary/2020/5/2/w600X390/sm1.jpg https://www.dinamani.com/weekly-supplements/siruvarmani/2020/may/16/பயனில-சொல்லாமை-3416305.html
3414007 வார இதழ்கள் சிறுவர்மணி விளையாடு தம்பி!  -சி. விநாயக மூர்த்தி DIN Saturday, May 9, 2020 06:57 PM +0530  

பந்து விளையாடு பட்டம் விளையாடு!
பம்பரம் சுற்று தம்பி!
வந்து விளையாடு கண்ணா மூச்சிக்கு
வட்டம் உருவாக்கு தம்பி!

கூடி விளையாடு குழந்தை பலரோடு
கோலி விளையாடு தம்பி!
பாடி விளையாடு கபடி விளையாட்டில்
ஓடி விளையாடு தம்பி!

சேர்ந்து விளையாடு சிரித்து விளையாடு 
சிறிய மணல் வீடு கட்டு!
சோர்வு வருமாயின் கொஞ்சம் இளைப்பாறு
களைப்பு வெளியேறும் தம்பி!

பொழியும் மழைநேரம் தாளில் உருவாகும் 
கப்பல் விடவேண்டும் தம்பி!
ஒளிந்து விளையாடும் கள்ளன் போலீசில் 
ஒண்ணு ரெண்டு நீ சொல்லு!

தாண்டி விளையாடு தாவி விளையாடு
சறுக்கி விளையாடு தம்பி!
கூட்டுப் பொரியலுடன் மண்ணை உணவாக்கு
மண்ணும் மணமாகும் உன்னால்!

பொம்மை மடிமீதில் வைத்து விளையாடு
உண்மை உறவோடு கொஞ்சு
நம்மை வலுவாக்கும் நன்மை விளைவாக்கும்
நாளும் விளையாடி மகிழ்வாய்!

 

]]>
https://images.dinamani.com/uploads/user/imagelibrary/2020/5/9/w600X390/sm7.jpg https://www.dinamani.com/weekly-supplements/siruvarmani/2020/may/09/விளையாடு-தம்பி-3414007.html
3414006 வார இதழ்கள் சிறுவர்மணி ஒளிர்ந்த பட்டாம்பூச்சி! - ரமணி DIN Saturday, May 9, 2020 06:54 PM +0530
என் வீடு மலைச்சரிவில் இருந்தது. இரவு நேரம். சாப்பிட்டுவிட்டு வழக்கம் போல் என் ஷாலுவை எடுத்துக்கொண்டேன். ஷாலு என்றால் யாரோன்னு நெளைச்சுக்காதீங்க... அதுதான் என் கரடி பொம்மை!! ஷாலு என்றால் எனக்குக் கொள்ளைப் பிரியம். பிரவுன் கலர் ஸ்வீட் ஷாலு! படுக்கையறையின் ஜன்னல் ஓரமாக அமர்ந்து கொண்டு என் பொம்மையோடு நான் பேசிக்கொண்டிருந்தேன். அதற்கு நிலாவைக் காண்பித்தேன். அந்த பொம்மை மகிழ்ச்சியாக என்னைப் பார்த்துச் சிரித்தது. மலை அடிவார கிராமத்தில் ஒளிர்ந்து கொண்டிருந்த விளக்குகளையும் ஷாலுவுக்குக் காண்பித்தேன். அது ஆச்சரியமாக எல்லாவற்றையும் பார்த்தது. எனக்கு தெரிந்த நிலாப்பாட்டைப் பாடினேன். ஷாலுவைத் தூங்கவைக்க வேண்டுமில்லையா?.... அதற்காகத்தான்.
""பத்மாக்குட்டி.... இன்னும் தூங்கப்போகலையா நீ?'' என்று அம்மா கேட்டாள்.
""இரும்மா.... ஷாலு தூங்கினப்புறமா நான் தூங்கறேன்!'' என்று கூறினேன். ஷாலு தூங்கிவிட்டது. எனக்கும் அசதியாகத்தான் இருந்தது.
அப்போதுதான் அது நடந்தது! கை தவறி ஜன்னல் கம்பிகளுக்கு இடையிருந்து என் ஷாலு கீழே விழுந்துவிட்டது. படுக்கையறையை ஒட்டி மலைச்சரிவு இருந்தது. பாவம் ஷாலு!.... அடிபட்டிருக்குமோ?.... எனக்கு அழுகையாக வந்தது. அம்மா வந்து , "" என்ன ஆச்சு?'' ன்னு கேட்டாங்க.
நான் கண்ணீருடன் ஜன்னலைக் காண்பித்து ஷாலு விழுந்துவிட்டதை அம்மாகிட்டே சொன்னேன்.
""பத்மாக்குட்டி!....அழக்கூடாது!..... போனாப் போகுது!....அப்பாகிட்டே சொல்லி வேறே வாங்கிக்கலாம்!... இப்போ தூங்குடா செல்லம்!'' அப்படீன்னாங்க.
எனக்கு மனசே சரியில்லை. ஷாலு இருட்டில் என்ன செய்கிறதோ?.... என்னைத் தேடுகிறதோ?....அழுமோ? என்றெல்லாம் எனக்குத் தோன்றியது.
நான் நைசாக படுக்கையறையை விட்டு வெளியே வந்தேன். கரண்ட் கட் ஆகியிருந்தது. இந்த இருட்டில் நான் ஷாலுவை எப்படித் தேடுவேன்?.....
அப்போதுதான் அந்த அதிசயம் நடந்தது! ஒரு பட்டாம் பூச்சி! ரொம்ப அழகா இருந்தது. முதலில் சிறியதாகப் பறந்து வந்த அது மிகப் பெரிதாக ஆகிவிட்டது. மஞ்சள் நிறத்தில் சிவப்புப் புள்ளிகளும் பார்டருமாக அது இருந்தது. என் கிட்டே வந்த அது
""வா!.... என் மேலே உட்கார்ந்துக்கோ!....'' என்றது அந்தப் பட்டாம்பூச்சி.
""இல்லை நான் இப்போ என் கரடிக்குட்டி ஷாலுவைத் தேடியாகணும்.... இருட்டா வேறே இருக்கு.... எப்படித் தேடறதுன்னே தெரியலே... பயமா இருக்கு...'' என்றேன் நான்.
""கவலைப் படாதே என் மேலே ஏறி உட்கார்ந்துக்கோ!.... நாம ரெண்டு பேரும் சரிவில் பறந்து போகலாம்.... என் சிறகை விரித்துப் படபடக்கும்போது ஒளி கூடிடும். பிரகாசமா ஆயிடும்! உன் பட்டாம்பூச்சியை சுலபமாக் கண்டுபிடிச்சுடலாம்!.... வா! '' என்றது.
""நான் ஜம்மென்று அந்தப் பட்டாம்பூச்சியின் மீது ஏறி அமர்ந்து கொண்டேன்.
ஆச்சரியம்!...இறகுகள் படபடக்க பிரகாசம் கூடிக்கொண்டே இருந்தது. மலைச்சரிவில் இருந்த சிவப்பும் ஊதாவும் கலந்த மலர்கள் கூடப் பிரகாசித்தன. மலைச்சரிவே ஒளிமயமாக இருந்தது. எனக்கு அந்தப் பிரயாணமே ரொம்ப சந்தோஷமாக இருந்தது. வானத்தில் நிலவும் நட்சத்திரங்களும் ஒளிர்ந்து கொண்டிருந்தன.
பட்டாம்பூச்சி என்னை மெல்ல சரிவுக்குக் கொண்டு சென்றது. அங்கே!...... என் பிரியமான ஷாலு! பட்டாம்பூச்சி என்னை இறங்கச் சொன்னது. நான் இறங்கியவுடன் ஷாலுவிடம் ஓடினேன். அதை வாரிக் கையில் எடுத்துக் கொண்டு கொஞ்சினேன். ஷாலுவின் கண்ணைத் துடைத்துவிட்டேன். பட்டாம்பூச்சி ஒவ்வொரு மலர்களாக அமர்ந்தது. ஒரு பூ அதன் வாயில் ஒட்டிக்கொண்டது. மற்றொரு பூவில் அமர்ந்தது. அதுவும் வாயில் ஒட்டிக்கொண்டிருந்தது. இப்படியே ஒரு மாலைபோல சிவப்பு ஒளி மலர்கள் ஒரு மாலைபோல ஆகியது அதை ஷாலுவுக்கு சார்த்தியது பட்டாம்பூச்சி.
மெல்லிய ஒளியுடன் அந்தப் பட்டாம்பூச்சி வானத்தில் மறைந்துகொண்டிருந்தது.
இப்போ எப்படி மலையின் மீது ஏறி வீட்டுக்குப் போவது?....
""ஐயய்யோ!'' என்று கத்தியதும் என்னை அம்மா எழுப்பி, ""என்ன பத்மாக்குட்டி!.... எதாவது கனவா?'' என்று கேட்டாள்.
""ஆமாம்மா!'' என்று கூறிக்கொண்டிருந்தபோது என் ஷாலு என் பக்கத்தில் அழகாகப் படுத்திருந்தது.

படம் வரைந்தவர் - ஏ . அக்ஷயாஸ்ரீ, 
4 ஆவது கிரேடு, யு,எஸ்.ஏ.

]]>
https://images.dinamani.com/uploads/user/imagelibrary/2020/5/9/w600X390/sm6.jpg https://www.dinamani.com/weekly-supplements/siruvarmani/2020/may/09/ஒளிர்ந்த-பட்டாம்பூச்சி-3414006.html
3414004 வார இதழ்கள் சிறுவர்மணி கடி DIN DIN Saturday, May 9, 2020 06:51 PM +0530
"" ரவி, என்னடா இது?.... உங்க தெருவிலே மணிக்கணக்குலே.... ஒரே சலங்கை சத்தமாக் கேக்குது?  
"" அதுவா?... எல்லாரும் தாயக்கட்டை  ஆடறாங்க... குமாரு.!''

ஜோ.ஜெயக்குமார், நாட்டரசன்கோட்டை



""காம்பவுண்ட் சென்டன்ஸூக்கு ஒரு உதாரணம் சொல்லு!'' 
""வாழ்த்த வயதில்லை வணங்குகிறோம்!.... 
""என்னடா சொல்றே?''
""அதுதான் சார் எங்க காம்பவுண்டிலே ஒட்டியிருக்கிற போஸ்டர்லே எழுதியிருக்கு!...''

உ.அலிமா பீவி, கடையநல்லூர்.

 

""பூஜ்ஜியத்தைக் கண்டுபிடிச்சது யாரு?''
""பழைய்ய்ய்ய காலத்திலே  யாரோ ஒரு வாத்தியார் கண்டுபிடிச்சிருப்பாருன்னு நெனைக்கிறேன்!''

ஆர்.யோகமித்ரா, சென்னை.



""பஸ்ஸþக்கு நேரமாச்சி, நான் கிளம்புறேன்!....""
"" பஸ்ஸþக்கு நேரமானா பஸ் தானடா கிளம்பணும், நீ ஏன் கிளம்பற?...''

எல்.மோகனசுந்தரி, கிருஷ்ணகிரி-635001 

 


""என்னடா இது?.... எல்லோரும் சுத்தி உட்கார்ந்து வாட்சை ஒவ்வொருத்தர் கிட்டே பாஸ் பண்ணி விளையாடுறீங்க!''
""இதுதான் "டைம் பாஸ்' விளையாட்டு!''

கே.இந்து குமரப்பன், விழுப்புரம் - 605602.

 


""கோவிட் 19 ஐ எனக்கு ரொம்பப் பிடிச்சிருக்கு!''
""ஏண்டா?''
""நிறைய்ய்ய்ய நாள் லீவு!.... அப்புறம் ஆல் பாஸ் போட்டாங்களே அதனாலேதான்!''

பொ.பாலாஜி, அண்ணாமலைநகர் - 608002

]]>
https://images.dinamani.com/uploads/user/imagelibrary/2020/5/9/w600X390/sm5.jpg https://www.dinamani.com/weekly-supplements/siruvarmani/2020/may/09/கடி-3414004.html
3414003 வார இதழ்கள் சிறுவர்மணி பிஞ்சுக் கை வண்ணம்! DIN DIN Saturday, May 9, 2020 06:48 PM +0530  

பிஞ்சுக் கை வண்ணம்!

பிஞ்சுக் கை வண்ணம்!

 

]]>
https://www.dinamani.com/weekly-supplements/siruvarmani/2020/may/09/பிஞ்சுக்-கை-வண்ணம்-3414003.html
3414001 வார இதழ்கள் சிறுவர்மணி அங்கிள் ஆன்டெனா -ரொசிட்டா DIN Saturday, May 9, 2020 06:46 PM +0530  

கேள்வி: வானவில்லில் ஏழு வண்ணங்கள் உள்ளன என்பது எல்லோருக்கும் நன்றாகவே தெரியும். ஆனால், இந்த ஏழு வண்ணங்களும் ஒரு வரிசையில் அதாவது முதலில் ஊதா, கருநீலம், நீலம், பச்சை, மஞ்சள், ஆரஞ்சு மற்றும் சிவப்பு என்று அமைந்திருப்பதற்குக் காரணம் என்ன? இதில் ஏதாவது மாற்றம் நிகழ்வதற்கு வாய்ப்பு உள்ளதா?

பதில்: இதில் மாற்றம் ஏதும் நிகழ்வதற்கு வாய்ப்பே இல்லை. சூரியனின் ஒளிக் கதிர்கள் மழைத்துளிகளின் மீது பட்டுப் பிரதிபலிப்பதால் இந்த வர்ணஜாலம் நிகழ்கிறது என்பது உங்களுக்கு நன்றாகவே தெரியும். 

இந்த வர்ணஜாலத்திற்குப் பெயர்  SPECTRUM. இந்த SPECTRUM ~ஒரு குறிப்பிட்ட அமைப்பில்தான் அமையும். அது என்றும் எப்படியும் மாறாது. இது இயற்கையின் அதிசயம்.  இது ஏன் இந்த வரிசையில் அமைகிறது என்பதைப் பலரும் கண்டுபிடிக்க முயன்று இயற்கைக்கு முன் தோற்றுப் போயிருக்கிறார்கள்.   எப்படி இருந்தாலும் வானவில் அதிசயம்தானே!

கூடுதலாக ஒரு உபரித் தகவல். வானவில்லின் வர்ணங்களின் வரிசையை எளிதில் மனதில் பதிய வைப்பதற்கு VIBGYOR என்று ஒரு சொல்லை உருவாக்கினார்கள். இதன்படி ஊதாவில் ஆரம்பித்து சிவப்பில் முடியும். ஆனால் வானவில் முதலில் சிவப்பில் ஆரம்பித்து ஊதாவில்தான் முடிகிறது. இதை ஞாபகம் வைத்துக் கொள்ள  தஞவஎஆஐய என்ற சொல்லை பயன்படுத்தவதுதான் சரி என்கிறார்கள். 

அடுத்த முறை வானவில்லைப் பார்க்க நேரிடும்போது நன்றாகக் கவனியுங்கள். மேலே சிவப்பு, அதாவது முதலில் சிவப்பு நிறம் என்று ஆரம்பித்து இறுதியில் ஊதா என்று முடியும்.

]]>
https://images.dinamani.com/uploads/user/imagelibrary/2020/5/9/w600X390/sm4.jpg https://www.dinamani.com/weekly-supplements/siruvarmani/2020/may/09/அங்கிள்-ஆன்டெனா-3414001.html
3414000 வார இதழ்கள் சிறுவர்மணி விடுகதைகள் -ரொசிட்டா DIN Saturday, May 9, 2020 06:42 PM +0530  

1. சின்னப் பெட்டிக்குள் சிறை இருப்பான், வெளியே வந்தால் பளிச்சிடுவான்...
2. ஒரு கரண்டி மாவில் ஊருக்கே தோசை...
3. குண்டுக் குள்ளனுக்குக் குடுமி நிமிர்ந்து நிற்குது...
4.  தரையில் இருப்பான், தண்ணீரில் படுப்பான்...
5. வம்புச் சண்டைக்கு இழுத்தாலும் வாசல் தாண்ட மாட்டான்...
6. நீல நிற மேடையிலே கோடி மலர் கிடக்குது. எடுப்பாரும் இல்லை, தொடுப்பாரும் இல்லை...
7. எட்டாத தூரத்திலே எவரும் இல்லாத காட்டிலே எழிலான பெண் ஒருத்தி இரவெல்லாம் சிரிக்கிறாள்...
8. ஊருக்கு அழகு எது என்றேன்... ஒன்றுடன் சேர்ந்து ஐந்து என்றார்...
9. சித்திரையில் சிறு பிள்ளை, வைகாசியில் வளரும் பிள்ளை...


விடைகள்

1. முத்து,
2.  நிலா,
3. தேங்காய்
4. படகு,
5.  நாக்கு,
6.  விண்மீன்கள்
7.  நிலவு,
8.  ஆறு,
9.  பனம்பழம்

]]>
https://www.dinamani.com/weekly-supplements/siruvarmani/2020/may/09/விடுகதைகள்-3414000.html
3413999 வார இதழ்கள் சிறுவர்மணி பொன்மொழிகள் ரா . புனிதவதி, பொள்ளாச்சி. DIN Saturday, May 9, 2020 06:39 PM +0530 எல்லோருடைய இடத்தையும் தாய் வகிக்க முடியும். ஆனால் தாயின் இடத்தை யாராலும் வகிக்க முடியாது. 
- மெர்சாப்

தானம் கரங்களின் நற்பண்பு அல்ல. நெஞ்சத்தின் நற்பண்பு. 
- ஜோஸப் அடிசன்

பேரானந்தத்தின் இரகசியம் தன்னலமற்ற தியாகமே! 
- சாய்பாபா

தொலைவில் உள்ள தெய்வத்தை அருகில் கொண்டுவந்து காட்டுவது தியானம். 
- ஓவென்ஃபெலட் ஹேம்

மனத்திருப்தி இயற்கையான செல்வம். ஆடம்பரம் செயற்கையான வறுமை. 
- சாக்ரடீஸ்

இனிமைகள் கண்களைக் கவரும். திறமையோ ஆன்மாவை ஈர்க்கும். 
- அலெக்ஸாண்டர் போப்

பிற உயிர்களைத் துன்புறுத்துவது தன் உயிருக்கு உலையாய் முடியும். 
- மகாபாரதம்

நேர்மையான துணிவுக்கு ஆண்டவனே துணை செய்வான். 
- மெனான்டர்

பட்டை தீட்டாத வைரம் ஒளி வீசாது. துன்பங்களையே காணாத மனிதன் பிரகாசிக்க மாட்டான்.  
- சீனப்பழமொழி

இறைவனின் மந்திரத்தை மறவாமல் உச்சரிப்பதால் மனிதன் தூய்மை அடைகிறான். 
- சாரதா தேவி

]]>
https://images.dinamani.com/uploads/user/imagelibrary/2020/5/9/w600X390/sk1.jpg https://www.dinamani.com/weekly-supplements/siruvarmani/2020/may/09/பொன்மொழிகள்-3413999.html
3413997 வார இதழ்கள் சிறுவர்மணி புறங்கூறாமை Saturday, May 9, 2020 06:37 PM +0530 அறத்துப்பால்   -  அதிகாரம்  19   -   பாடல்  7

பகச்சொல்லிக் கேளிர்ப் பிரிப்பர் நகச்சொல்லி
நட்பாடல் தேற்றாதவர்.

- திருக்குறள்


நட்பின் மேன்மை தெரியாமல்
தன்னுடன் பழகும் நண்பரின் 
குறையைப் புறம் சொல்லுவார்
நட்பைப் பிரிந்து வாடுவார்.

நட்பின் மேன்மை தெரியாமல்
தன்னுடன் பழகும் நண்பரின் 
குறையைப் புறம் சொல்லுவார்
நட்பைப் பிரிந்து வாடுவார்.


-ஆசி.கண்ணம்பிரத்தினம்

]]>
https://images.dinamani.com/uploads/user/imagelibrary/2020/5/9/w600X390/sm3.jpg https://www.dinamani.com/weekly-supplements/siruvarmani/2020/may/09/புறங்கூறாமை-3413997.html
3411247 வார இதழ்கள் சிறுவர்மணி  விழிப்பாய் இருப்போம்! DIN DIN Saturday, May 2, 2020 06:27 PM +0530  விலகி இருப்போம்!
 உலவ மறுப்போம்!
 விஞ்சும் கரோனா எதிர்ப்போம்!
 
 நீட்டும் கைகள்
 நீட்ட மறுத்து
 நின்றே வணங்கி இருப்போம்!
 
 கூட்டம் விலக்கி
 ஆட்டம் விலக்கி
 கூறும் வழிகள் மதிப்போம்!
 
 கணக்காய் முறையாயக்
 கைகள் கழுவி
 கரோனா தொற்றைத் தடுப்போம்!
 
 தனித்தே இருப்போம்
 பிணியைத் தடுப்போம்
 தடுப்போம் கரோனா நோயை!
 
 முகத்துக் கவசம்
 முதன்மை ஆகும்
 முதலில் அதனைப் பெறுவோம்!
 
 அகத்தில் அச்சம்
 அகற்றி வைத்து
 அடங்காக் கரோனா வெல்வோம்!
 
 இருமல், தும்மல் - எழக்
 கைக்குட்டை
 எடுத்தே முகத்தை மறைப்போம்!
 
 கண், வாய் மூக்கில்
 கைகளை நாக்கில்
 வைத்தல் நோயைக் கொடுக்கும்!
 
 இருப்போம் வீட்டுள்!
 பொறுப்பாய் அடங்கி!
 என்றும் விழிப்பாய் இருப்போம்!
 
 என்றும் இதனை
 ஏற்று நடந்தால்
 இன்பம் நாளை கிடைக்கும்!
 
 சின்னமணல்மேடு த.இராமலிங்கம்.
 

]]>
https://images.dinamani.com/uploads/user/imagelibrary/2020/5/2/w600X390/sm9.jpg https://www.dinamani.com/weekly-supplements/siruvarmani/2020/may/02/விழிப்பாய்-இருப்போம்-3411247.html
3411246 வார இதழ்கள் சிறுவர்மணி சூரியனின் சக்தியைத் தாங்கும் பரம்பை மரம்! DIN DIN Saturday, May 2, 2020 06:26 PM +0530 மரங்களின் வரங்கள்!
குழந்தைகளே நலமா?
நான் பரம்பை மரம் பேசுகிறேன். எனது அறிவியல் பெயர் அகேசியா பெருஜினியா என்பதாகும். நான் அகேசியா குடும்பத்தைச் சேர்ந்தவன். நான் வறட்சி மற்றும் பனியைத் தாங்கி வளருவேன். நான் ஒரு வகையில் கொக்கி போன்ற முள்ளையும், மற்றொன்றில் நீளமாக முள்ளையும் கொண்டிருப்பேன். என் பூக்கள் மஞ்சள் நிறத்திலிருக்கும். என் மரத்தின் பிசின், பட்டை, முட்கள், தண்டு, இலைகள் மருந்தாகப் பயன்படுகின்றன. 
நான் சூரியனிடமிருந்து நல்ல கதிர்வீச்சுகளையும், மின்காந்த சக்தியையும் உறிஞ்சி என் உடலுக்குள் சேமித்து வைத்துக் கொள்வேன். நீங்கள் அரை மணி நேரம் என் நிழலின் கீழ் அமர்ந்தால் புதிய புத்துணர்ச்சியை உணர்வீர்கள். காரணம், மின்காந்த அலைகள் மருந்தாக மாறி உங்கள் உடலுக்குள் சக்தியை ஏற்படுத்துகிறது. 
என் மரத்தின் பட்டையிலிருந்து கஷாயம் செய்யலாம். இதை சர்க்கரை நோயாளிகள் அருந்தி வந்தார்களேயானால், அந்நோய் இருந்த இடம் தெரியாது. இது மட்டுமா குழந்தைகளே, சிறுநீர் சம்பந்தமான அனைத்து வியாதிகளுக்கும், அதாவது, சிறுநீர் சீராக வெளியேறாமல் போய் விடுதல், சிறுநீர் கழிப்பதில் சிக்கல், தோல் நோய்கள், தொற்றுப் பாதிப்புகள் ஆகியவற்றின் பாதிப்புகளிலிருந்து பாதுகாக்க இந்த கஷாயத்தைப் பயன்படுத்துகிறார்கள். 
உங்களுக்கு வாய் துர்நாற்றம், இருமல், வயிற்றுவலி, வயிற்றுப் பொருமல், வயிறு புடைச்சல் இருக்கிறதா! கவலைப்படாதீர்கள் என் மரத்தின் தண்டுப் பகுதியைக் கஷாயமிட்டு குடிங்க, இவை இருந்த இடம் தெரியாது. என் இலைகளை வெந்நீரில் கொதிக்க வைத்து, சிறு சூட்டளவில் குடித்தால் நாள்பட்ட புண்கள், சீழ்க்கட்டிகள் விரைவாக ஆறிவிடும். இலைகளை காய வைத்து தூளாக்கியும் சாப்பிடலாம். இது கல்லீரலின் செயலாக்கத்தை அதிகரிக்கும். 
சீனர்கள் என் தண்டு மற்றும் முட்களை மருந்தாக பயன்படுத்தறாங்க. தூக்கமின்மை, வலிப்பு நோய்கள், நடுக்கம், தசைப்பிடிப்பு, தலைவலி, தலைசுற்றல், அதிக இரத்தக்கொதிப்பு நோய்களுக்கு என்னை பெருமளவில் பயன்படுத்தி நலம் பெறுகிறார்கள். 
குழந்தைகளே, உங்களுக்கு நான் ஒரு அரிய செய்தியைச் சொல்லட்டுமா? கேளுங்க, நம்ம இராமநாதபுரம் மாவட்டத்தைச் சேர்ந்த பரமக்குடி ஊரின் உண்மையானப் பெயர் பரம்பைக்குடி. ஏன்னா அங்கு நான் நிறைந்து, அடர்ந்து, வளர்ந்து காணப்பட்டதால் அதற்கு அந்தப் பெயர் வந்தது. இதை நான் சொல்லல, பரமக்குடி அரசு மகளிர் மேல்நிலைப்பள்ளி வளாகத்தில் கண்டுபிடிக்கப்பட்டுள்ள, 1846-ஆம் ஆண்டு சேதுபதி இராணி பர்வதவர்த்தினி நாச்சியார் காலத்து கல்வெட்டில், பரமக்குடி, பரம்பைக்குடி என பதிவாகி உள்ளது தெரியவந்துள்ளது. இது பரம்பை மரம் அடர்ந்த ஊர் என்று பொருள்படுகிறது. இப்போதும் இந்த ஊரில் அதிகமாக நானிருக்கிறேன் குழந்தைகளே. எவ்வாறு நாளடைவில், பரம்பைக்குடி, பரமக்குடியமாக மாறியது என்பது இப்போது உங்களுக்குப் புரிகிறதல்லவா?
என்னை வேலியோரமாக வளர்த்து வந்தால் 2, 3 ஆண்டுகளில் அரணாக உருவெடுத்து நிற்பேன். நான் வேளாண் உபகரணங்கள் தயாரிக்கவும், கருவிகளின் கைபிடிகள் தயாரிக்கவும் பெரிதும் உதவறேன். என் ராசி கும்பம். என்னை அலங்கார மரமாகவும் வளர்க்கலாம். கண்ணைக் காப்பது இமைகள், ஆனால், மண்ணைக் காப்பது மரங்கள், மரங்கள் இயற்கையின் ஏ,சி. அதை இழந்து விடலாமா என நீ யோசி. மிக்க நன்றி. குழந்தைகளே, மீண்டும் சந்திப்போம். 
(வளருவேன்)
-- பா. இராதாகிருஷ்ணன்

]]>
https://images.dinamani.com/uploads/user/imagelibrary/2020/5/2/w600X390/sm8.jpg https://www.dinamani.com/weekly-supplements/siruvarmani/2020/may/02/சூரியனின்-சக்தியைத்-தாங்கும்-பரம்பை-மரம்-3411246.html
3411245 வார இதழ்கள் சிறுவர்மணி  சத்தியவாணி  க.சங்கர் Saturday, May 2, 2020 06:22 PM +0530 அரங்கம்

 காட்சி : 1
 இடம் : வீடு / சத்தியவாணியின் அறை
 நேரம் : அதிகாலை 6.15
 மாந்தர் : சத்தியவாணி, அம்மா
 (சத்தியவாணி அரைத் தூக்கத்தில் இருக்கிறாள்.)
 
 அம்மா : வாணி.. நேரமாச்சு.. ஆறே கால்.. 
 சத்தியவாணி : ( கலக்கமாக ) ஆகட்டும்-மா.. ஸ்கூல் நாள்லயே ஏழு மணிக்குத்தான் எந்திரிப்பேன்.. லீவு நாள்ல எதுக்கு.. ம்ம்ம்ம்ம்ம்..
 அம்மா : சரி, அப்ப நீ தூங்கு.. நேத்து ஏதோ அப்படித் தெரியாம சொல்லிட்டே போலிருக்கு..
 சத்தியவாணி : ( சட்டென விழித்து ) இல்லியே.. எனக்குத் தூக்கம் எல்லாம் வரல.. எப்பவோ ரெடி..
 அம்மா : அப்போ ஆரம்பிக்கிறியா..? அப்பாவும் தம்பிகளும் முழிச்சுட்டாங்க..
 சத்தியவாணி : ( படுக்கையிலிருந்து இறங்கி ) இதோ.. பத்தே நிமிஷம் .. வந்துர்றேன்..  
 (அம்மா அமைதியாகப் பார்க்கிறார்.)

காட்சி : 2
 இடம் : வீடு / உணவு மேஜை
 நேரம் : காலை 8.35
 மாந்தர் : சத்தியவாணி, நிகில், சஞ்சய், அப்பா, அம்மா
 
 சத்தியவாணி : ( பாத்திரத்தை வைத்து) எனக்குத் தெரிஞ்சமாதிரி பண்ணிருக்கேன்.. கொஞ்சம் அட்ஜஸ்ட் பண்ணி சாப்பிடுங்க.. 
 நிகில் : அக்கா.. தக்காளி இல்லியா..? எனக்கு தேங்காச் சட்டினி பிடிக்காது..
 சத்தியவாணி : தெரியுன்டா.. ஒருநாள் மட்டும் சாப்டு.. ஒண்ணும் ஆகாது..
 நிகில் : அதெல்லாம் முடியாது.. நீங்க மட்டும் உங்களுக்குப் புடிச்சத சாப்பிடுவீங்க.. நான் மட்டும் பார்த்திட்டிருக்கணுமா..?
 சஞ்சய் : ஆமா.. சும்மா பார்த்திட்டிரு.. நீ சாப்பிடலனு யார் அழுதா..?
 அப்பா : சஞ்சய் , சும்மா இரு.. வாணி ஒரு பத்து நிமிஷம்தான-ம்மா.. பண்ணிக்குடுத்திரு.. இல்லனா சாயங்காலம் வரைக்கும் இவன் ஆட்டம் காட்டிட்டே இருப்பான்..
 சத்தியவாணி : அப்பா, தக்காளி இல்ல தீர்ந்திடுச்சு.. அப்றமா கடைக்குப் போறப்போ வாங்கிட்டு வர்றேன்..
 நிகில் : ( மேஜயைத் தட்டி ) எனக்குப் பசிக்குது.. ரொம்பப் பசிக்குது.. இப்பவே வேணும்.. இப்பவே ..
 அப்பா : கடை இருக்கும்ல.. அந்த மாஸ்க் எடுத்துப் போட்டுட்டுப் போ, வாணி ...
 (சத்தியவாணி அம்மாவைப் பார்க்கிறாள்.)

காட்சி : 3
 இடம் : வீடு / ஹால் 1
 நேரம் : முற்பகல் 11.45
 மாந்தர் : சத்தியவாணி, சஞ்சய், அம்மா
 சத்தியவாணி :  பாத்திரங்களை எல்லாம் கழுவியாச்சு.. எப்படி இத்தனை சேர்ந்துச்சுன்னே தெர்ல.. ம்மா.. நான் போய் குளிச்சிட்டு வர்றேன்.. 
 அம்மா : ம்ம்ம்..
 (சஞ்சய் ஓடி வருகிறான்.)
 
 சஞ்சய் : ம்மா.. லட்சுமி அத்தை தண்ணி வருதுனு சொல்லச் சொன்னாங்க..
 (சஞ்சய் திரும்பி வேகமாக ஓடுகிறான்.)
 
 அம்மா : வாணி.. நீ போய்க் குளி.. இத நான் பார்த்துக்கறேன்.. 
 சத்தியவாணி : இல்லம்மா.. இன்னிக்கு நானே போய் தண்ணி பிடிச்சுட்டுவரேன்.. நீங்க வீட்டப் பார்த்துக்கங்க..
 அம்மா : ( தயக்கமாக) சரி.. ஆனா..
 சத்தியவாணி : நான் போறேன்.. எத்தனை குடம் பிடிக்கணும்..?
 அம்மா : ( தயக்கமாக ) பதினஞ்சு பதினாறு இருக்கும்..
 சத்தியவாணி :  ஓ.. பரவாயில்லம்மா.. வேலைய முடிச்சிட்டு வந்து குளிச்சுக்கறேன்..
 (சத்தியவாணி அமைதியாக நடக்கிறாள்.) 
 
 காட்சி : 4
 இடம் : வீடு / சமையலறை
 நேரம் : பிற்பகல் 1.50
 மாந்தர் : சத்தியவாணி, அப்பா
 (சத்தியவாணி நிற்கிறாள்.)
 அப்பா : ( அங்கே வந்து ) என்ன, வாணி.. ஏதோ பலத்த யோசனை போல.. 
 சத்தியவாணி : இப்போத்தான் காலை சமையல் முடிஞ்ச மாதிரி இருக்கு.. அதுக்குள்ள மதியம் ஆயிருச்சுப்பா..
 அப்பா : அது அப்டித்தான்.. சரி, உள்ள போண்டா மாவு இருக்கானு பாரும்மா..
 சத்தியவாணி : இருக்குப்பா.. இப்போத்தான் ஏதோ எடுக்கும்போது பார்த்தேன்.. 
 அப்பா : நல்லாதாப் போச்சு.. அதைக் கொஞ்சம் சுட்ரு.. பசங்க கேட்கறாங்க.. 
 (சத்தியவாணியின் முகம் சுருங்குகிறது.)
 சத்தியவாணி : சரிப்பா..
 அப்பா : ம்ம்ம்.. அப்படியே எலுமிச்சம் பழத்தையும் பிழிஞ்சு ஜுஸ் போட்ரு.. நிறைய உப்புப் போட்டுக் குடிக்கணும் வயிறு ஒருமாதிரி இருக்கு..
 சத்தியவாணி : சரிப்பா..

 காட்சி : 5
 இடம் : வீடு / வெவ்வேறு இடங்கள்
 நேரம் : வெவ்வேறு நேரங்கள்
 மாந்தர் : சத்தியவாணி, அம்மா, நிகில், சஞ்சய், அப்பா
 3 மணி :  சத்தியவாணி துணிகளைத் துவைக்கிறாள்.அம்மா அவளைப் பார்க்கிறார்.
 4 மணி : சத்தியவாணி தோட்டதிற்கு நீர் பாய்ச்சுகிறாள் . நிகிலும் சஞ்சயும் விளையாடுகிறார்கள்.
 6 மணி : சத்தியவாணி சிலிண்டரை உருட்டிச் செல்கிறாள். அப்பா தொலைக்காட்சி பார்த்துக்கொண்டிருக்கிறார்.

 காட்சி : 6
 இடம் : வீடு / சத்தியவாணியின் அறை
 நேரம் : இரவு 10. 35
 மாந்தர் : சத்தியவாணி, அம்மா
 
 (வெளியில் மழை பெய்துகொண்டிருக்கிறது.)
 
 அம்மா : வாணி.. ஏன் இன்னும் லைட் எரியுது..? தூக்கம் வரலையா..?
 சத்தியவாணி அமைதியாக சாளரத்திற்கு வெளியே பார்த்தபடி நிற்கிறாள்.
 அம்மா : வாணி..
 சத்தியவாணி : (திரும்பாமல்) ம்மா.. உண்மையிலேயே நேத்து ஏதோ கோபத்துல ஒருநாள் முழுக்க வீட்டு வேலை செய்யறேன்னு சொல்லிட்டேன்.. இது ரொம்பக் கஷ்ட்டம்மா.. சரியான நேரத்துக்கு இவ்ளோ செய்யணுமா..!
 அம்மா : எனக்கும் உன்னை இவ்வளவு வேலை செய்ய விட்டுட்டோமேனு உறுத்தலாத்தான் இருக்கு.. நான் அப்டி பண்ணிருக்கக் கூடாது..
 சத்தியவாணி : இவ்ளோநாள் எல்லாரும் வீட்டுல இருந்துட்டு உங்கள மட்டுமே வேலை வாங்கியிருக்கோம்.. உங்களப் பத்தி நாங்க சரியாப் புரிஞ்சுக்காம சின்னச் சின்ன விஷயத்துக்கெல்லாம் கோபப்பட்டிருக்கோம்.. மன்னிச்சிருங்கம்மா.. 
 அம்மா : ஸ்ஸ்ஸ்.. பரவாயில்ல வாணி.. போய்த் தூங்கு.. கலைப்புக் கொறையும்..
 (சத்தியவாணி அம்மாவைப் பார்க்கிறாள்.)

காட்சி : 7
 இடம் : வீடு / ஹால் 2
 நேரம் : காலை 9.45
 மாந்தர் : சத்தியவாணி, நிகில், சஞ்சய், அப்பா, அம்மா
 
 (சமையலறையிலிருந்து பாத்திரம் விழும் சத்தம் கேட்கிறது.)
 
 அம்மா : ( சட்டென) வாணி.. என்ன சத்தம்..?
 சத்தியவாணி : (குரல்) ஒன்னுமில்லம்மா.. இந்தத் தக்காளிச் சட்டினிக்காரன் தெரியாம தட்டிவிட்டுட்டான்..
 நிகில் : ( குரல்) ம்மா.. சஞ்சய்தான் குங்ஃபூ மாதிரி என்னமோ செஞ்சு எல்லாத்தையும் போட்டு நொறுக்கறான்.. நானில்ல..
 சஞ்சய் : ( குரல்) ம்மா.. பொய்.. அண்ணன்தான்.. 
 அம்மா : ( சிரிப்புடன் ) நான் வரட்டுமா..? நீங்க போங்க நான் பாத்திரங்களை எல்லாம் கழுவிக்கறேன்..
 சத்தியவாணி : ( குரல்) வேண்டாம்... நீங்க டி.வி. பாருங்க.. இத நாங்க கவனிச்சிக்கறோம்... 
 நிகில் : ( குரல்) டேய்.. அது பாத்திரம் தேய்க்கற சோப்பே இல்லடா..
 (அம்மா சிரிக்கிறார்.)
 அப்பா : ( உள்ளே வந்து) ம்ம்ம்.. இப்போ தோட்டத்தைப் போய்ப் பாரு.. பக்காவா ரெடி பண்ணிட்டேன்..
 அம்மா : (வியப்பாக) நீங்க எதுக்கு...
 அப்பா : ( இடைமறித்து ) இதொன்னும் பெரிய விஷயம் கிடையாது.. நேத்து வாணி சொன்னதுக்கு அப்புறம்தான் புரிஞ்சுது.. தடை உத்தரவு போட்டதிலிருந்து எல்லோரும் வீட்டுலதான் இருக்கோம்.. உன்னை எவ்ளோ கஷ்ட்டப்படுத்தறோம்னு புரிஞ்சுக்கிட்டோம்..
 சத்தியவாணி : ( வெளியே வந்து) (இடைமறித்து) தடை உத்தரவு முடிஞ்சாலும் ...
 நிகில் : ( வெளியே வந்து) நாங்க இனி உங்களுக்கு ஹெல்ப் பண்றதா முடிவு பண்ணிட்டோம்..
 சஞ்சய் : ( வெளியே வந்து) ஆமா, பெரிய ஹெல்ப்.. போய் இவன் பாத்திரம் தேய்ச்சு வெச்சிருக்கற அழகப் பாருங்க.. பேசறான்..
 நிகில் : டேய்..
 (சஞ்சய் ஓட , நிகில் துரத்துகிறான்.
 அனைவரும் சிரிக்கிறார்கள்.)
 (திரை)
 
 

]]>
https://images.dinamani.com/uploads/user/imagelibrary/2020/5/2/w600X390/NADAKAM.JPG https://www.dinamani.com/weekly-supplements/siruvarmani/2020/may/02/சத்தியவாணி-3411245.html
3411244 வார இதழ்கள் சிறுவர்மணி விடுகதைகள் DIN DIN Saturday, May 2, 2020 06:19 PM +0530 1. அமைதியான பையன்தான் ஆனாலும் அடிக்காமலே அழுவான்...
 2. எங்க அம்மா போட்ட சிக்கலை யாராலும் பிரிக்க முடியாது...
 3. ஒரே வயிற்றில் பிறந்தாலும் ஒருவன் ஓடுவான்... மற்றவன் நடப்பான்...
 4. உருளும் வீட்டைச் சுற்றிக் கருப்பு வேலி...
 5. இவன் வலை தயாரித்து விரித்து வைப்பான், ஆனால் மீன் மட்டும் பிடிக்க மாட்டான்...
 6. தலை மட்டும் கொண்டு ஊரெல்லாம் சுற்றும், ஆனால் சிறகில்லை...
 7. ஆயிரம் பேருக்கு ஓர் இடைக்கச்சை...
 8. சின்னச் சின்ன அறைகள் உண்டு, இது வீடு அல்ல. சிறந்த அழகு கொண்டிருக்கும் சித்திரமும் அல்ல. காவலுக்கு ஆயிரம் வீரர்கள் உண்டு. கோட்டையும் அல்ல...
 9. ஓரிடத்தில் பிறந்த சகோதரர்கள், சிவப்புத் தொப்பி அணிந்தவர்கள், ஒற்றுமையாக ஒரே அறையில் இருப்பவர்கள், ஒருவர் வீட்டின் சுவரில் உரசினால், அனைவரும் எரிந்து விடுவார்கள்...
 விடைகள்
 1. ஐஸ் கட்டி 2. இடியாப்பம்
 3. கடிகார முள்கள் 4. கண், இமை
 5. சிலந்தி 6. தபால் தலை 7. துடைப்பம்
 8. தேன்கூடு 9. தீப்பெட்டி

]]>
https://www.dinamani.com/weekly-supplements/siruvarmani/2020/may/02/விடுகதைகள்-3411244.html
3411243 வார இதழ்கள் சிறுவர்மணி கடி DIN DIN Saturday, May 2, 2020 06:19 PM +0530 • "எங்க டீச்சர் எப்பவும் ரெண்டு அடிதான் குடுப்பாங்க..... இன்னிக்கு மூணு அடி கொடுத்திட்டாங்க...''
"ஏண்டா?''
"இன்னிக்கு அரை அடி ஸ்கேல் 
வச்சிருந்தாங்க....''
ஆர்.சுப்பு, திருத்தங்கல்.

• "தென்னை மரத்தைப் பற்றி முழுப்பக்கத்துக்கு எழுதச் சொன்னா, கால் 
பக்கத்துக்கு எழுதியிருக்கியே?...''
"அது குட்டைவகைத் தென்னை மரம்சார்!''
அனன்யா, 49-டி, டாக்டர் அன்சாரி வீதி, பொள்ளாச்சி - 642001.

• "நீ எந்த சப்ஜெக்டுலே வீக்?''
"மார்க் வாங்காத சப்ஜெக்டுலேதான்!''
என்.பர்வதவர்த்தினி, சென்னை - 600075.

• "ரெண்டு ஆரஞ்சு எவ்வளவு?''
"அறுபது ரூபா!''
"அடேங்கப்பா!.... அவ்வளவு விலையாடா!''
"ஒரு 6ல5 முப்பதுன்னா, ரெண்டு 6ல5 அறுபது ரூபாதானே!''
குமாரி, கே.விஜயலட்சுமி, 
திருப்பத்தூர் - 635601

• "எதுக்குடா பன்னை "ஹூக்கும்' 
முக்கிக்கிட்டே சாப்பிடறே?''
"நீதானே பன்னோட பாலைக் குடுத்துட்டு முக்கி சாப்பிடச் சொன்னே!''
ஜி.சுந்தரராஜன், 479, வடக்கு ரத வீதி, 
திருத்தங்கல் - 626130.

• "அவசர உதவிக்கு "100' போன் 
பண்ணினா போதுமா?''
"ஒரு போன் பண்ணினாலே போதுமே!''
அனன்யா, பொள்ளாச்சி. 
 

]]>
https://images.dinamani.com/uploads/user/imagelibrary/2020/5/2/w600X390/sm7.jpg https://www.dinamani.com/weekly-supplements/siruvarmani/2020/may/02/கடி-3411243.html
3411242 வார இதழ்கள் சிறுவர்மணி இந்தியாவின் முதல் மின்சாரப் பேருந்து! DIN DIN Saturday, May 2, 2020 06:17 PM +0530 கருவூலம்
இப்போது நம் நாடு எதிர் கொள்ளும் முக்கியப் பிரச்னைகளில் ஒன்று சுற்றுச் சூழல் மாசுபடுதலைச் சமாளிப்பதுதான்! சென்னையில் இப்போது மாசுபாடு மிக அதிகமாகிவிட்டது. (கரோனா இல்லாபோதும் முகத்தைத் துணியால் கட்டிக்கொண்டு பலர் வீதியில் வாகனங்களில் செல்வதைப் பார்த்திருக்கிறோம்) 
இதற்காக தமிழக அரசு மின்சாரப் பேருந்துகளை இயக்க முடிவு செய்துள்ளது. இது தொடர்பாக தமிழக அரசின் போக்குவரத்துத் துறைக்கும் லண்டனைச் சார்ந்த சி-40 முகமைக்கும் இடையே 2018, மார்ச் 28 - ஆம் தேதி ஒப்பந்தம் கையெழுத்தானது. 
மத்திய அரசின் ஃபேம் இந்தியா - 2 (FAME INDIA - 2 ) என்ற மின்சார வாகனங்கள் தயாரிப்புத் திட்டத்தின் கீழ் இந்தியா முழுவதும் 64 நகரங்களில் 5,595 மின்சாரப் பேருந்துகளை இயக்க மத்திய அரசு அனுமதி வழங்கியுள்ளது. இதன் அடிப்படையில், தமிழகத்தில் சென்னை, கோவை, திருச்சி, மதுரை, ஈரோடு, திருப்பூர், சேலம், வேலூர், தஞ்சாவூர் ஆகிய நகரங்களில் 525 மின்சாரப் பேருந்துகளை இயக்க ஒப்புதல் கிடைத்தது. 
முதல் மின்சாரப் பேருந்து !
இந்தியாவில் தமிழ்நாட்டில்தான் முதன் முதலாக மின்சாரப் பேருந்து சேவை தொடங்கப்பட்டுள்ளது. தமிழகத்தில் இந்த முதல் பேருந்து சென்ட்ரல் எம்.ஜி.ஆர். இரயில் நிலையத்திலிருந்து திருவான்மியூர் வரை இயக்கப்படுகிறது. இதனை தமிழக முதலமைச்சர் தொடங்கி வைத்தார். 
பேருந்தின் சிறப்பு அம்சங்கள்!
பேருந்து முழுவதும் குளிர்சாதன வசதி செய்யப்பட்டுள்ளது. வழித்தடங்களளை அறியக்கூடிய ஜி.பி.எஸ். வசதி உள்ளது. பேருந்தின் மின்சார இருப்புநிலை, வெப்பநிலை, ஓட்டுநரின் செயல்பாடு, பேருந்தின் செயல்பாடு, மின்கசிவு ஏற்பட்டால் அதைக் கண்டறிந்து தானாக செயல் இழக்க வைத்தல் ஆகியவற்றை ஒருங்கிணைத்து கண்காணிக்கக்கூடிய நவீன தொழில்நுட்ப அமைப்பு உள்ளது.
சார்ஜ் செய்யப்பட்ட பேட்டரிகள் பேருந்திலேயே இருக்கும். 40 கி.மீ தூரத்திற்கு ஒருமுறை பேட்டரியை மாற்றம் செய்து அதிகபட்சமாக 200 கி.மீ. வரை இயக்கலாம்! அதற்கு ஏற்ற வகையில் பேருந்தில் பாட்டரிகள் இருப்பு இருக்கும். தற்போது குறைந்த பட்ச கட்டணம் 11 ரூபாயாக உள்ளது. எதிர்காலத்தில் இவ்வகைப் பேருந்துகள் இந்தியச் சாலைகளில் பயன்பாட்டில் இருக்கும்.

]]>
https://images.dinamani.com/uploads/user/imagelibrary/2020/5/2/w600X390/bus.JPG https://www.dinamani.com/weekly-supplements/siruvarmani/2020/may/02/இந்தியாவின்-முதல்-மின்சாரப்-பேருந்து-3411242.html
3411241 வார இதழ்கள் சிறுவர்மணி அங்கிள் ஆன்டெனா(2/05/2020) DIN DIN Saturday, May 2, 2020 06:15 PM +0530 கேள்வி:
நமது முழங்கை தற்செயலாக எதிலாவது இடித்துக் கொண்டால் ஷாக் (மின்சார அதிர்ச்சி) அடித்தது போன்ற உணர்வு ஏற்படுகிறதே இதற்குக் காரணம் என்ன?
பதில்: இந்த உணர்ச்சியை நம்மில் பலரும் அனுபவித் திருப்போம். முழங்கை தற்செயலாக மேஜையின் முனையில் இடித்துவிட்டாலோ அல்லது வேறு ஏதாவது கடினமான பொருளின் மீதோ இடித்தால் இந்த உணர்வு எல்லோருக்கும் ஏற்படும். இது ஏறக்குறைய ஷாக் அடித்தது போலவே இருக்கும்.
இதற்குக் காரணம் முழங்கையில் இருக்கும் (funny bone) நகைச்சுவை எலும்பு என்று பலர் கூறுவார்கள். ஆனால் உண்மையில் இப்படி நகைச்சுவை எலும்பு என்று எதுவும் கிடையாது.
முழங்கையின் முனையில் இருக்கும் உல்நார் நரம்பு (ulnar nerve) என்ற நரம்புதான் இதற்குக் காரணம். இது உடம்பின் பல பகுதிகளை இணைக்கும் மிக நீண்ட நரம்பு ஆகும். இந்த நரம்பு முழங்கையில் இருக்கும் எலும்புடன் இணைக்கப்பட்டிருக்கிறது. முழங்கையில் இந்த எலும்பு மிகவும் மெல்லிய தோல் மற்றும் கொழுப்பு குறைவான பகுதியில் உள்ளதால், இந்த நரம்பு எளிதில் பாதிக்கப்படுகிறது. இதனால்தான் இந்த ஷாக் அடிக்கும் உணர்வு ஏற்படுகிறது. ஆனால், இதனால் பாதிப்பு எதுவும் ஏற்படுவதில்லை, ஆகவே அஞ்ச வேண்டாம், நன்றாக சிரித்துக் கொள்ளவும். இதனால்தான் இந்த எலும்பை நகைச்சுவை எலும்பு என்று அழைக்கிறார்கள் போலும். 
-ரொசிட்டா
அடுத்த வாரக் கேள்வி
வானவில்லில் ஏழு வண்ணங்கள் உள்ளன என்பது எல்லோருக்கும் நன்றாகவே தெரியும். ஆனால், இந்த ஏழு வண்ணங்களும் ஒரு வரிசையில் அதாவது முதலில் ஊதா, கருநீலம், நீலம், பச்சை, மஞ்சள், ஆரஞ்சு மற்றும் சிவப்பு என்று அமைந்திருப்பதற்குக் காரணம் என்ன? இதில் ஏதாவது மாற்றம் நிகழ்வதற்கு வாய்ப்பு உள்ளதா?
பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம் நல்ல பதில் கிடைக்கும்.

]]>
https://images.dinamani.com/uploads/user/imagelibrary/2020/5/2/w600X390/sm6.jpg https://www.dinamani.com/weekly-supplements/siruvarmani/2020/may/02/அங்கிள்-ஆன்டெனா2052020-3411241.html
3411239 வார இதழ்கள் சிறுவர்மணி  காகிதப் பந்துகள்! DIN DIN Saturday, May 2, 2020 06:02 PM +0530 படம் வரைந்தோர் (நாய்க் குட்டி)ஜி. லிப்ஷாமல்லா 4-ஆம் வகுப்பு,
 நேஷனல் மெட்.ஹையர்.செகண்டரி. பள்ளி, மேட்டுப்பாளையம்.
 (விளையாடும் பையன்) டி.ஹரிணி 5- ஆம் வகுப்பு, எல். ஜி.மெட்.
 ஹையர்.செகண்டரி. பள்ளி, வெள்ளலூர்-641111.
 எல்லோருக்கும் ஒரே சந்தோஷம்! ரமேஷ் அண்ணாவிற்கு அகில இந்திய அளவில் நடைபெறப்போகும் கால்பந்துக் குழுவுக்கான தேர்வில் இடம் பெற அனுமதிச் சீட்டு வந்திருந்தது. இதில் தேர்வடைந்துவிட்டால் அவன் அகில இந்தியக் கால்பந்துக் குழுவில் இடம் பெறுவான். பிறகு ரமேஷ் அண்ணா அகில உலகப் போட்டிகளில் கலந்து கொள்ள இந்தியாவுக்காக ஆடும் குழுவில் இடம் பெறுவான். அடுத்த வாரம் அவன் கொல்கத்தாவுக்குச் செல்ல வேண்டும்.
 அம்மா ஸ்வீட் செய்து கொண்டு வந்து, "இந்தா ராஜூ!.... உன் அண்ணா நல்லபடியா செலக்ட் ஆகணும்னு வேண்டிக்கோ!'' என்று கேசரியை என்னிடம் கொடுத்தாள்.
 "ராஜூ, பீச்சுக்குப் போகலாம்!'' என்றான் ரமேஷ் அண்ணா. நானும் சரியென்று புறப்பட்டேன். நான், ரமேஷ் அண்ணா, என்னுடைய குட்டி நாய் டாமி எல்லோரும் பீச்சுக்குப் புறப்பட்டோம்.
 அங்கே சற்று நேரம் விளையாடினோம். பீச்சில் பக்கத்து வீட்டு ஃபிரான்ஸிஸ் அங்கிளைச் சந்தித்தோம். அவர் வெள்ளைக்கலரில் ஒரு ஷார்ட்ஸ் அணிந்திருந்தார். பேண்ட் பாக்கெட்டிலிருந்து ஐந்து பந்துகளை எடுத்தார். அதை மாற்றிப் போட்டுப் பிடித்தார். ஒரு பந்துகூட தவறிக் கீழே விழவில்லை! நான் ஆச்சரியமாக அவரையே பார்த்துக்கொண்டிருந்தேன்.
 "எப்படி மாமா, கீழே விழாம பிடிக்கிறீங்க?''
 "அதுவா, மேலே நாம் எறிகிற பந்தின் மீது கவனம் இருக்கணும்....!'' என்று கூறி அதன்படி அவர் செய்து காட்டினார். நான் முதலில் இரண்டு பந்துகளை அவர் போலவே எறிந்து பிடிக்க முயற்சித்தேன். ஒரு பந்து கீழே விழுந்தது. பிறகு அடுத்த முறை முயற்சித்தபோது இரண்டாவது பந்து கீழே விழுந்து விட்டது. ரமேஷும், ஃபிரான்ஸிஸ் அங்கிளும் சிரித்தனர். எனக்கு அந்த விளையாட்டு ரொம்பப் பிடித்திருந்தது. நான் விடாமுயற்சியால் அதைக் கற்றுக்கொண்டு விட்டேன். அதுவும் அரை மணி நேரத்திலேயே!
 "வெரி குட்!'' என்றார் ஃபிரான்ஸிஸ் மாமா. சற்று நேரத்தில் அவரிடமிருந்த பந்தில் மூன்றை வாங்கி அதையும் மாற்றிப் பிடித்தேன்! மாமாவும், அண்ணாவும் ரொம்ப ஆச்சரியமாக என்னைப் பார்த்தாங்க.
 ஆனால் ஐந்து பந்துகளை மாமாவைப் போல் போட்டுப் பிடிக்க என்னால் முடியவே இல்லை. இருந்தாலும் எனக்கு மகிழ்ச்சியாகத்தான் இருந்தது. ஸ்கூலில் நண்பர்களிடம் இந்த விளையாட்டை ஆடிக் காமிக்கணும்.
 மறுநாள்.... தோட்டத்தில் டாமி விளையாடிக்கொண்டிருந்தது. நான் பழைய பேப்பரையெல்லாம் சுருட்டி ஒரு பந்துபோலப் பண்ணிக்கொண்டேன். அதை வண்ணத் தாள்களில் சுற்றி நூலால் கட்டிக்கொண்டேன்! விடா முயற்சியுடன் ஒரு வழியாக ஐந்து பந்துகளையும் மாற்றி, மாற்றிப் போட்டுப் பிடிக்கக் கற்றுக் கொண்டேன். அதை ஃபிரான்ஸிஸ் மாமாவுக்குச் செய்து காண்பிக்க எனக்கு ஆசையாய் இருந்தது. மாமா வீட்டிற்குச் சென்றேன். டாமி என்னிடமிருந்த சிவப்பு வண்ணப் பந்தை மட்டும் தூக்கிக்கொண்டு ரமேஷ் அண்ணா இருந்த அறைக்குச் சென்றுவிட்டது! நான் டாமியைத் துரத்தினேன்! டாமி அந்த சிவப்புப் பந்தைத் தர மறுத்துவிட்டது.

எல்லோருக்கும் சந்தேகமாகிவிட்டது. டாமி ஏன் அந்தச் சிவப்புப் பந்தை மட்டும் தர மறுக்கிறது? அப்பா அந்தப் பந்தைப் பிரித்துப் பார்த்தார். அதில்.....
 ரமேஷ் அண்ணாவிற்கு வந்திருந்த கடிதம்!
 பழைய பேப்பரோடு அதை கவனிக்காமல் அவசரத்தில் கசக்கிச் சுருட்டி அந்தப் பந்தை நான் தயாரித்திருந்தேன்!
 "மூளை இருக்காடா உனக்கு!...'' என்று அப்பா என்னைத் திட்டினார். நான் திருதிருவென்று பயந்துபோய் அழ ஆரம்பித்து விட்டேன்.
 ரமேஷ் அண்ணா என்னிடம், "சரி, போனாப் போகுது அழாதே,.... நல்ல காலம் கிழிக்கலே... என்று கூறி அதை நன்றாகப் பிரித்து அதன்மீது ஒரு பேப்பரை வைத்து நன்றாக அயர்ன் செய்து சுருக்கத்தை நீக்கி ஒரு பேப்பர் கவரில் போட்டு, "நானும் கவனமா இருந்திருக்கணும்' என்று கூறி, பத்திரப்படுத்திக்கொண்டான்.
 இனிமே நான் கவனமாக இருக்கணும் என்று நினைத்துக்கொண்டேன். எல்லாத்துக்கும் டாமிக்குதான் நன்றி சொல்லணும். அண்ணா ஒரு வாரத்தில் கல்கத்தா சென்றார். அங்கிருந்து போன் வந்தது. அண்ணா இந்தியக் குழுவுக்குத் தேர்வாயிட்டானாம்!
 அம்மா மறுபடியும் ஸ்வீட் செய்தாங்க..... நான் வேறே ஒரு சிவப்புப் பந்தைத் தயாரித்து ஐந்து பந்துகளைத் தூக்கிப் போட்டு விளையாடினேன்! டாமி நாக்கைத் தொங்கப் போட்டுக்கொண்டு அருகில் அமர்ந்திருந்தது!
 ரமணி
 
 

]]>
https://images.dinamani.com/uploads/user/imagelibrary/2020/5/2/w600X390/sm4.jpg https://www.dinamani.com/weekly-supplements/siruvarmani/2020/may/02/காகிதப்-பந்துகள்-3411239.html
3411237 வார இதழ்கள் சிறுவர்மணி பொன்மொழிகள் (02/05/2020) DIN DIN Saturday, May 2, 2020 05:51 PM +0530 சிறிய விளக்கின் ஒளி பிரகாசிப்பதைப் போல சிறிய நற்செயல்களும் பிரகாசிக்கும்!
 - அரிஸ்டாட்டில்
 எவனைக்கண்டு உலகம் பிரமிக்கிறதோ அவன் பெரியவன். எவன் தன்னைக் கண்டு பிரமிக்கிறானோ அவன் சிறியவன்.
 - கண்ணதாசன்
 பயமும், சந்தோஷமும் ஒரே மனதில் குடியிருக்க முடியாது.
 - ùஸனகோ
 எளிமையானவர்களை பெருந்தன்மையுடனும், மரியாதையுடனும் நடத்துபவனே பெரிய மனிதன்.
 - கார்லைல்
 பிரச்னை என்பது, உங்களைத் திறமையுடன் செயல்பட வைக்க ஏற்படும் சந்தர்ப்பமே!
 - ட்யூக் வெல்லிங்டன்
 இறைவனிடம் பேச விருப்பமா?.... அப்படியானால் அதிகாலையில் எழுந்து விடுங்கள்.
 - கே.ஆர்.போரவல்
 கவலை என்பது இனி நடக்கப்போகும் துக்கத்தைக் குறைப்பது இல்லை. அது இன்றைய சந்தோஷத்தையும் கெடுத்துவிடுகிறது.
 - லியோபஸ் கேக்லியா
 கடன் கொடுக்கும்போது சாட்சி சொல்ல சிலர் இருப்பது நல்லது. தருமம் செய்யும்போதோ அருகில் யாருமே இல்லாமல் இருப்பது நல்லது.
 - ஜான் ரஸ்கின்
 வாக்குறுதியைப் பாராட்டிக் கைகள் தட்டப்படும்போது அதில் எதிர்பார்ப்பின் ஒலியும் கலந்திருக்கும்
 - ஹென்றி ஃபோர்டு
 உலகத்தில் நிறைய சாதனைகள் நிகழ்ந்துள்ளன. அத்தனையும் உற்சாகத்தினால்தான்!
 - எமர்சன்
 தொகுப்பு : அ.ராஜாரஹ்மான், கம்பம்.

]]>
https://images.dinamani.com/uploads/user/imagelibrary/2020/5/2/w600X390/sm2.jpg https://www.dinamani.com/weekly-supplements/siruvarmani/2020/may/02/பொன்மொழிகள்-02052020-3411237.html
3411236 வார இதழ்கள் சிறுவர்மணி வெஃகாமை Saturday, May 2, 2020 05:44 PM +0530 அறத்துப்பால் - அதிகாரம் 18 - பாடல் 7
 வேண்டற்க வெஃகி ஆம் ஆக்கம், விளைவயின்
 மாண்டற்கு அரிதாம் பயன்.
                                                                    - திருக்குறள்
 அடுத்தவர் பொருளை விரும்பியே
 ஆகும் நன்மை இல்லையே
 அந்த ஆசை வேண்டாமே
 தன் கைப்பொருளை பெரியது
 
 உரிய பொருளை எண்ணாமல்
 பிறரின் பொருளை எண்ணியே
 பெருமை இழந்து போகாதே
 உயர்ந்த உள்ளம் கொள்ளுவாய்
 -ஆசி.கண்ணம்பிரத்தினம்

]]>
https://images.dinamani.com/uploads/user/imagelibrary/2020/5/2/w600X390/sm1.jpg https://www.dinamani.com/weekly-supplements/siruvarmani/2020/may/02/வெஃகாமை-3411236.html
3407203 வார இதழ்கள் சிறுவர்மணி அங்கிள் ஆன்டெனா    -ரொசிட்டா DIN Saturday, April 25, 2020 07:36 PM +0530  

கேள்வி: நாம் வாழும் பூமியின் வயது என்ன?

பதில்: நம்மைப் போல பூமிக்குப் பிறந்த தின அத்தாட்சி (அதாவது பர்த் சர்ட்டிபிகேட்), ஆதார் அட்டை எல்லாம் கிடையாது. இருந்தாலும் உலக விஞ்ஞானிகள் பலரும் நூற்றுக்கணக்கான ஆண்டுகளாக பூமியின் வயதைத் தீர்மானிக்கப் பலவகைகளிலும் முயற்சி செய்து வந்திருக்கி          றார்கள், வருகிறார்கள். 

பூமி பிறந்த போது அந்த நாளைக் குறித்து வைக்க யாரும் இல்லையே! 

சரி, எப்படிப் பூமியின் வயதைக் கண்டுபிடிப்பார்கள் அல்லது கண்டுபிடித்தார்கள் என்ற கேள்வி எழுகிறது  அல்லவா?

பூமியின் பல பகுதிகளிலும் இருக்கும் பாறைகளை வைத்துதான் பூமியின் வயதைக் கண்டுபிடிக்கிறார்கள். இதிலும் பல சிக்கல்கள் இருந்தன.  பழைய பாறைகள் காற்றினாலும்  பல்வேறு புயல்களா லும் நீராலும் தேய்ந்து, உடைந்து போய்விடுவதால் எது  மிகப் பழைய பாறை என்பதைக் கண்டுபிடிக்க இயலாத நிலை இருந்தது. இருந்தாலும் பல்வேறு புதிய புதிய யுத்திகள் மூலம் உலகின் மிகப் பழைய பாறைகளை விஞ்ஞானிகள் இனம் கண்டு, பூமியின் வயதைத் தோராயமாகக் கண்டுபிடித்திருக்கிறார்கள்.  கனடாவில் கிடைத்துள்ள பாறைகள் 4.03 பில்லியன் ஆண்டுகள் பழைமையானவை. 

இதை வைத்து, தற்போதைக்கு பூமியின் வயது 4 பில்லியன் ஆண்டுகளுக்கு மேல் இருக்கலாம் என்று கணித்திருக்கிறார்கள். இன்னும் புதிதாக யாராவது கண்டுபிடித்தால், இந்த வயது இன்னும் அதிகரிக்கக்கூடும். ஏனெனில் ஆராய்ச்சிகள் தொடர்ந்து கொண்டே இருக்கின்றன.

]]>
https://images.dinamani.com/uploads/user/imagelibrary/2020/4/18/w600X390/sm2.jpg https://www.dinamani.com/weekly-supplements/siruvarmani/2020/apr/25/அங்கிள்-ஆன்டெனா-3407203.html
3407202 வார இதழ்கள் சிறுவர்மணி கடி DIN DIN Saturday, April 25, 2020 07:34 PM +0530 ""மழையிலே ரெண்டு பூச்சி நனைஞ்சுது!.... ஒரு பூச்சிக்குக் குளிருச்சு!.... 
இன்னொண்ணுக்குக் குளிரவேயில்லே!.... ஏன்?''
""நீயே சொல்லு!''
""ஏன்னா, அது கம்பளிப் பூச்சி!''

கே.விஜயலட்சுமி, திருப்பத்தூர்.

 

""என்னடா உன் தம்பி கோழி சொல்றதுக்கு "கோளி' ன்னு சொல்றான்?''
""என்ன பண்றது?.... அவனுக்கு அப்படிப்  "பளகி' ப்போச்சு!''

பானுமதி, தணிகாசலம் நகர்,  
சென்னை - 600010.


""ஏண்டா என் ஃபிரெண்ட்,ஸ் கிட்டே பேசிக்கிட்டு இருக்கறப்போ உறுமிகிட்டே வர்றே?''
""நீதானேண்ணா உன் ஃபிரெண்ட்ஸ் கிட்டே நான் படிப்பிலே புலின்னு சொன்னே!''

தே.இந்துகுமரன், 45, காமராஜர் தெரு,
விழுப்புரம் - 605602.

 

""குதிரைக்கு எத்தனை கால்?''
""ரெண்டு கால்!''
""எப்படி சொல்றே?''
""எங்க ஊர் திருவிழாவிலே பொய்க்கால்  ஆடும்போது பார்த்தேன்!''

ஆர்.சுப்பு, திருத்தங்கல்.


""தோப்புலே மாங்கா பறிச்சேன்..... தோப்பு காவல்காரன் பார்த்திட்டான்!''
""அப்புறம்?''
""தோப்புக்கரணம் போடச் சொன்னான்.... போட்டுட்டு வந்துட்டேன்!''

கே.இந்துகுமரன், விழுப்புரம்.


""அவன் ரொம்ப சிக்கனம்!'' 
""எப்படி சொல்றே?''
""அவனோட "ஏழுமலை' ங்கிற பெயரைக்கூட  "7மலை' ன்னு எழுதுவான்!''

கே.இந்துகுமரப்பன், விழுப்புரம்.

]]>
https://images.dinamani.com/uploads/user/imagelibrary/2020/4/25/w600X390/sm7.jpg https://www.dinamani.com/weekly-supplements/siruvarmani/2020/apr/25/கடி-3407202.html
3407201 வார இதழ்கள் சிறுவர்மணி விடுகதைகள் -ரொசிட்டா DIN Saturday, April 25, 2020 07:31 PM +0530  

1.  இருளிலும் பார்ப்பான், இந்த முட்டைக் கண்ணன். யார் இவன்?
2.  காய்ந்த மரத்தில் கல்லெறிந்தால் காவல்காரர்கள் பாய்ந்து தாக்க வருவார்கள்....
3. தேடிக் கிடைத்த உணவை கூடிக் கூடி உண்பான்...
4. கடித்தால் துவர்ப்பு, தண்ணீர் குடித்தால் இனிப்பு...
5. எண்ணெயில் கோலம் போட்டு வந்தது ஒரு பின்னல் தட்டு...
6. சுள்ளென்று இருப்பான், சோற்றுக்கு சுவை கூட்டு வான்...
7. நடக்க அஞ்சாது, ஆனால் தண்ணீருக்கு அஞ்சும்...
8.  அன்னம்மா அழுதது எதனாலே, அறைக்குள் வெளிச்சம் அதனாலே...
9. தேடாமல் கிடைக்கும் பல், தேடிய செல்வத்தைக் குறைக்  கும் பல்....

விடைகள்

1. ஆந்தை
2. தேன்கூடு, தேனீக்கள்
3. காகம்
4. நெல்லிக்காய்
5.  முறுக்கு
6.  மிளகாய்  
7. செருப்பு 
8. மெழுகுவர்த்தி
9. சோம்பல்

 

]]>
https://www.dinamani.com/weekly-supplements/siruvarmani/2020/apr/25/விடுகதைகள்-3407201.html
3407200 வார இதழ்கள் சிறுவர்மணி இயற்கை இதன் பேரு!    தேவகி மைந்தன் DIN Saturday, April 25, 2020 07:30 PM +0530
பட்டாம் பூச்சி சிறகின் மேலே
கோலம் போட்டது யாரு?
பாட்டுப் பாட குயிலைக் கூட்டி
பாடம் எடுத்தது யாரு?

விடியலிலே சேவல் கூவ
வேண்டிக்கிட்டது யாரு?
வண்ண மயில் ஆட்டத்துக்கு
வாத்தியாரும் யாரு?

தூக்கணாங்குருவி தொங்குவீடு
திட்டம் வகுத்தது யாரு?
தேனீயிடம் சேமிக்கச் சொல்லி
தேதி குறித்தது யாரு?

காவல் காக்கும் நாயிடத்தில்
கடமை சொன்னது யாரு?
காகத்திடம் தூய்மை செய்ய
காதில் போட்டது யாரு?

எல்லாத்துக்கும் காரணந்தான்
என்னவென்றே கூறு!
எங்கும் எழில் கொஞ்சுகின்ற
"இயற்கை'  இதன் பேரு!

 

]]>
https://images.dinamani.com/uploads/user/imagelibrary/2020/4/25/w600X390/sm6.jpg https://www.dinamani.com/weekly-supplements/siruvarmani/2020/apr/25/இயற்கை-இதன்-பேரு-3407200.html
3407199 வார இதழ்கள் சிறுவர்மணி பொன்மொழிகள் DIN DIN Saturday, April 25, 2020 07:28 PM +0530  

எல்லோருடைய இடத்தையும் தாய் வகிக்க முடியும்! ஆனால் தாயின் இடத்தை யாராலும் வகிக்க முடியாது.

- மெர்சாப்

 

பேரானந்தத்தின் ரகசியம் தன்னலமற்ற தியாகமே! 

- சாய்பாபா

 

தொலைவில் உள்ள தெய்வத்தை அருகில் கொண்டுவந்து காட்டுவது தியானம். 

- ஓவென் ஃபெலட் ஹேம்

 

இனிமைகள் கண்ணைக் கவரும். திறமையோ ஆன்மாவை ஈர்க்கும்.

 - அலெக்ஸôண்டர் போப்

 

நேர்மையான துணிவுக்கு ஆண்டவனே துணை செய்வான்.

 - மெனாண்டர்

 

ஒரு எறும்பின் உயிரைக் காப்பாற்றுவது என்பது ஒரு பேரரசை நிறுவுவதைவிடச் சிறந்த செயல். 

- அரவிந்தர்.

 

கறைபடியாத இதயத்திற்குக் கவசங்கள் தேவையில்லை. 

- ஷேக்ஸ்பியர்

 

எந்த மனிதனும் தவறு செய்வான். ஆனால் முட்டாள் தொடர்ந்து அதைச் செய்து கொண்டிருப்பான். 

- சிசரோ

 

நம் வீட்டு விளக்கொளியும், அடுத்த வீட்டு விளக்கொளியும் ஒன்றோடொன்று உறவாடிக்கொள்கின்றன. நாம் ஏன் அண்டை வீட்டுக்காரருடன் சண்டை போட வேண்டும் ?

- சாய்பாபா

]]>
https://images.dinamani.com/uploads/user/imagelibrary/2020/4/25/w600X390/sm5.jpg https://www.dinamani.com/weekly-supplements/siruvarmani/2020/apr/25/பொன்மொழிகள்-3407199.html
3407198 வார இதழ்கள் சிறுவர்மணி அழுக்காறாமை DIN DIN Saturday, April 25, 2020 07:19 PM +0530 அறத்துப்பால்   -   அதிகாரம் 17   -   பாடல் 7


அவ்வித்து அழுக்காறு உடையானைச் செய்யவள் 
தவ்வையைக் காட்டிவிடும்.


- திருக்குறள்


அழுத்தமான பொறாமையை 
அகத்தினிலே கொண்டிருப்போர்
முகத்தினிலே கடுகடுப்பு 
முளைத்துக் கேடாய் விளைந்திடும்

செல்வம் என்ற திருமகள் 
சீக்கிரமாய் நீங்கிடுவாள் 
கவலை என்ற துக்க மகள் 
குடியிருக்க வந்திடுவாள்

- ஆசி. கண்ணம்பிரத்தினம்

]]>
https://images.dinamani.com/uploads/user/imagelibrary/2020/4/25/w600X390/sm4.jpg https://www.dinamani.com/weekly-supplements/siruvarmani/2020/apr/25/அழுக்காறாமை-3407198.html
3407197 வார இதழ்கள் சிறுவர்மணி ஷீலாவும் தவளையும் - ரமணி DIN Saturday, April 25, 2020 07:14 PM +0530 குட்டிப் பெண் ஷீலாவுக்கு மலர்கள் என்றால் ரொம்பப் பிடிக்கும்! மலர்களை அவற்றின் கிளைகளோடு வெட்டியபோது அவை வாடிவிடுவதை அவள் கண்டாள். அவளுக்கு வருத்தமாகப் போய்விட்டது! செடிகளை வேருடன் பிடுங்கி உடனே அவற்றை நல்ல மண் இருக்குமிடத்தில் புதைத்து வைத்துத் தண்ணீர் விட்டு வளர்த்தால் அவை மீண்டும் நன்றாகத் துளிர்த்து பூக்களைக் கொடுக்கும் என்று அவள் தாத்தா சொல்லியிருந்தார். அத்துடன் அவளுக்கு ஒரு பூந்தொட்டியையும் பரிசாக அவர் கொடுத்தார். 

அவள் வீட்டிற்கு அருகில் இருந்த ஆற்றங்கரையில் செக்கச் செவேல் என்று கொத்துக்கொத்தாய் மலர்கள் பூத்திருந்தன. அந்த மலர்ச்செடியை வேரோடு பிடுங்கி எடுத்துக்கொண்டு வந்து தன் வீட்டுத் தோட்டத்தில் வைக்க வேண்டும் என்று அவள் ஆசைப்பட்டாள்!  அதற்காக தாத்தா கொடுத்த சின்னத் தொட்டியை  எடுத்துக்கொண்டு ஆற்றுக்குக் கிளம்பினாள்.
அவள் புறப்படும்போது ஷீலாவின் அம்மா எதையோ தேடிக்கொண்டிருந்தாள். 
""என்னம்மா தேடறே?'' 

""என்னோட  ஒற்றைக் கல் மூக்குத்தியை எங்கேயோ தொலைச்சுட்டேன்... அதைத்தான் தேடிக்கிட்டு இருக்கேன்!'' 

ஆற்றங்கரைக்குச் சென்றாள் ஷீலா. அங்கு இருந்த சிவப்பு மலர்ச் செடியை அவள் வேருடன் பிடுங்கி தன் தொட்டியில் வைத்தாள். பிறகு தொட்டியில் ஆற்றுமண்ணை இட்டு நிரப்பினாள். கையெல்லாம் மண்ணாகிவிடவே ஆற்று நீரில் கைகளைக் கழுவிக்கொண்டாள். அப்போது அவள் கையில் ஒரு பச்சைத் தவளை படக்கென்று வந்து அமர்ந்தது! அவளுக்கு அது ஆச்சரியமாகப் போய்விட்டது! 

தவளையால் பேசவோ கத்தவோ முடியவில்லை. அது வாயைத் திறந்து காட்டியது. வாய்க்குள் ஏதோ மினுமினுவென்று தங்கம் போல் மின்னியது. அது தொண்டையை அடைத்துக்கொண்டிருந்தது. ஷீலாவுக்கு தவளை படும் வேதனையைப் பார்த்தாள். அவளுக்கு மனசு இரங்கிவிட்டது. தவளையின் தோள் பகுதியை மெல்ல அழுத்தினாள்! 

தொண்டையில் மின்னிக்கொண்டிருந்த அந்தத் தங்கத் துண்டு வெளியில் வந்து விழுந்தது! ஷீலாவுக்கு ஆச்சரியமாகப் போய்விட்டது. தவளையைக் கீழே விட்டாள். அது சந்தோஷமாகக் கத்திக்கொண்டு ஆற்றில் துள்ளிக்குதித்து நீந்தியது!

கீழே விழுந்த அந்தச் சிறிய தங்கம் அம்மாவின் மூக்குத்திதான் என்பதை ஷீலா தெரிந்துகொண்டாள்! அவளுக்கு சந்தோஷமாக இருந்தது. ஆனால் இந்த மூக்குத்தி தவளையின் வாயில் எப்படி வந்தது? அவளுக்குப் புதிராக இருந்தது.
பூந்தொட்டியையும், அம்மாவின் மூக்குத்தியையும் எடுத்துக்கொண்டு வீட்டிற்குப் போனாள் ஷீலா. நடந்த எல்லாவற்றையும் சொல்லி அம்மாவிடம் மூக்குத்தியைக் கொடுத்தாள்.  

அம்மாவுக்கு மூக்குத்தி கிடைத்ததில் ரொம்ப சந்தோஷம்! 

""இது எப்படிம்மா தவளையின் வாய்க்குள் வந்தது?''

""காலையிலே ஆற்றுக்குக் குளிக்கப் போனேன்.  மூக்குத்தியைக் கழற்றாமலே குளித்தேன். முங்கிக் குளித்துவிட்டு முகத்தைத் தேய்க்கும்போது அது ஆற்று நீரில் விழுந்திருக்கும். அதை ஏதோ பூச்சி என்று தின்ன முயற்சி செய்யும் போது அது தவளையின் தொண்டையில் மாட்டியிருக்கும்!.... ஆனால் இந்த மூக்குத்தி கிடைச்சது என்னோட அதிருஷ்டம்தான்! அதிலே சந்தேகமே இல்லை!'' என்றாள் அம்மா உற்சாகமாய்!

""எல்லாம் அந்த சிவப்புப் பூ நம்ம வீட்டுக்கு வந்த அதிருஷ்டம்!'' என்று கூறிக்கொண்டு அதை தோட்டத்தில் நட்டுவைக்க தாத்தாவுடன் சென்றாள் ஷீலா.

""தவளையின் துன்பத்தை நீக்கினதுக்குக் கிடைத்த பரிசாகக்கூட இருக்கலாம்!'' என்றாள் அம்மா.

]]>
https://images.dinamani.com/uploads/user/imagelibrary/2020/4/25/w600X390/sm3.jpg கதைக்குப் படம் வரைந்தோர் (பூங்கொத்து) - வி.சுவாதி, 5-ஆம் வகுப்பு, பஞ்சாயத்து யூனியன் பிரைமரி பள்ளி, குடியாத்தம்-602. (தவளையுடன் ஷீலா) ஆர்.ஐஸ்வர்யா, 6-ஆம் வகுப்பு, அரசு பெண்கள் உயர்நிலைப்பள்ளி, திருத் https://www.dinamani.com/weekly-supplements/siruvarmani/2020/apr/25/ஷீலாவும்-தவளையும்-3407197.html
3407196 வார இதழ்கள் சிறுவர்மணி பிஞ்சுக் கை வண்ணம்! Saturday, April 25, 2020 06:59 PM +0530 பிஞ்சுக் கை வண்ணம்!

 

பிஞ்சுக் கை வண்ணம்!

]]>
https://www.dinamani.com/weekly-supplements/siruvarmani/2020/apr/25/பிஞ்சுக்-கை-வண்ணம்-3407196.html
3402888 வார இதழ்கள் சிறுவர்மணி கடி DIN DIN Saturday, April 18, 2020 05:52 PM +0530
""பாடத்திலேயும் நீ கொஞ்சம் கவனம் செலுத்தணும்!''
""முடிஞ்ச அளவு கொஞ்சமாத்தான் கவனம் செல்த்தறேன் சார்!''

உ.உமர் ஃபாரூக்,  கடையநல்லூர்.

 

""அந்த அங்கிள் அஞ்சு வருஷம் ஏணி வியாபரம் செஞ்சு நல்லா பணக்காரரா ஆயிட்டாரு!''
""படிப்படியா முன்னேறிட்டாருன்னு சொல்லு!''

க.நாகமுத்து,  திண்டுக்கல்.



""அந்தப் பாம்பாட்டியின் மகுடி வாசிப்பு சூப்பராயிருக்கும்!''
""எப்படி சொல்றே?''
""பாம்போட கீரியும் சேர்ந்து ஆடும்னா பார்த்துக்கோயேன்!''

பர்வதவர்த்தினி, சென்னை - 600075.

 

""தலையிலே பல்லி விழுந்தால், பஞ்சாங்கத்திலே "கலகம்' னு போட்டிருக்கு!''
""தலையிலே பல்லி விழுந்தால் பஞ்சாங்கத்திலே ஏன் கலகம் வரப்போகுது?''

ஜி.இனியா, கிருஷ்ணகிரி.

 

""நாலு பேர் இருக்கீங்களே,.... ஒரு பீசா போதுமா?''
""போதும்!.... நாலு பீசா போட்டுக் கொடுங்க!''

மு.பூங்கொடி, மதுரை - 625532.

 

""மழை எப்படிப் பெய்யுதுன்னு சொல்லு பார்க்கலாம்!''
""படபடபடபடபடபடபடபட.....''
""நிறுத்துடா!''
""க்ளொக்....... க்ளொக்....... க்ளொக்''

ஜி.சுந்தரராஜன், திருத்தங்கல்.

]]>
https://images.dinamani.com/uploads/user/imagelibrary/2020/4/18/w600X390/sm11.jpg https://www.dinamani.com/weekly-supplements/siruvarmani/2020/apr/18/கடி-3402888.html
3402886 வார இதழ்கள் சிறுவர்மணி மரங்களின் வரங்கள்!: பன்னீர் மரம்! -- பா. இராதாகிருஷ்ணன் DIN Saturday, April 18, 2020 05:48 PM +0530
குழந்தைகளே நலமா....

நான் தான் பன்னீர் பேசறேன். எனது தாவரவியல் பெயர் மில்லிங்டானியாஹார்டென்னிசிஸ், அறிவியல் பெயர் கயேட்டார்டா ஸ்பீசிஆச என்பதாகும். காஃபி குடும்பத்தைச் சேர்ந்தவன். தமிழகத்தில் காண்பதற்கு மிக அரிதாகி விட்ட மரங்களுள் நானும் ஒருவன். எனக்கு மரமல்லி மரம், கார்க் ட்ரீ, மல்லி மரம் என வேறு பெயர்களும் உண்டு. நான் செங்குத்தாக வளருவேன். என் இலை, பூ, வேர் அனைத்தும் உங்களுக்கு பயன் தருபவை. என் இலை காண்பதற்கு முருகனின் வேல் போன்ற வடிவத்திலிருக்கும். நான் முருகப் பெருமானுக்கு உகந்த மரமாவேன். சில திருக்கோயில்களில் என் புஷ்பம் சிவன் மற்றும் விஷ்ணுவுக்கு உகந்த மலராகவும் கருதப்படுகிறது.

என் நறுமணம் கொண்டே என்னை நீங்கள் அடையாளம் காணலாம். வெள்ளை நிறத்தில் அளவில் சற்று நீண்டு என் மலர் தரும் நறுமணம் உங்கள் மனதுக்கு புத்துணர்வையும், அமைதியையும் தரும். மலர்கள் பூக்கும் காலங்களில், என் மரத்தினடியில் பூ மெத்தைப் போல பரவி, அந்த இடங்களில் சுகந்த நறுமணத்தை நான் பரப்புவேன். பன்னீர் புஷ்பங்களை இயற்கையில் அருட்கொடை என்றே சொல்லலாம். சங்கக் காலத்தில் என் மலரின் பெயர் மெளவல். என் மலரின் அரும்புகளை மகளிரின் பல் வரிசைக்கு உவமையாக காட்டியிருக்காங்க.

பன்னீர் மலர்கள் உள்ள இடத்தில், எதிர்மறை எண்ணங்கள் விலகி தன்னம்பிக்கை எண்ணங்கள் உருவாகும், பன்னீர் புஷ்பங்கள் உடலுக்கும், மனதுக்கும் சக்தியைக் கொடுக்குமுன்னு அந்தக் காலத்தில் சொல்லி வெச்சிருக்காங்க குழந்தைகளே. பொதுவாக, பன்னீர் மரங்கள் வீட்டில் இருந்தாலோ பெண்களுக்கு ஏற்படும் உடல்நலப் பாதிப்புகள் நீங்கி விடும் என்கின்றனர்.

பிலிப்பைன்ஸ் நாட்டு மக்கள் என் அருமையை உணர்ந்திருக்காங்க. அவங்க, விஷமாகும் உணவுகளால் ஏற்படும் நோய்களைப் போக்கவும், காய்ச்சலை கட்டுப்படுத்தவும், நுரைநீரல் டானிக்காவும் என் மரத்தின் வேரை அரைத்து கஷாயமாக்கி பயன்படுத்தறாங்க. என் மலரிலிருந்து ஆஸ்த்துமா நோயைப் போக்க மருந்து தயாரிக்கறாங்க. தனி அடையாளம் கொண்ட என்னை நறுமணத்துக்காகவும், அழகுக்காகவும், வீட்டுத் தோட்டங்கள் தெருக்களில் வளர்க்கலாம். என் பூக்களில் இருந்து பெறப்படும் சாறிலிருந்து தைலம் தயாரிக்கலாம் அல்லது அதனுடன் இனிப்பு சுவை கலந்து குடித்தால் நல்ல ஆரோக்கியம் பெறலாம். இந்தத் தைலம் மூட்டு எலும்புகள், முதுகு வலிகள் போன்ற உடம்பில் ஏற்படும் அனைத்து வலிகளுக்கும் சிறந்த நிவாரணி.

என் பூவிலிருந்து தயாரிக்கப்படும் எண்ணெய்யை முகத்திலோ உடம்பிலே தேய்தால் சுருக்கங்கள், கருமை நிறம், தழும்புகள் நீங்கும். என் பூவை நீருடன் சேர்த்து வேக வைத்து, அந்த நீரை வடிகட்டி அதனை தினம் அருந்தி வந்தால் காய்ச்சல் வராது, உங்களுக்கு நோய் எதிர்ப்பு திறனைக் கொடுக்கும் மற்றும் சளி தொல்லையால் ஏற்படும் கோளாறுகள் வராது, எலும்புகளுக்கு உறுதியைக் கொடுக்கும். என் காய்ந்த பன்னீர் மலர்களை, சாம்பிராணி புகையிலிட்டு அந்த வாசனையை நீங்க சுவாசித்தீர்களேயானால் உங்களுக்கு சுவாசப் பிரச்னையே இருக்காது. என் மரத்தின் கிளைகள் மரப் பகுதி, தக்கை போன்ற தன்மையுடையதால் மருந்துகள் சேமிக்கப்படும் குப்பிகளில், காற்றை புகவிடாமல் தடுக்க தக்கையாக பயன்படுத்தறாங்க. என் பட்டையை நீரிலிட்டு மூன்றில் ஒரு பங்காக தண்ணீர் சுண்டி பருகி வந்தால், வயிற்றுப் போக்கு நீங்கும்.

திருச்செந்தூர், அருள்மிகு சுப்பிரமணிய சுவாமி திருக்கோயிலில் வழங்கப்படும் திருநீற்றுப் பிரசாதம் என் இலையில் தான் வைத்து வழங்கப்படுகிறது என்பது எனக்கு சூட்டிய மணி மகுடம். மேலும் தொன்மையான தருமை ஆதீனம் போன்ற சைவத் திருமடங்களிலும், சன்னிதானங்கள் பக்தர்களுக்கு ஆசிர்வாதம் அளிக்கும் போது திருநீற்றுப் பிரசாதங்களை என் இலைகளிலேயே வைத்து வழங்குவர். நான் தஞ்சாவூர் மாவட்டம், திருச்சோற்றுத்துறை, அருள்மிகு சோற்றுத்துறை நாதர், நாகப்பட்டினம் மாவட்டம், சீர்காழி, ஆரயண்யேஸ்வரர் ஆகிய திருக்கோயில்களில் தலவிருட்சமாக இருக்கிறேன். நன்றி குழந்தைகளே, மீண்டும் சந்திப்போம்.

(வளருவேன்)

]]>
https://images.dinamani.com/uploads/user/imagelibrary/2020/4/18/w600X390/sm10.jpg https://www.dinamani.com/weekly-supplements/siruvarmani/2020/apr/18/மரங்களின்-வரங்கள்-பன்னீர்-மரம்-3402886.html
3402885 வார இதழ்கள் சிறுவர்மணி பிஞ்சுக் கை வண்ணம்! DIN DIN Saturday, April 18, 2020 05:45 PM +0530 பிஞ்சுக் கை வண்ணம்!

 

பிஞ்சுக் கை வண்ணம்!

 

]]>
https://www.dinamani.com/weekly-supplements/siruvarmani/2020/apr/18/பிஞ்சுக்-கை-வண்ணம்-3402885.html
3402883 வார இதழ்கள் சிறுவர்மணி விடுகதைகள் -ரொசிட்டா DIN Saturday, April 18, 2020 05:32 PM +0530  

1.  இடி இடிக்கும், மின்னல் மின்னும் ஆனாலும் மழை பெய்யாது...
2.  பறந்தபடி பாடுவான்... உட்கார்ந்தால் உதிரம் குடிப் பான்...
3. வெய்யிலுக்குக் காய்வான், தண்ணீருக்குப் பொங்கு வான்..
4. ஊரிலிருந்து வாங்கி வந்த உருண்டை, உரிக்க உரிக்க வெறுந்தோல்...
5. இவள் ஒரு பாடகி, ஆனால் பெண் அல்ல...
6. திரி இல்லாத விளக்கு, என்ன விளக்கு?
7. ஓடுகிற குதிரைக்கு விலாவெல்லாம் ஓட்டை...
8.  வெள்ளை மாளிகைக்கு வாசலும் இல்லை, வழியும் இல்லை...
9. வரிசைக்கு வரும் முந்தி, வெளியே போகும் பிந்தி...


விடைகள்

1. பட்டாசு, 2. கொசு, 3. சுண்ணாம்பு,
4. வெங்காயம், 5.  குயில், 6.  சூரியன், 
7. புகைவண்டி, 8. கோழி முட்டை,
9. சாப்பாட்டு வாழை இலை

 

]]>
https://www.dinamani.com/weekly-supplements/siruvarmani/2020/apr/18/விடுகதைகள்-3402883.html
3402882 வார இதழ்கள் சிறுவர்மணி அரங்கம்: 'கரோனா' தந்த மாற்றம்! இடைமருதூர் கி. மஞ்சுளா DIN Saturday, April 18, 2020 05:32 PM +0530
அரங்கம் -1
இடம்: பள்ளிக்கூடம். ஆசிரியர் ஓய்வு அறை.
பாத்திரங்கள்: தமிழாசிரியர் சண்முகசுந்தரம், கணித ஆசிரியர் சேதுராமன்.
(கரோனா நோய்த் தொற்றுக்காக அரசு அறிவித்திருந்த சுய ஊரடங்கைத் தளர்த்திய நான்கு நாள்களுக்குப்
பிறகு பள்ளிக்கு சண்முகசுந்தரமும் சேதுராமனும் வந்திருந்தனர். ஆசிரியர் ஓய்வறையில் சேதுராமன் மிகவும் வருத்தமாக உட்கார்ந்திருந்தார்.)

சண்முகசுந்தரம்: என்ன சேது, ஏதோபோல இருக்கீங்க? கரோனா விடுமுறையெல்லாம் எப்படிப் போனது?
சேதுராமன்: எங்கே போனது... சிரமப்பட்டுத் தள்ள வேண்டியதாயிற்று நானும் என் மனைவியும்.
சண்முகசுந்தரம்: என்னாயிற்று? பிள்ளைகள் உங்களோடுதானே இருந்தாங்க?
சேதுராமன்: எங்கே இருந்தாங்க... மார்ச் முதல் வாரத்தில் எங்க அம்மா சென்னை வந்திருந்தார். அப்போது சேர்ந்தாற்போல நான்கு நாள் விடுமுறை இருந்ததால பாட்டியோட கிராமத்துக்குப் போறேன்னு போனவங்கதான்... இந்த கரோனா அறிவிப்பு வந்து பேருந்து, ரயிலையெல்லாம் நிறுத்தினதால இருவரும் அங்கேயே தங்கிட்டாங்க. நானும் மனைவியும் இங்கே பிள்ளைகள் இல்லாமல் ஆளுக்கொரு பக்கமாக செல்ஃபோனை வச்சிகிட்டு முடங்கிக் கிடந்தோம்.
சண்முகசுந்தரம்: இப்பதான் ஊரடங்தைத் தளர்த்திட்டாங்களே... பிள்ளைங்க வீட்டுக்கு வந்திருப்பாங்களே...
சேதுராமன்: எங்கே வந்தாங்க... ஊரடங்கைத் தளர்த்தி நாலு நாள்தான் ஆகுதாம். பேருந்து, ரயிலில் ரொம்பக் கூட்டமா இருக்குமாம்... சென்னை சகஜ நிலைக்குத் திரும்பியதும் அனுப்பறேன்னு அம்மா பிடிவாதம் பிடிக்கிறாங்க... என்னையும் அங்கே வரக்கூடாதுன்னு கண்டிப்பா சொல்லிட்டாங்க... என்ன பண்றதுன்னே தெரியலை... பிள்ளைங்க இல்லாம வீடே வெறிச்சோடிக் கிடக்கு சண்முகம்... எங்க நிம்மதியே போச்சு...
சண்முகசுந்தரம்: சரி...சரி... கவலைப்படாதீங்க! பாட்டி-தாத்தாவுக்கு ஒத்தாசையா கொஞ்ச நாள் இருந்துட்டு வரட்டுமே...
சேதுராமன்: ஒத்தாசையா...? உங்களுக்கு என் பிள்ளைகளைப் பற்றித் தெரியாது. அக்காவும் தம்பியும் ரொம்ப சேட்டை. வீட்டு வேலை ஏதாவது செய்யச் சொன்னா... இரண்டு பேரும் போட்டிப் போடுவாங்க... நாங்க ரொம்ப செல்லம் கொடுத்து வளர்த்துட்டோம்... அதுதான் இப்பப் பிரச்னையா இருக்கு. பாவம் எங்க அம்மா... என்ன பாடுபட்றாங்களோ...?
சண்முகசுந்தரம்: எல்லாம் சரியாயிடும் சேது.... அப்புறம்... நம்ம பள்ளி சார்பா நாம இரண்டு பேரும் சேர்ந்து ஒரு நூல் கொண்டு வரலாம்ணு விரும்பறேன்.
சேதுராமன்: எதைப் பற்றி?
சண்முகசுந்தரம்: இன்றைக்கு உலகையே அச்சுறுத்தி வரும் கரோனா விடுமுறை அனுபவத்தைத்தான். மாணவர்களிடம் இந்த சுய ஊரடங்கின்போது வீட்டில் இருந்தபடி ஆக்கப்பூர்வமாக என்னென்ன செய்தீர்கள் என்று கேட்டு, அவற்றையெல்லாம் அந்த நூலில் பதிவு செய்யலாம்...
சேதுராமன்: இதனால யாருக்கு என்ன பயன்? இதையெல்லாம் யாரு படிப்பாங்க...? எனக்கு இதில் உடன்பாடில்லை சண்முகம். என்னால் உங்களுக்கு உதவ முடியாது...ப்ளீஸ்... என்னை விட்டுடுங்க...
சண்முகசுந்தரம்: சரி... உங்களை நான் கட்டாயப்
படுத்த விரும்பலை.

அரங்கம்-2
இடம்: தலைமை ஆசிரியர் அறை.
பாத்திரங்கள்: சண்முகசுந்தரம், வகுப்பு மாணவர்கள்
தலைமை ஆசிரியர் கண்ணப்பன், சேதுராமன்.
(கோடை விடுமுறைக்குப் பிறகு பள்ளி திறந்த முதல் நாள். தலைமை ஆசிரியர் அறையில் மாணவர்கள், சண்முகசுந்தரம், சேதுராமன், ஆசிரியர்கள்
சிலர் கூடியிருந்தனர். சேதுராமன் காரணம்புரியாமல் நின்றிருந்தார்.)

கண்ணப்பன்: வாங்க... சேதுராமன், இந்த நூலை நீங்கள்தான் முதன்முதலில் என் கையால் வாங்கணும்னு தமிழாசிரியர் ஆசைப்படுகிறார்.
சேதுராமன்: (ஒன்றும் புரியாமல் அந்த நூலை வாங்கிப் பார்த்தவர் அதிர்ந்து மகிழ்ந்தார்) என்ன சார் இது? நூலின் அட்டைப் படத்தில் என்னுடைய பிள்ளைகள்?
கண்ணப்பன்: எட்டாம் பக்கத்தை முதலில் பாருங்க...
(எட்டாம் பக்கத்தைப் புரட்டினார். தன் மகனும் மகளும் தாத்தா-பாட்டியுடன் இருப்பதைப் போன்ற
புகைப்படத்துடன் கூடிய அவர்களது பேட்டி
அதில் இடம்பெற்றிருந்து.)
சேதுராமன் : என்ன சண்முகம் இது? எப்படி இவ்வளவு சீக்கிரமாக இந்நூலை தயார் செய்தீர்கள்? என் பிள்ளைகளையும் மற்ற மாணவர்களையும் எப்படித் தொடர்பு கொண்டீர்கள்?
சண்முகசுந்தரம்: இதில் ஆச்சரியப்பட என்ன இருக்கு சேது? இன்றைய தொழில்நுட்பம்தான் நம்ம வேலையை சுலபமாக்கிடுதே... என் வகுப்பு மாணவர்களுக்கென்று கட்செவி அஞ்சல் (வாட்ஸ்அப்) குழு ஒன்றை உருவாக்கினேன். அதில் மாணவர்களிடம் நான் கேட்க நினைத்த கேள்விகளைப் பட்டியலிட்டு அனுப்பினேன். அவர்களின் அனுபவங்களை அதில் புகைப்படங்களுடன் பதிவிடச் சொன்னேன். சிலர் ஆங்கிலத்திலும், சிலர் தமிழிலும் சுய ஊரடங்கின்போது வீட்டில் என்னென்ன செய்தார்கள் என்கிற தங்களுடைய அனுபவங்களைப் பதிவு செய்திருந்தனர். உங்கள் பிள்ளைகள் பதிவு இந்த நூலுக்கு "ஹைலைட்'டாக இருந்ததால், அட்டைப் படத்தில் அவர்களை இடம்பெறச் செய்தேன். உங்கள் பிள்ளைகள் இருவரும் கரோனா நோய்க் கிருமி பற்றிய நிறைய மருத்துவத் தகவல்களை என் குழுவில் பதிவிட்டிருந்தார்கள். வீட்டிலேயே கணினி இருந்ததால் என் வேலை மேலும் சுலபமானது.
(சேதுராமன் சண்முகசுந்தரத்தைக் கையெடுத்துக் கும்பிட்டு, மனம் நெகிழ தன் நன்றியைத் தெரிவித்தார்)
கண்ணப்பன்: அதுமட்டுமல்ல சேதுராமன், இந்த நூல்தான் பள்ளியின் இந்த ஆண்டுக்கான மிகச்
சிறப்பான நூல் என்று கல்வித்துறையே பாராட்டியிருக்கிறது. இதை எல்லாப் பள்ளி நூலகங்களுக்கும் கல்வித்துறை சார்பாகவே வாங்கி அனுப்பவும் ஏற்பாடு செய்யப்பட்டிருக்கிறது.
சேதுராமன்: ரொம்ப நன்றி சார். சண்முகத்துக்கு எப்படி நன்றி சொல்றதுன்னே தெரியலை... நான் அவருக்கு உதவி செய்யாததுதான் மனதை உறுத்துகிறது.
சண்முகசுந்தரம்: அதனாலென்ன... அடுத்த நூலுக்கு செய்துவிடுங்கள் (சிரித்தார்). இப்போது மகிழ்ச்சிதானே...
(சேது தலையாட்டினார். எல்லோரும் மகிழ்ச்சியாக முதல் நாள் வகுப்புக்குக் கிளம்பினார்கள்)

அரங்கம்- 3
இடம்; ஆசிரியர்கள் ஓய்வு அறை.
பாத்திரங்கள்: சேதுராமன், சண்முகசுந்தரம்.
(சேதுராமன் நூலைத் திறந்து தம் பிள்ளைகளின் அனுபவங்களை ஆவலோடு படிக்கத் தொடங்கினார்)
(மகள் திவ்யா இப்படிக் கூறியிருந்தாள்)

"நான் அம்மா-அப்பா செல்லம். அவங்களோட இருக்கிறப்போ எந்த வேலையும் செய்ய மாட்டேன். தம்பியோடு அடிக்கடி சண்டையும், போட்டியும் போடுவேன். ஆனால், என் பாட்டி வீட்டுக்குப் போனவுடன், பாட்டி சொல்லிக் கொடுத்த வேலைகளை எல்லாம் மகிழ்ச்சியாகச் செய்தேன். சமையலுக்குப் பூண்டு, வெங்காயம் உரித்துக் கொடுத்தேன். பாட்டி தாத்தாவுடன் நாங்கள் இருவரும் ஒற்றுமையாக சேர்ந்து பல்லாங்குழி விளையாடினோம். இது கணித அறிவையும் நினைவாற்றலையும் வளர்க்கும் என்றார் பாட்டி. அதேபோல பரமபதம் என்ற விளையாட்டு. இதில் ஏணி மீது ஏறியும், பாம்பு வாலைப் பிடித்து இறங்கியும் விளையாடினோம். நேரம் போனதே தெரியவில்லை. இந்த விளையாட்டு வாழ்வில் உயர்வும் தாழ்வும் மாறி மாறி வருவது இயல்பு என்றும், ஏணியில் ஏறி வெற்றியையும், பாம்பில் இறங்கி தோல்வியையும் சந்திப்பதைப் போல வாழ்வில் வெற்றியும் தோல்வியும் வரும். அதை மகிழ்ச்சியுடனும், மன உறுதியுடனும் நாம் ஏற்கப் பழக வேண்டும் என்றும் தாத்தா சொன்னார்.
அப்புறம்.... பாட்டி நிறைய நாட்டுப்புறப் பாடல்களைப் பாடிக் காட்டினார். அதையெல்லாம் செல்ஃபோனில் வீடியோ எடுத்து வைத்துக் கொண்டேன். வீட்டில் இருந்த பழைய புகைப்
படங்களையும், பூஜை அறையையும் தூய்மை செய்து தந்தேன். பாட்டியிடம் "பூ' தொடுக்கக் கற்றுக் கொண்டேன். குறிப்பாக என் துணிகளை நானே துவைத்து, உலர்த்தி, மடித்தும் வைத்துக் கொண்டேன். இதை அம்மா கேட்டால் மிகவும் மகிழ்வார். இதுநாள்வரை என் பெற்றோருக்கு இப்படியெல்லாம் நான் உதவி செய்ததேயில்லை. ஆனால், இனிமேல் அவர்களுக்குக் கட்டாயம் உதவி செய்வேன். கரோனாவால் கிடைத்த இந்த விடுமுறையில் நான் பயனுள்ள பலவற்றைக் கற்றுக்கொண்டேன்.
(மகன் அருணின் பதிவைப் படிக்கத் தொடங்கினார்.)
தோட்டத்திற்குத் தினமும் தண்ணீர் பாய்ச்சுவது, மாடுகளுக்குத் தீனி வைப்பது, வீட்டைத் துடைத்து சுத்தமாக வைத்திருப்பது, கிணற்றில் தண்ணீர் இறைத்து நிரப்புவது எல்லாம் என் வேலை. தினமும் இதை செய்யும்போது உற்சாகமாக இருப்பதாக உணர்ந்தேன். தாத்தா அலமாரியில் வைத்திருந்த ஸ்டோரி புக்சையெல்லாம் படித்தேன். நிறைய ஓவியங்கள் வரைந்து பார்த்தேன். ஒன்பதாம் வகுப்பு வரை எல்லோரும் தேர்ச்சி என்று கல்வித்துறை கூறியதால், பத்தாவது போகும் எனக்கு, பக்கத்து வீட்டு மனோகரிடமிருந்து பத்தாம் வகுப்பு நூல்களை முன்கூட்டியே தாத்தா வாங்கித் தந்தார். ஊருக்குப் போனால் அங்கே நீ படிக்க மாட்டாய் எனப் பாட்டி சொன்னதோடு, தினமும் ஏதாவது ஒரு பாடத்தைப் படித்து எழுதிக் காட்ட வேண்டும் என்று சொன்னார்.
நானும் அக்காவும் பாட்டி வீட்டில் வேலைகளைப் பகிர்ந்துகொண்டு செய்தோம். பாட்டி எங்களுக்குக் கதைகள் கூறினார். நான் கசப்பு மருந்து சாப்பிட அடம் பிடிப்பேன். ஆனால், பாட்டி இவை கிருமி நாசினி, உடம்புக்கு மிகவும் நல்லது என்று கூறி, பச்சிலைகளை அரைத்துக் கொடுக்க, மறுக்காமல் சாப்பிட்டோம். கரோனா மற்றும் பலவகையான கிருமிகளைப் பற்றிய தகவல்களை நானும் அக்காவும் கூகுளில் சென்று தேடித் தொகுத்து வைத்திருக்கிறோம். தூய்மையாக இருக்க வேண்டியதன் அவசியத்தையும் அறிந்து கொண்டோம். இந்த விடுமுறை பயனுள்ளதாகவும், பலவற்றையும் கற்றுக்கொள்ள உதவியாகவும் இருந்ததற்கு எங்கள் தாத்தா-பாட்டிக்கும், என் பெற்றோருக்கும்தான் நன்றிகூற வேண்டும்!
(சேதுராமனுக்குப் பேச்சே எழவில்லை... கண்கள் நீரை வார்த்தன... அப்போது அறைக்குள் நுழைந்த சண்முகசுந்தரம் அவர் தோளைத் தட்டி ஆறுதல்
கூறினார்.)
சேதுராமன்: சண்முகம் என்னையும் என் பிள்ளைகளையும் ரொம்பவே கெளரவப்படுத்திட்டீங்க... என்னமா எழுதியிருக்காக என் பசங்க... என்னாலேயே நம்ப முடியலை... ஆனால் உங்களுக்குப் போய் நான் உதவ முடியாதுன்னு சொன்னதுதான் ரொம்ப வருத்தமா இருக்கு...
(நா தழுதழுத்தது)
சண்முகசுந்தரம்: வருத்தப்பட என்ன இருக்கு சேது? உங்க நிலையில யாராக இருந்தாலும் அதைத்தான் சொல்லியிருப்பாங்க... விடுங்க... பிள்ளைகள் நல்லது செய்தால் அதை உடனுக்குடன் நாம் ஊக்கப்படுத்தி, உற்சாகப்படுத்தணும். அதைத்தானே இந்தக் காலத்துப் பிள்ளைகள் விரும்பு
கிறார்கள்.
சேதுராமன்: உண்மைதான் சண்முகம்.
(இருவரும் வீட்டுக்குக் கிளம்பினர்)

அரங்கம் - 4
இடம்: சேதுராமன் வீடு.
பாத்திரங்கள்: சேதுராமன், சேதுராமனின் அம்மாகல்யாணி. மகன், மகள்.
(வீட்டின் கதவு திறந்ததும் எதிரில் அம்மாநின்றிருந்ததைப் பார்த்தவுடன்)

சேதுராமன்: (அம்மா... என்று அவரைக் கட்டிக்கொண்டார். ஓடிவந்த பிள்ளைகள் அப்பாவைக் கட்டிக் கொண்டனர். சில நொடிகளுக்குப் பிறகு) என்னை மன்னிச்சுடும்மா... பிள்ளைப் பாசத்துல உங்களிடம் ஏதேதோ பேசிட்டேன்.
கல்யாணி: பரவாயில்லப்பா... பிள்ளைகள் மேல் பாசம் அதிகம் வைக்கலாம், தவறில்லை. ஆனால் அந்தப் பாசம் அவங்களை சோம்பேறியா ஆக்கிடக்கூடாது. வாழ்க்கையில் ஏற்படும் திடீர் மாற்றங்கள்கூட சில நேரம் நமக்கு நன்மையையே தரும். நீ ஆசைப்பட்டதைப் போலவே இனி உன் பிள்ளைகள் இருப்பார்கள். (பேரன், பேத்தியைப் பார்த்து) இல்லையா பசங்களா?...
இருவரும்: கண்டிப்பா நடந்துக்குவோம் பாட்டி...
அருண்: வாட் ய யூஸ்புஃல் எக்ஸ்பீரியன்ஸ் கிரேன்மா...
( சேதுராமனின் மனது இப்போது நிம்மதியை அனுபவித்தது. இதை சமையல் அறையிலிருந்து எட்டிப் பார்த்தார் அவர் மனைவி)
-திரை-

]]>
https://images.dinamani.com/uploads/user/imagelibrary/2020/4/18/w600X390/sm7.jpg https://www.dinamani.com/weekly-supplements/siruvarmani/2020/apr/18/அரங்கம்-கரோனா-தந்த-மாற்றம்-3402882.html
3402881 வார இதழ்கள் சிறுவர்மணி அங்கிள் ஆன்டெனா -ரொசிட்டா DIN Saturday, April 18, 2020 05:29 PM +0530  

கேள்வி: மேகம் சூரிய ஒளியைப் பிரதிபலிப்பதால் வெண்மை யாக இருக்கிறது என்று சொன்னீர்கள். அப்படியானால் மழை வருவதற்கு முந்தைய மேகம் மட்டும் ஏன் கருமை நிறத்தில் இருக்கின்றது?


பதில்: மேகத்தில் உள்ள குட்டிகுட்டியான நீர்த்திவலைகள் சூரியனின் வெளிச்சக் கதிர்களைப் பிரதிபலிப்பதால் மேகம் வெண்மையாக இருக்கின்றது என்று சென்ற வாரம் படித்தோம். அப்படியானால் மழை மேகம் மட்டும் ஏன் கருப்பாக இருக்க வேண்டும்? முதலில் மழை மேகம் எப்படி உருவாகிறது என்று கவனியுங்கள். 

பூமியிலுள்ள நீர்த்துளிகள் ஆவியாகி மேலே சென்று மேகங்களாகின்றன. இந்த நீர்த்துளிகள்தான் வெண்ணிற சூரியக் கதிர்களை பிரதிபலித்து மேகத்துக்கு வெண்மை நிறம் தருகின்றன.

இதே நீர்த்துளி ஆவி அதிகமாகச் சேர்ந்து கொண்டே போவதால் மேகத்தில் அடுக்கடுக்காக நீர்த்திவலைகள் சேர்ந்துகொண்டே போகின்றன. இப்படி சேரச் சேர அந்த மேகம் மிக உயரத்துக்கும் சென்று விடுகிறது. இந்த இரண்டு காரணங்களினால் மேக நீர்த்திவலைகள் சூரிய ஒளியைப் பிரதிபலித்தாலும் அந்த அடுக்குகளைத் தாண்டி அந்த ஒளி நம்மை அடைவது கடினமாகி விடுகிறது. மேலும் இந்தக் கார்மேகங்கள் மிக உயரத்திற்கும் சென்று விடுவதால் நமக்கு இந்த மழை மேகம் கருப்பாகத்தான் தோன்றும்.

]]>
https://images.dinamani.com/uploads/user/imagelibrary/2020/4/18/w600X390/sm2.jpg https://www.dinamani.com/weekly-supplements/siruvarmani/2020/apr/18/அங்கிள்-ஆன்டெனா-3402881.html
3402878 வார இதழ்கள் சிறுவர்மணி காக்கை  சொன்ன பாடம்! கிருங்கை சேதுபதி DIN Saturday, April 18, 2020 05:19 PM +0530 குயில், மரத்தில் இருந்தபடி
பாட்டுப் பாடுது;  சின்னக்
குருவிகளும் கிளையில் இருந்து
பாட்டுக் கேட்குது;

மயில், தனது தோகை விரித்(து)
ஆடிக் காட்டுது; வேப்ப
மரம், தனது கிளைகள் ஆட்டிப்
பூக்கள் தூவுது;

பயில்வதற்குப் பள்ளிசெல்லும்
பிள்ளைகள் போலே வெகு
பரபரப்பாய் எறும்புக் கூட்டம்
விரைந்து போகுது!

வெயில், மிகுந்து தரையைச் சூடு
ஆக்கிவிட்டது ; நிழல்
விரித்த மரக் கூட்டத் தாலே
காற்றும் வந்தது!

காற்று வந்து சொன்ன சேதி
கேட்டுக் கொண்டுதான் அந்தக்
காக்கை கூட்டம் ஊர் முழுக்கக்
கத்திச் சொல்லுதே!

"நேற்றுப் போல, இன்றும் வீட்டில்
இருக்க வேண்டுமாம் தொற்று
நோய்ப டர்ந்து பரவி டாமல்
காக்க வேண்டுமாம்!

"காகா" "காகா"  என்று காக்கை
கத்தும் ஓசைதான் நம்மைக்
காக்கும் நல்ல மந்திரமாம்"
கிளியும் சொல்லுது!

ஆகா, இந்தக் காக்கை சொன்ன
படி எல்லாரும்  நாம்
அவரவரின் வீட்டுக்குள்ளே 
அடங்கி வாழ்வோமே!

 

]]>
https://images.dinamani.com/uploads/user/imagelibrary/2020/4/18/w600X390/sm6.jpg https://www.dinamani.com/weekly-supplements/siruvarmani/2020/apr/18/காக்கை--சொன்ன-பாடம்-3402878.html
3402876 வார இதழ்கள் சிறுவர்மணி சூரிய ஆற்றலில் ஓடும் வாகனம்! கோட்டாறு ஆ.கோலப்பன். DIN Saturday, April 18, 2020 05:17 PM +0530 பிரான்சை சேர்ந்த "ஸ்டார்ட் அப்' நிறுவனத்தைச் சேர்ந்த துணை நிறுவனத்தின் பெயர் "வெல்லோ பேமிலி நிறுவனம்' !

இந்த வெல்லோ நிறுவனம் நகர்ப்புற வாகன நெரிசலுக்கு ஒரு தீர்வு கண்டுள்ளது! (கரோனாவை விடவான்னு கேட்காதீங்க!...) இது சுற்றுச் சூழலைப் பாதுகாக்கும் நோக்கில் சூரிய ஆற்றலில் ஓடும் வாகனத்தை உருவாக்கியுள்ளது. இது பாதி மோட்டார் சைக்கிளைப் போலவும், பாதி காரைப்போலவும் உள்ளது. ஆனால் இது காரைப்போல இடத்தை அடைத்துக் கொள்ளாது! ஒரு மோட்டார் சைக்கிளை வைக்கும் இடம் இதற்குப் போதுமானது!

அது மட்டுமில்லீங்க!.... நெரிசல் அதிகமா இருக்கும் சாலைகளிலும் இதில் விரைந்து செல்லலாமாம்!... (அதெல்லாம் சரி,.... மைலேஜ் என்ன கொடுக்கும்னுதானே கேட்கறீங்க?)

பெட்ரோல் எல்லாம் வேண்டாங்க... இதை இப்போ செல்லமா "பைக் கார்' னு கூப்பிடுவோம்!.... இந்தக் பைக் கார் சூரிய சக்தியிலேயே ஓடும் வகையில் தயாரிக்கப்பட்டுள்ளது.

ரொம்பப் பேருக்கு இது ஒரு மகிழ்ச்சியான செய்தியாகும்! ஏன்னா பெட்ரோல் டீசல் உபயோகத்தாலே காற்றிலே மாசு எக்கச்சக்கமா கலக்கிற காலம் இது!.... இந்த பைக் காரை ரொம்ப வரப்பிரசாதமா நினைக்கிறாங்க. சுற்றுச் சூழலுக்கு பாதிப்பு இல்லாம வாகனங்களைத் தயாரிக்கிறதிலே இப்போ உலகம் முழுக்க ஈடுபட்டுக்கிட்டு இருக்காங்க.

லாஸ்வேகாஸ்லே ஒரு பொருட்காட்சி நடந்தது! அதிலே இந்த பைக் காரை காட்சிக்கு வெச்சிருந்தாங்க! கொள்ளை அழகோட இதன் வடிவமைப்பைப் பார்த்து ஜனங்கள் ரொம்பவே அசந்து போயிட்டாங்க! பொருட்காட்சிக்கு விஜயம் செய்த அத்தனை பேரையும் இது கவர்ந்து விட்டதாம்!

அதெல்லாம் சரி. பேட்டரி தீர்ந்து போய்விட்டால் இந்தக் கார் வேலை செய்யுமான்னு சிலர் கேட்கிறாங்க... அதுக்கும் ஒரு வழியிருக்கு! சும்மா அசால்டா சைக்கிளில் பெடலை மிதிச்சுக்கிட்டுப் போறா மாதிரி இந்தக் காரை ஓட்டிக்கிட்டுப் போகலாமாம்!

இனிமே கொஞ்சம் சுருக்கமா இந்தக் பைக் காரைப் பற்றி தெரிஞ்சுக்குவோம்! இந்தக் காரின் மேற்கூரையில் சூரிய ஒளியிலிருந்து மின்சாரம் சேமிக்கும் வகையில் பலகைகள் பொருத்தப்பட்டுள்ளது. பேட்டரி வீக்காக இருக்கும்போது பைக் கார் மெதுவாகப் போவது போல் தோன்றினால் பெடலை மிதித்து வேகத்தை அதிகரிக்க முடியுமாம்! முழுவதும் மூடப்பட்டிருப்பதால் மழை வெயிலில் பாதிப்பு ஏற்படாம் பயணம் செய்யலாம்! எனவே இது மோட்டார் சைக்கிளை விட மேம்பட்டது. மூன்று சக்கரங்கள் கொண்டது! சாலையில் ஸ்திரமாக நிற்பதால் மோட்டார் சைக்கிளைப் போல் காலை ஊன்ற வேண்டியதில்லை!

அதுமட்டுமில்லீங்க!.... இந்த பைக் காரில் மூன்று பேர் பயணம் செய்யலாம்! நீளம் 7.4 அடியும், அகலம் 2.7 அடியும் கொண்ட அழகிய வாகனம் இது! ப்ளூடூத் வசதியும் இருக்கிறது.

(எல்லாம் ஓ.கே!.... எவ்வளவு ஸ்பீட் போகும்?)

மணிக்கு சுமார் 40 கி.மீ. வேகத்தில் இந்த பைக் கார் போகும். ஒரு முறை பாட்டரி முழுதாக சார்ஜ் ஆகிவிட்டால் ல் 100 கி.மீ. தூரம் வரை பயணிக்கலாம்.

பிரான்சில் இதற்கு லைசென்ஸ் தேவையில்லையாம்! இந்கக் கார் இந்தியாவுக்கு மிகவும் ஏற்றதாக இருக்கும்னு சொல்றாங்க. இன்னும் கொஞ்ச நாள்லே இந்த வாகனம் இந்திய சாலைகளில் வலம் வரும்னு பேசிக்கிறாங்க.
தொகுப்பு :

]]>
https://images.dinamani.com/uploads/user/imagelibrary/2020/4/18/w600X390/sm1.jpg https://www.dinamani.com/weekly-supplements/siruvarmani/2020/apr/18/சூரிய-ஆற்றலில்-ஓடும்-வாகனம்-3402876.html
3402874 வார இதழ்கள் சிறுவர்மணி முத்துக் கதை!: கரடி சொன்ன ரகசியம்! பத்மாவதி DIN Saturday, April 18, 2020 05:15 PM +0530 சுந்தரும் சிவாவும் நண்பர்கள். ஒருநாள் இருவரும் சுவாரசியமாகப் பேசிக்கொண்டே நடந்தனர். பேச்சு சுவாரசியத்தில் அவர்கள் இருவரும் கிராமத்தின் ஓரத்தில் இருக்கும் காட்டுப் பகுதிக்குள் வந்துவிட்டனர். நெடிது உயர்ந்த மரங்களும் பறவைகளின் ஒலிகளும் ரம்மியமாகக் கேட்டுக்கொண்டிருந்தது. இருவரும் காட்டின் அழகை ரசித்தபடி பேசிக்கொண்டிருந்தனர்.

அப்போது காட்டில் இருந்த ஒரு கரடி அவர்களை நோக்கி வந்தது. அதை சுந்தரும், சிவாவும் பார்த்துவிட்டனர்!....

சிவா சுந்தரிடம், ""டேய்!..... கரடி வருதுடா!..... வா ஓடிப்போய் அந்த மரத்திலே ஏறிக்கலாம்!....'' என்றான். ஆனால் சுந்தருக்கு மரம் ஏறத் தெரியாது!
""எனக்கு மரம் ஏறத் தெரியாதே!..... இப்போ என்ன செய்யறது?'' என்று கேட்டான் சுந்தர்.

""சரி,..... நீ எப்படியோ போ!.... எனக்கு நல்லா மரம் ஏறத் தெரியும்!... நான் இந்த மரத்துமேலே ஏறிக்கிறேன்...'' என்று கூறிவிட்டு சிவா அருகில் இருந்த ஒரு மரத்தில் ஏறிக்கொண்டான்!

சுந்தருக்கு பயமாகிவிட்டது!.... என்ன செய்வதென்று தெரியவில்லை.... அப்போது அவன் தாத்தா அவனுக்கு சொன்ன ஒரு விஷயம் ஞாபகம் வந்தது.

கரடிகள் நம்மைத் துரத்தி வரும்போது சட்டென்று கீழே படுத்துக்கொண்டு இறந்தவனைப் போல நடிக்க வேண்டும்.... கரடி நம்மை நெருங்கி முகர்ந்து பார்த்து விட்டுச் சென்று விடும்.... என்று சுந்தரிடம் தாத்தா ஒருமுறை கூறியிருந்தார்.

ஆனது ஆகட்டும் என்று நினைத்தபடி சுந்தர் மூச்சை இறுக்கப் பிடித்துக்கொண்டு இறந்தவனைப் போல கீழே படுத்துக்கொண்டான். கரடி அவனிடம் நெருங்கி வந்தது. அவனை காது, மூக்கு, உடல் எல்லாவற்றையும் நுகர்ந்து பார்த்தது. பிறகு அங்கிருந்து நகர்ந்து விட்டது. கரடி சென்று விட்டதை உறுதிப் படுத்திக்கொண்ட சுந்தர் மெல்ல எழுந்திருந்தான். தப்பித்ததை எண்ணிப் பெருமூச்சு விட்டான். மண் படிந்து உடைகளையும் உதறிக்கொண்டான்.

கரடி சென்று விட்டதை அறிந்து சிவாவும் மரத்திலிருந்து கீழே இறங்கி வந்தான். சுந்தரிடம் கிண்டலாக, ""என்னடா சுந்தர்!.... ""கரடி உன்காதிலே ஏதோ ரகசியம் சொன்னது போலிருக்கே!.... என்ன ரகசியம்டா அது?'' என்று கேட்டான்.

""அதுவா?.... அது ஒண்ணுமில்லேடா.... உன்னை மாதிரி ஆபத்துக் காலத்திலே உதவாத நண்பனின் சகவாசத்தை வெச்சுக்காதேன்னு எனக்கு புத்திமதி சொல்லிச்சுடா!'' என்றான் சிவா.

இதைக் கேட்ட சிவா வெட்கித் தலை குனிந்தான்.

]]>
https://images.dinamani.com/uploads/user/imagelibrary/2020/4/18/w600X390/sm5.jpg https://www.dinamani.com/weekly-supplements/siruvarmani/2020/apr/18/முத்துக்-கதை-கரடி-சொன்ன-ரகசியம்-3402874.html
3402873 வார இதழ்கள் சிறுவர்மணி கிருபானந்த வாரியார் பொன்மொழிகள்! (தாட்சண்யம்) DIN Saturday, April 18, 2020 05:12 PM +0530 1. இரை தேடுவதோடு இறையும் தேடு
2. வேலை வணங்குவதே வேலை
3. உணவு தேடுவதோடு உணர்வும் தேடு
4. நிமிர்ந்தால் பதர்; பணிந்தால் கதிர்
5. உள்ளம் வசமானால் உலகம் வசமாகும்
6. அயர்ச்சியில்லா முயற்சி உயர்ச்சி தரும்
7. வெள்ளம் உயர்ந்தால் மலர் உயரும்
உள்ளம் உயர்ந்தால் உயர்வு வரும்
8. மருந்துக்குப் பத்தியம்; தெய்வத்துக்குச் சத்தியம்
9.  கண்ணுக்கு அணிகலன் கண்ணோட்டம் 

]]>
https://images.dinamani.com/uploads/user/imagelibrary/2020/4/18/w600X390/sm4.jpg https://www.dinamani.com/weekly-supplements/siruvarmani/2020/apr/18/கிருபானந்த-வாரியார்-பொன்மொழிகள்-3402873.html
3402872 வார இதழ்கள் சிறுவர்மணி பொறையுடைமை Saturday, April 18, 2020 05:09 PM +0530 அறத்துப்பால்   -   அதிகாரம் 16   -   பாடல் 7


திறன் அல்ல தற்பிறர்  செய்யினும் நோநொந்து 
அறன் அல்ல செய்யாமை நன்று.


- திருக்குறள்

ஆறடிக் கம்பெடுத்து 
அடித்தால்கூட மறந்திடும் 
ஆறங்குல நாவினால் 
அடுத்தவர் நோகப் பேசாதே

எதனை விட்டுவிட்டாலும் 
நாவைக் கட்டுப்படுத்திடு
கண்டபடி பேசினால் 
இழுக்கு வந்து சேர்ந்திடும்.


-ஆசி.கண்ணம்பிரத்தினம்
 

]]>
https://images.dinamani.com/uploads/user/imagelibrary/2020/4/18/w600X390/sm3.jpg https://www.dinamani.com/weekly-supplements/siruvarmani/2020/apr/18/பொறையுடைமை-3402872.html
3398795 வார இதழ்கள் சிறுவர்மணி   அங்கிள் ஆன்டெனா -ரொசிட்டா DIN Saturday, April 11, 2020 06:49 PM +0530
கேள்வி: வானில் தெரியும் மேகம் ஏன் எப்போதும் வெண்மை நிறத்தில் இருக்கிறது?

பதில்: இந்த மேகங்கள் காற்றினாலும் நீரினாலும் ஆனவை என்பது உங்களுக்குத் தெரிந்திருக்கும். இந்த நிலையில் இருக்கும் மேகத்தில் குட்டிகுட்டியான நீர்த்திவலைகள் கோடிக்கணக்கில் இருக்கும். 

சூரியனின் வெளிச்சக் கதிர்கள் வெள்ளை நிறத்தில் இருக்கின்றன. அதாவது ஒளி எப்போதுமே பளிச்சென்று வெண்மையாக இருக்கிறது.

இந்த வெளிச்சக் கதிர்கள் மேகத்திலுள்ள நீர்த்திவலை களில் பட்டவுடன் அந்த நீர்த்திவலைகள் சூரிய ஒளியைப் பிரதிபலிக்க ஆரம்பித்துவிடுகின்றன. 

அவ்வளவு நீர்த்திவலைககளும் வெளிச்சத்தை ஒன்றாகச் சேர்ந்து பிரதிபலிக்கும்போது அந்த மேகம் நமக்குப் பார்ப்பதற்கு வெண்மை நிறமாகத் தோன்றுகிறது.

அவ்வளவுதான். ரொம்ப சிம்பிள்.

]]>
https://www.dinamani.com/weekly-supplements/siruvarmani/2020/apr/11/அங்கிள்-ஆன்டெனா-3398795.html
3398794 வார இதழ்கள் சிறுவர்மணி பிஞ்சுக் கை வண்ணம்! DIN DIN Saturday, April 11, 2020 06:48 PM +0530 பிஞ்சுக் கை வண்ணம்!

 

பிஞ்சுக் கை வண்ணம்!

 

]]>
https://www.dinamani.com/weekly-supplements/siruvarmani/2020/apr/11/பிஞ்சுக்-கை-வண்ணம்-3398794.html
3398792 வார இதழ்கள் சிறுவர்மணி இனிய சொல்லால் வாழ்க! அழகு . இராமானுஜன் DIN Saturday, April 11, 2020 06:45 PM +0530  

ஒரு செடியில் முள்ளும் மலரும்;
முள்ளை எவரே விரும்புவர்?
அருமை மணமும் அழகும் நிறைந்த 
மலரைத் தானே விரும்புவர்!

ஒரு முகிலில் இடியும் மழையும்;
இடியை எவரே விரும்புவர்?
பெருமைக் குரிய மழையைத் தானே 
உயிராய் மதித்து விரும்புவர்!

ஒரு மொழியில் ஏச்சும் பேச்சும்;
ஏச்சை எவரே விரும்புவர்?
கரும்பின் சாறாய் சுவைக்கும் இனிய
பேச்சைத் தானே விரும்புவர்!

ஒன்று சொல்வேன் நன்று கேள் - நீ 
உலகோர் விரும்பும் ஒருவனாய்
என்றும் மலர்போல், மழைபோல் சான்றோர்
இனிய சொல் போல் வாழ்க நீ!

]]>
https://images.dinamani.com/uploads/user/imagelibrary/2020/4/11/w600X390/sm16.jpg https://www.dinamani.com/weekly-supplements/siruvarmani/2020/apr/11/இனிய-சொல்லால்-வாழ்க-3398792.html
3398791 வார இதழ்கள் சிறுவர்மணி அன்பு! தளவை இளங்குமரன் DIN Saturday, April 11, 2020 06:43 PM +0530 அன்பு எனும் நதி அனைவரின் மனதிலும் 
அடியினில் பிறந்திடல் தெளிவாகும்!

இன்பம் கனிவுடன் இரக்கமும் கருணையும் 
இணைந்தலை புரண்டது வெளியாகும்!

பண்பு பணிவுடன் பாசமும் பரிவெனும் 
பயிர்களுக் கதுஉரத் தழையாகும்!

உண்ண உணவுடன் உடுக்க உடையிலார்க்(கு)
உதவுதல் அதன் முதல் விழைவாகும்!


துன்பம் தனிலெவர் துடிப்பினும் தனதிமை 
துடிப்பவை அதனிரு விழியாகும்!

தொண்டு உணர்வுடன் துடித்தெழுந் துடனதைத் 
துடைப்பது அதனது வழியாகும்!

அன்பே உலகினில் அனைத்துள உயிர்களும் 
அறிந்துடன் பழகிடும் மொழியாகும்!

அன்பே கலவரம் அடிதடிக் கிலி இருள்
அகற்றிடும் பகலவன் ஒளியாகும்!

]]>
https://images.dinamani.com/uploads/user/imagelibrary/2020/4/11/w600X390/sm15.jpg https://www.dinamani.com/weekly-supplements/siruvarmani/2020/apr/11/அன்பு-3398791.html
3398790 வார இதழ்கள் சிறுவர்மணி மரங்களின் வரங்கள்!: அனைத்திற்கு உதவும் - ஓதியன்  மரம் -- பா.இராதாகிருஷ்ணன் DIN Saturday, April 11, 2020 06:42 PM +0530
குழந்தைகளே நலமா....

நான் தான் ஒதியன் மரம் பேசுகிறேன். எனது அறிவியல் பெயர் லன்னியா கோரமண்டெலிக்கா என்பதாகும். ஆங்கிலத்தில் என்னை இண்டியன் ஆஷ் ட்ரி அதாவது இந்திய சாம்பல் மரம் என்று அன்பா அழைப்பாங்க. நான் அனாகர்டியாசியே குடும்பத்தைச் சேர்ந்தவன். எனக்கு ஒடியன், ஒதிய, உதி, ஒடை, உலவை என்ற வேறு பெயர்களும் உண்டு. நான் மிகவும் மென்மையானவன். "ஒதி பெருத்து உத்தரத்திற்கு ஆகுமா?', "ஒன்றுக்கும் ஆகாத ஒதியன்' என்ற பழமொழிகளைச் சொல்லி என்னை மட்டமா பேசறாங்க. அதனால், இவன் இதுக்கு ஒத்து வர மாட்டான், நான் எதற்கும் பயன்பட மாட்டேன் என்று சொல்லியே என்னை ஒதுக்கி வச்சிட்டாங்க. என்னை மோசமா இழிவு செய்றாங்க. எப்படியோ பேசிட்டு போகட்டும். நான் கடமையை செய்கிறேன், பலனை எதிர்பார்ப்பதில்லை.

குழந்தைகளே, "சிறு துரும்பும் பல் குத்த உதவும்' என்பது உங்களுக்குத் தெரியும் தானே ? பயனற்றவர்கள் என்று யாருமில்லை. ஒவ்வொருவரும் ஏதோ ஒரு விஷயத்தில் பயன் தருவார்கள். நான் நிழல் தரும் மரங்களில் சிறந்தவன். உயிர்கள் பெருக்கத்திற்கென்றே உங்கள் மரங்களில் நானும் ஒருவன்.

நான் வேகமாக வளருவேன். என் மரத்தின் இலைகள் மிக அதிக எண்ணிக்கையில் இருக்கும். இலைகளின் எண்ணிக்கையை உற்றுப் பார்த்தால் வியந்து போவீர்கள். அந்தளவுக்கு இலைகளை நான் வளர்த்தெடுப்பேன்.

என் மரத்தின் கிளையை வெட்டி வேறு இடத்தில் நட்டாலும் துளிர்த்து வளர்ந்து நன்மைகள் பல தருவேன். திருமண சடங்குகளின் போது மூங்கில் குச்சியுடன் என் மரத்தின் குச்சியையும் சேர்த்து சடங்கு செய்வர். அதன் பொருள் என்ன தெரியுமா குழந்தைகளே, ஒதியன் மரத்தின் கிளையை வெட்டி வேறு இடத்தில் நட்டாலும் துளிர் விட்டு மரமாவது போல் மணமக்கள் பெற்றோர்களை விட்டுப் பிரிந்தாலும் அனைத்து நலன்களையும், வளங்களையும் பெற்று நலமோடு, வளமோடு செழித்து வாழ வேண்டும் என்பது தான்.

அப்போ, என் இலைகள், காய்களால் எந்தப் பயனும் இல்லைன்னு சொன்னாங்க, வேலி ஒரத்தில் மட்டும் என்னை வளர்க்கலாமுன்னு சொன்னாங்க. ஆனா, இப்போ உள்ள நீங்கள் மிகவும் திறமைசாலிகள் இல்லையா. என் பயன்பாடுகளை நீங்க உணர்ந்தீட்டிங்க. என் விதையை வறுத்து மூலிகை பொருளா பயன்படுத்தறாங்க. தீக்குச்சிகள், மரப்பெட்டிகள், வண்டிச்சக்கரங்கள், ஏர்கள், உலக்கைகள், தூரிகை கட்டைகள், சிலேட் சட்டங்கள், பல்குத்திகள், காகிதக்கூழ் போன்றவற்றில் என்னை பயன்படுத்தறாங்க. நான் ஏழை, எளிய மக்கள் அடுப்பெரிக்கவும் பயன்படறேன். என் மரப்பட்டைகள் சாயமேற்றவும் உதவுது.

என் மரத்திலிருந்து வடியும் பிசின் மிகவும் பயனுள்ளது. இது "ஜிங்கான் கோந்து' எனப்படும். காலிகோ அச்சு, தாள் மற்றும் துணி, வார்னீஷ்கள், மை, சுவர் பூச்சுகள் ஆகிவற்றில் பெருமளவில் பயன்படுகின்றது. கால்நடைகள் நமக்கு பேசா குழந்தைகள். அவங்களை காப்பது நமது கடமை குழந்தைகளே. அவங்க என் இலைகளை விரும்பி சாப்பிடுவாங்க, ஏன்னா என் இலையில் நல்ல ஊட்டச் சத்துள்ளது. கோடைக் காலத்தில், என் காய்கள் பறவைகள், அணில்களுக்கு நல்ல உணவு. பழங்கள் திராட்சைப் பழங்கள் போல கொத்துக் கொத்தாக இருக்கும். குருவிகள் பாடிக்கிட்டே வந்து என் மீது அமர்ந்து உணவருந்தி செல்வாங்க. அப்போ, எனக்கு மகிழ்ச்சியா இருக்கும். எனது இப்பண்புகள் பல்லுயிர் பெருக்கத்திற்கு உதவுது. என் இலைகள் நிலத்தில் கோடையில் உதிர்வதால், நிலம் உயிர்க் கரிமத்தை உருவாக்கிக் கொள்கிறது.

என்னையும், நண்பர் பலா மரத்தையும் வீட்டுத் தோட்டங்களிலும், தோப்புகளிலும், பொது இடங்களிலும் வளர்ந்தால் வறண்ட நிலம் நீர் நிறைந்த நிலமாக மாறும் என தாவரவியலாளர்கள் சொல்றாங்க. ஏன்னா, நாங்க இரண்டு பேரும் குளிர்ச்சி, வெப்பம் இரண்டின் கலவை. "உயிர்களால் மழை வருவதில்லை, உயிர்களுக்காக மழை பொழிகிறது' என்பதை உணருங்கள். நன்றி குழந்தைகளே, மீண்டும் சந்திப்போம்..

(வளருவேன்)

]]>
https://images.dinamani.com/uploads/user/imagelibrary/2020/4/11/w600X390/sm14.jpg https://www.dinamani.com/weekly-supplements/siruvarmani/2020/apr/11/மரங்களின்-வரங்கள்-அனைத்திற்கு-உதவும்---ஓதியன்--மரம்-3398790.html
3398789 வார இதழ்கள் சிறுவர்மணி விடுகதைகள் -ரொசிட்டா DIN Saturday, April 11, 2020 06:40 PM +0530
1.  பாயைச் சுருட்டவும் முடியாது, அதில் சிதறிக் கிடக்கும் மணிகளை எண்ணவும் முடியாது....
2. காட்டில் உள்ள குடை வீட்டில் இல்லாத குடை...
3. கிண்ணம் நிறையத் தண்ணீர் இருக்கு, குருவி குடிக்க வழியில்லை...
4. இரத்தத்தில் வளர்வது, ஆனால் இரத்தம் இல்லாதது.
5. பற்கள் பல உண்டு, ஆனால் கடிக்கத் தெரியாது...
6. தண்ணீரில் நீந்தி வரும், தரையில் தாண்டி வரும்....
7. ஆடையோ கருப்பு, சுழன்று சுழன்று ஆடுவதோ நாட்டியம், ஆனால் வருவதோ பாட்டு....
8.  வெட்டிக் கூறுபடுத்தி வைக்கிறார்களே தவிர எவரும் தின்பதில்லை...
9. மூன்று நிறக் கிளிகளாம், கூண்டுக்குள் போனால் ஒரே நிறமாம்...

விடைகள்

1.வானம், நட்சத்திரங்கள்,  
2. நாய்க்குடை (காளான்)
3. இளநீர், 
4. நகம், 
5.  சீப்பு, 
6.  தவளை, 
7. இசைத்தட்டு, 
8. சீட்டுக்கட்டு, 
9. வெற்றிலை, பாக்கு, சுண்ணாம்பு.

]]>
https://www.dinamani.com/weekly-supplements/siruvarmani/2020/apr/11/விடுகதைகள்-3398789.html
3398788 வார இதழ்கள் சிறுவர்மணி அரங்கம்: ஈவது விலக்கேல்! - கோவை அனுராதா DIN Saturday, April 11, 2020 06:39 PM +0530  

காட்சி - 1
இடம் - ஒரு குடிசையின் வாசல்
மாந்தர் - மாரியப்பன், மாரியப்பனின் மனைவி
பரமேஸ்வரி.

(குடிசை வாசலில் ஒரு தள்ளுவண்டி. மாரியப்பனும், அவரது மனைவியும் இட்லிக்கடை வியாபாரம் செய்பவர்கள். குடிசைக்குள், கையில் அடிபட்ட இடத்தில் மாவுக் கட்டுடன் பரமேஸ்வரி கட்டிலில் படுத்திருக்கிறாள். அருகே தூளியில் ஒரு குழந்தை தூங்குகிறது. மாரியப்பன் கீழே உட்கார்ந்திருக்கிறார். )

பரமேஸ்வரி : இங்கே பாருங்க,..... வைத்தியத்துக்கு ரொம்பப் பணம் செலவாயிடுச்சேன்னு கவலைப்படறீங்களா?
மாரியப்பன் : சேச்சே!.... அதெல்லாம் இல்லே பரமேஸ்வரி.... குடும்பத்துக்கு நீ எவ்வளவு கஷ்டப்பட்டிருக்கே.... உன்னை கவனிக்க வேணாமா?.... வியாபாரத்துக்கு இட்லி அரிசி தீர்ந்து போயிடுச்சு!...... உளுத்தம் பருப்பு இருக்கு,..... சமாளிச்சுக்கலாம்!..... சட்னிக்கு தக்காளி, வெங்காயம் வாங்கலாம்..... உதவிக்குத்தான் வேறே ஆளில்லே.....
பரமேஸ்வரி : கவலைப் படாதீங்க..... என் தங்கச்சி தாமரை இன்னிக்கு வரேன்னு சொல்லியிருக்கா......
பணம் இல்லையேன்னு கவலைப் படாதீங்க.... இப்படியே வியாபாரத்துக்குப் போகாம, வூட்டுலேயே குந்திக்கிட்டு இருந்தா பொழப்பு நடக்குமா?....
மாரியப்பன் : ....முக்கியமா அரிசிதானே வேணும்.... இட்லி அரிசிதான் தீர்ந்து போச்சு....
பரமேஸ்வரி : ஞானவேல் அய்யா நல்லவரு.... அவர்கிட்டே நடந்த விஷயத்தைச் சொல்லி ஒரு மூட்டை புழுங்கல் அரிசி கேட்டுப் பாருங்க....
மாரியப்பன் : கையிலே காசில்லையே பரமேஸ்வரி,......இந்த அஞ்சு வருஷத்திலே ஒரு மாதம் கூட நான் பாக்கி வெச்சதில்லே..... அவரு என்ன நினைப்பாரோ?.... எனக்கு மனசு ரொம்ப சங்கடமா இருக்கு... இந்த மாச பாக்கி வேறே கொஞ்சம் இருக்கு!....... குடுப்பாரா?
பரமேஸ்வரி : கேட்டுப்பாருங்க.....

காட்சி - 2
இடம் - ஞானவேல் வீடு (அவ்வை இல்லம்)
மாந்தர் - ஞானவேல், மாரியப்பன், பூஜா, அம்சவேணி.

(ஞானவேல் திண்ணையில் அமர்ந்திருக்கிறார். கேட்டைத் திறந்து கொண்டு மாரியப்பன்
உள்ளே வருகிறார். )
ஞானவேல் : என்ன, மாரியப்பா,.... மாத பாக்கியைக் குடுக்க வந்தியா?
மாரியப்பன் : (மென்று விழுங்கிக்கொண்டு) ஐயா, அதெல்லாம் இல்லீங்க... வந்து....
ஞானவேல் : சொல்லு....
மாரியப்பன் : மாத பாக்கியை நான் அடுத்தமாதத்திலேயிருந்து கொஞ்சம் கொஞ்சமா தந்துடறேனுங்க... இப்போ அவசரமா எனக்கு ஒரு மூட்டை புழுங்கலரிசி வேணுங்க.... கொடுத்தா ரொம்பப் புண்ணியமாப் போகும்....
ஞானவேல் : என்னது?.... போன மாத பாக்கியைத் தர வரலியா?..... இதுலே இன்னோரு மூட்டை புழுங்கரிசி வேறேயா?....ஒழுங்கா மாசாமாசம் பணத்தைக் கொடுப்பியே.... இப்போ என்னாச்சு?.... கடனெல்லாம் கொடுக்க முடியாதுப்பா....
மாரியப்பன் : கொஞ்சம் தயவு பண்ணுங்கய்யா....
அம்சவேணி : (வீட்டின் உட்புறத்தில்) பூஜா, .... பூஜா....
பூஜா : என்னம்மா.....
அம்சவேணி : இந்தா இந்த பக்கெட்டிலே இருக்கிற துணியை வாசல்லே உலர்த்திட்டு வா....
பூஜா : சரிம்மா...
(பூஜா வாசலில் நடக்கும் உரையாடலைக் கேட்கிறாள்)
ஞானவேல் : இங்க பாரு மாரியப்பா, நான் சொன்னா சொன்னதுதான்!.... நான் என்ன உங்கிட்டே வட்டியா கேட்டேன்....
மாரியப்பன் : ஐயா, நான் உங்களை அப்படிச் சொல்லுவேனாங்க.... கஷ்டப்பட்ட சமயத்திலே என்னைக்கூப்பிட்டு அரிசி, உளுந்தெல்லாம் கொடுத்து இட்லிக் கடை வைக்கிறதுக்குக் கொஞ்சம் பணமும் கொடுத்தீங்களே.... அதையெல்லாம் மறப்பேனாங்கய்யா.... பொழப்புக்கு வழி காட்டின தெய்வமாச்சுங்களே நீங்க....
ஞானவேல் : நான் மனுசன்தான்..... தெய்வம் இல்லே.... பணத்தைக் கொடுத்துட்டு மூட்டையை எடுத்துட்டுப் போ!
மாரியப்பன் : ஐயா, என் மனைவி கடைக்குப் போயிட்டு வர்ற வழயிலே மழைத்தண்ணி வழுக்கிக் கீழே விழுந்துட்டாய்யா..... கை ஒடிஞ்சி மாவுக் கட்டு போட்டிருக்கேன்!..... இந்த மாசம் உங்களுக்குக் கொடுக்க வேண்டிய பணம் செலவழிஞ்சு போச்சுங்க!.... இப்போ அரிசி கொடுத்து உதவுங்கய்யா,..... தினமும் வியாபாரம் முடிஞ்சதும் கொஞ்சம் கொஞ்சமா சேர்த்துக் கொடுத்துடறேனுங்க....
ஞானவேல் : அதெல்லாம் முடியாது.....
பூஜா : அப்பா!.... கொஞ்சம் உள்ளே வர்றீங்களா....
(ஞானவேலுவும், பூஜாவும் உள்ளே செல்கிறார்கள்..... -- அங்கே ஒரு தொட்டியில் பூச்செடி இருக்கிறது. ஆனால் பூ இல்லை --)
பூஜா : அப்பா, இந்தப் பூச்செடி நிறையப் பூக்கள் தரும். ஆனா இப்போ அதுக்கு நோய் வந்திருக்கு!.... பூக்கள் இல்லை..... இருந்தாலும் அதுக்கு மருந்தும் தண்ணியும் ஊத்தறோம்.... இல்லையாப்பா?....
ஞானவேல் : ஆமா....
பூஜா : இத்தனை நாள் மாரியப்பனுக்கு உதவி செஞ்சுட்டு இருந்தீங்க.... இப்போ அவருக்கு ஒரு கஷ்டம்.... இந்த நேரத்திலே உதவியை நிறுத்தினா, பாவம்!.... அவரு என்ன செய்வாரு?..... ஒரு மூட்டை அரிசி குடுத்துடுங்கப்பா!....
ஞானவேல் : (மகளை வியந்து புன்னகையுடன் ) ம்ம்.... சரிம்மா....
(ஞானவேல் வெளியில் சென்று மாரியப்பனைப் பார்த்து...)
ஞானவேல் : சரி மாரியப்பா,.... குடோனுக்குப் போய் நான் சொன்னேன்னு ஒரு மூட்டை அரிசியை வாங்கிக்கோ.... நான் ஃபோன் பண்றேன்.... இந்தா ஆயிரம் ரூபாய் பணம்! மருந்து செலவுக்கும், குடும்பச் செலவுக்கும் வெச்சுக்கோ!....
மாரியப்பன் : ஏற்கெனவே பாக்கி இருக்கு..... கடன் வேண்டாங்கய்யா....
ஞானவேல் : கடன் இல்லே..... சும்மா வெச்சுக்க.....
(மாரியப்பன் பணத்தை வாங்கிக் கொள்கிறார்)
மாரியப்பன் : ஐயா நீங்க புள்ளை குட்டிகளோட நல்லாயிருக்கணும்....
(மாரியப்பன் போனதும் அம்சவேணி அங்கே வந்து...)
அம்சவேணி : என்ன? அப்பாவுக்குப் பொண்ணு புத்தி சொன்னாளா?
பூஜா : அப்படியெல்லாம் சொல்லாதேம்மா...... ஆத்தி சூடி புத்தகத்தை எனக்கு வாங்கிக் கொடுத்ததே அப்பாதான்..... "ஈவது விலக்கேல்' .... பிறருக்கு உதவுவதை நிறுத்திவிடாதே: அப்படீன்னு அதிலே அவ்வையார் சொல்லியிருக்காங்க.... இல்லையா?.... எங்கப்பா யாருக்காவது உதவி செஞ்சுகிட்டே இருக்கணும்....அதுதான் எனக்குப்
பிடிக்கும்.

காட்சி - 3
இடம் - ஞானவேல் வீடு
காலம் - காலை 7 மணி.
மாந்தர் - ஞானவேல், அம்சவேணி, பூஜா, தேஜா, மாரியப்பன்.

ஞானவேல் : (ஃபோனில்) நான்தான் ஞானவேலு பேசறேன்.... மாரியப்பன்தானே....
மாரியப்பன் : ஆமாங்கய்யா..... சொல்லுங்க என்ன விஷயம்....
ஞானவேல் :எங்க வீட்டம்மா, காலையிலேயே அவங்க சொந்தக்காரங்க யாருக்கோ உடம்பு சரியில்லேன்னு போயிருக்காங்க.... வர்றதுக்கு எட்டரை மணியாகும்.... பசங்க ஸ்கூலுக்குப் போகணும்... பசியோட இருக்காங்க.....
மாரியப்பன் : புரியுதுங்கய்யா.... நான் இதைக்கூடவா செய்யமாட்டேன்.... இதோ வர்றேங்க....
(மாரியப்பன் இட்லி, வடை, சட்டினிப் பொட்டலங்களோடு ஒரு தூக்கில் சாம்பாருடன் வருகிறார். சாம்பார் மணம் வீசுகிறது)
ஞானவேல் : ரொம்ப நன்றிப்பா.... இந்தா (பணம் கொடுக்கிறார்)
மாரியப்பன் : என்னங்கய்யா இதுக்கெல்லாம் நன்றி சொல்லிக்கிட்டு.... பணமெல்லாம் வேண்டாங்க....
(மாரியப்பன் செல்கிறார்.)
ஞானவேல் : (சாப்பிட்டுக்கொண்டே ) பசங்களா, டிபன் எப்படி இருக்கு?
தேஜா : இட்லி சூப்பரா இருக்குப்பா! சாம்பாரும் வடையும் அமர்க்களம்!
பூஜா : டேய், எல்லாத்தையும் சாப்டுடாதே....அம்மாவுக்கு நாலு இட்லியும், வடையும் வை.... பசியோட வருவாங்க....
(சிரிக்கிறார்கள்)

திரை

]]>
https://images.dinamani.com/uploads/user/imagelibrary/2020/4/11/w600X390/sm13.jpg https://www.dinamani.com/weekly-supplements/siruvarmani/2020/apr/11/அரங்கம்-ஈவது-விலக்கேல்-3398788.html
3398785 வார இதழ்கள் சிறுவர்மணி கிருஷ்ணர்! திருமலை DIN Saturday, April 11, 2020 06:35 PM +0530  

கிருஷ்ணபரமாத்மா சிறுவனாக இருந்தபோது சாந்தீபனி ரிஷி யின் ஆசிரமத்தில் படித்து வந்தார். அப்போதெல்லாம் குருகுலக் கல்விதான். குசேலரும் அப்போது அவருடன்தான் குருகுலக் கல்வி பயின்று வந்தார். குரு குலக் கல்வி என்பது குருவின் குடிலில் தங்கிப் பயில்வதாகும். குருகுலத்தில் ஏற்றத்தாழ்வு கிடையாது. அரசகுலத்துப் பிள்ளைகளாயிருந்தாலும் குருவுக்குப் பணிவிடை செய்து மற்ற மாணவர்களைப் போலவே சாதாரண உடை யணிந்து கல்வி கற்கவேண்டும். ஒழுக்கம் பிரதானமான கல்வியாயிருக்கும்! தினமும் காலைக் கடன்களை முடித்துக் குளித்தபிறகு வழிபாடு இருக்கும். ஒவ்வொரு கால சந்திப்புக் காலத்திலும் ஆன்ம அபிவிருத்திக்கான வழிபாட்டு முறைகள் இருக்கும்! அதாவது இரவு முடிந்து பகலவனின் ஒளி தோன்றும் காலை வேளையிலும், முற்பகல் முடிந்து பிற்பகல் ஆரம்பிக்கும் நண்பகல் வேளையிலும், பிறகு பகல் முடிந்து இருள் சூழும் சாயங்கால வேளையில் ஜபமும் தியானமும் இருக்கும்! இதெல்லாம் நித்தியம் அனைவரும் செய்ய வேண்டியவை யாகும். இயற்கைச் சூழல் நிறைந்த நதியும், புஷ்பத் தாவரங்களும், அடர்ந்த மரங்கள் இருக்கும் பகுதியாகத்தான் அநேகமாக இந்த குருகுலங்கள் இருக்கும். சாந்தீபனி ரிஷி தன் மாணாக்கர்களை அன்புடன் நேசித்துப் பாடங்களை நடத்திக் கொண்டிருந்தார்.

யாகங்களுக்கு வேண்டிய சமித்துகளை எடுத்து வருவது, பூஜைக்கான புஷ்பங்களைப் பறித்து வருவது, குருவின் ஆடைகளைத் துவைப்பது போன்ற உதவிகளை குருவுக்குச் செய்ய வேண்டும்.

குருவுக்கு எப்போதெல்லாம் பாடம் நடத்த ஏற்ற காலம் எனத் தோன்றுகிறதோ அப்போதெல்லாம் பாடங்கள் நடத்தப்படும்!

இதனால் மாணவர்களுக்கும், குருவுக்கும் இணைபிரியாத அன்பும் பிணைப்பும் இருக்கும். குருவும் சமயம் வாய்த்த போதெல்லாம் மாணாக்கர்களுக்கு சந்தேகங்களைத் தீர்த்து வைப்பார்.

ஒருநாள் காலை .... மாணவர்கள் அருகிலுள்ள நதிக்கு குளிப்பதற்காகச் சென்று விட்டனர். கிருஷ்ணர் மட்டும் குரு சாந்தீபனியுடன் நடந்து சென்றார். வழியில் ஒரு மரத்தின் அருகில் சென்றவுடன் குரு சற்று நேரம் கண்மூடினார். பிறகு, ""மரமே நான் பல் துலக்குவதற்காக உன்னிடமிருந்து ஒடித்துக் கொள்ள வேண்டும். அதற்கு நீ அனுமதி தரவேண்டும்'' என்று பணிவுடன் கேட்டுக் கொண்டார். மரமும் தன் கிளையின் இலைகளைத் தாழ்த்தி அனுமதி அளித்ததுபோல் ஆடியது! மரத்திலிருந்து ஒரு குச்சியை உடைத்தார். கிருஷ்ணர் அதை கவனித்துக் கொண்டிருந்தார். தாவரங்களை நம் உபயோகத்திற்குப் பயன் படுத்தும்போது அவைகளிடம் அனுமதி பெறவேண்டும் என்ற பாடத்தை அன்று அவர் கற்றுக் கொண்டார்.

நதி அழகாக ஓடிக்கொண்டிருந்தது! நதியில் துணி தோய்க்கும் கற்களும் இயற்கையாகவே இருந்தன. ஆற்றின் முன்பு சற்று நேரம் கண்களை மூடிக் கைகளைக் கூப்பிக்கொண்டிருந்தார். சாந்தீபனி கிருஷ்ணரை நோக்கி, ""என்ன செய்கிறாய் கிருஷ்ணா!'' என்று கேட்டார்.

அதற்குக் கிருஷ்ணர், ""நான் குளித்து என் உடலைச் சுத்தும் செய்துகொள்வதற்கு இந்த ஆற்றின் அனுமதியையும், என் உடைகளைத் தோய்க்க அனுமதி வழங்கும் படி இந்த கல்லிடமும் வேண்டிக் கேட்டுக் கொள்கிறேன்'' என்றார்.

ஏதும் சொல்லாமலே தானே பண்பைக் கற்றுக்கொள்ளும் கிருஷ்ணரைப் பார்த்து, குரு சாந்தீபனி சிலிர்த்துப் போனார்!

]]>
https://images.dinamani.com/uploads/user/imagelibrary/2020/4/11/w600X390/sm12.jpg https://www.dinamani.com/weekly-supplements/siruvarmani/2020/apr/11/கிருஷ்ணர்-3398785.html
3398784 வார இதழ்கள் சிறுவர்மணி கடி DIN DIN Saturday, April 11, 2020 06:33 PM +0530  

""வானவில்லுக்கு எத்தனை கலர்?''
""எட்டு!''
""ஏழுதானேடா!''
""வானத்தோட ஸ்கை ப்ளூவையும் சேர்த்துக்கணும்!''

ஆர்.யோகமித்ரா, சென்னை

 

""எங்கப்பா நேரம் நல்லாயிருக்கான்னு பார்க்க ஜோதிடர் கிட்டே போயிருக்காங்க!''
""அதுக்கு வாட்சைப் பார்த்தா போதாதா!''

கு.அருணாசலம், தென்காசி.


""ரொம்பக் குறைவா மார்க் வாங்கற
 நாடு எது?''
""டென் மார்க்!''

கார்த்திக் ஆனந்த், காளனம்பட்டி.

 

""நான் எங்கே போனாலும் என் முன்னாடி, முன்னாடி போறே?''
""நீங்கதானேப்பா கேட்டீங்க,..... நான் எங்கே கிளம்பிப் போனாலும் ஏண்டா என் பின்னாடி, பின்னாடி வர்றேன்னு?''

மு.பெரியசாமி, திருவாரூர் மாவட்டம், -614715


""சைக்கிள் ஷாப் ஓனரோட பையன் ஏன் வீல்,.... வீல்னு கத்தறான்?''
""அவங்கப்பா "பெண்டு' 
நிமித்திட்டாராம்!''

க.நாகமுத்து, குளத்தூர், - 624005.

 

""ஏண்டா, நா ஒண்ணு எழுதச் சொன்னா நீ ஒண்ணு எழுதியிருக்கே?''
""பின்னே?.... நீங்க ஒண்ணு சொன்னா நான் ரெண்டா எழுத முடியும்?''

மு.யூ.முகம்மது ஜிபிலி, நாகர்கோவில் - 629158

]]>
https://images.dinamani.com/uploads/user/imagelibrary/2020/4/11/w600X390/sm11.jpg https://www.dinamani.com/weekly-supplements/siruvarmani/2020/apr/11/கடி-3398784.html
3398783 வார இதழ்கள் சிறுவர்மணி குறள் நெறிக் கதை!: பகைவனுக்கு அருள்வாய்!   ச.கந்தசாமி DIN Saturday, April 11, 2020 06:26 PM +0530 பொன்னனும் வண்ணனும் ஒரே ஊர்க்காரர்கள். அருகிலுள்ள அரசுப் பள்ளியில் ஏழாம் வகுப்பு படிக்கிறார்கள். பொன்னன் குடிசையில் வாழும் ஏழை. அவனது பெற்றோர் கறவை மாட்டை வைத்துப் பிழைத்துக் கொண்டிருந்தனர். விடுமுறை நாட்களில் பொன்னன் மாடுகள் மேய்ப்பான். குளத்தில் நீந்தி விளையாடுவான். கறந்த பாலை வீடுகளுக்கு விநியோகம் செய்வதில் அம்மாவுக்கு உதவி செய்வான். பொன்னன் பொறுப்பாய் இருப்பதால் அவனது பெற்றோருக்கு மகிழ்ச்சி.

மேய்ச்சலின்போது மாடுகளை விரட்ட நேர்வதால் பொன்னன் வேகமாக ஓடுவதில் வல்லவனாகிவிட்டான். மாடுகளைக் குளிப்பாட்ட ஏரிக்கு அழைத்துச் செல்வதால் ஏரியில் நீந்தும் பழக்கம் பொன்னனுக்கு ஏற்பட்டது! நீச்சலிலும் கெட்டிக்காரனாகிவிட்டான்!

இத்தனை திறமைகள் இருப்பினும் வகுப்பில் பொன்னன் சாதுவானவன். பொறுமையும், அன்பும் நிறைந்தவன் என எல்லோரும் சொல்வார்கள். படிப்பிலும் கவனம் செலுத்தி வந்தான்.

வண்ணன் இதற்கு முற்றிலும் நேர்மாறானவன். பணக்காரக் குடும்பத்தைச் சேர்ந்தவன். எனவே அவனுக்கு எல்லோரும் மரியாதை செய்வார்கள். ஸ்கூட்டரில்தான் அவன் பள்ளிக்குச் செல்வான்.

பள்ளியில் நடக்கும் போட்டிகளில் வண்ணன் கலந்து கொண்டால் மற்ற மாணவர்கள் முதலாவது இடத்தைப் பெறத் தயங்குவர். பணக்கார வீட்டுப் பிள்ளையுடன் மோதல் எதற்கு என்று பின்வாங்கிவிடுவார்கள். எனவே எந்தப் போட்டியிலும் அவனே முதற் பரிசுக்கு உரிய மாணவனாக இருப்பான்.

ஆண்டு விழாப் போட்டிகளில் பொன்னன் பெரும்பாலும் கலந்து கொள்வதில்லை. வழக்கம்போல் இந்த ஆண்டும் ஆண்டு விழாப் போட்டிக்கான அறிவிப்பு வந்தது. சில நண்பர்கள் வற்புறுத்தவே பொன்னன் 200 மீ. ஓட்டப்பந்தயத்தில் கலந்து கொண்டான். முதற்பரிசையும் தட்டிக்கொண்டான்! வண்ணனுக்கு ஆக்ரோஷம்! பொன்னனின் மீது அடக்கமுடியாத கோபம்!..... பழி வாங்கத் துடித்தான்!.... பள்ளியிலும் வெளியிலும் அவ்வப்போது சீண்டல்கள். சிறுசிறு துன்புறுத்தல்கள். பொன்னனின் ஏழ்மை நிலைகுறித்தும், அவனது பெற்றோர் குறித்தும் மனம் புண்படும் வார்த்தைகளால் ஏசினான். பொன்னன் இதையெல்லாம் கண்டு கொள்வதில்லை. ஆசிரியர்களிடமும் கூறுவதில்லை. பொறுமையைக் கடைப்பிடித்தான். ஆண்டுத் தேர்வை எதிர்கொள்வதில் அவனது முழுக் கவனமும் இருந்தது.

பள்ளியிலிருந்து பொன்னனது வீட்டிற்குப் போகும் வழியில் ஓர் ஏரி இருந்தது. ஏரியைக் கடந்து செல்ல ஒரு பாலம் இருந்தது. பள்ளி முடிந்து மாணவர்கள் வீட்டிற்குத் திரும்பிக் கொண்டிருந்தார்கள். பொன்னனும் பாலத்தின் மீது நடந்து வந்தான். பின்னால் ஸ்கூட்டரில் வந்த வண்ணன், பொன்னன் மீது இடிப்பதுபோல் வந்து பயமுறுத்த எண்ணினான். சமயோசிதமாக பொன்னன் விலகிக்கொண்டான். ஸ்கூட்டர் பாலச் சுவரில் மோதி நின்றது. வண்ணன் நிலைதடுமாறி ஏரிக்குள் விழுந்துவிட்டான்!

வண்ணனுக்கு நீச்சல் தெரியாது! கை, கால்களை உதறினான். அவனுக்கு நீச்சல் தெரியாது என்பதை பொன்னன் உணர்ந்து கொண்டான். அடுத்த கணம் புத்தகத்தைப் பாலத்தில் போட்டான்! சடாரென்று ஏரிக்குள் குதித்தான்! லாகவமாக வண்ணனது தலைமுடியைப் பிடித்து இழுத்தவாறு கஷ்டப்பட்டு நீந்தினான்.... பின்னால் சைக்கிளில் வந்த நண்பன் காளியப்பன் இந்த விபரீத நிலையைக் கண்டான்! காளியப்பனும் யோசிக்காமல் தண்ணீரில் குதித்து பொன்னனுக்கு உதவி செய்தான். எப்படியோ மயக்க நிலையில் இருந்த வண்ணனைக் தூக்கி வந்து பாலத்தில் கிடத்தினர். ஏற்கெனவே பள்ளியில் கற்றுக் கொடுத்த முதலுதவிச் சிகிச்சையைச் செய்து வண்ணனை மீட்டனர்!

ஊருக்குள் செய்தி பரவியது. பலரும் பொன்னனைப் பாராட்டினர். பள்ளி ஆசிரியர்கள் மேலதிகாரிகள் அவனது பேருதவியையும், திறமையையும், தைரியத்தையும் ஆண்டு விழாவில் பலவாறு பாராட்டினர். அன்பு கொண்ட மனத்துடன், தீமை செய்ய முயன்றவனுக்கும் நன்மை செய்த பொன்னனின் பெருந்தன்மை குணத்தை வியந்தனர்.

பொன்னன் தன் நண்பன் காளியப்பனும் தான் செய்த செயலுக்கு உறுதுணையாக இருந்ததை ஆண்டு விழாவில் மைக்கில் சொன்னான். அனைவரும் கரகோஷம் செய்தனர்.

வண்ணனின் பெற்றோர் பள்ளிக்கு வந்து நன்றி சொல்லிப் பொன்னனை ஆரத் தழுவினர். மகனது தவறான செயலுக்கு மன்னிப்புக் கேட்டனர். பொன்னனது படிப்புக்கான எல்லாச் செலவுகளையும் தாங்கள் ஏற்பதாக உறுதியளித்தனர்.

மதிய உணவு இடைவேளை நேரம். வராண்டாவின் ஓரம் அமர்ந்து அம்மா தந்தனுப்பிய சாதத்தை அசைபோட்டவாறு போன்னன் அமர்ந்திருந்தான். அப்போது பொன்னனின் தோள்களில் இரு கரங்கள் படர்ந்தன. நிமிர்ந்து பார்த்தான். கலங்கிய கண்களுடன் வண்ணன்!

""வண்ணா!.... உட்காரு!..... ஏன் வாட்டமா இருக்கே?.... இன்னும் பயம் தெளியலையா?.... பசிக்குதா? மோர்விட்ட சாதம் இருக்கு!..... சாப்பிடுறயா?..... '' வாஞ்சையுடன் கேட்டான் பொன்னன்.

வண்ணன் பொன்னனது இரண்டு கரங்களையும் பற்றிக் கொண்டான். குரல் தழுதழுத்தது!

""ஓட்டப்பந்தயத்தில் முதற்பரிசு உனக்குப் போயிடுச்சேன்னு எனக்கு உன் மேலே பொறாமை வந்தது.....பழி வாங்க நினைச்சேன்!..... நானே அதுக்கு பலியாகிவிட்டேன்.... ஆனா நீ என்னைக் காப்பாத்திப் பெரிய மனுஷன் ஆயிட்டேடா,..... என் மனசு ஒவ்வொரு நிமிஷமும் என்னைத் துளைக்குதுடா....''

""இதைப் போய்ப் பெரிசு படுத்தறயே..... அந்த சமயத்துலே நான் உனக்கு உதவி செய்யலைன்னா நான் படிச்ச படிப்பெல்லாம் மண்ணுடா!.... அதுவும் காளியப்பன் உதவி செய்யலேன்னா உன்னைக் காப்பாத்தியிருக்க முடியாது'' என்று வண்ணன் கண்களில் வழிந்த நீரைத் துடைத்தான் பொன்னன்.

""டேய்!....என்னை மன்னிச்சுட்டேன்னு சொல்லுடா!....'' வண்ணன் குலுங்கிக் குலுங்கி அழுதான்.

""என்ன பேச்சுப் பேசறே!..... தமிழ் வாத்தியார் சொல்லிக் கொடுத்த குறள் படிக்க மட்டும்தானா?.... வாழ்க்கையில் இல்லையா?.... காளியப்பனுக்கும் உன்னைக் காப்பாற்றியதில் பங்கு உண்டு! அவனது உதவி இருந்ததால்தான் உன்னைக் காப்பாற்ற முடிந்தது. ....இந்தா மோர்சாதம்!.... உடம்புக்குக் குளிர்ச்சி.... சாப்பிடு!...'' என்று வண்ணன் வாயில் ஊட்டினான் பொன்னன்.

காளியப்பனிடமும் தன் மனமார்ந்த நன்றியைத் தெரிவித்தான் வண்ணன்.

அந்த வருடம் சாகசச் செயல்களுக்கான விருதைப் பொன்னனும், காளியப்பனும் பெற்றனர் விழாவில் அனைவரும் கைதட்டிப் பாராட்டினர்.

காளியப்பனுக்கு, தமிழாசிரியர் சொல்லிக்கொடுத்த, "சான்றாண்மை' அதிகாரத்தில் வரும் இன்னா செய் தார்க்கும் இனியவே செய்யாக்கால் என்ன பயத்ததோ சால்பு . (987) என்ற குறள் நினைவுக்கு வந்தது. பொன்னனை மனதாரப் பாராட்டினான்.

]]>
https://images.dinamani.com/uploads/user/imagelibrary/2020/4/11/w600X390/sm10.jpg https://www.dinamani.com/weekly-supplements/siruvarmani/2020/apr/11/குறள்-நெறிக்-கதை-பகைவனுக்கு-அருள்வாய்-3398783.html
3398781 வார இதழ்கள் சிறுவர்மணி அச்சம் வேண்டாம்! நா.இராதா கிருட்டிணன் DIN Saturday, April 11, 2020 06:22 PM +0530  

உடலைச் சுத்தமாய் வைத்தாலே 
ஓடிப் போகும் பல நோய்கள்!

படை கொண்டு தாக்கும் கொரானாவை 
விரட்டியடிக்கச் செய்வோமே!

தொட்டவர்க்கெல்லாம் பரவுமெனில் 
தொடுவதை நாமும் தவிர்த்திடுவோம்!

சோப்பைப் போட்டுக் கையை அடிக்கடி 
சோம்பலில்லாமல் கழுவிக்கொள்!

பட்டுக்கொண்டால் தான் உறவா?
எட்ட இருந்தே பேசிடுவாய்!

எங்கேயிருந்து வந்ததென்று 
எண்ணிக் காலம் கடத்தாமல் 

இங்கேயிருந்து விரட்டிடுவோம்!
இதற்கோர் முடிவு கட்டிடுவோம்!

தொற்றும் கிருமி உள்ளதென 
தற்காத்துக் கொள்ளச் சொல்கின்றார்!

வெளியில் செல்ல வேண்டாமென்று
வேண்டிக் கேட்டுக் கொள்கின்றார்

வீட்டில் தங்கி இருப்போம் நாம்
விரட்டி அடிப்போம் கிருமிதனை!

எடுத்து எறிவோம் அச்சத்தை
இனி நாம் தொடுவோம் உச்சத்தை!

]]>
https://images.dinamani.com/uploads/user/imagelibrary/2020/4/11/w600X390/sm8.jpg https://www.dinamani.com/weekly-supplements/siruvarmani/2020/apr/11/அச்சம்-வேண்டாம்-3398781.html
3398780 வார இதழ்கள் சிறுவர்மணி கருவூலம்: மேற்கு வங்க மாநிலம்  கே.பார்வதி, திருநெல்வேலி டவுன். DIN Saturday, April 11, 2020 06:20 PM +0530 சென்ற இதழ்த் தொடர்ச்சி.......


பேலூர் மடம்! - கொல்கத்தா

இந்த மடம் ஹூக்ளி ஆற்றின் மேற்குக் கரையில் நாற்பது ஏக்கர் நிலப்பரப்பில் அமைந்துள்ளது. ராமகிருஷ்ணா மடம் மற்றும் ராமகிருஷ்ணா மிஷனின் தலைமையகமாக உள்ளது.

அழகான சுற்றுச் சூழலுடன் கூடிய அமைதியான இடம். எல்லா மத மக்களும் இங்கு வந்து இந்த மடம் அளிக்கும் அமைதியையும் ஆனந்தத்தையும் அனுபவிக்கிறார்கள்.

இது ராமகிருஷ்ண பரமஹம்சரின் தலைமை சீடரான சுவாமி விவேகானந்தர் அவர்களால் நிறுவப்பட்டது.
இந்த அமைதியான வளாகத்தில் ஸ்ரீராமகிருஷ்ணர், சுவாமி விவேகானந்தர், மற்றும் ஸ்ரீசாரதா தேவி ஆகியோருக்கான கோயில்கள் உள்ளன.

இந்த மடம் அதன் சிறந்த கட்டடக் கலைக்குப் புகழ் பெற்றது. இந்த வளாகத்திற்குள் ஒரு அருங்காட்சியகம் மற்றும் பல இணைக்கப்பட்ட கல்வி நிறுவனங்களும் உள்ளன.

இந்த பேலூர் மடம் புனித யாத்திரைக்கான முக்கிய இடமாகத் திகழ்கிறது.

பிர்லா கோளரங்கம்! - கொல்கத்தா

ஆசியாவின் மிகப் பெரிய கோளரங்கம், மற்றும் உலகின் இரண்டாவது பெரிய கோளரங்கம் இது. இக்கோளரங்கம் ஜவாஹர்லால் நேரு அவர்களால் 1963 - ஆம் ஆண்டு நிறுவப்பட்டது. இந்தியாவில் இருக்கும் மூன்று கோளரங்கங்களில் இதுவும் ஒன்று. பிர்லா பிளானட்டோரியத்தில் ஒரு மின்னணுஆய்வகம், மற்றும் ஒரு வானியல் கேலரியும் உள்ளன. அதில் ஓவியங்கள் மற்றும் வானியல் மாதிரிகள் உள்ளன.

இந்திய அருங்காட்சியகம்! - கொல்கத்தா

உலகின் ஒன்பதாவது பழமையான அருங்காட்சியகம் மற்றும் இந்தியாவின் மிகப் பெரிய அருங்காட்சியகம் இதுவே. 1814 - ஆம் ஆண்டு அமைக்கப்பட்டது. இங்கு ஓவியங்கள், புத்தரின் நினைவுச் சின்னங்கள், பண்டைய சிற்பங்கள், ஆபரணங்கள், ஆயுதங்கள் எனப் பலவகையான பொருட்கள் உள்ளன. இந்த அருங்காட்சியகத்தில் 35 காட்சியகங்கள் உள்ளன.

டார்ஜீலிங்!

மேற்கு வங்காள மாநிலத்தின் புகழ்பெற்ற அழகிய மலைவாசஸ்தலம். கொல்கத்தாவிலிருந்து 700 கி.மீ. தொலைவில் அமைந்துள்ளது. பசுமையான தேயிலைத் தோட்டங்கள் நிறைந்தது.

கடல் மட்டத்திலிருந்து சுமார் 2000 மீ உயரத்தில் அமைந்துள்ளது. ஆண்டு முழுவதும் இங்கு குளிர்ந்தே காணப்படுகிறது. டார்ஜீலிங் தேயிலை புகழ்பெற்றதாகும். பிரிட்டிஷ் காலத்தில் கட்டப்பட்ட தேவாலயங்கள், மற்றும் அழகிய கட்டடங்கள் இங்குள்ளன.

உலகின் மூன்றாவது உயர்ந்த சிகரம் இது. இங்கிருந்து பார்த்தால் கஞ்சன்ஜங்கா சிகரம் தெளிவாகத் தெரியும்! தாவரவியல் பூங்காக்கள், மிருகக்காட்சி சாலை, ரங்கீத் பள்ளத்தாக்கு, உள்ளூர் சந்தையில் காணப்படும் கைவினைப் பொருட்கள், ஆகியவை ரசிக்கத்தக்கவை. ரோப்வே போன்ற பொழுது போக்கு அம்சங்களும் இங்குண்டு.

டார்ஜீலிங் இமயமலை ரயில்வே! - டார்ஜீலிங் பொம்மை ரயில்!

டார்ஜீலிங் இமயமலை ரயில்வே என்று சொல்லப்பட்டாலும், இது டார்ஜீலிங் பொம்மை ரயில் என்றே அன்புடன் அழைக்கப்படுகிறது. இது குறுகிய பாதை ரயில் ஆகும்.

இந்த ரயில் பாதை 1881 - ஆம் ஆண்டு கட்டி முடிக்கப்பட்டது. இன்று இந்தியாவில் மீதமுள்ள சில நீராவி எஞ்ஜின்கள் கொண்ட ரயில்களில் இதுவும் ஒன்று. இந்த ரயில்பாதை 1999 - ஆம் ஆண்டு யுனெஸ்கோவின் உலகப் பாரம்பரிய தளமாக பட்டியலிடப்பட்டுள்ளது.

இந்த ரயில் பாதை மேற்கு வங்காள மாநிலத்தில் உள்ள நியூ ஜல்பைகுரியிலிருந்து சிலிகுரி, குர்சியோங் மற்றும் கூம் வழியாக டார்ஜீலிங் வரை 80 கி.மீ. தூரம் செல்கிறது. கடல் மட்டத்திலிருந்து 7400 அடி உயரத்தில் இருக்கும் இடம்தான் "கூம்.' இந்த ரயிலில் பயணம் செய்வது மகிழ்ச்சியான ஓர் அனுபவமாகும். இந்த ரயில் ஐந்து பெரிய பாலங்களையும் 450 - க்கும் மேற்பட்ட சிறு பாலங்களையும் 870 - க்கும் மேற்பட்ட வளைவுகளையும் கடந்து செல்கிறது.

சிலிகுரி!

வடகிழக்கு இந்தியாவிற்கு நுழைவாயில் என சிலிகுரி அழைக்கப்படுகிறது. கோயில்களுக்கும், தேயிலைத் தோட்டங்களுக்கும் புகழ் பெற்ற இடமாகும். அண்டை நாடுகளான நேபாளம், பூட்டான், மற்றும் வங்காள தேசம் ஆகியவற்றிற்கு வான்வழி, தரைவழிச் சாலை, மற்றும் தொடர்வண்டிப் போக்குவரத்துக்கான சந்திப்பாகவும் உள்ளது.

சிலிகுரியில் சலுகரா மடாலயம், இஸ்கான் கோயில், மஹானந்தா வீர் வனவிலங்கு சரணாலயம், அறிவியல் மையம் உள்ளிட்ட பல இடங்கள் உள்ளன.

லிகுரி பாதை!

இது வடகிழக்கு இந்தியாவை இந்தியாவின் மற்ற பகுதிகளுடன் இணைக்கும் 21 கி.மீ. அகலம் கொண்ட குறுகிய பகுதியாகும். இதன் இருபுறமும், நேபாளம் மற்றும் வங்காள தேசம் நாடுகள் அமைந்திருக்கின்றன. இதன் வடபகுதியில் பூட்டான் உள்ளது. இப்பாதை 1947 - இல் இந்தியா - பாகிஸ்தான் பிரிவினைக்குப் பின் உருவாக்கப்பட்டது.

இப்பாதை இந்தியாவிற்கு மிக முக்கியத்துவம் வாய்ந்தது. எல்லைப் பாதுகாப்புப்படை மற்றும் மேற்கு வங்காள காவல்துறை ஆகியவற்றால் கண்காணிக்கப்படுகிறது.

மஹானந்தா வீர் வனவிலங்கு சரணாலயம்!

மஹானந்தா மற்றும் தீஸ்தா நதிகளுக்கு இடையில் இச்சரணாலயம் அமைந்துள்ளது. இந்த பரந்த வனப்பகுதிகளில் அரிய வகை மலை ஆடு, சீட்டல் மான்கள், குரைக்கும் மான்கள், காட்டுப் பூனைகள், சாம்பார் வகை மான்கள், புலி, யானை காட்டெருமை போன்ற பலவகை விலங்குகளும் பறவைகளும்
காணப்படுகின்றன.

ஜல்தபாரா தேசியப் பூங்கா!

சிலிகுரி பகுதியில் ஜல்தபாரா தேசிய பூங்கா உள்ளது. இமயமலையின் அடிவாரத்தில் உள்ள, "டோர்சா' ஆற்றின் கரையில் அமைந்துள்ளது. 215 ச.கி.மீ. பரப்பளவில் அமைந்துள்ள இப்பூங்காவில் ராயல் பெங்கால் புலிகள், யானைகள், ஒற்றைக் கொம்பு காண்டா மிருகங்கள் உள்ளிட்ட பல்வேறு விலங்குகள் உள்ளன. யானை சவாரி வசதியும் உள்ளது. செப்டம்பர் முதல் மே வரை இப்பூங்காவைப் பார்வையிட ஏற்ற காலமாகும்.

பக்ஸா தேசியப் பூங்கா மற்றும் புலிகள் ரிசர்வ் பூங்கா!

பூட்டான் மற்றும் அஸ்ஸாம் எல்லையில் மேற்கு வங்கத்தின் வடகிழக்கு மூலையில் பக்ஸா தேசியப் பூங்கா அமைந்துள்ளது. இது 769 ச.கி.மீ. பரப்பளவு கொண்டது. சிஞ்சுலா மலைத்தொடரின் ஒரு பகுதியான பக்ஸா மலைகளில் அமைந்துள்ளது. இவ்வனப்பகுதியில் பல்வேறு ஊர்வன வகைகளும், பல்வேறு விதப் பறவையினங்களும் அடர்ந்த மரங்களும், மூலிகைத் தாவரங்களும், நீர்வாழ் உயிரினங்களும், நீர்த்தாவரங்களும் காணப்படுகின்றன.

பார்ப்போரை பிரமிப்பில் ஆழ்த்தும் வங்காளப் புலிகள், சிறுத்தைப் பூனை, காட்டுநாய்கள், மிகப் பெரிய அணில்கள், ஆசிய யானைகள் உள்ளிட்ட விலங்குகளும் காணப்படுகின்றன.

குரிசியோங்!

வெள்ளை மல்லிகைகளின் நிலம் என்று அழைக்கப்படும் "குர்சியோங்' டார்ஜீலிங் அருகில் அமைந்துள்ள ஒரு மலைவாசஸ்தலம் ஆகும். நீர்வீழ்ச்சிகளும், பெளத்த ஆலயங்களும், கோயில்களும் நிறைந்த அமைதியான மலைவாசஸ்தலம். ஏப்ரல், மே மற்றும் ஆகஸ்டு முதல் அக்டோபர் வரையிலான காலம் குரிசியோங்கைச் சுற்றிப் பார்க்க ஏற்ற காலம்.

சாந்தி நிகேதன்!

மேற்கு வங்காளத்தில், கொல்கத்தாவிலிருந்து 180 கி.மீ. தொலைவில் பிர்பூம் மாவட்டத்தில் போல்பூர் என்னுமிடத்தில் அமைந்துள்ளது.

இவ்விடத்தில் ரவீந்திரநாத் தாகூர் 1862 - ஆம் ஆண்டில் புகழ்பெற்ற "விஸ்வபாரதி பல்கலைக் கழக' நகரை நிறுவினார். சாந்தி நிகேதனில் அமைந்துள்ள "விஸ்வ பாரதி' பல்கலைக்கழகம் 1952 - ஆம் ஆண்டு முதல் இந்திய மத்திய அரசின் கீழ் மத்திய பல்கலைக்கழகமாக செயல்படுகிறது. அமைதியும், பசுமையும் சூழ்ந்த அழகிய இடம்.

டூவர்ஸ்!

கிழக்கில் டீஸ்டா நதி முதல் மேற்கில் சங்கோஷி நதிவரை பூட்டானைச் சுற்றியுள்ள இந்தியாவின் நிலப்பகுதி டூயர் என்று அழைக்கப்படுகிறது. டூவர்ஸ் மஹனாடா வனவிலங்கு சரணாலயம், சம்சிங் மற்றும் சுந்தலேகோலா, சப்ராமரி வனவிலங்கு சரணாலயம் போன்றவை இங்கு அவசியம் பார்க்க வேண்டிய இடங்களாகும்.

கலிம்போங்!

கலிம்போங் ஒரு மலைவாசஸ்தலம். கிழக்கு இமயமலையின் அடிவாரத்தில் கொல்கத்தாவுக்கு வடக்கே சுமார் 630 கி.மீ. தூரத்தில் 1250 மீ. உயரத்தில் அமைந்துள்ளது.பெளத்த மடங்கள், தேவாலயங்கள், திபெத்தியக் கைவினைப் பொருட்கள், மலையேற்றம், இயற்கை அழகு போன்றவற்றிற்குப் புகழ் பெற்றது.

ஜாங்டோங் பால்ரிஃபோ, பிராங் கோம்பா மடாலயம், தொங்கா கோம்பா மடாலயம், டர்பின் தாரா மலை, கத்தாலை நர்சரி, மோர்கன் ஹவுஸ், தியோலோ ஹில் போன்ற இடங்கள் இங்கு பார்க்க வேண்டியவை.

முர்ஷிதாபாத்!

வரலாற்றுச் சிறப்பு மிக்க நகரம். ஹசர்துவாரி அரண்மனை, நிஸ்மத் இம்பம்பரா, ஃபுட்டி மசூதி, வாசிப் மன்சில், மோதி ஜூல் ஆகியவை இங்கு பார்த்து ரசிக்க வேண்டியவை.

மிரிக்!

ஒரு பெரிய ஏரியின் கரையில் அமைந்துள்ளது மிரிக். இது ஒரு மலை நகரம். தேயிலைத் தோட்டங்கள், பழத் தோட்டங்கள், மடாலயங்கள் என பார்த்து ரசிக்கப் பல இடங்கள் உள்ளன.

சாகர் த்வீப்! (கங்கா சாகர்)

சாகர்ட்விப் ஒரு சிறிய தீவு. இது சுந்தர்பான்ஸ் தீவுகளின் ஒரு பகுதியாகும். புனிதமான கங்கை நதி வங்காள விரிகுடாவில் சங்கமிக்கும் இடத்தில் இந்தத் தீவு அமைந்துள்ளது. ஆன்மிக ரீதியாக மிகப் புகழ் பெற்ற இடம்.

சப்ராமரி வனவிலங்கு சரணாலயம்.

இந்த வனவிலங்கு சரணாலயம் கோருமாரா தேசிய பூங்காவிலிருந்து சுமார் 20 கி.மீ. தூரத்தில் அமைந்துள்ளது. கஞ்சன் ஜங்கா, மற்றும் இமயமலைச் சிகரங்கள் பின்னணியில் வனவிலங்குகளை அவற்றின் இயற்கையான வாழ்விடத்தில் பார்த்து ரசிக்கலாம்.

விஷ்ணுபூர்!

மேற்கு வங்காளம் மாநிலத்தின் ஒரு சிறிய நகரம். டெரகோட்டா கோயில்களுக்கு புகழ் பெற்றது. இந்நகரம் கட்டடக்கலை, இசை, மற்றும் கைவினைப் பொருட்களுக்காக சுற்றுலா பயணிகளுக்கிடையே பிரபலமாக உள்ளது.

ராஸ்மஞ்சா கோயில், ஜார்பங்லா கோயில், ஷியாம்ராய் கோயில், லால்ஜி கோயில், மதன்மோகன் கோயில் போன்றவை விஷ்ணுபூரின் புகழ்பெற்ற சுற்றுலா இடங்களாகும்.

செயின்ட் பால்ஸ் கதீட்ரல்! - கொல்கத்தா

கொல்கத்தா மைதானத்தின் தெற்கு முனையில் அமைந்துள்ளது. 1847 - இல் கட்டி முடிக்கப்பட்டது. அற்புதமான கலைப்படைப்புகள் கொண்டது.
அன்னை தெரஸாவின்

"அன்னை வீடு' - கொல்கத்தா

அன்னை தெரஸா அவரது தொண்டுக்காக மிகவும் மதிக்கப்படுகிறார். அவரது கல்லறை, அவர் வாழ்ந்த படுக்கையறை, மற்றும் அவரது வாழ்க்கையைச் சித்தரிக்கும் ஒரு சிறிய அருங்காட்சியகம் ஆகியவற்றை அன்னை இல்லத்தில் காணலாம். இங்கு அவரது கையால் எழுதப்பட்ட கடிதங்கள், ஆன்மிக அறிவுரைகள் அடங்கிய பல பொருட்கள் வைக்கப்பட்டுள்ளன.

மக்ரங்கா த்வீப்!

இத்தீவை கிங்ஃபிஷர் தீவு என்றும் அழைப்பர். இச்சாமதி என்ற நதியின் நடுவில் அமைந்துள்ளது. இதன் ஒருபுறம் இந்தியாவும், மற்றொரு புறம்
பங்களாதேஷும் உள்ளன. இயற்கையை நேசிப்பவர்களுக்கு ஏற்ற இடம்.

பக்காலி கடற்கரை!

மேற்கு வங்கத்தின் கடற்கரையில் அமைந்துள்ள சிறிய கடற்கரை நகரம் இது. ஹென்றி தீவு, ஜம்பு தீவு, ஃபரேசர்கஞ்ச் விண்ட் பார்க், பிஷாலட்சுமி, முதலைப் பண்ணை, என பல இடங்கள் உள்ளன.

டயமண்ட் ஹார்பர் ரைச்சக்!

ஹூக்ளி நதி வங்காள விரிகுடாவை சந்திக்கும் இடத்தில் டயமண்ட் ஹார்பர் கட்டப்பட்டுள்ளது. பிரபலமான துறைமுகம்.

நவத்விபா

நவத்விபா என்பது கங்கைக் கரையில் அமைந்துள்ள ஒன்பது தீவுகளின் தொகுப்பாகும். இந்த சிறிய கிராமப்புற அமைப்பில் கிட்டத்தட்ட 200 கோயில்கள் உள்ளன. ஸ்ரீ சைதன்யா, சரஸ்வத் மடம், இஸ்கான் கோயில், ராதாராணி கோயில், ஸ்ரீதேவானந்தா கபாடியா மடம், ஸ்ரீமகாபிரபு மந்திர், சிவ மந்திர் ஆகிய கோயில்கள் அவற்றில் சில.

காளிகாட் காளி கோயில்!

கொல்கத்தாவின் காளிகாட் என்னும் பகுதியில் அமைந்துள்ளது. இது 51 சக்தி பீடங்களில் ஒன்றாகத் திகழ்கிறது. கல்கத்தா என்ற பெயர் காளிகாட் என்ற பெயரிலிருந்தே வந்ததாகக் கருதப்படுகிறது. இத்தலத்தைப் பற்றிய குறிப்பு 15 மற்றும் 17 - ஆம் நூற்றாண்டைச் சேர்ந்த இலக்கிய நூல்களில் காணப்படுகிறது.

தட்சிணேஸ்வர் காளி கோயில்!

கொல்கத்தா நகரில் ஹூக்ளி நதியின் கிழக்குக் கரையை ஒட்டி தட்சிணேஸ்வர் என்ற ஊரில் இக்கோயில் அமைந்துள்ளது. இங்கே காளி "பவதாரிணி' யாக வழிபடப்படுகிறார். இக்கோயில் 1855 - ஆம் ஆண்டு ஜமீன் குடும்பத்தைச் சேர்ந்த ராணி ரஷ்மோனி என்பவரால் கட்டப்பட்டது. கருவறையில் அன்னை பவதாரிணி காட்சி தருகிறாள். பழமையான வங்காள கட்டட முறைப்படி இக்கோயில் கட்டப்பட்டுள்ளது. இக்கோயில் வளாகத்தில் 12 சிவன் கோயில்கள் இருக்கின்றன. பகவான் ஸ்ரீராமகிருஷ்ண பரமஹம்சர் 30 வருடங்கள் இந்த காளி கோயிலில் தனது சீடர்களுடன் வாழ்ந்திருந்தார்.

மேற்கு வங்காளம் வித்தியாசமான புவியியல் அமைப்பைக் கொண்ட மாநிலம். வடக்கே பனி மூடிய இமயமலை, தெற்கே அலையடிக்கும் வங்காள விரிகுடாக்கடல், இடையில் கங்கை பாயும் சமவெளிப்பகுதி, என பல சுவையான புவியியல் அமைப்பு கொண்டது. இங்கு சுற்றிப் பார்க்க ஏராளமான இடங்கள் உள்ளன. இயற்கையை நேசிப்பவர்களுக்கும், ஆன்மிகப் பயணம் செல்பவர்களுக்கும் ஏற்ற உன்னதமான மாநிலம்!

முற்றும்

]]>
https://images.dinamani.com/uploads/user/imagelibrary/2020/4/11/w600X390/sm9.jpg https://www.dinamani.com/weekly-supplements/siruvarmani/2020/apr/11/கருவூலம்-மேற்கு-வங்க-மாநிலம்-3398780.html
3398779 வார இதழ்கள் சிறுவர்மணி முத்துக் கதை!:  கருணை உள்ளம்! முக்கிமலை நஞ்சன் DIN Saturday, April 11, 2020 06:13 PM +0530 மங்களபுரி என்னும் சிறிய நாட்டை மன்னர் குணசீலர் ஆண்டு கொண்டிருந்தார். அந்நாட்டில் வெகு காலமாக மழை பெய்யாத காரணத்தால் வறட்சி ஏற்பட்டது. அதனால் மக்கள் உணவும் நீரும் இன்றித் தவித்தனர். மக்களின் துயரைப் போக்க மன்னர் அனைவருக்கும் ரொட்டிகளை வழங்க ஏற்பாடு செய்திருந்தார். அதன்படி அரண்மனை வாயிலில் ரொட்டிகள்அடங்கிய ஒரு பெட்டி இருக்கும். ஒருவருக்கு மூன்று ரொட்டிகள்! வரிசையாக நின்று பொறுமையாக அவரவர் வீடுகளுக்கு ரொட்டிகளை எடுத்துச் செல்ல வேண்டும்.

ரொட்டிகள் தீர்ந்து விடுமோ?..... அப்படித் தீர்ந்து போய்விட்டால் நாம் பட்டினி கிடக்க நேரிடுமே என்று பலர் பயந்தனர். எனவே அனைவரும் நெருக்கி அடித்துக்கொண்டு ரொட்டிகளை அடைய முயற்சி செய்தனர்.

அந்த ஊரில் புவனேஸ்வரி என்று ஒரு சிறுமி இருந்தாள். அவள் பொறுமையும், நிதானமும் உள்ளவள். அவள் வசித்த தெருக்கோடியில் ஒரு வயதான முதியவர் இருந்தார். அவர் எழுந்து வந்து ரொட்டிக்காக நிற்கும் நிலையில் இல்லை. அவருக்கு உடல் நலம் குன்றியிருந்தது.

""என்ன தாத்தா!.... அரண்மனை வாசல்லே ரொட்டி தர்றாங்களே, நீங்க வரலையா?....'' என்று கேட்டாள் புவனேஸ்வரி.

""நான் எங்கேம்மா வர்றது?.... என்னாலே நிக்கக் கூட முடியலே...'' எனக் கூறினார் பெரியவர். பெரிவரிடம் விடை பெற்றுக் கொண்ட புவனேஸ்வரி அரண்மனை வாயிலை அடைந்தாள். அங்கு ஒரே கூச்சலும், குழப்பமுமாக இருந்தது. அவள் பொறுமையுடன் வரிசையில் நின்று கொண்டிருந்தாள். அவள் முறை வந்தபோது பெட்டியில் ஒரே ஒரு ரொட்டிதான் இருந்தது. புன்னகையுடன் அதை எடுத்துக் கொண்டாள் புவனேஸ்வரி. இவற்றையெல்லாம் கவனித்துக் கொண்டிருந்தார் அரசர்!

புவனேஸ்வரி ரொட்டியுடன் வீட்டிற்கு விரைந்தாள். தெருக்கோடியில் அவள் பார்த்த முதியவர், ஒட்டிய வயிறுடன் திண்ணையில் துண்டை விரித்துப் படுத்திருந்தார்.

""தாத்தா, ஒரு ரொட்டிதான் கிடைச்சுது!.... நீங்க சாப்பிடுங்க.... '' என்று கூறி அந்த ரொட்டியை பெரியவரிடம் கொடுத்தாள்.

""பரவாயில்லேம்மா,..... நான் சமாளிச்சுக்குவேன்.... நீ சின்னப்பொண்ணு.... பசி தாங்கமாட்டே!.... நீ சாப்பிடு!'' என்றார் பெரியவர்.

""அப்படியா!.... சரி,.... ரெண்டு பேரும் ஆளுக்குப் பாதி எடுத்துக்கலாம்.... '' என்று கூறி ரொட்டியில் பாதியைப் பிய்த்தாள் புவனேஸ்வரி.

சிறுமி பிய்த்த ரொட்டியிலிருந்து ஒரு தங்கக் காசு விழுந்தது! பெரியவர் ஆச்சரியத்துடன் பார்த்தார். அந்தத் தங்கக்காசை எடுத்துக் கொண்டு அரண்மனைக்கு விரைந்தாள் புவனேஸ்வரி.

நடந்ததை அரசனிடம் கூறி தங்கக் காசை அரசனிடம் ஒப்படைத்தாள். சிறுமியின் பொறுமையையும், நேர்மையான உள்ளத்தையும் கவனித்த அரசர், அவளைப் பாராட்டி அந்தத் தங்கக்காசையும், சில ரொட்டிகளையும் அவளுக்கு வழங்கினார். அரண்மனைக்கு வெளியில் வந்து அந்தச் சிறுமி ரொட்டியுடன் செல்வதைப் இமைக்காமல் பார்த்துக் கொண்டிருந்தார்.

பிறகு வானை நோக்கி, ""கடவுளே, இந்த நேர்மையான சிறு பெண்ணின் பொறுமைக்காவது இரங்கி மழையைத் தரக்கூடாதா?'' என்று இறைஞ்சினார்.
ஆகாயத்தில் மேகங்கள் சூழ்ந்து மழையின் ஓரிரு துளிகள் மன்னரின் தோளிலும், தலையிலும் விழத்தொடங்கின. சற்று நேரத்தில் பலத்த மழை! மன்னர் மகிழ்ச்சியுடன் மெல்ல நனைந்து கொண்டே அரண்மனைக்குள் சென்றார்.

]]>
https://images.dinamani.com/uploads/user/imagelibrary/2020/4/11/w600X390/sm7.jpg https://www.dinamani.com/weekly-supplements/siruvarmani/2020/apr/11/முத்துக்-கதை--கருணை-உள்ளம்-3398779.html
3398777 வார இதழ்கள் சிறுவர்மணி பொன்மொழிகள்! உ.இராசமாணிக்கம், கடலூர். DIN Saturday, April 11, 2020 06:11 PM +0530 ஸ்நமது வாழ்க்கை நல்ல முறையில் வாழப்பெற்றதா என்பதை ஆண்டுகளைக் கொண்டு கணக்கிடாமல், செயல்களைக் கொண்டு கணக்கிட வேண்டும். 
-ஷெரிடன்

ஸ்அறிவைப் பெற்றும் அதைப் பயன்படுத்தாது இருப்பது உழுத பின்னும் விதைக்காமல் இருப்பது போலாகும். 
- ஹம்ப்தி

ஸ்சினத்தை விட்டால் துயரில்லை. பேராசையை விட்டால் பேரின்பம் உண்டு. 
- சிவானந்தர்

ஸ்சிறந்த அறிவாளிகள் புத்தகங்களோடு வாழ்க்கையையும் சேர்த்தே படிக்கின்றனர். 
- லின்யூங்

ஸ்மனிதனின் நேர்மையை அவனது ஒழுக்கத்திலிருந்துதான் அளவிட முடியும். 
- ஜூலியஸ்

ஸ்உங்கள் எண்ணங்களை ஒழுங்குபடுத்தினால் வாழ்க்கையும் ஒழுங்காகிவிடும். 
- ஜேம்ஸ் ஆலன்

ஸ்அன்பு பூண்ட இதயமே அறிவு அனைத்திற்கும் தொடக்கம். 
- தாமஸ் கார்லைல்

ஸ்கற்கும்போதே வெற்றி தோல்விகளை நிர்ணயிக்கும் கல்வி முறைதான் அனுபவம் 
- பெர்னார்ட் ஷா

ஸ்உறுதியும், அன்பும் நம்மிடம் தோன்றும் கவலைச் சுமையை நீக்குவன. 
- எமர்ஸன்

ஸ்உயிரினங்கள் அனைத்திடமும் அன்பு செலுத்தச் செய்வதே உண்மையான கல்வி; அதுவே ஆனந்த அனுபவம் அளிப்பது. 
- ரஸ்கின்

]]>
https://images.dinamani.com/uploads/user/imagelibrary/2020/4/11/w600X390/sm6.jpg https://www.dinamani.com/weekly-supplements/siruvarmani/2020/apr/11/பொன்மொழிகள்-3398777.html
3398776 வார இதழ்கள் சிறுவர்மணி ஒழுக்கமுடைமை DIN DIN Saturday, April 11, 2020 06:09 PM +0530 அறத்துப்பால்   -   அதிகாரம்  14   -   பாடல்  7


ஒழுக்கத்தின் எய்துவர் மேன்மை;  இழுக்கத்தின் 
எய்துவர் எய்தாப் பழி.

- திருக்குறள்

ஒழுக்கம் போற்றி வாழ்பவர் 
உயர்ந்த புகழை அடைவார்கள்
புகழின் அருமை உணர்ந்தவர்
ஒழுக்கம் தன்னைப் போற்றுவர்

ஒழுக்கம் சிதற விட்டவர்
பழிப் பெயரை அடைவார்கள் 
பழிப்பெயரை உணர்ந்தவர்
நன்மை செய்ய நாடுவர்


-ஆசி.கண்ணம்பிரத்தினம்

]]>
https://images.dinamani.com/uploads/user/imagelibrary/2020/4/11/w600X390/sm5.jpg https://www.dinamani.com/weekly-supplements/siruvarmani/2020/apr/11/ஒழுக்கமுடைமை-3398776.html
3398774 வார இதழ்கள் சிறுவர்மணி நிவேதனம்! சஜி பிரபு DIN Saturday, April 11, 2020 05:49 PM +0530
ஸத்குரு ராமானந்தரின் ஆசிரமத்தில் ஒருநாள் காலை நேரத்தில் நாராயணருக்குப் பூஜை நடைபெற்றது. அதில் அர்ச்சனைகள் முடிந்த பிறகு ஒரு தட்டில் கொய்யாப் பழங்கள் நிவேதனம் செய்யப்பட்டன. பூஜையின் முடிவில் கொய்யாப் பழங்களை எடுத்து ஆசிரமத்தில் படிக்கும் சிறுவர்களுக்கு விநியோகம் செய்தார் ராமானந்தர். கொய்யாப் பழத்தைப் பெற்றுக்கொண்ட மாதவன் என்ற சிறுவன், குரு ராமானந்தரைப் பார்த்து,

""ஐயா,.... இந்தக் கொய்யாப்பழங்களை ஸ்வாமிக்கு எதுக்கு வைக்கிறோம்?'' என்று கேட்டான்.

""அதை ஸ்வாமி நாராயணர் சாப்பிடுவார்!.... அதுக்குத்தான்!'' என்று சிரித்துக்கொண்டே சொன்னார் ராமானந்தர்.

""அவர் இதைச் சாப்பிட்டா மாதிரியே தெரியலையே.... சுவாமி நாராயணர் இதைச் சாப்பிட்டிருந்தா பழங்கள் குறைஞ்சிருக்கணுமே!.... ஆனா அது மாதிரி எதுவும் நடக்கலையே?... நிஜமா இதை சாமி சாப்பிட்டதுன்னு எப்படிச் சொல்ல முடியும்?''

குரு மாதவனைப் பார்த்துப் புன்னகைத்தார். பிறகு தன் அருகில் இருந்த ஸ்லோக புத்தகத்தை எடுத்தார். பிறகு மாதவனைப் பார்த்து, ""நீ கேட்ட கேள்விக்கு நான் சாயங்காலம் பதில் சொல்கிறேன்.... அதற்குள் இந்த புத்தகத்தில் இந்த இரண்டு வரி ஸ்லோகத்தை மனப்பாடம் செய்து கொண்டு வா.... சாயங்காலம் இதை நீ எனக்கு ஒப்பிக்க வேண்டும்!'' என்று கூறி மாதவனிடம் கொடுத்தார் ராமானந்தர்.
மாதவன் கெட்டிக்காரச் சிறுவன். அவன் சிரத்தையுடன் படித்து அந்த ரெண்டு வரி ஸ்லோகத்தை மனனம் செய்து விட்டான். சாயங்காலம் ஆயிற்று. எல்லோரும் பிரார்த்தனைக்குக் கூடினர்.

புத்தகத்துடன் குருவிடம் சென்றான் மாதவன். புத்தகத்தை வாங்கிக்கொண்ட ராமானந்தர், ""ம்.... ஸ்லோகத்தைச் சொல்லு பார்க்கலாம்!'' என்று புத்தகத்தைப் பிரித்து வைத்துக்கொண்டார். மாதவனும் ஸ்லோகத்தைச் சொன்னான். சரியாகத்தான் சொன்னான்.

""இந்தப் புத்தகத்தைப் பார்த்துத்தானே படித்தாய்?''

""ஆமாம்!.... ஆனா நீ மனசுலே உள்வாங்கிண்ட மந்திரம் இன்னும் புத்தகத்திலேயே இருக்கே!.... உண்மையில் அதை நீ உள் வாங்கிக்கிட்டிருந்தா அது இந்தப் புத்தகத்திலேயிருந்து மறைஞ்சு போயிருக்கணுமே!'' என்றார் ராமானந்தர்.

மாதவன் குழப்பமாக குருவைப் பார்த்தான்.

""நீ மனதில் உள் வாங்கிய மந்திரம் சூட்சும நிலையில் இருக்கிறது. புத்தகத்தில் இருக்கும் மந்திரம் ஸ்தூல நிலையில் இருக்கிறது. இறைவன் சூட்சும நிலையில் இருப்பவன். சூட்சுமம் என்பது நாம் அவர் மீது கொண்டிருக்கும் அன்பும், பக்தியுமாகும்!...அவனுக்கு நாம் ஸ்தூல வடிவில் படைக்கும் நிவேதனங்களை அவன் சூட்சுமமாகவே ஏற்றுக்கொள்கிறான்!.... அதனால்தான் அதன்அளவு குறைவதில்லை!.... உதாரணத்திற்கு இப்போது நீ உள்வாங்கிய மந்திரம் உனக்குள் இருக்கிறது. ஆனால் புத்தகத்தில் இருக்கும் மந்திரம் குறையவில்லை அல்லவா?.... அதுபோலத்தான்!''

இதைக்கேட்ட சிஷ்யன் மாதவன் தெளிவடைந்தான்.

]]>
https://images.dinamani.com/uploads/user/imagelibrary/2020/4/11/w600X390/sm4.jpg https://www.dinamani.com/weekly-supplements/siruvarmani/2020/apr/11/நிவேதனம்-3398774.html
3398772 வார இதழ்கள் சிறுவர்மணி நினைவுச் சுடர்!:  ஹூசைனின் உள்ளம்!  மாதவன் Saturday, April 11, 2020 05:47 PM +0530 அண்ணல் நபிக்கு இரண்டு பேரர்கள் இருந்தனர். ஒருவரின் பெயர் ஹாசன். மற்றொருவரின் பெயர் ஹூசைன். ஹாசன் அண்ணன்-ஹூசைன் தம்பி. சிறுவயதில் இரண்டு சிறுவர்களும் விளையாடிக் கொண்டிருந்தனர்.

விளையாட்டின்போது ஏதோ காரணத்தால் இருவருக்கும் மனஸ்தாபம் ஏற்பட்டு விட்டது! அதனால் இருவரும் ஒருவருக்கு ஒருவர் பேசுவதை நிறுத்திக் கொண்டனர். இது அவரது அருமைத் தாயாருக்குத் தெரிய வந்தது. மறுநாள் சரியாகிவிடும் என நினைத்தார். ஆனால் அப்படி ஆகவில்லை. இருவரும் பேசிக்கொள்ளவே இல்லை.

கூடப் பிறந்தவர்கள் ஒருவருக்கு ஒருவர் பேசாமலிருந்தது தாயாருக்கு மன வேதனையளித்தது. தன் இரு மகன்களையும் அருகில் வருமாறு அழைத்தார். அவர்களிடம், ""ஒரு முஸ்லிம், மற்றொரு முஸ்லிமுடன் மூன்று நாட்கள் பேசாமல் இருந்தால் அது அவனுக்கு அதிக பட்ச தண்டனையை வழங்குவது போலாகும்!..... இது நபிகளின் பொன்மொழியாகும்!..... இதனை நாமே மீறலாமா?..... யோசித்துப் பாருங்கள்!''

இதைக் கேட்ட ஹூசைன், ""ஆமாம் அம்மா!.... அது எனக்குத் தெரியும்..... அந்தப் பொன்மொழியை நான் படித்திருக்கிறேன்!..... அப்படிப் பேசாதிருக்கும் இருவரில் எவர் முதலில் சலாம் செய்கிறாரோ, அவருக்கே அதிகப் பலனும், புண்ணியமும் உண்டு என்பதையும் நான் அறிவேன்!.... அந்தப் பலனும், புண்ணியமும் அண்ணனுக்கே கிடைக்க வேண்டும் என்றுதான் நான் காத்திருக்கிறேன்.... இது தப்பாம்மா?'' என்று கேட்ட ஹூசைனைப் பார்த்ததும் அன்னை வியந்தார்.
இதைப் பக்கத்திலிருந்து கேட்டுக்கொண்டிருந்த ஹாசனின் கண்கள் பனித்தன. ஹாசன் ஓடோடி வந்து தம்பிக்கு ஒரு சலாம் செய்துவிட்டு அவனைக் கட்டி அணைத்துக் கொண்டான்.

மகிழ்ச்சியுடன் இருவரையும் பார்த்துப் பெருமிதம் அடைந்தார் அவர்களது அன்னை!

]]>
https://images.dinamani.com/uploads/user/imagelibrary/2020/4/11/w600X390/sm3.jpg https://www.dinamani.com/weekly-supplements/siruvarmani/2020/apr/11/நினைவுச்-சுடர்--ஹூசைனின்-உள்ளம்-3398772.html
3394346 வார இதழ்கள் சிறுவர்மணி அங்கிள் ஆன்டெனா DIN DIN Saturday, April 4, 2020 05:20 PM +0530  கேள்வி:
 பெரிய தொழிற்சாலைகளின் புகை போக்கிகள் மிகவும் உயரமாக அமைக்கப்பட்டிருப்பதன் காரணம் என்ன?
 பதில்: நிறைய தொழிற்சாலைகளுக்கு ஏராளமான வெப்பம் தேவைப்படுகின்றது. இதற்காக அவற்றில் பலவித பொருட்களை எரித்து வெப்பத்தை உண்டாக்குகிறார்கள். சிலவற்றில் மரக்கட்டைகள், சிலவற்றில் நிலக்கரி, சிலவற்றில் பெட்ரோலியம் போன்றவை.
 இவை அனைத்துமே எரிக்கப்படும்போது மிக அதிக அளவில் கரியமில வாயுவை (கார்பன் டை ஆக்லைட்) வெளியிடுபவை. உங்களுக்கு நன்றாகச் தெரியும்.
 கரியமில வாயு மிகுந்த விஷத்தன்மை கொண்டது என்றது. அதை நாம் அதிகமாக சுவாசித்தால் உடல் நலக் கேடு உண்டாகும்.
 உயரம் குறைவான புகை போக்கிகள் இருந்தால் நாம் சுவாசிக்கும் காற்றில் அவற்றிலிருந்து வரும் கரியமில வாயு எளிதாகக் கலந்து விடும். இந்தக் காற்றை நாம் சுவாசித்தால் நமக்குத்தான் கேடு.
 மேலும் கரித்துகள்கள் வேறு இந்தப் புகை போக்கிகள் வழியே வெளி வரும். இந்த துகள்கள் நமக்கு மூச்சுத் திணறல் ஆகிய உபாதைகளைத் தரக்கூடியவை.
 புகை போக்கிகள் மிக உயரமாக இருந்தால் வானில் உயரத்தில் இந்தக் கரியமில வாயுவும் கரித்துகள்களும் விண்வெளியில் கலந்து விடும்.
 அப்போது நமக்கு பாதிப்பு ஏற்படுவதற்கான வாய்ப்புகள் மிகவும் குறைவு. அதனால்தான் புகைபோக்கிகள் மிக உயரமாக அமைக்கப்படுகின்றன.
 -ரொசிட்டா
 அடுத்த வாரக் கேள்வி
 வானில் தெரியும் மேகம் ஏன் எப்போதும் வெண்மை நிறத்தில் இருக்கிறது?
 பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம்
 நல்ல பதில் கிடைக்கும்.
 

]]>
https://images.dinamani.com/uploads/user/imagelibrary/2020/4/4/w600X390/sm17.jpg https://www.dinamani.com/weekly-supplements/siruvarmani/2020/apr/04/அங்கிள்-ஆன்டெனா-3394346.html
3394345 வார இதழ்கள் சிறுவர்மணி  ஐந்து நிலங்கள்! DIN DIN Saturday, April 4, 2020 05:17 PM +0530 மலையும் அதனைச் சார்ந்த இடமும்
 மனமகிழ் குறிஞ்சி நிலமாகும்!
 
 தலைபடும் அருவி, குகையும் புதரும்
 தன்னிலை கொண்ட களமாகும்!
 
 காடும் அதனைச் சார்ந்த இடமும்
 கார்தரும் முல்லை நிலமாகும்!
 
 நீடு மரங்கள் விலங்கினம் பறவைகள்
 நிரம்பிய அடர்ந்த தளமாகும்!
 
 முல்லை, குறிஞ்சி கோடை பற்றிட
 மூண்டது பாலை நிலமாகும்!
 
 கல்லும் மணலும் வறட்சியும் சூழ்ந்த
 கானல் பெருகும் களமாகும்!
 
 வயலும் அதனைச் சார்ந்த இடமும்
 வளமிக மருதம் நிலமாகும்!
 
 பயனுறு வேளாண்தொழிலை ஏந்தும்
 பசுமை சூழ்ந்த தளமாகும்!
 
 கடலும் அதனைச் சார்ந்த இடமும்
 கண்கவர் நெய்தல் நிலமாகும்!
 
 கடல்சார் வணிகம் மீன்பிடி தொழிலும்
 கருத்தே நிகழும் களமாகும்!
 
 கடம்பை அறிவு
 

]]>
https://images.dinamani.com/uploads/user/imagelibrary/2020/4/4/w600X390/sm16.jpg https://www.dinamani.com/weekly-supplements/siruvarmani/2020/apr/04/ஐந்து-நிலங்கள்-3394345.html
3394323 வார இதழ்கள் சிறுவர்மணி  வறுமையில் செம்மை! Saturday, April 4, 2020 05:16 PM +0530 நினைவுச் சுடர் !
 மேலைநாட்டுக் கவிஞர் கோல்ட்ஸ்மித் மனித நேயம் மிக்கவர். இயல்பாகவே அவர் கருணை உள்ளம் கொண்டவர். மிகச் சிறப்பான கவிஞர் என்று பெயர் பெற்றதோடு அல்லாமல் அவர் ஒரு மருந்தாளுனரும் கூட!
 ஒருமுறை அவர் வறுமையால் வாடிக்கொண்டிருந்த நேரம்.... அவருக்கு மகிழ்ச்சியூட்டும் செய்தி வந்தது. அவர் எழுதியிருந்த கவிதைக்கு ஒரு நல்ல தொகையை பரிசாக வழங்கப் போகிறார்கள் என்ற செய்திதான் அது! பரிசை ஏற்றுக் கொள்ள அழைப்பிதழும் வந்திருந்தது. கோல்ட்ஸ்மித்துக்கு அப்போது இருந்த வறுமையான சூழ்நிலையில் அந்தப் பரிசு மிக ஆறுதலாக இருந்தது.
 மகிழ்ச்சியுடன் அவர் பரிசு வழங்கும் விழாவுக்குப் போனார். போகும் வழியில் ஒரு பெண் அவரை வழி மறித்தார்.
 அந்தப் பெண், கோல்ட்ஸ்மித்திடம், "ஐயா!.....என் கணவர் சாகும் தருவாயில் இருக்கிறார்!.... தாங்கள்தான் அவரது நோயைத் தீர்க்க வேண்டும்!..... தயவு செய்து வாருங்கள்....'' என்று கேட்டுக்கொண்டாள்.
 கோல்ட்ஸ்மித் அந்தப் பெண்ணின் வீட்டிற்குச் சென்று நோயாளியைச் சோதித்தார். பிறகு அவளிடம், "அம்மா!.... நான் இரண்டு மணி நேரம் கழித்து மீண்டும் வருகிறேன்..... கவலைப் படாதே!.... அவருக்கு ஒன்றுமில்லை.... மனச்சோர்வுதான் அவரது நோய்க்குக் காரணம்.... நான் கட்டாயம் வருகிறேன்!.....முதலுதவியாக இந்த மருந்தை வாங்கிக் கொடு!'' எனக் கூறி, ஒரு சீட்டையும் எழுதிக் கொடுத்தார்.
 கோல்ட்ஸ்மித்துக்குப் பரிசுத் தொகையும் கிடைத்தது. அந்தப் பெண்மணிக்கு வாக்களித்தபடி அவள் வீட்டிற்குச் சென்றார்.
 அந்தப் பெண் கோல்ட்ஸ்மித் கொடுத்த சீட்டை வைத்துக்கொண்டு கவலையுடன் அமர்ந்திருந்தாள்.
 "என்ன?.... மருந்து வாங்கிக் கொடுத்தாயா?''
 "இல்லை!.... என்னிடம் பணம் இல்லை!.... அக்கம்பக்கத்திலும் கேட்டுவிட்டேன்..... என்ன செய்வது என்று தெரியவில்லை!'' என்றாள்.
 "சரி, கவலைப்படாதே!..... அவருக்கு நோய் ஒன்றும் இல்லை.... வறுமையும், கவலையுமே அவரது நோய்க்குக் காரணம்!... .... இந்தப் பணத்தை வைத்துக்கொள்!.... இதை அவரிடம் கொடு சரியாகிவிடும்'' என்று கூறி பரிசு வாங்கிய அத்தனை பணத்தையும் அந்தப் பெண்மணியிடம் கொடுத்துவிட்டு வீட்டை நோக்கி நடையைக் கட்டினார்.
 அந்தப் பெண்ணின் கண்களில் நீர் துளிர்த்தது.
 அன்றிரவு அவருக்கு சாப்பிட ஒன்றுமே இல்லை. தண்ணீரை அருந்திவிட்டு மகிழ்ச்சியுடன் படுத்துக்கொண்டார்.
 தீபம் எஸ்.திருமலை

]]>
https://images.dinamani.com/uploads/user/imagelibrary/2020/4/4/w600X390/sm15.jpg https://www.dinamani.com/weekly-supplements/siruvarmani/2020/apr/04/வறுமையில்-செம்மை-3394323.html
3394343 வார இதழ்கள் சிறுவர்மணி சுற்றுலா போன சிவசாமி! DIN DIN Saturday, April 4, 2020 05:15 PM +0530  ஆற்றில் தண்ணீர் வந்ததுவாம்!
 ஆடியில் கோடையும் போனதுவாம்!
 வாய்க்கால் நிறைந்தே நீரோடி
 வயல்மடை வழியே பாய்ந்ததுவாம்!
 உள்ளம் மகிழ்ந்தே உழவரெல்லாம்
 உழவுப் பணியைத் தொடங்கினராம்!
 நெல்லை விதைத்தே நாற்றெடுத்து
 நிறைவாய் வயலில் நட்டனராம்!
 அந்த ஊரின் விவசாயி
 அவனது பெயர்தான் சிவசாமி!
 தொங்கிய பையுடன் தோளினிலே
 தொடர்ந்தான் வெளியூர்ப் பயணத்தை!
 எதிரே வந்த ஆறுமுகம்,
 "எங்கே போகிறாய் சிவசாமி?
 இதுவரை தண்ணீர் காணாமல்
 ஏங்கிக் கிடக்குதே உனது நிலம்!....
 ..... மடையைத் திறந்தே நீர் பாய்ச்சி
 மளமள வென்றே வேலையைப் பார்!
 நடவு செய்தால் பயிர் விளைந்தே
 நல்ல மகசூல் தந்திடுமே!...''
 என்றதைக் கேட்ட சிவசாமி,
 " எல்லாம் சரிதான்! ஆனால் நான்...
 சென்றிட வேண்டும் அவசரமாய்
 சில நாள் கழித்து வந்திடுவேன்!...''
 சொல்லி விட்டு சிவசாமி
 சுற்றுப் பயணம் போய்விட்டான்!
 உள்ள பணத்தைச் செலவழித்தே
 ஊர்கள் பலவும் பார்த்திட்டான்!
 கொண்டு போன பணமெல்லாம்
 குளத்தில் விழுந்த மண்கட்டியாய்
 சென்றதன் பின்னே ஊருக்குச்
 சென்றான் திரும்பி சிவசாமி!
 அறுவடை செய்த வயல்களுமே
 அழகாய்த் தெரிந்தன! விவசாயிகள்
 அறுவடை நெல்லை விற்ற பணம்
 அவர்களின் கைகளில் சிரித்ததுவே!
 தனது நிலத்தைப் பார்த்திட்டான்
 தரையும் வெடித்தே எவருமின்றி
 தனியே நிற்கும் குழந்தையைப் போல்
 தன்னைப் பார்ப்பதாய் உணர்ந்தானே!
 கண்ணீர் விட்டே அழுதிட்டான்!
 கண்டான் அவனை ஆறுமுகம்!
 "அன்றே சொன்னேன் கேட்கவில்லை!
 அழுவதால் இன்று பயனில்லை!....
 ...உழுதிட வேண்டிய காலத்தில்
 ஊர்களைச் சுற்றிடப் போய்விட்டாய்!
 அழுதிட வேண்டாம் பாடுபட்டால்
 அள்ளிக் கொடுத்திடும் உனது நிலம்!''
 
 என்றான்.... உடனே சிவசாமி
 "இனிமேல் அப்படிப் போகமாட்டேன்!
 நன்கே உழைப்பேன் காலத்தில்
 நட்டே விளைப்பேன் முப்போகம்!
 
 அன்னையைப் போல உணவளிக்கும்
 அருமை நிலத்தைக் காத்திடுவேன்!....
 ....உழைப்பே என்றும் உயர்வு தரும்''
 உணர்ந்து சொன்னான் ஆறுமுகம்!
 புலேந்திரன்
 
 

]]>
https://images.dinamani.com/uploads/user/imagelibrary/2020/4/4/w600X390/sm14.jpg https://www.dinamani.com/weekly-supplements/siruvarmani/2020/apr/04/சுற்றுலா-போன-சிவசாமி-3394343.html
3394342 வார இதழ்கள் சிறுவர்மணி  மரங்களின் வரங்கள்! ஆவ் மரம்! DIN DIN Saturday, April 4, 2020 05:13 PM +0530  குழந்தைகளே நலமா....
 நான் தான் ஆலிவ் மரம் பேசறேன். எனது தாவரவியல் பெயர் ஒலியா யூரோபியா என்பதாகும். நான் இஸ்ரேலிலும், பிற வளைகுடா மற்றும் ஐரோப்பிய நாடுகளிலும் அதிகமாகக் காணப்படுகிறேன். என் தாய் நாடு கிரேக்கம். என்னை தமிழில் "சைத்தூன்' என்றும். ஒலிவ மரம் என்றும் சொல்வாங்க. நான் எப்போதும் பசுமையாக இருப்பதுடன், 500, 1000ஆண்டுகளுக்கும் மேலாக வளர்ந்து உங்களுக்கு பயன் தருவேன். ஆனால், ஒண்ணு குழந்தைகளே, நான் மெதுவாகத் தான் வளருவேன். மனிதர்களின் கலாசாரத்திலும், வரலாற்றிலும் மிகவும் முக்கிய இடம் வகிக்கும் மரங்களில் நானும் ஒருவன்.
 என் கிளைகளும், இலைகளும் தழைத்து வளர்ந்து மேல் பாகத்தில் கரும்பச்சை நிறமாகவும், அடிப்பாகத்தில் வெள்ளை கலந்த பச்சை நிறமாக மினுமினுப்பாக இருக்கும். என் காய்கள் பழுத்து கருப்பு நிறமாகும் போது அவைகளை சேகரித்து செக்கிலிட்டு ஆட்டி எண்ணெய் எடுக்கிறார்கள். முற்காலத்தில் குழந்தைகளே, அப்போ எல்லாம் மின்விளக்குகள் இருந்ததா ? இருட்டுல விளக்குகளை எரிய வைக்க நிரந்தரமாக ஒளி கொடுப்பதற்காக இஸ்ரேல் மக்கள் என் தெளிந்த எண்ணெய்யைத் தான் பயன்படுத்தினாங்க. ஆலிவ் எண்ணெய்யை சமையல் எண்ணெய்யாகவும், மருந்தாகவும் இன்றும் பயன்படுத்தி வருகிறார்கள்.
 குழந்தைகளே, உங்களுக்குத் தெரியுமா, "ஆலிவ்' என்னும் சொல்லை அடிப்படையாகக் கொண்டு அமைந்தது தான் "ஒலிம்பிக்' என்னும் சொல். குழந்தைகளே நான் உங்களுக்கு இன்னொரு செய்தியையும் சொல்லட்டுமா, நான் சமாதானத்தின் சின்னம் மற்றும் நட்பின் அடையாளமுமாகும். ஐக்கிய நாட்டு சபையின் சின்னத்தில் என் மரக்கிளைகள் தான் இடம் பெற்றுள்ளன. பண்டைய காலத்தில் ஒலிம்பிக் விளையாட்டில் வெற்றி பெறுவோருக்கு என் மரத்தின் இலைகளால் பின்னப்பட்ட கிரீடம் சூட்டுவது வழக்கம். இதிலிருந்து என் முக்கியத்துவத்தை நீங்கள் உணரலாம்.
 உணவுப் பொருள்களைப் பத்திரப்படுத்தும் தன்மை நான் கொடுக்கின்ற பழங்களுக்கு உண்டு. மத்திய கிழக்கு நாடுகளில் மான்டிநிக்ரோ என்ற நாடு இருக்கிறது. இந்த நாட்டில் உள்ள ஒரு ஆலிவ் மரத்தின் வயது 2,244 என்று சொல்றாங்க. என்னை உள்ளூர்காரர்கள் "ஸ்டாரா மஸ்லீனா' என்று கூப்பிடறாங்க. என் எண்ணெய்யை அழகு சாதனப் பொருள்களிலும், மருந்து பொருள்களிலும், விளக்குகளில் எரிப்பொருளாகவும் பயன்படுத்தலாம். என் எண்ணெய்க்கு மதிப்பு அதிகம் என்பதால் திரவத் தங்கம் என்று சொல்லி மதிக்கிறாங்க.
 என் காய் பச்சை நிறத்திலும், கனிந்த பின் பழுப்பு, சிவப்பு அல்லது கருப்பு நிறத்திலுமிருக்கும். இலைகளில் எண்ணெய் சத்து சற்று கூடுதல். இதுல, தாதுப் பொருள்களும், விட்டமின் ஏ, விட்டமின் சி போன்ற ஊட்டச் சத்துகளும் உள்ளன.
 உடலின் கொலாஸ்ட்ராலின் அளவை கட்டுப்படுத்தவும், இதயத்திற்கு ஏற்ற எண்ணெய்யாகவும் உள்ளதால் உணவுப் பொருள்களில் என்னை அதிகமாக பயன்படுத்தறாங்க. பெண்கள் தினசரி உண்ணும் உணவில் 10 ஸ்பூன் வரை ஆலிவ் எண்ணெய் சேர்த்துக் கொண்டால் மார்பக புற்றுநோயைத் தடுக்கலாம் என்று பார்சிலோனா ஆராய்ச்சி முடிவு தெரிவிக்கிறது. ஸ்பெயின் நாட்டில் நடந்த இன்னொரு ஆராய்ச்சியில், ஆலிவ் எண்ணெய் பயன்படுத்தினால் புற்றுநோய் மட்டுமின்றி, இதய நோய், இரத்த தமனி பாதிப்பு ஆகியவற்றைத் தவிர்க்கலாமுன்னு ஆய்வாளர்கள் கண்டுபிடிச்சிருக்காங்க.
 ஓலிவ மலை உங்களுக்குத் தெரியுமா குழந்தைகளே, ஒலிவ மலை என்பது ஜெருசேலம் பழைய நகருடன் கிழக்கிலிருந்து இணையும் மலைத் தொடராகும். இங்கு சரிவு பகுதிகளை ஒலிவ மரங்கள் மூடியிருந்ததால் இதற்கு ஒலிவு மலைன்னு பேர் வெச்சிருக்காங்க போலிருக்கு. இந்த ஒலிவ மலையில் இப்போதும் கெத்சமனே தோட்டத்தில் 2000 ஆண்டுகள் பழமையான மரம் இன்னைக்கும் இருக்கு. என்ன ஆச்சரியம், இப்போதும் இந்த மரங்களிலிருந்து துளிர் வந்து கொண்டிருக்கிறது. மிக்க நன்றி, குழந்தைகளே, மீண்டும் சந்திப்போம்.
 (வளருவேன்)
 -- பா. இராதாகிருஷ்ணன்
 
 

]]>
https://images.dinamani.com/uploads/user/imagelibrary/2020/4/4/w600X390/sm13.jpg https://www.dinamani.com/weekly-supplements/siruvarmani/2020/apr/04/மரங்களின்-வரங்கள்-ஆவ்-மரம்-3394342.html
3394341 வார இதழ்கள் சிறுவர்மணி  பொருத்துக... (04/04/2020) DIN DIN Saturday, April 4, 2020 05:11 PM +0530 உலகில் சில நாடுகள் சில பழங்களுக்குப் புகழ் பெற்றவை.
அப்படிப்பட்ட நாடுகளும்
 அவற்றின் புகழ்பெற்ற பழங்களும் இடம் மாறி இருக்கின்றன.
 சரியாகப் பொருத்துங்கள் பார்க்கலாம்.
 1. ஆஸ்திரியா - ப்ளம்ஸ்
 2. வங்க தேசம் - மாதுளம்பழம்
 3. இந்தியா - பப்பாளி
 4. ஈரான் - திராட்சை
 5. மலேசியா - மாம்பழம்
 6. நியூசிலாந்து - ஆப்பிள்
 7. ஸ்பெயின் - பலாப்பழம்
 8. செர்பியா - கிவி
 விடை
 1. ஆப்பிள்
 2. பலாப்பழம்
 3. மாம்பழம்
 4. மாதுளம்பழம்
 5. பப்பாளி
 6. கிவி
 7. திராட்சை
 8. ப்ளம்ஸ்
 
 

]]>
https://www.dinamani.com/weekly-supplements/siruvarmani/2020/apr/04/பொருத்துக-04042020-3394341.html
3394339 வார இதழ்கள் சிறுவர்மணி விடுகதைகள் (04/04/2020) DIN DIN Saturday, April 4, 2020 05:10 PM +0530 1. குழந்தைக்கு இந்தக் கைதான் பலமான கை...
 2. காலில்லாத பந்தலைப் பார்க்கப் பார்க்க ஆச்சரியம்..
 3. எத்தனை முறை சுற்றினாலும் என்றும் தலை சுற்றாது இவனுக்கு...
 4. உருண்டைத் தலையனுக்கு உடம்பெல்லாம் மஞ்சள் போர்வை...
 5. எண்ணெயில் வளருவான்... எனக்கும் உனக்கும் அழகு தருவான்...
 6. வீட்டுக்கு வீடு தவறாது வரும் புத்தாண்டு விருந்தாளி...
 7. ராஜா ராணி ஆட்டம், போலீசைக் கண்டால் ஓட்டம்...
 8. கரியாக இருந்தவனைக் குளிப்பாட்டினால், பளீரென்று மின்னினான்...
 9. இரைச்சலோடு செல்லும் விமானம் அல்ல, இடியோசை தரும் வானமும் அல்ல..
 விடைகள்
 1. அழுகை, 2. ஆகாயம், 3. மின்விசிறி,
 4. எலுமிச்சம்பழம், 5. தலைமுடி,
 6. காலண்டர், 7. சீட்டாட்டம்,
 8. வைரம், 9. வாணவெடி
 - ரொசிட்டா
 

]]>
https://www.dinamani.com/weekly-supplements/siruvarmani/2020/apr/04/விடுகதைகள்-04042020-3394339.html
3394338 வார இதழ்கள் சிறுவர்மணி  மென்மையான இதயம்!  என்.எஸ்.வி.குருமூர்த்தி DIN Saturday, April 4, 2020 05:08 PM +0530 அரங்கம்
 காட்சி 1

 இடம் - மென்பொருள் அலுவலகத்தில்
 ஏழாம் மாடியில், எம்.டி அறை
 மாந்தர் - சன்ஷைன் மென் பொருள் கம்பெனி
 மேனேஜிங் டைரக்டர் மற்றும் உரிமையாளர்
 சிவஞானம், ஹெச் ஆர் எனப்படும் ஊழியர்
 கண்காணிப்பு அதிகாரி பூங்குழலி, மற்றும்
 பணி நியமன தேர்வாளர்கள்.
 காலம் : காலை பதினோரு மணி
 (எம்.டி அறைக்கு வெளியே நேர்முக தேர்வுக்கு
 வந்துள்ள இளைஞர்கள்)
 பூங்குழலி - மிஸ்டர் கனகராஜ் நீங்க உள்ளே போங்க....
 (கனகராஜ் எழுந்து தன் டையை சரி செய்துகொண்டு கையில் வைத்துள்ள சர்டிபிகேட்கள் உள்ள ஃபைல் ஃபோல்டருடன் உள்ளே சென்று கதைவைத் தள்ளி நுழைகிறார். )
 தேர்வாளர் ஒருவர் - வாங்க மிஸ்டர் கனகராஜ்!.... உட்காருங்க. உங்க சுய விவரங்கள் அடங்கிய விண்ணப்பத்தைப் பார்த்தோம். நிறைய படிச்சிருக்கீங்க. நல்ல அனுபவம் இருக்கு. எங்கள் தேவைக்கேற்ற மென்பொருள் பிரிவில் நிறைய வேலை பார்த்து இருக்கீங்க. சொல்லுங்க. ஏற்கெனவே வேலை பார்த்த நிறுவனத்தை விட்டு இங்கு வர முயற்சிக்க என்ன காரணம்?....
 கனகராஜ் - சம்பளமும் பதவி உயர்வும் தான்!
 தேர்வாளர் - இப்போ நீங்க வாங்கும் சம்பளத்தை விட இருமடங்கு என்பதாலா?....
 கனகராஜ் - ஆமாம் சார்!.... தனியார் நிறுவனங்களில் கம்பெனி மாறினால் தானே பதவி உயர்வு சம்பள உயர்வு எல்லாம் கிடைக்குது!...
 நிர்வாக இயக்குநர் சிவஞானம் - அப்போ இதைவிட அதிக சம்பளம் தருவதாய் இருந்தால் இங்கிருந்து வேறே கம்பெனிக்குப் போயிடுவீங்க அப்படித் தானே.....
 கனகராஜ் - (விழிக்கிறார்)
 சிவஞானம் - சரி, நீங்க போகலாம். தகவல் அனுப்புகிறோம்.
 (கனகராஜ் வணங்கி வெளியே செல்கிறான்)
 
 தேர்வாளர் - (இண்டர்காமில்) பூங்குழலி மேடம், அடுத்து குமார் என்பவரை வரச் சொல்லுங்க....
 ஹாலில் பூங்குழலி - சார், மிஸ்டர் குமார் யாரு?... உள்ளே போங்க!....
 (யாரும் எழுந்து செல்லவில்லை)
 பூங்குழலி - குமார் வரலியா?.... (இண்டர்காமில்) சார் குமார் என்பவர் வரவில்லை. அடுத்து லிஸ்ட்டில் உள்ள சுரேஷை அனுப்பவா? ..... மிஸ்டர் சுரேஷ், உள்ளே போங்க.
 (ஒவ்வொருவராக நேர்முகத் தேர்வு அறைக்குள் சென்று தேர்வு முடிந்து வெளியே வருகின்றனர்.)
 சிவஞானம் - (இண்டர்வியூ அறையில்) சரி, எல்லோரும் வந்திட்டாங்க.... ஒருவர் இருவரைத் தவிர மற்ற யாரும் நம்ம எதிர்பார்ப்பு அளவுக்கு இல்லை என்பது தான் உண்மை. அனுபவம் இருந்தால் படிப்பு இல்லை.. படிப்பு இருந்தால் அனுபவம் போதவில்லை. கனகராஜ் பரவாயில்லை. தேர்வு செஞ்சால் சில மாதங்கள் இருப்பார்.
 (அப்போது இண்டர் காம் ஒலிக்க....)
 பூங்குழலி - சார் விடுபட்ட குமார் என்பவர் வந்திருக்கார்.
 சிவஞானம் - என்னம்மா இப்போ வர்றார். தேர்வர்கள் கிட்டத்தட்ட கிளம்பிட்டாங்களே. பதினோரு மணி இண்டர்வியூவுக்கு ஒரு மணிக்கு வர்றார். போகச் சொல்லிடுங்க. காலம் தவறாமை தெரியாதவர்.. முக்கிய பொறுப்புக்கு எப்படி தகுதியாக இருப்பார்?
 பூங்குழலி ஹாலில் - சாரி மிஸ்டர் குமார்.... எம்.டி லேட்டா வர்றதை அனுமதிக்க மாட்டார். போயிட்டு வாங்க!...
 குமார் - மேடம் எதனால் நான் தாமதமா வந்தேன்னு தெரிஞ்சா சார் என்னை நிச்சயம் அனுமதிப்பார்.
 பூங்குழலி - சார், நேரத்தை வீணாக்காதீங்க. போயிட்டு வாங்க..... எல்லோரும் சாப்பிடக் கிளம்பிட்டாங்க.
 (குமார் ஏமாற்றத்துடன் திரும்பி தளர்வுடன் நடக்கிறான் கை இடுக்கில் ஃபைல் ஃபோல்டரைச் செருகியபடி)
 
 காட்சி 2
 இடம் - சாலை யோரம் உள்ள பெட்டிக்கடை
 மாந்தர் - பெட்டிக் கடைக்காரர் அண்ணாமலை, குமார்
 (குமார் பெட்டிக் கடையில் ஒரு வாழைப் பழத்தை வாங்கிச் சாப்பிட )
 கடைக்கார அண்ணாமலை - என்ன தம்பி,... இண்டர்வியூ என்ன ஆச்சு?
 குமார் - எங்கே ஐயா,..... தாமதமா போனதால் முடிஞ்சு போச்சு. அனுமதி மறுத்திட்டாங்க....உள்ளேயே விடலை!
 அண்ணாமலை - அடடா!.... உங்களை மாதிரி நல்ல மனுஷாளுக்கு இப்படி ஒரு சோதனையாய... நீங்க மட்டும் நமக்கென்ன என்று இண்டர்வியூவுக்குப் போயிருக்கலாம். ஆனால் ஒரு ஏழை உயிரைக் காப்பாற்றினீங்க. அந்தப் புண்ணியம் உங்களுக்கு நிச்சயம் நல்ல வழி காட்டும். அந்தக் கம்பெனியில் வேலை பார்க்கும் பாப்பா பூங்குழலி எங்க வீட்டு அருகில் தான் வசிக்குது நான் நடந்ததைச் சொல்றேன்.
 குமார் - எதுக்கு ஐயா உங்களுக்குச் சிரமம்?...
 அண்ணாமலை - இதில் என்னப்பா சிரமம்.... நடந்ததைச் சொல்லப் போறேன்.... உங்க செல் நம்பரைச் சொல்லுங்க!
 குமார் - (நம்பிக்கை இன்றி) உங்க ஃபோன் நம்பர் சொல்லுங்க... ஒரு மிஸ்டு கால் தரேன்.
 (நம்பர் பதிவானதும் கிளம்புகிறான்)
 
 காட்சி 3
 இடம் - பூங்குழலி வசிக்கும் அடுக்கு மாடி குடியிருப்பு
 மாந்தர் - பெட்டிக்கடை அண்ணாமலை பூங்குழலி, அவள் தாயார் மங்களம்
 
 அண்ணாமலை - ஐயா ஐயா.... இதோ அழைப்பு மணி பொத்தான் இருக்கே!... (அடிக்கிறார்)
 மங்களம் - யார் நீங்க? என்ன வேணும்?
 பின்னால் வரும் பூங்குழலி - ஓ! பெட்டிக்கடை அண்ணாமலை சாரா.... வாங்க வாங்க.... அம்மா இவரு என் கம்பெனி எதிரில் பெட்டிக்கடை வச்சிருக்கார்.... இரவு ரொம்ப நாழி ஆயிட்டால் எனக்குத் துணையாக இருப்பார். தெரிந்த ஆட்டோக்காரரை வரவழைச்சு அனுப்புவார். என் டூவீலர் சமயத்தில் பழுது என்றால் இவர் கடை வாசலில் நிறுத்துவேன். மெக்கானிக்கை வரச் சொல்லி அங்கேயே பழுது சரி பார்த்து வைப்பார்.
 மங்களம் - உட்காருங்க ஐயா!... காபி போட்டு கொண்டு வரேன்.
 பூங்குழலி - அண்ணாமலை அண்ணே, என்ன விஷயமா வந்தீங்க?
 அண்ணாமலை - அம்மா, இன்னிக்கு காலையில் உங்க கம்பெனி இண்டர்வியூவுக்கு குமார்ன்னு ஒரு தம்பி தாமதமா வந்தாரா ?
 பூங்குழலி - ஆமாம். ஒரு மணிக்கு வந்தார். பதினோருமணிக்கு வர வேண்டியவர்.
 அண்ணாமலை - அம்மா நடந்ததைச் சொல்றேன். அந்த தம்பி வெளியூர் மதுரை பக்கம். சரியான நேரத்துக்கு வந்திட்டார். உங்க கம்பெனி வாசலில் பாதாள சாக்கடை அடைப்பை நீக்க வாட்ச்மேனிடம் சொன்னீங்களா?
 பூங்குழலி - ஆமாம்.. யாரோ வந்து இன்னிக்கு பதினோரு மணிக்கு மூடியைத் திறந்து உள்ளே இறங்கி அடைப்பை எடுத்தாங்களே..... இப்ப சரியாயிடுச்சே....
 அண்ணாமலை - உங்க வாட்ச்மேன் சுத்தம் செய்யும் வேலைக்கு ஒரு ஆளை அழைச்சு வந்தார்.... அந்த ஆளும் அவர் பையன் ஒரு சிறுவனும் வந்தாங்க. மூடியைத் திறந்து இறங்கினதும் அந்த ஆளுக்கு வலிப்பு வந்து முழுகிட்டார். வெளியில் நின்ன சின்ன பையன் அப்பா அப்பான்னு கத்தறான்!... காப்பாத்தச் சொல்லி கெஞ்சறான்!.... இந்த குமார்தான் டக்குன்னு என் கையில் ஃபைலைக் கொடுத்திட்டு உள்ளே இறங்கி அவரைத் தோளில் தூக்கிக்கிட்டு மேலே வந்து, மூச்சுவிட முதலுதவி செஞ்சார். உடனே 108 ஆம்புலன்ஸ் நான் வரவழைச்சு ஆஸ்பத்திரியில் அந்த ஆள் பிழைச்சுக்கிட்டார்! டாக்டர், ஒரு நிமிஷம் தாமதமா போயிருந்தாலும் மூச்சுத் திணறி அபாயம் நிகழ்ந்திருக்கும்ன்னு குமாரிடம் சொன்னார். குமாரை என் வீட்டுக்கு அழைச்சுப் போய் குளிக்கச் சொன்னேன். அவர் குளிச்சு, சூட் கேஸில் கொண்டுவந்திருந்த மாற்று உடையை அணிந்து கம்பெனிக்கு ஆட்டோவில் வர தாமதம் ஆயிடுச்சு!..... இது தான் நடந்தது!....
 (மங்களம், பூங்குழலியும் நெகிழ்வுடன்)
 மங்களம் - அடடே!... அத்தனை நல்ல பையனா அவர்?
 பூங்குழலி - நான் இப்பவே எம் டி வீட்டுக்குச் செல்கிறேன். நடந்ததைச் சொல்லி அவருக்கு வாய்ப்பு தந்தே ஆக வேண்டும்!
 அண்ணாமலை - ரொம்ப நன்றிம்மா. அந்த பையனோட சேறான துணிகளை என் மனைவி அலசி காயவச்சிருக்கா. போய் எடுக்கணும்.
 (அண்ணாமலை சென்றதும் கை பேசியில் சிவஞானத்தைத் தொடர்பு கொள்கிறாள் பூங்குழலி)
 ஃபோனில் சிவஞானம் - ஆமாம் குழலி.....நான் தான் வாட்ச் மேனிடம் அடைப்பு நீக்க ஆள் கொண்டு வரச் சொன்னேன். அவரும் என்னிடம் மாலை நடந்ததைச் சொன்னார். ஆனால் மூழ்கியவரைக் காப்பாற்றிய ஆள் விவரம் சொல்லவில்லை. அது நீ சொல்ற குமார்தானா?.... வெரிகுட்!.... அந்தப் பையன் குமார் கை பேசி எண்ணுக்கு உடனே தொடர்பு கொண்டு நாளை காலை தேர்வுக்கு வரச் சொல்லம்மா.
 பூங்குழலி - சரி சார்.
 
 காட்சி 4
 இடம் ரயில் நிலையம்
 மாந்தர் - குமார்
 (ரயில் பெட்டியில் ஏறும் போது கை பேசி ஒலிக்கிறது)
 குமார் - சொல்லுங்க அம்மா!....
 போனில் அம்மா குரல் - என்னப்பா ஆச்சு இண்டர்வியூ?....
 (குமார் விவரிக்கிறான். )
 அம்மா குரல் - பகவான் நல்ல வழி காட்டுவார். கவலைப் படாதே! அடுத்த வாரம் ஹைதராபாத் போகப் போறதா சொன்னியே.. அது நிச்சயம் கிடைக்கும்! ஊருக்கு வந்து மீதியைப் பேசலாம்.
 (சிறிது நேரம் கழித்து ரயில் புறப்பட சில மணித்துளிகள் இருக்க, கை பேசி ஒலிக்கிறது)
 அதில் பூங்குழலி குரல் - சார் மிஸ்டர் குமாரா.... நீங்க தாமதமா வந்ததுக்கு என்ன காரணம்ன்னு பெட்டிக்கடை அண்ணாமலை சார் சொன்னார். நான் உடனே எங்க எம்.டி கிட்டே விவரமா சொன்னேன். அவருக்கு உங்கள் மீது நல்ல அபிப்ராயம் ஏற்பட்டுடுச்சு! நாளைக் காலை மறுபடி உங்களை வரச் சொல்லி இருக்கார். காலை பதினோரு மணிக்கு அவசியம் வந்திடுங்க...
 குமார் - நன்றி மேடம்.
 (அம்மாவுக்கு ஃபோன் மூலம்
 செய்தியைச் சொல்கிறான்)
 
 காட்சி 5
 இடம் சன்ஷைன்மென்பொருள் கம்பெனி
 மாந்தர் - குமார், பூங்குழலி, எம்டி சிவஞானம்
 (சரியாக காலை பதினோரு மணிக்கு ஹாலில் நுழைய
 பூங்குழலி இண்டர்காமில்...)
 
 பூங்குழலி - சார் மிஸ்டர் குமார் வந்திருக்கார்.
 எம் டி சிவஞானம் குரல் - உள்ளே வரச் சொல்லுங்க
 (உள்ளே செல்லும் குமார் எம் டி சிவ ஞானத்தை
 வணங்க, அமரச் சொல்கிறார்)
 சிவஞானம் - மதுரையா நீங்க. முன் அனுபவம் சிறிய கம்பெனிகளில் தான். சரி மென் பொருள் சம்பந்தப்பட்ட வேலை தான் வேணுமா? இல்லே தனி உதவியாளரா ஒரு பெரிய அதிகாரிக்கு பணியாற்ற சம்மதமா?
 குமார் - நான் எம்.பி.ஏ முடிச்சிருக்கேன். தனி உதவியாளர் வேலை செய்யவும் தயார் சார்.
 சிவஞானம் - (இண்டர்காமில்) குழலி, எனக்கு பி.ஏ வாக மிஸ்டர் குமாரை நியமனம் பண்ணிய உத்தரவை எடுத்து வாங்க.
 (பூங்குழலி கவரை நீட்ட)
 சிவஞானம் - மிஸ்டர் குமார்.. எங்களுக்க்கு ஆயிரம் மென்பொருள் பொறியாளர்கள் கிடைப்பாங்க. ஆனால் மென்மையான இதயம் படைச்ச உங்களைப் போல் ஒருவர் கிடைப்பது அரிது. இந்த வேலையில் மென்பொறியாளர் சம்பளத்தைப் போல் இருமடங்கு உங்களுக்குக் கிடைக்கும்.
 குமார் - (மகிழ்ச்சிப் பூரிப்பில்) உங்களுக்கு எப்படி நன்றி சொல்றதுன்னே தெரியலே சார்!
 சிவஞானம் - நாளைக்கே வேலையில் சேருங்கள். வாழ்த்துக்கள்!
 (வெளியே - ஹாலில் இருக்கும் பூங்குழலியிடம்)
 குமார் - மேடம் உங்களுக்கு எத்தனை நன்றி சொன்னாலும் போதாது
 பூங்குழலி - நீங்க நன்றி சொல்ல வேண்டியது பெட்டிக் கடை அண்ணாமலை சாருக்குத் தான்.
 (பூ பழம் இனிப்புகள் வாங்கிக்கொண்டு
 அண்ணாமலை வீட்டுக்குச் செல்கிறான் குமார்)
 
 திரை

]]>
https://images.dinamani.com/uploads/user/imagelibrary/2020/4/4/w600X390/sm12.jpg https://www.dinamani.com/weekly-supplements/siruvarmani/2020/apr/04/மென்மையான-இதயம்-3394338.html
3394336 வார இதழ்கள் சிறுவர்மணி  தந்தைச் சொல்! DIN DIN Saturday, April 4, 2020 05:03 PM +0530 முன்னொரு காலத்தில் ஜானவி என்ற நாட்டில் அதீதன் என்று ஒரு வணிகன் இருந்தான். அவனுக்கு சுசீலன் என்று ஒரு மகன் இருந்தான். சுசீலனுக்கு ஒரு நெருங்கிய நண்பன் இருந்தான். அவன் பெயர் பிரசண்டன். பிரசண்டன் நல்லவனில்லை. அதீதன், தன் மகன் சுசீலனிடம், ""சுசீலா, உன் நண்பன் நல்லவனில்லை....உன் பெயரைச் சொல்லி அவன் என்னைப் பலமுறை ஏமாற்றியிருக்கிறான். அவனிடம் நான் பலமுறை ஏமாந்திருக்கிறேன்.... நீ அவனிடம் பழகுவது நல்லதல்ல.... அவன் நட்பை விட்டுவிடு!'' என்றார்.
 சுசீலன் தந்தையின் சொல்லை ஏற்கவில்லை. அவரிடம், "தந்தையே, என்னைப் பொறுத்தவரையில் திலீபன் நல்லவன். நேர்மையானவன். அவ்வளவுதான். அவனுடன் பழகுவதை நான் நிறுத்த முடியாது. உங்களை மறுத்துப் பேசுவதற்கு என்னை மன்னித்துவிடுங்கள்!'' என்று கூறிவிட்டான்.
 நாட்கள் சென்றன. ஒருநாள் அதீதன் ஒரு சிறிய பெட்டி நிறைய சின்னச் சின்னக் கூழாங்கற்களை நிரப்பினான். பிறகு, தன் மகன் சுசீலனை அழைத்து, ""நாம் இருவரும் வாணிபம் செய்வதற்காகப் பக்கத்து நாட்டிற்குச் செல்ல வேண்டியுள்ளது. திரும்பி வர ஒரு மாதம் ஆகும். நம்மிடம் விலை உயர்ந்த ரத்தினக் கற்கள் இருக்கின்றன. நான் அவற்றை இந்தப் பூட்டிய பெட்டியில் வைத்திருக்கிறேன்.... பெட்டியைப் பூட்டிய சாவி என்னிடம்தான் இருக்கிறது. இந்தப் பெட்டியைப் பாதுகாப்பாக யாரிடம் கொடுத்துவிட்டுச் செல்லலாம் நீயே சொல்!'' என்றார்.
 "என் நண்பன் பிரசண்டனிடம் கொடுத்து விடலாம்!.... அவன் எனக்கு நேர்மையானவன். கவலைப்பட வேண்டாம்!'' என்றான் சுசீலன்.
 "சரி, உன் விருப்பப்படியே செய்!'' என்று பெட்டியைத் தன் மகனிடம் தந்தார் அதீதன். சுசீலனும் சற்று கனமான அந்தப் பூட்டிய பெட்டியைத் தன் நண்பன் பிரசண்டனிடம் தந்து, "இதை பத்திரமாக வைத்துக்கொள்.... நானும் என் அப்பாவும் வியாபார நிமித்தம் வெளியூர் செல்கிறோம்...திரும்பி வர ஒரு மாதம் ஆகும். நாங்கள் ஊரிலிருந்து திரும்பிய பின்பு பெட்டியை வாங்கிக்கொள்கிறோம். உள்ளே நிறைய விலையுயர்ந்த ரத்தினக் கற்கள் இருக்கின்றன. ஜாக்கிரதை!'' என்று கூறிப் பெட்டியை பிரசண்டனிடம் ஒப்படைத்தான்.
 அவர்கள் ஊருக்குச் சென்றதும், பேராசையால் பெட்டியை மாற்றுச் சாவி போட்டுத் திறந்து பார்த்தான் பிரசண்டன். அதில் வெறும் கூழாங்கற்களே இருந்தன. அவனுக்கு ஏமாற்றமாகவும், அவமானமாகவும் இருந்தது. சுசீலனிடம் வெறுப்பும் வந்தது. சுசீலனும், அவனது தந்தையும வியாபாரத்தை முடித்துக்கொண்டு நல்ல லாபத்துடன் ஊர் திரும்பினர்.
 "சரி, நீ சென்று உன் நண்பன் பிரசண்டனிடமிருந்து பெட்டியை வாங்கிக்கொண்டு வா!'' என்று சுசீலனை அனுப்பினார் அதீதன்.
 சுசீலன் கையில் பெட்டியுடன் கோபத்துடன் திரும்பி வந்தான்! தந்தையைப் பார்த்து, "அப்பா!.... நீங்க செய்தது சரிதானா?.... வெறும் கூழாங்கற்களைப் பெட்டியில் இட்டு நிரப்பிவிட்டு, அதை ரத்தினக்கற்கள் என்று கூறிவிட்டீர்களே.... பிரசண்டனுக்கு அவமானமாகப் போய்விட்டதாம்!... என் மீதும் மிகவும் கோபமாகப் பேசினான்!.... நானும், அதை ரத்தினக்கற்கள் என்று கூறித்தானே அவனிடம் தந்தேன்!.... இது சரியா?'' என்றான்.
 "மகனே!.... பொறுமையாகக் கேள்!.... பூட்டப்பட்ட பெட்டியையே உன் நண்பனிடம் நீ கொடுத்தாய்!.... பெட்டியின் சாவியோ என்னிடம் இருக்கிறது!.... உன் நண்பன் நேர்மையாக இருந்திருந்தால் அதை அப்படியே அல்லவா உன்னிடம் தந்திருக்க வேண்டும். பெட்டியில் இருந்தது அவனுக்கு எப்படித் தெரிந்தது? அவன் பெட்டியைத் திறந்து பார்த்திருக்கிறான்!.... ஒரு வேளை ரத்தினக் கற்களை அவனிடம் தந்திருந்தால் என்ன ஆகியிருக்கும்?.... எடுத்துக்கொண்டு ஊரை விட்டே போயிருப்பான்!.... இல்லையா?.....யோசித்துப் பார்!..... இப்படிப்பட்டவன் நட்பு தேவையா? நீயே சொல்!'' என்றார் அதீதன்.
 உண்மையை உணர்ந்த சுசீலன். "தந்தையே, என்னை மன்னித்து விடுங்கள்!.... இனி உங்கள் அனுபவமும், அறிவும் எனக்கு வழி காட்டட்டும்!.... உங்கள் சொற்படியே நான் இனி நடப்பேன்!'' என்று கூறினான்.
 ஆர்.அஜிதா.
 
 

]]>
https://images.dinamani.com/uploads/user/imagelibrary/2020/4/4/w600X390/sm11.jpg https://www.dinamani.com/weekly-supplements/siruvarmani/2020/apr/04/தந்தைச்-சொல்-3394336.html
3394335 வார இதழ்கள் சிறுவர்மணி கடி (04/04/2020) DIN DIN Saturday, April 4, 2020 05:01 PM +0530 * "எங்கேடா தண்ணியோட பானையைத் தூக்கிக்கிட்டுப் போறே?''
"ஊர்லேர்ந்து வந்திருக்கிற அங்கிள்தான், "குடிக்க பானைத் தண்ணி கொண்டு வா' ன்னு கேட்டாரு!''
வி.ரேவதி, 
தஞ்சாவூர்.

* "தானத்திலே பெரிய தானம் என்னது தெரியுமாடா?''
"மைதானம்!''
கே.எம்.நஜ்முதீன், 
ஸ்டார் மார்பிள் அண்டு கிரனைட்ஸ், 
104/9, லட்சுமி புரம், 
காயல்பட்டினம்.

* "எங்க அக்கா ரங்கோலி கோலத்தைத் தப்பா போட்டுட்டா!''
"...."ராங்'கோலி ஆயிடுச்சுன்னு சொல்லு!''
சரஸ்வதி செந்தில், 
12, சேஷாசல செட்டித் தெரு, 
பொறையார் - 609307.

* "கையிலே என்னடா?''
"உளுந்து, பெருங்காயம்!''
"கால்லே என்னடா கட்டு?''
"விழுந்து சிறுகாயம்!''
மோகனா அம்பி, 
கும்பகோணம்.

* "முத்தமிழ்னா என்ன தெரியுமாடா?''
"தெரியும்!...... செய்யுள் பகுதி, உரைநடைப்பகுதி, துணைப் பாடப்பகுதி!''
நா.வினோத்குமார், 
பாராஞ்சி

* "கொசு கடிக்காம இருக்க இந்த கிரீமைத் தடவு......''
"அதெப்படி முடியும்?....ஒவ்வொரு கொசுவாப் பிடிச்சு இந்த கிரீமைத் தடவறதெல்லாம் முடியிற காரியமா?''
ஜி.இனியா, 
கிருஷ்ணகிரி.
வாரம் 2 டி-சர்ட் பரிசு நட்சத்திரக் குறியிட்ட 2 கடிகளும் பட்டுக்கோட்டை ரூபி ரெடிமேட்ஸ் வழங்கும் 
தலா ஒரு டி-சர்ட்டைப் பெறுகின்றன. பரிசு பெற்றவர்களுக்கு வாழ்த்துகள்.
 

]]>
https://images.dinamani.com/uploads/user/imagelibrary/2020/4/4/w600X390/sm9.jpg https://www.dinamani.com/weekly-supplements/siruvarmani/2020/apr/04/கடி-04042020-3394335.html
3394333 வார இதழ்கள் சிறுவர்மணி  அறிவு மோதிரம்! DIN DIN Saturday, April 4, 2020 04:56 PM +0530 முன்னொரு காலத்தில் சுவர்ணபுர நாட்டில் பிம்பாதரர் என்ற கல்விமான் இருந்தார். சுவர்ணபுரி நாட்டில் அரசவைப் புலவராக அவர் இருந்தார். கல்வி கேள்விகளில் சிறந்தவராக இருந்தாலும் பிம்பாதரர் மிகவும் கர்வம் உடையவர். பல புலவர்களை வம்புக்கு இழுத்து அரச சபையில் போட்டி வைத்து அவர்களை வெற்றி கொள்வார். எனவே இவ்வுலகிலேயே தானே சிறந்த அறிஞனென அவர் நினைத்துக் கொண்டிருந்தார்.
 சுவர்ணபுரியில் இருந்த மயிலாபுரம் என்ற கிராமத்தில் பிரேமானந்தர் என்ற ஒரு ஏழை விவசாயி இருந்தார். அந்த விவசாயி கல்வி கேள்விகளில் சிறந்தவராக இருந்தார். மயிலாபுர கிராம மக்கள் அவரை மிகவும் சிறந்த அறிஞனாகப் போற்றி வந்தனர். இந்த விஷயம் பிம்பாதரருக்கு எட்டியது. . அவர் ஒரு முடிவுக்கு வந்தார்.
 அதன்படி அந்த விவசாயியை நேரில் சந்திக்க முடிவெடுத்தார். அவனுடன் சபையில் வாதம் செய்து தோற்கடிக்க வேண்டுமென நினைத்தார். அதுவே தனது அறிவுக்கூர்மையை, அரசரின் மற்றும் மக்களின் மனதில் தெளிவுப்படுத்தும் என்பது அவரது எண்ணமாக இருந்தது.
 உடனே, தனது குதிரையின் மீது ஏறி விவசாயியைச் சந்திக்கப் புறப்பட்டுப் போனார். விவசாயி வாழுகின்ற மயிலாபுரம் கிராமத்தின் எல்லையை அடைந்தார்.
 அங்கு ஒருவன் வயலில் வேலை செய்துக் கொண்டிருந்தான். அவன் மிகவும் எளிமையான கோலத்தில் இருந்தான். அவனிடம், "ஏய்... யாரது...இங்க யாரோ ஒரு விவசாயி இருக்கானாமே.... அவன இங்க இருக்குறவங்க அறிஞன் னு சொல்றாங்களாமே... அவனைத் தெரியுமா...?'' என்று அலட்சியமாக கேட்டார் பிம்பாதரர்.
 அதற்கு அந்த விவசாயி, "அவனை எனக்கு நன்றாகத் தெரியும். அவனை நீங்கள் ஏன் பார்க்க விரும்புகிறீர்கள்...? "என்று பணிவாகக் கேட்டான்.
 " நான் இந்த நாட்டின் தலை சிறந்த கல்விமான். என் பெயர் பிம்பாதரர். உலகிலேயே புத்திசாலி! இந்தக் குக்கிராமத்தில் உள்ள பிரேமானந்தர் என்ற விவசாயி மிகப் பெரிய அறிவாளியாமே! அதைப் பொய்யாக்கவே இங்கு வந்துள்ளேன். எனது கேள்விகளால் அவனைத் துளைத்தெடுத்து முட்டாள் ஆக்காமல் திரும்ப மாட்டேன்'' என்று இறுமாப்பாகக் கூறினார்.
 அதற்கு அந்த விவசாயி, ""துணைக்கு யாரும் இல்லாமல் நீங்கள் மட்டும் வந்திருக்கிறீர்கள். எங்கள் ஊரின் எளிய அறிஞனிடம் தோற்றாலும்,வென்றாலும் யாருக்கும் தெரியாது.'' என்று பணிவாகச் சொன்னான்.
 "அநாவசியமான பேச்சு வேண்டாம்! போட்டி சபையில்தான் நடக்கும்! உலகில் என்னை எவனும் வெல்ல முடியாது. என்னை உடனடியாக, பிரேமானந்தரிடம் அழைத்துப் போ...'' என்று கர்ச்சித்தார்.
 இதைக் கேட்ட விவசாயி புன்முறுவல் பூத்தான். பின்பு, " பிம்பாதரரே... நீங்கள் தேடி வந்திருக்கும் பிரேமானந்தர் நான் தான்...'' பவ்யமாகக் கூறினார்.
 பிம்பாதரர், " அட... நீதானா... அது...நான் ஏதோ அறிவாளியாய்... கம்பீரமான ஆளாக இருப்பாய் என்று எதிர் பார்த்தேன். நீயோ... அப்பாவி விவசாயியாய் இருக்கிறாய்... பரவாயில்லை. நான் வந்த வேலை எளிதில் முடிந்துவிடும். அரச சபையில் என்னோடு போட்டியிட நீ தயாரா... இப்போதே செல்ல வேண்டும்..... என்னுடன்.... வா! '' என்று அவசரப்பட்டுக் கேட்டார்.
 "உங்கள் அளவுக்கு நான் பண்டிதனில்லை.... என்றாலும் நான் போட்டிக்குத் தயார்!.... உங்களை வென்றால் எனக்குப் பேரும் புகழும் கிடைக்கும்!... என்னை நீங்கள் வென்றாலோ, ஒரு சாதாரண விவசாயியை வெற்றி பெற்ற சிறிய புகழ் கிடைக்கும் அவ்வளவே! '' பவ்யமாகக் கூறினார்.
 "இந்த வீண் பேச்சு வேண்டாம்!.... சபையில் போட்டிக்கு ஏற்பாடு செய்யப் போகிறேன்... புறப்படத் தயார் செய்துகொள்! இப்பொழுதே போக வேண்டும்!''
 "தங்களுடன் போட்டியிட நான் தயார்!...ஆனால்... அதற்குள் நான் போய் எனது அறிவு மோதிரத்தை அணிந்து வர வேண்டும்...'' என்றான் விவசாயி.
 உடனே அரசர், "அதென்ன... அறிவு மோதிரம்?..... அதனை எப்போழுதும் அணிவதில்லையா...?'' என்றார்.
 விவசாய வேலைக்கு வரும் நாங்கள் மோதிரம் அணிய மாட்டோம். அறிவு மோதிரம் அணிந்து வருகிறேன். தாங்கள் கூறிய படி உடனே புறப்படலாம்! அதன்பின் பாருங்கள்!... என்னையும் ஒரு அறிவாளியாக நீங்கள் ஏற்பீர்கள்...'' என்றான் விவசாயி.
 ""பார்க்கலாம்!.... இதோ... எனது குதிரையை எடுத்துச் சென்று உனது அறிவு மோதிரத்தை சீக்கிரம் அணிந்து வா... வந்த பின்பு யார் முட்டாள் என்பது தெரியும்!'' என்று அவசரப் படுத்தினார் பிம்பாதரர்.
 விவசாயி குதிரை மீதேறிப் புறப்பட்டான். நெடுநேரம் ஆனது. விவசாயி வரவில்லை. பிம்பாதரருக்கு "அறிவு மோதிரம் என்பது எப்படி இருக்குமோ...?'' என்ற எண்ணம் தத்தளிப்பில் ஆழ்த்தியது. நேரம் ஆக ஆக விவசாயி மீது எரிச்சலாக வந்தது. இருட்டத் தொடங்கியது. ஆனால், விவசாயி வரவில்லை.
 பிறகு தான் தான் முட்டாளாக்கப் பட்டது அவருக்குப் புரிந்தது. தனது கர்வத்தால் குதிரையையும் பறிகொடுத்து விட்டோமே என்று எரிச்சலடைந்தார். பிறகு விசாரித்து பிரேமானந்தரின் வீட்டை அடைந்தான். வீடு பூட்டியிருந்தது! சோர்வுற்ற பிம்பாதரர் தன் வீட்டை அடைந்தார். அங்கு அவரது குதிரை நின்றிருந்தது! குதிரையின் கழுத்தில் ஒரு பெரிய சீட்டும் கட்டித் தொங்கவிடப்பட்டிருந்தது. அதில், "அறிவு மோதிரம் என்ற ஒன்று கிடையவே கிடையாது!.... தாங்கள் சிறந்த கல்விமான் என்பதில் சந்தேகமில்லை! தங்களுக்கு என் பணிவான வணக்கங்கள்! தாங்கள் தன்னடக்கத்தையும், பணிவையும் கற்றுக்கொண்டால் மகிழ்வுடன் வாழ்வீர்கள்! - அன்புடன்..... பிரேமானந்தர்' என்று எழுதியிருந்தது.
 தனது கர்வத்தால் சற்று நேரம் தான் முட்டாளாக்கப்பட்டதை உணர்ந்தார் பிம்பாதரர். இனி என்றும் கர்வப்படுவதில்லை என்ற முடிவுக்கும் வந்தார் அவர்.
 பல்லவிகுமார்

]]>
https://images.dinamani.com/uploads/user/imagelibrary/2020/4/4/w600X390/sm8.jpg https://www.dinamani.com/weekly-supplements/siruvarmani/2020/apr/04/அறிவு-மோதிரம்-3394333.html
3394332 வார இதழ்கள் சிறுவர்மணி  நடுவோம் மரங்கள் நாளும்! DIN DIN Saturday, April 4, 2020 04:55 PM +0530 நாளும் மரங்கள் நட்டால்
 நாட்டில் நிலவும் குளிர்ச்சி
 நீளும் தண்ணீரைப் பெருக்கு
 நிறையும் எங்கும் வளர்ச்சி
 
 பற்பல இடங்களில் முன்னோர்
 பயன் தரும் மரங்களை நட்டார்!
 விற்பனை நோக்கில் பின்னோர்
 வெட்டி விற்றே கெட்டார்!
 
 தோப்புத் தோப்பாய் மரங்கள்
 தொடர்ந்து வளர்ந்து செழித்தால்
 காப்பாய் இருக்கும் நமக்கு!
 கடுகி மழையும் பொழியும்
 
 நிலத்தில் வெப்பம் மகுந்தால்
 நிலவும் வறட்சி எங்கும்
 பலவாய் மரங்கள் நிறைந்தால்
 பற்பல் வளங்கள் தங்கும்!
 
 நிழலும் பயன்தரு பொருளும்
 நித்தம் வழங்கும் மரங்கள்
 உழவும் தொழிலும் செழிக்க
 உதவும் மழையைக் கொடுக்கும்!
 
 நடுவோம் மரங்களை நாளும்
 நலத்துடன் அவற்றைக் காப்போம்!
 விடுமே வறட்சி நம்மை
 விளையுமே எங்கும் செம்மை!
 
 முத்து முருகன்

]]>
https://images.dinamani.com/uploads/user/imagelibrary/2020/4/4/w600X390/sm7.jpg https://www.dinamani.com/weekly-supplements/siruvarmani/2020/apr/04/நடுவோம்-மரங்கள்-நாளும்-3394332.html
3394331 வார இதழ்கள் சிறுவர்மணி மேற்கு வங்க மாநிலம் DIN DIN Saturday, April 4, 2020 04:53 PM +0530 கருவூலம்
மேற்கு வங்காளம் இந்தியாவின் வடகிழக்குப் பகுதியில் அமைந்துள்ள ஒரு மாநிலமாகும். இது மக்கள் தொகை அடிப்படையில் இந்தியாவின் நான்காவது பெரிய மாநிலமாகும். கொல்கத்தா மாநகரமே இம்மாநிலத்தின் தலைகரமாக உள்ளது. 
வங்காள மொழியே இங்கு பெரும்பான்மையாக பேசப்படும் மொழியாகும். சுந்தர வனக்காடுகள் மற்றும் வங்காளப் புலிகள், இரும்பு மற்றும் நிலக்கரிச் சுரங்கங்களுக்கு பெயர் பெற்ற மாநிலம் மேற்கு வங்காளம்.
88,752 ச.கி.மீ. பரப்பளவு கொண்ட மேற்கு வங்காளம் மாநிலத்தினை வடக்கில் பூட்டான் நாடும், வடகிழக்கில் அசாம் மாநிலமும், கிழக்கில் வங்காள தேசம் நாடும், தெற்கில் வங்காள விரிகுடாக் கடலும், மேற்கில் பீகார், மற்றும் ஜார்க்கண்ட் மாநிலங்களும், வடமேற்கில் நேபாள நாடும் மற்றும் சிக்கிம் மாநிலமும் சூழ்ந்துள்ளன. மேற்கு வங்காள மாநிலம் நிர்வாக வசதிக்காக 23 மாவட்டங்களாகப் பிரிக்கப்பட்டுள்ளது.
வங்காள வரலாறு!
வங்காள வரலாறு என்பது வங்காள மொழி பேசும் மேற்கு வங்காளம் மாநிலம் மற்றும் நம் நாட்டின் அண்டை நாடான வங்காள தேசம் ஆகியவற்றின் ஒருங்கிணைந்த வரலாற்றைக் குறிக்கும். 
வங்காளத்தின் நாகரிகம் சுமார் 4000 ஆண்டுகளுக்கு முற்பட்டதாகும். மகாஜனபத நாடுகளின் காலத்தில் வங்காளம் மகத நாடு மற்றும் அங்க நாட்டின் ஒரு பகுதியாக இருந்தது. அதன்பின் வந்த மெளரியப் பேரரசு மற்றும் குப்தப் பேரரசின் காலங்களில் வங்காளம் ஒரு மாகாணமாக விளங்கியது.
அதன் பின்னர் வந்த கெளடப் பேரரசு. பாலப் பேரரசு, காம்போஜ பால வம்சம், ஹரிகேள ராஜ்ஜியம், சென் பேரசு, தேவா பேரரசு ஆகிய பேரரசுகள் வங்காளத்தை ஆண்டனர். அக்காலத்தில் வங்காள மொழி, இசை, கலை மற்றும் கட்டடக்கலை போன்றவை நன்கு வளர்ந்தது. 
13 - ஆம் நூற்றாண்டில் வங்காளத்தின் நிலப்பகுதி இஸ்லாமிய சுல்தான்கள், இந்து மன்னர்கள், மற்றும் பெரும் நிலக்கிழார்களின் ஆளுகையின் கீழ் சென்றது. வரலாற்றின் மத்திய காலத்தில் வங்காளம் குறுநில மன்னர்களால் ஆளப்பட்டது. 
கி.பி. 16 , மற்றும் 17 - ஆம் நூற்றாண்டுகளில் வங்காளத்தின் கழிமுகத் துவாரப் பகுதிகளை 12 ராஜபுத்திர மற்றும் இஸ்லாமிய நிலக்கிழார்கள் ஆண்டனர். 
வங்காளம் முகலாயர் ஆட்சியின் கீழ் இருந்தபோது வேளாண்மையும், மஸ்லின் துணி நெய்தல் சணல் நூல் மற்றும் சணல் பொருட்கள் தயாரித்தல் மற்றும் கப்பல் கட்டும் தொழில்கள் சிறப்பாக நடைபெற்றன. 
முகலாயப் பேரரசின் வீழ்ச்சிக்குப்பின் வங்காளம் படிப்படியாக இஸ்லாமிய வங்காள நவாப்களின் பிடியில் சென்றது. பின்னர் மராத்தியப் பேரரசினர் வங்காள நவாப்களிடமிருந்து வங்காளத்தின் மேற்கு மற்றும் தெற்குப் பகுதிகளைக் கைப்பற்றினர். 
கி.பி. 18 - ஆம் நூற்றாண்டில் பிரிட்டிஷ் கிழக்கிந்திய கம்பெனிப் படைகளுக்கும், வங்காள நவாப் படைகளுக்கும் இடையே நடைபெற்ற பிளாசி மற்றும் பக்சார் போர்களின் முடிவில் கி.பி.1793 - இல் வங்காளத்தின் பெரும்பகுதியை பிரிட்டிஷ் கிழக்கிந்திய கம்பெனியினர் கைப்பற்றினர்.
வங்காளத்தில் பிரிட்டிஷ் கிழக்கிந்திய கம்பெனியரின் ஆட்சி 1757 முதல் 1858 முடிய நடைபெற்றது. கொல்கத்தா நகரம் அவர்களின் தலைநகரமாக விளங்கியது. 
1857 - இல் சிப்பாய்க் கிளர்ச்சிக்குப்பின் பிரிட்டிஷ் அரசு கிழக்கிந்திய வணிக நிறுவனத்தையும் மற்றும் கம்பெனி ஆட்சியையும் கலைத்துவிட்டு, பிரிட்டிஷ் அரசு நேரடியாக வைஸ்ராய் தலைமையில் வங்காளத்தை 1858 முதல் 1947 முடிய ஆட்சி செய்தது. 
வங்காளப் பிரிவினை!
வங்காள மாகாணம் பிரிட்டிஷ் இந்தியாவின் மிகப் பெரிய மாகாணங்களில் ஒன்று. 1905 - இல் 1,89,000 சதுர மைல்கள் பரப்பளவையும், 8 கோடி மக்கள் தொகையும் கொண்டிருந்தது. பரப்பளவிலும் மக்கள் தொகையிலும் பெரியதாக உள்ள மாகாணத்தை நிர்வகிப்பது கடினமாக உள்ளதெனக் கருதி 1905 - ஆம் ஆண்டு மேற்கு வங்காளம் மற்றும் கிழக்கு வங்காளம் என இரண்டாகப் பிரிக்கப்பட்டது. 
மேற்கு வங்காளத்தில் இந்துக்களும், கிழக்கு வங்காளத்தில் இஸ்லாமியர்களும் அதிக அளவில் இருந்தனர். இந்தப் பிரிவினைக்கு எதிராகப் பரவலாக எதிர்ப்பும் போராட்டங்களும் நடைபெற்றது. அதனால் 1911 - ஆம் ஆண்டு வங்காளம் ஒன்றிணைக்கப்பட்டது. 
ஆனாலும் 1947 - இல் நாடு சுதந்திரம் பெற்றபோது மத அடிப்படையில் இந்தியா இரண்டாகப் பிரிக்கப்பட்டது. அப்போது இந்துக்கள் அதிகமுள்ள பகுதியான மேற்கு வங்காளத்தை இந்தியாவுடன் இணைத்தனர். இஸ்லாமியர் அதிகம் வாழ்ந்த கிழக்கு வங்காளத்தை பாகிஸ்தானுடன் சேர்த்து "கிழக்கு பாகிஸ்தான்' என்ற பெயரில் அழைத்தனர். 
ஆனாலும் கிழக்கு பாகிஸ்தான் என்ற நிலை நீண்ட காலம் நீடிக்கவில்லை. மக்கள் அதிருப்தி அடைந்து போராடத் தொடங்கினர். 1971 - இல் தனி நாடு கோரும் கிழக்கு பாகிஸ்தான் மக்கள் இந்தியாவின் உதவியுடன் பாகிஸ்தானிடம் போராடி விடுதலை பெற்றனர். கிழக்கு வங்காளம் எனும் கிழக்கு பாகிஸ்தானுக்கு வங்காளதேசம் எனப் பெயரிடப்பட்டது. 
வங்காள தேசம் புதிய சுதந்திர நாடாக உருவானது!
இந்தியாவுடன் இணைக்கப்பட்ட மேற்கு வங்காளப் பகுதி இந்தியாவின் ஒரு மாநிலமாகத் திகழ்கிறது. 
பொருளாதாரம்!
துர்காப்பூர் மற்றும் ஆசான்சால் பகுதியில் அமைந்துள்ள இரும்பு, நிலக்கரி மற்றும் அலுமினிய சுரங்கங்கள் மூலம் எஃகு மற்றும் இரும்பாலைகள், மின்சார மற்றும் மின்னணுக் கருவிகள் தயாரித்தல் மின் கம்பிகள் தயாரித்தல் போன்ற தொழில்கள் நடைபெறுகின்றன. 
மேலும் ரயில் என்ஜின்கள், ரயில் பயணிகள் பெட்டிகள், ரயில் சரக்குப்பெட்டிகள், மோட்டார்கார் உதிரி பாகங்கள், தோல் பொருட்கள், துணி நெசவு, நகைகள், தேயிலை உற்பத்தி, சர்க்கரைத் தயாரிப்பு, இரசாயனப் பொருட்கள் தயாரிப்பு, சணல் பொருட்கள் போன்ற தொழில்கள் மாநிலத்தின் பொருளாதார வளர்ச்சிக்கு ஆதாரமாக உள்ளன. 
வேளாண்மை!
மேற்கு வங்காள மாநிலத்தின் பிரதான தொழில் வேளாண்மைப் பயிராகும். நெல் தவிர உருளைக்கிழங்கு, சணல், கரும்பு, தேயிலை, பருப்பு வகைகள் மற்றும் கோதுமை போன்றவை முக்கிய விளை பொருட்களாகும்.
கொல்கத்தா மாநகரம்!
மேற்கு வங்காளம் மாநிலத்தின் தலைநகரம் பரப்பளவில் இந்தியாவின் இரண்டாவது மிகப்பெரிய நகரமாகும். கொல்கத்தா நகரின் புறநகர் பகுதிகளையும் கணக்கில் கொண்டால் இந்நகரின் மக்கள் தொகை சுமார் 1.5 கோடி ஆகும். எனவே இந்நகர் இந்தியாவின் மூன்றாவது அதிக மக்கள் தொகை கொண்ட நகரமாகக் கருதப்படுகிறது. மேலும் இந்நகர் உலக அளவில் பரப்பளவில் எட்டாவது மிகப் பெரிய நகரமாகும்.
கொல்கத்தா நகருக்கு அருகாமையில் அமைந்திருக்கும் ஒரு சிற்றூரில் கிடைத்த அகழ்வாராய்ச்சிப் பொருட்கள் மூலம் இப்பகுதியில் கி.மு. இரண்டாம் நூற்றாண்டுக்கு முன்னரே மக்கள் வசித்து வந்தது அறியப்படுகிறது. இருப்பினும் நகரின் தெளிவான வரலாற்றை 1690 - க்குப் பின் இப்பகுதிக்கு வந்த பிரிட்டிஷ் கிழக்கிந்திய வாணிப கழகத்தின் வருகைக்குப் பின்தான் அறியமுடிகிறது. 
"கல்கத்தா' என்று அழைக்கப்பட்ட இந்நகரின் பெயர் 2001 - ஆம் ஆண்டில் வங்காள மொழி உச்சரிப்பான "கொல்கத்தா' என்று பெயர் மாற்றம் செய்யப்பட்டது.
கொல்கத்தா நகரம் "ஹூக்ளி' ஆற்றின் கரையில் தெற்கு வடக்காக நீள வாக்கில் அமைந்துள்ளது. இந்நகரின் பெரும்பாலான நிலம் முற்காலத்தில் சதுப்பு நிலமாக இருந்தது. காலப்போக்கில் அதிகரித்து வந்த மக்கள் தொகையால் அந்த ஈர சதுப்பு நிலப்பகுதிகள் படிப்படியாய் மேம்படுத்தப்பட்டன. இவ்வாறு மேம்படுத்தப்படாமல் மீதியிருக்கும் ஈர நிலம் இப்போது "கிழக்குக் கல்கத்தா ஈரநிலம்' என்று அழைக்கப்படுகிறது. கிழக்கு மேற்கு திசையில் இந்நகரம் மிக ஒடுக்கமானது.
கல்கத்தா நகர் ஆங்கிலேயரின் ஆட்சியின்போது 1772 - ஆம் ஆண்டு முதல் 1911 - ஆம் ஆண்டு வரை இந்தியாவின் தலைநகரமாக விளங்கியது. அக்காலத்தில் இந்நகரம் கல்வி, அறிவியல், தொழில், பண்பாடு மற்றும் அரசியல் ஆகியவற்றில் சிறந்து விளங்கியது.
இரண்டாம் உலகப் போரில் கல்கத்தா நகரும் அதன் புறநகர் பகுதிகளும், துறைமுகமும் ஜப்பானியத் தரைப்படையால் தாக்கப்பட்டன. 20 டிசம்பர் 1942 முதல் 24 டிசம்பர் 1944 - ஆம் ஆண்டு வரை கல்கத்தா பலமுறை தாக்கப்பட்டது.
முக்கியமாகக் காண வேண்டிய இடங்கள்!
விக்டோரியா நினைவிடம்! - கொல்கத்தா

இங்கிலாந்தின் விக்டோரியா மகாராணி நினைவாகக் கட்டப்பட்டது. பரந்த கொல்கத்தா மைதானத்தின் தெற்கு முனையில் அமைந்துள்ளது. இந்தியாவில் பிரிட்டிஷ் ஆட்சியின் 25 ஆண்டு கால ஆட்சியைக் கொண்டாடுவதற்காக கட்டப்பட்டது.
இந்த நினைவிடத்தின் அடிக்கல்லை வேல்ஸ் இளவரசர் ஐந்தாம் ஜார்ஜ் 1906 - ஆம் ஆண்டில் நாட்டினார். 1921 - ஆம் ஆண்டு இந்த வெள்ளை மார்பிள் கட்டடம் கட்டி முடிக்கப்பட்டது. இது லண்டனில் உள்ள விக்டோரியா நினைவுச் சின்னம் போன்றே கட்டப்பட்டுள்ளது
இந்த நினைவுச் சின்னத்தை பசுமையான நன்கு பராமரிக்கப்பட்ட 64 ஏக்கர் பரப்பளவு கொண்ட தோட்டம் சூழ்ந்துள்ளது. இங்கு ஏராளமான சிற்பங்கள் உள்ளன.விக்டோரியா மகாராணியின் வெண்கலச் சிலை சிம்மாசனத்தில் அமர்ந்த நிலையில் இங்குள்ளது. இக்கட்டடம் இப்போது அருங்காட்சியகமாக உள்ளது. ராயல் கேலரி, நேஷனல் லீடர்ஸ் கேலரி, ஸ்கல்ப்சர்ஸ் கேலரி, உட்பட 25 - க்கும் மேற்பட்ட கேலரிகள் இங்குள்ளன. அத்துடன் அரிய பழங்காலப் புத்தகங்களும், ஓவியங்களும், ஆயுதங்களும், ஜவுளி கலைப்பொருட்களும், முத்திரைகளும் காட்சிக்கு வைக்கப்பட்டுள்ளன. 
கொல்கத்தாவின் பெருமையாகக் கருதப்படும் இக்கட்டடம் இன்று ஒரு பிரபலமான சுற்றுலாத் தலமாகத் திகழ்கிறது. 
வில்லியம் கோட்டை! - கொல்கத்தா. 
இந்தக் கோட்டை ஹூக்ளி ஆற்றின் கிழக்குக் கரையில் அமைந்துள்ளது. 17 - ஆம் நூற்றாண்டில் இறுதியில் இப்பகுதியில் வசித்த ஆங்கிலேயர் பிற ஐரோப்பிய நாட்டவர்களிடம் (நெதர்லாந்து, பிரெஞ்சு, போர்த்துகீசியர்) இருந்து தங்களைக் காத்துக்கொள்ள ஒரு கோட்டையை கட்ட விரும்பினர். அதன்படி 1696 - ஆம் ஆண்டில் கட்டப்பட்ட இந்தக் கோட்டைக்கு மூன்றாம் வில்லியம் மன்னரின் பெயரிடப்பட்டது. இக்கோட்டையைக் கட்டி முடிக்க பத்து ஆண்டுகாலம் ஆனது. இது நம் நாட்டில் ஆங்கிலேயரால் கட்டப்பட்ட முதல் கோட்டையாகும். இக்கோட்டையே ஆங்கிலேயப் படையினரின் குடியிருப்பாகவும், தலைமையிடமாகவும் இருந்தது.
பின்னர் "கொல்கத்தா' (கல்கத்தா) வங்காள மாகாணத்தின் தலைநகரமாக அறிவிக்கப்பட்டது. இதற்கிடையில் பிரெஞ்சு கிழக்கிந்திய கம்பெனிப் படையினரால் ஆங்கிலேயர்கள் தொடர்ந்து தாக்கப்பட 1756 - ஆம் ஆண்டு வில்லியம் கோட்டை மேலும் பலப்படுத்தப்பட்டது. இதனால் கோபம் அடைந்த வங்காள நவாப் கோட்டையைத் தாக்கிக் கைப்பற்றினார். அடுத்த ஆண்டே மீண்டும் கோட்டையை ஆங்கிலேயர்கள் கைப்பற்றினர். அத்துடன் ஆங்கிலேயர்களால் இந்தியாவின் தலைநகரமாக கல்கத்தா நகரம் அறிவிக்கப்பட்டது. 
இக்கோட்டை 70.9 ஏக்கர் பரப்பளவில் அற்புதமான அமைப்புடன் கட்டப்பட்டுள்ளது. இக்கோட்டையின் மேற்பரப்பு கற்களால் ஆன வேலைப்பாடுகள், பசுமையான தோட்டங்கள் என கம்பீரமாக அழகுடன் காணப்படுகிறது.
ஹவுரா பாலம்!
இப்பாலம் கொல்கத்தாவின் ஒரு முக்கிய அடையாளம். இது ஹூக்ளி ஆற்றின் குறுக்கே கட்டப்பட்ட ஒரு பெரிய எஃகு பாலமாகும். இது உலகின் மிக நீளமான பிடிமானப் பாலங்களில் (கான்டிலீவர் பிரிட்ஜ்) ஒன்றாகக் கருதப்படுகிறது! இப்பாலம் இரட்டை நகரங்களான ஹவுரா மற்றும் கொல்கத்தாவை இணைக்கிறது. இந்த பாலத்தை தினமும் சுமார் ஒரு லட்சம் வாகனங்கள் மற்றும் எண்ணற்ற பாதசாரிகள் கடந்து செல்கின்றனர். 
ஹவுரா பாலம் அதன் கட்டுமானத்தின்போது உலகின் மூன்றாவது மிக நீளமான காண்டிலீவர் பாலமாக இருந்தது. ஆனால் இப்போது இது காண்டிலீவர் வகைகளில் ஆறாவது நீளமான ஒன்றாக இருக்கிறது. 1500 அடி நீளமும், 71 அடி அகலமும் கொண்டிருக்கிறது. இப்பாலத்திற்கு போல்டுகளோ நட்டுகளோ ஒன்று கூடப் பயன்படுத்தவில்லை! முழுக்க, முழுக்க ரிவெட்டுகளால் ஒன்றாக இணைக்கப்பட்டுள்ளது. பாலத்தின் கட்டுமானத்தில் 26, 500 டன் எஃகு பயன்படுத்தப்பட்டுள்ளது. இதன் கட்டுமானம் 1936 - இல் தொடங்கி 1942 - இல் முடிவடைந்தது.
பரபரப்பான போக்குவரத்தைக் கொண்ட இந்தப் பாலத்தில் நின்று ஆற்றின் அமைதியைப் பார்த்து ரசிக்கலாம். 
சுந்தரவனம் உயிர் கோளக் காப்பகம்! 
(SUNDARBAN BIOSPHERE RESERVE)
இந்தியாவிற்கும், பங்களா தேஷிற்கும் இடையில் உள்ள மிகப் பெரிய மாங்குரோவ் சதுப்பு நிலப்பகுதிதான் சுந்தரவனக் காடுகள்! இதன் பெரும்பாலான பகுதிகள் பங்களாதேஷ் நாட்டிற்குள் இருக்கிறது. என்றாலும் இக்காடுகளின் மூன்றில் ஒரு பகுதி இந்திய எல்லைக்குள் இருக்கிறது. பயணிகள் எளிதில் சென்று வருவதற்கு ஏற்ற சுற்றுலாத் தலமாகவும் உள்ளது.
இந்த வனப்பகுதி கொல்கத்தாவிற்கு தென்கிழக்கு திசையில் 100 கி.மீ. தொலைவில் அமைந்துள்ளது. உலகளவில் பெரும்பரப்பளவில் காணப்படும் சதுப்பு நிலக் காடுகளைக் கொண்ட சுந்தரவனம் யுனெஸ்கோவினால் 1989 - ஆம் ஆண்டு உயிர்கோளக் காப்பகமாக அறிவிக்கப்பட்டுள்ளது! உலகப் பாரம்பரியக் களமாகவும் அறிவிக்கப்பட்டுள்ளது.
சுந்தரவனக்காடுகள் சுமார் 10,000 ச.கி.மீ. பரப்பளவைக் கொண்டுள்ளது. இதில் பங்களாதேஷில் 6017 ச.கி.மீ. பரப்பளவும் இந்தியாவின் மேற்கு வங்க மாநிலத்தில் "தெற்கு 24 பர்கானாஸ்' மற்றும் "வடக்கு 24 பர்கானாஸ்' மாவட்டங்கள் பகுதியில் 4260 ச.கி.மீ. பரப்பளவும் உள்ளது. இந்தியாவின் மேற்கு வங்க மாநிலத்தின் ஹூக்ளி நதியிலிருந்து பங்களா தேஷின் பலேஸ்வர் நதி வரை பரவியுள்ளது. இவ்வனப் பகுதி வங்காள விரிகுடாவில் கங்கை, பிரம்மபுத்திரா மற்றும் மேக்னா நதிகளின் டெல்டா பகுதியில் அமைந்துள்ளது. உலக அளவில் புலிகள் வாழும் மிகப் பெரிய சதுப்பு நிலக்காடுகள் இக்காப்பகத்தில் மட்டுமே காணப்படுகிறது. இந்த உயிர்கோளக் காப்பகத்தில் வங்காளப் புலி காப்புப் பகுதி, சுந்தரவனம் தேசியப் பூங்கா ஆகியவை உள்ளன. மேலும் சக்னோகாலி வனவிலங்கு சரணாலயம், லோத்தியன் தீவு வனவிலங்கு சரணாலயம் மற்றும் ஹாலிடே தீவு வனவிலங்கு சரணாலயம் ஆகிய மூன்று சரணாலயங்களும் இக்காப்பகத்தில் உள்ளன. இவ்வனப்பகுதியில் பல்வேறு வகையான பாசிகள், தாவரங்கள், கண்டறியப்பட்டுள்ளன. 
இப்பகுதிக்கே உரிய "சுந்தரி' என்னும் மரமும் காணப்படுகிறது. மேலும் இவ்வனப்பகுதியில் 150 - க்கும் மேற்பட்ட பறவையினங்கள், பல்வேறு வகையான பாலூட்டிகள், 50 - க்கும் மேற்பட்ட வகையில் ஊர்வன, பல்வேறு வகையான மீன் இனங்கள், இறால்கள், நண்டுகள், போன்றவை இருக்கின்றன. வங்காளப் புலிகள் இவ்வனப்பகுதியில் அதிகமாக உள்ளன. இப்பகுதியில் சுற்றுலா செல்வதற்கு செப்டம்பர் முதல் மார்ச் மாதம் வரை மிகவும் ஏற்ற காலமாகும். இந்தச் சுற்றுலா மறக்க முடியாத அனுபவமாக இருக்கும்! 
தொடரும்
தொகுப்பு : 
கே.பார்வதி, திருநெல்வேலி டவுன்.
 

]]>
https://images.dinamani.com/uploads/user/imagelibrary/2020/4/4/w600X390/sm6.jpg https://www.dinamani.com/weekly-supplements/siruvarmani/2020/apr/04/மேற்கு-வங்க-மாநிலம்-3394331.html
3394329 வார இதழ்கள் சிறுவர்மணி  புதிய நட்பு பூத்தது! DIN DIN Saturday, April 4, 2020 04:46 PM +0530 முத்துக்கதை!
 வீட்டு வேலை செய்கிற வீட்டுக்குப் புறப்பட்டாள் முனியம்மா. அவளது ஆறு வயது மகன் செந்திலுக்கு அன்று பள்ளி விடுமுறை. அதனால் நானும் கூட வருவேன் என்று தன் அம்மாவிடம் அடம் பிடித்தான். "செந்தில்!.... சொன்னா கேளு!.... நீ எதுக்கு அங்கே வர்றே?.... வந்து என்ன செய்யப்போறே?... '' என்று சொல்லிப் பார்த்தாள் முனியம்மா. செந்தில் கேட்டபாடில்லை.
 இவனிடம் போராடிக்கொண்டிருந்தால் வேலைக்கு நேரமாகிவிடும்.... தாமதமாகப் போனால் அந்த வீட்டம்மா கோபித்துக் கொள்வார் என்று வேண்டா வெறுப்பாக மகனைக் கூட்டிக்கொண்டு போனாள் முனியம்மா.
 ""நான் உள்ளே போய் வேலையைப் பார்க்கிறேன்.... நான் வேலையை முடிக்கிற வரைக்கும் இங்கே இந்த வராண்டாவிலே உட்காரு....'' என்று செந்திலை ஓரமாக உட்காரச் சொல்லிவிட்டு, வீட்டு வேலைகளளைச் செய்யப் போனான் முனியம்மா.
 அந்த வீட்டிலும் பாலாஜி என்று ஒரு சிறுவன் இருக்கிறான். அவனுக்கும் ஆறு வயதுதான் ஆகிறது.
 பாலாஜி அப்போதுதான் பல் விளக்கிக் காபி குடித்துவிட்டு வராண்டாவிற்கு வந்தான். வராண்டாவில் உட்கார்ந்திருந்த முனியம்மாவின் மகனைப் பார்த்தான்.
 "ஏய்,.... நீ யாருடா?''
 "எங்கம்மா பேரு முனியம்மா...''
 "அப்படியா?.... உன்னோட பேரு என்ன?''
 "செந்தில்''
 "எம் பேரு விக்னேஷ்..... சரி, வா,.... என்னோட ரூமுக்குப் போகலாம்''
 சம வயது கொண்ட இந்த இளம் பிஞ்சுகளிடம் இனிய தோழமை உருவானது.
 அறைக்குள் நுழைந்த செந்திலுக்கு எண்ணற்ற விளையாட்டுப் பொம்மைகளைக் காட்டினான் விக்னேஷ். சாவி கொடுத்தால் ஓடுகிற மனித பொம்மைகள், ரிமோட்டால் இயக்கப்படும் கார், ரயில் முதலிய ஏராளமான விளையாட்டுப் பொருட்களைப் பார்த்தான் செந்தில்.
 விக்னேஷ் ஒரு விசிலை எடுத்து ஊதிக் காண்பித்தான். வித்தியாசமான சப்தம் எதிரொலித்தது. பிளாஸ்டிக்கில் வடிவமைக்கப்பட்ட பம்பரத்தை விக்னேஷ் ரிமோட் கருவியால் இயக்க,.... அது தரையில் சுழன்றது. அதனைக் கண் இமைக்காமல் பார்த்தான் செந்தில். பிறகு தன் கால் சட்டைப் பையில் இருந்த மரப்பம்பரத்தையும் சாட்டை என்று சொல்லப்படுகிற கயிற்றையும் எடுத்தான். அதனைப் பம்பரத்தில் அழகாகச் சுற்றினான். பிறகு பம்பரத்தைக் கீழே வீசிச் சுழலச் செய்தான்! பம்பரம் வேகமாகச் சுழன்றது. சுழலும் பம்பரத்தைத் தன் வலது கையில் லாவகமாக எடுத்தான். அது செந்திலின் கையில் அழகாகச் சுழன்றது. வியப்புடன் பார்த்தான் விக்னேஷ்! அது அவனுக்குக் கண்கொள்ளாக் காட்சியாக இருந்தது. பிறகு விக்னேஷின் உள்ளங்கையை இடதுகையால் தாங்கி வலது கையில் சுழன்று கொண்டிருந்த பம்பரத்தை விக்னேஷின் கையில் விட்டான் செந்தில்!
 விக்னேஷுக்கு ஏக குஷியாகிவிட்டது! ""லீவு நாட்களில் எங்க வீட்டுக்கு வந்து எனக்கும் உன்னை மாதிரி பம்பரம் சுத்தச் சொல்லித்தாரியா?''
 "ஓ!.... சொல்லித்
 தாரேனே!''
 "சரி, இப்போ நீயும் நானும் ஃபிரெண்ட்ஸ்!... ''
 விக்னேஷ் தன் வலது கையை செந்திலின் தோளில் போட்டான். அடுத்த வினாடி செந்தில் தன் இடது கையை விக்னேஷ் தோளில் போட்டான். "ஆமா நீயும் நானும் ஃபிரெண்ட்ஸ்!'' என்று கூறி நட்பை அங்கீகரித்தான் செந்தில்.
 இருவருக்கும் புதிய நட்பு
 பூத்தது!
 செல்வகதிரவன்

]]>
https://images.dinamani.com/uploads/user/imagelibrary/2020/4/4/w600X390/sm5.jpg https://www.dinamani.com/weekly-supplements/siruvarmani/2020/apr/04/புதிய-நட்பு-பூத்தது-3394329.html
3394328 வார இதழ்கள் சிறுவர்மணி பொன்மொழிகள்! (04/04/2020) DIN DIN Saturday, April 4, 2020 04:45 PM +0530 * மன நிம்மதி, ஆனந்தம், அன்பு, தவம், தியாகம், அடக்கம் முதலிய குணங்கள் பணத்தால் வருவதில்லை. 
- விவேகானந்தர்.
* அறியாமையுடன் ஒருவன் நூறாண்டுகள் வாழ்வதைவிட அறிவுடன் ஒரு நாள் வாழ்வதே மேலானது. 
- புத்தர்
* பிறருக்கு நன்மை செய்பவன் தனக்கும் நன்மை தேடிக் கொள்கிறான். 
- ஸெனிக்கா
* பணம் நமது தேவையைப் பூர்த்தி செய்வதாக நினைக்கிறோம். ஆனால் அது நமது தேவையைப் பெருக்கச் செய்துவிடுகிறது! 
- யாரோ
* மற்றவர்களின் துன்பத்தைப் பகிர்ந்து கொள்! ஆனால் உன் சொந்தத் துன்பங்களை உன்னிடமே வைத்திரு! 
- அகிடன் பிரபு
* செயலில் ஈடுபடுவது இன்பத்தைத் தரலாம்.... அல்லது தராமல் போகலாம்.... ஆனால்.... சும்மா இருப்பதில் துன்பம் 
நிச்சயம்! 
- டிஸ்ரேலி
* சோம்பல் கடன் வாங்கும். சுறுசுறுப்பு அதை அடைத்துக் கொண்டிருக்கும். 
- பெஞ்சமின் ஃபிராங்ளின்
* நியாயமான வழியில் மகிழ்ச்சியடையச் செய்யாத கல்வி எல்லாம் வீணேயாகும். 
- ரஸ்கின்
* ஒரு சமூகம் பலமடைய வேண்டுமானால் கடவுள் நம்பிக்கையின்றி வேறு வழியில்லை 
- பிளேட்டோ
* அன்பும், நம்பிக்கையுமே ஆன்மாவின் தாய்ப்பால்! 
- ரஸ்கின்
தொகுப்பு : அ.கருப்பையா, பொன்னமராவதி.

]]>
https://images.dinamani.com/uploads/user/imagelibrary/2020/4/4/w600X390/sm4.jpg https://www.dinamani.com/weekly-supplements/siruvarmani/2020/apr/04/பொன்மொழிகள்-04042020-3394328.html
3394326 வார இதழ்கள் சிறுவர்மணி அடக்கமுடைமை DIN DIN Saturday, April 4, 2020 04:40 PM +0530  அறத்துப்பால் - அதிகாரம் 13 - பாடல் 7
 யாகாவார் ஆயினும் நாகாக்க; காவாக்கால்
 சோகாப்பர் சொல்லிழுக்குப் பட்டு.
                                                       - திருக்குறள்
 ஆறடிக் கம்பெடுத்து
 அடித்தால்கூட மறந்திடும்
 ஆறங்குல நாவினால்
 அடுத்தவர் நோகப் பேசாதே
 
 எதனை விட்டுவிட்டாலும்
 நாவைக் கட்டுப்படுத்திடு
 கண்டபடி பேசினால்
 இழுக்கு வந்து சேர்ந்திடும்.
 -ஆசி.கண்ணம்பிரத்தினம்

]]>
https://images.dinamani.com/uploads/user/imagelibrary/2020/4/4/w600X390/sm3.jpg https://www.dinamani.com/weekly-supplements/siruvarmani/2020/apr/04/அடக்கமுடைமை-3394326.html
3394325 வார இதழ்கள் சிறுவர்மணி  விலகிய தடை! DIN DIN Saturday, April 4, 2020 04:37 PM +0530 அனுபவமும், பக்குவமும் பெற்ற அம்பரீஷர் ஒரு கிராமத்திற்கு வந்திருந்தார். அங்கு அவரை மக்கள் மகிழ்ச்சியோடு வரவேற்றனர். தினமும் மாலையில் அவர் தனக்குத் தெரிந்த கதைகளைச் சொல்லி, அதன் மூலம் சில நீதிகளைத் தெரிவிப்பார். கிராமவாசிகளும், கூட்டமாக கதை கேட்க அங்கு கூடிவிடுவர்.
 வழக்கம் போல் ஒரு நாள் மாலை கதை கேட்கக் கூட்டம் வந்தது. கதை சொல்ல ஆரம்பிப்பதற்கு முன் கூட்டத்தில் ஓர் இளைஞன், "ஐயா, மனிதர்களின் வாழ்க்கைக்கு முக்கியத் தடையாய் இருப்பது எது?'' என்று ஒரு கேள்வியைக் கேட்டான்.
 அம்பரீஷர் சிரித்துக்கொண்டே , ""முக்கியமாக நமது முன்னேற்றத்திற்குத் தடையாய் இருப்பது நாம்தான்!... நமது குழப்பம், பயம், நம்பிக்கையின்மை, தயக்கம், துணிந்து தைரியமாக முயற்சி செய்யாமை போன்றவையே பெரும்பாலும் காரணமாகி விடுகிறது. ''
 "அப்படியா!... '' என்றான் இளைஞன்.
 அம்பரீஷர் சிரித்துக்கொண்டே, "இதற்கு ஒரு நாயின் கதை இருக்கிறது!'' என்றார்.
 "எங்களுக்கு அந்தக் கதையைச் சொல்லுங்க!'' என்றனர் அனைவரும்.
 ""சொல்கிறேன்....ஒருநாள், ஒரு குளக்கரையில் நாய் ஒன்று நின்று கொண்டிருந்தது. அதற்கு மிகுந்த தாகம். அதனால் நாக்கைத் தொங்கப் போட்டுக்கொண்டு குளக்கரைக்கு வந்திருந்தது. தாகம் மிகுதியாக இருந்ததால் நீரைக் குடிப்பதற்காக தண்ணீருக்கு அருகே வாயைக் கொண்டு சென்றது. தண்ணீரில் நாயின் உருவம் தெரிந்தது. அதைப் பார்த்த நாய் பயந்து விட்டது!..... சிறிது நேரம் குலைத்தது!..... பிறகு மீண்டும் தண்ணீரைப் பார்த்தது! மறுபடியும் குரைக்க ஆரம்பித்தது! இப்படியே பலமுறை செய்து கொண்டிருந்தது அந்த நாய்! தாகம் மேலிடவே நாய் தண்ணீருக்கு அருகில் தன் முகத்தைக் கொண்டு சென்றது. துணிச்சலோடு தண்ணீரை வாயை வைத்துக் குடிக்க ஆரம்பித்தது! தண்ணீரைக் குடிக்கும்போதுதான் நாய் உணர ஆரம்பித்தது.... தண்ணீருக்குள் தெரிந்தது தன்னுடைய பிம்பம்தான் என்று! தைரியமாகத் தன் தாகத்தைத் தீர்த்துக்கொண்டது!.... இதிலிருந்தே தெரிந்து கொள்ளலாம்.... நாய்க்கு முதலில் தன் உருவத்தைப் பார்த்ததும் குழப்பம் ஏற்பட்டது!.... அதன் காரணமாக பயமும் வந்துவிட்டது!.... பயம் வந்ததனால் அதற்கு அது தன் பிரதி பிம்பமே என்ற நம்பிக்கை வரவில்லை.... உண்மையில் அது வேறு ஒரு நாய் என்றே நினைத்துக் குலைக்க ஆரம்பித்தது. பிறகு நாய்க்குத் தயக்கமும் இருந்தது! பிறகுதான் அதற்குத் துணிச்சலும், தைரியமும் வந்தது! தெளிவு பிறந்தது. அது தன் பிரதிபிம்பம்தான் என உணர்ந்து விட்டது. தன் தாகத்தைத் தீர்த்துக்கொண்டது. கடவுள் நீரைத் தந்திருக்கிறார். தாகத்தைத் தீர்த்துக்கொள்ள. அது போலத்தான் வாய்ப்புகள் எல்லா இடங்களிலும் எண்ணற்று இருக்கின்றன. மனிதர்கள் தயக்கம், பயம் ஏதுமின்றி தைரியமாக உழைத்தால் வேண்டியதைப் பெறலாம்!... ஏன்?.... வாய்ப்புகளைக் கூட உருவாக்கிக் கொள்ளலாம்!...சரிதானே!'' என்று கதையை முடித்தார் அம்பரீஷர்.
 கூட்டத்தில் பலத்த கரகோஷம் எழுந்தது. அனைவரின் மனதிலும் நம்பிக்கையின் விதை விழுந்தது!
 முக்கிமலை நஞ்சன்

]]>
https://images.dinamani.com/uploads/user/imagelibrary/2020/4/4/w600X390/sm2.jpg https://www.dinamani.com/weekly-supplements/siruvarmani/2020/apr/04/விலகிய-தடை-3394325.html
3390327 வார இதழ்கள் சிறுவர்மணி தூய்மையால்  விரட்டுவோம்! நா.இராதாகிருட்டிணன் DIN Saturday, March 28, 2020 07:27 PM +0530
நோயைப் பரப்பும் கிருமிகளைத் 
தூய்மையாலே விரட்டிடுவோம்!
பாய்ந்தே தாக்க வருவதனைப் 
பயந்தே ஓடச் செய்திடுவோம்!

அழுக்குப் படியும் கைகளினை 
அடிக்கடிக் கழுவித் துடைத்திடுவோம்!
ஒழுகும் மூக்கைத் துணி கொண்டு 
உடனே சுத்தம் செய்திடுவோம்!

கண்ணுடன் மூக்கு செவியதனைக் 
கைகளால் தொடுவதைத் தவிர்த்திடுவோம்!
உண்ணும் உணவில் கவனம் வைப்போம் 
உடல் நலம் காத்து உயிர் காப்போம்!

இருமல் தும்மல் வரும்பொழுது 
இருகை கொண்டு மூடிடுவோம்
பரவும் நோயைத் தீர்ப்பதற்கு 
நிரந்தரத் தீர்வைத் தேடிடுவோம்!

படுக்கை முதலாய்ப் பயன்படுத்தும் 
பொருள்களைச் சுத்தமாய் வைத்திடுவோம்!
உடுத்தும் உடையின் தூய்மையையும் 
உடல் நலம் காக்கும் அறிந்திடுவோம்!

தரையைச் சுத்தம் செய்திடுவோம்
தன் முனைப்போடு செயல்படுவோம்!
எந்தக் கிருமியும் இங்கே யார்க்கும்
பரவா வண்ணம் தடுத்திடுவோம்!

வரும் முன் காப்பது நன்றதனால்
வராது என்றென்றும் நோய்கள்!
நாமனைவரும் ஒன்றாய்ச் செயல்படுவோம்
நோயை வென்று வாழ்ந்திடுவோம்!

]]>
https://images.dinamani.com/uploads/user/imagelibrary/2020/3/28/w600X390/sm14.jpg https://www.dinamani.com/weekly-supplements/siruvarmani/2020/mar/28/தூய்மையால்--விரட்டுவோம்-3390327.html
3390326 வார இதழ்கள் சிறுவர்மணி அங்கிள் ஆன்டெனா -ரொசிட்டா DIN Saturday, March 28, 2020 07:24 PM +0530
கேள்வி: கால எந்திரம் என்பது உண்மையா? அதில் பயணித்து கடந்த காலத்துக்கும் எதிர்காலத்துக்கும் செல்வது போல திரைப்படங்களிலும் கதைகளிலும் படிக்கிறோமே? இது உண்மையில் சாத்தியமா?

பதில்: நிறையக் கதைகள், திரைப்படங்கள் கால எந்திரத்தை மையமாகக் கொண்டு வெளிவந்திருக்கின்றன. அவை யெல்லாம் நமக்கு ஆச்சரியத்தைக் கொடுத்ததுடன், நாமும் அது போல, இறந்த காலத்துக்கும் எதிர்காலத்துக்கும் சென்று வந்தால் எவ்வளவு நன்றாக இருக்கும் என்று நமது ஆசைக் கதவுகளை அகலத் திறந்து விடவும் செய்திருக்கின்றன. உலகமெங்கும் பல விஞ்ஞானிகள் இந்த வகை ஆராய்ச்சிகளை மேற்கொண்டு, கால எந்திரத்தை உருவாக்க முயற்சித்து வருகிறார்கள். ஆனால், கதைகளிலும் திரைப் படங்களிலும் நிகழ்ந்தது போல இது சாத்தியமாகுமா என்று இதுவரை யாராலும் சொல்ல முடியவில்லை.

அதிலும் இறந்த காலத்துக்குச் செல்வது சாத்தியமே இல்லை, என்று நிறையப் பேர் கருதுகிறார்கள். இப்போது உங்களுக்குப் பத்து வயது என்றால் உங்களது 2-வது வயதுக்கு நீங்கள் கால எந்திரம் மூலம் செல்வது என்பது சாத்தியமில்லையாம். ஏனெனில் கடந்த காலத்தை நீங்கள் முடித்துவிட்டுத்தான் வந்திருக்கிறீர்கள் அல்லவா? மீண்டும் அந்தக் காலத்துக்குச் செல்ல வேண்டும் என்றால் உங்கள் வயது 2-ஆக இருக்க வேண்டும். ஆனால், 10 வயது ஆன உங்களால் எப்படி 2-வது வயதுக்குச் செல்ல இயலும். நன் றாக யோசித்துப் பாருங்கள். இதுதான் சிக்கல்.

ஆனால், எதிர்காலத்துக்குச் செல்ல சாத்தியம் இருக்கிறது என்கிறார்கள். அது இனிமேல்தான் நிகழ வேண்டும் அல்லவா? ஆனால், இதிலும் ஒரு சிக்கல் இருக்கிறது. நீங்கள் உங்களது 10-வது வயதில் கால எந்திரத்தில் பயணம் செய்து 2070-ஆம் ஆண்டிற்குச் செல்கிறீர்கள் என்று வைத்துக் கொள்ளுங்கள். அதிவேகமாகப் பயணித்தாலும் அதற்கு 5 ஆண்டுகள் ஆகுமாம். அப்படியே நீங்கள் 2070-ஆம் ஆண்டுக்குச் சென்றுவிட்டுத் திரும்பி வந்தால், உங்கள் நண்பர்களின் வயது 60 ஆகியிருக்குமாம். அதாவது அவர்கள் உங்களை விட மிகவும் வயதானவர்களாக ஆகியிருப்பார்கள்.

இப்படியெல்லாம் பல சிக்கல்கள் இருப்பதால் கதைகளையும் திரைப்படங்களையும் பார்த்துவிட்டு கொஞ்ச நேரத்துக்கு ஆச்சரியப்பட்டு, சந்தோஷப்பட்டுக் கொள்ளுங்கள். மற்றபடி கால எந்திரம் தயாராகி விடும் விரைவில் பயணிக்கலாம் என்றெல்லாம் கனவு கண்டு நிகழ்காலத்தைத் தொலைத்து விடாதீர்கள். மகிழ்ச்சியாக இந்த வாழ்க்கையை வாழுங்கள். 

 

]]>
https://www.dinamani.com/weekly-supplements/siruvarmani/2020/mar/28/அங்கிள்-ஆன்டெனா-3390326.html
3390323 வார இதழ்கள் சிறுவர்மணி வீச வேண்டும் காற்று! சி.விநாயகமூர்த்தி DIN Saturday, March 28, 2020 07:16 PM +0530
வந்து வந்து வீசவேண்டும் 
வாசம் உள்ள தென்றலே!
சிந்து சிந்தும் குயிலின் பாட்டைத் 
தந்து செவியில் ஊட்டுக!

சாமரம் நீ வீச வேண்டும் 
பூமரங்கள் மூலமாய்!
மா மரங்கள் கனியும் இள
வேனில் தந்த தென்றலே!

குட்டித் தம்பி விட்ட பட்டம் 
எட்டி எட்டிப் பறக்கவே
தொட்டு நீயும் உயரே ஏற்ற 
தோழன் போல உதவு நீ!

இலைகள் யாவும் குலுங்க வைத்து 
இசையை வழங்கு தென்றலே!
அலைகள் யாவும் ஊஞ்சலாக்கி 
ஓடம் ஆட வருக நீ!

வளைவில் லாத காட்டு மூங்கில் 
துளையில் நுழையும் பொழுதிலே 
விளையும் நாதம் கேட்பதற்கு 
வீச வேண்டும் தென்றலே!

அங்கும் இங்கும் எங்கும் தங்கி 
ஆண்டவன் போல் வாழ்கின்றாய்!
எங்கள் மூச்சில் கலந்ததாலே
இயக்கும் மகா சக்தி நீ!

 

]]>
https://images.dinamani.com/uploads/user/imagelibrary/2020/3/28/w600X390/sm13.jpg https://www.dinamani.com/weekly-supplements/siruvarmani/2020/mar/28/வீச-வேண்டும்-காற்று-3390323.html
3390321 வார இதழ்கள் சிறுவர்மணி மரங்களின் வரங்கள்! -- பா.இராதாகிருஷ்ணன் DIN Saturday, March 28, 2020 07:15 PM +0530  

முத்தான முத்தல்லவோ நீரெட்டி முத்து மரம்!

குழந்தைகளே நலமா....

நான் தான் நீரெட்டி முத்து மரம் பேசுகிறேன். எனது தாவரவியல் பெயர் ஹிட்நோகார்பஸ் பென் டன்ட்ரா என்பதாகும். நான் அகாரியசியே குடும்பத்தைச் சேர்ந்தவன். எனக்கு மரவட்டை, வட்டை என்ற வேறு பெயர்களும் உண்டு. மராத்தி மரம் அல்லது சவுல்முரகரா என்று ஆங்கிலத்தில் அழைப்பார்கள். என்னுடைய விதை, வேர், இலை ஆகியவை அதிக மருத்துவ பயன்கள் கொண்டவை. என்னுடைய தாயகம் ஜப்பான் மற்றும் சீனாவாகும். 

நான் நம் நாட்டில் தமிழ்நாடு, குறிப்பாக மேற்கு தொடர்ச்சி மலை, கேரளா, கர்நாடகா, கோவா, மகாராஷ்டிரா ஆகிய மாநிலங்களில் அதிகளவில் இன்றும் இருக்கிறேன். என் காய் பிஞ்சாக இருக்கும் போது கருப்பா இருக்கும், பின் முற்றும் போது அரக்குக் கலராக மாறும், அதான் குழந்தைகளே மரக் கலராக மாறும். நான் 30 அடி முதல் 75 அடிகள் வரை வளருவேன். நான் பசுமைக்காடுகளிலும், ஆற்றுப்படுகைகளில் அதிகம் காணப்படுவேன். என் இலைகள் கரும்பச்சை நிறத்தில் எதிர் அடுக்கில் அமைந்திருக்கும். 

எனக்கும் ஆண் குழந்தைகள் (பூக்கள்), பெண் குழந்தைகள் (பூக்கள்) இருக்காங்க. வெண்மை நிறத்தில் ஆண் பூக்கள் ஒன்று திரண்டும், பெண் பூக்கள் தனித்தும் இருப்பாங்க. என் விதைகளிலிருந்து எண்ணெய் எடுக்கிறாங்க. அந்த எண்ணெய் மஞ்சள் நிறத்திலிருக்கும். இந்த எண்ணெய்யில் "ஷவ்ல்மூக்ரா' என்ற வேதியப் பொருள். இது அதிக மருத்துவ குணம் உடையது. தொழுநோயைக் குணப்படுத்தும் தன்மை இதற்கு உள்ளது. தொழு நோயை ஆரம்பத்திலேயே கண்டறிந்து என் எண்ணெய்யை மேல் பூச்சாக பூசி வந்தால் அந்த நோய் விரைவில் குணமடையும். 

அது மட்டுமா குழந்தைகளே, இந்த எண்ணெய் தோல் சம்பந்தமான அனைத்து நோய்களையும் தீர்க்கும் வல்லமை படைத்ததுன்னு ஆராய்சியாளர்கள் சொல்றாங்க. மேலும், இது "லீகோடர்மா' என்ற நோயையும் குணப்படுத்தும். உடலில் சூடு காரணமாக அவ்வப்போது தோன்றும் புடைத்த கட்டிகள், சொறி, சிரங்கு, ஆறாத புண்களையும் இந்த எண்ணெய் குணப்படுத்தும். என் விதையை அரைத்து நீரில் கலந்து ஊட்டச் சத்து மருந்தாகவும் குடிக்கலாம். இது கழுத்து, நெஞ்சுவலி, கண் நோய் ஆகியவற்றையும் குணப்படுத்தும். இதனால், நாள்பட்ட ஆறாத குடல் புண்கள் குணமாவதோடு, வயிற்றுப் புழுக்களையும் வெளியேற்றும். இதைத் தவிர நான் வீடு கட்டவும், கட்டுமானப் பொருட்களாகவும், மரப் பெட்டிகள் செய்யவும், ஏழை, எளிய மக்களுக்கு அடுப்பெரிக்கவும் பெரிதும் பயன்படறேன். என் எண்ணெய்யில் உள்ள பல வகை வேதியல் பொருள்களுடன் மற்ற மரங்களிலிருந்து எடுக்கப்பட்ட நுண்ணுயிர்களை சரிவிகிதத்தில் கலந்து தாவரங்களுக்கு பூச்சிக்கொல்லி மருந்தாகவும், ஊட்டச்சத்து மிக்க ஊக்கியாகவும் தயாரிக்கலாம். 

என் மரத்தின் வேர் மற்றும் காய்ந்த இலைகளையும் சேர்த்து, நீரில் நன்றகாக ஊற வைத்து கஷாயமாக்கி குடித்தால் கொசுவினால் உண்டாகும் மலேரியா காய்ச்சல் ஓடிடும். அது மட்டுமா, இதையே நீரில் கொதிக்க வைத்து, அடிச் சாற்றைத் தலையிலிட்டு குளித்து வந்தீர்களேயானால் முடி உதிர்வது சுத்தமாக இருக்காது. என் பூவிலிருந்து நறுமணத்தைப் பிரித்தெடுத்து வாசனை பொருள்களையும் தயாரிக்கிறார்கள். மண்ணுக்கு மரம் பாரமல்ல, மழைக்கு அது ஆதாரம். நன்றி குழந்தைகளே, மீண்டும் சந்திப்போம்.

(வளருவேன்)

]]>
https://images.dinamani.com/uploads/user/imagelibrary/2020/3/28/w600X390/sm12.jpg https://www.dinamani.com/weekly-supplements/siruvarmani/2020/mar/28/மரங்களின்-வரங்கள்-3390321.html
3390319 வார இதழ்கள் சிறுவர்மணி விடுகதைகள் -ரொசிட்டா DIN Saturday, March 28, 2020 07:10 PM +0530
1. போடாத சட்டையை கழற்றிப் போடுவான், மந்திரவாதி அல்ல....
2. அடித்தால் அழுது ஆனந்தம் தருவான்....
3. வேரில்லை முளைத்திருக்கு... இலையில்லை கிளையி ருக்கு...
4. கரும் வயலில் யானைகள் மேய்ச்சல்... இது என்ன?
5. ஒரு நெல் குத்தினால் வீடெல்லாம் உமி,,,,
6. கண்டு பூ பூக்கும், காணாமல் காய் காய்க்கும்...
7. உயர்ந்த வீட்டில் இருக்கும் ஊரார் தாகம் தீர்க்கும்...
8. காட்டிற்குச் சென்றால் கலகலப்பாய் உழைப்பான்... வீட்டுக்கு வந்தால் படுத்து உறங்குவான்...
9. வரிக்குதிரை ஓடியது... வாய்ப்பாட்டு பாடியது...

விடைகள்

1. பாம்பு, 2. மத்தளம், 3. மான்கொம்பு
4. தலையில் பேன்கள், 5. விளக்கு
6. வேர்க்கடலை, 7. மழை நீர்
8. கோடரி, 9. இசைத்தட்டு
 

]]>
https://www.dinamani.com/weekly-supplements/siruvarmani/2020/mar/28/விடுகதைகள்-3390319.html
3390318 வார இதழ்கள் சிறுவர்மணி அரங்கம்: இயல்வது கரவேல்! - கோவை அனுராதா DIN Saturday, March 28, 2020 07:10 PM +0530  

காட்சி -1
இடம் - தேஜா வீடு
மாந்தர் - தேஜா, பூஜா, அப்பா ஞானவேல், அம்மா அம்சவேணி.
(ஞானவேல் உடற்பயிற்சி செய்து கொண்டிருக்கிறார். அப்போது அங்கே பூஜாவும், தேஜாவும் வருகிறார்கள்.)

தேஜா : அப்பா,..... இப்படித் தினமும் உயற்பயிற்சி பண்ணினா உடம்பு ஸ்ட்ராங்கா ஆகுமா?
ஞானவேல் : கண்டிப்பா!.... நோயற்ற வாழ்வே குறைவற்ற செல்வம். இப்படி தினமும் உடற்பயிற்சி செஞ்சா உடம்புக்கு எந்த நோயும் வராது. மிலிட்டரி ஜவான் மாதிரி ஸ்ட்ராங்கா இருக்கலாம்.
பூஜா : அப்பா!.... ஜவான்னு நீங்க சொன்னவுடனேதான் ஞாபகத்துக்கு வருது!..... இன்னிக்கு 
கொடி நாள். எங்க ஸ்கூல் சார்பா ரோட்லே உண்டியல் எடுத்துக்கிட்டுப் போயி கொடிய குடுத்துட்டுக் காசு சேர்க்கப் போறோம்!.... 
ஞானவேல் : ரோட்டிலே கவனமாப் போங்க!...
(அம்மா அம்சவேணி அங்கு வருகிறாள்.)
அம்சவேணி : இந்தா பூஜா..... 50 ரூபாய்!..... நம்ம குடும்பத்துக்காக!..... கொடி வாங்கிட்டு வா!..... 
பூஜா : தேங்ஸ்மா.....
(பூஜா பணத்தை வாங்கிக்கொள்கிறாள்..... இருவரும் செல்கின்றனர்.)
ஞானவேல் : நான் நினைச்சேன்!..... நீ செஞ்சுட்டே!.....
அம்சவேணி : அதுதான் அம்சவேணி....

காட்சி - 2
இடம் - பூஜா, தேஜா படிக்கும் பள்ளி.
மாந்தர் - தலைமை ஆசிரியர், மாணவர்கள்.
(..."திருவள்ளுவர் உயர்நிலைப் பள்ளி'... என்ற போர்டு இருக்கிறது. - அசெம்பிளியில் எல்லா மாணவர்களும் நிற்கிறார்கள். தலைமை ஆசிரியர் கையில் ஒரு உண்டி. அவர் மேடையிலிருந்து பேசுகிறார். )

தலைமை ஆசிரியர் : மாணவர்களே!..... நமது நாட்டைக் காக்கும் போர் வீரர்களின் நலனுக்காக இந்தக் கொடி நாள் கொண்டாடப்படுகிறது. வழக்கம்போல இந்த வருடமும் கொடி நாள் வசூலில் நமது பள்ளி முதலிடம் வகிக்க வேண்டும். ஒரு உண்டியலுக்கு 2 பேராகச் சென்று, பொதுமக்களிடம் வசூல் செய்து வாருங்கள்.... என்ன, செய்வீர்களா?....
அனைத்து மாணவர்களும் : செய்வோம்!.... செய்வோம்!....

காட்சி - 3
இடம் - வாகனங்களும், மக்கள் நடமாட்டமும் நிறைந்த சாலை.
மாந்தர் - பூஜா, தேஜா, செல்வம், செல்வத்தின் நண்பன்.
(ஓர் இடத்தில் சாலை இரு பிரிவுகளாகப் பிரிகிறது. அந்த இடத்தில் பூஜா, தேஜா, ஒரு உண்டியலையும், செல்வமும் அவன் நண்பனும் ஒரு உண்டியலையும் எடுத்துக்கொண்டு வருகின்றனர். )

பூஜா : செல்வம்.... இப்படி என் கூட வர்றீங்களா?
செல்வம் : வேண்டாம்..... வேண்டாம்...... நீ இப்படிப் போ!..... நாங்க அப்படிப் போறோம்!.... எங்க வசூல்ல பங்கு போடலாம்னு பார்க்கறியா?
பூஜா : சரி, தேஜா..... நீ வாடா....
(பூஜாவும் தேஜாவும் வேறு வழியில் செல்ல ..... 
செல்வமும், அவன் நண்பனும் இன்னொரு வழியில் செல்கின்றனர். -- செல்வமும், அவன் நண்பனும் நடக்கின்றனர். )
செல்வம் : என்னடா இது?... பிச்சைக்காரன் மாதிரி உண்டியலைக் கையிலே குடுத்து அனுப்பிச்சிட்டாங்க!....ஸ்கூல் லீவ் விட்டா ஜாலியா சுத்தலாம்னு பார்த்தா..... போர்!.... 
( அப்போது எதிரே பேண்ட் போட்ட 
ஒருவர் வருதல்...)
செல்வத்தின் நண்பன் : சார்.... காசு போட்டுட்டுக் கொடியை வாங்கிட்டுப் போங்க....
வந்தவர் : கொடியா?.... எந்த அரசியல் கட்சிக் கொடி?
செல்வம் : யாருக்குத் தெரியும்?..... ஹெட்மாஸ்டர் விக்கச் சொன்னாரு!..... விக்கறோம்!..... இஷ்டம் இருந்தா போடுங்க!..... 
பேண்ட் போட்டவர் : இல்லேன்னா?...
செல்வம் : நடையைக் கட்டுங்க.... வாடா!..... தேறாத கேசு!.... 
( இருவரும் செல்கிறார்கள் )
பேண்ட் போட்டவர் : சின்னப் பசங்களுக்கு வாயைப் பாரு வாயை!....... கலெக்ஷன் பண்ணி ஏப்பம் போடறதுக்காகவே அலையறானுங்க!..... 

காட்சி - 4
இடம் - சாலை
மாந்தர் - பூஜா, தேஜா, காரில் வந்தவர். 
(சாலையில் ஒரு கார் வேகமாக வர, அதை உண்டியலைக் காட்டி நிறுத்துகிறாள் பூஜா. )

பூஜா : சார்!.... கொடிநாள்!.... கொடி வாங்கிக்குங்க சார்!..... 
காரில் வந்தவர் : எதுக்கும்மா இந்தக் கொடியை விக்கறீங்க?..... 
பூஜா : இது விற்பனை இல்லை சார்..... நம்ம நாட்டு முன்னாள் ராணுவ வீரர்களுக்காகவும், போரில் வீர மரணம் அடைஞ்ச ஜவான்களின் குடும்ப நலனுக்காகவும், வருஷத்துக்கு ஒரு தடவை, டிசம்பர் 7 - ஆம் தேதி கொடி நாளை அரசாங்கமே கொண்டாடுது சார்! இதுலே வசூலாகிற பணம் நம்ம நாட்டைப் பாதுகாக்கிற வீரர்களோட நலனுக்காகச் செலவு செய்யறாங்க சார்!.... 
வந்தவர் : வெரிகுட்!..... நல்ல ஸ்டூடண்ட்ஸ்!..... இந்தாம்மா 100 ரூபாய்..... 
(காரில் வந்தவர் உண்டியலில் பணம் போடுகிறார். தேஜா, அவரது சட்டையில் கொடியைக் 
குத்தி விடுகிறான். )
பூஜா : தேங்க்யூ சார்!.... 
(கார் புறப்படுகிறது---- இசை -- பூஜா கையில் 
உண்டியல்!... நிறைய கைகள் அதில்
பணம் போடுகின்றன. ) 

காட்சி - 5
இடம் - பூஜாவின் வீடு.
மாந்தர் - பூஜா, தேஜா, அம்மா, அப்பா. 
(இரவு நேரம். பூஜா, தேஜா, அம்மா, அப்பா எல்லோரும் அமர்ந்து டி.வி. பார்த்துக் 
கொண்டிருக்கிறார்கள். -- டி.வி. யில் செய்திகள் வாசிப்பு )

செய்தி வாசிப்பவர் : இன்று கொடிநாள்!..... வசூலில் திருவள்ளுவர் உயர்நிலைப் பள்ளி சாதனை படைத்தது. 
(பூஜா குடும்பம் கை தட்டுகிறது!)
செய்தி : பூஜா, தேஜா இருவரும் சேர்ந்து 73 ஆயிரத்து 400 ரூபாய் வசூல் செய்து முதலிடம் பெற்றுள்ளனர். சிறிய வயதில் பெரிய சாதனை எனப் பள்ளிக் கல்வி இயக்குநர் பாராட்டு.....
(பூஜாவும், தேஜாவும் கை கொடுத்துக் 
கொள்கின்றனர்! - அப்பாவும், அம்மாவும் 
கை தட்டுகின்றனர்!)
செய்தி : இது பற்றி மாணவி பூஜா, நம்ம மாணவர் தொலைக்காட்சிக்கு அளித்த பேட்டியில்.... 
(அம்மாவும், அப்பாவும் வியப்புடன் 
நோக்குகிறார்கள்!) 
.... ""பெத்தவங்க சொல்படியும், எங்கள் ஆசிரியர் சொல்படியும் நடந்ததாலேதான் எங்களுக்கு இந்தப் பெருமை கிடைச்சிருக்கு!.... என் தம்பி தேஜா அதற்கு நிறைய ஹெல்ப் பண்ணினான்)
(அப்பா கண்களில் கண்ணீர்...)
அம்சவேணி : என்னங்க?.... அழறீங்க?....
ஞானவேல் : அழலே..... நல்ல பிள்ளைகளைப் பெத்ததுக்காக வர்ற ஆனந்தக் கண்ணீர்....
(இரு குழந்தைகளையும் அணைத்துக் கொள்கிறார்.)

(அனைவரும் சிரித்தல்)

]]>
https://images.dinamani.com/uploads/user/imagelibrary/2020/3/28/w600X390/sm11.jpg https://www.dinamani.com/weekly-supplements/siruvarmani/2020/mar/28/அரங்கம்-இயல்வது-கரவேல்-3390318.html
3390315 வார இதழ்கள் சிறுவர்மணி பட்டாம்பூச்சி! இளம்விழியன் DIN Saturday, March 28, 2020 07:05 PM +0530
பட்டாம்பூச்சி பட்டாம் பூச்சி
பறக்குது மேலே! - கைக்கு 
எட்டாமலே, எட்டாமலே
உயரப் பறக்குதே!


தொட்டால் போதும் தொட்டால் போதும் 
துவண்டு போகுதே! - அது 
வட்டம் போட்டு வட்டம் போட்டு
"வா' வென்றழைக்குதே!


மலரை விட்டு மலரை விட்டு 
மீண்டும் பறக்குதே! - தேன் 
உலர, உலர உறிஞ்சி உறிஞ்சி 
உயிரைக் காக்குதே!


தம்பிப் பாப்பா தம்பிப் பாப்பா 
தொட்டுப் பார்க்கவே! - அவன் 
எம்பி எம்பிக் குதிக்குறானே 
என்ன செய்குவேன்?


பட்டாம்பூச்சி, பட்டாம்பூச்சி 
பக்கம் வாராயோ? - என் 
சுட்டிப் பயலின் ஆசை தன்னைக் 
கேட்டுச் சொல்லாயோ?

]]>
https://images.dinamani.com/uploads/user/imagelibrary/2020/3/28/w600X390/sm10.jpg https://www.dinamani.com/weekly-supplements/siruvarmani/2020/mar/28/பட்டாம்பூச்சி-3390315.html
3390313 வார இதழ்கள் சிறுவர்மணி கடி DIN DIN Saturday, March 28, 2020 07:03 PM +0530 ""...."சேரிடம் அறிந்து சேர்'....
அப்படீன்னா என்ன?''
""சேர் எங்க காலியா இருக்குன்னு பார்த்து, "ட்க்' குனு போய் உட்கார்ந்துக்கணும்!.... ''

ஜி.சுந்தரராஜன், திருத்தங்கல். - 626130.

 

""இன்னிக்கு ஸ்கூல்லே எனக்கு ரெண்டு வகுப்பறை, இவனுக்கு ஒரு வகுப்பறை!....'' 
""என்னடா சொல்றே?.... புரியவேயில்லியே...''
""சார் இன்னிக்கு வகுப்பிலே எனக்கு ரெண்டு அறை,.... இவனுக்கு ஒரு அறை குடுத்தாரு!....''

ஆர்.எம்.அக்ஷயராம், திருநெல்வேலி டவுன்.

 

""காக்கா உட்காரக் கொய்யாப்பழம் விழுந்தா மாதிரி இருக்கு நீ சொல்றது!''
""அது பனம் பழம்டா!''
""எங்க வீட்டிலே கொய்யா மரம்தானே இருக்கு!''

ஆர்.யோகமித்ரா, சென்னை.

 

""ஜாதகத்தை நம்பலாம்.... அதுக்குன்னு இப்படியா?''
""ஏன்?... என்ன ஆச்சு?''
""அவன் எப்படியும் பாஸ் ஆயிடுவான்னு ஜோஸியர் சொன்னாராம்.... அதிலேயிருந்து அவன் படிக்கறதே இல்லே!''

சா.சொக்கலிங்க ஆதித்தன், ரோஸ்மியாபுரம்.

 


""படிச்சி நல்ல பேர் எடுக்கணும்னு ஆசையே இல்லையா?''
""இல்லை.... பேர் ஆசை பெரு நஷ்டமாச்சே!''

நா.வினோத்குமார், பாராஞ்சி, அரக்கோணம்.

 

""ஜான் ஏறினா ஜான் சறுக்கறான்''
""ஜான் ஏறினா முழம் சறுக்கறான்னு சொல்லு!''
""ம்ஹூம் ஜான்தான் சறுக்கறான்!''

நா.பரிமளா நகராஜ், அரக்கோணம்.
 

]]>
https://images.dinamani.com/uploads/user/imagelibrary/2020/3/28/w600X390/sm9.jpg https://www.dinamani.com/weekly-supplements/siruvarmani/2020/mar/28/கடி-3390313.html