Dinamani - சிறுவர்மணி - https://www.dinamani.com/weekly-supplements/siruvarmani/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3358478 வார இதழ்கள் சிறுவர்மணி நினைவுச் சுடர் ! மன்னிப்பில் கிடைத்த நிம்மதி! DIN DIN Saturday, February 15, 2020 05:15 PM +0530

பாபு ராஜேந்திர பிரசாத் நம் நாட்டில் முதல் ஜனாதிபதி. அவரை ராஜன் பாபு என்று அன்புடன் அழைப்பர். அவர் பதவியில் இருந்தபோது யாரோ ஒருவர் தந்தத்தினாலான பெüன்டன் பேனா ஒன்றை அவருக்கு அன்பளிப்பாகக் கொடுத்தார். ராஜன் பாபுவுக்கு அந்தப் பேனா மிகவும் பிடித்திருந்தது! எப்பொழுதும் அந்தப் பேனா அவர் மேஜை மீது இருக்கும். அவர் எதை எழுதவேண்டுமானாலும், எதில் கையெழுத்திடுவதானாலும்  அந்தப் பேனாவையே பயன் படுத்தினார். 

 அவரிடம் "துளசி' என்னும் வேலைக்காரன் பணியாற்றிக் கொண்டிருந்தான். துளசி சற்று அஜாக்கிரதையாக இருப்பவன். பல சமயங்களில் பல சாமான்களை கை தவறி உடைத்திருக்கிறான். 

 ஒரு நாள் அவன்  ராஜன் பாபுவின் மேஜையைத் துடைக்கும்போது அந்தத் தந்தப் பேனா தவறிக் கீழே விழுந்துவிட்டது! விழுந்ததும் பேனா இரண்டாக உடைந்து விட்டது! பேனாவில் இருந்த மசியெல்லாம் தரையில் சிந்திற்று.

 இதைப் பார்த்ததும் ராஜன் பாபுவுக்கு துளசி மீது கோபம் வந்தது. உடனே காரியதரிசியைக் கூப்பிட்டு ""துளசியை இந்த வேலையை விட்டு நீக்கி, வேறு ஏதாவது வேலை கொடுங்கள்'' என்றார். அதன்படி துளசிக்கு ராஷ்டிரபதி பவனிலேயே இன்னொரு வேலை கொடுத்தார் காரியதரிசி.

 துளசி சென்ற பிறகு ராஜன் பாபுவுக்கு மனது சரியாக இல்லை. "தவறிப்போய் பேனா விழுந்து விட்டால் அவன்  என்ன செய்வான்.... பாவம்' என்று நினைத்தார்.  அன்று முழுவதும் அவரது மனது சரியான நிலையிலேயே இல்லை. 

 மாலையானதும் துளசியை அழைத்து வரும்படி சொன்னார். துளசி வந்ததும், ராஷ்டிரபதி எழுந்து நின்றார். தன் கைகளைத் துளசியின் முன் கூப்பினார். 
 ""துளசி, என்னை மன்னித்து விடு! நான் உன்னைக் கோபித்துக் கொண்டது தவறு!'' என்று சொன்னார்.

 துளசிக்கு ஒன்றும் புரியவில்லை. திகைத்து நின்றான். நாட்டின் ஜனாதிபது ஒரு சாதாரண வேலைக்காரனிடம் மன்னிப்பு கேட்டுக்கொண்டு நிற்பதைப் பார்த்த அவனுக்கு ஆச்சரியமாக இருந்தது! 

 ""துளசி, என்னை மன்னித்தேன் என்று சொல்ல மாட்டாயா?'' என்று மறுபடியும் கேட்டார் ராஜன் பாபு.  

 துளசியின் கண்களில் நீர் வழிந்தது. வேறு வழியின்றி , ""மன்னித்தேன்!'' என்று அவன் கூறினான். 

  ""இப்போதுதான் எனக்கு நிம்மதியாயிற்று!'' என்று பெருமூச்சு விட்டார் ராஜன்பாபு. துளசியை அன்புடன் அணைத்து மீண்டும் தம் வேலைக்காரனாக அமர்த்திக்கொண்டார் பாபு ராஜேந்திர பிரசாத்!

- ஆர்.மகாதேவன், திருநெல்வேலி.

]]>
https://images.dinamani.com/uploads/user/imagelibrary/2020/2/15/w600X390/15sm10c.gif https://www.dinamani.com/weekly-supplements/siruvarmani/2020/feb/15/நினைவுச்-சுடர்--மன்னிப்பில்-கிடைத்த-நிம்மதி-3358478.html
3358476 வார இதழ்கள் சிறுவர்மணி ஈ! DIN DIN Saturday, February 15, 2020 05:12 PM +0530
அது ஓர் அழகான காளை மாடு. நன்கு கொழுத்த உடம்புடன் திமிலை உயர்த்திக் கொண்டு நின்று கொண்டிருந்தது. அந்தக் காளையின் கழுத்தில் ஒரு மணி அணிவிக்கப்பட்டிருந்தது. அந்தக் காளை மாட்டின் உரிமையாளர்தான் அதன் கழுத்தில் மணியை அணிவித்து இருந்தார். அது தன் கழுத்தை அசைக்கும் போதெல்லாம் மணி அடிக்கும். அது அதன் உரிமையாளரின் காதில் விழும். அதன் மூலம் அந்தக் காளை அங்கேதான் இருக்கிறது என்பதை அவர் உறுதி செய்து கொள்வார்.

 அன்று காளை மிகவும் குஷியாக இருந்தது. எனவே அடிக்கடி தன் கழுத்தை அசைத்தபடி இருந்தது. "கிணிங்... கிணிங்...' என்று மணியோசையும் ஒலித்துக் கொண்டே இருந்தது. அப்போது அங்கே ஒரு ஈ பறந்து வந்தது. அது வெகுநேரமாக பறந்து வந்ததால் காளை மாட்டின் மீது அமர்ந்து ஓய்வெடுக்கத் திட்டமிட்டது. காளை மாடு எழுப்பிய மணியோசையால் கவரப்பட்டது அந்த ஈ. மெல்ல இறங்கி வந்து காளை மாட்டின் மீது அமர்ந்தது! அவ்வளவுதான்!

காளை மாடு கழுத்தை அசைப்பதை நிறுத்திவிட்டது!  எனவே மணியோசையும் நின்று விட்டது! 

அதைக் கவனித்த ஈ, “"இந்தக் காளை மாட்டுக்கு உடம்புதான் கொழுத்துப் போய் இருக்கிறது!  ஆனால் சரியான பயந்தாங்கொள்ளி. நான் வந்து அமர்ந்ததும், பயந்துபோய் மணி அடிப்பதை நிறுத்திவிட்டது பாரேன்'” என எண்ணி இறுமாந்தது! 

கர்வத்தோடு  அந்த ஈ வெகுநேரம் அந்தக் காளை மீது அமர்ந்திருந்தது!  மணியோசை வரவே இல்லை!

"சரிதான், நமக்குப் பயந்துதான் இந்த மாடு மணி அடிப்பதை நிறுத்திவிட்டது' என உறுதி செய்து கொண்டது!

"ஓய்வு எடுத்தது போதும், கிளம்பலாம்' என நினைத்த ஈ, காளையிடம் சொல்லிக் கொண்டு போகலாம் என முடிவெடுத்து பறந்து காளையின் முகத்தின் முன் வந்து பறந்தபடி சொன்னது.

“""அட பயந்தாங்கொள்ளி காளையே!  நான் செல்கிறேன்... இனிமே  நீ தைரியமாக மணியை அடித்துக் கொள்ளலாம்''” என்றது.

அதற்கு அந்த கொழுத்த காளை அமைதியாகப் பதில் சொன்னது.

“""அன்புக்குரிய ஈயே... நீ எனது கழுத்து மணியில்தான் அமர்ந்து இருந்தாய். நான் கழுத்தை சிறிது அசைத்து இருந்தாலும், மணியின் சுவரில் மோதி நீ 
நசுங்கி செத்திருப்பாய்.

உனக்காகத்தான் நான் மணியை அடிக்காமல் இருந்தேன்!.... சரி, சென்று வா!''” என்றது.

அப்போதுதான் அந்தச் சின்னஞ்சிறிய ஈக்கு புத்தி வந்தது.

"அடடா.. நம் மீது கருணைகொண்ட காளையை நாம் தூசாகக் கருதிவிட்டோமே... என்னே மடத்தனம்!'  என எண்ணி வருந்தியது. காளையிடம் மன்னிப்பும் கேட்டது!

- வசீகரன்

]]>
https://images.dinamani.com/uploads/user/imagelibrary/2020/2/15/w600X390/15sm710f.gif https://www.dinamani.com/weekly-supplements/siruvarmani/2020/feb/15/ஈ-3358476.html
3358473 வார இதழ்கள் சிறுவர்மணி பொன்மொழிகள்! DIN DIN Saturday, February 15, 2020 05:08 PM +0530
* பிறையே! நீ குறையாய் இருப்பதால் குமைந்து போகாதே! உனக்குள்ளே ஒரு பூரண சந்திரன் புதைந்து கிடக்கின்றான்!
- இக்பால்
* நட்சத்திரங்களைக் காண இருள் தேவைப்படுகிறது!
-ஓஷோ
* நல்ல மனநிலையில் செய்கின்ற எதுவும் நூறு சதவிகிதம் நேர்த்தியுடன் இருக்கும்!
-விவேகானந்தர்
* தெரியாது என்பதை தைரியமாக ஒப்புக் கொள்ளுங்கள். அதே நேரம் தெரியாததைத் தெரிந்து கொள்ள முயற்சி செய்யுங்கள் 
-அப்துல் கலாம்
* கண்ணீரைத் துடைப்பது சாலச் சிறந்தது! கண்ணீர் வராமல் பாதுகாப்பது அதனினும் சிறந்தது! 
- எப்டி
* ஓய்வு என்பது வேலையிலிருந்து ஓடுவதன்று!.... வேலைக்குத் தயார் செய்துகொள்வதாகும்! 
-செர்னி
* குறைவாகப் பேசுவதில் ஒரு லாபம் இருக்கிறது. நிறைய விஷயங்களைக் கேட்டு அறிந்து கொள்ளலாம்! 
-பைரன்
* திறமையாய்ப் பேசுவதைவிட பேச்சில் இங்கிதம் இருப்பதே இனிமை தரும். 
-பேகன்
* பேராசை இல்லாமலிருப்பதே பெரும் சொத்து 
-சிஸ்ரோ
* உயர்ந்த எண்ணம் கொண்டிருப்பவர்களுக்கு தனிமை என்பதே கிடையாது! 
-பிலிப்
* குற்றங்களை மன்னித்தல் நல்லது. மறந்து விடுதல் அதைவிட நல்லது. 
-பிரெளன்  

]]>
https://images.dinamani.com/uploads/user/imagelibrary/2020/2/15/w600X390/15sm10b.gif https://www.dinamani.com/weekly-supplements/siruvarmani/2020/feb/15/பொன்மொழிகள்-3358473.html
3358471 வார இதழ்கள் சிறுவர்மணி குறள் பாட்டு: வாழ்க்கைத் துணை நலம் DIN DIN Saturday, February 15, 2020 05:08 PM +0530
அறத்துப்பால்   =  அதிகாரம்  6  -  பாடல் 7

சிறைகாக்கும் காப்பு எவன் செய்யும் மகளிர் 
நிறைகாக்கும் காப்பே தலை.

-திருக்குறள்

சிறையில் அடைத்து வைப்பது போல் 
சிறகில் அணைத்துக் காப்பது போல் 
பெண்களை வெளியில் விடாமல் 
வீட்டில் வைப்பது பயனல்ல

பெண்கள் தங்கள் தன்மையை 
நெஞ்சில் நிறைத்துப் போற்றுவர்
அந்தத் தன்மை அரியதே
அதன் பெருமை பெரியதே.

-ஆசி.கண்ணம்பிரத்தினம்

]]>
https://images.dinamani.com/uploads/user/imagelibrary/2020/2/15/w600X390/15smf.gif https://www.dinamani.com/weekly-supplements/siruvarmani/2020/feb/15/குறள்-பாட்டு-வாழ்க்கைத்-துணை-நலம்-3358471.html
3358470 வார இதழ்கள் சிறுவர்மணி ராமநாமத்தின் மகிமை! DIN DIN Saturday, February 15, 2020 05:06 PM +0530
ஒரு ராஜா இருந்தாரு. அவரு பெரிய்ய்ய்ய சக்கரவர்த்தி! அவரு தன் மந்திரியோட காட்டுக்கு வேட்டையாடப் போனாரு. மந்திரிக்கு வேட்டையாடறதுலே ரொம்ப இஷ்டம் இல்லே. ஆனா ராஜாவுக்கு மந்திரியோட எப்பவும் இருக்கணும்னு ஆசை. மந்திரிகிட்டே அவருக்கு ரொம்பப் பிரியம்!  அதனாலே அவரையும் கூட்டிக்கிட்டு காட்டுக்கு வேட்டையாட வந்துட்டாரு. 
மந்திரி நேரம் கிடைக்கும் போதெல்லாம் ராமநாமத்தைச் பக்தியோட சொல்வதை வழக்கமா வெச்சுக்கிட்டு இருந்தாரு. அதுலே அவருக்கு ஒரு நிம்மதி! 
காட்டுலே ரெண்டு பேரும் ரொம்ப தூரம் அலைஞ்சாங்க! வேட்டையும் சரியா நடக்கலே!....களைப்பாலே ராஜாவுக்கும் மந்திரிக்கும்  உடம்பு சோர்வாப் போச்சு! கையிலே கொண்டு வந்த தண்ணியும் தீர்ந்து போச்சு! 
ராஜாவுக்கு ரொம்ப பசி! மந்திரிக்கும்தான்! ..... என்ன செய்யறதுன்னே தெரியலே.... அப்போ ரொம்ப தூரத்திலே சின்னதா ஒரு குடிசை தெரிஞ்சுது. 
ராஜா மந்திரி கிட்டே, ""இப்போ நாம் ரெண்டு
பேரும் ரொம்ப களைப்பா, பசியோட இருக்கோம்.... வாங்க, ரெண்டு பேரும் தூரத்திலே இருக்கற அந்த  குடிசையிலே போய் ஏதாவது சாப்பிட இருக்கான்னு கேட்டுப் பார்க்கலாம்!'' அப்படீன்னாரு. 
ஆனா மந்திரி ராஜா கிட்டே, ""எனக்கும் பசிதான்! ஆனா நான் வரலே.... இங்கேயே இந்த மரத்தடியிலேயே நான் ராமநாமத்தைச் சொல்லிக்கிட்டு இருக்கேன்...... அது என்னோட பசியை ஆத்திடும்!.... ராம நாமத்தைச் சொல்றவங்களுக்கு எந்தக் கஷ்டமும் வராது.... நீங்க போயிட்டு வாங்க....'' அப்படீன்னாரு. 
ராஜாவுக்கு மந்திரி மேலே கோபமா வந்தது. இருந்தாலும் முதல்லே பசிக்கு ஏதாவது கிடைக்குதான்னு பார்க்கலாம்னு நெனச்சுக்கிட்டு தூரத்துலே தெரிஞ்ச அந்த குடிசைக்கு நடந்து போனாரு. 
அது ரொம்ப ஏழ்மையான வீடு. அங்கே இருந்த ஒரு பாட்டி கிழிசல் புடவையைக் கட்டியிருந்தாள்! ஆனா நல்ல காலம்! அந்த பாட்டி ஒரு பானையிலே நிறையச் சோறு வெச்சிருந்தா....
ராஜாவுக்கு ஒரு தட்டிலே சோறும், குழம்பும், பொறியலும் கொடுத்தா! ராஜாவுக்கு அது தேவாமிர்தமா இருந்தது!  சாப்பிட்டுட்டு ராஜா தண்ணியும் குடிச்சாரு! ராஜாவுக்குப் பசி அடங்கிடுச்சு! அவரு பாட்டிகிட்டே, ""பாட்டி என்னோட கூட ஒருத்தர் வந்திருக்காரு.... அவரும் பசியோடதான் இருக்காரு.... ஒரு தட்டிலே அவருக்கும் கொஞ்சம் சோறு கிடைக்குமா?'' அப்படீன்னு கேட்டாரு. 
""அதுக்கென்ன, தாராளமா எடுத்துக்கிட்டுப் போ!.... நான் வேறே சோறு வடிச்சுக்கறேன்!'' அப்படீன்னு சொல்லிட்டு, பாட்டி ஒரு தட்டிலே, சோறு, குழம்பு, பொறியல் எல்லாம் போட்டுத் தந்தாங்க!'' ராஜா அதை எடுத்துக்கிட்டு, ஓடோடி வந்து, பாட்டி வீட்டிலே நடந்ததை எல்லாம் சொல்லி,  மந்திரிகிட்டே  உணவுத் தட்டைக் கொடுத்தாரு. 
மந்திரியும் அதைச் சாப்பிட ஆரம்பிச்சாரு. ராஜா மந்திரியைப் பார்த்து, ""நீங்க சொல்ற ராம நாமமா உங்களுக்கு சோறு கொண்டு வந்து கொடுத்துச்சு?.... என்னோட யோசனையால்தானே உங்களுக்கு இப்போ சோறு கிடைச்சுது!'' அப்படீன்னாரு. 
மந்திரி ராஜாவைப் பார்த்துச் சிரித்துக் கொண்டே, ""ராஜா, நீங்க சக்கரவர்த்தி!... ஆனா நீங்க ஒரு சாதாரண ஏழைப் பாட்டிகிட்டே    கையேந்தி சாப்பாட்டுக்கு நின்னீங்க...... அதனாலே உங்களுக்கு சாப்பாடு கிடைச்சுது!.... ஆனா எனக்கு என்னோட பிரபு ஸ்ரீராமன், சக்கரவர்த்தியான உங்க கையாலே கொண்டு வந்து கொடுக்கும்படியாச் செஞ்சுட்டார்!..... இதுதான் ராமநாமத்தின் மகிமை!....'' அப்படீன்னாரு!
சக்கரவர்த்தியும் தன்னோட தப்பை உணர்ந்து மெüனமாயிட்டாரு! பின்னே? கடவுளைவிட யாரு ஒஸ்தியா இருக்க முடியும்?
- சுமன்

]]>
https://images.dinamani.com/uploads/user/imagelibrary/2020/2/15/w600X390/15sme.gif https://www.dinamani.com/weekly-supplements/siruvarmani/2020/feb/15/ராமநாமத்தின்-மகிமை-3358470.html
3358468 வார இதழ்கள் சிறுவர்மணி கருவூலம் DIN DIN Saturday, February 15, 2020 05:01 PM +0530
கிவி!

நியூசிலாந்து நாட்டில் அதிகமாகக் காணப்படும் பறவை கிவி.  இதன் இறக்கைகள் மிகச் சிறியவை. உடல் வேறு பருமனாகவும்,  எடை கூடியதாகவும் இருக்கும்! எனவே கிவியால் பறக்க முடியாது! இரவில் கிவிக்குக் கண் பார்வை சரியாகத் தெரியாது. இதன் அலகு நீளமாக கூர்மையாக இருக்கும். அலகின் நுனிப்பகுதியில் சிறிய துளைகள் உள்ளது. இதன் மூலம்தான் தரையில் உள்ள தங்கள் இரையை மோப்பம் பிடித்து இவை உண்ணுகின்றன. இது இரவில் மட்டுமே தன் இருப்பிடத்தை விட்டு வெளியே வந்து இரை தேடும்.

ஆயில் பேர்ட்!

தென் அமெரிக்க பகுதிகளில் அதிகமாகக் காணப்படும் பறவை இனங்களில் ஒன்று "ஆயில் பேர்ட்' என்ற பெயருள்ள பறவையாகும்! இந்தப் பறவையும் தனது மோப்ப சக்தி மூலம் இரையைத் தேடுகிறது. கிவி பறவையைப் போல இதுவும் இரவில் மட்டுமே தனது இருப்பிடத்தை விட்டு வெளியே வந்து இரை தேடும்.  பாறைகளாலான  குகைகளில் இவை வசிக்கின்றன. ஆனால் கிவியைப் போன்று அல்லாமல் இந்த ஆயில் பேர்டுக்கு இரவில் நன்றாகக் கண் தெரியும்! இருப்பினும் மோப்ப சக்தி மூலமும் தங்கள் இரையைத் தேடுகின்றன.

குன்லாங்!

உலகிலேயே மிகப் பெரிய விமானம்! நீரிலும் நிலத்திலும் தரையிறங்கும் விமானம்!  இத்தகைய விமானத்தை சீனா முதல் முறையாக தயார் செய்து சோதனை செய்துள்ளது! 

சீன அரசுக்கு சொந்தமான விமானத் தயாரிப்பு நிறுவனமான "தொழில் துறைக் கழகம்' நீரிலும் நிலத்திலும் தரையிறங்கக் கூடிய விமானத்தை வடிவமைக்க முடிவு செய்து அதை நிறைவேற்றியுள்ளது!

இந்த விமானம், ஏ.ஜி. 600 ரக விமானம். இந்த விமானத்திற்கு "குன்லாங்' என்று பெயர் வைத்துள்ளார்கள்!

குயாங் டங்க் மாகாணத்தின் ஜூகாயில் உள்ள "ஜின்வான்' விமான போக்குவரத்து விமான நிலையத்தில் இருந்து புறப்பட்டு ஒரு மணி நேரம் வானில் பறந்து வெற்றிகரமாக ஒரு தளத்தில் தரையிறங்கியது. இந்த விமானம் 39. 6 மீட்டர் நீளம் கொண்டது! மொத்தம் நான்கு இஞ்சின்கள் பொருத்தப்பட்டுள்ளன. இதுவே நீரிலும், நிலத்திலும் தரையிறங்கக்கூடிய மிகப் பெரிய விமானமாகும். 

இந்த விமானம் 53 . 5 டன் எடையுடன் மணிக்கு 500 கிலோ மீட்டர் வேகத்தில் தொடர்ந்து 12 மணி நேரம் பறக்கும் திறன் கொண்டது. குறிப்பாக இந்த விமானம் கடலில் மீட்புப் பணியிலும், காட்டுத்தீ ஏற்படும்போது அதை அணைப்பதற்கும், கடலில் மீட்புப் பணியில் ஈடுபடுவதற்கும், கடலோர கண்காணிப்பு செய்வதற்கும் பயன்படுத்தப்படும். 

சுமார் 50 பேர் பயணம் செய்யக்கூடிய  இந்த விமானத்தில் 20 நொடியில் 12 டன் தண்ணீரைப் பீய்ச்சி அடித்து காட்டுத் தீயை அணைக்க முடியும்! ஒரே நேரத்தில் 370 டன் தண்ணீரைக் கொண்டு செல்ல முடியும்! இந்த விமானத்தை வாங்க 12 நாடுகள் முன் பதிவு செய்துள்ளன! 

விமானத் தயாரிப்புத் தொழில் துறையிலும், சீனா தனது ஆதிக்கத்தை நிலைநாட்டி வருவது குறிப்பிடத்தக்கது!

]]>
https://images.dinamani.com/uploads/user/imagelibrary/2020/2/15/w600X390/15sm9.gif https://www.dinamani.com/weekly-supplements/siruvarmani/2020/feb/15/கருவூலம்-3358468.html
3358467 வார இதழ்கள் சிறுவர்மணி உலகிலேயே உயரமான மரம்! DIN DIN Saturday, February 15, 2020 04:56 PM +0530
பிரேசில் மற்றும் இங்கிலாந்தைச் சேர்ந்த தாவரவியல் ஆய்வாளர்கள் மரங்கள் குறித்து ஆய்வு மேற்கொண்டனர். அப்போது அமேசான் காடுகளின் வடக்கு பிராந்தியத்தில் உள்ள "ஜாரி' ஆற்றங்கரையில் உலகிலேயே மிக உயரமான மரம் வளர்ந்திருப்பதைக் கண்டுபிடித்தனர்.

 "டினிசியா எக்சல்சா' என்று அழைக்கப்படும் அந்த மரம் 400 ஆண்டுகளுக்கு மேல் பழமையான மரங்களின் குழுவின் ஒரு பகுதி எனத் தெரியவந்துள்ளது. "டினிசியா எக்சல்சா' தற்போது 290 அடி உயரத்திற்கு வளர்ந்துள்ளது. இந்த வகை மரங்கள் ஒவ்வொன்றும் சுமார் 40 டன் வரையிலான கார்பன் டை ஆக்சைடு சேமிக்கும் திறன் கொண்டவையாம்! எனவே காற்று மாசுபடுதலை இந்த மர வகைகள் பெருமளவு குறைக்கும் என்று தாவரவியல் ஆராய்ச்சியாளர்கள் தெரிவித்துள்ளனர். 

 இதற்கிடையே ஜாரி ஆற்றங்கரையில் இதே போல் பல மரங்கள் 100 அடிக்கு மேல் வளர்ந்திருப்பது தெரிய வந்துள்ளது! இதனால் பல்வேறு நாடுகளைச் சேர்ந்த தாவரவியல் ஆய்வாளர்கள் ஆராய்ச்சிக்காக அமேசான் காடுகளுக்குப் படை எடுக்கத் தொடங்கியுள்ளனர்.

பழைய பள்ளம்!

220 கோடி ஆண்டுகளுக்கு முன் விண்கல் ஒன்று இன்றைய ஆஸ்திரேலியாவின் மேற்குப் பகுதியில் உள்ள "யர்ரா பூபா' என்னும் இடத்தில்  விழுந்ததாம்! அந்த விண்கல் மோதியதால் அந்த இடத்தில் மிகப் பெரிய பள்ளம் ஏற்பட்டுள்ளது! புவியியல் ஆராய்ச்சியாளர்கள் அந்த இடத்தைக் கண்டுபிடித்துள்ளனர். இந்தப் பள்ளம் பூமியின் வயதில் பாதியைக் கொண்டது என்று சில புவியியல் ஆராய்ச்சியாளர்கள் கூறுகின்றனர். யர்ரா பூபா, "பெர்த்' நகரிலிருந்து 600 கி.மீ. வடகிழக்கில் அமைந்துள்ளது. 

 விண்கல் தாக்கியதில் பள்ளம் ஏற்பட்ட இடத்தில் பாறையில் காணப்பட்ட தாதுக்களை புவியியல் ஆராய்ச்சியாளர்கள் ஆராய்ந்து பார்த்து இந்த முடிவுக்கு வந்திருக்கிறார்கள். 

 இந்தப் பள்ளம் 1979 - ஆம் ஆண்டு கண்டுபிடிக்கப்பட்டதாக "நேச்சர் கம்யூனிகேஷன்ஸ்' பத்திரிகையில் வெளியாகியுள்ளது. ஆனால் அப்போது இந்தப் பள்ளம் எவ்வளவு பழமையானது என்பதை புவியியல் ஆராய்ச்சியாளர்கள் பரிசோதிக்கவில்லையாம். பல கோடி ஆண்டுகளில் ஏற்பட்ட அரிப்பு காரணமாக இந்தப் பள்ளம் கண்களுக்குத் தெரியாமல் போயிருக்கிறது. இந்தப் பள்ளம் குறித்து ஆராய்ச்சியாளர் "கிறிஸ் கிர்க்லேண்ட்' பி.பி.சி. செய்தி நிறுவனத்திடம் பேசும்போது, ""அந்த நிலப்பரப்பு உண்மையில் மிகவும் பழமையானது. அங்கு உள்ள பாறைகள் தனித்துவமானவை!'' என்று குறிப்பிட்டார்.

நாக்கு!

மிக நீளமான கால்கள் மற்றும் கழுத்து கொண்ட  ஒட்டகச் சிவிங்கி போன்ற உடல் தோற்றம் கொண்டது "ஒகாபி' என்னும் விலங்கு. இந்த வகை விலங்குகள் ஆப்பிரிக்க காடுகளில் மிக அதிகமாகக் காணப்படும். இவற்றின் நாக்கும் மிக நீளமாக இருக்கும். தங்கள் உடலை சுத்தம் செய்யும் வகையில் இவற்றின் நாக்கு நீளமாக இருக்கிறது! ஏன்? தங்கள் காதுக்குள் நாக்கை நுழைத்துச் சுத்தம் செய்கின்றன. அந்த அளவுக்கு இவற்றின் நாக்கு நீளமாக இருக்கின்றன! 

தொகுப்பு : கோட்டாறு ஆ.கோலப்பன்

]]>
https://images.dinamani.com/uploads/user/imagelibrary/2020/2/15/w600X390/15sm10a.gif https://www.dinamani.com/weekly-supplements/siruvarmani/2020/feb/15/உலகிலேயே-உயரமான-மரம்-3358467.html
3358466 வார இதழ்கள் சிறுவர்மணி எதற்காக? DIN DIN Saturday, February 15, 2020 04:51 PM +0530
மண்ணில் மாந்தரைப் படைத்தவன் பாடும்
குயிலைப் படைத்தது எதற்காக?
இன்னிசை பயின்று இனிதே மாந்தர்
பாடி மகிழணும் அதற்காக!

வண்ணத் தோகை விரித்தே ஆடிடும் 
மயிலைப் படைத்தது எதற்காக?
மண்ணில் மாந்தர் ஆடல் பயின்றே 
ஆடிக் களிக்கணும் அதற்காக!

உயரே உயரே பறந்து போகும் 
கருடனைப் படைத்தது எதற்காக?
உயரே பறந்து போக மனிதன் 
ஊர்தி செய்யணும் அதற்காக!

நீரின் மீது நீந்திப் போகும் 
வாத்தைப் படைத்தது எதற்காக?
ஏரியை, கடலைக் கடந்திடப் படகு, 
கப்பல் கட்டணும் அதற்காக!

மனிதருக் குதவும் நாயைப் படைத்து 
அதற்கு நன்றியும் படைத்தது எதற்காக?
நன்றி என்னும் நற்குணம் தன்னை 
நாமும் கற்கணும் அதற்காக!

"அம்மா!' என்றே அழைத்து பசுவிடம் 
பாலருந்தும் கன்றிங் கெதற்காக?
அன்பு, பாசம் என்பதற் குதாரணம்
காட்டணும் உலகில் அதற்காக!

- புலேந்திரன்

]]>
https://images.dinamani.com/uploads/user/imagelibrary/2020/2/15/w600X390/15sm8.gif https://www.dinamani.com/weekly-supplements/siruvarmani/2020/feb/15/எதற்காக-3358466.html
3358465 வார இதழ்கள் சிறுவர்மணி தோகை மயில்! DIN DIN Saturday, February 15, 2020 04:50 PM +0530
அழகு மயிலின் ஓசை தன்னை 
அகவல் என்று கூறுவர்!
பழகு தமிழில் புலவர்களின் 
பாடல் ஒன்று அகவல்தான்
குளிரும் காற்று வீசும் போது 
தோகை விரிக்கும் மாமயில்!
ஒளிருகின்ற புள்ளிக் கோலம் 
உடலில் உண்டு இயற்கையாய்!
ஆடுகின்ற வண்ணத் தோகை 
ஆண் மயில்தான் பெற்றது
காடு போன்ற சோலைகளில் 
காணலாமே மயில்களை!
வாடைக் காற்றில் ஆடும் மயிலை
வருந்துவதாய் எண்ணியே 
ஆடை ஒன்று போர்த்தியுள்ளான் 
அன்று வள்ளல் பேகனும்!
ஆறு படையில் வீடு கொண்ட 
ஆறுமுக வேலவன் 
ஏறுகின்ற ஊர்தி என்று 
எழுதி வைத்தார் ஏட்டிலே!
பட்டுத் தோகைச் சிறகில் ஒன்றைப் 
புத்தகத்தில் வைப்பதால் 
குட்டி போடும் என்று நம்பும் 
குழந்தை மனம் வேடிக்கை!

- சி.விநாயகமூர்த்தி
 

]]>
https://images.dinamani.com/uploads/user/imagelibrary/2020/2/15/w600X390/15sm8a.gif https://www.dinamani.com/weekly-supplements/siruvarmani/2020/feb/15/தோகை-மயில்-3358465.html
3358464 வார இதழ்கள் சிறுவர்மணி குறள் நெறிக் கதைகள்! யார் பெரிய திருடன்?   என். லக்ஷ்மி பாலசுப்ரமணியன் DIN Saturday, February 15, 2020 04:48 PM +0530
முன்னொரு காலத்தில் "சித்திர சேனன்' என்ற மன்னன் "விஜய புரி' என்ற நாட்டை ஆண்டு வந்தான். அவன் தன் பிரதம மந்திரியிடம் எல்லாப் பொறுப்புகளையும்  ஒப்படைத்துவிட்டு மற்ற தேசங்களுக்குப் பயணம் செல்ல ஆரம்பித்தான்.

 இவனது மேற்பார்வையில் இருந்த வரையில் நாட்டில் வரி வசூல் சரியாக இருந்தது. பிரதம மந்திரியின் பொறுப்பிற்கு வந்த பின் மக்களிடமிருந்து வரியாக வசூலாகும் நெல்லின் அளவு குறைந்து கொண்டே வந்தது.  இதனால் மக்களுக்கு நலத்திட்ட உதவிகளை முழுமையாக செயல் படுத்த முடியவில்லை. இதற்கான காரணம் அறிய ஒரு நாள் மன்னன் மாறு வேடம் அணிந்து நகர்வலம் வரத் தொடங்கினான். 

 மக்கள் நெருக்கம் நிறைந்த சந்தைப் பகுதியில் ஒரு இளைஞன் யாரும் அறியாதவாறு சாலையோரக் கடை ஒன்றில் இருந்து சில நாணயங்களைத் திருடினான். இதைக் கண்ட அரசன் கோபமடைந்து அவனைப் பின் தொடர்ந்து சென்றான். 
 நாணயங்களைத் திருடிய அந்த இளைஞன் நேரே ஒரு உணவகத்திற்குச் சென்றான். அங்கு அப்பம் வடை போன்றவற்றைக் கூடையில் போட்டு ஒரு சிறுவன் விற்றுக் கொண்டு இருந்தான். அங்கு  சென்ற இளைஞன் இரண்டிரண்டு அப்பம் வடை ஆகியவற்றை ஒரு இலையில்  வாங்கி சாப்பிட்டான். 

 சாப்பிட்ட பொருளுக்குக்  காசு கேட்ட சிறுவனிடம், ""அடேய்  தம்பி! என் பெயர்  "ஈ'..... நான் உன் தந்தைக்கு மிகவும் வேண்டியவன் ! அவரிடம் போய் ஈ வந்து தின்பண்டங்களை சாப்பிடுகிறது என்று கூறு!'' என்றான்.

   அந்தக் கடையின் பின் புறத்தில் அவனது தந்தை பலகாரங்கள் செய்து கொண்டிருந்தார். சிறுவன் அவரிடம் சென்று ""அப்பா!  “ஈ” வந்து நம்ம கடை பலகாரங்களைத் தின்று விட்டார்!'' என்றான். 

   உடனே அவன் தந்தை,  ""ஈ க்கெல்லாம் “அவர்”  “இவர்” என்று என்ன மரியாதை வேண்டிக் கிடக்கு?  ஈ பலகாரம் தின்பது சகஜம் தானே! இதற்கெல்லாம் கடையைவிட்டு வரலாமா? மூங்கில் தட்டைப் போட்டு கூடையை மூட வேண்டியது தானே?'' என்றார்.

 ""அதில்லை அப்பா ! அவர் ஒரு மனிதர்!''என்று அவன் கூறினான்.  
 ""சரி சரி சீக்கிரம் போய்ப் பார்!'' என்று அவனது தந்தை அவனை விரட்டி விட்டார்.

  சிறுவன் வருவதற்குள் மேலும் சில பலகாரங்களை அள்ளிக் கொண்டு வெளியேறினான் அந்த இளைஞன். ஆளைக் காணாமல் அதிர்ச்சி அடைந்தான் சிறுவன். அரசன் மாறு வேடத்தில் தன்னைக் கண்காணித்துக் கொண்டிருப்பதை அந்த இளைஞன் உணரவில்லை.

  ஆத்திரமடைந்த அரசன் அந்த இளைஞனின் கையைப் பிடித்து இழுத்து,  ""சீ!.... உனக்கு வெட்கமாயில்லை? விலங்குகள் கூடத் தம் உணவை உழைத்தே உண்கின்றன!  உன்னைப் போலத் திருடித் தின்பதில்லை! வா! உன்னை அரசரிடம் ஒப்படைக்கிறேன் !'' என்றான்.

 ""அப்படியா!.... என்னோடு வா!.... என்னை விடப் பெரிய திருடனைக் காட்டுகிறேன்! உன்னால் முடிந்தால் அவனை அரசரிடம் கொண்டு போய் நிறுத்தி தண்டனை வாங்கிக் கொடு!'' என்றான்.

 மாறுவேடத்தில் இருந்த அரசன் சற்றே யோசித்தான். இளைஞனைப் பின் தொடர்ந்து சென்றான். 

 இளைஞன்  மாறு வேடமணிந்த அரசனுடன்,  ஒரு மாட்டு வண்டியில் ஒரு  வீட்டிற்குச் சென்றனர். 

 அந்த வீட்டுத் தலைவரிடம்,  தாங்கள் அரண்மனையில் இருந்து வரி வசூலிப்பதற்காக வந்திருப்பதாகக் கூறினான். 

அதற்கு அந்த விவசாயி, ""அய்யா! இம்முறை மழை பொய்த்து விட்டதால் விவசாயம் நடை பெறவில்லை! வழக்கமாகப் பத்து மூட்டை நெல்லை அளிக்கும் என்னால் இம்முறை இரண்டு மூட்டை நெல்லை மட்டுமே தர முடியும்!'' என்றார்.  

 ""சரி'' என்று கூறி அதைப் பெற்றுக் கொண்டான் அந்த இளைஞன்.

  இப்படியாக ஒவ்வொரு வீட்டிலும் நெல்லை வசூலித்தனர். நேரே நெல் வசூலிக்கும்  அதிகாரியிடம் சென்று மாட்டு வண்டியுடன் நெல் மூட்டைகளை ஒப்படைத்தனர். அந்த அதிகாரி மாட்டு வண்டியில் இருந்து இரண்டு நெல் மூட்டைகளை  எடுத்துத் தன் வீட்டில் வைத்து விட்டு அதற்கு பதிலாக இரண்டு மூட்டைத் தவிட்டை வைத்தான். இதைக் கண்ட அரசனுக்கு  ஆத்திரத்தில் உள்ளம் கொதித்தது.  இருந்தாலும் தன்னை அடக்கிக் கொண்டான்.

""என்னைப் பெரிய திருடன் என்றாயே? இப்பொழுது பார்த்தாயா?.... இன்னும்  இதை விடப் பெரிய திருடனைக் காட்டுகிறேன்!'என்றான் அந்த இளைஞன். இப்படி ஒவ்வொரு பகுதியிலும் வசூலிக்கும் அதிகாரிகள் அவற்றை அரசாங்கத்தின் கருவூலத்திற்குக்  கொண்டு சென்றனர். அடுத்த படியாக இளைஞன் அரசனை அந்த இடத்திற்கும் அழைத்து வந்தான்.          தலைமைக்  கருவூலத்தில் இருந்த முதன்மை அதிகாரி கள்ளைக் குடித்து  மயங்கிக் கிடந்தான். ஒவ்வொரு துணை அதிகாரியும் அவனுக்கு மேலும் சில பானைக் கள்ளைக்  வாங்கிக் கொடுத்துவிட்டு இரண்டு அல்லது மூன்று மாட்டு வண்டிகளை மட்டும் அரசுக் கருவூலத்திற்குக்  கொடுத்தனர். ஆறு , ஏழு வண்டிகள் எனத் தம் இஷ்டம் போல் கூறி ஓலையில் எழுதி அரசு முத்திரை பெற்றுச் சென்றனர். இதைக் கண்ட அரசனின் இரத்தம் கொதித்தது . மறு நாள் அந்தத் தலைமை அதிகாரி  பிரதம மந்திரியிடம் மழை பொழிவின்மையால் மிகக் குறைந்த அளவே வரி வசூலிக்க முடிந்தது என்று கூறினான்.

 அந்தப் புரத்தில் சதுரங்கம் விளையாடிக் கொண்டிருந்த பிரதம மந்திரி அதைச் சரி பார்க்க சோம்பல் பட்டுக் கொண்டு “""சரி சரி,  நீ சொன்னால் எல்லாம் சரியாகத் தான் இருக்கும்!'' என்று கூறி அவனை அனுப்பி  வைத்தான்.

 மாறு வேடத்தில் இருந்த அரசனுக்கு அதையும் காட்டிய இளைஞன், ""பார்த்தாயா? வயிற்றுப் பசிக்காகத் திருடிய நான் திருடனா? இல்லை அரசு சம்பளம் பெற்றுக் கொண்டும் உல்லாசத்திற்காகத் திருடும் இவர்கள் திருடர்களா? யார் பெரிய திருடன் ? யாரை முதலில் தண்டிப்பீர்?'' என்றான். அரசனால் இதற்கு பதில் ஏதும் கூற முடியவில்லை.

 ""நாளை அரண்மனைக்கு வந்து இந்த விஷயத்தை அரசனிடம் கூறுவாயாக!''என்று இளைஞனிடம் கூறினான்.

  மறு நாள் அரண்மனைக்கு வந்த இளைஞன்  அரசனை அடையாளம் கண்டு கொண்டான்! மிரண்டு போனான்! அச்சத்தால் பேச முடியாமல் தவித்தான். அரசன் அவனைப் பார்த்து,  "" இவர்கள் அனைவரும் குற்றம் செய்கின்றார்கள் என்பதை இத்தனை நாளும் அறியாமல் இருந்த நானே பொறுப்பற்றவன்!'' என்றான். இதைக் கேட்ட பிரதம மந்திரியும், பிற அமைச்சர்களும் வெட்கித் தலை குனிந்தனர். தம் தவறுகளைத் திருத்திக் கொள்வதாக உறுதி  அளித்தனர். இது நாள்வரை பிறரிடம் பொறுப்பை ஒப்படைத்துவிட்டு அதை மேற் பார்வை கூடச் செய்யாமல் இருந்தது எவ்வளவு தவறு  என்பதை மன்னனும் உணர்ந்து கொண்டான். எனினும் திருடுவது குற்றம்... ஆதலால் அந்தத் திருட்டு இளைஞனுக்கு சில நாட்கள் சிறை தண்டனையையும் வழங்கினான். தன் கடமையைச் சரிவரச் செய்யலானான். சில வருடங்களில் நாட்டின் நிலை உயர்ந்தது. சரியான வேலை வாய்ப்பு கிட்டியதால் நாட்டில் கொலை, கொள்ளை,திருடு போன்ற சம்பவங்கள் நடைபெறவில்லை.

நல்ல அரசனின் இலக்கணமாகத்  திருவள்ளுவர் “செங்கோன்மை” அதிகாரத்தில், 
குடிபுறங் காத்தோம்பிக் குற்றங் கடிதல்
வடுவன்று வேந்தன் தொழில்.   -என்கிறார்.

 இதன் பொருள் குடி மக்களைப் பிறர் வருத்தாமல் காத்துத்  தானும் வருத்தாமல் காப்பாற்றி அவர்களுடைய குற்றங்களைத் தண்டனையால் ஒழித்தல் அரசனுடைய தொழிலாகும் ; அது பழியாகாது என்பதாகும்.

]]>
https://images.dinamani.com/uploads/user/imagelibrary/2020/2/15/w600X390/15sm7.gif https://www.dinamani.com/weekly-supplements/siruvarmani/2020/feb/15/குறள்-நெறிக்-கதைகள்-யார்-பெரிய-திருடன்-3358464.html
3358463 வார இதழ்கள் சிறுவர்மணி கடி DIN DIN Saturday, February 15, 2020 04:30 PM +0530  

""ராமு, முதுகெலும்பு பற்றி உனக்குத் 
தெரிந்ததைச் சொல்லு!....''
""முதுகெலும்பின் உச்சியில் நம் தலை உட்கார்ந்திருக்கிறது..... அதன் அடியில் 
நாம் உட்கார்ந்திருக்கிறோம்!''
நெ.இராமன், சென்னை.

""என்னடா, அந்த மாடு ரொம்ப நேரமா அசை போடுது?''
""தெரியலே,...... சுயிங்கம் சாப்பிட்டுக்கிட்டு இருக்குதோ என்னமோ?''
க.நந்தி காமர், சென்னை.

""டேபிள் மேலே எண்பத்தஞ்சு ரூபா வெச்சேனே பார்த்தியாடா?''
""ஒரு அம்பது ரூபா, ஒரு இருபது ரூபா, ஒரு பத்து ரூபா, ஒரு அஞ்சு ரூபா காயினா இருந்ததே அதுவாப்பா?''
""கரெக்ட்!.... சொல்லு, பார்த்தியா?''
""ம்ஹூம் நான் பார்க்கவே இல்லேப்பா!''
மு.பெரியசாமி, விட்டுக்கட்டி

✶ ""கடலை மிட்டாய் வாங்கிட்டு வரச் 
சொல்றாங்க!''
""சரி, போய் வாங்கிட்டு வர வேண்டியதுதானே!''
""கடல் எப்படி மிட்டாய் வாங்கிக்கிட்டு வரும்?''
ஜி.ஜோதிராம், 21/12, மீனாட்சி நகர், 
8-ஆவது கிராஸ் தெரு, வில்லாபுரம், மதுரை } 625012.

""என்னடா இது?..... டி.வி.யிலே அலை, அலையாத் தெரியுது?
""நேரலை ஒலி பரப்போ என்னமோ?''
ஆர்.மகாதேவன், திருநெல்வேலி.

""அப்பா!..... நீங்க  கணக்கு டியூஷனுக்குப் போங்கப்பா!''
""நான் ஏண்டா கணக்கு டியூஷனுக்குப் போகணும்?''
""ஹோம் ஒர்க் எல்லாம் தப்புத் தப்பாப் போட்டுத் தர்றீங்க!''
சாய் வினோத், கிருஷ்ணாபுரம்.


வாரம் 2 டி-சர்ட் பரிசு  நட்சத்திரக்  குறியிட்ட   2 கடிகளும்  பட்டுக்கோட்டை  ரூபி  ரெடிமேட்ஸ்  வழங்கும் தலா ஒரு  டி-சர்ட்டைப் பெறுகின்றன.  பரிசு  பெற்றவர்களுக்கு  வாழ்த்துகள்.

]]>
https://images.dinamani.com/uploads/user/imagelibrary/2020/2/15/w600X390/15sm6.gif https://www.dinamani.com/weekly-supplements/siruvarmani/2020/feb/15/கடி-3358463.html
3358462 வார இதழ்கள் சிறுவர்மணி என்ன? எங்கே? எப்பொழுது? DIN DIN Saturday, February 15, 2020 04:28 PM +0530  

திருமலையில் சனிக்கிழமை பக்திப்பாடல் வழிபாட்டில் அமர்ந்திருக்கும் மாணவ, மாணவிகள்!

புது தில்லி பார்லிமெண்ட் வளாகத்திலுள்ள மகாத்மா காந்தி சிலையில் காணப்பட்ட  பறவைகள்!

]]>
https://images.dinamani.com/uploads/user/imagelibrary/2020/2/15/w600X390/15sm5a.gif https://www.dinamani.com/weekly-supplements/siruvarmani/2020/feb/15/என்ன-எங்கே-எப்பொழுது-3358462.html
3358461 வார இதழ்கள் சிறுவர்மணி பொற்கொடி க.சங்கர் DIN Saturday, February 15, 2020 04:18 PM +0530

காட்சி : 1 

இடம் : கோழிப் பண்ணை 
நேரம் : மாலை 5.30
பாத்திரங்கள் : ஆழி , மலர்மாரி

(ஆழி கண்களை மூடி அமர்ந்திருக்கிறது.)
மலர்மாரி: ஆழி.. நீ அடைகாக்கிற முட்டை, பொறிஞ்சுடும் வேளை நெருங்கிருச்சுனு நினைக்கிறேன்..
ஆழி: ஆமா.. நாளைக்குப் பொறிஞ்சிரும்னு தோனுது..  குழந்தைக்குப் பேர்கூட யோசிச்சு வெச்சிருக்கேன்..
மலர்மாரி:  என்ன பேரு..?
ஆழி: பொற்கொடி!
மலர்மாரி: பொ..ற்..கொ..டி.. நல்லாருக்கு,  ஆழி..  அருமையான பேர்..
(ஆழியின் முகம் மாறுகிறது. )
மலர்மாரி: ( புரியாமல்)  என்னாச்சு..  ஏன் சோகமாயிட்டே..?
ஆழி: எப்டியாவது அந்த மோசமான கழுகுங்க பொற்கொடியை நெருங்காத மாதிரி பாத்துக்கணும்..  எப்டியாவது..
(மலர்மாரி  அமைதியாகப் பார்க்கிறது. )


காட்சி : 2
இடம் : கோழிப் பண்ணை 
நேரம் : காலை 7.10
பாத்திரங்கள் : ஆழி , மலர்மாரி

(முட்டை பொறிந்து கோழிக்குஞ்சு 
வெளியே வருகிறது.)
மலர்மாரி: ஓ.. அற்புதம்..  அழகா இருக்கு..!
ஆழி: நம்ம முதலாளி அய்யா பார்த்தாருன்னா  ரொம்ப சந்தோஷப்படுவார்..
மலர்மாரி: இப்டி ஒரு சமர்த்துச் செல்லத்தைப் பார்த்தா யார்தான் சந்தோஷப்படாம இருப்பாங்க..
ஆழி: ( சோகமாக)  கழுகு..  அதை நெனைச்சாத்தான்..  கொஞ்சம்..
மலர்மாரி: ( இடைமறித்து)  வாயை மூடு..  இந்த நேரத்துல போய்... பல்பொடிய  எடுத்துக் கொஞ்சுவியா.. அத விட்டுட்டு..
ஆழி: அது பல்பொடி இல்லடி..  பொற்கொடி..
மலர்மாரி: ஏதோ ஒன்னு..!

காட்சி : 3
இடம் : கோழிப் பண்ணை 
நேரம் : வெவ்வேறு நேரங்கள் 
பாத்திரங்கள் : ஆழி ,பொற்கொடி ,மலர்மாரி

முதல் வாரம்: மலர்மாரி பொற்கொடிக்கு நடை பழக்குகிறது. 
இரண்டாம் வாரம்:  ஆழி பொற்கொடிக்கு உணவு தேடப் பழக்குகிறது.
மூன்றாம் வாரம்: பொற்கொடி மலர்மாரியைக் கொத்தத் துரத்துகிறது. ஆழி சிரிக்கிறது. --

காட்சி : 4
இடம் : கோழிப் பண்ணை 
நேரம் : மாலை 6.05
பாத்திரங்கள் : ஆழி ,பொற்கொடி ,மலர்மாரி, கழுகு

(பொற்கொடி சிமென்ட் தொட்டியின்
விளிம்பில் நிற்கிறது. )
பொற்கொடி: அம்மா..  நான் இங்கிருந்து குதிச்சு கொஞ்சதூரம் வரை பறக்கப் போறேன் ..
ஆழி:  வேண்டாம்..  சொன்னா கேளு..  நீ இன்னும் பறக்கத் தயாராகல..
பொற்கொடி: ம்மா.. மாரி அக்கா முட்டையிலிருந்து வந்த அடுத்த நாளே பறந்து வானத்துக்கே போனங்களாம்..  அதுமாதிரி நானும் பண்ணிப் பாக்கறேன்..
(ஆழி  மலர்மாரியைப் பார்க்கிறது. )

மலர்மாரி: ( தடுமாறிக்கொண்டே)  பொற்கொடி..  அப்பெல்லாம் உங்கம்மா பொறக்கவே இல்ல..  அவளுக்கு..  அதெல்லாம்..  தெரியாது..
(வானத்திலிருந்து அவர்கள் மீது நிழல் விழுகிறது. )
பொற்கொடி: ம்மா..  நான் பறக்கப் போறேன்..
(பொற்கொடி  கீழே  குதிக்கிறது. )
மலர்மாரி: (மேலே நிழல் வரும் திசையைப் பார்த்து)  அய்யோ..!
(பொற்கொடி  நிலத்தைத் தொடும்முன் கழுகு அதைக் கால்களால் கவர்ந்துகொண்டு செல்கிறது. )
ஆழி: பொற்கொடீ........!
(ஆழி வேதனையில் ஆர்ப்பரிக்கிறது. )

காட்சி : 5
இடம் : மழைக்காடு / மரம்
நேரம் : மாலை 6.35
பாத்திரங்கள் : கழுகு,  கழுகு குஞ்சு,  பொற்கொடி

(கழுகு பொற்கொடியைக் கூட்டுக்குள் வைக்கிறது. )
கழுகுக் குஞ்சு: யாரும்மா இது..?  
கழுகு: இது ஒரு கோழியின் குஞ்சு!........  பண்ணையிலிருந்து கொண்டுவர்றேன்..
கழுகுக்குஞ்சு: எதுக்கு..?
கழுகு: (அதிர்ந்து)  எதுக்கா..? உனக்கு..  உனக்குத்தான்!...  பசிக்கலியா..?
(கழுகுக் குஞ்சு பொற்கொடியைப் பார்க்கிறது. )
கழுகுக் குஞ்சு: இதப் பார்க்கவே பாவமா இல்லியா..?  ஏம்மா இங்க பிடிச்சிட்டு வந்தீங்க..?
கழுகு: ( தடுமாறி ) அது..  நம்மல மாதிரி கழுகுங்க..  அந்தப் பண்ணைக் கோழிகளை..  அதுதான் நானும் ஒரு
தடவை..
கழுகுக் குஞ்சு: ( பொற்கொடியைப் பார்த்தபடி ) வேணாம்மா..  இதக் கொண்டுபோய் அங்கேயே விட்ருங்க!.....
கழுகு: (அதிர்ந்து) மறுபடியும் அங்கேயா..?  இதைத் தூக்கிட்டு வந்ததால என் மேல பயங்கரக் கோபத்துல இருப்பாங்க..  வேணும்னா நம்ம காட்டுக்குள்ளியே எங்காவது விட்டுடலாம்.. 
(கழுகு குஞ்சு பொற்கொடியை 
அமைதியாகப் பார்க்கிறது. )
கழுகுக் குஞ்சு: அப்படினா ஒன்னு பண்ணலாம்.. 

காட்சி : 6
இடம் : மழைக்காடு 
நேரம் : வெவ்வேறு நேரங்கள்
பாத்திரங்கள் : கழுகு,  கழுகு குஞ்சு,  பொற்கொடி

முதல் வாரம்:  கழுகுக் குஞ்சும் பொற்கொடியும் இணைந்து இரை உண்கிறார்கள்.
இரண்டாம் வாரம்:  ஆழி கூண்டுக்குள் சோகமாக அமர்ந்திருக்கிறது.
மூன்றாம் வாரம்: கழுகு பொற்கொடியுடன் மகிழ்ச்சியாக  விளையாடுகிறது. 

காட்சி : 7
இடம் : மழைக்காடு / மரம்
நேரம் : மாலை 5.35
பாத்திரங்கள் : கழுகு,  கழுகு குஞ்சு,   பொற்கொடி 

கழுகுக்  குஞ்சு:  (சோகமாக)  வேற வழி இல்லியா,  ம்மா..?
கழுகு: (சோகமாக)  பொற்கொடி வளர்ந்துட்டா..  இனியும் நம்ம கூட்டுக்குள்ள இருக்க முடியாது..
(கழுகுக்  குஞ்சு அமைதியாக இருக்கிறது. )

பொற்கொடி: அப்போ.. என்னை இந்தக் காட்டுக்குள்ள இறக்கி விட்ருவீங்களா.. ?
கழுகு:  இல்ல,  கொடி.. அப்படி மட்டும் செய்யவே மாட்டேன்..  அது ரொம்ப ஆபத்தானது..
கழுகுக்  குஞ்சு: அப்டினா..?
கழுகு: அப்டினா,  மறுபடியும் கோழிப் பண்ணையிலியே கொண்டுபோய் சேர்த்துரணும்..  அதான் எல்லாருக்கும் நல்லது..
(கழுகுக்  குஞ்சு அதிர்ச்சியாகிறது. )
பொற்கொடி: அய்யோ..  கழுகம்மா..  நீங்க ஏற்கெனவே சொன்ன மாதிரி அங்க யாராவது உங்களப் பார்த்துட்டாங்கனா..? 
கழுகு: ம்ம்ம்.. கையில கெடச்ச எதையாவது தூக்கி எறிவாங்க..  அடிபடும்.. நான் பண்ண தப்புக்கு எனக்கு அது தேவைதான்.. 
கழுகுக்  குஞ்சு: (பதறி)   அய்யோ..  எல்லாம் என்னால்தான்...
கழுகு: இல்ல.. நீ எந்தத் தப்பும் செய்யல செல்லம்..  கவலைப்படாத..
(கழுகு பொற்கொடியைத்
தூக்கிக்கொண்டு பறக்கிறது. )
கழுகுக்  குஞ்சு: ( அழுதபடி)  உங்களுக்கு ஒன்னும் ஆகாதும்மா..

காட்சி : 8
இடம் : கோழிப் பண்ணை 
நேரம் : மாலை 6.45
பாத்திரங்கள் : ஆழி , மலர்மாரி, கழுகு, பொற்கொடி, முதலாளி

(ஆழி ஒரு மரத்தடியில் 
சோகமாக அமர்ந்திருக்கிறது. )
மலர்மாரி: ஆழி..  இன்னும் எவ்ளோ நாளைக்கு அதையே நெனைச்சிட்டிருப்பே..? கொஞ்சம்  மறக்க முயற்சி பண்ணு..
ஆழி: (அழுகிறது) என்னால..  என்னால முடியல,  மாரி..
(திடீரென இறக்கைகள் 
படபடக்கும் சத்தம் கேட்கிறது. )
மலர்மாரி:  ( பதறி )  என்னது..
(கழுகு பொற்கொடியைக் 
கீழே இறக்கிவிட்டு விரைவாகப் பறக்கிறது. )
ஆழி: ( உரக்க)  பொற்கொடி..
பொற்கொடி: ( உரக்க)  அம்மா..
(கழுகு கீழே பார்த்துக்கொண்டே பறக்கையில் 
சடாரென ஒரு வலைக்குள் மாட்டுகிறது. )
மலர்மாரி: ( உரக்க)  ஆழி..  அதே கழுகுதான்..  நம்ம முதலாளி வெச்சிருந்த பொறிக்குள்ள  மாட்டிருச்சு..  நான் போய் அவரைக் கூட்டிட்டுவரேன்..
(பொற்கொடி நடந்தவற்றைச் சொல்கிறது. ) 

பொற்கொடி: அம்மா,  எப்படியாவது கழுகம்மாவக் காப்பாத்துங்க.. அவங்களுக்கு எதுவும் ஆகக்கூடாது..
(ஆழி வலைக்குள் சோகமாக 
இருக்கும் கழுகைப் பார்க்கிறது. )
மலர்மாரி: வாங்க முதலாளி..  இங்கதான்..  அந்தக் கழுகை விட்ராதீங்க.. 
(முதாலாளி , பிடிபட்ட கழுகை நோக்கி நடக்கிறார். ) 

ஆழி: ( வழிமறித்து)  ஐயா..  அந்தக் கழுகைத் துன்புறுத்த வேண்டாம்..  அது நம்ம பொற்கொடியை நல்லபடியாத்தான் காப்பாத்தியிருக்கு..
மலர்மாரி: ( அதிர்ந்து)  ஆனா,  அது..  அந்தக் கழுகு தப்புப் பண்ணியிருக்கே.. 
ஆழி: ஆமா..  ஆனா,  அப்பவே அது திருந்தவும் செஞ்சிருக்கு..  அப்படிப்பட்ட கழுகை தண்டிக்கிறது நியாயமா..?
(முதலாளி கழுகை விடுவித்து பறக்க விடுகிறார். )

-  கோழிகள் மகிழ்ச்சியில் ஆர்ப்பறிக்கின்றன. --
(திரை)

]]>
https://images.dinamani.com/uploads/user/imagelibrary/2020/2/15/w600X390/15sm4.gif https://www.dinamani.com/weekly-supplements/siruvarmani/2020/feb/15/பொற்கொடி-3358461.html
3358458 வார இதழ்கள் சிறுவர்மணி புதிர் DIN DIN Saturday, February 15, 2020 04:07 PM +0530
இது ஒரு உலகப் புகழ்பெற்ற புதிர். கேள்விக்குறி இடப்பட்டுள்ள இடத்தில் என்ன எண் வர வேண்டும்? ரொம்பவும் மூளையைப் போட்டுக் குழப்பாமல் கண்டு பிடிக்க வேண்டிய புதிர் இது...

புதிருக்கு விடை:

 4 அதாவது 234 என்றுதான் உலகின் பெரும்பாலானோர் இந்தப் 
புதிருக்கு விடை சொல்லியிருக்கிறார்கள். 5 அதாவது 235 என்று சொன்னவர்கள் மிகவும் சொற்பம். ரொம்ப நேரம் யோசித்து விடை கண்டுபிடித்தவர்களுக்கு ஒரு செல்லக்குட்டு. சட்டென்று கண்டுபிடித்தவர்களுக்கு ஒரு குட்டி லட்டு..!

பொருத்துக...
உலப் புகழ்பெற்றவர்களும் அவர்களது நாடுகளும் இடம் மாறி உள்ளன. சரியாகப் பொருத்துங்கள் பார்க்க லாம்...
1. தாமஸ் ஆல்வா எடிசன்    -    பிரேசில்
2. சே  குவேரா        -    கியூபா
3. டான் பிராட்மேன்    -    வங்கதேசம்
4. மோசாட்        -    ஆஸ்திரேலியா
5. முஜிபுர் ரஹ்மான்    -    ஆஸ்திரியா
6. பீலே                          -    கனடா
7. கிரஹாம் பெல்        -    அமெரிக்கா
8. ஃபிடல் காஸ்ட்ரோ    -    அர்ஜென்டினா

விடை
1. அமெரிக்கா
2. அர்ஜென்டினா
3. ஆஸ்திரேலியா
4.  ஆஸ்திரியா
5.  வங்கதேசம்
6. பிரேசில்
7. கனடா
8. கியூபா

விடுகதைகள்
1. கீழேயும் மேலேயும் மண்; நடுவிலே அழகான பெண். இது என்ன?
2.  பூவோடு பிறந்து; நாவோடு கலந்து விருந்தாவான், மருந்தாவான். இவன் யார்?
3.  நூல் நூற்கும் நெசவாளிக்கு கட்டிக்கொள்ள துணி யில்லை இவர் யார்? 
4. உடம்பெல்லாம் சிவப்பு, இவருடைய குடுமி பச்சை   யார் இவர்?
5. தலைக்குள் கண் வைத்திருப்பவன் இவன் மட்டும்தான். இவன் யார்?
6. வட்ட வட்ட நிலவில் வரைஞ்சிருக்கு; எழுதியிருக்கு. இது என்ன?
7.   கண்ணுக்குத் தெரியும் செடி வளருவது.  காய் காய்ப்பது கண்ணுக்குத் தெரியாது. இது என்ன?
8. பட்டுப்பை நிறைய பவுன் காசுகள்.  இது என்ன?

விடைகள்
1.  மஞ்சள் செடி 
2. தேன் 
3. சிலந்தி
4. தக்காளி
5. நுங்கு
6. நாணயம்
7.  வேர்க்கடலை
8. மிளகாய் வத்தல்
-ரொசிட்டா

இதிலுள்ள  6 துண்டுப்படங்களையும் சரியாகக் கத்திரித்து, ஒழுங்காக ஒட்டினால் ஓர் அழகிய படம் வரும். அந்தப் படத்தைப் பார்த்து நீங்கள் வரைந்து பார்க்கலாம் அல்லது அதற்கு வண்ணம் தீட்டியும் மகிழலாம்!

ஆறு துண்டுகளை  ஒழுங்காக ஒட்டினால் கிடைக்கும் படம்

சொல் ஜாலம்

கீழே உள்ள குறிப்புகளைக் கொண்டு, சொற்களைக் கண்டுபிடித்து, கொடுக்கப்பட்டுள்ள கட்டங்களில் வரிசைக்கு ஒன்றாக சொற்களை நிரப்பவும். ஒவ்வொரு வரிசையிலும் வட்டமிட்டுக் காட்டப்பட்டுள்ள கட்டத்தில் உள்ள எழுத்துகளை எடுத்து ஒன்றாகக் கோர்த்தால்  புகழ்பெற்ற வெங்கடேசப் பெருமாள் ஆலயம் இருக்கும் ஊரின் பெயர் கிடைக்கும். விடைக்குப் போகாமல் கண்டுபிடியுங்கள் பார்க்கலாம்...

1.  அதிருசியான பலகாரம் ஒன்றின் பெயர்...
2.  அறுபடை வீடுகளுள் ஒன்று....
3.  அம்மா பொறிப்பது, சுட்டிகளுக்கு மிகவும் பிடித் தது...
4. பழங்களின் அரசன், மாமரத்துவாசன்...
5.  இதற்கு வைத்தியம் குற்றாலம்தான்...

விடை: 
கட்டங்களில் வரும் சொற்கள்
1. அதிரசம், 
2. திருத்தணி, 
3. அப்பளம்,  
4. மாம்பழம், 
5. பைத்தியம்.

வட்டங்களில் சிக்கிய எழுத்துக்கள் மூலம் கிடைக்கும்  சொல் :  திருப்பதி
- ரொசிட்டா

]]>
https://images.dinamani.com/uploads/user/imagelibrary/2020/2/15/w600X390/sm152.gif https://www.dinamani.com/weekly-supplements/siruvarmani/2020/feb/15/புதிர்-3358458.html
3358454 வார இதழ்கள் சிறுவர்மணி மரங்களின் வரங்கள்! Saturday, February 15, 2020 03:47 PM +0530 நோயின்றி வாழ உதவும் - தான்றி மரம் 

குழந்தைகளே நலமா?
நான் தான் தான்றி மரம் பேசறேன். எனது தாவரவியல் பெயர் டெர்மினாலியா பெல்லாரிக்கா அதாவது டெர்மினேலியா என்பதாகும். நான் கம்ப்பிரேடசியே குடும்பத்தைச் சேர்ந்தவன். நான் உறுதியான வேர்களுடன் பிராமாண்டமான தோற்றத்துடன் கூடிய  பெரிய மரமாவேன். 120 அடி கூட வளருவேன். என் தண்டின் அடிப்பகுதியின் சுற்றளவு 10 அடி வரை கூட இருக்கும்.  நான் தமிழ்நாட்டில் மலைப்பகுதிகளில் காணப்படுவேன்.  என் பூக்கள் மஞ்சள் நிறத்தில் மலரும். பின் உருண்டை வடிவிலான காய்கள் தோன்றி,  பின் சாம்பல் நிறமாகும்.  என் பழங்கள் கசப்பும், துவர்ப்பும் உடையவை. 

வடமொழியில் என்னை விபீதகி என்று அழைப்பாங்க.  நாள்தோறும் தான்றி உண்டால் நோய் தோன்றாது  என்பது இதன் பொருள். 

என் இலைகள் பெரியதாக 15 – 25 செ..மீ. வரை நீளமாக கிளைகளின் நுனிகளில் கொத்தாக இருக்கும்.  என் பழங்கள் துவர்ப்பு சுவை நிரம்பியவை. இது மூளை மற்றும்  உடலை பலப்படுத்துவதுடன், வயிற்றுக் கோளாறுகளுக்கும்,  கண் எரிச்சலைக் குறைக்கவும், காய்ச்சல், அஜீரணத்திற்கும் மிகவும் ஏற்றது.  என் பூக்கள் சிறியதாக நெருடலான மணத்துடன், சிறிய காம்புகளில் வெளிறிய பச்சை நிறத்துடன் இருக்கும். என் பழங்கள் 4 செ.மீ. வரை நீளமாக, நீள்வட்ட வடிவத்தில் பழுப்பு நிறத்தில் காணப்படும்.  என்னை பொதுவாக மேற்கு இந்தியாவின் வறண்ட பகுதிகளைத் தவிர அனைத்து இடங்களிலும் காணலாம். 

என் மரக்கட்டைகள் ஈரத்தைத் தாங்கக் கூடிய தன்மை கொண்டவை. படகுகள், விவசாயப் பெருமக்களுக்கு தேவையான உபகரணங்கள் செய்ய பெரிதும் பயன்படுறேன்.  என் மரத்தின் பட்டை துணிகள் மற்றும் தோலுக்கு சாயமேற்றப் பயன்படுகிறது.  தான்றிக்காயை கர்ஷம், அக்ஷம் என்று அழைப்பாங்க.  ஏன்னா இது மகா விருக்ஷம் ஆகும். 

 ஆனால், குழந்தைகளே, தான்றிக்காயின் உள்ளிருக்கும் கொட்டையை நீக்கி காயின் மேல்தோலை மட்டுமே மருத்துவத்திற்கு பயன்படுத்த வேண்டும். இதை ஆங்கிலத்தில் "பெட்டா நட்ஸ்' எனறு சொல்வாங்க.  இதில் விட்டமின் ஏ, பி1, பி2, சி ஆகிய சத்துகளும், "கல்லிக்' அமிலமும் உள்ளது. கல்லிக் அமிலம் கணையத்தில் உள்ள செல்களைத் தூண்டி இன்சுலினைச் சுரக்கச் செய்து இரத்தத்தில் சர்க்கரை அளவைக் கட்டுப்படுத்துகிறது.  

மேலும், தான்றிக்காயிலுள்ள எலாஜிக் அமிலம், செபுலினிக் அமிலம், கல்லிக் அமிலம் ஆகியவை செல்களின் டி.என்.ஏ-வில் மாற்றங்கள் ஏற்படுவதைத் தடுத்து, புற்றுநோய் வராமல் காக்கின்றன. 

இரத்தமூலம் குணமாக தான்றிக்காய் கொட்டையை நீக்கி, தோலை கருகாமல், இலேசாக வறுத்து, தூள் செய்து, மோருடன் கலந்து குடித்து வந்தால் உடனடி நிவாரணம் கிடைக்கும். இதையே சிறிதளவு வெல்லம் கலந்து காலை, மாலை குடித்து வந்தால் மலச்சிக்கல், குடல் பலமின்மை, காய்ச்சல், பித்தம், தலைவலி, சீதபேதி ஆகியவை குணமாகும்.  இது உறுதி.

பல் வலியா, ஈறு வலியா சோர்வடையாதீங்க, தான்றிக்காய் தூளால் பல் துலக்குங்க அல்லது நீரிலிட்டு சர்க்கரை கலந்து குடித்து வந்தால் பல், ஈறு வலி இருந்த இடம் தெரியாது.

அந்தக் காலத்தில் கிராமப் புறங்களில் புண், சிரங்குகள் குணமாக என் காயை நீரிலிட்டு இழைத்து, பசையாக்கி பாதிக்கப்பட்ட இடத்தில் பூசுவாங்க, புண்களும், சிரங்களும் பறந்து ஓடிடும். அக்கியில் பூசினால் எரிச்சல் தணிந்து குணமாகும். கண் பார்வை தெளிவடைய தான்றிக்காய் துளை நீருடன் கலந்து குடித்தால் நல்லது.  தான்றிக்காய் எண்ணெய்  சோப்பு தயாரிக்கவும், கூந்தல் வளரவும் இப்போ பயன்படுத்தறாங்க.

அம்மை நோய் குணமாக வேண்டுமா, தான்றிக்காய் தோலை சேகரித்து சூரணம்  செய்து தேனில் கலந்து சாப்பிடுங்க. என் பழத்தின் சாறு சிறந்த கிருமிநாசினி.  தோல் பதனிடவும் பயன்படுத்தலாம்.   என் இலைகள் கால்நடைநடைகளுக்கு விருந்து. குறிப்பா, கறவை மாடுகளின் பால் பெருக்கத்துக்கு இது சிறந்த தீவனம்.

புதுக்கோட்டை மாவட்டம், குடுமியான் மலை, தான்றீஸ்வரம் விலக்கு, அருள்மிகு தான்றீஸ்வரர்,  சிவகங்கை மாவட்டம், மானாமதுரை, பஞ்சபூதேஸ்வரம் அருள்மிகு ஸ்ரீமஹா பஞ்சமுக ப்ரத்யங்கிராதேவி திருக்கோவில்களில்  தலமரமாக இருக்கேன்.

நன்றி குழந்தைகளே, மீண்டும் சந்திப்போம். 
(வளருவேன்)

- பா.இராதாகிருஷ்ணன்

]]>
https://images.dinamani.com/uploads/user/imagelibrary/2020/2/15/w600X390/15sm1.gif https://www.dinamani.com/weekly-supplements/siruvarmani/2020/feb/15/மரங்களின்-வரங்கள்-3358454.html
3358452 வார இதழ்கள் சிறுவர்மணி அங்கிள் ஆன்டெனா Saturday, February 15, 2020 03:40 PM +0530
கேள்வி: யானைகளுக்கு மட்டும் ஏன் அவ்ளோ பெரிய காதுகள்?

பதில்: உலகின் மிகப் பெரிய விலங்கினத்தைச் சேர்ந்த யானைக்கு இருக்கும் வித்தியாசமான உறுப்புகள் அதன் தும்பிக்கை, கொம்புகள் மற்றும் காதுகள். சரி, இந்தக் காதுகள் ஏன் இவ்வளவு பெரியதாக இருக்க வேண்டும்? 
சில யானைகளின் காதுகள் 22 சதுர அடி நீளம் வரை இருக்கும். இந்தக் காதுகள் அதன் கேட்கும் திறனை அதிகரிப்பதில்லை. எல்லோருக்கும் கேட்பது போலத்தான் அதற்கும் கேட்கும். இந்தக் காதுகளின் சிறப்பம்சம்:  யானையின் உடலைக் கூலாக அதாவது குளிர்ச்சியாக வைத்திருப்பதற்குத்தான் இவ்ளோ பெரிய காதுகள்!

சாதாரணமாக யானைகள் ஆசியா மற்றும் ஆப்ரிக்கா போன்ற மிகவும் வெப்பமான பிரதேசங்களில் வாழ்கின்றன.யானை இருக்கும் சைசுக்கு (அளவுக்கு) எப்போதும் குளிர் காற்று வீசினால்தான் அதன் உடம்பைக் குளிர்ச்சியாக, வெப்பத்தினால் ஏதும் பாதிப்பு ஏற்படாதபடி பார்த்துக் கொள்ள முடியும். வெப்ப பிரதேசங்களில் இந்தச் சலுகை யானைக்குக் கிடைப்பதில்லை. மேலும் நீருக்குள் இறங்கி தண்ணீரை வாரி இறைத்து உடம்பைக் குளிரச் செய்து கொள்ளவும் வெப்பமான இடங்களில் நீர் அவ்வளவாகக் கிடைப்பதில்லை.

ஒரே வழி, பெரிய விசிறிதான். அந்த விசிறியாகப் பயன்படுகிறது யானையின் காதுகள். அதனால்தான் யானை எப்போதும்  தனது காதுகளை இப்படியும் அப்படியுமாக அசைத்துக் கொண்டே இருக்கிறது. இதனால் தனது உடம்பின் வெப்ப நிலையைச் சமன்படுத்திக் கொள்கிறது யானை.

மேலும் நீரைக் கண்டால் யானைக்குக் கொண்டாட் டம்தான். நீங்களே பார்த்திருப்பீர்கள் படங்களில்,  யானை தனது தும்பிக்கையால் நீரை உறிஞ்சி தனது மேலே பீய்ச்சியடித்துக் கொண்டிருக்கும் காட்சியை..
- ரொசிட்டா

அடுத்த வாரக் கேள்வி பசுக்களால் நீச்சல் அடிக்க முடியுமா?

பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம் 
நல்ல பதில் கிடைக்கும்.

]]>
https://images.dinamani.com/uploads/user/imagelibrary/2020/2/8/w600X390/sm13.jpg https://www.dinamani.com/weekly-supplements/siruvarmani/2020/feb/15/அங்கிள்-ஆன்டெனா-3358452.html
3358453 வார இதழ்கள் சிறுவர்மணி நூல் புதிது! Saturday, February 15, 2020 03:40 PM +0530 நூல் புதிது

]]>
https://images.dinamani.com/uploads/user/imagelibrary/2020/2/15/w600X390/nool.gif https://www.dinamani.com/weekly-supplements/siruvarmani/2020/feb/15/நூல்-புதிது-3358453.html
3358451 வார இதழ்கள் சிறுவர்மணி பிஞ்சுக் கை வண்ணம்! Saturday, February 15, 2020 03:28 PM +0530
""ஓட்டு வீட்டுக்குள்ளே 
ஆட்டம் போடலாமா?''

எம்.மோதிஷ், 2 - ஆம் வகுப்பு, டி.ஏ.வி. பள்ளி, ராணிப்பேட்டை.

""மரத்துக்குள்ளே 
ஒரு வீடு 
பறவைகளுக்கும் 
பல கூடு!''

பி.சஷிஹரன், 4 - ஆம் வகுப்பு, சாங்வின் மெட்ரிக் பள்ளி, 
குருமந்தூர் - 638457 

""அழகான வீடுதான்!
ஆனா கேட்டு போட்டிருக்கு!''

வெ.ஸ்ரீநிவாஸ், 1 - ஆம் வகுப்பு, உதயம் நர்சரி, 
பிரைமரி பள்ளி, திருச்சேறை, 
கும்பகோணம்.

 

""பழங்கள் நிறையக் 
காச்சுத் தொங்குது 
பறவைகளும்  பறந்து 
வருகுது!''

ஆர்.அஸ்வின் சிதம்பரம், 
1 - ஆம் வகுப்பு, டி.ஏ.வி. மேல்நிலைப்பள்ளி, 
ஆதம்பாக்கம், 
சென்னை- 600088.

""அற்புதமான ஓவியம்!
அழகுச் செடிகள் 
அருகினில்!''

ஏ.முகமது அர்ஷக்,
1 - ஆம் வகுப்பு, 
நேஷனல் மெட்ரிக் ஹையர் செகண்டரி பள்ளி, மேட்டுப்பாளையம்.

""கோட்டை ஒண்ணு 
கட்டினேன்
நாட்டைக் காக்க வேண்டியே!''

வி.வசுதா, 3 -ஆம் வகுப்பு, 
கேந்திரிய வித்யாலயா, 
தாம்பரம்.

]]>
https://images.dinamani.com/uploads/user/imagelibrary/2020/2/15/w600X390/sm1.gif https://www.dinamani.com/weekly-supplements/siruvarmani/2020/feb/15/பிஞ்சுக்-கை-வண்ணம்-3358451.html
3352691 வார இதழ்கள் சிறுவர்மணி பிஞ்சுக் கை வண்ணம்! DIN DIN Saturday, February 8, 2020 10:51 PM +0530 பிஞ்சுக் கை வண்ணம்!

]]>
https://www.dinamani.com/weekly-supplements/siruvarmani/2020/feb/08/பிஞ்சுக்-கை-வண்ணம்-3352691.html
3352686 வார இதழ்கள் சிறுவர்மணி அங்கிள் ஆன்டெனா   -ரொசிட்டா DIN Saturday, February 8, 2020 10:49 PM +0530  


கேள்வி: ரயில் தண்டவாளத்தில் கட்டைகளுக்குக் கீழே ஏன் கற்களைக் கொட்டி வைக்கிறார்கள்?
பதில்: தண்டவாளங்களுக்கு இடையே உள்ள கற்களுக்கு ஆங்கிலத்தில்  டிராக் பேலஸ்ட் (Track Ballast) தண்டவாளத்தில் இருக்கும் கட்டைகளுக்குப் பெயர் ஸ்லீப்பர் (Sleeper).
இந்த ஸ்லீப்பர்கள் முற்காலத்தில் மரக்கட்டைகளால் அமைக்கப்பட்டன. தற்காலத்தில் கான்க்ரீட் பிளாக்குகளால் அமைந்திருப்பதைக் கவனித்திருப்பீர்கள். இது நவீன கால முன்னேற்றம்.
சரி, கற்களை ஏன் கொட்டி வைக்க வேண்டும்.
இந்தக் கற்கள் எல்லாம் ஒரே அளவைக் கொண்டிருக்கும். இதற்கும் இந்த அளவில்தான் இருக்க வேண்டும் என்று ஒரு கணக்கு இருக்கிறது. அளவு மாறினால் ஆபத்து.
இந்தக் கற்கள் அவ்வளவு சீக்கிரம் காற்றாலோ வேறு விதமாகவோ இடம் மாறாதவை. அப்படியே அசையாமல் கிடக்கும். அந்த அளவுக்கு இறுக்கமாக அமைக்கப்பட்டிருக்கும்.
மழை பெய்தாலும் இவை இடம் மாறாமல் இருந்து தண்டவாளத்துக்கு ப் பாதிப்பு வராமல், அந்தக் கட்டைகளை இப்படி அப்படி அசையாமல் பார்த்துக் கொள்ளும், மேலும் தண்டவாளத்துக்கு இடையே செடிகள் முளைத்து இடையூறு ஏற்படாமலும் பார்த்துக் கொள்ளும்.
தண்டவாளக் கட்டைகளை இறுக்கமாக வைத்திருக்கும் வேறுவிதமான பாதிப்புகள் வராமல் இருப்பதற்கும்தான் இந்தக் கற்கள்.

]]>
https://images.dinamani.com/uploads/user/imagelibrary/2020/2/8/w600X390/sm13.jpg https://www.dinamani.com/weekly-supplements/siruvarmani/2020/feb/08/அங்கிள்-ஆன்டெனா-3352686.html
3352675 வார இதழ்கள் சிறுவர்மணி குருவிக்கு ஒரு கூடு! - பரிதி இரா.வெங்கடேசன் DIN Saturday, February 8, 2020 10:45 PM +0530 கூடிக் குரலெழுப்பும் - சிட்டுக் 
குருவிகள் கூட்டத்தைத் 
தேடிப் பார்க்கின்றேன் - கண்ணில் 
தென்பட வேயில்லை

மின்னணுக் கதிர் வீச்சு - கேபிள் 
விண்ணுயர் கோபுரங்கள் 
சொன்னார் அறிவியலார் - குருவியைத்
துரத்தி விடுகிறதாம்!

ஊரைச் சுற்றி மாடி - வீடுகள் 
உயர்ந்து நிற்பதனால் 
கூரை வீடுகளும் - விரைவாய்க் 
குறைந்து போயினவே!

உத்திரம் வாரைகள்  - கூரையை
உயர்த்தும் கழி, கம்பம்
மொத்த மாகக் காணோம் - எனினும் 
முயன்றால் புதுமை வரும்

செயற்கைக் கூடுகளை - முயன்றே 
தேர்வோம் விதவிதமாய்
உயர்ந்த தளத்தடியில் - சிட்டுகள் 
உறைவிடம் காணட்டும்!

தானிய மணிகளையும் - கீழே 
தரையில் விசிறிடுவோம்
ஏனினி சந்தேகம்? - சிட்டுகள் 
இனமும் பெருகிவிடும்!

 

]]>
https://images.dinamani.com/uploads/user/imagelibrary/2020/2/8/w600X390/sm12.jpg https://www.dinamani.com/weekly-supplements/siruvarmani/2020/feb/08/குருவிக்கு-ஒரு-கூடு-3352675.html
3352670 வார இதழ்கள் சிறுவர்மணி மரங்களின் வரங்கள்!: ஒளி, ஒலி தடுப்பான் - நெட்டிலிங்க மரம் --பா.இராதாகிருஷ்ணன் DIN Saturday, February 8, 2020 10:44 PM +0530 குழந்தைகளே நலமா?

நான் தான் நெட்டிலிங்க மரம் பேசுகிறேன். முதலில் நான் என்னை அறிமுகப்படுத்திக் கொள்கிறேன். பலர் என்னை அசோக மரம் என்று நினைத்துக் கொள்கிறார்கள். நான் வேறு, அவர் வேறு என்பதைப் புரிந்து கொள்ளுங்கள் குழந்தைகளே. எனது அறிவியல் பெயர் பாலியால்தியா லாங்கிபோலியா என்பதாகும். நான்அனோனாசேயே குடும்பத்தைச் சேர்ந்தவன். நான் சுமார் 50 அடி வரை மெலிந்து கூம்பு வடிவில் வளருவேன். அதாவது, லிங்க வடிவில் நீளமாக நீண்டு இருப்பதால் என்னை நெட்டிலிங்க மரமுன்னு அழைக்கிறாங்க. நான் ரொம்ப அடக்கமானவன். அதனால் நான் கிளைகளைப் பரப்பி வளர மாட்டேன். நான் இலங்கை மற்றும் வங்காளத்தைத் தாயகமாகக் கொண்டவன். என் பூக்களோ, பழங்களோ கவர்ச்சியானவைகளல்ல குழந்தைகளே. நான் ரொம்ப மிருதுவானவன்.

பங்களா வீடுகளின் முகப்புகளிலும், கட்டடங்களின் முன்புறமும், பூங்காக்களின் ஓரங்களிலும் என்னை விரும்பி வளர்க்கிறாங்க. அதிமாக நீர் செழிப்புள்ள இடங்களிலும் நான் இயல்பா வளருவேன். இன்று காற்று மாசுக்கு காரணம் வாகனங்களிலிருந்து வரும் புகை தான் என்பதை நீங்கள் நன்கு அறிவீர்கள் குழந்தைகளே. அந்தக் புகை மாசை கட்டுப்படுத்தும் திறன் எங்கிட்ட இருக்கு. நான் தூசி, ஒலி, ஒளி மாசு போன்றவற்றை வடிகட்டி உங்களைக் காக்கும் அரணாக இருக்கிறேன். தூசுகளை சுத்தம் செய்யும் சல்லடை நான்.

என் இலைகள் நீளமாகவும், ஓரங்கள் வளைந்தும், பளபளப்பாகவும் காணப்படும். பொதுவா, பிப்ரவரி மாதத்தில் என் இலைகளின் கோணப்பகுதியில் பூக்கள் உருவாகும். என் பூக்கள் வெளிர்ப்பச்சை நிறத்தில் நட்சத்திர வடிவிலிருக்கும். ஒரு கொத்தில் 8 பூக்கள் இருக்கும். இந்தப் பூக்கள் பின்னாளில் பச்சை நிறக் காய்களாக மாறும். என் காய்கள், பழங்கள் உருளை வடிவிலிருக்கும். என் அன்பான பறவைகள் என் பழங்களை விரும்பி உண்ணுவாங்க.

என் இலைகள் விழாப் பந்தல்களில் பந்தக்கால்களை அழகுபடுத்தப்படுத்த பெருமளவில் பயன்படுது. சிலர் மாலைகள் தொடுக்கவும் என் இலைகளைப் பயன்படுத்தறாங்க. ஏன்னா, என் இலைகள் சீக்கிரம் வாடாது. அவைகள் இரண்டு நாட்கள் வரை பசுமையாக இருக்கும்.

என் மரத்தின் இலை மற்றும் பட்டைபூஞ்சைக் கிருமிகளை அழித்து படையினால் தோன்றும் புண்களைப் போக்கும். என் மரத்தின் இலைகளை மையமாக அரைத்து பூஞ்சை கிருமியால் தோன்றிய அரிப்புள்ள இடங்களில் தடவி வந்தால் படை இருக்கவே இருக்காது. என் இலைகளை நீரில் போட்டு கொதிக்க வைத்து கஷாயம் செய்து குடித்து வந்தால் வயிற்றுக் கிறுமிகள் நீங்கும். ஆனால், குழந்தைகளே, குறைந்த அளவு மட்டுமே குடிக்க வேண்டும். அளவுக்கு மீறினால் அமிழ்தமும் நஞ்சு என்பதை மறந்துடாதீங்க. என் பட்டையை நீரில் போட்டு கொதிக்க வைத்து வடிகட்டி, அதைக் கொண்டு படையுள்ள இடங்களில் படையால் ஏற்பட்ட கருமை நிறம் குறையும். புற்றுநோயை விரட்டும் தன்மையும், எச்.ஐ.வி. யின் வீரியத்தைக் குறைக்கும் தன்மையும் எங்கிட்ட இருக்குன்னு சமீபத்துல கண்டுபிடிச்சிருக்காங்க. என் இலைச்சாறு சர்க்கரை வியாதிகாரர்களுக்கு அருமருந்து.

என் மரத்தில் உள்பட்டையிலிருந்து வலுவுள்ள நாரும் உரித்தெடுக்கிறாங்க. என் மரத்தின் வைரப்பகுதி வெண்மையாகவோ அல்லது சிறிது மஞ்சள் சாயத்துடனோ இருக்கும். நான் கனமில்லாமல் மிருதுவாக இருப்பதால் மரப் பீப்பாய்கள், முரசுகள், பெட்டிகள், பென்சில், தீக்குச்சிகள் போன்றவை செய்ய நான் பயன்படறேன். கட்டுமானப் பணிகளுக்கும், சட்டங்கள் செய்யவும் என்னை நீங்க பயன்படுத்தலாம். உங்களுக்கு அதிகமாக இருமல் இருக்கா, கவலைப்படாதீங்க, என் இலையை அல்லது பட்டையை கஷாயம் செய்து குடிங்க, இருமல் இருந்த இடம் தெரியாது. என் இலையிலுள்ள வேதிப் பொருள்கள், பாக்டீரியாக்களை உங்கள் உடல்களில் அண்டச் செய்யாது.

என் மரத்த்தின் பட்டையை நீரில் ஊற வைத்து, அந்த நீரைக் குடித்தால் சீதபேதி சட்டுன்னு குணமாயிடும். இப்போயெல்லாம் என் பட்டையிலிருந்து உடம்பு சூட்டினைப் போக்கும் மருந்துகளை தயாரிக்கிறாங்க. உங்கள் வீட்டின் முகப்பிலும், பூங்காக்களிலும் என்னை வளர்த்தீங்கனா நான் என்றும் உங்களுக்கு நன்றியுடையவனாக இருப்பதோடு சிறந்த மாசுத் தடுப்பானகாவும், ஒலியையும். தூசியையும் தடுத்து உங்கள் வீட்டை சுத்தமா வச்சிருக்க நான் உதவுவேன். மிக்க நன்றி குழந்தைகளே, மீண்டும் சந்திப்போம்.

(வளருவேன்)

]]>
https://images.dinamani.com/uploads/user/imagelibrary/2020/2/8/w600X390/sm11.jpg https://www.dinamani.com/weekly-supplements/siruvarmani/2020/feb/08/மரங்களின்-வரங்கள்-ஒளி-ஒலி-தடுப்பான்---நெட்டிலிங்க-மரம்-3352670.html
3352662 வார இதழ்கள் சிறுவர்மணி விடுகதைகள் DIN DIN Saturday, February 8, 2020 10:40 PM +0530 1. கண்களுக்கு இது அலங்காரம்தான், ஆனால் பார்வைக்கு உத்தரவாதம்...
2.  தோல்கலை உரித்தால் முத்து வரும்...
3.  முகம் காட்டினால் முகம் தெரியும் முதுகு காட்டினால் முதுகு தெரியாது...
4. அத்துவானக் காட்டில் தொங்கும் இனிப்புப் பொட்ட லத்துக்கு ஆயிரம் பேர் காவல்...
5. சின்னப் பெட்டிக்குள் சிங்கார கீதம் ஆயிரம்...
6.  கைக்குள் அடங்கும் பிள்ளை கதை நூறு சொல்லும் பிள்ளை..
7.  ஒற்றைப் பெண்ணுக்கு ஓராயிரம் புடவை...
8. குழந்தைக்கு எந்தக் கை பலமான கை?


விடைகள்


1.  மூக்குக் கண்ணாடி
2. பூண்டு
3. முகம் பார்க்கும் கண்ணாடி  
4. தேன்கூடு
5. ஆர்மோனியப் பெட்டி
6.  புத்தகம்
7.  வெங்காயம்
8. அழுகை

]]>
https://www.dinamani.com/weekly-supplements/siruvarmani/2020/feb/08/விடுகதைகள்-3352662.html
3352657 வார இதழ்கள் சிறுவர்மணி அரங்கம்: கல்வெட்டு என்.எஸ்.வி.குருமூர்த்தி DIN Saturday, February 8, 2020 10:39 PM +0530
காட்சி - 1

இடம் - பூங்கா
மாந்தர் - கல்வெட்டு ஆராய்ச்சியாளர்கள் - சாமி, அவர் நண்பர் சுந்தரம், கேடி ரங்கன் அவன் நண்பன் கில்லாடிமுருகன்
சாமி - வாங்க சுந்தரம்.. காந்தி சிலை பின்னால்
உங்களுக்காகத் தான் காத்திருக்கேன்.
சுந்தரம் - இது தானே நாம வழக்கமா சந்திக்கும் இடம். வர்ற வழியில் பஸ் பிரேக் டவுன், வேறே பஸ் பிடிச்சு வர்றேன்.. இந்தாங்க நல்லூர் சிவன் கோயில் சுவர் கல்வெட்டு பிரதி
(ஓரு காகிதச் சுருளை நீட்டுகிறார்.)

சாமி - தஞ்சாவூர் பள்ளி அக்ரஹார கல்வெட்டில் இந்தக் கோயிலைப் பற்றி ஒரு குறிப்பு இருக்கு. தங்கப் புதையல் இருக்கும் இடத்தைப் பற்றிய ரகசிய சங்கேதக் குறிப்புகள் இதில் தெளிவா இருக்கு!....
(அப்போது சிலைக்கு மறுபுறம் கடலை உரித்து
சாப்பிடும் ரங்கன் இதைக் காதில் வாங்குகிறான்)

கில்லாடி முருகன் - அண்ணே.. நாம பெரிய ஆளா ஆகணும்ன்னா எதுவும் புதையல் அகப்பட்டாதான் உண்டு.
ரங்கன் - (வாயில்ஆட் காட்டி விரலை வைத்து) உஷ் கவனமா கேளு!... (என மறு பக்கத்தைக் காட்டி சைகை செய்கிறான்)

சாமி - அந்தக் காலத்தில் மாமன்னர்கள் இறந்து விட்டால் உடல் எரிக்கப்பட்டு அவர்களின் சாம்பலை ஒரு தங்கக் குட த்தில் வைத்து கோயில் அருகில் கோயில் மூலவர் சிவலிங்கத்துக்கு நேர் பின் புறம் பிரகாரத்தில் ஒரு மேடை கட்டி உள்ளே வைத்து அதன் மேல் சிறு சிவலிங்கம் வைத்திருப்பார்கள். உள்ளே நவரத்தினங்கள், மன்னரின் அணிகலன்கள், வாள் எல்லாம் இருக்கும்.
சுந்தரம் - இதை எப்படியோ தெரிந்து கொண்டு பல கோயில் பிரகாரங்களில் இருந்த மேடைகளை இடித்து புதையலை சில தீய சக்திகள் எடுத்து இருக்கிறார்கள். இந்த நல்லூரிலும் அப்படிச் செய்திருக்கிறார்கள். ரகசியம்!... வெளியே கசிந்தால் புதையலுக்கு ஆபத்து! நமக்கும் ஆபத்து. சரி, அடுத்தவாரம் நல்லூருக்குப் போறோம். போலீஸூடன் தொல்லியல் இலாக்கா ஆட்களுடன் தோண்டி புதையலை எடுக்கறோம். வரட்டுமா,.... நீங்க சங்கேதக் குறியீடுகளின் அர்த்தத்தை ஆராய்ச்சி செய்து வைங்க. இரவில் இடம் தெரியாது. பகலில் போய் சுண்ணாம்புக் கோடு போட்டு வச்சிட்டு இரவில் ஜெனெரேட்டர் வச்சுதான் தோண்டனும். இல்லாவிட்டால் மக்கள் கூடி விடுவார்கள்.
(இருவரும் போனதும்)

ரங்கன் - முருகா, காதில் விழுந்திச்சா!...... நல்லூருக்கு நாளைக்கே போறோம்!.... புதையலை எடுக்குறோம்!... பிரிச்சுக்குறோம். கோவில் எங்கே இருக்குன்னு தெரியுமில்லே?
முருகன் - என்னா இப்படி கேட்டுட்டீங்க.. அந்தக் கோயில் நடராஜர் ஐம்பொன் சிலையைத் தானே ஆஸ்திரேலியா பார்ட்டிக்கு விக்க என் வீட்டில் புதைச்சு ஒளிச்சு வச்சிருக்கோம்.
ரங்கன் - மெதுவா பேசுடா.. சரி நம்ம ஆளுங்களை தயாரா கடப்பாரை மண்வெட்டி சகிதம் இருக்கச் சொல்லு. நாளைக்கே நடு ராத்திரி தாண்டியதும் தோண்ட ஆரம்பிக்கிறோம்.

காட்சி 2

இடம் - நல்லூர் கோயில் சிவன் சந்நிதி
காலம் - இரவு எட்டு மணி
மாந்தர் - ரங்கன், முருகன், சில பக்தர்கள், கோயில் குருக்கள்

குருக்கள் - அபூர்வமாத்தான் மக்கள் இங்கே வர்றாங்க. மாமன்னர் ராஜராஜ சோழர் வழிவந்த ஒரு கடைசி சோழராஜா சமாதி வெளிப் பிரகாரத்தில் இருக்கறதா சொல்லிக்கறாங்க.
(பிரசாத விபூதியைத் தருகிறார்)

ரங்கன் - சாமி ரொம்ப வரலாற்று முக்கியம் வாய்ந்த கோயில் இதுன்னு நினைக்கிறேன்.
(திருநீரை பய பக்தியுடன் பெற்றுக் கொண்டு நூறு ரூபாய் தட்டில் போடுகிறான்.)

குருக்கள் - என்னத்தைச் சொல்ல .. இங்கிருந்த மூணடி உயர புராதான நடராஜர் ஐம்பொன் சிலை காணாமல் போயி ஒரு வருஷம் ஆவுது. போலீஸ் வாரா வாரம் வந்து போறாங்க. சின்ன கிராமம்.. இருட்டிட்டா ஜனங்க தெருவிலேயெ நடமாடறதில்லே.. யாரு எடுத்தாங்களோ.. மத்த சிலைகள் எல்லாத்தையும் டவுனில் உள்ள பெரிய சிவன் கோயில் சிலைகள் காப்பகத்துக்கு கொண்டு போ யிட்டாங்க....சரி, கோயிலைப் பூட்டணும் கிளம்பலாமா!
(குருக்கள் எல்லா கதவுகளையும் பூட்டிவிட்டுக் கிளம்புகிறார்....நடுஇரவு.. கோயிலின் பிரகாரச் சுவர் மேல் ஏணி வைத்து ஒருகும்பல் உள்ளே நுழைகிறது.)


காட்சி - 3
இடம் - கோவில் பிரகாரம்
மாந்தர் - ரங்கன், முருகன், திருட்டு கும்பல்

ரங்கன் - முருகா, ஆராய்சியாளர் சாமி பையில் இருந்த கல்வெட்டுச் சுருளை களவாடிகொண்டு வந்திட்டியே பலே!
முருகன் - பஸ்ஸில் அவர் பக்கத்தில் உட்கார்ந்து கிட்டு நைஸா பிளேடு போட்டு உருவிட்டேன்!...
ரங்கன் - சரி, நம்ம கிட்டே இருக்கிற கல்வெட்டு படிக்கிற ஆள் கோவிந்தனைக் கூப்பிடு!
(கோவிந்தன் காகிதச் சுருளைப் பிரித்து
தரையில் வைத்துப் படிக்கிறான்.)

கோவிந்தன் - செல் போன் லைட்டை நல்லா அடிங்கப்பா எழுத்து ரொம்ப லேசா தெரியுது. அச்சு தெளிவா இல்லே!
(கோவிந்தன் படிக்கிறான்) பாட்டு மாதிரி எழுதி இருக்கு.. ம் படிக்கிறேன்.. ராஜாதி ராஜ ஸ்ரீ விக்கிரம பூபதி பேரன் புகழ் வாழ்க..கொள்ளிடம் கரையில் பள்ளிப் படையில் உள்ள ராஜாதிஸ்ரீ பார்த்திபேந்திர மன்னரின் புகழ் வாழ்க புதல்வன் ஆன ராஜாதி ராஜஸ்ரீ விக்கிரமசோழரின் இறுதிக்கிரியை சாம்பல் அடங்கிய குடம் இங்கே மண்ணுக்குள் மாவீரன்....நந்தியின் பார்வை அநேக ஆசி...
முருகன் - ஒண்ணும் புரியலையே.”
கோவிந்தன் - என்னா புரியலே சமாதி மேடைக்கு மேல் சிவலிங்கம் சின்னதா இருக்கு அதன் முன் சின்ன நந்தி இருக்கா. அது திரும்பி எங்கோ பார்க்குது பார்.. அந்த கண் போற திசையில் மூலையில் தோண்டுங்கப்பா
முருகன் - கோவிந்தன் அண்ணே உங்க அறிவே அறிவு. தோண்டுங்கப்பா அந்த மூலையில் உள்ள பெரிய கல்லை நகர்த்துங்க
(ஆட்கள் தோண்ட)
ஒருவன் - “தலைவா.. ஒரு படிக்கட்டு மாதிரி உள்ளே போகுது..”
ரங்கன் - கல்லை நகர்த்தி எடுங்க.. உள்ளே இறங்குங்க
(அந்த படிக்கட்டுகள் கீழே செல்ல செல்போன் வெளிச்சத்தில் உள்ளே இறங்குகிறார்கள். அங்கே ஒரு விஸ்தாரமான கூடம் தென்படுகிறது)

முருகன் - அண்ணே சோழராஜ்யத்தின் மொத்த கஜானாவும் இங்கே தான் இருக்கு போல.. நிறைய பெட்டிகள் இருக்கே
கோவிந்தன் - அவசரப் படாதீங்க.. பெட்டிகளுக்குள் என்ன இருக்குன்ன்னு பார்க்கு முன் கொஞ்சம் கவனிங்க கீழே.. ஷூ காலடித் தடங்கள் நிறைய தென்படுது. போலீஸ் வந்திருக்கலாம் என உள்ளுணர்வு சொல்லுது
ரங்கன் - நமக்கு முன்னால் யார் எப்படி வரமுடியும்..சரி பெட்டிகளை மெதுவா மேலே கொண்டு போயிடுவோம்.
(அப்போது படார் படார் என எல்லா பெட்டிகளில் இருந்தும் மூடிகளைத் திறந்து கொண்டு ஆயுதம்
ஏந்திய காவல் படை வீரர்கள் எழுகின்றனர்.. ஒரு பெட்டியில் இருந்து குருக்கள் வருகிறார் ஒரு
பெட்டியில் இருந்து ஐஜி ராஜு எழுகிறார்)

குருக்கள் - சார் இந்த கயவாளிப் பசங்க தான் நடராஜர் சிலை காணாமல் போன முதல் நாள் கோயிலுக்கு வந்தானுங்க..., விடாதீங்க!
ஐ.ஜி.ராஜு - (துப்பாக்கியை நீட்டி) மரியாதையா சரண் அடைங்க.. இல்லாட்டி உங்க சமாதியும் இங்கே தான்.
(எல்லோரும் கையைத் தூக்கி சரண்
அடைகிறார்கள்.)

காட்சி 4
இடம் - சிலை கட த்தல் தடுப்பு பிரிவு அதிகாரி அலுவலகம்

மாந்தர் - ஐஜி ராஜு, குருக்கள், காவல் படை வீரர்கள் (சிறை கம்பிக்குப் பின்) சிலை திருடும் கும்பல்.
ராஜு - நடராஜர் சிலையை எடுத்து வர முருகன் வீட்டுக்கு காவலர்கள் போயிருக்காங்க.. ம்... சொல்லு ரங்கா..வேறே எந்தெந்த கோயில்களில் சிலை எடுத்தீங்க. அப்புறம் அருங்காட்சியகங்களில் என்ன பண்ணுனீங்க.. சிசி டிவி கேமிரா காட்டுது..மியூசியத்தில் அங்குமிங்கும் ஏன் அலையறீங்க?
ரங்கன் - ஐயா பழங்காலப் பொருட்களை அருங்காட்சியக மியூசியங்களில் இருந்து டூப்ளிகேட் செஞ்சு வச்சிட்டு ஒரிஜினலைத் திருடி விப்போம். சிலை எடுக்கறதுக்கு முந்தி இது தான் செஞ்சோம்

(அப்போது சாமியும் சுந்தரமும் உள்ளே வர)

ராஜு - ரொம்ப நன்றி. நான் சொன்ன மாதிரி பூங்காவில் நீங்க பேசினதுக்கு. முழுசும் இந்தப் பசங்க காதில் தெளிவா விழணுமேன்னு கவலையா இருந்தது.
சுந்தரம் - பஸ்ஸில் காகிதச் சுருள் வெளியே கண்ணில் படும் படி வச்சிருந்தேன் சார் நீங்க சொன்னபடி.
ராஜு - சுருள் காணாமல் போனதும் உஷாரானோம். இவங்க கூட்டத்தில் கல்வெட்டுகளை நம்மை விட தெளிவா படிச்சு புரிஞ்சு சொல்ல ஆள் இருக்கிறாங்கன்னு நம்ம உளவுத்துறை டிஎஸ்பி சொன்னார். கோவிந்தன் கல்வெட்டு படிக்கும் திறமைஅபாரம்..இவனை எகிப்துக்கு அனுப்பிச்சா பிரமிடு ரகசியங்களையே படிச்சு சொல்லிடுவான்
சாமி - ஆனா நல்ல திசையில் புத்தி போகலையே. ஒருவனுடைய திறமையை ஆக்கவேலைக்குத் தான் பயன் படுத்தணும்.
ராஜு - உண்மை தான் சார்.. இந்தக் கேடிப் பசங்க பிற்காலத்தில் வருவாங்கன்னு தெரிஞ்சு தான் மாபெரும் பொக்கிஷங்களை மறைச்சு வச்சு கல்வெட்டுகளில் சங்கேதமா குறிச்சுட்டுப் போயிட்டாங்க முன்னோர்கள். ஆனா பல பொக்கிஷ புதையல்களை கண்டு பிடிக்கவே முடியலே. மண்ணுக்குள்ளேயே இருக்கு.
சுந்தரம் - ஒரு ஆய்வு என்ன சொல்லுதுன்னா. பூமிக்கு மேலே மக்கள் கைகளில் உள்ள தங்கத்தின் அளவை விட நூறு மடங்கு மூழ்கிய கப்பல்களிலும், புதையலாக மண்ணில் புதையுண்டும் தங்கம் இருக்காம்.
(அப்போது மேள தாள நாதஸ்வர முழக்கம் கேட்க)

ராஜு - முருகன் வீட்டில் இருந்து கைப்பற்றப்பட்ட நடராஜர் விக்கிரகத்தை பக்தர்கள் ஊர்வலமா எடுத்துப் போய் கோயிலில் திரும்பவைக்கப் போறாங்க.
(சிலையைத் தூக்கி வரும் பக்தர்கள் ஒரு நிமிடம் காவல் நிலைய வாசலில் நிற்க குருக்கள் தீபாராதனை செய்கிறார். எல்லோரும் வணங்குகிறார்கள்)
சாமி -மீண்டும் விக்கிரகம் அங்கே கிராமத்து கோயிலில் இருக்கலாமா
ராஜு - ஒரு வாரம் இருந்ததும் அது சிலைகள் காப்பகத்துக்குப் போயிடும். ஒண்ணு தெரியுமா சார்.. இப்போ எல்லாம் நான் கோயிலுக்குப் போனால் பக்தியை மிஞ்சி என்னை அறியாமல் அங்கிருக்கும் விக்கிரகம் உண்மையானது தானா ? இல்லே கயவர்களால்மாற்றி வைக்கப்பட்ட ஒன்றா? என்ற எண்ணமே கண் முன்னால் நிக்குது. கள்வர்கள் மனதில் இது எத்தனை ஆயிரம் வருஷம் பழசு? எத்தனை கோடிக்குப்போகும்? என்ற எண்ணம் வருகிறது.
சுந்தரம் - தீய எண்ணமுடைய கள்வர்களை மட்டுமா படைக்கிறார் கடவுள். அதைக் கண்டுபிடிக்க உங்களைப் போன்ற அதிகாரிகளையும் தான் படைக்கிறார்.
ராஜு - அது மட்டுமா.. கல்வெட்டுகளை ஆராய்ந்து எங்களுக்கு விளக்கம் சொல்ல சுந்தரம், சாமிகளையும் கூடவே படைக்கிறார்.
(கல்வெட்டு ஆய்வாளர்கள் இருவரும் சிரிக்கின்றனர்)

(திரை)

]]>
https://images.dinamani.com/uploads/user/imagelibrary/2020/2/8/w600X390/sm10.jpg https://www.dinamani.com/weekly-supplements/siruvarmani/2020/feb/08/அரங்கம்-கல்வெட்டு-3352657.html
3352639 வார இதழ்கள் சிறுவர்மணி கடி DIN DIN Saturday, February 8, 2020 10:33 PM +0530 ""உங்க ஊர்லே பெரிய மனுஷங்க யாராவது பிறந்திருக்காங்களாடா?''
""இல்லையே!.... எல்லோரும் குழந்தையாத்தான் பிறந்திருக்காங்க!''

எஸ்.சடையப்பன், திண்டுக்கல்.



""உன்னோட ஹோம் ஒர்க்கை அம்மாவை விட்டு எழுதச் சொல்றியா?''
""என்ன சார் பண்றது?.... அப்பா ஊருக்குப் போயிருக்காரு!''

நாகராஜன், சென்னை - 600075.


""தூங்கற புலியை எழுப்பினா?''
""வெரி ஈஸி!.... முழிச்சுக்கும்!''

பர்வதவர்த்தினி, சென்னை.

 

""டேய், ப்ளேன்லே கருப்பட்டி இருக்குமாமே!.... அப்படியாடா?''
"" அது கறுப்புப் பெட்டிடா!''

எஸ்.மோகன், கோவில்பட்டி - 628501.


""இங்க பாரு, தம்பிப் பாப்பா ஈசியா சேர்லே ஏறிட்டான்!''
""அது ஈ.சி. சேர் ஆச்சே!''

டி.மோகன்தாஸ், நாகர்கோயில்.

""அடையைச் சுட்டுக் கோழிக்குப் பக்கத்திலே வைக்கணும்!''
""ஏன்?''
""கோழிதானே அடை காக்கும்!''

ஆர். பூஜா, சென்னை - 600001.

]]>
https://images.dinamani.com/uploads/user/imagelibrary/2020/2/8/w600X390/sm9.jpg https://www.dinamani.com/weekly-supplements/siruvarmani/2020/feb/08/கடி-3352639.html
3352615 வார இதழ்கள் சிறுவர்மணி குறள் நெறிக் கதைகள்!: மூட அரசனும் முட்டாள் பண்டிதனும் என். லக்ஷ்மி பாலசுப்ரமணியன் DIN Saturday, February 8, 2020 10:28 PM +0530 முமுன்னொரு காலத்தில் "விக்கிரமன்' என்றொரு அரசன் வாழ்ந்து வந்தான். அவனுக்கு "பிருங்கி' என்ற பெயரில் முட்டாள் ஒருவன் அமைச்சராக இருந்தான். அவனே அந்த நாட்டில் தலைமைப் பண்டிதன்.
வறுமையில் வாடிய புலவர்கள் அரசனைப் புகழ்ந்து பாடிப் பரிசுகள் பெற்றுச் செல்லலாம் என வருவர். அவர்களிடம் இந்த முட்டாள் மந்திரி, "" உங்கள் பாட்டில் அது சரியில்லை ! இது சரியில்லை! எழுத்துப் பிழை உள்ளது!'' என்று கூறி பரிசு பெற விடாமல் தடுத்து விடுவான். அப்படி மீறிப் பரிசு கொடுக்க மன்னன் நினைத்தால் "பாட்டில் விஷயம் ஒன்றும் இல்லை! அப்படி நீங்கள் பரிசு கொடுக்க நினைத்தால் ஓலைச் சுவடியின் எடைக்கு எடை நாணயங்கள் கொடுத்தால் போதும்!'என்று கூறி விடுவான்.
அப்படி யாராவது ஒரு புலவர் அவனை எதிர்த்துப் பேசினால் அவர் தலையை மொட்டை அடித்து ஒரு பக்க மீசையை மழித்து விட்டுக் கழுதை மேல் அவர்களை ஏற்றி ஊர்வலம் வரச் செய்து ஊர்க் கோடியில் உள்ள திடலில் இறக்கி விடுவான். இதனால் மன்னரிடம் ஒருவரும் நெருங்க முடியவில்லை.வேறு மந்திரிகள் யாராவது நாட்டின் நிலையைப் பற்றிக் கூற விரும்பினால் அதையும் எதையாவது பேசித் தடுத்து விடுவான்.
அந்த முட்டாள் பண்டிதனுக்கு சில பேர் உதவியாளர்களாக இருந்தனர். அவர்கள், அவன் கூறுவதற்கு எல்லாம் "ஆஹா! ஓஹோ!'என்று கூறிக் கொண்டே இருந்தனர்.
இப்படி இருக்கையில் அந்த முட்டாள் அமைச்சனை புலவர் ஒருவர் எதிர்த்துப் பேசி விட்டார்! உடனே அவரைக் கழுதை மேல் ஏற்றி ஊர்வலம் வரச் செய்து கொண்டிருந்தனர்அமைச்சரின் சீடர்கள்! அந்த வழியே பயணம் செய்து கொண்டிருந்த "சத்திய சீலன்' என்ற வியாபாரி இதைக் கண்டான்.அவன் தன் பெயருக்கு ஏற்றார் போல் சத்திய சீலனாகவே விளங்கினான். அவன் பல நாடுகளுக்கும் பயணம் செய்து பல மொழிகள் பேசக் கற்று இருந்தான்.
அவன் அங்கு கூடி இருந்த மக்களிடம் காரணம் கேட்டான். மிகவும் மனம் வருந்தினான். அமைச்சர் பிருங்கியின்சீடர்களால் அவமானப் படுத்தப் பட்ட புலவரை அழைத்தான்.
""அப்பண்டிதானால் அவமானப் படுத்தப்பட்ட உங்களில் சிலர் எனக்கு உதவினால் அவனுக்குத் தக்க பாடம் கற்பிக்கலாம்! அவனை இந்நாட்டை விட்டே துரத்தி விடலாம்!'' என்று கூறினான். புலவரும் ஒத்துக் கொண்டார். சத்தியசீலன் தனது திட்டத்தைக் கூறினான். புலவர் உடனே தனது நண்பர்கள் சிலரை அழைத்து இத்திட்டத்தை செயல் படுத்த உதவுமாறு வேண்டினார். அவர்களும் ஒத்துக் கொண்டனர்.
அதன்படி மறுநாள் சத்தியசீலன் தனது தோற்றத்தை ஒரு பண்டிதன் போல் மாற்றிக் கொண்டான். பிருங்கியால் அவமானப் படுத்தப் பட்ட புலவர்கள் மாறு வேடமணிந்து தங்களது அடையாளத்தை மறைத்துக் கொண்டனர்.
அவர்கள் அரண்மனைக்குச் சென்றனர். மன்னரிடம் சென்று, பண்டிதன் வேடத்தில் இருந்த சத்தியசீலனைக் காட்டி, ""மன்னா!இவர் ஒரு மிகப் பெரிய அறிவாளி! இவர் காந்தார தேசத்திலிருந்து வந்துள்ளார். உங்கள் புகழ் காந்தார தேசம் வரை பரவி இருப்பதாகவும் உங்களைப் புகழ்ந்து பாட விரும்புவதாகவும் கூறுகிறார்!'' என்றனர்.
இதைக் கேட்ட அரசவைப் பண்டிதர் பிருங்கி, ""எங்கே உங்கள் பாடலைக் கூறுங்கள் கேட்போம்!''என்றார். உடனே சத்தியசீலன் தன் பையில் இருந்து கருங்கல் பலகை ஒன்றை எடுத்து அரசனிடமும் அவையோரிடமும் காட்டினான். ஓலைச் சுவடியை எதிர் பார்த்த பிருங்கிக்கு இது அதிர்ச்சியாக இருந்தது. சத்திய சீலன் காட்டிய கருங்கல் பலகையில் வேற்று மொழியில் ஏதோ எழுதப் பட்டிருந்தது. மன்னர் உடனே தன் அருகில் இருந்த அமைச்சர் பிருங்கியிடம் ""உங்களுக்குத் தான் பல மொழிகள் தெரியுமே! அதில் என்ன எழுதப் பட்டுள்ளது? படியுங்கள்!'' என்றார்.
தமிழைத் தவிர வேறு எந்த மொழியையும் அறியாத பிருங்கி, ""மன்னா! நான் படிப்பதைக் காட்டிலும் அந்த காந்தார நாட்டு பண்டிதரையே படிக்கச் சொல்லிக் கேட்கலாம்!'' என்று கூறிவிட்டு, ""புலவரே ! உங்கள் கவிதையைப் படியுங்கள் அனைவரும் கேட்கலாம்!''என்றான்.
அறிஞர் வடிவில் இருந்த சத்திய சீலன் கவிதையைப் படிக்கத் தொடங்கினான்.

“மே பிருங்கி ஏக் புத்தூ ஹூம்!
முஜ்கோ காம் தியா தா ஏ மஹா ராஜா
பஹுத் படா புத்தூ ஹை !”

இதன் அர்த்தம் எதுவும் புரியாத பிருங்கி, ""ஆஹா! அருமை! அருமை! திருக்குறள் போல் இரண்டே வரிகளில் உம்மைப் பற்றி இவர் சிறப்பாக எழுதியுள்ளார்!'' என்றார்.
""அதில் பிருங்கி என்று உங்கள் பெயர் ஏன் வருகிறது?'' என்று கேட்டார் அரசர்.
""மஹாராஜா! உங்களால் பிருங்கியாகிய எனக்கும் பெருமை என்று எழுதி இருக்கிறார்!'' என்றார் பிருங்கி. மேலும் அரசரிடம் ""இக்கல்வெட்டின் எடைக்கு எடை பொன் அளிக்கலாம்! அத்தகைய சிறப்பு வாய்ந்தது இந்தக் கவிதை ! நாளை இளவரசியாரின் சுயம்வரம் நடக்க இருக்கிறது! எனவே இக்கல்வெட்டை அரண்மனை வாயிலில் பதித்திடலாம்!'' என்றார்.
அவர் கூறியபடியே அரசனும் அந்த கல்வெட்டின் எடைக்கு எடை பொன்னையும் பொருளையும் பரிசாக அளித்தான்.அவை அனைத்தையும் பெற்றுக் கொண்டு அரண்மனையை விட்டு வெளியே வந்த சத்தியசீலன் பிருங்கியால் அவமதிக்கப் பட்ட புலவர் பெருமக்கள் அனைவருக்கும் அத்தொகையை சமமாகப் பகிர்ந்து அளித்தான்.
""புலவர் பெரு மக்களே !உங்கள் ஒத்துழைப்பிற்கு நன்றி! இச்செல்வத்தைக் கொண்டு நிலம் வாங்கி அதில் விவசாயம் செய்து பிழைத்துக் கொள்ளுங்கள்! இனி எக்காரணம் கொண்டும் கவிதை மற்றும் கவிஞர்களின் அருமையை உணராத இத்தகைய மூட அரசர்களிடம் பரிசில் வேண்டி செல்லாதீர்கள்!'' என்று கூறி விடை பெற்றுச் சென்றான்.
மறு நாள் இளவரசியாரின்சுயம்வரத்திற்கு வந்திருந்த வேற்று நாட்டு அரசர்களும் அவர்களுடன் வந்திருந்தவர்களும் அரண்மனை வாயிலில் இருந்த கல்வெட்டைப் பார்த்துத் திகைத்தனர்.சிலர் கைகொட்டி சிரித்தனர்.
இதைக் கண்டு திகைப்படைந்த அரசன், ""அந்தக் கல்வெட்டில் எழுதியிருப்பது என்ன?'என்று வேற்று நாட்டு மன்னன் ஒருவரிடம் கேட்டான். அதற்கு அவர் "பிருங்கியாகிய நான் ஒரு முட்டாள்! எனக்கு வேலை கொடுத்த இந்த மஹாராஜா ஒரு மிகப் பெரிய முட்டாள் என்று எழுதி இருக்கிறது!'' என்று அர்த்தம் கூறினார்.
இதைக் கேட்ட அரசன் பெரும் ஆத்திரம் அடைந்தான்.
""போயும் போயும் இதற்குப் பெரும் செல்வத்தைப் பரிசாக அளித்து இழந்தோமே! உன்னைப் போன்ற அமைச்சரை அருகில் வைத்திருப்பதற்கு பதில் நூறு பகைவர்களை அருகில் வைத்துக் கொள்ளலாம்!'' என்று கூறியபடியே பிருங்கிக்கு நூறு கசையடிகள் வழங்குமாறு உத்தரவிட்டான். இதைக் கேட்ட பிருங்கியின் சீடர்கள் தலைதெறிக்க ஓடினர்.
இதே கருத்தையே பொய்யாமொழிப் புலவரும் "அமைச்சு' அதிகாரத்தில்,
பழுதெண்ணும் மந்திரியின் பக்கத்துள் தெவ்வோர்
எழுபது கோடியுறும்' - (639 -வது குறள்) என்கிறார்.
இதன் பொருள் "அருகில் இருந்து கொண்டு தன் அரசனுக்குத் தீங்கு நினைக்கும் ஓர் அமைச்சனை விட எழுபது கோடிப் பகைவர்கள் இருந்தாலும் பாதகமில்லை !' என்பதாகும்.

]]>
https://images.dinamani.com/uploads/user/imagelibrary/2020/2/8/w600X390/sm8.jpg https://www.dinamani.com/weekly-supplements/siruvarmani/2020/feb/08/குறள்-நெறிக்-கதைகள்-மூட-அரசனும்-முட்டாள்-பண்டிதனும்-3352615.html
3352597 வார இதழ்கள் சிறுவர்மணி பாடம் சொல்லும் சேவல்! --பல்லவிகுமார். DIN Saturday, February 8, 2020 10:24 PM +0530
கொக்கரக்கோ சேவல் ஒன்று
கூவி நின்னுச்சாம் --அது
செக்கச் சிவந்த கொண்டையோடு
சிலிர்ப்பைக் காட்டுச்சாம்

வீரநடைப் போட்டுகிட்டு
விழித்துப் பாத்துச்சாம்--அது
தீரமுடன் தரையைக்கிளறி
தீனித் தின்னுச்சாம்

நிறங்கள் பல கலந்திட்ட
நல்ல சட்டையை --அது
திறமையுடன் போட்டுக்கிட்டு
திரிந்து வந்துச்சாம்

குஞ்சுக்கோழி பறிக்கவந்த
கழுகு ஒன்றினை --அது
அஞ்சி விலகி பறந்திடவே
அடிச்சு விரட்டுச்சாம்

விடியல் வந்து விட்டதென
வாழ்த்து பாடுச்சாம்--அது
படிக்கும் காலைப் பொழுதென்று
பாடம் சொல்லுச்சாம்

]]>
https://images.dinamani.com/uploads/user/imagelibrary/2020/2/8/w600X390/sm6.jpg https://www.dinamani.com/weekly-supplements/siruvarmani/2020/feb/08/பாடம்-சொல்லும்-சேவல்-3352597.html
3352585 வார இதழ்கள் சிறுவர்மணி தேர்வு வந்தது! நா.இராதாகிருட்டிணன் DIN Saturday, February 8, 2020 10:23 PM +0530 ஆண்டிற்கு ஆண்டு தேர்வு வரும்
அச்சமும் அதனுடன் சேர்ந்து வரும்!
வேண்டாம் உனக்கு வீண் கவலை
விரும்பி உழைத்தால் கல்லும் சிலை!

வகுப்பைச் சிறப்பாய்க் கவனித்தால்
வருந்திட  வேண்டாம் தேர்வினிலே!
தொகுத்துக் குறிப்பு எடுத்திட்டால்
தொடரும் குழப்பங்கள் உனக்கில்லை!

பலமுறை நீயும் படித்திடுவாய்!
படித்ததை எழுதிப் பார்த்திடுவாய்!
இரவில் விழித்துப் படிக்காதே!
எழுந்து படிப்பாய் அதிகாலை!
மறதி உனக்குப் பகையாகும்
முயற்சியும் பயிற்சியும் கை கொடுக்கும்!
வேண்டாம் உனக்கு மனக்கலக்கம்!
வெற்றி நிச்சயம் உன்பக்கம்!

எழுதுகோல் என்னும் ஆயுதத்தை 
ஏந்தி நிற்கும் வீரன் நீ!
ஆற்றல் உனக்கு மிக உண்டு 
அறிவால் எதையும் வென்றிடுவாய்!

]]>
https://images.dinamani.com/uploads/user/imagelibrary/2020/2/8/w600X390/sm7.jpg https://www.dinamani.com/weekly-supplements/siruvarmani/2020/feb/08/தேர்வு-வந்தது-3352585.html
3352578 வார இதழ்கள் சிறுவர்மணி கருவூலம்: தமிழ் மொழியின் வரலாறு! கே.பார்வதி, திருநெல்வேலி டவுன். DIN Saturday, February 8, 2020 10:21 PM +0530 சென்ற இதழ் தொடர்ச்சி.....

மேலும் சில தகவல்கள்!

மணிப் பிரவாளம் நடை!

தமிழறிஞர்களும், மொழியியலாளர்களும் தமிழ் இலக்கியத்தின் மற்றும் தமிழ் மொழியின் வரலாற்றை 5 காலப் பகுதிகளாக வகைபடுத்தி உள்ளனர்.
அவை....
சங்க காலம் - கி.மு. 400 - கி.பி. 300
சங்கம் மறுவிய காலம் - கி.பி. 300 - கி.பி. 700
பக்தி இலக்கிய காலம் - கி.பி. 700 - கி.பி. 1200
மையக்காலம் - கி.பி. 1200 - கி.பி. 1800
தற்காலம் - கி.பி. 1800 - இன்று வரை...
இதில் பக்தி இலக்கிய காலத்திலும், மையக் காலத்திலும் பெருமளவு வடமொழிச் சொற்கள் தமிழில் கலந்து விட்டன.
மணிப் பிரவாளம் என்பதற்கு மணியும், பவளமும் சேர்ந்து உருவாக்கப்பட்ட மாலை போல் இரண்டு மொழிகளும் கலந்து உருவான இலக்கிய நடை என்பது பொருளாகும்.
அதாவது தமிழில் வடமொழிச் சொற்களைக் கலந்து பயன்படுத்திப் பேசுவதோ, அல்லது எழுதுவதோ மணிப்பிரவாள நடையாகும்.

கிரந்த எழுத்துகள்!

கிரந்த எழுத்துகள் என்பது தென்னிந்தியாவில், குறிப்பாகத் தமிழ்நாட்டில் சமஸ்கிருத மொழியை எழுதப் பயன்பட்ட வரி வடிவங்களாகும். இது இன்று வரை வேத பாடசாலைகளில் நடைமுறையில் இருக்கிறது.

சமஸ்கிருதம் மற்றும் தமிழின் கலப்பால் உருவான மணிப்பிரவாளம் பரவலாக இருந்தபொழுது கிரந்த எழுத்துகள் அதிகம் பயன்படுத்தப்பட்டது. மணிப்பிரவாளத்தின் செல்வாக்கு குறைந்த பின் கிரந்த எழுத்துக்களின் பயன்பாடும் குறைந்து விட்டது.

தமிழ் எண்கள்!

உதாரணம்.
1 முதல், 9 வரைக்குமான எண்களும், மற்றும் 10, 100, 1000 ஆகியவற்றைக் குறிக்கும் தமிழ் எண் வடிவங்கள்.
அத்துடன் நாள், மாதம், ஆண்டு, செலவு, வரவு, மேலேயுள்ளபடி, ரூபாய், இலக்கம் ஆகிய சொற்களை குறிக்கக் குறியீடுகளும் உள்ளன.
உதாரணம்.
"ழ்'
மெய்யெழுத்துகளில் ஒன்றான "ழ்' என்ற எழுத்து தரும் ஒலி தமிழிலும், மலையாளத்திலும், மாண்டரின், சீனம் உட்பட்ட சில மங்கோலிய மொழிகளிலும் மட்டுமே காணப்படுகிறது.

செம்மொழி!

உலகில் எத்தனையோ மொழிகள் பேசப்பட்டு வருகின்றன. இதில் பல மொழிகளுக்கு எழுத்து வடிவங்கள் இல்லை என்பதால் இலக்கிய வளம் இல்லாமல் உள்ளன. ஆனால் சில மொழிகள் மிகப் பழைமையானதாகவும், இலக்கியத்தில் சிறந்து விளங்குவனவாகவும் உள்ளன. இவற்றில் சில மொழிகளைச் செம்மொழி என்று அடையாளப்படுத்துகின்றனர்.

செம்மொழிக்கான தகுதி

செம்மொழியாக ஒரு மொழியைத் தேர்வு செய்ய அதன் இலக்கியப் படைப்புகள், வளம் மிகுந்ததாகவும், பழைமையானதாகவும், அதன் தோன்றல் ஏனைய மொழிகளைச் சாராதிருத்தலும் வேண்டும்.

"அபுகிடா' எழுத்து முறை.

எழுத்து முறை பலவாறாக வகைப் படுத்தப்படுகிறது. உயிர் எழுத்துகள், மெய்யெழுத்துகள், உயிர்மெய்யெழுத்துகள் என எழுத்துகளை வகுக்கும் எழுத்து முறை "அபுகிடா' எழுத்து முறை என்று அழைக்கப்படுகிறது. தமிழ், தெலுங்கு, மலையாளம், கன்னடம், சிங்களம், தாய், கம்போடிய, லாவோ முதலிய தெற்காசிய எழுத்து முறைகள் அனைத்தும் இந்த வகையின் கீழ் வரும்.
உலகில் புழக்கத்தில் உள்ள எழுத்து முறைகளில் பாதி அளவினாலான எழுத்து முறைகள் "அபுகிடா' வகையைச் சார்ந்தனவையே.

இறையனார் அகப்பொருள்

இறையனார் அகப்பொருள் என்பது ஓர் தமிழ் இலக்கண நூல். அகப்பொருள் இலக்கணம் கூறும் இந்த நூல் கி.பி. ஏழாம் நூற்றாண்டு அளவில் தோன்றியிருக்கலாம் எனக் கூறப்படுகிறது. இந்த நூலுக்கு நக்கீரர் உரை எழுதியுள்ளார். இவர் சங்க கால நக்கீரர் அல்ல. தலைச்சங்கம், இடைச்சங்கம், கடைச்சங்கம் என்னும் முச்சங்க வரலாற்றைக் கூறும் முதல்நூல் இந்த உரைநூலே ஆகும்.

ஆட்சி மொழி அங்கீகாரம்

தமிழ், இந்திய மாநிலமான தமிழ்நாட்டின் ஆட்சி மொழியாகும். மேலும், தமிழ் நாட்டிலும், புதுச்சேரி ஒன்றியப் பகுதியிலும் தமிழ், அரசு அலுவல் மொழியாக இருக்கிறது.
அத்துடன் இந்திய அரசியலமைப்பின் எட்டாவது பட்டியலில் குறிப்பிட்டுள்ள 22 மொழிகளில் ஒன்றாகவும் உள்ளது.
இலங்கையின் 3 ஆட்சி மொழிகளுள் தமிழும் ஒன்று.
சிங்கப்பூர் நாட்டிலும் நாடளாவிய மொழிகளுள் தமிழ் இடம் பெற்றுள்ளது.
மலேசியாவிலும் முதல் நான்கு ஆட்சி மொழிகளில் தமிழும் இடம் பெற்றுள்ளது. மலேசியாவில் தொடக்க மற்றும் இடைநிலைப் பள்ளிகளில் தமிழ் கற்பிக்கப்படுகிறது.

தொல்காப்பியம்

தொல்காப்பியம் என்பது இன்று கிடைக்கப்பெறும் மிக மூத்த தமிழ் இலக்கண நூலாகும். இது இலக்கிய வடிவிலிருக்கும் இலக்கண நூலாகும். இதனை எழுதியவர் தொல்காப்பியர் என்று தொல்காப்பியப் பாயிரம் என்ற நூல் குறிப்பிடப்படுகிறது. தொல்காப்பியரின் காலம் பற்றி பல்வேறு கருத்துகள் உள்ளன. செம்மொழித் தமிழாய்வு நடு நிறுவனம் தொல்காப்பியர் ஆண்டினை கி.மு. 711 என்று குறிப்பிடுகிறது.

தொல்காப்பியம் பழங்காலத்து நூலாக இருப்பினும் இன்று வரை தமிழ் இலக்கண விதிகளுக்கு அடிப்படையான நூல் இதுவேயாகும்! தொல்காப்பியத்தை முதல் நூலாகக் கொண்டு காலந்தோறும் பல வழி நூல்கள் தோன்றியுள்ளன.

தொல்காப்பியம் 1602 நூற்பாக்களால் ஆனது. இது எழுத்ததிகாரம், சொல்லதிகாரம், பொருளதிகாரம் என மூன்று அதிகாரங்களாகப் பிரிக்கப்பட்டுள்ளது. இதற்கு தொல்காப்பியர் காலத்து பனம்பாரனார் சிறப்புப் பாயிரம் அளித்துள்ளார்.

தமிழ்த்தாய் கோயில்!

சிவகங்கை மாவட்டம் காரைக்குடி கம்பன் மணி மண்டப வளாகத்தின் வலப்புறம் இக்கோயில் அமைந்துள்ளது. கருவறையில் தமிழ்த்தாயின் வலப்புறம் அகத்தியரும், இடப்புறம் தொல்காப்பியரும் நின்ற நிலையில் காட்சி தருகின்றனர். கோயிலின் பரிவாரத் தெய்வங்களாக வள்ளுவரும், இளங்கோவடிகளும், கம்பரும் காட்சி தருகின்றனர்.

கருவறையில் தமிழ்த்தாய் நான்கு கைகளுடன் தாமரை பீடத்தில் அமர்ந்தவாறு காட்சியளிக்கின்றாள்!

வீரமாமுனிவர்

இவர் 1680 - ஆம் ஆண்டு நவம்பர் 8 - ஆம் நாள் இத்தாலி நாட்டிலுள்ள கேசுதிகிலியோன் என்னும் இடத்தில் பிறந்தார். இவருடைய இயற்பெயர் "கான்ஸ்டன்டைன் ஜோசப்பு பெஸ்கி' ஆகும். இவர் இயேசு சபையைச் சேர்ந்த மதகுரு ஆவார். கிறித்தவ மதத்தைப் பரப்பும் நோக்கில் 1709 - ஆம் ஆண்டு தமிழகம் வந்தார்.

இவர் தமிழ் மொழியின் வளர்ச்சிக்கும், முன்னேற்றத்திற்கும் சிறப்பான பணிகளைச் செய்துள்ளார். இயேசு கிறிஸ்துவின் வாழ்க்கை தொடர்பான நிகழ்ச்சிகளை தமிழ் பண்பாட்டுக்கேற்ப "தேம்பாவணி' என்ற காவியமாக இயற்றியுள்ளார்.

இவர் தமிழ் - லத்தீன் அகராதியை உருவாக்கினார். அதில் 1000 தமிழ் சொற்களுக்கு லத்தீன் மொழியில் விளக்கம் அளிக்கப்பட்டது. இதுவே முதல் தமிழ் அகரமுதலி (அகராதி) ஆகும். பின்பு 4400 சொற்களைக் கொண்ட தமிழ் போர்த்துகீசிய அகராதியை உருவாக்கினார்.

வீரமாமுனிவரின் தமிழ்த் தொண்டைப் போற்றும் வகையில் அவரது பிறந்த நாளான நவம்பர் 8 - ஆம் தேதி 2019 ஆம் ஆண்டு முதல், "தமிழ் அகராதியியல்' நாளாகக் கொண்டாடப்படுகிறது.

சங்க இலக்கியங்கள்

பதினெண் மேற்கணக்கு

எட்டுத் தொகை - ஐங்குறுநூறு, அகநானூறு, புறநானூறு, கலித்தொகை, குறுந்தொகை, நற்றிணை, பரிபாடல், பதிற்றுப்பத்து

பத்துப்பாட்டு - திருமுருகாற்றுப்படை, குறிஞ்சிப்பாட்டு, மலைபடுகடாம், மதுரைக்காஞ்சி, முல்லைப்பாட்டு, நெடுநெல்வாடை, பட்டினப்பாலை, பெரும்பாணாற்றுப்படை, பொருநறாற்றுப்படை, சிறுபாணாற்றுப்படை.

பதினெண்கீழ்க்கணக்கு

நாலடியார், நான்மணிக்கடிகை, இன்னா நாற்பது, இனியவை நாற்பது, கார் நாற்பது, களவழி நாற்பது, ஐந்திணை ஐம்பது, திணைமொழி ஐம்பது, ஐந்திணை எழுபது, திணைமாலை நூற்று ஐம்பது, திருக்குறள், திரிகடுகம், ஆசாரக்கோவை, பழமொழி நாற்பது, சிறுபஞ்சமூலம், முதுமொழிக்காஞ்சி, ஏலாதி, கைந்நிலை ஆகியவை ஆகும்.

ஐம்பெருங்காப்பியங்கள்!

சிலப்பதிகாரம், மணிமேகலை,சீவக சிந்தாமணி, வளையாபதி, குண்டலகேசி.

பக்தி இலக்கியங்கள்

தேவாரம், திருவாசகம் உள்ளடங்கிய பன்னிரு திருமுறை, கம்ப இராமாயணம், வில்லி பாரதம், நாலாயிரத் திவ்யப் பிரபந்தம் ஆகியவை குறிப்பிடத்தக்கவை.

அகத்தியர்!

அகத்தியம் என்ற இலக்கண நூலை எழுதியவர் இவரே!

இயல், இசை, நாடகம் ஆகிய முத்தமிழுக்கும் இயற்றப்பட்ட மிகப் பழமையான இலக்கண நூலை இயற்றியவர் அகத்தியரே என்ற கருத்தும் உள்ளது! தொல்காப்பியருக்கும் முன்னால் இருந்தவர் என்ற கருத்தும் உள்ளது.

அகத்தியர் பல்வேறு மருத்துவ நூல்களையும் எழுதியுள்ளார்.

பல்வேறு சித்தர்கள் இயற்றிய பாடல்களும், பாரதியார் உள்ளிட்ட பல்வேறு கவிஞர்கள் இயற்றிய பாடல்களும், உரைநடை நூல்களும் பிற்காலத்தில் எழுதப்பட்டன. அனைத்தும் தமிழன்னையை அலங்கரிக்கின்றன.
ஒரு நண்பர் கூறினார். ""ஆங்கிலத்தில் ரரர என்ற குறியீடு, "வேர்ல்டு, வைடு, வெப்' என்பதன் சுருக்கமாகும். என்று கூறினார்!.... அது மட்டுமல்ல!.... தமிழில் அதற்கு, "வைய, வலை, விரிவு' என்றும் கூறலாம்!.... இதற்கும் அந்த ரரர என்னமாய்ப் பொருந்துகிறது! "வ"
காரம் ர விற்கு சரியாகப் பொருந்துகிறது!'' என்றார்.
எனக்கு ஆச்சரியமாக இருந்தது! நவீன வடிவங்களையும் உள்வாங்கும் சக்தி தமிழுக்கு இருக்கிறது!
தமிழிலக்கியங்களைப் படிக்குங்கால் நமது முன்னோர்களின் பண்பாடும், வாழ்க்கை முறைகளும் கண்முன் காட்சிகளாய் விரிகின்றன. இன்றளவும் தமிழ் இளமையோடும், எளிதாகக் கருத்துகளைச் சொல்லும் அழகோடும் சிறந்து விளங்குகிறது!
தமிழன்னையை வணங்குவோம்! தமிழ்ச் சுவை திகட்டாதது! சுவைப்போம்! பகிர்வோம்!

நிறைவு

]]>
https://images.dinamani.com/uploads/user/imagelibrary/2020/2/8/w600X390/sm4.jpg https://www.dinamani.com/weekly-supplements/siruvarmani/2020/feb/08/கருவூலம்-தமிழ்-மொழியின்-வரலாறு-3352578.html
3352554 வார இதழ்கள் சிறுவர்மணி முத்துக்கதை!: அணில் குட்டியின் பப்பாளி! சக்தி சிவன் DIN Saturday, February 8, 2020 10:13 PM +0530
தோட்டத்தில் ஒரு பப்பாளி மரம். அந்த மரத்தில் இரண்டு பப்பாளிப் பழங்கள் நன்றாகப் பழுத்திருந்தது. அதில் வெகு வேகமாக அணில் "ஜிகில்' ஏறியது! மரத்தில் ஒரு பழுத்த பப்பாளிப் பழம் இருந்தது! ஜிகிலுக்குப் பப்பாளிப் பழம் என்றால் ரொம்பப் பிடிக்கும்! அது ஒரு பழத்தைக் கடித்துச் சுவைத்தது! பிறகு ஒரு பழத்தைப் பறித்துக் கொண்டு தன் குழந்தைகள் "ஜில்' லுக்கும், "க்ரீடா' வுக்கும் கொடுத்தது.

ஜில்லும், க்ரீடாவும் பழத்தைக் கடித்துச் சுவைத்துச் சாப்பிட்டன!

ஜில், அம்மா ஜிகிலிடம், ""அம்மா இதை யாரும்மா கொடுத்தது?'' என்று கேட்டது.
ஜிகில் சிரித்துக் கொண்டே, ""இதைக் கடவுள் கொடுத்தார்!'' என்றது.

""அம்மா, நான் கடவுளைப் பார்க்க வேண்டும்!.... அவரு எங்கேம்மா இருக்காரு?.... எனக்குக் காட்டுவியாம்மா!'' என்று கேட்டது ஜில்.

""ஓ!..... நீங்க இந்த பப்பாளிப் பழத்தைச் சாப்பிடுங்க..... அது விதைகள் இருக்கும்!.... அதை மண்ணில் புதையுங்க!.... கடவுள் வருவார்!''

கடவுளைப் பார்க்கும் சந்தோஷத்தில் ஜில்லும், க்ரீடாவும் வேகமாகச் சாப்பிட்டன! பிறகு அதிலுள்ள விதைகளையெல்லாம் தாங்கள் வசிக்கும் மரத்திற்கு அருகிலுள்ள மண்ணில் புதைத்தன.

இரண்டு நாட்கள் ஆயிற்று.

""அம்மா என்னம்மா இது?.... கடவுள் வரவே இல்லையே!'' என்றன ஜில்லும், க்ரீடாவும்.

""அவருக்கு நிறைய வேலை இருக்கு!..... மெதுவாத்தான் வருவாரு!....பொறுங்க'' என்றது ஜிகில்.

மேலும் ஓரிரு நாட்கள் கழிந்தன. விதைகள் துளிர் விட்டு மண்ணிலிருந்து வானைப் பார்த்த வண்ணம் இருந்தன.

ஜில் அதைக் கவனித்து விட்டது! அதற்கு ஒரே சந்தோஷம்! ""அம்மா! கடவுள் வந்து விட்டார்!'' என்று ஆனந்தமாய்த் துள்ளியது!!

""ஆமாம்! உனக்காகவே கடவுள் வந்திருக்கிறார்!'' என்றது ஜிகில்.

தினமும் நீரை ஊற்றிச் செடியை நன்றாகப் பார்த்துக் கொண்டது ஜில். நாட்கள் சென்றன. பப்பாளி மரம் காய்த்துப் பின் பழுத்தன!

""அம்மா! கடவுள் எனக்கு நிறைய்ய்ய்ய பப்பாளிப் பழங்களைக் கொடுத்திருக்காரு!''

ஜிகில் ஒரு பப்பாளிப் பழத்தைப் பறித்துக் கொண்டு வந்தது. அதை ஜில், க்ரீடா இரண்டும் பிளந்து சாப்பிட ஆரம்பிக்கும்போது பசியுடன் "ப்ரீத்' முயல் அங்கே வந்தது. ப்ரீத், ஜில்லுவுக்கும், க்ரீடாவுக்கும் ரொம்பசிநேகிதன்.

""எனக்கு ரொம்பப் பசிக்குதுடா!...'' என்றது ப்ரீத்.

""கவலைப் படாதே!... எங்கம்மா கிட்டே கேட்டு உனக்கு அந்த பப்பாளிப் பழத்தைப் பறிச்சுத் தரச் சொல்றேன்.... இங்கேயே உட்காரு!'' என்றது ஜில்.

ஜிகில் வேகமாக மரத்தில் ஏறி பப்பாளிப் பழத்தைப் பறித்துக்கொண்டு வந்தது. ஜிகில், ஜில், க்ரீடா, ப்ரீத் எல்லோரும் உட்கார்ந்து அந்தப் பழத்தைச் சாப்பிட்டு விளையாடின.

பழத்திலிருந்த விதைகளை ப்ரீத்திடம் கொடுத்து, ""இந்தா இதை வெச்சுக்கோ!.... இதிலே கடவுள் இருக்காரு.... இதை உன் வீட்டு முன்னாலே மண்ணுலே புதை! கடவுள் வருவாரு!'' என்றது ஜில். இப்படியே பல பழங்களின் விதைகளில் கடவுள் இருப்பதை அவை உணர்ந்தன. தங்கள் நண்பர்களுக்கெல்லாம் அந்த விதைகளை ஒன்றுக்கொன்று அளித்தன. நண்பர்கள் அனைவரும் அவற்றை மண்ணில் புதைத்துக் கடவுளின் வரவுக்காகக் காத்திருந்தன. விதைகளும் உடனே முளைத்தன. அந்த இடமே பழத்தோட்டமாகி விட்டது. அங்கு நுழைந்தவுடன் எல்லாருக்கும் அது கடவுளின் இருப்பிடமாகத்தான் தோன்றியது! அந்தத் தோட்டத்தில் அனைத்தும் சந்தோஷமாக இருந்தன.

]]>
https://images.dinamani.com/uploads/user/imagelibrary/2020/2/8/w600X390/sm3.jpg https://www.dinamani.com/weekly-supplements/siruvarmani/2020/feb/08/முத்துக்கதை-அணில்-குட்டியின்-பப்பாளி-3352554.html
3352547 வார இதழ்கள் சிறுவர்மணி  பொன்மொழிகள்! தி.சே.அறிவழகன், திருப்புலிவனம் DIN Saturday, February 8, 2020 10:11 PM +0530 ஆடம்பரம் அதிகரிக்க, அதிகரிக்க ஒழுக்கம் குறைந்துவிடும்! 
- ரூசோ

கால் தடுமாறினால் சமாளிக்கலாம். நாக்கு தடுமாறினால் மீளவே முடியாது! 
- சிம்மன்ஸ்

தகுதியில்லாத புகழ்ச்சி, மறைமுகமான இகழ்ச்சி!
- அலெக்ஸாண்டர் போப்

பிறர் குற்றங்களைக் காண  முயல்பவன் அரை மனிதன்!
 - வேட்லி

மரங்களில் தோன்றும் இலைகள்  போன்றதுதான் மனித வாழ்க்கை.  
- ஹோமர்

நட்பு என்பது ஒரு செடி. அதற்கு அடிக்கடி தண்ணீர் ஊற்ற வேண்டும். 
- ஜெரிமி டெய்லர்

காலம் நதியைப் போலது. உற்பத்தி ஆகும் இடத்திற்கு அது திரும்பவே வராது 1 
- ரிவரல்

உழைப்பினால் விலகும் தீமைகள் மூன்று. அவை, துன்பம், தீயொழுக்கம், வறுமை. 
- வால்டேர்

தேவையற்ற பொருட்களை வாங்கினால், தேவையான பொருட்களை நீ விற்க நேரிடும்! 
- கிளாரண்டன்

சினம் அறிவிற்குத் திரையிடும்! 
- நேரு

]]>
https://images.dinamani.com/uploads/user/imagelibrary/2020/2/8/w600X390/sm2.jpg https://www.dinamani.com/weekly-supplements/siruvarmani/2020/feb/08/பொன்மொழிகள்-3352547.html
3352538 வார இதழ்கள் சிறுவர்மணி குறள் பாட்டு: இல்வாழ்க்கை -ஆசி.கண்ணம்பிரத்தினம் DIN Saturday, February 8, 2020 10:07 PM +0530 அறத்துப்பால்   -  அதிகாரம்  5  -  பாடல் 7


இயல்பினான் இல்வாழ்க்கை வாழ்பவன் என்பான் 
முயல்வாருள் எல்லாம் தலை.

- திருக்குறள்

நல்ல நல்ல எண்ணங்களை
உள்ளங்களில் பதித்து வைத்து 
குடும்பமாக வாழ்பவர்கள் 
தலைசிறந்த பேராவர்

நல்லியல்பாய் இல்லறத்தை 
நடத்திடுவோர் வாழ்வதற்கு 
முயல்கின்ற மக்களிலே
முதலிடத்தைப் பெற்றிடுவார்

]]>
https://images.dinamani.com/uploads/user/imagelibrary/2020/1/25/w600X390/sm3.jpg https://www.dinamani.com/weekly-supplements/siruvarmani/2020/feb/08/குறள்-பாட்டு-இல்வாழ்க்கை-3352538.html
3352527 வார இதழ்கள் சிறுவர்மணி அவர்தான் ஆசிரியர்! DIN DIN Saturday, February 8, 2020 10:06 PM +0530 "தி யங் டீச்சர்' என்று ஒரு சீன மொழிப் படம். அந்தப் படத்தில் ஒரு பெண். அவள் தனது பெற்றோரிடம் ஆசிரியர் வேலைக்குத்தான் போவேன் என்று அடம் பிடிக்கிறாள். ஆசிரியர் வேலை சேவையுடன் கூடியது என்றும் அதி நிறைவான வேலை என்றும் அவள் கூறினாள். அவளுக்கு ஆசிரியர் வேலைக்குச் செல்ல வேண்டும் என்ற கனவு இருந்தது.

அவளது பெற்றோரும் அவளைப் படிக்க வைத்து ஆசிரியை ஆக்கினர்!

அவர் வேலை பார்த்த பள்ளியில் எல்லா தரப்புப் பிள்ளைகளும் படிக்கிறார்கள். வகுப்பில் ஒரு பணக்காரப் பையன். அவன் மிகவும் விஷமம் செய்வான். பெண்களின் முடியைப் பிடித்து இழுப்பது, சக மாணவர்களைக் குட்டுவது என ஏதாவது குறும்பு செய்து கொண்டே இருப்பான்.

ஆசிரியை ஆன இவள் அடிக்கடி அந்த மாணவனை எச்சரிக்கை செய்வார். ஆனால் அவன் அலட்சியமாகவே இருப்பான். கீழ்ப்படிய மாட்டான். ஆசிரியை அந்த மாணவனைப் பற்றி தலைமை ஆசிரியரிடம் புகார் செய்தார்.

அவரோ, ""அவன் பெரிய இடத்துப் பிள்ளை.... நீ சற்று அனுசரித்துப் போ!.... '' என்கிறார். அவனது விஷமம் அதிகரிக்கிறது. சக ஆசிரியர்களும் ஆசிரியையைப் பார்த்து, ""நீ கொஞ்சம் அனுசரித்துத்தான் போக வேண்டும்!.... வேறு வழியில்லை!.... பெரிய இடத்துப் பையன்.... வீண் வம்பை விலைக்கு வாங்காதே...'' என்றனர்.

அந்தப் படத்தின்படிஅங்கு ராணுவ ஆட்சி நடக்கிறது. அந்நாட்டின் ஜனாதிபதியைச் சந்தித்து மாணவனின் செயல்களைப் பற்றியும், அவன் செல்வாக்கு உள்ள பணக்காரக் குடும்பத்தைச் சேர்ந்தவனாக இருப்பது பற்றியும், மாணவனைத் திருத்தும் நடவடிக்கைகளை எடுக்க இயலாமல் தான் இருப்பது பற்றியும் ஒரு புகார் எழுதினார். அதனை ஜனாதிபதியிடம் கொடுக்க முயற்சித்தாள். ஆனால் ஜனாதிபதி மாளிகைக்குள் நுழைய அவருக்கு அனுமதி தரவில்லை.

எனவே புகாரை அவர்களிடம் கொடுத்துவிட்டுப் பள்ளிக்குத் திரும்பினார். புகாரை அளித்து விட்டுத் திரும்பிய தகவலை தலைமை ஆசிரியருக்கும் தெரிவித்து விட்டார்.

பள்ளியில், ஆசிரியர் மற்றும் பெற்றோர் கூட்டம் நடைபெற ஏற்பாடு ஆகியிருந்தது. சக ஆசிரியர்களும், தலைமை ஆசிரியரும், ""என்ன ஆபத்து வருமோ?'' என்று பயந்தனர். ஆசிரியையும் பயமுறுத்தினர். அந்த ஆசிரியையைப் பரிதாபமாகப் பார்த்தனர்.

கூட்டம் தொடங்கச் சிறிது நேரம் இருந்தது. திடீரென பல ராணுவ ஜீப்புகள் வருகின்றன. வீரர்கள் காவலுக்கு அணிவகுத்து நிற்கின்றனர். ஜனாதிபதி தம் இருக்கையில் அமர்கிறார். எங்கும் மெளனம். என்ன நடக்குமோ என்ற பரபரப்பு!

ஜனாதிபதி கம்பீரமாக, ""என் மாளிகைக்கு வந்து புகார் அளித்த அந்த ஆசிரியை யார்?'' என்று கேட்டார்.

""இதோ, இவர்தான்!.... '' என்று அந்த ஆசிரியைக் காட்டினார் தலைமை ஆசிரியர்.

ஜனாதிபதி எழுந்தார். தன் தொப்பியை எடுத்தார். ""அவருக்கு என்னுடை மரியாதைக்குரிய வணக்கம்!'' என்றார்.

ஜனாதிபதியின் பேரன்தான் அந்தப் பொல்லாத பையன்! தன்னால் கண்டிக்க முடியாததை அந்த ஆசிரியை செய்ததால் ஜனாதிபதிக்கு மிகவும் மகிழ்ச்சி!

- சென்னையில் ஒரு பள்ளி விழாவில், தென்கச்சி கோ.சுவாமிநாதன் கூறியது -
- அ.யாழினி பர்வதம்.

]]>
https://images.dinamani.com/uploads/user/imagelibrary/2020/2/8/w600X390/sm1.jpg https://www.dinamani.com/weekly-supplements/siruvarmani/2020/feb/08/அவர்தான்-ஆசிரியர்-3352527.html
3352499 வார இதழ்கள் சிறுவர்மணி நினைவுச் சுடர்!: தாயின் முயற்சி - வசீகரன் Saturday, February 8, 2020 09:59 PM +0530
பால்டிமோர் நகரத்தில் ஒரு பள்ளி, அந்தப் பள்ளியில் படித்துக் கொண்டிருந்த மைக்கேல் பெல்ப்ஸ் என்ற மாணவன் கொஞ்சம் மந்தமாக இருப்பது போல் ஆசிரியருக்குப் பட்டது.
எல்லாத் தேர்வுகளிலும் அவன் மிகக் குறைவாகவே மதிப்பெண் பெற்றிருந்தான். ஆசிரியருக்கு என்ன செய்வதென்று தெரியவில்லை. ஆசிரியர் பள்ளி நிர்வாகத்திடம் ஆலோசனை கேட்டார். சில சோதனைகளுக்குப் பிறகு மாணவன் மைக்கேலுக்கு "கற்றலில் குறைபாடு' இருப்பதை பள்ளி நிர்வாகம் உணர்ந்தது. மைக்கேலின் தாயை வரவழைத்து நிலைமையை விளக்கி அவனை வீட்டுக்கு அனுப்பி விட்டனர்.
மைக்கேலின் தாய்க்கு சற்று துக்கமாகிவிட்டது. கண்களில் நீர் சுரந்தது. அதைத் துடைத்துக்கொண்டு மனதைத் தேற்றிக் கொண்டாள். தைரியத்தை வரவழைத்துக்கொண்டாள். பள்ளி நீக்கிவிட்டாலும், தன்னம்பிக்கையுடன் குழந்தையின் அருகிலிருந்து அன்புடன் அவனுக்குப் பொறுமையாக வீட்டில் வைத்தே பாடங்களைச் சொல்லிக் கொடுத்தாள். கற்பதில் குறைபாடு இருந்ததால் அவள் நீண்ட நேரம் மகனுடன் செலவிட வேண்டியதாயிற்று. சலிக்காமல், மைக்கேலுக்கு இடைவிடாத பயிற்சி வழங்கினார் அவனது தாய். கொஞ்சம் கொஞ்சமாக மைக்கேல் கற்கும் திறனை வளர்த்துக் கொண்டான். மைக்கேல் மிச்சிகன் பல்கலைக்கழகத்தில் சேர்ந்து பட்டமும் பெற்றுவிட்டான்! அதைத் தவிர மைக்கேலுக்கு நீச்சலில் ஆர்வம் இருந்ததையும் அவனது தாய் உணர்ந்தார்.
நீச்சலில் அவனுக்கு இருந்த ஆர்வத்தை ஊக்குவித்தார் அவனது தாய். மைக்கேலுக்கு நீச்சல் பயிற்சியும் வழங்கினார். கடுமையான பயிற்சி தந்து விரைந்துசெயல்பட வைத்தார். அந்தக் குழந்தை பின்னர் நீச்சல் போட்டிகளில் பங்கேற்றது. பல போட்டிகளில் வெற்றியும் பெற்றான் மைக்கேல் பெல்ப்ஸ். பிறகு ஒலிம்பிக் போட்டிகளில் பங்கேற்றான்! அதில் உலகே வியக்கும் வண்ணம் 22 தங்கப்பதக்கங்களை வென்று உலக சாதனை படைத்தான்! அவர்தான் அமெரிக்காவின் நீச்சல் வீரர் மைக்கேல் பெல்ப்ஸ்!
இன்று மக்கள் அவரை, ""பால்டிமோர் புல்லெட்!'' என்று அன்புடன் அழைக்கின்றனர்!
""எனது எல்லாப் பெருமைகளும் என் தாயையே சாரும்!'' என்று ஆனந்தக் கண்ணீருடன் கூறிகிறார் மைக்கேல் பெல்ப்ஸ்!

 

]]>
https://images.dinamani.com/uploads/user/imagelibrary/2019/12/21/w600X390/sm12.jpg https://www.dinamani.com/weekly-supplements/siruvarmani/2020/feb/08/நினைவுச்-சுடர்-தாயின்-முயற்சி-3352499.html
3346514 வார இதழ்கள் சிறுவர்மணி அங்கிள் ஆன்டெனா - ரொசிட்டா DIN Saturday, February 1, 2020 10:18 PM +0530  

கேள்வி: புலி ஏன், எப்பொழுதும் பின்பக்கமாகவே தாக்கு கிறது?

பதில்: தனது இரையைப் பிடிக்க, பஞ்ச தந்திரம் மட்டுமல்ல பலவிதத் தந்திரங்களைப் புலி கையாளும். எளிய விலங்குகளைக் கண்டால் புலியின் நாக்கில் எச்சில் ஊற ஆரம்பித்துவிடும். அந்தச் சமயத்தில் தனது வலிய உடலை புல், புதர்களில் சாதுர்யமாக மறைத்துக் கொண்டு திடீர் என்று தாக்குதல் நடத்தும்.

சாம்பார் மான் என்று ஒரு வகை இருக்கிறது. அந்த மானைக் கண்டுவிட்டால், சற்றே தூரத்தில் ஒளிந்து கொண்டு அந்த மானைப் போலவே மிமிக்ரி செய்து கத்தும். இதைக் கேட்ட அந்த மான் தனது குரல் போலவே இருக்கிறது என்று நினைத்து அருகில் வரும். அப்போது, புலி தனது தாக்குதலை நடத்தும்.

ஆனால், விலங்குகள் கூட்டமாக வந்தால் இத்தகையை தந்திரங்கள் எல்லாம் பலிக்காது.  ஆகவே கூட்டம் நகரும் போது கடைசியாகச் செல்லும் விலங்கை மட்டுமே குறி வைக்கும் புலி. அந்தச் சமயத்தில் மற்ற விலங்குகளின் கவனத்தைக் கவராமல் இருக்கவும் நேரத்தை வீணாக்கமல் இருக்கவும் அந்த விலங்கின் பின்பக்கமாகத் தாக்கும்.

இப்படிப் பின்பக்கமாகத் தாக்குவதற்கு மற்றொரு முக்கிய காரணம், அந்த விலங்கின் தண்டுவடத்தை நோக்கிப் புலி பாய்வதால் தண்டுவடம் பாதிக்கப்பட்டு அது செயலிழக்கும்நிலை ஏற்படுகிறது. பிறகு என்ன புலியின் பசி ஆறிவிடும்!

]]>
https://images.dinamani.com/uploads/user/imagelibrary/2020/2/1/w600X390/sm16.jpg https://www.dinamani.com/weekly-supplements/siruvarmani/2020/feb/01/அங்கிள்-ஆன்டெனா-3346514.html
3346513 வார இதழ்கள் சிறுவர்மணி உதவி செய்வோம்! - புலேந்திரன் DIN Saturday, February 1, 2020 10:16 PM +0530  

காட்டு யானையும் மாந்தருக்காக 
மரத்தை இழுக்கிறதே!
வீட்டுப் பூனையும் எலிகளை விரட்டி 
நன்மை செய்கிறதே!

மேயும் பசுவும் சத்துப் பாலைச் 
சுரந்து கொடுக்கிறதே!
நாயும் கூட நாளும் வீட்டைக்
காவல் காக்கிறதே!

அலைகடலோ, முத்து, பவளம், உப்பு 
மீனும் அளிக்கிறதே!
பாறை கூடச் சிலை, மண்டபம், 
படிக்கற்கள் ஆகிறதே!

மண்ணில்  நிற்கும் மரமும் காய்த்து
கனிகளைக் கொடுக்கிறது!
சின்னச் செடிகளும் பிணிகளைப் போக்கிடும் 
மருந்தாய் ஆகிறது!

இயன்ற வரையில் மக்களுக்குதவி 
செய்திடும் அவை போல 
இந்த உலகில் நாமும் பிறருக்
குதவி செய்திடுவோம்!

]]>
https://images.dinamani.com/uploads/user/imagelibrary/2020/2/1/w600X390/sm15.jpg https://www.dinamani.com/weekly-supplements/siruvarmani/2020/feb/01/உதவி-செய்வோம்-3346513.html
3346512 வார இதழ்கள் சிறுவர்மணி பிஞ்சுக் கை வண்ணம்! DIN DIN Saturday, February 1, 2020 10:14 PM +0530 பிஞ்சுக்   கை வண்ணம்! - I

 

 

 

பிஞ்சுக்   கை வண்ணம்! - II

 

 

 

]]>
https://www.dinamani.com/weekly-supplements/siruvarmani/2020/feb/01/பிஞ்சுக்---கை-வண்ணம்-3346512.html
3346511 வார இதழ்கள் சிறுவர்மணி மரங்களின் வரங்கள்!: கல்லையும் கரைக்கும் - மாவிலிங்க மரம் --பா.இராதாகிருஷ்ணன் DIN Saturday, February 1, 2020 10:12 PM +0530
குழந்தைகளே நலமா?

நான் தான் மாவிலிங்க மரம் பேசறேன். எனது தாவரவியல் பெயர் "கிரட்டாயேரா அடன்சோனி' என்பதாகும். என்னை கிரேட்டேவா ரிலிஜியோசா என்றும் சொல்வாங்க. நான் கெப்பாரிடேசியே குடும்பத்தைச் சேர்ந்தவன். எனக்கு வில்வபத்திரி, வரணி, மாவிலங்கம், மாவிலங்கு, மாவிலங்கை, மகாவிலங்க மரம், அதிசரணம், மரலிங்கம், மாவிப்பட்டை, மாவிட்டை, மாவிளக்கப்பட்டை என வேறு பெயர்களும் உண்டு. நான் ஆற்றங்கரை ஓரங்களில் அதிகமாகக் காணப்படுவேன். இந்தியாவில் பரவலாக நான் காணப்படுவேன். எனக்கு சிவன் கடாட்சம் உண்டு என்றும் சொல்றாங்க. என் கிளைகள் ஒழுங்கற்று வளரும், மரப்பட்டை சாம்பல் நிறத்திலும், வழவழப்பாகவும் இருக்கும். என் இலைகள் உங்கள் விரல்கள் போன்று மூன்று கூட்டு இலை அமைப்பைக் கொண்டதாகும். என் பூக்கள் இளமஞ்சள் நிறத்தில், இலைகள் உதிரும் போது உண்டாகும். வெண்ணிற மலர்கள், மலர்ந்தவுடன் மஞ்சள் நிறமாக மாறிவிடும்.

குழந்தைகளே, நான் கொஞ்சம் வலிமையற்றவன். அதனால், கடினமான பொருள்கள் செய்ய யாரும் என்னை பயன்படுத்துவதில்லை. ஆனாலும், என்னை தீக்குச்சி, சீப்பு செய்ய பயன்படுத்தலாம். என் இலைகள் கால்நடைகளுக்கு நல்ல உணவு. என் இலை, பட்டை, வேர் ஆகியவை மருத்துவ குணம் கொண்டவை. என் இலைகளை தண்ணீரில் போட்டு அவித்து, அந்தத் தண்ணீரால் கை, கால்களைக் கழுவி வந்தால் வீக்கம் வலி போன்றவை குணமாகும்.

என் மரப்பட்டையை அரைத்து நீரில் கலந்து குடித்து வந்தால் சிறுநீரகக் கற்கள் உடனே கரைந்து சிறுநீருடன் கற்கள் வெளியேறும். என் பட்டையை சிதைத்து உட்புறமாக வைத்துக் கட்ட, கட்டிகள் கரையும். வேர்ப்பட்டையை நன்கு அரைத்துக் கொட்டைப் பாக்களவு உண்டு வந்தால் வண்டுக் கடி குணமாகும்.

என் பட்டை ஆஸ்துமா, மூச்சுக்குழல் அழற்சி மற்றும் தோல் வியாதிகளை குணப்படுத்தும். என் பட்டையைப் பொடி செய்து சாப்பிட்டு வந்தால் கர்ப்பப்பை கோளாறுகள் குணமாகும். இடித்து கஷாயம் வைத்துக் குடித்து வந்தால் வாயுத் தொல்லை மற்றும் அஜீரணக் கோளாறுகள் குணமாகும். என் இலையை சீரகம், சுக்குடன் நீரிலிட்டு காய்ச்சி குடித்தால் காய்ச்சல், செரியாமை, வலி நீங்கும். இலையை அரைத்து உள்ளங்காலில் பற்றிட்டால் வீக்கம், எரிச்சல் குணமாகும்.

என் இலைக்கு முடக்கு வாதத்தையும் போக்கும் சக்தியிருக்கு குழந்தைகளே. என் இலைகளை சாறு பிழிந்து நெய் அல்லது வினிகர் கலந்து பருகினால் காய்ச்சல், வாந்தி எடுத்தல், வயிற்று எரிச்சல் உடனே குணமாகும். என் இலைகளை நீரில் போட்டு, அதை சுண்டக் காய்ச்சி, தேங்காய் பாலுடன் தினமும் மூன்று வேளையும் குடித்து வந்தால் முடக்கும் வாதம் ஓடி விடும்.

குளிர்காலத்தில் பனிக்காற்று தாக்குவதினால் ஏராளமானோர் முகவாத நோயினால் பாதிக்கப்படுகின்றனர், அவர்களுக்கு மாவிலங்கம் அருமருந்தாகும்.

குழந்தைகளே, மனிதர்கள் இல்லாமல் மரங்கள் இருக்கலாம், ஆனால், மரங்கள் இல்லாமல் மனிதர்களால வாழ முடியாது. மனிதர்களின் இன்றைய வளர்ச்சிக்கு மரங்கள் மிகப் பெரிய பங்கினை ஆற்றி வருகின்றன. மரங்கள் இயற்கைத் தாயின் குழந்தைகள். அவரின் அழகுக்கு அழுகு ஊட்டுவன.

நான் கோயம்புத்தூர் மாவட்டம், சூலக்கல், அருள்மிகு சூலக்கல் மாரியம்மன் திருக்கோயிலில் தலவிருட்சமாக இருக்கேன்.

மிக்க நன்றி குழந்தைகளே, மீண்டும் சந்திப்போம்.

(வளருவேன்)

]]>
https://images.dinamani.com/uploads/user/imagelibrary/2020/2/1/w600X390/sm14.jpg https://www.dinamani.com/weekly-supplements/siruvarmani/2020/feb/01/மரங்களின்-வரங்கள்-கல்லையும்-கரைக்கும்---மாவிலிங்க-மரம்-3346511.html
3346510 வார இதழ்கள் சிறுவர்மணி விடுகதைகள் -ரொசிட்டா DIN Saturday, February 1, 2020 10:10 PM +0530
1. இடி இடிக்குது, மின்னல் மின்னுது, மழையை மட்டும் காணோம்...
2.  வரைந்து வைத்த இரு கோடுகளுக்குள் இவனது பய ணம்...
3. வளைப்பார் வளைத்தால் வாயு வேகம்....
4. நோயுமில்லை, நெடியுமில்லை ஆனாலும் தினமும் மெலிகிறார் இவர்...
5. இங்கே ஒட்டுவார்கள், அங்கே வெட்டுவார்கள்...
6.  வெள்ளைக்கார துரைதான் ஆனாலும் மஞ்சள் நிறம், தொப்பியோ இரண்டு...
7. விழுந்த பல் முளைக்காத ஓட்டை வாயன்...
8. வெயிலில் காய்பவன், தண்ணீரில் பொங்குபவன்...

விடைகள்


1.  பட்டாசு 
2. ரயில் 
3. வில், அம்பு  
4. நிலவு
5. கடிதம்
6.  வறுத்த பட்டாணி
7.  சீப்பு  
8. சுண்ணாம்புக்கல்

]]>
https://www.dinamani.com/weekly-supplements/siruvarmani/2020/feb/01/விடுகதைகள்-3346510.html
3346509 வார இதழ்கள் சிறுவர்மணி அரங்கம்: பாம்பும் எறும்பும் சொன்ன (அறிவியல்) உண்மை! இடைமருதூர் கி.மஞ்சுளா: DIN Saturday, February 1, 2020 10:10 PM +0530  

காட்சி -1
இடம்: அம்மன் கோயில்
பாத்திரங்கள்: பூனைக் குட்டி, எறும்பு, பாம்பு.

(வெள்ளிக்கிழமை. கோயிலின் உள்பிராகாரத்தில் இருந்த புற்றுக்கு அருகில் பூனைக் குட்டி ஒன்று வருத்தமாக உட்கார்ந்திருந்தது. அதை எறும்பு ஒன்று பார்த்தது)

எறும்பு:  நீ ஏன்  இவ்வளவு வருத்தமாக இருக்கிறாய்?

பூனைக் குட்டி: அதை ஏன் கேட்கிறாய்... பசி!... எனக்குத் தரவேண்டிய பாலை என் எஜமானியம்மா இன்று இந்தப் புற்றுக்கு ஊற்றிவிட்டார். இந்தப் பாம்புகளால் நான் இன்று பட்டினி.  இன்று மட்டுமல்ல... ஆடி வெள்ளி, செவ்வாய் என்று வந்துவிட்டால் போதும் நான் முழு பட்டினிதான். பாலை புற்றுக்கு ஊற்றிவிட்டு எனக்குப் பிடிக்காத தயிர் சாதம் போடுகிறார் என் 
எஜமானி. என்ன செய்வது? 

எறும்பு: அடப் பாவமே...ஏன் இப்படிச் செய்கிறார்கள் என்று புரியவேயில்லையே?  மனிதர்களுக்கு சில அறிவியல் உண்மைகள் தெரிவதே இல்லை...!

பூனைக்குட்டி: என்ன சொல்கிறாய் நீ? என்ன உண்மை? 

(அப்போது புற்றிலிருந்து தலையைத் தூக்கிப் பார்த்து வெளிவந்தது ஒரு பாம்பு) 

பாம்பு: அதை நான் சொல்கிறேன். இது பாம்புப் புற்று என்று நினைத்து இந்த மக்கள் எங்களுக்கு வெள்ளி, செவ்வாய்க்கிழமைகளிலும், ஆடிமாதத்திலும் பால் ஊற்றுகிறார்கள். ஆனால் எங்களுக்குப் புற்றும் கட்டத்தெரியாது, நாங்கள் பாலும் குடிப்பதில்லை.

பூனைக்குட்டி: அப்படியா....? அட! பின்னே ஏன் மக்கள் பாலை ஊற்றி வீணாக்குகிறார்கள்?

பாம்பு: அதை நாளை சொல்கிறேன்... உன் எஜமானியம்மா வராங்க... நீ கிளம்பு. நாளை அவசியம் வந்துவிடு.... 

(பாம்பு தன் தலையை புற்றுக்குள் நுழைத்துக் கொண்டது)

பூனைக்குட்டி: அட!... எறும்பு அண்ணாவே... பாம்பு கூறுவது உண்மையா? வியப்பாக இருக்கிறதே?

எறும்பு:  உண்மைதான். இது பாம்பு புற்றே கிடையாது. பாம்புக்குப் புற்றும் கட்டத் தெரியாது...  இதில் எங்கள் இனமும் (எறும்பு) சம்பந்தப்பட்டிருப்பதால் நானும் சில உண்மைகளை உனக்குக் கூற வேண்டியிருக்கிறது. நாளை நாம் அவசியம் சந்திப்போம்... மறக்காமல் வந்துவிடு!

காட்சி -2
இடம்: அம்மன் கோயில்
பாத்திரங்கள்: பூனை, எறும்பு, பாம்பு, கரையான்.

(புற்று அருகே வந்த பூனைக்குட்டி பல முறை மியாவ்...மியாவ்... என்று குரல் கொடுத்த பிறகு பாம்பு மெல்ல தன் தலையை நீட்டி வெளியே வந்தது. கூடவே எறும்பு தன் இனத்தார் போல இருந்த வேறு சிலரையும் உடன் கூட்டிக்கொண்டு வந்தது.)

பூனைக்குட்டி: என்ன உண்மை?...சொல்லுங்கள்...கேட்க ஆவலாக இருக்கிறேன். 
பாம்பு: பொறு, அவசரப்படாதே... நானும் எறும்பும் மட்டுமல்ல... இந்தப் புற்றுக்குச் சொந்தக்காரர்களான இவர்களும் கூறுவார்கள்.

பூனைக்குட்டி: யார் இவர்கள்? 

எறும்பு: அதை நான் சொல்கிறேன். மண் புற்றுகள் இருப்பதை மக்கள் எங்காவது பார்த்தால் உடனே அதனைப் பாம்புப் புற்று என்கிறார்கள். பாம்புகள் புற்றுகளில் வாழ்வதாகவும் நினைக்கிறார்கள். உடனே, அங்கே பாலை ஊற்றி வழிபடத் தொடங்கிவிடுகிறார்கள். ஆனால், உண்மை என்ன தெரியுமா? பாம்புகள் புற்றுகளைக் கட்டுவதுமில்லை; அதில் நிரந்தரமாக வாழ்வதும் இல்லை. 

பூனைக்குட்டி: உண்மையாகவா...? பிறகு எதற்காகப் பாம்புகள் புற்றுக்குள் இருந்து வெளியே வருகின்றன? 

பாம்பு:  புற்றுகள் கரையான்களால் உருவாக்கப்படுபவை.  (எறும்புடன் வந்த சிலரைக் காண்பித்து)  இவர்கள்தான் அதற்குச் சொந்தக்காரர்கள். இவர்கள் தனித்து வாழாமல் கூட்டமாக வாழும் இயல்புடையவர்கள். கரையான் கூட்டத்தில் 500 முதல் 5,00,000 வரை கரையான்கள் இருக்கும். தாய்க் கரையான் கொழு கொழுவென்று பெரிதாக இந்தப் புற்றுகளில் தனியான ஓரிடத்தில் இருக்கும். அதுதான் எங்களுக்கு மிகவும் பிடித்தமான உணவு. அதனை சாப்பிடுவதற்காகவே நாங்கள் புற்றுக்குள் சென்று வருகிறோம். கரையான் புற்றைத்தான் பாம்புப்புற்று என்று தவறாக நினைத்து இந்த மக்கள் அதற்குள் பாலையும் ஊற்றி பூஜையும் செய்கிறார்கள். அறிவியல் உண்மை தெரியாத இந்த மக்களின் அறியாமையைப் பார்த்தாயா...?

கரையான்: அதுமட்டுமல்ல,  பாம்புகளின் நாக்குகள் பிளவுபட்டிருப்பதால், அவற்றால் பாலை உறிஞ்சியோ,  நக்கியோ குடிக்க முடியாது. தான் பிடிக்கும் இரையைக் கடித்துத் துண்டாக்கிக்கூடச் சாப்பிடாமல் அப்படியே விழுங்கக் கூடிய இயல்புடையது பாம்பு. அந்த இரையிலிருந்தே தேவையான தண்ணீர் பாம்புக்குக் கிடைத்துவிடுவதால் தனியாக எதையும் அது குடிப்பதில்லை. பாம்புக்கு மேல் இமையும் கிடையாது; அதற்குக் காதும் கிடையாது. நிலத்தில் ஏற்படும் அதிர்வுகளைக் கொண்டே அருகில் வரும் எதனையும் உணர்ந்து கொள்ளும்.  மகுடியின் இசையைக் கேட்டு பாம்பு ஆடுவதுமில்லை... பாம்பாட்டியின் உடலசைவுக்கு ஏற்றபடித்தான் ஆடுகிறது. அறிவியல் தொழில்நுட்ப வளர்ச்சியில் வாழும்  மனிதர்களுக்கு இந்த அறிவியல் உண்மைகள் தெரியவில்லை.... 

பூனைக்குட்டி: அப்படியா...? வியப்பாக இருக்கிறதே....

எறும்பு: அதற்குள் வாயைப் பிளக்காதே... மேலும் சொல்கிறேன் கேள்... இந்த நேரத்தில் ஒரு பழமொழியை நினைவுபடுத்த விரும்புகிறேன். கிராமங்களில், "கரையான் புற்றெடுக்க கருநாகம் குடிகொண்டதைப் போல' என்று கூறுவார்கள். இதிலிருந்தே தெரியவில்லையா.... கரையான்தான் புற்றைக் கட்டுகிறது, பாம்பு அல்ல என்பது...

பாம்பு: மீதியை நான் சொல்கிறேன்... ஒரு கரையான் கூட்டத்தில் ராணிக் கரையான், மன்னர் கரையான், ராணுவ வீரர்கள் (சோல்ஜர்ஸ்), பணிக்கரையான்கள் (வொர்க்கர்ஸ்) என நான்கு வகை  இருக்கும். ராணிக் கரையான் இடும் முட்டைகளிலிருந்து வெளிவருபவைதான் ஈசல்கள். அவை புற்றைவிட்டு வெளியேறி புதிய புற்றுகளை உருவாக்கும். அவற்றின் நில வசிப்பிடத்தினைத்தான் "புற்று' என்கிறார்கள்.

பூனைக்குட்டி: உண்மையாகவா? 

எறும்பு: ஆமாம். இந்தக் கரையான்கள் அழிந்து போனவுடன் உடனே அதில் பாம்புகள் வந்து குடியேறும். கறையான்களை "வெள்ளை எறும்புகள்' என்று எங்கள் இனத்தோடு இணைத்துக் கூறுவார்கள். கரையான்கள் எங்களைப் போல இருந்தாலும், உண்மையில் அவை எங்கள் இனத்தவை அல்ல. நாங்கள் ஏஹ்ம்ங்ய்ர்ல்ற்ங்ழ்ஹ என்ற வகையைச் சேர்ந்தவர்கள். கரையான்கள் ஐள்ர்ல்ற்ங்ழ்ஹ என்ற வகையைச் சேர்ந்தவை. ஐள்ர் என்றால், "ஒரே மாதிரி' என்று பொருள். டற்ங்ழ்ஹ என்றால், "இறக்கை' என்று பொருள். அதாவது, கரையான்களின் மறுவடிவமான ஈசல்களின் முன் மற்றும் பின் இறக்கைகள் ஒரே மாதிரி இருப்பதால்தான், இந்த வகைப்பாட்டில் பெயர். ராணிக்கரையான் ஒரு நாளைக்கு சுமார் 2000 முட்டைகள் வைக்கும். ராணிக்கரையான்களின் வாழ்நாள் 15-25 ஆண்டுகள் ஆகும். இந்தக் கரையான்களில்  உலகம் முழுதும் சுமார் 275 பேரினங்களும், 2,750 சிற்றினங்களும் உள்ளன. கரையான் புற்றுக்கும், இயற்கைச் சூழலுக்கும் நல்ல உறவு இருக்கிறது. மண்ணியல், நீரியல் போன்றவற்றின் மாற்றங்களைச் சுட்டிக் காட்டுபவையாகப் புற்றுகளை இவை மாற்றியுள்ளன. கரையான் புற்று உள்ள இடத்தில் எந்த மாதிரியான தாவரம் வளரும், சுற்றுச்சூழலில் என்ன மாற்றம் ஏற்படக்கூடும் என்பதை எல்லாம் புற்றுகள் மூலமே அறிய முடிகிறது என்கிறார்கள் விஞ்ஞானிகள்.

பாம்பு: மேலும் உண்மைகளைச் சொல்கிறேன்.... புற்றுகளைக் கொண்டு பருவ மாற்றம், சுற்றுச்சூழல் மாற்றத்தைக் கணிக்கலாம் என்ற புதிய தகவலையும் கூறுகிறார்கள் விஞ்ஞானிகள். "கார்னகி' நிறுவனத்தின் உலக சுற்றுச் சூழலியல் துறை ஆய்வாளர்கள் இது தொடர்பான ஆய்வை ஆப்பிரிக்காவில் மேற்கொண்டிருக்கின்றனர். அவர்கள் இதற்கென்று வானில் இருந்து படமெடுப்பது, வரைபடங்களை அலசுவது முதலிய நவீன உத்திகளைப் பயன்படுத்தியுள்ளனர். அவற்றின் மூலம், 192 சதுர மைல் பரப்பளவில் அமைந்த 40 ஆயிரத்துக்கும் மேற்பட்ட கரையான் புற்றுகளை ஆய்வு செய்துள்ளனர். புற்றுகளின் அளவு, அவை ஒரு பகுதியில் அதிகமாக அல்லது குறைவாக அமைந்திருக்கும் விதம் ஆகியவற்றுக்கும், ஆண்டுதோறும் பெய்யும் மழையளவுடன் இணைந்த தாவரவியல், நில அமைப்பு ஆகியவற்றுக்கும் தொடர்பு இருக்கிறது என்று விஞ்ஞானிகள் கண்டு பிடித்துள்ளனர்.

பூனைக்குட்டி : உண்மையாகவா? 

பாம்பு : ஆமாம், அது மட்டுமா? சில கரையான் புற்றுகளில், பல மில்லியன் கரையான்கள் இருக்குமாம். அவற்றின் வளர்சிதை மாற்றங்களால் உருவாகும் வெப்பம் மற்றும் நீராவி ஆகியவை ஒருவித மிதவை உந்து விசைகளை (ஆன்ர்ஹ்ஹய்ற் ச்ர்ழ்ஸ்ரீங்ள்) உள்ளிழுக்கும். எனவே, புற்றின் உள்ளிருக்கும் காற்று இங்ய்ற்ழ்ஹப் ஸ்ரீட்ண்ம்ய்ங்ஹ் மூலம் மேலே வரும். அப்போது புற்றின் உள் காற்றிலிருக்கும் ஆக்சிஜன், கார்பன்-டை ஆக்சைடு, வெப்பம் மற்றும் நீராவி ஆகியன நன்ழ்ச்ஹஸ்ரீங் ஸ்ரீர்ய்க்ன்ண்ற்ள்  மூலம் புற்றின் வெளிக்காற்றுடன் பரிவர்த்தனை செய்து கொள்ளும். எனவே, புத்தம் புதிய காற்று, மீண்டும் புற்றுக்குள் நன்ழ்ச்ஹஸ்ரீங் ஸ்ரீர்ய்க்ன்ண்ற்ள், இங்ய்ற்ழ்ஹப் ஸ்ரீட்ண்ம்ய்ங்ஹ் மூலம் உள்ளிழுக்கப்படும். எனவே, புற்று எப்போதும் சில்லென்றே இருக்கும். எனவேதான், நாங்கள் புற்றுக்குள் வந்து தங்கிவிடுகிறோம். இத்துணை ஆற்றல்களைப் பெற்றிருக்கும் இந்த அதிசயப் பிராணிகளான கரையான்களுக்குக் கண்களே இல்லை என்பது அதைவிடவும் அதிசயமல்லவா?

பூனைக்குட்டி: உண்மையாகவா...? நான் வியப்பின் உச்சிக்கே போய்விட்டேன்...
கரையான்:  ஆமாம் பூனைக்குட்டியே... எங்களுக்குக் கண்கள் கிடையாது. எறும்பும் பாம்பும் எங்களைப் பற்றி கூறியவை அனைத்தும் உண்மை. எங்களைவிட அவர்கள் எங்களைப் பற்றி நிறையவே தெரிந்து வைத்திருப்பது மகிழ்ச்சியாக இருக்கிறது. இதையெல்லாம் நீ உன் எஜமானி அம்மாவுக்குச் சொல்லி, கூகுளில் சென்று எங்களைப் பற்றி தேடிப் படிக்கச் சொல்லு. அதில் மேலும் நிறைய அரிய தகவல்கள் உள்ளன.  

பாம்பு: நீ சொல்வதும் சரிதான்... இன்றைக்குத்தான் மக்கள் எல்லோர் கையிலும் செல்ஃபோன் இருக்கிறதே... இருந்த இடத்தில் இருந்தபடியே அதில் படித்துத் தெரிந்து கொள்ளலாமே.... இதனால் அவர்கள் அறியாமையும் விலகும்... எங்கள் தலையிலும் பாலை ஊற்றமாட்டார்கள்... கரையான்களின் புற்றும் அழியாது.... நீயும் இனி  பட்டினி கிடக்க வேண்டிய அவசியமில்லை.... 

பூனைக்குட்டி: மிக்க நன்றி நண்பர்களே... இத்தனை நாளும் எனக்குக் கிடைக்க வேண்டிய பாலையெல்லாம் பாம்புதான் குடிக்கிறது என்று தவறாக நினைத்துவிட்டேன். மன்னித்துவிடு பாம்பண்ணா...  இத்தகைய அரிய அறிவியல் உண்மைகளை நான் இப்போதே சென்று என் எஜமானிக்கு மட்டுமல்ல.... இந்த உலகுக்கே தெரியப்படுத்துகிறேன். 
    
(மகிழ்ச்சியாகக் குதித்துக் குதித்துப் பூனை ஓடிச் சென்று மறைந்தது)

-திரை- 

]]>
https://images.dinamani.com/uploads/user/imagelibrary/2020/2/1/w600X390/sm13.jpg https://www.dinamani.com/weekly-supplements/siruvarmani/2020/feb/01/அரங்கம்-பாம்பும்-எறும்பும்-சொன்ன-அறிவியல்-உண்மை-3346509.html
3346507 வார இதழ்கள் சிறுவர்மணி கடி DIN DIN Saturday, February 1, 2020 09:31 PM +0530  

""கதை எழுதினால் கதாசிரியர்!..... பாடல் எழுதினால் பாடலாசிரியர்!....''
""அப்போ "பேர்' எழுதினா பேராசிரியரா?''


ஜோ.ஜெயக்குமார்,
நாட்டரசன்கோட்டை, 630556


""கணக்குப் பரிட்சையிலே எல்லா கேள்விக்கும் படிக்கட்டு மாதிரி வரைஞ்சு வெச்சிருக்கியே ஏண்டா?''
""கணக்குலே ஸ்டெப்ஸþக்கு மார்க் உண்டுன்னு நீங்கதானே சார் சொன்னீங்க?''


ஜோ.ஜெயக்குமார்,
நாட்டரசன்கோட்டை.

 

""டாடி, நீங்க எனக்கு புது சைக்கிள் வாங்கித் தர்றா மாதிரி கனவு கண்டேன்!''
""அப்படியா? ஓ.கே! அதை ஓட்டிக்கிட்டுப் போறா மாதிரி இன்னைக்குக் கனவு 
கண்டுடு!''

நெ.இராமன்,
சென்னை - 600074.



""என்னடா இது? ஆச்சரியமா இருக்கே!... உங்கூடப் பிறந்தவங்க 25 பேரா?''
""ஆமா..... நான் கவர்மெண்ட் ஆஸ்பத்திரியிலே பிறந்தேன்!....அப்போ அங்கே எங்கூடப் பிறந்தவங்க 25 பேராம்!.... எங்கப்பா சொல்லியிருக்காரு!''

இலக்கியா சுந்தர்,  
திருநெல்வேலி - 627002.

 


""ஆளுக்கு ஒரு ஸ்ட்ராபெர்ரி பழம் சாப்பிட்டோம்!.... தம்பிக்கு மட்டும் ரெண்டு குடுத்தேன்!''
""தம்பிக்கு எக்ஸ்ட்ராபெர்ரியா!''

ஜி.இனியா, 1078, இலட்சுமி இல்லம், 
கிருஷ்ணகிரி -635001.



""உனக்கு ஆங்கிலம் பேச வருமா?''
""அது வராது!.... நாமதான் பேசணும்!''

கோ.சாய் வினோத் சித்ரா,
கிருஷ்ணாபுரம். 

]]>
https://images.dinamani.com/uploads/user/imagelibrary/2020/2/1/w600X390/sm12.jpg https://www.dinamani.com/weekly-supplements/siruvarmani/2020/feb/01/கடி-3346507.html
3346506 வார இதழ்கள் சிறுவர்மணி குறள் நெறிக் கதைகள்!: பிறருக்குத் தீங்கு செய்ய நினையாதே! லக்ஷ்மி பாலசுப்ரமணியன் DIN Saturday, February 1, 2020 09:28 PM +0530
முன்னொரு காலத்தில் அழகிய குளம் ஒன்று இருந்தது. அதில் தாமரை மலர்களும்,அல்லி மலர்களும் பூத்துக் குலுங்கின. அந்தக் குளத்தில் தவளை ஒன்று வசித்து வந்தது. அது அளவில் பெரியதாகவும் , பச்சை  நிறத்திலும்  இருந்தது. அக்குளக் கரையில் சற்று தொலைவில் பாம்பு ஒன்று புற்றில் வசித்து வந்தது. 

தவளை சில நேரங்களில் பூச்சிகளைப் பிடிப்பதற்காக குளக் கரைக்கு வந்து நிற்கும். இதைக் கண்ட பாம்பு தவளையைப் பிடிப்பதற்காகப் பாய்ந்தோடி வரும். ஆனால் அதற்குள் தவளை நீருக்குள் பாய்ந்து சென்று மறைந்து விடும். அது தாமரை இலையின் மேல் சென்று அமர்ந்து விட்டால் யாராலும் அதை அடையாளம் காண இயலாது.

இப்படி இருக்கையில் எப்படியோ எலி ஒன்று தவளைக்கு நண்பன் ஆனது. ஒரு நாள் எலியிடம், தாமரை இலை மீது அமர்ந்திருந்த தவளை,  ""நண்பா! நம் இருவருக்கும் பொதுவான எதிரி ஒருவர் உண்டென்றால் அது இந்தப் பாம்பு தான்!  அதை எப்படியாவது ஒழித்துக் கட்ட  நான் ஒரு திட்டம் வைத்துள்ளேன்!  நீ ஒத்துழைத்தால் அவனை அடியோடு ஒழித்து விடலாம்!'' என்றது. 

""சொல் நண்பா! நீ என்ன சொன்னாலும் நான் கேட்கிறேன் !'' என்றது எலி.

""நண்பகல் வேளைகளில் இங்கு பருந்துகளும் கழுகுகளும் சுற்றி வட்டமிடுகின்றன. நீ பாம்புப் புற்றின் அருகே சென்று ஓசை எழுப்பி விட்டு ஓடி விடு! உன் இருப்பை அறிந்த பாம்பு உன்னைப் பிடிக்க வெளியே ஓடி வரும்! நீ எப்படியாவது அதனிடம் சிக்காமல் ஓடி விட வேண்டும்! வானில் பறக்கும் பருந்து மற்றும் கழுகுகளின் கண்களுக்கு பாம்பு தப்ப முடியாது! அவை பறந்து வந்து அந்த  பாம்பைக் கொத்தி தின்று விடும்!'' என்றது.

இது நல்ல திட்டமாக இருந்தாலும் பருந்து, கழுகு என்ற பெயரைக் கேட்டதுமே எலிக்கு கிலி பிடித்துக் கொண்டது.

""அவை பாம்பைப் பிடிக்காமல் என்னைப் பிடித்து விட்டால்?'' என்று நினைத்த எலி பயந்து போய் மெளனமானது.

""நண்பா! என்ன யோசிக்கிறாய்? இது சற்று கடினமான காரியம்தான்! உன் உயிரைப் பணயம் வைத்து செய்ய வேண்டிய செயல்தான்! ஆனால் இதில் வெற்றி பெற்று விட்டால் நாம் இருவரும் சுதந்திரமாக சுற்றித் திரியலாம்!'' என்று ஆசை வார்த்தை காட்டித் தந்திரமாகப் பேசியது தவளை.

தவளைக்கு உண்மையிலேயே எலியின் மீது அக்கறை இல்லை. அதன் ஒரே எண்ணம் பாம்பை அழிக்க வேண்டும் என்பதே! "இச் செயலில் தோற்றாலும் அழியப் போவது எலிதானே!எலியைப் பாம்பு பிடித்துத் தின்னும் அல்லது பருந்தும் கழுகும் கொத்தித் தின்னப் போகின்றன! நமக்கு ஒன்றும் நஷ்டம் இல்லை! நாம் நடப்பவற்றை வேடிக்கை பார்ப்போம் !'என்று தனக்குள் எண்ணிக் கொண்டது தவளை.

தவளையின் தீய எண்ணத்தைப் புரிந்து கொள்ளாத எலி மறு நாள் திட்டமிட்ட
படியே செயல் பட்டது. எலியின் இருப்பை அறிந்த பாம்பு எலியைப் பிடிக்கப் பாய்ந்தோடி வந்தது. பாம்பிடம் இருந்து தப்பிக்க எலி ஒரு புலியைப் போல் ஓடி ஒரு பொந்துக்குள் தன்னை மறைத்துக் கொண்டது.

தாமரை இலை மேல் அமர்ந்து இவற்றை வேடிக்கை பார்த்துக் கொண்டிருந்த தவளை தன்னையும் அறியாமல் ""நண்பா! மாட்டிக்கொண்டு விடாதே! இன்னும் வேகமாக ஓடு!''என்று தன் குரலில் ""கர்''   ""புர்'' என்று கத்தியது.

வானில் வட்டமிட்டுக் கொண்டிருந்த பருந்துகளும் கழுகுகளும் தரையில் ஊர்ந்து கொண்டிருந்த கரு நாகத்தைப் பார்த்து விட்டன. கொத்தித்தின்னப் பறந்தோடி வந்தன. அப்பறவைகளின் நிழலுக்கே பயந்து ஓடிய பாம்பு எப்படியோ தன்  புற்றுக்குள் சென்று ஒளிந்து கொண்டது. தன் ஒரே  எதிரி அழியப் போகிறான்  என்ற சந்தோஷத்தில் தவளை தன்னை மறந்து ""அடேய்! பாம்பு ! நீ இன்று எப்படி  தப்பிக்கிறாய் என்று பார்க்கிறேன்? நல்லா மாட்டிக்கிட்டியா?'' என்று கத்தத் தொடங்கியது.  

பறந்து வந்த கழுகும் பருந்தும் பாம்பைப் பிடிக்க முடியாமல் ஏமாற்றம் அடைந்தன. சீற்றம் கொண்ட பருந்து கோபம் கொண்டு தாமரை இலை மீது அமர்ந்திருந்த தவளையைக் கொத்திக் கொண்டு பறந்து சென்றது.

ஆம்! பிறருக்குத் தீங்கு செய்ய நினைத்த தவளைக்குத் தானே தீங்கு தேடி வந்தது.இதையேதான் வள்ளுவரும் “தீவினையச்சம்” என்ற அதிகாரத்தில், 

மறந்தும் பிறன் கேடு சூழற்க – சூழின்
அறஞ்சூழும் சூழ்ந்தவன் கேடு.”      
- என்கிறார். 

இதன் பொருள் ""பிறருக்குத் தீங்கு தரும் செயல்களை மறந்தும் நினைக்கக் கூடாது!அப்படி நினைத்தவனுக்கு அறமே தீமை செய்துவிடும் !'' என்பதாகும்.
 

]]>
https://images.dinamani.com/uploads/user/imagelibrary/2020/2/1/w600X390/sm11.jpg https://www.dinamani.com/weekly-supplements/siruvarmani/2020/feb/01/குறள்-நெறிக்-கதைகள்-பிறருக்குத்-தீங்கு-செய்ய-நினையாதே-3346506.html
3346504 வார இதழ்கள் சிறுவர்மணி கப்பல்! - வளர்கவி DIN Saturday, February 1, 2020 09:25 PM +0530
ஓடும் நீரில் என் கப்பல்
ஒய்யாரமாய்ப் போகிறது!
ஆடும் அப்படி இப்படியாய்
ஆயினும் கவிழ்ந்து மூழ்காது!

காகிதக் கப்பல் என்றாலும் 
கம்பீரமாகப் பயணிக்கும்!
வெயிலானாலும் மழையானாலும்
வேகமாகப்  பயணிக்கும்!

அமைதியை நாடும் கப்பலிது!
ஆயுதம் தாங்காக் கப்பலிது!
சுமைகள் ஏற்றக்கூடாது!
சும்மா இருந்தா மூழ்காது!

மாலுமி இன்றிப் பயணிக்கும்!
மனதில் இன்பம் ஊற்றெடுக்கும்!
கண்ணில் இருந்து தப்பாமல்
கண்ணியமாகப் பயணிக்கும்!

கல்லோ குச்சி கம்பிகளோ 
கப்பலில் இட்டா தாங்காது!
எல்லோருக்கும் மகிழ்ச்சி தரும் 
கப்பலைக் காண வாருங்கள்!

]]>
https://images.dinamani.com/uploads/user/imagelibrary/2020/2/1/w600X390/sm10.jpg https://www.dinamani.com/weekly-supplements/siruvarmani/2020/feb/01/கப்பல்-3346504.html
3346503 வார இதழ்கள் சிறுவர்மணி திருவிழா! - ரமண ராஜசேகர் DIN Saturday, February 1, 2020 09:23 PM +0530 மாரியம்மன் கோயிலிலே திருவிழா - அங்கே 
முளைப்பாரி ஊர்வலமும் ஒரு விழா!
கோரிக்கையை மாரியிடம் கூறலாம்! - நம் 
குலம் வாழ அருள்தரவே கோரலாம்!

பக்தரெல்லாம் ஆடிப்பாடி வருகிறார்! - தலையில் 
பால்குடமும் தேன்குடமும் சுமக்கிறார்!
சக்தியிடம் வேண்டுதலை வைப்போமே - நம் 
சங்கடங்கள் தீர்த்தருளத் துதிப்போமே!

கோயிலிலே வழிபாடும் நடக்குது! - அங்கே 
குடம்குடமா பால் வழிந்து கொட்டுது!
தேவியவள் சாந்தமாகி அருள்கிறாள்! - கண்ட 
தரிசனத்தால் மக்களெல்லாம் மகிழ்கிறார்!

ஆண்டு தோறும் வருகுது பார் குதூகலம்! - மக்கள் 
ஆடிப்பாடி மகிழ்ச்சியிலே கும்மாளம்!
வேண்டும் வரம் தருபவள்தான் மாரியம்மா! - நம் 
வேதனைகள் தீர்த்திடுவாள் முத்து மாரியம்மா!

]]>
https://images.dinamani.com/uploads/user/imagelibrary/2020/2/1/w600X390/sm9.jpg https://www.dinamani.com/weekly-supplements/siruvarmani/2020/feb/01/திருவிழா-3346503.html
3346502 வார இதழ்கள் சிறுவர்மணி கருவூலம்: தமிழ் மொழியின் வரலாறு! கே.பார்வதி, திருநெல்வேலி டவுன். DIN Saturday, February 1, 2020 09:22 PM +0530 தமிழ் மொழி மிகப் பழமை வாய்ந்த மொழியாகும்!

இந்தச் சிறு கட்டுரையில் தமிழ்மொழியின் வரலாற்றையும், அதன் சிறப்புகளையும், எழுதுவது என்பது இயலாத ஒன்று! எனினும் சற்று சுருக்கமாகத் தமிழ்மொழியின் வரலாற்றை நாம் இந்தக் கட்டுரையில் காண்போம்!

தமிழ் மொழிக்கு வரி வடிவம், அதாவது எழுத்து வடிவம் எப்பொழுது உருவானது? என்ற வினாவிற்கு சரியான விடை இன்றுவரை கிடைக்கவில்லை.
தற்சமயம் நமக்குக் கிடைத்துள்ள ஆதாரங்களைக் கொண்டு சில உண்மைகளை அறிகிறோம்.

தமிழின் பெருமைகள்

தமிழ் திராவிட மொழிக் குடும்பத்தின் முதன்மையான மொழிகளில் ஒன்று. தமிழ் ஒரு செம்மொழி. இந்தியா, இலங்கை, சிங்கப்பூர், மலேசியா ஆகிய நாடுகளில் அதிக அளவிலும், இங்கிலாந்து, அமெரிக்கா, கனடா, நார்வே, ஆஸ்திரேலியா, பிரான்ஸ், ஜெர்மனி, தென்னாப்பிரிக்கா, ரியூனியன், மொரீஷியஸ், ஐக்கிய அரபு அமீரகம், பிஜி, டிரினிடாட் போன்ற நாடுகளில் சிறிய அளவிலும் தமிழ் பேசப்படுகிறது.

1997 - ஆம் ஆண்டு புள்ளி விவரப்படி உலகம் முழுவதிலும் 8 கோடி மக்களால் தமிழ் பேசப்படுகிறது. தமிழைத் தாய்மொழியாகக் கொண்டு பேசும் மக்களின் எண்ணிக்கை அடிப்படையில் பதினெட்டாவது இடத்தில் உள்ளது. இணையத்தில் அதிகம் பயன்படுத்தப்படும் மொழிகளில் தமிழ் முதன்மையாக உள்ளதாக 2017 - ஆம் ஆண்டில் நடைபெற்ற கூகுள் கணக்கெடுப்பில் தெரிய வந்தது. இந்தியாவில் கிடைத்துள்ள ஏறத்தாழ 1,00, 000 தொல்லியல் கல்வெட்டுப் பதிவுகளில் 60,000 -க்கும் அதிகமானவை தமிழகத்தில் கிடைத்துள்ளன. அவற்றில் ஏறத்தாழ 95 சதவீதம் தமிழில் உள்ளன. மற்ற மொழிகள் அனைத்தும் சேர்ந்து5 சதவீதத்திற்கும் குறைவான கல்வெட்டுகளையே கொண்டுள்ளன.

தமிழின் பழமை!

2500 ஆண்டுகளுக்கும் மேல் பழமை வாய்ந்த இலக்கிய மரபைக் கொண்டுள்ள தமிழ் மொழி தற்போது வழக்கில் உள்ள ஒரு சில செம்மொழிகளில் ஒன்றாகும். நூற்றாண்டுகள் பல கடந்த பின்பும் ஒலி, வரி வடிவம் மற்றும் சொல்லமைப்பு
களில் சிறிய மாற்றங்களே ஏற்பட்டுள்ளன. எனவே பண்டைய இலக்கியங்கள் இன்றும் புரிந்து கொள்ளும் நிலையில் உள்ளன.

எடுத்துக்காட்டாக, ஆத்திசூடி சுமார் 1000 ஆண்டுகளுக்கு முன்னர் இயற்றப்பட்டது. திருக்குறள் 2000 ஆண்டுகளுக்கு முன்னர் இயற்றப்பட்டது. இவற்றின் கருத்துகள் இன்றும் புரிந்து கொள்ளப்படுகின்றன.

தமிழ் இலக்கியங்களில் சில 2500 ஆண்டுகளுக்குமேல் பழமையானவை. இவை "பிராமி' எழுத்துக்களால் எழுதப்பட்டவை ஆகும்.

பல இலக்கியப் படைப்புகள் பனையோலைகளில் எழுதப்பட்டு, திரும்பத் திரும்ப பிரதி எடுக்கப்பட்டதன் மூலமும், வாய்மொழி மூலமும் வழிவழியாகப் பாதுகாக்கப்பட்டு வந்ததால் மிகப் பழைமையான படைப்புகளில் காலங்களைக் கணிப்பது கடினமாக உள்ளது.

மிகப் பழைய நூல் தொல்காப்பியமாகும். இது தமிழ் இலக்கணத்தை விளக்கும் ஒரு நூலாகும். இதன் சில பகுதிகள் கி.மு. 400 - ஆம் ஆண்டு காலத்தில் எழுதப்பட்டதாகக் கருதப்படுகிறது. 2005 - இல் அகழ்ந்தெடுக்கப்பட்ட சில சான்றுகள் தமிழ் மொழி எழுத்தை கி.மு. 600 - க்கும் முந்தையதாகக் காட்டுகின்றன.

இறையனார் அகப்பொருள் உரை என்ற நூலில் கூறியுள்ளது உண்மையாக இருந்தால் தமிழர்களின் இலக்கியக் காலம் சுமார் கி.மு. 10,500 ஆண்டுகள் வரை செல்லும். ஆனால் இதற்கு வலுவான பிற ஆதாரங்கள் எதுவும் இருப்பதாகத் தெரியவில்லை.

மொழியை நிலை நிறுத்த எழுத்து மிக அவசியம். எழுத்தற்ற மொழிகள் நிலைப்பது கடினம்.

தமிழ் பிராமி

தமிழ் பிராமி என்பது பண்டைக் காலத்தில் தமிழ் எழுத்துக்களை எழுதப் பயன்பட்ட எழுத்து முறையாகும். இவை கி.மு. 5 - ஆம் நூற்றாண்டு முதல் கிட்டத்தட்ட கி.பி. 3 - ஆம் நூற்றாண்டு வரை புழக்கத்தில் இருந்தன.

இது அக்காலத்தில் தெற்கு ஆசியாவில் பயன்பாட்டில் இருந்த பிராமி எழுத்து முறைகளான அசோக பிராமி, தென் பிராமி, மற்றும் "பட்டபிரோலு' போன்றவற்றில் இருந்து வேறுபட்டது.

பிராமி என்பது இடப்பக்கத்திலிருந்து வலப்பக்கமாக எழுதப்பட்ட ஒரு "அபுகிடா' வகை எழுத்து முறையாகும்.

தமிழ் பிராமி எழுத்துகள் குகைப்படுக்கைகள், மட்கல ஓடுகள், முதுமக்கள் தாழிகள், நாணயங்கள், முத்திரை அச்சுகள், ஆகியவற்றிலிருந்து கண்டுபிடிக்கப்பட்டன.

தமிழ்நாடு, கேரளம், இலங்கை, எகிப்து, தாய்லாந்து போன்ற இடங்களில் தமிழ் பிராமி எழுத்துகள் கண்டுபிடிக்கப்பட்டுள்ளன.

தமிழ் நாட்டில் கி.மு. 500 காலத்துக்குரிய ஆரம்ப தமிழ் பிராமி எழுத்துகள் ஈரோடுக்கு அருகில் உள்ள கொடுமணலிலும் பழனிக்கு அருகில் உள்ள பொருந்தலிலும், திருநெல்வேலிக்கு அருகில் உள்ள ஆதிச்சநல்லூரிலும், மதுரைக்கு அருகில் உள்ள மாங்குளம் பகுதியிலும் கண்டுபிடிக்கப்பட்டுள்ளன.

கி.பி. 2-ஆம் நூற்றாண்டுக்குப் பிந்தைய கல்வெட்டுகளில் சற்று மாறுபட்ட தமிழ் பிராமி வடிவம் காணப்படுகிறது. இவ்வடிவம் தொல்காப்பியத்தில் விளக்கப்பட்ட தமிழ் எழுத்து முறையைப் பெருமளவுக்கு ஒத்ததாக உள்ளது.

அண்மையில் தமிழ் நாட்டிலும் இலங்கையிலும் கி.மு. 6 - ஆம் நூற்றாண்டு காலத்திய கல்வெட்டுகள் கண்டுபிடிக்கப்பட்டுள்ளன. எனவே பிராமி எழுத்து முறை இன்னும் பழைமையானதாக இருக்கலாம் எனக் கருதப்படுகிறது.

பிராமி எழுத்து முறையிலிருந்தே பெரும்பான்மையான தெற்காசிய, தென் கிழக்காசிய மொழிகளின் எழுத்து முறை தோன்றின. தற்காலத்து இந்தோ அரேபிய எண் முறையும் பிராமி எண் முறையிலிருந்தே தோன்றின.

வட்டெழுத்து

வட்டெழுத்து என்பது கி.பி. 3 - ஆம் நூற்றாண்டிலிருந்து கி.பி. 10 - ஆம் நூற்றாண்டு வரை தமிழை எழுதப் பயன்படுத்தப்பட்டு வந்த ஒரு எழுத்து முறையாகும். வட்டெழுத்துகள் பிராமி எழுத்து முறையிலிருந்து தோன்றியதாகக் கருதப்படுகிறது. பிராமி எழுத்துகள் கோடுகளாக இருப்பதால் ஓலைச் சுவடியில் எழுதினால் சுவடி கிழிந்து விடும் என்பதால் வட்டெழுத்து உருவானதாக சொல்வதுண்டு. வட்டெழுத்தை மலையாள மொழியினை எழுதவும் பயன்படுத்தினர். தமிழகத்தின் பல கோயில்களில் வட்டெழித்தில் எழுதப்பட்ட கல்வெட்டுகள் உள்ளன.

பல்லவர் கால எழுத்து முறை

கி.பி. 11 ஆம் நூற்றாண்டுகளில் வட்டெழுத்து, தமிழ்நாட்டில் வழக்கொழிந்து தற்காலத் தமிழ் எழுத்தை ஒத்த ஓர் எழுத்து முறை பயன்படுத்தப்பட்டது.

தற்காலத் தமிழ் எழுத்துகள் வட்டெழுத்துகளிலிருந்து வளர்ச்சி அடைந்தவை அல்ல. 7 - ஆம் நூற்றாண்டில் பல்லவர்கள் புதிய தமிழ் எழுத்து முறையை பயன்படுத்தினர். இவ்வெழுத்துகள் கிரந்த எழுத்துகளை எளிமையாக்கி உருவாக்கப்பட்டவை.

கிரந்த எழுத்துகள் என்பது சமஸ்கிருத வார்த்தைகளை எழுதுவதற்காக தென்னிந்தியாவில் உருவான எழுத்துகள் ஆகும். 8 - ஆம் நூற்றாண்டு அளவில் தமிழகத்தின் வடபகுதியான சோழ நாட்டிலும், பல்லவ நாட்டிலும், இப்புதிய எழுத்து முறை வட்டெழுத்துக்கு பதிலாக பயன்பாட்டுக்கு வந்துவிட்டது.

தமிழகத்தின் தென்பகுதியில் இருந்த சேர நாட்டிலும், பாண்டிய நாட்டிலும் வட்டெழுத்து முறை 11 - ஆம் நூற்றாண்டு வரை பயன்பாட்டில் இருந்தது. அதன்பின் பாண்டிய நாடு சோழர்களால் கைப்பற்றப்பட்டது. அதன்பின் வந்த நூற்றாண்டுகளில் சோழ, பல்லவ எழுத்து முறை நவீன தமிழ் எழுத்து முறையாக வளர்ச்சி பெற்றது. பல்லவ எழுத்து முûறை கல்வெட்டுகள், காஞ்சிபுரம் கைலாசநாதர் கோயிலில் உள்ளன. இக்கோயில் பல்லவப் பேரரசர் ராஜசிம்மனால் கட்டப்பட்டது.

நம்முடைய தற்காலத் தமிழ் எழுத்துகள் இந்த பல்லவ எழுத்து முறையிலிருந்து தோன்றியதே ஆகும். பல்லவ தமிழ் எழுத்தில் பல்வேறு குறைபாடுகள் இருந்தன. புள்ளி குறிக்கப்பெறவே இல்லை. நன்னூல் போன்ற பிற்கால இலக்கண நூல்களிலும் கூட புள்ளியின் பயன்பாடு என்பது ஏட்டளவிலேயே இருந்தது. ஓலைச்சுவடிகளிலேயோ, கல்வெட்டுகளிலேயோ புள்ளியைக் காண இயலாது. மேலும் "எ' என்ற எழுத்துக்கும், "ஏ' என்ற எழுத்துக்கும் மாறுபாடு இருக்காது. அது போலவே "ஒ' என்ற எழுத்துக்கும், "ஓ' என்ற எழுத்துக்கும் வேறுபாடு இருக்காது. உயிரெழுத்துகளில் குறில், நெடில் என இரு எழுத்துகள் இல்லாமல், ஒரே எழுத்து மட்டுமே இருந்தது. அதனால் இடத்திற்கு ஏற்றாற்போல் பொருள் கொள்ளுதல் வேண்டும்.

வீரமாமுனிவருக்கு முற்பட்ட தமிழ்

சுமார் 15 - ஆம் நூற்றாண்டு அளவில் தமிழ் எழுத்துகளுக்கு மிக நெருங்கிய வடிவினை பல்லவ தமிழ் எழுத்துகள் பெற ஆரம்பித்தன. அதே நேரத்தில் பல்லவ தமிழின் குறைபாடுகள் அப்படியே தொடர்ந்த வண்ணம் இருந்தன.

16 - ஆம் நூற்றாண்டின் இறுதியில்கூட எழுத்துத் தமிழில் "ர' கரத்திற்கும், காலிற்கும் ( "ô' ) வித்தியாசம் இல்லை. அதே போல் புள்ளி இருக்காது. "எ' கர, "ஏ' கார வேறுபாடும், "ஒ' கர, "ஓ' கார வேறுபாடும் இருக்காது.

வீரமாமுனிவரின் தமிழ்

வீரமாமுனிவர் என்று அழைக்கப்பட்ட "கான்ஸ்டன்úஸா பெஸ்கி' 18 - ஆம் நூற்றாண்டில் தமிழகம் வந்தார். அவர் பல்வேறு சீர்திருத்தங்களை தமிழ் மொழியில் புகுத்தினார். புள்ளியின் பயன்பாட்டைக் கொண்டுவந்தார். புள்ளியற்ற குறில் எழுத்துக்கள் நெடிலாகவும், புள்ளியுடன் கூடிய குறில் எழுத்துகள் குறிலாகவும் உச்சரிக்கப்பட்டன.

உதாரணம்.

வீரமாமுனிவர், "எ', "ஒ' ஆகியவற்றின் அமைப்பில் சில மாற்றங்களைச் செய்து, "ஏ'.... "ஓ' எனப் புது நெடில் உருவங்களைப் படைத்தார். அதே போல் ஒற்றைக் கொம்பை மாற்றி நெடிலுக்கு இரட்டைக் கொம்பை உருவாக்கினார். இந்த மாற்றத்தின் மூலம் குறில் எழுத்துகளில் புள்ளி வைக்கும் பழக்கம் தவிர்க்கப்பட்டது.

குறில் - கெ, கொ
நெடில் - கே, கோ

வீரமாமுனிவரின் சீர்திருத்தப்படி இரட்டைக்கொம்பு கீழிருந்து மேலாக எழுதப்பட வேண்டும். ஆனால் நாம் இப்பொழுது மேலிருந்து கீழாகவே எழுதுகிறோம். இவ்வாறுதான் காலப்போக்கில் எழுத்துகள் பல மாறுபாடுகளை அடைகின்றன.

"ô' போல் இருந்த கால் எழுத்துக்குக் கீழே இன்னொரு சாய்வுக்கோடு இட்டது "ர' கரமாகிவிட்டது.

பெரியார் தமிழ்

பெரியார் என அழைக்கப்படும் ஈ.வெ.இராமசாமியால் தமிழ் எழுத்துகளில் சில மாற்றங்கள் செய்யப்பட்டன. உதாரணமாக, தமிழ் பிராமியில் இருந்து துவங்கி வட்டெழுத்து, பல்லவர் கால எழுத்து, என பல்வேறு வடிவங்களைப் பெற்று, வீரமாமுனிவரின் சீர்திருத்தம், பெரியாரின் சீர்திருத்தம், என மாற்றங்களைப் பெற்ற எழுத்துகளிலேயே இன்று தமிழ் எழுதப்பட்டு வருகிறது.

"அபுகிடா' எழுத்து முறையைச் சேர்ந்த தமிழில் தற்போது 12 உயிரெழுத்துகள், 18 மெய்யெழுத்துகள், 216 உயிர்மெய் எழுத்துகள் ஓர் ஆயுத எழுத்து என மொத்தம் 247 எழுத்துகள் உள்ளன.

இவ்வாறாக பல்வேறு மாற்றங்களைத் தொடர்ந்து பெற்று வந்தாலும் கடந்த 2500 வருடங்களாக தமிழ் பல்வேறு எழுத்து முறைகளில் தொடர்ந்து எழுதப்பட்டு வருகிறது என்பது பெருமைப்பட வேண்டிய செய்தியாகும்.

தொடரும்....

]]>
https://images.dinamani.com/uploads/user/imagelibrary/2020/2/1/w600X390/sm8.jpg https://www.dinamani.com/weekly-supplements/siruvarmani/2020/feb/01/கருவூலம்-தமிழ்-மொழியின்-வரலாறு-3346502.html
3346501 வார இதழ்கள் சிறுவர்மணி முத்துக்கதை!: பரிசுக்கு நன்றி! - ரமணி DIN Saturday, February 1, 2020 09:15 PM +0530 பள்ளி ஆண்டு விழா கொண்டாட்டத்தை ஒட்டி லட்சுமியின் பள்ளியில் பல போட்டிகள் நடைபெற இருந்தது. அதில் லட்சுமி பாட்டுப் போட்டியில் கலந்து கொள்ள விருப்பம் தெரிவித்திருந்தாள். தேசபக்திப் பாடல்கள் பாட வேண்டும் என்று விதி இருந்தது.

லட்சுமியின் அப்பா ரவி அலவலக விஷயமாய் வெளியூர் சென்றிருந்தார். எனவே அவரால் லட்சுமிக்கு உதவி எதுவும் செய்ய முடியவில்லை. அம்மா பாட்டு சொல்லித்தர யாராவது கிடைப்பார்களா என்று தொலைபேசியில் விசாரித்துக் கொண்டிருந்தார்.

போட்டிக்கு இன்னும் பத்து நாள் அவகாசம் இருந்தது.

அன்று பள்ளி விடுமுறை. வேலைக்காரி சாந்திக்கு உடம்பு சரியில்லை. அவளுடைய பெண் ராணியைப் பாத்திரம் தேய்க்க அனுப்பியிருந்தாள். ராணியும் லட்சுமியின் பள்ளியில்தான் படிக்கிறாள். ஒன்பதாம் வகுப்பு.

லட்சுமி தன் அம்மாவிடம் பானுவிடம், என்ன பாட்டு பாடலாம் என்று ஆலோசனை செய்து கொண்டிருந்தாள். பாரதியாரின் பாடல்கள் சிலவற்றை அம்மா கொண்டு வந்தாள். ஆனால் அம்மாவுக்கு பாடல் பயிற்சியெல்லாம் கிடையாது. யு ட்யூபில், பாரதியின் சில பாடல்களை அம்மா போட்டுக் காண்பித்தார். லட்சுமிக்கு கொஞ்சம் தாகமாக இருந்தது. தண்ணீர் குடிக்கலாம் என்று அடுப்படிக்குச் சென்றாள். அங்கே பாத்திரத்தைத் தேய்த்துக் கொண்டிருந்த ராணி பாரதியின் பாட்டு ஒன்றை முணுமுணுத்துக் கொண்டிருந்தாள். அவளுக்குக் குரல் நன்றாக இருந்தது.

""அம்மா இங்கே வாயேன்!.... ராணி ரொம்ப நல்லாப் பாடுறாம்மா!'' என்று அம்மாவைக் கூப்பிட்டாள் லட்சுமி.

அங்கு வந்த அம்மா, ராணியை உரக்கப் பாடச் சொன்னாள். ராணியும் பாடினாள். அற்புதமாக இருந்தது. ராணிக்கு நல்ல குரல்! ""தாயின் மணிக்கொடி பாரீர்'' என்ற பாட்டு!

""பட்டுத் துகிலெனலாமோ? - அதில் பாய்ந்து சுழற்றும் பெரும் புயற்காற்று...'' என்ற வரி அப்படியே நம் தேசியக் கொடி பட படவெனச் சுழன்று பறக்கும் காட்சி கண் முன்னே நின்றது! அப்படி ஒரு தேச உணர்வு!

அம்மா ராணியிடமே தினம் ஒரு மணி நேரம் அந்தப் பாட்டைக் கற்றுக் கொள்ளச் சொன்னாள். ஆண்டுவிழா நிகழ்ச்சிக்கு லட்சுமியின் பெற்றோர்களும் வந்திருந்தார்கள். விழாவில் லட்சுமி அந்தப் பாட்டைப் பாடினாள். ஒரே கைதட்டல்! நிகழ்ச்சியின் முடிவில் லட்சுமிக்கு முதல் பரிசை வழங்கினார்கள். அதை எடுத்துக்கொண்டு லட்சுமி அம்மாவை நோக்கி விரைந்தாள்! அம்மா லட்சுமியை ராணியிடம் அழைச்சுக்கிட்டுப் போனாங்க... அவளிடம் கோப்பையைக் கொடுத்து நன்றியையும், வணக்கத்தையும் சொல்லச் சொன்னாங்க''

""நானே அதைத்தான் செய்யணும்னு நினைச்சேன்மா!'' என்றாள் லட்சுமி.

நல்ல குரல் வளம் இருக்கிற ராணிக்கு முறையாக சங்கீதம் கற்றுத்தர நினைக்கிறாள் அம்மா. இப்போது லட்சுமியும், ராணியும் முறையாக கர்நாடக சங்கீதம் பயில்வதற்காக ஒரு பாட்டு டீச்சர் கிட்டே போகிறார்கள். லட்சுமியோடு, ராணிக்கும் அப்பா ஃபீஸ் கட்டுகிறார்.

ராணி பின்னாளில் நல்ல பாடகியாக வருவாள் என்பதில் லட்சுமிக்கோ, அம்மாவுக்கோ சந்தேமே இல்லை.

]]>
https://images.dinamani.com/uploads/user/imagelibrary/2020/2/1/w600X390/sm7.jpg https://www.dinamani.com/weekly-supplements/siruvarmani/2020/feb/01/முத்துக்கதை-பரிசுக்கு-நன்றி-3346501.html
3346500 வார இதழ்கள் சிறுவர்மணி பொன்மொழிகள்..! சஜி பிரபு மாறச்சன், சரவணந்தேரி. DIN Saturday, February 1, 2020 09:13 PM +0530  

நாம் முன்னேற்றப் பாதையில் சென்று கொண்டிருப்பதே, மற்றவர்களையும் முன்னேற்றச் செய்யும் வழி.
- ஸ்ரீஅன்னை.

தன்னம்பிக்கை, தெளிவு, துணிச்சல் இந்த மூன்றும் ஒருவனை எப்போதும் காப்பாற்றி வழி நடத்திச்  செல்லும்.
- கன்ஃப்யூஷியஸ்

அகங்காரம் உள்ளவனுக்கு குருவின் போதனைகள் கூடப் பயனற்றவை
- ஷீர்டி சாயிபாபா

இழந்ததை நினைத்து வருந்தினால் இருப்பதையும் இழக்க நேரிடலாம். இருப்பதில் மகிழ்ச்சி கொண்டால் இழந்ததையும் அடைந்து விடலாம்.
- இந்தியப் பழமொழி

யாரையும் பழிக்காமலும், எதையும் சபிக்காமலும் வாழுங்கள். அப்போதுதான் நீங்கள் மனிதனாக வாழ முடியும். 
- விவேகானந்தர்.

எடுத்துச் சொல்வதைவிட, எடுத்துக்காட்டாக வாழ்வதே சக்தி வாய்ந்தது. 
- காஞ்சி மகா பெரியவர்

அதிர்ஷ்டம் மனிதனை மாற்றுவதில்லை. அவனுக்குத் திரையிட்டு வைக்கிறது. 
- ரெக்கோ போனி

காலை நேரத்தில் கடுமையாக உழைத்துப் பழகியவன், வாழ்க்கையில் துரிதமாக வெற்றியை அடைவான். 
- எஸ்.தோனிஸா

மேதைமை என்பது இயற்கையான சக்தியால் மட்டும் வருவதல்ல. அதற்குக் கடுமையான உழைப்பும் வேண்டும். 
- தீரே மஜும்தார்.

]]>
https://images.dinamani.com/uploads/user/imagelibrary/2020/2/1/w600X390/sm6.jpg https://www.dinamani.com/weekly-supplements/siruvarmani/2020/feb/01/பொன்மொழிகள்-3346500.html
3346499 வார இதழ்கள் சிறுவர்மணி அறன் வலியுறுத்தல் DIN DIN Saturday, February 1, 2020 09:10 PM +0530 அறத்துப்பால்   -   அதிகாரம்  4   -   பாடல்  7

அறத்தாறு இதுவென வேண்டா சிவிகை
பொறுத்தானோடு ஊர்ந்தான் இடை.


- திருக்குறள்

குறள் பாட்டு

பல்லக்கைச் சுமக்கும் பேரெல்லாம் 
பாவங்கள் செய்த பேரென்றும் 
பல்லக்கில் பவனி வருவோரை
புண்ணியம் செய்த பேரென்றும் 

பாகுபாடு செய்து பார்க்காமல்
சமமாய் மதிக்க வேண்டுமே
சமமாய் பார்க்கும் பார்வைதான் 
மனிதப் பார்வை ஆகுமே.

 

- ஆசி.கண்ணம்பிரத்தினம்

]]>
https://images.dinamani.com/uploads/user/imagelibrary/2020/2/1/w600X390/sm5.jpg https://www.dinamani.com/weekly-supplements/siruvarmani/2020/feb/01/அறன்-வலியுறுத்தல்-3346499.html
3346498 வார இதழ்கள் சிறுவர்மணி ஜெஸ்ஸிகா!  - சுமன் DIN Saturday, February 1, 2020 09:07 PM +0530 ஜெஸ்ஸிகா ரொம்ப நல்ல கரடி. அது ஒரு முறை நீர் வீழ்ச்சி அருகே சென்றது. உச்சியில் தண்ணீர் விழ ஆரம்பிக்கும் இடத்தில் ஒரு பலா மரம் இருந்தது. அதில் நன்றாகப் பழுத்த பலாப்பழங்கள் இரண்டு இருந்தன. பலாப்பழ வாசனை ஜெஸ்ஸிகாவின் மூக்கைத் துளைத்தது. அதற்குப் பலாப்பழங்கள் என்றால் ரொம்பப் பிடிக்கும். அது மலை உச்சிக்கு ஏறி, இரண்டு பழங்களையும் பறித்து விட நினைத்தது.

ஒரு வழியாக மலை உச்சியை அடைந்தது. மரத்தின் மீது ஏறி ஒரு பலாப் பழத்தைப் பறித்தது. அது மிகப் பெரிய பலாப்பழம். ரொம்ப கனமாக இருந்தது. பழத்தை ஒரு கையால் பிடித்துக் கொண்டு கஷ்டப்பட்டு இறங்கும்போது பழம் நழுவி நீர் வீழச்சியில் விழுந்து விட்டது! ஜெஸ்ஸிகாவிற்கு ரொம்ப வருத்தமாகப் போய்விட்டது. நீர் விழும் பகுதி மிகவும் ஆழமானது! ஆபத்தானது! அதில் ஜெஸ்ஸிகாவால் குதிக்க முடியாது!

மரத்தில் இன்னும் ஒரு பலாப்பழம் இருந்தது. அதுவும் நன்றாகப் பழத்த பலாதான்! இந்த முறை மரத்தில் ஏறி மிகவும் ஜாக்கிரதையாக பலாப் பழத்தைப் பறித்துக் கொண்டு வந்து விட்டது ஜெஸ்ஸிகா!

பழத்தை ஒரு கையால் வெற்றிப் பெருமிதத்துடன் பிடித்துக் கொண்டு கீழே இறங்கி வந்தது!

பழத்தைப் பிளக்கத் தகுதியான ஒரு பாறையைத் தேடிக்கொண்டிருந்தது. அப்போது ஜாலுக் கரடி ஒரு பாறையின் அடியில் ரொம்பவும் சோர்வாக கண்கள் செருகிய நிலையில் தரையில் கால்களை நீட்டி, பாறையில் சாய்ந்த வாறு படுத்திருந்தது. அதற்கு இரண்டு குட்டிகள் இருந்தன. அவை அருகிலுள்ள ஒரு குகையில் இருந்தன. ரொம்பவும் சின்னக் குட்டிகள்!

""என்ன ஜாலு! என்ன ஆச்சு?'' என்று கேட்டது ஜெஸ்ஸிகா.

""எனக்கு உடம்பு சரியில்லே..... ஏதாவது மீனைப் பிடித்துத் தின்றுவிட்டு, குழந்தைகளுக்கும் எடுத்துப் போகலாம்னு வந்தேன். ரொம்ப சோர்வாப் போயிடுச்சு!.... அதான் இப்படிப் படுத்துட்டேன்.... பாவம்! குட்டிகள் பட்டினியா இருக்கும்...''

""ஐயய்யோ!..... சின்னப் பசங்க பசி தாங்க மாட்டாங்களே!.... சரி, இந்தா இந்தப் பலாப்பழத்தைப் பிளந்து சாப்பிடு!.... தெம்பா இருக்கும். நான் போய் பாளையிலே தண்ணீர் கொண்டு வரேன்!'' என்று கூறிவிட்டு, பலாப் பழத்தைப் பிளந்து அதிலிருந்து சுளைகளை எடுத்து அருகிலிருந்த பெரிய இலைகளில் போட்டு ஜாலுவுக்குக் கொடுத்தது. ஜாலு அதைச் சாப்பிட்டது!

""பழம் ரொம்ப ருசி!.... என் குழந்தைகளுக்கும் பலாப்பழம் ரொம்பப் பிடிக்கும்!'' என்றது.

ஜெஸ்ஸிகா ஒரு பாளையில் தண்ணீரைப் பிடித்துக் கொண்டுவந்து ஜாலுவுக்குக் கொடுத்தது. ஜாலுவும் குடித்தது. அதற்குப் பசியாறி தெம்பு வந்து விட்டது!

""எங்கே பறிச்சே இந்தப் பலாவை?.... ரொம்ப ருசியா இருக்கே?....''

""மலை உச்சியிலேதான்!'' என்று கூறி, தான் ஒரு பலாவை நழுவ விட்டதையும், வருத்தமாகச் சொன்னது. மீதி இருந்த சுளைகளையெல்லாம் ஒரு பெரிய பாளையிலே போட்டு குட்டிகளுக்குக் கொடுக்கச் சொல்லி ஜாலுவிடம் கொடுத்தது.

ஜெஸ்ஸிகாவைப் பார்த்து ஜாலு கேட்டது. ""அது சரி, ஒரு பழத்தை நழுவ விட்டுட்டே!.... வருத்தமா இருந்தது. இப்போ இந்தச் சுளைகளை எல்லாத்தையும் எங்களுக்கே குடுக்கறயே! நீ சாப்பிடவே இல்லையா?''

""ம்ஹூம்!''

""இந்தா சாப்பிடு!'' என்று கூறி நான்கைந்து சுளைகளைக் கொடுத்தது ஜாலு.

""வேணாம்! குழந்தைகளுக்குக் கொடு! பாவம் அதுங்க பசியா இருக்கும்!.... இப்போ நான் ரொம்ப மகிழ்ச்சியா இருக்கேன்!'' என்றது ஜெஸ்ஸிகா.

""அதெப்படி? ஒரு பழம் நழுவினப்போ வருத்தப்பட்டே!... இப்போ இன்னொரு பழத்தையும் முழுசா எங்களுக்குக் கொடுத்துட்டே! இப்போ மகிழ்ச்சியா இருக்கியே? அதெப்படி?''

""ஜாலு, முதல்லே எனக்குப் பழத்துமேலே, அதோட ருசி மேலே ஆசையா இருந்தது!. அதுனாலே அது கீழே விழுந்த போது ரொம்ப வருத்தமா இருந்தது. இப்போ நீ சோர்வா இருக்கறதைப் பார்க்கிறப்போ பாவமா இருந்தது!. அன்புதான் முக்கியம்னு தெரிஞ்சுது!... உன் மேலே அன்பு! உன் குழந்தைகள் மேலே அன்பு! எனக்கு இப்போ பழத்தை விட அன்புதான் முக்கியம்னு தோணுது! பழத்துமேலே இப்போ எனக்குப் பற்று இல்லே! அன்பு மேலே தான் பற்று! நீ பழத்தைக் குழந்தைகளுக்குக் குடு! போ!

அதுங்க பசியா இருக்கும்'' என்று கூறிவிட்டு காட்டின் மரங்களின் ஊடே சென்று மறைந்தது ஜெஸ்ஸிகா!

]]>
https://images.dinamani.com/uploads/user/imagelibrary/2020/2/1/w600X390/sm4.jpg https://www.dinamani.com/weekly-supplements/siruvarmani/2020/feb/01/ஜெஸ்ஸிகா-3346498.html
3346496 வார இதழ்கள் சிறுவர்மணி அறிவுரையால் வந்த பயன்! - க.அருச்சுனன். Saturday, February 1, 2020 08:52 PM +0530 ஜேக் கேன் ஃபீல்டு ஓர் இளைஞன். மிகவும் கெட்டிக்காரன். மும்முரமாக வேலை தேடிக்கொண்டிருந்தான். அப்போது, "சக்சஸ்' என்ற பத்திரிகையில், "வேலைக்கு ஆள் தேவை' என்று ஒரு விளம்பரம் வந்திருந்தது. "க்ளெமெண்ட் ஸ்டோன்' என்பவர்அந்தப் பத்திரிகையின் உரிமையாளர். 

ஜேக் கேன் ஃபீல்டு நேர்முகத் தேர்வுக்குச் சென்றான். சக்சஸ் பத்திரிகையாளர் க்ளெமென்ட் ஸ்டோன் கேட்ட கேள்விகளுக்கெல்லாம் சரியாக விடை அளித்தான். இளைஞனின் கெட்டிக்காரத்தனத்தைப் பார்த்து வியந்தார் க்ளெமெண்ட் ஸ்டோன். 

நேர்முகத் தேர்வு முடியும் தருவாயில் கடைசியாக க்ளெமெண்ட் ஸ்டோன், ஜேக் கேன் ஃபீல்டைப் பார்த்து,  ""நீ டி.வி. பார்ப்பாயா?'' என்று கேட்டார்.

""ஓ!.... பார்ப்பேனே!'' என்றான் இளைஞன் ஜேக்.
""தினமும் எத்தனை மணி நேரம் பார்ப்பாய்?''

""காலை ஒரு மணி நேரம், மதியம் ஒரு மணி நேரம், இரவு ஒரு மணி நேரம்.... ஆக மொத்தம் மூன்று மணி நேரம் பார்ப்பேன்!'' 

""ம்ம்..... சரி!.... அதிலிருந்து ஒரு மணி நேரம் குறைத்துக்கொள்!.... அந்த ஒரு மணி நேரத்தில் வாழ்க்கைக்குப் பயனுள்ள, உளவியல், நிர்வாகவியல், சந்தையியல் கணிதம் இவற்றைப் படித்தால் வாழ்க்கையில் முன்னேற்றம் காணலாம்!''


அதை வேத வாக்காக எடுத்துக்கொண்ட ஜேக் கேன் ஃபீல்டு 23 வருடங்கள் தொடர்ந்து க்ளெமெண்ட் கூறியபடி அவர் கூறிய துறை சார்ந்த புத்தகங்களைத் தேடிப்பிடித்துப் படித்தார்.

பிறகு தன் நண்பர், "மார்க் விக்டர் ஹான்சன்' என்பவரின் உதவியுடன்  ஒரு புத்தகம் எழுதினார். அந்தப் புத்தகத்தின் பெயர், "சிக்கன் சூப் ஃபார் த சோல்' என்பதாகும். அந்த நூல் பல பதிப்புகள் கண்டது! அந்த நூல் இதுவரை கோடிக்கணக்கான பிரதிகள் விற்பனையாகிவிட்டது! உலகில் மிகவும் அதிக விற்பனை செய்யப்பட்ட புத்தகங்களில் அதுவும் ஒன்று  என்ற பெயரும் பெற்றது! இன்றும் அது பல்வேறு துறையினரின் உதவியுடன் வெவ்வெறு பிரச்னைகளுக்குத் தீர்வு சொல்லும் விதமாக வெவ்வேறு தலைப்புகளின் வந்திருக்கிறது! 

ஜேக் கேன் ஃபீல்டு அந்தப் புத்தகத்தின் வெற்றிக்கு க்ளெமெண்ட் ஸ்டோன் கொடுத்த அறிவுரையே காரணம் எனக் கூறுகிறார். 

]]>
https://images.dinamani.com/uploads/user/imagelibrary/2020/2/1/w600X390/sm3.jpg https://www.dinamani.com/weekly-supplements/siruvarmani/2020/feb/01/அறிவுரையால்-வந்த-பயன்-3346496.html
3340127 வார இதழ்கள் சிறுவர்மணி தாத்தா காந்தி! DIN DIN Saturday, January 25, 2020 11:24 AM +0530  நெடிய உருவம் படைத்தவர்
 நெஞ்சத் துணிவு உடையவர்
 தடியை ஊன்றி நடந்தவர்
 தாத்தா காந்தி சிறந்தவர்!
 
 ஆங்கி லேயர் ஆட்சியில்
 அன்னை நாடு அடிமையாய்
 ஏங்கும் கொடுமை போக்கிட
 எழுச்சி கொள்ள வைத்தவர்!
 
 அகிம்சை வழியில் முனைந்தவர்
 அனைத்து மக்கள் மனதையும்
 அன்பினாலே இணைத்தவர்
 இனிதே வெற்றி கொய்தவர்!
 
 தனக்குக் கிடைத்த பெருமையை
 நமக்குத் தந்து மறைந்தவர்
 மனசுக்கினிய சுதந்திரம்
 அவரில் லாமல் ஏதடா?
 
 நாட்டிலுள்ள மக்களெல்லாம்
 ஆசையோடு அவரையே
 " காந்தி தாத்தா நம் தாத்தா''
 என்று கூறி அழைப்பரே!
 அழகு . இராமானுஜன்.

]]>
https://images.dinamani.com/uploads/user/imagelibrary/2020/1/25/w600X390/sm15.JPG https://www.dinamani.com/weekly-supplements/siruvarmani/2020/jan/25/தாத்தா-காந்தி-3340127.html
3340126 வார இதழ்கள் சிறுவர்மணி  உலகில் ஏன் இத்தனை மொழிகள்? DIN DIN Saturday, January 25, 2020 11:23 AM +0530 அங்கிள் ஆன்டெனா

 கேள்வி:
 உலகில் ஏன் இத்தனை மொழிகள்?

 பதில்: பல்லாயிரக்கணக்கான ஆண்டுகளுக்கு முன்னர், நமது முன்னோர்கள், உலகின் பல்வேறு பாகங்களிலும் தனித்தனி சிறு குழுக்களாக வாழ்ந்து வந்தார்கள். அவர்களுக்கு தங்களைப் போலவே வேறு நாடுகளிலும் மக்கள் வாழ்ந்து வருகிறார்கள் என்பது கூடத் தெரியாது.
 இப்படிச் சிறு குழுக்களாக வாழ்ந்து வந்தவர்கள் தங்களுடன் உள்ளவர்களிடம் தங்கள் எண்ணங்களைப் பரிமாறிக் கொள்வதற்குப் பலவிதமான ஒலிகளைத்தான் பயன்படுத்தி வந்தார்கள். இந்த ஒலிகள் நாளடைவில் சரியாக வளர்ச்சியடையாத மொழிகளாக மாறின. ஏன், சித்திர எழுத்துக்களைக்கூடப் பயன்படுத்தி ஒருவருக்கு ஒருவர் தங்கள் எண்ணங்களைப் பரிமாறிக் கொண்டனர். இப்படிப்பட்ட சிறிய குழுக்களுக்குள் சில ஒலிகள் மொழிகளாக நாளடைவில் மாறின.
 உலகில் மற்ற பகுதிகளில் வசித்தவர்களும் தங்களுக்கென்று பிரத்யேகமான மொழிகளையும் ஒலிக்குறிப்புகளையும் உருவாக்கிக் கொண்டனர்.
 இதனால் பல்வேறு பகுதிகளில் பல்வேறு விதமான மொழிகள் தோன்ற ஆரம்பித்தன. ஒருவருக்கொருவர் சம்பந்தமில்லாத பல குழுக்களுக்கிடையே பல்வேறு விதமான மொழிகள் தோன்ற ஆரம்பித்தன. நாளடைவில் பரிணாம வளர்ச்சியில் இப்படிப் பல்வேறு மொழிகள் தோன்றி வளர்ச்சி பெற்றன.
 அக்காலத்தில் நமது தமிழர்கள் பேசிய தமிழை நாம் இப்போது கேட்க நேர்ந்தால் அதுகூட நமக்குப் புரியாததாகத்தான் இருக்கும். இப்படி உலகில் பல்வேறு மொழிகள் தோன்றுவதற்கு வளர்ச்சிதான் காரணம்.
 அடுத்த வாரக் கேள்வி
 புலி ஏன், எப்பொழுதும் பின்பக்கமாகவே தாக்குகிறது?
 பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம்
 நல்ல பதில் கிடைக்கும்.
 
 -ரொசிட்டா

]]>
https://images.dinamani.com/uploads/user/imagelibrary/2020/1/25/w600X390/sm14.jpg https://www.dinamani.com/weekly-supplements/siruvarmani/2020/jan/25/உலகில்-ஏன்-இத்தனை-மொழிகள்-3340126.html
3340125 வார இதழ்கள் சிறுவர்மணி  அழகுக்கு அழகு தரும் - பூவன்மரம் DIN DIN Saturday, January 25, 2020 11:20 AM +0530 மரங்களின் வரங்கள்!
 குழந்தைகளே நலமா?
 நான் தான் பூவன் மரம் பேசுகிறேன். எனக்கு குசும், கோட்டிலை, தாதேத்ர, கோன், கேசாம்பி, குசும்ப் எனப் பலமொழிகளில் பெய ர்கள் உள்ளன. என்னை கொஞ்சும் தமிழில் கோட்டிலை, அரக்கு, கொஞ்சி, பூவட்டி என 18 பெயர்களில் அழைக்கிறாங்க. எனது தாவரவியல் பெயர் ஸ்க்லீச்செரா ஓலியோசா என்பதாகும். எனது ஆங்கிலப் பெயர் மலய் லாக் ட்ரீ. நான் சேபிண்டேசி குடும்பத்தைச் சேர்ந்தவன். என் தாயகம் இந்தியா. மரத்தின் இலைகள் எல்லாம் பச்சையாக இருக்கும்ன்னு நீங்க நினைச்சீங்கன்னா அது தப்பு. என் இளம் இலைகள் இளஞ்சிவப்பு, காவி, மஞ்சள், ஊதா என பல வண்ணங்களில் காணலாம். எனக்கு அழகை ஊட்டுவது என் இலைகள் தான். இதனால் பல இடங்களில் என்னை அழகுக்காக வளர்க்கறாங்க
 நான் வேகமாக வீசும் காற்றினை தடுத்து நிறுத்தி, தூசியினை வடிகட்டி காற்றை தூய்மைப்படுத்துகிறேன். என் இலைகளைப் பச்சையாகவோ, சமைத்தோ உண்ணலாம். கால்நடைகளுக்கு நல்ல தீவனமாவேன். என் காயை ஊறுகாய் போட்டு உண்டால் சுவையாக இருக்கும்.
 என் பட்டை டேனின் நிறைந்தது. அதனாலே என் பட்டையை தோல்களை பதனிடப் பயன்படுத்தறாங்க. என் விதையிலிருந்து எண்ணெய் தயாரிக்கிறாங்க. தேங்காய் எண்ணெய் போல் தலையில் தேய்த்துக் கொள்ளலாம். சோப்புத் தயாரிக்கவும் என் எண்ணெய் மிகவும் உகந்தது. குழந்தைகளே, உங்களுக்கு அரிப்பு மற்றும் இதர தோல் நோய்கள், மூட்டு வலி ஏதாவது இருக்கா, கவலைப்படாதீங்க, என் எண்ணெய்யை பாதிக்கப்பட்ட இடங்களில் தேய்ங்க, உடனே நீங்கிடும்.
 நான் மிகவும் கடினமாக இருப்பேன். என்னைக் கொண்டு மர வேலைகள் செய்வது அவ்வளவு சுலபமல்ல. இருப்பினும், எண்ணெய் செக்கு, கரும்பு மர ஆலை, மாட்டு வண்டிகள், உலக்கை, உரல்கள், வேளாண் கருவிகள், கட்டட சாமான்கள் ஆகியவை செய்ய நான் பெரிதும் பயன்படறேன். காகிதம் தயாரிக்கவும் என்னை பயன்படுத்தறாங்க. அடுப்பெரிக்கவும் பயன்படுத்தலாம்.
 என் நண்பர் கோங்கு மரம் மணிப்பூர் மாநிலம், காக்சிங் என்ற பகுதியை சேர்ந்த வாலன்டினா எனும் சிறுமி எப்படி மணிப்பூர் மாநிலத்தின் பசுமை திட்ட தூதராக மாறினாங்கன்னு சொன்னாரு. அப்போ நீங்களெல்லாம் கைத்தட்டி ஆர்பரிச்சீங்க. நானும் என் கிளையை ஆட்டி, இலைகளை அசைச்சி காற்றை வெளிப்படுத்தி மகிழ்ச்சியை வெளிப்படுத்தினேனே நீங்க கவனிக்கலியா?
 குழந்தைகளே, எங்களுக்கு ஒரு அக்கா இருக்காங்க, அவங்க பெயர் சாலும்மரடா திம்மக்கா. அவங்க ஒரு பசுமைக் காவலர். சாலும்மரடா என்றால் கன்னடத்தில் மரங்களின் வரிசை என்று பொருள். அவங்களுக்கு வயசு கம்மி தான், 106. கர்நாடக மாநிலத்தைச் சேர்ந்தவங்க. தான் வாழும் பகுதியான குமரஹள்ளியில் சுமார் 4 கிலோ மீட்டர் தொலைவில் சாலையின் இருமருங்கிலும் மரங்களை நட்டு ஒரு பூங்காவனமாக்கிய சாதனை பெண்மணி இவங்க. எந்தவிதமான பிரதிபலனுமின்றி உங்கள் தேவைகளை நிறைவேற்றும் எங்களை ஒரு குழந்தையாகவே நினைக்கிறார். ஏனெனில், நாங்களும் ஒரு உயிர் தானே. தண்ணீர் பஞ்சம் தலைவிரித்தாடிய அக்காலத்தில் பல மைல்கள் நடந்து சென்று, பானைகளில் தண்ணீர் கொண்டு வந்து ஊற்றி எங்களை வளர்த்திருக்கிறார். 28 ஆண்டுகளுக்கு முன்பு கணவரை இழந்த போதிலும், தளராமல் தன் பணியை செய்து வருகிறார். மத்திய மாநில அரசுகளிடமிருந்து எண்ணற்ற விருதுகளைப் பெற்றிருங்காங்க. திம்மாக்காவின் இந்த மகத்தான சேவைக்கு இந்தியாவின் "சிறந்த தேசிய குடிமகள் விருது' வாங்கியிருக்காங்க.
 2019-ஆம் ஆண்டில் பத்மஸ்ரீ விருதும் வாங்கியிருக்காங்க. அமெரிக்காவின் ஒரு சுற்றுச்சூழல் பாதுகாப்பு இயக்கத்தின் கிளை ஒன்றுக்கு திம்மக்காவின் பெயரை சூட்டியிருக்காங்க. இது அவரது சாதனைக்குக் கிடைத்த மகுடம். ""பிள்ளையைப் பெத்தா கண்ணீரு, தென்னையைப் பெத்தா இளநீரு. பிள்ளைகள் அவர்கள் பெற்றவர்களைக் கூட பார்த்துக்கொள்ள பயப்படறாங்க, ஆனால் மரங்கள் ஊருக்கே நிழல் கொடுக்கும், நான் வளர்த்து விட்டிருக்கும் நூற்றுக்கணக்கான குழந்தைகள் (மரங்கள்) காற்றில் அசைந்தாடி இந்த ஊரையே மகிழ்விக்கும் அழகே அழகு, இது என் வாழ்வில் கிட்டிய பேரானந்தம்'' என்கிறார் திம்மக்கா.
 நன்றி குழந்தைகளே, மீண்டும் சந்திப்போம்.
 (வளருவேன்)
 - பா.இராதாகிருஷ்ணன்

]]>
https://images.dinamani.com/uploads/user/imagelibrary/2020/1/25/w600X390/sm13.JPG https://www.dinamani.com/weekly-supplements/siruvarmani/2020/jan/25/அழகுக்கு-அழகு-தரும்---பூவன்மரம்-3340125.html
3340123 வார இதழ்கள் சிறுவர்மணி புதிர் (25/01/2020) DIN DIN Saturday, January 25, 2020 11:18 AM +0530 20 சிறுவர்களும் 20 சிறுமிகளும் 20 ஆப்பிள்களை 20 நிமிடத்தில் சாப்பிட்டு முடிக்கிறார்கள் என்று வைத்துக் கொள்ளுங்கள். அப்படியானால் ஒரு சிறுவனும் ஒரு சிறுமியும் ஒரு ஆப்பிளைச் சாப்பிட எவ்வளவு நேரம் எடுத்துக் கொள்வார்கள்.
 புதிருக்கு விடை:
 20 ஆப்பிளைச் சாப்பிட 20 சிறுவர்களுக்கும் 20 சிறுமிகளுக்கும்
 20 நிமிடங்கள் ஆகின்றது என்றால் அவர்கள் ஒரு ஆப்பிளைச் சாப்பிட 20 நிமிடங்கள் ஆகத்தான் செய்யும். நன்றாக யோசித்துப் பாருங்கள்,
 ஆகவே விடை 20 நிமிடங்கள் ஆகும். சட்டென்று நினைப்பது போல
 1 நிமிடத்தில் முடிகிற காரியம் இதுவல்ல.

]]>
https://www.dinamani.com/weekly-supplements/siruvarmani/2020/jan/25/புதிர்-25012020-3340123.html
3340122 வார இதழ்கள் சிறுவர்மணி பொருத்துக...(25/01/2020) DIN DIN Saturday, January 25, 2020 11:18 AM +0530 இந்திய சுதந்திரப் போராட்ட வீரர்களும் அவர்கள் பிறந்த ஊர்களும் இடம் மாறி உள்ளன. சரியாகப் பொருத்துங்கள் பார்க்கலாம்...
 1. சுபாஷ் சந்திர போஸ் - தூத்கே
 2. மாக்தமா காந்தி - அலகாபாத்
 3. ஜவாஹர்லால் நேரு - கட்டாக்
 4. பகத்சிங் - ரத்னகிரி
 5. ஜான்சி ராணி - தொரபள்ளி
 6. பாலகங்காதர திலகர் - போர்பந்தர்
 7. லாலா லஜபதி ராய் - ஜலந்தர்
 8. ராஜாஜி - பெனாரஸ், காசி
 விடை
 1. கட்டாக்
 2. போர்பந்தர்
 3. அலகாபாத்
 4. ஜலந்தர்
 5. பெனாரஸ், காசி
 6. ரத்னகிரி
 7. தூத்கே
 8. தொரபள்ளி
 
 

]]>
https://www.dinamani.com/weekly-supplements/siruvarmani/2020/jan/25/பொருத்துக25012020-3340122.html
3340121 வார இதழ்கள் சிறுவர்மணி விடுகதைகள் (25/01/2020) Saturday, January 25, 2020 11:17 AM +0530 1. காலையிலே கூவும் பட்சி, கந்தன் கொடியிலே காணும் பட்சி...
 2. சிறிய கோட்டையைச் சுற்றி மதில் சுவர். உள்ளே ஒளிந்திருக்கிறான் வேட்டைக்காரன்.
 3. ஆங்காங்கே முடிச்சுகள், ஆனாலும் சுவைதான்...
 4. கோயிலைச் சுற்றி கருப்பு, கோயிலுக்கு உள்ளே வெளுப்பு...
 5. காளைக்குக் கழுத்து மட்டும் தண்ணீர்...
 6. நடை என்னவோ அழகுதான், ஆனாலும் குறுக்கே வந் தால் பலருக்கும் பிடிக்காது,,,
 7. கொட்டிக் கிடக்குது புள்ளிகள், கோலம் போடத்தான் ஆளில்லை...
 8. வெயிலில் மலரும் பூ, காற்றில் உலரும் பூ...
 விடைகள்
 1. சேவல் 2. நாக்கு
 3.கரும்பு 4. சோற்றுப்பானை
 5. தவளை 6. பூனை
 7. நட்சத்திரக்கூட்டம்
 8. வியர்வை
 - ரொசிட்டா
 

]]>
https://www.dinamani.com/weekly-supplements/siruvarmani/2020/jan/25/விடுகதைகள்-3340121.html
3340120 வார இதழ்கள் சிறுவர்மணி தமிழோடு விளையாடு! DIN DIN Saturday, January 25, 2020 11:13 AM +0530 எஸ்.ஆர்.ஜி.சுந்தரம்

அரங்கம்
 காட்சி - 1

இடம் - கடற்கரைச் சாலை, மாந்தர் - உமாபதி, விக்னேஷ், சரண், நவீன்.
 (காலை வேளையில் நால்வரும் நடைப்பயிற்சியில் ஈடுபட்டுள்ளார்கள்)
 விக்னேஷ் : டேய், நவீன், நம்ம குரூப் நல்ல குரூப்! ஒரே தெருவிலே இருக்கோம்! ஒரே ஸ்கூல்லே அதுவும் ஒரே கிளாஸிலே படிக்கிறோம்!
 நவீன் : ஆமாம் விக்னேஷ்! கொஞ்ச நாள்லே நாம கிரிக்கெட் டீம் கூட ஆரம்பிச்சுடலாம்! இதே பீச் மணல்லே பிராக்டிஸ் பண்ணிக்கலாம்!
 சரண் : பெஸ்ட் ஐடியா!
 உமாபதி : எங்க வீட்டுக்குப் பக்கத்திலே ஒரு காலி கிரவுண்ட் இருக்கு.... ஃபுட் பால் விளையாட நல்ல இடம்.
 நவீன் : இப்படி நாம ஒண்ணா சேர்ந்து நடைப்பயிற்சி செய்யறது என் மம்மி டாடிக்குக் கூட ரொம்ப சந்தோஷம்!
 சரண் : எங்க மம்மி டாடிக்குக் கூட ...
 (பின்புறம் ஒரு பெரியவர் வந்து கொண்டிருக்கிறார்)
 பெரியவர் : பிள்ளைகளே கொஞ்சம் நில்லுங்க....
 சரண் : யார் நீங்க? குல்லா, கோட்டு, போர்வையோட வாய், மூக்கு, காது எல்லாத்தையும் மூடிக்கிட்டு இருக்கீங்களே?
 விக்னேஷ் : ஏதாவது வழி கேட்கணுமா?
 பெரியவர் : நான் உங்களுக்கெல்லாம் வழி சொல்றவன் தம்பி! என் உடம்புக்குப் பனி ஆகாது! அதான் இப்படி!
 நவீன் : அலர்ஜின்னு சொல்லுங்க...
 பெரியவர் : ஏன், உடம்புக்கு ஆகாதுன்னு தமிழ்லே சொன்னா நல்லா புரியுது இல்லே?
 சரண் : சரி, எதுக்கு எங்களை நிக்கச் சொன்னீங்க?
 பெரியவர் : ஒரு ஐந்து மணித்துளிகள் உங்களோடு பேசணும் தம்பி!
 நவீன் : ஐந்து மணித்துளிகள்னா?
 விக்னேஷ் : மணிங்கறது நேரம்,.... துளிகள்னா?.... சரி, சார்!... நீங்க என்ன பேசணும்? எங்களுக்கு டைம் ஆயிடும்!
 பெரியவர் : இன்னிக்கு ஞாயிற்றுக் கிழமைதானே! என்ன அவசரம்?
 உமாபதி : எங்க மம்மி டாடி கவலைப்படுவாங்க!....
 (பெரியவர் சிரிக்கிறார்)
 விக்னேஷ் : எதுக்கு சிரிக்கிறீங்க?
 பெரியவர் : நீங்க சாக்லேட் கலந்த சர்க்கரைப் பொங்கல் சாப்பிட்டிருக்கீங்களா?
 நவீன் : ஐயய்ய... சாக்லெட் கலந்த சர்க்கரைப் பொங்கலா? நல்லாவே இருக்காது!
 பெரியவர் : சரி, அவியலோடு சாம்பாரைக் கலந்து சாப்பிட்டா அது எப்படி இருக்கும்?
 சரண் : அது எப்படி சார் நல்லா இருக்கும்? இந்த மாதிரி உணவுக் கலப்படம் யாருக்கும் பிடிக்காது!
 பெரியவர் : ஆமாம்!.... சர்க்கரைப் பொங்கல், அவியல், இதையெல்லாம் தனித்தனியே சாப்பிட்டவங்களுக்கு இந்த மாதிரிக் கலப்படம் பிடிக்காதுதான்! ஆனா, உங்களுக்கு மட்டும் பிடிக்கும் போலிருக்கு!
 உமாபதி : என்ன சார் சொல்றீங்க?
 பெரியவர் : உணவுக் கலப்படம் பிடிக்காதுங்கறீங்க,..... ஆனா மொழிக் கலப்படம் மட்டும் பிடிச்சிருக்கா?
 விக்னேஷ் : நாங்க எங்கே கலப்படம் பண்ணோம்? தமிழிலேதானே பேசிக்கிட்டு வர்றோம்!
 பெரியவர் : என்ன கலப்படம்னு தெரியாம பேசிக்கிட்டிருக்கீங்க!.... அதான்!.... குரூப் தமிழா? குழு தமிழா?,,,,... கிளாஸ் தமிழா? வகுப்பு தமிழா?.....ஐடியா தமிழா? யோசனை தமிழா?.... ஃபுட்பால் தமிழா? கால்பந்து தமிழா? .... எக்ஸர்சைஸ் தமிழா? பயிற்சி தமிழா?
 நவீன் : ம்...ம்... இரண்டாவதா சொன்னதுதான் தமிழ்!
 பெரியவர் : ஒரு நிமிஷப் பேச்சிலே நீங்க எவ்வளவு ஆங்கில வார்த்தைகளைக் கலந்து பேசியிருக்கீங்க? இது மொழிக் கலப்படந்தானே?
 சரண் : இப்படித்தான் சார் எல்லாரும் பேசறாங்க!
 பெரியவர் : ம்.... அப்போ சர்க்கரைப் பொங்கல்லே சாக்லெட் கலந்து எல்லாரும் சாப்பிட்டா நீங்களும் சாப்பிடுவீங்களா? நீ ஜப்பான் மொழி படிக்கறே.... நீ ஜெர்மன் மொழி படிக்கறே,.... நீ பிரெஞ்சு மொழி படிக்கறே.... கொஞ்ச நாள்லே இந்த மொழி வார்த்தைகளையும் தமிழோடு கலந்து பேசப் போறீங்க.... அப்போ தமிழ் மொழியோட ருசி, கலப்பட சர்க்கரைப் பொங்கல், கலப்பட அவியல் மாதிரிதான் இருக்கப் போவுது!....
 சரண் : சார், நாங்க படிக்கற மொழியைப் பத்தி சரியா சொல்றீங்க.... நீங்க யாரு?
 பெரியவர் : அதை சமயம் வரும்போது சொல்றேன்..... சரி, இப்போ இந்தச் சின்னக் கையகராதியை வெச்சுக்குங்க.... பேச்சு மொழியிலே நீங்க இப்போ பேசிக்கிட்டு வர்ற ஆங்கிலச் சொல்லுக்கெல்லாம் சரியான தமிழ்ச்சொல் இதுலே இருக்கு!.... இதை நல்லாப் படிச்சுட்டு கலப்பட வார்த்தை இல்லாத தமிழைப் பேசிப் பாருங்க...... அப்போதான் தமிழோட ருசி தெரியும்!..... நான் வரேன்!
 விக்னேஷ் : டேய், பெரியவர் சொன்னதும் சரிதான். நம்மை அறியாம எவ்வளவு ஆங்கில வார்த்தைகளைக் கலந்து பேசிக்கிட்டிருக்கோம்!....
 நவீன் : ஒண்ணு செய்வோம்!.... இந்தச் சின்னக் கையகராதியை ஒரு மாசத்திலே படிச்சு முடிச்சுடுவோம்.... அப்புறம் இந்த நடைப்பயிற்சிக்கு வரும்போது கலப்படம் இல்லாத தமிழ்லே பேசிப் பார்ப்போம்!
 சரண் : அப்படி ஆங்கிலக் கலப்படம் இல்லாம யார் பத்துநாள் தொடர்ந்து பேசியிருக்காங்களோ அவங்களுக்கு, "தமிழ்க்கனி' ன்னு பேர் வெச்சு பார்ட்டி கொடுப்போம்!
 உமாபதி : டேய், பார்ட்டி ஆங்கில வார்த்தை.... அதுக்கு என்னடா தமிழ்?
 விக்னேஷ் : அகராதியைப் பாத்துக்குவோம்.... ஆனா, "தமிழ்க்கனி' பட்டம் தருவது பெஸ்ட் ஐடியா!
 சரண் : டேய், "நல்ல யோசனை' ன்னு சொல்லுடா!
 உமாபதி : அப்போ நீதான் எதிர்காலத் தமிழ்க்கனியா"
 (சிரிப்பலைகள்)
 காட்சி - 2
 இடம் - தமிழேந்தி வீடு, மாந்தர் - தமிழேந்தி, நவீன், சரண், உமாபதி, விக்னேஷ்.
 (ஒரு மாதம் கழித்து ---- நால்வரும் தமிழேந்தியைப் பார்க்க வருகிறார்கள்)
 தமிழேந்தி : டேய், என்னடா நாலு பேருமா ஒண்ணா வந்திருக்கீங்க.... வாங்க...
 நவீன் : தமிழேந்தி, நீ ஆங்கிலம் கலக்காத நல்ல தமிழ் பேசறே! பல போட்டிகள்லே சுத்தமான இலக்கணத் தமிழ்லே பேசி, பரிசு, பட்டம் வாங்கியிருக்கே! நீ எங்களுக்கு ஒரு ஹெல்ப் பண்ணணும்!
 தமிழேந்தி : ம்....ஹெல்ப் எதற்கு? உதவி வேண்டும் என்று சொல்லுங்கள்.
 சரண் : சரி, நாங்களும் உன்னை மாதிரி சுத்தத் தமிழில் பேச ஆசைப்படறோம்!
 தமிழேந்தி : (கேலிச்சிரிப்புடன்) நீங்களா? சுத்தத் தமிழா?.... கடினம்.... கடினம்.... முதலில் உங்கள் பேச்சுத் தமிழில் ஆங்கிலம் கலக்காமல் பேசிப் பழகுங்கள்.
 உமாபதி : அதற்காகத்தான் உன் உதவி கேட்க வந்துள்ளோம்.
 தமிழேந்தி : சரி, நான் என்ன செய்ய வேண்டும்?
 விக்னேஷ் : நாங்கள் தினமும் கடற்கரைச் சாலையில் நடைப்பயிற்சி செய்கிறோம்.... அப்பொழுது நிறையப் பேசிக்கொண்டே நடப்போம்....
 நவீன் : அதுலே ஆங்கிலச் சொல் கலந்து பேசினா நீ
 எடுத்துக் காட்டி கரெக்ட் செய்யணும்!
 தமிழேந்தி : கரெக்ட் வேண்டாம்! சரி செய்யணும்னு சொல்.
 சரண் : பத்து நாள் நீ எங்களோடு வரணும்.... பத்து நாளும் யார் ஆங்கிலச் சொல் கலக்காம பேசறாங்களோ அவங்களுக்கு நீ "தமிழ்க்கனி' ன்னு பட்டம் கொடுக்கணும்!
 தமிழேந்தி : (கேலிச்சிரிப்புடன்) கவலைப்படாதீங்க,..... அந்தத் தமிழ்க்கனிப் பட்டம் உங்க யாருக்கும் கிடைக்காது. உங்க யாருக்குமே தமிழ்க்கனி பட்டம் கிடைக்கலேன்னா அதை எனக்குக் கொடுக்கணும்! சம்மதமா?
 உமாபதி : ஆனா, நீயும் ஒரு ஆங்கிலச் சொல்கூட கலக்காம பேசியிருக்கணும்!
 தமிழேந்தி : டேய், எனக்குத் தூக்கத்திலேகூட ஆங்கிலச் சொல் வராது!
 விக்னேஷ் : சரி, நாளைக்காலை திருவள்ளுவர் சிலை கிட்டே வந்துடு! வரோம்!
 காட்சி - 3
 இடம் - கடற்கரைச்சாலை, மாந்தர் - தமிழேந்தி, நவீன், சரண், விக்னேஷ், உமாபதி.
 (ஒன்பது நாட்கள் நடைப்பயிற்சி நேரப் பேச்சுப் பயிற்சி போட்டி நடந்து முடிந்து விட்டது. இன்று பத்தாம் நாள்)
 தமிழேந்தி : என்ன நண்பர்களா! ஒன்பது நாட்களாக நடந்து முடிந்த சொற்பயிற்சியில் நீங்கள் ஒருவர்கூடத் தேறவில்லை. நீங்கள் எல்லோருமே பேச்சில் ஆங்கிலச் சொல் கலந்து பேசி தோற்றுவிட்டீர்கள். இன்று பத்தாம் நாள்! கடைசி நாள்! இன்னும் நான்தான் ஆங்கிலம் கலக்காமல் பேசி உங்கள் தமிழ்க்கனி பட்டத்தைப் பெறப்போகிறேன். நவீன், நமது பள்ளிக்கூடத்தில் உனக்கு ரொம்பப் பிடித்த இடம் எது?
 நவீன் : ஒன்று லைப்ரரி, இன்னொன்று எலிஃபண்ட் என்ட்ரன்ஸ்.
 தமிழேந்தி : இவற்றை நூலகம், யானை வாயில், என்றல்லவா சொல்லியிருக்க வேண்டும்?
 நவீன் : ஆமாம்! கரெக்ட்!
 தமிழேந்தி : "சரி' என்று சொல்லவேண்டியதுதானே! நவீன் அங்கே பார்!
 நவீன் : ஹா! பியூட்டிஃபுல்! எவ்வளவு பெரிய நிலா! எல்லோரும் அங்கே பாருங்கள்! மூன் ரைஸ்!
 தமிழேந்தி : எவ்வளவு அழகு! சந்திரோதயம்! என்று சொல்லியிருக்கக்கூடாதா! ஒரு நிமிடப் பேச்சிலேயே ஐந்து ஆங்கிலச் சொற்களைக் கலந்து விட்டாய்! சரி! விக்னேஷ், நீ என்ன யோசித்துக் கொண்டிருக்கிறாய்?
 விக்னேஷ் : நாளைக்கு ஒரு மாறுவேடப் போட்டியில் கலந்து கொள்ளப் போகிறேன்! என்ன மாதிரி டிரெஸ் நன்றாக இருக்கும்னு திங்க் பண்ணிக்கிட்டிருக்கேன்!
 தமிழேந்தி : என்ன மாதிரி உடை நன்றாக இருக்கும்னு யோசித்துக் கொண்டிருக்கிறேன்..... இதுதானே சரி விக்னேஷ்!.... கவனமாகப் பேசியிருந்தால் சரியாகப் பேசியிருப்பாய்! இல்லையா?
 விக்னேஷ் : ஷ்யூர்!.... ஷ்யூர்!
 தமிழேந்தி : (கேலியாகச் சிரித்தபடி) ஆமாம் உண்மைதான்! என்ற பதிலைக்கூட சொல்லமுடியாதா? சரி, உன் சட்டைப் பையில் பேனா நன்றாகக் காட்சியளிக்கிறது!
 விக்னேஷ் : ஆமாம்! இதை எனக்கு என் அங்கிள் கிஃப்டாகக் கொடுத்தார்.
 தமிழேந்தி : தவறு விக்னேஷ்! "மாமா கொடுத்த அன்பளிப்பு' என்று சொல்லத் தோன்றவில்லையா? நீயும் ஒரு நிமிடப் பேச்சிற்குள் ஐந்து ஆங்கிலச் சொற்களைக் கலந்து விட்டாயே!
 உமாபதி : டேய், நவீன், விக்னேஷ் நீங்க கொஞ்சம் யோசிச்சுப் பேசியிருந்தா சரியான தமிழ்ச்சொல் ஞாபகத்திற்கு வந்திருக்கும்! எல்லாம் ஈஸியான சொற்கள்தான்!
 (மற்ற எல்லோரும் சிரிக்கிறார்கள்)
 தமிழேந்தி : நீயாக வந்து வலையில் மாட்டிக்கொண்டு விட்டாய்! எளிய அல்லது சுலபமான சொற்கள்தான் என்று சொல்லியிருக்கலாம்! சரி உங்க வீடு எங்கே உள்ளது உமாபதி?
 உமாபதி : உங்க தெருவுக்குப் பின் தெருதான் தமிழேந்தி! அடுக்கு மாடிக் கட்டடம். லிஃப்ட் கூட இருக்கு. மொட்டை மாடியிலே சன் ரைஸ் பார்க்க அழகா இருக்கும்!
 தமிழேந்தி : ம்...அப்புறம்?
 உமாபதி : கீழே அழகா கார்டன்! அதுலே விதவிதமா ஃப்ளவர்ஸ்!
 தமிழேந்தி : உமாபதி, மின் தூக்கி, சூரிய உதயம், அழகான தோட்டம், விதவிதமாப் பூக்கள், இப்படிச் சொல்ல ஏன் முடியவில்லை? நீயும் தோற்றுவிட்டாய்! கவலைப்படாதே!
 சரண் : சபாஷ்! நீங்க மூணுபேரும் அவுட்! நான்தான் லாஸ்ட்! ஐயய்யோ! தப்பு, தப்பு!
 தமிழேந்தி : சொல்லியாகிவிட்டது! தப்பிக்க முடியாது சரண்! மூன்று பேரும் தோல்விதான்! நான்தான் கடைசியாக உள்ளேன்! இப்படிச் சொல்லியிருக்கலாமே!
 சரண் : சரி, சற்று நேரம் நாம் அமர்ந்து பேசலாமா?
 தமிழேந்தி : ஓ!.... இங்கேயே உட்காருவோம்!
 சரண் : இங்கே வேண்டாம். அதோ பீச் மணல்ல போட் கிட்டே உட்கார்ந்து பேசுவோம். ஒரு போட்டோவும் எடுத்துக்கலாம்!
 தமிழேந்தி : சரண், கடற்கரை மணல், படகு புகைப்படம் இந்த சொற்களைக்கூட பயன்படுத்த முடியாதா? நீங்க நால்வருமே தேர்ச்சி பெறவில்லை. ஆங்கிலம், கலக்காமல் பேசுவது எப்படி? ங்கறதைப் பத்தி ஒரு இளைஞர் பத்திரிகையிலே எழுதப் போறேன். ஒரு தொலைக்காட்சிகூட என்னைக் கூப்பிட்டிருக்காங்க....
 விக்னேஷ் : எதுக்கு?
 தமிழேந்தி : எதுக்குடா சாப்பிடவா கூப்பிடுவாங்க,.... என்னை இண்டர்வியூ பண்ணத்தான்!
 (எல்லோரும் சிரிக்கிறார்கள்)
 தமிழேந்தி : எதுக்குடா சிரிக்கிறீங்க?
 உமாபதி : பேட்டி எடுக்கத்தான்னு சொல்லாம இண்டர்வியூன்னு நீயோ சொல்லிட்டியே!
 சரண் : போ, உனக்கு நாங்க தர இருந்த தமிழ்க்கனி பட்டமும் போச்சு!
 பெரியவர் : (பின்புறமிருந்து) ஆமாம்! யானைக்கும் அடி சறுக்கியாச்சு!
 விக்னேஷ் : சார் நீங்களா?
 பெரியவர் : ஆமாம். எல்லாத்தையும் நானும் கேட்டுக்கிட்டுத்தான் வரேன்.... தமிழேந்தி நீ பல பட்டம் வாங்கியிருக்கலாம்... அதுக்காக அளவுக்கு அதிகமான தன்னம்பிக்கை அதாவது நாம தவறே செய்யமாட்டோம்கிற மனோபாவம் கூடாது.
 உமாபதி : சார் இன்னிக்கும் நீங்க குல்லா, கோட்டோடு வந்திருக்கீங்க.... எங்க எல்லாரைப்பத்தியும் தெரிஞ்சுக்கிட்டுப் பேசறீங்க, நீங்க யாரு?
 பெரியவர் : சரி, இப்ப தெரிஞ்சுக்குங்க... (காது, மூக்கைச் சுற்றியிருந்த துணியை எடுத்துவிடுகிறார்.)
 உமாபதி : டேய், நம்ம புதிய தமிழாசிரியர்! வணக்கம்! (எல்லோரும் வணக்கம் சொல்கிறார்கள்)
 பெரியவர் : பிள்ளைகளே! உங்கள் முயற்சி நல்ல முயற்சி! இதை விட்டுவிடாதீர்கள்! இப்படியே "கன்டின்யூ' பண்ணுங்கள்!
 சரண் : சார், நீங்களே கன்டின்யூன்னு சொல்லிட்டீங்களே!
 (எல்லோரும் சிரிக்கிறார்கள்)
 
 

]]>
https://images.dinamani.com/uploads/user/imagelibrary/2020/1/25/w600X390/sm12.JPG https://www.dinamani.com/weekly-supplements/siruvarmani/2020/jan/25/தமிழோடு-விளையாடு-3340120.html
3340118 வார இதழ்கள் சிறுவர்மணி கடி (25/01/2020) DIN DIN Saturday, January 25, 2020 11:09 AM +0530 * "பக்கத்து வீட்டிலே போய் பத்து வறட்டி வாங்கிட்டு வான்னு சொன்னா என் பையன் போக மாட்டேங்கிறான்!''
"அப்ப "வறட்டி கெளரவம்' பார்க்கிறான்னு சொல்லு!''
ஜி.இனிமா, கிருஷ்ணகிரி.

* "ஹிஸ்டரி பரிட்சையிலே நல்ல மார்க் 
வாங்கிட்டேண்டா!''
"பெரிய வரலாறு படைச்சிட்டேன்னு சொல்லு!''
ஏ.நாகராஜன், பம்மல்.

* "நாம பேசறது நாய்க்குத் தெரியுமாடா?''
"அதெல்லாம் எனக்குத் தெரியாதுடா!''
"உன்னைக் கேக்கலேடா,.... நாய்க்குத் 
தெரியுமான்னுதான் கேட்டேன்!''
வி.ரேவதி, தஞ்சாவூர்.

* "உங்கப்பா திட்டிக்கிட்டே இருக்காரே ஏன்?''
"அவரு "திட்ட' அதிகாரியா இருக்காரு!''
நெ.இராமன், சென்னை - 600074.

* "ரிமோட் ரிப்பேராயிடுச்சுடா!''
"பாஸ்கருக்கு போன் பண்ணி ஒரு ரிமோட் கேளு!''
"ஏன்?''
"அவன்தான் ரிமோட் ஏரியாவிலே 
இருக்கறதா சொன்னான்!
பஞ்சு உத்ஸ், 221, சக்தி நகர் விரிவு, ஐஐ, காந்தி நகர் அஞ்சல், கடலூர் - 607308.

* "ஏண்டா இப்படி வேர்த்துக் கொட்டுது?''
"நிழலே இல்லாத "சன்' மார்க வழியிலே 
வந்தேண்டா!''
எம்.அசோக்ராஜா, 3/14ஏ, அரவக்குறிச்சிப்பட்டி, அசூர் - 620015.
வாரம் 2 டி-சர்ட் பரிசு நட்சத்திரக் குறியிட்ட 2 கடிகளும் பட்டுக்கோட்டை ரூபி ரெடிமேட்ஸ் வழங்கும் 
தலா ஒரு டி-சர்ட்டைப் பெறுகின்றன. பரிசு பெற்றவர்களுக்கு வாழ்த்துகள்.

]]>
https://images.dinamani.com/uploads/user/imagelibrary/2020/1/25/w600X390/SM_JOKE.JPG https://www.dinamani.com/weekly-supplements/siruvarmani/2020/jan/25/கடி-25012020-3340118.html
3340114 வார இதழ்கள் சிறுவர்மணி குறள் நெறிக் கதைகள்! எது நிலையான செல்வம்? லக்ஷ்மி பாலசுப்ரமணியன் DIN Saturday, January 25, 2020 11:07 AM +0530 ஞானி ஒருவர் ஒவ்வொரு ஊராகப் பயணம் செய்து கொண்டே இருந்தார். மக்கள் அவரை அணுகி தமது ஐயம் நீங்கப் பெற்றனர். அப்படி ஒரு முறை அவர் பயணம்செய்து கொண்டிருக்கும் வழியில் மிகவும் சோகமாய்க் கண்களில் நீர் வழிய ஒருவன் அமர்ந்து இருப்பதைக் கண்டார். அவன் மேல் பரிவு கொண்டார் ஞானி. அவன் அருகில் சென்று,
"உன் பெயர் என்னப்பா?'' என்று கேட்டார்.
"சித்தார்த்தன்'' 
"அப்பனே, ஏன் கண் கலங்குகிறாய்? உனக்கு என்ன பிரச்சினை? என்னிடம் கூறினால் நான் ஏதாவது ஒரு தீர்வை வழங்க முடியுமா? என முயற்சி செய்கிறேன்!'' என்று கூறினார்.
இதுவரை எவருமே தன்னிடம் பரிவுடன் பேசி அறிந்திராத அவன், கண்ணீர் மல்க, "அய்யா! என் செல்வம் முழுவதையும் நான் இழந்து விட்டேன்! நான் எந்தத் தொழில் செய்தாலும் அதில் லாபமே இல்லை! என் குடும்பத்தைக் காப்பாற்ற எனக்கு வழி தெரியவில்லை! என் உயிரை மாய்த்துக் கொள்ள லாம் போல இருக்கிறது!'' என்றான்.
அவன் நிலை கண்டு வருந்திய ஞானி, "அப்பனே தொலைந்த இடத்தில் தான் நீ பொருளைத் தேட வேண்டும்! அதோ அங்கு ஊர்ந்து செல்லும் எறும்புகளைப் பார்! அவை நமக்கு எத்தனைப் பாடங்களைக் கற்றுத் தருகின்றன?''
சித்தார்த்தன் ஞானியை உற்று நோக்கி, "எத்தனை பாடங்கள்?... என்னென்ன பாடங்கள்?''
"கூர்ந்து கவனி,....அவை நடை போடும் பாதையில் ஏதேனும் தடை வந்தாலோ அல்லது யாரேனும் தடுத்தாலோ...'' 
"பின் வாங்கிவிடுமா?'' என்று கேட்டான் சித்தார்த்தன்.
ஞானி சிரித்துக்கொண்டே, "அவசரப்படாதே!.... தடைகள் வந்தால் அவை, ஒன்று, அவற்றின் பாதையை மாற்றிக் கொள்ளும்,.... அல்லது அந்தத் தடை மீதே ஏறிக் கடக்கும்!....இதன் மூலம் எடுத்த காரியத்தை முடிக்காமல் எக்காரணம் கொண்டும் பின் வாங்கக் கூடாது என்பதை நாம் அறியலாம்!'' 
"ஏன் அப்படிச் செய்கின்றன?....அது ஆபத்தில்லையா?''
"ஆபத்தை அவை எதிர்கொள்கின்றன.... மழைக்காலத்தில் அவைகள் இப்படி உணவைத் தேட இயலாது!'' 
"அப்படியானால் மழைக்காலத்தில் அவை உணவுக்கு என்ன செய்யும்? பாவம் பட்டினியால் இறந்து போகுமா?'' என்று கேட்டான் சித்தார்த்தன். 
ஞானி புன்னகையுடன் சித்தார்த்தனை நோக்கி, "கோடை காலத்தில் மழை காலத்திற்கான உணவை அவை சேமிக்கத் தொடங்குகின்றன. அதன் மூலம் காலத்தைக் குறை கூறிக் கொண்டு உட்கார்ந்து இருக்காமல் தொடர்ந்து உழைத்துக் கொண்டே இருக்க வேண்டும் என்ற கருத்தை அவை நமக்கு உணர்த்துகின்றன... நேரம் சரியில்லை.... காலம் சரியில்லை... என்று மனிதர்கள் புலம்புவதைப்போல் அவை புலம்புவதில்லை!''
"எறும்புகள் மழை காலத்தில் கோடை காலத்தைப் பற்றியே சிந்தித்துக் கொண்டிருக்கும். இதன் அர்த்தம் என்ன தெரியுமா?'' 
"என்னங்க ஐயா?'' 
"தற்போதைய கஷ்ட காலம் நிரந்தரமல்ல.... விரைவில் நல்லகாலம் பிறக்கும்... என்று அவை நம்பிக்கை கொள்கின்றன!'' 
"அப்படியானால் அவை மழைக்காலத்தில் புற்றுக்கு வெளியே வரவே வராதா?'' என்று கேட்டான் சித்தார்த்தன்.
" சரியாகச் சொன்னாய்.... வராது!.... இப்படிக் கோடையில் புற்றுக்கு வெளியிலும், மழைக் காலத்தில் புற்றுக்கு உள்ளேயும் வாசம் செய்து கொண்டு தொடர்ந்து இயங்கிக் கொண்டே இருக்கும். இதன் மூலம் எப்பொழுதும் நம்பிக்கையோடு இருக்க வேண்டும் என்ற பாடத்தை நாம் அவற்றிடம் இருந்து கற்றுக் கொள்ளலாம்.'' 
"ஒரு எறும்பு என்ன அப்படி பெரியதாகச் சேமித்துவிட முடியும்?''
"அப்படிச் சொல்லாதே!.... அவை கூட்டாக முயற்சி செய்பவை!.... ஒற்றுமைக்கு உதாரணமாக இருப்பவை!.... ஒழுங்காக வரிசையில் செல்பவை!..... உற்சாகம், சுறுசுறுப்பு, ஒற்றுமை, ஒழுங்கு இவைகளைத் தங்கள் வாழ்க்கை முறையாகக் கொண்டவை! ஒவ்வொரு சிறு எறும்பும் தன்னால் எவ்வளவு முடியுமோ அவ்வளவு சேகரிக்கும். ஒரு சிரு துரும்பு அளவு உணவுப் பொருளையும் அலட்சியம் செய்யாது. இதன் மூலம் வாய்ப்புகள் எவ்வளவு சிறியதாக இருந்தாலும் நாம் அவற்றை இழந்து விடாமலும் அலட்சியம் செய்யாமலும் முழுமையாகப் பயன் படுத்திக் கொள்ள வேண்டும் என்பதே ஆகும்.
"ஒரு எறும்பின் வாழ்க்கையில் இத்தனை விஷயங்கள் இருக்கின்றனவா? ஆச்சரியமாக இருக்கிறது ஐயா!''
" எறும்புகளின் மூலம் நான் கற்றுக் கொண்ட பாடத்தை உனக்குச் சொல்ல விரும்புகிறேன்.... அவை என்ன தெரியுமா?... பின் வாங்காதே! முன்னோக்கிப் பார்! நம்பிக்கையோடு செயல் படு! கிடைக்கும் எல்லா வாய்ப்புகளையும் முயன்று பார்! 
ஊக்கத்தை ஒருக்காலும் இழந்து விடாதே!....இப்பொழுதைய உனது துன்பம் நிரந்தரம் அல்ல! ஏனெனில் இருளின் முடிவில் நிச்சயம் விடியல் உண்டு!' என்று கூறி முடித்தார்.
இதுவரை குழப்பத்தால் துன்பப் பட்டுக் கொண்டிருந்த சித்தார்த்தன் மனம் தெளிந்து ஒரு புதிய உற்சாகத்துடன் ஞானிக்கு நன்றி கூறி விட்டுத் தன் இல்லம் நோக்கிப் புறப்பட்டான்.... அவன் மனம் எறும்புக்கும் நன்றியைக் கூறியது! 
இதே கருத்தைத் தான் வள்ளுவரும் "ஊக்கம் உடைமை" அதிகாரத்தில், 
"உள்ளம் உடைமை உடைமை பொருளுடைமை
நில்லாது நீங்கி விடும்.' -" என்கிறார்.
இதன் பொருள் - கையில் இருக்கும் செல்வங்கள் நிலைத்து நில்லாமல் அழிந்தாலும் ஊக்கம் உடைமையே ஒருவனுக்கு நிலையான செல்வம் ஆகும் என்பதே!
 

]]>
https://images.dinamani.com/uploads/user/imagelibrary/2020/1/25/w600X390/sm11.jpg https://www.dinamani.com/weekly-supplements/siruvarmani/2020/jan/25/குறள்-நெறிக்-கதைகள்-எது-நிலையான-செல்வம்-3340114.html
3340113 வார இதழ்கள் சிறுவர்மணி அண்ணல் காந்தி வழியில்... DIN DIN Saturday, January 25, 2020 11:03 AM +0530 அண்ணல் காந்தி பிறந்த நாளில்
 அவரின் மேன்மை நினைக்க வேண்டும்
 எண்ணம் எல்லாம் அகிம்சை கொண்டால்
 என்றும் வெற்றி நமது வாழ்வில்
 
 உன்றன் ஆற்றல் அறிந்தே நீயும்
 உண்மை வாழ்வை வாழ்தல் நன்றாம்
 வன்மம் என்றும் சிந்தை நீங்கி
 வாழும் தன்மை கற்க வேண்டும்
 
 இன்னல் எவரும் தந்த போதும்
 என்றும் சினமே தவிர்த்தல் வேண்டும்
 முன்னர் நாட்டின் நிலையை எண்ணி
 முனைப்பு கொண்டே உழைக்க வேண்டும்
 
 பெண்ணும் ஆணும் பேதம் இன்றி
 பெருமை வாழ்வில் திளைக்க வேண்டும்
 கண்ணுங் கருத்தும் மனத்தில் வைத்தே
 கல்வி கற்கும் எண்ணம் வேண்டும்!
 
 மண்ணும் மழையும் கலத்தல் போன்றே
 மனிதப் பண்பில் மாண்பு வேண்டும்
 உண்ணும் உணவை நமக்குத் தந்த
 உழவர் மகிழ உதவ வேண்டும்
 
 பண்ணும் இசையும் இணைதல் போன்றே
 பழகும் நட்பில் பண்பும் வேண்டும்
 அண்ணல் காந்தி வழியில் நாளும்
 அன்பைப் போற்றித் திகழ்தல் வேண்டும்!
 கவியழகன்
 
 

]]>
https://images.dinamani.com/uploads/user/imagelibrary/2020/1/25/w600X390/sm8.jpg https://www.dinamani.com/weekly-supplements/siruvarmani/2020/jan/25/அண்ணல்-காந்தி-வழியில்-3340113.html
3340112 வார இதழ்கள் சிறுவர்மணி மக்கள் ஆட்சியின் மாண்பு! DIN DIN Saturday, January 25, 2020 11:01 AM +0530 சனவரி இருபத்தாறாம் நாள்
 சரித்திரம் போற்றும் நன்னாளாம்!
 சனநாயகத்தின் சமத்துவத்தைச்
 சகலரும் பெற்ற பொன்னாளாம்!
 
 அன்னை பாரதத் திருநாட்டின்
 அடிமைத் தளையை அகற்றியபின்
 மன்னர் ஆட்சி முறை மறைந்து
 மக்கள் ஆட்சி மலர்ந்த நாள்!
 
 நாமே நாட்டு மன்னரென
 நவின்ற பாரதிப் பாவலனின்
 தேமாப் போன்ற தீங்கவிதைச்
 செவியில் இனிக்க வரும் நாளாம்!
 
 மக்களுக்காக மக்களால்
 மக்களை ஆளும் ஆட்சியதில்
 துக்கம் தொல்லை தோன்றாமல்
 சுகமும், வளமும் தொடர்ந்திடும் நாள்!
 
 எண்ணியது உரைக்கும் பேச்சுரிமை
 ஏட்டினில் வரையும் எழுத்துரிமை
 கண்ணியமான வாக்குரிமை
 கனிவாய்த் தந்த கவினாட்சி!
 
 நற்றவச் சான்றோர் நமக்கீந்த
 நலந்தரும் மக்கள் ஆட்சியிலே
 பற்றுடன் கடமைகள் நாம் புரிந்தால்
 பாரினில் பாரதம் வளம் பெறுமே!
 குரு . சீனிவாசன்
 

]]>
https://images.dinamani.com/uploads/user/imagelibrary/2020/1/25/w600X390/sm9.JPG https://www.dinamani.com/weekly-supplements/siruvarmani/2020/jan/25/மக்கள்-ஆட்சியின்-மாண்பு-3340112.html
3340109 வார இதழ்கள் சிறுவர்மணி துள்ளிக் குதிக்கும் எறும்புகள்! DIN DIN Saturday, January 25, 2020 10:58 AM +0530 கால்களைத் தரையில் ஊன்றி துள்ளிக் குதிக்கலாம்! இல்லாவிட்டால் கைகளை ஊன்றித் துள்ளிக் குதிக்கலாம்! ஆனால் "ஜா ட்ராப்' என்ற பெயர் கொண்ட ஒரு வகை எறும்பு தன் தாடையை ஊன்றி இறுக்கிப் பின் விடுவிக்கும்போது துப்பாக்கியிலிருந்து தோட்டா வெளியேறுவது போல் காற்றில் துள்ளிக் குதிக்கிறது!
 இதனை ஒரு விநாடிக்கு ஒரு லட்சம் பிரேம்களைப் பதிவு செய்யும் கேமரா மூலம் படமாக்கியுள்ளனர். அதில் வழக்கம்போல் தரையில் ஊர்ந்து சென்று கொண்டிருந்த எறும்பு திடீரென காணாமல் போகிறது. சாதாரணமாகப் பார்த்தால் அதைக் கண்டுபிடிக்க முடியாது. வீடியோவில் பார்க்கும்போது தெரிய வந்தது!
 என்னவென்றால் இந்த எறும்பு மெதுவாக அதன் தலையைத் தரையில் நிலை நிறுத்துகிறது. அடுத்து மெதுவாக காற்று வழியாகச் சுழன்று துள்ளுவது தெரிகிறது!
 எதிரிகளிடமிருந்து தப்புவதற்காக இந்த எறும்புகள் இவ்வாறு செய்வது தெரியவந்துள்ளது!
 தொகுப்பு : கோட்டாறு ஆ.கோலப்பன், நாகர்கோவில்.
 

]]>
https://images.dinamani.com/uploads/user/imagelibrary/2020/1/25/w600X390/sm7.jpg https://www.dinamani.com/weekly-supplements/siruvarmani/2020/jan/25/துள்ளிக்-குதிக்கும்-எறும்புகள்-3340109.html
3340108 வார இதழ்கள் சிறுவர்மணி ஈபிள்கோபுரம் DIN DIN Saturday, January 25, 2020 10:57 AM +0530 கருவூலம்
 திரைப்படங்களில், வாழ்த்து அட்டைகளில், அலங்கார வளைவுகளில் இடம் பெற்றிருக்கும் ஈபிள் கோபுரம் அதன் உயரம் போலவே சுவராசியமான பல தகவல்களைக் கொண்டது. பிரான்ஸ் நாட்டின் தலைநகரான பாரீஸ் நகரில் இக்கோபுரம் அமைந்திருக்கும் இடத்தின் பெயர் "சாம்ப் டி மார்'. இவ்விடம் ஒரு அணிவகுப்பு மைதானமாகும்.
 1789 - 1799 -இல் உலகையே திரும்பிப் பார்க்க வைத்த பிரெஞ்சு புரட்சியின் நூற்றாண்டு விழா கொண்டாட்டத்தின் ஒரு பகுதியான "எக்ஸ் பொசிசன் யுனிவர்செல்' எனும் உலகக் கண்காட்சி விழாவிற்கான நுழைவாயிலாக 1889 - இல் இக்கோபுரம் கட்டப்பட்டது. இதைக் கட்டிய பொறியாளரின் பெயர் "அலெக்சாண்டர் கஸ்டாவ் ஈபிள்'. அவர் பெயராலயே அது "ஈபிள் கோபுரம்' என்றழைக்கப்பட்டது.
 இக்கோபுரம் ஆரம்பத்தில் பிரான்ஸ் நாட்டின் மற்றொரு நகரான பார்சிலோனாவில் அமைப்பதாக இருந்தது. ஆனால், கோபுரத்தின் உயரம், வடிவமைப்பு, அதை அமைக்கும் விதம் ஆகியவைகளைச் சுட்டிக் காட்டி பார்சிலோனா நகராட்சி அனுமதி தர மறுத்து விட்டது. அதன் பின்னரே பாரீஸ் நகரம் தேர்வு செய்யப்பட்டது.
 பாரீஸ் நகரின் முக்கிய அடையாளமாக 2.5 ஏக்கர் பரப்பளவில் அமைந்துள்ள இக்கோபுரம் 986 அடி உயரமுடையது. ஐந்து இலட்சம் ஆணிகளைக் கொண்டு 18,038 சிறப்பு உருக்கு இரும்புத் துண்டுகளை இணைத்து உருவாக்கப்பட்ட இக்கோபுரம் 10 ஆயிரம் டன் எடை கொண்டது. இதில் இரும்பு பாகத்தின் எடை மட்டும் 7300 டன்கள்! மூன்று அடுக்குகளாக அமைந்துள்ள கோபுரத்தில் 1800 படிக்கட்டுகள் உள்ளன. தவிர, 189 அடி, 380 அடி, 906 அடி உயரங்களில் அமைந்துள்ள மூன்று நடை மேடைகளில் இருந்தும் பாரீஸ் நகரின் அழகை பார்த்து ரசிக்க முடியும். அதற்கு ஏதுவாக எட்டு மின் தூக்கிகளும் அமைக்கப்பட்டுள்ளன. ஒவ்வொரு அடுக்கிலும் உணவகம், தகவல் நிலையம், கண்காட்சி மண்டபம் ஆகியவைகள் உள்ளன.
 கோபுரத்தின் உச்சியில் வானொலி ஒலிபரப்பிற்காக 20 மீட்டர் உயரம் உடைய ஆண்டெனா பொருத்தப்பட்டுள்ளது. 1909- இல் பொருத்தப்பட்ட இவ்வாண்டனா 1957 முதல் தொலைக்காட்சி ஒளிபரப்பிற்கும் பயன் பட்டது. ஆண்டனாவோடு சேர்த்து கோபுரத்தின் மொத்த உயரம் 1063 அடிகள். கோபுரத்தின் கீழ்பகுதியில் ஒரு சுரங்க வானொலி நிலையம் செயல்படுகின்றது.

கோபுரத்தின் இரும்புகள் தட்பவெப்ப மற்றும் பருவநிலை மாற்றங்களால் பாதிக்கப்படாதவாறு இருக்க 50 முதல் 60 டன் எடையுள்ள மண் நிறம் கொண்ட வர்ணம் ஏழு ஆண்டுகளுக்கு ஒரு முறை பூசப்படுகிறது. நவீன முறைகளில் அல்லாமல் வெறும் தூரிகைகள் கொண்டு மட்டுமே இப்பணி செய்யப்படுகிறது.
 கோடைவெயில் கோபுரத்தின் பக்கவாட்டில் படும் சமயங்களில் கோபுரம் முன்நோக்கி 18 செ.மீ. வரைக்கும் வளைவதாகவும், வேகமாகக் காற்றடிக்கும் சமயங்களில் கோபுரத்தின் நுனி அதன் நிலையிலிருந்து 6 முதல் 7 செ.மீ. வரையில் ஊசலாடுவதாகவும் கணக்கிட்டுள்ளனர்..
 1887- இல் தொடங்கி 1889 மார்ச் 31- இல் முடிவடைந்த இக்கோபுரம் முந்நூறு தொழிலாளர்களின் தொடர் உழைப்பினால் கட்டப்பட்டது. இதே ஆண்டு மே 6 -ஆம் தேதி பார்வையாளர்களுக்குத் திறந்து விடப்பட்டது. ஆரம்ப காலத்தில் பார்வையாளர்களுக்குக் கட்டணம் வசூலிக்கப்படவில்லை. பின்னர் கூட்ட நெரிசல், கோபுரத்தின் பராமரிப்புச் செலவு ஆகிய காரணங்களுக்காக டிக்கெட் முறை கொண்டு வரப்பட்டது. கோபுரப் பராமரிப்பு பணியில் முந்நூறு ஊழியர்கள் உள்ளனர். அவர்களுக்கென தனிச் சங்கமும் உள்ளது!
 கோபுரத்தை இருபது ஆண்டுகள் மட்டுமே நிறுத்தி வைக்க ஈபிள் அனுமதி பெற்றிருந்தார். ஆனால், காலப்போக்கில் பாரீஸின் அடையாளமாக மாறிப்போனதால் 1909 -இல் பாரீஸ் நகர நகராட்சியின் கட்டுப்பாட்டிற்குள் கொண்டு வரப்பட்டது. அதன் பின்னர் ஈபிள் கோபுரம் மறு ஆய்வுக்கு உட்படுத்தப்பட்டது. ஆய்வு முடிவில் இன்னும் முந்நூறு ஆண்டுகளுக்கு நிலைத்திருக்கும் என தெரியவந்ததும் அதே நிலையி;ல் கூடுதல் வசதிகளோடு கோபுரத்தை பராமரிப்பதென பாரீஸ் நகராட்சி முடிவு செய்தது.
 தெளிவான கால நிலையில் சாதாரணமாக நாற்பத்தி இரண்டு மைல் தொலைவில் இருந்து இக்கோபுரத்தைக் காணமுடியும். கட்டி முடிக்கப்பட்ட காலத்தில் இருந்து 1930 - ஆம் ஆண்டு வரை உலகின் மிக உயரமான கோபுரமாக இது திகழ்ந்தது. 1930 இல் அமெரிக்காவின் நியூயார்க் நகரில் கட்டப்பட்ட கிரைஸ்லர் கட்டடத்தால் இரண்டாம் நிலைக்குத் தள்ளப்பட்ட ஈபிள் கோபுரம் தற்போது ஐந்தாவது இடத்தில் உள்ளது. ஆயினும், குறுகிய காலத்தில் கட்டப்பட்டு நீண்ட நாட்கள் நிலைத்திருக்கும் கட்டுமானம் இது ஒன்றாகத்தான் இருக்கும் என இதை வடிவமைத்த அலெக்சாண்டர் கஸ்டாவ் ஈபிளின் கூற்றை இன்றும் தக்க வைத்தபடி நிற்கிறது ஈபிள் கோபுரம்!
 நவீன கட்டடப் பொறியாளர்களின் அதிசயமாக விளங்கும் இக்கோபுரத்தின் கட்டுமான முறைகள் "வோர்விக் ஹேர்பேட் ரேப்பர்' என்ற ஆங்கிலேய ஓவியர் தீட்டி வைத்திருந்த ஓவியங்கள் மூலம் வெளி உலகிற்குத் தெரிய வந்தது. கோபுரத்தின் கட்டுமான சமயத்தில் அடிக்கடி பாரீஸிற்குச் சென்று வந்த வோர்விக் கட்டுமானப் பணிகளையும், பாரீஸ் நகர மக்களையும் ஓவியங்களாக வரைந்து வைத்திருந்தார். இந்த ஓவியங்கள் அவருடைய பேரன் மூலம் கண்டெடுக்கப்பட்டு வெளிஉலகிற்கு அறிமுகம் செய்யப்பட்டது.
 கோபுரத்தின் அடிப்பகுதியில் முகப்பிற்கு பதினெட்டு பேர் வீதம் நான்கு முகப்புகளிலும் எழுபத்தி இரண்டு பிரான்ஸ் நாட்டு விஞ்ஞானிகளின் பெயர்கள் பொறிக்கப்பட்டுள்ளன. இக்கோபுரத்தைக் கட்டி முடிக்க அன்றைய மதிப்பில் ஆன செலவு (இந்திய ரூபாயில்) சுமார் 60 கோடி! இதன் முதலாமாண்டில் நுழைவுக் கட்டணமாக கிடைத்த தொகை இதைக் கட்ட ஆன செலவுத் தொகையை விட அதிகம்!!

 1902 ஜுன் 3 -இல் மின்னல் தாக்குதலாலும், 1956 ஜனவரி 3- இல் மின் கசிவாலும் கோபுரத்தின் உச்சிப்பகுதி சேதமடைந்து சரி செய்யப்பட்டது. படப்பிடிப்பிற்கான அனுமதி முதன் முதலில் ஜேம்ஸ்பாண்ட் திரைப்படத்திற்காக 1965 இல் வழங்கப்பட்டது. 2000 ஆம் ஆண்டில் கோபுரம் முழுவதும் வண்ண விளக்குகள் பொருத்தப்பட்டன.
 ஐரோப்பாவின் விலை மதிப்பு மிக்க நினைவுச் சின்னமாக பெயரிடப்பட்டுள்ள ஈபிள் கோபுரம் தனது இருபது கோடியாவது பார்வையாளரை 2002 இல் எட்டியது. பிரான்சின் ஆண்டுப் பொருளாதாரத்தில் பெருமளவு தொகை ஈபிள் கோபுரம் மூலமே பெறப்படுகிறது.
 1892 ஆம் ஆண்டு தொடங்கி பல ஆண்டுகள் வரையிலும் இரும்பினாலான இந்தக் கட்டுமானம் ஆபத்தானது. இதன் உறுதி நம்பகமில்லாதது. பாதுகாப்பற்றது என்று சொல்லப்பட்ட விமர்சனங்களை எல்லாம் வென்று இன்றும் ஈபிள் கோபுரம் கம்பீரமாய் நிற்கிறது.
 தொகுப்பு : மு. கோபி சரபோஜி
 இராமநாதபுரம்.
 
 

]]>
https://images.dinamani.com/uploads/user/imagelibrary/2020/1/25/w600X390/Eiffel_Tower.jpg https://www.dinamani.com/weekly-supplements/siruvarmani/2020/jan/25/ஈபிள்கோபுரம்-3340108.html
3340106 வார இதழ்கள் சிறுவர்மணி  உதவியின் சிறப்பு! DIN DIN Saturday, January 25, 2020 10:53 AM +0530 முத்துக்கதை!
 
ரோமாபுரியில் ஓர் அடிமை தன் அரசனை விட்டுத் தப்பிக் காட்டுக்குள் ஓடிவிட்டான். அவன் காட்டில் இருந்தபோது, ஒரு சிங்கம் நொண்டிக் கொண்டே அவன் பக்கத்தில் வந்து காலைத் தூக்கிக் காட்டியது.
 அடிமை கொஞ்சமும் பயப்படாமல், அதன் காலைப் பிடித்துப் பார்த்தான். அதில் ஒரு முள் தைத்து இருந்தது. அதைப் பிடுங்கி எறிந்து காலைத் தடவிக் கொடுத்தான். வலி நீங்கிய சிங்கம் காட்டுக்குள் ஓடி மறைந்தது.
 சிறிது காலத்துக்குப் பிறகு, காட்டிலிருந்த அந்த அடிமையைப் பிடித்து, அக்கால வழக்கப்படி அவனுக்கு மரண தண்டனை கொடுத்தார்கள்.
 ஒரு சிங்கத்தைப் பல நாட்கள் பட்டினி போட்டு, மரண தண்டனைக்குள்ளானவன் மீது அதை ஏவி விட்டு, அவனைக் கொல்வதுதான் அக்காலத்தில் மரண தண்டனை நிறைவேற்றும் முறையாக இருந்தது.
 அதே போல, அந்த அடிமை மீது சிங்கத்தை ஏவினார்கள். சிங்கம் வேகமாக அவனை நோக்கிப் பாய்ந்து வந்தது. அவனருகில் வந்ததும் சற்றே தயங்கி நின்று அவனை உற்றுப் பார்த்தது.
 முன்னொரு காலத்தில் தன் காலில் குத்திய முள்ளை எடுத்துவிட்டவன்தான் அவன் என்பதை அது உணர்ந்தது. எனவே தன் கண்களில் அன்புடன் அப்படியே நின்று விட்டது! அடிமையும் அந்தச் சிங்கத்தை அடையாளம் கண்டுகொண்டு அதைத் தடவிக் கொடுத்தான்.
 இந்தக் காட்சியைக் கண்டதும் அரசனும் அங்கு கூடியிருந்த மக்களும் ஆச்சரியப்பட்டனர்.
 சிங்கம் ஏன் அவனை அடித்துக் கொல்லவில்லை என்ற விவரத்தை அந்த அடிமை எல்லோருக்கும் சொன்னான்.
 இதைக் கேட்டு ஆச்சரியமும் மகிழ்ச்சியும் அடைந்த அரசன், அந்த அடிமையை விடுதலை செய்து சிங்கத்தையும் காட்டில் கொண்டுபோய் விட்டுவிடுமாறு உத்தரவிட்டான்.
 இனி யாரையும் அடிமைப் படுத்தவதில்லை என உறுதியும் கொண்டான்.
 நீதி : பலனை எதிர்பார்க்காது உதவி செய்தாலும் அதற்கான பலன் வந்தே தீரும்!
 ஜோ.ஜெயக்குமார்

]]>
https://images.dinamani.com/uploads/user/imagelibrary/2020/1/25/w600X390/sm5.jpg https://www.dinamani.com/weekly-supplements/siruvarmani/2020/jan/25/உதவியின்-சிறப்பு-3340106.html
3340105 வார இதழ்கள் சிறுவர்மணி காந்தியடிகளின் பொன்மொழிகள்! DIN DIN Saturday, January 25, 2020 10:52 AM +0530 * என் வாழ்வே என் செய்தி
* ஜனநாயகத்தில், வலிமை மிக்கவருக்கும், வலிமையற்றவருக்கும் சமமான வாய்ப்பு கிடைக்க வேண்டும்.
* நம்பிக்கை நம்மை என்றும் காப்பாற்றும்.
* நாணயமாகச் சம்பாதிப்பவனுக்கு எந்த வேலையும் கெளரவக் குறைவானதல்ல.
* இந்தியா வாழ வேண்டுமானால் தீண்டாமை ஒழிய வேண்டும்.
* ஆகாரமில்லாமல் என்னால் பல நாட்கள் வாழ முடியும். ஆனால் பிரார்த்தனை இல்லாமல் அரை விநாடி கூட வாழ முடியாது.
* கண்களை இழந்தவன் குருடனல்ல. தன்னிடமுள்ள குறைகளை மறைப்பவன் எவனோ அவனே குருடன்.
* அமைதியில்தான் உயர்வு உள்ளது. பகைமையில் அல்ல.
* சோம்பலுள்ள மனிதன் காலத்தை மதிப்பதில்லை. காலமோ சோம்பேறியை மதிப்பதில்லை.
 

]]>
https://images.dinamani.com/uploads/user/imagelibrary/2020/1/25/w600X390/sm4.jpg https://www.dinamani.com/weekly-supplements/siruvarmani/2020/jan/25/காந்தியடிகளின்-பொன்மொழிகள்-3340105.html
3340103 வார இதழ்கள் சிறுவர்மணி  நீத்தார் பெருமை DIN DIN Saturday, January 25, 2020 10:50 AM +0530 குறள் பாட்டு
 அறத்துப்பால் - அதிகாரம் 3 - பாடல் 7
 சுவை ஒளி ஊறு ஓசை நாற்றம் என்று ஐந்தின்
 வகை தெரிவான் கட்டே உலகு.
                                                                                                      - திருக்குறள்
 சுவை, ஒளி, ஊறு ஓசை
 வாசனை என்று சொல்லுகின்ற
 ஐந்தின் வகை தெரிந்தவரே
 அறிவில் சிறந்த பேராவார்
 
 உற்றுணர்ந்து பார்க்கும் தன்மை
 உள்ளவரே உயர்ந்தவராம்
 அவரிடத்தில் இவ்வுலகம்
 நன்மையாக அமைந்திருக்கும்.
 -ஆசி.கண்ணம்பிரத்தினம்
 

]]>
https://images.dinamani.com/uploads/user/imagelibrary/2020/1/25/w600X390/sm3.jpg https://www.dinamani.com/weekly-supplements/siruvarmani/2020/jan/25/நீத்தார்-பெருமை-3340103.html
3340102 வார இதழ்கள் சிறுவர்மணி சகோதரப் பறவை! DIN DIN Saturday, January 25, 2020 10:48 AM +0530 ஒரு வானம்பாடி வானில் பறந்து கொண்டிருந்தது. அப்போது அது ஒரு கழுகைச் சந்தித்தது. கழுகைச் சந்தித்த வானம்பாடி, "வணக்கம் அண்ணே!.... நலமா இருக்கீங்களா?'' என்று கேட்டது.
 கழுகுக்குத் தான் சக்தி வாய்ந்த பெரிய பறவை என்ற கர்வம் இருந்தது! மேலும் தான் பறவைகளின் ராஜா என்ற நினைப்பும் அதற்கு இருந்தது. இந்தச் சின்னஞ்சிறிய பறவை தன்னைப் பார்த்து தைரியமாகப் பேசுவதைக் கேட்ட கழகுக்கு சற்று கோபம் ஏற்பட்டது.
 "இதோ பார்!.... நான் பறவைகளுக்கு எல்லாம் ராஜா!.... நான் பேசுவதற்கு முன்னால் நீங்களாக வந்து என்னிடம் பேசக்கூடாது! இது உனக்குத் தெரியாதா?'' என்று கழுகு கேட்டது.
 "நாமெல்லாம் ஒரே பறவைக் குடும்பத்தைச் சேர்ந்தவர்கள்தானே!.... நான் உன் சகோதரப் பறவைதான் என்று எண்ணினேன்..... அதனால்தான் நலம் விசாரித்தேன்! '' என்றது வானம்பாடி.
 "சகோதரப் பறவையா?....அதிகப் பிரசங்கித்தனமாகப் பேசாதே!....நீயும், நானும் ஒரே குடும்பம் என்று யார் சொன்னது?....''
 "என்னாலும் உன்னளவுக்குப் பறக்க முடியும்!.... அது மட்டுமல்ல!.... என்னால் பாடவும் முடியும்!.... இந்த உலகத்தில் இருக்கிற ஜீவராசிகளை என் பாட்டால் மகிழ்விக்க முடியும்!.... ஆனால் உன்னால் யாரையும் சந்தோஷப்படுத்தவோ, உற்சாகப் படுத்தவோ முடியாது!....'' என்றது வானம்பாடி.
 கழுக்குக் கடும் கோபம் ஏற்பட்டது!
 "அற்ப ஜீவியே!.... நீ ரொம்ப அகம்பாவம் பிடித்தவன்!.... நான் நினைத்தால் என் கூரிய அலகால் உன்னைக் கொத்தியே கொல்ல முடியும்! ஜாக்கிரதை!'' என்றது கழுகு.
 வானம்பாடி உயரே எழும்பி வட்டமடித்தது. சிறகுகளை அசைக்காமல் தாழப் பறந்துவந்து கழுகின் முதுகில் உட்கார்ந்து அதன் சிறகுகளைக் கொத்திற்று. கழுகு சினத்தோடு, வானம்பாடியைச் சுமந்தபடி கொஞ்ச நேரம் பறந்தது. நேரம் ஆக, ஆக அதற்கு சோர்வாகிவிட்டது! குன்றின் மீது வந்து அமர்ந்தது! வானம்பாடி இறங்குவதாக இல்லை!
 இதையெல்லாம் ஒரு ஆமை பார்த்துக் கொண்டிருந்தது. அது கழுகைப் பார்த்துச் சிரித்தது!
 "ஏன் என்னைப் பார்த்துச் சிரிக்கிறாய்?'' என்று கேட்டது கழுகு.
 "நீ வானம்பாடியின் வாகனமாக ஆகிவிட்டாய்!... உன் முதுகில் அது சவாரி செய்கிறது!.... பார்ப்பதற்கு அது உன்னைவிடச் சிறந்த பறவை போல் தோன்றுகிறது!.... அதை நினைத்துத்தான் சிரித்தேன்!'' என்றது ஆமை.
 "நீ உன் வேலையைப் பார்த்துக்கொண்டு போ!.... இது எனக்கும், என் சகோதரப் பறவை வானம்பாடிக்குமான குடும்ப விவகாரம்!'' என்றது கழுகு.
 "ஒரு வழியா எனக்கு அண்ணன்னு ஒத்துக்கிட்டியே அதுவே போதும்!...'' என்று கூறிவிட்டு கழுகின் முதுகை விட்டுப் பறந்த வானம்பாடி தன் இனிய குரலால் ஒரு பாட்டு பாடியது.
 அதை ரசித்துக் கொண்டே பறந்தது கழுகு.
 (கலீஸ் ஜிப்ரானின் கதை)
 க.பன்னீர் செல்வம்
 

]]>
https://images.dinamani.com/uploads/user/imagelibrary/2020/1/25/w600X390/sm2.jpg https://www.dinamani.com/weekly-supplements/siruvarmani/2020/jan/25/சகோதரப்-பறவை-3340102.html
3340101 வார இதழ்கள் சிறுவர்மணி  சிறுவனின் உறுதி! Saturday, January 25, 2020 10:47 AM +0530 நினைவுச் சுடர் !
ஆகாகான் அரண்மனை. அங்கு மகாத்மா காந்தி தங்கியிருந்த நேரம். காந்தியுடன், சரோஜினி நாயுடு, மற்றும் சிலர் இருந்தனர். காந்திக்கு உணவாக பல பெரிய மனிதர்கள் கூடைகளில் பழங்களை வாங்கி வைத்திருந்தனர். அரண்மனை வாயிலில் ஒரு சிறுவன்... மெலிந்த தேகத்துடனும், தன் கையில் ஒரு பழத்துடனும் நின்று கொண்டிருந்தான். அங்கு அரண்மனை வாயிலில் இருந்தவர்களிடம், ""நான் இந்தப் பழத்தை காந்திக்குக் கொடுக்க விரும்புகிறேன். அவரைச் சந்திக்க முடியுமா?'' என்று கேட்டுக்கொண்டிருந்தான்.
 "காந்தியைப் பார்க்க முக்கியமான ஆட்கள் வருவார்கள்.... நீ அவரைச் சந்திக்க இயலாது.... உன் பழத்தை வேண்டுமானால் எங்களிடம் கொடுத்து விட்டுப் போ!....'' என்று அங்கிருந்தவர்கள் கூறினர்.
 "ம்ஹூம்.... நான் இதை உங்களிடம் தரமாட்டேன்!..... என் கையால் காந்தியாருக்குத் தர வேண்டும். அது மட்டுமல்ல.... இதை அவர் சாப்பிடுவதை நான் பார்க்க வேண்டும்!'' என்றான் அந்தச் சிறுவன்.
 சரோஜினி நாயுடு இதைக் கவனித்து விட்டார். அவர் அந்தப் பையனைப் பார்த்துப் புன்னகைத்து, "சரி, வா!.... காந்தியைச் சந்திக்கலாம்!'' என்றார்.
 சிறுவனும் சரோஜினி நாயுடுவுடன் சென்றான். காந்தியைச் சந்தித்தான்.
 காந்தியிடம், "ஐயா, நான் உங்களுக்குப் பழம் கொண்டு வந்திருக்கிறேன்.... இதைச் சாப்பிடுங்கள்!'' என்றான். சிறுவனின் தோற்றம் மிக ஏழ்மையாக இருந்தது. மிகவும் ஒல்லியாக வேறு இருந்தான். அங்கிருந்த ஒருவர், "பிச்சைக்காரப் பையன் போலிருக்கிறது!'' என்று கூறிவிட்டார். காந்தியின் நெற்றியில் சுருக்கம் ஏற்பட்டது. அந்த மாதிரி ஒரு சிறுவனைக் கூறியது அவருக்குப் பிடிக்கவில்லை.
 சிறுவனுக்குக் கோபம் வந்துவிட்டது! "ஐயா நான் பிச்சைக்காரனல்ல... இந்தப் பழம் என் சொந்த உழைப்பினால் வாங்கியது. இதை மகாத்மா சாப்பிட்டால் நான் மகிழ்ச்சியடைவேன்'' என்றான். அங்கிருந்தோர் சிறுவனின் கண்களில் தென்பட்ட உறுதியைப் பார்த்து வியந்தனர்.
 சிறுவனின் தோற்றத்தைக் கண்ட காந்தி, பழக்கூடைகளிலிருந்து ஒரு பெரிய பழத்தை எடுத்து சிறுவனிடம் அளித்து, "முதலில் நீ இந்தப் பழத்தைச் சாப்பிடப்பா!...'' என்றார்.
 சிறுவன் அதற்கு மறுத்துவிட்டான். "ஐயா, நான் இங்கு சாப்பிடுவதற்காக வரவில்லை... உங்களுக்கு அன்புடன் நான் கொண்டுவந்த பழத்தைச் சாப்பிட்டால் நான் மிகவும் மகிழ்ச்சி கொள்வேன். '' என்று உறுதியுடன் கூறினான்.
 மகாத்மா சிறுவனை அணைத்துக்கொண்டு அவன் கொண்டு வந்த பழத்தைச் சாப்பிட்டார்.
 சிறுவன் மகாத்மா காந்திக்கு ஒரு சல்யூட் அடித்துவிட்டு அங்கிருந்து சந்தோஷத்துடன் சென்றான்.
 -ரமணி, சென்னை.

]]>
https://images.dinamani.com/uploads/user/imagelibrary/2020/1/25/w600X390/sm1.JPG https://www.dinamani.com/weekly-supplements/siruvarmani/2020/jan/25/சிறுவனின்-உறுதி-3340101.html
3334988 வார இதழ்கள் சிறுவர்மணி ஜேம்ஸ் பாண்டு! (18/01/2020)  என்.எஸ்.வி.குருமூர்த்தி Sunday, January 19, 2020 01:38 PM +0530 அரங்கம்
 காட்சி :1

 இடம் - காவல் நிலையம்,
 மாந்தர் - புலன் விசாரணை காவல் உயர் அதிகாரி பரமசிவம், இன்ஸ்பெக்டர் ஞானசிகாமணி, கான்ஸ்டபிள்கள் 501 பண்டரிநாதன், 303 விட்டல், மற்றும் கான்ஸ்டபிள் 707 பாண்டுரெங்கன்,
 
 இன்ஸ்பெக்டர் ஞானசிகாமணி : ம்.. இந்த சுவரில் ஓட்டை போட்டு திருடற கும்பல் அட்டகாசம் வர வர தாங்கலே.. போன வாரம் நகைக் கடை, இந்த வாரம் நகை அடகுக் கடையில் கொள்ளை. என் கையில் சிக்கினால் சின்னாபின்னம் தான் அவனுங்க....
 கான்ஸ்டபிள் விட்டல் : (மனதுக்குள்) "சிக்கினாத் தானே"
 டி . எஸ் . பி . பரமசிவம் : "இரண்டு கொள்ளைகளையும் நடத்தியது ஒரே கோஷ்டிதான்னு தெரியுது. கண்காணிப்பு கேமிரா பதிவுகளை ஆராய்ந்ததில் மூணு பேர் ஈடுபட்டிருக்காங்கன்னு நல்லாவே புரியுது."
 ஞானசிகாமணி : முக அடையாளம் தெரியாம குழந்தைகள் போடும் பூனை முக அட்டை முக மூடியை மாட்டி இருக்கானுங்களே அந்த கேடிப் பசங்க!...."
 பண்டரிநாதன் : "என்னய்யா பாண்டு, நீ தான் ஜேம்ஸ்பாண்டு ஆச்சே! என்ன யோசனை பண்றே ஏதாவது புலப்படுதா..?"
 பாண்டுரெங்கன் : ஐயா! எனக்கு சில தகவல்கள் அந்த சிசிடிவி பதிவுகளில் கண்ணுக்குப் படுது....!"
 டி.எஸ்.பி. பரமசிவம் - "மனதில் பட்டதைச் சொல்லுங்க மிஸ்டர் பாண்டுரெங்கன்!"
 பாண்டுரெங்கன் : ஐயா, எனக்காக ஒருதரம் அந்தக் கொள்ளையர்கள் நடமாட்டப் பதிவை கம்ப்யூட்டரில் கொஞ்சம் குவித்து ஜூம் பண்ண முடியுமா....?"
 ஞானசிகாமணி : என் கண்ணுக்குத் தெரியாததையா நீங்க பார்க்கப் போறீங்க?.... நூறு தரம் திருப்பித் திருப்பி போட்டுப் பார்த்தேன்."
 பரமசிவம் :"ம் சிலபேருக்கு சில விஷயங்கள் கண்ணில் படும்.. மிஸ்டர் ஞானம் கொஞ்சம் ஸும் பண்ணி அவர் சொல்ற இடங்களைக் கணினியில் குவித்துக் காட்டுங்க"
 (ஞானசிகாமணி பாண்டு சொல்லும் சில பகுதிகளைக் குவித்து பெரிது படுத்திக் காட்டி நிறுத்தி நிறுத்தி மெல்ல மெல்ல காட்சிகளை நகர்த்துகிறார்.)
 பாண்டு :"சார் ஒரு நிமிஷம் இந்த இடத்தை மறுபடி பின்னோக்கி ஓடவிடுங்க. (ஒரு பேப்பரில் சில குறிப்புகளை எழுதுகிறார் பாண்டு.) போதும் சார். சில விஷயங்களைச் சொல்றேன். ஐயா அதிகப் பிரசங்கின்னு சொல்லக் கூடாது."
 பரமசிவம் : தைரியமா சொல்லுங்க மிஸ்டர் பாண்டு!....
 குற்றவாளிகளைப் பிடிப்பது தான் இலக்கு. டிஜிபி விரட்டறார் என்ன பண்றீங்கன்னு....
 பாண்டு : சார், இந்த பதிவுகளில் ஒரு இடத்தில் கொள்ளைக்காரர்கள் அணிந்துள்ள பூனை அட்டை முகமூடியில் அடியில் சில எழுத்துக்கள் தெரிகின்றன. குவித்து பெரிதாக்கியதில் ""மொறு மொறு அப்பளம்! பூனை மார்க் அப்பளம்!'"ன்னு தெரியுது பொடிசாக....ஒருத்தன் குனியும் போது அவன் கழுத்தில் மாட்டி இருக்கிற மைனர் செயினில் ஒரு டாலர் தொங்கி ஆடுது. அதில் சின்னா என எழுத்துக்கள் தங்க எழுத்துகளில் டாலராக செதுக்கி இருக்கு. இவன் சின்னதறிப்பேட்டை பழைய இரும்பு வியாபாரி சின்னையன் ஆக இருக்கலாம்..."
 ஞானம் : என்னது?... என் கண்ணுக்குத் தெரியலையே!.... (மறுபடி குவித்துப் பார்க்க).... ஆமாம்! டாலர் பக்கவாட்டில் ஆடுது. அந்த எழுத்துக்களை எப்படி பாண்டு படிச்சார்?
 பரமசிவம் : விட்டல், ஒரு ஃபைல் கொண்டு வாங்க. பாண்டு சொல்ற விஷயங்களை குறிச்சுக்கறேன்."
 பாண்டு :"மூன்று பேரில் ஒருத்தனுக்கு முழங்கையில் சின்ன படை மாதிரி இருக்கு.. அதை அடிக்கடி அவன் தடவி சொறிஞ்சுக்கறான் பல முறை. பதிவுகளில் அவன் கை மேனரிசம். அரிப்பெடுத்து சொறிவது தெளிவா இருக்கு! புது மோட்டார் சைக்கிள்களை திருடும் மூக்கன் எனும் மூக்கையனாக இருக்கலாம். "
 பரமசிவம் : பலே! வெரிகுட்!.... மூணாவது ஆளுக்கு எதுவும் அடையாளக் க்ளூ இருக்கா?"
 பாண்டு : இருக்கு சார்!..... மூணாவது முகமூடிக்காரன் ஒரு காது மடல் கொஞ்சம் மடங்கி வித்தியாசமா இருக்கு!.... அந்த மடலை அடிக்கடி நீவி விடுவது அவன் பாடி லேங்குவேஜ் எனும் சைகை மொழி!......இவன் செல்போன்களை மட்டும் திருடும் நாகு எனும் நாகராஜ் மாதிரி இருக்கு."
 பரமசிவம் : இது போதுமே கிரைம் பிராஞ்ச் இன்ஸ்பெக்டரை உடனே வரச் சொல்லுங்க இந்த தகவலை வச்சு பிடிக்க முயற்சி செய்யட்டும்!"
 பாண்டு : சார், ஒரு சிறு விண்ணப்பம்..... இந்த வழக்கை நானும் ஒரு பக்கம் ஆராய்ந்து குற்றவாளிகளைப் பிடிக்க முயற்சி செய்யலாமா?"
 டி எஸ் பி பரமசிவம் : நமக்கு காரியம் சீக்கிரம் முடியணும். பேஷாக உங்க நோக்கப்படி துப்பு துலக்குங்க.. எதுவும் உதவி வேணும் என்றால் தயங்காமல் கேளுங்க...."
 பாண்டு : சார், எனக்குத் துணையாக பூக்காரி மாறு வேடத்தில், எஸ் ஐ திலகா அம்மா வந்தா உதவியா இருக்கும். உங்க அனுமதி வேணும்."
 பரமசிவம் : ஓ. கே!... அழைச்சுப் போங்க.டிஜிபியிடம் ஒரு வார்த்தை சொல்லிடறேன்..திலகா திறமையானவங்க.... சீக்கிரம் பதவி உயர்வு வரப் போவுது. இந்த கேஸில் உங்க பங்களிப்பு நிச்சயம் இருக்கும்!
 
 காட்சி:2
 இடம் கடைவீதி, மாந்தர் - பூக்காரி வேடத்தில்
 சப் இன்ஸ்பெக்டர் திலகா, பாண்டு, வாலிபன்.
 (பழைய இரும்பு வியாபாரி வேடத்தில் ஒரு சைக்கிள் ஒரு பெட்டி அதில் ஓட்டை உடைசல் பிளாஸ்டிக் இரும்பு சாமான்கள் சகிதமாக பாண்டு)
 பாண்டு : (கூவுகிறார்) ஓட்டை உடைசல் இரும்பு பிளாஸ்டிக் வாங்கறது....
 (பூக்காரி ஸ்டூலில் அமர்ந்து முன்னால் ஒரு வாழை இலை வைத்த மேஜையில் பூச் சரப் பந்துகள்) - "அம்மா வாங்கிப் போங்க…. முழம் முப்பது ரூபா! முல்லை மல்லிகை கனகாம்பரம்..!"
 ஒரு பெண் : சரி முப்பது ரூபாக்கு பூ கொடு.
 (அப்போது ஒரு வாலிபன் புது டூவீலரை பூக்காரி அருகில் நிறுத்தி அம்மா வண்டிக்கு பூ போடணும் தாங்க.. ஐம்பது ரூபாய்க்கு மல்லிகைப் பூ போட்டு விட்டு)
 வாலிபன் : எலுமிச்சம் பழம் வாங்கி வரேன்... வண்டி இங்கே இருக்கட்டும்!
 பூக்காரி : பூட்டிவிட்டு போங்க..நான் வீட்டுக்குக் கிளம்பிட்டேன்
 (அப்போது புது வண்டியை நோட்டமிட்டு அருகே வரும் மூக்கன் கள்ளச் சாவியை போட்டு வண்டியைத் திறந்து ஸ்டார்ட் செய்து அமருகிறான் --எதிரில் பூக்காரி வழி மறிக்கிறார்--)
 மூக்கன் : ஏய் யாரு நீ.. உனக்கு என்னா வேணும்..எங்கே கூப்பிடறே?
 பூக்காரி : நீ தான் வேணும்,....நட என் கூட!...
 ( கூடையில் இருந்து துப்பாக்கியை எடுத்து நீட்ட மறைந்திருக்கும் காவலர்கள் அவனைப் பிடித்து ஜீப்பில் ஏற்றுகின்றனர்.)
 
 காட்சி : 3
 இடம் : கடை வீதி செல் ஃபோன் கடை, மாந்தர் : கான்ஸ்டபிள் விட்டல், பாண்டு, இன்ஸ்பெக்டர் திலகா, திருடன் நாகராஜ்
 
 திலகா : (கூவுகிறார்) கீரை அம்மா கீரை.. முளைக்கீரை பொன்னாங்கண்ணி, மணத்தக்காளி, பசலை கீரை...கீரை!...
 (செல் போன் கடையில் இருந்து புத்தம் புதிய
 பதினைந்தாயிரம் பெறுமானம் உள்ள ஃபோனுடன்
 வருகிறார் விவசாயி விட்டல். போனை தள்ளு வண்டி மேல் வைத்து விட்டு, பேரம் பேசுகிறார்)
 விட்டல் : இந்தாம்மா.. கீரைக் கட்டு எப்படி?"
 திலகா : பத்து ரூபாக்கு இரண்டு"
 விட்டல் : விலை அதிகமா இருக்கே, சரி, கட்டு ஒரு கட்டு அஞ்சு ரூபாக்கு தருவியா ?"
 திலகா : நானும் அதைத் தான் சொன்னேன்
 (அப்போது தள்ளு வண்டி அருகில் நெருங்கும் நாகராஜ் கர்ச்சீஃபில் செல்போனை மறைத்து எடுத்து விட்டு
 நழுவுகிறான்.
 சைக்கிளை நிறுத்தி விட்டு பாண்டு தன் பெட்டியில் இருந்து விலங்கை அவன் கையில் மாட்டி)
 பாண்டுரெங்கன் : வாடா நாகு மாட்டினியா,..... கொண்டா செல் போனை!....
 (அவன் பையில் கைவிட்டு எடுத்து விட்டலிடம் தர கான்ஸ்டபிள் விட்டல், நாகராஜ் முதுகில் ரெண்டு போட்டு இழுத்துச் செல்கிறார்.)
 
 காட்சி : 4
 இடம் - சின்னா எனும் சின்னையன் பழைய இரும்பு கடை, மாந்தர் - பழைய இரும்பு சில்லறை வியாபாரி வேடத்தில் பாண்டு, கடையில் சின்னா, ஞானசிகாமணி, கான்ஸ்டபிள்கள்.
 
 பாண்டு : ஐயா பழைய இரும்பு தெருக்களில் வாங்கி வந்திருக்கேன் எடுக்கலாமா?
 சின்னா : ஆள் புதுசா இருக்கே.. எப்போதிருந்து வியாபாரம் பண்றே ?
 பாண்டு : ஒரு வாரமா தாங்க. வெங்காயம் வித்துக்கிட்டு இருந்தேன். விலை ஏறிடுச்சா.. வாங்கி வித்தால் லாபம் கிடைக்கலே.
 சின்னா : கொண்டு வந்து மேடைத் தராசில் வை
 (பாண்டு சிறு கம்பிகள் உடைந்த தகர டப்பாக்கள் இரும்பு வாளி சாமான்களை வைக்கிறார்.)
 சின்னா : இரும்பு கிலோ இருபது.. தகரம் கிலோ பத்து சம்மதமா"
 பாண்டு : சரிங்க.. கொஞ்சம் பித்தளை வெண்கலம் வச்சிருக்கேன் எடுக்கலாமா.".
 சின்னா : பாத்திரமா..?"
 பாண்டு : எங்க ஊர் குளம் காய்ஞ்சு போனப்போ வெளியே நீட்டிக்கிட்டிருந்ததை இழுத்தேன். பார்த்தால் சாமி சிலை....சின்னதா நாலு இருக்கு!...."
 சின்னா : (சுற்றும் முற்றும் பார்த்து ) "இந்தா இந்த சாக்கில் மூடி எடுத்து வா"
 (பாண்டு எடுத்து வர - சின்னா ஆராய்கிறான்..)
 சின்னா : யோவ்! இதெல்லாம் கோயிலில் திருடு போனதுய்யா!..... உன் கிட்டே எப்படி வந்துச்சி?..... சரி, வெளியே சொல்லாதே!... சிலை ஒண்ணு ஆயிரம் வீதம் எடுத்துக்கறேன். பிடி, மொத்தம் நாலாயிரம்.. மத்த பழைய இரும்புக்கு முன்னூறு தனியா வச்சுக்கோ!
 பாண்டு : (பணம் எண்ணியபடி) ஐயா, அந்த கல்லா பெட்டி ஓரமா அடியில் முகமூடி இருக்கே தர்றீங்களா குழந்தைங்க விளையாட!
 சின்னா : ஏய்!... ஏன் அதை இழுத்துப் பார்க்கறே....உன் வேலையைப் பாரு!"
 (பாண்டு அந்த முக மூடிகளில் மொறு மொறு அப்பளம் பூனை மார்க் அப்பளம் என பொடி எழுத்தில் இருப்பதைக் கவனிக்கிறார். அதே முகமூடிகள் தான்....பாண்டு விசில் அடிக்க....ஞானசிகாமணியும் மற்ற கான்ஸ்டபிள்களும் ஓடிவந்து சின்னாவைக் கைது செய்கிறார்கள்)
 சின்னா : ஐயா சிலைகளை இந்த ஆள் தான் கொண்டுவந்தார்.. இவரைப் பிடிங்க."
 ஞானசிகாமணி : பிடிக்கிறோம். பாண்டு அந்தப் பழங்கால சிலைகளை எடுத்துக்கிட்டு வாங்க ஜீப்புக்குப் போகலாம்".
 
 காட்சி : 5
 இடம் - காவல் நிலையம், மாந்தர் - உயரதிகாரி பரமசிவம் ஞானசிகாமணி, விட்டல், பண்டரிநாதன்
 
 (மூவர் முகத்திலும் பாண்டு முகமூடியை அணிவித்து படம் எடுக்கிறார்---சிசிடிவி பதிவு முகங்களிடம் ஒத்துப் போக---
 பரமசிவம் விசாரணையை மேற்கொள்கிறார் பிரம்புடன். நகைக் கடை கொள்ளையில் ஈடுபட்டதை சின்னா, நாகு, மூக்கன் மூவரும் ஒப்புக் கொள்கிறார்கள்)
 மறு நாள் செய்தித் தாள்கள் டிவி சேனல்களில் செய்தி வெளியாகிறது
 "பிரபல நகைக் கடை கொள்ளையில் மூவர் கைது. கொள்ளை போன பத்து கிலோ நகைகள் மீட்பு.. கண்காணிப்பு கேமிரா பதிவுகளை வைத்து பழைய கேடிகளை அடையாளம் கண்ட ஏட்டு பாண்டுரெங்கனின் திறமை!
 (திரை)
 

]]>
https://images.dinamani.com/uploads/user/imagelibrary/2020/1/19/w600X390/NADKAM.JPG https://www.dinamani.com/weekly-supplements/siruvarmani/2020/jan/19/ஜேம்ஸ்-பாண்டு-18012019-3334988.html
3334993 வார இதழ்கள் சிறுவர்மணி அங்கிள் ஆன்டெனா DIN DIN Sunday, January 19, 2020 12:35 PM +0530 கேள்வி:
 பட்டாம்பூச்சிகள் தூங்குமா? அதன் உணவுதான் என்ன?
 பதில்: பட்டாம்பூச்சிகளுக்குத் தூக்கம் என்று ஒன்று இல்லை என்றுதான் சொல்ல வேண்டும். ஆனாலும் சுற்றிச் சுற்றி அழகாகச் சிறகை விரித்து, கண்ணைக் கவரும் வண்ணம் பறந்து கொண்டே இருக்கும் இந்தப் பூச்சிகளுக்கும் ஓய்வு தேவை அல்லவா?
 ஏதாவது கிளையிலோ இலையிலோ உட்கார்ந்து கொண்டு கண்ணை மூடிக் கொள்ளுமாம். அப்படியே மயக்கம் போட்டது போல உணர்வின்றிச் சிறிது நேரம் கிடக்குமாம். இந்தச் சமயத்தில், அதன் குட்டி உடம்பிலுள்ள சிறிய பாகங்கள் அலுப்பினால் சற்றே ஓய்வு எடுத்துக் கொள்ளுமாம். இது அத்தனையும் பெரும்பாலும் இரவு நேரங்களில்தான் நடக்கும்.
 உணவு என்று எதையும் சாப்பிடுவதில்லை இந்தப் பூச்சிகள். ஏனெனில் இவற்றுக்கு பற்கள் கிடையாது. ஆகவே சாப்பிட முடியாது.
 ஆனால், குடிக்கும். நிறைய நிறையத் தேனை. பூவிலுள்ள தேனைக் குடித்துத்தான் இவை உயிர் வாழ்கின்றன.
 -ரொசிட்டா
 அடுத்த வாரக் கேள்வி
 உலகில் ஏன் இத்தனை மொழிகள்?
 பி.கு.: இந்தப் பகுதிக்கு வாசகமணிகளும் கேள்விகளை அனுப்பலாம். இதுவரை இந்தப் பகுதியில் வெளிவராத கேள்விகளாக இருந்தால், நிச்சயம்
 நல்ல பதில் கிடைக்கும்.

]]>
https://images.dinamani.com/uploads/user/imagelibrary/2020/1/19/w600X390/sm12.jpg https://www.dinamani.com/weekly-supplements/siruvarmani/2020/jan/19/அங்கிள்-ஆன்டெனா-3334993.html
3334992 வார இதழ்கள் சிறுவர்மணி பொங்கல் திருவிழா! DIN DIN Sunday, January 19, 2020 12:33 PM +0530 பொங்கல் திருவிழா வந்தது
 புதிய மகிழ்வைத் தந்தது!
 சங்கத் தமிழர் பெருமையைத்
 தரணி புகழச் சொன்னது!
 
 உழவர் நாளாய் மலர்ந்தது
 உழைப்பின் அருமை புகழ்ந்தது
 கழனியில் விளைந்த நெல்மணி
 காளையின் கழுத்தில் நன்மணி!
 
 இல்லம் சிறக்கச் செய்தது!
 இனிப்புப் பொங்கல் ஆனது
 உண்ணத் தேனாய் இனிக்கவே
 உறவுப் பொங்கல் ஆனது!
 
 கழனி எல்லாம் செழித்தன
 காய்கனிகளும் விளைந்தன
 பாலும் பழமும் கலந்தது
 பாசப்பொங்கல் இனித்தது!
 அழகுதாசன்
 

]]>
https://images.dinamani.com/uploads/user/imagelibrary/2020/1/19/w600X390/sm11.jpg https://www.dinamani.com/weekly-supplements/siruvarmani/2020/jan/19/பொங்கல்-திருவிழா-3334992.html
3334991 வார இதழ்கள் சிறுவர்மணி மரங்களின் வரங்கள்! நீலத் நிறத்தழகன் - காயா மரம்! DIN DIN Sunday, January 19, 2020 12:32 PM +0530 குழந்தைகளே நலமா ?
 நான் தான் காயா மரம் பேசறேன். எனது அறிவியல் பெயர் காயா செனிகாலென்சிஸ் என்பதாகும். நான் மேலஸ்டோமட்டாசியே குடும்பத்தைச் சேர்ந்தவன். எனக்கு காயான், காசா, பூவை, பூங்காலி, அஞ்சனி, பூவை, பூங்காலி என வேறு பெயர்களும் உண்டு. என்னை ஆங்கிலத்தில் கார்ப்பா என அன்போடு அழைப்பாங்க. அதிக மழை பொழிவுள்ள இடங்களிலும், ஆற்றுபடுகையை ஒட்டிய இடங்களிலும், மரங்களே வளராத இடங்களிலும் நான் வளருவேன். பூவால் பெயர் பெற்ற மரங்களுள் நானும் ஒருவன். கார்காலத்தில் மலரும் என் பூக்கள், காலையில் மலர்ந்து இரவில் உதிரும் தன்மையன. என் அரும்பு முனை கருமையாகவும், மலர்ந்தால் மயில் கழுத்துப் போன்று பளபளக்கும் நீல நிறத்திலிருக்கும். அது மெல்லியதாகவும், மணமுடையதாகவும் இருக்கும். அது காண்பவர்கள் உள்ளத்தைக் கவர்ந்திழுக்கும்.
 நான் இலை உதிரா சிறு மரம். அதனால் தான், "காடுகள் அழிந்தாலும் காயா அழியாது' என்று சொல்வதுண்டு. திருமாலை காயாம்பூ மேனியன் என்பர். ஏன்னா என் மலர் நீல நிறத்திலிருக்கும். பரிபாடலில் திருமாலின் உடல் அழகுக்கு உவமையாக சொல்லப்பட்ட மலர் காயா மலர். என் பூ திருமாலை தெய்வமாகக் கொண்ட முல்லை நிலத்துக் கருப்பொருள்களில் ஒன்று. நான் ஒரு பசுமை மாறா மரமாவேன்.
 கபிலர் இயற்றிய குறிஞ்சிப்பாட்டில் கூறப்பட்டுள்ள தொன்னூற்றொன்பது மலர்களுள் என் மலரும் ஒன்று என்பது எனக்குப் பெருமிதத்தைத் தருகிறது. பழமொழி நானூறு 93-ஆம் பாடலில் "பூத்தாலும் காயா மரம்' என்று என்னைப் பற்றிய குறிப்பிருக்கு. என் பூக்கள் மயில் கூட்டம் போல் பூத்துக் கிடக்கும். என் பூக்களை வாசனை திரவியம் தயாரிக்க பெரிதும் பயன்படுத்தறாங்க. பழங்காலத்திலிருந்து என் பட்டை பல்வேறு மருத்துவப் பொருள்கள் தயாரிக்க பயன்படுது.
 எங்கிட்ட உறுதித் தன்மையும், உழைப்புத் திறனும் இருப்பதால் நான் கட்டுமானப் பொருள்கள் தயாரிக்கவும், கட்டுமான தொழில்களுக்கும், வீட்டு உபயோகப் பொருள்கள் தயாரிக்கவும், விலை உயர்ந்த மரச்சாமான்கள் தயாரிக்கவும், கைபிடிகள் தயாரிக்கவும். கதவு, ஜன்னல், சிற்பங்கள் தயாரிக்கவும் பெரிதும் பயன்படுகிறேன். ஏழை மக்கள் விறகிற்காகவும், கரி உற்பத்திக்காவும் என்னை பயன்படுத்தறாங்க.
 ஒரு வருடத்திற்கு திட்டமிட்டால் தானியத்தை பயிரிடு, பத்து வருடங்களுக்கு திட்டமிட்டால் மரங்களை நடு, நூறு வருடங்களுக்குத் திட்டமிட்டால் நல்ல மனிதர்களை கண்டெடு என்று அறிஞர் பெருமக்கள் சொல்றாங்க. மரங்கள் இயற்கைத் தாய் பெற்றெடுத்த அதிசய குழந்தைகள். மண்ணிலுள்ள நீரும், இதர சத்துகளுடன் விண்ணிலிருந்து சூரிய ஒளியுடன் காற்றும் இணைந்து உங்களுக்குக் கிடைத்த அதிசய படைப்பு தான் மரங்களாகும். எங்கும் வாழும் உயிரினங்கள் பன்னெடுங்காலமாக பெருகி வாழ ஏற்று சூழ்நிலைய உருவாக்கி, சிறந்த ஒரு பரிணாமச் சேவையை நாங்கள் செய்து வருகிறோம். நன்றி குழந்தைகளே, மீண்டும் சந்திப்போம்.
 (வளருவேன்)
 }பா.இராதாகிருஷ்ணன்
 
 

]]>
https://images.dinamani.com/uploads/user/imagelibrary/2020/1/19/w600X390/sm9.jpg https://www.dinamani.com/weekly-supplements/siruvarmani/2020/jan/19/மரங்களின்-வரங்கள்-நீலத்-நிறத்தழகன்---காயா-மரம்-3334991.html
3334990 வார இதழ்கள் சிறுவர்மணி பொருத்துக... DIN DIN Sunday, January 19, 2020 12:30 PM +0530 தமிழகத்தின் சுதந்திரப் போராட்ட வீரர்களும் அவர்கள் பிறந்த
 ஊர்களும் இடம் மாறி உள்ளன.
 சரியாகப் பொருத்துங்கள்
 பார்க்கலாம்...
 1. வேலு நாச்சியார் - செங்கோட்டை
 2. மருது பாண்டியர் - எட்டையாபுரம்
 3. தீரன் சின்னமலை - திருப்பூர்
 4. சுப்பிரமணிய சிவா - ஓட்டப்பிடாரம்
 5. குமரன் - ஈரோடு
 6. வாஞ்சிநாதன் - ராமநாதபுரம்
 7. வ.உ.சிதம்பரம் பிள்ளை - வத்தலகுண்டு
 8. மகாகவி பாரதியார் - சிவகங்கை
 விடை
 1. ராமநாதபுரம்
 2. சிவகங்கை
 3. ஈரோடு
 4. வத்தலகுண்டு
 5. திருப்பூர்
 6. செங்கோட்டை
 7. ஓட்டப்பிடாரம்
 8. எட்டையாபுரம்

]]>
https://www.dinamani.com/weekly-supplements/siruvarmani/2020/jan/19/பொருத்துக-3334990.html
3334989 வார இதழ்கள் சிறுவர்மணி விடுகதைகள் DIN DIN Sunday, January 19, 2020 12:29 PM +0530  1. தலை இருக்கு ஆனால் முடி இல்லை... உடல் இருக்கு ஆனால் கால் இல்லை... நிறுத்தினால் நிற்பான்...
 2. நிம்மதிக்கு இவன் விரிவான், நிலை மாறினால் சுருட்டிக் கொள்வான்....
 3. இந்தக் குதிரை ஓடவும் செய்யும் ஒளியவும் செய்யும் ஆனால் தண்ணீரைப் பார்த்தால் தவிக்கும்...
 4. இவன் காதைத் திருகினால் கண்ணீரைக் கொட்டோ கொட்டென்று கொட்டுவான்...
 5. போகும் வழியெங்கும் ஊளையிட்டுக் கொண்டே போவான்...
 6. மானம் காப்பவன்...
 7. காய்ந்த கொம்பில் விரிந்த பரந்த பூ...
 8. தினமும் தேயும் ஆண்டி...
 விடைகள்
 1. குண்டூசி, 2. பாய்,
 3. தோல் செருப்பு
 4. தண்ணீர் குழாய்,
 5. ரயில், 6. ஆடை, 7. குடை
 8. தினசரி காலண்டர்
 -ரொசிட்டா

]]>
https://www.dinamani.com/weekly-supplements/siruvarmani/2020/jan/19/விடுகதைகள்-3334989.html
3334987 வார இதழ்கள் சிறுவர்மணி கடி DIN DIN Sunday, January 19, 2020 12:26 PM +0530 • "நேத்து கல்யாண விருந்துக்குப் போனோம்!..... சாதம் குழைஞ்சு போய் 
களி மாதிரி இருந்திச்சு!''
"ஒ!.... அப்போ "களியாண' 
விருந்துன்னு சொல்லு!''
கோ.சாய் வினோத் சித்ரா, 
கிருஷ்ணாபுரம்.

• "அந்த மரம் டிகிரி வாங்கின மரம்!''
"எப்படி சொல்றே?''
"அதுதான் "பட்ட' மரமாச்சே!''
எம். அசோக்ராஜா, அரவக்குறிச்சி.

• "கேள்விக்குப் பதில் தெரியலே!''
"என்ன செஞ்சே?.... 
கேள்வியை விட்டுட்டியா?''
"பதிலை விட்டுட்டேன்!''
ஏ.நாகராஜன், பம்மல்.

•"கலா, துணி துவைக்கிற 
சோப்பு இருக்கா?''
"துணி துவைக்கிற சோப்பெல்லாம் இல்லே.... சோப்பை 
வெச்சு நீதான் துணி துவைக்கணும்!'' 
நா . வினோத்குமார், 427, அண்ணா தெரு, பாராஞ்சி, அரக்கோணம், 
இராணிப்பேட்டை - 632510.

• "கண்டக்டர்!.... நான் இறங்குற 
ஸ்டாப்பிங் வந்திடுச்சு!.... விசில் குடுங்க!''
"உன் கிட்டே விசிலைக் குடுத்துட்டு நான் என்ன பண்றது தம்பி?''
வ.அமுதன், 20/1, பயத்தவான்காடு, 
அகஸ்தியன் பள்ளி, 
வேதாரண்யம் - 614810.

• "அக்கா!.... நீ வாயில் 
புடவை கட்டுவியா?''
"சேச்சே! 
இடுப்புலேதான் கட்டுவேன்!''
எஸ்.சடையப்பன், திண்டுக்கல் - 624004.
வாரம் 2 டி-சர்ட் பரிசு நட்சத்திரக் குறியிட்ட 2 கடிகளும் பட்டுக்கோட்டை ரூபி ரெடிமேட்ஸ் வழங்கும் 
தலா ஒரு டி-சர்ட்டைப் பெறுகின்றன. பரிசு பெற்றவர்களுக்கு வாழ்த்துகள்.


 

]]>
https://images.dinamani.com/uploads/user/imagelibrary/2020/1/19/w600X390/SM_JOKE.JPG https://www.dinamani.com/weekly-supplements/siruvarmani/2020/jan/19/கடி-3334987.html
3334986 வார இதழ்கள் சிறுவர்மணி குறள் நெறிக் கதைகள் DIN DIN Sunday, January 19, 2020 12:23 PM +0530  1.அகிலன்.
முன்னொரு காலத்தில் ஒரு முனிவரிடம் சுந்தரன்,குமரன்,வீரன் மற்றும் அகிலன் என நான்கு பேர் சீடர்களாக இருந்தனர். இவர்களுள் அகிலன் பிறவியிலேயே வளர்ச்சி இல்லாமல் குள்ளமாகவும் அவலட்சணமாக மாறு பட்ட தோற்றத்துடன் இருந்தான். இதனால் மற்ற மூவரும் அவனை கேலி பேசுவர். குரு இல்லாத பொழுது பல வேலைகளை அகிலனின் தலையில் கட்டி விடுவர். அவனைப் பலவாறு அவமானப் படுத்தியும் அலட்சியப் படுத்தியும் வந்தனர்.
 இவை எதையும் பொருட்படுத்தாமல் அகிலன் பொறுமையுடனும்,குருவின் வார்த்தைகளுக்குக் கீழ்ப் படிந்தும் வாழ்ந்து வந்தான். ஒரு நாள் முனிவர் சீடர்கள் நால்வரையும் அழைத்துக் காட்டிற்குள் சென்று விறகுகளையும் , காய்ந்த சுள்ளிகளையும் பொறுக்கி வருமாறு கூறினார். அகிலன் தங்களுடன் வருவதை மூன்று சீடர்களும் விரும்பவில்லை. அவனை முனிவருடனேயே தங்கி இருக்குமாறு கூறினர்.இதைக் கேட்டுக் கொண்டிருந்த முனிவர் "எங்கு சென்றாலும் நீங்கள் நால்வரும் ஒன்றாகவே செல்ல வேண்டும்!' என்று கூறினார்.
 எனவே வேறு வழி இல்லாமல் அகிலனையும் அழைத்துக் கொண்டு காட்டிற்குச் சென்றனர். அகிலன் ஒரு சிறிய மூட்டையில் புளியங் கொட்டைகளை எடுத்துக் கொண்டு சென்றான். மற்ற மூவருக்கும் தெரியாமல் செல்லும் வழி எங்கும் ஒவ்வொரு புளியங் கொட்டையாகப் போட்டுக் கொண்டே வந்தான்.
 வழக்கம் போல மூவரும் மர நிழலில் அமர்ந்து கதை பேசத் தொடங்கினர். அகிலனையே சுள்ளிகளையும் விறகையும் எடுத்து வருமாறு அனுப்பி வைத்தனர். அகிலனும் அவர்கள் வார்த்தையைத் தட்டாமல் விறகுகளை சேகரித்துத் தன் தலையில் சுமந்து வந்தான்.
 சுந்தரன் அவனிடம், "நாங்கள் மூவரும் இந்தக் காட்டிற்குள் சென்று சுற்றிப் பார்த்து விட்டு வருகிறோம்! நீ இந்த விறகுக் கட்டை குரு நாதரிடம் கொண்டு சேர்த்து விடு!' என்றான். ஆனால் அகிலனோ "நம் குரு நாதர் எங்கு சென்றாலும் நாம் அனைவரும் ஒன்றாகவே செல்ல வேண்டும் என்று கூறி இருக்கிறார். நம் குரு நாதரின் வார்த்தையை நான் மீற மாட்டேன் ! ஆகவே நான் உங்களை விட்டுப் பிரிய மாட்டேன் !' என்றான்.
 மிகுந்த வெறுப்புடனும்,ஆத்திரத்துடனும் அகிலனைத் திட்டிக் கொண்டே காட்டுப் பகுதிக்குள் செல்லலாயினர். கொஞ்ச தூரம் சென்றதும் தரையெங்கும் சாணம் கிடந்தது. அதிலிருந்து துர் நாற்றம் வீசியது.
 உடனே அகிலன் தன் நண்பர்களிடம், "இந்தப் பகுதியில் எங்கோ யானைகள் சற்று முன் தான் நடமாடி இருக்கின்றன. எனவே இதற்கு மேல் நாம் செல்வது நல்லதல்ல! திரும்பி விடுவோம்!' என்றான்.
 "முட்டாளே! உனக்கு எப்படித் தெரியும்?' என்று கேட்டான் சுந்தரன்.
 "கீழே கிடக்கும் சாணத்திலிருந்து வீசும் நாற்றம் சற்று முன் தான் யானைகள் இங்கு நடமாடி இருப்பதை உணர்த்துகிறது. சாணம் காய்ந்து இருந்தால் அதிலிருந்து துர் நாற்றம் வீசாது!' என்றான் அகிலன்.இவர்கள் இவ்வாறுபேசிக் கொண்டிருக்கும் பொழுதே சற்று தொலைவில் யானைகள் கூட்டமாக அவர்களை நோக்கி வந்து கொண்டிருந்தன.
 இதைக் கண்ட சுந்தரனும் குமரனும் அருகில் இருந்த உயரமான மரம் ஒன்றில் ஏறித் தங்களை மறைத்துக் கொண்டனர். ஆனால் மரம் ஏறத் தெரியாத வீரன் செய்வதறியாது திகைத்தான். இதற்குள் யானைகள் அவனை நோக்கி வேகமாக வரத் தொடங்கின.யானைகளின் கவனத்தை திசை திருப்பினால் அவை வீரனை விட்டு விடும் என்பதை உணர்ந்து கொண்ட அகிலன் "ஓ'வெனப் பெருங்குரலெடுத்துக் கத்திய படியே ஓடத்தொடங்கினான்.
 இப்பொழுது யானைகள் குரல் வந்த திசையை நோக்கி த் தம் கவனத்தைத் திருப்பி ஓடத் தொடங்கின. வேகமாக ஓடிய அகிலன் மரம் ஒன்றில் தொங்கிக் கொண்டிருந்த காட்டுக் கொடி ஒன்றைப் பற்றி விறுவிறுவென மரத்தில் ஏறி உச்சிக்குச் சென்று தன்னை மறைத்துக் கொண்டான். இதற்குள் வீரனும் காட்டுச் செடிகள் அடர்ந்த புதருக்குள் சென்று தன்னை ஒளித்துக் கொண்டான். அக்காட்டு யானைக் கூட்டம் கொஞ்ச நேரம் அங்கு நின்று விட்டு ஒருவரையும் காணாததால் கலைந்து சென்றது.
 அதிர்ச்சியில் உறைந்து போன அம்மூவரும் ஒருவாறு மீண்டும் ஒன்று கூடினர். ஒன்றும் பேசாமலேயே சுள்ளிகளையும் விறகுக் கட்டையும் சுமந்து கொண்டு நடக்க ஆரம்பித்தனர். அடர்ந்த காட்டுப் பகுதியாக இருந்ததால் அவர்களுக்கு வந்த வழியும் மறந்து போனது.
 இவை அனைத்தையும் கண்ட அகிலன் "பயப் படாதீர்கள் ! நான் வரும் வழியெங்கும் புளியங் கொட்டைகளை இறைத்துக் கொண்டே வந்துள்ளேன்! அவற்றை அடையாளம் கொண்டே நாம் வந்த வழியிலேயே திரும்பி விடலாம்!' என்றான். அகிலனின் உற்று நோக்கும் திறனையும் சமயோசித புத்தியையும் கண்ட அம்மூவரும் வெட்கித் தலை குனிந்தனர்.
 குடிலை அடைந்ததும் முனிவரிடம் நடந்தவை யாவற்றையும் கூறினர். தாங்கள் அகிலனிடம் கண்ட சிறந்த குணங்களையும் கூறினர். முனிவர் பின்வருமாறு அவர்களிடம் கூறினார்.
 "அன்பு செல்வங்களே! நீங்கள் யாவரும் அகிலனின் புறத் தோற்றத்தைக் கொண்டு அவனை சிறுமைப் படுத்திக் கொண்டே இருப்பதை நான் நன்கு அறிவேன்!அகிலனின் ஆற்றலை உங்களுக்குக் காட்டவே நான் உங்கள் அனைவரையும் காட்டுக்கு அனுப்பினேன்! ஒரு மிகப் பெரிய வீட்டை அதை விட அளவில் மிகச்சிறிய கதவு காக்கிறது. கதவை விட பல மடங்கு சிறிய தாழ்ப்பாள் கதவைப் பாதுகாக்கிறது. ஒரு தாழ்ப்பாளை அதை விட ப் பலமடங்கு சிறிய பூட்டு காக்கிறது . பூட்டின் அளவை விட மிகச் சிறிய சாவி இவை அனைத்தையும் ஒட்டு மொத்தமாகப் பாதுக்கிறது. எனவே அளவில் சிறியது என்பதற்காக எதையும் உதாசீனம் செய்யக் கூடாது. ஆகவே அகிலனின் உருவத்தைக் கொண்டு நீங்கள் அவனை சிறுமைப் படுத்தும் எண்ணத்தைக் கைவிட வேண்டும். உருவத்தைக் கொண்டு எவரையும் மதிப்பிடக் கூடாது!'' என்று தன் சீடர்களுக்கு அறிவுரை வழங்கினார்.
 ஆம்!உருவு கண்டு எள்ளாமை வேண்டும்! இந்தக் கருத்தையே திருவள்ளுவரும் "வினைத் திட்பம்' அதிகாரத்தில் உருவு கண்டு எள்ளாமை வேண்டும் உருள்பெருந்தேர்க்கு அச்சாணி அன்னார் உடைத்து" என்கிறார்.
 இதன் பொருள் "உருண்டோடும் மிகப் பெரிய தேரைக் காப்பது அதன் மிகச் சிறிய அச்சாணியே ஆகும்.எனவே தோற்றத்தைக் கொண்டு எவரையும் குறைவாக மதிப்பிடக் கூடாது "என்பதாகும்.
 - லக்ஷ்மி பாலசுப்ரமணியன்
 

]]>
https://images.dinamani.com/uploads/user/imagelibrary/2020/1/19/w600X390/sm8.jpg https://www.dinamani.com/weekly-supplements/siruvarmani/2020/jan/19/குறள்-நெறிக்-கதைகள்-3334986.html
3334985 வார இதழ்கள் சிறுவர்மணி  போராட்டம்! DIN DIN Sunday, January 19, 2020 12:20 PM +0530 கதைப்பாடல்!
 ஒன்று கூடி திட்டமிட்டே
 ஒரு மனதாகச் செய்தனவே
 சந்தனக் காட்டு மிருகங்கள்
 சாலை மறியல் போராட்டம்!
 
 பானை வயிறு ஆனையுமே
 படுத்துக் கொண்டது சாலையிலே!
 பூனைக் கண்ணன் கரடியுமே
 பூதம் போல நின்றதுவே!
 
 மானும் புலியும் குரங்கு முயல்
 மற்ற காட்டு விலங்குகளும்
 கானகம் ஒட்டிய சாலையிலே
 கண்டே வியந்தனர் மக்களுமே!
 
 போக்கு வரத்து பாதிப்பு
 போக வில்லை பேருந்துகள்!
 மூட்டைகளோடு சரக்குந்துகள்
 முடங்கி நின்றன வரிசையிலே!
 
 இந்தச் செய்தி ஆட்சியர்க்கு
 எட்டிவிட்டது அவர் உடனே
 அங்கே வந்தார் வனத்துறையின்
 அலுவலர்களும் விரைந்தனரே!
 
 காண வந்த ஆட்சியரும்
 காட்டைச் சுற்றிப் பார்த்திடவே
 ஆனைக்குட்டி அப்புவுமே
 அழைத்தது தோழன் சுப்புவுடன்!
 
 அப்புவின் மொழியில் சொல்லுவதை
 ஆட்சியரிடத்தில் அப்படியே
 சுப்புவும் தமிழில் சொல்லிவந்தான்
 சோகம் நிறைந்த கதையினைத்தான்!
 
 "ஆனை இடித்த வீடெனவே
 அங்கே தெரியும் இடமதுவோ
 ஆனை படுத்து உறங்கிடவே
 அங்கே பெரும் மரம் இருந்த இடம்!
 மச்சு வீடுகள் சிறுதொழில்கள்
 மழித்துக் கிடக்கும் பல இடங்கள்
 பட்டினி இன்றித் தின்றிடவே
 பசும்புல் தழைகள் நிறைந்த இடம்!
 
 மட்டமாக்கித் தூர்ப்பதனால்
 மறைத்துக் காணும் பள்ளம் அது
 கொட்டும் மழைநீர் தேக்கி வைத்தே
 குடித்திடத் தண்ணீர் கொடுக்கும் இடம்!
 எங்கள் இடத்தை நாளுக்கு நாள்
 இப்பிடி மாந்தர் அபகரித்தால்
 என்ன செய்வோம் விலங்குகள் நாம்
 எங்கே போவோம் வாழ்வதற்கு?
 
 காட்டு நிலத்துக் கப்பாலே
 காலை வைத்திட மாட்டோம் அதை
 நாட்டு நிலம் எனச் சொல்வது பொய்
 காட்டு நிலம்தான் அளந்தறிவீர்!
 
 அய்யா எங்கள் கோரிக்கை
 அதுதான் நியாயம் வழங்கிடணும்!''
 சொல்லி முடித்ததும் ஆட்சியரும்
 சுருக்காய் அங்கே முடிவெடுத்தார்!
 
 அளவையாளரை அழைத்திட்டார்
 "ஆக்கிரமிப்பினை அகற்றிடுவீர்
 அளந்தே அறிவீர் காட்டெல்லை
 ஆழப் புதைப்பீர் எல்லைக்கல்!
 
 அரணும் அமைக்கணும் சுற்றிலுமே
 ஆக்கிரமித்தால் கைது செய்வீர்!''
 அருமையான தீர்ப்பதனை
 அளித்தார் விலங்குகள் மகிழ்ந்தனவே!
 புலேந்திரன்
 

]]>
https://images.dinamani.com/uploads/user/imagelibrary/2020/1/19/w600X390/sm7.jpg https://www.dinamani.com/weekly-supplements/siruvarmani/2020/jan/19/போராட்டம்-3334985.html
3334984 வார இதழ்கள் சிறுவர்மணி  அப்பாஸ் மந்திரிக்கு ஒரு சபாஷ்! DIN DIN Sunday, January 19, 2020 12:19 PM +0530 பாராட்டுப் பாமாலை! 67
 உண்மைச் சம்பவத்தை அடிப்படையாகக் கொண்டது
 கொடுத்த கடனை மறக்கும் காலம்!
 எடுத்த பொருளை விரும்பும் காலம்!
 அடுத்த வீட்டு நெய் ணணக்குதென்பர்!
 எனினும் "அப்பாஸ் மந்திரி' போன்றோர்...
 
 இருப்பதால்தான் இவ்வுலக இயக்கமே!
 "முகமது பசுருதீன்' சென்ற பைக்கில்
 தொகையும் அதிகம் வைத்திருந்தார்
 விரைந்த பயணத்தில் பணப்பை விழுந்தது!
 
 விழுந்த இடம் ஆலங்குடிச் சாலை
 நழுவிய கைப்பொருள் நட்டம்தானே!
 அவ்வழி வந்த அப்பாஸ் மந்திரி
 அவ்விடம் பணப்பையைத்தான் பார்த்தார்!
 
 நறுக்கென எடுத்து எண்ணிப் பார்த்தார்!
 அறுபத்தோராயிரம் பணம்! -- அசந்தாரா?
 சுறுசுறுப்பானார்! வாழ் மங்கலத்து
 சோதனைச் சாவடியில் ஒப்படைத்தார்
 
 சாதனைச் செம்மல் சரித்திரம்தான்
 திட்டச்சேரி காவல் ஆய்வாளர்!
 விட்ட பணத்துடன் தொலைபேசியின்
 எண்ணையும் கண்டார் தொடர்பு கொண்டார்!
 
 கண்கலங்கி, பண இழப்போடு
 தகுந்த விசாரணைக்குப் பின் தொகையும்
 முகமது பசுருதீனுக்குச் சேர்ந்ததே!
 நாகை கண்காணிப்பாளர்
 
 நேரில் அழைத்து நெஞ்சங்குளிர்ந்து
 ஒப்புடன் முகமலர்ந்தும் உபசரித்தே
 அன்புடன் அரும் செயலைப் புரிந்த
 அப்பாஸ் மந்திரியைப் பாராட்டினாரே!
 புலவர் சு . மாரிமுத்து
 இப்பகுதிக்கு அனுப்பப்படும் கவிதைகளை புகைப்படச் சான்று,
 அல்லது செய்திச் சான்றுகளோடு அனுப்புக...

]]>
https://images.dinamani.com/uploads/user/imagelibrary/2020/1/19/w600X390/sm6.jpg https://www.dinamani.com/weekly-supplements/siruvarmani/2020/jan/19/அப்பாஸ்-மந்திரிக்கு-ஒரு-சபாஷ்-3334984.html
3334983 வார இதழ்கள் சிறுவர்மணி கருவூலம் - உத்தரப் பிரதேசம்! DIN DIN Sunday, January 19, 2020 12:14 PM +0530 .... சென்ற இதழ் தொடர்ச்சி....
 மதுரா!
 மதுரா மாவட்டத்தின் தலைநகரம். வரலாற்றுச் சிறப்பு மிக்க நகரம். இதிகாசங்களிலும், புராணங்களிலும் இந்நகரத்தைப் பற்றிய குறிப்புகள் உள்ளன. இந்து மதக் கோட்பாடுகளின் படி முக்தி தரும் ஏழு நகரங்களில் இதுவும் ஒன்று.
 கேசவ தேவ் கோயில்!
 இந்து புராணங்களின்படி பகவான் ஸ்ரீகிருஷ்ணர் பிறந்த இடம் இது. இங்குள்ள பாதாள சிறையில் கிருஷ்ணர் பிறந்ததாகக் கூறப்படுகிறது. இந்த இடத்தில்தான் கேசவ தேவ் கோயில் உள்ளது. கிருஷ்ணரின் பேரன் வஜ்ரநாபன் இந்தக் கோயிலை நிறுவியதாகக் கருதப்படுகிறது. அதன்பின் பல மன்னர்களால் புனரமைத்துக் கட்டப்பட்ட இக்கோயில் மொகலாய மன்னர்களால் இடிக்கப்பட்டது. தற்போது உள்ள கோயில் 1951 - இல் கட்டப்பட்டது.
 அரசு அருங்காட்சியகம்!
 இந்தியாவின் முதல் தொல்பொருள் அருங்காட்சியகம் இதுவே! 1874 - ஆம் ஆண்டு நிறுவப்பட்டது. இங்கு கலை நயத்துடன் கூடிய சுடுமண் பானைகள், சிற்பங்கள், ஓவியங்கள் மற்றும் பண்டைய நாணயங்கள் போன்றவை காட்சிக்கு வைக்கப்பட்டுள்ளது.
 கி.மு. 3 - ஆம் நூற்றாண்டு முதல் கி.பி. 12 - ஆம் நூற்றாண்டு முடிய இந்திய துணைக்கண்டத்தை ஆட்சி செய்த இந்தோ கிரேக்கர்கள், குஷானர்கள், மற்றும் குப்தர்கள் காலத்திய சிற்பங்கள் மற்றும் நாணயங்கள் இங்கு காட்சிக்கு வைக்கப்பட்டுள்ளன.
 பிருந்தாவனம்!
 மதுராவிற்கு வடமேற்கே சுமார் 11 கி.மீ. தொலைவில் பிருந்தாவனம் உள்ளது. இது இந்துக்களின் புனித இடமாகும். இங்குதான் கிருஷ்ணர் தனது பால பருவத்தில் இருந்தார். இங்கு ராதை, மற்றும் ஸ்ரீகிருஷ்ணருக்கு நூற்றுக்கணக்கான கோயில்கள் இருக்கின்றன. பிருந்தா என அழைக்கப்படும் துளசிச் செடிகள் இங்கு நிறைந்திருக்கும் இடமாக இது இருந்துள்ளது. இங்கு ஓடும் யமுனை நதி மிகப் புனிதமாகக் கருதப்பட்டு வணங்கப்படுகிறது.
 கோகுலம்!
 இந்தகர் மதுரைவிற்குக் கிழக்காக 15 கி.மீ. தொலைவில் உள்ளது. இங்குள்ள நந்தகோபர், யசோதை தம்பதியரிடம் கிருஷ்ணர் வளர்ந்ததாக இந்து புராணங்களில் கூறப்பட்டுள்ளது. இங்குள்ள யமுனை ஆற்றங்கரையில் கிருஷ்ணரின் கோயில் அமைந்துள்ளது. இத்தலம் 108 வைணவத் திருத்தலங்களில் ஒன்றாகும்.
 கோவர்த்தன மலை!
 இவ்விடம் மதுரைவிலிருந்து 22 கி.மீ. தொலைவில் அமைந்துள்ளது. ஒரு முறை கோகுலத்தில் தொடர்ந்து 7 நாட்கள் இடி, மின்னலுடன் மழை பெய்தது. அப்பொழுது ஆயர்பாடியில் வாழ்ந்த ஆயர்களையும், ஆவினங்களையும் காக்க, அருகில் இருந்த கோவர்த்தன மலையைத் தன் ஒரு விரலில் குடைபோல் ஸ்ரீகிருஷ்ணர் தூக்கியதாகப் புராணங்களில் கூறப்பட்டுள்ளது.
 கிருஷ்ண ஜன்ம பூமி!
 மதுரைவைச் சுற்றி அமைந்துள்ள கோகுலம், பிருந்தாவனம், கோவர்த்தனம் ஆகிய மூன்று இடங்களையும் இணைத்து "கிருஷ்ண ஜன்ம பூமி’ என்றும் "விரஜ பூமி’ என்றும் சொல்லப்படுகிறது. இது 285 கி.மீ. சுற்றளவு கொண்டது. இதை வலமாகச் சுற்றி வருவது "விரஜ பரிக்ரமா’ எனப்படுகிறது. இதில் பெரிய மற்றும் சிறிய பாதைகள் என 2 பாதைகள் உண்டு. பெரிய பாதையின் வழியாக சுற்றி வர 2 மாதங்கள் வரை ஆகும்.
 அயோத்தி!
 பைசாபாத் மாவட்டத்தில் உள்ள மாநகரம் இது. இந்து மதக் கோட்பாடுகளின்படி முக்தி தரும் ஏழு நகரங்களில் அயோத்தியும் ஒன்று. இந்நகரம் "சரயு’ நதிக்கரையில் அமைந்துள்ளது. இந்நகரம் பண்டைய கோசல நாட்டின் தலைநகரமாக இருந்துள்ளது.
 ராமாயண காவியத்தின் நாயகனான ஸ்ரீராமர் பிறந்த இடமான "ராம ஜன்ம பூமி’ அயோத்தியில்தான் உள்ளது. விஷ்ணுவின் அவதாரமான ஸ்ரீராமர் இந்த அயோத்தியைத் தலைநகராகக்கொண்டு கோசல நாட்டை ஆட்சி செய்ததாக வால்மீகி மகரிஷி தன் ராமாயண காவியத்தில் குறிப்பிட்டுள்ளார்.
 நைமிசாரண்யம்!
 108 வைணவத் திருத்தலங்களில் நைமிசாரண்யமும் ஒன்று. "சீதாப்பூர்’ மாவட்டத்தில் அமைந்துள்ளது. இங்கு கோமதி ஆற்றங்கரையில் ஆலயம் அமைந்துள்ளது. இங்குள்ள மக்கள் இறைவனை ஆரண்ய வடிவில், அதாவது காட்டையே வணங்குகின்றனர். இயற்கை வழிபாடு முறைப்படி இறைவனை வன உருவத்தில் வழிபடும் முறை 108 திவ்ய தேசங்களில் இங்கு மட்டுமே காணப்படுகிறது. திருமங்கையாழ்வாரால் 10 பாசுரங்களால் இத்தலம் பாடல் பெற்றுள்ளது.
 வியாச முனிவர் இங்கிருந்துதான் மகாபாரதம், பாகவதம் மற்றும் புராணங்கள் போன்றவற்றை எழுதியதாகக் கூறப்படுகிறது.
 சாரநாத்!
 வாரணாசிக்கு 10 கி.மீ. தொலைவில் அமைந்துள்ள வரலாற்றுப் புகழ் மிக்க நகரம் ஆகும். இவ்வூரில் அமைந்துள்ள மான் பூங்காவிலேயே கெளதம புத்தர் தனது முதல் போதனையான "தர்மம்’ என்பதை போதித்தார். மேலும் இங்குதான் முதல் பெளத்த சங்கமும் தொடங்கப்பட்டது. இவ்வூர் இந்தியாவிலுள்ள முக்கியமான பெளத்த மத புனிதத் தலமாகத் திகழ்கிறது.
 அசோகரின் தூண்கள்!
 மெளரிய அரசரான அசோகரால் கி.மு. 3 - ஆம் நூற்றாண்டில் நிறுவப்பட்ட தூண்களே அசோகரின் தூண்கள் எனப்படுகிறது. முதலில் பல்வேறு தூண்கள் இருந்தன. ஆனால் இப்போது 19 தூண்கள் மட்டுமே உள்ளன. சராசரியாக 40 முதல் 50 அடி உயரம் கொண்டவை. ஒவ்வொன்றும் சுமார் 50 டன் எடை கொண்டவை. இவை அனைத்தும் வாரணாசிக்குத் தெற்கே "சுன்னார்’ என்ற இடத்தில் செய்யப்பட்டவை. பின்பு நூற்றுக்கணக்கான மைல்தொலைவு எடுத்துச் செல்லப்பட்டு நிறுவப்பட்டுள்ளன. இவற்றில் சாரநாத்திலுள்ள அசோகர் தூண் குறிப்பிடத்தக்கது. இந்த அசோகர் தூணில் இருக்கும் நான்கு சிங்கங்கள்தான் இன்றைய இந்தியாவின் தேசியச் சின்னமாக உள்ளது. மேலும் இந்தத் தூணில் உள்ள அசோக சக்கரம் இந்திய தேசியக் கொடியின் மையத்தை அலங்கரிக்கிறது.
 தாமேக் ஸ்தூபி!
 கெளதம புத்தர் பரிநிர்வாணம் அடைந்த பின்னர் (இறந்த பிறகு) அவரது உடலை எரியூட்டிக் கிடைத்த சாம்பல் மற்றும் எலும்புகள் எட்டு பகுதிகளாகப் பிரிக்கப்பட்டு எட்டு இடங்களில் வைத்து அதன் மேல் ஸ்தூபிகள் எழுப்பினர். அவ்வெட்டு இடங்களில் சாரநாத் குறிப்பிடத்தக்கது. தாமேக் ஸ்தூபி கி.பி. 500 - இல் நிறுவப்பட்டது. சீன அறிஞர் யுவான் சுவாங் தனது பயணக்குறிப்பில் தாமேக் ஸ்தூபி வளாகம் அருகே 1500 புத்த பிக்குகள் தங்கியிருந்ததாகவும், தாமேக் ஸ்தூபி 300 அடி உயரத்துடன் இருந்ததாகக் குறிப்பிடுகிறார்.
 கல் மட்டும் செங்கற்களால் கட்டப்பட்ட உருளை வடிவ தாமேக் ஸ்தூபி தற்போது 43.6 மீ. உயரமும், 28 மீ விட்டமும் கொண்டுள்ளது.
 செளகந்தி ஸ்தூபி
 கெளதம புத்தர் முதன் முதலில் சாரநாத்தில் போதனை செய்ததன் நினைவாக செளகந்தி ஸ்தூபி குப்தர்கள் ஆட்சிக் காலத்தில் எழுப்பப்பட்டது.
 சாரநாத் அருங்காட்சியகம்!
 1907 - ஆம் ஆண்டில் இருந்தே பல்வேறு அகழ்வாராய்ச்சிகள் இந்த இடத்தில் செய்யப்பட்டு பல்வேறு நினைவுச் சின்னங்களும் மற்றும் கலைப்பொருள்களும் எடுக்கப்பட்டுள்ளன. இவை சாரநாத் அருங்காட்சியகத்தில் வைக்கப்பட்டுள்ளன.
 குஷிநகர்!
 இந்த நகரத்திற்கு அருகில் இருக்கும் ஹிரண்யாவதி ஆற்றின் கரையில்தான் புத்தர் தன் 80 - ஆவது வயதில் காலமானார். கி.மு. 3 - ஆம் நூற்றாண்டைச் சேர்ந்த மெளரியப் பேரரசர் அசோகரால் இங்கு பல ஸ்தூபிகள், மற்றும் புத்த விஹாரங்களைத் தோற்றுவித்தார். பெளத்தர்களின் புனிதத் தலம் இது.
 6 அடி நீளத்தில் படுத்த நிலையுலுள்ள மகாபரிநிர்வாணா கோயில், புத்தர் அடக்கம் செய்யப்பட்டுள்ள இடத்தில் கட்டப்பட்டுள்ள ராமாபார் ஸ்தூபி, புத்தருக்காகக் கட்டப்பட்டுள்ள சீனக்கோயில், இந்தோ ஜப்பானியக் கோயில்கள் இங்குள்ளன. ஒரு அருங்காட்சியகமும் இங்குள்ளது.
 சங்கஸ்ஸா! (SANKASSA)
 பருகாபாத் மாவட்டத்தில் அமைந்துள்ளது. பழமையான நகரம். கெளதம புத்தர் சுவர்க்கத்தில் மூன்று மாதங்கள் தங்கி அபி தர்மத்தைத் தனது தாய் மாயா
 தேவிக்கு அருளிய பின்னர் பூமியில் இறங்கிய இடமே சங்கஸ்ஸா.அசோகர் இவ்விடத்தில் புத்தரின் நினைவாக ஒரு யானை ஸ்தூபியையும், புத்தரின் தாய் மாயாதேவிக்கு ஒரு விஹாரையும் நிறுவினார். பெளத்தர்களின் புனிதத் தலம் இது!
 சாரநாத் சமணர் கோயில்!
 சாரநாத் மான் பூங்காவிலிருந்து ஒரு கி.மீ. தொலைவில் உள்ள சிங்பூர் என்ற இடத்தில் ஜைன மதத்தின் 11 - ஆவது தீர்த்தங்கரர் சிரேயன சனாதரர் பிறந்தார். இங்கு அவருக்கு கோயில் உள்ளது. இது சமணர்களின் புனிதத் தலம் ஆகும்.
 சந்தெளளி சந்திரபிரபா வனவிலங்கு சரணாலயம்!
 இந்த சரணாலயம் ஆசிய சிங்கங்களைப் பாதுகாக்க ஏற்படுத்தப்பட்ட சரணாலயம். மேலும் இவ்வனப் பகுதியில் பல் வேறு வனவிலங்குகளும், 150 க்கும் மேற்பட்ட பறவையினங்களும் காணப்படுகின்றன. 78 ச.கி.மீ. பரப்பளவில் பரந்து விரிந்துள்ள சரணாலயம் இது.
 சிராவஸ்தி!
 சிராவஸ்தியில்தான் கெளதம புத்தர் 24 முறை போதனைகளுடன் கூடிய விரதங்கள் மேற்கொண்டார். யுவான் சுவாங் தன் பயணக்குறிப்புகளில் சிராவஸ்தி நகரம் பற்றிக் குறிப்பிட்டுள்ளார்.
 பைசாபாத் - மோடி மஹால்!
 மோடி மஹால் அல்லது முத்து அரண்மனை நவாப் சுஜா - உத் - தெளலாவின் மனைவி பஹீ பேகமின் வசிப்பிடமாக இருந்தது. இவ்வரண்மனை மொகலாய கட்டடக் கலையின் அற்புதமான உதாரணமாகத் திகழ்கிறது.
 சுனார் கோட்டை!
 மிர்சாபூர் மாவட்டத்தில் உள்ள சுனார் நகரத்தில் இக்கோட்டை அமைந்துள்ளது. இது மன்னர் சகாதேவரால் 1029 - இல் கட்டப்பட்டு, பிற்காலத்தில் "சேர் சா சூரி’ மற்றும் அக்பரால் செப்பனிடப்பட்டது. இக்கோட்டை விந்திய மலைத்தொடரின் ஒரு பகுதியான கைமூர் மலையில் 280 அடி உயரத்தில் அமைந்துள்ளது. 1690 மீ. நீளமும் சுமார் 20 அடி அகலமும் கொண்டது. கோட்டைக்குள் அழகிய குடில்களும், அரண்மனையும் உள்ளன. திறந்தவெளி அரங்கமும், படிக்கிணறும் உள்ளன.
 கலிஞ்சர் கோட்டை!
 பாந்தா மாவட்டத்தில் 1203 அடி உயரத்தில் இக்கோட்டை அமைந்துள்ளது. கருகற்களால் ஆனது. சுற்றுச் சுவர் 1.6 கி.மீ. நீளம் கொண்டது. 0.8 கி.மீ. அகலம் கொண்டது. தற்போது சிதிலமடைந்த நிலையில் உள்ளது.
 பனாரஸ் இந்து பல்கலைக் கழகம்!
 வாரணாசியில் அமைந்துள்ள பல்கலைக்கழகம் இது. 1916 - ஆம் ஆண்டு பண்டித மதன் மோகன் மாளவியாவால் நிறுவப்பட்டது. 20,000 மாணவர்கள் தங்கியிருந்து படிக்கும் வசதியுடன் கூடியது. முதன்மை வளாகம் 1300 ஏக்கர் பரப்பும், தெற்கு வளாகம் 2700 ஏக்கர் பரப்பும் கொண்டது. ஆசியாவிலேயே பெரிய பல்கலைக் கழகம் இது!
 தோவாப்!
 உத்திரப் பிரதேசம் மாநிலம் 5 புவியியல் பகுதிகளைக் கொண்டது. அவற்றில் யமுனை ஆற்றுக்கும், கங்கை ஆற்றுக்கும் இடையே உள்ள தோவாப் பகுதியும் ஒன்று. தோவாப் என்ற சொல்லிற்கு இரண்டு ஆறுகள் என்பது பொருள். இந்த இடைப்பட்ட பகுதி 60.500 ச.கி.மீ. பரப்பளவு கொண்டது. செழிப்பான இந்நிலங்களில் நெல், கோதுமை, கரும்பு, பழங்கள், காய்கறிகள் ஆகியவை சாகுபடி செய்யப்படுகின்றன.
 வேத, புராண இதிகாச மற்றும் வரலாற்று காலங்களில் தோவாப் சிறப்புடன் இருந்துள்ளது. வேதகாலத்திய குருநாடு இப்பிரதேசமே! வியாசரின் மஹாபாரதம் குருநாட்டை மையப்படுத்தி எழுதப்பட்டதே!
 ஜைன, பெளத்த, இந்து மதங்களின் பழைய புனிதத்தலங்கள் நிறைந்ததும், வரலாற்றுச் சிறப்பு வாய்ந்ததும், பண்பாட்டுச் சின்னங்கள் நிறைந்ததும், கலாச்சாரச் சிறப்புகள் கொண்டதும், இயற்கை எழில்கள் நிறைந்ததும் ஆன உத்தரப் பிரதேச மாநிலம் மனதைக் கொள்ளும் அழகு கொண்டது!
 நிறைவு
 தொகுப்பு : கே . பார்வதி,
 திருநெல்வேலி டவுன்.
 
 

]]>
https://images.dinamani.com/uploads/user/imagelibrary/2020/1/19/w600X390/CHUNNAR_FORT.JPG https://www.dinamani.com/weekly-supplements/siruvarmani/2020/jan/19/கருவூலம்---உத்தரப்-பிரதேசம்-3334983.html
3334980 வார இதழ்கள் சிறுவர்மணி மேலான தவம்! DIN DIN Sunday, January 19, 2020 11:50 AM +0530  முத்துக் கதை!
 ஒரு சமயம் புத்தர் மலைகள் இருந்த பாதையில் சென்று கொண்டிருந்தார்.
 அங்கு ஓர் இடையன் கையில் கோலுடன் ஆட்டு மந்தையை ஓட்டிக்கொண்டு சென்றான்.
 அந்த சமயத்தில் மலையின் ஒரு குறுகலான பாதையில் ஆட்டு மந்தை சென்றுகொண்டிருந்தது. பாதை மிகவும் குறுகலாக இருந்தது.
 இடையன், ஆடுகள் விரைவில் செல்ல வேண்டும் என்ற நோக்கத்தோடு, அவைகளை உரத்த குரலில் விரட்டினான். அதனால் ஆட்டு மந்தையிலிருந்த ஒரு ஆட்டுக்குட்டி ஒரு பாறையைத் தாண்டிக் குதித்தது! ஆனால் அப்போது பாவம்!.... அந்த ஆட்டுக்குட்டியின் கால் ஒடிந்து போயிற்று!
 அப்படியும் இடையன் அந்த ஆட்டுக்குட்டியின் நிலமையைப் பொருட்படுத்தவில்லை. மேலும் சத்தம் போட்டு அந்த ஆட்டுக் குட்டியை விரட்டினான்.
 சற்று தூரத்தில் வந்து கொண்டிருந்த புத்தர் இந்தக் காட்சியைக் கண்டார். அவருக்கு நெஞ்சம் பதைபதைத்தது! துடித்துப் போய்விட்டார்! அந்த ஆட்டுக்குட்டிக்கு உதவி செய்ய நினைத்தார். ஆட்டுக்குட்டியின் அருகில் சென்று அதை அன்புடன் அள்ளிக் கையில் எடுத்துக் கொண்டார்.
 மேலும் புத்தர் கால் ஒடிந்த அந்தக் குட்டியைத் தூக்கி வைத்துக்கொண்டு, ஆட்டுமந்தையுடன் சேர்ந்து தானும் நடந்து சென்றார்.
 இடையன் அவரது செய்கையைக் கண்டு, தன் தவற்றை உணர்ந்து அவரை நமஸ்கரித்தான்.
 புத்தர் இடையனிடம்,, "உலகில் துன்பத்தில் துடிக்கும் ஓர் உயிரின் துன்பத்தைப் போக்க வேண்டும். இமயமலையில் தனிமையில் இருந்து ஆயிரம் ஆண்டுகள் தவம் செய்வதைவிட கருணை கொள்ளும் உள்ளம் மிக மேலானது!'' என்று கூறினார்.
 நீதிக்கதைகள் நூலில்
 சுவாமி கமலாத்மானந்தர்

]]>
https://images.dinamani.com/uploads/user/imagelibrary/2020/1/19/w600X390/sm5.jpg https://www.dinamani.com/weekly-supplements/siruvarmani/2020/jan/19/மேலான-தவம்-3334980.html
3334979 வார இதழ்கள் சிறுவர்மணி பொன் மொழிகள் DIN DIN Sunday, January 19, 2020 11:49 AM +0530 * நீபேசுவதையெல்லாம் சிந்தித்துப் பார்!.... ஆனால் சிந்திப்பவற்றையெல்லாம் பேசி விடாதே!
 - ஆங்கிலப் பழமொழி
* செயலின் முன் பகுதி வெற்றி, சுறுசுறுப்பிலும், ஊக்கத்திலும் இருக்கிறது! பின் பகுதி வெற்றி, பொறுமையிலும், தன்னடக்கத்திலும் இருக்கிறது!
 - அரிஸ்டாட்டில்
* நல்ல காரியங்களை எண்ணுங்கள்! அதை முடித்து விடலாம் என்று நினையுங்கள்! அது முடிந்து விடும்! எண்ணத்தின் சக்தியில் எல்லாமே அடக்கம்!
 - ஹார்விடே
* செயலை விதையுங்கள்! பழக்கமு உருவாகும்! பழக்கத்தை விதையுங்கள்! குணம் உருவாகும்! குணத்தை விதையுங்கள்! உங்கள் எதிர்காலம் உருவாகும்!
 - போர்டுமேன்
* உழைப்பை நேசிப்பாய்! உணவாக இல்லாவிட்டாலும் மருந்தாகவேனும் அது உனக்குத் தேவை!
 - வில்லியம்ஸன்

]]>
https://images.dinamani.com/uploads/user/imagelibrary/2020/1/19/w600X390/sm4.jpg https://www.dinamani.com/weekly-supplements/siruvarmani/2020/jan/19/பொன்-மொழிகள்-3334979.html
3334978 வார இதழ்கள் சிறுவர்மணி  வான் சிறப்பு DIN DIN Sunday, January 19, 2020 11:47 AM +0530 குறள் பாட்டு
 அறத்துப்பால் - அதிகாரம் 2 - பாடல் 7
 நெடுங்கடலும் தன் நீர்மை குன்றும் தடிந்து எழிலி
 தான் நல்காதாகி விடின்.
                                                                          - திருக்குறள்
 கடல் தண்ணீர் மேகமாகி
 மின்னி மழை பெய்ய வேண்டும்
 பெய்யாமலே இருந்துவிட்டால்
 கடல் வளமும் குன்றிவிடும்
 
 நீர் நிறைந்த நெடுங்கடலும்
 தன் வளத்தை இழந்திட்டால்
 மழையை நம்பி வாழுமிடம்
 வளமிழந்து போய்விடும்!
 -ஆசி.கண்ணம்பிரத்தினம்

]]>
https://images.dinamani.com/uploads/user/imagelibrary/2020/1/19/w600X390/sm3.jpg https://www.dinamani.com/weekly-supplements/siruvarmani/2020/jan/19/வான்-சிறப்பு-3334978.html
3334977 வார இதழ்கள் சிறுவர்மணி இறைவனின் அருள்! DIN DIN Sunday, January 19, 2020 11:46 AM +0530 ஊருக்கு அருகில் ஆற்றங்கரையில் அரச மரத்தடியில் அமைதியான சூழ்நிலையில் இருந்தது அந்த விநாயகர் கோயில். அந்த விநாயகர் கோயிலின் அருகே நீண்ட திண்ணை ஒன்று காணப்பட்டது. அந்தத் திண்ணையில் எப்போதும் நாய் ஒன்று படுத்திருக்கும்.
 ஊருக்குள் தனக்குக் கிடைக்கின்ற உணவுகளைச் சாப்பிட்டுவிட்டு அமைதியுடன் கோயில் திண்ணையில் படுத்தபடி தன் வாழ்நாளை ஓட்டி வந்ததது அந்த நாய்.
 அரச மரத்தடியில் சிறிய பொந்து ஒன்று இருந்தது. அந்தப் பொந்தில் எலி ஒன்று வசித்து வந்தது.
 திண்ணையில் படுத்திருக்கும் அந்த நாய் எலியைப் பார்க்கின்றபோது எரிச்சலடைந்தது.
 "நாம் இங்கே அமைதியுடன் வசித்துக் கொண்டிருக்கின்றோம். இந்த இடத்தில் இந்த எலியும் வசித்து வருகின்றதே!.... சில நேரங்களில் அது அப்படியும், இப்படியுமாக ஓடுகின்றபோது நம் அமைதியானது கெடுகின்றதே!.... இது என்ன காரணம்?... தெரியவில்லையே...'' என்று கவலையடைந்தது நாய். எலி தன் முன்னே ஓடுவது தனக்கே இழிவு என்று நினைத்தது நாய். எப்படியாவது எலியை இங்கிருந்து விரட்டி விட வேண்டும் என்று தன் மனதுள் நினைத்தது.
 ஒருநாள் எலியானது தான் வசித்து வந்த பொந்தைவிட்டு வெளியே வந்தது. ஆங்காங்கே சிதறிக் கிடக்கின்ற பிரசாதங்களைக் கொறித்துக்கொண்டு கோயிலின் குறுக்கிலும் நெடுக்கிலும் ஓடிக்கொண்டிருந்தது.
 எலியின் செயலைத் திண்ணையில் படுத்துக்கொண்டு கவனித்துக் கொண்டிருந்தது நாய். அதற்கு ஆத்திரமாக வந்தது.
 "எலியே!.... நில்!....என் கேள்விக்கு பதில் சொல்!'' என்று கோபத்துடன் கூறியது நாய்.
 நாயின் முன்னே அமைதியுடன் நின்றுகொண்டிருந்தது எலி.
 "நாயே!.... எதற்காக என்னிடம் உன் கோபத்தைக் காட்டுகிறாய்?....'' என்று கேட்டது எலி.
 "எலியே நீ பெரியவனா? இல்லை நான் பெரியவனா/''
 ""நீதான் என்னைவிடப் பெரியவன்!'' என்றது எலி.
 "அப்படியானால் பெரியவர்தான் இந்த இடத்தில் வசிக்க வேண்டும். சிறியவர் இந்த இடத்தில் வசிக்கக்கூடாது!'' என்றது நாய்.
 "நாயே, இந்த இடம் சிறியவர், பெரியவர் எல்லோர்க்கும் பொதுவான இடம்தான். எனவே நான் உன்னிடம் உரிமை கேட்டுக்கொண்டு இந்த இடத்தில் வசிக்க வேண்டியதில்லை. '' என்றது எலி.
 "எலியே, நானே உன்னைவிடப் பெரியவன். திறமையானவன். எனவே இந்த இடத்தில் நான்தான் அமைதியாக வசித்து வருவேன். நீ இங்கே ஒருபோதும் வசிக்கக்கூடாது. '' என்றது நாய்.
 "நாயே, யார் பெரியவர், திறமையானவர் என்பதை அறிந்துகொள்ள நமக்குள் போட்டி ஒன்றினை வைத்துக்கொள்வோம். '' என்றது எலி.
 "எலியே போட்டியென்ன பெரிய போட்டி?.... நீ என்ன போட்டி வைத்தாலும் உன்னைவிட நான்தான் பெரியவன் என்று நிரூபித்துக் காட்டுகிறேன்.''
 எலி சிறிது நேரம் யோசனை செய்தது. பின்னர் நாயைப் பார்த்து, ""நாயே, நீ வசிக்கும் இந்தத் திண்ணையில் நான் அமர்ந்து கொள்கிறேன். ஆனால் அதே நேரத்தில் நான் வசித்து வரும் இந்த மரப்பொந்தினுள் நீ செல்ல வேண்டும்! அப்படி நீ சென்றுவிட்டால் உன்னை நான் பெரியவன் என்று ஒத்துக் கொள்கிறேன்'' என்றது எலி.
 எலி இவ்வாறு கூறியதும் நாய் திடுக்கிட்டது. "இந்த எலி நான் வசித்து வருகின்ற திண்ணையில் வந்து அமர்ந்து கொள்ளும். ஆனால் நான் எப்படி எலி வசித்து வரும் சிறிய பொந்தின் உள்ளே நுழைய முடியும்? எலி எளிதாக என் ஆணவத்தை அடக்கி விட்டது' என்று மனதுள் எண்ணியவாறு தலை கவிழ்த்தபடி நின்றது நாய்.
 "நாயே, யாரும் பெரியவரல்ல.... இனி நாம் ஒற்றுமையுடன் இந்த இடத்தில் அமைதியுடன் வசித்து வரலாம் அப்போதுதான் நமக்கு இறைவனின் அருள் கிடைக்கும்'' என்றது எலி.
 நாயும் அதனை ஏற்றுக் கொண்டது.
 என். சீதாமணி எழுதிய சிரிக்க வைக்கும்
 சின்னக் கதைகள் நூலிலிருந்து.

]]>
https://images.dinamani.com/uploads/user/imagelibrary/2020/1/19/w600X390/sm2.JPG https://www.dinamani.com/weekly-supplements/siruvarmani/2020/jan/19/இறைவனின்-அருள்-3334977.html
3334976 வார இதழ்கள் சிறுவர்மணி  கடமைக்கு மதிப்பு! Sunday, January 19, 2020 11:45 AM +0530 நினைவுச் சுடர் !
 இந்தியா சுதந்திரம் அடைந்தது. சர்தார் வல்லபாய் படேல் உள்துறை அமைச்சராகப் பதவி ஏற்றார். அப்போது அவர் பலவிதமான நெருக்கடிகளைச் சந்தித்தார். அவற்றைத் திறமையாகச் சமாளித்துக் கொண்டிருந்தார். ஒரு அவர் அப்போது ஐ.சி.எஸ். ஆபீஸராக இருந்த வி.பி.மேனன் என்பவரிடம் தொடர்பு கொள்ள நேரிட்டது. ஆனால் இரவு ஆகிவிட்டது. இருந்தாலும் செய்தி மிக முக்கியமாக இருந்ததால், வல்லபாய் படேல் வி.பி.மேனனுக்குப் போன் செய்தார்.
 ஆனால் வி.பி.மேனன், தன் உதவியாளரிடம், "இன்று காலையிலிருந்து இப்போது வரை பணிச்சுமையும், அலைச்சலும் அதிகமாயிருந்தது!.... நான் உறங்கப் போகிறேன்!.... யார் கூப்பிட்டாலும் சரி!.... என்னை எழுப்ப வேண்டாம் ...'' என்று கூறிவிட்டு உறங்கச் சென்றுவிட்டார்.
 அவர் உறங்கச் சென்றபின்தான் வல்லபாய் படேலின் தொலைபேசி அழைப்பு வந்தது. போனை எடுத்த உதவியாளர், "அவர் படுக்கைக்குச் சென்றுவிட்டார் மன்னிக்கவும்!.... இப்போது அவரை எழுப்ப முடியாது!'' என்று படேலுக்கு பதில் அளித்தார்.
 வல்லபாய் படேலுக்குக் கோபம் வந்துவிட்டது!
 "உடனே அவரை எழுப்புங்கள்..... விஷயம் முக்கியம்!.... போன் என்னிடமிருந்துதான் வந்திருக்கிறது என்று தெரிந்தால் அவர் நிச்சயம் எழுந்துவிடுவார்!'' என்றார் படேல்.
 அதற்கு அவரது உதவியாளர், "ஐயா!.... என்னை மீண்டும் மன்னித்துக்கொள்ளுங்கள்!...... நான் அவரிடம் சம்பளம் பெறும் ஊழியன்!.... சொல்வது தாங்களே என்றாலும் என்னால் அவருடைய உத்தரவை மீற முடியாது!.... '' என்றார்.
 படேல், "உங்கள் பெயர் என்ன?'' என்று வினவினார்.
 உதவியாளர், "எம்.ஜி.முகர்ஜி'' என்று பதிலளித்தார் உதவியாளர்.
 மறுநாள் படேல் வி.பி.மேனனைச் சந்தித்தார். அப்போது வி. பி .மேனனிடம், "உங்கள் இல்லத்தில் உதவியாளராக இருக்கும் எம்.ஜி.முகர்ஜி, எனது உதவியாளராக இருப்பதற்கு மிகவும் தகுதியானவர்....கடமை உணர்ச்சி மிக்கவர்... அவரை அனுப்பி வைக்க முடியுமா?...'' என்று கேட்டார்.
 ஏ.சண்முகசுந்தரம், பெங்களூரு.

]]>
https://images.dinamani.com/uploads/user/imagelibrary/2020/1/19/w600X390/sm1.jpg https://www.dinamani.com/weekly-supplements/siruvarmani/2020/jan/19/கடமைக்கு-மதிப்பு-3334976.html
3329281 வார இதழ்கள் சிறுவர்மணி பொங்கல் விழா! தளவை இளங்குமரன் DIN Saturday, January 11, 2020 05:31 PM +0530  

வெள்ளைநிறச் சுண்ணாம்போ 
விரும்பும் பிற வண்ணங்களோ 
இல்லங்களில் தீட்டி மிக 
எழில் துலங்கப் படுத்தும் விழா! 

பள்ளியுடன் கல்லூரி 
பல்கலைக் கழகங்களும் 
உள்ளபடி விடுப்பளித்துத் 
உயர்மதிப்புக் கொடுக்கும் விழா!

அரிசி, வெல்லம், பருப்புடனே 
ஆயிரம் ரூபாய்களையும் 
அரசினரும் அரும்பரிசாய் 
ஆர்வமுடன் அளிக்கும் விழா!

தொடர்வண்டிப் பேருந்தில் 
தொத்தக் கூட இடம்கிடையா 
இடர்களையும் சிறப்புந்து 
ஏற்பாட்டால் துடைக்கும் விழா!

வார, மாத நாளிதழ்கள் 
வைத்தழகாய் நடத்திடுவோர் 
ஓரிதழைச் சிறப்பிதழாய் 
உலவவிட்டுக் களிக்கும் விழா!

ஏடுகளில் எழுதிவரும் 
எழுத்தாளர் கவிஞர் பலர் 
பாடல் கதை கட்டுரைகள் 
படைத்துயர்த்திப் பிடிக்கும் விழா!

அலையலையாய்க் கலைநிகழ்ச்சி 
அடுக்கடுக்காய் அடுத்தடுத்து 
தொலைக்காட்சி வானொலியில் 
தொடர்ச்சியாக நடத்தும் விழா!

காட்டிலுள்ள இஞ்சி, மஞ்சள்
கரும்பு வாழை இவற்றையெல்லாம் 
கூட்டியொன்றாய்ச் சந்தைகளில் 
கொண்டு வந்து குவிக்கும் விழா!

வீட்டிலுள்ள புழக்கத்திற்கு 
வேண்டாத பொருளையெல்லாம் 
போட்டுத் தெரு ஓரங்களில் 
போகியிலே கொளுத்தும் விழா!

மாவிலையின் தோரணங்கள் 
மாதரிடும் கோலங்களால் 
"வா' எனவே தைத் தாயை 
வரவேற்று அழைக்கும் விழா!

வாசலிலே அடுப்புமிட்டு
வாசமுள்ள பொங்கலிட்டு 
ஆசையுடன் உதித்துவரும் 
ஆதவன் முன் படைக்கும் விழா!

துள்ளிவரும் காளைகளைத் 
தோள்வலியால் வாலிபர்கள் 
வெள்ளம் அணை தடுப்பதுபோல் 
வீரத்துடன் அடக்கும் விழா!

பழந்தமிழர் மரபினையும் 
பறை சாற்றும் "கபடி' யெனும் 
விளையாட்டில் மின்னொளியில் 
விடியும்வரை திளைக்கும் விழா!

தெள்ளுதமிழ்ப் பொதுமறையாம் 
திருக்குறளைப் புனைந்து தந்த 
வள்ளுவரின் புகழையிந்த 
வையெமெங்கும் பரப்பும் விழா!

]]>
https://images.dinamani.com/uploads/user/imagelibrary/2020/1/11/w600X390/sm13.jpg https://www.dinamani.com/weekly-supplements/siruvarmani/2020/jan/11/பொங்கல்-விழா-3329281.html
3329280 வார இதழ்கள் சிறுவர்மணி அங்கிள் ஆன்டெனா -ரொசிட்டா DIN Saturday, January 11, 2020 05:29 PM +0530
கேள்வி: பட்டாம்பூச்சிகள் மிகவும் அழகாக இருக்கின்றன. இதில் எந்த வகை சிறந்தது, இவற்றின் ஆயுட் காலம் எவ்வளவு? 

பதில்: பட்டாம்பூச்சிகளைப் பார்த்தாலே மனம் துள்ளும். உலகில் விதவிதமான பட்டாம்பூச்சிகள் உள்ளன. அத்தனையும் அழகோ அழகு... கொள்ளை அழகு. இவற்றில்தான் எத்தனை வண்ணங்கள்.

இவற்றில் மிகவும் அழகானவை மோனார்க் என்று அழைக்கப்படும் பட்டாம்பூச்சிதான். இது அளவிலும் மிகப் பெரியது. இது சிறகை விரித்தால் 3.7 அங்குலத்திலிருந்து 4.1 அங்குலம் நீளம் வரை இருக்கும். இந்த வகை பட்டாம்பூச்சிகள் வட அமெரிக்காவில் கூட்டம் கூட்டமாகக் காணப்படும்.
நாம் பார்க்கும் சாதாரண பட்டாம்பூச்சிகளின் ஆயுட்காலம் 6-இல் இருந்து 14 நாட்கள் வரைதான். 

மோனார்க் பட்டாம்பூச்சி 6-இல் இருந்து 9 மாதங்கள் வரை வாழும். உலகிலேயே மிக நீண்ட ஆயுள்காலத்தைக் கொண்ட பட்டாம் பூச்சி வட அமெரிக்காவில் வாழ்கிறது இது மோர்னிங் க்ளோக் என்று அழைக்கப்படுகிறது. இதன் ஆயுட்காலம் 11 மாதங்கள்.

]]>
https://images.dinamani.com/uploads/user/imagelibrary/2019/12/21/w600X390/sm11.jpg https://www.dinamani.com/weekly-supplements/siruvarmani/2020/jan/11/அங்கிள்-ஆன்டெனா-3329280.html
3329279 வார இதழ்கள் சிறுவர்மணி கதைப்பாடல்!: சுப்பு செய்த சேவை! சுமன் DIN Saturday, January 11, 2020 05:27 PM +0530
வேம்பு மாமா வுக்கு ரொம்ப 
உடம்பு சரியில்லே!
அவர் வீட்டை வெள்ளை அடிச்சு சுத்தம் 
செய்ய முடியலே!

பொங்கலென்ற பண்டிகைநாள் 
நெருங்கி வருகுது!
அவர் பிள்ளைகளோ ரொம்பச் 
சின்னக் குழந்தைகளாகும்!

இப்போ என்ன செய்தால் வீடு  
ரொம்பப் பளிச்சுனு ஆகும்? 
பொங்கல் பண்டிகையை பிள்ளைகள் 
கொண்டாட வேணும்!

அந்தத் தெருவில் உள்ள "சுப்பு' 
ரொம்ப நல்லவன்!
தேடிச் சேவை செய்வதிலே 
விருப்பம் கொள்பவன்!

""வேம்பு மாமா கவலை வேண்டாம் 
நானிருக்கிறேன்''  - என
நண்பரோடு சுவற்றுக்கெல்லாம் 
வெள்ளையடிக்கிறான்!

அவர் வீட்டு வாசல்படியினிலே 
தோரணம் கட்டித் 
தொங்கவிட்டுச் சுவர்களுக்குக் 
காவி பூசுறான்!

கடையில் அரிசி, வெல்லமெல்லாம் 
வாங்கி வருகிறான்!
கையில் கரும்பு, மஞ்சள் இஞ்சிக் 
கொத்தும் கொணர்ந்தான்!

அவர் வீட்டு மாட்டுக் கொம்புக்கெல்லாம் 
வண்ணம் தீட்டினான்! 
வேம்பு மாமா உடல் தேறிக் 
குணமடைந்துவிட்டார்!

விருப்பம்போலப் பொங்கலை அவர் 
வைத்து மகிழ்ந்தார்!
பொங்கி வந்த பொங்கலைப்
பார்த்துப் பிள்ளைகள்...

""பொங்கலோ பொங்கல்!'' எனக் 
கூறி மகிழ்ந்தனர்!
வேம்பு மாமா சுப்புவுக்கு
நன்றி கூறினார்!

கையில் கிண்ணத்திலே பொங்கலோடு
கரும்பையும் தந்தார்!
சுப்பு பொங்கலைச் சுவைத்துவிட்டுக் 
கரும்பையும் கடித்தான்!

]]>
https://images.dinamani.com/uploads/user/imagelibrary/2020/1/11/w600X390/sm12.jpg https://www.dinamani.com/weekly-supplements/siruvarmani/2020/jan/11/கதைப்பாடல்-சுப்பு-செய்த-சேவை-3329279.html
3329278 வார இதழ்கள் சிறுவர்மணி மரங்களின் வரங்கள்! -பா.இராதாகிருஷ்ணன் DIN Saturday, January 11, 2020 05:26 PM +0530 களா மரம்!

குழந்தைகளே நலமா ?

நான் தான் களா மரம் பேசுகிறேன். எனது அறிவியல் பெயர் கரைசா கராண்டஸ். நான் அப்போசைனேசி குடும்பத்தைச் சேர்ந்தவன். எனக்கு கிளா, கிளாய் என்ற வேறு பெயர்களும் உண்டு. நான் செம்மண்ணிலும், மலைகளிலும் புதர் போல் வளருவேன். என் இலைகள் பசுமையாக இருக்கும். என் பூக்கள் வெண்மையாகவும், காய்கள் சிவப்பு நிறமாகவும், பழங்கள் கருப்பு நிறத்திலும் இருக்கும். என் பூவும், காயும் புளிப்புச் சுவையுடையவை. என்னை "இயற்கை மருத்து கடை' என்றும் சொல்லலாம். ஏன்னா, என் பூ, காய், பழம், வேர் ஆகியவை மருத்துவ குணமுடையவை. என் பூக்கள் மல்லிகையைப் போன்று நல்ல மணமுடையதாக இருக்கும். அவை சிறு சிறு கொத்தாக, கிளைகளின் நுனி மற்றும் பக்கங்களில் உருவாகும்.

என் இலை பட்டுப் பூச்சிகளுக்கு உணவாகிறது. என் இலைகளை தேவையான அளவும் நீரிலிட்டு கொதிக்க வைத்து, காலை, மாலை தினமும் குடித்து வந்தால், விட்டு விட்டு வரும் காய்ச்சல், வாத நோய்கள், மூட்டு வாதம், பக்க வாதம், காது தொடர்பான நோய்கள் நீங்கும். இதைக் கொண்டு வாய் கொப்பளித்தால் பல் மற்றும் ஈறு நோய்கள் குணமாகும்.

குழந்தைகளே, உங்களில் சிலருக்கு இரவு நேரத்தில் படுக்கையில் சிறுநீர் கழிக்கும் பழக்கம் இருக்கும், வருந்தாதீங்க. இது பெரும்பாலும் மனத் தளர்ச்சி, தாழ்வு மனப்பான்மை, பெற்றோர்களின் கண்டிப்பு மற்றும் பயத்தினால் தான் ஏற்படுகிறது. என் இலைகளை உலர்த்திப் பொடி செய்து அரை கிராம் வீதம் தினமும் இரண்டு வேளை சாப்பிட்டு வந்தால் இந்தப் பிரச்னைத் தீரும். என் இலைப் பொடியினை பசு வெண்ணெயில் கலந்து தினமும் சாப்பிட்டால் மூல நோய் ஓடிடும்.

என் காயை இஞ்சியுடன் சேர்த்து ஊறுகாயாக்கி உண்டால் பசியின்மை, சுவையின்மை, இரத்தப் பித்தம், தணியாத தாகம், பித்தக் குமட்டல் நீங்கும். என் பழத்திலிருந்து ஒரு விதமான பிசுபிசுப்பான திரவம் வரும், இது ஜெல்லி மற்றும் ஜூஸ் வகைகள் தயாரிக்கப் பயன்படுத்தறாங்க. பழம் இனிப்பு சுவை உடையது. என் பழத்தில் நீர், புரதம், கொழுப்பு, மாவுப் பொருள், உலோக உப்புகள், வைட்டமின் சி, போன்றவை உள்ளன. தோல் பதனிடவும், சாயம் ஏற்றவும் என் பழம் உதவுது. என் தண்டுப் பகுதியிலிருந்து சீப்பு, கரண்டி போன்றவை தயாரிக்கலாம். என் வேரினை அரைத்துப் பசையாக்கி தண்ணீரில் கலந்து தெளித்தால் பூச்சிகள் அண்டாது.

என் பூ கண் நோய்களைக் குணப்படுத்தும். என் பூவைக் கசக்கி சாறு எடுத்து விடியற் காலையில் மூன்று துளிகள் வீதம் கண்ணில் விட்டு வந்தால், கண் படல நோய்கள், பூ விழுந்திருத்தல் அனைத்தும் குணமாகும். என் காயை புளித்த மோரில் உப்பு சேர்த்து ஊறவைத்து தயிருடன் சேர்த்துப் பச்சடி செய்தும், மோருடன் கலந்து ஊறுகாய் செய்தும் சாப்பிட்டால் நன்கு பசி ஏற்படும், உண்ட உணவும் எளிதில் செரிக்கும். என் பழத்தில் வைட்டமின் "சி' சத்து அதிகமுள்ளது. இது இரப்பையை வலுவாக்கும். ஸ்கர்வி நோயை குணமாகும். இரத்தத்திலுள்ள கொழுப்புச் சத்தைக் குறைக்கும். உடம்பு வலியைப் போக்கி, உடலுக்கு சக்தியைக் கொடுக்கும். என் வேர் துவர்ப்புச் சுவை உடையது.

என் வேரில் சாலிசிலிக் அமிலம், கார்டியாக் க்ளைகோசைட் உள்ளது. இது இரத்த அழுத்தைக் குறைக்கும். உலர்த்தி காலை மாலை அரை முதல் ஒரு கிராம் வரை உண்டு வந்தால் வயிற்று வலி தீரும். இரத்த அழுத்தத்தைக் குறைக்கும், வெந்நீரில் கலந்து குடித்தால் வயிற்றுப் புழுக்கள் நீங்கும். பேறு காலத்தில் என் வேரை நீர் விட்டு காய்ச்சி இரண்டு வேளை பெண்கள் குடித்து வந்தால் பிள்ளை பெற்றவுடன் ஏற்படும் பிரச்னைகள் அனைத்தும் நீங்கும்.

நான் திருநெல்வேலி மாவட்டம், பாபநாசம், அருள்மிகு உலகம்மை உடனுறை பாபநாச சுவாமி, சங்கரன்கோயில், கரிவலம்வந்தநல்லூர் அருள்மிகு பால்வண்ணநாதர், தூத்துக்குடி மாவட்டம், கோவில்பட்டி, பூவனாதர் ஆகிய திருக்கோயில்களில் தலவிருட்சமாக இருக்கேன். மரங்கள் இல்லையென்றால் மகிழ்ச்சி இல்லை. மரங்கள் மகிழ்ச்சி நிலைக்குமிடம். மிக்க நன்றி குழந்தைகளே, மீண்டும் சந்திப்போம்.

(வளருவேன்)
 

]]>
https://images.dinamani.com/uploads/user/imagelibrary/2020/1/11/w600X390/sm9.jpg https://www.dinamani.com/weekly-supplements/siruvarmani/2020/jan/11/மரங்களின்-வரங்கள்-3329278.html
3329277 வார இதழ்கள் சிறுவர்மணி விடுகதைகள் -ரொசிட்டா DIN Saturday, January 11, 2020 05:24 PM +0530
1. மளிகைக் கடையில் வாசம் செய்யும் ராணி...
2. நீ நீட்டினால், இது உன் கையில் மாட்டப்படும்...
3. நெருப்பில் சுடப்பட்டவனுக்கு நீண்ட ஆயுள்...
4. தூர இருந்து பார்த்தால் ஐந்து கால்கள்... கிட்ட வந்து பார்த்தால் நான்கு கால்கள்தான்...
5. பட்டணத்து ஆலமரம் வெட்ட வெட்ட 
துளிர்க்கிறது...
6.  காம்போ இலையோ இல்லாத காய்...
7. தலையில் மோதி மோதி பல்லை இழந்தவன்...
8. விண்ணிலே சிரிப்பவள், கண்ணையும் 
பறிப்பவள்...


விடைகள்

1.  சாம்பிராணி 
2. வளையல்
3. செங்கல்    
4. யானை
5. தலைமுடி
6.பொரிவிளங்காய்
7.  சீப்பு  
8. மின்னல்

]]>
https://www.dinamani.com/weekly-supplements/siruvarmani/2020/jan/11/விடுகதைகள்-3329277.html
3329276 வார இதழ்கள் சிறுவர்மணி அரங்கம்: காட்டுத்தீ DIN DIN Saturday, January 11, 2020 05:23 PM +0530
காட்சி : 1
இடம் : மிலிஸ் காடு / மேற்குப் பகுதி
நேரம் : வெவ்வேறு நேரங்கள்

காலை 5. 15 : காட்டின் மேல் கருமேகங்கள் திரள்கின்றன.
காலை 5.20 : மேகங்களில் மின்னல்கள் தோன்றுகின்றன.
காலை 5.30 : மின்னல் வெட்டி ஒரு மரம் தீப்பற்றி எரிகிறது. தீப்பொறிகள் பரவுகின்றன.


காட்சி : 2
இடம் : மிலிஸ் காடு / கிழக்குப் பகுதி
நேரம் : மணி 7.15
பாத்திரங்கள் : கிரியன்கரடி, சிவப்புப் பறவை

(கிரியன்கரடி ஆற்றங்கறை மரத்திற்கு அடியில் அமர்ந்து சாப்பிடுகிறது)

கிரியன் : ம்ம்ம்.. இது பரவாயில்ல.. நல்லாத்தான் இருக்கு..
(சிவப்புப் பறவை பறந்து வந்து கிளை மேல் அமர்கிறது)

சிவப்புப் பறவை : இன்னிக்கு என்ன கிடைச்சுது..?
கிரியன் : இதோட பேர் எல்லாம் என்னன்னு தெரியல.. ஆனா.. (மெல்லுகிறது) ம்ம்ம்.. நல்ல ருசி..
சிவப்புப் பறவை : எனக்கு உன்னைப் பார்த்தா பொறாமையா இருக்கு..
கிரியன் : ஏன்..?
சிவப்புப் பறவை : மனிதர்களோட குடியிருப்புப் பகுதியிலிருந்து என்னென்னமோ கொண்டுவந்து சாப்பிடுற.. நாங்கெல்லாம் அப்படியா..?
கிரியன் : ம்ம்ம்.. சொல்லிக்கலாம்.. ஒரு விஷயம் தெரியுமா.. இப்பெல்லாம் இவங்க சாப்பிடறதுல ஒரு சிலதுதான் நல்லாருக்கு.. மத்ததெல்லாம்.. சுத்தம்.. முடியல!
(சிவப்புப் பறவை அமைதியாக ஆற்றுக்குள் பார்க்கிறது)

கிரியன் : ( விழுங்கிவிட்டு) என்னாச்சு.. நல்லாத்தானே இருந்தே..
சிவப்புப் பறவை : நதிநீரைப் பாரு..
(ஆற்றுநீர் கொஞ்சம் கருப்பாகச் செல்கிறது)

கிரியன் : எரிஞ்ச கரிக்கட்டைங்க வருது .. என்ன இது..?
சிவப்புப் பறவை : காட்டுத் தீ!
கிரியன் : (அதிர்ந்து ) அய்யோ..
சிவப்புப் பறவை : (சிறகடித்து) உடனே வீரன்கிட்டப் போ.. விலங்குகளுக்கு ஆபத்து..!
(கிரியன்கரடி வேகமாக ஓடுகிறது......ஆற்றுநீர் முழுவதும் கருப்பாக மாறுகிறது!)

காட்சி : 3
இடம் : மிலிஸ் காடு / தெற்குப் பகுதி
நேரம் : மணி 7.55
பாத்திரங்கள் : கிரியன்கரடி, வீரன்கரடி
(வீரன்கரடி முன்னே கிரியன்கரடி வேகமாக ஓடிவந்து நிற்கிறது!)

கிரியன் : (மூச்சிரைக்க) மேற்குப் பக்கம் காட்டுத்தீ ஆரம்பிச்சிருக்கு.. சீக்கிரமா காடு முழுக்கப் பரவிடும்..
வீரன் : (அமைதியாக) ம்ம்ம்.. நானும் பார்த்தேன்.. இதோ இங்கிருந்து பார்த்தாலே தெரியுது... எரியிற இடங்களுக்கு மேல புகை மண்டலம் பைரோசிர்ரஸ் மேகங்களை உருவாக்கிட்டிருக்கு..
கிரியன் : (மூச்சிரைக்க) சரி.. அப்போ இங்க என்ன பண்றே..? உடனே புறப்படு.. நெருப்புல மாட்டாம இருக்க நிறைய அப்பாவி விலங்குகளுக்கு உதவலாம்..
வீரன் : உதவறதா..? ம்ம்ம்.. வாய்ப்பே இல்ல.. நாமும் ஆபத்துல மாட்டிக்க வேண்டியதாயிரும்.. என்னால முடியாது..
கிரியன் : ( அதிர்ந்து) என்ன..? என்ன சொல்ற நீ..? நான் பத்துப் பேருக்கு உதவினா நீ நூறு பேருக்கு உதவலாம்.. அதுக்கான வலிமை உங்கிட்ட இருக்கு.. நீ அதை அடுத்தவங்களுக்காகப் பயன்படுத்தணும்..
வீரன் : ( அமைதியாக) மன்னிச்சிரு, நண்பா.. இந்த குகை பத்திரமான இடத்தில் இருக்கு. . நிறைய உணவும் இருக்கு.. உள்ள எந்த நெருப்பும் வராது.. நான் இங்கதான் இருப்பேன்.. நீயும் பேசாம என்கூடவே இருந்திரு.. அதான் நல்லது..
கிரியன் : (சோகமாக) ம்ம்ம்.. மன்னிச்சிரு, நண்பா.. இந்த வாட்டி நான் உன் பேச்சைக் கேட்கப் போறதில்ல.. ஒரு பத்து பேரையாவது நான் காப்பாத்தணும்..
(கிரியன்கரடி திரும்பி வேகமாக ஓடுகிறது!)

வீரன் : உன் இஷ்டம்!

காட்சி : 4
இடம் : மிலிஸ் காடு / மேற்குப் பகுதி
நேரம் : மணி 11. 30
பாத்திரங்கள் : கிரியன்கரடி, ஓநாய்க்குட்டி மற்றும் சில விலங்குகள்
(கிரியன் கரடி விலங்குக்கூட்டம் ஓடும் இடத்திற்கு வருகிறது)

(குரல்) : இன்னும் கொஞ்ச நேரத்துல நெருப்பு இங்கயும் வந்திரும்..
( குரல்) : நாமெல்லாம் எரிஞ்சு சாம்பலாகப் போறோம்..
(கிரியன் கரடி கூட்டத்தின் மத்தியில் அழும் ஓநாய்க்குட்டியைப் பார்க்கிறது)

ஓநாய்க்குட்டி : (அழுதுகொண்டே) ம்ம்ம்.. அம்மாஆஆ.. அம்மாஆஆஆஆஆ..
(கிரியன் கரடி ஓடிச்சென்று ஓநாய்க்குட்டியைத் தூக்குகிறது)

கிரியன் : ( முதுகில் தட்டி) ஒன்னுயில்ல.. ஒன்னுயில்லடா செல்லம்.. அம்மா இங்கதான் இருக்காங்க.. தோ கண்டுபுடிச்சிர்லாம்..
(ஒரு புலி கிரியன் கரடியின் மீது மோதுகிறது)

புலி : கிரியா.. நீயா..? யாரது கையில.. ? தீ பரவிக்கிட்டிருக்கு.. நிக்காத ஓடிரு..
கிரியன் : நெருப்பு இவ்ளோ தூரம் வர இன்னும் ஒரு மணி நேரமாவது ஆகும்.. எனக்கு ஒரு உதவி பண்றியா ..?
(புலி, கிரியன் கரடியைப் பார்க்கிறது)

காட்சி : 5
இடம் : மிலிஸ் காடு / மேற்குப் பகுதி
நேரம் : மணி 12.25
பாத்திரங்கள் : கிரியன்கரடி, சிவப்புப் பறவை மற்றும் சில விலங்குகள்

புலி : என்னால நாலு பேரைத்தான் கூட்டிட்டு வர முடிஞ்சுது.. மத்தவங்க எல்லாம் அலறி அடிச்சிட்டு ஓட்றாங்க..
கிரியன் : நல்லது ! சகோதரர்களே.. இந்தமாதிரி நேரங்கள்ல நாம ஒரு சிலராவது பயப்படாம இருக்கணும்.. தைரியமாப் போய் உதவி செய்யணும்..
சிறுத்தை : சொல்லு.. என்ன பண்ணணும்.. ?
கிரியன் : காட்டுக்குள்ள இன்னும் நிறைய விலங்குகள் இருக்கு.. கர்ப்பிணிகள், வயசாளிகள், காயம்பட்டவர்கள்னு எவ்வளவோ.. நாமதான் ஒண்ணா சேர்ந்து துணிஞ்சு அவங்களக் காப்பாத்தணும்.. என்ன சொல்றீங்க..?
நரி : நான் தயார்.. ஆனா, அவங்கள எங்க தஞ்சம் வெக்கிறது..?
சிங்கம் : அதைப் பத்திக் கவலையில்ல.. அவங்களை தெற்குப் பகுதிக்குக் கொண்டுபோயிடலாம்..
செந்நாய் : சரி.. அப்போ ஒடனே புறப்படலாம்.. தாமதிக்கக் கூடாது..
(அனைவரும் செல்கிறார்கள்)

(குரல்) : கிரியா.. நாங்க ஒரு கூட்டம் இருக்கோம்.. எதாவது பண்ணணுமா..?
(கிரியன் திரும்பிப் பார்க்கிறது.....சிவப்புப் பறவைக் கூட்டம் சிறகடிக்கிறது!)

கிரியன் : சந்தோஷம், நண்பா.. மனிதர்களோட குடியிருப்புப் பகுதிக்குப் போய் அவங்களுக்கு எச்சரிக்கை கொடுங்க.. உதவி கேளுங்க..
(கிரியன்கரடி ஓடுகிறது......--சிவப்புப் பறவைக் கூட்டம் விரைவாகப் பறக்கிறது!)

காட்சி : 6
இடம் : மிலிஸ் காடு / மேற்குப் பகுதி
நேரம் : மணி 12. 50
பாத்திரங்கள் : கிரியன்கரடி, சிவப்புப் பறவை மற்றும் சில விலங்குகள்

(தொலைவில் காடு எரிவது தெரிகிறது)

செந்நாய் : (மூச்சிரைக்க) எல்லா மிருகங்களையும் தெற்குப் பகுதிக்கு திசைதிருப்பிட்டோம்.. ஆனா, நெருப்பு அங்கேயும் வர அறிகுறி தெரியுது.. என்ன பண்ண..?
(கிரியன் கரடி அமைதியாக இருக்கிறது)

சிவப்புப் பறவை : குடியிருப்புப் பகுதியில எச்சரிக்கை பண்ணியாச்சு.. காட்டுக்குள்ள இன்னும் நிறைய விலங்குகள் மாட்டியிருக்கிறதா எங்க குழு தகவல் கொண்டுவந்திருக்கு..
கிரியன் : (பெருமூச்சு விட்டு) ஒன்னும் புரியல.. ஆனா, நம்மால முடிஞ்சவரை போராடுவோம்.. கிளம்புங்க..
செந்நாய் : (ஓடியபடி) சரி..
(கிரியன்கரடியின் மேல் ஒரு மரம் விழும்படி சரிகிறது)

சிவப்புப் பறவை : (அலறி, சிறகடித்து) கிரியா ..
(கிரியன் கரடி கீழே விழுகிறது. --கையை வைத்தபடி முகத்தை மறைக்கிறது..... மரம் சாய நெருங்குகிறது.....)

சிவப்புப் பறவை : அய்யோ.. கடவுளே..
(கிரியன் கரடி கண்களை மூடிக்கொள்கிறது.......எங்கும் இருள்.....)

சிவப்புப் பறவை : (குரல்) ம்ம்ம்.. கிரியா.. நீ கண்ணைத் திறக்கலாம்.. உனக்கு ஒன்னும் ஆகல..
(கிரியன் கண்களைத் திறக்கிறது)

(குரல்) : மனசு மாறி வந்தது நல்லதுதான் போல..
கிரியன் : ( ஆச்சர்யமாக) வீரா.. வீரா, நீ.. நீ வருவேன்னு நான் எதிர்பார்க்கல..
(வீரன்கரடி மரத்தைத் தாங்கியபடி நிற்கிறது)

வீரன் : ம்ம்ம்.. கொஞ்சம் சீக்கிரமா எந்திரிக்கிறயா.. இன்னும் தொன்னூத்து ஒன்பது பேருக்கு நான் உதவணும் ..
(கிரியன் கரடியின் முகத்தில் புன்னகை தோன்றுகிறது)

காட்சி : 7
இடம் : மிலிஸ் காடு / மேற்குப் பகுதி
நேரம் : வெவ்வேறு நேரங்கள்
பாத்திரங்கள் : காட்டு விலங்குகள்

மணி 1.15 : வீரன் கரடி வயதான வரிக்குதிரைகளைத் தூக்கியபடி எரியும் மரங்களுக்கு நடுவில் புகுந்து ஓடி வருகிறது .
மணி 2.20 : வீரன் கரடி தரையிலிருக்கும் ஆமைகளை நீருக்குள் கொண்டு விடுகிறது.
மணி 3.30 : விலங்குகள் வீரன் கரடியின் குகைக்குள் தஞ்சம் வைக்கப்படுகின்றன.
காட்சி : 8
இடம் : மிலிஸ் காடு / தெற்குப் பகுதி
நேரம் : மணி 5.30
பாத்திரங்கள் : காட்டு விலங்குகள்

ஓநாய்க்குட்டி : (கூட்டத்தின் மத்தியில்) அம்மா.. அம்மா.. எங்க இருக்கீங்க..?
(வீரன்கரடி குகைவாசலில் நின்று தொலைவில் எரியும் காட்டைப் பார்க்கிறது)

கிரியன் : ( கையில் தேனடையுடன் வருகிறது) ம்ம்ம்.. இன்னிக்குக் காலையில மனிதர்களோட ஒரு துரித உணவைச் சாப்பிட்டேன்.. அதவிட இது பல மடங்கு.. (மெல்லுகிறது) ஆஹா..
(சிவப்புப் பறவை வீரன் கரடியின் தோளில் வந்து அமர்கிறது)

சிவப்புப் பறவை : மனிதர்கள் காட்டுத்தீயை அணைக்கத் தொடங்கிட்டாங்க.. எப்படியும் வேலையை முடிச்சிருவாங்க..
(வீரன்கரடி திரளும் பைரோசிர்ரஸ் மேகங்களைப் பார்த்தபடி அமைதியாக நிற்கிறது)

கிரியன் : நன்றி, நண்பா.. நீ வந்ததும் இப்படி அடைக்கலம் கொடுக்கிறதும்.. நினைக்கவே ரொம்ப சந்தோஷமா இருக்கு..வீரன் வீரன்தான்..
(விலங்குள் இரைச்சல் இட்டபடி உணவுகளை மகிழ்ச்சியாகச் சாப்பிடுகின்றன)

வீரன் : ( கிரியனைப் பார்த்து) ஆபத்துனு வந்ததும் நாம தப்பிச்சாப் போதும்னு ஓடாம..விருப்பு வெறுப்பில்லாம நீயும் உன் நண்பர்களும் மத்த எல்லாருக்கும் உதவ முன்வந்தீங்களே..
(வீரன்கரடி கிரியன்கரடியின் தோளில் கைவைக்கிறது)

வீரன் : நீங்கதான் நண்பா உண்மையான வீரர்கள்..
(கிரியன்கரடி புன்னகை புரிகிறது)
சிவப்புப் பறவை : (உரக்க, சிறகடித்து வட்டமிட்டு) ஊஊஊஊஹாஹா.. ஏஏஏஏஏ.. அங்க பாருங்க..
(விலங்குகள் முன்வாயிலில் திரள்கின்றன)

புலி : என்ன.. எப்படி..?
(எரியும் காட்டின் மேல் மழை கொட்டுகிறது)

வீரன் : கடவுள் செயல்! காட்டுத் தீயினால் உருவாகும் பைரோசிர்ரஸ் மேகங்கள் சில சமயம் மழையா பேயிறது உண்டு.. அதான்..
ஓநாய்க் குட்டி : ( மகிழ்ச்சியாக) அம்மா..
(ஓநாய்க்குட்டி ஓநாயைக் கட்டி அணைக்கிறது)

ஓநாய் : செல்லம்..
(ஓநாய் மகிழ்ச்சியால் கண்ணீர் சிந்துகிறது! விலங்குகள் ஆரவாரம் செய்கின்றன!)

(திரை)

]]>
https://images.dinamani.com/uploads/user/imagelibrary/2020/1/11/w600X390/sm8.jpg https://www.dinamani.com/weekly-supplements/siruvarmani/2020/jan/11/அரங்கம்-காட்டுத்தீ-3329276.html
3329274 வார இதழ்கள் சிறுவர்மணி கடி DIN DIN Saturday, January 11, 2020 05:19 PM +0530 ""எதுக்குடா "நான் தூங்கறேன்'னு வாத்தியார் கிட்டே சொன்னே?''
""நீதானே "நான் தூங்கறேன்..... வாத்தியார் வந்தா சொல்லு'...ன்னு சொல்லிட்டுத் தூங்கினே!''

உமா புருஷோத்தமன்,
ஆதிச்சபுரம் - 614717.

 

""அந்த பயில்வான் வரிசையா 
ஏழு குத்துச் சண்டையிலே தோத்துட்டாரு!''
""ஃபெயில்வான்னு சொல்லு!''

கோ.சாய் வினோத் சித்ரா, 
கிருஷ்ணாபுரம் - 627011.



""கப்பல் படையிலே சேரணும்னா நல்லா நீச்சல் தெரியணும்!''
""அப்போ விமானப்படையிலே சேரணும்னா பறக்கத் தெரியணுமா?''

உ.அலிமா பீவி,
கடையநல்லூர் - 627751.


எங்க அப்பா புதுசா பைக் வாங்கியிருக்காரு!''
""என்ன பைக்?''
""சரியா தெரியலேடா,..... ஏதோ "டி' யிலே ஸ்டார்ட் ஆகும்!''
""ஆச்சரியமா இருக்கே?.... எங்க அப்பாவோட வண்டி பெட்ரோல்லதான் ஸ்டார்ட் ஆகும்!'' 

நா.வினோத் குமார், 427,
அரக்கோணம் - 632510.



""அணில் கிட்டே லெட்டர் குடுத்தா கரெக்டா கொண்டுபோய்ச் சேர்த்துடும்!''
""அதெப்படி?''
""அது கிட்டேதான் பின்கோடு இருக்கே!''

எம்.ஏ.நிவேதா,
அரவக்குறிச்சிப்பட்டி, அசூர் - 620015.

 


""நேத்து எங்கம்மாவோட ஜோதிடர் வீட்டுக்குப் போனோம்.....அவரு ரொம்ப பசியா இருந்தாரு போலிருக்கு!''
""எப்படி சொல்றே?''
""தோஷம் நீங்க "பலகாரம்' செய்யணும்னு சொல்றார்!''

எம்.அசோக்ராஜா,
அசூர்.

]]>
https://images.dinamani.com/uploads/user/imagelibrary/2020/1/11/w600X390/sm6.jpg https://www.dinamani.com/weekly-supplements/siruvarmani/2020/jan/11/கடி-3329274.html
3329273 வார இதழ்கள் சிறுவர்மணி அன்பிற்கு அடிமை! ஜோ.ஜெயக்குமார் DIN Saturday, January 11, 2020 05:17 PM +0530 புண்ணிய கோடி என்வவர் தன் பெயருக்கு ஏற்றாற்போல் ஒரு கோடீஸ்வரர். அவருக்கு பழைய பொருட்களை சேகரிப்பது மிகவும் பிடிக்கும். பழைய பொருள்கள் எது கிடைத்தாலும் ஓவியத்திலிருந்து நாணயம் வரை என்ன விலையானாலும் அதைக் கொடுத்து வாங்கி தன் மாளிகையில் வைத்து விடுவார்.

புண்ணிய கோடிக்கு நான்கு பிள்ளைகள். அவரது மனைவி சில வருடங்களுக்கு முன்னால் இறந்து விட்டாள். நான்கு பிள்ளைகளும் வெவ்வேறு இடத்தில் வசித்து வருகிறார்கள். புண்ணியகோடிக்கு வயதாகிக் கொண்டிருந்தது.

பிள்ளைகளும் வெகு தூரத்தில் இருந்தனர். ஆனால் பிள்ளைகள் ஒருவரும் தன் தகப்பனை கவனித்துக் கொள்ள முன் வரவில்லை. புண்ணிய கோடியை உடனிருந்தது கவனித்துக் கொண்டது அவரது வேலைக்காரன் மாத்திரமே.

ஒரு நாள் அவர் மரித்துப் போனார். சொத்துக்களைப் பகிர்ந்துக் கொள்ள நான்கு பிள்ளைகளும் வந்தனர். அவர்களுடைய குடும்ப வழக்கறிஞர் பிள்ளைகளிடம் புண்ணிய கோடி எழுதி வைத்த உயில் பற்றிச் சொன்னார். வழக்கறிஞர் சொன்னதைக் கேட்டு பிள்ளைகள்அதிர்ச்சியுற்றனர்.

எல்லா சொத்துக்களையும் ஏலம் விட்டு விடச் சொல்லி உயில் எழுதி வைத்திருந்தார் புண்ணியகோடி.... அது மட்டுமல்ல.... விருப்பமிருந்தால் அவரது பொருட்களில் விருப்பமானவற்றைத் தன் பிள்ளைகளே வேண்டுமானாலும் ஏலத்தில் எடுக்கலாம் என்றும், விருப்பப்பட்டபோது அவர்களும் ஏலம் எடுப்பதில் பங்கு பெறலாம் என்றும் எழுதி வைத்திருந்தார்.

பிள்ளைகள் அடைந்தக் கோபத்திற்கு அளவே இல்லை. சரி ஏலத்தில் பழம் பொருட்களை எடுத்து நல்ல விலைக்கு விற்று விடலாம் என நினைத்து அந்த நாளுக்காய் காத்திருந்தனர். அவர்களுக்குத்தான் ஏலத்தில் பங்கு கொள்ள உரிமை இருக்கிறதே!

ஏலம் விடும் நாளும் வந்தது. ஏல அதிகாரி புண்ணியகோடியின் பெரிய பழைய புகைப்படம் ஒன்றை முதலில் ஏலம்விட்டார். ஏலப் பொருள்களை வாங்க, அவரது பிள்ளைகளோடு, அங்கே கூடியிருந்தோரும், "" புண்ணியகோடியின் விலை மதிப்பு மிக்க பழம் பொருட்களை ஏலம் விடுங்கள்!'' என்று கூச்சலிட்டனர்.

""முதலில் தனது புகைப்படத்தைத்தான் ஏலம் விட வேண்டும் என்று புண்ணியகோடி எழுதி வைத்திருக்கிறார்'' என்று ஏலம் விடுபவர் சொன்னார்.
""புகைப்படம் ரூபாய் 100....'' என்று ஏலம் தொடங்கியது.

ஒருவரும் பேசவில்லை. அவர் பிள்ளைகளும் மெளனமாக இருந்தனர். "தந்தையின் அந்த பழைய புகைப்படம் தங்களுக்கு எதற்கு?' என நினைத்தனர்.
ஆனால் அவருடன் இருந்து வந்த வேலைக்காரன் எஜமான் தன்னை இத்தனை ஆண்டுகள் அன்பாய் நடந்தியதை நினைத்து, ""ரூபாய் 2000'' என்றான். அவனை எல்லாரும் திரும்பிப் பார்த்தனர். வேலைக்காரன் மனம் பதறியது... பிள்ளைகள் தங்களது தகப்பனாரின் புகைப் படத்தை ஏலம் கேட்க ஆர்வம் கொள்ளவில்லை.

அவன் மிகவும் மனம் வருந்தி, " இவ்வளவு குறைந்த விலைக்கா என் எஜமானரின் படம் போக வேண்டும்?.... இங்கு அவர் பிள்ளைகள் இருந்தும் கூட இதற்கு மேல் ஏலம் கேட்கவில்லையே!' என நினைத்தான். யாரும் வேலைக்காரன் கேட்ட தொகைக்கு மேல் கேட்கவில்லை. அனைவரும் மெளனம் சாதித்தனர். பிள்ளைகளும்தான்!

வேலைக்காரன் கண்களில் நீர் தழும்ப, ""என் எஜமான் படத்திற்கு எவ்வளவு வேண்டுமானாலும் கொடுக்கலாம், என்னிடம் இருப்பது ரூபாய் 2000 தான்! நான் என்ன செய்ய முடியும்?' என வருத்தப்பட்டான்.

ரூபாய் 2000.... ஒரு தரம்!..... ரூபாய் 2000.... இரண்டு தரம்!..... ரூபாய் 2000..... மூன்று தரம்!.... என்று ஏலம் முடிந்தது.

வேலைக்காரன் தன் வேட்டியில் முடிந்து வைத்திருந்த ரூபாய் இரண்டாயிரத்தைக் கொடுத்து அந்த படத்தை பெற்றுக் கொண்டான். ஒரு துணியால் அந்தப் படத்தை அழுத்தித் துடைத்து அழுக்கை நீக்கினான். எஜமானரின் படம் பளிச்சிட்டது!

பிறகு அங்கு கூடியிருந்தோர் நிமிர்ந்து உட்கார்ந்து, முதலில் என்ன பொருள் ஏலம் விடுவார்கள் என ஆவலோடு பார்த்துக் கொண்டிருந்தனர்.

ஏல அதிகாரி ஓர் அடி முன்னே வந்து, ""கனவான்களே! ஏலம் முடிந்துவிட்டது! நன்றி!....நீங்கள் கலைந்து போகலாம்'' என்றார்.

""என்ன இது?.... ஏலம் முடிந்து விட்டதா? மற்ற ஏராளமான மிக விலை உயர்ந்த பழம் பொருட்கள் எல்லாம் இனிமேல்தானே ஏலம் போட வேண்டும்!'' என்றார்கள்.

இப்போது குடும்ப வழக்கறிஞர் முன் வந்துபேசினார்.

""கனவான்களே மன்னிக்க வேண்டும்!.... யார் தன்னுடைய படத்தை வாங்குகிறார்களோ அவருக்கே தன் முழுச் சொத்தும் போய்ச் சேர வேண்டும் என்று தான் உங்கள் தந்தை எழுதி வைத்திருக்கிறார்! அதன்படி, இந்த வேலைக்காரனே அவரது திரண்ட ஆஸ்திக்குச் சொந்தக்காரன் ஆகிறார்!'' என்றார். எல்லோரும் முணுமுணுத்தவாறு கலைந்து சென்றனர். அவருடைய பிள்ளைகளும் தலை குனிந்து ஒவ்வொருவராக செல்லத் தொடங்கினர்.

விசுவாசம் மிகுந்த அந்த வேலைக்காரனுக்கு அவர்கள் அவ்வாறு செல்வதைக் காணச் சகிக்கவில்லை. அவன் புண்ணியகோடியின் பிள்ளைகளைத் தடுத்து நிறுத்தினான்.

பின்பு வழக்கறிஞரிடம், ""ஐயா!.... உயில் எது வேண்டுமானாலும் இருக்கட்டும்!.... எனக்கு அவரது சொத்தின்மீது ஆசை இல்லை. இதே வீட்டில் எனக்கு சேவை செய்ய வாய்ப்பளித்தால் போதும் அதுவே எனக்கு மன நிறைவைத் தரும்!...... அவரது சொத்துக்கள் அனைத்தையும் அவரது மகன்களுக்கே கொடுத்துவிடுங்கள்!'' என்றான்.

வேலைக்காரனின் விசுவாசத்தைப் பார்த்து மனம் திருந்திய பிள்ளைகள் அவனைக் கட்டியணைத்தனர். அவனுக்கு அந்த வீட்டிலேயே முக்கிய பொறுப்புகளைக் கொடுத்தனர்.

மூத்த மகன் வேலைக்காரனிடம், ""எங்கள் தந்தைதான் எங்களைப் பிரிந்து விட்டார்!.... உங்களைப் பிரிய எங்களால் முடியாது!'' என்றான். மற்றவர்களும் அதை ஆமோதித்தனர். அனைவரும் ஒற்றுமையாக சொத்துக்களைப் பராமரித்துக் கொண்டு அந்த வீட்டிலேயே தங்கி வாழ்ந்தனர்.

கதையின் நீதி :-

செல்வத்தைவிட அன்பு மட்டுமே என்றும் நிலையானது. உண்மையான அன்பிற்கு அனைவருமே அடிமை தான்!

]]>
https://images.dinamani.com/uploads/user/imagelibrary/2020/1/11/w600X390/sm11.jpg https://www.dinamani.com/weekly-supplements/siruvarmani/2020/jan/11/அன்பிற்கு-அடிமை-3329273.html
3329272 வார இதழ்கள் சிறுவர்மணி பிஞ்சுக் கை வண்ணம்! DIN DIN Saturday, January 11, 2020 05:14 PM +0530 பிஞ்சுக் கை வண்ணம்!

 

 

 

]]>
https://www.dinamani.com/weekly-supplements/siruvarmani/2020/jan/11/பிஞ்சுக்-கை-வண்ணம்-3329272.html
3329270 வார இதழ்கள் சிறுவர்மணி கருவூலம்: உத்தரப் பிரதேசம்! கே . பார்வதி, திருநெல்வேலி டவுன். DIN Saturday, January 11, 2020 05:13 PM +0530 .... சென்ற இதழ் தொடர்ச்சி....

வாரணாசி!

காசி என்றும் பனாரஸ் என்றும் அழைக்கப்படும் வாரணாசி கங்கைக் கரையில் அமைந்துள்ள நகரமாகும்.இது இந்து சமயத்தினரால் மிகப் புனிதமான நகரமாகக் கருதப்படுகிறது. இந்து மதக் கோட்பாடுகளின்படி முக்தி தரும் ஏழு நகரங்களில் வாரணாசியும் ஒன்று.

வாரணாசிக்கு அருகில் உள்ள அக்தா மற்றும் ராம்நகரை ஆராய்ந்த தொல்லியல் ஆய்வாளர்கள் இந்நகரில் மக்கள் கி.மு. 1800 - க்கு முன்பே வாழ்ந்து வந்ததை ஆதாரபூர்வமாக உறுதிப்படுத்தியுள்ளனர். சுமார் 5000 ஆண்டுகளுக்கு மேல் மக்கள் தொடர்ந்து வாழும் உலகின் ஒரு சில தொன்மையான நகரங்களில் காசியும் ஒன்று என்பது குறிப்பிடத்தக்கது.

பெளத்த மதத்தினருக்கும் காசி புனிதமானது. வாரணாசியில்தான் கெளதம புத்தர் பல ஆண்டுகள் கடுந்தவம் இயற்றி பின் கி.மு. 528 - இல் ஞானம் பெற்றார்.

சமண சமயத்தவர்க்கும் வாரணாசி புனித இடமாகும். கி.மு. 8 - ஆம் நூற்றாண்டில் பிறந்த 23 - ஆவது தீர்த்தங்கரரான் பார்சுவநாதர் பிறந்த ஊர் வாரணாசிதான்.

காசி விஸ்வநாதர் ஆலயம்!

மிகவும் புகழ் பெற்ற சிவன் கோயில்களில் காசி விஸ்வநாதர் ஆலயம் ஒன்று. கங்கைக்கரைப் படித்துறையில் அமைந்துள்ளது. புராணங்களிலும், இதிகாசங்களிலும் சிறப்பித்துக் கூறப்பட்டுள்ளது.

இக்கோயில் இஸ்லாமிய மன்னர்களால் இடிக்கப்பட்டு மீண்டும், மீண்டும் கட்டப்பட்டுள்ளது. இப்பொழுது உள்ள ஆலயம் 1780 - ஆம் ஆண்டு இந்தூர் ராணி அகல்யா பாய் ஹோல்கரால் கட்டப்பட்டது. 1835 - ஆம் ஆண்டு பஞ்சாப் மன்னர் மகாராஜா ரஞ்சித் சிங் ஒரு டன் தங்கத்தை அளித்து இப்போதிருக்கும் தங்கக் கோபுரத்தை அமைத்தார். இந்த ஆலயம் 51 அடி உயரம் கொண்டது. இக்கோயில் வளாகத்திலேயே அன்னபூரணி ஆலயம் உள்ளது.

கோயிலுக்குச் செல்லும் பாதை மிகக்குறுகலானது.

கங்கா ஆரத்தி!

வாரணாசியில் கங்கை ஆற்றின் கரையில் நாள்தோறும் கங்கை ஆற்றிற்கு ஆரத்தி வழிபாடு நடத்தப்படுகிறது. சுமார் 30 நிமிடங்கள் நடைபெறும் இந்த கங்கா ஆரத்தி மிகவும் பிரசித்தி பெற்றது.

காசியில் கங்கை ஆற்றின் கரையில் 88 படித்துறைகள் உள்ளன. ஒவ்வொரு படித்துறையிலும் குறைந்தது 80 படிகள் உள்ளன. இப்படித்துறைகள் நீராடுவதற்கும், பூஜைகளுக்கும் பிரசித்தி பெற்றவை. அஸ்வமேதா காட், மணிகர்ணிகா காட், பஞ்ச கங்கா காட், ஆதிகேசவா காட், ஆகிய 5 படித்துறைகள் பிரசித்தமானவை.

ராம்நகர் கோட்டை! - வாரணாசி.

இக்கோட்டை கங்கை ஆற்றின் கரையில் அமைந்துள்ளது. 1750 - இல் காசி அரசர் பல்வந்த் சிங் இதைக் கட்டினார். கோட்டையினுள் "சரஸ்வதி பவன்' என்ற அருங்காட்சியகம் உள்ளது.

புதிய விஸ்வநாத் கோயில்!

இக்கோயில் பண்டித மதன் மோகன் மாளவியா அவர்களால் நிறுவப்பட்டது. இக்கோயிலில் சாதி, மத பேதமின்றி அனைவருக்கும் அனுமதி அளிக்கப்படுவது குறிப்பிடத் தக்கது.

அலகாபாத் பிரயாக் ராஜ்!

அலகாபாத் நகரின் புதிய பெயரே "பிரயாக் ராஜ்.' அலகாபாத் என்ற பெயர் மொகலாய மன்னர் அக்பரால் 1853 - இல் இந்நகருக்குச் சூட்டப்பட்டது. கங்கை, யமுனை ஆகிய நதிகளுடன் கண்ணுக்குப் புலப்படாத சரஸ்வதி ஆறும் இங்கு கலப்பதாக நம்பப்படுகிறது. இங்கு நீராடுவது மிகப் புனிதமாகக் கருதப்படுகிறது.

கும்பமேளா!

12 ஆணடுகளுக்கு ஒருமுறை கும்பமேளா கொண்டாடப்படுகிறது. அலகாபாத், ஹரித்வார், உஜ்ஜைன், நாசிக் ஆகிய நான்கு ஊர்களில் உள்ள ஆற்றுப் படுகையில் நடைபெறுகிறது. இவற்றில் அலகாபாத் திரிவேணி சங்கமத்தில் நடைபெறும் கும்பமேளா "பூர்ண கும்பமேளா' என்று சிறப்பித்துக் கூறப்படுகிறது. ஒவ்வொரு 12 - ஆவது கும்பமேளாவும் "மகா கும்பமேளா' எனப்படுகிறது.

2013 - ஆம் ஆண்டு நடைபெற்ற "மகா கும்பமேளா' வில் சுமார் 3 கோடிக்கும் அதிகமான மக்கள் இங்கு புனித நீராடினர்.

6 வருடத்திற்கு ஒருமுறை "அர்த்த கும்பமேளா' கொண்டாடப்படுகிறது. இது அலகாபாத்திலும், ஹரித்வாரிலும் மட்டுமே கொண்டாடப்படுகிறது.

அலகாபாத் தூண்!

கி.மு. 3 - ஆம் நூற்றாண்டில் மெளரியப் பேரரசர் அசோகரால் நிறுவப்பட்டது. இத்தூண் மணற்கல்லால் ஆனது. 35 அடி உயரமும், சுமார் 3 அடிச் சுற்றளவும் கொண்டது.தூணின் உச்சியில் அமர்ந்த நிலையில் சிங்கம் பொறிக்கப்பட்டுள்ளது. இத்தூணில் அசோகரின் குறிப்புகள் மற்றும் சமுத்திர குப்தரின் குறிப்புகள் காணப்படுகின்றன.

இத்தூண் முதலில் பண்டைய கோசல நாட்டின் தலைநகரமாகிய கெளசாம்பியில் நிறுவப்பட்டது. பின்னர் மன்னர் ஜஹாங்கீரால் அலகாபாத் கோட்டையில் கி.பி.1605 - இல் நிறுவப்பட்டது.

ஆனந்த பவனும், சுவராஜ் பவனும்!

இது ஜவஹர்லால் நேரு குடும்பத்தினரின் பூர்வீக இல்லமாகும். அலகாபாத்தில் உள்ளது.

இந்திய விடுதலைப் போராட்டத்திற்கான பல முடிவுகள் ஆனந்த பவனுக்கு அருகில் உள்ள சுவராஜ் பவனில்தான் எடுக்கப்பட்டன. இதனை 1930 - இல் மோதிலால் நேரு இந்திய தேசிய காங்கிரஸூக்கு நன்கொடையாகக் கொடுத்தார்.

ஆனந்தபவனை 1970 - இல் இந்திரா காந்தி நாட்டிற்கு அளித்தார். பள்ளிக் குழந்தைகள், அறிவியல் மற்றும் கல்வி பயன்பாட்டிற்கான அருங்காட்சியகமாக இது அரசால் பராமரிக்கப்படுகிறது.

லக்னோ!

நவாப்களின் நகரம் என்ற சிறப்புப் பெயருடன் அழைக்கப்படும் லக்னோ உத்தரப் பிரதேச மாநிலத்தின் தலை நகரமாகும். இது கோமதி ஆற்றின் கரையில் அமைந்திருக்கிறது. நவாப் ஆசஃப் உத்தெளலா என்பவரால் நிர்மாணிக்கப்பட்ட தலைநகரமாக சிறப்புடன் திகழ்ந்திருக்கிறது.

பாரா இமாம்பாரா!

பாரா இமாம்பாரா எனும் பெயருக்கு மிகப் பெரிய வழிபாட்டுத்தலம் என்பது பொருளாகும். இது நவாப் "அஸ்ஃபி உத் தெளலா' என்ற மன்னரால் 1783 - ஆம் ஆண்டில் கட்டப்பட்டது.

இந்த மசூதி முழுக்க இரும்பு பயன்படுத்தாமலே கட்டப்பட்டுள்ளது என்பது இதன் தனித்தன்மை ஆகும். இங்குள்ள 50 மீ. நீளமும், 16 மீ. அகலமும் 15 மீ. உயரமும் கொண்ட மையக் கூடத்தின் கூரை எந்தவிதமான தாங்கு தூண்களும் இல்லாமல் அமைக்கப்பட்டுள்ளது இதன் தனிச் சிறப்பாகும்!

நல்ல வழிபாட்டுக்கூடம், அழகிய சுற்றுப் பாதை, கலையழகு பொருந்திய படிக்கிணறு ஆகியவை இந்த மசூதியில் உள்ளன.

சோட்டா இமாம்பாரா!

1838 -ஆம் ஆண்டு முகமது அலி ஷா நவாபால் கட்டப்பட்ட இந்த மசூதி லக்னோ நகரின் முக்கியச் சின்னமாகும். இங்கு நவாப் மற்றும் அவரது குடும்பத்தினரின் சமாதிகள் அமைத்துள்ளன. அழகிய கலையம்சங்கள் கொண்ட மசூதி இது.

ரூமி தர்வாஸா!

இந்த 60 அடி உயர லக்னோ நகர நுழைவாயில் 1784 - ஆம் ஆண்டு ஆசஃப் உத் தெளலா எனும் நவாபால் கட்டப்பட்டது. இது "அவத்' வம்சத்திய கட்டடக் கலைக்கு எடுத்துக்காட்டாக உள்ளது. இந்தியாவின் முக்கிய வரலாற்றுச் சின்னம்!

கேய்சர்பாக் அரண்மனை!

ஆவாத் நவாப் "வாஜித் அலி ஷா' என்பவர் இந்த கேய்சர்பாக் அரண்மனையை 1847 - ஆம் ஆண்டில் கட்டினார். இது அவரது கனவுப் படைப்பாகும்! இதனை எட்டாவது உலக அதிசயமாக இருக்க வேண்டும் என்ற எண்ணத்துடன் கட்டினார்.

ஆனால் ஆங்கிலேய ஆட்சியாளர்கள் கேய்சர்பாக் அரண்மனையை சதி ஆலோசனை நடத்தும் இடமாகக் கருதினார்கள். அதனால் அவர்கள் இதன் பெரும் பகுதியை அழித்துவிட்டனர். தற்போது கம்பீரமான தூண்கள், அலங்காரமான ஏணிப்படிகள், குடை அமைப்புகள், விளக்குத் தூண்கள் ஆகியவை இந்த வளாகத்தில் காணப்படுகின்றன.

ராணி மஹால்!

இது இந்தியாவின் பிரசித்தி பெற்ற போர் வீராங்கனை ஜான்சி ராணி என்றழைக்கப்பட்ட ராணி லக்ஷ்மிபாயின் வசிப்பிடமாக இருந்தது. இது நவால்கர் குடும்பத்தைச் சேர்ந்த இரண்டாம் ரகுநாத் அவர்களால் கட்டப்பட்டதாகும்.

இந்த அரண்மனைதான் ராணி லக்ஷ்மிபாய் மராத்திய தளபதியான தந்த்யா தோப் மற்றும் நானா சாகிப் ஆகியோரின் தலைமையின் கீழ் 1857 - ஆம் ஆண்டு நடைபெற்ற முதல் இந்திய விடுதலைப் போரில் பங்கேற்றவர்கள் கூடும் மையமாக இருந்துள்ளது.

இப்பெரிய கட்டடத்தின் பெரும்பகுதி ஆங்கிலேய பீரங்கிப் படையால் அழிக்கப்பட்டுவிட்டது. எஞ்சியுள்ள பகுதி நினைவு அருங்காட்சியகமாக மாற்றி அமைக்கப்பட்டுள்ளது.

இவற்றைத் தவிரவும் லக்னோ நகரத்தில் பல கண்ணைக் கவரும் நினைவுச் சின்னங்கள் மற்றும் புராதனக் கட்டடங்கள் உள்ளன.

லக்னோ உயிரியல் பூங்கா, தாவரவியல் பூங்கா, புத்தா பூங்கா, குக் ரெயில் பாதுகாப்பு வனச் சரகம், மற்றும் சிகந்தர் பாக் ஆகியவை இங்குள்ள இயற்கை எழில் பிரதேசங்களாகும்.

....தொடரும்......

]]>
https://images.dinamani.com/uploads/user/imagelibrary/2020/1/11/w600X390/sm3.jpg https://www.dinamani.com/weekly-supplements/siruvarmani/2020/jan/11/கருவூலம்-உத்தரப்-பிரதேசம்-3329270.html
3329269 வார இதழ்கள் சிறுவர்மணி முத்துக் கதை!:  அறம்!  ப.சரவணன் DIN Saturday, January 11, 2020 05:08 PM +0530  

ஒரு புலி வேடனைத் துரத்திக்கொண்டு வந்தது. வேடனுக்கு பயமாகிவிட்டது உயிரைக் கையில் பிடித்துக்கொண்டு ஒடினான். அருகில் கண்ணில் தென்பட்ட மரத்தில் ஏறிக்கொண்டான். ஆனால் வேடனுக்கு முன்பாகவே மரத்தில் ஒரு கரடி இருந்தது.

வாழ்க்கையின் தத்துவங்களை அறிந்த ஞானமுள்ள, கொள்கையுள்ள கரடி அது!

கரடியைப் பார்த்து அதிர்ந்துபோன வேடன் கரடியிடம், ""என்னைக் கீழே தள்ளிவிடாதே!..... நான் உன்னைச் சரணடைகிறேன்..... என்னைக் காப்பாற்று!'' என்று வேண்டிக்கொண்டான். கரடியும், ""சரி!'' என்று சொல்லிவிட்டுக் கிளையில் சாய்ந்துகொண்டது.

சற்று நேரம் கீழே காத்துக்கொண்டிருந்த புலி, கரடியிடம், ""இந்த வேடன் நம் மிருகங்களை வேட்டையாடுபவன்!.... உயிர்களைக் கொல்லும் குணமுடையவன்!.... அவனைக் கீழே தள்ளிவிடு!.... நான் பசியாறிக்கொள்வேன்!.... '' என்றது.

கரடி புலியிடம், ""இருக்கலாம்!.... ஆனால் இந்த வேடன் என்னிடம் சரணடைந்துவிட்டான்.... நானும் இவனைக் காப்பாற்றுவதாக வாக்களித்துவிட்டேன்!..... எனவே இவனை நான் கைவிட முடியாது!'' என்று கூறிவிட்டுக் கரடி உறங்கிவிட்டது.

சிறிது நேரத்திற்குப் பிறகு புலி, வேடனிடம், ""எனக்கு ரொம்பப் பசியாக இருக்கிறது!.... நீ அந்தக் கரடியைக் கீழே தள்ளிவிடு!.... நான் அதை உண்டு பசியாறிக்கொள்கிறேன்!.... உன்னை விட்டுவிடுகிறேன்!'' என்றது.

வேடன் கரடியைத் தள்ளிவிட்டான். கரடி மரக்கிளை ஒன்றைப் பிடித்துக்கொண்டு விழாமல் தப்பி மேலே ஏறிக்கொண்டது!

அப்போது புலி கரடியிடம், ""இந்த மனிதன் நன்றி கெட்டவன்!..... சரண் அடைந்தவனைக் காப்பாற்றுவேன் என்ற உன்னையே தள்ளிவிட்டான்!.... தயங்காதே!.... அந்த மனிதனைத் தள்ளிவிடு!'' என்றது.

அதற்குக் கரடி, ""எவனோ ஒருவன் ஒழுக்கத்திலிருந்து வழுவினான் என்பதற்காக நான் என் தர்மத்தைக் கைவிட இயலுமா? அது முடியாது!. உயிரின் மேலுள்ள பயத்தால் அவன் என்னைத் தள்ளிவிட்டான்! அவன் அறத்தைக் கடைப்பிடிக்க இயலாதவனாகி விட்டான்!..... ஆனால் நான் அப்படி இல்லை!... சாகும்வரை என் வாக்கைக் காப்பாற்றுவதில் உறுதியாக இருக்கிறேன்!''

கரடியின் உயர்ந்த குணத்தைக் கண்ட புலி ஆச்சரியப்பட்டது!.... அந்தக் கரடியைத் தன் முன்னங்கால்கள் படிய மண்டியிட்டு வணங்கியது!.... பிறகு வனத்திற்குள் சென்று மறைந்தது!

வேடனுக்கு மிகவும் வெட்கமாகப் போய்விட்டது. கண்களில் நீரோடு கரடியை நமஸ்கரித்தான்!

சந்தர்ப்பம் வாய்த்தாலும் பழி வாங்கும் உணர்வு சான்றோர்களுக்கு நிச்சயம் இருக்காது!

]]>
https://images.dinamani.com/uploads/user/imagelibrary/2020/1/11/w600X390/sm4.jpg https://www.dinamani.com/weekly-supplements/siruvarmani/2020/jan/11/முத்துக்-கதை--அறம்-3329269.html
3329268 வார இதழ்கள் சிறுவர்மணி பொன் மொழிகள் க . நஞ்சையன் DIN Saturday, January 11, 2020 05:07 PM +0530 மெளனம் அறிவிற்கு அழகு. பொறுமை திறைமைக்கு ஏற்றது.  
-  கவி காளிதாஸ்

வாழ்க்கையின் மகிழ்ச்சிக்கு அன்பே முக்கியமானது  
-  கவிமணி

தாயின் இதயம் என்றும் வாடாத மலர் 
 -  பாஸ்கல்

மகத்தான செயல்களின் மூலமே பேரின்பம் தோன்றுகிறது  
-  சி.என்.போவீஸ்

அறம் ஒன்றுதான் நம்மை மறு உலகிலும் நண்பனாகத் தொடர்ந்து வருகிறது. மற்றவை எல்லாம் சரீரத்தோடு நாசமாகி விடுகின்றன. 
 -  பஞ்சதந்திரம்

உண்மையைக் கண்டவர்கள் புகழ் என்னும் உயர்ந்த குன்றின் மேல் வைக்கப்படுவார்கள் 
- இங்கர்சால்

உலக வாழ்க்கையின் நோக்கம் பிறர்க்கு உதவி செய்வதாகும்  
-  புத்தர்

உழைப்பு என்பது எல்லாப் பொருள்களுக்கும் முதல் விலையாக இருக்கிறது  
-  ஆடம்ஸ்மித்

நற்பண்புகளுக்கு எல்லா இடங்களிலும் வரவேற்பு உண்டு  
-  தாமஸ் ஆல்வா எடிசன்

நாணயமாக நடப்பவர்கள் எதற்கும் அஞ்சுவதில்லை  
-  தாமஸ் புல்லர்

]]>
https://images.dinamani.com/uploads/user/imagelibrary/2019/6/1/w600X390/sm5.jpg https://www.dinamani.com/weekly-supplements/siruvarmani/2020/jan/11/பொன்-மொழிகள்-3329268.html
3329267 வார இதழ்கள் சிறுவர்மணி கடவுள் வாழ்த்து! -ஆசி.கண்ணம்பிரத்தினம் DIN Saturday, January 11, 2020 05:04 PM +0530 அறத்துப்பால்   -   அதிகாரம்  1   -   பாடல்  7


தனக்கு உவமை இல்லாதான் தாள் சேர்ந்தார்க்கு அல்லால் 
மனக்கவலை மாற்றல் அரிது.

- திருக்குறள்


குறள் பாட்டு

தனக்கு நிகர் இல்லாத 
தன்மையுள்ள இறைவனின்
பெருமையினை உணருவோம்
நன்கு உணர்ந்து வணங்குவோம்

இறைவனடி வணங்கினால் 
மனத்தெளிவு கொள்ளலாம்
இறைவன் எண்ணமில்லாமல் 
மனக்கவலை மாறாது.

]]>
https://images.dinamani.com/uploads/user/imagelibrary/2020/1/11/w600X390/sm10.jpg https://www.dinamani.com/weekly-supplements/siruvarmani/2020/jan/11/கடவுள்-வாழ்த்து-3329267.html
3329266 வார இதழ்கள் சிறுவர்மணி நல்ல குணம்! என்.பர்வதவர்த்தினி DIN Saturday, January 11, 2020 05:02 PM +0530
உலகநாதனின் தாய் பார்வதி, தன் மகனுக்கு நல்ல புத்திகளைச் சொல்லி வளர்த்திருந்தாள். அவனும் தாய் தந்தையர் சொற்கேட்டு மிகவும் சாத்வீக குணமுடையவனாக வளர்ந்தான். 

ஒருநாள் பார்வதி தன் மகனிடம், ஐம்பது ரூபாயைக் கொடுத்து  அருகிலுள்ள கடைக்குச் சென்று சில பொருட்களை வாங்கிவரச் சொன்னாள். உலகநாதனும் கடைக்குச் சென்றான். தன் தாய் வாங்கிவரச் சொன்ன பொருட்களை வாங்கினான். அவற்றின் விலை 45 ரூபாய்கள். கடைக்காரரிடம் அம்மா கொடுத்த 50 ரூபாயைக் கொடுத்தான். 

 கடைக்காரர் அவனிடம் மீதி ஐந்து  ரூபாயைக் கொடுத்தார். பிறகு உலகநாதனிடம் விளையாட்டாக, ""தம்பி, இந்த ஐந்து ரூபாயை நீ உன் அம்மாவிடம் தராமல் நீயே எடுத்துக்கொள்ளேன்!....அவங்க என்ன உன்னைக் கண்டிச்சுக் கேட்கவா போறாங்க?....'' என்றார்.

 உலகநாதன் கடைக்காரரிடம், ""நான் அப்படிச் செய்யமாட்டேன்...... என் அம்மா எனக்கு எது தேவையோ அதைக் கொடுக்கிறாங்க. மேலும் நாவடக்கம் முக்கியம் என்பதைச் சொல்லிக் கொடுத்திருங்காங்க..... அது மட்டுமில்லே..... நீங்க சொன்னா மாதிரி நான் ஐந்து ரூபாயைத் தராமல் வெச்சுக்கிட்டா, என்னைத் தப்பா நினைச்சுக்க மாட்டாங்க..... உங்களைத்தான் தப்பா நினைப்பாங்க....''
 ""அதெப்படி?.... என்னை ஏன் தப்பா நினைச்சக்கப் போறாங்க?''

உலகநாதன் கடைக்காரரிடம், ""நீங்க ஒரு நம்பிக்கையான கடைக்காரர்னு நினைச்சோமே!..... சின்னப்பையன்தானேன்னு ஐந்து ரூபாயைத் தராம ஏமாத்திட்டாரேன்னு சங்கடப் படுவாங்க!.... ''

கடைக்காரருக்குச் சுரீர் என்றது. ""தப்பு செஞ்சுட்டேன் தம்பி!.... என்னை மன்னிச்சுக்கோ!.... நல்ல குணம் இருக்கிற பிள்ளைகளிடம் விளையாட்டாகக் கூடக் கெடுதலாப் பேசிடக்கூடாதுன்னு தெரிஞ்சுக்கிட்டேன்!''

உலகநாதன் மீதிக் காசை சட்டைப் பையில் போட்டுக்கொண்டு சாமான்களுடன் வீட்டிற்கு விரைந்தான். 

]]>
https://images.dinamani.com/uploads/user/imagelibrary/2020/1/11/w600X390/sm5.jpg https://www.dinamani.com/weekly-supplements/siruvarmani/2020/jan/11/நல்ல-குணம்-3329266.html
3329265 வார இதழ்கள் சிறுவர்மணி பாராட்டுப் பாமாலை! - 66: சாதனைச் செல்வி சம்ஹிதா வாழ்க! குரு.சீனிவாசன் Saturday, January 11, 2020 05:01 PM +0530  

பாட்டுத் திறத்தால் பார் போற்றும் 
பாரதிப் புலவன் பிறந்தநாள்
நூற்று முப்பத் தெட்டதனை 
இளசையில் விழாவாய் எடுத்தனரே

நடுநிலை நாளிதழ் தினமணியில் 
நற்பெரும் முயற்சித் திருவினையால் 
விடுதலைக் கவியின் சீர் போற்றும் 
வித்தகர் தமக்கும் விருதளித்தார்

சேதுவைக் கட்டிய ஸ்ரீராமன் 
சிந்தை கவர்ந்த சிற்றணிபோல் 
மேதகு ஆளுநர் பாராட்டை 
வெகுவாய்ப் பெற்றார் சம்ஹிதா

ஆற்றிய அருஞ்செயல் என்னென்று 
அறிந்தால் வியப்பில் ஆழ்ந்திடுவோம்!
போற்றும் பாரதி திருவுருவைப்
பொற்புற வடித்தார் பாக்குத்தட்டில்

வடித்த ஓவியம் ஒன்றல்ல....
வனப்பாய் நூற்று முப்பத்தெட்டாம்!
எடுத்த நேரம் அதை முடிக்க 
இருபத்தி மூன்று மணியளவாம்!

பாளை நகரில் வகுப்பெட்டில் 
பயிலும் மாணவி சம்ஹிதா
ஆளுநர்க்கதனைப் பரிசளித்தார்
அவரும் வியந்து பாராட்டினார்!

பாலர் பள்ளிப் பருவத்தில் 
பற்றுதல் கொண்டார் வரைகலையில்
மேலும் ஓவியப் பயிற்சியினால் 
மெத்த வளர்ந்தது மேதைமையே!

போட்டிக் களத்தில் சம்ஹிதா 
போற்றும் பரிசுகள் பல வென்றார்!
பாட்டுக் கரசன் பாரதிமேல் 
பக்தியும் பற்றும் மிகக் கொண்டார்!

நோற்ற பக்தியில் வெளிப்பாடே
நூற்று முப்பத் தெட்டோவியம்!
சாற்றும் சாதனைச் சம்ஹிதாவைச் 
சான்றோர் மதித்துப் பாராட்டினார்!

ஓவியம் நல்லிசை யோகாவுடன் 
ஓதும் கல்வித் திறன் கொண்டார்
மேவிய புகழுடன் சம்ஹிதாவை 
மேன்மை பெற்றிட வாழ்த்திடுவோம்!

]]>
https://images.dinamani.com/uploads/user/imagelibrary/2020/1/11/w600X390/sm7.jpg https://www.dinamani.com/weekly-supplements/siruvarmani/2020/jan/11/பாராட்டுப்-பாமாலை---66-சாதனைச்-செல்வி-சம்ஹிதா-வாழ்க-3329265.html
3323398 வார இதழ்கள் சிறுவர்மணி அங்கிள் ஆன்டெனா -ரொசிட்டா DIN Saturday, January 4, 2020 07:42 PM +0530  

கேள்வி: அவ்வளவு பெரிய உருவம் கொண்ட நீர் யானை மிகவும் வேகமாக ஓடுமாமே, உண்மையா?

பதில்: இவ்வளவு பெரிய உருவம்.... யானைக்கு அடுத்ததாக மிகப் பெரிய உருவம் கொண்ட விலங்கினம்.

தண்ணீரிலே வாழ்பவன். நீரிலே வேகமாக நீந்தக்கூடியவன். 6000 பவுண்ட் வரை எடை உள்ளது.

அது போல வே இந்த நீர்யானையாலும் வேகமாக ஓட முடியும். அதாவது சாதாரண மனிதனை விட வேகமாக ஓடும். மனிதனுக்கும் நீர்யானைக்கும் ஓட்டப்பந்தயம் வைத்தால் நீர்யானைதான் வெற்றி பெறும்.

மணிக்கு 30 மைல் வேகத்தில் நீர்யானை ஓடும். இது மிகவும் ஆச்சரியமான செயல்பாடுதான்.

]]>
https://images.dinamani.com/uploads/user/imagelibrary/2019/12/21/w600X390/sm11.jpg https://www.dinamani.com/weekly-supplements/siruvarmani/2020/jan/04/அங்கிள்-ஆன்டெனா-3323398.html