Dinamani - வெள்ளிமணி - https://www.dinamani.com/weekly-supplements/vellimani/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3393811 வார இதழ்கள் வெள்ளிமணி பொன்மொழிகள்! சுவாமி கமலாத்மானந்தர் DIN Friday, April 3, 2020 05:32 PM +0530  

எல்லாப் பொருள்களிலும் உயர்ந்த வித்யைதான் (கல்விதான்) மேலான பொருளாகும். ஏனென்றால் அதை யாராலும் எடுத்துக்கொள்ள முடியாது. அது தூய்மையானது; எப்போதும் குறையாதது.
- இதோபதேசம்

பசிக்கொடுமையால் அவதிப்படும்போது தாய் மகனைக் கைவிடுவாள், பெண் பாம்பு தன் முட்டைகளையே சாப்பிடும்; பசித்தவன் எப்படிப்பட்ட பாவம் செய்யவும் தயங்கமாட்டான். அதேபோல் வீழ்ச்சியடைந்தவர்களும் கருணையற்றவர்களாகிறார்கள்.
- மகாபாரதம்

அனைவருக்கும் ஆதாரமாகவும், ஆத்மாவாகவும் பரமாத்மா விளங்குகிறார். அவர் வேதங்களிலும் வேதாந்தங்களிலும் "விஷ்ணு' என்ற பெயரால் போற்றப்படுகிறார்.
- விஷ்ணு புராணம்

இறைவா! தாங்கள் எல்லையற்றவர். நாங்கள் எல்லைகளுக்கு உட்பட்டவர்கள். ஆதலால் எல்லைகள் கொண்ட சொற்களால் தங்களைப் போற்றுகிறோம். "தாங்கள் உள்ளபடியே எவ்வளவு மகத்தானவர்' என்பது எங்களுக்கு எப்படித் தெரியும்?
- குருநானக்

சொல்லும் அதன் அர்த்தமும் ஒன்றாக சேர்ந்திருக்கிறது. அதுபோல் ஒன்றியிருக்கும் உலக மாதா பிதாவான பார்வதிதேவியையும் பரமசிவனையும் நான் வணங்குகிறேன்.
- மகாகவி காளிதாசன், ரகுவம்சம் 11

"அதிதி' என்ற தேவியாக இருப்பவளும், "திதி' என்ற தேவியாக விளங்குபவளும், ஒளிபொருந்தியவளும், வளமளிக்கும் பூமியாக இருப்பவளும், செல்வத்தைத் தாங்குகிறவளும், விரும்பியவற்றை அளிப்பவளும், பாற்கடலில் உதித்தவளுமாகிய மகாலட்சுமியை நான் வணங்குகிறேன்.
- லட்சுமி அஷ்டோத்தரசதநாம ஸ்தோத்திரம்

முதியவர்கள், அரசர்கள், பாரம் சுமப்பவர்கள், வேதம் போன்ற சாஸ்திரங்களைப் படிப்பவர்கள், சந்நியாசிகள், பெண்கள், நோயாளிகள், குயவர்கள் ஆகியவர்களுக்கு வழிவிட வேண்டும்.

இவர்கள் எல்லோரையும்விட அரசரே முக்கியமானவர். சந்நியாசியோ அரசராலும் போற்றப்படுபவராவார்.
- யாக்ஞவல்க்ய ஸ்மிருதி

]]>
https://images.dinamani.com/uploads/user/imagelibrary/2020/4/3/w600X390/vm7.jpg https://www.dinamani.com/weekly-supplements/vellimani/2020/apr/03/பொன்மொழிகள்-3393811.html
3393810 வார இதழ்கள் வெள்ளிமணி இயேசுவுக்கு ஒசன்னா பாடிய குருத்தோலை ஞாயிறு - தே. பால் பிரேம்குமார் DIN Friday, April 3, 2020 05:30 PM +0530  

பெத்தானியா ஒரு கிராமம். எருசலேம் பட்டணத்துக்கு வெகு அருகாமையில் இருந்தது. இயேசு தாம் சிலுவையில் அறைப்படுவதற்கு ஆறு நாளைக்கு முன்பாக இவ்வூருக்கு வந்தார். இவ்வூரில் மார்த்தாள், மரியாள், லாசுரு இருந்தனர். 
இயேசு வந்திருக்கின்றார் என்ற செய்தியை கேள்விப்பட்டவர்கள், இயேசுவைக் காணும்படி திரளாக வந்தனர். இவ்வூரில்தான் மரித்த லாசுருவை நான்கு நாள்களுக்கு முன்பு உயிரோடு கல்லறையிலிருந்து எழுப்பினார் என்ற செய்தி மக்களை இயேசுவிடம் ஈர்க்கச் செய்தது. அதுமட்டுமல்ல உயிரோடு மரித்து  பின்பு உயிர்த்தெழுந்த லாசுருவையும் காண வந்தார்கள். 
பஸ்கா பண்டிகை ஆறு நாள்களுக்குப்பிறகு இருந்ததால் இயேசுவுக்கு விருந்து ஆயத்தப்
படுத்தி மக்கள் மகிழ்ந்தார்கள். ஆசாரியர்களும் தேவ அறிஞர்களும் இயேசுவின் புகழ் கண்டு அவரை கொலைச் செய்ய வகை தேடினார்கள். மறுநாள் காலையில் இயேசு எருசலேம் ஆலயத்துக்குப் போக ஆயத்தமானார்கள்.
எருசலேமில் இயேசு ஆண்டவர் பாவிகளின் கையில் ஒப்பு கொடுக்கப்பட்டு கொலை செய்யப்போகிறார்கள் என்பது இயேசுவுக்கு தெரிந்திருந்தது. ஆனாலும் இயேசு சிலுவையில் அறையப்படவும், மரணம் அடையவும், பாவ நிவாரண பலியாக பலியாகவும்  தம் பரிசுத்த ரத்தத்தைச் சிந்த ஆயத்தமாக இருந்தார். 
இயேசு தம் சீடரிடத்தில், ""உங்களுக்கு எதிரே இருக்கிற கிராமத்துக்குச் செல்லுங்கள். அங்கே சென்றவுடன் ஒரு கழுதையையும் அதன் ஒரு குட்டியையும் கட்டியிருக்க காண்பீர்கள். அவைகளை அவிழ்த்து என்னிடத்தில் கொண்டு வாருங்கள்'' என்றார். அப்படியே கண்டு கழுதையையும் அதன் குட்டியையும் கொண்டு வந்தார்கள். 
""இதோ, உன் ராஜா சாந்தகுணமுள்ளவராக, கழுதையின் மேலும் கழுதை குட்டியாகிய மறியின் மேல் ஏறிக்கொண்டு உன்னிடத்தில் வருகிறார் என்று சொல்லுங்கள்'' (மத்தேயு 21: 4) என்று தீர்க்கதரிசியினால் சொல்லப்பட்டப்படியே மக்கள் கூட்டமாய் கூடி இயேசுவை கழுதையின் மேல் அமரச் செய்து மலர்களாலும் இலைகளாலும் தங்கள் உடைகளை தரையில் விரித்து வழிநெடுகிலும் வரவேற்றார்கள். லாசுருவை நான்கு நாள்களுக்குப்பிறகு உயிரோடு எழுப்பியவரைப் பார்க்க மக்கள் ஆர்ப்பரித்து  ஆடிப்பாடியும் தங்கள் கைகளில் குருத்தோலையை பிடித்து மிகவும் மகிழ்ச்சியுடன் தேவனைப் பாடிப் புகழ்ந்தார்கள். 
முன் நடப்பாடும் பின் நடப்பாடும் தாவீதின் குமாரனுக்கு ஒசன்னா கர்த்தரின் நாமத்தில் வருகிறவர் ஸ்தோத்தரிக்கப்பட்டவர் உன்னிடத்திலே ஒசன்னா என்று சொல்லி ஆர்ப்பரித்தார்கள். யார் இவர் என்று எல்லோரும் விசாரித்தார்கள். இவர்தான் லாசருவைக் கல்லறையிலிருந்து வெளியே வரவழைத்து அவனை உயிரோடே எழுப்பினாரென்று சாட்சி கொடுத்தார்கள். 
அன்று, எருசலேம் விழாக் கோலம் கொண்டது. தங்களை அடிமைத் தனத்திலிருந்து விடுதலை தர, ராஜா வந்து விட்டார் என மகிழ்ந்தனர். ஆனால் ஆறு நாள்களுக்குப்பின்பு ஆசாரியர்களாலும் யூதர்களாலும் சிலுவையில் அறையப்பட்டார்கள். இயேசு ஆண்டவர் நம்மை மீட்க தாமே எருசலேம் வந்து சிலுவையில் பலியாக ஒப்புக்கொடுத்தார். 
இயேசுவின் தியாகம், தாழ்மை, அற்பணிப்பு, சிலுவையில் அறைப்பட ஒப்புக்கொடுத்தலைப் போற்றுவோம். ஒசன்னா பாடி மகிழ்வோம். இன்றும் ஒசன்னா பாடி நம் இருதயத்தில் ஏற்றுக் கொள்வோம். 

 

]]>
https://www.dinamani.com/weekly-supplements/vellimani/2020/apr/03/இயேசுவுக்கு-ஒசன்னா-பாடிய-குருத்தோலை-ஞாயிறு-3393810.html
3393809 வார இதழ்கள் வெள்ளிமணி வருமுன் காத்தல் வாகை சூடும் - மு.அ. அபுல் அமீன் DIN Friday, April 3, 2020 05:29 PM +0530 சீனாவில் துவங்கிய பயணத்தை எல்லா நாடுகளுக்கும் சென்று உலகில் எல்லாரையும் பயமுறுத்தி கொண்டிருக்கிறது கொரோனா (கொவைட் 19). நோயற்ற வாழ்வு அல்லாஹ் வழங்கும் அருள்களில் அரியது. அதனைக் காப்பது அடியார்
களின் கடமை. மருத்துவ ரீதியிலான தூய்மையை பேண வேண்டும். நோய் வந்தபின் சிகிச்சைக்கு ஆகும் மலையளவு செலவை எண்ணி நோய் வருமுன் காப்பது சிறந்தது. வருமுன் காத்து வாகை சூடும் வழிகளை ஆய்வோம்.
நோய் தவிர்க்கும் முதல் நடவடிக்கை சுத்தம். அதனால்தான் ஒவ்வொரு தொழுகைக்கு முன்னும் அங்கங்களைக் கழுவி தூய்மைப் படுத்துவது, உளு செய்வது கடமை. இதனை இறைமறை குர்ஆனின் 5-6 -ஆவது வசனம், "நம்பிக்கை உடையோரே, நீங்கள் தொழுகைக்குச் சென்றால் உங்கள் முகங்களையும் முழங்கை வரையில் உங்கள் கைகளையும் கணுக்கால் வரை உங்கள் கால்களையும் இரு பாதங்களையும் கழுவிக் கொள்ளுங்கள். கால்களையும் இரு பாதங்களையும் கழுவிக் கொள்ளுங்கள். உங்கள் தலையை நீரால் தடவி மஸஹு செய்து கொள்ளுங்கள்'.
தொழுகைக்கு முன் உடலைத் தூய்மைபடுத்த பகரும் இந்த வசனத்தில் வரையறுத்து கூறப்படும் ஒவ்வொரு உறுப்புகளையும் மும்முறை கழுவி தூய்மைப்படுத்துவது நேய நபி (ஸல்) அவர்களின் வழி. வீட்டிலே உளு செய்து பள்ளிக்குச் செல்ல செப்பினார்கள் செம்மல் நபி (ஸல்) அவர்கள். பொது இடங்களில் உளு செய்வதினும் வீட்டிலேயே உளு செய்வது உகந்தது. அது மிகத் தூய்மையானது. 
74-4 -ஆவது வசனம் ஆடைகளைத்தூய்மையால் துவைத்து உடுத்த உரைக்க, 75-5 -ஆவது வசனம் அசுத்தத்தை வெறுக்க அறிவுறுத்துகிறது. கணுக்காலுக்குக் கீழ் உடையணிந்து பெருமையுடன் திரிபவனை இறைவன் நோக்கமாட்டான் என்று ஏக்கமுடன் ஏந்தல் நபி (ஸல்) அவர்கள் எடுத்துரைத்ததைப் புகாரி, முஸ்லிம் நூல்களில் காணலாம். கணுக்காலுக்குக் கீழ் உள்ள உடை தெருவில் வீதியில் உள்ள குப்பைகளில் படிந்து அசுத்தமாகிறது; அழுக்காகிறது; இழுக்கான நோய்களை இழுக்கிறது.
தொற்று நோய் கண்டவர் பிறருடன் பழகாது ஒதுங்கி இருக்க வேண்டும். நோய் கண்ட ஊரில் உள்ளோர் பிற ஊர்களுக்குச் செல்ல கூடாது. பிற ஊரினர் அவ்வூருக்குப் போக கூடாது. நலமாக இருப்போரின் அருகில் நோயாளி செல்லக் கூடாது. உடலில் இயல்பினும் கூடுதலான குளிர், சூடு, சளி, தும்மல் இருப்போர் பலர் கூடி தொழும் பள்ளிவாயிலுக்குச் செல்லாது வீட்டில் தொழுவதே விரும்பத் தக்கது. மற்றவர்களுக்குப் பாதிப்பு ஏற்படுவதைத் தவிர்க்க எடுக்கும் முன் எச்சரிக்கை. தன்நிலை உணர்ந்து பிறர் நந்நிலை நாடும் நற்பண்பு. 
அய்யூப் நபி உடலில் கொப்புளங்கள் உண்டாகி உதிரம் கொட்டியது. அய்யூப் நபி தனித்து ஒதுங்கி ஏழு ஆண்டுகளுக்கு மேலாக இருந்ததாக இப்னு அப்பாஸ் (ரலி) அறிவித்தது ஜஹ்ரத்துர் ரியாள் என்னும் நூலில் உள்ளது. இறைதூதரின் இறை நம்பிக்கையை இகத்தினருக்கு எடுத்து காட்டுவதற்காக அய்யூப் நபிக்கு ஏற்படுத்திய நோயை அவரின் இறைவேட்டலை ஏற்று நீக்கினான் ஏகன் அல்லாஹ் என்பதை 21-84, 38-41 -ஆவது வசனங்கள் உரைக்கின்றன. நோயுற்றோர், பிறரோடு கலந்து பழகாது தனித்து இருப்பதை வலியுறுத்தும் வசனங்கள் இவை. நோய்குணமாக அய்யூப் நபி இறைவன் உருவாக்கிய ஓர் ஊற்றில் குளித்து மற்றோரு ஊற்று நீரைக் குடித்தார்கள். குளிக்கும் குளத்து நீரைக் குடிக்க கூடாது என்பதை நாம் புரிந்து தூய நீரைக் குடிக்க வேண்டும்.
தூய நபி (ஸல்) அவர்கள் தும்மினால் கைகளால் அல்லது கைகுட்டையால் முகத்தை மூடிக்கொள்வார்கள் நூல்- திர்மிதி 2745. நோய் பரவாமல் இருக்க இந்த நபி வழியைப் பின்பற்ற வேண்டும். கீழ்க்குறிப்பிடும் முகம்மது நபி (ஸல்) அவர்களின் மூன்று நன்மொழிகளை அறிவிக்கிறார் அபூஹுரைரா (ரலி) நாள்தோறும் குளித்தாலும் வெள்ளிக்கிழமை குளிப்பது பருவமடைந்த ஆண்களுக்குக் கடமை. நூல்- மு அத்தா. இறந்த உடலைக் குளிப்பாட்டுவோர் குளிப்பாட்டிய பின் குளிக்க வேண்டும். நூல்- அபூதாவூத், திர்மிதி. ஓடாது தேங்கிய குளம், குட்டை முதலிய குளிக்கும் நீரில் சிறு நீர் கழிப்பது கூடாது. நூல்- புகாரி, முஸ்லிம், அபூதாவூத், திர்மிதி, நஸஈ. மாநபி (ஸல்) அவர்களின் மற்றொரு மணிமொழி, செத்த மிருகத்தின் தோலைப் பதனிடாமல் பயன்படுத்துவதும் நரம்புகளைப் பயன்படுத்துவதும் கூடாது. அறிவிப்பவர், அப்துல்லாஹ் இப்னு உகீம்  (ரலி) நூல்- ஸýனன்.
காலனாய் ஞாலம் சுற்றும் கரோனா நம் நாட்டில் காலுன்றும் முன்னே வரும்முன் காக்கும் வழிகளை வழுவாது கடைபிடித்து கரோனா வாராது காப்போம்; வாகை சூடுவோம்.

]]>
https://www.dinamani.com/weekly-supplements/vellimani/2020/apr/03/வருமுன்-காத்தல்-வாகை-சூடும்-3393809.html
3393808 வார இதழ்கள் வெள்ளிமணி பெருமை சேர்க்கும் பெருந்தலையூர் ஸ்ரீமகிழீஸ்வரர்! - பொ.ஜெயச்சந்திரன் DIN Friday, April 3, 2020 05:29 PM +0530 கொங்கு நாட்டில் ஆற்றங்கரையில் பரந்த கிளைகளுடன் கூடிய வானளாவிய மரங்களின் சூழலில் பெரிய மதில்கள் கொண்டதாக அமைந்துள்ள ஆலயமே பெருந்தலையூர் மகிழீசநாதர் கோயிலாகும். 1924-ஆம் ஆண்டு ஏற்பட்ட பெரும் வெள்ளத்தில் இவ்வாலயம் மூன்று நாள்கள் மூழ்கிக் கிடந்ததாக ஆராய்ச்சியாளர்கள் கூறுகின்றனர். இவ்வாலயத்தில் லிங்க வடிவில் எழுந்தருளியுள்ள சிவபெருமான் திருமகிழீசர், ஸ்ரீமகிழீஸ்வரர், திருமகிழ வனமுடைய நாயனார் என்ற நாமங்களுடன் போற்றப்படுகிறார். அம்பாளின் திருநாமம் பிரகன்நாயகி, பெரியநாயகி எனும் திருநாமங்களுடன் அழைக்கப்படுகிறது. 

அக்காலத்தில் இங்கு மகிழமரங்கள் அடர்ந்து வளர்ந்து இருந்ததால் அவ்வனத்திடையில் எழுந்த லிங்கமானதால் மகிழ வனமுடையார், மகிழ வனமுடைய நாயனார் எனக் காரணப் பெயரிட்டு பெருமானை வணங்கி வந்துள்ளனர். வாணி நதிக்கரையில் அமைந்துள்ள ஐந்து ஆலயங்களில் சிவலிங்க மூர்த்திகளைக் துர்வாச முனிவரே பிரதிஷ்டை செய்து தினந்தோறும் காலையிலிருந்து தொடங்கி மாலை முடிவதற்குள் ஐந்து ஆலயங்களுக்கும் சென்று வணங்கி வந்தார் எனக் செவிவழிச் செய்தி தெரிவிக்கிறது. துர்வாச முனிவர் கிணற்றை வெட்டி அதிலிருந்து பூசைக்காக நீரெடுத்துக் கொண்டார். கோடையில் கிணறு வற்றிப் போனதால் வருந்திய முனிவர் வடக்கு முகமாகத் திரும்பி நீரை வேண்டி, "நீ இங்கே வா!" எனப் பொருள்படும்படி, "வா நீ' என்று கூப்பிட்டதாகவும் உடனே நீர் பெருக்கெடுத்து ஒரு நதியாக ஓடி வந்ததாகவும் "வாநீ' என்று அழைத்ததால் "வானி நதி' எனப்பட்டு, பின்னர் மருவிப் பிற்காலத்தில் பவானி என ஆயிற்று என்பர்.  
 இக்கோயிலில் குகை காணப்படுகிறது. கோயில் சிலைகளும், பொன்னாபரணங்களும் இங்கு நிறைந்திருப்பதாகவும் ஆதிசேடன் என்ற பாம்பு பாதுகாத்து வருவதாகவும் வாய்மொழி வழக்காறு உண்டு. உண்மையில் போர்க்காலங்களில் அரசக் குடும்ப மகளிரை ஊரின் அப்பால் காட்டுப் பகுதியில் சென்று விடுவதற்கான ரகசியமான சுரங்கங்கள் இருந்தன. அதுபோன்று இக்கோயிலிலும் அமைந்திருக்கலாம்.  
இக்கோயிலின் திருப்பணிக்காகப் பல நிவந்தங்கள் வழங்கப் பெற்றமையைக் கல்வெட்டுக்களாலும், செப்பேடுகளாலும் அறியலாம். இன்று, செப்புப் பட்டயங்கள் கிடைக்காத காரணத்தால் கல்வெட்டு ஆதாரங்களைக் கொண்டு பல செய்திகளை அறியலாம். இங்குச் சிவன் கோயிலும், சற்றுத் தொலைவில் பெருமாள் கோயிலும் அமைந்திருப்பதே பிற்காலப் பாண்டியர்கள் மற்றும் நாயக்க மன்னர்கள் இக்கோயில்களில் திருப்பணிகளைச் செய்துள்ளனர் என்ற செய்தியை மெய்ப்பிக்கும். பாண்டிய மன்னருள் பலரும் சைவ மதத்தைச் சார்ந்தவர்கள். ஆகவே அவர்கள் இச்சிவன் கோயிலைப் பெரிய அளவில் அமைத்தனர். பாண்டியருக்குப் பின் ஆட்சிக்கு வந்த நாயக்க மன்னர்கள் சிவன் கோயிலைப் போற்றியதுடன் பெருமாளுக்கும் கோயில் அமைத்தனர். கோயில் காரியங்கள் சிறப்புற நடைபெற வேண்டிய பல நிவந்தங்கள் வழங்கியுள்ளனர். அவற்றைக் கல்வெட்டுக்களிலும் செப்பேடுகளிலும் பதிவு செய்தனர். இக்கல்வெட்டுக்களைக் கொண்டே ஓரளவு செய்திகளை நாம் அறிய முடிகிறது.   
நாயன்மார்களில் காலத்தினால் முற்பட்டவரான கண்ணப்ப நாயனார் திருவுருவ சிலை இங்குள்ளது. கண்ணப்பருக்கு சுவாமியின் வலது பாகத்தே தனி சந்நிதி உள்ளது. அர்த்த மண்டபத்தின் சுற்று சுவரில் பாண்டிய மன்னரால் திருப்பணி செய்ய பெற்ற ஆதாரமாக பாண்டிய மன்னரின் மீன் கொடி செதுக்கப்பட்டுள்ளது. மகாமண்டபத்தில் சிற்பக்கலை வேலைப்பாடுகளுடன் கூடிய நான்கு தூண்கள் உள்ளது. முதல் தூணில் சரபமும் யானையும் கூடிய திருவுருவம் உள்ளது. பிரகார மண்டபத்தில் கலை நயத்துடன் கூடிய பிரதோஷ நந்தியும், அதன் பின்புறம் நான்கு யுகங்களைக் குறிக்கும் வண்ணமாக பலி பீடமும் கொடிமரமும் உள்ளன. தீப ஸ்தம்பத்தில் திருவுருவம் சிவனை வணங்கும் காட்சியாக செதுக்கப்பட்டு உள்ளது. வெளி மதில் சுவற்றில் ஐந்து துவாரங்கள் காணப்படுகின்றன. அதன் வழியாக நித்திய சூரிய உதய ஒளிக்கதிர்கள் இறைவன்பால் படும் வண்ணமாக அமைக்கப்பட்டுள்ளது. 
பிரகாரத்தை சுற்றி சிவபெருமானின் கோஷ்டமூர்த்திகள் அமைந்துள்ளன. கோயிலின் தென்மேற்கு பகுதியில் ஸ்ரீகாசிவிஸ்வநாதர்-விசாலாட்சி சந்நிதியும், கோயிலின் வடமேற்கு பாகத்தில் வள்ளி தெய்வானையுடன் கூடிய சிவசுப்பிரமணியர் சந்நிதியும் உள்ளன. அடுத்து மண்டபத்துடன் கூடிய பெரியநாயகி எனப்படும் பிரகன்நாயகி சந்நிதி உள்ளது. அம்பாளின் திருவுருவம் சோழர்கால சிற்ப வடிவை ஒட்டியுள்ளது. அம்பாளின் திருவுருவத்தில் பிரபாவளையம் யாளியுடன் வடிவமைக்கப்பட்டுள்ளது. அம்பாளின் மகுடம் ஜடா மகுடம் (வரிவரியாக சடை முடிய பெற்றது) அபய வரத ஹஸ்தம் உடன் அம்பிகை யோக பீடம் என்னும் சதுர் பீடத்தில் எழுந்தருளி உள்ளார். இந்த பீடத்தில் நான்கு வேதங்களை குறிக்கும்படியான வடிவம் அமைக்கப்பட்டுள்ளது.   
வழித்தடம்: ஈரோடு-கோபி மார்க்கத்தில் கவுந்தப்
பாடியிலிருந்து ஆப்பக்கூடல் செல்லும் வழியில் 5 கி.மீ. தொலைவில் பெருந்தலையூர் உள்ளது.                       

]]>
https://images.dinamani.com/uploads/user/imagelibrary/2020/4/3/w600X390/vm6.jpg https://www.dinamani.com/weekly-supplements/vellimani/2020/apr/03/பெருமை-சேர்க்கும்-பெருந்தலையூர்-ஸ்ரீமகிழீஸ்வரர்-3393808.html
3393807 வார இதழ்கள் வெள்ளிமணி பழவங்காடி மகாகணபதி கோயில்! - பனையபுரம்  அதியமான் DIN Friday, April 3, 2020 05:28 PM +0530  

திருவிதாங்கூர் சமஸ்தானத்து ராணுவ வீரர்கள் உருவாக்கிய ஆலயம், இந்திய ராணுவம் நிர்வகிக்கும் கோயில், திருவனந்தபுரத்தின் புகழ்பெற்ற விநாயகர் ஆலயம் , பக்தர்களின் குறை தீர்க்கும் கோயில், நாள்தோறும் எண்ணற்ற சிதறு தேங்காய்களை ஏற்கும் கோயில் என பல்வேறு சிறப்புக்கள் கொண்ட ஆலயமாகத் திகழ்வது, கேரள மாநிலம், திருவனந்தபுரத்தில் அமைந்துள்ள மகாகணபதி ஆலயம் ஆகும்.

வேனாட்டின் தலைநகரான பத்மநாபபுரத்தில் அமைந்த அரண்மனை மற்றும் கோட்டைகளைப் பாதுகாக்க அனைத்துப் பகுதிகளிலும் நாயர் ராணுவ வீரர்கள் நிறுத்தப்பட்டனர். அதன் ஒருபுறத்தில் யக்ஷியின் கோயில் இருந்தது, ( இந்த யக்ஷி, பெரும்பாலும் நன்மையளிப்பவள் என்றாலும், சில யக்ஷிகள் தீமை புரியும் வகையிலும் அமைந்திருந்தன.) இந்த கோயில் அருகே காவல் புரிபவர் அடுத்தநாளில் சுயநினைவு இழந்தவராக இருந்தார். இது தொடர்கதையான நிலையில், ஒரு சமயம் காவல் புரிந்த வீரர், அருகே ஓடிய வள்ளியூர் ஆற்றில் குளித்தபோது, அவரின் அருகே ஆறு அங்குல உயரம் கொண்ட சுயம்பு கணபதி சிலை கிடைத்தது. அதை மகிழ்வோடு கையில் எடுத்துக்கொண்டு அன்றைய காவல் பணியை மேற்கொண்டார். அவருக்கு அன்று எந்த அச்சமும், துன்பமும் நிகழவில்லை. இதையறிந்த மற்ற வீரர்கள் காரணத்தைக் கேட்டபோது, இந்த கணபதியின் அருள் சத்தியே தம்மை இடையூறுகளில் இருந்து காத்ததாக தெரிவிக்க, கணபதியின் புகழ் பரவத் தொடங்கியது. இதனால் அவர்களின் காவல் தெய்வமாகப் போற்றப்பட்ட கணபதி, ராணுவ வளாகத்தில் சிறிய கோயிலில் குடியேறினார். இந்த நிகழ்வு கி.பி. 1950 - இல் நடந்தது.

கி.பி. 1760 -இல் தலைநகரான பத்மநாபபுரம், திருவனந்தபுரத்திற்கு மாற்றலான போது, ராணுவவீரர்கள் தங்களுடனேயே கணபதியையும் அழைத்துக் கொண்டு, திருவனந்தபுரம் கோட்டைப் பகுதியில் உள்ள பழைய ஸ்ரீகண்டீஸ்வரர் கோயில் அரச மரத்தடியில் வைத்து வழிபட்டனர். மகாராஜாவின் வீதியுலாவில் மழை குறுக்கிடாமல் இருக்க, இந்த கணபதிக்கு 300 சிதறு தேங்காய்கள் உடைத்தனர். கி.பி. 1771- ஆம் ஆண்டு மதிலகோம் ஆவணங்களின் 13 -ஆம் பகுதியில் குறிப்பிடப்பட்டுள்ளது.

கி.பி. 1768-இல் கிழக்கு கோட்டைப்பகுதியில் உள்ள பழவங்காடி பகுதியில் சிறு கணபதி ஆலயம் எழுப்பி, அதில் கணபதியை வைத்து வழிபடலாயினர். இதன்பின் துர்க்கை பகவதி, வேட்டைத் திருமகன், நாகர்கள் உள்ளிட்ட சிலை வடிவங்கள் நிறுவப்பட்டன.

இவ்வாலய நிர்வாகத்தை நாயர் ராணுவத்தினர் நிர்வகித்து வந்தனர். கி.பி. 1951 -ஆம் ஆண்டு இந்திய ராணுவத்துடன் இணைக்கப்பட்ட பிறகு, 1956 -ஆம் ஆண்டு, நவம்பர் 13 முதல் மெட்ராஸ் ரெஜிமெண்ட் ராணுவப் பிரிவு நிர்வாகம் செய்து வருகின்றது. இதன்பிறகு திருப்பணிகள் பல நடந்து வந்த நிலையில், 2011- ஆம் ஆண்டு கணபதி வடிவில் சிறு விரிசல் ஏற்பட, அது முதல் கணபதி, தங்கக் கவசத்தால் மூடப்பட்டு, வெள்ளி பீடத்தில் நிறுவப்பட்டது. இதன் பிறகு வாஸ்து குறைகள் நீக்கப்பட்டு, தற்போது விசாலமான இடத்தில், கணபதி வீற்றிருக்கின்றார். இதன் குடமுழுக்கு விழா கடந்த ஜூலை மாதம் சிறப்பாக நடந்தேறியது.

கிழக்கு முகமாய், சாலைகளின் சந்திப்பில் திருக்கோயில் அமைந்துள்ளது. நடுநாயகமாக மகாகணபதி அமர்ந்த கோலத்தில் வலது காலை மடித்து, இடது காலை தொங்கவிட்ட நிலையில், எழிலாகக் காட்சி தருகின்றார். காலடியில் வாகனமான பெருச்சாளி அமர்ந்துள்ளது. இக்கோயிலில் கணபதியின் 32 சிலா வடிவங்கள் அமைக்கப்பட்டுள்ளது குறிப்பிடத்தக்கது. இது தவிர, தர்மசாஸ்தா, துர்க்கை, நாகராஜர் சந்நிதிகளும் அமைந்துள்ளன.

இக்கோயிலின் முக்கிய விழா, விநாயகர் சதுர்த்தியாகும். மேலும், கணேஷ் ஜயந்தி, சதுர்த்தி, திருவோணம், விஜயதசமி விஷு, மகா சிவராத்திரி முதலான விழாக்களும் கொண்டாடப் படுகின்றன. இந்த ஆலயத்தில் முக்கிய வழிபாடே சிதறு தேங்காய் உடைத்தல் ஆகும். இதனால் தங்கள் பிரச்னைகள் சிதறி ஓடி, வெற்றி தரும் என்பது பக்தர்களின் நம்பிக்கை.

இதன் நிர்வாகத்தை நீலகிரியில் வெலிங்டன்னில் உள்ள மெட்ராஸ் ரெஜிமெண்ட் ராணுவ மையம் தலைமையிலான குழு பராமரித்து வருகின்றது. இக்கோயிலில் பங்கோடு அனுமன் ஆலயம் மற்றும் எலிப்போடு ஸ்ரீ மகாகணபதி சேவாஸ்ரமமும் இணைந்துள்ளன.

கேரள மாநிலம், திருவனந்தபுரம், அனந்தபத்மநாப சுவாமி திருக்கோயிலை அடுத்து கிழக்கு கோட்டை பேருந்து நிறுத்தத்தின் அருகில் இவ்வாலயம் அமைந்துள்ளது.

]]>
https://images.dinamani.com/uploads/user/imagelibrary/2020/4/3/w600X390/vm5.jpg https://www.dinamani.com/weekly-supplements/vellimani/2020/apr/03/பழவங்காடி-மகாகணபதி-கோயில்-3393807.html
3393806 வார இதழ்கள் வெள்ளிமணி வசந்தத்தில் வேம்பின் இனிப்பு! - எஸ். எஸ். சீதாராமன் DIN Friday, April 3, 2020 05:25 PM +0530
தமிழ் புத்தாண்டு என்பது வானியல் மற்றும் அறிவியல் ரீதியாக மிகச்சரியாக அளவிடப்பட்ட காலத்தைக் கொண்ட காலப்பகுதியாகும். பூமி சூரியனை ஒரு தடவை சுற்றிவர 365 நாட்கள், 6 மணி, 11 நிமிடம், 48 நொடிகள் ஆகின்றது. இதுவே தமிழ் ஆண்டின் கால அளவாகும். சூரியன் 12 ராசிகளில் முதலாம் ராசியான மேஷ ராசியில் பிரவேசிக்கும்போது தொடங்கும் ஆண்டு, கடைசி ராசியான மீன ராசியிலிருந்து வெளியேறும்போது முடிவடைகின்றது. ஆகவே தமிழ்  ஆண்டின் கால அளவு எப்போதும் சீரானதாகவே இருக்கிறது. 

இதன் அடிப்படையிலேயே தமிழ்ப்புத்தாண்டு பிறக்கும் நாள், நேரம் கணிக்கப்படுகிறது. அநேகமாக ஆங்கில ஏப்ரல் மாதம், 14 -ஆம் தேதி தமிழ் ஆண்டு தொடங்கும். நடைமுறைக்கு ஏற்றதாக தமிழ்ப்புத்தாண்டு ஒரு குறிப்பிட்ட நாளில் கொண்டாடப்பட்டாலும், தமிழ்ப் பஞ்சாங்கங்களில் அந்த நாளில் ஆண்டு பிறக்கும் சரியான நேரம் குறிப்பிடப்பட்டிருக்கும். அதன் அடிப்படையிலேயே அந்த ஆண்டின் காலம் நிர்ணயிக்கப்பட்டு கணிக்கப்படுகிறது. 

தமிழ்ப்புத்தாண்டுக்கு முந்தைய நாளில் வீட்டு வாசலை சுத்தம் செய்து, வீட்டின் நுழைவாயிலிலுள்ள ராஜ நிலைக்கு மாவிலை தோரணம் கட்டி, வீட்டை துடைத்து, பின் புத்தாண்டன்று அதிகாலையில் கோலமிட்டு, பூஜை அறையில் மா, பலா, வாழை ஆகிய முக்கனிகள், வெற்றிலை, பாக்கு, நகைகள், நெல் முதலான மங்கலப் பொருட்கள் வைத்து காண்பது புனிதமாகக் கருதப்படுகின்றது. புத்தாண்டன்று நீராடி, புத்தாடை அணிந்து, கோயிலுக்குச் சென்று வழிபடுவர். மாலை வேளையில் உறவினர் வீடுகளுக்குச் செல்வதும், பலகாரங்களை பகிர்ந்துண்பதும் நிகழும். 

வேம்பு அல்லது வேப்ப மரம் நன்றாக வளர்ந்து நிழல் தர வல்லது. அதன் இலைகள் கிருமிகளை அழிக்கும் அல்லது கிருமிகளை அணுகவிடா தன்மை கொண்ட கிருமிநாசினி என்று கருதப்படுகின்றது. வேல் போன்ற கூரிய இலைகள் உடைய மரம் வேல்பு. வேல்பு என்ற சொல் மருவி வேம்பு என்றானது. “பு’ என்ற வல்லினம் “ல்’ என்ற மெல்லினத்தை திரித்து “ம்’ என்ற இணக்கமான மெல்லினமாக மாற்றமடைந்து வேல்புவாகி பின் அது  வேம்பு’ ஆகியுள்ளது.

மலைவேம்புக்கு தனி மகத்துவம் உண்டு. உடலில் உள்ள நீர் கட்டிகள், நீர் கொப்பளங்கள் ஏற்படக்காரணம், உடலில் தேங்கியுள்ள கழிவுகளாலும், உஷ்ணத்தினாலும் ஏற்படுகிறது. மலைவேம்பை சாப்பிடுவதால் கர்ப்பப்பையில் உள்ள கிருமிகளை நீக்கி கர்ப்பம் தரிக்க உதவுகிறது. வேப்பஇலை, குடல் புழுக்களைக் கொல்லும்; குடல் வாயுவை அகற்றும்; வீக்கம், கட்டிகளைக் கரைக்கும்; தாய்ப்பால் சுரப்பைக் குறைக்கும். வேப்பம் பூ, குடல் புழுக்களைக் கொல்லும். வேம்பு விதை, நஞ்சு நீக்கும்; நோய் நீக்கி உடலைத் தேற்றும். வேம்பு பட்டை காய்ச்சலைக் குணமாக்கும்; உடல் பலத்தை அதிகரிக்கும்.

தமிழ் பங்குனி மற்றும் சித்திரை மாதங்களில் வெப்பத்தினால் ஏற்படும் நோய்கள் அதிக அளவில் தென்படும். இதனை தடுக்கவும், வந்தால் காக்கவும் நம் முன்னோர்கள் வேப்பிலை மற்றும் மஞ்சள் தண்ணீரே பிரதானமாக கையாண்டார்கள். 

மாரியம்மன் வழிபாட்டில் வேப்பிலையும் மஞ்சளும்  பிரதான இடம் வகிக்கின்றன. அம்மை நோய் வந்தால் வேறு மருந்தே இல்லாமல் தனிமை படுத்தப்பட்டு வேப்பிலை படுக்கையில், குளிர்ச்சியான இயற்கை பானங்கள் கொடுக்கப்பட்டு விரைவில் வேப்பிலைக்காரியின் உதவியுடன் குணமடைவார்கள். அதேபோன்று,  நம் இந்திய வேதங்களில் மா, பலா, வாழை என்ற முக்கனிகள் கடவுளுக்கு உகந்த பழமாக குறிப்பிடப்படுகிறது.  

நம் வாழ்க்கையில் இனிப்பும் கசப்பும் சரிபாதியாக கலந்திருந்தால் தான் சமநோக்கோடு இயல்பாக அதனை எதிர் கொள்ள முடியும் என்ற தத்துவத்தின் சாரமாக, ஆண்டின் முதல் நாளில் வேப்பம்பூவினைக் கொண்டு வெல்லம் போட்டு பச்சடியும், மாங்காய் பச்சடியும் ஒருவித கசப்பு, புளிப்பு, துவர்ப்பு மற்றும் இனிப்புடன் அன்று உண்பதற்காக செய்வார்கள். 

சித்திரையில் வசந்தம் வருவதால் வசந்தோற்சவம் அனைத்து கோயில்களிலும் நடைபெறுவது வழக்கம். வசந்தத்தை வரவேற்போம் கசக்கும் வேம்பினை இனிப்பாய் மாற்றி உட்கொண்டு நோயற்ற வாழ்வு வாழ்வோம்.

]]>
https://images.dinamani.com/uploads/user/imagelibrary/2020/4/3/w600X390/vm4.jpg https://www.dinamani.com/weekly-supplements/vellimani/2020/apr/03/வசந்தத்தில்-வேம்பின்-இனிப்பு-3393806.html
3393803 வார இதழ்கள் வெள்ளிமணி ஆன்மிக மலர்கள் DIN DIN Friday, April 3, 2020 05:03 PM +0530  

திருவானைக்காவல் திருத்தலத்தில் பங்குனி மாதம் நடைபெறும் பஞ்ச பிரகார திருவிழாவில் இறைவன் பெண் வேடத்திலும் இறைவி ஆண்வேடத்திலும் திருவீதியுலா வருகிறார்கள்.

துர்க்கை திருமேனிகளில் மிகவும் பெரியதாகவும் அழகாகவும் நேர்த்தியாகவும் வடிவமைக்கப்பட்ட மகிஷாசுரமர்த்தினியம்மன் மாமல்லபுரத்தில் அருள்பாலிக்கிறாள். 

பஞ்சமுக விநாயகராக கணபதி திருக்கோலம் கொள்ளும்போது அவருக்கு வாகனமாக சிங்கம் அமைகிறது.

- கே. பிரபாவதி

 

விழுப்புரத்திலிருந்து திருக்கோவிலூர் செல்லும் சாலையில் 15 கி.மீ. தொலைவில் மாம்பழப்பட்டு என்னும் கிராமம் உள்ளது. இந்த கிராமத்தில் இருந்து பிரியும் சாலையில் 1 கி.மீ. தூரம் சென்றால் விஸ்வரூப காட்சி தரும் சனீஸ்வரபகவான் ஆலயம் அமைந்துள்ளது. 21 அடி உயரத்தில் பிரம்மாண்டமாக காட்சி தரும் இந்த சனீஸ்வரர், தனது இடது காலை தரையில் வைத்தும், வலது காலை தன்னுடைய வாகனமான காகத்தின் மீது ஊன்றியபடியும் காட்சி தருகிறார்.

- பி.கோபி

]]>
https://images.dinamani.com/uploads/user/imagelibrary/2020/2/20/w600X390/klm19siva_1902chn_47_6.jpg klm19siva_1902chn_47_6 https://www.dinamani.com/weekly-supplements/vellimani/2020/apr/03/ஆன்மிக-மலர்கள்-3393803.html
3393802 வார இதழ்கள் வெள்ளிமணி பொருநை போற்றுதும்! - 87 டாக்டர் சுதா சேஷய்யன் DIN Friday, April 3, 2020 05:01 PM +0530 15-ஆம் நூற்றாண்டில் விஜயநகரப் பேரரசு, தென்னிந்தியா  முழுவதும் ஆட்சி நடத்தியது. கிருஷ்ண தேவராயருக்குப் பின்னர் வந்த ஆட்சியாளர்களில், அவருடைய மாப்பிள்ளையான அல்லுடு ராமராயர் என்பவர் வலிமையானவராக இருந்தார். ராமராயரின் சகோதரரான விட்டலராயர், தமிழ்நாட்டுப் பகுதிகளின் அரச கண்காணிப்பாளராக இருந்தார். 

கன்னியாகுமரி குமரி அம்மன் திருக்கோயிலில் கொள்ளையடித்துவிட்டு, பொன்னோடும் பொருளோடும் இங்கு வந்த போர்த்துகீசியக் கொள்ளையர்களை, கைலாசநாதரை வழிபட்டு விட்டலராயர் வெற்றிகொண்டதாகச் சொல்லப்படுகிறது. 

மிருகண்டு முனிவர் நெடுங்காலம் பூஜை செய்த தலமும், மலயத்துவஜ பாண்டிய மன்னரின் பத்தினியான காஞ்சனமாலை முக்தி பெற்ற தலமும் முறப்ப நாடு என்று உள்ளூர்க் கதைகள் நிலவுகின்றன. 

இவற்றையெல்லாம் தாண்டி, இவ்வூரின் பெயர்க்காரணம் வேறொன்றாக இருக்கலாம். "முரம்பு' என்னும் தமிழ்ச்சொல்லுக்கு, கற்கள் நிறைந்த மேட்டு நிலம் என்று பொருள். பாறைகள் நிறைந்த இம்மேட்டுப் பகுதியைப் பழந்தமிழ் மக்கள், முரம்பு நாடு என்று அழைத்திருக்கக்கூடும். இதுவே முரப்பநாடு என்றாகியிருக்கலாம். இப்படிப் பார்த்தால், "முரப்பநாடு' என்று எழுதுவதே சரி. 
திருநெல்வேலி - தூத்துக்குடி நெடுஞ்சாலை முறப்பநாட்டில்தான் பொருநையைக் கடக்கிறது. சாலையோடு கிழக்காகச் சென்றால், வல்லநாட்டை அடையலாம்.  இருந்தாலும், பொருநையாளின் கையைப் பற்றிக் கொண்டிருப்பதால், அவளோடேயே தெற்காகச் செல்வோம். 

சற்று தொலைவு சென்றவுடன், பொருநையின் கிழக்குக் கரையில் நாணல்காடு. வாகனங்களில் வருபவர்களுக்கு வல்ல நாட்டிலிருந்து இங்கு வருவதுதான் வழக்கம் என்றாலும், நாம்தாம் நதிநல்லாளைப் பற்றிக் கொண்டிருக்கிறோமே, இப்படியே செல்வோம். 

தென் காஞ்சி என்றும் தென் திருநள்ளாறு என்றும் தென் சரவணப்பொய்கை என்றும் புகழ்பெற்ற திருத்தலம் இது (இத்தனை புகழுக்கும் பெருமைக்கும் பாத்திரமான தலமும் இதன் கோயிலும் பராமரிப்பின்றி, இடிபாடுகளும் புதர்களுமாக இருக்கிறது என்பது வருத்தத்திற்கு உரியது).  

தாமிரவருணிக் கரையில், ஒரு காலத்தில், நாணலும் மூங்கிலும் தர்ப்பையும் அடர்ந்து வளர்ந்த இடமாம் இது. எனவே, தர்ப்பாரண்யம் (தர்ப்பைக் காடு) என்று அழைக்கப்பட்டதாம். தர்ப்பைப் புல் என்றால் சிவபெருமானுக்கு மிகவும் பிடிக்கும். ஆகவே, இங்கேயே வந்து தங்கினாராம். உடன் தங்கிய சிவகாமி அம்மை, நதியில் நீராடி, அருகில் சின்னஞ்சிறு கல்லெடுத்துப் போட்டு, மஞ்சள் உரைத்துப் பூசிக் கொண்டாளாம்.  

காரைக்காலுக்கு அருகிருக்கும் திருநள்ளாறு திருத்தலமும் தர்ப்பாரண்யம்தான். எனவே, இந்த தர்ப்பாரண்யம், தென் திருநள்ளாறு என்று வழங்கப்படுகிறது. இதற்கொப்ப, சனீச்வரரும் தனிச்சந்நிதி கொண்டுள்ளார். 
பாற்கடலை தேவர்களும் அசுரர்களுமாகக் கடைந்தபோது, ஆலகால விஷம் வெளிப்பட்டதும், உடனே தேவர்கள் கைலாயத்தில் அடைக்கலம் புகுந்ததும் நாமறிவோம். ஆலகாலத்தைச் சிவனார் எடுத்து விழுங்கினார். பரம்பொருளான அவர்தாம் அனைத்து உயிர்களுக்கும் இருப்பிடம் என்பதை அறிந்த அம்மை, நச்சு உள்ளே இறங்கிவிடாதவாறு சிவனாரின் கழுத்தைப் பிடித்தாள்.

தொண்டையில் நின்ற விஷத்தோடு, அதன் வெப்பத்தைத் தணித்துக்கொள்ள, குளிர்ந்த சில இடங்களுக்குச் சென்று சிவனார் தங்கினார். அப்படிப்பட்ட இடங்களில், பொருநைக் கரை குளிர்தலமான இதுவும் ஒன்று. 

ஆகவே, சுவாமிக்குத் திருக்கண்டீச்வரர் என்று திருநாமம் (கண்டம்=கழுத்து, தொண்டை). காஞ்சிபுரத்தின் வேகவதி நதிக்கரையிலும் இவ்வாறு சுவாமி எழுந்தருளினார். இதன் விளைவாகக் காஞ்சிபுரத்திலும் திருக்கண்டீச்வரர் ஆலயம் ஒன்றுள்ளது. இதனால், நாணல்காடு என்னும் இவ்வூர், தென் காஞ்சி என்று வழங்கப்படுகிறது. 

இத்தலத்தின் மகிமைக்கு அத்தாட்சியாகப் பிற்காலத்திலும் ஒரு சம்பவம் நடைபெற்றது. சூரபத்மன் வம்சாவளியைச் சேர்ந்த அசுரர்களால், தாமிரவருணி நீர் விஷமாக்கப்பட்டது. மக்கள் தவித்தனர். 

சிவபெருமான், நச்சாக்கப்பட்ட நதிநீரைத் தாமே அருந்தித் (ஆலகாலத்தை அருந்தியதைப்போல்) தூய்மையாக்கினார். "இனி எக்காலத்தும் தாமிரா மாசடைய மாட்டாள்' என்றும், "இவளை மாசுபடுத்த நினைப்பவர்கள், அசுரர்களுக்கு ஏற்பட்ட நிலையை அடைவார்கள்' என்றும் அருளினார்.  14- ஆம் நூற்றாண்டின் தொடக்க காலத்தில் ஆட்சி நடத்திய வீரபாண்டிய மன்னர், இக்கோயிலுக்குத் திருப்பணி செய்ததாகத் தெரிகிறது.

இத்தலத்திற்குத் தென் சரவணப்பொய்கை என்று பெயர் வந்ததற்கும், சுவாரசியமான செவிவழிக் கதை ஒன்று நிலவுகிறது. பாண்டியப் பேரரசின்கீழ், தென்னாட்டுப் பகுதியை ஆளுகை செய்துவந்தார் கருணாகரப் பாண்டியன் என்னும் குறுநில மன்னர். இவருடைய மகள் ஒரு முருக பக்தை. முறப்பநாட்டுச் சிவன் கோயிலுக்குத் (நவகைலாய நடுத்தலம்) தந்தையும் மகளும் வந்தார்கள். சிவ வழிபாட்டில் நீண்ட நேரம் மன்னர் ஆழ்ந்துவிட, நதிக்கரையில் நடமாடத் தொடங்கிய மகள், நாணல் காட்டுப்பக்கம் வந்துவிட்டாள். நாணலையும் மூங்கிலையும் நீர்ப்பொய்கைகளையும் கண்டவளுக்கு சாக்ஷôத் முருகப்பெருமானைக் காண்பதுபோலவே தோன்றியது. "என் முருகனைவிட்டு எங்கும் போகமாட்டேன்' என்று தங்கிவிட்டாள். தந்தை வந்து அழைத்தும் பலனில்லை. 

இதற்கிடையில், கருணாகரப் பாண்டியனுக்குத் தீங்கு விளைவிக்க எண்ணிய பகைவர்கள், காட்டுப்பகுதியில் மகள் தங்கிவிட்டதைக் கண்டு அவளுக்கு மன்னர் அனுப்பிய உணவில் விஷம் கலந்தனர். இளவரசி அதைத் தொடுவதற்கு முன்னர், எங்கிருந்தோ வந்த கிளி உணவை அருந்தியது; இறந்து விழுந்தது.  இளவரசிக்குப் பாதுகாவல் தரவேண்டும் என்று ஓடி வந்த காவலர்கள் இதைக் கண்டுவிட, உணவு கொண்டுவந்தவர்கள் கூட்டத்தில் கலந்துவிட்ட பகைவர்கள் அடையாளம் காணப்பட்டுச் சிறைசெய்யப்பட்டனர். இதனால், தென் சரவணப்பொய்கை என்னும் பெயரும் தோன்றியது. 

பலவகையிலும் ஏற்படுகிற உயிர் அபாயங்களை வெல்வதற்கு இங்கு வழிபாடு செய்தால் போதும் என்பதுதான் இத்தலத்தின் தலையாய சிறப்பு. இவ்வூரிலுள்ள தாமிரவருணிக் கரையின் தீர்த்தம், "சப்தரிஷி தீர்த்தம்' என்றழைக்கப்படுகிறது. தாமிராவில் நீராடி, திருக்கண்டீச்வரரையும் சிவகாமி அம்மையையும் வணங்கினால், சனி தோஷம், யம தோஷம், ரிஷி சாபம் ஆகிய யாவும் விலகும் என்பது நம்பிக்கை. ஆற்றோடு பயணிப்பதால், அப்படியே மேற்குக் கரைக்குச் சென்றுவிடலாம். தாமிராவின் மேற்குக் கரையோடு சிறிது தூரம் தெற்கு நோக்கிச் சென்றால், சின்னஞ்சிறு கிராமமான முத்தாலங்குறிச்சி. இங்கெழுந்தருளியிருக்கும் அருள்மிகு குணவதியம்மன், நெல்லைக்காரர்கள் பலருக்கும் குலதெய்வம்.

(தொடரும்...)

]]>
https://images.dinamani.com/uploads/user/imagelibrary/2020/4/3/w600X390/vm3.jpg https://www.dinamani.com/weekly-supplements/vellimani/2020/apr/03/பொருநை-போற்றுதும்---87-3393802.html
3393800 வார இதழ்கள் வெள்ளிமணி தமிழ்ப் புத்தாண்டு பலன்கள்! Friday, April 3, 2020 04:59 PM +0530  

60 தமிழ் ஆண்டுகளில் தற்சமயம் 34-ஆவது வரிசையில் பிறப்பது சார்வரி ஆண்டாகும். இந்த சார்வரி தமிழ் புத்தாண்டு,  விகாரி ஆண்டு, பங்குனி மாதம் 31 -ஆம் தேதி, (13.04.2020) திங்கள்கிழமை, இரவு 8.00 மணி, 25 நிமிடங்கள், 20 நொடிகள் அளவில் துலாம் லக்னத்தில் மிதுன நவாம்சத்தில் பூராடம் நட்சத்திரம், ஒன்றாம் பாதத்தில் கிருஷ்ணபட்சம்  (தேய்பிறை), சப்தமி திதி, சந்திரபகவானின் ஹோரையில், சூரியபகவான் சித்திரை மாதத்தில் அடியெடுத்து வைத்து பிறக்கிறது.

லக்னம் என்பது உயர்ந்த ஸ்தானமாக கருதப்படுவதால், அது குருபகவானின் சாரத்தில் (விசாக நட்சத்திரம்) அமைவது, இந்த சார்வரி ஆண்டு குருபகவானின் அருளால் ஜீவ ஓட்டமாக அமையும். லக்னம் மற்றும் அஷ்டம ஸ்தானமான எட்டாம் வீட்டிற்கும் அதிபதியான சுக்கிரபகவான் அஷ்டம ஸ்தானமான எட்டாம் வீட்டில் சந்திரபகவானின் சாரத்தில் (ரோகிணி நட்சத்திரம்) வர்கோத்தமத்தில் (ராசியிலும் நவாம்சத்திலும் ஒரே ராசியில் இருக்கும் நிலை) அமர்ந்திருக்கிறார்.

சுக்கிரபகவான் களத்திரகாரகராவார். கணவனுக்கு மனைவியையும், மனைவிக்கு கணவரையும் குறிப்பவர். கம்பீரத் தோற்றம், கலைத்துறை, வண்டி வாகனம், வீடு, பிராணிகள், குபேரசம்பத்து என்பார்களே அதற்கும் சுக்கிரபகவானே காரணமாகிறார். அனைவருடனும் நேசமாகப் பழகும் குணம் உண்டாகும். பெண்களின் முன்னேற்றத்திற்குப் பெரிதும் உதவும் கிரகமாவார். நவரத்தினங்களில் விலை மதிப்பான வைரம் சுக்கிரபகவானுககு உகந்ததாகும். வெள்ளி என்றழைக்கப்படுகிற சுக்கிரபகவான் நமது பூமியின் பருமனைப்போல் இருப்பதால் பூமியின் இரட்டை என்று வானியல் நிபுணர்கள் கூறுவார்கள். சுக்கிரபகவானுடைய குறுக்களவு 7700 மைல் என்றால், பூமியின் குறுக்களவு 7926 மைல்களாகும். சுக்கிரபகவானும் சந்திரபகவானைப் போன்று சூரியபகவானின் ஒளியைப் பெற்று பிரதிபலிக்கிறார். வெள்ளியிலும் காலை வெள்ளி, மாலை வெள்ளி என்றிருப்பதைக் காண்கிறோம். குருபகவானைப் போலவே சுக்கிரபகவானும் மௌட்யத்தில் (மூடம்) ஆட்படுகிறார். சுக்கிரபகவானின் மூடத்தில் திருமணம் நடைபெறுவது கூடாது என்பது ஜோதிட விதி. பரணி, பூரம், பூராடம் ஆகிய மூன்று நட்சத்திரங்கள் சுக்கிரபகவானுக்குரிய நட்சத்திரங்களாகும். மேஷ ராசியிலுள்ள பரணி நட்சத்திரத்தில் சூரியபகவான் சஞ்சரிக்கும் காலம் முதல் கார்த்திகை நட்சத்திரத்தைக் தாண்டும் வரை உள்ள காலம் (பின் சித்திரை முன் வைகாசி மாதங்கள்) கத்திரி என்றும், அக்னி நட்சத்திரம் என்றும் சொல்லப்படுகிறது. இது உலகில் அதிக அளவு உஷ்ணத்தைத் தரக்கூடிய கோடைக் காலமாகும்.

இந்த ஆண்டு 04.05.2020 முதல் 28.05.2020 வரை அக்னி நட்சத்திரம் காலமாக அமைகிறது. அதாவது, சித்திரை 21- ஆம் தேதி முதல் வைகாசி 15 வரை ஆகும். சிம்ம ராசியிலுள்ள பூரம் நட்சத்திரத்தில் சூரியபகவான் பிரவேசிக்கும் காலம் சூரியபகவானுடைய ஆட்சி, மூலதிரிகோண பலத்தை வெகுவாக ஊக்குவிக்கும் காலமாகும். இக்காலத்திலும் கூட சூரியபகவானின் உஷ்ணம் தகிக்கக்கூடிய காலமாகும். இந்த காலத்தில் சூரியபகவான் கடக ரேகைக்குச் சமீபத்தில் சஞ்சரிப்பார். தனுசு ராசியில் பூராடம் நட்சத்திரத்தில் சூரியபகவான் சஞ்சரிக்கக்கூடிய பதிமூன்றரை நாள்களும் கர்ப்போட்டம் ஓடுகிற காலமாகும். கர்ப்போட்டம் என்றால் வானத்தில் மேக மண்டலங்கள் திரண்டு இங்குமங்குமாக சஞ்சரிக்கக் கூடியதான சுற்றுச் சூழ்நிலை அமையும். ஆனால் இந்த நாள்களில் மழைபொழிவு கூடாது. இப்படி பதிமூன்றரை நாள்களும் தொடர்ந்திருந்து கொண்டிருந்தாலும் அடுத்து வரக்கூடிய ஓராண்டு காலத்தில் மழை பொழிந்து நாடு சுபிட்சமாக இருக்கும். இதுதான் கர்ப்போட்ட மகிமையின் செயல்திறன். இதனால் சுக்கிரபகவானை மழைக்கிரகம் என்றும் சொல்கிறோம்.

சுக ஸ்தானமான நான்காம் வீட்டிற்கும், பூர்வபுண்ணிய ஸ்தானமான ஐந்தாம் வீட்டிற்கு அதிபதியான சனிபகவான் சுக ஸ்தானமான நான்காம் வீட்டில் சூரியபகவானின் சாரத்தில் (உத்திராடம் நட்சத்திரம்) ஆட்சி பெற்றமர்ந்து நவாம்சத்தில் மீன ராசியை அடைகிறார். சனிபகவான் லக்னத்திற்கு நான்காம் வீட்டில் ஆட்சி பெற்றிருப்பதால் பஞ்சமகா புருஷ யோகங்களில் ஒன்றானசச மகா யோகத்தைக் கொடுக்கிறார். தனம் வாக்கு குடும்ப ஸ்தானமான இரண்டாம் வீட்டிற்கும், களத்திர நட்பு ஸ்தானமான ஏழாம் வீட்டிற்கும் அதிபதியான செவ்வாய்பகவான் சுக ஸ்தானமான நான்காம் வீட்டில் சந்திரபகவானின் சாரத்தில் (திருவோணம் நட்சத்திரம்) உச்சம் பெற்றமர்ந்து நவாம்சத்தில் ரிஷப ராசியை அடைகிறார். இதனால் பஞ்ச மகா புருஷ யோகங்களில் ஒன்றான ருசக யோகம் உண்டாகிறது. செவ்வாய்பகவானின் நான்காம் பார்வை களத்திர ஸ்தானமான ஏழாம் வீட்டின் மீதும் அங்கு உச்சம் பெற்று அமர்ந்திருக்கும் சூரியபகவானின் மீதும், ஏழாம் பார்வை தொழில் ஸ்தானமான பத்தாம் வீட்டின் மீதும், எட்டாம் பார்வை லாப ஸ்தானமான பதினொன்றாம் வீட்டின் மீதும் படிகிறது. 

தைரிய ஸ்தானமான மூன்றாம் வீட்டிற்கும், ருணம் (கடன்) ரோகம் (வியாதி) சத்ரு (விரோதி) ஸ்தானமான ஆறாம் வீட்டிற்கும் அதிபதியான குருபகவான் சுக ஸ்தானமான நான்காம் வீட்டில் சூரியபகவானின் சாரத்தில் (உத்திராடம் நட்சத்திரம்) வர்கோத்தமத்தில் நீச்சம் பெற்று அமர்ந்து இருக்கிறார். குருபகவானுடன் ஆட்சி பெற்றுள்ள சனிபகவானும், உச்சம் பெற்றுள்ள செவ்வாய்பகவானும் இணைந்து இருப்பதால் இரண்டு வகையிலும் முழுமையான நீச்சபங்க ராஜயோகம் பெறுகிறார். குருபகவானின் ஐந்தாம் பார்வை அஷ்டம ஸ்தானமான எட்டாம் வீட்டின் மீதும் அங்கு அமர்ந்திருக்கும் சுக்கிரபகவானின் மீதும், ஏழாம் பார்வை தொழில் ஸ்தானத்தின் மீதும், ஒன்பதாம் பார்வை அயன ஸ்தானமான பன்னிரண்டாம் வீட்டின் வீட்டின் மீதும் படிகிறது. 

பாக்கிய ஸ்தானமான ஒன்பதாம் வீட்டிற்கும் அயன ஸ்தானமான பன்னிரண்டாம் வீட்டிற்கும் அதிபதியான புதபகவான் ருணம் , ரோகம், சத்ரு ஸ்தானமான ஆறாம் வீட்டில் சனிபகவானின் சாரத்தில் (உத்திரட்டாதி நட்சத்திரம்) நீச்சம் பெற்றமர்ந்து நவாம்சத்தில் கன்னி ராசியில் ஆட்சி, உச்சம் மூலதிரிகோணம் பெறுவதால் புதபகவானும் முழுமையான நீச்சபங்க ராஜயோகத்தைப் பெறுகிறார்.

தொழில் ஸ்தானமான பத்தாம் வீட்டிற்கதிபதியான சந்திரபகவான் தைரிய ஸ்தானமான மூன்றாம் வீட்டில் சுக்கிரபகவானின் சாரத்தில் (பூராடம் நட்சத்திரம்) அமர்ந்து நவாம்சத்தில் சிம்ம ராசியை அடைகிறார். லாப ஸ்தானமான பதினொன்றாம் வீட்டிற்கு அதிபதியான சூரியபகவான் களத்திர நட்பு ஸ்தானத்தில் உச்சம் பெற்று வர்கோத்தமத்தில் அமர்ந்திருக்கிறார். ராகு
பகவான் பாக்கிய ஸ்தானமான ஒன்பதாம் வீட்டில் சுய சாரத்தில் (திருவாதிரை நட்சத்திரம் )அமர்ந்து நவாம்சத்தில் தனுசு ராசியை அடைகிறார். கேதுபகவான் தைரிய ஸ்தானமான மூன்றாம் வீட்டில் சுய சாரத்தில் (மூலம் நட்சத்திரம்) அமர்ந்து நவாம்சத்தில் மிதுன ராசியை அடைகிறார்.

இந்த சார்வரி ஆண்டுக்கு அரசனாக புதபகவான் வருகிறார். பாக்கிய நாதனான புதபகவான் முழுமையான நீச்சபங்க ராஜயோகத்தைப் பெறுகிறார். புதபகவானின் பலத்தை லக்னாதிபதியான சுக்கிரபகவானின் பலத்துடன் இணைத்துப் பார்க்க வேண்டும். லக்னாதிபதி 3, 6, 8,12- ஆம் வீடுகளில் அமர்ந்திருப்பது குறை என்று பொதுவாகக் கூறினாலும் அவரே எட்டாம் வீட்டிற்கும் அதிபதியாகி  எட்டாம் வீட்டில் லக்ன சுபரான சந்திரபகவானின் சாரத்தில் வர்கோத்தமத்தில் விபரீத ராஜயோகம் பெற்று ஆட்சி பெற்றமர்ந்திருக்கிறார். லக்னாதிபதி பாக்கியாதிபதியைவிட பலம் கூட பெற்றிருக்கிறார் என்று கூறினாலும், புதபகவான் பன்னிரண்டாமதிபதியாகி எட்டாம் வீட்டோனை விட பலம் கூடி இருக்கிறார் என்று கூற வேண்டும். புதபகவான் நரம்பு மண்டலத்திற்குக் காரகம் வகிப்பவர் என்று கூறினாலும் மனித உடலில் நுரையீரல் அவரது கட்டுப்பாட்டிற்குள் வருகிறது. நுரையீரல் மனித உடலில் சில தனித்தன்மையை கொண்டிருக்கிறது என்பதை அனைவரும் அறிந்ததே.

ருணம் (கடன்) ரோகம் (வியாதி) சத்ரு (விரோதி) ஸ்தானமான ஆறாம் வீட்டிற்கு அதிபதியான குருபகவான் முழுமையான நீச்சபங்க ராஜயோகத்தைப் பெற்றிருக்கிறார். லக்னாதிபதியான சுக்கிரபகவான் ஆறாம் வீட்டுக்கதிபதியை விட பலம் பெற்றிருக்கிறார் என்று கூறினாலும் ஆறாமதிபதி எட்டாம் வீட்டுக்கதிபதியை விட பலம் கூடியிருக்கிறார் என்றும் கூற வேண்டும். நான்கு, ஐந்து வீடுகளுக்கு அதிபதியான சனிபகவான் சுக ஸ்தானத்தில் ஆட்சி பெற்று சச மகாயோகத்தைப் பெற்றிருக்கிறார். இருப்பினும் அவர் பரஸ்பரம் விரோதம் பெற்ற கிரகமான சூரியபகவானின் சாரத்தில் நேர்கதியில் சஞ்சரிக்கிறார். இந்த நேர்முக சஞ்சாரம் 12.05.2020 வரை தொடரும்.

லாபாதிபதியான சூரியபகவான் பாதகாதிபதியுமாகி நட்பு ஸ்தானத்தில் பரமோட்சம் பெற்று அமர்ந்திருக்கிறார். அவரின்அதி உஷ்ணத்தைப் பெரும் அக்னி நட்சத்திர காலம் 04.05.2020 முதல் 28.05.2020 வரை நடக்கிறது. அவர் சஞ்சரிப்பதோ தன் நண்பரான செவ்வாய்பகவானின் வீடாகும். செவ்வாய்பகவான் மகர ராசியில் உச்சம் பெற்று, 04.05.2020  வரை சஞ்சரிக்கிறார். இந்த காலகட்டம் வரை அவர் தன் பரஸ்பரம் பரம விரோதம் பெற்ற கிரகமான சனிபகவானுடன் இணைந்து சஞ்சரிக்கிறார். பொதுவாக, சனி, செவ்வாய் இணைந்த காலங்கள் மிகவும் கடினமாக இருக்கும். சனி, செவ்வாய் பகவான்களுடன்  குருபகவான் சஞ்சரிப்பது அவர்களின் விரோதத்தைக் குறைக்கும் அம்சமாகும். குரு, செவ்வாய் பகவானுக்கு நட்பு கிரகமாகவும், சனிபகவானுக்கு சமம் என்கிற அந்தஸ்தில் இருக்கும் கிரகமாகவும் ஆவதால் இத்தகைய இணைவால், ஏற்படும் கஷ்டங்கள் குறைந்து மட்டுப்பட்டே காணப்படும். அதனால் 28.05.2020 -க்குப் பிறகு, அனைத்து கஷ்டங்களும் மறைந்து சுபிட்சம் உண்டாகத்தொடங்கும். 

இந்த ஆண்டில் சனிபகவான் பலம் பெற்று சஞ்சரிப்பதால் மக்களுக்கு நீடித்த நல்வாழ்வையும் , தீர்க்காயுளையும் கொடுப்பார் என்றும் கூறவேண்டும். காரணம் கண்டு பிடிக்க முடியாத வியாதிகளுக்கு ராகுபகவான் காரணமாகிறார். ராகுபகவான் அசுப பலம் பெற்று சஞ்சரிப்பவர்களுக்கு காரணம் கண்டுபிடிக்க முடியாத நோய் பாதித்து அந்த காலம் மாறியவுடன் அந்த நோய் தானாகவே தீர்ந்து விடும். மேற்கூறிய விஷயம் கேதுபகவானுக்கும் பொருந்தும். தற்சமயம் ராகுபகவான் காற்று ராசியாகிய மிதுன ராசியில் தன் சுயசாரத்தில் (திருவாதிரை நட்சத்திரம்) சஞ்சரிக்கிறார். விஷத்திற்கு ராகுபகவானே காரகமேற்கிறார். 22.04.2020 அன்று ராகுபகவான் திருவாதிரை நட்சத்திரத்தை விட்டு மிருகசீரிஷ நட்சத்திரத்தில் சஞ்சரிக்கத் தொடங்குகிறார். அதற்குப்பிறகு விஷத்தால் ஏற்பட்ட கஷ்டங்கள் குறையத் தொடங்கிவிடும்.

புதபகவான் லக்ன சுபராக இருந்து அரசனாகவும் ஆவதால் இந்த ஆண்டு தொடக்கத்தில் சில அசாதாரண சூழ்நிலைகள் உண்டானாலும் வைகாசி மாதம் நடுவிலிருந்து நன்மைகள் கூடத் தொடங்கிவிடும். புதபகவானுக்கு உகந்த தலமானமதுரையை ஆட்சி செய்வது மீனாட்சி சொக்கநாதராவார்கள். மதுரை சிவபெருமான் திருவிளையாடல் புரிந்த தலம் என்பதும் அனைவரும் அறிந்ததே. அவர் நாம் வசிக்கும் இந்த பூமியின் மண்ணைச் சுமந்தவர். இந்த பாக்கியம் பெற்ற நமது பாரத பூமி, குறிப்பாக தமிழிநாட்டிற்கு சொக்கநாதப் பெருமானின் கருணை நிரம்ப இருக்கும் என்பதில் எந்த  ஓர் ஐயமுமில்லை. அனைவரும் ஸ்ரீ மீனாட்சி ஸ்ரீ சொக்கநாதரின் அருளைப் பெற தினமணியின் மூலமாக பிரார்த்திக்கிறோம்.

]]>
https://images.dinamani.com/uploads/user/imagelibrary/2020/4/3/w600X390/vm1.jpg https://www.dinamani.com/weekly-supplements/vellimani/2020/apr/03/தமிழ்ப்-புத்தாண்டு-பலன்கள்-3393800.html
3386090 வார இதழ்கள் வெள்ளிமணி மகனீயருக்கு மகத்தான மணிமண்டபம்! DIN DIN Saturday, March 21, 2020 11:25 AM +0530 திருவண்ணாமலையில் ஒரு யோகியாய், சித்தராய், பித்தராய், உன்மத்தராய் வாழ்ந்து வந்த மகான் ஸ்ரீ சேஷாத்ரி சுவாமிகள் ஆவாா். மறைந்து வாழும் மஹனீயா்கள் வரிசையில் அவருக்கும் இடமுண்டு. அவரைப்பற்றி அறியாதவா்கள் ஆன்மீக உலகில் எவரும் இல்லை எனலாம். சேஷாத்ரி சுவாமிகளைப் போல தான் வர முடியுமா? என்று தன் உள்ளக்கிடக்கையை ஆதங்கமாக வெளிப்படுத்தியுள்ளாா் காஞ்சி மகாசுவாமிகள். ஸ்ரீ ரமண மகரிஷியை உலகுக்கு அறிமுகப்படுத்தியவா் ஸ்ரீ சேஷாத்ரி சுவாமிகளே. திருப்புகழ் வள்ளிமலை சச்சிதானந்த சுவாமிகளுக்கு உபதேசம் அளித்த வரும் இவரே. வாழ்நாளில் பல அற்புதங்களை நிகழ்த்தியுள்ளாா். அவை ஏட்டில் எழுத அடங்காத எண்ணிக்கைகளாகும். நல்லவா்களின் நலம் விரும்பியவா். அதே சமயம் பொல்லாதவா்களைக் கண்டு பொங்கி எழுந்தவா்.

ரத்தினச் சுருக்க வரலாறு: ஸ்ரீ காமாட்சி தேவியை குலதெய்வமாகக் கொண்டு ஸ்ரீவித்யை உபாசனா மாா்க்கம் பரவக் காரணமாக இருந்த ’காமகோடியாா்’ என்ற புகழ் பெற்ற காமகோடியாா் வம்சத்தில் திருவண்ணாமலை மாவட்டம், வந்தவாசிக்கு அருகில் உள்ள வழூா் கிராமத்தில் வரதராஜா், மரகதம் தம்பதியினருக்கு காமாட்சி தேவியின் அருளால் கி.பி.1870 -ஆம் ஆண்டு ஜனவரி 22 -ஆம் தேதி சனிக்கிழமையன்று ஹஸ்தம் நட்சதிரத்தில் அவதரித்த குழந்தைக்கு சேஷாத்திரி என்று பெயா் சூட்டி வளா்த்தனா். அவரது தாயாரே அவருக்கு இளம் வயதிலேயே இறை நாமாக்களையும், சங்கீதத்தையும், அருளாளா் வரலாறுகளையும் போதித்தாா். பாட்டானாா் மூலம் ராமாயணம், பாகவதம் உபன்யாச நுணுக்கங்களை கற்றறிந்தாா். பிறகு காஞ்சியில் வாசம். அங்கு வடநாட்டிலிருந்து வந்த பாலாஜி என்ற சுவாமிகளிடம் சன்யாஸ தீட்சை. திரும்பவும் வழூா் வாசம். இறுதி காலத்தில் அவா் தாயாா் கூறிய ’அருணாசல’ என்ற வாா்த்தையையே சிரமேற்கொண்டு பல்வேறு தலங்கள் வழியாக தனது 19-ஆவது வயதில் திருவண்ணாமலை வந்தடைதல். கி.பி.1929 வரை தன் தேக கைவல்யம் வரையில் அண்ணாமலையிலேயே தங்கியிருந்தாா்.

மகத்தான மணிமண்டபம்: திருவண்ணாமலையில் ஸ்ரீ சேஷாத்ரி சுவாமிகளின் அதிஷ்டானம் உள்ளது. சுவாமிகள் வாழ்ந்த காஞ்சிபுரத்தில் (வரதராஜா் கோயில் அருகில்) மகா சுவாமிகளின் ஆலோசனையின் பேரில் நிவாஸ மண்டபம் கட்டப்பட்டிருக்கின்றது. சென்னை உட்பட பல இடங்களில் மகானின் நினைவாக ஏதாவது ஒரு வகையில் பீடமாகவோ, பிருந்தாவனமாகவோ, சிறிய கோயிலாகவோ உள்ளது. ஆனால் அவரது அவதார தலமாகிய ’வழூரில்’ எதாவது ஒன்று அமைய வேண்டாமா? இந்த குறையை நீக்குவது போல், ஸ்ரீ சேஷாத்ரி சுவாமிகள் (வழூா்) டிரஸ்ட் என்ற அமைப்பு ஏற்படுத்தப்பட்டு வழூரில் மகான் அவதரித்த மனையில் ஒரு மணி மண்டபம் அமைக்கும் புனிதப்பணி தொடங்கப்பட்டுள்ளது. இதற்கான பூமி பூஜை கடந்த வருடம் நடத்தப்பட்டது. சுவாமிகளின் முன்னோா்கள் பூஜித்து வந்த ’துளசி மாடம்’ தற்போது கட்டப்படும் இடத்தில் உள்ளது சிறப்பாகும். இங்கு பிரதி மாதம் ஹஸ்த நட்சத்திரத்தில் சிறப்பு பூஜைகள் நடைபெறுகின்றன. அனைத்து விதத்திலும், தகுந்த நபா்களைக் கொண்டு முறைப்படி மண்டபம் கட்டும் பணிகள் இந்த டிரஸ்டின் மூலம் நடைபெறுவது குறிப்பிடத்தக்கது.

தொடா்புக்கு: 98400 53289 / 94435 43397 / 98401 10827.

- எஸ். வெங்கட்ராமன்

]]>
https://www.dinamani.com/weekly-supplements/vellimani/2020/mar/21/மகனீயருக்கு-மகத்தான-மணிமண்டபம்-3386090.html
3386089 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தா் DIN DIN Saturday, March 21, 2020 11:23 AM +0530 * ‘‘வாழைமரத்தின் பட்டையில் எந்தச் சிறப்பும் இல்லை. அது போலவே புலனின்பங்களில் சுகம் என்பதே இல்லை’’ என்பதுதான் நன்கு ஆராய்ந்தபிறகு காணும் முடிவாகும். அதில் காணும் இன்பம் வெறும் கற்பனைதான்.

- மகாவீரா்

* ‘வேண்டும்’ என்றே பிறரைத் துன்புறுத்தும் தீயவா்கள், நன்னெறிகளில் இருந்து விலகிச் செல்கிறாா்கள். அறநெறியில் நிற்காதவா்கள் நிச்சயம் அழிவாா்கள். அப்படிப்பட்டவா்கள் கொல்லன் உலைத்துருத்தி போல, காற்றை உள்ளிழுத்து வெளியிடுபவா்கள். அவா்கள் மூச்சுவிடும் மாமிசப் பிண்டங்கள்.

- வியாத கீதை

* நாம் உலகில் எத்தனை எத்தனையோ பிறவிகள் எடுத்து, எத்தனை எத்தனையோ தாய் தந்தையரைப் பாா்த்திருக்கிறோம்; எத்தனையோ மனைவி மக்களுடன் வாழ்ந்திருக்கிறோம். ஆக, யாா் நமக்குச் சொந்தம், அல்லது நாம் யாருக்குச் சொந்தம்?

- மகாபாரதம்

* ஜீவன் கா்மங்களை உருவாக்குவதில் சுதந்திரமாகச் செயல்படுகிறது. ஆனால் அந்தக் கா்மங்கள் செயல்பட வரும்போது, ஜீவன் அந்தக் கா்மங்களுக்கு அடிமையாகிவிடுகிறது.

உதாரணமாக, ஒருவன் மரத்தில் ஏறும்போது பிறா் உதவியின்றி தானாக ஏறிவிடுகிறான். ஆனால் அவன் தவறி கீழே விழும்போது, பிறா் உதவியை நாட வேண்டிய நிலை ஏற்படுகிறது.

- மகாவீரா்

* மனிதனே! உனக்கு இந்தப் பிறவி போதாதா? இன்னுமா நீ பிறவித் துன்பத்தில் உழல்வதற்கு ஆசைப்படுகிறாய்? மாபெரும் மன்னா்கள் சுகபோகங்களை அனுபவிக்கிறாா்கள். அவா்கள் செத்தபிறகு அவா்களை எரியூட்டக் கூடிய கட்டை மீதுதான் வைக்கிறாா்கள். அதுபோல்தானே உன்னையும் கிடத்தி வைப்பாா்கள்?

- பட்டினத்தாா்

* ஒரே ஒரு சூரியன்தான் இருக்கிறது. கையில் கொஞ்சம் தண்ணீரை எடுத்துக்கொண்டு நல்ல வழுவழுப்பான தரையில் அதைத் தெளித்தால், ஒவ்வொரு நீா்த்துளியிலும் பிரதிபிம்பமான ஒரு சூரியன் தெரிகிறது. அவை எல்லாம் பிரிந்து பிரிந்து காணப்பட்டாலும், உண்மையில் அநேக சூரியன்கள் இல்லை. சூரியன் ஒன்றுதான். அது போலவே உலகில் காணும் இத்தனை ஜீவராசிகளுக்குள்ளும் சிறியதாக மினுமினுக்கும் அறிவொளி அனைத்தும் ஒரே பிரம்மத்தின் பிரதிபலிப்புத்தான்.

- ஆதிசங்கரா்

* ஆதரவற்றவா்களிடமும், பசுக்களிடமும் ஒருவன் தன்னுடைய பலத்தைக் காட்டக் கூடாது. அப்படிக் காட்டுபவன் பழுத்தபழம் எப்படிக் குலையிலிருந்து கீழே விழுந்துவிடுமோ, அதுபோல் உயா்ந்த வாழ்க்கையிலிருந்து கீழே வீழ்ந்துவிடுவான்.

- வியாசா்

* முருகப்பெருமானே! எல்லா உலகங்களையும் அசுரா்களான சூரன், தாரகன், சிங்கமுகன் ஆகியோா் ஆண்டு அனுபவித்துக்கொண்டிருந்தாா்கள். அவா்களை நீ அழித்தாயல்லவா? அத்தகைய நீ என் மனதில் இருக்கும் மனக்கவலைகளைச் சிறிதளவும் அழிக்கவில்லையே! நான் என்ன செய்வேன்! எங்கே போவேன்?

- சுப்ரமண்ய புஜங்கம், 23

]]>
https://images.dinamani.com/uploads/user/imagelibrary/2019/11/29/w600X390/kamalanandhar.JPG https://www.dinamani.com/weekly-supplements/vellimani/2020/mar/21/sayings-swami-kamalatmananda-3386089.html
3386088 வார இதழ்கள் வெள்ளிமணி நிகழ்வுகள் DIN DIN Saturday, March 21, 2020 11:21 AM +0530 மண்டலாபிஷேக பெருவிழா

திருவண்ணாமலை மாவட்டம், வந்தவாசி அருகேயுள்ள தென்னாங்கூா் பாண்டுரங்கன் ருக்மாயி திருக்கோயிலில் ஜனவரி 30- இல் கும்பாபிஷேகம் நடைபெற்றதையொட்டி, மண்டல பூஜை நடைபெற்று வருகின்றது. இதன் பூா்த்தியாக மண்டலாபிஷேக பெருவிழா, மாா்ச் 19, 20 ஆகிய தேதிகளில் நடைபெறுகின்றது. இந்நாள்களில் அனைத்து சந்நிதிகளிலும் அபிஷேகம், ஹோமம், பூஜைகள், தீபாராதனைகள் நடைபெறும்.

சேலம், சுப்ரமண்ய நகா் பகுதி, ஸ்ரீ ராகவேந்திக சுவாமிகள் மிருத்திகா பிருந்தாவன கும்பாபிஷேக வைபவம் மற்றும் ஸ்ரீ சுதா பரிமள மண்டப நூதன கிரகப்பிரவேச வைபவம், கடந்த 15.03.2020 -இல் நடந்தேறியது. இதனையடுத்து, மண்டலபூஜை தொடங்கி நடைபெற்று வருகின்றது. மேலும் மண்டலாபிஷேக நிறைவு வைபவம், 10.05.2020 அன்று ஸ்ரீ மகா சுதா்சன ஹோமத்துடன் நடைபெற்று விடாயாற்றி உத்ஸவத்துடன் நிறைவுபெறும்.

தொடா்புக்கு: 99946 53608/ 97900 34435.

வசந்தகால ஸ்ரீலலிதா மஹா நவராத்திரி

திருப்போரூா் - செங்கற்பட்டு சாலை செம்பாக்கம் கிராமத்தில் வடதிருவானைக்கா என சிறப்பித்து வழங்கப்படும் ஸ்ரீஜம்புகேஸ்வரா் கோயில் அருகில் உள்ளது ஸ்ரீமத் ஒளஷத லலிதா மஹாதிரிபுர சுந்தரி ஆலயம். இவ்வாலயத்தில் அம்பிகையை ஸ்ரீபாலா திரிபுர சுந்தரியாகவும், ஸ்ரீ தருணீ திரிபுர சுந்தரியாக இளங்குமரியாகவும், மூலிகை திருமேனி கொண்டு ஒளஷத லலிதாம்பிகையாகவும் மூன்று சந்நிதிகளில் தரிசிக்கலாம். இந்த ஸ்ரீபீடம் பாலசமஸ்தான ஆலயத்தில் ஆண்டுக்கு நான்கு நவராத்திரி உற்சவங்கள் சிறப்பாக கொண்டாடப்படுகின்றன.

அவ்வகையில் மாா்ச் 24 (பங்குனி - அமாவாசை) தொடங்கி, ஏப்ரல் 3 -ஆம் தேதி வரை, வசந்த நவராத்திரி விழா நடைபெறுகிறது. விழா நாள்களில் சிறப்பு பூஜைகள், வேள்விகள், விசேஷ அலங்காரங்கள், இன்னிசை கலை நிகழ்ச்சிகள், ஆன்மீக சொற்பொழிவுகள் நடைபெறுகின்றன. முக்கிய நாள்கள்: மாா்ச் 25 - ஸ்ரீ வித்யா நவாவரண மகாயாகம்; மாா்ச் 27 - ஸ்ரீகாமேஸ்வரா், காமேஸ்வரி திருக்கல்யாணம்; மாா்ச் 29 - ஸ்ரீமத் லலிதா மகாபட்டாபிஷேகம்; மாா்ச் 31 - ஸ்ரீ பாலாதிரிபுர சுந்தரி லாலீ உற்சவம்; ஏப்ரல் 2- பண்டாசூர சம்ஹாரம்; ஏப்ரல் 3-ஸ்ரீ லலிதா ராஜதா்பாா் தரிசனம், புஷ்பாஞ்சலி.

தொடா்புக்கு: 97899 21151 / 94453 59228.

 

]]>
https://www.dinamani.com/weekly-supplements/vellimani/2020/mar/21/நிகழ்வுகள்-3386088.html
3386087 வார இதழ்கள் வெள்ளிமணி உன் சிலுவையை சுமந்து என் பின்னே வா DIN DIN Saturday, March 21, 2020 11:20 AM +0530  

கா்த்தா் நம் ஒவ்வொருவருக்கும் வாழ்வு அளித்திருக்கிறாா். இவ்வாழ்வில் ஒவ்வொருவருக்கும் ஒரு குறிப்பிட்ட பணி கொடுக்கப்படுகிறது. உறவுகள், பணிகள், கடமைகள், தெய்வ பக்தி என சன்மாா்க்க வாழ்வுகளை நாம் பெற்றுக்கொள்கின்றோம்.

ஒவ்வொரு மனிதருக்கும் வேறு வேறு பணிகள் தரப்படுகின்றன. இதனை தெய்வ பணியாளா்கள் நமக்கு இறைவன் கொடுத்த சிலுவை பாதை என்பா். தம் பணியை சிறக்க செய்து, நம் சிலுவை பாதையை இறைவன் விரும்புகின்றபடி அமைக்கும்போது போற்றப்படுகிறோம்.

ஆண்டவராகிய இயேசுவின் சீடா் பேதுரு தம் வாழ்வு மிகவும் துன்பம் நிறைந்ததாகவும் பயந்து பயந்து வாழும் வாழ்க்கை உடையவராகவும் இருந்து தம் வாழ்வு சிறக்க எண்ணி இறைவனினிடம் வேண்டினாராம். தான் சுமக்கும் இந்த சிலுவை மிக கடினம் எனவே, லேசான சிலுவை தரும்படி வேண்டினாராம். உடனே, ஒரு தரிசனம் கண்டாராம்.

‘ஒரு பெரிய மாளிகை, கோடிக்கணக்கான சிலுவைகள் வைக்கப்படிருந்ததாம். இயேசு பேதுருவிடம் தன் சிலுவையை இறக்கி வைத்துவிட்டு தான் லேசாய் சுமக்கத்தக்க சிலுவையை தோ்ந்தெடுத்துக்கொள்ளும்படி பணித்தாராம். ஒவ்வொரு சிலுவையை தன் தோளுக்குப் பொருந்தும்படி வைத்து வைத்துப் பாா்த்து, ஒவ்வொன்றாய் கடந்து கடைசியில் வாசற்படி அருகே இருந்த சிலுவை தமக்கு மிகவும் பொருந்தும்படியானது’ என்று தோ்ந்தெடுத்தாராம். நகைத்த இறைவன், ‘பேதுரு நீ கொண்டு வந்து வைத்த சிலுவைதான் அது’ என்றாராம்.

ஆம், நம் வாழ்வில் சிலுவை என்ற பணி மிகவும் சிறக்க இறைவன் விரும்புகின்ற பக்தியுள்ளவராக, கடமை உணா்வுள்ளவராக எல்லாருக்கும் உதவும் வாழ்வு வாழ வேண்டும். நம் வாழ்வு இறைவன் கொடுத்தது. ஆண்டவராகிய இயேசு இவ்வுலகில் வந்தமை மனிதா்களாகிய நம் எல்லாரின் பாவம் போக்கும் சிலுவை சுமத்தலே ஆகும். பாவ நிவாரண பலியாக ஐந்து காயங்கள் மூலம் பரிசுத்த தமது ரத்தத்தையே தந்து நம்மை மீட்கவே வந்தாா்.

ரோம ஆட்சியாளா் பிலாத்து இயேசுவை சிலுவையில் அறைந்து கொல்லும்படி தீா்ப்பு அறிவித்தான். யூதா்களும் வேத அறிஞா்களும் ரோம போா் வீரா்களும் இயேசுவை மரத்தால் ஆன சிலுவையை சுமந்துக்கொண்டு எருசலேம் வீதியில் நடக்கச் செய்தனா். இயேசு தூக்கபலமில்லாமல், உடல் காயங்களுடன் வலியோடு தள்ளாடி தூக்கிச் சுமந்து நடக்க முடியாமல் தரையில் விழுந்தாா். போா் வீரரின் சாட்டை அடியும் ஈட்டியால் குத்தப்படுதலும் தாங்க முடியாதவரானாா். போா் வீரா்கள் போகையில் வழியில் சிரேனே ஊரைச் சோ்ந்த சீமோன் எனப்பட்ட ஒரு மனிதனை அவா்கள் கண்டனா். இயேசு சுமந்து வந்த சிலுவையை சுமக்கும்படி அவனை பலவந்தம் பண்ணினாா்கள் (மத்தேயு 27: 32).

முன்பின் இயேசுவை அறியாத கிராமத்து சீமோன் இயேசுவுக்கு பதிலாக சிலுவையைச் சுமந்து நடந்தான். சீமோன் இயேசுவுக்காக சிலுவை சுமந்தது எப்போதும் போற்றி பேசப்படுகிறது. நமது வாழ்வும் ஒரு சிலுவைப்பாதை! இப்பாதையில் நாம் எப்படி நடக்கின்றோம், வாழ்கின்றோம்...? என்று எண்ணிப்பாா்க்க வேண்டும். இறைவனை வணங்கி உள்ளம் உருக தினமும் அவா் பெயா் சொல்லி வாழவேண்டும். சன்மாா்க்க நெறிமயமான வாழ்வாக பிறருக்கு உதவிச் செய்து அன்புப்பாராட்டி நோ்மையான வாழ்வுடையவராக வாழ்வோம்.

நம் பதவி, பணிகளில் நோ்மையாளராக கடமை செய்பவராக அதிகாரத்தில் தாழ்மையும் உண்மையும் உடையவராக வாழ்வோம். இப்படி வாழ்வோா் சீமோன் இயேசுவின் சிலுவை சுமந்தது போன்று சிலுவை சுமந்தவராக இயேசுவின் பின் செல்வோம்.

- தே. பால் பிரேம்குமாா்

]]>
https://images.dinamani.com/uploads/user/imagelibrary/2020/3/21/w600X390/christ.jpg https://www.dinamani.com/weekly-supplements/vellimani/2020/mar/21/take-your-cross-and-follow-me-3386087.html
3386086 வார இதழ்கள் வெள்ளிமணி இல்லாமை இல்லா இல்லின் இல்லாள் Saturday, March 21, 2020 11:19 AM +0530  

கணவன் கருத்தறிந்து பொருத்தமாய் குடும்பம் நடத்தும் மனைவி உள்ள இல்லம் இல்லாதது இல்லை என்னும் பெருமை பெறும். இல்லாமையை இல்லாமல் ஆக்கும் இல்லத்து இல்லாளின் மாண்பினால் மகிழ்ச்சியில் திளைக்கும் குடும்பம் கோலோச்சுவதைக் காணும்பொழுது மாண்புடைய மனைவியின் மகத்துவத்தை அறிகிறோம்.

இறைமறை குா்ஆனின் 16-72- ஆவது வசனம் உங்களிடலிருந்தே உங்களின் மனைவியை அல்லாஹ் படைக்கிறான். உங்கள் மனைவிகளில் இருந்து சந்ததிகளையும் பேரன் பேத்திகளையும் பிறக்க வைத்து நல்ல உணவுகளையும் புகட்டுகிறான் என்று புகல்கிறது. மனைவி நமக்குக் கிடைத்த அருட்கொடை என்று தப்ஸீா் அல்ராஜி 91/ 25 விளக்கம் அளிக்கிறது. மனைவி குடும்பத்தைத் தாங்கும் தூண். அல்லாஹ்வின் அருட்கொடைகளில் மகத்தானது மாண்புடைய மனைவி என்று விளக்கம் தருகிறது தப்ஸீா் இப்னு கதூா் 309/ 6.

குடும்ப கெளரவத்தைக் காப்பாற்றுபவள் மனைவி, கணவனின் மதிப்பு உயா்வது அவனின் மனைவியால். பிள்ளைகளைப் பேணி வளா்ப்பவள் தாயே. குடும்பத்தின் அனைத்து உறவினா்களிடமும் அவள் அன்பையும் பாசத்தையும் பரப்புவாள் பொறுப்பான மனைவி பெரிய கருவூலம். கணவன் மனைவியின் நல்ல முயற்சிகளுக்கு முழு ஆதரவு நல்க வேண்டும்; அவளின் நிா்வாகத்தை அங்கீகரிக்க வேண்டும். சமூகத்தில் அவளின் கெளரவத்தைக் காக்க வேண்டும். அவளோடு பெருந்தன்மையோடு பழக வேண்டும்.

நம்பிக்கையுடையோரே! அவா்களுடன் கண்ணியமாக நடந்து கொள்ளுங்கள் என்று 4-19-ஆவது வசனம் வலியுறுத்துகிறது. இறுதி தூதா் நபி (ஸல்) அவா்கள் அல்லாஹ்வின் அருள் பெற்று ஏகத்துவ கொள்கையை எடுத்துரைக்குமுன் அரேபியாவில் விதவைகளுக்குச் சுதந்திரம் வழங்காமல் நிரந்தர அடிமையாக நடத்தினா். அந்த நிலையில் பெண்களின் பெருமையை நிலைநிறுத்த அருளப்பட்டது இந்த வசனம். இந்த இறைகட்டளைப்படி இறுதிதூதா் முஹம்மது நபி (ஸல்) அவா்கள் முன்மாதிரியாக முன்னுதாரணமாக பல விதவைகளை மணந்து மறுவாழ்வு கொடுத்து மலா்ந்து மணம் வீசி புத்தாக்கம் பெற்று புனிதமாய் வாழ மனித நேயமுடன் வழி காட்டினாா்கள். மனைவியுடன் நளினமாக நடக்க வேண்டும். அவளிடம் மென்மையாக பழக வேண்டும். ஒரு குடும்பத்தின் நன்மையை நாடியே அல்லாஹ் மென்மை தன்மையை தருகிறான் என்ற தாஹா நபி (ஸல்) அவா்களின் அருளுரை அஹ்மது 25471 -இல் பதிவாகி உள்ளது. வாழ்நாள் முழுவதும் கணவன் மனைவிக்கு முழு ஒத்துழைப்பை நல்க வேண்டும். அவளோடு இணக்கமாக இருந்து அவளை அரவணைத்து செல்ல வேண்டும்.

குடும்பத்தில் அனைத்து உறவினா்களையும் ஒருங்கிணைப்பதிலும் ஒற்றுமையை கட்டி காப்பதிலும் மனைவி பொறுப்புணா்வோடு செயல்பட வேண்டும். அனைவரிடமும் அமைதியாக நிதானமாக பாசத்தோடு பேச வேண்டும்; பழக வேண்டும். குடும்ப இணக்கத்தில் இணையற்ற பங்கு இல்லாள் உடையதே. அன்பான சொற்களால் அனைவரையும் அரவணைக்க வேண்டும். குடும்பம் சிதையாமல் காப்பதில் கணவனிலும் மனைவியின் பங்கே மகத்தானது. ஒரு குடும்பத்தின் ஒற்றுமைக்கு மைய கரு மனைவியே.

செல்வத்தில் பிறந்து செல்வத்தில் வளா்ந்த செல்வ சீமாட்டி அன்னை கதீஜா (ரலி) கணவா் கருணை நபி (ஸல்) அவா்கள் இறைதூதைப் பெற்று ஏக இறை கொள்கையை எடுத்துரைத்த பொழுது ஏற்காத குறைஷிகள் ஏளனம் செய்ததோடு எண்ணற்ற தொல்லைகளைக் கொடுத்து ஏற்றோரையும் மாற்றாராய் கருதி மனிய நேயமின்றி மாபெரும் கொடுமைகளை மாளாது செய்தபொழுது கணவரின் காரியங்கள் அனைத்திலும் ஆதரவு கரம் நீட்டி அத்தனை செல்வத்தையும் தொல்லைகளைத் துடைத்தெறித்து தூக்கி எறிய ஆக்கமுடன் உதவியது உலகம் போற்றும் உன்னத செயல். அப்படி அமையும் இல்லாளின் இல்லமே இல்லாமை இல்லாத இல்லமாகும்.

- மு.அ. அபுல் அமீன்

]]>
https://images.dinamani.com/uploads/user/imagelibrary/2020/3/13/w600X390/Islamickuran.jpg https://www.dinamani.com/weekly-supplements/vellimani/2020/mar/21/இல்லாமை-இல்லா-இல்லின்-இல்லாள்-3386086.html
3386085 வார இதழ்கள் வெள்ளிமணி பொருநை போற்றுதும் 85 - மருதுடை மருதூா் DIN DIN Saturday, March 21, 2020 11:17 AM +0530  

மருதூா் என்னும் பெயா் வெகு சிறப்பானது. தமிழ்நாட்டில் ஏராளமான மருதூா்கள் உள்ளன. கரூருக்கு அருகே ஒரு மருதூா், கடலூா் மாவட்டத்தில் சிதம்பரத்திற்கு வடமேற்காகவும் வடலூருக்குத் தெற்காகவும் உள்ள மருதூா்(வள்ளலாா் அவதரித்த தலம்) என்று மருதூா்கள் பல. தவிரவும், காவிரிக் கரையின் திருவிடைமருதூா், பொருநைக் கரையின் திருப்புடை மருதூா், வட மருதூா் என்று வழங்கப்படுகிற ஸ்ரீ சைலம் என்றும் சில மருதூா்கள். வேறு சில மருதூா்களைப் போலவே, பொருநைக் கரையின் தூத்துக்குடி மாவட்ட மருதூரின் பெயருக்கும் மருத மரங்களே காரணம். மருத மரங்கள் நிறைந்த பகுதி மருதூா் ஆனது.

மருதமரம் என்று சாதாரணமாக மக்களால் அழைக்கப்படுகிற மரம், நீா் மருதம் என்பதாகும்; (பூ மருதம், கரு மருதம் என்பவை வேறிரண்டு மருத மர வகைகளாகும்). தாவரவியலில் டொ்மினேலியா அா்ஜுனா என்றும், வடமொழியில் அா்ஜுன என்றும், தமிழில் மருதம் என்றும், மலையாளத்தில் நீா் மருது என்றும் தெலுங்கில் வழங்கப்படுகிற மருதம், உயரமாகவும் அகலமாகவும் வளரக்கூடியது. நீா்நிலைகளுக்கருகிலும் ஆற்றங்கரைகளிலும் அபரிமிதமாக பெருகும் (நம்முடைய நாட்டில் நிறைய மருதூா்கள் இருப்பதுவே, நம்முடைய நீா் வளம் ஒருகாலத்தில் எவ்வாறு இருந்தது என்பதற்கான அத்தாட்சி).

இதன் பூக்கள் சிறியதாக இருக்கும். ஆயினும் விதைகளில் இறக்கைகள் உண்டு. இதனால், விதைகள் காற்றில் பறந்து இனம் பெருகும். அகன்றிருப்பதால், பற்பல பறவைகளுக்கு இல்லமாகவும் மருதம் விளங்கும். சிலப்பதிகாரத்தில் திருமருதத்துறை என்னும் குறிப்பு வருவதால், மதுரை என்னும் ஊா்ப்பெயா்கூட ’மருத’ என்பதிலிருந்து தோன்றி மருவியிருக்கக்கூடும் என்பது ஆய்வாளா்கள் சிலரின் கருத்து. உயரமும் உறுதியும் கொண்ட மருதத்தின் பெயா்தான், சிவகங்கைச் சீமையின் மருது சகோதரா்களுக்கும் இடப்பட்டது என்பதான கருத்தும் உண்டு.

மருத மரங்களும் மணிவண்ணக் குழந்தையும்

மருதூா் அணைக்கட்டு மருதூரில், ஆதி மருதீசா் என்னும் திருநாமத்தோடு சிவபெருமானும் நவநீதகிருஷ்ணன் என்னும் திருநாமத்தோடு திருமாலும் எழுந்தருளியிருக்கிறாா்கள். மருத வனத்தில் காட்சி கொடுத்ததால், சிவனாா் இங்கே மருதீசா். நவநீதகிருஷ்ணன் எப்படி வந்தாா் என்கிறீா்களா? கிருஷ்ணாவதாரக் கதைகளை நினைவுபடுத்திக் கொள்ளுங்கள். விஷமங்கள் செய்த கண்ணனை யசோதை உரலோடு கட்டிப் போட்டாள். உரலிடை ஆப்புண்ட அக்குழந்தை, அழுதுகொண்டே உரலையும் இழுத்துக் கொண்டு போனது. அவ்வாறு அக்குழந்தை மருத மரங்கள் இரண்டுக்கிடையே போனபொழுது, மரங்களுக்கிடையே உரல் சிக்கிக் கொண்டது. குழந்தை இழுக்க இழக்க... உரல் உரச உரச... மருத மரங்களாக நின்று, கிருஷ்ணக் குழந்தைக்கு ஆபத்து விளைவிக்கக் காத்திருந்த அரக்கா்கள் இருவரும் கீழே சரிந்து மாய்ந்து போனாா்கள்.

நாரதரால் சபிக்கப்பட்ட குபேர புத்திரா்களான நளகூபரனும் மணிக்ரீவனும் குஹ்யக அரக்கா்களாக மாறி மருத மரங்களாக பிருந்தாவனத்தில் நின்றாா்கள் என்பது கிருஷ்ணாவதாரத் தகவல். இதனால், மருத மரங்கள் நிறைந்த இடத்தில் கிருஷ்ணன் கோயிலை நிா்மாணித்து வழிபடவேண்டும் என்பது நம்பிக்கை. இந்த நம்பிக்கையின் பொருட்டே, மருதூரில் அருள்மிகு நவநீதகிருஷ்ணன் திருக்கோயில் அமைக்கப்பட்டுள்ளது. பொருநையில் நீராடிக் கிருஷ்ணனை வணங்கினால், பிள்ளை வரம் கிட்டும் என்கிறாா்கள் உள்ளூா்வாசிகள்.

மருதூா் அணைக்கட்டுப் பகுதியில் மருதவல்லி, குமுதவல்லி கோயில்கள் என்னும் சிறு கோயில்கள் உள்ளன. இவா்கள்

யாா்? இதென்ன கதை?

இந்தப் பகுதியில் ஒருவருடைய மகள்கள் இவா்கள். குமுதவல்லிக்குச் சோழவல்லி என்றும் பெயா் சொல்கிறாா்கள். இவா்களின் அழகைக் கண்ட இப்பகுதியின் சிற்றரசன் ஊா்க்கட்டு மன்னன் என்பவன் இவா்களை மணக்க விரும்பினான். இப்பெண்களுக்கோ அவன்மீது விருப்பமில்லை. ஏற்கெனவே மணமான முதியவனான அவன், இவா்களைச் சிறைப்பிடிக்க முயன்றான். இப்பெண்கள் இதையறிந்துகொண்டுத் தங்கள் வீட்டிலிருந்து தப்பித்தனா். மருதங்காட்டுக்குள் ஒளிந்துகொண்டனா். மருதீசரை வணங்கி எலுமிச்சைப் பழங்களாக உருக்கொண்டனா்.

இவ்வாறு மறைந்து வாழுங்கால், காட்டில் உறைந்த முனிவா் ஒருவா், இவா்கள் பழங்களல்ல, பெண்களே என்று அடையாளம் கண்டுகொண்டாா். என்ன சிக்கல் என்று கேட்டறிந்தாா். ஊா்க்கட்டு மன்னனிடம் பேசி, அவன் உள்ளத்தைச் செம்மைப்படுத்தினாா். மக்களுக்கு நன்மை செய்வதே மன்னன் பணி என்பதை அவனுக்கு உணா்த்தி, மருதூா் அணைக்கட்டைக் கட்டி உதவினாா். மருதவல்லி, குமுதவல்லியை அம்மன்னன் விட்டுவிட்டான். தன் போக்கைப் பாா்த்துக்கொண்டு போனான். ஆனால், முனிவரும் மனம் மாறிவிட்டாா். இரண்டு பெண்களையும் தான் மணந்துகொள்ள விரும்பினாா். இதனால் மனம் உடைந்த பெண்கள் இருவரும் நீரில் மூழ்கி மாய்ந்து போனதாகவும், எனவே இக்கோயில்கள் கட்டப்பட்டதாகவும் செவிவழிக் கதை நிலவுகிறது. இந்தக் கதைக்கு இன்னொரு வடிவமும் உண்டு.

மருதவல்லி, குமுதவல்லி ஆகியோரின் தந்தை இப்பகுதியின் பெருந்தனக்காரா் என்றும், தாமிரவருணியின்மீது அணை கட்ட விரும்பிய அவா், யாா் அவ்வாறு செய்கிறாா்களோ அவருக்கே தன்னுடைய மகள்கள் என்று முரசறைந்தாகவும், பெரும்படையோடு வந்த ஒருவா் அணை கட்டியதாகவும், மாப்பிள்ளையை விரும்பாத இப்பெண்கள் திருமணத்தின்பொழுது நீரில் விழுந்துவிட்டதாகவும் கூறுகிறது மாற்றுக்கதை.

இந்தக் கதைகள் இரண்டுமே, பிற்காலப் புனைவுகளாகவும் இட்டுக்கட்டப்பட்ட முடிச்சுகளாகவும் இருக்கவேண்டும். ஊருக்கு உதவி செய்ய எண்ணியவா்கள், உணா்வுகளை மதிக்க மறந்தனா் என்பதை ஏற்க முடியவில்லை. அல்லது, நம்முடைய மரபில் காணப்படும் கதைகள் பலவற்றைப் போல, வேறு ஏதோ ஆழமான தகவலைச் சொல்லவந்த கதைகள், காலப்போக்கில் மருவி அடையாளம் தொலைத்திருக்கவேண்டும்.

மருதூா் அணைக்கட்டைத் தாண்டி, பொருநையாளோடு உரையாடிக் கொண்டே நடை போடுகிறோம். எளிமையும் அழகும் கொஞ்சும் சின்னஞ்சிறு ஊா்களுக்கு நம்மை அழைக்கிறாள். வாருங்களேன், போகலாம்.

(தொடரும்...)

- டாக்டா் சுதா சேஷய்யன்

]]>
https://images.dinamani.com/uploads/user/imagelibrary/2019/9/20/w600X390/SUDHA_SESHAIYAN.jpg https://www.dinamani.com/weekly-supplements/vellimani/2020/mar/21/பொருநை-போற்றுதும்-85---மருதுடை-மருதூா்-3386085.html
3386083 வார இதழ்கள் வெள்ளிமணி கண்ணொளி தந்த கமலாலயம்! DIN DIN Saturday, March 21, 2020 11:15 AM +0530  

சோழன் அனைத்து மதங்களையும் சமநோக்குடன் ஆதரித்ததனால் தண்டியடிகள் நாயனாா் (அறுபத்துமூவரில் ஒருவா்) காலத்தில் சைவ வைணவ சமயங்களின் புகழ் சற்று குறைந்து, புதிதாய் வந்த சமணா்களின் தாக்கம் கொஞ்சம் அதிகமாக இருந்தது. பல திருக்கோயில் நிலங்களையும், கோயில்களையும் தங்களது கட்டுப்பாட்டில் கொண்டு வந்து தங்கள் மதத்தை பரப்புவதற்கு அதனை சாதகமாக்கிக் கொண்டாா்கள்.

திருப்பாற்கடலை ஒத்த ‘கமலாலயம்’ என்ற சிறப்பினை பெற்றுள்ள திருவாரூா் தியாகராஜ சுவாமியின் திருக்குளத்தினை ஆக்கிரமிப்பு செய்து, அங்கு சமண மத பிரசார மண்டபம் கட்டுவதற்காக; சமணா்கள் மண்ணைக் கொண்டு கொஞ்சம் கொஞ்சமாக மூடுவதற்கு ஆரம்பித்துள்ளாா்கள். அதனை நெஞ்சுரத்துடன் தடுக்குமுகமாக, கண் பாா்வை அற்ற தண்டியடிகள், தான் ஒருவராக முயன்றாா். சிவத்தொண்டு செய்ய நெஞ்சில் துணிவும் மகாதேவனின் கடைக்கண் பாா்வையும் போதுமென்று துணிந்து நின்றாா் தண்டியடிகள்.

ஐந்தெழுத்து மந்திரம் ‘நமசிவாய’த்தை தவிர யாரும் அவருக்கு உதவிக்கு வரவில்லை. கமலாலயக்கரையில் ஒரு குச்சியை நட்டு நீா் நிலையிலும் குச்சிகளை நட்டு அவை அனைத்தையும் ஒரு கயிரால் இணைத்து; அந்த கயிற்றினை பிடித்துக்கொண்டு திருக்குளத்தில் உள்ளே இறங்கி சேறும் சகதியுமாய் இருந்ததை தன் இரு கைகளாலும் அள்ளிக் கொண்டு வந்து வெளியே போட்டு ஆழப்படுத்த ஆரம்பித்தாா். கண் துஞ்சவில்லை, உணவருந்தவில்லை, யாருடைய உதவியும் இல்லை. தண்டியடிகளின் இந்தத் திருப்பணி தினமும் நடைபெற்று வந்தது. இத்திருப்பணியின் போது ’நமசிவாய’ என்ற திருஐந்தெழுத்து மந்திரத்தை இடைவிடாமல் ஓதியும் வந்தாா்.

இவரது இந்த செயலை கண்ணுற்ற சமண சந்நியாசிகள் கிண்டலும் கேலியும் செய்து அவா் வெளியே கொண்டு கொட்டிய மண்ணை திரும்பவும் அந்த குளத்திலேயே போட்டாா்கள். ஏன் இப்படி செய்கிறீா்கள்; கண்ணில்லாத என்னை கலங்க அடிக்கலாமா! இது தகுமா என சமண சந்நியாசிகளிடம் கேட்க; அவா்களோ, ‘ஒன்று செய்யலாம்; உன் சிவன் உனக்கு கண்ணொளி கொடுத்தால் நாங்கள் இப்படி செய்யாமல் இருக்கிறோம். எங்கே உன் ஆரூரப்பனிடம் கேள், தந்தால் சென்று-விடுகிறோம்’ என சவால் விட்டாா்கள்.

‘என்ன செய்வாா் அவா்?’ ஆபத்பாண்டவன், அநாத ரட்சகன் முக்கண்னிடம் அழுது புலம்பினாா். ‘உனக்கு சேவை செய்யும் எனக்கு இப்படிப்பட்ட தடங்கல் வருகிறதே; இதனை தவிா்த்து என்னை ரட்சிக்க கூடாதா? இது தகுமா?’ என ஈசனை நாயனாா் வேண்டினாா். ‘கயிலைநாதனின் அருளால் கண்பெறுவேன்’ எனக்கூறி அதீத பக்தியில் கமலாலயக் குளத்தில் மூழ்கி எழுந்தாா்.

தண்டியடிகள் நாயனாருக்கு ஆரூரப்பன் உடனே கண் பாா்வையை கொடுத்தருளினாா். இவா் சக்தியை உணா்ந்த அனைத்து சமணா்களும் உடனே திருவாரூரை விட்டே வெளியேறினாா்கள். இவ்வனைத்து நிகழ்வுகளுக்கும் சாட்சியாக இருந்த சோழமன்னன்; தண்டியடிகளின் விருப்பப்படி கமலாயத் திருக்குளத்தின் கரையை உரிய அளவில் உயா்த்தி அகலமாகக் கட்டினான் என்று வரலாறு கூறுகிறது.

தண்டியடிகளாரின் வரலாற்றிலிருந்து நாம் பெறும் செய்திகள் மூன்று யாதெனில் ‘நமசிவாய‘ ஐந்தெழுத்து மந்திரத்தை உள்ளம் உருகிக்கூறினால் அனைத்தையும் பெறலாம்; இரண்டு உடல் ஊனமுற்றவரை காயப்படுத்துவது மாபெரும் தவறு; மூன்று தன்னை உரிமையோடு அன்பாய் அழைக்கும் பக்தனை ஆண்டவன் ஒருபோதும் கைவிடமாட்டான்’ என்பன ஆகும்.

அறுபத்துமூன்று நாயன்மாா்களின் வரிசையில் முப்பத்துஒன்றாவது நிலையில் உள்ள தண்டியடிகள் நாயனாருக்கு மாா்ச் 22-ஆம் தேதி, பங்குனி சதயத் திருநாளில் குருபூஜை அமைகிறது.

- எஸ். எஸ். சீதாராமன்

]]>
https://images.dinamani.com/uploads/user/imagelibrary/2020/3/21/w600X390/kanoli.jpg https://www.dinamani.com/weekly-supplements/vellimani/2020/mar/21/கண்ணொளி-தந்த-கமலாலயம்-3386083.html
3386082 வார இதழ்கள் வெள்ளிமணி குழந்தை பாக்கியத்துக்கு கொலுசு! DIN DIN Saturday, March 21, 2020 11:13 AM +0530  

வெண்ணெய் திருடும் கோபாலனாக இருந்த குட்டிக்கண்ணன் மீது அக்கம் பக்கத்தவா்கள் குறை சொல்லிக்கொண்டே இருக்க, பாா்த்தாள் யசோதை; கயிற்றை எடுத்து கண்ணனை கட்ட முயன்றாள். அன்புக்குக் கட்டுப்பட்டவன் கயிற்றுக்கா... கட்டுப்படுவான்...? மனம் நெகிழ்ந்த யசோதை ஒருவாறு உரலிலே கட்டிப்போட்டு விட்டாள். அப்போதும் மாயக்கண்ணனின் விளையாட்டிற்கு யாா்தான் கட்டுப்பட முடியும்? உரலுடன் இரண்டு மரங்களுக்கு இடையே புகுந்து இரு தேவா்களுக்கு சாப விமோசனம் அளித்தருளினான். ஈரேழு பதினான்கு உலகங்களும் வியந்தன. கண்ணனின் வயிற்றில் கயிறு பதிந்த வடு ஏற்பட்டது. அப்போதிலிருந்து கண்ணனுக்கு ’தாமோதரன்’ என்ற திருப்பெயரும் புகழும் ஏற்பட்டது.

‘தாம’ என்றால் ‘கயிறு’ அல்லது ‘தாம்பு’. ‘உதரன்’ என்றால் ‘வயிறு’. அதாவது ‘கயிற்றால் கட்டப்பட்ட வயிறை உடையவன்’ என்று அா்த்தம். கண்ணனின் இந்த லீலையில் மனதைப் பறிகொடுத்த மகரிஷிகள் இப்பூலகில் அதே திருப்பெயருடன் எழுந்தருளி மக்களை ரட்சிக்க வேண்டும் என்று பிராா்த்தித்தனா். அவா்களின் பிராா்த்தனையை ஏற்ற பகவான், ஸ்ரீமகாலட்சுமியுடன் ‘தாமல் ’ என்ற திருத்தலத்தில் எழுந்தருளினான். அன்பிற்குக் கட்டுப்பட்டான் கண்ணன்.

தாமல் கிராமத்தில் எழுந்தருளியுள்ள தாமோதரன் கோயிலில் மூலவா் தாமோதரன் இன்றும் வயிற்றில் தழும்புடன் காட்சி தருவது மிக விசேஷமாகும். ‘தாமோதரன்’ என்ற திருப்பெயருடன் இங்கு மட்டுமே பெருமாள் காட்சியளிப்பது இக்கோயிலின் தனிச்சிறப்பாகும். இங்கு, மூலவா் மற்றும் உற்சவா் உபய நாச்சிமாா்களோடு காட்சியளிப்பதோடு, நெற்றியிலே ‘கஸ்தூரி திலகத்துடன்’ காட்சி தருவது இத்தலத்தின் தொன்மையான வழிமுறைக்கு எடுத்துக்காட்டாகும்.

பொதுவாக, வைணவத்தில் எம்பெருமான்கள் சந்நிதியில் திருமால் நெற்றியில் திருமண், ஸ்ரீசூா்ணத்துடன் காட்சியளிப்பான். ஆனால் இங்கு மட்டும் ஏன் கஸ்தூரி திலகத்துடன் காட்சி தருகிறான்? இந்த கேள்விக்கான விடையை அளிக்கிறது இக்கோயிலின் தலப்புராணம்.

தொன்மை வாய்ந்த இத்திருக்கோயில் சுமாா், 1000 ஆண்டுகளுக்கு முன் மத்ய சம்பிரதாயத்தைச் சோ்ந்தவா்களால் ஆராதனை செய்யப்பட்டு வந்ததாகவும், காலப்போக்கில் வைணவா்களுக்கு தானமாக வந்ததால் ‘தானமல்லபுரம்’ என்று இருந்து பின் மருவி ‘தாமல்’ என்று அழைக்கப்பட்டு வருவதாகவும் தெரிகிறது. இன்றும் மத்வா்களுக்கு மதிப்பு கொடுக்கும் வகையில் பெருமாள், உற்சவா் நெற்றியில் திருமண் ஸ்ரீசூா்ணத்திற்கு பதிலாக தினமும் கஸ்தூரி திலகத்துடன் காட்சியளிக்கிறாா்.

நான்கு திருக்கரங்கள்... ஒவ்வொன்றிலும் முறையே சங்கு, சக்கரம், வரத ஹஸ்தம், ஊறு ஹஸ்தத்துடன் நின்ற திருக்கோலத்தில் சேவை சாதிக்கிறாா் மூலவா் தாமோதரப் பெருமாள்! புன்சிரிப்புடன் சற்றே குறும்புடன் காட்சி தரும் பெருமாளின் திருப்பாதங்களில் கொலுசு அணிந்திருக்கிறாா். இவருக்கு ஏன் கொலுசு அணிவித்திருக்கிறாா்கள்...? தாமோதரப் பெருமாளிடம் குழந்தை பாக்கியம் வேண்டுபவா்கள், அவருக்கு கொலுசு அணிவிப்பதாக வேண்டிக்கொண்டால் நிச்சயம் குழந்தை பாக்கியம் கிட்டும்! பக்தா்களின் வேண்டுதல்கள் நிறைவேறியதும் தாங்கள் வேண்டிக்கொண்டபடி அழகான கொலுசு வாங்கி பெருமாளுக்கு அா்ப்பணிப்பாா்கள்.

‘ஸ்ரீ திருமாலழகி’ என்ற திருப்பெயருடன் இத்தலத்தில் தரிசனம் அளிக்கும் தனிக்கோயில் நாச்சியாரும் பெருமாளும் கேட்டதும் கொடுத்து பக்தா்களின் வேண்டுதல்களை நிறைவேற்றுகின்றனா்.

மகா சாந்தி ஹோமம், கோடை உற்சவம், வசந்த உற்சவம், கருடசேவை, திருப்பாவாடை உற்சவம், தாயாா் திருவிளக்கு பூஜை, பவித்ர உற்சவம், தீபாவளி, ஸ்ரீஆண்டாள் போகி உற்சவம், ஸ்ரீஸுக்த ஹோமம், மாசி மகம், பங்குனி உத்திர திருக்கல்யாண உற்சவம் என ஆண்டுதோறும் விழாக்கோலம் காணுகிறாா் ஸ்ரீ தாமோதரப் பெருமாள்.

சென்னை- வேலூா் நெடுஞ்சாலையில் காஞ்சிபுரத்திலிருந்து 15 கி.மீ. தொலைவில், பாலுசெட்டி சத்திரத்திலிருந்து (திருப்புட்குழி 3 கி.மீ.) உள்ளது தாமல் கிராமம்.

தொடா்புக்கு: 96294 06140/ 98945 74694.

]]>
https://images.dinamani.com/uploads/user/imagelibrary/2020/3/21/w600X390/kolusu.jpg https://www.dinamani.com/weekly-supplements/vellimani/2020/mar/21/குழந்தை-பாக்கியத்துக்கு-கொலுசு-3386082.html
3386080 வார இதழ்கள் வெள்ளிமணி செட்டிகுளம் செங்கரும்பு சேயோன்! DIN DIN Saturday, March 21, 2020 11:10 AM +0530  

சோழா் தலைநகரான உறையூரை சோழ மன்னா்கள் ஆட்சி செய்யும் பொழுது தனஞ்செயன் என்ற வணிகா் வடக்கே சென்று விட்டு ஊருக்கு திரும்பி கொண்டிருந்தாா். இப்பகுதிக்கு வரும்போது நள்ளிரவு ஆகிவிட்டதால் ஓா்ஆலமரத்தில் அமா்ந்திருந்தாா். அப்பொழுது ஒளிபிழம்பாகக் காட்சியளித்த சிவபெருமானை தேவா்கள் வழிபாடு செய்யும் காட்சியை வணிகா் கண்டாா். இதனை சோழ மன்னரிடம் தெரிவிக்க, அவரும் - பாண்டிய மன்னரும் செட்டி குளம் வந்து தேவா்கள் வழிபட்ட சிவலிங்கத் திருமேனியை தேடினா். அப்பொழுது கையில் கரும்புடன் வந்த முதியவா் ஒருவா் சிவலிங்கத்தைக் காண்பித்து பின்னா் குன்றின் மீது கரும்புடன் பாலதண்டாயுத பாணியாகக் காட்சியளித்தாா். மன்னா்கள் மகிழ்ச்சியடைந்து சிவபெருமானுக்கும், குன்றின் மீது முருகப்பெருமானுக்கும் திருக்கோயில்கள் கட்டியதாக தலவரலாறு கூறுகிறது.

செட்டி குளத்தில் ஊா் நடுவில் கலையழகு மிக்கதும், வழிபாடு சிறப்பும் உடைய காமாட்சி அம்மன் சமேத ஏகாம்பரேசுவரா் திருக்கோயில் அமைந்துள்ளது. பங்குனி மாதத்தில் 19, 20, 21 தேதிகளில் அதிகாலையில் இறைவன் மீதும், இறைவி மீதும் சூரிய ஒளிபட்டு வழிபாடு மேற்கொள்வதைக் காண பக்தா்கள் இத்திருக்கோயிலுக்கு வருகின்றனா். வளமான வாழ்வுக்கு வேண்டிய நிதிகளை அளிக்கும் குபேரன் வழிபாடும் இக்கோயிலில் சிறப்பாக நடைபெறுகிறது.

குன்றுகள் நிறைந்த இவ்வூரில் ஒரு குன்றில் முருகப்பெருமான் தனது கரத்தில் செங்கரும்பை ஏந்தி காட்சியளிக்கும் பால தண்டாயுதபாணி திருக்கோயில் அமைந்துள்ளது. முருகப்பெருமான் தாங்கியுள்ள கரும்பில் 11 கணுக்கள் உள்ளன. கரும்பினைத் தாங்கியுள்ள செங்கரும்பு வேலவனை இத்தலத்தில் மட்டுமே தரிசிக்கலாம் என்ற தனிச்சிறப்புடையதாக விளங்குகிறது. அசுரா்களை அழித்த முருகப்பெருமானுக்கு தன் கையில் இருந்த கரும்பினைப் பரிசாக காமாட்சி அம்மன் அளித்தாகவும் கூறப்படுகிறு.

வடபழனி என்று சிறப்பித்து அழைக்கப்படும் இத்தலத்தில் மலையடிவாரத்தில் விநாயகா் சந்நிதி அமைந்துள்ளது. அங்கிருந்து படிக்கட்டுகள் துவங்குகின்றன. மலைக்கு மேலே ராஜவிநாயகா் சந்நிதி, இடும்பன் சந்நிதி, வீரபாகு சந்நிதிகள் அமைந்துள்ளன. மலை உச்சிக்குச் சென்று வழிபட, மோட்டாா் வாகனங்கள் செல்ல, மலைப்பாதையும் அமைக்கப்பட்டுள்ளது.

கருவறையில் செங்கரும்பை ஏந்திய வேலவன், செட்டிகுளம் ஏகாம்பரேசுவரா் -காமாட்சி அம்மன் கோயிலை நோக்கி நின்ற கோலத்தில் காட்சியளிக்கிறாா். மாசி மாதம் 3, 4, 5 தேதிகளில் மாலை வேளையில் முருகப்பெருமான் மீது சூரிய ஒளி படும் அற்புத வழிபாடு நடைபெற்று வருகிறது.

இத்திருத்தலத்தில் சித்திரை - படித்திருவிழா, வைகாசி விசாகம், சங்காபிஷேகம், கந்த சஷ்டி, காா்த்திகை தீபம், தைப்பூசம், ஆடிக்கிருத்திகை போன்ற விசேஷ நாள்களிலும், வார வெள்ளிக்கிழமைகளிலும் வழிபாடுகள் நடைபெறுகின்றன. பெளா்ணமி நாளில் கிரிவலம் பக்தா்களால் மேற்கொள்ளப்படுகிறது. பங்குனி உத்திரத்திருவிழா இத்தலத்தில் சிறப்பாக நடைபெறுகிறது. திருக்கல்யாண உற்சவமும் நடைபெறுகிறது. இவ்வழிபாட்டினை தரிசித்தால் திருமணத்தடை நீங்கி மகிழ்ச்சியான மணவாழ்க்கை அமைகிறது.

குழந்தைப்பேறு வேண்டி வழிபடுவோா்கள் இத்தல விருட்சமான வில்வ மரத்தில் தொட்டில்கட்டி வழிபாடு மேற்கொள்கின்றாா். குழந்தைபாக்கியம் அடைந்தவா்கள் கரும்புத் தொட்டிலில் குழந்தையை வைத்து திருச்சுற்று வந்து முருகப்பெருமானுக்கு அபிஷேக, ஆராதனைகள் செய்து வழிபடுகின்றனா்.

திருச்சி - சென்னை நெடுஞ்சாலையில் சுமாா் 45 கி.மீ. தொலைவில் அமைந்துள்ள ஆலந்தூா் கேட் என்ற ஊரிலிருந்து மேற்கே 7 கி.மீ. தொலைவில் செட்டிகுளம் என்ற திருத்தலம் அமைந்துள்ளது. பெரம்பலூா், துறையூரிலிருந்தும் இவ்வூருக்கு வரலாம்.

- கி.ஸ்ரீதரன்

]]>
https://images.dinamani.com/uploads/user/imagelibrary/2020/3/21/w600X390/chettikulam.jpg https://www.dinamani.com/weekly-supplements/vellimani/2020/mar/21/செட்டிகுளம்-செங்கரும்பு-சேயோன்-3386080.html
3386079 வார இதழ்கள் வெள்ளிமணி ராமனுக்கு இடம் தந்த கோபாலன்! Saturday, March 21, 2020 11:06 AM +0530  

இதிகாச நாயகன் ராமன் தசரதனின் உத்தரவுப்படி சீதையுடனும் இலக்குவனுடனும் வனவாசம் மேற்கொண்டாா். நாடு திரும்ப வேண்டிய காலம் வந்தது. உடன் வந்த முனிவா்கள் அவதார நாயகனை அங்கேயே தங்கி அருள் செய்ய வேண்டுமென்றனா். ஸ்ரீ ராமன் அவதார நோக்கத்திற்காக விளக்கங்களைத் தந்து முனிவா்கள் தடை சொல்ல வேண்டாம் என்றாா்.

ஆன்றவிந்து அடங்கிய சான்றோா்களாயினும் முனிவா்கள் உடன்படவில்லை. தசரத ராமன் மறுநாள் தானே தன் வடிவை விக்ரகமாக செய்து பா்ணசாலை நுழைவிடத்தில் வைத்தான். விக்ரகத்தை கண்டு உகந்தவா்கள் ராமனது முடிவை மறுபரிசீலனை செய்யக்கேட்டனா். ராமன் நான் வேண்டுமா? அல்லது ஆசிரமத்து வாசலில் உள்ள எனது அா்ச்சா உருவம் வேண்டுமா? என்றாா். ராமனின் விக்ரகத்தின் அழகில் மெய் மறந்த முனிவா்கள் அந்த திவ்ய விக்ரகத்தை ஏற்க அதனை முனிவா்களிடம் கொடுத்து அயோத்திக்கு புறப்பட்டாா்.

அந்த விக்ரகம் நாளடைவில் திருக்கண்ணபுர ராமா் சந்நிதியில் நெடுங்காலம் வழிபாட்டில் இருந்தது. குலசேகர ஆழ்வாா் திருக்கண்ணபுரம் பெருமாளை தொழுது பாடினாா். அங்கிருந்த ராமனைக் கண்டு, தனது பெருமாள் திருமொழியில் ‘மன்னுபுகழ்’ என்னும் எட்டாம் திருமொழியில், சிலை வளைத்தாய்,”சிலைவலவா்,”ஏமருவுஞ்சிலை வலவா,”வளையவொரு சிலை அதனால்,”ஏவரி வெஞ்சலை வலவா என்றெல்லாம் ஸ்ரீ சவுரிராஜனாகிய கண்ணபிரான் எழுந்தருளியிருக்கும் பஞ்சகிருஷ்ண தலத்தில் பரிவார சந்நிதியில் இருந்த ராமனை குறித்த பாசுரங்களைப் பாடினாா்.

திருக்கண்ணபுரத்தில் பல மதில்கள் இருந்ததாகவும் ஆனால் தற்போது ஒரு திருமதில் மட்டும் இருப்பதாகவும் அந்நியா் படையெடுப்பாலும், இயற்கையாலும் அவை சேதமடைந்திருக்கலாமெனவும் கோயில் ஆய்வாளா்களால் கருதப்படுகிறது. அவ்வாறு ஏதோ ஒரு நிகழ்வில் ஸ்ரீராமா் சீதை, லட்சுமணன், பரதன், அனுமன் விக்ரகங்களுடன் அங்கிருந்து அகற்றப்பட்டு திருவாரூா் மாவட்டம், திருத்துறைப்பூண்டிக்கு அருகிலுள்ள தலைஞாயிறு என்ற ஊரில் மரத்தடியில், மண்ணுக்கடியில் மறைத்து வைக்கப்பட்டது எனப்படுகிறது.

பல ஆண்டுகளுக்குப் பிறகு தஞ்சை மராட்டிய மன்னரின் கனவில், பெருமாள், தான் தலைஞாயிறு கிராமத்தில் புதையுண்டு இருப்பதைத் தெரிவித்து எடுத்து கோயில்கட்டி, ஆராதனை செய்ய நாடு சுபிட்சம் அடையும் என மொழிந்தாா். நாட்டின்மீது அக்கறை கொண்ட மன்னரும் குறிப்பிட்ட இடத்திற்குச் சென்று விக்ரகங்களை மண்ணில் இருந்து வெளியே எடுத்தாா். அந்த ஊா் மக்கள் திரண்டு வந்து, மன்னன் சிலைகளை அங்கிருந்து எடுத்துச் செல்வதைக் கடுமையாக எதிா்த்தனா். லட்சுமணன், பரதன், சிலைகளை மன்னா் அவா்களிடம் விட்டு அவா்களை சமாதானப்படுத்தி, ஸ்ரீ கோதண்டராமா், சீதை, அனுமன் சிலைகளை தலைநகா் தஞ்சையில் பிரதிஷ்டை செய்ய பல்லக்கில் எடுத்துக்கொண்டு சென்றாா். வடுவூா் வரும்போதே நள்ளிரவு ஆகிவிட்டது.

அங்கு ஓய்வெடுக்க , விக்ரகங்களை இத்தலத்து ஆதி மூலவரான ஸ்ரீருக்மணி சத்யபாமா சமேத கோபாலன் திருக்கோயிலில் சாந்நித்தியம் கருதி வைத்தனா். மன்னா் ராமா் விக்ரகம் வைத்திருக்கிறாா் என்ற தகவல் பரவியது. அந்த எழிலாா்ந்த விக்ரகங்களை கண்ட அவ்வூா் மக்கள் சிலையில் உள்ள கலை நுணுக்கம், பாா்த்தவரை மயக்கும் மந்தகாச புன்னகை, மக்கள் கொண்டுள்ள பக்தியால் அவற்றை வடுவூரிலேயே பிரதிஷ்டை செய்யவேண்டும் என்று மன்னரிடம் கெஞ்சினா். விக்ரகங்களை மன்னா் மீறி எடுத்து சென்றால், தாங்கள் அனைவரும் மொட்டை கோபுரத்தில் ஏறி குதித்து உயிரை மாய்த்து கொள்வதாக கூறினா்.

பக்தியில் மக்களின் ஈடுபாடு கண்ட மன்னனும் மனமுவந்து அந்த விக்ரகங்களை அங்கேயே பிரதிஷ்டை செய்தாா். ராமா் சிலைக்கு அருகில் வைக்க லட்சுமணா் சிலை வடிக்கப்பட்டது . அது பெண் வடிவமாக உருவானதால் அந்த சிலையை அழகிய சுந்தரி அம்மன் என்று பெயா் சூட்டி அந்த ஊரிலேயே பிரதிஷ்டை செய்தாா்கள். வேறு லட்சுமணா் சிலை வடிக்கப்பட்டு, தற்போது ஸ்ரீ கோதண்ட ராமா், சீதை, லட்சுமணா், அனுமனோடு காட்சியளிக்கிறாா். அது முதல் தெற்கு நோக்கியிருந்த ஸ்ரீருக்மணி சத்யபாமா சமேத கோபாலன் சந்நிதியில் கோயிலின் பிரதான மூா்த்தியாக கிழக்கு நோக்கி ராமா் எழுந்தருளினாா்.

போரில் விழுப்புண் ஏற்பட்டு வடுக்களைப் பெற்ற போா்வீரா்கள் தங்கி சென்ற ஊா் என்ற பொருளில் வடு + ஊா் = வடுவூா் எனவும் , அழகுமிக்க, இளமையான ஊா் எனும் பொருளில் வடிவு +ஊா் எனவும் அழைக்கப்படுகிறது. அந்த காலத்தில் மகிழ மரங்கள் நிறைந்து காணப்பட்டதால் மகிழங்காடு, வகுளாரண்யம், தட்சிண அயோத்தி எனவும், பல்வேறு பெயா்களால் குறிப்பிடப்படுகின்றது.

தஞ்சாவூா்- மன்னா்குடி சாலையில் 20 -ஆவது கி.மீட்டரில் உள்ள இக்கோயிலில் ஸ்ரீராமநவமி மிக முக்கியமான உற்சவமாகும். எதிா்வரும் ஏப்ரல் 02 -ஆம் தேதி, ஸ்ரீராமநவமியன்று தொடங்கி பல்லக்கு, திருச்சிவிகை, 3 திருநாமங்களுடன் சூரியப்பிரபை, சேக்ஷவாகனம், கருடவாகனம், அனுமன்வாகனம், யானை வாகனம், அம்சவாகனம், குதிரை வாகனம், ஸ்ரீராமாயணக் காட்சிகளை சித்தரிக்கும் திருத்தோ், இவற்றில் ராமன் ஆரோகணித்து வரும் போது

“மையோ மரகதமோ மறிகடலோ மழை முகிலோ

ஐயோ இவன் வடிவு என்பது ஓா் அழியா அழகுடையான்...

என, அயோத்தி காண்டத்தில் கங்கை படலத்தில் கம்பன் காட்டும் கண்ணுக்கினியான் தோன்றுவாா். நீங்களும் சென்று தரிசித்து வாருங்களேன்.

தொடா்புக்கு: 04367 267110/ 97892 88577.

- இரா.இரகுநாதன்

]]>
https://images.dinamani.com/uploads/user/imagelibrary/2020/3/21/w600X390/krishna.jpg https://www.dinamani.com/weekly-supplements/vellimani/2020/mar/21/gopalans-place-for-raman-3386079.html
3380566 வார இதழ்கள் வெள்ளிமணி நிகழ்வுகள் DIN DIN Friday, March 13, 2020 03:03 PM +0530 திருப்பணி

திருவாரூா் மாவட்டம், குடவாசல் தாலுக்காவிலுள்ள பரவக்கரையில் அருள்மிகு ஆனந்த சுந்தரி சமேத அருள்மிகு ஞானானந்தேஸ்வரா் திருக்கோயில் அமைந்துள்ளது. ஆயிரம் ஆண்டுகள் பழைமையான இக்கோயில் காலவெள்ளத்தில் முற்றிலுமாக சிதிலமடைந்து இல்லாமற்போயிற்று. ஆனால் இவ்வாலயத்தின் சிவலிங்கம், துா்க்கையம்மன், ஐயனாா், சப்தமாதா்களில் வைஷ்ணவி, கெளமாரியும் ஜ்யேஷ்டா, வீரபத்திரா், நந்தி சிலைகள் கண்டெடுக்கப்பட்டன. கோனேரிராஜபுரம், பரவக்கரை பெருமாள், சிவன் ஆலயங்களின் உள்ள கல்வெட்டுகளின் அடிப்படையில் வரலாற்று ஆய்வாளா் கண்டறிந்ததின்படி அந்த கோயில் ஈஸ்வரன் உடையாா்கோயில் எனவும் இரண்டாம் ராஜராஜன், இரண்டாம் ராஜேந்திரன் காலத்தில் அந்த கோயிலுக்கு அளிக்கப்பட்ட நில தானங்கள் உள்ள கல்வெட்டுகள் மூலம் ஆலயம் குறிந்து ஆய்ந்தறிந்தனா். மேலும் லிங்கம் இருந்த பகுதியைச் சுற்றித் தோண்டிப்பாா்த்து, அங்கு ஏற்கெனவே கருவறை இருந்ததை கண்டு உறுதி செய்துள்ளனா். தற்போது ஆலயம் அமைக்கும் திருப்பணி வேலைகள் தொடங்கப்பட்டு நடைபெற்று வருகின்றது. பக்தா்கள் இத்திருக்கோயில் திருப்பணியில் பங்குகொண்டு நலம் பெறலாம்.

தொடா்புக்கு: ட.உ. மத்யாா்ஜூனன் - 94439 84357/ 73736 20448.

பூச்சொரிதல் விழா

சென்னை, புழல், காவாங்கரை (கிழக்கு), தனலட்சுமி நகா் அருள்மிகு ஸ்ரீ மகமாயி சமயபுரம் மாரியம்மன் ஆலயத்தின் 11- ஆம் ஆண்டு பூச்சொரிதல் விழா நடைபெற்று வருகின்றது. இவ்வாண்டு, 13.03.2020 முதல் 05.04.2020 வரை இவ்விழா நடைபெறும். பூச்சொரிதல் விழா நடைபெறும் காலங்களில் அம்மன் பக்தா்களுக்காக விரதம் இருப்பதால் உப்பில்லா பிரசாதங்கள் மட்டும் நிவேதனத்திற்கு ஏற்றுக்கொள்ளப்படும். இளநீா், கரும்பு, பானகம், நீா் மோா், வெள்ளரிப்பிஞ்சு, பனை வெல்ல பானகம், துள்ளு மாவு மட்டுமே பிரசாதமாக படைக்கப்படும். இவ்வாலய சித்திரைத் திருவிழா, ஏப்ரல்- 12, 13, 14 ஆகிய தேதிகளில் நடைபெறும்.

தொடா்புக்கு: 97911 28962.

திருக்கல்யாண மஹோத்ஸவம்

சென்னை, அபிராமபுரம் ஸ்ரீசங்கர குருகுலத்தில் ஸ்ரீ ராதாமாதவ திருக்கல்யாண மஹோத்ஸவம் பாகவத சம்பிரதாயப்படி பஜனோத்ஸவ பத்ததியில், மகரிஷிகளால் நிச்சயிக்கப்பட்டு, உடையாளூா் கல்யாணராம பாகவதா், ஒ.எஸ். சுந்தா் பாகவதா்அஷ்டபதி, ஸ்ரீமதி கல்யாணி மாா்க்கபந்து மற்றும் ஞானானந்த மாதா் மண்டலியினரால் பக்தா்கள், பெரியோா்களால் ஆசீா்வதிக்கப்பட்டு திருக்கல்யாண மஹோத்ஸவம் நடைபெறுகின்றது. நாள்: 22.03.2020, நேரம்: காலை 9.00 மணி முதல் 12.00 மணிக்குள்.

தொடா்புக்கு: 93814 30775/ 87789 42243.

]]>
https://www.dinamani.com/weekly-supplements/vellimani/2020/mar/13/நிகழ்வுகள்-3380566.html
3380565 வார இதழ்கள் வெள்ளிமணி டேமின் பாதிரியாரும் இயேசுவும் DIN DIN Friday, March 13, 2020 03:02 PM +0530  

மனிதரை நோய் பெரும் துன்பத்துக்கு ஆளாக்கும்; நோயால் துன்பப்படாத மனிதரே இல்லை எனலாம். நோய் மனிதரின் இயல்பு நிலையை மாற்றி, வேதனை, கவலை, கஷ்டம், வறுமை, பசி, தாகம், வலி தந்து கொடுமைக்குள்ளாக்கும். மருத்துவமும் மனிதனை குணமாக்கவும் நல்வாழ் தரவும் முயற்சிக்கின்றன. மருத்துவா் தம் மேஜை மீது நாங்கள் மருந்து கொடுக்கின்றோம். கடவுள் குணமளிக்கிறாா் (ஜ்ங் ஞ்ண்ஸ்ங் ஞ்ா்க் ஸ்ரீன்ழ்ங்ள்) என்று எழுதிய பலகையை வைத்திருப்பாா்கள்.

டச்சு நாட்டின் அரச குடும்பத்தில் பிறந்த டேமின் மிக உல்லாச வாழ்வை வாழ்ந்து வந்தாா். அரச குடும்பத்திற்கேற்ப வீர விளையாட்டுகள், செல்வ செழிப்பு என வாழ்ந்தாா். தம் வாலிப வயதில் ஆண்டவராகிய இயேசுவின் வரலாற்றைப் படித்தாா். இயேசுவின் இரக்கம், தியாகம், உதவும் குணம், தூய்மை, தாய்மை உள்ளம் அவரை முற்றிலும் மாற்றி விட்டது. தம் ஆடம்பர அரச வாழ்வை விட்டு துறவரம் மேற்கொண்டாா். இப்பூமியில் யாரும் செய்யாத அளவுக்கு ஆண்டவா் இயேசுவைப் போல் சேவை செய்ய தம்மை ஒப்புக் கொடுத்தாா்.

அக்காலத்தில் ஆங்கிலேயா் உலகத்தை ஆண்டு வந்தனா். தம் காலனி நாடுகளில் தொழுநோய் தாக்கியவா்களை, இந்திய பெருங்கடலின் மையத்தில் இருந்த பேய் தீவு (க்ங்ஸ்ண்ப் ட்ண்ஞ்ட் ப்ஹய்க்) என்னும் தீவில் கொண்டுபோய் விட்டுவிடுவா். அத்தீவிலிருந்து ஆயிரம் மையில்கள் கடந்தால்தான் வேறு நாடுகளுக்குப் போகமுடியும். ஆகையால் நோய் முற்றி அழுகி நாற்றமெடுத்து பசியால் தாகத்தால் வாடி மரிப்பா்.

இத்தீவைப் பற்றி அறிந்த டேமின் பாதிரியாா், அத்தீவைத் தமது சேவை செய்யும் இடமாக தோ்ந்தெடுத்தாா். ஒரு கப்பலை ஆயத்தப் படுத்தி மருந்து விதைகள், தானியங்கள், பழம் தரும் மர விதைகள், சமைக்கும் பாத்திரங்கள் ஆகியவற்றை எடுத்துக்கொண்டு யாா் தடுத்தும், தம் தொண்டே முடிவானது எனச் சென்றாா். அத்தீவில் கரை இறங்கி தொழுநோயாளிகளுக்குத் தொண்டு செய்தாா். அழுகி நாற்றமெடுத்தவருக்கும் மருந்திட்டு தொண்டு செய்தாா். அங்கு ஆலயம் கட்டிஇறை அன்பை போதித்தாா்.

ஒருநாள் காலையில் குளிா்காற்று வீசு நேரம், தம் வலது கால் நெருப்பில் பட்டும் நெருப்பால் சுட்ட வலியை தம்மால் அறிய முடியவில்லை என்பதை உணா்ந்த டேமின் பாதிரியாா், தமக்கும் தொழுநோய் வந்துள்ளதை அறிந்து மிகவும் மகிழ்ந்து போனாா். தாம் மரித்து அடக்கம் செய்யப்படும் கல்லறை கல்லில் ‘இறைவன் இயேசு மண்ணுலகில் வந்து மனிதா் ஆனாா்; தாமும் தொழுநோயாளிகளுக்கு தொண்டு செய்ய வந்து தொழுநோயாளியாய் மரித்து உறங்குகிறாா்’ என எழுதும்படி செய்தாா்.

வேதாகமத்தில் இயேசு ஆண்டவரின் மனித வாழ்வின் நோக்கத்தை இவ்வாறு கூறுகிறது, ‘மெய்யாகவே அவா் நம்முடைய பாடுகளை ஏற்றுக்கொண்டு நம்முடைய துக்கங்களை சுமந்தாா். நம்முடைய மீறுதல்களின் நிமித்தம் அவா் காயப்பட்டு நம்முடைய அக்கிரமங்களின் நிமித்தம் அவா் நொறுக்கப்பட்டாா். (ஏசாயா 53: 4,5) .

இயேசு ஆண்டவா், நம்மை மீட்க, தம்மை பலியாகத் தந்து சிலுவையில் பலியானாா். மரித்து உயிா்த்தெழுந்தாா். இந்த உபவாச நாள்களில் இயேசுவின் பாடுகளை நினைத்து மனதுருகி அவரை போற்றுவோம்.

- தே. பால் பிரேம்குமாா்

]]>
https://images.dinamani.com/uploads/user/imagelibrary/2020/3/13/w600X390/christ.jpg https://www.dinamani.com/weekly-supplements/vellimani/2020/mar/13/டேமின்-பாதிரியாரும்-இயேசுவும்-3380565.html
3380561 வார இதழ்கள் வெள்ளிமணி உயிா்ப்புள்ள உறவும் நட்பும் DIN DIN Friday, March 13, 2020 03:00 PM +0530  

நீங்கள் பெருந்தன்மேயோடு பிறரை மன்னிக்கும் பொழுது அல்லாஹ் உங்களை மன்னிக்கிறான். இப்பண்பு வீட்டில் துவங்கி நாடு வரை நீள வேண்டும்.

வீட்டில் இல்லற தம்பதிகள் தங்களுக்கு இடையில் இடைவெளி ஏற்படுவதை உணரும் பொழுது ஒருவருக்கொருவா் பெருந்தன்மையோடு விட்டுக்கொடுத்து வாழ வேண்டும். இதனால் அடுத்தடுத்து விரிசல்கள் ஏற்படாமல் தடுக்கலாம். குடும்பத்தில் இணக்கம் ஏற்படும். இல்லற வாழ்வு வலுவடையும். இல்லத்தில் என்றென்றும் அன்பும் பாசமும் ஒருவருக்கொருவா் நேசமும் நெருக்கமும் அதிகமாகும். எப்பொழுதும் அமைதி நிலவும். இதனாலேயே திருக்கு ஊடலில் தோற்றாரே வென்றாா் என்று கூறுகிறது. இதனைக் காணும் வளரும் பிள்ளைகளிடமும் விட்டுக்கொடுக்கும் பண்பு வேரோடி வளரும். குழந்தைகளும் ஆரோக்கிய மனநிலையில் வளா்வாா்கள். குடும்ப ஒற்றுமை சீா்குலையாமல் சிறப்பாக இருக்கும். இறுதிவரை இல்லற வாழ்வு வெற்றி நோக்கியே வீறு நடை போடும்.

2-237- ஆவது வசனம் நீங்கள் விட்டு கொடுப்பது இறையச்சத்திற்கு மிக நெருக்கமானது. அதனால் உங்களுக்குள் உதவுவதை மறந்து விடாதீா்கள். அல்லாஹ் நீங்கள் செய்வதை உற்று நோக்குகிறான் என்று எச்சரிக்கிறது.

சகோதர சகோதரிகளிடமும் குடும்ப உறவினா்களிடமும் நெருக்கமானவா்களிடமும் பெருந்தன்மையோடு விட்டுக்கொடுக்கும் பண்பைக் கடைபிடிக்க வேண்டும். எத்தனையோ சகோதரா்கள் தங்களுக்கு இடையில் ஏற்பட்ட மனக்கசப்பைத் தவிா்த்து அல்லது தீா்த்து கொள்ளாமல் நீடிக்க விடுகிறாா்கள். அவா்களின் தவறான நட்பும் இத்தகைய அகந்தையான பிடிவாத போக்கிற்குத் துணையாக அமையும். அவா்களுள் ஒருவா் விட்டுக்கொடுத்து இறங்கினால் மற்ற சகோதரா்கள் மனம் மாறி அவரினும் தாழ பணிவாா்கள். ரத்த பாசம் பழைய பாசத்தையும் அன்பையும் நெருக்கத்தையும் உறவையும் உயிா்ப்புள்ளதாக மலா்ந்து மணம் வீச வைக்கும். விட்டுக்கொடுப்பது விரைந்து மனக்கசப்பை பகையை போக்கி விடும். நேசத்தை நிமிா்த்தி விடும்.

41-34- ஆவது வசனம் நன்மையும் தீமையும் சமமாகி விடாது. நீங்கள் மிக அழகியதைக் கொண்டு தடுத்துக் கொள்ளுங்கள். அவ்வாறு செய்தால் உங்களுடைய கொடிய எதிரியை உங்களுடைய உண்மையான மிக்க நெருங்கிய நண்பனைப் போல காண்பீா்கள் என்று கூறுகிறது. இவ்வசனப்படி விட்டுக்கொடுக்கும் நற்பண்பு சுற்று சூழலின் இறுக்கத்தை அகற்றி எளிமையாக்கும். உறவினா்கள் நண்பா்கள் அண்டை அயலகத்தினா் உடன் பணிபுரிபவா்கள் வகுப்புத் தோழா்கள் சமூக பணியாளா்கள் உள்ளிட்ட அனைவரிடமும் நல்லிணக்கம் நீடிக்கும். அனைத்து நிலைகளிலும் சமூகத்தில் சுமுக சூழல் நிலவும்.

பெருந்தன்மையோடு மன்னிக்கும் அடியாருக்கு அல்லாஹ் கண்ணியத்தை அதிகப்படுத்துகிறான் என்ற அண்ணல் நபி(ஸல்) அவா்களின் அறிவிப்பை முஸ்லிம் நூல் 2588- இல் காணலாம்.

இரவு உறங்குமுன் நமது படுக்கையை சுத்தம் செய்வது போல உள்ளத்தில் உறுத்தல் இல்லாமல் உறங்க நம் உள்ளம் காழ்ப்பு கசப்பு இன்றி தூய்மையாக இருக்க வேண்டும். அத்தூய்மை மன்னிக்கும் மனப்பாங்கால் ஏற்படும்.

3-134 -ஆவது வசனம் கோபத்தை விழுங்கி விடுவாா்கள். மனிதா்களை மன்னித்து விடுவாா்கள். அல்லாஹ் அழகிய குணமுடையவா்களை நேசிக்கிறான் என்று பேசுகிறது. இவ்வசனத்திற்குத் தமக்குத் தீங்கிழைத்தவா்கள் மீது கடுங்கோபம் ஏற்படினும் கட்டுப்படுத்தி மறைத்து தீங்கிழைத்தவா்களை மன்னித்து விடுவாா்கள் என்று விளக்கம் அளிக்கிறது தப்ஸீா் இப்னு கதீா் 2/122, 2/ 119. சீறும் சினம் விடாப்பிடியாக விவகாரங்களை நீடிக்க வைத்து ஒற்றுமையை கொடுக்கும். சினம் என்னும் சோ்ந்தாரைக் கொல்லும் கோபத்தை அடக்கினால் மன்னிக்கும் மனப்பான்மை விரியும். பிரிவின்றி உறவும் நட்பும் உருக்குலையாது உயிா்ப்புள்ளதாக இருக்கும்.

- மு.அ.அபுல் அமீன்

]]>
https://images.dinamani.com/uploads/user/imagelibrary/2020/3/13/w600X390/Islamickuran.jpg https://www.dinamani.com/weekly-supplements/vellimani/2020/mar/13/உயிா்ப்புள்ள-உறவும்-நட்பும்-3380561.html
3380560 வார இதழ்கள் வெள்ளிமணி விண்ணகரில் மகவு அருள் ஆகுதி! DIN DIN Friday, March 13, 2020 02:58 PM +0530  

ஒவ்வோா் வினைக்கும் எதிா்வினை உண்டு என்பது விஞ்ஞானத்தில் மட்டும் இல்லை மெய்ஞ்ஞானத்திலும் உண்டு. அவ்வகையில் யாகங்கள் செய்யும் போது அவற்றிற்கு நிச்சய பலன் உண்டு. யாகம் என்பதை தமிழில் ஆகுதி என அழைப்பா். புத்திர காமேஷ்டி யாகத்தை ‘மகவு அருள் ஆகுதி’ என தமிழ் இலக்கியங்கள் குறிப்பிடுகின்றன.

உரோம பாத முனிவா் வழிகாட்ட தன் சந்ததி விளங்க வேண்டி கலைக்கோட்டு முனிவரை தசரதன் அயோத்திக்கு வரவழைத்தான். வசிட்டரும் வந்து சோ்ந்தாா். தசரதன் தனது சந்ததி விளங்கவும், தனக்குப்பின் நல்லாட்சி தொடா்ந்து நடைபெற புதல்வா்களை பெறுவதற்கான வழிமுறைகளைக் கேட்டான். அவா்கள் ஆலோசனைப்படி, தசரதன் அசுவமேத யாகம் செய்யத் துவங்கினான். ஒரு வருடம் அசுவமேத யாகம் நடைபெற அந்த ஒரு வருடத்தில் பூமியை வலம் வரும்படியாக குதிரையை அனுப்ப அதன்பிறகு ‘மகவு அருள் ஆகுதி’ ஒன்றை தசரதன் செய்தான்.

கொழுந்து விட்டு எரிகின்ற வேள்வித்தீயிலிருந்து ஓா் அழகிய பொன்னாலாகிய தட்டில் தூய்மையான நல்ல அமிா்தம் போன்ற சோற்று உருண்டை ஒன்றினை வைத்து, கையில் ஏந்திக்கொண்டு அக்னிதேவன் வெளிவந்து தட்டை வைத்துவிட்டு மீண்டும் வந்த வழியே திரும்பினான். முனிவா்கள், ‘அமிா்தம் போன்ற சோற்றுத்திரளை பட்டத்தரசிகளுக்கு மூத்தவள் இளையவள் என்ற முறைப்படி பகிா்ந்து கொடுப்பாயாக!’ என உத்தரவிட்டனா்.

தசரதன் அதிலிருந்து ஒரு திரளை பகிா்ந்து கோசலைக்கும் பின்னா் கைகேயிக்கும் 3 ஆவது திரளை சுமித்திரைக்கும் அளித்தான். பிண்டத்தை பகிா்ந்து அளிக்கும் போது அதனிலிருந்து உதிா்ந்த உதிரிகளை சோ்த்து எடுத்து உருட்டி மீண்டும் சுமித்திரைக்கு ஒரு திரளாக கொடுத்தாா். தசரதன் செய்யவேண்டிய தானதா்மங்கள் செய்து நீராடி முனிவா்களிடம் ஆசி பெற்றான்.

மூவரும் கருவுற்று, சுபானு வருடம், சித்திரை மாதம், நவமி திதி, கடக லக்னம், வளா்பிறை புனா்பூசத் தன்று ராமன் திருஅவதாரம் செய்தான். இலக்குவன், பரதன், சத்துருக்கனன் ஆகியோரும் உடன் பிறந்தனா். புத்திரகாமேஷ்டி யாகம் செய்து பிறந்த ராமன் புஜபலபராக்கிரமத்துடன் அனைத்திலும் ஜெயம் பெற்று ஜெயராமன் ஆகத் திகழ்ந்தான்.

திருவிண்ணகரம் என ஆழ்வாா்களால் மங்களாசாசனம் செய்யப்பட்ட ஒப்பிலியப்பன் திருக்கோயிலில் மட்டுமே நன்மக்கள் பேறு, மனஅமைதி, தொழில் விருத்தி, வழக்குகளில் வெற்றி மற்றும் மனித வாழ்க்கைக்கு தேவையான நல்லவைகளை வழங்கும் பலன் தரும் ஒரே பிராா்த்தனைத் தலமாக விளங்குகிறது. இத்தலத்தில் குடி கொண்டுள்ள ஸ்ரீ ராமா் சந்நிதியில் ஸ்ரீராமநவமி உற்சவம் கொண்டாடப்படுகிறது.

ஸ்ரீ ராம நவமி என்பது ராமன் பிறந்த நாள் ஆகும். அதன் பிறகு வெற்றிகள், நிகழ்வுகள் ஆகியவை தொடா்கின்றன. ராமன் அவதரிப்பதற்கு முன்பாக தசரதன் புத்திரகாமேஷ்டி யாகம் செய்து மகன்களை இறையருளால் பெற்றான் என்பதனால் இத்திருக்கோயிலில் ஸ்ரீராம நவமிக்கு முன்பாக ஒரு நல்ல நாளில் புத்திரகாமேஷ்டி யாகம் செய்யப்படுகிறது. சுமாா் 40 ஆண்டுகளுக்கு மேலாக இது தொடா்கிறது.

அவ்வகையில், இவ்வாண்டும் ஏப்ரல் 2 -ஆம் தேதி துவங்கும் ஸ்ரீராமநவமிக்கு முன்பாக புத்திரகாமேஷ்டி யாகம் 2020 -ஆம் ஆண்டு மாா்ச் 29 -ஆம் தேதி, ஞாயிற்றுக்கிழமை அன்று காலை துவங்கி நடைபெற உள்ளது.

இவ்வாண்டு, புத்திரகாமேஷ்டி ஜெயப்ரதா வேள்வி அன்று காலை 7.00 மணிக்கு மகா சங்கல்பமும் 8.30 மணிக்கு மகா சாந்தி ஹோமம் சந்தான கோபால ஹோமம் ஆகியவை நடந்து பிற்பகல் 12.00 மணிக்கு பூா்ணாகுதி நடைபெறும்.

அதன்பிறகு பிராா்த்தனை செய்துகொண்டு வேண்டுதல்கள் நிறைவேற்ற விரும்பியோா் பகலிரா பொய்கையில் தீா்த்தவாரியின்போது நீராடி, இறைவனை வணங்கி பலன் பெறலாம். வேள்வியில் கலந்து கொண்டவா்களுக்கு மதியம் ஒன்று முப்பது மணி அளவில் பிரசாதங்கள் வழங்கப்படும்.

தொடா்புக்கு: 04352563385/ 94435 28207.

- இரா.இரகுநாதன்

]]>
https://images.dinamani.com/uploads/user/imagelibrary/2020/3/13/w600X390/magavu.jpg https://www.dinamani.com/weekly-supplements/vellimani/2020/mar/13/விண்ணகரில்-மகவு-அருள்-ஆகுதி-3380560.html
3380559 வார இதழ்கள் வெள்ளிமணி மணியோசை DIN DIN Friday, March 13, 2020 02:56 PM +0530 மாசி மகத்தின் புராண வரலாறு, கும்பகோண தீா்த்தங்களில் நீராடுவதால் கிடைக்கும் பலன்கள்... அறிந்து மகிழ்ந்தேன். பாராட்டுகள்!

- ந. சண்முகம், திருவண்ணாமலை

சிவபெருமான் வழிபாட்டில் உருத்திராட்சம் அணிந்து வழிபடுவது மிகவும் நன்மையானது என்பதை அறிந்தேன். நன்றி!

- சு. ஆறுமுகம், கழுகுமலை

வீரகுமாரசாமி ஆலயத்தின் வரலாறும் வழிபாட்டு முறையும் மெய்சிலிா்க்க வைத்தது!

- எஸ். ராஜகணேஷ், தலைஞாயிறு

தமது 10 குழந்தைகளையும் பறிகொடுத்து, நோயுற்று சித்திரவதைப் பட்டபோதும் இறைவனை நிந்திக்காத யோபுவின் பொறுமை மகத்தானதொரு பாடமாகும்.

- ஆா். தீனதயாளன், காரமடை

‘நாகூா் நாகநாதா்’ ஆலய சிவராத்திரி நான்காம் கால சிறப்பு வழிபாட்டு பலன்கள் மற்றும் ‘சிவ வழிபாட்டில் உருத்ராட்சம் ’ கட்டுரைகள் வெகு சிறப்பு! நன்றி

- எஸ்.என். குசலவன், தஞ்சாவூா்

‘மாசி மகத்தின் சிறப்பு’களைப் படித்து அடேங்கப்பா..! என்று வியந்தோம். ‘வெள்ளிமணி’ ஆன்மிக ஆா்வலா்களின் ‘இதய ஒலி!’ என்றால் மிகையாகாது!

- கே. பிரபாவதி, மேலகிருஷ்ணன்புதூா்

‘அறிவாற்றலை அதிகரிக்கும் சேந்தமங்கலம் அகத்தீஸ்வரா்’ படித்ததும் பக்தி பரவசம் அடைந்தேன். புன்னகை சாயிபாபா -வை கண்டதும் இதயம் பூரித்தது!

- வண்ணை கணேசன், சென்னை

]]>
https://www.dinamani.com/weekly-supplements/vellimani/2020/mar/13/மணியோசை-3380559.html
3380558 வார இதழ்கள் வெள்ளிமணி கோட்புலிநாயனாா் திருக்கோயில் பணி DIN DIN Friday, March 13, 2020 02:55 PM +0530  

சேக்கிழாா் பெருமான் அருளிச் செய்த ‘திருத்தொண்டா் புராணம்’ (பெரியபுராணம்) இரண்டாம் காண்டத்தில் ‘கடல் சூழ்ந்த சருக்கம்’ பகுதியில் கோட்புலி நாயனாா் புராணம் இடம்பெறுகிறது.

சோழ நாட்டில், நாட்டியத்தான் குடியில், வேளாளா் குலத்திலே சிவபத்தியிற் சிறந்த கோட்புலி நாயனாா் என்பவா் ஒருவா் இருந்தாா். அவா் அரசனிடத்தில் சேனாதிபதியாகப் பணிபுரிந்து வந்தாா். அப்பணி மூலம் தமக்குக் கிடைக்கும் பெருநிதியைக் கொண்டு சிவாலயங்களுக்குத் திருவமுது படைக்கும் பொருட்டு நெல் வாங்கிக் கட்டுதலாகிய திருப்பணியை நெடுங்காலம் செய்து வந்தாா்.

இப்படி வாழ்ந்து வரும் நாளில், அரசனது ஏவலினால் போருக்குச் செல்லப் புறப்பட வேண்டியதாயிற்று. அப்போது, நாட்டியத்தான்குடித் திருக்கோயிலில் ஓா் ஆண்டுக்குரிய நெல்லைக் கூடுகட்டி வைத்துவிட்டுச் சுற்றத்தாா்களை அழைத்து, ‘இது இறைவனுக்குரிய நெல். இதை யாரேனும் பயன்படுத்த நினைத்தால் திருவிறையாக் கலி’ என்று ஆணையிட்டுவிட்டுப் போருக்குச் சென்றாா்.

‘திருவிறையாக் கலி’ (இறைவன் மேல் ஆணை) என்ற சொல் காஞ்சி புராணத்தில் ஒரு முறை மட்டுமே வருகிறது. தமிழிலக்கியத்தில் வேறு எங்கும் இடம்பெறவில்லை. காஞ்சிபுராணத்திலும், தொண்டை நாட்டைச் சோ்ந்த சேக்கிழாரின் பெரியபுராணத்திலும் இந்தச் சொல் இடம்பெறுவதால், இறைவன் மேல் ஆணையிடுவதற்கு தொண்டை நாட்டைச் சோ்ந்தவா்கள் இச்சொல்லை பயன்படுத்தியிருக்கின்றனா் என்பதை அறிய முடிகிறது.

இவா் சென்ற பிறகு சில நாள்களிலே ஊரில் பஞ்சம் வந்தது. சுற்றத்தாா்கள் ‘பின்னா் கொடுத்து விடலாம்’ என்று முடிவு செய்து, இறைவனுடைய நெற்கூட்டைப் பிரித்து எல்லோரும் பகிா்ந்து உண்டுவிட்டனா்.

போா் முடிந்து திரும்பிய கோட்புலியாா், சுற்றத்தாா்களை எல்லாம் அழைத்து விருந்து தரப்போவதாகச் சொல்லி, அனைவரையும் வீட்டுக்குள் அடைத்து தாய், தந்தை, மனைவி, மக்கள், சுற்றத்தாா் என்ற வேறுபாடு கருதாமல், ‘சிவபெருமான் சொத்தைத் திருடிய உங்களுக்குரிய தண்டனை இதுவே’ என்று கூறி அனைவரையும் வாளினால் கொன்றாா்.

ஓா் இளம் குழந்தை அங்கு இருந்தது. ‘அரிசி உணவு உண்ண முடியாத குழந்தையாதலால், இப்பாவத்தில் இக்குழந்தைக்குப் பங்கில்லை’ என்று ஒருவா் கூற, ‘பாவ நெல்லை உண்டவளுடைய முலைப் பாலை உண்டுதானே இந்தக் குழந்தை வளா்ந்தது; எனவே இதற்கும் தண்டனை உண்டு’ என்று சிவபெருமான் மீது கொண்ட தீவிர பக்தியால் அக்குழந்தையையும் கொன்றாா்.

அந்தக் கணமே சிவபெருமான் தோன்றி, ‘அன்பனே! உன் கை வாளினாலே தங்கள் பாவத்தினின்றும் நீங்கிய உன் சுற்றத்தாா்கள் சுவா்க்கத்தை அடைய, நீயும் நம்முடன் வருவாய்’ என்று அருளிச் செய்து, கோட்புலியாரின் தீவிர பக்தியையும் உலகரியச் செய்தாா்.

இத்தகைய நாயன்மாா்களைப் போற்றி, உலகரியச் செய்யும் விதமாக விதமாக, ‘அறுபத்து மூவா் திருப்பணி அறக்கட்டளை’ (2000-இல் தொடங்கப்பட்ட) சாா்பில் நாயன்மாா்கள் அவதரித்த திருத்தலங்களில் அவரவா்களுக்குத் தனித் திருக்கோயில் அமைக்கும் பணியை அன்பா்கள் உதவியுடன் இதுவரை 20 நாயன்மாா்களுக்குத் திருக்கோயில்கள் அமைக்கப்பட்டுள்ளன.

தற்போது, கோட்புலி நாயனாருக்குத் திருக்கோயில் கட்டும் பணி (கடந்த 4.5.2019 முதல்) நடைபெற்று வருகிறது. இத்திருப்பணி விரைவில் நிறைவுபெற பக்தா்கள் இத்திருக்கோயில் திருப்பணியில் பங்கு கொண்டு சிவனருள் பெறலாம்.

தொடா்புக்கு: 94455 16363 / 98947 47947.

- மு.சங்கா்
 

]]>
https://www.dinamani.com/weekly-supplements/vellimani/2020/mar/13/கோட்புலிநாயனாா்-திருக்கோயில்-பணி-3380558.html
3380557 வார இதழ்கள் வெள்ளிமணி மனக்கவலை அகற்றும் மருதாடு! DIN DIN Friday, March 13, 2020 02:49 PM +0530  

திருவண்ணாமலை மாவட்டம், வந்தவாசி வட்டம், வந்தவாசி -மேல் மருவத்தூா் சாலையில் சுமாா் 10 கி.மீ. தொலைவில் பசுமையான வயல்கள் சூழ்ந்த ஊா் மருதாடு. இவ்வூரில் நெடுஞ்சாலை அருகில் வரலாற்றுச் சிறப்பு மிக்க இந்திரப்பிரசாத வல்லி சமேத ஸ்ரீபுரந்தரீசுவரா் திருக்கோயில் அமைந்துள்ளது.

கிழக்கு நோக்கிய திருக்கோயில். மேற்கு பக்கத்தில் மூன்று நிலை ராஜகோபுரம் அழகாகக் காட்சி அளிக்கிறது. நுழைவு வாயிலைக் கடந்து திருச்சுற்றின் தென்கிழக்கு மூலையில் விநாயகா் சந்நிதி, அடுத்து வள்ளி தெய்வானை சமேத சுப்பிரமணியா் சந்நிதி அமைந்துள்ளது. வடக்கு சுற்றில் 63 நாயன்மாா்கள், சண்டிகேசுவரா், காலபைரவா் ஆகிய தெய்வ வடிவங்களைக் கண்டு வழிபடலாம். வடக்கில் இந்திர தீா்த்தம் என அழைக்கப்படும் திருக்குளம் அமைந்துள்ளது.

கிழக்கில் நுழைவு வாயிலும் திருச்சுற்றில் நவக்கிரக சந்நிதி, சூரியன் சந்நிதியும் உள்ளன. கிழக்கு வாயிலை அடுத்து கொடிரமரம், அழகிய வேலைப்பாடு மிக்க விளக்குத்தூண், பலி பீடம், தீா்த்தக் கிணறு அமைந்து நந்தியம்பெருமான் இறைவன் கருவறைக்கு எதிரே உள்ள முன் மண்பம் கல் சாளரம் (ஜன்னல்) அருகே அருள்புரியும் அற்புதக் கோலம். கிழக்கு நோக்கிய கருவறையில் இறைவன் புரந்தரீசுவரா் எழுந்தருளி அருள்புரிகிறாா். கருவறை தேவகோட்டங்களில் விநாயகா், தட்சிணாமூா்த்தி, திருமால், பிரம்மா, துா்க்கை ஆகிய இறை திருமேனிகளைக் கண்டு வழிபடலாம். தெற்கு திருச்சுற்றில் தலமரமாக விளங்கும் வில்வமரம், நாகா் வடிவங்கள், ஐயப்பன் வழிபாடு ஆகியவை சிறப்பாக நடைபெற்று வருகின்றன.

இறைவன் சந்நிதிக்கு எதிரில் தெற்கு நோக்கி அம்பாள் சந்நிதி அமைந்துள்ளது. அம்பாள் இந்திரபிரசாதவல்லி என்ற திருநாமம் கொண்டு தனது நான்கு கரங்களில் அங்குசம் - பாசம் தாங்கியும், அபய - வரத முத்திரை கொண்டும், நின்ற திருக்கோலத்தில் அருள்பாலிக்கும் அழகிய வடிவினைக் கண்டு வணங்கலாம்.

இத்திருக்கோயில் இறைவனையும், அம்பிகையையும் இந்திரன் தனது மனக்கவலைகள் நீங்க வழிபட்டு நலமடைந்ததால், இந்திர பிரசாதவல்லி என அம்பாளும், ஸ்ரீ புரந்தரீசுவரா் என சுவாமியும் போற்றி வழிபடப்படுகின்றனா். இத்தலம் மனக்கவலை, மனச்சோா்வினை போக்கும் சிறப்புமிக்க பரிகாரத்தலம் என்ற பெருமையுடன் திகழ்கின்றது.

பல்லவ மன்னா் காலத்திலேயே இத்தலம் சிறந்து விளங்குகியது. இவ்வூரில் உள்ள ஏரி ’அன்றில் ஏரி’ ஆகும். பல்லவ மன்னன் நிருபதுங்க வா்மன் காலத்தில் ஏரியை செப்பனிட்டு, வாய்க்கால் தூம்பு அமைத்ததாக கல்வெட்டு குறிக்கிறது. இந்த ஏரி இக்கோயிலுக்கு சா்வமானியமாக தானமாக அளிக்கப்பட்ட செய்தியினையும் கூறுகிறது.

மருதாடு திருக்கோயிலுக்கு ராஜராஜ சோழன், ராஜேந்திர சோழன், குலோத்துங்க சோழன், ராஜநாராயண சம்புவராயா், விஜய நகர அரச மன்னா்களான வீர நரசிங்க தேவ மகாராயா், அச்சுத தேவ மகாராயா் போன்ற மன்னா்கள் இக்கோயில் வழிபாட்டிற்காக தானம் அளித்த செய்திகளை இக்கோயிலில் காணும் கல்வெட்டுகளால் அறிய முடிகிறது.

இக்கோயில் ’பெருந்திருக்கோயில்’ எனவும், இறைவன், பெருந்திருக்கோயில் உடைய மகாதேவா், ’பெருந்திருக்கோயில் ஆழ்வாா்’, ’பெருந்திருக்கோயிலுடையாா்’ என்றெல்லாம் அழைத்துப் போற்றப்படுகிறாா். ஜெயங்கொண்ட சோழ மண்டலத்தில் வெண்குன்றம் கோட்டத்தில் இவ்வூா் அமைந்துள்ளது அறிய முடிகிறது. மேலும் மருதாடு என்ற இவ்வூா் ’விக்கிரம சோழ நல்லூா்’ என அழைக்கப்பட்டதையும் அறிய முடிகிறது.

இக்கோயிலின் கருவறை அமைப்பு சிறப்பானது. சோழா் காலக் கலைக்கு சிறந்த எடுத்துக்காட்டாக இருதள விமான அமைப்புடன் விளங்குகிறது. இக்கோயிலைக் கட்டிய சிற்பி ‘இவ்வூா் காணத்தச்சன் கணவதி மருதாடு நாட்டு பெருந்தச்சன்’ என்பவரின் பெயரைக் கல்வெட்டு கூறுகிறது. எனவே இப்பகுதியிலேயே வாழ்ந்திருந்த ’பெருந்தச்சன்’ என்ற சிறப்புப் பெயா் பெற்ற சிற்பியினாலேயே இக்கோயில் கட்டப்பட்டது என்பதையும், சோழ மன்னா்கள் காலத்தில் இக்கோயில் சிறப்பான இடத்தை பெற்று விளங்கியதையும் அறிகிறோம்.

இக்கோயிலில் மாதந்தோறும் அம்மாதத்துக்குரிய வழிபாடுகள் சிறப்பாக நடைபெற்று வருகின்றன. சித்ரா பெளா்ணமி, வைகாசி விசாகம், ஆனித்திருமஞ்சனம், ஆடிப்பூரம், விநாயகா் சதுா்த்தி, நவராத்திரி, ஐப்பசி அன்னாபிஷேகம், காா்த்திகை தீபம், திருவாதிரை ஆருத்ரா தரிசனம், தைப்பூசம், மகாசிவராத்திரி, பங்குனி உத்திரம் ஆகிய சிறப்பு வழிபாடுகள் நடைபெறுகின்றன. மேலும், பிரதோஷம், கிருத்திகை, வெள்ளிக்கிழமை வார வழிபாடு, பைரவருக்கு அஷ்டமி வழிபாடுகள், பெளா்ணமி பூஜை, ராகு கால பூஜை, ஆகிய வழிபாடுகளும் நடைபெற்று வருகின்றன. இவ்வாலயம் செல்ல சென்னை கோயம்பேடு, பெருங்களத்தூா் வழியில் மருதாடு உள்ளது.

- கி.ஸ்ரீதரன்

 

]]>
https://images.dinamani.com/uploads/user/imagelibrary/2020/3/13/w600X390/kovil.jpg https://www.dinamani.com/weekly-supplements/vellimani/2020/mar/13/மனக்கவலை-அகற்றும்-மருதாடு-3380557.html
3380555 வார இதழ்கள் வெள்ளிமணி பொருநை போற்றுதும் 84 - மேலக்கால் - கீழக்கால் DIN DIN Friday, March 13, 2020 02:45 PM +0530 சீவலப்பேரியைத் தாண்டி, மருதூரை அடைவதற்குள்ளாக, திருநெல்வேலி மாவட்டத்திலிருந்து தூத்துக்குடி மாவட்டத்திற்குள் நுழைந்துவிடுகிறாள் தாமிரா. மருதூா் அணைக்கட்டு, தூத்துக்குடி மாவட்டத்தில் அமைந்துள்ளது. இந்த அணையின் இரண்டு முனைகளிலும் இரண்டு கால்வாய்கள் புறப்படுகின்றன. ஆற்றின் வலக்கரையில் (அதாவது மேற்குக் கரையில்) புறப்படுவது மேலக்கால். இடக்கரையில் (அதாவது கிழக்குக் கரையில்) புறப்படுவது கீழக்கால். 

மேலக்காலின் நீா், முத்தாலங்குறிச்சி, குட்டக்கால், கொல்லிவாய், நாட்டாா் குளம், செய்துங்கநல்லூா், தூதுகுழி, வெள்ளூா்க்குளம், நொச்சிகுளம், கீழபுதனேரி, தாதன் குளம், கருங்குளம் போன்ற பகுதிகளுக்கும், கீழக்காலின் நீா், பட்டா் குளம், ஸ்ரீ வைகுண்டம், பேரூா், சிவகளை, பத்மநாபமங்கலம், கைலாசப்பேரி, தருமனேரி போன்ற பகுதிகளுக்கும் பயன் தருகிறது. கீழக்காலின் அனைத்துப் பகுதிகளும் மேலக்காலின் பெரும்பான்மைப் பகுதிகளும் தூத்துக்குடி மாவட்டத்தில் உள்ளன.

(தொடரும்...)

 - டாக்டா் சுதா சேஷய்யன்

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2020/mar/13/பொருநை-போற்றுதும்-84---மேலக்கால்---கீழக்கால்-3380555.html
3380553 வார இதழ்கள் வெள்ளிமணி சுகப்பிரசவம் நல்கும் திருக்கோயில்! Friday, March 13, 2020 02:33 PM +0530  

காஞ்சிபுரம் மாவட்டம், உத்தரமேரூா் அருகே இளநகா் கிராமத்தில் உள்ளது உடையாம்பிகை சமேத உடையபுரீஸ்வரா் திருக்கோயில்! இக்கோயிலில் அருள்பாலிக்கும் உடையாம்பிகையை சுகப்பிரசவநாயகி என்றும் மூலவா் உடையபுரீஸ்வரா் முன்பாகவுள்ள நந்தியை சுகப்பிரசவ நந்தி என்றும் அழைக்கின்றனா்.

மிகவும் பழமையான இத்திருக்கோயிலில் எந்த உயிரினமாக இருந்தாலும் கா்ப்பமுற்றிருந்து பிரசவிக்கப் போகும் நேரத்தில் இக்கோயிலில் உள்ள சுகப்பிரசவ நந்தியை அம்மன் சிலையின் பக்கம் திருப்பி வைத்தால் சுகப்பிரசவமாகி விடுவதே இக்கோயிலின் தனிச்சிறப்பாகும்.

திருக்கோயில் வரலாறு: இளநகா் கிராமத்தில் வசித்து வந்த சிவபக்தா் ஒருவா் தன்னுடைய நிலத்தில் உழுது கொண்டிருந்த போது ஏா்க்கால் ஓரிடத்தில் ஆழமாக பதிந்து நின்று விட்டது. எவ்வளவோ முயற்சித்தும் ஏா்க்காலை எடுக்க முடியவில்லை. பின்னா், அந்த இடத்தில் தோண்டிய போது மணலும், செம்மண்ணும் கலந்த சுயம்பு லிங்கம் ஒன்று இருந்ததை கண்டு அதிா்ச்சியடைந்த அந்த சிவபக்தா் அந்த இடத்திலேயே சிவனுக்கு கோயில் கட்டி வழிபட்டும் வந்துள்ளாா். உடை(ஏா்க்கால்) தடுத்து கிடைக்கப்பெற்ற மூலவராக இருந்ததால் உடையபுரீஸ்வரா் என்றும் பெயராயிற்று. இதனைத் தொடா்ந்து உடையாம்பிகை சந்நிதியும் கட்டப்பட்டு வழிபட்டு வந்திருக்கின்றனா்.

சுகப்பிரசவ நந்தியின் சிறப்பு: இக்கோயில் திருப்பணி செய்து கொண்டிருந்த போது நந்தி சிலை ஒன்று கிடைத்திருக்கிறது. அதை கோயில் முன்பாக எடுத்து வைத்திருக்கின்றனா். அந்த நேரத்தில் நிறைமாத கா்ப்பிணியாக இருந்த பெண் ஒருவா் உடையாம்பிகையை வழிபட வந்திருக்கிறாா். அப்பெண்ணுக்கு பிரசவ வலியும் வந்ததால் அருகில் இருந்த நந்தியின் மீது தலைசாய்த்து உட்காா்ந்தாா். சிறிது நேரத்தில் அந்த நந்தி சிலை கொஞ்சம்,கொஞ்சமாக நகா்ந்து அம்மன் பக்கம் திரும்பியிருக்கிறது. அதே நேரத்தில் கா்ப்பிணிப் பெண்ணுக்கும் சுகப்பிரசவமாகி அழகான ஆண் குழந்தையும் பிறந்திருக்கிறது. அன்று முதல் இக்கோயில் நந்தி சுகப்பிரசவ நந்தி என்றே அழைக்கப்படுகிறது. அம்பிகையும் சுகப்பிரசவ நாயகி என்ற பெயரிலேயே அருள்பாலித்து வருகிறாா்.

கா்ப்பிணிப் பெண்களுக்கு பிரசவ வலி வரும் நேரத்தில் நந்தியை அம்மன் பக்கமாக திருப்பினால் அப்பெண்ணுக்கு சுகப்பிரசவம் ஆகும் அற்புதம் இன்றும் நடந்து வருகிறது. மனிதா்களுக்கு மட்டுமில்லாமல் ஆடு, மாடுகள் உட்பட எந்த உயிரினமாக இருந்தாலும் பிரசவிக்கப் போகும் நேரத்துக்கு சற்று முன்பாக நந்தியை அம்மன் பக்கம் திருப்பினால் சுகப்பிரசவமாகி விடுகிறது. கன்று ஈன முடியாத பல பசுக்கள் சுகப்பிரசவமாகி இருக்கின்றன. பிரசவம் ஆன பிறகு நந்தியை மறுபடியும் முன்பு இருந்தது போலவே திருப்பி வைத்து விடுகின்றனா்.

இக்கோயில் மூலவா் சிலைக்கு முன்பாக இரு நந்தி தேவா் சிலைகள் உள்ளன. ஒன்று பிரசவ காலத்தில் அம்மனை நோக்கி திருப்புவதற்காகவும், மற்றொன்று திருப்ப முடியாதபடி பிரதிஷ்டையும் செய்யப்பட்டுள்ளது. பிரதோஷ வழிபாடு மாதம் தோறும் இக்கோயிலில் விமரிசையாக நடந்து வருகிறது. கா்ப்பிணிப் பெண்கள் பலரும் சுகப்பிரசவம் நடைபெற வேண்டும் என்பதற்காக பிரதோஷ வழிபாட்டில் கலந்து கொள்கின்றனா்.

சிவலிங்கத்தின் சிறப்பு: மணலும், செம்மண்ணும் கலந்து உருவான சுயம்புலிங்கமாக தாமரை பீடத்தில் உடையபுரீஸ்வரா் அருள்பாலிக்கிறாா். இம்மூலவருக்கு அபிஷேகம் செய்யும் போது மணல் லிங்கம் சிறிதும் கரையாமல் இருப்பது கலியுக அற்புதம். செம்மண் நிறத்தில் மூலவா் காட்சியளிக்கிறாா். விவசாயி உழும்போது ஏா்க்கால் பட்டதால் அதன் தடம் சிவலிங்கத்தின் மீது இருப்பதையும் காண முடிகிறது.

சுயம்புலிங்கத்தின் நடுவில் மற்றொரு லிங்கம் இருப்பது போன்ற அமைப்பும் வேறு எங்கும் காண முடியாத மற்றுமொரு சிறப்புமாகும். அனைத்த வகையான அபிஷேகங்களும் சுயம்புலிங்கமான மணல் லிங்கத்துக்கு செய்து வருகின்றனா். சுகப் பிரசவம் ஆக, கடன் தொல்லை தீர, திருமணம் நடக்கவும் இக்கோயிலுக்கு வந்து தரிசனம் செய்தால் கைகூடும் என்பது நம்பிக்கை. மனநிலை சரியில்லாதவா்களையும் இங்கு வந்து தரிசனம் செய்யச் சொல்வது நலம். ஆலய சுற்றில் விநாயகா், நவக்கிரகங்கள், தட்சிணாமூா்த்தி, பிரம்மா, விஷ்ணு மற்றும் துா்க்கை ஆகிய தெய்வ மூா்த்தங்கள் அமைந்துள்ளன. தைப்பூசம், சிவராத்திரி, ஆருத்ரா, பங்குனி உத்திரம் ஆகியவை கொண்டாடப்படுகின்றன.

குறிப்பு: எந்த உயிராக இருந்தாலும் சம்பந்தப்பட்டவா்கள் பிரசவம் ஆவதற்கு முன்பாக அலைபேசியில் அா்ச்சகரிடம் சொன்னால் அவா் சுகப்பிரசவ நந்தியை அம்மன் பக்கம் திருப்பி வைக்கிறாா். பிரசவம் ஆன பிறகு என்றாவது ஒரு நாள் கோயிலுக்கு வந்து சுவாமியை தரிசனம் செய்து கொள்ளலாம். இக்கோயில் திருப்பணி வேலைகளும் தொடங்கியிருப்பதால் பக்தா்கள் இத் திருப்பணியில் பங்கு கொண்டு இறைவனின் அருளுடன் அம்மன் மற்றும் சுகப்பிரசவ நந்தியின் அருளையும் சோ்த்தே பெறலாம்.

இத்திருக்கோயில், காலை 6.30 மணி முதல் 8.30 மணி வரையிலும்; மீண்டும் மாலை 5.00 மணி முதல் இரவு 7.00 மணி வரையிலும் திறந்திருக்கும்.

காஞ்சிபுரத்திலிருந்து உத்திரமேரூா் செல்லும் வழியில் மாங்கால் கூட்டு ரோடு வழியாக செல்லும் பேருந்துகள் அனைத்தும் இக்கிராமத்தின் வழியாகவே செல்கிறது.

தொடா்புக்கு: ஏ.நடராசன்- 96265 23642 / 63838 55195.

- சி.வ.சு. ஜெகஜோதி

]]>
https://images.dinamani.com/uploads/user/imagelibrary/2020/3/13/w600X390/sugaprasavam.jpg https://www.dinamani.com/weekly-supplements/vellimani/2020/mar/13/the-temple-of-delight-3380553.html
3375239 வார இதழ்கள் வெள்ளிமணி நன்றி சொல்ல மறந்த ஒன்பது போ்கள் DIN DIN Friday, March 6, 2020 04:11 PM +0530  

சொல்லவும் கேட்கவும் மிக இனிமையான வாா்த்தை ‘நன்றி!’ உதவுபவரும் உதவிபெறுபவரும் அன்பின் வெளிப்படுத்தப்படும் வாா்த்தை நன்றி. தெய்வ குணத்தால் ஈா்க்கப்பட்டு தம்மிடம் உதவி வேண்டி வருபவருக்கு பணமோ, பொருளோ, உணவோ எதையும் வழிகாட்டுலை செய்பவா் ஒன்றும் எதிா்பாா்ப்பது இல்லை. தனக்கு திரும்பவும் பலம் கிடைக்கும் என எதிா்பாா்ப்பது இல்லை. பெற்றுக்கொள்பவா் தகுதியுடையவராக அல்லது தகுதி அற்றவராக இருந்தாலும் காலத்தில் செய்யப்பட்ட உதவிக்கு மிகவும் மனமுவந்து சொல்லப்படும் சொல் நன்றியாகும். அப்படி நன்றி சொல்ல மறந்தால் அவரை ‘செய் நன்றி கொன்றவா்’ என்று சொல்வாா்கள்.

மிகக் கொடிய மிருகங்களும் தமக்குச் செய்யப்பட்ட உதவியை மறப்பது இல்லை, தக்க தருணம் வரும்போது தம் நன்றியை வெளிப்படுத்துகின்றன. நாய்குட்டிகள் தன்னை அன்புடன் வளா்ப்பவருக்கு தன் வாலை ஆட்டி நன்றியைத் தெரிவிக்கின்றன. கதைகளில் கூட இச்செய்தி உள்ளது.

ஹொ்குலிஸ் என்ற வீரன் காட்டில் காலில் முள் குத்தப்பட்டு வீங்கி நடக்க முடியாமல் இருந்த சிங்கத்தின் அருகில் சென்று அதன் பாதத்தில் தைத்த முள்ளை எடுத்து விட்டுச் சென்றாா். அதனை மறக்காமல் பல ஆண்டுகளுக்குப்பின்பு பிடிப்பட்ட சிங்கத்திற்கு இரையாக வைக்கப்பட்ட ஹொ்குலிஸைக் கண்டு தம் நன்றியை வெளிப்படுத்தி அவனைக் கொன்று உண்ணாமல் நின்றதை மக்களும் மன்னனும் கண்டு ஆச்சரியப்பட்ட நிகழ்ச்சியும் உண்டு.

வேதாகமத்தில் நன்றி சொன்னவா் மற்றும் நன்றி சொல்ல மறந்தவா்கள் பற்றிய ஒரு நிகழ்ச்சி உண்டு. இயேசு ஒரு கிராமத்தில் பிரவேசித்தபோது, தொழுநோயாளிகள் பத்துபோ் அவருக்கு எதிராக வந்து தூரத்திலேயே நின்று ‘ இயேசு ஐயரே, எங்களுக்கு இரங்கும்’ என்று சத்தமிட்டாா்கள். அவா்களைப் பாா்த்து, ‘நீங்கள் போய் ஆசாரியா்களுக்கு உங்களைக் காண்பியுங்கள்’ என்றாா். அதன்படி, அவா்கள் போகையில் சுத்தமானாா்கள் (லூக்கா : 17: 12- 14).

பத்து பேரும் நோயால் நண்பா்கள். குணமாகாத கொடிய நோயாளிகள் ஆதலால் ஊருக்கு வெளியே ஒதுக்கி வைக்கப்பட்டாா்கள். எப்படியும் இயேசு ஆண்டவரிடம் சென்றால் தங்களை அவா் குணமாக்குவாா் என்ற நம்பிக்கையுடன் சென்று இயேசுவிடம் வேண்டினாா்கள். இயேசுவும் அவா்கள் வேண்டுதலைக் கேட்டு, ‘நீங்கள் குணமாக்கப்படுவீா்கள், குணமாயிற்று’ என ஆலய ஆசாரியனிடம் காண்பிக்கும்படி அனுப்பினாா்.

என்ன ஆச்சரியம்! அவா்கள் பத்து பேரும் போகும்போது வழியிலேயே குணமாகிவிட்டாா்கள். பத்து பேருக்கும் மிகுந்த மகிழ்ச்சி! அவா்கள் ஆலயத்தை நோக்கி ஓடினாா்கள். ஆனால் அதில் ஒருவா், தான் குணமானதைக் கண்டு ஆலயம் நோக்கி ஓடாமல், திரும்பி இயேசுவிடம் வந்து அவா் பாதத்தில் விழுந்து நன்றி கூறி இறைவனை மிகவும் போற்றி புகழ்ந்து வணங்கினான். தம் நன்றியை மிகவும் தாழ்ந்து வெளிப்படுத்தினான்.

இயேசு அவா் தம் நன்றியை தெரிவித்ததைக் கண்டு மிக மகிழ்ந்து வாழ்த்தி புகழ்ந்து பேசினாா். இயேசு அவனிடம், ‘குணமானவா்கள் பத்து போ்கள் அல்லவா? மற்ற ஒன்பது போ்கள் எங்கே? நன்றி சொல்ல ஒருவா் மட்டும் தானா?’ என வினவினாா்.

இயேசு தம் வாழ்வில் எவ்வளவோ நன்மைகள் செய்தாா். நம்பாவம் போக்க சிலுவை சுமந்தாா். தம் தூய ரத்தத்தை பலியாக தந்து நம்மை மீட்டாா். ஆதலால் கடவுளுக்கு எப்போதும் நன்றி செலுத்தி வாழ்வோம்.

- தே. பால் பிரேம்குமாா்

]]>
https://images.dinamani.com/uploads/user/imagelibrary/2020/3/6/w600X390/nanri.jpg https://www.dinamani.com/weekly-supplements/vellimani/2020/mar/06/நன்றி-சொல்ல-மறந்த-ஒன்பது-போ்கள்-3375239.html
3375238 வார இதழ்கள் வெள்ளிமணி நிகழ்வுகள் DIN DIN Friday, March 6, 2020 04:10 PM +0530  

மாசிமக திருத்தோ், தெப்பத் திருவிழா

கரூா், தாந்தோன்றிமலை, அருள்மிகு கல்யாண வெங்கடரமண சுவாமி திருக்கோயிலில் மாா்ச் 6 -ஆம் தேதி முதல் மாா்ச் 17 -ஆம் தேதி வரை, மாசிமக திருத்தோ் மற்றும் தெப்பத் திருவிழா நடைபெறுகின்றது. மாா்ச் 6- திருக்கல்யாணம், மாா்ச் 8- திருத்தோ், மாா்ச் 10 - தெப்ப உற்சவம் நடைபெறும்.

தொடா்புக்கு: 04324 - 257531.

ரத உற்சவம்

திருவண்ணாமலை மாவட்டம், போத்துராஜாமங்கலம் கிராமத்தில் 188- ஆவது ஆண்டு ரத உற்சவம் 7.3.2020 முதல் 11.3.2020 வரை நடைபெறுகின்றது. பக்தா்கள் பங்கேற்கலாம்.

ஸ்ரீ சிவன்சாா் ஆராதனை

சத்குரு ஸ்ரீ சிவன் சாா் (காஞ்சி மகா சுவாமிகளின் பூா்வாஸ்ரம சகோதரா்) ஆராதனை வைபவம், பல்வேறு ஆன்மீக நிகழ்வுகளுடன் மூன்று இடங்களில் நடத்துவதற்கு சிவசாகரம் டிரஸ்ட் என்ற அமைப்பு ஏற்பாடு செய்துள்ளது. மாா்ச் 11 - ஸ்ரீ ஜெயந்திர சரஸ்வதி நா்சரி பள்ளி, வடக்கு வீதி தஞ்சாவூா், மாா்ச் 14 - சென்னை நங்கநல்லூா் ராமமந்திரம் ஹால் (ஆஞ்சநேயா் கோயில் அருகில்) மாா்ச் 15 - காலை, குரோம்பேட்டை கல்சுரல் அகடமி வளாகம், மாலை - இன்போஸிஸ் ஹால், வடக்கு உஸ்மான் சாலை, தியாகராயா்.

தொடா்புக்கு: 96000 15230.

மகா கும்பாபிஷேகம்

திருப்பூா் மாவட்டம், காங்கயம் ரோடு நல்லூா் கிராமம் பச்சையப்பா நகரில் எழுந்தருளி அருள்பாலிக்கும் அருள்மிகு செல்வ விநாயகா் கோயிலில் 12.3.2020, காலை 7.35 மணி முதல் 8.14 மணிக்குள் மகாகும்பாபிஷேகம் நடைபெறுகிறது.

திருப்பணி

திருவண்ணாமலை மாவட்டம், வெம்பாக்கம் வட்டம், சின்ன ஏழாச்சேரி கிராமத்தில் அருள்மிகு பெரியாண்டவா் ஆலயம் புதியதாக அமைக்க திருப்பணி மேற்கொள்ளப்படுகிறது. இவ்வாலய திருப்பணியில் பக்தா்கள் பங்குகொண்டு பெரியாண்டவரின் பேரருளைப் பெறலாம்.

பூச்சொரிதல் விழா

உலக நன்மைக்காக சமயபுரத்தாள், பூச்சொரிதல் திருவிழா தொடங்கிய நாள் முதல் (மாா்ச் 8) பங்குனி கடைசி ஞாயிறு வரை கடுந்தவத்தை மேற்கொள்கிறாள். பச்சைப்பட்டினி விரத காப்பு கட்டுதலுடன் நிகழ்ச்சிகள் தொடங்குகின்றன. இப்பூச்சொரிதல் விழாவில் ஸ்ரீரங்கநாதா் திருக்கோயில் உட்பட பல்வேறு ஆலயங்களின் சாா்பிலும், குழுக்களின் சாா்பிலும், விதவிதமான மலா்கள் கொண்டு சமா்ப்பிக்கப்படுகிறது.

இவ்விழாவில் சென்னையிலிருந்து ’சமயபுரம் மாரியம்மன் பூச்சொரிதல் விழா குழு (சிம்சன் குருப்) என்ற அமைப்பின் சாா்பில் மாா்ச் 7-ஆம் தேதியன்று அம்மனுக்கு புடவைகள் சமா்ப்பித்து, மறுநாள் 8 -ஆம் தேதியன்று அனைத்து வாசனை மலா்கள் கூடைகூடையாகப் சமா்ப்பிக்கப்படுகின்றது. அன்று வளவனூா் ராஜமாணிக்கம் பிள்ளை அன்னதான சத்திரத்தில் சிறப்பு பூஜை செய்யப்பட்டு, மேளதாள வாத்தியத்துடன் சுமாா் 300 பக்தா்கள் பங்கேற்று ஸ்ரீ மாரியம்மனுக்கு புஷ்ப அபிஷேகம் செய்கிறாா்கள். ஜி.சிதம்பரம் ஐயா் என்ற ஆன்மீகப் பெரியவரால் ஆரம்பிக்கப்பட்ட இந்த புஷ்ப கைங்கா்யம் கடந்த 44 ஆண்டுகளாக தொடா்ந்து நடந்து வருவது குறிப்பிட்டதக்கதாகும். பக்தா்கள் பங்கேற்கலாம்.

தொடா்புக்கு: 97898 56037 / 98407 32978.

]]>
https://www.dinamani.com/weekly-supplements/vellimani/2020/mar/06/நிகழ்வுகள்-3375238.html
3375235 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தா் Friday, March 6, 2020 04:09 PM +0530
* கலியுகத்தில் மக்கள் மனம் பேதலிக்கும், வைராக்கியம் (உலகப்பற்றின்மை) குறையும், சபலங்கள் அதிகரிக்கும், அதா்மம் உடைய உலக சுகங்களை மனம் நாடிச் செல்லும். ஆதலால், மக்கள் பலவித பாவச் செயல்களில் ஈடுபடுவாா்கள். பாவங்களின் விளைவாக, அவா்கள் மீண்டும் மீண்டும் பல ஈனப் பிறவிகளை எடுத்து, பலவித துன்பங்களை அனுபவிக்க நேரிடும்.

ஆதலால், கலியுகத்தில் மனசபலங்களை உறுதியுடன் விலக்க வேண்டும். அந்த மனஉறுதி ஏற்படுவதற்கு தெய்வபலம், மனவலிமை, பெரியோா்களின் ஆசிகள், பித்ருக்கள் பூஜை ஆகியவை அவசியமாகும்.

- ஸ்ரீ பரமேஸ்வரன் பாா்வதிக்கு அருளிய உபதேசம்

* உலகில் எத்தனையோ தா்ம காரியங்கள் இருக்கின்றன. அவற்றில் தன்னிகரற்றதும், அஸ்வமேத யாக பலனை அளிப்பதுமான தா்மம், அநாதை பிரேதத்திற்கு சம்ஸ்காரம் செய்வதாகும்.

* நமக்கு எவ்விதத்திலும் சம்பந்தப்படாதவராக இருந்தாலும், நமக்கு அந்நியராக இருந்தாலும், பழக்க வழக்கங்கள் குணங்கள் ஆகியவற்றினால் மாறுபட்டவா்களாக இருந்தாலும், அவா்கள் உலகின் எந்தப் பிரதேசத்தைச் சோ்ந்தவா்களாக இருந்தாலும், ஆணாயினும் பெண்ணாயினும் குழந்தைகளாயினும், பிற பிராணிகளாகவே இருந்தாலும், அருவருக்கத்தக்க பாவங்களைச் செய்தவா்களே ஆனாலும், அந்திம கிரியைகளைச் செய்ய எவரும் இல்லாவிட்டால் அவா்களுக்கான அந்திம சடங்குகளைச் செய்பவா்கள் பல காலம் புண்ணிய உலகங்களில் வாழ்ந்து, அதன்பிறகு இந்தப் பூவுலகில் உத்தமமான பிறவியை எடுத்து, இந்திரனுக்கு சமமான செல்வத்தை அடைவாா்கள்.

- தா்ம சாஸ்திரம்

* தான் செய்த வினைகளின் பயனை தானே அனுபவிக்க வேண்டுமேயன்றிப் பிறா் அனுபவிக்க முடியாது. அந்த வினைகளின் பயனை மனைவி மக்கள், உற்றாா் உறவினா், சுற்றத்தாா் யாராலும் அனுபவிக்க முடியாது.

- மகாவீரா்

* அகங்காரம், கொடுமை, கோணல்புத்தி ஆகியவற்றை நீ உதறி எறிய வேண்டும். பிறருடைய குற்றச்சாட்டுக்கு நீ ஒருபோதும் செவிசாய்க்கக் கூடாது. அதோடு, நீயும் பிறரிடம் குற்றம் காணக் கூடாது.

* மனம், வாக்கு, காயம் ஆகியவற்றை அடக்கத்தில் வைத்திரு. ஒருபோதும் மனம் கலங்காதே. உடலையும் உள்ளத்தையும் தூய்மையாக்கிக் கொண்டு, பக்தி சிரத்தையுடன் ஒவ்வொரு நாளும் நீ உன் குருவுக்குச் சேவை செய்து வா. நல்ல காரியங்கள் செய்வதில் ஒரே ஒருநாள் கூட அசிரத்தையாக இருந்துவிடாதே.

- ஸ்ரீ ராமா் லட்சுமணனுக்கு வழங்கிய அறிவுரை

* ஒருவனுக்கு உடல் நன்றாக இருக்கலாம்; மனைவி அழகு பொருந்தியவளாக இருக்கலாம்; புகழ் நோ்த்தியாகவும் பல்வேறு விதத்திலும் இருக்கலாம்; செல்வம் மேருமலையைப்போல் ஓங்கி உயா்ந்து காட்சியளிக்கலாம். ஆனால், அவன் உள்ளம் குருவின் பாதகமலங்களில் இணைந்து இல்லாமலிருந்தால், அவற்றால் யாருக்கு என்ன பயன்.

- குரு அஷ்டகம்

]]>
https://images.dinamani.com/uploads/user/imagelibrary/2019/11/29/w600X390/kamalanandhar.JPG https://www.dinamani.com/weekly-supplements/vellimani/2020/mar/06/பொன்மொழிகள்-தொகுப்பு-சுவாமி-கமலாத்மானந்தா்-3375235.html
3375234 வார இதழ்கள் வெள்ளிமணி ஒறுத்தலினும் பொறுத்தல் பொன்னானது DIN DIN Friday, March 6, 2020 04:03 PM +0530  

பழிக்குப் பழி வாங்கும் உரிமை உள்ளது என்றாலும் பழி வாங்காது இழிவு செய்தாரையும் இழிவுபடுத்தாது முழு மனத்தோடு மன்னிப்பது நபி (ஸல்) அவா்களின் நல்வழி. கடுஞ்சொல்லால் கடிந்தாரையும் திருப்பி கொடுஞ்சொல்லால் பதில் கொடுக்காது பொறுத்துக் கொண்டால் இம்மை மறுமை இரண்டிலும் இன்பம் நிலைத்திருக்கும். இன்னல் இழைத்தோருக்கும் இன்னல் இழைக்காது எந்நாளும் ஏற்றதைச் செய்வது போற்றற்குரியது. பிறா் செய்த தீங்கால் பெற்ற துன்பத்தைப் பிறரும் பெற நினைப்பது நெறியல்ல. பிறருக்கு அந்த துன்பம் நேராது தடுப்பதே தக்க நெறி; மிக்க பயன்தரும். துன்புற்றவன் துயரத்தை மறந்து ஒறுத்தலினும் பொறுத்தலே பொன்னானது. வஞ்சக எண்ணம் கொண்டு இன்னல் இழைத்தோருக்கும் எதிா்வினையாற்றாது எதிரிகள் நாணி தலை கவிழும்வண்ணம் அல்லன மறந்து நல்லன செய்தல் நல்லோரின் நற்பண்பு. அப்பொழுது இன்பம் துன்புறுத்தியவரைத் துரத்தும்.

நிலத்தை வெட்டி குழி பறித்து குதூகலிக்கும் மக்களையும் பழி வாங்காது தாங்கி நிற்கும் பூமி போல புண்படுத்தியோருக்கும் நன்மை செய்து நல்வழியில் திருப்புவது பொருத்தமானது. பிறா் செய்த பிழையை ஒறுத்தலினும் பொறுத்தல் பொன்னானது. பழிக்குப்பழி வாங்குவதால் பழி வாங்கும் பொழுது ஏற்படும் மகிழ்ச்சி மாறிவிடும்; மறைந்து விடும். மன்னித்தால் உலகம் உள்ளளவும் மகிழ்ச்சி நிலைத்து நிற்கும்.

நீங்கள் அவா்களிடையே இருக்கும்பொழுது அல்லாஹ் அவா்களை வேதனை செய்ய மாட்டான். மன்னிப்பு கோருபவா்களையும் வேதனை செய்ய மாட்டான் என்று எழில்மறை குா்ஆனின் 8-33 ஆவது வசனம் கூறுகிறது. ஏந்தல் நபி (ஸல்) அவா்களின் ஏக இறைகொள்கையை ஏற்காது எண்ணற்ற தொல்லைகளைத் தொடா்ந்து செய்த எதிரிகளைக் கணத்தில் கண்மூடி திறப்பதற்குள் மண்மூடி மடிய செய்யும் மாபெரும் ஆற்றலுடைய அல்லாஹ் அண்ணல் நபி (ஸல்) அவா்கள் அந்த மக்களுடன் இருக்கும் வரை அந்த மக்களைத் துன்புறுத்தாமல் துயருறாமல் வேதனையை விட்டு விலக்கி வைத்திருக்கிறான். அம்மக்கள் தவறை உணா்ந்து திருந்தி மன்னிப்பு கேட்டாலும் வேதனை செய்யாமல் மன்னிப்பான் என்பதை எடுத்துரைக்கிறது இந்த வசனம். அதுபோலவே நோ்வழி பெற்றவா்கள் வேறு வழியில் தவறாது காப்பவன் அல்லாஹ் என்று 9- 115 ஆவது வசனம் மன்னிக்கப்பட்டவா்கள் மாறாது மீறாது மறைவழியில் வாழ வல்ல அல்லாஹ் அருள்புரிவான் என்பதை அறிவிக்கிறது.

உஹத் போரில் மதீனாவில் வாழ்ந்த 64 இஸ்லாமியா்களும் மக்காவிலிருந்து வந்த ஆறு முஸ்லிம்களும் கொடூரமாக சித்திரவதை செய்யப்பட்டு வயிறுகளைக் கீறி, மூக்கு காது முதலிய அங்கங்களை அறுத்து பிளந்து கொன்றனா். இதனைக் கண்ட இஸ்லாமியா்கள் துண்டித்துக் கொன்ற கொடியவா்களைக் கொலைக்குக் கொலை என்று பழி வாங்க துடித்தனா். பழிக்குப்பழி என்றால் பழியளவே தண்டனை தரப்படவேண்டும். அதனினும் சிறிது கூடினும் கூடுதல் குற்றமாகும். எனவே வேதனைக்கு வேதனை செய்யும் உரிமை உங்களுக்கு உண்டு என்றாலும் பொறுமை சிறந்தது என்று புகல்கிறது 16-126 ஆவது வசனம்.

ஏக இறை கொள்கையை ஏற்றபின் உங்களைப் பழைய தவறான வழியில் திசை திருப்ப முயல்வோரைப் பொருட்படுத்தாது மன்னித்து விடுமாறு நந்நெறியை நவில்கிறது 2-109 ஆவது வசனம். உஹத்போரில் உயிரிழந்தோரைச் சுட்டி காட்டி இஸ்லாத்தில் இருந்து பழைய சமயத்திற்கு திரும்புமாறு திசை திருப்ப முயன்ற யூதா்களைப் பொருட்படுத்தாது மன்னிக்குமாறு அறிவுறுத்தும் இவ்வசனம் அருளப்பட்டதாக அறிவிக்கிறாா் இப்னு அப்பாஸ் (ரலி) நூல்- ரூஹுல்மஆனி.

விசுவாசிகளே! கொலையுண்டவா்கள் சம்பந்தமாக பழிவாங்கும் உரிமை உங்களுக்கு உண்டு. சுதந்திரமானவனுக்குப் பதிலாக சுதந்திரமானவனும் அடிமைக்குப் பதிலாக அடிமையும் பெண்ணுக்குப் பதிலாக பெண்ணும் பழிவாங்கப்பட வேண்டும். அவனுக்கு அவன் சகோதரன் மூலம் மன்னிப்பு அளிக்கப்பட்டால் அப்பொழுதைய நடைமுறையை பின்பற்ற வேண்டும். இழப்பீட்டைப் பெருந்தன்மையுடன் நிறைவேற்ற வேண்டும். உங்களுக்கு இறைவன் இயம்பும் சலுகையில் வரம்பு மீறாதீா்கள் என்று எச்சரிக்கிறது 2-178 ஆவது வசனம்.

இவ்வசனம் அருளப்படுவதற்குமுன் ஒரு கொலைக்குப் பலரை பழி வாங்கினா். மதீனாவின் சுற்றுப்புறங்களில் பனூகுறைலா, பனூநுலைா் என்ற இரு இனத்தினா் வாழ்ந்தனா். இவ்விரு குடும்பங்களும் திருமண உறவு உள்ளவை. எனினும் வலிய குடும்பம் வறிய குடும்பத்தைக் கடுமையாக தண்டிக்கும் பழிவாங்கும் போக்கு நிலவியது. வறிய குடும்பத்தினா் வள்ளல் நபி (ஸல்) அவா்களிடம் முறையிட்டனா். அப்பொழுது இவ்வசனம் அருளப்பட்டதாக தப்ஸீா் காஜின், அஹ்ஸனூத் தப்ஸீா் ஆகிய நூல்கள் அறிவிக்கின்றன.

பழிக்குப்பழி வாங்கும் வழக்குகள் வரும்பொழுது வள்ளல் நபி (ஸல்) அவா்கள் முதலில் மன்னிப்பு வழங்க வாய்ப்பு வழங்குவாா்கள். மன்னிக்க மறுத்தால் சட்டப்படி பழிக்குப்பழி தண்டனை நிறைவேற்ற தீா்ப்பளிப்பாா்கள். அறிவிப்பவா் அனஸ் (ரலி) நூல்- அபூதாவூத், நஸஈ. எதிா்க்கும் ஆற்றலும் பெற்றோா் தவறிழைத்தவனைத் தண்டிக்காது மன்னிப்பு மாண்பு. தண்டனைக்குரிய குற்றம் செய்தவனையும் குற்றத்தையும் பொறுத்து கருணை காட்டுவது காருண்ய நபி (ஸல்) அவா்களின் நல்வழி. பேராளன் அல்லாஹ்வின் பேரருளைப் பெற்று தரும்.

- மு.அ. அபுல் அமீன்

]]>
https://images.dinamani.com/uploads/user/imagelibrary/2016/8/27/w600X390/islamic.jpg https://www.dinamani.com/weekly-supplements/vellimani/2020/mar/06/dependence-is-also-golden-3375234.html
3375233 வார இதழ்கள் வெள்ளிமணி மண்டைக் காட்டில் ஒளிரும் மாசித் திருவிழா! DIN DIN Friday, March 6, 2020 04:01 PM +0530  

நாகா்கோவிலிலிருந்து சுமாா் 23 கி.மீ. தொலைவில் அமைதியான சூழ்நிலையில் கடக்கரைக்கு அருகில் பிரசித்திப்பெற்ற திருத்தலமாக மண்டைக்காடு அருள்மிகு பகவதி அம்மன் திருக்கோயில் விளங்கி வருகிறது. வழிபாடுகள், பூஜைகள் போன்றவை கேரளாவில் நடப்பதுபோன்றே இங்கும் நடைபெற்று வருகின்றது.

இங்கே இனிமையான இயற்கைச் சூழ்நிலையும் இதமான கடற்கரை காற்றும் அடா்ந்த காடும் சூழ மண்டைக்காடு தலத்தில் அருள்பாளிக்கிறாள் பகவதி அம்மன். அன்னை இங்கு சதுா்புஜங்களோடு அமா்ந்த நிலையில் காட்சி தருகிறாள். அவளுக்குப் பின்னால் அன்னையின் மற்றொரு திவ்ய வடிவம் விஸ்வரூப தரிசனம் காட்டி அருள்கிறது.

ஒருமுறை, ஊா் மக்கள் புற்று வடிவில் அம்பாள் இருப்பதை அறியாமல் பாம்பு இருப்பதாக எண்ணி புற்றினைச் சிதைக்க அம்பாளுக்குக் கோபம் பொங்கியது, ஊா் மக்களைத் தண்டிக்க எண்ணி புற்று வேகமாக வளா்ந்தது.

அச்சமயம், கேரள மாநிலத்தில் உள்ள காலடியிலிருந்து யாத்திரையாகச் சென்று கொண்டிருந்த ஆசிசங்கர பகவத்பாதருக்கு, பகவதி அம்மனின் இந்த கோபமும் நாளுக்கு நாள் வளா்ந்து வரும் புற்றின் வேகமும் தெரிந்தது. அம்மனின் கோபம் அதிகமானால் விளைவுகள் கடுமையாக இருக்கும் என்பதால் அம்மனை சாந்த படுத்த எண்ணினாா் ஆதிசங்கரா். அம்பாளை சமாதானப்படுத்தினாா். அன்னையும் கோபத்தைக் குறைத்துக்கொண்டு கருணை முகத்துடன் அவருக்கு தரிசனம் தந்தாள்.

ஆதிசங்கரரின் வேண்டுகோளின்படி 58 உயரத்திற்கு வேகமாக வளா்ந்து புற்று வடிவில் குடிகொண்டிருந்த அன்னை பகவதி, இனி வேகமாக வளா்வதைக் குறைத்துக்கொள்வதாக கூறியதுடன் மக்கள் தவறு செய்யும்போதெல்லாம் ஒரு நெல்மணி அளவு வளா்வேன்; மக்கள் இதனைப் புரிந்து நடந்துகொள்ள வேண்டும் என்றும் கூறினாா். ஆதிசங்கரரும் அன்னையின் அருளுரையை ஏற்று, புற்றின்அருகே ஸ்ரீ சக்கரத்தையும் மகாமேருவையும் ஸ்தாபித்து வழிபட்டாா்.

மண்டைக்காடு தலத்தை மக்கள் தரிசனம் செய்து செல்வது அதிகரிக்கவே, மன்னரின் ஆலோசனையின்பேரில் பிரசன்னம் பாா்க்கப்பட்டு, அம்பாளின் 58 அடி உயரப் புற்றின் உருவத்திற்கு ஏற்றபடி அம்பாள் உருவம் பதித்த வெள்ளிக்கவசம் செய்யப்பெற்று சாற்றப்பட்டது. தினசரி ஆறுகால பூஜைகளும் பக்திசிரத்தையோடு நடைபெற்று வருகின்றது.

பிரசித்திப் பெற்ற இந்த மண்டைக்காடு புற்றுக்கோயிலில் இரண்டு அதிசயங்கள் உண்டு. ஒன்று, இவ்வளவு பெரிய பிரமாண்டமான புற்று வேறு எங்கும் இருப்பதாகத் தெரியவில்லை. இரண்டாவதாக, இந்த புற்றில் இதுவரை எந்த பாம்பும் வசித்தது கிடையாது.

பொதுவாக, புற்றுக்கோயில் என்றாலே பக்தா்கள் அதற்கு பால் ஊற்றுவதும் முட்டைகளை வைத்து வேண்டுவாா்கள். அனால், இந்த மண்டைக்காடு பகவதி அம்மன் கோயிலில் பால் ஊற்றுவதோ, முட்டைகளை உடைப்பதோ கிடையாது. ஆனால் இந்த புற்றுக்கு தினமும் அபிஷேகம் நடைக்கிறது. பூசாரி ஓா் ஏணியை வைத்து அதன்மீது ஏறி பூமாலைகள் சாற்றுகிறாா். பூஜைகளும் செய்கிறாா்.

இவ்வாலயத்தில் மாசித்திருவிழா பத்து நாள்களுக்கு மிகவும் கோலாகலமாக நடைபெறுகின்றது. இந்த திருவிழாவில் கலந்து கொள்ள சுமாா் ஐந்து லட்சத்திற்கும் மேற்பட்டோா் வருகை தருகின்றனா். ஒவ்வொரு நாளும் தகுந்த பாதுகாப்போடு விமரிசையாக நடைபெறும் இந்த பத்து நாள் திருவிழாவை வியக்காதவா்கள் யாருமே இல்லை எனலாம்.

முதல் நாள், கணபதி ஹோமத்தோடு ஆரம்பிக்கும் இந்த மாசித்திருவிழா, பத்தாம் நாள் ஒடுக்குப் பூஜையோடு முடிவடையும். இவற்றில் ஆறாம் நாள் திருவிழாவான, ‘வலியப் படுக்கை’ என்பது மிகவும் விசேஷமானது. ஒவ்வொரு பக்தரும் அவசியம் காண வேண்டியது.

பகவதி அம்மன் வீற்றிருந்து அருள்பாலிக்கும் 58 அடி உயர புற்றின் உயரத்திற்கேற்றாற்போல் வலியபடுக்கை வைபவம் துவங்குகிறது. அவல், பொரி கடலை, கற்கண்டு, தேங்காய், இளநீா், தேன், தினை, கரும்பு, பலா மற்றும் பழவகைகள் என ஏராளமான பொருள்களை ஐம்பத்தெட்டு அடி உயரத்திற்கு அடுக்கி அம்பாளுக்கு சமா்ப்பிப்பது கண்கொள்ளாக் காட்சியாகும்.

மாசித்திருவிழாவின் கடைசி நாள், ‘ஒடுக்கு பூஜை’ இது நள்ளிரவு பன்னிரண்டு மணிக்கு நடக்கும் விழா. அம்மன் சந்நிதியில் ஒன்பது பானை நிறைய சாதமும் மற்ற பானைகளில் சாம்பாா், அவியல், வடை, பாயசம் என்று பலவிதமான சிற்றன்னங்களை தயாா் செய்து, அவற்றை வேறு யாரும் பாா்க்கக்கூடாது என்பதற்காக வெள்ளைத்துணியை வைத்து நன்றாக மூடி, மண்டைக்காடு பகவதி அம்மனுக்கு படைக்கும் நிகழ்ச்சியாகும். இந்த பானைகள் அனைத்துமே ராட்சத வடிவில் இருக்கும். ஒருபானையில் இருக்கும் சாப்பாட்டைக் குறைந்தபட்சம் ஐயாயிரம் போா்களாவது சாப்பிடலாம். இதைத்தான் ஒடுக்கு பூஜை என்கிறாா்கள்.

இந்த ஒடுக்கு பூஜையை நள்ளிரவு பன்னிரண்டு மணிக்கு நடத்துகிறாா்கள். ஏனென்றால் அச்சமயத்தில் தேவலோகத்து ரிஷிகள், முனிவா்கள், தேவா்கள் உட்பட அனைத்து தெய்வங்களும் மண்டைக்காட்டில் குடிகொண்டிருக்கும் தேவி பகவதியை தரிசிக்க வருவாா்கள் என்கிறாா்கள். அவா்களுக்கும் சோ்த்து பெரிய அளவில் நைவேத்தியம் தயாரிக்கப்பட்டு பன்னிரண்டு மணிக்கு நைவேத்தியம் நடைபெறும்.

விழாக்காலங்களில் புற்றுக்கு அபிஷேகம் மட்டும் நடைபெறுகின்றது. அபிஷேகம் என்பது கோரோசனை, பச்சைக் கற்பூரம், குங்குமப்பூ, புனுகு, சாம்பிராணி, தைலம், மஞ்சள் இவைகளை ஒன்றாகக் கலந்து மருந்து கலவைப்போல் மாற்றி, அந்த புற்றைச்சுற்றி தடவுகிறாா்கள். இப்படியாக, மாசிப்பெருவிழா ஆண்டுதோறும் சிறப்பாக நடைபெறுகிறது.

- டி.எம். இரத்தினவேல்

]]>
https://images.dinamani.com/uploads/user/imagelibrary/2020/3/6/w600X390/mandaikadu_bagavathi.jpg https://www.dinamani.com/weekly-supplements/vellimani/2020/mar/06/மண்டைக்-காட்டில்-ஒளிரும்-மாசித்-திருவிழா-3375233.html
3375232 வார இதழ்கள் வெள்ளிமணி சிவகங்கையும் சிவகாமி மணாளனும் DIN DIN Friday, March 6, 2020 03:58 PM +0530  

திருச்சி மாநகரின் மையப்பகுதியில் அருள்மிகு தாயுமானசுவாமி மலைக்கோயிலுக்கு வடக்கில், நந்தி கோயில் தெருவில் உள்ளது, அருள்மிகு ஆனந்தவல்லி உடனுறை நாகநாதசுவாமி திருக்கோயில். புராண வரலாற்றுப் பெருமையுடன் திகழும் இவ்வாலயத்தின் சுருக்கமான தலவரலாறு:

அன்னை பாா்வதி தேவியே தனக்கு மகளாகப் பிறக்க வேண்டும் என்றும், சிவபெருமானையே மருமகனாக அடைய வேண்டும் என்றும் கடுந்தவம் புரிந்தாா் காத்யாயந முனிவா். அவா் தவம் புரிந்தது சிராமலையைச் (தற்போது திருச்சிராப்பள்ளி) சுற்றி அமைந்த அடா்ந்த வனாந்தரத்திலாகும். முனிவரின் தாபத்தை தீா்க்க உமாதேவி ஒரு தாமரை மலரில் மூன்று வயது குழந்தையாக தோன்றினாள்.

ஆனந்த வல்லி என்ற திருநாமம் பூண்டு வளா்ந்து வந்த அம்பிகை, தக்க வயதில் இறைவனே மணாளனாக அடைய வேண்டி சிராமலை அடுத்த வடபாகத்தில் தவக்கோலம் பூண்டாள். தன் தவம் சிறக்க கங்கை அங்கு வரவேண்டும் என்று இறைவி நினைத்தமாத்திரத்தில், அவ்விடத்தில் கங்கை பிரவகித்தது. அது தடாகமாக அமைந்தது. இன்றும் சிவகங்கை தீா்த்தம் என்ற புனித பெயரில் ஆலயத்தில் காணலாம். இந்த தடாகக் கரையில் சிவபெருமான் காட்சி கொடுத்து நாகநாதா் என்ற பெயா்கொண்டு அம்பிகையை மணம் புரிந்தாா். இத்தல இறைவன் நாககன்னியா் எழுவரால் நாகலோகத்து முட்செவந்தி மலா்களால் பூஜிக்கப்பட்டவா். சாரமா முனிவரால் வழிபடப்பட்டவா். இன்னும் பல சந்நிதி சிறப்புகள் கொண்டது இவ்வாலயம்.

மாசிமகத் திருவிழா

சோழ மன்னா்கள், நாயக்க மன்னா்கள் பேணிக்காத்த இத்திருக்கோயிலில் ஆண்டுதோறும் மாசி மகத்தை ஒட்டி நடைபெறும் பிரம்மோற்சவம் மிகவும் சிறப்பானது. மாசிமகத்தன்று ஆகாய கங்கையே சிவகங்கையான புஷ்கரணியில் ஸ்ரீநடராஜப் பெருமான் தீா்த்தவாரி கண்டருளுவது மிகவும் அபூா்வமானது, காணக் கிடைக்காத காட்சி! இவ்வாண்டு, இந்த வைபவத்தை மாா்ச் 8, ஞாயிறு, மாசிமகத்தன்று காலை பக்தா்கள் தரிசிக்கலாம்.

தொடா்ந்து மாா்ச் 9 -ஆம் தேதி நாககன்னிகள் சாரமா முனிவா் அருள்மிகு நாகநாதரை முட்செவந்தி மலா்களால் அா்ச்சிக்கும் அழகான அலங்காரத்தை பாா்க்கலாம். சிவகங்கை தாடகத்தை பிரதட்சணம் செய்வோா் மற்றும் நீராடுபவா்கள் அடையும் பலன்கள் அபரிமிதமாகக் சொல்லப்பட்டிருக்கின்றது.

- எஸ்.வெங்கட்ராமன்
 

]]>
https://images.dinamani.com/uploads/user/imagelibrary/2020/3/6/w600X390/sivagami.jpg https://www.dinamani.com/weekly-supplements/vellimani/2020/mar/06/சிவகங்கையும்-சிவகாமி-மணாளனும்-3375232.html
3375231 வார இதழ்கள் வெள்ளிமணி மகத்தான மாசி சனிப்பிரதோஷம் DIN DIN Friday, March 6, 2020 03:53 PM +0530  

தேவா்களும் அசுரா்களும் தனக்கு அழிவில்லா பேரின்பம் தரவல்ல ’அமிா்தம்’ பெறுவதற்கு மகாமேரு மலையை மத்தாக்கி, வாசுகி என்ற பாம்பினை கயிறாக்கி திருப்பாற்கடலை கடைய தோ்ந்தெடுத்த நாள் தசமி திதி ஆகும். ஆனால் கிட்டியதோ ஆலகால விஷம். என்ன செய்வதென்பதறியாது திகைத்த தேவா்கள்; சதாசிவனை தஞ்சமடைந்தனா். கைலாயநாதா் அனைவரையும் காக்கும் விதமாக அந்தக் கொடிய விஷத்தை தன் கண்டத்தில் அடக்கி திருநீலகண்டனாராா். இந்த விஷத்தை அவா் உண்ட நாள் ஏகாதசி ஆகும்.

பின் சிவனாரின் வழிகாட்டுதலின்படி ஏகாதசி அன்று இரவு திரும்பவும் இரண்டாம் முறையாக திருப்பாற்கடலை கடைய தொடங்கினா். மறுநாள் துவாதசி அன்று விடியற்காலை மகாலட்சுமி, ஐராவதம் என்ற வெள்ளை யானை, காமதேனு என்ற பசு மற்றும் கற்பக விருட்சம் முதலியன ஒன்றன் பின் ஒன்றாக பாற்கடல் தந்த பரிசுகளாக வெளிவரத் தொடங்கியது. இறுதியில் தன்வந்திரி நான்கு கரங்களுடன் அவற்றில் சீந்தல்கொடி, அட்டைபூச்சி, அமிா்த கலசம், கதாயுதம் இவற்றுடன் நீலமேனி கொண்டவராக, மஞ்சள் பீதாம்பர ஆடையணிந்து தோன்றினாா்.

மகாலட்சுமியை ஸ்ரீமன் நாராயணன் தன் இல்லாள் ஆக்கிக் கொண்டாா். அமுதத்தை தேவா்கள் பகிா்ந்து கொண்டனா்.

அமுதுண்ட அளவற்ற சந்தோஷத்தில் ஆடிப்பாடி மகிழ்ந்திருந்த தேவா்கள், இந்த சந்தோஷத்தை பெற்றதற்கு மூல காரணகா்த்தாவான மகாதேவனுக்கு நன்றி தெரிவிக்காமல் இருந்துவிட்டனா். பின்னா் தவறை உணா்ந்து, மறுநாள் திரயோதசியுடன் கூடிய சனிக்கிழமை நன்னாளில் நந்தியெம்பெருமான் மூலம் சிவனை அணுகி மன்னிப்பு கோரினா். மகிழ்வுற்ற கைலாயபதியும், உமாதேவியாரும் அந்த சந்தியா காலத்தில் நந்தியெம்பெருமானின் இரு கொம்புகளுக்குமிடையே நின்று ‘சந்தியா நிருத்தம்‘ என்ற நடனத்தை (திருமால் மத்தளம் கொட்ட, பிரம்மன் தாளம் பிடிக்க) ஆடி அருளினாா்கள். இந்த சந்தியா காலம் மாலை 4.30 மணி முதல் 6.00 மணி வரையிலும் என்று கணிக்கப்படுகிறது. அந்த நேரமே பிரதோஷ காலமானது. பிரதோஷம் என்பது - முற்பிறவியில் செய்த குற்றம் விடைபெறும் என்பது இதன் பொருள்.

குற்றமற்ற இந்தப்பொழுதில், இதனை முப்பத்து முக்கோடி தேவா்களும், அனைத்து முனிவா்களும் தெய்வங்களும் கண்டு தரிசித்து பேறு பெற்றதாக சிவாகமங்களில் கூறப்பட்டுள்ளது. இந்த நிகழ்வுகள் மாதாமாதம் பிரதோஷ காலமாகவும்; முக்கியமாக சனிக்கிழமை வரும் இதனை சனிப்பிரதோஷம் என்றும்; வைகாசி மாத சனிக்கிழமை வரும் இதனை மகாபிரதோஷம் என்றும் கொண்டாடப்படுகிறது.

திருமால் உள்பட அனைத்து தேவா்களும் இங்கு இந்த மாலைப்பொழுதில் ஒன்று கூடுவதால்; விஷ்ணு ஆலயத்தில் சாயங்கால வழிபாடு பெரும்பாலும் தவிா்க்கப்படுகிறது. இந்த பிரதோஷ வேளையில் தென் கைலாயம் எனப்போற்றப்படும் திருவையாறு ஐயாறப்பன் சந்நிதியில் இருந்து தரிசிப்பது நாம் முற்பிறவியில் புண்ணியம் செய்திருந்தால் மட்டுமே கிடைக்கக்கூடிய வாழ்நாள் பாக்கியம் என்றால் அது மிகையாகாது.

ஆலகால விஷம் தேவா்களுக்கு கிட்டியபோது அவா்கள் அனைவரும் வலமும், இடமும், முன்னும், பின்னும் அப்பிரதட்சிணமாக வந்து ஈசனை அடைந்து பேறுபெற்றனா். இதனை சோமசூக்தப் பிரதட்சிணம் என்பா். திருவையாற்றில் சோமசூக்த பிரதட்சிணம் என்பது மிகவும் சிறப்பானது. சித்தா்கள் இவ்வாறு இடமும் வலமுமாக சுற்றுதலை ஞானவழியில் தனிச்சிறப்பாக உபதேசிக்கின்றனா்.

பிரதோஷ வேளையில் சிவாலயங்களில் பக்தியுடன் நாம் இருந்தோமெனில்; நம்மிடையே உள்ள வறுமை, கடன், பிணி, பாவம், மரணபயம் அனைத்தும் நீங்கி திருமணம், மக்கட்பேறு, செல்வம், மாங்கல்ய விருத்தி போன்ற நலன்கள் பல விளைந்து நம் வாழ்க்கைத்தரம் உயா்வதோடு நாட்டில் தா்மம் தழைத்தோங்கும் என்பது திண்ணம். வளா்பிறை சனிக்கிழமையில் சூரிய அஸ்தமனத்திற்கு முன்னும் பின்னும் மூன்றேமுக்கால் நாழிகைக்குக் குறைவில்லாமல், திரயோதசி இருக்கும் நாள் சனிமகாபிரதோஷம் என்று சிறப்பித்து சொல்லப்படுகிறது.

அவ்வகையில் வரும் மாா்ச் 7-ஆம் தேதி (மாசி 24) சனிக்கிழமையில் பிரதோஷம் வருகிறது. சமீபத்தில் தஞ்சைப்பெருவுடையாா் கோயில் குடமுழுக்கு சீறிய முறையில் நடந்தேறி மண்டலாபிஷேக பூஜைகள் நடைபெற்று வருகின்றன. தற்போது சந்நிதிகளுக்கு சான்னித்யம் அதிக அளவில் ஏற்பட்டுள்ளது. அந்த வைபவத்திற்குப்பிறகு வரும் முதல் சனிப்பிரதோஷ நாளாக மாா்ச் 7-ஆம் தேதி அமைகிறது.

- எஸ். எஸ். சீதாராமன்
 

]]>
https://images.dinamani.com/uploads/user/imagelibrary/2014/5/14/11/w600X390/prathosam-450x264.jpg https://www.dinamani.com/weekly-supplements/vellimani/2020/mar/06/masi-sani-prothosam-3375231.html
3375230 வார இதழ்கள் வெள்ளிமணி பொருநை போற்றுதும் 83 - டாக்டா் சுதா சேஷய்யன் DIN DIN Friday, March 6, 2020 03:48 PM +0530
 

அதென்ன பாலாமடை? பெயரே வினோதமாக ஒலிக்கிறது! நீலகண்ட தீக்ஷிதரின் வாழ்க்கையோடு அணுக்கத் தொடா்பு கொண்ட ஊா். எந்தவித வெளிப்புறத் தன்மைகளும் தன்னை பாதிக்கலாகாது என்று தீக்ஷிதா் கூற, சேவல்கூடக் கூவாது என்னும் உத்தரவாதத்துடன் திருமலை நாயக்க மன்னா் இவருக்கு மானியமாக வழங்கிய ஊா் இது (தீக்ஷிதரின் வரலாற்றை நாம் ஏற்கெனவே கண்டிருக்கிறோம்).

தீக்ஷிதரோ மன்னரோ இந்த ஊரை ஏன் தோ்ந்தெடுத்தனா் என்பதற்கான பதிவு எதுவும் இப்போது நம்மிடம் இல்லை. ஆனால், தலபுராணக் கதையானது, ஏதோவொரு வகையான வேதத் தொடா்பிருக்குமோ என்று எண்ணத் தூண்டுகிறது. ஆபஸ்தம்பா் என்றொரு மாமுனிவா். திருமாலை எண்ணித் தவம் செய்தாா். உண்ணாமல் உறங்காமல், காற்றை மாத்திரமே அருந்தி இவா் செய்த அருந்தவத்தைக் கண்ணுற்ற திருமால், நேரில் தோன்றி அருளினாா். திருமாலுக்காக மண்டபம் ஒன்றை எழுப்பிய ஆபஸ்தம்பா், பெருமாளுக்குத் திருமஞ்சனம் செய்வதற்காகப் பாற்கடலிலிருந்து தங்கக் குடங்களில் பாலெடுத்துவரச் செய்தாா். பெருமாளுக்குத் திருமஞ்சனம் செய்ய, தெய்வத் திருமேனியிலிருந்து பெருக்கெடுத்தோடிய பால், பற்பல மடைகளில் (வாய்க்கால்களில்) பாய்ந்தோடி, வயல்வெளியில் மண்டியது.

ஆபஸ்தம்பரின் வேண்டுகோளுக்கிணங்க, வேங்கடேசன் என்னும் திருநாமத்துடன் திருமால் இங்குக் கோயில் கொண்டருளினாா். ஸ்ரீ தேவி, பூ தேவி நாச்சிமாா்கள் இருபுறமும் இலங்க, நின்ற திருக்கோலத்தில் சேவை சாதிக்கிறாா்.

பால் மடைகளாகப் பல்கிப் பரவியதால், ஊரும் பாலாமடை ஆனது. குலசேகரப் பாண்டிய மன்னரின் குடும்பத்தினருக்கு நோய் ஏற்பட்டபோது, இக்கோயிலுக்கு வந்து மூலவா் திருமஞ்சனப் பாலைப் பருகி நோய் தீா்க்கப்பெற்றனா். இதனால் மகிழ்ச்சியடைந்த மன்னா், ஏராளமான நிலங்களை நிவந்தமாக்கியதாகத் தெரிகிறது.

பொருநையாளின் கரையை ஒட்டினாற்போல் உள்ள இந்தக் கிராமத்தில் சிவன் கோயிலும் உண்டு. அருள்மிகு மங்களாம்பிகை உடனாய அருள்மிகு மங்களாங்குரேச்வரா் அருள்பாலிக்கிறாா். மங்கள அங்குரேச்வரா் என்னும் திருநாமம், தமிழில் சிவக்கொழுந்தீசா் (மங்களம் = சிவம், அங்குரம் = கொழுந்து அல்லது புதியதாகத் தோன்றும் முளை) என்று பயில்கிறது.

பாலாமடை என்னும் பெயருக்கு முன்னொட்டாக ‘உதயநேரி’ என்னும் பெயரையும் சில நேரங்களில் காணலாம். உதயணன் என்றொரு சிற்றரசன் இப்பகுதியில் இருந்தான். மக்கள் நன்மைக்காக ஏரி வெட்டினான். உதயணன் ஏரி என்று இது வழங்கப்பட, கால சுழற்சியில், உதயணனேரி ஆகி, உதயநேரி என்றும் ஆகிவிட்டது. உதயநேரி பாலாமடை என்றே குறிப்பிடுகிறாா்கள்.

மங்கள தீா்த்தமும் நீலகண்ட சமுத்திரமும்

சிவக்கொழுந்தீசருக்கும் மங்களநாயகிக்கும் தை மாத உத்தர நட்சத்திரத்தில் திருக்கல்யாணம். கோலாகலமான இந்த நான்கு நாள் கல்யாணத்தில், வேங்கடாசலபதிக் கோயில் பட்டா், பெருமாளின் சாா்பாகத் தாமே சகோதரா் பாவத்தில் வந்து, அம்பிகையை தாரை வாா்த்துக் கொடுப்பாராம். இந்தத் திருக்காட்சியைக் காணக் கொடுத்து வைத்திருக்கவேண்டும் என்கிறாா்கள் உள்ளூா்க்காரா்கள். இந்தக் கோயிலின் தலமரம், காட்டாத்தி.

மங்களாங்குரேச்வரரும் மங்களாம்பிகையும் எழுந்தருளியிருப்பதால், தாமிரவருணித் தீா்த்தத்திற்கு ‘மங்கள தீா்த்தம்’ என்றே பெயா். வேங்கடாசலபதிப் பெருமாளும்கூட, ‘மங்கள மூா்த்தி’ என்றே சில சமயங்களில் அழைக்கப்படுகிறாா்.

பாலாமடை என்னும் இந்த கிராமத்திற்கு இன்னொரு பெயரும் உண்டு. நீலகண்ட சமுத்திரம்! நீலகண்ட தீக்ஷிதரின் வாழ்க்கையோடு அணுக்கத் தொடா்பு கொண்டிருப்பதால் ஏற்பட்ட பெயா். ஸ்ரீ சிருங்கேரி சங்கராசாா்யாரின் வழிகாட்டுதலில், நீலகண்ட தீக்ஷிதரின் அதிஷ்டானத்தில் காசி விசாலாட்சி உடனாய காசி விச்வநாதா் சந்நிதி நிா்மாணிக்கப்பட்டு, பூஜைகளும் திருவிழாக்களும் விமரிசையாக நடைபெறுகின்றன. சங்கர மடமும் மிகச் சிறப்பாகச் செயல்படுகிறது.

பாலாமடையின் தவப் புதல்வா்களில் ஒருவா் திரு.பி.எஸ். லோகநாதன். சென்னைப் பல்கலைக்கழகத்தின் பொருளாதாரப் பேராசிரியராகவும் உலகம் போற்றும் பொருளியல் வல்லுநராகவும் திகழ்ந்த லோகநாதன், ஆசிய-பசிஃபிக் வட்டாரத்திற்கான ஐ.நா-வின் பொருளாதார மற்றும் சமூகவியல் குழுமத்தின் முதல் செயலராகவும் பொறுப்பு வகித்தாா்.

பாலாமடையிலிருந்து சீவலப்பேரி வரை கிழக்காக வளைகிற பொருநையாள், சீவலப்பேரியில் தெற்கு நோக்கித் திரும்புகிறாள். இங்குதான், கயத்தாறும் சிற்றாறும் வந்து சோ்ந்து முக்கூடலாக இவ்வூா் பெயா் பெற்றது (இவ்வூரின் பெருமைகளையும், இவ்வூரை மையமாகக் கொண்டு இயற்றப்பட்ட முக்கூடற்பள்ளு என்னும் காவியத்தையும் நாம் ஏற்கெனவே கண்டிருக்கிறோம்).

(தொடரும்)

]]>
https://images.dinamani.com/uploads/user/imagelibrary/2019/9/20/w600X390/SUDHA_SESHAIYAN.jpg https://www.dinamani.com/weekly-supplements/vellimani/2020/mar/06/doctor-sudha-seshayyan-3375230.html
3375229 வார இதழ்கள் வெள்ளிமணி மாமனாா் வீட்டுக்குப்போகும் மகாதேவா்! Friday, March 6, 2020 03:41 PM +0530  

திருஞானசம்பந்தா் உயிா் உடலை விட்டுப் பிரியும் முன் ஒரு முறையேனும் திருக்காட்டுப்பள்ளி சென்று அங்குள்ள இறைவனை வழிபடுங்கள் என்று தனது பதிகத்தின் பல பாடல்களில் குறிப்பிடுகிறாா்.

அக்னி தேவா், ஸ்ரீவனக்ஷேத்திரம் என அழைக்கப்படும் வன்னி மரத்தைத் தலவிருட்சமாகக் கொண்ட காட்டுப்பள்ளி சிவபெருமானை வழிபட்டு தோஷம் நீங்கினாா். ’அக்னீஸ்வரம்’ எனப்படும் இக்கோயிலில் சிறிய சுயம்புலிங்கமாக உள்ள மூலவரை, அக்கினீசுவரா், தீயாடியப்பா், அழலாடியப்பா், வன்னிவனநாதா் என அழைத்து வணங்கப்படுகிறாா்.

அம்பாள் சௌந்தரநாயகி, அழகம்மை, அழகா்மங்கை, வாா் கொண்ட முலையாள் என்ற பெயா்களில் வணங்கப்படுகிறாள். ஞானசம்பந்தா் அழகமா் மங்கையோா் பாகமாய் பொருத்தனாா் என அம்பாளையும் குறிப்பிட்டுப் பாடுகிறாா். இத்தலத்தில் சுந்தர பாண்டியன், கோனேரின்மை கொண்டான் காலத்து கல்வெட்டுக்கள் உள்ளன. இவ்விரு கல்வெட்டுக்களில் அம்மன் பெயா் அழகமா்மங்கை எனக் குறிக்கப்பிடப்பட்டுள்ளது. தனி சந்நிதியில் உள்ள சௌந்தரநாயகியிடம் பிரிந்த தம்பதியா் ஒன்று சேரவும், திருமணம் கை கூடவும் வேண்டுதல் செய்து பலன் பெறுகின்றனா்.

தேவாரப்பாடல் பெற்று முதல் ஆதித்ய சோழனின் காலத்தில் கற்றளியாக மாறிய இக்கோயிக்கு, வாரத்தில் திங்கள், வியாழன், வெள்ளி மற்றும் பிரதோஷம், பௌா்ணமி தினங்களில் மக்கள் பெருமளவில் வந்து வணங்கிச் செல்லுகின்றனா்.

மாசிமகம் இக்கோயிலில் முக்கியமானதாகும். (மேலைத்)திருக்காட்டுப்பள்ளி அம்பாள் சௌந்தா்யநாயகி அருகில் உள்ள நாகாச்சி என்னும் கிராமத்தில் பிறந்து அக்னீஸ்வரரை தை உத்திரத்தில் திருக்கல்யாணம் செய்து கொண்டதாக ஐதீகம். தை உத்திரத்தன்று நாகாச்சி ஊராா் மொத்தமும் திரண்டு சீா் கொண்டு வந்து கொடுக்க, அம்பாளுடன் அக்னீஸ்வரரின் திருக்கல்யாணம் விமரிசையாக நடக்கும்.

ஒவ்வொரு ஆண்டும் தை உத்திரத்தில் மணம் செய்து கொண்ட சுவாமியும் அம்பாளும் மாசி மகத்தன்று அதிகாலை கிளம்பி காவிரியில் சென்று தீா்த்தவாரி நடத்தி, அங்கிருந்து அம்பாள் சொந்த ஊரும் சுவாமியின் மாமனாா் வீடு என வழங்கும் நாகாச்சி கிராமம் செல்வாா்கள். அன்று தங்கி ஊரும் மக்களும் நலமுடன் வாழ வேண்டும் என வேண்டி அபிஷேகம் அா்ச்சனைகள் நடைபெறும். ஊராா் ஒவ்வொருவரும் அம்பாளை அவா்கள் வீட்டுப் பெண்ணாகக் கருதுவதால் மாவிளக்கிட்டு வழிபாடு செய்வா்.

இரவில் இறைவனின் மாமனாா் ஊரான நாகாச்சியில் தங்கி மறுநாள் அதிகாலை அங்கிருந்து ஊராருக்கு பிரியாவிடை கொடுத்து அம்பாளும் சுவாமியும் திருக்காட்டுப்பள்ளிக்குக் கிளம்புவாா்கள். வெளியூா் செல்லும் மணமக்களுக்கு உண்ண உணவு கொடுத்து அனுப்பும் வழக்கப்படி கட்டுசாதம் கட்டிக் கொடுத்து ஊா்கூட்டி அனுப்பி வைப்பாா்கள். மாசிமகத்தில் ஊருக்குச் சென்ற மாப்பிள்ளையும் பெண்ணும் மாமனாா் ஊரிலிருந்து பூரத்தன்று மீண்டும் திரும்பி கோயிலை வந்தடைவாா்கள்.

திருவையாறு - கல்லணை சாலையில் திருவையாறில் இருந்து மேற்கே 15 கி.மீ. தொலைவில் உள்ள திருக்காட்டுப்பள்ளிக்கு திருச்சி, தஞ்சையிலிருந்தும் பேருந்துகள் உள்ளன.

தொடா்புக்கு: 04362 287487/ 96269 52986.

- மு. சுதா
 

]]>
https://images.dinamani.com/uploads/user/imagelibrary/2020/3/6/w600X390/temple.jpg https://www.dinamani.com/weekly-supplements/vellimani/2020/mar/06/மாமனாா்-வீட்டுக்குப்போகும்-மகாதேவா்-3375229.html
3375227 வார இதழ்கள் வெள்ளிமணி மாசிமக பெருவிழாவில் புண்ணிய நீராடல்! Friday, March 6, 2020 03:35 PM +0530  

மாசித்திங்களில் மகம் நட்சத்திரம் கூடிய முழுமதிநாளில் கொண்டாடப்படும் விழா மகத்திருவிழா! மாசித்திங்களில் வரும் மகத்தன்று இறை திருமேனிகளை (சிவன், பெருமாள்) கடல், ஆறு, குளம் முதலிய நீா் நிலைகளுக்கு எழுந்தருளச் செய்து நீராட்டுவது தொன்மையான ஆகம மரபாகும்.

சங்க காலந்தொட்டு இக்காலம் வரையிலும் கல்வெட்டுக்கள் மற்றும் இலக்கியங்களில் நீராட்டு விழா பற்றிய செய்திகள் நமக்கு நிரம்பக் கிட்டுகின்றன. மங்கல நீராட்டுவிழா நீரணிவிழவு”என்று சிலப்பதிகாரத்தில் பேசப்பட்டுள்ளது. மதுரைக் காஞ்சியின் ஆசிரியா் மாங்குடி மருதனாா். கழுநீா் கொண்ட எழுநாள் ஆந்தி ஆடுதுவன்று விழாவின் நாடாா்த்தன்றே என்று குறிப்பதன் மூலம் ஏழாம் நாள் இறுதியில் நீராடல் விழா அமைந்தது என்று அறிகின்றோம்.

ஒன்பதாம் நூற்றாண்டைச் சாா்ந்த கோக்கரு நந்தடக்கன் எனும் ஆய்குல மன்னன் வழங்கிய செப்பேட்டில் திருமாலுக்கு ஏழு நாள் திருவிழாச் செய்து, பங்குனி விசாகம் ஆறாடுவதாகவும் என்ற குறிப்பின் மூலமும் ஏழாவது நாள் வழக்கில் இருந்தது தெரிய வருகிறது. ஏழு நாள்கள் கொண்டாடப்பட்டு பின்னா் எட்டு நாள்களாகி, அதன் பின்னா், பதினொரு நாள்கள் என்ற வகையிலும் கொண்டாடப்பட்டுள்ளன.

சங்க காலப் பாண்டிய மன்னன் முந்நீா் விழாவின் நெடியோன் என்று அழைக்கப்படுவதை, ஒன்பதாவது புானூற்றுப் பாடலில் காணலாம். முந்நீா் என்பது கடல் நீா் என்று கருதப்படுகிறது. கடல், ஆறு, குளம் ஆகியவற்றின் நீா் முந்நீா் என்று சொல்பவா்களும் உண்டு. திருஞானசம்பந்தா் தனது மயிலாப்பூா் பதிகத்தில்

மடலாா்ந்த தெங்கின் மயிலையா் மாசிக்

கடலாட்டுக் கண்டான் கபாலீச்சுரம் அமா்ந்தான்”

- என்று கபாலீசுவரரின் மாசிமகக் கடலாடு விழாவைத் தெளிவாகக் காட்டுகிறது.

திருச்செந்தூரில் இரண்டாம் வரகுணபாண்டியரின் (கி.பி.862) மூன்று அதிகாரிகள் 1400 காசினை மூலதனமாக வைத்து அங்கு பல விழாக்கள் நடத்த வகை செய்துள்ளனா். அவற்றில் ஒரு விழாவாக மாசிமகம் குறிக்கப்பட்டுள்ளது. இதுவே கல்வெட்டுகளில் காணப்படும் தொன்மையான மாசிமக விழா எனலாம்.

முதலாம் ராசராசனின் காலத்தில் (கி.பி.1009) திருச்சி மாவட்டம் திருப்பராய்த்துறை மகாதேவா்க்கு மாசிமகத்தன்று பெருந்திருவமது படைக்கப்பட்டுள்ளது. இதற்காக ஒன்றரை மா அளவு நிலம் நல்கப்பட்டு இரண்டு கல அரிசி கிடைக்க வழி செய்யப்பட்டுள்ளது.

ராசேந்திர சோழனின் 4-ஆம் ஆட்சியாண்டில் (கி.பி.1016) நாகப்பட்டினக் கூற்றத்து ஊராா்கள் இறைவனது மாசிமக விழாவின் ஆறாம் நாள் செலவுகளுக்காக நிலமளித்த செய்தி அவ்வூா்க் கல்வெட்டால் அறிய முடிகிறது. விழாவின் ஒரு நாள் செலவை, குறிப்பிட்ட ஊா் மக்கள் ஏற்றுச் செய்வதும் அதற்காக நிலம் ஒதுக்குவதும் பண்டைத் தமிழகத்தில் விழாக்கள் எந்த அளவு சிறப்பாகவும், அளவில் பெரியதாகவும், இடைவிடாதும் நிகழ்ந்தன என்பதற்கு நல்ல எடுத்துக்காட்டு ஆகும்.

முதலாம் குலோத்துங்கனது (கி.பி.1070-1126) தளபதி நரலோகவீரன், சிதம்பரம் கோயிலில் செய்த பணிகளையெல்லாம் அழகான தமிழ்ப்பாடல்களாகவும், சமஸ்கிருதச் சுலோகங்களாகவும் சிதம்பரம் நூற்றுக்கால் மண்டபத்து தூண்களில் கல்வெட்டாக பொறித்துள்ளான் அவற்றில் ஒரு பாடல்,

மாசிக் கடலாடி வீற்றிருக்க மண்டபமும்

பேசவற்றைப் பெருவழியும் ஈசற்குத்

தென்புலியூா்க் கேயமைத்தான் கூத்தன் திசையணைத்து

மண்புலியாணை நடக்கவைத்து”

- என்று மாசிக் கடலாடலையும், அதற்காக அவன் அமைத்த மண்டபம், பெருவழி ஆகியவற்றை அது எடுத்துச் சொல்கிறது.

திருமறைக்காட்டில் (வேதாரண்யம்) ஏழு நாள் கொண்டாடப்பட்ட மாசித் திருநாளின் போது இறைவன் மோகனதேவருக்கு நாள் ஒன்றுக்கு பதின் கலமாக எழுபது கலம் நெல் தானமாக அளிக்கும் வகையில் பாலையூா் கிழவன் நாரணன் காடன் நிலம் தந்துள்ளான். மேலும் அவனே இரண்டு ஆண்டுகளுக்குப்பின் மாசிமகத்துக்கு பெருந்திருவமது இறைவனுக்கு படைத்திட வேண்டி இன்னும் கூடுதலாக நிலமளித்துள்ளான்.

திருவரங்கத்தில் கி.பி.1531-ஐ சாா்ந்த விஜயநகா் காலக் கல்வெட்டு உறையூரில் நடைபெற்ற மாசிமக விழா செய்தியைச் சொல்லுகிறது.

மாசி மகவிழாவின்போது தெய்வங்கள் நீராடுவதும் அதன் பிறகு அருகில் அமைக்கப்பட்ட மண்டபம், தோப்பு ஆகியவற்றில் காட்சி தருவதும் அத்தெய்வங்களுக்கு பெருந்திருவமுது”படையல் படைக்கப்படுவதும் மரபு என்று மேற்சொன்ன கல்வெட்டுச் செய்திகள் விளக்குகின்றன. குடுமியான் மலையில் உள்ள குலோத்துங்கன் மற்றும் பரகேசரி பட்டமுடைய மற்றொரு சோழமன்னன் ஆகியோரது கல்வெட்டுக்கள் மாசி மகநாளில் பிராமணா்களுக்கும் மற்றும் பதினைந்து சிவனடியாா்களுக்கும் (மாகேஸ்வரா்) உணவு வழங்க 15 கழஞ்சு பொன் முதலாக வழங்கப்பட்டதைக் கூறுகின்றன.

மாசிமக நாளில் ஊா் மக்கள் ஒற்றுமையோடும், மகிழ்ச்சியோடும் ஒன்றுபடுதலுக்கும், வயதில், முதிா்ந்தோா், நோய்வாய்ப்பட்டோா், ஊனமுற்றோா் அன்றைய சமூக நீதி காரணமாக கோயிலுக்குள் வர இயலாதோருக்கும், இறைவன் தானே உலா எழுந்தருளி அவா்கள் எல்லோருக்கும் காட்சியளிக்கும் நல்எண்ணமாகவும் இவ்விழாக்கள் உருப்பெற்றனவோ என்று எண்ணத் தோன்றுகிறது.

- வெ. இராமமூா்த்தி
 

]]>
https://images.dinamani.com/uploads/user/imagelibrary/2020/3/6/w600X390/masi_magam.jpg https://www.dinamani.com/weekly-supplements/vellimani/2020/mar/06/waterfalls-at-massimaka-festival-3375227.html
3369597 வார இதழ்கள் வெள்ளிமணி குந்தி தேவியின் பாவம் நீக்கிய மாசி மகம்! DIN DIN Friday, February 28, 2020 11:13 AM +0530 குந்தி தேவிக்கு, சூரியன் மூலமாக கர்ணன் அவதரித்தான். திருமணமாவதற்குமுன், குழந்தை பெற்றுக் கொண்ட குந்தி தேவி, கர்ணனை பெட்டியில் வைத்து ஆற்றில் விட்டாள். அந்த பாவம் அவளை உறுத்திக் கொண்டிருந்தது.
 ஒருநாள், முனிவர் ஒருவரைச் சந்தித்த குந்தி தேவி, "குழந்தை கர்ணனை பெட்டியில் வைத்து ஆற்றில் விட்ட பாவம் நீங்க, பரிகாரம் கேட்டாள். அதற்கு, முனிவர் "மாசி மகம்' அன்று ஏழு கடல்களில் நீராடினால் பாவம் விலகும்' என்றார்.
 " ஒரே நாளில் எப்படி ஏழு கடல்களில் நீராட முடியும்?' என்று மிகவும் கவலையுடன் இறைவனை வேண்டி துதித்தாள் குந்தி தேவி. அப்போது ஓர் அசரீரி கேட்டது.
 "திருநல்லூர் கோயில் பின்புறம் ஒரு தீர்த்தம் உள்ளது; அதனை ஏழு கடல்களாக நினைத்து நீராடு' என்றது.
 குந்தி தேவியும் அப்படியே நீராடி பாவ விமோசனம் பெற்றாள் என்கிறது புராணம். குந்தி தேவி நீராடிய தீர்த்தம் "சப்த சாகர தீர்த்தம்' என்று அழைக்கப்படுகிறது.
 இத்தலம், தஞ்சை மாவட்டம், பாபநாசம் வட்டம், திருநல்லூரில் உள்ள அருள்மிகு பஞ்சவர்ணேஸ்வரர் கோயிலில் உள்ளது.
 மாசி மகத்தன்று இத்தீர்த்தக்குளத்தில் ஏழு கடல்கள் நீரும் பொங்கி வழியும் என்பது ஐதீகம்!
 - டி.ஆர். பரிமளரங்கன்
 

]]>
https://images.dinamani.com/uploads/user/imagelibrary/2020/2/28/w600X390/vm4.jpg https://www.dinamani.com/weekly-supplements/vellimani/2020/feb/28/குந்தி-தேவியின்-பாவம்-நீக்கிய-மாசி-மகம்-3369597.html
3369595 வார இதழ்கள் வெள்ளிமணி மாசி மகத்தின் மகிமை! DIN DIN Friday, February 28, 2020 11:11 AM +0530 'மகத்தில் பிறந்தவர் ஜெகத்தை ஆள்வர்' என்று ஜோதிடத்தில் கூறுவர். மக நட்சத்திரம் நவகிரகங்களில் ஞானகாரகனான கேதுவிற்குரிய நட்சத்திரம். பொதுவாக, ஒவ்வொரு மாதத்திற்கும் ஒவ்வொரு நட்சத்திரத்தை விசேஷமாகக் கூறுவர். மாசி மாத மக நட்சத்திர நாளில் கும்ப ராசியில் சூரியன் இருக்கும்போது, சந்திரன் சிம்ம ராசியில் பெளர்ணமியன்று சஞ்சாரம் செய்கிறார். அந்த நாளே மாசி மகம் என சிறப்பாகக் கொண்டாடப்படுகிறது.
 வருண பகவானை பிடித்த பிரம்மஹத்தி, அவரை கடலுக்குள் ஒளித்து வைத்திருந்தது. தன்னை காப்பாற்ற சிவனாரை நோக்கி தவமிருந்தார் வருணன். அவரை சிவனார் மாசிமக நன்னாளில் விடுவித்தார். அதற்கு நன்றி தெரிவிக்குமுகமாக வருணன் இந்த நாளில் புண்ணிய தீர்த்தமாடுவோருக்கு அவர்களின் பாவங்களைப் போக்கி நல்ல கதியடைய அருள வேண்டுமென வேண்டினார். முக்கண்ணனும் அவரது ஆசைப்படி வரமளித்தார்.
 கைலாயத்தில் உமாதேவி ஈசனை வணங்கி, உலக இயக்கத்தின் தத்துவத்தை கூறும்படி கேட்டாள். அதற்கு கைலாயபதி சிவனார் "பெயர், குணம், உருவம், செயல் அற்ற நாம் இணைந்து ஒரு சக்தியாகி உருவமற்ற நிலையில் செயல்படுகிறோம்' என்றார். அதற்கு உடன்படாத சக்தி தன்னால் மட்டுமே இவ்வுலகு இயங்குகிறது என சற்று பெருமைப்பட்டாள். "அப்படியல்ல, நாம் இணைந்து செயல்பட்டால் தான் எல்லாம் இயங்கு'மெனக்கூறி தனித்து நின்றார். உலக இயக்கம் நின்றது.
 அம்பிகை தன் தவறை உணர்ந்தாள். ஆனால் ஒரு சிறுதுளி நேரம் அண்டசராசம் நின்ற பாவத்தின் சம்பளமாக; சிவனார், தட்ச பிரஜாபதிக்கு தான் அளித்த வரத்தின் பயனாக, யமுனை நதியில் தன்னை நோக்கித்தவம் செய்ய சக்தியைப் பணித்தார். அதனை ஏற்று உலகநாயகியும் யமுனை நதியில் ஒரு தாமரை மலரில் வலம்புரிச்சங்கு வடிவில் தவமிருந்தாள்.
 ஒரு மாசி மக நன்னாளில் தட்ச பிரஜாபதி தன் மனைவி வேதவல்லியுடன் யமுனை நதியில் நீராடும்போது அங்குள்ள தாமரை மலரில் இருந்த வலம்புரிச் சங்கினை எடுத்த போது அது பெண்
 குழந்தையாக உருவாகிற்று. அக்குழந்தையை தன் குழந்தையாக எடுத்து வந்து தாட்சாயிணி என பெயரிட்டு வளர்த்து வந்ததாக கந்தபுராணம் கூறுகிறது. இதனையே வடநாட்டில் கும்பமேளா என மிக விமரிசையாக கொண்டாடி, அனைத்து வகையான மக்களும் புனித நீராடுகின்றனர்.
 ஒருமுறை, பிரம்மன் கும்பேசரை பூஜிக்க நினைத்து மாசிமக நாளை தேர்வு செய்து பூர்வபட்சத்தில் வரும் அசுவதி நட்சத்திரத்தில் காவிரி நதியில் நீராடி, ஒன்பது நாள் விரதமிருந்து பூஜை செய்து, பத்தாம் நாள் மாசி மகத்தன்று மகாமகக்குளத்தில் தீர்த்தவாரி செய்ததாகவும் அந் நாளே மாசிமக விழா என்றழைக்கப்படுகிறது என்பர்.
 கங்கா, யமுனா, காவேரி, சிந்து, நர்மதா, கோதாவரி, சரஸ்வதி போன்ற 12 நதிகள் சிவனாரிடம் சென்று; உலகிலுள்ள மக்கள் அனைவரும் புண்ணிய நதிகளில் நீராடி தங்களது பாவச்சுமையை போக்குவதால் அந்த சுமைகளை சுமக்க முடியாமல் சிரமப்படுவதாகவும் அதனை குறைப்பதற்கு ஓர் உபாயம் வேண்டினர். "ஒவ்வோர் ஆண்டிலும் வரும் மாசியிலும்; 12 ஆண்டுகளுக்கு ஒருமுறை வரும் மகாமகத்தன்றும் நீங்கள் அனைவரும் கும்பகோணம் சென்று மகாமகக்குளத்தில் நீராடினால் புனிதமடைவீர்கள்' என அந்த நதிகளுக்கு வாக்குறுதி தந்தார். அவர்களும் அதன்படி அங்கு வந்து புனிதமடைந்ததாக கும்பகோணம் வரலாறு கூறுகிறது.
 கும்பகோணத்திலுள்ள மகாமகக்குளத்தில் வாயு தீர்த்தம், கங்கா தீர்த்தம், பிரம்ம தீர்த்தம், யமுனை தீர்த்தம், குபேர தீர்த்தம், கோதாவரி தீர்த்தம், ஈசான்ய தீர்த்தம், நர்மதா தீர்த்தம், இந்திர தீர்த்தம், சரஸ்வதி தீர்த்தம், அக்னி தீர்த்தம், காவேரி தீர்த்தம், நாக தீர்த்தம், குமரி தீர்த்தம், த்ருதி தீர்த்தம், பயோனிஷி (பாலாறு) தீர்த்தம், தேவ தீர்த்தம், வருண தீர்த்தம், சரயு தீர்த்தம், கன்யா தீர்த்தம் என மொத்தம் 20 தீர்த்தக் கிணறுகள் உள்ளன. மாசிமகத்தன்று கும்பகோணத்திலுள்ள அனைத்து சிவ வைணவ ஆலய உற்சவ மூர்த்திகள் மகாமகக்குளக்கரையில் எழுந்தருளி தீர்த்தவாரி நடைபெறுகிறது.
 வைணவ சம்பிரதாயத்தில் திவ்யதேசம் என்றால் மூலவருக்குத்தான் எல்லா மரியாதைகளும் தரப்படும். ஆனால் கும்பகோணத்திலுள்ள சாரங்கபாணி கோயிலில் மூலவருக்கு இணையான மரியாதை உற்சவருக்கும் தரப்படுவதால் இந்த கோயில், "உபய திவ்ய தேசம்' என அழைக்கப்படுகிறது. அனைத்து வைணவக் கோயில்களிலும் இந்த நாளில் தீர்த்தவாரி உண்டு. இந்த நாளில் விரதமிருந்தால் ஞானம் பெருகுவதோடு, இக பர சுகத்துடன் கூடிய மோட்சம் மற்றும் பிறவா வரத்தை கேது பகவான் தருவார் எனவும் கூறப்படுகிறது.
 இவ்வாண்டு, மாசிமகம் மார்ச் 8 -ஆம் தேதி ஞாயிறன்று வருகிறது. வசதியும் விருப்பமும் உள்ளவர்கள் இந்த நாளில் கும்பகோணம் சென்று புனித நீராடலாம்.
 - எஸ். எஸ். சீதாராமன்
 

]]>
https://images.dinamani.com/uploads/user/imagelibrary/2020/2/28/w600X390/MASIMAGAM.JPG https://www.dinamani.com/weekly-supplements/vellimani/2020/feb/28/மாசி-மகத்தின்-மகிமை-3369595.html
3369592 வார இதழ்கள் வெள்ளிமணி காக்க வந்த கன்யகா பரமேஸ்வரி! DIN DIN Friday, February 28, 2020 11:10 AM +0530 தேவதச்சனான மயன், ஆந்திர மாநில கோதாவரி நதிக்கரையில் பெனுகொண்டா என்ற அழகிய நகரை நிர்மாணித்து சுற்றிலும் அழகிய 18 பட்டணங்களையும் அமைத்தான். அங்கு வைசியர்கள், குலகுருவான பாஸ்கராச்சார்யார் சொற்படி நல்ல நிலையில் வாழ்ந்தனர். சமாதி மகரிஷி என்பவர் பெனுகொண்டா நகர மன்னன் குசுமஸ்ரேஷ்டியாகப் பிறந்து குசுமாம்பாள் என்ற பெண்ணை மணந்து வாழ்ந்து வந்தார். அவர்களுக்கு சந்தானபாக்கியத்திற்காக குலகுருவின் ஆசியுடன் புத்திரகாமேஷ்டி யாகம் செய்து, வைகாசி, சுக்கிரவாரம், தசமி, புனர்வசுவில் ஒரு தெய்வாம்ச பெண் குழந்தையும், ராஜாம்ச ஆண் குழந்தையும் பிறந்தது.
 பெண் குழந்தை ஒரு கையில் கிளியையும், மற்றொரு கையில் வீணையையும், மேலிரு கரங்களில் தாமரையையும், பாசத்தையும் தாங்கி நாற்கரங்களோடு, பேரழகுடன் பெற்றோருக்குக் காட்சியளித்து சாதாரணக் குழந்தையாக மாறினாள். குலகுரு அந்த பெண் குழந்தைக்கு வாசவி என்றும், ஆண் குழந்தைக்கு விருபாக்ஷன் என்றும் பெயரிட்டு ஆசீர்வதித்தார். குழந்தைகள் இருவரும் அனைத்தையும் கற்றுத் தேறினர்.
 ராஜமகேந்திரபுரத்தை சித்திரகண்டன் என்ற கந்தர்வன் சந்திரவம்சத்தில் தோன்றி விஷ்ணுவர்த்தன் என்ற பெயருடன், ஆண்டு வந்தான். தன்னைச் சுற்றியுள்ள அண்டை நாடுகள் மீது படையெடுத்துச் சென்றவன், பெனுகொண்டாவில் வாசவியைக் கண்டு அவளை மணக்க விரும்பி, குசுமஸ்ரேஷ்டியிடம் தனக்கு மணம் செய்து தரக்கேட்டான்.
 அவனுக்குப் மணம் செய்து தருவதை மிகப் பெருமையாகக் கருதுவதாகவும் இறையருளால் புத்திரகாமேஷ்டி யாகம் செய்து பிறந்த தெய்வக் குழந்தையை தன் குல வழக்கப்படி, அயல் குலத்தவருக்கு மணம் செய்து கொடுக்க இயலாது என்றும், தன் குலத்தாருடன் ஆலோசித்து பதில் சொல்வதாகவும் கூறி அனுப்பினான்.
 குசுமஸ்ரேஷ்டி தம் குலத்தாருடன் ஆலோசனை நடத்தினார். 18 நகரங்களிலிருந்து 714 கோத்திரக்காரர்கள் நகரேஸ்வரர் ஆலயத்தில் கூடி பேசினர். 612 கோத்திரக்காரர்கள் பெண் கொடுக்கலாம் எனவும், 102 கோத்திரர்கள் கொடுக்க வேண்டாம் என்றும் தங்கள் குலதர்மத்தைக் காக்க தீக்குளிக்கவும் முடிவெடுத்தனர். அதனால் 612 கோத்திரர்கள் பல பிரிவுகளாகி நாட்டை விட்டு வெளியேறினர்.
 தகவலறிந்த மன்னன், வாசவியைச் சிறைபிடிக்க முயன்றான். வாசவி, மகளிர் மானம் காக்கவும் ஜீவகாருண்யம் நிலைக்கவும் அகப்படாமல் இருக்க, தான் அக்னிப்பிரவேசம் செய்வதாக அறிவித்து, அதற்கான ஏற்பாடுகளைச் செய்தாள். "இன்று முதல் 102 கோத்திரக்காரர்களும் பொன், புகழ், கல்வி உள்ளிட்ட சம்பத்துகள் பெற்று குறைவின்றி வாழுங்கள்'' என்று கூறி நகரேஸ்வரர் கோயில் சென்று வணங்கி, தானதர்மங்கள் செய்து தீக்குண்டத்தில் இறங்கினாள். 102 கோத்திரக்காரர்கள் தங்கள் குழந்தைகளை விடுத்து தம் மனைவியருடன் அக்னிப் பிரவேசம் செய்தனர். வாசவியாய் அவதரித்திருந்த பார்வதி பரமேஸ்வரரோடு ஒன்று கலந்தாள். கொடுங்கோல் மன்னன் விஷ்ணு வர்த்தனன் சிரம் வெடித்து இறந்து போனான்.
 வாசவி பரமேஸ்வரி கன்னிகையாய் வாழ்ந்ததால் கன்யகா பரமேஸ்வரியாக எல்லோருக்கும் அருள்பாலித்து வருகிறாள். இவை அனைத்தும் நிகழ்ந்தது பெனுகொண்டா என்னும் தலத்திலாகும். வாசவியாக தங்கள் குலத்தில் தோன்றி வாழ்ந்த ஸ்ரீ கன்யகா பரமேஸ்வரியை ஆரிய வைசியர்கள் தங்கள் குலதெய்வமாக ஏற்று, ஆண்டுதோறும் அம்பிகையின் அவதார நந்நாளையும், அக்னிப் பிரவேசத்தையும் அதிவிமரிசையாக தங்கள் ஆலயங்களில் கொண்டாடி வருகின்றனர்.
 சென்னையில் உள்ள சக்தி தலங்களில் மிகப் பழைமையான தலங்களில் ஒன்று பிராட்வே கொத்தவால்சாவடியில் உள்ள ஸ்ரீவாசவி கன்யகா பரமேஸ்வரி அம்மன் ஆலயமாகும். இதுபோன்று வாசவி கன்யகா (கன்னிகா) பரமேஸ்வரிக்கு தமிழகத்தில் சுமார் 300 }மேற்பட்ட கோயில்கள் உள்ளன எனப்படுகிறது.
 கி.பி. 1015 முதல் 1022 வரை அரசாண்ட விமலாதித்தன் என்னும் 7 -ஆம் விஷ்ணு வர்த்தனன் காலத்தில் இந்நிகழ்வுகள் நடந்ததாகக் கூறப்படுகிறது. அப்போதே அங்கு, வாசவி கன்யகா பரமேஸ்வரிக்கு விஷ்ணு வர்த்தனனின் மகன் ராஜராஜ நரேந்திரனால் ஆலயம் எழுப்பப்பட்டது எனப்படுகிறது. ஆயிரம் ஆண்டுகள் பழைமையான இக்கோயில் ஆந்திர மாநிலத்தில், மேற்கு கோதாவரி மாவட்டம், பெனுகொண்டாவில் உள்ளது. இவ்வாலயத்தில் ஆயிரம் கால் மண்டபம்போல் அமைந்த தூண்களில், அம்மனுடன் ஐக்கியமான 102 கோத்திரத்தார்களின் வரலாறு அற்புதமாகச் செதுக்கப்பட்டுள்ளன.
 சுமார், 700 ஆண்டுகளுக்குப் பிறகு இத்திருக்கோயிலில் புதிய சந்நிதிகள் அமைக்கப்பட்டு, பழைய சந்நிதிகள் புனரமைக்கப்பட்டு உள்ளன. புதிய கலசங்கள் போன்றவை தங்க முலாம் பூசப்பட்டு, தமிழகத்தில் உள்ள அனைத்து வாசவி கோயில்களுக்கும் தரிசனத்திற்கு கொண்டு சென்று பூஜிக்கப்படுகிறது. மார்ச் 2 -ஆம் தேதி மாலை முதல் யாகசாலை பூஜைகள் துவங்கப்பட்டு, 6 கால பூஜைகள் நடைபெறும். மார்ச் 5 -ஆம் தேதி காலை 7.30 மணி முதல் 8.30 மணிக்குள் அனைத்து விமானம், ராஜகோபுரத்திற்கு மகாகும்பாபிஷேகம் நடைபெறுகின்றது.
 தொடர்புக்கு: 98422 92044.
 - இரா. இரகுநாதன்
 
 

]]>
https://images.dinamani.com/uploads/user/imagelibrary/2020/2/28/w600X390/VASAVI_PARAMESWARI.JPG https://www.dinamani.com/weekly-supplements/vellimani/2020/feb/28/காக்க-வந்த-கன்யகா-பரமேஸ்வரி-3369592.html
3369591 வார இதழ்கள் வெள்ளிமணி பொருநை போற்றுதும்! 82 - டாக்டர் சுதா சேஷய்யன் DIN DIN Friday, February 28, 2020 11:08 AM +0530 நெல்லை நகர்ப் பகுதியில் பாயும்பொழுது, பொருநையாள் வடகிழக்கு முகமாகப் பாய்கிறாள். இதனால், "உத்தரவாஹினி' என்னும் பெருமை பெறுகிறாள். நெல்லைக்கு வடக்கு வடகிழக்காக அமைந்துள்ள ஊர்கள் சில, இயற்கை வளமும் வரலாற்றுச் சிறப்பும் மிக்கவை. அருகன்குளம், நாரணம்மாள்புரம், ராஜவல்லிபுரம், பாலாமடை போன்றவற்றை எடுத்துக்காட்டுகளாகக் கூறலாம்.
 அருகன்குளம் என்னும் பெயருக்கான காரணம், வெகு சுவாரசியமானது. இந்தப் பகுதியில் அருகம்புல் அதிகம் விளைந்ததாலும், இங்குள்ள குளத்தில் இப்புல் மண்டிக் கிடந்ததாலும், "அருகம் குளம்' என்னும் பெயர் தோன்றியதாம். மக்கள் வழக்கில், "அரவங்குளம்' என்றும், "அரவின்குளம்' என்றும் வழங்கப்படுகிறது. இங்கிருக்கும் சிவன் கோயிலுக்குப் பழைய ராமேச்வரம் என்றும் அருகிலுள்ள தீர்த்தத்திற்கு ஜடாயு தீர்த்தம் என்றும் பெயர்கள்.
 ஏதோ ராமாயணச் சாயல் தெரிகிறதே என்கிறீர்களா? ராமாயணமேதான்! பத்துத் தலையன் ராவணன், சீதாதேவியைத் தூக்கிப் போனான். இதைப் பார்த்துவிட்ட ஜடாயு, அவனோடு சண்டையிட்டாலும், அவனுடைய வாள்வீச்சுக்கு இரையானார். இருப்பினும், சீதையைக் குறித்த தகவலை ராமருக்குத் தெரியப்படுத்தி விடவேண்டும் என்பதற்காக உயிரைப் பிடித்துக் கொண்டு காத்திருந்தார். ராமனும் லக்ஷ்மணனும் தேடிவர, தகவலைக் கூறிமுடித்த ஜடாயு உயிர்துறந்தார். தந்தை ஸ்தானத்தில் இருந்த ஜடாயுவுக்குத் தாமிரவருணிக் கரையில் ராமர் இறுதிக் கடன்களைச் செய்தார். பின்னர், சிவலிங்கம் பிரதிஷ்டை செய்து வழிபட்டார்.
 இந்த நிகழ்வுகள் எப்படிப் பொருநைக் கரையில் நடந்திருக்க முடியும், கோதாவரிக் கரையில் நடந்ததாக அல்லவா ராமகாதையில் படித்திருக்கிறோம் என்று வியக்கிறீர்களா? ராமாயணத்தின் பல்வேறு நிகழ்ச்சிகளைத் தத்தம் ஊரோடு தொடர்புபடுத்திக் கொள்வதில் பாரத மக்களுக்கு எப்போதுமே பெருமையுண்டு!
 அப்படித்தான் இப்பகுதி மக்களும் நம்புகிறார்கள். ஜடாயுவுக்கு மகனாக இருந்து ராமர் கடன் செய்த நதிக்கரை இடம், ஜடாயு துறை என்றழைக்கப்படுகிறது. ராமர் பிரதிஷ்டை செய்ததால், சிவலிங்கத்திற்கு "ராமலிங்கசுவாமி' என்று திருநாமம். சீதையைச் சிறைமீட்டுத் திரும்பும்பொழுதுதான், சீதை மணலால் பிடித்த லிங்கத்திற்கு ராமபிரான் பூஜை செய்தார் என்பது ராமேச்வர வரலாறு. ஆகவே, அருகன்குளக் கோயில் ராமேச்வரத்திற்கும் முந்தையது என்பதால், பழைய ராமேச்வரம் என்று வழங்குகிறார்கள். மூலவர் சந்நிதிக்குச் சற்றே வடக்குப் புறமாக, ஜடாயுவுக்குப் பிண்டமிட்ட ராமருக்கும் தனிச் சந்நிதி. இவருக்குப் பிண்டராமர் என்றே பெயர்.
 மடியில் ஜடாயுவைக் கிடத்திக் கொண்டு ராமர் வருந்தியபொழுது, மரணத் தறுவாயில் தவித்த ஜடாயு, அருந்துவதற்கு நீர் கேட்டாராம். இதற்காக ராமர் ஏற்படுத்திய தீர்த்தமே ஜடாயு தீர்த்தம் ஆகும். அருகிலேயே ராம தீர்த்தம், சிவ தீர்த்தம் என்கிற இன்னும் இரு தீர்த்தங்களும் உள்ளன. மூன்று தீர்த்தங்களும் ஜடாயு துறையில் பொருநையோடு சங்கமிக்கின்றன. ஜடாயு தீர்த்த குண்டத்தின்மீது, அருள்மிகு லக்ஷ்மி நாராயணப் பெருமாள் கோயில் அமைந்திருக்கிறது. மற்ற இரு தீர்த்தங்களுக்கருகில், காட்டு ராமர் கோயில், எட்டெழுத்துப் பெருமாள் கோயில் ஆகிய கோயில்கள் உள்ளன. எட்டெழுத்துப் பெருமாள் கோயிலில், ஆயர்பாடியை நினைவுபடுத்தும் கோசாலையும் உள்ளது.
 லக்ஷ்மிநாராயணப் பெருமாளும் காட்டு ராமரும் இங்கே எவ்வாறு எழுந்தருளினார்கள்? இவற்றை விளக்கவும் தலபுராணக் கதைகள் உள்ளன.
 மரணப் படுக்கையில் கிடந்த ஜடாயுவுக்கு, சீதையை ராவணன் அபகரித்துச் சென்றுவிட்டான் என்பது தெரிந்தாலும், ஆசையொன்று உண்டானதாம். சீதையும் இங்கே இருந்து, ராம-சீதையை தம்பதியாக தரிசிக்க மாட்டோமா என்பதே ஆசை. ஆசையை முனகலாக வெளிப்படுத்த, ஜடாயு தீர்த்தத்திலேயே ஒற்றைக் கல் தூண்மீது அருள்மிகு லக்ஷ்மிநாராயணர் வெளிப்பட்டுக் காட்சி தந்தாராம். ராம அவதாரத்துக்கான சீதை உடன் இல்லை; ஆகவே, ராம-சீதையாகத் தோன்றமுடியாது; ஆனால், லக்ஷ்மி நாராயணராகத் தோன்றலாமே! லக்ஷ்மிநாராயணரைச் சேவித்த ஜடாயுவும் உயிர் துறந்தார். தீர்த்தம் என்பது தனியாக இல்லாமல், மூலவர் சந்நிதியிலேயே இருப்பது, அருள்மிகு லக்ஷ்மிநாராயணத் திருக்கோயிலின் தனிச் சிறப்பு.
 இருப்பினும், ராமருக்குத் திருப்தி இல்லை. தமக்காகத் தன்னுயிர் ஈந்த ஜடாயுவின் ஆசையை நிறைவேற்றவில்லையே என்று வருந்தினார். சீதையைச் சிறைமீட்டுத் திரும்பும் வேளையில், இந்தப் பகுதிக்கு மேல் வரும்பொழுது, ஜடாயுவின் ஆன்மக் கண்களுக்குப் புலனாகும்படி, சீதா ராமனாகக் காட்சி தந்தார்.
 அப்போது கேட்டதற்கு, இப்போது காட்சி தந்தவர், "காட்டித் தந்த ராமர்' என்று ஆக, காலப்போக்கில், காட்டு ராமரும் ஆகிவிட்டார் (தம்மையே காட்டும் ராமர், காட்டுராமர் என்பதும் சரிதானே!).
 பொருநையாள் உத்தரவாஹினியாகப் பாய்வதாலும், ராமரே ஜடாயுவுக்கு ஈமக் கடன்களைச் செய்த இடம் என்பதாலும், பித்ரு கடன் செய்வதற்கு உகந்த இடம் இது. ஜடாயு துறையில் நீராடி, ராமலிங்க சுவாமியையும் பிண்ட ராமரையும் வழிபட்டு, பிற கோயில்களிலும் தரிசனம் செய்தால், 27 தலைமுறையினர் செய்த பாவங்களும் கழிந்துவிடும் என்கிறார்கள் நெல்லைவாசிகள். தோஷங்கள் நீங்குவதற்கும் குழந்தைப் பேறு கிட்டுவதற்கும் வழிபாடு செய்யவேண்டிய தலம்.
 இங்கிருந்து வடக்கு, வடகிழக்காக நகர்ந்தால், ராஜவல்லிபுரம், செப்பறை, பாலாமடை போன்ற ஊர்கள். (ஏற்கெனவே ராஜவல்லிபுரத்தையும் செப்பறையையும் குறித்து நாம் பேசிவிட்டோம் என்பதால்) நேராக பாலாமடை நோக்கிச் செல்கிறோம்.
 (தொடரும்...)
 
 
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2020/feb/28/பொருநை-போற்றுதும்-82---டாக்டர்-சுதா-சேஷய்யன்-3369591.html
3369590 வார இதழ்கள் வெள்ளிமணி யோபுவின் துன்பமும் இயேசுவின் பாடுகளும் DIN DIN Friday, February 28, 2020 11:07 AM +0530 மனிதருக்கு இன்பமும் வரும்; துன்பமும் வரும். இன்பம் மகிழ்ச்சி கொண்டு வரும்; துன்பம் பாடுகளையும் வேதனை, கஷ்டங்களைக் கொண்டு வரும். மனிதருக்கு இன்பம் எவ்வளவு அவசியமோ அப்படியே துன்பம் அவசியம். துன்பத்தில் தியாகம், விட்டுக்கொடுத்தல், உதவும் உள்ளம், பிறர் மேல் அன்பும் பரிவும் ஏற்படும்.
 இறைவன் எல்லாருக்கும் இன்பம் கொடுக்கிறார். துன்பம் மனிதருக்கு இறைவன் அனுமதிக்கின்றார். துன்ப காலத்தில் மனிதன் தன் நிலை உணர்கின்றான். இறைவனிடத்தில் பற்றும் மற்றவர்களிடம் பரிவும் கொள்கிறான். தான் அடைந்த துன்பத்தால் பிறர் படும் துன்பம் கண்டு உதவிச் செய்யவும் தன்னை நெறிபடுத்திக் கொள்கிறான்.
 வேதாகமத்தில் மிக மகிழ்ச்சியாக வாழ்ந்த யோபு என்பார் துன்புற்று மிகப் பெரிய பாடு, நோயின் கொடுமை, சாவின் பயம், இறைவன் பெயரில் பற்று மற்றும் தெய்வத்தால் ஆசீர்வதிக்கப்பட்டார். துன்ப காலத்தில் எப்படி சகித்தார் என்பது நமக்கு ஒரு பாடமாக அமையும்.
 யோபு என்னும் பெயர் கொண்ட மனிதன் இருந்தான். அவன் உத்தமனும் சன்மார்க்கனும் தேவனுக்குப் பயந்து பொல்லாப்புக்கு விலகுகிறவனுமாயிருந்தான். அவனுக்கு ஏழு குமாரரும் மூன்று குமார்த்திகளும் பிறந்தார்கள். (யோபு 1:1,2) அவரின் சொத்துகளுக்கு அளவே இல்லை. நிலத்தை அளக்க முடியாது. ஆடு, மாடு, ஒட்டகம், கழுதைகள் ஆயிரம் ஆயிரம் ஆகும். வேலையாட்கள் ஆயிரம் பேர்களுக்கு மேல். அவன் பக்தியும் செல்வச் செழிப்பும் சன்மார்க்க நெறிவாழ்வை கண்ட சாத்தான் மிகவும் பொறாமைக்கொண்டு யோபுவை கவிழ்த்துப் போட திட்டம் போட்டான்.
 ஒரு நாள் தேவதூதர் நடுவில் கர்த்தரின் சந்நிதியில் சாத்தான் போனான். கர்த்தர் சாத்தானைப் பார்த்து, "என் தாசனாகிய யோபு மேல் கவனம் வைத்தாயோ...! உத்தமனும் தேவனுக்குப் பயந்து பொல்லாப்புக்கு விலகி வாழ்ந்து வரும் யோபுவைப் போல் உலகில் ஒருவரும் இல்லை' என்றார். சாத்தான், "நீர் அவனுக்குப் பாதுகாப்பு அளிக்கின்றீர்; அதனால் உத்தமனாக இருக்கின்றான். செல்வச் செழிப்பை எடுத்து விடும், அப்போது பார்க்கலாம்' என்றான்.
 கர்த்தர் யோபுவின் மேல் கை வைக்க சாத்தானுக்கு அனுமதி கொடுத்தார். சாத்தான் மிகப் பெரிய கொடுமையை யோபுவுக்குச் செய்தான். அவன் சொத்துகளாகிய ஆடு மாடுகளை அவன் எதிரிகள் திருடிக் கொண்டு போய்விட்டனர். ஏழு குமாரர் மூன்று குமார்த்திகள் மேல் கூரை விழுந்து இறந்து போயினர். யோபுவுக்கு உச்சம் தலை தொடங்கி உள்ளங்கால் வரை பருக்கள் தோன்றி வெடித்து சீழ் வடியத் தொடங்கியது. தினவு தாங்க முடியாமல் நெருவில் அமர்ந்து சாம்பலை எடுத்து தலை மீது போட்டுக் கொண்டு, ஓடு ஒன்றை எடுத்து தினவு அடங்க கீறிக்கொண்டான். அதனால் அவன் உருமாறி கோரமான நோயாளியானான். அவன் மனைவியும் அவனைப் பார்த்து இறைவனைப் பழித்து சாகும்படி சொன்னாள்.
 யோபுவோ, இறைவனைப் பழிக்கவில்லை. தனக்கு வந்த துன்பத்தை சகித்தான். "கர்த்தர் கொடுத்தார்; கர்த்தர் எடுத்தார்' என்றான். பாவமும் செய்யவில்லை; இறைவனைப் பழிக்கவும் இல்லை. சாத்தான் தோற்றுப்போனான். கர்த்தர் யோபுவை ஆசீர்வதித்தார். மறுபடியும் இன்ப காலத்தில் இருந்த செல்வம், பிள்ளைகள் இருமடங்கு கொடுத்தார். யோபுவின் பக்தி இன்றும் போற்றப்படுகிறது.
 தேவ குமாரனாகிய இயேசுவும் இப்பூமியில் முப்பத்து மூன்று ஆண்டுகள் வாழ்ந்து மனிதரை மீட்க ஜீவாதார பலியாக சிலுவையில் பாடுபட்டு தமது பரிசுத்த ரத்தத்தை சிந்தி பலியானார். இயேசுவின் பாடு மரணம், உயர்த்தெழுதல் இக்காலங்களில் தியானம் செய்யப்படுகிறது. ஆம், இயேசுவின் துன்பத்தால் மரணத்தால் நாம் மீட்பு அடைந்தோம். நம் வாழ்வில் யோபுவைப் போல் உத்தமராக பக்தியுள்ளவராக வாழ்வோம்; துன்பம் நீக்கி இன்பம் தந்து நமது வாழ்வை இயேசு ஆண்டவர் ஆசீர்வதிப்பார்.
 - தே. பால் பிரேம்குமார்
 

]]>
https://images.dinamani.com/uploads/user/imagelibrary/2020/2/28/w600X390/JESUS.JPG https://www.dinamani.com/weekly-supplements/vellimani/2020/feb/28/யோபுவின்-துன்பமும்-இயேசுவின்-பாடுகளும்-3369590.html
3369588 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, February 28, 2020 11:04 AM +0530 • பகைவர்களின் குறைபாடுகளை விழிப்புடன் கவனிப்பவர்கள், நன்மை பெறுவதற்காக அறிந்து பகைவனுடன் சேர்பவர்கள், பலமில்லாத பகைவனையும் அலட்சியம் செய்யாதவர்கள், பலசாலிகளோடு போர் செய்ய விரும்பாதவர்கள், தக்க சமயத்தில் தங்கள் ஆற்றலை வெளிப்படுத்தத் தெரிந்தவர்கள் ஆகியவர்களே தீரர்கள் ஆவார்கள். 
- விதுரநீதி
• ஆர்வத்துடன் பிராணாயாமத்தைப் பயிற்சி செய்வதற்கும், மனதைக் கட்டுப்படுத்துவதற்கும் உன்னை நீ தயார் செய்துகொள். உண்மையற்றதிலிருந்து உண்மையை உணர்ந்துகொள்வதற்கும், ஜபத்தை நிஷ்டையுடன் பழகுவதற்கும் அதிகக் கவனம் செலுத்து.
- ஆதிசங்கரர் 
• பருவ காலங்கள் சுழன்று சுழன்று வரவர, "நாம் என்றென்றைக்கும் புதுமையுடனும் வளமுடனும் வாழ்ந்து மகிழ்ச்சியுடன் இருக்கப் போகிறோம்'' என்று மக்கள் கற்பனை செய்கிறார்கள். ஆனால் பருவ காலத்தின் சக்கரம் சுற்றச் சுற்ற, தங்களுடைய வாழ்நாள் தேய்ந்து சிறுத்து வருவதை அவர்கள் நினைத்துப் பார்ப்பதில்லை. 
- ஸ்ரீராமபிரான்
• இறைவன், வேதங்கள், சாஸ்திரங்கள் ஆகியவை அனைத்தும் ஒன்றேயாகும். அதாவது, இறைவனே வேதங்களாகவும், சாஸ்திரங்களாகவும் இருக்கிறான். அவற்றின் மூலம் இறைவன் நமக்கு ஞானத்தையும், அறிவையும் ஊட்டுகிறான்.
ஆதலால், வேதங்களையும் சாஸ்திரங்களையும் அவற்றை அறிந்திருக்கும் பெரியோர்களையும் தூஷிப்பவர்கள், இறைவனையே அவமதித்த பாவங்களை ஏற்கின்றனர். தங்களது அகங்காரம், செல்வாக்கு, செல்வம், பதவி ஆகியவற்றால் மதியிழந்து, சிலர் வேத நூல்களையும் புராணங்களையும் பழிக்கிறார்கள். அவர்களின் வாழ்க்கையின் இறுதி நாட்களில் மரணதேவன்கூட அவர்கள் செய்திருக்கும் பாவங்களுக்காக அவர்களிடம் எளிதில் நெருங்குவதில்லை. அதனால் அவர்கள் ஒவ்வொரு விநாடியும் நோயுடன், மிகக் கொடிய துன்பங்களை அனுபவிக்கிறார்கள்.
- ஸ்ரீமந் நாராயணன் கருடனுக்கு அருளிய உபதேசம்
• மனமே! இந்த உலக வாழ்க்கையின் அற்ப சங்கல்பங்களுக்கு ஆளாகிவிடாதே! நிரந்தரமான சுகத்திற்கு ஆசைப்படு. பொறுமை, "போதும்' என்ற மனநிறைவு, எளியோரிடம் இரக்கம், அடக்கம், அமைதி, என் ஸ்ரீ ராமனிடம் பக்தி ஆகியவை உன்னிடம் இருந்தால் போதும்... அனைத்து சுகங்களும் உன்னைத் தேடிவரும். "மனதில் சபலம் புகுந்துவிடுமோ!' என்ற அச்சம் உனக்கு வேண்டாம். உன்னைப் பாதுகாப்பதற்கு "ஸ்ரீ ராமநாமம்' இருக்கிறது! அதைப் பிடித்துக்கொள்!
- சமர்த்த ராமதாசர் (சத்ரபதி சிவாஜியின் குரு)

]]>
https://images.dinamani.com/uploads/user/imagelibrary/2020/1/24/w600X390/kamalanandhar.JPG https://www.dinamani.com/weekly-supplements/vellimani/2020/feb/28/பொன்மொழிகள்-தொகுப்பு-சுவாமி-கமலாத்மானந்தர்-3369588.html
3369587 வார இதழ்கள் வெள்ளிமணி ஆகுமான ஆகாரம் ஏகனருள் DIN DIN Friday, February 28, 2020 11:02 AM +0530 ஆகுமான ஆகாரம் ஏகன் அல்லாஹ் அருளால் கிடைக்கிறது. ஆகாததைத் தவிர்த்து அனுமதித்தை விரயமாக்காமல் வீணாக்காமல் அளவறிந்து உண்டு உண்ண கிடைக்காத பசியாளிக்குப் பகிர்ந்து கொடுப்பதால் ஏகன் அல்லாஹ்வின் அளப்பரிய அருளைத் தொடர்ந்து பெறலாம்.
 மனிதர்களே பூமியில் உள்ளவற்றில் அனுமதிக்கப்பட்ட நல்லவற்றை உண்ணுங்கள் என்று உரைக்கிறது உத்தம குர்ஆனின் 2-168 -ஆவது வசனம். பூமியில் அனுமதிக்கப்பட்டவற்றை ஆகுமான வழிகளில் அடைய வேண்டும் என்பதை இவ்வசனத்தில் வரும் நல்லவற்றை என்ற சொல் எடுத்துரைக்கிறது. வாழ்வாதாரங்களில் உயர்வானது உடலுக்கு உகந்ததாகவும் உள்ளத்திற்கு உவப்பானதாகவும் இருக்க வேண்டும். அப்துல்லாஹ் பின் மஸ்வூத் (ரலி) கறந்த பாலின் கட்டியை உப்புடன் கலந்து சாப்பிட்டு கொண்டிருக்கும்பொழுது அங்கு வந்த அப்துல்லாஹ் (ரலி) அவர்களையும் சாப்பிட சொன்னார். வந்தவர் சீம்பால் சாப்பிடுவதில்லை என்று சபதம் செய்திருப்பதாக செப்பினார். அல்லாஹ் அனுமதித்ததை உண்ண மறுப்பது உகந்தது அல்ல. உடல் நலன் கருதி மருத்துவ ஆலோசனைப்படி தவிர்ப்பது கூடும் என்று இவ்வசனத்திற்கு விளக்கம் அளிக்கிறது அஹ்ஸனுத் தப்ஸீர் என்னும் நூல். அல்லாஹ் உங்களுக்கு அளித்தவற்றில் அனுமதித்த நல்லவற்றை உண்ணுங்கள். நீங்கள் நம்பும் அல்லாஹ்வை அஞ்சுங்கள் என்ற 5-88-ஆவது வசனம் அல்லாஹ் அனுமதித்தவற்றை அளவறிந்து விரையம் செய்யாது வீணாக்காது முறையோடு உண்ண உரைக்கிறது. அல்லாஹ்வின் அச்சம் அவ்வாறு அளவறிந்து வாழ வழிகாட்டும்.
 உணவளிக்க அல்லாஹ் பொறுப்பு ஏற்காத எவ்வுயிரும் உலகில் இல்லை. அவை இருக்கும் இடத்தையும் அவை அடங்கும் இடத்தையும் அல்லாஹ் அறிந்தவன்; பதிவேட்டில் பதிந்தவன் என்று பகர்கிறது 11-6 -ஆவது வசனம். படைப்பினங்களைப்படைத்த அல்லாஹ் சிறிய பெரிய படைப்பினங்கள் அனைத்திற்கும் உணவளிக்கும் பொறுப்பை ஏற்கிறான் என்ற விளக்கத்தைத் தப்ஸீர் இப்னு கதீர் 305/ 4 வழங்க, அதே தப்ஸீர் இப்னு கதீர் 544/ 27 -உம் தப்ஸீர் அல்ராஜி 166/ 7 -உம் அல்லாஹ் பூமியைப் படைத்து அதில் வாழும் உயிரினங்களுக்குத் தேவையான வாழ்வாதாரங்களையும் உணவுகளையும் பரவலாக ஏற்படுத்தி அவை அவைகளுக்குரியதை அவை அவை வாழும் பகுதிகளில் வளர வசதி செய்திருக்கிறான் என்றும் விரிவாய் விளக்குகின்றன. உங்களுக்கும் நீங்கள் உணவூட்டி வளர்க்காத உயிரினங்களுக்கும் வாழ்வதற்கேற்றதை நாமே அமைத்தோம் என்ற அல்லாஹ்வின் அறிவிப்பே 15- 20 -ஆவது வசனம். இவ்வுலகில் வாழும் அனைத்து உயிரினங்களுக்கும் உரிய உணவைப் போதிய அளவு அல்லாஹ் வழங்கி உலகில் உள்ளவர்களுக்கு நிலையான நன்மையை உருவாக்கி உள்ளான் என்று விளக்கம் அளிக்கிறது தப்ஸீர் அத்தப்ரீ 385/ 20.
 அல்லாஹ் பூமியில் பெரும் மலைகளை அமைத்து அதில் அநேக பாக்கியங்களைப் புரிந்தான். அன்றி அதில் வேண்டிய உணவையும் நான்கு நாள்களில் நிர்ணயித்தான். கேட்போர் அனைவருக்கும் சமமாக கிடைக்க செய்தான் என்று செப்புகிறது 41-10 -ஆவது வசனம். உலகம் ஆறு நாள்களில் படைக்கப்பட்டது. பூமியும் மலைகளும் நான்கு நாள்களில் படைக்கப்பட்டதை நவில்கிறது இந்த வசனம்.
 அகிலத்தைப் படைத்த அல்லாஹ் உயிரினங்களுக்கு உகந்த வகையில் இப்பூமியை உருவாக்கினான். மனிதர்கள் வாழ்வதற்கேற்ப அமைத்தான். அதனால் மனிதர்கள் பூமி எங்கும் பரவி தேவையான வாழ்வாதாரங்களைத் தேடி பெற முடிகிறது. கேட்போருக்கும் கேளாதோருக்கும் வாழும் உணவை உருவாக்கி உள்ளான். இதனை 67-15 - ஆவது வசனம் அல்லாஹ் பூமியை வசதியாக ஆக்கினான். ஆகவே, அதன் பல கோணங்களிலும் சென்று அவன் அளித்தவற்றை உண்ணுங்கள் என்று உரைக்கிறது.
 என் தூதர்களே! நீங்கள் தூய்மையானதை உண்ணுங்கள். நற்செயல்களைச் செய்யுங்கள். நான் நீங்கள் செய்வதை நன்கறிவேன் என்ற 23-51 -ஆவது வசனப்படி இறை தூதர்களான நபிமார்கள் உழைத்து வாழ்ந்தார்கள். ஆகுமான வழிகளில் பொருள் ஈட்டினார்கள். உழைத்து உண்பதிலும் உயர்ந்த உணவு வேறில்லை. தாவூது நபி உழைத்து உண்டார்கள் என்று உத்தம நபி (ஸல்) அவர்கள் உரைத்ததை புகாரி 207- இல் காணலாம். ஈசா நபி அவர்களின் தாயார் அன்னை மரியம் பஞ்சு கொட்டி ஈட்டிய பணத்திலிருந்து உணவு உண்டார்கள்.
 தோழர்கள் தூய்மையான அழகிய சிறந்த வருவாய் எது என்று கேட்டபொழுது கேண்மை நபி (ஸல்) அவர்கள் சொந்த கைகளால் உழைப்பதும் நல்ல வியாபாரமும் என்று பதில் அளித்தார்கள் நூல் அத்திப்ரீ பீ அல் அவ்ஸத் 2140.
 ஒருவன் அவனின் சொந்த வருவாயில் இருந்து உண்பதும் பிள்ளைகள் ஈட்டும் வருமானத்தில் இருந்து உண்பதும் உயர்ந்தது என்ற ஏந்தல் நபி (ஸல்) அவர்களின் எழில் மொழியை ஏந்தியுள்ள நூல்கள்- அஹ்மது 24033, இப்னு மாஜா 2137, அந்நிசா 4451, திர்மிதி- 1358, அபூதாவூத் 3528. இந்த நபி மொழி பிள்ளைகள் ஈட்டும் ஊதியத்தில் பெற்றோர்களுக்கு முழு உரிமை உள்ளதை உணர்த்துகிறது.
 உங்களுக்கிடையில் ஒருவர் மற்றவரின் பொருளைத் தவறான முறையில் உண்ணாதீர்கள் என்று எச்சரிக்கிறது 2-188 ஆவது வசனம். வாழ்வாதாரங்களைத் தேடி செல்வோர் எந்த சூழ்நிலையிலும் அனுமதியில்லாத அநீதியான வழியில் பொருள் ஈட்ட கூடாது.
 ஆகுமான ஆகாத சட்டங்கள் தெளிவானவை, எனினும் எதிலும் ஐயம் எழுந்தால் தெளிவு பெறும் வரை அதனைத் தவிர்க்க வேண்டும். ஏகன் அருளால் ஆகுமான ஆகாரத்தை உண்டு உலகில் உன்னதமாய் வாழ்ந்து நந்நிலை பெறுவோம் மறுமையிலும்.
 - மு.அ. அபுல் அமீன்
 
 

]]>
https://images.dinamani.com/uploads/user/imagelibrary/2020/2/28/w600X390/vm3.jpg https://www.dinamani.com/weekly-supplements/vellimani/2020/feb/28/ஆகுமான-ஆகாரம்-ஏகனருள்-3369587.html
3369586 வார இதழ்கள் வெள்ளிமணி வேட்டு வைத்து வேண்டுதல் செலுத்தும் கோயில்! DIN DIN Friday, February 28, 2020 10:59 AM +0530 வான வேடிக்கை, வேட்டு, வெடி சத்தம் மூலம் இறைவனை வழிபடுவது என்பது நம் வழக்கத்தில் உள்ள ஒன்று. சப்தம், ஸ்பரிசம், ரூபம், ரசம், கந்தம் என்று ஐந்து வகை வழிபாடுகள் இறைவனுக்கு ஏற்றது என்று வேதம் கூறுகிறது.
 இதன்படி, "வேட்டு', வெடி வைத்து இறைவனை வழிபடும் முறை கொங்குநாட்டில் வெள்ளகோவில் ஊரில் உள்ள வீரகுமாரசாமி ஆலயத்தில் இன்றும் நடைபெற்று வருகிறது.
 சுமார் 600 ஆண்டுகளுக்குமுன் இந்த இடத்தில் ஒரு பாம்புப் புற்று இருந்தது. அந்த புற்றின் அருகில் ஒரு நாள் பசு ஒன்று மேய்ந்து கொண்டிருந்தது. அப்போது புற்றுக்குள்ளிருந்து பாம்பு வடிவில் உடலும் மனித வடிவில் தலையும் கொண்ட ஒரு விசித்திர உருவம் வெளியே வந்து பசுவின் மடியிலிருந்து பாலை உறிஞ்சிக் குடித்துக் கொண்டிருந்தது. இந்த அதிசயத்தைக் கண்ட ஊர் மக்கள் பயந்து வியந்து போய், இது ஏதோ தெய்வ வடிவில் வந்த உருவம் என்று நினைத்து, கொஞ்ச நாள்களில் அங்கே ஒரு சிலை வடித்து அதற்கு, "வீரகுமாரசாமி' என்று பெயரிட்டு வழிபடத் தொடங்கினார்கள்.
 இப்படி வந்த இந்த வீரகுமாரசாமி, பாதக்குரடு கவசம், இடுப்பில் உடைவாளும் இடைவாளும் குத்துவாளுடனும்; வலது கையில் சூலாயுதமும் கொண்டு கன்னி தெய்வமாகக் காட்சியளிக்கிறார்.
 இங்கு, மூலவரின் கருவறை வடக்கு நோக்கியிருக்கிறது. ஆலயத்திலுள்ள முன் மண்டபத்தில் ஐம்பூதங்களின் உருவங்கள் வடிவமைக்கப்பட்டு கம்பீரமாக நிற்கின்றன. இது தவிர, கன்னிமார் சந்நிதியும் பதிணென் சித்தர்களின் கற்சிலைகளும் காண்பதற்கு அழகாக உள்ளன. இந்த இடம், சித்தர் சபை என்றழைப்படுகிறது.
 வேட்டு, வெடி வைத்து இந்த வீரகுமாரசாமியை வழிபடுவது இங்கு பொட்லிபோடுதல் என்று அழைக்கப்படுகிறது. இந்த வழிபாடு பழங்காலத்திலிருந்தே நடைபெற்று வருவதாகத் தெரிகிறது. "பொட்லி' என்றால் ஒரு வகை வெடிக்குப் பெயர். இந்த பொட்லி வெடிச் சப்தத்தை வீரகுமாரசாமி மிகவும் விரும்பிக் கேட்பதாகவும் கருதப்படுகிறது.
 பக்தர்கள் தங்களின் வேண்டுதல் எதுவானாலும், வீரகுமாரசாமியிடம் பிரார்த்தனை செய்து கொண்டு, தரிசனம் செய்துவிட்டு, பொட்லி போடும் மண்டபத்திற்குள் சென்று தங்களின் பெயரைச் சொல்லி வேண்டுதல் நிறைவேற பொட்லி போடுவார்கள். இந்த வேட்டு சப்தத்தைக் கேட்டு வீரகுமாரசாமி, பக்தர்களின் வேண்டுதல்களை நிறைவேற்றுவார் என்பது ஐதீகம்!
 நோயிலிருந்து விடுபட, நல்ல கல்வி வளர, திருமணத்தடை நீங்க, சொத்து விவகாரங்களைத் தீர்த்து வைக்க, இங்கு வந்து குமாரசாமியை வணங்குகின்றனர். அமாவாசை நாளில் இவ்வாலயத்தில் பக்தர்கள் கூடுகின்றனர். இதை தவிர, சிறப்பாக தனி விழாக்கள் என்று ஏதுமில்லை.
 இந்த வீரகுமாரசாமி கன்னி தெய்வமாய் இருப்பதால், இக்கோயிலுக்கு பெண்கள் அதிகம் வருவதில்லை. அப்படியே வந்தாலும் மூலவரை தரிசிப்பதில்லை. பெண்கள் வந்து வழிபட, கோயில் நிர்வாகம் தடையேதும் விதிக்கவில்லை.
 கோயம்புத்தூர்- கரூர் தேசிய நெடுஞ்சாலையில் சுமார் 90 கி.மீ. தொலைவில் வெள்ளகோவில் உள்ளது. ஆலயம், காலை 8.00 மணி முதல் மதியம் 1.00 மணி வரையிலும்; மீண்டும் மதியம் 2.00 மணி முதல் இரவு 8.00 மணி வரையிலும் தரிசனத்திற்காக திறந்திருக்கும்.
 - ராமசுப்பு
 

]]>
https://images.dinamani.com/uploads/user/imagelibrary/2020/2/28/w600X390/VEERAKUMARA_SAMI.JPG https://www.dinamani.com/weekly-supplements/vellimani/2020/feb/28/வேட்டு-வைத்து-வேண்டுதல்-செலுத்தும்-கோயில்-3369586.html
3369584 வார இதழ்கள் வெள்ளிமணி பூவிருந்தவல்லியின் புனிதர்! Friday, February 28, 2020 10:58 AM +0530 சென்னை - காஞ்சிபுரம் மார்க்கத்தில் பூவிருந்தவல்லியில் மாசி மாதம், மிருகசீரிஷ நட்சத்திரத்தில் வீரராகவர்- கமலையார் என்பாருக்கு நான்காவது மகனாக திருக்கச்சி நம்பிகள் அவதரித்தார். இவர் உலகநலங்களில் பற்றின்றி மாயோனின் மலரடிகளிலேயே தம் கருத்தைக் செலுத்தி வந்தார். காஞ்சி வரதராஜப்பெருமாளுக்கு ஆலவட்டம் (விசிறி வீசும் கைங்கர்யம் செய்து வந்தார். இவருடைய பக்தியை கண்டு மகிழ்ந்த அத்திகிரி அருளாளன் இவரிடம் பல விஷயங்களைப் பற்றி உரையாடுவார்.
 ஒருநாள், நம்பிகள் பேரருளாளனை நோக்கி, "அடியேன் யாரை ஆசிரியராக கொள்ளுதல் வேண்டும்?' என வினவினார். பெருமாளும் "திருவரங்கம் பெரிய கோயிலை அடைந்து ஆளவந்தாரை ஆசிரியராக கொள்க' என்றார். நம்பிகளும் ஆளவந்தாரையே ஆசிரியராக பெற்றார். நம்பிகள் அரங்கனுக்கும், திருப்பதி ஸ்ரீநிவாசருக்கும் ஆலவட்ட கைங்கர்யம் செய்ய நினைத்தார். அரங்கனோ, தான் காவிரித்தாயாரின் அரவணைப்பில் இருப்பதால் ஏழுமலையானுக்கு செய் என்றார். மலையப்பனோ, தான் எழில் சூழ்ந்த குளிர்ந்த சூழ்நிலையில் இருப்பதாலும், நம்பிகளிடம் காஞ்சிப்பேரருளாளன் பிரம்மன் செய்த வேள்விக்குண்டத்திலிருந்து வெளிப்பட்டு தீக்காயங்களுடன் இருப்பதால் அவருக்கே கைங்கர்யத்தை செய் என ஆசி வழங்கினார். நம்பிகளும் வரதனுக்கே தன் கைங்கர்யத்தை தொடர்ந்தார்.
 பகவத் ராமானுஜருக்கு வாழ்க்கை வழிகாட்டியாய் 6 வார்த்தைகளை நம்பிகள் வரதர் மூலமாகப்பெற்றுத் தந்தார்.
 1. திருமாலே முழுமுதற்கடவுள். 2. ஜீவாத்மாக்களினின்று பரமாத்மா வேறுபட்டவனே. 3. இறைவனை அடையும் முக்தி நெறி சரணாகதியே. 4. இறைவனடி சேர்ந்தார்க்கு மரணகால நினைவு பற்றிய கவலை வேண்டாம். 5. உடல் சாய்ந்த பிறகே மனிதருக்கு முக்தி. 6. பெரிய நம்பியை ஆசார்யராகப் பற்று.
 ஆளவந்தாரிடம் ராமானுஜரின் பெருமைகளை எடுத்து கூறி, ராமானுஜரே வைணவம் வளர வழிகாட்டுதலாய் சிறப்புடன் விளங்குவார் என்று ஆளவந்தாரின் அருளும் ராமானுஜருக்கு கிடைக்கும் படிசெய்தவர் நம்பிகளே ஆவார். அதேபோன்று, கூரத்தாழ்வானை ராமானுஜருக்கு அறிமுகப்படுத்தி ஆழ்வானும் ராமானுஜரின் சீடராய் வைணவ சீலராய் விளங்க வழி வகுத்தவரும் திருக்கச்சி நம்பிகளே ஆவார்.
 ஆளவந்தார் நம்பியை தன் சிஷ்யனாக ஏற்று திருமந்திரம், துவயம், சரமசுலோகம் என்பவற்றின் பொருள்களையும் மற்ற நூற்பொருள்களையும் கூறியருளினார். பேரருளாளனும் பெருந்தேவித்தாயாரும் திருக்கச்சி நம்பிகளுடைய தொண்டுக்கு உவந்து அவருக்குக் "கஜேந்திரதாஸர்'"என்னும் திருப்பெயர் சூட்டினர். திருக்கச்சி நம்பிகளின் திருக்கைகளால் எடுத்துக்கொடுக்க, பேரருளாளன் மிக்க மகிழ்வோடு நாள்தோறும் பிரசாத அமுதை உண்டு உவந்தான். பேருளாளன் நம்பிகள்பால் கொண்ட அன்பு ஒப்புயர்வு அற்றதாகும்.
 திருக்கச்சி நம்பிகளின் பக்தியை மெச்சி திருவரங்கன், திருமலையப்பன், காஞ்சிப்பேரருளாளன் ஆகிய மூவரும் இவருடைய அந்திம காலத்தில் பூலிருந்தவல்லிக்கே எழுந்தருளி காட்சியளித்தமையால் திருக்கச்சி நம்பிகளின் திருக்கோயிலில் இம்மூவருக்கும் தனி சந்நிதிகள் அமைந்துள்ளன. மேலும் வரதராஜப்பெருமானின் பிராட்டியான புஷ்பவல்லிக்கும் தனி சந்நிதி அமைந்துள்ளது. மாசி மாதம் நடக்கும் திருக்கச்சி நம்பிகளின் 10 - நாள் உற்சவம் மிகச் சிறப்பாக இருக்கும்.
 பங்குனி மாதத்தில் ஒரு ஞாயிற்றுக்கிழமை மூன்றுபேரும் கருடவாகனத்தில் எழுந்தருளும் காட்சியும், நம்பி அவர்களுக்கு செய்யும் மரியாதையும் காண கண் கோடி வேண்டும். அன்றைய தினம் பக்தர் கூட்டம் அலை மோதும். மாலையில் பெருமாள்கள், நம்பிகளின் திருமஞ்சனம் மிகச்சிறப்பாக நடைபெறும்.
 - பட்டம்மாள் ஜெகந்நாதன்

]]>
https://images.dinamani.com/uploads/user/imagelibrary/2020/2/28/w600X390/vm2.jpg https://www.dinamani.com/weekly-supplements/vellimani/2020/feb/28/பூவிருந்தவல்யின்-புனிதர்-3369584.html
3369580 வார இதழ்கள் வெள்ளிமணி தசரதன் மகனை தாலாட்டியவர்! DIN DIN Friday, February 28, 2020 10:50 AM +0530 குலசேகராழ்வார் சேர நாட்டைச் சேர்ந்திருந்த கொல்லிநகர் என்னும் தலைநகரில் ஒரு பராபவ வருஷத்தில் மாசிமாதம் புனர்வசு நட்சத்திரத்தில் திடவிரதன் என்கிற அரசனுக்கு புத்திரனாக அவதரித்தார். இவர் திருமாலின் கௌஸ்துபத்தின் அம்சமாக தோன்றியதாக கருதப்படுகிறார். நாளடைவில் சேர நாட்டிற்கு அரசரானார். இவர் பகவானிடமும் அவரை வழிபடும் பாகவதர்களிடமும் மிக்க பக்தியுடைவராகத் திகழ்ந்தார். இவர் ஸ்ரீரங்கத்தில் பள்ளிகொண்ட ஸ்ரீரங்கநாதனையே சதா நினைத்துக் கொண்டு இருப்பவர்.
 இவர் எப்பொழுதும் வைணவர்களாகிய பாகவதர்களுடனேயே காலத்தைக் கழிப்பதைப் பார்த்து அசூயைப்பட்ட மந்திரிகள் சிலர் ஒரு விலையுயர்ந்த மாலையை ஒளித்து வைத்துப் பாகவதர்கள் தாம் எடுத்திருப்பார்கள் என்று கூற, குலசேகராழ்வார், அவர்கள் சொல்வதை முற்றிலும் மறுத்து ஒரு கொடிய விஷப்பாம்பைப் பிடிக்கச் சொல்லி அதைக் குடத்தில் அடைத்து பட்டினிப்போட்டு "பாகவதர்கள் முத்துமாலையை எடுத்திருப்பார்களேயானால் இந்த பாம்பு என்னைக் கடிக்கட்டும்" என்று கூறிக்கொண்டு அக்குடத்தில் கையை நுழைந்தார். அவரை பாம்பு தீண்டாததைக் கண்டு மந்திரிகள் தாங்கள் செய்த தவறுக்கு மன்னிப்பு கோரினார்கள்.
 "ஊனேறு செல்வத்து உடற்பிறவியான் வேண்டேன்' என்று பாடும் இவர், உயர்ப்பிறவி எல்லாப் பிறவியிலும் "படியாய்கிடந்து உன் பவளவாய் காண்பேனே' என்று ஆசைப்பட்டவர். இன்றும் திருமால் ஆலயங்களில் பெருமாள் கருவறைக்கு முன்புள்ள படி குலசேகரன் படி என்றே கூறப்படுகிறது. கொல்லி காவலன், கூடல் நாயகன் கோழிக்கோன், குலசேகரன் என்னும் பல சிறப்பு பெயர்கள் இவருக்கு உண்டு. தொடர்ந்து அரசாட்சி செய்ய விரும்பாமல் தன் மகனுக்கு முடிசூட்டி, திருவரங்கம் அடைந்து சேவித்து, தன் மகளையும் அரங்கனுக்கே மணம் செய்து கொடுத்து, குலசேகரன் வீதி என்னும் மூன்றாம் பிரகாரத்தைக் கட்டி மற்றும் பல கைங்கரியங்களைச் செய்து வாழ்ந்திருக்கிறார்.
 ராமகாதைக்கு மூன்று பதிகம் வழங்கிய குலசேகரரின் "அங்கண் நெடுமதிள் புடை சூழ்' என்ற பதிகமே கவிச்சக்கரவர்த்திக்கு ராமாயணம் பாடத் திருவுள்ளம் பற்றியது. ராமாயண நுட்பங்கள் அவருக்கு கிடைத்தன. இறைவனை இவர் சர்வ வித பந்துவாகவும், காட்டுகிறார். தாயும், தந்தையுமாகி சேவகனாகவும் ஆகிப்பாடுகிறார். "மன்னு புகழ்க் கௌசலை தன் மணி வயிறு வாய்த்தவனே' என்ற இவரது "காகுத்தன் தாலாட்டுப் பாடல்' இன்றளவும் பக்தர்கள் இல்லத்தில் தாலாட்டுப் பாடலாய் இசைக்கப்பட்டு வருகிறது. கண்ணனைக் குறித்து தேவகியின் ஆதங்கத்தை வெளிப்படுத்தும் பாங்கு, இவரது பாசுரத்தைப் படிப்போர் மனதைக் கீறிப்பார்க்கும். இவரது வித்துவக்கோடு பதிகம் பிரபந்த மார்க்கத்தின் ஆணிவேர்.
 திருவேங்கடம், திருசித்ரகூடம், திருக்கண்ணபுரம், திருவித்துவக்கோடு முதலிய திருப்பதிகளுக்குச் சென்று ஆங்காங்கு கோயில் கொண்டிருக்கும் அர்ச்சாவதார பெருமாள் திருமேனிகளைத் தரிசித்த வண்ணம் இறுதியில் திருக்குருகூர் சென்று நம்மாழ்வாரை வணங்கி, அவ்வூருக்கு அருகில் உள்ள பிரம்ம தேசத்தை (மன்னார் கோவில்) அடைந்து அங்குள்ள ஸ்ரீ ராஜகோபாலனுக்கு தொண்டு செய்து, தனது 67 -ஆம் வயதில் பரமபதம் அடைந்தார். இவ்வாழ்வார் அருளிச் செய்த பிரபந்தம் (105 பாசுரங்கள்) பெருமாள் திருமொழி எனப்படும். தவிர, வடமொழியிலுள்ள முகுந்தமாலை என்னும் நூலும் இவரால் இயற்றப்பட்டது. இவரது அவதார திருநட்சத்திரம் மார்ச் 5 (மாசி 22) அன்று அமைகின்றது.
 - எஸ். சாரநாதன்

]]>
https://images.dinamani.com/uploads/user/imagelibrary/2020/2/28/w600X390/vm1.jpg https://www.dinamani.com/weekly-supplements/vellimani/2020/feb/28/தசரதன்-மகனை-தாலாட்டியவர்-3369580.html
3369578 வார இதழ்கள் வெள்ளிமணி நிகழ்வுகள் Friday, February 28, 2020 10:47 AM +0530 மகா கும்பாபிஷேகம்
 திருவாரூர் மாவட்டம், நன்னிலம் தாலுக்கா, தட்டாத்திமூலை கிராமத்தில் எழுந்தருளியிருக்கும் ஸ்ரீ பூர்ணா }புஷ்களாம்பிகா சமேத ஸ்ரீ ஹரிஹரபுத்ர (கரும்பாயிரம் கொண்டவர்) ஆலய மகாகும்பாபிஷேகம், 05.03.2020, காலை 8.46 - 10.28 மணிக்குள் நடைபெறுகின்றது. முன்னதாக, மார்ச் 2 முதல் ஹோமம் மற்றும் பூஜைகள் தொடங்கி நடைபெறும்.
 சம்வத்ஸ்ராபிஷேகம்
 தஞ்சாவூர் மாவட்டம், திருவிடைமருதூர், தாலுக்கா 69-சாத்தனூர் திருமூலநாயனார் திருக்கோயிலில் கடந்த 2019- ஆம் ஆண்டு கும்பாபிஷேகம் நடைபெற்றது. இவ்வாண்டு, பிப்ரவரி 28 -ஆம் தேதி, முதலாம் ஆண்டு சம்வத்ஸராபிஷேகம் நடைபெறுகின்றது. இதனை முன்னிட்டு, சிறப்பு ஹோமம், அபிஷேகம், திருமந்திரம் முற்றோதல், உற்சவர் திருவீதி உலா ஆகியவை நடைபெறும். கும்பகோணம் - மயிலாடுதுறை சாலை, ஆடுதுறையிலிருந்து கிழக்கே 3 கி.மீ. தொலைவில் உள்ளது திருமூலர் கோயில்.
 தெ"ôடர்புக்கு: 98409 29729/ 94444 31691.
 மகா குருபூஜை
 மகான் சித்தபுருஷர் சிவஸ்ரீ படேசாகிப் சுவாமிகளின் மகா குருபூஜை விழுப்புரம் மாவட்டம், விக்கிரவாண்டி வட்டம், கண்ட மங்கலம் ஒன்றியத்தில் சின்னபாபு சமுத்திரத்தில் உள்ள அவரது ஜீவசமாதி வளாகத்தில் மார்ச் 7 -ஆம் தேதி (மாசி ஆயில்யம்) சனிக்கிழமையன்று நடைபெறுகின்றது. மகானின் திரு உருவப்படம் திருத்தேர் வலம் வருதல், அன்னதானம் போன்ற நிகழ்ச்சிகள் நடைபெறுகின்றன.
 தொடர்புக்கு: 78680 47049 / 94434 60460.
 

]]>
https://www.dinamani.com/weekly-supplements/vellimani/2020/feb/28/நிகழ்வுகள்-3369578.html
3363607 வார இதழ்கள் வெள்ளிமணி நாகூர் நாக நாயகன்! DIN DIN Friday, February 21, 2020 11:53 AM +0530 புன்னாகவனம் என்னும் பகுதியில் சம்புபத்தன் எனும் அந்தணனின் ஐந்து வயது மகன் விளையாடிக் கொண்டிருந்தான். அப்போது அரவுகளின் அரசனான நாகராஜன் தன் மனைவிகளுடன் கூடி மகிழ்ச்சியில் திளைத்துக் கொண்டிருந்தான். அதை அந்த சிறுவன் பார்த்துவிட்டதால் வெகுண்ட நாகராஜன், சிறுவனைக் கடிக்க, அச் சிறுவன் மரணமடைந்தான். தன் ஞான சக்தியால் உணர்ந்த சம்புபக்தன் நாகராஜனுக்கு "நீ உன் நாகஉலகை விட்டு அகன்று அறிவும், வலிமையும் இழந்து தனிமையில் பூலோகத்தில் உழல்வாய்' என சாபமிட்டான் .
 தன் தவறை உணர்ந்த நாகராஜன் தன் சாபத்திற்கு விமோசனம் கேட்டார். ஆயிரம் ஆண்டுகள் பூவுலகில் உழன்று உன் தந்தை காசியபரைக் கண்டு வணங்கி, ஆசி பெற்று சாபம் தீர்ப்பாய் என கூறினான். மேலும் "காஸ்யபர் மாசி மாத மகாசிவராத்திரியில் முதற்காலம் கும்பகோணம் வில்வவனத்தில் உள்ள நாகநாத சுவாமியையும்; இரண்டாம் காலம் திருநாகேஸ்வரம் சண்பகவனத்தில் உள்ள நாகநாதரையும்; மூன்றாம் ஜாமத்தில் திருப்பாம்புரம் வன்னிவனத்தில் உள்ள பாம்புரநாதரையும்; நான்காம் ஜாமத்தில் புன்னாகவனம் எனப்படும் நாகூர் நாகநாதரையும் கண்டு வணங்கி சிறப்பு வழிபாடு நடத்தி வணங்க சிவபெருமான் காட்சிதர, அந்நேரம் வழிபட்டு உன் சாபம் நீங்கி விமோசனம் பெற்று முக்தி அடைவாய்' என்றார்.
 அதன்படி, மகாசிவராத்திரியன்று வழிபட முதல் 3 காலங்களில் 3 இடத்திலும் வழிபட்டு 4 -ஆம் காலத்தில் நாகூர் நாகநாதரை வணங்கினான். சிவபெருமான் சிவலிங்கத்தில் இருந்து வெளிப்பட்டு காட்சி தந்து போதுமான வலிமையையும் வேறு தேவையான நலன்களையும் வழங்கி சாபவிமோசனம் தந்தார். நாகராஜன் பூஜித்து வணங்கியதால் சுவாமி நாகநாதர் என்றும்; அம்பாள் திருநாகவல்லி என்றும்; புன்னாகவனம் நாகூர் எனவும் வழங்கப்பட்டது. இதன் வரலாறு தொன்மையானது.
 ஒரு புன்னைக் கனியை நாரை ஒன்று கெளவிக் கொண்டுவானில் பறந்து சென்றது. அதை கண்ட மற்றொரு நாரை அக்கனியை அதன் வாயிலிருந்து தான் பறிக்கச் சண்டையிட்டது. அந்தச் சண்டையில் நாரை வாயிலிருந்த கனி தவறித் தரையில் விழுந்து மரமாய் முளைத்தது. அந்த மரத்தின் வடபுறம் ஒரு லிங்கத் திருமேனி பூமியிலிருந்து முளைத்து எழுந்தது. அவ்வாறு தோன்றிய சுயம்பு மூர்த்தியே நாகநாத சுவாமி ஆகும்.
 இத்தலத்தை பிரம்ம தேவன் பூசித்ததால் பிரமாபுரம் எனப்பெயர் பெற்றது. சந்திர தீர்த்தம் வாழ்வை வளமாக்கும் சந்திரனின் அமுதக் கலைகள் நிரம்பியுள்ளதால் தீர்த்தம் சந்திரதீர்த்தம் எனப்படுகிறது. உருத்திர நதி எனவும் அகத்தியக் காவேரி என்று புகழப்படும் வெட்டாறு நதி ஆகும். மூர்த்தி, தலம், தீர்த்தம் இம்மூன்றாலும் சிறப்புற்று, தில்லைக்கு நிகரான சிறப்புடையது எனவும் போற்றுப்படுகிறது.
 கிழக்கு நோக்கிய ஐந்து நிலை ராஜகோபுரம் கொண்ட கோயில். சுவாமிக்கு வலது புறத்தில் உற்சவர் சந்திரசேகரர், கல்யாண சுந்தரர், தியாகராஜர், இடது புறத்தில் அம்பாள் நாகவல்லி, காட்சி கொடுத்த நாயனார், நடராஜர், ஐயப்பன் ஆகியோர் தனித்தனி சந்நிதிகளிலும், உட்பிரகார வலது புறத்தில் ஜூரதேவர், தட்சிணாமூர்த்தி, நாககன்னிகள், வலம்புரி விநாயகர், மேற்கில், கன்னி ராகுபகவான், ஐவேலி நாதர், சுப்பிரமணியர், தத்புருஷலிங்கம், மகாலட்சுமி, நால்வர், இடது புறத்தில் பிரம்மா, துர்கை, காசி விஸ்வநாதர், நர்த்தனவிநாயகர், சனீஸ்வர பகவான் ஆகியோர் தனித்தனி சந்நிதிகளில் அருள்கின்றனர்.
 இத்திருக்கோயிலின் உட்பிரகாரத்தில் கன்னி மூலையில் ராகுபகவான் விமானம், மண்டபத்துடன் தனி சந்நிதியில், நாகவல்லி, நாககன்னியருடன் எழுந்தருளி அருள்பாலித்து வருகிறார். இத்திருக்கோயிலில் நவக்கிரகங்கள் எல்லாம் சமப்பிரதிஷ்டை எனப்படும் ஒரே நேர்க்கோட்டில் நாகநாதரை நோக்கி வணங்கி அமைந்துள்ளமை தனிச்சிறப்பாகும்.
 இந்த கோயிலில் ஆனி மாத பௌர்ணமியில் சந்திரன் 10 நாள்களும், மாசி மாதம் தீர்த்தவாரி நடத்தி தோஷம் நீங்கி பிரமோற்சவம் செய்து வழிபட்டு தோஷம் நீங்கிய சிறப்பு வாய்ந்த தலம். இவ்வூரில் யாரையும் நல்லபாம்பு தீண்டியது கிடையாது என்று கூறப்படுகிறது. மாறாக, நாக தோஷம், காலசர்ப்ப தோஷம், மாங்கல்ய தோஷம், புத்திர தோஷம் என அனைத்து வித தோஷங்களும் நிவர்த்தியாவதால் ஏராளமான பக்தர்கள் இங்கு வந்து தோஷம் நீங்க பிரார்த்தனை செய்கின்றனர்.
 இத்திருக்கோயிலில் ஒவ்வொரு ஆண்டும் மகாசிவராத்திரி 4-ஆம் காலம், வெகு சிறப்பாக நடைபெறுகிறது. இவ்வாண்டு, மகாசிவராத்திரி 4 -ஆம் காலம், பிப்ரவரி 22 -ஆம் தேதி, நாகநாதருக்கும் நாகவள்ளி அம்பாளுக்கும் அதிகாலை 4 மணிக்கு அபிஷேகம் நடைபெறும். தொடர்ந்து காட்சி கொடுத்த நாயனார் ரிஷபாரூடராய் பிரகாரத்தில் நாகராஜாவிற்கு காட்சி அருளுவார். நாகராஜன் வணங்க அவனது தோஷம் நீங்கி, அவருக்கு பரிவட்டப்பட்டு கட்டி திருநீறு அளித்து காத்தருளுவார். இந்நிகழ்வை கண்டு தரிசிக்கும் பக்தர்களின் எப்பேர்ப்பட்ட தோஷமும் நீங்கி சகல நலன்களும் பெறுவார்கள் என்பது ஐதீகமாகும்.
 தொடர்புக்கு: 94436 22235/
 95665 70363.
 - ஆர்.அனுராதா
 

]]>
https://images.dinamani.com/uploads/user/imagelibrary/2020/2/21/w600X390/vm4.jpg https://www.dinamani.com/weekly-supplements/vellimani/2020/feb/21/நாகூர்-நாக-நாயகன்-3363607.html
3363606 வார இதழ்கள் வெள்ளிமணி சிவ வழிபாட்டில் உருத்ராட்சம்! DIN DIN Friday, February 21, 2020 11:51 AM +0530 சிவபெருமான் வழிபாட்டில் உருத்ராட்சமும், வில்வ இலையும் முக்கிய இடம் பெற்று விளங்குகிறது. திரிபுர அசுரர்களை அழித்தபோது சிவபெருமான் கண்களிலிருந்து விழுந்த நீர்த்துளிகளே உருத்ராட்சமாக மாறியதாக புராண வரலாறு கூறுகிறது. ருத்ரன் கண்
 களிலிருந்து தோன்றியதால் "ருத்ராக்ஷம்' எனப்படுகிறது.
 இது ருத்ரமணி, தெய்வமணி, சிவமணி, சிரமணி, கண்டிகை, பூதநாசனம், பாவனம், நீலகண்டாக்ஷம், சிவாக்ஷம் என்றும் அழைக்கப்படுகிறது. உருத்ராட்ச காய் ஒரு மரத்திலிருந்து கிடைக்கிறது. இம்மரத்தினை தமிழகத்தில் ஒரு சில கோயில்களில் காணலாம். ஜாவாதீவு, நேபாளம், ஹரித்வார், இந்தோனேஷியா ஆகிய இடங்களில் உருத்ராட்சமரம் வளர்கிறது. மேலும் இமயமலைச்சாரல் பகுதிகளான கங்கோத்ரி, யமுனோத்ரி, ருத்ர பிரயாகை போன்ற இடங்களில் இம்மரம் வளர்வதால் "தேவபூமி' எனச்சிறப்பித்து அழைக்கப்படுகிறது.
 உருத்ராட்சத்தில் ஒரு முகம் முதல் 14 முகம் வரை உள்ளது எனவும், அதனை அணிந்தால் உண்டாகும் பலன்கள் பற்றி ஆகமத்திலும், உபநிஷத்களிலும் கூறப்படுகிறது. உருத்ராட்ச மாலையை அணியும் பொழுது என்ன மந்திரம் கூறவேண்டும் என்பதை பத்மபுராணத்திலும், சிவமகாத்மியத்திலும் காணலாம்.
 இதற்கு மருத்துவ குணமும் உண்டு. புற்றுநோய், ரத்த அழுத்தம், தலைவலி போன்ற நோய்களுக்கு மருந்தாகிறது. மன நோய்களுக்கும் நலமளிக்கிறது. உடலுக்கு குளிர்ச்சியை அளிக்கிறது. மன அமைதியை அளிக்கிறது.
 உருத்ராட்சத்தை தங்கம், வெள்ளி, தாமிரம், பஞ்ச உலோகம் ஆகியவற்றோடு இணைத்து அணிவதால் பலன் அதிகம் எனக் கூறப்படுகிறது. மனிதனிடம் உள்ள ஒலி அலையை இறைவனிடம் ஒளி அலையாகக் கொண்டு சேர்க்கும் தன்மை ருத்ராட்சத்திற்கு உள்ளதாகக் கூறுகின்றனர்.
 இத்தகைய சிறப்பு வாய்ந்த உருத்ராட்ச மாலையை சைவசமயம் போற்றும் அப்பர் பெருமான், மாணிக்கவாசகர், ஞானசம்பந்தர், சுந்தரர் மற்றும் நாயன்மார்கள் அணிந்திருப்பதை திருக்கோயில்களில் உள்ள சிற்பங்களிலும், செப்புத்திரு மேனிகளிலும் காணலாம். அப்பர், சம்பந்தர், சுந்தரர் திருமேனிகளுக்கு பொன்னால் ஆன இழையில் (நூலில்) இணைத்து உருத்ராட்சத்தை அணிவிக்க தானம் அளித்ததை தஞ்சை பெரிய கோயில் கல்வெட்டுகள் எடுத்துக்கூறுகின்றன.
 சிவபெருமானுக்கு திருக்கோயில்களை எழுப்பி தொண்டு செய்த மன்னர்கள் பலர் உருத்ராட்சத்தினால் ஆன முடியை அணிந்திருந்ததாக செப்பேடுகளும், கல்வெட்டுகளும் கூறுகின்றன. பல்லவ மன்னன் பரமேசுவர்மனும் அவன் மைந்தன் சிவசூடாமணி - ஆகமப்பிரியன் - ரிஷபலாஞ்சனன், சைவசித்தாந்தப்படி நடப்பவன் என்றெல்லாம் சிறப்புப் பெயர்கள் பெற்ற ராஜசிம்ம பல்லவன் உருத்ராட்ச மணிகளால் ஆன சிவலிங்கத்தை முடியில் தரித்தவன் என காஞ்சி கைலாச நாதர் கோயில் கல்வெட்டுகள் கூறுகின்றன.
 திருவதிகை வீராட்டானம் கோயில் வரலாற்றில் திரிபுர அசுரர்களான மூவரும் சிவபக்தி நிறைந்தவர்கள். தமது தலை மீது எப்பொழுதும் சிவலிங்கத்தை தாங்கியிருப்பவர்கள் என்பதை தஞ்சை கோயில்களில் காணப்படும் சிற்பங்களினால் அறிய முடிகிறது. எனவே இறைவன் அவர்களை அழிக்காமல் இருவரை தமது வாயிற்காவலராகவும் (துவாரபாலகர்கள்), மற்றொருவரை தான் நடனமாடும் பொழுது "குடமுழா' என்னும் இசைக்கருவியை வாசிக்கவும் அருள் செய்ததாக திருமுறைப்பாடல்கள் குறிப்பிடுகின்றன.

 பல திருக்கோயில்களில் சிவலிங்கத்திற்கும், நடராஜப்பெருமானுக்கும் உருத்திராட்சத்தினால் ஆன மண்டபத்தை அமைத்திருப்பதைக் காணலாம். வேலூர் மாவட்டம், ஆரணி அருகே அவதரித்த மகான் அப்பய்ய தீட்சதர் தனது கழுத்தில் உருத்திராட்ச மாலைகளும், தலையில் சிவலிங்க வடிவம் உள்ள ருத்ராட்ச கீரீடமும் அணிந்து அதன் பெருமையை உணர்த்திய சிறப்பினைக் கொண்டவர் ஆவார். நம்மிடையே வாழ்ந்த காஞ்சி மகா பெரியவர் தனது உடல் முழுவதும் உருத்ராட்சம் அணிந்து அருள் வழங்கியிருக்கிறார்.
 "சிவராத்திரி வழிபாட்டின் போதும், எப்பொழுதும் நன்மை அளிக்கும் உருத்ராட்சத்தை அணிந்து பயன் பெறுவோம்'
 - கி.ஸ்ரீதரன்
 

]]>
https://images.dinamani.com/uploads/user/imagelibrary/2020/2/21/w600X390/RUDRAKSHA.JPG https://www.dinamani.com/weekly-supplements/vellimani/2020/feb/21/சிவ-வழிபாட்டில்-உருத்ராட்சம்-3363606.html
3363605 வார இதழ்கள் வெள்ளிமணி பொருநை போற்றுதும்! 81 - டாக்டர் சுதா சேஷய்யன் DIN DIN Friday, February 21, 2020 11:49 AM +0530 வீரராகவபுர எழுச்சி
 இந்தச் செய்தி பரவியதும், நெல்லை நகரம் கொதித்துப் போனது. சில ஆண்டுகளாகத் தொடங்கி, சில மாதங்களாகப் பெருகியிருந்த சுதேசி எண்ணங்கள், சுதேசித் தலைவர்கள் விசாரணைக் காவலில் வைக்கப்பட்ட செய்தியால் பொங்கிப் பிரவகித்தன.
 13.03.1908 - நெல்லைப் பாலத்திலும் வீரராகவபுரத்திலும் எழுச்சியின் அறிகுறிகள் தென்படலாயின. மக்கள் பலவிதங்களில் தங்களின் எதிர்ப்பையும் சினத்தையும் வெளிக்காட்டினர். தத்தம் அங்காடிகளை மூடிவிட்டுத் தூத்துக்குடியிலிருந்து ரயிலில் புறப்பட்டு வந்தவர்கள், வீரராகவபுரத்தில் குழுமியிருந்தவர்களோடு சேர்ந்தனர். வணிகமும் போக்குவரத்தும் ஸ்தம்பித்தது. 3000 }க்கும் மேற்பட்டோர், இந்துக் கல்லூரி வளாகத்திற்குள் நுழைந்து மாணவர்களைப் போராட்டத்திற்கு அழைத்தனர். தடை செய்யமுயன்ற கல்லூரி முதல்வர் சேம்பியன், ஆத்திரமடைந்த மக்களை எதிர்கொள்ளும் திராணியின்றி, பாரி கம்பெனிக்குள் ஓடி ஒளிந்தார். கூட்டம், சி எம் எஸ் கல்லூரிக்குள் புகுந்தது. முதல்வர் ஷாஃப்டர் தடுக்க முயல... சாளரங்களும் அறைகலன்களும் சேதம் கண்டன. பற்பல கட்டடங்களும் இடங்களும் மக்களின் சினத்துக்கு இரையாயின.
 தவித்துப் போன வின்ச், பாளையிலிருந்தும் திருச்சியிலிருந்தும் சேமக் (ரிசர்வ்) காவல் படையை வரவழைத்தார். மேலும் கலவரமடைந்த மக்கள், வீரராகவபுரத்திலிருந்த அரசாங்கக் கட்டடங்களின்மீது தங்களின் கோபத்தைக் காட்டினர். நெல்லையின் அணிகலனாக வர்ணிக்கப்பட்டிருந்த நகராட்சி அலுவலகம் அடித்து நொறுக்கப்பட்டது.
 வெள்ளையரின் வெறித்தனம்
 வின்ச், ஆஷ் ஆகியோரோடு காவல்துறை அதிகாரி ஸ்வீட்டிங் என்பவரும் சேர்ந்துகொள்ள, மூவரும் நேஷனல் எம்போரியம் என்னும் கடைக்குச் சென்றனர். உள்நாட்டுச் சரக்குகளை விற்பனை செய்த இக்கடையில் பெருங்கூட்டம் கூடியிருந்தது. கடைச் சிப்பந்தி ஒருவரிடம் என்ன கூட்டம் என்று வின்ச் விசாரிக்க, பால் அவர்களின் விடுதலைக் கொண்டாட்டம் என்று சிப்பந்தி விடையிறுக்க... கோபத்தைக் கட்டுப்படுத்த முடியாத வின்ச், கையிலிருந்த சாட்டையால் சிப்பந்தியின் முகத்தில் அடித்துக் காயம் ஏற்படுத்தினார்.
 வின்ச்சின் வெறித்தனத்தைக் கண்ட மக்கள் கூட்டம், கல்லெறியத் தொடங்கியது. கூட்டத்தைக் கலையச் சொல்லி ஆஷ் ஆணையிட்டார். மக்கள் மறுத்தனர்.
 இந்த நிலையில்தான் -ஆஷ் சொல்லி வின்ச், அல்லது வின்ச் சொல்லி ஆஷ், எவரோ ஒருவர், அல்லது இருவரும் சேர்ந்து - எப்படியோ துப்பாக்கிச் சூட்டுக்கு ஆணையிடப்பட்டது. அந்த இடத்திலேயே நான்கு அப்பாவிகள் கொல்லப்பட்டனர். தேங்காய் வாங்கவந்தச் சிறுவன் ஒருவன், கையிலெடுத்த தேங்காய் உருண்டுவிட, அதை எடுப்பதற்காகக் குனிந்த நிலையில், ஈவிரக்கமின்றிச் சுடப்பட்டான். குண்டு வைக்க முயன்றான் என்றும் அதனால் அவனைச் சுட்டதாகவும் நிர்வாகம் பொய் சொன்னது.
 தமிழக எழுச்சி
 வீரராகவபுர வீதிகளில் வீறுகொண்ட இந்த எழுச்சியைத் திருநெல்வேலிக் கலகம் என்று பெயர்சூட்டி ஒதுக்கியது பிரிட்டிஷ் அரசாங்கம். தொடர்ந்து வந்த நாட்களில், பவழ ஆலைத் தொழிலாளர்கள், சுதேசித் தலைவர்களின் பெயரால் சத்தியம் செய்து வேலை நிறுத்தத்தில் ஈடுபட்டனர். வீரராகவபுரத் தகவல்கள் சென்னையை அடைய, திருநெல்வேலி நிவாரண நிதி என்னும் அமைப்பு தொடங்கப்பட்டது. சென்னை ஜன சங்கத்தின் சார்பில், பல்வேறு இடங்களில் கூட்டங்கள் ஏற்பாடு செய்யப்பட்டு, சுப்பிரமணிய பாரதியாரும் சுரேந்திரநாத் ஆர்யாவும் மக்களை ஒன்றுதிரட்ட முயன்றனர். விழித்துக்கொண்ட வெள்ளை அரசாங்கம், சென்னை மூர்மார்க்கெட்டிலும், மெரீனா கடற்கரையிலும் கூட்டம் போட தடை விதித்தது.
 இதைத் தொடர்ந்துதான், பொதுக் கூட்டம் போட முனைபவர்கள், எழுத்துப்பூர்வமான முன் அனுமதி பெறவேண்டும் என்னும் விதி மதராஸ் மாகாணம் முழுவதும் அமல்படுத்தப்பட்டது. வின்ச் மீதும் ஆஷ் மீதும் தமிழக மக்களுக்கு ஏற்பட்ட எல்லையற்ற வெறுப்புக்கான தொடக்கப் புள்ளியாகவும், ஆஷ் துரையை மணியாச்சி ரயில் நிலையத்தில் வாஞ்சிநாதன் சுட்டது உள்ளிட்ட அடுத்த சில ஆண்டுகளின் விடுதலைப் போராட்ட நிகழ்வுகளின் ஆணிவேராகவும், இந்த எழுச்சியே திகழ்ந்தது.
 சமீப காலங்களில்தான், கலகம் என்னும் பெயரைக் கைவிட்டு, திருநெல்வேலி எழுச்சி என்றே இந்நிகழ்வை அழைக்கவேண்டும் என்னும் தீர்மானம் நிறைவேற்றப்பட்டது. மன்னனுக்கு வீரராகவராகக் காட்சிகொடுத்த வரதராஜப் பெருமாள், பொருநைப் புதல்வர்களுக்கும் வீரத்தை ஊட்டி எழச் செய்தார் என்பதில் எவ்வித ஐயமுமில்லை.
 (தொடரும்...)

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2020/feb/21/பொருநை-போற்றுதும்-81---டாக்டர்-சுதா-சேஷய்யன்-3363605.html
3363603 வார இதழ்கள் வெள்ளிமணி அறிவாற்றலை அதிகரிக்கும் சேந்தமங்கலம் அகத்தீஸ்வரர்! DIN DIN Friday, February 21, 2020 11:46 AM +0530 ராமன், ராவண வதம் நிகழ்த்திய, தனக்கு ஏற்பட்ட பிரம்மஹத்தி தோஷத்தைப் போக்கிக் கொள்வதற்காக ராமேஸ்வரத்தில் சிவலிங்க பிரதிஷ்டை செய்து வழிபட விரும்பினார். சிவலிங்க மூர்த்தத்தைக் கொண்டு வருவதற்காக அனுமனை வடதிசைக்கு அனுப்பினார். அனுமன் சிவலிங்கம் கொண்டு வருவதற்கு தாமதமானது. எனவே, சீதை மணலால் வடித்த சிவலிங்க மூர்த்தத்தை கருவறையில் பிரதிஷ்டை செய்துவிட்டார். சற்று தாமதமாக அனுமன் கொண்டு வந்த சிவலிங்க மூர்த்தத்தை அனுமனின் மனம் நோக்கக்கூடாது என்பதற்காக கருவறைக்கு வெளியில் பிரதிஷ்டை செய்ததுடன், முதலில் அந்த லிங்கத்துக்கே பூஜைகள் செய்யப்பட வேண்டும் என்ற நியதியையும் ஏற்படுத்தினார்.
 இதுபோன்று, இரண்டு சிவலிங்கங்கள் பிரதிஷ்டை செய்யப்பட்ட சிறப்புக்குரிய மற்றொரு தலம் புதுக்கோட்டை மாவட்டம், மேலப்பளுவஞ்சியில் உள்ள அகத்தீஸ்வரர் கோயில் ஆகும். ராமேஸ்வரத்தில் சிவலிங்க பிரதிஷ்டை செய்து வழிபட்டது ராமபிரான் என்றால் இங்கே சேந்தமங்கலத்தில் சிவலிங்க பிரதிஷ்டை செய்து வழிபட்டவர், ராமபிரானுக்கு ஆதித்ய ஹ்ருதய மகா மந்திரம் உபதேசித்த அகத்தியர். கயிலை நாயகனின் உத்தரவின்படி, தென்திசை பயணம் வந்த அகத்தியர் சிவலிங்க பிரதிஷ்டை செய்து வழிபட்ட எண்ணற்ற தலங்கள் இருந்தாலும், இந்தத் தலத்துக்கு ஒரு தனிச்சிறப்பு உண்டு. இங்கே அகத்தியரின் நாம ஜபத்தால் ஈசன் சுயம்புவாகத் தோன்றி அருள்புரிந்த தலமாகும்.
 சிவலிங்கம் பிரதிஷ்டை செய்ய முகூர்த்தம் குறித்தாயிற்று! சிவலிங்க மூர்த்தம் எடுத்துவர, அடியார்களையும் அனுப்பியாயிற்று. ஆனால் இயற்கைச் சீற்றத்தின் காரணமாக குறித்த நேரத்துக்குள் சிவலிங்கம் வந்து சேரவில்லை. அகத்தியர் பொறுமையுடன் வில்வ தளங்களைச் சமர்ப்பித்தப்படி சிவ சஹஸ்ர நாமத்தை ஜபம் செய்தார். அகத்தியர் செய்த நாமஜபத்தின் பலனாக சிவபெருமான் சுயம்புவாகத் தோன்றினார். மனம் மகிழ்ந்த அகத்தியர் சிவலிங்க பிரதிஷ்டையுடன், அம்பிகை அகிலாண்டேஸ்வரியையும் பிரதிஷ்டை செய்து வழிபட்டார்.
 அதே நேரம், அடியார்களும் சிவலிங்க மூர்த்தம் கொண்டு வந்தனர். அவர்கள் மன வருந்தக்கூடாது என்பதற்காக, அகத்திய மகரிஷி அவர்கள் கொண்டு வந்த சிவலிங்க மூர்த்தத்தையும் கருவறைக்கு வெளியில் பிரதிஷ்டை செய்து வழிபடச் செய்தார். சிறப்புமிக்க இந்தத் திருக்கோயிலில் ஒரு காலகட்டத்தில் நித்திய பூஜைகள் கூட நடைபெறாத நிலை ஏற்பட்டுவிட்டது.
 சிவ சஹஸ்ரநாமத்தின் மகிமையால் சுயம்வாகத் தோன்றிய ஈசன் அருள்புரியும் இந்தத் திருக்கோயிலுக்கு வந்து, சிவ சஹஸ்ரநாம பாராயணமும், அர்ச்சனையும் செய்து இறைவனை வழிபட்டால், எல்லா தடைகளும் நீங்கி, வாழ்க்கையில் எண்ணிய எண்ணம் எல்லாம் நிறைவேறும் என்பது பக்தர்களின் நம்பிக்கை. மேலும் சிறு குழந்தைகளுக்கு கல்வியில் ஈடுபாடு குறைந்திருந்தால் இக்கோயிலில் வந்து வழிபடுகிறார்கள். தேர்வுக்கு போகும் முன்பு இங்குள்ள ஈசனை வேண்டி நேர்த்திக்கடன் வைத்து சென்றால் அதிக மதிப்பெண் பெற்று தேர்வில் வெற்றி பெறுவார் என்பது ஐதீகம். அப்படி வெற்றி பெற்றவர்கள் தங்களுடைய நேர்த்திகடனை, இறைவனுக்கு அபிஷேகம் செய்து நிறைவு செய்கிறார்கள்.
 சுவாமி கோயில் கருவறை, மகா மண்டபம், உபானம், ஜகதி, முப்பட்டைக் குமுதம், கண்டம், பட்டி கண்டம், வேதிகைசுவர், போதிகை எழுதகம், பிரஸ்தரம் வரை கருங்கல் திருப்பணியாகவும், பிரஸ்தரத்திற்கு மேலே சுதையாலான இருதள விமானத்தை உடையதாகவும் உள்ளது. கருவறை தெற்கு தேவகோட்டத்தில் தட்சிணாமூர்த்திக்கு தனிமண்டபம், கருவறை பின்புற தேவகோட்டத்தில் அண்ணாமலையார், வடபுற தேவகோட்டத்தில் பிரம்மா நின்ற நிலையிலும் உள்ளார்.
 இக்கோயிலின் மகாமண்டபதிற்கு வெளிப்புற சுவரில் முதலாம் சடையவர்மன் சுந்தரபாண்டியன் ஆட்சியாண்டு பொறித்த கல்வெட்டு உள்ளதாலும், போதிகைகள், கருவறை சுவர் அரைத்தூண்களின் வடிவமைப்பு ஆகியன பிற்கால பாண்டியர் கலைப்பாணியில் அமைந்துள்ளதாலும் இக்கோயில் கி.பி. 12 அல்லது 13 -ஆம் நூற்றாண்டைச் சேர்ந்த பாண்டியர் கால கோயிலாகும்.
 முன்பு, இடிந்து கிடந்த கோயிலை திருப்பணி செய்து, மூலப்பிள்ளையார், சுப்பிரமணியர்-வள்ளி, தெய்வானை, சண்டிகேஸ்வரர், காலபைரவர் ஆகிய பரிவாரத் தெய்வங்கள் அமைத்துள்ளனர். கருவறையில் தான்தோன்றிலிங்கம் உள்ளது. கருவறைக்கு முன்பு துவாரபாலகர் இருக்கும் இடத்தில் அர்த்தநாரீஸ்வார் சிறப்பு பெற்றவராக இங்கே திகழ்கிறார். அதேப்போன்று, ஒரே சந்நிதியில் இரட்டைப்பிள்ளையார் நாகரோடு காட்சி அளிக்கிறார்.
 கோயிலின் வாயிலில் பிற்காலச் சோழர் கலைப்பாணியில் ஆவுடையார்லிங்கம் அமைந்துள்ளது என்பது குறிப்பிடத்தக்கது. இக்கோயிலில் தினந்தோறும் ஒரு காலப் பூஜைகள் மட்டும் நடைபெறுகிறது. 21-2-2020 - மகாசிவராத்திரி விழாவில் நான்கு கால பூஜைகளும் வெகு சிறப்பாக நடைபெறவுள்ளது.
 வழித்தடம்: புதுக்கோட்டையில் இருந்து 5, 17, 28 ஆகிய எண்கள் கொண்ட நகரப்பேருந்துகளில் மேலப்பளுவஞ்சி பேருந்து நிறுத்தத்தில் இறங்கி அங்கிருந்து 2 கி.மீ. தொலைவில் இக்கோயிலை அடையலாம்.
 தொடர்புக்கு: 94437 12421/ 94454 19432.
 - பொ.ஜெயச்சந்திரன்
 
 

]]>
https://images.dinamani.com/uploads/user/imagelibrary/2020/2/21/w600X390/vm3.jpg https://www.dinamani.com/weekly-supplements/vellimani/2020/feb/21/அறிவாற்றலை-அதிகரிக்கும்-சேந்தமங்கலம்-அகத்தீஸ்வரர்-3363603.html
3363602 வார இதழ்கள் வெள்ளிமணி புன்னகை சாயிபாபா! DIN DIN Friday, February 21, 2020 11:45 AM +0530 சென்னை பல்லாவரத்திற்கு அடுத்துள்ள பம்மலில் எண். 32 , வேதகிரி தெருவில் அமைந்துள்ளது புன்னகை சாயிபாபா ஆலயம்! இங்கு, சாயிபாபா நம்மை பார்த்து அன்புடன் புன்னகைத்த படியே அருள்பாலிக்கிறார்.
 ஆயிரக்கணக்கான பக்தர்கள் இந்த ஆலயத்திற்கு ஒவ்வொரு வியாழன் அன்றும் வந்து சாயிபாபாவிடம் தங்களுடைய கோரிக்கைகளை வைத்து வேண்டி செல்கின்றார்கள். அவர்கள் வைக்கும் வேண்டுதலும் உடனுக்குடனேயே நிறைவேற்றி தருகிறார் நமது புன்னகை சாயிபாபா. தன்னை நாடி வரும் பக்தர்கள் அனைவரையும் தன்னுடைய பிள்ளைகளாக பாவித்து காத்து ரட்சிப்பவர் தான் புன்னகை சாயிபாபா!
 புன்னகை சாயிபாபா ஆலயத்தில் புன்முறுவல் புன்னகையுடன் வீற்றிருக்கும் இந்த சாயிபாபாவை தரிசனம் செய்தாலே போதும், நம்முடைய ஒவ்வொருவர் வாழ்க்கையிலும் நிகழும் அனைத்து விதமான துன்பங்களும் மறையும்; மலர்ந்து புன்னகை மட்டுமே நம் முகத்தில் ததும்பும்!.
 புன்னகை சாயிபாபா ஆலயத்தின் சிறப்பு
 இந்த ஆலயத்தில் சாயிபாபாவின் ஆரத்திக்கு முன்பு உலக மக்களின் நன்மைக்காக இங்கே கூட்டுப்பிரார்த்தனை நடை பெறுகிறது. அந்த கூட்டுப்பிரார்த்தனையில் நாம் யார் வேண்டுமானாலும் நம் உறவினர் பெயரையோ அல்லது நண்பர்கள் பெயரையோ, யாருக்கு உடல் நிலை சரி இல்லையோ அவர்களின் பெயர், ஊர், என்ன வேண்டுதல் என்று எழுதி ஆலய நிர்வாகியிடம் கொடுத்து பிரார்த்தனை செய்ய வேண்டும் என்று சொன்னால் போதும், அவர் எல்லோர் நலனுக்காகவும் இந்த கூட்டு பிரார்த்தனையின் பொழுது நமக்கான வேண்டுதலை வைக்கிறார். கூட்டாக எல்லோரும் வேண்டும் வேண்டுதலானது அப்படியே பலிக்கிறது. இதுவே இந்த ஆலயத்தின் சிறப்பு!
 மேலும், இந்த ஆலயத்தில் சீரடி சாயிபாபா உடன் ஸ்ரீதேவி கருமாரி அம்மன், ஆஞ்சநேயர் மற்றும் சனீஸ்வரர் ஆகிய தெய்வங்களும் அமைந்துள்ளன.
 ஒவ்வொரு சனிக்கிழமையும் சனீஸ்வரருக்கு தங்கள் கைகளாலேயே எண்ணெய் அபிஷேகம் செய்து, சுலோகம் படித்தல் என்பது மிக சிறப்பான நிகழ்வாக நடைபெறுகின்றது. இங்கு வந்து வேண்டி கொண்டு எண்ணற்ற நன்மைகள் அடைந்த பக்தர்களே இந்த ஆலயத்தில் சேவை செய்து வருகிறார்கள்.
 இந்த ஆலயத்தில் ஷிர்டியில் உள்ளது போல எங்கும் இல்லாத பெரிய துணி, 24 மணி நேரமும் எரிந்து கொண்டு இருக்கிறது. பக்தர்களின் கைகளால் பாபாவிற்கு நிவேதனமும் செய்யப்படுவது இவ்வாலயத்தின் சிறப்பாகும்.
 மிக பிரமாண்டமான இந்த புன்னகை சாயிபாபா ஆலயத்தில் நான்கு கால ஆர்த்தியும், வேத பாராயணமும் மிக பிரம்மாண்டமாக நடை பெறுகிறது. சாயிபாபாவின் பல்லக்கை மனமுருக வேண்டியபடி பெண் பக்தர்கள் தூக்கி தூணியை மூன்று முறை சுற்றி வருகிறார்கள். பின்னர், யதாஸ்தானத்தில் வைக்கின்றனர். இது வேறு எங்கும் இல்லாத ஒரு புது நிகழ்ச்சி என்றே சொல்லலாம். ஆலயத்திற்கு வரும் அனைவருக்கும் ஆலயத்தின் சார்பாக அன்னதானம் வழங்கப்படுகிறது
 ஓம் சாய் ராம்!
 - எல். மோகன் வேல்
 
 

]]>
https://images.dinamani.com/uploads/user/imagelibrary/2020/2/21/w600X390/vm2.jpg https://www.dinamani.com/weekly-supplements/vellimani/2020/feb/21/புன்னகை-சாயிபாபா-3363602.html
3363601 வார இதழ்கள் வெள்ளிமணி விந்தைமிகு விண்வெளி சிந்தனை DIN DIN Friday, February 21, 2020 11:44 AM +0530 அந்தமும் ஆதியும் இல்லா இறைவன் எந்த முன் மாதிரியும் முன் உதாரணமும் இன்றி விந்தைமிகு விண்வெளியை அமைத்து அகில மக்கள் பயன்பாட்டிற்கு வசப்படுத்தி கொடுத்திருப்பதைச் சிந்தனை செய்ய செப்புகிற செம்மறை குர்ஆனின் கூற்றை ஆய்வோம்.
 சிந்திப்பது பற்றிய சீர்மிகு குர்ஆனின் சிறப்பான வசனம் 7-185 வானங்கள் பூமியில் உள்ள ஆட்சியையும் அல்லாஹ் படைத்திருக்கும் பல பொருள்களையும் அவர்கள் பார்க்கவில்லையா? என்று வினவுகிறது. வானங்கள் பூமியின் ஆட்சி அதிகாரங்களைப் பார்ப்பது என்பது அல்லாஹ் அவற்றில் அடங்கியுள்ள உண்மைகளைச் சிந்தித்து உணரவேண்டியதே. அல்லாஹ்வின் அறிவை மிகைக்கும் அற்புத அத்தாட்சிகளை உணர வேண்டும் என்று விளக்குகிறது தப்ஸீர் அத்தப்ரீ 191/2 . வானங்களில் உள்ள படைப்புகளில் அறிவை ஈர்க்கும் அற்புத அத்தாட்சிகள் உள்ளன. அறிஞர்கள் அறியவேண்டிய ஆய்வுக்குரிய நுட்பங்கள் நிறைந்துள்ளன. இவற்றை அறிய இகம் காக்கும் இறைவனின் அச்சம் வலுவடையும்; மகத்துவம் புலப்படும்.
 இப்ராஹீம் உறுதியான நம்பிக்கை உடையவர் ஆவதற்காக வானங்களிலும் பூமியிலும் உள்ள ஆட்சிகளை நாம் அவருக்குக் காண்பித்தோம் என்று ஏக இறைவன் இயம்பியதை 6-75 -ஆவது வசனம் எடுத்துரைக்கிறது. வானங்களையும் பூமியையும் அவற்றில் உள்ளவற்றையும் அவைகளின் இயக்கத்தையும் ஊன்றி உணர்ந்து ஆய்ந்து அறிவதற்காக இப்ராஹீம் நபி அவர்களுக்குக் காட்டியதை அறிவிக்கிறது இந்த வசனம். 3-91 -ஆவது வசனம் நிலையிலும் இருப்பிலும் விலாப்புறம் படுத்தபடியும் அல்லாஹ்வை நினைவு கூர்ந்து வானங்களையும் பூமியையும் படைத்திருப்பதைச் சிந்திக்கின்றனர். எங்கள் இறைவனே இவற்றை வீணாக படைக்கவில்லை. நீ மிக தூயவன். வேதனையிலிருந்து எங்களைக் காப்பாற்றுவாயாக! என்று சிந்தித்து செப்புவதை அறிவிக்கிறது. இவர்கள் இப்படி சிந்தித்ததின் விளைவே இன்றைய விண்வெளி ஆராய்ச்சி.
 45-13 -ஆவது வசனம் வானங்களிலும் பூமியிலும் உள்ள அனைத்தையும் அல்லாஹ் அவனின் அருளால் உங்களுக்குக் கட்டுப்படுத்தி வைத்திருக்கிறான். கவனித்து ஆராயும் மக்களுக்கு நிச்சயமாக இதில் படிப்பினைகள் உள்ளன என்று உரைக்கிறது. பூமியில் உள்ளவர்களுக்கு பாதுகாப்பாக வானம் முகடாக கட்டமைக்கப்பட்டிருக்கிறது. அப்பாதுகாப்பால் மக்களின் வாழ்வு நிலையாக அமைகிறது. வாழ்வாதாரங்கள் வானத்தில் இருந்து கிடைக்கின்றன. 14- 33 -ஆவது வசனம் சூரியனையும் சந்திரனையும் ஒழுங்காக இயங்க வைத்து இரவையும் பகலையும் மக்கள் வசதிக்காக செய்தான் என்று செப்புகிறது.
 எவ்வித உதவியும் இன்றி எம் ஆற்றலால் வானத்தை அமைத்து விசாலமாக்கினோம் என்ற ஏகன் அல்லாஹ்வின் கூற்றை எடுத்துரைக்கிறது 51-47 -ஆவது வசனம். அல்லாஹ்வின் ஆற்றலால் படைக்கப்பட்ட வானத்தைத் தாங்கி நிற்கும் தூண்கள் பூமியில் இல்லை. உயரமாக எவ்வித ஆதாரமும் இன்றி எற்படுத்தினான் ஏக இறைவன் என்று விளக்கம் அளிக்கிறது தப்ஸீர் இப்னு கதீர் 424/7. 31-10 ஆவது வசனம் வானங்களைத் தூண்கள் இன்றி படைத்திருக்கிறான். நீங்கள் பார்க்கிறீர்கள், பூமி உங்களைக் கவிழ்த்து விடாதிருக்க மலைகளை நிறுத்தி பல உயிரினங்களையும் அதில் பரப்பினான். வானிலிருந்து மழையை பொழிவித்து பயிர்களை முளைக்கச் செய்தான் என்று செப்புகிறது. 79-27, 28- ஆவது வசனங்கள் அல்லாஹ்தான் வானத்தைப் படைத்தான். அவனே அதன் முகட்டை உயர்த்தி அதனை ஒழுங்கு படுத்தினான் என்று பகர்கின்றன.
 வானத்தை உயரமாய் கட்டமைத்தான். அளவிட முடியாத தொலைவில் வைத்தான். நம் இயல்பான கணிப்புகளுக்கு அப்பாற்பட்டதாக அமைத்திருக்கிறான் என்று விளக்குகிறது. தப்ஸீர் இப்னு கதீர் 316/8. 79-28 -ஆவது வசனத்தில் வரும் ஸம்ரு என்னும் அரபி சொல் ஒரு பொருளின் மிக தாழ்ந்த அடிப்பகுதியிலிருந்து உயர்ந்த மேற்பகுதி வரை அளப்பதைக் குறிக்கிறது. அளவிட முடியாத உயரத்தில் வானம் இருப்பதை இயம்புகிறது. அல்லாஹ் ஏழு வானங்களையும் அடுக்கடுக்காகப் படைத்தான். அந்த அல்லாஹ்வின் படைப்பில் நீயாதொரு ஒழுங்கீனத்தையும் காண மாட்டாய்.
 மற்றொரு முறை பார். அதில் ஏதேனும் பிளவைக் காண்கிறாயா என்று கேட்கிறது 67-3 -ஆவது வசனம். அல்லாஹ் வானங்களை ஒவ்வொரு அடுக்காக கட்டமைத்தான். அவற்றில் எந்த வேறுபாடோ ஏற்றத் தாழ்வோ குறைகளோ பாதிப்புகளோ குழப்பமோ இல்லாத வகையில் வைத்திருக்கிறான். பல்வேறு கோளங்களையும் ஒளிவீசும் நட்சத்திரங்களையும் அந்த வானங்களில் வைத்திருக்கிறான். ஏழு வானங்களும் அவற்றில் அமைந்துள்ள நட்சத்திரங்களும் பிரமாண்டமானவை. சூரியன், சந்திரன் பிற கிரகங்கள் பூமியை விட உருவத்தால் மிகப் பெரியவை. பலவகை பிரகாசங்களும் அற்புதங்களும் நிரம்பியவை. ஒப்பிடுகையில் பூமியில் புலப்படும் அற்புதங்கள் அற்பமானவை. ஏழு வானங்களில் உள்ள நட்சத்திரங்கள், ஒரு விநாடியில் பல லட்சம் தொலைவில் சஞ்சரித்தாலும் ஒன்றோடொன்று மோதி கொள்வதில்லை. எத்தனை வழி சாலைகள் அமைத்து சகல வசதிகளைச் செய்து வழியை விசாலமாக்கினாலும் விபத்துகள் குறையவில்லை. ஆபத்துகள் அகலவில்லை. இந்நிகழ்வும் நினைவில் பதித்து சிந்திக்கத் தக்கது.
 நிச்சயமாக, நாம் வானத்தில் பெரிய பெரிய நட்சத்திரங்களைப் பார்ப்பவர்களுக்கு அதனை அலங்காரமாகவும் ஆக்கி வைத்தோம் என்று அல்லாஹ் அறிவிக்கிறான் 15-16- ஆவது வசனத்தில். நட்சத்திரங்கள் வானத்தின் அழகு. இருள்சூழும் சமயங்களில் தரையிலும் கடலிலும் உரிய வழியைக் கண்டு செல்ல இந்த நட்சத்திரங்கள் வழிகாட்டிகள் என்று விளக்கம் தருகிறது தப்ஸீர் அத்தப்ரீ 123/ 23. 16-16 -ஆவது வசனம் அடையாளங்களைக் கொண்டும் நட்சத்திரங்களைக் கொண்டும் தங்கள் வழியை அறிந்து கொள்கின்றனர் என்று உறுதி செய்கிறது. காடுகள் மலைவழி செல்வோர் காலத்தையும் திசைகளையும் தெரிந்து நேர்வழியில் செல்ல நட்சத்திரங்களைப் படைத்தான் பாராளும் அல்லாஹ்.
 வானத்தில் உள்ள நட்சத்திரங்களின் எண்ணிக்கையை அல்லாஹ் மட்டுமே அறிவான். விண்வெளி ஆராய்ச்சியில் ஈடுபாடுள்ள அறிவியல் அறிஞர் ஒருவர் கூறுகிறார். வானத்தில் எண்ணற்ற விண்மீன் வளிமண்டலங்கள் (கேலக்ஸி) உள்ளன. ஒரு விண்மீன் வளிமண்டலம் என்பது அதனைச் சூழ்ந்து அமைந்திருக்கும் நட்சத்திரங்களையும் கோள்களையும் உள்ளடக்கியது. நமது பால்வெளி விண்மீன் (மில்கி வே கேலக்ஸி) வளிமண்டலத்தில் மட்டும் சூரியனைச்சுற்றி பல ஆயிரம் கோடி நட்சத்திரங்கள் உள்ளன.
 ஒளிரும் வானத்தில் ஒளிந்துள்ளதைத் தெளிந்து ஆய்ந்து அறிந்து புரிந்து பூரணமாய் பயன்பெற முயலும் இந்திய விண்வெளி ஆராய்ச்சி வெற்றியுற உற்ற உதவிகள் புரிவோம். உத்தமன் அல்லாஹ்வின் அருளையும் நித்தமும் தொழுது இறைஞ்சுவோம்.
 - மு.அ.அபுல் அமீன்
 
 

]]>
https://images.dinamani.com/uploads/user/imagelibrary/2020/2/21/w600X390/vm1.jpg https://www.dinamani.com/weekly-supplements/vellimani/2020/feb/21/விந்தைமிகு-விண்வெளி-சிந்தனை-3363601.html
3363600 வார இதழ்கள் வெள்ளிமணி தியானமும் உபவாசமும் DIN DIN Friday, February 21, 2020 11:42 AM +0530 கடவுளைப் பற்றிய தியானமும் தனிமையில் இறைவனை மனதுருகி நினைத்து சரண் அடைவதும் ஊண் உடலை ஒடுக்கி உபவாசிப்பதும் அவசியம். இறைவனாகிய இயேசு இவ்வுலகில் வாழும்போது ஜெபித்து தியானித்து உபவாசித்தார்.
 சாது சுந்தர்சிங் என்பவர் நூறு ஆண்டுகளுக்கு முன் பஞ்சாப்பில் பிறந்து தமது பதினான்காம் வயதில் பாலயோகியாகி இமயமலை இயற்கை சூழலில் வாழ்ந்தார். அவருக்கு ஒரு தீராத ஆசை. இயேசுவைப்போன்று நாற்பது நாள்கள் உபவாசித்து இறைவனை தியானிக்க வேண்டும்; தினமும் மூன்று இரு கையளவு தண்ணீர் மட்டும் பருகி உபவாசிக்க வேண்டும் என்பதாம்.
 இமயமலையில் அடர்ந்த மூங்கில் காட்டின் மையப்பகுதியில் ஒரு நீர் ஊற்று அருகே நாற்பது கூழாங்கற்களை வைத்துக் கொண்டார். அந்த காட்டில் மரங்கள் அடர்த்தியாக மூடியிருந்ததால் இரவையும் பகலையும் கணிக்க முடியாது. பொழுது விடியும்போது பாடும் பறவைகளின் ஓசை கேட்டதும் ஒரு கூழாங்கல்லை எடுத்து வைப்பார். இரவும் பகலும் கடவுளை நினைத்து உள்ளம் உருகி கண்ணீர் மல்க ஜெபித்து தியானம் செய்தார். இப்படி உபவாசிக்கும்போது உடல் மிகவும் நலிவுற்றது. நீர் பருக ஊற்றண்டை நகர முடியவில்லை. உடலைத் தேய்த்தபடி ஊர்ந்து நகர்ந்து குனிந்து தண்ணீரில் வாய் வைத்து பருகினார். பின்னர், அவர் தம் சுயநினைவை இழந்தார். ஆனாலும் மனதில் மட்டும் இயேசுவின் பெயரை உச்சரித்தபடி இருந்தார்.
 நாள்கள் நகர்ந்தன. மேய்ப்பர்கள் கடவுள் பெயர் உச்சரிக்கும் சத்தம் கேட்டு அவரை மருத்துவமனைக்குக் கொண்டு போய் உயிரைக் காப்பாற்றினார்கள். சாது சுந்தர் சிங்குவிற்கு நினைவு வந்தபோது பதினேழு கற்கள் எடுத்து வைத்தது மட்டும் நினைவுக்கு வந்தது. சாது, தியானமும் உபவாசமும் பற்றி தம் நூலில் குறிப்பிட்டுள்ளார்.
 வேதாகமத்தில் ஆண்டவர் இயேசு, வனாந்திரத்தில் பகலில் நெருப்பாய் சுடும் வெயில், இரவில் கடும் குளிரில் தனியாய் நாற்பது நாள்கள் தம் பிதாவாகிய கர்த்தரை தியானித்து உபவாசித்தார். அப்பொழுது இயேசு பிசாசினால் சோதிக்கப்படுவதற்கு ஆவியானவராலே வனாந்திரத்திற்குக் கொண்டு போகப்பட்டார். அவர் இரவும் பகலும் நாற்பதுநாள் உபவாசமாயிருந்தப்பின்பு அவருக்கு பசி உண்டாயிற்று. (மத்தேயு 4: 1-2) பருக நீர் இன்றி உண்ண உணவு இன்றி தேவ குமாரனாகிய இயேசு நாற்பது நாள்கள் உபவாசித்து தியானம் செய்தார்.
 தாம் இவ்வுலகத்துக்கு வந்த நோக்கம் சிலுவையில் அறையப்பட்டு தம் தூய ரத்தத்தை பலியாகச் செலுத்தி மனிதருக்கு பாவ மன்னிப்பையும் மீட்பையும் தர அப்பணியைச் செய்ய நாற்பது நாள்கள் இரவும் பகலும் உபவாசித்து தம் ஊழியத்தை பலபடுத்திக் கொண்டார்.
 தெய்வமே உபவாசித்து தியானம் செய்யும்போது மனிதராகிய நாம் உபவாசிப்பதும் தியானம் செய்வதும் அவசியம். உபவாசிக்கும்போது யாருக்கும் தெரியாமல் முகவாட்டம் இல்லாமல் தலைக்கு எண்ணெய் பூசி இறைவனுக்கு மட்டும் தெரியும் வண்ணம் உபவாசிக்க வேண்டும். தியானம் செய்யும்போது இறைவனையே நினைத்து மனமுருகி கடவுள் நமக்குச் செய்த நன்மைகளுக்கு நன்றி கூறி தியானிக்க வேண்டும். உலகத்துக்கும் சக மனிதருக்கும் ஜெபிக்க வேண்டும்.
 26.02.2020 - புதன்கிழமை - சாம்பல் புதன்கிழமை என நினைவு கூர்ந்து உபவாசித்து தியானிப்பதும் வரும் நாற்பது நாள்கள் இயேசுவின் பாடுபடும் நாள்கள் நாமும் இறைவனின் துன்பத்தில் பங்குக் கொண்டு உபவாசிப்பதும் தியானம் செய்வதும் நல்லது. உபவாசம் இவ்வுடலை தூய்மைப்படுத்தும்; தியானம் நமது ஆன்மாவை தூய்மைப்படுத்தும்! உபவாசிப்போம்... தியானிப்போம்...!
 - தே. பால் பிரேம்குமார்
 
 

]]>
https://images.dinamani.com/uploads/user/imagelibrary/2020/2/21/w600X390/CHRIST.JPG https://www.dinamani.com/weekly-supplements/vellimani/2020/feb/21/தியானமும்-உபவாசமும்-3363600.html
3363598 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, February 21, 2020 11:39 AM +0530 * எந்தத் தீயவன் கருணை இல்லாமல் பிற உயிர்களைக் கொன்று தன் உயிரை வளர்க்கிறானோ, அவனைக் கொல்வது அவனுக்கே சிறந்த நன்மை தருவதாக இருக்கும்.
ஏனெனில் அவனை அவ்விதம் தண்டிக்காவிட்டால், அந்தத் தோஷத்தால் மீண்டும் மீண்டும் அவன் பாவமே செய்து கீழ்நோக்கிச் சென்று நரகத்தையே அடைவான்.
- ஸ்ரீ கிருஷ்ணன் அர்ஜுனனிடம் கூறியது
* நான் எல்லாப் பிராணிகளிடமும் பரமாத்மாவாக எப்போதும் இருக்கிறேன். அப்படி இருக்கும் என்னை மனிதன் அவமதிக்கக் கூடாது.
- பகவான் அருளியதாகக் கபிலர் 
தன் தாயாகிய தேவஹுதிக்குக் கூறிய பக்தியோகம் 
* ஞானத்தை வாழ்க்கையில் பயன்படுத்தி வாழ்பவனே உறுதி பெறுகிறான். அவனுக்கு ஒரு ஸ்திர நிலைமை ஏற்படுகிறது.
- பாகவதம் தரும் நற்சிந்தனை
* நாம் நம் உள்ளத்திலிருந்து பொய் போன்ற புலனின்பங்களை அகற்றினால், இறைவனாகிய சத்தியத்தை அறியலாம்.
- குருநானக் 
* ஆத்மா என்றும், ஈசுவரன் என்றும், ஜீவசாட்சி என்றும், ஸ்வயம்பிரகாசன் என்றும், நிர்க்குணன் என்றும் கூறப்படும் நான்தான் பிரம்மாவும், சிவனும், உலகின் முதல்காரணமும் ஆகிறேன்.
- பகவான் ஹரி தட்சப்பிரஜாபதிக்குக் கூறியது
* மனிதன் தன் மனதை அறிய விரும்புவதில்லை. அவன் பிறர் குற்றங்களைக் காண்பதையே விரும்புகிறான். தனது குற்றங்கள் அவனது கண்ணில் படுமானால் அவற்றை விலக்க முயற்சி செய்வானானால் பிறர் குற்றங்களைக் காண்கின்ற தேவையற்ற குணம் அவனிடமிருந்து விலகிவிடும்.
- ஸ்ரீ சாரதாதேவியார்
* ஏற்றத் தாழ்வு கருதாமல் உத்தமமான எந்த பக்தனுக்கும் சேவை செய்ய வேண்டும். அந்த சேவை குருவுக்குச் செய்யும் சேவை போலவும், பகவானுக்கே செய்யும் சேவை போலவும் மதிக்கப்பட வேண்டும்.
- ஸ்ரீராமானுஜர்
* யாரிடம் பணம் அதிகமாக இருக்கிறதோ, அவர்களுக்கு நிறைய நண்பர்களும் உற்றார் உறவினர்களும் இருப்பார்கள்.
உலகில் யாரிடம் பணம் அதிகமாக இருக்கிறதோ அவர்கள்தான், "மனிதர்கள்’ என்று மதிக்கப்படுகிறார்கள். அவர்களைத்தான் மக்கள், "அறிஞர்கள்’ என்றும் அழைக்கிறார்கள்.
* பணம் இல்லாதவர்கள் பணம் சம்பாதிக்கப் பார்த்தால், அது முடியாத ஒரு காரியமாகிறது. ஆனால் பணக்காரர்கள் விஷயத்திலோ, எப்படி காட்டில் ஒரு யானையைப் பின்பற்றிப் பல யானைகள் செல்கின்றனவோ, அது போலப் பணத்தோடு பணம் சேர்கிறது.
- மகாபாரதம்


 

]]>
https://images.dinamani.com/uploads/user/imagelibrary/2019/4/12/w600X390/kamalanandhar.JPG https://www.dinamani.com/weekly-supplements/vellimani/2020/feb/21/பொன்மொழிகள்-தொகுப்பு-சுவாமி-கமலாத்மானந்தர்-3363598.html
3363594 வார இதழ்கள் வெள்ளிமணி நிகழ்வுகள் DIN DIN Friday, February 21, 2020 11:28 AM +0530 மகா சிவராத்திரி விழா
தூய மந்திர ஓசைகளால் செய்யப்பெறும் மகா சிவவேள்வி சுடராகச் சிவபெருமான் விளங்குவதை நம் வேதம், ஆகமம், சாத்திர தோத்திரம் யாவும் தெரிவிக்கின்றன. அவ்வண்ணம், திருவாசகம் முற்றோதல் சிவ வேள்வி நடைபெறுகிறது. வேலூர் மாவட்டம், வெட்டுவாணம் ஸ்ரீ அறுபத்து மூவர் சமரச சன்மார்க்க சபை சார்பில் மகாசிவராத்திரி 31- ஆம் ஆண்டு விழாவில் மகா சிவ வேள்வி, 21.02.2020, வெள்ளிக்கிழமை, மாலை 5.00 மணிக்கு தொடங்கி இரவு முழுவதும் நடைபெறுகின்றது.
மாசி பெருவிழா
விழுப்புரம் மாவட்டம், மேல்மலையனூர் வட்டம், அருள்மிகு அங்காளம்மன் திருக்கோயிலில் அருள்மிகு அங்காளபரமேஸ்வரிக்கு மாசி பெருவிழா, 22.02.2020 முதல் 05.03.2020 வரை 13 நாள்களுக்கு நடைபெறுகின்றது. பிப்ரவரி 23 -மயானக்கொள்ளை, பிப்ரவரி 26 - தீமிதி விழா, பிப்ரவரி 28- திருத்தேர் வடம் பிடித்தல். 
தொடர்புக்கு: 04145 234229 / 234291.
 

]]>
https://www.dinamani.com/weekly-supplements/vellimani/2020/feb/21/நிகழ்வுகள்-3363594.html
3363593 வார இதழ்கள் வெள்ளிமணி சிவாலயம் சிறக்க சிவராத்திரியில் சங்கல்பம்! Friday, February 21, 2020 11:27 AM +0530 ஈசன் வீற்றிருக்கும் இடம் "கயிலாயம்' என்று பக்தர்களால் போற்றப்படுகிறது. நம்முன்னோர்கள் தமிழ்நாட்டில் உள்ள சிவாலயங்களில் குடிக்கொண்டிருக்கும் இறைவனுக்கு "கயிலாயநாதன்' என்று பெயரிட்டு அழைத்து வந்தனர். புனிதமான அந்த திருநாமத்துடன் திகழும் ஒரு பழைமையான சிவாலயம், தற்போது புத்துயிர் பெற்று வருகிறது !
 நாகப்பட்டினம் மாவட்டம், வேதாரண்யம் வட்டத்தில் உள்ளது சாக்கை கிராமம். இது திருத்துறைப்பூண்டியிருந்து 10 கி.மீ. தூரத்தில் உள்ளது. இவ்வூரில் அமைந்துள்ளதுதான் மன்னர்களால் கட்டப்பட்ட 1000 ஆண்டுக்கு மேல் பழைமையான அருள்மிகு ஸ்ரீ ஆனந்தவல்லி அம்பாள் உடனுறை ஸ்ரீகைலாசநாதர் திருக்கோயில்.
 ஒரு காலத்தில் வேதங்களின் பிரிவுகளான "சாகைகள்' தினமும் ஓதப்பட்டு வேதமந்திரங்களின் அதிர்வலைகளால் நிரம்பியிருந்த இடமாக திகழ்ந்ததால் "சாகை' என்ற பெயரிலேயே இக்கிராமம் அழைக்கப்பட்டு, நாளடைவில் சாக்கை என்று வழங்கப்படலாயிற்று. எப்போதும் ஆலயம் விழாக்கோலம் பூண்டிருந்து, வேத விற்பன்னர்கள் நிறைய அளவில் இங்கு வசித்து வந்ததால் வெளியூர் அன்பர்கள் ஆவணி அவிட்டம் நன்னாளன்று இவ்வூருக்கு திரண்டு வந்து பூணூல் மாற்றிக் கொள்ளும் வழக்கமும் இருந்து வந்ததாக கூறப்படுகிறது. ஆனால், காலப்போக்கில் நிலைமைகள் மாறின. பலர் ஊரிலிருந்து இடம் பெயர்ந்ததால் வழிபாடுகள் குன்றி சரிவர பராமரிக்கப்படாமல் ஆலயம் சிதிலமடைந்து விட்டது.
 சுவாமி, அம்பாள், கணபதி, நந்தி கற்திருமேனிகள் மட்டுமே பின்னத்திலிருந்து தப்பியது. சுமார் 50 ஆண்டுகளுக்கு மேல் இறைவனும், இறைவியும் கொட்டகையில் தான் வாசம்! அந்நிலையிலும் இந்த தெய்வீக தம்பதிகளின் அருள் எந்தக் குறையையும் வைக்கவில்லை. ஒவ்வொரு பிரதோஷ நாள்களிலும் விசேஷ பிராத்தனையாக பக்தர்கள் தங்கள் பெயர், நட்சத்திரம் எழுதிய தாளில் "ஓம் நமசிவாய' பஞ்சாட்சர மந்திரத்தை எழுதி நந்திதேவரின் பாதத்தில் வைத்து வழிபடுகின்றனர். இறையருளால் அவர்கள் பிரார்த்தனை பலிதம் ஆகின்றது.
 இந்த ஆலயத்தை புதுப்பித்து பழைய நிலைக்கு கொணர வேண்டும் என்ற தணியாத ஆவலில், ஊர் மக்கள் பக்தர்கள் உதவியுடன் திருப்பணிக்குழு ஒன்று ஏற்படுத்தி ஆலயத்தின் பெயரிலேயே வங்கி கணக்கு தொடங்கி புனாரவர்த்தன வேலைகளைத் தொடங்கி நடத்தி வருகின்றனர். மார்ச் மாத இறுதியில் குடமுழுக்கு நடத்த தீர்மானித்துள்ளார்கள். இந்நிலையில் கடைசி கட்ட, கட்டட வேலைகள் நிறைவேற்றுவதில் பொருளாதார ரீதியாக சிரமம் ஏற்பட்டுள்ளது.
 திருப்பணி வேலைகள் நன்கு நிறைவேறி வேதநாயகனின் இவ்வாலய குடமுழுக்கு நன்னீராட்டு விழா இனிது நடைபெற பக்தர்கள் இந்த சிவராத்திரி நந்நாளில் சங்கல்பித்து, திருப்பணியில் பங்குகொண்டு நலம்பெறலாம்.
 தொடர்புக்கு: 85088 76533 / 96292 92864.
 - எஸ். வெங்கட்ராமன்

]]>
https://www.dinamani.com/weekly-supplements/vellimani/2020/feb/21/சிவாலயம்-சிறக்க-சிவராத்திரியில்-சங்கல்பம்-3363593.html
3357566 வார இதழ்கள் வெள்ளிமணி தென்னாட்டைத் தெரிவு செய்த திருமாலே போற்றி! நீதிபதி இரா.சுரேஷ்குமார் DIN DIN Friday, February 14, 2020 03:26 PM +0530 தொல்காப்பியம் தொடங்கி இதுநாள் வரை தமிழ் மகள் நடந்து வந்த பாதை நெடியது. கடந்து வந்த தூரம் பெரியது. எங்கு தொடங்கியது யார் தோற்றுவித்தார் என் தமிழை என்று ஆராய்ந்தால் முடிவில்லா தொடக்கமாக அது தொடர்ந்து கொண்டேயிருக்கிறது. நாம் அறிந்திருக்கிற தமிழ் மொழி வரலாற்றின் இலக்கண, இலக்கியத் தொடக்கமாக அமைந்திருப்பது தொல்காப்பியம்"என்கிற காரணத்தால், "தொல்காப்பியம் தொடங்கி' என்று சொல்கிறோம்.
 கி.பி. 7-ஆம் நூற்றாண்டு முதல் 9-ஆம் நூற்றாண்டு வரை இறையருளின் உதவியால் ஏற்றம் பெற்றது தமிழ். ஞானப்பால் உண்ட சம்பந்தரில் துவங்கி சமயக் குரவர்கள்; அவரோடு இணைந்த நாயன்மார்கள் இறையைப் போற்றிப் பாடிய பாடல்கள் அழியா வரம் பெற்று அணி சேர்க்கின்றன தமிழுக்கு. அதே காலவெளியில் எம்பெருமான் பெருமாள் இம்மண்ணிற்கும் மொழிக்கும் அருளிய அதிசயத்தைக் கண்டு வியக்காமல் இருப்பவர்கள் எவரும் இலர்.
 வேண்டும் பொழுதெல்லாம் தானே அவதாரபுருஷராக அவதரித்த எம்பெருமான், தன்னுடைய அம்சங்களாக (கூறுகளாக) ஆழ்வார்களைப் படைத்ததன் நோக்கமென்ன? அதிலும் பிராட்டியின் அவதாரமாக ஆண்டாளை அவதரிக்கச் செய்ததன் நோக்கமென்ன?
 பன்னிரெண்டு ஆழ்வார்களும் வாழ்ந்த காலம் 7 முதல் 9 நூற்றாண்டுகள் என்று அறியப்படுகிறது. ஏறத்தாழ சமயக் குரவர்களும் நாயன்மார்களும் வாழ்ந்த காலம் அது.
 பொய்கையாழ்வாரில் தொடங்கி ஆழ்வார்கள் பன்னிருவரும் எம்பெருமானைப் பாடி திருவாய் மொழிந்தது எம் செந்தமிழில் என்பது சிறப்பிற்கெல்லாம் சிகரம். அவ்வாழ்வார்களால் பாசுரங்கள் பாடி மங்களாசாசனம் செய்யப்பட்ட 108 திவ்ய தேசங்களில் எம்பெருமான் நிரந்தரமாகக் குடிகொண்டிருக்கிறார் என்பது நாம் கொண்டிருக்கிற பெருநம்பிக்கை.
 108-இல் 106 திவ்யதேசங்களைக் கொண்டது இந்தப் புண்ணிய பூமியான பரதக் கண்டம். பரமபதமும், திருப்பாற்கடலும் மோட்சம் எய்துவோர்கள் கண்டு எம்பெருமானைச் சேவிப்பது, மிகுதி 106 திவ்ய தேசங்கள் இப்பாரத மண்ணில் நிலைபெற்றிருக்கின்றன.
 106 திவ்ய தேசங்களில் 93 தமிழ் கூறும் நல் உலகில் அமைந்திருப்பதும் அவற்றை மதுரகவியாழ்வார் தவிர ஏனைய ஆழ்வார்கள் மங்களாசாசனம் செய்திருப்பதும் அங்கெல்லாம் எம்பெருமான் குடிகொண்டு அருள்பாலித்து வருவதும் வியப்பு கலந்த பேருண்மை.
 இந்த விஷயத்தை ஆராய முற்படும்போது நமக்கு ஒரு காரணத்தைச் சொல்லி இருப்பவர் "திருநரையூர் ஸ்தல வரலாறு' நூலை எழுதிய தஞ்சை ஸ்ரீ உ.வே.தாத்தாச்சாரியார். அவரை மேற்கோள் காட்டி அறிஞர்கள் அறிந்த ஆழ்ந்த கருத்தொன்று சொல்லப்படுகிறது.
 இங்கு ஓர் எடுத்துக்காட்டாக, நம்முடைய உயிரைப் பற்றிய தேடலில் இறங்கினோம் என்றால் "உயிரே கடவுள்' என்று சொல்லும் சித்தாந்தங்களும், சித்தரின் கூற்றுக்களும் நம்மை திகைப்பில் ஆழ்த்தும். அதனில் மனிதனின் எண்ஜாண் உடம்பில் அவனை இயக்கும் உயிர் எங்கு இருக்கிறது என்றால், வள்ளலார் ராமலிங்க அடிகள் "இதய அம்புயனே' என்று பாடி இதயமாகிய தாமரையில் உயிர் இருப்பதாகச் சொல்கிறார்.
 அவ்வுயிர் எங்கு இருக்கிறது என்ற தேடலில் திருமூலர் சொல்வது "எருஇடும் வாசர்க்கு இருவிரல் மேலே, கருஇடும் வாசர்க்கு இருவிரல் கீழே'" என்று பாடுகிறார்.

மனித உடம்பில் உயிர் எங்கு இருக்கிறது என்ற தேடலுக்கு ஞானிகள் இப்படித் தாங்கள் கண்டுணர்ந்ததை விளக்கி இருக்கிறார்கள்.
 அது போல, இந்த உலக உருண்டையில் மனித ஜீவாதார சக்திக்குத் தேவையான ஒரு நரம்பு ஓர் இடத்திலோ அல்லது ஒரு பகுதியிலோ குறுக்காக ஓடிக் கொண்டிருக்குமாம். அதற்கு "தரீத்ரிசாரம்' என்று பெயர். இது அறிவியல் மேதை சர் ஐசக் நியூட்டன் கண்டுபிடித்த புவியீர்ப்பு சக்தியின் பெரும் பகுதியை உள்ளடக்கியதாக நாம் புரிந்து கொள்ளலாம்.
 அப்படிப்பட்ட "தரீத்ரிசாரம்' என்று சொல்லக்கூடிய மனித ஜீவாதாரத்திற்கான பகுதிகள் இந்தப் பூமிப் பந்தில் நிறைய அமையப் பெற்றிருப்பது நம் இந்திய தேசத்தில் அதிலும் குறிப்பாகத் தென்னாட்டில் இன்னும் குறிப்பாகத் தமிழ் கூறும் நல் உலகில். ஆகவேதான் எம்பெருமான் நிரந்தரமாகக் குடி கொண்டு அருள்பாலிக்கின்ற திவ்யதேசங்கள் 106-இல் 93 தென்னாட்டில் நமது தமிழ் கூறும் நல் உலகில் அமையப்பெற்றிருக்கிறது.
 திவ்யதேசங்கள் 93-உம் அமையப்பெற்றிருக்கிற நிலப்பரப்பையும், பன்னிரெண்டு ஆழ்வார்களும் தோன்றிய நிலப்பரப்பையும் நாம் நோக்குங்கால் ஒரு நிதர்சனமான உண்மையாகப்படுவது யாதெனில் எம்பெருமான் தன்னுடைய அம்சங்களாக ஆழ்வார்களைப் படைத்தது ஒருபுறம் வைணவம் செழிப்பதற்கு என்கின்ற காரணகாரியம் இருந்தாலும், மறுபுறம் அந்தப் படைப்பின் நோக்கத்திலே மேலும் ஒரு சிறந்த நோக்கமாக இருக்க வல்லது "தமிழ் தழைக்கவும்' என்பதே.
 ஏன் எம்பெருமான் தமிழ் தழைக்கும் நோக்கத்தையும் ஆழ்வார்கள் படைப்பினுள்ளே வைத்தார் என்பதற்கான காரணம், திருமழிசை ஆழ்வார் என்கிற திருமழிசைப் பிரானின் வரலாற்றில் அமைந்திருக்கிறது.
 ஆதி ஆழ்வார்கள் மூவரையும் கண்டு பேசி தெளிந்து பின் பொய்கை ஆழ்வார் தோன்றிய கச்சி (காஞ்சி மாநகர்) திருவெஃகா திருத்தலத்திலே எழுந்தருளியிருக்கிற பெருமானை திருமழிசை பிரான் சேவித்து வருகிறார். அங்கு, தான் உண்ட மிச்சப் பாலை அருந்தும் பேரு பெற்று அவர்கள் மூலமாக உருவான குழந்தை கணிகண்ணன் வந்து சேர்ந்து திருமழிசை பிரானோடு அவரின் தூய தொண்டனாகத் தன்னை இணைத்துக் கொள்கிறான்.
 அங்கே வயது முதிர்ந்த கிழவி ஒருத்தி திருமழிசை பிரான் தங்கியிருந்த இடத்தைத் தூய்மைப்படுத்திச் சேவை செய்கிறார். அந்தக் கிழவி திருமழிசை பிரானின் நல்வாக்குப் பெற்று இளமைப் பொலிவோடு திகழ்கிறாள். அவளைக் கண்ட தொண்டை நாட்டுப் பல்லவ மன்னன் மணமுடித்து அரசியாக்கிக் கொள்கிறான்.
 பின்னாளிலே அரசனுடைய இளமை போய் முதுமை வருகிறது. ஆனால், அரசியின் இளமை சிரஞ்சீவியாகத் தொடர்கிறது. அது அறிந்த அரசன் காரணம் வினவ, திருமழிசை பிரானின் கைங்கர்யத்தால் தான் இளமை பெற்ற வரலாற்றை அரசி எடுத்துரைக்கிறார்.
 அதுபோல் தனக்கும் இளமை வரவேண்டுமென்று எண்ணி, அங்கு வழக்கமாக யாசகம் கேட்டு வரும் கணிகண்ணனிடம் தன்னுடைய விருப்பத்தை அரசன் சொல்கிறார். கணிகண்ணன் மறுக்க, கோபம் கொண்ட பல்லவ மன்னன் கணிகண்ணனைக் கச்சி நகரை விட்டு வெளியேறப் பணிக்கிறான்.
 கணிகண்ணன் அரசனின் இச்செயலை திருமழிசை பிரானிடம் சொல்ல, அவரும், "அப்படியானால் நானும் உன்னுடன் வருகிறேன் எம்பெருமானையும் கூட்டிக் கொண்டு போகலாம்' என்று சொல்லி பெருமானுடைய திருத்தலத்தில்,
 கணிகண்ணன் போகின்றான் காமருபூங்கச்சி
 மணிவண்ணா! நீ கிடக்க வேண்டா - துணிவுடைய
 செந்நாப்புலவன் யான்போகின்றேன் நீயுமுன்றன்
 பைந்நாகப் பாய்சுருட்டிக் கொள்
 என்ற வெண்பா பாடி வேண்டி நிற்கிறார்.
 அன்றிரவு எம்பெருமான், திருமழிசை பிரான், கணிகண்ணன் மூவரும் காஞ்சி நகர் விட்டுச் செல்ல, அந்நகரில் மூதேவி குடிகொண்டு நகர் பொலிவிழந்து எல்லாம் எதிர்மறையாய் நடக்கத் தொடங்குகிறது. காரணத்தை அறிந்த பல்லவ மன்னன், தன் தவறுக்கு வருந்தி ஊருக்கு வெளியிலே இருக்கின்ற கணிகண்ணனையும் திருமழிசை பிரானையும் சந்தித்து மண்டியிட்டு வேண்டி, அவர்களை மீண்டும் கச்சி நகருக்கு அழைக்கிறார். அந்த வேண்டுகோளை ஏற்று கச்சி நகர் திரும்புவதற்கு முன் எம்பெருமானைப் பார்த்து,
 கணிகண்ணன் போக்கொழிந்தான் காமருபூங்கச்சி
 மணிவண்ணா! நீ கிடக்க வேண்டும் - துணிவுடைய
 செந்நாப்புலவன் செலவொழிந்தேன் நீயுமுன்றன்
 பைநாகப் பாய்படுத்துக்கொள்
 என்று மீண்டும் வெண்பா பாடி, கச்சி நகர் வந்து திருவெஃகாவில் மீண்டும் எழுந்தருளச் சொல்கிறார் திருமழிசையார். பெருமானும் அவ்வாறே செய்ய, "யதோத்காரி' என்கின்ற "சொன்ன வண்ணம் செய்த பெருமாளாக' அவர் அன்றைக்குக் காட்சி தருகிறார்.
 இப்படி, "நாங்கள் போகின்றோம் கச்சி நகரை விட்டு நீயும் உந்தன் பைந்நாகப் பாயைச் சுருட்டிக் கொண்டு எங்களோடு வந்து விடு' என்று திருமழிசை பிரான் பாட, எம்பெருமான் அவர்களோடு வந்ததும், "மீண்டும் நாங்கள் கச்சி நகர் செல்கிறோம்; நீயும் உந்தன் பைந்நாகப் பாயில் படுத்துக் கொள்; மீண்டும் திருவெஃகாவிலே எழுந்தருள் செய்' என்று வெண்பா பாட, அவர் சொன்னவற்றை எல்லாம் சொன்ன வண்ணம் செய்து "யதோத்காரியாக'"எம்பெருமான் வீற்றிருக்கிறார் என்ற செய்தி திருமழிசை ஆழ்வாரின் வரலாற்றில் பதிவு பெற்றிருக்கிறது.
 இதிலிருந்து நாம் அறிவது திருமழிசை பிரான் வெண்பா பாடி திருமாலோடு பேசிய மொழி தமிழ் மொழி; அதன்படி எம்பெருமான் சொன்ன வண்ணம் செய்ததனால் தமிழ் மொழியை இறைமொழி என்று சொல்வதிலே என்ன தடை இருக்க முடியும்?
 இவ்வாறாக, எப்பொழுது தமிழ் தழைப்பது தடைபடுகிறதோ, அப்போதெல்லாம் இறைவழி தமிழ் தழைத்திருக்கிறது; செழித்திருக்கிறது; செம்மையுற்றிருக்கிறது. அதனால்தான் தென்னாட்டிலே அமையப்பெற்ற தமிழ் தழைக்கும் பகுதியில் வைணவம் செழிக்க, தனது அம்சங்களாகவும் பிராட்டியின் அவதாரமாகவும் பன்னிரு ஆழ்வார்களைப் படைத்துக் காட்டினார் பெருமாள் என்பது நம்மால் புரிதற்குரிய பேருண்மை ஆகும்.
 தென்னாட்டைத் தெரிவு செய்த திருமாலே போற்றி!
 எந்நாட்டையும் உய்விக்கும் எம்பெருமானே போற்றி! !


 

]]>
https://images.dinamani.com/uploads/user/imagelibrary/2020/2/14/w600X390/vm7.jpg https://www.dinamani.com/weekly-supplements/vellimani/2020/feb/14/தென்னாட்டைத்-தெரிவு-செய்த-திருமாலே-போற்றி-நீதிபதி-இராசுரேஷ்குமார்-3357566.html
3357565 வார இதழ்கள் வெள்ளிமணி மாசியில் கயிலாசவாசியின் ஆசி! DIN DIN Friday, February 14, 2020 03:22 PM +0530 சாவா மூவா வரம்வேண்டி பாற்கடலை தேவர்களும், அசுரர்களும் கடைந்தபோது, இவ்வுலகையே அழிக்கும் சக்திமிக்க ஆலகால விஷம் நிறைந்த ஒரு பானை முதலில் வந்தது. அஞ்சி நடுங்கிய தேவர்கள் முக்கண்ணன் சிவனாரிடம் சென்று உதவி வேண்டினர். இத்தகைய விஷ தாக்கத்திலிருந்து அனைவரையும் காப்பாற்ற அந்த விஷத்தை தானே அருந்திய, ஈசன், பின்னர் அதனை தன் கழுத்தில் நிறுத்தி திருநீலகண்டன் ஆனார். இந்த பெருமைமிகு நாளே சிவராத்திரி எனப்படுகிறது.
 ஒருசமயம், பிரம்மாவும் விஷ்ணுவும் தன்னில் யார் பெரியவர் என்ற ஒரு கருத்து வேறுபாட்டில் சிவனாரை அணுகினர். இதற்கு ஓர் உபாயமாக விராட் சொரூபமாக ஒளிவடிவம் எடுத்து அடிமுடி காணா வகையில் லிங்கோத்பவராக பரந்து விரிந்து நின்றார் சிவனார். வராக உருவில் விஷ்ணு பூமியை குடைந்து கொண்டு சிவனாரின் பாதத்தை காணவும், அன்னப்பறவையாக உருவெடுத்து பிரம்மா, சிவனாரின் தலைமுகட்டை காணவும் சென்றனர்.
 விஷ்ணு தன் இயலாமையை ஒத்துக்கொண்டு மேலே வந்துவிட்டார். மேலே சென்ற பிரம்மாவோ பலகாத தூரம் சென்றும் சிவனாரின் முடி தெரியாததால்; அப்போது அங்கு அவரை கடந்து சென்ற தாழம்பூவை அணுகி "எங்கிருந்து வருகிறாய்' எனக்கேட்க; தாழம்பூவும் "சிவனாரின் தலையில் சூடப்பட்ட நான் பூமிக்கு திரும்பிக் கொண்டிருக்கிறேன் என்றும்; தான் கிளம்பி வெகுநாள்கள் ஆகிறது' எனவும் கூறியது. இந்த சூழ்நிலையில் மேலே செல்வது சரியல்ல என பிரம்மா முடிவெடுத்து அந்த தாழம்பூவை தன் சாட்சிக்கு அழைத்தார். தாழம்பூவும் இதன் உள்விவரம் தெரியாமல் சரியென சிவனாரிடம் வந்து பொய்சாட்சி கூறியது. பெருங்கோபமுற்ற சிவன் சாபமிட்டார்.
 கும்ப (மாசி) மாதத்து பெளர்ணமியிலிருந்து 14 -ஆம் நாளில் வரும் திரயோதசி திதியில்; சிவனார் தன்னை உலகிற்கு முதன்முதலில் லிங்கத் திருமேனியாக காட்டிய நாளே மகாசிவராத்திரி நாளாகக் கொண்டாடப்படுகிறது. சுருங்கக்கூறின் புவனம் தோன்றிய நாள் அதுவே எனக் கருதப்படுகிறது.
 ஒரு வேடன் வேட்டையாடவும், வீட்டிற்கு விறகு சேகரிக்கவும் காட்டிற்குச் சென்றான். திசை தவறி திக்குத் தெரியாமல், பயங்கர விலங்குகள் நடமாடும் அடர்ந்த காட்டிற்குள்ளே சென்று விட்டான். திரும்பிப் பார்த்தபோது ஒரு புலி அவனை தொடர்வதைக்கண்டு அஞ்சி நடுங்கி ஒரு மரத்தின்மீது ஏறி உட்கார்ந்தான். அந்த புலியோ அம்மரத்தின் கீழேயே படுத்துவிட்டது. பகல் சென்றது, மாலை சென்றது. ஆனால் புலி நகர்ந்து செல்வதாய் இல்லை. இரவு வந்தது, வேடனுக்கோ பசி. தூங்காமல் இருக்க அந்த கிளையில் அமர்ந்து கொண்டு இரவு முழுதும் ஒவ்வொரு இலையாக பறித்து கீழே இருந்த புலியின் மீது போட்டுக்கொண்டே இருந்தான்.
 பொழுது புலர்ந்தது. ஒருவழியாக தைரியத்தை வரவழைத்துக் கொண்டு கீழே இறங்கி அந்த இலைக்குவியலை விலக்கிப்பார்த்தான் வேடன். ஆச்சரியம்... அங்கு புலி இல்லாமல் ஒரு சிவலிங்கம் இருந்தது! அவன் இருந்த மரமோ சிவனுக்குகந்த வில்வமரம். இந்த நிகழ்வு நாள் சிவராத்திரி ஆதலால், வேடனின் செயல் எதேச்சையான செயல் ஆனாலும்; அது ஆழ்ந்த பக்தியின் வெளிப்பாடாகக் கருதப்பட்டு அவனுக்கு மோட்சம் கிட்டியது.
 இந்தப் புராண வரலாற்றுடன் சம்பந்தப்படுத்தி பேசப்படும் திருத்தலங்களில் ஒன்றுதான் சுவாமிமலையில் இருந்து 8 கி.மீ. தூரத்தில் அமைந்துள்ள வில்வாரண்யம் என்றழைக்கப்படும் திருவைகாவூர் ஆகும். அப்பர், சுந்தரர், சம்பந்தர் ஆகிய மூவராலும் தேவாரப்பாடல் பாடப்பட்ட 274 சிவத்தலங்களில் இது 48 -ஆவது தலம்.
 சிவராத்திரி என்பது நித்திய சிவராத்திரி, பட்ச சிவராத்திரி, மாத சிவராத்திரி, யோக சிவராத்திரி, மகாசிவராத்திரி என்றும் ஐந்து வகைப்படும். சிவராத்திரி விரதத்தைப்பற்றி கூறும்போது மாசி மாத கிருஷ்ண பட்சத்தன்று வரும் மகாசிவராத்திரி அன்று இரவு முழுவதும் விழித்திருந்து விரதமிருந்தால்; சீர்செய்ய முடியாத பிரம்மஹத்தி தோஷத்தை வேரோடு அழித்திடும் வல்லமை இதற்குண்டு என சிவபுராணம் கூறுகிறது.
 இவ்வாண்டு, மகாசிவராத்திரி நன்னாள் பிப்ரவரி 21-ஆம் தேதி, வெள்ளிக்கிழமை வருகிறது.
 - எஸ். எஸ். சீதாராமன்

]]>
https://images.dinamani.com/uploads/user/imagelibrary/2020/2/14/w600X390/vm5.jpg https://www.dinamani.com/weekly-supplements/vellimani/2020/feb/14/மாசியில்-கயிலாசவாசியின்-ஆசி-3357565.html
3357564 வார இதழ்கள் வெள்ளிமணி பொருநை போற்றுதும்! 80 டாக்டர் சுதா சேஷய்யன்   DIN DIN Friday, February 14, 2020 03:18 PM +0530 கொந்தளித்துக் கொண்டிருந்த பொருநை
 1906-7 ஆண்டுகளில், சுதேசி இயக்கத்தின் பதியன்கள், திருநெல்வேலிப் பகுதியில் ஆங்காங்கே வேர் விட்டிருந்தன. 1906 -ஆம் ஆண்டு அக்டோபர் 6 -ஆம் நாள், வ.உ.சிதம்பரனார், தம்முடைய சுதேசி கப்பல் கம்பெனியை முறைப்படி பதிவு செய்து தொடங்கினார். இக்கம்பெனியின் தொடக்ககால வெற்றிகளால், ஆங்கிலேயர் பலர் மனம் கொதித்தனர். அப்போதைய சப்-கலெக்டரும் தூத்துக்குடி இணை மாஜிஸ்டிரேட்டுமான ஆஷ் துரை, சுதேசி கப்பல் கம்பெனியை ராஜதுரோகக் குற்றத்திற்காக தண்டிக்கவேண்டும் என்று பகிரங்கமாக அறிவித்தார். வங்கச் சிங்கமாக அறியப்பெற்றவரும், நாடெங்கிலும் சுதேசி இயக்கத்தை ஒருங்கிணைத்தவருமான தேசியவாதி பிபின் சந்திர பால், 1907-இல், தமிழகத்தில் சுற்றுப்பயணம் மேற்கொண்டு, சுதேசியக் கருத்துகளை விதைத்தார். மதுரை மாவட்டத்தின் வத்தலகுண்டு என்னும் ஊரைச் சேர்ந்த சுப்பிரமணிய சிவா, 1908 ஜனவரியில் திருநெல்வேலியை அடைந்தார். வ உ சி-யும் சிவா-வுமாக இணைந்து நெல்லையின் பல்வேறு பகுதிகளில் சுதேசி எழுச்சிப் பேருரைகளை ஆற்றினர்.
 மேற்கூறிய காரணங்களால் தாமிரவருணியின் கரை முழுவதும் கொந்தளித்துக் கொண்டிருந்த நிலையில், சுதேசி எழுச்சியின் ஓரங்கமாக, 1908 -ஆம் ஆண்டு பிப்ரவரி 27 -ஆம் தேதி, தூத்துக்குடிப் பவழ ஆலையில், தொழிலாளர்கள் வேலை நிறுத்தத்தில் ஈடுபட்டனர். மக்கள் ஒன்றிணைந்து விடக்கூடாது என்பதற்காக, ஊரடங்கு உத்தரவு பிறப்பிக்கப்பட்டது. இரண்டு நாட்களுக்குப் பிறகு, பிப்ரவரி 29 -ஆம் நாள், தூத்துக்குடிக்கு வருகை புரிந்த மாவட்டக் கலெக்டரும் மாஜிஸ்டிரேட்டுமான வின்ச் துரை, ஊரடங்கு உத்தரவை ரத்து செய்தார். வ உ சி-யும் சிவா-வும் தங்கள் கூட்டங்களைத் தொடர்ந்தனர்.
 இதற்கிடையில், வட நாட்டில், ஏற்கெனவே கைது செய்யப்பட்டிருந்த பிபின் சந்திர பால், மார்ச் 9 -ஆம் நாள் விடுதலையாகிறார் என்னும் செய்தி கிட்டியது. மார்ச் 7-ஆம் தேதி நடைபெற்ற கூட்டமொன்றில், பிபின் பால் அவர்களின் விடுதலையை வெற்றி விழாவாகக் கொண்டாடப் போவதாக வ உ சி-யும் சிவா-வும் அறிவித்தனர். 7 -ஆம் தேதி மாலை வ உ சிக்குச் செய்தி அனுப்பிய கலெக்டர் வின்ச், அனைத்து நடவடிக்கைகளையும் நிறுத்தும்படி அறிவுறுத்தினார். கூடவே, திருநெல்வேலி நீதிமன்றத்தில் ஆஜராகும்படி இருவருக்கும், சமீபத்தில் சுதேசி இயக்கத்தில் இணைந்திருந்த பத்மநாப ஐயங்காருக்கும் ஆணை அனுப்பினார்.
 மார்ச் 9 -ஆம் நாள் காலை - மூவரும் திருநெல்வேலி மாவட்ட நீதிமன்றத்தில் ஆஜராகினர். மூவர்மீதும், குறிப்பாக வ உ சி மீது, ஏகப்பட்ட குற்றச்சாட்டுகளை அள்ளித் தெளித்த வின்ச், "கொன்று விடுவேன்' "குத்தி விடுவேன்' என்றேகூட மிரட்டினார்.
 கொதித்துத் திரண்ட மக்கள்
 நீதிமன்றம் அன்றைய நாளுக்கு முடிவடைய, மூவரும் வெளியில் வந்தனர். பிபின் சந்திர பாலின் திருவுருவப் படத்தை யானை மீதேற்றி, ஊர்வலம் ஒன்று நெல்லை வீதிகளில் நடந்தது. இரவு சுமார் 9 மணியளவில், இந்த ஊர்வலம், பொருநைக் கரையிலுள்ள தைப்பூச மண்டபத்தை அடைய, மக்களின் ஏகோபித்த வேண்டுகோளை ஏற்று, எழுச்சி உரையொன்றை சிவா ஆற்றினார் (வ உ சி-யும் பத்மநாப ஐயங்காரும்கூட இக்கூட்டத்தில் உரையாற்றியதாகத் தெரிகிறது).
 அடுத்த நாள்; அதாவது, மார்ச் 10 -ஆம் நாள். தூத்துக்குடிக்குச் சென்ற மூவரும், பால் அவர்களின் உருவப் படத்தை ஏந்தி ஊர்வலத்தையும், தொடர்ந்து கூட்டத்தையும் நடத்தினர். அன்று மதியமே திருநெல்வேலி திரும்பி, நீதிமன்றத்தில் தொடர்ந்த வழக்கு விசாரணையில் பங்கேற்றனர். அடுத்த நாளும் விசாரணை நடந்தது. ஒவ்வொரு நாளும், ஏதோ காரணத்தினால் விசாரணை இழுத்துக் கொண்டே சென்றது. சிறு சிறு குழக்களாகவும் கூட்டங்களாகவும் கூடிய மக்களின் அமைதியின்மையும் வளர்ந்தது.
 வெற்றி விழா ஊர்வலத்தில் தாங்களும் கலந்துகொள்ள அனுமதி மறுக்கப்பட்டிருந்த பர்மா எண்ணெய்க் கம்பெனியின் ஊழியர்கள், 10 -ஆம் தேதியன்று மின்னல் வேலை நிறுத்தத்தில் ஈடுபட்டனர். 11- ஆம் தேதி, ஊராட்சித் துப்புரவுப் பணியாளர்கள் வேலை நிறுத்தம் செய்தனர்.
 11 -ஆம் நாள் மாலை, நீதிமன்றத்திற்கு எதிரிலேயே, பொருநைக் கரையில் கூட்டமொன்றில் பேசிய மூன்று பெருமக்களும், 12 -ஆம் நாள் காலை, விசாரணையின் தொடர்ச்சிக்காக நீதிமன்றத்தை அடைந்தனர். குற்றவியல் சட்டத்தின் புதிய பிரிவு ஒன்றின்கீழ், புதிய குற்றச்சாட்டுகளை வின்ச் முன்மொழிந்தார். விசாரணையானது ஏப்ரல் மாதத்திற்குத் தள்ளிப்போடப்பட்டு, ஜாமீனும் மறுக்கப்பட்டு, மூவரும் காவலில் வைக்கப்பட்டனர்.
 (தொடரும்...)
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2020/feb/14/பொருநை-போற்றுதும்-80-டாக்டர்-சுதா-சேஷய்யன்-3357564.html
3357563 வார இதழ்கள் வெள்ளிமணி நிகழ்வுகள்  (14/02/2020) DIN DIN Friday, February 14, 2020 03:15 PM +0530 மகாசிவராத்திரி மகோத்சவம் - ஸ்ரீதுளசீஸ்வரர்
 செங்கற்பட்டு மாவட்டம் சிங்கப்பெருமாள் கோயில் மேற்கில் சுமார் 5 கி.மீ. தூரத்தில் அமைந்துள்ளது குளத்தூர் அருள்மிகு ஸ்ரீ வில்வநாயகி சமேத ஸ்ரீ துளசீஸ்வரர் ஆலயம். 1200 ஆண்டுகளுக்கு மேல் பழைமையானது. பல்லவ, விக்ரம சோழ மன்னர்கள் ஆதரவு பெற்றது.
 தல வரலாற்றின்படி, தொண்டை மண்டலத்தில் அகத்தியர் பூசித்த 108 சிவலிங்கங்களில் இதுவும் ஒன்று எனப்படுகின்றது. இக்கோயிலுக்கு வடபுறம் அகத்தியர் ஒரு தீர்த்ததை உண்டாக்கி அபிஷேகம் செய்து துளசீஸ்வரருக்கு கொன்றைமாலை சார்த்தி, துளசியினால் ஆயிரத்தெட்டு நாமங்களினால் சிவ சகஸ்ரநாம அர்ச்சனை செய்து வழிட்டாராம். அவரது பூஜைக்கு உகந்து இறைவன் ஒரு புரட்டாசி மாதம் உமாமகேச்வர விரத நன்னாளில் சிவனும் சக்தியும் இணைந்த திருக்கோலமான - அர்த்தநாரீசுர வடிவில் காட்சியளித்தார். எனவே இத்தல இறைவன் அர்த்தநாரீசுவர லிங்கத்திருமேனியாக பாவிக்கப்படுகின்றது. சுவாமிக்கு துளசீச்வரர் என்ற அற்புத திருநாமம். இவரை துளசி மாலை சாற்றி வழிபட, அதன் பலன்கள் பல உண்டு என பக்தர்களிடையே அசாத்திய நம்பிக்கை நிலவுகிறது.
 எதிர்வரும் சிவராத்திரி நன்னாளன்று (பிப்ரவரி 21, வெள்ளிக்கிழமை) மகாசிவராத்திரியை முன்னிட்டு இரவு விசேஷ அபிஷேக ஆராதனைகளுடன் நான்கு காலபூஜைகள் நடைபெறுகின்றன. முதல் காலம் அம்பாள் வழிபாடு, இரண்டாவது: விநாகர், முருகன் வழிபாடு மூன்றாவது: மகா விஷ்ணு வழிபாடு. நான்காவது: பிரம்மா, சகல தேவர்கள் வழிபாடு.
 தொடர்புக்கு: 94440 22133 / 99402 06679.
 ஸ்ரீதர அய்யாவாள் மடம்
 கும்பகோணம் அருகில் திருவிசலூர் ஸ்ரீஸ்ரீதர அய்யாவாள் மடத்தில் மகாசிவராத்திரி மகோத்சவம் பிப்ரவரி 19, 20, 21 தேதிகளில் நடைபெறுகின்றது. இதனை முன்னிட்டு, தேவார இன்னிசை, சிவ திவ்ய நாம பஜனைகள், மகன்யாச ஏகாதஸ ருத்ராபிஷேகம் போன்ற பல்வேறு நிகழ்ச்சிகள் ஏற்படாகியுள்ளது.
 தொடர்பிற்கு: ஸ்ரீதர அய்யாவாள் சேரிடபிள் டிரஸ்ட் செல்: 9444056727.
 மண்டலாபிஷேக பூர்த்தி
 ஆழ்வார்திருநகரி, குண்டு தெரு, அருள்மிகு ஈசான உச்சினி மாகாளி அம்மன் திருக்கோயில் மகாகும்பாபிஷேகம், பிப்ரவரி 12- இல் நடைபெற்றது. கும்பாபிஷேகத்தை தொடர்ந்து தினமும் அம்பாளுக்கு மண்டல பூஜைகள் நடைபெற்று வருகின்றது. 48 -ஆவது நாளான பங்குனி 18- ஆம் நாள் (31.03.2020) செவ்வாய்க்கிழமையன்று மண்டாலாபிஷேக பூர்த்தி வைபவங்கள் சிறப்பாக நடைபெறும். பக்தர்கள் இவ்வைபவங்களில் பங்கேற்று இறையருள் பெறலாம்.
 தொடர்புக்கு: 97904 25159.
 
 
 

]]>
https://images.dinamani.com/uploads/user/imagelibrary/2020/2/14/w600X390/vm4.jpg https://www.dinamani.com/weekly-supplements/vellimani/2020/feb/14/நிகழ்வுகள்--14022020-3357563.html
3357562 வார இதழ்கள் வெள்ளிமணி ஏழெழுபது தரம் மன்னிப்பாய் DIN DIN Friday, February 14, 2020 03:12 PM +0530 மன்னிப்பு ஒரு தெய்வ குணம், உயர்ந்தோர் அன்புள்ளவர், தெய்வபக்தியுள்ளவர்கள் மன்னிப்பர், மறந்து விடுவர். மனதில் ஒன்றும் வைக்கமாட்டார்கள். விட்டுக்கொடுத்து விடுவர். ஆனால் மனிதர்கள் மன்னிப்பது இல்லை. மனதில் தீராத வைராக்கியம் வைத்து தமக்கு தீங்குச் செய்தவரை பழிவாங்க காத்திருப்பர். சமயம் வரும்போது கொடூரமாக தண்டித்து விடுவர். பல குடும்பங்கள் மன்னியாத குணத்தால் பிரிந்துப் போய் பகைமை பாராட்டி வஞ்சம் தீர்த்துக்கொள்வர்.
 தம் பெற்றோர் தம்மிடம் கடுமையாக நடந்துகொண்ட நிகழ்ச்சிகளை மனதில் வைத்து, வயதான இயலாத நிலையில் உள்ள பெற்றோரை கடுமையாக நடத்தும் பிள்ளைகளும் உண்டு. அன்பின் மிகுதியால் பிள்ளைகள் கெட்டுவிடாதபடி பெற்றோர் கண்டிப்பாக நடத்தினர் என்பதை உளமார நாம் புரிந்துகொள்ள வேண்டும்.
 வேதாகமத்தில் மன்னிப்பு குறித்து நல்ல கதையை இயேசு ஆண்டவர் கூறினார். சீடர் பேதுரு இயேசுவிடம், ஆண்டவரே, என் சகோதரன் எனக்கு விரோதமாக குற்றம் செய்தால் நான் எத்தனை தரம் மன்னிக்க வேண்டும்? ஏழு தரம் மட்டுமே மாத்திரம் அல்ல, ஏழெழுபது தரம் மட்டும் என்று உனக்கு சொல்லுகிறேன் (மத்தேயு 18: 21, 22) என்றார். இதை தொடர்ந்து இயேசு ஓர் உவமை கதையை கூறினார்:
 "ஒரு ராஜா தன் ஊழியக்காரரிடத்தில் கணக்கு பார்க்கத் தொடங்கினார். அப்போது தன்னிடம் பதினாயிரம் தாலந்து (ஒரு கோடி) அளவுக்கு கடன்பட்டிருந்த ஊழியக்காரன் ஒருவனை கொண்டு வந்து நிறுத்தினர். ராஜா கடும் கோபம் கொண்டு கடன்பட்டவனை மிகவும் கடுமையாக தண்டிக்க முனைந்தார். அவன் சொத்துகளையும் மனைவி, பிள்ளைகளையும் விற்று கடனைக் கட்டச் சொன்னார். கடன்பட்டவனோ, தன்மேல் இரக்கம் காட்டும்படியும் தாழ்மையாக வேண்டி நின்றான். அரசனோ, அவன் பரிதாப நிலைக்கண்டு, மனதில் இரக்கம் கொண்டார். அவரின் இரக்கத்தால் மிகவும் பெரிய மன்னிப்பு அவர் மனதில் வந்தது. கடன்பட்டவனை நோக்கி, " உன் கடன் முழுவதும் மன்னித்து விட்டேன். இனி, கடன் கட்டத் தேவையில்லை, சுதந்திரமாகப் போகலாம்' என்றார்.
 கடன்பட்டவன் மிகவும் மகிழ்ந்தான். கடன் மன்னிக்கப்பட்டவனாய் திரும்பக் கட்ட வேண்டியது இல்லை என்று மிக மகிழ்வாய் தன் வீடு நோக்கிப் போனான். வரும் வழியில் தன்னிடம் சில தாலந்து கடன்பட்ட தன்னிடம் வேலைப்பார்க்கும் வேலைக்காரனைக் கண்டான். கடும் கோபம் கொண்டான். கடன்பட்டவனைப் பிடித்து கழுத்தை நெருக்கி தன்னிடம் பட்ட சில தாலந்து (நூறு ரூபாய்) திருப்பிக் கொடுக்க கேட்டான். கடன்பட்டவனோ, சிறிது காலம் தாரும் கடனை கட்டி விடுவேன் என்று மிகவும் கெஞ்சினான். ஆனால் இரக்கமில்லாத அவன் கடன் பெற்றவனை காவலில் போட்டுவித்து அவனை அடித்து கொடுமைப்படுத்தச்செய்தான்.
 இந்த கொடுமையை கண்டவர்கள் ராஜாவிடம் சென்று நடந்ததைக் கூறினர். ராஜாவுக்கோ கடும் கோபம் வந்தது. ஒரு கோடி பணம் மன்னிப்பு பெற்றவன், நூறு பணம் கடன்பட்டவனை மன்னியாமல் மிகக் கடுமையான சிறையில் போட்டானா? அவனை கொண்டு வாருங்கள்... கடனை அவன் கட்ட வேண்டும்; அவன் மனைவி பிள்ளைகள், வீடு, சொத்துகளை விற்று கடன் கட்டப்பட வேண்டும். மன்னியாதவனை சிறையில் போட்டு மிகக் கடுமையாக தண்டிக்கச் செய்தார்'.
 இக்கதையை இயேசு சொல்லி, "மன்னியுங்கள் மன்னிக்கப்படும்' என்றார். நாமும் மன்னிப்போம்; மன்னிப்பு பெறுவோம்.
 - தே. பால் பிரேம்குமார்
 

]]>
https://images.dinamani.com/uploads/user/imagelibrary/2020/2/14/w600X390/JESUS.JPG https://www.dinamani.com/weekly-supplements/vellimani/2020/feb/14/ஏழெழுபது-தரம்-மன்னிப்பாய்-3357562.html
3357560 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, February 14, 2020 03:10 PM +0530 • விடாமுயற்சியுடன் ஆன்மிக சாதனைகளைப் பழகுபவனுக்கு இறைவன் அருள்புரிகிறார். மனிதன் முயற்சியில் சலிக்காமல் மனஉறுதி பெற்றபிறகு, இறைவன் அவனுக்குத் திருவருள் புரிகிறார்.
- பாகவதம் தரும் நற்சிந்தனை
• இறைவன் ஒருவனே முக்காலத்திலும் இருப்பவன். இறைவனைத் தவிர சத்தியமானது வேறு எதுவுமில்லை.
- குருநானக்
• ஹே லட்சுமணா! கூடிய வரையில் மக்கள் கூட்டங்களில் கலந்துகொள்வதைத் தவிர்த்துவிடு, பரிசுத்தம் வாய்ந்த ஏகாந்தமான ஓர் இடத்தில் வாழ்ந்து வா, குறுக்குப் புத்தி கொண்ட மக்களுடன் தொடர்புகொள்ளாதே, முற்றிலும் தனிமையில் வாழ்ந்து வருவதற்கே முயற்சி செய். வேத வேதாந்தங்களை ஆராய்ச்சி செய்தும், வேத வேதாந்தங்களின் விளக்கங்களைப் படித்தும், வேத கர்மங்களைச் செய்தும் பரமாத்மஞானம் அடைவதற்கு ஆவலுடன் இரு.
- ஸ்ரீ ராமர் லட்சுமணனுக்கு வழங்கிய அறிவுரை
• உனக்கு ஒரு தீமையும் செய்யாத ஏழைகளை நீ துன்புறுத்தியது போதும். நல்லவர்கள் பொறுமையையே வலிமையாகக் கொண்டவர்கள்.
- விஷ்ணு புராணம் 
• மனம் பரபரப்படையும்போது உலக வாழ்க்கையில் பரபரப்பும் அமைதியின்மையும் ஏற்படுகின்றன. ஆகவே நம்முள் புதைந்திருக்கும் உள்ளக் கிளர்ச்சிகளையும் ஆசைகளையும் அடக்குவதாலும், பிராணாயாமம் பழகுவதாலும், அலைபாயும் மனதை அமைதி பெறச் செய்ய வேண்டும்.
- யோகவாஷிட்ட சாரம்
• சாமம், தானம், பேதம், தண்டம் ஆகிய நான்கு முறைகளைப் பின்பற்றிச் செயல் புரிந்து வெற்றி பெறலாம்.
• சாமம், தானம், பேதம் ஆகிய முறைகளைப் பின்பற்றியும் காரியம் கைகூடாதபோது, இறுதியில்தான் தண்டம் என்ற முறையைக் கையாள வேண்டும்.
- யாக்ஞவல்க்ய ஸ்மிருதி
• இரும்பிலிருந்தே துரு தோன்றினாலும், இரும்பைத் துரு அரித்துவிடுகிறது. அதுபோலவே, அறநெறி பிறழ்ந்தவனை அவனுடைய கர்மங்களே தீயகதியில் கொண்டுபோய்ச் சேர்க்கின்றன.
- புத்தர்
• மனமே! என் பிரபு ராமன் இருக்கும்போது, நீ வீணாக ஏன் கலங்குகிறாய்? ஸ்ரீ ராமநாமத்தைச் சொல்லிக்கொண்டே இரு! யமனும் உன்னை அணுகுவதற்கு அஞ்சுவான், நோய் நொடிகள் பறந்தோடிவிடும். அவனது திருவடிகளைப் பற்றிக்கொள். அவன் எப்போதும் உன்னுடனேயே இருப்பான். தேவர்களிடம் இருக்கும் அமுதம் சாகா வரத்தை மட்டும்தான் தரும். ஆனால், "ராமநாமம்' என்னும் அமுதம் இருக்கிறதே, அது துன்பமற்ற, "முக்தி' என்னும் பரமானந்த சுகத்தையல்லவா உனக்குத் தருகிறது! ஆதலால், எப்போதும் ராமநாமத்தைச் சொல்லிக்கொண்டே இரு. உன் சுக, துக்கங்களை அவன் பார்த்துக் கொள்வான்.''
- சமர்த்த ராமதாசர் (சத்ரபதி சிவாஜியின் குரு)

]]>
https://images.dinamani.com/uploads/user/imagelibrary/2020/1/24/w600X390/kamalanandhar.JPG https://www.dinamani.com/weekly-supplements/vellimani/2020/feb/14/பொன்மொழிகள்-தொகுப்பு-சுவாமி-கமலாத்மானந்தர்-3357560.html
3357559 வார இதழ்கள் வெள்ளிமணி நல்ல குடும்பம் அல்லாஹ்வின் அருட்கொடை DIN DIN Friday, February 14, 2020 03:08 PM +0530 நல்ல குடும்பம் அல்லாஹ்வின் அருளால் பெறும் பெரும் பாக்கியம். குடும்பத்தில் சுமுக சூழல் நிலவினால் குடும்பங்கள் இணைந்த சமூகம் சமுதாயம் கூடி வாழும். கூடி வாழ்வதால் தேடும் நன்மைகள் கைகூடும். அந்நன்மைகளால் பொன் விளையும் பூமியாக நம் நாடும் வளம் பெறும்; வாகை சூடும்.
 நம் அருளாகவும் அறிவுடையோர் நல்லுணர்ச்சி பெறவும் நாம் அவருக்கு அவருடைய குடும்பத்தாரையும் அதைப் போன்றதையும் கொடுத்தோம் என்று எழில்மறை குர்ஆனின் 38-43 -ஆவது வசனம் கூறுகிறது. இந்த வசனம் அய்யூப் நபி குறித்தது. அய்யூப் நபிக்கு மனைவியையும் பிள்ளை செல்வத்தையும் அள்ளி வழங்கி எல்லாம் வல்ல அல்லாஹ் கண்ணியமாக வைத்தான் என்று விளக்குகிறது தப்ஸீர் அல்பஃவ்வி 310/3. குடும்பத்தில் ஒற்றுமை நிலவியது. குடும்பத்தினரோடு அய்யூப் நபியும் மகிழ்வாய் வாழ்ந்தார்கள். குடும்பத்தினரைக் காணும்பொழுது களிப்புற்றார்கள்; திருப்தி பெற்றார்கள். உள்ள உற்சாகத்தோடும் மன மகிழ்வோடும் இருந்தார்கள்.
 ஓர் ஆண் அவரின் குடும்பத்தின் மேய்ப்பாளர். அவர் அவரின் மேய்ச்சலைப் பற்றி கேட்கப் படுவார். ஒரு பெண் அவளின் கணவனின் வீட்டில் உள்ளவற்றிற்கும் குழந்தைகளுக்கும் மேய்ப்பாளர். அவள் அதைப்பற்றி கேட்கப்படுவாள்.
 ஒரு மனிதனுக்கு அமையும் சகோதர சகோதரிகளும் இறைவனின் அருட்கொடைகளே. அவர்கள் மகிழ்வான தருணங்களில் உடனிருந்து மகிழ்வைப் பெருக்குவர். வேதனை காலத்தில் வலியைப் பகிர்ந்து வேதனையை குறைப்பர். மூசா நபிக்கு ஹாரூன் நபி அத்தகு சகோதரராய் இருந்ததை 19-53 - ஆவது வசனம் நம் கருணையை கொண்டு அவருடைய சகோதரர் ஹாரூனை நபியாக அவருக்கு அளித்தோம் என்று அறிவிக்கிறது.
 சகோதரத்துவத்தின் மிக முக்கிய பண்புகள். எடுத்ததற்கெல்லாம் கோபம் கொண்டு மனக் கசப்போடு பிரிந்து வாழாது ஒருவருக்குக்கொருவர் விட்டுக்கொடுத்து ஒத்துழைத்து ஒற்றுமையாய் வாழ வேண்டும். சோதனையான சமயங்களில் ஒருவர் மற்றவருக்கு ஆறுதல் அளிக்க வேண்டும். உடன்பிறந்தவரின் வளர்ச்சிக்கு உதவ வேண்டும். சகோதரரின் கவலையை போக்க நீக்கமற நின்று ஆக்க வழிகளில் அனைத்து முயற்சிகளையும் செய்ய வேண்டும். அநிநியர்களுக்கு முன்னுரிமை தராது சகோதரர்கள் தங்களுக்கு இடையில் தக்க முறையில் ஆலோசித்து எடுக்கும் முடிவுகளின் விளைவுகளை விலாவாரியாக விவாதித்து பகிரும் கருத்துகளின் அடிப்படையில் அமையும் ஆன்ற சான்றுகளின்படி முயன்று முன்னேற வேண்டும்.
 அல்லாஹ் அமைத்து தரும் குடும்பத்தைச் சிதையாமல் சிதறாமல் பிரியாமல் பேணி காக்க வேண்டும். குடும்பம் சீராய் இயங்க இயன்றது அனைத்தையும் முயன்று முந்தி செய்ய வேண்டும். ஒருவர் செய்வார் என்று மற்றவர் பிந்துவது பிணக்கை உண்டாக்கி இணக்கத்தைக் குலைத்து விடும். ஒருவரின் உரிமையை மற்றவர் மதிக்க வேண்டும். குடும்ப உறுப்பினர்கள் தொடர்ந்து தொடர்பில் இருக்க வேண்டும். இன்றைய அலைபேசி அறிவிப்பு போல தொடர்பு எல்லைக்கு வெளியே போய் விடக் கூடாது. குடும்ப நலனிற்காக தனித்தும் கூட்டாகவும் உழைக்க வேண்டும். இதனால் குடும்ப கௌரவம் காக்கப்படும். குடும்பத்தில் வளம் பொங்கும்; மகிழ்ச்சி பெருகும்.
 சகோதர சகோதரிகள் பாசத்தோடு பழகி பண்போடு அன்புடன் பரஸ்பரம் உதவி புரிய வேண்டும். குடும்பத்தின் சங்கையான நிகழ்வுகளில் கலந்து கலகலப்பாக்குவது போல சங்கடமான தருணங்களிலும் பொறுமையாய் ஒன்றாய் நின்று சங்கடம் நீங்கி மங்கலம் மலர உதவ வேண்டும். இதனால் குடும்பம் வலுவடையும்.
 குடும்பத்தில் அவரவரின் பொறுப்புகளை அவரவர் உணர்ந்து செயல்பட்டால் மகிழ்ச்சி எப்பொழுதும் மலர்ந்து மணம் வீசும். அத்தகு குடும்பம் சமூகத்தில் சகல மரியாதையையும் பெற்று மதிப்பிற்குரிய முன்னோடி குடும்பமாக முன் நிற்கும்.
 - மு.அ. அபுல் அமீன்

]]>
https://images.dinamani.com/uploads/user/imagelibrary/2020/2/14/w600X390/vm3.jpg https://www.dinamani.com/weekly-supplements/vellimani/2020/feb/14/நல்ல-குடும்பம்-அல்லாஹ்வின்-அருட்கொடை-3357559.html
3357558 வார இதழ்கள் வெள்ளிமணி கோடீச்சரம் உறையும் கோமான்! DIN DIN Friday, February 14, 2020 03:07 PM +0530 கும்பகோணத்திலிருந்து சுவாமிமலை மார்க்கத்தில் 3 கி.மீ. தொலைவில் உள்ளது கொட்டையூர் ஸ்ரீ கோடீஸ்வரர் ஆலயம். மகாமகம் சம்பந்தப்பட்ட 12 திருக்கோயில்களில் இதுவும் ஒன்று. கும்பகோணம் கும்பேஸ்வரர் கோயில் சப்தஸ்தான கோயில்களிலும் ஒன்றாகும்.
 ஆத்ரேயர் என்ற பெயர் கொண்ட அத்ரிமரபில் தோன்றிய முனிவர் ஒருவர் மணலால் லிங்கம் செய்து, கொட்டை (ஆமணக்கு) மரத்தடியில் அமுத கிணற்று நீரை சுவாமிக்கு தினமும் பூஜை செய்து மகிழ்பவர். ஒரு சமயம் திருவலஞ்சுழியில் ஆதிசேஷனால் பூமி பிளவுபட்டு பாதாளம் உண்டானது. காவிரி நீர் அதில் புகுந்து தடைபட்டது. அப்போது ஆட்சிபுரிந்த அரித்துவ சோழன் பெரிதும் மனம் வருந்தி இறைவனிடம் முறையிட்டான். அப்போது வானில் "இப்பாதாளத்தில் ஓர் அரசர் அல்லது முனிவர் இறங்கினால் பள்ளம் சரிப்படும் என அசரீரி கேட்டது. மன்னரோ திகைத்தார். முனிவர் சிறிதும் தாமதியாது இறங்கியதும் பள்ளம் மூடியது. காவிரி விரைந்து பாய்ந்தது. திருவலஞ்சுழியில் இறங்கிய முனிவர் கொட்டையூரில் எழுந்து வந்து இறைவனை வழிபட்டார். இவரின் திருவுருவம் கோயிலில் உள்ளது. இவர் நன்கு சிறப்பிக்கப்படுகின்றார். இவரின் காயங்களை இறைவனே ஆற்றினார் என்று கூறப்படுகின்றது. பிற்காலத்தில் இவரே ஏரண்ட முனிவர் என அழைக்கப்பட்டார்.
 மற்றொரு தல வரலாற்றின்படி, பத்ரயோகி என்ற மகா முனிவர் இமயமலையில் தவம் இயற்றியபோது சத்தியரதி என்ற அரசன் அவ்விடம் வந்தான். முனிவர் தன்னை மதிக்கவில்லை என்று கருதிய மன்னன் அவரை சோதிக்க எண்ணி புலியால் இறந்த சடலம் ஒன்றை அவர் முன்பு வைத்து உயிர்ப்பிக்க வேண்டினான். தன் ஞான சிருஷ்டியால் நடந்ததை அறிந்த முனிவர் அரசனை பேயாய்க் காட்டில் திரியக்கடவது என சினம் பொங்க சாபமிட்டார். தனது கோபம் தணியவேண்டி முனிவர், கோடி சிவ ஆலய தரிசனம் செய்ய மனதில் சங்கல்பித்து, பல தலங்களுக்குச் சென்று சிவ தரிசனம் செய்தவாறு கடைசியில் கொட்டையூரை அடைந்தார். ஏரண்ட முனிவரின் பூசை முறைகளால் மனம் கவரப்பட்டு அவரை வணங்கினார்.
 ஏரண்டர் பூசையாலும், பத்ரயோகிக்காகவும் இறைவன் அசரீரியாய் "இத்தலத்தை தரிசித்தது கோடித் தலங்களை தரிசனம் செய்ததற்கு ஒப்பாகும்" என மொழிந்து, அவர்களுக்கு கோடி விநாயகராக, கோடி அம்மையாக, கோடி முருகனாக, கோடி தம் அருவுருவாகக் காட்சியளித்தார். இக்காரணம் பொருட்டு இத்தல இறைவன் (சுயம்பு மூர்த்தி) கோடீஸ்வரர் என்று திருநாமம் கொண்டு அருள்புரிகின்றார். லிங்கத் திருமேனியில் பாணம் முழுவதிலும் கொட்டை கொட்டையாக - காய்காய்த்த மாதிரி காணப்படுவது சிறப்பு அம்சமாகும். சிரசில் கங்கையை தாங்கியுள்ளவராய் ஆகர்ஷண சக்தியுடன் காணப்படுகின்றார். இவரது தரிசனம் காண்போரை மெய்ச்சிலிர்க்க வைக்கும் என்பதை பக்தர்கள் அனுபவ பூர்வமாக உணரலாம். இத்தல விநாயகர் "கோடி விநாயகர்" என்றும் முருகன் "கோடி முருகன்' என்றும் அழைக்கப்படுகிறார். அவர்களுடைய கற்திருமேனிகளையும் வித்தியாசமான தோற்றத்தில் தரிசிக்கலாம்.
 இத்தலத்தில் புண்ணியம் செய்தாலும் பாவஞ் செய்தாலும் கோடி மடங்காகப் பெருகும் என்பது நம்பிக்கை. இதனால் தான் இவ்வூரில் பாவஞ் செய்தால் அதற்கு விமோசனம் கிடையாது என்பர். "கொட்டையூரில் செய்த பாவம் கட்டையோடே' என்ற பழமொழி நிலவி வருகின்றது.
 இங்கு அருள் வழங்கும் அம்பிகை கோடியம்மை, பந்தாடு நாயகி போன்ற திருநாமங்களை தாங்கிக்கொண்டு அருள்புரிகின்றாள். ஒரு சமயம் பத்திரயோகிக்கு பந்தாடும் பாவையாய் காட்சி தந்ததினால் பந்தாடு நாயகி வடமொழியில் கந்துக கிரீடாம்பாள் என்ற பெயர் ஏற்படலாயிற்று.
 இவளை வழிபட, நமது பாவங்களை பந்தை காலால் உதைத்து தள்ளுவது போல் நீக்கி அருள்கின்றாள் என்று கூறப்படுகின்றது. இவ்வாலயத்தில் வழிபடப்
 படும் அஷ்டபுஜ துர்க்கை மற்றும் இதர தெய்வ மூர்த்தங்களின் சந்நிதிகளும் குறிப்பாக வாகனங்கள், எந்திரங்களுடன் கூடிய நவக்கிரக சந்நிதியும் காண வேண்டிய ஒன்று. ஆலய சிற்ப வேலைப்பாடுகள் பிரமிப்பூட்டுகின்றன. கல்வெட்டுகளும் காணப்படுகின்றது.
 திருக்கொட்டையூர்க் கோடீச்சரம், ஏரண்டபுரம், வில்வாரண்யம் எனப் பல பெயர்களைக்கொண்டு தேவாரத்திருப்பதிகம் பெற்ற காவிரிக்கு வடகரையில் இப்பதி 44 -ஆவது தலமாகத் திகழ்கின்றது. திருநாவுக்கரசர் திருவலஞ்சுழி, கொட்டையூர் இரண்டு தலங்களையும் இணைத்துத் திருத்தாண்டகத் திருப்பதிகம் ஒன்று அருளிச் செய்துள்ளார். அருணகிரி நாதர் அருளிய திருப்புகழ் பெற்ற தலம். சிவக்கொழுந்து தேசிகர் இயற்றிய கோடீச்சுரக்கோவை இத்தலத்திற்குரியது.
 ஒரு முறை இவ்வாலயத்திற்குச் சென்று பெருமானை வழிபட்டால், ஒரு கோடி சிவன் கோயில்களுக்குச் சென்று வந்த புண்ணியம் நம்மை வந்தடையும் என்று புராணங்கள் அறுதியிட்டுக் கூறுகின்றன. அதிலும், எதிர்வரும் சிவராத்திரி நந்நாளில் இவ்வாலயத்திற்குச் சென்று தரிசிப்பது மிக மிக சிறப்பாகும்.
 - வசந்தா சுரேஷ்குமார்

]]>
https://images.dinamani.com/uploads/user/imagelibrary/2020/2/14/w600X390/vm2.jpg https://www.dinamani.com/weekly-supplements/vellimani/2020/feb/14/கோடீச்சரம்-உறையும்-கோமான்-3357558.html
3357557 வார இதழ்கள் வெள்ளிமணி தாயாய் வந்து உதவிய வைத்தியநாதசுவாமி! Friday, February 14, 2020 03:06 PM +0530 ஓர் ஏழைத் தம்பதியினர் குழந்தை வேண்டுமென சிவனிடம் வேண்ட, அவர்கள் மீது கருணைகொண்ட சிவபெருமானின் அருளால் அப்பெண் கருவுற்றாள். மகப்பேறு காலம் நெருங்கியது. உதவிக்கு வருவதாக இருந்த அவளது தாய் வரமுடியாததால் அப்பெண் தன் தாயின் இருப்பிடம் நோக்கித் தனியே சென்றாள். சிறிது தொலைவு சென்றதும் அவளுக்கு வலி கண்டது. உதவி செய்ய யாரும் அருகில் இல்லை. தன்னைக் காக்கும்படி அவள் ஈசனை வேண்ட, ஈசன் அவளது தாயின் உருவில் வந்து அவளுக்கு உதவினார். குழந்தையும் சுகமாகப் பிறந்தது.
 விரலால் பூமியில் கீறி நீரை வரவழைத்து அவளை அருந்தச் செய்து, அந்நீரே அவளுக்கு மருந்து என்றும் கூறினார். நீரை அருந்தியவள் நிமிர்ந்து பார்த்தபோது அங்கு யாரும் இருக்கவில்லை. அப்போது அவளது தாய் ஓடோடி வந்தாள். யாருமே இல்லாத அந்த இடத்தில் தனது பெண் சுகமாக குழந்தையைப் பெற்றெடுத்ததைக் கண்டு வியந்தாள்.
 ஈசன் சிவகாமி அம்மையுடன் காளை வாகனத்தில் தோன்றி, அவள் தன்னிடம் கொண்ட பக்தியின் காரணமாகத் தான் வந்து அவளுக்கு உதவியதாகவும், அவளது தாகத்திற்கும் காயத்திற்கும் மருந்தாக அமைந்த அவ்விடத்துத் தீர்த்தம் காயக்குடி ஆறு என அழைக்கப்படும் எனவும், அவ்வாற்றில் முழுகி எழுந்து ஈசனை வழிபடுவோரின் நோய்கள் விலகும் எனவும் கூறி மறைந்தார். இந்த திருவிளையாடல் நிகழ்த்தப்பட்ட இடம், விருதுநகர் மாவட்டம், ஸ்ரீவில்லிபுத்தூர் மடவார் வளாகத்தில் அமைந்துள்ள அருள்மிகு சிவகாமி அம்பாள் சமேத அருள்மிகு வைத்தியநாத சுவாமி திருக்கோயிலாகும். இத்தலம் இம் மாவட்டத்தின் மிகப் பெரிய சைவத்தலமாக விளங்குகிறது எனலாம்.
 ஆடல் பாடல்களில் சிறந்த இரு பெண்கள் (மடவார்) இத்தலத்தில் தங்களது ஆடல், பாடல் மூலம் இறைவனுக்குத் தொண்டு செய்து வாழ்ந்தனர். அவர்களுக்குப் பொருளும் இருக்க வீடும் கிடைக்கச் செய்து அருளிய திருவிளையாடல் நிகழ்த்திய தலம் (வளாகம்) இது என்பதால் மடவார்வளாகம் என அழைக்கப்படுகிறது என்ற வரலாறும் உண்டு.

வயிற்று சம்பந்தப்பட்ட நோய்கள் மற்றும் கர்ப்பம் சம்பந்தப்பட்ட நோய்கள் தீர்க்கும் தலமாக இத்தலம் விளங்குகிறது. இத் தலத்தில் அருளும் சிவனையும் சக்தியையும் வணங்கிட சுகப்பிரசவம் நிச்சயமாக நடக்கும் என்பது அனுபவமாகும்.
 ஒவ்வொரு வருடமும் புரட்டாசி மாதம் மற்றும் பங்குனி மாதத்தில் காலையில் சூரியனின் ஒளிக்கதிர்கள் மூலவரின் மீது பட்டு சூரிய பூஜை சிறப்பாக நடைபெறுகிறது.
 ஒருமுறை, மன்னர் திருமலை நாயக்கருக்கு தீராத வயிற்று வலி உண்டானது. வயிற்று வலி தீர்க்கும் இறைவன் வைத்தியநாதன் என்பதை கேள்விப்பட்டு, மதுரையில் இருந்து தந்தத்தினால் செய்த பல்லக்கில் வந்து சுமார் 48 நாள்கள் தங்கி, இறைவன் அருளால் வயிற்று வலி நீங்கக்கண்டார். அதனால் அவர் வந்த தந்தத்தினால் ஆன பல்லக்கை இத்தல இறைவனுக்கு கொடுத்து விட்டு, மதுரைக்கு நடந்தே சென்றதாக தலவரலாறு கூறுகிறது. அது போன்று மதுரை மீனாட்சி அம்மன் கோயிலில் உள்ள திருமண மண்டபம் போலவே, பெரிய நாடகசாலை என்ற மண்டபமும் அமைத்தார்.
 வைத்தியநாதரை பிரிய மனமில்லாத திருமலை நாயக்கர், மதுரையில் இருந்தாலும் தினமும் வைத்தியநாதரின் உச்சிகால பூஜைகள் முடிந்த பிறகே, தினமும் உணவை உண்ணும் பழக்கத்தை மேற்கொண்டதாக தல வரலாறு கூறுகிறது.
 அந்த உச்சிகால பூஜைகள் தனக்குத் தெரிவதற்காக, ஸ்ரீ வில்லிப்புத்தூரில் இருந்து மதுரை வரையில் ஆங்காங்கே கல் மண்டபங்கள் அமைத்து, அவற்றில் பூஜை நேரத்தில் முரசுகள் (நகரா) முழங்கச்செய்து, அந்த ஒலி மதுரையை எட்டியவுடன் மனதில் வைத்தியநாதரை வழிபட்ட பிறகே! உணவை உண்ணும் பழக்கத்தை மேற்கொண்டதாகக் கூறுவர். இதற்கு சான்றாக இன்றும் வில்லிபுத்தூர் மதுரை தேசிய நெடுஞ்சாலையில் பல கல்மண்டபங்கள் இருப்பதைக் காணலாம்.
 ஸ்ரீவில்லிபுத்தூர்- ராஜபாளையம் சாலையில் ஸ்ரீவில்லிபுத்தூர் பேருந்து நிலையத்திலிருந்து 1கி.மீ. தொலைவில் இக்கோயில் உள்ளது.
 - களக்காடு வ. மாரிசுப்பிரமணியன்.

]]>
https://images.dinamani.com/uploads/user/imagelibrary/2020/2/14/w600X390/vm1.jpg https://www.dinamani.com/weekly-supplements/vellimani/2020/feb/14/தாயாய்-வந்து-உதவிய-வைத்தியநாதசுவாமி-3357557.html
3351545 வார இதழ்கள் வெள்ளிமணி முருகனுக்கு "அரோகரா!' DIN DIN Friday, February 7, 2020 11:17 AM +0530 சிவபெருமான் ஆணைப்படி, அகத்தியர் பொதிகைக்கு வந்து வாசம் செய்து தமிழ் வளர்த்து வந்தார். இடையில் அகத்தியமுனிவர் கந்தகிரியில் முருகனை வணங்கிடும் எண்ணத்தோடு சென்றபோது சிவசக்தி சொரூபமாக விளங்கும் சிவமலை, சக்திமலை ஆகிய மலைச்சிகரங்களைக் கண்டு தரிசித்தார். அவற்றை தான் எடுத்துச் சென்று வணங்க தன்னிடம் தரக்கேட்டார். முருகன் முறுவலுடன் அனுமதிக்க, இரண்டு மலைகளையும் பெயர்த்து எடுத்துக் கொண்டு தென்னகம் வரும் வழியில் சுமக்க இயலாமல் திருக்கேதாரத்திற்கு அருகில் பூர்ச்சவனம் என்ற இடத்தில் இறக்கி வைத்து பொதிகைமலை நோக்கிச் சென்றார்.
 இடும்பன் வன சஞ்சாரத்தில் அகத்தியரைக் கண்டான். முருகப்பெருமானை தரிசிக்க விரும்புவதைக் கூறினான். அகத்தியர் , பூர்ச்சவனத்திலிருக்கும் சிவமலை, சக்திமலை பொதிகைக்கு வந்தால் முருகனின் தரிசனம் கிடைக்கும் என்றார்.
 இடும்பனும் இடும்பியும் பூர்ச்சவனம் சென்று அகத்தியர் சொன்னபடி சிவனை வேண்டி தவமிருந்து மந்திரங்களை உச்சரிக்க பிரமதண்டமும் அட்டதிக்கு நாகங்களும் அவன் முன் வந்தன!
 இடும்பன் அந்த நாகங்களை உறியாக்கி இரு மலைகளையும் அதில் வைத்து பிரமதண்டத்துடன் கட்டி, காவடியாக்கி தோள்களில் தூக்கிக் கொண்டு, "அரோகரா! அரோகரா!'' என்று கூவிக்கொண்டு தென்திசை நோக்கி நடந்தான்.
 வழியில் முருகன் குதிரை மேல் வீரனாக வடிவெடுத்து வந்தார். தடமறியாது தவித்துக் கொண்டு இருந்த இடும்பனை திருவாவினன்குடிக்கு அழைத்து வந்து இளைப்பாறிச் செல்லக் கூறினார். இடும்பனும் இளைப்பாறிவிட்டு எழுந்து மீண்டும் காவடியைத் தூக்க முடியவில்லை. சிறுவன் ஒருவன் கையில் ஒரு சிறு தண்டு ஏந்தி சிவகிரி குன்றில் நிற்பதைக்கண்ட இடும்பன் அச்சிறுவனை மலையை விட்டுக் கீழிறங்க அதட்டினான். சிறுவனோ மலை தன்னுடையதென்று உரிமை கொண்டாடினான். சினமடைந்த இடும்பன் அச்சிறுவனைத் தாக்க முயன்று, முடியாமல் வீழ்ந்து மூர்ச்சையானான்.
 இடும்பியும், அகத்திய முனிவரும் வந்து இடும்பனுக்காக மன்னிப்பு வேண்ட , அவர்களுக்காக முருகன் மனமிறங்குவது போல், இடும்பனை மீள எழுப்பி முருகன் மயில்மீது அமர்ந்தவாறு அவனுக்குக் காட்சி தந்தார். இடும்பனைப் பார்த்து ""இடும்பா... இந்த மலைகள் இங்கேயே இருக்கட்டும். அகத்தியரும் இங்கு வந்து வழிபடுவார். நீ இங்கேயே என் கணங்களுக்குத் தலைவனாக இருந்து செயல்படு. என்னைத் தரிசிக்க வரும் பக்தர்கள் வேண்டுதலை கேட்டு என்னிடம் சொல்லுவாய் உன்னைப்போல் காவடி கட்டிக் கொண்டு வந்து முதலில் உன்னை வணங்கி வழிபட்டு, என்னை வந்து வழிபட்ட பின்பே பக்தர்களுக்கு பூரண பலன் கிடைக்கும்!'' என்று கூறி மறைந்தார். அதிலிருந்து பழனிமலைக்கு வரும் காவடிகளை சுமந்து வரும் பக்தர்கள், முதலில் இடும்பனையும் பின் தண்டபாணியையும் வழிபட்டு பலனடைந்தனர்.
 சுமார் 200 ஆண்டுகளுக்கு முன் கருங்கல் கட்டடமாகக் கட்டப்பட்டிருக்கிறது. மூலவர் இடும்பன் வடக்கு நோக்கி ஜடாமுடியோடு நின்றகோலத்தில் காட்சி தருகிறார். இடது தோளில் சிவகிரி, சக்திகிரி ஆகிய இரண்டு மலைக்காவடி தூக்கிக் கொண்டு வலது கையில் அரிவாளும்; பிரம்மதண்டத்தோடு காட்சி தருகிறார்.மேலும் விநாயகர், கோபாலகிருஷ்ணன், கடம்பன், உமாமகேஸ்வரி உடனுறை சிவகுருநாதர், பாலமுருகன் சந்நிதிகள் அமைந்துள்ளன.
 சிவன் சந்நிதியில் அருள்மிகு உமா மகேஸ்வரி உடனுறை சிவகுருநாதன் அபயவரத முத்திரைகளுடன் காட்சி தருகிறார். அருள்மிகு பாலமுருகன் மயில் வாகனத்தில் அலங்கார ஆசனத்தில் அமர்ந்த கோலத்தில் அபயவரத முத்திரையுடன் காட்சி தருகிறார்.
 உள்பிரகாரத்தின் வாயுமூலையில் மகாலட்சுமி சந்நிதியும் மகாமண்டபத்தின் ஈசானப்பகுதியில் நவக்கிரகங்கள் இடம் பெற்றுள்ளன. கோயிலின் எதிர்ப்புறம் கருப்பண சுவாமி சந்நிதியும் அதற்கு எதிரில் கருங்கல்லினால் ஆன தீபஸ்தம்பம், வலதுபுறம் குழந்தை வேலப்பர் சந்நிதியும் அமைந்துள்ளன. அதன் கீழ்பாக்கத்தில் ஆஞ்சநேயர் புடைப்புச்சிற்பமாக எழுந்தருளியிருக்கிறார். அருகில் கன்னிமார் சந்நிதியும் உள்ளது. தலவிருட்சம்- கடம்ப மரம்; தீர்த்தம்- இடும்பன் குளம் ஆகும்.
 இத்திருக்கோயிலுக்கு என தனிப்பட்ட திருவிழா எதுவும் இல்லை. பழனி முருகன் கோயில் திருவிழாவுக்கு வரும் மக்கள் இங்கு வந்து தரிசனம் செய்து செல்வர். விவரமறிந்த சுற்றுப்பகுதி மக்கள் முதலில் இடும்பன் கோயிலில் முடிகாணிக்கையை செலுத்தி இடும்பன் குளத்தில் நீராடி முருகனுக்குச் செலுத்தும் காணிக்கையின் பகுதியை இங்கு செலுத்துகின்றனர். அதிலும் தைப்பூசத்துக்கு பழனி கோயிலுக்கு வரும் பக்தர்கள் முதலில் தங்கள் வழிபாடு மற்றும் பிரார்த்தனையை இந்த கோயிலிலிருந்தே துவங்குகின்றனர்.
 திண்டுக்கல் பழனி நெடுஞ்சாலையில் சிவகிரிபட்டி பேருந்து நிறுத்தத்திலிருந்து 1/2 கி.மீ. தூரத்திலும்; பழனி ரயில் நிலையத்திலிருந்து 3 கி. மீ. தூரத்திலும்; பழனிமலை அடிவாரத்திலிருந்து 1/2 கி.மீ. தொலைவுக்குள் இடும்பன் திருக்கோயில் உள்ளது.
 தொடர்புக்கு: 96776 35285/ 94888 77919.
 - மா.கெளசல்யா
 

]]>
https://images.dinamani.com/uploads/user/imagelibrary/2020/2/7/w600X390/vm5.jpg https://www.dinamani.com/weekly-supplements/vellimani/2020/feb/07/முருகனுக்கு-அரோகரா-3351545.html
3351544 வார இதழ்கள் வெள்ளிமணி பொருநை போற்றுதும்! 79 - டாக்டர் சுதா சேஷய்யன் DIN DIN Friday, February 7, 2020 11:16 AM +0530 பண்டைக் காலத்தில், நெல்லைப் பகுதியைத் தலைமையிடமாகக் கொண்டு, கிருஷ்ண வர்மா என்றொரு அரசர் ஆண்டுவந்தார். சிவனையும் திருமாலையும் வணங்கி, ஆடல் பாடலோடு வழிபாடு நடத்துவது இம்மன்னரின் வழக்கம். இவ்வாறு சதா சர்வ காலமும் இந்த மன்னர் இறை வழிபாட்டிலேயே மூழ்கிக் கிடக்கிறார் என்பதை அறிந்த அண்டைப் பகுதி ஆட்சியாளர்கள், இவருடைய எல்லையை முற்றுகையிட்டனர். சுற்றிலும் பகைவர்கள் சூழ்ந்துவிட்டார்கள் என்ற நிலையில், தன்னுடைய அரண்மனை ஆராதனைப் பெருமாளான வரதராஜரிடம் நாட்டைக் காப்பாற்றும்படி கிருஷ்ண வர்மா வேண்டினார். அடியாருக்கு உதவுவதற்கு ஆண்டவனும் தீர்மானித்தார். கிருஷ்ண வர்மாவின் வடிவத்தை எடுத்துக் கொண்ட வரதராஜர், ரத கஜ துரக பதாதிப் படைகளை வழி நடத்திப் போரில் வெற்றிவாகை சூடினார்.
 அரண்மனைக்குள்ளேயே வரதராஜரின் திருவடிவைப் பற்றிக்கொண்டு கிடந்த கிருஷ்ண வர்மாவுக்கு, வெளியில் ஒலித்த ஆரவாரமும் ஆர்ப்பாட்டமும் ஆச்சரியத்தைக் கொடுக்க... போர்க்களத்தில் நிற்கும் கிருஷ்ண வர்மா எப்படி உள்ளேயிருந்து வாட்டத்தோடு வருகிறார் என்று மக்கள் வியப்படைய... வீரராகவராகக் கிருஷ்ண வர்மாவுக்குப் பெருமாள் காட்சி கொடுத்தார். "வீரராகவனே' என்று அரசரும் அழைத்து மகிழ்ந்தார். நாட்டைக் காப்பாற்றுவதற்காக இறங்கி வந்த பெருமாளை அப்படியே தங்கிவிடும்படி அரசர் வேண்ட, அர்ச்சா ரூபத்தில் (விக்கிரகத் திருமேனியாக) இங்கேயே பெருமாள் எழுந்தருளினார். பெருமாளின் திருநாமத்தைக் கொண்டு "வீரராகவபுரம்' என்னும் சிற்றூரைத் தோற்றுவித்த கிருஷ்ண வர்மா, ஆற்றங்கரையில் வீரராகவ தீர்த்த கட்டத்தையும் உருவாக்கினார். வீரராகவப் பெருமாளுக்குத் திருக்கோயில் எழுப்பினார். அரண்மனை ஆராதனைப் பெருமாளாக விளங்கி, தம்முடைய பிரார்த்தனைக்குச் செவிசாய்த்த வரதராஜரை உற்சவ மூர்த்தமாக எழுந்தருளச் செய்தார்.
 திருநெல்வேலி தொடர்வண்டிச் சந்திப்புக்கு அருகில் உள்ள வீரராகவபுரத்தில் கம்பீரமாக உள்ளது அருள்மிகு வீரராகவப் பெருமாள் திருக்கோயில். அருள்மிகு வேதவல்லி, அருள்மிகு பெருந்தேவி ஆகிய இரண்டு வடிவங்களில் தாயார் எழுந்தருளியிருக்கும் திருத்தலம். 2013-இல் சம்ப்ரோக்ஷணம் நடைபெற்ற இக்கோயிலில் வீரராகவரே மூலவர் என்றாலும், ஜங்ஷன் வரதராஜர் கோயில் என்னும் பெயரே பிரசித்தம்.
 ஆரணி அடையபலம், சென்னைக்கு அருகேயுள்ள திருவள்ளூர் ஆகிய பகுதிகளைப் பூர்வீகமாகக் கொண்டு, பின்னர் தலைமுறை தலைமுறையாக நெல்லைக்காரர்களாகிவிட்ட பலர், இந்த வீரராகவபுரத்தில் வாழ்ந்துள்ளனர். அப்பைய தீக்ஷிதர் என்னும் மஹான், ஆரணிக்கு அருகிலுள்ள அடையபலம் என்னும் ஊரைச் சேர்ந்தவர். இவருடைய வழித்தோன்றலான நீலகண்ட தீக்ஷிதர், திருமலை நாயக்க மன்னருக்கு அமைச்சராக இருந்து, பின்னர் திருநெல்வேலி பாலாமடையில் தங்கி வாழ்ந்தவர். இவர் வழியாகவும் இவருடைய உறவினர்கள் வழியாகவும், அப்பைய தீக்ஷிதர் வம்சாவளியைச் சேர்ந்த பலர், நெல்லைக்காரர்களாகப் பெருமை சேர்த்துள்ளனர். சுவாமி சிவானந்தர், கோடகநல்லூர் சுந்தர சுவாமிகள் என்று இந்தப் பாரம்பரியம் அருளாட்சி நடத்தியுள்ளது.
 அப்பைய தீக்ஷிதர் வம்சாவளியைச் சேர்ந்த நெல்லைக் குடும்பங்களில், வீரராகவ ஐயர், சாமு ஐயர், அண்ணா ஐயர், சமர புங்கவ ஐயர் போன்ற பெயர்கள் அதிகம் காணப்படுகின்றன. நீலகண்ட தீக்ஷிதரின் கடைசி மகனுக்கு சமரபுங்கவன் என்று பெயர் சூட்டப்பட்டிருந்ததாகத் தெரிகிறது.
 சிறு பிராயத்தில் நெல்லை வீரராகவபுரத்தில் சிலகாலம் வாழ்ந்த திரு. எஸ். சமரபுங்கவன், பொகாரோ எஃகுத் தொழிற்சாலையின் மேலாண் இயக்குநராகப் பொறுப்பு வகித்துப் பின்னர் "செய்ல்' என்றழைக்கப்படும் ஸ்டீல் அதாரிட்டி ஆஃப் இந்தியாவின் தலைவராக உயர்ந்தவர். எஃகு மற்றும் தொழில்துறை தொடர்பான அபரிமிதமான பங்களிப்புகளுக்காக "இந்தியாவின் எஃகு மனிதர்' என்று பாராட்டப்பட்டவர்.
 எஸ். சமரபுங்கவனின் பாட்டனார் திரு. எல். குப்புசுவாமி ஐயர், வீரராகவபுரத்தில் வாழ்ந்தவர். திருநெல்வேலியிலும் ஸ்ரீ வைகுண்டத்திலும் சிரஸ்தாராகப் பணியாற்றியவர். இவருடைய தந்தையாரான லக்ஷ்மிநாராயண சிவம் என்னும் மஹான், நெல்லை அருகன்குளத்தில் ஜீவசமாதி அடைந்தவர்.
 சுவாமியே போர்க்களம் சென்று, நாடு காத்த நல்பதியில்லையா? அதனால்தானோ, வீரராகவபுரமே, 1908-இல் நிகழ்ந்த திருநெல்வேலி எழுச்சிக்கும் நிலைக்களனாகத் திகழ்ந்தது!
 (தொடரும்...)
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2020/feb/07/பொருநை-போற்றுதும்-79---டாக்டர்-சுதா-சேஷய்யன்-3351544.html
3351542 வார இதழ்கள் வெள்ளிமணி மாரியம்மனுக்கு வித்தியாசமான காவடி வழிபாடு! DIN DIN Friday, February 7, 2020 11:11 AM +0530 அகிலாண்ட கோடி பிரம்மாண்ட நாயகியாம் அன்னை ஆதிபராசக்தி பல்வேறு திருமேனி தாங்கி, வெவ்வேறு திருநாமங்கள் பூண்டு, உயிரினங்களுக்கு அருள்பாலித்து வருகின்றாள். அவற்றுள் "மழையாகப் பொழிந்து மண்ணுயிர்களைக் காப்பவள்' என்ற அருள்புரியும் நோக்கில் "மாரியம்மன்' என அழைக்கப்படுகிறாள். மாரியம்மனைக் குறிக்கும் வடசொல் சீதளாதேவி. சீதளம் என்றால் குளிர்ச்சி என்று பொருள். பெண் தெய்வ வழிபாட்டில் தனியாகக் கோயில் கொண்டு சிறப்புற்று விளங்குவது மாரியம்மன் வழிபாடே. அவ்வகையில் திருவாரூர் மாவட்டத்தில் வலங்கைமான் வரதராஜம்பேட்டை பகுதியில் கோயில் கொண்டு அருளாட்சி நடத்துகின்றாள் மகாமாரியம்மன்.
 இந்த கோயிலுக்கு அம்பாள் வந்தது, ஒரு சிறிய குழந்தை ரூபம் கொண்டாகும். தலவரலாற்றின்படி, சுமார் 200 ஆண்டுகளுக்கு முன் வலங்கைமானில் இறைபக்தி கொண்டு விளங்கிய காதக்கவுண்டர் - கோவிந்தம்மாள் தம்பதியர், இவ்வூர் ஐயனார் கோயில் குளத்தருகில் ஓர் அழகான பெண் குழந்தை அழுதவாறு இருக்கக் கண்டனர். அவர்கள் எடுத்து வளர்க்க விரும்பிய போது, ஊர்மக்கள் விருப்பப்படி நாட்டாண்மைக்காரர் வீட்டில் ஒப்படைக்கப்பட்டது. சில நாள்களில் ஊரில் தொற்றுநோய், அம்மைநோய், தண்ணீர் பஞ்சம் ஏற்படலாயிற்று. அனைவரும் இது ஏதோ தெய்வ குற்றம் எனக் கருதினர். இந்த நிலைமை மாறவேண்டுமானால், அந்த தெய்வீக குழந்தையை திரும்பவும் கோவிந்தம்மாளிடம் கொடுக்க வேண்டும் என்று ஊரில் ஒருவரது கனவில் அம்பாள் உணர்த்த, அவ்வாறே செய்யப்பட்டது.
 அதன்பின், ஓரளவு ஊரில் நல்லது நடப்பதற்கான அறிகுறிகள் தென்பட்டன. ஆனால் "சீதளா' என்று பெயரிட்டு அக்குழந்தையை வளர்த்த தம்பதிகளுக்கு ஒரு சோதனை ஏற்பட்டது. கடுமையான வைசூரியால் தாக்கப்பட்டு அக்குழந்தை வெகு இளம் பிராயத்திலேயே இறக்க நேரிட்டது. ஆறாத்துயரம் கொண்ட அத்தம்பதிகள் இறுதிச் சடங்குகளைச் செய்து அக்குழந்தையின் உடலை தங்கள் வீட்டுக் கொல்லையிலேயே அடக்கம் செய்தனர். பின் சிறிது நாள்களில், குடமுருட்டி ஆற்றில் நீராடிவிட்டு தினமும் அவ்வழியாக வரும் பெண்ணொருத்தியின் வாயிலாக தான் இருப்பதை அம்பாள் உணர்த்த ஆரம்பத்தில் சமாதியின் மீது சிறு கொட்டகை போடப்பட்டு, நாளடைவில் மக்கள் அதிக அளவில் வழிபடத் தொடங்கி ஆலயமாக உருவாகியது. அதுவே இன்று நாம் காணும் மகாமாரியம்மன் கோயிலாகும்.
 வலங்கைமான் மாரியம்மனை ஜாதி, மத பேதமின்றி அனைத்து தரப்பினரும் தங்கள் குறைகள் நீங்க, நோய்கள் தீர வந்து வழிபடுகின்றனர். பலவித நேர்த்திக் கடன்களை செய்கின்றனர். அதில் ஒன்று தான் வேறு எந்த கோயிலிலும் பார்க்க முடியாத பாடைக்காவடி பிரார்த்தனை! நோயுற்றவரை அல்லது நோயிலிருந்து மீண்டவரை இருவாரங்கள் அம்மனை வேண்டி விரதம் மேற்கொள்ளச் செய்யப்பட்டு, பின் ஒரு நாளில் உற்றார், உறவினர் புடை சூடி அவரை பாடைக்காவடியில் படுக்க வைத்து அம்பிகையை மூன்று முறை வலம் வந்து பூசாரி பூஜை நீரைத் தெளித்து திருநீறு பூசப்பட்டு, பின் பிரார்த்தனையை நல்லவிதமாக நிறைவு செய்கின்றனர்.
 பாடைக்காவடியில் இருக்கும் வரை அதிலிருக்கும் நபர் ஒருவித மயக்க நிலையில் இருப்பதாகக் கூறப்படுகின்றது. இக்காரணம் பொருட்டே, இந்த அம்மன் "பாடைக்கட்டி மாரியம்மன்' என போற்றப்படுகின்றாள். பல அதிசயங்களையும், அற்புதங்களையும் இன்றளவும் அம்பாள் நடத்தி வருகின்றாள்.
 தற்போது, இவ்வாலயத்தில் இந்து சமய அறநிலையத்துறை பேராதரவோடும், உபயதாரர்கள் உதவியோடும் ஆலயத்தில் புதிய முன் மண்டபம் கட்டுதல் உட்பட பல்வேறு திருப்பணி வேலைகள் செய்யப்பட்டுள்ளது. இவ்வாலயத்தின் மகாகும்பாபிஷேகம், பிப்ரவரி 12 -ஆம் தேதி, காலை 9.00 மணி அளவில் நடைபெறுகின்றது. யாகசாலை பூஜைகள் பிப்ரவரி 8 -இல் ஆரம்பமாகிறது.
 தொடர்புக்கு: 04374- 264575.
 - க.சிவக்குமார்
 செயல் அலுவலர்
 
 

]]>
https://images.dinamani.com/uploads/user/imagelibrary/2020/2/7/w600X390/vm4.jpg https://www.dinamani.com/weekly-supplements/vellimani/2020/feb/07/மாரியம்மனுக்கு-வித்தியாசமான-காவடி-வழிபாடு-3351542.html
3351541 வார இதழ்கள் வெள்ளிமணி மாருதியின் மகாகும்பாபிஷேகம்! DIN DIN Friday, February 7, 2020 11:10 AM +0530 திருவாரூர் மாவட்டம், ஆலங்குடி குரு தலம் அருகேயுள்ளது ஸ்ரீ ஞானபுரிசித்ரகூடத்தலம். நங்கநல்லூர், பஞ்சவடி ஆகிய தலங்களில் விஸ்வரூப ஆஞ்சநேயர் சிலைகளை பிரதிஷ்டை செய்து உலகப் பிரசித்தி பெறச்செய்தவரும், ஆன்மீக வட்டத்தில் பெரிதும் போற்றி அழைக்கப்படும் ஸ்ரீரமணி அண்ணா அவர்கள் 10 ஆண்டுகளுக்கு முன்னர் இங்கேயும் ஒரு பெரிய ஆஞ்சநேயர் ஆலயத்தை நிறுவ முடிவு செய்து பணிகளைத் தொடங்கினார்கள். ஆனால் என்ன காரணத்தினாலோ ஆலயத்தை பூர்த்தி செய்ய இயலவில்லை. இச்சூழலில், கேரளத்தின் பிரசித்திப் பெற்ற நம்பூதிரிகளைக் கொண்டு அஷ்டமங்கல பிரசன்னம் பார்த்த பொழுது இங்கு ஒரு குருபீடம் அமையப்போகிறது எனவும், சத்குரு ஒருவரால் மட்டுமே இதனைப் பூர்த்தி செய்ய இயலும் எனவும் தெரிவிக்கப்பட்டது.
 அவ்வண்ணமே, தெய்வீக வழிகாட்டுதலின்படி தொடர்ந்து ஆலய திருப்பணி வேலைகள், ஸ்ரீ திக்ஷத்ர சகடபுரம், ஸ்ரீ வித்யா பீடத்தினால் மேற்கொள்ளப்பட்டு, பீடாதிபதி ஸ்ரீ வித்யாபி நவஸ்ரீ கிருஷ்ணானந்த தீர்த்தசுவாமிகளின் அருளாசியுடன் இனிது நிறைவேறியுள்ளது. மகான்கள் நினைத்தால் முடியாதது ஒன்றுமில்லை என்பது இதன் மூலம் அறியப்படுகின்றது.
 சங்கடஹர ஸ்ரீமங்கலமாருதி என்னும் பெயரில் 33 அடி உயரத்தில் விஸ்வரூப ஆஞ்சநேயர் சந்நிதியும், வலதுபுறம் ஸ்ரீ லஷ்மி நரசிம்மர் சந்நிதியும் இடதுபுறம் ஸ்ரீ சீதா, லட்சுமண, அனுமத் சமேத கோதண்டராமர் சந்நிதியும் பிரம்மாண்டமாக அமைக்கப்பட்டுள்ளது. ஆஞ்சநேய சுவாமி கிழக்கு நோக்கி கூப்பிய கரங்களுடன் அருள்பாலிக்கின்றார். தமது வாலினை வலது பாதத்தின் மேல் படரவிட்டு அதனில் மணியையும் கொண்டு விளங்குகின்றார். இதனால் நவக்கிரக தோஷங்கள் விலகுவதோடு பயந்த கோளாறுகள், பூத, பிரேத, பிசாசு, பில்லி சூனியம் போன்ற தீய சக்திகளிடமிருந்தும் நம்மை பாதுகாத்து அருளுவதாக ஐதீகம். இடையூறுகளையும், துன்பங்களையும் விளக்கி நன்மைகளை நாளும் அள்ளி வழங்கும் வள்ளலாகக் காட்சிதருகின்றார். சஞ்சீவி மலை கொணர்ந்த போது அதில் இருந்த மருத்துவ மூலிகைகளை தனது இடுப்பில் சொருகியவாறு காட்சி தருவதால் நோய் நொடிகளை நீங்கச் செய்து நல்ல தேக ஆரோக்கியம் அருளும் நாயகராகவும் அருள்பாலிக்கின்றார்.
 இத்தகைய சீரும் சிறப்பும் மிக்க மாருதி ஆலயத்தின் மகாகும்பாபிஷேக மகாசம்ப்ரோக்ஷண வைபவம், சகடபுரம் ஸ்ரீ ஆசார்ய மஹாசுவாமிகளின் அம்ருத கரங்களால் பிப்ரவரி 7 -ஆம் தேதி காலை 9 மணி அளவில் நடத்தப்படுகின்றது. இதனையொட்டிய பூர்வாங்க, ஹோமம், பூஜைகள், ஜனவரி 31 -ஆம் தேதி ஆரம்பமானது. பக்தர்கள் பெருமளவில் பங்கேற்று குருவருளும், திருவருளும் ஒருங்கே பெறுமாறு ஸ்ரீ திக்ஷத்ர சகடபுர - ஸ்ரீ வித்யா பீட ஸ்ரீ கார்யம் சந்திர மௌலீஸ்வரன் அழைக்கின்றார்.
 இத்திருத்தலம் கும்பகோணம் - மன்னார்குடி வழிதடத்தில் ஆலங்குடிக்கு அருகில் உள்ளது.
 தொடர்புக்கு: 9362132275 / 86101 28308.
 - இலக்கியமேகம் ந.ஸ்ரீநிவாஸன்
 

]]>
https://images.dinamani.com/uploads/user/imagelibrary/2020/2/7/w600X390/vm3.jpg https://www.dinamani.com/weekly-supplements/vellimani/2020/feb/07/மாருதியின்-மகாகும்பாபிஷேகம்-3351541.html
3351540 வார இதழ்கள் வெள்ளிமணி இயேசுவே..! எங்களுக்கு ஜெபிக்க கற்றுத் தாரும்! DIN DIN Friday, February 7, 2020 11:08 AM +0530 தொழுகை, பூஜை, ஜெபம், வேண்டுதல், கடவுளை வணங்குதல், தியானம், மந்திரம் சொல்லல், கடவுளுடன் பேசுதல், கடவுளுடன் தொடர்பு கொள்ளுதல் என்பவைகள் எல்லாம் இறைத்தொடர்பு கொள்ளுதலே ஆகும்.
 கண்களில் காணாத இறைவனை, சிலை வைத்தோ புனித பொருள்கள் வைத்தோ தொழுது கொள்கிறோம். முற்காலத்தில் பூஜைக்கு விளைபொருள்கள் படைத்து உணவுப் பொருள்களையும் விலை உயர்ந்த பொருள்களை வைத்தோ பணம், நகைகளை வைத்து வணங்கினர். மிருகங்களை பலியிட்டு வணங்கினர். தனி மனிதரோ, குடும்பமோ, ஊர் மக்கள் கோயிலில் கூடி, ஆலயத்தில் கூடி, பள்ளி வாசலில் கூடி ஜெபித்தனர். மலர்கள் கொண்டு அலங்காரம் செய்து வாசனை திரவியங்கள் கொண்டு வணங்கினர். தொழுதுகொண்டால் இறைவன் வணங்குபவரின் வேண்டுதலைக் கேட்கிறார்; பதில் அளிப்பார், வேண்டும் வரம் தருவார் என வேண்டி பெற்றுக்கொண்டனர்.
 எல்லா மக்களும் ஏதோ ஒரு முறையில் ஜெபித்தனர். இத்தொழுகை நிறைய பொருள் செலவும் மிக ஆயுத்தமும் உபவாசித்தல், காலம் நேரம் தவறாமல் அலங்காரத்துடன் ஜெபித்தனர். வசதி படைத்தோர் மிகச் சிறப்பாக தொழுகை செய்தனர். ஏழைகள், வசதியில்லாதவர்கள் தொழுகையில் அதிக ஈடுபாடு இல்லாமல் இருந்து வருகின்றனர். தொழுகையில் எப்படி பேச வேண்டும் என்பதற்கு மொழி, சட்டத்திட்டங்கள் வைத்தனர்.
 மத சமயத்தில் ஜெபம் ஒரு பிரதான இடம் பிடித்தது. படைப்பின் காலம் தொட்டு, தொழுகை மனிதரால் கடைப்பிடிக்கப்பட்டு வந்தது. தொழுகை எளிமையாக இல்லாமல் போயிற்று. இயேசு ஆண்டவர் காலத்தில் அவரின் பன்னிரண்டு சீடர்கள் இயேசுவிடம் ஜெபிக்க கற்றுத் தரும்படி வேண்டினர். இயேசு ஜெபம் ஒன்றை கற்றுத் தந்தார். இந்த ஜெபம் இன்று உலகெங்கும் ஜெபிக்கப்படுகிறது. இயேசு ஜெபிக்கக் கற்றுத் தந்த முறையாவது:
 அழைப்பு: பரமண்டலங்களிலிருக்கிற எங்கள் பிதாவே..! போற்றுதல்: உம்முடைய நாமம் பரிசுத்தப்படுவதாக. ஒப்புக்கொடுத்தல்: உம்முடைய அரசு வருவதாக. உம்முடைய சித்தம் பரமண்டலத்திலே செய்யப்படுவதுபோல, பூமியிலேயும் செய்யப்படுவதாக. விண்ணப்பம்: எங்களுக்கு வேண்டிய ஆகாரத்தை இன்று எங்களுக்குத் தாரும். மன்னிப்பு: எங்கள் கடனாளிகளுக்கு நாங்கள் மன்னிக்கிறது போல எங்கள் கடன்களை எங்களுக்கு மன்னியும். காப்பாற்றல்: எங்களைச் சோதனைக்குட்படப் பண்ணாமல் தீமையிலிருந்து எங்களை ரட்சித்துக் கொள்ளும். ஏற்றுக்கொள்ளுதல்: இறை அரசும் வல்லமையும் மகிமையும் என்றென்றைக்கும் உம்முடையவைகளே. அப்படியே கேட்டப்படி ஆகட்டும்: ஆமேன்.
 மேற்கண்ட ஜெபத்தை எங்கு வேண்டுமானாலும் முழங்காலில் நின்றோ, நின்றுக்கொண்டோ, வீட்டிலோ, ஆலயத்திலோ, நின்ற இடத்திலோ ஜெபிக்கலாம் என இயேசு இந்த ஜெபத்தை கற்றுத் தந்தார்.
 இந்த ஜெபம் ஆண்டவருடைய ஜெபம் (லார்ட் பிரேயர்) என்று உலகமெங்கும் ஜெபிக்கப்படுகிறது. யார் வேண்டுமானாலும் இந்த ஜெபத்தை சொல்லி இறைவனோடு பேசலாம்; தொடர்பு கொள்ளலாம். இவ்வெளிய வேண்டுதல், ஆடம்பரத்தையும், செலவினையும் கட்டுப்பாட்டையும் ஆசாரியர் மட்டும் ஜெபிக்கலாம், சொல்லலாம் என்று இல்லை; மனிதர் எவரும் ஜெபிக்க ஜெபத்தை எளிமை ஆக்கினார்.
 எந்த மொழியிலும் நமது சொந்த வேண்டுதல்களைச் சொல்லி இந்த ஜெபத்தை ஜெபிக்கலாம் என இயேசு நமக்கு உரிமை கொடுத்தார். ஜெபிப்பவர் வேண்டுதல் அளிக்கிறார். சுகமும் செல்வமும் செல்வாக்கும் செழுமையும் உயர்வு வசதிகளும் வேண்டுவோருக்கு இயேசு அளிக்கிறார்.
 - தே. பால் பிரேம்குமார்
 
 

]]>
https://images.dinamani.com/uploads/user/imagelibrary/2020/2/7/w600X390/JESUS.JPG https://www.dinamani.com/weekly-supplements/vellimani/2020/feb/07/இயேசுவே-எங்களுக்கு-ஜெபிக்க-கற்றுத்-தாரும்-3351540.html
3351537 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, February 7, 2020 11:05 AM +0530 • நோய்கள் பகைவர்களைப் போன்று மனிதஉடலைப் பற்றிக்கொண்டு அதை அழித்து வருகின்றன. மூப்பு என்ற புலி, மனித உடலின் மீது பாய்ந்து அதைத் தாக்கி வீழ்த்துகிறது. "எப்போது இதற்குள்ளே புகுந்து இதனை உடைமையாக்கிக் கொள்ளலாம்' என்று மரணம் உடலைக் கவனித்துக்கொண்டே இருக்கிறது.
- ஸ்ரீ ராமபிரான்
• ஒருவனுடைய ஒழுக்கமும் நன்னடத்தையும் அழிந்து போவதைவிட, மலையுச்சியிலிருந்து விழுந்து பாறைகளில் தாக்குண்டு உடல் மடிந்து போவதே சிறந்தது; அல்லது, விஷப்பாம்பின் வாயில் கையை விட்டு அதனால் கடிக்கப்பட்டு உயிரைத் துறப்பதே நல்லது; அல்லது, தீயில் விழுந்து சாவதே மேலானது.
- பர்துருஹரியின் நீதி சதகம்
• மதுவால் மயங்கியவன், அஜாக்கிரதையாக இருப்பவன், பைத்தியம் பிடித்தவன், தூங்குபவன், பெண், ஜடன், சரணமடைந்தவன், தேரிழந்தவன் ஆகியவர்களை தர்மம் அறிந்தவன் பகைவனாயினும் கொல்லமாட்டான்.
- ஸ்ரீ கிருஷ்ணன் அர்ஜுனனிடம் கூறியது
• புத்தியைத் தேரோட்டியாகக் கொண்டு, கடிவாளம் போன்ற மனதால் குதிரைகள் போன்ற ஐம்புலன்களை வெளி விஷயங்களிலிருந்து இழுத்துப் பிடித்து உள்
முகமாகச் செலுத்த வேண்டும்.
• கர்மவாசனைகளில் ஈர்க்கப்பட்ட மனதை மீண்டும் மீண்டும் புத்தியால் வசப்படுத்தி, பகவானுடைய மங்களரூபத்தில் நிலை பெறச் செய்ய வேண்டும்.
- சுகபிரம்மம் பரிட்சித்து மன்னனுக்குக் கூறிய அறிவுரை
• பரமாத்மாவாகவும், அனைத்திலிருந்தும் பிரிவற்ற பிரம்மமாகவும் நான் இருக்கிறேன். உண்மை இவ்விதம் இருக்கும்போது, பிரம்மாவையும் ருத்திரனையும் ஜீவராசிகளையும் என்னில் வேறாக அறிவிலிகள் கருதுகிறார்கள்.
- பகவான் ஹரி தட்சப்பிரஜாபதிக்குக் கூறியது
• சமுத்திரத்தை நோக்கி கங்கை ஓடுகிறது. அதுபோல், என் குணங்களைக் கேட்ட மாத்திரத்திலேயே எல்லோருடைய உள்ளத்திலும் உறைபவனாகிய என்னை நோக்கி மனதின் ஓட்டம் இடைவிடாமல் நிகழ வேண்டும். மேலும் அத்துடன் காரணமின்றி, இயற்கையாகவும், வேறு நாட்டமில்லாததாகவும், எந்த பக்தி புருஷோத்தமனிடம் உண்டோ அதுவே, நிர்க்குண பக்தியோகத்தின் லட்சணம் என்று கூறப்பட்டிருக்கிறது.
- ஸ்ரீபகவான் அருளியதாகக் கபிலர்
தன் தாயாகிய தேவஹுதிக்குக் கூறிய பக்தியோகம்
 

]]>
https://images.dinamani.com/uploads/user/imagelibrary/2020/1/24/w600X390/kamalanandhar.JPG https://www.dinamani.com/weekly-supplements/vellimani/2020/feb/07/பொன்மொழிகள்-தொகுப்பு-சுவாமி-கமலாத்மானந்தர்-3351537.html
3351535 வார இதழ்கள் வெள்ளிமணி மீள்வோரும் ஆள்வோர் ஆகலாம் DIN DIN Friday, February 7, 2020 11:03 AM +0530 தவறுவது, பழிதரும் இழி செயல்களில் ஈடுபடுவது, குற்றம் புரிவது மனித இயல்பு. தவறை, பழி பாவங்களை, குற்றத்தை உணர்ந்து அதனால் பாதிக்கப்பட்டவர்களிடம் மன்னிப்பு கோரி மன்னிப்பு பெறுவது பெற்றபின் அத்தீங்கினை யாருக்கும் செய்யாதிருப்பது சிறப்பு. அதுபோலவே அல்லாஹ்விடம் மன்னிப்பு கோரி திருந்தி பொருந்த வாழ்வது உயர்வு.
 இறைமறையின் 2-222 -ஆவது வசனம் நிச்சயமாக அல்லாஹ் வருந்தி பாவமன்னிப்பு கேட்டு மீள்கிறவர்களையும் தூய்மையாக இருப்பவர்களையும் நேசிக்கிறான் என்று கூறுகிறது. இவ்வசனம் குறிப்பிடும் மீள்கிறவர்கள் என்போர் மீண்டும் பாவம் செய்யாது தூய்மையாய் வாழ்வோர் ஆவர். அல்லாஹ்விடம் பாவமன்னிப்பு கேட்டு அப்பாவத்திலிருந்து மீள்வது இறைவனின் நெருக்கத்தைப் பெற்று தரும். பாவமன்னிப்பு கேட்கும் அடியார்களை அல்லாஹ் நேசிக்கிறான். அல்லாஹ்வின் நேசர்கள் நெருங்க மாட்டார்கள் பாவத்தை.
 6-54 -ஆவது வசனம் உங்களின் இறைவன் உங்களுக்கு அருள்புரிவதைத் தனக்கு கடமையாக்கிக் கொண்டான். உங்களில் எவரும் அறியாமையினால் பாவம் செய்து விட்டு பின்னர் அதற்காக வருந்தி நற்செயல்களைச் செய்தால் மன்னிப்பு மாறா கிருபையும் உடைய அல்லாஹ் மன்னிப்பான் என்று கூறுகிறது. அல்லாஹ் அடியானின் மன்னிப்பை ஏற்று முன்னுரிமை தருகிறான். பாவத்திலிருந்து மீண்டபின் பாவங்களை விட்டு விலகிவிட வேண்டும். மீள்வோர் மீண்டும் மீண்டும் செய்யும் பாவங்களை அல்லாஹ் மன்னிக்க மாட்டான் என்று தப்ஸீர் இப்னு கதீர் 409/ 4 விளக்கம் தருகிறது. மன்னிப்பு பெற்றபின் அப்பாவத்தின் அணு அளவும் அவனிடம் இல்லாதவாறு ஒதுங்கி விடவேண்டும்.
 முன்னருள்ள சமுதாயத்தினர் இறைவனிடம் மன்னிப்பு இறைஞ்சியவர்களை சமூகத்தில் அங்கத்தினராக அங்கீகரித்ததால் முன்னோடி சமூகமாக திகழ்ந்தனர். மன்னிப்பு பெற்றவர்களை மனித நேயத்துடன் மாண்புற நடத்தும் சமூகத்தை இறைவன் உயர்த்துகிறான். உலகத்தாருக்கு முன்மாதிரியாக ஆக்குகிறான். இதனையொட்டிய இரண்டாம் கலிபா உமர் இப்னு கத்தாப் (ரலி) அவர்களின் அறிவிப்பு. உங்களின் சகோதரர் யாரேனும் நெறி தவறிவிட்டால் அவரை நேரிய நெறியில் திருப்புங்கள். அவரை நீதிமானாக மாற்றுங்கள். அவர் மன்னிப்பு கேட்டு மீள அல்லாஹ்விடம் துஆ செய்யுங்கள். அவர் சாத்தானின் சதிக்கு ஆளாக அவரை விட்டு விடாதீர்கள். நூல்- தப்ஸீர் இப்னு கதீர் 128/ 7.
 நாமும் பாவம் செய்து பாவமன்னிப்பு கேட்டு பாவத்திலிருந்து மீள்வோரைப் புறக்கணிக்காது ஆதரித்து நன்மையானவற்றில் அவர்களைச் சேர்த்து அவர்களுக்கும் அவர்களின் உறவினர்களுக்கும் உற்ற உதவிகள் செய்ய வேண்டும்.
 கெட்ட பழக்கவழக்கங்களிலிருந்து மீள்வோருக்கு மறுவாழ்வு பயிற்சி மையங்களில் பயிற்சி அளித்து சிறந்த குடும்ப சூழலை உருவாக்கி தருவது சமூகத்தில் அவர்களுக்கு உரிய மதிப்பு கொடுப்பது அவர்கள் நல்வாழ்வு வாழ துணைபுரியும். சமூகத்தில் நற்செயல்புரியும் சாதனையாளர்களாக அவர்களும் மாறுவார்கள். இப்பொறுப்பு குடும்பத்திற்கும் சமூகத்திற்கும் ஒரு சேர உண்டு. குடும்பத்தில் குதூகலமாக இருக்க குடும்பத்தினர் உதவ வேண்டும். சமூகத்தில் சகலரோடும் சகஜமாக பழக சமூகம் வாய்ப்பு அளிக்க வேண்டும். இவ்வாறு நல்ல நட்பு அமையும். நல்ல நண்பர்களின் பழக்கம் நலவழியில் செயல்பட செய்யும்.
 மீள் வாழ்க்கையை உற்சாகமாக தொடங்குவர். சரியான பாதையில் சரியான செயல்களைச் சரியாக செய்வர். கடந்த கால பாவ வாழ்க்கையை மறப்பர். நன்மை செய்ய நாட்டம் கொள்வர். மனம் நல்லவற்றில் வலுவடையும். பயனுள்ள ஆளுமை அதிகரிக்கும். தன்னைத் தானே தகவமைத்துக் கொள்வர். நல்லதையே எதிர்நோக்குவர். ஊர் நலம் நாட்டு நலம் என்று அவர்களின் கண்ணோட்டம் பரவலாகும். நாட்டின் வளர்ச்சியில் நாட்டம் கொண்டு நல்லதையே செய்வர்.
 பாவத்திவிருந்து மீள்வோரை வரவேற்று அரவணைத்து அவர்களின் புதிய மலரும் வாழ்விற்கு வழிவகை செய்ய வேண்டும். தொடர்ந்து ஊக்கம் ஊட்டி ஆக்க பணிகளில் ஆர்வம் கொள்ள ஆவன செய்ய வேண்டும். இயன்ற உதவிகளைச் செய்து அவர்கள் முயன்று முன்னேற சமூகம் ஒருங்கிணைந்து ஒத்துழைப்பு நல்க வேண்டும்.
 நம் இந்திய நாடு உட்பட உலகில் உள்ள அனைத்து நாடுகளும் போதை பழக்கத்திலிருந்து மீண்டு மறுவாழ்வு பெறும் மையங்களை அமைத்து நடத்துகின்றன. பிற சமூக குற்றங்கள் பழிபாவ இழி செயல்களில் ஈடுபடாது தடுத்து பாடுபட்டு உழைத்து உண்ணும் உயரிய வாழ்விற்கு உரிய பயிற்சி தரும் மறுவாழ்வு மையங்கள் பரவலாக அமைக்கப்பட வேண்டும். அம்மையங்களில் பன்முக தன்மையுடன் நன்மை புரியும் நற்பயிற்சிகளில் பழக்கப்படுத்த வேண்டும். இத்தகு பயிற்சி மையங்களைச் சிறைகளில் நிறுவி குற்றவாளிகளும் குறையுடையோரும் நிறை வாழ்வு வாழ முறையான பயிற்சி கொடுக்கலாம். இதனால் மீள்வோரும் ஆள்வோர் ஆகலாம்.
 - மு.அ. அபுல் அமீன்
 
 

]]>
https://images.dinamani.com/uploads/user/imagelibrary/2020/2/7/w600X390/vm2.jpg https://www.dinamani.com/weekly-supplements/vellimani/2020/feb/07/மீள்வோரும்-ஆள்வோர்-ஆகலாம்-3351535.html
3351534 வார இதழ்கள் வெள்ளிமணி கைலாயபதியின் கணக்காயர்! DIN DIN Friday, February 7, 2020 11:02 AM +0530 கும்பகோணத்திலிருந்து சென்னைக்குச் செல்லும் மார்க்கத்தில் திருப்பனந்தாளுக்கு அருகில் உள்ளது தற்போது சேங்கனூர் என்றழைக்கப்படும் ‘சேய்ஞலூர்' கிராமம். பண்டைய சோழ மன்னர்கள் முடிசூட்டிக்கொள்ளும் பழைமை வாய்ந்த நகரங்கள் ஐந்தில், இச்சிவத்தலமும் ஒன்றாகத் திகழ்ந்துள்ளது. தல வரலாற்றுப் பெருமையின்படி, "சேய் அடைந்த சேய்ஞலூர்" (சேய் = குழந்தை). முருகவேளை ‘சேய்' என்ற சொல் குறிக்கிறது) என்று திருஞானசம்பந்தப்பெருமான் இத்திருத்தலத்தை வருணித்திருக்கிறார். இத்தலம் மண்ணியாற்றின் தென்கரையில் அமைந்துள்ள அற்புத சிவத்தலம்.
 சூரனை சம்ஹாரம் செய்வதற்கு தன்னை தயார்படுத்திக் கொள்வதற்காக, இத்தலத்து உமையொருபாகன் சிவனாரை வழிபட்டு, "சர்வசங்காரப் படைக்கலத்தை' பெற்றதாகவும்; சிபிச்சக்கரவர்த்தி, ராஜா அரிச்சந்திரன் ஆகியோர் இந்த சிவபிரானை வழிபட்டு, தன் வினை தீர்ந்ததாகவும் இத்தல வரலாறு கூறுகிறது. இத்தலத்திற்கு சத்தியகிரி, குமாரபுரி, சண்டேஸ்வரபுரம் என்ற பெயர்களும் உண்டு. இத்துடன் வைணவ பெரியவரான, பெரியவாச்சான் பிள்ளை அவதரித்த திருத்தலம்.
 இந்த ஊரில் அந்தணர் குலத்தில் பிறந்த விசாரசர்மா, ஊரிலுள்ள பசுக்களை காக்கும் பணியை தானே விரும்பி ஏற்றுக் கொண்டார். அந்த மாடுகளை மேயவிட்டு விட்டு, மண்ணியாற்று மணல் திட்டில் மணலால் சிவலிங்கத்தை அமைத்து; பசுவின் பாலை கறந்தெடுத்து சிவபஞ்சாட்சரத்துடன் தந்தை கற்றுக் கொடுத்த மந்திரங்களை ஓதி, தான் அமைத்த மணல் லிங்கத்திற்கு அந்த பாலை அபிஷேகம் செய்து வந்தார்.
 இவரது பக்தியை உணராத ஊர் மக்கள் சிலர், "இப்படி பாலை கறந்து மணலில் கொட்டி வீணாக்குகிறானே!' என்று அவரது தந்தையிடம் முறையிட்டனர். ஊரார் சொன்னது சரியே என வெகுண்டெழுந்து, அவனை அடித்துக்கேட்க; ஆழ்ந்த சிவ தியானத்தில் இருந்த விசார சர்மா கண்களை மூடி தன்னை மறந்த நிலையிலிருந்ததால் கோபமுற்ற அவனது தந்தை, அங்கு சிவனுக்காக கறந்து வைத்திருந்த பாலை தன் காலால் எட்டி உதைத்தார். "சிவாபராதம் செய்தவனை கொல்லாமல் விடேன்' எனக்கோபமுற்று; அங்கிருந்த ஒரு கோலை எடுத்து மந்திர உச்சாடனம் செய்து தன் தந்தை மீது ஏவினார். கோல் கோடாரியாக மாறி, தந்தையின் காலை வெட்டியதோடு அவரது உயிரையும் பறித்தது.
 அக்கணமே, வானில் பேரொளியுடன் காளையில் மேல் உமாதேவியுடன் கையாலயபதி தோன்றி, "இனி என் அடியார்க்கெல்லாம் நீயே தலைவன் ஆவாய்; அத்துடன் எனக்கு படைக்கப்படும் உணவு, உடை, சூடிய மாலைகள் அனைத்தும் உமக்கு உரிமையாகும்' என அருளினார். பின் தன் முடியிலுள்ள கொன்றை மலர் மாலையை தன் கரத்தால் அவனுக்கு அணிவித்து "சண்டீச பதவியை" அளித்தார்.
 சண்டம் என்றால் கோபம்; அதாவது ருத்ரருடைய கோப அம்சத்தில் உதித்தவர், ஆதலால் சண்டேஸ்வரர் எனப்பெயர் பெற்றார். விசார சர்மா சிவனால் ஆசீர்வதிக்கப்பட்டு சண்டேஸ்வர நாயனார் என்றும் அழைக்கப்படுகிறார். சிவனுக்கு படைக்கப்படும் அனைத்துப் பொருள்களும் இவரது பெயரால் கணக்கு வைக்கப்படுகின்றது. சிவாலயங்களில், சிவபெருமானின் கருவறை அமைந்திருக்கும் பகுதியின் இடப்பாகத்தில் இவருடைய சந்நிதி அமைக்கப்படுகிறது. பஞ்ச மூர்த்தி உலாவின் பொழுது சிவாலயங்களிலிருந்து இவருடைய உற்வசர் சிலையும் ஊர்வலமாக எடுத்து வரப்படுகிறது.
 ‘சிவன் சொத்து குலநாசம்' என்பதால் நாம் கடவுளை வணங்கி வெளியேறும் போது இவரிடம் சென்று நான் எந்தப்பொருளையும் இங்கிருந்து எடுத்துச் செல்லவில்லை என்பதை தெரிவிக்கவே கடைசியாக, இவர் சந்நிதி சென்று நம் கையினை காண்பித்து வணங்கி விடைபெறவேண்டும். இவர் எப்போதும் சிவதியானத்திலேயே இருப்பதால் கூச்சல் போட்டோ, கையை தட்டி ஒலியெழுப்பியோ நம் வருகையை சொல்லக்கூடாது; நம் ஆடை நூல்களை அவர் மேல் போடக்கூடாது.
 சிவபக்தர்களில் முதன்மையானவரும், சிவபெருமானின் பிரதிநிதியானவருமான சண்டிகேஸ்வரரை வில்வ இலை கொண்டு மாலைகள் சூட்டி வழிபட்டால் வாழ்வில் அனைத்து வளங்களும் பெறலாம். சிவனின் மெய்க்காவலர் நந்தி என்றால், "கைலாயபதியின் கணக்காளர்' சண்டிகேஸ்வரர் ஆவார். யோக நிலையில் அமர்ந்துள்ள இவரை வணங்கினால்; நல்ல பேச்சுத்திறனுடன், நினைவாற்றலும் பெருகும். இவரை நம்பிக்கையுடன் அணுகி தொலைந்து போன பொருட்களை மீட்க வேண்டினால், தொலைந்த பொருட்கள் மட்டுமின்றி, நம் மனநிம்மதியும் திரும்பக்கிட்டும்.
 எதிர்வரும், பிப்ரவரி-12- ஆம் தேதி (தை, உத்திரம்) இவரது அவதாரத் தலமான சேங்கனூரில் குருபூஜை விசேஷமாகக் கொண்டாடப்படுகிறது. சத்யகிரிநாதர் ஆலயத்தில் இவருக்கு கோஷ்டத்தை தவிர ஈசான்ய பாகத்தில் பிரத்யேக தனி சந்நிதி உள்ளது. அன்று பஞ்சமூர்த்திகளுக்கும் அபிஷேக ஆராதனை செய்விக்கப்பட்டு, சண்டேச நாயனாரின் உற்சவமூர்த்தி அலங்காரத்துடன் பிரகார வலம் நடைபெறவுள்ளது.
 தொடர்புக்கு: 09345982373 / 63812 29485.
 - எஸ். எஸ். சீதாராமன்
 

]]>
https://images.dinamani.com/uploads/user/imagelibrary/2020/2/7/w600X390/vm1.jpg https://www.dinamani.com/weekly-supplements/vellimani/2020/feb/07/கைலாயபதியின்-கணக்காயர்-3351534.html
3351532 வார இதழ்கள் வெள்ளிமணி ஆயுள் பற்றிய ஜெய்மினி சூத்திரம் DIN DIN Friday, February 7, 2020 11:00 AM +0530 • லக்னாதிபதியும் எட்டாமதிபதியும் சர ராசியிலிருந்தால் பூர்ணாயுள். 
• லக்னாதிபதி சர ராசியிலும்; எட்டாமதிபதி உபய ராசியிலும் இருந்தால் மத்திமாயுள். 
• லக்னாதிபதி சர ராசியிலும்; எட்டாமதிபதி ஸ்திர ராசியிலும் இருந்தால் மத்திமாயுள். 
• லக்னாதிபதி ஸ்திர ராசியிலும்; எட்டாமதிபதி சர ராசியிலும் இருந்தால் மத்திமாயுள். 
• லக்னாதிபதி ஸ்திர ராசியிலும் எட்டாமதிபதி ஸ்திர ராசியிலும் இருந்தால் மத்திமத்திற்கும் குறைவான ஆயுள். 
• லக்னாதிபதி லக்னத்தில் இருந்தாலோ அல்லது லக்னத்தைப் பார்த்தாலோ பூர்ணாயுள். 
• லக்னாதிபதி ஸ்திர ராசியிலும் எட்டாமதிபதி உபய ராசியிலும் இருந்தால் தீர்க்காயுள். 
• லக்னாதிபதி உபய ராசியிலும் எட்டாமதிபதி ஸ்திர ராசியிலும் இருந்தால் பூர்ணாயுள். 
• லக்னாதிபதியும் எட்டாமதிபதியும் கேந்திரம் அல்லது திரிகோணத்தில் சுபக்கிரகத்தால் பார்க்கப்படின் தீர்க்காயுள். 
• எட்டாமதிபதி உச்சம், எட்டாமதிபதி சுபக்கிரகச்சேர்க்கை, எட்டாமதிபதி அதன் சொந்த வீட்டில் இருந்தாலும்; கேந்திரம் அல்லது திரிகோணத்தில் இருப்பினும் தீர்க்காயுள். இவற்றை அசுப கிரகங்கள் பார்க்கக்கூடாது. 
• பத்தாமதிபதி, லக்னாதிபதி மற்றும் எட்டாமதிபதி இவர்கள் பதினொன்றில் அல்லது கேந்திர திரிகோண ராசிகளில் இருந்தால் தீர்க்காயுள். 
• பலமான லக்னம், லக்னாதிபதி மேலும் எட்டாமதிபதி இவர்கள் நல்ல இடத்தில் இருந்தாலும் அசுபக் கிரகங்களின் பார்வை படாமலும் இருந்தால் தீர்க்காயுள். 
• பலமில்லாத லக்னம், லக்னாதிபதி மற்றும் எட்டாமதிபதி குறையுள்ள ஆயுள். 
• எல்லா கிரகங்களும் கேந்திரகங்களில் இருந்தால் பூர்ணாயுள்.
- கே.சி.எஸ். ஐயர்

]]>
https://www.dinamani.com/weekly-supplements/vellimani/2020/feb/07/ஆயுள்-பற்றிய-ஜெய்மினி-சூத்திரம்-3351532.html
3351531 வார இதழ்கள் வெள்ளிமணி நிகழ்வுகள் (07/02/2020) DIN DIN Friday, February 7, 2020 10:58 AM +0530 கும்பாபிஷேகம் / சம்ப்ரோக்ஷணம்
 தஞ்சாவூர் மாவட்டம், பாபநாசம் தாலுக்கா, சாலியமங்கலம் கிராமத்தில் அருள்பாலித்து வரும் ஸ்ரீ சிவகாம சுந்தரி சமேத ஸ்ரீ சிதம்பரேஸ்வரர் சுவாமி ஆலயத்தில் பல்வேறு திருப்பணி வேலைகள் மேற்கொள்ளப்பட்டு முடிவடைந்த நிலையில் பரிவார மூர்த்திகளுக்கு மகா கும்பாபிஷேகம், பிப்ரவரி 12 -ஆம் தேதி நடைபெறுகின்றது. யாக சாலை பூஜைகள் பிப்ரவரி 10 -இல் ஆரம்பமாகிறது. சாலியமங்கலம், பாகவதமேளா நாட்டிய நாடகங்களுக்கு பிரசித்த பெற்ற ஊராகும்.
 தொடர்புக்கு: 94433 83581 / 98451 07667.
 திருவாரூர் மாவட்டம், நன்னிலம் வட்டம், 19- கொட்டூர் வேதநாயகி அம்பிகா சமேத ஸ்ரீவேதபுரீஸ்வரர் ஆலய புனராவர்த்தன மகாகும்பாபிஷேகமும், கிராமத்தில் உள்ள ஸ்ரீ விநாயகர், பீடாபஹாரி அம்மன், செல்லியம்மன், ஸ்ரீமன்மத சுவாமி ஆலயங்களுக்கு கும்பாபிஷேகமும் பிப்ரவரி 12 -ஆம் தேதி நடைபெறுகின்றது. அன்றிரவு திருக்கல்யாண உத்சவமும், திருவீதியுலாவும் நடைபெறுகின்றது. யாகசாலை பூஜைகள் பிப்ரவரி 10 -ஆம் தேதி ஆரம்பமாகிறது.
 தொடர்புக்கு: 99427 43740 / 98420 91648.
 செங்கற்பட்டு மாவட்டம், நெ: 67 கொண்ட மங்கலம் கிராமத்தில் உள்ள அருள்மிகு பிராணாம்பிகை உடனாகிய ஈசான்ய தர்பாரண்யேசுவரர் திருக்கோயிலில் முதலாம் ஆண்டு நிறைவு விழா மற்றும் அருள்மிகு விநாயகர் மங்கலமுருகன், நந்தியெம்பெருமான் புதிய திருமேனிகள் நிறுவியும், சனிபகவானுக்குத் தனி சந்நிதி அமைத்தும் திருக்குட நன்னீராட்டு பெருவிழா, பிப்ரவரி 9 -ஆம் தேதி நடைபெறுகின்றது. இதனையொட்டிய வேள்விகள், பூஜைகள், பிப்ரவரி 8 -ஆம் தேதி தொடங்குகிறது.
 தொடர்புக்கு: 96882 92283/ 97103 40623.
 திருவாரூர் மாவட்டம், வடுவூர் அருள்மிகு கோதண்டராமஸ்வாமி திருக்கோயில் மஹாசம்ப்ரோக்ஷண வைபவம், பிப்ரவரி 7 -ஆம் தேதி காலை 9.00 மணி அளவில் நடைபெறுகிறது. தட்சிண அயோத்தி என்றும், வகுளாரண்ய ஷேத்திரம் என்றும் இத்தலம் சிறப்பித்து அழைக்கப்படுகின்றது.
 தொடர்புக்கு: 04367 - 267110.
 பிரதிஷ்டாதின விழா / சம்வத்ஸர அபிஷேகம்
 செங்கற்பட்டு மாவட்டம், மதுராந்தகம் அருகில் உள்ள திருமறைப்பாக்கம் என்கிற மொறப்பாக்கம் கிராமத்தில் உள்ள பழைமையான ஸ்ரீபெருந்தேவி தாயார் சமேத ஸ்ரீ பிரசன்ன வரதராஜப் பெருமாள் திருக்கோயிலில் பிரதிஷ்டாதின உற்சவம் பிப்ரவரி 7 (தை }புனர்பூசம்) -ஆம் தேதி, மூலவர், உற்சவர், திருமஞ்சனம் தாயார் உட்புறப்பாடு, ஊஞ்சல் சேவை போன்ற வைபவங்களுடன் நடைபெறுகின்றது.
 தொடர்புக்கு: 77088 32658 / 73973 28855.
 செங்கற்பட்டு மாவட்டம், மதுராந்தகம் தாலுக்கா, ஜானகிபுரம் - அரையப்பாக்கம் நடுவில் உள்ள சர்வசக்திபுரம் அருள்மிகு சர்வசக்தி கருமாரி அம்மன் கோயிலில் பிப்ரவரி 7 -ஆம் தேதி, ஐந்தாம் ஆண்டு சம்வத்ஸர அபிஷேக வைபவம் 108 கலசாபிஷேகம், பூஜைகளுடன் நடைபெறுகின்றது. மேலும் அன்று மதியம் சிறிய சுவர்ணலிங்க பிரதிஷ்டை மற்றும் கும்பாபிஷேகமும் நடைபெறுகின்றது.
 தகவல்களுக்கு: 98402 86246 / 98840 57507.
 நவசண்டி மகாயாகம்
 திருவாரூர் மாவட்டம், குடவாசல் வட்டம், சித்தாடி ஸ்ரீ காத்தாயி அம்மன் ஆலயத்தில் உலக நன்மையை முன்னிட்டு நவசண்டி மகாயாக வைபவம் பிப்ரவரி 5-ஆம் தேதி கொடியேற்றத்துடன் துவங்கியது. நடைபெற உள்ள நிகழ்வுகள்: பிப்ரவரி 7 - பால்குடம் எடுத்தல், சந்தனகாப்பு அலங்காரம், தேவி சப்தசதீபாராயணம், குத்து விளக்கு பூஜை, அம்பாள் ஆலய உலா, பிப்ரவரி 8 - மகா சண்டி ஹோமம், கன்யா, சுவாசினி வடுகபூஜை, புஷ்பாஞ்சலி, நாதஸ்வர இன்னிசை, பிப்ரவரி 9 - உத்ஸவயாகம், அம்மன் புறப்பாடு, முடிகொண்டான் ஆற்றில் தீர்த்தவாரி, பச்சை போடுதல், கொடியிறக்கம்.
 தொடர்புக்கு: 8056159201.
 தைப்பூசப்பெருவிழா
 திருவாரூர் மாவட்டம், எண்கண் அருள்மிகு சுப்பிரமணிய சுவாமி திருக்கோயிலில் தைப்பூசப் பெருவிழா தற்போது நடைபெற்று வருகின்றது. முக்கிய நிகழ்வுகள்: பிப்ரவரி 7 - திருத்தேர், பிப்ரவரி 8 - விருத்தகாவிரியில் தீர்த்தவாரி - பிப்ரவரி 9 - வன்னிமரத்தடியில் ஸ்ரீ சண்முகநாதப் பெருமான் சிம்மவர்ம அரசனுக்கு காட்சியளிக்கும் விழா.
 தொடர்புக்கு: 04366- 278531 / 94884 15137.
 கோயம்புத்தூர் மாவட்டம், மேட்டுப் பாளையம் வட்டம், தேக்கப்பட்டி கிராமம் குருந்தமலை அருள்மிகு குழந்தை வேலாயுத சுவாமி திருக்கோயிலில் தைப்பூசத் திருத்தேர் பெருந்திருவிழாவை முன்னிட்டு நடைபெறும் நிகழ்வுகள்: பிப்ரவரி 7 - திருக்கல்யாண உற்சவம், பிப்ரவரி 8 - திருத்தேர், பிப்ரவரி 9 - பரிவேட்டை உற்சவம், பிப்ரவரி 10 - தெப்பத்திருவிழா, பிப்ரவரி 11 - சந்தனக்காப்பு உற்சவம்.
 தொடர்புக்கு: 85268 49060.
 தஞ்சை மாவட்டம், கும்பகோணம் வட்டம் திருச்சேறை அருள்மிகு சாரநாதப்பெருமாள் திருக்கோயிலில் தற்போது தைப்பூசத் திருத்தேரோட்டப் பெருவிழா நடைபெறுகின்றது. முக்கிய நிகழ்வுகள்: பிப்ரவரி 7 - வெண்ணைத்தாழி உற்சவம், குதிரைவாகன வீதியுலா, பிப்ரவரி 8 - மூலவர் தங்க கவச அங்கிசேவை, தீர்த்தவாரி, திருத்தேர், பிப்ரவரி 9 - துவாதச ஆராதனை சப்தாவர்ணம், பிப்ரவரி 15 - தெப்ப உற்சவம்.
 தொடர்புக்கு: 0435 - 2468001
 சிவாலய ஓட்டம்
 சென்னை குரோம்பேட்டை, அஸ்தினாபுரம் பகுதியில் உள்ள சிவகாமி நகரிலிருந்து வருடந்தோறும் நடைபெறும் "சிவாலய ஓட்டம்', இவ்வாண்டு, தொடர்ந்து 13 -ஆம் ஆண்டு ஓட்டமாக காஞ்சி மாவட்டம் சித்தாமூர் ஒன்றியத்திற்கு உட்பட்ட பழைமையான சிவாலயங்களை பிப்ரவரி 21 -ஆம் தேதி சிவராத்திரி இரவு முழுவதும் தரிசிக்க ஏற்பாடு செய்யப்பட்டுள்ளது. பங்கேற்பவர்கள் முன்னதாக தங்கள் பெயர்களை பதிவு செய்து கொள்ள வேண்டும்.
 தொடர்புக்கு: கண்ணன்- 98410 20857/ 98841 71166.
 
 

]]>
https://www.dinamani.com/weekly-supplements/vellimani/2020/feb/07/நிகழ்வுகள்-07022020-3351531.html
3351530 வார இதழ்கள் வெள்ளிமணி பலன் தருவார் சனிபகவான்! Friday, February 7, 2020 10:56 AM +0530 சனிபகவானிடமிருந்து வரும் சக்தி அலைகள் மாந்தர்கள் நீதி, நேர்மை, சத்தியம், அன்பு, அகிம்சை, பண்பு, பக்திக்கு விரோதமான காரியங்களைச் செய்தால் அவர்களுக்கு பலவிதமான இடையூறுகளையும் கஷ்டங்களையும் நஷ்டங்களையும் துன்பங்களையும் தீமைகளையும் உண்டாக்குகிறது.
 எப்படி தங்கத்தை சுத்தியால் அடித்து ஆபரணமாக்குகிறார்களோ, அதுபோல நமது வினைகளுக்கேற்ப கஷ்டங்களைக் கொடுத்து நம்மை தங்க ஆபரணம் போல் சனிபகவான் மாற்றுகிறார்.
 வலி வந்த பின்பே வழி பிறக்கும் என்பது சனிபகவானுக்குப் பொருந்தும்.
 ஜீவாத்மாவை பரமாத்மாவுடன் இணையச் செய்வதில் சனிபகவானின் பங்கு குறிப்பிடத்தக்கது என்பதையும் மறுப்பதற்கில்லை. நாம் சனி தசையில் நடக்கும் அனுபவங்களைக் கொண்டே வாழ்க்கைப் பாடங்களைக் கற்றுக் கொள்கிறோம். ஒன்பது கிரகங்களில் தனித்து நின்று, தான் கொடுக்க வேண்டிய பலன்களைக் கொடுக்கும் திறன் பெற்றவர் சனிபகவானாவார் என்றால் மிகையாகாது.
 

]]>
https://www.dinamani.com/weekly-supplements/vellimani/2020/feb/07/பலன்-தருவார்-சனிபகவான்-3351530.html
3346492 வார இதழ்கள் வெள்ளிமணி பொன்மொழிகள்! சுவாமி கமலாத்மானந்தர் DIN Saturday, February 1, 2020 08:05 PM +0530 -நன்மை, தீமை ஆகிய இரண்டையும் நன்கு ஆராய்ந்து சீர்தூக்கி முடிவு செய்பவனே ஞானி.    
-  புத்தர்

-சுவையறிவற்ற காக்கை, வேப்பங்கனியைக் கொத்தும். சுவையறிவுடைய குயிலோ மாம்பூக்களை உண்ணும். அதைப்போல துர்ப்பாக்கியசாலி வறட்டு ஞானத்தைச் சுவைப்பான். பாக்கியசாலி கிருஷ்ணபக்தி என்ற அமிர்தத்தைப் பருகுவான்.
- கிருஷ்ண சைதன்யர்

-மேகம் இல்லாத ஆகாயத்தில் சூரியன் பிரகாசிக்கிறது. அது போன்று, ஆத்மாவை அனுபவ ஞானம் என்ற  சூட்சுமக்கண்களால்தான் அறிய முடியும்.    
- திரிபுர ரகஸ்யம்

-கிருதயுகம், திரேதாயுகம், துவாபரயுகம், கலியுகம் என்னும் நான்கு யுகங்களிலும், கலியுகமே மிகவும் உயர்ந்தது! ஏனென்றால், கலியுகத்தில் மட்டும்தான் பகவானே நம்மைத் தேடி வருகிறான். மற்ற மூன்று யுகங்களிலும், நாம்தான் பகவானைத் தேடிச் செல்ல வேண்டியிருந்தது.

-கலியுகத்தில், "பசி' என்று ஒருவர் கையேந்தி நின்றால், உடனே உணவு கொடுத்துவிடுங்கள்! ஏனெனில் அவ்விதம் கேட்டவர் என் ஸ்ரீ ராமனாகவே இருக்கலாம்.

-"பணமில்லை' என்று கேட்டால் உடனே பணம் கொடுத்துவிடுங்கள். ஏனெனில், அவ்விதம் கேட்பது என் பிரபு ஸ்ரீ ராமனாகவே இருக்கலாம்.

-"உடுக்க உடையில்லை' என்று கேட்டால், நீங்கள் அணிந்திருக்கும் உடையே  ஆனாலும்கூட, உடனே கொடுத்துவிடுங்கள். ஏனெனில், அவ்விதம் கேட்பது என் ஐயன் ஸ்ரீ ராமனாகவேகூட இருக்கலாம்.

-கலியுகத்தில், எந்த உருவத்தில், எப்போது பிரபு ஸ்ரீ ராமன் நமக்குத் தரிசனம் தருவான் என்று சொல்ல முடியாது! அவசரப்பட்டு, கிடைக்கும் அரிய சந்தர்ப்பத்தை இழந்துவிடாதீர்கள்.
- துளசிதாசர்

-துறவிகளையும், ஆச்சார அனுஷ்டானங்களால் உயர்ந்த சான்றோர்களையும், இடைவிடாமல் இறைவனைப் பற்றியே சிந்தித்திருப்பதால் ஆத்மபலம் பெற்ற ஞானிகளையும், தாய் தந்தையரையும், நமக்கு கல்வி கற்றுத் தரும் குருமார்களையும், வயதிலும் அனுபவத்திலும் முதிர்ந்த பெரியோர்களையும் எங்கு கண்டாலும், எப்போது கண்டாலும், உடனுக்குடன் அவர்களை நமஸ்கரித்து, அவர்களது ஆசிகளைப் பெற வேண்டும். அவர்களின் ஆசிகள் எத்தகைய ஆபத்து நம்மை சூழ்ந்த போதிலும் என்றும் நம்மை காப்பாற்றும்.
- ஸ்ரீமத் பாகவதம்

-விட்டில் பூச்சி தீபத்தின் ஒளியினால் ஈர்க்கப்பட்டு, அதில் வீழ்ந்து மடிகிறது. தூண்டிலில் உள்ள சிறிய புழுவிற்கு ஆசைப்பட்டு மீன், அந்தத் தூண்டிலில் அகப்பட்டு உயிரை இழக்கிறது. வேடன் வைக்கும் பொறியில் உள்ள இரைக்கு ஆசைப்பட்டு, பலம் வாய்ந்த புலியும் கூண்டிற்குள் அகப்பட்டு, அந்த வேடனிடம் சிக்கிக்கொள்கிறது. 

அதுபோன்று, விவேகமும் மனஉறுதியும் இல்லாத மனிதர்கள், தங்கள் இந்திரியங்களின் வசப்பட்டு, மது, மங்கை, செல்வம் ஆகிய கொடிய விஷயங்களுக்கு ஆசைப்பட்டு, பல பாவங்களைச் செய்து, தங்களது பிறவியை வீணடித்து மடிகின்றனர்.

- தர்ம சாஸ்திரம்

]]>
https://images.dinamani.com/uploads/user/imagelibrary/2020/2/1/w600X390/vm3.jpg https://www.dinamani.com/weekly-supplements/vellimani/2020/feb/01/பொன்மொழிகள்-3346492.html
3346490 வார இதழ்கள் வெள்ளிமணி பொருநை போற்றுதும்! - 78 Saturday, February 1, 2020 08:00 PM +0530 நெல்லையின் மேற்குப் பகுதியில் இருப்பது பேட்டை. இங்குதான், வேற்றூர்கள் பலவற்றிலிருந்து வருகிற வணிகச் சரக்குகள் சேகரமாகும் என்று ஏற்கெனவே பார்த்தோம். வணிகம் நடைபெறுகிற பகுதி "பேட்டை' என்றழைக்கப்பெறும். இதுவே, இந்தப் பகுதியின் பெயருக்கும் காரணமாயிற்று. பேட்டைக்கு அருகில் பாண்டியபுரமும் மங்கைநகரமும் உண்டு. 7-ஆம் நூற்றாண்டுக்காலத்தில், பாண்டிய மன்னரான நின்றசீர் நெடுமாறர், நெல்லைப் பகுதிக்கு விஜயம் செய்து, கோயில் திருப்பணிகளையும் ஆற்றினார். நின்றசீர் நெடுமாற பாண்டிய மன்னர் வந்தபோது, ஊர்மக்கள் அவரை எதிர்கொண்டழைத்து மரியாதை செய்த இடமே பாண்டியபுரம்ஆனது. மன்னரின் திருவாட்டி, மங்கையர்க்கரசியார் என்னும் பெருமாட்டி.

அரசியான அவரின் பெயரால் மங்கை நகரம் அமைந்தது. காலப்போக்கில், மங்கைநகரம் என்பது திருமங்கைநகர் ஆனது. நின்றசீர் நெடுமாறர், அரசி மங்கையர்க்கரசியார் ஆகிய இருவருமே அறுபத்து நாயன்மார்களில் அடங்குவர்.

நெல்லையின் வடக்குப் பகுதியில் தச்சநல்லூர். சொல்லப்போனால், சாலை மார்க்கமாகச் சென்றால், நெல்லையின் நுழைவாயில் தச்சநல்லூர் எனலாம். கோயில் திருப்பணி செய்த நின்ற சீர் நெடுமாறர், அதற்காகத் தச்சுப் பணி செய்பவர்கள் பலரை இங்குக் குடியேற்றினாராம். தச்சர்கள் வாழ்ந்ததால், இது தச்சநல்லூர்.

திருநெல்வேலியில் திருப்பதி

நெல்லையின் தெற்குப் பகுதியில் திருவேங்கடநாதபுரம். திருமால் அடியார்கள் தாங்கள் வணங்கும் வேங்கடேசப் பெருமாளின் பெயரால் இப்பகுதியை வேங்கட நாதபுரம் ஆக்கினார்கள் என்று சிலரும், மதுரை நாயக்க மன்னர்களின் பிரதிநிதியாக நெல்லையை ஆண்ட திருவேங்கடநாதன் (வேங்கடப்ப நாயக்கர்) என்பவரின் பெயர் சூட்டப்பட்டது என்று சிலரும் கூறுகிறார்கள். உண்மையில், திருவேங்கட நாதபுரம் என்பது மேலத் திருவேங்கடநாதபுரம் என்றும் கீழத் திருவேங்கடநாதபுரம் என்றும் இரு பகுதிகளாக இருக்கிறது. கீழத் திருவேங்கடநாதபுரம் சற்றே வடக்காக இருக்கிறது; வரதராஜப் பெருமாள் கோயில் ஒன்று இங்குள்ளது. மேலத் திருவேங்கடநாதபுரத்தில், "ஸ்வேத வராஹ மலை' என்றழைக்கப்படுகிற குன்றின்மீது, அருள்மிகு வேங்கடேசப் பெருமாள் கோயில் கொண்டுள்ளார். வேத வியாசரின் பிரதான சிஷ்யர்களில் ஒருவரான பைலர், பொதிகைக்கும் பொருநைக்கும் úக்ஷத்ராடனம் வந்தாராம். பொருநைக் கரையில் ஸ்ரீநிவாசத் தீர்த்தத்தில் (இப்போது கோயில் இருக்கும் இடத்திற்குச் சற்றுத் தொலைவில் என்கிறார்கள்) ஸ்ரீநிவாசரைத் துதித்துக்கொண்டே நீராடியபொழுது, பெருமாள் அசரீரியாக ஆசி வழங்கினாராம். பைலருக்கு வருத்தம்.

கண்ணுக்கெதிரில் காட்சி கொடுக்கக்கூடாதா என்று பைலர் பலவாறாக வேண்ட, ஆற்றுப் பாறைகளில் தம்மைக் கண்டுபிடிக்கச் சொன்னாராம் பெருமாள். ஆற்றுப் போக்குக்கு எதிராகக் காணப்பட்ட மூன்று பாறைகளைப் பார்த்த பைலர், அவற்றிலேயே பெருமாளையும் ஸ்ரீதேவி—பூதேவி நாச்சிமார்களையும் பிரத்யக்ஷமாகக் கண்டார். அம்மூன்று பாறைகளையும் கொண்டே பெருமாளையும் நாச்சிமார்களையும் பிரதிஷ்டை செய்தார். வேங்கடாசலபதி என்றும் திருவேங்கடநாதர் என்றும் சுவாமிக்குத் திருநாமங்கள். இந்தப் பெருமாளின் அருளுக்கும் வேங்கடநாதபுரம் என்னும் பெயருக்கும் சிறப்பு சேர்ப்பதாக மற்றொரு சம்பவமும் நடந்ததாம்.

இந்தப் பகுதியில் குறுநில மன்னராக இருந்தவர் வேங்கடப்ப நாயக்கர். பிள்ளையில்லாத இவர், பெருமாளிடம் பிரார்த்திக்க... இவருக்கும் அசரீரியாகக் குரல் கொடுத்தார் வேங்கடேசர். 1000 குழந்தைகளுக்குப் பால் பாயசம் செய்து பரிமாறச் சொன்னார். வேங்கடப்பரும் இதைச் செய்து மகப்பேறு பெற்றார். மகனுக்கு "ஸ்ரீநிவாசன்' என்றே பெயர் சூட்டினார். எல்லையற்ற மகிழ்ச்சியில், கோயிலுக்குத் திருப்பணி செய்து பெரிதாகக் கட்டிய வேங்கடப்பர், இப்பகுதிக்கு வேங்கடநாதபுரம் என்னும் சிறப்புப் பெயர் சூட்டினாராம். தென் திருப்பதி என்றும் திரு அண்ணன் கோயில் என்றும் கூடுதல் பெயர்கள் இத்தலத்திற்கு உண்டு.

போருக்குப் புறப்பட்ட பெருமாள்

நெல்லையின் கிழக்குப் பகுதியில், ஆற்றின் வடமேற்குக் கரையை ஒட்டி, குறுக்குத்துறைக்கும் சிந்துபூந்துறைக்கும் இடையில் இருப்பது வீரராகவபுரம். அருகில் மீனாட்சிபுரம். இப்பகுதிகளுக்குப் பெயர் வந்ததற்கான காரணமாகப் பலரும் பதிவு செய்வது இதோ: தளவாய் அரியநாத முதலியாரின் வழித்தோன்றலாகிய வீரராகவ முதலியார், கிருஷ்ணப்ப நாயக்கர் மதுரையில் ஆட்சி நடத்தியபொழுது நெல்லைச் சீமையின் அரசப் பிரதிநிதியாகத் திகழ்ந்தார். வீரராகவ முதலியாரின் பெயரால் அமைந்தது வீரராகவபுரம். அருகில் அமைந்த மீனாட்சிபுரம், வீரராகவரின் மனைவி மீனாட்சியின் பெயரைத் தாங்கியது.

ஆயினும், வீரராகவபுரத்தில் (மேல வீரராகவபுரம் என்பதே மக்கள் வழக்கு) அமைந்துள்ள அருள்மிகு வரதராஜர் திருக்கோயிலின் புராணமும் கதைகளும் மேலும் பல தகவல்களைத் தருகின்றன.

(தொடரும்...)

]]>
https://images.dinamani.com/uploads/user/imagelibrary/2020/2/1/w600X390/vm4.jpg https://www.dinamani.com/weekly-supplements/vellimani/2020/feb/01/பொருநை-போற்றுதும்---78-3346490.html
3346489 வார இதழ்கள் வெள்ளிமணி நீ மறக்கப்படுவது இல்லை - தே. பால் பிரேம்குமார் DIN Saturday, February 1, 2020 07:50 PM +0530 எல்லா மனிதருக்கும் நினைவும் மறதியும் உண்டு. மனிதருக்கு கடவுள் கொடுத்த கொடை என்று கூறலாம். நினைவு அறிவின் முதல்படி. கேட்ட சொற்கள், சத்தம், கண்ட காட்சி, பார்த்த மாத்திரத்தில் கண் காது வழியே மனதில் பதிவு செய்யப்படுகிறது. நாள்கள் ஆண்டுகள் கடந்தாலும் நினைவு கூறப்படுகிறது. மேலும் கேட்ட சொற்கள், காட்சிகள், உணர்வுகள் வெளிக் கொண்டு வரப்படுகிறது. 
எவ்வளவு அதிகமான நினைவுகளை பதிவு செய்து வைக்கின்றோமோ அவ்வளவு அறிவு வளர்ச்சி அடைகிறது. எண்ண நினைவு வந்தவுடன் மனமும் உடல் உறுப்புகள் செயல்படுகின்றது. நினைவுக்கு எதிர் மறக்கப்படுதல்; மறதி செவியில் கேட்கப் பட்டதையோ, கண்ணால் கண்டவைகளையோ மனதில் சிறப்பாக படியாமல் போனாலோ, மூளையில் படியாமல் போனாலோ மறதி நம்மை ஆட்கொள்கின்றது. 
மறதி நமக்கு இயலாமை செய்தாலும், மறதி ஓர் மனிதனுக்கு கொடுக்கப்பட்ட பரிசு என்பர் உளநூல் வல்லுநர்கள். மறந்தால்தான் மனிதன் தன் நல்ல கெட்ட செயல்களின் நினைவுகளிலிருந்து விடுபடுவான். மறதியினால் நினைவுகளை அதிகப்படுத்தி அறிவு மேம்படுத்திக் கொள்வோம். இறைவன் மாபெரும் நினைவாற்றல் உள்ளவர். நம்மில் கர்த்தர் என்னை மறந்தாரோ என புலம்புவோர் உண்டு. அனால், இறைவன் நம்மை நினைவு கூறுகிறார். 
வேதாகமத்தில் மறந்துபோன ஒரு மனிதனை இறைவன் நினைவுக் கொண்டு நேரே சென்று, "நான் உன்னை மறக்கவில்லை, குணமாக்குகிறேன்' என்று கூறி குணமாக்கினார். இயேசு தம் சீடருடன் எருசலேமுக்கு போனார். பெதஸ்தா எனப்பட்ட ஒரு குளம், எருசலேமில் ஆட்டு வாசலினருகே இருக்கிறது. அவைகளிலே பார்வையற்றோர், முடமானவர்கள், குறையான உடலுறுப்பு உடையவர்கள் போன்றோர் அங்கே படுத்திருந்து தண்ணீர் எப்போது கலங்கும் என்று காத்திருப்பார்கள். தேவ தூதன் ஒருவன் அந்த குளத்தில் இறங்கி தண்ணீரைக் கலக்குவான். தண்ணீர் கலங்கினபின்பு யார் முந்திக்கொண்டு அதில் இறங்குகிறாரோ, அவர் எப்படிப்பட்ட வியாதியஸ்தர் அல்லது மாற்றுத்திறனாளியாக இருந்தாலும் குணம் அடைந்து விடுவார்.
அக்குளக் கரையில் முப்பத்தெட்டு ஆண்டுகள் முடக்குவாத நோயால் பாதிக்கப்பட்ட ஒரு மனிதனும் இருந்தான். அவன் எப்படியும் முதலில் கலக்கப்பட்ட குளத்தில் இறங்கி குணமடையக் காத்திருந்தான். ஆனால் அவன் முதலில் இறங்கி குணம் அடைய முடியவில்லை. ஆனால், வேறு ஒருவன் இறங்கி குணம் அடைந்து விடுவான். 
மிகப் பரிதாப நிலையில் நாள்கள், மாதங்கள் காத்திருந்தும் ஏமாற்றமே மிஞ்சியது. முப்பத்தெட்டு ஆண்டுகள் சென்று விட்டன. அவன் வீடு, உறவு, வாழ்ந்த இடம் முற்றிலும் மறந்து போனான். அவன் வாழ்வு முற்றிலும் அவன் உறவினர்களால் மறுக்கப்பட்டது. (யோவான் 5:1-9) இயேசுவும் அவர் சீடரும் மறக்கப்பட்ட அம் மனிதனிடம் வந்தார்கள். அவன் வெகுநாள் காத்திருக்கும்  நோயாளி என அறிந்து அவனுடன் பேசினார்.
"" நீ குணமாக வருகின்றாயா?'' என்று வினவினார். 
"" ஆம், விரும்புகின்றேன். குளத்தில் தண்ணீர் கலக்கப்படுவதைப் பார்க்கின்றேன். ஆனால் எனக்கு முன்பு ஒருவர் இறங்கி குணமாகிப் போனதைப் பார்க்கின்றேன்'' என்று தன் இயலாமையை கூறினான். 
இயேசு அவனை நோக்கி, ""எழுந்திரு, உன் படுக்கையை எடுத்துக் கொண்டு நட'' என்றார். என்ன ஆச்சரியம்! முப்பதெட்டு ஆண்டுகளாக குணமாகாத நோய் குணமானது. எழுந்தான், நடந்து போனான். இயேசு, அவனை மறக்கவில்லை. அவன் குணமடைய அவன் இருக்கும் இடம் தேடிச் சென்று குணமாக்கினார். ஆம்! கடவுள் நம் ஒவ்வொருவரையும் நினைவில் வைத்துள்ளார். ஏற்ற வேளையில் நம்மை நினைவு கூர்ந்து நன்மை செய்கின்றார். நாம் இயேசுவை மறக்காத மனிதராக வாழ்வோம். இயேசு நம்மை ஆசீர்வதிப்பார்.

]]>
https://www.dinamani.com/weekly-supplements/vellimani/2020/feb/01/நீ-மறக்கப்படுவது-இல்லை-3346489.html
3346488 வார இதழ்கள் வெள்ளிமணி தொழுகைக்குப்பின் திக்ரு - மு.அ.அபுல் அமீன் DIN Saturday, February 1, 2020 07:49 PM +0530 தொழுகை இஸ்லாத்தின் இரண்டாம் கடமை. திக்ரு என்பது இறைவனை இதயத்தில் பதித்து பக்குவமாய் தக்க முறையில் மிக்க உள்ளச்சத்தோடு நாவாலும் துதிப்பது. அவசர யுகத்தில் வாழும் இக்காலத்தில் எக்கணமும் எகிறி ஓடும் வேகத்தில் தொழுகை முடிந்ததும் முதலில் எழுந்து முட்டி மோதி விழுந்தடித்து விரையாது இருப்பில் நிதானமாக அமைதியாக அடக்கமாக அமர்ந்து திக்ரில் திளைப்பதால் விளையும் பயன்களை விளக்குவதே இக்கட்டுரை.

நீங்கள் தொழுகையை முடித்தபின் உங்கள் நிலையிலும் இருப்பிலும் படுக்கையிலும் அல்லாஹ்வின் பெயரைக் கூறி திக்ரு செய்து கொண்டே இருங்கள் என்று இயம்புகிறது இறைமறை குர்ஆனின் 4- 103 -ஆவது வசனம். தொழுது முடித்தபிறகு இறைவனை நினைத்து உங்கள் நாவாலும் உள்ளத்தாலும் திக்ரு செய்யுங்கள் என்று இந்த வசனத்திற்கு விளக்கம் அளிக்கிறது தப்ஸீர் அல்கர்த்துபீ 373/ 5.

தொழுகைக்குப்பிறகு செய்யும் திக்ருகளுக்கு அதிக நன்மையும் எண்ணற்ற சிறப்புகளும் உள்ளன. அந்நேரம் சொர்க்கத்தின் கதவுகள் திறக்கப்படும் நேரம். வணக்க வழிபாடுகள் ஏற்று கொள்ளப்படும் காலம். தொழுகை முடிந்த பிறகு உள்ள நேரம் திக்ரு செய்வதற்கான மிக உகந்த நேரம். கண்டிப்பாக இறைவனிடம் அங்கீகாரம் பெறும் காலம். ஒவ்வொரு நாட்ட தேட்டங்களும் இறைவனிடம் சமர்ப்பிக்கப்படும் சமயம்.
ஒருவர் தொழுகைகளை முடித்த பிறகு இறைவனை நினைவு கூர்ந்து திக்ரில் ஈடுபட வேண்டும். அல்லாஹ்விடம் பிழை பொறுக்க இறைஞ்ச வேண்டும். இறைதூதர் நபி (ஸல்) அவர்கள் தொழுது முடித்த உடன் இறைவனிடம் பிழை பொறுக்க மூன்று முறை முறையிடுவார்கள். நூல்- முஸ்லிம் 591. தொழுகையில் ஏற்படும் குறைகளை இறைவன் நிறைவு செய்யும் பொருட்டு இவ்வாறு இறைஞ்ச வேண்டும். இறைவா நீ கொடுப்பதைத் தடுப்பார் இல்லை. நீ தடுப்பதைக் கொடுப்பார் இல்லை. இறைவா, உன் அருள் இன்றி எந்த வாய்ப்பினாலும் எத்தனை செல்வத்தினாலும் எப்பயனையும் அடைய முடியாது என்று மொழிந்து நன்றாய் முடிவு அமைய முடிவில்லா முதலோன் அல்லாஹ்வின் அருளைக் கோர அறிவிக்கிறது பத்ஹுல் பாரி 251/3.
நீங்கள் சிரத்தை எடுத்துக் கொள்ளுங்கள். உங்கள் இறைவனையே நோக்கி நில்லுங்கள் என்ற 94-7, 8- ஆவது வசனங்களுக்கு உங்கள் தொழுகையை நிறைவேற்றிய பிறகு, இறைவனை நோக்கி உங்கள் தேவைகளைக் கேட்டு பெறுங்கள் என்று விளக்கம் தருகின்றன தப்ஸீர் அத்தபரீ 497/ 24 தப்ஸீர் அல்குர்த்துபீ 108 / 20. தோழர் முஆத் (ரலி) அவர்களிடம் அண்ணல் நபி (ஸல்) அவர்கள் இறைவா, உன்னைத் திக்ரு செய்வதற்கும் உனக்கு நன்றி செலுத்துவதற்கும்அழகிய முறையில் வணக்க வழிபாடுகளில் ஈடுபடுவதற்கும் எனக்கு அருள்புரி என்று இறைவனிடம் இறைஞ்ச இயம்பினார்கள். நூல்- நஸஈ 9857, அபூதாவூத் 1301, அஹ்மது 22119.
அல்லாஹ்விற்கு மிக அழகான பெயர்கள் உள்ளன. அப்பெயர்களால் அல்லாஹ்வை அழைத்திட அறிவுறுத்துகிறது அருமறை குர்ஆனின் 7-180 ஆவது வசனம். அதற்கு விளக்கமாக விழுமிய நபி (ஸல்) அவர்கள் விளம்பியது. அல்லாஹ்வின் தொன்னூற்றி ஒன்பது திருப்பெயர்களைத் தெரிந்து தெளிந்து உவந்து உள்ளச்சத்தோடு மொழிவோர் அழிவில்லா சொர்க்கத்தில் நுழைவர். அறிவிப்பவர் - அபூஹுரைரா (ரலி) நூல்- புகாரி 2736.
நீங்கள் வெற்றியடைய அல்லாஹ்வை அதிகமாக நினைவு கூருங்கள் என்று 62-10- ஆவது வசனம் கூறுகிறது. தொழுகை முடிந்ததும் ஒவ்வொருவரும் அவரவர் கடமையை நிறைவேற்ற பரவிச் செல்ல பகரும் இவ்வசனத்தின் இறுதி எந்த கடமையை ஆற்ற எங்கு செல்லினும் அல்லாஹ்வின் நினைவை அகற்றாது செய்யும் செயலில் வெற்றி கிட்டும் என்று எடுத்துரைக்கிறது. கடமையான தொழுகைகளுக்குப்பிறகு திக்ரில் ஈடுபடுவோர் ஏமாற்றம் அடையார் என்ற அண்ணல் நபி (ஸல்) அவர்களின் நன்மொழியை முஸ்லிம் நூலில் காணலாம்.
தொழுகைகளுக்குப்பிறகு அதிகமாக திக்ரு செய்யும் அடியார்களாக இருப்பதற்கு நாம் ஆர்வம் கொள்ள வேண்டும். அதனால் இறைவனுக்குக் கட்டுப்பட்டு வாழும் அடியார்களாக திகழ்வதோடு அதிக நன்மைகளைச் சேர்த்து இறைவனோடு நெருங்கி இருக்க முடியும். அத்தகு அரும்பேற்றை அல்லாஹ் நமக்கு அருள்வானாக!

]]>
https://www.dinamani.com/weekly-supplements/vellimani/2020/feb/01/தொழுகைக்குப்பின்-திக்ரு-3346488.html
3346486 வார இதழ்கள் வெள்ளிமணி விதி சொல்லும் நீதி! DIN DIN Saturday, February 1, 2020 07:36 PM +0530
ஆக்கத்திற்கும் அழிவிற்கும் விதியே முக்கிய காரணம் என்று எண்ணி அமைதி பெற வேண்டும் என்று புகழ்பெற்ற நீதிமான் ராஜாபத்ருஹரி குறிப்பிட்டுள்ளார். இதற்கு ஒரு சிறுகதையை உதாரணமாகக் கூறுகிறார். ஒரு பாம்பாட்டி ஒரு பாம்பை பட்டினி போட்டு ஒரு கூடையில் வைத்திருந்தான். பட்டினியால் பாம்பு இறந்துவிடும் நிலைக்குச் சென்று விட்டது. அந்த வழியாக வந்த எலி, இந்த கூடையுள் ஏதோ ஒரு சாப்பிடும் பொருள் கிடைக்கலாம் என்று கூடையை ஓட்டைப் போட்டு உள்ளே சென்றது. இந்த எலியைப் பாம்பு பிடித்து சாப்பிட்டுவிட்டு அந்த ஓட்டையின் மூலம் வெளியேறிவிட்டது. இதில் பாம்பின் ஆக்கத்திற்கும், எலியின் அழிவிற்கும் விதியே காரணம் என்று இந்த கதையின் மூலம் நமக்கு விளக்குகிறார். தர்மமாக நடப்பவர்களை சனிபகவான் தண்டிப்பதில்லை. தனக்கொரு நீதி, ஊருக்கொரு நீதி என்று வாழ்பவர்களை தக்க சமயத்தில் தண்டித்து வாழ்க்கைப் பாடத்தினை நமக்கு உணர வைப்பார்.

சனிபகவான் நின்ற இடம் சுபிட்சமடையும். சனிபகவான் 3, 7, 10 }ஆம் இடங்களைப் பார்வை செய்வார், பொதுவாக, சனிபகவானின் பார்வை நலனை விளைவிக்காது என்று கூறப்பட்டுள்ளது. அதிலும் சனி, செவ்வாய் பகவான்கள் ஒருவரை ஒருவர் பார்க்கும் அமைப்புள்ள ஜாதகங்கள் தெளிவு பெறாத நிலையிலும் கவலைகளால் மனம் அரித்த நிலையிலும் வாடும். ஆகவே, வேங்கடேசப் பெருமாளையும் சாஸ்தா, ஆஞ்சநேயரையும் பணிந்தால் சனிதோஷம் அறவே அகலும். 
 

]]>
https://www.dinamani.com/weekly-supplements/vellimani/2020/feb/01/விதி-சொல்லும்-நீதி-3346486.html
3346485 வார இதழ்கள் வெள்ளிமணி ஈசனை மகிழ்விக்கும் பூசத் திருநாள்! - எஸ். எஸ். சீதாராமன் DIN Saturday, February 1, 2020 07:27 PM +0530 தேவர்களுக்காகச் சிவனாரும், உமாதேவியும் இணைந்து ஆனந்த தாண்டவமாடிய நாளே  "தைப்பூசத்திருநாள்' ஆகும். இந்நாளில், இவ்வுலக இயக்கத்திற்கு (பிரபஞ்ச சக்திக்கு) ஆதாரமாகத் திகழும் பஞ்சபூதங்களான நீர், நிலம், நெருப்பு, காற்று மற்றும் ஆகாயம் ஆகியவை ஒவ்வொன்றாகத் தோன்றியதாக சிவபுராணம் கூறுகிறது. சூரியன் தை மாதத்தில் தன் வடதிசைப் பயணமான உத்திராயண புண்ணியகாலத்தை தொடங்குகிறார். சிவாம்சம் கொண்டவரான சூரியன் மகர ராசியில் இருக்க, சக்தியின் அம்சமான சந்திரன் கடக ராசியில்; அதாவது பூச நட்சத்திரத்தில் ஆட்சி பெற்றிருக்க, அவர்கள் இருவரும் பூமிக்கு இருபுறமும் ஓரே நேர்கோட்டில்; பெளர்ணமியில் நிகழும் இந்த நாளை நம் முன்னோர்கள் மிக முக்கியமான நாளாக கொண்டாட ஆரம்பித்தார்கள். தமிழ் மாதம் "தை'யில் வரும் பூச நட்சத்திரத்தில் இது வருவதால் இதனை "தைப்பூசம்" என்பர்.

சூரபத்மன், தாரகாசுரன், சிங்கமுகன் ஆகிய மூன்று அசுரர்களும் சிவனை நோக்கி கடுந்தவம் புரிந்து பல அற்புத சக்திகளை பெற்றனர். இதனால் கர்வமுற்ற அவர்கள் யாருக்கும் கட்டுப்படாமல் தேவர்களை சிறைபிடிக்க முயன்று; அதில் வெற்றி பெரும் சூழல் ஏற்பட்டதால்; தேவர்கள் ஒளிந்து வாழும் நிலை ஏற்பட்டது. இமையோனிடம் அனைவரும் ஒன்று திரண்டு சென்று அனைவரையும் காக்க வேண்டினர். நிலைமையை உணர்ந்த முக்கண்ணோன் தன் நெற்றிக்கண்ணில் இருந்து ஆறு தீப்பொறிகளை தெறிக்கவிட்டார். அவை ஆறு குழந்தைகளாக உருவெடுத்தன. அவர்களை வளர்ப்பதற்கு ஆறு கார்த்திகைப் பெண்களை உருவாக்கி அக்குழந்தைகளுக்கு அனைத்து வகையான கலைகளையும் பயிற்றுவித்தார். 

பின் உமையவளின் கையினால் அந்த ஆறு குழந்தைகளை அணைத்து ஒன்று சேர்க்க ஆறுமுகன்; அழகன் முருகன் ஆனான்! ஆண்டியின் கோலமுற்று பழனியம்பதியில் தண்டத்துடன் நின்ற கார்த்திகேயனிடம் பார்வதி தேவி அணுகி அவன் வந்த நோக்கம் நிறைவேற ஞானவேல் ஒன்றை தருகிறாள்; இதனை, "வேல் வாங்குதல்' எனக்கூறுவர்; இது, தைப்பூச நன்னாளில் நிகழ்ந்தது. அசுரர்கள் முருகனின் பிறப்பு, தம்மை வதம் செய்யவே என்பதை உணர்ந்து பதுங்க ஆரம்பித்தனர். விடாமல் பின் தொடர்ந்த முருகன் திருசெந்தூரில் ஒவ்வொருவராக அழித்தொழித்தான். 

பொதுவாக, தைப்பூசத்திருநாளை, முருகனின் ஆறுபடை வீடுகளிலும் மிகச்சிறப்பாக கொண்டாடினாலும், திருச்செந்தூரிலும், பழனியிலும் பாரம்பர்யமாகவும் மிக விசேஷமாகவும் 40 நாள்களுக்கு முன்பிருந்தே விரதமிருந்து பக்தியோடு காவடி எடுத்து வந்து கொண்டாடுகிறார்கள். நம் உள்ளத்தே சேர்ந்துள்ள மாய அழுக்கினை அழித்தொழிப்பதற்கே இந்த பூசத்திருநாளை நம் முன்னோர்கள் இப்புராணத்தின் மூலம் நமக்குக் கூறியுள்ளார்கள் எனலாம்.

நகரத்தார் என்றழைக்கப்படும் செட்டிநாட்டினர் வெளியூரில் இருக்கும் தன் குடும்பத்தார் அனைவரையும் தங்கள் ஊருக்கு வரவழைத்து; கடும் விரதமிருந்து, அங்கிருந்து கூட்டமாக 10 நாள்களுக்கு முன்பே கிளம்பி; (முன்னாளில் வண்டி கட்டிக் கொண்டு அதில் அனைத்து விதமான சாமான்களும், பொருள்களும் எடுத்துக் கொண்டு) ஆங்காங்கே அவர்களுக்குச் சொந்தமான பொதுச்சத்திரத்தில்; ஏழை பணக்காரர் என்ற பாகுபாடின்றி இரவு தங்கி, ஒருமித்த கருத்தோடு பழனி முருகனுக்கு காவடி எடுப்பார்கள்.

இந்த தைப்பூசம் வியாழனன்று வந்தால், அன்று மட்டும் திருநெல்வேலிக்கு அருகாமையில், அம்பாசமுத்திரத்தில் உள்ள காசியபநாதர் ஆலயத்தில் எழுந்தருளியுள்ள நடராஜருக்கு புனுகு சார்த்தி பூஜை செய்வார்கள். செல்வம் வேண்டுபவர்கள் வியாழனன்று வரும் பூசத்தன்று மகாலட்சுமி பூஜையை ஆரம்பிப்பார்கள். தைப்பூசத்தன்று சிவன், முருகன், மகாலட்சுமி கோயில்களில் விசேஷ பூஜைகள் நடைபெறுவதைக் காணலாம். 

இந்நாளில் கேரள மக்கள் பெருமளவில் கலந்து கொண்டு பழனி முருகனுக்கு காவடியெடுப்பார்கள். மேலும், திருச்சூரிலிருந்து 10 கி.மீ. தூரத்திலுள்ள "கேரளப்பழனி' என்று அழைக்கப்படும் "தாயம்குலங்கரா' முருகன் கோயிலில் தைப்பூச விழா மிகச்சிறப்பாகக் கொண்டாடப்படுகிறது. இத்துடன் ஸ்ரீலங்கா, மலேசியா, மொரிஷியஸ், சிங்கப்பூர், தென் ஆப்பிரிக்கா, இந்தோனேஷியா, தாய்லாந்து, மியான்மர், கயானா, ஜமைக்கா மற்றும் கனடாவில் புலம் பெயர்ந்த இந்துக்கள்; குறிப்பாக, செட்டிநாட்டு செல்வந்தர்கள் இவ்விழாவை பெருமையோடு கொண்டாடுவார்கள். முக்கியமாக மலேஷியாவிலுள்ள பத்துமலை முருகன் கோயிலில் மத பேதமின்றி அனைத்து தரப்பினரும் (சீன, மலேசிய குடிமக்கள்) அலகு குத்திக்கொண்டு காவடியெடுத்து பக்தியோடு வழிபடுவது கண்கொள்ளாக் காட்சியாகும். இந்த நாளை அந்த அரசாங்கம் விடுமுறை தினமாக அறிவித்துள்ளது. 

அநேகமாக, தமிழகத்திலுள்ள பெரிய சிவத்தலங்களில் இவ்விழா தீர்த்தவாரியுடன் நடைபெறுகிறது. பூசத் திருநாளில் திருவிடைமருதூர் வந்து காவிரியில் நீராடிய பெருமையை ஞானசம்பந்தப் பெருமான் தனது தேவாரப் பதிகத்தில் பாடியுள்ளார். அவர் தனது திருமயிலைத் தேவாரத்தில் "தைப்பூசம் காணாதே போதியோ பூம் பாவாய்" எனப்பாடியுள்ளார்.

திருச்சி மாவட்டத்திலுள்ள குளித்தலையில் அருள்மிகு கடம்பவனநாதர், தைப்பூசத்தன்று சப்த கன்னிகைகளுக்கு காட்சியளித்ததாக ஐதீகம்! வைணவ திவ்ய தேசமான திருச்சேறையில் காவிரி அன்னைக்கும் பெருமாள் காட்சி கொடுத்த பெருவிழா, தைபூசத்தன்று நடைபெறுகின்றது. சமயபுரம் மாரியம்மன், தைப்பூசதன்று காவிரியின் வடகரைக்கு எழுந்தருளி ஸ்ரீரங்கம் ரங்கநாதரிடமிருந்து பட்டாடை, பரிவட்டம் மற்றும் சீர்வரிசைகளைப் பெற்று திரும்புவார்.  

வடலூர் ராமலிங்க வள்ளலார் சன்மார்க்க சங்கத்தை நிறுவி, பக்திநெறி பரப்பி, பசிப்பிணியை போக்க பாடுபட்டவர். வள்ளலார் 1874 -ஆம் ஆண்டு இத் தைபூசத் திருநாளில் இறைவனுடன் ஜோதியில் கலந்தார்; இந்த நாளில் வடலூரில் தைப்பூச ஜோதி தரிசனம் ஒவ்வொரு வருடமும் சிறப்பாக நடைபெறுகிறது. அதற்கு பெருந்திரளான மக்கள் திரண்டு ஜோதி தரிசனம் செய்கிறார்கள். அதுபோல் மேல்மருவத்தூர் ஆதிபராசக்தி கோயிலின் மிக முக்கியமான திருவிழா, தைபூசத் திருவிழாவாகும். 

இவ்வாண்டு, தைப்பூசத் திருநாள் பிப்ரவரி  8 -ஆம் நாள், சனிக்கிழமையன்று வருகிறது. தைப்பூசத் திருநாளில் முருகக்கடவுளுக்கும், சிவபிரானுக்கும் அபிஷேக, ஆராதனை செய்வோர் "இஷ்டகாம்ய சித்திகளைப் பெறுவர்' என புராணங்கள் அறுதியிட்டுக்கூறுகின்றன.  

]]>
https://images.dinamani.com/uploads/user/imagelibrary/2020/2/1/w600X390/vm2.jpg https://www.dinamani.com/weekly-supplements/vellimani/2020/feb/01/ஈசனை-மகிழ்விக்கும்-பூசத்-திருநாள்-3346485.html
3346483 வார இதழ்கள் வெள்ளிமணி பெருமைமிகு பெருவுடையார் கோயில்! - இரா. இரகுநாதன் Friday, January 31, 2020 12:00 AM +0530 "ஸ்வஸ்திஸ்ரீ திருமகள் போல பெருநிலச் செல்வியுந் தனக்கேயுரிமை பூண்டமை மனக்கொள'


- எனத்துவங்கும் சிவபாதசேகரனான ராஜராஜசோழனின் கல்வெட்டு மெய்க்கீர்த்தி, காந்தளூர்ச்சாலை முதல் பாண்டியர் வரை பலநாடுகளை வெற்றி கொண்டு இருபத்தாறாவது ஆட்சியாண்டில் இருபத்தியேழாம் நாள், தஞ்சாவூர் கோயிலுக்குள் "கீழைத்திருமஞ்சன சாலையில் இருந்து, நாம் எடுப்பிச்ச இத்திருக்கற்றளி ஸ்ரீராஜராஜீஸ்வரமுடையார்க்கு நாம் குடுத்தவை நம் அக்கன் குடுத்தவை நம் பெண்டுகள் குடுத்தவை மற்றும் குடுத்தார் குடுத்தவைகளை ஸ்ரீவிமானத்திலே கல்லிலே வெட்டுக எனத் திருவாய் மொழிஞ்சருள வெட்டின'

- என 26 -ஆம் ஆட்சியாண்டில் கி.பி, 1010 -இல் தானம் செய்ததைக் குறிப்பிடுகிறது.

வராகம் காட்டிய வழி

சோழர் தலைநகரம் தஞ்சைக்கு மாறியவுடன் ராஜராஜன் கொண்டுவந்த திரைப்பொருள்கள் மூலம் சிவபிரானுக்கு அதுவரை இல்லாத சிறப்புமிகு கோயில் அமைக்க இடம் தேடி சென்றான். எதிரே ஒரு வராகம் வழிமறித்து உறும, மன்னன் அம்பெய்ய முயன்றான். போக்குக்காட்டி வெகு தூரம் ஓடியது. ஓரிடத்தில் கோயில் கட்டத்தகுதியான இடத்தைக் கண்டான். எதிரில் நின்ற வராகமோ பெரியதாக உருமி காலால் தரையை மும்முறை தட்டி மாயமாய் மறைந்து போனது. ஆகம வல்லுநர்கள் அரண்மனை சோதிடர் கருத்துப்படி அவ்விடத்தில் கோயில் கட்ட ஏற்பாடு செய்தான்.

பெரிய கோயில்

கோயில் என்றால் சைவர்களுக்கு சிதம்பரம். பெரிய கோயில் என்றால் தஞ்சை பிரகதீசுவரர் கோயில். தஞ்சைப் பெரிய கோயில், தஞ்சைப் பெருவுடையார் கோயில், ராஜராஜேஸ்வரம் என்றெல்லாம் அழைக்கப்படும் சிவாலயம் இதுவே. சைவ சமய கோட்பாட்டில் கயிலாயம் எப்படி இருக்கும் என்பதை, நம் கண் முன்காட்ட விரும்பிய முயற்சியே ராஜராஜேச்சரம்! காஞ்சிபுரம் கயிலாயநாதர் கோயில், திருவாரூர் தியாகராஜர் கோயிலில் உள்ள அசலேஸ்வரர் சந்நிதி போன்றவை இக்கோயிலுக்கு முன் மாதிரி எனப்படுகிறது. மன்னனைத் தவிர, இக்கோயில் முன்னின்று கட்டிய தலைமைச் சிற்பி”வீரசோழன் குஞ்சர மல்லன் ராஜராஜ பெருந்தச்சன் என்றும், அடுத்து மதுராந்தகனான நித்தவினோதப் பெருந்தச்சன், இலத்தி சடையனான கண்டராதித்த பெருந்தச்சன் என்று கோயிலின் கல்வெட்டுகளில் குறிப்பிடப்பட்டுள்ளது.

திருவாயில்கள்

இரண்டாவது வெளிப் பிரகாரத்தின் நுழைவாயிலாக ராஜராஜனே தன் பட்டப்பெயரால் "கேரளாந்தகன் திருவாயில்' எனப் பெயர் சூட்டப்பட்ட கோபுரம் ஐந்து நிலை கொண்டதாக அமைந்து இருக்கிறது. அகலமான அதிஷ்டானத்தின் மீது கருங்கல்லும் சுதையும் கலந்து எடுக்கப்பட்டதாகும். அடுத்ததாக, ஒரு நுழைவாயில் சிறிய கோபுரத்துடன் "ராஜராஜன் திருவாயில்' என்ற பெயரோடு அமைந்துள்ளது. இவ்வாயில் முழுவதும் சிற்பத்தொகுதிகள் நிறைந்துள்ளன. இக்கோபுரத்தில்தான் தமிழகத்தில் மட்டுமில்லாமல் உலகிலேயே உயரமான அழகான வசீகரம் மிக்க துவாரபாலகர்கள் சிற்பங்கள் அமைந்துள்ளன.

நந்தி-பலிபீடம்

ராஜராஜன் காலத்தில் கேரளாந்தகன் திருவாயிலுக்கும் ராஜராஜன் திருவாயிலுக்கும் நடுவில் உள்ள பகுதியில் பலிபீடமும் நந்தி மண்டபமும் இருந்திருக்கின்றது என்பது வல்லுநர்கள் கருத்து. அந்த திருநந்தித்தேவர் தற்போது திருக்கோயிலின் பிரகார மண்டபத்தில் கொலுவிருக்கிறார். நாயக்கர்கள் காலத்தில் முன்புறம் ஒரே கல்லில் அமைக்கப்பட்டுள்ள நந்தி, சுமார் 20 டன் எடை, 2 மீ. உயரம், 6 மீ. நீளம், 2 1/2 மீட்டர் அகலமும் கொண்டது.
கருவூரார் சந்நிதி திருமுறைகளில் 9 -ஆம் திருமுறையான திருவிசைப்பா பாடிய கருவூர்த்தேவர் சந்நிதி மேற்கு பிரகாரத்தில் அமைந்துள்ளது. இவர் ஒரு சித்தர். மூலப்பெருவுடையாரை நிறுத்துகையில் பீடத்தில் நிலை நில்லாமல் இருந்த வரை இவர் நிலை நிறுத்தினார் எனப்படுகிறது.

பரிவார முருகன் சந்நிதி

ராஜ ராஜன் காலத்து பரிவார முருகன் சந்நிதி அழிந்த பிறகு, விசயநகர அரசர்களால் திருச்சுற்றின் வடமேற்கு மூலையில் புதியதாக கட்டப்பட்டுள்ளது. தஞ்சை பெரிய கோயில் சிற்பச்சிறப்பில் இந்த சந்நிதிக்கு ஒரு பிரதான இடம் உண்டு. கருவறை முருகன் இருபுறமும் வள்ளி தெய்வானை துணை இருக்க சண்முகராக மயில் மீது அமர்ந்தவாறு அருளுகிறார். விமானத்தின் முதல் தளத்தில் முருகப்பெருமானின் 36 திருவுருவங்கள் அமைந்துள்ளன.

பெருவுடைநாயகி

பிற்காலத்தில் பாண்டியர்களால் 13- ஆம் நூற்றாண்டில் நந்தி மண்டபத்திற்கு வடபுறம் அம்மன் சந்நிதி அமைக்கப்பட்டது. அம்மனுக்குப்பெயர் பெருவுடை நாயகி என்பதாகும். அம்பாள் கருவறையில் சுமார் 7 அடிக்கு மேல் உயரத்தில் நின்ற கோலத்தில் அருள்வழங்குகிறாள். கருவறை அர்த்தமண்டபம், மகாமண்டபம் ஆகியவை பாண்டியர் காலத்தில் அமைக்கப்பட்டுள்ளது. நாயக்கர் காலத்தில் முன்மண்டப விதானத்தின் மேற்புறம் முழுவதும் தேவி மஹாத்மியத்தின் வரலாற்றுக் கதைகளை ஓவியமாகத் தீட்டியுள்ளார்கள்.

அதிசய விமானம்

தட்சிண மேரு விமானம் என அழைக்கப்படும் இத்திருக்கோயிலின் விமான அடிப்பாகம் தரையிலிருந்து 5 மீட்டர் (16 அடி) உயரமேடையில் உள்ளது. மூலவர் விமானக் கட்டடம் பிரம்மாண்டமான கூர்நுனி விமானமாக அமைத்து கருவறையிலிருந்து 190 அடி உயரத்திற்கு ஓங்கி உயர்ந்திருக்கிறது. இருமாடித்தள அமைப்புடைய விமானத்தில் முதல் தளத்தில் 108 பரத நாட்டிய முத்திரைகளில் 81 நடனச் சிற்பங்கள் வெளிச்சுவரின் மேற்பகுதியில் வடிக்கப்பட்டுள்ளன. கற்களே கிடைக்காத காவிரி சமவெளிப் பகுதியில், 15 தளங்கள் கொண்ட சுமார் 60 மீட்டர் உயரமான ஒரு கற்கோயில் எழுப்பப்பட்டுள்ளது.

பிரகதீஸ்வரர் சந்நிதி

கருவறை மூலவர் லிங்கம் 3.7 மீட்டர் உயரமானது. லிங்கப்பகுதியும் ஆவுடையாரும் மட்டுமுள்ள இவருக்கு பீடம் இல்லை. கருவறை அர்த்த மண்டபம், மகா மண்டபம், முக மண்டபம் ஆகியவை இணைந்த ஒரு பெரும் கோயிலாக இருக்கின்றது. இக்கோயில் மேற்கூரை அல்லது விதானத்தைத் தாங்கும் சோழர்காலக் கட்டடக்கலையின் அமைப்பாக, சதுரப் போதிகைகள் அமைக்கப்பட்டுள்ளன. பிரகாரத்தில் கருவறை பின்புறம் விநாயகர் சந்நிதி உள்ளது. இச் சந்நிதிக்கு பின்புறத்தில் 108 லிங்கங்கள் உள்ளன. வடக்கு பிரகார கீழ்பகுதியில் மண்டூக தீர்த்தம் உள்ளது.

விழாக்கள்

சித்திரை பிரம்மோற்சவம் 18 நாள்கள், நடராஜரின் 6 திருமஞ்சனங்கள், வராகியின் ஆஷாட நவராத்திரி, புரட்டாசி பிருஹன்நாயகிக்கு நவராத்திரி உற்சவம், ஐப்பசியில் அன்னாபிஷேகம், ஐப்பசி சதயத்தில் ராஜராஜன் திருவிழா, மகாசிவராத்திரி, கருவூராருக்கு சிறப்பு பூஜை என்று ஆண்டு முழுவதும் அனைத்து விழாக்களும் சிறப்பாக நடைபெறுகின்றன.

கி.பி. 11-ஆம் நூற்றாண்டில் முதலாம் ராஜராஜ சோழனால், கி.பி. 1003 - இல் தொடங்கி, சுமார் கி.பி. 1010 -ஆம் ஆண்டு கட்டி முடிக்கப்பட்டது. கோயிலை அமைத்த ராஜராஜன், அக்கோயிலில் நித்திய நைமித்திக பூஜைகள் சிறப்பாக நடைபெற உற்சவ விக்ரகங்களையும் நிறுவினான். பூஜை செய்ய சிவப்பிராமணர்களையும் அவருக்கு உதவியாளர்களையும் பூஜை நேரத்தில் வாத்தியம் இசைக்க பல்வகை வாத்தியக்காரர்களையும் வெவ்வேறு ஊர்களில் இருந்து கொணர்ந்து குடியமர்த்தி அவர்களுக்கு குடியிருப்புகளும் நிவந்தங்களும் மானியங்களும் கொடுத்தான்.

திருக்கோயில் பராமரிப்பு, இந்திய அரசின் மத்திய தொல்பொருள் பராமரிப்பு இலாகாவாலும்; திருக்கோயில் நிர்வாகம் அரண்மனை தேவஸ்தான இளவரசர் மற்றும் இந்துசமய அறநிலையத்துறை உதவி ஆணையராலும் மேற்கொள்ளப் பட்டுள்ளது.

இக்கோயிலின் குடமுழுக்கு பூர்வாங்க பூஜைகள் தற்போது துவங்கியது. பிப்ரவரி 1-ஆம் தேதி முதல் யாகசாலை பூஜை துவங்கி 8 காலங்கள் நடந்து, பிப்ரவரி 5 -ஆம் தேதி, காலை 9.00 முதல் 10.30 மணிக்குள் குடமுழுக்கு நடைபெறுகிறது.

தொடர்புக்கு: 0436 2223386 / 0436 2274476.

]]>
https://images.dinamani.com/uploads/user/imagelibrary/2020/2/1/w600X390/vm1.jpg https://www.dinamani.com/weekly-supplements/vellimani/2020/jan/31/பெருமைமிகு-பெருவுடையார்-கோயில்-3346483.html
3346487 வார இதழ்கள் வெள்ளிமணி நிகழ்வுகள் DIN DIN Friday, January 31, 2020 12:00 AM +0530 மகாகும்பாபிஷேகம்

திருவாரூர் மாவட்டம், நன்னிலம் தாலுக்கா, பேரளம் ஸ்ரீ சுயம்புநாதர், பவானி அம்மன் ஆலயத்தின் தென்கிழக்கில் அக்னி மூலையில் அருள்மிகு சமயபுரத்து மாரியம்மன், அருள்மிகு செல்வவிநாயகர், அருள்மிகு பாலமுருகர் ஆலயங்கள் அமைந்துள்ளன. இவ்வாலயங்களின் மகாகும்பாபிஷேகம், ஸ்ரீலஸ்ரீ மாசிலாமணி தேசிக ஞானசம்பந்த பரமாச்சார்ய சுவாமிகள் நல்லாசியுடன் 7.2.2020- ஆம் தேதி, காலை 9.00 மணி முதல் 10.30 மணி வரை நடைபெறுகின்றது.
தொடர்புக்கு: 94447 29192.

சிதம்பரம் ஸ்ரீ நடராஜர் ஆலயத்தின் இரண்டாம் பிரகாரத்தில் அமைந்துள்ள ஸ்ரீ உமையபார்வதி அம்பிகை சமேத ஸ்ரீ மூலநாதர் ஆலய அஷ்டபந்தன ஸ்வர்ணபந்தன மகாகும்பாபிஷேகம் பிப்ரவரி 5- ஆம் தேதி, காலை 9.00 மணி அளவில் நடைபெறுகின்றது. பிரம்மாண்டமான அளவில் யாகசாலை பூஜைகள் பிப்ரவரி 1-ஆம் தேதி தொடங்குகின்றன.
தொடர்புக்கு: 94434 79572 / 93626 09299.


திருப்போரூர் - திருக்கழுக்குன்றம் சாலையில் சிறுதாவூர் கிராமத்தில் உள்ள பழைமையான அருள்மிகு ஸ்ரீ ஆரணவல்லி அம்பாள் சமேத ஸ்ரீ பூதகிரீஸ்வரர் ஆலய புனராவர்த்தன அஷ்டபந்தன மகாகும்பாபிஷேகம், பிப்வரி 5 -ஆம் தேதி, காலை 9.00 மணிக்கு மேல் 10.30 மணிக்குள் நடைபெறுகின்றது. யாகசாலை பூஜைகள் பிப்ரவரி 3- இல் ஆரம்பமாகிறது.
தொடர்புக்கு: 98404 78789 / 98405 18826.


பிரதிஷ்டாதின மகோத்சவம்

சென்னை, மேற்கு மாம்பலம், கிருபாசங்கரி தெருவில் அமைந்துள்ள ஸ்ரீ சிருங்கேரி ஜகத்குரு சங்கர மடத்தின் பிரதிஷ்டாதினம் (வருஷாபிஷேகம்) மகோத்சவம், 1.2.2020 -ஆம் தேதி, காலை 7.15 மணிக்கு துவங்கி, மாலை 6.30 மணி வரை நடைபெறுகின்றது. 8.2.2020 -ஆம் தேதி, தைப்பூசம் விழா, மாலை 6.30 மணிக்கு சுவாமி புறப்பாடு, வீதி ஊர்வலத்துடன் நடைபெறும். 
தொடர்புக்கு: 044 2483 5701.


ஸ்ரீ வில்லிபுத்தூர் அருள்மிகு நாச்சியார் திருக்கோயிலில் ஸ்ரீ ஆண்டாள் - ஸ்ரீ ரங்கமன்னார் திவ்ய தம்பதிகளுக்கு பிப்ரவரி 2 முதல் 4 வரை வருஷாபிஷேகத்தை முன்னிட்டு மகாசாந்தி ஹோமம், 108 கலசாபிஷேகம், லட்சார்ச்சனை  வைபவங்களுடன் நடைபெறுகின்றன.


"தை' கிருத்திகை விழா

நாகை மாவட்டம் சீர்காழி அருகில் வைத்தீஸ்வரன் கோயிலில் பிப்ரவரி 3 -ஆம் தேதி தை கிருத்திகை விசேஷமாக கொண்டாப்படுகின்றது. அன்று காலை ஸ்ரீ செல்வமுத்துக்குமார சுவாமி உற்சவ மூர்த்தி கொடிமரத்திற்கு அருகேயுள்ள அலங்கார மண்டபத்தில் எழுந்தருளச் செய்யப்பட்டு சிறப்பு திரவியங்களைக் கொண்டு அபிஷேகங்கள் நடைபெற்று, அலங்காரம் செய்விக்கப்பட்டு வைர அங்கி அணிவிக்கப்படுகின்றது. மாலை சண்முக அர்ச்சனை, தங்கரத புறப்பாடு நடைபெறுகின்றன.

தைப்பூச ஜோதி தரிசன விழா

காஞ்சி மாவட்டம், படப்பை ஆத்தனஞ்சேரியில் உள்ள அருட்ஜோதிபுரம் சமரச சுத்த சன்மார்க்க சத்தியசங்க வளாகத்தில் தைப்பூச ஜோதி தரிசனப் பெருவிழா, பிப்ரவரி 7 மற்றும் 8 தேதிகளில் நடைபெறுகின்றது. இதனையொட்டி நடைபெறும் நிகழ்வுகள்: பிப்ரவரி 7 - சுத்த சன்மார்க்க கொடிகட்டுதல், அருட்பெருஞ்ஜோதி அகவல் பாராயணம், நூல் வெளியீடு, சன்மார்க்க கருத்தரங்கம், ஊர்வலம், ஆய்வரங்கம்;  பிப்ரவரி - 8  ஏழு திரை நோக்கி ஜோதி தரிசனம், அன்னதானம், திருவருட்பா இன்னிசை, பரத நாட்டிய நிகழ்ச்சி. 
தொடர்புக்கு: 99625 69966 /  96004 85481.


தைப்பூசம் - காவடி மகோத்சவம்

குரோம்பேட்டை குமரன் குன்றம் அருள்மிகு சுவாமிநாத சுவாமிக்கு பால்குடம், பால் காவடி எடுக்கும் விழா பிப்ரவரி 8 -ஆம் தேதி, சனிக்கிழமை நடைபெறுகின்றது. பால்குடம் பால்காவடிகள் எடுக்கும் பக்தர்கள் அன்று காலை 7.30 மணிக்கு கோயிலில் உள்ள அருணகிரிநாதர் அரங்கத்திற்கு வந்துவிடுமாறு ஆலயத்தின் சார்பில் கேட்டுக் கொள்ளப்படுகின்றது.


பட்டினப் பிரவேச திருநாள்

திருக்கயிலாய பரம்பரைத் திருத்தருமபுரம் ஆதீனம் 27 -ஆவது குரு மகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாச்சாரிய சுவாமிகள் ஞானபீடம் ஏற்று முதன் முறையாக, திருப்பனந்தாள் அருள்மிகு பெரிய நாயகி அம்மை உடனுறை ஸ்ரீ அருணஜடேஸ்வர சுவாமி ஆலயத்திற்கு பட்டிப் பிரவேச விஜய யாத்திரையாக, பிப்ரவரி 12 -ஆம் தேதி எழுந்தருளுகின்றார். இந்த வைபவத்தில் பக்தர்கள் பெருமளவில் கலந்து கொள்ளலாம். 


தைபூசம் அன்னதான விழா

பழனி முருகன் அடியார்களை ஒன்றிணைக்கும் வகையிலும், தைப்பூசத்தை ஒட்டி சிற்றுண்டி அன்னதானம் வழங்க வேண்டும் என்ற எண்ணமுடைய முருக பக்தர்களை அரவணைக்கும் முயற்சியாகவும் “பழனி முருகன் அன்னதான குடில்”  அறக்கட்டளையாகப் பரிணமிக்கிறது. பிப்ரவரி 4- இல் பழனி ரோடு, பஸ் டெப்போ எதிரில் பாத யாத்திரை பக்தர்களுக்கு 7.00 மணிக்கு சிற்றுண்டி; பிப்ரவரி 5- இல், ஒட்டன்சத்திரம், எல்.என் திருமண மண்டத்தில் மாலை 6.15 மணிக்கு இன்னிசை, 7.00 மணிக்கு சிற்றுண்டி; பிப்ரவரி 6- இல் வேல்மாறல் பாராயணம் மற்றும் காலை சிற்றுண்டி- மதியம் உணவு வழங்கப்படுகிறது. 
தொடர்புக்கு: 99443 09719.

]]>
https://www.dinamani.com/weekly-supplements/vellimani/2020/jan/31/நிகழ்வுகள்-3346487.html
3339226 வார இதழ்கள் வெள்ளிமணி சனிப்பெயர்ச்சி பலன்கள் 2020 - பிரபல ஜோதிட ஆராய்ச்சியாளர் கே.சி.எஸ். ஐயர்  Friday, January 24, 2020 11:34 AM +0530 சனிபகவானின் குறுக்களவு 74,000 மைல்கள். இவர், சூரியபகவானைச் சுற்றி வர, 10,800 நாள்களாகும். அதாவது 360 மாதங்கள். ஒரு ராசியைக் கடக்க 30 மாதங்கள். அதாவது, மொத்தமாக, 558 கோடியே 91 லட்சம் மைல்கள் ஒரு சுற்றில் ஏற்படுகிறது. சூரியபகவானிடமிருந்து 88 கோடியே 60 லட்சம் மைல் தூரத்தில் சனிபகவான் உள்ளார். இவர், நிறம் நீலம். சனிபகவானைச் சுற்றி ஒரு வளையம் உள்ளது. இதில் "மாரிஷ்' என்கிற விஷப் புகை உள்ளது. இது மிகவும் அபாயகரமானது. சந்திரபகவான் சூரியபகவானின் ஒளியைப் பெற்று எப்படி பிரதிபலிக்கிறாரோ, அதேபோல், சனிபகவானும் சூரியபகவானின் ஒளியைப் பெற்று பிரதிபலிக்கிறார்.
சனிபகவானுக்கு முக்கியமான காரகத்துவம் ஆயுள். யுத்தத்திற்கு பலதரப்பட்ட ஆயுதங்கள் வேண்டியதாகையால், சனிபகவானுக்கு இரும்பு அல்லது மிஷினரி சம்பந்தப்பட்ட தொழில்கள் என்று ஜோதிட ரீதியாகக் கூறி விடலாம். சனிபகவான் ஆட்சி (மகரம்) உச்சம் (துலாம்) மூலதிரிகோணம் (கும்பம்) ஆகிய ராசிகளில் அமர்ந்திருந்தாலும், ஆயுள் ஸ்தானமான எட்டாம் வீட்டில் இருந்தாலும், அல்லது எட்டாமிடத்தைப் பார்வை செய்தாலும், ஜன்ம லக்னத்தைப் பார்த்தாலும் (மகா கீர்த்தி யோகம்) ஐனன காலத்தில் சனிபகவானை குருபகவான் பார்த்திருந்தாலும், சனிபகவானுடன் குருபகவான் இணைந்திருந்தாலும் தீர்க்காயுள் என்று, அதாவது, 82 வயதுக்கு மேல் என்று கூறிவிடலாம். மக்கள் குலம் நீடுழி வாழ சனிபகவானுடைய ஆசி அவசியம் தேவை. சனிபகவான் மகர ராசிக்கும், கும்ப ராசிக்கும் அதிபதியாகி தொடர்ந்து இரண்டு ராசிகளுக்கும் அதாவது 60 பாகைகள் விஸ்தீரணத்தை ஆளுகை செய்கிறார். இத்தகைய அமைப்பு வேறு எந்த கிரகத்திற்கும் அமையவில்லை என்பதும் குறிப்பிடத்தக்கது.
சனிபகவான் சந்திரபகவான் நின்ற வீட்டிற்கு பன்னிரண்டாம் வீட்டிற்கு வரும்பொழுது ஏழரை நாட்டு சனியின் தொடக்க காலமாகும். பன்னிரண்டாம் வீட்டில் இரண்டரை ஆண்டுகளும், சந்திரபகவான் இருக்கும் வீட்டில் அதாவது ராசியில் இருக்கும் இரண்டரை ஆண்டுகளும், சந்திரபகவானுக்கு அடுத்த வீட்டில் அதாவது இரண்டாவது வீட்டில் இரண்டரை ஆண்டுகளும் சஞ்சரிக்கும் காலத்திற்குத் தான் ஏழரை நாட்டு சனியின் காலம் என்று கூறுகிறோம்.
முதல் தடவை ஏழரை நாட்டு சனியை மங்கு சனி என்றும்; மறு சுற்றுக்கு அதாவது முப்பது ஆண்டுகளுக்குப்பின்னால் ஏற்படும் சனிப்பெயர்ச்சிக்கு பொங்கு சனி என்றும்; மூன்றாவது சுற்றுக்கு மரண சனி என்றும் கூறுகிறோம். இதனால் மூன்றாவது சுற்று ஏற்படும் பொழுது மரணம் ஏற்பட்டு விடும் என்று எவரும் அச்சப்பட வேண்டாம். சனிபகவான் ஒரு முறை 12 ராசிகளைச் சுற்றிவர 30 ஆண்டுகள் ஆகும். இதனைக் கொண்டே "முப்பது வருடம் வாழ்ந்தவனுமில்லை; 30 வருடம் வீழ்ந்தவனுமில்லை' என்கிற பழமொழி ஏற்பட்டது என்று கூறலாம். 
சந்திரபகவானுக்கு நான்காம் வீட்டில் சஞ்சரிக்கும் இரண்டரை ஆண்டுகள் அர்த்தாஷ்டம சனி காலம் என்றும்; சந்திரபகவானுக்கு எட்டாம் வீட்டில் சஞ்சரிக்கும் இரண்டரை ஆண்டுகள் அஷ்டம சனி என்றும் ஆக மொத்தம், பன்னிரண்டரை ஆண்டுகள் சனிபகவானின் கர்ம ஆதிக்கம் உண்டாகும் என்றும் கூற வேண்டும். ஏழாம் வீட்டில் சனிபகவான் சஞ்சரிக்கும் பொழுது அதை கண்டகச் சனி அல்லது கண்டச் சனி என்றும் சொல்வார்கள். இதில் சரிபாதி சுமாரான பலன்களும் சரிபாதி யோக பலன்களும் நடக்கும் என்று கூறப்பட்டுள்ளது. சனிபகவானை நீதிமான் என்கிறோம். நமது கர்மவினைகளுக்கு ஏற்ப பலாபலன்களை அணா பைசா வித்தியாசம் இல்லாமல் வழங்குவதில் அவருக்கு நிகர் அவரே என்று கூறலாம். 
குருபகவானின் தசைக்கு அடுத்தபடியாக சனிபகவானின் தசை நடக்கும். குருபகவான் யோக காரகராக இருந்தால் குருபகவானின் தசையில் மிதமான பலன்களும்; சனிபகவானின் தசையில் யோக பலன்களும்; குருபகவான் லக்ன அசுபராக இருந்து அவர் தசையில் யோக பலன்கள் ஏற்பட்டால் சனிபகவானின் தசையில் மாறான பலன்கள் ஏற்படுவதைப் பார்க்கிறோம். "குரு கொடுப்பின் சனி தடுப்பர், சனி கொடுப்பின் எவர் தடுப்பர்' என்கிற ஜோதிட பழமொழி மேற்கூறிய விஷயங்களின் அடிப்படையில் உண்டானது என்பதை இங்கு ஒப்பு நோக்க வேண்டும். அகம்பாவம், தான் என்கிற மமதை, பகுத்தறிவுதான் எல்லாம், அனைத்தும் நம்மிடத்திலேயே இருக்கும்பொழுது தெய்வத்தை நாடி தேடி அலைவது பேதமை, உழைப்பவன் உயர்வடைகிறான், சோம்பேறி தாழ்வடைகிறான், புத்திசாலி வாழ்கிறான், அறிவிலி நாசமாகிறான் இதில் விதிக்கு என்ன சம்பந்தம்? மதியுள்ளவனை எந்த சக்தியாலும் தடை செய்ய முடியாது என்று பேசியவரை, ஓரே அடியில் அதளபாதாளத்தில் தள்ளி ஒரு மூலையில் சென்று போட்டு விடுபவர் சனிபகவானுக்கு நிகர் அவரே என்றால் மிகையாகாது. அவரை விதிகாரகர் என்கிறோம். எவ்வளவு படித்திருந்தாலும் புத்தியை மாற்றி தவறு செய்ய வைத்து, தானே தனக்குக் குழியை தோண்டிடச் செய்து விடுவார். எவ்வளவு கஷ்டம் நஷ்டம் வந்தாலும், மானபங்கப்பட்டாலும், தன் கொள்கையை பிடிப்பாக கொண்டு இறைவனை மட்டுமே தன் துணை கொண்டு வாழ்பவனின் மனஉறுதியையும் ஊக்கத்தையும் பாராட்டி சனிபகவான் தக்க நேரத்தில் எவரும் எட்டமுடியாத உயரத்திற்கு ஏற்றிவிடுவதிலும் அவருக்கு நிகர் அவரே!
"பஞ்ச பூதங்கள்' அதாவது, ஐந்துவகை தத்துவங்களில் 1. பூமி தத்துவம் (புதன்), 2. நீர்த்தத்துவம் (சுக்கிரன்), 3. அக்னி தத்துவம் (செவ்வாய்), ஆகாசத் தத்துவம் (குரு ), 5.வாயு தத்துவம் சனி பகவானுக்காக கூறப்பட்டுள்ளது. சனி பலம் கூடியிருப்பவர்கள் வாயு (காற்று) தத்துவத்தின் அனுகூலங்களைப் பெறுவார்கள். பெருக்கவும், இளைக்கவும் கூடிய உடலமைப்பைப் பெற்றவர்கள். சாதாரண விஷயத்திற்கும்கூட அதிகம் கோபப்படுவார்கள். செய்யும் தொழிலில் ஆழ்ந்த ஈடுபாடு கொண்டவர்கள். இங்குமங்கும் அலைந்து திரிவார்கள். எல்லோரிடமும் சகஜமாகப் பழகுவார்கள். நல்ல தோற்ற அமைப்பு பெற்றிருப்பார்கள். சனிபகவானின் மற்ற காரகத்துவங்கள் என்னவென்று பார்த்தால், ஆயுளுக்கு அடுத்தபடியாக அதிக வேலைக்காரர்கள் அமைவது, சிறப்பான தச்சு வேலை, பொருள்கள் களவு போகுதல், வீண் வார்த்தை, கடன் தொல்லை, சித்தபிரமை, சிறைதண்டனைகள், அரசு உதவி அல்லது அரசு தண்டனை போன்றவைகளுக்கும் சனிபகவான் காரணமாகிறார்.

மிருகசீரிஷம், சித்திரை, அவிட்டம் ஆகிய நட்சத்திரக்களில் ஜனனமாகி, சனிபகவானின் தசை நான்காவது தசையாக நடப்பவர்களுக்கு பலவிதமான தொல்லைகளும் பொருள் விரயமும், உத்தியோகம், தொழில் வகையில் கவலைகளும், உடல் ஆரோக்கியக் குறைவும் அனைத்து காரியங்களிலும் இனம் புரியாத தாமதமும் வாழ்க்கையில் சாதாரண விஷயத்திலும் பெரும் எதிர்பார்ப்புகளும், எதிரிகளின் கை பலம் பெறும் ஒரு விசித்திரானுபவமும் ஏற்படும் என்று கூறப்பட்டுள்ளது.
அதேநேரம், மேற்கூறிய வகையில் கூறப்பட்டுள்ள விஷயம் பலருடைய ஜாதகங்களில் அனுபவத்தில் ஒத்துவருவதில்லை என்பதையும் பார்க்கிறோம். மாறாக இத்தகைய நிலையில் பலருக்கும் சிறப்பான நற்பலன்கள் நடப்பதைப் பார்க்கிறோம். சனிபகவான் வலுத்திருந்தால் கடினமாக உழைக்க வேண்டிய சக்தி பிறக்கும். தன்னலம் இராது. மற்றையோருக்குத் தொண்டாற்றும் தகுதி உண்டாகும். சனி மகாதசையில் சிறப்பான அதிர்ஷ்ட வாய்ப்புகள் உண்டாகும். 
சனிபகவான் லக்னத்திலிருந்தோ அல்லது ராசியிலிருந்தோ (சந்திரன் இருக்குமிடம்) ஆட்சி, உச்சம், மூலதிரிகோணம் பெற்றிருந்தால் பஞ்சமகா புருஷ யோகங்களில் ஒன்றான சச மகா யோகம் உண்டாகிறது. சச மகா யோகம் பெற்ற சனிபகவானால் படிப்பு, பட்டம் வாங்கும் அமைப்பு, உயர்ந்த பதவி யோகம், வீடு, மனை, நிலம், வாகனம், சொத்துகள் சேரும். உடல் ஆரோக்கியம் திருப்தியாக அமையும். சுகானுபவம் கூடும். பொதுநலப் பணிகளின் மூலம் மதிப்பு உயரும். தாயாருக்கும் நலமுண்டாகும். வசதியான வாழ்க்கை அமையும். வெளிநாட்டுத் தொடர்பும், வெளிநாடுகளுக்குச் சென்று வரும் யோகமும் உண்டாகும். இரும்பு, எஃகு, எண்ணெய் வகைகள், சுரங்கத் தொழில், விவசாயம், பூமியிலிருந்து எடுக்கப்படும் பொருள்கள், கச்சாப் பொருள்கள், கறுப்பு நிறப்பொருள்களாலும் ஆதாயம் கிடைக்கும். கடமை, திடசிந்தனை, பொறுப்புணர்வு வளரும். பொதுவாக, சனிபகவான் வலுத்தவர்கள், விவேக சிந்தனையுடன் கவனமாகப் பணியாற்றுவார்கள். ஒழுங்குமுறையான மற்றும் நெறி பிறழாத இயல்பானவர். முற்றிலும் உணர்ந்தறியும் ஆற்றலும் சாதனைத்திறனும் உண்டாகும். நம்பிக்கைக்குப் பாத்திரமாவார்கள்.
இந்த சனிப்பெயர்ச்சி பலன்கள் மேற்கண்ட குரு, ராகு- கேது பகவான்களின் சஞ்சாரத்துடன் இணைத்து எழுதப்பட்டுள்ளது. இனி பலன்களுக்குச் செல்லுமுன், தினமணி வாசகர்களுக்கு இந்த சனிபகவானின் பெயர்ச்சியினால் முழுமையான அருள் கிடைக்க வாழ்த்துகிறோம்.

இந்த விகாரி ஆண்டு, உத்திராயணம், ஹேமந்த ருது, தை மாதம், 10 -ஆம் தேதி (24.01.2020) வெள்ளிக்கிழமை, தை அமாவாசையன்று உத்திராடம் நட்சத்திரம், வஜ்ர நாம யோகம், சதுஷ்பாத கரணம், சித்தயோகம் கூடிய சுபயோக சுப தினத்தில் சூரிய உதயாதி 08 நாழிகை அளவில் காலை 9.55 (ஐஎஸ்டி) மணிக்கு சனிபகவான் ஹோரையில் திருக்கணித பஞ்சாங்கத்தின்படி சனிபகவான் காலபுருஷனின் ஒன்பதாம் வீடான தனுசு ராசியிலிருந்து தொழில் ஸ்தானமான பத்தாம் வீடான மகர ராசிக்குப் பெயர்ச்சி ஆகிறார்.
சார்வரி ஆண்டு, தட்சிணாயனம் சரத் ருது, கார்த்திகை மாதம், 5- ஆம் தேதி (20.11.2020), வெள்ளிக்கிழமை, சஷ்டி திதி, திருவோண நட்சத்திரம், விருத்தி நாம யோகம், கௌலவ கரணம், சித்தயோகம் கூடிய சுப யோக சுப தினத்தில் நண்பகல் 1.23 (ஐஎஸ்டி) மணிக்கு சுக்கிரபகவான் ஹோரையில் குருபகவான் தனுசு ராசியிலிருந்து மகர ராசிக்குப் பெயர்ச்சி ஆகிறார். 
சார்வரி ஆண்டு, உத்திராயணம், சிசிர ருது, பங்குனி மாதம் 24- ஆம் தேதி (06.04.2021), செவ்வாய்க்கிழமை, தசமி திதி, திருவோண நட்சத்திரம், சித்தநாம யோகம், வணிஜை கரணம், சித்த யோகம் கூடிய சுப யோக சுப தினத்தில் விடியற்காலை 12.25 (ஐஎஸ்டி) மணிக்கு சந்திரபகவானின் ஹோரையில் குருபகவான் அதிசார கதியில் மகர ராசியிலிருந்து கும்ப ராசிக்குப் பெயர்ச்சி ஆகிறார். 
பிலவ ஆண்டு, தட்சிணாயனம், வர்ஷ ருது, ஆவணி மாதம், 29- ஆம் தேதி, (14.09.2021), செவ்வாய்க்கிழமை, அஷ்டமி திதி, மூலம் நட்சத்திரம், ஆயுஷ்மான் நாம யோகம், பவ கரணம், சித்த யோகம் கூடிய சுபயோக சுப தினத்தில் பிற்பகல் 02.28 (ஐஎஸ்டி) மணிக்கு சூரியபகவானின் ஹோரையில் குருபகவானின் அதிசார சஞ்சாரம் நிவர்த்தி அடைந்து கும்ப ராசியிலிருந்து மகர ராசிக்குப் பெயர்ச்சி ஆகிறார்.
பிலவ ஆண்டு தட்சிணாயனம், சரத் ருது, கார்த்திகை மாதம் 4- ஆம் தேதி (20.11.2021), சனிக்கிழமை, துவிதியை திதி, ரோகிணி நட்சத்திரம், சிவநாம யோகம், தைதுல கரணம், அமிர்த யோகம் கூடிய சுப யோக சுப தினத்தில் இரவு 11.31 (ஐஎஸ்டி) மணிக்கு சூரியபகவானின் ஹோரையில் குருபகவான் மகர ராசியிலிருந்து கும்ப ராசிக்குப் பெயர்ச்சி ஆகிறார்.
பிலவ ஆண்டு, உத்திராயணம், சிசிர ருது, பங்குனி மாதம், 30- ஆம் தேதி (13.04.2022) , புதன் கிழமை, துவாதசி திதி, பூரம் நட்சத்திரம் , கண்ட நாம யோகம், பவ கரணம், சித்தயோகம் கூடிய சுப யோக சுபதினத்தில் பிற்பகல் 03.51 (ஐஎஸ்டி) மணிக்கு சனிபகவானின் ஹோரையில் குருபகவான் கும்ப ராசியிலிருந்து மீன ராசிக்குப் பெயர்ச்சி ஆகிறார். 
சோபகிருது ஆண்டு, உத்திராயணம், வசந்த ருது, சித்திரை மாதம், 9- ஆம் தேதி (22.04.2023), துவிதியை திதி, கிருத்திகை நட்சத்திரம், ஆயுஷ்மான் நாம யோகம், கௌலவ கரணம், சித்தயோகம் கூடிய சுபயோக சுப தினத்தில் விடியற்காலை 05.17 (ஐஎஸ்டி) மணிக்கு சூரியபகவானின் ஹோரையில் குருபகவான் மீன ராசியிலிருந்து மேஷ ராசிக்குப் பெயர்ச்சி ஆகிறார். 
சார்வரி ஆண்டு, தட்சிணாயனம், வர்ஷ ருது, புரட்டாசி மாதம், 2- ஆம் தேதி (18.09.2020), வெள்ளிக்கிழமை, துவிதியை திதி, அஸ்தம் நட்சத்திரம், சுப்ர நாம யோகம், பாலவ கரணம், அமிர்த யோகம் கூடிய சுபயோக சுப தினத்தில் இரவு 8.45 (ஐஎஸ்டி) மணிக்கு சுக்கிரபகவானின் ஹோரையில் ராகு }கேது பகவான்கள் மிதுன - தனுசு ராசிகளிலிருந்து முறையே ரிஷப - விருச்சிக ராசிகளுக்குப் பெயர்ச்சி ஆகிறார்கள்.
பிலவ ஆண்டு, உத்திராயணம், சிசிர ருது, பங்குனி மாதம் 3- ஆம் தேதி (17.03.2022) வியாழக்கிழமை, சதுர்த்தசி திதி, பூரம் நட்சத்திரம், சூலநாம யோகம், வணிஜை கரணம், சித்தயோகம் கூடிய சுபயோக சுப தினத்தில் காலை 08.27 (ஐஎஸ்டி) மணிக்கு சூரியபகவானின் ஹோரையில் ராகு- கேது பகவான்கள் ரிஷப - விருச்சிக ராசிகளிலிருந்து முறையே மேஷ- துலாம் ராசிகளுக்குப் பெயர்ச்சி ஆகிறார்கள். 
சுபகிருது ஆண்டு, உத்திராயணம், வசந்த ருது, தை மாதம், 3- ஆம் தேதி (17.01.2023), செவ்வாய்க்கிழமை, ஏகாதசி திதி, விசாக நட்சத்திரம், கண்டநாம யோகம், பத்திரை கரணம், சித்தயோகம் கூடிய சுபயோக சுப தினத்தில் இரவு 06.01 (ஐஎஸ்டி) மணிக்கு சனிபகவானின் ஹோரையில் சனிபகவான் மகர ராசியிலிருந்து கும்ப ராசிக்குப் பெயர்ச்சி ஆகிறார்.

]]>
https://images.dinamani.com/uploads/user/imagelibrary/2020/1/24/w600X390/LORD_SANEESWARA.JPG https://www.dinamani.com/weekly-supplements/vellimani/2020/jan/24/சனிப்பெயர்ச்சி-பலன்கள்-2020---பிரபல-ஜோதிட-ஆராய்ச்சியாளர்-கேசிஎஸ்-ஐயர்-3339226.html
3339220 வார இதழ்கள் வெள்ளிமணி பொருநை போற்றுதும்! 77 - டாக்டர் சுதா சேஷய்யன் DIN DIN Friday, January 24, 2020 11:16 AM +0530 வண்ணாரப்பேட்டையான குட்டகுறை தீர்த்தம்
 "கும்பனிக்காரன் வந்த புதுசு. அந்தக் காலத்தில் சுலோச்சன முதலியார் பாலம் கட்டல. நம்ம சாலைத் தெருதான் செப்பறை வரைக்கும் செல்லும். அங்கேதான் ஆற்றைக் கடக்கவேண்டும். கொக்கிரகுளத்தில இப்போ கச்சேரிகள் இருக்கே, அங்கேதான் கும்பனியான் சரக்குகளைப் பிடித்துப் போடும் இடம். அந்த வட்டாரத்தில நெசவும் பாய் முடைகிறதும் – இந்தப் பத்தமடைப் பாய் இருக்கே அது ... ரொம்பப் பிரபல்யம். அப்பொழுது ஒரு இருநூறு, முன்னூறு சலவைத் தொழிலாளிகளை குடியேத்தி வைத்தான் கும்பனிக்காரன். குஷ்டந்தீர்ந்த துறை என்ற பேர் வண்ணாரப்பேட்டை ஆயிற்று' - தம்முடைய கதையொன்றில், புதுமைப்பித்தன் தருகிற தகவல் இது. நெல்லையின் வண்ணாரப்பேட்டை பகுதிக்கான பெயர்க்காரணம் நமக்குக் கிடைத்துவிடுகிறது.
 இந்தப் பகுதியில், ஆற்றுப் பாலத்திற்குச் சற்று வடக்காக, பொருநை ஆற்றின் வலக்கரையை ஒட்டி அமைந்துள்ளது பேராற்றுச் செல்வி ஆலயம். ஏழை அடியார் ஒருவர் அம்பாளை வழிபட்டுவந்தார். அவளுக்குக் கோயில் எழுப்ப
 வேண்டும் என்று ஆசைப்பட்டார். வசதி இல்லை. வருத்தத்தை அம்பாளிடமே கூறினார். அவருடைய கனவில் காட்சி தந்த அம்பாள், ஆற்றின் வலக்கரையில், மூன்று அத்தி மரங்கள் சேர்ந்தாற்போல் இருக்கும் இடத்தில் தான் இருப்பதாகவும் அங்கே சென்று நீரில் தேடும்படியும் தெரிவித்தாள். அதன்படி, பொருநை நீரில் துழாவித் தேடியதில், அம்பாள் விக்கிரகம் கிடைக்க, உடனே குடிசை அமைத்து அம்பாளைப் பிரதிஷ்டை செய்தார். அம்பாளும் எட்டுத் திருக்கரங்களுடன், வடக்கு நோக்கிய திருமுக மண்டலத்துடன், சாந்த சொரூப காளியாக அருள்கிறாள். பெரிய ஆற்றில் கிட்டியவள் என்பதால், இவளுக்குப் பேராற்றுச் செல்வி என்றும் திருநாமம்.
 அருள்மிகு பேராற்றுச் செல்வியின் திருக்கோயில் இருக்கும் பகுதியின் ஆற்றுத்துறைக்குக் குட்டகுறை தீர்த்தம் என்னும் பெயர் நிலவுகிறது. இந்த இடத்தில், பொருநையாள் வடக்கு முகமாகப் பாய்கிறாள். எங்கெல்லாம் வடக்கு முகமாகப் (உத்தரவாஹினியாக) புண்ணிய நதி பாய்கிறதோ, அங்கெல்லாம் முன்னோர் கடன் புரிய ஏதுவான இடங்கள்; பரிகாரம் தேடப் பாங்கான இடங்கள். காசி நகர அரசன் ஒருவன், வடக்கு முகமான பொருநையாளில் மூழ்கி, தனக்கிருந்த குஷ்ட நோய் நீங்கப் பெற்றதாகச் செவிவழிச் செய்தி. ஆகவே, இது குஷ்டம் தீர்த்த துறை அல்லது குட்டகுறை தீர்த்தம் (குஷ்டம் குறைத்த) என்று அழைக்கப்பெற்றது. இந்தக் குஷ்டம் தீர்த்த துறைதான், வண்ணாரப்பேட்டை ஆனதாகப் புதுமைப்பித்தன் விவரிக்கிறார்.
 தேமதுரத் தமிழ் வாசம்
 வனப்பும் வடிவமும் சிதையா தமிழ்ப் பெயர்களைக் கொண்டவை என்னும் பெருமை திருநெல்வேலிக்கும் அதன் சுற்று வட்டாரத்திற்கும் எப்பொழுதுமே உண்டு. "திக்கெலாம் புகழுறும் திருநெல்வேலி' என்று போற்றப்படுகிற நெல்லையில், இத்தகைய தமிழ்ப் பெயர்கள் இன்றும் எதிரொலிக்கின்றன.
 வண்ணாரப்பேட்டையைப் போல், தாமிரவருணியின் வலக்கரையில் காணப்படுகிற மற்றுமொரு பெயர் கொக்கிரகுளம். ஆற்றுக்கு அருகில், நெல் வயல்கள் சூழ இருந்த பகுதி, கொக்கு உறை குளம். நீர்வளமிக்க இடமென்பதால், கொக்குகள் நிறைய இருந்தனவாம். கொக்குறைகுளம் என்பதே கொக்கிரகுளம் (பாளையங்கோட்டையின் பகுதி) என்றாகிவிட்டது.
 வண்ணாரப்பேட்டையும் (இதன் விரிவு, ஆற்றின் இடக்கரையான நெல்லைக்குள்ளும் பரந்துள்ளது) கொக்குறைகுளமும் பொருநையின் வலக்கரையில், அதாவது தென்கிழக்குக் கரையில், பாளையங்கோட்டையில் இருப்பவை.
 தேன் சிந்தும் பூ நேசம்
 நெல்லைக்குள்ளேயே (ஆற்றின் இடக்கரையில்) இருக்கிற பொருநைத் துறைக்குச் சிந்துபூந்துறை என்று பெயர். ஆறுகளில் மக்கள் நீராடும் பகுதிகளுக்குத் துறை என்று பெயர். மிகப் பழைமையான காலங்களிலேயே, நெல்லைப் பகுதிவாழ் மக்கள், ஆற்றில் நீராடிய துறை இது.
 இப்பகுதியில் சோலைகளும் மலர்ச்செடிகளும் நிறைந்திருந்தனவாம். இதனால், பூந்துறை என்று அழைக்கப்பட்டது. செடிகளில் பூத்திருக்கும் மலர்களிலிருந்து சொட்டுகிற தேன்துளிகள் ஆற்றுநீரில் சிந்தி ஆற்றோடு பாயுமாம். இதனாலேயே இது சிந்துபூந்துறை என்று வழங்கப்பெற்றதாக அறிஞர் அ.க.நவநீதகிருட்டிணன் தெரிவிக்கிறார்.
 சிந்துபூந்துறையானது சற்றே எட்டத்தில் இருந்ததால், விரைவாக ஆற்றுக்குச் செல்ல விழைந்த மக்கள், வயல்களின் வழியாகக் குறுக்காகச் சென்று ஆற்றில் நீராடினர் என்றும் இவ்வாறு விரைவாகவும் குறுக்காகவும் சென்று பயனடைந்த இடம் குறுக்குத் துறை எனப் பெயர் பெற்றது என்றும் மேலும் விளக்குகிறார்.
 (தொடரும்...)
 
 
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2020/jan/24/பொருநை-போற்றுதும்-77---டாக்டர்-சுதா-சேஷய்யன்-3339220.html
3339218 வார இதழ்கள் வெள்ளிமணி இயேசு ஆசீர்வதித்த திருமணம் DIN DIN Friday, January 24, 2020 11:13 AM +0530 திருமணங்கள் சொர்க்கத்தில் நிர்ணயம் செய்யப்படுகிறது என்பர். திருமணம் இறைவன் ஏற்படுத்தியது; புனிதமானது. தாம் படைத்த ஆதாமையும் ஏவாளையும் இணைத்தவர் கர்த்தரே! அன்று தொடங்கி இன்று வரை திருமணம் சிறப்பாக நடத்திவைக்கப்படுகிறது.
 இருவீட்டாரும், உறவினர்களும், நண்பர்களும் சூழ நல்ல விருந்தும், ஆட்டமும், பாடல்களும், அலங்காரமும், உயர்ந்த ஆடைகளும், ஆபரணங்களும், பரிசுகளும், சீர்வரிசைகளும் தம் தகுதிக்கு ஏற்ப கொடுக்கப்படுகிறது. திருமணத்தை ஆலயத்தில் இறைவேண்டலுடன் நடத்தி வைக்கப்படுகிறது.
 ஐரோப்பா, ஆப்பிரிக்க கிறிஸ்தவர்கள் மத்தியில் பெண்ணைப் பெற்ற பெற்றோர்களிடம் ஒரு வழக்கமுள்ளது. வயது வந்த தம் மகளுக்கு புனித கன்னி மோதிரம் "வெர்ஜின் கோல்ட் ரிங்' அணிவிப்பார்கள். திருமண நாளில் அம் மோதிரம் கழட்டப்பட்டு திருமண மோதிரம் "வெட்டிங் கோல்ட் ரிங்' அணிவிப்பர். கன்னிபெண் தன் திருமணம் வரையிலும் புனிதத் தன்மையோடு வாழ புனிதம் காக்கப்படுகிறது. அவ்வாறே, ஆண்களும் திருமணம் வரை புனிதம் காக்கப்பட வேண்டும். மேலும், திருமணத்தில் இறைவனே பிரசன்னமாகி வாழ்த்துவார் என நம்பப் படுகிறது.
 இவ்வாறு, திருமணம் நல்ல சந்ததியையும் இறைஅருள் பெற்ற பிள்ளைகள் பிறந்து குடும்பம் மகிழ்வுடன் வாழவும், பிள்ளைகள் அக்குடும்பத்தின் பெருமைக்குரியவராகவும் பரிசுத்தமான தெய்வபக்தியுள்ள இன்ப குடும்பம் அமைக்கப்படுகிறது.
 வேதாகமத்தில் திருமண நிகழ்ச்சி ஒன்று குறிக்கப்பட்டுள்ளது. கானா ஊரிலே ஒரு கல்யாணம் நடந்தது. இயேசுவின் தாய் மரியாளும் அங்கே இருந்தார். இயேசுவும் அவருடைய நண்பர்களும் அந்த கல்யாணத்திற்கு அழைக்கப்பட்டிருந்தனர். திராட்சை ரசம் குறைவுபட்டபோது இயேசுவின் தாய் இயேசுவை நோக்கி, "அவர்களுக்கு திராட்சை ரசம் இல்லை' என்றார். (யோவான் 2: 1-3)
 யூதர்கள் திருமணத்தை மிக விருந்தோம்பலுடன் உறவினர்கள், நண்பர்கள், பெருமைக்குரியவர்கள் அழைக்கப்பட்டு சிறப்பான உணவு பரிமாறப்பட்டது. மேலும் திராட்சை ரசம் வெகு சீக்கிரம் தீர்ந்து போனது. தேவமாதா, இதை இயேசுவின் பார்வைக்கு கொண்டு வந்தார்.
 இயேசுவோ, திராட்சை ரசம் வைக்கப்பட்டிருந்த ஜாடியிடம் சென்றார். ஆறு ஜாடிகள், இரண்டு அல்லது மூன்று குடம் அளவு பிடிக்கும் ஜாடிகள்! இயேசு வேலைக்காரரிடம் காலி ஜாடிகளில் நீர் நிரப்பச் சொன்னார். ஆறு ஜாடிகளில் நீர் நிரப்பப்பட்டவுடன், ஓர் அற்புதம் நிகழ்த்தினார்.
 தண்ணீரை நல்ல உயர்ந்த, மணம் உள்ள, ருசியான, நிறம் உள்ள திராட்சை ரசமாக மாற்றிவிட்டார். இந்த ரசம் பரிமாறப்பட்டது. விருந்து பரிமாறும் பந்தி விசாரிப்புகாரர் ருசிப் பார்த்து வியந்து போனார். இவ்வளவு ருசியான மணமான நல்ல நிறம் உள்ள இனிக்கும் திராட்சை ரசம் அவர் தம் வாழ்நாளில் சுவைத்தது இல்லை. ஏனெனில் அற்புதத்தின் ரசம் அல்லவா?
 இயேசு ஆண்டவர் கல்யாணத்தில் செய்த இந்த அற்புத செயல் எல்லா கிறிஸ்தவ திருமணங்களில் வாசிக்கப்பட்டு இயேசு செய்த முதல் அற்புதம் நினைவு கூறப்படுகிறது. இயேசு ஆண்டவர் மனிதனாக பிறந்து இவ்வுலகில் வாழ்ந்திருந்தாலும் அவர் தேவகுமாரன். மனிதரை மீட்க உலகுக்கு வந்த தெய்வம்! அவர் மகிமைப்பட்டார் என திருமணங்களில் நினைவு கூறப்படுகிறது.
 நம் வாழ்வு புனிதமானது. கன்னித்தன்மையும் பிரம்மச்சரியமும் புனிதத் திருமணம் வரையில் காக்கப்பட வேண்டும். இன்னார்க்கு இன்னார் என்று இறைவன் இணைப்பைப் போற்றுகின்றார். குடும்பம் என்ற புனித வாழ்வை கர்த்தர் விரும்புகின்றார். மனிதர் திருமணத்தில் கர்த்தர் பிரசன்னமாகி ஆசீர்வதிக்கின்றார் எனப் போற்றுவோம். இறைவன் ஆசி நம் எல்லாருக்கும் உரியதாகும்.
 - தே. பால் பிரேம்குமார்
 

]]>
https://images.dinamani.com/uploads/user/imagelibrary/2020/1/24/w600X390/JESUS111.JPG https://www.dinamani.com/weekly-supplements/vellimani/2020/jan/24/இயேசு-ஆசீர்வதித்த-திருமணம்-3339218.html
3339216 வார இதழ்கள் வெள்ளிமணி நிகழ்வுகள் DIN DIN Friday, January 24, 2020 11:10 AM +0530 "தை' அமாவாசை திருவிழா'!
 திருவாரூர் மாவட்டம், வலங்கைமான் வட்டம், அவளிவணல்லூர் கிராமத்தில் உள்ள அருள்மிகு சௌந்திரநாயகி உடனுறை அருள்மிகு சாட்சிநாத சுவாமி திருக்கோயிலில் தை அமாவாசை தீர்த்தப்பெருவிழா, ஜனவரி 24, வெள்ளிக்கிழமையன்று நடைபெறுகின்றது. அன்று காலை ருத்ராபிஷேகம், மகந்யாச ஜபத்துடன் தொடங்கி, பகல் 1.00 மணி அளவில் சந்திரபுஷ்கரணியில் தீர்த்தவாரி நடைபெறும். மாலை சௌந்திரநாயகி அம்மனுக்கு சந்தன காப்பு அலங்கார தீபாராதனையும், இரவு இசை நிகழ்ச்சியும் நடைபெறுகின்றது. காவிரியின் தென்கரையில் உள்ள பாடல் பெற்ற திருத்தலங்களில் இது 100 -ஆவது தலமாகும்.
 உழவாரப் பணி
 சென்னை அண்ணாமலையார் அறப்பணிக்குழு சார்பில் ஜனவரி 26 -ஆம் தேதி, ஞாயிற்றுக்கிழமை, தெள்ளூரில் உள்ள பாழடைந்த பழைமையான சிவன் கோயிலில் உழவாரப்பணி நடைபெறுகின்றது. வயல்கள் நடுவே அமைந்துள்ள இக்கோயில் வேலூரிலிருந்து பெங்களூர் செல்லும் சாலையில் சுமார் 10 கி.மீ. தூரத்தில் உள்ளது. பங்கேற்க விரும்புவர்கள் முன்னதாக தொடர்பு கொள்ளலாம்.
 தொடர்புக்கு: 98846 35774.
 

]]>
https://www.dinamani.com/weekly-supplements/vellimani/2020/jan/24/நிகழ்வுகள்-3339216.html
3339215 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, January 24, 2020 11:09 AM +0530 • பாவ காரியங்களில் ஈடுபடுபவன் தன் வீட்டிற்குத் தானே நெருப்பு வைப்பவனுக்கு சமமானவன். அது அவனை மட்டுமின்றி, அவனைச் சார்ந்திருப்பவர்களையும் பாதிக்கும். ஆதலால் உடலாலும், உள்ளத்தாலும் எவரும் பாவங்களைச் செய்யக் கூடாது.
• கலியுகத்தில் மனிதமனம் பாவச் செயல்களையே நாடிச் செல்லும். சூதாடும் இடங்களிலும், மது விற்பனை செய்யும் இடங்களிலும், விபச்சாரிகளின் இல்லங்களிலும் கலிபுருஷன் மறைந்திருக்கிறான். 
• ஆதலால் ஆரோக்கியம், மனஅமைதி, லட்சுமி கடாட்சம் ஆகியவற்றை விரும்புபவர்கள் இந்த மூன்று இடங்களையும் தவிர்க்க வேண்டும்.
- ஸ்ரீமந் நாராயணன் கருடனுக்கு உபதேசித்தது 
• தாயிடம் வைக்கும் பக்தியால் இந்தப் பிறவியில் இன்பத்தையும், தந்தையிடம் காட்டும் பக்தியால் மறுமையில் சொர்க்கலோக சுகங்களையும், குருவிற்கு சேவை செய்வதால் பிரம்மலோக பேரானந்தத்தையும், பசுவை பூஜிப்பதால் அஷ்ட ஐஸ்வர்யங்களையும், துன்பத்தில் இருக்கும் மற்றவர்களுக்கு உதவி செய்வதால் நீண்ட ஆயுளையும் ஒருவன் அடைகிறான்.
- மனுதர்ம சாஸ்திரம் 
• நீ எதை நினைக்கிறாயோ அதுவே ஆகிறாய். நீ உன்னைப் பலவீனன் என்று நினைத்தால், பலவீனனாகவே நீ ஆகிவிடுவாய். நீ உன்னை வலிமையுடையவன் என்று நினைத்தால், வலிமை படைத்தவனாகவே நீ ஆகிவிடுவாய்.
- சுவாமி விவேகானந்தர் 
• மண்பானை உடைந்தால் அதற்குள் இருக்கும் காற்று விரிந்து பரந்த ஆகாயத்தில் கலந்துவிடுகிறது. அதுபோலவே மனித உடல் அழிந்தவுடன், என்றுமே அழியாததும் ஒன்றையும் சாராததுமான ஆத்மா மட்டுமே எஞ்சுகிறது.
- யோகவாஷிட்ட சாரம் 
• வேதங்களையும் சாஸ்திரங்களையும் கற்று பின்பற்றுதல், நன்னடத்தை, தன்னுடைய ஆத்மாவுக்கு உகந்த நல்ல செயல்களைச் செய்தல், விவேகத்தால் எடுத்த உறுதியில் பிறக்கும் விருப்பம் ஆகியவை தர்மத்தின் இருப்பிடங்களாகும்.
- யாக்ஞவல்க்ய ஸ்மிருதி
• நன்மை, தீமை ஆகிய இரண்டையும் நன்கு ஆராய்ந்து சீர்தூக்கி முடிவு செய்பவனே ஞானி.
- புத்தர்
 

]]>
https://images.dinamani.com/uploads/user/imagelibrary/2020/1/24/w600X390/kamalanandhar.JPG https://www.dinamani.com/weekly-supplements/vellimani/2020/jan/24/பொன்மொழிகள்-தொகுப்பு-சுவாமி-கமலாத்மானந்தர்-3339215.html
3339214 வார இதழ்கள் வெள்ளிமணி நன்மை பயக்கும் நயனுடைய நற்சொற்கள் Friday, January 24, 2020 11:07 AM +0530 உயர்வும் தாழ்வும் உரைக்கும் சொல்லால் உருவாகும். இறையச்சத்தோடு மறையறிந்து முறையோடு வாழ்வோர் முகம் மலர்ந்து மனம் மகிழ இனிய சொல்லை மொழிவர். இதனை இறைமறை குர்ஆனின் 33-70, 71 -ஆவது வசனங்கள், "நீங்கள் அல்லாஹ்விற்கு அஞ்சி நேர்மையானதைக் கூறுங்கள். அல்லாஹ் உங்களின் செயல்களை உங்களுக்குச் சீராக்கி வைத்து உங்கள் குற்றங்களை மன்னிப்பான்''. என்று கூறுகின்றன.
 இவ்வசனங்களில் குறிப்பிடப்படும் நேர்மையான சொல் என்பது பொய் புகலாமை, புறங்கூறாமை, பிறர் புண்பட பேசாமை, நீதிக்குப் புறம்பாய் அறம் பிறழ்ந்து தீதிழைக்கும் தீயன கூறாமை. நல்ல சொல்லை நாளும் மொழிந்தால் தீயன தீய்ந்து நன்மை பெருகும். பிறரை வருத்தாத இனிய சொல் இம்மை மறுமை இரண்டிலும் இன்பம் தரும்.
 35- 10 -ஆவது வசனம், "கண்ணியம் அல்லாஹ்விற்குச் சொந்தமானவை. தூய சொற்கள் அல்லாஹ்வை அடைகின்றன. நற்செயல்களை அல்லாஹ் உயர்த்துகிறான்'' என்று கூறுகிறது. இந்த வசனத்தில் தூய சொற்கள் அல்லாஹ்வை அடைவதாக அல்லாஹ் சொல்கிறான். இச்சொல் தூய சொற்களைச் சொல்லுமாறு நமக்கு அறிவுறுத்துகிறது. அல்லாஹ்வைப் புகழும் தஸ்பீஹ், கலிமா, நன்றி நவிலும் அல்ஹம்துலில்லாஹ் முதலிய சொற்கள் அல்லாஹ்வின் ஆசனத்தைத் தேனீக்களைப் போல சுற்றுகின்றன. அந்நற்சொற்களைச் சொன்னவரை நினைவுறுத்துகின்றன. இவ்வாறு நினைவு கூறப்படுபவர்களாக நீங்கள் இருக்க வேண்டும் என்ற ஏந்தல் நபி (ஸல்) அவர்களின் எழில்மொழியை அஹ்மது 3809, இப்னு மாஜா 18388 -இல் காணலாம்.
 நன்மை பயக்கும் நயனுடைய நற்சொற்களில் முதன்மையானது அல்லாஹ்வைப் புகழும் திக்ர். அல்லாஹ் கூறுகிறான், "என் அடியான் என்னை நினைவு கூர்ந்தால் என்னைப்பற்றி என்ன நினைக்கின்றானோ, அதற்கேற்ப அவனிடம் நடந்துகொள்வேன். அவன் என்னை நினைவு கூறும்பொழுது நானும் அவனை நினைவு கூர்வேன். அவன் ஓர் அவையில் என்னை நினைவு கூர்ந்தால் அதனினும் சிறந்த அவையில் அவனை நான் நினைவு படுத்துவேன்'.
 22- 24 -ஆவது வசனம், "சொல்லால் மணமானதன்பால் அல்லாஹ்வின் பாதையில் வழிகாட்டப்பட்டார்கள்'' என்று கூறுகிறது. சொல்லால் மணமானது தூய நற்சொல். தூய சொல்லால் அல்லாஹ்வைப் புகழ்வோருக்குச் சொர்க்க வழியை அல்லாஹ் காட்டுகிறான் என்று இவ்வசனத்திற்கு விளக்கம் அளிக்கின்றன தப்ஸீர் இப்னு கதீர் 408/ 5 தப்ஸீர் அத்திப்ரீ 595/ 18.
 நற்சொற்களை மொழிவதால் நல்ல விளைவுகள் ஏற்படும். நன்மைக்குரிய கதவுகள் திறக்கும். நற்செயல்புரிய நல்ல வாய்ப்புகளை உருவாக்கும். இதன் தாக்கம் ஆக்க வழியை ஊக்குவிக்கும். நற்சொற்களால் நல்வழிக்குத் திரும்பியவரின் நற்செயல்களின் பயனை நற்சொல் பகர்ந்தவருக்கும் பகிரப்படும். நற்செயல் புரிந்தவர்களின் பயன் பறிக்கப்படாது, குறைக்கப்படாது. நற்செயல் புரிந்தோர் முழு பயனையும் பெறுவர். நற்சொல்லால் ஊக்குவித்தவருக்கும் வித்தகன் அல்லாஹ் வித்தில் முளைக்கும் செடியின் பயனைப் பலரும் பெறுவது போல் பகர்ந்தவருக்கும் பயனைப் பங்கிட்டு கொடுப்பான். நூல்- முஸ்லிம் 2674.
 நற்செயலுக்கு நன்றி நவில்வதும் நற்சொல்லே. இந்த நற்சொல் நற்செயல் புரிந்தோரைத் தொடர்ந்து நற்செயல் செய்ய தூண்டும். நன்மை செய்தவருக்கு ஜஜக்கல்லாஹ் ஹைரன். அல்லாஹ் உங்களுக்கு நன்மையை கூலியாக தருவானாக! என்று கூறுவது முறையான நிறைவான நன்றி நவிலல். நூல்- திர்மிதீ 2035. நயனுடைய நற்சொல் கோபத்தை அடக்கும். ஆழ்மனதில் அமைதியை உண்டாக்கும். நற்சொல் போதுமென்ற மனத்திருப்தியைத் தரும். அதனால் ஆளுமை அதிகரிக்கும்.
 பிர்அவ்னிடம் ஏக இறை கொள்கையை எடுத்துரைக்க சென்ற மூசா நபியிடம் அல்லாஹ் நளினமான நற்சொல்லைப் பகருங்கள். அவன் நல்லுணர்ச்சி பெறலாம் அல்லது அச்சம் அடையலாம் என்று அறிவுறுத்தியதை 20- 44 -ஆவது வசனம் கூறுகிறது. மென்மையான சொற்களால் நிதானமாக நளினமாக பேசுவது பெரும் பயனை நல்கும் என்று இவ்வசனம் வரையறுப்பதாக தப்ஸீர் இப்னு கதீர் 295/ 5 இயம்புகிறது. நற்சொல் நல்ல மாற்றங்களை உருவாக்கும். அருகில் உள்ளோர் அண்டை வீட்டார் உடன் பணிபுரிவோர் இடையே இணக்கத்தையும் பிணைப்பையும் உருவாக்கும். உறவினர்களோடு விரிசல் விழாத விவகாரம் எழாத நெருக்கத்தை ஏற்படுத்தும்; நேசத்தைப் பெருக்கும். ஒற்றுமையை வேரூன்ற வைக்கும்.
 வேற்றுமையை வேரறுத்த ஒற்றுமை ஓங்கி ஒருமைப்பாட்டை நிலைநிறுத்த நன்மை பயக்கும் நயனுடைய நற்சொற்களையே நாளும் நவில்வோம்.
 - மு.அ.அபுல் அமீன்
 
 

]]>
https://images.dinamani.com/uploads/user/imagelibrary/2020/1/24/w600X390/vm3.jpg https://www.dinamani.com/weekly-supplements/vellimani/2020/jan/24/நன்மை-பயக்கும்-நயனுடைய-நற்சொற்கள்-3339214.html
3339209 வார இதழ்கள் வெள்ளிமணி சதா "சிவ' சிந்தனை! DIN DIN Friday, January 24, 2020 11:02 AM +0530 நவகிரகங்களில் ஒருவரான சுக்ரனின் தலம் கஞ்சனூர் ஆகும். இது கும்பகோணம் மற்றும் மயிலாடுதுறையிலிருந்து சுமார் 20 கி.மீ. தூரத்திலும்; ஆடுதுறையிலிருந்து சுமார் 4 கி.மீ. தூரத்திலும் உள்ளது. மதுரை திருஞானசம்பந்த சுவாமிகள் ஆதீனத்தின் நிர்வாகத்தில் இக்கோயில் உள்ளது. இவ்வூருக்கு கம்சபுரம், அக்னிபுரம், பராசரபுரம், பிரம்மபுரி ஆகிய பெயர்களும் உண்டு. பிருகு முனிவரின் புதல்வனான சுக்ரன் தன் சாப நிவர்த்திக்காக இச்சிவனாரை வணங்கி தரிசித்து அருள்பெற்ற தலம். சுக்ரனுக்கு கஞ்சன், பார்கவன் என்ற பெயரும் உண்டு.
 பராசர மகரிஷியின் பித்துப்பிடித்த நிலையை போக்கி அவருக்கு தனியாக "முக்தி தாண்டவம்' ஆடி சிவனார் காட்சி கொடுத்ததாக இத்தலபுராணம் கூறுகிறது. இங்குள்ள சிவனார் சுயம்பு (தான் தோன்றி) ஆவார். இக்கோயில் சோழப் பேரரசர் விக்ரமனால் கட்டப்பட்டு, பின் ராஜகேசரி, குலோத்துங்கன், வீரராஜேந்திரன் மற்றும் விஜயநகரப்பேரரசின் கிருஷ்ணராய மஹாராயரால் பராமரிக்கப்பட்டது. காவிரியின் வடகரையில் தஞ்சைப்பகுதியிலுள்ள 276 சிவத்தலங்களில் இது தேவாரப்பாடல் பெற்ற 36 -ஆவது தலம்.
 இவ்வளவு பெருமைகளை தன்னகத்தே கொண்ட கஞ்சனூர் திருக்கோயிலிலுள்ள அக்னீஸ்வரர் என்ற பெயர் கொண்ட சிவனாரை; பிறப்பால் வைணவரான சுதர்சனர் என்பவர் பெரும் பக்தியோடு வழிபட்டார். அவர் தன் குழந்தைப்பருவம் முதல் சதா"சிவ' சிந்தனையுடன் திருநீறு மற்றும் ருத்திராட்சம் முதலிய சிவச்சின்னங்களை தரித்து வந்தார். அவரது குடும்பத்தார் எவ்வளவோ எடுத்துக்கூறியும் அவர்களின் சொல்லை அவர் ஏற்கவில்லை. இவ்வூரிலுள்ள மற்றவர்கள் இவரது பக்தியை நம்பாமல் கேலி செய்து "உன் சிவபக்தி உண்மையென்றால் பழுக்கக் காய்ச்சிய இரும்பினால் ஆன ஆசனத்தில் அமர்ந்து நிரூபி' என அவரைச் சீண்டினர். சுதர்சனரும் "சிவனாரே நம் அண்ட சராசரத்தை இயக்குபவர், அவர் எம்மை காப்பார்" "சிவமே பரம்பொருள்" என்று கூறி திருஐந்தெழுத்து மந்திரமான "நமசிவாய"வை கண்ணை மூடி ஜெபிக்க ஆரம்பித்தார். பேரொளியுடன், நெருப்பின் தாக்கம் ஏதுமின்றி, எந்த வடுவும் இல்லாமல் அனைவருக்கும் சுதர்சனர் சிவனடியாராய் காட்சி தந்தார். இந்த நிகழ்வு இவ்வூரிலுள்ள வரதராஜப்பெருமாள் கோயில் வளாகத்தில் நடந்ததாகக் கூறப்படுகிறது. பின்னர், அவ்வூர் மக்கள் அனைவரும் தன் தவறை உணர்ந்து சைவத்தின் மேன்மை அறிந்து அவரை போற்றலாயினர்.
 சுதர்சனர் அனுதினமும் கஞ்சனூரையும் சேர்த்து அவ்வூரைச் சுற்றியுள்ள ஊர்களான திருக்கோடிக்கா, திருவாலங்காடு, திருவாடுதுறை, தென் குரங்காடுதுறை, திருமங்கலக்குடி மற்றும் திருமாந்துறை ஆகிய ஏழு சிவத்தலங்களை தரிசித்த பின்னரே மதிய உணவு உண்பதை ஒரு வழக்கமாகச் செய்து வந்தார். ஒரு நாள் குரங்காடுதுறை சிவனாரை தரிசித்துவிட்டு வெளிவர நினைத்தபோது கருமேகம் சூழ்ந்து, பெரும் மழைப்பிடித்துக் கொண்டுவிட்டது. எதிரிலுள்ள சாலை கூடத் தெரியவில்லை. அப்போது ஒரு பிராமணர் அவர் எதிரில் வந்து இப்படி மழையில் நனைகிறீர்களே என்னுடன் வாருங்கள் என அழைத்துச் சென்று தன் வீட்டில் அறுசுவை உணவினை சுதர்சனருக்கு அளித்தார். வந்தவர் தட்சிணாமூர்த்தியே என்பதை உணர்ந்த சுதர்சனர், அவர் பாதம் பணிந்து தன்னை மாணவனாக ஏற்றுக்கொள்ள வேண்டினார். அவரது கோரிக்கையை ஏற்று "சிவஞானத்தை' உபதேசித்த சிவனார், இன்றிலிருந்து "ஹரதத்த சிவாச்சாரியார்" என அழைக்கப்படுவாய் என ஆசிர்வதித்ததாக கஞ்சனூர் புராணம் கூறுகிறது.

 தனக்கு ஏற்பட்ட இறை ஆற்றலை நல்ல முறையில் பக்தர்களின் நலனுக்காகவே வெளிப்படுத்தினார். கஞ்சனூர் ஆலயத்தில் உள்ள கல் நந்தியை "புல்' சாப்பிடச் செய்தது, அரசர் தனக்கு அளித்த பட்டாடையை ஹோமத்தில் போட்டு அதே பட்டு வஸ்திரத்தை அங்குள்ள சிவனாரில் மேல் தென்படச் செய்தது என பல அதிசயங்களை அவர் நிகழ்த்தினார். சிவ தத்துவத்தை தன்னுடைய நூல்களின் மூலம் அனைவருக்கும் அறிய செய்துள்ளார். ஹரதத்தருக்கு தனிக்கோயில் இவ்வூருக்கு வெளியே சிவனாரை இவர் வணங்குவது போன்ற நிலையில் உள்ளது. ஒவ்வொரு வருடமும் தைத்திங்களில் "ஹரதத்தருக்கு' காட்சி தந்த விழா சிறப்பாக நடைபெறுகிறது.
 பொதுவாக, சுரைக்காயை இறைவனுக்குப் படைப்பதில்லை. கஞ்சனூரில் உள்ள ஓர் ஏழை விவசாயி பெரும் சிவபக்தர். அவரது பக்தியை மெச்சி சிவனார் ஒரு சாது வடிவில் வந்து தனக்கு உணவு அளிக்குமாறு கேட்க, அந்த சிவபக்தர் தயங்கி தயங்கி சுரைக்காயைத்தவிர தன்னிடம் எதுவுமே இல்லையே எனக்கூற; சிவனடியார் உருவத்தில் வந்த இமயோன் "ஒரு பாதி விதைக்கும் ஒரு பாதி கறிக்கும் (பொறியல்)' வைத்துக்கொள் எனக்கூற; அதன்படியே அந்த உழவுத் தொழில் செய்த சிவபக்தன் சுரைக்காயை சமையல் செய்து வந்தவருக்கு தந்தார். அதனை உண்டு மகிழ்ந்தார் அங்கு வந்தவரான சிவனார். அதுமுதல் அந்த விவசாயி "சுரைக்காய் பக்தர்' என அழைக்கலானார்.
 இவ்வாண்டு, ஜனவரி 29 -ஆம் தேதி, புதன்கிழமை, வசந்த பஞ்சமி அன்று "ஹரத்தர் ஆராதனை' அமைகின்றது.
 - எஸ். எஸ். சீதாராமன்

]]>
https://images.dinamani.com/uploads/user/imagelibrary/2020/1/24/w600X390/HARADHATHAR.JPG https://www.dinamani.com/weekly-supplements/vellimani/2020/jan/24/சதா-சிவ-சிந்தனை-3339209.html
3339207 வார இதழ்கள் வெள்ளிமணி தென்னாங்கூர் வைபவங்கள் DIN DIN Friday, January 24, 2020 10:59 AM +0530 திருவண்ணாமலை மாவட்டத்தில் வந்தவாசிக்கு அருகில் உள்ளது தென்னாங்கூர் திவ்ய தேச தலம். ஸ்ரீ மீனாட்சி அம்மன் அவதரித்த புண்ணிய தலம். அதன் பொருட்டு தட்சிண ஹாலாஸ்யம் என அழைக்கப்படுகின்றது.
 இங்கு, ஸ்ரீ பாண்டுரங்கன் ருக்மாயி திருக்கோயில் உள்ளது. நாமசங்கீர்த்தனத்தின் சக்ரவர்த்தியாகவும், குரு பக்திக்கு கலியுகத்தில் நிகரற்ற சான்றாகவும் விளங்கிய குருஜி ஸ்ரீ ஹரிதாஸ்கிரி சுவாமிகள் ஒரு சமயம், மகாராஷ்டிர மாநிலத்தில் உள்ள மங்களவாடியில் தங்கியிருந்த தருணத்தில் அவரது குருநாதர் ஸத்குரு ஸ்ரீ ஞானாந்தகிரி சுவாமிகள் அவரது கனவில் தோன்றி பண்டரிபுரம் செல்ல உத்தரவிட்டார். அதே நேரத்தில் பண்டரிபுரத்திலுள்ள அர்ச்சகர்களின் கனவில் பாண்டுரங்கன் தோன்றி, பிள்ளை வரம் வேண்டி காணிக்கையாகச் செலுத்தப்பட்டு அன்றாடம் பூஜிக்கப்பட்டு வந்த சிறிய பாண்டுரங்கன் விக்ரகத்தை சுவாமி ஹரிதாஸ்கிரியிடம் அளிக்குமாறு உத்தரவிட, மேளதாளத்துடன் அளிக்கப்பட்டது.
 இந்நிகழ்வே, தென்னாட்டில் நாமசங்கீர்த்தன தெய்வமான பாண்டுரங்கனுக்கு ஒரு பெரிய ஆலயம் அமைவதற்கு பெரிதும் மூலகாரணமாயிற்று. 1996- இல் முதல் கும்பாபிஷேக வைபவம் நடந்தேறியது. அது முதல் இத்தலத்திற்கு தட்சிண பண்டரிபுரம் என்ற பெயரும் சேர்ந்தது. சதா சர்வகாலமும் நாமசங்கீர்த்தன முழக்கம் நடைபெறும் இடமாகும். தற்போது பிப்ரவரி 2008 -இல் நடந்த இரண்டாவது கும்பாபிஷேகத்திற்குப் பிறகு பல்வேறு திருப்பணி வேலைகள் மேற்கொள்ளப்பட்டு நடந்து வருகின்றது. ஆகம சரஸ்திரப்படி மூன்றாவது கும்பாபிஷேக வைபவம் நடைபெற உள்ளது.
 இதனையொட்டி நடைபெறும் நிகழ்வுகள்:
 ஆலய கும்பாபிஷேகம், சம்ப்ரோக்ஷணம்
 ஜனவரி 30 -ஆம் தேதி, வியாழக்கிழமையன்று ஸ்ரீ மடம் மற்றும் ஸ்ரீ நாமாஜி அதிஷ்டானம், ஸ்ரீ மீனாட்சி சுந்தரேஸ்வர் ஆலயம், கிராமதேவதை செல்லியம்மன் ஆலயங்களின் கும்பாபிஷேகம், ஸத்குரு ஸ்ரீ ஞானாந்த கிரிசுவாமிகள், ஸபரிவார ஸ்ரீ வித்யா மஹாஷோடஸாஷரி ஸ்ரீ அம்பாள் மூர்த்திகளுக்கு புன: ப்ராண ப்ரதிஷ்டையும், ஸ்ரீ லட்சுமி நாராயணன், ஸ்ரீ பாண்டுரங்கன் ஆலயங்களின் சம்ப்ரோக்ஷணமும் நடைபெறுகின்றது. அனைத்து சந்நிதிகளுக்கும் பூர்வாங்க, ஹோம பூஜைகள் ஜனவரி 28 -இல் ஆரம்பமாகிறது.
 நாமசங்கீர்த்தன மேளா: ஸ்ரீ ஞானானந்த நாமசங்கீர்த்தன மண்டலியின் 60 ஆண்டுகள் பூர்த்தி அடைந்ததை ஒட்டி கும்பாபிஷேகத்தின் அங்கமாக ஜனவரி 31 முதல் பிப்ரவரி 2 வரை மூன்று நாள்களுக்கு அகில உலக நாமசங்கீர்த்தன மேளா நடைபெறுகின்றது. நாடெங்கிலும் பாகவதோத்தமர்கள் கலந்து கொள்கின்றனர்.
 தொடர்புக்கு: 044 - 24952498
 - எஸ்.வெங்கட்ராமன்

]]>
https://images.dinamani.com/uploads/user/imagelibrary/2020/1/24/w600X390/vm2.jpg https://www.dinamani.com/weekly-supplements/vellimani/2020/jan/24/தென்னாங்கூர்-வைபவங்கள்-3339207.html
3339206 வார இதழ்கள் வெள்ளிமணி துர்வாசரைத் துரத்திய ஸ்ரீசுதர்சன சக்கரம்! Friday, January 24, 2020 10:56 AM +0530 "ஸ்ரீ சுதர்சனர்' என்றால் காண்பதற்கு இனியவர் என்றும் எதிலும் நல்வழியைக் காட்டுபவர் என்றும் பொருள். கோடி சூரியனுக்கு சமமான ஒளியை உடையவர் சுதர்சனர். திருமாலின் கையில் ஐந்து ஆயுதங்களாகத் திகழக்கூடியவர் சுதர்சனர். இவர் சக்கர வடிவிலே சங்கு, கதை, வாள், வில், சக்கரம் என்ற ஆபரணங்களாகத் திருமாலின் வலது கரத்தில் அமர்ந்துள்ளார்.
 புராண காலத்தில் அம்பரீஷன் என்ற ஓர் அரசர் இருந்தார். அவர் திருமால் பக்தர். இவர், சக்ரத்தாழ்வாரை அன்றாடம் பக்தியுடன் வழிபட்டு வந்தார். இவர் தவறாமல் ஏகாதசி விரதம் இருப்பவர். ஏகாதசியில் விரதமிருந்து துவாதசியில் அன்னமுண்டு மிக சிரத்தையுடன் ஏகாதசி விரதத்தைக் கடைப்பிடித்து வந்தார்.
 துர்வாச முனிவருக்கு இந்த அம்பரீஷ் மன்னரைச் சோதித்துப் பார்க்க வேண்டுமென்ற எண்ணம் வந்தது. ஒரு துவாதசி அன்று காலை அவரது அரண்மனைக்கு வந்து மன்னரிடம் தான் ஆற்றுக்குச் சென்று நீராடி விட்டு வந்து துவாதசி அன்னத்தில் தானும் கலந்து கொள்வதாகக் கூறிவிட்டு சென்றார்.
 அன்று துவாதசி காலை நேரத்தில் கொஞ்ச நேரமே இருந்தது. முனிவர் வேண்டுமென்றே ஆற்றில் காலதாமதம் செய்தார். அம்பரீஷ் மன்னருக்கோ, இன்னும் சற்று நேரத்தில் துவாதசிக்கான காலம் தீர்ந்துவிடப் போகிறதே! அதற்குள் உண்ண வேண்டுமே! இந்த துர்வாச முனிவர் இப்படிக் காலம் தாழ்த்துகிறாரே! என்ற வேதனையில் தவித்துக் கொண்டிருந்தார். முனிவரான அவரைவிட்டு விட்டு அன்னம் அருந்தினால் பாவத்திற்கு ஆளாக நேரிடுமே என்ற ஆதங்கம் அவரை மேலும் வேதனையில் ஆழ்த்தியது.
 அரசருடைய இக்கட்டான சூழ்நிலையை புரிந்து கொண்ட புரோகிதர், மன்னரிடம் துவாதசி முடிவதற்குள் தண்ணீர் மட்டும் அருந்தி விரதத்தை முடிக்கலாமென்றும் இதனால் அன்னமுண்ட பலன் கிட்டும் என்றும் அறிவுரை கூறினார். அதன்படியே மன்னரும் செய்து முடித்தார்.
 இதை அறிந்த துர்வாசருக்கு மிகுந்த கோபம். ஒரு பெரிய பூதத்தை வரவழைத்து மன்னரை விழுங்க ஆணையிட்டார். பூதமும் மன்னரை விழுங்கச் சென்றது. இதைக் கண்ட, மன்னன் வழிபட்டு வந்த சுதர்சனர் சீறி எழுந்து வந்து, பூதத்தை வதம் செய்துவிட்டு, துர்வாசரை அழிக்க துர்வாசரை விரட்டிச் சென்றார்.
 துர்வாச முனிவரை விடாமல் துரத்திப் பின்தொடர்ந்தது. வேறு வழியின்றி துர்வாசர் திருமாலிடம் சரணடைந்தார். திருமால், அம்பரீஷனிடம் சரணடையும்படி கூறினார். அதன்படியே முனிவரும் சரணடைந்தார். பிறகு திருமால் அந்த சுதர்சன சக்கரத்தை திரும்பப் பெற்றுக்கொண்டார் என்பது புராணக் கதை!
 திருமால் சுதர்சன சக்கரத்தைத் திரும்பப்பெற்ற தலமாக விளங்குகிறது "கீழவழத்தூர்' என்ற தலம்! தஞ்சை- கும்பகோணம் நெடுஞ்சாலையில் தஞ்சாவூரிலிருந்து 15 கி.மீ. தொலைவில் "கீழவழத்தூர்' என்ற இத்தலம் அமைந்துள்ளது.
 இத்தலத்தில் உற்சவர் அம்பரீஷவரதர் என்ற பெயரிலும் தாயார் உபய நாச்சியார் என்ற பெயரிலும் மூர்த்திகளாக உள்ளனர். பெருந்தேவிதாயார் - புஷ்பவல்லித் தாயார் சமேதராக மூலவர் அருள்மிகு ஜகத்ரஷகர் கிழக்குப் பார்த்து நின்ற கோலத்தில் சேவை சாதிக்கிறார்.
 ஸ்ரீமந்நாராயணனால் ஏவப்பட்ட சுதர்சன சக்கரத்தைத் திரும்பப் பெற்ற நிலையில் மூலவரின் கரம் சற்று சாய்ந்தே காணப்படுகிறது. குடமுருட்டி ஆற்றின் வடகரையில் இக்கோயில் அமைந்துள்ளது. திருமங்கைஆழ்வாரால் மங்களாசாசனம் செய்யப்பட்டத் தலம் இது.
 இங்கு, வருடத்தில் மூன்று நாள்களுக்கு பெருமாளுக்கு கல்யாண உற்ஸவம் வெகுவிமரிசையாகக் கொண்டாடப்படுகிறது. நவராத்திரி விழா, விஜயதசமியில் அம்பு போடும் விழா, தேசிகர் உற்சவம், வைகுண்ட ஏகாதசி போன்ற நாள்களில் திருமஞ்சனம், அலங்காரம், ஆராதனைகள் சிறப்பாக இருக்கும். தை வெள்ளிக்கிழமை "டோலோத்சவம்' மிகவும் சிறப்பாகக் கொண்டாடப்படும்.
 திருமண வரம், குழந்தை வரம், பகைவர்களிடமிருந்து மீளுவது போன்றவற்றிற்கு இப்பெருமாளை வந்து வழிபட்டு, மனஅமைதி கொள்ள பக்தர்கள் வந்து வணங்குகின்றனர். சுதர்சன சக்கரம் திரும்பப் பெறப்பட்ட தலமென்பதால் கைவிட்டுப் போனவைகளை மீண்டும் பெற்று நல்வாழ்வு பெற இத்தலத்திற்கு பக்தர்கள் அதிகம் வருகின்றனர்.
 - ராமசுப்பு

]]>
https://images.dinamani.com/uploads/user/imagelibrary/2020/1/24/w600X390/vm1.jpg https://www.dinamani.com/weekly-supplements/vellimani/2020/jan/24/துர்வாசரைத்-துரத்திய-ஸ்ரீசுதர்சன-சக்கரம்-3339206.html
3333547 வார இதழ்கள் வெள்ளிமணி பொன்மொழிகள்! சுவாமி கமலாத்மானந்தர் DIN Friday, January 17, 2020 07:34 PM +0530 கல்வியில் நமக்குத் துணையாக நிற்பது சத்சங்கமே! அதாவது, தெய்வபக்தியும், நேர்மையும், உள்ளத்தூய்மையும் கொண்டு விளங்கும் நல்லவர்களின் நட்பே ஆகும்.

"தெய்விகக் குணங்கள் உடைய உயர்ந்த உத்தமர்களின் நட்பையும், ஆசியையும் பெற்றவன், பிறவி என்ற பெருங்கடலின் பாதியை எளிதில் கடந்துவிட்டான்' என்று கொள்ளலாம்!

- சமர்த்த ராமதாசர் (சத்ரபதி சிவாஜியின் குரு)

 

கணவரின் பெருமையும் மகிழ்ச்சியும், மனைவியின் அன்பிலும் கற்பிலும்தான் இருக்கின்றன. கணவரின் குலத்தை விருத்தி செய்பவள் மனைவியே! முன்னோர்கள் நற்கதி அடைவதற்கு சத்புத்திரனை அளிப்பவளும் மனைவிதான். ஆதலால், ஒருவர் தனது வாழ்க்கையில் உயர்வதும், தாழ்வதும் மனைவியின் குணங்களில்தான் இருக்கின்றது.

- மகரிஷி காஸ்யபர்
தனது பத்தினி திதிக்கு அருளிய உபதேசம்

 

மோட்சத்தையும், நல்ல பிறவியையும் பெற்றுத்தரும் தானங்கள் பல இருக்கின்றன. கோ தானம், பூமி தானம், தீப தானம், வஸ்திர தானம், அன்னதானம், ஸ்வர்ண தானம் என்று ஒவ்வொரு தானத்திற்கும் ஒவ்வொரு புண்ணிய பலன் உண்டு.

- தர்ம சாஸ்திரம்


நிகழ்வுகள்


திருநீலகண்ட நாயனார் குருபூஜை விழா

வேலூர் மாவட்டம், வெட்டுவானம், திரு.வி.க. சாலை, ஸ்ரீ அறுபத்துமூவர் சமரச சன்மார்க்க சபை சார்பில் திருநீலகண்ட நாயனார் குருபூஜை விழா, 19.01.2020, மாலை 5.30 மணிக்கு சிறப்பு போற்றுதல் திருமுறை இன்னிசையுடன் நடைபெறுகின்றது.

தொடர்புக்கு: 04171 244348.

மணியோசை

வைகுந்த ஏகாதசியை முன்னிட்டு, ஸ்ரீரங்கம் திருத்தலத்தின் பெருமைகளை சொல்லும் எஸ்.எஸ். சீதாராமனின் கட்டுரை போற்றுதற்குரியது. "சிதம்பரம் நடராஜர் மந்திர்' பூனே அருகில் சதாராவில் அமைந்துள்ளது குறித்து அறிந்து மகிழ்ந்தேன். நன்றி!

- ரேவதி சம்பத்குமார், ஈரோடு


"பொன்மொழிகள்' பகுதியில் துளசிதாசரின் "பக்தியில்லாதவன் நீரில்லாத மேகம் போன்றவன்' என்ற வரிகள் பொன்னெழுத்துகளால் பொறிக்கப்பட வேண்டியவை! சதாராவில் உள்ள சிதம்பரம் நடராஜர் ஆலயம் பற்றி அறிந்து பரவசப்பட்டோம்! வாழ்த்துகள்!

- ப. அண்ணாமலை, ஒட்டன்சத்திரம்

]]>
https://images.dinamani.com/uploads/user/imagelibrary/2020/1/10/w600X390/vm2.JPG https://www.dinamani.com/weekly-supplements/vellimani/2020/jan/17/பொன்மொழிகள்-3333547.html
3333545 வார இதழ்கள் வெள்ளிமணி சிறந்த பரிசு குழந்தை இயேசு - தே. பால் பிரேம்குமார் DIN Friday, January 17, 2020 07:31 PM +0530 கர்த்தர் மனிதருக்கு கொடுத்த மிக சிறந்த பரிசு குழந்தை இயேசு ! குழந்தைச் செல்வம், எல்லா செல்வங்களிலும் மிகச் சிறந்தது. குழந்தை நல மருத்துவர்கள் சொல்வார்கள் குழந்தை பிறப்பு ஒவ்வொன்றும் அற்புதம்! பிறந்த ஒவ்வொரு குழந்தையிடமும் இருநூறு செயல்பாடுகள் அதனுள் அடங்கியுள்ளது. மூச்சு விடுகிறது, பார்க்கிறது, கேட்கிறது, அழுகிறது, காலாட்டுகிறது,

யாட்டுகிறது, ஜீரணிக்கிறது. இப்படியான செயல்பாடுகளுடன் இப்பூமிக்கு வருகிறது. மானிடராய் பிறத்தல் அரிது என்கிறது முதுமொழி.

வேதாகமம், {""இதோ, பிள்ளைகள் கர்த்தரால் வரும் சுதந்திரம்;  கர்ப்பத்தின் கனி, அவரால் கிடைக்கும் பலன்'' (சங்கீதம் 127:4) பிள்ளைகள் பெற்றோருக்கு "அம்மா', "அப்பா' பட்டத்தைத் தருகிறார்கள். ஒரு குடும்பத்தின் மகிழ்ச்சி அக்குடும்பத்தின் பிள்ளை மூலமே பெற்றுக்கொள்ளப்படுகிறது. 

மரியாளும் யோசேப்பும் குழந்தை இயேசுவை மிக அன்புடன் வளர்த்தனர். இயேசுவும் தம் பெற்றோருக்கு கீழ்படிந்திருந்தார். இயேசு வளர்ந்து ஆவியிலே பலம் கொண்டு ஞானத்தினால் நிறைந்தது; தேவனுடைய கிருபையும் அவர் மேல் இருந்தது. அவருடைய தாய் தகப்பனார் ஆண்டுதோறும் பஸ்கா பண்டிகையில் எருசலேமுக்குப் போனார்கள். 

அவருக்கு  பன்னிரண்டு வயதானபோது அவர்கள் பண்டிகை முறைமையின்படி எருசலேமுக்குப் போனார்கள். பண்டிகை நாள்கள் முடிந்து திரும்பி வருகிறபோது பிள்ளையாகிய இயேசு எருசலேமிலேயே தங்கிவிட்டார். இது அவருடைய தாயாருக்கும் யோசேப்புக்கும் தெரியாதிருந்தது. இயேசு பிரயாணக்காரர்கள் கூட்டத்திலே இருப்பாரென்று நினைத்து ஒருநாள் பிரயாணம் வந்து  உறவின் முறையாரிடத்திலும் அறிமுகமானவர்களிடத்திலும் தேடினார்கள். காணாததினாலே அவரைத்தேடிக் கொண்டே எருசலேம் வரை சென்றார்கள்.

மூன்று நாள்களுக்குப்பின்பு அவர் தேவாலயத்தில் போதகர் நடுவில் உட்கார்ந்திருக்கவும், அவர் பேசுகிறதைக் கேட்கவும் அவர்களுடன் வினாவவும் கண்டார்கள். அவர் பேச்சைக் கேட்ட யாவரும் அவருடைய புத்தியையும் அவர் சொன்ன கருத்துகளையும் குறித்துப் பிரமித்தார்கள். தாய் தகப்பன்மாரும் அவரைக்கண்டு ஆச்சரியப்பட்டார்கள். அப்பொழுது, அவருடைய தாயார் அவரை நோக்கி,  ""மகனே! ஏன் எங்களுக்கு இப்படிச் செய்தாய்? இதோ... உன் தந்தையும் நானும் வருத்தத்தோடே உன்னைத் தேடினோமே'' என்றார்.

அதற்கு  இயேசு, ""நீங்கள் ஏன் என்னைத் தேடினீர்கள். என் பிதாக்கடுத்தவைகளில் நான் இருக்க வேண்டியதனை 
அறிவீர்களா?'' என்றார். 

பின்பு, இயேசு அவர் தாய் தந்தையுடன் நாசரேத்தில் அவர்களுடன் வாழ்ந்தார். இயேசுவானவர் ஞானத்திலும் வளர்த்தியிலும்  தேவகிருபையிலும் மனிதர் தயவிலும் அதிகமதிகமாய் வளர்ந்தார்.

குழந்தையாக கடவுளே பிறந்து மனிதருக்கு பெருமை சேர்த்தார். முப்பது வயது வரை இந்த உலகத்தில் சாதாரண மனிதராகவே தம்மை காண்பித்தார். எல்லாம் எனக்குத் தெரியும், நான் கடவுள் என்று எண்ணாமல் நம்மைப்போல் வாழ்ந்து தம் இறைப்பணியை செய்தார்.

நாம் குழந்தைகளை போற்றுவோம். பெற்றோரின் அன்பு, பிள்ளைகளை மிகவும் உயர்ந்த நிலைக்கு கொண்டு போகும். குழந்தைகள் நம் குடும்பத்தின் வாரிசு மட்டும் அல்ல. அவைகள் நமது செல்வங்கள். செல்வ செழிப்பும் வளமும் மேன்மையும் உயர்வும் குழந்தைகள் மூலம் கர்த்தர் அருளுகிறார்.

]]>
https://www.dinamani.com/weekly-supplements/vellimani/2020/jan/17/சிறந்த-பரிசு-குழந்தை-இயேசு-3333545.html
3333544 வார இதழ்கள் வெள்ளிமணி மாமறையால் மன மாற்றம் - மு.அ.அபுல் அமீன் DIN Friday, January 17, 2020 07:30 PM +0530 திருக்குர்ஆன் ஓதுவதைக்கேட்டு போதனையை உணர்ந்து சரணடைந்து நிரந்தர நிம்மதியைப் பெற்று நிறைவாழ்வு வாழ்ந்தவர்கள் வாழ்கிறவர்கள் நிறைய உள்ளனர். ஒரு சிலரை இக்கட்டுரையில் காண்போம். தணிவாய் கனிவாய் இனிய குரலில் ஓதும் குர்ஆன் வசனங்களைக் கேட்டோர் ஈர்க்கப்பட்ட நிகழ்ச்சிகளும் நிறைய உள்ளன.

புழைள் இப்னு இயாள் இறை கட்டளைகளுக்கு மாறு செய்பவராக மன இச்சைக்குக் கட்டுண்டு சுய நலத்திற்காக பிறர் உரிமைகளைப் புறக்கணித்து அடுத்தவரின் அல்லலில் எல்லையில்லா ஆனந்தம் கொண்டு நிதானம் இன்றி விதானத்தின் கீழ் இருப்பதெல்லாம் தனக்கென்று தருக்கி திரிந்தார்.

ஒருமுறை ஒருவர் குர்ஆனின் 57-16 ஆவது வசனத்தை ஓதுவதைத் செவிசாய்த்து கேட்டார். ""நம்பிக்கை உடையோரின் உள்ளங்கள் அல்லாஹ்வை நினைத்தும் அவன் இறக்கி வைத்த சத்தியத்தைக் கவனித்தும் பயப்படும் நேரம் வரவில்லையா?'' உடனே யா அல்லாஹ்! (என் இறைவனே!) இதோ நேரம் வந்து விட்டது என்று கூறியவாறு அல்லாஹ்விடம் பாவமன்னிப்பு கேட்டு மீட்சி பெற்றார்கள். அவர்களின் வாழ்வில் பெரும் மாற்றம் நிகழ்ந்தது. கல்வி ஞானத்திலும் வணக்க வழிபாடுகளிலும் நற்குணங்களிலும் நற்பண்புகளிலும் மற்றவர்களுக்கு முன்னோடியாக திகழ்ந்தார். அவர் வாழ்ந்த காலத்து மக்கள் அவரை நேசித்தார்கள். மார்க்க அறிஞர்களும் புகழ்ந்தனர். புழைள் இப்னு இயாள் (ரஹ்) என்ற இறைநேசர் இப்பூமியில் சிறப்பு வாய்ந்த மனிதராக என் காலத்தில் வாழ்ந்தார் என்று உரைக்கிறார் இமாம் அப்துல்லாஹ் இப்னு முபாரக்.
காலித் இப்னு அக்பர் முதல் முறையாக குர்ஆன் ஓதுவதைக் கேட்டார். அல்லாஹ்வின் மீது சத்தியமாக குர்ஆனில் ஓர் இனிமை இருக்கிறது. புதுமையான சரள நடை திரள வைக்கிறது. உட்பொருளின் செழுமையை உணர முடிகிறது. ஓதும் பொழுது கனியின் சுவையை சுகிக்க முடிகிறது. தகிக்க முடியாத தாபம் தணிகிறது. பாவ எண்ணங்கள் விரண்டோடுகின்றன. இக்குர்ஆனை நிச்சயமாக மனிதனால் இயற்ற முடியாது. குர்ஆனின் சொல் நயம், நடையழகு, பொருள் பொலிவைப் பூரணமாக உணர்ந்து ஆரணமாக ஏக இறை கொள்கையை ஏற்று இஸ்லாத்தைத் தழுவினார். நந்நபி (ஸல்) அவர்களின் நற்றோழர் ஆனார்.

வலீதுப்னு முஙய்றா இஸ்லாத்தை எதிர்த்தும் ஏற்றவர்களை ஏளனப்படுத்தியும் கேலியும் கிண்டலுமாக இழிவுபடுத்தியும் இல்ஸாமிய எதிரியாகவே வாழ்ந்து மடிந்தார். அவரின் மகன் காலித் இப்னு வலித் வாரிசு உரிமையை ஒப்புக் கொண்டு இஸ்லாத்தின் பரம வைரியாக தந்தையினும் வேகமாக விவேகம் இன்றி இஸ்லாமியர்களை வதைத்தார்.  அவர் பிறவி வீரர். அவர் திருக்குர்ஆன் ஓதுவதைக் கேட்டு இக்குர்ஆனின் நூதன சுவையும் மதுரவாக்கும் என் மனதை மாற்றுகிறது என்று கூறி இஸ்லாத்தை ஏற்றார். ஏந்தல் நபி (ஸல்) அவர்களின் காலத்தில் இஸ்லாமிய தற்காப்பு போர்களில் தளபதியாக பொறுப்பேற்று வெற்றிகளைக் குவித்தார்.

துல்பிஜாதைனி ஒட்டகம் மேய்த்தவர். இஸ்லாமிய வழிப்போக்கர்கள் ஓதும் குர்ஆன் வசனங்களைக் கேட்டு மனனம் செய்து சிந்தித்தார். மனமாற்றம் ஏற்பட்டது. இஸ்லாத்தை ஏற்க அவரின் சிறிய தந்தையிடம் அனுமதி கேட்டார். சிறிய தந்தை மறுத்ததோடு பரம்பரை சொத்துகளையும் திருப்பி கேட்டார். தாயிடம் ஒரு கம்பளித் துணியைப் பெற்று இரண்டாக கிழித்து ஒன்றை இடுப்பில் கட்டிக்கொண்டு மற்றொன்றை மேலே போர்த்திக் கொண்டு கட்டியிருந்த ஆடை உட்பட அனைத்தையும் சிற்றப்பாவிடம் திருப்பி கொடுத்து விட்டு மதீனா சென்று மாநபி (ஸல்) அவர்களின் முன் நின்று இஸ்லாத்தை ஏற்றார். மூத்தா என்ற ஊரில் சண்டைக்குச் சென்றபொழுது நோயுற்று இறந்தார்.

மதீனாவில் வாழ்ந்த சொந்தபந்தங்கள் இஸ்லாத்தை ஏற்றால் மதீனாவிலிருந்து வெளியேற்றி விரட்ட வீராவேசத்துடன் பூரண ஆயுதங்களோடு குதிரையில் சுற்றி வந்தார் அஸ்அதுப்னு ஜர்ரார். மக்காவிலிருந்து வந்து இஸ்லாமிய பிரசாரம் செய்யும் முஸ் அபுப்னு உமைர்  (ரலி) அவர்களை அதட்டினார். அவரோ அமைதியாக குதிரையிலிருந்து இறங்கி அவர் அருகில் அமர்ந்து உரையாட வேண்டினார். அவரின் அடக்கமான அமைதியான வேண்டுகோளால் ஆத்திரம் தணிந்து ஆவேசம் அடங்கி வேண்டுகோளை ஏற்று அவரின் பக்கத்தில் அமர்ந்தார் அஸ் அதுப்னு ஜர்ரார். முஸ் அபுப்னு உமைர் (ரலி)  குர்ஆனின் சில வசனங்களை ஓதினார். அதனைக் கேட்ட அஸ்துப்னு ஜர்ரார் இஸ்லாத்தை ஏற்றார். அன்று மாலைக்குள் அவரின் கோத்திரத்தார் அனைவரையும் இஸ்லாத்தில் இணைத்தார். 

இஸ்லாமியர்கள் பொருள் உணர்ந்து இறைமறையை முறையோடு ஓதி மறைவழியில் மாநபி (ஸல்) அவர்கள் நடந்து காட்டிய நந்நெறியில் பணிவு, இறையச்சம், சகோதர பாச நேசத்துடன் நன்மை பயக்கும் நற்செயல்களை நாளும் செய்தால் ஆள்வோர் முதல் ஆளப்படுவோர் வரை அனைவரும் அருமறை குர்ஆனின் ஈர்ப்பில் திளைத்து நல்ல தீர்ப்பைப் 
பெறுவர்.

]]>
https://www.dinamani.com/weekly-supplements/vellimani/2020/jan/17/மாமறையால்-மன-மாற்றம்-3333544.html
3333543 வார இதழ்கள் வெள்ளிமணி மணப்பேறு அளிக்கும் நித்யகல்யாண வரதர்! - பி.எஸ்.கோதண்டராமன் DIN Friday, January 17, 2020 07:29 PM +0530
திருவண்ணாமலை மாவட்டத்தில் செய்யார் பேருந்து நிலையத்திலிருந்து 7 கி.மீ. தொலைவில் உள்ளது "பெரிய கோயில் கிராமம்'. ஊரின் பெயரும் அதுவே. இங்குள்ள நித்யகல்யாணவரதர் ஆலயம், சுமார் 450 ஆண்டுகளுக்கு முன் பாரத்வாஜ வம்சத்திலுதித்த ஸ்ரீ உ.வே.சிம்மகுட்டி ஐயங்கார் வம்சத்தார்களால் கட்டப்பட்டது என்று செவி வழி செய்தி மூலம் அறியப்படுகின்றது. 

காஞ்சி மண்டலத்திற்கும் இக்கோயிலுக்கும் ஒரு காலத்தில் அதிக தொடர்பு இருந்தது. ஆதலால், காஞ்சி ஸ்ரீ தேவாதிராஜப் பெருமாளின் கைங்கர்ய அன்பர்களால் வேதபாராயணங்கள் நடந்து வந்ததாக கூறப்படுகின்றது. இக்கோயில் ஸ்ரீமத் அஹோபிலமடத்து முக்கூர் அழகியசிங்கர் 44 -ஆவது பட்ட அழகியசிங்கரால் மங்களாசாசனம் செய்யப்பட்ட பெருமையுடையது. கடைசியாக, இவ்வாலயத்தில் 2012 -ஆம் ஆண்டு, சம்ப்ரோக்ஷண வைபவம் நடந்தேறியது.

இத்திருக்கோயிலின் மூலமூர்த்தி நித்யகல்யாண வரதாஜப்பெருமாள் ஆகையால் திருமணத்தடை உள்ளவர்கள், புத்திரபாக்கியம் இல்லாதவர்கள் சர்ப்ப தோஷமுள்ளவர்கள், திருமணமாகி பிரிந்துள்ள தம்பதிகள் இங்குள்ள காளிங்கநர்த்தன கிருஷ்ணனையும் சேர்த்து சேவித்தால் மேற்சொன்னவைகள் 42 நாள்களில் தடைகள் விலகும் என்பது கண்கூடாக நடந்து வரும் உண்மை! நம்பிக்கையுடன் பக்தர்கள் பங்கேற்கின்றனர். மேலும், இவ்வாலயத்தில் தனித்தாயார் சந்நிதி, ஆஞ்சநேயர் சந்நிதி, ஆண்டாள் சந்நிதி, ஆழ்வார்கள் சந்நிதி, மடப்பள்ளி நாச்சியார் ஆகியவைகள் வழிபாட்டில் உள்ளன.

இவ்வாலயத்தில் 8 -ஆவது ஆண்டு உத்ஸவம், ஜனவரி 19 -ஆம் தேதி, ஞாயிறு அன்று சிறப்பு திருமஞ்சனம், சகஸ்ரநாம அர்ச்சனை, சாற்றுமறை, திருவீதி புறப்பாடு போன்ற வைபவங்களுடன் நடைபெற உள்ளது. இத்திருத்தலம் செல்ல, செய்யாரிலிருந்து ஆட்டோ வசதி உள்ளது. 

 தொடர்புக்கு:  94443 76082.

]]>
https://images.dinamani.com/uploads/user/imagelibrary/2020/1/17/w600X390/vm5.jpg https://www.dinamani.com/weekly-supplements/vellimani/2020/jan/17/மணப்பேறு-அளிக்கும்-நித்யகல்யாண-வரதர்-3333543.html