Dinamani - வெள்ளிமணி - https://www.dinamani.com/weekly-supplements/vellimani/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3280520 வார இதழ்கள் வெள்ளிமணி கார்த்திகையில் நேர்த்தியான விரதம்! DIN DIN Friday, November 15, 2019 11:30 AM +0530 மனிதப் பிறவு என்பது புனிதம் வாய்ந்தது. எனவேதான் "மானிடராதல் அரிது' என்று சொன்னார்கள். அதிலும் எந்தவிதமான உடல் குறைகளோ அன்றி மனக்குறைகளோ இல்லாமல் வாழ்வது என்பது மேலானது. இத்தகைய மனிதப்பிறவியில்தான் மனிதன் தன்னுள் இருக்கின்ற அளப்பறிய இறை ஆற்றலை உணர்ந்து இறைவனை அறிந்து இறைவனின் நிலையை அடைகின்றான். எனவேதான் வள்ளுவரும் கூட இங்கே வாழ்வாங்கு வாழ்பவன், அதாவது முன்னோர்கள் வகுத்த நெறியின் வண்ணம் அறநிலை தவறாது வாழ்ந்தானேயாகில் அவன் விண்ணில் உறைகின்ற தெய்வத்திற்கு ஒப்பாகக் கருதப்படுவார்கள் என்று கூறினார்.
சரியான வழியில் புலன்களை ஒழுங்குபடுத்தி சிறந்தோங்கி வாழ பெரிதும் உதவுவது சபரிமலை புனிதயாத்திரை ஆகும். இந்த யாத்திரையை மேற்கொள்வதற்காக கார்த்திகை முதல் நாள் இவ்வாண்டு, 17.11.19 -இல் தொடங்கி மார்கழி பதினெட்டாம் நாள் வரை ஒரு மண்டலம் விரதமிருந்து ஐயப்பனை தரிசிக்க பக்தர்கள் மாலை அணிந்து விரதமிருப்பது வழக்கம். மாலையை போட்டுக்கொண்டால் காலையில் சீக்கிரம் துயில் எழுதல், இருவேளை குளித்தல், இருவேளை வழிபாடு செய்தல், சைவ உணவுகளை உண்ணுதல், போதைப் பொருட்களைத் தவிர்த்தல், பிரம்மச்சர்ய விரதம் இருத்தல் போன்ற கட்டுப்பாடுகளைத் தானே விதித்துக் கொள்வதால், பக்தர்கள் கூட்டம் அப்பொழுதே (ஐயப்ப) "சாமி' என்று அழைக்கத் தொடங்கி விடுகின்றது.
இவ்வாறு பல ஆண்டுகள் ஒருவன் சபரிமலைக்குப் பயணப்படும் பொழுது அவன் பரிபூரண நிலையை அடைவதற்கான வாய்ப்புகள் ஐயப்பன் பேரருளால் உருவாகின்றது. மேலும் குரு தத்துவம் சபரிமலை யாத்திரையின் முன் வைக்கப்படுகின்றது. குருவின் வழிகாட்டுதலோடு பக்தி செய்தல், அவர் வழி காட்டுதலோடு சேவை செய்தல், பல்வேறு குணநலன்கள் கொண்டவர்களோடு இணங்கி வாழப்பழகுதல், அவர்களைத் தன் உறவினர்களாக நண்பர்களாகப் பாவித்து அன்பைப் பெருக்குதல் ஆகிய நன்மைகளும் வந்து சேர்கின்றன.
ஒரு மண்டலம் என்பது 48 நாள்கள். அது என்ன 48 நாள்கள்? ஒன்பது கோள்கள் (நவக்கிரகங்கள்), 27, நட்சத்திரங்கள், 12 ராசிகள் ஆகிய மூன்றும் ஒருங்கிணைந்தே மண்டலம் ஆகும். இந்த உலகில் உள்ள எல்லா மனிதர்களும், ஏன் எல்லா உயிரினங்களுமே இந்த அமைப்பிற்குள் அடங்கி விடுகின்றன. எனவே நாற்பத்தெட்டு நாள்கள் விரதம் என்பது நமக்கு எல்லா வகையிலும் நன்மையை அள்ளி வழங்குகின்றது. ஆயின் தற்போது 48 நாள்கள் முறைப்படியான விரதம் என்பது குறைந்து நினைத்தபடி 10 நாள்கள், ஒரு வாரம் போதும் என்றெல்லாம் தீர்மானித்து சபரிமலை யாத்திரை மேற்கொள்வது நடைமுறையாகி வருகின்றது.
ஒரு மண்டல விரதம் என்பது உடல் நலம், மன நலம், பக்தி நலம் ஆகிய செல்வங்களை நமக்கு ஒருங்கே வழங்குகின்றன என்பதால் அந்த விரத நியமங்களில் எந்தவிதமான தளர்வோ, சமாதானமோ செய்து கொள்ளுவது ஏற்புடையது அல்ல. முறைப்படி விரதமிருந்து, இரு முடி தாங்கி, பதினெட்டாம் படியை கடந்து வரும் ஒவ்வொரு பக்தனையும் ஐயப்பன் பார்க்கின்றார். அருள்பொழிகின்றார் என்பதே உண்மை!
மொத்தத்தில் எல்லாவற்றையும் ஒதுக்கி, உப்பு, புளி, காரம் இவற்றைக் குறைத்து அளவோடு சாப்பிட்டு, குறைந்தநேரமே தூங்கி எழுந்து, சரண கோஷமிட்டு, கூட்டு வழிபாடுகளில் கலந்து கொண்டு, தாமரை இலைமேல் தண்ணீர் போல "பற்றுக பற்றற்றான் பற்றினை' என்ற வள்ளுவர் மொழிக்கேற்ப வாழ்ந்து, காட்ட வேண்டும். "உள்ளமே கோயில், மனச்சாட்சிக்கு மேலான தெய்வமில்லை' என்று மனச்சாட்சிக்கு பயந்து நடந்து வாழ வேண்டும்.
இப்படி விரதமிருந்தால் இறைவனின் தரிசனமும், திருவருளும், முழுமையாகக் கிட்டும் (இவ்வாண்டு சபரிமலை சன்னிதானத்தில் மண்டல பூஜையை முன்னிட்டு நடை திறக்கப்படும் நாள்: 16.11.19 ).
"சுவாமியே சரணம் ஐயப்பா'
- இலக்கியமேகம். ந. ஸ்ரீநிவாஸன்

 

]]>
https://images.dinamani.com/uploads/user/imagelibrary/2019/11/15/w600X390/vm5.jpg https://www.dinamani.com/weekly-supplements/vellimani/2019/nov/15/கார்த்திகையில்-நேர்த்தியான-விரதம்-3280520.html
3280518 வார இதழ்கள் வெள்ளிமணி திருவேள்விக்குடியில் நிகழ்ந்த தெய்வீகத் திருமணம்! DIN DIN Friday, November 15, 2019 11:22 AM +0530 பரமேஸ்வரனும் பரந்தாமனும் சொக்கட்டான் ஆடுகின்றனர்...! அதற்கு பார்வதிதேவி நடுவர். ஒரு பெரிய அரங்கம்... தேவர்கள் எல்லோரும் இவர்களின் ஆட்டத்தைப் பார்க்கக் கூடினர். ஆட்டம் தொடங்கியது. ஆட்டத்தின் ஒரு கட்டத்தில் பரமேஸ்வரனுக்கும் பரந்தாமனுக்கும் விவாதம் எழுந்தது. நடுவரான அம்பிகையின் தீர்ப்பு அண்ணனாகிய பரந்தாமனுக்கு சாதகமாக இருக்க, பரமேஸ்வரனுக்கு வந்ததே கோபம்! அம்பிகைக்கு சாபம் கொடுத்து விட்டார்.
 சாபத்தின் பலன் அம்பிகை அழகிய பசுவானாள். அம்பிகை, ஈஸ்வரனிடம் தான் எப்பொழுது பசு உருவம் நீங்கி மீண்டும் தங்களை அடையமுடியும் என்று கேட்க, ஈசனும் விரைவில் அம்பிகையின் சாபம் நீங்கி ஏற்றுக் கொள்வதாக வாக்களிக்க, அம்பிகையும் பசுவாகத் தன் பயணத்தைத் தொடங்கினாள்.
 அம்பிகைக்குத் துணையாய் அலைமகளும், கலைமகளும் மற்ற தெய்வப் பெண்டிரும் பசு வடிவு கொண்டு அம்பிகையுடன் வந்தனர். திருமால், தானும் அம்பிகையுடன் பாதுகாவலனாக எழுந்தருளினார்.
 இவ்வாறு பசுவாக அம்பிகை சாபம் பெற்ற தலம் தேரழுந்தூர் எனப்படுகிறது. இத் திருத்தலம் நாகை மாவட்டம் குத்தாலத்திற்கருகில் உள்ளது. இத்தல பெருமான் வேதபுரீஸ்வரர், அம்பிகை செளந்தர்யநாயகி. சொக்கட்டான் மண்டபம் இன்றும் இத்தலத்தில் உள்ளது.
 பசுவாக மாறிய அம்பிகை, ஒரு காட்டு வழியாக வரும்பொழுது, அவளது குளம்புகள் ஒரு புற்றில் இருந்த சிவலிங்கத் திருமேனி மீது படிந்தன. இத்திருத்தலமே திருக்கோளம்பியம் ஆகும்.
 இங்கு கருவறையில் சிவலிங்கத்தின் மீது பசுவின் குளம்படிகளை இன்றும் காணலாம். இறைவன் கோகிலேஸ்வரர் என்றும், அம்பிகை அழகமர்நாயகி என்றும் அழைக்கப்படுகின்றனர். பின்னர், திருவாவடுதுறையில் அவளது பசு வடிவை நீக்கி, இறையுருவை அளித்தார் ஈசன்.
 பசுவாக இருந்து சாப விமோசனம் பெற்ற அம்பிகை, ஈசனை திருமணம் செய்து கொள்ள விரும்பி ஈசனை வேண்டினாள். அச்சமயத்தில் குத்தாலத்தில் பரத மகரிஷி தன் மனைவி சுபத்திரையுடன் அம்பிகையை மகளாகப் பெற நீண்ட தவம் செய்து கொண்டிருந்தார். சிவபெருமான், அம்பிகையை பரத மகரிஷிக்கு மகளாக பிறக்குமாறும், தக்க சமயத்தில் வந்து தாம் திருமணம் செய்து கொள்வதாகவும் தெரிவித்தார்.
 அம்பிகை, பரத மகரிஷி ஆற்றிவரும் யாகத்தில் குழந்தையாகத் தோன்றினாள். முனிவரும் அவர் மனைவியும் மிகவும் மகிழ்ந்து குழந்தையை சீராட்டி பாராட்டி வளர்த்தனர். அவளுக்குத் திருமணப் பருவம் வந்தபோது, இறைவனை மணக்க வேண்டி விரதம் இருக்கத் தொடங்கினாள். பதினாறு திங்கள்கிழமைகள் தொடர்ந்து விரதமிருந்து, மண்ணில் லிங்கம் பிடித்து வைத்து, சிவபூஜை செய்தாள். அந்த லிங்கத்தில் இருந்து வெளிப்பட்டார் இறைவன். அம்பிகை, "தாய் தந்தையர், உற்றார் உறவினர் சூழ தன்னைத் திருமணம் முடிக்க வேண்டும்" என்று வேண்டினாள். ஈசனும் சம்மதம் தெரிவித்து அதன்படியே நடந்துகொண்டதால் இறைவனின் திருநாமம் "சொன்னவாரறிவார்' என்றாயிற்று.
 திருமணத்திற்கு அம்பிகையின் பெற்றோர் சம்மதம் தெரிவிக்க, சிவபெருமானும் திருமணத்திற்கான ஏற்பாடுகளைத் தொடங்கினார். திருமணத்திற்கு நல்ல நாள் குறிக்கப்பட்டது. குறிப்பிட்ட நாளன்று அதிகாலையில் சிவபெருமான் கயிலையில் உள்ள பொய்கையில் மூழ்கி எழ, அவரது ஆண்டிக் கோலம் மாறி, பல்வேறு ஆபரணங்களையும் பட்டு பீதாம்பரம் உடுத்திய சக்ரவர்த்தித் திருமகனாக காட்சியளித்தார். தேவர்கள் அவருடைய திருக்காட்சியைக் கண்டு ஆனந்தித்தனர்.
 ரிஷப வாகனத்தில் கிளம்பிய சிவபெருமானைத் தொடர்ந்து அனைத்து தேவர்களும் பூவுலகம் கிளம்பினர். வேத கோஷம் முழங்க, சகல வாத்தியங்களும் இசைக்க, கணபதி, முருகன், பிரும்மா, விஷ்ணு, இந்திராதி தேவர்கள், அஷ்ட திக் பாலகர்கள், நட்சத்திர தேவர்கள், பஞ்சபூத தேவர்கள், சித்தர்கள், வித்யாதரர்கள், யட்சர்கள், கிம்புருடர்கள், அச்வினி தேவர்கள், சகல புவனங்களின் அதிபதிகள், எல்லோரும் தங்கள் மனைவிகளுடன் தங்களுக்குரிய வாகனங்களில் ஏறிக் கொண்டு பூவுலகம் வந்தனர்.
 நாஸ்வரம், மத்தளம், புல்லாங்குழல், போன்ற பல்வேறு வாத்தியங்கள் முழங்க, வேத கோஷம் ஒலிக்க, அரம்பையர் ஆடிப் பாட, தேவ கணங்களும், சிவனாரின் பூதகணங்களும் புடைசூழ, புறப்பட்ட ஊர்வலம், காவிரியின் கரையில் அமைந்துள்ள திருத்துருத்தியை வந்தடைந்தது.
 அங்கு, ஓர் உத்தால மரத்தடியிலேயே ஈசன் தங்கினார். இந்த உத்தால மரம் வேறு எங்கும் காணப்படவில்லை என்பது குறிப்பிடத்தக்கது. உத்தாலம் என்ற பெயரே பின்னர் குத்தாலம் என மாறியது என்பர். இத்தலத்தில் தைமாதம் திருக்கல்யாண விழா சிறப்பாகக் கொண்டாடப்படுகிறது.
 ஈசன் மறுநாள், பொழுது புலர்ந்ததும், நீராடி, மங்கல அணிகலன்கள் பூண்டு, தேவரும் மற்றவர்களும் புடைசூழ, திருமண மண்பத்திற்கு எழுந்தருளினார். அம்பிகையை அவள் தோழியர் மங்கல நீராட்டி, நல்லாடைகளும், ஆபரணங்களும் அணிவித்து அவளுக்கு நறுஞ்சாந்து இளமுலையாள் என்று நாமகரணம் செய்து மணப்பந்தலுக்கு அழைத்து வந்து, ஈசனின் வலப்பக்கத்தில் அமரச் செய்தனர்.
 பிரம்ம தேவன் திருமண வேள்வியைத் தொடங்கினார். பரத முனிவர் தன் மனைவியுடன் மணமேடைக்கு வந்து, அம்பிகையின் திருக்கரத்தை ஈசனின் திருக்கரத்தின் மீது வைத்து, தாரை வார்த்துக் கொடுத்தனர். சிவபெருமான் அம்பிகையின் திருக்கழுத்தில் மங்கலநாணை அணிவித்தார். திருமணம் இனிதே நிறைவுற, ஈசனிடம், முனிவரும் அவர் மனைவியும், திருமணக்கோலத்துடன் இத்தலத்தில் எழுந்தருள வேண்டுமென்று கேட்டுக்கொள்ள, ஈசனும் சம்மதம் தெரிவித்தார்.
 குத்தாலத்திற்கு வடக்கில் காவிரியின் வட கரையில் அமைந்துள்ள திருத்தலம் தான் திருவேள்விக்குடி. இத்தலத்தில் ஈசன் மணவாளேஸ்வரர் என்ற திருநாமத்துடனும், அம்பிகை பரிமளசுகந்த நாயகி என்றும் அழைக்கப்படுகிறார்கள். பரத முனிவரின் யாகசாலை (வேள்விக்குண்டம்) இருந்த இடம் திருவேள்விக்குடி ஆகும். அம்பிகையின் திருமண வேள்வியும் இங்கேயே நடைபெற்றதாகவும், திருமணம் நல்ல முறையில் நடைபெற வேண்டி விரதம் இருந்து கங்கணம் அணிவிக்கப்பெற்ற இடமும் இதுவே என்றும்; இறைவனே வேள்விகள் முடித்து இறைவியை மணந்து கொண்ட தலமாதலாலும் இத்தலம், "திருவேள்விக்குடி' என்று அழைக்கப்படுகிறது.
 திருவேள்விக்குடிக்கு வடக்கில் சுமார் 1 கி.மீ. தொலைவில் திருமணஞ்சேரி அமைந்துள்ளது . இங்குதான் ஈசனின் திருமணம் நடைபெற்றதாக இத்தலபுராணம் கூறுகிறது. திருமணஞ்சேரியின் மேற்குப் பகுதியில் உள்ளது எதிர்கொள்பாடியாகும். இத்தலத்தை மேலைத் திருமணஞ்சேரி என்றும் அழைப்பர். திருமணத்திற்கு வந்த ஈசனை இங்குதான் எதிர்கொண்டழைத்ததாக இத்தலபுராணம் கூறுகிறது.
 தகுந்த காலத்தில் திருமணம் நடைபெறாமல் போனாலும், திருமணத்திற்கு தடைகள் இருந்தாலும், திருத்துருத்தி (குத்தாலம்), திருவேள்விக்குடி மற்றும் திருமணஞ்சேரியில் எழுந்தருளியுள்ள இறைவனையும் இறைவியையும் பூஜிக்க, விரைவில் திருமணம் நடைபெறும் என்பது ஐதீகம்.
 - ரஞ்சனா பாலசுப்ரமணியன்
 
 

]]>
https://images.dinamani.com/uploads/user/imagelibrary/2019/11/15/w600X390/vm4.jpg https://www.dinamani.com/weekly-supplements/vellimani/2019/nov/15/திருவேள்விக்குடியில்-நிகழ்ந்த-தெய்வீகத்-திருமணம்-3280518.html
3280517 வார இதழ்கள் வெள்ளிமணி பொருநை போற்றுதும்! 67 டாக்டர் சுதா சேஷய்யன் DIN Friday, November 15, 2019 11:20 AM +0530 அகத்தியச் சிவனான
 ஆற்றுச் சிவனார்
 கைலைச் சிவனாரைத் தேடியவருக்குப் பாறைச் சிவனார் பார்வையில் பட்டார். "கைலைநாதனைக் காணவேண்டுமே, கண்ணில் காட்டமாட்டாயா?' என்று பாறைச் சிவனாரையே பிரார்த்திக்க... "ஏன், யாம் அங்கு உண்டென்றால் இங்கும் இல்லையோ?' என்று எதிர்க்கேள்வி எழுப்பினாராம் பாறைக்காரர் (அங்கு = கைலாயம்; இங்கு = பொருநைத் தீவு). அடடா, அண்டம் அகிலம் அனைத்தும் ஆண்டவன் என்பதை மறந்துவிட்டேனே என்று உணர்ந்த அகத்தியர், சித்தீச்வரரான பாறைச் சிவனாருக்குப் புதிய நாமம் சூட்டினார் "அங்கு உண்டீச்வரர்'! அங்கு (கைலை) உள்ளவரே இங்கும் (பொருநைக் கரை) உள்ளார் என்பதை உணர்த்தத் தோன்றிய திருநாமம், அங்குண்டீச்வரர்.
 காலச் சக்கரம் சுழன்றது. கருவூர்ச் சித்தர் (சோழர் குலகுருவாகத் திகழ்ந்து, திருப்புடைமருதூர்ப் பகுதிகளில் நாம் சந்தித்த அதே கருவூர்ச் சித்தர்தாம்), பொருநைக் கரையில் சிவபூஜைகளில் ஈடுபட்டிருந்த காலம். சித்தீச்வரரான அங்குண்டீச்வரரை ஞானதிருஷ்டியில் கண்ட கருவூர்ச் சித்தர், வடிவத் திருமேனியில் வணங்கவேண்டும் என்னும் ஆசை கொண்டார். சுத்தமல்லித் தீர்த்தக்கரையில் வந்து நின்று தேடினார். என்ன துரதிருஷ்டம்! சுவாமியோ கோயிலோ கண்ணில் படாதவாறு, ஆற்றுவெள்ளம் கரைபுரண்டு ஓடியது.
 கண்ணீர் மல்க உருகி நின்றார் கருவூர்ச் சித்தர் - "அங்குண்டீச்வரா, உன்னைக் காணும் பேறு கிட்டாதோ?' அசரீரி ஒலித்தது, –"மகனே, பனிவரை நாதனைப் பாறையில் காணலாம். பாறை நாதனை கந்தர்வேச்வரனில் காணலாம்'.
 கருவூராரைக் களிக்கச் செய்த கந்தர்வேச்வரர் உள்ளம் உறுத்த, சுற்றிலும் பார்த்தார் கருவூர்ச் சித்தர். கந்தர்வேச்வரத் திருக்கோயில் கண்ணில் பட்டது.
 துர்வாசரின் சாபத்தால் நாரை வடிவம் கொண்ட கந்தர்வன் ஒருவன், சாப விமோசனம் பெறுவதற்காகத் தாமிரவருணிக் கரையை அடைந்தான். பெண் துறவியான அக்னிசிகா என்பாரின் ஆச்ரமம் அடைந்து அருள் வேண்டினான். கருங்கற்கள் நிறைந்த கலசம் ஒன்றை அக்னிசிகா கொடுக்க, அக்கலசத்தையே கடவுளாகக் கொண்டு பூஜித்தான். காலப்போக்கில், கருங்கற்களோடு சேர்ந்த கலசம், சிவலிங்கமாக உருக்கொண்டது. பாரத்வாஜ முனிவரின் வழிகாட்டுதலில், பொருநை வடகரையில் சிவலிங்கத்தைப் பிரதிஷ்டை செய்தான். கந்தர்வனால் ஸ்தாபிதம் செய்யப்பெற்ற சிவலிங்கம், அருள்மிகு கந்தர்வேச்வரர் என்று திருநாமம் கொள்ள, சில காலத்திலேயே, சிவலிங்கத்தைச் சுற்றிக் கோயில் ஒன்றும் உருவானது. இந்தக் கோயில்தான், இப்போது கருவூர்ச் சித்தரின் கவனத்தை ஈர்த்த கோயில்.
 ஆற்றின் நடுவிலிருக்கும் அங்குண்டீச்வரரை வணங்கத் தலைப்பட்ட கருவூர்ச் சித்தர், வடகரை கந்தர்வேச்வரரில் அங்குண்டீச்வரரைக் கண்டு வழிபட்டார். இச்சம்பவத்திற்குப் பின்னர், சுத்தமல்லி பொருநை வடகரை சுவாமியும் "அங்கு உண்டு ஈச்வரம் உடையார்' என்றே அழைக்கப்பெற்றார்.
 நூற்றாண்டுகள் நகர, பொருநை நல்லாள் அவ்வப்போது வெள்ளப் பெருக்கு கண்டாள். காலசுழற்சியின் நில-நீர் மாற்றங்களில், தீவுத்திடலின் சித்தர்வனமும் சித்தீச்வர அங்குண்டீச்வர ஆலயமும் நீருள் மூழ்கின. கீழச் செவல், தேசமாணிக்கப் பகுதிகளின் மக்கள், தங்களின் வழிபாட்டுக்காக, பொருநைத் தென்கரையில் கோயில் அமைத்து, புதிய சிவலிங்கம் பிரதிஷ்டை செய்து, அங்குண்டீச்வரர் என்னும் பழைய பெயரையே சூட்டினர்.
 ஒன்றானவன், வடிவில் மூன்றானவன் தென்கரையில் நவ அங்குண்டீச்வரரும், வடகரையில் கந்தர்வேச்வர அங்குண்டீச்வரரும் நெடுங்காலமாக அருள்பாலித்துக் கொண்டிருக்க... கலியுகத் திருவிளையாடல்களையும் பரமனார் நிகழ்த்தினார்.
 2010 -ஆம் ஆண்டு வாக்கில் கடும் வறட்சியைக் கண்டது பொருநைப் பகுதி. ஆற்றில் மணல் அள்ளும் நிகழ்வுகள் தொடர்ந்து நடந்தன. 2013 -ஆம் ஆண்டு, இவ்வாறு மணல் அள்ளப்பட்ட நிலையில், சுமார் 9 அடி ஆழத்தில் புதைந்திருந்த ஆதித் திருக்கோயிலாம் சித்தீச்வரத் திருக்கோயிலின் (சித்தர்வனத் தீவில் உருவான சரஸ்வதி-அகத்தியர் வழிபட்ட முதல் கோயில்) கட்டுமானங்கள் வெளித் தெரிந்தன. அடியார் பலரின் உதவியால் மணல்மேடு அகற்றப்பட்டு, கோயிலும் சிவலிங்கமும் சீர் செய்யப்பட்டன. ஆக, இப்போது ஆற்றின் நடுப்பகுதியில், சித்தீச்வர அங்குண்டீச்வரரும் அருள்பாலிக்கத் தொடங்கிவிட்டார்.
 ஆற்றின் நடுக்கோயிலை, ஆதித்தலம் என்றும் ஆதிமருந்தீச்வரத் திருக்கோயில் என்றும் அழைக்கிற ஊர்க்காரர்கள், இன்னொரு கதையையும் சொல்கிறார்கள். ஹயக்ரீவரால் சாபம் பெற்றாள் ஒரு பெண்; ஆகவே அவளுக்குக் குதிரை முகம் தோன்றியது; சாப விமோசனம் பெறுவதற்காக, ஆற்றின் நடுவிலிருக்கும் இங்கு வழிபட்டாள்; சாபம் நீங்கப் பெற்றாள்; ஆகவே இது குரு பரிகார ஸ்தலம். ஹயக்ரீவர், பெண்ணுக்குச் சாபம் என்னும் சங்கதிகளையும் ஹயக்ரீவர், சரஸ்வதி ஆகிய இருவருமே ஞானக் கடவுளர்கள் என்னும் தகவல்களையும் சேர்த்துப் பார்த்தால், சரஸ்வதியின் சித்தீச்வர வழிபாடுதான், இப்படி உருமாறிவிட்டதோ என்று தோன்றுகிறது.
 எப்படியிருந்தாலும், செவல் தென்கரை, ஆற்று நடு, சுத்தமல்லி வடகரை என்று மூன்று இடங்களிலும் ஒரே திருநாமத்தோடு சிவனார் காட்சி தருகிறார்.
 சித்தர்வனம், சித்தர்காடு போன்ற பெயர்களே, காலப்போக்கில், சித்தவனம், சித்தமல்லி என்றெல்லாம் மருவி, சுத்தமல்லி என்றாகிவிட்டது என்கிறார்கள்.
 (தொடரும்...)
 
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/nov/15/பொருநை-போற்றுதும்-67-3280517.html
3280516 வார இதழ்கள் வெள்ளிமணி புண்ணிய பூமியில் புனிதப் பயணம் 34 DIN DIN Friday, November 15, 2019 11:16 AM +0530 எருசலேமின் 12 வாசல்கள்
எருசலேம் நகரைச் சுற்றி உயரமான கோட்டை கட்டப்பட்டுள்ளது. இந்த கோட்டைக்குள் நுழைய 12 வாசல்கள் உருவாக்கப்பட்டுள்ளன. விவிலியத்தில் 12 வாசல்களின் பெயர்கள் விவரம்:
1. ஆட்டு வாசல் - SHEEP GATE 
 (நெகமியா: 1, 12: 39), 
2. ஊருணி வாசல் - THE GATE OF FOUNTAIN  
(நெகமியா: 14, 3:15, 12:37), 
3. பள்ளத்தாக்கின் வாசல் - THE VALLEY GATE 
(நெகமியா: 13, 3:13), 
4. மீன் வாசல் - HE FISH GATE  
(நெகமியா: 3, 12:39), 
5. பழைய வாசல் - THE OLD GATE 
(நெகமியா: 6, 12:39), 
6. குப்பை மேட்டு வாசல் - THE DUNG GATE 
(நெகமியா: 13, 12:31), 
7. தண்ணீர் வாசல் - THE WATER GATE
(நெகமியா: 26), 
8. குதிரை வாசல் - THE HORSE GATE (நெகமியா: 28), 
9. கிழக்கு வாசல் - THE EAST GATE (நெகமியா: 29), 
10.மிப்காத் வாசல் - THE GATE OF MIPHKAD  
(நெகமியா: 31), 
11.எப்பிராயீம் வாசல் - THE GATE OG EPHRAIM 
(நெகமியா: 16, 12:39), 
12. காவல் வீட்டு வாசல் - THE PRISON GATE  
(நெகமியா: 2:39).
பாபிலோன் (ஈராக்) மன்னரான நெபுகத்நேசர் கி.மு. 587- இல் இஸ்ரேலை கைப்பற்றி எருசலேமில் இருந்த தேவாலயம், அரண்மனைகள், பெரிய மாளிகைகள் மற்றும் இதர வாசல்கள் அனைத்தையும் சுட்டெறித்துப்போட்டான். அதன்பிறகு கி.மு. 5- ஆம் நூற்றாண்டில் பெர்சிய அரசின் மன்னர் அர்தஷ்டா என்பவரிடம் பணியாற்றிய யூதரான நெகமிய மன்னரின் அனுமதியைப் பெற்று எருசலேமுக்கு வந்து அரண்மனையையும் பன்னிரெண்டு வாசல்களையும் மீண்டும் கட்டினார். தற்போதுள்ள இந்த வாசல்கள் அனைத்தும் ஒவ்வொரு காலகட்டத்தில் பிரம்மாண்டமாக கட்டப்பட்டன. ஒவ்வொரு வாசலும் ஒரு நோக்கத்தோடு கட்டப்பட்டன. 
ஆட்டு வாசல்: தேவாலயத்தில் பலி செலுத்தப்படுவதற்காக சந்தைகளில் வாங்கப்படும் ஆடுகள் இவ்வழியாகத்தான் சந்தைக்கு கொண்டு வரப்படும். எனவேதான் இது ஆட்டு வாசல் என அழைக்கப்பட்டது. 
மீன் வாசல்: வியாபாரிகள் மீன்களை இந்த வாசல் வழியாகத்தான் கொண்டு வருவார்கள். எனவே, இது மீன் வாசல் என்று அழைக்கப்படுகிறது. 
பழைய வாசல் (ஒலிமுக வாசல்) : எருசலேம் நகரில் உள்ள முக்கிய நபர்கள் சமுதாயத்தின் முக்கியமான காரியங்கள், நியாயம், நீதி போன்ற காரியங்களை இந்த வாசல் அருகே உட்கார்ந்து பேசுவார்கள் (ரூத்: 4, 1, 2, 11), நீதிமொழிகள் 31: 23, எரேமியா 6: 16).
குப்பைமேட்டு வாசல் : நகரில் உள்ள குப்பைகள், பலியிடப்பட்ட ஆடு, மாடுகளின் கழிவுகள் இந்த வாசல் வழியாகத்தான் எடுத்துச் செல்லப்படும். 
கிழக்கு வாசல், ஒலிமுக வாசல் அல்லது தங்க வாசல்: எருசலேமில் உள்ள அனைத்து வாசல்களிலும் இது புனிதமானது. ஒலிவ மலையை பார்த்த வண்ணம் இந்த வாசல் அமைக்கப்பட்டுள்ளது. இது எருசலேமின் கிழக்கு வாசல், தங்க வாசல், புற வாசல் என்றும் அழைக்கப்படுகிறது. இந்த வாசல் வழியாகத்தான் தேவ மகிமை இறங்கி வருவது வழக்கம். இந்த வாசல் வழியாக வரும்போது தேவாலயத்துக்குள் போகலாம். 
கி.மு. 10- ஆம் நூற்றாண்டில் சாலமோன் கட்டிய தேவாலயத்தின் கிழக்கு பகுதியில் இருந்த இந்த வாசல் கிழக்கு வாசல் என அழைக்கப்பட்டது. இப்போது தங்க வாசலுக்கு அருகே அது இருந்திருக்கலாம் என்றும் கருதப்படுகிறது. கி.மு. 6-ஆம் நூற்றாண்டில் இறுதியில் எருசலேம் அழிக்கப்பட்ட பிறகு 5-ஆம் நூற்றாண்டில் பெர்சியர்களின் ஆதரவோடு மீண்டும் இந்த வாசல் நெகமியாவின் தலைமையில் கட்டப்பட்டது. அப்போது பெர்சியர்களின் தலைநகரமாக விளங்கிய சூசானின் பெயரால் இது சூசான் வாசல் என்றும் சில காலம் அழைக்கப்பட்டது.
அதன்பின்னர் கி.மு. 1- ஆம் நூற்றாண்டில் ஏரோது மன்னரால் தேவாலயம் புதுப்பிக்கப்பட்டபோது இந்த வாசல் மீண்டும் கட்டப்பட்டு ஏரோது வாசல், கிழக்கு வாசல் என அழைக்கப்பட்டது. கி.பி. 70- இல் ரோமர்களால் இந்த வாசல் அழிக்கப்பட்டு மீண்டும் அவர்களே கி.பி. 6, 7 -ஆம் நூற்றாண்டுகளில் இந்த வாசலை கட்டினர். அக்காலத்தில் இஸ்ரேலின் அதிபதியாக இருக்கும் நபர் மட்டும் இந்த வழியை பயன்படுத்துவது வழக்கம். குறிப்பாக ஓய்வு நாள்கள், மாத பிறப்புகளிலும் இந்த வாசல் திறக்கப்படும்.
பொதுமக்கள் இந்த வாசல் நடையில் பிரார்த்தனை மட்டும் செய்வார்கள். வரப்போகும் மேசியா கடவுள் இந்த கிழக்கு வாசல் வழியாகத்தான் நுழைந்து எருசலேமுக்குள் போவார் என்றும் ஒலிவ மலையில் அடக்கம் செய்யப்பட்டுள்ள ஆயிரக்கணக்கான யூதர்கள் அப்போது கல்லறையில் இருந்து உயிர்த்தெழுவார்கள் என்றும் யூதர்கள் பாரம்பரியமாக நம்புகின்றனர். யூதர்கள் நம்பிக்கைப்படி இந்த வழியாக மேசியா நுழையக்கூடாது என்பதற்காக இஸ்லாமிய மன்னர் சுலைமான் இந்த வாசலை மூடிவிட்டார். இப்போதும் இந்த வாசல் மூடப்பட்ட நிலையில் தான் உள்ளது. 
ஆனால், யூதர்கள் எதிர்பார்த்துக் கொண்டிருக்கும் மேசியாவாகிய இயேசு இஸ்ரேலில் இருந்தபோது இந்த வாசல் வழியாகத்தான் பலமுறை எருசலேமுக்குள் நுழைந்தார். மீண்டும் இயேசு 2- ஆவது முறையாக வரும்போது இந்த வாசல் வழியாக எருசலேமுக்குள் நுழைந்து ஆயிரம் ஆண்டுகள் உலகை ஆளுவார். இங்கே மீண்டும் தேவாலயம் கட்டப்படும் என்பது கிறிஸ்தவர்களின் நம்பிக்கை. கி.பி. 70- இல் அழிக்கப்பட்ட தேவாலயம், இன்று வரை கட்டப்படவில்லை.
- ஜெபலின் ஜான்
(தொடரும்...)

]]>
https://images.dinamani.com/uploads/user/imagelibrary/2019/11/15/w600X390/vm3.jpg கிழக்கு வாசல் https://www.dinamani.com/weekly-supplements/vellimani/2019/nov/15/புண்ணிய-பூமியில்-புனிதப்-பயணம்-34-3280516.html
3280512 வார இதழ்கள் வெள்ளிமணி நிகழ்வுகள் DIN DIN Friday, November 15, 2019 11:08 AM +0530 கங்காவதரண மகோத்சவம்
தஞ்சை மாவட்டம், கும்பகோணம் அருகில் திருவிசலூர் கிராமத்தில் ஸ்ரீதர அய்யாவாள் கங்காவதரண மகோத்சவம் நவம்பர் 17 - இல் தொடங்குகிறது. உற்சவ நாள்களில் பிரபல பாகவதோத்தமர்கள், சங்கீத வித்வான்கள் கலந்து கொள்ளும் பஜனை, நாமசங்கீர்த்தன நிகழ்ச்சிகள், உபன்யாசங்கள், இன்னிசை கச்சேரிகள் நடைபெறும். நவம்பர் 26 -கார்த்திகை அமாவாசை, கங்கா பூஜை, கங்காஷ்டகம், கங்கா ஸ்நானம் ஸ்ரீகுரு நாதர் ஆராதனை. நவம்பர் 27 - ஸ்ரீதர அய்யாவாள் புறப்பாடு, ஆஞ்சநேய உத்சவம். 
தொடர்புக்கு: 094440 56727.
காலாஷ்டமி பெருவிழா
தஞ்சை மாவட்டம், திருவையாற்றுக்கு கிழக்கே பைரவன் கோயிலில் ஸ்ரீகாலபைரவர் சுவாமிக்கு நவம்பர் 18 -ஆம் தேதி லட்சார்ச்சனையும், நவம்பர் 19 -ஆம் தேதி காலாஷ்டமி பெருவிழா சிறப்பு பூஜை, ஹோமங்களுடனும், வேதபாராயணங்களுடனும் நடைபெறுகின்றது. இங்கு, ஸ்ரீகாலபைரவர் காசியைப் போன்றே தென்முகமாக மயானத்தை நோக்கி வீற்றிருந்து அருளுவது சிறப்பு. 
தொடர்புக்கு: 96774 88252.
அறக்கட்டளை 9- ஆம் ஆண்டு துவக்க விழா
ஈரோடு மாவட்டம், அந்தியூர் அருள்தரும் செல்லீஸ்வரி அம்மை உடனமர் அருள்மிகு செல்லீஸ்வரர் திருக்கோயிலில் திருஞானசம்பந்தர் சிவனடியார் திருக்கூட்ட அறக்கட்டளை 9- ஆம் ஆண்டு துவக்க விழா, திருப்புகழ் பண்ணிசை விழா மற்றும் கார்த்திகை மாத சிவராத்திரி அபிஷேகப் பெருவிழா, நவம்பர் 24 -ஆம் தேதி, காலை 8.00 மணி அளவில் தொடங்கி நடைபெறுகின்றது. 
தொடர்புக்கு: 99420 11914 / 99428 55343.
மகாகும்பாபிஷேகம்
வேலூர் மாவட்டம், பேர்ணாம்பட்டு நகரம், வி.கோட்டா ரோடில் அருள்மிகு வேதவல்லி உடனுறை வேம்புலீஸ்வரர் ஆலயம் அமைந்துள்ளது. இவ்வாலயத்தில் அருள்மிகு விநாயகர், வேம்புலீஸ்வரர், வேதவல்லி அம்மன், முருகர்- வள்ளி, தெய்வானை, பைரவர், நவக்கிரக மூர்த்திகள், சனீஸ்வரர் மற்றும் ஏனைய பரிவார மூர்த்திகளுக்கும் அஷ்டபந்தன மகாகும்பாபிஷேக பெருவிழா, நவம்பர் 18 -ஆம் தேதி, காலை 9.00 முதல் 10.30 மணி வரை நடைபெறுகின்றது.


 

]]>
https://www.dinamani.com/weekly-supplements/vellimani/2019/nov/15/நிகழ்வுகள்-3280512.html
3280511 வார இதழ்கள் வெள்ளிமணி பெற்ற பொழுதினும் பேரின்பம் DIN DIN Friday, November 15, 2019 11:06 AM +0530 இல்லறத்தின் முதல் நோக்கம் குழந்தைகள் பெறுவது. குழந்தைகள் மனித இன பெருக்கத்திற்கு அடிப்படை. பிறப்பவர் இறப்பது உலகின் இயல்பு. இறந்தவர்களின் வெற்றிடத்தை நிரப்பி உலகம் தொடர்ந்து இயங்க ஆதாரம் குழந்தைகளே. அதனால்தான் பரம்பரையின் பாரம்பரியம் பேணி உறவைப் பெருக்கி உலகம் உய்ய திலகமாய் திகழும் செல்வத்தில் சிறந்த செல்வமான குழந்தைகளை இறைமறையும் இலக்கியங்களும் மக்கள் செல்வம் என்று குறிப்பிடுகின்றன.
 உங்கள் மனைவிகளிலிருந்து உங்களுக்குப் பிள்ளைகளையும் பேரன் பேத்திகளையும் உருவாக்கி உங்களுக்கு மணமானவற்றிலிருந்து உணவு புகட்டுகிறான் என்று புகல்கிறது புர்கானின் 16-72 ஆவது வசனம். இவ்வசனத்தில் வரும் ஹபததன் என்னும் அரபி சொல்லுக்கு மக்களின் மக்கள் - பிள்ளைகளின் பிள்ளைகள் என்று பொருள் கூறுகிறார் இப்னு அப்பாஸ் (ரலி). மணமான உணவு என்பது தானியங்கள், பழங்கள், கொட்டைகள், காய்கறிகள், கால்நடைகள் முதரிய அனைத்தையும் குறிக்கும்.
 செல்வந்தர்கள் குழந்தைகளுக்கு ஏங்கி தவிக்க ஏழைகள் குழந்தை செல்வத்தை ஏராளமாக பெற்றிருப்பதன் பின்னணியில் ஓர் உறுதி உள்ளது. இல்லறத்தில் பிறந்த பிறக்கும் குழந்தைகள் பிறந்ததிலிருந்து இறக்கும் வரை அவர்களுக்கும் பெற்றோருக்கும் உணவளிப்பவன் அல்லாஹ் என்பதை உறுதியாய் உரைக்கும் 6- 151 - ஆவது வசனம். வறுமையினால் உங்கள் மக்களைக் கொலை செய்யாதீர்கள் என்றும் எச்சரிக்கிறது. சிசு கொலை குறிப்பாக, பெண் சிசு கொலை இக்காலத்திலும் வறுமையில் வாடும் நாடுகளிலும் அறியாமையில் மூழ்கியுள்ள சில சமூகங்களிலும் நடப்பதை ஏடுகளில் படிக்கிறோம்; ஊடகங்களில் பார்க்கிறோம். உணவுப் பற்றாக்குறைக்கு ஒரு முக்கிய காரணம் ஒரு குறிப்பிட்ட உணவுதான் வேண்டும் என்று சில குறிப்பிட்ட பகுதி மக்கள் பிடிவாதம் பிடிப்பது. கால சூழ்நிலைக்கேற்ப பயிர் சுழற்சி முறையில் எப்பருவத்தில் எப்பயிர் விளையுமோ அப்பயிரைப் பயிரிட்டு அந்த உணவை உண்ணும் வழக்கத்தை ஏற்படுத்தி கொள்ள வேண்டும் என்பதும் இவ்வசனத்தின் உட்பொருள்.
 அல்லாஹ் நாடுகிறவர்களுக்குப் பெண்களை அளிப்பான்; அதுபோல ஆண்களை அளிப்பான் என்று 42- 49 - ஆவது வசனம் கூற, 42- 50 - ஆவது - வசனம் ஆண்களையும் பெண்களையும் கலந்து கொடுக்கிறான் என்று கூறுகிறது. முதல் வசனத்தில் பெண் குழந்தைகளை முற்படுத்தியிருப்பது பெண் குழந்தைகளுக்கு இறைவன் வழங்கும் பெருமை. " பல பெண் குழந்தைகளைச் சிரமத்தோடு வளர்ப்பவருக்கு அக்குழந்தைகள் அவரை நரகத்திலிருந்து காக்கும் திரையாக ஆவார்கள்'' என்ற நபி மொழியை அன்னை ஆயிஷா (ரலி) அறிவிப்பது புகாரி 1418- இல் பதிவாகியுள்ளது.
 சுஐப் நபி லூத் நபி ஆகியோர் பெண் குழந்தைகளை மட்டும் பெற்றனர். இப்ராஹீம் நபிக்கு ஆண் பிள்ளைகள் மட்டுமே. அண்ணல் நபி (ஸல்) அவர்களுக்கு ஆண், பெண் இருபால் குழந்தைகளும் இருந்தனர். ஆண் குழந்தைகள் சிறு வயதில் இறந்தனர். பெண் குழந்தைகளை வளர்த்து மணம் முடித்து கொடுத்தனர் மாநபி (ஸல்) அவர்கள்.
 குழந்தைகளைத் தொட்டு விளையாடுவதில் விளையும் இன்பம் விலையற்றது. குழந்தைகளின் மழலைமொழி இன்னிசையிலும் இனிய இன்பம் செவிக்கு தரும். கண்டு கேட்டு உண்டு உற்று உயிர்த்தறியும் ஐம்புலனும் பெற்றிடும் இன்பம் பெறற்கரியது. குழந்தைகள் பிஞ்சு கைகளால் பிசைந்து சிந்தி சிதறிய உணவு தந்திடும் அறுசுவையை விஞ்சிடும் அமிழ்தினும் இனிய குமிழ் சுவையை.
 தாயின் மடியே குழந்தைகளின் முதல் பள்ளிக்கூடம். தாயின் மடியில் கிடந்து தாய்ப் பாலை பருகும் குழந்தை தாயின் குணங்களைத் தானே கற்கும். குழந்தைகளைக் கொஞ்சும்பொழுது அன்பை வெளிப்படுத்த வேண்டும். குழந்தைகளைக் கொஞ்சுவது நபி வழி. குழந்தைகளைக் கோபிப்பது திட்டுவது நபி வழிக்குப் புறம்பானது. குழந்தைகளை வயதிற்கு அப்பாற்பட்ட சக்திக்கு மீறிய புத்திக்கு எட்டாததைப் போதிப்பது பொல்லாதது. இக்கால மழலைப் பள்ளிகளில் மூன்று வயது குழந்தைகளின் மூளையை பாதிக்கும்படி படிக்க வைத்து பயிற்சி கொடுத்து முயற்சியை முடக்கி அடக்கி ஆளுமைத் திறனை வளராது தடுத்து விடுகிறார்கள்.
 நம் மக்கள் நன்மக்களாக அமைவது இல்லற வாழ்வின் பெரும்பேறு. பழியறு பண்புடைய மக்களைப் பெற்றோர் அம்மக்களால் இம்மை மறுமை இரண்டிலும் நற்பேறு பெறுவர். பெற்றோர் தரும் தக்க பயிற்சியில் மக்கள் நன்மக்கள் ஆகின்றனர். அவையில் முந்தி இருக்குமாறு தந்த கல்வியால் மக்கள் பெற்றோரினும் பேரறிவு உடையோராய் தந்தையினும் தனயன் தாயினும் சேய் மேதைகளால், அறிஞர்களால், ஆன்றோர்களால் சான்றிடப்படும் பொழுது பெற்றோர் பெற்ற பொழுதினும் பேரின்பம் அடைவர். அத்தகு நிலையை அத்தனை பெற்றோரும் அடைய உற்ற கல்வியை உரிய முறையில் கற்று அரிய சாதனைகள் படைக்க ஆவன செய்வோம்.
 - மு.அ. அபுல் அமீன்
 

]]>
https://images.dinamani.com/uploads/user/imagelibrary/2019/11/15/w600X390/vm2.jpg https://www.dinamani.com/weekly-supplements/vellimani/2019/nov/15/பெற்ற-பொழுதினும்-பேரின்பம்-3280511.html
3280509 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, November 15, 2019 11:03 AM +0530 * எல்லாக் கலைகளிலும் மக்கள் பெறும் திறமை, போதிய அளவுக்குத் தொடர்ந்த பயிற்சியின்மையால் ஒளி மங்கிவிடுகிறது. ஆனால் ஆத்மவித்யை என்ற சத்தியஞானமோ என்றும் சுடர்விட்டு வளர்ந்துகொண்டே போகிறது.
- வசிஷ்டர் (யோகவாஷிட்ட சாரம்)
* மூங்கில்மரத்தில் அழகிய இலைகள் அதிகமாக இல்லாமல் போனால் அது வசந்தகாலத்தின் குற்றமா? ஆந்தைக்குப் பகலில் கண் தெரியாவிட்டால் அது சூரியனின் குற்றமா? சாதகப் பறவையின் வாயில் மழை நீர் விழாவிட்டால் அது மேகத்தின் குற்றமா? ஏற்கெனவே விதி தலையில் எழுதியிருப்பதை அழித்துவிட யாரால்தான் முடியும்? 
- பர்துருஹரியின் நீதி சதகம்
* "இந்த உலகத்தில் சுகம் கிடைக்கிறது' என்ற எண்ணத்தில் மக்கள் மகிழ்ந்து கொண்டிருக்கும்போதே காலம் அவர்களை விழுங்கிவிடுகிறது. இந்த காலத்திடமிருந்து தப்பிப்பவர்கள் யாரும் இல்லை. 
- ஸ்ரீ ராமபிரான்
* உண்மையில் ஒருவருக்கு இறைவனிடம் பக்திதான் தேவைப்படுகிறது. சாதிக்க முடியாததையும் ஒருவர் பக்தியின் மூலிலம் சாதிக்க முடியும்.
- ஸ்ரீ சாரதாதேவியார்
* ஒருவனிடம் பணம் சேரச்சேர பேராசை, கோபம், ஆணவம், பொறாமை போன்ற தீய குணங்கள் எல்லாம் வளர்கின்றன. இவைகள் மனத்தூய்மைக்கு மிகப் பெரிய தடைகளாகும். 
- ஆதிசங்கரர்
* பிறப்பு இறப்பு, இந்த உலகத்தின் இன்ப துன்பங்கள் அடங்கிய பிறவிச்சுழல் போன்றவற்றை உள்ளபடியே அறிந்துகொள்ள விரும்புபவன் இவற்றை விவேகபுத்தியால் மட்டும்தான் அறிந்துகொள்ள முடியும்.
- வசிஷ்டர் (யோகவாஷிட்ட சாரம்)
* அவமானத்தையும் துன்பத்தையும் பொறுத்தவன் சுகமாகத் தூங்குவான், சுகமாக நடமாடுவான். 
- மனுஸ்மிருதி 
* ஒரு மரத்தில் கோரமான தீப்பற்றி எரியும்போது பறவைகள் அங்கு கூடாது. அதுபோல் மனிதனிடம் உலகப்பற்றுகள் தினமும் வாழுமிடத்தில் ஞானம் வெளிப்படாது. 
- புத்தர் 

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/nov/15/பொன்மொழிகள்-தொகுப்பு-சுவாமி-கமலாத்மானந்தர்-3280509.html
3280507 வார இதழ்கள் வெள்ளிமணி முக்தி தரும் முடவன் முழுக்கு! DIN DIN Friday, November 15, 2019 10:59 AM +0530 அபயாம்பாள் மயிலாக இருந்து ஈசனை ஆராதிப்பதால் மாயவரத்திற்கு "கெளரி மாயூரம்' என்ற பெயர் உண்டு. தற்போது மயிலாடுதுறையாக மருவியுள்ளது. சித்திரை முதல் பங்குனி வரை உள்ள 12 மாதங்களில் ஐப்பசி மாதத்தை துலா மாதம் என்று சொல்வார்கள். இம் மாதத்தைப் புனிதமாகக் கருதி காவிரி ஆற்றில் புனித நன்னீராடச் சொல்கிறது அக்னி புராணம். இதனை துலா சங்க்ரமணம் எனவும் அழைக்கின்றனர். ஐப்பசி மாத கடைசி நாள் "கடை முகம் அல்லது கடை முழுக்கு' என்றும் கார்த்திகை முதல் நாள் "முடவன் முழுக்கு' என்றும் கொண்டாடுகிறார்கள்.
 அர்தோதய புண்யகாலம் என்பது; அமாவாசை ஞாயிற்றுக்கிழமையில் வரப்பெற்று; புஷ்யம் அல்லது தை மாதத்தில் வரும் ஸ்ரவண நட்சத்திரத்தில் வ்யதிபாத யோகத்தில் வருமானால்; அந்த நாளை வாழ்நாளில் மிகச் சிறப்பான நாளாக கணிக்கின்றனர் ஜோதிடர்கள். இப்படியான நாள் நம் வாழ்நாளில் எப்போதோ வரும். இதனால் கிடைக்கும் பலன் மகத்தானது. அப்படி கிடைக்கும் பலனை விட பன்மடங்கு பலன் சுலபமாக மாயவரத்தில் துலா கட்டத்தில் கடைமுகத்தன்றோ, முடவன் முழுக்கன்றோ ஸ்நானம் செய்வதால் கிடைக்கும் என்று துலா மஹாத்மியம் கூறுகின்றது.
 காவிரி பாய்ந்தோடும் கரையில் வசிக்கும் மக்கள் முன்னாளில் தெய்வத் தாயாக அவளைக் கொண்டாடி மகிழ்ந்தனர்; அதனால் அவளும் மகிழ்ச்சியுற்று வருடம் முழுவதிலும் சீறிப் பாய்ந்தோடி தமிழகத்தில் முக்கியத் தொழில் செய்வோரான விவசாயிகளுக்கு எந்தக் குறையுமின்றி காவிரித்தாய் அருளினாள். ஸ்ரீகிருஷ்ணனின் ஆணைக்கிணங்க உலகிலுள்ள அறுபத்தி ஆறாயிரம் கோடி ஆறுகள் இந்த மாதத்தில் இங்கு வந்து காவிரியில் நீராடி தன் மீது ஏற்பட்டுள்ள களங்கங்களான ஐந்து வகையான பாவங்களை சுத்திப்படுத்திக் கொள்ள வருகிறார்கள் என்பது ஐதீகம்.
 சிறந்த சிவபக்தரான நாத சர்மா மற்றும் அவரது மனையாள் அனவித்யாம்பிகை இருவரும் திருவையாற்றிலிருந்து புறப்பட்டு மாயவரம் துலாஸ்நானம் செய்வதற்கு வந்து, மாலை நேரம் நெருங்கிவிட்டதால் ஸ்நானம் செய்ய இயலாமல் தவித்து அங்குள்ள மண்டபத்தில் இரவு தங்கி ஈசனை துதித்தனர். அது போல் மாற்றுத் திறனாளி ஒருவரும் (முடவன்) ஆசை இருந்தும் கால் ஊனமுற்றதால் நடக்க முடியாமல் தட்டுத்தடுமாறி தவழ்ந்து; வெகு நாட்களுக்கு முன்பே அவரது ஊரிலிருந்து கிளம்பி மாயவரம் வந்து சேரும் போது, துலா மாதம் முடிந்து இரவாகிவிட்டது. அண்டத்தின் நாயகனை நோக்கி மாற்றுத் திறனாளி "இந்த சந்தோஷத்தை அடைவதற்கு எனக்கு கொடுப்பினை இல்லையே" என்று கதறினான். மூவரும் துலாஸ்நானம் செய்யும் பேறு கிட்டாததால் பெரிதும் கவலையுற்றனர்.
 இவர்களது பக்தியில் கட்டுண்ட எம்பெருமான் கைலாயபதி இந்த மூவரின் விண்ணப்பத்தை ஏற்று அசரீரியாக; ""ஐப்பசி கடைசி நாள் துலா ஸ்நானம் முடிந்து விட்டாலும் என் அன்பிற்குறியவர்களான உங்களுக்காக நாளை ஒரு நாளும் நீட்டித்துத் தருகிறேன்; இந்த நாளில் ஸ்நானம் செய்தால் நம்முள்ளே சேர்ந்துள்ள பாவம் விலகி புண்ணியம் பெறலாம்'"என அருளினார்; இதனால் அந்த மூவரும் முக்தி பெற்றனர். அன்று முதல் கார்த்திகை முதல் நாளை "முடவன் முழுக்கு' என்று அழைக்கலாயிற்று.
 நாத சர்மா, அனவித்யாம்பிகை தம்பதிகள் ஐக்கியமான சிவலிங்கங்கள் மயூரநாத சுவாமி ஆலயத்தில் அபயாம்பிகா சந்நிதிக்கு தென்புறத்தில் உள்ளது. இதில் பெண் அடியாரான அனவித்யாம்பிகை ஐக்கியமான லிங்கத்தின் மீது சேலை அணிவிக்கப்படுவது வேறு எந்த சிவாலயத்திலும் காண முடியாத சிறப்பு அம்சமாகும். மயூரநாத சுவாமி ஆலயத்திற்கு வழிபட வருபவர்கள் இந்த தம்பதிகள் ஐக்கியமான லிங்கங்களையும் தரிசனம் செய்தால் மட்டுமே வழிபாடு நிறைவு பெறும் என்பது இறைவாக்கு.
 கடை முழுக்கு, ஐப்பசி மாதக் கடைசி நாள் (16.11.2019) சனிக்கிழமையன்று முடிகிறது. முடவன் முழுக்கு, கார்த்திகை முதல் நாள் வருகிறது (17.11.2019). அபயாம்பிகை உடனுறை மயூரநாத சுவாமியை திருஞானசம்பந்தப் பெருமானும், திருநாவுக்கரசரும் பதிகத்தில் போற்றிப் பாடியுள்ளார்கள். தன் பங்குக்கு அருணகிரிநாதரும் புகழ்ந்துள்ளார். கிடைக்கும் சந்தர்ப்பத்தை நழுவவிடாமல் "காற்றுள்ளபோதே தூற்றிக்கொள்" என்ற பழமொழிக்கொப்ப இந்த ஐப்பசி மாதத்தில் துலா ஸ்நானம் செய்து மயூரநாதரையும் தரிசித்து நற்பேற்றினை பெறுவோம்.
 - எஸ். எஸ். சீதாராமன்

]]>
https://images.dinamani.com/uploads/user/imagelibrary/2019/11/15/w600X390/MUDAVAN-MUZHUKKU.JPG https://www.dinamani.com/weekly-supplements/vellimani/2019/nov/15/முக்தி-தரும்-முடவன்-முழுக்கு-3280507.html
3280506 வார இதழ்கள் வெள்ளிமணி கார்க்கோடகன் வழிபட்ட கோடகநல்லூர் Friday, November 15, 2019 10:57 AM +0530 தாமிரபரணி நதிக்கரையில் அமைந்த கிராமங்களில் கோடக நல்லூர் பெருமைக்குரியது. நெல்லையப்பர் - காந்திமதி அருள்பாலிக்கும் நெல்லை மாநகரிலிருந்து 14 கி.மீ. தொலைவில் உள்ளது. இங்கு 12 -ஆம் நூற்றாண்டிற்கும் தொன்மையான மூன்று ஆலயங்கள் அமைந்துள்ளன. திருமாலுக்கென ஒன்றும், சிவனிற்கு நவகைலாசங்களில் ஒன்றான அருள்மிகு கைலாச நாதர் கோயிலும், மற்றும் அருள்மிகு அபிமுக்தேச்வரர் கோயிலுமாக இரண்டு கோயில்கள். பழைய கிராமத்தின் சாயல் மாறாத அம்மன் கோயில், தாமரை புஷ்கரணி! இக்கிராமத்தின் கண் பல ஆன்றோர்களும், சான்றோர்களும் வாழ்ந்துள்ளனர். மேலும் சிருங்கேரி மடத்தின் தொன்மையான கிளை ஏற்பட்ட முதல் தலமாகவும் திகழ்கின்றது.
 மத்ஸ்ய புராணத்தில் இத்தல திருமால் கோயிலைப் பற்றி குறிப்பிடப்பட்டுள்ளது. சர்ப்பங்களின் தலைவனான கார்க்கோடகன் பல வித்தைகளில் தேர்ச்சியும், தவப் பயன்களுடன் பெற்றிருந்தான். விந்திய மலைச்சாரலில் ஒரு முறை நிசாச்சர முனிகளைக் காண நேர்ந்த போது, தனக்கு பிரம்ம ஞானத்தை அளிக்குமாறு வேண்டினான். முனிவர் அவன் மீதிருந்த தோஷங்கள் தீரும் வண்ணம் அவனைத் தாமிரபரணி ஆற்றங்கரைக் கரையில் மகாவிஷ்ணுவை துதித்து தவம்புரிய பணித்தார். அவ்வாறே தவம் மேற்கொண்ட கார்க்கோடகனின் பக்தியினால் மகிழ்ந்த மகாவிஷ்ணு அவன் முன் அகஸ்திய முனிவருடன் காட்சி தந்து முனிவரிடம் பிரும்ம ஞானம் பெற அருளினார். அன்று முதல் இறைவன் அங்கேயே அடியார் நலம் பெற எழுந்தருள, கார்க்கோடகனும் இறைத் தொண்டை தொடர்ந்தாக வரலாறு. நளமன்னர் கலிதோஷம் நீங்க, வழி பட்ட தலங்களில் இதுவும் ஒன்றாகும். இன்றும் கோடக நல்லூரில் சர்ப்பங்கள் யாருக்கும் இடையூறு செய்யாமல் இருந்து வருவது குறிப்பிடத்தக்கது. இத்தலம் சிறந்த ராகு - கேது ப்ரீதி ஸ்தலமாகவும், செவ்வாய் தோஷ பரிகார ஸ்தலமாகவும் கருதப்படுகின்றது. விவாக தாமதம் நீங்கவும், புத்திரப் பேறு நல்கும் பரிகாரத் தலமாகவும் உள்ளது.
 மூலவர் பிரஹன்மாதவன் தேவியர்களுடன் சுதை ரூபமாக காட்சி தருகின்றார். உற்சவ மூர்த்தி ரங்கநாதர் என்ற திருநாமத்துடன் அழைக்கப்படுகின்றார். தாயார் பூமாதேவி மற்றும் நீலாதேவி. இவ்வூரை சுற்றியுள்ள கிராமங்களுக்கு குல தெய்வமாய் நேர்த்திக் கடன் செலுத்தும் தெய்வமாய் ஸ்ரீ பிருஹன்மாதவர் விளங்குகின்றார். பெருமாளுக்கு "அமிர்தகலசம்' என்று அழைக்கப்படும் கொழுக்கட்டை நைவேத்தியம் படைக்கப்படுகின்றது. இவ்வாலயத்தில் 2018 -ஆம் ஆண்டில் பாலாலயம் செய்யப்பட்டு மூலவர் சுதை விக்ரகத்திற்கு மூலிகை வர்ணம் பூசுதல், விமானம் புதுப்பித்தல், சுவாமி தேசிகருக்கு நூதன விமானம் செய்வித்தல் என பல திருப்பணி வேலைகள் தமிழக இந்துசமய அறநிலையத்துறை வழிகாட்டுதலுடன், கோடக நல்லூர் சுவாமி தேசிகன் கைங்கர்ய சபாவினர் மூலம் மேற்கொள்ளப்பட்டு சிறப்பாக நிறைவு பெற்றுள்ளது. மஹாசம்ப்ரோக்ஷண வைபவம் இன்று (நவம்பர் 15 -ஆம் தேதி) நடைபெறுகின்றது. தொடர்ந்து நவம்பர் 19 முடிய ஐந்து நாள்கள் உற்சவம் நடைபெறுகிறது.

தொடர்புக்கு: 94449 05057/ 94440 37201.
 - எஸ்.வெங்கட்ராமன்
 

]]>
https://images.dinamani.com/uploads/user/imagelibrary/2019/11/15/w600X390/vm1.jpg https://www.dinamani.com/weekly-supplements/vellimani/2019/nov/15/கார்க்கோடகன்-வழிபட்ட-கோடகநல்லூர்-3280506.html
3274459 வார இதழ்கள் வெள்ளிமணி பஞ்சமில்லா பெருவாழ்வு அருளும் அன்னாபிஷேகம் ! DIN DIN Friday, November 8, 2019 04:05 PM +0530 சிவனாரின் அபிமான தொண்டனும், கோள்களில் ஒருவனும் ஆன சந்திரன் மீது முக்கண்ணன் அதிக பற்று கொண்டவர். இதன் வெளிப்பாடாக இமயோன் தன் தலையில் சந்திரனை தூக்கி வைத்துக் கொண்டார். இதனால் சிவனாருக்கு சந்திரசேகரன், பிறைசூடன் என்ற பெயரும் உண்டு.
 தட்ச பிரஜாபதியின் மனைவி பிரசூதிக்கு பிறந்த ஐம்பது குழந்தைகளில் இருபத்தியேழு பேர் அஸ்வதி முதல் ரேவதி வரையிலுள்ள நட்சத்திரங்கள் ஆவர். சோமன் என்ற பெயர் கொண்ட, ஒன்பது கோள்களில் அழகனான சந்திரனுக்கு இவர்களை திருமணம் செய்து கொடுத்து அனைவரையும் சமமாக பாவிக்க வேண்டுமென வேண்டுகோள் விடுத்தார். ஆனால் சந்திரனோ இவர்களில் ரோஹினியின் மீது மட்டும் அதிகம் மையல் கொண்டு மற்ற 26 நங்கையர்களையும் உதாசீனப்படுத்தினான். இதனால் வெகுண்ட அனைவரும் தங்கள் நிலையை தன் தந்தை தட்சனிடம் முறையிட்டனர். பெரும் வல்லமையுடையவனும், தபஸ்வியுமான தட்சன், இதற்கான காரணத்தை சந்திரனிடம் கேட்டான். ஆனால் சந்திரனோ காரணம் சொல்லத் தெரியாமல் திகைத்து நிற்க "உன் கலைகள் அனைத்தும் ஒவ்வொன்றாய் தேயட்டும்" என தட்சன் சபித்தான்.
 சந்திரனோ, இந்திரனில் ஆரம்பித்து அனைவரிடமும் தனக்கேற்பட்ட இந்த சாபத்தினை போக்க வேண்டி மன்றாடினான். ஆனால் தட்சனின் கோபத்திற்கு அஞ்சிய அனைவரும் சந்திரனிடம் தங்களின் இயலாமையை வெளிப்படுத்தினர். இதற்கே இரண்டு நாட்கள் ஆகிவிட்டது. மூன்றாம் நாள் கைலாயநாதன் சிவனாரிடம் அபயம் வேண்டினான். அவர் சந்திரனின் நிலையை உணர்ந்து தன் தலைமீது எடுத்து வைத்து அடைக்கலம் தந்தார். அன்று முதல் சிவனாரின் அருளைப்பெற வானத்தில் மூன்றாம் பிறையை பார்ப்பது வழக்கமாயிற்று. பின் சிவனார் சந்திரனிடம் "உன் தவறை உணர்வதற்காக உன் கலைகள் ஒவ்வொன்றாய் தேய்ந்து பின் வளர அருள்கின்றோம்; என்றாலும் ஐப்பசி பெளர்ணமி அன்று மட்டும் உன் பூரண பதினாறு கலைகளுடன் மிளிர்வாய்' என அருளாசி வழங்கினார்.
 சூரியன் துலா ராசியில் பிரவேசிக்கும் நாளே ஐப்பசி மாதம் ஆகும். அதுபோன்று சந்திரன் முழுநிலவாக தெரியும் நன்னாளில் அதன் வலதுபுறம் அஸ்வினி நட்சத்திரம் தோன்றி நிற்கும். இதனை ஐப்பசி, அஸ்விஜா, அஸ்வயுஜா என்றும் துலா மாதம் (துலாம் என்பது தராசைப்போல் சமனானது) என்றும் கூறுகிறார்கள்.
 சந்திரபகவானை நெல்லிலிருந்து கிடைக்கும் அரிசியின் மீது ஆதிக்கம் கொண்டவராக ஜோதிடத்தில் கூறுகிறார்கள். நம் உணவின் முக்கிய தானியமான அரிசியிலிருந்து சாதம் கிடைப்பதால் அதனை நமக்களித்த, சந்திரனை பிறையாகக் கொண்ட சிவனாருக்கு, அபிஷேகம் செய்து வழிபடுவதை விவசாயிகள் நன்றிக் கடனாக செய்து வந்தார்கள். ஐப்பசி மாத பெளர்ணமியன்று சிவபிரான் மனமகிழ்வோடு இருப்பதாகவும்; அன்னம் அல்லது சோறு என்பது சிவனின் அம்சமாக பார்க்கப்படுவதால் அன்று அன்னாபிஷேகம் செய்வதாலும் அதனை தரிசிப்பதாலும் பெரும் பேறு பெற்றவர்களாக ஆவார்கள் என சிவபுராணம் சொல்கிறது.
 "அன்னாபிஷேகம் என்பது ஐப்பசி மாதம் பெளர்ணமி அன்று அனைத்து சிவன் கோயில்களிலும் செய்வது வழக்கமான ஒன்று. முதலில் எப்போதும் செய்யும் வாசனாதி திரவியங்களைக் கொண்டு அபிஷேகம் செய்துவிட்டு புதிதாக அறுவடை செய்த நெல்மணிகளை உரலிலிட்டு குத்தி அரிசியாக்கி வரும் அன்னத்தால் சிவலிங்கம் முழுவதும் மூடி பலவகையான காய்கறிகளால் அலங்கரித்து, பூஜித்து பின்னர் அனைவருக்கும் அந்த அன்னத்தை பிரசாதமாக வழங்குவார்கள். மேலும் மிகுதி அன்னத்தை நீர் நிலைகளில் சேர்பித்து மீன் போன்ற ஜீவராசிகளுக்கும் அளித்துவிடுவார்கள்.
 இந்த வைபவத்தில் கலந்து கொண்டு அந்த பிரசாதத்தை பெரும் தம்பதியர் இணைபிரியாமல் வாழ்வாங்கு வாழ்வார்கள்" என தெய்வத்தின் குரலில் மஹாசுவாமிகள் கூறுகிறார். அதனால் அன்று மாலை ஒவ்வொரு சிவாலயங்களிலும் அன்னாபிஷேகம் நடைபெறுகிறது. அந்த அன்னத்தில் ஒவ்வொரு பருக்கையிலும் சிவனார் குடிபுகுந்துள்ளதால் இதனை தரிசிக்கும் பக்தர்கள் கோடிலிங்க தரிசன பலனை அடைகிறார்கள்.
 அனைத்து சிவாலயங்களிலும் இந்த அன்னாபிஷேகம் நடைபெற்றாலும்; கங்கைகொண்டான் என்ற பெயர் பெற்ற ராஜேந்திர சோழனின் பெருமுயற்சியில் கட்டப்பட்ட, தஞ்சை பெரிய கோயிலுக்கு இணையான கங்கைகொண்ட சோழபுரம் சிவனாருக்கு, அந்தநாளில் மஹாசுவாமிகளின் அருளாணைக்கு இணங்க நூறு மூட்டை அரிசியில் அன்னம் வடிக்கப்பட்டு வெகுவிமரிசையாக ஒவ்வொரு வருடமும் அன்னாபிஷேகம் நடைபெறுகிறது. அச்சமயம் அதன் சுற்றுவட்டாரத்து கிராம மக்கள் அனைவரும் பேதமின்றி கலந்து கொண்டு வழிபட்டு இறையனாரின் பிரசாத்தை பெற்று உண்டு மகிழ்கிறார்கள். இதுபோன்று தஞ்சை பெருவுடையார் கோயிலிலும் அந்த நாளில் அன்னாபிஷேகம் மிகச்சிறப்பாக நடைபெறுகிறது.
 விஞ்ஞான ரீதியாகவும் அக்டோபர், நவம்பர் மாதங்களில் சந்திரன் பூமிக்கு மிக அருகாமையில் வருவதால் அப்போது சந்திரன் மிகவும் ஒளியுள்ளதாக தெரியும் என்கின்றனர். ஐப்பசிக்குபின் வரும் கார்த்திகை, மார்கழி மாதங்களில் பகல் பொழுது கம்மியாகவும், இரவு அதிகமாகவும் இருக்கும். வரும் நவம்பர் 12 - ஆம் தேதி செவ்வாய்க்கிழமை அண்ணலுக்கு அன்னாபிஷேகம் அனைத்து சிவாலயங்களிலும் நடைபெறுகிறது. வடலூர் வள்ளலார் சொன்னதைப்போல் "பஞ்சமில்லா பெருவாழ்வு' வாழ இறைவனை வணங்கி மகிழ்வோம்.
 - எஸ். எஸ். சீதாராமன்
 
 
 

]]>
https://images.dinamani.com/uploads/user/imagelibrary/2019/11/8/w600X390/vm7.jpg https://www.dinamani.com/weekly-supplements/vellimani/2019/nov/08/பஞ்சமில்லா-பெருவாழ்வு-அருளும்-அன்னாபிஷேகம்--3274459.html
3274457 வார இதழ்கள் வெள்ளிமணி ராமருக்கு அருளிய பொய்சொல்லா மெய்யர்! DIN DIN Friday, November 8, 2019 04:04 PM +0530 நெல்லை மாவட்டம் களக்காட்டில் உள்ள சத்யவாஹீஸ்வரர் கோயில் மிகவும் பிரசித்திபெற்றது. இக்கோயிலின் ராஜகோபுரம் 156 அடி கொண்டது. காண்போர் விழிகளை ஆச்சரியத்தின் விளிம்பிற்கு கொண்டு செல்லும் இக்கோபுரம் 9 அடுக்குகளைக் கொண்டது. இதன் உச்சியில் 9 கலசங்களும், பெரிய யாழிகளும் உள்ளன. ஆகம விதிப்படி அமைக்கப்பட்டுள்ளது.
 ராஜகம்பீரத்துடன் காட்சியளிக்கும் இக்கோபுரத்தின் உட்பகுதியில், புராண இதிகாச கதைகளை விளக்கும் ஓவியங்கள், இறைவனின் திருவிளையாடல் ஓவியங்கள் பல்வேறு வண்ணங்களில் வரையப்பட்டுள்ளன. இந்த பழங்கால ஓவியங்கள், எக் காலத்தாலும் அழியாத கலர் பூச்சுக்களால் வரையப்பட்டுள்ளது சிறப்பாகும்.
 கி.பி. 11-ஆம் நூற்றாண்டில் களக்காட்டை தலைநகரமாகக் கொண்டு நல்லாட்சி நடத்தி வந்த வீரமார்த்தாண்ட சேரர் என்ற மன்னன், காண்போர் வியக்கும் வண்ணம் இக்கோயிலை கம்பீரத்துடன் கட்டியுள்ளார். இக்கோயில் கட்டிய காலத்தில் தான், தஞ்சாவூர் பிரகதீஸ்வரர் ஆலயமும் கட்டப்பட்டதாக சில தகவல்கள் சொல்கின்றன.
 வீரமார்த்தாண்ட சேர மன்னர், திருப்புடைமருதூர் என்ற தலத்திலும் ஒரு கோயில் அமைத்து, குறிப்பிட்ட சில தினங்கள் மட்டும் களக்காடு அரண்மனையில் இருந்து, குதிரையில் திருப்புடை மருதூர் சென்று சாமி தரிசனம் செய்துவிட்டுத் திரும்புவாராம். இப்படி ஒரு நாள் செல்லும்பொழுது, களக்காட்டில் ஓடும் (இப்போதும் இந்த ஆறு இங்கே பாய்கிறது) பச்சையாற்றில் அளவிற்கு அதிகமாக வெள்ளம் கரைபுரண்டு ஓடியதால், ஆற்றைக் கடந்து, திருப்புடைமருதூருக்கு சாமி தரிசனத்திற்கு செல்ல முடியவில்லை. "இன்று சாமி தரிசனம் செய்ய முடியாமல் போய்விட்டதே...' என்று மன்னர் வருந்தினார் மன்னர் .
 அப்போது, "கவலைப்படாதே! இங்குள்ள (களக்காடு) புன்னை மரத்தடியில் நாம் இருக்கிறோம். அங்கு எமக்கு ஒரு கோயில் அமைத்து வழிபடலாம்' என்று அசிரீரி கேட்டதாகவும் அதன்பிறகே அந்த லிங்கத்தைக் கண்டுபிடித்து அங்கே ஒரு கோயிலைக் கட்டினார் மன்னர் வீரமார்த்தாண்ட சேரர் என்கின்றனர். அதுவே, இந்த களக்காடு ஸ்ரீசத்யவாஹீஸ்வரர் திருக்கோயில். இங்கு, இறைவன் சத்யவாஹீஸ்வரராகவும், அம்பாள் கோமதி அம்மையாகவும் எழுந்தருளி அருள்பாலிக்கின்றனர்.
 இங்குள்ள புன்னை மரத்தடியில் எழுந்தருளியிருந்த லிங்கம் தனிப்பெருமை வாய்ந்தது. ஸ்ரீராமர், சீதையைத் தேடி அலைந்தபோது களக்காடு வந்து இந்த லிங்கத்தை வழிபட்டதாக ஐதீகம்! அப்போது " சீதை கிடைப்பாள்' என்று சத்யவாக்கு கிடைத்தது. அதன்படி சீதையை மீட்ட ராமர், மீண்டும் சீதையுடன் வந்து, இத்தல லிங்கத்திற்கு சிறப்பு வழிபாடுகள் நடத்தினார் என்பர். ராமருக்கு சத்யவாக்கு கொடுத்ததால், இவ்வூர் இறைவன் சத்யாவாஹீஸ்வரர் என்ற திருநாமம் பெற்றதோடு, "பொய் சொல்லா மெய்யர்' என்ற பெயரும் பெற்றார் என்று தலவரலாறு தெரிவிக்கிறது!
 கோயிலுக்குள் நுழைந்தவுடன் நம்மை வரவேற்பது ராஜகோபுரம்தான். அதனையடுத்து இடதுபக்கம் ஒரு பொற்றாமரைக் குளமும், வலது பக்கம் மீனாட்சி சொக்கநாதர் சந்நிதிகளும் உள்ளன. 631 அடி நீளமும், 293 அடி அகலமும் கொண்டதாகத் திகழும் இக்கோயில் கிழக்கு நோக்கி அமைந்துள்ளது. ராஜகோபுரம் தவிர மேலும் 4 கோபுரங்களும் இங்கு உள்ளன.
 இக்கோயிலில் இறைவன் இறைவி சந்நிதிகளுடன் விநாயகர், ஸ்ரீநவநீத கிருஷ்ணர், ஐயப்பன், துர்க்கையம்மன், ஜூரதேவர், காசி விஸ்வநாதர், விசாலாட்சி அம்மன், கஜலட்சுமி, சந்தன நடராஜர், அன்னலட்சுமி, சூரியன், சந்திரன், அதிசய சித்ரகுப்தர் ஆகிய தெய்வங்களுக்கும் தனி சந்நிதிகள் அமைந்துள்ளன.
 தமிழகத்தில் விரல்விட்டு சொல்லக்கூடிய சில முக்கியமான கோயில்களில் மட்டுமே 63 நாயன்மார்களுக்கும் தனி சந்நிதி அமைக்கப்பட்டிருக்கும். இந்த களக்காட்டு கோயிலிலும் 63 நாயன்மார்களுக்கும் தனி சந்நிதி அமைக்கப்பட்டுள்ளது குறிப்பிடத்தக்கது.
 நாகர்கோவில் பாபாநாசம் செல்லும் பாதையில் களக்காடு அமைந்துள்ளது. திருநெல்வேலி பேருந்து நிலையத்தில் இருந்து இங்கு செல்ல பேருந்துகள் இயக்கப்படுகின்றன. நான்குநேரியிலிருந்து 12 கி.மீ. தொலைவில் களக்காடு அமைந்துள்ளது.

 - களக்காடு வ. மாரிசுப்ரமணியம்

]]>
https://images.dinamani.com/uploads/user/imagelibrary/2019/11/8/w600X390/vm6.jpg https://www.dinamani.com/weekly-supplements/vellimani/2019/nov/08/ராமருக்கு-அருளிய-பொய்சொல்லா-மெய்யர்-3274457.html
3274455 வார இதழ்கள் வெள்ளிமணி பொருநை போற்றுதும்! 66 டாக்டர் சுதா சேஷய்யன் DIN Friday, November 8, 2019 04:00 PM +0530 மாதங்கள் பல உருண்டோடின. 
ஓரிரவு... ஆழ்ந்த உறக்கத்திலிருந்தார் திம்மராஜா. கனவு வந்தது. கனவில்... மாடுகன்றுகளை மேய்த்துக் கொண்டு ஒரு சிறுவன்! கன்னங்குழியச் சிரித்தான்... மயில்பீலியை எடுத்துக் கேசத்தில் சூட்டிக் கொண்டான்... மாட்டுக் குச்சியையே உதட்டில் வைத்து ஊதினான்... வேய்ங்குழல் நாதம் ஒலிக்க... திம்மராஜா திடுக்கிட்டார். இவனை எங்கேயோ பார்த்திருக்கிறோமே... இவன்... இவன்... மெல்லப் புரிந்தது. அன்றைக்கு அருகில் வந்து வருங்காலம் கூறியவனும், இன்றைக்கு அகத்தில் வந்து அருள்காலம் காட்டியவனும் அந்த மாயக் கண்ணன்தான் என்பது! 
எந்த இடத்தில், எந்த மேய்ச்சல் காட்டில் சிறுவனாகப் படுத்துக் கிடந்தோமோ அந்த இடத்தைத் தேடி வந்தார் திம்மராஜா. அப்பாஜிக்கு ஆயர் சிறுவன் அதிசயக் காட்சி காட்டிய இடம் அதுதானே! அந்த இடத்திலேயே, தன் உள்ளம் திருடிய வெண்ணெய்த் திருடனுக்குத் திருக்கோயில் எழுப்பினார். திம்மராஜா அப்பாஜி எழுப்பிய திருக்கோயில்தான், அருள்மிகு நவநீதகிருஷ்ணன் திருக்கோயில். 
அற்புதமான பிரார்த்தனைத் தலம் இது. பிள்ளைப் பேறு வேண்டுபவர்கள், பெளர்ணமிதோறும் வந்து வழிபட்டால், ஆசை நிறைவேறுவது நிச்சயம். நேரில் வரமுடியாதவர்கள், மானசீகமாகப் பிரார்த்தித்து, நவநீதகிருஷ்ணனை உள்ளத்தில் கொலு வைத்து, ரோஹிணி நட்சத்திர நாள்களில் விரதமிருந்தால், மாயக்கிருஷ்ணனின் அருள் கிட்டுமாம். 
செவல் பகுதியில், அவ்வப்போது விதவிதமான பறவைகள் காணப்படுகின்றன. சிறுகொக்கு, சாம்பல் நாரை, செந்நாரை, குருட்டுக் கொக்கு, உண்ணிக்கொக்கு, நீர்க்காகம், முக்குளிப்பான், அன்றில், அரிவாள் மூக்கன், செம்பருந்து, கள்ளப்பருந்து, இலைக்கோழிகள், ஆள்காட்டிகள், புள்ளிப்புறா, சாம்பல் தகைவிலான், தேன்சிட்டு, கரிச்சான் போன்ற தமிழ்நாட்டுப் பறவைகள் பலவற்றையும், செவல் மட்டுமல்லாமல், பொருநைக் கரைப் பகுதிகள் அனைத்திலுமே பொதுவாகக் காணலாம். 
சித்தம் நிறைத்த சித்தர்வனம்
பொருநையின் தென் கரையில், தேசமாணிக்கம், மேலச் செவல், கீழச் செவல் ஆகிய பகுதிகள்; வட கரையில், சுத்தமல்லி. 
செவல் பகுதிகளுக்கும் சுத்தமல்லிக்கும் இடையில், ஆற்றின் கரைகளை ஒட்டி அடர்ந்த காடுகள் இருந்துள்ளன. இந்தக் காடுகளுக்குச் சித்தர்வனம் என்ற பெயரும் இருந்திருக்கிறது. இது மட்டுமல்லாமல், இந்தப் பகுதியில், ஆறு இரண்டாகப் பிரிந்து, இரண்டு பிரிவுகளுக்கும் இடையில், நிலத் தீவு ஒன்றும் இருந்திருக்கவேண்டும் (கீழ்வரும் தலமகிமைக் கதைகளிலிருந்தும், இப்பகுதி நில ஆய்வுகளிலிருந்தும் இதை ஊகிக்கலாம்). சித்தர்கள் பலர், இக்காடுகளில் தவம் செய்தனராம். தீவில் இருந்த காடுகளில் பிரம்மாவும் சரஸ்வதியும் பரசுராமரும் வழிபட்டதாகத் தெரிகிறது. 
இந்தப் பகுதியில், சிறியதாக, எந்த ஆடம்பரமும் இல்லாமல், வழக்கமான கிராமத்துச் சிறு கோயில் போல் தோற்றம் தரும் வகையில் உள்ள கோயில்கள் சில, நம் கருத்தைக் கவர்கின்றன. காரணம்: மூன்று கோயில்களிலும் சுவாமிக்கு இருக்கும் ஒரே திருநாமம்! அதெப்படி ஒரே பெயரில் மூன்று சுவாமிகள்...? 
தெய்வத் திருமேனிகள் அத்தனையும் ஒற்றைப் பரம்பொருளின் வெளிப்பாடுகள்தாம் என்கிற சனாதன தர்மக் கோட்பாட்டுக்கு அப்பாற்பட்டு, அந்தந்தக் கோயிலின் தெய்வத் திருமேனியை அந்தந்தப் பெயரால் வணங்குவது யதார்த்தம். இருந்தாலும், சராசரி யதார்த்தத்தைத் தொட்டுக்கொண்டு, சர்வ வியாபகப் பரத்துவத்தை வெளிப்படுத்த அந்த சர்வேச்வரன் முடிவெடுத்துவிட்டால்...? ஆண்டவனின் அரும்பெரும் திருவிளையாட்டுக்கான கதை ஒன்றுதான் இப்பகுதியில் நிலவுகிறது; வாருங்கள், அதையும் காண்போம். 
ஆறு இரண்டாகப் பிரிந்து, நடுத்தீவில் காடு இருந்ததல்லவா? இந்தக் காடுதான், பரசுராமர் தவமியற்றிய சித்தர்வனம். ஒருமுறை, முனிவர்கள் சிலரிடமிருந்து, சரஸ்வதி தேவி சாபம் பெற்றாள். சாப விமோசனத்திற்காக பூலோகம் வந்து சிவபூஜை செய்ய விழைந்தாள். சிவபூஜைக்குத் தக்க இடம் தாமிரவருணிக்கரையே என்று பிரம்மா தேர்ந்தெடுத்துக் கொடுக்க, சரஸ்வதியும் சித்தர்வனம் அடைந்தாள். பிரம்மாவின் கட்டளைப்படியே, அவளுடைய சிவபூஜைக்காகச் சிவலிங்கம் ஒன்றை விச்வகர்மாவும் வடிவமைத்தார். 
விச்வகர்மா அமைத்த சிவலிங்கம், சித்தர்வனத்தின் பாறையொன்றில் தன்னை வெளிப்படுத்திக்கொண்டது. "சித்தீச்வரர்' என்றே பெயர் பெற்றது. சரஸ்வதியும் களிப்போடு பூஜை செய்து விமோசனம் பெற்றாள். சில காலத்திற்குப் பின்னர், பொதிகை மலைச் சாரலில் சஞ்சாரம் செய்து, பொருநைக் கரையில் சிவபூஜை செய்துவந்த அகத்தியர், இப்பகுதிக்கு வந்தார். கைலைச் சிவனாரை எண்ணியபடியே, "கைலைநாதனே காட்சி தரமாட்டாயா?' என்று ஆதங்கப்பட்டபடியே ஆற்றங்கரையில் அலைந்தார். தீவுத்திட்டில் திரிந்தார். 
(தொடரும்...)


 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/nov/08/பொருநை-போற்றுதும்-66-3274455.html
3274454 வார இதழ்கள் வெள்ளிமணி புஷ்பராகம் DIN DIN Friday, November 8, 2019 03:58 PM +0530 புஷ்பராகம்: இது வெள்ளை மற்றும் மஞ்சள் நிறத்திலுள்ளது. இதை அணிய உடல்நலம், நீண்ட ஆயுள், பெருமை, புகழ் சேரும். இது குருபகவானுக்குகந்த ரத்தினமாகும். இந்த ரத்தினத்தை அணிய சகல தோஷங்களும் நீங்கும். புத்திரபாக்கியம் இல்லையென்றால் புஷ்பராகம் அணிய குழந்தை பிறக்கும். முடக்குவாதம், ஹிஸ்டீரியா, மனஅதிர்ச்சி போன்ற வியாதிகள் நீங்கும். 3, 12, 21- ஆம் தேதிகளில் பிறந்தவர்கள் இதை அணியலாம். இதனை தங்கத்தில் திங்கள் மற்றும் வியாழக்கிழமைகளில் குருபகவானின் ஹோரையில் குருபகவானை நினைத்து, வலது கை மோதிரவிரலில் அணிய வேண்டும். ஆள்காட்டி விரலிலும் அணியலாம்.

]]>
https://images.dinamani.com/uploads/user/imagelibrary/2019/11/8/w600X390/vm5.jpg https://www.dinamani.com/weekly-supplements/vellimani/2019/nov/08/புஷ்பராகம்-3274454.html
3274453 வார இதழ்கள் வெள்ளிமணி குருபெயர்ச்சியின் சிறப்பம்சம் DIN DIN Friday, November 8, 2019 03:57 PM +0530 பொதுவாக, குரு, சனி பகவான்களின் பெயர்ச்சி சஞ்சரிக்கும் காலங்களில் இவர்கள் இருவரின் பார்வை படும் ராசிகளைப் பார்க்க வேண்டும். எந்த ராசிக்கு குரு, சனி ஆகிய இரு பகவான்களின் பார்வை கிடைக்கிறதோ, அந்த ராசி சிறப்பான பலம் பெறுகிறது. இந்த ராசிக்காரர்கள் அதிர்ஷ்டசாலிகள் என்று அழைக்கப்படுகிறார்கள். மேலும் இந்த வீடு லக்னத்திலிருந்தோ அல்லது ராசியிலிருந்தோ எந்த பாவமாக அமைகிறதோ அந்த வீடு, பாவம் சிறப்பாக வேலை செய்யும்.
 இந்த குருபகவானின் தனுசு ராசி பெயர்ச்சி காலத்தில் குருபகவானின் பார்வை, மேஷ ராசி, மிதுன ராசி மற்றும் சிம்ம ராசிகளின் மீது படிகிறது. சனிபகவானின் பார்வை (24.01.2020 வரை) கும்ப ராசி, மிதுன ராசி, கன்னி ராசிகளின் மீது படிகிறது. இந்த 79 நாள்களும் மிதுன ராசியின் மீது குரு, சனி பகவான்களின் பார்வை படிகிறது.
 அதுபோன்று 29.03.2020 முதல் 20.06.2020 வரை உள்ள காலகட்டத்தில் குரு, சனி பகவான்களின் பார்வை கடக ராசியின் மீது படிகிறது. இந்த 90 நாள்கள் கடக ராசி நல்ல இடமாக அமையப் பெற்ற லக்ன ராசிக்காரர்கள் கூடுதல் பலனைப் பெறுவார்கள்.
 

]]>
https://images.dinamani.com/uploads/user/imagelibrary/2019/11/8/w600X390/vm4.jpg https://www.dinamani.com/weekly-supplements/vellimani/2019/nov/08/குருபெயர்ச்சியின்-சிறப்பம்சம்-3274453.html
3274451 வார இதழ்கள் வெள்ளிமணி திருமூலர் குருபூஜை DIN DIN Friday, November 8, 2019 03:55 PM +0530 திருமந்திரம் என்னும் பத்தாம் திருமுறையை உலகுக்கு அருளிய திருமூல நாயனார் அவதாரத் தலம் சாத்தனூர். தஞ்சாவூர் மாவட்டம் ஆடுதுறைக்குக் கிழக்கே, திருவாவடுதுறைக்குத் தெற்கே, சுமார் 2 கி.மீ. தொலைவில் அமைந்துள்ளது 69 சாத்தனூர் என்று அழைக்கப்படும் இந்தக் கிராமம். இங்கு திருமூலநாயனாருக்கு ஓர் அழகான சிறு கோயில் 2009 -இல் எழுப்பப்பட்டு, தினசரி முறையாக ஆராதனை நடந்து வருவது ஆன்மிக அன்பர்கள் அறிந்ததே.
 2019 -ஆம் ஆண்டு மார்ச் மாதம், மீண்டும் கும்பாபிஷேகம் செய்யப்பட்டு இவ்வாலயம் புதுப் பொலிவுடன் விளங்குகிறது. ஒவ்வொரு மாதமும் அசுபதித் திருநாளன்று விசேஷ அபிஷேக ஆராதனைகளுடன் திருமந்திரப் பாராயணமும், சிறப்புச் சொற்பொழிவும் நடந்து வருகின்றன. தவிர, ஒவ்வொரு ஆண்டும் கும்பாபிஷேக தினத்தன்று ஸம்வத்ஸர அபிஷேகமும், ஐப்பசி மாதம் அசுபதி நட்சத்திரத் திருநாளன்று குருபூஜை வைபவமும் மிக விமரிசையாக நிறைவேறி வருகின்றன.
 இந்த வருடம், திருமூல நாயனார் குருபூஜை விழா ஐப்பசி மாதம் 25 -ஆம் தேதி, 11.11.2019 திங்கட்கிழமையன்று நடைபெறவுள்ளது. அன்றைய தினம் காலையில் கணபதி ஹோமம், திருமூலருக்கான சிறப்பு வேள்வி, அபிஷேகம், விசேஷ அலங்காரம் இவைகளுடன் பேராசிரியர் இரா. கண்ணனின் ஆன்மிக சொற்பொழிவும், அன்னம் பாலித்தலும் நடைபெறும். மாலையில் திருமூலநாயனாரின் உற்சவத்திருமேனி அலங்கார ஊர்தியில் அழைத்துச் செல்லப்படும். வழக்கம்போல், விழாவில் சாத்தனூரை சுற்றியுள்ள திருச்சைவ மடங்களின் ஆதினகர்த்தர்களும், சிவநெறிச் செல்வர்களும் வருகை புரிந்து அருளாசி வழங்க இருக்கிறார்கள்.
 குரு பூஜையில் பங்கேற்பதின் நோக்கம் என்ன? அதனால் என்ன பயன்? என்பதைச் சிறிது சிந்திப்போம்.
 "தெளிவு குருவின் திருமேனி காண்டல்
 தெளிவு குருவின் திருநாமஞ் செப்பல்
 தெளிவு குருவின் திருவார்த்தை கேட்டல்
 தெளிவு குருவுரு சிந்தித்தல் தானே!’
 அன்றாட வாழ்க்கையில் நாம் நிலையான குறிக்கோள் இல்லாமையால் இன்ப துன்பங்களுக்கு இறையாகிச் சுழல்கிறோம். அதிலிருந்து மீண்டு நிலையான பேரின்பத்தை அடைய வேண்டுமானால், நம் அறிவிலே குழப்பம் நீங்கித் தெளிவு பிறக்க வேண்டும். அது எப்படி? "கொள்ளினும் நல்ல குருவினைக் கொள்க’ என்பார் திருமூலர். நல்லதொரு ஞான குருவைச் சரணடைவதின் மூலமே அது சாத்தியமாகும்.
 குருவை அடைந்த பின் அந்த குருவின் திருவுருவத்தையே சிவனின் திருமேனியாகக் காணுதல், அவரது திருப்பெயரையே திருவைந்தெழுத்தாக எண்ணி எப்போதும் சொல்லுதல், அவரது வார்த்தைகளைக் கேட்டு அதன்படி ஒழுகுதல், அவரது கருத்துக்களை ஆழ்ந்து சிந்தித்தல் இவைகளைச் செய்தால் உள்ளத்தில் மெய்ப்பொருளைப் பற்றிய தெளிவு ஏற்படும்.
 சாத்தனூர் திருமூலர் குருபூஜை விழாவில் கலந்துகொள்வதன் மூலம், திருமூலர் கூறும் காண்டல், செப்பல், கேட்டல், சிந்தித்தல் என்ற நான்கு செயல்களிலும் ஒருங்கே பங்கேற்கும் அரியதொரு வாய்ப்பு கிடைக்கும்.
 அன்பர்கள் இவ்விழாவில் கலந்து கொண்டு குருவருளும், திருவருளும் பெற்று மகிழுமாறு அன்புடன் அழக்கப்படுகின்றனர். சாத்தனூரில் இயங்கும் திருமூலர் திருமந்திரப் பெருமன்றம் விழா ஏற்பாடுகள் அனைத்தையும் செவ்வனே செய்துள்ளனர்.
 தொடர்புக்கு: 94444 31691 / 98409 29729.
 - த. மகாதேவன்
 
 
 

]]>
https://images.dinamani.com/uploads/user/imagelibrary/2019/11/8/w600X390/vm3.jpg https://www.dinamani.com/weekly-supplements/vellimani/2019/nov/08/திருமூலர்-குருபூஜை-3274451.html
3274450 வார இதழ்கள் வெள்ளிமணி புண்ணிய பூமியில் புனிதப் பயணம் 33 DIN DIN Friday, November 8, 2019 03:49 PM +0530 அலெக்சாண்டர் கட்டுப்பாட்டில் எருசலேம்:
கி.மு. 586-இல் எருசலேம் தேவாலயமும், நகரமும் பாபிலோன் (இப்போதைய ஈராக்) ராஜாவாகிய நேபுகாத்நேச்சார் என்பவரால் அழிக்கப்பட்டது. யூதர்களும் பாபிலோனுக்கு சிறைபிடிக்கப்பட்டனர். அதன்பிறகு கி.மு. 537-இல் கோரேஸ் என்ற பெர்சிய மன்னரின் கட்டளைபடி, யூதர்கள் தாய் நாடு திரும்பி மீண்டும் எருசலேமின் தேவாலயத்தை கட்ட அனுமதி பெற்றனர் (2 நாளாகமம் 36:22, 23-ஆம் வசனங்கள், எஸ்றா 1:1 முதல் 4 வசனங்கள்).
அதைத் தொடர்ந்து, கிமு 333-இல் அலெக்சாண்டர் இஸ்ரேலை பிடித்து தனது அதிகாரத்தின்கீழ் கொண்டுவந்தார். அப்போது எருசலேம் நகரம், பெர்சிய அரசாட்சியின்கீழ் வந்தது. அலெக்சாண்டருக்கு பின்னர் கி.மு. 323-இல் எகிப்து நாட்டின் முதலாம் பிதோலமி என்பவர் பாலஸ்தீனத்தை தனது கட்டுப்பாட்டில் கொண்டுவந்தார். கி.மு. 7-ஆம் நூற்றாண்டில் இஸ்ரேலை முகமதியர்கள் ஆக்கிரமித்ததில் இருந்து இஸ்ரேலில் முகமதியர்கள் அதிகம் குடியிருக்கும் பகுதி பாலஸ்தீனம் என அழைக்கப்படத் தொடங்கியது.
பின்னர் கிமு 198-இல் செலுக்கிய மன்னர் 3-ஆம் அந்தியோக்ஸ் யூதேயாவை (இஸ்ரேல்) வெற்றி பெற்று எருசலேமை தனது கட்டுப்பாட்டுக்கு கொண்டுவந்து சிரியாவுக்கு கப்பம் கட்ட செய்தார். அதன்பிறகு மக்கபேயரின் தலைமையில் யூதர்கள், சிரியாவுக்கு எதிராக போரிட்டு சிரியாவை தோற்கடித்தனர். மக்கபேயர்கள் அல்லது ஹஸ்மோனியர்கள் என அழைக்கப்பட்ட மன்னர் பரம்பரையை சேர்ந்தவர்களால் கிமு 165-இல் எருசலேம் தேவாலயம் புதுப்பிக்கப்பட்டது.
கி.மு. 63-இல் எருசலேம் ரோம ஆட்சியின் கீழ் வந்தது. அதன்பிறகு ஏரோது மன்னர் குடும்பத்தினர் பெரும்பாலான பாலஸ்தீனத்தை ஆண்டு வந்தனர். முதல் ஏரோது கி.மு. 40 முதல் 44-க்கு இடைபட்ட காலத்தில் எருசலேம் தேவாலயம் உள்பட எருசலேமின் பல பகுதிகளை புதுப்பித்து கட்டினார். பாலஸ்தீனம் மீண்டும் ரோமர்களின் கட்டுப்பாட்டுக்குச் சென்றது.
அதில் பொந்தியூ பிலாத்து என்பவர் பாலஸ்தீன பகுதியின் ஆளுநராக இருந்தபோது தான் இயேசு கி.பி. 32-ஆம் ஆண்டு நிசான் மாதத்தில் சிலுவையில் அறையப்பட்டார் (யோவான் 19: 1-22-ஆம் வசனங்கள்). யூதர்களின் தொடர் கலகத்தால் ரோமர்கள் கி.பி. 7-ஆம் ஆண்டில் எருசலேமையும், அதில் இருந்த தேவாலயத்தையும் அழித்து தரைமட்டமாக்கினார்கள். கி.பி. 135-இல் பர்கோக்பா என்பவர் தன்னை யூதர்களின் மேசியா என்று அறிவித்துக்கொண்டு ரோமர்களுக்கு எதிராக கலகம் உண்டாக்கினார். இருப்பினும் இது தோல்வியில் முடிந்து எருசலேமில் இருந்து யூதர்கள் வெளியேற்றப்பட்டனர்.
கி.பி. 4-ஆம் நூற்றாண்டில் முதலாம் கான்ஸ்டன்டைன் காலத்தில் கிறிஸ்தவம் ரோம அரசின் மார்க்கமாக மாறிய பிறகு எருசலேம் உலக கிறிஸ்தவர்களின் புனித நகரமாக மாறியது. கி.பி. 4-ஆம் நூற்றாண்டில் எருசலேமில் உள்ள THE CHURCH OF THE HOLY SEPULCHRE உள்பட பல புனித இடங்கள் எருசலேமிலும், இஸ்ரேல் நாட்டில் பல இடங்களிலும் உருவாக்கப்பட்டன.
கி.பி. 614 முதல் 628 வரையிலான குறுகிய காலகட்டம் தவிர, கி.மு. முதல் நூற்றாண்டு முதல் கி.பி. 638- இல் அரேபியர்கள் எருசலேமை பிடிக்கும் காலம் வரை எருசலேம் ரோமர்கள் (பின்னர் பைசாண்டியர்கள்) கட்டுப்பாட்டில் இருந்தது.
சர்ச்சைக்குரிய இடத்தில் மசூதி: கி.பி. 688 முதல் 691 வரை டூம் ஆப் தி ராக் என்ற மசூதி, எருசலேம் தேவாலயம் இருந்த இடத்தில் அரேபியர்களால் கட்டப்பட்டது. அதன் பின்னர் 11-ஆம் நூற்றாண்டில் உலக நாடுகளில் இருந்து எருசலேமுக்கு புனித பயணம் வந்த யூத, கிறிஸ்தவ புனித பயணிகளுக்கு பல்வேறு இடையூறுகள் அளிக்கப்பட்டன. இந்நிலையில் கி.பி.1071-இல் துருக்கிய பெர்சியர்கள் எருசலேமை பிடித்தனர்.
அக்காலத்தில் ஐரோப்பிய நாடுகளில் கிறிஸ்தவம் பலமாக இருந்தது. அப்போது ஐரோப்பிய நாடுகளில் இருந்த கிறிஸ்தவர்கள் சிலுவை வீரர்கள் என்ற பெயரில் புறப்பட்டு வந்து சிலுவைப் போர்கள் நடத்தி கி.பி.1099-இல் எருசலேமை கைப்பற்றினர். இருப்பினும் 1187-இல் சலாதீன் என்ற அரேபிய மன்னர் எருசலேமை பிடித்தார். அதன் பின்னர் அய்யுபிட், மம்லுக் என்பவர்கள் கி.பி.1517 வரை எருசலேமையும், இஸ்ரேலையும் ஆண்டனர். தொடர்ந்து 1517 முதல் 1917-ஆம் ஆண்டு வரை ஒட்டம்மான் பேரரசு எருசலேமை ஆண்டது.
பிரிட்டன் கட்டுப்பாட்டில் எருசலேம்: 
அதன்பிறகு எருசலேம் பிரிட்டனின் கட்டுப்பாட்டுக்கு வந்தது. 1923 முதல் 1948-ஆம் ஆண்டு வரை பாலஸ்தீனத்தின் தலைநகராக எருசலேம் இருந்தது. இக்காலத்தில் அரேபியர்கள், எருசலேமில் வாழ்ந்த யூதர்களுக்கு எதிராக கலகம் செய்தனர். 1948-இல் இஸ்ரேல், பாலஸ்தீன நாடுகள் பிரிட்டனால் சுதந்திர நாடுகளாக அறிவிக்கப்பட்டபோது எருசலேம் சர்வதேச நகரமாக ஐ.நா.வின் கட்டுப்பாட்டுக்குள் வந்தது.
இதை அரேபியர்கள் ஏற்கவில்லை. ஆனால், சுதந்திரம் பெற்ற அடுத்த ஆண்டே 1949-இல் எருசலேமை, ஜோர்தான், இஸ்ரேல் நாடுகள் பங்கிட்டுக்கொண்டன. 1967-இல் நடந்த 6 நாள்கள் போருக்கு பின்னர் எருசலேம், இஸ்ரேலின் முழு கட்டுப்பாட்டுக்குள் கொண்டுவரப்பட்டது. அந்த போரின்போது ஏற்பட்ட சமாதான உடன்படிக்கையின்படி "டூம் ஆப் த ராக்' உள்பட எருசலேமில் உள்ள அனைத்து புனித இடங்களையும் பாதுகாப்பதாக இஸ்ரேல் நாடு உறுதி அளித்தது.
இதன்படி, டூம் ஆப் த ராக் இஸ்லாமியர்களின் கட்டுப்பாட்டிலும், அர்மேனியர்கள் கட்டுப்பட்டில் சில தேவாலயங்களும், யூதர்களின் கட்டுப்பாட்டில் பிற பகுதிகளும் பராமரிக்கப்பட்டு வருகின்றன.
- ஜெபலின் ஜான்
(தொடரும்...)

]]>
https://images.dinamani.com/uploads/user/imagelibrary/2019/11/8/w600X390/vm2.jpg https://www.dinamani.com/weekly-supplements/vellimani/2019/nov/08/புண்ணிய-பூமியில்-புனிதப்-பயணம்-33-3274450.html
3274449 வார இதழ்கள் வெள்ளிமணி நிகழ்வுகள் DIN DIN Friday, November 8, 2019 03:45 PM +0530 • திருபவித்ரோத்ஸவம்
கடலூர் மாவட்டம், ஸ்ரீமுஷ்ணம் ஸ்ரீஅம்புஜவல்லி சமேத ஸ்ரீபூவராக பெருமாளுக்கு திருபவித்ரோத்ஸவம் நவம்பர் 10 - இல் தொடங்கி 12 வரை நடைபெறுகிறது. இதனை முன்னிட்டு திருமஞ்சனம், வேத திவ்ய பிரபந்த பாராயணங்கள், சாற்றுமுறை, திருவீதிஉலா போன்ற வைபவங்கள் நடைபெறுகின்றன. 
தொடர்புக்கு: 94431 81679. 
• திருக்கல்யாண வைபவம்
குரோம்பேட்டை, கிருஷ்ணாநகர் ஸ்ரீராமபக்த சமாஜ மண்டபத்தில், ஸ்ரீமுருகன் வள்ளி- தேவசேனா திருக்கல்யாண வைபவம் முற்றிலும் பஜனை பத்ததியில் நவம்பர் 10 -ஆம் தேதி நடைபெறுகிறது. இந்நிகழ்ச்சியை கோவை சுந்தரம் பாகவதர் கோஷ்டியினர் நடத்துகின்றனர். நவம்பர் 9 -ஆம் தேதி பூஜை, திவ்யநாமம், டோலோத்ஸவம் நடைபெறும்.
தொடர்புக்கு: 98412 84637 / 98409 70419.
• நூதன மூர்த்தங்கள் பிரதிஷ்டை 
திருவள்ளூர் மாவட்டம், பானம்பாக்கம் கிராமத்தில் உள்ள பழைமையான அருள்மிகு திரிபுரசுந்தரி சமேத கைலாசநாதர் சிவாலயம் உள்ளது. ஸ்ரீ சிவகாமசுந்தரி உடனுறை ஸ்ரீ நடராஜர் மற்றும் மாணிக்கவாசகர் நூதன உற்சவ மூர்த்திகள் எழுந்தருளச் செய்யும் வைபவம் நவம்பர் 9 -ஆம் தேதி காலை 7 மணி அளவில் கலச ஹோமம் மற்றும் அபிஷேகங்களுடன் நடைபெறுகின்றது. முன்னதாக, நவம்பர் 8 -ஆம் தேதியன்று மூர்த்தங்கள் கரிக்கோலமாக பானம்பாக்கம் ஊரினைச் சுற்றி வலம் வருகின்றது. 
தொடர்புக்கு: 93828 72358 / 95972 46637. 
• ஜெயந்தி மகோத்ஸவம் 
ஸ்ரீயோகீஸ்வர யாக்ஞவல்க்ய பரமாச்சாரியாரின் ஜெயந்தி மகோத்ஸவம், சென்னை பழைய பல்லாவரம் பெருமாள்கோயில் தெருவில் உள்ள யாக்ஞவல்க்ய சபா மண்டபத்தில் நவம்பர் 7 முதல் 10 வரை நடைபெறுகின்றது. இதனை முன்னிட்டு, ஸ்ரீசுக்ல யஜூர் வேத பாராயணம், சிறப்பு அபிஷேகம், ஹோமங்கள், நாம சங்கீர்த்தனம், குத்துவிளக்கு பூஜை, வேத பண்டிதர்களை கெளரவித்தல் போன்ற நிகழ்ச்சிகளுடன் நடைபெற இருப்பதாகவும், நவம்பர் 10 -ஆம் தேதி ஞாயிறு அன்று உற்சவத்தில் கலந்து கொள்ள ஏதுவாக பல்லாவரம் ரயில்நிலையத்திலிருந்து மண்டபம் வருவதற்கு இலவச வேன் வசதி செய்திருப்பதாகவும் யாக்ஞவல்க்ய சபா நிர்வாகத்தினர் தெரிவிக்கின்றனர். 
தொடர்புக்கு: 98403 16797 / 98410 22284. 
• மகா கும்பாபிஷேகம்
காஞ்சிபுரத்திலிருந்து வாலாஜாபாத் சாலையில் ஏகனாம்பேட்டைக்கு அருகில் உள்ள நவாஸ்பேட்டையில் மிகவும் சிதிலமடைந்து புதர் மண்டியிருந்த ஐஷ்வர்யாம்பிகை (செல்வநாயகி) சமேத நவநிதீஸ்வரர் கோயிலில் சென்னை அண்ணாமலையார் அறப்பணிக்குழுவினர் 19.02.2017 அன்று உழவாரப்பணி மேற்கொண்டனர். கிராம மக்களின் முயற்சியாலும் பக்தர்களின் பங்களிப்பாலும் கோயில் புனரமைக்கப்பட்டு, 8.11.2019 - அன்று யாக சாலை பூஜைகள் தொடங்கி, நவம்பர் 10 -ஆம் தேதி காலை கும்பாபிஷேகம் நடைபெறுகின்றது. 
தொடர்புக்கு : திரு. சுகுமார் 96773 00562.
- வி. ராமச்சந்திரன்


 

]]>
https://www.dinamani.com/weekly-supplements/vellimani/2019/nov/08/நிகழ்வுகள்-3274449.html
3274448 வார இதழ்கள் வெள்ளிமணி மாநபிகளின் மன்னிக்கும் மாண்பு DIN DIN Friday, November 8, 2019 03:40 PM +0530 தண்டிக்கும் ஆற்றலும் ஆதிகாரமும் இழைத்தவனைத் தண்டிக்காது அமைதியாக கண்டித்து அறிவுறுத்தி மன்னிப்பது மகத்தான மாண்பின் வெளிப்பாடு. அந்த மாண்பை மாநபி (ஸல்) அவர்களின் வாழ்வில் முழுமையாக காணலாம்.
 யூத பெண் ஒருத்தி சமைத்த ஆட்டு இறைச்சியில் நஞ்சைக் கலந்து நந்நபி (ஸல்) அவர்களுக்கு வழங்கினாள். நஞ்சு இருப்பதைக் கண்டுபிடித்த காருண்ய நபி (ஸல்) அவர்கள் அப்பெண்ணிடம் பொறுமையாக விசாரித்தார்கள். அவள் குற்றத்தை ஒப்புக் கொண்டாள். சுற்றி நின்ற தோழர்கள் சுழற்றி வீசி அவளின் தலையை கொய்ய வாளை உருவினர். வான்மறையை மொழிந்த வள்ளல் நபி (ஸல்) அவர்கள் அப்பெண்ணை மன்னித்தார்கள்.
 ஒரு தொழும் பள்ளியின் உள்ளே அவசரமாக நுழைந்த கிராமவாசி ஒருவர் ஓரமாக சென்று சிறுநீர் கழித்தார். துடித்த தோழர்கள் அவரைப் பிடித்திழுக்க ஓடினர். கிராமவாசி சிறுநீர் கழித்து முடியும்வரை தடை செய்யாது இருக்க இனிய நபி (ஸல் ) அவர்கள் இயம்பினார்கள். கிராமவாசியிடம் தொழும் பள்ளியின் புனிதத்தைப் புரியும்படி விளக்கி விழிப்புணர்வை ஏற்படுத்தினார்கள். தோழர்களைச் சமாதானப்படுத்தினார்கள். தோழர்கள் பொறுமையாக சுத்தம் செய்தனர்.
 அண்ணல் நபி (ஸல்) அவர்களிடம் அபுல் அஹ்வாஸ் ஜஷ்மி (ரலி) சில பணிக்காக சந்திக்க சென்றவர் ஜஸ்மி (ரலி) அவர்களைச் சரியாக உபசரிக்கவில்லை. முகம் மலர்ந்து உரையாடவில்லை. அவர் இவரைச் சந்திக்க வரும் பொழுது அவ்வாறே இவரும் நடந்து கொள்ளலாமா? என்று கேட்டார். அவர் இவரிடம் வரும்பொழுது பழையதை மன்னித்து பண்போடு அவரை உபசரித்து உரையாட பணித்தார்கள் பாசநபி (ஸல்) அவர்கள். நூல்- மிஸ்காத்.
 அல்லாஹ் அடியார்களின் மன்னிப்பை ஏற்கின்றான். அவர்கள் செய்வதை அல்லாஹ் நன்கு அறிகிறான் என்று எடுத்துரைக்கிறது எழில்மறை குர்ஆனின் 42-24, 25 ஆவது வசனங்கள். இவ்வசனத்திற்கு விழுமிய நபி (ஸல்) அவர்கள் அளித்த விளக்கம், இறக்கும் வரை மனிதன் கேட்கும் மன்னிப்பை அல்லாஹ் ஏற்கிறான். மாநபி (ஸல்)அவர்களின் மன்னிக்கும் மாண்பை, ""நபியே! நிச்சயமாக நீர் மகத்தான நற்குணங்களில் இருக்கிறீர்'' என்று 68- 4 ஆவது வசனத்தில் புகழ்கிறான்.
 மக்காவிற்கு தென்கிழக்கே எழுபது மைல் தொலைவில் தாயிப் என்ற ஊரில் வாழ்ந்த பனூதகீப் இனத்தினரும் சிலை வணக்க வழிபாட்டில் மூழ்கி இருந்தனர். நபித்துவம் பெற்ற பதினொன்றாம் ஆண்டு ஜமாத்துல் ஆகிர் மாதத்தில் நடந்தே நந்நபி (ஸல்) அவர்களின் வளர்ப்பு மகன் ஜைது (ரலி) அவர்களுடன் தாயிபுக்குச் சென்றார்கள் தாஹா நபி (ஸல்) அவர்கள்.
 தாயிப்பில் பனூதகீப் இன ஸாக்கிப் பிரிவு தலைவர்களான அப்துயஃவீல், மஸ்வூது, ஹபீப் என்ற செல்வாக்கு மிக்க மூன்று சகோதரர்களிடம் ஏக இறை கொள்கையை எடுத்துரைத்தார்கள். அச்சகோதரர்கள் அண்ணல் நபி (ஸல்) அவர்களின் ஏக இறை கொள்கையை ஏளனம் செய்தனர். பத்து நாள்கள் தங்கி சத்திய நெறியைச் சாற்றியும் ஏற்றிடாத தாயிப் மக்கள் தாஹா நபி (ஸல்) அவர்கள் மக்கா திரும்பும்பொழுது கல்லெறிந்து காயப்படுத்தினார்கள். கல்லடியினால் ஏற்பட்ட காயத்தைத் துடைத்த ஜைது (ரலி) தாயிப் மக்களைச் சபிக்குமாறு வேண்டினர். சாந்த நபி (ஸல்) அவர்கள் அம்மக்கள் பின்னர் திருந்துவர். இவர்கள் திருந்தவில்லை என்றாலும் இவர்களின் பரம்பரை திருந்தும் என்று கூறி மன்னித்தார்கள். தாயிப் ஒரு சிறந்த இஸ்லாமிய நகரமாக பொலிவுடன் விளங்குகிறது. 2015 -இல் என் புனித உம்ரா பயணத்தில் தாயிப் நகரைச் சுற்றிப் பார்த்தேன். சுந்தர நபி (ஸல்) அவர்களின் வாக்குப்படி தாயிப் நகரம் வாகாய் வலிவுடன் வளம் நிறைந்து தொழும் பள்ளிகள் விசாலமாய் விளங்க இலங்கி நிற்கிறது இஸ்லாமிய பெருநகரமாக திருநகரமாக.
 மன்னிக்கும் மாண்புடைய மாநபி (ஸல்) அவர்கள் பிறந்த மீலாது நபி 10.11.2019 -இல் கொண்டாடப்படுகிறது. அந்நந்நாளில் அண்ணல் நபி (ஸல்) அவர்கள் இன்னா செய்தாரும் எண்ணி நாணும் வண்ணம் மன்னித்து மாறுபடாது வேறுபடாது ஊறு நேராது உடுக்கை இழந்தவன் கைபோல இடுக்கண் களைய உற்றுழி உதவியது போல நாமும் இயன்றதை முயன்று உதவ உறுதி பூணுவோம். இறுதி தூதர் முஹம்மது நபி (ஸல்) அவர்களின் ஆசியுடன் இறைவன் அருளைப் பெறுவோம்.
 - மு.அ. அபுல் அமீன்
 

]]>
https://images.dinamani.com/uploads/user/imagelibrary/2019/11/8/w600X390/vm1.jpg https://www.dinamani.com/weekly-supplements/vellimani/2019/nov/08/மாநபிகளின்-மன்னிக்கும்-மாண்பு-3274448.html
3274447 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, November 8, 2019 03:39 PM +0530 • இறைவனை நாடுபவர்கள் திருமணமானவர்களாக இருந்தாலும், எதிலும் அதிகப்பற்று வைக்கக் கூடாது. அவர்கள் இறைவனை வழிபடுவதிலிருந்து தவறக் கூடாது. "நாம் பார்க்கும் பொருட்கள் எல்லாம் அழியக் கூடியவை; அது போலவே நாம் பார்க்காத சொர்க்கம் போன்ற உலகங்களும் அழிவுள்ளவையாகும்' என்பதை அறிஞர்கள் அறிந்திருக்கிறார்கள்.
- உத்தவ கீதை
• சத்தியத்தைக் கைவிடாதே, எப்போதும் உற்சாகத்துடன் இரு. "பிறவியும் மூப்பும் மரணமும் உனக்கு இயல்பானவையாகும்' என்பதை நினைத்து பணிவுடன் நடந்துகொள். உலகியல் ஆசைகளில் உழலும் மனிதர்களிடம் அளவுக்கு மீறிய பற்றும் பாசமும் கொள்ளாதே. 
- ஸ்ரீ ராமபிரான்
• பாற்கடலைக் கடைந்தபோது தேவர்கள் தாங்கள் அடைந்த ரத்தினங்களால் திருப்தியடைந்துவிடவில்லை, கொடிய விஷத்தால் பயமடையவில்லை; அமுதத்தை அடையும் வரையில் அவர்கள் தங்கள் முயற்சியைக் கைவிடவில்லை. அதுபோல் ஒரு நிச்சயமான நோக்கமுடைய தீரர்கள் அதை அடையும் வரையில் ஓய்வதில்லை.
- பர்துருஹரியின் நீதி சதகம்
• பாமரனைப் பண்புள்ளவனாகவும், பண்புள்ளவனைத் தெய்வமாகவும் உயர்த்தும் கருத்தே மதம் எனப்படும். 
- சுவாமி விவேகானந்தர்
• நெடுங்காலம் தொடர்ந்துவரும் பிறப்பு, இறப்பு என்ற நோய்க்கு "நான் யார்? பிறப்பு, இறப்பு என்ற சுழல் யாருக்கு ஏற்படுகிறது?' என்னும் ஆத்மாவைப் பற்றிய ஆராய்ச்சியே (ஆத்ம விச்சாரமே) நல்ல மருந்தாகும்.
- வசிஷ்டர் (யோகவாஷிட்ட சாரம்) 
• ராமபக்தியை பெற்றால் போதும், வேறு எதுவுமே வேண்டியதில்லை. என் பக்தனுக்கு ஞானமும் உலகப்பற்றின்மையும் தானாகவே வந்து சேரும். இது ரிஷிகளின் வாக்காகும். 
- ஸ்ரீ ராமபிரான்
• சுகம் வந்தாலும் சரி, துக்கம் வந்தாலும் சரி, மனம் சலனமடையாமல் இருப்பதற்குத் தைரியம் என்று பெயர். தங்கள் மேன்மையை விரும்பும் புத்திசாலிகள் எப்பொழுதும் தைரியத்துடன் இருக்க வேண்டும்.
- மகாபாரதம்
• சிலர் ஆத்மாவை உள்ளத்தில் தியானத்தின் மூலம் அனுபூதியில் உணர்கிறார்கள். வேறு சிலர் ஞானயோகத்தின் மூலமும், மற்றும் சிலர் கர்மயோகத்தின் மூலமும் ஆத்மாவை அனுபூதியில் உணர்கிறார்கள்.
- ஸ்ரீ கிருஷ்ணன்
• தீமை செய்யாமை, நன்மைகளையே செய்தல், அன்பும் அருளும் கொள்ளுதல், உண்மையும் தூய்மையும் உடைமையாதல் போன்றவையே மதமாகும்.
- புத்தர்

]]>
https://images.dinamani.com/uploads/user/imagelibrary/2019/4/12/w600X390/kamalanandhar.JPG https://www.dinamani.com/weekly-supplements/vellimani/2019/nov/08/பொன்மொழிகள்-தொகுப்பு-சுவாமி-கமலாத்மானந்தர்-3274447.html
3274446 வார இதழ்கள் வெள்ளிமணி ராமாபுரத்தில் சிறுவரம்பூர் திருவேங்கடவன்! Friday, November 8, 2019 03:37 PM +0530 தஞ்சையில் பள்ளி ஏரியையும், லக்ஷ்மிராஜபுர அக்ரஹாரத்தையும் இணைக்கின்ற பெருவழிச்சாலைப் பேருந்து நிறுத்தத்திற்குப் பெயராக அமைந்ததுதான் பள்ளியக்ரஹாரம். தஞ்சை - கும்பகோணம் சாலையில் பள்ளியக்ரஹாரத்திற்கும் நிடாருக்கும் இடைப்பட்ட பகுதியில் உள்ளது ராமாபுரம் என்கிற சிறுவரம்பூர்.
 சிறுவரம்பூர்: சிறுவரம்பூர் சோழர்காலப் பழைமையை கொண்டுள்ள சிற்றூர்! இவ்வூர் 1539 -ஆம் ஆண்டு நாயக்கர் ஆட்சிக்காலத்தில் சிறுவிரம்பூர் எனவும், மராட்டியர் ஆட்சிக்காலங்களில் முறையே 1732, 1735 -ஆம் ஆண்டுகளில் செர்பெரம்பூர், சிறுபிரம்பூர் என்றும் அழைக்கப்பட்டு வந்துள்ளது. 1828 -ஆம் ஆண்டு நில அளவு செய்த காலத்தில் இவ்வூர் ராமாபுரம் என்று குறிக்கப்பெற்றுள்ளது. எனவே இந்த ஊரின் பெயர் மாற்றம் 1735-1828 ஆம் ஆண்டுகளுக்கு இடைப்பட்ட காலத்தில் நிகழ்ந்திருக்கலாம். இந்த ஆய்விற்கு "ராமாபுரம்' ஸ்ரீ வேங்கடாசலபதிப்பெருமாளின் விக்கிரஹபீடத்தில் காணப்பெறும் எழுத்துப்பொறிப்பும் அடிப்படைச் சான்றாகின்றது.
 வரலாறு கூறும் வேங்கடவன்: ராமாபுரம் என்பது தஞ்சை மாவட்டம், தஞ்சாவூர் வட்டத்தில் 6 கி.மீ. தொலைவில் அமைந்துள்ள ஒரு சிற்றூர். அங்கு ஸ்ரீ வேங்கடாசலபதி ஆலயம் உள்ளது. கோயிலுக்கு வெளியே விசாலமான புஷ்கரணியும் உண்டு. இத்திருக்கோயிலில் கருவறை மற்றும் புறப்பாடு கண்டருளும் மூர்த்திகள் திருமகள், மண்மகள் புடைசூழ நின்ற திருக்கோலத்தில் கிழக்கு நோக்கி எழுந்தருளியுள்ளனர். கருவறை விமானத்துடன் அர்த்தமண்டப, முகமண்டபாதிகளும் அமைந்து விளங்குகின்றன.
 கருடபகவான் எங்குமே காணக்கிடைக்காத நிலையில் பறவையின் கால்கள் போலவே வடிவமைக்கப்பெற்று நின்ற நிலையில் சிலாபேரமாகக் காட்சி தருகிறார். மிகப்பழங்காலத்தைப் பறைசாற்றி நிற்கும் சிலாபேரத்தில் ஆஞ்சநேயர் காட்சி தருகின்றனர். இவ்வூருக்கு அருகாமையிலே நரசநாயக்கபுரம் பெரியதிருக்குளத்தின் கரையில் அமைந்த ஸ்ரீதேவி பூமிதேவி உடனுறை வயலூர் வரதராஜர் கோயிலும் அமைந்துள்ளது போற்றத் தக்கதாகும்.
 உற்சவமூர்த்தி பீடத்தில் எழுத்துகள்: ராமாபுரம் உற்சவமூர்த்தி வேங்கடாசலபதியின் பீடத்தில் மட்டும் "சிறுவிரமபூகி வெஙகடாசலபதி' என எழுதப்பட்டுள்ளது. இச் சிற்பத்திலுள்ள எழுத்துகளில் மெய்யெழுத்துகளுக்கு புள்ளி இல்லை. ரகரத்திற்கும் நெடிலிற்கும் வேறுபாடும் தெரிவதில்லை. பகரத்தையும், வகரத்தையும் மிகச் சிரமப்பட்டுதான் புரிந்துகொள்ள முடிகிறது. தஞ்சையில் சோழர் ஆட்சி இறுதிநிலைக்கு வந்ததற்கும், நாயக்கர் ஆட்சி தோன்றுதலுக்கும் வரலாறு ஒன்று கூறப்படுகிறது.

 நூல் ஆதாரம்: சாளுவநரசிம்மன் தெற்கேயுள்ள சோழதேசத்தின் மீது படையெடுத்து வந்தான். அப்போது அவனுக்கு உதவிபுரிந்தவர்களுள் குறிப்பிடத்தக்கவர்கள் நால்வராவர். ஆரவீடிபுக்கர், அவரது புதல்வர் ராமன், ஈச்வரநாயக்கர் மற்றும் அவருடைய மகன் நரசநாயக்கர் ஆகியோர். தென்திசை வந்த நரசநாயக்கர் காவிரிக்கரையில் காத்திருந்தார். எதிரியான சோழமன்னனும் நரசநாயக்கரின் அறிவுரையை கேட்கவில்லை. ஆதலால் சோழ மன்னருடன் போருக்கு ஆயத்தமானார். கடும்போர் நடக்கிறது. போரில் நரசநாயக்கர் சோழமன்னரைச் சிறைபிடித்துத் தலைநகருள் புகுகின்றார்' என்றசெய்தி Sourceses of  Vijayanagar History என்னும் நூலில் குறிப்பிடப்பட்டுள்ளது.
 அந்நூலின் அடிக்குறிப்பில் "யார் இந்த சோழன்? அவனது தலைநகரம் எங்கு அமைக்கப்பட்டது? என்பதை யாம் அறிகின்றிலோம்' என்றும், "எப்படியாயினும் தஞ்சாவூரில் இருந்தவனாய் பல சோழ மாவட்டங்களை ஆட்சிபுரிந்த தலைவன் என்பது மட்டும் புலனாகிறது' என்கிறார் இந்நூலாசிரியர்.
 கி.பி.1496 -இல் கோனேரிமை கொண்டான் எனப்பெயர் கொண்ட கோனேட்டி ராஜ சோழன் தஞ்சையை ஆட்சி செய்துள்ளான்' என்றும், இந்த கால கட்டத்தில் "விஜயநகர நாயக்கமன்னன் நரசநாயக்கன் என்பவன் மதுரை, திருச்சி, தஞ்சையை வென்று விஜயநகர அரசிற்கு திறைகட்டுமாறு செய்தான்' என்பதாகவும் "தஞ்சை மன்னரும் சரசுவதி மகால் நூலகமும்' என்ற நூல் குறிப்பிடுகின்றது. எனவே கி.பி. 1535 - வரையிலான வீரசேகர சோழ மன்னனின் ஆட்சியோடு தஞ்சையில் சோழமன்னர்களின் ஆட்சி நிறைவினைத் தழுவியது என்பதனையும் அந்நூல் தகுந்த ஆதாரங்களுடன் எடுத்துரைக்கின்றது.
 போரில் வெற்றிவாகை சூடியதால் ராமராயர் மற்றும் நரசநாயக்கர் ஆகியோர்களின் பெயரால் "ராமாபுரம்', "நரசநாயக்கபுரம்' என்று சிறுவரம்பூர் பெயர் மாற்றம் பெற்றிருக்கலாம் என்றும் எண்ணத்தோன்றுகிறது. இத்தகைய செய்திகளை தஞ்சை சரசுவதிமகால் நூலக வெளியீடான "தலவரலாற்று ஆய்வுக்கட்டுரைகள்' என்னும் நூலில் விரிவாக அறியலாம்.
 - முனைவர் அ. வீரராகவன்
 
 

]]>
https://images.dinamani.com/uploads/user/imagelibrary/2019/11/8/w600X390/RAMAPURAM_1.JPG https://www.dinamani.com/weekly-supplements/vellimani/2019/nov/08/ராமாபுரத்தில்-சிறுவரம்பூர்-திருவேங்கடவன்-3274446.html
3268075 வார இதழ்கள் வெள்ளிமணி வேலாயுதனின் சூரசம்ஹாரம்! DIN DIN Friday, November 1, 2019 12:14 PM +0530 கரூர் மாவட்டம் வேலாயுதம்பாளையம் புகழிமலை அருள்மிகு ஸ்ரீ பாலசுப்ரமண்ய ஸ்வாமி திருக்கோயிலில் சூரசம்ஹார விழா ஆண்டுதோறும் பக்தர்கள் விரதத்துடன் துவங்கி சிறப்பாக நடக்கிறது. தொடக்கத்தில் இம்மலையில் வேல் மட்டும் நட்டு வழிபட்டுள்ளனர். வேல் வழிபாடு தொன்மையானது. வேல் வழிபாடு பற்றி அருணகிரிநாதரும் பாடியுள்ளார். வேலாயுத வழிபாடே வேலன் வழிபாடாகி, பின்னால் முருகனை நிறுவி வழிபடும் வழக்கமாக மாறியது. அதனால் இவ்வூர் வேலாயுத(ன்)ம் பாளையம் எனப்படுகிறது.
 புகழூர் - ஆறுநாட்டு மலை
 கரூர் மாவட்டத்தில் காவிரி தென்கரையில் உள்ள ஆறு நாடுகளுக்குப் புகழிமலை சொந்தமானது. ஆகையால் இம்மலையை "ஆறுநாட்டார் மலை' என்றும் அழைப்பர். சமணர்களுக்கு அருகர் என்ற பெயரும் உண்டு. அருகர்கள் இருந்த நாட்டின் மலை ஆறு நாட்டு மலை என இருக்கலாம் என்பர். சங்க காலத்திற்குப்பின் சமணர்களுக்கு இப்பகுதி புகலிடமாக இருந்ததால் இம்மலை புகலி மலை என்று இருந்து பின்னர், புகழிமலை என மாறியது என்று கருதுகின்றனர்.
 திருப்புகழ் மலை
 15 -ஆம் நூற்றாண்டில் அருணகிரிநாதரால் பாடப் பெற்ற இம்மலைக் கோயில், சங்க காலம் முதல் இருந்திருக்க வேண்டும்! பழைமையான இக்கோயில் 13 -ஆம் நூற்றாண்டு அளவில் கட்டப்பட்ட கட்டமைப்புடைய திருக்கோயிலாகும். சுமார் நானூறு அடி உயரமுள்ள மலையின் அடிவாரத்தில் விநாயகர் சந்நிதி உள்ளது. மலையின் நுழைவாயில் மண்டபத்தில் மலையை நோக்கி மேற்கு திசையில் முருகனுடைய மயில்வாகன சந்நிதி அமைந்துள்ளது. மலைக்கோயிலிலுள்ள கார்த்திகேயனை தரிசிக்க 315 படிகள் ஏற வேண்டும்!
 மலைப்பாதையில் அய்யனார், ஏழு கன்னிமார்கள், வடதிசை பார்த்த இடும்பன் சந்நிதி தாண்டி மேலேறினால் மகாமண்டபத்தில் சிவன், அம்பாள் சந்நிதிகளை அடுத்து பாலசுப்ரமணிய சுவாமியின் கருவறை உள்ளது. மூலவர் நான்கு திருக்கரங்களுடன் இருபுறமும் வேல், சேவல் கொடியுடனும் இடதுபுறம் பின்னே தலை சாய்த்த தேவமயிலுடன் நின்ற கோலத்தில் காட்சி அருளுகிறார்.
 வாரத்தில் செவ்வாய்க்கிழமை, கிருத்திகை, சஷ்டி, அமாவாசை நாள்களில் பக்தர்கள் கூட்டம் அதிகமிருக்கும். தைப்பூச உற்சவம் 13 நாள்களுக்கு நடைபெறும். தைப்பூசத் தேர்த் திருவிழா, கார்த்திகை தீபம், ஆடிக்கிருத்திகை, தீபாவளி, கார்த்திகை, பொங்கல், தமிழ்- ஆங்கில வருடப்பிறப்பும் முக்கியமான நாள்களாகும். ஐப்பசி கந்தசஷ்டி உற்சவம் சூரசம்ஹாரத்துடன் ஏழு நாள்கள் நடைபெறும். இறுதி நாளில் மலையைச் சுற்றி சூரசம்ஹாரம் நடைபெறும்.
 சூரசம்ஹாரம்
 பிரம்மாவின் 2 -ஆம் மகன் காசியபன் அசுர குரு சுக்கிரனால் ஏவப்பட்ட மாயை என்பவளிடம் மயங்கியதால் முதலாம் சாமத்தில் மனிதத் தலையுடைய சூரபத்மனும், இரண்டாம் சாமத்தில் சிங்கமுகமுடைய சிங்கனும், மூன்றாம் சாமத்தில் யானை முகமுடைய தாரகனும், நான்காம் சாமத்தில் ஆட்டுத் தலையுடைய அஜமுகி எனும் அசுரப் பெண்ணும் பிறந்தனர். சூரபத்மன் சிவனிடம், ஒரு பெண்ணின் வயிற்றில் பிறக்காத பிள்ளை மட்டுமே தன்னை அழிக்க, வரம் பெற்றான். அசுரர்கள் இந்திரன் முதலான முப்பத்து முக்கோடி தேவர்களையும் சிறையிலடைத்தனர்.
 தேவர்கள், சிவபெருமானிடம் தங்களைக் காக்க வேண்டினர். சிவனின் நெற்றிக் கண்ணிலிருந்து வந்த ஆறு தீப்பொறியையும் வாயு பகவான் ஏந்திச் சென்று சரவணப் பொய்கை தாமரை மலர்களில் சேர்க்க, ஆறும் குழந்தைகளாக மலர்ந்தனர். ஆறு குழந்தைகளையும் ஆறு கார்த்திகைப் பெண்கள் வளர்க்க, அந்த ஆறு குழந்தைகளையும் பார்வதி கட்டி அணைக்க, ஒரே திருமேனியும் ஆறு முகங்களும் கொண்ட கார்த்திகேயன் தோன்றினார்.
 அசுரர்களை அழிக்க நினைத்த முருகன், முதல் ஐந்து நாள்களில் அனைவரையும் அழித்தார். ஆறாம் நாள் எஞ்சிய சூரபத்மனுடன் இறுதிப்போர் நடந்தது. முருகப்பெருமான் தன் தாய் உமாதேவியின் ஆசிபெற்று சிக்கலில் வேல் வாங்கி செந்தூரில் மாமரமாய் மாறி நின்றவன் மீது வீச, வேல் பட்டதும் மரம் இரண்டாகப் பிளந்தது. ஒருபாதி மயில் வாகனமாகவும், மறுபாதியை சேவல் கொடியாகவும் ஆக்கினார் செந்தில்வேலன். அவ்வாறு சம்ஹாரம் செய்த பின்னர், தன் பக்தர்களுக்காக வந்து நின்ற இடங்களில் ஒன்று புகழிமலையாகும். அவ்வரலாற்றின் நினைவாக ஒவ்வோர் ஆண்டும் சூர சம்ஹாரம் இக்கோயிலில் கொண்டாடப்படுகிறது.
 இவ்வாண்டு, அக்டோபர் 28 -இல் விரதம் இருப்பவர்களுக்கு விரத காப்பு அணிவித்தல் நிகழ்ச்சியுடன் கந்தசஷ்டி விழா துவங்குகிறது. தொடர்ந்து, நவம்பர் 2-ஆம் தேதி பிற்பகல் 11 மணிக்கு மூலவர் மற்றும் உற்சவருக்கு மலையிலேயே விசேஷகால சிறப்பு அபிஷேகம், பூஜைகள் நடைபெற்று, 12 மணிக்கு மேல் சக்திவேல் வாங்குதலும் மகா தீபாராதனையும் செய்யப்படும். பின்னர் மூலவர் பாலசுப்ர
 மணிய சுவாமிக்கு சந்தன காப்புடன் ராஜ அலங்காரம் செய்து தீபாராதனை நடைபெறும். அன்று மாலை புகழி மலை அடிவாரத்தில் சுமார் 6.30 மணிக்கு சூரசம்ஹாரம் துவங்கும். இரவு 9.30 மணி வரை மலையைச் சுற்றி நான்கு இடங்களில் கஜமுகன், சிங்கமுகன் மற்றும் சூரனை வதம் செய்யும் நிகழ்ச்சி நடக்கும். தொடர்ந்து, இரவு 10 மணிக்கு மயில்வாகனத்தில் திருவீதியுலாவும் நடைபெறும். நவம்பர் 3- ஆம் தேதி மாலை 6.30 மணிக்கு முருகப்பெருமான், தெய்வானைக்கு திருக்கல்யாண வைபவம் நடைபெற்று விழா நிறைவு பெறும்.
 கரூரில் இருந்து 16 கி.மீ. தொலைவில் புகழிமலை அமைந்துள்ளது.

தொடர்புக்கு: 99445 31017 / 90806 33370.
 - இரா இரகுநாதன்
 

]]>
https://images.dinamani.com/uploads/user/imagelibrary/2019/11/1/w600X390/VELAYUTHAM.JPG https://www.dinamani.com/weekly-supplements/vellimani/2019/nov/01/வேலாயுதனின்-சூரசம்ஹாரம்-3268075.html
3268074 வார இதழ்கள் வெள்ளிமணி உதகையில் ஒளிரும் உத்தமன்! DIN DIN Friday, November 1, 2019 12:11 PM +0530 நீலகிரி மாவட்டம், உதகமண்டலத்தில் அமைந்துள்ள, "எல்க் ஹில்' பாலதண்டாயுதபாணி திருக்கோயில் முருகப்பெருமான், மலேசியா பத்துமலை முருகன் தோற்றத்துடன் விளங்குபவர், திருமண வரம், குழந்தை வரம் அருள்பவர் என பல்வேறு பெருமைகள் கொண்டவர்.
உதகமண்டலத்தில் வாழ்ந்த இரண்டு முருக பக்தர்கள் ஆண்டுதோறும் தைப்பூசத்தன்று பாத யாத்திரையாக பழனிக்குச் சென்று, பாலதண்டாயுதபாணியைத் தரிசித்து வருவதை, வழக்கமாக கொண்டிருந்தனர். இருவரும் முதுமை அடைந்த நிலையில், பழனி சென்று வர இயலாத நிலைமை ஏற்பட்டது. மனம் வருந்திய நிலையில், அன்றிரவு அவர்கள் இருவரின் கனவிலும் பழனியாண்டவர் தோன்றி, "மன வருத்தம் வேண்டாம், நான் உதகையில் உள்ள எல்க் ஹில் குன்றில் வசித்து வருகின்றேன்' என்று கூறினார். அதன்படி, அங்கு சென்ற இருவருக்கும் பழனி பாலதண்டாயுதபாணியாக முருகன் காட்சியருளினார். அதன்பின் அங்கே சிறிய ஆலயம் அமைத்து வழிபடலானார்கள்.
இதன் பெருமையை அறிந்த நிலம்பூர் மகாராஜா நிலதானம் வழங்கியதாக கர்ண பரம்பரை கதை கூறுகின்றது. இதன்பின் ஊர் மக்கள் ஆதரவோடு குன்றின் உச்சியில், அழகிய பாலதண்டாயுதபாணி சுவாமி ஆலயம் எழும்பியது.
மான்களின் வகைகளில் ஒன்றுக்கு எல்க் என்று பெயர். அவ்வகை மான்கள் இம்மலையில் வாழ்ந்தன. அந்த வகையில் இம்மலை எல்க்ஹில் என பெயர் பெற்றது. தமிழில் திருமான்குன்றம் என்று கூறப்படுகிறது. ரயில் நிலையத்தில் இருந்து 2 கி.மீ. தொலைவில் உள்ளது எல்க் ஹில். அடர்த்தியான வனப் பகுதியில் அமைந்த எழிலான குன்றே எல்க் ஹில். வனத்துறையின் காப்புக்காடு பகுதியில், புகழ்பெற்ற ஊட்டி ரோஜா பூங்காவிற்கு அருகில், இக்கோயில் அமைந்துள்ளது. தியானம் செய்வோருக்கும் இயற்கை ஆர்வலர்களுக்கும் மிகவும் ஏற்ற தலமாக இது அமைந்துள்ளது.
மாதக்கிருத்திகை, தைப்பூசம், பங்குனி உத்திரம், வைகாசி விசாகம், ஆடியில் அம்பாளுக்கு சண்டி ஹோமம் என விழாக்களுக்குப் பஞ்சமில்லை. பங்குனி உத்திரத்தன்று, உதகை மகாமாரியம்மன் ஆலயத்தில் இருந்து நூற்றுக்கணக்கான பக்தர்கள், எல்க்ஹில் முருகனுக்கு பால் காவடி எடுத்து தங்கள் நேர்த்திக் கடன்களைச் செலுத்துகின்றனர். தைப்பூசத்தன்று வீதியுலா மற்றும் தேர்த்திருவிழா மிகவும் சிறப்புடன் நடத்தப்படுகின்றது.

அடர்த்தியான வனப்பகுதியில் அமைந்த எழிலான எல்க்ஹில் மலை அடிவாரத்தில், வலம்புரி விநாயகர் மற்றும் பாத விநாயகர், மலையுச்சியில் குகை விநாயகர் சந்நிதிகள் உள்ளன. மலையில் ஜலகண்டேஸ்வரர், ஜலகண்டேஸ்வரி, அஷ்டபுஜ துர்க்கை, சப்த கன்னியர்கள், நவக்கிரகம், சொர்ண ஆகர்ஷன பைரவர் ஆகிய சந்நிதிகளும் அமைந்துள்ளன. இவ்வாலயம், வடமேற்கு திசை நோக்கி அமைந்துள்ளது குறிப்பிடத்தக்கது,
மலையேற 108 படிகள் 6 மண்டபங்கள் அமைந்துள்ளன. மலையேறியதும், மகாமண்டபம், கருவறை மண்டபம் காட்சியளிக்கின்றன. அதில் சுமார் மூன்றடி உயர பாலதண்டாயுதபாணி தண்டம் தாங்கி, நின்ற கோலத்தில் அழகு மிளிரக் காட்சியளிக்கின்றார். தலமரம், செண்பகமரம், தலத்தீர்த்தம் எல்க்ஹில் தீர்த்தம் ஆகும்.
இத்தலம், திருமண வரம், குழந்தை வரம் மற்றும் ஞானம் அருளும் தலமாகப் போற்றப்படுகின்றது. காலை 8.00 மணி முதல் மாலை 5.00 மணி வரை தொடர்ந்து சுவாமி தரிசனம் செய்து மகிழலாம். இந்து சமய அறநிலையத்துறை, இக்கோயிலை நிர்வாகம் செய்து வருகின்றது.
நீலகிரி மாவட்டம், உதகமண்டலத்தில் ரயில் நிலையத்தில் இருந்தும் மத்திய பேருந்து நிலையத்தில் இருந்தும் சுமார் 2 கி.மீ. தொலைவில், எல்க்ஹில் மலைமுருகன் திருக்கோயில் அமைந்துள்ளது. ஊட்டி ரோஜாப் பூங்காவிற்கு அருகே அரை கி.மீ. தொலைவில், இக்கோயில் அமைந்துள்ளது.

மலேசிய நாட்டின் பெருமைகளுள் ஒன்றாகத் திகழ்வது, பத்துமலை முருகன் சிலை. இதே பாணியில் 40 அடி உயர முருகன் சிலை, மலையுச்சியில் தங்க நிற வண்ணத்தில் கம்பீரமாகக் காட்சி அளிக்கின்றது. இக்கோயில் திருப்பணிகள் 40 ஆண்டுகளுக்குப் பிறகு நிறைவு பெற்று குடமுழுக்கு 2011- ஆம் ஆண்டில் நடந்ததை குறிக்கும் விதமாக, 40 அடி உயர சிலை எழுப்பப்பட்டுள்ளது குறிப்பிடத்தக்கது. இதுவே தமிழகத்தில் எழுப்பப்பட்ட முதலாவது மலேசிய முருகன் வடிவிலான 40 அடி உயர சிலையாகும்.

- பனையபுரம் அதியமான்


 

]]>
https://images.dinamani.com/uploads/user/imagelibrary/2019/11/1/w600X390/ELK_HILL_MURUGAN_TEMPLE.JPG https://www.dinamani.com/weekly-supplements/vellimani/2019/nov/01/உதகையில்-ஒளிரும்-உத்தமன்-3268074.html
3268071 வார இதழ்கள் வெள்ளிமணி பொருநை போற்றுதும்! 65 - டாக்டர் சுதா சேஷய்யன் DIN DIN Friday, November 1, 2019 12:07 PM +0530 திருநெல்வேலிப் பகுதியில் உள்ள 4 நடராஜர்களையும் ஆருத்ரா (திருவாதிரைத்) திருநாளில் அடுத்தடுத்து தரிசிப்பது நன்மை தரும். போக்குவரத்து வசதிக்காக, செப்பறை, கரிசூழ்ந்த மங்கலம், கருவேலங்குளம், கட்டாரி மங்கலம் என்று பயண நிரலை அமைத்துக் கொள்ளலாம். நடராஜர் கையைப் பிடித்துக் கொண்டே எங்கெங்கோ சென்றுவிட்டோமே! கரிசூழ்ந்த மங்கலத்திற்கு மீள்வோம், வாருங்கள்.
 அருள்மிகு சுந்தராம்பிகை உடனாய அருள்மிகு சுந்தரேச்வரர் திருக்கோயிலில்தான், அருள்மிகு கனகசபாபதி என்றழைக்கப்பெறும் நடராஜப் பெருமான், தெற்கு நோக்கிய ஆடல்வல்லானாக எழுந்தருளியிருக்கிறார். இவருக்குக் கனகசபாபதி என்பதே திருநாமம். இவரும் சிதம்பரம் நடராஜரும் மற்ற பஞ்சப் படிமத் தலங்களின் நடராஜச் சிலாரூபங்களும் ஒரே போன்று உள்ளதாகக் கதைப்படிக் கூறப்பட்டாலும், சிதம்பரத்திற்கும் நெல்லைத் தலங்களுக்கும் அளவிலும் அமைப்பிலும் சிற்சில மாற்றங்கள் உள்ளன. கரிசூழ்ந்த மங்கலக் கனகசபாபதி, தடைகளை நீக்குபவர், வேண்டியதைத் தருபவர், நல்ல வேலையை வழங்குபவர், அள்ளக் குறையாது அருள்பவர்.
 கரிசலும் செவலும்
 தேசமாணிக்கம் என்னும் ஊருக்குச் சற்றே தெற்காக, மேலச் செவலும் கீழச் செவலும் உள்ளன என்று பார்த்தோமில்லையா? அதென்ன "செவல்' என்றொரு பெயர்?
 1920 -களில், அப்போதைய பிரபல தொல்லியல் ஆய்வாளர் பி.வி.ஜகதீச ஐயர் அவர்களால் எழுதப்பட்ட "திருநெல்வேலி ஜில்லா சரித்திரம்' என்னும் நூல், இதற்கான விடையைத் தருகிறது. இந்த ஜில்லாவின் பூமி கருமண் பூமி (கரிசல்) என்றும், செம்மண் பூமி (செவல்) என்றும் இரு வகையாகப் பிரிவுபடும் என்று எழுதுகிறார் ஜகதீச ஐயர். தாமிராவின் தென்கரையில் இருக்கும் இந்தப் பகுதியும் செம்மண் நிறைந்ததாக இருந்திருக்கும். எனவே, இப்பெயர்கள் தோன்றியிருக்கும்.
 மேலச்செவல் அருள்மிகு செளந்தரநாயகி உடனாய அருள்மிகு ஆதித்தவன்னீச்வரர் திருக்கோயிலும்; அருள்மிகு நவநீதகிருஷ்ணன் திருக்கோயிலும் பிரசித்தி பெற்றவை. அதுவும் நவநீதிகிருஷ்ணன் கோயில், பிரார்த்தனைத் தலம் என்பதோடு வரலாற்றுப் பெருமையும் பெற்றதாகும்.
 பாளையங்கோட்டைக்கு அருகில் திம்மராஜபுரம் என்றொரு ஊர் இருக்கிறது (இதே பெயரில் தூத்துக்குடிப் பகுதியிலும் ஓரிடம் உள்ளது). தெலுங்கு மன்னரான திம்மராஜா, வேங்கடேசப் பெருமாள் கோயில் ஒன்றைக் கட்டுவித்து, அதற்கான நிவந்த நிலங்களையும் எழுதி வைத்த பகுதி. இந்தத் திம்மராஜாவுக்கும் மேலச்செவல் நவநீதிகிருஷ்ணருக்கும் நெருங்கிய தொடர்பு உண்டு.
 அப்பாஜியும் ஆயர்சிறுவனும்
 சுமார் 200-250 ஆண்டுகளுக்கு முன்னர், அப்பாஜி என்றொரு அந்தணச் சிறுவன். தாய் தந்தையைச் சிறு வயதிலேயே இழந்த இச்சிறுவன், செல்வந்தர் வீட்டு மாடுகன்றுகளை மேய்ச்சலுக்கு அழைத்துச் சென்று பிழைப்பு நடத்தினான். ஒரு நாள், பசியும் களைப்புமாகப் புல்வெளியிலேயே படுத்துவிட்டான். அயர்ந்து தூங்கியும்விட்டான். நீண்ட நேரத்திற்குப் பின்னர் கண் விழித்தபோது, பரிச்சயமில்லாத இன்னொரு சிறுவன் புன்சிரிப்போடு தன்னையே பார்த்துக்கொண்டிருப்பதைக் கண்டான்.
 அந்த வேற்றுச் சிறுவன் சொன்ன தகவலொன்று அப்பாஜிக்கு ஆச்சரியத்தைத் தோற்றுவித்தது. தான் படுத்துறங்கியபோது, தன் தலைமீது நாகம் ஒன்று குடை பிடித்ததாகவும், இவ்வாறு நேர்ந்தால் யாருக்கு இப்படி நேருகிறதோ அவர் மிகப் பெரிய பதவியை அடைவார் என்பதாகவும் அந்தச் சிறுவன் கூறியபொழுது, அப்பாஜி சிரித்தே விட்டான். "நான் படிப்பறியாதவன்; எந்தப் பதவி எனக்குக் கிடைக்கும்? " என்று அப்பாஜி வினா எழுப்பியபொழுது, பசுமாட்டின் கழுத்தைக் கட்டிக்கொண்டு தொங்கிய அந்தச் சிறுவனிடம், "ஒருவேளை அப்படி நடந்தால், நீ என்ன கேட்கிறாயோ அதை உனக்குத் தருகிறேன்' என்று அப்பாஜி வாக்கு வேறு கொடுக்க, சிரித்துக்கொண்டே தன்னுடைய மாடுகளின் அருகில் சென்ற அவன், அவற்றை ஓட்டிக் கொண்டே போய்விட்டான். அப்பாஜிக்கும் ஒன்றும் புரியவில்லை.
 இதெல்லாம் நடந்து, ஆண்டுகள் சில கடந்தன. பொருநை ஆற்றங்கரைக்கு வந்த நாயக்க மன்னர் அப்பாஜியைக் காண நேர்ந்தது. வறுமையில் வாடிய அநாதையாக இருந்தாலும், அப்பாஜியின் உழைப்பும் புத்திக் கூர்மையும் மன்னரைக் கவர, தம்மோடேயே அப்பாஜியை அழைத்துப் போனார். கொஞ்ச நாட்களிலேயே அரசாங்கத்தில் உயர்பதவியில் அமர்த்தினார்.
 இன்னும் சில மாதங்களுக்குப் பிறகு, தாமிரவருணி- பொதிகைப் பகுதிகளில் ஆளுகை நடத்துகிற ராஜப் பிரதானியாக, குறுநில ஆட்சியாளராகத் திம்மராஜா உயர்ந்தார். ஆமாம், அப்பாஜிதான், ராஜப் பிரதானியானபோது, திம்மராஜா என்றழைக்கப்பட்டார்.
 ஆன்மீக நாட்டம் மிகுதியும் கொண்டிருந்த திம்மராஜா, வேங்கடேசப் பெருமாளுக்குக் கோயில்கள் கட்டினார். கோயில்களின் வருமானத்துக்காக நிலங்களை எழுதிக் கொடுத்தார். இத்தகைய பகுதிக்கு இவருடைய பெயரைச் சூட்டித் "திம்மராஜபுரம்' என்றே மக்கள் அழைத்தனர்.
 ஆனாலும், திம்மராஜ அப்பாஜியின் மனத்தில் பெருங்குறை. வாக்குக் கொடுத்தபடி அந்தச் சிறுவனுக்கு அவன் கேட்பதைக் கொடுக்கவேண்டும்; அப்படியானால் அவனைச் சந்திக்கவேண்டும்; ஆனால், அன்றைக்குப் பிறகு அவனைப் பார்க்கவே முடியவில்லையே; எங்கேதான் போனான்? அரச பலமும் ஆள் பலமும் கொண்டு, அனைத்து இடங்களிலும் தேடச் செய்தார். ம்ஹூம். . . . சிறுவன் அகப்படவேயில்லை.
 (தொடரும்...)
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/nov/01/பொருநை-போற்றுதும்-65---டாக்டர்-சுதா-சேஷய்யன்-3268071.html
3268069 வார இதழ்கள் வெள்ளிமணி பொலிவு பெற வேண்டிய பொய்கை! DIN DIN Friday, November 1, 2019 12:04 PM +0530 முக்தி அளிக்கும் ஏழு நகரங்களில் ஒன்றான காஞ்சி மாநகரில் திருவெஃகா எனப்படும் சொன்ன வண்ணம் செய்த பெருமாள் கோயில் (108 திவ்விய தேசங்களில் ஒன்று) பொற்றாமரைக் குளத்தில் ஒரு தாமரை மலரில் திருமாலின் திவ்விய ஆயுதங்களில் ஒன்றான பாஞ்சஜன்யம் எனப்படும் திருச்சங்கின் அவதாரமாக, கி.பி. 7-ஆம் நூற்றாண்டில் சித்தார்த்தி வருடம், ஐப்பசி மாதம் திருவோண நட்சத்திரத்தில் அதவரித்தவர் பொய்கையாழ்வார். பொய்கையில் தோன்றியதால் அப்பெயர் வழங்கப்படலாயிற்று.
 இவர் உலகியலில் ஈடுபடாமல் ஞானபக்தி வைராக்கியங்களில் ஊன்றி திளைத்து எம்பெருமானுக்கே அடிமை செய்வதில் ஆர்வமுடையவராயிருந்தார். ஒரு நாள் இருந்த இடத்தில் மறுநாள் இல்லாமல் ஊர் ஊராகச் சென்று எம்பெருமானுடைய கல்யாண குணங்களை அனுபவித்துப்பாடி அவனுடைய அழகில் ஈடுபட ஆரம்பித்தார்.
 இவருடைய பெருமையை உலகறியச் செய்ய திருவுள்ளம் கொண்ட திருமால் இவரை மற்றைய இரு ஆழ்வார்களான பூதத்தாழ்வார், பேயாழ்வார் ஆகியோருடன் சந்திக்கச் செய்தான். இவர்கள் மூவரும் ஒரே காலத்தில் வாழ்ந்தவராவர். தனித்தனியாக தலயாத்திரை மேற்கொண்ட மூன்று ஆழ்வார்களாலும் திருக்கோவிலூரில் ஒரே சமயத்தில் நுழைய பெருமழை உண்டானது. மழைக்கு ஒதுங்கும் பொருட்டு ஒரு குடிசையை நெருங்க, அவ்விடம் ஒருவர் படுக்கலாம், இருவர் அமரலாம், மூவர் நிற்கலாம் எனும் அளவில் இருக்க இம்மூவரும் அங்கு சிறிது நின்று கொண்டிருக்க நான்காமவராக இருந்து இருளில் நெருக்கத்தை உண்டு பண்ணினான் இறைவன்.
 நெருக்கத்தின் காரணத்தை அறிய வேறு விளக்கின்மையால் பொய்கையார் பூமியாகிற தகழியில் (அகல்) கடல் நீரை நெய்யாகக் கொண்டு சூரியனை விளக்காக ஏற்றினார். பூதத்தார் அன்பாகிய தகழியில் (அகல்) ஆர்வத்தை நெய்யாகக் கொண்டு சிந்தையாகிய திரியில் ஞான விளக்கை ஏற்றினார். இவ்விரண்டின் ஒளியால் இருள் அகல நெருக்கத்திற்குக் காரணமான இறைபொருளைக் கண்டார்கள். இவ்வரலாற்றின் உட்பொருள் யாதெனில் பொய்கையாரின் செயல் புற இருள் நீக்கியது, பூதத்தார் செயல் அக இருளை நீக்கியது. அக இருள், புற இருள் இவ்விரண்டும் நீக்கினால் பரமனைக் காணலாம். பரமனைக் கண்ட இந்த மூவரின் ஆனந்தத்தின் வெளிப்பாடே செய்யுள் வடிவமாக வெளிவரலாயிற்று. அச்செய்யுள் தொகுதியே முறையே முதல் திருவந்தாதி (பொய்கையாருடையது), இரண்டாம் திருவந்தாதி (பூதத்தாருடையது), மூன்றாம் திருவந்தாதி (பேயாழ்வாருடையது) எனப் பெயர் பெற்றன. நாலாயிரத்திவ்ய பிரபந்தம் தோன்றுவதற்கு அஸ்திவாரமிட்டு அருளியவர் பொய்கையாழ்வார் என்றால் அதுமிகையாகாது.

 இவர், திருவரங்கம், திருக்கோவிலூர், திருப்பரமபதம், திருப்பாற்கடல், திருவெஃகா, திருவேங்கடம், திருவிண்ணகர் ஆகிய திவ்ய தேசங்களை மங்களாசாசனம் செய்துள்ளார். பொய்கையாழ்வார் திருஅவதார தினம் வரும் நவம்பர் 4 -ஆம் தேதி அமைகின்றது. இந்த தருணத்தில் காஞ்சியில் ஆழ்வார் அவதரித்த பொய்கையை பொலிவடையச் செய்ய பக்தர்கள் அனைத்து தரப்பினரும் ஒன்று கூடி முயற்சி செய்தால் அது மிகப் பெரிய இறைத்தொண்டாகும்.
 - டி.கே.தேவநாதன்
 
 

]]>
https://images.dinamani.com/uploads/user/imagelibrary/2019/11/1/w600X390/POIGAI.JPG https://www.dinamani.com/weekly-supplements/vellimani/2019/nov/01/பொலிவு-பெற-வேண்டிய-பொய்கை-3268069.html
3268061 வார இதழ்கள் வெள்ளிமணி புண்ணிய பூமியில் புனிதப் பயணம் 32 DIN DIN Friday, November 1, 2019 11:34 AM +0530  மூன்று மதங்களின் புனித நகரம் எருசலேம்
 இஸ்ரேல் நாட்டின் அதிகாரபூர்வ தலைநகர் டெல்அவிவ். ஆனால், இஸ்ரேலியர்கள், டெல்அவிவ் நகரை வர்த்தக தலைநகரம் என்றும், எருசலேமை தலைநகரம் என்றும் கூறுகின்றனர். பழைய எருசலேம், புதிய எருசலேம் என இரு நகரங்கள் இப்போது உள்ளன. புதிய எருசலேம், இப்போதைய இஸ்ரேல் நாட்டினரால் கட்டப்பட்டது. ஆனால், பழைய எருசலேம் சுமார் 5,000 ஆண்டுகள் பழைமையான நகரம். இந்நகரம் இப்போது யூதர்கள், இஸ்லாமியர்கள், கிறிஸ்தவர்கள் என மூவரின் கட்டுப்பாட்டில் உள்ளது. யூதர்கள், கிறிஸ்தவர்களுக்கு இது முக்கியமான புனித இடம். இஸ்லாமியர்களுக்கு மெக்கா, மெதினாவுக்கு அடுத்து எருசலேம் முக்கியமான புனித இடம்.
 பழம்பெருமை வாய்ந்த புண்ணிய நகரமான எருசலேம், 5000 ஆண்டுகளில் 2 முறை அழிக்கப்பட்டுள்ளது. 23 முறை முற்றுகையிடப்பட்டுள்ளது. 52 முறை தாக்கப்பட்டுள்ளது. 44 முறை போரில் கைப்பற்றப்பட்டுள்ளது. உலகில் போரில் அதிக ரத்தம் சிந்தப்பட்ட நகரங்களில் எருசலேமும் ஒன்று. உலகில் அதிக முக்கியத்துவம் வாய்ந்த நகரமாக இது கருதப்படுகிறது.
 இஸ்ரேல் நாட்டின் மொத்த மக்கள் தொகையில் 10 சதவீதம் அதாவது 8 லட்சம் பேர் இங்கு வசிக்கின்றனர். இங்கு யூதர்கள், கிறிஸ்தவர்கள், அரேபியர்கள் வசிக்கின்றனர். விவிலியத்தில் பழைய ஏற்பாடு பகுதியில் வரும் ஆபிரகாம் காலத்தில் (கிமு 17-ஆம் நூற்றாண்டில்) எருசலேமுக்கு சாலேம் என்ற பெயர் இருந்தது. விவிலியத்தின்படி சாலேமை, மெல்கிசதேக் என்னும் ராஜா ஆண்டார் (ஆதியாகமம் 14:18). சாலேம் என்றால் சமாதானத்தின் ராஜா என்று அர்த்தம் (எபிரேயர் 7: 1, 2-ஆம் வசனங்கள்).
 அதைத்தொடர்ந்து, கானானியர் என்ற ஜாதியின் கீழ் எருசலேம் இருந்தது. அதனால் தான் கானான் தேசத்தை உங்களுக்கு தருவேன் என்று இஸ்ரேலியர்களுக்கு கடவுள் வாக்கு கொடுத்திருந்தார் (ஆதியாகமம் 12: 1 முதல் 7-ஆம் வசனங்கள்). பின்னர், இது கானான் தேசத்தில் வாழ்ந்த எபூசியர்களின் கட்டுப்பாட்டுக்குள் வந்தது.
 தாவீது என்பவர் இஸ்ரேலின் ராஜாவான பின்னர் எருசலேமை ஆட்சி செய்த எபூசியரை வெற்றி கொண்டார். சுமார் கி.மு.1000-ஆம் ஆண்டில் இது தாவீதின் நகரமாக மாறியது. இஸ்ரேலின் தலைநகராக எருசலேமை தாவீது மாற்றினார் (2 சாமுவேல் 5: 6,7-ஆம் வசனங்கள்).
 எருசலேம் நகரில் கர்த்தருக்காக பெரிய தேவாலயம் ஒன்றை கட்ட தாவீது எண்ணினார். ஆனால், தாவீது பல போர்களில் ஆயிரக்கணக்கான பேர்களை கொலை செய்து ரத்தக்கறை கொண்ட கையை கொண்டிருந்தபடியால், தேவாலயம் கட்டும் பாக்கியத்தை தாவீதுக்கு கர்த்தர் கொடுக்கவில்லை. தாவீதின் மகனான சாலமோன் ராஜா தான் பிரம்மாண்டமான தேவாலயத்தை கட்டினார்.
 விவிலியத்தின்படி, தீரு நாட்டை சேர்ந்த நப்தலி கோத்திரத்தை சேர்ந்த விதவை தாய் கன்னானின் மகன் ஈராம் தான் எருசலேம் தேவாலயம் கட்ட சாலமோனுக்கு உதவினார் (1 இராஜாக்கள் 7 :13, 14). இந்த தேவாலயம் கட்ட 20 ஆண்டுகள் ஆனது (1 ராஜா 9: 10). இந்த தேவாலயத்தினை பிரதிஷ்டை பண்ணுவதற்கு முன்பு சாலமோன் கர்த்தருக்குச் சமாதான பலிகளாக, இருபத்து ஆறாயிரம் மாடுகளையும், ஒரு லட்சத்து இருபது ஆயிரம் ஆடுகளையும் பலியிட்டார் (1 இராஜாக்கள் 8 :63).
 தீரு நாட்டின் ராஜா ஈராம், தேவாலயம் கட்டுவதற்க்கு தேவையான தேவதாரு கேதுரு மரங்களை வெண்கல வேலைப்பாடு செய்யும் ஆள்களை எல்லாம் சாலமோனுக்கு அனுப்பி வைத்தார். எல்லா உதவிகளையும் செய்தார். பொன் கொடுத்தார். விருப்பப்பட்டதையெல்லாம் செய்தார். இவர் தாவீது ராஜாவின் நண்பர். தாவீது வீடு கட்ட உதவினார். தனக்கு உதவி செய்ததற்காக சாலமோன் இந்த ஈராம் ராஜாவுக்கு கலீலேயா நாட்டில் உள்ள 20 பட்டணங்களைப் பரிசாக கொடுத்தார். ஆனால், ஈராம் ராஜா இதில் பிரியப்படவில்லை.
 - ஜெபலின் ஜான்
 (தொடரும்...)
 
 

]]>
https://images.dinamani.com/uploads/user/imagelibrary/2019/11/1/w600X390/vm4.jpg https://www.dinamani.com/weekly-supplements/vellimani/2019/nov/01/புண்ணிய-பூமியில்-புனிதப்-பயணம்-32-3268061.html
3268060 வார இதழ்கள் வெள்ளிமணி நிகழ்வுகள் DIN DIN Friday, November 1, 2019 11:32 AM +0530 * தாமிரபரணி புஷ்கர நிறைவு விழா
திருநெல்வேலி குறுக்குத்துறை முருகன் கோயில் படித்துறையில் அந்திம புஷ்கர விழா நவம்பர் 1 -ஆம் தேதி வெள்ளிக்கிழமையன்று காலை 9 மணிக்கு முருகப்பெருமானுக்கு சிறப்பு ஆராதனை பூஜைகளுடன் தொடங்கி மதியம் 2 மணிக்கு தீர்த்தவாரியுடன் நிறைவுபெறுகின்றது. இவ்வைபவத்தில் காஞ்சி மடாதிபதி ஸ்ரீ சங்கர விஜயேந்திர சரஸ்வதி ஸ்வாமிகள், மற்றும் தருமபுர ஆதீனம், திருவாடுதுறை, திருப்பனந்தாள், வேளாக்குறிச்சி, செங்கோல் ஆதீன சன்னிதானங்கள் பங்கேற்று அருளாசி வழங்குகின்றனர். பக்தர்கள் பெருமளவில் பங்கேற்குமாறு அழைப்பு விடுக்கப்பட்டுள்ளது.
தொடர்புக்கு: 98400 53289 / 94442 79696. 
- மஹாலட்சுமி சுப்ரமணியம்

]]>
https://www.dinamani.com/weekly-supplements/vellimani/2019/nov/01/நிகழ்வுகள்-3268060.html
3268059 வார இதழ்கள் வெள்ளிமணி நன்மை நல்கும் நற்பண்பு DIN DIN Friday, November 1, 2019 11:31 AM +0530 நற்பண்பு நன்மை நல்கும் என்பது நாம் அறிந்த, நாடு அறிந்த பீடுடைய பெரியோர்களால் பெரிதும் பேணப்படும் மாண்பு. அம்மாண்பு உடையோரால் உலகம் உயர்ந்து நிற்கிறது. பண்புடையோர் இல்லையேல் இவ்வுலகம் பாழாகி விடும். வியனுலகு வீழாது காப்பது பயனுறும் நயனுடைய பண்பால்.
 குர்ஆனில் குறிப்பிடப்படும் நற்பண்புகளையும் போற்றற்குரிய செயல்பாடுகளையும் நடைமுறைப் படுத்த வேண்டும். அப்பண்புகளைப் பேணி அறவழியில் நடக்காது புறவழியில் புறம்பாய் நடந்தவர்களின் வேதனையை அறிந்து அத்தகு வேதனை வரும்முன்னர் குர்ஆன் கூறும் நற்புண்புகளை நாளும் பேண வேண்டும் என்பதை 39-44-ஆவது வசனம் "" நீங்கள் அறியாத விதத்தில் திடுமென உங்களிடம் வேதனை வருவதற்கு முன்னதாக உங்கள் இறைவனால் உங்களுக்கு இறக்கி வைக்கப்பட்ட மிக அழகானதைப் பின்பற்றுங்கள்'' என்று எடுத்துரைக்கிறது.
 39-18-ஆவது வசனம் "" அவர்கள் செப்புவதைச் செவியுற்று அதில் மிக அழகியதை மட்டும் பின்பற்றி நடக்கின்றனர். இத்தகையவர்களை இறைவன் நேரான வழியில் செலுத்துகிறான். இவர்கள் அறிவுடையவர் ஆகின்றனர்''. இவ்வசனம் குறிப்பிடும் அழகியது ஐயமற தெளிவாய் அறிவது. இவ்வாறு அறிந்த அடியார்கள் மிகவும் நிதானமான அமைதியான அறிவைப் பெற்றவர்கள். நிலையான ஆழமான சிந்தனை உடையவர்கள் என்று தப்ஸீர் இப்னு கதீர் 90/ 7 விளக்கம் அளிக்கிறது.
 இவர்கள் சங்கைமிகு குர்ஆனையும் கோமான் நபி (ஸல்) அவர்களின் பொன்மொழிகளையும் மிக்க கவனத்துடன் கேட்டு வாழ்வில் கடைபிடிக்கிறார்கள். நற்பண்புகளில் அழகியது தூய்மையான நற்செயல். உயர்வான ஏற்றமான நற்செயல் அல்லாஹ்வின் உன்னத அருளைப் பெற்று தரும். அதனால் நடப்பது எல்லாம் நன்மையாக அமையும்.
 46- 15-ஆவது வசனத்தில் மனிதன் தன் தாய்தந்தைக்கு நன்றி செலுத்துமாறு நல்லுபதேசம் செய்கிறான் வல்ல அல்லாஹ். பெற்றோரிடம் அழகிய முறையில் நடந்து அவர்களுக்குப் பணிவிடை செய்து அவர்களை மகிழ்வித்து வாழ்பவரின் செயல்களை ஏற்று கொள்வதாய் அல்லாஹ் வாக்களிக்கிறான். அவர்களின் அந்த நற்பண்புகளுக்கு ஈடாக அதிக அளவு நன்மைகளை நல்குகிறான் அல்லாஹ்.
 17-53-ஆவது வசனம் எனக்குக் கட்டுப்பட்ட என்னுடைய அடியார்கள் மனிதர்களுடன் உரையாடும்பொழுது நல்லதையே பேச வேண்டும். துன்பம் செய்வோரையும் துன்புறுத்தும் சொற்களால் துன்புறுத்தாது அழகிய சொற்களால் அவர்களுக்கு அல்லாஹ்வின் அருளைக் கோர வேண்டும். இதுவும் நன்மை பயக்கும் நற்பண்பு.
 41-34, 35-ஆவது வசனங்கள் ""நன்மையும் தீமையும் சமமாகி விடாது. நீங்கள் மிக அழகியதைக் கொண்டு தடுத்து கொள்ளுங்கள். கொடிய எதிரியை உங்களுடைய உண்மையான நெருங்கிய நண்பனைப் போல காண்பீர்கள். பொறுமை உடையவரைத் தவிர மற்றெவரும் இதனைஅடைய மாட்டார்கள். அன்றி பெரும் பாக்கியமுடையவர்களைத் தவிர மற்றெவரும் இதனை அடைய மாட்டார்'' என்று கூறுகின்றன. இவ்வசனங்கள் பொறுமை ஒரு நன்மை பயக்கும் நற்பண்பு என்று நவில்கின்றன.
 மற்றவர்களிடம் அழகிய உயரிய நற்பண்புகளுடன் நடந்து கொள்ள வேண்டும். நம்மால் முடிந்த உதவிகளையும் ஒத்துழைப்பையும் மற்றவர்களுக்கு மனமுவந்து வழங்க வேண்டும்.
 இதனால் இதயங்கள் இணைகின்றன. மற்றவர்களின் உண்மையான அன்பிற்குத் தகுதி பெற முடியும். மனிதர்களின் ஆழமான நம்பிக்கையை பெறுவதற்கு அழகிய சொற்களைப் பேசுவதோடு அவர்களின் அன்பளிப்புக்குப் பகரமாக பதிலுக்குச் சிறந்த அன்பளிப்பை வழங்கி அவர்களை மகிழ்விக்க வேண்டும். இதுவும் ஒரு சிறந்த பண்பு.
 4-86-ஆவது வசனம், ""உங்களுக்குச் சலாம் (முகமன்) கூறினால் அதைவிட அழகான பதில் கூறுங்கள் அல்லது அதனையே திருப்பி கூறுங்கள். நிச்சயமாக அல்லாஹ் அனைத்தையும் கணக்கிடுபவன்'' என்று அறிவிக்கிறது. ஒருவருக்கொருவர் அன்பை வெளிப்படுத்துவதன் முதல் அடையாளம் சலாம் கூறுவது. அறிவிப்பவர் - அபூஹுரைரா (ரலி) நூல் - புகாரி, முஸ்லிம். உங்களுக்கு ஒருவர் சலாம் கூறினால் நீங்கள் மகிழ்வோடும் மன நிறைவோடும் உற்சாகத்தோடும் உவகையோடும் நகை முகத்துடன் பதில் சலாம் பகர வேண்டும். இந்த நற்பண்பும் நன்மையை நல்கும். அன்றி கண்டிப்பாக மனம் வெறுத்து புறக்கணிக்க கூடாது என்று தப்ஸீர் இப்னு 368/ 2 விளக்கம் தருகிறது.
 இஸ்லாத்தின் சிறந்த செயல் எது? என்று எப்பெருமானார் நபி (ஸல்) அவர்களிடம் வினவிய பொழுது ஏழைகளுக்கு உணவளிப்பது அறிமுகமானவரோ அறிமுகம் இல்லாதவரோ எவராயினும் அவருக்குச் சலாம் கூறுவது என்று பதில் அளித்ததை அறிவிக்கிறார் அப்துல்லாஹ் பின் அம்ரு (ரலி) நூல்- புகாரி, முஸ்லிம்.
 மற்றவர்களிடம் பழகும்பொழுது உயரிய பண்புகளோடு பழகுவது அல்லாஹ்விற்குப் பிரியமானது. இதற்கான எண்ணற்ற முன் நிகழ்வுகளை முஹம்மது நபி (ஸல்) அவர்களின் வாழ்வில் காணலாம். நந்நபி (ஸல்) அவர்கள் மனிதர்களில் அழகிய நற்பண்புகள் குடிகொண்டவர்கள்'' என்று அறிவிக்கிறார் அனஸ் இப்னு மாலிக் (ரலி). அண்ணல் நபி (ஸல்) அவர்கள் அன்றாட பழக்க வழக்கங்கள் கொடுக்கல் வாங்கல் தொடர்நடவடிக்கைகள் அனைத்திலும் அழகிய நற்பண்புகளையும் போற்றற்குரிய குணங்களையும் கொண்டிருந்தார்கள்.
 இறையச்சத்தோடு நற்பண்புகளை பேணி நற்செயல் புரிவோருக்கு இவ்வுலகிலும் நன்மையே கிட்டும். மரணத்திற்குப்பின் மறுமையிலும் நற்பேற்றைப் பெறலாம்.
 - மு.அ. அபுல் அமீன்

]]>
https://images.dinamani.com/uploads/user/imagelibrary/2019/11/1/w600X390/vm3.jpg https://www.dinamani.com/weekly-supplements/vellimani/2019/nov/01/நன்மை-நல்கும்-நற்பண்பு-3268059.html
3268058 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, November 1, 2019 11:29 AM +0530 * நீதிநிபுணர்கள் நிந்திக்கட்டும் அல்லது துதிக்கட்டும், செல்வத் திருமகள் வரட்டும் அல்லது எப்படி இஷ்டமோ அப்படிப் போகட்டும், மரணம் இப்பொழுதே வரட்டும் அல்லது யுகமுடிவில் வரட்டும். ஆனால் எந்த நிலையிலும் நியாயவழியிலிருந்து தீரர்கள் விலக மாட்டார்கள்.
- பர்துருஹரியின் நீதி சதகம்
* பிறர் பொருளை அபகரிப்பதற்கு வழிதேடுதல், எல்லாப் பிராணிகளிடமும் அன்பில்லாமல் இருத்தல், "செய்யும் கர்மத்திற்குப் பலன் உண்டு' என்பதை நம்பாமல் இருத்தல் ஆகியவை ஒருவன் மனதினால் செய்யப்படும் கர்மங்களாகும். இவற்றை ஒருவன் விட்டொழிக்க வேண்டும்.
- மகாபாரதம்
* அடங்கிய மனதோடு ஒருமுறை இறைவன் நாமத்தை ஜபம் செய்வது, அலைக்கழிக்கப்படும் மனதினால் லட்சம் தடவை அந்த நாமத்தை ஜபம் செய்வதற்குச் சமமாகும். நீங்கள் நாள் முழுவதும் இறைவன் நாமத்தை ஜபம் செய்துகொண்டிருக்கலாம்; ஆனால் மனம் மட்டும் வேறு இடத்தில் இருக்குமானால், நீங்கள் செய்யும் ஜபம் அதிக பலனைத் தராது.
- ஸ்ரீ சாரதாதேவியார்
* விஷத்துக்கு பயப்படுவது போன்று சான்றோர்கள் எப்போதும் பணம் அதிகமாக வரும்போது பயப்படுகிறார்கள். அவர்கள் அமிர்தத்தை விரும்புவது போன்று அவமானத்தையும் துன்பத்தையும் எக்காலத்திலும் விரும்பி ஏற்றுக்கொள்கிறார்கள். 
- மனுஸ்மிருதி 
* ஒருவன் தன்னைத் தானே புனிதப்படுத்திக்கொள்ள வேண்டும். 
- புத்தர்
* உடலையும் உள்ளத்தையும் தூய்மையாக வைத்துக்கொண்டு, பக்தி சிரத்தையுடன் ஒவ்வொரு நாளும் சேவை செய்து வர வேண்டும். இதில் ஒரே ஒரு நாள் கூட அசிரத்தையாக இருக்கக் கூடாது. இதுவே ஆன்மிக வாழ்க்கைக்கு முதல் படியாகும். 
- ஸ்ரீ ராமபிரான்
* தந்தையை கடனிலிருந்து விடுவிப்பதற்கு மகன் போன்றவர்கள் இருக்கிறார்கள். ஆனால் அஞ்ஞானம் என்ற தளையை நீக்கி ஒருவரை விடுவிப்பதற்கு அவனைத் தவிர வேறு யாருமில்லை.
- ஆதிசங்கரர்
* "சகல கல்யாண குணங்களும் பொருந்திய ஈசுவரன் தனது அம்சத்தால் ஜீவரூபியாக எல்லாப் பிராணிகளிடமும் புகுந்து உறைகிறான்' என்று இந்த பிராணிகளை வெகுமதித்து மனதால் நமஸ்கரிக்க வேண்டும்.
- பாகவதத்தில் கபிலர் தன் தாயாகிய 
தேவஹுதிக்குக் கூறிய பக்தியோகம்
* யம தூதர்களை அடித்து விரட்டுவதற்கு உரிய வழி, "ராம் ராம்' என்று சிங்கநாதம் செய்வதாகும். 
- ஸ்ரீ ராமகர்ணாமிர்தம்
* எந்த ஒரு மனிதனுடைய மனம் அந்தர்யோகத்தில் அமைதியாகவும் ஒருவிதப் பரபரப்புமில்லாமலும் இருக்கிறதோ, ஆசாபாசங்களையும் விருப்பு வெறுப்புகளையும் பந்தங்களையும் விலக்கிச் செயல்படுகிறதோ, உலக வாழ்க்கையை ஒரு பார்வையாளன் என்ற முறையில் பார்க்கிறதோ, அந்த மனிதன்தான் உண்மையில் மகிழ்ச்சியுடன் வாழ்கிறான்.
- வசிஷ்டர் (யோகவாஷிட்ட சாரம்)
* அன்பிலும், புனிதத்திலும், முக்தியை நாடுவதிலும் ஒன்றாக இருங்கள். துன்பத்தை ஒழிக்கவேண்டுமென்றால் புனித வாழ்க்கையை நடத்துங்கள். 
- புத்தர்


 

]]>
https://images.dinamani.com/uploads/user/imagelibrary/2019/4/12/w600X390/kamalanandhar.JPG https://www.dinamani.com/weekly-supplements/vellimani/2019/nov/01/பொன்மொழிகள்-தொகுப்பு-சுவாமி-கமலாத்மானந்தர்-3268058.html
3268057 வார இதழ்கள் வெள்ளிமணி குவலயத்தில் சிறந்த குத்தனூர்! DIN DIN Friday, November 1, 2019 11:27 AM +0530 திருவண்ணாமலை மாவட்டத்தில் வெம்பாக்கம் வட்டத்தில் பாலாற்றின் கரையில் பசுமை நிறைந்த வயல்கள் சூழ்ந்த குத்தனூர் கிராமம் அமைந்துள்ளது. இவ்வூரின் அருகில் செல்லும் "திருத்தணிப்பாட்டை' என அழைக்கப்படும் சாலையில் வழியாகத்தான் பண்டைக்காலத்தில் நடைப்பயணமாக மக்கள் திருத்தணி செல்வார்களாம். இவ்வூருக்கு "கிருஷ்ணசமுத்திரம்' என்ற பெயரும் உண்டு. மிகச்சிறிய கிராமமாக விளங்கினாலும், இவ்வூரின் வடகிழக்கில் சௌந்தர்ய நாயகி சமேத வாலீசர் திருக்கோயிலும் மேற்கு பக்கத்தில் பத்மாவதி தாயார் சமேத வேதநாராயணப் பெருமாள் திருக்கோயிலும் அமைந்துள்ளன. கிராம தேவதையாக கோயில் கொண்டுள்ள பிடாரி அம்மனை இவ்வூர் மக்கள் வில்லி - பொன்னி என்று போற்றி வழிபடுகின்றனர். இதன் அருகிலுள்ள ஏரியை "வில்லி காத்த ஏரி' (வில்வாத்தேரி) எனப் போற்றி அழைக்கின்றனர்.
 பல பக்திமான்கள், ஆன்றோர்கள், சான்றோர்கள் இவ்வூரில் அவதரித்துள்ளனர். அதில் மிகவும் குறிப்பிட்டு சொல்லப்படுபவர் அருட்கவி ஸ்ரீமான் சின்னசாமிதாசர் என்பவர். மக்களை நல்வழிப்படுத்தவும், பக்தி மார்க்கத்தில் அழைத்துச் செல்லவும் கீர்த்தனங்களை தமிழிலும், சம்ஸ்கிருதத்திலும் பாடி அருளியுள்ளார். அவர் தமிழில் புணைந்துள்ளதே அதிகம்.
 வாலீசப்பெருமான் திருக்கோயில்

 சிவன் கோயிலின் நுழைவு வாயில் தெற்கு நோக்கி அமைந்துள்ளது. கருவறை தேவகோட்டங்களில் விநாயகர், தட்சிணாமூர்த்தி, திருமால், பிரம்மா, துர்க்கை சிற்பத் திருமேனிகள் வழிபடப்படுகின்றன. கிழக்கு சுவரில் சாளரம் (ஜன்னல்) அமைந்துள்ளது. இதன் வழியே இறைவனை வழிபடுவது சிறந்ததாக கருதப்படுகின்றது. இதற்கு அருகில் இறைவனை நோக்கி நந்தியெம்பெருமான் மண்டபத்தில் எழுந்தருளியுள்ளார். பிரதோஷ நாள்களில் சிறப்பு வழிபாடுகள் நடைபெற்று வருகின்றன.
 தென்கிழக்கு மூலையில் யோக முனீசுரருக்கு என்று தனிச்சந்நிதி உள்ளது. மிகவும் சக்தி வாய்ந்த இவரை பயபக்தியுடன் வழிபடுகின்றனர். இவர் தாசரின் பிரசங்கத்தைக் கேட்டு அவருக்கு அருளாசி வழங்கியவர் என கூறப்படுகின்றது. மூலஸ்தான கருவறையில் வீற்றிருக்கும் லிங்கவடிவப் பெருமான் சற்றே சாய்ந்து காணப்படுவது போல காட்சியளிக்கின்றார். சிறந்த சிவ பக்தனான வாலி இவ்விறைவனை வழிபட்டதாகவும் கூறுகின்றனர். எனவே இறைவன் வாலீசப் பெருமான் என அழைக்கப்படுகின்றார். இப்புராண வரலாற்றை கூறுவது போல் கருவறையின் பின்புறம் மேற்கு பக்கத்தில் வாலி சிவலிங்கத்தை வழிபடுவதுபோல் சிற்பவடிவம் காணப்படுகிறது. மேலும் ஆலய நுழைவு மண்டபத்தின் மேலேயும் இதே போன்ற சுதை வடிவமான சிற்பத்தைக் காணலாம்.
 அம்பாள் தெற்கு நோக்கி தனி சந்நிதியில் "சௌந்தர்ய நாயகி' என்று பெயர் கொண்டு அருள்பாலிக்கும் சிறிய அழகிய வடிவினைக் காணலாம். காஞ்சி மகாசுவாமிகள் 1957 -ஆம் ஆண்டு இவ்வாலய அம்பாளுக்கு சௌந்தர்ய நாயகி எனப் பெயரிட்டுள்ளார். அவர் விஜயம் செய்த நாள், நுழைவு வாயிலில் கல்வெட்டிகள் பொறிக்கப்பட்டுள்ளது. பல்வேறு கால கட்டங்களில் நடந்த குடமுழுக்கு விவரங்களையும் கல்வெட்டின் மூலம் அறியலாம். இக்கோயிலில் தெற்கு பக்கத்தில் கல்வெட்டு பொறிக்கப்பட்ட தூண் நிறுத்தி வைக்கப்பட்டுள்ளது. சிற்ப அமைப்புகள், கல்வெட்டு எழுத்து வடிவம் மூலம் இக்கோயில் சுமார் 600 ஆண்டுகள் தொன்மையானதாக விளங்குகின்றது. 2011 -இல் நடந்த கும்பாபிஷேகத்திற்கு பிறகு பல்வேறு திருப்பணி வேலைகள் மேற்கொள்ளப்பட்டுள்ளன.
 வேதநாயாரணப் பெருமாள் கோயில்
 குத்தனூர் கிராமத்தின் மேற்குப் பகுதியில் இக்கோயில் அமைந்துள்ளது. ஒரு சமயம் மகான் சின்னசாமிதாசர் நெல் மூட்டைகளை வண்டியில் ஏற்றிக்கொண்டு நகரத்தில் விற்பனைக்காக செல்லும் பொழுது, "என்னைக் காணாது கடந்து செல்கிறாயே' என்ற ஒரு குரல் கேட்டதாம். அந்த இடத்தை அகழ்ந்து பார்த்த பொழுது இரண்டு தேவியரோடு பெருமாளின் சிற்பத்திருமேனிகள் மற்றும் சிதைந்த ஆலயத்தின் பகுதிகளும் தென்பட்டன. ஊரார் உதவியுடன் சிதில
 மடைந்த கோயிலை சீர்திருத்தம் செய்து வேதநாராயணப் பெருமாளையும், தேவியர்களையும் பிரதிஷ்டை செய்து 1856 -இல் மகாசம்ப்ரோக்ஷண வைபவத்தை நிகழ்த்தினர். சின்னசாமிதாசர் தனது பாடலில் "வேதியரைக் காக்க வந்தான் வேதநாராயணனே' என்று போற்றியுள்ளார். மேலும் வல்லூர் தேவராஜ பிள்ளை என்பாரும் இப்பெருமானை பாடி போற்றியுள்ளார்.
 கருவறை அதிட்டான குமுதவரியில் கல்வெட்டுகள் காணப்படுகிறது. தெலுங்கு சோழனான விஜயகண்ட கோபாலன் (கி.பி.13 -ஆம் நூற்றாண்டு) இக்கோயிலுக்கு தானம் அளித்து போற்றியிருக்கிறான் என்பதை அறியமுடிகிறது. கல்வெட்டுகளில் இக்கோயிலில் எழுந்தருளியுள்ள பெருமாள் "குத்தனூர் அகரம் - வேதநாராயணப் பெருமாள்' என அழைக்கப்படுவதைக் காணலாம். திருமாலின் பல்வேறு வடிவங்களுடன் கூடிய அழகிய சிற்பங்களை கருவறை விமான கபோததத்தில் (கொடுங்கை) கர்ண கூடு நடுவே காணப்படுவது கண்களுக்கு விருந்தாகும்.
 தற்போது கருவறை உயர்த்தி விமானம் புதுப்பித்தல், புதிய முன் மண்டபம் அமைத்தல், மடப்பள்ளி, மதில்சுவர் கட்டுதல், தரைதளம் அமைத்தல் என பல திருப்பணி வேலைகள் நடைபெற்று வருகின்றன. புதியதாக உடையவர், தும்பிக்கை ஆழ்வார் கற்திருமேனிகள் செய்யப்பட்டுள்ளன. ஸ்ரீலட்சுமி நரசிம்மர் அழகிய பழைய கற்திருமேனிக்கு சிறிய சந்நிதி அமைக்கப்பட உள்ளது.
 பக்தி மயமாக விளங்கும் குத்தனூர் திருத்தலத்தில் சிவ }விஷ்ணு ஆலயத்திருப்பணிகள் மற்றும் சின்னசாமி தாசர் நினைவு மடாலய மேம்பாட்டுப் பணிகள் என அனைத்தும் "அருள்மிகு வாலீஸ்வர வேதநாராயண பூஜா மற்றும் சாரிடபிள் டிரஸ்ட்" என்ற பதிவு செய்யப்பட்ட அமைப்பின் மூலம் முறைப்படி செய்யப்பட்டு வருகின்றது. இந்த தெய்வீகப் பணியில் பக்தர்கள் பங்கு கொண்டு இறைவனின் பேரருளைப் பெறலாம். காஞ்சிபுரம், ஆற்காடு, செய்யாறிலிருந்து குத்தனூர் செல்ல, நகர பேருந்து வசதிகள் உள்ளன.
 தொடர்புக்கு: 94434 69810 / 9498009546.
 - கி.ஸ்ரீதரன்
 
 
 
 

]]>
https://images.dinamani.com/uploads/user/imagelibrary/2019/11/1/w600X390/vm1.jpg https://www.dinamani.com/weekly-supplements/vellimani/2019/nov/01/குவலயத்தில்-சிறந்த-குத்தனூர்-3268057.html
3268055 வார இதழ்கள் வெள்ளிமணி குருபகவான் ஆதிக்கம் பெற்றவர்களின் உடலமைப்பு! Friday, November 1, 2019 11:20 AM +0530 உயரமானவர்களாக இருப்பார்கள். அடர்ந்த கெட்டியான தலைமுடியை உடையவர். அழகிய பெரிய விழிகளும் புருவங்களும் உண்டு. வாய்விட்டு சிரிப்பார்கள்; சிரிப்பையும் அனுபவிப்பார்கள். அகண்ட மார்பு கொண்ட இவர்கள் சாதாரணமாகவே ஆரோக்கியமாக இருப்பார்கள். ஆனாலும் இவர்களுக்கு தோல் சம்பந்தப்பட்ட வியாதியும், வயிறு சம்பந்தப்பட்ட வியாதியும் மூச்சுப்பிடிப்பும் உண்டாகலாம். 
மன அமைப்பு: தன்னம்பிக்கை அதிகம். நம்பிக்கைக்கும் பாத்திரமானவர்கள். கருணையும் பச்சாதாபமும் உடையவர்கள். சொல்லில் அன்பு கலந்த இன்சொல்லாக இருக்கும். தியாகம் செய்ய பின்வாங்க மாட்டார்கள். குடும்பத்தில் மற்றவர்களின் நலன்களுக்காகப் பாடுபடுவார்கள். எந்த பிரச்னைக்கும் சந்தோஷமான முடிவை எடுப்பார்கள். ஒருவிதமான கம்பீர அதிகார தோரணையும் பொறுப்புகளைத் தாங்கும் சக்தி உடையவர்கள். அற்பத்தனமாக நடக்க விரும்பாதவர்கள். யாராவது இவருக்கு உதவி செய்துவிட்டால் மிக்க சங்கடப்படுவார்கள். தம்மிடம் ஏதோ குறையுள்ளது அதனால்தான் உதவினர் என்று குழம்பிப்போவதும் உண்டு. சண்டை என்றால் தம்முடைய சாமர்த்தியமான வாதங்களால் எதிரியை மனமாற்றம் கொள்ளும்படி செய்து விடுவார்கள். ஆடம்பரமில்லாத சுத்தமான ஆடைகளை ஆணிவார்கள். அதிக நண்பர்கள் உண்டு. ஆகையால் விருந்து முதலிய வைபவங்களில் கலந்து கொள்வார்கள்.
திருமணம்: தியாக மனப்பான்மை இருப்பதால் குடும்பத்தில் சண்டை இல்லாமல் ஒத்துப்போய்விடுவர். பொதுவாக, தாம்பத்திய வாழ்வு இனிதே காணப்படும். மூன்றாம் எண்ணுக்குரியவர்களான இவர்கள் சுக்கிரபகவானுக்குரிய ஆறாம் எண் உடையவர்களையே அதிகம் காதல் கொள்வார்கள். அதுவே, பின் வாழ்க்கையில் வரப்போகும் குருஷேத்திர யுத்தத்திற்கு வாசற்படி. அதனால் இந்த விஷயத்தில் எச்சரிக்கையுடன் இருப்பது அவசியம்.
வழிபாடு: குருபகவான் என்றால் நவக்கிரகத்தில் உள்ள குருபகவானையே குறிக்கும். மேலும் மவுனமாக காட்சி தரும் தட்சிணாமூர்த்தியும் நம் கண்முன் தோன்றுவார். இம்மூர்த்தி சிவன் கோயில் தென்புறத்தில் காணப்படுவார். வியாழக்கிழமைகளில் இவர் சந்நிதியில் நெய்விளக்கு போட்டு வழிபடலாம். அந்த சந்நிதி முன்பு உட்கார்ந்து (முடிந்தால் பத்மாசனத்தில்) ஜபம் பண்ணுவது மிக்க பயன் தரும். இல்லத்தில் ஸ்ரீலட்சுமி பூஜை செய்யலாம். காயத்ரி ஜபம் தீட்சை பெற்றவர்கள் இதைமட்டுமே ஜபித்தால் போதுமானது. 
ஆண்டுக்குகொரு முறையோ அல்லது வசதிக்கேற்ப பலமுறையோ நவக்கிரகத்திலுள்ள குருபகவானுக்கு மஞ்சள் துணி, முல்லைப்பூ, மஞ்சள் வாழைப்பழம், கொண்டைக் கடலை வைத்து அர்ச்சனை செய்து பிறகு அரச மரத்தடியில் நின்று குருக்களுக்கு மஞ்சள் துணி, தேங்காய், வெற்றிலைப்பாக்கு, கொண்டைக்கடலை, தட்சணை (ரூ. 3 அல்லது, ரூ. 12 அல்லது ரூ. 21 ) கொடுக்கலாம்.
 

]]>
https://images.dinamani.com/uploads/user/imagelibrary/2019/11/1/w600X390/guru.jpg https://www.dinamani.com/weekly-supplements/vellimani/2019/nov/01/குருபகவான்-ஆதிக்கம்-பெற்றவர்களின்-உடலமைப்பு-3268055.html
3263055 வார இதழ்கள் வெள்ளிமணி நிகழ்வுகள் DIN DIN Friday, October 25, 2019 03:47 PM +0530 கந்த சஷ்டி விழா

சிக்கல், நாகை மாவட்டம், அருள்மிகு நவநீதேஸ்வர சுவாமி திருக்கோயிலில் சிங்கார வேலவருக்கு கந்தசஷ்டி திருவிழா, அக்டோபர் 29- இல் தொடங்கி நவம்பர் 6 வரை நடைபெறுகின்றது. முக்கிய நாள்கள்:  நவம்பர்- 1 திருத்தேர், சக்திவேல் வாங்குதல்;  நவம்பர் 2 - சஷ்டி மகாபிஷேகம், சூரசம்ஹாரம்; நவம்பர் 3 - தெய்வசேனை திருக்கல்யாணம்; நவம்பர் 4- வள்ளிக்கல்யாணம்; நவம்பர் 6 - பிராயச்சித்தாபிஷேகம். 
தொடர்புக்கு:  04365 - 245350.

குமரன் குன்றம், குரோம்பேட்டை, அருள்மிகு பாலசுப்ரமண்ய சுவாமி திருக்கோயில் மகா கந்தசஷ்டி விழா, அக்டோபர் 28 -இல் தொடங்கி நவம்பர் 3 வரை விசேஷ பூஜைகள்,  பால்காவடி, கிரிவலம், வேல் மாறல் பாராயணம், இசைச் சொற்பொழிவு போன்ற நிகழ்ச்சிகளுடன் நடைபெறுகின்றது. நவம்பர் 2 மாலை 4.30 மணிக்கு சூரசம்ஹாரம் திருவீதி உலா, நவம்பர் 3 - திருக்கல்யாணம். 
தொடர்புக்கு:  97106 43967/ 98414 20780.

குருபெயர்ச்சி விழா

தக்கோலம், அரக்கோணம் வட்டம், வேலூர் மாவட்டம், 
அருள்மிகு கிரிராஜ கன்னிகாம்பாள் உடனுறை ஜலநாதீஸ்வரர் திருக்கோயிலில் (திரு ஊறல்) அக்டோபர் 29 செவ்வாயன்று "உத்கடிக' கோலத்தில் சிறப்பாக வீற்றிருக்கும் தட்சிணா மூர்த்திக்கு விசேஷ அபிஷேகம், அலங்காரம், பரிகார பூஜைகள் நடைபெறுகின்றன. 
தொடர்புக்கு: 99947 86919.

கோவிந்தவாடி, காஞ்சிபுரம் மாவட்டம், அருள்மிகு கைலாசநாதர் மற்றும் ஸ்ரீ தட்சிணாமூர்த்தி சுவாமி திருக்கோயிலில் அக்டோபர் 29 -ஆம் தேதி சிறப்பு வழிபாடுகளும், ஏகதின லட்சார்ச்சனையும் நடைபெறுகின்றது.             
தொடர்புக்கு:  044-2729 4200 /  99767 75744.

பாடி (திருவலியதாயம்) சென்னை, அருள்மிகு ஜெகதாம்பிகை சமேத திருவல்லீஸ்வரர் திருக்கோயிலில் தனிச்சந்நிதியில் அருள்புரியும் குருபகவானுக்கு அக்டோபர் 29, 30, 31 மூன்று தினங்களிலும் லட்சார்ச்சனை வைபவமும், அக்டோபர் 31- ஆம் தேதி மட்டும் குருபரிகார ஹோமமும் 
நடைபெறுகின்றது. 
தொடர்புக்கு:  044-2654 0706 / 98848 91551.

பிள்ளையார் பாளையம்,  காஞ்சிபுரம், அருள்மிகு கமலாம்பிகை சமேத காயாரோகணீஸ்வரர் திருக்கோயிலில் அக்டோபர் 6 -ஆம் தேதி குருபகவானுக்கு சிறப்பு அபிஷேகமும், அர்ச்சனையும் ஏக தின லட்சார்ச்சனையும் நடைபெறுகின்றது.
தொடர்புக்கு: 044 - 2723 3384 /  96776 50344.

முன்னூர் மரக்காணம் வட்டம், விழுப்புரம் மாவட்டம், அருள்மிகு ஸ்ரீ பிரகன்நாயகி சமேத ஆடவல்லீஸ்வரர் திருக்கோயில் சிவனுக்கு, தட்சிணாமூர்த்தி மற்றும் நவக்கிரக குருபகவானுக்கு அக்டோபர் 29 -ஆம் தேதி சிறப்பு ஹோமம், பூஜைகள் காலை 8 மணிக்கு தொடங்கி நடைபெறுகின்றது. 
தொடர்புக்கு : 94440 24751.

வாலாஜாபேட்டை,  கீழ்ப்புதுப்பேட்டை, அனந்தலை மதுரா, வேலூர் மாவட்டம், ஸ்ரீ தன்வந்திரி ஆரோக்கிய பீடத்தில் ஸ்ரீ மேதா தட்சிணாமூர்த்திக்கு சிறப்பு அபிஷேகம், அர்ச்சனை, மகாயாகம் போன்றவைகள் அக்டோபர் 29 -ஆம் தேதி மற்றும் நவம்பர் 3 -ஆம் தேதி நடைபெறுகின்றது. 
தொடர்புக்கு: 94433 30203.

]]>
https://www.dinamani.com/weekly-supplements/vellimani/2019/oct/25/நிகழ்வுகள்-3263055.html
3263054 வார இதழ்கள் வெள்ளிமணி பொன்மொழிகள்! சுவாமி கமலாத்மானந்தர் DIN Friday, October 25, 2019 03:45 PM +0530 ஒருவன் இறைவனிடம் சரண் புகுந்தால், தவிர்க்க முடியாத விதியின் கட்டளைகளும் அகற்றப்படுகின்றன. அத்தகைய மனிதனின் தலையெழுத்தை, விதி என்னும் தேவதை தன் கைகளால் தானே அழித்துவிடுகிறது.

- ஸ்ரீ சாரதாதேவியார்

தடுக்க முடியாத நரகத்தையும் பாவத்தையும் இடி போன்று நாசம் செய்யும் மந்திரம் ஸ்ரீ ராமமந்திரம், மங்களத்தை அளிப்பது ஸ்ரீ ராமமந்திரம், பிறவித் துன்பத்தைப் போக்குவது ஸ்ரீ ராமமந்திரம், தெய்வ சாந்நித்தியம் தருவது ஸ்ரீ ராமமந்திரம், வானுலகிலும் பூவுலகிலும் பிரகாசிப்பது ஸ்ரீ ராமமந்திரம்.

- ஸ்ரீ ராமகர்ணாமிர்தம்

அதர்மம் உடைய உலக சுகங்களில் உழலும் மனிதனின் மனம் உலகியல் விஷயங்களில் பற்றுக்கொள்கிறது. என்னை நினைப்பவனுடைய மனம் என்னிடம் லயிக்கிறது.

-  ஸ்ரீ கிருஷ்ணன்( உத்தவ கீதை)

ஒரு மனிதன் கடலில் முழுகலாம், மேருமலையின் உச்சிக்குப் போகலாம், பகைவரைப் போரில் வெல்லலாம்; வாணிபம், விவசாயம், பல வித்யைகள், கலைகள் எல்லாம் பயிலலாம்; மிகுந்த முயற்சி செய்து ஒரு பறவையைப் போல் பரந்த ஆகாயத்தில் பறக்கலாம். கர்மவசத்தால் விதிக்கப்படாதது ஒருபொழுதும் நிகழாது; அதே சமயம் விதிக்கப்பட்டதை அழித்து விடவும் முடியாது.

 - பர்துருஹரியின் நீதி சதகம்

ஒரு சாதாரண மனிதனுக்கு அதாவது அஞ்ஞானிக்கு இந்த உலகம் ஆழ்ந்த துக்கத்தைத் தருவதாகும். அதே சமயத்தில் ஆத்மாவை அறிந்த விவேகிக்கு இதே உலகம் எப்போதும் பரமானந்தத்தையே தரக் கூடியதாக விளங்குகிறது. எப்படி என்றால், ஒரு குருடனுக்கு உலகம் இருளடைந்ததாகவே இருக்கிறது. கண்கள் உள்ள ஒருவனுக்கோ உலகம் பிரகாசத்துடன் தோற்றமளிக்கிறது.

- வசிஷ்டர் (யோகவாஷிட்ட சாரம்)

பகைவர்கள் பயத்திலிருந்து எப்போதுமே ராமர் என்னைக் காத்தருளட்டும். என்னிடம் இருந்த அளவு கடந்த அக்ஞான இருள் ராமராலேயே போக்கடிக்கப்பட்டது. ராமருக்கு எப்பொழுதும் நமஸ்காரம் செய்கிறேன். ராமரைக் காட்டிலும் உயர்ந்தது வேறு எதுவும் இல்லை. எனக்கு ராமர் மீது பக்தி அசைவற்றதாக இருக்கட்டும். ஸ்ரீ ராமசந்திரா! என்னை காத்தருளும்படி உன்னிடம் பிரார்த்தனை செய்கிறேன். 

 - ஸ்ரீ ராமகர்ணாமிர்தம்

இறைவனிடம் பக்தி செலுத்த வேண்டும். மேலும், "இறைவன் ஒருவன்தான் உண்மை, உலகம் நிலையற்றது' என்பதை பக்தர்கள் இடைவிடாமல் ஆராய்ந்து பார்க்க வேண்டும். அரசமரம்தான் உண்மை, அதன் பழங்கள் சில நாட்களுக்கு மட்டும்தான் இருக்கும்.

- ஸ்ரீ ராமகிருஷ்ணர் 

]]>
https://images.dinamani.com/uploads/user/imagelibrary/2018/9/6/w600X390/vm2.JPG https://www.dinamani.com/weekly-supplements/vellimani/2019/oct/25/பொன்மொழிகள்-3263054.html
3263053 வார இதழ்கள் வெள்ளிமணி புண்ணிய பூமியில் புனிதப் பயணம் - 31 - ஜெபலின் ஜான் DIN Friday, October 25, 2019 03:42 PM +0530 5 அப்பம், 2 மீன்களை 5,000 பேருக்கு வழங்கிய அற்புதம், இயேசு மறுரூபமான மலை: 

இயேசு கலிலேயாக கடல் மற்றும் கடற்கரையை சுற்றி பல்வேறு அற்புதங்களை நிகழ்த்தியுள்ளார். அதில் ஒன்று தான் 5 அப்பம், 2 மீன்களை கொண்டு 5,000 ஆண்களுக்கு உணவு வழங்கிய அற்புதம். இது நடந்த இடம், கலிலேயா கடலுக்கு அக்கறையில் உள்ள தாப்கா மலை (TOPCA).

விலியத்தின்படி, யோவான் 6-ஆம் அதிகாரம் ஒன்று முதல் 14-ஆம் வசனங்கள் வரை:

இவைகளுக்குப்பின்பு இயேசு திபேரியாக்கடல் என்னப்பட்ட கலிலேயாக் கடலின் அக்கரைக்குப் போனார். அவர் வியாதிக்காரரிடத்தில் செய்த அற்புதங்களைத் திரளான ஜனங்கள் கண்டபடியால் அவருக்குப் பின்சென்றார்கள். இயேசு மலையின்மேல் ஏறி, அங்கே தம்முடைய சீடருடனேகூட உட்கார்ந்தார். அப்பொழுது யூதருடைய பண்டிகையாகிய பஸ்கா சமீபமாயிருந்தது. இயேசு தம்முடைய கண்களை ஏறெடுத்து, திரளான ஜனங்கள் தம்மிடத்தில் வருகிறதைக் கண்டு, பிலிப்புவை நோக்கி: இவர்கள் சாப்பிடத்தக்கதாக அப்பங்களை எங்கே கொள்ளலாம் என்று கேட்டார்.

தாம் செய்யப்போகிறதை அறிந்திருந்தும், அவனைச் சோதிக்கும்படி இப்படிக் கேட்டார்.

பிலிப்பு அவருக்குப் பிரதியுத்தரமாக, இவர்களில் ஒவ்வொருவன் கொஞ்சங்கொஞ்சம் எடுத்துக்கொண்டாலும், "இருநூறு பணத்து அப்பங்களும் இவர்களுக்குப் போதாதே' என்றான். அப்பொழுது அவருடைய சீடரிலொருவனும், சீமோன் பேதுருவின் சகோதரனுமாகிய அந்திரேயா அவரை நோக்கி,  "இங்கே ஒரு பையன் இருக்கிறான், அவன் கையில் ஐந்து வாற்கோதுமை அப்பங்களும் இரண்டு மீன்களும் உண்டு, ஆனாலும் அவைகள் இத்தனை ஜனங்களுக்கு எம்மாத்திரம் என்றான். இயேசு, ஜனங்களை உட்காரவையுங்கள்' என்றார். அந்த இடம் மிகுந்த புல்லுள்ளதாயிருந்தது. பந்தியிருந்த புருஷர்கள் ஏறக்குறைய ஐயாயிரம் பேராயிருந்தார்கள்.

இயேசு அந்த அப்பங்களை எடுத்து, ஸ்தோத்திரம்பண்ணி, சீடர்களிடத்தில் கொடுத்தார்; சீடர்கள் பந்தியிருந்தவர்களுக்குக் கொடுத்தார்கள்; அப்படியே மீன்களையும் அவர் எடுத்து அவர்களுக்கு வேண்டிய மட்டும் கொடுத்தார். அவர்கள் திருப்தியடைந்தபின்பு, அவர் தம்முடைய சீடர்களை நோக்கி, ஒன்றும் சேதமாய்ப் போகாதபடிக்கு மீதியான துணிக்கைகளைச் சேர்த்துவையுங்கள் என்றார்.  அந்தப்படியே அவர்கள் சேர்த்து, வாற்கோதுமை அப்பங்கள் ஐந்தில் அவர்கள் சாப்பிட்டு மீதியான துணிக்கைகளினாலே பன்னிரண்டு கூடைகளை நிரப்பினார்கள்.  இயேசு செய்த அற்புதத்தை அந்த மனுஷர் கண்டு, "மெய்யாகவே இவர் உலகத்தில் வருகிறவரான தீர்க்கதரிசி!' என்றார்கள்.

இந்த அற்புதம் நடந்த இடத்தில் தேவாலயம் கட்டப்பட்டுள்ளது. அந்த ஆலயத்தில் உள்ள பலிபீடத்தில் (ALTAR) 2 மீன்கள், 4 அப்பம் இருப்பது போன்ற வரைபடம் பொறிக்கப்பட்டுள்ளது. உலக மக்களுக்காக இருக்கும் 5-ஆவது அப்பம் தான் இயேசு என்பதை சொல்லாமல் உணர்த்தும் வகையில் அங்கு 4 அப்பங்கள் மட்டுமே வைக்கப்பட்டுள்ளது.

இதேபோல இந்த ஆலய வளாகத்தில் ஒலிவ எண்ணெய் பிழியும் பழங்கால இயந்திரம் வைக்கப்பட்டுள்ளது. நம் ஊரில் உள்ள பழங்கால செக் போன்ற வடிவமைப்பில் இது உள்ளது. இந்த இடத்தை சுற்றிலும் ஒலிவ மரத் தோட்டங்கள் அதிகம் உள்ளன. இவற்றையும் புனித பயணிகள் கண்டு ரசிக்கலாம்.

இயேசு மறுரூபமான தாபோர் மலை: 

இஸ்ரேலின் கீழ் கலிலேயாவில் யெசுரியேல் பள்ளத்தாக்கின் கிழக்கு முடிவில், மேற்கு கலிலேயக் கடலிலிருந்து 11 மைல்கள் (18 கி.மீ.) தொலைவில் தாபோர் உள்ளது. கி.மு.12-ஆம் நூற்றாண்டின் மத்தியில், இப்பகுதியில் இஸ்ரேலிய நீதிபதி தெபோரா தலைமையின் கீழ் பாராக்கிற்கும் சிசாரா தலைமையின் கீழான யபீன் படைகளுக்குமிடையில் "தாபோர் மலை சண்டை" இடம் பெற்றது. இங்கு இயேசுவின் உருமாற்றம் (மறுரூபம்) இடம் பெற்றதாக விவிலியம் 
கூறுகிறது.

இயேசு தனது சீடர்களுடன் இந்த மலைக்குச் சென்று அங்கு மோசே (இஸ்ரேலியர்களை எகிப்தில் அடிமைதனத்தில் இருந்து மீட்டு வந்தவர்), எலியா தீர்க்கத்தரிசி ஆகியோருடன் பேசியதாக விவிலியம் கூறுகிறது. ஏற்கெனவே மரித்துபோன மோசே, எலியாவுடன் இயேசு பேசுவதை பார்த்த சீடர்கள் பயந்து போனார்கள்.

விவிலயத்தின் மத்தேயு 17: 1 முதல் 9-ஆவது வசனங்கள் வரை படி,  "ஆறு நாள்களுக்குப் பின்பு இயேசு பேதுருவையும் யாக்கோபையும் அவர் சகோதரரான யோவானையும் ஓர் உயர்ந்த மலைக்குத் தனிமையாகக் கூட்டிக்கொண்டு போனார். அங்கே அவர்கள்முன் அவர் தோற்றம் மாறினார். அவரது முகம் கதிரவனைப் போல் ஒளிர்ந்தது. அவருடைய ஆடைகள் ஒளிபோன்று வெண்மையாயின. இதோ! மோசேயும் எலியாவும் அவர்களுக்கு முன் தோன்றி இயேசுவோடு உரையாடிக்கொண்டிருந்தனர். 

பேதுரு இயேசுவைப் பார்த்து,' ஆண்டவரே, நாம் இங்கேயே இருப்பது நல்லது. உமக்கு ஒன்றும் மோசேக்கு ஒன்றும் எலியாவுக்கு ஒன்றுமாக மூன்று கூடாரங்களை அமைக்கட்டுமா? இது உமக்கு விருப்பமா?' என்றார். அவர் தொடர்ந்து பேசிக்கொண்டிருந்தபோது ஒளிமயமான மேகம் ஒன்று அவர்கள்மேல் நிழலிட்டது. அந்த மேகத்தினின்று,' என் அன்பார்ந்த மைந்தர் இவரே, இவர்பொருட்டு நான் பூரிப்படைகிறேன். இவருக்குச் செவிசாயுங்கள்' என்று ஒரு குரல் ஒலித்தது. அதைக் கேட்டதும் சீடர்கள் மிகவும் அஞ்சி முகங்குப்புற விழுந்தார்கள். 

இயேசு அவர்களிடம் வந்து அவர்களைத் தொட்டு,' எழுந்திருங்கள், அஞ்சாதீர்கள்' என்றார். அவர்கள் நிமிர்ந்து பார்த்தபோது இயேசு ஒருவரைத்தவிர வேறு எவரையும் காணவில்லை. அவர்கள் மலையிலிருந்து இறங்கிவந்தபோது இயேசு, "மானிட மகன் இறந்து உயிருடன் எழுப்பப்படும்வரை இக்காட்சியைப்பற்றி எவருக்கும் சொல்லக்கூடாது' என அவர்களுக்குக் கட்டளையிட்டார்.

இச்சம்பவம் நடைபெற்ற இடத்தில் தேவாலயம் கட்டப்பட்டுள்ளது. இந்த இடத்தில் ஏராளமான புனித பயணிகள் பிரார்த்தனை செய்து செல்கின்றனர்.

(தொடரும்...)

]]>
https://www.dinamani.com/weekly-supplements/vellimani/2019/oct/25/புண்ணிய-பூமியில்-புனிதப்-பயணம்---31-3263053.html
3263052 வார இதழ்கள் வெள்ளிமணி திளைத்திடும் திக்ரின் விளைவு - மு.அ. அபுல் அமீன் DIN Friday, October 25, 2019 03:40 PM +0530 திக்ரு என்னும் அரபி சொல்லுக்கு அல்லாஹாவை நினைவு கூர்தல் என்று பொருள். திளைத்தல் என்னும் தமிழ் சொல்லுக்குத் துய்த்தல் என்று பொருள். திக்ரில் தோய்ந்து துய்த்து திளைக்கும் முறையையும் விளையும் நன்மைகளையும் ஆய்வோம். 

அல்லாஹாவிற்குப் பிடித்த திக்ருகள்:

* சுப்ஹானல்லாஹ் (அல்லாஹ் தூயவன்)
* அல்ஹம்துவில்லாஹ் (எல்லாப் புகழும் அல்லாஹாவிற்கே) 
* அல்லாஹு அக்பர் (அல்லாஹ் மிக பெரியவன்)
* லா இலாஹ இல்லல்லாஹ் (அல்லாஹ்வைத் தவிர வேறு இறைவன் இல்லை)

- இந்த நான்கு திக்ருகளும் குறைந்த சொற்களைக் கொண்டவை. இந்த திக்ருகளை இடையறாது இயம்ப வேண்டும். இந்த நான்கு திக்ருகளில் தலையாயது லா இலாஹ இல்லாஹ் என்ற நபிகளின் நன்மொழி திர்மிதீ, இப்னு மாஜா நூல்களில் உள்ளது.

அல்லாஹ்வை திக்ரு செய்வது அவனுக்குக் கட்டுப்பட்டு நடக்கும் நற்பண்பு. திக்ர் வணக்க வழிபாடுகளில் மகத்துவம் உடையது. இதனைக் குறித்த கோமான் நபி (ஸல்) அவர்களின் அமுதமொழி. அமல்களில் அதாவது வணக்க வழிபாடுகளில் சிறந்தது. தூய்மையான படித்தரங்களில் உயர்ந்தது.

தங்கத்தையும் வெள்ளியையும் செலவு செய்வதிலும் செம்மையானது. போரில் புரியும் தியாகத்தினும் மேலானது அல்லாஹ்வைத் திக்ரு செய்வது. நூல் - இப்னு மாஜா 3791 திர்மிதீ 3377. 

திக்ரில் திளைத்திடுவோர் உயிருள்ளவர் போன்றவர். திக்ரு செய்து இறைவனை நினைவு கூறாதவர் உயிரற்றவர் ஆவார் என்று அண்ணல் நபி (ஸல்) அவர்கள் புகன்றதைப் புகாரியில் காணலாம்.

87-14,15 ஆவது வசனங்கள் எவர் தூய்மை உடையவரோ அவர் நிச்சயமாக வெற்றி பெற்றார். அவர் இறைவனை நினைவில் நிறுத்தி தொழுவார் என்று கூறுகின்றன. தொழுகையின் ஒவ்வொரு நிலையிலும் அல்லாஹ் நினைவு கூறப்படுவதால் 20- 14 ஆவது வசனம் "" என்னை நினைவு கொள்வதற்காக தொழுகையை நிலை நிறுத்துவீராக!'' என்று கூறுகிறது. எனவே தொழுகையும் திக்ரு. குர்ஆன் ஓதுவதும் பிறருக்கு ஓதி கொடுப்பதும் (கற்பிப்பதும்) திக்ரு.

33-41, 42 ஆவது வசனங்கள் அல்லாஹ்வை அதிகமாக நினைவு கூருங்கள். காலையிலும் மாலையிலும்  அவனைத் துதியுங்கள் என்றுரைக்க,  7- 2015 ஆவது வசனம் உங்கள் உள்ளத்தில் பணிவோடும் உரத்து குரல் எழுப்பாதும் பயத்தோடும் மெதுவான  காலையிலும் மாலையிலும் நினைவு கூருங்கள். அல்லாஹ்வை மறந்தவர்களில் ஒருவராக ஆகிவிடாதீர்கள் என்று அறிவுறுத்த, 76-25 ஆவது வசனம் காலையிலும் மாலையிலும் உள்ளத்தில் உள்ளவனைப் பணிந்து உள்ளச்சத்துடன் உரத்து ஒலிக்காது பிறருக்கு இம்மியும் இடையூறின்றி திக்ரில் திளைக்க இந்த வசனங்கள் திருப்பி திருப்பி கூறுகின்றன. 

எந்நேரமும் எந்நிலையிலும் எண்ணும் இறைவனைக் கணக்கிட்டு எண்ணாது திண்ணியமாய் திரும்ப திரும்ப நினைவில் நிறுத்த நினைவு படுத்தும் இந்த வசனங்களில் குறிப்பிடப்படும் காலை வேலை துவங்கும் நேரத்தையும் மாலை வேலை முடியும் நேரத்தையும் குறிப்பாக குறிப்பிடுகின்றன. எச்செயலையும் இறைவனின் திருபெயரால் (பிஸ்மில்லாஹ்) துவக்கி இயன்ற வரை முயன்ற செயல் முனைந்தபடி முடிந்ததும் அல்ஹம்துலில்லாஹ் என்று நன்றியை நவின்றிடும் இறையடியார்களின் இனிய இயல்பை இயம்புகின்றன இந்த வசனங்கள்.

முதுமையில் குழந்தையை கோரிய ஜக்கரியா நபியிடம் இறைவனை அதிகமாக நினைத்து காலையிலும் மாலையிலும் துதிக்குமாறு அதிபதி அல்லாஹ் அறிவுறுத்தியதை அறிவிக்கிறது 3- 41 ஆவது வசனம். அறிவுறுத்தியபடி திக்ரில் திளைத்த ஜக்கரியா நபி அதன் விளைவாய் குழந்தை பேற்றைப் பெற்றார்கள். திக்ரில் திளைத்திருப்பதால் விரும்பியதை விழுமியதாக விழுப்பமானதாக பெறலாம்.

மெய்யாகவே மெய்யோன் அல்லாஹ்வை நம்புவோர் அல்லாஹ்வின் அழகிய பெயர்களை மொழிந்து உள்ளம் நிம்மதி பெறுவர் என்று பேசுகிறது 13- 28 ஆவது வசனம். அல்லாஹ்வை நினைவு கூரும்பொழுது உள்ளம் உயிர்ப்புடன் தூய்மை பெறுகிறது. இதயம் அமைதி அடைகிறது; இறைவனின் நெருக்கத்தைப் பெறுகிறது. அல்லாஹ்வின் அழகிய பெயர்களை அதிகமாக நினைப்பதால் வெற்றியடைவீர்கள் என்று அறிவிக்கிறது 8-45 ஆவது வசனம். எச்செயலையும் செய்யுமுன் அல்லாஹ்வை நினைவில் நிறுத்துவதால் அச்செயலில் வெற்றியடையலாம் என்று திளைத்திடும் திக்ரின் விளைவை விளக்குகிறது இவ்வசனம்.

அல்லாஹ்வின் திருப்பெயரை நினைவில் நிறுத்தி நித்தமும் துதிப்போரைத் தூயவன் அல்லாஹ் மன்னித்து புண்ணியன் ஆக்குவதைப் புகல்கிறது 33- 35 ஆவது வசனம். நாமும் திக்ரில் திளைத்து அல்லாஹ்வின் அருளால் பொருத்தமான நன்மைகள் நிறைந்த நல்ல மாற்றங்கள் வாழ்வில் ஏற்றங்கள் பெற்று வழுக்காது இழுக்குறாது இன்னல் இல்லாது எண்ணியபடி திண்ணியமாய் வாழ்வோம். புண்ணியர் ஆவோம்.

]]>
https://www.dinamani.com/weekly-supplements/vellimani/2019/oct/25/திளைத்திடும்-திக்ரின்-விளைவு-3263052.html
3263051 வார இதழ்கள் வெள்ளிமணி சகலமும் அருளும் சப்தகுரு தலம்! - இரா இரகுநாதன் DIN Friday, October 25, 2019 03:38 PM +0530 "குருவைத் தரிசித்தல், பூசித்தல் நினைவில் கொள்ளுதல், அவருடைய கீர்த்தியைப் பாடிப் பரவுதல் அவரது பாதுகைகளைக் கும்பிடுவது ஆகியன முக்திதரும்' என்கிறார்  திருமூலர். "எப்போதும் குருசரணம் நினைவாய் நெஞ்சே' என்கிறார்  பாரதியார். குரு என்ற சொல்லுக்கு அஞ்ஞான இருளை நீக்கி ஞான ஒளி உண்டாக்குபவர் என்று பொருள்.  

சப்தகுரு தலம்:  ஏழு தெய்வங்கள், ஒரே தலத்தில் ஏழு சந்நிதிகளில் அமைந்தருளும் திருக்கோயில் இது! பிரம்மா, விஷ்ணு, சிவன் என்னும் மும்மூர்த்திகளும் தனிதனி சந்நிதிகளில் தம் தம் தேவிகளுடன் எழுந்தருளியுள்ள தலம். அதுவே, கதம்ப வனம் எனப்பட்ட திருக்கரம்பனூர் என்னும் பிட்சாண்டார் கோயிலில் அமைந்துள்ள உத்தமர் கோயில் ஆகும். திருமங்கையாழ்வாரால் பாடப்பட்ட 108 திவ்ய தேசங்களில் இத்தலமும் ஒன்று! பிரம்மனின் பக்தியை உலகுக்குக் காட்ட விரும்பிய திருமால் இத்தலத்தில் கதம்ப மரமாக மாறி நின்றார். பிரம்மன் இங்கு வந்து திருமாலை கண்டு தரிசித்து கமண்டல நீரால் அபிஷேகம் செய்தார். அதுமுதல் பிரம்மனை இத்தலத்திலேயே கொலுவிருந்து படைப்புத்தொழிலைத் தொடரச் செய்தார். கதம்ப மகரிஷிக்கு மகாவிஷ்ணு சயன கோலத்தில் புருஷோத்தமராக காட்சி தந்தார். 

பிரம்மனின் 5 தலைகளில் 4 பணிவுடன் சிவனைப் போற்றி வணங்கிட,  ஒருதலை மட்டும் ஈசனை மதியாதிருக்க  அத்தலையை கிள்ளினார். சிவனுக்கு அதனால்  பிரம்மஹத்தி தோஷம் பீடித்ததது. கிள்ளப்பட்ட தலை மட்டும் சிவனின் கையிலேயே ஒட்டிக்கொண்டிருக்க,  அந்த பிரம்ம கபாலத்தை பிட்சை பாத்திரமாக ஏந்தி பிட்சாடனராக தலங்கள் தோறும் சென்று பிச்சை ஏந்தி வந்தார். திருமால் கட்டளைப்படி, நிரம்பாத அந்த கபாலத்தில், பூரணவல்லித்தாயாரை பிட்சை இடச் செய்தார். அது நிரம்பி சிவன் கரம் விட்டு நீங்கியது. அதுமுதல் சிவபெருமானும் இங்கு லிங்க வடிவில் காட்சி தர, அன்னை பராசக்தி, செளந்தர்ய பார்வதி என்ற பெயரோடு அருள்புரியத் தொடங்கினாள். பிரகஸ்பதியும் சுக்கிரனும் நவக்கிரகங்களுடன் பரிவார மூர்த்தமாக எழுந்தருளினர். வைகுண்டத்தில் பரமபதநாதனாக எழுந்தருளிய மகாவிஷ்ணு இங்கு தனியாக வரதராஜனாக எழுந்தருளினார்.

சப்த குரு சந்நிதிகள்:   உத்தமர் கோயில் சப்தகுரு தலம் எனவும் குருபெயர்ச்சி சிறப்பாக கொண்டாடப்படும் தலமும் ஆகும். பிரம்மா உலகில் உயிர்களைப்படைக்கும் தொழிலைச் செய்தார். சனகர் முதலியோருக்கு படைப்புத்தொழிலைக் கற்றுக் கொடுத்தார். அவர்கள் சிருஷ்டியில் அக்கறை காட்டாததால் இறையாணையின்படி  மீண்டும் பிரம்ம குருவாகி படைப்புத் தொழிலை தொடர்ந்தார். 

வைணவ ஆசார்ய வரிசை முதலில் ஸ்ரீமந்நாராயணனிடம் இருந்தே துவங்குகிறது. வைணவ சித்தாந்தப் பேரொளி ஸ்ரீ ராமானுஜர் திருக்கச்சி நம்பி மூலம் வரதராஜப்பெருமாளுடன் பேசி உபதேசங்களைப் பெற்ரார். உடையவரின் அருளாளன்  அவர் விரும்பியபடி இங்கு வரதராஜப் பெருமாளாக எழுந்தருளினார் எனப்படுகிறது.  வைணவ சம்பிரதாயம் வளர்ந்ததனால் வரதராஜர் விஷ்ணுகுருவானார். 

தட்சிணம் என்றால் தெற்கு என்றும், ஞானம் என்றும் பொருள் கொள்ளலாம். ஞானக்கடவுளான  ஆதிகுரு தனது ஞானத்தை பக்தர்களுக்கு தட்சிண திசை நோக்கி அமர்ந்து வழங்குவதால் தட்சிணாமூர்த்தி என்று பெயர் ஏற்பட்டுள்ளது. தட்சிணாமூர்த்தியை தென் திசை கடவுள், பரமகுரு என்றும் குறிப்பர்; இவர் கல்லாலின் கீழ் அமர்ந்து சனகர் முதலான முனிவர்களுக்கு உபதேசம் செய்ததால் சப்த குருக்களில் ஒருவராக வைத்து போற்றுகின்றனர். இவரே சிவகுரு ஆவார். 

இத்தலத்தின் அம்பாள் ஸ்ரீ செளந்தர்ய பார்வதி! பல அசுரர்களுக்கு உபதேசம் செய்தும் ஆணவத்தாலும்  மூர்க்கத்தனம் முதிர்வாலும் திருந்தாததால் அவர்களுக்கு ஞானம் புகட்ட வதம் செய்து பராசக்தி அழித்தாள். அவளே இத்தலத்தில் குடிகொண்டிருப்பதால் சக்தி குரு  ஆகும். 

பிரணவத்தை தந்தைக்கு உபதேசித்து தகப்பன்சுவாமியாகக் குடிகொண்டிருப்பதால் சுப்ரமணியர் ஞானகுரு ஆவார்.

தேவ குருவான பிரகஸ்பதி அசுரகுருவான சுக்கிராச்சாரியார் ஆகியோர் ஒன்றாக இத்தலத்தில் எழுந்தருளி அருள்செய்கின்றார்கள். இவர்களில் 5 பேர் ஞான திசையான தெற்கு நோக்கியும் இருவர் கிழக்கு நோக்கியும் அருளுகின்றனர். ஒரே வளாகத்திற்குள் எழுவரையும்  வணங்குவதால் நமக்கு குரு கடாட்சம் மற்றும் குருவருள் தடையின்றி அபரிமிதமாகக் கிடைக்குமாதலால் வியாழக்கிழமைகளில் இங்கு வந்து நம்பிக்கையோடு வணங்குகிறார்கள். 

குருபெயர்ச்சி விழா: இம்மாதம், (அக்டோபர்) 29 -ஆம் தேதி, அதிகாலை 3.53 மணிக்கு குருபகவான் விருச்சிக ராசியிலிருந்து தனுசு ராசிக்குப் பிரவேசிக்கிறார். அதனையொட்டி, அக்டோபர் 28 -ஆம் தேதி மாலை 6. 00 மணிக்கு மேல் இத்திருக்கோயிலில் குடிகொண்டு அருளும் சப்தகுரு பகவான்களின் அருள்பெற, பக்தர்களுக்கு பரிகார ஹோமமும்; அக்டோபர் 29- ஆம் தேதி அதிகாலை 03.53 மணிக்கு அருள்மிகு குருபகவான் மற்றும் அருள்மிகு பிரம்மா ஆகியோருக்கு  மஹாபிஷேகமும் மஹாதீபாராதனையும், தொடர்ந்து தரிசனமும் நடைபெறும்.

உத்தமர் கோயில் திருச்சி கோட்டை ரயில் நிலையத்திலிருந்து சுமார் 8 கி.மீ. தொலைவிலும்; ஸ்ரீரங்கத்திலிருந்து சுமார் 4 கி. மீ.  தொலைவிலும் உள்ளது. 

தொடர்புக்கு:  04312591466/   80568 82546.

]]>
https://images.dinamani.com/uploads/user/imagelibrary/2019/10/25/w600X390/vm4.jpg https://www.dinamani.com/weekly-supplements/vellimani/2019/oct/25/சகலமும்-அருளும்-சப்தகுரு-தலம்-3263051.html
3263006 வார இதழ்கள் வெள்ளிமணி தீபாவளித் திருநாளில்  யமுனை நீராடல்! - ராமசுப்பு DIN Friday, October 25, 2019 01:23 PM +0530 தீபாவளித் திருநாளில் அதிகாலையில் கங்கையில் நீராடுவது (கங்கா ஸ்நானம்) என்பது எவ்வளவு உயர்ந்ததோ அதைப்போல யமுனை நதியிலும் நீராடுவது அவ்வளவு உயர்ந்தது. ஸ்ரீ கிருஷ்ணன் யமுனை நதிக்கரையிலேதான் குழலூதி பக்தர்களைப் பரவசப்படுத்தி பல நாள்கள் வாழ்ந்த நதிக்கரையாகும்.

உத்தரகாண்ட் மாநிலத்தில் உத்திரகாசி மாவட்டத்தில் இமயமலைப் பிரதேசத்தில் பல ஆயிரம் அடி உயரத்தில் “யமுனோத்ரி’ என்ற மலைமீது உற்பத்தியாகி, மத்தியப் பிரதேசத்திலுள்ள சாம்பல் பள்ளத்தாக்கை ஒட்டியும் ஒட்டாமலும் ஓடி, கடைசியில் கங்கை நதியில் சங்கமமாகி, கடலில் கலந்து விடுகிறது இந்த யமுனை நதி. வடக்கு நோக்கிப் பாயும் நதி என்பதுதான் யமுனோத்ரி.

பல நூறு கி.மீ. ஓடும் இந்த யமுனை நதிக்கரையில் எத்தனையோ ஆலயங்கள் அமைந்திருக்கின்றன. பெரும்பாலும் இதில் சிவன் ஆலயங்களே நிறைந்திருக்கும். அந்த நதிக்கரையில் “பட்டேஸ்வரர்’ என்ற சிவாலயம் மிகவும் பிரசித்தி பெற்று விளங்குகிறது. இந்த பட்டேஸ்வரர் யமுனை நதிக்கரை ஓரங்களில் ஆங்காங்கு எழுந்தருளியிருக்கிறார்.

பதினைந்தாம் நூற்றாண்டில் கட்டப்பட்ட இந்த பட்டேஸ்வரர் ஆலயம் மட்டும்தான் பெரிய அளவில் கட்டப்பட்டது. இந்த சிவாலயத்தில் பரமேஸ்வரன் பெரிய மீசையுடன் கம்பீரமாக கற்சிலை வடிவில் லிங்கரூபத்தில் காட்சி தருகிறார். 

தீபாவளித் திருநாளன்று பக்தர்கள் அதிகாலையில் நதிக்கரைக்கு வந்து எண்ணெய் தேய்த்துக் குளித்து, புத்தாடை அணிந்து பட்டேஸ்வரரை தரிசிக்க சிவபூஜைக்குரிய பொருள்களுடன் வரிசையில் நிற்பார்கள். விடியற்காலை பிரம்ம முகூர்த்த நேரத்தில் காவி உடை அணிந்த தலைமை சாது ஒருவர் கோயில் கதவைத் திறந்து, விளக்கேற்றி, சம்பிரதாய பூஜைகளை செய்வார். பட்டேஸ்வரருக்கு அபிஷேக, அலங்கார, ஆராதனைகள் அடுத்தடுத்து செய்வார். பின்னர் பக்தர்களுக்கு பிரசாதங்களை வழங்குவார்.

தீபாவளித்திருநாளில் ஸ்ரீ கிருஷ்ணனும் ராதையும் வந்து கலந்து கொண்டு பக்தர்களை ஆசீர்வதிப்பதாக ஓர் ஐதீகம் உண்டு! அதாவது கிருஷ்ணனின் மூதாதையர்கள் இந்த நதிக்கரையில் வாழ்ந்து வந்ததாகக் கருதி பக்தர்கள் அவர்களுக்காக, அவர்களை நினைவு கூர்ந்து நோன்பிருந்து, படையல் வைத்து அவர்களை வழிபாடு செய்து வணங்குவார்கள்.

இமயமலையின் மேல்பகுதியில், பல ஆயிரம் அடி உயரத்தில் யமுனோத்ரி அம்மன் ஆலயம் உள்ளது. ஆபத்துகள் நிறைந்த இந்த மலைப்பாதையில் ஏறி மேலே சென்றுதான் யமுனோத்ரி ஆலயத்தை அடையமுடியும். கருவறையில் வெள்ளிக்காப்புடன் இரண்டடி உயரத்தில் அமர்ந்த கோலத்தில் யமுனோத்ரி காணப்படுகிறார். இந்த கோயில் பல ஆண்டுகளுக்குப்பிறகு பிரதாப்ஷா என்ற ஓர் அரசனாலும் அவனுக்குப்பிறகு ஜெய்ப்பூர் மகாராணி குவாரியா என்பவரும் இக்கோயிலை சீரமைத்தனர்.

தீபாவளிக்கு (அமாவாசைக்கு) இரண்டாம் நாள் யம துவிதியை என்ற ஓர் அற்புதமான பண்டிகையை இங்கு பக்தர்கள் கொண்டாடுகின்றனர். இந்த பண்டிகையானது மகளைத் தாய் வீட்டிற்கு அனுப்பி வைக்கும் நிகழ்ச்சியாகக் கொண்டாடுகிறார்கள். கடுமையான குளிர்காலத்தில் ஆறுமாத காலம் யமுனோத்ரியை அந்த குளிரில் வாடவிடாமலிருக்க, மகளை தாய்வீட்டுக்கு அனுப்பி வைப்பதாக அருகில் உள்ள கர்சாலி என்ற ஒரு சிறு மலைக்கிராமத்திற்குக் கொண்டு சென்று அங்குள்ள கோயில் ஒன்றில் வைத்து இந்த ஆறு மாத காலமும் அங்குள்ள உனியால் என்ற வம்சத்தினர் யமுனோத்ரியை வழிபடுவார்கள்.

யமுனோத்ரி கோயிலுக்கு அருகில் சூரியகுண்டம் என்ற குளம் ஒன்று உள்ளது. இக்குளத்தில் உள்ள தண்ணீர் சூடாக எப்போதும் கொதித்துக் கொண்டே இருக்கும். இதில் அரிசியையும் உருளைக்கிழங்கையும் ஒரு துணியில் கட்டி இந்த கொதிக்கும் நீருக்குள் விட்டு, சிறிது நேரத்தில் வெளியே எடுத்தால், அதில் அரிசி சோறும் வெந்த உருளைக்கிழங்கும் இருக்கும். யமுனோத்ரி தேவிக்கு இந்த அரிசி சோறு மற்றும் உருளைக்கிழங்கை நைவேத்தியம் செய்து பக்தர்களுக்கு கொடுப்பார்கள்.  இதை பக்தர்கள் வீட்டுக்கு எடுத்துச் செல்வார்கள். 

தீபாவளியை ஒட்டி நடக்கும் இந்த மூன்று நாள் விழாவில் பக்தர்கள் பெருவாரியாகக் கலந்து கொள்வார்கள். முதல் நாள்- தீபாவளிப்பண்டிகை, இரண்டாம் நாள்- யம துவிதியை, மூன்றாம் நாள்- தேவியைத் தாய் வீட்டிற்கு அனுப்பி வைக்கும் நிகழ்ச்சி, என்று மூன்று நாளும் தீபாவளித் திருநாளாக யமுனை நதிக்கரையில் அமர்க்களப்படும். நாம் தீபாவளியன்று மானசீகமாய் யமுனோத்ரி தேவியை வழிபட்டு தேவியின் பேரருளைப் பெறுவோம்.

]]>
https://images.dinamani.com/uploads/user/imagelibrary/2019/10/25/w600X390/vm3.png https://www.dinamani.com/weekly-supplements/vellimani/2019/oct/25/தீபாவளித்-திருநாளில்--யமுனை-நீராடல்-3263006.html
3262997 வார இதழ்கள் வெள்ளிமணி திட்டை  கோயிலில்  குருபெயர்ச்சி  விழா! - மா.தனலட்சுமி DIN Friday, October 25, 2019 12:56 PM +0530 தஞ்சாவூர் மாவட்டம், திட்டை கிராமத்தில் அமைந்துள்ளது அருள்மிகு வசிஷ்டேஸ்வரர் திருக்கோயில். இங்கு  தனி சந்நிதியில் எழுந்தருளியுள்ள குருபகவானுக்கு வருடந்தோறும்  குருபெயர்ச்சி  விழா சிறப்பாக கொண்டாடப்பட்டு வருகிறது.  இவ்விழாவில்  நாடெங்கும்  இருந்து ஏராளமான பக்தர்கள்  கலந்து கொள்வார்கள்.  இந்த ஆண்டு குருபகவான்   வரும் 29.10. 2019 (வாக்கியப்படி) செவ்வாய்கிழமை  அன்று விருச்சிக  ராசியில்  இருந்து தனுசு ராசிக்கு  பிரவேசிக்க  இருக்கிறார்.  இந்த குரு  பெயர்ச்சியை  முன்னிட்டு  12 ராசிக்காரர்களும்  பலன் பெற  வேண்டி லட்ச்சார்ச்சனை  மற்றும்  பரிகார ஹோமங்கள்  திட்டை  வசிஷ்டேஸ்வரர்  ஆலயத்தில் நடைபெற  உள்ளது.

குருபகவான் வருடத்திற்கு  ஒருமுறை  ஒரு ராசியில்  இருந்து மற்றொரு ராசிக்கு மாறுவது  வழக்கம்.  இதனால் அவரவர்  ராசிக்கேற்ப  பலன்கள்  ஏற்படும்.

இந்த  குருபெயர்ச்சி யாருக்கு  நன்மை தரும்?

ஒருவருடைய  ஜென்ம  ராசியில்  இருந்து  2,5,7,9,11  ஆகிய  இடங்களில் சஞ்சாரம் செய்யும்  பொழுது  குருபகவான்  நற்பலன்கள்  அளிப்பார்  என்பது பொது விதி. அதன்படி,  இந்த குருப்பெயர்ச்சியின் போது  2-ஆம் இடத்திற்கு  வருவதால் விருச்சிகம் , 5-ஆம்  இடத்திற்கு  வருவதால்  சிம்மம்,  7 -ஆம் இடத்திற்கு வருவதால்  மிதுனம்,   9-ஆம் இடத்திற்கு  வருவதால்  மேஷம்,  11 -ஆம் இடத்திற்கு வருவதால்  கும்பம்  ராசிகளுக்கு  குருபகவான்  நற்பலன்களை  வழங்குவார்.

பரிகாரம் செய்ய வேண்டிய ராசிகள்

ஜென்ம  ராசியான  1 -ஆம் இடம்  மற்றும்  3,4,6,8,10,12  ஆகிய  இடங்களில் குருபகவானின்  சஞ்சாரம்  நற்பலன்களை  அளிக்காது  என்பதும்  பொது விதியாகும்.  அதன்படி,  தனுசு,  துலாம், கடகம், ரிஷபம், மீனம்,  மகரம் ஆகிய ராசியில்  பிறந்தவர்களும்  குருபகவானுக்கு பரிகாரம்  செய்துக் கொள்வது அவசியம்  ஆகும்.

சிறப்பு  லட்ச்சார்ச்னை

இந்த குரு பெயர்ச்சியை  முன்னிட்டு  பரிகாரம்  செய்துக் கொள்ள வேண்டியவர்களுக்காக  திட்டை,  அருள்மிகு  வசிஷ்டேஸ்வரர்  திருக்கோயிலில் 8.11.2019 அன்று  ஏகதின  லட்ச்சார்ச்சனை  நடைபெறும்.  

சிறப்பு பரிகார ஹோமங்கள்

குருபரிகார  தலமாகிய  திட்டை,  அருள்மிகு  வசிஷ்டேஸ்வரர் திருக்கோயிலில் தோஷங்கள்  நீங்க பரிகார  ஹோமங்கள்  செய்து  வழிபடுவது  வெகு சிறப்பு. வசதி உள்ளவர்கள்  தனிப்பட்ட  முறையில்  இங்கு வந்து  ஹோமங்கள் செய்து வழிபடலாம்.

இந்த குரு  பெயர்ச்சியை  முன்னிட்டு  09.11.2019 முதல்  12.11.2019  வரை நான்கு தினங்கள்  தொடர்ந்து  பரிகார  ஹோமங்கள் வேத விற்பன்னர்கள் தலைமையில்  வெகு சிறப்பாக  நடைபெற உள்ளன.  இத்திருக்கோயிலில் குருபகவான்  சந்நிதியில்  நடைபெறும்  இந்த ஹோமங்களில்  பங்கு  கொள்வது மிகுந்த  நற்பலன்களை தரும்.  இந்த ஹோமங்களில்  நேரில்  பங்கு கொள்ளும் ஒவ்வொருவருக்கும்  தனிப்பட்ட  முறையில் சங்கல்பம் செய்து  அர்ச்சனை செய்து பரிகாரம்  செய்யப்படும்.

லட்ச்சார்ச்சனை  மற்றும் குருபரிகார ஹோமங்கள்  நடைபெறும்  நாள்களில் நேரில் வருபவர்கள்  உரிய  கட்டணத்தை  செலுத்தி அவற்றில்  பங்கு கொள்ளலாம். வர இயலாதவர்கள் ஆலயத்தைத் தொடர்பு கொண்டு மேலும் விவரங்களை அறிந்து கொள்ளலாம்.

தொடர்புக்கு:  04362 - 252858/ 90479 20205.

]]>
https://images.dinamani.com/uploads/user/imagelibrary/2019/10/25/w600X390/vm2.png https://www.dinamani.com/weekly-supplements/vellimani/2019/oct/25/திட்டை--கோயிலில்--குருபெயர்ச்சி--விழா-3262997.html
3262995 வார இதழ்கள் வெள்ளிமணி பொருநை போற்றுதும்! - 64 டாக்டர் சுதா சேஷய்யன் Friday, October 25, 2019 12:43 PM +0530 சிற்பி ஒருவர் சிற்பங்கள் ஐந்து: 

கரிசூழ்ந்த மங்கலத்தில் நடராஜப் பெருமானும் எழுந்தருளியிருக்கிறார். இவரைப் பற்றியும் சுவாரசியமான கதை ஒன்று நிலவுகிறது. கங்கைச் சமவெளிப் பகுதியில் இருந்தது உத்தர தேசம். இதனை ஆண்ட மன்னன் சிங்கவர்மன். ஆரம்பத்தில் கொடுங்கோலனாக இருந்த இவன், பின்னர் மனம் மாறினான். தன்னுடைய தவறுகளுக்குக் கழுவாயாகத் தவம் செய்யப் போனான். எந்த வனத்திற்குச் சிங்கவர்மன் சென்றானோ, அந்த வனத்தில்தான், பதஞ்சலியும் வியாக்ரபாதரும் அம்பலவாணரின் ஆடல் திருக்காட்சி காண்பதற்காகத் தவம் செய்து கொண்டிருந்தனர். அவர்களின் அருளாலும் ஆடல்வல்லானின் பெருங்கருணையாலும், சிங்கவர்மனும் ஆடல் காட்சியைக் கண்டான். 

பதஞ்சலி முனிவரும் வியாக்ரபாத முனிவரும், அவனுக்கு ஒரு பணியை இட்டனர். அதன்படி, நடராஜப் பெருமானுக்கு, அதாவது ஆடல்கோல ஆண்டவனுக்குச் சிதம்பரத்தில் திருகோயில் எழுப்பினான். ஆடல் திருக்கோலத்தை எப்போதும் காணவேண்டும் என்னும் ஆசையில், சிற்பிகளைக் கொண்டு நடராஜ சிலா ரூபம் அமைக்கச் செய்தான். அவர்களும் தாமிரத்தில் (செப்பு உலோகம்) சிலாரூபம் சமைத்தனர். 

அந்தச் சிலையைக் கண்ட அரசன் சிங்கவர்மன் அசந்து போனான். தாமிரச் சிலையே இத்தனை அழகா? தங்கத்தில் வடிவமைத்தால். . . ?  சிற்பிகளை அழைத்து, தலைமைச் சிற்பியான நமச்சிவாய ஸ்தபதியிடம் ஏராளமான பொன் கொடுத்தான். பொன்னுருவம் படைக்கும்படி ஆணையிட்டான். 

நாள் பார்த்து, ஆணை வேண்டி, பொன்னின் வார்ப்பெடுத்துப் புதுச் சிலையை வடித்தனர் சிற்பிகள். ஆயின், அந்தோ... இதென்ன அதிசயம்... தங்கச் சிலை, தன்னாலேயே தாமிரச் சிலையாக மாறிவிட்டது! தலைமைச் சிற்பி, தவியாகத் தவித்தார். மன்னனுக்குச் செய்தி போனது. நமச்சிவாய ஸ்தபதியின்மீதுதான் மன்னனுக்குச் சந்தேகம். பொன்னைத் திருடிவிட்டதாக ஸ்தபதி கைது செய்யப்பட்டார். அன்றிரவு. மன உளைச்சலோடு உறங்க முயன்ற மன்னனின் கனவில், சாக்ஷôத் ஆடல்வல்லான், காலைத் தூக்கி ஆடிக்கொண்டே காட்சி கொடுத்தார். தங்கமாக இருக்கத் தமக்கு விருப்பம் இல்லையென்று தெரிவித்தார். 

ஆண்டவனார் அருளாணையின்படி, தாமிரமாக மாறிக்கொண்ட இரண்டாவது சிலையைச் சிதம்பரம் திருக்கோயிலில் ஸ்தாபித்தனர். அதே ஆணையின்படி, முதலாவதாக வடிக்கப்பட்ட தாமிரச் சிலையைத் தென் திசைக்குத் தூக்கி வந்தனர். எந்த இடத்தில் சிலையின் சுமை அதிகப்படுகிறதோ, அந்த இடத்தில் சிலாரூபத்தை பிரதிஷ்டை செய்துவிடவேண்டும் என்றும் சிவனார் கூறியிருந்ததால், சுமை அதிகப்பட்ட செப்பறை என்னும் இடத்தில், அந்த அம்பலனாரைப் பிரதிஷ்டை செய்தனர். 

இதற்கிடையில், செப்பறையில் சிவனாருக்குக் கோயில் எழுப்பிய ராமபாண்டியனுக்குக் கொண்டாட்டமோ கொண்டாட்டம். வாராது வந்த மாமணியாம் அம்பல நடராஜருக்குத் தனிச் சந்நிதி கட்டுவித்தான். ராமபாண்டியனுடைய எல்லைக்கு உட்பட்ட பகுதியை ஆட்சி செய்தான் வீரபாண்டியன் என்னும் சிற்றரசன். செப்பறைச் சிலையைக் கண்ட அவனுக்கும் நடராஜ வடிவத்தின்மீது கரைகாணா காதல் தோன்றியது. சிற்பிகளிடம் இரண்டு சிலைகள் வடித்துக் கொடுக்கும்படி வேண்டினான். அவர்களும் இசைந்தனர்; எழிலார்ந்த சிலைகள் இரண்டினை வடித்தனர். 

இதுவரைக்கும் எல்லாம் சரிதான். இதற்கு மேல்... அரிதான ஒன்று தனக்குக் கிட்டிவிட்டால், பிறருக்கு அது கிட்டக்கூடாது என்றெண்ணும் வக்கிரம், வீரபாண்டியனைப் பற்றியது. இத்தனை அழகான சிலைகளை வடித்த சிற்பிகள், வேறு யாருக்கேனும் இவ்வாறே செய்துவிட்டால்... தலைமை ஸ்தபதியாம் நமச்சிவாயரைக் கொல்லும்படி உத்தரவிட்டான். தன்னிடம் கிடைத்த சிலைகளைக் கரிசூழ்ந்த மங்கலத்திலும் கட்டாரிமங்கலத்திலும் ஸ்தாபிக்க எண்ணினான். 

சிற்பியின்மீது இரக்கம் கொண்ட அவனுடைய வீரர்கள், அவரைக் கொல்லாமல், கைகளை மட்டும் வெட்டினர். எப்படியோ, செய்தி ராமபாண்டியனுக்குச் சென்றது. வீரபாண்டியனின் கொடூரத்தைக் கண்ட அவன், சிற்பியின் கைகளைத் துண்டித்ததைப் போலவே, வீரபாண்டியனின் கைகளைத் துண்டிக்கச் செய்தான். இருப்பினும், வீரபாண்டியன் ஆசைப்படியே, கரிசூழ்ந்த மங்கலத்திலும் கட்டாரிமங்கலத்திலும் பிரதிஷ்டை செய்தான். நமச்சிவாயச் சிற்பியின் திறமை வீணாகக்கூடாது என்பதற்காக, சிற்பக் கலையைப் பிறருக்கு அவர் கற்றுக்கொடுக்க வசதியாக மரக் கைகளைப் பொருத்தச் செய்தான். 

இறைவனையே சரணடைந்த நமச்சிவாயர், மரக்கைகளைக் கொண்டு, முன்னைக் காட்டிலும் அழகான சிலாரூபமொன்றைப் படைத்தார். சிலையின் எழிலைக் கண்டு மனம் பறிகொடுத்த ராமபாண்டியன், அந்த அழகைக் கொஞ்சிக் களித்துக் கன்னத்தில் கிள்ளினான். அவனுடைய கிள்ளலை அப்படியே தமது கன்னத்தில் ஏந்திக் கொண்டார் அம்பலவாண அழகர். கிள்ளிய வடு உடனாய அச்சிலை, கருவேலங்குளம் என்னும் ஊரில் பிரதிஷ்டிக்கப்பட்டது. (கருவேலங்குளம் என்பது நாங்குநேரி-களக்காடு மேலக் கரிவலம் குளத்திலும், கட்டாரி மங்கலம் என்பது சாத்தான் குளம் அருகிலும், செப்பறை என்பது நாம் ஏற்கெனவே கண்டிருக்கும் ராஜவல்லிபுரத்திற்கு அருகிலும் உள்ளன.)

மேற்கூறிய 5 சிலை கதைக்குச் சிற்சில மாற்றங்கள் ஆங்காங்கே கூறப்பட்டாலும், கதையின் முக்கிய போக்கு இதுதான். சிற்பிக்கு மரக்கைகளெல்லாம் பொருத்தவில்லை, வெட்டுப்பட்ட கையில் அகப்பையைக் கட்டிக்கொண்டு அவர் வார்ப்பெடுத்தார் என்று சில வேறுபாடுகளும் உண்டு. இந்தக் கதையின் சிங்கவர்மன்தான், தொண்டை மண்டலத்தில் பல்லவப் பேரரசு அமைவதற்குக் காரணமான சிம்மவர்மன் என்றும் எண்ணப்படுகிறது. சிதம்பரத்தையும் செப்பறை, கரிசூழ்ந்த மங்கலம்,  கட்டாரிமங்கலம், கருவேலங்குளம் ஆகிய நான்கு ஊர்களையும் சேர்த்து, "பஞ்சப்படி மத் தலங்கள்' என்றும் "பஞ்ச நடராஜத் தலங்கள்' என்றும் அழைக்கிறார்கள். நடராஜப் பெருமானை எப்படியெல்லாம் நம் முன்னோர்கள் ரசித்திருக்கிறார்கள் என்பது வியப்பளிக்கிறது. 

(தொடரும்...)

]]>
https://images.dinamani.com/uploads/user/imagelibrary/2018/11/7/w600X390/vm1.jpg https://www.dinamani.com/weekly-supplements/vellimani/2019/oct/25/பொருநை-போற்றுதும்---64-3262995.html
3256940 வார இதழ்கள் வெள்ளிமணி நானிலத்தோர் கொண்டாடும் நரகசதுர்த்தசி! DIN DIN Friday, October 18, 2019 11:28 AM +0530 ஒருவரின் இறப்பு தினத்தை மகிழ்ச்சியோடு கொண்டாடுவது உலகில் இங்கு மட்டுமே. பூமாதேவிக்குப் பிறந்தவன் நரகாசுரன். இவனது உண்மையான பெயர் பெளமன். இவன் பிறப்பால் மனிதனாக இருந்தாலும், அசுரர்களின் துர்குணங்கள் அதிகம் இவனிடம் இருந்ததால் நரக அசுரன் என பெயர் பெற்றான். இதன் தொடர்ச்சியாகவே நரகாசுரன் என்றழைக்கப்பட்டான். பிரம்மாவை நோக்கி கடும்தவம் புரிந்து தன் தாயைத்தவிர தனக்கு யாராலும் மரணம் ஏற்படக்கூடாது என்ற அபூர்வ வரத்தினை பெற்றிருந்தான்.
 நல்லோரை காக்கவும், தீயோரை அழிக்கவும் நாராயணர் மண்ணுலகில் ஸ்ரீகிருஷ்ணராக அவதரித்தார். அவரைத் தொடர்ந்து ஸ்ரீதேவி ருக்மணியாகவும், பூதேவி சத்யபாமாவாகவும் அவதரித்தனர். ஸ்யமந்தக மணிக்கு உடைமையாளரான யாதவகுல அரசன் சத்ரஜித்திற்கு மகளாக துவாரகையில் சத்யபாமா பிறந்தாள். ஸ்யமந்தக மணி யாரிடம் உள்ளதோ அவர்களை யாராலும் வெல்லமுடியாது என்பதால் அதனை கவருவதற்கு பலர் முயன்றனர். சத்ரஜித்தின் தம்பியான பிரசேனன் இந்த ஸ்யமந்தக மணியை தன் அண்ணனிடம் கேட்டுப்பெற்றான். ஜாம்பவானுக்கு எதிர்பாராத விதமாக அந்த மணி கிடைத்தது. அந்த மணியை எடுத்து தன் மகளான ஜாம்பவதியிடம் கொடுத்தான்.
 சத்ரஜித்திற்கு இது தெரியாமல், கண்ணன் தான் பிரசேனனை கொன்று ஸ்யமந்தக மணியை களவாடியிருப்பான் என தவறாக நினைத்தான். ஸ்ரீகிருஷ்ணருக்கு இது தெரியவந்து நேரே ஜாம்பவானிடம் சென்று கேட்டவுடன்; அவதார புருஷர் கிருஷ்ணர் என்பதை உணர்ந்த ஜாம்பவான் உடனே அந்த ஸ்யமந்தக மணியை தந்ததோடல்லாமல் தன் அருமை மகளான ஜாம்பவதியையும் அவருக்கு திருமணம் செய்து வைத்தனுப்பினார். மணி மற்றும் ஜாம்பவதியுடன் துவாரகா வந்த ஸ்ரீகிருஷ்ணரை பார்த்து தன் தவறை உணர்ந்த மன்னன் சத்ரஜித் தன்னுடைய மூன்று மகள்களான சத்யபாமா, விரதினி மற்றும் பிரஸ்வபினி ஆகியோரை திருமணம் செய்து வைத்து கண்ணனை மாப்பிள்ளையாக்கிக் கொண்டார்.
 நரகாசுரன் பிரக்ஜோதிஷ்யா (தற்போதைய அஸ்ஸாம்) என்ற நாட்டின் மன்னனாக கொடுங்கோல் ஆட்சி செய்து வந்தான். இந்திரன் கண்ணனிடம் நரகாசுரன் செய்யும் கொடுமைகளைக் கூறி விடுதலை வேண்டினான். கருடனுடன் தன் மனைவியான சத்யபாமாவையும் அழைத்துக் கொண்டு போர் தொடுக்க நரகாசுரனை நோக்கிச்சென்றான் கிருஷ்ணன். மாயக்கண்ணனுக்குத் தெரியும் இந்த நரகாசுரனின் தாய் சத்யபாமாவே என்று.
 நரகாசுரனை கண்ணன் போருக்கு அழைத்து கடும் போர் புரிந்தான். ஒரு கட்டத்தில் மாயக்கண்ணன் வீழும் நிலைக்கு ஆளானது போல் ரதத்தில் மயங்கி அமர்ந்தான். கோபமுற்ற பூதேவியான சத்யபாமா களத்தில் இறங்கி தானே அம்பினை நரகாசுரன் மீது தொடுத்து அவனை கொன்றாள். பின்னரே அவன் தன் மகன் என்று ஸ்ரீகிருஷ்ணரின் மூலம் சத்யபாமாவுக்கு தெரியவந்தது. தன் இறப்பு நாளான இந்த தினத்தை அனைவரும் சந்தோஷமாக கொண்டாட வேண்டுமென தன் தாயிடமும், ஸ்ரீகிருஷ்ணரிடமும் வேண்டினான் நரகாசுரன். அந்த நாளே தீபாவளித் திருநாள் ஆனது.
 கந்தபுராணத்தில் சக்தியானவள் 21 நாள் கேதாரகெளரி விரதமிருந்து ஈசனை அடைந்ததும் இன்னாளே. இந்த நாளில் தான் சிவன் தன்னுள் பாதியை சக்தியிடம் கொடுத்து "அர்த்தநாரீஸ்வரர்' ஆனார் என்று கூறுகிறார்கள்.
 1577 -ஆம் ஆண்டு சீக்கியர்களின் பொற்கோயில் கட்ட ஆரம்பித்த நாள் தீபாவளி ஆகையால் அந்த தினத்தை தங்களின் புனிதமான நாளாக கொண்டாடுகிறார்கள். இந்த நாள் சமணர்களின் குருவான மஹாவீரர் முக்தி அடைந்த நாளாகும். சங்கீத மும்மூர்த்திகளில் ஒருவரான முத்துஸ்வாமி தீஷிதர், தயானந்த சரஸ்வதி (ஆர்ய சமாஜ்) போன்ற மஹான்கள் தீபாவளியன்று முக்தி பெற்றார்கள்.
 மஹாளய பட்சத்தில் பூலோகத்துக்கு நம் முன்னோர்கள் வருகிறார்கள். அவர்களுக்கு மஹாளய அமாவாசை அன்று நாம் திதி கொடுத்து அவர்களுக்கு சந்தோஷத்தை ஏற்படுத்தி இருப்போம். அவர்கள் தொடர்ந்து தீபாவளிக்கு முந்தைய நாள் திரயோதசி அன்று வரை நம்மோடு இருப்பதற்குள்ள அனுமதியை உபயோகப்படுத்திக்கொண்டு, அன்று மீண்டும் தன் உலகிற்கு திரும்பிச் செல்வார்கள். அவர்கள் செல்லும் வழிக்கு வெளிச்சம் காட்டுவதே "யம தீபம்" ஆகும். அத்தீபத்தை நாம் தீபாவளி காலத்தில் வருகிற திரயோதசி திதியில் ஏற்றினால் நம் குடும்பம் விருத்தியாகும், தொழில் முன்னேறும். திருமணத் தடைகள் விலகும், சொத்துகள் சேரும். அனைத்துவிதத் தடைகளும் நீங்கி, வாய்ப்புகள் தானாகவே வரும்.
 துர்மரணம் அடைந்தவர்களுக்கு யம தீபம் ஏற்றுவது மிகவும் முக்கியமானது. அவர்கள் தான் செய்யும் சேட்டைகளை நிறுத்திவிட்டு, தன் குடும்பத்தாருக்கு நலன்களைச் செய்வார்கள். நம் வீட்டின் உயரமான பகுதியில் தெற்கு திசை நோக்கி அலங்காரம் செய்த விளக்கினை ஏற்றி நம் முன்னோர்களை மனதால் அன்போடு நினைத்து வழிபடவேண்டும்.
 சுருங்கக்கூறின் நமக்கு ஞான ஒளியை, ஞானபிரகாசத்தை அளிக்கும் விழா என்பதே தீபாவளியின் தத்துவ பொருளாகும். தீபாவளித் திருநாள், இவ்வாண்டு அக்டோபர் 27 -ஆம் தேதி (ஐப்பசி 10) வருகிறது.
 - எஸ். எஸ். சீதாராமன்
 

]]>
https://www.dinamani.com/weekly-supplements/vellimani/2019/oct/18/நானிலத்தோர்-கொண்டாடும்-நரகசதுர்த்தசி-3256940.html
3256939 வார இதழ்கள் வெள்ளிமணி பொருநை போற்றுதும்! 63 - டாக்டர் சுதா சேஷய்யன் DIN DIN Friday, October 18, 2019 11:25 AM +0530 தாமிராவின் தென்கரை கிராமமான கரிசூழ்ந்த மங்கலம் குறித்து, உள்ளூர் மக்கள் இன்னொன்றும் சொல்கிறார்கள். பழங்காலத்தில் இந்த கிராமத்தைச் சுற்றிலும் நிறைய கரும்புத் தோட்டங்கள் இருந்தனவாம். கரும்பு தின்பதற்காக யானைகள் ஏராளமாக வந்ததாகவும், இவ்வாறு கரிகளால் (கரி=யானை) சூழப்பட்டதால், இப்பெயர் வந்ததாகவும் தெரிவிக்கிறார்கள்.
 இங்குள்ள அருள்மிகு ஞானாம்பிகை உடனாய அருள்மிகு காளத்தீச்வரர் திருக்கோயில், 11-ஆம் நூற்றாண்டைச் சேர்ந்தது என்கிறார்கள். இதனாலேயே "தென் காளஹஸ்தி' என்றும் இவ்வூர் வழங்கப்படுகிறது. அருள்மிகு அலமேலு மங்கை உடனாய அருள்மிகு வேங்கடாசலபதி திருக்கோயில், காலத்தால் பிற்பட்டது என்றாலும், வைகுண்ட ஏகாதசித் திருவிழாவும் கருட சேவையும் வெகு பிரசித்தம்.
 நேர்த்திக் கடனில் கருட சேவை
 சாதாரணமாக, பிரம்மோற்சவம் போன்ற பெருவிழாக் காலங்களில்தாம், கோயில்களில் கருட சேவை நடக்கும். ஆனால், இந்தக் கோயிலில், வீடுகளில் சுப நிகழ்ச்சிகள் நடக்கும்பொழுதும், திருமணம் போன்றவற்றின்போதும், பிரார்த்தனை செய்துகொண்டு, கருட சேவை நடத்துகிறார்கள். திருமணத் தடைகளோ காரியத் தடைகளோ ஏற்பட்டால், கருடசேவை நடத்துவதாக நேர்ந்துகொள்கிறார்கள். காரியம் கைகூடியவுடன், பிறகென்ன, கோலாகல கருட சேவைதான்! இதனால், வருடத்துக்கு 60 நாட்கள் வரை கருடசேவை இங்கே களை கட்டுகிறது.
 வேங்கடாசலபதி கோயில் என்று வழங்கினாலும், இங்கே வேங்கடேசர், உற்சவர்தாம். மூலவர் அருள்மிகு சக்கரத்தாழ்வார். திருமாலின் கையில் இருக்கும் ஆயுதமான சுதர்சனச் சக்கரத்திற்கே, சக்கரத்தாழ்வார் என்பது சிறப்புத் திருநாமம். அடியார்களைக் காப்பதற்காக, இந்தச் சக்கரத்தைப் பிரயோகம் செய்து துன்பங்களையும் அதர்மங்களையும் ஆண்டவனார் நீக்குகிறார்.
 முதலை வாயில் சிக்கிக்கொண்ட கஜேந்திர யானை, "ஆதிமூலமே' என்று அலறியபொழுது, கருடாழ்வார்மீது ஆரோகணித்து ஓடோடியும் வந்த பெருமாள், தமது திருக்கரத்திலிருந்த திருவாழிச் சக்கரமான சுதர்சனத்தைப் பிரயோகித்தார். சுதர்சனம் சென்று முதலையை வெட்டி, கஜேந்திரனைக் காப்பாற்றியது. அடியார்களைக் காப்பதாலும், பெருமாளின் மனமறிந்து செயல்படுவதாலும், எப்போதும் பெருமாளின் பணிவிடையில் ஈடுபட்டிருப்பதாலும், திருவாழிச் சக்கரமான சுதர்சனத்தின் சிறப்பு அபாரமானது. இதனாலேயே, சக்கரத்தாழ்வார் என்றும் இவர் சிலாகிக்கப்படுகிறார்.
 கஜேந்திர யானை வந்து இங்குக் கதறியதோ என்னவோ, தெரியவில்லை (ஒருவேளை கரிசூழ்ந்த மங்கலம் என்னும் பெயருக்கும் கஜேந்திரக் கதறலுக்கும் ஏதேனும் தொடர்புண்டோ?), ஆனால், சக்கரத்தாழ்வார் இங்கு அழகோ அழகு! பெருமாளை வெகு விரைவாக எந்த இடத்திற்கும் அழைத்து வருகிற கருட சேவையும் இங்கு சிறப்போ சிறப்பு!
 சக்கரத்தாழ்வாரின் பின்புறம் ஸ்ரீ யோக நரசிம்மர். நான்குத் திருக்கரங்களிலும் சக்கரம் ஏந்தியவர். அடியார்களை எந்தத் திசையிலிருந்து துன்பம் தாக்கினாலும் அந்தத் திசை நோக்கிப் பெருமாளின் சக்கரங்கள் பிரயோகிக்கப்பட்டு, அதர்மம் அகற்றப்பட்டு, அடியார்க்குப் பாதுகாப்பு கிட்டும் என்பதையே இவை படம்பிடிக்கின்றன.
 (தொடரும்...)
 
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/oct/18/பொருநை-போற்றுதும்-63---டாக்டர்-சுதா-சேஷய்யன்-3256939.html
3256936 வார இதழ்கள் வெள்ளிமணி நிகழ்வுகள் DIN DIN Friday, October 18, 2019 11:22 AM +0530 * குருபூஜை விழா
 வேலூர் மாவட்டம், வெட்டுவானம், திரு.வி.க. சாலையில் அமைந்துள்ள ஸ்ரீ அறுபத்துமூவர் சமரச சன்மார்க்க சபையில் சக்தி நயனார் குருபூஜை பெருவிழா, 21.10.2019, காலை 10.00 மணிக்கு அபிஷேக ஆராதனையுடன் தொடங்கி நடைபெறுகிறது.
 தொடர்புக்கு: 04171 244348.
 

]]>
https://www.dinamani.com/weekly-supplements/vellimani/2019/oct/18/நிகழ்வுகள்-3256936.html
3256935 வார இதழ்கள் வெள்ளிமணி புண்ணிய பூமியில் புனிதப் பயணம் 30 DIN DIN Friday, October 18, 2019 11:22 AM +0530 புனித பேதுரு மீன்: கலிலேயா கடலில் பிடிக்கப்படும் திலாப்பியா (Tilapia) மீன் தான் புனித பேதுரு மீன் என அழைக்கப்படுகிறது. மத்தேயு 17-ஆம் அதிகாரம் 24 முதல் 27-ஆவது வசனங்கள் வரை: இயேசுவும் அவரது சீடர்களும் கப்பர்நகூமில் வந்தபோது, வரிப்பணம் வாங்குகிறவர்கள் பேதுருவினிடத்தில் வந்து, "உங்கள் போதகர் வரிப்பணம் செலுத்துகிறதில்லையா?' என்று கேட்டார்கள். "செலுத்துகிறார்' என்றான். அவன் வீட்டிற்குள் வந்தபோது, அவன் பேசுகிறதற்கு முன்னமே இயேசு அவனை நோக்கி, "சீமோனே, உனக்கு எப்படித் தோன்றுகிறது? பூமியின் ராஜாக்கள் தீர்வையையும் வரியையும் தங்கள் பிள்ளைகளிடத்திலோ, அந்நியரிடத்திலோ, யாரிடத்தில் வாங்குகிறார்கள்' என்று கேட்டார்.
அதற்குப் பேதுரு, "அந்நியரிடத்தில் வாங்குகிறார்கள்' என்றான். இயேசு அவனை நோக்கி, "அப்படியானால் பிள்ளைகள் அதைச் செலுத்த வேண்டுவதில்லையே! ஆகிலும், நாம் அவர்களுக்கு இடறலாயிராதபடிக்கு, நீ கடலுக்குப்போய், தூண்டில் போட்டு, முதலாவது அகப்படுகிற மீனைப்பிடித்து, அதன் வாயைத் திறந்துபார். ஒரு வெள்ளிப்பணத்தைக் காண்பாய்; அதை எடுத்து எனக்காகவும் உனக்காகவும் அவர்களிடத்தில் கொடு' என்றார்.
அன்று முதல் இதுவரை கலிலேயா கடலில் பிடிக்கப்படும் இந்த திலாப்பியா மீன் தான் பேதுரு மீன் என அழைக்கப்படுகிறது. புனித பயணம் செய்யும் பயணிகள் கலிலேயா கடற்கரைக்கு செல்லும்போது மதிய உணவில் சுவையான இந்த பேதுரு மீன் பரிமாறப்படுகிறது.
ஆப்பிரிக்காவில் தோன்றி, உலகில் மிதமான மற்றும் வெப்பமான தட்பவெப்ப நிலை நிலவும் அனைத்து இடங்களிலும் பரவலாக காணப்படும் மீனினமாகும். நன்னீரில் இயற்கையாக வாழும் இம் மீன் உவர் நீரிலும் வாழ வல்லது. திலாப்பியா என்று அழைக்கப்படும் மீன் வேறு விதங்களிலும் தமிழில் அழைக்கப்படுகிறது. திலேப்பியா, சிலேபி, சிலேபிக் கெண்டை முதலானவை இம் மீனின் வேறுபெயர்களாகும்.
திலாப்பியா ஆப்பிரிக்கக் கண்டத்திலிருந்து உலகெங்கும் கொண்டு செல்லப்பட்ட உயிரினமாகும். ஆப்பிரிக்க பழங்குடிகள் ஒன்றில் மீன் என்பதற்கு "தில்' என்ற ஒலிக்குறிப்பு இருந்ததாகவும், அதுவே திலாப்பியா என்ற சொல்லுக்கு மூலம் என்றும் அறிஞர்கள் கருதுகின்றனர். ஆப்பிரிக்காவில் 180 கோடி ஆண்டுகள் வயது கொண்ட உயிரினப் படிமங்களில் (fossil) திலாப்பியா கண்டுபிடிக்கப்பட்டுள்ளது. ஆப்பிரிக்கா, மற்றும் மத்திய கிழக்குப் பிரதேசங்களில் திலாப்பியா தோன்றி வாழ்ந்தது என்பது பரவலாக ஏற்றுக் கொள்ளப்பட்டுள்ளது. இருபதாம் நூற்றாண்டின் தொடக்கத்தில் மொசாம்பிகு திலாப்பியா என்னும் வகை இந்தோனேசியாவிற்கு கொண்டு செல்லப்பட்டது. அங்கிருந்து மலேசியாவிற்கும், இலங்கைக்கும், இந்தியாவுக்கும் கொண்டு செல்லப்பட்டதாகக் கூறப்படுகிறது.
- ஜெபலின் ஜான்
(தொடரும்)
 

]]>
https://images.dinamani.com/uploads/user/imagelibrary/2019/10/18/w600X390/vm4.jpg https://www.dinamani.com/weekly-supplements/vellimani/2019/oct/18/புண்ணிய-பூமியில்-புனிதப்-பயணம்-30-3256935.html
3256934 வார இதழ்கள் வெள்ளிமணி மகத்தான மறுமை வாழ்வு DIN DIN Friday, October 18, 2019 11:19 AM +0530 இம்மையில் இவ்வுலக வாழ்வின் இலக்கு நோக்கம் குறிக்கோள் மறுமையில் மாறா மறையா நிரந்தர நிம்மதியைப் பெறுவதே. அதுவே மகத்தான மறுமை வாழ்வு. அப்பேற்றைப் பெறுவதற்குரிய வழிகளை வான்மறை குர்ஆன் வாகாய் கூறுகிறது.
 அஞ்சி நடக்கும் நம்பிக்கையாளர்களுக்கு மறுமையில் நாம் கொடுக்கும் கூலி மிக மேலானது என்று எழில் மறை குர்ஆனின் 12-57 ஆவது வசனம் கூறும் மிக மேலானது என்ற சொற்றொடர் மகத்தான மறுமை வாழ்வைக் குறிக்கிறது. அல்லாஹ்வை நம்பி அஞ்சி நடப்போர் புறவழியைப் புறக்கணித்து அறவழியைப் பிறழாது பேணி நடப்பர். அவர்கள் மறுமையில் பெறும் பேறுகள் மேலானது.
 இறையச்சம் உடையோரைக் குறிப்பிடுகிறது 2-177 ஆவது வசனம், " அல்லாஹ்விற்காக உறவினர்களுக்கும் அநாதைகளுக்கும் ஏழைகளுக்கும் வழிப்போக்கர்களுக்கும் யாசகர்களுக்கும் விடுதலையை விரும்புவோருக்கும் கொடுத்து தொழுகையையும் கடைபிடித்து தொழுது ஜகாத் கொடுப்பவர் இறையச்சம் உடையோர். மேலும் கடும் வறுமையிலும் கொடும் நோயிலும் பெரும் போரிலும் பொறுமையை கடைபிடிப்போர் அல்லாஹ்வை நம்பும் இறையச்சம் உடையோர்'' கடுமையான நெருக்கடியான நேரங்களிலும் பொறுமையை கடைபிடிப்பது உண்மையான உயரிய இறைஅச்சம் உடைய நல்லடியார்களின் நடைமுறை.
 "உங்களுக்குப் பிரியமான பொருளில் இருந்து நீங்கள் செலவு செய்யாதவரை நிச்சயமாக நீங்கள் நன்மையை அடைய மாட்டீர்கள். ஒரு சொற்ப தானம் செய்தாலும் நிச்சயமாக அல்லாஹ் அதனை அறிவான்'' என்று 3.92 ஆவது வசனம் வரையறுக்கிறது.
 ஒருவர் அவருக்குப் பிடிக்காத வேண்டாத வீசியெறியும் பொருளைப் பிறருக்கு வழங்குவது தானமல்ல. அதனால் நன்மை கிட்டாது. ஏனெனில் உங்கள் உள்ளத்தை அறிபவன் எல்லாம் வல்ல அல்லாஹ். ஒருவர் விரும்பும் பிரியப்படும் பொருளைப் பிரதிபலனை எதிர்பாராது தேவையானவருக்கு மகிழ்வாய் கொடுப்பது மாறா பேற்றை மறுமையில் பெற்று தரும்.
 மீண்டும் 2-177 ஆவது வசனம், " வாக்குறுதி தவறாதவர்களும் இறையச்சம் உடையோர்'' என்று உரைக்கிறது. சொல்லிலும் செயலிலும் உண்மை உடையவராயிருப்பது நல்லவர்களின் நற்குணங்களில் ஒன்று. நல்லவற்றை மட்டும் கேட்பது நல்லதை நோக்கும் நோக்கில் நேரான வழியில் செல்ல சீரான வழிகாட்டி, மறுமையிலும் மகத்தான வாழ்வை வழங்கும்.
 அழகிய வாழ்வில் நடைமுறைகளாலும் நற்குணங்களாலும் நல்ல பண்புகளாலும் நல்லடியார் நன்மை என்னும் படிக்கட்டுகளில் மேலே ஏறி கொண்டிருப்பார். நல்லது என்பது எது? என்று ஏந்தல் நபி (ஸல்) அவர்களிடம் கேட்டபொழுது "நல்லது என்பது அழகிய நற்குணம்'' என்று பதில் கூறினார்கள். நூல்- முஸ்லிம் 2553. பழக்க வழக்கம் போற்றப்படுவனவாக இருக்க வேண்டும். உயரிய நற்குணங்களின் உறைவிடமாக இருக்க வேண்டும். இவை நற்செயல்களின் அடிப்படை. உண்மையாய் நடப்பது நன்மையை தரும். உண்மை நன்மைக்கு நல்வழி காட்டும். நன்மை சொர்க்க வழியைக் காட்டும்.
 83- 22, 23 ஆவது வசனங்கள் " நிச்சயமாக நல்லோர் இன்பம் நிறைந்த சொர்க்கத்தில் உயர்ந்த கட்டில்கள் மீதிருந்து பார்த்துக் கொண்டிருப்பார்கள்'' என்று பகர்கின்றன. இவ்வசனங்களுக்குத் தப்ஸீர் இப்னு கதீர் 352/ 8 - தரும் விளக்கம்- அல்லாஹ் அவர்களுக்கு வழங்கியவற்றில் அவர்கள் நிரந்தரமாக இருப்பார்கள். அவர்களுக்குத் தரப்படும் நன்மைகள் நீர்த்து போகாமல் இருக்கும். அவர்களுக்குக் கிடைக்கும் சிறப்புகள் முடிவில்லாது இருக்கும். கண்ணியமும் சிறப்பும் மிக்க அல்லாஹ்வை அவர்கள் காண்பார்கள்.
 83-24 முதல் 26 வரை உள்ள வசனங்கள் "அவர்களின் முகங்களில் அவர்களின் சுக வாழ்வின் செழிப்பை நீங்கள் அறியலாம். முத்திரையிட்ட கலப்பற்ற திராட்சை ரசம் அவர்களுக்குப் புகட்டப்படும். அது கஸ்தூரியால் முத்திரை இடப்பட்டிருக்கும். ஆசை கொள்ள விரும்புவோர் ஆசிப்பர்'' என்று கூறுகின்றன.
 நல்ல அடியார்களின் நல்ல அடையாளம் தொழுகை. ஒரு தொழுகை முடிந்து மீண்டும் தொழும் இவ்விரு தொழுகைகளுக்கும் இடையில் எவ்வித வீண் பேச்சும் பேசாமல் இருந்து தொழுவது இல்லிய்யூன் என்ற பட்டியலில் பதியப்படும் என்ற நபிமொழி அபூதாவூத் 558 - விலும் அஹ்மது 2230- விலும் உள்ளன. இல்லிய்யூன் என்னும் ஏட்டில் எழுதப்பட்ட எல்லா நற்செயல்களும் நல்லோரின் நற்செயல்களே. தொழுகையை அவற்றிற்குரிய நேரத்தில் தொழுவது முறையாக குனிந்து ருகுவு செய்து சிரம் பணிந்து ஸஜ்தா செய்து ஒவ்வொரு நிலையிலும் நிதானமாக உள்ளச்சத்தோடு தொழுகையை தொழுவது நன்மையை நல்குவதோடு அல்லாஹ்வின் திருப்தியையும் பெறும் என்று தப்ஸீர் இப்னு கதீர் 488/1 -இல் விளக்குகிறது.
 நன்மைக்கும் இறையச்சத்திற்கும் நீங்கள் ஒருவருக்கொருவர் உதவி செய்து கொள்ளுங்கள் என்று 5-2 ஆவது வசனம் அறிவுறுத்த 58- 9 ஆவது வசனம் பாவம் புரிய வரம்பு மீற இறை தூதருக்கு மாறு செய்ய ரகசியம் பேசாதீர்கள். நன்மை புரிவதற்கும் இறையச்சமுடன் இருப்பதற்கும் ரகசியமாக பேசி கொள்ளுங்கள். எவனிடம் ஒன்று சேர்க்கப்படுவீர்களோ அவனுக்கு அஞ்சி வாழுங்கள்'' என்று எச்சரிக்கிறது.
 அல்லாஹ் கூடி பேசுவதைக் கலந்து ஆலோசிப்பதை தடை செய்யவில்லை. பாவ செயல்களில் ஈடுபட இறை கட்டளையை மீறி இறை தூதரின் நல்வழிக்கு மாறாய் நடக்க ரகசியமாக கூடி பேசுவதை நாடாதீர்கள் என்று அல்லாஹ் தடை செய்கிறான். நன்மை விளையும் நற்செயல்களில் கூட்டாக நாட்டமுடன் ஆலோசிப்பதை அனுமதிக்கிறான். ஒன்று கூடி நன்மை செய்தால் சமூக கட்டமைப்பு உறுதிபடும். சமூகத்தில் அன்பும் அக்கறையும் பாசப்பிணைப்பும் பாங்குற ஓங்கி நிற்கும். மறுமையில் மகத்தான வெற்றி கிட்டும். அல்லாஹ் அத்தகு நல்லடியார்களாக நம்மையும் ஆக்கி அருள்புரிவானாக! ஆமீன்!
 - மு.அ.அபுல் அமீன்
 
 
 

]]>
https://images.dinamani.com/uploads/user/imagelibrary/2019/10/18/w600X390/vm3.jpg https://www.dinamani.com/weekly-supplements/vellimani/2019/oct/18/மகத்தான-மறுமை-வாழ்வு-3256934.html
3256931 வார இதழ்கள் வெள்ளிமணி அட்டமா சித்திகள் அருளும் கைலாசநாதர்! DIN DIN Friday, October 18, 2019 11:15 AM +0530 தொண்டை மண்டலம் என்று போற்றப்பட்ட தற்போதைய காஞ்சிபுரம், திருவள்ளூர், திருவண்ணாமலை, விழுப்புரம் மாவட்டங்களில் பல திருக்கோயில்கள் சிதிலமடைந்துள்ளன. இதில் திருவள்ளூர் மாவட்டத்தில், செஞ்சி - பானம்பாக்கம் என்ற கிராமத்தில் அருள்மிகு ஸ்ரீ திரிபுரசுந்தரி உடனுறை ஸ்ரீ கைலாசநாதர் கோயிலும் ஒன்றாகும்! இத்திருக்கோயில் இந்து சமய அறநிலையத்துறை கட்டுப்பாட்டில் உள்ளது.
 திருக்கோயிலின் தொன்மை : திருவள்ளூர் மாவட்டத்தில் துப்பாக்கியின் இரட்டை குழல்கள் போன்று செஞ்சி-பானம்பாக்கம் என்ற இரண்டு கிராமங்களில் வரலாற்றுச் சிறப்பு மிக்க சரித்திரப் புகழ்வாய்ந்த ஆலயங்கள் அமைந்துள்ளன. செஞ்சியில் ஜனமே ஜெய ஈஸ்வரர் திருக்கோயில், ஸ்ரீ லட்சுமி நாராயணர் திருக்கோயில், ,காளி கோயில் எனும் ஏகாத்தம்மன் கோயிலும், பானம்பாக்கம் கிராமத்தில் அருள்மிகு ஸ்ரீ திரிபுரசுந்தரி உடனுறை ஸ்ரீ கைலாசநாதர் திருக்கோயிலும் மற்றும் இருப்புப்பாதை தண்டவாளத்திற்கு மறுபுறம் ராமர் கோயிலும் அமைந்துள்ளன.
 கி.பி. 1634 முதல் கி.பி. 1673 வரை ஆண்ட விஜய ராகவ நாயக்கர் ரகுநாத நாயக்கனின் மூத்த மகன் சேவப்ப நாயக்கரின் வம்சாவளியில் வந்த கடைசி மன்னன் இவன். இந்த மன்னன் பானம்பாக்கம் கிராமத்தினை வெள்ளத்திலிருந்து காத்து உதவியதால் ஊர் மக்கள் அவருக்கு மானியமாக அளித்த அரிதான கல்வெட்டில் கிடைத்த தகவல் இவ்விடத்திற்கு பரம்பரம் என்ற புராதனப் பெயர் விளங்கி பிற்காலத்தில் ஊர் பெயர் பானம் பாக்கம் என்று மருவியுள்ளது. சில கல்வெட்டுகளில் பானன்பாக்கம் என்று குறிப்பிடப்பட்டுள்ளது.
 தொல்லியல் சிறப்பு : கி.பி. 1188 -இல் சோழர் காலத்தில் கட்டப்பட்ட திருக்கோயிலென்று தொல்லியல் துறையினர் ஆய்வு செய்து ஊர்ஜிதம் செய்துள்ளனர். திருக்கோயிலின் வெளிப்புறத்தில் தேவமயில் வடக்கு நோக்கி பார்த்தவண்ணம் இருக்க, நின்ற கோலத்தில் முருகப்பெருமான் நான்கு கரங்களுடன் அருள்பாலிக்கிறார். இரு சிவலிங்கங்கள் தனி நந்தியம் பெருமானுடன் இவ்வாலயத்தில் அமைந்துள்ளன. அக்காலத்தில் ஒரே இடத்தில் இரு சிவலிங்கங்கள்அருகருகே அமைந்திருந்து வழிபடப்பட்டதாக தெரியவருகிறது.
 இத்தலத்து ஈசனை அகத்தியர் மற்றும் வாலி பூஜித்ததற்கு ஆதாரமாக சிவனை அகத்தியரும், வாலியும் பூஜை செய்யும் சிற்பங்கள் புடைப்பு சிற்பங்களாக உள்ளன. இதுபோன்று தென்பகுதி சுவரிலும் சிற்பங்கள் உள்ளன. இத்தல ஈசன் அகத்தீசுவரர், வாலீஸ்வரர், ஹரிஹரேஸ்வரர், கைலாசநாதர் என்ற திருநாமங்களால் போற்றப்பட்டுள்ளது பெருமைக்குரியதாகும். வெளியில் வானம்பார்த்து உள்ள லிங்கம் ஆதிகைலாசநாதர் என்று பிரிட்டிஷார் காலத்தில் குறிப்பிடப்பட்டுள்ளது.
 பருத்த பாணத்துடன் சுயம்பு மூர்த்தியாக உள்ள இவரின் காலத்தினை யாராலும் கணக்கிட முடியவில்லை. அட்டமா சித்திகள் பெற வழிபட்ட தலம் இது என்பதை உணர்த்தும் விதமாக வாலி, அகத்தியர் பூஜிக்கும் ஈசனுக்கு இடையே அர்த்த மண்டபத்தில் கருவறையின் நுழைவு வாயிலில் மேற்புறத்தில் அட்டமா சித்திகளின் அபூர்வ புடைப்பு சிற்பங்கள் அமைந்துள்ளன. மேலும் இதே போன்ற அட்டமாசித்தி சிற்பங்கள் வெளியில் தெற்கு சுவரிலும் அமைந்துள்ளது.
 விமானத்தில் நடராஜர், ஆடவல்லான் மற்றும் பெருமாள் சிற்பங்கள் சுதையால் வடிவமைக்கப்பட்டுள்ளன. சுதை சிற்பங்கள் பொலிவிழந்து பராமரிப்பின்றி மரங்கள் வளர்ந்து அழிவுக்குள்ளாகியுள்ளது. இத்திருக்கோயிலின் உள்ளே சங்கு சக்கர அபய ஹஸ்தத்துடன் இடக்கையில் கதை கொண்டு அமர்ந்த கோலத்தில் கிழக்குத் திருமுக மண்டலமாக ஸ்ரீ புருஷோத்தமப் பெருமாள் சேவை சாதிக்கிறார்.
 பிரதான ஆலயத்தின் நந்திமண்டபத்தில் நந்தியெம்பெருமான் அழகுற அமைந்து அருளுகின்றார். விமானத்தில் சிவபெருமான் உடுக்கையை கையிலேந்தி அமர்ந்த வண்ணமும், பைரவர் சிற்பமும் அதற்கு மேல் நிலையில் சிதைந்த சிற்ப வேலைப்பாடுகளுடன் கொண்டுள்ளது.
 வரலாற்றின் கடைசி காலகட்டத்தில் ஜமீன்தாரர்கள் குடும்ப பராமரிப்பில் செஞ்சி பானம்பாக்கம் திருக்கோயில்கள் இருந்துள்ளன. ஜமீன்தாரர்கள் ஒழிப்பு சட்டத்திற்குப் பின் தினசரி பூஜைகள் நின்று போயுள்ளன. ஜமீன்தாரர்கள் பற்றிய குறிப்புகள் இன்றளவும் ஆவண காப்பகத்தில் உள்ளது.
 அட்டமாசித்தி தலங்கள்: 150 ஆண்டுகளுக்கு முற்பட்ட பிரிட்டிஷார் காலத்தில் பிரசுரத்தின்படி, திருவள்ளூர் மாவட்டத்தில் அகத்தியர் பணித்ததின்பேரில் அஷ்டமா சித்திகளுக்கான லிங்கங்கள் எட்டு உள்ளன. அச்சிவலிங்கங்களை குருமுனி அகத்திய பெருமான் பூஜித்துள்ளார். அந்த லிங்கங்களை வழிபட அட்டமாசித்திகள் அனைவருக்கும் கிட்டும் என்பது ஜதீகம்!
 இவ்வாலயத்தில் சுமார் 2ணீ ஏக்கர் பரப்பளவில் பெரிய திருக்குளம் அமைந்துள்ளது.
 இத்தல மகிமை: பானம்பாக்கம் ஸ்ரீ கைலாச நாதரை வணங்குவதால் நினைத்த காரியங்கள் நிறைவேறும்; காரியசித்தி கைகூடும். தீய சக்திகளிடமிருந்து காத்தருள்வார். எதிரிகளை வெல்லக்கூடிய திறம் தரவல்லவர். குடும்ப உறவுகளில் ஏற்படும் பிணக்குகளை போக்கி இணக்கம் ஏற்படுத்துவார் ஈசன். தட்சணாமூர்த்தியை வழிபட குரு கடாட்சமும், ஞானமும் கிட்டும். பிணிகள் அகன்று தேக ஆரோக்கியம் பெறலாம்!
 இச்சிவாலயத்தில் 08.09.2019 -அன்று புதிதாக நூதன பிரதோஷ நாயகரை எழுந்தருளச் செய்துள்ளனர். நித்ய பூஜை ஒருகால பூஜையாகவும், பிரதோஷ வழிபாடும் நடைபெற்று வருகிறது. பாழடைந்த இத்திருக்கோயிலை சீரமைத்து குடமுழுக்கு நடத்த வேண்டுமென்று பக்தர்கள் மூலம் வேண்டுகோள் வைக்கப்படுகிறது.
 அமைவிடம்: சென்னை - அரக்கோணம் தொடர் வண்டி (ரயில்) மார்க்கத்தில் கடம்பத்தூரை அடுத்த செஞ்சி பானம்பாக்கம் ரயில் நிலையத்தில் இறங்கி பானம்பாக்கம் கைலாசநாதர் கோயிலை அடையலாம்.
 தொடர்புக்கு: 93828 72358/ 95972 46637.

அட்டமாசித்திகளாவன:   * அனிமா - வெண்மணம்புதூர் ஸ்ரீ அகத்தீசுவரர் திருக்கோயில் *  மஹிமா - புதுமாவிலங்கை ஸ்ரீ அகத்தீசுவரர் *  லகிமா - அகரம் ஸ்ரீ அகத்தீசுவரர்  * கரிமா - சத்தரை ஸ்ரீ வசிஷ்டேஷ்வரர் *  பிராப்தி- செஞ்சி பானம்பாக்கம் ஸ்ரீ சோளீஸ்வரர் *  வாசித்துவம் - செஞ்சி பானம்பாக்கம் ஸ்ரீ கைலாசநாதர் *  பிராகாம்யம் - சிற்றம்பாக்கம்  இஷ்ட சித்திலிங்கேஸ்வரர். *  ஈசத்துவம் - பேரம்பாக்கம் ஸ்ரீ அஷ்டசித்தி லிங்கேஸ்வரர்.
 - க.கிருஷ்ணகுமார்
 

]]>
https://images.dinamani.com/uploads/user/imagelibrary/2019/10/18/w600X390/vm2.jpg https://www.dinamani.com/weekly-supplements/vellimani/2019/oct/18/அட்டமா-சித்திகள்-அருளும்-கைலாசநாதர்-3256931.html
3256925 வார இதழ்கள் வெள்ளிமணி பட்டமங்கலம் குருபகவான் Friday, October 18, 2019 11:11 AM +0530 குரு பார்க்க கோடி நன்மை! அக்டோபர் 28 -ஆம் தேதி வாக்கியபடி குருப்பெயர்ச்சி! குருபகவான் விருச்சிக ராசியில் இருந்து அவரது சொந்த வீடான தனுசு ராசிக்கு பெயர்ச்சியாகிறார். குரு அருளாட்சி செய்யும் ஆலங்குடி, குருவித்துறை, தக்கோலம், பட்டமங்கலம், திருச்செந்தூர், பாடி போன்ற அனைத்து குரு தலங்களில் குருபெயர்ச்சி விழா நடைபெறும்.
 குரு தலங்களில் ஒன்று பட்டமங்கலம்! சிவகங்கை மாவட்டம் திருப்பத்தூரில் இருந்து சுமார் 7 கி.மீ. தொலைவில் உள்ளது பட்டமங்கலம். சகல சௌபாக்கியங்களும் அருளும் பட்டமங்கலம் அற்புத தலம். கார்த்திகை பெண்களின் சாபம் தீர்த்த தலமும் இதுவே!
 ஒருமுறை கயிலாயத்தில் குரு தட்சிணாமூர்த்தியாக, சனகாதி முனிவர்களுக்கு அஷ்டமா சித்திகளை போதித்தார் சிவபெருமான். இதைக்கண்ட கார்த்திகை பெண்கள், தாங்களும் சிவனாரிடம் அஷ்டமா சித்திகள் குறித்து உபதேசம் பெற விரும்பினர். அம்பா, துலா, நிதர்த்தளி, அப்ரகேந்தி, மேகேந்தி, வர்த்யேந்தி ஆகிய இந்த 6 கார்த்திகை பெண்களும் பணிவுடன் சிவனை வணங்கி, தங்களுக்கும் அஷ்டமா சித்திகளை அருள வேண்டினர். உமா தேவியிடம் பிரார்த்திக்குமாறு கூறினார் பரமன். ஆனால், அவர்களுக்கு அதில் விருப்பமில்லை. சிவனே தங்களுக்கு நேரடி உபதேசம் நல்க வேண்டும் என்று, உமையவளைத் தவிர்த்தனர்; சாபத்துக்கு ஆளாயினர். அழகான அந்தக் கதம்ப வனத்தில் ஆல மரத்தடியில் கல்லாகிப் போனார்கள்!
 கல்லானால் என்ன... மனம் முழுவதும் சிவ சிந்தையுடன் தவத்தில் ஈடுபட்டனர். காலங்கள் சென்றன. குரு வடிவாக அந்த மரத்தடிக்கு வந்த சிவனார், ஆலம் பழங்களால் மூடப்பட்டுக் கிடந்த கற்களின் அருகில் அமர்ந்தார். கற்கள் உயிர் பெற்றன. சுய உரு பெற்ற கார்த்திகைப் பெண்கள், சிவனாரை வணங்கினர். சாப விமோசனம் அளித்த ஈசனை வேண்டி, தங்களுக்கு அஷ்டமா சித்திகளையும் உபதேசித்து அருள வேண்டும் என்று வேண்டினர். அதன்படியே அந்த ஆல மரத்தடியில் கார்த்திகைப் பெண்களுக்கு அஷ்டமா சித்திகளை அருளினார் சிவனார்.
 இதையடுத்து உமையவளையும் வழிபட்டு மன்னிப்பு வேண்டினார்கள். அதுமட்டுமா? பரம்பொருளிடம் இன்னொரு விண்ணப்பத்தையும் வைத்தார்கள். இந்த இடத்திலேயே குடி கொண்டு, இங்கு வரும் பக்தர்களுக்கு வரம் தந்து அருள வேண்டும் என்று பிரார்த்தித்தனர். அப்படியே அருள்செய்தார் பரமனார்.
 இத்தலத்தில் அருள்மிகு மீனாட்சி சுந்தரேஸ்வரர் ஆலயம் கிழக்கு நோக்கி அமைந்துள்ளது. இங்கு அமர்ந்தருளும் குரு தட்சிணாமூர்த்தியும் கிழக்கு நோக்கி இருப்பது, இந்த ஆலயத்தின் விசேஷம் என்கின்றனர் பக்தர்கள்.
 பட்டமங்கலத்துக்கு வந்து, அஷ்டமா சித்தி குருபகவானையும் ஆலமரத்தையும் 108 முறை வலம் வந்து வணங்கினால் எண்ணற்ற பலன்கள் கைகூடும். பூப்படைதல் பிரச்னை, தீராத நோய் ஆகியன நீங்கும்; பிள்ளை பாக்கியம் கிடைக்கும்; திருமணத் தடை அகலும்; குழந்தைகள் கல்வியில் சிறந்து விளங்குவர் என்பது பக்தர்களது நம்பிக்கை.
 குருப்பெயர்ச்சிக்கு முதல் நாள், 108 கலசங்களைக் கொண்டு சிறப்பு பூஜைகளும், குருப்பெயர்ச்சி அன்று, அஷ்டமா சித்தி குருபகவானுக்கு 108 கலசாபிஷேகமும், சிறப்பு அலங்காரமும் நடைபெறும்.
 - அறந்தாங்கி சங்கர்
 

]]>
https://images.dinamani.com/uploads/user/imagelibrary/2019/10/18/w600X390/vm1.jpg https://www.dinamani.com/weekly-supplements/vellimani/2019/oct/18/பட்டமங்கலம்-குருபகவான்-3256925.html
3256929 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர்(18-10-2019) Friday, October 18, 2019 11:10 AM +0530 * நாம் முதலில் பெரிய மகான்களின் வழிபாட்டைக் கொண்டு வர வேண்டும். அழியாத உண்மைகளைக் கண்டறிந்த அந்த மகான்களின் வாழ்க்கையை, நாம் மக்கள் பின்பற்றுவதற்கான லட்சியங்களாக வழங்கவேண்டும். இந்தியாவிலுள்ள ஸ்ரீ ராமர், ஸ்ரீ கிருஷ்ணர், ஸ்ரீ ஆஞ்சநேயர், ஸ்ரீ ராமகிருஷ்ணர் போன்றவர்கள் அத்தகையவர்கள்.
- சுவாமி விவேகானந்தர்
* எவனுடைய வாக்கும் மனமும் பரிசுத்தமானவையோ, அவை எப்பொழுதும் அடக்கிப் பாதுகாக்கப்பட்டவையோ, அவனே வேதாந்தத்தில் அடங்கிய பயன் அனைத்தையும் பெறுவான்.
- மனுஸ்மிருதி 
* ஒரு மனிதனுக்கு விதியால், எது உலகில் வகுக்கப்பட்டிருக்கிறதோ அதுதான் அவனை நாடி வரும். விதி பூர்வகர்மத்தால் விளையும் பயனையே அளிக்கிறது.
- பர்துருஹரியின் நீதி சதகம்
* பேதபுத்தியுள்ள எவன் பாவத்தைப் போக்கிக் கொள்ளும் கருத்துடனோ, பகவதர்ப்பண புத்தியுடனோ, "இறைவனைப் பூஜிக்க வேண்டியது கடமை' என்ற நோக்கத்துடனோ பக்தி செய்கிறானோ அவன் சாத்விககுணம் உள்ளவன்.
* பேதபுத்தியுள்ள எவன் விஷய சுகங்களையோ புகழையோ ஐசுவரியத்தையோ முன்னிட்டுக் கொண்டு விக்கிரகங்களில் என்னைப் பூஜிக்கிறானோ அவன் ரஜோகுணம் உள்ளவன்.
* முன்கோபமும் பேதபுத்தியும் உள்ள எவன் இம்சையையோ டம்பத்தையோ பொறாமையையோ முன்னிட்டுக் கொண்டு என்னை வழிபடுகிறானோ அவன் தமோகுணம் உள்ளவன்.
- பாகவதத்தில் கபிலர் தன் தாயாகிய தேவஹுதிக்குக் கூறிய பக்தியோகம்
* தூயமனம் உள்ள ஒருவன் இறைவன் நாமத்தை ஜபம் செய்யும்போது, அந்த நாமம் அவனுக்குள்ளிருந்து தானாகவே குமிழியிட்டுக் கிளம்புவதை உணர்கிறான். ஒவ்வொருவரும் குறிப்பிட்ட நேரத்தில் ஜபமும் தியானமும் செய்வதற்குப் பயிற்சி செய்ய வேண்டும். 
- ஸ்ரீ சாரதாதேவியார்
* பிரம்மத்தின் உண்மையான சொரூபத்தை அனுபூதியில் உணர்ந்துகொண்டவர் குரு. அவர் சுவை நிரம்பிய ஞானப்பழத்தையும் குளிர்ந்த நிழலையும் தரக்கூடிய இனிய மரம் போன்றவர். அந்த மரத்திலிருந்து ஆத்மஞானத்தை பெற விரும்புபவர்கள் அனைவரும் ஒவ்வொரு நாளும் இனிய நலன்களைப் பெற்றுக்கொள்ள வேண்டும். 
- வசிஷ்டர் (யோகவாஷிட்ட சாரம்) 
* பிறருடைய தவறுகளையாவது, அவர்கள் செய்தோ செய்யாமலோ உள்ள பாவங்களையாவது, சான்றோர்கள் கவனிக்காமல் தங்கள் சொந்தக் குற்றமுள்ள செயல்களையும் அஜாக்கிரதைகளையும் கவனித்தல் வேண்டும்.
- புத்தர்
* மனிதன் அஞ்ஞானத்தால் கட்டுண்டு கிடப்பதே பந்தம் எனப்படும். அதை விலக்கி அவன் ஆத்மாவை அனுபூதியில் உணரும்போது பூரண சுதந்திரத்தை அடைகிறான். 
- ஸ்ரீ கிருஷ்ணன்
* புலனின்பங்கள், விஷம் என்று சொல்லக்கூடிய அனைத்தையும்விட கொடிய நஞ்சு போன்றவை. சாதாரண விஷம் ஒரு பிறவியைச் சார்ந்த உடலை மட்டும்தான் அழிக்கிறது. ஆனால் புலனின்பமாகிய விஷமோ, எண்ணற்ற பிறவிதோறும் தொடர்ந்து வந்து மனிதனுக்குக் கேடு விளைவிக்கிறது.
- ஸ்ரீ ராமபிரான்
* அகிம்சை மனித இனத்தின் நியதியாகும். அது மனித வாழ்க்கையின் நியதியும்கூட அகிம்சை என்பதில் மற்ற எல்லா நற்குணங்களும் அடங்கிவிடுகின்றன. 
- மகாபாரதம்

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/oct/18/பொன்மொழிகள்-தொகுப்பு-சுவாமி-கமலாத்மானந்தர்18-10-2019-3256929.html
3252040 வார இதழ்கள் வெள்ளிமணி கவலைகள் நீக்கும் கல்யாண ஸ்ரீநிவாசர்! DIN DIN Friday, October 11, 2019 06:12 PM +0530 துவாபர யுகத்தில் பெருமாள் உலக உயிர்களுக்கு காட்சி தர வேண்டி ரிஷிகளும் முனிவர்களும் தவத்தொடு யாகமும் நடத்த முடிவெடுத்தார்கள். யாகத்தில் கலந்து கொள்ள அனைவரும் அழைக்கப்பட்டனர். பக்தர்களும் மற்றவர்களும் கலந்து கொண்ட இந்த யாகம் துவங்கும் முன்பே அங்கு பதுங்கியிருந்த திண்டாசூரன் என்னும் அசுரன் யாகத்தை நடத்தினால் தனக்கு அல்லல் வரும் என நினைத்து தடுக்க முடிவு செய்தான். அவன் போர் புரியும் முன்பு சிறு கல்லாகத் தோன்றுவான். பின்னர் பெரிய மலையாக உருவாகி மளமளவென வளர்ந்து அனைவரையும் அழிப்பான்.
இம்முறை, அனைவரும் பெருமாளிடம் உதவி புரிய வேண்டினர். தீயதை அழித்து நல்லது நடக்க வேண்டிய நேரமாதலால் பெருமாளும் அங்கு தோன்றி விஸ்வரூப கருடனில் எழுந்தருளி, மலையாய் உயர்ந்து பயமுறுத்திக் கொண்டிருந்த அசுரனைக் காட்டிலும் பெரிய உருக்கொண்டு மலையின் உச்சியில் கால் வைத்து அழுத்தி அவனை பூமிக்குள் அனுப்பினார். ஆனாலும் தணியாத கோபம் எரிமலையாய் சீற, மகாலட்சுமி நேரில் தோன்றி அவரது கோபத்தை தணித்து சாந்தப்படுத்தினார். பின்பு இங்கு தனித்தனி சந்நிதிகளில் எழுந்தருளினார்கள்.
மேலும், பக்தர்களின் வேண்டுதலுக்கு செவிசாய்த்து ஸ்ரீதேவி -பூதேவியுடன் கல்யாணக் கோல ஸ்ரீநிவாசராக திண்டுக்கல் மலைஅடிவாரத்தில் நெல்லி மரத்தடியில் காட்சி கொடுத்து கோயில் கொண்டார்.
சஞ்சீவி மூலிகையை எடுத்து வர சென்ற அனுமன் சஞ்சீவி மலையோடு திரும்பும் வழியில் பண்டாசுரன் என்ற அசுரன் அனுமனை தடுத்து நிறுத்தி போர் செய்தான். அந்தப் போரில் ஆஞ்சநேயரின் கையிலிருந்த சஞ்சீவி மலையின் ஒரு துண்டு கீழே விழுந்தது. அந்த பாறை பகுதியை அந்த இடத்திலேயே விட்டுவிட்டு அனுமன் தன் பயணத்தைத் தொடர்ந்தான். பாறையான அந்தமலைத்துண்டு, திண்டுமலை என அழைக்கப்பட்டு, பின்னர் கல்மலையாக இருந்ததால் திண்டுக்கல் என மருவி வழங்கத் தொடங்கியது.
திருமால் குடிகொண்ட திண்டுக்கல் ஸ்ரீநிவாசப் பெருமாள் கோயில் தாலுகா அலுவலக மெயின் ரோட்டில் அமைந்துள்ளது. திண்டுக்கல் பேருந்து நிலையத்தில் இருந்து 5 கி. மீ. தொலைவிலும் ரயில் நிலையத்தில் இருந்து 7 கி.மீ. தொலைவிலும் மலையடிவாரத்தில் கோயில் அமைந்துள்ளது. இத் திருக்கோயிலின் நுழைவு வாயிலில் சந்நிதியை எதிர்நோக்கி சுதையால் செய்யப்பட்ட பெரிய சுமார் 20 அடிக்கும் உயரமான விஸ்வரூப கருடாழ்வார் இருகைகூப்பி பெருமாளை வணங்கி நிற்கிறார். மூலவர் ஸ்ரீநிவாசப்பெருமாள் எனவும் உற்சவர் ஸ்ரீகல்யாண ஸ்ரீநிவாசர் எனவும் அழைக்கப்படுகிறார்.
அலர்மேல்மங்கைத் தாயார் தனிக்கோயில் தாயாராக படிதாண்டா பத்தினியாக எழுந்தருளியுள்ளார். இத்திருக்கோயிலின் தல விருட்சம் நெல்லி மரம் ஆகும். தீர்த்தம் சூரிய தீர்த்தம் எனப்படுகிறது. இறைவன் பத்ம விமானத்தின் கீழ் கிழக்கு நோக்கி அருள்பாலிக்கிறார். அருள்மிகு தாமோதர விநாயகர், ஸ்ரீ நவநீத கிருஷ்ணன், நவகிரகங்கள், ஆஞ்சநேயர், நம்மாழ்வார், திருமங்கையாழ்வார், ராமானுஜர், ஆண்டாள் ஆகியோர் அருள்கின்றனர். அபயவரத ஆஞ்சநேயர் தனி சந்நிதியில் நின்ற கோலத்தில் சேவை சாதிக்கிறார். இவர் கிரக தோஷங்களை நீக்கி சுகம் அளிக்கக்கூடிய சக்தி படைத்தவர். தனி சந்நிதியில் அமைந்துள்ள சக்கரத்தாழ்வாரைச் சுற்றிலும் திருமாலின் தசாவதாரங்களும் பின்புறம் நான்கு கரங்களிலும் சக்கரம் ஏந்தி நரசிம்மர் அருள்கிறார். நரசிம்மரைச் சுற்றி அஷ்டலட்சுமிகள் எழுந்தருளியிருக்கின்றனர்.
உற்சவர் கல்யாண ஸ்ரீநிவாசன் என்ற திருநாமத்தோடு எழுந்தருளியிருப்பதால் இத்திருக்கோயில் திருமணங்கள் நடைபெறும் தலமாக உள்ளது. திருமணத்தடை நீங்க, கல்யாண ஸ்ரீநிவாசனுக்கு திருக்கல்யாணம் செய்து வைக்கும் திருக்கோயிலாகும். மாங்கல்யம் மற்றும் பித்ரு தோஷ நிவர்த்திக்கு சுவாமிக்கு நெல்லி இலைகளால் அர்ச்சனை செய்து வழிபடுகிறார்கள்.
இத்திருக்கோயிலில் பிரார்த்தனைத் திருக்கல்யாணம் மட்டுமல்லாமல் வருடத்தில் பிரம்மோற்சவம், வசந்தோற்சவம் , பங்குனி உத்திரம், வைகாசி, பவித்ரோத்ஸவம் ஆகிய நாள்களில் திருக்கல்யாணம் நடைபெறுகிறது. புரட்டாசி மாதம் 5 சனிக்கிழமைகள் முக்கியமான நாள்களாகும். புரட்டாசியில் கல்யாண ஸ்ரீநிவாசரிடம் வேண்டிக் கொண்டால் உடனே பலிக்கும் என்பது ஐதீகம்! வாரத்தில் புதன், சனிக்கிழமைகள், அமாவாசை, பெளர்ணமி ஆகியவை முக்கிய தினங்களாகும்.
தொடர்புக்கு: 99443 06744 /
99652 54227.
- இரா.இரகுநாதன்

 

]]>
https://images.dinamani.com/uploads/user/imagelibrary/2019/10/11/w600X390/srinivasar.jpg https://www.dinamani.com/weekly-supplements/vellimani/2019/oct/11/கவலைகள்-நீக்கும்-கல்யாண-ஸ்ரீநிவாசர்-3252040.html
3252039 வார இதழ்கள் வெள்ளிமணி தோஷங்கள் நீக்கி அருள்புரியும் அர்ச்சுனேஸ்வரர்! DIN DIN Friday, October 11, 2019 06:09 PM +0530 புராணச்சிறப்பு:
 சேர, சோழ, பாண்டிய நாடுகளைப் போலவே கொங்குநாடும் தனிப்பட்ட சிறப்புடையதாகும். அக்காலத்தில் கொங்குநாடு மூன்று பெரும் பிரிவுகளாக வகுக்கப்பட்டிருந்தது. அதாவது மேல்கொங்கு, வடகொங்கு, தென் கொங்கு என்பன. பழனி, திருவாவினங்குடி, திருமூர்த்திமலை முதலிய சிறந்த தலங்கள் தென் கொங்கில் உள்ளவையே. அமராவதி நதிக்கரையோரம் கொழுமம் முதல் கரூர் வரை 11சிவாலயங்கள் அமைந்துள்ளன. அவற்றில் உடுமலை வட்டத்தில் ஏழு சிவாலயங்கள் உள்ளன. அவ்வகையில் கடத்தூர் அர்ச்சுனேஸ்வரர் கோயில் மூர்த்திப் பெருமையும், தீர்த்தப் பெருமையும், அதனால் தலப்பெருமையும் உடையது.
 கடத்தூர் என்ற பெயர் சில தகவல்களை பின்னணியாக கொண்டுள்ளது. பஞ்ச பாண்டவர்கள் தங்களது வனவாச காலத்தில் இங்கு வந்து மறைந்து வாழ்ந்து வந்ததாகவும், அவர்களைக் கண்டுப்பிடிக்கவும் இந்த ஊரில் உள்ள மாடுகளை கடத்திச் சென்று ஆற்றின் மறுகரையில் அடைத்து வைத்ததாகவும், அதனால் அந்த இடம் காரைத்தொழுவு என்றும் மாடுகளை கடத்திய இடம் பின்னால் கடத்தூர் என அழைக்கப்பட்டதாகவும் தகவல்கள் கூறுகின்றன.
 பண்டைக்காலத்தில் அடுத்த நாட்டுடன் போருக்கு சென்று திரும்பும்போது கால்நடைகளை கவர்ந்து செல்வதுண்டு கடத்தூர் அருகில் படை வீடுகளும், கோட்டையும் இருந்துள்ளது. எனவே பகையரசன் ஒருவன் மன்னரின் பட்டிமாடுகளையும், கால்நடைகளையும் கடத்திச் சென்று காரைத்தொழுவு என்ற ஊரில் வைத்திருக்கலாம் என்று ஓரு தகவல் கூறுகிறது. இது ஓரு தகவலாக இருந்தாலும் மறுபுறம் கல்வெட்டுச் செய்தி ஒன்றில் இவ்வூர் இராசராச நல்லூர் என அழைக்கப்படுகிறது. இங்குள்ள இறைவனுக்கு ஆளுடையார் திருமருதுடையார், மருதீசர், மருந்தீசர் என்ற திருநாமங்களும் உண்டு. இது போன்ற பல திருநாமங்கள் இருந்தாலும் அர்ச்சுனேஸ்வரர் என்றுதான் அழைக்கப்படுகிறார்.
 அதிகாலையில் சூரிய பகவான் இவ்விறைவனை வழிபட அமராவதி ஆற்று நீரில் மூழ்கி எழுந்து தன் கிரணங்களை மாசு மறுவற்ற சோதி பிழம்பாய், அருட்பெரும் சோதியாய், சுயம்பாய் ஒளிரும் அர்ச்சுனேஸ்வரர் மீது செலுத்தி பிரதிபலிப்பதால் இவ்விறைவனை வழிபடுவோர்க்கு நிழல் கிரகங்களான ராகு, கேதுவின் தோஷங்கள் மற்றும் கால சர்ப்ப தோஷமும் நீங்கப்பெறும். சுயம்புலிங்கம் எனும் உத்ரபாகம் இரண்டறை அடி கொண்டது. விஷ்ணுபாகம் பிரம்மபாகம் எனும் ஆவுடையார் 3 அடி உயரமும், 16 அடி சுற்றளவும் கொண்ட வடிவிலானது என்பது குறிப்பிடத்தக்கது.
 கோமதி அம்மன்:

 கோமதி என்பதற்கு தன்னொளியுடைய அழகிய சந்திரனின் முகத்தையுடையவள் என்று பொருள். இத்திருக்கோயில் கல்வெட்டு திருக்காமக் கோட்டத்து மங்கையர்க்கரசி நாச்சியார் எனக் குறிப்பிடப்படுகின்றது. கோமதியம்மன் நின்ற கோலத்தில் நான்கு அடி உயர திருமேனி கொண்டு, இரண்டு திருக்கரங்களுடன் தனிக்கோட்டத்தில் தனி சந்நிதி கொண்டு, தனித் திருச்சுற்று, திருமதில், வாயில் சுதந்திரதேவியாக இருந்து அருள்பாலிக்கின்றாள். சிவன் ஆலயத்திற்கு இடது பக்கம் அம்மன் கோயில் அமைவது மரபு, ஆனால் இங்கு வலது பக்கம் அம்மன் ஆலயம் அமைந்துள்ளது.
 அம்மன் சந்நிதிக்கு அருகில் இடது பாகம் பூத்துக்குலுங்கும் அரளிச் செடியோடு ஒரு புற்றுலிங்கம் இருக்கிறது. இது 300 ஆண்டுகளுக்கு மேலாக உள்ளது என்று சொல்லப்படுகிறது. இந்த புற்றுலிங்கத்திற்கு பெண்கள் தங்களுடைய நேர்த்திக்கடன்களை வைத்து பலன்அடைகின்றனர்.
 கட்டட அமைப்பு:
 சிவன் சந்நிதியும், அம்மன் சந்நிதியும் கிழக்கு பார்த்தவாறு உள்ளது. சிவன் சந்நிதி முற்றத்தில் கிழக்கு குடவரையுடன் கூடிய அழகிய 3 நிலை ராஜகோபுரம் அமைந்துள்ளது. நான்கு மண்டபங்கள் எழிலுற அமைக்கப்பட்டுள்ளன.
 சிவன் சந்நிதி முன்பு நந்தி மண்டபம் உள்ளது. மகா மண்டபத்தில் உட்புறம் வடபாகத்தில் சுரங்கம் ஒன்று உள்ளது. இந்த சுரங்கம் கிழக்கே ஆற்றைக் கடந்து தாராபுரம் செல்வதாக கூறப்படுகிறது. சூரியனின் திசை மாறும் காலங்களாக உத்திராயணம், தட்சிணாயணம் எனும் இரு காலங்களிலும் கோயில் மண்டபத்தில் சூரிய ஒளிபடும் வகையில் கட்டப்பட்டுள்ளது.
 அம்மன் சந்நிதி முற்றத்தில் அழகிய விமானத்துடன் கூடிய அதிகார நந்தி வீற்றிருக்கிறார். கிழக்கு வாயிலில் குடவரையுடன் கூடிய தாங்கு மண்டபத்தின் மேல் தளத்தில் மீனாட்சி சுந்தரேஸ்வரர் திருமணக்காட்சி நன்கு அமைந்துள்ளது. திருக்கோயில் திருச்சுற்றில் வலம்புரி விநாயகர், முருகன், வள்ளி, தெய்வானை, பைரவர் சந்நிதிகள் அமைந்துள்ளன. சுவாமி சந்நிதியின் கருவறையின் தெற்கு தேவகோட்டத்தில் தென்திசைக் கடவுளான தட்சிணாமூர்த்தியின் திருமேனி வெள்ளைப் பளிங்குக் கல்லால் ஆனது. இது காசியிலிருந்து கொண்டு வரப்பட்டதாகக் கூறுகின்றனர்.
 வழித்தடம்:
 உடுமலைப்பேட்டையில் இருந்து நகரப்பேருந்துகளில் கடத்தூர் பேருந்து நிறுத்தம் சென்று, அங்கிருந்து 1 கி.மீ. தொலைவில் கோயில் அமைந்துள்ளது.
 தொடர்புக்கு: 86086 03279/ 97151 34275.
 - பொ.ஜெயச்சந்திரன்
 

]]>
https://images.dinamani.com/uploads/user/imagelibrary/2019/10/11/w600X390/vm5.jpg https://www.dinamani.com/weekly-supplements/vellimani/2019/oct/11/தோஷங்கள்-நீக்கி-அருள்புரியும்-அர்ச்சுனேஸ்வரர்-3252039.html
3252037 வார இதழ்கள் வெள்ளிமணி பொருநை போற்றுதும்! 62 - டாக்டர் சுதா சேஷய்யன் DIN DIN Friday, October 11, 2019 06:07 PM +0530 பத்மகுளத்தில் சில காலம் தங்கியிருந்த மன்னன் குடும்பம், குடும்ப வாரிசு நலம் பெற்ற பின்னர், காசி நாட்டை அடைந்தது. பேரரசி விசாகி புகழாட்சி நடத்தினாள். இருள் சூழ்ந்த உள்ளத்திற்கு ஒளிகூட்டும் மாணிக்கமாகவும், பூமியில் மானுடச் சந்ததிகள் தழைத்து ஓங்கும் வகையில் பொலியத் தோன்றினார் என்பதாலும், பகவானுக்கு "தேசமாணிக்கம்' என்னும் திருநாமம் தோன்றியது.
 சுற்றுப் பிரகாரங்களும் மண்டபங்களும் கொண்ட இத்திருக்கோயிலில், மூலவரான தேசமாணிக்கப் பெருமாள், நின்ற திருக்கோலத்தில், ஸ்ரீதேவி, பூதேவியும் இருபுறம் நிற்க, சங்கு, சக்கரம், கோதண்டம் ஆகியவற்றோடு அபய ஹஸ்தம் தாங்கி சேவை சாதிக்கிறார். உற்சவர், ஸ்ரீதேவி பூதேவி உடனாய ஸ்ரீநிவாசர். தாயார் இருவருக்கும், இங்கு "நம்பிக்கை நாச்சியார்கள்' என்னும் சிறப்புத் திருநாமம் நிலவுகிறது.
 மன்னனுக்கு சுவாமி உரைத்ததைக் கொண்டு, பிள்ளை உண்டாதலின் பல்வேறு நிலைகள் குறித்தும் மகப்பேறு குறித்தும் சிற்பங்கள் அமைக்கப்பட்டனவாம். திருமணத் தடை, மகப்பேறு தடை, திருமண முறிவு போன்ற துன்பங்கள் பீடிக்கப்பட்டோர், ஆவணி துவிதியை விரதம், புரட்டாசி அஷ்டமி மற்றும் ரோகிணி நாள்களில் விரதங்கள், ஏகாதசி விரதங்கள் ஆகியவற்றை மேற்கொண்டு தேசமாணிக்கனாரை தரிசித்தால், துன்பங்கள் நீங்கும்.
 சிருஷ்டிகர்த்தாவின் பிரதேசமாக இவ்வூர் கருதப்பட்டதாலேயே பத்மவனம் என்ற பெயரும், உத்யான வனம் போன்ற பெயர்கள் ஏற்பட்டிருக்கக்கூடும்.
 பொதுவாகவே, பொருநையின் தென்கரைக்கும் மனிதப் பிறப்புக்கும் அணுக்கம் இருந்திருக்கவேண்டும். அடிக்கடி கருச்சிதைவுக்கு உள்ளானவர்களும், குழந்தைகளைப் பறிகொடுத்தவர்களும், பிள்ளை தக்கவேண்டுமென்றால், தென்கரை ஊர்களான வீரவநல்லூர், ஹரிகேசநல்லூர், தேசமாணிக்கம் போன்ற பகுதிகளுக்குத் தங்கள் ஜாகைகளை மாற்றிக் கொண்டது, சுமார் 150 ஆண்டுகளுக்கு முன்புவரை வழக்கமாக இருந்திருக்கிறது. வனம், நல்லூர் போன்ற சொற்கள் காணாமல் போய், பெருமாளின் பெயரே ஊருக்கும் நிலைத்துவிட்டது.
 கோயில்கள் நிறைந்த கரிசூழ்ந்த மங்கலம்
 தேசமாணிக்கத்திற்கு மேற்காகவும், சேரன் மாதேவி மற்றும் பத்தமடைக்குக் கிழக்கு வடகிழக்காகவும் இருக்கிறது கரி சூழ்ந்த மங்கலம். கலிஜய மங்கலம், கலிசீய மங்கலம், கலிசேகர மங்கலம், குலசேகர மங்கலம் என்றெல்லாம் கல்வெட்டுகளில் பலவிதமாகக் குறிக்கப்பட்டுள்ள சிற்றூர். அருள்மிகு சுந்தராம்பிகை உடனாய சுந்தரேச்வரர் திருகோயில், அருள்மிகு காளத்திநாதர் திருக்கோயில், அருள்மிகு சுதர்சன நரசிம்மர் திருக்கோயில், அருள்மிகு அச்சம் தீர்த்த விநாயகர் திருக்கோயில் என்று நிறைய கோயில்களைக் கொண்ட புனிதப் பதி. சொல்லப்போனால், சுற்றிலும் ஏராளமான விநாயகர் கோயில்கள் இருப்பதாலேயே இவ்வூருக்குக் "கரி சூழ்ந்த மங்கலம்' (கரி=யானை, விநாயகர்) பெயர் வந்ததாக உள்ளூர்க்காரர்கள் நம்பிக்கை!
 (தொடரும்...)
 
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/oct/11/பொருநை-போற்றுதும்-62---டாக்டர்-சுதா-சேஷய்யன்-3252037.html
3252035 வார இதழ்கள் வெள்ளிமணி நன்றி நவிலும் நிறைபணி DIN DIN Friday, October 11, 2019 06:04 PM +0530 நவதானியங்களில் மனித உடலுக்குத் தேவையான அனைத்து ஆற்றலையும் பெருக்கித்தரக்கூடிய சக்தி அடங்கியுள்ளது. இவை அனைத்தும் விவசாயியின் விளைநிலங்களில் பயிரிடப்பட்டு அறுவடை செய்து பக்குவமாக மக்களுக்கு சென்றடைகிறது. நம் இந்திய திருநாட்டின் வீடுகளில் நவதானியமின்றி சமையல் சாப்பாடு கிடையாது. இதன் மேன்மையை வரும் சந்ததியினர் தெரிந்து கொள்ளும் வகையில்; நம் முன்னோர்கள் பல பாரம்பரிய விழாக்கள் செய்து வந்தனர் அதில் நவராத்திரியும் முக்கியமான திருவிழாவாகும்.
 நவராத்திரி கொண்டாடப்படும் புரட்டாசி மாதத்தில் மழை பெய்து தட்ப வெப்பநிலை காரணமாக நம் உடல்நிலை மந்தமாக இருக்கும். இதனை கருத்தில் கொண்டு மந்தகதியை சரிசெய்ய; காவிரி பாய்ந்தோடும் தஞ்சைத்தரணி வாழ் மக்கள், இந்த நவதானியத்தில் சுண்டலை செய்து தானும் உண்டு அனைவருக்கும் கொடுத்து மகிழ்ந்தனர்.
 இதன் தொடர்ச்சியாக, ஊர்மக்கள் கூடுமிடமான, மாமன்னர்களால் கட்டப்பட்ட கலைக்கோயில்களுக்கு தினமும் சென்று வணங்கும் பழக்கத்தை ஊக்குவிக்கும் வகையில் கோயிலிலும் கொலு வைக்கும் பழக்கம் உருவானது. அந்த கொலுவில் ஒழுக்கத்தையும், தர்மசிந்தனையையும் தூண்டும் நள-தமயந்தி, சத்யவான்-சாவித்திரி, தேவாசுரர்கள் அமிர்தம் கடைந்தவிதம், ராமாயண, மகாபாரத இதிகாச புராணங்களில் வரும் பிம்பங்களை கொலுவில் வைத்து பொதுவில் மக்களின் நல்லசிந்தனைக்கு வித்திட்டனர். பத்தாம் நாள் விஜயதசமியன்று நற்காரியங்கள் செய்தால் நன்மையே நடைபெறும் என்ற செய்தியைக் கூறி, அன்றைய தினம் அடுத்த தலைமுறை படிக்கும் பழக்கத்தை ஆரம்பிக்கும் நாளாக தேர்ந்தெடுத்து கொண்டாடி மகிழ்கின்றனர்.
 இப்படி கொண்டாடப்படும் நவராத்திரி விழா நடக்கும் இடமான காவிரி பாயும் டெல்டா மாவட்டங்களில் விளையும் காய்கறிகளான, மருத்துவ குணம் அதிகமுள்ள வாழை, வெண்டை, கத்திரி, புடலை, பூசணி, பரங்கி, சுரைக்காய், பீர்க்கங்காய் போன்றவற்றைத் தந்தருளிய இறைவனுக்கு நன்றி பாராட்டும் விழாவினை இந்த நவராத்திரி முடிந்தபின் அடுத்து வரும் பெளர்ணமி நாளில் "நிறைபணி' என்ற உற்சவம் கொண்டாடி வருகின்றனர்.
 அநேகமாக தஞ்சை மாவட்ட அனைத்துக் கோயில்களிலும் செய்து வந்த இந்த உற்சவம் தற்போது நின்றுபோய்; திருவையாறு ஐயாரப்பன் கோயில், திருவாரூர் தியாகராஜர் கோயில், வேதாரண்யம் வேதபுரீஸ்வரர் கோயில்களில் மட்டுமே நடைபெறுகிறது.
 மக்களுக்கு இறைவன் தந்த இந்த கொடையை அவனுக்கு தன் விளைநிலங்களிலிருந்து கொண்டுவரப்படும் காய்கறிகளால் மாலையில் சுவாமி சந்நிதிகளில் அலங்கரித்து இரவு அர்த்தஜாமம் முடிந்தபின் அதனை அனைவருக்கும் பிரசாதமாக கொடுக்கிறார்கள். அதனை நம் வீட்டிற்கு எடுத்துச்சென்று நம் சமையலில் கலந்து உண்டு மகிழ்ந்தால் அந்த மகிழ்ச்சி நம் வாழ்நாளில் தொடரும் என்பது ஐதீகம். விட்டுப்போன ஆலயங்களில் இந்த விழா மீண்டும் தொடருமானால் இயற்கை வளம் பெருகி, மக்களின் வாழ்வு வளம்பெறும்.
 இந்த ஆண்டு, அக்டோபர் 13 -ஆம் தேதி, ஞாயிற்றுக்கிழமை, நவதானியங்களையும், காய்கறிகளையும் நமக்கு தந்தருளிய அந்த இறைவனுக்கு நாம் நன்றி கூறும் நிறைபணிவிழா நடைபெறுகிறது.
 - எஸ். எஸ். சீதாராமன்
 
 
 
 

]]>
https://images.dinamani.com/uploads/user/imagelibrary/2019/10/11/w600X390/vm4.jpg https://www.dinamani.com/weekly-supplements/vellimani/2019/oct/11/நன்றி-நவிலும்-நிறைபணி-3252035.html
3252034 வார இதழ்கள் வெள்ளிமணி புண்ணிய பூமியில் புனிதப் பயணம் 29 DIN DIN Friday, October 11, 2019 06:03 PM +0530 இயேசுவால் சபிக்கப்பட்ட பட்டணங்கள்:
 இயேசு கிறிஸ்து தன்னுடைய ஊழிய நாட்களில் அதிக நேரம் செலவிட்டது கலிலேயா கடக்கரையை சுற்றிலும் தான். கலிலேயா கடலையும் அதை சுற்றி இருந்த பட்டணங்களிலும் அதிக நாள்கள் ஊழியம் செய்ததாக விவிலியம் கூறுகிறது.
 இதில் கோராசின், பெத்சாயிதா மற்றும் கப்பர்நகூம் ஆகிய பட்டணத்தார் மனம் திரும்பாமல் தங்கள் இருதயத்தை கடினப்படித்தின நிமித்தம் இயேசு கிறிஸ்து அவர்களை கடிந்து கொண்டார்.
 மத்தேயு 11: 21-இன்படி "கோராசினே! உனக்கு ஐயோ, பெத்சாயிதாவே! உனக்கு ஐயோ, உங்களில் செய்யப்பட்ட பலத்த செய்கைகள் தீருவிலும் சீதோனிலும் செய்யப்பட்டிருந்ததானால், அப்பொழுதே இரட்டுடுத்திச் சாம்பலில் உட்கார்ந்து மனந்திரும்பியிருப்பார்கள்'. அதேபோல, மத்தேயு 11: 23- இன்படி, "வானபரியந்தம் உயர்த்தப்பட்ட கப்பர்நகூமே, நீ பாதாள பரியந்தம் தாழ்த்தப்
 படுவாய்; உன்னில் செய்யப்பட்ட பலத்த செய்கைகள் சோதோமிலே செய்யப்பட்டிருந்ததானால், அது இந்நாள் வரைக்கும் நிலைத்திருக்கும்'.
 இயேசு கிறிஸ்து கடிந்து கொண்ட பட்டணங்கள் இன்று வெறும் கற்குவியல்களாக கிடக்கின்றன. அங்கு ஒருவர் கூட வசிக்கவில்லை. ஆனால் அங்கு இருந்த திபேரியா என்ற பட்டணத்தை இயேசு கிறிஸ்து ஒன்றும் சொல்லவில்லை. அந்த பட்டணம் இன்று செழிப்பாக உள்ளது.
 கப்பர்நகூம்:
 விவிலியத்தின்படி, இயேசுகிறிஸ்து பெத்லஹேமில் பிறந்தார். நாசரேத் -இல் வளர்ந்தார். எனினும் நாசரேத் ஊரில் அவரது ஊழியத்தை தொடங்கியபோது மக்கள் அவரை ஏற்றுக்கொள்ளவில்லை. ஒரு தீர்க்கதரிசிக்குத் தன் சொந்த ஊரிலே மதிப்பு இல்லை என்று இயேசு தாமே சொல்லியிருந்தார். ஆனாலும் கப்பர்நகூம் அவரது பணிக்கு ஒரு மத்திய பகுதியாக அமைந்தது. அதோடு இந்த பட்டணத்தில் மக்கள் தொகையும் அதிகமாக காணப்பட்டது.
 பாபிலோனிய சிறையிருப்பிலிருந்து மீண்டு வந்த யூதர்களால் கப்பர்நகூம் உருவாக்கப்பட்டது. மீன்பிடி மையமாகவும் இப்பகுதி காணப்பட்டது. கலாசார முக்கியத்துவம் வாய்ந்த பகுதியாகவும் கப்பர்நகூம் இருந்தது. வேதாகம காலப்பகுதியில் ரோம வரி வசூலிக்கும் மையமாகவும் இது காணப்பட்டது. மலைப்பிரசங்க இடத்தில் இருந்து அரை கி.மீ. தூரத்தில் தான் கப்பர்நகூம் உள்ளது. கப்பர் என்றால் எபிரேய மொழியில் கிராமம் என்று அர்த்தம், நகூம் என்பது ஒருவரின் பெயர்.
 இயேசு கிறிஸ்து கப்பர்நகூமில் அநேக அற்புதங்களை செய்தார் என்று விவிலியம் கூறுகிறது. நூற்றுக்கு அதிபதியின் வேலைக்காரன் சொஸ்தமானது, திமிர்வாதக்காரன் குணமாகுதல் ஆகிய அற்புதங்கள் இங்கு தான் நடைபெற்றன. இப்பகுதியில் தான் கலிலேயா கடலிலே மீன்பிடிக்கும் சீமோன், யாக்கோபு, யோவான், அந்திரேயா போன்றவர்களை தன்னை பின்பற்றும்படி இயேசு கேட்டுக்கொண்டதோடு, அவர்களை சீடருமாய் மாற்றினார். வரிவசூலிக்கும் மத்தேயுவும் கப்பர்நகூமில்தான் இயேசுவை ஏற்றுக்கொண்டு அவரை பின்தொடர்ந்தார். இவ்வாறான பல காரணங்களால் கப்பர்நகூம் ஒரு முக்கிய இடமாக வேதாகமத்தில் குறிப்பிடப்படுகிறது.
 ஆனாலும் இயேசுவின் போதனைகளை இம் மக்கள் ஏற்றுக்கொள்ளாததால் சாபத்திற்கும் உள்ளாகிறது. இந்த இடம் இப்போது அழிந்து போன நிலையில் காணப்படுகிறது. பழங்கால கட்டடங்கள் சிதிலடைந்து காணப்படுகின்றன. இங்கு இயேசுவின் சீடரான பேதுருவின் மாமியார் வீட்டை காணலாம். திமிர்வாதகாரனை கூரையை பிய்த்துக்கொண்டு வீட்டுக்குள் இறக்கிய இடமும் இது தான். இங்கு ஒரு சிற்றாலயம் (சினாகாக்) கட்டப்பட்டுள்ளது. இயேசு தனது 33 வயது வரை இந்த கிராமத்தில் இருந்ததாக கூறப்படுகிறது.
 தான் வாழ்ந்த நாசரேத்தில் இருந்து கப்பர்நகூமுக்கு வர அர்பேல் பள்ளதாக்கு வழியை பயன்படுத்தினார். இந்த வழியில் தான் மகதேன் நகரம் உள்ளது. இங்கு விவிலியத்தில் கூறப்பட்டுள்ள மகதேனில் மரியாளின் வீடு உள்ளது.
 - ஜெபலின் ஜான்
 (தொடரும்...)
 
 

]]>
https://images.dinamani.com/uploads/user/imagelibrary/2019/10/11/w600X390/vm3.jpg https://www.dinamani.com/weekly-supplements/vellimani/2019/oct/11/புண்ணிய-பூமியில்-புனிதப்-பயணம்-29-3252034.html
3252032 வார இதழ்கள் வெள்ளிமணி நிகழ்வுகள் DIN DIN Friday, October 11, 2019 06:01 PM +0530 * ஸ்ரீமத் அப்பய்ய தீக்ஷதர் ஜயந்தி
 மகான் அப்பய்ய தீக்ஷதர் ஜயந்தி மகோத்சவத்தை முன்னிட்டு அக்டோபர் 14 -ஆம் தேதி திங்கட்கிழமையன்று (1) அவரது அவதார ஸ்தலமான அடையபலம் கிராமத்தில் ஸ்ரீமத் அப்பய்ய தீக்ஷதர் ப்ரைவேட் டிரஸ்ட் சார்பில் ஏகாதச ருத்ர புரஸ்ஸரம், சிறப்பு அபிஷேகம், தீபாராதனை, வித்வத்ஸதஸ் போன்ற வைபவங்களுடனும் (2) சென்னையில் அப்பய்ய தீக்ஷதர் பவுண்டேஷன் சார்பில் ஆர்.ஏ.புரம் கற்பகம் அவன்யூவில் ஓர் அன்பர் கிரகத்தில் ஸ்ரீருத்ர ஏகாதஷ விசேஷ அபிஷேகம், வúஸாத்தாரா, பூஜைகளுடன் நடைபெறுகின்றது.
 தொடர்புக்கு: 97910 19450/ 95000 43938.
* ஸ்ரீருத்ர பசுபதி நாயனார் குருபூஜை
 நாயன்மார்கள் அறுபத்து மூவரில் "ஸ்ரீ ருத்ர பசுபதி' என்பவரும் ஒருவர். இவர் வேதத்திலுள்ள "ஸ்ரீருத்ரம்' என்னும் பகுதியை குளிர்ந்த பொய்கையில் கழுத்தளவு நீரில் நின்றபடி தினசரி ஓதி ஓதியே சிவபெருமானின் திருவடிகளை அடைந்தவர். இவரது திருநட்சத்திரம் புரட்டாசி அசுவினியாகும். அவதார ஸ்தலம் மாயவரம் - பேரளம் மார்க்கத்தில் கொல்லுமாங்குடிக்கு கிழக்கே 3 கி.மீ. தூரத்தில் உள்ள திருத்தலையூர் கிராமம். அக்டோபர் 15 -ஆம் தேதியன்று காலை 11 மணி அளவில் வேதம் ஓதும் அந்தணர்கள் திருத்தலையூரில் சிவன் கோயில் குளத்தில் நின்று ஸ்ரீ ருத்ரபாராயணம் செய்கின்றார்கள்.
 தொடர்ந்து சுவாமி, அம்மன், நாயனார் கற்திருமேனிக்கு அபிஷேகம் நடைபெறுகின்றது. மாலை மயிலாடுதுறை சிவனடியார் திருக்கூட்டத்தினர் பங்கேற்று, நாயனார் படத்துடன் திருமுறை திருவீதி உலாவினையும் சமயச்சொற்பொழிவு, திருத்தொண்டர் புராணம் பாடியபடி வழிபாடு, அன்னதானம் போன்ற நிகழ்ச்சிகளை நடத்துகின்றனர். சிவனடியார்களும், பக்தர்களும் அவசியம் கலந்து கொள்ள வேண்டிய குருபூஜை ஆகும்.
 தொடர்புக்கு: 097900 23110.
* புரட்டாசி சனிக்கிழமை உத்ஸவம்
 சிவகங்கை மாவட்டம், திருப்பத்தூர் ஸ்ரீ நின்ற நாராயணப் பெருமாள் திருக்கோயில் அக்டோபர் 12 -ஆம் தேதி, புரட்டாசி நான்காவது சனிக்கிழமையை முன்னிட்டு திருமஞ்சனம், அபிஷேகம், திருக்கல்யாணம், கருடசேவை போன்ற நிகழ்ச்சிகள் நடைபெறுகின்றன.
 - எஸ்.வெங்கட்ராமன்
 

]]>
https://www.dinamani.com/weekly-supplements/vellimani/2019/oct/11/நிகழ்வுகள்-3252032.html
3252031 வார இதழ்கள் வெள்ளிமணி பாவ மீட்சி பரிகாரம் DIN DIN Friday, October 11, 2019 06:00 PM +0530 ஏவுகணையால் வேவு பார்த்து மேவும் உலகில் மேலாண்மையை நிலை நிறுத்தி ஈவு இரக்கமின்றி ஓவாது ஒல்லும் வகையெல்லாம் வென்று வாகை சூடும் வெறியில் நெறி பிறழ்ந்து தறி கெட்டு வாழும் இக்காலத்தில் அறம் தவறி புறவழியில் பொருளீட்டும் நோக்கத்தின் தாக்கத்தால் புரியும் தகாத பாவங்களிலிருந்து மீட்சி பெற்று மீண்டும் தூண்டில்புழுவாய் கவரப்பட்டு, துடிக்கும் மீனைப்போல் பாவ படுகுழியில் விழாது விழுமிய வாழ்வு வாழ வான்மறை குரான் வழங்கும் அறிவுரைகளை நடைமுறையில் கடைபிடிப்போம். கிடைத்தற்கரிய அல்லாஹ்வின் பாவமன்னிப்பால் கடைத்தேற்றம் பெறுவோம்.
 எவரேனும் (பிறர் இழைத்த இன்னலை) பொறுத்து மன்னிப்பது வீர செயல் என்று எழில்மறை குர்ஆனின் 42-43 ஆவது வசனத்திற்கு வள்ளல் நபி (ஸல்) அவர்கள் ""யார் மன்னிக்க வில்லையோ அவர் மன்னிக்கப்பட மாட்டார்'' என்றுரைத்த விளக்கம் அஹ்மது நூலில் உள்ளது. 24 -18 ஆவது வசனமும் ""அல்லாஹ் உங்களை மன்னிக்க வேண்டும் என்று நீங்கள் விரும்புவதில்லையா?'' என்று வினா எழுப்புகிறது. மகள் ஆயிஷா (ரலி) அவர்கள் மீது அபாண்ட பழி சுமத்திய மிஸ்தஹ் (ரலி) அவர்களுக்கு வழக்கமாக செய்த உதவியை நிறுத்தி விட்டார்கள் அபூபக்கர் (ரலி). அப்பொழுது இந்த வசனம் இறக்கப்பட்டதாக இறைமறை குர்ஆனுக்கு விளக்கம் எழுதுவோர் குறிப்பிடுகின்றனர்.
 ""எவரேனும் பாவத்தைச் செய்து அல்லது தனக்குத் தானே தீங்கு இழைத்துக் கொண்டு பின்னர் திருந்தி வருந்தி அல்லாஹ்விடம் மன்னிப்பு கேட்டால் அல்லாஹ்வை மிக மன்னிப்பவனாகவும் நிகரற்ற அன்புடையவனாகவும் காண்பர்'' என்று 4-110 ஆவது வசனம் கூறுகிறது. பாவம் புரிந்தவன் பாவத்திற்காக வருந்த வேண்டும். திருந்த வேண்டும். அப்பாவத்தைச் செய்துவிட்டு பிறர்மீது வீண்பழி சுமத்தி இருந்தால் பழிக்கு ஆளானவர்களிடம் மன்னிப்பு கோர வேண்டும்.
 பாவ மீட்சி பெற அவசியமான அம்சங்கள்:
 * பாவத்தை பாவம் என்று உணர்ந்து உள்ளம் உருக வருந்த வேண்டும்.
 * செய்த செய்கிற பாவங்களை உடனடியாக விட்டு விலக வேண்டும்.
 * இனி இப்பாவ செயல்களைச் செய்யமாட்டேன் என்று உறுதி பூண்டு அவ்வுறுதியை இறுதிவரை நிறைவேற்றுவதாக இறைவனிடம் உறுதி செய்ய வேண்டும்.
 * பாவ செயலால் பாதிக்கப் பட்டவரிடம் முதலில் மன்னிப்பு பெற வேண்டும்.
 509 ஆவது வசனம் எவர் நம்பிக்கை கொண்டு நற்செயல்களைச் செய்கிறாரோ அவர்களுக்கு மன்னிப்பையும் மகத்தான கூலியையும் அல்லாஹ் வாக்களிக்கிறான் என்றுரைக்க 29-7 ஆவது வசனம் எவர் நம்பிக்கையோடு நற்செயல் புரிகிறாரோ அவர்களின் பாவத்திற்கு அவற்றைப் பரிகாரமாக்கி அவர்கள் செய்ததினும் அழகிய நற்கூலியை நிச்சயம் கொடுப்போம் என்று விரித்துரைக்கிறது.
 முறையாக உளு செய்து தொழுகையை குறித்த நேரத்தில் பேணுதலோடு சரிவர நிறைவேற்றுவது முதலிய வணக்க வழிபாடுகள் இறைவனிடம் மிக அதிக நெருக்கத்தைப் பெற்று தரும். இதனால் பாவத்தில் வீழாது இறைவன் தடுத்து விடுவான். ஒரு மனிதர் அழகிய முறையில் அங்கத் தூய்மைக்குரிய உளு செய்து பின்னர் தொழுகையை நிறைவேற்றுவராயின் அவருக்கு அடுத்த தொழுகைக்கும் இடைவெளியிலான பாவங்கள் மன்னிக்கப்படும் என்ற மா நபி (ஸல்) அவர்களின் மணிமொழியை முஸ்லிம் நூலில் காணலாம். ஒரு தொழுகையாளி தொழுகையை நிறைவேற்றிய பிறகு அதே இடத்தில் அமர்ந்திருக்கும்பொழுது கண்ணியம் நிறைந்த வானவர்கள் அவரை மன்னிக்கும்படி இறைவனிடம் இறைஞ்சுகிறார்கள்.
 ஒருவர் வார கூட்டு ஜும்மா தொழுகைக்கு முன்னுள்ள அனைத்து சுன்னத்துகளையும் (நபி வழி) நிறைவேற்றும் பொழுதும் அல்லாஹ்வின் மன்னிப்பிற்குத் தகுதி பெற முடியும். எவர் ஜும்மா தொழுகைக்கு உளு செய்து பள்ளிக்கு வந்து ஜும்மா உரையை உற்று கேட்கிறாரோ அவருடைய அந்த ஜும்மாவிலிருந்து அடுத்த ஜும்மா வரை உள்ள பாவங்கள் மன்னிக்கப்படுகின்றன. மேலும் அல்லாஹ் அதிகபடியான மூன்று நாள்களின் பாவத்தையும் மன்னிக்கிறான் என்று ஏந்தல் நபி (ஸல்) அவர்கள் அறிவித்ததை முஸ்லிம், இப்னு மாஜா நூல்களில் காணலாம்.
 அல்லாஹ்விற்காக அழகிய கடன் கொடுத்தால் அதனை உங்களுக்கு இரு மடங்காக்குவதோடு உங்கள் குற்றங்களையும் மன்னிக்கிறான் என்று 64- 17 ஆவது வசனம் இயம்புகிறது. மனம் உவந்து நன்மைகள் பயக்கும் வறுமை ஒழிப்பு, மருத்துவ, கல்வி, உற்றுழி உதவும், அநாதைகளை ஆதரிக்கும் செலவுகள் அல்லாஹ்விற்கு அளிக்கும் அழகிய கடன்கள். இப்படி செலவு செய்பவர்களின் பாவங்களை அல்லாஹ் மன்னித்து விடுவான். அவர்களுக்குக் கூலியைப் பன்மடங்காக பெருக்கி தருகிறான். தான தர்மங்கள் தவறுகளை அழித்து விடும்; பாவங்களைக் கரைத்து இல்லாமல் ஆக்கிவிடும் என்று பத்ஹுல் பாரி நூலில் விளக்கம் உளளது.
 தொழுகை தான தர்மங்கள் நற்செயல்களை முறையாக நிறைவேற்றி கறைபடியும் பாவங்கள் களையப் பெற்று இறைவனிடம் மன்னிப்பைப் பெறுவோம். மாண்புடன் வாழ்வோம்.
 - மு.அ. அபுல் அமீன்
 
 
 
 

]]>
https://images.dinamani.com/uploads/user/imagelibrary/2019/10/11/w600X390/vm2.jpg https://www.dinamani.com/weekly-supplements/vellimani/2019/oct/11/பாவ-மீட்சி-பரிகாரம்-3252031.html
3252030 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, October 11, 2019 05:58 PM +0530 • சொற்களின் கூட்டம் ஒரு பெரிய காடு போன்றது. அது மனதை மயக்கிவிடும். ஆகையால் ஆத்மஞானம் பெற விரும்புபவர்கள் ஆத்மாவைப் பற்றிய உண்மை ஒன்றையே தன் முயற்சியால் அறிய வேண்டும். 
- ஆதிசங்கரர்
• பகவானின் கிருபையால்தான் சாது சங்கத்தை அடைய முடியும். 
- நாரதபக்திசூத்திரம்
• அழகிய உருவத்தால் பயனில்லை, குலத்தாலும் சீலத்தாலும் பயனில்லை, கல்வியாலும் முயற்சியுடன் செய்த சேவையாலும் பயனில்லை, முன்செய்த தவத்தால் சேமித்த புண்ணியங்களே உரிய காலத்தில் மரங்கள் பழங்களைத் தருவது போன்று பயன்களை அளிக்கின்றன. 
- பர்துருஹரியின் நீதி சதகம்
• இறைவன் திருவடிகளில் மனிதன் முழுமையாகச் சரணடையும்போது, இறைவன் அவனுக்கு எல்லாவற்றையும் தந்து அருள் புரிகிறார். இறைவனிடம் சரணடைந்தவன்தான் காப்பாற்றப்படுவான். 
- ஸ்ரீ சாரதாதேவியார் 
• வயோதிகர்கள், நோயாளிகள், பாரம் சுமப்பவர்கள், பெண்கள், துறவிகள், வேதம் படித்த பிரம்மச்சாரிகள், நாட்டை ஆள்பவர்கள் ஆகியவர்களுக்கு வழிவிட்டு செயல்பட வேண்டும். 
- மனுஸ்மிருதி 
• நாம் நாள்தோறும் கண்டு அனுபவிக்கும் இந்த உலகம் உண்மைபோல் தோன்றுகிறது. என்றாலும் ஒரு காலத்தில் அது பொய்த்துவிடுகிறது. அதனால் இந்த உலகம் கனவுலகம் போன்றதாகும். 
- ஆதிசங்கரர்
• எந்தத் துறவி புத்தியால் வாக்கையும் மனதையும் அடக்கவில்லையோ, அவனுடைய விரதமும் தவமும் ஞானமும் வேகாத மண்குடத்தில் வைக்கப்பட்ட நீர் போன்று ஒழுகி வீணாகிவிடும்.
- உத்தவ கீதை
• எங்கும் எல்லாவற்றிலும் எப்பொழுதும் ஆத்மா விளங்குகிறது. ஆதலால் ஆத்மா, கேவலம் புத்தியின் பிரமாணத்துக்குள் அடங்கியது அல்ல. ஆகவே ஸ்தூல கண்களால் அதைப் பார்க்க முடியாது.
- திரிபுர ரகஸ்யம்
• ஒருவனுக்கு இறைவனின் திருவருள் நேரிடையாக கிடைக்கும்போதுதான் சத்குருவையும், உயர்ந்த சாஸ்திர ஞானத்தையும் பெறுகிறான்.
- வசிஷ்டர் (யோகவாஷிட்ட சாரம்)
• உங்கள் கடமைகளை நீங்கள் செய்யுங்கள். இறைவன் நாமத்தை ஜபம் செய்யும்போதே, காற்று அடிக்காதபடி தடுக்கப்பட்டிருக்கும் ஓரிடத்தில் உள்ள விளக்கின் சுடரைப்போல், மனம் தானாகவே ஒருமுகப்படும். காற்றுதான் விளக்கின் சுடரை ஆடச் செய்கிறது. அதுபோல், நம்மிடம் உள்ள ஆசைகள்தான் நமது மனதை அமைதியற்றதாக்குகின்றன. 
- ஸ்ரீ சாரதாதேவியார் 
• அதிர்ஷ்டம் வந்து சேர்ந்தால் பிரமாதமாக மகிழ்ந்து போகாதே. அதிர்ஷ்டம் போய்விட்டால் மனவருத்தம் கொள்ளாதே. எப்போதும் மனதைச் சமநிலையில் வைத்திரு. ராமனாகிய நான் எல்லா உயிர்களுக்கும் பிராணனாக விளங்குகிறேன். என்னிடமே உன் மனம் நிலைத்திருக்கட்டும். 
- ஸ்ரீ ராமபிரான்

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/oct/11/பொன்மொழிகள்-தொகுப்பு-சுவாமி-கமலாத்மானந்தர்-3252030.html
3252029 வார இதழ்கள் வெள்ளிமணி அண்டத்தோர் அண்ட வேண்டிய அண்டமி! Friday, October 11, 2019 05:56 PM +0530 மூர்த்தி, தலம், தீர்த்தம் முறையாக தரிசிப்போர்க்கு அனைத்து நலன்களும் பெருகும் என்பது நாம் அறிந்ததே. பொதுவாக, ஒரு தலத்தின் பெயர் அங்கு கோயில் கொண்டுள்ள இறைவன், இறைவி பெயருடனோ அல்லது அத்தலவரலாற்றுப் பின்னணியில் தொடர்புடைய பெயர்களில் ஒன்றாகவோ சம்மந்தப்பட்டிருக்கும். ஆனால் விதிவிலக்காக, ஒரு திருத்தலத்தின் நாமம் அங்கு அமைந்துள்ள தீர்த்தத்தின் பெயரை விளக்குவதாக அமைந்திருப்பது என்பது ஓர் அரிய செய்தி அல்லவா? ஊரே கோயில், ஊரே தீர்த்தம், ஊரே இறைவன் என பெருமிதத்துடன் திகழும் அந்த தலம் தான் "அண்டமி' "அண்டமி திருத்தலமகிமை' என்ற தலவரலாற்று நூலிலிருந்தும், செவிவழிச் செய்திகளாகவும் பல்வேறு தகவல்கள் அறியப்படுகின்றன.
 தஞ்சாவூர் மாவட்டத்தில் பட்டுக்கோட்டையிலிருந்து மதுக்கூர் வழியாக மன்னார்குடி செல்லும் சாலையில் சுமார் 15 கி.மீ. தூரத்தில் உள்ளது அண்டமி கிராமம். அண்ட சராசரத்தில் உள்ள அனைத்து பொருட்களையும் சுருக்கி ஒரே ஒரு நீர்த்துளியாக மாறிய இறை சக்தியின் வெளிப்பாடாக அமையும் அந்த GOD PARTICLE (சிறு அணுத்துளிக்கே) சித்தர்கள் கொடுத்த பெயரே அண்டமிகு தீர்த்தம் என்பதாகும். இந்த பெயரே தற்போது அண்டமி என அழைக்கப்படுகிறது. எம்பெருமான் அசரீரியாகவும், நீர்த்துளி வடிவிலும் தன்னுடைய ரூபத்தை வெளிப்படுத்துவதாக ஐதீகம்.
 சைவ சித்தாந்தத்தில் கூறப்படும் பதி, பசு, பாசம் எனும் இந்த மூன்று அடிப்படை சக்திகளை உஜ்ஜீவ சக்திகள் என்று சித்தர்கள் அழைக்கிறார்கள். இந்த அடிப்படை சக்திகள் அடங்கியது முக்கோண வடிவமாகும். அதுவே மூன்று சக்திகளின் பரிமாணம். இறைவன் ஆதியில் இந்த பிரபஞ்சத்தில் உஜ்ஜீவ சக்தியாக கொண்ட தோற்றமே அண்டமி திருத்தலத்தில் சிவகங்கை தீர்த்தம் என்னும் பெயர் கொண்டு விளங்குகிறது. சிவபெருமான் சடையிலிருந்து கீழே விழும் கங்காதாரையை தாங்கும் பொருட்டு, வாமதேவரிஷி பொங்கி வழிந்த கங்கையை தன் கமண்டலத்தில் ஏற்று அதை அண்டமி திருத்தலத்தில் சிவகங்கைத் தீர்த்தமாக நிலை நிறுத்தியதாகவும், அதனால் இதற்கு சிவகங்கை எனப் பெயர் வந்ததாகவும் கூறப்படுகின்றது. ஆலயத்தை விட திருக்குளத்தின் பரப்பளவு அதிகம். இரண்டு படித்துறைகள் உள்ளன.
 சிவகங்கை தீர்த்தக்குளத்தில் பூக்கும் தாமரை மலர்களே எந்த அளவிற்கு நாம் இந்த தீர்த்தத்தை தெய்வீகமாக வழிபடுகிறோம் என்பதைக் குறிக்கும் அளவுகோலாக அமைகின்றன. இத்தல தாமரைகளை வெறுமனே தரிசனம் செய்து வந்தால் கூட போதும். கண் நோய்கள் கனவிலும் அண்டாது என்ற ஒரு நம்பிக்கை நிலவுகிறது.
 பித்ரு தேவர்களின் அனுக்கிரகத்தைப் பெற செய்யப்படும் ஹோமங்கள், தர்ப்பணங்கள் போன்றவற்றிற்கு உகந்த தலம் அண்டமி ஆகும். அவரவர்கள், பித்ருக்கள் இறந்த திதி நாட்களிலும், நட்சத்திர நாட்களிலும், அமாவாசைகளிலும் முக்கியமாக, மகாளயஅமாவாசையிலும் அண்டமி சிவகங்கை தீர்த்தக் கரையிலோ, படித்துறைகளிலோ அல்லது திருத்தலத்தின் எப்பகுதியில் வேண்டுமானாலும் பித்ரு கடன்களை ஆற்றி அபரிமித பலன்களைப் பெறலாம்.
 இதைத்தவிர மற்றும் மூன்று சிறப்புகள் இத்தலத்தை தொடர்புபடுத்தி பேசப்படுகின்றன. ஒன்று: வாஸ்து பகவான் தோன்றிய திருத்தலம் அண்டமியாகும். எம்பெருமான் ஆடல் கோலங்கள் அறுபத்து நான்கையும் தன்னுடைய அம்சங்களாக ஏற்றுக்கொண்டு 64 திசைகளுடைய வாஸ்து மூர்த்தியாக தோற்றம் கொண்டது இந்த அண்டமி தலத்தில் தான். எம்பெருமானிடமிருந்து நாகர வடிவ அனுகிரகத்தைப் பெற்ற மயன் முதன் முதலில் எழுப்பிய திருத்தலம் அண்டமி எனவும், அக்கால ஸ்தபதிகளும், சிற்பிகளும் அண்டமி திருத்தலத்திற்கு வந்து இங்குள்ள திசையை அடிப்படையாக வைத்து தங்கள் ஊரில் உள்ள திருக்கோயில்களை நிர்மாணிப்பது வழக்கம் எனவும் கூறப்படுகின்றது. இரண்டாவது: இத்தலத்தில் உள்ள அகமர்ஷண விநாயகர் சந்நிதி அமைந்த இடத்தில் ஈசனே தன்னுடைய திருக்கரங்களால் தரையில் ஒரு வட்டத்தை வரைந்தார். அந்த வட்டத்தை அகழ்ந்தெடுக்க அதுவே சக்கராயுதமாக மாறி ஜலந்தராசுரனின் கழுத்தை அறுத்து அவனை சம்ஹாரம் செய்தது. அதன் காரணமாக இந்த பூமியில் முதன் முதலில் வட்டம் என்ற வடிவம் தோன்றிய இடம் அண்டமி திருத்தலத்தில் தான் என்று கூற்றும் சொல்லப்படுகிறது. மூன்றாவதாக: மஹாவிஷ்ணு செந்தாமரைக்கண்ணன் என்ற நாமத்தைப் பெற்றதும் இத்தலத்தில் தானாம்.
 ஊரின் மையத்தில் உள்ளது சிவாலயம். கோயிலின் பின்புறம் உள்ளது சிவகங்கைத்தீர்த்தம். இறைவன் அருணாச்சலேஸ்வரர் சதுர பீடம் கொண்டு காட்சியளிக்கிறார். இறைவி உண்ணாமுலையம்மை என்ற திருநாமத்துடன் தெற்கு நோக்கி காட்சியளிக்கின்றாள். கோயிலின் தென் மேற்கில் விநாயகப் பெருமான் சந்நிதியும், முருகப் பெருமான் சந்நிதியும் அமைந்துள்ளது. கூர்ம பீடத்தின் மேல் உலக உருண்டை வடிவம் அமைக்கப்பட்டு அதன் மேல் நவக்கிரகங்கள் பிரதிஷ்டை ஆகி இருப்பது வேறு எங்கும் காண முடியாத சிறப்பு.
 பிரபஞ்சத்தின் ஆதி தலம் என்பதால் இங்கு எழுந்தருளி உள்ள தட்சிணாமூர்த்தி கல்லாலமரமின்றி, சனகாதி முனிவர்கள் இன்றி இரண்டு கரங்களுடனே அருளாட்சி செய்கிறார். வேறெங்கும் காண முடியாத மிக எளிமையான கோலம். அண்டமி தலத்தின் தலமரம் கல்லால மரம் என்று கூறப்படுகின்றது.
 இவ்வாறு, அரிய பல பெருமைகளுடன் திகழும் அண்டமி திருத்தலத்தில் குடமுழுக்கு என்ற வைபவம் நடந்தேறி பல ஆண்டுகள் உருண்டோடி விட்டன. காலப் போக்கில் சிதிலமடைந்த ஆலயத்தை மீண்டும் பழைய நிலைக்கு கொண்டு வரவும், அவணியிலுள்ளோர் இங்கு வந்து வழிபட்டு பலன்கள் பெற வேண்டியும் கிராம மக்கள், சிவனடியார்கள் ஒருங்கிணைந்து, "அண்டமி அருள்மிகு அபிதகுஜாம்பாள் சமேத ஸ்ரீ அருணாசலேஸ்வரர் சாரிடபிள் டிரஸ்ட்' என்ற அமைப்பை ஏற்படுத்தி அதன் மூலம் பல்வேறு திருப்பணி வேலைகளை மேற்கொண்டுள்ளனர். அது முழுமையாக நிறைவேறும் தருவாயில், வரும் டிசம்பர் மாதம் குடமுழுக்கு நடத்தவும் தீர்மானிக்கப்பட்டுள்ளது. அனைத்திற்கும் பக்தர்களின் பங்களிப்பு அவசியமாக உள்ளது.
 தொடர்புக்கு: 98653 09503 / 93612 74368.
 - கடம்பூர் விஜயன்
 
 

]]>
https://images.dinamani.com/uploads/user/imagelibrary/2019/10/11/w600X390/vm1.jpg https://www.dinamani.com/weekly-supplements/vellimani/2019/oct/11/அண்டத்தோர்-அண்ட-வேண்டிய-அண்டமி-3252029.html
3247838 வார இதழ்கள் வெள்ளிமணி சீர்மிகு மணவாழ்வு தரும் ஸ்ரீநிவாசர்! DIN DIN Friday, October 4, 2019 11:13 AM +0530 அரசன் மேகநாதனின் புதல்வன் பலி நீதிமானாக இருந்து திருக்கடல்மல்லை திருவிடந்தை ஆகிய பகுதிகளை ஆண்டு வந்தான். மாலி, மால்யவான், ஸுமாலி என்னும் மூன்று அரக்கர்கள் தேவர்களுடன் யுத்தம் செய்ய பலியின் உதவியை நாடினர். பலி மறுத்தான். அரக்கர்கள் தேவர்களோடு யுத்தம் செய்து தோற்றுப் போனார்கள். மீண்டும் பலியிடமே தஞ்சம் அடைந்தனர். அந்நேரம், அசுரர்களுக்கு ஆதரவாக யுத்தம் செய்து வென்றான் பலி. தேவர்களைக் கொன்றதால் தோஷம் ஏற்பட்டது. அந்த தோஷம் போவதற்காக திருமாலைக் குறித்து கடுந்தவம் செய்தான். விஷ்ணு, வராக புஷ்கரணியில் வராக உருவில் காட்சிகொடுத்து "இன்னும் சிறிதுகாலம் இவ்வுலக இன்பங்களைத் துய்த்து கொண்டிரு; என் பக்தனின் விருப்பப்படி ஓர் ஆலயம் அமைக்க, உனக்கு முக்தி சித்திக்கும்' என அருளினார்.
 அதே நேரம், சரஸ்வதி நதிக்கரையில் குனி என்னும் ஒரு ரிஷி தவஞ்செய்து சுவர்க்கம் பெற்றார். குனியின் மகளும் அவ்விதமே சுவர்க்கம் செல்ல எண்ணி தவம் செய்தாள். நாரதர் அங்கு வந்து, "நீ மணமாகாதவள். மணஞ்செய்தாலன்றி சுவர்க்கம் சித்திக்காது' என்று சொல்லி, அங்கு தவஞ்செய்துகொண்டிருந்த மற்ற ரிஷிகளிடம் இப்பெண்ணைத் திருமணம் செய்து கொள்ளுமாறு நாரதர் வேண்டினார். அம்முனிவர்களுள் பெருமாளின் பரம பக்தனான செளனக மகரிஷியிடம் பயின்ற காலவரிஷி என்பார் அப்பெண்ணைத் திருமணம் செய்து கொண்டார். அதனால் பிறந்த 360 கன்னிகளை, பெருமாள் தினம் ஒரு கன்னிகையாக மணம் புரிந்து இறுதிநாளில், அனைத்துக் கன்னிகைகளையும் ஒன்றாக்கி பெரியபிராட்டியாக வராக உருவெடுத்து இடப்புறம் தாங்கியவாறு காட்சி தந்தார். "திரு'வை இடப்புறத்திலே கொண்டதால் அவ்வூர், "திருவிடவெந்தை' எனப்பட்டது.
 செளனக மகரிஷி பலி மற்றும் மேகநாதனின் அழைப்பை ஏற்று அவனைக் காண வந்தார். வரும் வழியில் அழகிய நீரோடைகள், வயல்வெளிகள், தோப்புகளும் நிறைந்த செம்மண் நிறைந்த ஒரு பகுதியை கடந்தார். தினம் திருமாலை வணங்கும் பழக்கம் உடைய செளனக மகரிஷி அன்றைக்கு திருமாலை வணங்கும் நேரம் வந்ததால் தான் வணங்குவதற்கு பெருமாள் குடிகொண்டுள்ள கோயில் எங்கு இருக்கிறது என்று கேட்டார். அப்பகுதியில் பெருமாளுக்கு கோயில் எதுவும் இல்லை என்பதை அறிந்து வருத்தமுற்ற செளனக மகரிஷி, அங்கிருந்த மாஞ்சோலைக்குள் சென்று மகாவிஷ்ணுவுக்காக கடும் தவமிருந்தார். மகிழ்ந்த மகாவிஷ்ணு நேரில் ஸ்ரீதேவி பூதேவி சமேதராக தோன்றினார்.
 ரிஷியின் தவத்தை மெச்சி வரம் அளிக்க விரும்பினார் திருமால். "இப்பகுதி செழிப்பான முல்லை நிலமாக இருந்தும் மக்களும் மற்றவர்களும் இல்லாமல் வனப்பகுதியாக இருக்கிறது. என் மன்னரும் நண்பருக்காவும் உலக நலன் வேண்டி பூஜை செய்ய நான் செல்வதால் தவம் செய்வதற்கு ஓர் ஆசிரமம் அமைப்பதுடன் ஆலயம் ஒன்று எடுக்கப் போகின்றேன். இங்கு வந்து விட்ட நீங்கள் இங்கேயே இருந்து அருளவேண்டும்' என்று ரிஷி வேண்டினார். திருமாலும் அனுக்கிரகித்தார். மகரிஷியும் மன்னன் மேகநாதன் மூலம் ஆசிரமும் கோயிலும் எடுத்து தவம் செய்து வந்தார். அதுமுதல், அங்கிருக்கும் பெருமாளை வணங்கியவர்களுக்கு விரும்பியது கிடைத்தது; வேண்டியது நடந்தது. சீர் மனம் சேர்க்கும் பகுதியாக அமைந்ததால் சீர் மனம் சேரி, சேருமனஞ்சேரி என்றாகி, செம்மஞ்சேரி என வழங்கப்படுகிறது.
 திருக்கடல்மல்லை மற்றும் திருவிடந்தையை அபிமானத் தலமாகக்கொண்ட இத்தலப்பெருமாள், ஸ்ரீநிவாசப் பெருமாள் என அழைக்கப்படுகிறார். கருவறையில் சொர்ண விமானத்தின்கீழ் ஸ்ரீதேவி }பூதேவியுடன் நடுவே நின்ற கோலத்தில் கிழக்கு நோக்கி, உற்சவருடன் நின்றருளுகிறார்.
 கிழக்கு நோக்கிய மூன்று நிலை ராஜகோபுரம், பலிபீடம், கொடி மரம், கருடன் சந்நிதி ஒரே நேர்க்கோட்டில் கருவறை நோக்கி அமைந்துள்ளன. தாயார் அலர்மேல்மங்கை, படிதாண்டாப் பத்தினி. சக்கரத்தாழ்வார், காளிங்க நர்த்தன கிருஷ்ணர், ஆண்டாள், ஸ்ரீ ராமர், லட்சுமணர், சீதை, அனுமார் ஆகியோருக்கு தனித்தனி சந்நிதிகள் அமைந்துள்ளன.
 குழந்தை பாக்கியம் அருளும் தலமாகவும், கல்யாணநிவர்த்தி தலமாகவும், செல்வமும் தாலிபாக்கியமும் தந்தருளும் தலமாகவும் விளங்குகிறது.
 வெள்ளி, சனி, ஞாயிற்றுக்கிழமை, மாத திருவோணம் என்று வருடம் முழுவதும் திருநாள்கள் நடந்தாலும் புரட்டாசி மூன்றாம் சனிக்கிழமை ஸ்ரீநிவாசப்பெருமாளின் அபூர்வ வீதி புறப்பாடு நடைபெறுகிறது. வருடத்தில் இந்நாளில் மட்டும் தான் வீதியில் பெருமாள் புறப்பாடாகி ஊர் முழுக்க சென்று அனுக்கிரகம் செய்து வருவார். அன்றும் மறுநாளும் பெருமாளை தரிசனம் செய்து வேண்டிக்கொண்டால் அல்லல்கள் அகலும் என்பது ஐதீகம்! இவ்வாண்டு புரட்டாசி 3 -ஆம் சனிக்கிழமை புறப்பாடு: அக்டோபர் 5 -ஆம் தேதி நடைபெறுகிறது. பக்தர்கள் பெருமளவில் இவ்வைபவத்தில் கலந்துகொண்டு பெருமாளின் பேரருளைப் பெறலாம்.
 சென்னை- பழைய மகாபலிபுரம் சாலையில் சோழிங்கநல்லூர்- நாவலூருக்கு இடையே செம்மஞ்சேரி ஆலமர பேருந்து நிறுத்தத்திற்கு சற்று அருகில் இத்திருக்கோயில் அமைந்துள்ளது.
 தொடர்புக்கு: 97909 20744/ 97908 79760.
 - செங்கை பி. அமுதா
 
 

]]>
https://images.dinamani.com/uploads/user/imagelibrary/2019/10/4/w600X390/SEMMANCHERI.JPG https://www.dinamani.com/weekly-supplements/vellimani/2019/oct/04/சீர்மிகு-மணவாழ்வு-தரும்-ஸ்ரீநிவாசர்-3247838.html
3247836 வார இதழ்கள் வெள்ளிமணி செழிப்பினை அருளும் செழியநல்லூர் சயன துர்கை! DIN DIN Friday, October 4, 2019 11:11 AM +0530 துர்சக்திகளை அழிக்கவும், நல்லவர்களைக் காக்கவும், அன்னை பராசக்தி பல்வேறு சமயங்களில் பலவிதமான ரூபங்களை எடுத்திருக்கிறாள். தேவி பாகவதமும் மற்ற புராணங்களும், மந்திர தந்திர சாஸ்திரங்களும் இந்த ரூபங்களின் உயர்வினைப்பற்றிப் பேசுகின்றன. ஸ்ரீ துர்க்கா பரமேஸ்வரி ரூபமும் அதில் ஒன்று. இந்த துர்க்கையைப்பற்றி வேதங்கள் மிகவும் சிறப்பாக கூறியுள்ளது.
 துர்க்கா தேவிக்கு இந்தியாவில் பல இடங்களிலும் திருக்கோயில்கள் உள்ளன. பெரும்பாலும் சிவாலயங்களில் கோஷ்ட தெய்வமாக நின்ற வடிவில் காட்சி தருவாள். வெகுசில இடங்களில் அமர்ந்த கோலத்திலும் அவளை தரசிக்கலாம். ஆனால் அவள் "சயன கோலத்தில்' அருள்பாலிக்கும் திருத்தலம் ஒன்று உள்ளது. காலம், காலமாக கூறப்பட்டுவரும் அத்தலவரலாற்றினைப் பற்றி அறிந்துகொள்வோம்:
 திருநெல்வேலி மாவட்டத்தில் உள்ளது செழியநல்லூர் கிராமம். முன் காலத்தில் இப்பகுதியை செழியன் என்ற சிற்றரசன் ஆண்டு வந்தான். கிராமத்தின் காவல் தெய்வமாக வடக்கில் செழிய அம்மனையும், கிழக்கில் தர்மசாஸ்தாவையும், தெற்கில் வலம்புரி விநாயகரையும், மேற்கே தன்னுடைய குலதெய்வமாகிய வனதுர்க்கையையும் அமைத்து தினம் தவறாமல் தன் குடும்பத்தினருடன் வழிபாடு செய்து வந்தான். அவ்வாறு வருகையில் ஒரு சமயம், அச்சிற்றரசனின் எட்டு வயது பெண் குழந்தை வீடு திரும்பாமல் வனத்தில் தங்கிவிட்டது. திடீரென பெற்றோரைக் காணாமல் அக்குழந்தை அழ ஆரம்பித்தது. அவ்வமயம், அவ்வழியே வந்த கள்வன் ஒருவன் குழந்தை அணிந்திருந்த நகைகளை அபகரிக்க முயற்சித்தான். குழந்தை பயத்தில் மேலும் வீரிட்டு அழுதபடி, வனதுர்க்கையின் பக்கம் சென்று அம்மனை ஆரத்தழுவி அணைத்துக்கொண்டது. கள்வன் குழந்தையை பிடித்து இழுக்க, நின்ற கோலத்தில் இருந்த அம்மன் சிலை குழந்தையுடன் சேர்ந்து பின்புறமாக சாய்ந்து விட்டது. அந்த கணமே அம்மன் பிரசன்னமாகி கள்வனை வதம் செய்து, குழந்தையை தன்னுள் அடக்கம் செய்து கொண்டாளாம். குழந்தையை தேடிவந்த அரசனிடம் "உன் குழந்தையை தேட வேண்டாம் என்னுள் சேர்த்துக் கொண்டேன்' என்று சொல்லி, குழந்தையையும் கல் ரூபத்தில் தன் பக்கத்தில் வைத்துக் காத்தருளியதாக வரலாறு.
 சுமார் 5 அடி நீளத்தில் அம்பிகை எட்டு கரங்களுடன் அதிரூப சௌந்தர்யத்துடன் ஐந்து தலை நாகாபரணக் குடையின் கீழ் பஞ்ச வில்வ மரங்களில் ஒன்றாகக் கருதப்படும் மகாலிங்க மரத்தின் கீழ் சயன கோலத்தில் காட்சியருளுகின்றாள். அம்மனின் காலின் கீழ் ஓர் ஆட்டின் தலை உருவம் தெரிகின்றது. (மேஷத்தின் மேல் இருப்பதாக ஐதீகம்) சுற்றிவர நாகராஜ பரிவாரங்களுடன் இந்த வானம்பார்த்த சந்நிதி அமைந்துள்ளது. அருகில் ஆலயத்தின் தலவிருட்சமாக வேப்பமரம் உள்ளது. அதிசயமாக அதன் இலைகளில் கசப்புத்தன்மை இராது. பக்தி சிரத்தையுடன் சாப்பிடுவோர்க்கு பிணிகள் தீருகின்றது என்ற நம்பிக்கை நிலவுகிறது. எந்த பெரிய காற்றிற்கும், மழைக்கும் ஈடுகொடுத்து அம்மன் சிலைக்கு எந்த பாதகமும் ஏற்படாமல் இன்றைக்கும் காத்திருப்பது தெய்வச் செயலாகும். ஆலயம் அருகில் சிற்றாற்றின் ஓடை ஓடுகின்றது.
 மற்றொரு சந்நிதியில் புதியதாக நின்ற கோலத்தில் வைஷ்ணவி துர்க்கை பிரதிஷ்டை செய்யப்பட்டுள்ளது. தொடர்ந்து, வலம்புரி விநாயகர், ஸ்ரீ பாலசுப்ரமண்ய சுவாமி சிலா ரூபங்களும் நிர்மாணிக்கப்பட்டது. முதலில் வனதுர்கைக்கு பூஜைகள் செய்த பின்னரே வைஷ்ணவி துர்க்கைக்கு பூஜைகள் நடைபெறுகின்றது. இவ்வாலயத்தில் நடைபெற்று வரும் அனைத்து விசேஷங்களுக்கும் சென்னையில் இயங்கி வரும் "துர்க்கா பக்த சமாஜம் டிரஸ்ட்' என்ற அமைப்பு உறுதுணையாக இருந்து செயல்பட்டு வருவது குறிப்பிடத்தக்கது.
 இத்தல சயன துர்க்கை தன்னை நம்பி வரும் அடியார்களுக்கு தீராத வியாதிகளைத் தீர்த்து, மனத்துன்பங்களைப் போக்கி அருள்கிறாள். குழந்தை இல்லாதவர்களுக்கு அப்பேற்றினை நல்கி, நினைத்த காரியத்தை நடைபெறச் செய்து, செழிப்பான வாழ்வருளி அருள்பாலித்து வருகின்றாள்.
 இத்திருக்கோயிலில் நடைபெறும் முக்கிய விழாக்களில் ஒன்றான நவராத்திரி விழா இவ்வாண்டு, செப்டம்பர் 29 - இல் தொடங்கி அக்டோபர் 8 வரை, தினசரி அபிஷேகம், அலங்காரம், சகஸ்ரநாமம் போன்ற வைபவங்களுடன் நடைபெற உள்ளது. அக்டோபர் 6 - துர்க்கையம்மனுக்கு உகந்த துர்க்காஷ்டமி அன்று கன்யா பூஜையும், சுவாசினி பூஜையும்; அக்டோபர் 8 - ஸ்ரீ துர்க்கா சூக்த ஹோமமும், வனதுர்க்கா மந்திர ஹோமமும் வேதவிற்பன்னர்களைக் கொண்டு நடத்தப்படுகின்றது.
 நின்று, கிடந்து, அருளுகின்றாள் என்ற நிலையில் தினமும் பல லீலைகளை தன் திருச்சந்நிதியில் நிகழ்த்தி வரும் அன்னை துர்க்கா தேவியை நாமும் சென்று தரிசித்து அருள்பெறுவோம்.

 திருநெல்வேலி ஜங்ஷனிலிருந்து சுமார் 25 கி.மீ. தொலைவில் கங்கைகொண்டான் செல்லும் வழியில் உள்ளது வடக்கு செழியநல்லூர். குறிப்பிட்ட நேரங்களில் திருநெல்வேலி ரயில் நிலையத்திலிருந்து தனியார் மற்றும் அரசு பேருந்து வசதிகள் உள்ளன.
 தொடர்புக்கு: 87545 40171 /
 97901 22493.
 - எஸ்.வெங்கட்ராமன்

]]>
https://images.dinamani.com/uploads/user/imagelibrary/2019/10/4/w600X390/SELIYANALLR.JPG https://www.dinamani.com/weekly-supplements/vellimani/2019/oct/04/செழிப்பினை-அருளும்-செழியநல்லூர்-சயன-துர்கை-3247836.html
3247835 வார இதழ்கள் வெள்ளிமணி நேசம் உறையும் தேசமாணிக்கம்   - டாக்டர் சுதா சேஷய்யன் DIN Friday, October 4, 2019 11:07 AM +0530 பொருநை போற்றுதும்! 61
மேற்கே மேலச்செவல், கிழக்கே கீழச்செவல் என்று சொன்னாலும், இரண்டுக்கும் வடக்காக, அதாவது, தாமிராவின் தென்கரையை ஒட்டினாற்போல், தேசமாணிக்கம் என்னும் சிற்றூர். 
புராணங்களில் இவ்வூரின் பெயர், பத்ம வனம் என்பதாகவும் உத்யான வனம் என்பதாகவும் காணப்படுகிறது. பிற்காலப் பதிவுகளின்படி, "தேசமாணிக்கச் சந்ததிப் பிரவேச நல்லூர்' என்றும், "சந்ததிப் பிரவேச தேசமாணிக்க நல்லூர்' என்றும், "வீரகேரள சதுர்வேதி மங்கலம்' என்றும் இவ்வூர் அழைக்கப்பட்டதாகத் தெரிகிறது. 
இவ்வூரில் உள்ள தேசமாணிக்க வேங்கடாசலபதிப் பெருமாள் திருக்கோயில், 20 - ஆம் நூற்றாண்டின் முற்பகுதியில் மிகுந்த புகழுடன் விளங்கியது. 1956 -இல் மஹாசம்ப்ரோக்ஷணம் கண்ட இக்கோயில், ஊர்க்காரர்கள் பலரும் பிழைப்பு தேடி எங்கெங்கோ சென்றுவிட்ட காரணத்தால், தொடர்ந்து வந்த 60 ஆண்டுகளில். பூஜை புனஸ்காரம் ஏதுமின்றி சிதிலம் அடைந்தது. 2015-16 ஆண்டுகளில், வெளியூர்களில் குடியேறிவிட்ட தேசமாணிக்கத்தார் பலரும் சேர்ந்து தோற்றுவித்த அறக்கட்டளை, திருப்பணி மேற்கொண்டு கோயிலுக்குப் புதுப்பொலிவைச் சேர்த்துள்ளது. 
அதென்ன சந்ததிப் பிரவேசம்? ஏதோ வினோதமாகத் தென்படுகிறதே என்கிறீர்களா? அதனை ஆராய்வதற்கு முன்னர், இந்த ஊர்க் கோயிலில் காணப்படும் சிற்பங்களையும் வியப்பு தீராமல் கண்டுவிடுவோம். 
பெண் ஒருத்தி பருவம் அடைதல், திருமணமாகித் தாம்பத்தியம் காணுதல், கருத்தரித்தல், கருவளர் காலத்தில் மகிழ்தல், பின்னர் தானே தன்னுடைய பிரசவத்தை நடத்திக் கொள்ளுதல் என்று பெண்மையின் பல்வேறு நிலைகளைக் காட்டுகிற சிற்பங்கள் இவை. பகிரங்கமாகப் பேசத் துணியாத சங்கதிகள், இத்திருக்கோயிலில் சிற்பங்களாகச் செதுக்கப்பட்டுள்ளன. 
அந்தக் காலத்து அரசர்களும் பெரியவர்களும், நிவந்தங்களை நிறுவும்பொழுதும், சொத்துபத்துகளை ஆர்ஜிதம் செய்யும்பொழுதும், "சந்திர ஆதித்யாள் சந்ததிப் பிரவேசக் காலம் வரையில்' என்று பதிவது வழக்கம். அதாவது, சந்திரனும் ஆதித்யனான சூரியனும் உள்ள வரையிலும் குடும்பமும் குலமும் தொடர்ந்து சந்ததிகளைக் காணும் வரையிலும் என்று பொருள். 
குடும்பமும் குலமும் தழைப்பதற்கும், அறச் செயல்களைத் தொடர்ந்து செயல்படுத்துவதற்கும், பிள்ளைகள் பிறப்பதையே "சந்ததிப் பிரவேசம்' என்று குறித்தனர். தேசமாணிக்கம் என்னும் இந்தச் சிற்றூரோடு தொடர்புடைய பலவற்றையும் எண்ணிப் பார்த்தால், ஏதோவொரு விதத்தில், இந்த ஊருக்கும் சிருஷ்டிக்கும் தொடர்பிருப்பதை உணரலாம். இந்த ஊரின் புராணப் பெயர், பத்மவனம்; அதாவது, தாமரைக் காடு. தாமரைதான், சிருஷ்டிகர்த்தாவான பிரம்மாவின் ஊற்றுக்கண். 
இந்த ஊர்ப் பெருமாள் கோயிலுக்கான தலபுராணக் கதை, இந்தத் தொடர்பை உறுதி செய்கிறது. 
காசி தேசத்தை ஆண்டுகொண்டிருந்த மந்தபாலன் என்னும் மன்னனுக்குக் குழந்தைப் பேறில்லை. குலகுருவான கெளசிக மகரிஷியின் ஆலோசனையின்படி, மனைவி வபிதை என்பாளையும் அழைத்துக் கொண்டு தாமிரவருணிக் கரையை அடைந்தான். மாமுனிவர்கள் பலரும் பத்மவனத்தில் யாகம் செய்துகொண்டிருந்தனர். கெளசிகரின் வழிகாட்டுதல்படி, யாஜ யஜமானரான வாமதேவ மாமுனிவரைச் சந்தித்தான் மன்னன். அப்போது, மந்தபாலனுக்கு வாமதேவர் உபதேசம் செய்தார். 
கருத்தரித்த முதல் மாதத்தில் பஞ்சபூதச் சேர்க்கையால் கருவின் உடல் தோன்றும் என்றும், முதல் மாதத்திலேயே கருப்பிண்டத்தில் தசைகள் உருவாகும் என்றும், தொடர்ந்து நாளங்கள், தோல், நரம்புகள் ஆக்கியவற்றின் படிவுகள் தோன்றும் என்றும், 4 மற்றும் 5-ஆம் மாதங்களில் காது, முகம், மார்பு ஆகியவற்றின் வடிவங்கள் அமையத் தோன்றும் என்றும், 6-ஆவது மாதத்தில் தலை, கால்கள், கழுத்து ஆகியவற்றின் வடிவங்கள் முழுமையடையத் தொடங்கும் என்றும், 8-ஆவது மாதத்தில் அனைத்து அவயவங்களும் செயல்படும் நிலைக்கு வந்து ஜீவன் பிரவேசிக்கும் என்றும், 9-ஆவது மாதத்தில் பூர்வ ஜன்ம கர்மவினை சூழும் என்றும், 10- ஆவது மாதத்தில் பிரசவம் இயற்கையாய் நடக்கும் என்றும் கூறினாராம். 
வாமதேவரின் உபதேசப்படியே, மந்தபாலனும் வபிதையும் முனிவர்களுக்குப் பணிவிடை செய்து, ஹரிநாமம் ஜபித்து வழிபட... வபிதை கருத்தரித்து, குறித்த காலத்தில் பெண் குழந்தை ஒன்றை ஈன்றாள். பிறந்த குழந்தையோ, அழவில்லை, கண் திறந்து பார்க்கவில்லை, அசையவில்லை. மனதில் வருத்தமிருந்தாலும், முனிவர்களுக்குப் பணிவிடை செய்வதில் மந்தபாலன் எந்தக் குறையும் வைக்கவில்லை. யாக நிறைவு நாளும் வந்தது. பூர்ணாஹுதி நேரம். அக்னிதேவன் அடர்ந்தோங்கி வளர... ஸ்ரீ தேவி, பூதேவி நாச்சிமார்கள் இருபுறமும் பொலிந்து நிற்க... கருமாணிக்கமாகப் பிரசன்னமானார் வரி வாசுதேவர். 
"இயற்கைச் சமன்பாடு குன்றுங்காலத்திலும், கர்ம வினைகளின் ஆதிக்கத்தாலும் சந்ததிப் பிரவேசம் குறைபடும். கர்ம வினையின் காரணமாக உன் மகள், அழைவின்றிச் சில காலம் கிடப்பாள். இருப்பினும், நீயும் உன் மனைவியும் இறைவனை நம்பிக்கையோடு வழிபட வழிபட, அவளின் கர்மவினை பாதிப்பு குறைந்து, நலம் பெறுவாள். வருங்காலத்தில் உன் மகளான விசாகி, உன் நாட்டை ஆளுகிற பேரரசியாகத் திகழ்வாள்' என்று வரமருளினார். 
(தொடரும்...)
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/oct/04/நேசம்-உறையும்-தேசமாணிக்கம்-3247835.html
3247834 வார இதழ்கள் வெள்ளிமணி நிகழ்வுகள் DIN DIN Friday, October 4, 2019 11:04 AM +0530 மங்களசண்டி மகா யாகம்
 சேலம், சின்னத்திருப்பதி, ஸ்ரீ லட்சுமி நரசிம்ம பக்த ஜன சபா ஏற்பாட்டில் சகல தோஷங்களும் நீங்கி, முப்பெரும் தேவிகள் அருள்பெற வேண்டி மங்களசண்டி மகா யாகம் அக்டோபர் 8 -ஆம் தேதி நடைபெறுகின்றது. இடம்: மனுர்குல தேவாங்க துவக்கப்பள்ளி, வாசக சாலை தெரு, செவ்வாய்ப்பேட்டை, சேலம்-2; நேரம்: காலை 7.00 மணி முதல்.
 தொடர்புக்கு: 94421 91793/ 88389 11220.

]]>
https://www.dinamani.com/weekly-supplements/vellimani/2019/oct/04/நிகழ்வுகள்-3247834.html
3247833 வார இதழ்கள் வெள்ளிமணி புண்ணிய பூமியில் புனிதப் பயணம் 28 DIN DIN Friday, October 4, 2019 11:04 AM +0530 மலைப் பிரசங்க இடம் (இஸ்ரேல்)
 இயேசுவின் மலைப்பிரசங்கம் காந்தி, டால்ஸ்டாய் போன்ற உலகத் தலைவர்களை எல்லாம் ஈர்த்துள்ளது. கலிலேயா கடற்கரை பகுதியில் தான் இயேசு மலைப்பிரசங்கம் செய்த இடம் உள்ளது. இன்றைய வடக்கு இஸ்ரேலின் மலைப்பாங்கான பகுதியில் தமது சீடருக்கும் அங்கிருந்த பொதுமக்களுக்கும் கொடுக்கப்பட்ட சொற்பொழிவாகும். இப்பிரசங்கத்தின் ஆரம்பம் ஆசீர்வாதங்களைக் கொண்டுள்ளது. மேலும் இது இயேசு கற்பித்த ஜெபத்தையும் அகிம்சை, "அடுத்த கன்னத்தையும் காட்டு'' போன்ற இயேசுவின் முக்கிய படிப்பினைகளைக் கொண்டுள்ளது. பல கிறித்தவர்கள் மலைபிரசங்கத்தை பத்து கட்டளைகளிற்கான இயேசுவின் விளக்கமெனக் கருதுகின்றனர். மலைப்பிரசங்கம் கிறித்தவத்தின் மையக் கருத்துகளைக் கொண்டிருக்கிறது.
 மலைப்பிரசங்கத்தின் முக்கிய அம்சங்கள்:
 மத்தேயு 5-ஆம் அதிகாரத்தின்படி, அவர் திரளான ஜனங்களைக் கண்டு மலையின் மேல் ஏறினார்; அவர் உட்கார்ந்தபொழுது, அவருடைய சீடர்கள் அவரிடத்தில் வந்தார்கள். அப்பொழுது அவர் தமது வாயைத் திறந்து அவர்களுக்கு உபதேசித்துச் சொன்னது என்னவென்றால்: ஆவியில் எளிமையுள்ளவர்கள் பாக்கியவான்கள்; பரலோகராஜ்யம் அவர்களுடையது. துயரப்படுகிறவர்கள் பாக்கியவான்கள்; அவர்கள் ஆறுதலடைவார்கள்.
 சாந்தகுணமுள்ளவர்கள் பாக்கியவான்கள்; அவர்கள் பூமியைச் சுதந்தரித்துக் கொள்ளுவார்கள். நீதியின்மேல் பசிதாகமுள்ளவர்கள் பாக்கியவான்கள்; அவர்கள் திருப்தியடைவார்கள். இரக்கமுடையவர்கள் பாக்கியவான்கள்; அவர்கள் இரக்கம் பெறுவார்கள். இருதயத்தில் சுத்தமுள்ளவர்கள் பாக்கியவான்கள்; அவர்கள் தேவனைத் தரிசிப்பார்கள்.
 சமாதானம் பண்ணுகிறவர்கள் பாக்கியவான்கள்; அவர்கள் தேவனுடைய புத்திரர் எனப்படுவார்கள். நீதியினிமித்தம் துன்பப்படுகிறவர்கள் பாக்கியவான்கள்; பரலோகராஜ்யம் அவர்களுடையது. என்னிமித்தம் உங்களை நிந்தித்துத் துன்பப்படுத்தி, பலவித தீமையான மொழிகளையும் உங்கள்பேரில் பொய்யாய்ச் சொல்வார்களானால் பாக்கியவான்களாயிருப்பீர்கள். நீங்கள் பூமிக்கு உப்பாயிருக்கிறீர்கள்; உப்பானது சாரமற்றுப்போனால், எதினால் சாரமாக்கப்படும்? வெளியே கொட்டப்படுவதற்கும், மனுஷரால் மிதிக்கப்படுவதற்குமே ஒழிய வேறொன்றுக்கும் உதவாது.
 நீங்கள் உலகத்துக்கு வெளிச்சமாயிருக்கிறீர்கள்; மலையின் மேல் இருக்கிற பட்டணம் மறைந்திருக்கமாட்டாது. விளக்கைக் கொளுத்தி மரக்காலால் மூடிவைக்காமல், விளக்குத் தண்டின்மேல் வைப்பார்கள்; அப்பொழுது அது வீட்டிலுள்ள யாவருக்கும் வெளிச்சம் கொடுக்கும். இவ்விதமாய், மனுஷர் உங்கள் நற்கிரியைகளைக்கண்டு, பரலோகத்திலிருக்கிற உங்கள் பிதாவை மகிமைப்படுத்தும்படி, உங்கள் வெளிச்சம் அவர்கள் முன்பாகப் பிரகாசிக்கக்கடவது. நியாயப்
 பிரமாணத்தையானாலும் தீர்க்கதரிசனங்களையானாலும் அழிக்கிறதற்கு வந்தேன் என்று எண்ணிக்கொள்ளாதேயுங்கள்; அழிக்கிறதற்கு அல்ல, நிறைவேற்றுவதற்கே வந்தேன். வானமும் பூமியும் ஒழிந்துபோனாலும், நியாயப்பிரமாணத்திலுள்ளதெல்லாம் நிறைவேறுமளவும், அதில் ஒரு சிறு எழுத்தாகிலும், ஒரு எழுத்தின் உறுப்பாகிலும் ஒழிந்து போகாது என்று மெய்யாகவே உங்களுக்குச் சொல்லுகிறேன். கண்ணுக்குக் கண், பல்லுக்கு பல் என்று உரைக்கப்பட்டதைக் கேள்விப்பட்டிருக்கிறீர்கள். நான் உங்களுக்குச் சொல்லுகிறேன்; தீமையோடு எதிர்த்து நிற்கவேண்டாம்; ஒருவன் உன்னை வலது கன்னத்தில் அறைந்தால், அவனுக்கு மறு கன்னத்தையும் திருப்பிக் கொடு. உன்னோடு வழக்காடி உன் வஸ்திரத்தை எடுத்துக்கொள்ளவேண்டுமென்றிருக்கிறவனுக்கு உன் அங்கியையும் விட்டுவிடு.ஒருவன் உன்னை ஒரு மைல் தூரம் வரப் பலவந்தம் பண்ணினால், அவனோடு இரண்டு மைல் தூரம் போ. உன்னிடத்தில் கேட்கிறவனுக்குக் கொடு, உன்னிடத்தில் கடன் வாங்க விரும்புகிறவனுக்கு முகங்கோணாதே. உனக்கடுத்தவனைச் சிநேகித்து, உன் சத்துருவைப் பகைப்பாயாக என்று சொல்லப்பட்டதைக் கேள்விப்பட்டிருக்கிறீர்கள். நான் உங்களுக்குச் சொல்லுகிறேன், உங்கள் சத்துருக்களைச் சிநேகியுங்கள்; உங்களைச் சபிக்கிறவர்களை ஆசீர்வதியுங்கள்; உங்களைப் பகைக்கிறவர்களுக்கு நன்மை செய்யுங்கள்; உங்களை நிந்திக்கிறவர்களுக்காகவும் உங்களைத் துன்பப்படுத்துகிறவர்களுக்காகவும் ஜெபம் பண்ணுங்கள். இப்படிச் செய்வதினால் நீங்கள் பரலோகத்திலிருக்கிற உங்கள் பரம பிதாவுக்கு புத்திரராயிருப்பீர்கள்; அவர் தீயோர் மேலும் நல்லோர் மேலும் தமது சூரியனை உதிக்கப்பண்ணி, நீதியுள்ளவர்கள் மேலும் அநீதியுள்ளவர்கள் மேலும் மழையைப் பெய்யப்பண்ணுகிறார் என்றார்.
 மலைப்பிரசங்கத்தின்போது பழைய யூத அல்லது கிறிஸ்தவ மதத்தில் இருந்த பல சடங்குகளை மாற்றி புரட்சிகரமான கருத்துக்களை இயேசு போதனை செய்த இடம் தான் இந்த மலைப்பிரசங்க இடம். இயேசு அமர்ந்து பிரசங்கம் செய்த இடத்தில் இப்போது ஓர் தேவாலயம் கட்டப்பட்டுள்ளது. மலைப்பிரசங்கம் முடிந்து அவர் கீழே இறங்கியபோது அங்கு வந்த ஒரு குஷ்டரோகியை அவர் கையால் தொட்டு குணப்படுத்தினார் (மத்தேயு 8: 1 முதல் 3-ஆம் வசனங்கள். பின்னர் அவர் அங்கிருந்து கப்பர்நகூமுக்கு புறப்பட்டுச் சென்றார் (மத்தேயு 8:5).
 - ஜெபலின் ஜான்
 (தொடரும்)
 

]]>
https://images.dinamani.com/uploads/user/imagelibrary/2019/10/4/w600X390/ESPEAK.JPG இயேசு மலைப் பிரசங்கம் செய்த இடம் https://www.dinamani.com/weekly-supplements/vellimani/2019/oct/04/புண்ணிய-பூமியில்-புனிதப்-பயணம்-28-3247833.html
3247831 வார இதழ்கள் வெள்ளிமணி உத்தம தோழர் உதுமான் (ரலி) DIN DIN Friday, October 4, 2019 10:59 AM +0530 உத்தம நபி (ஸல்) அவர்களின் தோழர்களும் உத்தமர்களே. ஏனெனில் அவர்கள் நந்நபி (ஸல்) அவர்களின் நந்நெறிகளை அணுவும் பிசகாது பிறழாது பின்பற்றியவர்கள். இதனை இறைமறை குர்ஆனின் 9-100 ஆவது வசனம், "முஹாஜிர்களிலும் அன்ஸார்களிலும் எவர்கள் முதலில் முந்தினார்களோ அவர்களையும் நற்செயல்களில் இவர்களைப் பின்பற்றியவர்களையும் பற்றி அல்லாஹ் திருப்தியுறுகிறான். இவர்களும் அல்லாஹ்வைப் பற்றி திருப்தி அடைகின்றனர். தொடர்ந்து நீரருவிகள் ஓடும் சொர்க்கத்தை இவர்களுக்காக தயார்படுத்தி வைத்திருக்கிறான். அவற்றில் அவர்கள் நிரந்தரமாக தங்குவர். இது மகத்தான மாபெரும் வெற்றி.''
 முஹம்மது நபி (ஸல்) அவர்களின் தூதுவத்தை முதலில் ஏற்றவர்கள் தூய உள்ளத்தினர். கண்ணியமான ஆளுமை அடையப் பெற்றவர்கள். வாரிவழங்கும் தன்மையினர். பெருந்தன்மையோடு நடக்கும் பண்பினர். உயரிய மதிப்பிற்கு உரியவர்கள். இத்தகு நற்குணம் வாய்க்கப் பெற்ற தோழர்களில் நந்நபி (ஸல்) அவர்களின் நண்பர்களில் ஒருவர் உதுமான் இப்னு அப்பான் (ரலி).
 அல்லாஹ் அண்ணல் நபி (ஸல்) அவர்களை உண்மையை கொண்டு உத்தம நபியாக அனுப்பினான். எனவே, அல்லாஹ் மற்றும் அவனின் தூதரின் அழைப்பினை ஏற்றவர்களில் நானும் இணைந்தேன். அவர்கள் எதனைக் கொண்டு அனுப்பப் பட்டார்களோ அவற்றை நான் முழுவதும் ஏற்கிறேன். நானும் அவர்களோடு சேர்ந்து வாழ்ந்தேன். அவர்களோடு நான் பைஅத் என்னும் உடன்படிக்கை செய்தேன். அல்லாஹ்வின் மீது ஆணையாக நான் அவர்களுக்கு மாறு செய்யவில்லை என்று உதுமான் இப்னு அப்பான் (ரலி) அறிவித்தது புகாரி 3696 -இல் பதிவாகி உள்ளது.
 மற்ற தோழர்களிலும் மாநபி (ஸல்) அவர்களோடு தூய்மையாகவும் நம்பிக்கைக்குரியவராகவும் நெருக்கமாகவும் இருந்தார்கள் உதுமான் இப்னு அப்பாஸ் (ரலி). தர்மம் செய்வதிலும் வாரி வழங்குவதிலும் வழிகாட்டியாக திகழ்கிறார்கள். தயாள தன்மைக்கும் இரக்க தன்மைக்கும் சிறந்த முன்னோடிகள். நற்செயல்களை விரைந்து நிறைவேற்றுபவர்கள். நற்பணிகளில் முந்துவார்கள் உதுமான் (ரலி).
 ஒருமுறை அண்ணல் நபி (ஸல்) அவர்கள் தர்மம் செய்ய ஆர்வம் ஊட்டியபொழுது உடையிலிருந்த ஆயிரம் தீனார் தங்க காசுகளைத் தயங்காது வழங்கினார்கள் உதுமான் (ரலி). அப்பொழுது அண்ணல் நபி (ஸல்) அவர்கள் உதுமானின் முயற்சிகளில் முன்னேற்றமே ஏற்படும் என்று வாழ்த்தினார்கள்.
 உதுமான் (ரலி) தேவை உள்ளவர்களைத் தேடிச் சென்று உதவுவார்கள். வறியவர்களுக்கு வாரி வழங்குவார்கள். உணவுக்கு உதவ கோரியவர்களுக்கு உணவு தானியங்களைத் தானமாக தாராளமாக கொடுப்பார்கள். அவ்வாறு அள்ளி தரும்பொழுது துள்ளும் பாசத்தோடும் துடிக்கும் நேசத்தோடும் காக்கும் கண்ணியத்தோடும் உள்ளே அழைத்து சென்று உதவுவார்கள்.
 அதிக விலை தருவதாக வியாபாரம் பேசும் வணிகர்களிடம் தர்மத்திற்கு ஒன்றுக்குப் பத்தாக தரும் அல்லாஹ்வை விட அதிகமாக நீங்கள் தர முடியுமா? என்று வினா தொடுப்பார்கள்.
 மக்கத்து முஹாஜிர்கள் மதீனாவிற்கு அபயம் தேடி சென்றபொழுது ரூமா என்ற கிணற்றை விலைக்கு வாங்கி பொதுமக்கள் பயன்படுத்த தர்மம் செய்தார்கள். தங்கு தடையின்றி மக்களுக்குப் பொங்கி வரும் நீர் கிடைத்தது. அப்பொழுது அண்ணல் நபி (ஸல்) அவர்கள் உதுமான் (ரலி) அவர்களுக்குச் சொர்க்கத்தில் நிலையான நீர் ஊற்று கிடைக்கும் என்று உறுதி கூறினார்கள். மதீனா பள்ளிவாசல் விரிவாக்கத்திற்கு நிலம் தேவைப்பட்ட பொழுது அந்நிலத்தை விலைக்கு வாங்கி அப்பள்ளி வாசல் விரிவாக்கத்திற்குக் கொடுத்தார்கள் உதுமான் (ரலி).
 குர்ஆனைத் தொகுத்து ஒவ்வொரு ஊருக்கும் ஒரு பிரதியை அனுப்பினார்கள்- புகாரி 4604. அந்த பிரதிகளோடு குர்ஆனை ஓதுபவர்களையும் அனுப்பினார்கள்- மன்ஜில் இர்பான் 261/ 1. குர்ஆனை ஓதாத நாள் என் வெறுப்பிற்குரிய நாள் என்றார்கள் உதுமான் (ரலி).
 சாந்த நபி (ஸல்) அவர்களின் சத்திய வழியில் நித்தமும் வாழ்ந்த உத்தம தோழர் உதுமான் (ரலி) அவர்களைப் போல் நாமும் நற்செயல்களை நாளும் புரிந்து பொற்புடன் வாழ்வோம்.
 - மு.அ. அபுல் அமீன்
 
 
 

]]>
https://images.dinamani.com/uploads/user/imagelibrary/2019/10/4/w600X390/vm3.jpg https://www.dinamani.com/weekly-supplements/vellimani/2019/oct/04/உத்தம-தோழர்-உதுமான்-ரலி-3247831.html
3247830 வார இதழ்கள் வெள்ளிமணி திருமணத் தடையை விலக்கும் கூகலூர் மத்யபுரீஸ்வரர்! DIN DIN Friday, October 4, 2019 10:58 AM +0530 ஈரோடு மாவட்டம், பவானியில் இருந்து சுமார் 23 கி.மீ. தொலைவிலும், கோபியில் இருந்து சுமார் 11 கி.மீ. தொலைவிலும் அமைந்துள்ளது கூகலூர் கிராமம்! இங்கு அருள்மிகு மரகதவல்லி உடனுறை ஸ்ரீ மத்யபுரீஸ்வரர் அருள்பாலித்து வருகிறார். இது மிகவும் பழைமை வாய்ந்த ஆலயமாகும்.
 பசுமை சூழ்ந்த இந்தக் கிராமத்தில் மிக அமைதியான இடமாக மத்யபுரீஸ்வரர் கோயில் உள்ளது. திருமணம் தடைபடுபவர்கள் இக்கோயிலுக்கு வந்து பிரார்த்தனை செய்தால் திருமணம் விரைவில் கைகூடும் என்பது நம்பிக்கை!
 முன்னொரு காலத்தில் பரமகுரு என்ற மாமுனிவர், தனக்கு பார்வதிதேவி மகளாகவும், சிவபெருமான் மருமகனாகவும் வர வேண்டும் என்று செய்த பிரார்த்தனை நிறைவேறியதாகவும் கதை உண்டு.
 மத்யபுரீஸ்வரருக்கு எதிரே நந்தி உள்ளது. சூரியனும், சந்திரனும் நந்திக்கு அருகே இருபுறமும் உள்ளனர். வள்ளி-தெய்வானையுடன் சுப்பிரமணியர் தனிச்சந்நிதியில் அருள்பாலிக்கிறார். இங்குள்ள சுப்பிரமணியரை பிரார்த்தனை செய்தால் குழந்தைபேறு உண்டாகும் என்பது நம்பிக்கை. அம்பாள் மரகதவல்லி தனிச் சந்நிதியில் வீற்றிருக்கிறார். செவ்வாய், வெள்ளிக்கிழமைகளில் சிறப்பு பூஜை நடைபெறுகிறது.
 கோயில் பிரகாரத்தை வலம் வரும்போது நடராஜர் மண்டபம், கால பைரவர், சண்டிகேஸ்வரர், நவகிரக சந்நிதிகள் உள்ளன. கால பைரவரை வணங்கினால் தோஷங்கள் அகலும் என்பதும் இக்கோயிலின் சிறப்பு. தலவிருட்சம் வன்னி மரம். மேற்கு நோக்கி அமைந்துள்ள இத்திருக்கோயிலின் முன்புறம் பெரிய அரசமரம் உள்ளது. அதன்கீழ் பிள்ளையார் வீற்றிருக்கிறார்.
 கி.பி.1060 காலகட்டத்தில் கோயிலுக்கு தானமாக நிலம் கிடைத்ததற்கு சாட்சியாக கல்வெட்டுகள் கிடைக்கப்பெற்றுள்ளதாகத் தெரிகிறது. எனவே, இக்கோயில் பல நூறு ஆண்டுகள் பழைமை வாய்ந்தது என்பதில் சந்தேகம் இல்லை. ஆருத்ரா தரிசனம், நவராத்திரி, கந்தசஷ்டி உற்சவங்கள், வள்ளி-தெய்வானை சமேத முருகப்பெருமான் திருக்கல்யாண உற்சவங்கள், ஆனித் திருமஞ்சனம் ஆகியவை சிறப்பாக நடைபெறுகின்றன.
 இந்தக் கோயில் வளாகத்தில் நுழையும்போதே இடதுபக்கம் பெருமாள் சந்நிதி உள்ளது கூடுதல் சிறப்பாகும். பெருமாள் கோயிலில், வைகுண்ட ஏகாதசி, ராம நவமி, கோகுலாஷ்டமி ஆகிய விழாக்கள் சிறப்பாக நடைபெறுகின்றன. சிவாலயத்துக்கு அருகே செல்லியாண்டி அம்மன் கோயில் உள்ளது. மிகவும் சக்திவாய்ந்த அம்மன். இக்கோயிலுக்குச் செல்லும் வழியில் நாகலிங்க மரங்கள் உள்ளன. மத்யபுரீஸ்வரர் கோயிலில் மயில்களையும் காண முடிகிறது.
 கோபிச்செட்டி பாளையத்திலிருந்து கூகலூருக்கு அரசுப் பேருந்துகளில் செல்லலாம்.
 - மணிகண்டன் தியாகராஜன்
 
 

]]>
https://images.dinamani.com/uploads/user/imagelibrary/2019/10/4/w600X390/MATHYAPUREESWAR.JPG https://www.dinamani.com/weekly-supplements/vellimani/2019/oct/04/திருமணத்-தடையை-விலக்கும்-கூகலூர்-மத்யபுரீஸ்வரர்-3247830.html
3247829 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, October 4, 2019 10:56 AM +0530 * இறைவன் நமக்கு உள்ளேயும் இருக்கிறார், வெளியிலும் இருக்கிறார். அவரே நம்மை வழி நடத்துகிறார். அவரது விருப்பப்படியே அனைத்தும் நடைபெறுகின்றன.
- ஸ்ரீ ராமகிருஷ்ணர் 

* மரத்தில் பழுத்த பழம் ஒரு நாள் தரையில் விழுந்துதான் ஆக வேண்டும். அதுபோன்று பூமியில் பிறந்த மனிதனும் ஒரு நாள் இறந்துதான் ஆக வேண்டும்; மனிதன் உலகில் வாழ்வது நிச்சயமில்லை.
- ஸ்ரீ ராமபிரான் (வால்மீகி ராமாயணம்)

* ஓர் அறிஞன் புறப்பொருள்களிலிருந்து கிடைக்கும் உலகியல் சுகத்தில் பற்றைத் துறந்து, மகானான குருவை அடைய வேண்டும். அவர் உபதேசிப்பதை மனதில் நிலைநிறுத்தி முக்திக்காக முயற்சி செய்ய வேண்டும்.
- ஆதிசங்கரர்

* இந்தச் சந்திரன் அமிருதத்திற்கு உறைவிடம், பரமசிவனின் தலைமீது இருப்பவன். என்றாலும் தேய்ந்து தேய்ந்து வளர்கிறான். விதியின் செயலை யாரால்தான் தாண்ட முடியும்?
- பர்துருஹரியின் நீதி சதகம்

* உலகிலுள்ள எல்லா உயிர்களின் மீதும் இறைவனின் கருணை மழை பொழிகிறது. நீங்கள் உண்மையாகத் தவறாமல் பக்தி செலுத்தினால், இறைவனின் எல்லையற்ற கருணையின் இயல்பை உணர்ந்துகொள்வீர்கள்.
- ஸ்ரீ சாரதாதேவியார்

* என்னிடம் மனதை சமர்ப்பணம் செய்தவன் பிரம்மாவின் பதவியையோ, இந்திரப் பதவியையோ, பூலோகத்தை ஆளும் பதவியையோ, பாதாளத்தின் ஆட்சியையோ விரும்பமாட்டான்; அவன் யோகசித்திகளையும் விரும்பமாட்டான், மோட்சத்தையும் விரும்பமாட்டான். என்னைத் தவிர அவன் வேறு எதையும் விரும்பமாட்டான்.
- ஸ்ரீ கிருஷ்ணன் ( உத்தவ கீதை)

* அமைதியும் தூய்மையும் கொண்ட ஆன்மிகத்தில் இரவும் பகலும் அமிழ்ந்து வாழ்வதற்கு முயற்சி செய்யுங்கள். எது உலகில் பயனற்ற மாயாஜாலமோ, அதன் நிழல்கூட உங்கள்மீது பட வேண்டாம்.
- சுவாமி விவேகானந்தர்

* மகான்களின் சத்சங்கம் வாழ்க்கையில் இருக்கும் வெறுமை நிலையைப் போக்கி, வாழ்க்கையை முழுமை பெறச் செய்கிறது; மரணத்தை அமரத்துவமாக்குகிறது; வாழ்க்கையின் துரதிஷ்டங்களையும் இன்னல்களையும் நீக்கி வளம் நிறைந்ததாக்குகிறது.
- வசிஷ்டர் (யோகவாஷிட்ட சாரம்)

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/oct/04/பொன்மொழிகள்-தொகுப்பு-சுவாமி-கமலாத்மானந்தர்-3247829.html
3247828 வார இதழ்கள் வெள்ளிமணி நலம் அருளும் சக்தி வலம்! DIN DIN Friday, October 4, 2019 10:54 AM +0530 அம்பிகையை தொழுதால் அதிகவரம் பெறலாம் என்பார் மகாகவி பாரதியார். நாம் அதே அம்பிகை காமாட்சி தேவியை பராசக்தியை 108 சக்தி தேவியருடன் சேர்ந்து தொழுதால் நமக்கு அதிக வரம் மட்டுமல்ல நம் வாழ்வில் அதிசயங்களும் நிகழும் என்ற செய்தி பக்தர்களுக்கு காதில் தேனாக பாயும் அல்லவா?
 சக்தி சங்கமம்: ஸ்ரீ பெரும்புதூர் - காஞ்சிபுரம் சாலையில் சுங்குவார் சத்திரத்திலிருந்து பரந்தூர் போகும் வழியில் மதுரமங்கலத்தை அடுத்துள்ள கண்ணன்தாங்கல் கிராமத்தில் (சுமார் 10 கி.மீ. தூரம்) அமைந்துள்ளது. 108 சக்தி பீட ஆலயம். மங்களபுரி தலம் என்று அழைக்கப்படும் இவ்வாலயத்தில் ஸ்ரீசுவர்ண காமாட்சி தேவி மூலஸ்தானத்தில் வீற்றிருக்க, ஆலயத்தை சுற்றிலும் 108 சக்தி பீட தேவியர் சந்நிதிகள் (சிறு சிறு ஆலயங்கள்) அமைந்துள்ளன. உலகில் வேறு எங்கும் காண முடியாத, தரிசிக்க முடியாத இந்த சக்தி சங்கம ஆலயம் ஹிந்து சமய வரலாற்றில் முதல் முறையாக கட்டப்பட்டுள்ளது என்ற பெருமைக்கு உரித்தாகுகிறது.
 இவ்வாலயத்தில் வழிபடும் முறை: பக்தர்கள் முதலில் ஆலயத்திற்கு வெளியே தென்கிழக்கில் உள்ள சுவர்ண கணபதியை தரிசிக்க வேண்டும். பின்பு ராஜகோபுர கணபதியை வணங்கி விட்டு, 108 சக்தி பீட தேவியர் ஆலயங்களை தரிசித்து விட்டு ஸ்ரீ சுவர்ண காமாட்சி தேவியையும், மண்டபத்தில் பஞ்சலோக உற்சவ மூர்த்தி வடிவில் அருளும் காஞ்சி மகாசுவாமிகள் திரு உருவையும் தரிசிக்க வேண்டும். நிறைவாக திக்ஷத்ரபாலகர் ஸ்ரீசுவர்ண பைரவரை வணங்கி உத்தரவு பெற வேண்டும்.
 சக்தி வலம்: 108 சக்தி பீட ஆலயத்தில் உள்ள தேவியரை ஆலய வெளிபிரகாரத்தில் சுற்றி வருவதே சக்தி வலம். சக்தி வல பலன்கள்: கர்ம வினைகள் கழிந்து பாபங்கள் அழியும், வாழ்க்கைக்கு தேவையான அனைத்து தார்மீக கோரிக்கைகளை நிறைவேற்றி குடும்பம் செழிக்க அருள்புரியும் கருணைத் தெய்வங்களே சக்தி தேவியர்கள்.
 சக்திவலம் செய்யும் முறை: ராஜகோபுரத்திற்கு வெளியே வந்து பக்தர்கள் ஸ்ரீசுவர்ண காமாட்சி ஸ்லோகம் மூன்று முறை சொல்லி கோரிக்கைகளை மனதில் பிரார்த்தனை செய்து கொள்ளவும்.
ஸ்லோகம்: காமாரி காமாம் கமலாசன ஹஸ்தாம் காஞ்சி நிவாஸாம்கனக ப்ரபாஸாம் காமாக்ஷி தேவி கலயாமி சித்தே: பின், ஸ்ரீசுவர்ண காமாட்சியின் பீஜாக்ஷர மந்திரத்தை ஜபம் செய்து கொண்டே மூன்று முறை 108 சக்திபீட ஆலய வெளி பிரகாரத்தில் சக்தி வலம் வர வேண்டும்.
 "ஓம் ஐம் ஹ்ரம் ஸ்ரீம் ஸ்ரீஸ்வர்ண காமக்ஷ்யை நமஹ' என்பதே அம்மந்திரம்.
 சக்திவலம் வந்த பிறகு ராஜகோபுரத்திற்கு வெளியே நமஸ்காரம் செய்ய வேண்டும். பிரார்த்தனை நிறைவேறியவுடன் திரும்பவும் ஒரு நாள் வந்து அன்னை பராசக்திக்கு நம் நன்றியை தெரிவிக்கும் விதமாக 27 முறை சுற்றி வலம் வர வேண்டும்.
 வெற்றித்திருநாளாம் விஜயதசமி அன்று (அக்டோபர் 8, செவ்வாய் கிழமை) நங்கநல்லூர் ஸ்ரீ காமாட்சி சுவாமிகளால் இந்த சக்தி வலம் ஆரம்பிக்கப்படுகின்றது. அன்னை அருளால் சகல நலன்களையும் பெற இந்த நலம் தரும் சக்தி வலத்தை பக்தர்கள் மேற்கொள்ளலாம். சக்தி வலம் வரும் நாள்கள் பற்றி விவரங்கள், முறைகள், கால நேரங்கள் போன்ற தகவல்களை அறிய ஆலயத்தை தொடர்பு கொள்ளலாம்.
 தொடர்புக்கு: 094442 68655 /
 044-2717 0109.
 - வெ. உமா

]]>
https://images.dinamani.com/uploads/user/imagelibrary/2019/10/4/w600X390/SWARA_KAMATCHI.JPG https://www.dinamani.com/weekly-supplements/vellimani/2019/oct/04/நலம்-அருளும்-சக்தி-வலம்-3247828.html
3247824 வார இதழ்கள் வெள்ளிமணி நவராத்திரியின் தத்துவங்கள்! DIN DIN Friday, October 4, 2019 10:48 AM +0530 தமிழர்களின் பண்பாடு, கலாசாரத்தின் அடிப்படையில் தோன்றிய எல்லா பூஜைகளும், திருவிழாக்களும் ஏதாவது ஒரு தத்துவத்தின் அடிப்படையிலேயே அமைந்திருக்கும். அத்தகைய திருவிழாக்களில் மிக முக்கியமான திருவிழாவாகக் கருதப்படும் நவராத்திரி விழா, பெண்களைப் போற்றும் மகத்தான திருவிழாவாகும்.
 நான்கு நவராத்திரிகள்: அம்பாளுக்கு நான்கு மாதங்களில் நான்கு நவராத்திரிகள் கொண்டாடப்படுகின்றன. அவை: *ஆவணி மாதத்தில் அமாவாசைக்குப் பிறகு வரும் 9 நாள்கள் - ஆஷாட நவராத்திரி. *புரட்டாசி மாதத்தில் அமாவாசைக்குப் பிறகு வரும் 9 நாள்கள் சாரதா நவராத்திரி. *தை மாதத்தில் அமாவாசைக்குப் பிறகு வரும் 9 நாள்கள் மகா நவராத்திரி. *பங்குனி மாதத்தில் அமாவாசைக்குப் பிறகு வரும் 9 நாள்கள் வசந்த நவராத்திரி. இந்த நான்கு நவராத்திரிகளில் புரட்டாசி மாதம் வரும் சாரதா நவராத்தியையே தமிழ்நாடு, கேரளா மற்றும் வடமாநிலங்களில் மிக விமரிசையாகக் கொண்டாடுகிறார்கள். தமிழ்நாட்டிலும் கேரளத்திலும் சரஸ்வதி பூஜையாகவும், வடநாட்டில் துர்க்கா பூஜையாகவும் கொண்டாடி மகிழ்கிறார்கள்.
 துர்க்கையின் அவதாரம்: தேவர்கள், முனிவர்கள் மட்டுமல்லாமல் மக்களுக்கும் எண்ணிலடங்கா தொல்லைகளைக் கொடுத்துவந்த மகிஷாசுரன் எனும் அரக்கனை வதம் செய்ய பார்வதி தேவி ஊசி முனையில் நின்று 9 நாள்கள் தவம் செய்து பலம் பெறுகிறாள். நவசத்தியாகவும், நவதுர்க்காவாகவும் அவதாரமெடுக்கிறாள். அந்த நவதுர்க்கையின் அவதாரங்கள்,
 *சயில புத்ரி, *பிரம்மசாரிணி, *சித்ரகண்டா, *கூஷ்மாண்டா, *ஸ்கந்தமாதா, *காத்யாயினி, *காளராத்தி, *மஹாகெளரி, *சித்திதாத்ரி. பார்வதிதேவி தவம் செய்த இந்த 9 நாள்களும் நவராத்திரி என்றழைக்கப்படுகிறது.
 நவராத்திரியின் 9 நாள்களும் பெண்கள் தூய்மையான ஆடையுடுத்தி, கொலுவுக்கு வரும் சுமங்கலிகளையும், கன்னிப் பெண்களையும் அம்பாளே தன் வீட்டுக்கு வந்ததாக எண்ணி வரவேற்று, கெளரவித்து அகம் மகிழ்வர். கொலுவில் பெண்கள் தங்களது கைத்திறனையும், கலைத்திறனையும் காட்டி கொலுவை அலங்கரித்து மகிழ்வர். கொலுவுக்கு வந்து அதைப் பாராட்டும் பலருக்கும் தான் கற்ற கலைத்திறனைக் கற்றும் கொடுப்பர்.
 பல நாள்கள் பேசாமல் இருந்த அக்கம் பக்கத்து வீட்டாரைக்கூட தங்களின் பகையை மறந்து தம் வீட்டு கொலுவுக்கு அழைப்பர். கொலுவுக்கு வரும் நண்பர்கள், உறவினர்களின் நட்பு அதிகரிக்கும்.
 நவராத்தியின் 9 நாள்களும் சுமங்கலிப் பெண்கள் துர்க்கா, லஷ்மி, சரஸ்வதியை பூஜை செய்து அஷ்டோத்தரம், லலிதா சகஸ்ரநாமம், அபிராமி அந்தாதி, செளந்தர்யலஹரி முதலிய சக்தி நூல்களைப் படித்துத் பிரார்த்தித்து வழிபடுவர். அதேபோன்று, கன்னிப் பெண்கள் துர்க்கா தேவியை வழிபட, அவர்கள் மனதுக்கேற்ற கணவனைப் பெற்று மங்கள வாழ்வு வாழ்வர்.
 குழந்தைகள் இந்த 9 நாள்களும் கொலுவுக்குச் சென்று பாடவும், ஆடவும் செய்வதனால், இவர்களுக்கு பக்தி வளரும். தீய எண்ணங்கள் அண்டாது. அம்பாளின் அருட்கடாட்சத்தால் கல்வியில் மேன்மை அடைவர். முப்பெருந்தேவியரின் அருளுக்குப் பாத்திரமாவர். ஏழை, பணக்காரர், படித்தவர், படிக்காதவர், வேலைக்குச் செல்லும் பெண்கள், வீட்டிலிருக்கும் பெண்கள் என்கிற வேறுபாடு இல்லாமல் தன் வீட்டு கொலுவுக்கு வரும் அனைவரையும் அம்பாளின் வடிவமாகவே நினைத்து வரவேற்று மகிழ்விக்கும் திருவிழா இந்த நவராத்திரி விழா!
 - ஸ்ரீரங்கம் கே.சண்முகம்
 
 
 

]]>
https://images.dinamani.com/uploads/user/imagelibrary/2019/10/4/w600X390/vm2.jpg https://www.dinamani.com/weekly-supplements/vellimani/2019/oct/04/நவராத்திரியின்-தத்துவங்கள்-3247824.html
3247823 வார இதழ்கள் வெள்ளிமணி ஆதிசங்கரரின் இரு லஹரிகள்! Friday, October 4, 2019 10:46 AM +0530 ஆதி சங்கரர் நமது பாரத தேசம் முழுவதும் பல முறை வலம் வந்து அத்வைத சித்தாந்தத்தை நிலை நாட்டினார். அது மட்டுமல்ல, சாதாரண மக்களும் உய்யும் பொருட்டு ஷண்மத ஸ்தாபனம் செய்து அந்த தெய்வங்கள் மீது அற்புதமான ஸ்தோத்திரங்களையும் அருளிச் செய்தார். அவற்றில் சிவானந்தலஹரி, செளந்தர்யலஹரி என்ற இரண்டு ஸ்தோத்திரகளும் மிகவும் பிரசித்தமானவை.
 "லஹரி' என்றால் "பெருக்கு' என்றும் "அலை'என்றும் பொருள். "சிவானந்த லஹரி' என்றால் சிவபெருமானாகிய "ஆனந்தப் பெருக்கு' என்று அர்த்தமாகிறது. நூறு சுலோகங்களில் பரமேஸ்வரனின் சிறப்புகளை எடுத்துரைத்து அதன் மூலம் நம்மை ஆனந்தப்பெருக்கில் ஆழ்த்துவதால் இந்த நூல் சிவானந்தலஹரி என்று அழைக்கப்படுகிறது.
 அதே போன்று, "செளந்தர்யலஹரி' என்றால் "அழகு வெள்ளம்' என்று பொருள் படும். லோக மாதாவானஸ்ரீராஜராஜேஸ்வரியின் அழகுப் பெருக்கை நூறு சுலோகங்களில் வர்ணிப்பதால் இந்த கிரந்தத்திற்கு "செளந்தர்யலஹரி' என்ற பெயர் ஏற்பட்டது. இந்த இரண்டும் மேலான பக்திக்கு வழி வகுக்கிறது.
 சிவானந்த வெள்ளம் எப்படிப் பெருக்கெடுத்து ஓடி வந்து நம்மை மகிழ்விக்கிறது என்பதை அந்த ஸ்தோத்திரத்தின் 2 -ஆவது ஸ்லோகம் சொல்கிறது. உன்னுடைய பெருமை வாய்ந்த திவ்ய சரித்திரங்களையும் நாமாக்களையும் சொல்லச்சொல்ல, கேட்க கேட்க ஆனந்த வெள்ளம் பெருக்கெடுத்து ஓடுகிறது. அந்த வெள்ளம் நாம் பல பிறவிகளில் சேர்த்து வைத்திருக்கும் பாவங்களை அடித்து செல்கிறது. பிறப்பு இறப்பு என்ற சம்சாரச் சூழலில் சுற்றிச் சுற்றி வரும் களைப்பை போக்கி சாந்தியை அளிக்கிறது. இந்த சிவானந்த வெள்ளம் தான் இந்த ஸ்தோத்திரத்தின் ஜீவ நாடி ஆகும்.
 செளந்தர்யலஹரியின் 44 -ஆவது சுலோகம் ஜகன்மாதாவின் முக செளந்தர்யத்தின் பெருக்கை வர்ணிக்கிறது. இந்த சுலோகத்தில் ஆதிசங்கரர் "ஹேஜகஜ்ஜனனி! உனது திருமுக மண்டலத்தின் செளந்தர்யப் பெருக்கு கரைபுரண்டு ஓடுகிறது. அந்த அழகு வெள்ளத்திற்கு ஓர் வடிகால் வேண்டாமா? அந்த வடிகால் உனது கூந்தலில் உள்ள ஸீமந்தம் எனப்படும் வகிடு. அந்த வகிட்டின் நுனியில் நீ தரித்துள்ள சிந்தூரப் பொட்டு உதிக்கின்ற செங்கதிரோன் போல் பிரகாசிக்கிறது. அந்த அழகு வெள்ளம் எங்களுக்கு எல்லா மங்களத்தையும் அருளட்டும்’ என்கிறார்.
 இந்த இரண்டு சுலோகங்களிலும் சக்தியும் சிவனும் சேர்ந்து விளங்கும் காட்சியும் இருவரும் இணைந்து பக்தர்களுக்கு அருள்புரியும் அழகும் ஆகும்.
 சிவானந்தலஹரியின் 61-ஆவது சுலோகத்தில் பக்தியின் லட்சணத்தை அழகாக எடுத்துரைக்கிறார். எங்கெல்லாமோ சுற்றித்திரியும் மனத்தின் நாட்டம் இறைவனது திருவடிகளை அடைந்து அங்கேயே நிலைபெற்று நிற்குமானால் அதுதான் பக்தி என்று விவரிக்கிறார். பக்தியின் மூலமாக நாம் உயர்ந்த முக்தி நிலையை அடையமுடியும் என்பதை செளந்தர்யலஹரி 22- ஆவது சுலோகத்தில் கூறுகிறார்.
 அம்பாளிடம் அளவுகடந்த பக்திகொண்ட பக்தர் ஒருவர் அம்பாளிடம், "ஹே... பவானி! உனது தாசனான என்னிடத்தில் நீ கருணைகூர்ந்த பார்வையைச் செலுத்த வேண்டும்' என்று சொல்ல நினைக்கிறான். ஆனால் பக்திப்பரவசத்தால் "பவானி த்வம்’ என்று இரண்டு வார்த்தைகள் மட்டுமே கூறி மேலே ஏதும் பேச முடியாமல் நிற்கிறான். ஆனால் கிருபா சமுத்ரமான ஜகன் மாதா பக்தனுக்கு முக்தி நிலையை அளித்து தன்னோடு சேர்த்துக் கொள்கிறாள் என்று அழகுபட கூறுகிறார் ஆதிசங்கரர்.
 சிவானந்தலஹரி 81-இல் "ஹே.. மகேசா! உன்னுடைய திருவடித் தாமரைகளை அர்ச்சிப்பது, உன்னை தியானிப்பது, உன்னை நமஸ்கரிப்பது உன்னுடைய திவ்ய சரித்திரங்களையும், திருவிளையாடல்களையும் கேட்பது, உன்னை தரிசித்து துகிப்பது இப்படி எவன் ஒருவன் தனது மனத்தை உன்னிடத்திலேயே அர்ப்பணிக்கிறானோ அவன் இவ்வுலகில் வாழ்ந்து கொண்டே முக்தி நிலை அடைகிறான்' என்று பக்தியின் மூலம் முத்தி நிலை அடைவதை அழகாக கூறுகிறார்.
 நாமும் வருகிற நவராத்திரியில் செளந்தர்யலஹரி என்ற அழகுப் பெருக்கினாலும் சிவானந்தலஹரி என்ற ஆனந்தப் பெருக்கினாலும் ஜகன்மாதாவையும் பரமேஸ்வரனையும் துதித்து திளைத்து மகிழ்ந்து முக்தி நிலையான ஸாயுஜ்யம் பெறுவோம்; அம்பாளின் அனுக்கிரகம் பெறுவோம்!
 - பட்டம்மாள் ஜெகந்நாதன்
 
 

]]>
https://images.dinamani.com/uploads/user/imagelibrary/2019/10/4/w600X390/vm1.jpg https://www.dinamani.com/weekly-supplements/vellimani/2019/oct/04/ஆதிசங்கரரின்-இரு-லஹரிகள்-3247823.html
3243428 வார இதழ்கள் வெள்ளிமணி அண்ணாமலையில் வந்தருளும் ஸ்ரீநிவாசன்!   DIN DIN Friday, September 27, 2019 03:35 PM +0530 ஸ்ரீவில்லிபுத்தூரில் திருவாடிப் பூரத்தில் இந்த ஜகத்தில் வந்து உதித்தவள் ஆண்டாள். அவளை எடுத்து மாணிக்கம் கட்டி, வயிரம் இடைக்கட்டி, ஆணிப் பொன்னால் செய்த வண்ணச் சிறுத் தொட்டில் கட்டி பேணி வளர்த்தார் பெரியாழ்வார்.
 ஆண்டாள் அரங்கன்பால் மாறாத பற்றுக்கொண்டு அவனையே மணாளனாக அடைய எண்ணி பாவை நோன்பு நோற்று வந்தாள். தன் மகள் தகுந்த பருவம் அடைந்தவுடன் பெரியாழ்வார் அந்த தெய்வப் பெண்ணுக்கு உகந்த தெய்வத்தை மணமுடிக்க சுயம்வரம் ஏற்பாடு செய்தார். ஆண்டாள் அதிகம் போற்றி வணங்கிய ஐந்து தெய்வங்களையும் அழைத்து அவளுக்கு சுயம்வரம் நடத்தும் அழைப்பைத் தகவலாக அனுப்பினார். ஐவரும் அவரவர் இடத்தைவிட்டுக் கிளம்பினார்கள். அனைவரும் வருவதற்குள் ஆண்டாள் தன் மணாளனாக மனதிலேயே வரித்திருந்த அரங்கனைத் தான் எண்ணியபடியே கை பிடித்து விட்டாள் என்ற தகவல் தெரிந்தது.
 அழகர் மலை அழகர் பெரியாழ்வார் குடும்பத்திற்கு குலதெய்வம். ஆகையால் அவர் திருமணத்திற்கு வராமல் ஆசி வழங்க கிளம்பி வந்து, ஸ்ரீவில்லிபுத்தூர் அருகே உள்ள செண்பகத்தோப்பு என்ற காட்டிலே காட்டழகராக நின்று விட்டார். திருத்தங்கலில் இருந்து புறப்பட்ட தங்கால் அப்பன் தகவலறிந்து திரும்பிச்சென்று முன்படியே நின்ற நாராயணனாக நின்றுவிட்டார். ஸ்ரீவில்லிபுத்தூரில் குடிகொண்டிருக்கும் வடபத்ர சயனர் ஆண்டாள் தினமும் தொழுது தனக்கு மணாளனாக அரங்கனை தரவேண்டும் என வேண்டிய தெய்வம் ஆகையால் அவரும் பழையபடியே பள்ளி கொண்டார். அரங்கன் கைப்பிடித்த தகவலை வரும்வழியில் கேள்விப்பட்ட திருமலைவாசன் இவ்வூருக்கு வடக்கே மூன்று கல் தொலைவில் உள்ள மலையிலே நின்றுவிட்டார். பெருமாள் நின்றதால் அவ்விடம் திருவண்ணாமலை என அழைக்கப்பட்டது. திருமலைவாசன் நின்ற இடம் பலருக்கு புலப்படவில்லை, தேடி அலைந்தனர்.
 கோனேரி ஆச்சாரி என்னும் பக்தன் பெருமாளை கண்டுபிடிக்க அலைந்து வந்தான். காணமுடியாமையால் கவலைப்பட்டு வருத்தி, "உன்னை காண வந்த எனக்கு காட்சி தர மாட்டாயா?' என கேட்டான். "சிற்றெறும்பு ஒன்று ஊர்ந்துசெல்லும் பாதையில் வந்தால் எம் திருவடியின் கீழ் உனக்கு அருள்தருவேன்' என அசரீரி ஒலித்தது. கோனேரி பாறையில் ஒற்றைச் சிற்றெறும்பு வெகு வேகமாக மலையுச்சியை நோக்கி பயணித்துக் கொண்டிருப்பதைக் கண்டு, அதனைத் தொடர்ந்து மலை உச்சியை அடைந்தான். திடீரென சிற்றெறும்பு காணாமல் போகவும், ஒரு பாதுகை தென்பட்டது. "கடவுளே உன் திருவடி கண்டேன்; திரு உருவும் திருமுடியும் தரிசிக்க வேண்டும்' என வேண்டினான். பெருமாள் கோனேரிக்கும் அவ்வூர் மக்களுக்கும் திருமலை திருப்பதி ஸ்ரீநிவாசப்பெருமாளாகக் காட்சி தந்தார். அவர்கள் அனைவரின் விருப்பப்படி, அன்றையதினம் முதல் மலையப்பசாமி திருஅண்ணாமலை ஸ்ரீநிவாசப்பெருமாள் என்ற திருநாமத்தோடு, அருள்வழங்கத் தொடங்கினார். அவர் நின்ற இடத்தில் சந்நிதி கட்டி, சிலா விக்கிரகம் பிரதிஷ்டை செய்து வணங்கத் தொடங்கினர்.
 திருப்பதி மலையானே இங்கு எழுந்தருளி இருப்பதால் ஒவ்வொரு சனிக்கிழமையும் திருவோணமும் இங்கு விசேஷம்! திருமலைக்கு செலுத்த வேண்டிய காணிக்கைகளை இங்கே செலுத்துகின்றனர். தெற்கில் இருப்பதால் தென் திருப்பதி என இத்தலம் அழைக்கப்படுகிறது. தொழில், வியாபாரம் அபிவிருத்தி, புத்திரபாக்கியத்துக்கு இப்பெருமாளை வேண்டிக்கொண்டால் வேண்டியவை நிறைவேறும் என்பது பக்தர்களின் அசைக்க முடியாத நம்பிக்கை!
 மிதியடி தைக்கும் தொழிலாளிகள் ஒவ்வொரு புரட்டாசிக்கு முன்பு தங்கள் நேர்த்திக் கடனை தீர்ப்பதற்காக ஒரு ஜதை செருப்புகள் தயார் செய்து 48 நாள்கள் பூஜையில் வைத்து விரதமிருந்து தலையிலே சுமந்துகொண்டு தாரை தப்பட்டை, மேளம் தாளம் முழங்க ஊர்வலம் வந்து மிதியடியை சமர்ப்பிக்கின்றனர். புதிய தோலால் செய்யப்பட்ட அந்த செருப்புகளைப் பெருமாள் இரவில் அணிந்து காட்டுக்குள் சென்று வருவதாக ஐதீகம்!
 நிலவியல் ரீதியாக திருமலையைக் காட்டிலும் பழைமையான பாறைகளைக் கொண்டிருப்பதால் திருமால் உறையும் மூத்த மலை என்னும் பொருளில் "திரு"அண்ணா "மலை' எனப்படுகிறது.
 ஸ்ரீவில்லிபுத்தூரிலிருந்து சுமார் 3 கி.மீ. தொலைவில் மேற்கு தொடர்ச்சி மலை அடிவாரத்தில் ஒரு சிறிய மலையின் மீது அமைந்துள்ளது இத்திருக்கோயில். 240 படிகள் கொண்ட இத்திருக்கோயிலின் அடிவாரத்தில் திருமாலைத் தேடி அலைந்த கோனேரி வெட்டிய திருக்குளமும், ஆதி விநாயகர் என்னும் சுமார் 12 அடி உயரமும் 7 அடி அகலமும் கொண்ட விநாயகரும் அதிசயிக்கத்தக்க வகையில் அமைந்துள்ளன.
 கோனேரி குளத்திற்கு அப்பால் புளியந்தோப்பும், படிகளில் ஏறிச்செல்லும்போது பழைமையான வேணுகோபால சுவாமி திருக்கோயிலும் அமைந்துள்ளது. ஒவ்வொரு பெளர்ணமி அன்றும் மாலையில் மாலவன் அருள்வேண்டி பக்தர்கள் கிரிவலம் செல்கின்றனர்.
 புரட்டாசி 5 சனிக்கிழமைகளும் இத்திருக்கோயிலில் பெருவிழா நாள்களாகும். புரட்டாசி சனிக்கிழமைகளில் அதிகாலை 2 மணி அளவில் சுப்ரபாதம், 3.00 மணிக்கு மூலவர் திருமஞ்சனமும் நடைபெறும். பெருமாளை மூன்றாவது சனிக்கிழமைகளிலும் மற்ற நாள்களிலும் தரிசிப்பதை பெரும்பாலான பக்தர்கள் தங்கள் கடமையாக கருதுகிறார்கள்.
 உற்சவர் ஸ்ரீநிவாசப்பெருமாள். ஸ்ரீவில்லிபுத்தூரிலிருந்து அடிவார மண்டபத்துக்கு எழுந்தருளி நண்பகல் 12.00 மணிக்கு திருமஞ்சனம் நடந்து மாலை 4.00 மணிக்கு கருட வாகனத்தில் கிரிவலம் வந்து சந்நிதிக்கு எழுந்தருள்வார். மூன்றாவது வாரத்தில் மட்டும் அனைத்து தரப்பு மக்களும் புளியந்தோப்பில் கூடியிருக்க, அன்னக்கொடி உற்சவம் பெருமாளுக்கு நடைபெறும்.
 இவ்வாண்டு, செப்டம்பர் 21 -ஆம் தேதி, புரட்டாசி முதல் சனிக்கிழமை துவங்கி, புரட்டாசி மாதம் அனைத்து சனிக்கிழமைகளிலும் உற்சவம் நடைபெறும். ஸ்ரீவில்லிபுத்தூரிலில் இருந்து திருஅண்ணாமலைக்கு நகரப்பேருந்துகள், ஆட்டோக்களில் செல்லலாம்.
 தொடர்புக்கு: 04563 260254 / 97869 21336.
 - இரா. இரகுநாதன்
 

]]>
https://images.dinamani.com/uploads/user/imagelibrary/2019/9/27/w600X390/vm4.jpg https://www.dinamani.com/weekly-supplements/vellimani/2019/sep/27/அண்ணாமலையில்-வந்தருளும்-ஸ்ரீநிவாசன்-3243428.html
3243427 வார இதழ்கள் வெள்ளிமணி மலைமகள் அலைமகள் கலைமகள் அருளும் நவராத்திரி! DIN DIN Friday, September 27, 2019 03:33 PM +0530 பிரம்மா, விஷ்ணு, ருத்ரன் ஆகிய மும்மூர்த்திகளிடம், இந்திரன் மற்றும் தேவர்கள், அஷ்டதிக்பாலர்களுடன் சென்று சும்பன், நிசும்பன் என்ற இரு அசுரர்களின் கொட்டத்தை அடக்க வேண்டினர். தாயுள்ளம் கொண்ட பெண்டிரைத்தவிர யாராலும் தன்னை கொல்லமுடியாத வரத்தினை அந்த அசுரர்கள் பெற்றிருந்தனர்; ஏனெனில் பெண்களால் தன்னை வெல்லமுடியாது என்ற இறுமாப்பு அவர்களை அப்படி கேட்க வைத்தது.
 மும்மூர்த்திகள் அனைவரையும் தங்களுடன் அழைத்துக்கொண்டு; ஆதிசக்தியை வணங்கி அசுரர்களை சம்ஹாரம் செய்ய வேண்டினர். அன்னையும் அந்த அசுரர்களின் பலத்திற்கேற்ப தன்னை தயார்படுத்திக் கொள்ள, அவர்களை வதம் செய்ய பூமிக்கு வந்தாள். மும்மூர்த்திகள் தங்களின் சக்திகள் அனைத்தையும் ஒன்று திரட்டி அன்னைக்கு கொடுத்துவிட்டு சிலை ஆனார்கள். அதுபோன்று இந்திரனும், அஷ்டதிக்பாலர்களும் தங்களின் ஆயுதங்களை அன்னைக்கு அளித்துவிட்டு சிலையானார்கள். அம்பிகை தன் சக்திகளை ஒன்று திரட்டி ஒன்பது நாள்கள் கடும்விரதம் இருந்து பத்தாம் நாள் தசமியன்று சும்ப, நிசும்பர்களையும்; அவர்களது தளபதிகள் மது, கைடபன், ரக்தபீஜன் ஆகியோரையும் அழித்தொழித்து தர்மத்தை நிலை நாட்டினாள்.
 மனிதனின் தமஸ், ரஜஸ், சத்வ மூன்று குணங்களில் முதல் மூன்று நாள்கள் உக்ரமான துர்க்கைக்கும், அடுத்த மூன்று நாள்கள் மென்மையான லட்சுமிக்கும், கடைசி மூன்று நாள்கள் ஞானத்தின் வடிவான சரஸ்வதிக்கும் ஒதுக்கப்பட்டு இந்த நவராத்திரி விழா கொண்டாடப்படுகிறது.
 இதில் முதல் மூன்று நாள்கள் துர்க்கையை, மகேஸ்வரி, கெளமாரி, வாராகியாகவும்; இடை மூன்று நாள்கள் லட்சுமி தேவியை, மகாலட்சுமி, வைஷ்ணவி, இந்திராணியாகவும்; கடைசி மூன்று நாள்கள் சரஸ்வதி தேவியை, சரஸ்வதி, நரசிம்கி, சாமுண்டியாகவும் வழிபடுகிறோம். இந்த ஒன்பது நாள்களிலும் பகலில் சிவபூஜையும், இரவில் அம்பிகை பூஜையும் செய்யவேண்டுமென முறைப்படுத்தியுள்ளனர்.
 அந்த காலத்தில் போர்புரிய சில சட்ட தர்மங்கள் இருந்தன. பகலில் மட்டுமே யுத்தம் செய்வார்கள்; இரவில் அன்று நடந்தவற்றை அலசி ஆராய்ந்து மறுநாள் செய்வதற்கான ஆயத்த வேலைகளை செய்துவிட்டு; களைப்பு நீங்கி உற்சாகமடைய ஆடல், பாடல் போன்ற கலை நிகழ்ச்சிகளை நடத்துவார்கள். இதுபோன்று ஒன்பது இரவுகள் நடந்தவையே நவராத்திரி என நாம் கொண்டாடுகிறோம்.
 அயோத்தி மன்னன் ராமன் தான் முதன் முதலில் இந்த நவராத்திரி வைபவத்தை கொண்டாடினார். அதன் பின்னரே, சீதையிருக்குமிடம் தெரிந்ததாக ஒருசாரர் கூறுகின்றனர். வால்மீகி ராமாயணத்தில் ராமன், ராவணனை வெல்வதற்காக, புரட்டாசியில் வரும் விஜயதசமியன்று போருக்கு புறப்பட்டதாக கூறுகிறார். ஓராண்டு அஞ்சாதவாசம் முடிந்த அர்ஜுனன் மரத்தின் மீது கட்டிவைத்திருந்த ஆயுதங்களை இந்த விஜயதசமியன்று எடுத்து போர்நாதம் செய்தான் என்று மஹாபாரதம் கூறுகிறது.
 இந்த ஒன்பது நாள்களும் பராசக்தியானவள் கன்னிப்பெண் வடிவில் அவதரிக்கிறாள். பராசக்தி சண்டையிட்டபோது அனைவரும் பொம்மையைப்போல் சிலையாய் நின்றதை நினைவு கொள்ளும் வகையில் நாம் ஒன்பது படிகளில் பொம்மைகளை வைக்கிறோம்.
 கொலுப்படியில் கீழிருந்து மேலாக முதல்படியில் ஓரறிவு உயிர்களான புல், செடி, கொடி போன்ற தாவரங்களின் பொம்மைகளும், இரண்டாம்படியில் ஈரறிவு கொண்ட நத்தை, சங்கு போன்றவைகளும், மூன்றாம்படியில் மூன்றறிவு கொண்ட கறையான், எறும்பு போன்றவைகளும், நான்காம்படியில் நான்கறிவு கொண்ட நண்டு, வண்டு போன்றவைகளும், ஐந்தாம் படியில் ஐந்தறிவு கொண்ட மிருகங்கள், பறவைகளின் பொம்மைகளும்; ஆறாம் படியில் இறைவனால் கொடுக்கப்பட்ட சிந்திக்கும், சிரிக்கும் சக்தியை கொண்ட ஆறறிவு மனிதர்களின் பொம்மைகளும், ஏழாம் படியில் மனித நிலையிலிருந்து உயர்ந்த சித்தர்கள், ரிஷிகள், மகான்களின் உருவ பொம்மைகளும், எட்டாம்படியில் தேவர்கள், அஷ்டதிக்பாலர்கள், நவக்ரக நாயகர்கள், தேவதைகளின் உருவ பொம்மைகளும்; கடைசியானதும், உயர்ந்த நிலையில் உள்ளதுமான ஒன்பதாம் படியில் பிரம்மா, விஷ்ணு, சிவன், மும்பெரும் தேவியர்களான சரஸ்வதி, லட்சுமி, பார்வதி ஆகியோரது பொம்மைகளையும் வைத்து இவர்களுக்கு நடுநாயகமாக ஆதிபராசக்தியின் பொம்மையை வைக்கவேண்டும். மனிதன் படிப்படியாக உயர்ந்து தெய்வ நிலையை அடைய வேண்டுமென்று பொருள்பட இந்த ஒன்பது கொலுப்படியின் தத்துவம் அமைந்துள்ளது.
 சுரதா என்ற மன்னன் தனது நாட்டை சிறப்பாக ஆட்சி செய்து வந்தான். அவனது நாட்டைப் பிடிக்க சிலர் சதி செய்தனர். இதை அறிந்த மன்னன், எதிரிகளை அழிப்பதற்காக, தன் குருவான சுதாமாவிடம் ஆலோசனைக் கேட்டான். அவரோ தேவி புராணத்தில் அம்பிகை கூறியிருப்பதை சுட்டிக்காட்டி, தூய்மையான களிமண்ணைக் கொண்டு காளியின் சொரூபத்தை செய்து, நோன்பு இருந்து அன்னையை வழிபட்டால் உன்னுடைய எண்ணம் நிறைவேறும் என்று அருளினார். அதன்படி மன்னனும் செய்து காளிதேவியை வேண்டி வெற்றியடைந்தான் என வரலாறு கூறுகிறது. இதன்படி வங்காளத்தில் இந்த ஒன்பது நாள்களும் காளிமாதாவை வழிபடுகின்றனர்.
 இந்த நவராத்திரி வைபவம் செப்டம்பர் 29 -அன்று ஆரம்பித்து, அக்டோபர் 8 - ஆம் தேதி விஜயதசமியுடன் முடிவடைகிறது.
 - எஸ். எஸ். சீதாராமன்
 
 

]]>
https://images.dinamani.com/uploads/user/imagelibrary/2019/9/27/w600X390/THREE_DEVI.JPG https://www.dinamani.com/weekly-supplements/vellimani/2019/sep/27/மலைமகள்-அலைமகள்-கலைமகள்-அருளும்-நவராத்திரி-3243427.html
3243425 வார இதழ்கள் வெள்ளிமணி அஷ்டலட்சுமி கோபுரத்துள் அத்தித் திருமகள்! DIN DIN Friday, September 27, 2019 03:30 PM +0530 காஞ்சிபுரம் மாவட்டத்தின் கிழக்கு எல்லையில் உள்ளது குன்றத்தூர். இங்குள்ள குன்றில் புகழ்பெற்ற முருகன் கோயில் உள்ளது. இம்மலைக்கு அருகே அஷ்டலட்சுமி கோபுரம் பல்லவர் காலத்திய கட்டடக் கலைக்குச் சான்றாக எழுந்து நிற்கிறது. இதன் கருவறைக்குள் அத்தி மரத்தாலான மகாலட்சுமி தேவி சுமார் ஒன்றரை அடி உயரத்தில் அமர்ந்த திருக்கோலத்தில் அருள்பாலிக்கிறாள். இது பெரும்பாலோருக்கு தெரியாத விஷயம்!
 இந்த அத்தி மரத்தால் ஆன மகாலட்சுமியை பௌர்ணமி அன்று ஒருநாள் மட்டுமே தரிசிக்க முடியும். மற்ற நாள்களில் ஆலயத்தின் வில்வ விருட்ச பிருந்தாவனத்தில் வைக்கப்பட்டிருப்பாள். வரும் சாரதா நவராத்திரியின் 9 நாள்களும் விசேட அலங்காரத்துடன் பக்தர்களுக்கு ஆலயத்தில் சேவை சாதிக்கிறாள்.
 ஆறு பௌர்ணமி நாளில் இந்த சந்நிதிக்குச் சென்று நெய்தீபம் ஏற்றி வழிபட்டு வந்தால் கடன் தீர்ந்து வறுமை நீங்கி செல்வப்பேறு உண்டாகும் என்கின்றனர். குன்றத்தூர் முருகன் கோயில்- திருநீர்மலை வழியில் அஷ்டலட்சுமி கோபுரம் உள்ளது.
 - கே. ராஜலட்சுமி குமாரசிவம்
 

]]>
https://www.dinamani.com/weekly-supplements/vellimani/2019/sep/27/அஷ்டலட்சுமி-கோபுரத்துள்-அத்தித்-திருமகள்-3243425.html
3243423 வார இதழ்கள் வெள்ளிமணி புண்ணிய பூமியில் புனிதப் பயணம் 27 DIN DIN Friday, September 27, 2019 03:29 PM +0530 கலிலேயக் கடலருகில் அமைந்த ஒரு மலையில்தான் இயேசு ஒரு நீண்ட சொற்பொழிவு ஆற்றியதாக மத்தேயு நற்செய்தியாளர் குறித்துள்ளார் (மத்தேயு 5:1-7:28). இது மலைச் சொற்பொழிவு என்னும் பெயரால் அழைக்கப்படுகிறது.
 அதிசய மீன்பாடு புதுமை
 இயேசு தம் அதிசய வல்லமையைப் பயன்படுத்தி இருமுறை பெருமளவில் மீன்பாடு நிகழச் செய்தார் என்று நூல்கள் கூறுகின்றன. முதல் புதுமையை லூக்காவும் இரண்டாம் புதுமையை யோவானும் குறித்துள்ளனர். லூக்கா 5:1-11: ஒருநாள் இயேசு கெனசரேத்து ஏரிக்கரையில் நின்றுகொண்டிருந்தார். திரளான மக்கள் அவரைச் சூழ்ந்துகொண்டு அவர் போதித்ததைக் கேட்டுக்கொண்டிருந்தார்கள். பின்னர், சீமோன் என்பவரின் படகில் இயேசு ஏறி அமர்ந்து அதில் அமர்ந்தவாறே கற்பித்துக்கொண்டிருந்தார்.
 படகை ஏரியின் ஆழத்திற்குத் தள்ளிக் கொண்டுபோய் மீன்பிடிக்க வலைகளைப் போடுமாறு இயேசு சீமோனிடம் கூறினார். இரவு முழுதும் வலைவீசியும் மீனொன்றும் அகப்படவில்லை என்று சீமோன் கூறிப்பார்த்தார். என்றாலும், உமது சொற்படியே வலைகளைப் போடுகிறேன் என்று சொல்லி, அவரும் அவரோடுகூட இருந்தவர்களும் ஏரியில் வலைகளை வீசினார்கள். அதிசயமான விதத்தில் பெருந்திரளான மீன்கள் வலைகளில் அகப்பட்டன; வலைகளும் கிழியத் தொடங்கின. வேறு மீனவர்களும் துணைக்கு அழைக்கப்பட்டனர். படகு மூழ்கும் அளவுக்கு மீன்கள் கிடைத்தன. வியப்பும் அச்சமும் மேலிட, சீமோனும் அவர்தம் உடனுழைப்பாளரும் இயேசுவின் கால்களில் விழுந்தார்கள்.
 இவ்வாறு இயேசு அவர்களைக் கெனசரேத்து ஏரிக்கரையில் தம் சீடர்களாகச் சேர்த்துக்கொண்டார். யோவான் 21:1-14: சாவினின்று உயிர்பெற்றெழுந்த இயேசு திபேரியக் கடல் அருகே தம் சீடருக்குத் தோன்றியதை யோவான் பதிவுசெய்துள்ளார். இரவு முழுதும் வலைவீசியும் மீன் அகப்படாமல் இருந்தது. ஏரிக் கரையில் நின்ற இயேசு படகிலிருந்த சீமோனையும் மற்றவர்களையும் நோக்கி, படகின் வலப்பக்கத்தில் வலைவீசுங்கள்; மீன் கிடைக்கும் என்றார். அவர்களும் அவ்வாறே வீசினார்கள். மீன்கள் மிகுதியாய் அகப்பட்டதால் அவர்களால் வலையை இழுக்க முடியவில்லை. வலையில் 153 மீன்கள் இருந்தன.
 இயேசுவின் பணிக்காலத்தின் தொடக்கத்திலும் அவர் உயிர்த்தெழுந்த பின்னும் இந்நிகழ்ச்சியைக் குறிப்பிடுவதன் வழியாக இயேசுவிடம் கடவுளின் வல்லமை துலங்கியது என்றும், இயேசுவின் பணியை அவர்தம் சீடர்கள் தொடர்ந்து ஆற்றி, உலக மக்கள் எல்லாரையும் (153 மீன்கள் என்பது 153 நாடுகளை குறிக்கிறது) கடவுளின் ஆட்சியில் கொண்டுசேர்க்க வேண்டும் என்றும் இயேசு அப்பொறுப்பைச் சீடர்களுக்கு அளித்தார் என்றும் புதிய ஏற்பாடு கூறுகின்றது. இதையே லூக்காவும் யோவானும் வெவ்வேறு விதங்களில் பதிவுசெய்துள்ளதாகத் தெரிகிறது.
 பிற புதுமைகள்
 இயேசு கலிலேயக் கடல்மீது நடந்தார் என்னும் செய்தியை விவிலியத்தில் பதிவுசெய்துள்ளனர் (மத்தேயு 14:26-33, மாற்கு 4:45-52, யோவான் 6:16-21). கலிலேயக் கடலில் ஏற்பட்ட புயலை இயேசு அடக்கிய நிகழ்ச்சியையும் விவிலியத்தில் மத்தேயு 8:23-27, மாற்கு 4:35-41, லூக்கா 8:22-25 ஆகிய இடஙகளில் குறிப்பிடப்பட்டுள்ளது.
 கலிலேயக் கடலருகில் பாலைநிலத்தில் இயேசு ஐயாயிரம் பேருக்கு அதிசயமான விதத்தில் உணவளித்தார் என்னும் செய்தியும் நற்செய்தியில் காணப்படுகிறது (: மத்தேயு 14:13-21, மாற்கு 6:30-44, லூக்கா 9:10-17, யோவான் 6:1-14).
 புனிதப் பயணம் செல்லும் பயணிகள் கலிலேயே கடற்கரை ஓரங்களில் உள்ள புனித தலங்களை பார்வையிட்ட பின்னர் கெனசரேத் என்னும் இடத்தில் இருந்து சிறிய வகை கப்பலில் ஏற்றி சுமார் 45 நிமிட கடல் பயணத்துக்கு பின்னர் திபேரியஸ் நகருக்கு அழைத்துச்செல்லப்படுகின்றனர். இந்த கப்பலில் இரு கொடிகள் கம்பத்தில் பறக்கும். ஒன்று இஸ்ரேல் தேசியக் கொடி. மற்றொன்று எந்த நாட்டு பயணிகள் கப்பலில் ஏறுகிறார்களோ அவர்களின் தேசிய கொடி ஏற்றப்பட்டு தேசிய கீதம் பாடப்படும். இந்திய மக்கள் ஏறி "ஜனகன' என்ற தேசிய கீதத்தை பாடும்போது இந்தியர்களின் தேசப்பற்று கலிலேயா கடலில் அலையின் சப்தத்தையும் மீறி ஒலிப்பதை பார்க்க முடியும். கப்பலில் முதலில் எபிரேய பாடல் ஒன்று ஒலிக்கப்படும். பின்னர் புனித பயணிகள் தங்களது தாய்மொழி பாடல்களை பாடியபடியும், பிரார்த்தனை செய்தபடியும் கலிலேயா கடலில் பயணம் செய்வது புனித பயணிகளுக்கு மிகவும் உற்சாகத்தை கொடுக்கும்.
 - ஜெபலின் ஜான்
 (தொடரும்)
 கலிலேயா கப்பல் பயணத்தில் கப்பலில்
 ஏற்றப்படும் இந்திய - இஸ்ரேல் தேசிய கொடிகள்
 

]]>
https://images.dinamani.com/uploads/user/imagelibrary/2019/9/27/w600X390/vm3.jpg கலிலேயா கப்பல் பயணத்தில் கப்பலில் ஏற்றப்படும் இந்திய - இஸ்ரேல் தேசிய கொடிகள் https://www.dinamani.com/weekly-supplements/vellimani/2019/sep/27/புண்ணிய-பூமியில்-புனிதப்-பயணம்-27-3243423.html
3243421 வார இதழ்கள் வெள்ளிமணி நிறைவேறும் இறைவேட்டல் Friday, September 27, 2019 03:22 PM +0530 கண்ணியமிக்க கருணையாளன் அல்லாஹ்வைச் சிறப்பித்து சிறப்பு பெயர்களால் அழைத்து வேண்டும்பொழுது, அல்லாஹ் அக்கோரிக்கைகளை நிறைவேற்றுகிறான்.
 அனஸ் இப்னு மாலிக் (ரலி) அண்ணல் நபி (ஸல்) அவர்களோடு அமர்ந்திருந்தபொழுது தொழுது முடித்த ஒருவர் ""அல்லாஹ் நிச்சயமாக உன்னிடம் கேட்கிறேன். நிச்சயமாக புகழ் அனைத்தும் உனக்கே உரியது. வணக்கத்திற்குரியவன் உன்னைத் தவிர வேறு யாருமில்லை. நீயே பெரும் அருள் கொடையாளன். எவ்வித முன் மாதிரியும் இன்றி நீயே வானம் பூமியைப் புதுமையாக படைத்தவன். பெரும் சிறப்பும் கண்ணியமும் உள்ளவன். நிலையானவனே நிச்சயமாக உன்னிடம் கேட்கிறேன்'' என்று வேண்டினார். அப்பொழுது அண்ணல் நபி (ஸல்) அவர்கள் ""என் உயிர் எவன் வசம் உள்ளதோ அவன் மீது சத்தியமாக நிச்சயமாக அந்த மனிதர் மகத்தான சிறப்புடைய பெயர்களைப் பேணுதலோடு சொல்லி பேராளன் அல்லாஹ்வை வேண்டினார். அந்த சிறப்பிற்குரிய பெயர்களைச் செப்பி அப்பழுக்கில்லாது அல்லாஹ்வை வேண்டினால் கண்டிப்பாக இறைவன் அந்த இறைஞ்சலை ஏற்கிறான். அல்லாஹ்வின் சிறப்புகளைச் செப்பி கேட்கும் இறைவேட்டலை ஒப்புகொள்கிறான்.'' என்று எடுத்துரைத்தார்கள். அறிவிப்பவர் அனஸ் இப்னு மாலிக் (ரலி) நூல்- அபூதாவூத்.
 இறைதூதர் இனிய நபி (ஸல்) அவர்கள் ஒவ்வொரு தொழுகை முடிந்ததும் இறைவனிடம் மன்னிப்பை இறைஞ்சுவார்கள். பின்னர் அல்லாஹ் நீயே அமைதி தருபவன். உன்னிடமிருந்தே அமைதி கிடைக்கிறது. பெரும் சிறப்பும் கண்ணியமும் நிறைந்த நீயே நற்பாக்கியம் நிறைந்தவன் என்று புகழ்வார்கள். நூல்- முஸ்லிம். இவ்வாறு துஆ (இறைவேட்டல்) கேட்க இறுதி தூதர் (ஸல்) அவர்கள் உறுதியாக உரைத்தார்கள். அல்லாஹ் பெரும் சிறப்பும் கண்ணியமும் உள்ளவன் என்று சொல்ல ஆர்வம் ஊட்டுவார்கள். நூல்- அஹ்மது. அல்லாஹ்விற்குக் கட்டுப்பட்டு கண்ணியம் பெற இறைவனை இறைஞ்சிகொண்டே இருக்க வேண்டும். கண்ணியமிக்கவர்கள் நம்மிடம் வந்தால் நாம் அவர்களைக் கண்ணியப் படுத்துவோம் என்று அல்லாஹ் அறிவிப்பதாக இப்னு மாஜா இயம்புகிறது.
 முறையாக உளு செய்து தொழுகையைக் குறித்த நேரத்தில் பேணுதலோடு சரிவர நிறைவேற்றுவது முதலிய வணக்க வழிபாடுகள் இறைவனிடம் மிக அதிக நெருக்கத்தைப் பெற்று தரும். அதனால் வாழ்வில் ஏற்படும் எந்த வீழ்ச்சியையும் இறைவன் தடுத்து விடுகிறான். மேலும் வேண்டுதல் வேண்டாமை இல்லாத இறைவனை வேண்டும் அடியானின் கௌரவத்தையும் கண்ணியத்தையும் அதிகப்படுத்துகிறான்.
 மனிதன் சேர்த்த சேமித்த செல்வம் அவனின் சந்ததிகளுக்குச் சொந்தமானது. அல்லாஹ்வின் பெயரால் ஜகாத் (ஏழைவரி) அதற்கு மேலும் ஸதகா (ஈதல்) ஏழை உறவினர், உறவினர், உறவினர் அல்லாதோர், வழிபோக்கர், அநாதைகளுக்குச் செய்யும் செலவு, மக்களுக்குப் பயன்படும் நற்செயல்களுக்குச் செய்யப்படும் மருத்துவ, கல்வி உதவி, முதலியவை மனிதனின் மறுமையிலும் அவனுடன் செல்லும் என்ற நபி மொழியை அறிவிக்கிறார் அபூஹூரைரா (ரலி) நூல்- முஸ்லிம். இந்நபி மொழி இத்தகையோரின் இறைவேட்டல்கள் நிறைவேறி இவர்கள் இம்மை மறுமை இரண்டிலும் இனிய வாழ்வு வாழ்வர்.
 எனக்கும் என் தாய் தந்தையருக்கும் மன்னிப்பு அளிப்பாயாக என்று இப்ராஹீம் நபி இறைஞ்சியதை இயம்புகிறது இறைமறை குர்ஆனின் 14-41 ஆவது வசனம். இப்படி பெற்ற பிள்ளைகள் பெற்றோருக்காக இறைவனிடம் இறைஞ்சினால் மறுமையில் வாடும் பெற்றோர் பிள்ளைகளின் இறைவேட்டல் நிறைவேற்றப்பட்டு வாட்டம் நீங்கி நிறைவாழ்வு வாழ்வர் என்ற நீதர் நபி (ஸல்) அவர்களின் போதனை அஹ்மது, இப்னு மாஜா நூல்களில் உள்ளன.
 தேவைகளைப் பூர்த்தி செய்யும் வணக்கத்திற்குரியவன் அல்லாஹ்வைத் தவிர யாரும் இல்லை. அல்லாஹ் மிக பெரியவன்.
 எந்த அசைவும் ஆற்றலும் அவனைக் கொண்டு மட்டுமே நடைபெறும் என்று இறைவனைப் போற்றி புகழ்ந்து துதித்து வேண்டும் இறைவேட்டல் நிறைவேற்றப்படும் என்ற ஏந்தல் நபி (ஸல்) அவர்களின் அறிவுரையை திர்மிதீ நூலில் காணலாம்.
 நாமும் நாடிய நாட்டம் நாடியபடி நமக்குக் கிடைக்க நற்குர்ஆன் கூறுகிறபடி நமது தூதர் நபிகள் நாயகம் (ஸல்) அவர்களின் அருள்மொழிபடி அல்லாஹ்விடம் அர்ப்பணிக்கப்படும் இறைவேட்டல்கள் நிறைவேறும்.
 - மு.அ. அபுல் அமீன்
 
 

]]>
https://images.dinamani.com/uploads/user/imagelibrary/2019/9/27/w600X390/vm2.jpg https://www.dinamani.com/weekly-supplements/vellimani/2019/sep/27/நிறைவேறும்-இறைவேட்டல்-3243421.html
3243413 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, September 27, 2019 03:07 PM +0530 * மின்னல் ஒரு கணமே பளிச்சென்று வீசிப் பிரகாசித்து மறைந்து போகிறது. அதுபோலவேதான் அழகு ததும்பும் அத்தனையும் கண நேரம் இருந்துவிட்டு மறையக்கூடியவையாக இருக்கின்றன. அனைத்தும் அழிவை நோக்கித்தான் நகர்ந்துகொண்டிருக்கின்றன. இதற்கு எதுவும் விதிவிலக்கல்ல. ஆதலால் நீ உடனே ஆன்மிக விழிப்பைப் பெற வேண்டும்.
- ஸ்ரீ ராமபிரான்
* உனது துன்பங்களுக்கு எது காரணமாக இருந்தாலும் சரி, பிறருக்குத் துன்பம் செய்யாதே! எல்லோருக்கும் நன்மையை நினைப்பதுதான் உண்மையான மதம். எல்லோருக்கும் எல்லையற்ற நன்மையை விரும்பும் பண்பை உன் இதயத்தில் நிரப்பி வைத்துக்கொள். 
- புத்தர்
* பரம்பொருள் சாஸ்திரங்கள் படிப்பதன் மூலமாகவோ, குருவின் மூலமாகவோ உணரப்படுவதில்லை. விவேகபுத்தியும், தணியாத ஆன்மிக தாகமும் கொண்ட ஒருவனால்தான் பரம்பொருள் உணரப்படுகிறது.
- வசிஷ்டர் (யோகவாஷிட்ட சாரம்)
* சூரியகாந்திப் பூவைச் சூரியன் மலரச் செய்கிறான். ஆம்பலையும் சக்கரவாளப் பூவையும் சந்திரன் மலர்விக்கிறான். வேண்டப்படாமலேயே மேகம் மழை பெய்கிறது. நல்லவர்கள் தாங்களாகவே பிறர் நன்மைக்காக முயற்சி செய்கிறார்கள்.
- பர்துருஹரியின் நீதி சதகம்
* எல்லாப் பிராணிகளிடமும் உறையும் என்னைத் தனது உள்ளத்தில் எதுவரையில் கண்டுகொள்ளவில்லையோ, அதுவரையில் அப்படிக் காண்பதற்கு சாதனமாக ஈசுவரனாகிய என்னைத் தனது கடமையைச் செய்துகொண்டு ஒருவன் பூஜிக்க வேண்டும். 
- பாகவதத்தில் கபிலர் தன் தாயாகிய தேவஹுதிக்குக் கூறிய பக்தியோகம்

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/sep/27/பொன்மொழிகள்-தொகுப்பு-சுவாமி-கமலாத்மானந்தர்-3243413.html
3243412 வார இதழ்கள் வெள்ளிமணி பொருநை போற்றுதும்! 60 டாக்டர் சுதா சேஷய்யன்    DIN DIN Friday, September 27, 2019 03:05 PM +0530 இதனால்தான், அஹங்காரத்தை பலியிட்டு பலிபீடமாகவும், இறைவனார் புகழை நெடுந்தொலைவுக்கு எடுத்துக்காட்டும் கொடிமரமாகவும் வணங்குகிற நாமே விளங்கவேண்டும் என்பதால்தான், இந்தக் கோயிலில் பலிபீடம், கொடிமரம் போன்றவை இல்லையோ?
இது செவ்வாய் தோஷப் பரிகாரத் தலமும் ஆகும். செவ்வாய் தோஷத்தால் திருமணம் தடைப்பட்டவர்கள், இங்கு வந்து சுவாமி-அம்பாளை வணங்கி, 58 விரலி மஞ்சள்துண்டுகளைச் சேர்த்து மாலையாகக் கட்டி, நந்திக்கு அணிவிக்கவேண்டும். இவ்வாறு செய்தால், விரைவிலேயே திருமணம் கைகூடும். 
மூலவரான சிவலிங்கம், மிகப் பெரியது. இவருக்குச் சிவப்பு வஸ்திரம் சார்த்தி, துவரம்பருப்பு நைவேத்யம் செய்தாலும், செவ்வாய் தோஷம் நீங்கும். தனிச் சந்நிதி கொண்ட சிவகாமியம்மன் தரிசனம் விசேஷம் என்றாலும், ஐந்துதலை நாகத்தின் கீழ் நின்ற திருக்கோலத்தில் காட்சி தருகிற அனந்தகெளரி அம்மன் தரிசனம் இன்னும் சிறப்பு. இந்த அம்மனுக்கு ஸர்ப்பயாக்ஷி என்றும் நாகாம்பிகை என்றும் திருநாமங்கள் உண்டு.
ஊரின் மேற்குப் பகுதியில், வடக்குத் தெற்காகப் பாய்கிற பொருநையாளின் கிழக்குக் கரையில் இருக்கிறது கோடகநல்லூர் பெருமாள் கோயிலான அருள்மிகு பிரஹன் மாதவர் திருக்கோயில். ஸ்ரீதேவி பூதேவி உடனாய வராகப் பெருமாள் சேவை சாதிக்கிறார். இவருக்குப் "பெரிய பிரான்' என்றும் திருநாமம். இந்தக் கோயிலில் காணப்படுகிற கல்வெட்டுகள், ஊருக்குக் "குலசேகரச் சதுர்வேதி மங்கலம்' என்னும் பெயரைத் தருகின்றன. தவிரவும், தக்ஷிண சிருங்ககிரி என்றும் கோடகநல்லூர் புகழப்படுகிறது. 
கங்கைகொண்டான் என்னும் ஊரைப் பூர்வீகமாகக் கொண்டாலும், இளமைப் பிராயத்தில் பத்தமடையில் வளர்க்கப்பெற்றதாலும், கோடகநல்லூர்க் கரைக் கோரைக் காடுகளில் திரிந்ததாலும் "கோடகநல்லூர் சுந்தர சுவாமிகள்' என்றே பெயர்பெற்றுவிட்ட மஹான் அருளிய பேரருள், தமிழ் இலக்கிய உலகிற்கும் ஆன்மிக உலகிற்கும் மிகப்பெரும் பொலிவுகளைக் கூட்டியுள்ளது. 
பழவூர் அணைக்கட்டும் பாளையன் கால்வாயும்
கோடகநல்லூருக்குக் கிழக்கே, பழவூர். தாமிரவருணியின் வடகரையில் அமைந்திருக்கும் இவ்வூர் வழியாகத்தான் திருநெல்வேலி-பொட்டல்புதூர் சாலை செல்கிறது. இந்த ஊருக்கு எதிர்க்கரையில், அதாவது பொருநையின் தென் கரையில் அமைந்திருக்கும் ஊர், செவல் என்பதாகும். இந்த ஊர், மேற்குப் பகுதியும் கிழக்குப் பகுதியுமாக இருப்பதால், மேலச் செவல் என்றும் கீழச் செவல் என்றும் பெயர்கள். 
பண்டைக் காலத்து அரசர்களும் ஆட்சியாளர்களும், பாசனப் பயன்பாட்டுக்கு உதவும் பொருட்டுப் பொருநைக்குக் குறுக்காக அமைத்துள்ள அணைக்கட்டுகளில், கோடை மேலழகியான், நதியுண்ணி, கன்னடியன், அரியநாயகிபுரம் ஆகிய அணைக்கட்டுகளை அடுத்து (நாமும் இவற்றை ஏற்கெனவே கண்டுவிட்டோம்) அமைந்திருப்பது பழவூர் அணைக்கட்டாகும். வடகரையில் பழவூரையும் தென்கரையில் மேலச்செவலையும் தொட்டுக் கொண்டுதான் பழவூர் அணைக்கட்டு உள்ளது. 
இந்த அணைக்கட்டிலிருந்து நீர் பாயும் விதத்தில், பொருநையின் வலக்கரையிலிருந்து (தென் கரை), பாளையன் கால்வாய் வெட்டப்பட்டுள்ளது. உண்மையில், மேலச் செவலிலிருந்துதான் பாளையன் கால்வாய் புறப்படுகிறது எனலாம். தருவை, மேலப்பாளையம், பாளையங்கோட்டை ஆகிய ஊர்களின் உள் ஓடி, தூத்துக்குடி மாவட்ட பசவப்பபுரம்-சாணாண்குளம் வரை, சுமார் 40 கி.மீ. தொலைவுக்கு இந்தக் கால்வாய் நீள்கிறது. வண்டலும் குப்பையும் கழிவுகளும் கலந்து இன்றைய காலத்தில் முகம் சுழிக்கச் செய்தாலும், ஒரு காலத்தில் இந்தப் பகுதிக்கான முதன்மைப் பாசனப் பெரு வழியாக இக்கால்வாய் திகழ்ந்தது என்பதை மறுப்பதற்கில்லை. 
அபூர்வங்கள் கொண்ட அழகிய பச்சையாறு
மாஞ்சோலை மலைகளுக்குக் கிழக்கேயுள்ள வெள்ளிமலையின் வடகிழக்குச் சரிவுகளில் நதியொன்று உற்பத்தியாகிறது. இந்த நதி நங்கைக்குப் பச்சையாறு என்று பெயர். வடக்கு - வடகிழக்காக ஓடி வருகிற இவளைச் சுற்றிலும் அடர்ந்த காடுகள். இக்காடுகளில் அபூர்வமான விலங்குகள் பல காணப்படுகின்றன. வித்தியாசமான அணில்கள், வித விதமான பாம்புகள் என்று பல. பொதிகை மலைப் பகுதிகளுக்கே உரித்தான சிங்கவால் குரங்குகளும் ஏராளம். கீழ் மணிமுத்தாற்றின் கருமந்தி ஓடை நீரையும் சேர்த்துக்கொண்டு வருகிற பச்சையாறு, முன்னரெல்லாம் தருவைக்கு அருகே தாமிராவோடு இணைந்துகொண்டிருந்தாள். பாளையன் கால்வாய் வெட்டப்பட்ட பின்னர், அதே இடத்தில் இந்தக் கால்வாயோடு கலந்து விடுகிறாள். 
சுத்தமல்லியும் சுந்தர மீன்களும்
பழவூருக்குக் கிழக்காகச் சுத்தமல்லி. பொருநையின் வடகரையில் இருக்கும் இந்த ஊரிலும், அணைக்கட்டு ஒன்றுண்டு. இதற்குச் சுத்தமல்லி அணைக்கட்டு என்றே பெயர். இந்த அணை, மிகச் சாய்வாகக் கட்டப்பட்டிருப்பதால், ஆற்றின் அகலத்தைவிட அணையின் அகலம் அதிகம். சுத்தமல்லி அணைக்கட்டின் இடது முனையிலிருந்து, அதாவது வடக்கு முனையிலிருந்து திருநெல்வேலிக் கால்வாய் பிரிந்து செல்கிறது. 
சுத்தமல்லித் திருக்கோயிலுக்கு ராஜேந்திர சோழப் பேரரசர் திருப்பணி செய்ததாகச் சொல்லப்படுகிறது. இவ்வூரிலும், இவ்வூரைச் சுற்றிலும் அமைந்துள்ள நன்னீர்க் குளங்களில், 18 }க்கும் மேற்பட்ட அரிய வகை மீன்கள் கண்டறியப்பட்டுள்ளன. 
பழவூருக்கும் சுத்தமல்லிக்கும் எதிர்க்கரையில், அதாவது, தாமிராவின் தென்கரையில் இருக்கும் ஊர்களுக்கும் செல்வோமா? 
மேலச் செவலுக்குச் சற்று மேற்கே, கரி சூழ்ந்த மங்கலம்...
(தொடரும்...)
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/sep/27/பொருநை-போற்றுதும்-60-டாக்டர்-சுதா-சேஷய்யன்-3243412.html
3243411 வார இதழ்கள் வெள்ளிமணி குடமுழுக்கை எதிர்நோக்கும் பரஞ்சோதி ஈசுவரர்! Friday, September 27, 2019 03:01 PM +0530 பரம் பொருளாகிய ஈசுவரன் ஆனந்த சொரூபமாய் எங்கும் நிறைந்திருப்பவன்! உலக உயிர்களைக் காக்கும் பொருட்டு ஈசன் எழுந்தருளி அருள்புரியும் சிவத்தலங்கள் இப்பூவுலகெங்கும் நிறைந்திருக்கின்றன. 
ஆனந்தமே சிவமாய் திகழும் அருள்தலங்கள் பல உண்டு. அவ்வகையில் சிறப்பான ஒரு திருத்தலம், சிவகங்கை மாவட்டம், தஞ்சாக்கூர் அருள்மிகு ஞானாம்பிகை சமேத அருள்தரும் பரஞ்சோதி ஈசுவரர் திருக்கோயில் ஆகும். ஆதியில் வில்வ வன úக்ஷத்திரமாக விளங்கிய இத்தலம், நால்வர் பெருமக்களில் ஒருவரான சுந்தரரால் பாடப்பெற்ற சிறப்பு மிக்க தலம்.
ஆதியில் பிரம்மா, விஷ்ணு, இந்திரன், பராசக்தி, லட்சுமி, சரஸ்வதி, இந்திராணியால் பூசிக்கப்பெற்று, பரஞ்சோதி தரிசனமும் அருளப் பெற்ற புண்ணிய தலமாகும். சீதையை தேடி இலங்கைக்குச் செல்லும் வழியில் ராமன், லட்சுமணன் இத்தலத்திற்கு வந்து இத்தல இறைவனாகிய பரஞ்சோதி ஈசுவரரை வணங்கிச் சென்றதாக ஐதீகம்! அதேபோன்று சீதையை மீட்டுத் திரும்பிய ராமன், மனைவி சீதை, தம்பி லட்சுமணன், அனுமன் ஆகியோருடன் மீண்டும் இத்தலத்திற்கு வந்து இத்தல இறைவன் இறைவியை வழிபட்டுச் சென்றதாக செவி வழி தகவல் ஒன்று தெரிவிக்கிறது. இவர்கள் மட்டுமல்லாது, அகத்தியர், கௌதம முனிவர்களாலும் வழிபடப்பெற்ற பெருமை வாய்ந்தது இத்தலம்.
பிற்காலத்தில் மாறன், தஞ்சன், மாறைவாணன், தஞ்சைவாணன் முதலிய அரசர்களால் போற்றி பூசிக்கப்பட்டு, வேண்டிய வரப்பிரசாதங்களும் கிடைக்கப்பெற்று முக்திபேறும் பெற்றனர் என்றும் அறியப்படுகிறது.
பல பெருமைகள் பெற்ற, பழைமை வாய்ந்த இவ்வாலயம், தஞ்சைவாணன், மாறைவாணன் மன்னர்களின் ஆட்சிக்குப்பின்னர், வழிபாடுகுன்றிய நிலையில் சிதிலமடைந்து பூமிக்குள் புதைந்துபோனது. அதன்பின்னர் எவரும் அறியப்படாமல் இருந்த இந்த ஆலயம் வெகுகாலம் கழித்து இறையருளின்படி, வெளிப்படலாயிற்று. 

1961- ஆம் ஆண்டு, மகான் ஸ்ரீசிவக்குமார மௌனகுரு சுவாமி மற்றும் காஞ்சி மகாபெரியவர் சுவாமிகளின் அபிப்பாயங்களின்படியும் வேதாகம முறைப்படியும் இத்திருக்கோயில் கட்டி முடிக்கப்பட்டு கும்பாபிஷேகம் நடந்தேறியது.
இப்புண்ணிய தலத்தில் புதியதாக ஐந்து நிலை ராஜகோபுரம் அமைக்க முடிவு செய்யப்பட்டுள்ளது. மேலும், முன்மண்டபம், விநாயகர், சுப்ரமணியன், விஷ்ணு, மகாலட்சுமி, சுவர்ணாகர்ஷண பைரவர், நவக்கிரகங்கள், சூரியன், சந்திரன் ஆகியோருக்கு புதிதாக சந்நிதிகள் அமைக்கவும் ஏற்பாடாகிவுள்ளது. முக்கியமாக, பரஞ்சோதி ஈசுவரர் கருவறை கோபுரம் கல் திருப்பணி நடைபெறுவதுடன் உற்சவர், நடராஜர், ஞானாம்பிகை , தட்சிணாமூர்த்தி சந்நிதிகளும் புனரமைக்கப்படுகின்றன. ராஜகோபுர திருப்பணி வேலைகள் தொடர்ந்து நடைபெற்று வருகின்றன. 
சிவனடியார்கள், பக்தர்கள், பொதுமக்கள், பெரியோர்களின் அருள்பணியினால் திருப்பணிகள் செவ்வனே நிறைவேறி விரைவில் குடமுழுக்கும் நடந்தேறும் வகையில் இப்புண்ணிய திருப்பணியில் பக்தர்கள் பங்குகொண்டு பரஞ்சோதி ஈசுவரரின் பேரருளைப் பெறலாம். 
மதுரை - ராமேஸ்வரம் செல்லும் வழியில் திருப்பாசேத்தியில் இருந்து 5 கி.மீ. தொலைவில் தஞ்சாக்கூர் ஆலயத்தை அடையலாம்.
தொடர்புக்கு: 99449 40477/ 96294 99966.
- மோகனா
உங்கள் பகுதியிலுள்ள கோயிலில் திருப்பணி நடைபெறுகிறதா?"வெள்ளிமணி' பகுதிக்குத் தகவல் அளிக்கலாம்.
முகவரி: தினமணி வெள்ளிமணி, எக்ஸ்பிரஸ் கார்டன், 
29, இரண்டாவது பிரதான சாலை, 
அம்பத்தூர் தொழிற்பேட்டை, சென்னை - 58.
vellimani@dinamani.com

]]>
https://images.dinamani.com/uploads/user/imagelibrary/2019/9/27/w600X390/PARANJOTHI.JPG https://www.dinamani.com/weekly-supplements/vellimani/2019/sep/27/குடமுழுக்கை-எதிர்நோக்கும்-பரஞ்சோதி-ஈசுவரர்-3243411.html
3239177 வார இதழ்கள் வெள்ளிமணி பொருநை போற்றுதும்! 59 - டாக்டர் சுதா சேஷய்யன் Saturday, September 21, 2019 03:20 PM +0530 ஆதியில், இந்தப் பகுதியில், மாமுனிவர் ஒருவர் தவம் செய்துகொண்டிருந்தார். தவம் செய்துகொண்டிருந்தவருக்கு உதவியாக யாகம் செய்தார், முனிவரின் மகன். அடர்ந்த வனம் என்பதால், வனத்தில் வேட்டையாட வந்தார் பரீக்ஷித் மஹாராஜாவின் புதல்வர். வந்தவருக்கு வழி தொலைந்து போக, தட்டுத் தடுமாறி, முனிவர் தவம் செய்த இடத்தை அடைந்துவிட்டார். முனிவரின் மகனோ, சமித்துக் கட்டுகளைச் சேகரிக்கச் சென்றுவிட்டார்.
 முனிவர் ஒருவர் உட்கார்ந்திருப்பதைக் கண்ட ராஜகுமாரன், குரல் எழுப்பியும் கைகளைத் தட்டியும் முனிவரின் கவனத்தை ஈர்க்க முயன்றார். ஆழ்தவத்தில் இருந்த முனிவரை எப்படியும் எழுப்பக் கூடவில்லை. காத்துக் காத்து எரிச்சலடைந்த ராஜகுமாரன், சுற்றுமுற்றும் பார்த்து, செத்துக் கிடந்த சிறிய பாம்பு ஒன்றை எடுத்து, முனிவரின் கழுத்தில் போட்டுவிட்டுப் போய்விட்டார்.
 சமித்துக் கட்டுகளோடு திரும்பிய முனிகுமாரனுக்குச் சினம் கொப்பளித்தது. தன்னுடைய தந்தையின் கழுத்தில் சர்ப்பத்தைப் போட்டவன் எவனோ, அவனுடைய தந்தை ‘சர்ப்பம் தீண்டி இறந்து போகட்டும்' என்று சாபம் இட்டுவிட்டார்.
 இதற்கிடையில் ராஜகுமாரன் எப்படியோ அரண்மனைக்குத் திரும்பிவிட்டான். முனிகுமாரன் இட்ட சாபமும் பரிவாரங்கள் வழியாக அரசரின் செவிகளை அடைந்தது. அரண்மனை ஜோதிடர்கள், அரசரின் ஜாதகத்தை அவசர அவசரமாக ஆய்ந்தனர். இத்தனை நாள் புலப்படாத சர்ப்ப தோஷம், இப்போது புலப்பட்டது. ‘இன்னும் ஏழு நாட்களே அரசரின் ஆயுள்' என்று ஜோதிடர்கள் கணித்தார்கள். அரசரின் ஆயுளை நீட்டுவிக்கவும், பாம்பு அவரைத் தீண்டாமல் பாதுகாக்கவும் பல்வேறு ஆலோசனைகள் வழங்கப்பட்டன.
 நடுக்கடலில், நிலம் தொடாத நிலையில், கப்பலில் அனைத்து வசதிகளையும் செய்துகொண்டு பரீக்ஷித் மஹாராஜா வாழத் தொடங்கினார். சுற்றிலும் பாதுகாவலர்கள். எந்தப் பக்கத்திலிருந்து மறந்து தப்பிக்கூட எந்தப் பாம்பும் வந்து விடக்கூடாது என்பதற்காகக் கப்பலின் பக்கவாட்டுச் சுவர்களிலெல்லாம் எண்ணெய் பூசி, பாம்பை விரட்டும் வகையில் தூபங்கள் இட்டு, இத்தனை பாதுகாப்புக்கும் அமர்க்களத்துக்கும் இடையில், கடல்வாசத்தைப் போக்கிக்கொள்ள, அருகிலிருந்த பழத்தட்டிலிருந்து எலுமிச்சைப் பழம் ஒன்றை எடுத்து முகர்ந்தாராம் மஹாராஜா.
 சின்னஞ் சிறிய எலுமிச்சை; அதற்குள்... அதற்குள்... கண்ணுக்கே தெரியாத துவாரத்திற்குள்ளிருந்து கன்னங்கரேலென்ற பூநாகம் (சிறியதிலும் சிறியதாக மலர்களுக்கு நடுவில் காணப்படுகிற விஷப் பாம்புக்கு இப்பெயர்) ஒன்று புறப்பட்டது. பாதுகாவலர்களை மீறி... பாதுகாப்பு ஏற்பாடுகளை மீறி... வாசனாதி திரவியங்களை மீறி... மஹாராஜாவின் மூக்கை நேரடியாகப் பதம் பார்த்தது.
 வரவேண்டிய விதி வந்துதான் தீரும்; எத்தனை கடல், எத்தனை மலை தாண்டி ஓடினாலும் தப்பமுடியாது என்பதை உணர்த்துவதற்காகத் திருநெல்வேலி மங்கையர் கூறும் வழக்கமான நீதிக்கதை இது.
 எலுமிச்சைக்குள் தஞ்சம் புகுந்திருந்தவன் கார்கோடகன். அரசரைத் தீண்டியதாலும், அரசர் இறந்ததாலும் தன்னைப் பீடித்த பாவத்தைத் தொலைக்க வழி தேடினான். இறைவனை வேண்ட... பொருநைக் கரையிலுள்ள சதுர்வேத கைலாயநாதரையும் பிரஹன் மாதவரையும் வழிபட்டு வணங்கும்படி இறைவனாரும் வாக்கருளினார். இதன்படியே கார்க்கோடகனும் செய்ய, இத்தலமே கார்க்கோடகநல்லூர் என்னும் பெயர் பெற்றது.
 தாமிரவருணியின் வடகிழக்குக் கரையில் அமைந்துள்ள கோடகநல்லூரில், பொருநையையொட்டிய மேற்குப் பகுதியில் அருள்மிகு பிரஹன் மாதவப் பெருமாள் கோயிலும், நேர்கிழக்கே அருள்மிகு கைலாயநாதர் திருக்கோயிலும் உள்ளன. தவிரவும் சற்றே தெற்கில், அருள்மிகு அபிமுக்தேச்வரர் திருக்கோயில்.
 நாளும் தாலிகட்டிக் கொள்ளும் நந்திதேவர்!
 அருள்மிகு சிவகாமி அம்மை உடனாய அருள்மிகு கைலாயநாதர் திருக்கோயில், நவகைலாயத் தலங்களில் ஒன்று. உரோமச முனிவர் அமைத்த ஒன்பது கைலாயத் திருக்கோயில்களில், இது செவ்வாய்க்கானது. சிவன் கோயில் என்றாலும் சற்றே மாறுபட்டது. கொடிமரம், பலிபீடம் போன்றவை இங்கில்லை. பரிவார மூர்த்திகள்கூட இல்லை. சுவாமியான கைலாயநாதரே பிரதானம். சாக்ஷôத் பரமாத்மாவான சுவாமியின் காலில் விழுந்து பணிந்து, அகங்காரத்தையும் மமகாரத்தையும் விடவேண்டும்.
 நஞ்சு கொண்டிருப்பதும், தீண்டுவதும் பாம்பின் குணம்; இயல்பு. அதுவும், குட்டி எலுமிச்சையில் அடைபட்டுக் கிடந்த பூநாகம், வாய்ப்புக் கிட்டியவுடன் வெளிப்பட்டதும், வெளிப்பட்டவுடன் தீண்டியதும் அதன் குற்றமல்ல. ஆனாலும், விஷத்தைக் கக்கியதற்காக வருந்திப் பரிகாரம் தேடிய பாங்கு... பாம்பு சிந்தித்ததா? பேசியதா? பாம்புக்கு இப்படியெல்லாம் எண்ணத் தெரியுமா? இந்த வினாக்கள் அநாவசியம். எந்தப் பாம்பும் இந்தக் கதையைப் படிக்கப் போவதில்லை. படித்துவிட்டுத் தன்னுடைய சுதந்திரத்திற்காகப் போராடப் போவதில்லை. தன் இனத்தைத் திருந்திக் கொள்ளச் சொல்லப்போவதும் இல்லை. அப்படியானால்... இத்தகைய கதைகள், மனிதர்களுக்காகவும், மனித மேம்பாடுகளுக்காகவும் மட்டுமே! நச்சியல்பு கொண்ட பாம்புக்கே, நச்சை மாற்றிக்கொண்டு நயம் காணவேண்டும் என்கிற நாகரிகம் இருக்குமானால், மனிதர்களுக்கு இது எத்தனை அவசியம்!
 தொடரும்...
 
 

]]>
https://images.dinamani.com/uploads/user/imagelibrary/2019/3/8/w600X390/sudha.jpg https://www.dinamani.com/weekly-supplements/vellimani/2019/sep/21/பொருநை-போற்றுதும்-59-3239177.html
3239179 வார இதழ்கள் வெள்ளிமணி நலம் தரும் அஸ்திர ஹோமம் - சோடச லட்சுமி யாகம் DIN DIN Saturday, September 21, 2019 03:19 PM +0530 தெய்வ வழிபாட்டில் அந்தந்த தெய்வங்களின் படைக்கலன்களும் முக்கியத்துவம் பெறுவதுடன் வழிபடப்படுகின்றன.சிலப்பதிகாரத்தில் வாள்களிலும் வீரர்களின் தோள்களிலும் கொற்றவை உறைவதாகக் குறிப்பிடப்படுகிறது. சிவபெருமானின் சூலம், திருமாலின் சக்கராயுதம், அம்பாள் விநாயகருக்கு அங்குசம், முருகனுக்கு வேல் ஆகியவை தெய்வீகப்படைக்கலன்களாக வழிபடப்படுகின்றன.
 அஸ்திர தேவர்
 சிவன் கோயில்களில் பொது வழக்கில் சூலம் எனப்படும் ஆயுதம் அஸ்திர தேவர் எனப்படுகின்றார். பல திருக்கோயில்களில் சூலாயுதம் மட்டுமே இருக்கும். சில இடங்களில் அவற்றில் தெய்வத் திருவுருக்கள் எழுந்தருளியிருக்கும். இந்த அஸ்திரதேவர் கோயில்களில் திருவுலா நடைபெறும்முன் பாதுகாவல் அதிகாரியாக உலா வருவது பழக்கத்தில் உள்ளது. அப்போது அஷ்டதிக்குகளிலும் இதன்முன்பாக சாத உருண்டைகளை பலியாக இடுவதும் பழக்கத்தில் உள்ளது.
 அகோராஸ்திரர்
 படைத்தல் காத்தல் அழித்தல் மறைத்தல் அருளல் என்னும் ஐவகை தொழில் செய்யும் சிவனுக்கு முகம் ஐந்து; ஈசானம் தத்புருஷம் வாமதேவம் சத்யோஜாதம் அகோரம் என்பவை . ஐந்துவகை முகத்திலிருந்து அவற்றுக்கு உண்டான சக்திகள் அத்திரங்களாக மாறி எதிரிகளின் சேனைகளை, கண் திருஷ்டி, ஏவல்கள், காரியத் தடைகள் போன்றவைகளை விலக்கி, துவம்சம் செய்கின்றன, வாழ்வில் ஏற்றம் கிடைக்கச் செய்கின்றன.
 இவ்வாறு சிவனின் படைக்கலன்களில் சிவாஸ்திரம்.பாசுபதாஸ்திரம், தூளிகாஸ்திரம் , யோகமாஸ்திரம் ஆகிய நான்கு அஸ்திரங்கள் சிவலிங்கத்தை மூலமாகக் கொண்டவை இவைகள் உருவமற்றவை. ஆனால் ஐந்தாவதான அகோராஸ்திரம் மட்டும் வழிபாட்டுக்குரிய தெய்வத்திருவுருவுடையது. சிவனை அழைக்காமல் யாகம் நடத்திய சத்ததந்துவை வீரபத்திரர் மூலம் அகோர அஸ்திரத்தை ஏவி கொல்லப்பட்டான். அவ்வாறு அஸ்திரம் மேற்கொண்ட வடிவம் அகோர அத்திர மூர்த்தி ஆகும். திருவெண்காட்டில் இந்த அகோராஸ்திர தேவருக்கென ஒரு தனி சந்நிதி அமைந்துள்ளது.
 அஸ்திர மந்திரம்
 இவர் தன்னுடைய சேனையை காப்பாற்றுவதும் பிறரின் படைக்கு பயத்தை உண்டு பண்ணுவது, எதிரியால் ஏவப்பட்ட காரியத்தை அழிப்பது, எல்லா வியாதியையும் போக்க வல்லது எல்லா தோஷத்தையும் போக்குவதில் சாமர்த்தியமானது, அண்டியவர்களை குழந்தைபோல் பாவிப்பது என்று அகோர மூர்த்தியின் மகிமையாகச் சொல்லப்படுகிறது. அதிலும் அகோர மந்திரத்தால் ஜபம் செய்யும்போது பலன் அதிகம். அகோர மந்திரம் தன்னையும் தன்னை சார்ந்தவர்களையும் காக்கும். எதிரிகளுக்கு அச்சத்தை விளைவித்து தோற்றோடச் செய்யும் தன்மை வாய்ந்தது. இவ்வாறு தீயதை அழிப்பது அஸ்திர தேவர் என்றால் அனைத்து உயிர்களுக்கும் வேண்டிய ஜீவனைத் தருவது சக்தியாகிய லட்சுமி ஆகும்.
 சோடச லட்சுமிகள்
 புகழ், தனம் அனைத்து அத்தியாவசிய விருப்பங்களையும் அளிக்கும் ஆதிலட்சுமி, சந்தான பாக்கியம் அளித்திடும் சந்தான லட்சுமி, அனைத்து வித்தை, கலைகள், நல்ல விருப்பங்களை தரும் வித்யா லட்சுமி, அனைத்து தேவைகளையும் பூர்த்தி செய்ய நீங்காத செல்வத்தைத் தரும் தனலட்சுமி, புத்திக் கூர்மை, வற்றாத செல்வம், எல்லா கோரிக்கைகளையும் நிறைவேற தான்ய லட்சுமி, அறிவாற்றலான மேதைத் தனத்தையும் நிறைவான செல்வத்தையும் சகல கலைஞானங்களையும் தேவையறிந்து கொடுக்கும் மேதாலட்சுமி, கால்நடைகள் நிரம்பிய கோகுலத்தையும் எல்லா நல்ல எண்ணங்களையும் தரக்கூடிய கஜலட்சுமி, எல்லாச் செயல்களிலும் வெற்றியைத் தரும் வீரலட்சுமி, பராசக்தி வடிவினளான ஜயலட்சுமி, பொறுமை வடிவில் இருக்கும் சாந்தலட்சுமி.
 செளமாங்கல்யத்தை அளித்திடும் பாக்யலட்சுமி, மகாவிஷ்ணுவின் மார்பில் உறையும் கீர்த்திலட்சுமி, எல்லாப் பிணிகளையும் தீர்க்கும் ஆரோக்ய லட்சுமி, சர்வ சித்திகளையும் அளிக்கவல்ல சித்தி லட்சுமி, அழகான உருவத்தைக் கொடுக்கும் செளந்தர்ய லட்சுமி, புத்தியும் முக்தியும் அளிக்கக்கூடிய சாம்ராஜ்ய லட்சுமி ஆகிய சோடச மஹாலட்சுமியை அனைத்து மங்களங்களையும் அளிக்கக்கூடியவள். த்ரயம்பகியான நாராயணியை மந்திர உச்சாடனம் யாகமும் செய்து பலன் பெறுதல் மரபாக உள்ளது. பொதுவாக திருப்பணி செய்து குடமுழுக்கு செய்யத் துவங்கும் போது காப்பாகவும் வளம் பெருகவும் இந்த ஹோமமும் யாகமும் செய்வது பழக்கத்தில் உள்ளது.
 சக்தி குடி கொண்ட ஊர்
 சுமார் 700 ஆண்டுகளுக்கு முன்னர் மேல்மலையனூர் அங்காளம்மன் பக்தர்கள் சிலர் அவர்கள் வசிக்கும் பகுதியில் அங்காளம்மனை நிறுவி கோயில் கட்ட விரும்பினார்கள். அதற்காக, மேல் மலையனூரிலேயே ஓர் அங்காளம்மனை தயார் செய்து கொண்டு செல்லும் வழியில் பவானி நதிக் கரையில் கோயில் கொள்ள நினைத்த அம்பாள், நடுவழியில் குடிகொண்டு விட்டாள். அம்பாள் அருள் கொண்ட மங்கை மூலம் இப்பகுதி மக்களின் எண்ணம் செழிக்கவும் திருவுள்ளம் கொண்டுள்ளோம். பல்வேறு வியாபாரம் செய்யும் நீங்கள் உங்கள் குடும்பத்துடன் இவ்விடம் வந்து குடியேறி என் பூஜை புனஸ்காரம் ஆகியவற்றை கவனித்துக் கொண்டு வருவதுடன் காடு திருத்தி மேடு அழித்து விளைவு பெருக்கி சமூக நலனுக்கும் உதவுங்கள் என கூறி மலையேறினாள்.
 அதுமுதல் சக்தி குடிகொண்ட சத்தியமங்கலத்தில் அம்பாள் சிலைக்கு முறைப்படி வழிபாடு நடத்தி, அந்த இடத்திலேயே ஒரு சிறிய ஆலயம் கட்டினார்கள். அதுமுதல் இக்கோயில் பூஜைகளுடன் மக்களின் அபிமானம் பெற்ற தெய்வமாக விளங்கியதோடு சித்ரா பெளர்ணமி 108 பால்குட அபிஷேகம், லலிதா சகஸ்ரநாம பாராயணம், துவங்கி பல்வேறு வம்சத்தவரும் வழிபடும் திருநாள்கள் சிறப்பாக நடந்து வருகின்றன.
 இவ்வாண்டு, புரட்டாசி முதல் ஞாயிற்றுக்கிழமையான செப்டம்பர் 22 -ஆம் தேதி அஸ்திர ஹோம சோடச லட்சுமி யாகமும் உலக நலன் வேண்டியும் திருக்கோயில் திருப்பணிகள் தடையின்றி நடக்க வேண்டியும் செய்யப்படுகிறது.
 ஈரோடு மாவாட்டம், கொமார பாளையம், சத்தியமங்கலம் அருள்மிகு அங்காள பரமேஸ்வரி திருக்கோயிலில் செப்டம்பர் 21-ஆம் தேதி, மாலை கலச ஆவாகனம் செய்து அஸ்திர மந்திர ஜபம் துவங்குகிறது. 22-ஆம் தேதி ஞாயிறு காலை அஸ்திர யாகம் தொடரும்போதே அங்காளம்மன் பவானி ஆற்றுக்கு எழுந்தருளி ஆராட்டு நடைபெறுகிறது. ஹோமத்தில் வைக்கப்பட்ட தீர்த்தங்களைக் கொண்டு மூலவருக்கு அபிஷேகம் நடைபெறும். பின்னர், கன்யா பூஜை, சுவாசினி பூஜை நடந்து அம்பிகைக்கு திருப்பாவாடையும் குழித்தளிகையும் நெய்வேத்யம் செய்து தீபாராதனை செய்து பிரசாதம் வழங்கப்படும்.

தொடர்புக்கு: 98422 92044 / 99441 00700.
 - இரா. இரகுநாதன்

]]>
https://images.dinamani.com/uploads/user/imagelibrary/2019/9/21/w600X390/vm4.jpg https://www.dinamani.com/weekly-supplements/vellimani/2019/sep/21/நலம்-தரும்-அஸ்திர-ஹோமம்---சோடச-லட்சுமி-யாகம்-3239179.html
3239176 வார இதழ்கள் வெள்ளிமணி கொன்றைப்பூ விசேஷம்! DIN DIN Saturday, September 21, 2019 03:13 PM +0530 ஈசனைக் கொன்றைப் பூ சாற்றி வழிபடுவது விசேஷமானது. கொன்றைப் பூவுக்கு ஆறு தளங்கள். பஞ்சாட்சர மந்திரத்துடன் பிரணவத்தையும் சேர்த்தால் ஆறு எழுத்துகள்!
 கொன்றை மலருக்கு உள்ள ஆறு தளங்களும் ஆறு அட்சரங்களை உணர்த்துகின்றன. கொன்றை மலர் சாற்றி வழிபடும் பக்தர்களுக்கு தனது திருவடிகளில் இரண்டறக் கலக்கும் சாயுஜ்ய பதவியை அளித்து அருள்கிறார் சிவபெருமான்.
 
 பெருமாள் கோயில்களில் ஸ்ரீசடாரி சாத்துகிறார்கள் என்பது நாம் அறிந்ததே! அதுபோன்று காஞ்சி ஸ்ரீ காமாட்சி கோயிலிலும் தஞ்சாவூர் ஸ்ரீ பங்காரு காமாட்சி கோயிலிலும் சடாரி சாத்தும் வழக்கம் உண்டு.
 - ஆர். மகாதேவன்
 

]]>
https://images.dinamani.com/uploads/user/imagelibrary/2019/9/21/w600X390/vm3.JPG https://www.dinamani.com/weekly-supplements/vellimani/2019/sep/21/கொன்றைப்பூ-விசேஷம்-3239176.html
3239175 வார இதழ்கள் வெள்ளிமணி மண்ணில் தோன்றிய மாலோலன்! DIN DIN Saturday, September 21, 2019 03:11 PM +0530 நரசிம்மர் தூணில் இருந்து தோன்றியதாகத்தான் சரித்திரம் சொல்கின்றது. ஆனால் இப்போது மண்ணில் இருந்து தோன்றினார் என்றால் ... ஆம், ராமநாதபுரம் மாவட்டம், ஆனந்தூர் வட்டம், ஆயிங்குடி கிராமத்தில் 1911-12-ஆம் ஆண்டுகளில் ஊருக்கு வடக்கு புறமாக உள்ள கண்மாயை ஆழப்படுத்தும் போது, கண்மாய் மண்ணில் தோன்றியவர் ஸ்ரீ லக்ஷ்மி நரசிம்மர். ஆயர்கள் என்றழைக்கப்படும் யாதவர்கள் நிறைய வாழ்ந்ததால் ஆயிங்குடி என்று பெயர். இந்த நரசிம்ம சுவாமிக்கு திருத்தேர்வளை ஜமீன்தார் ஸ்ரீநிவாஸ ஐயங்கார் அவர்களின் ஏற்பாட்டில் ஒரு சிறிய ஆலயம் உருவாக்கப் பெற்று பூஜா கைங்கர்யங்கள் பரம்பரையாகத் தொடரப்பட்டது. பின்னர் கிராமப் பொதுமக்களின் பேராதரவோடு 1956 -இல் சற்று பெரிய ஆலயம் கட்டப்பட்டது.
காலப்போக்கில் ஸ்ரீ லஷ்மி நரசிம்மர் திருவுருவத்தில் சில பின்னங்கள் ஏற்படவே, 2006 -இல் புதிய சிலையினைச் செய்து ஆலயத்தைப் புதுப்பித்து, ஸ்ரீ விஸ்வúக்ஷனர், ஸ்ரீ கருடாழ்வார், ஸ்ரீ ஆஞ்சநேயர் ஆகிய தெய்வங்களையும் பிரதிஷ்டை செய்து சம்ப்ரோஷண வைபவம் நடந்தேறியது. ஸ்ரீ வெங்கடேச ஐயங்கார் என்பவர் ஆலய உருவாக்கத்தில் பெரும்பங்கு வகித்து பூஜையினைத் தொடர்ந்து செய்து அங்கு வரும் பக்தர்களுக்கு இனிய சொற்களைக் கூறியும், ஜோதிடத்தின் மூலம் நல்வாக்கு அருளியும் வருகின்றார்கள்.
அதிசயமாக இன்றும் கருடாழ்வார் சிலை மீது கருடனோ அன்றி ஏதேனும் ஒரு பறவையோ தினசரி வந்து அமர்வதை இன்றும் கிராம மக்கள் தரிசனம் செய்து அருள்பெறுகின்றார்கள்.
ஆண்டுதோறும் வைகாசி மாதம் கடைசி சனிக்கிழமை வருஷாபிஷேகம் சிறப்பாகக் கொண்டாடப்பெறுகின்றது. புரட்டாசி மாதம் நான்கு சனிக்கிழமைகளிலும் (இவ்வாண்டு செப்டம்பர் 21, 28 மற்றும் அக்டோபர் 5, 12) விசேஷமாக வேத, திவ்ய பிரபந்த பாராயணம், திருமஞ்சனம், சுதர்ஸன ஹோமம் ஆகிய வைபவங்களுடன் வெகு சிறப்பாக நடைபெறும். சுற்றுப்புறத்தில் 40, 50 கி. மீ. தொலைவுக்கு வேறு பெருமாள் ஆலயங்கள் ஏதும் இல்லாததால் கிராமத்தின் பொது மக்கள் அனைவரும் பெருந்திரளாக வருகை தந்து தரிசனம் செய்து பலன் பெற்று வருகின்றனர். இதைத்தவிர, மாதந்தோறும் சுவாதி நட்சத்திர நன்னாளில் சிறப்பு அபிஷேக, ஆராதனைகள், ஹோமங்கள் நடைபெறுகின்றன. நாளை என்பதே நரசிம்மனிடம் இல்லை என்பார்கள். அப்படி ஆய்ங்குடி ஸ்ரீ லஷ்மி நரசிம்மரை வழிபாடு செய்து பலன் பெறுவோர் பெருகி வருகின்றார்கள்.
தற்போது கண்ணன் ஐயங்கார் என்பவர் பரம்பரை அறங்காவலராகவும், அர்ச்சகராகவும் இருந்து ஆலயத்தைப் பரிபாலனம் செய்து வருகின்றார்கள். 
தொடர்புக்கு: 99422 98227 / 94437 39160.
- இலக்கியமேகம் ஸ்ரீநிவாஸன்

உங்கள் பகுதியிலுள்ள கோயிலில் திருப்பணி நடைபெறுகிறதா?"வெள்ளிமணி' பகுதிக்குத் தகவல் அளிக்கலாம்.
முகவரி: தினமணி வெள்ளிமணி, எக்ஸ்பிரஸ் கார்டன், 
29, இரண்டாவது பிரதான சாலை, 
அம்பத்தூர் தொழிற்பேட்டை, சென்னை - 58.
vellimani@dinamani.com

]]>
https://images.dinamani.com/uploads/user/imagelibrary/2019/9/21/w600X390/MAALOLAN.JPG https://www.dinamani.com/weekly-supplements/vellimani/2019/sep/21/மண்ணில்-தோன்றிய-மாலோலன்-3239175.html
3239174 வார இதழ்கள் வெள்ளிமணி புண்ணிய பூமியில் புனிதப் பயணம் 26 DIN DIN Saturday, September 21, 2019 03:09 PM +0530 இயேசு தண்ணீரில் நடந்த கலிலேயா கடல் (இஸ்ரேல்)
இஸ்ரேல் நாட்டில் உள்ள கலிலேயா கடல் விவிலியத்தில் முக்கிய இடமாக கருதப்படுகிறது. இது கடல் என குறிப்பிடப்பட்டாலும் கடல் அல்ல, இது ஏரி தான். இயேசுவின் ஊழியம் இந்த கடலை சுற்றி தான் அதிகம் இருந்தன. 
இயேசு தனது சீடர்களை தேர்வு செய்தது, மலைப்பிரசங்கம் செய்தது, தண்ணீரில் நடந்து சென்றது, புயல் காற்றையும் அடக்கி அமைதியாக்கியது போன்ற விவிலிய முக்கியத்துவம் வாயந்தது இந்த கலிலேயா கடல். திபேரியக்கடல், கெனசரேத்து ஏரி என்ற வேறு 2 பெயர்களிலும் இது அழைக்கப்படுகிறது. 
இஸ்ரேல் நாட்டில் நல்ல தண்ணீர் கொண்ட ஏரிகளுள் இது மிகப் பெரிய ஏரி ஆகும். இதன் சுற்றளவு 53 கி.மீ. (33 மைல்); நீளம் சுமார் 21 கி.மீ. (13 மைல்); இதன் பரப்பளவு 166 சதுர கி.மீ.(64 சதுர மைல்). ஏரியின் மிக அதிக ஆழம் 43 மீ (141 அடி). கடல்மட்டத்திலிருந்து 214 மீட்டர் (702 அடி) தாழ்ந்துள்ள இந்த ஏரி உலகிலேயே நல்ல தண்ணீர் நீர்த்தேக்கங்களுள் மிகவும் தாழ்ந்த மட்டத்திலும், உப்புநீர் கொண்ட சாக்கடலுக்கு அடுத்தபடியாக உலக ஏரிகளுள் தாழ்ந்த மட்டத்திலுள்ள ஏரிகளுள் இரண்டாவதாகவும் உள்ளது. நீரடி ஊற்றுகளிலிருந்தும் யோர்தான் ஆற்றிலிருந்தும் இந்த ஏரிக்குத் தண்ணீர் கிடைக்கிறது.
கலிலேயக் கடல் வடக்கு இஸ்ரேலில் அமைந்துள்ளது. ஆப்பிரிக்க மற்றும் அராபிய நிலத்தட்டுகள் பிரிவதால் ஏற்பட்டுள்ள யோர்தான் பிளவுப் பள்ளத்தாக்கில் இந்த ஏரி உள்ளது. எனவே, அதில் நில நடுக்கம் ஏற்படுவது உண்டு; முற்காலத்தில் எரிமலைக் கொந்தளிப்பும் அங்கு நிகழ்ந்ததுண்டு. 
புதிய ஏற்பாட்டு நூல்களில் இந்த ஏரி கலிலேயக் கடல்"என்றும் திபேரியக் கடல்"என்றும் அழைக்கப்படுகிறது (கலிலேயக் கடல்: மத்தேயு 4:18, மாற்கு 1:16, யோவான் 6:1. திபேரியக் கடல்: யோவான் 6:1; 21:1). கெனசரேத்து ஏரி என்னும் பெயர் லூக்கா 5:1-இல் வருகிறது. மேலும், பழைய ஏற்பாட்டின் பல பகுதிகளிலும் இப்பெயர் கினரேத்துக் கடல் (Kinnereth/Chinnereth) என்றுள்ளது (எண்ணாகம் 34:11, யோசுவா 13:27). கின்னர் என்னும் எபிரேயச் சொல்லுக்கு யாழ் என்று பொருள். இந்த ஏரி யாழ் வடிவில் உள்ளதால் அப்பெயர் பெற்றிருக்கலாம் என்றும் கூறப்படுகிறது.
கப்பல் சவாரி: அழகிய நீல நிறத்துடன் தோன்றும் இந்த ஏரியின் கரையில் பல பழவகை மரங்களும், வண்ண மலர்ச்செடிகளும் அமைந்து இதற்கு அழகூட்டுகின்றன. இதன் கரையில் சிறு மலைகள் இருக்கின்றன. இப்பகுதி மிகவும் செழிப்பான இடம். கண்ணைப் பறிக்கும் வண்ண மலர்களும், பசுமையான செடி கொடிகளும் பார்ப்பவர்களுக்குப் பரவசமூட்டுகின்றன. மிதமான வெப்பமுடைய நீர் இந்த ஏரியிலுள்ளதும் இதற்குக் காரணம்.
பேதுரு மீன்: இந்த ஏரியில் காணப்படும் திலாப்பியா மீனுக்கு தூய பேதுரு மீன் (St. Peter’s Fish) என்னும் சிறப்புப் பெயர் உண்டு. அமைதியே உருவான அழகிய கடல் இது. ஆனால், எர்மோன் மலையிலிருந்து வரும் குளிர்ந்த காற்று, திடீரென இதன் அலைகளைப் படைகளாகத் திரட்டி, பேரொலிகளையும் பேரலைகளையும் எழுப்பிப் புயலாக மாற்றிவிடுகிறது.
இயேசுவும் கலிலேயக் கடலும்
இரண்டாயிரம் ஆண்டுகளுக்கு முன் இயேசு பணிசெய்த காலத்திலேயே கலிலேயக் கடல் மிகவும் பேர்போன இடமாக இருந்தது. கடலோர நெடுஞ்சாலை"என்னும் பெயர்கொண்ட வணிகப் பாதை அவ்வழியே சென்று, எகிப்து நாட்டையும் வடக்கு அரசுகளையும் இணைத்தது. அந்த ஏரிக்கரையில் உரோமையர் பல நகர்களை நிறுவினர். கதாரா (Gadara), ஹிப்போஸ் (Hippos), திபேரியாஸ் (Tiberias) என்னும் அந்நகரங்களில் வாணிகம் செழித்தது. 
இயேசு பலமுறை இக்கடலுக்கு வந்துள்ளார். இந்த ஏரிக்கரையில் மீனவர் குடியிருப்புகள் பல இருந்தன. அங்கு வாணிகம் சிறப்பாக நடைபெற்றது. இயேசு தமது முதல் சீடர்களை அழைத்தபோது, இக்கடலில்தான் அவர்கள் மீன் பிடித்துக் கொண்டிருந்தனர் (மத்தேயு 4:18-22; மாற்கு 1:14-20; லூக்கா 5:1-11). இவ்வாறு, மீன்பிடித் தொழிலை விட்டுவிட்டு இயேசுவைப் பின்சென்றவர்கள் சீடர்கள் பேதுருவும் அவர்தம் உடன்பிறப்பு அந்திரேயாவும், மற்றும் யோவான், அவர்தம் உடன்பிறப்பு யாக்கோபு என்பவரும் ஆவர்.
- ஜெபலின் ஜான்
(தொடரும்)


 

]]>
https://images.dinamani.com/uploads/user/imagelibrary/2019/9/21/w600X390/ESHIP.JPG https://www.dinamani.com/weekly-supplements/vellimani/2019/sep/21/புண்ணிய-பூமியில்-புனிதப்-பயணம்-26-3239174.html
3239173 வார இதழ்கள் வெள்ளிமணி நிகழ்வுகள்   DIN DIN Saturday, September 21, 2019 03:05 PM +0530 * ஆராதனை உற்சவம் 
ஸ்ரீ காஞ்சி காமகோடி 59 -ஆவது பீடாதிபதி ஜகத்குரு ஸ்ரீஸ்ரீ பகவந்நாம போதேந்திர சரஸ்வதி சுவாமிகளின் 327 -ஆவது ஆராதனை மகோத்சவம் கோவிந்தபுரத்தில் (கும்பகோணம் ஆடுதுறை வழித்தடம்) செப்டம்பர் 13 -இல் தொடங்கி 27 -வரை நடைபெறுகின்றது. செப்டம்பர் 26 - ஸ்ரீ குருநாதரின் மகா ஆராதனை, செப்டம்பர் 27 - ஆஞ்சநேய உத்சவம். விழா நாள்களில் தினசரி ப்ரபோதன பூஜை, ஸ்ரீ மத்பாகவதம் மூலபாராயணம், உஞ்சவிருத்தி, பாகவதோத்தமர்களால் சம்பிரதாய அஷ்டபதி பஜனை, ஸ்ரீகிருஷ்ணப்ரேமி சுவாமிகளின் ஸ்ரீமத்பாகவத உபன்யாஸம், திவ்ய நாமசங்கீர்த்தனம், டோலோத்சவம் போன்ற நிகழ்ச்சிகள் நடைபெறுகின்றன. நாடெங்கிலுமிருந்தும் பாகவதர்கள் இந்த ஆராதனை உத்சவத்தில் பங்கேற்கிறார்கள். தொடக்கநாளன்று ஸ்ரீ குருநாதாளின் உற்சவ மூர்த்தி புறப்பாடு வீதி பஜனையுடன் நடைபெறுகின்றது. 
தொடர்புக்கு: 0435 - 2470620 / 2970621.
* ஜெயந்தி மகோத்சவம்
காஞ்சி மகாசுவாமிகளின் பூர்வாஸ்ரம சகோதரர் சிவன் சாரின் ஜெயந்தி மகோத்சவம் செப்டம்பர் 28- ஆம் தேதி, தியாகராய நகர் ஆர்.கே.மிஷன் பள்ளி வளாகத்திலும், செப்டம்பர் 29- ஆம் தேதி நங்கநல்லூர் ராமமந்திரம் மண்டபத்திலும் நடைபெறுகின்றது. இதனையொட்டி வில்லுப்பாட்டு, உபன்யாசம், பூஜை, வீதியுலா நிகழ்ச்சிகள் நடைபெறும். 
தொடர்புக்கு: 96000 15230 / 73584 81420.
 

]]>
https://www.dinamani.com/weekly-supplements/vellimani/2019/sep/21/நிகழ்வுகள்-3239173.html
3239172 வார இதழ்கள் வெள்ளிமணி படைத்து பாதுகாப்பவன் அல்லாஹ் DIN DIN Saturday, September 21, 2019 03:04 PM +0530 வானையும் பூமியையும் படைத்த அல்லாஹ் பூமியில் வாழ்வதற்காக மனிதர்களைப் படைத்தான். ஆதம்நபி அன்னை ஹவ்வா தம்பதியிலிருந்து மனித இனம் உருவானது. பூமியில் வாழ்வதற்காக மனிதனைப் படைத்தானா? மனிதன் வாழ்வதற்காக பூமியையும் பூமிக்கு மேல் முகடாக வானையும் படைத்தானா? வானமும் பூமியும் மனிதன் படைப்பதற்கு முன்னரே படைக்கப்பட்டவை. ஆயினும் வானமும் பூமியும் மனிதனுக்காக படைக்கப்பட்டவை என்று பகர்கிறது இகவாழ்வின் வழிகாட்டி குர்ஆனின் 40- 64 ஆவது வசனம், ""உங்களுக்காக அல்லாஹ் பூமியைத் தங்கும் இடமாகவும் வானை விதானமாகவும் உண்டாக்கி உள்ளான்.''
 படைத்த அல்லாஹ்தான் படைப்புகளைப் பாதுகாக்கிறான் என்பதை 34-21 ஆவது வசனம் உங்களின் இறைவனே எல்லாவற்றையும் பாதுகாப்பவன் என்று கூறுகிறது. அல்லாஹ் அகிலத்தையும் அகிலத்தில் உள்ள அனைத்தையும் பாதுகாக்கிறான். அனைத்தையும் கண்காணிக்கிறான். ஒன்றின் இருப்பைத் தக்க வைக்க மிக்க கண்காணிப்பும் பாதுகாப்பும் இன்றியமையாதவை. "" 12-64 ஆவது வசனம் பாதுகாப்பதில் மிக்க மேலானவன் அல்லாஹ். அருள்புரிபவர்களில் மிக்க மேலானவன் அல்லாஹ்வே'' என்று அறிவிக்கிறது. அல்லாஹ்வின் பாதுகாப்பிலிருந்து எதுவும் தப்ப முடியாது. வானங்களையும் பூமியையும் அவனே பாதுகாக்கிறான்.
 யாகூப் நபியின் மகன்கள் அவர்களின் சகோதரன் புன்யாமினை மிஸ்ரு நாட்டிற்கு அழைத்துச் சென்று தானியம் வாங்கிவர அனுமதி கேட்டனர். அனுமதிக்க மறுத்த யாகூப் நபி அல்லாஹ் பாதுகாவலனின் மேன்மையை குறிப்பிட்டதைக் கூறுகிறது இவ்வசனம்.
 இவ்வசனத்தில் வரும் அல்ஹபீழ் என்னும் அரபி சொல் அ ல்லாஹ்வின் அழகிய பெயர்களில் ஒன்று. இச்சொல்லுக்குத் தாழ செய்பவனே என்று பொருள். இதை ஒவ்வொரு நாளும் ஓதுபவர்களுக்கு பகைவர்களால் எதிரிகளால் கொடிய மிருகங்களால் எத்தீங்கும் ஏற்படாது. எதிரிகளே தாழ்வர் வீழ்வர் என்ற விளக்கத்தை நிரூபிக்கும் நிகழ்ச்சியை நேரில் காணவேண்டும் என்ற பேரவா துன்னூனில் மிஸ்ரீ (ரஹ்) என்ற பெரியாரிடம் பெருகி கிடந்தது. ஒரு நாள் அந்த பெரியார் நீல நதியோரம் நடந்து சென்றார். நண்டுதெறுக்கால் (நட்டு வாய்க்காலி) செல்வதைப் பார்த்தார். அது நதி கரையின் ஓரத்தில் இருந்த தவளையின் முதுகில் ஏறி நதியைக் கடந்தது. பெரியார் துன்னூனில் மிஸ்ரியும் படகில் ஏறி நண்டுதெறுக்காலைத் தொடர்ந்தார். கரையை அடைந்தார். மறுகரையில் ஓர் இளைஞன் தூங்கினான். பெரிய பாம்பு ஒன்று அவனை நெருங்கியது. நண்டுதெறுக்கால் பாம்புடன் சண்டையிட்டது. இரண்டும் செத்தன. இளைஞன் ஆபத்திலிருந்து காப்பாற்றப்பட்டான். இதுதான் அல்லாஹ்வின் பாதுகாப்பு.
 வானமும் பூமியும் அவற்றின் வரையறுத்த எல்லைகளில் வாகாய் செயல்பட வைப்பவன் அல்லாஹ் என்று அறிவிக்கிறது 35-41 ஆவது வசனம். இவ்விரண்டையும் பாதுகாப்பதில் இறைவனுக்கு எவ்வித சிரமமும் சிக்கலும் இல்லை. துல்லியமாக சோர்வின்றி கண்காணிக்கிறான். இப்பணி இறைவனுக்கு எளிது என்று இயம்புகிறது இப்னு கதீர் என்னும் குர்ஆன் விளக்க நூல். வானம் பூமியைப் பாதுகாக்கும் ஆற்றல் அல்லாஹ்வைத் தவிர வேறு யாருக்கும் கிடையாது. பூமியில் அவனின் படைப்புகளையும் அவற்றின் வாழ்வு ஆதாரங்களையும் செயல்பாடுகளையும் செம்மையாக பாதுகாக்கிறான்.
 அல்லாஹ் அடியார்களை அடக்கி ஆளுகிறான். மனிதர்களுக்குப் பாதுகாப்பையும் ஏற்படுத்துகிறான். மரணம் வரையிலும் மனிதர்களைப் பாதுகாக்கிறான் என்று பகர்கிறது 6-61 அவது வசனம். மரணத்திற்குப்பின் மறுமையிலும் இம்மையில் செய்த நற்செயல்களின் பயனால் நல்வாழ்வைப் பெறுவதும் அல்லாஹ்வின் பாதுகாப்பில் தான் உள்ளது. இம்மை மறுமை இரண்டிலும் இறைவனின் பாதுகாப்பு இன்றியமையாதது.
 மனிதனுக்கு முன்னும் பின்னும் தொடர்வோர் அல்லாஹ்வின் கட்டளைப்படி மனிதனைப் பாதுகாக்கின்றனர் என்று எடுத்துரைக்கிறது 13- 11 ஆவது வசனம். அல்லாஹ்வின் ஆணைகளை ஏற்று வானவர்கள் மனிதனைப் பாதுகாக்கிறார்கள் என்ற ஏந்தல் நபி (ஸல்) அவர்களின் எழில் மொழியை அறிவிக்கிறார் அப்துல்லாஹ் இப்னு அப்பாஸ் (ரலி) நூல்- ஜாமி உல் உலூம் வல்ஹகம். இந்நபி மொழி இவ்வசனத்திற்குரிய விளக்கமாக அமைகிறது.
 ஒவ்வொர் ஆன்மாவும் அதன்மீது பாதுகாக்க கூடியவர் இல்லாமல் இல்லை என்று இயம்புகிறது 86- 4 ஆவது வசனம். இந்த வசனம் எங்கும் நீக்கமற நிறைந்துள்ள இறைவன் விரிந்த பூமியில் பரந்து வாழும் ஒவ்வொருவரையும் அல்லாஹ் பாதுகாப்பதைப் பகர்கிறது. இறை விசுவாசிகளுக்கு அல்லாஹ் உதவியாளன் என்ற 47-11 ஆவது வசனம் ஏக இறைவனை ஏற்றவர்களை எல்லாம் வல்ல அல்லாஹ் எந்நிலையிலும் பாதுகாப்பதைப் பகர்கிறது.
 அல்லாஹ்வின் அரவணைப்பையும் பாதுகாப்பையும் பெற அல்லாஹ்வின் கட்டளைக்குக் கட்டுப்பட்டு நடக்க வேண்டும். நற்செயல்கள் புரிய வேண்டும். வணக்க வழிபாடுகளை இணக்கமாக செய்ய வேண்டும். இறைவனின் நெருக்கத்தைப் பெறும் முறைகளை நிறைவாக குறையின்றி நிறைவேற்ற வேண்டும். செவியையும் பார்வையையும் பாதுகாப்பது, நாவடக்கம் பேணுவது, நல்லதையே எண்ணுவது அல்லாஹ்வின் பாதுகாப்பைப் பெற்று தரும். அல்லாஹ்வின் பாதுகாப்பு பெற்றவரை வழி கெடுக்கும் சைத்தான் எளிதில் அணுக முடியாது.
 தீங்கு தீண்டாது பாங்குற பண்போடு செயலாற்றி அங்கிங்கெணாது யாங்கனும் பரவியுள்ள படைத்தவனின் பாதுகாப்பைப் பெறுவோம்.
 - மு.அ. அபுல் அமீன்
 
 

]]>
https://images.dinamani.com/uploads/user/imagelibrary/2019/9/21/w600X390/vm2.jpg https://www.dinamani.com/weekly-supplements/vellimani/2019/sep/21/படைத்து-பாதுகாப்பவன்-அல்லாஹ்-3239172.html
3239171 வார இதழ்கள் வெள்ளிமணி கச்சிமூதூர் வழங்கும் அர்ச்சகர்களுக்கான நிதியுதவி! DIN DIN Saturday, September 21, 2019 03:02 PM +0530 காஞ்சி ஸ்ரீ மகாசுவாமிகளின் அருளாசியுடன் 1986- ஆம் ஆண்டு தொடங்கப்பட்டது, "கச்சிமூதூர் அர்ச்சகர்கள் நல அறக்கட்டளை!' அர்ச்சகர்களின் நலனுக்கான பல்வேறு சேவைகளைச் செய்து வரும் இந்த அறக்கட்டளை, கிராமக் கோயில்களில் பணியாற்றும் அர்ச்சகர்களுக்கு நிதியுதவி அளிப்பதற்காக அறிவிப்பு ஒன்றை தற்போது வெளியிட்டுள்ளது.
 புராதன கிராமக் கோயில்களில் பணியாற்றும் பட்டாச்சாரியார்கள், சிவாச்சாரியார்கள், பூசாரிகள் ஒவ்வொரு மாதமும் இந்த நிதியுதவியைப் பெறலாம். தற்போது அர்ச்சகர்கள் இந்த உதவித்தொகையினைப் பெற்று பயனடைந்து வருகின்றனர். மேலும் இந்த உதவித்தொகையை பெறும் அர்ச்சகர்களுக்கான சில நிபந்தனைகளையும் கடைபிடிக்க வேண்டுமென காஞ்சி மகாசுவாமிகள் அறிவுறுத்தியிருந்தார்.
 அர்ச்சகர்கள் பணியாற்றும் கோயில்கள் 1940- ஆம் ஆண்டுக்கு முன்னர் முறையான கருவறை மற்றும் நிரந்தர கட்டமைப்போடு நிறுவப்பட்டிருக்க வேண்டும். அர்ச்சகர்கள் அக்கோயில்களில் தினமும் 2 முறை பூஜை செய்ய வேண்டும். அவர்களது மாத வருமானம் மொத்தம் 7500 ரூபாய்க்கு மேல் இருக்கக் கூடாது என்றும், கோயில் பூஜைகளை ஒருவர் மட்டுமே செய்து வருவதாக இருக்க வேண்டும் என்றும், அதோடு 2 அல்லது அதற்கு மேற்பட்ட அர்ச்சகர்கள் முறை வைத்து பூஜை செய்திடல் கூடாது என்றும் அறிவுறுத்தியுள்ளது.
 இத்தகைய நிபந்தனைகள் முக்கியமானதாக கருதப்பட்டு கடைபிடிக்கப்படுவதுடன் ஆண்டுதோறும் வாய்மொழித்தேர்வும் நடத்தப்பட்டு, அதன்பின்னரே இந்த நிதியுதவியைப் பெறுவதற்கு தகுதியான அர்ச்சகர்கள் தேர்ந்தெடுக்கப்படுகிறார்கள்.
 காஞ்சி மகாசுவாமிகளால் பரிந்துரைக்கப்பட்ட பாடத்திட்டங்கள் அர்ச்சகர்களால் வாய்மொழித் தேர்வின்போது ஓதப்பட வேண்டும். குறிப்பாக, அச்சிடப்பட்ட பாடதிட்டங்கள் வாய்மொழித்தேர்வுக்கு உதவியாக இருக்கும் வகையில் அடிப்படை ஸ்லோகங்கள் (சம்ஸ்கிருதம் அல்லது தமிழ்) அர்ச்சகர்களுக்கு முன்னதாகவே அனுப்படுவதால் அவர்கள் தங்களை தயார்படுத்திக் கொள்வது எளிதாகவே இருக்கும்.
 திருச்சி மாவட்டம், திருவானைக்காவலில் 17.02.2020 - ஆம் தேதி, சிவாச்சாரியார்கள், பூசாரிகளுக்கு வாய்மொழித்தேர்வு நடைபெறுகின்றது. அவ்வாறே, திருவாரூர் மாவட்டம், மன்னார்குடியில் பட்டாச்சாரியார்களுக்கு (வைகானசம், பாஞ்சராத்ரம்) வாய்மொழித்தேர்வு நடைபெறும்.
 இந்தத் தேர்வுக்கு விண்ணப்பிக்க விரும்பும் அர்ச்சகர்கள்(சிவாச்சாரியார்கள், பட்டாச்சாரியார்கள், பூசாரிகள்) பூர்த்தி செய்யப்பட்ட விண்ணப்பங்களை நவம்பர் 16- ஆம் தேதிக்குள், கச்சிமூதூர் அர்ச்சகர்கள் நலஅறக்கட்டளை, புதிய எண்: 16, இரண்டாவது பிரதான சாலை, கோட்டூர் கார்டன்ஸ், சென்னை- 85 என்ற முகவரிக்கு அனுப்பி வைக்கும்படியாக அறிவுறுத்தப்படுகிறார்கள்.
 

]]>
https://images.dinamani.com/uploads/user/imagelibrary/2019/9/21/w600X390/vm1.jpg https://www.dinamani.com/weekly-supplements/vellimani/2019/sep/21/கச்சிமூதூர்-வழங்கும்-அர்ச்சகர்களுக்கான-நிதியுதவி-3239171.html
3239169 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர்   Saturday, September 21, 2019 02:59 PM +0530 * பகவானிடம் ஆழ்ந்த அன்பு உண்டாகாமல் பிரேமபக்தி ஏற்படாது. மேலும், "பகவான் என்னுடையவர்' என்ற ஞானமும் வேண்டும். இறைவனே நம்மை நடத்துபவர். அவர் விருப்பப்படியே அனைத்தும் நடைபெறுகின்றன. 
- ஸ்ரீ ராமகிருஷ்ணர்
* தாமரைக்கு நிலவு யமனாக அமைகிறது. அதுபோல் மனிதனின் ஆயுள் என்ற தாமரைக்குக் காலம் யமனாக அமைந்திருக்கிறது. 
- ஸ்ரீ ராமபிரான்
* தீயில் புடம் போடப்பட்ட பொன் அழுக்கு நீங்கி இயற்கையான ஒளிவடிவத்தை அடைகிறது. அதுபோல், மனிதன் என்னிடம் பக்தியோகத்தால் கர்ம வாசனையைவிட்டு என் சொரூபத்தை அடைகிறான். 
- ஸ்ரீ கிருஷ்ணன்(உத்தவ கீதை)
* உலகியல் போகத்தால் அல்ல, அறிவினால் அல்ல, கர்மத்தால் அல்ல, கல்வியால் அல்ல; "பிரம்மமும் தானும் ஒன்று' என்ற ஆன்மிக விழிப்பால்தான் முக்தி சித்திக்கிறது.
- ஆதிசங்கரர்
* நல்லதோ கெட்டதோ எந்தக் காரியம் செய்யத் தொடங்கினாலும், முதலில் அதன் விளைவைப்பற்றிப் புத்திசாலியால் முயற்சியுடன் ஆராயப்பட வேண்டும். மிகுந்த அவசரத்துடன் செய்யப்படும் காரியங்களின் விளைவு, சாகும் வரையில் இதயத்தைச் சுடும் அம்பு போலாகும்.
- பர்துருஹரியின் நீதி சதகம்
* நல்ல கருத்துகளையே கேள், நல்ல கருத்துகளையே சொல், உன்னிடம் இருக்கும் குற்றங்களை நீக்கிக்கொள், உனது புண்ணியத்தில் ஒரு பகுதியை மற்றவர்களுக்குக் கொடு, பிறர் தரும் புண்ணியங்களை ஏற்றுக்கொள். 
- புத்தர்
* அழைக்காமல் ஓர் இடத்திற்குச் செல்வதும், கேட்காமல் பேசுவதும் தவறாகும். 
- மகாபாரதம்
* எப்பொழுதும் பெரியோர்களை வணங்கும் குணம் படைத்தவனுக்கு ஆயுள், வித்யை, புகழ், பலம் ஆகிய நான்கும் விருத்தியடையும்.
- மனுஸ்மிருதி 
* நீங்கள் ஞானத்துடன் இணைந்த பக்தியால் இறைவனை வழிபடுங்கள்; பக்தியுடன் எப்போதும் விவேகத்தையும் இணைத்துக்கொள்ளுங்கள். அப்போது தடையில்லாத ஆன்மிகப் பாதையில் நீங்கள் பயணம் செய்ய முடியும்.
- சுவாமி விவேகானந்தர்
* தனி இடத்தில் அமர்ந்து, தெளிவாக ஆராய்ந்து, "என்னுடையது' என்பவை எல்லாம் தள்ளியபிறகு, எதைத் தள்ள முடியவில்லையோ அதுவே ஆத்மாவாகும். 
- திரிபுர ரகஸ்யம்
* காற்று மேகத்தைக் கலைத்து, அடித்துச் செல்கிறது. அது போன்று இறைவனின் திருநாமத்தை ஜபம் செய்வது, மனதைச் சூழ்ந்திருக்கும் உலகப்பற்றாகிய மேகத்தை ஓட்டிவிடுகிறது. 
- ஸ்ரீ சாரதாதேவியார்
* விடியற்காலையில் (பிரம்ம முகூர்த்தத்தில்) எழுந்து இறைவனைப் பற்றிச் சிந்திக்க வேண்டும். அறம், நியாயமான ஆசைகளைப் பூர்த்தி செய்வது, தன் வாழ்க்கைக்காகப் பொருள் சேர்ப்பது போன்ற செயல்களை அதற்குரிய நேரத்தில் செய்ய வேண்டும். 
- யாக்ஞவல்க்ய ஸ்மிருதி

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/sep/21/பொன்மொழிகள்-தொகுப்பு-சுவாமி-கமலாத்மானந்தர்-3239169.html
3233558 வார இதழ்கள் வெள்ளிமணி முன்னோரை மகிழ்ச்சிப் படுத்தும் ராமர் கயை! DIN DIN Friday, September 13, 2019 01:31 PM +0530 கைகேயி வரத்தால் தம்பி துணையாக வர சீதையுடன் ராமன் வனவாசம் போனான். அனுமன் துணையோடு ராமன், ராவணன் கவர்ந்து சென்ற சீதையை மீட்டு, விபீஷணனை இலங்கை மன்னனாக பட்டாபிஷேகம் சூட்டி அயோத்திக்கு திரும்பிக்கொண்டிருந்த போது வழியில் ஒவ்வொரு தலத்திலும் நாளும் சிவபூஜை செய்யும் பழக்கம் தொடர்ந்தது.
 தசரதனுக்கு எள்ளும் நீரும் இறைத்து தர்ப்பணம் செய்ய வேண்டிய அவசிய நாள் வந்தது. கயையில் தரக்கூடிய திதியை அதே தகுதிகளுடன் கூடிய இங்கேயே தரவேண்டிய சந்தர்ப்பம் எழுந்தது. கயாவைப்போல் ஆறும் அட்சய வடமும் இருக்கும் இடத்தைத் தேர்ந்து எடுத்தான். முக்கியமான மூன்றாவது இடமான விஷ்ணு பாதத்தில் பிண்டங்களை வணங்கி சேர்ப்பதற்கு இங்கு விஷ்ணு பாதம் இல்லையே என சஞ்சலப்பட்டான்.
 இலக்குவனை - வேண்டிய பொருட்களை சேகரம் செய்ய அனுப்பிவிட்டு ராமன் அருகில் சிவ பூஜைக்கு உரிய இடத்தை தேடிப் போனார். ஊரின் உட்புறமாய் சற்றுத் தொலைவில் தென்கிழக்கில் மேற்கு நோக்கி கம்பீரமாக காட்சி கொடுக்கும் ஆகிருதிமிக்க லிங்க உருவைக் கண்டு மகிழ்ந்தார். அபிஷேகம் செய்து சிவபூஜை செய்தபின் பிண்ட தானம் செய்ய விரும்பினார். அபிஷேகம் செய்ய லிங்கத்திருமேனிக்குத் தெற்குப்புறம் தன் வில்லின் பாணம் எனப்படும் அம்பு எய்து ஒரு தீர்த்தம் உண்டாக்கி அபிஷேகமும் தூமலர் தூவி அர்ச்சனையும் செய்தார் .
 மானிட அவதாரத்திருந்த ஸ்ரீராமபிரான் கயையில் ஸ்ரீ விஷ்ணுபாதத்தில் பிண்டம் சமர்ப்பிப்பது போல் இங்கும் பிண்டம் சமர்ப்பிக்க அருள்புரிய வழிபட்டு சிவபூசை முடித்து ஆற்றங்கரைக்கு சென்றார். அந்த தீர்த்தம் பாண தீர்த்தம் என பின்னாளில் அழைக்கப்பட்டது.
 ஆற்றங்கரையில் இலக்குவன் கொண்டுவந்த பொருட்களைக் கொண்டு சீதை பிண்டப் பிரார்த்தனை உபகாரங்களைச் செய்தாள். அருகில் உள்ள பல்குனி நதியை ஒத்த ஆற்றங்கரைக்குச் சென்று அரசமரத்தடியில் அமர்ந்து இலக்குவன் சற்றுத் தள்ளி நிற்க சீதை உடன் இருக்க பித்ரு வழிபாட்டை ராமன் செய்யத் துவங்கினான். இறுதியில் பிண்டங்களை விஷ்ணு பாதத்தில் சமர்ப்பிக்க கையில் எடுத்தபோது ஒளிக்கீற்றாய் விஸ்வரூபியாய் மேல் கைகளில் தாமரை மற்றும் சக்கரம் தாங்கி கீழ்க்கையில் பத்மம் மற்றும் கதை தாங்கி நின்ற கோலத்தில் மகாவிஷ்ணு கயையில் காட்சிதந்த கதாதரனாகத் தோன்றி முன்னோருக்கு விஷ்ணு பாதத்தில் சமர்ப்பிக்க வைக்கப்பட்டிருந்தவற்றைப் பெற்றுக் கொண்டார். ராமனின் ஆசையும் பூர்த்தியாகியது.
 ராமன் சிவபூஜை செய்து பிதுர்களுக்கு விஷ்ணு பாதத்தில் பிண்ட தானம் செய்த இடம் இன்று கோவிந்தபுரம் எனவும் சிவபூஜை செய்த இடம் பாணபுரம் என்வும் அழைக்கப்படுகிறது. இந்த இரண்டு கோயில்கள் ஒன்றுக்கு ஒன்று வரலாற்றுத் தொடர்பு கொண்டவை. மயிலாடுதுறையிலிருந்து கும்பகோணம் செல்லும் சாலையில் கோவிந்தபுரம் அக்ரகாரம் நிறுத்தத்தில் இறங்கினால் இடப்புறம் அரை கி.மீ. தொலைவில் பாணபுரீஸ்வரர் கோயிலும் வலப்புறம் அரை கி.மீ. சென்றால் கதாதர நாராயணன் கோயிலையும் அடையலாம்.
 வீரசோழன் ஆறு ஓடும் கோவிந்தபுரத்தில் ஸ்ரீவிஷ்ணுபாதம் மற்றும் கதாதரன் சந்நிதியும் அமைந்துள்ளது. இங்கு உள்ள விஷ்ணு பாதம் ஸ்ரீராமனால் பூஜிக்கப்பட்டது. சந்நிதியில் எழுந்தருளியுள்ள மஹாவிஷ்ணுவான கதாதரன் 4 கரத்துடன் பத்திர பீடத்தில் பக்தர்களின் முன்னோர்களுக்கான பிண்டங்களை ஏற்று முன்னோர்களுக்கு அருள்கிறார். மேலும் கயாவைப்போல காசிவிஸ்வநாதர் கோயில் மற்றும் அன்னபூரணி சந்நிதி கதாதரர் கோயிலுக்கு முன்பாக அமைந்துள்ளன.
 கால்நடையாக தேச சஞ்சாரம் செய்து பகவானைத் தேடி வந்தமகான் ஸ்ரீ போதேந்திர சுவாமிகள் ஸ்ரீராமபிரான் பித்ரு காரியம் செய்து வழிபட்ட ஸ்ரீ கோவிந்தபுரத்தில் தன் இறுதிக்காலம் வரை தங்கி அதிஷ்டானத்தில் (ஞான சமாதி) எழுந்தருளியுள்ளார்.
 முன்னோர்களின் திதி தப்பியோர், திவசம் கொடுக்க முடியாதவர்கள் முன்னோர்களின் சாபத்திற்கு ஆளாகி உள்ளதாக கூறப்படும் ஜோதிடக் குறிப்பு உள்ளவர்கள், நாடி ஜோதிடத்தில் வரும் குறிப்புகளின்படி இங்குள்ள கதாதரன் சந்நிதியில் 16 தில தீபங்கள் ஏற்றி, விஷ்ணு பாதத்திற்கு அர்ச்சனை செய்து ஸ்ரீ ராம மந்திரம் சொல்லி வழிபாடு செய்வது பழக்கத்தில் உள்ளது.
 அமாவாசை, பெளர்ணமி, சனிக்கிழமை, ஞாயிற்றுக்கிழமை அவரவர் தாய் தந்தையரின் திதிகள் ஆகிய நாள்களில் திதி தராதவர்கள் அல்லது தர முடியாதவர்கள் இங்கு வந்து வழிபாடு செய்கிறார்கள். வீரசோழனாற்றங் கரையில் தர்ப்பணம் செய்வதும் உண்டு.
 புரட்டாசி அமாவாசைக்கு முதல் 15 நாள்கள் அதாவது பாதி மாதம் நமது முன்னோர்கள் நம்முடன் பூமியில் வந்து வாழுகின்ற காலம் மகாளயபட்சம் எனப்படுகிறது. இந்நாள்களில் காலஞ்சென்ற முன்னோர்கள் ஆவி ரூபத்தில் கோயில்களின் தீர்த்தங்களில் நீராடி தங்களுடைய சக்திகளைப் பெறுவார்கள் என்றும், அவர்களின் சந்ததியினர் வாழிடங்களுக்குச் சென்று தங்களுக்கு அவர்கள் அளிக்கும் உணவினை ஏற்கிறார்கள் எனப்படுகிறது.
 இவ்வாண்டு மஹாளயபட்சம் செப்டம்பர் 14 -ஆம் தேதி, சனிக்கிழமை துவங்கி }செப்டம்பர் 27 -ஆம் தேதி வரை உள்ளது. 28 -ஆம் தேதி மஹாளய அமாவாசை ஆகும்.
 தன் தந்தைக்கு செய்ய வேண்டிய பிதுர்கடனை செய்த இடத்தையும் வரலாற்று நாயகன் ஸ்ரீராமபிரான் குறையைப் போக்க கயையில் இருந்து வந்த கதாதரனையும் ஸ்ரீவிஷ்ணு பாதத்தையும், தட்சிண கயா"ஸ்ரீராம கயா என வட நாட்டவர் அழைக்கும் கோவிந்தபுரத்தில் சென்று தரிசிக்கலாம்.
 தொடர்புக்கு: 94449 19354/
 0435 - 2461212.
 - இரா.இரகுநாதன்
 

]]>
https://images.dinamani.com/uploads/user/imagelibrary/2019/9/13/w600X390/vm4.jpg https://www.dinamani.com/weekly-supplements/vellimani/2019/sep/13/முன்னோரை-மகிழ்ச்சிப்-படுத்தும்-ராமர்-கயை-3233558.html
3233557 வார இதழ்கள் வெள்ளிமணி மறந்ததை மஹாளயத்தில் செய்! DIN DIN Friday, September 13, 2019 01:30 PM +0530 ஓர் இல்லறவாசியானவன் தன் பித்ருக்களுக்கு ஒரு வருடத்தில் 15 நாள்களுக்கு சிரார்த்தம் (சிரத்தையோடு நம் முன்னோர்களை நினைவு கூறும் நாள்) செய்ய வேண்டுமென மகரிஷி யாக்ஞவல்கியர் வழி வகுத்து தந்துள்ளார்; இதை மனு மற்றும் பிரம்மாண்ட புராணம் உறுதி செய்துள்ளது.
 தர்ம சாஸ்திரத்தில் சிரார்த்த ப்ரகரணம் என்று ஒன்று உள்ளது. அதில் சிரார்த்தத்தைப் பற்றி கூறும்போது "தம் முன்னோர்களுக்கு சிரார்த்தம் செய்வதைக் காட்டிலும் மனிதனுக்கு நன்மையைக் கொடுக்கக் கூடியது வேறு ஒன்றுமில்லை. ஆகையால் தமக்கும் தம் குடும்பத்தினருக்கும் நன்மை தொடர்ந்து கிடைக்க வேண்டுமென்று விரும்புபவர்கள்; சிரார்த்தத்தை சிரத்தையுடன் செய்யவேண்டும்"என்கிறது. இதுபோல் எவனொருவன் செய்கிறானோ கண்டிப்பாக அவன் பாக்கியவான்; அவனுக்கு நற்பயன் நிச்சயம் உண்டு.
 கஜச்சாயை யோகம் என்பது புரட்டாசி மாதத்து கிருஷ்ண பட்சத்தில் வருவதாக ஜோதிட சாஸ்திரம் கூறுகிறது. இதுவே பித்ரு பட்சம்’, "மஹாளயம்' என அழைக்கப்படுகிறது. அதற்கு மனுஸ்ம்ருதி, தைத்ரிய ப்ராம்மணம் ஆகியவற்றில் புரட்டாசி மாதத்து கிருஷ்ண பட்சத்தில் வருகிற மக நட்சத்திரத்தில் பித்ருக்களை அழைக்கும் விதி கூறப்பட்டுள்ளது. இது கஜச்சாயையில் கூடும் மக நட்சத்திரத்தையே குறிக்கிறது. இந்த நாள்களில் சிரார்த்தம் செய்தால் பல முறை சிரார்த்தம் செய்த பலன் கிடைக்கும் என கூறுவதால் அவ்வளவு விசேஷம் இந்த மஹாளயத்திற்கு.
 மஹாவிஷ்ணுவிற்கு உகந்த மாதமான புரட்டாசியில் மஹாளய அமாவாசை வருவதால் (மால்+அயம் என்றால் திருமாலுக்கு உரித்தான அயனகாலம் என்று பொருள்); அன்று தர்ப்பணமாவது கட்டாயம் செய்யவேண்டும் எனக் கூறுகிறார்கள். ஆனால் நாம் இதற்கு முக்கியத்துவம் கொடுக்காமல் அறிந்தோ, அறியாமலோ அல்லது தெரிந்தோ, தெரியாமலோ செய்ய மறந்து விடுகிறோம். இதைத்தான் நம் சனாதன தர்மம் "மறந்ததை மஹாளயத்தில் செய்" என்று கூறுகிறது.
 மஹாளயத்தில் நெருங்கிய அனைத்து முன்னோர்களுக்கும் பிண்ட தானம் செய்யப்படுவதால், மஹாளய சிரார்த்தம் சால சிறந்தது. இதை நாம் செய்வதால் நம் குடும்பத்தில் நம்மைச்சுற்றி காரணமே தெரியாமல் நடக்கும்; நம் கண்களுக்குப் புலப்படாத பல இன்னல்கள்/தடங்கல்கள் நீங்கி வளர்ச்சிக்கு வழி செய்து, நற்பேற்றினை அடையச் செய்யும். இதனையே திருவள்ளுவர் "தென்புலத்தார் வழிபாடு" என சிறப்பித்து கூறியுள்ளார்.
 இறந்தபின் நம் முன்னோர்களின் ஆத்மாவானது ஒரு குறிப்பிட்ட காலம் வரை பூமியில் சுற்றிவிட்டு; பின் விண்ணுலகம் செல்லுமாம். பித்ருக்கள் உலகம் என்று ஒன்று உள்ளது; அது சூரிய, சந்திர மண்டலத்திற்கு அப்பால் சொர்க்க லோகம் என்ற பெயரில் உள்ளது. இங்கு அவர்கள் ஆதி"என்பவரது கட்டுப்பாட்டில் வசிக்கின்றார்கள். அங்கு அனைத்து வசதிகள் இருந்தாலும்; தனக்கான உணவினை தாங்களே அவர்களால் எடுத்துக் கொள்ளமுடியாது.
 அதனால் இந்த உலகத்தின் அதிபதியான எமதர்மராஜனிடம்; தங்கள் குழந்தைகளுக்கும், உறவினர்களுக்கும் தாங்கள் சேர்த்து வைத்த சொத்துக்களுக்கு கைமாறாக அவர்களைக்காண செல்ல வேண்டுமென வேண்டினர். அவர்களின் கோரிக்கையை ஏற்று அவர்களுக்கு 15 நாள்கள் பூலோக வாசம் அளித்து, தங்கள் பிள்ளைகளிடமிருந்து தாங்கள் வேண்டியதை பெற்றுக்கொள்ளும்படி பித்ருக்களை பூமிக்கு அனுப்பி வைக்கிறார் தர்மராஜன். அந்த காலமே மஹாளயபட்சம் ஆகும்.
 இதனை ஏற்று நம் முன்னோர்கள் அவரவர் குழந்தைகளையும், உறவினர்களையும் பார்ப்பதற்காக ஆசையுடன் நம் வீட்டு வாசலில் வந்து நிற்பார்களாம். அப்போது நாமும் மகிழ்ச்சியோடு அவர்களை மந்திரம் மூலம் வரவேற்று அவர்களை திருப்தி செய்ய வேண்டுமென்கிறது நம் புராணம். நாம் செய்யும் தர்ப்பணத்தில் விடுகிற எள்ளும் தண்ணீரும்; எப்படி நாம் அனுப்பும் மணி ஆர்டர் வேறு ஊரிலுள்ள முகவரிக்கு சரியாக போய் சேருமோ அதுபோல்; ஸ்வேதாதேவி" என்பவள் அதை உணவாக மாற்றி நம் மூதாதையருக்கு கொடுப்பதற்கு பாலமாக இருக்கிறாள்.
 சிலர் பிதுர்சாபம் உள்ளது எனக்கூறுகின்றனர்; அது தவறு. பிதுர்கள் தன் குழந்தைகளுக்கு சாபம் கொடுக்கமாட்டார்கள்; மாறாக சற்று வருத்தப்படுவார்கள். இந்த குழந்தைகள் கையில் தானே நம் பசியை போக்கும் சாவி உள்ளது; நாம் வெறும் எள்ளும் தண்ணீரும் தானே இவன் கை வழியாக கேட்கிறோம்? அதனை தருவதற்குகூட இவர்கள் தயங்குகிறார்களே"என வருத்தப்படுகிறார்களாம். அப்படி அவர்களை வருத்தப்பட வைக்கக்கூடாது. அதுவே நமக்கு நற்பேறு கிட்டாமல் செய்துவிடும்.
 புனிதமான நீர்நிலைகளில் இதனைத் தருவதால் அவர்கள் மகிழ்ச்சி அடைகிறார்கள். கயா, காசி, ஹரித்வார், ப்ரயாக்ராஜ், உஜ்ஜைனி, நாசிக் (பஞ்சவடி), புஷ்கர், குருஷேத்ரா, ராமேஸ்வரம், திருமறைக்காடு என்றழைக்கப்படும் வேதாரண்யம், தென்கைலாயம் எனப்போற்றப்படும் திருவையாறு போன்ற புண்ணிய நதிகள் ஓடும் தலங்கள்; மற்றும் மகாபுண்ணிய தலமான கும்பகோணத்திலுள்ள மகாமகக் குளக்கரை போன்ற இந்தத்தலங்களில் முக்கியமாக செய்யலாம். தஞ்சை மாவட்டம், பட்டுக்கோட்டை வட்டத்தில் "அண்டமி' என்ற கிராமத்தில் ஒரு சிவன் கோயில் உள்ளது. இங்கு பித்ருக்களின் ஆசியை பெறுவதற்காகவே அங்குள்ள "சிவகங்கை' தீர்த்தப்படிதுறையில் பித்ரு ஹோமமோ, பித்ரு தர்ப்பணமோ செய்வது சாலச்சிறந்தது. ஆடல்கலை அறுபத்து நான்கினை; அறுபத்திநான்கு திசைகளாக நிர்ணயித்த சிவனார், தன் அம்சமான, வாஸ்து பகவானாக இங்கு அவதரித்ததாக இத்தல வரலாறு கூறுகிறது.
 இத்தனை பெருமை மிக்க மஹாளயபட்சம், இந்த வருடம் வருகிற செப்டம்பர்- 14, சனிக்கிழமை, பெளர்ணமியில் ஆரம்பித்து செப்டம்பர் - 28 சனிக்கிழமையன்று மஹாளய அமாவாசையுடன் முடிவடைகிறது. இந்த நாள்களில் நம் முன்னோர்களுக்கு "பிதுர் யக்ஞம்' என்று அழைக்கப்படும் நாம் செய்ய வேண்டிய கடமையை ஏதோவொரு நீர்நிலையில் செய்வோம்; மனத்துயர் நீங்கி நிம்மதி பெறுவோம்.
 - எஸ். எஸ். சீதாராமன்
 
 

]]>
https://images.dinamani.com/uploads/user/imagelibrary/2019/9/13/w600X390/RAMANATHASWAMY-RAMESWARAM.JPG https://www.dinamani.com/weekly-supplements/vellimani/2019/sep/13/மறந்ததை-மஹாளயத்தில்-செய்-3233557.html
3233556 வார இதழ்கள் வெள்ளிமணி பொருநை போற்றுதும்!58 - டாக்டர் சுதா சேஷய்யன் DIN DIN Friday, September 13, 2019 01:28 PM +0530 புவிசார் குறியீட்டு எண்ணைப் பெற்றதால், நவீனகால இந்திய வரலாற்றில் பத்தமடைப் பட்டுப் பாய்க்குத் தனியிடம் உண்டு. இதேபோன்று, பத்தமடை குப்புசுவாமியைப் பெற்றுக் கொடுத்ததால், பாரதத்தின் ஆன்மீக, அறிவியல் வரலாற்றிலும் இந்த ஊருக்குத் தனியிடம் உண்டு. 
ஆனந்தம் காட்டிய ஆன்ம குரு: அதுவொரு வியாழக்கிழமை. அன்றைய அதிகாலை வேளையில், பத்தமடை வெங்கு ஐயருக்கும் பார்வதி அம்மாளுக்கும், அவர்களின் மூன்றாவது குழந்தை பிறந்தான். பரணி நட்சத்திரத்தின் ஏறுமுகத்தில் பிறந்த பிள்ளை. "பரணி பிள்ளை தரணி ஆளும்’ என்பது பண்டையகால சொலவடை. இந்தப் பிள்ளையும் தரணி ஆண்டார்; தரணி என்ன, தரணியை ஆள்வோரையும் ஆண்டார். 
1887 -ஆம் ஆண்டு செப்டம்பர் 8 -ஆம் தேதி, பொருநைக் கரையின் பத்தமடையில் பிறந்த குப்புசுவாமி, தஞ்சாவூர் மருத்துவப் பள்ளியில் பயின்று, மலாயாவில் மருத்துவப் பணியாற்றிப் பின்னர் ஆன்மீகத் தேடலில் நாடு திரும்பினார். ரிஷி கேசத்தில் சுவாமி விச்வானந்த சரஸ்வதியைச் சந்தித்ததும், சீடராக ஏற்கப்பட்டு சந்நியாச தீட்சை வழங்கப்பெற்று, சுவாமி சிவானந்தர் ஆனதும், பலவகையான ஆன்மீக-சமூக சேவைப் பணிகளில் ஈடுபட்டதும், தெய்வீக வாழ்க்கைச் சங்கத்தை நிறுவியதும் வரலாற்றின் பொன்னேடுகள். 
பண்டித நேருவின் நேஷனல் ஹெரால்ட் பத்திரிகையில் பணிபுரிந்து வந்தார் இளைஞர் ஒருவர். அவ்வளவாகக் கடவுள் நம்பிக்கை இல்லாதவர். தன்னுடைய 20 -ஆவது வயதில், திருவண்ணாமலை ரமண மஹரிஷியை ஒருமுறை சந்தித்திருந்தாலும், ரமணர் தன்னிடம் தோற்றுவித்த இனம்புரியாத உணர்வை, மாயவித்தை என்றும் ஆழ் உறக்கம் என்றும் புறந்தள்ளியவர். பத்திரிகைப் பணியின் பகுதியாக, சாமியார்கள் என்னதான் புளுகுகிறார்கள் பார்ப்போமே என்னும் எண்ணத்துடன், 1947 -ஆம் ஆண்டு ரிஷிகேசம் சென்றார். 
தெய்வீக வாழ்க்கைச் சங்கத்தில் கிட்டிய அனுபவங்களும் சுவாமி சிவானந்தர் காட்டிய பரிவும் சேர்ந்து ஏதோ செய்ய, தன்னுடைய 31-ஆவது வயதில், ஹிந்து ஆன்மீக, தர்ம நூல்களுக்குள் தீவிரமாக மூழ்கினார். 1949 -ஆம் ஆண்டு, பிப்ரவரி 25 -ஆம் தேதி, மஹாசிவராத்திரித் திருநாளில், இவருக்கு சந்நியாச தீட்சை கொடுத்த சுவாமி சிவானந்தர், சின்மயானந்தர் என்று தீட்சா நாமம் சூட்டியபோது, பத்தமடை ஆலமரம், மற்றுமொரு பிரபஞ்ச ஆலமரத்தை நாட்டிய அற்புதம் நிகழ்ந்தது. 
தூய வெள்ளாடையும் மரப் பாதுகைகளும் அணிந்து கூர்மையான கருவிழிகளும் குழந்தைப் புன்னகையும் கொண்ட சிவானந்தர் தன்னை எவ்வாறு ஆற்றுப்படுத்தினார் என்பதையும் தனக்கு எவ்வாறு குருவானார் என்பதையும் உணர்வுபொங்க விவரிப்பார் மேனாள் இந்தியக் குடியரசுத் தலைவர் அப்துல் கலாம் அவர்கள். 
பத்தமடையை விட்டு வெளியே வந்து, பொருநையாளின் கையைப் பற்றிக்கொண்டு, அக்கரைக்குச் செல்வோம். அங்கேதான், கோடகநல்லூர்!
ஏழு மலை தாண்டி, ஏழு கடல் தாண்டி. . . 
அதென்ன கோடகநல்லூர்? கார்க்கோடக நல்லூர் என்பதே இவ்வூரின் பழைய பெயர். அதாவது, கார்க்கோடகன் என்னும் விஷப்பாம்பு வழிபட்டு உய்ந்த ஊர். கார்க்கோடகநல்லூர் என்னும் பெயரே காலப்போக்கில் கோடகநல்லூர் என்றும், கோடகனூர் என்றும் மருவிவிட்டது. 
பாம்பு தீண்டி இறந்து போகவேண்டும் என்பது பரீக்ஷித் மஹாராஜாவுக்கு (இவர்தான், அர்ஜுனன் மகன் அபிமன்யுவுக்கு, போரில் அபிமன்யு இறந்த பின்னர் பிறந்த மகன்; பஞ்ச பாண்டவர்களின் ஏக வாரிசு) விதி என்றும், தன்னுடைய மரணம் இன்னும் ஒருவார காலத்தில் சம்பவிக்கும் என்பதை அறிந்த ராஜா, சூதபுராணிகர்களைக் கொண்டு பாகவத புராணம் கூறக் கேட்டு நற்கதி அடைந்தார் என்றும் சில குறிப்புகள் நம்முடைய புராணங்களில் காணக்கிடைக்கின்றன. 
இந்தத் தகவல்களின் பிறிதொரு பக்கம், கோடகநல்லூர் கதையில் பொதிந்திருக்கிறது. நெல்லைச் சீமையின் பாட்டிமார்கள், "விதி வலிது' என்பதை வலியுறுத்த இந்தக் கதையைத்தான் அடிக்கடி உரைப்பார்கள். 
அந்தக் கதையையும் தெரிந்து கொள்ளலாமா?
- தொடரும்...

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/sep/13/பொருநை-போற்றுதும்58---டாக்டர்-சுதா-சேஷய்யன்-3233556.html
3233554 வார இதழ்கள் வெள்ளிமணி புண்ணிய பூமியில் புனிதப் பயணம் 25 DIN DIN Friday, September 13, 2019 01:25 PM +0530 பெத்தானியா எருசலேமுக்கு அருகில் ஏறக்குறைய 3 கிலோ மீட்டர் தொலையில் இருந்தது. மார்த்தா இயேசுவை நோக்கி, "ஆண்டவரே, நீர் இங்கே இருந்திருந்தால் என் சகோதரன் இறந்திருக்க மாட்டான். இப்போதுகூட நீர் கடவுளிடம் கேட்பதை எல்லாம் அவர் உமக்குக் கொடுப்பார் என்பது எனக்குத் தெரியும்' என்றார்.
 இயேசு அவரிடம், "உன் சகோதரன் உயிர்த்தெழுவான்' என்றார். மார்த்தா அவரிடம், "இறுதி நாள் உயிர்த்தெழுதலின்போது அவனும் உயிர்த்தெழுவான் என்பது எனக்குத் தெரியும்' என்றார். இயேசு அவரிடம், "உயிர்த்தெழுதலும் வாழ்வும் நானே. என்னிடம் நம்பிக்கை கொள்ளும் எவரும் என்றுமே சாகமாட்டார். இதை நீ நம்புகிறாயா?' என்று கேட்டார். மார்த்தா அவரிடம், "ஆம் ஆண்டவரே, நீரே மெசியா! நீரே இறைமகன்! நீரே உலகிற்கு வரவிருந்தவர் என நம்புகிறேன்' என்றார். இயேசு இருந்த இடத்திற்கு மரியா வந்து, அவரைக் கண்டதும் அவர் காலில் விழுந்து, "ஆண்டவரே, நீர் இங்கே இருந்திருந்தால் என் சகோதரன் இறந்திருக்க மாட்டான்' என்றார்.
 மரியா அழுவதையும், அவரோடு வந்த யூதர்கள் அழுவதையும் கண்ட இயேசு உள்ளங் குமுறிக் கலங்கி, "அவனை எங்கே வைத்தீர்கள்?' என்று கேட்டார். அவர்கள் அவரிடம், "ஆண்டவரே, வந்து பாரும்' என்றார்கள். அப்போது இயேசு கண்ணீர் விட்டு அழுதார். இயேசு மீண்டும் உள்ளம் குமுறியவராய்க் கல்லறைக்கு அருகில் சென்றார். அது ஒரு குகை. அதை ஒரு கல் மூடியிருந்தது. "கல்லை அகற்றி விடுங்கள்' என்றார் இயேசு. இயேசு உரத்த குரலில், "லாசரே, வெளியே வா' என்று கூப்பிட்டார். இறந்தவர் உயிரோடு வெளியே வந்தார். (மாற்கு 11:1-2; லூக்கா 19:28-29).
 இச்சம்பவம் நடைபெற்றதற்கு சாட்சியாக லாசரு கல்லறை இப்போதும் உள்ளது. அதேபோல மார்த்தாள், மரியாள், லாசரு வாழ்ந்த வீடு அந்த கல்லறையின் அருகே சிதிலமடைந்து காணப்படுகிறது. லாசருவின் கல்லறை குகை போன்று உள்ளது. அதற்கு 45 டிகிரி கோணத்தில் படிகட்டுகள் வழியாக நடந்து செல்ல வேண்டும்.
 "இயேசு தம் சீடரோடு ஒலிவ மலை அருகிலுள்ள பெத்பகு, பெத்தானியா என்னும் ஊர்களுக்கு வந்து, எருசலேமை நெருங்கியபொழுது இரு சீடர்களை அனுப்பி, "உங்களுக்கு எதிரே இருக்கும் ஊருக்குள் போங்கள்' என்றார். "
 தொழுநோயாளியை குணப்படுத்திய இடம்:
 இவற்றைச் சொன்ன பின்பு இயேசு அவர்களுக்கு முன்பாக எருசலேமுக்குப் புறப்பட்டுச் சென்றார். ஒலிவம் என வழங்கப்படும் மலை அருகிலுள்ள பெத்பகு, பெத்தானியா என்ற ஊர்களை அவர் நெருங்கி வந்த போது இரு சீடர்களை அனுப்பினார் (மத்தேயு 21:17; மாற்கு 11:11-12). பின்பு இயேசு அவர்களை விட்டு அகன்று நகரத்திற்கு வெளியே உள்ள பெத்தானியாவுக்குச் சென்று அன்றிரவு அங்கே தங்கினார் (மத்தேயு 21:17).
 இயேசு எருசலேமுக்குள் சென்று கோயிலில் நுழைந்தார். அவர் அனைத்தையும் சுற்றிப் பார்த்துவிட்டு, ஏற்கெனவே மாலை வேளையாகி விட்டதால், பன்னிருவருடன் பெத்தானியாவுக்குப் புறப்பட்டுச் சென்றார். மறுநாள் பெத்தானியாவை விட்டு அவர்கள் திரும்பிய பொழுது இயேசுவுக்குப் பசி உண்டாயிற்று.' (மாற்கு 11:11-12).
 மத்தேயு 26:6-13
 இயேசு பெத்தானியாவுக்குச் சென்றபோது தொழுநோயாளர் சீமோன் என்பவரின் வீட்டில் உணவு அருந்திய வேளையில் ஒரு பெண் அவரது காலடியை நறுமணத் தைலத்தால் பூசினார். இந்நிகழ்ச்சி மாற்கு 14:3-9 பகுதியிலும், யோவான் 12:1-8 பகுதியிலும் மேலதிகமாகக் காணப்படுகின்றது.
 பின்பு, இயேசு பெத்தானியா வரை அவர்களை அழைத்துச் சென்று தம் கைகளை உயர்த்தி அவர்களுக்கு ஆசி வழங்கினார். அவர்களுக்கு ஆசி வழங்கிக்கொண்டிருந்தபோதே அவர் அவர்களிடமிருந்து பிரிந்து விண்ணேற்றம் அடைந்தார். அவர்கள் அவரை வணங்கிவிட்டுப் பெருமகிழ்ச்சியோடு எருசலேம் திரும்பிச் சென்றார்கள். அவர்கள் கோயிலில் எப்போதும் கடவுளைப் போற்றியவாறு இருந்தார்கள் (யோவான் 1:28).
 விவிலியத்தில் மிக முக்கிய சம்பவங்கள் நடைபெற்ற இந்த புனித நகரை காண உலகம் முழுவதும் இருந்து ஏராளமான புனித பயணிகள் வருகின்றனர். லாசரு கல்லறை இருக்கும் இடம், மார்த்தாள், மரியாள் வீடு இப்போதும் இஸ்லாமியர்களின் கட்டுப்பாட்டில் தான் உள்ளது என்பது குறிப்பிடத்தக்கது. இருப்பினும் புனித பயணிகள் செல்வதற்கு எந்த தடையும் இல்லை.
 - ஜெபலின் ஜான்
 (தொடரும்...)
 

]]>
https://images.dinamani.com/uploads/user/imagelibrary/2019/9/13/w600X390/vm3.jpg https://www.dinamani.com/weekly-supplements/vellimani/2019/sep/13/புண்ணிய-பூமியில்-புனிதப்-பயணம்-25-3233554.html
3233553 வார இதழ்கள் வெள்ளிமணி மன்னிப்பதில் மகத்தானவன் அல்லாஹ் DIN DIN Friday, September 13, 2019 01:23 PM +0530 ஏதிலார் குற்றங்களை ஏதமாக எண்ணாது விளைந்த பாதகத்தின் வேதனையால் சோதனையை வென்று சாதனை படைத்து நோவினை செய்தாரை நோகடிக்காது சோகத்தையும் யோகமாக்கிய இறைவனுக்கு நன்றி செலுத்தி பகைவரையும் பண்போடு மன்னிப்பது மனிதநேயம். அம்மனித நேயமே புனிதன் அல்லாஹ்வின் மகத்தான மன்னிப்பைப் பெற்று தரும். திருநபி (ஸல்) அவர்கள் தீங்குக்குத் தீங்கைக் கொண்டு பழிவாங்க மாட்டார்கள். அந்த தீமையை பொருட்படுத்தாது மன்னித்து விடுவார்கள் என்று அன்னை ஆயிஷா (ரலி) அறிவிப்பது திர்மிதீ நூலில் உள்ளது.
 இறைவன் மன்னிப்பதில் மிக தாராளமானவன் என்று 53-32 ஆவது வசனம் கூறுகிறது. அல்லாஹ்விற்கு அஞ்சி பெரும் பாவங்களைச் செய்யாது தவிர்த்து விடுவோர் அறியாமல் செய்த சிறு பாவங்களை மன்னிப்பதில் தாராளமானவன் அல்லாஹ் என்று அறிவிக்கிறது இந்த வசனம்.
 பகலில் தவறு செய்தவர் இரவில் மன்னிப்பு கேட்பதற்காகவும்; இரவில் தவறு செய்தவர் பகலில் மன்னிப்பு கேட்பதற்காகவும் கைகளை விரித்தே வைத்திருக்கிறான் வள்ளல் அல்லாஹ். நீங்கள் இரவிலும் பகலிலும் பாவம் செய்கிறீர்கள். நான் அனைத்து பாவங்களையும் மறைத்து கொண்டிருக்கிறேன். ஆகவே, என்னிடம் பாவமன்னிப்பு கோருங்கள். நான் உங்கள் பாவங்களை மன்னிக்கிறேன் என்கிறான் என்றும் அடியார்களுக்கு அருள்புரியும் அல்லாஹ்.
 அல்லாஹ்தான் அடியார்களின் பாவமன்னிப்பு கோரலை ஏற்று குற்றங்களை மன்னிக்கிறான். இன்னும் நீங்கள் செய்ததை அவன் நன்கறிவான் என்று கூறுகிறது 42- 25 ஆவது வசனம். எவர் மன்னிப்பைக்கோரி நம்பிக்கையோடு நற்செயல்களைச் செய்தாரோ அத்தகையோரின் பாவங்களை அல்லாஹ் மன்னிப்பதோடு அவர் செய்த தீமைகளை நன்மைகளாக மாற்றி விடுகிறான். அல்லாஹ் மிக்க மன்னிப்பவனாகவும் மாபெரும் கிருபை உடையவனாகவும் இருக்கிறான்.
 உங்கள் இறைவனின் மன்னிப்பிற்கும் சொர்க்கத்திற்கும் விரைந்து செல்லுங்கள். அதன் விசாலம் வானங்கள் பூமியின் விசாலத்தைப் போன்றது. இறையச்சம் உடையவர்களுக்காகவே தயார்ப்படுத்தப் பட்டுள்ளது என்று 3-133 ஆவது வசனம் கூற, 57- 21 ஆவது வசனம் ஆகவே நீங்கள் இறைவனின் மன்னிப்பை நோக்கியும் சொர்க்கத்தை நோக்கியும் முந்த செல்லுங்கள். அச்சொர்க்கத்தின் விசாலம் வானம் பூமியின் பரப்பைப் போல் உள்ளது. அது அல்லாஹ்வையும் அவனுடைய தூதரையும் நம்பிக்கை கொண்டவர்களுக்காகவே தயார்ப்படுத்தப் பட்டது. இது அல்லாஹ்வின் அருளாகும். இதனை, அல்லாஹ் விரும்பியவர்களுக்கே கொடுக்கிறான். அல்லாஹ் மகத்தான் அருளாளன் என்று கூறுகிறது.
 மேலும் மன்னிப்பு கோர ஊக்கப்படுத்துகிறது 39 -53 ஆவது வசனம். ""என் அடியார்களே எவரும் வரம்பு மீறி தமக்குத் தாமே தீங்கிழைத்து கொண்ட போதிலும் அல்லாஹ்வின் அருளைப் பற்றி நீங்கள் நம்பிக்கை இழந்துவிட வேண்டாம். நிச்சயமாக அல்லாஹ் பாவங்கள் அனைத்தையும் மன்னித்துவிடுவான். நிச்சயமாக அவன் மன்னிப்பவனும் கிருபை உடையவனாகவும் இருக்கிறான்''.
 இறைதூதர் முஹம்மது நபி (ஸல்) அவர்கள் மறைவழியில் முறையாக வாழ அறிவுறுத்திய பொழுது நெறிகெட்டு வழிப்பறி, கொடூர கொலை, கொடிய விபச்சாரம் முதலிய பெரும் பாவங்களைச் செய்த பெரும் பாவிகளான அரபிகள் திருந்தி இறைவனுக்குப் பொருந்த வாழ்ந்தால் பழைய பாவங்கள் மன்னிக்கப்படுமா? என்ற ஐயத்தை எழுப்பிய பொழுது அவர்களின் ஐயம் போக்கவே இந்த வசனம் இறக்கப்பட்டதாக அல்வலீத் என்ற நூலில் குர்ஆனின் விரிவுரையாளர்கள் அளித்த விளக்கம் குறிப்பிடப்படுகிறது. இந்த வசனம் வழங்கப்பட்ட பின்னரே, உஹது போரில் உத்தம நபி (ஸல்) அவர்களின் சிறிய தந்தை ஹம்ஜா (ரலி) அவர்களைக் கொடூரமாக கொலை செய்த வஹ்ஸி மனம் திருந்தி மாநபி (ஸல்) அவர்களின் மார்க்கத்தை ஏற்றான்.
 ஆதம் அல்லாஹ்விடமிருந்து சில வாக்கியங்களைப் பெற்றார்கள். எனவே, அவருக்கு மன்னிப்பு அளித்தான். நிச்சயமாக அல்லாஹ் மிக்க மன்னிப்பவன், நிகரற்ற அன்புடையவன் என்று 2-37 ஆவது வசனம் கூறுகிறது. சொர்க்கத்திலிருந்து வெளியேற்றப்பட்டு பூமிக்கு வந்த ஆதம் நபி நீண்ட காலம் பாவம் புரிந்தது (தின்ன தடுக்கப்பட்ட பழத்தைத் தின்றது) குறித்து வருந்தி அழுது கொண்டிருந்தார்கள். "" அல்லாஹ்வே! எங்கள் ஆன்மாக்களுக்கு நாங்கள் அநீதம் புரிந்தோம். நீ எங்களுக்குக் கிருபையும் மன்னிப்பும் வழங்காவிடில் நிச்சயமாக நாங்கள் இழப்பிற்குரியவர்களாகி விடுவோம்'' என்ற இறைவேட்டலை இதயம் உருக இறைவனிடம் சமர்ப்பித்தார்கள். குற்றம் மன்னிக்கப்பட்டு தூய்மை பெற்றார்கள்.
 மன்னிப்பு வேண்ட ஆதம் நபி கஃபாவின் முன்நின்று இரு ரக் அத்கள் தொழுது இதயத்தில் உதயமான மேற்குறித்த இறைவேட்டலை நிறைவாய் முறையிட்டார்கள். உங்கள் கோரிக்கை ஏற்கப்பட்டு உங்களின் பாவம் மன்னிக்கப்பட்டது. உங்களின் சந்ததிகளும் இவ்வாறு இறைஞ்சினால் அவர்களின் முறையீடும் நிறைவேறும் என்று அல்லாஹ் அங்கீகரித்ததைச் சங்கை மிகு நபி (ஸல்) அவர்கள் சாற்றியதை அறிவிக்கிறார் அன்னை ஆயிஷா (ரலி) நூல்- தப்ரானீ.
 ஆதம் நபி வழித்தோன்றல்களான நாமும் அறிந்தோ அறியாமலோ புரிந்தோ புரியாமலோ தெரிந்தோ தெரியாமலோ செய்த பிழைகள், தவறுகள், குற்றங்கள், பாவங்கள், மன்னிக்கப்பட மாநபி (ஸல்) அவர்கள் அறிவித்தவாறு மனமொன்றி உள்ளம் உருகி வல்ல அல்லாஹ்விடம் முறையிட்டு கறை களைந்து குறை நீங்கி நிறைவடையும் வண்ணம் மன்னிக்கப்படுவோம்.
 - மு.அ.அபுல் அமீன்
 
 

]]>
https://images.dinamani.com/uploads/user/imagelibrary/2019/9/13/w600X390/vm2.jpg https://www.dinamani.com/weekly-supplements/vellimani/2019/sep/13/மன்னிப்பதில்-மகத்தானவன்-அல்லாஹ்-3233553.html
3233552 வார இதழ்கள் வெள்ளிமணி நிகழ்வுகள் DIN DIN Friday, September 13, 2019 01:21 PM +0530 • காவடிச்சிந்து இசை விழா 
சென்னை காவடிச்சிந்து அறக்கட்டளை வழங்கும் 11 -ஆம் ஆண்டு காவடிச்சிந்து இசை விழா, செப்டம்பர் 15 -ஆம் தேதி அண்ணாசாலை ஜெமினி மேம்பாலம் அருகில் உள்ள ராணி சீதைமன்றத்தில் இயல், இசை, நாட்டிய வைபவங்கள், கருத்தரங்கம் போன்ற நிகழ்ச்சிகளுடன் நடைபெறுகின்றது. திருக்கயிலாய பரம்பரைத் திருவாவடுதுறை ஆதீனம் குருமகா சந்நிதானம் ஸ்ரீலஸ்ரீ அம்பலவாண தேசிக பரமாசாரிய சுவாமிகள் விழாவில் கலந்து கொண்டு அருளாசி வழங்குகின்றார். 
தொடர்புக்கு: 96770 77329 / 044-2573 4330. 
• புரட்டாசி பெருந்திருவிழா
கரூர் மாவட்டம், தான்தோன்றிமலை, அருள்மிகு கல்யாண வெங்கடரமண சுவாமி திருக்கோயிலில் புரட்டாசி பெருந்திருவிழா, 26.9.2019 -ஆம் தேதி தொடங்கி, 20.10.2019 -ஆம் தேதி வரை நடைபெறுகின்றது. பிரம்மோற்சவ நாள்களில் தினந்தோறும் காலை பல்லாக்கு உற்சவங்களும்; மாலை பல்வேறு வாகனங்களில் சுவாமி எழுந்தருளும் உற்சவங்களும் நடைபெறும். 
தொடர்புக்கு: 04324 - 257531.
• மண்டலாபிஷேகம்
நாகப்பட்டினம் மாவட்டம், வேதாரண்யம் வட்டம், அகஸ்தியன்பள்ளி, இராஜாளிக்காடு, அருள்மிகு வேதாரண்யேஸ்வரர் சுவாமி திருக்கோயிலைச் சார்ந்த அருள்மிகு அங்காளபரமேஸ்வரி ஆலயத்தில் மகாகும்பாபிஷேகம் சமீபத்தில் நடந்தேறியது. அதனைத் தொடர்ந்து மண்டலாபிஷேக பூஜைகள் நடைபெறுகின்றன. பக்தர்கள் இவ்வைபவங்களில் பங்கு கொண்டு இறையருள் பெறலாம்.
தொடர்புக்கு: 94422 83596.
• லகுசம்ப்ரோக்ஷணம்
திருவாரூர் மாவட்டம், பேரளம் அருகில் உபயவேதாந்தபுரம் கிராமத்தில் உள்ள அருள்மிகு வரதராஜப்பெருமாள் ஆலயத்தில், தனிசந்நிதியில் ஸ்ரீ தேவி, பூதேவி சமேத ஸ்ரீநிவாஸப்பெருமாள் பிரதிஷ்டாவைபவத்தை முன்னிட்டு லகுசம்ப்ரோக்ஷணம் செப்டம்பர் 16 - ஆம் தேதி நடைபெறுகின்றது. 
தொடர்புக்கு: 94877 64156 / 97910 89064.
• பவித்ரோத்ஸவம்
திருவாரூர் மாவட்டம், வலங்கைமான் வட்டத்தில் உள்ள அன்னதானபுரம் (எ) சோத்தமங்கலம் கிராமத்தில் ஸ்ரீ ரங்கநாதப் பெருமாள் திருக்கோயிலில் திருபவித்ர உற்சவம் செப்டம்பர் 15 தொடங்கி 18 வரை நடைபெறுகின்றது. இதனையொட்டி ஹோமங்கள், வேத, திவ்ய பிரபந்த பாராயணங்கள், தீர்த்தவாரி, நவ கலச திருமஞ்சனம், திருப்பாவாடை (தளிகை அமுது செய்தல்) விக்ஞாபனம் போன்ற நிகழ்வுகள் நடைபெறுகின்றன. பாபநாசத்திலிருந்து திருக்கருகாவூர் செல்லும் வழியில் சுமார் 7 கி.மீ. தொலைவில் உள்ளது இத்திருத்தலம். 
தொடர்புக்கு: 094433 81128.
 

]]>
https://www.dinamani.com/weekly-supplements/vellimani/2019/sep/13/நிகழ்வுகள்-3233552.html
3233551 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, September 13, 2019 01:19 PM +0530 • எந்தெந்தப் பொருட்கள் என் மகிமையை விளக்குவதாகவும், ஐஸ்வரியம் பொருந்தியதாகவும், உயர்ந்த சக்தி வாய்ந்ததாகவும் இருக்கின்றனவோ, அவை என் சக்தியின் அம்சத்தில் தோன்றியவை என்று அறிந்துகொள்.
- ஸ்ரீ கிருஷ்ணர்
• எவனுக்குப் பிரகஸ்பதி வழிகாட்டும் குருவோ, ஆயுதம் வஜ்ரமோ, தேவர்கள் சேனையோ, சுவர்க்கம் கோட்டையோ, அருள்புரிபவர் ஹரியோ, ஐராவதம் வாகனமோ, இப்படி ஐஸ்வரிய பலம் மிக்கவனாகவும் எதிரிகளின் பலத்தைச் சிதற அடிப்பவனாகவும் இருந்தும் போரில் பகைவர்களால் இந்திரன் வெல்லப்படுகிறான். ஆகையால், விதியைத்தான் சரணடைய வேண்டும்; நிச்சயமாக ஆண்மையால் மட்டும் ஆவதொன்றில்லை. 
- பர்துருஹரியின் நீதி சதகம்
• குருடன், வழியில் இருக்கும் வைக்கோல் துரும்பை மிதித்தாலும் பீதி கொள்கிறான். அதுபோல், மாயையால் கட்டுண்டவர்கள் ஒவ்வொரு சிறிய விஷயத்தையும் கண்டு பயமடைகிறார்கள். 
- ஞானதரிசிவினி
• நோய்கள் வரும்போது தெய்வங்களிடம் வேண்டிக்கொள்வதால், பெரிய ஆபத்துகள் விலகுகின்றன. உன்னை இறைவன் ஒருவனே பாதுகாத்துக் கொண்டிருக்கிறான் இதை நீ எப்போதும் நினைவில் வைத்துக்கொள். நீ இதை மறந்தால் எல்லாம் தலைகீழாகிவிடும். 
- ஸ்ரீ சாரதாதேவியார்
• இந்த உலகம் தீயவருக்கு தீய நரகமாகத் தெரிகிறது; நல்லவருக்குச் சுவர்க்கமாகத் தெரிகிறது; அருளாளர்களுக்கு அருள்வடிவமாகத் தெரிகிறது; பகையுணர்ச்சி உடையவர்களுக்கு வெறுப்புமயமாகத் தெரிகிறது; சண்டை சச்சரவு செய்பவர்களுக்குப் போர்க்களமாகத் தெரிகிறது; மனதில் அமைதியைப் பெற்ற தூயமனிதனுக்கு எல்லாமே இறைவன் வடிவமாகத் தெரிகிறது.
- சுவாமி விவேகானந்தர்
• மிகவும் சிறிய அளவிலுள்ள ஓர் எண்ண அலை கூட மனிதனைத் துன்பத்தில் மூழ்கடிக்கிறது. ஆனால் அவனுடைய எண்ண அலைகள் முற்றிலும் அழிக்கப்பட்டுவிட்டால், அளவில்லாத மகிழ்ச்சியையும் அழியாத பேரின்பத்தையும் அவன் அனுபவிக்கிறான். 
- வசிஷ்டர் (யோகவாஷிட்ட சாரம்)
• கல்லாகக் கிடந்தபோதும்கூட, கெளதம மகரிஷியின் பத்தினியான அகலிகை, ஸ்ரீ ராமநாமத்தைச் சொல்வதற்குத் தவறவில்லை! அவள் ஸ்ரீ ராமநாமத்தைத் தவிர, வேறொன்றையும் நினைக்கவுமில்லை!!
• அந்த பக்தியை ஏற்று, அவளுக்கு ஏற்பட்ட சாபத்திலிருந்து அவளை விடுவிக்க ஸ்ரீ ராமபிரானே அவளைத் தேடி வந்தான். அவனது திருவடி ஸ்பரிசம் பட்டதும், முன்னைவிட அதிக ஒளியுடன் அகலிகை எழுந்தாள்.
• ஆதலால், வாழ்க்கையில் எத்தகைய துன்பங்கள் நேரிடினும், ஸ்ரீ ராமநாமத்தைப் பற்றிக்கொள்ளுங்கள். ஸ்ரீ ராமநாமம் எவரையும் கைவிட்டதில்லை.
- சமர்த்த ராமதாசர் (சத்ரபதி சிவாஜியின் குரு)
 

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/sep/13/பொன்மொழிகள்-தொகுப்பு-சுவாமி-கமலாத்மானந்தர்-3233551.html
3233550 வார இதழ்கள் வெள்ளிமணி பித்ருதோஷங்கள் போக்கும் சங்கமேஸ்வரர்! Friday, September 13, 2019 01:18 PM +0530 அமிர்தத்தை எடுக்க, தேவர்களும் அசுரர்களும் பாற்கடலை கடைந்தனர். கிடைத்த அமிர்தத்தில் தேவர்களுக்கு அளித்ததுபோக மீதம் இருந்தது. அதை தவ முனிவர்களுக்கு வழங்க வேண்டும் என்று பெருமாள் விரும்பினார். இதையடுத்து கருடனிடம் அமுத கலசத்தைக் கொடுத்து, பராசர முனிவரிடம் ஒப்படைக்கச் சொன்னார்.
 முனிவர் அமுத கலசத்தை பாதுகாப்பாக ஓர் இடத்தில் மறைத்து வைத்தார். லவணாசூரனின் நான்கு புதல்வர்களும் கலசத்தைத் தேடி அங்கும் வந்த நிலையில், பராசர முனிவர் வேதநாயகியிடம் முறையிட்டார். அன்னையிடம் இருந்து நான்கு சக்திகள் கிளம்பி, அசுரர்களை அழித்தது. இதையடுத்து பராசர முனிவர் அமுத குடத்தை எடுத்தபோது, அதில் லிங்கம் இருந்தது. ஈசன் அங்கு ஓர் அமுத தீர்த்தத்தை உருவாக்க அது பவானி, காவிரியுடன் கலந்து முக்கூடலாக மாறியதாக ஐதீகம்!
 இத்தல இறைவனின் திருப்பெயர் "சங்கமேஸ்வரர்', அம்பிகை "வேதநாயகி' ஆவர். காவிரி, பவானி மற்றும் கண்ணுக்குப் புலப்படாத அமிர்த நதி ஆகிய மூன்று நதிகளும் கூடும் இடமானதால் இவ்விடம் "கூடுதுறை' என்றும் சொல்லப்படுகிறது. அம்மன், நதி, தலம் மூன்றிற்கும் பவானி என்றே பெயர். இத்தலம் வந்து நீராடி, இறைவனை தரிசிப்பவர்களுக்கு "யாதொரு தீங்கும் நெருங்காது என்பர். இத்தலத்திற்கு "திருநணா' என்ற புராணப்பெயரும் உண்டு.
 மூன்று நதிகளும் கூடும் இடத்திற்கு வட கரையில் சுமார் 4 ஏக்கர் பரப்பளவில் அமைந்துள்ள கோயிலின் ராஜகோபுரம் வடக்கு திசையில் 5 நிலைகளையும், 7 கலசங்களையும் உடையதாக அமைந்துள்ளது. கோயிலில் சங்கமேஸ்வரர், வேதநாயகி சந்நிதிகள் மட்டுமல்லாமல் ஆதிகேசவப் பெருமாள் மற்றும் சவுந்திரவல்லி தாயார் ஆகியோருக்கும் சந்நிதிகள் அமைந்து சைவ, வைணவ ஒற்றுமைக்கு எடுத்துக்கட்டாக உள்ளது.
 பூலோகத்தில் உள்ள புனிதத் தலங்களைத் தரிசிக்க விரும்பிய குபேரன், இந்தத் தலத்துக்கு வந்தபோது ஞானிகள், முனிவர்கள், கந்தர்வர்கள் அனைவரும் தவம் செய்வதைக் கண்டான். மேலும், மான், பசு, புலி, யானை, சிங்கம், நாகம், எலி உள்ளிட்ட உயிரினங்களும் சண்டையின்றி, ஒன்றாக நீர் அருந்துவதுடன், தவம் செய்பவர்களுக்குத் தொந்தரவு கொடுக்காமல் இருப்பதையும் பார்த்து ஆச்சரியமடைந்தான். அங்கு குபேரன் செய்த தவத்தில் மகிழ்ந்த, ஹரியும் சிவனும் அவனது விருப்பப்படி இந்தத் தலம் "தட்சிண அளகை' என்று அழைக்கப்படும் என அருள்செய்தனர்.
 நான்கு வேதங்களும் இங்கு தீர்த்தங்களாக உள்ளதால் இங்கு வேண்டிக்கொண்டால் கல்வி, கேள்விகளில் சிறந்து விளங்கலாம் என்பது நம்பிக்கை. கோபுரமே லிங்கமாக வழிபடப்படுவதால், கோபுரத்திற்கு வெளியே நந்தி அமைக்கப்பட்டுள்ளது குறிப்பிடத்தக்கது. ஆண்டுதோறும் மாசி மகம், ரத சப்தமிக்கு மூன்றாம் நாளன்று சூரிய ஒளி சங்கமேஸ்வரர், வேதநாயகி, சுப்ரமணியர் மீது பட்டு, சூரிய பூஜை நடப்பது சிறப்பானது.
 அம்பிகை வேதநாயகி சந்நிதி கிழக்கு நோக்கி அமைந்துள்ளது. அதற்கு வலப்பக்கம் சுப்பிரமணியர் சந்நிதி இருக்கிறது. சுப்பிரமணியர் சந்நிதியைக் கடந்து அமைந்துள்ள மூலவர் சங்கமேஸ்வரர் சுயம்பு லிங்கமாக அருள்கிறார். இத்தலத்தில் வீற்றுள்ள முருகப்பெருமானை அருணகிரிநாதர் தனது திருப்புகழில் பாடியுள்ளார்.
 அருகிலேயே ஜுரஹரேஸ்வரர் உருவம் மூன்று கால்கள், மூன்று கைகள், மூன்று தலைகளுடன் அமைக்கப்பட்டுள்ளது. அடியார்கள் தங்களைப் பீடித்த சுரநோய் நீங்க, ஜுரஹரேஸ்வரரை வழிபட நோய் நீங்கப் பெறுவர். இங்கு 63 நாயன்மார்களின் திருமேனிகள் உள்ளன.
 வட இந்தியாவில் உள்ள அலகாபாத்தில் கங்கையுடன் யமுனை, சரஸ்வதி நதி இரண்டும் சங்கமிக்கும் தலம் "திரிவேணி சங்கமம்' எனப்படுகிறது. அங்கு சரஸ்வதி நதி கண்ணுக்குத் தெரிவதில்லை. அதுபோல், தமிழகத்தில் பவானி, காவிரி மற்றும் கண்ணுக்குப் புலப்படாத அமிர்த நதி என மூன்று நதிகளும் கூடும் இடம் "தென் திரிவேணி சங்கமம்' என்று அழைக்கப்படுகிறது.
 பவானி கூடுதுறை, பாவம் போக்கி புண்ணியம் அளிக்கும் சக்தி மிக்க தலமாகத் திகழ்வதால், ஆடி அமாவாசை, தை அமாவாசை நாட்களில் இங்கு நீராடி, பித்ருக்களுக்குத் தர்ப்பணம் செய்வது மிகுந்த புண்ணியம் தரும். அதனால், பித்ரு தோஷங்கள் நீங்கும் என்பதாகவும் ஐதீகம். இவ்வாலயத்தில் அமைந்துள்ள சனீஸ்வரபகவான் மிகவும் சக்தி வாய்ந்தவர். இக்கோயிலின் தல விருட்சம் இலந்தை மரம்.
 இங்குள்ள அமுதலிங்கத்தின் பாணப் பகுதியை எடுத்து இடுப்பில் வைத்துக் கொண்டு ஆவுடையாரை வலம் வர, குழந்தை இல்லாதவர்களுக்கு மகப்பேறு ஏற்படும் என்பதும் மக்களின் நம்பிக்கையாகும்.
 1804-ஆம் ஆண்டில் கோயம்புத்தூர் கலெக்டராக (ஈரோடு மாவட்டம் பிரிக்கப்படாத காலம்) இருந்தவர், வில்லியம் காரோ. 1804-ஆம் வருடம் ஜனவரி 11-ஆம் நாளன்று கடுமையான மழையுடன், இடியும் மின்னலுமாய் இருந்தது. அந்த இரவு நேரத்தில், கோயில் வளாகத்துக்கு வெளியே குடியிருப்பு வளாகத்தில் உள்ள அறையில் கலெக்டர் வில்லியம் காரோ உறங்கிக்கொண்டிருந்தார். அப்போது அவரது அறைக்கதவு தட்டப்படும் ஓசை கேட்டது. உடனே வெளியே வந்த கலெக்டரை, ஒரு சிறிய பெண், "உடனே வெளியில் வாருங்கள்.. ஆபத்து..' என கூறி அழைத்தாள்.
 அதிர்ச்சியுடன் அவளைப்பின் தொடர்ந்து கோயில் வரை சென்ற கலெக்டர், அந்தப் பெண் வேதநாயகி சந்நிதிக்குள் சென்று மறைந்து விட்டதை கண்டு வியப்போடு நின்று விட்டார். அதே நேரத்தில் அவர் குடியிருந்த பங்களா இடிந்து விழுந்தது கண்டு பெரும் அதிர்ச்சி அடைந்தார்.
 தன்னுடைய உயிரைக் காப்பாற்றியதற்காக, அம்பிகை வேதநாயகிக்கு காணிக்கையாக தந்தத்தில் கட்டில் ஒன்று செய்து அவரது கையொப்பமிட்டு ஆலயத்திற்கு அன்பளிப்பாக வழங்கினார். இந்த தந்தக் கட்டில் இன்றும் இந்த உண்மையை பறைசாற்றியபடி அங்கே இருக்கிறது.
 இக்கோயில் சேலத்தில் இருந்து 56 கி.மீ. தொலைவிலும், ஈரோட்டில் இருந்து சுமார் 15 கி.மீ. தொலைவிலும் உள்ளது.
 - அறந்தாங்கி சங்கர்

]]>
https://images.dinamani.com/uploads/user/imagelibrary/2019/9/13/w600X390/vm1.jpg https://www.dinamani.com/weekly-supplements/vellimani/2019/sep/13/பித்ருதோஷங்கள்-போக்கும்-சங்கமேஸ்வரர்-3233550.html
3233533 வார இதழ்கள் வெள்ளிமணி சித்தர் வழிபட்ட சிவனாலயம்! Friday, September 13, 2019 10:52 AM +0530 சென்னை - நகரில் ஆவடி பேருந்து நிலையத்திலிருந்து சுமார் 2 கி.மீ. தூரத்தில் சேக்காடு என்னும் ஊர் அமைந்துள்ளது. பசுமை நிறைந்த வயல்கள், ஏரிகள் அமைந்து இயற்கை வளம் நிரம்பிய இவ்வூரில் ஏரிக்கரையின் அருகாமையில் அருள்மிகு வேதநாயகி உடனாய சோமநாதீச்சுரர் ஆலயம் உள்ளது. முன்பு இங்கு சிவலிங்கம் மட்டுமே இருந்தது. பின்னர், இக்கோயில் கட்டப்பட்டு சிறப்பாக வழிபாடுகள் நடைபெற்று வருகின்றன. அழகாக பராமரிக்கப்பட்டு வரும் இவ்வாலயம் கிழக்கு நோக்கி அமைந்துள்ளது. கஜ பிருஷ்ட கருவறையில் சிவபெருமான் கம்பீரமாக எழுந்தருளி காட்சி தருகின்றார்.
 திருச்சுற்றில் விநாயகர், முருகன் சந்நிதிகள் அமைந்துள்ளன. தெற்கு நோக்கி அம்பாள் வேதநாயகி, அங்குசம் - பாசம் தாங்கி கருணை மழை பொழிகிறாள். அற்புத வடிவம். கருவறைக்கு எதிரில் நந்திபெருமான் கம்பீரமாகக் காட்சி தருகிறார். வடகிழக்கு மூலையில் நவக்கிரக சந்நிதி அமைந்துள்ளது. நவக்கிரகங்கள் தங்கள் தேவிமார்களுடன் காட்சி தருவது சிறப்பானது. இக்கோயிலில் "சேக்காடு சித்தர்' என்கின்ற சித்தர் பெருமான்’ வழிபட்டதாகக் கூறுகின்றனர். அவருக்கு ஆலயத்தில் தனி சந்நிதி உண்டு. எனவே இங்கு வந்து வழிபடுபவர்களுக்கு இறை அருளோடு, சித்தர் அருளும் சேர்ந்து கிடைக்கும்.
 இவ்வூரில் "சேராத்தம்மன்" எனப்படும் கிராம தேவதையின் கோயில் ஏரிக்கரையில் அமைந்துள்ளது. அக்கோயிலுக்கு முன்பாக நடப்பட்ட கல்லில் காணப்படும் கல்வெட்டில் இவ்வூர் "சேர்க்காடு’ எனவும், திரு அகத்தீசுவரமுடைய நாயனார் கோயிலும் குறிப்பிடப்படுகின்றது. தெலுங்கு சோழர் விஜயகண்ட கோபாலன் (13 -ஆம் நூற்றாண்டு) காலத்து கல்வெட்டு இது. கல்வெட்டில் குறிக்கப்படும் கோயில், மேலே சொன்ன சிவன் கோயிலாக இருக்கவேண்டும்.
 தொன்மைப் புகழ் வாய்ந்த இந்த சிவனாலயத்தில் பிரதி பௌர்ணமி தோறும் இரவு சேக்காடு சித்தர் வழிபாடும் மற்றும் பட்ச பிரதோஷ வழிபாடுகளும் சிறப்பாக நடைபெறுகின்றன. எதிர்வரும் செப்டம்பர் 15 -ஆம் தேதி ஞாயிற்றுக்கிழமை காலை 10 மணி அளவில் "அப்பர் கயிலை வாத்திய இறை இசை முழங்கும் சிவனடியார் திருக்கூட்டம்’ சார்பில் அடியார் பெருமக்கள் கலந்து கொண்டு சோமநாதீச்சுர பெருமானுக்கு பத்து லட்சம் உருத்திராக்கம் அணிவித்து கயிலை வாத்திய இறை இசையோடு அபிஷேக, ஆராதனையுடன் பெரும் பேரொளி வழிபாடு நடத்துகின்றனர்.
 காண்பதற்கு மிகவும் அரியவாய்ப்பு! மேலும் "ஓம் நமசிவாய’ என்ற படிவத்தில் 324 முறை "ஓம் நமசிவாய என்று எழுதித்தரும் அன்பர்களுக்கு சிவபெருமான் மீது அபிஷேகம் செய்த கண்டமணி வழங்கப்படும் என்றும், அபிஷேகத்திற்கு விபூதி, பன்னீர் கொண்டு வரலாம் என்றும் ஆலயத்தின் சார்பில் தெரிவிக்கப்படுகின்றது.
 சேக்காடு பேருந்து நிலையத்திலிருந்து 1 கி.மீ. தூரத்தில் உள்ளது இவ்வூர். ரயில் மார்க்கம்: இந்து கல்லூரி, பேருந்து எண்கள்: ஆ70, 27ஏ, 565, 71உ. இறங்குமிடம்: சேக்காடு.


 தொடர்புக்கு: 98400 43569 /
 98419 35012.
 - கி.ஸ்ரீதரன்

]]>
https://images.dinamani.com/uploads/user/imagelibrary/2019/9/13/w600X390/SIDDHAR.JPG https://www.dinamani.com/weekly-supplements/vellimani/2019/sep/13/சித்தர்-வழிபட்ட-சிவனாலயம்-3233533.html
3228978 வார இதழ்கள் வெள்ளிமணி கல்விக் கடவுள் ஸ்ரீ ஹயக்ரீவர்! DIN DIN Friday, September 6, 2019 11:11 AM +0530 ஸ்ரீஹயக்ரீவ அவதாரம் திருமாலின் பதினெட்டாவது அவதாரமாகக் கருதப்படுகிறது. திருமாலின் தசாவதாரங்களுக்கு முற்பட்ட காலத்திலே இவர் மனித உடலுடனும் குதிரை முகத்துடனும் தோன்றியவர். இவரை "பரிமுகக் கடவுள்' என்றும் சொல்வார்கள்.
 ஒரு சமயம் பிரம்மன் உறக்கத்தில் இருக்கும் வேளையில் மதுகைடபர்கள் என்ற அரக்கர்கள் பிரம்மா படைத்த வேதங்களை திருடிச் சென்று அதளபாதாளத்தில் ஒளித்து வைத்துவிட்டனர். தூக்கம் கலைந்த நான்முகனும் வேதங்களைக் காணாது மகாவிஷ்ணுவிடம் முறையிட, அவரும் அவற்றை மீட்டு வருவதற்காக "ஹயக்ரீவ'ராக உருவெடுத்துச் சென்றார்.
 பாதாளம் வரை சென்று வேதத்தின் ஒரு பாடத்தில் உள்ள உத்கீதம் என்ற ஸ்வரத்தை உண்டு பண்ணி அதன்வழி வந்த அரக்கர்களிடம் போரிட்டு அவர்களை அழித்தார். பின்னர், வேதங்களை மீட்டு வந்து கல்வியறிவு, ஞானத்திற்கு வழிவகுத்துக் கொடுத்தார்.
 பின்னர், வேதத்தை படைப்புக் கடவுளான பிரம்மாவிற்கே "சிராவணப் பௌர்ணமி' எனும் ஆவணி மாதப் பௌர்ணமி நாளில் சுடர்விட்டுப் பிரகாசிக்க கற்றுக் கொடுத்தார் என புராணங்கள் கூறுகின்றன.
 ஆக, கல்வி, கலை ஞானத்தின் தெய்வங்களுக்கு எல்லாம் குரு ஸ்தானத்தில் இந்த ஹயக்ரீவப் பெருமான் உள்ளார். எனவே, இவரைப் போற்றி வழிபடுபவர்களுக்கெல்லாம் கல்வி சிறப்புற அமையும்.
 அதாவது, தூய மெய்ஞான வடிவமும் ஸ்படிகம் போன்று தூய்மையானவரும் அறிவு மற்றும் அனைத்திற்கும் ஆதாரமானவருமாகிய ஹயக்ரீவரை வணங்குகிறேன்' என்று போற்றித் துதிக்க வேண்டும்.
 இதையே,
 "ஞானாந்த மயம் தேவம் நிர்மல ஸ்படிகாக்ருதிம்
 ஆதாரம் சர்வ வித்யானாம் ஹயக்ரீவம் முபாஸ் மஹே!'
 -என்றொரு அற்புதமான சுலோகம் சுவாமியின் பெருமையை போற்றுகிறது. அந்த சுலோகத்தை தினமும் 108 முறையாவது சொல்ல வேண்டும். முக்கியமாக, வியாழக்கிழமைகளில் சொல்வது நல்லது என்று கூறுகிறார்கள் பெரியோர்கள்.
 நான்கு கைகளில் சங்கு, சக்கரம், பத்மமாலை, அபயகரம் என விளங்கும் அவர் லட்சுமி ஹயக்ரீவராக, வரத ஹஸ்த ஹயக்ரீவராக, அபய ஹஸ்த ஹயக்ரீவராக, யோக ஹயக்ரீவராக பலவிதமான வடிவங்களில் விளங்குகிறார்.

சரஸ்வதி தேவியின் குரு ஹயக்ரீவர். இவர் வேதங்களை முறைப்படுத்தியதாக சொல்லப்படுகிறது. சுவாமி விருப்பத்துடன் குதிரை முகத்தோடு அவதாரம் எடுக்கிறார். அந்த முகத்தில்தான் லட்சுமி தேவி இருக்கிறாள். அவருடைய மூச்சுக் காற்றுப்பட்டு வேதங்கள் புனிதமடைந்து உயிரோட்டம் பெறுகின்றன.
 ஸ்ரீ லலிதா ஸஹஸ்ர நாமத்தை இயற்றியவர்கள் வாக்தேவதைகள். அதனை வெளிப்படுத்தியவரும் ஹயக்ரீவர்தான். இவருடைய முதல் சீடரான அகத்தியர் வெகுநாள்களாகத் தனக்கு ஏன் லலிதா சகஸ்ர நாமத்தை ஹயக்ரீவர் உபதேசிக்கவில்லை என்பதை உணர்ந்து ஒருநாள் கண்களில் கண்ணீர் வழிந்தோடக் கைகட்டி வாய்பொத்தி பவ்யத்துடன், " எனக்கு தாங்கள் இதுவரை லலிதா சகஸ்ர நாமத்தை உபதேசம் செய்யவில்லையோ'' என்று கேட்கிறார்.
 சுவாமி புன்னகையுடன், " இதை நீ கேட்க வேணும் என்பதே உன் மனைவி லோபாமுத்திரையின் விருப்பம். அவளது பக்தியினால்தான் இந்த எண்ணமே உனக்குத் தோன்றியுள்ளது. லலிதா சகஸ்ர நாமத்தை யாரும் கேட்டால் மட்டும்தான் சொல்ல வேண்டுமே தவிர, கேட்காதவர்கள், உதாசீனப் படுத்துபவர்கள் காதில் கூட இந்த நாமா விழக்கூடாது!'' என்று உபதேசம் செய்கிறார் ஹயக்ரீவர்.
 "ஓம் அஞ்சலி ஹஸ்தாய வித்மஹே வேத முகாய தீமஹி தந்நோ: ஹயக்ரீவ ப்ரசோதயாத்!'
 - என்பது அவரது காயத்ரி மந்திரமாகும்.
 நாடெங்கும் ஸ்ரீ ஹயக்ரீவப் பெருமாளுக்கு சொற்ப இடங்களில் மட்டுமே கோயில்கள் அமைந்துள்ளன. அவற்றில் சில: ஸ்ரீரங்கம் ஆலயத்தில் பெரிய பிராட்டியின் சந்நிதிக்கு எதிரே தேசிகர் சந்நிதியிலும் உத்தர வீதியில் உள்ள தேசிகர் சந்நிதியிலும் ஹயக்ரீவர் மூர்த்தி உள்ளது.
 திண்டுக்கல்லில் உள்ள தாடிக்கொம்பு சௌந்திரராஜப் பெருமாள் கோயிலில் ஹயக்ரீவரும் சரஸ்வதியும் அடுத்தடுத்து அமைந்து அருள்பாலிக்கின்றனர். சென்னை காட்டாங்கொளத்தூரை அடுத்துள்ள செட்டிபுண்ணியம் என்ற கிராமத்தில் இருக்கும் தேவநாத சுவாமி கோயிலில் ஹயக்ரீவர் அமைந்துள்ளார். கடலூருக்குப் பக்கத்தில் உள்ள திருவஹீந்திரபுரத்தில் ஹயக்ரீவர் எழுந்தருளியுள்ளார். சென்னை நங்கநல்லூரில் ஸ்ரீ லட்சுமி ஹயக்ரீவர் கோயில் கொண்டுள்ளார். புதுச்சேரி முத்தியால்பேட்டையில் புகழ் பெற்ற லட்சுமி ஹயக்ரீவர் ஆலயம் உள்ளது. ஸ்ரீ ஹயக்ரீவர் ஜயந்தி - 11.9.2019
 - டி.எம். ரத்தினவேல்

]]>
https://images.dinamani.com/uploads/user/imagelibrary/2019/9/6/w600X390/PONDY-SRI-HAYAGREEVA-PERUMAL.JPG https://www.dinamani.com/weekly-supplements/vellimani/2019/sep/06/கல்விக்-கடவுள்-ஸ்ரீ-ஹயக்ரீவர்-3228978.html
3228977 வார இதழ்கள் வெள்ளிமணி முப்பெரும் கும்பாபிஷேகம்! DIN DIN Friday, September 6, 2019 11:08 AM +0530 கோயில் நகரமாம் கும்பகோணத்தின் தெற்கே மகாமகக்குளத்தின் அருகாமையில் சுமார் 2 கி.மீ. தொலைவில் அரசலாற்றின் தென்கரையில் அமைந்துள்ளது அரியதிடல் (ஹரி குடிகொண்டுள்ள திடல்) கிராமம். இவ்வூரிண் கண் வாழ்ந்தவர்தான் தேப்பெருமாள் நல்லூர் அன்னதான சிவன். இயற்பெயர் ராமசாமி. காஞ்சி மகாசுவாமிகள் தான் இவர் செய்த அன்னதானத்தைப் புகழ்ந்து இவருக்கு அன்னதான சிவன் என்ற பட்டத்தை சூட்டினார். இக்கிராமத்தில் ஒரு மடம் அமைத்து கும்பகோணம் மற்றும் எல்லா ஊர்களிலும் நடக்கும் உற்சவங்களில் அன்னதானம் நடத்தி வந்தார். நாளடைவில் இவர் வசித்த இடத்திற்கு அன்னதான அக்ரஹாரம் (அண்ணலக்ரஹாரம்) என வழங்கப்படலாயிற்று.
 அன்னதான சிவன் இங்கு தங்கியுள்ள காலத்தில் சுயம்புவாகத் தோன்றி பக்தர்களுக்கு அருளாசி வழங்கிய ஸ்ரீ மீனாட்சியையும், ஸ்ரீ சுந்தரேஸ்வரரையும் வணங்கி வந்ததாகவும் ஒருநாள் அம்பிகை மீனாட்சி, அன்னபூரணியாக இவருக்கு காட்சியளித்ததாகவும் கூறப்படுவது உண்டு. சுவாமி மிக பழைமையான லிங்கம். மீனாட்சி அம்மையோ கையில் கிளியுடன் மதுரை மீனாட்சி போன்றே மிக கலைநயத்துடன் காணப்படுகிறாள். காலப்போக்கில் இயற்கையில் சீற்றத்தால் கோயிலானது சிதிலமடைந்துவிட்டது. இடிபாடுகளிடையே வீற்றிருந்தாலும் சுவாமி, அம்பாளின் அனுக்கிரக சக்தி அளவிட முடியாதது. இங்குள்ள ருத்ரகாளியோ மிக மிக சாந்தமாக பக்தர்களுக்கு மனதில் உள்ள குழப்பங்களை தீர்த்தும், நோய் நிவாரணம் அளித்தும் அருளுகின்றாள்.
 சிறப்புகள் வாய்ந்த இந்த கோயில் மற்றும் மடத்தின் திருப்பணி வேலைகளை காஞ்சி சங்கராச்சாரியார் மற்றும் பல்வேறு ஆதினகர்த்தர்கள், குரு மகாசந்நிதானங்கள் ஆசியுடனும், திருப்பணி செம்மல் மகாலட்சுமி சுப்பிரமணியம் பெரும் பங்களிப்பு மற்றும் ஆலோசனைப்படியும் இவ்வூரைச் சேர்ந்த மகளிர் ஒன்று கூடி அறக்கட்டளை அமைத்து நிறைவேற்றி வருகின்றனர். ஸ்ரீ மீனாட்சி சுந்தரேஸ்வரர் திருக்கோயில்; ஸ்ரீ பத்மாவதி தாயார் சமேத ஸ்ரீ வெங்கடாஜலபதி திருக்கோயில் (வடதிருப்பதி) மற்றும் ஸ்ரீ ருத்ரமகா காளியம்மன் ஆகிய மூன்று திருக்கோயில்கள் மற்றும் அன்னதான சிவன்மடம் ஆகியவற்றின் அஷ்டபந்தன முப்பெரும் மகாகும்பாபிஷேகம் செப்டம்பர் 16 -ஆம் தேதி நடைபெற உங்ளது. யாகசாலை பூஜைகள் செப்டம்பர் 14 -இல் ஆரம்பமாகிறது.
 தொடர்புக்கு: 98400 53289 / 90037 28652.
 - வெ. உமா

]]>
https://www.dinamani.com/weekly-supplements/vellimani/2019/sep/06/முப்பெரும்-கும்பாபிஷேகம்-3228977.html
3228976 வார இதழ்கள் வெள்ளிமணி "புஷ்கரவாஹினி' பிரம்மபுத்திரா புஷ்கர விழா! DIN DIN Friday, September 6, 2019 11:08 AM +0530 புஷ்கரங்கள் பாரததேசத்தின் பன்னிரண்டு நதிகளுக்கு மட்டுமே உரித்தான "நதிகள் விழா' ஆகும். பொதுவாக இவை மக்கள் புனித நீராடி மகிழும் விழாக்கள். ஒவ்வொரு நதிக்கும் 12 ஆண்டுக்கு ஒரு முறை கொண்டாப்படும்."புஷ்கரம்' எனும் சொல் நல்ல நேரம் என்பதை குறிக்கும் சொல்.
 பன்னிரண்டு ஆண்டுகள் என்ற கால அளவுக்கும் "புஷ்கரம்' என்று பெயர். நமது பஞ்சாங்களில் இது புஷ்கர காலம் எனப்படும். ஒவ்வொரு ஆண்டுக்கும் தொடர்புடைய நதி எது என்பதை குருபகவான் (வியாழன் அல்லது பிரகஸ்பதி) அந்த காலகட்டத்தில் எந்த ராசியில் உள்ளார் என்பதைப் பொறுத்துக் கணக்கிடப்படும்.
 அந்த ராசியில் குரு குறிப்பிட்டப்படி எவ்வளவு காலம் காணப்படுவாரோ (சஞ்சரிப்பாரோ) அந்த கால அளவு வரை புஷ்கரம் உண்டு. இருப்பினும் குருபெயர்ச்சியின் போது பிரம்ம தேவரின் கமண்டலத்திலுள்ள புஷ்கரம் (சகலதீர்த்த அதிபதி) குரு பகவானுடன் இணைந்து முதல் 12 நாள்கள் அந்த நதியில் எழுந்தருளியிருப்பதாகவும், "ஆதிபுஷ்கரம்' எனப்படும் அந்த நாள்களில் பக்தியுடன் நீராடுவதால் சகலபாவங்களும், கிரகதோஷங்களும், பித்ரு தோஷங்களும் அடியோடு நீங்கி விடும் எனவும் சாஸ்திரங்கள் அறுதியிட்டுக் கூறுகின்றன. மேலும் இந்த புஷ்கரபுண்ணிய காலத்தில் மும்மூர்த்திகளும், தேவர்களும், ரிஷிகளும் அந்தந்த தீர்த்தங்களுக்கு வந்து நீராடி மகிழ்வதாகவும் நம்பப்படுகின்றது. எனவே, இந்த புஷ்கர காலங்களில் நீராடுவது என்பது மூன்றரை கோடி தீர்த்தங்களிலும் நீராடிய புண்ணியத்திற்கு நிகரானது என கருதப்படுகிறது.

 நதிகளும் அதற்குரிய ராசிகளும்
 கங்கை - மேஷம், நர்மதை - ரிஷபம், சரஸ்வதி - மிதுனம், யமுனா - கடகம், கோதாவரி - சிம்மம், கிருஷ்ணா - கன்னி, காவிரி - துலாம், தாமிரபரணி - விருச்சிகம், பிரம்மபுத்திரா - தனுசு, துங்கபத்ரா - மகரம், சிந்து - கும்பம், பரணீதா (ப்ரணஹிதா) - மீனம்.
 தற்போது குருபகவான் விருச்சிக ராசியில் சஞ்சரிக்கின்றார். அடுத்து அவர் தனுர் ராசிக்கு பெயர்ச்சியாகும் போது அந்த ராசிக்கு உரிய நதியான பிரம்மபுத்திரா நதிக்கரையில் நிகழும் விகாரி வருடம் ஐப்பசி 19 -ஆம் தேதி (05.11.2019) செவ்வாய்க்கிழமை முதல் ஐப்பசி 30 -ஆம் தேதி (16.11.2019) சனிக்கிழமை வரை ஆதிபுஷ்கரம் கொண்டாடப்படுகிறது.
 பாரத தேசத்தில் தொன்று தொட்டு விளங்கும் புண்ணிய நதிகளில் ஒன்று பிரம்மபுத்திரா. ஆசியாவில் இருக்கும் பெரிய நதிகளில் ஒன்று. கைலாயமலையில் பிறந்து (உற்பத்தி) திபெத்தில் இமாலய பள்ளத்தாக்குகளில் தவழ்ந்து, அஸ்ஸாமில் "புஷ்கரவாஹினி' என்ற நாமத்துடன் நுழைகின்றது. நதிகளிலேயே ஆண் நதியாக சித்தரிக்கப்படுவது பிரம்மபுத்திரா மட்டுமே (பிரம்மாவின், புத்திரன்) பல புராண வரலாற்றுப் பின்னணியுடன் திகழும் இந்த நதி பாய்ந்து வளப்படுத்தும் கௌஹாத்தியில் (அஸ்ஸாம் மாநிலம்) புஷ்கரவாஹினி புஷ்கரம் நடைபெறுவது மிகவும் சிறப்பானதாகச் சொல்லப்படுகின்றது.
 முன் காலத்தில் இவ்விடத்தை "பாண்டு" (மகாபாரதத்தில் பிரசித்தியான பெயர்) என்ற பெயரிலேயே வழங்கப்பட்டு வந்திருக்கின்றது. மேலும் சக்தி பீடங்களிலேயே தலைமையானதும், முதன்மையானதுமாகிய "காமாக்யா' கோயில் இங்குதான் உள்ளது. மஹா விஷ்ணுவின் அவதாரமான பரசுராமர் தன் தோஷங்களைப் போக்கிக் கொள்ள தவம் மேற்கொண்ட இடம் இதுவே.
 புஷ்கர காலங்களில் சிறப்பு பலன்கள் (காம்யார்த்தம்) வேண்டி ஹோமங்கள், வேத பாராயணங்கள், சகஸ்ரநாம பாராயணங்கள், பரிகார ஹோமங்கள், அர்ச்சனைகள், பூஜைகள் தகுந்த வேதவிற்பன்னர்
 களைக் கொண்டு நடத்த உள்ளதாகவும், நதிக்கரையில் திதி, தர்ப்பணங்கள், தானங்கள் செய்தல் போன்ற நற்காரியங்களுக்கு ஏற்பாடு செய்யப்பட்டுள்ளதாகவும், ஸ்ரீ காஞ்சி காமகோடி பீடாதிபதி ஜகத்குரு ஸ்ரீ சங்கராச்சார்ய சுவாமிகள், ஆதீனகர்த்தர்கள், மடாதிபதிகள் ஆசிகளுடனும், அஸ்ஸாம் மாநிலத்து ஆளுநர், அமைச்சர் பெருமக்கள், அரசு அதிகாரிகள், மாவட்ட ஆட்சியர் ஒத்துழைப்புடன் இந்த புஷ்கரம் எவ்வித குறையுமின்றி நடைபெற உள்ளதாகவும் விழாக்குழுவினர் தெரிவிக்கின்றனர்.
 இந்த புஷ்கரவிழாவை நமக்கெல்லாம் கிடைத்த அரிய வாய்ப்பாகக் கருதி நாடெங்கிலுமிருந்து வரும் யாத்ரீகர்கள் முன்னதாகவே பயண ஏற்பாடுகளை செய்து கொள்ளலாம். புஷ்கரவிழாவில் பங்கேற்று புனித நீராடி, பாவங்கள் களைந்து புண்ணிய பலன்கள் பல பெறுவோம்!
 தொடர்புக்கு: மகாலட்சுமி சுப்ரமணியம் - 98400 53289, வளசை கே.ஜெயராமன்- 94442 79696.
 - எஸ்.வெங்கட்ராமன்
 
 
 

]]>
https://images.dinamani.com/uploads/user/imagelibrary/2019/9/6/w600X390/BRAHMAPUTRA-RIVER.JPG https://www.dinamani.com/weekly-supplements/vellimani/2019/sep/06/புஷ்கரவாஹினி-பிரம்மபுத்திரா-புஷ்கர-விழா-3228976.html
3228975 வார இதழ்கள் வெள்ளிமணி பொருநை போற்றுதும்! 57 - டாக்டர் சுதா சேஷய்யன் DIN DIN Friday, September 6, 2019 11:05 AM +0530 சேரன்மாதேவியில்தான், நாம் ஏற்கெனவே தரிசித்திருக்கும் (கன்னடியன் கால்வாய் காலத்தில்) மிளகுப் பிள்ளையார் எழுந்தருளியிருக்கிறார். மழை பொய்க்கும் காலத்தில், மிளகை அரைத்து இவருடைய திருமேனி முழுவதும் பூசி, நீர் வார்த்து அபிஷேகம் செய்து, அந்த நீர் கால்வாய்க்குள் போகும்படியாகச் செய்தால், மழை வரும்.
 சேரன்மாதேவியிலிருந்து கிழக்காகப் பயணித்தால், சுமார் 4 கி.மீ. தொலைவில் பத்தமடை. அடடா! பாய்க்குப் பெயர்போன பத்தமடை. இங்கிலாந்து மஹாராணியும் ரஷ்யத் தலைவர்களும் அமெரிக்க மேட்டுக் குடியினரும் சிலாகிக்கும் பட்டுப்பாய்க்குப் பெயர் போன பத்தமடை.
 தாமிரவருணியின் கரையில், குறிப்பாகப் பத்தமடை , கோடகநல்லூர் பகுதிகளில், நாணல் குடும்பத்தைச் சேர்ந்த கோரைப் புல், மிக உயரமாக வளரும். இந்த நாணலிலிருந்துதான் பாய்கள் தயாரிக்கப்படுகின்றன.
 பத்தமடைப் பாயை, முன்பெல்லாம் "பட்டுப் பாய்' என்றே அழைப்பார்கள். பட்டு நூலாலோ பட்டுத் துணியாலோ செய்யப்படுவதில்லை என்றாலும் இப்படியொரு பெயர் காரணங்கள்! பொருநையாளின் நீர், பத்தமடைக்காரர்களின் செய்திறன்.
 கோரைப் புல் மிக உயரமாக வளரும் தன்மை கொண்டது. நீரானது ஓடிக்கொண்டேயிருக்கும் பகுதிகளில், அதே நேரம் ஈரப்பசை மிகுந்த பகுதிகளில் வளர்வது. பொருநையாளின் குளிர்ச்சியால், இந்தப் பகுதிகளில் உயர உயரமான கோரைக் காடுகள் செழித்தன.
 கோரைப் புல்லைப் பச்சையாகவே வெட்டி எடுப்பார்கள். பின்னர், ஈரப்பதம் இல்லாத நிழலில் உலர்த்துவார்கள். புல்லின் வண்ணம், பொன்னிற மஞ்சளாக ஆனவுடன், பனை நீரில் நனைத்து மீண்டும் உலர்த்துவார்கள். நன்றாக உலர்ந்த பின்னர், ஓடும் நீரில் 7-8 நாட்களுக்கு, இது மூழ்க வைக்கப்படும். இவ்வாறு நீரில் மூழ்கியிருப்பதால், புல் சற்றே பருமனாகிவிடும்; மென்மை சேர்ந்து "மெத்து மெத்தென்று' ஆகும். இவ்வாறு ஆனதை மீண்டும் உலர்த்தி, மெருகேற்றி நெசவுக்குக் கொண்டு செல்வார்கள்.
 கோரைப் புல்லை வெறுமனே நெசவு செய்தால்கூட, பத்தமடைப் பாயின் பட்டுத்தன்மை வந்துவிடாது. புல்கீற்றுகளை ஒன்றுக்கொன்று இணைத்து நெசவு செய்வதற்குக் கற்றாழை இழைகளைக் காயவைத்துப் பயன்படுத்துவார்கள். எவ்வளவுக்கெவ்வளவு மிருதுவாக இருக்கிறதோ, அவ்வளவுக்கவ்வளவு அந்தப் பாய் "பட்டுத்தன்மை' கொண்டது என்று பொருள். நெசவில்கூட முரட்டு நெசவு, நடு நெசவு, நுண் நெசவு என்று வகைகள் உண்டு. புல்லை முதலில் வெட்டி எடுக்கும்போது, எவ்வளவுக்கெவ்வளவு மெல்லியதாகச் சீவுகிறார்களோ, அவ்வளவுக்கு மிருதுதன்மை உண்டாகும். மிக மிக மெல்லியதாகச் சீவப்பட்ட கோரைப்புல், நீரில் மூழ்க வைக்கப்படும்போது, பருமனானாலும் மெத்து மெத்தென்று இருக்கும். கற்றாழை இழைகள், இந்த மிருதுதன்மையை அதிகப்படுத்தும். மிகவும் மெல்லியதாகச் சீவப்பட்டு மிருதுதன்மை நிரம்பக் கொண்ட பாய்க்குத்தான், பட்டுப் பாய் என்றும் சில்க் பாய் என்றும் பெயர்.
 ஒருகாலத்தில் மிகவும் தழைத்த இந்தத் தொழில், இப்போதெல்லாம் இங்கேயும் அங்கேயுமாக மட்டுமே காணப்படுகிறது. அநேகமாக இஸ்லாமிய இனப் பெண்களே, கோரை சீவுவதிலும் பாய் முடைவதிலும் ஈடுபடுகிறார்கள்.
 அந்தக் காலத்தில், கல்யாணத்திற்கு வாங்கும் பொருட்களில், பத்தமடைப் பாய்க்குத்தானே முதலிடம்! சம்பந்தி வீட்டாரையும் விருந்தினரையும் அமரச் செய்வதற்கு மட்டுமல்ல, சீதனம் கொடுப்பதற்கும் அதைத்தானே நம்முடைய வீட்டுப் பெரியவர்கள் வாங்கினார்கள்.
 - தொடரும்...

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/sep/06/பொருநை-போற்றுதும்-57---டாக்டர்-சுதா-சேஷய்யன்-3228975.html
3228974 வார இதழ்கள் வெள்ளிமணி புண்ணிய பூமியில் புனிதப் பயணம் 24 DIN DIN Friday, September 6, 2019 11:03 AM +0530 இயேசு, லாசருவை உயிரோடு எழுப்பிய கல்லறை (பாலஸ்தீனம்)
 பாலஸ்தீன நாட்டில் சர்ச்சைக்குரிய பகுதியான மேற்குக்கரையில் உள்ளது பெத்தானியா. பெத்தானியா (Bethany) என்பது புதிய ஏற்பாட்டில் மரியா, மார்த்தா, லாசர் ஆகியோரின் வீடும், "தொழுநோயாளர் சீமோன்" என்பவரின் வீடும் இருந்த நகரமாகக் குறிப்பிடப்படும் இடம் ஆகும்.
 இயேசுவின் காலத்தில் பேச்சு மொழியாக வழங்கிய அரமேய மொழியில் இது (பெத் ஆனியா) என்று வரும். இதற்கு "துன்பத்தின் வீடு' என்பது பொருள். ஏழைகளின் வீடு என்ற மற்றொரு பெயரும் இதற்கு உண்டு. இயேசு எருசலேம் நகருக்குள் அரசர் போல நுழைந்த பிறகு இந்த ஊரில் தங்கியிருந்தார் என்றும், தமது உயிர்த்தெழுதலுக்குப் பிறகு இவ்வூரிலிருந்து விண்ணகம் சென்றார் என்றும் புதிய ஏற்பாட்டுக் குறிப்புகள் உள்ளன.
 பெத்தானியா எருசலேமிலிருந்து கிழக்காக 3 கி.மீ. தொலையில் ஒலிவ மலையின் தென்கிழக்குச் சரிவில் அமைந்துள்ளது. அங்கு அடையாளம் காட்டப்படுகின்ற மிகப் பழைய வீடு சுமார் 2000 ஆண்டுகளுக்கு முந்தியது. அதுவே விவிலியத்தில் புதிய ஏற்பாட்டில் வருகின்ற மரியா, மார்த்தா, லாசர் என்போரின் வீடு என்று கூறப்படுகிறது. இங்கே பெருந்திரளான மக்கள் திருப்பயணிகளாகச் செல்கின்றனர்.
 அல்-எய்சரியாவில் உள்ள கல்லறை லாசர் அடக்கம் செய்யப்பட்ட இடமாக கி.பி. நான்காம் நூற்றாண்டிலிருந்தே கருதப்பட்டு வந்துள்ளது.
 கும்ரான் அருகே அமைந்த குகைகளிலிருந்து கண்டெடுக்கப்பட்ட "திருக்கோயில் சுருளேடு" என்னும் ஆதாரத்திலிருந்து பெறப்பட்ட தகவலின்படி, நோயுற்றவர்களையும் தொழுநோயால் வாடியவர்களையும் கவனிப்பதற்காக எருசலேமின் கிழக்குப் பகுதியில் மூன்று இல்லங்கள் அமைய வேண்டும். "தூய்மையற்ற எதுவும் எருசலேம் திருநகருக்கு மூவாயிரம் முழம் தூரம் வரை காணப்படல் ஆகாது' என்று அந்த ஏட்டில் கூறப்படுகிறது.
 பெத்தானியா என்ற ஊர் எருசலேமிலிருந்து பதினைந்து ஸ்தாதியம் தொலைவில் இருந்ததாக யோவான் கூறுகிறார் (யோவான் 11:18). இது ஏறக்குறைய 3 கி.மீ. தூரத்தைக் குறிக்கிறது. எனவே, தூய்மையற்றவர்களாகக் கருதப்பட்ட தொழுநோயாளர்கள் போன்றோர் எருசலேமிலிருந்து சரியான தொலையில், பெத்தானியாவில் இருந்தார்கள் என்று தெரிகிறது.
 
 ஏழைகளுக்கும் நோயாளிகளுக்கும் ஆதரவான இல்லம் பெத்தானியாவில் இருந்த பின்னணியில் தான் இயேசு, "ஏழைகள் எப்போதுமே உங்களோடு இருக்கிறார்கள்" (மத்தேயு 26:11; மாற்கு 14:7) என்று கூறியிருப்பார் என்று சில அறிஞர்கள் கூறுகின்றனர்.
 பெத்தானியா பற்றிய புதிய ஏற்பாட்டு குறிப்புகள்:
 புதிய ஏற்பாட்டு நற்செய்தி நூல்களில் பெத்தானியாவோடு தொடர்புடைய ஐந்து நிகழ்ச்சிகள் குறிப்பிடப்பட்டுள்ளன. அவற்றில் பெத்தானியா என்னும் பெயர் பதினொரு முறை வருகிறது. பெத்தானியாவில் வாழ்ந்த லாசர் என்பவர் இறந்துபோக, இயேசு அவருக்கு மீண்டும் உயிர்கொடுத்த நிகழ்ச்சி (யோவான் 11:1-46), இயேசு ஆடம்பரமாக எருசலேமுக்குள் நுழைந்தபோது அருகிலிருந்த பெத்தானியாவிலிருந்து அங்கு புறப்பட்டுச் சென்ற நிகழ்ச்சி (மாற்கு 11:1; லூக்கா 19:29), அந்நிகழ்ச்சியை அடுத்துவந்த வாரத்தில் இயேசு பெத்தானியாவில் தங்கியிருந்த நிகழ்ச்சி (மத்தேயு 21:17; மாற்கு 11:11-12), பெத்தானியாவில் தொழுநோயாளர் சீமோன் என்பவரின் வீட்டில் இயேசு உணவருந்தியபோது மரியா இயேசுவின் பாதத்தில் நறுமணத் தைலத்தால் பூசிய நிகழ்ச்சி (மத்தேயு 26:6-13; மாற்கு 14:3-9; யோவான் 12:1-8),
 இயேசு பெத்தானியாவிலிருந்து விண்ணகம் சென்ற நிகழ்ச்சி (லூக்கா 24:50).
 இது தவிர, இன்னொரு தடவை இயேசு, மரியா, மார்த்தா ஆகியோரின் இல்லத்திற்குச் சென்றார் என்று லூக்கா 10:38-42 குறிப்பிடுகிறது. ஆனால் அங்கு "பெத்தானியா" என்னும் சொல் இல்லை. இத்தகைய விவிலிய அற்புதங்கள் நடைபெற்ற நகரம் தான் பெத்தானியா.
 லாசருவை உயிரோடு எழுப்பிய இயேசு:
 பெத்தானியாவில் வாழ்ந்து வந்த லாசர் என்னும் ஒருவர் நோயுற்றிருந்தார். இயேசுவின் நெருங்கிய நண்பர் அவர். அவ்வூரில்தான் மரியாவும் அவருடைய சகோதரியான மார்த்தாவும் வாழ்ந்துவந்தனர். மார்த்தாவிடமும் அவருடைய சகோதரியான மரியாவிடமும் லாசரிடமும் இயேசு அன்பு கொண்டிருந்தார். லாசர் நோயுற்றிருந்ததைக் கேள்விப்பட்ட பிறகு, தாம் இருந்த இடத்தில் இன்னும் இரண்டு நாள் அவர் தங்கியிருந்தார். பின்னர் தம் சீடரிடம், "மீண்டும் யூதேயாவுக்குப் போவோம், வாருங்கள்" என்று கூறினார். இயேசு அங்கு வந்தபோது லாசரைக் கல்லறையில் வைத்து ஏற்கெனவே நான்கு நாள்கள் ஆகியிருந்தது.
 - ஜெபலின் ஜான்
 (தொடரும்...)
 
 

]]>
https://images.dinamani.com/uploads/user/imagelibrary/2019/9/6/w600X390/vm2.jpg https://www.dinamani.com/weekly-supplements/vellimani/2019/sep/06/புண்ணிய-பூமியில்-புனிதப்-பயணம்-24-3228974.html
3228973 வார இதழ்கள் வெள்ளிமணி நிகழ்வுகள் DIN DIN Friday, September 6, 2019 11:02 AM +0530 * மகாகும்பாபிஷேகம்
 தஞ்சாவூர் மாவட்டம் திருவிடைமருதூர் வட்டம், அம்மையப்பன் கிராமத்தில் உள்ள ஸ்ரீபாகம்பிரியாள் சமேத அம்மையப்பர் ஆலயம், மற்றும் ஸ்ரீ விநாயகர் ஸ்ரீ வள்ளி தேவசேனா சமேத சுப்பிரமணியர், ஸ்ரீ காளியம்மன், ஸ்ரீ இடும்பன் ஆகிய ஐம்பெரும் திருக்கோயில்களுக்கு மகாகும்பாபிஷேகம் செப்டம்பர் 11 -ஆம் தேதி, காலை 6.30 மணிக்கு மேல் 10.30 மணிக்குள் நடைபெறுகின்றது. திருப்பனந்தாள் அருகில் காவிரிக்கு வடபாலும், கொள்ளிடத்திற்கு தென்பாலும் உள்ளது இந்த திருத்தலம். இவ்வூரில் உள்ள ஸ்ரீ வள்ளி தேவசேனா சமேத சுப்பிரமணியர் ஆலயத்தில் ஸ்ரீ இடும்பனுக்கு தனி சந்நிதி உள்ளது. இவ்வாலயத்தில் மூன்று கார்த்திகை நட்சத்திரத்தில் சிறப்பு அபிஷேகம் செய்தால் புத்திரபாக்கியம் கிட்டும்.திருமண தடை நீங்கும்.
 தொடர்புக்கு: 98400 53289.
 திருவாரூர் மாவட்டம், மன்னார்குடி தாலுக்கா, நெ. 43 பள்ளிவர்த்தி கிராமத்தில் அருள்மிகு கல்யாண விநாயகர், ஸ்ரீ தேவி, பூதேவி சமேத ஸ்ரீ வரதராஜப் பெருமாள், பூரண புஷ்கலாம்பாள் சமேத ஸ்ரீ தர்மசாஸ்தா, ஸ்ரீ மகாமாரியம்மன் கோயில்களின் அஷ்டபந்தன மகாகும்பாபிஷேகம் செப்டம்பர் 11- ஆம் தேதி, காலை 6.30 மணிக்கு மேல் 11.30 மணிக்குள் நடைபெறுகின்றது. இவ்வாலயங்கள் ஹரிச்சந்திரா நதிக்கரையில் திருக்கொள்ளிக்காடு அருகில் உள்ளது. கல்யாண மாகாத ஆண் / பெண்கள் இங்குள்ள கல்யாண விநாயகரை தரிசித்து அருகிலுள்ள வரதராஜப் பெருமாள் கோயிலில் வழிபட்டால் உடனடியாக திருமணம் கை கூடும் என்பது ஐதீகம்.
 தொடர்புக்கு: 94449 23949.
* பிரதோஷநாயகர் எழுந்தருளல் விழா
 திருவள்ளூர் மாவட்டம் கடம்பத்தூரை அடுத்துள்ள செஞ்சிபானம் பாக்கம் கிராமத்தில் உள்ள மிகப்பழைமையான அருள்மிகு ஸ்ரீ திரிபுரசுந்தரி உடனுறை ஸ்ரீ கைலாசநாதர் ஆலயத்தில் நூதன பிரதோஷ நாயகர் எழுந்தருளச் செய்யும் வைபவம் செப்டம்பர் 8 -ஆம் தேதி, காலை 8.30 மணிக்கு நடைபெற திருவருள் கூட்டியுள்ளது. இதனையொட்டி சிறப்பு ஹோமங்கள், பூஜைகள் நடைபெறுகின்றன.
 தொடர்புக்கு: 93828 72358 / 97919 41005.
 உற்சவர் பிரதிஷ்டை
 மயிலாப்பூர், மந்தைவெளி, விஸ்வலிங்கச் செட்டித் தோட்டம், இரண்டாவது தெருவில் உள்ள ஸ்ரீராம மாருதி பக்தஜன சபையில் ஸ்ரீசீதா சமேத ஸ்ரீ ராமச்சந்திர மூர்த்தி பட்டாபிஷேக திருக்கோலம் பஞ்சலோகம் உற்சவ விக்ரஹ பிரதிஷ்டை மற்றும் மகாசம்ப்ரோஷணம் செப்டம்பர் 12 -ஆம் தேதி காலை 7.30 மணிக்கு மேல் நடைபெறுகின்றது. பூர்வாங்க பூஜை, ஹோமங்கள் செப்டம்பர் 10 -இல் ஆரம்பமாகிறது. செப்டம்பர் 13 - ஸ்ரீ ஆஞ்சநேயர் உற்சவம் நடைபெறுகின்றது.
* ஏகாதச ருத்ராபிஷேகம்
 திருவள்ளூர் மாவட்டம் திருவூர் அருள்மிகு உத்பலாம்பாள் சமேத ஸ்ரீரிஷ்ய சிங்கீஸ்வரர் திருக்கோயிலில் உலக நன்மையை முன்னிட்டு செப்டம்பர் 8- ஆம் தேதி, ஏகாதச ருத்ரபாராயணம் மற்றும் அபிஷேகமும் தொடர்ந்து அன்னதானமும் நடைபெறுகின்றது. நிகழ்ச்சிகள் அன்று காலை 8 மணிக்கு தொடங்குகிறது. பூந்தமல்லி - திருவள்ளூர் சாலையில் அரண்வாயிலிருந்து அரை கி.மீ. தூரத்தில் உள்ளது திருவூர்.
 தொடர்புக்கு: 94456 93460.
 குறிப்பு: கும்பாபிஷேகம் உள்ளிட்ட நிகழ்வுகளை டிவியில் காண்பிப்பதாக அணுகும் நபருக்கும் "தினமணி'க்கும் எவ்வித தொடர்பும் இல்லை.
 
 
 

]]>
https://www.dinamani.com/weekly-supplements/vellimani/2019/sep/06/நிகழ்வுகள்-3228973.html
3228972 வார இதழ்கள் வெள்ளிமணி நட்பு ஆயும் பெட்புடை பெற்றோர் DIN DIN Friday, September 6, 2019 11:00 AM +0530 பிறக்கும் குழந்தை தவழுவதற்கு முன்னரே தொடு அலைபேசியைத் தொட்டு தட்டி கைகொட்டி விளையாடும் கலிகாலத்தில் வாழும் பெற்றோர் குழந்தைகள் கெட்டுவிடாமல் உற்ற வழியில் கற்பன கற்பித்து கற்ற வழியில் பிறழாமல் வாழ பெருந்துணையாய் இருக்க வேண்டும். கவனிப்பும் கண்காணிப்பும் கட்டாயம் ஆகிவிட்டது.
 இல்லையேல் கட்டவிழ்த்து விட்ட குழந்தைகள் காட்டாறு போல் ஓடி ஓடுமிடம் எல்லாம் மக்கள் ஓலமிட அழிவை உண்டு பண்ணுவது போல் குடும்பத்தைக் குலைத்துவிடும். கொடிய நிலை உண்டாகும். விடியலுக்குவழிதேடி அலையணும். இத்துன்பத்தைத் தவிர்க்க பிள்ளைகள் நல்ல பழக்கங்களைக் கடைபிடித்து வளர மழலையர் பள்ளிகளிலிருந்தே நல்ல நண்பர்களைப் பெற பெற்றோர் வழிகாட்ட வேண்டும்.
 குடும்பமே குழந்தைகளின் முதல் காப்பகம். அவர்களைப் பாதுகாக்கும் கோட்டை. முதல் பயிலரங்கம். குழந்தைகள் பிறந்ததிதிலிருந்து குர்ஆன் ஓத, மதராவிற்குச் செல்லும் வரை வளர்வது பிறந்த வீட்டில். அந்த வீட்டில் குடும்ப உறுப்பினர்களிடையே நிலவும் அன்பும் பாசமும் அக்கறையும் நேசமும் அமைதியும் நிம்மதியும் நிறைவாக நிறைந்திருந்தால் குழந்தைகளும் அக்குணங்களைக் கற்று கவினுற திகழும். புவியில் பூரிப்புடன் வாழ பூரண அடித்தளம்.
 பாசமும் நேசமும் நிலவும் குடும்பத்தை இறைவன் கட்டமைத்து தரும் நோக்கம் இப்பாச கயிற்றினால் பிள்ளைகளை கட்டுப்பாட்டோடு வளர்க்க வேண்டும். குடும்ப ரீதியாக பிள்ளைகளைக் கண்டிப்போடு அரவணைத்துச் செல்வதால் அவர்கள் ஆபத்துகளை எச்சரிக்கையோடு எதிர்கொள்வர். தீய நட்பைத் திரும்பி பாரார். விரும்பி வீணில் விழ மாட்டார். வீழ்ந்து எழ முடியாமல் ஏமாற மாட்டார். போதை மருந்தில் சோதனையான பழிபாவங்களில் பழியாகி விழிபிதுங்கி வேதனை படமாட்டார். இப்பாதக படுகுழியில் வீழ்வோர் வீட்டில் அன்பும் அரவணைப்பும் இல்லாதோரே. இக்காலத்தில் உண்டுறை பள்ளிகளில் பயில வைப்போரும் அப்பள்ளிகளில் நிலவும் சூழ்நிலையை நிதானமாய் தெரிந்து தெளிய வேண்டும்.
 எத்தனையோ குடும்பங்களில் இறைநெறியோடு கூடிய கட்டுபாட்டினாலும் பாசப்பிணைப்பாலும் பிள்ளைகள் மீது தனி கவனம் செலுத்தியதாலும் அந்த பிள்ளைகள் வெற்றியாளர்களாக உருவாகி சமூகத்திற்குப் பலனளிக்கும் பாங்காளர்களாக ஓங்கு புகழோடு விளங்குகிறார்கள். உயரிய பண்பும் நற்குணமும் பெற்று மற்றவருக்கு முன்னோடியாக திகழ்கிறார்கள். கசடற கற்று கற்றபடிநடந்து பெற்றோருக்குப் பெரும் புகழ் சேர்ப்பதோடு நாட்டிற்கும் பெருமையை கூட்டுவார்கள்.
 பிள்ளைகளுக்குப் பால்குடி பால பருவத்திலிருந்தே ஆலவிழுதாய் காலத்திற்கேற்ற கல்வியைக் கற்பித்தால் ஞாலத்தில் ஆபத்தில் அகப்படாமல் தற்காத்து கொள்வார்கள். தக்க கல்வி மிக்க உதவும். ஒரு மனிதனுக்குத் தீங்கிழைக்கும் அனைத்தையும் இஸ்லாம் தடை செய்வதை 5- 90 ஆவது வசனம், ""நம்பிக்கையுடையோரே! நிச்சயமாக மதுவும் சூதும் இறைவனுக்கு இணை வைப்பதும், அம்பெறிந்து குறி கேட்பதும் சைத்தானுடைய அருவருக்கத்தக்க வேலைகள். ஆகவே இவைகளிலிருந்து நீங்கள் விலகி கொள்ளுங்கள். நீங்கள் வெற்றி அடைவீர்கள்'' மதுவும் சூதும் தன்னிலை இழந்து தடுமாறி விடுபட முடியாது பகையையும் வெறுப்பையும் பொறாமையையும் உண்டாக்கி கொலையில் முடிவதை ஏடுகளில் படிக்கிறோம். ஊடகங்களில் பார்க்கிறோம்.
 மதியை மயக்கும் புத்தியைப் பேதலிக்க செய்யும் எப்பொருளும் போதை பொருளே. மதுபானங்களும் கஞ்சாவும் மட்டும் அல்ல. அதனினும் கொடியது மாத்திரை பொடி தூள் உள்ளிட்ட வடிவங்களில் வரும் பொருள்களும். இது உலகளாவிய பிரச்னையாக உருவெடுத்துள்ளது. உலகின் பெரும்பாலான நாடுகள் இதன் பாதிப்புக்கு உள்ளாகி உள்ளன. இது பூதாகரமாக பரவி வருகிறது. உலக வணிகத்தில் போதை பொருள் மூன்றாம் இடத்தில் உள்ளது. இப்போதை பழக்கத்தில் சிக்காமல் நம் குழந்தைகளைக் காக்க வேண்டும். நம் பிள்ளைகளின் நட்பு வட்டத்தை பெட்போடு ஆயவேண்டும். நேயமாக இருந்தால் தொடர விடலாம். தீயதாய் இருப்பின் தீய்த்து விடவேண்டும். பொல்லா நட்பைப் பொசுக்கி விட வேண்டும்.
 தவறான ஆர்வமும் ஒருமுறை துய்த்து பார்ப்போம் என்ற துடிப்பும் உள்ள ஊசலாட்டமும் போதை பொருள்களின் வலையில் சிக்க வைக்கும். பிற தீய வழிகளில் செல்ல வைக்கும். அப்படி சிக்க வைத்து சிக்கலில் மாட்டிவிடும். சொக்க வைக்கும். தீய நட்பில் பிள்ளைகள் சிக்காமல் காப்பது பெற்றோரின் பெருங் கடமையாகும். பெற்றோர் போதிய நேரம் ஒதுக்கி பிள்ளைகளோடு பயனுள்ளதைப் பேசி பண்படுத்த வேண்டும். புண்படுத்தும் பேச்சு புரையோடி இழிவில் இரை தேட முயலும். குடும்பத்தில் குழந்தைகளோடு ஒன்று கூடி அளவளாவி அன்பை வளர்த்து அரவணைத்து ஆதரவைப் பெருக்க வேண்டும்.
 ஒரு மனிதன் அவனின் தோழனின் குணத்தைப் பிரதிபலிப்பான் என்ற ஏந்தல் நபி (ஸல்) அவர்களின் எழில் மொழி அபூதாவூத் 4833 -லும், திர்மிதீ 2378 -லும் பதிவாகி உள்ளது. இந்த அறிவுரையில் உள்ள படிப்பினை. நம் பிள்ளைகள் யாரோடு பழகுகிறார்கள் என்று நாம் கவனிக்க வேண்டும். பிள்ளைகள் நல்ல நண்பர்களோடு பழக நாமும் நல்ல வாய்ப்புகளை ஏற்படுத்தி கொடுக்க வேண்டும். போதை முதலில் தீய பழக்கங்கள் நண்பர்களால் தான் ஏற்படுகிறது.
 பிள்ளைகளுக்கு நீச்சல் பயிற்சி, அம்பு எறிதல், குதிரை ஏற்றம் முதலிய பன்முக திறன் வளர்க்கும் பயிற்சி கொடுக்க முயற்சி செய்ய முனைந்து ஊக்கம் ஊட்டினார்கள் இரண்டாம் கலீபா உமர் (ரலி). புதிய பயனுள்ள அனைத்திலும் பயிற்சி பெறும் முயற்சிக்கு முழு ஆதரவு அளிக்க வேண்டும். இப்பயிற்சி தரும் பயிற்சி கூடங்கள், ஆய்வு அகங்கள், கருத்தரங்கங்கள், கூட்டமைப்புகளில் சேர்ந்து பயில திறமையை பெருக்க ஆளுமையை அதிகரிக்க ஆவன செய்ய வேண்டும்.
 அறிவின் பயன்கள் அளப்பரியன. அவற்றில் முதன்மையானது கண்காணிப்பு. பிள்ளைகளின் நட்பை ஆயும் பெட்புடை பெற்றோர் பிள்ளைகளின் நல்வாழ்விற்கு நற்றுணையாகும் நல்ல நட்பை நாளும் தொடர ஆளுமையோடு அகிலம் ஆள ஆவலுடன் ஆவன செய்ய வேண்டும். பிள்ளைகள் மேதினியில் மேவும் புகழோடு வாழ்வாங்க வாழ்வார்கள்.
 - மு.அ.அபுல் அமீன்
 

]]>
https://images.dinamani.com/uploads/user/imagelibrary/2019/9/6/w600X390/vm1.jpg https://www.dinamani.com/weekly-supplements/vellimani/2019/sep/06/நட்பு-ஆயும்-பெட்புடை-பெற்றோர்-3228972.html
3228970 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, September 6, 2019 10:59 AM +0530 * வெட்டினாலும் மரம் தளிர் விடுகிறது, கலை குறைந்தாலும் சந்திரன் மீண்டும் வளர்கிறான். இதை நினைத்துப் பார்த்து, உலகில் சாதுக்கள் வீழ்ச்சியடைந்தாலும் துன்புறுவதில்லை. 
- பர்துருஹரியின் நீதி சதகம்
* இறைவன் நமக்கு மிகவும் நெருக்கமானவர், அவர் நமக்கு மிகவும் சொந்தமானவர், இதுவே மனிதனுக்கும் இறைவனுக்கும் இருக்கும் நிரந்தரமான உறவாகும். இந்த உறவு எவ்வளவு ஆழமாக ஒருவனுக்கு இறைவனிடம் இருக்கிறதோ, அவ்வளவு தூரம் அவன் அவரை நெருங்குகிறான்; அவரைப் பற்றி உணர்ந்துகொள்கிறான். 
- ஸ்ரீ சாரதாதேவியார்
* எந்த விதமான புலன் நுகர்ச்சியும் தளர்ச்சியைத் தருகிறது. போகங்களை நாடுபவன் சொந்த ஆசைக்கே அடிமையாக இருக்கிறான். தீய சுகபோகங்களை நாடுவது என்பது இழிவானது, கேவலமானது. அது மனத்தூய்மைக்கு பெரிய தடையாக இருக்கிறது. 
- புத்தர்
* தூரத்தில் பறக்கின்ற விட்டில்பூச்சிகள் விளக்கொளியால் ஈர்க்கப்படுகின்றன. ஆதலால் அவை விளக்கின் நெருப்பில் வீழ்ந்து மடிகின்றன, அதுபோல் உலக ஆசைகளின் (மனமயக்கத்தின்) வசப்பட்ட மனிதனும் முக்திக்கான வழியை அறிய இயலாமல் அழிகின்றான். 
- ஆதிசங்கரர்
* நெருப்பு தனது ஜ்வாலையால் தன்னிடம் சேர்ந்த மரக்கட்டைகளை நொடி நேரத்தில் பொசுக்கிவிடுகிறது. அது போன்று வேதங்களின் உண்மைப் பொருளை உணர்ந்தவனின் ஞானமாகிய நெருப்பு அவனுடைய எல்லாப் பாவங்களையும் பொசுக்கிவிடும்.
- மனுஸ்மிருதி 
* தன் இயல்பான உண்மையை அறியாததால் அல்லவா, இந்த பாக்கியமற்ற மனிதன் ஐம்புலன் இன்பங்களில் இன்பம் காண்கிறான்! அனைத்தையும் அனுபவித்தபிறகு, சாப்பிட்ட உணவில் விஷம் இருப்பதை அறிவதுபோல் புலன் இன்பங்களின் தீமை பற்றி உணர்கிறான். அப்படி அவன் இறுதியில் புலனின்பத்தின் தீமைகள் பற்றி உணரும்போது அவனைக் காப்பாற்றுபவர் யார்?
- வசிஷ்டர் (யோகவாஷிட்ட சாரம்)
* சொல்லத் தகுந்தது ஸ்ரீ ராமமந்திரம், கேட்ட மாத்திரத்தில் மங்களத்தை அளிப்பது ஸ்ரீ ராம மந்திரம், உத்தமமான ஞானத்தை அளிப்பது ஸ்ரீ ராம மந்திரம், போற்றுவதற்கு உரியது ஸ்ரீ ராம மந்திரம். 
- ஸ்ரீ ராமகர்ணாமிர்தம்
* சுயநலத்தை அறவே வென்றவன் ஆனந்தமாக இருப்பான், அமைதி அடைந்தவன் ஆனந்தமாக இருப்பான், ஞானம் அடைந்தவன் ஆனந்தமாக இருப்பான். 
- புத்தர்

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/sep/06/பொன்மொழிகள்-தொகுப்பு-சுவாமி-கமலாத்மானந்தர்-3228970.html