Dinamani - வெள்ளிமணி - https://www.dinamani.com/weekly-supplements/vellimani/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3233558 வார இதழ்கள் வெள்ளிமணி முன்னோரை மகிழ்ச்சிப் படுத்தும் ராமர் கயை! DIN DIN Friday, September 13, 2019 01:31 PM +0530 கைகேயி வரத்தால் தம்பி துணையாக வர சீதையுடன் ராமன் வனவாசம் போனான். அனுமன் துணையோடு ராமன், ராவணன் கவர்ந்து சென்ற சீதையை மீட்டு, விபீஷணனை இலங்கை மன்னனாக பட்டாபிஷேகம் சூட்டி அயோத்திக்கு திரும்பிக்கொண்டிருந்த போது வழியில் ஒவ்வொரு தலத்திலும் நாளும் சிவபூஜை செய்யும் பழக்கம் தொடர்ந்தது.
 தசரதனுக்கு எள்ளும் நீரும் இறைத்து தர்ப்பணம் செய்ய வேண்டிய அவசிய நாள் வந்தது. கயையில் தரக்கூடிய திதியை அதே தகுதிகளுடன் கூடிய இங்கேயே தரவேண்டிய சந்தர்ப்பம் எழுந்தது. கயாவைப்போல் ஆறும் அட்சய வடமும் இருக்கும் இடத்தைத் தேர்ந்து எடுத்தான். முக்கியமான மூன்றாவது இடமான விஷ்ணு பாதத்தில் பிண்டங்களை வணங்கி சேர்ப்பதற்கு இங்கு விஷ்ணு பாதம் இல்லையே என சஞ்சலப்பட்டான்.
 இலக்குவனை - வேண்டிய பொருட்களை சேகரம் செய்ய அனுப்பிவிட்டு ராமன் அருகில் சிவ பூஜைக்கு உரிய இடத்தை தேடிப் போனார். ஊரின் உட்புறமாய் சற்றுத் தொலைவில் தென்கிழக்கில் மேற்கு நோக்கி கம்பீரமாக காட்சி கொடுக்கும் ஆகிருதிமிக்க லிங்க உருவைக் கண்டு மகிழ்ந்தார். அபிஷேகம் செய்து சிவபூஜை செய்தபின் பிண்ட தானம் செய்ய விரும்பினார். அபிஷேகம் செய்ய லிங்கத்திருமேனிக்குத் தெற்குப்புறம் தன் வில்லின் பாணம் எனப்படும் அம்பு எய்து ஒரு தீர்த்தம் உண்டாக்கி அபிஷேகமும் தூமலர் தூவி அர்ச்சனையும் செய்தார் .
 மானிட அவதாரத்திருந்த ஸ்ரீராமபிரான் கயையில் ஸ்ரீ விஷ்ணுபாதத்தில் பிண்டம் சமர்ப்பிப்பது போல் இங்கும் பிண்டம் சமர்ப்பிக்க அருள்புரிய வழிபட்டு சிவபூசை முடித்து ஆற்றங்கரைக்கு சென்றார். அந்த தீர்த்தம் பாண தீர்த்தம் என பின்னாளில் அழைக்கப்பட்டது.
 ஆற்றங்கரையில் இலக்குவன் கொண்டுவந்த பொருட்களைக் கொண்டு சீதை பிண்டப் பிரார்த்தனை உபகாரங்களைச் செய்தாள். அருகில் உள்ள பல்குனி நதியை ஒத்த ஆற்றங்கரைக்குச் சென்று அரசமரத்தடியில் அமர்ந்து இலக்குவன் சற்றுத் தள்ளி நிற்க சீதை உடன் இருக்க பித்ரு வழிபாட்டை ராமன் செய்யத் துவங்கினான். இறுதியில் பிண்டங்களை விஷ்ணு பாதத்தில் சமர்ப்பிக்க கையில் எடுத்தபோது ஒளிக்கீற்றாய் விஸ்வரூபியாய் மேல் கைகளில் தாமரை மற்றும் சக்கரம் தாங்கி கீழ்க்கையில் பத்மம் மற்றும் கதை தாங்கி நின்ற கோலத்தில் மகாவிஷ்ணு கயையில் காட்சிதந்த கதாதரனாகத் தோன்றி முன்னோருக்கு விஷ்ணு பாதத்தில் சமர்ப்பிக்க வைக்கப்பட்டிருந்தவற்றைப் பெற்றுக் கொண்டார். ராமனின் ஆசையும் பூர்த்தியாகியது.
 ராமன் சிவபூஜை செய்து பிதுர்களுக்கு விஷ்ணு பாதத்தில் பிண்ட தானம் செய்த இடம் இன்று கோவிந்தபுரம் எனவும் சிவபூஜை செய்த இடம் பாணபுரம் என்வும் அழைக்கப்படுகிறது. இந்த இரண்டு கோயில்கள் ஒன்றுக்கு ஒன்று வரலாற்றுத் தொடர்பு கொண்டவை. மயிலாடுதுறையிலிருந்து கும்பகோணம் செல்லும் சாலையில் கோவிந்தபுரம் அக்ரகாரம் நிறுத்தத்தில் இறங்கினால் இடப்புறம் அரை கி.மீ. தொலைவில் பாணபுரீஸ்வரர் கோயிலும் வலப்புறம் அரை கி.மீ. சென்றால் கதாதர நாராயணன் கோயிலையும் அடையலாம்.
 வீரசோழன் ஆறு ஓடும் கோவிந்தபுரத்தில் ஸ்ரீவிஷ்ணுபாதம் மற்றும் கதாதரன் சந்நிதியும் அமைந்துள்ளது. இங்கு உள்ள விஷ்ணு பாதம் ஸ்ரீராமனால் பூஜிக்கப்பட்டது. சந்நிதியில் எழுந்தருளியுள்ள மஹாவிஷ்ணுவான கதாதரன் 4 கரத்துடன் பத்திர பீடத்தில் பக்தர்களின் முன்னோர்களுக்கான பிண்டங்களை ஏற்று முன்னோர்களுக்கு அருள்கிறார். மேலும் கயாவைப்போல காசிவிஸ்வநாதர் கோயில் மற்றும் அன்னபூரணி சந்நிதி கதாதரர் கோயிலுக்கு முன்பாக அமைந்துள்ளன.
 கால்நடையாக தேச சஞ்சாரம் செய்து பகவானைத் தேடி வந்தமகான் ஸ்ரீ போதேந்திர சுவாமிகள் ஸ்ரீராமபிரான் பித்ரு காரியம் செய்து வழிபட்ட ஸ்ரீ கோவிந்தபுரத்தில் தன் இறுதிக்காலம் வரை தங்கி அதிஷ்டானத்தில் (ஞான சமாதி) எழுந்தருளியுள்ளார்.
 முன்னோர்களின் திதி தப்பியோர், திவசம் கொடுக்க முடியாதவர்கள் முன்னோர்களின் சாபத்திற்கு ஆளாகி உள்ளதாக கூறப்படும் ஜோதிடக் குறிப்பு உள்ளவர்கள், நாடி ஜோதிடத்தில் வரும் குறிப்புகளின்படி இங்குள்ள கதாதரன் சந்நிதியில் 16 தில தீபங்கள் ஏற்றி, விஷ்ணு பாதத்திற்கு அர்ச்சனை செய்து ஸ்ரீ ராம மந்திரம் சொல்லி வழிபாடு செய்வது பழக்கத்தில் உள்ளது.
 அமாவாசை, பெளர்ணமி, சனிக்கிழமை, ஞாயிற்றுக்கிழமை அவரவர் தாய் தந்தையரின் திதிகள் ஆகிய நாள்களில் திதி தராதவர்கள் அல்லது தர முடியாதவர்கள் இங்கு வந்து வழிபாடு செய்கிறார்கள். வீரசோழனாற்றங் கரையில் தர்ப்பணம் செய்வதும் உண்டு.
 புரட்டாசி அமாவாசைக்கு முதல் 15 நாள்கள் அதாவது பாதி மாதம் நமது முன்னோர்கள் நம்முடன் பூமியில் வந்து வாழுகின்ற காலம் மகாளயபட்சம் எனப்படுகிறது. இந்நாள்களில் காலஞ்சென்ற முன்னோர்கள் ஆவி ரூபத்தில் கோயில்களின் தீர்த்தங்களில் நீராடி தங்களுடைய சக்திகளைப் பெறுவார்கள் என்றும், அவர்களின் சந்ததியினர் வாழிடங்களுக்குச் சென்று தங்களுக்கு அவர்கள் அளிக்கும் உணவினை ஏற்கிறார்கள் எனப்படுகிறது.
 இவ்வாண்டு மஹாளயபட்சம் செப்டம்பர் 14 -ஆம் தேதி, சனிக்கிழமை துவங்கி }செப்டம்பர் 27 -ஆம் தேதி வரை உள்ளது. 28 -ஆம் தேதி மஹாளய அமாவாசை ஆகும்.
 தன் தந்தைக்கு செய்ய வேண்டிய பிதுர்கடனை செய்த இடத்தையும் வரலாற்று நாயகன் ஸ்ரீராமபிரான் குறையைப் போக்க கயையில் இருந்து வந்த கதாதரனையும் ஸ்ரீவிஷ்ணு பாதத்தையும், தட்சிண கயா"ஸ்ரீராம கயா என வட நாட்டவர் அழைக்கும் கோவிந்தபுரத்தில் சென்று தரிசிக்கலாம்.
 தொடர்புக்கு: 94449 19354/
 0435 - 2461212.
 - இரா.இரகுநாதன்
 

]]>
https://images.dinamani.com/uploads/user/imagelibrary/2019/9/13/w600X390/vm4.jpg https://www.dinamani.com/weekly-supplements/vellimani/2019/sep/13/முன்னோரை-மகிழ்ச்சிப்-படுத்தும்-ராமர்-கயை-3233558.html
3233557 வார இதழ்கள் வெள்ளிமணி மறந்ததை மஹாளயத்தில் செய்! DIN DIN Friday, September 13, 2019 01:30 PM +0530 ஓர் இல்லறவாசியானவன் தன் பித்ருக்களுக்கு ஒரு வருடத்தில் 15 நாள்களுக்கு சிரார்த்தம் (சிரத்தையோடு நம் முன்னோர்களை நினைவு கூறும் நாள்) செய்ய வேண்டுமென மகரிஷி யாக்ஞவல்கியர் வழி வகுத்து தந்துள்ளார்; இதை மனு மற்றும் பிரம்மாண்ட புராணம் உறுதி செய்துள்ளது.
 தர்ம சாஸ்திரத்தில் சிரார்த்த ப்ரகரணம் என்று ஒன்று உள்ளது. அதில் சிரார்த்தத்தைப் பற்றி கூறும்போது "தம் முன்னோர்களுக்கு சிரார்த்தம் செய்வதைக் காட்டிலும் மனிதனுக்கு நன்மையைக் கொடுக்கக் கூடியது வேறு ஒன்றுமில்லை. ஆகையால் தமக்கும் தம் குடும்பத்தினருக்கும் நன்மை தொடர்ந்து கிடைக்க வேண்டுமென்று விரும்புபவர்கள்; சிரார்த்தத்தை சிரத்தையுடன் செய்யவேண்டும்"என்கிறது. இதுபோல் எவனொருவன் செய்கிறானோ கண்டிப்பாக அவன் பாக்கியவான்; அவனுக்கு நற்பயன் நிச்சயம் உண்டு.
 கஜச்சாயை யோகம் என்பது புரட்டாசி மாதத்து கிருஷ்ண பட்சத்தில் வருவதாக ஜோதிட சாஸ்திரம் கூறுகிறது. இதுவே பித்ரு பட்சம்’, "மஹாளயம்' என அழைக்கப்படுகிறது. அதற்கு மனுஸ்ம்ருதி, தைத்ரிய ப்ராம்மணம் ஆகியவற்றில் புரட்டாசி மாதத்து கிருஷ்ண பட்சத்தில் வருகிற மக நட்சத்திரத்தில் பித்ருக்களை அழைக்கும் விதி கூறப்பட்டுள்ளது. இது கஜச்சாயையில் கூடும் மக நட்சத்திரத்தையே குறிக்கிறது. இந்த நாள்களில் சிரார்த்தம் செய்தால் பல முறை சிரார்த்தம் செய்த பலன் கிடைக்கும் என கூறுவதால் அவ்வளவு விசேஷம் இந்த மஹாளயத்திற்கு.
 மஹாவிஷ்ணுவிற்கு உகந்த மாதமான புரட்டாசியில் மஹாளய அமாவாசை வருவதால் (மால்+அயம் என்றால் திருமாலுக்கு உரித்தான அயனகாலம் என்று பொருள்); அன்று தர்ப்பணமாவது கட்டாயம் செய்யவேண்டும் எனக் கூறுகிறார்கள். ஆனால் நாம் இதற்கு முக்கியத்துவம் கொடுக்காமல் அறிந்தோ, அறியாமலோ அல்லது தெரிந்தோ, தெரியாமலோ செய்ய மறந்து விடுகிறோம். இதைத்தான் நம் சனாதன தர்மம் "மறந்ததை மஹாளயத்தில் செய்" என்று கூறுகிறது.
 மஹாளயத்தில் நெருங்கிய அனைத்து முன்னோர்களுக்கும் பிண்ட தானம் செய்யப்படுவதால், மஹாளய சிரார்த்தம் சால சிறந்தது. இதை நாம் செய்வதால் நம் குடும்பத்தில் நம்மைச்சுற்றி காரணமே தெரியாமல் நடக்கும்; நம் கண்களுக்குப் புலப்படாத பல இன்னல்கள்/தடங்கல்கள் நீங்கி வளர்ச்சிக்கு வழி செய்து, நற்பேற்றினை அடையச் செய்யும். இதனையே திருவள்ளுவர் "தென்புலத்தார் வழிபாடு" என சிறப்பித்து கூறியுள்ளார்.
 இறந்தபின் நம் முன்னோர்களின் ஆத்மாவானது ஒரு குறிப்பிட்ட காலம் வரை பூமியில் சுற்றிவிட்டு; பின் விண்ணுலகம் செல்லுமாம். பித்ருக்கள் உலகம் என்று ஒன்று உள்ளது; அது சூரிய, சந்திர மண்டலத்திற்கு அப்பால் சொர்க்க லோகம் என்ற பெயரில் உள்ளது. இங்கு அவர்கள் ஆதி"என்பவரது கட்டுப்பாட்டில் வசிக்கின்றார்கள். அங்கு அனைத்து வசதிகள் இருந்தாலும்; தனக்கான உணவினை தாங்களே அவர்களால் எடுத்துக் கொள்ளமுடியாது.
 அதனால் இந்த உலகத்தின் அதிபதியான எமதர்மராஜனிடம்; தங்கள் குழந்தைகளுக்கும், உறவினர்களுக்கும் தாங்கள் சேர்த்து வைத்த சொத்துக்களுக்கு கைமாறாக அவர்களைக்காண செல்ல வேண்டுமென வேண்டினர். அவர்களின் கோரிக்கையை ஏற்று அவர்களுக்கு 15 நாள்கள் பூலோக வாசம் அளித்து, தங்கள் பிள்ளைகளிடமிருந்து தாங்கள் வேண்டியதை பெற்றுக்கொள்ளும்படி பித்ருக்களை பூமிக்கு அனுப்பி வைக்கிறார் தர்மராஜன். அந்த காலமே மஹாளயபட்சம் ஆகும்.
 இதனை ஏற்று நம் முன்னோர்கள் அவரவர் குழந்தைகளையும், உறவினர்களையும் பார்ப்பதற்காக ஆசையுடன் நம் வீட்டு வாசலில் வந்து நிற்பார்களாம். அப்போது நாமும் மகிழ்ச்சியோடு அவர்களை மந்திரம் மூலம் வரவேற்று அவர்களை திருப்தி செய்ய வேண்டுமென்கிறது நம் புராணம். நாம் செய்யும் தர்ப்பணத்தில் விடுகிற எள்ளும் தண்ணீரும்; எப்படி நாம் அனுப்பும் மணி ஆர்டர் வேறு ஊரிலுள்ள முகவரிக்கு சரியாக போய் சேருமோ அதுபோல்; ஸ்வேதாதேவி" என்பவள் அதை உணவாக மாற்றி நம் மூதாதையருக்கு கொடுப்பதற்கு பாலமாக இருக்கிறாள்.
 சிலர் பிதுர்சாபம் உள்ளது எனக்கூறுகின்றனர்; அது தவறு. பிதுர்கள் தன் குழந்தைகளுக்கு சாபம் கொடுக்கமாட்டார்கள்; மாறாக சற்று வருத்தப்படுவார்கள். இந்த குழந்தைகள் கையில் தானே நம் பசியை போக்கும் சாவி உள்ளது; நாம் வெறும் எள்ளும் தண்ணீரும் தானே இவன் கை வழியாக கேட்கிறோம்? அதனை தருவதற்குகூட இவர்கள் தயங்குகிறார்களே"என வருத்தப்படுகிறார்களாம். அப்படி அவர்களை வருத்தப்பட வைக்கக்கூடாது. அதுவே நமக்கு நற்பேறு கிட்டாமல் செய்துவிடும்.
 புனிதமான நீர்நிலைகளில் இதனைத் தருவதால் அவர்கள் மகிழ்ச்சி அடைகிறார்கள். கயா, காசி, ஹரித்வார், ப்ரயாக்ராஜ், உஜ்ஜைனி, நாசிக் (பஞ்சவடி), புஷ்கர், குருஷேத்ரா, ராமேஸ்வரம், திருமறைக்காடு என்றழைக்கப்படும் வேதாரண்யம், தென்கைலாயம் எனப்போற்றப்படும் திருவையாறு போன்ற புண்ணிய நதிகள் ஓடும் தலங்கள்; மற்றும் மகாபுண்ணிய தலமான கும்பகோணத்திலுள்ள மகாமகக் குளக்கரை போன்ற இந்தத்தலங்களில் முக்கியமாக செய்யலாம். தஞ்சை மாவட்டம், பட்டுக்கோட்டை வட்டத்தில் "அண்டமி' என்ற கிராமத்தில் ஒரு சிவன் கோயில் உள்ளது. இங்கு பித்ருக்களின் ஆசியை பெறுவதற்காகவே அங்குள்ள "சிவகங்கை' தீர்த்தப்படிதுறையில் பித்ரு ஹோமமோ, பித்ரு தர்ப்பணமோ செய்வது சாலச்சிறந்தது. ஆடல்கலை அறுபத்து நான்கினை; அறுபத்திநான்கு திசைகளாக நிர்ணயித்த சிவனார், தன் அம்சமான, வாஸ்து பகவானாக இங்கு அவதரித்ததாக இத்தல வரலாறு கூறுகிறது.
 இத்தனை பெருமை மிக்க மஹாளயபட்சம், இந்த வருடம் வருகிற செப்டம்பர்- 14, சனிக்கிழமை, பெளர்ணமியில் ஆரம்பித்து செப்டம்பர் - 28 சனிக்கிழமையன்று மஹாளய அமாவாசையுடன் முடிவடைகிறது. இந்த நாள்களில் நம் முன்னோர்களுக்கு "பிதுர் யக்ஞம்' என்று அழைக்கப்படும் நாம் செய்ய வேண்டிய கடமையை ஏதோவொரு நீர்நிலையில் செய்வோம்; மனத்துயர் நீங்கி நிம்மதி பெறுவோம்.
 - எஸ். எஸ். சீதாராமன்
 
 

]]>
https://images.dinamani.com/uploads/user/imagelibrary/2019/9/13/w600X390/RAMANATHASWAMY-RAMESWARAM.JPG https://www.dinamani.com/weekly-supplements/vellimani/2019/sep/13/மறந்ததை-மஹாளயத்தில்-செய்-3233557.html
3233556 வார இதழ்கள் வெள்ளிமணி பொருநை போற்றுதும்!58 - டாக்டர் சுதா சேஷய்யன் DIN DIN Friday, September 13, 2019 01:28 PM +0530 புவிசார் குறியீட்டு எண்ணைப் பெற்றதால், நவீனகால இந்திய வரலாற்றில் பத்தமடைப் பட்டுப் பாய்க்குத் தனியிடம் உண்டு. இதேபோன்று, பத்தமடை குப்புசுவாமியைப் பெற்றுக் கொடுத்ததால், பாரதத்தின் ஆன்மீக, அறிவியல் வரலாற்றிலும் இந்த ஊருக்குத் தனியிடம் உண்டு. 
ஆனந்தம் காட்டிய ஆன்ம குரு: அதுவொரு வியாழக்கிழமை. அன்றைய அதிகாலை வேளையில், பத்தமடை வெங்கு ஐயருக்கும் பார்வதி அம்மாளுக்கும், அவர்களின் மூன்றாவது குழந்தை பிறந்தான். பரணி நட்சத்திரத்தின் ஏறுமுகத்தில் பிறந்த பிள்ளை. "பரணி பிள்ளை தரணி ஆளும்’ என்பது பண்டையகால சொலவடை. இந்தப் பிள்ளையும் தரணி ஆண்டார்; தரணி என்ன, தரணியை ஆள்வோரையும் ஆண்டார். 
1887 -ஆம் ஆண்டு செப்டம்பர் 8 -ஆம் தேதி, பொருநைக் கரையின் பத்தமடையில் பிறந்த குப்புசுவாமி, தஞ்சாவூர் மருத்துவப் பள்ளியில் பயின்று, மலாயாவில் மருத்துவப் பணியாற்றிப் பின்னர் ஆன்மீகத் தேடலில் நாடு திரும்பினார். ரிஷி கேசத்தில் சுவாமி விச்வானந்த சரஸ்வதியைச் சந்தித்ததும், சீடராக ஏற்கப்பட்டு சந்நியாச தீட்சை வழங்கப்பெற்று, சுவாமி சிவானந்தர் ஆனதும், பலவகையான ஆன்மீக-சமூக சேவைப் பணிகளில் ஈடுபட்டதும், தெய்வீக வாழ்க்கைச் சங்கத்தை நிறுவியதும் வரலாற்றின் பொன்னேடுகள். 
பண்டித நேருவின் நேஷனல் ஹெரால்ட் பத்திரிகையில் பணிபுரிந்து வந்தார் இளைஞர் ஒருவர். அவ்வளவாகக் கடவுள் நம்பிக்கை இல்லாதவர். தன்னுடைய 20 -ஆவது வயதில், திருவண்ணாமலை ரமண மஹரிஷியை ஒருமுறை சந்தித்திருந்தாலும், ரமணர் தன்னிடம் தோற்றுவித்த இனம்புரியாத உணர்வை, மாயவித்தை என்றும் ஆழ் உறக்கம் என்றும் புறந்தள்ளியவர். பத்திரிகைப் பணியின் பகுதியாக, சாமியார்கள் என்னதான் புளுகுகிறார்கள் பார்ப்போமே என்னும் எண்ணத்துடன், 1947 -ஆம் ஆண்டு ரிஷிகேசம் சென்றார். 
தெய்வீக வாழ்க்கைச் சங்கத்தில் கிட்டிய அனுபவங்களும் சுவாமி சிவானந்தர் காட்டிய பரிவும் சேர்ந்து ஏதோ செய்ய, தன்னுடைய 31-ஆவது வயதில், ஹிந்து ஆன்மீக, தர்ம நூல்களுக்குள் தீவிரமாக மூழ்கினார். 1949 -ஆம் ஆண்டு, பிப்ரவரி 25 -ஆம் தேதி, மஹாசிவராத்திரித் திருநாளில், இவருக்கு சந்நியாச தீட்சை கொடுத்த சுவாமி சிவானந்தர், சின்மயானந்தர் என்று தீட்சா நாமம் சூட்டியபோது, பத்தமடை ஆலமரம், மற்றுமொரு பிரபஞ்ச ஆலமரத்தை நாட்டிய அற்புதம் நிகழ்ந்தது. 
தூய வெள்ளாடையும் மரப் பாதுகைகளும் அணிந்து கூர்மையான கருவிழிகளும் குழந்தைப் புன்னகையும் கொண்ட சிவானந்தர் தன்னை எவ்வாறு ஆற்றுப்படுத்தினார் என்பதையும் தனக்கு எவ்வாறு குருவானார் என்பதையும் உணர்வுபொங்க விவரிப்பார் மேனாள் இந்தியக் குடியரசுத் தலைவர் அப்துல் கலாம் அவர்கள். 
பத்தமடையை விட்டு வெளியே வந்து, பொருநையாளின் கையைப் பற்றிக்கொண்டு, அக்கரைக்குச் செல்வோம். அங்கேதான், கோடகநல்லூர்!
ஏழு மலை தாண்டி, ஏழு கடல் தாண்டி. . . 
அதென்ன கோடகநல்லூர்? கார்க்கோடக நல்லூர் என்பதே இவ்வூரின் பழைய பெயர். அதாவது, கார்க்கோடகன் என்னும் விஷப்பாம்பு வழிபட்டு உய்ந்த ஊர். கார்க்கோடகநல்லூர் என்னும் பெயரே காலப்போக்கில் கோடகநல்லூர் என்றும், கோடகனூர் என்றும் மருவிவிட்டது. 
பாம்பு தீண்டி இறந்து போகவேண்டும் என்பது பரீக்ஷித் மஹாராஜாவுக்கு (இவர்தான், அர்ஜுனன் மகன் அபிமன்யுவுக்கு, போரில் அபிமன்யு இறந்த பின்னர் பிறந்த மகன்; பஞ்ச பாண்டவர்களின் ஏக வாரிசு) விதி என்றும், தன்னுடைய மரணம் இன்னும் ஒருவார காலத்தில் சம்பவிக்கும் என்பதை அறிந்த ராஜா, சூதபுராணிகர்களைக் கொண்டு பாகவத புராணம் கூறக் கேட்டு நற்கதி அடைந்தார் என்றும் சில குறிப்புகள் நம்முடைய புராணங்களில் காணக்கிடைக்கின்றன. 
இந்தத் தகவல்களின் பிறிதொரு பக்கம், கோடகநல்லூர் கதையில் பொதிந்திருக்கிறது. நெல்லைச் சீமையின் பாட்டிமார்கள், "விதி வலிது' என்பதை வலியுறுத்த இந்தக் கதையைத்தான் அடிக்கடி உரைப்பார்கள். 
அந்தக் கதையையும் தெரிந்து கொள்ளலாமா?
- தொடரும்...

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/sep/13/பொருநை-போற்றுதும்58---டாக்டர்-சுதா-சேஷய்யன்-3233556.html
3233554 வார இதழ்கள் வெள்ளிமணி புண்ணிய பூமியில் புனிதப் பயணம் 25 DIN DIN Friday, September 13, 2019 01:25 PM +0530 பெத்தானியா எருசலேமுக்கு அருகில் ஏறக்குறைய 3 கிலோ மீட்டர் தொலையில் இருந்தது. மார்த்தா இயேசுவை நோக்கி, "ஆண்டவரே, நீர் இங்கே இருந்திருந்தால் என் சகோதரன் இறந்திருக்க மாட்டான். இப்போதுகூட நீர் கடவுளிடம் கேட்பதை எல்லாம் அவர் உமக்குக் கொடுப்பார் என்பது எனக்குத் தெரியும்' என்றார்.
 இயேசு அவரிடம், "உன் சகோதரன் உயிர்த்தெழுவான்' என்றார். மார்த்தா அவரிடம், "இறுதி நாள் உயிர்த்தெழுதலின்போது அவனும் உயிர்த்தெழுவான் என்பது எனக்குத் தெரியும்' என்றார். இயேசு அவரிடம், "உயிர்த்தெழுதலும் வாழ்வும் நானே. என்னிடம் நம்பிக்கை கொள்ளும் எவரும் என்றுமே சாகமாட்டார். இதை நீ நம்புகிறாயா?' என்று கேட்டார். மார்த்தா அவரிடம், "ஆம் ஆண்டவரே, நீரே மெசியா! நீரே இறைமகன்! நீரே உலகிற்கு வரவிருந்தவர் என நம்புகிறேன்' என்றார். இயேசு இருந்த இடத்திற்கு மரியா வந்து, அவரைக் கண்டதும் அவர் காலில் விழுந்து, "ஆண்டவரே, நீர் இங்கே இருந்திருந்தால் என் சகோதரன் இறந்திருக்க மாட்டான்' என்றார்.
 மரியா அழுவதையும், அவரோடு வந்த யூதர்கள் அழுவதையும் கண்ட இயேசு உள்ளங் குமுறிக் கலங்கி, "அவனை எங்கே வைத்தீர்கள்?' என்று கேட்டார். அவர்கள் அவரிடம், "ஆண்டவரே, வந்து பாரும்' என்றார்கள். அப்போது இயேசு கண்ணீர் விட்டு அழுதார். இயேசு மீண்டும் உள்ளம் குமுறியவராய்க் கல்லறைக்கு அருகில் சென்றார். அது ஒரு குகை. அதை ஒரு கல் மூடியிருந்தது. "கல்லை அகற்றி விடுங்கள்' என்றார் இயேசு. இயேசு உரத்த குரலில், "லாசரே, வெளியே வா' என்று கூப்பிட்டார். இறந்தவர் உயிரோடு வெளியே வந்தார். (மாற்கு 11:1-2; லூக்கா 19:28-29).
 இச்சம்பவம் நடைபெற்றதற்கு சாட்சியாக லாசரு கல்லறை இப்போதும் உள்ளது. அதேபோல மார்த்தாள், மரியாள், லாசரு வாழ்ந்த வீடு அந்த கல்லறையின் அருகே சிதிலமடைந்து காணப்படுகிறது. லாசருவின் கல்லறை குகை போன்று உள்ளது. அதற்கு 45 டிகிரி கோணத்தில் படிகட்டுகள் வழியாக நடந்து செல்ல வேண்டும்.
 "இயேசு தம் சீடரோடு ஒலிவ மலை அருகிலுள்ள பெத்பகு, பெத்தானியா என்னும் ஊர்களுக்கு வந்து, எருசலேமை நெருங்கியபொழுது இரு சீடர்களை அனுப்பி, "உங்களுக்கு எதிரே இருக்கும் ஊருக்குள் போங்கள்' என்றார். "
 தொழுநோயாளியை குணப்படுத்திய இடம்:
 இவற்றைச் சொன்ன பின்பு இயேசு அவர்களுக்கு முன்பாக எருசலேமுக்குப் புறப்பட்டுச் சென்றார். ஒலிவம் என வழங்கப்படும் மலை அருகிலுள்ள பெத்பகு, பெத்தானியா என்ற ஊர்களை அவர் நெருங்கி வந்த போது இரு சீடர்களை அனுப்பினார் (மத்தேயு 21:17; மாற்கு 11:11-12). பின்பு இயேசு அவர்களை விட்டு அகன்று நகரத்திற்கு வெளியே உள்ள பெத்தானியாவுக்குச் சென்று அன்றிரவு அங்கே தங்கினார் (மத்தேயு 21:17).
 இயேசு எருசலேமுக்குள் சென்று கோயிலில் நுழைந்தார். அவர் அனைத்தையும் சுற்றிப் பார்த்துவிட்டு, ஏற்கெனவே மாலை வேளையாகி விட்டதால், பன்னிருவருடன் பெத்தானியாவுக்குப் புறப்பட்டுச் சென்றார். மறுநாள் பெத்தானியாவை விட்டு அவர்கள் திரும்பிய பொழுது இயேசுவுக்குப் பசி உண்டாயிற்று.' (மாற்கு 11:11-12).
 மத்தேயு 26:6-13
 இயேசு பெத்தானியாவுக்குச் சென்றபோது தொழுநோயாளர் சீமோன் என்பவரின் வீட்டில் உணவு அருந்திய வேளையில் ஒரு பெண் அவரது காலடியை நறுமணத் தைலத்தால் பூசினார். இந்நிகழ்ச்சி மாற்கு 14:3-9 பகுதியிலும், யோவான் 12:1-8 பகுதியிலும் மேலதிகமாகக் காணப்படுகின்றது.
 பின்பு, இயேசு பெத்தானியா வரை அவர்களை அழைத்துச் சென்று தம் கைகளை உயர்த்தி அவர்களுக்கு ஆசி வழங்கினார். அவர்களுக்கு ஆசி வழங்கிக்கொண்டிருந்தபோதே அவர் அவர்களிடமிருந்து பிரிந்து விண்ணேற்றம் அடைந்தார். அவர்கள் அவரை வணங்கிவிட்டுப் பெருமகிழ்ச்சியோடு எருசலேம் திரும்பிச் சென்றார்கள். அவர்கள் கோயிலில் எப்போதும் கடவுளைப் போற்றியவாறு இருந்தார்கள் (யோவான் 1:28).
 விவிலியத்தில் மிக முக்கிய சம்பவங்கள் நடைபெற்ற இந்த புனித நகரை காண உலகம் முழுவதும் இருந்து ஏராளமான புனித பயணிகள் வருகின்றனர். லாசரு கல்லறை இருக்கும் இடம், மார்த்தாள், மரியாள் வீடு இப்போதும் இஸ்லாமியர்களின் கட்டுப்பாட்டில் தான் உள்ளது என்பது குறிப்பிடத்தக்கது. இருப்பினும் புனித பயணிகள் செல்வதற்கு எந்த தடையும் இல்லை.
 - ஜெபலின் ஜான்
 (தொடரும்...)
 

]]>
https://images.dinamani.com/uploads/user/imagelibrary/2019/9/13/w600X390/vm3.jpg https://www.dinamani.com/weekly-supplements/vellimani/2019/sep/13/புண்ணிய-பூமியில்-புனிதப்-பயணம்-25-3233554.html
3233553 வார இதழ்கள் வெள்ளிமணி மன்னிப்பதில் மகத்தானவன் அல்லாஹ் DIN DIN Friday, September 13, 2019 01:23 PM +0530 ஏதிலார் குற்றங்களை ஏதமாக எண்ணாது விளைந்த பாதகத்தின் வேதனையால் சோதனையை வென்று சாதனை படைத்து நோவினை செய்தாரை நோகடிக்காது சோகத்தையும் யோகமாக்கிய இறைவனுக்கு நன்றி செலுத்தி பகைவரையும் பண்போடு மன்னிப்பது மனிதநேயம். அம்மனித நேயமே புனிதன் அல்லாஹ்வின் மகத்தான மன்னிப்பைப் பெற்று தரும். திருநபி (ஸல்) அவர்கள் தீங்குக்குத் தீங்கைக் கொண்டு பழிவாங்க மாட்டார்கள். அந்த தீமையை பொருட்படுத்தாது மன்னித்து விடுவார்கள் என்று அன்னை ஆயிஷா (ரலி) அறிவிப்பது திர்மிதீ நூலில் உள்ளது.
 இறைவன் மன்னிப்பதில் மிக தாராளமானவன் என்று 53-32 ஆவது வசனம் கூறுகிறது. அல்லாஹ்விற்கு அஞ்சி பெரும் பாவங்களைச் செய்யாது தவிர்த்து விடுவோர் அறியாமல் செய்த சிறு பாவங்களை மன்னிப்பதில் தாராளமானவன் அல்லாஹ் என்று அறிவிக்கிறது இந்த வசனம்.
 பகலில் தவறு செய்தவர் இரவில் மன்னிப்பு கேட்பதற்காகவும்; இரவில் தவறு செய்தவர் பகலில் மன்னிப்பு கேட்பதற்காகவும் கைகளை விரித்தே வைத்திருக்கிறான் வள்ளல் அல்லாஹ். நீங்கள் இரவிலும் பகலிலும் பாவம் செய்கிறீர்கள். நான் அனைத்து பாவங்களையும் மறைத்து கொண்டிருக்கிறேன். ஆகவே, என்னிடம் பாவமன்னிப்பு கோருங்கள். நான் உங்கள் பாவங்களை மன்னிக்கிறேன் என்கிறான் என்றும் அடியார்களுக்கு அருள்புரியும் அல்லாஹ்.
 அல்லாஹ்தான் அடியார்களின் பாவமன்னிப்பு கோரலை ஏற்று குற்றங்களை மன்னிக்கிறான். இன்னும் நீங்கள் செய்ததை அவன் நன்கறிவான் என்று கூறுகிறது 42- 25 ஆவது வசனம். எவர் மன்னிப்பைக்கோரி நம்பிக்கையோடு நற்செயல்களைச் செய்தாரோ அத்தகையோரின் பாவங்களை அல்லாஹ் மன்னிப்பதோடு அவர் செய்த தீமைகளை நன்மைகளாக மாற்றி விடுகிறான். அல்லாஹ் மிக்க மன்னிப்பவனாகவும் மாபெரும் கிருபை உடையவனாகவும் இருக்கிறான்.
 உங்கள் இறைவனின் மன்னிப்பிற்கும் சொர்க்கத்திற்கும் விரைந்து செல்லுங்கள். அதன் விசாலம் வானங்கள் பூமியின் விசாலத்தைப் போன்றது. இறையச்சம் உடையவர்களுக்காகவே தயார்ப்படுத்தப் பட்டுள்ளது என்று 3-133 ஆவது வசனம் கூற, 57- 21 ஆவது வசனம் ஆகவே நீங்கள் இறைவனின் மன்னிப்பை நோக்கியும் சொர்க்கத்தை நோக்கியும் முந்த செல்லுங்கள். அச்சொர்க்கத்தின் விசாலம் வானம் பூமியின் பரப்பைப் போல் உள்ளது. அது அல்லாஹ்வையும் அவனுடைய தூதரையும் நம்பிக்கை கொண்டவர்களுக்காகவே தயார்ப்படுத்தப் பட்டது. இது அல்லாஹ்வின் அருளாகும். இதனை, அல்லாஹ் விரும்பியவர்களுக்கே கொடுக்கிறான். அல்லாஹ் மகத்தான் அருளாளன் என்று கூறுகிறது.
 மேலும் மன்னிப்பு கோர ஊக்கப்படுத்துகிறது 39 -53 ஆவது வசனம். ""என் அடியார்களே எவரும் வரம்பு மீறி தமக்குத் தாமே தீங்கிழைத்து கொண்ட போதிலும் அல்லாஹ்வின் அருளைப் பற்றி நீங்கள் நம்பிக்கை இழந்துவிட வேண்டாம். நிச்சயமாக அல்லாஹ் பாவங்கள் அனைத்தையும் மன்னித்துவிடுவான். நிச்சயமாக அவன் மன்னிப்பவனும் கிருபை உடையவனாகவும் இருக்கிறான்''.
 இறைதூதர் முஹம்மது நபி (ஸல்) அவர்கள் மறைவழியில் முறையாக வாழ அறிவுறுத்திய பொழுது நெறிகெட்டு வழிப்பறி, கொடூர கொலை, கொடிய விபச்சாரம் முதலிய பெரும் பாவங்களைச் செய்த பெரும் பாவிகளான அரபிகள் திருந்தி இறைவனுக்குப் பொருந்த வாழ்ந்தால் பழைய பாவங்கள் மன்னிக்கப்படுமா? என்ற ஐயத்தை எழுப்பிய பொழுது அவர்களின் ஐயம் போக்கவே இந்த வசனம் இறக்கப்பட்டதாக அல்வலீத் என்ற நூலில் குர்ஆனின் விரிவுரையாளர்கள் அளித்த விளக்கம் குறிப்பிடப்படுகிறது. இந்த வசனம் வழங்கப்பட்ட பின்னரே, உஹது போரில் உத்தம நபி (ஸல்) அவர்களின் சிறிய தந்தை ஹம்ஜா (ரலி) அவர்களைக் கொடூரமாக கொலை செய்த வஹ்ஸி மனம் திருந்தி மாநபி (ஸல்) அவர்களின் மார்க்கத்தை ஏற்றான்.
 ஆதம் அல்லாஹ்விடமிருந்து சில வாக்கியங்களைப் பெற்றார்கள். எனவே, அவருக்கு மன்னிப்பு அளித்தான். நிச்சயமாக அல்லாஹ் மிக்க மன்னிப்பவன், நிகரற்ற அன்புடையவன் என்று 2-37 ஆவது வசனம் கூறுகிறது. சொர்க்கத்திலிருந்து வெளியேற்றப்பட்டு பூமிக்கு வந்த ஆதம் நபி நீண்ட காலம் பாவம் புரிந்தது (தின்ன தடுக்கப்பட்ட பழத்தைத் தின்றது) குறித்து வருந்தி அழுது கொண்டிருந்தார்கள். "" அல்லாஹ்வே! எங்கள் ஆன்மாக்களுக்கு நாங்கள் அநீதம் புரிந்தோம். நீ எங்களுக்குக் கிருபையும் மன்னிப்பும் வழங்காவிடில் நிச்சயமாக நாங்கள் இழப்பிற்குரியவர்களாகி விடுவோம்'' என்ற இறைவேட்டலை இதயம் உருக இறைவனிடம் சமர்ப்பித்தார்கள். குற்றம் மன்னிக்கப்பட்டு தூய்மை பெற்றார்கள்.
 மன்னிப்பு வேண்ட ஆதம் நபி கஃபாவின் முன்நின்று இரு ரக் அத்கள் தொழுது இதயத்தில் உதயமான மேற்குறித்த இறைவேட்டலை நிறைவாய் முறையிட்டார்கள். உங்கள் கோரிக்கை ஏற்கப்பட்டு உங்களின் பாவம் மன்னிக்கப்பட்டது. உங்களின் சந்ததிகளும் இவ்வாறு இறைஞ்சினால் அவர்களின் முறையீடும் நிறைவேறும் என்று அல்லாஹ் அங்கீகரித்ததைச் சங்கை மிகு நபி (ஸல்) அவர்கள் சாற்றியதை அறிவிக்கிறார் அன்னை ஆயிஷா (ரலி) நூல்- தப்ரானீ.
 ஆதம் நபி வழித்தோன்றல்களான நாமும் அறிந்தோ அறியாமலோ புரிந்தோ புரியாமலோ தெரிந்தோ தெரியாமலோ செய்த பிழைகள், தவறுகள், குற்றங்கள், பாவங்கள், மன்னிக்கப்பட மாநபி (ஸல்) அவர்கள் அறிவித்தவாறு மனமொன்றி உள்ளம் உருகி வல்ல அல்லாஹ்விடம் முறையிட்டு கறை களைந்து குறை நீங்கி நிறைவடையும் வண்ணம் மன்னிக்கப்படுவோம்.
 - மு.அ.அபுல் அமீன்
 
 

]]>
https://images.dinamani.com/uploads/user/imagelibrary/2019/9/13/w600X390/vm2.jpg https://www.dinamani.com/weekly-supplements/vellimani/2019/sep/13/மன்னிப்பதில்-மகத்தானவன்-அல்லாஹ்-3233553.html
3233552 வார இதழ்கள் வெள்ளிமணி நிகழ்வுகள் DIN DIN Friday, September 13, 2019 01:21 PM +0530 • காவடிச்சிந்து இசை விழா 
சென்னை காவடிச்சிந்து அறக்கட்டளை வழங்கும் 11 -ஆம் ஆண்டு காவடிச்சிந்து இசை விழா, செப்டம்பர் 15 -ஆம் தேதி அண்ணாசாலை ஜெமினி மேம்பாலம் அருகில் உள்ள ராணி சீதைமன்றத்தில் இயல், இசை, நாட்டிய வைபவங்கள், கருத்தரங்கம் போன்ற நிகழ்ச்சிகளுடன் நடைபெறுகின்றது. திருக்கயிலாய பரம்பரைத் திருவாவடுதுறை ஆதீனம் குருமகா சந்நிதானம் ஸ்ரீலஸ்ரீ அம்பலவாண தேசிக பரமாசாரிய சுவாமிகள் விழாவில் கலந்து கொண்டு அருளாசி வழங்குகின்றார். 
தொடர்புக்கு: 96770 77329 / 044-2573 4330. 
• புரட்டாசி பெருந்திருவிழா
கரூர் மாவட்டம், தான்தோன்றிமலை, அருள்மிகு கல்யாண வெங்கடரமண சுவாமி திருக்கோயிலில் புரட்டாசி பெருந்திருவிழா, 26.9.2019 -ஆம் தேதி தொடங்கி, 20.10.2019 -ஆம் தேதி வரை நடைபெறுகின்றது. பிரம்மோற்சவ நாள்களில் தினந்தோறும் காலை பல்லாக்கு உற்சவங்களும்; மாலை பல்வேறு வாகனங்களில் சுவாமி எழுந்தருளும் உற்சவங்களும் நடைபெறும். 
தொடர்புக்கு: 04324 - 257531.
• மண்டலாபிஷேகம்
நாகப்பட்டினம் மாவட்டம், வேதாரண்யம் வட்டம், அகஸ்தியன்பள்ளி, இராஜாளிக்காடு, அருள்மிகு வேதாரண்யேஸ்வரர் சுவாமி திருக்கோயிலைச் சார்ந்த அருள்மிகு அங்காளபரமேஸ்வரி ஆலயத்தில் மகாகும்பாபிஷேகம் சமீபத்தில் நடந்தேறியது. அதனைத் தொடர்ந்து மண்டலாபிஷேக பூஜைகள் நடைபெறுகின்றன. பக்தர்கள் இவ்வைபவங்களில் பங்கு கொண்டு இறையருள் பெறலாம்.
தொடர்புக்கு: 94422 83596.
• லகுசம்ப்ரோக்ஷணம்
திருவாரூர் மாவட்டம், பேரளம் அருகில் உபயவேதாந்தபுரம் கிராமத்தில் உள்ள அருள்மிகு வரதராஜப்பெருமாள் ஆலயத்தில், தனிசந்நிதியில் ஸ்ரீ தேவி, பூதேவி சமேத ஸ்ரீநிவாஸப்பெருமாள் பிரதிஷ்டாவைபவத்தை முன்னிட்டு லகுசம்ப்ரோக்ஷணம் செப்டம்பர் 16 - ஆம் தேதி நடைபெறுகின்றது. 
தொடர்புக்கு: 94877 64156 / 97910 89064.
• பவித்ரோத்ஸவம்
திருவாரூர் மாவட்டம், வலங்கைமான் வட்டத்தில் உள்ள அன்னதானபுரம் (எ) சோத்தமங்கலம் கிராமத்தில் ஸ்ரீ ரங்கநாதப் பெருமாள் திருக்கோயிலில் திருபவித்ர உற்சவம் செப்டம்பர் 15 தொடங்கி 18 வரை நடைபெறுகின்றது. இதனையொட்டி ஹோமங்கள், வேத, திவ்ய பிரபந்த பாராயணங்கள், தீர்த்தவாரி, நவ கலச திருமஞ்சனம், திருப்பாவாடை (தளிகை அமுது செய்தல்) விக்ஞாபனம் போன்ற நிகழ்வுகள் நடைபெறுகின்றன. பாபநாசத்திலிருந்து திருக்கருகாவூர் செல்லும் வழியில் சுமார் 7 கி.மீ. தொலைவில் உள்ளது இத்திருத்தலம். 
தொடர்புக்கு: 094433 81128.
 

]]>
https://www.dinamani.com/weekly-supplements/vellimani/2019/sep/13/நிகழ்வுகள்-3233552.html
3233551 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, September 13, 2019 01:19 PM +0530 • எந்தெந்தப் பொருட்கள் என் மகிமையை விளக்குவதாகவும், ஐஸ்வரியம் பொருந்தியதாகவும், உயர்ந்த சக்தி வாய்ந்ததாகவும் இருக்கின்றனவோ, அவை என் சக்தியின் அம்சத்தில் தோன்றியவை என்று அறிந்துகொள்.
- ஸ்ரீ கிருஷ்ணர்
• எவனுக்குப் பிரகஸ்பதி வழிகாட்டும் குருவோ, ஆயுதம் வஜ்ரமோ, தேவர்கள் சேனையோ, சுவர்க்கம் கோட்டையோ, அருள்புரிபவர் ஹரியோ, ஐராவதம் வாகனமோ, இப்படி ஐஸ்வரிய பலம் மிக்கவனாகவும் எதிரிகளின் பலத்தைச் சிதற அடிப்பவனாகவும் இருந்தும் போரில் பகைவர்களால் இந்திரன் வெல்லப்படுகிறான். ஆகையால், விதியைத்தான் சரணடைய வேண்டும்; நிச்சயமாக ஆண்மையால் மட்டும் ஆவதொன்றில்லை. 
- பர்துருஹரியின் நீதி சதகம்
• குருடன், வழியில் இருக்கும் வைக்கோல் துரும்பை மிதித்தாலும் பீதி கொள்கிறான். அதுபோல், மாயையால் கட்டுண்டவர்கள் ஒவ்வொரு சிறிய விஷயத்தையும் கண்டு பயமடைகிறார்கள். 
- ஞானதரிசிவினி
• நோய்கள் வரும்போது தெய்வங்களிடம் வேண்டிக்கொள்வதால், பெரிய ஆபத்துகள் விலகுகின்றன. உன்னை இறைவன் ஒருவனே பாதுகாத்துக் கொண்டிருக்கிறான் இதை நீ எப்போதும் நினைவில் வைத்துக்கொள். நீ இதை மறந்தால் எல்லாம் தலைகீழாகிவிடும். 
- ஸ்ரீ சாரதாதேவியார்
• இந்த உலகம் தீயவருக்கு தீய நரகமாகத் தெரிகிறது; நல்லவருக்குச் சுவர்க்கமாகத் தெரிகிறது; அருளாளர்களுக்கு அருள்வடிவமாகத் தெரிகிறது; பகையுணர்ச்சி உடையவர்களுக்கு வெறுப்புமயமாகத் தெரிகிறது; சண்டை சச்சரவு செய்பவர்களுக்குப் போர்க்களமாகத் தெரிகிறது; மனதில் அமைதியைப் பெற்ற தூயமனிதனுக்கு எல்லாமே இறைவன் வடிவமாகத் தெரிகிறது.
- சுவாமி விவேகானந்தர்
• மிகவும் சிறிய அளவிலுள்ள ஓர் எண்ண அலை கூட மனிதனைத் துன்பத்தில் மூழ்கடிக்கிறது. ஆனால் அவனுடைய எண்ண அலைகள் முற்றிலும் அழிக்கப்பட்டுவிட்டால், அளவில்லாத மகிழ்ச்சியையும் அழியாத பேரின்பத்தையும் அவன் அனுபவிக்கிறான். 
- வசிஷ்டர் (யோகவாஷிட்ட சாரம்)
• கல்லாகக் கிடந்தபோதும்கூட, கெளதம மகரிஷியின் பத்தினியான அகலிகை, ஸ்ரீ ராமநாமத்தைச் சொல்வதற்குத் தவறவில்லை! அவள் ஸ்ரீ ராமநாமத்தைத் தவிர, வேறொன்றையும் நினைக்கவுமில்லை!!
• அந்த பக்தியை ஏற்று, அவளுக்கு ஏற்பட்ட சாபத்திலிருந்து அவளை விடுவிக்க ஸ்ரீ ராமபிரானே அவளைத் தேடி வந்தான். அவனது திருவடி ஸ்பரிசம் பட்டதும், முன்னைவிட அதிக ஒளியுடன் அகலிகை எழுந்தாள்.
• ஆதலால், வாழ்க்கையில் எத்தகைய துன்பங்கள் நேரிடினும், ஸ்ரீ ராமநாமத்தைப் பற்றிக்கொள்ளுங்கள். ஸ்ரீ ராமநாமம் எவரையும் கைவிட்டதில்லை.
- சமர்த்த ராமதாசர் (சத்ரபதி சிவாஜியின் குரு)
 

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/sep/13/பொன்மொழிகள்-தொகுப்பு-சுவாமி-கமலாத்மானந்தர்-3233551.html
3233550 வார இதழ்கள் வெள்ளிமணி பித்ருதோஷங்கள் போக்கும் சங்கமேஸ்வரர்! Friday, September 13, 2019 01:18 PM +0530 அமிர்தத்தை எடுக்க, தேவர்களும் அசுரர்களும் பாற்கடலை கடைந்தனர். கிடைத்த அமிர்தத்தில் தேவர்களுக்கு அளித்ததுபோக மீதம் இருந்தது. அதை தவ முனிவர்களுக்கு வழங்க வேண்டும் என்று பெருமாள் விரும்பினார். இதையடுத்து கருடனிடம் அமுத கலசத்தைக் கொடுத்து, பராசர முனிவரிடம் ஒப்படைக்கச் சொன்னார்.
 முனிவர் அமுத கலசத்தை பாதுகாப்பாக ஓர் இடத்தில் மறைத்து வைத்தார். லவணாசூரனின் நான்கு புதல்வர்களும் கலசத்தைத் தேடி அங்கும் வந்த நிலையில், பராசர முனிவர் வேதநாயகியிடம் முறையிட்டார். அன்னையிடம் இருந்து நான்கு சக்திகள் கிளம்பி, அசுரர்களை அழித்தது. இதையடுத்து பராசர முனிவர் அமுத குடத்தை எடுத்தபோது, அதில் லிங்கம் இருந்தது. ஈசன் அங்கு ஓர் அமுத தீர்த்தத்தை உருவாக்க அது பவானி, காவிரியுடன் கலந்து முக்கூடலாக மாறியதாக ஐதீகம்!
 இத்தல இறைவனின் திருப்பெயர் "சங்கமேஸ்வரர்', அம்பிகை "வேதநாயகி' ஆவர். காவிரி, பவானி மற்றும் கண்ணுக்குப் புலப்படாத அமிர்த நதி ஆகிய மூன்று நதிகளும் கூடும் இடமானதால் இவ்விடம் "கூடுதுறை' என்றும் சொல்லப்படுகிறது. அம்மன், நதி, தலம் மூன்றிற்கும் பவானி என்றே பெயர். இத்தலம் வந்து நீராடி, இறைவனை தரிசிப்பவர்களுக்கு "யாதொரு தீங்கும் நெருங்காது என்பர். இத்தலத்திற்கு "திருநணா' என்ற புராணப்பெயரும் உண்டு.
 மூன்று நதிகளும் கூடும் இடத்திற்கு வட கரையில் சுமார் 4 ஏக்கர் பரப்பளவில் அமைந்துள்ள கோயிலின் ராஜகோபுரம் வடக்கு திசையில் 5 நிலைகளையும், 7 கலசங்களையும் உடையதாக அமைந்துள்ளது. கோயிலில் சங்கமேஸ்வரர், வேதநாயகி சந்நிதிகள் மட்டுமல்லாமல் ஆதிகேசவப் பெருமாள் மற்றும் சவுந்திரவல்லி தாயார் ஆகியோருக்கும் சந்நிதிகள் அமைந்து சைவ, வைணவ ஒற்றுமைக்கு எடுத்துக்கட்டாக உள்ளது.
 பூலோகத்தில் உள்ள புனிதத் தலங்களைத் தரிசிக்க விரும்பிய குபேரன், இந்தத் தலத்துக்கு வந்தபோது ஞானிகள், முனிவர்கள், கந்தர்வர்கள் அனைவரும் தவம் செய்வதைக் கண்டான். மேலும், மான், பசு, புலி, யானை, சிங்கம், நாகம், எலி உள்ளிட்ட உயிரினங்களும் சண்டையின்றி, ஒன்றாக நீர் அருந்துவதுடன், தவம் செய்பவர்களுக்குத் தொந்தரவு கொடுக்காமல் இருப்பதையும் பார்த்து ஆச்சரியமடைந்தான். அங்கு குபேரன் செய்த தவத்தில் மகிழ்ந்த, ஹரியும் சிவனும் அவனது விருப்பப்படி இந்தத் தலம் "தட்சிண அளகை' என்று அழைக்கப்படும் என அருள்செய்தனர்.
 நான்கு வேதங்களும் இங்கு தீர்த்தங்களாக உள்ளதால் இங்கு வேண்டிக்கொண்டால் கல்வி, கேள்விகளில் சிறந்து விளங்கலாம் என்பது நம்பிக்கை. கோபுரமே லிங்கமாக வழிபடப்படுவதால், கோபுரத்திற்கு வெளியே நந்தி அமைக்கப்பட்டுள்ளது குறிப்பிடத்தக்கது. ஆண்டுதோறும் மாசி மகம், ரத சப்தமிக்கு மூன்றாம் நாளன்று சூரிய ஒளி சங்கமேஸ்வரர், வேதநாயகி, சுப்ரமணியர் மீது பட்டு, சூரிய பூஜை நடப்பது சிறப்பானது.
 அம்பிகை வேதநாயகி சந்நிதி கிழக்கு நோக்கி அமைந்துள்ளது. அதற்கு வலப்பக்கம் சுப்பிரமணியர் சந்நிதி இருக்கிறது. சுப்பிரமணியர் சந்நிதியைக் கடந்து அமைந்துள்ள மூலவர் சங்கமேஸ்வரர் சுயம்பு லிங்கமாக அருள்கிறார். இத்தலத்தில் வீற்றுள்ள முருகப்பெருமானை அருணகிரிநாதர் தனது திருப்புகழில் பாடியுள்ளார்.
 அருகிலேயே ஜுரஹரேஸ்வரர் உருவம் மூன்று கால்கள், மூன்று கைகள், மூன்று தலைகளுடன் அமைக்கப்பட்டுள்ளது. அடியார்கள் தங்களைப் பீடித்த சுரநோய் நீங்க, ஜுரஹரேஸ்வரரை வழிபட நோய் நீங்கப் பெறுவர். இங்கு 63 நாயன்மார்களின் திருமேனிகள் உள்ளன.
 வட இந்தியாவில் உள்ள அலகாபாத்தில் கங்கையுடன் யமுனை, சரஸ்வதி நதி இரண்டும் சங்கமிக்கும் தலம் "திரிவேணி சங்கமம்' எனப்படுகிறது. அங்கு சரஸ்வதி நதி கண்ணுக்குத் தெரிவதில்லை. அதுபோல், தமிழகத்தில் பவானி, காவிரி மற்றும் கண்ணுக்குப் புலப்படாத அமிர்த நதி என மூன்று நதிகளும் கூடும் இடம் "தென் திரிவேணி சங்கமம்' என்று அழைக்கப்படுகிறது.
 பவானி கூடுதுறை, பாவம் போக்கி புண்ணியம் அளிக்கும் சக்தி மிக்க தலமாகத் திகழ்வதால், ஆடி அமாவாசை, தை அமாவாசை நாட்களில் இங்கு நீராடி, பித்ருக்களுக்குத் தர்ப்பணம் செய்வது மிகுந்த புண்ணியம் தரும். அதனால், பித்ரு தோஷங்கள் நீங்கும் என்பதாகவும் ஐதீகம். இவ்வாலயத்தில் அமைந்துள்ள சனீஸ்வரபகவான் மிகவும் சக்தி வாய்ந்தவர். இக்கோயிலின் தல விருட்சம் இலந்தை மரம்.
 இங்குள்ள அமுதலிங்கத்தின் பாணப் பகுதியை எடுத்து இடுப்பில் வைத்துக் கொண்டு ஆவுடையாரை வலம் வர, குழந்தை இல்லாதவர்களுக்கு மகப்பேறு ஏற்படும் என்பதும் மக்களின் நம்பிக்கையாகும்.
 1804-ஆம் ஆண்டில் கோயம்புத்தூர் கலெக்டராக (ஈரோடு மாவட்டம் பிரிக்கப்படாத காலம்) இருந்தவர், வில்லியம் காரோ. 1804-ஆம் வருடம் ஜனவரி 11-ஆம் நாளன்று கடுமையான மழையுடன், இடியும் மின்னலுமாய் இருந்தது. அந்த இரவு நேரத்தில், கோயில் வளாகத்துக்கு வெளியே குடியிருப்பு வளாகத்தில் உள்ள அறையில் கலெக்டர் வில்லியம் காரோ உறங்கிக்கொண்டிருந்தார். அப்போது அவரது அறைக்கதவு தட்டப்படும் ஓசை கேட்டது. உடனே வெளியே வந்த கலெக்டரை, ஒரு சிறிய பெண், "உடனே வெளியில் வாருங்கள்.. ஆபத்து..' என கூறி அழைத்தாள்.
 அதிர்ச்சியுடன் அவளைப்பின் தொடர்ந்து கோயில் வரை சென்ற கலெக்டர், அந்தப் பெண் வேதநாயகி சந்நிதிக்குள் சென்று மறைந்து விட்டதை கண்டு வியப்போடு நின்று விட்டார். அதே நேரத்தில் அவர் குடியிருந்த பங்களா இடிந்து விழுந்தது கண்டு பெரும் அதிர்ச்சி அடைந்தார்.
 தன்னுடைய உயிரைக் காப்பாற்றியதற்காக, அம்பிகை வேதநாயகிக்கு காணிக்கையாக தந்தத்தில் கட்டில் ஒன்று செய்து அவரது கையொப்பமிட்டு ஆலயத்திற்கு அன்பளிப்பாக வழங்கினார். இந்த தந்தக் கட்டில் இன்றும் இந்த உண்மையை பறைசாற்றியபடி அங்கே இருக்கிறது.
 இக்கோயில் சேலத்தில் இருந்து 56 கி.மீ. தொலைவிலும், ஈரோட்டில் இருந்து சுமார் 15 கி.மீ. தொலைவிலும் உள்ளது.
 - அறந்தாங்கி சங்கர்

]]>
https://images.dinamani.com/uploads/user/imagelibrary/2019/9/13/w600X390/vm1.jpg https://www.dinamani.com/weekly-supplements/vellimani/2019/sep/13/பித்ருதோஷங்கள்-போக்கும்-சங்கமேஸ்வரர்-3233550.html
3233533 வார இதழ்கள் வெள்ளிமணி சித்தர் வழிபட்ட சிவனாலயம்! Friday, September 13, 2019 10:52 AM +0530 சென்னை - நகரில் ஆவடி பேருந்து நிலையத்திலிருந்து சுமார் 2 கி.மீ. தூரத்தில் சேக்காடு என்னும் ஊர் அமைந்துள்ளது. பசுமை நிறைந்த வயல்கள், ஏரிகள் அமைந்து இயற்கை வளம் நிரம்பிய இவ்வூரில் ஏரிக்கரையின் அருகாமையில் அருள்மிகு வேதநாயகி உடனாய சோமநாதீச்சுரர் ஆலயம் உள்ளது. முன்பு இங்கு சிவலிங்கம் மட்டுமே இருந்தது. பின்னர், இக்கோயில் கட்டப்பட்டு சிறப்பாக வழிபாடுகள் நடைபெற்று வருகின்றன. அழகாக பராமரிக்கப்பட்டு வரும் இவ்வாலயம் கிழக்கு நோக்கி அமைந்துள்ளது. கஜ பிருஷ்ட கருவறையில் சிவபெருமான் கம்பீரமாக எழுந்தருளி காட்சி தருகின்றார்.
 திருச்சுற்றில் விநாயகர், முருகன் சந்நிதிகள் அமைந்துள்ளன. தெற்கு நோக்கி அம்பாள் வேதநாயகி, அங்குசம் - பாசம் தாங்கி கருணை மழை பொழிகிறாள். அற்புத வடிவம். கருவறைக்கு எதிரில் நந்திபெருமான் கம்பீரமாகக் காட்சி தருகிறார். வடகிழக்கு மூலையில் நவக்கிரக சந்நிதி அமைந்துள்ளது. நவக்கிரகங்கள் தங்கள் தேவிமார்களுடன் காட்சி தருவது சிறப்பானது. இக்கோயிலில் "சேக்காடு சித்தர்' என்கின்ற சித்தர் பெருமான்’ வழிபட்டதாகக் கூறுகின்றனர். அவருக்கு ஆலயத்தில் தனி சந்நிதி உண்டு. எனவே இங்கு வந்து வழிபடுபவர்களுக்கு இறை அருளோடு, சித்தர் அருளும் சேர்ந்து கிடைக்கும்.
 இவ்வூரில் "சேராத்தம்மன்" எனப்படும் கிராம தேவதையின் கோயில் ஏரிக்கரையில் அமைந்துள்ளது. அக்கோயிலுக்கு முன்பாக நடப்பட்ட கல்லில் காணப்படும் கல்வெட்டில் இவ்வூர் "சேர்க்காடு’ எனவும், திரு அகத்தீசுவரமுடைய நாயனார் கோயிலும் குறிப்பிடப்படுகின்றது. தெலுங்கு சோழர் விஜயகண்ட கோபாலன் (13 -ஆம் நூற்றாண்டு) காலத்து கல்வெட்டு இது. கல்வெட்டில் குறிக்கப்படும் கோயில், மேலே சொன்ன சிவன் கோயிலாக இருக்கவேண்டும்.
 தொன்மைப் புகழ் வாய்ந்த இந்த சிவனாலயத்தில் பிரதி பௌர்ணமி தோறும் இரவு சேக்காடு சித்தர் வழிபாடும் மற்றும் பட்ச பிரதோஷ வழிபாடுகளும் சிறப்பாக நடைபெறுகின்றன. எதிர்வரும் செப்டம்பர் 15 -ஆம் தேதி ஞாயிற்றுக்கிழமை காலை 10 மணி அளவில் "அப்பர் கயிலை வாத்திய இறை இசை முழங்கும் சிவனடியார் திருக்கூட்டம்’ சார்பில் அடியார் பெருமக்கள் கலந்து கொண்டு சோமநாதீச்சுர பெருமானுக்கு பத்து லட்சம் உருத்திராக்கம் அணிவித்து கயிலை வாத்திய இறை இசையோடு அபிஷேக, ஆராதனையுடன் பெரும் பேரொளி வழிபாடு நடத்துகின்றனர்.
 காண்பதற்கு மிகவும் அரியவாய்ப்பு! மேலும் "ஓம் நமசிவாய’ என்ற படிவத்தில் 324 முறை "ஓம் நமசிவாய என்று எழுதித்தரும் அன்பர்களுக்கு சிவபெருமான் மீது அபிஷேகம் செய்த கண்டமணி வழங்கப்படும் என்றும், அபிஷேகத்திற்கு விபூதி, பன்னீர் கொண்டு வரலாம் என்றும் ஆலயத்தின் சார்பில் தெரிவிக்கப்படுகின்றது.
 சேக்காடு பேருந்து நிலையத்திலிருந்து 1 கி.மீ. தூரத்தில் உள்ளது இவ்வூர். ரயில் மார்க்கம்: இந்து கல்லூரி, பேருந்து எண்கள்: ஆ70, 27ஏ, 565, 71உ. இறங்குமிடம்: சேக்காடு.


 தொடர்புக்கு: 98400 43569 /
 98419 35012.
 - கி.ஸ்ரீதரன்

]]>
https://images.dinamani.com/uploads/user/imagelibrary/2019/9/13/w600X390/SIDDHAR.JPG https://www.dinamani.com/weekly-supplements/vellimani/2019/sep/13/சித்தர்-வழிபட்ட-சிவனாலயம்-3233533.html
3228978 வார இதழ்கள் வெள்ளிமணி கல்விக் கடவுள் ஸ்ரீ ஹயக்ரீவர்! DIN DIN Friday, September 6, 2019 11:11 AM +0530 ஸ்ரீஹயக்ரீவ அவதாரம் திருமாலின் பதினெட்டாவது அவதாரமாகக் கருதப்படுகிறது. திருமாலின் தசாவதாரங்களுக்கு முற்பட்ட காலத்திலே இவர் மனித உடலுடனும் குதிரை முகத்துடனும் தோன்றியவர். இவரை "பரிமுகக் கடவுள்' என்றும் சொல்வார்கள்.
 ஒரு சமயம் பிரம்மன் உறக்கத்தில் இருக்கும் வேளையில் மதுகைடபர்கள் என்ற அரக்கர்கள் பிரம்மா படைத்த வேதங்களை திருடிச் சென்று அதளபாதாளத்தில் ஒளித்து வைத்துவிட்டனர். தூக்கம் கலைந்த நான்முகனும் வேதங்களைக் காணாது மகாவிஷ்ணுவிடம் முறையிட, அவரும் அவற்றை மீட்டு வருவதற்காக "ஹயக்ரீவ'ராக உருவெடுத்துச் சென்றார்.
 பாதாளம் வரை சென்று வேதத்தின் ஒரு பாடத்தில் உள்ள உத்கீதம் என்ற ஸ்வரத்தை உண்டு பண்ணி அதன்வழி வந்த அரக்கர்களிடம் போரிட்டு அவர்களை அழித்தார். பின்னர், வேதங்களை மீட்டு வந்து கல்வியறிவு, ஞானத்திற்கு வழிவகுத்துக் கொடுத்தார்.
 பின்னர், வேதத்தை படைப்புக் கடவுளான பிரம்மாவிற்கே "சிராவணப் பௌர்ணமி' எனும் ஆவணி மாதப் பௌர்ணமி நாளில் சுடர்விட்டுப் பிரகாசிக்க கற்றுக் கொடுத்தார் என புராணங்கள் கூறுகின்றன.
 ஆக, கல்வி, கலை ஞானத்தின் தெய்வங்களுக்கு எல்லாம் குரு ஸ்தானத்தில் இந்த ஹயக்ரீவப் பெருமான் உள்ளார். எனவே, இவரைப் போற்றி வழிபடுபவர்களுக்கெல்லாம் கல்வி சிறப்புற அமையும்.
 அதாவது, தூய மெய்ஞான வடிவமும் ஸ்படிகம் போன்று தூய்மையானவரும் அறிவு மற்றும் அனைத்திற்கும் ஆதாரமானவருமாகிய ஹயக்ரீவரை வணங்குகிறேன்' என்று போற்றித் துதிக்க வேண்டும்.
 இதையே,
 "ஞானாந்த மயம் தேவம் நிர்மல ஸ்படிகாக்ருதிம்
 ஆதாரம் சர்வ வித்யானாம் ஹயக்ரீவம் முபாஸ் மஹே!'
 -என்றொரு அற்புதமான சுலோகம் சுவாமியின் பெருமையை போற்றுகிறது. அந்த சுலோகத்தை தினமும் 108 முறையாவது சொல்ல வேண்டும். முக்கியமாக, வியாழக்கிழமைகளில் சொல்வது நல்லது என்று கூறுகிறார்கள் பெரியோர்கள்.
 நான்கு கைகளில் சங்கு, சக்கரம், பத்மமாலை, அபயகரம் என விளங்கும் அவர் லட்சுமி ஹயக்ரீவராக, வரத ஹஸ்த ஹயக்ரீவராக, அபய ஹஸ்த ஹயக்ரீவராக, யோக ஹயக்ரீவராக பலவிதமான வடிவங்களில் விளங்குகிறார்.

சரஸ்வதி தேவியின் குரு ஹயக்ரீவர். இவர் வேதங்களை முறைப்படுத்தியதாக சொல்லப்படுகிறது. சுவாமி விருப்பத்துடன் குதிரை முகத்தோடு அவதாரம் எடுக்கிறார். அந்த முகத்தில்தான் லட்சுமி தேவி இருக்கிறாள். அவருடைய மூச்சுக் காற்றுப்பட்டு வேதங்கள் புனிதமடைந்து உயிரோட்டம் பெறுகின்றன.
 ஸ்ரீ லலிதா ஸஹஸ்ர நாமத்தை இயற்றியவர்கள் வாக்தேவதைகள். அதனை வெளிப்படுத்தியவரும் ஹயக்ரீவர்தான். இவருடைய முதல் சீடரான அகத்தியர் வெகுநாள்களாகத் தனக்கு ஏன் லலிதா சகஸ்ர நாமத்தை ஹயக்ரீவர் உபதேசிக்கவில்லை என்பதை உணர்ந்து ஒருநாள் கண்களில் கண்ணீர் வழிந்தோடக் கைகட்டி வாய்பொத்தி பவ்யத்துடன், " எனக்கு தாங்கள் இதுவரை லலிதா சகஸ்ர நாமத்தை உபதேசம் செய்யவில்லையோ'' என்று கேட்கிறார்.
 சுவாமி புன்னகையுடன், " இதை நீ கேட்க வேணும் என்பதே உன் மனைவி லோபாமுத்திரையின் விருப்பம். அவளது பக்தியினால்தான் இந்த எண்ணமே உனக்குத் தோன்றியுள்ளது. லலிதா சகஸ்ர நாமத்தை யாரும் கேட்டால் மட்டும்தான் சொல்ல வேண்டுமே தவிர, கேட்காதவர்கள், உதாசீனப் படுத்துபவர்கள் காதில் கூட இந்த நாமா விழக்கூடாது!'' என்று உபதேசம் செய்கிறார் ஹயக்ரீவர்.
 "ஓம் அஞ்சலி ஹஸ்தாய வித்மஹே வேத முகாய தீமஹி தந்நோ: ஹயக்ரீவ ப்ரசோதயாத்!'
 - என்பது அவரது காயத்ரி மந்திரமாகும்.
 நாடெங்கும் ஸ்ரீ ஹயக்ரீவப் பெருமாளுக்கு சொற்ப இடங்களில் மட்டுமே கோயில்கள் அமைந்துள்ளன. அவற்றில் சில: ஸ்ரீரங்கம் ஆலயத்தில் பெரிய பிராட்டியின் சந்நிதிக்கு எதிரே தேசிகர் சந்நிதியிலும் உத்தர வீதியில் உள்ள தேசிகர் சந்நிதியிலும் ஹயக்ரீவர் மூர்த்தி உள்ளது.
 திண்டுக்கல்லில் உள்ள தாடிக்கொம்பு சௌந்திரராஜப் பெருமாள் கோயிலில் ஹயக்ரீவரும் சரஸ்வதியும் அடுத்தடுத்து அமைந்து அருள்பாலிக்கின்றனர். சென்னை காட்டாங்கொளத்தூரை அடுத்துள்ள செட்டிபுண்ணியம் என்ற கிராமத்தில் இருக்கும் தேவநாத சுவாமி கோயிலில் ஹயக்ரீவர் அமைந்துள்ளார். கடலூருக்குப் பக்கத்தில் உள்ள திருவஹீந்திரபுரத்தில் ஹயக்ரீவர் எழுந்தருளியுள்ளார். சென்னை நங்கநல்லூரில் ஸ்ரீ லட்சுமி ஹயக்ரீவர் கோயில் கொண்டுள்ளார். புதுச்சேரி முத்தியால்பேட்டையில் புகழ் பெற்ற லட்சுமி ஹயக்ரீவர் ஆலயம் உள்ளது. ஸ்ரீ ஹயக்ரீவர் ஜயந்தி - 11.9.2019
 - டி.எம். ரத்தினவேல்

]]>
https://images.dinamani.com/uploads/user/imagelibrary/2019/9/6/w600X390/PONDY-SRI-HAYAGREEVA-PERUMAL.JPG https://www.dinamani.com/weekly-supplements/vellimani/2019/sep/06/கல்விக்-கடவுள்-ஸ்ரீ-ஹயக்ரீவர்-3228978.html
3228977 வார இதழ்கள் வெள்ளிமணி முப்பெரும் கும்பாபிஷேகம்! DIN DIN Friday, September 6, 2019 11:08 AM +0530 கோயில் நகரமாம் கும்பகோணத்தின் தெற்கே மகாமகக்குளத்தின் அருகாமையில் சுமார் 2 கி.மீ. தொலைவில் அரசலாற்றின் தென்கரையில் அமைந்துள்ளது அரியதிடல் (ஹரி குடிகொண்டுள்ள திடல்) கிராமம். இவ்வூரிண் கண் வாழ்ந்தவர்தான் தேப்பெருமாள் நல்லூர் அன்னதான சிவன். இயற்பெயர் ராமசாமி. காஞ்சி மகாசுவாமிகள் தான் இவர் செய்த அன்னதானத்தைப் புகழ்ந்து இவருக்கு அன்னதான சிவன் என்ற பட்டத்தை சூட்டினார். இக்கிராமத்தில் ஒரு மடம் அமைத்து கும்பகோணம் மற்றும் எல்லா ஊர்களிலும் நடக்கும் உற்சவங்களில் அன்னதானம் நடத்தி வந்தார். நாளடைவில் இவர் வசித்த இடத்திற்கு அன்னதான அக்ரஹாரம் (அண்ணலக்ரஹாரம்) என வழங்கப்படலாயிற்று.
 அன்னதான சிவன் இங்கு தங்கியுள்ள காலத்தில் சுயம்புவாகத் தோன்றி பக்தர்களுக்கு அருளாசி வழங்கிய ஸ்ரீ மீனாட்சியையும், ஸ்ரீ சுந்தரேஸ்வரரையும் வணங்கி வந்ததாகவும் ஒருநாள் அம்பிகை மீனாட்சி, அன்னபூரணியாக இவருக்கு காட்சியளித்ததாகவும் கூறப்படுவது உண்டு. சுவாமி மிக பழைமையான லிங்கம். மீனாட்சி அம்மையோ கையில் கிளியுடன் மதுரை மீனாட்சி போன்றே மிக கலைநயத்துடன் காணப்படுகிறாள். காலப்போக்கில் இயற்கையில் சீற்றத்தால் கோயிலானது சிதிலமடைந்துவிட்டது. இடிபாடுகளிடையே வீற்றிருந்தாலும் சுவாமி, அம்பாளின் அனுக்கிரக சக்தி அளவிட முடியாதது. இங்குள்ள ருத்ரகாளியோ மிக மிக சாந்தமாக பக்தர்களுக்கு மனதில் உள்ள குழப்பங்களை தீர்த்தும், நோய் நிவாரணம் அளித்தும் அருளுகின்றாள்.
 சிறப்புகள் வாய்ந்த இந்த கோயில் மற்றும் மடத்தின் திருப்பணி வேலைகளை காஞ்சி சங்கராச்சாரியார் மற்றும் பல்வேறு ஆதினகர்த்தர்கள், குரு மகாசந்நிதானங்கள் ஆசியுடனும், திருப்பணி செம்மல் மகாலட்சுமி சுப்பிரமணியம் பெரும் பங்களிப்பு மற்றும் ஆலோசனைப்படியும் இவ்வூரைச் சேர்ந்த மகளிர் ஒன்று கூடி அறக்கட்டளை அமைத்து நிறைவேற்றி வருகின்றனர். ஸ்ரீ மீனாட்சி சுந்தரேஸ்வரர் திருக்கோயில்; ஸ்ரீ பத்மாவதி தாயார் சமேத ஸ்ரீ வெங்கடாஜலபதி திருக்கோயில் (வடதிருப்பதி) மற்றும் ஸ்ரீ ருத்ரமகா காளியம்மன் ஆகிய மூன்று திருக்கோயில்கள் மற்றும் அன்னதான சிவன்மடம் ஆகியவற்றின் அஷ்டபந்தன முப்பெரும் மகாகும்பாபிஷேகம் செப்டம்பர் 16 -ஆம் தேதி நடைபெற உங்ளது. யாகசாலை பூஜைகள் செப்டம்பர் 14 -இல் ஆரம்பமாகிறது.
 தொடர்புக்கு: 98400 53289 / 90037 28652.
 - வெ. உமா

]]>
https://www.dinamani.com/weekly-supplements/vellimani/2019/sep/06/முப்பெரும்-கும்பாபிஷேகம்-3228977.html
3228976 வார இதழ்கள் வெள்ளிமணி "புஷ்கரவாஹினி' பிரம்மபுத்திரா புஷ்கர விழா! DIN DIN Friday, September 6, 2019 11:08 AM +0530 புஷ்கரங்கள் பாரததேசத்தின் பன்னிரண்டு நதிகளுக்கு மட்டுமே உரித்தான "நதிகள் விழா' ஆகும். பொதுவாக இவை மக்கள் புனித நீராடி மகிழும் விழாக்கள். ஒவ்வொரு நதிக்கும் 12 ஆண்டுக்கு ஒரு முறை கொண்டாப்படும்."புஷ்கரம்' எனும் சொல் நல்ல நேரம் என்பதை குறிக்கும் சொல்.
 பன்னிரண்டு ஆண்டுகள் என்ற கால அளவுக்கும் "புஷ்கரம்' என்று பெயர். நமது பஞ்சாங்களில் இது புஷ்கர காலம் எனப்படும். ஒவ்வொரு ஆண்டுக்கும் தொடர்புடைய நதி எது என்பதை குருபகவான் (வியாழன் அல்லது பிரகஸ்பதி) அந்த காலகட்டத்தில் எந்த ராசியில் உள்ளார் என்பதைப் பொறுத்துக் கணக்கிடப்படும்.
 அந்த ராசியில் குரு குறிப்பிட்டப்படி எவ்வளவு காலம் காணப்படுவாரோ (சஞ்சரிப்பாரோ) அந்த கால அளவு வரை புஷ்கரம் உண்டு. இருப்பினும் குருபெயர்ச்சியின் போது பிரம்ம தேவரின் கமண்டலத்திலுள்ள புஷ்கரம் (சகலதீர்த்த அதிபதி) குரு பகவானுடன் இணைந்து முதல் 12 நாள்கள் அந்த நதியில் எழுந்தருளியிருப்பதாகவும், "ஆதிபுஷ்கரம்' எனப்படும் அந்த நாள்களில் பக்தியுடன் நீராடுவதால் சகலபாவங்களும், கிரகதோஷங்களும், பித்ரு தோஷங்களும் அடியோடு நீங்கி விடும் எனவும் சாஸ்திரங்கள் அறுதியிட்டுக் கூறுகின்றன. மேலும் இந்த புஷ்கரபுண்ணிய காலத்தில் மும்மூர்த்திகளும், தேவர்களும், ரிஷிகளும் அந்தந்த தீர்த்தங்களுக்கு வந்து நீராடி மகிழ்வதாகவும் நம்பப்படுகின்றது. எனவே, இந்த புஷ்கர காலங்களில் நீராடுவது என்பது மூன்றரை கோடி தீர்த்தங்களிலும் நீராடிய புண்ணியத்திற்கு நிகரானது என கருதப்படுகிறது.

 நதிகளும் அதற்குரிய ராசிகளும்
 கங்கை - மேஷம், நர்மதை - ரிஷபம், சரஸ்வதி - மிதுனம், யமுனா - கடகம், கோதாவரி - சிம்மம், கிருஷ்ணா - கன்னி, காவிரி - துலாம், தாமிரபரணி - விருச்சிகம், பிரம்மபுத்திரா - தனுசு, துங்கபத்ரா - மகரம், சிந்து - கும்பம், பரணீதா (ப்ரணஹிதா) - மீனம்.
 தற்போது குருபகவான் விருச்சிக ராசியில் சஞ்சரிக்கின்றார். அடுத்து அவர் தனுர் ராசிக்கு பெயர்ச்சியாகும் போது அந்த ராசிக்கு உரிய நதியான பிரம்மபுத்திரா நதிக்கரையில் நிகழும் விகாரி வருடம் ஐப்பசி 19 -ஆம் தேதி (05.11.2019) செவ்வாய்க்கிழமை முதல் ஐப்பசி 30 -ஆம் தேதி (16.11.2019) சனிக்கிழமை வரை ஆதிபுஷ்கரம் கொண்டாடப்படுகிறது.
 பாரத தேசத்தில் தொன்று தொட்டு விளங்கும் புண்ணிய நதிகளில் ஒன்று பிரம்மபுத்திரா. ஆசியாவில் இருக்கும் பெரிய நதிகளில் ஒன்று. கைலாயமலையில் பிறந்து (உற்பத்தி) திபெத்தில் இமாலய பள்ளத்தாக்குகளில் தவழ்ந்து, அஸ்ஸாமில் "புஷ்கரவாஹினி' என்ற நாமத்துடன் நுழைகின்றது. நதிகளிலேயே ஆண் நதியாக சித்தரிக்கப்படுவது பிரம்மபுத்திரா மட்டுமே (பிரம்மாவின், புத்திரன்) பல புராண வரலாற்றுப் பின்னணியுடன் திகழும் இந்த நதி பாய்ந்து வளப்படுத்தும் கௌஹாத்தியில் (அஸ்ஸாம் மாநிலம்) புஷ்கரவாஹினி புஷ்கரம் நடைபெறுவது மிகவும் சிறப்பானதாகச் சொல்லப்படுகின்றது.
 முன் காலத்தில் இவ்விடத்தை "பாண்டு" (மகாபாரதத்தில் பிரசித்தியான பெயர்) என்ற பெயரிலேயே வழங்கப்பட்டு வந்திருக்கின்றது. மேலும் சக்தி பீடங்களிலேயே தலைமையானதும், முதன்மையானதுமாகிய "காமாக்யா' கோயில் இங்குதான் உள்ளது. மஹா விஷ்ணுவின் அவதாரமான பரசுராமர் தன் தோஷங்களைப் போக்கிக் கொள்ள தவம் மேற்கொண்ட இடம் இதுவே.
 புஷ்கர காலங்களில் சிறப்பு பலன்கள் (காம்யார்த்தம்) வேண்டி ஹோமங்கள், வேத பாராயணங்கள், சகஸ்ரநாம பாராயணங்கள், பரிகார ஹோமங்கள், அர்ச்சனைகள், பூஜைகள் தகுந்த வேதவிற்பன்னர்
 களைக் கொண்டு நடத்த உள்ளதாகவும், நதிக்கரையில் திதி, தர்ப்பணங்கள், தானங்கள் செய்தல் போன்ற நற்காரியங்களுக்கு ஏற்பாடு செய்யப்பட்டுள்ளதாகவும், ஸ்ரீ காஞ்சி காமகோடி பீடாதிபதி ஜகத்குரு ஸ்ரீ சங்கராச்சார்ய சுவாமிகள், ஆதீனகர்த்தர்கள், மடாதிபதிகள் ஆசிகளுடனும், அஸ்ஸாம் மாநிலத்து ஆளுநர், அமைச்சர் பெருமக்கள், அரசு அதிகாரிகள், மாவட்ட ஆட்சியர் ஒத்துழைப்புடன் இந்த புஷ்கரம் எவ்வித குறையுமின்றி நடைபெற உள்ளதாகவும் விழாக்குழுவினர் தெரிவிக்கின்றனர்.
 இந்த புஷ்கரவிழாவை நமக்கெல்லாம் கிடைத்த அரிய வாய்ப்பாகக் கருதி நாடெங்கிலுமிருந்து வரும் யாத்ரீகர்கள் முன்னதாகவே பயண ஏற்பாடுகளை செய்து கொள்ளலாம். புஷ்கரவிழாவில் பங்கேற்று புனித நீராடி, பாவங்கள் களைந்து புண்ணிய பலன்கள் பல பெறுவோம்!
 தொடர்புக்கு: மகாலட்சுமி சுப்ரமணியம் - 98400 53289, வளசை கே.ஜெயராமன்- 94442 79696.
 - எஸ்.வெங்கட்ராமன்
 
 
 

]]>
https://images.dinamani.com/uploads/user/imagelibrary/2019/9/6/w600X390/BRAHMAPUTRA-RIVER.JPG https://www.dinamani.com/weekly-supplements/vellimani/2019/sep/06/புஷ்கரவாஹினி-பிரம்மபுத்திரா-புஷ்கர-விழா-3228976.html
3228975 வார இதழ்கள் வெள்ளிமணி பொருநை போற்றுதும்! 57 - டாக்டர் சுதா சேஷய்யன் DIN DIN Friday, September 6, 2019 11:05 AM +0530 சேரன்மாதேவியில்தான், நாம் ஏற்கெனவே தரிசித்திருக்கும் (கன்னடியன் கால்வாய் காலத்தில்) மிளகுப் பிள்ளையார் எழுந்தருளியிருக்கிறார். மழை பொய்க்கும் காலத்தில், மிளகை அரைத்து இவருடைய திருமேனி முழுவதும் பூசி, நீர் வார்த்து அபிஷேகம் செய்து, அந்த நீர் கால்வாய்க்குள் போகும்படியாகச் செய்தால், மழை வரும்.
 சேரன்மாதேவியிலிருந்து கிழக்காகப் பயணித்தால், சுமார் 4 கி.மீ. தொலைவில் பத்தமடை. அடடா! பாய்க்குப் பெயர்போன பத்தமடை. இங்கிலாந்து மஹாராணியும் ரஷ்யத் தலைவர்களும் அமெரிக்க மேட்டுக் குடியினரும் சிலாகிக்கும் பட்டுப்பாய்க்குப் பெயர் போன பத்தமடை.
 தாமிரவருணியின் கரையில், குறிப்பாகப் பத்தமடை , கோடகநல்லூர் பகுதிகளில், நாணல் குடும்பத்தைச் சேர்ந்த கோரைப் புல், மிக உயரமாக வளரும். இந்த நாணலிலிருந்துதான் பாய்கள் தயாரிக்கப்படுகின்றன.
 பத்தமடைப் பாயை, முன்பெல்லாம் "பட்டுப் பாய்' என்றே அழைப்பார்கள். பட்டு நூலாலோ பட்டுத் துணியாலோ செய்யப்படுவதில்லை என்றாலும் இப்படியொரு பெயர் காரணங்கள்! பொருநையாளின் நீர், பத்தமடைக்காரர்களின் செய்திறன்.
 கோரைப் புல் மிக உயரமாக வளரும் தன்மை கொண்டது. நீரானது ஓடிக்கொண்டேயிருக்கும் பகுதிகளில், அதே நேரம் ஈரப்பசை மிகுந்த பகுதிகளில் வளர்வது. பொருநையாளின் குளிர்ச்சியால், இந்தப் பகுதிகளில் உயர உயரமான கோரைக் காடுகள் செழித்தன.
 கோரைப் புல்லைப் பச்சையாகவே வெட்டி எடுப்பார்கள். பின்னர், ஈரப்பதம் இல்லாத நிழலில் உலர்த்துவார்கள். புல்லின் வண்ணம், பொன்னிற மஞ்சளாக ஆனவுடன், பனை நீரில் நனைத்து மீண்டும் உலர்த்துவார்கள். நன்றாக உலர்ந்த பின்னர், ஓடும் நீரில் 7-8 நாட்களுக்கு, இது மூழ்க வைக்கப்படும். இவ்வாறு நீரில் மூழ்கியிருப்பதால், புல் சற்றே பருமனாகிவிடும்; மென்மை சேர்ந்து "மெத்து மெத்தென்று' ஆகும். இவ்வாறு ஆனதை மீண்டும் உலர்த்தி, மெருகேற்றி நெசவுக்குக் கொண்டு செல்வார்கள்.
 கோரைப் புல்லை வெறுமனே நெசவு செய்தால்கூட, பத்தமடைப் பாயின் பட்டுத்தன்மை வந்துவிடாது. புல்கீற்றுகளை ஒன்றுக்கொன்று இணைத்து நெசவு செய்வதற்குக் கற்றாழை இழைகளைக் காயவைத்துப் பயன்படுத்துவார்கள். எவ்வளவுக்கெவ்வளவு மிருதுவாக இருக்கிறதோ, அவ்வளவுக்கவ்வளவு அந்தப் பாய் "பட்டுத்தன்மை' கொண்டது என்று பொருள். நெசவில்கூட முரட்டு நெசவு, நடு நெசவு, நுண் நெசவு என்று வகைகள் உண்டு. புல்லை முதலில் வெட்டி எடுக்கும்போது, எவ்வளவுக்கெவ்வளவு மெல்லியதாகச் சீவுகிறார்களோ, அவ்வளவுக்கு மிருதுதன்மை உண்டாகும். மிக மிக மெல்லியதாகச் சீவப்பட்ட கோரைப்புல், நீரில் மூழ்க வைக்கப்படும்போது, பருமனானாலும் மெத்து மெத்தென்று இருக்கும். கற்றாழை இழைகள், இந்த மிருதுதன்மையை அதிகப்படுத்தும். மிகவும் மெல்லியதாகச் சீவப்பட்டு மிருதுதன்மை நிரம்பக் கொண்ட பாய்க்குத்தான், பட்டுப் பாய் என்றும் சில்க் பாய் என்றும் பெயர்.
 ஒருகாலத்தில் மிகவும் தழைத்த இந்தத் தொழில், இப்போதெல்லாம் இங்கேயும் அங்கேயுமாக மட்டுமே காணப்படுகிறது. அநேகமாக இஸ்லாமிய இனப் பெண்களே, கோரை சீவுவதிலும் பாய் முடைவதிலும் ஈடுபடுகிறார்கள்.
 அந்தக் காலத்தில், கல்யாணத்திற்கு வாங்கும் பொருட்களில், பத்தமடைப் பாய்க்குத்தானே முதலிடம்! சம்பந்தி வீட்டாரையும் விருந்தினரையும் அமரச் செய்வதற்கு மட்டுமல்ல, சீதனம் கொடுப்பதற்கும் அதைத்தானே நம்முடைய வீட்டுப் பெரியவர்கள் வாங்கினார்கள்.
 - தொடரும்...

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/sep/06/பொருநை-போற்றுதும்-57---டாக்டர்-சுதா-சேஷய்யன்-3228975.html
3228974 வார இதழ்கள் வெள்ளிமணி புண்ணிய பூமியில் புனிதப் பயணம் 24 DIN DIN Friday, September 6, 2019 11:03 AM +0530 இயேசு, லாசருவை உயிரோடு எழுப்பிய கல்லறை (பாலஸ்தீனம்)
 பாலஸ்தீன நாட்டில் சர்ச்சைக்குரிய பகுதியான மேற்குக்கரையில் உள்ளது பெத்தானியா. பெத்தானியா (Bethany) என்பது புதிய ஏற்பாட்டில் மரியா, மார்த்தா, லாசர் ஆகியோரின் வீடும், "தொழுநோயாளர் சீமோன்" என்பவரின் வீடும் இருந்த நகரமாகக் குறிப்பிடப்படும் இடம் ஆகும்.
 இயேசுவின் காலத்தில் பேச்சு மொழியாக வழங்கிய அரமேய மொழியில் இது (பெத் ஆனியா) என்று வரும். இதற்கு "துன்பத்தின் வீடு' என்பது பொருள். ஏழைகளின் வீடு என்ற மற்றொரு பெயரும் இதற்கு உண்டு. இயேசு எருசலேம் நகருக்குள் அரசர் போல நுழைந்த பிறகு இந்த ஊரில் தங்கியிருந்தார் என்றும், தமது உயிர்த்தெழுதலுக்குப் பிறகு இவ்வூரிலிருந்து விண்ணகம் சென்றார் என்றும் புதிய ஏற்பாட்டுக் குறிப்புகள் உள்ளன.
 பெத்தானியா எருசலேமிலிருந்து கிழக்காக 3 கி.மீ. தொலையில் ஒலிவ மலையின் தென்கிழக்குச் சரிவில் அமைந்துள்ளது. அங்கு அடையாளம் காட்டப்படுகின்ற மிகப் பழைய வீடு சுமார் 2000 ஆண்டுகளுக்கு முந்தியது. அதுவே விவிலியத்தில் புதிய ஏற்பாட்டில் வருகின்ற மரியா, மார்த்தா, லாசர் என்போரின் வீடு என்று கூறப்படுகிறது. இங்கே பெருந்திரளான மக்கள் திருப்பயணிகளாகச் செல்கின்றனர்.
 அல்-எய்சரியாவில் உள்ள கல்லறை லாசர் அடக்கம் செய்யப்பட்ட இடமாக கி.பி. நான்காம் நூற்றாண்டிலிருந்தே கருதப்பட்டு வந்துள்ளது.
 கும்ரான் அருகே அமைந்த குகைகளிலிருந்து கண்டெடுக்கப்பட்ட "திருக்கோயில் சுருளேடு" என்னும் ஆதாரத்திலிருந்து பெறப்பட்ட தகவலின்படி, நோயுற்றவர்களையும் தொழுநோயால் வாடியவர்களையும் கவனிப்பதற்காக எருசலேமின் கிழக்குப் பகுதியில் மூன்று இல்லங்கள் அமைய வேண்டும். "தூய்மையற்ற எதுவும் எருசலேம் திருநகருக்கு மூவாயிரம் முழம் தூரம் வரை காணப்படல் ஆகாது' என்று அந்த ஏட்டில் கூறப்படுகிறது.
 பெத்தானியா என்ற ஊர் எருசலேமிலிருந்து பதினைந்து ஸ்தாதியம் தொலைவில் இருந்ததாக யோவான் கூறுகிறார் (யோவான் 11:18). இது ஏறக்குறைய 3 கி.மீ. தூரத்தைக் குறிக்கிறது. எனவே, தூய்மையற்றவர்களாகக் கருதப்பட்ட தொழுநோயாளர்கள் போன்றோர் எருசலேமிலிருந்து சரியான தொலையில், பெத்தானியாவில் இருந்தார்கள் என்று தெரிகிறது.
 
 ஏழைகளுக்கும் நோயாளிகளுக்கும் ஆதரவான இல்லம் பெத்தானியாவில் இருந்த பின்னணியில் தான் இயேசு, "ஏழைகள் எப்போதுமே உங்களோடு இருக்கிறார்கள்" (மத்தேயு 26:11; மாற்கு 14:7) என்று கூறியிருப்பார் என்று சில அறிஞர்கள் கூறுகின்றனர்.
 பெத்தானியா பற்றிய புதிய ஏற்பாட்டு குறிப்புகள்:
 புதிய ஏற்பாட்டு நற்செய்தி நூல்களில் பெத்தானியாவோடு தொடர்புடைய ஐந்து நிகழ்ச்சிகள் குறிப்பிடப்பட்டுள்ளன. அவற்றில் பெத்தானியா என்னும் பெயர் பதினொரு முறை வருகிறது. பெத்தானியாவில் வாழ்ந்த லாசர் என்பவர் இறந்துபோக, இயேசு அவருக்கு மீண்டும் உயிர்கொடுத்த நிகழ்ச்சி (யோவான் 11:1-46), இயேசு ஆடம்பரமாக எருசலேமுக்குள் நுழைந்தபோது அருகிலிருந்த பெத்தானியாவிலிருந்து அங்கு புறப்பட்டுச் சென்ற நிகழ்ச்சி (மாற்கு 11:1; லூக்கா 19:29), அந்நிகழ்ச்சியை அடுத்துவந்த வாரத்தில் இயேசு பெத்தானியாவில் தங்கியிருந்த நிகழ்ச்சி (மத்தேயு 21:17; மாற்கு 11:11-12), பெத்தானியாவில் தொழுநோயாளர் சீமோன் என்பவரின் வீட்டில் இயேசு உணவருந்தியபோது மரியா இயேசுவின் பாதத்தில் நறுமணத் தைலத்தால் பூசிய நிகழ்ச்சி (மத்தேயு 26:6-13; மாற்கு 14:3-9; யோவான் 12:1-8),
 இயேசு பெத்தானியாவிலிருந்து விண்ணகம் சென்ற நிகழ்ச்சி (லூக்கா 24:50).
 இது தவிர, இன்னொரு தடவை இயேசு, மரியா, மார்த்தா ஆகியோரின் இல்லத்திற்குச் சென்றார் என்று லூக்கா 10:38-42 குறிப்பிடுகிறது. ஆனால் அங்கு "பெத்தானியா" என்னும் சொல் இல்லை. இத்தகைய விவிலிய அற்புதங்கள் நடைபெற்ற நகரம் தான் பெத்தானியா.
 லாசருவை உயிரோடு எழுப்பிய இயேசு:
 பெத்தானியாவில் வாழ்ந்து வந்த லாசர் என்னும் ஒருவர் நோயுற்றிருந்தார். இயேசுவின் நெருங்கிய நண்பர் அவர். அவ்வூரில்தான் மரியாவும் அவருடைய சகோதரியான மார்த்தாவும் வாழ்ந்துவந்தனர். மார்த்தாவிடமும் அவருடைய சகோதரியான மரியாவிடமும் லாசரிடமும் இயேசு அன்பு கொண்டிருந்தார். லாசர் நோயுற்றிருந்ததைக் கேள்விப்பட்ட பிறகு, தாம் இருந்த இடத்தில் இன்னும் இரண்டு நாள் அவர் தங்கியிருந்தார். பின்னர் தம் சீடரிடம், "மீண்டும் யூதேயாவுக்குப் போவோம், வாருங்கள்" என்று கூறினார். இயேசு அங்கு வந்தபோது லாசரைக் கல்லறையில் வைத்து ஏற்கெனவே நான்கு நாள்கள் ஆகியிருந்தது.
 - ஜெபலின் ஜான்
 (தொடரும்...)
 
 

]]>
https://images.dinamani.com/uploads/user/imagelibrary/2019/9/6/w600X390/vm2.jpg https://www.dinamani.com/weekly-supplements/vellimani/2019/sep/06/புண்ணிய-பூமியில்-புனிதப்-பயணம்-24-3228974.html
3228973 வார இதழ்கள் வெள்ளிமணி நிகழ்வுகள் DIN DIN Friday, September 6, 2019 11:02 AM +0530 * மகாகும்பாபிஷேகம்
 தஞ்சாவூர் மாவட்டம் திருவிடைமருதூர் வட்டம், அம்மையப்பன் கிராமத்தில் உள்ள ஸ்ரீபாகம்பிரியாள் சமேத அம்மையப்பர் ஆலயம், மற்றும் ஸ்ரீ விநாயகர் ஸ்ரீ வள்ளி தேவசேனா சமேத சுப்பிரமணியர், ஸ்ரீ காளியம்மன், ஸ்ரீ இடும்பன் ஆகிய ஐம்பெரும் திருக்கோயில்களுக்கு மகாகும்பாபிஷேகம் செப்டம்பர் 11 -ஆம் தேதி, காலை 6.30 மணிக்கு மேல் 10.30 மணிக்குள் நடைபெறுகின்றது. திருப்பனந்தாள் அருகில் காவிரிக்கு வடபாலும், கொள்ளிடத்திற்கு தென்பாலும் உள்ளது இந்த திருத்தலம். இவ்வூரில் உள்ள ஸ்ரீ வள்ளி தேவசேனா சமேத சுப்பிரமணியர் ஆலயத்தில் ஸ்ரீ இடும்பனுக்கு தனி சந்நிதி உள்ளது. இவ்வாலயத்தில் மூன்று கார்த்திகை நட்சத்திரத்தில் சிறப்பு அபிஷேகம் செய்தால் புத்திரபாக்கியம் கிட்டும்.திருமண தடை நீங்கும்.
 தொடர்புக்கு: 98400 53289.
 திருவாரூர் மாவட்டம், மன்னார்குடி தாலுக்கா, நெ. 43 பள்ளிவர்த்தி கிராமத்தில் அருள்மிகு கல்யாண விநாயகர், ஸ்ரீ தேவி, பூதேவி சமேத ஸ்ரீ வரதராஜப் பெருமாள், பூரண புஷ்கலாம்பாள் சமேத ஸ்ரீ தர்மசாஸ்தா, ஸ்ரீ மகாமாரியம்மன் கோயில்களின் அஷ்டபந்தன மகாகும்பாபிஷேகம் செப்டம்பர் 11- ஆம் தேதி, காலை 6.30 மணிக்கு மேல் 11.30 மணிக்குள் நடைபெறுகின்றது. இவ்வாலயங்கள் ஹரிச்சந்திரா நதிக்கரையில் திருக்கொள்ளிக்காடு அருகில் உள்ளது. கல்யாண மாகாத ஆண் / பெண்கள் இங்குள்ள கல்யாண விநாயகரை தரிசித்து அருகிலுள்ள வரதராஜப் பெருமாள் கோயிலில் வழிபட்டால் உடனடியாக திருமணம் கை கூடும் என்பது ஐதீகம்.
 தொடர்புக்கு: 94449 23949.
* பிரதோஷநாயகர் எழுந்தருளல் விழா
 திருவள்ளூர் மாவட்டம் கடம்பத்தூரை அடுத்துள்ள செஞ்சிபானம் பாக்கம் கிராமத்தில் உள்ள மிகப்பழைமையான அருள்மிகு ஸ்ரீ திரிபுரசுந்தரி உடனுறை ஸ்ரீ கைலாசநாதர் ஆலயத்தில் நூதன பிரதோஷ நாயகர் எழுந்தருளச் செய்யும் வைபவம் செப்டம்பர் 8 -ஆம் தேதி, காலை 8.30 மணிக்கு நடைபெற திருவருள் கூட்டியுள்ளது. இதனையொட்டி சிறப்பு ஹோமங்கள், பூஜைகள் நடைபெறுகின்றன.
 தொடர்புக்கு: 93828 72358 / 97919 41005.
 உற்சவர் பிரதிஷ்டை
 மயிலாப்பூர், மந்தைவெளி, விஸ்வலிங்கச் செட்டித் தோட்டம், இரண்டாவது தெருவில் உள்ள ஸ்ரீராம மாருதி பக்தஜன சபையில் ஸ்ரீசீதா சமேத ஸ்ரீ ராமச்சந்திர மூர்த்தி பட்டாபிஷேக திருக்கோலம் பஞ்சலோகம் உற்சவ விக்ரஹ பிரதிஷ்டை மற்றும் மகாசம்ப்ரோஷணம் செப்டம்பர் 12 -ஆம் தேதி காலை 7.30 மணிக்கு மேல் நடைபெறுகின்றது. பூர்வாங்க பூஜை, ஹோமங்கள் செப்டம்பர் 10 -இல் ஆரம்பமாகிறது. செப்டம்பர் 13 - ஸ்ரீ ஆஞ்சநேயர் உற்சவம் நடைபெறுகின்றது.
* ஏகாதச ருத்ராபிஷேகம்
 திருவள்ளூர் மாவட்டம் திருவூர் அருள்மிகு உத்பலாம்பாள் சமேத ஸ்ரீரிஷ்ய சிங்கீஸ்வரர் திருக்கோயிலில் உலக நன்மையை முன்னிட்டு செப்டம்பர் 8- ஆம் தேதி, ஏகாதச ருத்ரபாராயணம் மற்றும் அபிஷேகமும் தொடர்ந்து அன்னதானமும் நடைபெறுகின்றது. நிகழ்ச்சிகள் அன்று காலை 8 மணிக்கு தொடங்குகிறது. பூந்தமல்லி - திருவள்ளூர் சாலையில் அரண்வாயிலிருந்து அரை கி.மீ. தூரத்தில் உள்ளது திருவூர்.
 தொடர்புக்கு: 94456 93460.
 குறிப்பு: கும்பாபிஷேகம் உள்ளிட்ட நிகழ்வுகளை டிவியில் காண்பிப்பதாக அணுகும் நபருக்கும் "தினமணி'க்கும் எவ்வித தொடர்பும் இல்லை.
 
 
 

]]>
https://www.dinamani.com/weekly-supplements/vellimani/2019/sep/06/நிகழ்வுகள்-3228973.html
3228972 வார இதழ்கள் வெள்ளிமணி நட்பு ஆயும் பெட்புடை பெற்றோர் DIN DIN Friday, September 6, 2019 11:00 AM +0530 பிறக்கும் குழந்தை தவழுவதற்கு முன்னரே தொடு அலைபேசியைத் தொட்டு தட்டி கைகொட்டி விளையாடும் கலிகாலத்தில் வாழும் பெற்றோர் குழந்தைகள் கெட்டுவிடாமல் உற்ற வழியில் கற்பன கற்பித்து கற்ற வழியில் பிறழாமல் வாழ பெருந்துணையாய் இருக்க வேண்டும். கவனிப்பும் கண்காணிப்பும் கட்டாயம் ஆகிவிட்டது.
 இல்லையேல் கட்டவிழ்த்து விட்ட குழந்தைகள் காட்டாறு போல் ஓடி ஓடுமிடம் எல்லாம் மக்கள் ஓலமிட அழிவை உண்டு பண்ணுவது போல் குடும்பத்தைக் குலைத்துவிடும். கொடிய நிலை உண்டாகும். விடியலுக்குவழிதேடி அலையணும். இத்துன்பத்தைத் தவிர்க்க பிள்ளைகள் நல்ல பழக்கங்களைக் கடைபிடித்து வளர மழலையர் பள்ளிகளிலிருந்தே நல்ல நண்பர்களைப் பெற பெற்றோர் வழிகாட்ட வேண்டும்.
 குடும்பமே குழந்தைகளின் முதல் காப்பகம். அவர்களைப் பாதுகாக்கும் கோட்டை. முதல் பயிலரங்கம். குழந்தைகள் பிறந்ததிதிலிருந்து குர்ஆன் ஓத, மதராவிற்குச் செல்லும் வரை வளர்வது பிறந்த வீட்டில். அந்த வீட்டில் குடும்ப உறுப்பினர்களிடையே நிலவும் அன்பும் பாசமும் அக்கறையும் நேசமும் அமைதியும் நிம்மதியும் நிறைவாக நிறைந்திருந்தால் குழந்தைகளும் அக்குணங்களைக் கற்று கவினுற திகழும். புவியில் பூரிப்புடன் வாழ பூரண அடித்தளம்.
 பாசமும் நேசமும் நிலவும் குடும்பத்தை இறைவன் கட்டமைத்து தரும் நோக்கம் இப்பாச கயிற்றினால் பிள்ளைகளை கட்டுப்பாட்டோடு வளர்க்க வேண்டும். குடும்ப ரீதியாக பிள்ளைகளைக் கண்டிப்போடு அரவணைத்துச் செல்வதால் அவர்கள் ஆபத்துகளை எச்சரிக்கையோடு எதிர்கொள்வர். தீய நட்பைத் திரும்பி பாரார். விரும்பி வீணில் விழ மாட்டார். வீழ்ந்து எழ முடியாமல் ஏமாற மாட்டார். போதை மருந்தில் சோதனையான பழிபாவங்களில் பழியாகி விழிபிதுங்கி வேதனை படமாட்டார். இப்பாதக படுகுழியில் வீழ்வோர் வீட்டில் அன்பும் அரவணைப்பும் இல்லாதோரே. இக்காலத்தில் உண்டுறை பள்ளிகளில் பயில வைப்போரும் அப்பள்ளிகளில் நிலவும் சூழ்நிலையை நிதானமாய் தெரிந்து தெளிய வேண்டும்.
 எத்தனையோ குடும்பங்களில் இறைநெறியோடு கூடிய கட்டுபாட்டினாலும் பாசப்பிணைப்பாலும் பிள்ளைகள் மீது தனி கவனம் செலுத்தியதாலும் அந்த பிள்ளைகள் வெற்றியாளர்களாக உருவாகி சமூகத்திற்குப் பலனளிக்கும் பாங்காளர்களாக ஓங்கு புகழோடு விளங்குகிறார்கள். உயரிய பண்பும் நற்குணமும் பெற்று மற்றவருக்கு முன்னோடியாக திகழ்கிறார்கள். கசடற கற்று கற்றபடிநடந்து பெற்றோருக்குப் பெரும் புகழ் சேர்ப்பதோடு நாட்டிற்கும் பெருமையை கூட்டுவார்கள்.
 பிள்ளைகளுக்குப் பால்குடி பால பருவத்திலிருந்தே ஆலவிழுதாய் காலத்திற்கேற்ற கல்வியைக் கற்பித்தால் ஞாலத்தில் ஆபத்தில் அகப்படாமல் தற்காத்து கொள்வார்கள். தக்க கல்வி மிக்க உதவும். ஒரு மனிதனுக்குத் தீங்கிழைக்கும் அனைத்தையும் இஸ்லாம் தடை செய்வதை 5- 90 ஆவது வசனம், ""நம்பிக்கையுடையோரே! நிச்சயமாக மதுவும் சூதும் இறைவனுக்கு இணை வைப்பதும், அம்பெறிந்து குறி கேட்பதும் சைத்தானுடைய அருவருக்கத்தக்க வேலைகள். ஆகவே இவைகளிலிருந்து நீங்கள் விலகி கொள்ளுங்கள். நீங்கள் வெற்றி அடைவீர்கள்'' மதுவும் சூதும் தன்னிலை இழந்து தடுமாறி விடுபட முடியாது பகையையும் வெறுப்பையும் பொறாமையையும் உண்டாக்கி கொலையில் முடிவதை ஏடுகளில் படிக்கிறோம். ஊடகங்களில் பார்க்கிறோம்.
 மதியை மயக்கும் புத்தியைப் பேதலிக்க செய்யும் எப்பொருளும் போதை பொருளே. மதுபானங்களும் கஞ்சாவும் மட்டும் அல்ல. அதனினும் கொடியது மாத்திரை பொடி தூள் உள்ளிட்ட வடிவங்களில் வரும் பொருள்களும். இது உலகளாவிய பிரச்னையாக உருவெடுத்துள்ளது. உலகின் பெரும்பாலான நாடுகள் இதன் பாதிப்புக்கு உள்ளாகி உள்ளன. இது பூதாகரமாக பரவி வருகிறது. உலக வணிகத்தில் போதை பொருள் மூன்றாம் இடத்தில் உள்ளது. இப்போதை பழக்கத்தில் சிக்காமல் நம் குழந்தைகளைக் காக்க வேண்டும். நம் பிள்ளைகளின் நட்பு வட்டத்தை பெட்போடு ஆயவேண்டும். நேயமாக இருந்தால் தொடர விடலாம். தீயதாய் இருப்பின் தீய்த்து விடவேண்டும். பொல்லா நட்பைப் பொசுக்கி விட வேண்டும்.
 தவறான ஆர்வமும் ஒருமுறை துய்த்து பார்ப்போம் என்ற துடிப்பும் உள்ள ஊசலாட்டமும் போதை பொருள்களின் வலையில் சிக்க வைக்கும். பிற தீய வழிகளில் செல்ல வைக்கும். அப்படி சிக்க வைத்து சிக்கலில் மாட்டிவிடும். சொக்க வைக்கும். தீய நட்பில் பிள்ளைகள் சிக்காமல் காப்பது பெற்றோரின் பெருங் கடமையாகும். பெற்றோர் போதிய நேரம் ஒதுக்கி பிள்ளைகளோடு பயனுள்ளதைப் பேசி பண்படுத்த வேண்டும். புண்படுத்தும் பேச்சு புரையோடி இழிவில் இரை தேட முயலும். குடும்பத்தில் குழந்தைகளோடு ஒன்று கூடி அளவளாவி அன்பை வளர்த்து அரவணைத்து ஆதரவைப் பெருக்க வேண்டும்.
 ஒரு மனிதன் அவனின் தோழனின் குணத்தைப் பிரதிபலிப்பான் என்ற ஏந்தல் நபி (ஸல்) அவர்களின் எழில் மொழி அபூதாவூத் 4833 -லும், திர்மிதீ 2378 -லும் பதிவாகி உள்ளது. இந்த அறிவுரையில் உள்ள படிப்பினை. நம் பிள்ளைகள் யாரோடு பழகுகிறார்கள் என்று நாம் கவனிக்க வேண்டும். பிள்ளைகள் நல்ல நண்பர்களோடு பழக நாமும் நல்ல வாய்ப்புகளை ஏற்படுத்தி கொடுக்க வேண்டும். போதை முதலில் தீய பழக்கங்கள் நண்பர்களால் தான் ஏற்படுகிறது.
 பிள்ளைகளுக்கு நீச்சல் பயிற்சி, அம்பு எறிதல், குதிரை ஏற்றம் முதலிய பன்முக திறன் வளர்க்கும் பயிற்சி கொடுக்க முயற்சி செய்ய முனைந்து ஊக்கம் ஊட்டினார்கள் இரண்டாம் கலீபா உமர் (ரலி). புதிய பயனுள்ள அனைத்திலும் பயிற்சி பெறும் முயற்சிக்கு முழு ஆதரவு அளிக்க வேண்டும். இப்பயிற்சி தரும் பயிற்சி கூடங்கள், ஆய்வு அகங்கள், கருத்தரங்கங்கள், கூட்டமைப்புகளில் சேர்ந்து பயில திறமையை பெருக்க ஆளுமையை அதிகரிக்க ஆவன செய்ய வேண்டும்.
 அறிவின் பயன்கள் அளப்பரியன. அவற்றில் முதன்மையானது கண்காணிப்பு. பிள்ளைகளின் நட்பை ஆயும் பெட்புடை பெற்றோர் பிள்ளைகளின் நல்வாழ்விற்கு நற்றுணையாகும் நல்ல நட்பை நாளும் தொடர ஆளுமையோடு அகிலம் ஆள ஆவலுடன் ஆவன செய்ய வேண்டும். பிள்ளைகள் மேதினியில் மேவும் புகழோடு வாழ்வாங்க வாழ்வார்கள்.
 - மு.அ.அபுல் அமீன்
 

]]>
https://images.dinamani.com/uploads/user/imagelibrary/2019/9/6/w600X390/vm1.jpg https://www.dinamani.com/weekly-supplements/vellimani/2019/sep/06/நட்பு-ஆயும்-பெட்புடை-பெற்றோர்-3228972.html
3228970 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, September 6, 2019 10:59 AM +0530 * வெட்டினாலும் மரம் தளிர் விடுகிறது, கலை குறைந்தாலும் சந்திரன் மீண்டும் வளர்கிறான். இதை நினைத்துப் பார்த்து, உலகில் சாதுக்கள் வீழ்ச்சியடைந்தாலும் துன்புறுவதில்லை. 
- பர்துருஹரியின் நீதி சதகம்
* இறைவன் நமக்கு மிகவும் நெருக்கமானவர், அவர் நமக்கு மிகவும் சொந்தமானவர், இதுவே மனிதனுக்கும் இறைவனுக்கும் இருக்கும் நிரந்தரமான உறவாகும். இந்த உறவு எவ்வளவு ஆழமாக ஒருவனுக்கு இறைவனிடம் இருக்கிறதோ, அவ்வளவு தூரம் அவன் அவரை நெருங்குகிறான்; அவரைப் பற்றி உணர்ந்துகொள்கிறான். 
- ஸ்ரீ சாரதாதேவியார்
* எந்த விதமான புலன் நுகர்ச்சியும் தளர்ச்சியைத் தருகிறது. போகங்களை நாடுபவன் சொந்த ஆசைக்கே அடிமையாக இருக்கிறான். தீய சுகபோகங்களை நாடுவது என்பது இழிவானது, கேவலமானது. அது மனத்தூய்மைக்கு பெரிய தடையாக இருக்கிறது. 
- புத்தர்
* தூரத்தில் பறக்கின்ற விட்டில்பூச்சிகள் விளக்கொளியால் ஈர்க்கப்படுகின்றன. ஆதலால் அவை விளக்கின் நெருப்பில் வீழ்ந்து மடிகின்றன, அதுபோல் உலக ஆசைகளின் (மனமயக்கத்தின்) வசப்பட்ட மனிதனும் முக்திக்கான வழியை அறிய இயலாமல் அழிகின்றான். 
- ஆதிசங்கரர்
* நெருப்பு தனது ஜ்வாலையால் தன்னிடம் சேர்ந்த மரக்கட்டைகளை நொடி நேரத்தில் பொசுக்கிவிடுகிறது. அது போன்று வேதங்களின் உண்மைப் பொருளை உணர்ந்தவனின் ஞானமாகிய நெருப்பு அவனுடைய எல்லாப் பாவங்களையும் பொசுக்கிவிடும்.
- மனுஸ்மிருதி 
* தன் இயல்பான உண்மையை அறியாததால் அல்லவா, இந்த பாக்கியமற்ற மனிதன் ஐம்புலன் இன்பங்களில் இன்பம் காண்கிறான்! அனைத்தையும் அனுபவித்தபிறகு, சாப்பிட்ட உணவில் விஷம் இருப்பதை அறிவதுபோல் புலன் இன்பங்களின் தீமை பற்றி உணர்கிறான். அப்படி அவன் இறுதியில் புலனின்பத்தின் தீமைகள் பற்றி உணரும்போது அவனைக் காப்பாற்றுபவர் யார்?
- வசிஷ்டர் (யோகவாஷிட்ட சாரம்)
* சொல்லத் தகுந்தது ஸ்ரீ ராமமந்திரம், கேட்ட மாத்திரத்தில் மங்களத்தை அளிப்பது ஸ்ரீ ராம மந்திரம், உத்தமமான ஞானத்தை அளிப்பது ஸ்ரீ ராம மந்திரம், போற்றுவதற்கு உரியது ஸ்ரீ ராம மந்திரம். 
- ஸ்ரீ ராமகர்ணாமிர்தம்
* சுயநலத்தை அறவே வென்றவன் ஆனந்தமாக இருப்பான், அமைதி அடைந்தவன் ஆனந்தமாக இருப்பான், ஞானம் அடைந்தவன் ஆனந்தமாக இருப்பான். 
- புத்தர்

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/sep/06/பொன்மொழிகள்-தொகுப்பு-சுவாமி-கமலாத்மானந்தர்-3228970.html
3228969 வார இதழ்கள் வெள்ளிமணி தொழிலாளி கையில் துண்டு வாங்கிய தொண்டீச்சுரர்! DIN DIN Friday, September 6, 2019 10:58 AM +0530 சிவபெருமான் பிரம்ம மந்திரத்தை உபதேசிக்கும்போது அம்மன் கவனியாதிருந்த காரணத்தால் இறைவி சாபம் பெற்றார். அந்த சாபம் நீங்கி இறைவி மயில் வடிவமாய் இவ்வூரில் பூசனை புரிந்ததால் மயிலை என்றும் ஈரமான தலை ஓட்டை உடைய சிவன் (ஆருத்ர கபாலீசுவரர்) எழுந்தருளியுள்ள காரணத்தால் கபாலபுரி என்றும் இவ்வூர் பல காரணப் பெயர்களைப் பெற்றது.
 ஆருத்ர கபாலீச்சுவரத் திருக்கோயில் ஈரோடு நகரத்தின் நடுவில் அமைந்துள்ளது. காளி பிரம்மனின் தலையை உடைத்தாள் தலை நான்காகச் சிதறி நான்கு இடங்களில் விழுந்ததென்றும், ஈரஓடு விழுந்த இடம் ஈரோடு என்றும், வெள்ளை ஓடு விழுந்த இடம் வெள்ளோடு என்றும், சிறிய ஓடு விழுந்த இடம் சித்தோடு என்றும், பெரிய ஓடு விழுந்தது பேரோடு என்றும் பெயராயின என்பர்.
 சுமார், 1500 ஆண்டுகளுக்கு முன்பு லட்சுமி காந்தன் என்ற அரசன் சூரன்பட்டியில் இருந்து அரசாட்சி செய்து வந்தான் நாள்தோறும் இடையர்கள் அரசனுக்குப் பால் எடுத்துச் செல்வார்கள் ஒரு நாள் அவர்கள் செல்லும் வழியில் ஒரு குறிப்பிட்ட இடத்தில் தடுக்கி விழுந்தார்கள். இது பல நாள்கள் நிகழ்ந்தது. அவ்வழியில் தடுக்கும் பொருளை அரசன் அகழ்ந்தான். அப்பொழுது மூர்த்தி வெளிப்பட்டது. இது புராணம் கூறும் நிகழ்ச்சியாகும்.
 இந்த ஆருத்ர கபாலீசுவரர் திருக்கோயில் தொண்டீச்சுரம் என்று கல்வெட்டுக்களில் அழைக்கப்படுகின்றது. இத்திருக்கோயிலில் இருந்து அருளும் இறைவனைக் கல்வெட்டுக்கள் தொண்டிச்சுரமுடைய மகாதேவன் என்றும், தொண்டீச்சுரமுடைய தம்பிரானார் என்றும் கூறுகின்றன. தொண்டர்களுக்கு அருள்புரிந்ததால் தொண்டீச்சுரர் என்றும், ஈரமான தலை ஓட்டை கையில் ஏந்தியுள்ளார் என்பதால் ஆருத்ர கபாலீச்சுவரர் என்றும் அழைக்கப்படுகின்றார்.
 கைக்கோளரான தாண்டவன் முதலியார் இறைவழிபாடே தன் குறிக்கோளாகக் கொண்டவர். ஒரு நாள் தாண்டவன் மாலையில் தன் நெசவுத் தொழிலை முடித்துக் கொண்டு இறைவனை வணங்கச் சென்றார். வழியில் வயது முதிர்ந்த கோலத்தில் இறைவன் முழத்துண்டு வேண்டினார். அவ்வாறே முதலியாரும், தனக்குக் கூலியாக கிடைக்கப்பெற்ற துண்டை அம்முதியவருக்குக் கொடுத்தார்.
 மறுநாள் கோயிலைத் திறந்து பார்த்த அர்ச்சகர், இறைவனுக்குப் புதிய பரிவட்டம் இருப்பதைக் கண்டார். பரிவட்டத்தின் அமைப்பை அறிந்து தாண்டவ முதலியார் நெய்தது என்றும், அனுமதியின்றி இரவில் கோயிலைத் திறந்து தானே பரிவட்டத்தைச் சாத்தினார் என்றும் குற்றம் சாட்டினார். ஊரார் அடித்தனர். அசரீரியாக இறைவன் உண்மையை வெளிப்படுத்தினார்.
 திருத்தொண்டீச்சுரர் திருக்கோயிலில் எழுந்தருளியுள்ள தேவியின் பெயர் வாரணியம்மை! இப்பெயருக்கு தர்ப்பையாலான கச்சையை அணிந்த தேவி எனப் பொருள்படுகிறது. தேவி அமைதியே உடைய முகத்துடன் கருணை வழங்கும் கண்களை உடையவளாக இருக்கிறாள்.
 இத்திருக்கோயில் கிழக்கு நோக்கி அமைந்துள்ளது. கி.பி.12 -ஆம் நூற்றாண்டில் கொங்குச் சோழன் என்பவன் ராசராசபுரம் என்ற தாராப்புரத்தைத் தலைநகராகக் கொண்டு ஆட்சி புரிந்த பொழுது இத்திருக்கோயில் கட்டப்பெற்றது என்பர். கருவறையும் அதை அடுத்தப் பகுதிகளான அர்த்த மண்டபம். முன் மண்டபம் பிற்காலச் சோழர் காலத்தில் கட்டப்பட்டுள்ளன. கருவறையைச் சுற்றிலும் உள்ள தேவகோஷ்டங்களில் தெற்குப் பக்கத்தில் நடன விநாயகரும், மேற்குப் பக்கத்தில் லிங்கோத்பவரும், வடக்குப் பக்கத்தில் பிரம்மாவும், துர்க்கையும் தனித்தனியே அமைக்கப்பட்டுள்ளனர். இவற்றின் துர்க்கையின் திருவுருவம் பிற்காலத்தைச் சேர்ந்ததாகும்.
 கருவறையின் மீது சிறிய விமானம் உள்ளது. உள் திருச்சுற்றின் தெற்குப் பக்கத்தில் அறுபத்து மூன்று நாயன்மார்கள், மேற்குப்பக்கத்தில் கிழக்கு நோக்கியவாறு விநாயகர், சுப்பிரமணியரும் எழுந்தருளியுள்ளனர். இவ்விரு சந்நிதிகளுக்கு இடையில் பஞ்சபூத லிங்கங்களும், ஜுரகர ஈஸ்வரரும் இருக்கின்றனர். இதே திருச்சுற்றில் கபாலதீர்த்தம் காணப்படுகின்றது. இதன் தீர்த்தம் இறைவனுடைய அபிஷேகத்திற்குப் பயன்படுகிறது. கருவறையைச் சுற்றியுள்ள உள் திருச்சுற்றில் 37 கல் தூண்களால் ஆன மண்டபம் கட்டப்பட்டுள்ளது. இம்மண்டபம் விஜயநகர காலத்தில் கட்டப்பட்டிருக்கலாம். பேரம்பலத்திற்கு மேற்கில் ஒரு மண்டபம் இணைந்தாற்போல் அமைந்துள்ளது. இது ஆறு கம்பங்களால் ஆனது. இவற்றுள் நடுவில் உள்ள இரண்டு தூண்கள் முழுத்தூண்களாகவும் மற்ற நான்கும் அரைத் தூண்களாகவும் செதுக்கப்பட்டுள்ளன. தூண்களில் மேல் உள்ள பூமுனைகள் கூர்மையாகச் செதுக்கப்பட்டுள்ளன.
 ராஜகோபுரத்தை அடுத்து பெரிய நெடிய 42 தூண்களால் ஆன மண்டபத்தை பேரம்பலம் என்கின்றனர். கிழக்குப் பகுதியில் கோபுரத்தை அடுத்து உள்ள இரண்டு வரிசைத் தூண்களை உருளையாகச் செதுக்கியுள்ளனர். மற்ற தூண்களின் அடிப்பகுதி நான்குப் பட்டைகளாகவும், உச்சிப் பகுதி நான்குப் பட்டைகளாகவும் உள்ளன. கல்தூணில் உச்சியில் பூ முனை மொட்டையாகச் செதுக்கப்பட்டுள்ளன. இந்த மண்டபத்தில் நடு வடக்குப் பகுதியில் இரண்டு தூண்கள் இரட்டை தூண்களாகக் காணப்படுகின்றன. அவற்றிக்கு முன் உள்ள இரண்டு எதிர் எதிர் தூண்களிலும் திருவாலங்காட்டு காளியும் ஊர்த்தவ தாண்டவரும் கம்பீரமாகவும், அழகாகவும் செதுக்கப்பட்டுக் காட்சியளிக்கின்றனர்.
 சிவனுடைய வலப்புறத்தில் வாரணாம்பிகைக்கு தனி சந்நிதி உள்ளது. இத்திருக்கோயிலில் மொத்தம் 16 கல்வெட்டுக்கள் காணப்படுகின்றன. அவற்றுள் கோராசகேசரிவர்மன் என்ற கோகலி மூக்கன் என்பவனுடைய கல்வெட்டுக்கள் இரண்டு உள்ளன. இதில் ஒரு கல்வெட்டு தொண்டீச்சுரருக்கு நிலம் தானமாக அளிக்கப்பட்டதைக் கூறுகின்றது. கி.பி.1265 முதல் 1281 வரை கொங்கு நாட்டில் அரசாட்சி செய்த கோராசகேசரிவர்மன் என்ற பாண்டியனுடைய காலத்தைச் சேர்ந்ததாகும்.
 போசள அரசன் மூன்றாம் வீரவல்லாருடைய கி.பி.1292-1340 காலத்திய இரண்டு கல்வெட்டுகள் காணப்படுகின்றன. கி.பி. 1504 -இல் வீரராய தேவக்கமார்க்க நாயக்கன் காலத்துக் கல்வெட்டில் ஈரோட்டுத் தொண்டீச்சுரருடைய மகாதேவர் கோயிலைச் சீர்செய்யவும், அக்கோயிலில் திருவிழா நடக்கவும் நிலம் தானமாக அளிக்கப்பட்டதைத் தெரிவிக்கின்றது.
 வழித்தடம்: ஈரோடு பேருந்து நிலையத்தில் இருந்து சில குறிப்பிட்ட எண்கள் கொண்ட நகரப்பேருந்துகளில் ஏறி மணிக்கூண்டு நிறுத்தத்தில் இறங்கி, நடந்து செல்லும் தூரத்தில் கோயிலை அடையலாம்.
 - பொ.ஜெயச்சந்திரன்
 

]]>
https://images.dinamani.com/uploads/user/imagelibrary/2019/9/6/w600X390/THONDEESWARAR.JPG https://www.dinamani.com/weekly-supplements/vellimani/2019/sep/06/தொழிலாளி-கையில்-துண்டு-வாங்கிய-தொண்டீச்சுரர்-3228969.html
3228968 வார இதழ்கள் வெள்ளிமணி புதரிலிருந்து வெளிப்பட்ட பரமன்! DIN DIN Friday, September 6, 2019 10:56 AM +0530 திருவாரூர் மாவட்டம் வலங்கைமான் வட்டத்தில் உள்ளது கண்டியூர் கிராமம். ஆலங்குடி குரு தலத்திலிருந்து 6 கி.மீ. தூரம். இவ்வூரில் பெரம்பர் கோயில் பகுதியில் முள்ளியாறு எனப்படும் வெட்டாற்றின் கீழ்ப்புறம் உள்ளது பழைமையான அருள்மிகு காமாட்சி அம்மன் உடனுறை ஏகாம்பரேஸ்வரர் திருக்கோயில். பல நூறு ஆண்டுகளுக்கு முன்பு சோழர் மன்னர்களால் வழிபாடு செய்யப்பட்ட பெருமையுடையது.
 அருகிலுள்ள தேவாரப் பதிகம் பெற்ற காவிரிக்குத் தென்கரையில் 113 -ஆவது தலமாக விளங்கும் திருக்களம்பூர் திருத்தலத்திற்கு வருகை புரிகையில் ஞானசம்பந்தப் பெருமான் இவ்வூர் வழியாகச் சென்றிருக்கலாம் என்றும் அவ்வமயம் இத்தல இறைவனையும் தரிசித்ததாகவும் ஒரு கூற்று உண்டு. நாளடைவில் ஆலயம் மிகவும் சிதிலமடைந்து புதர்கள் மண்டி இறைவன் தன்னை மறைத்துக்கொண்டான்.
 கண்டியூர் மற்றும் பெரம்பர் கோயில் கிராம வாசிகளால் திருப்பணி வேலைகள் மேற்கொள்ள ஏதுவாக புதர்கள் அகற்றப்பட்டு 2016-ஆம் ஆண்டு பூமி பூஜையுடன் பாலாலயம் செய்விக்கப்பட்டது. தற்போது சுவாமி, அம்பாள், விநாகர், முருகன், மகாலட்சுமி, பைரவர், துர்கை சந்நிதிகள் புதியதாக அமைக்கப்பட்டு மகாமண்டபமும் கட்டப்பட்டுள்ளது. இன்னும் நிறைவேற வேண்டியவைகளாக தரைதளம் அமைத்தலும், சிறிய 3 நிலை ராஜகோபுரம் அமைக்கும் பணியும் உள்ளது. திருக்குளமும் ஓரளவு சீரமைக்கப்படவேண்டியுள்ளது.
 பக்தர்கள் உதவி செய்தால் இப்பணிகள் எளிதாக தொய்வில்லாமல் முடிந்து பல நூற்றாண்டுகளுக்குப் பிறகு குடமுழுக்கு வைபவம் நடத்துவது சாத்தியமாகும். இந்த சிவாலய திருப்பணி கைங்கர்யத்தில் பங்கேற்பதால் ஒரு பழைமையான சிவாலயத்தை புதுப்பித்த பலன் கிடைப்பது திண்ணம்.
 தொடர்புக்கு: 90477 91179/ 94435 17251.
 - இ.ராமசுப்ரமணியன்
 

]]>
https://images.dinamani.com/uploads/user/imagelibrary/2019/9/6/w600X390/EGAMBARESWARAR.JPG https://www.dinamani.com/weekly-supplements/vellimani/2019/sep/06/புதரிலிருந்து-வெளிப்பட்ட-பரமன்-3228968.html
3228967 வார இதழ்கள் வெள்ளிமணி நல்வழிகாட்டும் தர்ப்பாரண்யேஸ்வரர்! Friday, September 6, 2019 10:55 AM +0530 மன்னர்கள் காலத்தில் கட்டப்பட்ட சில திருக்கோயில்கள் கால மாற்றத்தாலும், இயற்கை இடர்பாடுகளாலும், வேற்றுநாட்டு மன்னர்கள் படையெடுப்பாலும் சிதைந்து சீரழிந்த போயின.
 தொண்டை மண்டலத்தில் தற்போதைய காஞ்சிபுரம் மாவட்டம், உத்திரமேரூர் வட்டத்தில் சிலாம்பாக்கம் கிராமத்தில் செய்யாற்றங்கரையின் ஓரத்தில் பழைமையும், புராதனமும் மிக்க சிவாலயம் ஒன்று சிதைந்து போன நிலையில் இருந்தது.
 அதிலிருந்து சிவலிங்கமும், தட்சணாமூர்த்தி விக்ரங்கள் இரண்டு மட்டுமே மீட்டெடுக்கப்பட்டன. ஈஸ்வரர் தர்ப்பை காட்டில் மறைந்திருந்ததால் அவருக்கு தர்ப்பாரண்யேஸ்வரர் என்ற பெயர் சூட்டப்பட்டது.
 கிராமத்திலிருந்து செய்யாற்றங்கரை ஒரு கி.மீ. தூரத்தில் உள்ளது. எனவே, அங்கு கோயில் கட்டினால் ஊர் மக்கள் சென்று வருவது சிரமமாக இருக்கும் என்பதால் சிலாம்பாக்கம் கிராமத்திலுள்ள ஸ்ரீனிவாசன் என்பவர் ஊரை ஒட்டியுள்ள தனது நிலத்தில் கோயில் கட்டிக்கொள்ள இடம் அளிக்க சம்மதித்து இடம் தந்துள்ளார். தற்போது அவர் தந்துள்ள நிலத்தில் கோயில் கட்டப்பட்டு வருகிறது.
 பரிகாரங்கள்: திருமணத் தடை நீங்கும். கிரகங்களால் ஏற்படும் கோளாறுகள் போக்கும் தலம், வாழ்வில் நல்வழிகாட்டும் தர்ப்பாரண்யேஸ்வரர் சனிபகவானால் ஏற்படும் பாதிப்புகளை போக்கி அருளும் தலமாகும். இத்திருக்கோயில் காஞ்சிபுரத்திலிருந்து 30 கி.மீ. தூரத்தில் கீழ்ரோடு வழியாக உத்திரமேரூர் செல்லும் வழியில் மாகரல் கிராமத்தை அடுத்த கருவேப்பம்பூண்டி என்ற இடத்தில் இறங்கி அங்கிருந்து 5 கி.மீ. தூரத்திலுள்ள சிலாம்பாக்கத்திற்கு ஷேர் ஆட்டோவில் செல்லலாம். உத்திரமேரூரிலிருந்து (12 கி.மீ.) கருவேப்பம்பூண்டி வழியாக செல்லலாம். பக்தர்கள் இத்திருப்பணியில் பங்கேற்று சிவனருள் பெறலாம்.
 தொடர்புக்கு : சீனிவாசன்
 -94445 81637.
 

]]>
https://images.dinamani.com/uploads/user/imagelibrary/2019/9/6/w600X390/DARBARANYESWAR.JPG https://www.dinamani.com/weekly-supplements/vellimani/2019/sep/06/நல்வழிகாட்டும்-தர்ப்பாரண்யேஸ்வரர்-3228967.html
3224534 வார இதழ்கள் வெள்ளிமணி மக்கள் விநாயகர்! DIN DIN Friday, August 30, 2019 11:09 AM +0530 இன்றைய சென்னை தனித்தனி சிறு கிராமங்கள் ஒன்றோடு ஒன்று ஒட்டியும் நெருங்கியும் இருந்தவை; மெல்ல மெல்ல இணைந்து ஒன்றாகி பெருத்து நகரமாக உருவாகி வந்த நேரம். மயிலாப்பூருக்கு வெளியே ஒரு பெரிய திறந்த வெளி. மாடுகளும் ஆடுகளும் மந்தையாய் கூட்டம் கூட்டமாய் கூடி மேய்வதற்கோ மேய்ந்துவிட்டு வந்து ஓய்வெடுப்பதற்கோ என அமைந்த இடம் மந்தைவெளி என அழைக்கப்பட்டது.
 நாடு சுதந்திர பெற்றபிறகு வளர்ச்சி என்ற பெயரில் ஆடு மாடுகள் மேய்க்கும் மந்தைவெளித் திடல் அரசுப் பேருந்துகள் பழுது பார்த்து நிறுத்தும் இடமாக மாற்றப்பட்டு சுற்றிலும் மதில் சுவர் எடுக்கப்பட்டது. அவ்விடத்து தேவதை எல்லை அம்மனை மட்டும் மதில் சுவரை ஒட்டி பந்தல் போட்டு வழிபடப்பட்டு வந்தார்கள்.
 அதே திடலுக்குள் அம்மனுக்கு அருகில் ஓர் அரச மரத்தடியில் ஒரு விநாயகர் விக்னங்களை தடுக்கும் வகையில் அமர்ந்து இருந்தார். அவரை போக்குவரத்துக் கழக ஊழியர்கள் பணிமனை குடோனுக்குள் வைக்க நாளடைவில் அனைவரும் அவரை மறந்தே போனார்கள்.
 கோயில் ஓலை கொட்டகை, ஒரு சிறிய மரக்கதவு. உள்ளே கழுத்தளவேயான அம்மன். கழுத்துக்குக் கீழே மங்கல மஞ்சள் வஸ்திரம். அதன் மீது வாசனை நிரம்பிய வண்ண மலர்களால் ஆன மாலைகள் ஆரங்கள் மட்டுமே உண்டு. ஊருக்குக் காவலாக அமர்ந்து ஊருக்குள் எவ்விதமான நோய் நொடி பில்லி சூனியம், அம்மை, வைசூரி போன்றவை அண்டாமல் காத்து வந்தாள். 4 ஆண்டுகளுக்கு மேலாகவே அந்தப் பகுதியில் ஆண் குழந்தைகளுக்கு உடலில் நோய் வரும்; அம்மனை வேண்டி நேர்த்தி செய்ய தீரும். அதேப்போல் சிறுவர்கள் காணாமல் போவதும் பின்னர் அம்மனை வேண்ட கிடைப்பதும் வழக்கத்திலிருந்தது. அந்த அறிகுறிகள் தெய்வக் குற்றம் நிகழ்ந்திருக்கலாம் என ஊகித்து ஊர் கூட்டம் கோயிலின் முன்பாகக் கூட்டப்பட்டது.
 அந்தக் கூட்டம்கூடும் முன்பே பெண் ஒருத்தி மீது அம்மன் அருள் இறங்கி குறி சொல்லி ஆடத் துவங்கினாள். என்னோடு அமர்ந்திருந்த அந்த முதல்வனைப் பற்றி யாரும் கவலைப் படவில்லையே! ஐப்பசிக்குள் அவன் அருகில் அமர்ந்தால் ஊரும் உலகமும் சுபிட்சம் பெறும்! எனக் கூறி மலையேறி விட்டாள் அம்பாள்.
 சைக்கிள் ரிக்ஷா ஓட்டும் தொழிலாளர்கள் மற்றும் வாடகை டாக்சி ஒட்டுனர்கள் சுமார் 15 பேர் அங்கே ஸ்டாண்டு போட்டு இருந்தார்கள். அவர்கள் அந்தக் கோயிலைப் பராமரித்து வந்தார்கள். அதில் ஒரு வயதான சைக்கிள் ரிக்ஷா ஓட்டுபவர் மட்டும் சுதாரித்துக் கொண்டு "ஏம்பா பழைய கோயில்ல இருந்த சிவசக்தி பிள்ளையார் எங்கே?' என கேட்டார். அதன்பிறகு தான் முதல் முதலாய் ஊரில் சிவ சக்தி விநாயகர் என்ற பெயரோடு ஒரு விநாயகர் இருந்தது பலருக்கு நினைவு வந்தது. போக்குவரத்து டிப்போ குடோனுக்குள் இருந்த விநாயகர் வெளிக்கொண்டு வரப்பட்டார். அவர் வந்தவுடன் ஊருக்கு நல்ல சகுனம் தோன்றியது. ஆதி சிவசக்தி விநாயகருக்கும் எல்லையம்மனுக்கும் கோயில் கட்டும் வேலையைத் தொடங்கி திருத்தேர் வடிவத்தில் இரண்டு சந்நிதிகள் அமைக்கப்பட்டு 1978- இல் கும்பாபிஷேகம் நடந்தது.
 மின் சப்ளை செய்வதற்கு உயர் அழுத்த மின் மாற்றி அமைக்க, பழைய தேர் வடிவக் கோயிலுக்கு பதிலாக புதுக் கோயில் ஒன்று நகர்த்தி கட்டப்பட்டு மீண்டும் 2001-இல் குடமுழுக்கு நடந்தது. அதுமுதல் அருள்தரும் ஆதிசிவசக்தி விநாயகர், தெற்கு நோக்கிய வலம்புரி விநாயகராக அமர்ந்தும் ஊர் காக்கும் எல்லையம்மன் மேற்கு நோக்கி மூலவராக அமர்ந்த கோலத்தில் சுதை அம்மனாகவும் சிலா பேரத்தில் கழுத்து வரை உள்ள அம்மனாகவும் கருணையே வடிவாக அருள் வழங்கிக்கொண்டு இருக்கிறார்கள்.
 சுப்ரமணியர் சந்நிதி, நவகிரகங்கள்,அருணாசலேஸ்வரர்-அபீதகுஜாம்பாள், மேதா தட்சிணாமூர்த்தி, காலபைரவர், விஷ்ணுதுர்கை, நாகர், சரஸ்வதி, பக்த ஆஞ்சநேயர், ஸ்ரீநிவாசப் பெருமாள் ஆகிய பரிவார மூர்த்தங்கள் உள்ளனர்.
 இத்திருக்கோயிலில் ஆடி மாதம் 3- ஆம் வாரம் பெரும்பாலான மக்களின் பங்களிப்போடு எல்லையம்மனுக்கு கூழ்வார்த்தல் - 2019 செப்டம்பர் 2 -ஆம் தேதி விநாயகர் சதுர்த்தி தொடங்கி 10 நாள்கள் அபிஷேகமும் பல்வேறு வகை சிறப்பு அலங்காரமும் அர்ச்சனையும் நடைபெறும். செப்டம்பர் 11 புதன்கிழமை (10 -ஆம் நாளன்று) இரவு 7, 00 மணியளவில் ஆதிசிவசக்தி விநாயகர் பலத்த அலங்காரத்துடன் திருவீதி புறப்பாடு கண்டு நள்ளிரவெல்லாம் வீதியுலா நடந்து விடியற்காலை 2.00 மணியளவில் திருக்கோயிலை அடைவார். பின்னர் விடாயாற்றி உற்சவம் 5 நாள்களுக்கு நடைபெறும்.
 தொடர்புக்கு: 98418 23220 / 95000 88002.
 - இரா.இரகுநாதன்
 
 
 

]]>
https://images.dinamani.com/uploads/user/imagelibrary/2019/8/30/w600X390/ATHISIVA.JPG https://www.dinamani.com/weekly-supplements/vellimani/2019/aug/30/மக்கள்-விநாயகர்-3224534.html
3224533 வார இதழ்கள் வெள்ளிமணி எத்தனை எத்தனை கணபதிகள்! DIN DIN Friday, August 30, 2019 11:08 AM +0530 கேரள மாநிலத்தில் உள்ள திருவனந்தபுரம் ரயில் நிலையத்திலிருந்து சுமார் 2 கி.மீ. தொலைவில் கிழக்குக்கோட்டைக்கு அருகில் உள்ளது "பழவாங்கடி விநாயகர் கோயில்! இக்கோயிலுக்கு அருகில்தான் புகழ்பெற்ற பத்மநாப சுவாமி திருக்கோயில் அமைந்துள்ளது.
 புராணங்களில் கூறியுள்ளபடி கணபதிக்கு எத்தனை விதமான திருவுருவங்கள் உண்டோ ஏறக்குறைய அத்தனை திருவுருவங்களையும் இந்த பழவாங்கடி விநாயகர் கோயிலில் காணலாம். இக்கோயில், ராணுவ வீரர்களால் உருவாக்கப்பட்டு, ஓய்வு பெற்ற ராணுவ வீரர்களால் சிறப்பாகப் பராமரிக்கப்பட்டு வருகிறது. இங்கு விநாயகர் சதுர்த்தி மிகவும் சிறப்பாகவும் விமரிசையாகவும் கொண்டாடப்படுகிறது.
 திருக்கோயிலின் நுழைவாயிலின் முகப்பில் "ஓம் ஸ்ரீ கணபதயே நமஹ' என்று எழுதப்பட்ட பெயர் பலகைக்கு மேலே ஒரு மாடத்தில் கணபதி நின்ற திருக்கோலத்தில் சாலையில் செல்வோருக்கு அருள்காட்சி தருகிறார். இவருக்கு பின்புறமாக மூன்று நிலை ராஜ கோபுரம். அக்கோபுரத்தின் முன்பாக மூன்று கணபதிகள் வெவ்வேறு கோலத்தில் காட்சி தருகின்றனர். நுழைவாயிலுக்கு அருகிலேயே சிதறு தேங்காய் உடைக்கும் இடம் உள்ளது. அதன் மேற்புற கூரையில் நவக்கிரக நாயகர்களின் ஓவியங்கள் தீட்டப்பட்டுள்ளன. அதில் வித்தியாசமாக, சனீஸ்வரபகவானுக்கு பதிலாக ஐயப்பன் காட்சி தருகிறார்.
 இங்கே மூலவராக விளங்கும் கணபதியின் கருவறை சதுர வடிவில் அமைந்துள்ளது. சிறிய மண்டபம், மேலே கூம்பு வடிவில் செப்புத் தகடு வேயப்பட்டுள்ளது. கருவறை வாசலில் இருபுறமும் துவார பாலகர்களும் கல்லில் செதுக்கப்பட்ட சற்றுப் பெரிய அளவிலான மூஞ்சுறுகளும் கழுத்தில் பெரிய மணிகள் கட்டித் தொங்கவிடப்பட்ட நிலையில் காட்சியளிக்கின்றன.
 இங்குள்ள மண்டபத்தைச் சுற்றி கண்ணையும் கருத்தையும் கவரும் கணபதியின் பலவிதமான திருவுருவங்கள் சுவர்சிற்பங்களாக அமைக்கப்பட்டுள்ளன.
 கருவறைக்கு அடுத்து, கோயில் மண்டபத்தின் மேல் சுவரில் சிறு சிறு மாடங்கள் அமைத்து ஏராளமான கணபதிகளின் திருவுருவங்கள் அமைக்கப்பட்டிருப்பதையும் காணலாம். எல்லாவித கணபதி மூர்த்தங்களும் அழகழகாக வடிக்கப்பட்டுள்ளன.
 இத்திருக்கோயில் தினமும் அதிகாலை 4.30 மணி முதல் 10.30 மணி வரையிலும் மாலை 5.00 மணி முதல் இரவு 8.30 மணி வரையிலும் கோயில் நடை திறந்திருக்கும். மேலும் இங்கு, காலையிலும் மாலையிலும் அரைமணி நேர இடைவெளியில் சில குறிப்பிட்ட நேரங்களிலேயே அர்ச்சனை செய்கிறார்கள். உரிய கட்டணம் செலுத்தினால் அவர்களே தேங்காய், பழம், பூ வைத்து அர்ச்சனை செய்து கொடுக்கிறார்கள்.
 இங்கு விடியற்காலை 5.30 மணிக்கும் மாலையில் 6.50 மணிக்கும் அபிஷேக, தீபாராதனைகள் நடைபெறும். அச்சமயத்தில் கேரள மாநிலத்தின் பாரம்பரிய இசைக்கருவிகளான செண்டை, திமிலை தாளம் ஒலிக்க, கொம்பும் நாயனமும் சேர்ந்திசைக்க, கருவறையைச் சுற்றி நான்கு புறமும் உள்ள தொங்கும் மணிகளை பக்தர்கள் அடிக்க, அங்கே தெய்வ சாந்நித்யம் பெருகி ஓடும்.
 கணபதியின் கருவறையை சுற்றி வந்தால் முதலில் சாஸ்தா வீற்றிருப்பதைக் காணலாம். அவருக்கு எதிரில் உள்ள நீண்ட செவ்வக தட்டுகளில் ஏராளமான அரைமூடித் தேங்காய்கள் வைக்கப்பட்டு அதில் தீபங்கள் ஏற்றி வைத்திருப்பதைக் காணலாம். இதனை, "நீராஞ்சனம்' என்கிறார்கள். சனிக்கிழமைகளில் காலை மாலை இருவேளைகளிலும் உண்டு. மற்ற நாள்களில் மாலை நேரத்தில் மட்டும் நீராஞ்சனம் உண்டு.
 பிரகாரத்தின் மற்றொரு மூலையில் துர்க்கா தேவி வெள்ளிக்கவசம் அணிந்து காட்சி தருகிறார். அருகில் உள்ள சுவரில் திருமுருகப்பெருமான் நின்ற திருக்கோலத்தில் அமைந்துள்ளார்.
 இங்கே கணபதி ஹோமம் தினசரி நடக்கிறது. சந்தனத்துடன் கணபதி ஹோமம் பிரசாதம் பக்தர்களுக்கு தரப்படுகிறது.
 இக்கோயிலில் பக்தர்களின் பிரார்த்தனைக்கேற்ப சகஸ்ரநாம அர்ச்சனை, அஷ்டோத்திர அர்ச்சனைகள் செய்யப்படுகின்றன. கணபதிக்கு நிவேதனமாக, அப்பம், மோதகம், வடை, நெய் பாயசம், பால் பாயசம் படைக்கப்படுகின்றன. பிரசித்திப் பெற்ற இப்பிரசாதங்கள் பக்தர்களுக்கு வழங்கப்படுகின்றன. கம்ப விளக்கு ஏற்றுவதாகவும் தீபாஞ்சலி செய்வதாகவும் பல பிரார்த்தனைகள் உண்டு.
 - டி.எம். இரத்தினவேல்
 

]]>
https://images.dinamani.com/uploads/user/imagelibrary/2019/8/30/w600X390/PAZHAVANGADI.JPG https://www.dinamani.com/weekly-supplements/vellimani/2019/aug/30/எத்தனை-எத்தனை-கணபதிகள்-3224533.html
3224532 வார இதழ்கள் வெள்ளிமணி ஜாதிக்காய் எல்லாம் கடுக்காய்களாக மாறின..! DIN DIN Friday, August 30, 2019 11:07 AM +0530 விநாயகப்பெருமானை ஞானக்கூத்தர் என்ற தெய்வப்புலவர், ஆழ்ந்து அகன்ற நுண்ணிய பொருளாய் உள்ள பிள்ளையார் செல்வமும் கல்வியும் தழைக்கச் செய்வார். தீயவற்றை அழிப்பார். நமது உள்ளத்தினைப் பழுக்க வைப்பார் என்று பாடுகிறார்.
 மனம் பழுத்தவர்க்கே முக்தி நிலை கிட்டும். பக்குவமானவர்கள் தன்னைப் படியாவிடினும், கள்ள விநாயகர் அவர்களுக்கு நற்கதியை அளித்திடுவார் என்பது கருத்து.
 இப்படிப்பட்ட விநாயகர் ஒரு சமயம் தனது தும்பிக்கையால் விபூதியைத் தொட்ட மாத்திரத்தில் அருள் அவ்விபூதியில் புகுந்தது. ஒரு குஷ்டரோகி ஒருவர் தனது நோய் தீர முருகனிடம் சென்று சரணடைந்தார். அப்போது முருகன் அந்த தொழுநோயாளியின் கையில் விபூதியைக் கொடுத்து, "இதை விரல்களால் இறுகி மூடியபடியே விநாயகரிடம் செல்' என்றார். அவனும் அவ்வாறே செய்தான். அப்போது விநாயகர் தனது துதிக்கையை நீட்டி, அந்த விபூதியைத் தொட்டுத் தடவிக் கொடுத்தார். விநாயகர் தொட்ட விபூதியை அந்த தொழுநோயாளி அனுதினமும் பூசிவர அவன் நோய் குணமானது.
 இவ்வளவு சிறப்புப்பெற்ற விநாயகருக்கு திருக்காரவாசல் என்ற திருத்தலத்தில் ஒரு கோயில் அமைந்துள்ளது. திருவாரூரிலிருந்து 14 கி.மீ. தொலைவில் திருத்துறைப்பூண்டி செல்லும் பேருந்து தடத்தில் இத்தலம் உள்ளது. ஒரு காலத்தில் இத்தலம் அமைந்துள்ள இடத்தில் "காரகில்' என்று சொல்லக்கூடிய மரங்கள் நிறைந்து காணப்பட்டது. அதனால் இந்த ஊர் திருக்காரகில் என்று அழைக்கப்பட்டது. பின்நாளில் இதுவே மருவி இப்போது திருக்காரவாசல் என்ற பெயரில் சிறப்புப் பெற்று விளங்குகிறது.
 ஒரு சமயம், வணிகன் ஒருவன், ஜாதிக்காய் மூட்டைகளை வண்டியில் ஏற்றிக்கொண்டு வியாபாரம் செய்யச் சென்றான். அவ்வழியே செல்லும்போது அங்கே உள்ள விநாயகருக்கு சுங்கம் கேட் இருந்தது. சுங்கவரி கட்டிச் செல்ல வேண்டிய வணிகன், தனது வண்டியில் உள்ள மூட்டைகள் ஜாதிக்காய் மூட்டை என்றால் அதற்கு வரி அதிகம் விதித்து விடுவார்கள் என்று கருதி, அவை கடுக்காய் மூட்டைகள் என்று பொய் சொல்லி குறைந்த வட்டி செலுத்திச் சென்றான்.
 வணிகன் விநாயகரை ஏமாற்றினான். விநாயகர் விடுவாரா? வணிகனின் ஜாதிக்காய் மூட்டைகளை கடுக்காய் மூட்டைகளாக மாற்றிவிட்டார். மூட்டைகளைப் பிரித்து பார்த்து ஏமாந்த வணிகன், தவறை உணர்ந்து "வரிவிநாயகரை' வழிபட கடுக்காய் மூட்டைகள் ஜாதிக்காய் மூட்டைகளாக மாறின. இதனால் இப்பிள்ளைகளுக்கு கடுக்காய் பிள்ளையார் என்று பெயர் ஏற்பட்டதாக வரலாறு கூறுகிறது.
 தேவாரத் திருத்தலங்களில் இது 182- ஆவது தலமாகும். சம்பந்தரால் போற்றப்பட்ட காவேரித் தென்கரைத் தலம் இது.
 இக்கோயில் பிரகாரத்தில் விநாயகர் கம்பீரமாக வீற்றிருக்கிறார். அவரைத் தொடர்ந்து வள்ளி தெய்வானை சமேத முருகப்பெருமான், கஜலட்சுமி, பைரவர் சந்நிதி அமைந்துள்ளது. அர்த்த மண்டபத்தில் அப்பர், சுந்தரர், சம்பந்தர், மாணிக்கவாசகர் திருமேனிகள் அமைதுள்ளன. இங்கு மூலவரின் திருப்பெயர் அருள்மிகு கண்ணாயிர நாதேஸ்வரர். மூலவர் லிங்கத் திருமேனியுடனும் அம்பாள் அருள்மிகு கயிலைநாயகி நின்ற திருக்கோலத்திலும் அமைந்து அருள்கின்றனர்.
 இவ்வாலய பிரம்ம குளத்தின் வடகரையில் கடுக்காய் பிள்ளையார் அமர்ந்த திருக்கோலத்தில் அமைதியாய் சேவை சாதிக்கிறார். இந்த விநாயகரை தரிசிப்பதால் தீராத நோய்கள் தீருவதாக பக்தர்கள் நம்புகின்றனர்.
 இக்கோயிலில் தரப்படும் முக்கூட்டு மூலிகைத் தைலத்தை தலையில் தேய்த்து சேஷ தீர்த்தத்தில் நீராடி, பிறகு பிரசாதமாகத் தரும் தேனில் ஊற வைத்த அத்திப்பழத்தைச் சாப்பிட்டு வந்தால், கண்நோய்கள் விரைவில் குணமாகும் என்பது ஐதீகம்!
 விநாயகர் சதுர்த்தி, மகாசிவராத்திரி போன்ற நாள்கள் இங்கு விசேஷம்.
 - ராமசுப்பு
 
 

]]>
https://images.dinamani.com/uploads/user/imagelibrary/2019/8/30/w600X390/KANNAYIRANATHAR.JPG https://www.dinamani.com/weekly-supplements/vellimani/2019/aug/30/ஜாதிக்காய்-எல்லாம்-கடுக்காய்களாக-மாறின-3224532.html
3224531 வார இதழ்கள் வெள்ளிமணி பிடித்து வைத்தால் பிள்ளையார்! DIN DIN Friday, August 30, 2019 11:04 AM +0530 தமிழ் ஆவணி மாத வளர்பிறை சதுர்த்தி அன்று தான் விநாயகர் அவதரித்தார். அந்த நாளே விநாயக சதுர்த்தி, பிள்ளையார் சதுர்த்தி என ஆண்டுதோறும் உலகெங்கும் கொண்டாடப்படுகிறது. "பிடித்து வைத்தால் பிள்ளையார் ஆகிவிடுவான்' என்பர். எந்தப்பொருளாய் இருந்தாலும்; அதில் அவனை கண்டால், அதில் அவனாகி நமக்கு உதவுவான். உள்ள சுத்தியோடு ஒரு புல்லையோ (அருகம்புல்), பூண்டையோ (எருக்கம்பூ) போட்டாலும் ஏற்றுக்கொண்டு; "எனக்கு புல்லும், பூண்டும் ஒன்றுதான்; என் பக்தனை, நான் காப்பேன்; அதனால் அவனுக்கு அளவற்ற ஏற்றம் தருவேன்' என வலுவில் வந்து வரம் தந்தருளுவான் அந்த விநாயகன்.
 வி = இதற்கு மேல் இல்லை; நாயகர் = தலைவர். "விநாயகர்' அதாவது இவர் தான் அனைவருக்கும் தலைவர் என்று பொருள். அதனால் தான் இவரை "முழுமுதற்கடவுள்', "ஐங்கரன்' என்றும், எல்லா கணங்களுக்கும் அதிபதி என்பதால் "கணபதி' என்றும் அழைக்கப்படுகிறார். "தும்பிக்கையானிடம் நம்பிக்கை வை' என்றனர். மஞ்சள், களிமண், வெல்லம், மணல் போன்றவற்றால் எப்படிச்செய்து கூப்பிட்டாலும் அபயக்கரம் நீட்டுவார் வேழமுகத்தோனான விநாயகர்!
 வெளியே சென்ற சிவனார் வருவதற்குள் பார்வதி தேவி நீராடிவிடலாமென நினைத்து அதற்குமுன் தான் நீராடும்போது பூசிக்கொள்வதற்காக எடுத்து வரப்பட்ட மஞ்சள், சந்தனம் போன்ற அனைத்து பொருள்களும் அடங்கிய வாசனாதி திரவியத்தை பிடித்து வைத்து அதற்கு உயிரூட்டி, அவனை தன் பிள்ளையாக பாவித்து; "யார் வந்தாலும் உள்ளே அனுமதிக்காதே' என உத்தரவிட்டு அவனை வெளியே காவலுக்கு வைத்துவிட்டு நீராட சென்றாள் அன்னை. வெளியே சென்ற சிவனார் தன் கைலாயம்தானே என்று வேகமாக உள்ளே நுழைய; வந்திருப்பது வேதநாயகன் என்று அறிந்தும், அன்னையின் உத்திரவினை சிரமேற்கொண்டு அந்த சிறு பாலகன் இமையோனை தடுத்து நிறுத்தினார். கோபமுற்ற முக்கண்ணன், சற்றும் யோசிக்காமல் அப்பாலகனின் தலையை கொய்துவிட்டு, சாய்த்துவிட்டு சென்றுவிட்டார்.
 நீராடி திரும்பிய பார்வதி தேவி வெளியே வந்து நடந்ததைக் கண்டு கடும்கோபம் கொண்டு காளி உருவெடுத்து ருத்ரதாண்டவமாட ஆரம்பித்தாள்; பிரளயம் ஏற்பட்டது. பயந்த தேவர்கள் முக்கண்ணனிடம் முறையிட்டனர்.
 உண்மையை உணர்ந்த கைலாயபதி ஒரே தீர்வுதான் உள்ளது, வெளியே சென்று பாருங்கள்; கண்ணில் படும் எந்த உயிரினமாக இருந்தாலும் அதன் தலையை கொய்து வந்து இந்த பாலகன் உடலுடன் பொருத்துங்கள் என ஆணையிட்டார். தேடிசென்றோர் கண்ணில் தென்பட்டதோ வடக்கு திசையில் தலை வைத்து படுத்திருந்த ஒரு யானை. அதன் தலை வெட்டப்பட்டு ஈசனின் கையில் கொடுக்கப்பட; அது கைலாசவாசனால் அந்த பிள்ளையின் உடலில் ஒட்டப்பட்டது. அதன் பின்னரே சிவனார் அந்த பிள்ளைக்கு "கணேசன்' என நாமகரணம் சூட்டினார்.
 அவர்களின் முதல் பிள்ளையாக கஜானனன் ஆன நாள் சதுர்த்தி ஆகும். லிங்கபுராணத்தின்படி அரக்கர்களின் கொடுமையிலிருந்து தங்களை காத்திட தேவர்கள் சிவனை நோக்கி தவமிருந்ததாகவும்; அவர்களின் வேண்டுதலுக்கிணங்கி எல்லா தடைகளையும் தகற்தெறியும் வல்லமை, ஆற்றலுடன் சிவ பார்வதியின் அம்சமாக உருவாக்கப்பட்ட வீரத்திருமகனே விக்ன கர்த்தர் எனப்படும் விநாயகர் ஆவர். ஸ்ரீஆதிசங்கர பகவத்பாதாள் ஏற்படுத்திய ஷண்மத வழிபாட்டில் முதலாவதாகக் கூறப்பட்டுள்ளது "காணாபத்யம்" எனும் கணபதி வழிபாடாகும்.
 இந்தியாவிலேயே மஹாராஷ்டிர மாநிலத்தில் தான் கணபதி பாபாவின் கொண்டாட்டம் மிக அதிகம். உத்திர பிரதேசம், மத்திய பிரதேசம், பெங்கால், கோவா போன்ற வடமாநிலங்களில் பொதுவிழாவாகவும், ஆந்திரா, தெலங்கானா, கர்நாடகா தமிழகம் போன்ற தென்மாநிலங்களில் களிமண்ணால் ஆன பிள்ளையாரை தன் வீட்டில் வரணம் செய்து (வரவழைத்து) பலகையில் வைத்து, அருகம்புல் மற்றும் நறுமண மலர்களால் பூஜித்து அதற்கு வெல்ல கொழுக்கட்டை, உப்புக் கொழுக்கட்டை, மணிக் கொழுக்கட்டை, அப்பம், வடை, சுண்டல், பொறிகடலை மற்றும் அனைத்து விதமான பழங்களையும் படைத்து; சிந்தையை கிளறும் சீறாளனே நின்னை வணங்குகிறோம்; சித்தி புத்தியுடன் வந்து எங்களை ஆசிர்வதியுங்கள் என வழிபடுகிறோம். பின் மறுநாள் அவரை நீர்நிலைகளில் சேர்ப்பிக்கிறோம்.
 பிள்ளையாருக்கென்று ஒர் தனிக்கோயில் காரைக்குடிக்கு அருகில் பிள்ளையார் பட்டி என்ற ஊரில் உள்ளது. அங்கு இந்த நன்னாளில் மிகச் சிறப்பாக விழாவெடுத்துக் கொண்டாடுகிறார்கள். குடந்தையிலிருந்து திருவையாறு செல்லும் மார்க்கத்தில் கணபதி அக்ரஹாரம் என்ற ஊரிலும் இவருக்கு கோயில் உள்ளது. இந்த கணபதி, அகத்திய முனிவரால் பிரதிஷ்டை செய்யப்பட்டவர். இங்கு, இந்த சதுர்த்தி நாளில் ஹோம, யாக, யக்யங்கள் செய்யப்படுகிறது. இதில் ஒரு விசேஷம் என்னவெனில் அந்த ஊரில் விநாயக சதுர்த்தியன்று அவரவர்கள் வீட்டில் செய்யப்படும் கொழுக்கட்டை அனைத்தும் இந்த கோயிலுக்கு கொண்டு செல்லப்பட்டு படைத்தபின் பேதமின்றி பகிர்ந்தளிக்கப்பட்டு அனைவரும் உண்டு மகிழ்வர் என்பது சிறப்பான ஒன்றாகும்.
 சுவாமிமலை அருகிலுள்ள திருவலஞ்சுழியில் தனிக்கோயிலாக, இந்திரவிமானத்தில் தேவந்திரனால் பூஜிக்கப்பட்ட கடல் நுரையால் ஆன வெள்ளைப் பிள்ளையார் தனியே வீற்றிருக்கிறார். அதுபோல் திலதர்பணபுரி என்று பூந்தோட்டம் அருகே உள்ள கிராமத்தில் நரமுக (மனித முகம்) விநாயகர் என்ற பெயரிலும், சென்னை திரிசூலநாதர் கோயிலின் உட்பிரகார தென்புறத்தில் நாக யக்யோபவீத கணபதி என்றும் அருள்பாலிக்கிறார்கள்.இந்த வருடம் செப்டம்பர் 2 -ஆம் தேதி, "விநாயகர் சதுர்த்தி' திருநாள் அமைகிறது.
 - எஸ்.எஸ். சீதாராமன்
 
 

]]>
https://images.dinamani.com/uploads/user/imagelibrary/2019/8/30/w600X390/vm4.jpg https://www.dinamani.com/weekly-supplements/vellimani/2019/aug/30/பிடித்து-வைத்தால்-பிள்ளையார்-3224531.html
3224528 வார இதழ்கள் வெள்ளிமணி புண்ணிய பூமியில் புனிதப் பயணம் 23 DIN DIN Friday, August 30, 2019 10:57 AM +0530 இயேசு செய்த முதல் அற்புதம்-கானா ஊர் (இஸ்ரேல்)
கானா (Cana) என்னும் ஊர் புதிய ஏற்பாட்டில் சிறப்பாகக் குறிக்கப்படுகின்ற ஓர் இடம் ஆகும். கானாவூர் என்றதும் நினைவில் வருவது இயேசு, அந்த ஊரில் நிகழ்ந்த திருமணத்தின்போது தண்ணீரைத் திராட்சை ரசமாக மாற்றினார் என்பதே. இது இயேசு செய்த முதல் அற்புதம். இதை யோவான் மட்டுமே பதிவு செய்துள்ளார்.
இஸ்ரேல் நாட்டில் திருமணக் கொண்டாட்டம் பல நாள்கள் நீடிக்கும் வழக்கம் இருந்தது. அப்போது விருந்தினர் வருவதும் போவதுமாக இருப்பார்கள். கானாவிலும் ஏற்கெனவே நிகழ்ந்து கொண்டிருந்த திருமணத்தில்தான் இயேசுவும், அவருடைய தாயும், இயேசுவின் சீடர்களான யாக்கோபு, அந்திரேயா, சீமான் உள்ளிட்டோர் கலந்து கொள்கின்றனர்.
விவிலியத்தின் யோவான் 2-ம் அதிகாரம் 1 முதல் 11-ஆம் வசனங்களின்படி, மூன்றாம் நாளிலே கலிலேயாவிலுள்ள கானா ஊரிலே ஒரு கலியாணம் நடந்தது; இயேசுவின் தாயும் அங்கேயிருந்தாள். இயேசுவும் அவருடைய சீடரும் அந்தக் கலியாணத்துக்கு அழைக்கப்பட்டிருந்தார்கள். திராட்சை ரசம் குறைவுபட்டபோது, இயேசுவின் தாய் அவரை நோக்கி: அவர்களுக்குத் திராட்சை ரசம் இல்லை என்றாள்.
அதற்கு இயேசு: ஸ்திரீயே, எனக்கும் உனக்கும் என்ன, என் வேளை இன்னும் வரவில்லை என்றார். அவருடைய தாய் வேலைக்காரரை நோக்கி: அவர் உங்களுக்கு என்ன சொல்லுகிறாரோ, அதன்படி செய்யுங்கள் என்றாள். யூதர்கள் தங்களைச் சுத்திகரிக்கும் முறைமையின்படியே, ஒவ்வொன்று இரண்டு மூன்று குடம் தண்ணீர் கொள்ளத்தக்க ஆறு கற்சாடிகள் அங்கே வைக்கப்பட்டிருந்தது. இயேசு வேலைக்காரரை நோக்கி: ஜாடிகளிலே தண்ணீர் நிரப்புங்கள் என்றார்; அவர்கள் அவைகளில் நீரை நிரப்பினார்கள். அவர் அவர்களை நோக்கி: நீங்கள் இப்பொழுது மொண்டு, பந்திவிசாரிப்புக்காரரிடத்தில் கொண்டு போங்கள் என்றார்; அவர்கள் கொண்டுபோனார்கள். 
அந்தத் திராட்சை ரசம் எங்கேயிருந்து வந்ததென்று தண்ணீரை மொண்ட வேலைக்காரருக்குத் தெரிந்ததேயன்றி பந்திவிசாரிப்புக்காரனுக்குத் தெரியாததினால், அவன் திராட்சை ரசமாய் மாறின தண்ணீரை ருசிபார்த்தபோது, மணவாளனை அழைத்து: எந்த மனுஷனும் முன்பு நல்ல திராட்சை ரசத்தைக் கொடுத்து, ஜனங்கள் திருப்தியடைந்தபின்பு, ருசி குறைந்ததைக் கொடுப்பான், நீரோ நல்ல ரசத்தை இது வரைக்கும் வைத்திருந்தீரே என்றான். இவ்விதமாக இயேசு இந்த முதலாம் அற்புதத்தைக் கலிலேயாவிலுள்ள கானா ஊரிலே செய்து, தம்முடைய மகிமையை வெளிப்படுத்தினார், அவருடைய சீஷர்கள் அவரிடத்தில் விசுவாசம் வைத்தார்கள்.
இந்த முதலாம் அற்புதம் நடைபெற்ற இடத்தில் ஒரு சிற்றாலயம் (சினாகா) கட்டப்பட்டுள்ளது. எங்கே 10 யூத குடும்பங்கள் இருக்கிறதோ அங்கு ஒரு சினாகா கட்டப்படுவது வழக்கம். இயேசு முதல் அற்புதம் செய்தபோது மணமக்கள் இருந்த குகைக்கு மேல் சிற்றாலயம் கட்டப்பட்டுள்ளது.
இந்த சிற்றாலயத்தில் இயேசு முதல் அற்புதம் செய்தபோது பயன்படுத்தப்பட்ட கற்சாடியில் ஒன்று இப்போதும் உள்ளது. இதில் ஒரு கற்சாடி ரோம் நகரில் இருப்பதாக விவிலிய ஆராய்ச்சியாளர்கள் கூறுகின்றனர். இயேசுவின் சீடர்களில் ஒருவரான நத்தானியேலுக்கு, கானா தான் சொந்த ஊர்.


- ஜெபலின்ஜான்
(தொடரும்...)

]]>
https://images.dinamani.com/uploads/user/imagelibrary/2019/8/30/w600X390/vm3.jpg https://www.dinamani.com/weekly-supplements/vellimani/2019/aug/30/புண்ணிய-பூமியில்-புனிதப்-பயணம்-23-3224528.html
3224527 வார இதழ்கள் வெள்ளிமணி அபய பயணத்தில் ஆரம்பம் DIN DIN Friday, August 30, 2019 10:53 AM +0530 இஸ்லாமியர்களின் ஹிஜ்ரி 1441 -ஆம் ஆண்டு 1.9.2019 - இல் பிறக்கிறது. ஹிஜ்ரி ஆண்டு தோன்றிய வரலாற்றை ஆய்வோம்.
 இறுதி தூதர் முஹம்மது நபி (ஸல்) அவர்கள் இறை கட்டளையை ஏற்று உறுதியாக மதீனாவிற்குச் சென்றதைச் செப்புகிறது செம்மறை குர்ஆனின் 8-30 ஆவது வசனம். ஏக இறை கொள்கையை ஏற்காத மோக வேகத்தில் தாகம் தீர்க்க மது அருந்தும் மமதையில் வாழ்ந்த மகா கொடிய குறைஷிகளின் கொலை திட்ட முற்றுகையை முறியடித்து முதலில் நபித்துவத்தை ஏற்ற மூத்த தோழர் அபூபக்கர் (ரலி) அவர்களுடன் அண்ணல் நபி (ஸல்) அவர்கள் யத்ரிப் (அக்கால பெயர்) நகருக்கு ஹிஜ்ரத் புறப்பட்டார்கள். நபித்துவம் பெற்ற 13- ஆம் ஆண்டு சபர் மாதம் பிறை 26, 27 - இல் 9.9.622 ஹிஜ்ரத் புறப்பட்டார்கள்.
 கொடிய குறைஷியர்கள் விடிந்ததும் வீசும் வாளால் தலையை கொய்வார்கள் என்று அறிந்தும் அலி (ரலி) அவர்கள் தன்னுயிரைத் தியாகம் செய்து அண்ணல் நபி (ஸல்) அவர்களின் படுக்கையில் படுத்தார்கள். முற்றுகையிட்ட மூடர்கள் முத்து நபி (ஸல்) அவர்கள் தப்பியது தெரிந்ததும் தேடி ஓடினார்கள். அலி (ரலி) அவர்களும் பிழைத்தார்கள்.
 ஹிஜ்ரத்தில் நபி (ஸல்) அவர்களும் உடன் சென்ற தோழர் அபூபக்கர் (ரலி) அவர்களும் தௌர் குகையில் மூன்று நாள்கள் தங்கினர். பயண உணவுகளைத் தயாரித்து ஆயிஷா (ரலி) அவர்கள் தோல் பையில் வைத்து சகோதரி அஸ்மா (ரலி) அவர்களிடம் கொடுத்து அனுப்புவார்கள். கர்ப்பவதியான அஸ்மா (ரலி) மலை மீது ஏறி உணவைக் கொண்டு சென்று கொடுத்தார்கள்.
 முஸ் அப் பின் உமைர் (ரலி) முன்னரே மதீனாவிற்குச் சென்று மதீனாவில் வாழ்ந்தவர்களுக்கு வள்ளல் நபி (ஸல்) போதித்த வாழும் வழிகாட்டி நெறிகளைக் கற்று கொடுத்து மேன்மை ஆக்கினார்கள். அந்த மேன்மை தன்மையினால் மதீனா மக்கள் மக்காவிலிருந்து ஹிஜ்ரத் செய்து வந்தவர்களுக்கு அவர்களின் தேவைகளைத் துறந்து வந்தவர்களின் தேவைகளுக்கு முன்னுரிமை தந்து பொருள்களை அள்ளி வழங்கினர். பள்ளிவாசல் கட்டுவதையும் பராமரிப்பதையும் மக்களுக்கு மத்தியில் இரக்கம் காட்டி அபயம் தேடுவோருக்கு ஆதரவு அளிக்கவும் கற்றுத் தருகிறது ஹிஜ்ரத்.
 ஹிஜ்ரி 8 -ஆம் ஆண்டு ரமலான் மாதம் பிறை 22- இல் (12.1.630) மாநபி (ஸல்) அவர்கள் குறைஷியரிடமிருந்து மக்காவை வென்றார்கள். அதன்பின் மக்காவிலிருந்து மதீனாவிற்கு ஹிஜ்ரத் செய்வது முடிந்தது.
 ஆண்டு கணக்கு ஆதிகாலம் தொட்டே இஸ்லாமிய வரலாற்று நிகழ்ச்சிகளின் அடிப்படையில் காலம்தோறும் கணக்கிடப்பட்டன. முதல் மனிதர் ஆதம் நபி பூமியில் இறங்கிய நாளை ஆரம்பமாக கொண்டு ஆண்டைக் கணக்கிட்டனர். பின்னர், நூஹ் நபி காலத்து வெள்ளப்பிரளயம், இப்ராஹீம் நபி வருகை, மூசா நபி நைல் நதியைக் கடந்தது, ஈசா நபி பிறப்பு (கி.பி. ஆண்டு).
 அண்ணல் நபி (ஸல்) அவர்கள் பிறப்பிற்கு முன் யேமன் அரசன் அப்ரஹா யானைப் படையுடன் கஃபாவைத் தாக்க வந்து அபாபீல் பறவைகள் எறிந்த சிறு கற்களால் அழிந்ததை நினைவு கூறும் ஆமுல்- பீல்- யானை ஆண்டு நடைமுறையில் இருந்தது.
 இரண்டாம் கலீபா உமர் (ரலி) அவர்களின் ஆட்சியில் நான்கு ஆண்டுகள் வரை, முஹம்மது நபி (ஸல்) அவர்கள் நபி பட்டம் பெற்ற நாளிலிருந்து ஆண்டு கணக்கிடப்பட்டது. நூல்- உம்தத்துல் காரி. யேமனின் ஆளுநர் அபூமூஸா அஷ் அரி (ரலி) மடலில் ஆண்டு மட்டும் குறிப்பிடுவது குழப்பத்தை உண்டாக்குகிறது. அரசு ஆணைகளில் முந்தியது எது? பிந்தியது எது என்பதைப் புரிந்து கொள்ள தேதி, மாதம் குறிப்பிட வேண்டிய அவசியத்தை ஆராய ஆலோசனை கூறினார். உமர் (ரலி) அனைவரிடமும் ஆலோசனை கேட்டார்கள். நடைமுறையில் கடைபிடிக்கப்படும் நபி பட்டம் பெற்ற நாளையே ஆண்டின் ஆரம்பமாக தொடர அறிவுரை பகர்ந்தார்கள் தல்ஹா (ரலி). மாநபி (ஸல்) அவர்களின் மரண நாளில் இருந்து ஆண்டைக் கணக்கிட ஆலோசனை கூறினார்கள் ஸஃது பின் அபீவக்காஸ் (ரலி) அண்ணல் நபி (ஸல்) அவர்களின் வரலாற்று திருப்புமுனையான ஹிஜ்ரத்திலிருந்து ஆண்டைத் துவங்க அறிவுறுத்தினார்கள் அலி (ரலி). அறிவிப்பவர்- அப்துல்லாஹ் பின் அப்பாஸ் (ரலி) நூல்- உம்தத்துல் காரி.
 ஹிஜ்ரத் துவங்கியது ஸபர் பிறை 26-27. மா நபி (ஸல்) அவர்கள் மதீனாவை அடைந்தது ரபியுல் அவ்வல் பிறை 12 (24.9.622) ஸு அய்ப் நபி இளைஞர் மூசா நபியை நபித்துவம் பெறுவதற்கு எட்டு ஹஜ் காலம் பணி செய்ய பணித்தார்கள். மூசா நபி காலத்திற்கு முன்னிருந்தே முஹர்ரம் ஆண்டின் முதல் மாதமாக இருந்ததையும் இறுதி மாதமாக துல்ஹஜ்ஜும் இருந்ததை இந்த நிகழ்ச்சி இயம்புகிறது. இதனை ஒட்டியே ஹிஜ்ரி ஆண்டின் முதல் மாதம் முஹர்ரத்தில் துவங்கி இறுதி மாதம் துல்ஹஜ் மாதம் உள்ளது.
 ஹிஜ்ரி 15- ஆம் நூற்றாண்டின் துவக்கம் குறித்த இந்திய அஞ்சல் தலையை 3.11.1980 அன்று தில்லியில் அன்றைய இந்திய பிரதமர் இந்திரா காந்தி வெளியிட்டார்.
 அபய பயணத்தில் ஆரம்பமான ஹிஜ்ரி சகாப்தத்தின் 1441- ஆம் ஆண்டில் அகிலம் முழுவதும் அமைதி நிலவ ஆக்க பணிகளில் ஊக்கம் ஊட்டி உலகம் உய்ய உறுதி பூணுவோம்.
 - மு.அ.அபுல் அமீன்
 
 

]]>
https://images.dinamani.com/uploads/user/imagelibrary/2019/8/30/w600X390/vm1.jpg https://www.dinamani.com/weekly-supplements/vellimani/2019/aug/30/அபய-பயணத்தில்-ஆரம்பம்-3224527.html
3224526 வார இதழ்கள் வெள்ளிமணி நிகழ்வுகள் DIN DIN Friday, August 30, 2019 10:50 AM +0530 பிரம்மோற்சவம்
 ஸ்ரீ விநாயகர் சதுர்த்தியை முன்னிட்டு குரோம்பேட்டை ஸ்ரீ விநாயகா குழுமம் நடத்தும் 13-ஆம் ஆண்டு விநாயகர் கண்காட்சி விழா, சென்னை - 64, சிட்லபாக்கம், காந்தி தெருவில், முத்தாலம்மன் கோயில் அருகில் உள்ள ஸ்ரீ லக்ஷ்மி ராம கணேஷ் மஹாலில் செப்டம்பர் 1 -இல் தொடங்கி 9 வரை நடைபெறுகின்றது. இவ்வாண்டு விழாவிற்கு "ஸ்ரீ அத்திவரத மஹா கணபதியின் பிரம்மோற்சவம்' என்று சிறப்புடன் அழைக்கப்பட உள்ளது. இந்த கண்காட்சியில் அத்தி மரத்தினால் செய்யப்பட்ட சுமார் 8 அடி உயர, மற்றும் நீளத்தில் மஹா கணபதியின் நின்ற திருக்கோலம், சயனத்திருக்கோலம், பல்லாயிரக்கணக்கில் பிள்ளையாரின் திருவுருவங்கள், சிலா ரூபங்கள், படங்கள் மற்றும் பல்வேறு வடிவங்களில் தரிசிக்கலாம். அனுமதி இலவசம்: நேரம் காலை 9.30 முதல் மதியம் 1 மணி வரை, மாலை 4 மணி முதல் இரவு 8.30 மணி வரை.
 தொடர்புக்கு: 93810 41018 / 76670 01144.
 தஞ்சை மாவட்டம், திருவையாறு மேட்டுத்தெரு, ஸ்ரீ அப்பர்சுவாமிகள் எழுந்தருளிய சமுத்திர தீர்த்தக்கரை ஸ்ரீ அபீஷ்டவரத மஹாகணபதி ஆலய வருடாந்திர பிரம்மோற்சவம் செப்டம்பர் 2 -இல் தொடங்கி செப்டம்பர் 13 வரை நடைபெறுகின்றது. உற்சவ காலங்களில் காலை 8 மணிக்கும். இரவு 8 மணிக்கும் (விசேஷ வாகனங்களில்) சுவாமி புறப்பாடு நடைபெறும்.
 தொடர்புக்கு: 94435 61685.
 ஸ்ரீ விநாயகர் சதுர்த்தி பெருவிழா
 சிவகங்கை மாவட்டம் தேவகோட்டை சருகணி சாலை, உடையார் குடியிருப்பு திருமணவயல் ஸ்ரீ மஹாகணபதி ஆலயத்தில் ஸ்ரீ விநாயகர் சதுர்த்தியை முன்னிட்டு செப்டம்பர் 2-ஆம் தேதி சிறப்பு ஆராதனை மற்றும் வழிபாடும்; செப்டம்பர் 3 -ஆம் தேதி சிறப்பு திருவிளக்கு பூஜையும் நடைபெறுகின்றது.
 தொடர்புக்கு: 94894 91371 / 89030 81371.
பக்தித்திருவிழா
 ஆலங்குடி குருஸ்தலத்திற்கு அருகில் உள்ள திருவோணமங்கலம் - ஞானபுரி ஸ்ரீ சித்ர கூட திருத்தலத்தில் செப்டம்பர் 7- ஆம் தேதி, குடும்ப நலப்பிரார்த்தனை செய்து, ஒருங்கிணைந்த தஞ்சை மாவட்டம் (தஞ்சை, திருவாரூர், நாகப்பட்டினம்) மீண்டும் காவிரி நதிநீர் நிறைந்து பாய்ந்து ஓடி விவசாயம் செழிக்கவும், ஞானபுரியில் நடைபெற்று வரும் பெரிய ஆஞ்சநேயர் கோயில் திருப்பணிகள் விரைவில் நிறைவு பெற்று கும்பாபிஷேகம் சிறப்புற நடைபெற வேண்டியும் 1008 பக்தர்கள் ஒன்றிணைந்து கூட்டுப் பிரார்த்தனை வழிபாடு செய்கிறார்கள். இதற்கான பெரு முயற்சியில் திருவாரூர் மாவட்ட தர்ம ரக்ஷண சமிதி இணைந்துள்ளது. தற்போது ஞானபுரியில் சாதுர்மாஸ்ய விரதம் மேற்கொண்டு வரும் பதரீ சங்கராச்சாரியார் ஸ்ரீ கிருஷ்ணானந்த தீர்த்த மஹாசுவாமிகளின் குருவருளும் பெற பக்தர்கள்
 அழைக்கப்படுகின்றார்கள்.
 தொடர்புக்கு: இலக்கியமேகம் ஸ்ரீநிவாஸன்
 - 94869 65655.
மகாகும்பாபிஷேகம்
 செங்கல்பட்டு - வாலாஜாபாத் செல்லும் வழியில் பாலூருக்கு அடுத்த கொங்கணஞ்சேரிக்கு அருகில் கொளத்தாஞ்சேரி கிராமத்தில் உள்ள பழைமையான ஸ்ரீ நேத்திரமுடையார் ஈஸ்வரர் கோயிலில் மகா கும்பாபிஷேகம் செப்டம்பர் 11-ஆம் தேதி காலை 9 மணிக்கு மேல் 10.30 மணிக்குள் நடைபெறுகின்றது.
 தொடர்புக்கு: 98847 85289 / 94442 66007.
 தாம்பரம் சானடோரியம் ஜி.எஸ்.டி. ரோடில் அமைந்துள்ள ஸ்ரீ ராமாஞ்சநேயர் திருக்கோயிலில் செப் 1- ஆம் தேதி (நேரம்: காலை 9 மணி) அஷ்டபந்தன மஹாசம்ப்ரோக்ஷணமும்; இதே வளாகத்தில் உள்ள ஸ்ரீ வைத்தியநாதஸ்வாமி திருக்கோயிலில் மகாகும்பாபிஷேகமும் - ஆக இருவைபவங்கள் நடைபெறுகின்றது. இரு கோயில்களிலும் யாகசாலை பூஜை, ஹோமங்கள் ஆகஸ்ட் 30 -ஆம் தேதி ஆரம்பமாகிறது. ஏற்பாடுகளை ஸ்ரீ ராமாஞ்சநேய டிரஸ்ட் செய்துள்ளது.
 தொடர்புக்கு: 94451 05533.
 

]]>
https://www.dinamani.com/weekly-supplements/vellimani/2019/aug/30/நிகழ்வுகள்-3224526.html
3224525 வார இதழ்கள் வெள்ளிமணி விநாயகரின் வாகனங்கள்! DIN DIN Friday, August 30, 2019 10:49 AM +0530 விநாயகப் பெருமானின் வாகனம் மூஷிகம் என்று சொல்லப்பட்டாலும் இவர், பல்வேறு யுகங்களில் வெவ்வேறு வாகனத்தில் அருள்புரிந்திருக்கிறார்.
 கிருதயுகத்தில் இவரது வாகனம் சிங்கம். திரேதா யுகத்தில் மயில். துவாபர யுகத்தில் மூஷிகம். கலியுகத்தில் இவரது வாகனம் குதிரை என்று சொல்லப்பட்டாலும் அந்த வாகனத்துடன் இவரை தரிசிப்பது அரிதாகும். விநாயகருக்கு ரிஷபம், யானை ஆகியவையும் வாகனமாய் இருந்திருக்கின்றன.
 நாகப்பட்டினம் நீலாயதாட்சி அம்மன் ஆலயத்தில் பஞ்சமுகங்களுடன் காணப்படும் விநாயகர், சிம்ம வாகனத்தில் காட்சி அளிக்கிறார். திருவொற்றியூர் குருதட்சிணாமூர்த்தி ஆலயத்திலும் பஞ்சமுகங்களுடன் சிம்மத்தில் அருள்புரிகிறார்.
 பாண்டிச்சேரி மணக்குள விநாயகர் ஆலய சுதைச் சிற்பத்திலும் அருப்புக்கோட்டை தாதன்குள விநாயகர் ஆலயத்திலும் திருவானைக்கா அகிலாண்டேஸ்வரி ஆலயத்தில் உள்ள ஓவியத்திலும் விநாயகர் மயில் வாகனத்துடன் காட்சி தருகிறார்.
 கோயம்புத்தூர் குருபதேசக் கவுண்டர் ஆலயத்திலும் கடலூர் வட்டம் சென்னப்ப நாயக்கன் பாளையத்தில் உள்ள மலையாண்டவர் விநாயகர் ஆலயத்திலும் குதிரை வாகனத்தில் காட்சி தருகிறார்.
 திருச்செந்தூர் ஆவுடையார் குளக்கரையில் உள்ள அரசாள்வார் விநாயகருக்கும், ஸ்ரீவில்லிபுத்தூர் மடவார்விளாகம் வைத்தியநாத சுவாமி ஆலயத்தில் உள்ள விநாயகருக்கும் யானை வாகனமாக உள்ளது.
 சுசீந்திரம் தாணுமாலயன் ஆலயத்திலுள்ள விநாயகர் முன்பும் நெல்லை காந்திமதியம்மன் கோயிலில் அருள்புரியும் விநாயகப்பெருமானின் முன்பும் காளை வாகனம் காட்சியளிக்கிறது.
 - டி.ஆர். பரிமளரங்கன்
 

]]>
https://images.dinamani.com/uploads/user/imagelibrary/2019/8/30/w600X390/VINAYAGA_-VAHANAM.JPG https://www.dinamani.com/weekly-supplements/vellimani/2019/aug/30/விநாயகரின்-வாகனங்கள்-3224525.html
3224517 வார இதழ்கள் வெள்ளிமணி பொருநை போற்றுதும்! 56 டாக்டர் சுதா சேஷய்யன் DIN DIN Friday, August 30, 2019 10:41 AM +0530 அருள்மிகு ஆவுடையம்மை உடனாய அருள்மிகு அம்மைநாதர் ஆலயம் நவகைலாயத் திருத்தலங்களில் ஒன்று.
 பொருநையின் தென்கரையில் கோயில். கிழக்கு நோக்கிய சுவாமி சந்நிதி. சுவாமி சந்நிதிக்குத் தெற்கில், கிழக்கு நோக்கிய அம்பாள் சந்நிதி. சுவாமி சந்நிதியும் அம்பாள் சந்நிதியும் ஒன்றுக்கொன்று இணையாக அமையுமானால், அத்தகைய திருத்தலங்களைக் கல்யாணத் தலங்கள் என்பார்கள். அந்த வகையில், இதுவுமொரு திருமணப் பிரார்த்தனைத் தலம்.
 இந்தக் கோயிலின் வரலாற்றைச் சங்கரநயினார் கோயிலைச் சேர்ந்த புலவர் இ.மு. சுப்பிரமணியப் பிள்ளை அவர்கள் எழுதி, 1944-ஆம் ஆண்டு, இரண்டணா விலையில், சென்னை அறநிலையக் காப்புக் கழகத்தார் (அதுதான், இந்து அறநிலையத் துறை) ஆணையுடன் வெளியிட்டுள்ளார்கள். தெற்கணாமூர்த்தி (தக்ஷிணாமூர்த்தி), யானைத் திருமகள் (கஜலக்ஷ்மி), பொறிவலாளர் (பொறியியல் வல்லுநர்) போன்ற முத்துத் தமிழ்ச் சொற்கள் முகம் காட்டுகிற சிறிய நூல் (இந்த நூலில், "கருவேலம்' என்றோர் இடம், கோயில் அமைப்பில் சுட்டப்படுகிறது. மகாமண்டப வடகிழக்குப் பகுதியில் இவ்விடம் காட்டப்படுகிறது. இது உற்சவ மூர்த்தங்களை வைக்கிற இடம். "கருவூலம்' என்பதுதான் "கருவேலம்' ஆகிவிட்டதோ!).
 அருள்மிகு அம்மைநாதர் சந்நிதிக்கு முன்பாக உள்ள மஹாமண்டபத்தின் முகப்பு மணிமண்டபத்தில், வடக்குப் பகுதித் தூண் ஒன்றில், உரோமச முனிவரின் சிலாரூபம் அமைந்திருக்கிறது. பக்கத்திலேயே உரல் உலக்கைக்களுடன் இரண்டு பெண்களின் உருவங்கள். இதைப் பற்றிச் சுற்று வட்டாரத்தில் அழகான கதை ஒன்று நிலவுகிறது.
 நெல் குத்துவதைத் தொழிலாகக் கொண்ட இரண்டு பெண்கள்; இருவரும் சகோதரிகள்; அம்மைநாதருக்குத் திருப்பணி செய்து கோயிலைப் பெரிதாக்கிக் கட்டவேண்டுமென ஆசைப்பட்டார்கள். அவ்வளவாக வருமானமில்லை; எண்ணம் ஈடேறவில்லை. வருத்தத்தை மனதில் தேக்கி, உழைப்பைக் கரங்களில் தேக்கி, கிடைத்த வருமானத்தைச் சேமித்து வைத்து வந்தார்கள். ஒருநாள் மாலை, கருக்கல் எட்டிப்பார்த்துவிட்ட வேளை. முதியவர் ஒருவர் வந்தார். வழிபோக்கராகப் பசியுடன் வந்த அவருக்குச் சகோதரிகள் இருவரும் பசியாற்றச் சோறிட்டார்கள். வாழ்த்திவிட்டு விடைபெற்றார் முதியவர். அடுத்த நாள் தொட்டு, வருமானம் பலமடங்காகப் பெருகியது. சேமித்த பணத்தையெல்லாம் கொட்டித் திருக்கோயிலுக்குத் திருப்பணி செய்தார்கள். அந்தச் சகோதரிகளின் பெயர்கள் என்ன? தெரியவில்லை.
 ஆனால், பண்டைக் காலத்திலேயே வேளாண்மையும் தொடர்புடைய தொழில் வளமும் இந்நாட்டில் செழித்திருந்தன என்பதும், பெண்கள் தாங்கள் விரும்பியதைச் செய்யச் சுதந்திரம் இருந்தது என்பதும், தனிமனிதப் பெயர்களைக் காட்டிலும் கடவுள் திருநாமமே பெரிது என்பதும், சாம்ராஜ்ஜியாதிபதிகளும் சாமானியரும் இணைந்தும் கலந்தும் ஆன்மீகப் பணிகளில் ஈடுபட்டனர் என்பதும் தெரிகின்றன.
 அம்பிகைக்கு "ஆவுடையம்மன்' என்று திருநாமம். நெல்லைச் சீமையின் பல்வேறு பகுதிகளிலும், பெண் குழந்தைகளுக்கு "ஆவுடையாள்', "ஆவுடை அக்காள்' என்றெல்லாம் பெயர்கள் சூட்டுவது சகஜம். சிவலிங்கத் திருமேனி இருக்கிறதல்லவா? அந்தத் திருமேனியில், மேலே தெரியும்படியாக நீட்டிக் கொண்டிருக்கிற பாகத்திற்கு "பாணம்' என்று பெயர்; சுற்றிலும் பீடம் போல் அமைந்திருப்பதுதான், "ஆவுடையார்'. இந்தப் பெயருக்கும் சிவலிங்கத் தத்துவத்திற்கும் நெருங்கியத் தொடர்பு உண்டு.
 இந்த மண்ணின் மரபு அவ்வளவாகப் பரிச்சயம் இல்லாதவர்கள், பார்த்தும் கேட்டும் கொண்டும் கூட்டியும், நம்முடைய ஆன்மீக மரபுகளுக்குப் பல்வேறு விளக்கங்களைத் தந்துவிடுகிறார்கள். சிவலிங்கத் தத்துவமும் இவ்வாறாக பல்வேறு விளக்கங்களுக்கு உள்ளாகியிருக்கிறது.
 சிவலிங்க அமைப்புக்கும் ஜீவ-பரம உறவுக்கும் நெருங்கிய பொருத்தம் உண்டு. நடுவில் பாணம்; சுற்றிலும் ஆவுடையார் – இதுதானே சிவலிங்க வடிவம். "ஆ' என்றால் பசு; "பசு' என்னும் சொல்லே ஜீவனைக் குறிக்கும். ஆ+ உடையார் = ஜீவன்களை உடையவர். ஜீவன்கள் சுற்றிலும் நின்று அடி வணங்க, அவற்றை அரவணைத்தபடி நடுவில் பரமன். ஜீவன்களுக்குத் தம்மில் அடைக்கலம் அருளும் பரமன் – இதுவே, சிவலிங்க வடிவம் வழங்கும் அடிப்படைத் தகவல்.
 ஜீவன்களைத் தம்முடைய குழந்தைகளாக அரவணைத்து அன்பும் அருளும் வழங்குபவளே ஆவுடைத்தாய்.
 இந்த ஊரில் ஏராளமான கல்வெட்டுகள் கண்டெடுக்கப்பட்டுள்ளன. பாண்டியர்களும் சோழர்களும் பற்பல திருப்பணிகளை இப்பகுதி கோயில்களுக்குச் செய்தனர் என்பது இக்கல்வெட்டுகளால் அறியக்கூடுகிறது. 880-ஆம் ஆண்டுவாக்கில் பாண்டியப் பேராட்சியை நடத்திய மன்னர், பராந்தகப் பாண்டியன் ஆவார். சேரமன்னரின் மகளான வானவன் மாதேவியை இவர் மணந்தார். இந்த அரசியே "சேரவன் மாதேவி' என்றழைக்கப்பெற்றார். இவருடைய பெயராலேயே "சேரவன்மாதேவி சதுர்வேதி மங்கலம்' என்று இவ்வூர் அழைக்கப்பட்டுள்ளது. இதற்கு முன்னதாக, இப்பகுதிக்கு "முள்ளிநாடு' என்னும் பெயரே இருந்திருக்கிறது.
 பராந்தகப் பாண்டியனுக்கும் சேரவன்மாதேவியான வானவன்மாதேவிக்கும் பிறந்த மகனே, சடையன் மாறன் என்றும் ராஜசிகாமணி என்றும் அழைக்கப்பட்ட மூன்றாம் ராஜசிம்ம பாண்டியன் ஆவார். தென்பாண்டிப் பகுதியில் திருப்பணிகள் பலவற்றை இவர் செய்தார். 910-ஆம் ஆண்டுவாக்கில், முதலாம் பராந்தகச் சோழ மன்னரிடத்திலும், தொடர்ந்து வந்த வெள்ளூர்ப் போரிலும் இவர் தோற்றுப்போனார். 946-இல் ராஜசிம்ம பாண்டியன் இறந்தபின்னர், பாண்டிய நாடு முழுமையும் சோழர்களால் கொள்ளப்பட்டு, சோழப் பேரரசின் பகுதியானது. சோழப் பேரரசின் பகுதியாக இவ்வூர் விளங்கியகாலத்தில்தான், ராஜராஜ பாண்டிநாட்டு உத்தம சோழவள நாட்டு முள்ளிநாட்டு நிகரிலி சோழ சதுர்வேதி மங்கலமான சேரவன்மாதேவி மங்கலம் என்னும் பெயரால் குறிக்கப்பட்டுள்ளது. அம்மைநாதர் கோயில் சுவர்களிலும் நிறைய கல்வெட்டுகள். இவற்றில், "கைலாயத்து ஆழ்வார்' என்றே சுவாமி அழைக்கப்பட்டுள்ளார்.

- தொடரும்...
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/aug/30/பொருநை-போற்றுதும்-56-டாக்டர்-சுதா-சேஷய்யன்-3224517.html
3224505 வார இதழ்கள் வெள்ளிமணி சந்தோஷம் தரும் சப்த விநாயகர்கள்! DIN DIN Friday, August 30, 2019 10:38 AM +0530 தஞ்சாவூரிலிருந்து சுமார் 9 கி.மீ. தொலைவில் உள்ள திருத்தலம் திருக்கண்டியூர். இத்தலத்தில் கோயில் கொண்டுள்ளார் ஸ்ரீ பிரம்மகண்டீஸ்வரர், அம்பாள் ஸ்ரீ மங்களாம்பிகை.
 சிவபெருமானைப் போல் ஐந்து தலைகளுடன் காட்சி தந்த படைக்கும் கடவுளான பிரம்மன் தலைகர்வத்துடன் அலைந்ததால் பிரம்மனின் ஐந்து தலைகளில் ஒரு தலையைக் கொய்ந்து, தலைக்கனத்தை அடக்கினார், சிவபெருமான். இந்த நிகழ்வு இத்தலத்தில் நடந்ததாக தலபுராணம் கூறுகிறது.
 இங்கு, மேற்குதிசை நோக்கி இறைவன் அருள்புரிய, அம்பாள் தெற்குதிசை நோக்கி எழுந்தருளியுள்ளாள். மூலவர் சந்நிதிக்கு இடதுபுறம் பிரம்மனுக்கு கிழக்குதிசை நோக்கி தனி சந்நிதி உள்ளது. இங்கு அமர்ந்த கோலத்தில் காட்சி தரும் பிரம்மனுக்கு அருகில் சரஸ்வதியும் அமர்ந்துள்ளாள். ஆனால், கைகளில் வீணை இல்லை என்பது தனிச்சிறப்பு.
 இறைவனையும் அம்பாளையும் தரிசித்துவிட்டு பிரகார வலம் வந்தால் மொத்தம் பதினொரு விநாயகர்களைத் தரிசிக்கலாம். இவர்களில் ஏழு விநாயகர்கள் சப்தவிநாயகர்களாக திருமாளிகைச் சுற்றில் வரிசையாகக்காட்சி தருகிறார்கள். சங்கடஹர சதுர்த்தி மற்றும் விநாயக சதுர்த்தி ஆகிய நாள்களில் இங்கு வந்து, சப்த விநாயகருக்கு அருகம்புல் மாலை சார்த்தி அர்ச்சித்து வழிபட்டால், ஏழேழு ஜன்மத்தின் பாவங்களிலிருந்தும் விமோசனம் கிட்டும் என்பது ஜதீகம்.
 இந்த சப்த விநாயகர்கள் வரிசையாக எழுந்தருளியுள்ள இந்தத் திருமாளிகைச் சுற்றில் இடது புறத்தில் "கல்ப சூரியன்' என்ற திருப்பெயரில் சூரியபகவான், நின்ற கோலத்தில் சுமார் ஆறடி உயரத்தில் காட்சி தருகிறார். அருகில் சந்திரபகவானையும் தரிசிக்கலாம். மேலும் அர்த்தநாரீஸ்வரர் அமர்ந்த கோலத்தில் காட்சி தருவதையும் தரிசிக்கலாம்.
 மேற்கு திசை நோக்கி அருள்புரியும் சப்த விநாயகர்கள் எழுந்தருளியிருக்கும் ஒரே திருத்தலம் திருக்கண்டியூர் ஸ்ரீ பிரம்ம சிரகண்டீஸ்வரர் கோயில் என்று போற்றப்படுகிறது. ஒரே சமயத்தில் ஒரே இடத்தில் வரிசையாகக் காட்சிதரும் சப்தவிநாயகர்களைத் தரிசிப்பதால் சங்கடங்கள் நீங்கி சந்தோஷம் நிலவும் என்று ஞானநூல்கள் கூறுகின்றன.
 தஞ்சாவூரிலிருந்து திருக்கண்டியூர் செல்ல வாகன வசதிகள் உள்ளன.
 - டி.ஆர். பரிமளரங்கன்

]]>
https://images.dinamani.com/uploads/user/imagelibrary/2019/8/30/w600X390/vinaya3.jpg https://www.dinamani.com/weekly-supplements/vellimani/2019/aug/30/சந்தோஷம்-தரும்-சப்த-விநாயகர்கள்-3224505.html
3224500 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் Friday, August 30, 2019 10:36 AM +0530 * ரிக் வேதம், "எல்லா உலகங்களுக்கும் தானே தலைவனாகி, முத்தொழில்களையும் நடத்துகின்றவன் எவனோ, அவனே சிவபெருமான். நீங்கள் விரும்பும் தத்துவப் பொருளும் அவனே'' என்று கூறுகிறது.
* யஜுர் வேதம், ""சிறந்த பக்தர்களாலும், யோக சாதனத்தினாலும், உலகத்தில் இருப்பவர்களால் துதிக்கப்படும் பொருளாக இருப்பவன் எவனோ, அவனே சிவபெருமான். அந்தப் பெருமானால், நாங்களும் நிலை பெற்றிருக்கிறோம். நீங்கள் விரும்பும் தத்துவப் பொருளும் அவனே'' என்று கூறுகிறது.
* சாம வேதம், "எவன் மூன்று லோக நிலைகளையும் இயக்குகின்றவனோ, எவன் யோகநிஷ்டையில் இருக்கும் முனிவர்களால் துதிக்கப்படுகின்றவனோ, எவன் தனது ஒளிப்பிழம்பால் எல்லாப் பொருள்களையும் விளக்குகின்றவனோ, அவனே சிவபெருமான்; நீங்கள் கேட்கும் தத்துவப் பொருளும் அவனே'' என்று கூறுகிறது.
* அதர்வண வேதம், "ஆனந்தக் கண்ணீர் சிந்தவும், உரோமம் சிலிர்க்கவும், மனம் உருகி பக்தியால் எக்காலத்திலும் தன்னை உணரும் உணர்வுடையவர்கள் தியானித்துத் துதிக்க, தனது திருவருளால் தன்னையறியச் செய்பவன் எவனோ, அவனே சிவபெருமான். நீங்கள் கேட்கும் தத்துவப் பொருளும் அவனே'' என்று கூறுகிறது.
- அதிவீரராம பாண்டியர்
* நீங்கள் ஜபம் செய்யும்போது, உங்கள் மனம் ஜபத்தில் ஒருமுகப்பட்டிருக்க வேண்டும். உங்கள் மனம் ஜபத்தில் ஒருமுகப்படாவிட்டாலும் கூட, நீங்கள் இறைவன் நாமத்தை ஜபம் செய்வதை விட்டுவிட வேண்டாம்.
- ஸ்ரீ சாரதாதேவியார்
* சான்றோர்கள் கோபத்தைப் பொறுமையாலும், ஆசையை சங்கல்பம் செய்வதை விடுவதாலும், பயத்தை மனதின் பலவீனத்தை விடுவதாலும் வெல்கிறார்கள்.
- மகாபாரதம்
* எவ்வளவு உறுதியாக வீட்டைக் கட்டினாலும் காலப்போக்கில் வீடு இடிந்து அழிந்து போகிறது. அதுபோல், மனிதனும் நாளடைவில் மூப்புக்கும் மரணத்திற்கும் வசமாகி முடிவெய்துகிறான்.
- ஸ்ரீ ராமபிரான்
* இறைவன் ஒருவனின் மனதை மட்டுமே பார்க்கிறான். இறைவன், "ஒருவன் எங்கு வாழ்கிறான், என்னென்ன செய்கிறான்?' என்றெல்லாம் பார்ப்பதில்லை. மாறாக, இறைவன் ஒருவனின் பக்தி மனநிலையைத்தான் பார்க்கிறான்.
- ஸ்ரீ ராமகிருஷ்ணர்
 

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/aug/30/பொன்மொழிகள்-தொகுப்பு-சுவாமி-கமலாத்மானந்தர்-3224500.html
3219740 வார இதழ்கள் வெள்ளிமணி அஷ்டமிக்கு ஏற்றம் தந்த அச்சுதன்! DIN DIN Friday, August 23, 2019 10:41 AM +0530 அமாவாசை மற்றும் பெளர்ணமிக்குப் பின் வரும் 13 நாள்களை- பிரதமையிலிருந்து சதுர்த்தசி வரை திதி என்பர். ஒருவருடைய பிறப்போ, இறப்போ இந்த திதியை மையமாக வைத்துத்தான் கணிக்கப்படுகின்றது. இதில் சுபகாரியங்கள் செய்வதற்காக ஒரு நாள் பார்த்துக் கூறவேண்டுமென ஜோசியரிடம் நாம் சென்று கேட்டால்; அஷ்டமி, நவமி இல்லாத நாளாக பார்த்து நாள் குறித்துக் கொடுப்பார்கள்.
ஜோதிட சாஸ்திரத்தில் இது பற்றி தேடும்போது 8 என்ற எண் சனி கிரகத்தைக் குறிக்கிறது. சனி தாமஸ குணமுள்ளவன். 9 என்ற எண் செவ்வாய் கிரகத்தைக் குறிக்கிறது. இவன் கடுமையான வேகம் கொண்டவன். இதனால் இந்த இரண்டு நாள்களையும் தவிர்ப்பது நல்லது என அவர்கள் கூறுகிறார்கள்.
அஷ்டமியில் கிருஷ்ணனும், நவமியில் ராமனும் ராஜ வம்சத்தில் பிறந்தாலும்; மானிடராக பிறந்ததால் அவர்கள் பட்ட துன்பங்கள் நாம் அனைவரும் அறிவோம் என அவர்கள் தனக்கு சாதகமாக இதைக் கூறுவார்கள். கம்சனை வதம் செய்வதற்காக எட்டாவது குழந்தையாக பிறந்த கண்ணனுக்கு ரோகிணி நட்சத்திரம் ஆகையால், இதில் பிறந்தால் மாமனுக்கு ஆகாது என்றும் கூறுவார்கள்.
அஷ்டமியும் நவமியும் ஸ்ரீமந்நாராயணனிடம் சென்று தங்களுக்கு ஏற்பட்ட இந்த துன்பத்தை எடுத்துக்கூறினர். மனமிறங்கிய நாராயணன், "கவலை கொள்ளேல், உங்கள் இருவரது பெயரும் வரலாற்றில் பொறிக்கப்படும்'"என ஆசீர்வதித்து தீயோரை அழிக்கவும் நல்லோரைக் காக்கவுமே இந்த இரண்டு நாள்களையும் ஸ்ரீமந் நாராயணன் தன் அவதார நாள்களாக தேர்ந்தெடுத்தார். ஒருத்தி (தேவகி) மகனாய் பிறந்து ஓரிரவில் ஒருத்தி (யசோதை) மகனாய் வளர்ந்தவனான மதுராவாசன், நவநீதசோரன், த்வரகாபுரீசன், அச்சுதன், அனந்தன், கோவிந்தன், மாதவன், மதுசூதனன் என பல பெயர்களால் போற்றப்படும் கள்வன் மாயக் கண்ணன் பிறந்த திதி அஷ்டமி; நட்சத்திரம் ரோகிணி!

இந்த அஷ்டமி நாளை கோகுலாஷ்டமி என்று ஸ்மார்த்த சித்தாந்தவாதிகள் (சைவம் வைணவம் இரண்டும் ஒன்றென வணங்குபவர்கள்) கொண்டாடுகிறார்கள். வைணவ சித்தாந்தவாதிகள் ரோகிணி நட்சத்திரம் வரும் நாளை ஸ்ரீஜெயந்தி மற்றும் கிருஷ்ண ஜெயந்தியென கொண்டாடுகிறார்கள்.
ராமாவதாரத்தில் எந்த ஓர் இடத்திலும் தன்னை ஓர் அவதாரமாக காட்டிக் கொள்ளாமல் கோசலையின் மகனாக மனிதனாய் இருந்தார். மாறாக கிருஷ்ணாவதாரத்தில் தன் தாய் யசோதை உட்பட அனைவரிடத்திலும் தான் ஓர் அவதார புருஷன் என்பதை வெளிச்சமிட்டு காண்பித்தான். யார் யாரிடம் எந்த மொழியில் பேசவேண்டுமோ அந்த மொழியில் பேசினால் தான் காரியம் முடியுமென்பதை ஒவ்வொரு அணுத்துளியிலும் சொல்லும் கீதை நாயகன் கண்ணன் குருஷேத்திரக்களத்தில்; தர்மத்தை நிலை நாட்டுவதற்கு "யுகம்தோறும் அவதரிப்பேன்' என்கிறான்.
கிருஷ்ண ஜென்மாஷ்டமி என்று சமஸ்கிருதத்தில் கூறும் இந்நாளை வட இந்தியர்கள், "ராசலீலா' மற்றும் "தகி அண்டி' (தயிர் கலசம்) என்றும் கேரளாவில் "அஷ்டமி ரோகிணி' என்றும் கொண்டாடுகிறார்கள். உறியடி விழா மற்றும் வெண்ணைத்தாழி உடைத்தல் என்று வீதிகளில் உயரத்தில் பானையை கயிற்றினால் தூக்கி இறக்கி அதை குச்சியால் அடிப்பவரது கண்ணை கட்டி, பானையை அடித்து உடைப்பவர்க்கு பரிசு கொடுத்து இளைஞர்களுக்குள் போட்டியை ஏற்படுத்தி தேச ஒற்றுமையை வலியுறுத்தும் விழாவினை கிராமங்களில் நடத்துவார்கள். குருவாயூர் கோயிலில் இந்த நாளில் மிகச்சிறப்பாக விழா எடுப்பார்கள்.
கண்ணன் ஆட்சிசெய்த துவாரகாபுரி, குஜராத் மாநிலத்தின் கடற்கரையோரம் ஐந்து அடுக்குகளைக் கொண்டு; 72 மிகப்பெரிய தூண்களைக் கொண்ட இக்கோயில், சுமார் 2000 வருடங்களுக்கு முன் பிரம்மாண்டமாக கட்டப்பட்டது. இக்கோயில் கோமதி ஆற்றங்கரையில் அமைந்துள்ளது. இதனை "துவாரகாதீஷ்' மற்றும் "ஜகத் மந்திர்' எனக் கூறுகின்றனர். இங்கு குடி கொண்டிருக்கும் கண்ணனை துவாரகையின் மன்னன் என்றழைக்கின்றனர். வடக்கில் ஒன்றும்; கிழக்கில் ஒன்றுமாக இக்கோயிலுக்கு இரண்டு வாயில்கள் உள்ளன. வடக்கு வாயிலுக்கு "மோக்க்ஷ துவாரம்' என்றும் கிழக்கு வாயிலுக்கு "சுவர்க்க துவாரம்' என்றும் பெயர். கருவறை உயரம் சுமார் 78 மீட்டர் உள்ளது. இதன் வழிபாட்டு முறைகள் குரு வல்லபாச்சார்யாரால் வகுக்கப்பட்டதாகவும் வரலாறு கூறுகின்றது. இது 108 வைணவ திவ்ய தேசங்களுள் ஒன்று என திவ்ய பிரபந்தத்தில் தெளிவாக சொல்கிறது. 1963 -ஆம் ஆண்டிலிருந்து இந்திய தொல்பொருள் ஆராய்ச்சிக் கழகம் இக்கோயிலை எடுத்துக் கொண்டு ஆராய்ந்து வருகின்றது.

இந்த கருவறையில் மேலுள்ள கலசத்திற்கு மிக அருகாமையில் ஒரு நாளைக்கு ஐந்து முறை பிரம்மாண்டமான வண்ணமயமான (ஒவ்வொரு முறையும் ஒவ்வொரு வண்ணம்) கொடியினை ஏற்றுகிறார்கள். இந்த கொடியேற்றி இறக்கும் வைபவத்தை காண்பதற்கு பெரும் கூட்டம் கூடுகிறது. இதற்கு ஆகும் கட்டணத்தை கோயில் நிர்வாகத்தில்; நாம் அபிஷேகத்திற்கு பணம் கட்டுவோமே அதுபோல் கட்டினால், நமக்கு ஒரு நாள் மற்றும் நேரம் தருவார்கள். அந்த நாளில் இந்த கொடியேற்றப்படும். இக்கொடி இறக்கப்பட்டு வேறொரு கொடி ஏற்றப்படும். இறக்கப்பட்ட கொடி அதற்காக பணம் கட்டியவருக்கு பிரசாதத்துடன் கொடுக்கப்படும். இந்த கொடியினை ஏற்றி அதை தன்னுடன் வைத்துக் கொள்வதை அப்பகுதி மக்கள் தன் வாழ்நாளின் பெரும் பேறாகக் கருதுகிறார்கள். இங்கு ஜாதி, மத பேதமின்றி இந்த கண்ணன் எங்கள் மன்னன் அவரை வணங்கி அருள் பெறுவதில் எங்களுக்கு பேதமே இல்லை; நாங்கள் ஆசையோடு குடும்பத்துடன் இங்கு வந்து வழிபடுவோம் என்கிறார்கள்.
இவ்வாண்டு, இன்று (ஆகஸ்ட்- 23) வெள்ளியன்று ஒரே நாளில் அஷ்டமி திதியும், ரோகிணி நட்சத்திரமும் சேர்ந்து வருகிறது. இதனை வட மாநிலங்களில் வெகு விமரிசையாக 3 நாள்கள் கொண்டாடுகிறார்கள். நம் தென்னாட்டில் அந்த நந்நாளில், வீட்டிலிருக்கும் குழந்தையின் பிஞ்சு பாதத்தை இழை கோலத்து மாவில் பதியவிட்டு அடியடியாக தோய்த்து; வாசலிலிருந்து பூஜை அறை வரையிலும், பாலகிருஷ்ணன் நம் வீட்டிற்குள் அடியெடுத்து உள்ளே வருவதாக கோலம் போட்டு; கண்ணனுக்கு பிடித்த முறுக்கு, வெல்ல சீடை, உப்பு சீடை, தட்டை, அதிரசம் போன்றவைகளை முன்னமே செய்து, அன்றைய தினம் வடை பாயசத்துடன் சாப்பாடு செய்து, பழம் பாக்கு வெற்றிலை; முக்கியமாக அவல் மற்றும் வெண்ணெய் வைத்து பூஜை செய்து உற்றார் உறவினர்களுக்கு கொடுத்து உண்டு மகிழ்கிறார்கள். நாளெல்லம் என்றும் திருநாளே என்று அஷ்டமிக்கு ஏற்றம் தந்த அந்த அச்சுதனைக் கொண்டாடுவோம்!
- எஸ். எஸ். சீதாராமன்

 

]]>
https://images.dinamani.com/uploads/user/imagelibrary/2019/8/23/w600X390/DWARKADHISH-TEMPLE.JPG https://www.dinamani.com/weekly-supplements/vellimani/2019/aug/23/அஷ்டமிக்கு-ஏற்றம்-தந்த-அச்சுதன்-3219740.html
3219738 வார இதழ்கள் வெள்ளிமணி கவலைகள் போக்கும் கண்ணாத்தாள்! DIN DIN Friday, August 23, 2019 10:33 AM +0530 சண்டாசுரனை அழித்தாள் பராசக்தி! தேவர்கள் காணும் வகையில் அவர்களுக்கு ஞானக்கண் தந்து உய்ய வழிகாட்டியதால் கண்ணாத்தாள் என்று பெயர் பெற்றாள். சிவகங்கையில் இருந்து 5 கி.மீ. தொலைவில் உள்ள நாட்டரசன்கோட்டை என்னும் ஊரில் அவள் குடிகொண்டு அருள்வழங்கி வந்தாள்.
 அவ்வூரில் இருந்த மக்கள் கண்ணாத்தாளை தங்கள் காவல் தெய்வமாக கொண்டவர்கள். வெகுநாள்கள் வெளியூரில் இருப்போம் என முடிவு செய்பவர்கள் கோயில் மண்ணை சிறிதளவு மூட்டையாகக் கட்டி தெய்வசக்தி தங்களுடன் இருப்பதாக நம்பி எடுத்துச் செல்வது வழக்கம்.
 சுமார் 800 ஆண்டுகளுக்கு முன் பாண்டிய மன்னன் ஒருவன், வட தமிழகத்தில் நாடுகளை பிடிப்பதற்காக தன் படையுடன் வந்து வெவ்வேறு இடங்களில் பாடி வீடு அமைத்து தங்கினான். அவனிடம் நாட்டரசன்கோட்டை பக்கமிருந்து வந்த குழு ஒன்று எட்டிக்காட்டில் தங்கினர். அவர்களது விருப்ப தெய்வமான கண்ணாத்தாளை மண்ணில் உருவாக்கி அங்கு வைத்து பாடிவீடு அமைத்து தினமும் வழிபட்டு வந்தார்கள். எட்டி மரங்கள் நிறைந்த எட்டிக் காட்டுக்குள் கோயிலை அமைத்து அதன் எதிரில் ஒரு குளமும் வெட்டி , பணி முடிந்து வந்து தினமும் குளத்தில் முழுகி அம்பாளை தரிசனம் செய்வார்கள். போருக்குச் செல்லும் முன் கண்ணாத்தாள் உத்தரவு பெற்று சென்று வென்று வரும் பழக்கத்தைக் கைக் கொண்டு இருந்தார்கள்.
 மன்னன் நாடு திரும்பியபிறகு வீரர்களில் பலர் ஊர் திரும்பாமல் அங்கேயே தங்கியவர்கள் மணம் புரிந்து கொண்டு வாழ்க்கையை தொடர்ந்து மண்ணின் மைந்தர்களுடன் கலந்து வாழ்ந்தனர். அவர்களின் குலதெய்வமாக நாட்டரசன்கோட்டை கண்ணாத்தாள், தேவி கண்ணாத்தாள் என்ற பெயரோடு குடிகொண்டு பக்தர்களுக்கு அருள்வழங்கிக் கொண்டிருந்தாள்.
 இக்கோயில் கருங்கல் முன்மண்டப மேற்கூரைகளில் பாண்டிய மீன் சின்னங்கள் பொறிக்கப்பட்டுள்ளது இதனை உறுதி செய்கிறது. அந்நாள்களில் இப்பகுதியில் பாண்டிய மன்னர்கள் கோலோச்சியதற்கு ஆதாரமாக திருவொற்றியூர் கோயிலில் கல்வெட்டுகள் உள்ளன. எனவே, சுமார் 13 -ஆம் நூற்றாண்டு முதல் இக்கோயில் மக்களால் வழிபடப்பட்டுள்ளது. அந்நாள்களில் வயல்வெளிகளும் தோப்புகளும் கோயிலைச்சுற்றி இருக்க, சென்னை அம்பத்தூரில் எட்டிக்காடான இவ்விடத்தில் குடிகொண்டிருந்த கண்ணாத்தாள் அருகிலிருந்த ஏழு ஊர்களுக்கும் சக்திமிகு தெய்வமாக விளங்கும் நிலை இருந்துள்ளது.
 அருகிலுள்ள மங்களபுரம் வெள்ளாளர் தெரு, குப்பம், ராமாபுரம், வரதராஜபுரம், கல்யாணபுரம், வெங்கடாபுரம் மற்றும் சோழபுரம் ஆகிய ஊர்களில் அனைவருக்கும் கண்கண்ட சக்தியாக விளங்கிய அம்மன் ஸ்ரீ தேவி கண்ணாத்தாள் ஆகும். அவள் குலதெய்வமாக மட்டுமில்லாமல் வேண்டுவோருக்கு வேண்டியதை வேண்டும் நேரத்தில் தடையின்றி வழங்கும் கண்கண்ட தெய்வமாகவும் விளங்கினாள். எனவே அந்தப் பெயரிலேயே வணங்கி தொழுதனர். கருவறையில் கண்ணாத்தம்மன் மூல விக்கிரகம் நான்கு கைகளில் மழுவும் பாசாங்குசமும் கீழ் கை அபய வரத ஹஸ்தமாகவும் ஒரு கால் மடித்து ஒரு கால் தொங்கவிட்டும் பத்திரபீடத்தில் அமர்ந்து அருளாட்சி செய்கிறாள்.
 தினமும் காலை 6.30 மணி முதல் 12.00 மணி வரையும்; மாலை 5.00 மணி முதல் 8.00 மணி வரையும் பொதுமக்கள் தரிசனம் செய்யும் நேரமாகும். திருக்கோயிலில் தீபமேற்றி வைத்து தனது பிரார்த்தனையைச் சொல்லி வரம் கேட்பது வழக்கமாக உள்ளது. வாரத்தில் செவ்வாய், வெள்ளி, ஞாயிற்றுக்கிழமைகள், அமாவாசை ஆகிய நாள்களில் பக்தர்கள் கூட்டம் அதிகமிருக்கும்.
 தை வெள்ளிக்கிழமைகளில் பொங்கல் வைத்தல் போன்றவையும் சிறப்பாக கொண்டாடப்படுகின்றது. குலதெய்வக்காரர்களுக்கும் மற்றையோர்க்கும் கருணை செய்வதால் சக்திவாய்ந்த பரிகார தெய்வமாகவும் கண்ணாத்தாள் விளங்குகிறாள். வீட்டில் எந்த ஒரு சுப காரியம் தொடங்குவது என்றாலும் முதலில் கண்ணாத்தம்மனுக்கு பொங்கல் வைத்து தொடங்குவது இந்த ஏழு ஊர்களை சேர்ந்தவர்களுக்கு வழக்கமாக உள்ளது.
 ஒவ்வோர் ஆண்டும் சித்திராப்பெளர்னமியை நிறைவு நாளாகக் கொண்டு சித்திரைத் திருவிழா நடைபெறுகிறது. அந்நாள்களில் கண்ணாத்தம்மன் ஏழூர்களில் ஒவ்வொரு நாளும் ஒவ்வோர் ஊருக்கும் சென்று தங்கி அபிஷேகம் கண்டு, பின்னர் அலங்காரத்துடன் மக்களுக்கு ஆசி வழங்கி வரும் திருவிழா சிறப்பாக நடைபெறுகிறது.

காவல் தெய்வமாகவும் போர் தெய்வமாகவும் விளங்கி அருள் வழங்கி வரும் கண்ணாத்தாளை வணங்கி பூரண சக்தியுடன் அருளியவளுக்கு நன்றி செலுத்தும் விதமாக ஆடி மாதம் ஒரு ஞாயிற்றுக்கிழமையன்று கும்பம் படைத்து கூழ் ஊற்றுதல் திருவிழா நடைபெறும். எதிர்வரும் 6 -ஆம் ஞாயிற்றுக் கிழமையான ஆகஸ்ட் 25 -ஆம் தேதி காலை இத்திருவிழா நடைபெறுகிறது.
 கோயில் சந்நிதி சிறியது ஆனாலும் அதன் முன்புறம் உள்ள அர்த்த மண்டபத்தின் விதானத்தில் மீன் சின்னமும்; ராகு-கேதுக்கள் சின்னமும் அமைக்கப்பட்டுள்ளன. சந்நிதிக்கு முன்புறம் மகாமண்டபம், பெரிய மண்டபம், பெரிய தகர மண்டபம் அமைக்கப்பட்டுள்ளன.
 உடல் உபாதைகள் இருப்போர், உடல்நலம் குறைவுபெற்றோர், மனம் பேதலித்து இருப்போர், குழந்தை வரம் வேண்டுவோர், திருமணம் கைகூட பிரார்த்தனை செய்து கொள்வோர் இந்த அம்மனை வேண்டிக் கொண்டு பொங்கல் வைத்தும் தங்கள் நேர்த்திக்கடனை செலுத்துகின்றனர்.
 எட்டித்தோப்பு தேவி கண்ணாத்தம்மன் மக்களின் கவலைகள் போக்கி நலம் தருவதில் கண்கண்ட தெய்வமாக விளங்குகிறாள். நீங்களும் ஒருமுறை இவ்வாலயத்திற்குச் சென்று தரிசனம் செய்து வாருங்களேன்!
 செல்லும் வழி : சென்னை அம்பத்தூர் டன்லப் பேருந்து நிறுத்தத்தில் உள்ள காவல்துறை அலுவலகத்திற்கு பின்புறம் உள்ளது.
 - ஆர். அனுராதா
 

]]>
https://images.dinamani.com/uploads/user/imagelibrary/2019/8/23/w600X390/KANNATHAL.JPG https://www.dinamani.com/weekly-supplements/vellimani/2019/aug/23/கவலைகள்-போக்கும்-கண்ணாத்தாள்-3219738.html
3219737 வார இதழ்கள் வெள்ளிமணி பொருநை போற்றுதும்!55 டாக்டர் சுதா சேஷய்யன் DIN DIN Friday, August 23, 2019 10:29 AM +0530 அரியநாயகிபுரக் கைலாசநாதர் திருக்கோயில், 16-17 -ஆம் நூற்றாண்டைச் சேர்ந்தது. மிகச் சிறந்த திருமணப் பிரார்த்தனைத் தலம். 
அரியநாயகிபுரத்தை வடக்கு அரியநாயகிபுரம் என்றும் குறிப்பிடுகிறார்கள். நேர் எதிரில், பொருநையின் தென் கரையில், தெற்கு அரியநாயகிபுரம் என்றும் ஒரு சிற்றூர் உள்ளது. பொருநையின் தென்கரைக்கு வந்துவிட்டோமே, சேரன்மாதேவியையும் பத்தமடையையும் பார்க்காமல் பயணப்படமுடியுமா? 
சேரவன்மாதேவி சதுர்வேதி மங்கலம் என்று அழைக்கப்பட்ட ஊர்தான், இப்போது சேரன்மாதேவி ஆகிவிட்டது. உள்ளூர்க்காரர்களுக்குச் செல்லமாகச் சேர்மாதேவி. சேரர்களின் ஆளுகைக்கு உட்பட்ட பகுதியாக இருந்தது என்றும் சேரமன்னர் இதனைத் தம்முடைய மகளுக்குச் சீதனமாகத் தந்தார் என்றும் தெரிகிறது. 
கிழக்கே திருநெல்வேலியும் மேற்கே அம்பாசமுத்திரமும், இவற்றுக்கிடையே மையத்தில் அமைந்துள்ள சேரன்மாதேவி, அழகான ஊர். ஊருக்கு வடபுறத்தில் பொருநை ஆறு. தென்புறத்தில் கன்னடியன் கால்வாய். இதனால் நீருக்குப் பஞ்சமில்லாமல், வளமும் நலமும் செழித்ததாகவே இவ்வூர் இருந்துள்ளது. 
1940 - களில் இவ்வூர் எவ்வாறு விளங்கியது என்பதை சங்கரநயினார் கோயில் இ.மு. சுப்பிரமணியப் பிள்ளை இவ்வாறு வர்ணிக்கிறார்: 
கன்னடியன் கால்வாய், ஆற்றங்கரைவரை சிறு சிறு கால்வாய்களின் வழியே ஓடிவந்து, அளவிடமுடியாத நஞ்சை நிலங்களைத் தட்டின்றி விளைவிக்கின்றது... ஊரின் நடுவே பல சிறு சிறு குளங்கள் உள்ளன... தண்பொருநையாற்றுக்கும் கன்னடியன் காலுக்கும் இடையே எங்கும் நஞ்சை நிலங்களினாலே சூழப்பெற்று இவ்வூர் விளங்குகின்றது. நெடுக வானளாவிய மரங்கள் இருக்கின்றன. ஆதலினாலே மிகக் கொடிய வெப்பத்தை உடையதேனும் இவ்வூர் வாழ்க்கைக்கு வசதியானது. 
1900 -களின் தொடக்க காலங்களில் வடக்குக் காருக்குறிச்சியும் சேரன்மாதேவியோடு சேர்த்தே பார்க்கப்பெற்றது. அம்மைநாதர் திருக்கோயில், வைத்தியநாத சுவாமி திருக்கோயில், பக்தவத்சல விஷ்ணு கோயில், கொழுந்து மாமலை முருகன் கோயில், நடுவுள் அப்பர் கோயில், அப்பன் வேங்கடாசலபதி கோயில், தெய்வீச்சரமுடையார் கோயில் என்று ஏராளமான கோயில்களால் புகழ்பெற்ற இவ்வூரில், ரயில் நிலையம் அமைந்திருக்கிற பகுதிக்கு, முன்பெல்லாம் சேரன்கோவில் பத்து என்று பெயர். இந்தப் பகுதியில்தான், சேரர் அரண்மனை இருந்ததாம். கோ + இல் = கோயில்; கோ = அரசன்; கோ இல் = அரசனின் அரண்மனை. 
பொருநையாற்றின் குறுக்கே இருக்கும் ரயில் பாலத்திற்கு அருகில், ஆற்றின் தென் கரையில் அமைந்துள்ளது, அருள்மிகு அம்மைநாதசுவாமி ஆலயம். 1902 -இல் முதலில் கட்டப்பட்ட ரயில் பாலம், 1914 மற்றும் 1923 ஆண்டுகளின் வெள்ளத்தில் மூழ்கடிக்கப்பட்டுச் சிதிலமாகிப் பின்னர் வலுவானதாக அமைக்கப்பட்டது. 
அகத்தியரின் சீடரான உரோமச முனிவர், பொருநையாற்றங்கரையில் பிரதிஷ்டை செய்து வழிபட்ட நவ திருக்கைலாயக் கோயில்களில், சேரன்மாதேவி அருள்மிகு ஆவுடையம்மை உடனாய அருள்மிகு அம்மைநாதசுவாமி திருக்கோயிலும் ஒன்றாகும். மார்கழி மாத வியதீபாத நாளில், தன்னுடைய பாவங்களைப் போக்கிக்கொள்வதற்காக கங்காதேவி, சேரன்மாதேவி அம்மைநாதசுவாமியை வழிபட்டுப் பொருநையில் மூழ்கி எழுகிறாள் என்பது ஐதீகம். இதனால், இந்த நாளில், பொருநைக்கரையில் பெருங்கூட்டம் கூடுவது வழக்கம். 
- தொடரும்...

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/aug/23/பொருநை-போற்றுதும்55-டாக்டர்-சுதா-சேஷய்யன்-3219737.html
3219734 வார இதழ்கள் வெள்ளிமணி புண்ணிய பூமியில் புனிதப் பயணம் 22 DIN DIN Friday, August 23, 2019 10:22 AM +0530 முன்னரே தேவதூதரால் எச்சரிக்கப்பட்ட யோசேப்பு, மரியாவையும் இயேசுவையும் கூட்டிக்கொண்டு எகிப்துக்கு தப்பிச் சென்றார். ஏரோது இறந்த பின்னர் யோசேப்பு, மரியா, இயேசு ஆகியோரை உள்ளடக்கிய "திருக்குடும்பம்" யூதா நாட்டுக்குத் திரும்பி நாசரேத்து என்னும் ஊரில் குடியேறியது.
இயேசு திருமுழுக்கு பெற்ற ஜோர்தான் நதி (இஸ்ரேல்):
இஸ்ரேல் மற்றும் ஜோர்தான் நாட்டுக்கு எல்லையாக இந்த நதி உள்ளது.இஸ்ரேலில் ஜோர்தான் நதி அமைந்துள்ளது. இஸ்ரேல் நாட்டின் கிழக்கு எல்லையூடாக இது செல்கிறது. பழைய ஏற்பாட்டில், தீர்க்கதரிசி எலிசா காலத்தில் ஜோர்தான் நதி பற்றி குறிப்பிடப்பட்டுள்ளது.
நாகமான் எனும் சிரிய ராஜாவின் படைத்தளபதி தனது குஷ்டரோகத்தை குணப்படுத்த எலிசாவிடம் வரும் போது, எலிசா அவனிடம் இந்த நதியில் ஏழு தரம் ஸ்நானம் பண்ணும் படி சொன்னான். இதன் மூலம் அவனது வியாதி மறைந்து போனது. புதிய ஏற்பாட்டில் யோவான் ஸ்நானகன் இந்த இடத்தில் தான் மக்களுக்கு பிரசங்கம் பண்ணி பலருக்கு ஞானஸ்நானம் (திருமுழுக்கு) கொடுத்தான். இயேசுகிறிஸ்துவும் இங்கே தான் ஞானஸ்நானம் பெற்றார். சிகிச்சைமுறை நோக்கங்களுக்காக இன்றும் ஜோர்தான் நதிக்கு பலர் செல்கின்றனர். 
இதன் புவியியல் அமைப்பை பார்ப்போமானால், இது ஹேர்மன் எனும் மலைச்சரிவிலிருந்து தொடங்கி சிரியா-லெபனான் எல்லையூடாக பயணிக்கிறது. அதோடு கலிலேயா கடலின் தெற்கு பக்கமாக இது பாய்கிறது. 1312 அடி கடல் மட்டத்திற்கு கீழுள்ள சாக்கடலுக்குள் (Dead sea) இது விழுகிறது. கலிலேயா கடல் மற்றும் சாக்கடல் இடையே 124 மைல்கள் ஆகும்.
விவிலியத்தின் பழைய ஏற்பாட்டில் 125 முறையும், புதிய ஏற்பாட்டில் 15 முறையும் ஜோர்தான் நதியின் பெயர் குறிப்பிடப்பட்டுள்ளது. விலிலியத்தின்படி ஜோர்தான் ஆறு மூன்று முறை பிளவுப்பட்டுள்ளது (ஆதாரம்: யோசுவா 4:7,19 வசனங்கள், 2 இராஜாக்கள் 2:8, 2 ராஜாக்கள் 2: 13, 14-ஆவது வசனங்கள்). விவிலியத்தின்படி பல முக்கிய சம்பவங்கள் நடந்தாலும், இயேசு யோர்தான் ஆற்றில் திருமுழுக்குப் பெற்றது தான் பிரதான செய்தியாக பார்க்கப்படுகிறது. 
மாற்கு நற்செய்தியின்படி, இயேசு யோர்தான் ஆற்றருகே வந்து, அங்கே திருமுழுக்குக் கொடுத்துக் கொண்டிருந்த யோவானிடம் தாமும் திருமுழுக்குப் பெற்றார். ஆற்றிலிருந்து இயேசு கரையேறியபோது தூய ஆவி அவர்மீது புறா வடிவில் வந்திறங்கினார். மேலும் "என் அன்பார்ந்த மகன் நீயே! உன்பொருட்டு நான் பூரிப்படைகிறேன்" (மாற்கு 1:10–11) என்று வானத்திலிருந்து ஒரு குரல் ஒலித்தது.
லூக்கா நற்செய்தியில் யோவான் போதிக்க தொடங்கியது திபேரியு (Tiberius) சீசரின் 15-ஆவது ஆண்டு என்னும் குறிப்பு உள்ளது (லூக்கா 3:1). இது கி.பி. 28-29-ஆம் ஆண்டு ஆகும். இதை வைத்து பார்க்கும்போது அவர், திருமுழுக்குப் பெற்றபோது சுமார் 32 வயதினராக இருந்திருப்பார் என கணக்கிடப்படுகிறது.
இயேசு திருமுழுக்குப் பெற வந்ததைக் கண்ட யோவான் இயேசுவைத் தடுத்து, "நான்தான் உம்மிடம் திருமுழுக்குப் பெற வேண்டியவன்; நீர் என்னிடம் வருகிறீர்?'என்று கூறியதாக மத்தேயு நற்செய்தி குறிப்பிடுகிறது. ஆனால் இயேசு அவரைப் பார்த்து, "இப்பொழுது விட்டுவிடும். கடவுளுக்கு ஏற்புடையவை அனைத்தையும் நாம் நிறைவேற்றுவதுதான் முறை'(மத்தேயு 3:13-15) என்று பதிலளித்தார்; பின்னர் யோவானின் கைகளால் திருமுழுக்குப் பெற்றார்.
திருமுழுக்குப் பெற்ற பின்னர் இயேசு பாலைநிலத்துக்குச் சென்று 40 நாள்கள் நோன்பிருந்தார். அப்போது அலகை அவரை மூன்று முறை சோதித்தது. மூன்று முறையும் இயேசு வென்றார். பின்னர் இயேசு பாலைநிலத்தை விட்டகன்று, மக்களுக்கு "இறையரசு'பற்றிய நற்செய்தியை அறிவிக்கலானார். தம்மோடு இருக்கவும் மக்களுக்கு இறையரசு பற்றிய நற்செய்தியை அறிவிக்கவும் இயேசு தமக்கென சீடர்களைத் தெரிந்துகொண்டார் (மத்தேயு 4:12-22; மாற்கு 1:14-20; லூக்கா 4:14-5:11).
திருமுழுக்கு பெறும் புனித பயணிகள்: 
உலகின் பல்வேறு நாடுகளில் இருந்து வரும் புனித பயணிகள் இயேசு திருமுழுக்கு பெற்ற இடத்தில் திருமுழுக்கு பெறுகின்றனர். இங்கு திருமுழுக்கு பெற விரும்பும் புனித பயணிகள் வெள்ளை நிற ஆடை எடுத்துச் செல்லவேண்டும். இல்லையெனில் அங்கு வாடகைக்கு வெள்ளை நிற ஆடை பெற்றுக்கொள்ள வேண்டும். வெள்ளை நிற ஆடை அணிந்து வருபவர்களுக்கு மட்டுமே திருமுழுக்கு வழங்கப்படும். திருமுழுக்கு பெற விரும்பாத பயணிகள் ஜோர்தான் ஆற்றில் குளித்து மகிழலாம். அதிக அளவு ஆழம் இல்லாத ஆறாக இது உள்ளது. இக்கரைக்கும், அக்கறைக்கும் இடையே குறைந்தபட்சம் 60 அடி மட்டுமே இருக்கும்.
- ஜெபலின் ஜான்
(தொடரும்...)

]]>
https://images.dinamani.com/uploads/user/imagelibrary/2019/8/23/w600X390/EBLESS.JPG https://www.dinamani.com/weekly-supplements/vellimani/2019/aug/23/புண்ணிய-பூமியில்-புனிதப்-பயணம்-22-3219734.html
3219729 வார இதழ்கள் வெள்ளிமணி உளமே உயர்வின் தளம் DIN DIN Friday, August 23, 2019 10:20 AM +0530 மனிதனின் உயர்விற்கும் தாழ்விற்கும் தளம் அவனின் உள்ளமே. நல்ல உள்ளம் நற்பண்புகளைப் பெறுகிறது. தீய உள்ளம் தீயினும் கொடிய மாய வலையில் வீழ்கிறது. நற்குணம் பெற்றோர் நற்பண்புகளால் தெளிந்த நீரோடையினும் தெளிவான உள்ளம் உடையோராய் அழுக்கில்லா அறிவினால் நெறிபிறழாது ஒழுக்கமுடன் இழுக்கின்றி வாழ்வர். தீயோர் இதற்கு முற்றிலும் முரணான ஒழுக்கமற்ற இழுக்குடையோராய் அழுக்கிலே அழிவர்.
 அதிக வெப்பமோ அதீத குளிர்ச்சியோ இல்லாத நடுநிலையான உடல்நிலையே நலமான வாழ்விற்கு உகந்தது. அதுபோல உணர்ச்சிகள் வரம்பு மீறாமலும் மரக்கட்டையை போல மரத்து உணர்வற்ற பிண்டமாக இல்லாமலும் உள்ள நடுநிலையான மனநிலையே உள்ளத்தின் நல்ல நிலை. இந்நிலை மாறி இரு நிலைகளில் எந்நிலை மிகைத்தாலும் அது மன நோயே.
 மனித உடல் பிறப்பிலேயே முழுமை பெறுவதில்லை. வயது கூட வயதிற்கேற்ற வளர்ச்சி பெற்று முழுமை அடைகிறது. வளர்ச்சிக்குரிய ஊட்டத்தைக் கொடுத்து உதவுவது உணவு. அதுபோல பிறப்பில் உள்ளமும் முழுமை பெறுவதில்லை. அழுக்கற்ற அகப்பயிற்சியால் பக்குவப்படுத்தி முயற்சியால் முழுமை பெற செய்ய வேண்டும். உடல் வளர உணவு உதவுகிறது. உள்ளம் வளர எது வேண்டும்? எண்ணி பார்த்தால் எதிர்ப்படும் விடை நற்குணம்.
 உடல் நலனுக்கு ஊறு ஏற்படும்பொழுது ஊறு விளைவித்த காரணத்திற்கு எதிரான காரணியே ஏற்ற மருந்தாகும். வெப்பம் கூடும்பொழுது குளிர்ச்சியைக் கொடுக்க வேண்டும். குளிர்ச்சி கூடினால் கதகதப்பைப் பதமாக இதமாக கொடுக்க வேண்டும். அதுபோலவே உள்ளத்தைக் கெடுக்கும் தீய குணங்களைத் தீய்க்க அதற்கு எதிரான ஏற்ற நற்செயல்களை நாட வேண்டும். அறியாமை பிணி அகற்ற அறிவு வேண்டும். கஞ்சத்தனத்தை விஞ்சிட தயாள குணம் வேண்டும்.
 மாலிக் பின் தீனார் (ரஹ்) கடைத்தெருவைச் சுற்றி வரும்பொழுது அவர்களின் மனம் விரும்பும் எந்த பொருளைக் கண்டாலும் "" மனமே! பொறுமையோடிரு! உன் நன்மைக்காகவே கூறுகிறேன்'' என்று சொல்லி உள்ளத்தை உறுதியாக்குவார்கள். விரும்பும் பொருளை வாங்கி உண்ணமாட்டார்கள்.
 நன்மையை கேட்பதில் தளராத மனிதன் துன்பம் ஏற்படும்பொழுது துவண்டு நம்பிக்கை இழக்கிறான் என்று இயம்புகிறது இறைமறை குர்ஆனின் 41- 49 ஆவது வசனம். வளமாய் வாழ செல்வம் வேண்டும். செல்வத்தைப் பெருக்கி அதனைத் துய்த்து வாழ நோயற்ற உடல்நலம் வேண்டும் என்று இறைவனைக் களைப்பின்றி கணமும் வேண்டும், மனிதன் வறுமை, நோய், துன்பம் வந்து விட்டால் நிராசை உள்ளவனாகி நிரந்தரமான அல்லாஹ்வை மறந்து விடுகிறான். இன்பமும் துன்பமும் சூழ்ந்த உலகில் இரண்டும் மாறி மாறி வரும். மாறும்பொழுது மனம் மாறாமல் அணுவையும் அசைக்கும் அல்லாஹ்விடம் முறையிடாது முரண்படும் மனிதனைச் சாடுகிறது இந்த வசனம். உள்ளத்தில் உறுதி இல்லாததே இவ்வாறான நம்பிக்கை இழப்பிற்குக் காரணம். உறுதியான உள்ளம் இறுதிவரை எந்நிலையிலும் இறை நம்பிக்கையை இழக்காது. அத்தகு உள்ளத்தில் இழப்பே இருக்காது. அவ்வுளமே உயர்வின் தளம்.
 ஒருவர் ஒருமுறை அண்ணல் நபி (ஸல்) அவர்களிடம் நல்வழி காட்ட வந்தீர்கள். அந்த நல்வழி எது என்று கேட்டார். நந் நபி (ஸல்) அவர்கள் நற்குணம் என்று பதில் அளித்தார்கள். மற்றொரு முறை உயர்ந்த செயல் எது ? உத்தம நபி (ஸல்) அவர்களிடம் வினவிய பொழுதும் நற்குணம் என்றே பதில் அளித்தார்கள். நற்குணங்களை நவிலுமாறு புவிபுகழ் பூமான் நபி (ஸல்) அவர்களிடம் கேட்டபொழுது "" மன்னிக்கும் மனப்பான்மை, நற்செயல் செய்ய தூண்டல், மூடர்களின் நிந்தனைகளைப் புறந்தள்ளல், தொடர்பைத் துண்டித்தவனும் உறவை , நட்பை விலக்கிவிடாது விவேகமாக பேணல், உதவி செய்யாதவனுக்கும் உதவி செய்தல், தீங்கிழைத்தவனுக்கும் பாங்காய் நன்மை செய்தல் நற்குணங்களில் சில'' என்று எடுத்துரைத்தார்கள்.
 நற்செயல்களை இறைவனுக்காக செய்பவன் மனிதர்களிடம் பாராட்டை எதிர்பார்க்க கூடாது என்று அறிவுறுத்தினார்கள் ஈசா நபி. இதனை ஒட்டி இறைவன் மீது உண்மையான நல்லெண்ணம் கொள்வதே உளத்தூய்மை என்று இப்ராஹீம் பின் அத்ஹம் விளக்கம் அளித்தார்கள்.
 அதாவு என்ற பெரியார் உயர் பதவி பெற்றவர்கள் நற்குணத்தால் உயர்ந்தவர்கள். அண்ணல் நபி (ஸல்) அவர்கள் பரிபூரண நற்குணம் பெற்றவர்கள். நற்குணத்தை அடிப்படையாகக் கொண்டு நடப்பவர்களே உலகில் உயர்வு பெறுவதோடு இறைவனின் நெருக்கத்தையும் பெறுவர் என்று அறிவித்தார்கள்.
 உளமே உயர்வின் தளம் என்பதை உணர்ந்து உள்ளத்தை நற்குணங்களால் நிரப்பி அடித்தளத்தை உறுதியாக்கி உயர்வோம்.
 - மு.அ. அபுல் அமீன்

]]>
https://images.dinamani.com/uploads/user/imagelibrary/2019/8/23/w600X390/vm4.jpg https://www.dinamani.com/weekly-supplements/vellimani/2019/aug/23/உளமே-உயர்வின்-தளம்-3219729.html
3219720 வார இதழ்கள் வெள்ளிமணி புதுப்பாக்கத்தில் அருள்பாலிக்கும் அகஸ்தீஸ்வரர்! DIN DIN Friday, August 23, 2019 10:17 AM +0530 சென்னை - வண்டலூர் - கேளம்பாக்கம் செல்லும் சாலையில் சுமார் 18 கி.மீ. தொலைவில் வளர்ந்து வரும் நகரமைப்பாக விளங்குகிறது புதுப்பாக்கம். இங்கு, வழிபாடு சிறப்புமிக்க கோயிலாக விளங்குகிறது அருள்மிகு அகிலாண்டேஸ்வரி சமேத அகஸ்தீஸ்வரர் திருக்கோயில்.
 அகத்திய முனிவர் இங்கு இறைவனை ஸ்தாபித்து வழிபட்டதால் இறைவன் அகஸ்தீஸ்வரர் என்ற திருநாமம் பெற்றார். இத்திருக்கோயில் சுமார் 600 ஆண்டுகள் பழைமையானது ஆகும். நூறு ஆண்டுகளுக்கு மேலாக இங்கு வழிபாடு இல்லாததால் கோயில் இடிந்துபோய் புதர் மண்டிப்போய் இருந்தது. அதன்பின்னர், கோயில் இருந்த இடத்தில் புதிய கோயில் எழுப்பி வழிபாடுகள் மேற்கொண்டு வருகின்றனர்.
 கிழக்கு நோக்கிய திருக்கோயில். தென்மேற்கில் விநாயகர் சந்நிதி உள்ளது. கருவறை, மகாமண்டபம், நந்தி மண்டபம், அம்மன் சந்நிதி என்ற அமைப்புடன் விளங்குகிறது.
 கருவறையில் அகஸ்தீசுவரர் லிங்க வடிவிலே எழுந்தருளி அருள்புரிகிறார். கருவறை தேவ கோட்டங்களில் நர்த்தன விநாயகர், தட்சிணாமூர்த்தி, திருமால், பிரம்மா, துர்க்கை அமைந்து அருள்கூட்டுகின்றனர். வடக்கில் சண்டிகேஸ்வரர் சந்நிதி உள்ளது. கருவறையை சுற்றிவர, சுற்று மண்டபம் அமைந்திருப்பது இக்கோயிலின் சிறப்பாகும்.
 முன்பு வழிபாட்டில் இருந்த லிங்கத்திருமேனி கருவறையின் மேற்கு பகுதியில் வைத்து வழிபாடுகளை மேற்கொண்டு வருகின்றனர். இவர், " ஆதி அகஸ்தீஸ்வரர்' என்று அழைக்கப்படுகின்றார்.
 மகாமண்டபத்தில் வடக்குப் பகுதியில் அம்பாள் சந்நிதி தெற்கு நோக்கி அமைந்துள்ளது. கருவறையில் அம்பாள் தனது கரங்களில் அங்குசம்- பாசம் தாங்கியும் கீழிருகரங்களில் அபய- வரத முத்திரை தாங்கியும் அகிலாண்டேஸ்வரி என்னும் பெயர் கொண்டு அருள் வழங்கும் அற்புத கோலத்தைக் கண்டு வணங்கலாம். அம்பாள் சந்நிதி தேவ கோட்டங்களில் இந்திராணி, மகேசுவரி, வைஷ்ணவி, பிராமி, வராகி திருமேனிகள் அமைந்துள்ளன. வடகிழக்கில் நவக்கிரக சந்நிதியும், பைரவர் சந்நிதியும் அமைந்துள்ளன.
 சுவாமி கருவறை முன்பாக நந்தியம்பெருமான் மண்டபத்தில் எழுந்தருளியுள்ளார். பிரதோஷ நாளில் மக்கள் சிறப்பாக வழிபாடுகளை "கைலாய வாத்தியம்' முழங்க மேற்கொள்வது சிறப்பாகும்.
 திருக்கோயிலின் கிழக்கே திருக்குளம் அமைந்துள்ளது. திருக்குளத்தை சீரமைக்கும் திருப்பணி இன்னும் செய்ய வேண்டியுள்ளது. இக்கோயிலில் அகத்திய முனிவரின் வடிவத்தை அமைக்க வேண்டியுள்ளது. மேலும் சமயக்குரவர்கள் நால்வர், 63 நாயன்மார்களின் திருமேனிகளை பிரதிஷ்டை செய்ய முயற்சி மேற்கொள்ளப்பட்டு வருகிறது.
 சென்னை அடையாறு, சைதாப்பேட்டையிலிருந்து இவ்வூருக்கு பேருந்துகள் ( 19 கே, 102, எம்19 பி) வந்து செல்கின்றன. இவ்வூருக்கு அருகில் மலையில் வீர ஆஞ்சநேயர் திருக்கோயில் அமைந்துள்ளது.
 தொடர்புக்கு: 94441 18745.
 - கி. ஸ்ரீதரன்
 
 

]]>
https://images.dinamani.com/uploads/user/imagelibrary/2019/8/23/w600X390/vm3.jpg https://www.dinamani.com/weekly-supplements/vellimani/2019/aug/23/புதுப்பாக்கத்தில்-அருள்பாலிக்கும்-அகஸ்தீஸ்வரர்-3219720.html
3219712 வார இதழ்கள் வெள்ளிமணி நிகழ்வுகள் DIN DIN Friday, August 23, 2019 10:15 AM +0530 நூதிருக்கோயில் திருப்பணி
 வேலூர் மாவட்டம், ஆம்பூர் வட்டம், ஒடுக்கத்தூர் அடுத்த பாக்கம் கிராமத்தில் உத்திரகாவேரி ஆற்றங்கரையில் சுமார் 1000 ஆண்டுகளுக்குமேல் பழைமை வாய்ந்த அருள்மிகு உமாமகேஸ்வரி உடனுறை கைலாயநாதர் சிவாலயம் உள்ளது. இங்கு, ஆற்றில் ஏற்பட்ட வெள்ளப்பெருக்கின் காரணமாக சிதிலமடைந்திருந்த கோயிலை ஆன்மிக அன்பர்கள் ஊர் சான்றோர்கள் உலகளாவிய ஆன்மிக சங்கத்தின் தூண்டுதலுடன்ஆலய திருப்பணி வேலைகள் தொடங்கப்பட்டுள்ளன. முட்புதர்களால் சூழப்பட்டிருந்த கோயில் சீரமைக்கப்பட்டது. மேலும் அம்பாள், முருகப்பெருமான், தட்சிணாமூர்த்தி, நந்தி போன்ற சிலைகளும் கண்டெடுக்கப்பட்டுள்ளன. தற்போது கருவறை, கோபுரம், அர்த்தமண்டபம் ஆகிய பணிகள் முடிந்து மேற்கொண்டு மகாமண்டபம், பரிவார மூர்த்திகளுக்கான சந்நிதிகள் அமைக்கப்படவும் மேலும் பல திருப்பணிகளும் செய்ய வேண்டியுள்ளது. பக்தர்கள் இந்த தெய்வீகத் திருப்பணியில் பங்கு கொண்டு இறையருள் பெறலாம்.
 தொடர்புக்கு: 93458 83326/ 90253 45747.
 

]]>
https://www.dinamani.com/weekly-supplements/vellimani/2019/aug/23/நிகழ்வுகள்-3219712.html
3219709 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, August 23, 2019 10:14 AM +0530 * குரு முன்னால் செல்ல, சீடன் பின்னால் செல்கிறான். அதுபோன்று மனித முயற்சி முன்னால் செல்ல, அதன் பின்னால் விதி செல்கிறது. 
- மகாபாரதம்
* எவர் தேவர்களுக்கு நன்மை செய்வதற்காகப் பூவுலகில் அவதரித்தாரோ, எவருடைய திருவடித் தாமரையிலுள்ள மகரந்தத்தூள்களால் அகல்யை சாபத்திலிருந்து விடுதலை அடைந்தாளோ, எவருடைய உத்தமத் தூய்மை நினைத்த மாத்திரத்தில் மூவுலகிற்கும் பாவத்தைப் போக்கித் தூய்மை தருகிறதோ, அந்த அளவற்ற மகிமை கொண்ட மாசற்ற ஸ்ரீ ராமரை நான் வணங்குகிறேன். 
- ஸ்ரீ ராமகர்ணாமிர்தம்
* மனிதப்பிறவி, முக்தி அடைய வேண்டும் என்ற விருப்பம், மகாபுருஷர்களின் தொடர்பு ஆகிய இந்த மூன்றும் அடைவதற்கு அரியவைகள். இவை தெய்வத்தின் கிருபை இருந்தால் மட்டுமே கிடைக்கும். 
- சங்கரர் (விவேக சூடாமணி)
* நாரதர் வியாசருக்குத் தனது சுயசரிதையைக் கூறும்போது, அவர் முந்திய கல்பத்தில் சாதுக்களுக்குப் பணிவிடை செய்ததையும், அதன் காரணமாக அவர்களுடைய கிருபைக்குப் பாத்திரமாகி அடுத்த பிறவியில் தேவரிஷியானதையும் குறிப்பிட்டிருக்கிறார். 
- பாகவதம்
* கடலில் அலைகள் உயர உயர எழும்புகின்றன. அது போலவே நம்முள் பரந்தும் உறுதியாகவும் இருக்கும் பரமாத்மா என்ற சமுத்திரத்திலிருந்து நிலையற்றதும் உறுதியற்றதுமான மனம் என்ற அலை எழுகிறது. 
- வசிஷ்டர் (யோகவாஷிட்ட சாரம்)
 

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/aug/23/பொன்மொழிகள்-தொகுப்பு-சுவாமி-கமலாத்மானந்தர்-3219709.html
3219705 வார இதழ்கள் வெள்ளிமணி அத்தி கிருஷ்ண வைபவம்! DIN DIN Friday, August 23, 2019 10:13 AM +0530 கடலூர் பண்ருட்டி வழித்தடத்தில் நெல்லிக்குப்பத்தில் உள்ளது ஸ்ரீ வேணுகோபால சுவாமி திருக்கோயில். இயற்கையாகவே ஆலயத்திற்கு அருகில் சற்று தொலைவில் இடதுபக்கம் கருடநதி எனப்படும் கெடிலம் ஆறும், வலது பக்கம் தென்பெண்ணை ஆறும் ஓடுவது சிறப்பு. சுமார் 60 ஆண்டுகள் முன்பு வரை ஒரு பஜனை மடமாக இருந்து, தற்போது ஆலயமாக உருவெடுத்துள்ளது. மூன்று நிலை ராஜகோபுரம் 5 கலசங்களுடன், துவஜஸ்தம்பம் முதலியவற்றுடன் ஒரு திருமால் ஆலயத்திற்கு உரிய அனைத்து சந்நிதிகளுடன் சிறிய ஆலயமாக மிக அழகுடன் திகழ்கின்றது.
 ஜய, விஜயர்களைத் தாண்டி கருவறையில் மூலவராக சுமார் 5 அடி உயரத்தில் ஸ்ரீ வேணுகோபால சுவாமி, பாமா ருக்மணியுடன் காட்சியளிக்கின்றார். மூவருமே "அத்திமரத்தினால்'ஆன சிலா ரூபங்கள். சங்கு சக்ரதாரியாய் ஸ்ரீ வேணுகோபாலசுவாமியின் எடுப்பான தோற்றம் நம்மை ஈர்க்கின்றது. அதுவும் கையில் புல்லாங்குழலுடன் தரிசிக்கையில் அப்பெருமாளின் வேணுகானம் எதிரொலிப்பது போல் இருக்கும். "அலைபாயுதே கண்ணா' என்ற ஊத்துக்காடு கவியின் பாடல் நினைவுக்கு வருவது திண்ணம்.
 பத்மாவதி தாயார் தனி சந்நிதி கொண்டு அருளுகின்றாள். கோதை நாயகி ஆண்டாள், வைஷ்ணவி, சுதர்ஸன நரசிம்மர், பக்த ஆஞ்சநேயர், பெரிய திருவடி சந்நிதிகள் அமைந்து ஆலயத்திற்கு அழகு சேர்க்கின்றன. உடையவர், தேசிகர் கற்சிலைகள் கருவறைக்கு முன் மண்டபத்தில் பிரதிஷ்டையாகி உள்ளது. மூலவரைப் போன்றே ஸ்ரீ பாமா, ருக்மணி சமேத வேணுகோபால சுவாமிக்கு உற்சவ திருமேனிகள் அழகுற அமைந்துள்ளன. தவழும் கிருஷ்ண விக்ரகம் (நவநீத கிருஷ்ணன்) விக்ரமும் கருவறையில் வழிபடப்படுகின்றது. ஸ்ரீமத் ஆண்டவன் சுவாமிகள் உட்பட பல அருளாளர்கள் இவ்வாலயத்திற்கு விஜயம் செய்து பெருமை சேர்த்துள்ளனர்.
 தமிழக இந்து சமய அறநிலைத்துறை நிர்வாகத்தின் கீழ் உள்ள இவ்வாலயத்தில் ஸ்ரீ வேணுகோபால பக்த ஜனசபை என்ற அமைப்பின் மூலம், நித்ய ஆராதனை வழிபாடுகளும் சித்திரை முதல் பங்குனி வரை அனைத்து உற்சவாதி தினங்களும் முறைப்படி சிறப்பாகச் செய்யப்படுகின்றது. பிரதி சனிக்கிழமை தோறும் பெரிய அளவில் அன்னதானம் வழங்கப்படுகின்றது. அமாவாசை தினங்களில் சிறப்பு திருமஞ்சனமும், பெருமாள் ஊஞ்சல் சேவையும் நடைபெறுகின்றது. இவ்வாலயத்திற்கு ஆண்டிற்கு ஒரு தடவை வைகாசி விசாகத்தன்று கருடúஸவை நடத்தப்படுகின்றது. தை மாதம் ஆற்று உற்சவத்தன்று தென்பெண்ணை ஆற்றில் தீர்த்தவாரி உண்டு. ஆடி மாதம் தாயாருக்கு குத்து விளக்கு பூஜை, ஊஞ்சல் சேவை போன்ற சிறப்பு வைபவங்கள் கோலாகலமாக நடைபெறுகின்றன.
 இந்த சந்நிதியில் நடைபெறும் இரண்டு பிரார்த்தனை வழிப்பாடுகளில் பக்தர்கள் பெரிதும் பங்கேற்கிறார்கள். ஒன்று திருமணத்தடைகள் நீங்குவதற்காக வேண்டி பெருமாளுக்கு மாலை சாற்றி அர்ச்சனை செய்வது, மற்றொன்று மழலைப்பாக்கியம் வேண்டி நவநீத கிருஷ்ணரை தொட்டில் பிரார்த்தனை செய்வது. சமீப காலங்களில் இவ்வழிபாடுகளில் பங்கேற்று பலன் அடைந்தோர் ஏராளம்!
 ஸ்ரீ கிருஷ்ண ஜெயந்தி மற்றும் ஜென்மாஷ்டமி தினத்தை முன்னிட்டு எதிர்வரும் ஆகஸ்ட் 23, வெள்ளிக்கிழமையன்று நள்ளிரவு 12 மணிக்கு ரோகிணி நட்சத்திரம் கூடிய நேரத்தில் திருமஞ்சன வைபவமும் மறுநாள் ஆகஸ்ட் 24 -ஆம் தேதி சனிக்கிழமை மாலை 6 மணிக்கு உறியடி உற்சவமும் தொடர்ந்து பின்னக்கிளை வாகனத்தில் வீதி உலாவும் நடைபெறுகின்றது. அத்திவரத வைபவத்திற்கு பின் நடைபெறும் இந்த அத்தி கிருஷ்ண வைபத்திலும் ஆஸ்தீக ஜனங்கள் பெருமளவில் பங்கேற்க வேண்டும். நெல்லிக்குப்பம் காந்தி வீதியில் உள்ளது இவ்வாலயம். தொடர்புக்கு: 94434 60442 / 63837 79673.
 - எஸ்.வெங்கட்ராமன்
 

]]>
https://images.dinamani.com/uploads/user/imagelibrary/2019/8/23/w600X390/vm2.jpg https://www.dinamani.com/weekly-supplements/vellimani/2019/aug/23/அத்தி-கிருஷ்ண-வைபவம்-3219705.html
3219676 வார இதழ்கள் வெள்ளிமணி கரந்தை - ஸ்ரீ யாதவக் கண்ணன்! Friday, August 23, 2019 10:04 AM +0530 ( ஸ்ரீ கிருஷ்ண ஜெயந்தி - 23.8.2019)
 யது குலத்தில் கண்ணன்- குழல் ஊதி மாடு மேய்த்து நண்பர்களுடன் விளையாடி, வெண்ணெய் திருடி, கோபியர்களுடன் குறும்புத்தனம் செய்த கண்ணனின் லீலைகள் ஏராளம்! யதுகுலத்தில் அவதரித்த கண்ணன் யாதவர்களின் குலதெய்வமாக விளங்கினான்.
 தஞ்சை மாவட்டத்தில் உள்ள கரந்தை என்னும் பகுதியில் கோயில் கொண்டு வேண்டுவோருக்கு வேண்டும் வரங்களைத் தந்தருள்கிறார் ஸ்ரீ கிருஷ்ணனான யாதவக் கண்ணன்!
 கி.பி. 1755- இல் யாதவர்களின் நாட்டாண்மையாக விளங்கிய பெரியண்ணா என்பவரின் முயற்சியால் அப்போது தஞ்சையை தலைநகராகக் கொண்டு ஆட்சி புரிந்து வந்த மராட்டிய மன்னர் பிரதாப சிம்மனால் உருவாக்கப்பட்ட ஆலயம் இது.
 இங்கு மூலவர், சத்தியபாமா - ருக்மிணி சமேத ஸ்ரீ வேணுகோபால சுவாமியாக அருள்பாலிக்கிறார். உத்ஸவ மூர்த்தியின் திருநாமம் ஸ்ரீ யாதவக் கண்ணன் நர்த்தனக் கோலத்தில் அழகிய வடிவம் கொண்டு காட்சி தரும் யாதவக் கண்ணனைப் பார்த்தாலே நம் பாவமெல்லாம் பறந்தோடிவிடும். ஆலயத்தின் உட்பிரகாரத்தில் திருப்பதி பாலாஜியின் திருக்கோலத்தைக் கண்டு தரிசிக்கலாம். மூன்று நிலை ராஜகோபுரம் கொண்ட அழகான திருக்கோயில் இது.
 இங்கே பாஞ்சராத்ர ஆகமப்படி ஸ்ரீ கிருஷ்ண ஜெயந்தி உத்ஸவம் 11- ஆம் நாள் விழாவாக விமரிசையாகக் கொண்டாடப்படுகிறது. விழாவின் போது சுவாமிக்கு தினமும் திருமஞ்சனம், சிறப்பு பூஜைகள் நடைபெறும். பதினொரு நாளும் விதவிதமான அலங்காரத்தில் யாதவக் கண்ணனைக் காணக் கண் கோடி வேண்டும். 7- ஆம் நாள் உறியடித் திருவிழா களை கட்டும். 11 - ஆம் நாள் விடையாற்றியுடன் விழா நிறைவு பெறுகிறது.
 சோழ நாட்டில் பிரம்மாண்டமாக நடைபெறும் 18- கருட சேவை மிகவும் பிரசித்தம்! அப்போது இந்த யாதவக் கண்ணனும் சர்வ அலங்காரத்துடன் அந்தக் கருடசேவையில் பங்கேற்பார்.
 பிள்ளைப்பேறின்றி தவித்து மருகும் பெண்களுக்கு, இங்கேயுள்ள யாதவக் கண்ணன் வரப்பிரசாதியாவார். ஆலயத்தில் உள்ள தொட்டில் கிருஷ்ணனை தம்பதிகள் மடியில் ஏந்தி, தாலாட்டி வழிபட, விரைவில் வீட்டில் தொட்டில் சத்தம் கேட்கும் இது யாதவக் கண்ணனின் மகிமை எனச் சிலிர்ப்புடன் கூறுகின்றனர் பக்தர்கள்.
 பெண்கள் வளைகாப்பு வைபவத்தை யாதவக் கண்ணன் முன்னிலையில் சீர்வரிசைகள் வைத்துப் பிரார்த்தனை செய்து சீரும் சிறப்புமாக நடத்துவது தஞ்சாவூர் மற்றும் அதனைச் சுற்றியுள்ள ஊர்க்காரர்களின் வழக்கம். இதனால் ஒரு குறைவுமின்றி சுகப்பிரசவம் நடைபெறுவதாகக் கூறுகின்றனர். பிரசவம் நல்லபடியாக ஆனபின்பு, குழந்தையை துலாபாரத்தில் வைத்து எடைக்கு எடை நேர்த்திக் கடனைச் செலுத்தி மகிழ்கிறார்கள்.
 - டி.எம். இரத்தினவேல்
 
 
 

]]>
https://images.dinamani.com/uploads/user/imagelibrary/2019/8/23/w600X390/vm1.jpg https://www.dinamani.com/weekly-supplements/vellimani/2019/aug/23/கரந்தை---ஸ்ரீ-யாதவக்-கண்ணன்-3219676.html
3214878 வார இதழ்கள் வெள்ளிமணி மன மாசு அகற்றும் மந்திரம்! DIN DIN Friday, August 16, 2019 10:54 AM +0530 குஷா வம்சத்து மன்னர் காதி அனைத்து பொறுப்புகளையும் தன் ஒரே மகனான கெளசிகனிடம் ஒப்படைத்துவிட்டு வானபிரத்ராஸ்ரமம் சென்றுவிட்டார். பொறுப்பை ஏற்ற மன்னர் கெளசிகன் நல்லாட்சி செய்து வந்தார். ஒருமுறை மன்னர் நாட்டைவிட்டு தன் பரிவாரங்களுடன் கிளம்பி காட்டிற்கு சென்று வேட்டையாடிய களைப்பில் சிறிது ஓய்வெடுக்க இடம் தேடியபோது, அந்த அடர்ந்த கானகத்தில் ஆஸ்ரமம் ஒன்று இருப்பதைப் பார்த்தனர். மன்னர் உள்ளே சென்று பார்த்தபோது அங்கு வசிஷ்ட மாமுனிவர் இருப்பதைக் கண்டு ஆனந்தம் கொண்டு அவரை வணங்கி மகிழ்ந்தார்.
கெளசிகனை வரவேற்ற வசிஷ்டர் இந்தக் குடிசையில் அனைவரும் உணவருந்த வேண்டுமென விண்ணப்பித்தார். கெளசிகனோ "எங்கள் பெரிய கூட்டத்திற்கு உங்களால் எப்படி உணவளிக்க முடியும் அந்த சிரமம் வேண்டாம்' என்றார். முனிவரோ, "சற்று பொருங்கள்' என அவரது ஆஸ்ரமத்திலிருந்த பசு மாட்டிடம் (காமதேனு) சென்று காதில் ஏதோ கூறினார். நொடிப் பொழுதில் அனைவருக்கும் அருமையான உணவு உடனே கிடைத்தது. அதிர்ந்த கெளசிகன்; இப்படிப்பட்ட பசு எனக்கு வேண்டுமென்றார். வசிஷ்டர் "அவளை தருவதற்கில்லை' என கூறிவிட்டார்.
கெளசிகரோ; இது வசிஷ்டரின் தவ வலிமையினால் மட்டுமே கிட்டியுள்ளது. அப்படிப்பட்ட தவத்தை நாம் மேற்கொண்டு அனைத்தையும் நாம் அடைய வேண்டுமென நாட்டைத் துறந்து கானகம் சென்று பிரம்மனை நோக்கி பலமுறை கடுந்தவம் மேற்கொண்டார். பிரம்மன் அவரது தவத்தினை மெச்சி கெளசிகருக்கு பலவற்றை தந்து அத்துடன் "பிரம்ம ரிஷி" என்ற பட்டத்தையும் தந்தார். பின் நான் கொடுத்தது போதாது; வசிஷ்டர், "உன்னை போற்றி அவர் வாயால் "பிரம்ம ரிஷி" என்று அழைக்க உன் தகுதியை தயார் செய்துக்கொள்' என்றார்.
வேறு வழியின்றி கெளசிகர், வசிஷ்டரிடம் சென்றார். தான் வருவதைக்கூட கண்டு கொள்ளாமல்; தன் மனைவி அருந்ததியுடன் வசிஷ்டர் பேசிக்கொண்டிருந்ததைப் பார்த்து கோபம் கொண்ட கெளசிகர், வசிஷ்டரின் தலையில் அடிக்க கையை ஓங்கினார்; ஆனால் விலகிய வசிஷ்டரின் காலடியில் தடுமாறி விழுந்த கெளசிகரை, வசிஷ்டர் தன் கையால் கீழே விழாமல் பிடித்தார். தன் மீது வசிஷ்டரின் கைபட்டவுடன் ஏதோ ஓர் ஈர்ப்புசக்தி ஏற்பட்டு சமாதி நிலைக்குத் தள்ளப்பட்டதை உணர்ந்தார். அப்போது அவரது ஆதார ஸ்தானமான ஆழ்மனதிற்குள் ஒர் மந்திர ஒலி ஒலித்தது. அதுவே காயத்ரி மந்திரமாகும். இப்படி வெளிவந்தவள்தான் காயத்ரி தேவியாவாள்! காயத்ரி தேவியின் அருள் கிட்டிய கெளசிகரை; "விஸ்வாமித்ர பிரம்ம ரிஷி" என வசிஷ்டர் தன் வாயால் ஆமோதித்தார். அதுமுதல் விஸ்வாமித்ர மகரிஷி என்ற பெயர் அமலுக்கு வந்தது.
ஷத்திரியகுல விஸ்வாமித்திரருக்கு காயத்ரி தேவியே நேரடியாக இந்த மந்திரத்தை உபதேசித்தாலும் காலப்போக்கில் ஒரு சாரார் இந்த மந்திரத்தின் மேன்மையை உணர்ந்து இதனை தீவிரமாக ஓதி, தாங்களும் கடுமையான பயிற்சி மேற்கொண்டு, பிறருக்கும் ஓதுவித்து பலரும் பயனுறும் வண்ணம் கொண்டு சென்றனர். இது அனைத்து பிரிவினருக்கும் பொதுவான மறை ஆகும். சரியான ஒலி ஏற்ற இறக்கத்துடன் பற்றுடன் யார் வேண்டுமானாலும் இந்த காயத்ரி மந்திரத்தை குருமுகமாக செய்யலாம்.
ஓம் பூர்: புவ: ஸுவ
தத் ஸவிதுர் வரேண்யம்
பர்கோ தேவஸ்ய தீமஹி
தியோ: யோந: ப்ரசோதயாத்!!
இதன் பொருள்: "நம்முடைய புத்தியை, ஒளிமிக்கதாகத் தூண்டும், இந்த உலகினை காக்கும் சக்தியை தருகின்ற சூரிய பகவானே உன்னை தியானிக்கிறோம்" என்பதாகும். மொத்தம் 24 அட்சரங்களைக் கொண்டது காயத்ரி மந்திரம். ஒம் என்பது ப்ரணவம். புஹூ; புவஹா; சுவஹா;" என்பது வியாஹ்ருதீ மந்திரம் ஆகும். "ஓம் தத் சவிதுர் வரேண்யம்" என்பது ருக் வேத மந்திரம், "பர்கோ தேவஸ்ய தீமஹி' என்பது யஜுர் வேத மந்திரம், "தியோ: யோந: ப்ரசோதயாத்" என்பது சாம வேத மந்திரமாக இணைத்துக் கூறுகின்றனர். காயத்ரி என்பதற்கு தன்னை ஜெபிப்பவனை காப்பவள் என்று பொருள். காயத்ரி "மாதா' என்பதால்; தாய் வடிவாக அவளை உபாசிக்க வேண்டும்; அன்பின் உருவமே தாய் என்பதால் அவள் நமக்கு நன்மை மட்டுமே செய்வாள் என்று வேதம் கூறுகிறது. காயத்ரி மந்திரத்தை சொல்வதால் நம் சிந்தை ஒருநிலைப்பட்டு; சித்தம் சுத்தியடையும்; அதன் தொடர்ச்சியாக நம் எண்ண அலைகள் தெளிவாகி, மாசற்ற புத்துணர்வு அடைவதால் நமக்கு நல்வழி கிட்டி அவ்வழியில் நம்மை செல்லத் தூண்டுகிறது.
ஸ்ரீ யோகீச்வர யாக்ஞவல்கிய மகரிஷிக்கு நேரில் காட்சி கொடுத்து அவரை சூரியபகவானிடம் வேதம் கற்றுக்கொள்ளுமாறு அனுக்ரஹித்தது மாதா காயத்ரி தேவியே. மேலும் காயத்ரி மந்திரம், வேதத்தின் சாரம் என்றும், சித்த சாந்திக்கு காரணமாக உள்ளது என்றும் இதுபற்றி மகாசுவாமிகள் தனது அருளாசி உரையில் குறிப்பிட்டுள்ளார்.
சிராவண மாதத்தில் அதாவது தமிழ் ஆவணி மாத அவிட்ட நட்சத்திரத்தில் அநேகமாக பெளர்ணமியன்று "ஆவணி அவிட்டம்" என்று விமரிசையாக கொண்டாடப்பட்டு ஹோமங்கள் செய்து பூணூல் மாற்றப்படும். மறுநாள் "காயத்ரி ஜபம்" சங்கல்பத்துடன் 1008 முறை செய்ய வேண்டுமென்பது மரபு. தெலுங்கு மற்றும் ஆந்திர மாநிலத்தில் இதனை "காயத்ரி பத்யாமி', "காயத்ரி ப்ரதிபாடா' என்பர். இவ்வருடம் ஆகஸ்ட் 15 -ஆம் தேதி ஆவணி அவிட்டமும், 16 -ஆம் தேதி (இன்று) காயத்ரி ஜபமும் அமைகிறது.
- எஸ். எஸ். சீதாராமன்

 

]]>
https://images.dinamani.com/uploads/user/imagelibrary/2019/8/16/w600X390/vm6.jpg https://www.dinamani.com/weekly-supplements/vellimani/2019/aug/16/மன-மாசு-அகற்றும்-மந்திரம்-3214878.html
3214877 வார இதழ்கள் வெள்ளிமணி வெண்ணெய் கண்ணன்! DIN DIN Friday, August 16, 2019 10:52 AM +0530 கண்ண பெருமானின் விளையாட்டுகள்தான் எத்தனை எத்தனை? அவற்றில் ஒன்று நடந்த இடமே திருக்கண்ணங்குடி!
 ஒருமுறை திருமால் ரிஷிகள் வேண்ட, அவர்களுக்கு காட்சி கொடுத்து அருள நினைத்தார். வசிஷ்டர், வெண்ணெய்யைக் கொண்டு கிருஷ்ண விக்ரகம் ஒன்று செய்து இளகாத வகையில் வைத்து நாராயணனை மற்ற ரிஷிகளுடன் சேர்ந்து வணங்கிக் கொண்டிருந்தார். பகவான் கிருஷ்ணன், வசிஷ்டரை சோதிக்க ஒருநாள் அவரே குழந்தையாக வந்தார். வசிஷ்டர் பூஜித்த வெண்ணெய் கிருஷ்ணனை வாயிலிட்டுக் கொண்டு தளிர் நடையும் ஓட்டமுமாக ஓடினார். இதைக் கண்டு பதறி, வசிஷ்டர் குழந்தை கிருஷ்ணனை துரத்த, குழந்தை இந்த கோயிலில் உள்ள மகிழ மரத்தடியில்சென்று பதுங்கியது. அங்கு தவம் செய்த மகரிஷிகள் கிருஷ்ணனை யார் என்று அறியாமல் தாம்பால் கட்டிப் போட்டு தங்க வைத்து அங்கேயே குடிகொள்ளச் செய்ததால் இத்தலத்திற்கு திருக்கண்ணங்குடி என்று பெயர் வந்தது.
 திருமங்கையாழ்வார் திருவரங்கம் கோயில் திருமதில் திருப்பணி செய்வதற்காக நாகப்பட்டினத்திலிருந்து ஏராளமான பொன்னும் மணியும் பொருளும் கொண்டு வந்து கொண்டிருந்தார். இந்த இடத்தைக் கடக்கும் போது, நள்ளிரவானதால் ஓய்வெடுக்க விரும்பினார். இத்தலத்தில் உள்ள சேற்றிலே கொண்டு வந்ததைப் புதைத்து விட்டு அருகில் உள்ள ஒரு புளியமரத்தின் அடியில் சென்று, "நான் அயர்ந்து உறங்கினாலும் நீ உறங்காமல் இதனைப் பார்த்துக்கொள்' என்று புளிய மரத்திடம் சொல்லிவிட்டு உறங்கச் சென்று விட்டார். புளிய மரமும், திருமங்கையாழ்வார் சொல்படி உறங்காமல் அந்த பொருட்களைக் காத்தது. அதனால் இன்றுவரை இங்குள்ள புளிய மரத்திற்கு "உறங்காப் புளிய மரம்' என்ற பெயரும் உண்டு.
 இங்குள்ள கிணறுகளில் தண்ணீர் எவ்வளவு தோண்டினாலும் தென்படுவதில்லை. இந்த ஊரில் என்ன வழக்கு துவங்கினாலும் அது கூடுமானவரை முடிவில்லாமல் சென்று கொண்டிருக்கும் தேரா வழக்காகவே }முடிவில்லாத வழக்காகவே இருந்து வருகிறது எனப்படுகிறது.
 இத்தலத்தின் தலவிருட்சம் மகிழ மரமாகும். இம்மகிழ மரத்தடியில் கிருஷ்ணலீலை நடந்ததென்றும் அதன் அடியில் திருமங்கை ஆழ்வார் பசியால் வாடியிருந்தபோது பகவான் வந்து பசியாற உணவு கொடுத்ததாகவும் அதனால் அந்த மகிழ மரத்தை எப்போதும் பசுமையாக இருக்க கூறியதாகவும் அதனால் அது காயா (த) மகிழ் என அழைக்கப்பட்டதாகவும் கூறப்படுகிறது. இவ்வூரை காயாமகிழ், ஊறாக்கிணறு, உறங்காப்புளி, தீராவழக்கு திருக்கண்ணங்குடி என்ற பழமொழி இவ்வூரைப்பற்றிச் சொல்லுவது வழக்கத்தில் உள்ளது. தமிழ்நாட்டிலுள்ள பஞ்சகிருஷ்ண தலங்களில் இத்தலமும் ஒன்றாகும்.
 இங்கு, நாராயணர் முதலில் கிருஷ்ணராகக்காட்சி தந்து பின்னர் நாராயணத் திருவுருவைக் காட்டி ஸ்ரீதேவி பூதேவியுடன் கருவறையிலிருந்து காட்சி தருகிறான். இறைவனை பிரம்மா, கவுதமர், உபரிசரவசு, வசிட்டர், பிருகு, மாடரர், திருமங்கையாழ்வார் ஆகியோர் தரிசித்துள்ளனர். இங்குள்ள பெருமாள் உத்பல விமானத்தின்கீழ் அருள்பாலிக்கிறார்.
 பெருமாள் கிருஷ்ணாவதாரராக இருப்பதால் சியாமளமேனிப் பெருமாள், உலகப் பிரளய காலத்தில் ஆலிலையின் மீது உலகைக் காப்பதற்காக வந்த பெருமாள் ஆதலால் உலகநாதப் பெருமாள், கிருஷ்ணாவதாரத்துடன் தொடர்புடையவராதலால் மூலவர் தாமோதர நாராயணப்பெருமாள் என அழைத்து வணங்கப்படுகின்றார். தாயார் தனிக்கோயிலில் அரவிந்தநாயகி என்றும்; உற்சவர் தாயார் லோகநாயகி என்ற பெயரோடும் அருள் வழங்குகின்றனர்.
 பரம்பரை சொத்துக்கள் கைவிட்டு போகாமல் இருப்பதற்கும், குலமக்கள் வழி தவறி நடக்காமல் இருப்பதற்கும் குடும்பப் பெருமையை நிலைநாட்டுவதற்கும் கடன் சுமையால் வாடுபவர்களுக்கும் இந்த தலம் நன்மையைச் செய்யும் எனப்படுவதற்கு குறிப்புகள் உள்ளன. இங்குள்ள பெருமாளை தரிசனம் செய்து அர்ச்சனை செய்தால் பட்ட கஷ்டங்கள் அனைத்தும் பஞ்சாக பறந்துவிடும் எனப்படுகிறது.

ஐந்து நிலை ராஜகோபுரம், இரண்டு பிரகாரங்களுடன் பத்தி உலாத்தல் மண்டபம், சோபன மண்டபம், மகா மண்டபம், அர்த்தமண்டபமும் கொண்ட மூலவர் கிழக்கு நோக்கி நின்ற கோலத்தில் காட்சி தருகிறார். தன்னை தரிசிக்க விரும்பிய ரிஷிகளுக்கு முதலில் கிருஷ்ணாவதாரத்தில் கண்ணன் உருவை காட்டியதால் ஸ்ரீ ஜெயந்தி இங்கு சிறப்பாக கொண்டாடப்படுகிறது.
 எதிர்வரும், 23.08.2019 அன்று இரவு 12.40 மணிக்கு மேல் நெல்லுக்கு பாலால் சந்திரார்க்யம் செய்த பிறகு சந்தான கிருஷ்ணனுக்கு திருமஞ்சனம் திருவாராதனம் செய்யப்படும். சீடை, முறுக்கு, சுயம், அப்பம், வடை, சுக்கு, வெல்லம், திருக்கண்ணமுது, பால் பாயசம், வெண்ணெய் ஆகியவையும் செய்து நைவேத்தியம் செய்து எழுந்தருளச் செய்யப்படும்.
 மறுநாள் உற்சவர் தாமோதர நாராயணப் பெருமாள் எழுந்தருளி திருவீதி கண்டருளி அங்கு உரியடி நடந்து திருவீதி உலா வந்து மீண்டும் கோயிலை அடைவார்.
 நாகப்பட்டினம்-திருவாரூர் சாலையில் நாகப்பட்டினத்திலிருந்து சுமார் 8 கி.மீ. தொலைவிலும் சிக்கலில் இருந்து 2 கி.மீ. தூரத்திலும் இந்தக் கோயில் உள்ளது.
 தொடர்புக்கு: 97513 75171 /
 94435 25907.
 - இரா.இரகுநாதன்
 

]]>
https://images.dinamani.com/uploads/user/imagelibrary/2019/8/16/w600X390/THIRUKANNANKUDI.JPG https://www.dinamani.com/weekly-supplements/vellimani/2019/aug/16/வெண்ணெய்-கண்ணன்-3214877.html
3214876 வார இதழ்கள் வெள்ளிமணி பொருநை போற்றுதும்! 54 டாக்டர் சுதா சேஷய்யன் DIN DIN Friday, August 16, 2019 10:49 AM +0530 திருநெல்வேலிப் பகுதியின் பஞ்சக் குரோசத் தலங்களில் ஆழ்வார்குறிச்சியும் ஒன்று.
 இந்தியாவில், நான்குப் பிரதேசங்களில் இவ்வாறான பஞ்சக் குரோசத் தலங்கள் உள்ளன. காசி (வாராணசி), உஜ்ஜயினி, கும்பகோணம், திருநெல்வேலி ஆகியவை இந்நான்குப் பிரதேசங்கள்.
 குரோசம் என்னும் சொல்லுக்குப் பற்பல பொருள்கள் உண்டு. மிக முக்கியமான பொருள் "ஒலி', "ஓசை', "கூப்பாடு' என்பனவற்றைக் குறிப்பதாகும். பின்னாட்களில், நீள அளவைக் குறிப்பதற்கும் இச்சொல் பயன்படுத்தப்பட்டது. இதன்படி, "யோஜனை' என்னும் தொலைவின் (சுமார் 7 முதல் 10.5 மைல் தொலைவு) நான்கில் ஒரு பங்கு, குரோசமாகும். சுமார் 1.5 முதல் 2 மைல் தொலைவு எனச் சொல்லலாம். அதாவது, "கூப்பிடு தொலைவு' என்பதற்கு இப்படிப் பெயர் வைத்திருக்கக்கூடும்.
 பஞ்சக் குரோசங்களின் தொலைவில் (ஒன்றுக்கொன்று ஐந்து குரோசங்களுக்குள்ளாக) அமைந்துள்ள சிவத் தலங்கள், பஞ்சக் குரோசத் தலங்கள் என்றழைக்கப்படுகின்றன. இத்தலங்களில் உள்ள அனைத்து வஸ்துக்களிலும், உயிருள்ள, உயிரற்ற என்ற பேதமின்றி அனைத்திலும் சிவபெருமான் உறைகிறார் என்பதாகக் கணக்கு. பஞ்சக் குரோசத் தலங்களில் வசித்தால், பாவம் செய்கிற எண்ணம் தலைப்படாது என்பார்கள்.
 பாவநாசம் பாவநாசநாதர் திருக்கோயில், சிவசைலம் சிவசைலநாதர் திருக்கோயில், ஆழ்வார்குறிச்சி வன்னீச்வரர் திருக்கோயில், பாப்பான்குளம் ராமேச்வரர் திருக்கோயில், திருவாலீச்வரம் வாலீச்வரநாதர் திருக்கோயில் ஆகியவை இப்பகுதியின் பஞ்சக் குரோசத் தலங்கள் ஆகும். இவற்றில், பாப்பான்குளத்தையும் திருவாலீச்வரத்தையும் அகற்றிவிட்டு, கடையம் வில்வவனநாதர் திருக்கோயிலையும் திருப்புடைமருதூர் நாறும்பூநாதரையும் சிலர் சேர்க்கிறார்கள். எப்படியாயினும், ஆழ்வார்குறிச்சியின் மண்ணும் நீரும் தூசும் துகளும்கூட மகத்தானவை.
 அருள்மிகு அக்னீச்வரரின் அருள் எல்லோரையும் புனிதப்படுத்திவிடும் என்பதைக் காட்டுவதுபோல், இத்தலத்திலுள்ள நாயன்மார்களும் பிற ஊர்களின் நாயன்மார்களிலிருந்து வேறுபடுகிறார்கள். 63-வரும் என்னென்ன நிகழ்வுகளால் நாயன்மார் என்னும் அந்தஸ்து பெற்றார்களோ, அந்தந்த நிகழ்வுகளைப் படம்பிடிக்கும் விதமாகவே இவர்களின் சிலாரூபங்கள் அமைக்கப்பட்டுள்ளன.
 அக்னிதீர்த்தத்தில் மண்டபம் ஒன்றிருக்கிறது. சிவலிங்க மண்டபம். அக்னிதீர்த்தத்தில் நீர்வரத்து அதிகமாகி, மண்டபத்தை மூழ்கடித்தால், வெள்ளம் பெருகி விளைச்சலும் வேளாண்மையும் கூடுமாம்.
 "தென்னிந்தியாவின் ஹென்றி ஃபோர்ட்' என்னும் சிறப்புப் பெயரைப் பெற்ற தொழிலுலக மேதை எஸ். அனந்தராமகிருஷ்ணன் ஆழ்வார்குறிச்சிக்காரர். இவருடைய இரண்டு மகன்கள் ஏ.சிவசைலம் மற்றும் ஏ.கிருஷ்ணமூர்த்தி ஆகியோர் வழியாகவும் இவர்களின் வழித்தோன்றல்கள் வழியாகவும் தமிழ்நாட்டின் தொழில் துறையை ஆழ்வார்குறிச்சி ஆண்டு கொண்டிருக்கிறது.
 ஆழ்வார்குறிச்சியிலிருந்து கிழக்காகப் பயணித்து, மீண்டும் திருப்புடைமருதூர் பகுதியை அடைந்து, பொருநையாளின் கரைகளைத் தொட்டுவிடுகிறோம். நதி நல்லாளையே துணைகொண்டு, இவளின் கரைகளிலேயே பயணிப்போமா?
 பொருநையின் வடகரையில், அரியநாயகிபுரம், கோடகநல்லூர், பழுவூர், சுத்தமல்லி, நரசிங்கநல்லூர் போன்ற ஊர்கள்; தென் கரையில் சேரன்மாதேவி, பத்தமடை, கரிசூழ்ந்தமங்கலம்,மேலச்செவல், தேசமாணிக்கம், கோபாலசமுத்திரம், தருவை, முன்னீர்பள்ளம் போன்ற ஊர்கள்.
 அரியநாயகிபுரம் அருள்மிகு அரியநாயகி அம்பாள் உடனாய அருள்மிகு கைலாசநாதர் திருக்கோயில் கொண்டுள்ள ஊர். இந்த ஊருக்கு அருகிலேயே அரியநாயகிபுரம் அணைக்கட்டும் அமைந்துள்ளது.
 (நினைவின் செம்மைக்காக: ஆங்கிலேய ஆட்சிக்கு முன்பாக நெல்லைச் சீமையை ஆண்ட பல்வேறு ஆட்சியாளர்கள், தாமிரவருணியின் தண்ணீரை வேளாண்மைக்குப் பயன்படுத்தும் நோக்கத்தோடு, அணைக்கட்டுகளைக் கட்டியிருந்தனர் என்பதனை முன்னரே கண்டோம். பொருநையின் தலைப்பகுதியிலிருந்து தொடங்கினால், தலை அணை, நதியுண்ணி அணை, கன்னடியன் அணை என்று இவை தொடரும். இந்த வரிசையில் நாலாவதாக அமைந்திருப்பதுதான் அரியநாயகிபுரம் அணைக்கட்டு).
 என்ன காரணம் பற்றியோ, பழம்பெரும் வரலாற்றாசிரியர்கள், இந்த ஊரை "அரியநாயகபுரம்' என்றே குறிப்பிடுகிறார்கள். அருகிலுள்ள அணைக்கட்டு யாரால் கட்டப்பட்டது என்று தெரியவில்லை. தளவாய் அரியநாத முதலியார் என்பது பிற்காலத்தவரின் ஊகம். இருந்தாலும், அவருடைய காலத்துக்கும் முன்பாகவே இந்த அணை இருந்ததாகத் தெரிகிறது.
 இந்த அணைக்கட்டிலிருந்து, ஆற்றின் இடது கரையில், அதாவது, வடபுறத்தில், கோடகன் கால்வாய் பாய்கிறது. சுமார் 29 கி.மீ. தொலைவுக்கு, கல்லூர், கோடகநல்லூர், பேட்டை, தச்சநல்லூர், திருநெல்வேலி டவுன் பகுதிகள் வழியாகச் செல்கிறது. இக்கால்வாய் (கோடகநல்லூர் வழியாகச் செல்வதால் இப்பெயர் என்கிறார்கள்). வழியில் பற்பல குளங்களும், இக்கால்வாய் நீரால் நிரம்புகின்றன. 3000 ஏக்கர் அளவிலான குளத்துப் பாசனம் உட்பட, சுமார் 6000 ஏக்கருக்கும் மேற்பட்ட அளவு பாசனத்திற்கு உதவக்கூடியது கோடகன் கால்வாய். 1970-களிலேயே, பேட்டை மற்றும் நெல்லை டவுன் பகுதிகளில், கழிவுநீர் இக்கால்வாயில் கலப்பதாகக் குற்றச்சாட்டு எழுந்தது. சமீபகாலங்களில், கோடகன் கால்வாய் கழிவுநீர் கலப்புப் பிரச்சனை நீதிமன்றம் வரை சென்றுள்ளது.
 - தொடரும்...

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/aug/16/பொருநை-போற்றுதும்-54-டாக்டர்-சுதா-சேஷய்யன்-3214876.html
3214874 வார இதழ்கள் வெள்ளிமணி புண்ணிய பூமியில் புனிதப் பயணம் 21 DIN DIN Friday, August 16, 2019 10:46 AM +0530 இயேசு பிறந்த பெத்லஹேம் (பாலஸ்தீனம்)
இயேசுவின் தந்தையின் சொந்த ஊர் அன்றைய யூதேயா தேசத்தின் பெத்லஹேம். யூதேயா தேசத்தை ஆண்ட தாவீது மன்னரின் சொந்த ஊரும் பெத்லஹேம் தான். தாவீதின் மகன் சாலமோன் மன்னர் தான் எருசேலம் தேவாலயத்தை கட்டினார். இந்த வம்சத்தில் பிறந்தவர் தான் யோசேப்பு. யோசேப்புக்கு மகனாக, ராஜ வம்சத்தில் பிறந்தாலும் எளிமையாக, தாழ்மையான மாட்டுக்கொட்டகையில் தான் இயேசு பிறந்தார்.
பெத்லஹேம் என்றால் "அப்பத்தின் வீடு' என்று எபிரேய மொழியில் பொருள்படும். 
இப்போது பெத்லஹேம், பாலஸ்தீன நாட்டில் உள்ளது. சர்ச்சைக்குரிய மேற்கு கரை பகுதியில் தான் பெத்லஹேம் உள்ளது. இஸ்ரேல் நாட்டில் உள்ள எருசலேம் நகரில் இருந்து 10 கி.மீ. தூரத்தில் தான் பெத்லஹேம் உள்ளது. இது பாலஸ்தீன நாட்டில் இருந்தாலும் இஸ்ரேல் ராணுவத்தின் கண்காணிப்பில் தான் வைக்கப்பட்டுள்ளது.
விவிலியத்தின்படி, யோசேப்பும் மரியாவும் அப்போது யூதேயாவை ஆண்ட அகுஸ்து சீசர் என்னும் அரசன் இட்ட கட்டளைக்கு ஏற்ப, மக்கள் தொகைக் கணக்கெடுப்பில் தங்களைப் பதிவு செய்யச் சென்றார்கள் என்று கூறுகின்றன (லூக்கா 2:1-5). யோசேப்பு தமக்கு மண ஒப்பந்தமான மரியாளை கூட்டிக்கொண்டு நாசரேத்திலிருந்து தம் சொந்த ஊரான பெத்லஹேமுக்குப் பெயர் பதிவுசெய்யச் சென்றார். அப்போது மரியாவுக்குப் பேறுகாலம் நெருங்கியது. அவரும் தம் குழந்தையாகிய இயேசுவை சத்திரத்தில் உள்ள ஒரு மாட்டுத் தொழுவத்தில் பெற்றெடுத்து, குழந்தையை துணிகளில் பொதிந்து, அங்கிருந்த தீவனத் தொட்டியில் கிடத்தினார் (லூக்கா 2:1-7).
இயேசு பிறந்த சத்திரம் உள்ள குகைக்கு மேல் தேவாலயம் கட்டப்பட்டுள்ளது. இது CHURCH OF NATIVITY என அழைக்கப்படுகிறது. உலக புகழ்பெற்ற 4 தேவாலயங்களில் இதுவும் ஒன்று. இந்த தேவாலயத்தில் தான் புனித பயணிகளின் கூட்டம் நிரம்பி வழிகிறது. நீண்ட வரிசையில் குறைந்தபட்சம் அரை மணி நேரமாகவது காத்திருந்து தான் இயேசு பிறந்த இடத்தை காண முடியும்.
இயேசு பிறந்த பின்னர், கிடத்தப்பட்ட இடத்தில் தங்க நிறத்தில் ஒரு நட்சத்திரம் பதித்துவைக்கப்பட்டுள்ளது. இந்த நட்சத்திரத்தை புனிதப் பயணிகள் முகம் குப்புற கவிழ்ந்து முத்தமிட்டு பின்னர் காணிக்கை செலுத்திச் செல்கின்றனர். 
ஆடு மேய்ப்பர்களுக்கு நற்செய்தி அறிவிக்கப்பட்ட இடம்:
இயேசுவின் பிறப்பு முதலாவதாக, ஆடு மேய்ப்பர்களுக்குதான் வானதூதரால் அறிவிக்கப்பட்டு அவர்கள் வந்து இயேசுவைப் பணிந்தார்கள்.
விவிலியத்தின் லூக்கா 2-ஆம் அதிகாரம் 8 முதல் 18 வசனங்களின்படி அப்பொழுது அந்த நாட்டிலே மேய்ப்பர்கள் வயல்வெளியில் தங்கி, ராத்திரியிலே தங்கள் மந்தையைக் காத்துக்கொண்டிருந்தார்கள். அவ்வேளையில் கர்த்தருடைய தூதன் அவர்களிடத்திலே வந்து நின்றான், கர்த்தருடைய மகிமை அவர்களைச் சுற்றிலும் பிரகாசித்தது; அவர்கள் மிகவும் பயந்தார்கள். தேவதூதன் அவர்களை நோக்கி: "பயப்படாதிருங்கள்; இதோ, எல்லா ஜனத்துக்கும் மிகுந்த சந்தோஷத்தை உண்டாக்கும் நற்செய்தியை உங்களுக்கு அறிவிக்கிறேன். இன்று கர்த்தராகிய கிறிஸ்து என்னும் இரட்சகர் உங்களுக்குத் தாவீதின் ஊரிலே பிறந்திருக்கிறார். பிள்ளையைத் துணிகளில் சுற்றி, முன்னணையில் கிடத்தியிருக்கக் காண்பீர்கள்; இதுவே உங்களுக்கு அடையாளம்' என்றான்.
அந்த கணமே பரமசேனையின் திரள் அந்தத் தூதனுடனே தோன்றி: "உன்னதத்திலிருக்கிற தேவனுக்கு மகிமையும், பூமியிலே சமாதானமும், மனுஷர்மேல் பிரியமும் உண்டாவதாக' என்று சொல்லி, தேவனைத் துதித்தார்கள்.
தேவதூதர்கள் அவர்களை விட்டுப் பரலோகத்துக்குப் போனபின்பு, மேய்ப்பர்கள் ஒருவரையொருவர் நோக்கி: "நாம் பெத்லகேம் ஊருக்குப் போய், நடந்ததாகக் கர்த்தரால் நமக்கு அறிவிக்கப்பட்ட இந்தக் காரியத்தைப் பார்ப்போம் வாருங்கள்' என்று சொல்லி, தீவிரமாய் வந்து, மரியாளையும், யோசேப்பையும், முன்னணையிலே கிடத்தியிருக்கிற பிள்ளையையும் கண்டார்கள். கண்டு, அந்தப் பிள்ளையைக் குறித்துத் தங்களுக்குச் சொல்லப்பட்ட சங்கதியைப் பிரசித்தம் பண்ணினார்கள். மேய்ப்பராலே தங்களுக்குச் சொல்லப்பட்டதைக் கேட்ட யாவரும் அவைகள் குறித்து ஆச்சரியப்பட்டார்கள். 
இச்சம்பவம் நடந்த இடத்தில் தேவாலயம் கட்டப்பட்டுள்ளது. இந்த ஆடு மேய்ப்பர்கள் தங்கியிருந்த குகை இப்போதும் உள்ளது. இரு வகை குகைகள் உள்ளன. ஒன்று குளிர்காலத்தில் தங்குவதற்கும், மற்றொன்று கோடை காலத்தில் தங்குவதற்கும் வசதியாக அமைக்கப்பட்டுள்ளது.
- ஜெபலின் ஜான்
(தொடரும் )

]]>
https://images.dinamani.com/uploads/user/imagelibrary/2019/8/16/w600X390/vm5.jpg https://www.dinamani.com/weekly-supplements/vellimani/2019/aug/16/புண்ணிய-பூமியில்-புனிதப்-பயணம்-21-3214874.html
3214873 வார இதழ்கள் வெள்ளிமணி நிகழ்வுகள் DIN DIN Friday, August 16, 2019 10:43 AM +0530 ஸ்ரீ கோகுலாஷ்டமி உத்ஸவம்
 குரோம்பேட்டை ஸ்ரீ கிருஷ்ணா நகர் இரண்டாவது மெயின் ரோடில் உள்ள ஸ்ரீராம பக்த சமாஜ மண்டபத்தில் 40 -ஆம் ஆண்டு ஸ்ரீ கோகுலாஷ்டமி உத்ஸவம் ஆகஸ்ட் 23 முதல் செப்டம்பர் 8 வரை நடைபெறுகின்றது. விழா நாள்களில் பாகவத மஹாத்மீய மூல பாராயணம், ஸ்ரீ மத் பாகவத ஸப்தாஹ மூலபாராயணம், அச்சித்ர அஸ்வமேத வேத பாராயணம், ஸ்ரீ சுந்தரகாண்ட மூலபாராயணம், ஸ்ரீ முக பஞ்சசதீ பாராயணம், பஜன் போன்றவை நடைபெறுகின்றன. செப்டம்பர் 8-ஆம் தேதி ஸ்ரீ ருக்மணி கல்யாணத்துடன் விழா முடிவடைகின்றது.
 தொடர்புக்கு: 98412 84637 / 98409 70419.
 குருபூஜை
 திருச்சி, வரகனேரி, குழுமிக்கரையில் ஸ்ரீ மாணிக்க சுவாமிகள் மடாலயம் உள்ளது. இங்கு, ஸ்ரீலஸ்ரீ பெரிய மாணிக்க சுவாமிகளுக்கு ஆகஸ்ட் 23 -ஆம் தேதியும்; ஸ்ரீலஸ்ரீ சின்ன மாணிக்க சுவாமிகளுக்கு ஆகஸ்ட் 26 -ஆம் தேதியும் முறையே, காலை 11.00 மணி முதல் மதியம் 1.00 மணி வரையில் குருபூஜை நடைபெறுகின்றது.
 தொடர்புக்கு: 98657 21701.
 

]]>
https://www.dinamani.com/weekly-supplements/vellimani/2019/aug/16/நிகழ்வுகள்-3214873.html
3214872 வார இதழ்கள் வெள்ளிமணி புவனேஸ்வரிக்கு பூச்சொரிதல்! DIN DIN Friday, August 16, 2019 10:42 AM +0530 தேவக்கோட்டையின் மேற்குப் பகுதியில் புளியமரத்தடி ஸ்டாப் (நிறுத்தம்) என்ற இடத்தில் காமன் பண்டிகை வெகுநாளாக கொண்டாடப்பெற்று வந்தது. இந்தப் பகுதியில் சுமார் 50 ஆண்டுகளுக்கு முன்பு ஒரு மேடை அமைத்து சூலாயுதத்தை வைத்து வெற்றிவேல் முனீஸ்வரராக வழிபாடு செய்து வந்தனர்.
 பின்னர், அந்தப் பகுதியில் இருந்த வடிவேல் ஆசாரி என்பவர் தனது நண்பனான சிற்பியிடம் புவனேஸ்வரி சிலை ஒன்றை செய்யச்செய்து தனது மர அறுவை மில்லில் வைத்திருந்தார். நாளடைவில் அனைவரும் கூடி வெற்றிவேல் முனீஸ்வரர் மேடையை விரிவுபடுத்தி ஸ்ரீ சுந்தரவிநாயகர், ஸ்ரீ புவனேஸ்வரி, ஸ்ரீ பாலமுருகன், ஸ்ரீ வெற்றிவேல் முனீஸ்வரர், ஸ்ரீ சங்கிலிக்கருப்பர் ஆகிய தெய்வமூர்த்தங்களை பிரதிஷ்டை செய்து வழிபாடு செய்து வந்தனர். பின்னர் ஒரு சிறிய ஆலயமாக அமைத்து கோபுரம் அமைத்து கும்பாபிஷேகம் செய்து ஆண்டுதோறும் ஆடி கடைசி வெள்ளி காப்புக்கட்டி, ஆவணி முதல் வெள்ளியில் காலையில் பால் குடம் எடுத்து வந்து அபிஷேகம் செய்து இரவில் பூச் சொரிதல் விழாவினை நடத்தி வருகின்றனர்.
 மேற்கு நோக்கிய சிறிய ஆலயம், அம்பிகை புவனேஸ்வரி மந்தகாசப் புன்னகையுடன் அபயவரத ஹஸ்தமாக மேலிரு கரங்களில் பாசம், அங்குசம் தாங்கி இடது காலை மடக்கி வலது காலைத் தொங்கவிட்டு தாமரை மலரின் மீது அமர்ந்த திருக்கோலத்தில் அருள்பொழிகின்றார்.
 காஞ்சி காமகோடி பீடாதிபதி ஜகத்குரு ஸ்ரீ ஜெயேந்திர சரஸ்வதி சுவாமிகள் இந்த ஆலயத்திற்கு எழுந்தருளிய ஒரு தருணத்தில் தமது அருளுரையில் இங்கே பொருளுக்கு மட்டுமல்ல அருளுக்கும் புவனேஸ்வரி என்று ஆசி வழங்கினார்கள். ஜகத்குரு பதரீ சங்கராச்சாரியார் ஸ்ரீ கிருஷ்ணானந்த தீர்த்த மகாசுவாமிகள், காஞ்சி ஸ்ரீ சங்கர விஜயேந்திர சரஸ்வதி சுவாமிகள், தவத்திரு குன்றக்குடி அடிகளார், மானாமதுரை ஸ்ரீ ஞானசேகர சுவாமிகள், ஸ்ரீமத் சுவாமி ஆத்மானந்தா மற்றும் ஸ்ரீ ராமகிருஷ்ண மடத்துத் துறவிகள் என ஏராளமான தவசீலர்கள் ஆலயத்திற்கு விஜயம் செய்து அருள்பாலித்துள்ளார்கள்.
 இந்த ஆண்டு ஆகஸ்ட் 16 முதல் 23 வரை எட்டு நாள்கள் திருவிழா சிறப்புற நடைபெற உள்ளது. ஆகஸ்ட் 23 -ஆம் தேதி காலை பால்குடம் எடுத்தலும், இரவு பூச்சொரிதலும் மிகச் சிறப்பாக நடைபெற உள்ளது. விழா நாள்களில் அம்மனுக்கு தினசரி விசேஷ அலங்காரங்களும், இரவு தீப ஆராதனைகளும், கலை நிகழ்ச்சிகளும் நடைபெறுகின்றன.
 தொடர்புக்கு: 94869 65655.
 - இலக்கியமேகம் ஸ்ரீநிவாஸன்
 

]]>
https://images.dinamani.com/uploads/user/imagelibrary/2019/8/16/w600X390/vm4.jpg https://www.dinamani.com/weekly-supplements/vellimani/2019/aug/16/புவனேஸ்வரிக்கு-பூச்சொரிதல்-3214872.html
3214871 வார இதழ்கள் வெள்ளிமணி கண்ணியம் தருபவன் அல்லாஹ் DIN DIN Friday, August 16, 2019 10:41 AM +0530 எவர் இறையச்சம் உடையவராக இருக்கின்றாரோ அவர்தான் அல்லாஹ்விடத்தில் நிச்சயமாக மிக கண்ணியமானவர். நிச்சயமாக அல்லாஹ் நன்கு அறிந்தவன். நன்றாக தெரிந்தவன் என்று தெளிவாக தெரிவிக்கிறது ஒளிரும் குர்ஆனின் 49-13 ஆவது வசனம். ""மனிதன் பெற்ற கண்ணியம் கௌரவம் பெருமை சிறப்பு அனைத்தும் இறைவனின் அருள்கொடை என்பதை உணர்ந்து இறையச்சத்துடன் இறைவனின் கட்டளைகளை நிறைவேற்றுவோரே இறைவனின் கண்ணியத்திற்கு உடையவர்கள்'' என்று இவ்வசனத்திற்கு இறுதிதூதர் நபி (ஸல்) அவர்கள் விளக்கம் அளித்ததை அறிவிக்கிறார் அபூஹுரைரா (ரலி) நூல்- புகாரி.
 தூய்மையான அல்லாஹ் ஒவ்வொரு மனிதனையும் கண்ணியமாகவே வைத்திருக்கிறான். அவர்களைச் சங்கைப்படுத்தி உள்ளான். மனிதர்கள் மீது கருணையை பொழிகிறான். இதனை, இறைமறை குர்ஆனின் 17-70 ஆவது வசனம் கூறுகிறது "" ஆதாமின் சந்ததியை நாம் நிச்சயமாக கண்ணியப் படுத்தினோம். கரையில் கடலில் நாம்தான் அவர்களைச் சுமந்து செல்கிறோம். அவர்களுக்கு நல்ல உணவை அளிக்கிறோம். நாம் படைத்த உயிரினங்களில் மனிதனை உயர்வாக்கி இருக்கிறோம்''.
 உயிரினங்களில் மனிதன் மட்டுமே உணவைக் கைகளில் எடுத்து உண்கிறான். பிற பிராணிகள் வாயினால் கவ்வி விழுங்குகின்றன; அல்லது அசை போடுகின்றன. மனிதன் எழுத பேச, உணர, நன்மை தீமை அறிந்து நல்லன செய்ய, தீமையைத் தாண்டாது விலகி, ஆட்சிபுரிய, புதியன காண, அவற்றைப் பயன்படுத்தி நயமாய், நாகரிகமாய் வாழ மனிதனால் மட்டுமே முடியும். கண்டதை உண்ணும் பிற உயிரினங்கள் தூயது, தூய்மை அற்றது அனைத்தையும் தின்னும். ஆனால் மனிதன் அவனின் சுவைக்கும் சூழ்நிலைக்கும், தேவைக்கும் ஏற்ப பக்குவமாய் சமைத்து சாப்பிடுகிறான். இது மனிதனுக்கு அல்லாஹ் தந்த கண்ணியம்.
 தொழுபவர்களை அல்லாஹ் கண்ணியப்படுத்துகிறான். அவர்கள் அல்லாஹ்விற்குக் கட்டுப்பட்டு நடந்து அவனின் திருப்தியே பொருத்தமென்று வாழ்பவர்கள். மனிதர்களில் அல்லாஹ்வின் மிக கண்ணியத்திற்குரியவர் யார்? என்று கேட்கப்பட்டது. அல்லாஹ்விற்கு அதிகமாக அஞ்சுபவர் என்று பதிலுரைத்தார்கள் பாச நபி (ஸல்) அவர்கள். நூல்- புகாரி. இறையச்சத்தோடு வாழ்வது இவ்வுலகில் கண்ணியத்தைத் தந்து தாரளமான வாழ்வாதாரங்களை வழங்கி ஆயுளையும் நீடிக்கும். மறுமையில் மன்னிப்பையும் மகத்தான நற்பேற்றையும் நல்கும். இவற்றைத் தரும் இறைவன் கண்ணியமும் தாராள தன்மையும் தருபவன்.
 நல்ல நூல்களைத் தொடர்ந்து படிப்பவர்களையும் நல்ல நோக்கத்தோடு நற்கல்வி பயில்பவர்களையும் அல்லாஹ் கண்ணியப் படுத்துகிறான். இதனை, 96-3 ஆவது வசனம் நீங்கள் ஓதுங்கள். உங்கள் அல்லாஹ் மாபெரும் கொடையாளி. அவர்களின் பெருமையை உயர்த்துகிறான். அவர்களின் மதிப்பைக் கூட்டுகிறான். அவர்களின் நன்மைகளை பன்மடங்காக பெருக்கி நற்கூலி வழங்குகிறான் என்று கூறுகிறது.
 இவ்வுலகில் இறைவனுக்குக் கீழ்ப்படிந்து நடப்பவர்களை மறுமையில் இறைவன் கண்ணியப்படுத்துகிறான் என்று 70- 35 ஆவது வசனம் கூறுகிறது. இந்த வசனம் கூறும் மறுமையில் கண்ணியம் பெறுபவர்கள் எவர் என்பதை 70- 22 முதல் 34 வரை உள்ள வசனங்கள் விவரிக்கின்றன. நிரந்தரமாக பேணுதலோடு தொழுபவர்கள், யாசிப்போருக்கும், யாசிக்க வெட்கமுற்று துன்பத்தை வெளிகாட்டாது ஒதுங்கி இருப்போருக்கும் உரிய பொருளை உரிய நேரத்தில் கொடுத்து உதவுபவர்கள், இறைவனை அஞ்சி வரம்பு மாறாது வகையறைக்குப்பட்டு உறுப்புகளைப் பேணி வாழ்பவர்கள், ஒப்படைக்கப்பட்ட பொருள்களை பாதுகாத்து ஒழுங்காக திருப்பி ஒப்படைப்பவர்கள், வாக்குறுதி மீறாதவர்கள், இவர்களே உள்ளும் புறமும் அல்லாஹ்விற்கு அஞ்சி அருஞ்செயல் புரிபவர்கள். இவர்களை இவ்வுலகிலும் இறைவனால் கண்ணியப்படுத்தப்பட்டு, கவினுற வாழ்ந்து, புவி வாழ்வை முடித்த பின்னும் மறுமையிலும் இறைவனால் கண்ணியப் படுத்தப் படுபவர்கள்.
 இவர்களுக்குச் சொர்க்கத்தில் சுவையான கனிகள் கொடுக்கப்படும். ஒருவர் மற்றவரைப் பார்த்து பஞ்சணையில் அமர்ந்து மனம் மகிழ உரையாடுவார்கள் என்று உரைக்கிறது 37- 41 முதல் 44 வரை உள்ள வசனங்கள்.
 நாமும் இறைமறை இயம்பும் தயவும் நயமும் பாராட்டி ஒல்லும் வாயெல்லாம் ஓவாது நல்லன செய்து அல்லன அகற்றி அகிலத்திலும் அல்லாஹ்வின் அருளால் கண்ணியத்தோடு வாழ்ந்து மறுமையிலும் மாறாத கண்ணியம் பெறுவோம்.
 - மு.அ.அபுல் அமீன்
 
 

]]>
https://images.dinamani.com/uploads/user/imagelibrary/2019/8/16/w600X390/vm3.jpg https://www.dinamani.com/weekly-supplements/vellimani/2019/aug/16/கண்ணியம்-தருபவன்-அல்லாஹ்-3214871.html
3214870 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, August 16, 2019 10:39 AM +0530 * நல்ல நண்பர்களின் அடையாளங்களை நல்லவர்கள் பின்வருமாறு வர்ணிக்கிறார்கள்: பாவச் செயல்களிலிருந்து அவர்கள் விலக்குவார்கள், நல்ல செயல்களில் ஊக்குவிப்பார்கள், ரகசியங்களைக் காப்பார்கள், நல்ல குணங்களைப் பிரகடனம் செய்வார்கள், ஆபத்தில் கைவிட மாட்டார்கள், தக்க சமயத்தில் உதவி செய்வார்கள்.
- பர்துருஹரியின் நீதி சதகம்
* சம்சார மாயை என்ற தூக்கத்திலிருந்து விழித்துக்கொள்வது எளிதல்ல. அதற்கு, "சம்சார மாயையிலிருந்து விடுபட வேண்டும்' என்ற விருப்பம் உள்ளத்தில் பொங்க வேண்டும். மேலும் கத்திமுனைமேல் நடப்பதுபோல் இடைவிடாத ஜாக்கிரதையுடன் புலன்களையும், மனதையும் மாசற நிறுத்தி வேற்றுமை உணர்ச்சியை அறவே நீக்க வேண்டும். 
- உபநிஷதம்
* முறையான இடத்தில், சரியான நேரத்தில் சிரத்தையோடு தகுதியுள்ளவனுக்கு முறைப்படி கொடுக்கப்படும் தானங்கள் அனைத்தும் தர்மத்தின் அடையாளமாகும். 
- யாக்ஞவல்க்ய ஸ்மிருதி
* இயற்கையை மீறுவது என்பது யாராலும் முடியாது. உலகில் பிராணிகள் தோன்றி முதுமையில் இறந்துவிடுகின்றன. இறந்ததை நினைத்து வருந்தலாமே தவிர, இறந்ததை திரும்பக்கொண்டு வர எவராலும் இயலாது. தன்னுடைய முறை வரும்போது மரணத்திலிருந்து தப்பித்துக்கொள்பவர் யாருமே இல்லை.
- ஸ்ரீ ராமபிரான்
* எவர்கள் தங்கள் நன்மையையும் துறந்து பிறர் நன்மைக்காக உழைக்கிறார்களோ, அவர்களே சத்புருஷர்கள். எவர்கள் தங்கள் நன்மைக்கு விரோதமில்லாமல் பிறர் நன்மைக்குப் பாடுபடுகிறார்களோ, அவர்கள் சாமானியர்கள். எவர்கள் தங்கள் லாபத்திற்காகப் பிறருடைய நலனைக் கெடுக்கிறார்களோ, அவர்கள் மனித வடிவத்தில் இருக்கும் அரக்கர்கள். எவர் ஒரு பயனில்லாமல் பிறர் நலனை அழிக்கிறார்களோ, அவர்களை என்ன சொல்வதென்றே தெரியவில்லை. 
- பர்துருஹரியின் நீதி சதகம்
* உங்கள் இதயத்தின் ஆழத்திலிருந்து எப்போதும் இறைவன் நாமத்தை ஜபம் செய்துகொண்டிருங்கள். உங்கள் காலத்தை வீணாக்காதீர்கள். நீங்கள் இறைவனின் நாமத்தை ஜபம் செய்வதால், ஆன்மிக உண்மைகள் அனைத்தையும் உணர்ந்துகொள்வீர்கள். 
- ஸ்ரீ சாரதாதேவியார்
 

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/aug/16/பொன்மொழிகள்-தொகுப்பு-சுவாமி-கமலாத்மானந்தர்-3214870.html
3214868 வார இதழ்கள் வெள்ளிமணி அளவற்ற பெருமைகள் கொண்ட திருப்பைஞ்ஞீலி நாதன்! DIN DIN Friday, August 16, 2019 10:37 AM +0530 தன் பக்தன் மார்க்கண்டேயனுக்காக எமதர்மனை வதம் செய்ததால், பூமியில் உள்ள உயிர்களுக்கும் இறப்பு இல்லாமல் போனது. நால்வகை வருணத்தாரும் தங்கள் கடமைகளை மறந்தனர். ஆனால் திருப்பைஞ்ஞீலி தலத்தில் மட்டும் அனைத்தும் சிறப்புடன் நடந்து வந்தன. இதனை அறிந்த மகாவிஷ்ணு, பிரம்மா, இந்திரன், பூதேவி என அனைவரும் திருப்பைஞ்ஞீலி வந்து, எமதர்மனை உயிர்ப்பித்துத் தர வேண்டினார். அதற்குச் செவிமடுத்த சிவபெருமான், பிலாத்துவாரத்தின் வழியே எமதர்மனை வரவழைத்துத் தொழில் அதிகாரத்தை வழங்கினர். இந்த ஐதீகம் தைப்பூசத்தன்று விழாவாகக் கொண்டாடப்படுகிறது. 
தொன்மைச்சிறப்பு: புராண கால தலமாக உள்ளது மட்டுமன்றி, ஏழாம் நூற்றாண்டில் இருந்தே புகழ்பெற்று விளங்கியது. இவ்வாலயக் கல்வெட்டுகள் மூலம் பல்வேறு மன்னர்கள் திருப்பணி செய்ததை அறியமுடிகிறது. அர்த்தமண்டபச் சுவரில் உள்ள கல்வெட்டு முதலாம் ராசேந்திரன், முதலாம் ராஜாதிராஜன் திருப்பணிகள் பற்றி குறிப்பிடுகிறது. துறையூர் ஜமீன் எண்ணற்ற திருப்பணிகள் செய்துள்ளார். அவரின் செப்புப் பட்டயப்படி 5417 ஏக்கர் நிலம் தேவதானமாக விடப்பட்டிருந்து. இதில் அரசு பெரும்பகுதி நிலத்தை எடுத்துக் கொண்டது. பணியாளர்களுக்கு சுமார் 306 ஏக்கர் மானியம் தரப்பட்டுள்ளது. அனைத்தும் போக, தற்போது குறைந்த அளவில் மட்டுமே நிலங்கள் உள்ளன. 
இரட்டை அம்மன்கள்: இவ்வாலயத்தில் நீள்நெடுங்கண் நாயகி எனும், விசாலாட்சி அம்மன் என்ற ஒரே பெயரில் இரண்டு அம்மன் சந்நிதிகள், மேல் அம்பாள், கீழ் அம்பாள் என அமைந்துள்ளன. பழைய அம்மன் பின்னப்பட்டதால் புதிய சிலா வடிவம் துறையூர் ஜமீனால் உருவாக்கப்பட்டது. 
கட்டமுது கொடுத்தது: காவிரி வடகரைத் தலங்களான திருச்சிராப்பள்ளி, திருவானைக்கோயில், திருவெறும்பூர், திருக்கற்குடி, திருப்பராய்த்துறை தலங்களைத் தரிசித்துவிட்டு திருப்பைஞ்ஞீலி தலம் நோக்கி நடந்தார், திருநாவுக்கரசர். பசியும் தாகமும் வாட்டியெடுக்க, களைப்பிலேயே பயணம் செய்தர். அடியாரின் மெய்வருத்தம் தீர்க்க விரும்பிய பைஞ்ஞீலிநாதன் அவருக்கு ஒரு நீர்நிலை, நிழல் தரும் சோலையை உருவாக்கி, அந்தணராக எதிர்கொண்டு அழைத்தார். தன்னிடம் இருந்த கட்டமுது தந்து பசியாற்றினார். பைஞ்ஞீலி வரை அழைத்து வந்து, அங்கே மறைந்தருளினார். இது தனிச் சந்நிதியாக உள்ளது. இறைவன் பெயர் சோற்றுடையீசர் ஆகும். இந்த ஐதீகம் சித்திரை அவிட்டம் தினத்தன்று கட்டமுது விழாவாகக் கொண்டாடப்படுகிறது. இந்த தடாகமும், தோட்டமும் கோயிலின் தெற்கே 1 கி.மீ. தொலைவில் உள்ளது. 
நவக்கிரக படிகள்: மூன்றாம் பிரகாரத்தில் இருந்து மூன்று நிலை ராவண கோபுரம் தரிசனம் செய்து நுழையும் போது ஒன்பது படிகள் கடக்க வேண்டும். இவையே நவக்கிரக படிகளாகும். இங்கே நவக்கிரக சந்நிதிகளுக்கு பதிலாக இவையே நவக்கிரகங்களாக அமைந்துள்ளன. இதேபோன்று நந்திதேவருக்கு முன்பு ஒன்பது குழிகள், நவக்கிரக குழிகளாக வழங்கப்படுகின்றன. இதில் நல்லெண்ணெய் தீபம் ஏற்றினால் தோஷங்கள் விலகும் என்பது நம்பிக்கை.
ஆலய அமைப்பு: ஐந்து பிரகாரங்கள் கொண்ட பிரம்மாண்ட கோயில் இது. ஐந்தாவது பிரகாரம் இன்று குடியிருப்பாகி விட்டது. முற்றுப்பெறாத ராஜகோபுரம், சுந்தரபாண்டியன் காலத்தைச் சேர்ந்தது. இதில் உள்ள கல்வெட்டுகளில் கோபுரத் திருப்பணிக்கு நிலதானம் வழங்கிய செய்தி காணப்படுகின்றது.
இதனைக் கடந்து உள்ளே சோறுடை ஈஸ்வர் சந்நிதி, காசி விஸ்வநாதர் சந்நிதி, நூற்றுக்கால் மண்டபம், மூன்றாம் பிரகாரம், அதிகார வல்லவர் சந்நிதி, ராவணன் திருவாயில் கோபுரம், நவக்கிரக படிகள், கொடிமரம், நவக்கிரக குழிகள், திருக்கார்த்திகை திருவாயில், மூலவர் சந்நிதி, ரத்தின சபை, முதலாம் பிரகாரம், விஷ்ணுதுர்க்கை தலமரமான கல்வாழை, சொந்தமரைக் கண்ணன் சந்நிதி, மேல்அம்பாள், கீழ் அம்பாள் சந்நிதி, விசாலாட்சி தீர்த்தம் அமைந்துள்ளன.
ஞீலிவனேஸ்வரர்: இறைவன் சுயம்பு மூர்த்தியாவார். மூலவரான ஞீலிவனேஸ்வரரை மகாவிஷ்ணு, இந்திரன், காமதேனு, ஆதிசேடன், வாயு, அக்னி, ராமபிரான், வஷிட்டர், சூதமகா முனிவர், வியாக்கிரசூரர், பதுமகர்ப்பன், சூதர்மன், அங்கமித்திரன் ஆகியோர் வழிபட்டுள்ளனர். 
சின்னாண்டார், பெரியாண்டார்: ஒரு சமயம் கொள்ளிட ஆற்றில் தீர்த்தம் கொண்டுவர சென்ற போது, இரண்டு பெட்டிகள் கிடைத்தன. அதில் போர் ஆயுதங்கள் நிறைந்திருந்தன. இவற்றைக் கோயில் வீடு என்ற இடத்தில் வைத்து வழிபடத் தொடங்கினர். இதுபற்றி குறி கேட்டபோது பெரியாண்டவரும், சின்னாண்டவரும் இக்கோயிலில் குடியேற விரும்புவதாக கூறினர். அதன்படி சின்னாண்டவர் சுவாமி கொடிமரத்திலும், பெரியாண்டவர் அம்பாள் கொடிமரத்திலும் வாழ்வதாக எண்ணி வழிபாடு செய்து வருகின்றனர்.
சுற்று வட்டாரத்தில் மாடு கன்று போட்டதும் , இவ்விருவருக்கும் அபிஷேகம் செய்வது மரபாக மாறியுள்ளது. 
திருக்கோயில் கார்த்திகை தீபத்தன்று திருவாயிலில், தீபம் ஏற்றுவதால் இப்பெயர் ஏற்பட்டது. வாயிலின் இருபுறமும் தென்கயிலாயம், வட கயிலாயம் என சந்நிதிகள் அமைந்துள்ளன.
ரத்தின சபை: வழிபட்ட முனிவருக்கென அர்த்தமண்டபத்தில் நடன தரிசனம் தந்ததால், இது ரத்தினசபை என்றும், மேலைச்சிதம்பரம் என்றும் அழைக்கப்படுகிறது. இதில் நடராஜப் பெருமான் திருவடிகள் மட்டும் கலைநயத்தோடு காட்சியளிக்கின்றன . 
கல்வாழை: கல்வாழையைத் தலமரமாகக் கொண்ட ஒரே ஆலயமாக திருப்பைஞ்ஞீலி அமைந்துள்ளது. சிவயோகத்தில் அமர விரும்பிய அன்னை பார்வதி பணிவிடைப் பெண்களை, நிழல் தரும் மரங்களாக மாறி நிழல் தருமாறு கேட்டுக்கொண்டார். அதன்பின் தேவகன்னிகள் வாழை மரங்களாகி நிழல் தந்தனர். இம்மரத்தை வெள்ளி, ஞாயிற்றுக்கிழமைகளில் வணங்கி பரிகாரம் செய்து வணங்கினால் திருமணம் கைகூடும் என்பது நம்பிக்கையாக அமைந்துள்ளது. இதில் விளையும் எந்தப் பொருளையும் இதன் புனிதம் கருதி எவரும் பயன்படுத்துவதில்லை.
இலக்கியம்: இத்தலம், திருஞானசம்பந்தர், திருநாவுக்கரசர், சுந்தரர் என மூவராலும் பாடல் பெற்ற தலமாகும். இது தவிர, சேக்கிழார் பெரியபுராணத்திலும், வடலூர் ராமலிங்க சுவாமிகள் திருவருட்பாவிலும் புகழ்ந்துள்ளனர். மீனாட்சி சுந்தரம்பிள்ளை அவர்களும் தன் பாடல்களில் புகழ்ந்துள்ளார். 
தலமரம், தீர்த்தம்: தலமரம் கல்வாழை. தீர்த்தங்களாக விசாலாட்சி தீர்த்தம், அப்பர் தீர்த்தம், எம தீர்த்தம், கல்யாண தீர்த்தம், தேவகுளம் ஆகிய தீர்த்தங்கள் உள்ளன.
அமைவிடம்: திருச்சி , மண்ணச்சநல்லூர் வட்டத்தில், திருப்பைஞ்ஞீலி அமைந்துள்ளது. 
- பனையபுரம் அதியமான்

]]>
https://images.dinamani.com/uploads/user/imagelibrary/2019/8/16/w600X390/vm2.jpg https://www.dinamani.com/weekly-supplements/vellimani/2019/aug/16/அளவற்ற-பெருமைகள்-கொண்ட-திருப்பைஞ்ஞீலி-நாதன்-3214868.html
3214867 வார இதழ்கள் வெள்ளிமணி அரனுக்கு அரசு அமைத்த அரண்! Friday, August 16, 2019 10:30 AM +0530 சோழர்கால வரலாற்றோடு தொடர்புடைய சிறப்புமிக்க ஊர்களில் ஒன்றாகத் திகழ்கின்றது செம்பியவேளூர். செம்பியன் என்ற சொல் சோழ அரசர்களைக் குறிக்கும். சீரும், சிறப்புமாய்த் திகழ்ந்த இவ்வூர் சிவன் கோயில், பல ஆண்டுகளுக்கு முன் வழிபாடு இன்றியும், தக்க பராமரிப்பு இன்றியும் சிதில நிலைக்கு தள்ளப்பட்டு விட்டது. ஆலயத்தை ஆக்கிரமித்த தாவர இனங்கள் முக்கியமாக அரசமரங்கள் (அரசு) ஒரு தருணத்தில் ஆலயத்தை அழித்தது போதும் என்ற பச்சாதாப உணர்வு மேலீட, அவைகளே தகுந்த அரணாக இருந்துகொண்டு கோயில் கருவறையில் உள்ள லிங்கத் திருமேனியை மட்டும் பாதுகாத்து வந்திருக்கின்றது.
 இடிபாடுகளில் தப்பியவை சிவன், அம்பாள், விநாயகர், சண்டிகேசுவரர், நந்தி, பைரவர், பெருமாள் கற்திருமேனிகள் மட்டுமே. கிராம பதிவேடுகள் மூலம் இவ்வூர் ஈசன் காளகஸ்தீஸ்வரர் என்றும், அம்பிகை மங்களாம்பிகை என்றும் திருநாமங்கள் கொண்டு விளங்கி வந்திருக்கின்றனர் என்று அறிய முடிகிறது.
 ஸ்ரீ காளஹஸ்தீஸ்வரர் என்ற திருநாமம் கொண்டு ஆந்திரமாநிலம் சித்தூர் மாவட்டத்தில் "திருக்காளத்தி' என்ற தேவாரப் பாடல் பெற்ற திருத்தலம் உள்ளது. காளம் என்றால் பாம்பு, அத்தி என்றால் யானை. அவைகள் இத்தல ஈசனை வழிபட்ட பெருமையுடையது. சிறந்த ராகு - கேது பரிகாரத்தலம். அதே பெயருடன் செம்பியவேளூர் ஈசனும் விளங்குவது சிறப்பு. இடிபாடுகளிடையே இருந்தாலும் அருள்புரியும் இயல்பில் இம்மியளவும் குறையவில்லை. சுற்றுவட்டார கிராமங்களிலிருந்தும் தரிசித்த வண்ணம் உள்ளனர். அம்பிகை பெயருக்கு ஏற்றார் போல் எப்பொழுதும் மங்களத்தை அருள்பவளாக புன்னகை ததும்பும் வதனத்துடன் எப்படியும் ஆலயம் நல்ல நிலைக்கு வரும் என்ற எதிர்பார்ப்பில் காட்சியளிக்கின்றாள். தலமரமாக கொன்றைமரம் உள்ளது.
 பலமுறை திருப்பணிக்கு முயற்சித்து இயலாமல் போக கடந்த 2016 -ஆம் ஆண்டு கிராமவாசிகள் மற்றும் அடியார் திருக்கூட்டத்தினர் இணைந்து உழவாரப்பணி செய்து சிறப்பு பிரார்த்தனைகளுடன் பாலாலயம் செய்து திருப்பணி வேலைகளை துவக்கியுள்ளனர். திருப்பணி வேலைகள் துவங்கிய ஆரம்ப கட்டத்தில் வேறுவழி இல்லாமல் அரசமரங்களை அகற்றும் போது அவைகள் பல ஆண்டுகள் வரை லிங்கத்திற்கு பாதுகாப்பாய் இருந்ததை எண்ணி ஊரே கண்ணீர் விட்டது. புதியதாக முருகன், ஐயப்பன், நவக்கிரகங்கள், சிலைகள் செய்ய வேண்டும். இன்னும் நிறைவேற வேண்டிய பணிகளாக மகாமண்டபம் அமைத்தல், தரை தளம் போடுதல், வாசலில் கோபுரம் அமைத்தல், மதில் சுவர் கட்டுதல், ஆலய குளத்தை சீர் செய்தல் போன்றவைகள் உள்ளன. முக்கியமான சில வாகனங்கள் செய்ய வேண்டும். பக்தர்களின் உதவியை எதிர்நோக்கியுள்ளது. தகுந்த நபர்களைக்கொண்டு திறம்பட திருப்பணி வேலைகள் நடந்து வருகின்றது.
 இந்த ஆலயத்தின் கடைசி குடமுழுக்கு எந்த நூற்றாண்டில் நடந்தது என்று ஊரில் மிக வயதானவர்களாலேயே கூறமுடியவில்லை. பழந்திருக்கோயில்கள், புண்ணிய தீர்த்தங்களைப் பாதுகாத்து, பராமரிக்க வேண்டியது நமது கடமை, இதை கருத்தில் கொண்டு இந்த சிவ புண்ணிய கைங்கர்யத்திற்கு நமது பங்களிப்பையும் அளிப்போமாக.
 நாகப்பட்டினம் மாவட்டத்தில் திருக்குவளை- எட்டுக்குடி- நீர்முலை வழித்தடத்தில் உள்ளது செம்பிய வேளூர்.
 தொடர்புக்கு: 97861 56465 / 94441 72918.
 - எஸ். வெங்கட்ராமன்
 

]]>
https://images.dinamani.com/uploads/user/imagelibrary/2019/8/16/w600X390/vm1.jpg https://www.dinamani.com/weekly-supplements/vellimani/2019/aug/16/அரனுக்கு-அரசு-அமைத்த-அரண்-3214867.html
3210179 வார இதழ்கள் வெள்ளிமணி மலேசியா மகாமாரியம்மன் கோயில் DIN DIN Friday, August 9, 2019 10:06 AM +0530 ஈப்போ நகரில் அமைந்துள்ள முக்கியத் திருக்கோயில் இது. தமிழர்கள் நிறைந்த பகுதியில் அமைந்துள்ளது. இருபதாம் நூற்றாண்டில் தோன்றிய அழகிய ஆலயம் என பல்வேறு சிறப்புகள் கொண்டது, மலேசியா நாட்டுப் பேராக் மாநிலத் தலைநகரான, ஈப்போ நகரில் அமைந்த, மகாமாரியம்மன் திருக்கோயில்.
 தலவரலாறு: இன்றைய ஈப்போ நகரம், கி.பி. 1902 -ஆம் ஆண்டில் சுண்ணாம்புக்காரக் கம்பம், வேட்டியப்ப தேவர் கம்பம், வங்காளி கம்பம் என்ற மூன்று பகுதிகளில் அமைந்திருந்தது. இங்கு இந்துக்கள் அதிகம் வசித்து வந்தனர்.
 வேட்டியப்ப தேவர்: அப்போது வேட்டியப்பதேவர் அரசாங்க ஒப்பந்தக்காராகவும், ஏராளமான மாட்டுவண்டிகள், குதிரை வண்டிகளின், உரிமையாளராகவும், செல்வந்தராகவும் விளங்கினார். மக்களிடம் செல்வாக்கு பெற்ற இவர், தெய்வபக்தி நிறைந்தவராகவும் பொதுநலன் பேணுபவராகவும் விளங்கினார். இன்றைய நியூ டவுன் பகுதியில், தமிழர்கள் வழிபாட்டுக்கென ஒரு சிறிய அம்மன் கோயில் அமைத்தார். இக்கோயில் அப்பகுதியில் கிடைத்த சுண்ணாம்புக் கற்களைக் கொண்டு அமைக்கப்பட்டது.
 இந்நிலையில், இவரைப் போன்ற தெய்வபக்தி மிக்கவரான வி.செங்கல்வராய மேசனார் என்ற குத்தகைதாரரும் தன் சொந்த இடமான சேத்துக்கம்பம் எனும் ஜெல்ப் ரோட்டில் இடம் தந்து உதவினார். இந்நிலையில் கி.பி. 1914 -இல் நகரின் வளர்ச்சி காரணமாக, மாரியம்மன் கோயில் வேறொரு விசாலமான சுங்கைப்பாரி வீதியில், மாற்ற முடிவு செய்யப்பட்டது. கி.பி. 1915- இல் புதிய மகாமாரியம்மன் கோயில் அமைக்கப்பட்டது. பழைய கோயில் சிலைகள் அனைத்தும் இங்கே கொண்டு வந்து நிறுவப்பட்டு, குடமுழுக்கும் நடந்தது.
 திருப்பணிகள்: கோயிலை விரிவுபடுத்தும் நோக்கில் கி.பி. 1922 -இல் இந்தியாவில் இருந்து வந்த சட்டி சாமியார் என்பவரால் கருவறைக்கு அடிக்கல் நாட்டப்பட்டது. கி.பி. 1929 மற்றும் கி.பி. 1935 -இல் திருப்பணிகள் நடைபெற்றன. பல்வேறு தடைகளைத் தாண்டி நீண்ட காலத்திற்குப் பின் 1937 -இல் குடமுழுக்கு விழா, இனிதே நடந்தேறியது. 1963 - இல் ராஜகோபுரம் எழுப்பப்பட்டது. மீண்டும் சில திருப்பணிகள் நடந்து முடிந்து ,1979 -இல் மூன்றாம் முறையாக குடமுழுக்கு விழா நடந்தது.
 தேரோட்டம்: தைப்பூசத்தன்று மகாமாரியம்மன்கோயிலில் இருந்து, ஈப்போ குனோங் சீரோ, கல்லுமலை முருகன் கோயில் வரை தேரோட்டம் நடைபெறும். இத்தேர் தமிழகத்தில் செய்யப்பட்ட கலை நயம் மிக்க மரத்தேர் ஆகும்.
 ஆலய அமைப்பு: இவ்வாலயத்தில் நடுநாயகமாக மகாமாரியம்மன் எழிலாக அமர்ந்துள்ளார். விநாயகர், முருகன், பள்ளி கொண்ட நாராயணன், நவக்கிரக சந்நிதிகள் ஒருங்கே அமைந்துள்ளன. ஆலயத்தின் வளாகத்தில் முனீஸ்வரர் சந்நிதி உள்ளது. விநாயகர் சதுர்த்தி, சஷ்டி, தைப்பூசம் , கிருத்திகை என அனைத்து விழாக்களும் இங்கு கொண்டாடப்படுகின்றன. தைப்பூசத்தன்று தேரோட்டம் வெகு விமரிசையாக நடத்தப்படுகின்றது.
 அமைவிடம்: ஈப்போ நகரில் சுங்கைப்பாரி வீதியில், கம்பீரமாக மூன்று நிலை ராஜகோபுரத்தில் கண்கவர் வண்ண மயமாக, இத்திருக்கோயில் அமைந்துள்ளது.
 ஈப்போ
 ஈப்போ, உலகிலேயே மிகப்பெரிய வெள்ளீயம் கொண்ட பகுதி. சுண்ணாம்பு மலைகள் நிறைந்த பூமியும் இதுவே. மலேசி நாட்டின், பதின்மூன்று மாநிலங்களில் பேராக் ஒன்றாகும். இதன் தலைநகரம் ஈப்போ. இங்கு பாய்ந்தோடும் கிந்தா நதி ஈப்போ நகரை இரண்டாகப் பிரிக்கின்றது. 19- ஆம் நூற்றாண்டில் புகழ்பெற்ற நகரான கோப்பேங் இருந்து வந்தது. ஆனால், வெள்ளீயம் அதிகம் கிடைக்கும் பகுதியாக ஈப்போ திகழ்ந்ததால், இங்கு, குஜராத் உள்ளிட்ட இந்தியர்கள், சீனர்கள் குடியேறினர். ஈப்போவை வடிவமைத்தவர், சர் பிராங்க் சுவெட்டன்ஹாம் என்ற ஆங்கிலேயர். இவரே, மேற்கு மலேசியாவையும் வடிவமைத்தவர். ஸ்ரீநிவாசகம் தர்ம ராஜா என்பவரும் இதில் முக்கிய பங்கு வகித்தார். இங்கு அதிக அளவில் நகரத்தார் வட்டித் தொழில் செய்வதற்காக ஈப்போவில் குடியேறினர். லிட்டில் இண்டியா என்ற பகுதியும் ஈப்போவில் உள்ளது.
 
 - பனையபுரம் அதியமான்
 
 

]]>
https://images.dinamani.com/uploads/user/imagelibrary/2019/8/9/w600X390/EPO_RAJAGOPURAM.JPG https://www.dinamani.com/weekly-supplements/vellimani/2019/aug/09/மலேசியா-மகாமாரியம்மன்-கோயில்-3210179.html
3210172 வார இதழ்கள் வெள்ளிமணி அத்திவரதர் திருக்காட்சி DIN DIN Friday, August 9, 2019 10:03 AM +0530 காஞ்சிபுரம் வரதராஜப் பெருமாள் திருக்கோயிலில் கடந்த ஜூலை 1- ஆம் தேதி முதல் அத்திவரதர் பெருவிழா நடைபெற்று வருகிறது. 31 நாள்களாக சயனக்கோலத்தில் அத்திவரதர் பக்தர்களுக்கு அருள்பாலித்து வந்தார். ஆகஸ்ட் 1-ஆம் தேதி முதல் அத்திவரதர் நின்ற கோலத்தில் பக்தர்களுக்கு காட்சி தந்து அருள்பாலித்து வருகிறார்.
 

]]>
https://images.dinamani.com/uploads/user/imagelibrary/2019/8/9/w600X390/vm6.jpg https://www.dinamani.com/weekly-supplements/vellimani/2019/aug/09/அத்திவரதர்-திருக்காட்சி-3210172.html
3210166 வார இதழ்கள் வெள்ளிமணி  தேடி வந்தருளும் திருமகள்! DIN DIN Friday, August 9, 2019 10:02 AM +0530 வரலட்சுமி விரதம் 9.8.2019
"அம்மா நான் ஒரு வேலை நிமித்தமாக அடுத்த ஊருக்குச் செல்லவேண்டும் மாலை இருள் சூழ்ந்துவிட்டது; அதனால் இந்த ஒர் இரவு மட்டும் இங்கு வாசல் திண்ணையில் தங்கிவிட்டு நாளை விடிவதற்குள் கிளம்பி விடுகிறேன்; இங்கு தங்க அனுமதிக்க முடியுமா?' என ஒரு பெண்மணி வாசலில் நின்று கொண்டு கேட்டதை; வாசற்பிறையில் விளக்கேற்ற வந்த அந்த வீட்டின் மாது குரல் வந்த திசையில் திரும்பிப் பார்த்தாள்.
 அழகே வடிவெடுத்த ஒரு பெண் உருவம் நிற்பதைப் பார்த்து "உள்ளே வாம்மா, எதற்கு வாசலில் நிற்கிறாய்?" எனப் பாசத்துடன் அழைத்தாள். வந்தவளோ புன்னகைத்து விட்டு "இல்லையம்மா வீட்டிற்கு விலக்கான மூன்றாம் நாள் இன்று; இந்த நிலையில் சந்தியாகாலத்தில் வெளியில் செல்வது அவ்வளவு சரியில்லை, அதனால் இப்படியே நான் தங்க அனுமதிக்க வேண்டுமென்றாள். உடனே வீட்டம்மாவோ, இதோ வருகிறேன் என்று உள்ளே சென்று ஒரு மனைப்பலகையை கொண்டு வாசல் ரேழியில் போட்டு இதில் அமர்ந்து கொள். இரவு நேரமாக உள்ளது; விருந்தாளி பட்டினியோடு படுத்துறங்கக் கூடாது; ஏதோ என்னால் முடிந்ததை சாப்பிடத் தருகிறேன்" என்று உள்ளே சென்றாள்.
 உள்ளே சென்றவள், தன் வீட்டின் நிலை என்ன என்பதை அறிவாள். அரிசிப் பானையில் 2 ஆழாக்கு தான் அரிசி இருந்தது. அஞ்சறைப்பெட்டியில் தேடினாள். கொஞ்சம் மிளகு, சீரகம் மற்றும் துவரம்பருப்பு இருந்தது; பொங்கல் செய்வதற்கான பயத்தம் பருப்பு சுத்தமாக இல்லை. தாயே இந்த ஏழை படும்பாடு உனக்குத் தெரியாதா; வந்தவளுக்கு பக்குவமாக செய்து போட இதைத்தவிர ஒன்றுமில்லையே! நீ தான் அருள வேண்டுமென வணங்கி இருந்ததை வைத்துக்கொண்டு பொங்கல் செய்து வீட்டிலுள்ள நல்ல நெய்யினை அப்படியே விட்டு ஒரு தட்டில் இலையைப் போட்டு வந்த பெண்ணிற்கு கொண்டு கொடுத்தாள். பின் "கொஞ்சம் இரு தொட்டுக்கொள்ள ஏதேனும் எடுத்து வருகிறேன்'"என உள்ளே சென்றாள். கையில் கிட்டியதோ வடாம் மட்டுமே. உடனே எண்ணெயை வைத்து வடாத்தை பொறித்து அதையும் கொண்டு வந்து வாஞ்சையுடன் கொடுத்தாள். வந்தவளோ தேவாமிர்தமாக இருப்பதாகக்கூறி உண்டு மகிழ்ந்தாள். பின், "நான் நாளை விடியற்காலை கிளம்பி விடுவேன்; ஆதலால் நீங்கள் அனைவரும் உண்டு உறங்குங்கள்'"எனக் கூறினாள்.
 இல்லத்தரசி காலையில் எழுந்து, வந்த பெண்ணைத் தேடியபோது அவளைக் காணவில்லை, சென்றுவிட்டாள். பின் வீட்டின் உள்ளே சென்று பார்த்தபோது வீடு முழுவதும் செல்வச்செழிப்போடு தன தானியங்கள் நிறைந்திருந்ததைப் பார்த்து பிரமித்தாள். நம் சிரமத்தைப் போக்க வந்தவள் மகாலட்சுமியே என்பதை உணர்ந்தாள். அவளே அஷ்ட ஐஸ்வர்யங்களுக்கும் அதிபதியான வரலட்சுமி ஆவாள். அந்த நாளே வரலட்சுமி விரதம் தொடங்கிய நாளாகும்.
 இந்த வெள்ளிக்கிழமை விரதத்தை மேற்கொள்வோர், முதல் நாள் வியாழனன்று மாலை ஒரு மனைப்பலகையில் கோலமிட்டு, செப்புச்சொம்பில் அரிசியை நிரப்பி அந்த சொம்பில் வரலட்சுமி அம்மனை வரைந்து, மேலே மாவிலை மற்றும் ஒரு தேங்காயை வைத்து அம்மனை வரணம் செய்து பின் துவரம்பருப்பினால் செய்த பொங்கலை படைத்து உண்டு உறங்கி, பின் மறுநாள் காலை வெல்லக் கொழுக்கட்டை, உப்புக் கொழுக்கட்டை, இட்லி, சூயன், சுண்டல், வெல்லப்பாயசம் ஆகியவை செய்து "பூவும் பொட்டோடும் தீர்க்க சுமங்கலியாய் வாழ வாழ்த்தம்மா' என வணங்கி பூஜித்து பின், மஞ்சள் கயிற்றினை (சரடு) தான் கட்டிக்கொண்டு வீட்டிலுள்ள அனைத்து பெண் குழந்தைகளுக்கும் கட்டுவார்கள்.
 சிராவண மாதத்தின் கடைசி வெள்ளியில் அதாவது, ஆடிப்பெளர்ணமிக்கு முதல் வெள்ளியன்று இந்த வரலட்சுமி விரதம் மேற்கொள்ளப்படுகிறது. இது சில வருடங்களில் ஆவணி மாதமும் வருகிறது.
 மற்றொரு செய்தியும் உலா வருகிறது. மகத நாட்டை சேர்ந்த பெண் சாருமதி தன் மாமனார், மாமியாரை இறைவனாகக்கருதி அவர்களுக்கு பணிவிடை செய்து வந்தாள். அவளது பக்தியை மெச்சி மகாலட்சுமியே அவள் கனவில் தோன்றி "வரலட்சுமியாக என்னை ஆராதிப்பவர்களுக்கு எல்லா நன்மைகளையும் தருவேன்' எனக்கூறி தன்னை பூஜிக்கும் முறையையும் தந்தருளியதாக புராணம் சொல்கிறது.
 இந்த வரலட்சுமி விரதம் அல்லது வரலட்சுமி நோன்பு இன்று (9.8.2019) வெள்ளிக்கிழமை நடைபெறுகிறது. வணங்கி மகிழ்வோம் - அஷ்ட ஐஸ்வர்களையும் பெறுவோம்!
 - எஸ். எஸ். சீதாராமன்
 
 

]]>
https://images.dinamani.com/uploads/user/imagelibrary/2019/8/9/w600X390/vm5.jpg https://www.dinamani.com/weekly-supplements/vellimani/2019/aug/09/தேடி-வந்தருளும்-திருமகள்-3210166.html
3210162 வார இதழ்கள் வெள்ளிமணி பொருநை போற்றுதும்! 53 டாக்டர் சுதா சேஷய்யன் DIN DIN Friday, August 9, 2019 09:58 AM +0530 ரிஷிகளின் சினத்தையும் பரம்பொருளான சிவனாரின் சினத்தையும் குளிர்வித்தால்தான், தான் நிரந்தரமாகக் குளிர்ந்துவிடாமல் ஒளிர முடியும் என்பதைப் புரிந்துகொண்ட அக்னிதேவன், அதன்படியே, தீர்த்தம் ஒன்றைத் தோற்றுவித்து, அந்தத் தீர்த்தத்திலேயே லிங்கப் பிரதிஷ்டை செய்து வழிபட்டான்.
 அவன் வழிபட்டுத் தவம் செய்த இடத்திலும் நதி ஒன்று பாய்ந்து கொண்டிருந்தது; கருணையாற்றோடு கலந்திருந்தது. முன்னர் ஒருமுறை, சீதையாகக் காட்சி தந்த தாயார், தன்னில் இறங்கியதையும், அவளை ஏந்திக்கொண்டு தான் மேல் வந்தபோது, ராமனாக நின்ற பரம்பொருள் தனக்கு அருள் வழங்கியதையும் (அதுதான், ராமாவதார காலத்தில்) நினைவு கூர்ந்தான். அவனுக்கு அருள்வழங்கி அவனுடைய வலிமையையும் ஒளியையும் மீட்டுக்கொடுத்த சிவனார், திறன் என்பது அடுத்தவர்களை அழிப்பதல்ல என்றும், மாறாகப் பிறரின் திறமையை மேலும் பிரகாசிக்க உதவுவதே ஆகும் என்றும் உபதேசித்தார்.
 சீதையின் திறத்தை மேலும் பிரகாசிக்கச் செய்ததாலேயே அக்னிக்குச் சிறப்பு கூடியது என்பதையும் நினைவுபடுத்திவிட்டு, இப்போதைய வழிபாட்டின்போதும் ராமனையும் சீதையையும் அக்னிதேவன் எண்ணி நின்றதால், கருணையாற்றோடு கலக்கும் சிறிய நதிக்கு, "இனிமேல் ராம நதி என்னும் பெயர் நிலைக்கும்' என்றும் உரைத்தார். ரிஷிகளின் சினம் தணிந்தது; சுவாமி குளிர்ந்தார் அக்னி ஒளிர்ந்தான்.
 அக்னிதேவன் வழிபட்டதால், சுவாமிக்கு அக்னீச்வரர் என்றும் வன்னீச்வரர் என்றும் திருநாமங்கள். தலமரமும், வன்னியே ஆகும். "வன்னி' என்னும் சொல்லுக்கு "நெருப்பு' என்று பொருள். இதனாலேயே, முருகப்பெருமானுக்கு "வன்னிகர்ப்பர்' (நெருப்பில் தோன்றியவர்) என்றும், வாயுதேவனுக்கு "வன்னிமித்ரன்' (நெருப்பின் நண்பன்) என்றும் பெயர்கள் உள்ளன.
 வன்னீச்வரர் என்னும் திருநாமம் தோன்றியதற்கு இன்னுமொரு காரணத்தையும் உள்ளூர்க்காரர்கள் கூறுகிறார்கள். அக்னியால் தீர்த்தம் ஏற்படுத்தப்பட்டு லிங்கப்பிரதிஷ்டை செய்யப்பட்ட அந்த இடத்திற்கு அக்னி தீர்த்தம் என்றே பெயர்.
 அபிஷேகப்பிரியர் சிவனார் என்பதை மெய்ப்பிக்கும் வகையில், அக்னி தீர்த்தத்தில் எப்போதும் நீர் ஊறிக்கொண்டே இருக்கும். நதிகளில் வெள்ளம் பெருக்கெடுக்கும்போது, தீர்த்தத்திலும் வெள்ளம் பாய்ந்து, சிவலிங்கம் மூழ்கிப்போகும்.
 இதனைக் கண்டு கவலையுற்ற விஜயேந்திர பூபதி என்பவர், சுமார் 1200 ஆண்டுகளுக்கு முன்னர், அக்னிதீர்த்தத்திற்கு உள்ளிருந்து சுவாமியை வெளியே எடுத்து, அருகிலிருந்த வன்னிமரக் காட்டுக்குள் பிரதிஷ்டை செய்து கோயிலும் கட்டிவிட்டார். வன்னிமரத்தடிக்குப் போனதால், சுவாமிக்கு வன்னீச்வரர் என்னும் பெயர் ஏற்பட்டதாகக் கூறுகிறார்கள். பூபதி கட்டிய திருக்கோயிலைப் புதுப்பித்து விரிவாக்கினார் பராந்தகச் சோழப் பேரரசர். தொடர்ந்து சோழப் பேரரசர்கள் கோயிலுக்குத் திருப்பணிகள் செய்தனர்.
 பாண்டியர்களின் ஆட்சிக்காலத்தில், அக்னிதேவனால் பூஜிக்கப்பட்டு பூபதியால் காட்டுக்குள் கொலுவைக்கப்பட்ட அக்னீச்வரரைக் கோயிலின் ஈசான மூலையில் அமர்த்திவிட்டுப் புதியதும் பெரியதுமான சிவலிங்கத்தைப் பிரதிஷ்டை செய்தனர். இப்போது மூலவராகக் கருவறையில் காட்சி தருபவர், பாண்டியலிங்கனாரே ஆவார். இவருக்கே இப்போது அருள்மிகு வன்னீச்வரர் என்றும் வன்னியப்பர் என்றும் திருநாமங்கள் வழங்கப்பெறுகின்றன. சோழர்கள் நிர்மாணித்த பழைய நந்தி, மூலவருக்கு முன்பாக உள்ளது. பாண்டியர்களால் செய்விக்கப்பெற்ற புதிய நந்தி, எல்லையில்லா எழிலோடு, கொடிமரத்திற்கு அருகில் உள்ளது.
 பழைய அக்னீச்வரர், ஈசான மூலையில், அளப்பரிய அமைதியோடு வீற்றிருக்கிறார்.
 அருள்மிகு சிவகாமசுந்தரி என்னும் திருநாமத்தோடு அம்பிகை காட்சி கொடுக்கிற இத்தலத்தில் விசேஷங்கள் பல உள்ளன. அம்பாள் சந்நிதியும்கூட பாண்டியர்களின் அமைப்பே ஆகும்.
 இக்கோயிலின் மண்டபத் தூண் ஒன்றில், கருவுற்ற பெண்ணின் சிற்பம் ஒன்று காணப்படுகிறது. சாக்ஷôத் அம்பிகையே கர்ப்பவதி வடிவில் காட்சி தருகிறாள். அருள்மிகு கர்ப்பரக்ஷôம்பிகை என்றே இத்தூண் அம்பாளுக்குத் திருநாமம். மகப்பேறு வேண்டுபவர்கள், முதல் வாரம் வந்து, கர்ப்பரக்ஷôம்பிகையை வழிபட்டு, தங்கள் கைகளாலேயே அவளுக்கு அபிஷேகம் செய்யவேண்டும். பின்னர் தொடர்ந்து மூன்று வாரங்களுக்கு அதே நாளில் வந்து, கோயில் சிவாசார்யரைக் கொண்டு அர்ச்சனை நடத்துவித்து ஆராதிக்கவேண்டும் (இந்த மூன்று வாரங்கள், நேரடியாக வரமுடியவில்லையானால், நெருங்கிய உறவினர்கள்கூட அர்ச்சனை செய்யலாம்). இப்படிச் செய்தால், கூடிய விரைவில் பிள்ளை வரம் கிட்டும். குழந்தை பிறந்தபின்னர், தம்பதியராகக் குழந்தையையும் அழைத்து வந்து நேர்த்தியை நிறைவேற்றி வழிபடவேண்டும்.
 இன்னொரு தூணில், மணப்பெண்ணின் அலங்கார கோலத்தில் அம்பிகை காட்சி தருகிறாள். இவளுக்குக் கல்யாணாம்பாள் என்று பெயர். திருமணத் தடை இருப்பவர்கள், கர்ப்பரக்ஷôம்பிகைக்குக் கூறியதைப் போலவே, முதல் வாரம் கல்யாணாம்பாளுக்கு அபிஷேகம் செய்துவிட்டுப் பின்னர் மூன்று வாரங்களுக்கு அர்ச்சனை செய்து வழிபட்டால், திருமணம் கைகூடும். பெண்ணோ பிள்ளையோதாம் வரவேண்டும் என்பதில்லை. தாயாரோ தந்தையோகூட அபிஷேகம் செய்யலாம்; அர்ச்சனை செய்விக்கலாம். திருமணம் கூடியபின்னர், தம்பதியராக வந்து பற்பலரும் தங்களின் நன்றியைத் தெரிவித்துக் கல்யாணாம்பாளுக்கு மாலைகள் சூட்டி வணங்குகின்றனர்.
 முதல்முறை அபிஷேகம் செய்வதுகூட வெகு சுலபம். ராகுகாலம் தவிர்த்த எந்த நேரத்திலும் எந்த நாளிலும் செய்யலாம்.
 கோயில் தூண்கள் பலவற்றிலும், கருவுற்ற பெண்களின் வெவ்வேறு நிலையிலான தோற்றப் பிரதிமங்கள் காணப்படுகின்றன. பிரசவ காலமும் பக்கத்தில் உள்ள பெண் பிரசவத்திற்கு உதவுவது போன்றும் சிற்பங்கள் உள்ளன. கருவுற்ற பெண்கள் யோகாசனம் செய்வதுபோன்றும் சில சிற்பங்கள்.
 ஐந்து தலை நாகத்தின்மீது கிருஷ்ணன் நடனமாடுவதாக ஒரு சிற்பம்; ராகு தோஷக்காரர்கள், இந்தச் சிற்பத்திற்கு அபிஷேகம் செய்து வழிபடவேண்டும். படமெடுத்தாடும் நாகத்தின் கீழ் சிவலிங்கம் அமைந்ததாக ஒரு சிற்பம்; கேது தோஷக்காரர்கள், இந்தச் சிற்பத்திற்கு அபிஷேக வழிபாடு செய்யவேண்டும். ராகுவும் கேதுவும் இணைந்திருப்பதாக ஒரு சிற்பம்; காலசர்ப்ப தோஷம் உள்ளவர்கள், இதற்கு அபிஷேகம் செய்யவேண்டும். அர்த்த மண்டபத்தின் வெளிப்பகுதிக் கூரையில், பின்னிப் பிணைனந்த பாம்புகளும், அவற்றைக் கட்டுப்படுத்தும் பாம்பாட்டிகளும், மேலே சிவலிங்கமுமாக ஓரு சிற்பத் தொகுப்பு. இதுவே காலசர்ப்ப யந்திரம். நாகதோஷங்களை நிவர்த்தி செய்யக்கூடிய யந்திரம்!
 - தொடரும்...
 
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/aug/09/பொருநை-போற்றுதும்-53-டாக்டர்-சுதா-சேஷய்யன்-3210162.html
3210161 வார இதழ்கள் வெள்ளிமணி புண்ணிய பூமியில் புனிதப் பயணம் 20 DIN DIN Friday, August 9, 2019 09:55 AM +0530 தேவதூதன் அவளை நோக்கி: மரியாளே, பயப்படாதே, நீ தேவனிடத்தில் கிருபைபெற்றாய். இதோ, நீ கர்ப்பவதியாகி ஒரு குமாரனைப் பெறுவாய்; அவருக்கு இயேசு என்று பெயரிடுவாயாக. அவர் பெரியவராயிருப்பார், உன்னதமானவருடைய குமாரன் எனப்படுவார்; கர்த்தராகிய தேவன் அவருடைய பிதாவாகிய தாவீதின் சிங்காசனத்தை அவருக்குக் கொடுப்பார்.
 அவர் யாக்கோபின் குடும்பத்தாரை என்றென்றைக்கும் அரசாளுவார்; அவருடைய ராஜ்யத்துக்கு முடிவிராது என்றான்.
 அதற்கு மரியாள் தேவதூதனை நோக்கி: "இது எப்படியாகும்? புருஷனை அறியேனே' என்றாள். தேவதூதன் அவளுக்குப் பிரதியுத்தரமாக: பரிசுத்த ஆவி உன்மேல் வரும்; உன்னதமானவருடைய பலம் உன்மேல் நிழலிடும்; ஆதலால் உன்னிடத்தில் பிறக்கும் பரிசுத்தமுள்ளது தேவனுடைய குமாரன் எனப்படும். இதோ, உனக்கு இனத்தாளாயிருக்கிற எலிசபெத்தும் தன் முதிர்வயதிலே ஒரு புத்திரனைக் கர்ப்பந்தரித்திருக்கிறாள்; மலடியென்னப்பட்ட அவளுக்கு இது ஆறாம் மாதம். தேவனாலே கூடாத காரியம் ஒன்றுமில்லை என்றான்.
 அதற்கு மரியாள்: இதோ, நான் ஆண்டவருக்கு அடிமை, உம்முடைய வார்த்தையின்படி எனக்கு ஆகக்கடவது என்றாள். அப்பொழுது தேவதூதன் அவளிடத்திலிருந்து போய்விட்டான். அந்நாட்களில் மரியாள் எழுந்து, மலைநாட்டிலே யூதாவிலுள்ள ஒரு பட்டணத்திற்குத் தீவிரமாய்ப் போய், சகரியாவின் வீட்டுக்குள் பிரவேசித்து, எலிசபெத்தை வாழ்த்தினாள்.
 இறை தூதர் இயேசு பிறப்பு குறித்த செய்தியை மரியாளிடம் சொன்ன இடம் நாசரேத் தான். இங்கு மரியாள் குகைக்குள் வாழ்ந்த வீடு, யோசேப்பின் தச்சுப்பட்டறை இருந்த குகை ஆகியவை புனித பயணிகள் கண்டு விவிலிய உண்மைகளை உணரலாம்.
 மரியாளின் வீட்டின் மேல் கட்டப்பட்டுள்ள தேவாலயம் பசலிக்கா என அழைக்கப்படுகிறது. "பசலிக்கா' என்றால் மூன்று கதவு உள்ள தேவாலயம் என்று பொருள். இந்த ஆலயத்தின் இடது, வலது வாயில்களில் விவிலியத்தில் பழைய ஏற்பாடு காலத்தில் ஏற்பட்ட சம்பவங்களை தத்ரூபமாக இத்தாலிய கட்டடக் கலைஞர் ஜீவானி முட்டா வரைந்துள்ளார். இடது வாயிலில் ஆதாம், ஏவாள் படம், நோவா காலத்து பேழை, ஆபிரகாம் ஈசாக்கை பலியிட்டதை உணர்த்தும் படம் உள்ளது.
 ஆலயத்தின் நடு கதவில் இயேசு பிறப்பு குறித்த படம், இயேசுவின் குடும்பம் எகிப்துக்கு தப்பிச் சென்ற படம், இயேசுவுக்கு யோசேப்பு தச்சுத் தொழில் கற்றுக்கொடுத்த படம், இயேசு சிலுவையில் அறையப்பட்ட படம், உயிர்த்தெழுந்த இயேசுவின் படம் ஆகியவை தத்ரூமாக ஓவியப்படுத்தப்பட்டுள்ளன.
 இந்த ஆலயத்தின் சுவர் பகுதிகளில் பல்வேறு நாடுகளில் கன்னி மரியாளை எந்த வகையான ஓவியமாக, சிலையாக வைத்து வழிபடுகின்றனர் என்ற பல்வேறு புகைப்பட காட்சிகளை தத்ரூபமாக வைத்துள்ளனர். இந்தியாவில் மரியாளின் முகம் சித்தரிக்கப்பட்டு வரையப்பட்டுள்ள படமும் வைக்கப்பட்டுள்ளது. அந்தந்த நாட்டு கலாசாரத்தின் அடிப்படையில் மரியாளின் முகம் மாறுபட்டு காட்சி அளிப்பதை இந்த தேவாலயத்தின் சுவரில் காணலாம்.
 யோசேப்பின் தச்சுப்பட்டறை: மரியாளின் வீடு உள்ள குகைக்கு சற்று அருகில் யோசேப்புவின் தச்சுப்பட்டறை உள்ள குகை உள்ளது. இயேசு பிறந்த பின்னர் பல ஆண்டுகளாக யோசேப்பின் குடும்பம் நாசரேத்தில் தான் வாழ்ந்துள்ளது. இங்கு யோசேப்பு தச்சுத்தொழில் செய்து வந்ததாக விவிலியத்தில் கூறப்பட்டுள்ளது. இங்கு இயேசுவும் தச்சுப் பயிற்சி பெற்றுள்ளார். அந்த குகையின் மேல் கட்டப்பட்டுள்ள ஆலயம் புனித யோசேப்பு ஆலயம் என அழைக்கப்படுகிறது.
 - ஜெபலின் ஜான்
 (தொடரும்...)
 
 

]]>
https://images.dinamani.com/uploads/user/imagelibrary/2019/8/9/w600X390/vm4.jpg https://www.dinamani.com/weekly-supplements/vellimani/2019/aug/09/புண்ணிய-பூமியில்-புனிதப்-பயணம்-20-3210161.html
3210160 வார இதழ்கள் வெள்ளிமணி பகர பகரும் பக்ரீத் DIN DIN Friday, August 9, 2019 09:54 AM +0530 இஸ்லாத்தின் இறுதி கடமையாம் ஹஜ்ஜை மக்காவில் உள்ள அரபா, மினாவில் ஹஜ் செய்வோர் நிறைவேற்றுவர். உலகில் உள்ள இஸ்லாமியர்கள் அவரவர் ஊர்களில் ஹஜ் பெருநாள் கொண்டாடுவர். இவ்வாண்டு, இந்தியாவில் ஹஜ் பெருநாள் 12.08.2019 -இல் கொண்டாடப்படுகிறது.
 இறைவனின் கட்டளையை ஏற்று இப்ராஹீம் நபி அவர்களின் மகன் இஸ்மாயில் நபியைப் பலி கொடுக்க முனைந்த பொழுது இறைவன் ஓர் ஆட்டினைத் தோன்ற வைத்து பலியிட செய்தான். இந்நிகழ்ச்சியை ஒட்டியே இப்பெருநாளைக்குப் பக்ரீத் என்ற பெயரும் உண்டு. பக்ரீத் என்ற உருது சொல்லுக்குக் குர்பானி, பலியிடுதல் என்று பெயர்.
 "உங்களின் அல்லாஹ்விற்காக தொழுவீராக! குர்பானியும் கொடுப்பீராக!'' என்ற எழில்மறை குர்ஆனின் 108 - 2 ஆவது வசனப்படி பெருநாள் தொழுகை தொழுத பின்னரே குர்பானியைக் கொடுக்க வேண்டும். இந்த பெருநாளுக்குக் குர்பானி ஈத் என்ற பெயரும் உண்டு. துருக்கியில் இப்பெருநாளுக்கு ஈத் பைராம் என்று பெயர்.
 மதீனாவில் வாழ்ந்த பத்து ஆண்டுகளும் மாநபி (ஸல்) அவர்கள் குர்பானி கொடுத்ததை எடுத்துரைக்கிறார் இப்னு உமர் (ரலி) நூல்- திர்மிதீ, மிஸ்காத். கருணை நபி அவர்கள் கருப்பும் வெள்ளையும் கலந்த கொம்புள்ள இரண்டு ஆடுகளைக் குர்பானி கொடுத்ததாக கூறுகிறார் அனஸ் (ரலி) நூல் - புகாரி.
 குர்பானி கறியை மூன்று பங்கிட்டு ஒரு பங்கை உறவினர்களுக்கும் மற்றொரு பங்கை ஏழைகளுக்கும் கொடுத்துவிட்டு மீதமுள்ள ஒரு பங்கை குர்பானி கொடுப்பவர் அவருக்காகவும் அவரின் குடும்பத்திற்காகவும் எடுத்துக் கொள்ளலாம். குர்பானி கறி முழுவதையும் ஏழைகளுக்குக் கொடுப்பதே ஏற்றமானது. அவ்வாறு பகர பகர்கிறது பக்ரீத்.
 சவூதி அரபியாவில் ஹஜ்ஜில் பலியிடப்படும் ஆடு, மாடு, ஒட்டக கறி வறுமையில் வாடும் நாடுகளில் வாழும் ஏழைகளுக்குக் கொடுப்பதற்காக பக்குவப் படுத்தப்பட்டு எச்செலவும் அந்த வறிய நாடுகளுக்கு ஏற்படாமல் இலவசமாக ஏற்றுமதி செய்யப்படுகிறது.
 குர்பானி கறியை ஏழைகளுக்குக் கொடுப்பதோடு ஏராளமாய் தாராளமாய் தானம் வழங்கி இல்லாமையை இல்லாமல் ஆக்கி சமத்துவ சமுதாயத்தை உருவாக்க உறுதி பூணுவோம். ஒருமைப் பாட்டில் ஒழுகும் நம் இந்தியாவில் அனைத்து சமய சகோதர சகோதரிகளோடும் நல்வாழ்த்துகளைப் பரிமாறி நாட்டில் ஒருமைப்பாட்டை நிலை நிறுத்துவோம்.
 - மு.அ.அபுல் அமீன்

]]>
https://images.dinamani.com/uploads/user/imagelibrary/2019/8/9/w600X390/vm3.jpg https://www.dinamani.com/weekly-supplements/vellimani/2019/aug/09/பகர-பகரும்-பக்ரீத்-3210160.html
3210159 வார இதழ்கள் வெள்ளிமணி நிகழ்வுகள் DIN DIN Friday, August 9, 2019 09:52 AM +0530 * ஆராதனை விழா
 திருவள்ளூர் - ஊத்துக்கோட்டை சாலையில், நெய்வேலி கிராமத்தில் சூர்யோதயா நகரில் உள்ள ஸ்ரீ ராகவேந்திர க்ரந்தாலயா என்னும் ப்ரதி ரூப மந்திராலயத்தில் மகானின் 348 -ஆவது ஆராதனை மகோத்சவம் ஆகஸ்ட் 16 (பூர்வ), ஆகஸ்ட் 17 (மத்ய), ஆகஸ்ட் 18 (உத்ர) ஆகிய நாள்களில் சிறப்பு ஹோமங்கள், பூஜைகள், ஸ்ரீ குருராஜர் பட ஊர்வலம் போன்ற நிகழ்ச்சிகளுடன் நடைபெறுகின்றது. க்ரந்தாலயாவிற்கு செல்ல திருவள்ளூர் ரயிலடி மற்றும் தேரடியிலிருந்து ஆட்டோ, பேருந்து வசதிகள் உள்ளன.
 தொடர்புக்கு: சத்தியநாதன்- 94459 52585 / 98845 52585.
* ஏகதின லட்சார்ச்சனை
 காஞ்சி மாவட்டம் பொன் விளைந்த களத்தூர் ஸ்ரீ லஷ்மி நரசிம்ம சுவாமி கோயிலில் ஆகஸ்ட் 11 -ஆம் தேதி ஏகதின லட்சார்ச்சனை நடைபெறுகின்றது.
 தொடர்புக்கு: 98944 25477 / 98400 86314.
* குருபூஜை
 " இருப்பது பொய் போவது மெய்" என்று எண்ணி ஒருத்தருக்கும் தீங்கு செய்யாதே. நலமாய் வாழச் செய்யும் உபதேசம் இதுதான்!' - என்று பலவாறாக வாழ்க்கையின் உண்மையான தத்துவத்தை எடுத்துப் பாடியுள்ளார் பட்டினத்தார். அருளாளர் பட்டினத்தாருக்கு திருவொற்றியூரில் கசக்கும் பேய்க் கருப்பு இனித்தது. அங்கேயே அவர், ஆடி உத்திராடம் அன்று மணலில் ஜீவ சமாதியானார். இவ்வாண்டு, ஆகஸ்ட் 13, பட்டினத்தாரின் குருபூஜை தினமாகும். அன்றைய தினம், சென்னை, திருவொற்றியூரில் உள்ள பட்டினத்தார் கோயிலில் அன்றைய நாள் முழுவதும் சிறப்பு நிகழ்வுகளும் மற்றும் சிறப்பு அபிஷேகம், அலங்காரமும் நடைபெறும்.
* திருப்பணி
 மேற்கு தாம்பரம் கிஷ்கிந்தா சாலையில் கன்னடபாளையத்தில் பிள்ளையார் கோயில் தெருவில் உள்ளது ஸ்ரீ ராகவேந்திர மிருத்திகா பிருந்தாவனம். ஸ்ரீலக்ஷ்மி சத்ய நாராயண ராகவேந்திரா டிரஸ்ட் என்ற அமைப்பின் மூலம் ஸ்ரீ ராகவேந்திர மிருத்திகா பிருந்தாவனம் பிரதிஷ்டை செய்யப்பட்டு வழிபாடுகள் சிறப்பாக நடைபெறுகின்றன. தற்போது ஆலயத்தை விரிவாக்கும் பணியில் முதற்கட்டமாக மேற்கூரை அமைக்கும் திருப்பணி மேற்கொள்ளப்பட்டுள்ளது. பக்தர்கள் இந்த திருப்பணி கைங்கர்யத்தில் பங்கு கொண்டு நலம் பெறலாம். மந்திராலய மகானின் ஆராதனை வைபவம் ஆகஸ்ட் 16 முதல் 18 வரை இங்கு நடைபெறுகின்றது.
 தொடர்புக்கு: 89395 45901 / 99627 05486.
 நாகப்பட்டினம் மாவட்டம், மயிலாடுதுறை, மகாராஜபுரம் வட்டம் ஆனந்தகுடியில் அமைந்துள்ளது அருள்மிகு ஆனந்தவல்லி அம்பாள் உடனுறை ஆனந்த நடனபுரீஸ்வரர் ஆலயம். இவ்வாலயத்தில் தற்போது திருப்பணி வேலைகள் நடைபெற்று வருகின்றன. அம்மன் கருவறை, குடிநீர் வசதி, சுற்றுச்சுவர், திருக்குளம் தூர்வாருதல், மடப்பள்ளி, கொடிமரம், பரிவார தெய்வங்களின் சந்நிதிகள், மின் இணைப்பு என பல திருப்பணி வேலைகள் நடைபெற வேண்டியுள்ளது. பக்தர்கள் இத்திருப்பணியில் பங்கு கொண்டு இறையருள் பெறலாம்.
 தொடர்புக்கு: 96555 92303.
 சிவங்கை மாவட்டம், தஞ்சாக்கூர் அருள்மிகு பரஞ்சோதி ஈசுவரர் திருக்கோயிலில் திருப்பணி வேலைகள் நடைபெற்று வருகின்றன. நால்வர்களில் ஒருவரான சுந்தரரால் பாடல் பெற்ற தலம் இது. இவ்வாலயத்தில் புதிதாக, ஐந்து நிலை ராஜகோபுரம், முன் மண்டபம், விநாயகர், சுப்ரமணியர், விஷ்ணு, மகாலட்சுமி, ஸ்வர்ணாகர்ஷன பைரவர், நவக்கிரகம், சூரியன், சந்திரன், பரஞ்சோதி ஈஸ்வரர் கருவறை கோபுரம் கல் திருப்பணி மேற்கொள்ளப்படுகிறது. மேலும் உற்சவர் நடராஜர் ஞானாம்பிகை மற்றும் தட்சிணாமூர்த்தி சந்நிதிகள் புனரமைக்கப்பட்டு கும்பாபிஷேகம் நடைபெற உள்ளது. பக்தர்கள் இத்திருப்பணியில் பங்கேற்று நலம் பெறலாம்.
 தொடர்புக்கு: 99449 40477/ 96294 99966.
 

]]>
https://www.dinamani.com/weekly-supplements/vellimani/2019/aug/09/நிகழ்வுகள்-3210159.html
3210157 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, August 9, 2019 09:46 AM +0530 * நமது உடலில் ரத்தம் தூய்மையானதாக இருந்தால் நோய்க்கிருமிகள் நம்மை நெருங்காது. நமது சமுதாயத்தின் ரத்தம் ஆன்மிக வாழ்க்கையாகும். அது தூய்மையாக இருந்து சீராக ஓடினால் மற்ற எல்லாம் சரியாகிவிடும். அப்போது நாட்டின் அரசியல், சமுதாயம், பொருளாதாரம், வறுமை ஆகியவற்றிலுள்ள குறைபாடுகள் அனைத்தும் நீங்கிவிடும்.
- சுவாமி விவேகானந்தர்
* எந்த யோகி எல்லாவற்றையும் கடந்த நிலையை அடைந்து, எப்போதும் குளிர்ந்தும் அமைதியாகவும் இருக்கும் பூரண சந்திரனைப்போல் இருக்கிறானோ அவன் உண்மையில் பரமாத்மாவேதான். 
- வசிஷ்டர் (யோகவாஷிட்ட சாரம்)
* பார்ப்பவனுக்கு மேல் நின்று பார்ப்பவனாகவும், நினைப்பவனுக்குப் பின்னின்று நினைப்பவனாகவும், தாங்குபவனுக்கு மேல் நின்று தாங்குபவனாகவும், பரமாத்மா என்று கூறப்படுபவனாகவும் இந்த உடலில் உறைகின்ற பரம புருஷன் விளங்குகிறான்.
- ஸ்ரீ கிருஷ்ணன்
* இறைவன் நாமத்தை மெளனமாக ஜபம் செய்வது, வாழ்க்கைப் பிரச்னை களைத் தீர்ப்பதற்குச் சுலபமானதும் மேலானதுமான வழியாகும். ஒருவர் ஜபம் மட்டுமே செய்தால் போதும். அதனால் அவருக்கு இறைவனின் காட்சி தானாகவே வந்து சேரும். 
- ஸ்ரீ சாரதாதேவியார்
* வேதங்களை ஓதினாலும், குருமார்களுக்கு காணிக்கை செலுத்தினாலும், தெய்வங்களுக்கு பலிகள் செலுத்தினாலும், உடலை வருத்தி தவங்கள் இயற்றினாலும் உலக மயக்கம் தெளியாத மனிதனை எதுவும் தூய்மைப்படுத்தாது.
- புத்தர்
* உடலும் உள்ளமும் தூய்மையாக இருப்பவர்களின் பிரார்த்தனைகள் சிவபெருமானால் நிறைவேற்றப்படுகின்றன. 
- சுவாமி விவேகானந்தர்
* மனிதப்பிறவியைப் பெற்றும் முக்தி அடைவதற்கு முயற்சி செய்யாத முட்டாள், தற்கொலை செய்துகொண்டவனுக்குச் சமம்.
- ஆதிசங்கரர்
* பானை முடிவில் மண்ணோடு மண்ணாகிறது. அலைகள் முடிவில் கடல்நீரில் அடங்கிவிடுகின்றன. அதுபோலவே, பிரம்மத்திடமிருந்து தோன்றிய உலகமும் முடிவில் பிரம்மத்திடமே திரும்புகிறது.
- வசிஷ்டர் (யோகவாஷிட்ட சாரம்)
 

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/aug/09/பொன்மொழிகள்-தொகுப்பு-சுவாமி-கமலாத்மானந்தர்-3210157.html
3210154 வார இதழ்கள் வெள்ளிமணி கொரட்டூர் ஏரிக்கரை சீயாத்தம்மன்! DIN DIN Friday, August 9, 2019 09:43 AM +0530 பல்லவன் ராஜசிம்மனுக்கும் சாளுக்கிய புலிகேசிக்கும் பாலாற்றங்கரையில் கடும் போர். பாடி வீட்டில் ஓய்விலிருந்த பல்லவனுக்கு அவன் படைகள் தோற்றுவிடுமோ என்ற அச்சம். அவனறியாமல் கண்ணயர்ந்து விட்டான். அருகில் அக்ரஹாரம் பகுதியில் சந்நியாசிகள், ரிஷிகள், சாதுக்கள் நீர்நிலைக்கரையில் அமர்ந்து தியானத்திலும் தவத்திலும் இருந்தனர். அவர்களுக்கு அசுரர்கள் அல்லல்கள் தர, சிவபெருமான் அன்னை பராசக்தியிடம் அவர்களை காக்கும்படியாகக் கூறினார்.
 அன்னை பராசக்தியும் அந்த அகண்ட தீர்த்தக் கரையில் இருந்த விழுதில்லா ஆலமரத்தடியில் அமர்ந்து தவம் செய்ய , அவள் மீது புற்று வளர்ந்து மூடியது. அதற்குள் இருப்பது பராசக்தியென அறிந்த அசுரர்கள் புற்றின் மீது அசிங்கத்தையும் கழிலையும் வாரிக் கொட்டி தவத்தை கலைக்க முயன்றனர். சினத்தால் சிவந்த பராசக்தி அசுரர்களை அழிக்க ஆக்ரோஷமாக எழுந்தாள். அரக்கர் கூட்டத்தில் "நிறைமாதமாக நின்ற அரக்கியின் உதரத்தை கிழித்து அதில் இருந்த குழந்தையை எச்சரிக்கையாய் எடுத்து காதில் மாட்டிக்கொண்டு மற்ற துஷ்ட அரக்கர்களை சம்ஹாரம் செய்து பக்தர்களுக்கு காட்சி தந்தாள்.
 இக்காட்சிகள் ராஜசிம்ம பல்லவனுக்கு தொடர்புடைய வரலாறாக கண்ணில் தெரிய, அம்பாள் தன்னை வெளிப்படுத்தி தம்மிடம் கருத்து தெரிவித்திருக்கிறார் என உணர்ந்தான். விழித்து எழுந்த மன்னன், அம்பாளின் கருணையை நினைத்து "போரில் நான் வென்று என் எதிரியை அழித்து நீ தவம் செய்த இடத்தில் உனக்கு கோயில் அமைத்து மக்கள் உன்னை வழிபட செய்வேன், எனக்கு உதவி செய் ! நிரந்தரமாக இந்த ஊரில் தங்க உனக்கு ஏற்பாடு செய்கிறேன்' எனக் கூறினான்.
 போரில் முடிவில் ராஜசிம்மன் வென்று தன் நாட்டின் எல்லையை விரிவுபடுத்தி தக்கவைத்துக் கொண்டான். அவனுக்கு கனவுக்காட்சியும் கருத்தும் நினைவிலேயே நிற்க அம்மன் தவம் செய்த அகண்ட ஏரிக்கரையில் விழுது இல்லாத ஆலமர புற்றுக்கு வந்து அவ்விடத்தில் பூஜை செய்து புற்றை அகற்றிப் பார்க்க அம்பாள் சுயம்புவாய் காட்சி தந்தாள்.
 அழிந்துபோகும் அசுரர்களின் குலத்தில் குழந்தை ஒன்றை மட்டும் காத்து குலம் அழியாமல் காக்க காதில் எடுத்து மாட்டிக் கொண்டதால் "சேய் காத்த அம்மன்' என்ற பெயரோடு அங்கு இருந்து அருள்செய்யத் தொடங்கினாள்.
 அவ்விடத்தில் கோயில் எழுப்பி அருகில் உள்ள கொரட்டூர் கிராமத்தை தாய் கிராமமாக ஆக்கி, கோயில் அமைந்திருந்த பகுதியைச் சுற்றி கச்சனாங்குப்பம், தாதங்குப்பம், கள்ளிக்குப்பம், மாதனாங்குப்பம், சூரப்பேடு ஆகிய கிராமங்களுக்கும் ஏக வழிபாட்டு தெய்வமாக்கி மானியங்கள் அளித்து நெடுநாள் ஆண்டு சிறப்பாக வாழ்ந்தான் என்பது வரலாறு.
 இந்த வரலாறை கேள்விப்பட்ட ஞானசம்பந்தர் திருவொற்றியூரில் இருந்து பாடி சிவன் கோயிலுக்குச் செல்லும் போது இத்தலத்திற்கு வந்து அம்பாளை வணங்கி சென்றதாக வரலாறு. கோயில் அமைந்திருந்த பகுதியில் இருந்த ரிஷிகளும் முனிவர்களும் சந்நியாசிகளும் சாதுக்களும் அவரை வரவேற்று முதல் மரியாதை செய்த காரணத்தினால் அந்த இடம் (கொரட்டூர் ) அக்ரஹாரம் என வழங்கப்பட்டது. அது முதல் கோயில் அமைந்துள்ள பகுதிக்கு அதுவே பெயராக வழங்கத் தொடங்கியது.
 "சீயம்' எனப்படும் சிங்கத்தின் மீது இருந்த அம்மன் சீயாத்தம்மன் என்று பக்தர்களால் பிற்காலத்தில் அழைத்து வணங்கப்பட்டதாக கூறப்படுகிறது. பாடலம் என்றால் சிவப்பு என்பது பொருளாகும். பாடலாத்திரி என்பது செம்மலை அல்லது செங்குன்று என்ற பொருளாகும். செங்குன்றத்தை அடுத்து அகன்று விரிந்த ஏரிக்கரையில் அமர்ந்து அருளாட்சி செய்யும் சீயாத்தம்மனை குறிப்பிட்டுக் காட்ட "பாடலாத்திரி சீயாத்தம்மன்' எனப் பெயரிட்டு அழைத்தனர்.
 பாடலாத்ரி சீயாத்தம்மன் மிகப்பெரிய கொரட்டூர் ஏரிக் கரையில் உள்ள விழுதில்லாத ஆலமரத்தின் அடிநிழலில் சுயம்புவாய் சப்த மாதர்கள் துணையிருக்க தோன்றி அருள் செய்து வரும் திருக்கோயிலாகும். கருவறையின் நடுவில் சியாத் தம்மன் சுயம்புவாய் எழுந்தருளி இருக்க அவளது அருகில் பிராமி, வைஷ்ணவி, கெளமாரி, மகேஸ்வரி, இந்திராணி, சாமுண்டி, வராகி ஆகியோர் குடி கொண்டுள்ளார்கள். அம்பாளின் காலடியில் ஸ்ரீ சக்கரம் பதிக்கப்பட்டுள்ளது. விழுது இல்லாத ஆலமரத்தினடியில் நாகர்களும் பால விநாயகரும் அமைந்துள்ளனர். கோயிலின் ஈசான மூலையில் நவகிரகப் பிரதிஷ்டையும் கோயிலின் வலப்புறம் திருக்குளமும், முன்புறம் விசேஷ தினங்களில் பொங்கல் வைக்கும் பொங்கல் மண்டபமும் உள்ளன.
 ஏழூருக்கும் சொந்தமான கோயிலாக இருப்பதனால் அனைத்து குடிமக்களும் குலதெய்வ பிரார்த்தனை, மொட்டை அடிப்பது, காது குத்துவது போன்ற வேண்டுதல்களை நிறைவேற்றுகின்றனர். மேலும் திருமண வரம், குழந்தைப்பேறு, நோய் தீரவும், வேலை வாய்ப்புக்காகவும் செவ்வாய், வெள்ளி மற்றும் ஞாயிற்றுக்கிழமைகள், பௌர்ணமி, அமாவாசை, சஷ்டி திதிகளிலும் தொடர்ந்து ஒன்பது வாரங்கள் அம்மனை வழிபட்டு பலனடைகிறார்கள்.
 ஆண்டு முழுவதும் திருநாள்கள் கொண்டாடப்பட்டாலும் ஆடி மாதம் முழுவதுமே திருநாள்தான்! அதில் ஆடி நான்காவது வாரம் மிகவும் சிறப்பாகும். ஆகஸ்ட் 9 -ஆம் தேதி, கொடி ஏற்றி காப்புக் கட்டுதலும், சக்திக்கரகம் புறப்பாடகி 11 -ஆம் தேதி அம்மனுக்கு பால்குடம் எடுத்தல், வேல் தரித்தல், அலகு போடுதல், செடல் தீமிதி திருவிழாவும் நடந்து ஆடி ஐந்தாவது வாரம் திருவிளக்கு பூஜையுடன் ஆடிவிழா முடிவு பெறும்.
 கோயம்பேட்டிலிருந்து சுமார் 5 கி.மீ. தொலைவிலும்; கொரட்டூர் ரயில் நிலையம் / பஸ் நிலையத்திலிருந்து சுமார் ஒன்றரை கி.மீ. தூரத்திலும் இத்திருக்கோயில் அமைந்துள்ளது.
 தொடர்புக்கு: 99622 22055 / 80561 22823.
 - இரா. இரகுநாதன்
 
 

]]>
https://images.dinamani.com/uploads/user/imagelibrary/2019/8/9/w600X390/vm2.jpg https://www.dinamani.com/weekly-supplements/vellimani/2019/aug/09/கொரட்டூர்-ஏரிக்கரை-சீயாத்தம்மன்-3210154.html
3210122 வார இதழ்கள் வெள்ளிமணி புதனில் அருளும் புனிதவதி! Friday, August 9, 2019 09:29 AM +0530 ஆடிமாதத்தில் சூரியனிடமிருந்து சூட்சும சக்திகள் வெளிப்படுகின்றன. பிராணவாயு அதிகமாகக் கிடைக்கும். உயிர்களுக்கும் ஆதார சக்தியை அதிகமாகத் தரும் மாதம் இதுவே. விஞ்ஞான ரீதியாகவும் நிரூபிக்கப்பட்டுள்ளது. எனவே இந்த மாதத்தை "சக்தி மாதம் என்று ஜோதிட நூல்கள் குறிப்பிடுகின்றன. எனவே தான் அம்மன் கோயில் கொண்டுள்ள அனைத்து ஆலயங்களிலும் இம்மாதம் வழிபாடுகளையும், விழாக்களையும் சிறப்பாக நடத்துகின்றனர். அவ்வகையில் சுமார் 300 வருடங்கள் பழைமையான ஒரு கிராமத்துக் கோயிலின் சிறப்பைப் பற்றி அறிந்து கொள்வோம்.
 திண்டிவனம் - பாண்டிச்சேரி செல்லும் வழியில் சுமார் 6 கி.மீ. தொலைவில் அமைந்துள்ளது கோவடி கிராமம். இங்கு அருள்மிகு எட்டி அம்மன் ஆலயம் உள்ளது. ஊரின் பெயரும், அம்மனின் பெயரும் அமைந்ததற்கு ஒரு வரலாற்றுப் பின்னணி உள்ளதாக தெரியவருகின்றது. இந்த அம்மன் ஊர்மக்களுக்கு கிராம தேவதையாகவும், காவல் தெய்வமாகவும் விளங்குகிறாள். விழுப்புரம், கடலூர் மாவட்டங்களைச் சேர்ந்தவர்களுக்கும், பாண்டிச்சேரி மாநிலத்தில் பலருக்கும் இந்த எட்டி அம்மன் குலதெய்வமாக விளங்குகின்றாள். இந்த அம்மனை குலதெய்வமாகக் கொண்டவர்கள் பிற மாநிலங்களில் மட்டுமல்லாமல் பிற நாடுகளிலும் வசிக்கின்றார்கள். தங்கள் வீட்டில் நடக்கும் சுபகாரியங்களுக்கு இந்த அம்மனை வேண்டி துவங்குகின்றார்கள். நேரில் வந்தும் குலதெய்வ வழிபாட்டை குறைவின்றி செய்து முடிக்கின்றனர். தங்கள் குடும்பத்தில் பிறக்கும் முதல் ஆண் பிள்ளைக்கு எட்டீஸ்வரன் என்றும் பெண் பிள்ளையானால் எட்டீஸ்வரி என்றும் பெயர் வைக்கும் வழக்கமும் உள்ளது. இந்த அம்மன் நிகழ்த்திய அற்புதங்களையும், தங்களை தக்க சமயத்தில் காத்தருளிய சம்பவங்களையும், பூச்சொரிந்து உத்தரவு அளிக்கும் பாங்கினையும் பக்தர்கள் தங்கள் அனுபவங்களினால் பகிர்கின்றனர்.
 இங்கு மற்ற அம்மன் கோயில்களைப் போல் வெள்ளிக்கிழமை என்றில்லாமல் புதன்கிழமை விசேஷ நாளாக கருதப்படுகிறது. சிறப்பு பூஜைகள் யாவும் புதன்கிழமையில் தான் செய்யப்படுகின்றன. ஆடி மாதத்தில் ஒவ்வொரு புதன்கிழமையும் கோவடி கிராம மக்களும், சுற்று வட்டாரத்து கிராம மக்களும் இத்திருக்கோயிலில் பொங்கல் வைத்து வழிபடுகின்றனர். திருமணத்தடை, குழந்தையின்மை, தீராதநோய், கல்வி, வேலையின்மை மற்றும் பிற குறைகளுக்கும் சக்தி வாய்ந்த இந்த அம்மனை வேண்டிக் கொண்டு புதன்கிழமைகளில் சிறப்பு பூஜை செய்து வழிபட்டு வந்தால் அனைத்துக் காரியங்களும் சுலபமாக நிறைவேறும் என்பது பக்தர்களின் அனுபவபூர்வமான நம்பிக்கை. இவ்வாண்டு, ஆகஸ்ட் -14 புதன்கிழமை சிறப்பு வழிபாடுகள், பூஜைகள் நடைபெற உள்ளன. அன்று பக்தர்கள் கலந்து கொண்டு இவ்வாலயத்தில் நந்தவனத்திலுள்ள 12 ராசிகளுக்கும் உண்டான மரத்தினையும் வலம் வந்து பயன் பெறலாம்.
 ராஜகோபுர கும்பாபிஷேகத்திற்கு தற்போது ஊர் மக்கள் மற்றும் குலதெய்வக்காரர்கள் ஒத்துழைப்போடு பழைய கருவறை கோபுரத்தை அகற்றி விட்டு முழுவதும் கருங்கல்லால் கட்டி உயரப்படுத்தவும், கொடி மரம் அமைக்க வேண்டியும் புதிய திருப்பணி துவங்க பூஜை போடப்பட்டுள்ளது. ஆன்மீக அன்பர்கள் இந்த கைங்கர்யத்தில் பங்கு கொண்டு ஸ்ரீ எட்டி அம்மனின் அருளைப் பெற்று நலம் பெறலாம்.
 தொடர்புக்கு: 8838 525485 94446 61227.
 - எஸ். வெங்கட்ராமன்
 

]]>
https://images.dinamani.com/uploads/user/imagelibrary/2019/8/9/w600X390/vm1.jpg https://www.dinamani.com/weekly-supplements/vellimani/2019/aug/09/புதனில்-அருளும்-புனிதவதி-3210122.html
3205588 வார இதழ்கள் வெள்ளிமணி அனைத்து பலனும் அருளும் சண்டி மகாயாகம்! DIN DIN Friday, August 2, 2019 10:50 AM +0530 மகிஷாசுரன் நான் அழியக் கூடாது, அப்படி அழிவு வந்தால் கருவிலே உருவாகாத பெண்ணால் மட்டுமே அழிக்கப்பட வேண்டுமென சாமர்த்தியமாக வரம் பெற்றிருந்தான். செருக்கு தலைக்கேற தேவர்கள் முனிவர்கள் அனைவருக்கும் அல்லல் தந்தான். அனைவரும் சிவபெருமானிடம் தங்களை காத்தருள வேண்ட அந்தப் பொறுப்பு பராசக்திக்குப் போனது. பராசக்தி தன்னிலிருந்து சப்த கன்னியர்களைத் தோன்றுவித்து மகிஷாசுரனை அழித்தாள்.
 தேவர்களும் முனிவர்களும் இவ்வாறு தோன்றிய தனித்தனி சக்திகள் சேர்ந்தே மக்களுக்கு நன்மை செய்ய வேண்டும் என வேண்டினர். அன்னை பராசக்தி தீமையை அழித்து நன்மை செய்ய தனித்தனி உருவங்களில் இருந்த சப்தமாதர்களின் சக்திகளும் தேவையானபோது ஒன்றாக இணைந்து ஒரே சக்தியாகத் திரண்டும் பலன் அளித்தார்கள். உலகிற்கு எல்லா மங்களங்களையும் வழங்கக்கூடிய இந்த ஏழு மாதர்களும் ஓர் உருவாகத் திரண்டு அருளும்போது, செய்கை இடம் காலம் நேரத்திற்கு ஏற்ப பெயர் வழங்கியது.
 சென்னை கோயம்பேடு கிராமத்தின் துணைக் கிராமமான திருமங்கலத்தில் விவசாயத்தை முதன்மையாக கொண்ட கூவம் ஆறும் ஆற்றை ஒட்டிய முகப்பேரியும் ஏரிப் பாசனத்தில் விளைந்த நிலங்களும் அப்பகுதியை செழிப்பு மிக்கதாக ஆக்கியது.புற்று உருவில் வெளிவந்த சப்த சக்திகளும் நல்லதை தந்து தீயதை அழிக்கும் இடமாக குடிகொண்ட இடமே திருமணி அம்மன் திருக்கோயில் ஆகும். திரு - என்றால் செல்வம், மணி - என்றால் திரட்சியுடையது எனப்படும் செல்வத்தை திரட்டித்தருமிடம் திருமணி எனவும் செல்வம் குடிகொண்ட இடம் திருமங்கலம் எனவும் பட்டது.
 ஏழு மாதர்களும் தொடக்கத்தில் சிறிய புற்று வடிவில் தோன்றி புற்றுக் கோயில் ஆகவும் பின்னர் ஏகரூப சிலாவிக்கிரகம் அமைத்து வழிபட்டும் வந்தனர். சகல செல்வங்களும் தந்து வந்த அந்த திருமணி அம்மன் செல்வங்களில் ஒன்றான நோயற்ற வாழ்வு குறைவற்ற செல்வம் என்பதனால் நோய் தீர்க்கும் அம்மனாகவும் அனைத்து பலனும் தரும் திருமணி அம்மன் என்ற பெயரோடும் தன்னை வெளிப்படுத்திக் கொண்டாள்.
 சென்னையில் இன்றைய அண்ணாநகர் பகுதியில் திருமங்கலம் வாட்டர் டேங்க் நிறுத்தத்தின் அருகில் பதின்மூன்றாவது பிரதான சாலையில் தேவி திருமணி அம்மன் என்ற பெயரோடு புற்று வடிவில் சுமார் 350 ஆண்டுகளுக்கு மேலாக காட்சி தந்து அருள்புரிந்து வருகிறாள். நடுவில் புற்றும் கோயிலும் சுற்றிலும் பயிர் நிலங்களும் இருந்து செழிப்பாக வளர்ந்து வந்த பூமி கால தேச வர்த்தமானத்தில் சிறிது சிறிதாக மாறி இன்றைக்கும் செல்வம் செழிக்கும் அண்ணாநகர் என்ற பெயரால் அழைக்கப்படுகிறது.
 பின்நாள்களில் திருமணியம்மன் திருமங்கலம் கிராமத்தின் அதிதேவதையாகவும் கிராம தேவதையாகவும் மாறி காக்கத் தொடங்கினாள். உலகத் தமிழ் மாநாடு சென்னையில் நடந்தபோது மைதானமாக இருந்த இடம் பின்னர் மனைகளாகப் பிரிக்கப்பட்டு குடியிருப்புகளாக வளர்ந்தது. செல்வதேவதை திருமணிஅம்மன் திருவருளால் வெகுவேகமாக வியாபார ஸ்தலமாக விருத்தியடைந்து வளர்ந்தது.
 அண்ணாநகர் பகுதி வளர்ச்சியடையும் போது பக்தர்களின் அரிய முயற்சியால் கர்ப்பகிருகம் உட்புறம் தள்ளிக் கட்டப்பட்டு இத்திருக்கோயிலில் கருவறையில் இடக்கால் மடக்கி வலக்கால் தொங்கவிட்டு ஜ்வாலா மகுடத்துடன் கத்தி கபாலம் திரிசூலம் உடுக்கையுடன் முன்பிருந்த திருமணி அம்மன் விக்கிரகமே பிரதிஷ்டை செய்யப்பட்டது. கோஷ்டத்தில் ராஜேஸ்வரி, கெளமாரி வைஷ்ணவி பிராம்மி துர்க்கை மட்டும் உள்ளனர். பிற சந்நிதிகளும் மண்டபம், கொடிமரம், பலிபீடம் ஆகியவை பின்னர் விரிவடைந்தன.
 இத்திருக்கோயிலில் ஆடிமாதம் கடைசி வெள்ளி, சனி, ஞாயிறு ஆடித்திருவிழா நடைபெறும். ஞாயிறு மதியம் கூழ்வார்த்தல் நடைபெறும். மாலை 6.00 மணிக்கு மேல் திருமணி அம்மன் மின் அலங்காரத்தில் வாண வேடிக்கையுடன் திருவீதி உலா நடைபெறுகின்றது.

 ஸ்ரீ தேவி திருமணியம்மனுக்கு ஆடி மாதம் வளர்பிறை அஷ்டமி மற்றும் நவமியில் ஸ்ரீ சண்டி மஹா யாகம் வெகு சிறப்பாக நடைபெறுகிறது. 2019 ஆண்டு கடைசி வியாழன் ஆகஸ்ட் 8 -ஆம் தேதி, கணபதி ஹோமம், லக்ஷ்மி ஹோமம், நவக்கிரக ஹோமம், சுதர்சன ஹோமம், நவாக்ஷரி ஹோமம் துவங்கி மற்ற பூஜைகள் நடைபெறும், மறுநாள் ஆகஸ்ட் 9 -ஆம் தேதி வெள்ளிக்கிழமை காலை 8.00 மணிக்கு மஹா சண்டி யாகம் துவங்கும். மார்க்கண்டேய புராணத்தில் 13 அத்தியாயங்கள் கொண்ட சப்த சதி என்ற எழுநூறு மந்திரங்கள் கொண்ட மந்திரங்களால், ஸ்ரீ சண்டி மஹாயாகம் நடைபெறும்.
 இந்த மகா சண்டி ஹோமம் நடத்துவதின் மூலம் சாபங்கள் பழிகள் தடைகள் அகலும். சண்டி தேவி மகிழ்ந்து செல்வம், சுகாதாரம், இன்பம் ஆகியவை கிடைக்க ஆசிர்வதிப்பாள். ஸ்ரீ மகா சண்டி ஹோமம், பில்லி, சூன்யம், செய்வினை, பொறாமை போன்றவற்றை அகற்றும், கோபத்தைக் குறைப்பதற்கும், ஜாதக ரீதியிலான தோஷங்களைக் களைவதற்கும், கிரகப் பெயர்ச்சியால் ஏற்படும் தோஷங்களுக்குப் பரிகாரமாகவும், மாத்ரு பித்ரு தோஷம் அகலுவதற்கும்,கெட்ட சகவாசங்கள் நம்மை விட்டு நீங்குவதற்கும், விஷ ஜந்துக்கள் நம்மைத் தீண்டாமல் இருப்பதற்கும், திருஷ்டி தோஷத்தில் இருந்து மீள்வதற்கும் செய்யப்படுகிறது. இதனில் மக்கள் பங்கு கொள்வதால் திருமணம், சந்தான பேறு கிட்டும். உத்யோக மேன்மை, தம்பதிகளிடம் கருத்தொற்றுமை உண்டாதல், வியாபார அபிவிருத்தி அதிகரிக்கும் என்பன சண்டி யாகத்தின் பலன் எனப்படுகிறது.
 இந்த யாகத்தில் பங்குகொள்ள விரும்புவோர், ஆகஸ்ட் 8 மற்றும் 9 -ஆம் தேதிகளில் சென்னை அண்ணாநகர் திருமங்கலம் அருள்மிகு திருமணியம்மன் திருக்கோயிலில் நடைபெறும் மஹாசண்டி யாகத்தில் பங்கு கொண்டு பலன் பெறலாம்.
 தொடர்புக்கு: 044 2616 2226 / 99417 74913.
 - இரா.இரகுநாதன்

]]>
https://images.dinamani.com/uploads/user/imagelibrary/2019/8/2/w600X390/SANDI1.jpg https://www.dinamani.com/weekly-supplements/vellimani/2019/aug/02/அனைத்து-பலனும்-அருளும்-சண்டி-மகாயாகம்-3205588.html
3205587 வார இதழ்கள் வெள்ளிமணி பூரத்தில் பொங்கும் பூரிப்பு! DIN DIN Friday, August 2, 2019 10:47 AM +0530 நவக்கிரகங்களுக்குரிய மொத்தமுள்ள 27 நட்சத்திரங்களில் 11 -ஆம் இடத்தில் பூரம் நட்சத்திரம் உள்ளது. தமிழிலும், மலையாளத்திலும் இதனை பூரம் என்று சொல்வதுபோல் சமஸ்கிருதத்தில் பல்குனி, பூர்வபல்குனி என்றும், தெலுங்கில் புபா என்றும் சொல்கிறார்கள்.
 தமிழகத்தில் ஆடிப்பூரம் என்றால் உடனே அனைவரின் எண்ணங்களிலும் தவழ்வது ஆண்டாள் நாச்சியாரே ஆகும். ஸ்ரீவில்லிப்புத்தூர் உறை ரங்கநாதனின் பிரியமான தொண்டரான விஷ்ணுசித்தர் (இவரை பெரியாழ்வார் என்பர்); ரங்கனிடம் குழந்தை வரம் வேண்டினார். ப்ரமே பக்தி கொண்ட தன் தொண்டனின் குறையைப் போக்க நாரணனன் தன் விளையாட்டை தொடங்கினார்; தன் இல்லாள் லக்ஷ்மி தேவியை (பூமாதேவியின் அம்சமாக) ஒரு குழந்தையாய் பிறக்கச் சொல்லி; இவர் நந்தவனத்தில் பூ பறிக்கச் சென்றபோது அங்கு அக்குழந்தையைக் கிடத்தினார். பேரானந்தமடைந்தார் பெரியாழ்வார். அந்தக் குழந்தை வளர்ந்து கோதை நாச்சியாரானாள். ஆண்டவனின் மனதை கொள்ளை கொண்டதனால் ஆண்டாள் ஆனாள். இந்த நாளை ஆடிப்பூர விழாவாக ஸ்ரீவில்லிப்புத்தூர் மற்றும் தமிழகத்திலுள்ள அனைத்து வைணவ ஆலயங்களில் 10 நாள்கள் கொண்டாப்பட்டு, 10 -ஆம் நாள் ஸ்ரீ ரங்கநாதருக்கும் சூடிக்கொடுத்த சுடர்கொடியான ஸ்ரீஆண்டாளுக்கும் திருக்கல்யாண வைபவம் நடைபெறும்.
 அனைத்து அம்மன் ஆலயங்களிலும் ஆடிப்பூரத் திருநாள் மிகவும் சிறப்பாகக் கொண்டாடுகிறார்கள். இது தேவிக்குரிய நாள் ஆகையாலும்; ஆடி மாதத்தில் பூர நட்சத்திரம் உச்சமாக இருக்குமாதலால்; இந்த நாளில் சித்தர்களும், யோகிகளும் தங்களது தவத்தை துவக்குவதாக புராணங்கள் கூறுகின்றன. அம்மனுக்கு விரதமிருந்து பொங்கலிட்டு, கூழ்வார்த்து, விதவிதமான வர்ணங்களில் வளையல்களால் அலங்கரித்து, அனைத்து சுமங்கலிப் பெண்களுக்கும் கொடுத்து மகிழ்வதனால் செல்வம் மற்றும் மாங்கல்ய பாக்யம் பெருகும் என்பதும், வளையல் வாங்கித் தந்தால் சிறந்த பலனை அடையலாம் என்பதும் நம்பிக்கை.
 காவிரிக்கரையோர கிராமங்களில் ஆடி 18 -ஆம் நாள், மகிழ்ச்சியில் பொங்கிப் பெருகி வரும் காவிரிக்கு ஊர் மக்கள் எல்லோரும் ஜாதி பேதமின்றி ஒற்றுமையாக தன் சக்திக்கு தகுந்தார்ப்போல் தேங்காய் சாதம், புளிசாதம், எலுமிச்சம்பழ சாதம், சர்க்கரைப் பொங்கல் இவைகளை வீட்டில் செய்து, காவிரிக்குச் சென்று அவளுக்கு படைத்து, அந்த பிரசாதத்தை சாப்பிட்டு பின் கும்மி, கோலாட்டம் ஆடி அவளை மகிழ்வித்து வீடு திரும்புகிறார்கள். இதனை "ஆடிப்பெருக்கு' மற்றும் "பதினெட்டாம் பெருக்கு' என்றழைக்கிறார்கள். இதனால் காவிரித்தாய் சந்தோஷமடைந்து ஆர்ப்பரித்து ஓடுவதாக ஐதீகம். இந்த நாளில் புது மணத்தம்பதிகள் காவிரித்தாய்க்கு படையலிட்டு, கணவனின் ஆயுள் நீட்டிப்புக்காக அந்த புது மணப்பெண்ணின் "தாலிபிரித்து கோர்த்து' வழிபட்டு செல்வார்கள். ஒவ்வொரு வருடமும் ஆடி 18 -ஆம் பெருக்கிற்கு ஸ்ரீரங்கம் திருக்கோயிலிலிருந்து உற்சவர் நம்பெருமாள் காவிரி அன்னைக்கு தாய்வீட்டு சீதனமாக சீர்கொண்டு செல்வது இங்கு குறிப்பிடத்தக்கது.
 குறிப்பாக, உத்திரபிரதேசம், ஆந்திரம் ஆகிய மாநிலங்களில் இந்த நாள் ஆஷாட மாதத்தில் வருவதால் வெளி நடமாட்டம் குறைக்கப்பட்டு, வெளி ஊர்களுக்குச் சென்ற அனைத்து குடும்ப உறுப்பினர்களும் ஒன்று கூடி பூர நாளன்று ஒரு சந்தோஷப் பூரிப்பில் "ஸ்வர்ணகெளரி விரதம்' என கொண்டாடி மகிழ்கின்றனர். மஞ்சள் பொடியைக்கொண்டு கெளரியம்மனை செய்து அதனை அலங்கரித்து சுத்தமாகவும் அர்ப்பணிப்புடனும் இந்த அம்மனை தட்டில் வைத்து ஊர்வலமாக எடுத்துச்சென்று பின் தன் வீட்டிற்கு உள்ளே அனைவரும் நுழையும்போது மங்கள ஹாரத்தி எடுத்து உள்ளே நடுக்கூடத்தில் வைத்து பலவகையான இனிப்பினால் ஆன தின்பண்டங்கள் மற்றும் பழவகைகள் படைத்து குடும்பமே வணங்கி மகிழ்வார்கள்.
 மேல்மருவத்தூர் ஆதிபராசக்தி பீடத்தில் கொண்டாடப்படும் ஆடிப்பூர விழாவிற்கு செவ்வாடை பக்தர்கள் பல மாநிலங்களிலிருந்தும் வந்து கலந்து கொண்டு அந்த ஜோதி வடிவத்தை கண்டு வணங்குகிறார்கள். இந்த வருடம், பெண்கள் பண்டிகைகளான ஆடிப்பூரமும், பதினெட்டாம் பெருக்கும் ஒரே நாளில் (ஆகஸ்ட் -3 ) வருவது மிகவும் சிறப்பானது.
 - எஸ். எஸ். சீதாராமன்
 

]]>
https://images.dinamani.com/uploads/user/imagelibrary/2019/8/2/w600X390/ADI_POORAM.JPG https://www.dinamani.com/weekly-supplements/vellimani/2019/aug/02/பூரத்தில்-பொங்கும்-பூரிப்பு-3205587.html
3205586 வார இதழ்கள் வெள்ளிமணி பொருநை போற்றுதும்! 52 - டாக்டர் சுதா சேஷய்யன் DIN DIN Friday, August 2, 2019 10:44 AM +0530 மூலவரின் திருநாமத்தைக் கொண்டு வேத நாராயணபுரம் என்னும் பெயரும், ராஜேந்திர சோழனால் திருப்பணி செய்யப்பட்ட காரணத்தால், ராஜேந்திர விண்ணகரம் என்னும் பெயரும் உண்டு.
 இவ்வாறு, மூன்று திருக்கோலங்களில் பெருமாள் இங்கு சேவை சாதிப்பதற்கு என்ன / யார் காரணம்? பெருமாளை மூன்று திருக்கோலங்களிலும் கண்ணாரக் கண்டு தரிசிக்கவேண்டும் என்கிற ஆசை, பிருகு முனிவருக்கும் மார்க்கண்டேய முனிவருக்கும் ஏற்பட்டது. இருவரும் பெருமாளைப் பிரார்த்தித்துத் தவம் செய்ய, பொருநை கடனா படுகையின் வேதபுரிக்குச் செல்லும்படி பணித்தார் பெருமாள். அதன்படியே இருவரும் வேதபுரியை அடைந்து தவம் செய்தனர்.
 தவத்திற்குக் கட்டுப்பட்ட ஸ்ரீமந் நாராயணன், ஸ்ரீ வேத நாராயணராகக் காட்சி கொடுத்து, முனிவர்களின் ஆசைகளைத் தீர்த்து வைத்தார். தாங்கள் கண்ட கோலங்களில் சுதைச் சிற்பங்கள் செய்து, மூலிகை வர்ணங்களைத் தீட்டிய முனிவர்கள், அவற்றுக்குள் எம்பெருமானை எழுந்தருளும்படி வேண்ட, எக்காலத்துக்கும் அருள் வழங்க ஏதுவாய் எம்பெருமானும் அவ்வாறே செய்தார். பெருமாள் கருவறையில், முனிவர்கள் இருவரும் காட்சி தருகின்றனர். வேதவல்லித் தாயாரும் புவனவல்லித் தாயாரும் தனிக்கோயில் நாச்சிமார்கள்.
 சிறந்த பிரார்த்தனைத் தலம் இது. வேதத்தையும் வேத நெறியையும் உலகிற்குத் தந்தவர் வேதநாராயணர் என்றே கருதுவதால், கல்வி கேள்விகளில் சிறந்து விளங்குவதற்கும், தேர்வுகளில் தேர்ச்சி பெறுவதற்கும், இந்தப் பெருமாளிடம் பிரார்த்தித்துக் கொள்கின்றனர். தவிர, மூலவர் சந்நிதிக்கு அருகில் "பிள்ளைத் தொண்டு பாதை’ என்று ஒன்றுள்ளது. குறுகலான பாதை. பிள்ளைப்பேறு இல்லாத பெண்கள், பிள்ளை வரம் வேண்டி, இந்தப் பாதையில் நுழைந்து வெளிவந்து பெருமாளை யாசித்தால், கருவறைப் பாதையில் பிள்ளை வரும் என்பது நம்பிக்கை. உற்சவர் சந்நிதியில் பட்சிராஜனான கருடாழ்வாரும் உடனுறைவது, ஸ்ரீ வில்லிப்புத்தூரை நினைவுபடுத்துகிறது.
 இவற்றையெல்லாம் விட, மன்னார் கோவில் என்னும் இத்தலம், வரலாற்றுப் பெருமைக்குரியது. ஆழ்வார்களில் நடுநாயகப் பெருமைக்குரியவர் குலசேகரப் பெருமான். கடவுளைப் "பெருமாள்' என்று அழைக்கிறோம், இல்லையா? ஸ்ரீ வைணவத்தில், "பெருமாள்' என்னும் அடைமொழிக்குக் கடவுளரில் ராமபிரானுக்கும், மஹான்களில் குலசேகர ஆழ்வாருக்கும் உரியது. இவருடைய பாசுரங்கள், "பெருமாள் திருமொழி' என்றே போற்றப்படுகின்றன. மாசி மாதப் புனர்பூச நட்சத்திரத்தில் உதித்த இவருக்கு, அதே புனர்பூசத் திருவவதாரமான ராமபிரான்மீது அளவற்ற பிரேமை. ராமபிரான் ராவணனோடு போருக்குப் புறப்படுகிறார் என்றாலும், ராமபத்தினி சீதையை ராவணன் கபடவேடத்தில் கடத்துகிறான் என்றாலும், இத்தகவல்களை உபன்யாசத்தில் கேட்டால்கூட, வரிந்துகட்டிக்கொண்டு தாமே போருக்குப் புறப்பட்டுவிடுவார். "மன்னுபுகழ் கோசலைதன் மணிவயிறு வாய்த்தவனே' என்று ராமனுக்குத் தாலாட்டு பாடிய இவர், சேரகுல அரச பரம்பரையைச் சேர்ந்தவர்.
 இருப்பினும், ஆண்டவன்மீது கொண்ட அளப்பரிய காதல்கொண்ட இந்தப் பெருமகனார், அரச போகத்தைத் துறந்து, தீர்த்த யாத்திரை மேற்கொண்டார். யாத்திரையின் நிறைவாக வேதபுரி என்னும் மன்னார்கோவிலை அடைந்தவர், இங்கேயே தம் வாழ்வின் அந்திம காலத்தைக் கழிக்க முடிவு கொண்டார். இத்தலத்திலேயே தங்கினார். இங்கேயே திருநாடு அலங்கரித்தார் (திருநாடு அலங்கரித்தல் என்பது பூமி வாழ்க்கையை நீத்து ஆன்மாவானது இறைவனுடைய இருப்பிடமான திருநாட்டை அடைதல்; அதாவது உடலினின்று உயிர் நீங்குதல்). இவருடைய பூதவுடல் பள்ளிப்படுத்தப்பட்ட இடம், திருவரசுக் கோயிலாக, கொடிமரச் சந்நிதியாக உள்ளது. ராமபிரான்மீது காதல் கொண்டவரல்லவா? சீதா ராம லக்ஷ்மண விக்ரஹங்களுக்கு நாள்தோறும் பூஜை செய்து வந்தார். அவை, இன்றளவும் கோயில் பூஜையில் உள்ளன. குலசேகரரின் தெய்வீகத் தொடர்பால், ராஜகோபால குலசேகரப் பெருமாள் கோயில் என்றே பலரும் அழைக்கிறார்கள்.
 மன்னார்கோவிலில் மற்றுமொரு வைணவத் தமிழ்ப் பெரியாரும் தோன்றினார். நாலாயிர திவ்வியப் பிரபந்தத்திற்கு பன்னீராயிரப்படி உரை கண்ட வாதிகேசரி அழகிய மணவாள ஜீயர் பெருமானே இவர் ஆவார். வைணவப் பாசுரங்களுக்கு எழுதப்பெற்ற உரைகள், எழுத்து எண்ணிக்கையை அடிப்படையாகக் கொண்டவை. உயிர் மற்றும் உயிர்மெய் எழுத்துகள் (மெய்யெழுத்து நீங்கலாக) 32 சேர்த்து, ஒரு படி என்று கணக்கு. இவ்வகையில், 12,000 படிகள் கொண்டதுதான் பன்னீராயிரப்படி வியாக்கியானம். ஸ்ரீ மத் பாகவதம் 12000 கிரந்தங்களைக் கொண்டது என்பதால், அதன் வழியொட்டி, 12000 படிகளில் இவ்வுரையைச் செய்தார் அழகிய மணவாள ஜீயர் பெருமான்.
 குலசேகரப் பெருமானையும் அவர்தம் ஆராதனை ராம பிரானையும் அழகிய மணவாள ஜீயரையும் ராஜமன்னாரையும் வணங்கிப் புறப்பட்டால், ஆழ்வார்குறிச்சி அழைக்கிறது.
 அம்பாசமுத்திரத்திற்குச் சுமார் 12 கி.மீ. வடமேற்கிலும், தென்காசிக்குச் சுமார் 23 கி.மீ. தென்கிழக்கிலும், விக்கிரமசிங்கபுரத்திற்குச் சுமார் 11 கி.மீ. வடக்கிலும் உள்ளது ஆழ்வார்குறிச்சி. "குறிச்சி' என்றால் மலைப்பாங்கான பகுதி அல்லது ஊர். அருகில்தான் குலசேகர ஆழ்வார் வாழ்ந்தார் என்பதை வைத்து, ஆழ்வார்குறிச்சி என்னும் பெயர் ஏற்பட்டிருக்கக்கூடும்.
 மேற்கு-வடமேற்கில் ராம நதியையும் (அல்லது வராஹ நதி) கிழக்கு-தென்கிழக்கில் கடனா நதியையும் கொண்டுள்ள ஆழ்வார்குறிச்சியின் அருள்மிகு வன்னியப்பர் திருக்கோயில், வெகு பிரபலமானது.
 அது துவாபர யுகம். அக்னியால் மனிதர்களுக்கும் பிற உயிர்களுக்கும் ஆபத்து வரக்கூடாது என்று எண்ணிய சப்தரிஷிகள், அதற்கான யாகம் ஒன்றை, பொதிகையின் குளிர்ச்சி கோலாகலம் செய்யும் இப்பகுதியில் நடத்தினர். தன்னுடைய வலிமை இதனால் குன்றிவிடும் என்று அஞ்சிய அக்னிதேவன், யாகத்தில் ஒளிராமல், சுடர் விடாமல், வேண்டுமென்றே மங்கலாக எரிந்தான். யாகத்தின் அவிர்பாகத்தைப் பெற்றுக்கொண்டு விண்ணோக்கிப் பாய வேண்டியவன், குன்றிநின்று யாகத்தைக் குறைவுபடுத்தினான். இதனால் வருத்தமடைந்த சப்தரிஷிகள், அவன் நிரந்தரமாக ஒளி குன்றிவிட வேண்டுமென்று சாபமிட்டனர்.
 சாபத்திலிருந்து தப்பித்துக் கொள்வதற்காக, மீனாக மாறி, அருகில் ஓடிய ஆற்றில் தன்னை மறைத்துக் கொண்டான். இருப்பினும், ரிஷிகளின் சாபம் தன்னைச் சீண்டுவதையும், தன்னுடைய வலிமையும் உயிர்ப்பும் குறைவதையும் உணர்ந்தான். தவறைப் புரிந்துகொண்டு, அருகிலிருந்த சுதாம மஹரிஷியின் ஆசிரமம் அடைந்து தன்னைக் காப்பாற்றும்படி வேண்டினான். தாமிரவருணிச் சமவெளியாகவும், கருணையாற்றின் கரையாகவும் இருக்கும் அவ்விடத்திலேயே சிவலிங்கப் பிரதிஷ்டை செய்து வழிபடும்படியும், பாவத்தைப் போக்கிக்கொண்டு சாப விமோசனம் பெறும்படியும் சுதாமர் வழிகாட்டினார்.
 - தொடரும் ...
 
 
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/aug/02/பொருநை-போற்றுதும்-52---டாக்டர்-சுதா-சேஷய்யன்-3205586.html
3205585 வார இதழ்கள் வெள்ளிமணி புண்ணிய பூமியில் புனிதப் பயணம் 19 DIN DIN Friday, August 2, 2019 10:39 AM +0530 எலியா தனது வாழ்நாளில் 34 அற்புதங்களை செய்தவர். எலியா எடுத்துக் கொள்ளப்பட்ட பிறகு எலிசா தனக்குள் இருக்கும் தீர்க்கதரிசன அபிஷேகத்தைப் பரிசோதித்துப் பார்க்க, எலியாவின் சால்வையைக் கொண்டு யோர்தான் நதி நீரை அடித்து இரண்டாகப் பிளந்தார் (2 இராஜாக்கள் 15-18). அதன் பின் ஒன்றின் பின் ஒன்றாக அற்புதங்கள் நிகழ்ந்தன. எரிகோவின் நீர் தித்திப்பானது. விவிலியத்தில் 2 இராஜாக்கள் 2-ம் அதிகாரம் 19 முதல் 22-ம் வசனங்கள் வரை: பின்பு அந்தப் பட்டணத்தின் (எரிகோ) மனுஷர் எலிசாவை நோக்கி: இதோ, எங்கள் ஆண்டவன் காண்கிறபடி இந்தப் பட்டணம் குடியிருப்புக்கு நல்லது; தண்ணீரோ கெட்டது, நிலமும் பாழ்நிலம் என்றார்கள்.
 அப்பொழுது அவன்: ஒரு புதுத் தோண்டியை எடுத்து, அதிலே உப்புப் போட்டுக் கொண்டுவாருங்கள் என்றான்; அதை அவனிடத்தில் கொண்டுவந்தபோது, அவன் நீரூற்றண்டைக்குப் போய், உப்பை அதிலே போட்டு: இந்தத் தண்ணீரை ஆரோக்கியமாக்கினேன்; இனி இதினால் சாவும் வராது, நிலப்பாழும் இராது என்று கர்த்தர் சொல்லுகிறார் என்றான். எலிசா சொன்ன வார்த்தையின்படியே அந்தத் தண்ணீர் இந்நாள் வரைக்கும் இருக்கிறபடி ஆரோக்கியமாயிற்று. இந்த இடத்தில் இருக்கும் நீரூற்று இப்போதும் நன்னீராக பாய்ந்துகொண்டிருக்கிறது.
 சோதனை மலை: விவிலியத்தின்படி, இயேசு, யோர்தான் நதிக்கரையில் திருமுழுக்கு யோவானிடம் திருமுழுக்கு பெறுகிறார். அதன்பின் இஸ்ரேலில் உள்ள பாலைநிலத்தில் (இன்றைய பாலஸ்தீனம்) நாற்பது நாள்களும் இரவுமாக நோன்பு இருக்கிறார். அப்பொழுது சாத்தான், இயேசுவின் முன் தோன்றி அவரைச் சோதனைக்கு உள்படுத்துகிறான். சாத்தானின் மூன்று சோதனைகளையும் இயேசு முறியடிக்கிறார். வானதூதர்கள் இயேசுவுக்கு உணவு அளிக்கிறார்கள்.
 இறுதி சோதனையின்போது சாத்தான் இயேசுவை மிக உயர்ந்த ஒரு மலைக்குக் கூட்டிச் சென்று உலக அரசுகள் அனைத்தையும், அவற்றின் மேன்மையையும் அவருக்குக் காட்டி, "தன்னை வணங்கச் சொன்னது (மத்தேயு 4:8-9). இந்த "உயர்ந்த மலை' தான் எரிகோ நகரில் அமைந்துள்ளது. எருசலேம் நகரிலிருந்து எரிக்கோ நகருக்குச் சென்ற சாலையில் ஒரு சுண்ணாம்புக் கல் குன்று உள்ளது. அது குவாராந்தானியா குன்று' என்று அழைக்கப்படுகிறது. இந்த உயர்ந்த மலைக்கு செல்ல இப்போது புனித பயணிகளுக்காக ரோப் கார் வசதி செய்யப்பட்டுள்ளது. அதேபோல பேரீச்சம் பழம் நகரமான எரிகோவில் பிற நாடுகளில் உள்ளதைவிட பல மடங்கு பெரிய அளவிலான திரட்சியுடன் கூடிய பேரீச்சம் பழங்கள் விற்பனைக்கு வைக்கப்படுகின்றன. இவை மிகவும் தித்திப்பானவை.
 சகேயு ஏறிய காட்டு அத்தி மரம்: இயேசு காலத்தில் வரி வசூல் செய்யும் குள்ளமான உருவம் கொண்ட சகேயு என்பவர் இருந்தார். இயேசு எரிகோ நகருக்கு வந்தபோது, கூட்டம் அதிகமானதால் அவரை காண்பதற்காக ஒரு காட்டு அத்தி மரத்தில் ஏறினார். அந்த மரத்துக்கு அருகே இயேசு வந்தபோது சகேயுவே கீழே இறங்கி வா, உன் வீட்டுக்கு இரட்சிப்பு வந்தது என்று அழைத்தார். இந்த சம்பவம் நடந்த இடத்தில் அப்போது இருந்த அத்தி மரம் இப்போது இல்லை. ஆனால், அதே குடும்பத்தை சேர்ந்த 300 ஆண்டுகள் பழைமையான அத்திமரம் அங்கு உள்ளது. இதை புனித பயணிகள் கண்டு ரசித்து செல்கின்றனர்.
 நாசரேத் நகரம், மரியாள் வீடு, யோசேப்பின் தச்சுப் பட்டறை (இஸ்ரேல்)
 இஸ்ரேல் நாட்டின் வட பகுதியில் உள்ள ஒரு மாவட்டத்தின் தலைநகரம் நாசரேத். இப்போது இது நகராட்சியாக உள்ளது. விவிலியத்தில் நசரியா, ஜாப்பியா, கலிலியாவின் நாசரேத், என்-நசரியா என்ற பெயர்களில் அழைக்கப்படுகிறது.
 இயேசுவின் தாயாரின் ஊர் தான் நாசரேத். தந்தை யோசேப்பின் ஊர், பாலஸ்தீன நாட்டில் உள்ள பெத்லஹேம். இயேசு பிறந்த காலத்தில் இந்த நகரத்தின் மக்கள்தொகை 200-க்கும் குறைவாகவே இருந்ததாக கூறப்படுகிறது. இப்போது நாசரேத் நகரில் 60,000 அரேபியர்களும், மேல் நாசரேத் பகுதியில் ஆயிரக்கணக்கான யூதர்களும் குடியிருந்து வருகின்றனர்.
 இந்த நாசரேத்தில் புனித பயணிகள் மரியாளின் வீடு, மரியாளுக்கு காபிரியேல் தூதர் இயேசு பிறப்பு குறித்த செய்தியை அறிவித்த இடம், யோசேப்பு தச்சுப்பட்டறை வைத்திருந்த இடம் ஆகியவை உள்ளன. நாசேரேத் நகரின் வீதிகள் மிகவும் குறுகலாகவும் வளைந்து நெளிந்தும் காணப்படுகின்றன.
 மரியாளுக்கு காபிரியேல் தூதர் அறிவித்த இடம்:
 விவிலியத்தில் லூக்கா 1-ஆம் அதிகாரம் 21 முதல் 40-ஆம் வசனங்கள் வரை படி, ஆறாம் மாதத்திலே காபிரியேல் என்னும் தூதன், கலிலேயாவிலுள்ள நாசரேத் என்னும் ஊரில், தாவீதின் வம்சத்தானாகிய யோசேப்பு என்கிற நாமமுள்ள புருஷனுக்கு நியமிக்கப்பட்டிருந்த ஒரு கன்னிகையினிடத்திற்கு தேவனாலே அனுப்பப்பட்டான்; அந்தக் கன்னிகையின் பெயர் மரியாள். அவள் இருந்த வீட்டில் தேவதூதன் பிரவேசித்து: "கிருபை பெற்றவளே வாழ்க, கர்த்தர் உன்னுடனே இருக்கிறார், ஸ்திரீகளுக்குள்ளே நீ ஆசீர்வதிக்கப்பட்டவள்' என்றான். அவளோ அவனைக்கண்டு அவன் வார்த்தையினால் கலங்கி, இந்த வாழ்த்துதல் எப்படிப்பட்டதோ என்று சிந்தித்துக்கொண்டிருந்தாள்.
 - ஜெபலின் ஜான்
 ( தொடரும்...)
 
 

]]>
https://images.dinamani.com/uploads/user/imagelibrary/2019/8/2/w600X390/vm3.jpg https://www.dinamani.com/weekly-supplements/vellimani/2019/aug/02/புண்ணிய-பூமியில்-புனிதப்-பயணம்-19-3205585.html
3205575 வார இதழ்கள் வெள்ளிமணி அரபா நாளின் அற்புதம் DIN DIN Friday, August 2, 2019 10:34 AM +0530 இஸ்லாத்தின் ஐந்தாவது இறுதி கடமை ஹஜ். ஹிஜ்ரி ஆண்டின் இறுதி பனிரெண்டாவது மாதமே துல்ஹஜ் மாதம். துல்ஹஜ் மாதம் 3.08.2019 -இல் பிறக்கிறது. உடல்நலம், பொருள் வளம், தக்க துணை உடையவர்களுக்கே ஹஜ் கடமை. இத்தகுதி உடையோர் மட்டுமே ஆண்டுதோறும் ஹஜ்ஜுக்குச் செல்ல பிறர் பேதலித்து நிற்காமல் அனைவருக்கும் அவ்வாய்ப்பு கிடைக்க ஹஜ் கடமையை நிறைவேற்றும் மக்கா, மினா அரபா, முஸ்தலிபா முதலிய பகுதிகள் அடங்கிய சவூதி அரபிய அரசு அந்நாட்டு மக்கள் உட்பட அகிலம் வாழ் அனைத்து இஸ்லாமியர்களும் ஆண்டுதோறும் ஹஜ் செய்ய விடாது பல சட்டங்களை அமுல்படுத்துகிறது. அச்சட்டங்களுக்கு உட்பட்டே மற்ற நாடுகளும் ஹஜ்ஜுக்கு ஆண்டுதோறும் திரும்ப திரும்ப செல்லாமல் பல தடைகளை நடைமுறைப் படுத்துகிறது.
 ஹஜ்ஜுக்குச் செல்லாதோர் அவரவர் வாழும் பகுதிகளில் ஹஜ் மாத முதல் பத்து நாள்களில் வணக்க வழிபாடுகளில் ஈடுபட்டு நற்செயல்கள் புரிய போதிக்கிறது பொற்புடை குர்ஆனும் நற்பத நந்நபி (ஸல்) அவர்களின் அற்புத அறிவுரைகளும்.
 இறைமறை குர்ஆனின் 89-2 ஆவது வசனத்தில் குறிப்பிடப்படும் பத்து இரவுகள் துல்ஹஜ் பிறை 1 முதல் 10 வரை உள்ள இரவுகள் என்று சில குர்ஆன் விரிவுரையாளர்கள் விளக்கம் அளிக்கின்றனர். இரவு மட்டுமல்ல - பிறை பிறப்பது - தோன்றுவது இரவு ஆதலால் பிறையில் மாதங்கள் கணக்கிடப்படுவதால் துல்ஹஜ் பிறையின் முதல் பத்து இரவு பகல் இணைந்த நாள்கள் சிறப்பிற்குரியன என்று செப்புகின்றனர் சில செம்மொழி (அரபி) ஆய்வாளர்கள்.
 துல்ஹஜ் பிறை ஒன்பதில் ஹஜ் செய்வோர் அபரா மைதானத்தில் ஒன்று கூடி இறைவனை இறைஞ்சுகின்றனர். இந்த அரபா நாளில் ஹஜ் செய்யாதோர் நோன்பு நோற்பது சிறப்பிற்குரியது. அரபா நோன்பு முந்திய பிந்திய இரண்டு ஆண்டு பாவங்களுக்கும் பரிகாரமாக அமைகிறது- நூல்- முஸ்லிம் 1162. அரபா நாளில் நரகிலிருந்து அதிகமானோரை அல்லாஹ் விடுதலை செய்கிறான்- நூல்- முஸ்லிம் 1348. அல்லாஹ்விற்கு உகந்த நாள் குர்பானி கொடுக்கும் துல்ஹஜ் பத்தாம் நாள். நூல் அபூதாவூத் 1765. இவ்விரு நாள்களும் தொழுகை, நோன்பு, தானதர்மங்கள் மற்றும் சுன்னத்தான கூடுதல் வணக்கங்களை உள்ளடக்கியவை- நூல்- புகாரி 460/2 வேறு நாள்களில் செய்யும் நற்செயல்களைவிட இந்த நாள்களில் செய்யும் நற்செயல்கள் அல்லாஹ்விற்கு மிகவும் பிடித்தமானவை. நூல்- திர்மிதீ 757. இந்த நாள்களில் கூடுதலான நபில் வணக்கங்கள் செய்வது அல்லாஹ்விற்கு உகந்தது- புகாரி 6502.
 அதற்கு அல்லாஹ்வின் கூலி அதிகமுண்டு- நூல்- புகாரி 1815. திக்ரு- இறை துதி, ஸலவாத்து நபி புகழ் இறைவனுக்கு மிக பிரியமானது. நூல்- அஹ்மது 5575.
 துல்ஹஜ் முதல் பத்து நாள்கள் அல்லாஹ்விற்குப் பிரியமான நாள்கள்- நூல் திர்மிதீ. என்னை நீங்கள் நினைக்கையில் நான் உங்களை நினைக்கிறேன் என்ற 2-152 ஆவது வசனப்படி அல்லாஹ்விற்குப் பிரியமான துல்ஹஜ் மாத முதல் பத்து நாள்களில் அதிகமதிகம் அல்லாஹ்வைத் துதித்து வணங்கி தூயோனின் அருளைப் பெற்று நேயமுடன் வாழ்வோம்.
 அல்லாஹ்விற்கு அஞ்சி நடப்போம். மனித குலம் பயனுறும் செயல்களைச் செய்வோம். உதவி தேடுபவர்களுக்கு உதவி, பிறரிடம் தேடாது திண்டாடி நிற்போரைத் தேடி சென்று உதவி, மனித மனங்களை ஆட்கொள்ளும் மனிதர்களை அல்லாஹ் நேசிக்கிறான். மனிதர்களை மகிழ்விப்பது அல்லாஹ்விற்கு மகிழ்ச்சியை ஏற்படுத்தும் என்பதை அறிந்து மனிதநேயம் பேணுவோம். புனிதன் அல்லாஹ்வின் பூரண அருளைப் பெறுவோம்.
 - மு.அ.அபுல் அமீன்
 
 

]]>
https://images.dinamani.com/uploads/user/imagelibrary/2019/8/2/w600X390/vm2.jpg https://www.dinamani.com/weekly-supplements/vellimani/2019/aug/02/அரபா-நாளின்-அற்புதம்-3205575.html
3205569 வார இதழ்கள் வெள்ளிமணி நிகழ்வுகள் DIN DIN Friday, August 2, 2019 10:32 AM +0530 தீர்க்கமான கண்பார்வைக்கு சிறப்பு பூஜை
 பூவிருந்தவல்லி- ஸ்ரீ பெரும்புதூர் நெடுஞ்சாலையில் தண்டலம் கூட்ரோடில் பேரம்பாக்கம் சாலையில் வலதுபுறம் மேவளூர் குப்பம் சாலையிலிருந்து 5 கி.மீ. தொலைவில் உள்ளது நயப்பாக்கம் கிராமம். இங்குள்ள ஸ்ரீ நேத்ரதாயினி அம்பாள் சமேத மாசிலாமணீஸ்வரர் ஆலயத்தில் கண்பார்வை குறைபாடுகள் நீங்கி தீர்க்கமான கண்பார்வை பெற வேண்டி, ஆகஸ்ட் 4- ஆம் தேதி, காலை 9.00 மணிக்கு சிறப்பு பூஜை நடைபெறுகிறது. இப்பூஜையில் பங்கேற்று பயனடையலாம்.
 தொடர்புக்கு: 98840 80543.
திருவாடிப்பூரம் உற்சவம்
 திருவண்ணாமலை மாவட்டம், வந்தவாசியில் உள்ள பிரம்மபுரம் என்கிற ஓசூர் கிராமத்தில் ஸ்ரீநிவாசப் பெருமாள் சந்நிதியில், ஆகஸ்ட் 3 - ஆண்டாள் சிறப்பு திருமஞ்சனம், திருப்பாவை சாற்றுமுறை வைபவம் காலை 10 மணிக்கு தொடங்கி நடைபெறுகின்றது.
 தொடர்புக்கு: ஸ்ரீநிவாஸராகவன்- 98844 47570.
ஆடிமாத சுக்ரவார உற்சவம்
 செங்கல்பட்டு - திருப்போரூர் சாலையில் (ஓ.எம். ஆர் ரோடு) செம்பாக்கம் கிராமத்தில் உள்ள ஸ்ரீமத் ஒளஷத லலிதாமகாதிரிபுரசுந்தரி ஆலயத்தில் ஆடிமாத சுக்ரவார உற்சவத்தை முன்னிட்டு, ஆகஸ்ட் 2 -ஆம் தேதி ஸ்ரீ பாலா அன்ன வாகன அலங்கார சேவையும்; ஆகஸ்ட் 9 -ஆம் தேதி ஸ்ரீ பாலா சேஷவாகன சேவையும் நடைபெறும்.
 தொடர்புக்கு: 097899 21151.
சத்திய ஞானசபை திறப்பு விழா
 காஞ்சிபுரம் மாவட்டம், ஸ்ரீபெரும்புதூர் தாலுக்கா, குன்றத்தூர் ஊராட்சி ஒன்றியம் சார்ந்த காவனூர் மதுரா திருத்துவெளி கிராமத்தில் அருட்பெருஞ்ஜோதி சார்ந்த ஆண்டவர் அருளுடன் புதியதாக கட்டப்பட்டுள்ள சத்தியஞான சபையின் குடமுழுக்கு புனித நன்னீராட்டு விழா நிகழ்ச்சிகள், ஆகஸ்ட் 10 மற்றும் 11 தேதிகளில் நடைபெறுகின்றது. கூடுவாஞ்சேரி ரயில்வே மேம்பாலத்திலிருந்து மேற்கே 4 கி.மீ. தொலைவில் உள்ளது திருத்துவெளி.
 தொடர்புக்கு: 99625 69966/ 93819 70899.
ஆடி- பூ கரகம், அக்னி கரகம் விழா
 விழுப்புரம் மாவட்டம், மேல்மலையனூர் தாலுக்கா, அவலூர்பேட்டை, அருள்மிகு மன்னார்சாமி சமேத அருள்மிகு பச்சையம்மன் ஆலயத்தில் காலை 10.00 மணிக்கு அருள்மிகு பச்சையம்மனுக்கு அபிஷேகம் ஆராதனை நடைபெறும். பிற்பகல் 2.30 மணிக்கு ஆலயத்தில் 21- ஆவது முறையாக பூ கரகம், அக்னி கரகம் எடுக்கும் விழா நடைபெறும்.
 தொடர்புக்கு: 0416 -2223361/ 94430 98027.
செடல் பெருவிழா
 கடலூர் மாவட்டம், குறிஞ்சிப்பாடி அருள்மிகு புத்து மாரியம்மன் திருக்கோயிலில் ஆடித்திருவிழா நடைபெற்று வருகிறது. ஆகஸ்ட் 9 - செடல் பெருவிழாவும் ஆகஸ்ட் 10- திருத்தேர் வடம்பிடித்தலும் நடைபெறும்.
உழவாரப் பணி
 அப்பர் சுவாமிகளின் திருவடிகளை பின்பற்றி ஆகஸ்ட் 4 -ஆம் தேதி, சென்னை, எம். கே.பி. நகர் 19 -ஆவது மத்திய குறுக்கு தெருவில் அமைந்துள்ள அருள்மிகு சுப்பிரமணிய சுவாமி மற்றும் ஸ்ரீ லக்ஷ்மி நாராயணன் திருக்கோயில்களில் உழவாரப் பணி நடைபெறுகிறது. பக்தர்கள் இந்த உழவாரப் பணியில் பங்கு கொண்டு இறையருள் பெறலாம்.
 தொடர்புக்கு: 99620 96984.
பாடகச்சேரி சுவாமிகள் குருபூஜை விழா
 உயர்தவ ஞானச்செல்வர் பாடகச்சேரி ஸ்ரீலஸ்ரீ ராமலிங்க சுவாமிகளின் 70 -ஆவது ஆண்டு குருபூஜை விழா, கும்பகோணம் திருநாகேஸ்வரம் தடத்திலுள்ள கூழ் சாலை, முக்தி குள மண்டபத்தில், ஆகஸ்ட் 3 -ஆம் நாள் நடைபெறுகிறது. விழா, காலை 7.00 மணிக்குத் தொடங்கி வழிபாடு, ஜோதி தரிசனம், பாதரச லிங்க தரிசனம், குருபூஜை, மஹேஸ்வர பூஜை, ஸ்ரீ நடராஜர் பூஜை, பெரிய அளவில் மாலை 6.00 மணிக்கு ஜோதி தரிசனத்துடன் முடிவடைகிறது.
 தொடர்புக்கு: இளங்கோ - 094430 75837.
 
 

]]>
https://www.dinamani.com/weekly-supplements/vellimani/2019/aug/02/நிகழ்வுகள்-3205569.html
3205563 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, August 2, 2019 10:30 AM +0530 * ஒரு சக்கரத்தால் மட்டும் ரதத்தை ஓட்ட முடியாது. அதுபோல் அதிர்ஷ்டம் இருந்தும், சுயமுயற்சி இல்லையென்றால் செயல்களில் நாம் வெற்றி பெற முடியாது.
- யாக்ஞவல்க்ய ஸ்மிருதி
* சைதன்ய (ஞான) சொரூபமாக இருப்பது பிரம்மம், உலகம் முழுவதுமே பிரம்மம், எல்லாவித மூலப் பொருள்களும் பிரம்மம், நானும் பிரம்மம், என் பகைவரும் பிரம்மம், என் நண்பர்களும் சுற்றத்தாரும் பிரம்மம். 
- வசிஷ்டர் (யோகவாஷிட்ட சாரம்)
* ஆத்மா என்பது ஒரு பெரிய சமுத்திரம். கை கால் முதலிய புலன்கள் அதில் மிதக்கும் பனிக்குன்றுகள். ஞான
சூரியன் உதயமானதும் அவை ஆத்மாவில் கரைந்து நாம ரூபாதிகளை (பெயர், உருவம்) போன்றவைகளை இழக்கின்றன.
- வேதாந்தம்
* மனம் பற்றற்ற நிலையை அடைந்தால் இறைவனைக் காணலாம். தூய மனதில் இறைவனின் குரலே எழுகிறது. இறைவனை அனுபூதியில் உணர்ந்தால் தர்மம், அதர்மம் ஆகிய இரண்டையும் கடந்து செல்ல முடியும்.
- ஸ்ரீ ராமகிருஷ்ணர்
* சேராததை முடித்து வைப்பது எதுவோ, அதுதான் மாயை. எது இன்னதென்று சொல்ல முடியாதோ அதுதான் மாயை. 
- வடமொழி சுலோகம்
* பக்தியோகம் செல்லும் மார்க்கத்தை ஒட்டிப் பலவிதமாகக் கருதப்படுகிறது. இயற்கையான குணங்களின் போக்கை ஒட்டி மனிதர்களின் பக்தி மனநிலையும் வேறுபடுகிறது.
- பாகவதத்தில் கபிலர் தன் தாயாகிய தேவஹுதிக்குக் கூறிய பக்தியோகம்
* மனிதன் தன் மனதை அறிய விரும்புவதில்லை. பிறர் குற்றங்களைக் காண்பதையே அவன் விரும்புகிறான். அவன் தனது குற்றங்களை விலக்குவதற்கு முயற்சி செய்வானானால் பிறர் குற்றங்களைக் காணும் தேவையற்ற குணம் அவனிடமிருந்து விலகிவிடும்.
- ஸ்ரீ சாரதாதேவியார்
 

]]>
https://images.dinamani.com/uploads/user/imagelibrary/2019/4/12/w600X390/kamalanandhar.JPG https://www.dinamani.com/weekly-supplements/vellimani/2019/aug/02/பொன்மொழிகள்-தொகுப்பு-சுவாமி-கமலாத்மானந்தர்-3205563.html
3205545 வார இதழ்கள் வெள்ளிமணி ஆடிப்பூரத்தில் அருள்புரியும் அன்னை அபிராமி! DIN DIN Friday, August 2, 2019 10:23 AM +0530 சென்னையின் திருக்கடவூர் என்றே அறியப்படுகிறது சேலையூர் அன்னை அபிராமியின் திருக்கோயில். இத்திருக்கோயில் சென்னை, தாம்பரம் ரயில் நிலையத்திலிருந்து இரண்டரை கி.மீ. தொலைவில் அமைந்துள்ள சேலையூர் கேம்ப் ரோடு, ஈஸ்வரன் தெருவில் அமைந்துள்ளது. மிகவும் புராதனமான இத் திருக்கோயில் முன்பு மணல் மேடாக இருந்தது. 1970-இல் காஞ்சி மகா பெரியவர் சென்னை விஜயம் செய்தபோது, இங்கு கோயில் கட்டுங்கள் என்று அருளாசி வழங்க, மண்மேட்டை அகற்றும்போது அமிர்தகடேஸ்வரர் மூல விக்கிரகம் கிடைத்தது. அருகிலுள்ள முத்தாலம்மன் கோயில் அருகிலும் அச்சமயம் பல சிலைகள் கிடைத்தன. அதில் அன்னை அபிராமியின் விக்கிரகமும் கிடைத்தது. சிலைகள் பல கிடைத்தமையால் "சிலையூர்' என வழங்கப்பட்டு வந்த இந்த ஊர் நாளடைவில் சேலையூராக மாறிவிட்டது.
 பழங்காலத் தமிழ் மன்னர்களான பல்லவர் காலத்தில், திருக்கடையூர் அபிராமி அமிர்தகடேஸ்வரர் திருக்கோயிலைப் போலவே பெரிய அளவில் கட்டப்பட்ட இந்தக் கோயில், பல்வேறு காரணங்களினால் கவனிப்பாரின்றி மண்மேடாக மாறியிருக்கலாம் என்று கருதப்படுகிறது. தல விருட்சமாக அரச மரமும் தல தீர்த்தமாக அமிர்த புஷ்கரணியும் விளங்குகிறது.
 1972-ஆம் ஆண்டு கிராமப் பெரியோர்களால் முதலில் அபிராமி அம்மன் சந்நிதியும், அமிர்தகடேஸ்வரர் சந்நிதியும் புதுப்பிக்கப்பட்டது. 1975 - இல் உஜ்ஜயினி ஓம்காளி ஸ்ரீலஸ்ரீ ஸ்ரீராமநாதஸ்வாமிகளால் விநாயகர், முருகன், ஸ்வாமி, அம்பாள் விக்ரகங்கள் பிரதிஷ்டை செய்யப்பட்டு, காஞ்சி மஹாப்பெரியவர் நல்லாசியுடன் அஷ்டபந்தன மகாகும்பாபிஷேகம் நடைபெற்றது. 1994 - முதல் பிரதோஷ பூஜை நடைபெற்று வருகிறது. அவ்வாண்டிலேயே கோயில் புதுப்பிக்கப்பட்டு அஷ்டபந்தன மகா கும்பாபிஷேகம் நடைபெற்றது. 1996-இல் பதினாறு கால் மண்டபம் கட்டப்பட்டது. 1998-99 -இல் நடராஜர் சிலை அமைக்கப்பட்டு வருடத்தில் ஆறுமுறை அவருக்கு அபிஷேகம் நடக்கிறது. வருடந்தோறும் பங்குனி உத்திரத்தன்று அபிராமி அமிர்தகடேஸ்வரரின் திருக்கல்யாண வைபவம் சிறப்பாக நடைபெறுகிறது.
 ராஜ கோபுரம் 2009-இல் கட்டப்பெற்று கும்பாபிஷேகம் நடைபெற்றது. இதன்பிறகு சுற்றுப்புற மதில் சுவர் எழுப்பப்பட்டது. திருக்கடையூர் போல் இங்கும் சஷ்டியப்த பூர்த்தி, பீமரத சாந்தி, சதாபிஷேகம் முதலியவைகள் நடைபெறுகின்றன. இதற்காக தனியாக ஒரு மண்டபம் திருக்கோயில் வளாகத்திலேயே கட்டப்பட்டுள்ளது.
 அமிர்த புஷ்கரிணியை (திருக்குளம்) 2004- இல் அமைக்கப்பெற்றது. திருக்குளத்தைச் சுற்றிவர நடைபாதை அமைத்து, சுற்றுச்சுவர்களில் வடக்கே கங்கை முதல் தெற்கே காவிரி வரை 18 நதிகளின் பெயர்களுடன் சிலைகளை அமைத்து, அந்த சிலைகளிலிருந்து நீர் கொட்டுவது போல அமைக்கப்பட்டுள்ளது குறிப்பிடத்தக்கது. வருடந்தோறும் மாசி மகத்தன்று இந்த நதிகளுக்கு விழாவும் சிறப்பாகக் கொண்டாடப்படுகிறது.
 மேற்கு பார்த்த திருக்கோயில்! இடது புறத்தில் கிழக்கு நோக்கியவாறு விநாயகர் அருள்பாலிக்கிறார். அவருக்கருகில் சமயக் குரவர் நால்வரும் இடம் பெற்றுள்ளனர். அடுத்து கிழக்கு நோக்கியவாறு ஸ்ரீ அமிர்தகடேஸ்வரர் லிங்க ரூபமாக வீற்றிருக்க எதிரில் நந்திகேஸ்வரர் காட்சி தருகிறார். அடுத்த சந்நிதியில் சர்வாலங்கார பூஷிதையாக அபிராமி அன்னை வடக்கு நோக்கி காட்சி தர, அம்பிகை எதிரிலும் நந்திகேஸ்வரரே அமைந்துள்ளார். முக்கண்ணியான அம்பிகையின் மூன்றாவது கண்ணை பாலாபிúக்ஷகத்தின் போது ஆனந்தமாகத் தரிசிக்கலாம். சிவன் சந்நிதி கோஷ்டத்தில் தட்சிணாமூர்த்தி, திருமால், பிரம்மா, சண்டிகேஸ்வரர், துர்கை ஆகியோர் அருள்பாலிக்கின்றனர். பிரகாரத்தில் வள்ளி, தேவயானியுடன் சுப்ரமண்யர், அலர்மேலு மங்கை தாயாருடன் வெங்கடாஜலபதி, கருடன், நவகிரகங்கள், காலபைரவர், சந்திரன், சூரியன், ஆஞ்சநேயர், ஐயப்பன் ஆகியோர் தனிச் சந்நிதி கொண்டுள்ளனர். தல மரமான அரச மரத்தடியில் நாகர்கள் இடம் பெற்றுள்ளனர்.
 இத்திருக்கோயிலில் பல்வேறு உற்சவங்கள் ஆண்டு முழுவதும் கொண்டாடப்படுகின்றன. அதில் ஆடிப்பூர உற்சவமும் ஒன்று. ஆடியில் பூரத்தன்று அம்பிகைக்கு விசேஷ அபிஷேகம் செய்து, பல்வேறு மலர்களாலும், ஆபரணங்களாலும் அலங்காரம் செய்து, அம்பிகை மட்டுமின்றி, அவளுடைய கர்ப்பகிரகம் முழுவதும் வளையல்களால் அலங்காரம் செய்யப்பட்டிருப்பதைக் காணலாம். அன்று சந்தான பிராப்திக்காக மடிகட்டும் பிரார்த்தனை இவ்வாலயத்தில் விசேஷமாக நடைபெறுகிறது. இவ்வாண்டு, இவ்வுற்சவம், ஆகஸ்டு மாதம் 3 -ஆம் தேதி சிறப்பாகக் கொண்டாடப்படுகிறது. அன்று ஆடிப் பதினெட்டாம் பெருக்குத் திருநாள் என்பதும் குறிப்பிடத்தக்கது.
 இத்திருக்கோயிலில் சித்திரை மாதம் பெளர்ணமியன்று திருவிளக்கு பூஜை, வைகாசி விசாகத்தன்று முருகனுக்கு பால்குட அபிஷேகம், பிரகாரத்தில் திருத்தேர் உலா, ஆனியில் நடராஜப் பெருமானுக்கு திருமஞ்சனம், தேர் உலா, ஆவணியில் விநாயகர் சதுர்த்தி விழா குறிப்பிடத்தக்கவை. புரட்டாசி நவராத்திரியில் அம்பிகைக்கு விசேஷ அபிஷேக, அலங்கார பூஜைகள் நடைபெறும்.
 ஐப்பசியில் கந்த ஷஷ்டி, சிவபெருமானுக்கு அன்னாபிஷேகமும், கார்த்திகையில் ஒவ்வொரு சோமவாரமும் விசேஷமே!கடைசி சோமவாரத்தன்று சங்காபிஷேகம் நடைபெறும். மார்கழியில் ஆருத்ரா தரிசனத்தன்று நடராஐபெருமானுக்கு சிறப்பு அபிஷேக அலங்காரங்கள் உண்டு. தை அமாவாசை அம்பிகைக்கு உகந்தது. அன்று மாலை அபிராமி அந்தாதி வைபவம் நடைபெறும். இந்நிகழ்ச்சி திருக்கடையூர் தலத்தில் சிறப்பாக நடைபெறுவது போலவே இத்தலத்திலும் நடைபெறும்.
 தை அமாவாசையன்று அம்பிகையின் சந்நிதி புஷ்ப பந்தலாலும், மின் விளக்குகளாலும் அலங்கரிக்கப்படும். அன்று மாலை 5 மணி அளவில் அபிராமி அந்தாதி பாட துவங்குவர். ஒவ்வொரு பாடலின் முடிவிலும் ஒரு கூடை புஷ்பம் அம்பாளுக்கு அபிஷேகமாகச் சமர்ப்பிக்கப்பட்டு தீபாராதனை நடைபெறும். 79 -ஆவது பாடலான "விழிக்கே அருளுண்டு' என்ற பாடல் பாடப்படும் வைபவம் சிறப்பாக நடைபெறும். அப்பாடல் முடிந்ததும் அனைத்து மின் விளக்குகளும் அணைக்கப்பட்டு, அம்பிகைக்கு பெரிய தீபாராதனை காண்பிக்கப்படும். இதைக் காணும் பக்தர்கள் தாங்களும் அபிராமி பட்டருடன் இருப்பதாகக் கருதி பக்தி வெள்ளத்தில் மூழ்குவர். அபிராமி அந்தாதி பாராயண நிறைவில் அம்மனுக்கு 9 வகையான பிரசாதங்கள் நைவேத்யம் செய்விக்கப்பட்டு, பக்தர்களுக்கு விநியோகிக்கப்படுகிறது.
 பக்தர்கள் திருமண பாக்கியம் வேண்டியும், புத்திரபேறு வேண்டியும், கிரஹபிராப்தி வேண்டியும் பலரும் ஒன்பது பெளர்ணமி தினங்களில் ஒன்பது முறை சந்நிதியைச் சுற்றி வந்து வழிபடுவர்.
 தினமும் காலை 7 மணி முதல் 10 மணி வரையிலும்; மாலை 5 மணி முதல் 8 மணிவரையும் ஆலயம் தரிசனத்திற்காகத் திறந்திருக்கும்.
 - ரஞ்சனா பாலசுப்ரமணியன்
 
 

]]>
https://images.dinamani.com/uploads/user/imagelibrary/2019/8/2/w600X390/vm1.jpg https://www.dinamani.com/weekly-supplements/vellimani/2019/aug/02/ஆடிப்பூரத்தில்-அருள்புரியும்-அன்னை-அபிராமி-3205545.html
3205513 வார இதழ்கள் வெள்ளிமணி குலதீபமங்கலத்தில் குதூகல விழா! DIN DIN Friday, August 2, 2019 10:13 AM +0530 விழுப்புரம் மாவட்டம், திருக்கோவிலூர் வட்டத்தில் உள்ளது அகரம் என்கின்ற குலதீபமங்கலம். இவ்வூரில் பழைமையான அய்யனார் சுவாமி ஆலயம், துர்கைமேடு காளியம்மன் ஆலயம், அரசமரத்து சித்தி விநாயகர் கோயில், திரௌபதி அம்மன் கோயில், மாரியம்மன் கோயில், ஸ்ரீ வீரராகவப் பெருமாள் ஆலயம், ஸ்ரீ கைலாசநாதர் கோயில் என கோயில்கள் நிறைந்த ஊராக விளங்கி வருகின்றது.
 பல மகான்கள் இந்த புண்ணிய பூமியில் தங்கள் பாதம் பதித்துள்ளனர். அருளாளர் திருக்கோவிலூர் ஸ்ரீ ஞானானந்தகிரி சுவாமிகளின் அபிமானத்திற்கு உரிய தலமாகும். ஆண்டுதோறும் ஆடி மாதத்தில் ஊர் மக்கள் எங்கு வசித்தாலும் இவ்விடத்திற்கு குடும்பத்துடன் வந்திருந்து அனைத்து ஆலயங்களிலும் உற்சவங்களை நடத்தி வருகின்றனர். இவ்வாண்டு, ஆகஸ்ட் 2, 3, 4 தேதிகளில் பல விழாக்களை அகரம் குலதீபமங்கலம் பக்த சமாஜம் என்ற அமைப்பு அனைத்து ஏற்பாடுகளையும் செய்து வருகின்றது.
 முக்கியமான விழாவாக, ஆகஸ்ட் 3-ஆம் தேதி பாகவத பத்ததியில் கடலூர் கோபிபாகவதர் குழுவினரின் ராதா கல்யாண நிகழ்ச்சியும், திருக்கோவிலூர் ஸ்ரீ எம்பெருமான் ஜீயர் ஸ்வாமிகள் முன்னிலையில் ஸ்ரீ வீரராகவப் பெருமாள் உற்சவர் திருமஞ்சனமும், திருக்கல்யாணமும் நடைபெறுகின்றது. ஆகஸ்ட் 4 -ஆம் தேதி சிவன் கோயிலில் மஹன்யாச ஏகாதச ருத்ரஜப ஹோமத்துடன் விழா முடிவடைகின்றது. விழா நாள்களில் கருடவாகனத்தில் ஸ்ரீ வீரராகவப் பெருமாளும், ரிஷப வாகனத்தில் ஸ்ரீ கைலாச நாதரும் ஒன்றாக வீதி உலா வருவதைக் காண கண் கோடி வேண்டும்.
 தொடர்புக்கு: 94440 12905 / 98403 24230.
 - எஸ். வெங்கட்ராமன்
 

]]>
https://images.dinamani.com/uploads/user/imagelibrary/2019/8/2/w600X390/KULADEEPA.JPG https://www.dinamani.com/weekly-supplements/vellimani/2019/aug/02/குலதீபமங்கலத்தில்-குதூகல-விழா-3205513.html
3205505 வார இதழ்கள் வெள்ளிமணி ஆடிப்பூரத்தில் மூன்று விழாக்கள்! Friday, August 2, 2019 10:11 AM +0530 ஒரு பெண்ணின் வாழ்வில் நடக்கும் முக்கியமான நிகழ்வுகளான பருவ வயதினை (ருது) அடைதல், திருமணம், சீமந்தம் ஆகியவைகளை சில அம்மன் கோயில்களில் விழாவாக ஆடி மாதத்தில் "பூரம்' நட்சத்திரத்தன்று கொண்டாடுகிறார்கள்.
 நாகப்பட்டினம் அருள்மிகு நீலாயதாட்சியம்மன் கோயிலில் கன்னிப் பெண்ணாக அருள்புரியும் நீலாயதாட்சிக்கு "பூரம் கழித்தல்' என்ற "ருதுசாந்தி விழா' என்ற பெயரில் ஆடிமாதம் பூரம் நட்சத்திரத்தன்று சடங்கை நடத்துகிறார்கள். இது, பத்து நாள்கள் விழாவாகக் கொண்டாடப்படுகிறது.
 அம்மனுக்கு வெள்ளை நிறத்தில் ஆடை அணிவித்து அலங்காரம் செய்வர். இவ்விழாவின் கடைசி நாளான ஆடிப்பூரம் அன்றுதான் "பூரம் கழித்தல்' சடங்கு வைபவம் நடைபெறும். அப்போது ஒன்பது கன்னிப்பெண்களை (பக்தர்களை) அமரவைத்து, நலங்கிட்டு தக்க மரியாதை செய்வர். மங்கலப் பொருள்களான தாம்பூலம், மஞ்சள், சந்தனம், பூ, பழங்கள், ரவிக்கைத் துணி வைத்து சீர் கொடுப்பது போன்று கவுரவிப்பார்கள்.
 இவ்வாறாக, மஞ்சள் நீராட்டு விழா நடைபெறும். அன்று மாலை அம்மன் பல்லக்கில் வீதியுலா வருவார்.
 இரண்டாவதாக, திருமண நிகழ்ச்சி நடைபெறும் கோயில் விருத்தாசலம் அருள்மிகு பழமலைநாதர் ஆலயம். இங்கு, அருள்புரியும் பெரிய நாயகி அம்மனுக்கு ஆடிப்பூரத்தன்று திருமண வைபவம் நடைபெறும். பத்து நாள்களுக்கு நடைபெறும் இவ்விழாவில் 8 -ஆம் நாள் தேர்த்திருவிழா. ஒன்பதாம்நாள் ஆடிப்பூரத்தன்று பெண் அழைப்பு நிகழ்ச்சியும் கண்ணாடிப் பல்லக்கில் அம்மன் திருவீதியுலாவும் நடைபெறும்.
 பத்தாம் நாள் அதிகாலை முதல் எட்டு மணிக்குள் பழமலை நாதருக்கும் பெரியநாயகிக்கும் திருமண விழா நடைபெறும். அப்போது ஊர் மக்கள் மாப்பிள்ளை மற்றும் பெண் வீட்டார் என இருபிரிவாகப் பிரிந்து, சடங்குமுறைகளை நடத்துவார்கள். சீர்வரிசையும் விருந்தும் அமர்க்களப்படும்.
 அடுத்ததாக, வளைகாப்பு, சீமந்தம் நிகழ்வுகளை திருநெல்வேலியில் உள்ள நெல்லையப்பர் - காந்திமதியம்மன் கோயிலில் காணலாம். இங்கு, நடக்கும் பத்து நாள்கள் விழாவில் ஆடிப்பூரத்தன்று, "சீமந்தவிழா' நடைபெறும். அன்று ஊறவைத்த பயறு வகைகளை அம்மன் மடியில் வைத்து கட்டுவார்கள். அப்போது அம்மன் கர்ப்பிணிப் பெண் தோற்றத்தில் காட்சி தருவாள். பின்னர், நம் இல்லங்களில் நடைபெறுவது போன்று சடங்குகளுடன் சீமந்த வைபவம் நடைபெறும். இந்த வைபவத்தில் கலந்துகொள்பவர்களுக்கு சித்தரான்னங்கள் வழங்குவர். குழந்தைச் செல்வம் இல்லாத தம்பதிகள் அம்மனின் இந்த சீமந்த நிகழ்ச்சியில் கலந்துகொள்வதால் மக்கட்செல்வம் பெறுவர் என்பது நம்பிக்கை.
 - டி.ஆர். பரிமளரங்கன்

]]>
https://images.dinamani.com/uploads/user/imagelibrary/2019/8/2/w600X390/NELLAIYAPPAR-_KANTHIMATHI.JPG https://www.dinamani.com/weekly-supplements/vellimani/2019/aug/02/ஆடிப்பூரத்தில்-மூன்று-விழாக்கள்-3205505.html
3200679 வார இதழ்கள் வெள்ளிமணி தரணியை ஆளும் தலை DIN DIN Friday, July 26, 2019 11:19 AM +0530 திருவண்ணாமலை மாவட்டம், போளூர் வட்டத்தில் கிழக்கு தொடர்ச்சி மலைகளின் ( ஜவ்வாது மலைத்தொடர் ) அடிவாரத்தில் சுற்றிலும் மலைகள் சூழ்ந்த பகுதியில் படைவீடு எனும் கிராமம் அமைந்துள்ளது. சக்தி தலங்களிலும் சக்தி பீடங்கள் அறுபத்தி நான்கினுள் ஒன்றான அன்னை ரேணுகாம்பாள் அம்மன் குடி கொண்ட தலம் இது.
 பெயர்க்காரணம்: படைகள் தங்கி இருந்த இடம், ஆதலால் படைவீடு எனப்பட்டது. அன்னை ரேணுகாதேவி இத்தலத்தில் படையுடன் வந்து தங்கி போரிட்டதாலும்; சம்புவராய மன்னர்களில் ராச கம்பீர சம்புவராயர் இங்கு தங்கி போரிட்ட ஊராதலாலும் படைவீடு எனவும் படைவேடு எனவும் அழைக்கப்படுகிறது.
 வரலாற்று ஊர்: கி.பி. 1236 முதல் 1379 வரை ஆண்ட சம்புவராய அரசர்கள் தலைநகரமாக இவ்வூர் இருந்துள்ளது. பல கோயில்கள் அகழிகள் கோட்டை ஆகியவை கட்டப்பட்டு உள்ளன . விஜயநகர நாயக்கர் மன்னர்கள் கால கல்வெட்டுகளும் உள்ளன. விஜயநகர மன்னன் குமார கம்பனன் என்பவனின் படைத் தலைவன் சோமைய தண்ட நாயக்கரால் 1352- இல் கட்டப்பட்டதாகும்
 தாயைத் தடிந்த மகன்: அன்னை ரேணுகாதேவி இரைவத மகாராஜனின் மகளாய் பிறந்து ஜமதக்கனி முனிவரை மணம் முடித்து பரசுராமர் உள்ளிட்ட நன்மக்களை பெற்றெடுத்தாள். ரேணுகாதேவி , கணவர் பூஜைக்கு நீர் முகந்திட கமண்டல நதிக்குச் சென்றாள். தேவி வானில் சஞ்சாரம் செய்த கந்தர்வனைக் கண்டு அதிசயித்து நிற்க, நீர் முகந்த மண்குடம் கரைந்தது. ஞானத்தில் இதனை உணர்ந்த முனிவர், மகன் பரசுராமனை அழைத்து அன்னையின் சிரசை துண்டிக்க ஆணையிட்டார். உத்தரவுப்படி சிரச்சேதம் முடிந்த பிறகு தாயை துண்டித்த தன் கைகளையும் வெட்டிக் கொண்டான். தந்தையிடம் வந்து நடந்ததைக் கூறினான். முனிவரோ மகனிடம், அவனுக்கு வேண்டிய வரம் தருவதாகக் கூறினார். பரசுராமரோ பெற்ற தாயை மீண்டும் உயிர்ப்பித்து தரக் கேட்டான். அவரும் கமண்டல நீரை மந்திரிந்து கொடுத்தார். விதிவசத்தால் அங்கே வெட்டுப்பட்டு கிடக்கின்ற மற்றொரு பெண்ணின் உடலில் தவறுதலாக ரேணுகாதேவியின் தலையை வைத்து நீரை தெளித்தவுடன் அவனது தாய் அந்தப் பெண்ணின் உடம்போடு பிழைத்து எழுந்து நடந்த தவறைச் சுட்டிக் காட்டினாள். இது தெய்வச்செயல் என முனிவர் அறிவுறுத்த, அன்னை அதே உடலுடன் பணிவிடை செய்து வந்தாள்.
 ரேணுகை ஆட்சி: முனிவரைக் காண வந்த கார்த்தவீரியார்ச்சுனன் ஜமதக்கனியிடமிருந்த காமதேனுவை தனக்கு வழங்க கேட்டான். முனிவர் மறுக்க,
 அவரைக் கொன்று காமதேனுவை ஓட்டிச் சென்றான். கணவருடன் ரேணுகாதேவி உடன்கட்டை ஏற. தெய்வ அருளால் மழை பொழிந்தது. அம்மழை நீரால் சுடலை அணைய அன்னை கொப்புளங்களுடன் ஆடை இன்றி எழுந்து வேப்பிலை ஆடையைக் கட்டிக்கொண்டு மகன் பரசுராமனிடம் கார்த்தவீரியார்ச்சுனனை அழிக்கக் கூறினாள். கோபத்துடன் சென்று கார்த்தவீரியனை கொன்று சினத்துடன் திரும்ப, ஷத்திரிய குலம் முழுவதும் அழிக்க சபதமிட்டான்.
 சிவபெருமான், பிரம்மா, விஷ்ணு தேவர்களோடு வந்து விதிப்பயனால் நிகழ்ந்ததால் ஜமதக்கனி முனிவரை சிவபெருமான் உயிர்ப்பித்தெழ செய்தார். அன்னை ரேணுகாதேவி சிவபெருமானிடம் வேண்டியபடி சிரசு மட்டும் பிரதானமாகக்கொண்டு இப்பூலகில் பூஜைக் கருவுருவாய் விளங்கவும், உடலின் மற்ற பகுதிகள் முனிவருடன் சுவர்க்கத்துக்கு செல்லவும் சிவபெருமான் அருள் வழங்கினார். அதன்படியே, அன்னை ரேணுகாதேவி பூவுலகில் சிரசை பிரதானமாகக்கொண்டு படைவீட்டில் அமர்ந்து அருள்புரிந்து வருகிறாள். முகம் உடைய சிரசுப்பகுதி ரேணுகை எனப்படும்.
 கருவறையில் சுயம்பு அம்மன் ஆகிய படைவீடு ரேணுகாம்பாளுக்கு தென் தமிழகம் மட்டுமில்லாமல் உலகம் முழுக்க பக்தர்கள் அதிகம். இத்திருக்கோயிலின் கருவறையில் சிறப்பு அம்சமாக அன்னை ரேணுகாதேவி ( சிரசு மட்டும் ) சுயம்பு உருவமாகவும் , பிரம்மா, விஷ்ணு, சிவன் ஆகிய மும்மூர்த்திகள் அரூபமாய் எழுந்தருளியுள்ளனர். ஆதிசங்கரர் பிரதிஷ்டை செய்த பாணலிங்கமும், சிலா சிரசும், அத்திமரத்தினாலான அம்மன் முழு திருஉருவமும் கருவறையில் இடங்கொண்டுள்ளன.
 யாகத்திருநீறு: இவ்வூர் அருகே ஜமதக்கனி முனிவர் யாகம் செய்த இடத்திலிருந்து ஆண்டு தோறும் ஆனி திருமஞ்சனத்தன்று பூஜித்து வெட்டி எடுத்து வரப்பெரும் திருநீறுதான் இங்கு சந்நிதியில் வழங்கப்படுகிறது. இதனை அணிய பிணிகள் அகலுமாதலால் காத்தல் தொழிலையும் செய்பவள் அம்பாள்.
 கோயில் அமைப்பு: இத்திருக்கோயில் உட்பகுதியில் ஒரு திருசுற்றும், வெளிப்புறம் ஒரு திருச்சுற்றும் நான்கு மாடவீதிகளுடன் அமைந்துள்ளது. அருள்மிகு விநாயகர், அருள்மிகு ஆறுமுகர். தனித்தனி சந்நிதிகளில் காட்சி அளிக்கின்றனர். திருச்சுற்றில் அருள்மிகு ரேணுகாம்பாள் அம்மன் சந்நிதிக்கருகில் உட்பிரகாரத்தில் அருள்மிகு சோமநாத ஈஸ்வரர், அருள்மிகு உமாமகேஸ்வரி அம்மன் தனித்தனி சந்நிதிகளில் காட்சியளிக்கின்றனர். திருக்குளம் உட்பிரகாரத்தில் வடகிழக்கில் அமையப்பெற்றுள்ளது.
 அம்மனின் மகிமை: அன்னை ரேணுகாதேவி, தன்னை நாடி வரும் பக்தர்களுக்கு வேண்டிய வரங்களை அளிப்பதுடன், அம்மை, பில்லி சூனியம் போன்ற பிணிகளை நீக்கி அனைத்து செல்வங்களையும் அளித்து வருகிறாள். திருமணம் கைகூடவும், குழந்தை வரம் வேண்டுவோர் உரிய பலனை பெற்றுச்செல்வதும் கண்கூடாகும். காமிக ஆகம விதிப்படி, இங்கு தினசரி 3 கால பூஜைகள் நடைபெறுகின்றன.
 பிரதி வருடமும் ஆடிமாதத்தில் முதல் வெள்ளி தொடங்கி தொடர்ந்து ஏழு வெள்ளிகளில் ஆடிப்பெருவிழா நடைபெற்று வருகிறது. இத்திருவிழாவே இத்திருத்தலத்தின் பெருந்திருவிழாவாகும். ஜூலை 19, முதல் வெள்ளிகிழமையைத் தொடர்ந்து ஆகஸ்ட் 30 வரை ஒவ்வொரு நாளும் சிறப்பான அலங்காரம் அபிஷேகம் நடைபெறும். மேலும் ஒவ்வொரு வெள்ளிக்கிழமையும் அம்பாள் ஒவ்வொரு வாகனத்தில் உலா வந்து, ஆகஸ்ட் 30 -ஆம் தேதியன்று கருட வாகனத்தில் வலம் வந்து காட்சி தருவாள். சீரும் சிறப்பும் மிக்க இந்த திருக்கோயிலை தரிசிக்கவும் திருவிழாவைக் காணவும் முற்பிறவி புண்ணியம் வேண்டும்.
 இவ்வூர் வேலூர் - திருவண்ணாமலை நெடுஞ்சாலையில் வேலூரிலிருந்து 32 -ஆவது கி.மீட்டரில் சந்தவாசல் எனும் ஊரின் சாலை சந்திப்பிலிருந்து 7 கி.மீ. மேற்கில் உள்ளது.
 தொடர்புக்கு: 041812 48424/ 94429 71595.
 - ஆர் . அனுராதா
 

]]>
https://images.dinamani.com/uploads/user/imagelibrary/2019/7/26/w600X390/padaiveedu.jpg https://www.dinamani.com/weekly-supplements/vellimani/2019/jul/26/தரணியை-ஆளும்-தலை-3200679.html
3200678 வார இதழ்கள் வெள்ளிமணி அழகு விழாக்களும் அற்புத பிரசாதங்களும்! DIN DIN Friday, July 26, 2019 11:14 AM +0530 அத்திகிரி - 8
 மக்களுக்குள் ஒருமைப்பாடும் இணக்கமும் ஏற்பட ஒருங்கு சேர்க்கும் அம்சமாக கோயில் திருவிழாக்கள் அமைந்தன. "மூட நெய் பெய்து முழங்கை வழிவார கூடியிருந்து' குளிர்ச்சியாக இருத்தல் என்பதை கோயில்கள் வளர்த்தன என்பது சிறப்பு.பிரசாதம் என்றாலே பெருமாள் கோயில் என்பது மக்கள் வாக்கு .
 பேரருளாளன் கோயில் விழாக்களும் பிரசாதங்களும் பேர் பெற்றவை. இன்றைக்கு மட்டுமல்ல, காலம்காலமாக தளிகைகள் என்னும் பிரசாதங்கள் படைக்கப்பட்டு பகிர்ந்தளிக்கப்பட்டமையை கல்வெட்டுகள் மூலம் அறிகிறோம். திருவிழாக்களை நடத்துவித்து மக்களை ஒருங்கிணைத்து பேரருளைப் பெற வைப்பதில் பெருவிருப்பம் கொண்டு நம் முன்னோர்கள் இக்கோயிலுக்கு கொடையளித்துள்ளனர். அந்நாள்களில் அமுதுபடி எனப்படும் தளிகையும், சாத்துபடி எனப்படும் ஆடையணிகளும் கொடையாளிகளால் கொடுக்கப்பட்டமையும் கல்வெட்டுகள் தெரிவிக்கின்றன.
 இட்டலி: காஞ்சி வரதர் கோயிலின்குறிப்பிடத்தக்க சிறப்பான திருவமுதான இட்டலி படைப்பதற்கு, கி.பி.15-ஆம் நூற்றாண்டிலே வீரநரசிங்கதேவராயர் ஆட்சிக்காலத்தில் நரசிங்கராயபுரத்து நகரத்தாரில் செவ்வ செட்டி மகன் திருமலை செட்டி என்பவரால் பேரருளாளருக்கு இட்டலி அமுதுபடி மற்றும் திருப்பணி திருநாள் சிறப்புக்கும் வேண்டி 3000 பணம் கொடை வழங்கப்பட்டிருக்கிறது.

ஊரே நன்கொடை: போசள மன்னன் மூன்றாம் வீரவல்லாளனின் அதிகாரி மல்லப்ப தெண்ணாயக்கர் அருளாள நாதன் கோயிலுக்கு அமுதுபடி, சாத்துப்படி, திருநந்தவனம் அமைக்க மஞ்சப்பள்ளி என்னும் ஊரினை கொடையாக அளித்துள்ளார்.
 கண்ணன் பிறந்தான்: ஸ்ரீகிருஷ்ணனின் பிறந்த நாளான "ஸ்ரீஜெயந்தி' நாளன்று, கிருஷ்ணன் குழந்தை வடிவில் சங்கில் பால் அமுது அருந்துவது போல் வைத்து வழிபாடு செய்யவும், மற்றும் அமுதுபடிகளுக்காக வேண்டியும், உரியடி திருவிழாவின் போது அமுதுபடிகளுக்காகவும் நற்பணம் 100 வழங்கியுள்ள செய்தி கி.பி. 1538-ஆம் ஆண்டு கல்வெட்டில் குறிப்பிடப்படுகிறது.
 தோசை பணியாரம்: பல்லிப்பாடு திம்மயங்கார் மகன் சென்னயங்கார் என்பவன் தன் முப்பாட்டனார் ராஜராமராஜ் நலனுக்காக கட்டிவித்த பொற்தாமரைத் திருக்குளம் இடிந்து தகர்ந்து போனது. இத்திருக்குளத்தினை சீர் செய்ய 30 பொன் அளித்துள்ளார். அதற்கு அருகேயுள்ள தோட்டத்தில் ஆவணி, புரட்டாசி, மாசி, வைகாசி ஆகிய மாதத் திருவிழாக்களில் 4 மற்றும் 9 -ஆம் நாள் விழாக்களில் நான்கு திருநாள்களிலும் இறைவனை எழுந்தருளி, தோசை, பணியாரம் முதலியவை படைக்கவும் பிறபொருள்களுக்குமான செலவு செய்யவும் ஏற்பாடு செய்யப்பட்டுள்ளது.
 இரட்டைத் தளிகை: கி.பி. 1560-இல் பொய்கைபாக்கமான அழகியமணவாளபுரம் என்னும் ஊரில் தனக்குரிய பங்கிலிருந்து கிடைக்கும் வருவாயிலிருந்து திருப்பாணாழ்வார், தொண்டரடிப்பொடி ஆழ்வார் ஆகியோருக்கு இரட்டைத் தளிகை படைத்திட பெரியகேழ்வி அழகிய மணவாள சீயர் தானமாக வழங்கியுள்ளார்.

பெரிய தளிகை: கி.பி. 1562- ஆம் ஆண்டு அருளாளப்பெருமாள் கோயிலில் கேழ்வி பணிபுரியும் அழகிய மணவாளஜீயர் நெடுங்கல், சாலைப்பாக்க சீர்மைக்குள் உள்ள கரும்பாக்கம், மாம்பாக்கம் மற்றும் சங்கராசார்யபுரம் ஆகிய நான்கு ஊர்களில் இருந்து வரும் வருவாயிலிருந்து தினமும் "பெரிய தளிகை' நிவேதனம் செய்து உரியவர்களுக்குப் பிரித்து வழங்கவும் ஏற்பாடு செய்துள்ளார் .
 புனுகு சார்த்தும் உரிமை: கி.பி. 1574 -ஆம் ஆண்டு கல்வெட்டில் கோயில் திருப்பணி நிர்வாகம் செய்ய பிரசாதம், திருப்பணியாரம், மனை உள்பட அனைத்து வசதிகளும் பெற்றுக்கொள்ள அனுமதி வழங்கப்பட்டுள்ளது. இந்நிறுவாகத்தினர் ஸ்ரீஜயந்தி உறிக்கட்டி, திருப்பணி ஓடத்திருநாள் ஆகியவற்றை நடத்தவும் அனுமதி தரப்பட்டுள்ளது. புனுகு காப்பு சாத்தும்போது இறைவனுக்குச் சாத்தும் ஆடைகள் வழிபாடு முடிந்ததும் இவருக்கு உரியன என்கிறது.
 சிறப்புத் திருநாள்கள்: முதலாம் ஸ்ரீரங்கதேவமகாராயர் கி.பி. 1582 -ஆம் ஆண்டில் ராவுத்தநல்லூர் மற்றும் செறுக்கு பெத்துவூர் ஆகிய இரு ஊர்களின் வருவாயிலிருந்து 570 பொன் கொண்டு பேரருளாளர், அஷ்டபுஜத்தெம்பெருமான், சொன்னவண்ணம் செய்த பெருமாள், பெருந்தேவியார் சேரகுலவல்லி நாச்சியார், மகாலெட்சுமி சூடிக் கொடுத்த நாச்சியார் மற்றும் ஆழ்வார்களுக்கு நடைபெறும் சிறப்பு திருநாள்களின் வழிபாடு நடத்தவும் கிருஷ்ண ஜெயந்தி உறியடி விழா, வனபோசனம், தேர்த் திருவிழா, திருத்தோப்புக்கு எழுந்தருளுதல் முதலிய விழாக்கள் நடக்கும் செலவுகளும் கல்வெட்டில் விரிவாகச் சொல்லப்பட்டுள்ளன.
 100 திருநாள்கள்: பேரருளாளர் கோயிலில் மார்கழித்திருநாள், தைத்திருநாள், ஆழ்வார் திருநாள், திருமுளைத் திருநாள் 25 ஏகாதசி திருநாள்கள், உத்தியான துவாதசி நாள், திருப்பவுத்தி திருநாள், ஸ்ரீஜயந்தி உறியடி நாள்கள், மகாலட்சுமி திருநாள், வன்னிமர நாள், திருக்கார்த்திகை நாள், பாடிவேட்டை நாள், ஊஞ்சல் திருநாள், வைகாசி வசந்தத்திருநாள், உகாதி தீவளிகை, தோப்புத் திருநாள் என மொத்தம் 100 நாள்கள் வழிபாட்டுத் தேவைகளும், அமுதுபடிகளும் செய்யவேண்டி, திருநாள் வழிபாடுகளை நடத்துவதற்கு சில ஊர்களின் வருமானங்களை அளித்துள்ளார்.
 முத்துத்துலாபாரம்: விஜயநகர அரசர் அச்சுதராயரும் அவரது மனைவி வரதாம்பிகா தேவியும் காஞ்சியில் (முத்து) முக்தா துலாபாரம் கொடுக்கும் நிகழ்வு குறிப்பிடப்பட்டுள்ளது.
 திருஅவதார நாள்கள்: ஆழ்வார்கள் மற்றும் ஆச்சாரியர்கள் பிறந்த நாள்களான மொத்தம் 18 நாள்களுக்கு அமுதுபடி செய்யவும் ஆடி, ஆவணி, புரட்டாதி, மாசி, வைகாசி ஆகிய ஐந்து மாதங்களில் தீர்த்தவாரி நாளன்று இரவு அமுது செய்தருளவதற்க்கு முடும்பை அப்பிளை அண்ணயங்கார் மகன் பரகால அழகிய சிங்கர் என்பவர் அகரம் நாவெட்டி குளத்தூர், அகரம் தேவராய மகாராயர்புரம் என்னும் பொய்கைப்பாக்கம் ஊர் ஆகிய இரு ஊர்களின் நிலங்களை கி.பி. 1555-ஆம் ஆண்டு வழங்கியுள்ளார்.
 கெங்காதரர் மகன் விருப்பாஷதேவ தணாயக்கர் கிராமம் ஒன்றினை தானமளித்து பேரருளாளர்க்கு இரண்டு தளிகையும், பெருந்தேவியார்க்கு இரண்டு தளிகையும் அமுதுபடிகள் தினமும் படைக்க ஏற்பாடு செய்யப்பட்டுள்ளது.
 பலருக்கும் பங்கு: கி.பி. 1530-ஆம் ஆண்டில் ஸ்ரீபராங்குச ஜீயர், சாதுர் (நான்கு) மாதத்தில் ஒன்பது ஏகாதசியும், கவிசிக புராணம் கேட்ட பின்பு வரும் கவிசிக புராண துவாதசி ஒன்றும் ஆக பத்து நாள்கள் திருவிழா வழிபாட்டுத் தேவைக்காக 300 பொன் தானமளித்துள்ளார்.
 இதன்படி, பத்து நாள்களும் இறைவனுக்குத் திருநீராடலும், கிராம உலாவும் நடத்தவும் அது பொழுது, சிங்கார நடை ஆழ்வார் முறை நிகழ்த்தவும் கொடி, குடை வாகனம், தீப்பந்தம் சுமப்பவர்கள் ஊதியம் ஆகியவற்றுக்கான செலவுகள் செய்வதும் குறிப்பிடப்படுகிறது.
 தொல்பழங்காலத்தில் காஞ்சி வரலாற்றோடு துவங்கிய இத்தொடர் 8 வாரங்களாக வரதனின் தொன்மை, தொல்வரலாறு, வரதர் கோயிலின் கட்டடம், கலை சிற்பம், ஓவியம் எனத்தொட்டு விளக்கி, திருவிழாக்கள் மக்களின் ஈடுபாடு ஆகியவற்றை விளக்கி வரதனின் பிரசாதங்களுடன் தற்போதைக்கு நிறைவு பெறுகிறது.
 இப்போதைக்கு அனந்த புஷ்கரணியில் இருந்து வெளிவந்து அருள்வழங்கிக் கொண்டிருக்கும் அத்திகிரி அருளாளனை ஒருமுறை சென்று தரிசித்து அருள் பெற்று வாருங்கள். மீண்டும் 40 ஆண்டுகள் கழித்து 2059 -இல் மட்டுமே தரிசிக்க முடியும் .
 (நிறைவு பெறுகிறது)
 (கட்டுரையாளர்: தொல்லியல் மற்றும்
 கோயிற்கலை ஆய்வாளர்)
 

]]>
https://images.dinamani.com/uploads/user/imagelibrary/2019/7/26/w600X390/kan1.jpg https://www.dinamani.com/weekly-supplements/vellimani/2019/jul/26/அழகு-விழாக்களும்-அற்புத-பிரசாதங்களும்-3200678.html
3200676 வார இதழ்கள் வெள்ளிமணி பொருநை போற்றுதும்! 51 - டாக்டர் சுதா சேஷய்யன் DIN DIN Friday, July 26, 2019 11:06 AM +0530 குளமும் காணியும்
பிரம்மதேசத்திற்கு வடக்கு-வடகிழக்காகவும், இடைகாலுக்குச் சற்றே தெற்காகவும், கடனா நதியின் வடகரையில் இருக்கிறது அடைச்சாணி என்னும் அழகிய கிராமம் (கடனாவின் தென்கரை பிரம்மதேசம்). வித்தியாசமாக தொனிக்கும் பெயர். 
இந்த ஊரைப் பற்றித் தமிழில் ஒரு பழமொழி உண்டு. அந்தப் பழமொழியை வைத்துக்கொண்டு தேடினால், ஊரின் பெயருக்கான விளக்கம் கிட்டிவிடும். என்ன அந்தப் பழமொழி? இதுதான் அது: குளம் பெருத்தது அடைச்சாணி, கோயில் பெருத்தது சேர்மாதேவி. 
"அடைக்கப்பட்ட காணி' என்பதன் மரூஉச்சொல்தான் "அடைச்சாணி'. "காணி' என்பது நிலம்; "அடைக்கப்பட்ட' என்றால், "சூழப்பட்ட' என்று பொருள். அதாவது, நீரால் சூழப்பட்ட நிலம். சுற்றிலும் பற்பல குளங்களையும் நீர்நிலைகளையும் வாய்க்கால்களையும் கொண்டிருப்பதால் (கொண்டிருந்ததால்) இந்த ஊருக்கு இத்தகைய பெயர் உண்டானது. ஒரு பக்கத்தில் வேப்பங்குளம், இன்னொரு பக்கத்தில் அடைச்சாணி பெருங்குளம், ஆங்காங்கே சிறு சிறு குளங்கள், கடனா நதி மற்றும் கடனாவிலிருந்து திருப்பிவிடப்படும் கால்வாய் நீரோட்டங்கள் என்று ஏகத்துக்கும் நீர்நிலைகள் அமைந்த பகுதி இது. நீர்வளம் மிகுத்ததால், நடவுக் காலங்களில் "பச்சைப் பட்டாடை கட்டியிருப்பாள் எங்கள் ஊர்க்காரி' என்று அடைச்சாணிக்காரர்கள் பெருமை பேசுவதுண்டு. 
என்னதான் ஊர்ப்பெருமை இருந்தாலும், ராமாயணப் பெருமையைச் சேர்த்துக்கொள்ளும் பாங்கை, பாரத மக்களிடமிருந்து பிரித்துவிட முடியுமா என்ன? அதற்கொரு கர்ணபரம்பரை கதை இங்குண்டு. 
வாலிக்கு மோட்சம் கொடுப்பதற்காகத் தேரில் வந்தாராம் ராமபிரான். அப்போது அவருடைய தேர் அச்சாணி முறிந்து விழுந்ததாம். அவ்வாறு முறிந்த இடமே அடைச்சாணி என்கிறது இக்கதை. இதற்கு ஆதாரமாக, அருகிலுள்ள திருவாலீச்வரத்தைக் காட்டுகிறார்கள். கடனா நதிக்கரையிலுள்ள திருவாலீச்வரமே வாலி முக்தி பெற்ற தலம் என்கிறார்கள். அடைச்சாணி பகுதியில், கடனா நதிக்கரை அகழ்வாய்வுகள் நடைபெற்றபோது, தச்சர்கள் பயன்படுத்துகிற கரி மற்றும் மரத்துண்டுகள் கிடைத்தன. ராமபிரானின் தேருக்குப் புதிய அச்சாணி செய்துகொடுப்பதற்குத் தச்சர்கள் முனைந்தார்கள் என்பதற்கான அடையாளங்களாகவே இத்துண்டுகளை மக்கள் எண்ணுகிறார்கள். 
"குளம் பெருத்தது அடைச்சாணி' என்னும் பழமொழிக்குத் தொடர்ச்சியாகக் "கோயிலும் பெருத்தது அடைச்சாணி' என்னும் புதுமொழியை உருவாக்கலாம். சாஸ்தா மடவுடையார், நவநீதகிருஷ்ணன், சொக்கலிங்கேச்வரர், மாரியம்மன், வெயிலுமுத்து அம்பாள், உச்சியினி மாகாளி அம்பாள் என்று நிறைய தெய்வங்கள்' நிறைய கோயில்கள். 
ராஜமன்னாரும் ராஜகுல மன்னரும்
அடைச்சாணியிலிருந்து அப்படியே மேற்கு நோக்கி நகர்ந்தால், மன்னார் கோவில்!
நாம் ஏற்கெனவே பார்த்திருக்கும் பிரம்மதேசத்தின் மேற்கு எல்லையைத் தொட்டுக்கொண்டிருக்கிறது மன்னார் கோவில். இந்தப் பகுதிக்குப் புராணகாலத்தில், "வேதபுரி' என்று பெயர். வேதங்களின் திவ்ய ஒலி எந்நேரமும் கேட்டுக்கொண்டேயிருந்த பகுதி. 
இங்கே, பலா மரத்தைத் தலமரமாகக் கொண்டு, வேதநாராயணர் என்னும் திருநாமத்தோடு திருமால் எழுந்தருளியிருக்கிறார். இந்தத் திருக்கோயில் வெகு அழகானது. அஷ்டாங்க விமானத்தோடு மூன்று தளங்களைக் கொண்டது. ஒவ்வொரு தளத்திலும், பெருமாளின் ஒவ்வொரு வகையான திருக்கோலத்தைச் சேவிக்கலாம். 
முதலில், தரைத் தளத்தில் நின்ற திருக்கோலம். படியேறி மேலே சென்றால், அடுத்த தளத்தில் அமர்ந்த திருக்கோலம். இன்னும் படியேறினால், மேல் தளத்தில் கிடந்த திருக்கோலம். அதாவது, உயர்வற உயர்நலம் உடையவராக, எட்டாத இடத்தில் கிடந்த கோலத்தில் சயனம் கொள்கிற எம்பெருமான், கீழேயிருந்து அடியார்கள் அபயக் குரல் கொடுப்பதைக் கேட்டு, மெல்ல எழுந்து உட்கார்ந்து, அடியார்களின் கூக்குரல் அதிகப்படத் தொடங்கியதும் அப்படியே அரக்க பரக்க வந்து அவர்களுக்கு உதவுவதற்காக நின்றுவிடுகிறார் என்பதைக் காட்டுவதாக இந்த அமைப்பு உள்ளது. மூன்று திருமேனிகளுக்கும் (மூன்று திருக்கோலங்களுக்கும்) ஸ்ரீ வேத நாராயணர் என்றே திருநாமம். உற்சவர் ராஜமன்னார் என்றழைக்கப்பெறும் ராஜகோபால சுவாமி. ஆகவே, கோயிலும் ஊரும் மன்னார்கோவில் என்று வழங்கப்படுகின்றன. 
- தொடரும்...
 

]]>
https://images.dinamani.com/uploads/user/imagelibrary/2019/7/26/w600X390/sudha.jpg https://www.dinamani.com/weekly-supplements/vellimani/2019/jul/26/பொருநை-போற்றுதும்-51---டாக்டர்-சுதா-சேஷய்யன்-3200676.html
3200675 வார இதழ்கள் வெள்ளிமணி புண்ணிய பூமியில் புனிதப் பயணம் 18 DIN DIN Friday, July 26, 2019 11:01 AM +0530 எரிகோ கோட்டை, எலிசா நீரூற்று, சோதனை மலை (பாலஸ்தீனம்)
பாலஸ்தீன நாட்டின் மேற்குக்கரை பகுதியில் எரிகோ (JERICHO) நகரம் உள்ளது. விவிலியத்தில் பேரீச்சம் பழம் பட்டிணம் என எரிகோ அழைக்கப்படுகிறது. 1948-இல் ஜோர்தான் நாட்டால் ஆக்கிரமிக்கப்பட்டிருந்த இந்த நகரம், 1967 முதல் 1994-ஆம் ஆண்டு வரை இஸ்ரேலின் கட்டுப்பாட்டில் இருந்தது. விவிலியத்தில் பழைய ஏற்பாட்டிலும், புதிய ஏற்பட்டாலும் முக்கிய நகரமாக கருதப்படுகிறது.
உலக அளவில் மக்கள் வசிக்காத பழைமையான நகரங்களில் இதுவும் ஒன்று. எகிப்தில் அடிமைகளாக இருந்த இஸ்ரேலியர்கள் மோசே தலைமையில் 40 ஆண்டுகள் பயணம் செய்தனர். நேபோ மலையில் மோசே மறைந்த பின்னர், யோசுவா என்பவரின் தலைமையில் இஸ்ரேலுக்குள் நுழைந்தனர். 
எரிகோ நகரம்தான் உலகிலேயே தாழ்வான பகுதியில் இருக்கும் நகரம். இந்நகரத்தின் சுவர் எகிப்திய பிரமீடுகளுக்கு எல்லாம் முன்னதாகக் கட்டப்பட்டது. பலமுறை அழிக்கப்பட்டாலும் மீண்டும் மீண்டும் புத்துயிர் பெற்றுக் கட்டப்பட்ட சரித்திரம் இந்நகரத்திற்கு உண்டு. ஏறத்தாழ இருபத்தி மூன்று படிமங்களில் பலப்பல நாகரீகங்களின் இருப்பிடம் இவ்விடத்தில் காணப்படுவதாக அகழ்வாராட்சியாளர்கள் தெரிவிக்கின்றனர். 
கடல் மட்டத்திற்கு 260 மீட்டர் தாழ்வான இடத்திலே இருப்பதால், இதமான கால நிலை இந்நகரத்தை உல்லாச புரியாக பல்வேறு மன்னர்கள் பயன்படுத்தினர். புதிய ஏற்பாட்டு காலத்திற்கு சற்று முன், எகிப்திய அழகு ராணி கிளியோபாத்ராவுக்கு காதல் பரிசாக இந் நகரம் அளிக்கப்பட்ட கதையும் உண்டு. 
இந் நகரத்தில் ஆங்காங்கு காணப்படும் வெந்நீர் ஊற்றுகள் அருகில் massage parlours இன்றும் உண்டு. எரிகோவின் தெற்குப் பகுதியில் சவக் கடல் உள்ளது. இந்த நகரில் தான் சிதிலமடைந்த எரிகோ கோட்டை, எலிசா நீரூற்று, இயேசு சாத்தானால் சோதிக்கப்பட்ட சோதனை மலை ஆகியவை உள்ளன.
எரிகோ கோட்டை: விவிலியத்தில் யோசுவா புத்தகம் 6-ஆம் அதிகாரத்தில் எரிகோ கோட்டை சரிந்த அற்புதம் விலாவரியாக சொல்லப்படுகிறது. யோர்தான் நதி நீரால் எரிகோவின் சுற்றுப் புற வயல்களுகள் செழிப்பாய் இருந்தன. யோசுவாவின் தலைமையில் இஸ்ரேலியர்கள் யோர்தானைக் கடந்து எரிகோவின் அருகில் சேரும்போது அறுவடைக் காலம் ஆனதால் தானியங்களை எரிகோவின் மதில்களில் களஞ்சியங்களில் சேர்த்து வைத்திருந்தனர்.
எரிகோவின் கோட்டை இரண்டு மதில் சுவர்களால் ஆனது. உட்புற சுவர் சற்று உயரமாகவும் வெளிப்புறச் சுவர் சற்று தாழ்வாகவும் இருந்தன. உட்புறச் சுவரின் மீது ஒரு கார் போகும் அளவுக்கு 2 மீட்டர் அகலமாக இருந்தது. இரு சுவருகளுக்கும் இடையே வீடுகள் கட்டி குடி இருக்கும் அளவிற்கு கணிசமான இடைவெளி இருந்தது. நகரத்தின் உள் பகுதியில் ஏறத்தாழ 2000 எரிகோ குடிமக்கள் இருந்தனர். 
மதிலின் மீது இருந்த பகுதியில் வெளி ஊரினர், இடம் பெயர்ந்தோர், கீழ்த்தர தொழில் புரிவோர், பாலியல் தொழிலாளர்கள் மற்றும் கூலி தொழிலாளர் வசித்தனர். ராகாப் என்ற பாலியல் தொழிலாளியும் எரிகோவின் வடக்கு புற மதிலில் வீடு கட்டி இருந்தார்.
நல்ல பலமான மதில் சுவர் மற்றும் பல வருங்களுக்கு போதிய உணவு தானியங்கள் சேமித்து வைக்கப் பட்டிருந்ததால் எரிகோ குடிமக்கள் இஸ்ரவேலரின் முற்றுகையை பெரிசாக அலட்டி கொள்ளவில்லை.
ஆறு நாள்கள் காலமே எழுந்து நகரத்தை சுற்றி வந்த புரோகிதர் (ஆசாரியர்) கூட்டத்தை ஏதோ திருவிழாவில் பஜனை ஊர்வலத்தை வேடிக்கை பார்ப்பதை போல் கண்டு ரசித்திருக்கலாம். ஏளனமாக பேசி இருக்கலாம். 
பூட்டப்பட்ட வாசல்களுக்கு உள்ளே பாதுகாப்பாக இருக்கிறோம் என்ற மமதையில் வேறு எந்த பதில் நடவடிக்கையும் எடுக்காமல் வெறுமனே வேடிக்கை பார்த்துக் கொண்டிருந்த எரிகோ மன்னருக்கு ஏன் இப்படி காலை பஜனை செய்கிறார்கள் என்பது ஒரு புதிராக இருந்திருக்கும். ஏழாம் நாள் முதல் ஆறு முறை சத்தமில்லாமல் சுற்றி வந்த முழு இஸ்ரவேலர் கூட்டம் ஏழாம் முறை எக்கால சப்தத்துடன் ஏகமாய் ஆர்ப்பரித்த போது மதில் சுவர் இடிந்து விழ மொத்த இஸ்ரவேலரும் அவரவர் தங்களுக்கு நேரே பட்டணத்துள் நுழைந்து அனைவரையும் வெட்டி வீழ்த்தினர்.
இந்நகரம் முற்றிலுமாக சுட்டெரிக்கப்பட்டது என்பதற்கு ஒரு மீட்டர் உயரத்திற்கு காணப்படும் சம்பல் இன்றும் சாட்சியம் அளிக்கிறது!
எலிசா நீரூற்று: எலிசா என்றால் எபிரேய மொழியில் யெகோவாவே இரட்சகர் என்பது பொருள். எலியா தீர்க்கதரிசியை பின்பற்றி வாழ்ந்தவர். ஐம்பது ஆண்டுகளுக்கு மேல் தீர்க்கதரிசன ஊழியங்களைச் செய்தவர். இஸ்ரேல், யூதேயா, மோவாப், ஆராம் (சிரியா) ஆகிய தேசங்கள் மேல் தாக்கத்தை ஏற்படுத்தியவர். 
எலிசா, எலியாவின் தலைமைத்துவத்தை ஏற்று தேசத்தை வழிநடத்திச் சென்றவர். கர்த்தர், எலியாவுக்குக் கட்டளையிட எலிசாவை தீர்க்கதரிசியாய் அபிஷேகம் செய்தார். பின்பு எலியாவின் பின் சென்று அவனுக்கு ஊழியக்காரனாயிருந்தான். பின்பு எலியாவின் ஊழியங்கள் முடிவடையும் தருணத்தில் எலிசா இரு மடங்கு அபிஷேகத்தைப் பெற்று எலியாவின் ஊழியத்திற்குச் சுதந்திரவாளியானான். (1 இராஜாக்கள் 2-ஆம் அதிகாரம்).
- ஜெபலின் ஜான்
- தொடரும்...
 

]]>
https://images.dinamani.com/uploads/user/imagelibrary/2019/7/26/w600X390/ELIZA.JPG https://www.dinamani.com/weekly-supplements/vellimani/2019/jul/26/புண்ணிய-பூமியில்-புனிதப்-பயணம்-18-3200675.html
3200672 வார இதழ்கள் வெள்ளிமணி உதவலில் உருவாகும் ஒருமைப்பாடு DIN DIN Friday, July 26, 2019 10:52 AM +0530 ஓர் அடியான் தன் சகோதரனுக்கு உதவி செய்து கொண்டு இருக்கும் வரை அந்த அடியானுக்கு அல்லாஹ் உதவி செய்கிறான் என்று உத்தம நபி (ஸல்) அவர்கள் உரைத்தது முஸ்லிம் நூலில் உள்ளது. இங்கு குறிப்பிடப்படும் சகோதரன் என்பது உடன்பிறந்த அண்ணன் தம்பிகளை மட்டும் அல்ல. ஓர் ஊரில் ஒரு பகுதியில் ஒரு நாட்டில் வாழும் அனைவரும் சகோதர சகோதரிகளே. நல்ல முயற்சிகளில் மற்றவர்களுக்குத் தேவைப்படும் பொழுது தாமாக முன் சென்று ஒத்துழைப்பது ஒருமைப்பாட்டை உருவாக்கும். இது ஓர் அழகிய நற்பண்பு. நல்ல குணம். இது நபிகளின் நல்வழி. இது நல்லடியார்களின் இறையச்சம் உடையவர்களின் அடையாளம்.
 இதனை நன்மைக்கும் இறையச்சத்திற்கும் ஒருவருக்கொருவர் உதவியாக இருங்கள். பாவங்களிலும் அநியாயங்களிலும் நீங்கள் ஒருவருக்கு ஒருவர் உதவ வேண்டாம் என்று உரைக்கிறது குர்ஆனின் 5-2 ஆவது வசனம். நவாஸ் பின்ஸம் ஆன் (ரலி) அண்ணல் நபி (ஸல்) அவர்களிடம் நன்மையை பற்றியும் தீமையை பற்றியும் விளக்கிட வேண்டினார். நன்மை என்பது நற்குணம். தீமை என்பது மக்கள் எதைக் கண்டு கொள்வதை நீங்கள் பொருந்தவில்லையோ அச்செயல் உங்கள் மனதில் பதிந்திருப்பது என்று பாசநபி (ஸல்) அவர்கள் பதில் கூறினார்கள். அதனாலேயே இவ்வசனம் நன்மையான செயல்களில் ஒருவருக்கொருவர் உதவுமாறும் மக்களுக்கு மறைத்து செய்யும் மாறான அநீதியான செயல்களில் உதவாது ஒதுங்க வேண்டும். அவ்வாறு செய்தால் உதவலில் நன்மை பெருகி ஒருமைப்பாடு உருவாகி சமுதாயத்தில் ஒற்றுமை நிலவும்; நாட்டில் நல்லிணக்கம் ஓங்கும்.
 இறை கட்டளைப் படி மனைவி ஹாஜிராவையும் குழந்தை இஸ்மாயிலையும் மனித நடமாட்டம் இல்லாத அனந்தரத்தில் விட்டு சென்ற இப்ராஹீம் நபி திரும்ப வரும்பொழுது மகன் இஸ்மாயில் நபி ஜம் ஜம் நீரூற்றின் அருகில் அமர்ந்து அம்பைச் செப்பனிட்டு கொண்டிருந்தார்கள். தந்தையை கண்டதும் எழுந்து மரியாதை செய்தார்கள். கஃபாவைப் புதுப்பித்து கட்ட இறைவன் கட்டளையிட்டதை இப்ராஹீம் நபி இயம்பியதும் இஸ்மாயில் நபி உதவிட உறுதி கூறினார்கள்.
 இஸ்மாயில் நபி கற்களை எடுத்து கொடுக்க இப்ராஹீம் நபி கஃபாவைக் கட்டியதைப் பூமான் நபி (ஸல்) அவர்கள் புகன்றதை அறிவிக்கிறார் அப்துல்லாஹ் பின் அப்பாஸ் (ரலி) நூல்- புகாரி, முஸ்லிம். இதனை இறைமறை குர்ஆனின் 2-127 ஆவது வசனம் இப்ராஹீமும் இஸ்மாயிலும் அவ்வீட்டின் அடித்தளத்தை உயர்த்தி அவர்களின் அப்பணியை ஏற்று கொள்ள வேண்டியதை விளம்புகிறது. தந்தையும் மகனும் ஒருவருக்கொருவர் உதவி செய்து புனரமைத்த கஃபா அன்று முதல் இன்று வரை உலக முஸ்லீம்கள் ஒன்று கூடும் ஒருமைப்பாட்டு தலமாக விளங்கி உதவலில் உருவாகும் ஒருமைப்பாட்டிற்கு உதாரணமாக உயர்ந்து நிற்கிறது.
 துல்கர்னைன் இரு மலைகளுக்கு இடையே உள்ள ஒரு கணவாய் வழியாக ஒரு புதிய பகுதிக்குச் சென்றார்கள். அப்பகுதியில் வாழ்ந்தவர்கள் துல்கர்னைன் அறிந்தவர்கள் அல்ல. அவர்களுக்குத் துல்கர்னைனும் அறியாத புதியவர். அப்பகுதி மக்கள் பேசிய மொழி துல்கர்னைனுக்குப் புரியாதது. ஆயினும் சைகையில் உரையாடல் நிகழ்ந்தது. அம்மலைகளின் மறுபுறத்திலிருந்து யஃஜூஜ் மஃஜூஜ் கூட்டத்தினர் ஊருக்குள் புகுந்து தொல்லை தருவதைத் தடுக்க தடுப்பை ஏற்படுத்தினால் ஏற்ற தொகையை ஏற்புடன் தருவதாக கூறினர் மக்கள். தொகையை மறுத்த துல்கர்னைன் ஊர் கூடி உதவ வேண்டினார்கள். அதன்படி ஊர் மக்கள் கொண்டு வந்த இரும்பு பாளங்களை மலைகளின் இடைவெளியில் நிரப்பி நெருப்பு மூட்டி ஊதி உருகிய செம்பை ஊற்றி மலையளவு உயரத்திற்கு தடையை ஏற்படுத்தினார்கள். அறியாதவர் அறியாத மக்களுக்கு உதவி எல்லையில் தொல்லை தந்த ஆபத்திலிருந்து காப்பாற்றி ஊர் மக்கள் மத்தியில் ஒருவருக்கொருவர் உதவும் ஒருமைப்பாட்டை உருவாக்கியதை உயர்மறை குர்ஆனின் 18-93 முதல் 97 வரை உள்ள வசனங்கள் உரைக்கின்றன.
 அபுமூசா அல் அஸ் அரி இனத்தினர் போர், பயண காலங்களில் உணவு இருப்பு குறைந்துவிட்டால் அனைவரிடமும் மீதமுள்ள உணவை ஒரு துணியில் கொட்டி அனைவரும் சமமாக பங்கிட்டுக் கொள்வர். வாழ்வில் ஒவ்வொரு நிலையிலும் ஒவ்வொருவரும் பிறருக்கு உதவ வேண்டும். பலவீனர்களுக்கும் உழைத்து பொருளீட்ட முடியாதவர்களுக்கும் உதவுவது உயர்ந்தது.
 அனுபவங்களைப் பகிர்ந்து கொள்வதும் தெரிந்த தகவல்களைப் பரிமாறி கொள்வதும் ஒருவகை உதவியே. இந்த வகை உதவியும் ஒருமைப்பாட்டை உருவாக்கும். ஒரு நாட்டில் நல்ல நிர்வாகம் நடைபெறவும் நாட்டின் வளர்ச்சிக்கும் ஒருவருக்கொருவர் உதவுவது உறுதியான அடித்தளமாக அமையும். மக்கள் ஒருவருக்கு ஒருவர் உற்றுழி உதவுவது ஒரு நாட்டை வலுப்படுத்தி வல்லரசாக்கும். நம் நாடு வல்லரசாக நாமும் ஆக்க பூர்வ அரிய செயல்களில் ஊக்கம் ஊட்டி ஒருவருக்கொருவர் உரியமுறையில் உதவுவோம்.
 - மு.அ. அபுல் அமீன்
 
 

]]>
https://images.dinamani.com/uploads/user/imagelibrary/2019/7/26/w600X390/vm1.jpg https://www.dinamani.com/weekly-supplements/vellimani/2019/jul/26/உதவலில்-உருவாகும்-ஒருமைப்பாடு-3200672.html
3200670 வார இதழ்கள் வெள்ளிமணி நிகழ்வுகள் DIN DIN Friday, July 26, 2019 10:50 AM +0530  நூ சாலியமங்கலம் சிவாலயத் திருப்பணி
 தஞ்சை மாவட்டம், பாபநாசம் தாலுக்காவில் உள்ளது சாலியமங்கலம். பாரம்பரிய மிக்க பாகவதமேளாவிற்கு பிரசித்த பெற்ற ஊர். தஞ்சையை ஆண்ட நாயக்க மன்னர்களின் ஆதரவு பெற்ற ஊர். அச்சுதபுரம் என்ற பெயரும் இக்கிராமத்திற்கு உண்டு. இவ்வூரில் அக்ரஹாரத்தின் கோடியில் அமைந்துள்ள ஸ்ரீ சிவகாம சுந்தரி சமேத ஸ்ரீ சிதம்பரேச்சுவரர் ஸ்வாமி கோயில் மிகப்பழைமையானது.
 பரிவார மூர்த்திகளோடு, ஸ்ரீ தர்மசாஸ்தா, ஸ்ரீ மாரியம்மன், ஸ்ரீ கஜலஷ்மி, ஸ்ரீ நவக்கிரக தேவதைகள் முதலான சந்நிதிகளுடன் மகாவில்வம் தல விருட்சமாக அமைந்திருப்பது இவ்வாலயத்தின் சிறப்பு அம்சங்களாகும். புதியதாக பைரவர், சூரியனார் சந்நிதிகள் அமைய உள்ளன. இத்திருப்பணியில் பக்தர்கள் பங்குகொண்டு இறையருள் பெறலாம்.
 தொடர்புக்கு: 078670 10185 / 094436 74366.
 108 சங்காபிஷேகம்
 காஞ்சிபுரம்-வந்தவாசி நெடுஞ்சாலையில் உக்கம்பெரும்பாக்கம் கிராமத்திற்கு தெற்காக கூழமந்தல் ஏரிக்கரையில் அருள்மிகு நட்சத்திர விருட்ச விநாயகர் திருக்கோயில் (27 நட்சத்திர அதிதேவதைகளின் திருக்கோயில்) அமைந்துள்ளது. அசுவனி முதல் ரேவதி வரையிலான 27 நட்சத்திரங்களின் அதிதேவதைகளையும், அவற்றுக்குரிய 27 விருட்சங்களை ஒருசேர அமைந்தும், ராகு கேது, சனீஸ்வரர் என அனைத்து தேவர்களுக்கும்; நடுநாயகராக முழூ முதற்கடவுளான நட்சத்திர விருட்ச விநாயகர் அருள்பாலிக்கிறார். இத்திருக்கோயிலில் மகாகும்பாபிஷேகம் கடந்த 14.06.2019 நடைபெற்றது. அதை தொடர்ந்து 48 நாள்கள் மண்டல அபிஷேகம் நடைபெற்று, அதன் நிறைவு விழா 04.08.2019 அன்று நடைபெறுகிறது.
 அன்றைய தினம் காலை 9.00 மணிக்கு விக்னேஷ்வரர் பூஜையுடன் தொடங்கி, காலை 11.00 மணிக்கு 108 சங்காபிஷேகம், நவகலசாபிஷேகம், மஹா அபிஷேகம், மஹா தீபாராதனை, அன்னதானம் நடைபெறுகிறது. மாலை 05.00 மணிக்கு சஹஸ்ர நாம அர்ச்சனை மற்றும் ஊஞ்சல் சேவை உற்சவம் நடைபெறுகிறது.
 தொடர்புக்கு: 94451 20996.
ஆடிப்புர விழா
 தருமபுரம் ஆதீனம் அருள்மிகு பஞ்சநதீஸ்வர சுவாமி தேவஸ்தானம் திருவையாறு திருத்தலத்தில் ஆடிப்பூர பெருவிழா, நேற்று கொடியேற்றத்துடன் துவங்கியது. முக்கிய நாள்கள்: ஆகஸ்ட் 2 - திருத்தேர், ஆகஸ்ட் 3- ஆடிப்பூர தீர்த்தவாரி. ஜூலை 31- ஆம் தேதி ஆடி அமாவாசையன்று காலையில் காவிரியில் தீர்த்தம், தொடர்ந்து மேட்டுத்தெரு உப்பங்கோட்டை தீர்த்தக்கரையில் அப்பர் பெருமான் எழுந்தருளலும் இரவு தென் கயிலாயத்தில் அப்பர் பெருமானுக்கு கயிலாயக் காட்சி கொடுத்தருளலும் நடைபெறுகின்றது.
வைகைப் பெருவிழா
 அனைத்து சங்கராச்சார்யர்கள், சைவ- வீரசைவ ஆதீன குருமஹா சந்நிதானங்கள், ஜீயர்கள் மற்றும் அனைத்து சம்பிரதாயங்களைச் சேர்ந்த மூத்த துறவியர் பெருமக்கள் ஆகியோரின் ஆசிகள் மற்றும் வழிகாட்டுதலுடன், அகில பாரதிய சந்நியாசிகள் சங்கம் மற்றும் மதுரை மக்கள் இணைந்து வைகை பெருவிழாவை, மதுரை வைகைக்கரை, புட்டுத்தோப்பு மைதானம் (ஆரப்பாளையம் கிராஸ் அருகில்) ஜூலை 24 -ஆம் தேதி, தொடங்கினர்.
 ஆகஸ்ட் 4- ஆம் தேதி வரை நடைபெறவுள்ள இவ்விழாவில் முதல் 2 நாள்களுக்கு (ஜூலை -24, 25) அகில பாரதிய துறவியர்கள் மாநாடு நடைபெற்றது. ஜூலை 26 - சாக்த (பெண் துறவியர்) மாநாடு, ஜூலை 27- திருமால் அடியார்களின் (ஸ்ரீ வைஷ்ணவ) மாநாடு, ஜூலை 28- சபரிமலை ஐயப்ப சேவா சமாஜ மாநாடு , ஜூலை 29- பூஜாரிகள் மற்றும் அருள்வாக்கு புரிவோர் 3- ஆவது மாநில மாநாடு, ஜூலை 30 - சிவனடியார்கள் மாநாடு, ஜூலை 31- பாரதீய பசுவின் பாதுகாப்பு மாநாடு, ஆகஸ்ட் 1 - மாற்றுத் திறனாளி இளைஞர் மாநாடு, ஆகஸ்ட் 2 - நதிநீர் பாதுகாப்பு மற்றும் விவசாயிகள் மாநாடு, ஆகஸ்ட் 3 - சித்தர்கள் மாநாடு, சமரச சுத்த சன்மார்க்க சங்கங்களின் மாநாடு நடைபெறும்.
 மேலும், அன்றைய தினம் ஆடி 18- ஆம் பெருக்கு- வைகை நதியில் புனித நீராடலும் நடைபெறும். ஆகஸ்ட் 4 -அனைத்து சமய - சமுதாய அமைப்புகளின் ஒருங்கிணைப்பு மாநாடும் நிறைவு விழாவும் நடைபெறுகின்றன. விழா நடைபெறும் நாள்களில் தினமும் மாலை 6.00 மணிக்கு வைகை நதிக்கு ஆரத்தி வழிபாடு நடைபெறுகின்றது.
 தொடர்புக்கு: 94868 47005/ 77089 21014/ 98947 45240.
 

]]>
https://www.dinamani.com/weekly-supplements/vellimani/2019/jul/26/நிகழ்வுகள்-3200670.html
3200669 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, July 26, 2019 10:49 AM +0530 * கோபம், பேராசையிலிருந்து உண்டாகிறது. அது பிறர் குற்றங்களைப் பார்ப்பதால் அதிகரிக்கிறது; பிறரை மன்னித்தவுடன் கோபம் தணிந்து அது நம்மைவிட்டு அகலுகிறது.
- மகாபாரதம்
* கொல்லாதே, களவு செய்யாதே, பொய் பேசாதே, பழி சொல்லாதே, கடுமையான வார்த்தை சொல்லாதே, வீண்வம்பு பேசாதே, பிறர் பொருளை விரும்பாதே, பகைமை கொள்ளாதே, நேர்மையாக நடந்துக்கொள். 
- புத்தர்
* "ஐயோ, எனது தாய் தந்தையர் வயதானவர்கள், மனைவியோ இளங்குழந்தைகளை உடையவள், மக்கள் ஆதரவற்றவர்களாக தவிப்பார்கள், நான் இல்லாமல் தீனர்களாக தவிக்கும் இவர்கள் எப்படி பிழைப்பார்கள்?' என்று இவ்வாறு கிருகஸ்த ஆசிரம வாசனையால் பலவகையில் சிதறிய மனமுடையவனும் மதியிழந்தவனுமாகிய மனிதன் திருப்தியடையாமல் அவர்களை நினைத்துக்கொண்டே மரணமடைந்து, இருள் சூழ்ந்த நிலையில் புகுந்து தாழ்ந்த பிறவியை அடைகிறான். 
- உத்தவ கீதை
* நிலையற்ற பொருள்களில் பற்றின்மை, ஐம்புலன்களைக் கட்டுப்படுத்துதல், பொறுமை, செய்ய வேண்டிய உலகக் கடமைகளைப் பற்றில்லாமல் செய்தல் ஆகியவையே முக்திக்கு முதல்படியாகும். 
- ஆதிசங்கரர்
* ஒரு முறை, "ஸ்ரீ ராமா சரணம்! என்று வணங்குபவரைக் காப்பாற்றுபவர் ஸ்ரீ ராமர்' என்பதற்கு விபீஷணன் சான்று. எனக்குப் புகலிடமான ஸ்ரீ ராமா! உன்னுடைய நாமத்தின் பெருமையை எப்பொழுதும் என் காதுகள் கேட்கட்டும்.
- ஸ்ரீ ராமகர்ணாமிர்தம்
* சூரியனையும் சந்திரனையும் கிரகணம் பிடிப்பதையும், யானையும் பாம்பும்கூடக் கட்டுப்படுவதையும், புத்தியில் சிறந்தவர்களும் வறுமையில் வாடுவதையும் பார்க்கும்பொழுது, "விதியின் பலமே பலம்' என்று எனக்குத் தோன்றுகிறது.
- பர்துருஹரியின் நீதி சதகம்

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/jul/26/பொன்மொழிகள்-தொகுப்பு-சுவாமி-கமலாத்மானந்தர்-3200669.html
3200646 வார இதழ்கள் வெள்ளிமணி கிளியூர் அட்டவீரட்டேசுவரம்! Friday, July 26, 2019 10:46 AM +0530 விழுப்புரம், கள்ளக்குறிச்சி மாவட்டம், உளுந்தூர் பேட்டை வட்டம், கிளியூர் கிராமத்தில் அட்டவீரேட்டசுவரம் என்று ஊர் மக்களால் அழைக்கப்படும் சிவாலயம் அமைந்துள்ளது. இங்குள்ள சிவபெருமானது கருவறை விமானத்தின் மீது சிவபெருமான் தமிழகத்தில் உள்ள வீரட்டானம் என்றழைக்கப்படும் எட்டு தலங்களில் நிகழ்த்திய வீரட்டகாசங்கள் சுதைச் சிற்பங்களாக அமைந்துள்ளதால் இவ்வாலயத்தை அட்ட வீரட்டேசுவரம் என்று அழைக்கின்றனர்.
இங்கு, இறைவனையும் இறைவியையும் சுந்தர மகாலிங்கேசுவரர் -அன்னபூரணியம்மை; அட்டவீரட்டேசுவரர் - சிவானந்தவல்லி; எண்குணத்தார் --- பெரியநாயகி என மூன்று விதமான பெயர்களிட்டு அனைத்து மகிழ்கின்றனர்.
இவ்வாலயத்தின் தனிச்சிறப்புகள்: 
* அட்டமூர்த்தியாகிய இறைவனது சிவலிங்கத் திருமேனி பல்லவ பாணியில் எண்கோண வடிவில் காட்சியளிக்கிறது. 
* இறைவன் கருவறை விமானத்தின் மீது அவரது எட்டு வீரச் செயல்களாகிய திரிபுர தகனம், வேழம் உரித்தல், காமதகனம், காலன் வதம், தக்கன் சிரம் கொள்ளல், அந்தகன் வதம், பிரம்மன் சிரம் கிள்ளல், சலந்திரனைப் பிளத்தல் ஆகியன சுதையில் சித்தரிக்கப்பட்டுள்ளது.
* அனைத்து சிவலாயங்களிலும் உமையன்னை நின்ற நிலையில் இருக்க, இங்குள்ள அன்னபூரணியம்மை அமர்ந்த நிலையில் (ராஜாசனம்) காட்சியளித்து அருள்பாலிக்கின்றார். இவர் திருமியச்சூர் லலிதாம்பிகையை போன்று வடிவமைக்கப்பட்டுள்ளார். 
* இங்குள்ள நடராஜப் பெருமான் சிவகாமியம்மையார் செப்புத் திருமேனியாக அல்லாது கருங்கற் திருவுருவில் அருள் செய்கின்றனர். பொற்சபையின் வாயிலில் பதஞ்சலி, வியாக்கிரபாதர், காரைக்காலம்மையார், பஞ்சமுக வாத்தியம் வாசிக்கும் பூதகணம் ஆகியோர் புடைப்புச் சிற்பங்களாக காட்சியளிக்கின்றனர். 
* பிரகாரத்தில் அட்டவீரட்டேசுவரர் கருவறைக்கு நேர் பின்புறமாக நேபாளத்து பசுபதிநாதர். ஐந்து முகங்களுடன் கூடிய சிவலிங்கத் திருமேனியுடன் ஒரு தனி விமானத்தின் கீழ் காட்சியளிக்கிறது.
* அட்ட வீரட்டேசுவரர் கருவறை வெளிச்சுவர் பின்புறக் கோட்டத்தில் லிங்கோத்பவர் அல்லது திருமால் காணப்படும் கோட்டத்தில் அர்த்தநாரி இடம் பெற்றிருக்கின்றார். 
* இங்கு கோயிலின் வாயு மூலையில் கஜலட்சுமிக்கு பதிலாக மகாலட்சுமி பத்மாசனத்தில் அமர்ந்து அருள்பாலிக்கின்றார்.
* இங்கு காவல் தெய்வமான பைரவர் கஜபிருஷ்ட விமானக் கருவறையில் நின்றுள்ளார்.
* இறைவனை தாமே நீராட்டி வழிபட, விரும்பும் அடியவர்களுக்கு பிரகாரத்திலுள்ள வில்வமரத்தின் கீழ் ஒரு சிவலிங்கத் திருமேனி பிரதிஷ்டை செய்யப்பட்டுள்ளது.
* இவ்வாலயத்திற்கு வெகு அருகாமையில் (3 கி.மீ.) திருநெல்வெண்ணெய் எனும் பாடல் பெற்ற தலமும் மற்றும் திருவெண்ணெய் நல்லூர், திருவிடையாறு, திருமுண்டீச்சரம் (கிராமம்) , திருநாவலூர், திருக்கோவிலூர், திருஅறையணிநல்லூர் (அரகண்டநல்லூர்) ஆகிய பிற நடுநாட்டுப் பாடல்பெற்ற தலங்களும் அமைந்துள்ளன. 
வாழ்க்கையில் தோன்றும் சிக்கல்கள், இன்னல்கள், சவால்கள் ஆகியவற்றில் வெற்றி வாகை சூட கிளியூர் அட்டவீரட்டேசுவரரை சென்று தொழுவீர்.
காவிரியின் கரைக்கண்டி வீரட்டானம், கடவூர் வீரட்டானம், காமருசீர் அதிகை மேவிய வீரட்டானம், விழுவை வீரட்டம், வியன் பறியல் வீரட்டம், விடையூர்திக்கு இடமாம் கோவல் நகர் வீரட்டம், குறுக்கை வீரட்டம், கோத்திட்டைகுடி வீரட்டானம் இவை கூறி, "நாவில் நவின்றுரைப்பார்க்கு நணுகச் சென்றால் நமன் தமரும் சிவன் தமர் என்று அகல்வர் நன்கே!' - திருநாவுக்கரசர்: அடைவு திருத்தாண்டகம், ஆறாம் திருமுறை.
வழி: உளுந்தூர்பேட்டையிலிருந்து 20 கி.மீ. ; திருக்கோவிலூரிலிருந்து 22 கி.மீ. 
- கோவல் ஜெயராமன்
 

]]>
https://images.dinamani.com/uploads/user/imagelibrary/2019/7/26/w600X390/KILIYUR.JPG https://www.dinamani.com/weekly-supplements/vellimani/2019/jul/26/கிளியூர்-அட்டவீரட்டேசுவரம்-3200646.html
3200653 வார இதழ்கள் வெள்ளிமணி ஆடி அமாவாசையில் பிதுர்பூஜை வழிபாடு! DIN DIN Friday, July 26, 2019 10:41 AM +0530 தஞ்சை மாவட்டம், திருவையாறு வட்டத்தில் உள்ளது திருப்பூந்துருத்தி. திருநாவுக்கரசரின் தேவாரத்திருப்பதிகம் பெற்ற காவிரியின் தென்கரையில் உள்ள பதினோறாவது திருத்தலமாகும். அவர் இங்கு திருமடம் ஒன்று அமைத்து பலகாலம், தங்கி, முதன் முதலில் உழவாரப்பணி செய்த திருத்தலம், சப்தஸ்தான தலங்களுள் ஒன்று. திருஞானசம்பந்தரை பூந்துருத்தி எல்லையில் நாவுக்கரசர் எதிர்கொண்டு அழைத்து அவர் வரும் பல்லக்கை தன் தோளில் சுமந்த பெருமையுடைய இத்தலத்தில்தான் சம்பந்தப்பெருமானுக்காக திரு நந்தியை விலகச் செய்து இறைவன் காட்சியளித்த வரலாறும் உண்டு.
 காசிப முனிவரின் கடுந்தவத்திற்கு மகிழ்ந்து அவருக்கு இறைவன் இத்தலத்தில் உள்ள ஆதி விநாயகர் சந்நிதியில் உள்ள கிணற்றில் ஓர் ஆடி அமாவாசைத் தினத்தன்று பதிமூன்று புண்ணிய கங்கை உட்பட ஜீவநதிகளை பொங்கி எழச் செய்து காசி விசாலாட்சி சமேத விஸ்வநாதராகக் காட்சி தந்தபெருமை வாய்ந்தது. அந்த புண்ணிய தினத்தில் காசியிலிருந்து கங்கை இங்கு வருவதாக ஐதீகம். பிதுர்சாபம் நீங்கவும், உலக நன்மையைக் கருதியும், அனைத்து விதத்தில் வளர்ச்சியடை வேண்டியும், ஜூலை 31 -ஆம் தேதி அன்று சிறப்பு பூஜை, ஹோமங்கள் நடைபெறுகின்றன. நிகழ்ச்சிகள் அன்று காலை அருள்மிகு சௌந்தரநாயகி அம்மன் சமேத ஸ்ரீ புஷ்பவனேஸ்வரர் திருக்கோயில் வளாகத்தில் காலை 5.30 மணிக்கு திருமுறை விண்ணப்பம் மங்கள இசையுடன் தொடங்குகின்றது.
 பிதுர் சாப நிவர்த்தி தலங்களில் ஒன்றாகிய திருப்பூந்துருத்தியில் ஆடி அமாவாசையன்று செய்யப்படும் பிரார்த்தனை, பித்ரு பூஜை, தர்ப்பணம், சிரார்த்தம் ஆகியவை மிகவும் உன்னதமடைவதாகக் கூறப்படுகிறது. நமது முன்னோர்களை வழிபடும் ஒரு முறையே அவர்களுக்கு நன்றி செலுத்தும் ஒரு பிரார்த்தனையே தர்ப்பணம் எனப்படும். மிகவும் எளிதான அனைவரும் செய்யக்கூடிய வழிபாடாகும். அன்று திருப்பூந்துருத்தி சென்று பித்ரு பூஜை வழிபாட்டில் கலந்து கொள்பவர்கள் ஆலயத்தில் உள்ள ஜீவநதிகள் பொங்கிய கிணற்று நீரை தலையில் தெளித்துக்கொண்டு சங்கல்பம் செய்த பின் பூஜைகளில் கலந்துகொள்ளலாம்.
 தொடர்புக்கு: 98944 01250.
 - எஸ்.வெங்கட்ராமன்
 

]]>
https://images.dinamani.com/uploads/user/imagelibrary/2019/7/26/w600X390/ADIAMAVASAI.JPG https://www.dinamani.com/weekly-supplements/vellimani/2019/jul/26/ஆடி-அமாவாசையில்-பிதுர்பூஜை-வழிபாடு-3200653.html
3200631 வார இதழ்கள் வெள்ளிமணி உயிருள்ள பாம்புகளுக்கு ஒரு விழா! Friday, July 26, 2019 10:33 AM +0530 நாக வழிபாடு மிகவும் தொன்மையானது. நம் நாட்டில் ஆயிரக்கணக்கான ஆண்டுகளாக நாக பாம்பை தெய்வமாக வழிபடும் வழக்கம் இருந்து வருகிறது. குறிப்பாகத் தென்னிந்தியாவில் பாம்பு வழிபாடு அம்மன் வழிபாட்டுடன் இணைந்தே நடைபெறுகிறது.
 மகாராஷ்டிர மாநிலம் மும்பையிலிருந்து சுமார் 400 கி.மீ. தொலைவில் உள்ள சிராலா கிராம மக்கள் நாகபஞ்சமி நாகசதுர்த்தியை மிகவும் வித்தியாசமாகக் கொண்டாடுகிறார்கள்.
 சிராலா ஒரு பெரிய கிராமம். இங்கு நாகபஞ்சமி தினத்தன்று நாகபாம்பின் உருவசிசிலையை வழிபடாமல், தங்கள் கைகளாலேயே பிடித்த உயிருள்ள பாம்புகளையே வழிபடுகின்றர்.
 நாகபஞ்சமிக்கு பத்து நாள்களுக்கு முன்பே விடுமுறை எடுத்துக்கொண்டு ஊருக்கு அருகில் உள்ள மலைப்பகுதிகளுக்குச் சென்று பாம்புகளை உயிருடன் பிடிக்கிறார்கள். எல்லா பாம்பாட்டிகளைப் போல சிராலா கிராம மக்கள் பாம்புகளின் விஷப்பற்களைப் பிடுங்குவதில்லை. குறிப்பாகப் பாம்புகளுக்கு எந்தவொரு துன்பத்தையும் கொடுப்பதில்லை.
 நாகபஞ்சமி தினத்தன்று விடிவதற்கு முன் குளித்து, பலத்த ஆரவாரத்துடன் பாம்புகளை அடைத்த மண்பானைகளை ஆண்கள் தங்கள் தலையில் சுமந்து கிராமத்து அம்மன் கோயிலுக்கு இசைக்கருவிகள் முழங்க எடுத்துச் செல்கிறார்கள். கிராமத்துக் குழந்தைகள் விஷமற்ற பாம்புகளை தங்கள் கழுத்தில் மாலையாகப் போட்டுக்கொண்டு குதூகலத்துடன் ஊர்வலத்தில் கலந்துகொள்கின்றனர். பெண்மணிகள் தங்கள் வீட்டு வாசலில் நின்று கொண்டு பொரியை வாரி இறைத்து, நறுமணப் புகையை காட்டி, பயபக்தியுடன் வணங்கி நாகராஜனின் நல்லாசியை வேண்டுகின்றனர். இதனால் பிள்ளைப்பேறு இல்லாத பெண்கள், குழந்தை பாக்கியம் பெறுவர் என்பது அவர்களுடைய நம்பிக்கை .
 அன்று மாலை இதற்கென்று அமைக்கப்பட்டுள்ள ஒரு விசேஷ அரங்கத்தில் இருநூற்றுக்கும் மேற்பட்ட நாகபாம்புகள் கொண்டு வரப்பட்டு, அவைகளை வெளியில் திறந்து விடுகிறார்கள். தாங்கள் பிடித்த பாம்புகளின் திறமைகளைக் காண்பிக்க கூழாங்கற்கள் போடப்பட்ட பானைகளை அவைகளுக்கு முன்னும் பின்னும் ஆட்டி ஒலி எழுப்ப, அவை அதற்கேற்றாற்போன்று படமெடுத்து ஆடும். இந்த மெய்சிலிர்க்கும் காட்சிகள் பெருத்த ஆரவாரத்துடன் நடைபெறும். அந்த நாகங்களும் துஷ்டதனம் ஏதும் செய்யாமல் சாதுவாக நடந்துகொள்ளும்.
 மறுநாள் காலை, ஆண்கள் பாம்புகளைக் கூடுமான வரையில் அவற்றை எந்த இடங்களில் பிடித்தார்களோ அந்த இடங்களுக்கு அருகிலேயே கொண்டு போய் விட்டு விடுவார்கள். பாம்புகளை வெளியே விட்டதும் அவற்றின் முன், பால், தேங்காய் சாதம், சப்பாத்தி போன்ற உணவு வகைகளைப் படைத்து, இருகரம் குவித்து வணங்கி அடுத்த நாகபஞ்சமி அன்றும் தங்கள் பூஜையை ஏற்க வந்து தங்களை கவுரவிக்குமாறு பயபக்தியுடன் வேண்டிக் கொள்கிறார்கள்.
 இவ்விதமாக, சிராலா கிராம மக்கள் நாகபஞ்சமியை இரண்டு நூற்றாண்டுகளுக்கு மேலாகக் கொண்டாடி வருகிறார்கள். இந்தப் பழக்கம் எப்படி வந்தது? இதற்குக் காரணமாக, பல கதைகளையும் இவர்கள் சொல்கிறார்கள்.
 உண்மையில் இந்த பிரதேசத்தில் ஏராளமான பாம்புகள் இருக்கின்றன. இரவில் நடமாடும் மக்கள் தடியும் விளக்கும் கொண்டு வருகிறார்கள். பாம்பு வழிபாட்டில் பிரசித்தி பெற்றுத் திகழும் இந்த சிராலா கிராமத்தில் "நாகபஞ்சமி' மிகவும் முக்கியமான திருவிழாவாகக் கொண்டாடப்படுகிறது.
 இந்த சிராலா கிராமத்து மக்களுக்கு கடவுள் தான் பாம்புகளிடமிருந்து தங்களைக் காப்பாற்றி வருகிறார் என்பது கண்கூடான நம்பிக்கையாகும். பாம்புக் கடியினால் இங்கு இறந்தவர்கள் யாரும் இல்லை என்பது பெரிய ஆச்சரியம்! இந்த பாம்பு வழிபாடு மிகவும் பழைமையான வழிபாடாகத் தொடர்ந்து இன்றளவும் திகழ்கிறது.
 - டி.எம். இரத்தினவேல்
 
 

]]>
https://images.dinamani.com/uploads/user/imagelibrary/2019/7/26/w600X390/NAGA_PANCHAMI.JPG https://www.dinamani.com/weekly-supplements/vellimani/2019/jul/26/உயிருள்ள-பாம்புகளுக்கு-ஒரு-விழா-3200631.html
3195795 வார இதழ்கள் வெள்ளிமணி மனமே முருகனின் மயில் வாகனம்! DIN DIN Friday, July 19, 2019 10:43 AM +0530 "குழந்தை' என்று கொஞ்சுவோருக்கு குழந்தையாகவும், ஆசானாகவும், தாயாகவும்; கேடு செய்ய நினைத்தாலோ காலனாகவும்; தஞ்சம் என்று அஞ்சி வருவோர்க்கு அஞ்சேல் என்று அபயக்கரம் நீட்டுபவனாகவும் விளங்கும் அவனே என்னப்பன் அழகன்முருகன், ஞானஸ்கந்தன்!
 வெள்ளி பனித்தலைவன் சிவனாரின் நெற்றிக் கண்ணிலிருந்து உதித்த ஆறு பொறிகளை கார்த்திகைப் பெண்கள் பெற்று அவர்களால் வளர்க்கப்பட்ட தமிழ்க்கடவுள் முருகனுக்கு ஏற்ற சக்தி இந்த கார்த்திகை திருநட்சத்திரத்தில் கிடைக்கப்பெற்றது. தட்சிணாயனம் இந்த ஆடியில் தான் ஆரம்பிக்கின்றது; பெண் கடவுள்கள் ஆடியையும் ஆண் கடவுள்கள் மார்கழியையும் தனக்காக எடுத்துக் கொண்டுள்ளார்கள். ஆனால் எல்லாவற்றிலும் சற்று வித்தியாசமாக இருக்கும் ஆறுமுகனோ ஆடிமாதக் கிருத்திகையை தனக்கான நாளாக தேர்ந்தெடுத்தான். நட்சத்திர கூட்டத்தில் "திரு' அடைமொழியுடன்; குறிப்பிடும்படியாக "திருவாதிரை' மற்றும் "திருக்கார்த்திகை' இரண்டு மட்டுமே அழைக்கப்படுவது சிறப்பானதாகும்.
 வறுமையில் வாடும் புலவரிடம், வறுமையை வென்ற புலவர் தான் எப்படி இந்த செல்வத்தை, எந்த தனவந்தரிடம் சென்று பெற்றேன், என்ற செய்தியை பாடலாகக் கூறி ஆசுவாசப் (ஆற்றுப்) படுத்துவர். இவ்வகையில் அமைந்த நூல்களை சங்க காலத்தில் "ஆற்றுப்படை" என்பர். இதனை மையமாகக் கொண்டு நக்கீரன், ஆறுபடை வீடுகளில் உறைந்த முருகனை சரணடைந்தால்; இன்ப மயமான ஆனந்த நிலையை அடையலாம் என்ற பொருள்பட "திரு முருகாற்றுப்படை" என்ற ஒரு பாடல் நூல் இயற்றினார். போர் புரியச் செல்லும் தளபதி, தன் படைகளுடன் தங்கி இருக்கும் இடத்திற்குப் "படைவீடு' எனப் பெயர். சூரபத்மனை வதம் செய்வதற்காக முருகப்பெருமான் தங்கி இருந்த படைவீடு தான் திருச்செந்தூர். ஆதலால் முருகனின் மற்ற ஐந்து திருத்தலங்களையும் இத்துடன் சேர்த்து "ஆறு படை வீடு" என அவர் அழைத்தார். இப்படி இருந்த ஆற்றுப்படை ஆறுபடையாக மருவியுள்ளது.
 ஏறுமயில் ஏறி விளையாடும் முகம் ஒன்று; ஈசருடன் ஞானமொழி பேசும் முகம் ஒன்று; கூறும் அடியார்கள் வினை தீர்த்த முகம் ஒன்று; குன்றுருக வேல் வாங்கி நின்ற முகம் ஒன்று; மாறுபடு சூரனை வதைத்த முகம் ஒன்று; வள்ளியை மணம் புனர வந்த முகம் ஒன்று; ஆறுமுகமான பொருள் நீயருள வேண்டும்; ஆதியருணாசலம் அமர்ந்த பெருமாளே! "
 - இப்பாடலை மேலெழுந்தவாரியாகப் பார்த்தால் ஒரு பொருளும்; உள் சென்று பார்த்தால் ஒரு பொருளும் தெரியவரும். என் உள்ளமாகிய மயிலின்மீது ஏறி விளையாடிடும் பிள்ளையான நீ எனக்கு குருவாய் வந்து உபதேசம் செய்து; என் வினைகளையெல்லம் தீர்த்து; என் உள்ளே ஒளிந்துள்ள மாயையான ஆசாபாசங்களை உன் வேலினால் உருவி எடுத்து அழித்து, என் உள்ளே விரிந்து கிடக்கும் அகங்காரத்தை அடக்கி பின் உன்னோடு ஐக்கியப்படுத்தும் ஆறுமுகனே; அண்ணாமலையானுடன் அமர்ந்து அருளும் பெருமாளே என்று தன் திருப்புகழில் அருணகிரிநாதர் கதறுகிறார்.
 கந்தசஷ்டித் திருவிழாவின் போது அனைத்து முருகன் தலங்களிலும் சூரசம்ஹாரவிழா சிறப்பாக நடைபெறும். ஆனால் திருத்தணியில் மட்டும் சூரசம்ஹாரம் நடைபெறுவதில்லை; அதற்கு பதிலாக அந்த நாளில் புஷ்பாஞ்சலி நடத்துகிறார்கள். ஏனெனில் தேவர்களின் துயர் தீர்க்க செந்தூரில் சூரபத்மனை வதம் செய்த கந்தன்; வள்ளியை மணம்புரிய வேடர்களுடன் போர் செய்து பின்னர் திருத்தணியில் சினம் தணிந்தார் எனப்புராணம் கூறுகிறது. தேவர்களின் அச்சம் தணிந்ததாலும் அடியவர்களின் கவலை, துன்பம், பிணி மற்றும் நம்பி வந்தோர்க்கு நன்மை பயக்கும் ஆற்றல் கொண்டவராக சுப்ரமண்யர் இருப்பதாலும் இத்தலத்தை தணிகை என்பர்.
 பாடல் கலையின் மும்மூர்த்திகளில் ஒருவரும், சிறந்த அம்பாள் பக்தருமான முத்துஸ்வாமி தீட்சிதர், சுப்ரமண்ய சுவாமியின் மீது அதீத பக்தியுடையவர். இவர் காசியில் குருகுலவாசம் செய்தபோது அவரது குரு தான் சித்தியடைவதற்கு முன் நீ உன் ஊருக்குச்செல்; செல்லும் பாதையில் திருத்தணிக்கு மறக்காமல் செல் எனக் கூறினார். அவரது ஆணையை ஏற்று தீட்சிதரும் அடிவாரத்தில் உள்ள திருக்குளத்தில் நன்நீராடி பின் மலைமீது முருகனை தரிசிக்கச்சென்று கொண்டிருக்கும்போது ஒரு வயோதிகர் "முத்துசாமி' என அழைத்து ஒரு கற்கண்டை இவர் வாயில் போட்டுவிட்டு மறைந்து விட்டார். வந்தவர் வேலனே என உருக்கிப்போய்; மாயாமாளவ கெளளை என்ற சிறப்பான ராகத்தில் "ஸ்ரீ நாதாய குருகுஹோ" என மிக அருமையாக திருத்தணி முருகனை வர்ணிக்கின்றார். அவர் தன் கீர்த்தனையில் "ஸ்ரீ சுப்ரமண்யாய நமஸ்தே நமஸ்தே' என்று இருமுறை கூறுகிறார்.
 முருகன் வீற்றிருக்கும் தலங்களுக்கு முக்கியமாக பழனி மற்றும் திருத்தணிக்கு பக்தர்கள் விரதமிருந்து பல்வேறு வகையான காவடிகளை தூக்கிச்சென்று தன் நேர்த்திக்கடனை நிறைவேற்றுவார்கள். பொதுவாக, ஆடிக்கிருத்திகை அனைத்து முருகன் தலங்களிலும் சிறப்பாக கொண்டாடினாலும்; திருத்தணி முருகன் கோயிலில் இந்த நாள் மிகவும் முக்கியத்துவம் வாய்ந்ததாகக் கொண்டாடப்படுகிறது. இத்தலம், சென்னையிலிருந்து சுமார் 50 கி.மீ. தூரத்தில் ஆந்திர மாநில எல்லையில் உள்ளது. இந்த ஜூலை மாதம் 26 -ஆம் தேதி ஆடிக்கிருத்திகை தெப்போற்சவத்துடன் திருத்தணியில் கொண்டாட இருக்கிறார்கள்.
 - எஸ். எஸ். சீதாராமன்

]]>
https://images.dinamani.com/uploads/user/imagelibrary/2019/7/19/w600X390/vm5.jpg https://www.dinamani.com/weekly-supplements/vellimani/2019/jul/19/மனமே-முருகனின்-மயில்-வாகனம்-3195795.html
3195793 வார இதழ்கள் வெள்ளிமணி வரதன் கோயில் வண்ணத் தூரிகை! DIN DIN Friday, July 19, 2019 10:41 AM +0530 அத்திகிரி - 7
 கச்சி வரதர் கோயிலின் மூலவர் கருவறையின் வெளிப்புறச் சுவர்ப்பகுதியில் வரையப்பட்டுள்ள ஓவியங்கள் தொன்மைக்கு மேலும் சான்றாக விளங்குகின்றன. விசயநகர காலத்தில் வரையப்பட்ட இவ்வோவியங்கள் இன்று சிதைந்த நிலையில் காட்சியளிக்கின்றன. வரதர் கோயிலின் மேன்மைய விளக்கும் இவ்வரைகலையானது, இறைவனை முதலில் பாறைகளில், குகைகளில், வீட்டின் சுவர்களில் எழுதி வழிபட்ட தொல்பழங்கால மனிதக்கலையின் வளர்ச்சியாய் நம் பண்பாட்டை உணர்த்தி நிற்கிறது.
 கி.பி.15-16-ஆம் நூற்றாண்டில் தமிழகத்தில் சமயமும் கலையும் சிறக்க ஏற்ற சூழ்நிலை தமிழகத்தில் மேலோங்கி நின்றது. ஹரிஹரர், புக்கர், தேவராயர் முதலிய விஜயநகர அரசர்கள் ஏராளமான நிலங்களையும், பொருள்களையும் கொடுத்திருந்த போதிலும் ஒரு பெரும் கலைப்பணி, கட்டடப்பணி, வழிபாட்டுக்குச் சிறப்பு பணி, விஜயநகர மன்னர்களில் ஈடு இணையற்றவராக இருந்த கிருஷ்ணதேவராயர் காலத்திலிருந்துதான் துவங்கின.
 கிருஷ்ணதேவராயர் காலத்தில் திருமால் வழிபாடு உயர்நிலையை அடைந்தது. இராமாநுஜர் விட்டுச் சென்ற பக்தி நெறி மார்க்கம் ராயரின் உள்ளத்தைக் கவர்ந்த ஒன்று. ஆழ்வார்கள் பாசுரங்களில் மெய் மறந்தவன் அவன். கோதையின் பாவைப்பாடல்கள் அவன் உள்ளத்தை நெகிழ்த்திய பாடலாகும். அவ்வுணர்ச்சியில் மெய்மறந்து "ஆமுக்தமால்யதா' என்னும் அழகிய தெலுங்குக் காப்பியத்தைக் கிருஷ்ணதேவராயர் தானே எழுதி மகிழ்ந்திருக்கிறான். கோதையின் வைபவம், சூடிக்கொடுத்த நாச்சியார் வைபவம் கவிதை நயத்தோடு இயற்றப்பட்டுள்ளது. தனது தலைநகரில் கோதைக்கு ஒரு கோயிலே எடுத்திருக்கிறார்.
 கோயிலில் மேல்தளத்தில், கருவறையைச் சுற்றின் பக்கச் சுவர்களில் வண்ண ஓவியங்கள் உள்ளன. மேல்விதானத்திலும் ஓவியங்கள் இருந்திருக்கின்றன. அவை பெரும்பாலும் பூ வேலைப்பாடுகளும் கட்டங்களுமாகவே உள்ளன. பெரும்பகுதி சிதைந்து உள்ளன.
 இரு சுவர்களில் தீட்டப்பட்டுள்ள ஓவியங்களே சிறப்புடையவை. வைணவ புண்ணியத் தலங்களான திவ்யதேசங்களும் அவற்றின் உள்ளே உறைகின்ற பெருமாளின் உருவங்களும் இங்கே தீட்டப்பட்டு அவற்றின் பெயர்களும் எழுதப்பட்டுள்ளன. இவற்றில் பெரும் பகுதி காலஓட்டத்தில் மங்கி மறைந்து உள்ளன. எஞ்சியவை தெய்வ திருவுருவங்களாகப் பெரும்பாலும் இருக்கின்றன. அஹோபிலம் நரசிம்மர் உருவம் ஒன்று தென்கிழக்கு மூலையில் இருப்பது அதிக சேதம் தவிர்த்து இருக்கிறது. தென்புறத்தில் கிழக்குச் சுவரில் திருமால் இரு தேவியருடன் நிற்பதும் ஸ்ரீதேவித் தாயார் அமர்ந்து இரு கரங்களிலும் தாமரை மலர் ஏந்தி வீற்றிருப்பதும் எழிலார்ந்தது. இவர்களின் கீழே இருமருங்கும் தம்பூரா ஏந்தி நிற்கும் அடியார்கள் விஜயநகர காலத்துக் குல்லாய் அணிந்திருக்கிறார்கள்.
 தென்புறச் சுவரில் ஓர் இடத்தில் அழகிய பெண்ணின் உருவம் கையிலே தாமரை ஏந்திக் காணப்படுவது குறிப்பிடத்தக்கதாம். அதற்கு அருகிலேயே காளை ஒன்றின் உருவமும் காணப்படுகின்றது. விஜயநகர காலத்தில் (16-ஆம் நூற்றாண்டில்) எந்த வகையான காளை இருந்தது என்று அறிந்துகொள்ள இது உதவுகிறது. இங்கு உள்ள கிளி, வேடர் முதலிய உருவங்களும் கருத்தைக் கவர்ந்து காணத்தக்கவைதான்.
 இத்தொகுப்பில் உள்ள விஷ்ணுவின் அவதாரத் திருக்காட்சி ஓவியங்களில் வராகர் உயர்ந்தவராய் இருகைகளையும் இடுப்பில் தாங்கியபடி கம்பீரமாய் திருமுகத்தை ஒருமுகமாய் திருப்பியபடி நிற்கிறார். வராகரின் இத்திருக்கோலத்தை கண்டு வணங்குபவராய் அத்திவரதர் காட்டப்பட்டுள்ளார். அத்தி மரத்திலிருந்து உதித்தவராய் நான்கு திருக்கைகளுடன் விளங்கும் பெருமாள் பின்னிரு கைகளில் சங்கு, சக்கரம் ஏந்தியபடியும், முன்னிரு கைகளில் அஞ்சலி முத்திரை காட்டியபடியும் மரத்தின் நடுவே காட்டப்பட்டுள்ளார். வராகரின் வலதுபுறத்தில் ஓங்கி உலகளந்த உத்தமனான திரிவிக்கிரமனின் திருவுரு வரையப்பட்டுள்ளது.
 மற்றொரு தொகுப்பில் அரச உருவம் ஒன்று இருகைகளையும் கூப்பி வணங்கிய நிலையில் காட்டப்பட்டுள்ளது. இவ்வரசனின் முறுக்கிய அழகான மீசையும், உடற்கட்டும், ஆடைக்கட்டும், அணிகலன்களும் அக்காலத்திய மன்னர்களின் திருவுருவத்தை பிரதிபலிக்கின்றது. மற்றுமொரு ஓவியத்தில் ரங்கநாதரின் நீட்டிய வலதுகையின் கீழ் முனிவர் ஒருவர் பத்மாசனத்தில் அமர்ந்து இருகைகளையும் அஞ்சலி முத்திரையில் வைத்துள்ளார். நீண்ட தாடி, மீசை கொண்டவராய் இம்முனிவர் வெள்ளை உடையும், உருத்திராக்கமும் தரித்தவராய், தலையில் ஜடாபந்தம் கொண்டுள்ளார்.
 அருகிலுள்ள மற்றொரு ஓவியக் காட்சியில் வைகுண்ட நாதராய் வீற்றிருந்த கோலத்தில் உள்ள பெருமாளை விசயநகர அரசர் ஒருவர் வலப்பக்கம் முடிந்த பெரிய கொண்டையுடன் இரு கைகளைக் கூப்பி வணங்கிய நிலையில் நிற்கிறார். அரசரின் வலது கைக்கு அருகில் நீண்ட வேல் சாய்த்து வைக்கப்பட்டுள்ளது. அரசனது நீண்ட வாளும் வேலின் அருகில் உள்ளது. திருமண் இட்டுக் கொண்டுள்ள இவ்வரச உருவம் நீண்ட மீசையுடன் வரையப்பட்டுள்ளது. தொடர்ந்துள்ள மற்றொரு ஓவியக் காட்சியில் பூரி ஜெகந்நாதரின் கோயில் கருவறையோடு உள்ள ஓவியம் காட்டப்பட்டிருப்பது சிறப்பு.
 கருவறையின் மேற்குத் திருச்சுற்றில் மேற்குச் சுவரில் அழிந்ததும் அழியாததுமான வில்லிபுத்தூர் கோதையின் உருவம் உள்ளது. ஸ்ரீவில்லிபுத்தூரின் ரங்கமன்னாரும், கோதைப்பிராட்டியும், அருகில் பெரிய திருவடியான கருடனும், அழகிய விக்கிரகங்களாக எப்படி நிற்கின்றார்களோ, அதே போல இந்த ஓவியத்திலும் அலங்காரங்கள் காணப்படுகின்றன. கோதைப் பிராட்டியின் பக்கவாட்டில் முடிந்துள்ள கொண்டையும், நீண்ட மாலையும் இந்த ஓவியத்தில் அப்படியே காணப்படுகின்றன. நடுவில் ரங்கமன்னாரும் வலது புறத்தில் கோதையும், இடது புறத்தில் கருடனும் காட்சியளிக்கிறார்கள். இதற்கும் அருகில் பெரியாழ்வார் உருவமும், அவருக்குப் பொற்கிழி கிடைத்ததும், இவ்வூர் ஓவியத்தில் உள்ளது ஒரு சிறப்பாகும். இதன் பக்கத்தில் ஒரு ஜன்னல் இருக்கிறது. அதன் மேல் ஹயக்ரீவர் உருவம் இருக்கிறது. இவ்வோவியம் கண்டு இன்புறத்தக்கது. நம்மாழ்வாருடைய ஓவியமும், உடையவர் ஓவியமும் இங்கு உள்ளன.
 இக்கோயிலின் கொடிமரம், பலிபீடம் அடுத்து உள்ள முன் மண்டபத்தின் விதானத்தில் வரையப்பட்டுள்ள ஓவியம் அளவில் பெரியது. இவ்வோவியத்தில் கருடாரூடராய் விஷ்ணு காட்சியளிக்கிறார். இறைவனின் இருபுறமும் அரசர்களும் ஆழ்வார்களும் வணங்கியபடி நின்ற நிலையில் காட்டப்பட்டுள்ளனர். இம்மண்டபத்தின் கூரை மற்றும், சுவர்ப்பகுதியில் பாகவதக் காட்சிகள் புனையப்பட்டுள்ளன. கிருஷ்ணலீலைகளின் காட்சியாக்கத்தில் இடம் பெற்றுள்ள மாந்தர்களை நோக்குகையில் அக்காலத்திய மக்களின் சமூக, வாழ்வியல் மற்றும் பண்பாட்டு நிலைகளை அவ்வோவியம் படம் பிடித்துக் காட்டுவதாய் உள்ளது.
 விஜயநகரப் பேரரசர்களில் கிருஷ்ணதேவராயருக்குப் பிறகு ஆட்சிக்கு வந்தவர் அச்சுதராயன் இப்பெருமாள் மீது அதீத பக்தி பூண்டவர் என அறிய முடிகிறது . ஆதலால் இந்த ஓவியங்கள் அவர் காலத்தே பொது ஆண்டு 1540- 1545 }க்குள் தீட்டப்பட்டிருத்தல் வேண்டும். இந்த ஓவியங்கள் நீலம், சிகப்பு , தங்க நிற மஞ்சள் ஆகிய இயற்கை மூலிகை வண்ணங்கள் பயன்படுத்தப்பட்டுள்ளன. சுவரின் அல்லது மேல் கூறை விதானத்தின் மீது உள்ள வெள்ளைப் பரப்பின் மீது கோட்டோவியங்களாக வரையப்பட்டு அவற்றுக்கு உரிய இடங்களில் உரிய வண்ணங்கள் சரியான விகிதத்தில் சரியான முறையில் கூட்டப்பட்டுள்ளன. ஒவியங்கள் ஒவ்வொன்றும் கட்டம் கட்டி வரையப்பட்டுள்ளன.
 எவ்வளவு தான் வார்த்தைகளால் எடுத்துச் சொன்னாலும் கட்புல இன்பம் காணும்போது அடையும் இன்பம் வார்த்தைகளால் வருணிக்க முடியாது. வரதனை தரிசிக்கும்போது வண்ணமிகு காட்சிகளையும் தரிசித்து வாருங்கள்.
 - முனைவர் கோ . சசிகலா
 

]]>
https://images.dinamani.com/uploads/user/imagelibrary/2019/7/19/w600X390/vm4.jpg https://www.dinamani.com/weekly-supplements/vellimani/2019/jul/19/வரதன்-கோயில்-வண்ணத்-தூரிகை-3195793.html
3195792 வார இதழ்கள் வெள்ளிமணி பொருநை போற்றுதும்! 50 டாக்டர் சுதா சேஷய்யன் DIN DIN Friday, July 19, 2019 10:35 AM +0530 திருக்கோயிலினுள் நுழைந்து, அருள்மிகு கைலாயநாதரை வலம் வரும்போது, வடகிழக்குப் பகுதியில், தனிச்சந்நிதியில் அருள்மிகு பதரிவனேச்வரர்; இவரே இலந்தைநாதர் (பதரி என்பது இலந்தையின் வடமொழிப் பெயர்; பதரிவனம் = இலந்தைக் காடு). கைலாயநாதர், இலந்தை நாதர் தவிர, உண்ணாமுலை நாயகி உடனாய அண்ணாமலையார், விசாலாட்சி உடனாய காசி விசுவநாதர், மீனாட்சியம்மை உடனாய சுந்தரேச்வரர் என்று இன்னும் மூன்று சிவலிங்க ஸ்வரூப தெய்வத் திருமேனிகளுக்கும் சந்நிதிகள் இருக்கின்றன. ஆக, பிரம்மதேசத் திருக்கோயில் தரிசனம், பஞ்சலிங்க தரிசனப் பலன்களைத் தருகிறது.
 பிரம்மாண்ட ஏழு நிலை ராஜ கோபுரம், இந்தக் கோபுரத்தின் நிழல் எதிரிலுள்ள தெப்பக்குளத்தில் விழுகிற அமைப்பு, ஏகத்துக்கும் ஓவிய மற்றும் சிற்ப வேலைப்பாடுகள் இப்படி, பற்பல சிறப்புகள். ஓவிய மற்றும் சுதைச் சிற்பப் பணிகள் சோழப் பேரரசு காலத்தவை என்றும், மர வேலைப்பாடுகள் சேர மன்னர் காலத்தவை என்றும், மண்டபத் திருப்பணிகள் பாண்டியப் பேரரசு காலத்தவை என்றும், மதில்சுவர் பணிகள் நாயக்க மன்னர் காலத்தவை என்றும் வரலாற்றாசிரியர்கள் குறிப்பிடுகின்றனர். ராஜகோபுரம் தவிர, மத்திய கோபுரமும் ஐந்து நிலை மேலக்கோபுரமும் கண்ணைக் கவர்கின்றன. கிழக்கு ராஜகோபுரமும் மேலக்கோபுரமும் மதில்களும் விசுவநாத நாயக்கரால் கட்டுவிக்கப்பெற்றவையாகும். கோயிலில் ஏழு விமானங்கள். கோயிலின் வடமேற்குப் பகுதியில், குறிப்பிட்ட ஓரிடத்தில் நின்றால், கோபுரங்கள் மூன்றையும் விமானங்கள் ஏழையும் ஒருசேர தரிசிக்கலாம்.
 மூலவருக்கு எதிரில், சலங்கையும் ஆபரணங்களும் அணிந்து கொண்டு கனஜோராக ஏழடி உயர நந்தி அமர்ந்திருக்கிறார்; சலங்கை, சங்கிலி உட்பட ஒரே கல்லில் செதுக்கப்பட்டவர்; தர்மநந்தி என்றே இவருக்குத் திருநாமம்.
 திருக்கோயிலின் வடகிழக்குப் பகுதியில் தெற்கு நோக்கிய அம்பாள் சந்நிதி. ஒய்யாரமாகக் காட்சியளிக்கும் அருள்மிகு பெரியநாயகி.
 அம்பாள் சந்நிதிக்கருகே மற்றுமொரு விசேஷ சந்நிதி. உயரமான கங்காளநாதர். இவரின் காலடியில் பல்வேறு வகையான இசைக்கருவிகளை இசைத்தபடியே சொக்கியிருக்கும் முனிவர்கள். சந்நிதியின் சுவரில், கங்காளநாதருக்குப் பின்புறம், சூரியதேவன், குதிரைமீது ஆரோகணித்த குபேரன், அன்னத்தின்மீது ஆரோகணித்த பிரம்மதேவன், சந்திரன், ஐராவத யானைமீது ஆரோகணித்த இந்திரன், கருடன்மீது ஆரோகணித்த மஹாவிஷ்ணு, மயில்மீது ஆரோகணித்த முருகன், மூஷிகவாகனராக விநாயகர், லோபாமுத்திரை உடனாய அகத்தியர், கின்னரர்கள், கிம்புருஷர்கள், அப்சரப் பெண்கள், அக்னிதேவன், வாயுதேவன் உள்ளிட்ட தேவர்கள் என்று ஏகக்கூட்டம். இந்தக் கூட்டத்தில் சூரியன் மட்டும், வலப்பக்கம், இடப்பக்கம் என்று இரண்டு இடங்களிலும் நிற்கிறார். ஒரு சூரியன்தானே, ஏன் இரட்டைப் பிரதிநிதித்துவம்?
 உத்தராயண மற்றும் தட்சிணாயணத் தொடக்க புண்ணியகாலங்களில், சூரியக் கதிர்கள் சுவாமியின் மீது விழுகின்றன. உத்தராயணச் சூரியன், தட்சிணாயணச் சூரியன் என்று இரண்டு நிலைகளைக் காட்டுவதற்காகத்தானோ மேற்படி இரட்டைப் பிரதிநிதித்துவம்!
 யாழிகள் செதுக்கப்பட்ட தூண்கள், வரிசையாக அமைந்திருக்கும் யாழி மண்டபம், அம்மன் சந்நிதி முகப்புப் பகுதியிலிருக்கும் சோமவார மண்டபம், நடராஜப் பெருமானின் திருவாதிரை மண்டபம் என்று சிற்பக் கலையின் சிறப்பு நுட்பப் பொக்கிஷங்களாகத் திகழும் மண்டபங்கள்தாம், பிரம்மதேசச் சிவன் கோயிலின் பெருஞ்சிறப்பு. யாழிகளின் வாய்களுக்குள் ஆடியோடும் கல்லுருண்டைகள், குதிரை வீரர்கள், பாம்புகள், பறவைகள், குரங்குகள், யானை வீரர்கள் என்று ஒவ்வொரு சிற்பத்திலும் அழகு விளையாடுகிறது. சோமவார மண்டபத்தின் இசைத்தூண்களைப் பற்றிப் "பொருநை’ என்னும் தம்முடைய நூலில் குறிப்பிடுகிறார் டாக்டர். மா. இராசமாணிக்கனார்.
 ஸ்ரீ ஆதிசங்கராசார்ய மூலாம்னாய ஸ்ரீ காஞ்சி காமகோடி பீடத்தின் மூன்றாவது பீடாதிபதியான ஸ்ரீ சர்வக்ஞ ஆத்மேந்திர சரஸ்வதி சுவாமிகள் அவர்கள், இந்தத் திருத்தலமான பிரம்மதேசத்தைச் சேர்ந்தவர்.
 திருப்புடைமருதூர் பகுதியில் உத்தரவாஹினியாக, அதாவது, வடக்கு நோக்கிப் பாயும் பொருநையாள், திருப்புடைமருதூர் தாண்டியதும், வலம் சுழித்துக் கிழக்கு முகமாகத் திரும்புகிறாள். இவளின் கை பிடித்துக் கொண்டு, கரைகள் வழியாகவே பயணித்தால், நெல்லைச் சீமையின் பெருமிதங்களாகத் திகழும் ஊர்கள் பலவற்றைக் காணலாம். முக்கூடல், சேரன்மாதேவி, பத்தமடை, கோடகநல்லூர், கிரியம்மாள்புரம், மேலச் செவல், தருவை, கோபாலசமுத்திரம், அரியநாயகிபுரம், நாரணம்மாள்புரம் என்று வரிசை கட்டி நிற்கும் வண்ணச் சிற்றூர்கள்..
 - தொடரும்...
 
 

]]>
https://images.dinamani.com/uploads/user/imagelibrary/2019/3/8/w600X390/sudha.jpg https://www.dinamani.com/weekly-supplements/vellimani/2019/jul/19/பொருநை-போற்றுதும்-50-டாக்டர்-சுதா-சேஷய்யன்-3195792.html
3195791 வார இதழ்கள் வெள்ளிமணி புண்ணிய பூமியில் புனிதப் பயணம் 17 Friday, July 19, 2019 10:32 AM +0530 தம்மை விட்டுத் தப்பி ஓட நினைத்த யோனாவைக் கடவுள் மறக்கவில்லை. அவர் கடலில் மூழ்கிச் சாகாவண்ணம் கடவுள் ஒரு பெரிய மீன் வந்து யோனாவை விழுங்கிட ஏற்பாடு செய்கிறார். அந்த மீனின் வயிற்றில் யோனா மூன்று இரவும் மூன்று பகலும் கழித்தார். அதன்பின் யோனாவை அம்மீன் உயிருடன் கரையில் கக்கியது.
 இரண்டாம் முறையாகக் கடவுள் யோனாவிடம், நினிவேக்குப் போய் அந்நகர மக்கள் மனம் மாறாவிட்டால் அழிந்துபடுவர் என்னும் செய்தியை அறிவிக்க அனுப்புகிறார். அரைகுறை மனத்தவராய் யோனா நினிவே நகருக்குச் சென்றார். இந்த சம்பவம் நடைபெற்றது யோப்பா பட்டணம் தான் (விவிலியத்தில் யோனா 1-ஆம் அதிகாரம்).
 புதிய ஏற்பாடு பகுதியில் இது முக்கியத்துவம் வாய்ந்த இடமாக கருதப்படுகிறது.
 இயேசு கிறிஸ்து சிலுவையில் அறையப்பட்டு, உயிரோடு எழுந்து பரலோகத்துக்கு சென்றுவிட்டதாக விவிலியம் கூறுகிறது. அதற்கு பின்னர் அவருடன் இருந்த சீடர்களுள் ஒருவரான பேதுரு அதிகம் வாழ்ந்த இடம் இந்த யோப்பா பட்டணம் தான். விவிலியத்தில் அப்போஸ்தலர் 9-ஆம் அதிகாரம் 32 முதல் 43-ஆம் வசனங்களின்படி, 8 ஆண்டுகளாக கட்டிலில் கை, கால்கள் முடமாக இருந்த ஒருவரை நடக்க செய்தது, இறந்து போன தபீத்தாள் என்பவரை உயிரோடு எழுப்பியது போன்ற அற்புதங்களை பேதுரு செய்த இடமும் யோப்பா பட்டணம் தான்.
 யோவான் ஸ்நானகனின் வீடு: யோப்பா பட்டணத்தில் இருந்து எருசலேம் செல்லும் பாதையில் என்கரீம் நகரம் உள்ளது. கரீம் என்றால் எபிரேய மொழியில் திராட்சை நகரம் என்று பெயர். இந்த நகரம் தான் இயேசுவுக்கு திருமுழுக்கு வழங்கிய யோவான் ஸ்நானகனின் சொந்த ஊர். யோவான் ஸ்நாகனின் அம்மா பெயர் எலிசபெத். இயேசுவை விட 6 மாதம் மூத்தவர் யோவான். இயேசுவின் தாயான மரியாளின் உறவினர் தான் எலிசபெத். திருமணத்துக்கு முன்னரே தன் வயிற்றில் பரிசுத்தமான கர்ப்பம் உருவாகிவிட்டதை எலிபெத் வீட்டுக்குச் சென்று மரியாள் கூறியதாக விவிலியம் கூறுகிறது.
 மரியாளின் வீடு உள்ள நாசரேத்துக்கும், என்கரீம் நகருக்கும் இடையே 24 கி.மீ. தூரம் உள்ளது. அதேபோல இயேசு பிறந்தவுடன் ஏரோது குழந்தை இயேசுவை கொல்வதற்காக 2 வயதுகுள்பட்ட குழந்தைகளை கொல்ல ஏரோது உத்தரவிட்டிருந்தார். அப்போது இறைதூதரால் வழிநடத்தப்பட்டு பெத்லஹேமில் இருந்து எகிப்துக்கு யோசேப்பு, மரியாள், குழந்தை இயேசு செல்லும்போது எலிசபெத் வீட்டுக்கு வந்துவிட்டு தான் சென்றுள்ளனர்.
 யோவான் ஸ்நானகனுக்கு இரு வீடுகள் உள்ளன. ஒன்று வீடு. மற்றொன்று பண்ணை வீடு. பண்ணை வீட்டை திராட்சை பழங்களை பிழியும் போதும், கோதுமை அறுவடை காலங்களில் தங்குவதற்காகவும் பயன்படுத்தியுள்ளனர். இந்த இரு இடங்களில் உள்ள குகைகள் மீதும் இப்போது தேவாலயங்கள் கட்டப்பட்டுள்ளன.
 தொடரும்...
 - ஜெபலின் ஜான்
 
 
 

]]>
https://images.dinamani.com/uploads/user/imagelibrary/2019/7/19/w600X390/vm3.jpg https://www.dinamani.com/weekly-supplements/vellimani/2019/jul/19/புண்ணிய-பூமியில்-புனிதப்-பயணம்-17-3195791.html
3195790 வார இதழ்கள் வெள்ளிமணி ஈருலகிலும் பேரொளியில் பெருவாழ்வு DIN DIN Friday, July 19, 2019 10:21 AM +0530 உள்ளத்தில் உதிக்கும் ஒளிமயமான வாழ்வை உலகில் உன்னதமாய் உயரிய முறையில் நன்னெறி பிறழாது நற்செயல் புரிந்து புன்னகை பூரிப்புடன் வாழவும் உலக வாழ்வில் மறுமை வாழ்வை மனத்தில் இருத்தி தனத்தைத் தானம் செய்து ஞானம் தரும் ஞானிகளுக்கு ஆன உதவிகள் செய்து மானமோடும் மதிப்போடும் மரியாதையோடும் உரிய முறையில் வாழ்ந்தால் ஈருலகிலும் பேரொளி பளிச்சிடும் பெருவாழ்வு வாழலாம். இவ்வுலகிலும் மறு உலகிலும் ஒளிமயமாக திகழ ஈமான் கொண்டவர்கள் செய்ய வேண்டிய வழிபாடுகள் நற்செயல்கள்.
 ஒவ்வொரு நாளும் வழக்கமாக திருக்குர்ஆன் ஓத வேண்டும். அதில்தான் நேரான வழி இருக்கிறது. தெளிவான விழி திறக்கும் வழிகாட்டலும் ஒளியும் இருக்கின்றன. இதனை, இறைமறை குர்ஆனின் 42- 52 ஆவது வசனம் உங்களுக்கு வஹீ (இறைதூது) மூலம் நம் கட்டளைகள் அறிவிக்கப்படுகின்றன. நீங்கள் வேதம் இன்னதென்றும் நம்பிக்கை இன்னதென்றும் அறிந்திருக்கவில்லை. ஆயினும் இந்த வேதத்தை நாம் உங்களுக்கு ஒளியாகவும் ஆக்கி நம் அடியார்களில் விரும்பியவர்களுக்கு அதனைக் கொண்டு நேரான வழியைக் காண்பிக்கிறோம். நிச்சயமாக, நீங்கள் நேரான வழியைக் காட்டுகிறீர்கள் என்று இறைதூதருக்கு இயம்புகிறது.
 இதனால்தான் இத்திருமறையை நன்கு பயன்படுத்திக்கொள்ளுமாறு இறைதூதர் நபி (ஸல்) அவர்கள் நம்மை வலியுறுத்துகிறார்கள். இவ்வேதம் சொல்லும் வழிமுறைகளை உறுதியாக கடைபிடிக்க வேண்டும். அல்லாஹ்வின் வேதத்தில் நல்வழியும் பேரொளியும் உள்ளன. எனவே, நீங்கள் அல்லாஹ்வின் வேதத்தை உறுதியாக கடைபிடியுங்கள் என்று உத்தம நபி (ஸல்) அவர்கள் உரைத்ததை முஸ்லிம் நூலில் காணலாம். இறை வசனங்களை நன்கு சிந்தித்து அதில் வலியுறுத்தப்பட்ட சட்டதிட்டங்களைப் பின்பற்றி நடந்தால் இவ்வுலகில் நேர்வழி பெற்றவர்களாக திகழலாம். இதன்மூலம் பெறும் பேரொளி மறுமையில் மாறாத நேர் வழியைக் காட்டும்.
 வேத நூலை நாமே உங்களுக்கு இறக்கினோம். மனிதர்களை இறைவனின் கட்டளைப்படி இருளிலிருந்து வெளியேற்றி ஒளியின் பக்கம் கொண்டு வாருங்கள். அந்த ஒளியே அனைவரையும் மிகைத்தவனான புகழுக்குரிய அல்லாஹ்வின் நேரான வழி என்று 14- 1 ஆவது வசனம் கூறுகிறது. வழிகேடு அறிவீனம் இறை நிராகரிப்பு முதலிய இருளில் இருந்து மனிதர்களை வெளியேற்றி இறைவன் மீது நம்பிக்கை கொண்டு அறிவு பெற்று நேர்வழியில் ஒளியில் ஒளிருவதற்காகவே குர்ஆன் இறக்கப்பட்டதாக இயம்புகிறது இந்த வசனம்.
 உளு செய்து எப்பொழுதும் தூய்மையாய் இருப்பவரின் பேரொளி பெருகி காணப்படும். என்னைப் பின்பற்றுவோர் முகம், கை, கால் முதலிய உளுவில் கழுவப்படும் உறுப்புகள் மறுமையில் ஒளிமிக்கவையாக இருக்கும்.
 தொழுகை ஒளிமயமானது, என்பதன் பொருள் தொழுகையின் பயனால் தொழுகையாளி மறுமையில் ஒளிமயமாக வலம் வருவார். "எவர் தொழுகையை பேணி தவறாமல் நேரத்தோடு தொழுகிறாரோ அவருக்குத் தொழுகை மறுமையில் ஒளியாகவும் அத்தாட்சியாகவும் அமைந்து நரகிற்குச் செல்லாமல் தடுத்து வெற்றி பெற வைக்கும்''. அண்ணல் நபி (ஸல்) அவர்களின் அமுத மொழியை அறிவிக்கிறார்- அப்துல்லாஹ் இப்னு அம்ர் இப்னுஆஸ்(ரலி) நூல் - அஹ்மது. இருள்சூழ்ந்த வேளையிலும் பள்ளிவாயிலுக்குச் சென்று பஜ்ர் மற்றும் இஷா தொழுகையை நிறைவேற்றுபவர்கள் மறுமையில் முழுமையான ஒளியைப் பெறுவர். நூல்- அபூதாவூத், திர்மிதீ, இப்னு மாஜா. தொழுகையினால் அகத்தில் ஒளிரும் ஒளியைப் புறத்திலும் அடையாளம் காணலாம். ஒவ்வொரு நற்செயலுக்கும் உள்ளத்தில் ஒளி ஏற்படும். முகம் பிரகாசமாக இருக்கும்.
 57- 12 ஆவது வசனம் "நம்பிக்கை உடைய ஆண்களையும் பெண்களையும் நீங்கள் காணும் அந்நாளில் அவர்களின் ஒளியின் பிரகாசம் அவர்களுக்கு முன்னும் வலப்பக்கத்திலும் சென்று கொண்டிருக்கும். அன்றைய நாளில் உங்களுக்கு நற்செய்தி. தொடர்ந்து நீரருவிகள் ஓடிக்கொண்டிருக்கும் சொர்க்கத்தில் நுழைவீர்கள். என்றென்றும் அங்கு தங்குவீர்கள். இதுவே மகத்தான வெற்றி'' என்று கூறுகிறது. மறுமையில் சொர்க்கம் செல்லும் குறுகிய பாதையில் இருள் சூழ்ந்திருக்கும். நம்பிக்கையாளர் அவ்வழியை கணத்தில் கடந்து சொர்க்கம்புக, அவர்களின் நற்செயல்கள் ஒளி வீசி வழிகாட்டும். ஒவ்வொருவரும் அவரவரின் வணக்க வழிபாடுகள் நற்செயல்களுக்கு தக்கவாறு ஒளிமயமாக இருப்பர். அவர்களில் மலையளவு ஒளிரும் வெளிச்சத்தில் சிலரும் குறைந்த ஒளியில் சிலரும் இருப்பர் என்று அப்துல்லாஹ் இப்னு மஸ்வூது (ரலி) கூறுகிறார். ஈருலகிலும் நம்வாழ்வு ஒளிமயமாக திகழ இறைவனை இறைஞ்ச வேண்டும். பூமான் நபி (ஸல்) அவர்கள் புகழ் அனைத்தும் அல்லாஹ்விற்கே உரியது. நீயே வானிலும் பூமியிலும் ஒளியாக இருக்கிறாய் என்று இறைவனை இறைஞ்சுவார்கள்.
 அவரவரின் தகுதிக்கு ஏற்ற ஒளியை அவரவர் பெறுவர். சொர்க்கத்தில் முதலில் நுழையும் அணியினர் பௌர்ணமி நிலவைப் போன்று தோன்றுவர். அவர்களைப் பின்பற்றி வருவோர் நட்சத்திரங்களைப் போன்று பிரகாசிப்பர். அவர்களின் உள்ளங்கள் ஒன்றுபட்டதாக இருக்கும். அவர்களுக்கிடையே வெறுப்போ பொறாமையோ இருக்காது. எல்லாம் வல்ல அல்லாஹ் இவ்வுலகிலேயே ஈமான் கொண்டவர்களுக்குத் தெளிவான ஒளியை வழங்குகின்றான். இதனால் இவ்வுலக வாழ்வின் நெறிகளையும் மறுஉலக வாழ்வின் தெளிவையும் பெறுவர்.
 அதற்கேற்ப அல்லாஹ்விற்கு கட்டுப்பட்டு நடந்து அவர்களின் அன்றாட வணக்க வழிபாடுகளை அமைத்துக் கொள்வர். அடிக்கடி அண்ணல் நபி (ஸல்) அவர்கள் இறைஞ்சிய இறைவேட்டல். இதயத்தில் ஒளியை ஏற்படுத்து. எனக்கு மேலேயும் கீழேயும் ஒளியைப் பரப்பு. எனக்கு முன்னும் பின்னும் ஒளியைப் பிரகாசிக்கச் செய். அவ்வொளியை எனக்கு வலிமையானதாக்கு. நபி (ஸல்) அவர்கள் வெளியில் புறப்படும்பொழுது உடல் உறுப்புகளில் ஒளி பளிச்சிடவும் செல்லும் வழி ஒளிமயமாக விளங்கவும் இறைவனை வேண்டுவார்கள்.
 நேர்மையான ஆட்சியாளர்கள் வல்லமையும் மாண்பும் மிக்க அளவற்ற அருளாளன் அல்லாஹ்வின் வலப்பக்கத்தில் ஒளியிலான மேடைகளில் இருப்பார்கள் என்ற திருநபி (ஸல்) அவர்களின் அறிவிப்பை முஸ்லிம் நூலில் காணலாம். மறுமையில் அதிகமான ஒளியில் பிரகாசிப்பவர்கள் மனிதர்களுக்கு இடையில் அன்பை வளர்த்தவர்கள். ஒவ்வொருவரின் மதிப்பையும் மரியாதையையும் காத்தவர்கள். அனைவரும் ஒருதாய் மக்கள் என்ற உணர்வை மெய்யாக்கி நல்லுறவைப் பேணியவர்கள். ஒருவருக்கொருவர் உதவி செய்தவர்கள். பிறர் நலனில் அக்கறை கொண்டு ஆவன செய்தவர்கள்.
 நற்செயல்களை நாளும் ஆர்வத்தோடு செய்ய வேண்டும். பிறரையும் பேணி நடக்க தூண்ட வேண்டும். ஈருலகிலும் பேரொளியில் பிரகாசிக்கலாம்.
 - மு.அ.அபுல் அமீன்
 
 

]]>
https://images.dinamani.com/uploads/user/imagelibrary/2019/7/19/w600X390/vm2.jpg https://www.dinamani.com/weekly-supplements/vellimani/2019/jul/19/ஈருலகிலும்-பேரொளியில்-பெருவாழ்வு-3195790.html
3195788 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, July 19, 2019 10:16 AM +0530 * "நான் இந்த உலக உணர்வுக்குக் கட்டுண்டவன், இதிலிருந்து விடுதலை அடைய விரும்புகிறேன்'' என்ற விருப்பம் எவனுக்கு உறுதியாக இருக்கிறதோ அவனே ஞானமார்க்க நூல்களைக் கற்பதற்குத் தகுதியுள்ளவன் ஆவான்.
- வசிஷ்டர் (யோகவாஷிட்ட சாரம்)
* நான் சொர்க்கத்தில் பிறப்பதை விரும்பவில்லை. வழிதவறிச் சென்றவர்களை மீட்கவும், இருளில் வாழ்பவர்களுக்கு ஒளியைக் கொடுப்பதற்கும், எல்லாத் துன்பங்களையும் நீக்குவதற்காகவும், மனிதகுலத்தின் நன்மையை நாடுவதற்காகவுமே நான் மீண்டும் பிறக்க விரும்புகிறேன்.
- புத்தர்
* எழுந்திருங்கள்! விழித்துக்கொள்ளுங்கள்! சிறந்த ஆச்சாரியர்களைச் சென்றடைந்து ஞானத்தைப் பெறுங்கள்.
- கட உபநிஷதம்
* துன்புறுத்தப்பட்டாலும் இயற்கையாகத் தைரியம் படைத்தவனுடைய தைரியத்தை அழித்துவிட முடியாது. ஒரு தீவர்த்தியைக் கீழ் நோக்கிப் பிடித்தாலும் சுடர் ஒருபொழுதும் கீழ் நோக்கிச் செல்லாது.
- பர்துருஹரியின் நீதி சதகம்
* மயக்கம் அல்லது மறதியினால் தன் கழுத்தில் இருக்கும் ஆபரணம் தெரியாமல் போய்விடுகிறது. அந்த மயக்கம் தீர்ந்தவுடன் எவ்விதம் ஆபரணம் கழுத்தில் இருப்பது அறியப்படுகிறதோ, அது போலவே ஆத்மாவும் குருவின் சொற்களினால் அக்ஞானம் நீங்கியவுடன் அனுபூதியில் உணரப்படுகிறது.
- வசிஷ்டர் (யோகவாஷிட்ட சாரம்)
* மனம் அமைதியாக இல்லாவிட்டாலும்கூட, நீங்கள் ஓர் இடத்தில் அமர்ந்து இறைவன் நாமத்தைப் பத்து லட்சம் முறை ஜபம் செய்யலாம். ஆனால் இறைவனின் அருள் இல்லாமல் எதுவும் கிடைக்காது.
- ஸ்ரீ சாரதாதேவியார்
* ஆற்றுவெள்ளத்தைப் போலவே ஆயுள் எப்போதும் முன்னோக்கியே பாய்ந்துகொண்டிருக்கிறது. அது திசைமாறி, வந்த வழியிலேயே பின்னோக்கிப் பாய்ந்து செல்வது என்பது ஒருபோதும் நடைபெறாது. மனிதனின் ஆயுட்காலம் இடைவிடாமல் சுருங்கிக்கொண்டே இருக்கிறது. யாரும் மரணத்தைத் தடுக்க முடியாது. இந்த நிலையில் மனிதர்கள் மகிழ்ச்சியை நாடுகிறார்கள் என்பது அனைவரும் அறிந்ததுதான். ஆனால் தர்ம வழியில் மனிதர்கள் மகிழ்ச்சியைப் பெறுவதற்கு முயற்சி செய்ய வேண்டும். 
- ஸ்ரீ ராமபிரான்

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/jul/19/பொன்மொழிகள்-தொகுப்பு-சுவாமி-கமலாத்மானந்தர்-3195788.html
3195787 வார இதழ்கள் வெள்ளிமணி மிளகை பயறாக மாற்றிய பயறணிநாதர்! DIN DIN Friday, July 19, 2019 10:14 AM +0530 தமிழ்நாட்டில் இப்போது இருக்கின்ற பழைய ஜமீன்களுள் உடையார்பாளையம் ஜமீனும் ஒன்று, வீரத்திற்கும் தியாகத்திற்கும், கல்விக்கும் பெயர் பெற்ற பல ஜமீன்தார்கள் இதனை ஆண்டு இதற்கு நற்புகழை நாட்டியிருக்கிறார்கள்.
 இத்தலத்தில் உள்ள சிவாலயம் மிகவும் பழைமையானது. சுவாமியின் பெயர் வடமொழியில் "முற்கபுரீஸ்வரர்' எனவும், "தமிழில் பயறணிநாதர்' எனவும் வழங்கப்படுகிறது. அம்பிகையின் பெயர் "நறுமலர்ப்பூங்குழல் நாயகி' "கந்த குந்தளாம்பிகை' என்பது வடமொழி பெயர்.
 மலை நாட்டின் கண்திவாகரபுரம் ஊரிலிருந்த வணிக ஒருவன் சோழநாட்டிலும், பிற நாட்டிலும் மிளகு பொதிகைகளைப் பல மாடுகளின் மேல் ஏற்றிக் கொண்டு வந்து வியாபாரம் செய்து வந்தான். ஒரு சமயம் இவ்வூர் வழியாக விருத்தாசலத்திற்கு புறப்பட்டான். அப்பொழுது இவ்வூரில் ஒரு சுங்கச்சாவடி இருந்தது. மிளகிற்கு வரி அதிகமாக வாங்குவது வழக்கம். அதனை அறிந்த வணிகன் அந்த அதிகாரிகளிடம் பொதி மூட்டையிலிருப்பது பயறு என்று பொய் கூறி, அதற்குறிய சிறிதளவு வரியை மட்டும் கொடுத்து விட்டுச் சென்றான். அதிகாரிகள் மூட்டையைச் சோதிக்கவில்லை.
 விருத்தாசலம் சென்று பொதியை அவிழ்க்கும்போது எல்லாம் பயறாக இருந்தன. அதிக விலைபெற்ற மிளகெல்லாம் குறைந்த விலையுள்ள பயறாக மாறியதனால் வணிகன் வருந்தினான். இது நாம் பொய் சொன்னதற்காக இறைவன் செய்த தண்டனைபோலும் என்றெண்ணிப் பழமலை நாதர் முன்னிலையில் போய் முறையிட்டான். அப்போது கிடைத்த அசரீரி வாக்குப்படி, அவ்வணிகன் இந்த தலத்திற்கு வந்து சிவபெருமானை வழிபட்டுப் பிரார்த்தித்தான். இறைவனருளால் பயறெல்லாம் மீண்டும் மிளகாயின. மிளகைப் பயறாகச் செய்த காரணத்தினால் சிவபிரானுக்குப் "பயறணிநாதர்' என்னும் திருநாமமும், இவ்வூரூக்குப் பயறணீச்சுரம், முற்கபுரி என்னும் திருநாமங்களும் உண்டாயின.
 இங்கே காண்டீபதீர்த்தம் என்ற ஒரு பெரிய தீர்த்தம் இருக்கின்றது. அத்தீர்த்தம் அர்ச்சுனனுடைய காண்டீபத்தால் உண்டாக்கப்பட்டது என்பர். அர்ச்சுனனுக்குக் காண்டீபத்தை வளைத்துக் கொடுத்தருளியதால் இத்தலத்து விநாயகருக்கு வில் வளைத்த பிள்ளையார் என்னும் திருநாமம் உண்டாயிற்று. அதற்கு அறிகுறியாக அம்மூர்த்தியின் திருக்கரத்தில் ஒரு வில் இருக்கின்றது. காண்டீப தீர்த்தத்தின் தென்கரையில் திருவாவடுதுறை ஆதினத்திற்குரிய ஒரு மடமும், வடகரையில் தருமபுர ஆதினத்திற்குரிய மடம் ஒன்றும் இருக்கின்றன.
 கோயில் இரண்டு திருச்சுற்றுகளுடன் விளங்குகிறது. முதல் திருச்சுற்றில் யாக சாலை, காமாட்சி மண்டபம், வாகன மண்டபம் ஆகியவை உள்ளன. காஞ்சிபுரத்திலிருந்து பங்காரு காமாட்சி திருமேனியை பாதுகாக்கும் பொருட்டு இவ்வூர் கோயிலில் வைக்கப்பட்டிருந்தாக வரலாற்றுச் சான்றுகள் கூறுகின்றன. அத்திருமேனி வைக்கப்பட்டிருந்த மண்டபம் காமாட்சி மண்டபம் என அழைக்கப்படுகிறது.
 காமாட்சி மண்டபத்தை அடுத்து முன் மண்டபம் ஒன்று உள்ளது. இதை கடந்து இரண்டாவது திருச்சுற்றுக்கு செல்லும் முன் ஒரு கோபுரம் உள்ளது. நுழைவு வாயிலின் இருபுறமும் கொடிப் பெண்ணின் உருவம் காணப்படுகிறது. கொடி பெண்ணுக்கு மேலே வளைந்து, வளைந்து செல்லும் கொடிகளுக்கு இடையே மயில், காக்கை, நண்டு, யானை, பசு ஆகியவை சிவலிங்கத்தை வழிபடுகின்ற நிலையில் தனித்தனியாக சிற்பங்கள் காணப்படுகின்றன. இதைத்தவிர விதானத்தில் கவிழ்ந்த தாமரை மலரும், அதனைச் சுற்றி ரதி, மன்மதனும் மற்றும் பெண்கள் நடனமாடும் காட்சி சிற்பமாக செதுக்கப்பட்டுள்ளது.
 இக்கோபுரம் விஜயநகர கலைப்பாணியை ஒட்டி விளங்குகிறது. இக்கோயிலில் கல்வெட்டுக்கள் ஏதுமில்லை. கட்டடப்பாணியை பார்க்கும் பொழுது இக்கோயில் விஜயநகர மன்னர்கள் காலத்தில் ஏற்படுத்தப்பட்டு பின்னர் பாளையக்காரர்களால் விரிவுப்படுத்தபட்டிருக்க வேண்டும். இரண்டாவது திருச்சுற்றில் பல லிங்கங்களும், பச்சைக்காளி என வழங்கப்படும் காளியின் கண்ணாடி பதித்த தஞ்சை ஒவியம் காணப்படுகிறது. அடுத்து அறுபத்து மூன்று நாயன்மார்கள் திருமேனிகள், சோமஸ்கந்தர் மண்டபத்தைக் காணலாம். தொடர்ந்து சுப்பிரமணியர் சந்நிதி, கஜலட்சுமி, காசிவிசுவநாதர், விசாலாட்சி, ஆடவல்லான் சந்நிதிகள் உள்ளன.
 நவக்கிரகங்களின் பீடங்கள் தாமரைபோன்றும், வட்டமாகவும், சதுரமாகவும், முக்கோணமாகவும், கொடி போன்றும், ஐந்து முகம் உடையதாகவும் விளங்குவது தனிச்சிறப்பாகும். இறைவன், இறைவி சந்நிதியும் அடுத்தடுத்து கிழக்கு திசை நோக்கி காணப்படுகின்றது. இறைவி அட்சமாலை, மலர் ஏந்தியும், அபய, வரத முத்திரை தாங்கி, நறுமலர்ப்பூங்குழல் நாயகி அம்பாள் அமைந்துள்ளார்.
 உடையார் பாளையத்தை ஆண்ட அரசர்களுள் யுவரங்கபூபதி உடையார் என்பவர் சிறப்பாகப் போற்றப்படுகின்றார். தமிழிலும், வடமொழியிலும், சங்கீதத்திலும் புலமை பெற்றவர். இறைவி நறுமலர்ப் பூங்குழல் நாயகி மாலை ஒன்றை இவர் இயற்றியுள்ளார் என்பது குறிப்பிடத்தக்கது. இந்தக் கோயிலில் கடந்த 1990 -ஆம் ஆண்டு செப்டம்பர் மாதம் 4-ஆம் தேதி குடமுழுக்கு நடைபெற்றது. இப்போது அடுத்த குடமுழுக்கு நடத்த சில நடவடிக்கைகள் மேற்கொள்ளப்பட்டு வருகிறது.
 வழித்தடம்: அரியலூரில் இருந்து ஜெயங்கொண்டம் செல்லும் சாலையில் 28 கி.மீ. தொலைவில் உடையார் பாளையம் உள்ளது.
 தொடர்புக்கு: 93624 03076.
 - பொ.ஜெயச்சந்திரன்

]]>
https://images.dinamani.com/uploads/user/imagelibrary/2019/7/19/w600X390/PAYARU.JPG https://www.dinamani.com/weekly-supplements/vellimani/2019/jul/19/மிளகை-பயறாக-மாற்றிய-பயறணிநாதர்-3195787.html
3195786 வார இதழ்கள் வெள்ளிமணி சிவமாகவே வாழ்ந்த திரைலிங்க சுவாமிகள்! Friday, July 19, 2019 10:11 AM +0530 இந்திய ஆன்மிகவெளியில் பற்பல அவதாரபுருஷர்கள் அவதரித்து மக்களை நெறிப்படுத்திச் சென்றுள்ளனர். "நடமாடும் சிவபெருமான்' என்று பலராலும் போற்றப்பட்ட ஸ்ரீ திரைலிங்க சுவாமிகளின் சரித்திரம் பல அற்புதங்களை உள்ளடக்கியதாகும். திரைலிங்கசுவாமிகள், 1607 -ஆம் ஆண்டு அவதரித்து, இருநூற்று எண்பது ஆண்டுகள் இப்பூவுலகில் வாழ்ந்து, 1887- ஆம் ஆண்டு முக்தி அடைந்ததாகக் கூறப்படுகிறது.
 ஆந்திர மாநிலம் விஜயநகரத்திற்கு அருகில், ஹோலியா என்ற சிற்றூரில், நரசிங்க ராவ் }வித்யாவதி தேவி என்பாருக்குத் திருமகனாக அவதரித்த இவரது இயற்பெயர் சிவராமன். இவரது தாய் தந்தையர் சிறந்த சிவ பக்தர்களாகத் திகழ்ந்தனர். இவர், இள வயதிலேயே தந்தையை இழந்தார்.
 சிவராமனின் தாயார் அவருக்குக் காளிமந்திரத்தை உபதேசித்து, தொடர்ந்து காளிமாதாவை உபாசிக்குமாறு அறிவுரை கூறினார். தனக்குக் காளிமந்திரம் உபதேசித்த தாயார் 1669 -இல் முக்தி அடைந்தபின்பு, அவரது அஸ்தியையே விபூதி போல உடலில் பூசிக்கொண்டு, தமது காளி உபாசனையைத் தொடர்ந்திருக்கிறார். நீண்ட காலமாக ஆன்மிகச் சிந்தனையிலும் தியானத்திலும் கழித்தார். பின்னர், 1679 - ஆம் ஆண்டு, பஞ்சாபைச் சேர்ந்த சுவாமி பகீரதானந்த சரஸ்வதி என்ற ஆன்மிக குரு சிவராமனுக்கு சந்நியாச தீட்சை வழங்கி, "ஸ்ரீ சுவாமி கணபதி சரஸ்வதி' என்ற தீட்சாநாமத்தையும் அருளினார்.
 "தசநாமி சம்பிரதாயம்' என்னும் ஏகதண்ட அத்வைத சந்நியாச நெறியின் கீழ் துறவறம் மேற்கொண்ட ஸ்ரீ கணபதி சரஸ்வதி சுவாமி நீண்ட காலம் தீர்த்த யாத்திரை செய்து, 1733 -ஆம் ஆண்டில் பிரயாகையை அடைந்து அங்கு தம்முடைய ஆன்மிகப் பயிற்சிகளைத் தொடர்ந்தார். பின்னர், 1737 -ஆம் ஆண்டு காசிமாநகரம் சென்றார். அங்கு பக்தர்களால் "ஸ்ரீ திரைலிங்க சுவாமி' என்று அழைக்கப்பட்டவர், தம்முடைய இறுதிக்காலம் வரையிலும் பற்பல அற்புதங்களை நிகழ்த்தி, பலரையும் நன்னெறிப்படுத்தியுள்ளார்.
 தமிழ் நாட்டில் பிரபலமாக அறியப்பட்ட ஸ்ரீ சதாசிவ பிரும்மேந்திர சுவாமிகளைப் போன்றே ஓர் அவதூதராக விளங்கிய ஸ்ரீ திரைலிங்க சுவாமிகள், பெரும்பாலான நேரங்களில் தம் உடலைப் பற்றிய பிரக்ஞை ஏதும் இல்லாமல் நிர்வாணமாகவே காசி நகரத்தை வலம் வருவார் என்றும் அதே நிர்வாண நிலையில், வெறும் தரையில் கொளுத்தும் வெய்யிலில் படுத்துக் கொண்டிருப்பார் என்பர். கங்கை நதியின் நீர்ப்பரப்பிலும் மற்றும் கங்கையினுள் மூழ்கியும் தியானம் செய்வதுடன் பல சித்துவிளையாட்டுகளையும் செய்வார்.
 தம்முடைய யோக வலிமையினால் பஞ்சபூதங்களையும் தம்முடைய கட்டுக்குள் வைத்திருந்த ஸ்ரீ திரைலிங்க சுவாமியை அவமானப் படுத்த எண்ணியவர்களும் உண்டு. சுண்ணாம்பு கரைசல் உட்பட கடுமையான விஷங்களைக் கூட சுவாமிகள் சர்வசாதாரணமாக உட்கொண்டு, எவ்வித பாதிப்பும் இன்றி உலாவியிருக்கிறார் என்று அவருடைய வரலாற்றைப் பதிவு செய்த நூலாசிரியர்கள் குறிப்பிட்டுள்ளார்கள்.
 ஸ்ரீ திரைலிங்க சுவாமியின் உருவமோ மிகப் பெரியது. சுமார் நூற்றுநாற்பது கிலோ எடையுள்ள ஸ்ரீ திரைலிங்க சுவாமிகள் மிகவும் குறைவாகவே உண்பாராம். தியானம், சமாதி போன்றவற்றில் சுவாமிகள் ஆழ்ந்திருக்கும் போது, நாள்கணக்கில் உணவு ஏதும் எடுத்துக் கொள்ளாவிட்டாலும் அவர் உடம்பு இளைத்தது கிடையாது என்பது வியப்பான செய்தி.
 ஸ்ரீ ராமகிருஷ்ணபரமஹம்ஸர் ஒருமுறை காசி நகரத்துக்கு வந்திருந்த போது இவரைத் தரிசித்தாகவும் அதன் பின்னர், ஸ்ரீ திரைலிங்க சுவாமிகள் சிவபெருமானோடு ஐக்கியமாகி விட்டதாகவும் குறிப்புகள் உண்டு. தாம் வேறு, சிவபெருமான் வேறு என்ற பிரக்ஞையே அவரிடம் இல்லை. இதுவே உண்மையான அத்வைத நிலை. இவரே உண்மையான பரமஹம்ஸ ஞானி என்று புகழ்ந்து கூறியுள்ளார்.
 தம்முடைய இறுதி நேரம் நெருங்குவதை அறிந்து மலைப்பாம்பைப் போல அசைவற்று இருக்கும் "அஜகரவிருத்தி' என்ற யோக நிலையில் தம்மை இருத்திக்கொண்டார். அவரைக்காணத் திரண்ட பக்தர்களும் சீடர்களும் அவருடைய திருவுடலுக்கு அபிஷேகங்கள் செய்து வழிபட்டார்கள்.
 1887 -ஆம் வருடம், டிசம்பர் மாதம் 26 -ஆம் தேதி, திங்கட்கிழமை அன்று முக்தி அடைந்த ஸ்ரீ திரைலிங்க சுவாமிகளின் திருவுடல், தசநாமி சம்பிரதாயப்படி, புனித கங்கை நதியில் ஜலசமாதியாக விடப்பட்டது. இம்மகானுடைய வரலாறு பலராலும் எழுதப்பட்டுள்ளது. இவருடைய சீடர்களில் முக்கியமானவரான உமாசரண் முகோபாத்யாயா மற்றும் ராபர்ட் ஆர்னெட் என்ற வெளிநாட்டவர் இவரது வாழ்க்கை வரலாற்றை விரிவாகப் பதிவு செய்துள்ளனர்.
 - எஸ். ஸ்ரீதுரை

]]>
https://images.dinamani.com/uploads/user/imagelibrary/2019/7/19/w600X390/vm1.jpg https://www.dinamani.com/weekly-supplements/vellimani/2019/jul/19/சிவமாகவே-வாழ்ந்த-திரைலிங்க-சுவாமிகள்-3195786.html
3190979 வார இதழ்கள் வெள்ளிமணி ஆடிப் பௌர்ணமியில் அகிலாண்டேஸ்வரி தரிசனம்! DIN DIN Friday, July 12, 2019 10:38 AM +0530 தமிழகத்தில் திருச்சியில் காவேரி - கொள்ளிடம் நதிகளுக்கு இடையே அமைந்துள்ள திருத்தலம் திருவானைக்கா! இது பஞ்சபூதத்தலங்களில் அப்பு (நீர்) தலமாகப் போற்றப்படுகிறது. இங்கு, ஜம்புகேஸ்வரர், நீரில் லிங்கமாக எழுந்தருள, நின்ற கோலத்தில் கிழக்கு நோக்கி தனிசந்நிதியில் எழுந்தருளியுள்ளார் அன்னை அகிலாண்டேஸ்வரி. இந்த ஈஸ்வரியை வராஹி என்றும் போற்றுவர். காரணம் சக்தி பீடங்களில் அன்னையின் முகவாய் விழுந்த இடமாக இத்தலம் கருதப்படுகிறது.
 இந்த அன்னை ஆரம்ப காலத்தில் மகாபயங்கரமாக உக்கிர தேவதையாகத் திகழ்ந்தாள். அதனால் பக்தர்கள் இந்த அன்னையை தரிசிக்க அஞ்சினார்கள். இதனை அறிந்த ஸ்ரீ ஆதிசங்கரர், இத்தலத்திற்கு வந்தபோது, அன்னையை தரிசித்து, மந்திரங்கள் ஜபித்து, அன்னையின் உக்கிரகத்தை நீக்கி சாந்தப்படுத்தினார்.
 மேலும், அன்னையின் காதுகளில் சக்கர வடிவிலான இரண்டு தாடகங்களை அணிவித்தார். சிவசக்கரத்தையும் ஸ்ரீ சக்கரத்தையும் காதுகளில் அணிவித்ததும் அன்னை ஸ்ரீ அகிலாண்டேஸ்வரி சாந்தமானாள். அத்துடன் அன்னையின் சந்நிதியின் எதிரே மூத்த மகனான ஆதிவிநாயகரையும் பிரதிஷ்டை செய்தார். மற்றொரு மகனான முருகனையும் அன்னை ஈஸ்வரியின் சந்நிதியின் பின்புறம் எழுந்தருளச் செய்தார்.
 ஆடி மாதம் பௌர்ணமி அன்று காலை 10.15 மணி முதல் பகல் 12.15 மணிக்குள் உச்சிகாலப் பூஜையின்போது, ஈஸ்வரிக்கு பூணூல் சாத்தப்படும் வைபவம் நடைபெறும். இதுபோன்று வேறு எந்தத் தலத்திலும் காண்பது அரிது என்று சொல்லப்படுகிறது. மேலும் பஞ்சப்ரகார உற்சவத்தின் போது உற்சவ மூர்த்திக்கு (அன்னைக்கு) பட்டு வேட்டி, அலங்கார வஸ்திரம் அணிவித்து பூணூலும் சாத்தப்படுகிறது. இறைவனிடம் வேதங்களின் ரகசியத்தை அறிவதற்காக தியானம் செய்யும் பொருட்டு காவேரி கரைக்கு வந்த ஈஸ்வரி காவேரி நீரால் லிங்கம் உருவாக்கி வழிபட்டு இறைவனிடம் வேதங்களின் ரகசியத்தை அறிகிறாள். இன்னும் அறிந்து கொண்டிருக்கிறாள் என்று வேத நூல்கள் கூறுகின்றன. எனவே, அன்னை ஈஸ்வரி, இங்கு கன்னியாகவே எழுந்தருளியுள்ளாள். அதனால் இங்கு திருக்கல்யாண உற்ஸவம் இல்லை.
 அகிலாண்டேஸ்வரி, இத்தலத்தில் ஜம்புகேஸ்வரரை உச்சிக் காலத்தில் பூஜிப்பதாக ஜதீகம். எனவே மதிய வேளையில் அம்பாளுக்குப் பூஜை செய்யும் குருக்கள், அம்பாள் அணிந்த புடவை, கிரீடம் மற்றும் மாலை அணிந்து கையில் தீர்த்தக்கெண்டியுடன், மேள தாளம் முழங்க சிவன் சந்நிதிக்குச் சென்று சுவாமிக்கு அபிஷேகம் செய்து, கோமாதா பூஜை செய்துவிட்டு, ஈஸ்வரி சந்நிதிக்குத் திரும்புவார். இந்த பூஜை தினமும் நடைபெறும்.
 ஆடி மாதத்தில் ஈஸ்வரி இங்கு சிவபெருமானை வேண்டி தவமிருந்ததால் இத்தலத்தில் ஆடி வெள்ளி ஓர் திருவிழா போல் கொண்டாடப்படுகிறது. ஆடி வெள்ளியன்று அதிகாலை இரண்டு மணியிலிருந்து நள்ளிரவு 12 மணி வரை நடை திறந்திருக்கும்.
 இத்தலத்தில் அகிலாண்டேஸ்வரி, மூன்று தேவியர்களின் ஒருமித்த சங்கமாகத் திகழ்கிறாள். காலையில் லட்சுமியாகவும் உச்சிக்காலத்தில் பார்வதி தேவியாகவும் மாலையில் சரஸ்வதியாகவும் விளங்குகிறாள். அதனால் அகிலத்தின் நாயகியான இந்த ஈஸ்வரியை ஸ்ரீ அகிலாண்டேஸ்வரி என்று போற்றுகிறார்கள். மேலும் வராகி என்பதால் மகா துர்க்கா அம்சம். தாமரை மலரினைத் தாங்கி மகாலட்சுமி கோலம். எப்போதும் ஞானத்தவம் புரிந்து இறைவனிடம் வேத வேதாந்தங்களை அறிந்து நின்றதால் மகா சரஸ்வதி ஆகிறாள். இதனால் தினமும் மூன்று திருவடிவங்களில் பக்தர்களுக்குக் காட்சி தருகிறாள்.
 இத்திருக்கோயிலில் பிரதோஷ காலங்களில் வழிபட்டு, பிரதட்சணம் செய்து வந்தால் மேன்மையான வாழ்வு அமையும் என்பது ஐதீகம்!
 திருச்சி சத்திரம் பேருந்து நிலையத்திலிருந்து சுமார் 4 கி.மீ. தொலைவில் ஆலயம் உள்ளது. வாகன வசதிகள் உள்ளன.
 - டி.ஆர். பரிமளரங்கன்
 

]]>
https://images.dinamani.com/uploads/user/imagelibrary/2019/7/12/w600X390/vm5.jpg https://www.dinamani.com/weekly-supplements/vellimani/2019/jul/12/ஆடிப்-பௌர்ணமியில்-அகிலாண்டேஸ்வரி-தரிசனம்-3190979.html
3190978 வார இதழ்கள் வெள்ளிமணி மலைக்க வைக்கும் மகோன்னத சிற்பங்கள்! DIN DIN Friday, July 12, 2019 10:37 AM +0530 அத்திகிரி - 6
 வரதராஜப் பெருமாள் கோயிலைப் பொருத்தவரை வைணவம் திருமாலை தேவராஜனாய் போற்றி வணங்குகிறது . ஆனால் இக்கோயில் சிற்பக்கலைக் கருவூலமாகும். கி.பி. 8-ஆம் நூற்றாண்டில் ஆழ்வார்களால் மங்களாசாசனம் செய்யப்பெற்ற இக்கோயிலில் பல்லவர்களின் சிற்பக் கைவண்ணமாக, குளத்தின் உள்ளும் சக்கரத்தாழ்வார் சந்நிதியின் அருகிலும் பல்லவர் கால மணற்கல்லால் ஆன இரு தூண்கள் மட்டுமே எச்சங்களாகத் தற்போதைக்கு கிடைக்கின்றன.
 அருளாளப்பெருமாள் கோயில் கருவறை, அர்த்தமண்டபம் கி.பி. 11-ஆம் நூற்றாண்டு சோழர் காலக் கட்டடக் கலைப் பாணியாகும். அதன் பின்னர் ஏனைய திருச்சுற்றுகள், சந்நிதிகள், மண்டபங்கள் விரிவாக்கம் அடைந்துள்ளன . அவ்வாறே கால நகர்தலில் பிற்காலச் சோழர், விஜயநகரர், நாயக்கர் கால சிற்பக்கலைகளும் இக்கோயிலில் உள்ளன.
 சோழர்கள் காலத்தில் பிற்காலச் சோழர்கள் முதலாம் ராஜாதிராஜன், முதலாம் குலோத்துங்க சோழன், விக்கிரமச்சோழன் ஆகியோர் காலத்தில் செய்யப்பட்ட இக்கோயிலின் பல கருவறைக் கடவுளர்களின் உருவமைதிகள் எழில்மிக்கவையாக உள்ளன.
 மேல் கருவறையில் தேவராஜப் பெருமாள் நீண்டுயர்ந்த நெடுமாலாய் நாற்கரங்களுடன் பின்னிரு கைகளில் சங்கு சக்கரமும் இடது முன் கையை தன் கதாயுதத்தின் மேல் இருத்தியும் , வலது முன் கையால் அருள் வேண்டுவோர்க்கு அபயம் வழங்கியபடியும் காட்சியளிக்கிறார். தாமரைக்கண்ணனின் அதரங்கள் விரிந்த சிரித்த திருமுகத்துடன் விளங்குகிறார். கீழ் திருச்சுற்றில் கருவறையில் பத்மாசனத்தின் மீது வீற்றிருக்கும் நரசிம்மர் உத்குடிகாசனத்தில் அமர்ந்து யோகபட்டத்துடன் குகை நரசிம்மராக விளங்குகிறார். மற்றுமொரு கருவறை மூர்த்தியாக சயன கோலத்தில் ரங்கநாதராக இங்கு காட்சியளிக்கிறார். இத்திருக்கோலப் படிமம் விசயநகரர் காலத்திய கலைப்பாணியாக விளங்குகிறது.
 இரண்டாம் திருச்சுற்றில் பெருந்தேவி தாயார் சந்நிதி பிற்காலச் சோழர் காலத்தியது. தேவியின் திருவுரு தேவராஜனுக்கு ஏற்ற இணை அளவில் வடிக்கப்பட்டிருப்பது சிறப்பு. தேவி பத்மாசனத்தில் பின்னிரு கைகளில் தாமரை மலரும்; முன்னிரு கைகள் அபய வரத முத்திரையில் அருள்புரிகின்றாள். தாயார் சந்நிதியின் முன்மண்டபத்தில் விளங்கும் தூண்களில் காட்டப்பட்டுள்ள குதிரை வீரர்கள் சிற்பங்கள் உயிரோட்டமுடன் இயங்கு தன்மை கொண்ட சிற்பங்களாகும்.
 கருவறை தெய்வத் திருவுருக்கள் மண்டபத் தூண் புடைப்புச் சிற்பங்கள், தனி சிற்பங்கள் ஆகிய வகைகளில் சிற்பங்கள் மிளிர்கின்றன. இறையுருவங்கள், துவாரபாலகர்கள், ஆழ்வார்கள், ஆச்சாரியார்கள், அடியார்கள், அரசர்கள், அரசமாதேவியர், ஆடல் மகளிர், புராண மாந்தர்கள், பூதகணங்கள், விலங்கினங்கள், பறவைகள், தாவரஇனங்கள், வாழ்வியல் நிகழ்வுகள், குதிரை / யாளி வீரர்கள் ஆகிய பிரிவுகளில் சிற்பங்கள் வெகுவாக அமைக்கப்பட்டுள்ளன. ஒரு சாண் முதல் 12 அடி உயரம் உடைய மூலவர் வரை எல்லா அளவுகளிலும் அமைத்து உள்ளனர். கல் மட்டுமின்றி மதிற்சுவர்களின் நாற்திசைகளிலும் சுதையால் ஆன கருட திருவுருவும் , காவலர்களும் , பூதகணங்களும் உள்ளன.
 ஆண்டாள் சந்நிதி மற்றும் மலையாள நாச்சியார் சந்நிதிகளின் முன் மண்டபங்களில் அமைந்துள்ள தூண் புடைப்புச் சிற்பங்கள் ராமாயண, மகாபாரதக் காட்சிகளை கொண்டுள்ளன. பெரும்பாலும் இதிகாசம் மற்றும் புராணக்காட்சிகள் தொடர்பான ஒரே காட்சிகள் பலவிடங்களில் சிற்பங்களாக இடம் பெற்றிருப்பினும் சிற்பத்தின் வடிவமைப்பு பாணியில் ஒவ்வொரு சிற்பமும் தனித்துவம் பெறுகின்றது. சக்கரத்தாழ்வார், அனந்தாழ்வார், சேனை முதலியார், ராமர் சந்நிதி ஆகிய திருச்சுற்றுக் கோயில்களின் கருவறையில் சிறப்பாக நேர்த்தியுடன் அக்கடவுளரின் தெய்வத்திருவுருக்கள் எழுந்தருளியுள்ளன.
 உற்சவர் மண்டபத்தின் நுழைவாயிலின் தரையில் ஆண் பெண் அடியவர் இருவர் குனிந்து வணங்கும் புடைப்புச் சிற்பம் வைணவத்தின் சரணாகதி உருக்களாக அமைந்துள்ளது. உற்சவர் சந்நிதியின் முன் மண்டபத்தூண்களில் நிறைய அதிகமான யானை உருவங்கள் புடைப்புச் சிற்பங்களாக உள்ளன. இதற்கு முக்கிய காரணமுண்டு. இக்கோயிலில் பெருமாள் கஜேந்திரனுக்கு மோட்சம் அளித்ததால் யானை உருவங்கள் வெவ்வேறு வடிவமைப்பில், காட்டப்பட்டுள்ளன. கி.பி.15-ஆம் நூற்றாண்டளவில் கோயில் தலபுராணங்களை சிற்பங்களாக வடிப்பதில் விசயநகர காலத்திய அரசர்களுக்கு பெரும் பங்குண்டு.
 கீழ் திருச்சுற்றில் அமைந்துள்ள நரசிம்மர் கருவறையின் முன் அமைந்துள்ள மண்டபத்தூண்கள் உருளை வடிவத்துடன் நீண்ட நெடிய வாய் சோழர்கால கலையுடன் திகழ்பவை. ராமர், கிருஷ்ணர், விஷ்ணு, சங்கநிதி, பதுமநிதி கணங்கள், பாகவத காட்சிகள் ஆகிய உருவங்கள் புடைப்புச் சிற்பங்களாக இடம் பெற்றுள்ளன. தூண்களின் கட்டுப்பகுதியில் மிகச் சிறிய குறுஞ்சிற்பங்களாக பூதகணங்கள் சங்கினை வாயில் வைத்து ஊதியபடி காட்டப்பட்டுள்ளன. சங்கநிதி , கணங்களாக வடிக்கப்பட்டுள்ள இப்பூதகணங்களின் அங்க அசைவுகள் மனமுருகியல் உணர்வுடன் ரசிக்கத்தக்கவை.
 பெருந்தேவி தாயார் சந்நிதியின் இடது புறம் அமைந்துள்ள நீராட்டு மண்டபத்தின் கூரைப்பகுதியில் ராசி சக்கர புடைப்புச் சிற்பங்கள் எழிலார்ந்தவை.
 மூன்றாம் திருச்சுற்றில் உள்ள ராமர் சந்நிதியின் முன் உள்ள மகாமண்டபம் சிற்பக் கருவூலம் எனலாம். இம்மண்டபத்துத் தூண்கள் கூட்டுத் தூண்களாக அமைக்கப்பெற்று சிறிய பெரிய பூதகணங்கள் மூன்று அடுக்குகளாக காட்டப்பட்டுள்ளன. மேலும் ஆடல் மகளிர் உருவங்கள் ஆடற்கலையை கண்முன் காட்டி நிற்கின்றன. இசைக்கலைஞர்கள், பெண்டிர், அடியார் உருவங்கள் என கண்கொள்ளாக் காட்சி தருகிறது.
 இக்கோயிலின் கொடிமரம், பலிபீடம் ஆகியவற்றின் தாங்குதளத்திலும் கூட குறுஞ்சிற்பங்கள் வடிக்கப்பட்டுள்ளன. கல்யாண மண்டபம், வாகன மண்டபம், திருக்கச்சி நம்பிகள் மண்டபம் ஆகியன விசயநகர காலத்து சிற்பங்களைக் கொண்டுள்ளன.
 விஜயநகரக்காலத்தைச் சேர்ந்த கல்யாண மண்டபமான நூற்றுக்கால் மண்டபத்தில் ரதி, மன்மதன், விஜயநகர பேரரசர் சதாசிவராயர், மனைவி வரதாம்பிகை, அதிகாரி அச்சுதராயர் தனி உருவச் சிற்பங்கள், பிரம்மனின் வேள்வி ஆகிய சிற்பங்கள் குறிப்பிடத்தக்கவை. ராமாயணக் காட்சிகள் ஜலக்கிரீடை காட்சி போன்ற பாகவதக் காட்சிகளும் தசாவதாரங்களில் கிருஷ்ணன், ராமன், நரசிம்மர் ஆகிய உருவங்கள் இடம் பெற்றுள்ளன.
 இறையுருவங்கள் தவிர்த்து ஏனைய வடிவங்களை பார்த்தால் திருக்கோயில் நலனில் அக்கறை கொண்டிருந்தவரான அழகிய மணவாள ஜீயரின் உருவங்கள் மண்டபத்தின் தூண்கள், போதிகைகளில் இடம் பெற்றுள்ளார்.
 நூற்றுக்கால் மண்டபத்தில் நாட்டுப்புறக் கலைஞர்களாக குறவன், குறத்தியர், கோமாளி, தெருக்கூத்துக் கலைஞர்கள் வடிவங்கள், சிருங்கார ரசம் எனப்படும் இன்பலீலைகளைக் காட்டும் வாழ்வியல் சிற்பங்கள் அமைந்துள்ளன. இது கோயிலோடு தொடர்புடைய குடிகளும், குடிகளுக்கான கோயிலுமாய் இத்திருக்கோயில் விளங்கியது எனலாம். உற்சவர் வரதராஜப் பெருமாள் பூதேவி-ஸ்ரீதேவி தாயார் உற்சவர் திருமேனியும் செப்புத் திருமேனிகளில் குறிப்பிடத்தக்கவையாகும்.
 - முனைவர் கோ . சசிகலா
 
 

]]>
https://images.dinamani.com/uploads/user/imagelibrary/2019/7/12/w600X390/vm4.jpg https://www.dinamani.com/weekly-supplements/vellimani/2019/jul/12/மலைக்க-வைக்கும்-மகோன்னத-சிற்பங்கள்-3190978.html
3190976 வார இதழ்கள் வெள்ளிமணி பொருநை போற்றுதும்!49 டாக்டர் சுதா சேஷய்யன் DIN DIN Friday, July 12, 2019 10:32 AM +0530 தாயமும் தேயமும்
 அம்பாசமுத்திரத்திற்குச் சிறிது வடக்கே பிரம்மதேசம். ராஜராஜப் பேரரசர் காலத்தில், வேதம் ஓதுகிற அந்தணர்களுக்கு நிவந்தமாக, அவர்களின் குடியிருப்புக்காகக் கொடுக்கப்பட்ட பகுதி. "பிரம்ம வித்யைக்காக வழங்கப்பட்ட இடம் அல்லது பங்கு' என்பதே இவ்வூரின் சிறப்பு. பிரம்ம தாயம் என்பதாகவே முதலில் இப்பெயர் இருந்திருக்கவேண்டும். "தாயம்' என்னும் தமிழ்ச்சொல்லுக்கு, 1. குறிப்பிட்ட காரணத்துக்காக வழங்கப்படுகிற சொத்து அல்லது பொருள், 2. ஒருவருக்கு இடப்படுகிற உணவு, 3. தந்தையிடமிருந்து பிள்ளைக்கு வருகிற மரபுவழித் தன்மைகள், 4. இயல்பான ஈர்ப்பை உண்டாக்குகின்ற ஒன்று, 5. ஒன்றினைத் தடைப்படுத்துவது போன்ற பொருள்கள் உண்டு. சொத்து, மரபுவழி என்பதன் சாயலாகத்தான், வம்சாவளிப் பங்குதாரர்களைக் குறிக்கும் "தாயாதி' என்னும் சொல் தோன்றியது. பிரம்மதாயம் என்பதே காலப்போக்கில், பிரம்மதேயம் என்றாகிப் பின்னர் பிரம்மதேசமும் ஆகிவிட்டது. "இடம்' என்பதைக் குறிப்பதற்கு, "தேசம்' என்கிற சொல் இருப்பதனால், இந்தப் பெயரும் ஒருவகையில் பொருத்தமே!
 இங்குள்ள கைலாசநாதர் கோயிலை வைத்து, ஊர்ப்பெயருக்கும் காரணம் கூறுகிற செவிவழிக் கதைகள் ஏராளம்.
 ஆதி கைலாயமான அயனீச்வரம்
 அகத்தியருடைய மாணாக்கரான ரோமச முனிவர், பொருநைக் கரையில் சிவலிங்கங்கள் பிரதிஷ்டை செய்து வழிபட்ட வரலாறு நமக்கு நன்றாகத் தெரியும். இவ்வாறு இவர் வழிபட்ட தலங்களே, "நவ கைலாயங்கள்' என்றழைக்கப்படுகின்றன என்னும் தகவலும் தெரியும். நவ கைலாயங்கள் பட்டியலில், பிரம்மதேசத்தையும் சிலர் சேர்க்கிறார்கள்; நவகைலாயங்களில் பிரம்மதேசமே முதன்மைத் தலம் என்கிறது குற்றாலத் தலபுராணம். பாபநாசம், சேரன்மாதேவி, கோடகநல்லூர், குன்னத்தூர், முறப்பநாடு, ஸ்ரீ வைகுண்டம், தென் திருப்பேரை, ராஜபதி, சேர்ந்த பூமங்கலம் ஆகியவையே நவகைலாயத் திருத்தலங்கள். இந்த ஒன்பது தலங்களும் பொருநை ஆற்றின் நேர்க்கரையிலே இருக்கின்றன.
 பொருநை ஆற்று நீரில் அகத்தியர் தாமரை மலர்களை இட, அவை சென்று எங்கே கரை ஒதுங்கினவோ அங்கெல்லாம் ரோமசர் வழிபாடு செய்தார் என்று பார்த்தால், பொருநை ஆற்றின் நேர்க்கரை ஊர்களே நவகைலாயத் தலங்களாக இருக்கமுடியும். பிரம்மதேசம், பொருநை ஆற்றின் நேர்க்கரையில் இல்லாமல், சற்றே எட்டி, கடனா நதியின் தென்கரையிலே இருக்கிறது. லேசாக மேடிட்ட பகுதி என்பதாலேயே, பொருநை ஆற்று வழிப் போக்குவரத்தும் வணிக ஓசைகளும் இல்லாமல், யாகங்கள் செய்வதற்கும் வேதம் ஓதுவதற்கும், அதே சமயம் கடனா நதியின் நீர்ப்பெருக்கினால் வளம் பெறுவதற்கும் ஏதுவாக, இப்பகுதியானது அந்தணர்களுக்கு வழங்கப்பட்டது. அப்படியானால், பிரம்மதேசம் எப்படி நவகைலாயங்களில் ஒன்றாகும் என்கிறீர்களா?
 பொருநை ஆற்றின் வழியே அகத்தியர் இட்ட தாமரை மலர்களுக்குப் பின்னால் தன்னுடைய பயணத்தைத் தொடங்குவதற்கு முன்னர், கடனா நதிக் கரையின் பிரம்மதேச இறைவனாரை வழிபட்டாராம் ரோமசர். ஆகவே, இது ஆதி கைலாயம். பிரம்மாவின் வழித்தோன்றலான ரோமசர் வழிபட்டதாலும், நவகைலாயங்களுக்கு இதுவே ஆதித்தலம் என்பதாலும், இத்தலம் "பிரம்மதேசம்' (பிரம்ம = பெரிய, தொடக்க, ஆரம்பகால) என்று வழங்கப்பட்டதாக, இச்செவிவழிக் கதைகள் கூறுகின்றன.
 பிரம்மாவின் பெயரால் அயனீச்வரம் (அயன்=பிரம்மா) என்றும், ராஜராஜ மன்னர் வழங்கியதால் ராஜராஜ சதுர்வேதி மங்கலம் என்றும் இவ்வூர் அழைக்கப்பட்டுள்ளது. இவற்றுக்கிடையில், ரோமசருக்கு பிரம்மஹத்தி தோஷம் இருந்தது என்றும் அதனைப் போக்கிக் கொள்ளவே அவர் வழிபாடு செய்தார் என்றும் அதற்கு உதவியதால், பிரம்மஹத்தியைப் போக்கடித்த இத்தலமே பிரம்மதேசம் என்றும், சற்றே அகல்விக்கப்பட்ட கதைகளும் உள்ளன. சிவசைலம் அருள்மிகு சிவசைலநாதரும் திருவாலீச்வரம் அருள்மிகு வாலீச்வரரும் பிரம்மதேசம் அருள்மிகு கைலாயநாதரும் மக்களுக்கு நற்கதி வழங்குவதற்காக கடனா நதிக்கரையில் தோன்றிய சுயம்புச் சிவலிங்கங்கள் என்று கடனா நதி மஹாத்மியம் தெரிவிக்கிறது.
 உயர் பெருந் திருக்கோயில்
 எப்படியாயினும், பிரம்மதேசத்தின் அருள்மிகு கைலாயநாதர் திருக்கோயில், பலவிதங்களில் அற்புதமானது. அருள்மிகு கைலாயநாதர், ரோமசருக்குக் காட்சி கொடுப்பதற்காக கடனா நதிக்கரையில் சிவலிங்க வடிவில் எழுந்தருளினார். ஆயினும், இதற்கு முன்னரே, இங்கிருந்த இலந்தை வனத்தில், இலந்தை மரத்தடியில் சுயம்புநாதராக, சிவலிங்க வடிவில் எழுந்தருளியிருந்தார் இறைவனார். இவரே, இலந்தை நாதர். இலந்தைநாதரை ரோமசர் வழிபட, முனிவருக்கு அருள்வதற்காக, கடனா நதியிலிருந்து வெளிப்பட்டவர் கைலாயநாதர் என்று தோன்றுகிறது.
 - தொடரும்...
 
 

]]>
https://images.dinamani.com/uploads/user/imagelibrary/2019/3/8/w600X390/sudha.jpg https://www.dinamani.com/weekly-supplements/vellimani/2019/jul/12/பொருநை-போற்றுதும்49-டாக்டர்-சுதா-சேஷய்யன்-3190976.html
3190975 வார இதழ்கள் வெள்ளிமணி புண்ணிய பூமியில் புனிதப் பயணம் 16 DIN DIN Friday, July 12, 2019 10:27 AM +0530 கர்மேல் மலை, எலியா குகை, சிசரேயா, யோப்பா பட்டணங்கள் 
விவிலியத்தின் பழைய ஏற்பாடு பகுதியில் கர்மேல் மலை முக்கியமான இடமாக இடம் பெற்றுள்ளது. இந்த கர்மேல் மலையில் தான் கர்மேல் பர்வதம், எலியா குகை, பாகாய் தோட்டம் ஆகியவை உள்ளன.
விவிலியத்தில் இஸ்ரேலில் இருந்த முக்கியமான தீர்க்கத்தரிசிகளில் இவரும் ஒருவர்.
இயற்கையை கட்டுப்பாட்டிற்குள் கொண்டு வந்தவர்களில், எலியாவும் ஒருவர். எந்த ஒரு முன்னுரையும் இல்லாமல் வேதத்திற்குள் திடீரென நுழையும் எலியா தீர்க்கத்தரிசி, கர்த்தருக்காக அதிக வைராக்கியம் காட்டுகிறார். மழையையும், பனியையும் தனது வார்த்தையினால் நிறுத்தி வைத்தவர். அப்போதைய அரசு 24 மணி நேரத்திற்குள் எலியாவை கொலை செய்ய கட்டளை போடப்பட்டது ( ஐ இராஜாக்கள் 19:2). கடவுளால் உயிருடனே பரலோகத்துக்கு எடுத்துக் கொள்ளப்பட்டவர் எலியா தீர்க்கத்தரிசி.
மோசே செங்கடலை தனது கோலால் இரண்டாக பிரித்தது போல, தனது கையில் இருந்த சால்வையால் யோர்தான் நதியை இரண்டாக பிரித்தவர் எலியா தீர்க்கத்தரிசி. தான் வாழ்ந்த காலத்தில் 17 அற்புதங்களை செய்தவர். இவரது காலத்தில் சமாரியா (இஸ்ரேல்) நாட்டில் பஞ்சம் வந்தபோது கடவுள் காக்கையை அனுப்பி இவருக்கு அப்பம் கொடுத்து பசியாற்றினார் என விவிலியம் கூறுகிறது. அதேபோல கர்மேல் மலையில் பாகாய் தீர்க்கத்தரிகளுக்கும், எலியாவுக்கும் இடையே நடந்த போட்டியில் எலியா வெற்றி பெற்று பாகாய் தீர்க்கத்தரிசிகள் 450 பேரையும் ஓட ஓட விரட்டி கொலை செய்த மலை இது. (விவிலியத்தில் 1 இராஜாக்கள் 18-ஆம் அதிகாரம்).
எலியா வாழ்ந்த குகை இங்கு உள்ளது. அதற்கு மேல் தேவாலயம் கட்டப்பட்டுள்ளது. கர்மேல் பர்வம், கர்மேல் மலையின் உச்சியில் உள்ளது. 
பாகாய் தோட்டம் 
யூத, கிறிஸ்தவ, இஸ்லாமிய வழிபாட்டை போலவே பாகாய் வழிபாடு செய்பவர்களும் இங்கு உள்ளனர். இவர்களுக்கு இது முக்கிய புனித இடமாக கருதப்படுகிறது. உலக புராதன இடங்கள் பட்டியலில் பாகாய் தோட்டம் 2008-ஆம் ஆண்டு ஜூலை சேர்க்கப்பட்டது. ஓர் ஏக்கரில் அழகான தொங்கு தோட்டம் அமைக்கப்பட்டுள்ளது. பூத்துக்குலுங்கும் மலர்கள், பசுமையான செடிகளால் பாகாய் தோட்டம் கண்களை கொள்ளை கொள்ளும் வகையில் வடிவமைக்கப்பட்டுள்ளது. பாகாய் தோட்டத்தில் இருந்து எலியா குகையை எளிதாக பார்க்க முடியும்.
இந்த தோட்டம், மிகவும் புனிதமாக இடமாக கருதப்படுவதால் உணவு பண்டங்கள், பிளாஸ்டிக் பைகளுக்கு அனுமதி இல்லை. முழு சோதனைக்கு பின்னரே இந்த தோட்டத்துக்குள் புனித பயணிகள் அனுமதிக்கப்படுகின்றனர். மேசியா இங்கு தான் வருவார் என்பது பாகாய் வழிபாடு செய்வோர்களின் முழுமையான நம்பிக்கை.
சிசரேயா பட்டணம் 
இஸ்ரேல் நாட்டின் மத்திய தரைக்கடல் பகுதியில் உள்ள பட்டணம் இது. ஏரோது மன்னர் இஸ்ரேலை ஆண்டபோது கர்மேல் மலையில் இருந்து தொங்கு பாலம் அமைத்து சிசரேயா பட்டணம் வரை (சுமார் 80 கி.மீ. தூரத்துக்கு) நல்ல தண்ணீரை எடுத்து வந்துள்ளார். இதை பறைசாற்றும் வகையில் இந்த தொங்கும் பாலம் இப்போதும் மத்திய தரைக்கடல் கரையில் சிதலமடைந்த நிலையில் உள்ளது. இயேசுவின் சீடரான சீமோன் பேதுருவிடம் திருமுழுக்கு பெற்றவர் ரோமரான கொர்னேலியஸ். அவர் வாழ்ந்த இடமும் இந்த சிசரேயா பட்டணம் தான்.
யோப்பா பட்டணம் (JOPPA)
விவிலியத்தில் பழைய ஏற்பாட்டில் வரும் யோனா சரித்திரம் இங்கு தான் நடைபெற்றது. நினிவே மாநகர் மக்கள் நெறிகெட்டவராய் வாழ்ந்து, பாவச் சேற்றில் உழன்று கொண்டிருந்தனர். ஆகவே, அந்நகருக்கு அழிவு வரப்போகிறது என்று அறிவிக்க, கடவுள் யோனாவை அனுப்பினார். ஆனால் முதலில் கடவுளின் விருப்பத்தை ஏற்க யோனா முன்வரவில்லை. மாறாக, நினிவே நகருக்கு எதிர்த்திசையிலிருந்த தர்சீசுக்கு ஓடிப் போக முனைந்தார். எனவே, யோப்பா துறைமுகம் சென்று அங்கு ஒரு கப்பலில் ஏறி, அதில் இருந்தவர்களோடு தர்சீசுக்குப் பயணமானார். கடலில் ஒரு பெருங்காற்று வீசியது. கப்பல் உடைந்துபோகும் நிலையில் இருந்தது. இத்தீங்கு ஏற்பட யார் காரணம் என்றறியச் சீட்டுப் போட்டார்கள். யோனாதான் குற்றவாளி என்று தீர்மானித்து, அரைகுறை மனத்தோடு அவரைத் தூக்கிக் கடலில் எறிந்தார்கள்.
(தொடரும்)
- ஜெபலின் ஜான்


 

]]>
https://images.dinamani.com/uploads/user/imagelibrary/2019/7/12/w600X390/CAVE_OF_ELIJAH.JPG https://www.dinamani.com/weekly-supplements/vellimani/2019/jul/12/புண்ணிய-பூமியில்-புனிதப்-பயணம்-16-3190975.html
3190966 வார இதழ்கள் வெள்ளிமணி நிகழ்வுகள் DIN DIN Friday, July 12, 2019 10:24 AM +0530 ஜேஷ்டாபிஷேகம்
 காஞ்சி மாவட்டம் அச்சிறுபாக்கம் - எலப்பாக்கம் செல்லும் வழியில் உள்ளது விளாங்காடு கிராமம் . இங்குள்ள 1200 பழைமையான அருள்மிகு ஆதிமூல நாராயணப் பெருமாள் கோயிலில் கடந்த 2014 -ஆம் ஆண்டு மகா சம்ப்ரோக்ஷண வைபவம் நடந்தேறியது. தற்போது 5 ஆண்டுகள் பூர்த்தியாகி, ஜூலை 14 -ஆம் தேதி ஜேஷ்டாபிஷேகம் நடைபெறுகிறது. அன்று, சிறப்பு திருமஞ்சனம், கலசாபிஷேகம், அன்னதானம் நடைபெறும். இக்கோயிலில் ஸ்ரீதேவி பூதேவி சமேத ஸ்ரீஆதிமூல நாராயணப் பெருமாள் சுயம்புவாக தன்னை வெளிப்படுத்திக் கொண்டவர் என்கிற பெருமை வாய்ந்தவர்.
 தொடர்புக்கு: 98842 51427.
முப்பெரும் இசை விழா
 சென்னை, மயிலாப்பூர் மியூசிக் அகாதெமி மினி ஹாலில் ஸ்ரீ நாதமுனிகளின் 1195 -ஆம் ஆண்டு திருஅவதார தினவிழா, ஸ்ரீமான் அல்லூரி வெங்கடாத்ரி சுவாமிகள் இசை விழா, ஸ்ரீமான் எம். என். வெங்கடவரதன் இசை விழா ஆகிய முப்பெரும் இசை விழா கொண்டாட்டங்கள், ஜூலை 14 -ஆம் தேதி, காலை 10.00 மணி முதல் தொடங்கி நடைபெறுகின்றது.
 தொடர்புக்கு: 87544 66164.
 
 

]]>
https://www.dinamani.com/weekly-supplements/vellimani/2019/jul/12/நிகழ்வுகள்-3190966.html
3190964 வார இதழ்கள் வெள்ளிமணி இறை அச்சத்தின் நிறை பயன் DIN DIN Friday, July 12, 2019 10:23 AM +0530 இறையச்சம் என்பது அல்லாஹ்வின் நினைவு நிறைந்த வேறுபட்ட மாறுபட்ட சிந்தனைகள் தோன்றாத இதயம். எச்செயலையும் இறைவனால் அங்கீகரிக்கப்பட்டதா என்று ஆய்ந்து செய்து அங்கீகரிக்கப்படாதவற்றை அடியோடு தவிர்த்து குர்ஆன் கூறும் வரம்பை மீறாது மேதினியில் மேன்மையாய் வாழ மேவும் வழிகாட்டும்.
 ஒவ்வொரு நபியும் அவரவர் கால மக்களுக்கு இறையச்சத்தை வலியுறுத்தி ஒவ்வொரு நிலையிலும் இறையச்சத்தோடு செயல்பட செப்பினார்கள். ஏக இறை கொள்கையை ஏற்காத மக்களிடம் ஏக இறை கொள்கையை எடுத்துரைத்து நீங்கள் அல்லாஹ்விற்கு அஞ்ச மாட்டீர்களா? என்று நூஹ் நபி கேட்டதை நவில்கிறது 26-106 ஆவது வசனம். அல்லாஹாவிற்கு இணைவைத்து செய்யாதன செய்த ஸமூத் சமுதாயத்தை நோக்கி சாலிஹ் நபி நீங்கள் அல்லாஹ்விற்கு அஞ்சமாட்டீர்களா? என்று கேட்டதை எடுத்துரைக்கிறது 26-142 ஆவது வசனம். தன்னைத் தானே இறைவன் என்று பிரகடனப்படுத்தி பேரழிவு பாதையில் ஆட்சி செய்த பிர்அவ்னிடம் சீரழியாமல் சிறப்பாக ஆட்சி புரிய அல்லாஹ் ஒருவனை வணங்கி அல்லாஹ்விற்கு அஞ்சி வாழ இப்ராஹீம் நபி அறிவுறுத்தியதை 26- 16 முதல் 26 வரை உள்ள வசனங்கள் உரைக்கின்றன.
 இக்காலத்தில் எக்காலமும் போற்றும் ஏந்தல் நபி (ஸல்) அவர்கள் நடந்து காட்டிய வழியை நடைமுறையில் கடைபிடிப்பது இறையச்சம். இதனை, 24-52 ஆவது வசனம், "" அல்லாஹ்விற்கும் அவனுடைய தூதருக்கும் கட்டுப்பட்டு அல்லாஹ்விற்கு அஞ்சி நடப்பவர்கள் நற்பாக்கியம் பெற்றவர்கள் என்றால் அல்லாஹ்வின் திருப்பொருத்தத்திற்குத் தகுதியானவர்கள், தண்டனையிலிருந்து பாதுகாப்பு பெற்றவர்கள் என்று பொருள்.
 திருக்குர்ஆன் இறைவேதம் என்பதில் எள்ளளவும் ஐயமில்லை. அச்சம் உடையவர்களுக்கு அருமறை குர்ஆன் நேரான வழியைக் காட்டுகிறது என்று எடுத்துரைக்கும் 2-1 மற்றும் 2 ஆவது வசனங்களின்படி குர்ஆன் கூறுவதைக் கொள்கையாகக் கொண்டு அதன் கருத்துகளைக் கவனமாக உள்ளத்தில் பதித்து உட்பொருளை உணர்ந்து உணர்ந்ததை உணர்ந்தவாறு உறுதியாக கடைபிடிப்பது இறையச்சம் உடையோரின் நிறை குணங்கள்.
 இறையச்சம் உடையோராக விரும்புவோர் ஹலாலான அதாவது ஆகுமான வழியில் பொருள் ஈட்ட வேண்டும். 5- 88 ஆவது வசனம் அல்லாஹ்விற்கு அஞ்சி ஹலாலான உணவுகளை உண்ண வேண்டும். உடுத்தும் உடை, பருகும் நீர், உண்ணும் உணவு முதலியவை ஹலாலானது என்பதை உறுதி செய்ய வேண்டும்.
 இறையச்சத்தின் மற்றொரு தன்மை நல்ல பழக்க வழக்கங்களைக் கடைபிடிப்பது. நிதானம், உண்மை, வாக்குறுதியைக் காப்பது, சொன்ன சொல்லை நிறைவேற்றுவது முதலியன நல்ல பழக்கம். அன்றாட வாழ்வில் இவற்றைக் கடைபிடிக்க வேண்டும். இவை ஆழ்மனத்து இறையச்சத்தின் அடையாளம். பெண்களிடம் கண்ணியமாக நடப்பது இறையச்சத்தின் நிறைவுகளில் நிலையானது. குழந்தைகளைப் பராமரித்து பண்போடு வளர்ப்பது, அவர்களிடம் அன்பு செலுத்துவது, அவர்களைக் கண்காணித்து கண்ணியமாய் வளர்ப்பது, அன்பளிப்புகளைஅனைத்து பிள்ளைகளுக்கும் சமமாக வழங்குவது இறையச்சத்தின் வெளிப்பாடு.
 5-8 ஆவது வசனப்படி, நீதி செலுத்துவதும் தூயதன்மை. அல்லாஹ்விற்கு அஞ்சினால் யாருக்கும் அநீதி இழைக்காமல் நீதி வழங்க முடியும். நேர்மை உண்மையின் உயரிய வெளிப்பாடு. இதனால் அனைவரின்அன்பையும் நற்சான்றையும் பெறலாம். நல்ல கௌரவம், கண்ணியம், மதிப்பு, மரியாதையை பெறலாம். பிணைப்பும் இணைப்பும் படர்ந்து விரியும். பிறர் இழைத்த இன்னல்களைப் பெருந்தன்மையோடு மன்னிப்பது இறையச்சம் என்பதை 2- 237 ஆவது வசனம் விட்டுக் கொடுப்பது இறை அச்சத்தோடு நெருக்கமானது. உங்களுக்குள் உதவி செய்து கொள்வதை மறக்கக் கூடாது என்று கூறுகிறது.
 65- 4 ஆவது வசனம் அல்லாஹ்விற்கு அஞ்சுவோரின் செயல்களை அல்லாஹ் எளிதாக்குகிறான். இக்கட்டிலும் இறைவன் திக்கைக் காட்டுவான். சிக்கலையும் மிக்க எளிதாக்கி விடுவான். வளமான வாழ்விற்குரிய வாழ்வாதாரத்தை வழங்குவான்.
 அல்லாஹ்வின் உதவி அருகிலேயே அமர்ந்திருக்கும். 5- 88 ஆவது வசனம், நீங்கள் நம்பும் அல்லாஹ்வை அஞ்சுங்கள். இவ்வுலகின் எல்லையில்லா தொல்லைகளில் இருந்து விடுபட அல்லாஹ்விற்கு அஞ்சி ஏற்பன ஏற்று விடுப்பன விடுத்து வாழ்வதே சிறந்தது. இது மறுமை வாழ்விற்குத் தயாரிப்பும் ஆகும். இதனை, 2- 197 ஆவது வசனம் முன் தயாரிப்பில் முக்கியமானது இறையச்சமே. அறிவாளிகளே அல்லாஹ்விற்கு அஞ்சி நடந்திடுங்கள் என்று நவில்கிறது. இக்கட்டளை ஹஜ் கடமையை குறித்ததாயினும் வாழ்வு முழுவதும் கடைபிடிக்க வேண்டிய கட்டளை.
 எந்நிலையிலும் அல்லாஹ்வை அஞ்சுமாறு அண்ணல் நபி (ஸல்) அவர்கள் அறிவுறுத்தியைத் திர்மிதீ, அஹமத் நூல்களில் காணலாம். என் உள்ளத்தில் இறை அச்சத்தை நிலைநிறுத்து என்று நீதர் நபி (ஸல்) அவர்கள் இறைவனிடம் இறைஞ்சியதை இயம்புகிறது முஸ்லிம் நூல். அல்லாஹ்விடம் நேரான வழியையும் மாறாத அச்சத்தையும் மாநபி (ஸல்) அவர்கள் வேண்டியதை விளம்புகிறது முஸ்லிம் நூல்.
 இறையச்சத்துடன் இறைமறை கட்டளைகளைக் கடைபிடித்து நந்நபி (ஸல்) அவர்கள் நடந்து காட்டியதை நடைமுறைபடுத்தி தீயினும் கொடிய நீமையை விட்டு விலகி நாளும் நல்லன செய்து வல்ல அல்லாஹ்வின் அருளால் இம்மை மறுமை இரண்டிலும் நிறை வாழ்வு வாழ்வோம்.
 - மு.அ. அபுல் அமீன்
 
 

]]>
https://images.dinamani.com/uploads/user/imagelibrary/2019/7/12/w600X390/vm3.jpg https://www.dinamani.com/weekly-supplements/vellimani/2019/jul/12/இறை-அச்சத்தின்-நிறை-பயன்-3190964.html
3190956 வார இதழ்கள் வெள்ளிமணி பொன்மொழிகள்! தொகுப்பு: சுவாமி கமலாத்மானந்தர் DIN DIN Friday, July 12, 2019 10:21 AM +0530 * சேர்த்து வைத்த செல்வம் அனைத்தும் ஒரு நாள் ஒன்றுமில்லாமல் அழிந்துவிடுகின்றன; உயர்ந்து நின்றவை ஒரு காலத்தில் சரிந்து தரைமட்டமாகின்றன. எந்த அளவிற்கு நெருங்கிப் பழகுகிறோமோ அந்த அளவிற்குப் பிரிவு நிச்சயம்; சேர்ந்திருந்தது பிரிந்துவிடுகிறது; எத்தகைய வாழ்க்கையும் மரணத்தை முடிவாகக் கொண்டிருக்கிறது.
- ஸ்ரீ ராமபிரான்
* ஒருவன் காயத்ரி ஜபம் மட்டும் செய்பவனாக இருந்தாலும், நான்கு வேதங்களையும் கற்றவனாக இருந்தாலும், கண்டதைப் புசிப்பவனாகவும், கற்றதை விற்பவனாகவும், நன்னடத்தை இல்லாதவனாகவும் இருந்தால் அவன் இழிந்தவனே ஆவான்.
- மனுஸ்மிருதி
* விரும்பாமல் இருந்தும் யாருக்கு இறைவன் அருள் தானாகவே வலிய வந்து கிடைக்கிறதோ, அவர்கள் முற்பிறவிகளில் புண்ணிய காரியங்கள் பலவற்றைச் செய்திருப்பார்கள். அதனால்தான் அவர்களுக்கு இறைவன் திருவருள் எளிதில் கிடைக்கிறது.
- ஸ்ரீ சாரதாதேவியார்
* சான்றோர் இனத்திரு, பெரியாரைத் துணைக்கொள். 
- ஆத்திசூடி
* உலகம், உயிர்கள், இருபத்துநான்கு தத்துவங்கள் போன்றவை எல்லாமே இறைவன் இருப்பதால்தான் இருக்கின்றன. இறைவனை எடுத்துவிட்டால் அவை எதுவும் இருக்காது. ஒன்றுக்குப் பக்கத்தில் பூஜ்யங்கள் போடுகின்ற அளவுக்கு அவற்றின் மதிப்பு அதிமாகிறது. ஆனால், அந்த ஒன்று என்ற எண்ணை நீக்கிவிட்டால், வெறும் பூஜ்யங்கள் எத்தனை போட்டாலும் அவற்றுக்கு எந்த மதிப்பும் கிடையாது. 
- ஸ்ரீ ராமகிருஷ்ணர்
* வனத்திலோ போர்க்களத்திலோ பகைவர்களின் நடுவிலோ நீரிலோ, நெருப்பிலோ கடலிலோ மலையுச்சியிலோ உறக்கத்திலோ, கவனமின்மையிலோ கஷ்டகாலத்திலோ பூர்வ புண்ணியச் செயல்கள்தான் ஒருவனைக் காப்பாற்றுகின்றன
- பர்துருஹரியின் நீதி சதகம்
* பெற்றோரையும் மூத்தோரையும் மதித்து நடந்துகொள், அவர்களுக்குப் பணிவிடை செய், தகுந்தவர்களுக்கு தானம் செய், ஒழுக்கநெறிகளைப் பின்பற்று, நல்ல எண்ணங்களையே கொண்டிரு.
- புத்தர் 
* உலகப்பொருட்களின் உண்மை தன்மையை எடுத்துக்கூறி, மனதில் உள்ள துன்பங்களைப் போக்கவல்லது குருநாதரின் கருணை. அது பூரணசந்திரனின் கிரணங்களைப் போன்றும், விரும்பிய வரத்தை அளிக்கும் கற்பகமரம் போன்றும் விளங்குகிறது.
- ஆதிசங்கரர்
 

]]>
https://images.dinamani.com/uploads/user/imagelibrary/2019/4/19/w600X390/kamalanandhar.JPG https://www.dinamani.com/weekly-supplements/vellimani/2019/jul/12/பொன்மொழிகள்-தொகுப்பு-சுவாமி-கமலாத்மானந்தர்-3190956.html
3190950 வார இதழ்கள் வெள்ளிமணி சாதுக்களுக்கான சாதுர்மாஸ்யம்! DIN DIN Friday, July 12, 2019 10:20 AM +0530 'சாதுர்மாஸ்யம்' என்பது நான்கு இறை மாதங்கள் என்று பொருள். இந்த மாதங்களை பொதுவாக சந்நியாசிகளுக்கான மாதமாக, ஆனி மாதம் பெளர்ணமியில் ஆரம்பித்து ஐப்பசி மாதம் பெளர்ணமி (சுக்ல பட்சம்) அன்று முடிவுறும் இதனை, சாதுர்மாஸ்ய விரதமாகக் கூறுகிறார்கள்.
 ஒரு சந்நியாசிக்கு ஓரிடத்தில் தங்குவதற்கு மூன்று நாள்களுக்கு மேல் அனுமதியில்லாததால், மழைப் பொழிவு அதிகம் இருக்கும் இந்த மாதங்களில் அவர்களால் ஓரிடத்திலிருந்து மற்றோரிடத்திற்கு இடம் பெயர்வதில் சிக்கல் அதிகம் உள்ளதாலும் இந்த மாதங்களில் ஓரிடத்திலிருந்து விரதம் அனுஷ்டிக்க அனுமதித்து உள்ளார்கள். இந்த மாதங்களில் ஒரு பூச்சிக்குக்கூட எந்த கேடும் விளைவிக்கக்கூடாது என்பதால் அவர்களது சஞ்சாரம் கட்டுப்படுத்தப்படுகிறது. இந்துக்களுக்கு மட்டுமின்றி, பெளத்த, ஜைனத் துறவிகளாலும் இந்த சாதுர்மாஸ்ய விரதம் அனுஷ்டிக்கப்படுகிறது.
 இந்து புராணத்தில் மஹாவிஷ்ணுவானவர்; தேவ் ஷயானி ஏகாதசியன்று திருப்பாற்கடலில் சயனத்திற்குச் சென்று நான்கு மாதம் முடிந்து தேவ் உதானி ஏகாதசியன்று உறக்கம் கலைந்தெழுந்தார் என்று கூறுகிறது. இதனை சாதுர்மாஸ்யா என்று கூறுகிறார்கள். விஷ்ணுவின் இந்த ஆழ்நிலை தியானத்தை "யோகநித்ர' என அழைக்கின்றனர். இந்த நான்கு மாதங்களும் சாதுர்மாஸ்ய விரதம் அனுஷ்டிக்கும் யோகிகளையோ, மகான்களையோ, சாதுக்களையோ அல்லது கடவுளையோ, அவர்களைப் பின் தொடரும் சீடர்கள் அவர்களை தொந்தரவு செய்யாமல் இருக்க வேண்டுமென்பது விதி. சாதுக்கள் இந்த மாதங்களில் அனைவருக்கும் குருவான வியாசபகவானை மனதில் நினைத்து வழிபட்டு மனதை ஒருநிலைப்படுத்தி அவரது படைப்புகளை தியானம் செய்ய வேண்டும்.
 அத்வைதத்தை ஸ்தாபிதம் செய்யும் முகமாக புறப்பட்ட நம் லோககுரு ஆதிசங்கரர், நம் பாரதத்தின் பல்வேறு இடங்களுக்குச் சென்று ஷண்மத ஸ்தாபனம் செய்தார். சக்தி வழிபாட்டை உயிர்ப்பிக்குமுகமாக சாக்தம் என்ற மார்க்கத்தை தொடர்ந்து பரப்பி வந்தார். சிருங்கேரியில் சாரதாபீடத்தை நிறுவி, தன் சீடரிடம் அதை ஒப்படைத்துவிட்டு, அன்னை சாரதா தேவியின் கட்டளையை ஏற்று பாரத தேச யாத்திரை புறப்பட்டார். உபநிஷதங்கள், பகவத்கீதை, விஷ்ணு சஹஸ்ரநாமம், யோக சூத்திரம் மற்றும் வேதாந்தத்தை அனைவரும் தெரிந்து கொள்ளும் வகையில் எளிமைப் படுத்தி உலகுக்கு அர்ப்பணித்தார்.
 சிவன், அம்பாள், விஷ்ணு முதலான ஐந்து கடவுளர்களையும் ஒன்றாய் சேர்த்து வழிபடும் "பஞ்சாயதன' பூஜையை அறிமுகப்படுத்தினார். இதனால் காலத்தால் அழிக்க முடியாத ஹிந்து தர்மத்தின் பாதை சீராகி வளர ஆரம்பித்தது. தமக்கு பின் இந்த சனாதன தர்மப் பிரச்சாரம் தொடர பாரதத்தின் நான்கு திசைகளிலும் நான்கு பீடங்களை தோற்றுவித்தார். அதில் முதலாவது, தெற்கில் சிருங்கேரி ஸ்ரீசாரதா பீடம்; மேற்கில் ஸ்ரீதுவாரகா பீடம்; வடக்கில் பத்ரிகாஸ்ரமம்; கிழக்கில் பூரி என்பன ஆகும். ஸ்ரீ காஞ்சி சங்கரபீடம்; ஆதி சங்கரர் தென் தமிழ்நாட்டில் பல இடங்களுக்கு விஜயம் செய்து பல கோயில்களில் யந்திர பிரதிஷ்டை செய்து பின் ஆதிசங்கரரால் காஞ்சிபுரத்தில் கி.மு.482 -இல் ஸ்தாபிதம் செய்யப்பட்டது.
 ஜைனத்துறவிகள் கொல்லாமை விரதம் பூண்டுள்ளதால் மழைக் காலத்தில் ஊர்ந்து செல்லும் கண்ணுக்குத்தெரியாத பூச்சிகளைக்கூட நடந்து சென்றால் அழியும் ஆதலால் இந்த காலத்தில் ஒரு வேளை உணவருந்தி, மெளன விரதமிருந்து ஓரிடத்தில் தங்கி இறைபணியாற்றுவார்கள். பெளத்தர்களும் இந்த காலத்தில் ஜைனர்களைப் போலவே ஓரிடத்தில் இருந்து அவர்களின் வேதம் ஓதிக்கொண்டிருப்பார்கள். அனைத்துத் துறவிகளும் இந்த சாதுர்மாஸ்ய விரதத்தில் முதல் மாதம் இலைகளும், கறிகாய்களும், இரண்டாம் மாதம் தயிர், மோர் இவைகளையும், மூன்றாம் மாதம் பால் மற்றும் பால் சார்ந்த பொருட்களையும், நான்காம் மாதம் உளுத்தம் பருப்பினால் ஆன பொருட்களைத் தவிர்த்து; பிற பொருட்களை ஒரு வேளை மட்டும் ஆகாரமாக உட்கொண்டு விரதமிருப்பர்.
 16.7.2019 செவ்வாய்க் கிழமை, மிதுன கிருஷ்ண பெளர்ணமி அன்று சாதுர்மாஸ்யம் ஆரம்பித்து, 11.11.2019 திங்கட்கிழமை பாஷாண வைகுண்ட சதுர்தசி அன்று நிறைவு பெறுகிறது. இந்த நாள்களில் நம் பகுதிகளில் சாதுர்மாஸ்யம் மேற்கொண்டு வரும் சாதுக்களை வழிபட்டு நம்மிடையே உள்ள பிணியினை அகற்றி பேரானந்தம் அடைவோம்.
 - எஸ். எஸ். சீதாராமன்
 

]]>
https://images.dinamani.com/uploads/user/imagelibrary/2019/7/12/w600X390/vm2.jpg https://www.dinamani.com/weekly-supplements/vellimani/2019/jul/12/சாதுக்களுக்கான-சாதுர்மாஸ்யம்-3190950.html
3190946 வார இதழ்கள் வெள்ளிமணி பக்தர்கள் சங்கமிக்கும் பண்டரிபுரம்! DIN DIN Friday, July 12, 2019 10:18 AM +0530 மகாராஷ்டிர மாநிலத்தில், ஷோலாப்பூர் மாவட்டத்தில், சந்திரபாகா நதிக்கரையில் அமைந்துள்ளது பண்டரிபுரம் என அழைக்கப்படும் (பந்தர்பூர்) திருத்தலம். இங்குள்ள ஸ்ரீ பண்டரிநாதர் (விட்டோபா) கோயிலில் ஆடி மாதம் ஏகாதசியன்று மக்கள் விரதமிருந்து விட்டலனை வணங்கிச் செல்வது வழக்கம். அப்பொழுது லட்சக்கணக்கான மக்கள் இந்நகரத்தில் கூடுகின்றனர். பக்தர்களின் மிகப்பெரிய சங்கமத்தை அன்று காணலாம். இதன் சிறப்பை மேலும் அறிவோம்.
 மராட்டிய மாநிலத்தில் அவதரித்தவர் மகான் ஞானேஸ்வரர்! இவர் மராத்திய மொழியில் கீதைக்கு பாஷ்யம் உரை இயற்றியுள்ளார். இதற்கு "ஞானேஸ்வரி' என்று பெயர். இவர்தான் "வாரகரி' என்ற சம்பிரதாயத்தை தோற்றுவித்தவர். பூனாவுக்கு அருகில் ஆலந்தி என்ற ஊரில் இவருடைய சமாதிக்கோயில் உள்ளது. ஆரம்பத்தில் இவருடைய சீடர்கள் ஆஷாட (ஆடி) ஏகாதசியன்று வெள்ளிக்கவசம் பூண்ட இவருடைய மரப்பாதுகையை பல்லக்குகளில் 21 நாள்கள் ஊர்வலமாக வந்து விட்டலனின் அபங்கங்களை பாடியவண்ணம் பண்டரிபுரத்தை அடைவார்கள். பின்னர் நாளடைவில் இதர மகான்கள் அவதரித்த மகாராஷ்டிர மாநிலத்திலுள்ள ஊர்களிலிருந்தும் அவர்களது மூர்த்தங்களையும், பாதுகைகளையும் பல்லக்குகளில் சுமந்து கொண்டு பக்தர்கள் பண்டரிபுரம் வர ஆரம்பித்தார்கள். இதற்கு "பண்டரிபுரம் ஆஷாட ஏகாதசி வாரியாத்ரா" என்று பெயர்.
 1685 -ஆம் ஆண்டு சந்த்துகாராம் அவர்களுடைய புதல்வர் நாராயண மகராஜ் அவர்களால் இந்த புனித யாத்திரை தொடங்கப்பெற்றது. தற்போது தேஹீவிலிருந்து "துகாராம்'; ஆலந்தியிலிருந்து "ஞானேஸ்வர்'; நார்சியிலிருந்து "நாமதேவர்'; பைதானிலிருந்து "ஏகநாதர்'; திரியம்பகேஸ்வரிலிருந்து "நிவ்ருத்தி'; முக்தாய் நகரிலிருந்து "முக்தாபாய்'; ஸஸ்வாடியிலிருந்து "சோபான்'; ஷேகானிலிருந்து "கஜானன் மகராஜ்' இன்னும் மகராஷ்டிரத்திற்கு அருகிலுள்ள ஊர்களிலிருந்தும் இந்த பாதயாத்திரைக்குழு கிளம்பி மகான்களின் திரு உருவங்களையும், பாதுகைகளையும் சுமந்து கொண்டு விட்டலனின் அபங்க பஜனையுடன் அனைவரும் பண்டரிபுரத்தில் கூடுவார்கள்.
 ஏகாதசி முழுவதும் விரதமிருந்து, துவாதசியன்று காலை ஒரு பக்தருக்கு உணவளித்த பின்னரே உண்பார்கள். பெண்களும் பங்கேற்பார்கள். யாத்திரையில் பங்கேற்பவர்கள் "வாரி' உறுப்பினர்கள் என அழைக்கப்படுகின்றார்கள். ஆஷாட ஏகாதசி முடிந்த பின் பௌர்ணமியன்று கோபாலபுரியில் சோளப்பொரி, தயிர், மிளகாய் பொடி, மாதுளை, பெருங்காயம், சர்க்கரை, உலர்ந்த பழங்கள், உப்பு ஆகியவற்றைக் கலந்து பகவானுக்கு நிவேதித்து பிரசாதமாக விநியோகிக்கிறார்கள். இதற்கு "காலா" என்று பெயர். காலா பிரசாதம் பெற்றுக் கொள்வதோடு வாரகரி யாத்திரை பூர்த்தியாவதாக பக்தர்கள் கருதுகிறார்கள்.
 சந்திர பாக ஸ்நானம், ஷேத்ர பிரதட்சணம், பாண்டுரங்க தரிசனம், ஹரிகீர்த்தனம் ஆகிய நான்கும் பண்டரியில் செய்ய வேண்டிய சதுர்வித அனுஷ்டானங்களாகும். ஆஷாட ஏகாதசி "சயன ஏகாதசி' என்றும் அழைக்கப்படுகிறது. (மஹாவிஷ்ணு சயனிக்க ஆரம்பிக்கிற சாதுர்மாஸ்ய ஆரம்பத்தில் வருகிற ஏகாதசி) இவ்வாண்டு, வட இந்திய பஞ்சாங்கத்தின் அடிப்படையில் ஆஷாட சுக்ல ஏகாதசி விரதம் ஜூலை 12 -ஆம் தேதி அமைகின்றது.
 - எஸ்.வெங்கட்ராமன்
 
 
 

]]>
https://images.dinamani.com/uploads/user/imagelibrary/2019/7/12/w600X390/vm1.jpg https://www.dinamani.com/weekly-supplements/vellimani/2019/jul/12/பக்தர்கள்-சங்கமிக்கும்-பண்டரிபுரம்-3190946.html
3190936 வார இதழ்கள் வெள்ளிமணி குருஸ்தலம் அருகே குருபீடம்! Friday, July 12, 2019 10:16 AM +0530 ஸ்ரீராமபக்தராக உலகெல்லாம் பிரசித்தி பெற்று விளங்கும் ஸ்ரீ ஆஞ்சநேய சுவாமிக்கு உலகெங்கும், குறிப்பாக, பாரத தேசமெங்கும் எண்ணற்ற ஆலயங்கள் உள்ளன. ராமாயணத்தில் ஆஞ்சநேயர்தான் 'விஸ்வரூபம்’ எடுத்துள்ளார். கடலைத் தாண்டுவதற்காக ஒரு முறை, அன்னை சீதையின் முன்பு ஒரு முறை, சஞ்சீவிமலை எடுத்துவருவதற்கு ஒரு முறை, என மூன்று முறை ஸ்ரீ ஆஞ்சநேயசுவாமி விஸ்வரூபம் எடுத்து அருள்பாலித்தார்.
 அந்த விஸ்வரூப கோலத்தில் ஸ்ரீ காஞ்சி மகாசுவாமிகளின் பரிபூர்ண அனுக்கிரஹத்தால் சென்னை நங்கநல்லூரில் 34 அடி உயரத்தில் சிலா விக்ரகத்தை அமைத்து உலகப் பிரசித்தி பெறச் செய்தார்கள் ஸ்ரீ ரமணி அண்ணா என்ற சுப்ரமண்ய சர்மா. மேலும், அவரே 36 அடி உயரம் கொண்ட பஞ்சமுக ஆஞ்சநேயரை பாண்டிச்சேரி அருகிலுள்ள பஞ்சவடியில் பிரதிஷ்டை செய்து தற்போது மிகச் சிறப்பாக இரண்டாவது முறையாக கும்பாபிஷேகம் செய்தார்கள்.
 தொடர்ந்து மூன்றாவது முறையாக, கும்பகோணம் அருகேயுள்ள குருஸ்தலமாகிய ஆலங்குடியில் இருந்து ஒரு கி. மீ. முன்பாக ஸ்ரீஞானபுரி சித்ரகூட தலத்தில் 33 அடி உயர ஆஞ்சநேய சுவாமியை பிரதிஷ்டை செய்து ஆலயத்தை உருவாக்கி வருகின்றார்கள். "ஸ்ரீஸங்கட ஹர மங்கள மாருதி' என்னும் திருநாமத்துடன் விளங்கி அருள்பாலிக்க உள்ள இவரது திருவுருவம் மிகவும் சிறப்பு வாய்ந்தது. பக்தியுடன், அஞ்சலி ஹஸ்த கோலத்தில் இடுப்பில் ம்ருத சஞ்ஜீவினி, விஷல்ய கரணீ, சாவர்ணிய கரணீ, ஸந்தான கரணீ என்கின்ற நான்கு வித திவ்ய மூலிகை வேர்களை தன் இடுப்பு வஸ்திரத்தில் பத்திரமாக வைத்துக்கொண்டுள்ளார்.
 தனது நீளமான அழகிய வாலின் நுனியில் சிறு மணியைக் கட்டிக்கொண்டு வாலை வலது காலின் பக்கத்தில் வைத்துக்கொண்டு தனது பக்தர்களின் பூத - ப்ரதே - பிசாச பயத்தையும், அப ம்ருத்யு யோகத்தையும், சனிபகவானின் உபத்ரவத்தையும், விஷப் பாம்பு, துஷ்ட
 எதிரிகளின் பீடையையும், பில்லி - சூன்ய தோஷங்களையும் மிதித்து நின்று பக்தர்களை எந்த ஆபத்திலும் காப்பாற்றுவேன் என்று காட்சி தந்து அருள்பாலிக்கும் அற்புத திருமேனி. ஆஞ்சநேயரின் வலது புறத்தில் ஸ்ரீலஷ்மி நரசிம்ம சுவாமியும், இடது புறத்தில் ஸ்ரீசீதா, லட்சுமணர் சமேத ஸ்ரீராமச்சந்தரமூர்த்தி சந்நிதியும் அருள்கூட்டுகின்றன.
 இத்தகைய அற்புத ஆலயத்தை, புனர்நிர்மாணம் செய்து பிரம்ம கும்பாபிஷேகம் நடந்த ஏதுவாக, ஜகத்குரு பதரி சங்கராச்சார்ய சமஸ்தானம், ஸ்ரீ சேஷத்ர சகடபுர ஸ்ரீ வித்யா பீடாதீஸ்வரர் ஸ்ரீ கிருஷ்ணானந்த தீர்த்த மகாசுவாமிகளின் மடத்தில் ஒப்படைத்து உள்ளார்கள்.
 இந்த ஆண்டு, சாதுர்மாஸ்ய விரதத்தை ஸ்ரீ ஆசார்யமகா சுவாமிகள் ஸ்ரீஞானபுரி சித்ரகூட தலத்தில் ஜூலை 16 -ஆம் நாள் முதல் மேற்கொள்ள இருக்கின்றார்கள். பக்தர்கள் குருஸ்தலம் அருகே உள்ள குரு பீடத்தை தரிசித்து, இவ்வாலயத் திருப்பணியில் பங்கு கொண்டு நலம் பெறலாம்.
 தொடர்புக்கு: 93621 32275 / 98401 60315.
 - இலக்கியமேகம் ஸ்ரீநிவாஸன்

]]>
https://images.dinamani.com/uploads/user/imagelibrary/2019/7/12/w600X390/GURUPEEDAM.JPG https://www.dinamani.com/weekly-supplements/vellimani/2019/jul/12/குருஸ்தலம்-அருகே-குருபீடம்-3190936.html
3186036 வார இதழ்கள் வெள்ளிமணி காலங்களில் எழுதிய கல்லின் கவிதை! DIN DIN Friday, July 5, 2019 09:45 AM +0530 அத்திகிரி - 5
 பேரருளாளன் பெருந்திருக்கோயில் 23 ஏக்கர் நிலப்பரப்பில் நீண்டு உயர்ந்த மதிற் சுவர்களுடன் வேழமென உயர்ந்த விண்ணகராய் காட்சியளிக்கிறது. இக்கோயில் குன்றைக் குடையாய்ப் பிடித்து குலங்காத்த கொழுநனுக்கு குன்றின் மேல் எடுக்கப்பட்ட கற்றளியாகும். சங்க காலத்திலேயே இருந்துள்ள இத்திருக்கற்றளியை முதலில் பல்லவர்கள் எடுப்பித்திருக்க வேண்டும். தொடர்ந்து சோழர், பாண்டியர், விசயநகரர் ஆகிய பேரரசுகள் காலத்தில் திருக்கோயில் வளாகம் விரிவுபடுத்தப்பட்டுள்ளதை கற்றளியின் கலைப்பாணிகளைக் கொண்டு அறிய முடிகிறது.
 முதலாம் ராஜாதிராஜன் மற்றும் முதலாம் குலோத்துங்க சோழன் இவர்களின் கலைப்பணியே இக்கோயிலின் விரிவாக்கத்திற்கான முக்கிய காரணமாகும். கி.பி.11-ஆம் நூற்றாண்டின் மையப்பகுதியில் இப்பணிகள் துவங்கப்பட்டு தற்போதுள்ள குன்றின் மேல் அமைந்த வரதர் கருவறை மற்றும் அதன் கீழே அமைந்துள்ள நரசிம்மர் சந்நிதி ஆகியவை கட்டுமானம் செய்யப்பட்டது. கி.பி.1073-இல் முதலாம் குலோத்துங்கள் இரண்டாம் மதிற்சுவரை எழுப்பினான். அவனது மகன் விக்கிரம சோழன் காலத்திலும் இக்கோயில் விரிவுபடுத்தப்பட்டுள்ளது.
 கல்லின் கவிதை
 விஜயநகர ஆட்சியின் துவக்கத்தில் பதினான்காம் நூற்றாண்டில் தாயார் சந்நிதியும், அபிஷேக மண்டபமும் கட்டப்பட்டன. சோழர்களின் கலைப்பணிக்குப் பின், விஜயநகர அரசர்கள் கிழக்கு கோபுரம், ஊஞ்சல் மண்டபம் மற்றும் கல்யாண மண்டபங்களை நிறுவினர். கிழக்கு கோபுரம் ஒன்பது நிலைகளுடன் 180 அடி உயரமுடையது. கோபுரத்தைத் தாண்டி உள்ளே பெரிய வளாகத்தின் இடது புறம் நூற்றுக்கால் மண்டபம் விளங்குகிறது. நூற்றுக்கால் மண்டபத்தில் தொங்கும் கல் சங்கிலி கல்லின் கவிதையாய் புகழ் பாடிக்கொண்டிருக்கிறது.
 கல்யாண மண்டபம்
 ராஜகோபுர வாயிலின் வழியாக நுழைந்ததும் நேராக ஒரே வரிசையில் அடுத்தடுத்து அமைந்துள்ள பெருமாள், தாயார் கல்யாண மண்டபங்கள் கல் கட்டுமானங்களைக் காணமுடிகின்றது. இம்மண்டபத்தின் கொடுங்கைப் பகுதியின் நான்கு மூலைகளிலும் தொங்கும் கற்சங்கிலிகள் வியக்க வைக்கும் விந்தையாகும். அதைத் தொடர்ந்து பலிபீடம், ஓங்கி உலகளந்த உத்தமனது கோயில், கொடிமரம் ஆகியனவும் தத்தம் கலைப்பாணிகளை உலகறியக் காட்டி நிற்கின்றன.
 அதனையடுத்த நுழைவாயிலின் இருபுறமும் அமைந்துள்ள சுவர்களில் சோழர்காலக் கல்வெட்டுகள் உள்ளன. அருகிலேயே தெய்வங்களின் ஆடைகளை சேமித்து வைக்கும் வஸ்திரக் கொட்டடி அமைந்துள்ளது. மகாமண்டபம் பெரிய பரப்பில் உயர்ந்த பிள்ளைக்கூட்டுத் தூண்களைப் பெற்று விளங்குகிறது. இவ்வரிசைத் தூண்கள் ஒவ்வொன்றும் வடிவமைப்பில் வேறுபாட்டினைக் கொண்டுள்ளன. மகாமண்டபத்தின் இருபுறமும் நீராட்டு மண்டபம், கிளிக்கூட்டு மண்டபங்கள் அமைந்துள்ளன.
 நீராட்டு மண்டபம் தாயார் சந்நிதியின் அருகே உள்ளது. இம்மண்டபம் நீண்ட நெடிய படிகளுடன் உயரத்தில் உத்தரப்பகுதியில் ஓவியங்களுடன் விளங்குவது குறிப்பிடத்தக்கது. தாயார் சந்நிதியின் எதிரே கிழக்கு நோக்கியபடி உற்சவர் திருமேனி எழுந்தருள்விக்கும் கண்ணாடி அறை உள்ளது. அர்ச்சாவதாரராய் விளங்கும் இம்மூர்த்தியே பிரம்மனின் வேள்வியில் எழுந்த அக்னி வடுக்களை தன் திருமுகத்தில் தாங்கியுள்ளார்.
 விஜயநகர அரசர்களால் கட்டப்பட்ட நீராட்டு மண்டபம், அபிஷேக மண்டபம், கிளிக்கூட்டு மண்டபம், தாயார் சந்நிதி, ஆண்டாள் சந்நிதி, மலையாள நாச்சியார் சந்நிதி, அனந்தாழ்வார் மற்றும் கரியமாணிக்க வரதர் சந்நிதி ஆகியன வரதர் கோயிலின் இம்மண்ணின் கைவினைஞர்களின் கட்டடக்கலையை உலகறிய பறைசாற்றும் உன்னதம் அறியமுடிகிறது.
 மூலவர் தேவராஜப் பெருமாள் கருவறை உயரமான குன்றின் மீது நிறுவப்பட்டுள்ளது. கருவறையை அடைய முதல் தளத்திலிருந்து 24 படிகளேற வேண்டும். இரு நிலைகளைக் கொண்ட மாடக்கோயிலாய் கருவறை விமானம் விளங்குகிறது.
 கருவறையின் நேர் கீழே குடைவரைக் கோயில் போன்ற கட்டுமானத்தில் யோக நரசிங்க பெருமாள் வீற்றிருக்கிறார். அத்தி குன்றின் மேல் நிலையில் வரதர் கருவறையும், கீழே நரசிங்கர் கருவறையுமாய் வேழமும் சிம்மமும் விழைந்த நன்மாடக்கோயில் கொண்டுள்ளான். வரதனின் கருவறையானது ஓங்கி உயர்ந்த மாடத்திலிருந்து இறைவன் நம்மை நோக்குவதைப் போன்று அமைக்கப்பட்டுள்ளது. கருவறையின் மையப்பகுதியில் நின்ற திருக்கோலமாய் புன்னகை தவழும் அதரங்களுடன் வரதர் அருள்கூட்டுகிறார்.
 கருவறைத் திருச்சுற்றின் வெளிப்புறச் சுவர்களில் தசாவதாரக் காட்சிகள், ராமாயணம் மற்றும் பாகவதக் காட்சிகள் விசயநகர காலத்து ஓவியங்களாகத் திகழ்கின்றன. இத்திருச்சுற்றின் தென்மேற்கு மூலையில் தொல்வரலாறுடைய பல்லி வடிவம் வணங்கப்பட்டு வருகின்றது. மூலவரை தரிசித்துவிட்டு மீண்டும் படிகள் இறங்கி வரவேண்டும். இவ்வகையில் இரட்டைத் தளங்களாக திருச்சுற்றுமாளிகை வரிசையான தூண்களுடன் நாற்புறமும் சுற்றி அமைக்கப்பட்டிருப்பது அபூர்வமாக மிகச் சில கோயில்களிலே ஆகும்.
 பெருந்தேவித்தாயார் சந்நிதி
 மூலவரை நோக்கியபடி தென்மேற்கே பெருந்தேவி தாயாருக்கு தனி சந்நிதி அமைந்துள்ளது. பெருந்தேவி தாயார் சந்நிதியின் முன் மண்டபம், படிகள் ஏறிச்சென்றால் வலதுபுறம் அமைந்துள்ள அர்த்தமண்டபம், கருவறை, அதற்கு முன்னால் அமைந்துள்ள மகா மண்டபம் ஆகியன அழகிய புடைப்புச் சிற்பங்களும், குதிரை வீரர்களும் விளங்கும் தூண்களுடன் காட்சியளிக்கின்றன. சோழர்கால சதுர வடிவக் கருவறையில் தாயார் வீற்றிருக்கும் கோலம், கருணையுடனும் வாத்சல்யத்துடனும் நம்மை அன்னை கண்களால் வருடுவதை உணரலாம்.
 திருக்கோயிலின் முதலாம் திருச்சுற்றில் கோயிலில் விளங்கிடும் மலையாள நாச்சியார், ஆண்டாள் நாச்சியார் சந்நிதிகள் முன் அமைந்துள்ள மண்டபத்துத் தூண்களில் இடம் பெற்றுள்ள பாகவதம், ராமாயணம் மற்றும் வாழ்வியல் சிற்பங்கள் விஜயநகரரின் கைவண்ணத்தைக் காட்டுகின்றன.
 நரசிம்மர் கருவறையின் முன்மண்டபத்தில் உள்ள நீண்ட நெடிய உருளைத்தூண்களின் கட்டுப்பகுதி என்றழைக்கப்படும் கட்டுமானத்தில் பூதகணங்கள் சங்குகளை ஊதிக்கொண்டு தூண்களைச் சுற்றி வட்டமாக அமர்ந்த நிலையில் குறுஞ்சிற்பங்களாகக் காட்டப்பட்டிருப்பது சிற்பக்கலையின் உன்னதத்தைக் காட்டி நிற்கிறது எனலாம்.
 இரண்டாம் திருச்சுற்றின் திருச்சுற்று மாளிகையின் சிற்றாலயங்களாய் ராமர் கோயில், அனந்தாழ்வார் சந்நிதி, கரியமாணிக்கப் பெருமாள் சந்நிதி ஆகியன அமைந்துள்ளன. இவற்றுள் ராமர் சந்நிதியின் முன் உள்ள மகா மண்டபத் தூண்களின் அமைப்பு கல்லில் வடிக்கப்பட்ட காவியமாய் விளங்குவது காணலாம். ஆச்சார்யர்கள் சந்நிதிகளும் மற்றும் நம்மாழ்வார் சந்நிதியும் உள்ளன. திருக்குளத்தின் கிழக்குத் திசையில் சக்கரத்தாழ்வார் சந்நிதிஅமைந்துள்ளது.
 இத்திருக்கோயிலினுள் உள்ள மூன்றாம் திருச்சுற்றில் அமைந்துள்ள அனந்தசரஸ் என்னும் திருக்குளத்தின் நடுவேயுள்ள நீராழி மண்டபத்தில் தான் அத்தி வரதர் ஜலசயனத்தில் இருந்தார். நீராழி மண்டபத்தின் கீழே செல்ல படிக்கட்டுகள் உள்ளன. மண்டபம் எழில் மிக்க கற்தூண்களால் கட்டமைக்கப் பட்டுள்ளது.
 - முனைவர் கோ . சசிகலா
 
 

]]>
https://images.dinamani.com/uploads/user/imagelibrary/2019/7/5/w600X390/athivara.jpg https://www.dinamani.com/weekly-supplements/vellimani/2019/jul/05/காலங்களில்-எழுதிய-கல்லின்-கவிதை-3186036.html