Dinamani - செய்திகள் - https://www.dinamani.com/sports/sports-news/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3235368 விளையாட்டு செய்திகள் புரோ கபடி லீக்: 1000 புள்ளிகளை குவித்த முதல் வீரர் பர்தீப் நர்வால் -பா.சுஜித்குமார் DIN Monday, September 16, 2019 01:54 AM +0530 நாடு முழுவதும் பெரும் வரவேற்பைப் பெற்றுள்ள புரோ கபடி லீக் போட்டியில் 1000 புள்ளிகளை குவித்த முதல் சாதனை வீரர் என்ற சிறப்பைப் பெற்றுள்ளார் பாட்னா பைரேட்ஸ் கேப்டன் பர்தீப் நர்வால்.

கிரிக்கெட்டில் முதன்முறையாக இந்தியன் ப்ரீமியர் லீக் போட்டி தொடங்கப்பட்டு அமோக வரவேற்பு பெற்றது. இதன் தொடர்ச்சியாக பாட்மிண்டன், மல்யுத்தம், வாலிபால், உள்பட பல்வேறு விளையாட்டுகளிலும் லீக் ஆட்டங்கள் நடத்தப்படுகின்றன.

பாரம்பரிய விளையாட்டான கபடியையும் மேம்படுத்த புரோ கபடி லீக் தொடங்கப்பட்டது. தற்போது 7}ஆவது சீசனாக வெற்றிகரமாக நடத்தப்பட்டு வரும் இந்த லீக் போட்டியில் 12 நகரங்களை அடிப்படையாகக் கொண்டு 12 அணிகள் பங்கேற்றுள்ளன. இதற்கு நாடு முழுவதும் பொதுமக்கள் மத்தியில் நல்ல வரவேற்பு கிட்டி வருகிறது.

அபாரமான வரவேற்பு: தற்போது 7}ஆவது சீசன் போட்டிகள் கடந்த ஜூலை மாதம் தொடங்கியது. அக்டோபர் மாதம் அரையிறுதி, இறுதி ஆட்டங்கள் ஆமதாபாதில் நடைபெறுகிறது. ஆசிய போட்டியில் தங்கம், உலகக் கோப்பை பட்டம் வென்ற இந்திய அணி வீரர்களும், பல்வேறு வெளிநாட்டு வீரர்களும் வெவ்வேறு அணிகளில் இடம் பெற்றுள்ளனர்.

இவர்களில் குறிப்பிடத்தக்கவர்கள் அஜய் தாகுர், பர்தீப் நர்வால், ரிஷாங் தேவதிகா, மொஹித் சில்லார், சுரேந்தர் நடா, தீபக் ஹூடா, ராகுல் செளஹான், ரோஹித் குமார், மஞ்சித் சில்லார், சந்தீப் நர்வால், மோனு கோயட் ஆகியோர் முக்கியமானவர்கள். ரைடர், டிபன்டர் என இவர்கள் வெவ்வேறு அணிகளில் இடம் பெற்று ஆடி வருகின்றனர்.

பாட்னா பைரேட்ஸ் அணி: பாட்னா பைரேட்ஸ் அணி கேப்டனாகத் திகழும் பர்தீப் நர்வால், ரைடராக உள்ளார்.

ஹரியாணா மாநிலம் சோனேபட்டைச் சேர்ந்த பர்தீப் நர்வால், 16.2.1997}இல் பிறந்தவர்.

ரைடரான பர்தீப் தனது அணி 3 முறை சாம்பியன் பட்டம் வெல்ல உதவினார். ரைடிங்கில் பல்வேறு சாதனைகளை தன் வசம் வைத்துள்ளார்.

புரோ கபடி லீக் 2}ஆவது சீசன் முதல் ஆடி வருகிறார் பர்தீப். அப்போதே ரைடில் 9 புள்ளிகளை குவித்து வியப்பை ஏற்படுத்தினார். சீசன் 5}இல் 369 ரைடு புள்ளிகளை பெற்றார். தற்போது கொல்கத்தாவில் நடைபெற்று வரும் ஏழாவது சீசன் போட்டியில் 1000 புள்ளிகளை குவித்த முதல் வீரர் என்ற சாதனையை நிகழ்த்தியுள்ளார்.

பல்வேறு சாதனைகள் நிகழ்த்துவேன்

புரோ கபடி போட்டியில் களமிறங்கிய நாள் முதல், இதுவரை எனது பயணம் சிறப்பாக இருந்துள்ளது. மேலும் பல்வேறு சாதனைகளை நிகழ்த்த வேண்டியுள்ளது. இந்த இடத்தை அடைய கடின உழைப்பு தேவைப்பட்டது. கபடி வீரராக, மேலும் சிறப்பாக செயல்பட்டு எனது அணியின் வெற்றிக்கு பாடுபடுவேன்.

ஒவ்வொரு ஆட்டத்திலும் நிலையான ஆட்டத்தை ஆடுவது முக்கியம்.பிளே ஆப் சுற்றுக்கு தகுதி பெற இனி வரும் ஆட்டங்கள் அனைத்திலும் வெல்ல வேண்டும். மேலும் 8 ஆட்டங்கள் உள்ள நிலையில், கேப்டனாக எனக்கு பொறுப்புள்ளது. பயிற்சியாளர் மற்றும் ஒவ்வொரு வீரரின் அணுகுமுறை குறித்து அமர்ந்து பேச வேண்டும். ஒவ்வொருவரது உடல்தகுதியையும் பாதுகாத்து, முழு திறமையை வெளிப்படுத்த வேண்டியது முக்கியம் என்றார் பர்தீப் நர்வால்.

பர்தீப் நர்வாலுக்கு அடுத்து சித்தார்த் தேசாய், நவீன் குமார் மணிந்தர் சிங், ராகுல் செளதரி உள்ளனர்.

மொத்தம் 1023 புள்ளிகளை குவித்துள்ளார் பர்தீப் நர்வால் என்பது குறிப்பிடத்தக்கது.

]]>
https://images.dinamani.com/uploads/user/imagelibrary/2019/9/16/w600X390/spt9.gif https://www.dinamani.com/sports/sports-news/2019/sep/16/புரோ-கபடி-லீக்-1000-புள்ளிகளை-குவித்த-முதல்-வீரர்-பர்தீப்-நர்வால்-3235368.html
3235326 விளையாட்டு செய்திகள் மழையால் கைவிடப்பட்டது இந்தியா-தென்னாப்பிரிக்க முதல் டி20 DIN DIN Monday, September 16, 2019 01:32 AM +0530 பலத்த மழையால் இந்தியா-தென்னாப்பிரிக்கா அணிகள் இடையிலான முதல் டி20 ஆட்டம் கைவிடப்பட்டது.
2020 டி20 உலகக் கோப்பைக்கு தயாராகும் வகையில் இந்திய அணி அடுத்தடுத்து பல்வேறு தொடர்களில் ஆட உள்ளது. இதன் முதல் கட்டமாக தென்னாப்பிரிக்காவுடன் 3 ஆட்டங்கள் கொண்ட தொடர் நடைபெறுகிறது.
இதன் முதல் ஆட்டம் தர்சாலாவில் ஞாயிற்றுக்கிழமை நடைபெறுவதாக இருந்தது. இரவு 7 மணிக்கு ஆட்டம் தொடங்கும் என அறிவிக்கப்பட்டிருந்தது. ஆனால் தர்மசாலாவில் தொடர்ந்து பலத்த மழை பெய்தது. மழையால் ஹிமாசலப்பிரதேச கிரிக்கெட் சங்க மைதானம் முழுவதும் நீரால் சூழப்பட்டிருந்ததால், டாஸ் போடுவது தாமதமானது.
களப் பணியாளர்கள் தொடர்ந்து மைதானத்தில் தேங்கி இருந்த நீரை அகற்றும் பணியில் ஈடுபட்டனர். ஆனால் மழை விடாததால், அப்பணியும் பாதிக்கப்பட்டது.
நடுவர்கள் ஆய்வு மேற்கொண்டதில் மழை பாதிப்பால் தொடர்ந்து ஆட்டத்தை நடத்த முடியாத நிலை ஏற்பட்டது தெரிந்தது.
இதனால் ஒரு பந்து கூட வீசப்படாத நிலையில் ஆட்டம் முழுமையாக கைவிடப்படுவதாக நடுவர்கள் அறிவித்தனர்.
இரண்டாவது டி20 ஆட்டம் வரும் புதன்கிழமை மொஹாலியில் நடைபெறுகிறது.

]]>
https://images.dinamani.com/uploads/user/imagelibrary/2019/9/16/w600X390/spt8.gif பலத்த மழையால் பாதுகாப்பாக மூடப்பட்டிருந்த தர்மசாலா கிரிக்கெட் மைதானம். https://www.dinamani.com/sports/sports-news/2019/sep/16/மழையால்-கைவிடப்பட்டது-இந்தியா-தென்னாப்பிரிக்க-முதல்-டி20-3235326.html
3235323 விளையாட்டு செய்திகள் உலக ஆடவர் குத்துச்சண்டை: போராடி வென்றார் கவிந்தர் சிங் DIN DIN Monday, September 16, 2019 01:31 AM +0530 உலக ஆடவர் குத்துச்சண்டை சாம்பியன்ஷிப் போட்டியில் 57 கிலோ பிரிவில் இந்திய நட்சத்திர வீரர் கவிந்தர் சிங் பிஷ்ட் போராடி வென்று அடுத்த சுற்றுக்கு முன்னேறினார்.
ரஷியாவின் எகடெரின்பர்க் நகரில் நடைபெறும் இப்போட்டியில் இந்திய அணி தொடர்ந்து வெற்றிகளை குவித்து வருகிறது. 
இரண்டாவது சுற்று ஆட்டத்தில் கவிந்தர் சிங்கும்-சீனாவின் செனா ஸிஹாவோவும் மோதினர். போட்டி கடுமையாக இருந்த நிலையில், இறுதியில் 3-2 என்ற புள்ளிக் கணக்கில் கவிந்தர் சிங் வென்றார். கடந்த 2017 ஹாம்பர்க் போட்டியில் காலிறுதிக்கு முன்னேறிய கவிந்தர், இந்த முறை பதக்கம் வெல்பவர்களில் ஒருவராக கருதப்படுகிறார்.  
சீன வீரர் முகம் முழுவதும் ரத்தம் வடிந்த நிலையில் வெளியேறினார்.இந்த வெற்றி மூலம் காலிறுதிக்கு முந்தைய சுற்றுக்கு தகுதி பெற்றார் கவிந்தர். சர்வதேச ஒலிம்பிக் கமிட்டியின் கட்டுப்பாட்டில் இப்போட்டி நடைபெற்று வருகிறது.

]]>
https://images.dinamani.com/uploads/user/imagelibrary/2019/9/16/w600X390/spt7.gif https://www.dinamani.com/sports/sports-news/2019/sep/16/உலக-ஆடவர்-குத்துச்சண்டை-போராடி-வென்றார்-கவிந்தர்-சிங்-3235323.html
3235320 விளையாட்டு செய்திகள் ஆஷஸ்: தொடரை சமன் செய்தது இங்கிலாந்து DIN DIN Monday, September 16, 2019 01:31 AM +0530 ஆஸ்திரேலியாவுக்கு எதிரான ஆஷஸ் தொடரின் 5-ஆவது டெஸ்டில் 135 ரன்கள் வித்தியாசத்தில் வென்று 2-2 என தொடரையும் சமன் செய்தது இங்கிலாந்து.
இரு அணிகளுக்கு இடையிலான 5 ஆட்டங்கள் கொண்ட ஆஷஸ் தொடர் இங்கிலாந்தில் நடைபெற்று வருகிறது. ஆஸி. 2-இலும், இங்கிலாந்து 1 ஆட்டத்திலும் வென்றன. ஒரு ஆட்டம் டிராவில் முடிந்தது. ஆஷஸ் கோப்பையை ஆஸ்திரேலியா கைப்பற்றிய நிலையில், இறுதி டெஸ்ட் ஆட்டம் லண்டன் ஓவல் மைதானத்தில் நடைபெற்று வருகிறது.
முதல் இன்னிங்ஸில் இங்கிலாந்து 294, ஆஸ்திரேலியா 225 ரன்களுக்கு ஆல் அவுட்டாகின. இதன் தொடர்ச்சியாக இங்கிலாந்து அணி இரண்டாவது இன்னிங்ஸில் ஜோன் டென்லி 94, பென் ஸ்டோக்ஸ் 67, ஜோஸ் பட்லர் 47 ஆகியோர் சிறப்பானஆட்டத்தால் 329 ரன்களுக்கு ஆல் அவுட்டானது. ஆஸி. தரப்பில் நாதன் லயன் 4 விக்கெட்டுகளை சாய்த்தார்.
399 ரன்கள் வெற்றி இலக்கு: ஆட்டத்தின் நான்காம் நாளான ஞாயிற்றுக்கிழமை ஆஸ்திரேலியா தனது இரண்டாவது இன்னிங்ûஸ தொடர்ந்தது.
இங்கிலாந்தின் பந்துவீச்சை எதிர்கொள்ள முடியாமல் ஆஸி. தொடக்க வரிசை வீரர்கள் சொற்ப ரன்களில் வெளியேறினர். மார்கஸ் ஹாரிஸ் 9, டேவிட் வார்னர் 11, ஸ்டீவ் ஸ்மித் 23 ஆகியோரை ஸ்டுவர்ட் பிராட் அவுட்டாக்கினார். நிலையான ஆட்டத்தை வெளிப்படுத்தி வந்த ஸ்மித் அவுட்டாகி சென்றது, ஆஸி. அணிக்கு பின்னடைவை ஏற்படுத்தியது.
மார்னஸ் லேபுச்சேனை 14 ரன்களுக்கு வெளியேற்றினார் ஜேக் லீச்.
மேத்யூ வேட் அபார சதம்: மிச்செல் மார்ஷ்-மேத்யூ வேட் இணை சேர்ந்து நிதானமாக ஆடி ரன்களை சேர்த்தனர்.  பொறுமையாக ஆடிய வேட் டெஸ்ட் சதத்தை பதிவு செய்தார். எனினும் மிச்செல் மார்ஷை 24 ரன்களுடன் பெவிலியனுக்கு அனுப்பினார் ஜோ ரூட்.
கேப்டன் டிம் பெயின் 21, பேட் கம்மின்ஸ் 9, நாதன் லயன் 1, ஹேஸல்வுட் 0 என சொற்ப ரன்களுடன் வெளியேறினர்.
1 சிக்ஸர், 17 பவுண்டரியுடன் 117 ரன்களை விளாசி வெளியேறினார் மேத்யூ. இறுதியில் 77 ஓவர்களில் 263 ரன்களுக்கு ஆல் அவுட்டானது ஆஸி.
பிராட்-லீச் 4 விக்கெட்: இங்கிலாந்து தரப்பில் பிராட் 4-62, ஜேக் லீச் 4-49, ரூட்  2-26 விக்கெட்டுகளை சாய்த்தனர். இந்த வெற்றி மூலம் தொடரையும் 2-2 என சமன் செய்தது இங்கிலாந்து. தொடர் நாயகனாக ஸ்மித்தும், ஆட்ட நாயகனாக ஆர்ச்சரும் தேர்வு பெற்றனர்.

]]>
https://images.dinamani.com/uploads/user/imagelibrary/2019/9/16/w600X390/spt6.gif https://www.dinamani.com/sports/sports-news/2019/sep/16/ஆஷஸ்-தொடரை-சமன்-செய்தது-இங்கிலாந்து-3235320.html
3235316 விளையாட்டு செய்திகள் வியத்நாம் ஓபன்: செளரவ் சாம்பியன் DIN DIN Monday, September 16, 2019 01:30 AM +0530 வியத்நாம் ஓபன் சூப்பர் சீரிஸ் பாட்மிண்டன் போட்டியில் இந்தியாவின் முன்னணி வீரர் செளரவ் வர்மா சாம்பியன் பட்டம் வென்றார்.
உலக பாட்மிண்டன் சம்மேளனம் பிடபிள்யுஎப் சூப்பர் 100 பாட்மிண்டன் போட்டி ஹோசிமின்சிட்டியில் நடைபெற்று வருகிறது. ஞாயிற்றுக்கிழமை நடைபெற்ற  ஆடவர் ஒற்றையர் பிரிவு இறுதி ஆட்டத்தில் செளரவ் வர்மா-சீனாவின் சுன் பெய் ஸியாங்கும் மோதினர்.
இதில் முதல் கேமை 21-12 என செளரவ் கைப்பற்றினார்.
எனினும் இரண்டாவது கேமில் சீன வீரர் சுன் ஆதிக்கம் செலுத்தி 21-17 என கைப்பற்றினார். இதனால் அதிர்ச்சி அடைந்த செளரவ் இறுதி கேமில் தொடக்கம் முதலே தீவிரமாக ஆடி 21-14 என்ற புள்ளிக் கணக்கில் வென்று சாம்பியன் பட்டத்தை கைப்பற்றினார்.
நிகழாண்டில் ஏற்கெனவே அவர் ஹைதராபாத் ஓபன், ஸ்லோவேனியன் போட்டிகளில் பட்டம் வென்றிருந்தார். நடப்பு தேசிய சீனியர் சாம்பியனாகவும் செளரவ் உள்ளது குறிப்பிடத்தக்கது.
பெல்ஜிய போட்டி: லக்ஷயா சாம்பியன்: பெல்ஜிய சர்வதேச பாட்மிண்டன் போட்டியில் இந்திய இளம் வீரர் லக்ஷயா சென் 21-14, 21-15 என்ற கேம் கணக்கில் டென்மார்க்கின் முன்னணி வீரர் விக்டர் வென்ட்செனை வீழ்த்தி பட்டம் வென்றார்.
 

]]>
https://images.dinamani.com/uploads/user/imagelibrary/2019/9/16/w600X390/spt5.gif https://www.dinamani.com/sports/sports-news/2019/sep/16/வியத்நாம்-ஓபன்-செளரவ்-சாம்பியன்-3235316.html
3235313 விளையாட்டு செய்திகள் உலக பில்லியர்ட்ஸ் போட்டி: 22-ஆவது முறையாக சாம்பியன் ஆனார் பங்கஜ் அத்வானி DIN DIN Monday, September 16, 2019 01:30 AM +0530 ஐபிஎஸ்எப் உலக பில்லியர்ட்ஸ் போட்டியில் 22-ஆவது முறையாக சாம்பியன் பட்டம் வென்றுள்ளார்  நட்சத்திர வீரர் பங்கஜ் அத்வானி.
இந்தியாவின் நிலையான விளையாட்டு வீரர்களில் ஒருவரான பங்கஜ் அத்வானி, மியான்மரின் மண்டாலே நகரில் நடைபெற்ற உலக சாம்பியன் போட்டியில் பங்கேற்று ஆடி வருகிறார். 
இந்நிலையில் ஞாயிற்றுக்கிழமை நடைபெற்ற இறுதிச் சுற்றில் உள்ளூர் வீரர் நே தவே ஓவை 6-2 என்ற புள்ளிக்கணக்கில் வீழ்த்தி பட்டம் வென்றார்.
கடந்த 2003-இல் இருந்து 34 வயதான பங்கஜ் வெல்லும் 22-ஆவது உலக சாம்பியன் பட்டமாகும். ஒவ்வொரு முறை உலகப் போட்டியில் பங்கேற்கும் போது, எனது ஆர்வம் மங்கவில்லை. தொடர்ந்து நாட்டுக்காக வெல்ல வேண்டும் என்ற ஊக்கம் அதிகரித்து வருகிறது என்றார் பங்கஜ்.

]]>
https://images.dinamani.com/uploads/user/imagelibrary/2019/9/16/w600X390/spt4.gif https://www.dinamani.com/sports/sports-news/2019/sep/16/உலக-பில்லியர்ட்ஸ்-போட்டி-22-ஆவது-முறையாக-சாம்பியன்-ஆனார்-பங்கஜ்-அத்வானி-3235313.html
3235309 விளையாட்டு செய்திகள் ஆசிய வாலிபால்: ஓமனை வீழ்த்தியது இந்தியா DIN DIN Monday, September 16, 2019 01:29 AM +0530 ஆசிய வாலிபால் சாம்பியன்ஷிப் போட்டியின் ஒரு பகுதியாக ஞாயிற்றுக்கிழமை நடைபெற்ற ஆட்டத்தில் ஓமனை வீழ்த்தியது இந்தியா.
20-ஆவது ஆசிய வாலிபால் போட்டி ஈரானில் நடைபெற்று வருகிறது. 
முதல் ஆட்டத்தில் இந்திய அணி, பலம் வாய்ந்த 2-ஆம் நிலை அணியான கஜகஸ்தானுடன் மோதியது. இதில் அபாரமாக ஆடிய இந்திய வீரர்கள் 3-2 என்ற செட் கணக்கில் அதை வீழ்த்தினர். (31-29, 25-14, 28-30, 18-25, 15-9).
இரண்டாவது ஆட்டத்தில் சீனா 3-0 என இந்தியாவை எளிதில் வீழ்த்தியது. (16-25, 15-25, 21-15). இதன் தொடர்ச்சியாக ஞாயிற்றுக்கிழமை 3-ஆவது ஆட்டத்தில் ஓமன் அணியை (22-25, 25-12, 25-21, 25-19) 3-1 என்ற செட் கணக்கில் வீழ்த்தி 5 புள்ளிகளைப் பெற்றது.
ஒலிம்பிக் தகுதிச் சுற்று மற்றும் நாக் அவுட் பிரிவுக்கு இந்தியா முன்னேற வேண்டும் என்றால் கஜகஸ்தான் அணியை சீனா வெல்ல வேண்டும்.

]]>
https://images.dinamani.com/uploads/user/imagelibrary/2019/9/16/w600X390/spt3.gif https://www.dinamani.com/sports/sports-news/2019/sep/16/ஆசிய-வாலிபால்-ஓமனை-வீழ்த்தியது-இந்தியா-3235309.html
3235305 விளையாட்டு செய்திகள் சீரி ஏ கால்பந்து:இன்டர் மிலன் முதலிடம் DIN DIN Monday, September 16, 2019 01:28 AM +0530 இத்தாலி சீரி ஏ கால்பந்து போட்டியில் இன்டர் மிலன் அணி மீண்டும் முதலிடத்தைக் கைப்பற்றி உள்ளது.
சனிக்கிழமை இரவு மிலனில் நடைபெற்ற ஆட்டத்தில் 1-0 என்ற கோல் கணக்கில் உடைனிஸ் அணியை வீழ்த்தி நீண்ட நாள்களுக்கு பின் முதலிடத்தைப் பெற்றது. 
நடப்பு சாம்பியன் ஜுவென்டஸ் அணி-புளோரென்டினா அணிகள் மோதிய ஆட்டம் கோலின்றி டிராவில் முடிந்தது. பல்வேறு வீரர்கள் காயத்தால் அவதிப்பட்டு வரும் ஜுவென்டஸ் அணிக்கு இந்த டிரா பாதிப்பை ஏற்படுத்தியுள்ளது. சாம்பியன்ஸ் லீக் போட்டிக்கு தயாராவதில் சிக்கலை உண்டாக்கியுள்ளது.
மான்செஸ்டர் சிட்டி தோல்வி: இங்கிலாந்து ப்ரீமியர் லீக் கால்பந்து போட்டியில் முன்னாள் சாம்பியன் மான்செஸ்டர் சிட்டி அணி 2-3 என்ற கோல் கணக்கில் நெளரிச் அணியிடம் அதிர்ச்சி தோல்வியடைந்தது.  ஏனைய அணிகளான லிவர்பூல், டாட்டன்ஹாம், செல்ஸி, மான்செஸ்டர் யுனைடெட் ஆகியவை தத்தமது ஆட்டங்களில் வெற்றி கண்டன.
லாலிகா: ஸ்பெயின் லா லிகா கால்பந்து போட்டியில் முன்னாள் சாம்பியன் ரியல் மாட்ரிட் 3-2 என்ற கோல் கணக்கில் லெவன்டே அணியை போராடி வென்றது. 
அதன் நட்சத்திர வீரர் கரீம் பென்ஸமா அற்புதமாக 2 கோல்களை அடித்து வெற்றிக்கு வித்திட்டார்.
நெய்மர் அற்புத கோல்: பிரான்ஸின் லீக் 1 போட்டியில் பிஎஸ்ஜி அணி வீரர் நெய்மர் அடித்த அற்புத கோலால் 1-0 என ஸ்டராஸ்போர்க் அணியை வென்றது.
உலகின் அதிகவிலை மதிப்பு மிகுந்த வீரரான நெய்மர், பார்சிலோனா அணியில் சேர மேற்கொண்ட முயற்சிகள் தோல்வியுற்ற நிலையில், 
பிஎஸ்ஜி அணிக்காக ஆடிய முதல் ஆட்டத்திலேயே கோலடித்து வெற்றி பெறச் செய்தார்.

]]>
https://images.dinamani.com/uploads/user/imagelibrary/2019/9/16/w600X390/pt2.gif https://www.dinamani.com/sports/sports-news/2019/sep/16/சீரி-ஏ-கால்பந்துஇன்டர்-மிலன்-முதலிடம்-3235305.html
3235302 விளையாட்டு செய்திகள் துளிகள்.. DIN DIN Monday, September 16, 2019 01:28 AM +0530 புணேயில் ஞாயிற்றுக்கிழமை நடைபெற்ற புரோகபடி லீக் ஆட்டத்தில் குஜராத் பார்ச்சூன் ஜெயன்ட்ஸ் அணியை 34-30 என்ற புள்ளிக் கணக்கில் வீழ்த்தியது தபாங் தில்லி அணி. நவீன் குமார் சிறந்த ரைடராகவும், விஷால் மானே சிறந்த டிபன்டராகவும் தேர்வு செய்யப்பட்டனர்.

தில்லி டாக்டர் கர்னி சிங் துப்பாக்கி சுடும் மைதானத்தில் நடைபெற்ற தேசிய தகுதிச் சுற்று போட்டி மகளிர் 50 மீ. ரைபிள் பிரிவில் 3 பிரிவுகளிலும் பட்டம் வென்றார் அன்ஜும் மொட்கில். ஜூனியர் ஆடவர் பிரிவில் விஜயவீர் சித்து 25 மீ ஸ்டாண்டர்ட் பிஸ்டல் பிரிவில் 2 பட்டம் வென்றார்.

சென்னை அடுத்த ஸ்ரீபெரும்புதூரில் உள்ள கார் பந்தய மைதானத்தில் ஞாயிற்றுக்கிழமை நடைபெற்ற எம்ஆர்எப் 1600 இந்திய சுற்றுலா கார் பிரிவு பந்தயத்தில் ராகுல் ரங்கசாமி, துருவ் சிவாஜி ஆகியோர் பட்டம் வென்றனர்.

]]>
https://www.dinamani.com/sports/sports-news/2019/sep/16/துளிகள்-3235302.html
3235119 விளையாட்டு செய்திகள் கடைசி டெஸ்டில் இங்கிலாந்து வெற்றி: 47 ஆண்டுகளுக்குப் பிறகு சமனில் முடிந்த ஆஷஸ் DIN DIN Sunday, September 15, 2019 11:12 PM +0530
ஆஸ்திரேலியாவுக்கு எதிரான கடைசி ஆஷஸ் டெஸ்ட் ஆட்டத்தில் இங்கிலாந்து அணி 135 ரன்கள் வித்தியாசத்தில் வெற்றி பெற்றது. 

இங்கிலாந்து, ஆஸ்திரேலியா அணிகளுக்கிடையிலான கடைசி ஆஷஸ் டெஸ்ட் ஆட்டம் ஓவல் மைதானத்தில் நடைபெற்று வருகிறது. டாஸ் வென்ற ஆஸ்திரேலிய கேப்டன் டிம் பெயின் முதலில் பந்துவீச்சைத் தேர்வு செய்தார். அதன்படி முதலில் பேட் செய்த இங்கிலாந்து அணி 294 ரன்கள் எடுத்து ஆட்டமிழந்தது. தொடர்ந்து, தனது முதல் இன்னிங்ஸை விளையாடிய ஆஸ்திரேலிய அணி 225 ரன்களுக்கு ஆட்டமிழந்தது.

இதையடுத்து, 69 ரன்கள் முன்னிலையுடன் இரண்டாவது இன்னிங்ஸைத் தொடங்கிய இங்கிலாந்து அணி, ஜோ டென்லி மற்றும் பென் ஸ்டோக்ஸின் அபார ஆட்டத்தால் வலுவான முன்னிலைப் பெற்றது. இதன்மூலம், 3-வது நாள் ஆட்டநேர முடிவில் இங்கிலாந்து அணி 8 விக்கெட்டுகளை இழந்து 313 ரன்கள் எடுத்திருந்தது. 

இந்நிலையில், ஜேக் லீச் மற்றும் ஜோஃப்ரா ஆர்ச்சர் 4-வது நாள் ஆட்டத்தை இன்று (ஞாயிற்றுக்கிழமை) தொடங்கினர். ஆட்டம் தொடங்கிய 2-வது ஓவரிலேயே ஆர்ச்சர் கம்மின்ஸ் பந்தில் ஆட்டமிழந்தார். 
இதன்பிறகு களமிறங்கிய ஸ்டுவர்ட் பிராட் வந்த வேகத்தில் இரண்டு சிக்ஸர்கள் அடித்து ரன்களை சற்று உயர்த்தினார். இதையடுத்து, லயான் பந்தில் சிக்ஸர் அடிக்க முயன்ற லீச் 9 ரன்களுக்கு ஆட்டமிழந்தார்.

இதன்மூலம், 2-வது இன்னிங்ஸில் 329 ரன்களுக்கு ஆட்டமிழந்த இங்கிலாந்து அணி, ஆஸ்திரேலியாவின் வெற்றிக்கு 399 ரன்களை இலக்காக நிர்ணயித்துள்ளது. ஆஸ்திரேலிய அணி தரப்பில், லயான் 4 விக்கெட்டுகளையும், சிடில், கம்மின்ஸ் மற்றும் மார்ஷ் ஆகியோர் தலா 2 விக்கெட்டுகளையும் வீழ்த்தினர்.

இதையடுத்து, ஆஸ்திரேலிய அணி கடின இலக்கை நோக்கி களமிறங்கியது. இந்த தொடர் முழுவதும் சொதப்பி வந்த ஆஸ்திரேலிய தொடக்க ஆட்டக்காரர்கள், இந்த இன்னிங்ஸிலும் சொதப்பினர். முதல் விக்கெட்டாக ஹாரிஸ் 9 ரன்களுக்கு பிராட் பந்தில் போல்டானார். அவரைத்தொடர்ந்து, டேவிட் வார்னர் 11 ரன்களுக்கு வழக்கம்போல் பிராட் பந்திலேயே ஆட்டமிழந்தார். 

இந்த ஆஷஸ் தொடரில் ஆஸ்திரேலியாவுக்கு நம்பிக்கையளித்து வந்த மார்னஸ் லாபுஷானே மற்றும் ஸ்டீவ் ஸ்மித் ஆகியோரும் இந்த இன்னிங்ஸில் சொதப்பினர். லாபுஷானே 14 ரன்களுக்கும், ஸ்டீவ் ஸ்மித் 23 ரன்களுக்கும் ஆட்டமிழந்தனர். 

இந்த ஆஷஸ் தொடரில் ஸ்டீவ் ஸ்மித் 80 ரன்களுக்கு குறைவாக ஆட்டமிழப்பது இதுவே முதன்முறை. ஸ்டீவ் ஸ்மித்தும் ஆட்டமிழந்ததால் ஆஸ்திரேலிய அணி நம்பிக்கையை இழந்தது. 

இதன்பிறகு, மேத்யூ வேட் சற்று நேர்மறையான ஆட்டத்தை வெளிப்படுத்தினார். அவருக்கு மிட்செல் மார்ஷ் மற்றும் டிம் பெயின் ஓரளவுக்கு ஒத்துழைப்பு தந்தனர். இதனால், வேட் அரைசதம் கடந்து நம்பிக்கையான ஆட்டத்தை வெளிப்படுத்தினார். 

இருந்தபோதிலும், மார்ஷ் மற்றும் பெயினால் 25 ரன்களைக் கடக்க முடியவில்லை. இதன்பிறகு, டெயிலண்டர்களைக் கொண்டு மேத்யூ வேட் டெஸ்ட் அரங்கில் 4-வது சதத்தை எட்டினார். 

சதம் அடித்த பிறகு, வேட்-இன் தலா 1 ஸ்டம்பிங் மற்றும் கேட்ச் வாய்ப்பை இங்கிலாந்து வீரர்கள் தவறவிட, அது அவருக்கு வாய்ப்பாக அமைந்தது. ஆனால், அது நீண்ட நேரம் தாக்குப்பிடிக்கவில்லை. 117 ரன்கள் எடுத்திருந்த வேட் ஜோ ரூட் பந்தில் ஸ்டம்பிங்க் முறையில் ஆட்டமிழந்தார். அதன்பிறகு, லயான் மற்றும் ஹேசில்வுட் ஆகியோர் ஜேக் லீச்சின் அடுத்தடுத்த பந்தில் ஆட்டமிழந்தனர். 

இதன்மூலம், 263 ரன்களுக்கு ஆட்டமிழந்த ஆஸ்திரேலிய அணி 135 ரன்கள் வித்தியாசத்தில் தோல்வியடைந்தது. இங்கிலாந்து தரப்பில் ஸ்டுவர்ட் பிராட் மற்றும் ஜேக் லீச் தலா 4 விக்கெட்டுகளையும், ஜோ ரூட் 2 விக்கெட்டுகளையும் வீழ்த்தினர். 

இந்த ஆட்டத்தில் வெற்றி பெற்றதன் மூலம், 5 ஆட்டங்கள் கொண்ட ஆஷஸ் தொடரை இங்கிலாந்து அணி 2-2 என சமன் செய்தது. 1972-க்குப் பிறகு ஆஷஸ் தொடர் சமனில் முடிவது இதுவே முதன்முறையாகும்.

ஆட்டநாயகன்: ஜோஃப்ரா ஆர்ச்சர்

தொடர்நாயகன் (இங்கிலாந்து): பென் ஸ்டோக்ஸ்

தொடர்நாயகன் (ஆஸ்திரேலியா): ஸ்டீவ் ஸ்மித்

]]>
Ashes drawn, England win at the Oval, Australia retained Ashes, Ben Stokes man of the series , Jofra Archer Man of the Match, Steve Smith Man of the Series, இங்கிலாந்து வெற்றி, சமனில் முடிந்த ஆஷஸ், ஆஸ்திரேலியா தோல்வி, ஆஷஸை தக்கவைத்தது ஆஸ்திரேலியா, ஆர்ச்ச https://images.dinamani.com/uploads/user/imagelibrary/2019/9/15/w600X390/England_Win.jpg புகைப்படம்: ஐசிசி டிவிட்டர் https://www.dinamani.com/sports/sports-news/2019/sep/15/england-win-at-the-oval-to-draw-the-ashes-3235119.html
3235116 விளையாட்டு செய்திகள் இந்தியா-தென் ஆப்பிரிக்கா முதல் டி20: மழையால் ஆட்டம் கைவிடப்பட்டது (விடியோ இணைப்பு) DIN DIN Sunday, September 15, 2019 08:19 PM +0530
இந்தியா, தென் ஆப்பிரிக்கா அணிகளுக்கிடையிலான முதல் டி20 ஆட்டம் மழையால் கைவிடப்பட்டுள்ளது. 

இந்தியாவுக்கு சுற்றுப்பயணம் மேற்கொண்டுள்ள தென் ஆப்பிரிக்க அணி தலா 3 ஆட்டங்கள் கொண்ட டி20 மற்றும் டெஸ்ட் தொடரில் விளையாடுகிறது. இதன் முதல் டி20 ஆட்டம் தரம்சாலாவில் இன்று (ஞாயிற்றுக்கிழமை) நடைபெறவிருந்தது. ஆனால், அங்கு மழை பெய்ததால் டாஸ் போடுவதில் தாமதம் ஏற்பட்டது. இதன்பிறகு, அங்கு மழை தொடர்ந்து பெய்துகொண்டே இருந்ததால் டாஸ் போடுவதிலேயே தொடர்ந்து தாமதம் நீடித்து வந்தது. 

இதையடுத்து, மழை தொடர்ந்து நீடித்துக்கொண்டே இருந்ததால் ஆட்டம் கைவிடப்படுவதாக நடுவர்கள் அறிவித்தனர். எனவே இந்தியா, தென் ஆப்பிரிக்கா அணிகளுக்கிடையிலான முதல் ஆட்டம் கைவிடப்பட்டது. 

இதைத்தொடர்ந்து, இரு அணிகளுக்கிடையிலான 2-வது டி20 ஆட்டம் மொகாலியில் வரும் 18-ஆம் தேதி நடைபெறுகிறது.

 

]]>
India vs South Africa, 1st T20 called off, Heavy Rain Dharamsala, இந்தியா தென் ஆப்பிரிக்கா முதல் டி20, மழையால் ஆட்டம் கைவிடப்பட்டது, தரம்சாலா டி20, மழை காரணமாக ஆட்டம் ரத்து https://images.dinamani.com/uploads/user/imagelibrary/2019/9/15/w600X390/Dharamsala_Stadium_Rain.jpg புகைப்படம்: ஐசிசி டிவிட்டர் https://www.dinamani.com/sports/sports-news/2019/sep/15/india-south-africa-1st-t20-called-off-due-to-rain-3235116.html
3235100 விளையாட்டு செய்திகள் தொடரை சமன் செய்யுமா இங்கிலாந்து? ஆஸ்திரேலியாவுக்கு 399 ரன்கள் இலக்கு DIN DIN Sunday, September 15, 2019 04:18 PM +0530
ஆஷஸ் டெஸ்ட் தொடரின் கடைசி ஆட்டத்தின் இரண்டாவது இன்னிங்ஸில் இங்கிலாந்து அணி 329 ரன்களுக்கு ஆட்டமிழந்ததன் மூலம், ஆஸ்திரேலிய அணியின் வெற்றிக்கு 399 ரன்கள் இலக்காக நிர்ணயிக்கப்பட்டுள்ளது. 

இங்கிலாந்து, ஆஸ்திரேலியா அணிகளுக்கிடையிலான கடைசி ஆஷஸ் டெஸ்ட் ஆட்டம் ஓவல் மைதானத்தில் நடைபெற்று வருகிறது. டாஸ் வென்ற ஆஸ்திரேலிய கேப்டன் டிம் பெயின் முதலில் பந்துவீச்சைத் தேர்வு செய்தார். அதன்படி முதலில் பேட் செய்த இங்கிலாந்து அணி 294 ரன்கள் எடுத்து ஆட்டமிழந்தது. தொடர்ந்து, தனது முதல் இன்னிங்ஸை விளையாடிய ஆஸ்திரேலிய அணி 225 ரன்களுக்கு ஆட்டமிழந்தது.

இதையடுத்து, 69 ரன்கள் முன்னிலையுடன் இரண்டாவது இன்னிங்ஸைத் தொடங்கிய இங்கிலாந்து அணி, ஜோ டென்லி மற்றும் பென் ஸ்டோக்ஸின் அபார ஆட்டத்தால் வலுவான முன்னிலைப் பெற்றது. இதன்மூலம், 3-வது நாள் ஆட்டநேர முடிவில் இங்கிலாந்து அணி 8 விக்கெட்டுகளை இழந்து 313 ரன்கள் எடுத்திருந்தது. 

மேலும் படிக்க: வெற்றிப் பாதையில் இங்கிலாந்து? மூன்றாம் நாள் ஆட்டநேர முடிவில் 382 ரன்கள் முன்னிலை

இந்நிலையில், ஜேக் லீச் மற்றும் ஜோஃப்ரா ஆர்ச்சர் 4-வது நாள் ஆட்டத்தை இன்று (ஞாயிற்றுக்கிழமை) தொடங்கினர். ஆட்டம் தொடங்கிய 2-வது ஓவரிலேயே ஆர்ச்சர் கம்மின்ஸ் பந்தில் ஆட்டமிழந்தார். இதன்பிறகு களமிறங்கிய ஸ்டுவர்ட் பிராட் வந்த வேகத்தில் இரண்டு சிக்ஸர்கள் அடித்து ரன்களை சற்று உயர்த்தினார். இதையடுத்து, லயான் பந்தில் சிக்ஸர் அடிக்க முயன்ற லீச் 9 ரன்களுக்கு ஆட்டமிழந்தார்.

இதன்மூலம், 2-வது இன்னிங்ஸில் 329 ரன்களுக்கு ஆட்டமிழந்த இங்கிலாந்து அணி, ஆஸ்திரேலியாவின் வெற்றிக்கு 399 ரன்களை இலக்காக நிர்ணயித்துள்ளது. ஆஸ்திரேலிய அணி தரப்பில், லயான் 4 விக்கெட்டுகளையும், சிடில், கம்மின்ஸ் மற்றும் மார்ஷ் ஆகியோர் தலா 2 விக்கெட்டுகளையும் வீழ்த்தினர்.

இந்த கடின இலக்கை நோக்கி ஆஸ்திரேலிய அணியின் தொடக்க ஆட்டக்காரர்கள் தற்போது களமிறங்கி விளையாடி வருகின்றனர்.

]]>
Ashes, England vs Australia, Lyon, England All Out, Australia Chasing, Oval Test, ஓவல் டெஸ்ட், இங்கிலாந்து ஆல் அவுட், ஆஸ்திரேலியா சேஸிங், லயான், ஆஷஸ் டெஸ்ட் https://images.dinamani.com/uploads/user/imagelibrary/2019/9/15/w600X390/Australia.jpg புகைப்படம்: ஐசிசி டிவிட்டர் https://www.dinamani.com/sports/sports-news/2019/sep/15/england-sets-399-as-target-for-australia-3235100.html
3234519 விளையாட்டு செய்திகள் 19-வயதுக்குட்பட்டோர் ஆசிய கிரிக்கெட்: இந்தியா சாம்பியன் DIN DIN Sunday, September 15, 2019 12:58 AM +0530 19 வயதுக்குட்பட்டோர் ஆசிய கோப்பை கிரிக்கெட் போட்டியில் வங்கதேசத்தை 5 ரன்கள் வித்தியாசத்தில் வீழ்த்தி சாம்பியன் பட்டம் வென்றது இந்தியா.

கொழும்புவில் சனிக்கிழமை நடைபெற்ற இறுதி ஆட்டத்தில் வங்கதேசத்தை எதிர்கொண்டது இந்தியா. முதலில் ஆடிய இந்திய அணி 32.4 ஓவர்களில் 106 ரன்களுக்கு ஆல் அவுட்டானது.  கேப்டன் துருவ் ஜெரல் 33, கரண் லால் 37, சாஸ்வத் ரவாத் 19 ஆகியோர் மட்டுமே இரட்டை இலக்கத்தில் ரன்களை சேர்த்தனர். ஏனைய வீரர்கள் அனைவரும் சொற்ப ரன்களுக்கு அவுட்டாகி வெளியேறினர். இதில் மூவர் டக் அவுட்டாயினர். வங்கதேசத் தரப்பில் மிருத்துஞ்சய் செளதரி 3-18, ஷமிக் ஹுசைன் 3-8 விக்கெட்டுகளை சாய்த்தனர்.

107 ரன்கள் என்ற எளிதான வெற்றி இலக்குடன் வங்கதேச அணி களமிறங்கியது. ஆனால் அந்த அணியும் தொடக்கத்தில் இருந்தே விக்கெட்டுகளை பறிகொடுத்தது. கேப்டன் அக்பர் அலி 23, மிருத்துஞ்சய் செளதரி 21 ஆகியோர் ஒரளவு நிலைத்து ஆடி அணியை சரிவில் இருந்து மீட்கப் போராடினர். 

எனினும் இந்திய பந்துவீச்சாளர்கள் அவர்களது முயற்சியை முறியடித்தனர். மற்ற வீரர்கள் வந்த வேகத்தில் பெவிலியன் திரும்பினர்.

இந்தியா த்ரில் வெற்றி: இறுதியில் 33 ஓவர்களில் 101 ரன்களுக்கு ஆல் அவுட்டானது வங்கதேசம். இந்திய தரப்பில் அதர்வா அங்கோல்கர் 5-28 விக்கெட்டுகளையும், ஆகாஷ் சிங் 3-12 விக்கெட்டுகளையும் சாய்த்தனர்.
5 ரன்கள் வித்தியாசத்தில் வென்று கோப்பையை கைப்பற்றியது இந்தியா.

]]>
https://images.dinamani.com/uploads/user/imagelibrary/2019/9/15/w600X390/spt9.gif கோப்பை வென்ற இந்திய அணியினர். https://www.dinamani.com/sports/sports-news/2019/sep/15/19-வயதுக்குட்பட்டோர்-ஆசிய-கிரிக்கெட்-இந்தியா-சாம்பியன்-3234519.html
3234514 விளையாட்டு செய்திகள் இந்திய கிரிக்கெட்டின் மீது அக்கறை உள்ளவர் தோனி DIN DIN Sunday, September 15, 2019 12:55 AM +0530 இந்திய கிரிக்கெட்டின் மீது அக்கறை கொண்டவர் தோனி. இந்த விவகாரத்தில் அவர் எங்களுடனே உள்ளார் என கேப்டன் விராட் கோலி கூறியுள்ளார்.
தென்னாப்பிரிக்க அணியுடன் 3 ஆட்டங்கள் கொண்ட டி20 தொடர் தர்மசாலாவில் ஞாயிற்றுக்கிழமை தொடங்குகிறது. இதற்காக 2 அணிகளும் சனிக்கிழமை தீவிர பயிற்சியில் ஈடுபட்டன.
அப்போது கேப்டன் கோலி கூறியதாவது:
தோனியின் எதிர்காலம் குறித்து கேட்ட போது கோலி கூறுகையில், அவருக்கு இந்திய கிரிக்கெட்டின் மீது அக்கறை உள்ளது. இதில் அணி நிர்வாகத்தைப் போலவே நோக்கம் கொண்டவர். ரிஷப் பந்த் போன்ற இளம் வீரர்களை உருவாக்கினாலும், 38 வயதான தோனி எப்போதும் விலை மதிப்பற்றவர்.
தோனி ஓய்வு விவகாரம் தற்போதைக்கு முற்றுப் பெறாததது. தோனி தனது விமர்சர்களுக்கு ஆட்டம் மூலமே சரியான பதிலடி தருபவர் என்பதை நினைவில் கொள்ள வேண்டும்.
விளையாட்டில் அனுபவம் எப்போதும் முக்கிய பங்கை வகிக்கும். பலமுறை மைதானத்தில் தோனி இதை நிரூபித்துள்ளார். அவர் தொடர்ந்து ஆடும் பட்சத்தில் அணிக்கு விலைமதிப்பற்றவர். ஓய்வு பெறும் முடிவென்பது தனிப்பட்ட விஷயம் ஆகும். 
குல்தீப், சஹல் நீக்கம்: குல்தீப் யாதவ், யுஜவேந்திர சஹல் ஆகியோர் டி20 தொடரில் சேர்க்கப்படாததற்கு காரணம், அவர்களது பேட்டிங் செயல்பாடு தான். இதனால் தான் உள்ளூர் போட்டிகளில் சிறப்பாக ஆடியவர்களுக்கு இத்தொடரில் வாய்ப்பு தரப்பட்டது.
சரியான விகிதத்தில் அணி அமைய வேண்டும் என்பதை கருதி இந்நடவடிக்கை எடுக்கப்பட்டது. அனைத்து அணிகளிலும் 9, 10-ஆம் நிலை வரை பேட்டிங் செய்யும் போது, நாமும் ஏன் அவ்வாறு ஆடக்கூடாது.
ஒருநாள் கிரிக்கெட்டில் அஸ்வின், ஜடேஜாவுக்கு பதிலாக குல்தீப், சஹல் சேர்க்கப்பட்ட போது, பலர் விமர்சித்தனர். எந்த முடிவெடுத்தாலும், பலமான சரியான அணி அமைய வேண்டும் என்பதே நோக்கமாகும். அடுத்து வரும் டி20 உலகக் கோப்பை ஒரு மைல்கல் போன்றதாகும். ஒவ்வொரு அணியும் இதற்காக தீவிரமாக தயாராவர். அதே போல் நாமும் அணியை உருவாக்குவோம்.
இதுபோன்ற தொடர்களில் வீரர்களின் இணைகளை சோதித்து பார்க்க முடியும். அவர்களது ஆடும் திறன், தகுதி, சர்வதேச அளவில் போட்டி மனப்பான்மை போன்றவை ஆய்வு செய்யப்படும். பல புதுமுகங்களுடன் ஆடுவது மகிழ்ச்சியாக உள்ளது என்றார் கோலி.

இன்றைய டி20 ஆட்டம்

தென்னாப்பிரிக்கா-இந்தியா
இடம்: தர்மசாலா
நேரம்: இரவு 7.00
 

]]>
https://images.dinamani.com/uploads/user/imagelibrary/2019/9/15/w600X390/spt8.gif https://www.dinamani.com/sports/sports-news/2019/sep/15/இந்திய-கிரிக்கெட்டின்-மீது-அக்கறை-உள்ளவர்-தோனி-3234514.html
3234510 விளையாட்டு செய்திகள் விஜய் ஹஸாரே கோப்பை போட்டி: தமிழக, புதுவை அணிகள் அறிவிப்பு DIN DIN Sunday, September 15, 2019 12:55 AM +0530 விஜய் ஹஸாரே கோப்பை கிரிக்கெட் போட்டிக்கான தமிழக அணியை டிஎன்சிஏ அறிவித்துள்ளது.
இந்திய முன்னாள் வீரர் தினேஷ் கார்த்திக் தமிழக அணியின் கேப்டனாகவும், விஜய் சங்கர் துணை கேப்டனாகவும் நியமிக்கப்பட்டுள்ளனர். விஜய் ஹஸாரே போட்டி ஜெய்ப்பூரில் வரும் 24 முதல் அக். 16-ஆம் தேதி வரை நடைபெறுகிறது.
மேலும் முன்னணி வீரர்களான முரளி விஜய், வாஷிங்டன் சுந்தர், அபிநவ் முகுந்த் உள்ளிட்டோரும் முக்கியமானவர்கள்.
அணி விவரம்: தினேஷ் கார்த்திக் (கேப்டன்), விஜய் சங்கர் (துணை கேப்டன்), அபிநவ் முகுந்த், எம்.விஜய், எம்.அபராஜித், எம்.அஸ்வின், வாஷிங்டன் சுந்தர், சாய் கிஷோர், என்.ஜெகதீசன், டி.நடராஜன், கே.விக்னேஷ், முகமது, எம்.சித்தார்த், அபிஷேக் தன்வர், ஹரி நிஷாந்த், கெளஷிக்.
எலைட் சி பிரிவில் தமிழகத்துடன், ராஜஸ்தான், மேற்கு வங்கம், பிகார், ஜம்மு-காஷ்மீர், திரிபுரா, சர்வீஸஸ், மத்தியபிரதேசம், குஜராத் அணிகள் இடம் பெற்றுள்ளன.
அனுபவம் மற்றும் இளம் வீரர்கள் கலந்ததாக தமிழக அணி உருவாக்கப்பட்டுள்ளது. விஜய் ஹஸாரே போட்டியில் தமிழக அணி சாதிக்கும் என பயிற்சியாளர் டி.வாசு நம்பிக்கை தெரிவித்தார்.
புதுச்சேரி: ரோஹித் (கேப்டன்), அகமது (துணை கேப்டன்), வினய் குமார், பராஸ் டோக்ரா, அருண் கார்த்திக், கார்த்திக், ஆனந்த் சுப்பிரமணியன், விக்னேஸ்வரன், சுரேஷ்குமார், சாகர் திரிவேதி, சாந்தமூர்த்தி, ஆஷித் ராஜீவ், சாகர் உதேஷி, இக்லாஸ்நாகா, அப்துல்சபர்.
கிரிக்கெட் அசோசியேஷன் ஆஃப் புதுச்சேரி பொறுப்பு செயலர் சந்திரன் இதைத் தெரிவித்துள்ளார்.

]]>
https://images.dinamani.com/uploads/user/imagelibrary/2019/9/15/w600X390/spt7.gif https://www.dinamani.com/sports/sports-news/2019/sep/15/விஜய்-ஹஸாரே-கோப்பை-போட்டி-தமிழக-புதுவை-அணிகள்-அறிவிப்பு-3234510.html
3234508 விளையாட்டு செய்திகள் உலக குத்துச்சண்டை போட்டி: அமித் பங்கால் அபாரம் DIN DIN Sunday, September 15, 2019 12:54 AM +0530 உலக ஆடவர் குத்துச்சண்டை சாம்பியன் போட்டியில் இந்திய நட்சத்திர வீரரும், ஆசிய சாம்பியனுமான அமித் பங்கால் காலிறுதிக்கு முந்தைய சுற்றுக்கு முன்னேறியுள்ளார்.
ரஷியாவின் எகடெரின்பர்க் நகரில் நடைபெறும் இப்போட்டியில் 50-க்கு மேற்பட்ட நாடுகளில் இருந்து 300 வீரர்கள் பங்கேற்றுள்ளனர். இந்தியாவும் இப்போட்டிக்கு வலுவான அணியை அனுப்பியுள்ளது. ஆசியப் போட்டி சாம்பியன் அமித் பங்கால் 52 கிலோ பிரிவில் சீன தைபேயின் டு போ வெயை 5-0 என்ற புள்ளிக் கணக்கில் எளிதாக வீழ்த்தி காலிறுதிக்கு முந்தைய சுற்றுக்கு தகுதி பெற்றார்.
23 வயதான அமித் தொடக்கம் முதலே ஆட்டம் முழுவதும் ஆதிக்கம் செலுத்தி சரமாரியாக குத்துகளை விட்டார். முதல் சுற்றில் அமித்துக்கு பை வழங்கப்பட்டது.
57-63 கிலோ பிரிவில் இந்திய வீரர் மணிஷ் கெளஷிக் 5-0 என்ற புள்ளிக் கணக்கில் டச்சு வீரர் லாக்ரûஸ வீழ்த்தி நாக் அவுட் சுற்றுக்கு தகுதி பெற்றார்.

]]>
https://images.dinamani.com/uploads/user/imagelibrary/2019/9/15/w600X390/spt6.gif https://www.dinamani.com/sports/sports-news/2019/sep/15/உலக-குத்துச்சண்டை-போட்டி-அமித்-பங்கால்-அபாரம்-3234508.html
3234506 விளையாட்டு செய்திகள் வியட்னாம் ஓபன்: செளரவ் வர்மா அபாரம் DIN DIN Sunday, September 15, 2019 12:53 AM +0530 வியட்னாம் ஓபன் பாட்மிண்டன் போட்டி இறுதிச் சுற்றுக்கு இந்திய நட்சத்திர வீரர் செளரவ் வர்மா தகுதி பெற்றுள்ளார்.
ஹோசிமின்சிட்டி நகரில் நடைபெற்று வரும் சூப்பர் சீரிஸ் பாட்மிண்டன் போட்டியின் அரையிறுதி ஆட்டம் சனிக்கிழமை நடைபெற்றது. இதில் இந்திய தேசிய சாம்பியன் செளரவ் வர்மா 22-20, 21-15 என்ற கேம் கணக்கில் ஜப்பானின் மினோரு கோகாவை வீழ்த்தி இறுதிச் சுற்றுக்கு தகுதி பெற்றார். இறுதிச் சுற்றில் அவர் சீனாவின் சன் பெய் ஸியாங்கை எதிர்கொள்கிறார்.
லக்ஷயா சென் அபாரம்: லியுவென் நகரில் நடைபெற்று வரும் பெல்ஜிய சர்வதேச சேலஞ்ச் போட்டியில் இந்திய இளம் வீரர் லக்ஷய சென் அரையிறுதியில் 21-18, 21-11 என்ற கேம் கணக்கில் டென்மார்க்கின் கிம் புருனை வீழ்த்தி இறுதிக்கு தகுதி பெற்றார். ஆசிய ஜூனியர் சாம்பியனான லக்ஷயா இறுதிச் சுற்றில் டென்மார்க்கின் விக்டர் வென்ட்செனை எதிர்கொள்கிறார்.

]]>
https://images.dinamani.com/uploads/user/imagelibrary/2019/9/15/w600X390/spt4.gif https://www.dinamani.com/sports/sports-news/2019/sep/15/வியட்னாம்-ஓபன்-செளரவ்-வர்மா-அபாரம்-3234506.html
3234505 விளையாட்டு செய்திகள் ஹரியாணா விளையாட்டுப் பல்கலை. முதல் வேந்தர் ஆனார் கபில் தேவ் DIN DIN Sunday, September 15, 2019 12:53 AM +0530 ஹரியாணா விளையாட்டுப் பல்கலைக்கழகத்தின் முதல் வேந்தராக கிரிக்கெட் ஜாம்பவான் கபில் தேவ் நியமிக்கப்பட்டுள்ளார்.
1983-இல் முதல் உலகக் கோப்பை வென்ற இந்திய அணியின் கேப்டன் கபில் தேவ். பல்வேறு சாதனைகளுக்கு உரியவர். இந்நிலையில் ஹரியாணா மாநிலம் சோனிபட் மாவட்டம் ராய் பகுதியில் விளையாட்டுப் பல்கலைக்கழகம் தொடங்கப்பட்டுள்ளது.
இதன் முதல் வேந்தராக கபில் தேவ் நியமிக்கப்பட்டுள்ளார் என அம்மாநில விளையாட்டுத் துறை அமைச்சர் அனில் விஜ் தெரிவித்துள்ளார்.
உடற்கல்வி, விளையாட்டு அறிவியல், நவீன தொழில்நுட்பம், ஊட்டச்சத்து, விளையாட்டு ஊடகம், சந்தைப்படுத்துதல் போன்றவை தொடர்பான பாடங்கள் இதில் பயிற்றுவிக்கப்படும் எனவும் தெரிவித்தார்.
காந்திநகர், சென்னைக்கு பின் நாட்டில் அமைக்கப்படும் 3-ஆவது விளையாட்டுப் பல்கலைக்கழகம் இதுவாகும்.

]]>
https://images.dinamani.com/uploads/user/imagelibrary/2019/9/15/w600X390/spt5.gif https://www.dinamani.com/sports/sports-news/2019/sep/15/ஹரியாணா-விளையாட்டுப்-பல்கலை-முதல்-வேந்தர்-ஆனார்-கபில்-தேவ்-3234505.html
3234504 விளையாட்டு செய்திகள் சீன, கொரிய ஓபன் போட்டியில் இருந்து விலகினார் ஸ்ரீகாந்த் DIN DIN Sunday, September 15, 2019 12:51 AM +0530 காயம் காரணமாக இந்திய பாட்மிண்டன் நட்சத்திர வீரர் கிடாம்பி ஸ்ரீகாந்த், சீன மற்றும் கொரிய ஓபன் போட்டிகளில் இருந்து விலகினார்.
சீன, மற்றும் கொரிய ஓபன் சூப்பர் சீரிஸ் போட்டிகள் நடைபெறவுள்ள நிலையில், நட்சத்திர வீரர் ணகாந்த், மூட்டு காயத்தால் பாதிக்கப்பட்டுள்ளார்.
செப். 17-இல் சாங்ஷூவில் சீன ஓபனும், 24-இல் இன்சியானில் கொரிய ஓபன் போட்டிகளும் நடைùபெறுகின்றன.
இதில் காந்த், சாய் பிரணீத் உள்ளிட்டோர் பங்கேற்பதாக இருந்தது. ஆனால் காயம் காரணமாக அவர் இதில் இருந்து விலகி விட்டார்.
இறுதியாக அவர் உலக பாட்மிண்டன் சாம்பியன்ஷிப் போட்டியில் ரவுண்ட் 16 சுற்றில் தோல்வியடைந்தார்.

]]>
https://images.dinamani.com/uploads/user/imagelibrary/2019/9/15/w600X390/spt3.gif https://www.dinamani.com/sports/sports-news/2019/sep/15/சீன-கொரிய-ஓபன்-போட்டியில்-இருந்து-விலகினார்-ஸ்ரீகாந்த்-3234504.html
3234503 விளையாட்டு செய்திகள் ஆசிய டேபிள் டென்னிஸ் சாம்பியன் போட்டி: சரத், சத்யன், மனிகா பங்கேற்பு DIN DIN Sunday, September 15, 2019 12:50 AM +0530 இந்தோனேஷியாவின் யோக்யகர்தா நகரில் ஞாயிற்றுக்கிழமை தொடங்கும் ஆசிய டேபிள் டென்னிஸ் சாம்பியன்ஷிப் போட்டியில் சரத், சத்யன்,மனிகா பத்ரா உள்ளிட்டோர் அடங்கிய 10 பேர் கொண்ட இந்திய அணி கலந்து கொள்கிறது.
2020 டோக்கியோ ஒலிம்பிக் போட்டிக்கு தகுதிச் சுற்று ஆட்டமாக இப்போட்டி அமைந்துள்ளது. 10 பேர் அணியில் 5 ஆடவர், 5 மகளிர் இடம் பெற்றுள்ளனர். இப்போட்டிக்காக சீனாவின் செங்டு நகரில் 10 நாள்கள் தீவிர பயிற்சி முகாமில் இந்திய அணி கலந்து கொண்டது. 
ஜப்பான், கொரியா, தைபே, சிங்கப்பூர் நாடுகளின் சிறந்த வீரர்களுடன் இந்திய ஆடவர் அணியின் சரத் கமல், சத்யன் ஞானசேகரன் மோத உள்ளனர்.
மகளிர் பிரிவில் மனிகா பத்ரா ஒற்றையர் பிரிவிலும், இரட்டையர் பிரிவில் மதுரிகா பட்கருடனும் இணைந்து ஆட உள்ளார். 
அதன் தொடர்ச்சியாக ஆசிய டேபிள் டென்னிஸ் யூனியன் பொதுக்குழு கூட்டத்தில் டிடிஎப்ஐ பொதுச் செயலர் எம்.சிங், பொருளாளர் அருண்குமார் பானர்ஜி கலந்து கொள்கின்றனர்.
ஆடவர்: மானவ் தாக்கர், அந்தோணி அமல்ராஜ், ஜி.சத்யன், ஹர்மீத் தேசாய், சரத்கமல்,
மகளிர்: சுதிர்தா முகர்ஜி, மதுரிகா பட்கர், அயிஹிகா முகர்ஜி, மனிகா பத்ரா, அர்ச்சனா காமத்.

]]>
https://images.dinamani.com/uploads/user/imagelibrary/2019/9/15/w600X390/spt2.gif https://www.dinamani.com/sports/sports-news/2019/sep/15/ஆசிய-டேபிள்-டென்னிஸ்-சாம்பியன்-போட்டி-சரத்-சத்யன்-மனிகா-பங்கேற்பு-3234503.html
3234502 விளையாட்டு செய்திகள் துளிகள்... DIN DIN Sunday, September 15, 2019 12:49 AM +0530  

போஸ்னியாவின் பஞ்சலுகா நகரில் நடைபெற்று வரும் ஏடிபி சேலஞ்சர் போட்டியின் இறுதிச் சுற்றுக்கு தகுதி பெற்றார் இந்தியாவின் சுமித் நாகல். சனிக்கிழமை நடைபெற்ற அரையிறுதியில் 7-6, 6-1 என நேர் செட்களில் ஸ்லோவேனியாவின் ஹோரன்ஸ்கியை வீழ்த்தினார். நெதர்லாந்தின் டேலன் கிரிக்ஸ்போரை இறுதி ஆட்டத்தில் எதிர்கொள்கிறார் நாகல்.

புது தில்லியில் சனிக்கிழமை நடைபெற்ற தேசிய துப்பாக்கி சுடுதல் தகுதிச் சுற்று போட்டியில் ஆசிய சாம்பியன் செளரவ் செளதரி ஆடவர் 10 மீ ஏர்பிஸ்டல் பிரிவில் தானே நிகழ்த்திய உலக சாதனையை முறியடித்தார். ஏற்கெனவே அவர் இதில் 246.3 புள்ளிகளை குவித்திருந்த அவர் இதில் 246.8 புள்ளிகளை குவித்து பட்டம் வென்றார்.

டி20 தொடரில் இந்திய அணியின் நவ்தீப் சைனி, தீபக் சஹார், கலீல் அகமது ஆகியோர் கொண்ட அனுபவமில்லாத வேகப்பந்து வீச்சை தென்னாப்பிரிக்க பேட்ஸ்மேன்கள் சிறப்பாக பயன்படுத்திக் கொள்ள வேண்டும் என அதன் பேட்டிங் துணை பயிற்சியாளர் லான்ஸ் குளுஸ்நர் கூறியுள்ளார். 

கஜகஸ்தானின் நுர் சுல்தான் நகரில் சனிக்கிழமை தொடங்கிய உலக மல்யுத்த சாம்பியன் போட்டியில் முதல் நாள் இந்தியாவுக்கு ஏமாற்றமாக அமைந்தது. கிரேக்கோ ரோமன் பிரிவில் களமிறங்கிய 4 வீரர்களில் ஒருவர் கூட வெற்றி பெற்று அடுத்த சுற்றுக்கு தகுதி பெறவில்லை. 

சென்னை அடுத்த ஸ்ரீபெரும்புதூரில் சனிக்கிழமை நடைபெற்ற எம்ஆர்எப் எம்எம்எஸ்சி எப்எம்எஸ்சிஐ தேசிய கார் பந்தய சாம்பியன் போட்டியில் அஸ்வின் தத்தா பார்முலா எல்ஜிபி 1300 பிரிவில் பட்டம் வென்றார். சென்னை வீரர் ராகுல் ரங்கசாமி இரு பிரிவுகளில் 5-ஆம் இடத்தில் உள்ளார்.

மியான்மரின் மண்டாலே நகரில் சனிக்கிழமை நடைபெற்ற ஐபிஎஸ்எப் உலக பில்லியர்ட்ஸ் சாம்பியன்ஷிப் போட்டி இறுதிச் சுற்றுக்கு இந்தியாவின் முதல்நிலை வீரர் பங்கஜ் அத்வானி தகுதி பெற்றுள்ளார். 

துருக்கியில் நடைபெற்று வரும் எப்ஐஏ உலக கார்பந்தய சாம்பியன்ஷிப் போட்டி (ரேலி 2)-இல் இந்தியாவின் கெளரவ் கில் வாகனத்தில் தொழில்நுட்பக் கோளாறு ஏற்பட்ட நிலையிலும் போராடி 12-ஆவது சுற்றில் 6-ஆவது இடத்துக்கு முன்னேறியுள்ளார்.
 

]]>
https://www.dinamani.com/sports/sports-news/2019/sep/15/துளிகள்-3234502.html
3234406 விளையாட்டு செய்திகள் வெற்றிப் பாதையில் இங்கிலாந்து? மூன்றாம் நாள் ஆட்டநேர முடிவில் 382 ரன்கள் முன்னிலை DIN DIN Saturday, September 14, 2019 11:35 PM +0530
ஆஸ்திரேலியாவுடனான கடைசி ஆஷஸ் டெஸ்டின் 3-வது நாள் ஆட்டநேர முடிவில் இங்கிலாந்து அணி 382 ரன்கள் முன்னிலை பெற்று வெற்றிப் பாதையில் உள்ளது. 

இங்கிலாந்து, ஆஸ்திரேலியா அணிகளுக்கிடையிலான கடைசி ஆஷஸ் டெஸ்ட் ஆட்டம் ஓவல் மைதானத்தில் நடைபெற்று வருகிறது. டாஸ் வென்ற ஆஸ்திரேலிய கேப்டன் டிம் பெயின் முதலில் பந்துவீச்சைத் தேர்வு செய்தார். அதன்படி முதலில் பேட் செய்த இங்கிலாந்து அணி 294 ரன்கள் எடுத்து ஆட்டமிழந்தது. தொடர்ந்து, தனது முதல் இன்னிங்ஸை விளையாடிய ஆஸ்திரேலிய அணி 225 ரன்களுக்கு ஆட்டமிழந்தது.

இதையடுத்து, 69 ரன்கள் முன்னிலையுடன் இரண்டாவது இன்னிங்ஸைத் தொடங்கிய இங்கிலாந்து அணி 2-வது நாள் ஆட்டநேர முடிவில் விக்கெட் இழப்பின்றி 9 ரன்கள் எடுத்திருந்தது. 

இந்நிலையில், தொடக்க ஆட்டக்காரர்கள் ரோரி பர்ன்ஸ் மற்றும் ஜோ டென்லி இன்று (சனிக்கிழமை) 3-வது நாள் ஆட்டத்தைத் தொடங்கினார். இந்த இணை முதல் விக்கெட்டுக்கு 54 ரன்கள் சேர்த்திருந்த நிலையில், ரோரி பர்ன்ஸ் 20 ரன்களுக்கு லயான் பந்தில் ஆட்டமிழந்தார். அதன்பிறகு, சிறிது நேரம் தாக்குப்பிடித்த ஜோ ரூட்டும் 21 ரன்களுக்கு லயான் சுழலில் சிக்கினார். 

இங்கிலாந்தை மீட்ட இணை:

இதன்பிறகு, ஜோ டென்லியுடன் பென் ஸ்டோக்ஸ் இணைந்தார். இந்த இணை தொடக்கத்தில் படுநிதான ஆட்டத்தை வெளிப்படுத்தினர். இந்த இணையில் முதலில் டென்லி அரைசதத்தைக் கடந்தார். அவருக்குப் பிறகு ஸ்டோக்ஸும் அரைசதத்தை எட்டினார். இதன்பிறகு ஒரு கட்டத்தில் ரன் வேகத்தை சற்று துரிதப்படுத்தினர். இதனால், இங்கிலாந்து அணியின் முன்னிலையும் 250 ரன்களைக் கடக்க ஆஸ்திரேலியா திணறியது.

இந்நிலையில், 67 ரன்கள் எடுத்திருந்த ஸ்டோக்ஸ் லயானின் அற்புதமான பந்தில் போல்டானார். டென்லி, ஸ்டோக்ஸ் இணை 3-வது விக்கெட்டுக்கு 127 ரன்கள் சேர்த்தது. இதன்பிறகு, சதம் அடிப்பார் என்று எதிர்பார்க்கப்பட்ட டென்லியும் துரதிருஷ்டவசமாக 94 ரன்களுக்கு ஆட்டமிழந்தார்.

இதன்பிறகு மீண்டும் சீரான இடைவெளியில் இங்கிலாந்து அணி விக்கெட்டுகளை இழக்கத் தொடங்கியது. பேர்ஸ்டோவ் 14, கரண் 17, வோக்ஸ் 6 ரன்களுக்கு ஆட்டமிழந்தனர். முதல் இன்னிங்ஸைப் போல் பின்வரிசையில் நம்பிக்கையளித்து வந்த பட்லரும் வோக்ஸ் ஆட்டமிழந்த அடுத்த பந்திலேயே 47 ரன்களுக்கு ஆட்டமிழந்தார். இதனால், இங்கிலாந்து அணி 305 ரன்களுக்கு 8 விக்கெட்டுகளை இழந்தது. 

இதையடுத்து, ஜோஃப்ரா ஆர்ச்சர் மற்றும் ஜேக் லீச் 3-வது நாள் ஆட்டநேரம் முடியும் வரை மேற்கொண்டு விக்கெட் விழாமல் பார்த்துக் கொண்டனர். ஆட்டநேர முடிவில் இங்கிலாந்து அணி 8 விக்கெட்டுகளை இழந்து 313 ரன்கள் எடுத்துள்ளது. இதன்மூலம், அந்த அணியின் முன்னிலை 382 ரன்களாக உள்ளது. 

இந்த ஆட்டத்தில் இன்னும் 2 முழு நாட்கள் மீதமுள்ள நிலையில், இங்கிலாந்து அணி 400 ரன்களுக்கு மேல் இலக்கை நிர்ணயித்தால், அது ஆஸ்திரேலிய அணிக்கு கடுமையான சவாலாக இருக்கும். மேலும், இந்த ஆட்டத்தில் வெற்றி பெற்றால், இங்கிலாந்து அணி ஆஷஸை இழந்தாலும் தொடரையாவது சமன் செய்யலாம். 

]]>
ஆஷஸ் டெஸ்ட், டென்லி, ஸ்டோக்ஸ் அரைசதம், இங்கிலாந்து ஆதிக்கம், ஆஸ்திரேலியா திணறல், Oval Test, England massive lead, Denly 94, stokes half century, Denly Stokes, Australia , Smith catch, Marnus Labuschagne https://images.dinamani.com/uploads/user/imagelibrary/2019/9/14/w600X390/Joe_Denly_Ben_Stokes.jpg புகைப்படம்: ஐசிசி டிவிட்டர் https://www.dinamani.com/sports/sports-news/2019/sep/14/england-on-commanding-position-by-massive-lead-of-382-at-stumps-day-3-3234406.html
3234396 விளையாட்டு செய்திகள் பரபரப்பான இறுதிச்சுற்று: யு-19 ஆசியக் கோப்பையை வென்றது இந்திய அணி! எழில் DIN Saturday, September 14, 2019 04:55 PM +0530  

19 வயதுக்குட்பட்டோருக்கான ஆசியக் கோப்பை இறுதிச்சுற்றில் வங்கதேச அணியை 5 ரன்கள் வித்தியாசத்தில் வென்றுள்ளது இந்திய அணி.

கொழும்பில் நடைபெற்ற இறுதிச்சுற்றில் முதலில் விளையாடிய இந்திய யு-19 அணி, 32.4 ஓவர்களில் 106 ரன்களுக்கு அனைத்து விக்கெட்டுகளையும் இழந்தது. கேப்டன் ஜுரெல் 33 ரன்களும் சுழற்பந்துவீச்சாளர் கரன் லால் 37 ரன்களும் எடுத்தார்கள். வங்கதேச அணியின் செளதுரி, ஷமிம் தலா 3 விக்கெட்டுகளை எடுத்தார்கள்.

எளிதான இலக்கை எதிர்கொள்ள வங்கதேச யு-19 அணி மிகவும் சிரமப்பட்டது. 51 ரன்களுக்குள் முதல் ஆறு விக்கெட்டுகளை இழந்தது. இதன்பிறகு வங்கதேச அணியின் பந்துவீச்சாளர்கள் இலக்கை விரட்ட மிகவும் முயன்றார்கள். கடைசியில் வங்கதேச அணியால் 33 ஓவர்களில் 101 ரன்கள் மட்டுமே எடுக்கமுடிந்தது. 9-வது விக்கெட்டுக்கு ஜோடி சேர்ந்த தன்ஷிமும் ரகிபுலும் ஓரளவு ரன்கள் சேர்த்து வெற்றிக்கு அருகில் சென்றார்கள். எனினும் 33-வது ஓவரில் இரு விக்கெட்டுகள் எடுத்து இந்திய அணி கோப்பையை வெல்ல உதவினார் அதர்வா அன்கோல்கர். ஆட்ட நாயகனும் விருதும் அவருக்கே சென்றது. 

யு-19 ஆசியக் கோப்பையை வென்ற அணிகள்

1989: இந்தியா
2003: இந்தியா
2012: இந்தியா & பாகிஸ்தான்
2014: இந்தியா
2016: இந்தியா
2017: ஆப்கானிஸ்தான்
2018: இந்தியா
2019: இந்தியா 

]]>
India U19, Asian Cricket Council, Asia Cup, Colombo, Under-19s https://images.dinamani.com/uploads/user/imagelibrary/2017/1/13/w600X390/bcci_991.jpg https://www.dinamani.com/sports/sports-news/2019/sep/14/india-u19-won-by-5-runs-3234396.html
3234391 விளையாட்டு செய்திகள் தோனி குறித்த அந்த ட்வீட், எனக்கொரு பாடம்: விராட் கோலி ஒப்புதல்! எழில் DIN Saturday, September 14, 2019 04:32 PM +0530  

இரு நாள்களுக்கு முன்பு, ஆஸ்திரேலியாவுக்கு எதிரான டி20 ஆட்டமொன்றில் தோனியுடன் எடுத்த புகைப்படத்தை ட்வீட் செய்தார் விராட் கோலி. இந்த ஆட்டத்தை என்னால் மறக்கமுடியாது. விசேஷமான இரவு. இவர் (தோனி), உடற்தகுதிக்கான சோதனை போல என்னை ஓடவைத்தார் என்று ட்வீட் செய்தார் கோலி. 

இந்த ஒரு ட்வீட், மிகப்பெரிய பரபரப்பை ஏற்படுத்தியது. தோனி ஓய்வு பெறப்போகிறார். அதனால்தான் புகழுரையாக இந்த ட்வீட்டை கோலி வெளியிட்டுள்ளார் என ரசிகர்கள் கருதினார்கள்.

அந்த ட்வீட் குறித்து விராட் கோலி கூறியுள்ளதாவது: 

அந்த ட்வீட்டை எந்தக் காரணத்துக்காகவும் வெளியிடவில்லை. வீட்டில் அமர்ந்துகொண்டு ஒரு புகைப்படத்தை வெளியிட்டேன். அது செய்தியாகிவிட்டது. எனக்கு இது ஒரு பாடம் என நினைக்கிறேன். நான் எண்ணுவது போல உலகமும் எண்ணாது என்பதைக் கற்றுக்கொண்டேன். அந்தப் படம், ஓய்வுக்கான புகழுரையாக இருக்கும் எனக் கனவிலும் எண்ணவில்லை. என்னுடைய மற்ற ஆட்டங்கள் போல ஆஸ்திரேலியாவுக்கு எதிரான அந்த டி20 ஆட்டம் குறித்து நான் அதிகம் பேசியதில்லை. அந்த ஆட்டத்தை நான் இன்றும் நினைவில் வைத்துள்ளேன். அதைப் பற்றி பேசியதில்லை என்பதால் புகைப்படத்துடன் பதிவை வெளியிட்டேன். ஆனால் மக்கள் அதை வேறு மாதிரி புரிந்துகொண்டுவிட்டார்கள். அதில் துளியும் உண்மையில்லை என்று கூறியுள்ளார்.

]]>
virat kohli, MS Dhoni, MS Dhoni picture tweet, lesson, T20 International https://images.dinamani.com/uploads/user/imagelibrary/2019/9/14/w600X390/dhoni1.jpg https://www.dinamani.com/sports/sports-news/2019/sep/14/virat-kohli-on-ms-dhoni-picture-tweet-3234391.html
3234385 விளையாட்டு செய்திகள் அடுத்த வருடம், சிஎஸ்கே அணியில் விளையாடத் தயாராக இரு என்றார் தோனி: தீபக் சஹார் எழில் DIN Saturday, September 14, 2019 03:32 PM +0530  

மிகவும் எதிர்பார்க்கப்படும் இந்தியா - தென் ஆப்பிரிக்கா அணிகளுக்கு இடையிலான டி20 தொடர் தர்மசாலாவில் நாளை தொடங்குகிறது. முழு உற்சாகத்துடன் காணப்படும் கேப்டன் விராட் கோலி தலைமையிலான இந்திய அணி அடுத்து தென்னாப்பிரிக்க அணியுடன் 3 ஆட்டங்கள் கொண்ட டி20 தொடரில் மோதுகிறது.

இந்நிலையில் ஆங்கில நாளிதழ் ஒன்றுக்கு வேகப்பந்துவீச்சாளர் தீபக் சஹார் பேட்டியளித்ததாவது:

புணே சூப்பர் ஜெயண்ட்ஸ் அணியில் வலைப்பயிற்சியில் ஈடுபட்டிருந்தபோது என்னுடைய பேட்டிங் தோனியை ஈர்த்தது. அதன்பிறகு பந்துவீசுவதைப் பார்த்து அவருக்கு என்னை மேலும் பிடித்துப்போனது. அணியின் கேப்டனாக இருந்ததால் என்னை விளையாட வைக்கவேண்டும் என்பதில் அவர் ஆர்வமாக இருந்தார். ஆனால் காயங்கள் காரணமாக என்னால் விளையாடமுடியாமல் போனது. அடுத்த வருடம் புணே அணியின் கேப்டனாக ஸ்மித் இருந்தார். அவர் மற்ற வீரர்களுக்கு வாய்ப்பளித்தார். எனவே எனக்குப் போதுமான வாய்ப்புகள் கிடைக்கவில்லை.

ஐபிஎல் 2017 இறுதிச்சுற்றில், மும்பையிடம் புணே அணி தோற்ற பிறகு, நான் தோனியிடம் சென்று அறிவுரை கேட்டேன், நான் எவ்வாறு என்னை மேம்படுத்துவது என. அதற்கு அவர் சொன்னார் - அடுத்த வருடம் சென்னை சூப்பர் கிங்ஸ் அணிக்காக விளையாடத் தயாராக இரு என்றார். 2018, 2019 ஐபிஎல் போட்டிகளுக்குப் பிறகுதான் எல்லோரும் என்னைக் கவனிக்க ஆரம்பித்துள்ளார்கள்.

தென் ஆப்பிரிக்காவுக்கு எதிரான டி20 தொடரில் முக்கியமான இந்திய வேகப்பந்துவீச்சாளர்கள் விளையாடவில்லை. இதனால் எனக்கு அழுத்தம் ஏற்படவில்லை. சிஎஸ்கே அணிக்காக விளையாடியபோது வேகப்பந்துவீச்சுக்குத் தலைமை வகித்தேன். பவர்பிளேயில் அதிக ஓவர்கள் வீசினேன். எனவே என்னால் நன்றாக விளையாட முடியும் என நம்பிக்கை உள்ளது என்று கூறியுள்ளார். 

]]>
Deepak Chahar, South Africa, T20I, three-match series, T20 series https://images.dinamani.com/uploads/user/imagelibrary/2019/9/14/w600X390/chahar11.jpg https://www.dinamani.com/sports/sports-news/2019/sep/14/deepak-chahar-3234385.html
3234354 விளையாட்டு செய்திகள் டான் பிராட்மேனின் 71 வருடச் சாதனையை வீழ்த்தினார் ஸ்டீவ் ஸ்மித்! எழில் DIN Saturday, September 14, 2019 11:22 AM +0530  

ஆஷஸ் டெஸ்ட் தொடரின் கடைசி டெஸ்டிலும் சிறப்பாக விளையாடியுள்ளார் ஆஸ்திரேலிய முன்னணி பேட்ஸ்மேன் ஸ்டீவ் ஸ்மித். நேற்று, 145 பந்துகளில் 80 ரன்கள் எடுத்தார்.

ஒருவருடத் தடைக்குப் பிறகு டெஸ்டுகளில் விளையாடி வரும் ஆஷஸ் தொடரில் ஸ்மித் எடுத்த ஸ்கோர்கள் - 144, 142, 92, 211, 82 மற்றும் 80.

அதாவது ஆறு இன்னிங்ஸில் 751 ரன்கள். இது ஒரு பெரிய சாதனைக்குக் காரணமாகியுள்ளது.

தொடர்ச்சியாக 10 ஆஷஸ் இன்னிங்ஸில் பிராட்மேன் 1236 ரன்கள் எடுத்தது இதற்கு முன்பு சாதனையாக இருந்தது.1937-46 வரையிலான காலகட்டத்தில் அவர் இந்த ரன்களை எடுத்துள்ளார். ஆனால் ஸ்மித், கடந்த 10 ஆஷஸ் இன்னிங்ஸ்களில் 1251 ரன்கள் எடுத்து பிராட்மேனின் சாதனையை வீழ்த்தியுள்ளார். 

பிராட்மேன் - 10 ஆஷஸ் இன்னிங்ஸ்களில் எடுத்த ஸ்கோர்கள்:

212, 169, 51, 144, 18, 102, 103, 16, 187, 234.

ஸ்டீவ் ஸ்மித் - 10 ஆஷஸ் இன்னிங்ஸ்களில் எடுத்த ஸ்கோர்கள்:

239, 76, 102, 83, 144, 142, 92, 211, 82, 80.

எனினும் பிராட்மேனின் மிகப்பெரிய சாதனை ஒன்றை ஸ்மித்தால் வீழ்த்தமுடியுமா எனத் தெரியவில்லை. ஒரு டெஸ்ட் தொடரில் அதிக ரன்கள் (974 ரன்கள்) எடுத்த வீரர் என்கிற பெருமை பிராட்மேனுக்கு உண்டு. இந்தச் சாதனையை வீழ்த்த ஸ்மித், இந்த டெஸ்டின் 2-வது இன்னிங்ஸில் 224 ரன்கள் எடுக்கவேண்டும். இதுதவிர நேற்று, மேலும் ஒரு சாதனைகளை நிகழ்த்தியுள்ளார் ஸ்மித்.

டெஸ்ட் கிரிக்கெட்டில் தொடர்ச்சியாக ஆறு தடவை 80+ ரன்கள் எடுத்த இரண்டாவது வீரர் (சர் எவர்டன் வீக்ஸுக்குப் பிறகு) என்கிற பெருமையை அடைந்துள்ளார் ஸ்மித். 

அதேபோல ஓர் அணிக்கு எதிராகத் தொடர்ச்சியாக 10 தடவை 50+ ரன்கள் எடுத்த முதல் வீரர் என்கிற சாதனையையும் ஸ்மித் படைத்துள்ளார். இங்கிலாந்து எதிராக விளையாடிய ஆஷஸ் தொடர்களில் கடைசி 10 இன்னிங்ஸ்களிலும் அவர் அரை சதங்களை எட்டியுள்ளார். 

]]>
Steve Smith, Don Bradman, 71 year-old record, The Oval, 80 off 145 balls, England, Ashes Test https://images.dinamani.com/uploads/user/imagelibrary/2019/9/14/w600X390/Smith3_icc_ashes2019.jpg https://www.dinamani.com/sports/sports-news/2019/sep/14/steve-smith-surpasses-don-bradman-3234354.html
3233626 விளையாட்டு செய்திகள் தென்னாப்பிரிக்காவுடன் டி20 தொடர் நாளை தொடக்கம்: சாதிக்குமா இந்தியா? DIN DIN Saturday, September 14, 2019 01:24 AM +0530
மிகவும் எதிர்பார்க்கப்படும் தென்னாப்பிரிக்கா-இந்திய அணிகளுக்கு இடையிலான டி20 தொடர் ஞாயிற்றுக்கிழமை தர்மசாலாவில் தொடங்குகிறது. இதில் இந்திய அணி தொடரை கைப்பற்றுமா என ரசிகர்கள் எதிர்நோக்கி உள்ளனர்.
கடந்த 2019 ஐசிசி ஒருநாள் உலகக் கோப்பை போட்டியில் அரையிறுதியில் நியூஸிலாந்துடன் தோல்வியுற்று வெளியேறியது இந்தியா.
அதன் பின் மே.இ.தீவுகளில் நடைபெற்ற டி20, ஒருநாள், டெஸ்ட் தொடர்களை முழுமையாக கைப்பற்றியது. 
டி20இல் சோபிக்காத இந்தியா: முழு உற்சாகத்துடன் காணப்படும் கேப்டன் விராட் கோலி தலைமையிலான இந்திய அணி அடுத்து தென்னாப்பிரிக்க அணியுடன் 3 ஆட்டங்கள் கொண்ட டி20 தொடரில் மோதுகிறது. ஒருநாள், டெஸ்ட் ஆட்டங்களில் தனது பலத்தை நிரூபித்துள்ள இந்தியா, இன்னும் டி20 ஆட்டத்தில் வலுவான சக்தியாக நிலைபெறாமல் உள்ளது. 
2020-இல் டி20 உலகக் கோப்பை: இதற்கிடையே வரும் 2020-இல் டி20 உலகக் கோப்பை போட்டி ஆஸ்திரேலியாவில் நடைபெறுகிறது. இதற்கு தயாராகும் வகையில் அணி ஒருங்கிணைப்பை தேர்வு குழு மேற்கொண்டு வருகிறது. வீரர்களின் தனித்திறமைகளையும் ஆய்வு செய்து தேர்வு செய்கிறது. 
உற்சாகமில்லாத தென்னாப்பிரிக்கா: அதே நேரம் தென்னாப்பிரிக்க அணியும் ஐசிசி உலகக் கோப்பையில் படுதோல்வி அடைந்த நிலையில் உற்சாகமின்றி உள்ளது. டூபிளெஸ்ஸிஸ் நீக்கப்பட்டு, தொடக்க வீரர் குயின்டன் டி காக் புதிய கேப்டனாக நியமிக்கப்பட்டுள்ளார். தங்கள் அணிக்கு மீண்டும் புத்துயிர் ஊட்டுவதற்கான பணிகளை அணி நிர்வாகம் மேற்கொண்டுள்ளது. வேகப்பந்து வீச்சும் காகிúஸா ரபாடாவின் செயல்பாட்டை நம்பி உள்ளது.
விராட் கோலி தலைமையிலான இந்திய அணியில் ரோஹித் சர்மா (துணை கேப்டன்), ஷிகர் தவன், கே.எல்.ராகுல், ஷிரேயஸ் ஐயர் அல்லது மணிஷ் பாண்டே, ரிஷப் பந்த், ஹார்திக் பாண்டியா, க்ருணால் பாண்டியா, கலீல் அகமது, தீபக் சஹார், நவ்தீப் சைனி ஆகியோர் இடம் பெறக்கூடும். 
ரோஹித்-தவன் தொடக்க வரிசையிலும், ராகுல் 3-ஆம் நிலை பேட்ஸ்மேனாகவும் களமிறங்குவர். 


வேகப்பந்துவீச்சில் நவ்தீப், கலீல், தீபக் வலு சேர்ப்பர். சுழற்பந்து வீச்சில் வாஷிங்டன் சுந்தர், ரவீந்திர ஜடேஜா, ராகுல் சஹார், க்ருணால் பாண்டியா ஆகியோரில் யாரை அணி நிர்வாகம் சேர்க்கும் தீவிர பரிசீலனையில் உள்ளது.
தென்னாப்பிரிக்கா:  புதிதாக ஆல் ரவுண்டர் பிஜோர்ன் போர்டியுன், வேகப்பந்தில் ஜூனியர் டலா, ரபாடா, அன்ரிச் நார்ட்ஜே ஆகியோர் பலம் சேர்ப்பர். சுழற்பந்து வீச்சில் டப்ரேஸ் ஷம்ஸி முக்கிய பங்காற்றுவார்.
குயின்டி டி காக் (கேப்டன்), ரேஸி வேடன் டர் டூஸன் (துணை கேப்டன்), ஜார்ஜ் லின்டே, போர்டியுன், ரீஸா ஹென்ட்ரிக்ஸ், டேவிட் மில்லர், அன்ரிச் நார்ட்ஜே அல்லது பியுரன் ஹென்ட்ரிக்ஸ், அன்டில் பெலுக்வயோ, ரபாடா, ஜுனியர் டலா, ஷம்ஸி ஆகியோர் ஆடலாம்.
2 அணிகளும் நேருக்கு நேர்: இரு அணிகளும் இதுவரை ஆடிய 13 ஆட்டங்களில் இந்தியா 8-இலும், தென்னாப்பிரிக்கா 5-ஆலும் வென்றுள்ளன. 
தர்மசாலா மைதானம் பேட்டிங்குக்கு சாதகமாக அமையும். அதே நேரம் பனிமூட்டம் மாலையில் ஆட்டத்தின் தன்மையை மாற்றும். 
கடைசியாக இந்த மைதானத்தில் இந்திய அணி 200 ரன்களை குவித்த நிலையில், அதை சேஸ் செய்து அபார வெற்றி பெற்றது தென்னாப்பிரிக்கா.
மழை வாய்ப்பு: ஆட்ட நாளன்று தர்மசாலாவில் மழை விட்டு விட்டு பெய்யலாம் எனக் கருதப்படுகிறது.

]]>
தென்னாப்பிரிக்கா, டி20, ஒருநாள் உலகக் கோப்பை, இந்தியா., கோலி , பிஜோர்ன் https://images.dinamani.com/uploads/user/imagelibrary/2019/9/14/w600X390/d-cock-director-ncok.jpg https://www.dinamani.com/sports/sports-news/2019/sep/14/தென்னாப்பிரிக்காவுடன்-டி20-தொடர்-நாளை-தொடக்கம்-சாதிக்குமா-இந்தியா-3233626.html
3233625 விளையாட்டு செய்திகள் உலக மல்யுத்த சாம்பியன் போட்டி இன்று தொடக்கம்: பஜ்ரங், வினேஷ் போகட் மீது எதிர்பார்ப்பு DIN DIN Saturday, September 14, 2019 01:22 AM +0530
கஜகஸ்தானின் நுர்-சுல்தான் நகரில் சனிக்கிழமை உலக மல்யுத்த சாம்பியன்ஷிப் போட்டிகள் தொடங்குகின்றன. இதில் இந்திய நட்சத்திர வீரர்கள் பஜ்ரங், வினேஷ் போகட் தங்கப் பதக்கம் வெல்வர் என எதிர்பார்க்கப்படுகிறது.
மல்யுத்தத்தில் உயர்ந்தபட்ச போட்டியான உலக சாம்பியன்ஷிப் நுர்-சுல்தான் நகரில் நடக்கிறது. இதில் பல்வேறு நாடுகளைச் சேர்ந்த நூற்றுக்கு மேற்பட்ட வீரர், வீராங்கனைகள் கலந்து கொண்டுள்ளனர். இந்த போட்டி 2020 ஒலிம்பிக் போட்டி தகுதிச் சுற்றாகவும் உள்ளது குறிப்பிடத்தக்கது.
மகளிர் பிரிவில் வினேஷ் போகட் 50 கிலோ பிரிவில் இருந்து 53 கிலோ பிரிவுக்கு இடம் மாறி விட்டார். வினேஷ் போகட்டும் 3 போட்டிகளில் தங்கம் வென்றுள்ளார். அதே நேரம்   ஆடவர் பிரிவில் நட்சத்திர வீரர் பஜ்ரங் நிகழாண்டு நடைபெற்ற 4 சர்வதேச போட்டிகளிலும் 65 கிலோ பிரிவில் தங்கம் வென்றார். 
6 நிமிடங்கள் எதிராளியை உடும்பு பிடியாக வைத்திருப்பது மிகவும் கடினமானது என வினேஷ் தெரிவித்தார். 2 முறை உலகப் போட்டியில் பதக்கம் வென்ற சுஷில் குமார்.  மகளிர் பிரிவில் சாக்ஷி மாலிக்கின் ஆட்டத்திறனும் கேள்வியை  எழுப்பியுள்ளது. இந்த போட்டியில் 6 ஒலிம்பிக் தகுதி இடங்கள் ஒதுக்கப்பட்டுள்ளன.

]]>
மல்யுத்த சாம்பியன், பஜ்ரங், வினேஷ் போகட், தங்கப் பதக்கம் https://images.dinamani.com/uploads/user/imagelibrary/2019/9/14/w600X390/bagrang.JPG https://www.dinamani.com/sports/sports-news/2019/sep/14/உலக-மல்யுத்த-சாம்பியன்-போட்டி-இன்று-தொடக்கம்-பஜ்ரங்-வினேஷ்-போகட்-மீது-எதிர்பார்ப்பு-3233625.html
3233622 விளையாட்டு செய்திகள் புரோ கபடி லீக்: 1000 புள்ளிகளை குவித்த முதல் வீரர் பர்தீப் நர்வால் -பா.சுஜித்குமார் DIN Saturday, September 14, 2019 01:22 AM +0530 நாடு முழுவதும் பெரும் வரவேற்பைப் பெற்றுள்ள புரோ கபடி லீக் போட்டியில் 1000 புள்ளிகளை குவித்த முதல் சாதனை வீரர் என்ற சிறப்பைப் பெற்றுள்ளார் பாட்னா பைரேட்ஸ் கேப்டன் பர்தீப் நர்வால்.
கிரிக்கெட்டில் முதன்முறையாக இந்தியன் ப்ரீமியர் லீக் போட்டி தொடங்கப்பட்டு அமோக வரவேற்பு பெற்றது. இதன் தொடர்ச்சியாக பாட்மிண்டன், மல்யுத்தம், வாலிபால், உள்பட பல்வேறு விளையாட்டுகளிலும் லீக் ஆட்டங்கள் நடத்தப்படுகின்றன.
பாரம்பரிய விளையாட்டான கபடியையும் மேம்படுத்த புரோ கபடி லீக் தொடங்கப்பட்டது. தற்போது 7-ஆவது சீசனாக வெற்றிகரமாக நடத்தப்பட்டு வரும் இந்த லீக் போட்டியில் 12 நகரங்களை அடிப்படையாகக் கொண்டு 12 அணிகள் பங்கேற்றுள்ளன. இதற்கு நாடு முழுவதும் பொதுமக்கள் மத்தியில் நல்ல வரவேற்பு கிட்டி வருகிறது.
அபாரமான வரவேற்பு: தற்போது 7-ஆவது சீசன் போட்டிகள் கடந்த ஜூலை மாதம் தொடங்கியது. அக்டோபர் மாதம் அரையிறுதி, இறுதி ஆட்டங்கள் ஆமதாபாதில் நடைபெறுகிறது. ஆசிய போட்டியில் தங்கம், உலகக் கோப்பை பட்டம் வென்ற இந்திய அணி வீரர்களும், பல்வேறு வெளிநாட்டு வீரர்களும் வெவ்வேறு அணிகளில் இடம் பெற்றுள்ளனர்.
இவர்களில் குறிப்பிடத்தக்கவர்கள் அஜய் தாகுர், பர்தீப் நர்வால், ரிஷாங் தேவதிகா, மொஹித் சில்லார், சுரேந்தர் நடா, தீபக் ஹூடா, ராகுல் செளஹான், ரோஹித் குமார், மஞ்சித் சில்லார், சந்தீப் நர்வால், மோனு கோயட் ஆகியோர் முக்கியமானவர்கள். ரைடர், டிபன்டர் என இவர்கள் வெவ்வேறு அணிகளில் இடம் பெற்று ஆடி வருகின்றனர்.
பாட்னா பைரேட்ஸ் அணி: பாட்னா பைரேட்ஸ் அணி கேப்டனாகத் திகழும் பர்தீப் நர்வால், ரைடராக உள்ளார்.
ஹரியாணா மாநிலம் சோனேபட்டைச் சேர்ந்த பர்தீப் நர்வால், 16.2.1997-இல் பிறந்தவர்.
ரைடரான பர்தீப் தனது அணி 3 முறை சாம்பியன் பட்டம் வெல்ல உதவினார். ரைடிங்கில் பல்வேறு சாதனைகளை தன் வசம் வைத்துள்ளார்.
புரோ கபடி லீக் 2-ஆவது சீசன் முதல் ஆடி வருகிறார் பர்தீப். அப்போதே ரைடில் 9 புள்ளிகளை குவித்து வியப்பை ஏற்படுத்தினார். சீசன் 5-இல் 369 ரைடு புள்ளிகளை பெற்றார். தற்போது கொல்கத்தாவில் நடைபெற்று வரும் ஏழாவது சீசன் போட்டியில் 1000 புள்ளிகளை குவித்த முதல் வீரர் என்ற சாதனையை நிகழ்த்தியுள்ளார்.


பல்வேறு சாதனைகள் நிகழ்த்துவேன்
புரோ கபடி போட்டியில் களமிறங்கிய நாள் முதல், இதுவரை எனது பயணம் சிறப்பாக இருந்துள்ளது. மேலும் பல்வேறு சாதனைகளை நிகழ்த்த வேண்டியுள்ளது. இந்த இடத்தை அடைய கடின உழைப்பு தேவைப்பட்டது. கபடி வீரராக, மேலும் சிறப்பாக செயல்பட்டு எனது அணியின் வெற்றிக்கு பாடுபடுவேன்.
ஒவ்வொரு ஆட்டத்திலும் நிலையான ஆட்டத்தை ஆடுவது முக்கியம்.பிளே ஆப் சுற்றுக்கு தகுதி பெற இனி வரும் ஆட்டங்கள் அனைத்திலும் வெல்ல வேண்டும். மேலும் 8 ஆட்டங்கள் உள்ள நிலையில், கேப்டனாக எனக்கு பொறுப்புள்ளது. பயிற்சியாளர் மற்றும் ஒவ்வொரு வீரரின் அணுகுமுறை குறித்து அமர்ந்து பேச வேண்டும். ஒவ்வொருவரது உடல்தகுதியையும் பாதுகாத்து, முழு திறமையை வெளிப்படுத்த வேண்டியது முக்கியம் என்றார் பர்தீப் நர்வால்.
பர்தீப் நர்வாலுக்கு அடுத்து சித்தார்த் தேசாய், நவீன் குமார் மணிந்தர் சிங், ராகுல் செளதரி உள்ளனர்.
மொத்தம் 1023 புள்ளிகளை குவித்துள்ளார் பர்தீப் நர்வால் என்பது குறிப்பிடத்தக்கது.


 

]]>
புரோ கபடி லீக் , பாட்னா பைரேட்ஸ், பர்தீப் நர்வால், அஜய் தாகுர் https://images.dinamani.com/uploads/user/imagelibrary/2019/9/14/w600X390/narwal-pardeep.jpg https://www.dinamani.com/sports/sports-news/2019/sep/14/புரோ-கபடி-லீக்-1000-புள்ளிகளை-குவித்த-முதல்-வீரர்-பர்தீப்-நர்வால்-3233622.html
3233624 விளையாட்டு செய்திகள் இங்கிலாந்துடன் ஹாக்கி டெஸ்ட் தொடர்: இந்திய மகளிர் அணிக்கு ராணி கேப்டன் DIN DIN Saturday, September 14, 2019 01:21 AM +0530
ஒலிம்பிக் ஹாக்கி தகுதிச் சுற்றுக்கு தயாராகும் வகையில் இங்கிலாந்துடன் 5 ஆட்டங்கள் கொண்ட டெஸ்ட் தொடரில் ஆடுவதற்காக இந்திய அணி செல்ல உள்ளது. அணியின் கேப்டனாக மூத்த வீராங்கனை ராணி ராம்பால் நியமிக்கப்பட்டுள்ளார்.
2020-இல் டோக்கியோ ஒலிம்பிக் போட்டிகள் நடைபெறவுள்ளன. இதற்கு தகுதி பெற வேண்டும் என்றால் தகுதிச் சுற்று ஆட்டத்தில் வெல்ல வேண்டும்.
ஏற்கெனவே அண்மையில் ஜப்பானில் நடைபெற்ற ஒலிம்பிக் டெஸ்ட் போட்டியில் இந்திய மகளிர் பட்டம் வென்றனர்.  பலம் வாய்ந்த இங்கிலாந்து மகளிர் அணியுடன் அடுத்து 5 ஆட்டங்கள் கொண்ட தொடர் மார்லோவில் நடைபெறுகிறது. இதற்கான அணியை ஹாக்கி இந்தியா அறிவித்துள்ளது.
ராணி ராம்பால் கேப்டனாகவும், கோல் கீப்பர் சவீதா துணை கேப்டனாகவும் நியமிக்கப்பட்டுள்ளனர். டிபன்டர்கள் தீப் கிரேஸ் எக்கா, குர்ஜித் கெளர், ரீனா கோக்கர், சலீமாடேட்,  மிட்பீல்டர்கள்-சுஷிலா சானு, நிக்கி பிரதான், மோனிகா, நேஹா கோயல், லிலிலா மின்ஸ், நமீதா டோபோ, கோல்கீப்பர் ரஜனி எட்டிமர்பு, பார்வர்ட்கள்-வந்தனா கட்டாரியா, நவ்நீத் கெளர், லால்ரேமிசியாமி, நவ்ஜோத் கெளர், ஷர்மிளா தேவி.
கேப்டன் ராணி கூறுகையில்: ஒலிம்பிக் தகுதிச் சுற்றில் வென்று தகுதி பெறுவதே முக்கிய நோக்கமாகும். இதற்காக இங்கிலாந்து அணியுடன் பயிற்சி ஆட்டங்களில் மோதுகிறோம். இளமையும், அனுபவமும் கலந்ததாக அணி உள்ளது. டெஸ்ட் தொடர் வரும் 27-இல் தொடங்கி அக்டோபர் 4-ஆம் தேதி வரை நடக்கிறது.

]]>
ஹாக்கி , ஒலிம்பிக், இந்திய , ராணி ராம்பால் , டோக்கியோ https://images.dinamani.com/uploads/user/imagelibrary/2019/9/14/w600X390/indian-women-hockey-team.jpg https://www.dinamani.com/sports/sports-news/2019/sep/14/இங்கிலாந்துடன்-ஹாக்கி-டெஸ்ட்-தொடர்-இந்திய-மகளிர்-அணிக்கு-ராணி-கேப்டன்-3233624.html
3233623 விளையாட்டு செய்திகள் உலக ஆடவர் குத்துச்சண்டை: துரியோதன் சிங் நேகி வெற்றி DIN DIN Saturday, September 14, 2019 01:18 AM +0530
உலக ஆடவர் குத்துச்சண்டை சாம்பியன்ஷிப் போட்டியில் இந்திய வீரர் துரியோதன் சிங் நேகி இரண்டாவது சுற்றுக்கு முன்னேறியுள்ளார்.
ரஷியாவின் எகடெரின்பர்க் நகரில் நடைபெறும் இப்போட்டியில் ஆடவர் 69 கிலோ பிரிவில் துரியோதன் சிங்கும்-ஆர்மீனியாவின் கோர்யுன் அஸ்டோயனும் மோதினர்.
நேகியை விட உயரம் நிறைந்த அஸ்டோயன் தொடக்கத்தில் ஆதிக்கம் செலுத்த முயன்றார். ஆனால் இரண்டாவது சுற்றில் நேகி லாவகமாக விட்ட குத்துகளால் நிலைகுலைந்தார் அஸ்டோயன். அவரது தற்காப்பு வலுவின்றி இருந்தது, இந்திய வீரருக்கு சாதகமாக அமைந்தது. இறுதியில் 4-1 என்ற புள்ளி கணக்கில் அஸ்டோயனை வீழ்த்தி 2-ஆவது சுற்றுக்கு தகுதி பெற்றார்.

]]>
குத்துச்சண்டை, துரியோதன் சிங் நேகி https://images.dinamani.com/uploads/user/imagelibrary/2019/9/14/w600X390/duriyothan-boxing.jpg https://www.dinamani.com/sports/sports-news/2019/sep/14/உலக-ஆடவர்-குத்துச்சண்டை-துரியோதன்-சிங்-நேகி-வெற்றி-3233623.html
3233621 விளையாட்டு செய்திகள் பிசிசிஐ தேர்தல்கள் : சிஓஏ உத்தரவுக்கு 4 மாநிலங்கள் இணங்கவில்லை DIN DIN Saturday, September 14, 2019 01:15 AM +0530
பிசிசிஐ நிர்வாகிகள் தேர்தல் விவகாரத்தில் சிஓஏ உத்தரவுக்கு இணங்காமல்  தமிழகம் உள்ளிட்ட 4 மாநில சங்கங்கள் செயல்பட்டு வருகின்றன.
உச்சநீதிமன்ற உத்தரவின்படி பிசிசிஐ நிர்வாகத்தை வினோத் ராய் தலைமையிலான கிரிக்கெட் நிர்வாகக் குழு சிஓஏ மேற்கொண்டு வருகிறது. வரும் அக்டோபர் 22-ஆம் தேதி பிசிசிஐக்கு புதிய நிர்வாகிகள் தேர்தல் நடைபெறவுள்ளது. இதற்காக அனைத்து மாநில சங்கங்களும் செப். 12-ஆம் தேதி தங்கள் நிர்வாகிகள் தேர்தலை நடத்த சிஓஏ உத்தரவிட்டிருந்தது. பல்வேறு மாநில சங்கங்கள் இதில் மெத்தனப்போக்கை கடைபிடித்த நிலையில், கால அவகாசத்தை 28-ஆம் தேதி வரை நீட்டித்து உத்தரவிட்டது சிஓஏ.
நீதிபதி லோதா குழு பரிந்துரைகளின்படி உச்சநீதிமன்றம் அங்கீகாரம் அளித்த புதிய சட்டவரையறையின்படி பிசிசிஐ, மாநில சங்க தேர்தல்கள் நடைபெறுகின்றன.
இதுதொடர்பாக சிஓஏ வினோத் ராய் கூறியதாவது: மொத்தமுள்ள 38 சங்கங்களில் கடந்த வாரம் வரை 7 சங்கங்கள் எங்கள் அறிவிப்பை ஏற்காமல் செயல்பட்டன. தற்போது கர்நாடகம், மத்திய பிரதேசம், சத்தீஸ்கர் மாநில சங்கங்கள் தங்கள் நிர்வாகிகள் தேர்தலை நடத்த உள்ளன. மேலும் ஹரியாணா,தமிழகம், உத்தரகாண்ட், அருணாசலப்பிரதேசம் போன்றவை சிஓஏ உத்தரவை ஏற்காமல் உள்ளன.
ஹரியாணா, தமிழ்நாடு சங்கங்களில் இருந்து எவரும் எங்களை அணுகவில்லை. மாநில, பிசிசிஐ நிர்வாகிகள் தேர்தல் விவகாரம் சரியான பாதையில் சென்று கொண்டிருக்கிறது என்றார் ராய்.
 

]]>
பிசிசிஐ, வினோத் ராய், கிரிக்கெட் https://www.dinamani.com/sports/sports-news/2019/sep/14/பிசிசிஐ-தேர்தல்கள்--சிஓஏ-உத்தரவுக்கு-4-மாநிலங்கள்-இணங்கவில்லை-3233621.html
3233620 விளையாட்டு செய்திகள் ஆஷஸ் தொடர்: இங்கிலாந்து 294 DIN DIN Saturday, September 14, 2019 01:14 AM +0530
ஆஷஸ் தொடரின் 5-ஆவது டெஸ்ட் ஆட்டத்தில் முதல் இன்னிங்ஸில் இங்கிலாந்து 294 ரன்களுக்கு ஆல் அவுட்டானது.
ஆட்டத்தின் முதல் நாளான வியாழக்கிழமை இங்கிலாந்து அணி 8 விக்கெட் இழப்புக்கு 271 ரன்களுடன் நிறைவு செய்தது.
அதன் தொடர்ச்சியாக வெள்ளிக்கிழமை ஜோஸ் பட்லர், ஜேக் லீச் தங்கள் ஆட்டத்தை தொடர்ந்தனர். மேலும் 6 ரன்கள் சேர்த்து பட்லர் 70 ரன்களுடன் அவுட்டானார்.  ஜேக் லீச்சும் 21 ரன்களுடன் மார்ஷ் பந்தில் போல்டானார்.
இறுதியில் 294 ரன்களுக்கு ஆல் அவுட்டானது இங்கிலாந்து.
ஆஸி. தரப்பில் மிச்செல் மார்ஷ் அபாரமாக பந்துவீசி 5-46 விக்கெட்டுகளையும், பேட் கம்மின்ஸ், 3, ஹேஸல்வுட் 2 விக்கெட்டுகளையும் சாய்த்தனர்.
பின்னர் ஆடிய ஆஸி. அணியும் திணறியே ரன்களை சேர்த்து வருகிறது. தேநீர் இடைவேளையின்போது, 44 ஓவர்களில் 4 விக்கெட் இழப்புக்கு 147 ரன்களை எடுத்திருந்தது ஆஸி. வார்னர் 5, மார்கஸ் ஹாரிஸ் 3, மார்னஸ் லேபுச்சேன் 48, மேத்யூ வேட் 19 ரன்களுக்கு அவுட்டாகினர். 
ஸ்மித் அபார சதம்:
அதிரடி வீரர் ஸ்டீவ் ஸ்மித் நிலைத்து ஆடி 27-ஆவது அரைசதத்தை பதிவு செய்தார். அவர் 59 ரன்களுடனும், மார்ஷ் 12 ரன்களுடன் ஆடிக் கொண்டிருந்தனர்.

]]>
ஆஷஸ் தொடர், இங்கிலாந்து, ஜோஸ் பட்லர், ஸ்மித் https://www.dinamani.com/sports/sports-news/2019/sep/14/ஆஷஸ்-தொடர்-இங்கிலாந்து-294-3233620.html
3233619 விளையாட்டு செய்திகள் துளிகள்... DIN DIN Saturday, September 14, 2019 01:13 AM +0530
வியட்னாம் ஓபன் பாட்மிண்டன் போட்டி அரையிறுதிச் சுற்றுக்கு இந்திய நட்சத்திர வீரர் செளரவ் வர்மா தகுதி பெற்றுள்ளார். காலிறுதியில் உள்ளூர் வீரர் டியன் மின்னை 21-13, 21-18 என்ற கேம் கணக்கில் வீழ்த்தினார் செளரவ்.


மியான்மரின் மண்டாலே நகரில் நடைபெறவுள்ள ஐபிஎஸ்எப் உலக பில்லியர்ட்ஸ் சாம்பியன் போட்டியில் நடப்பு சாம்பியன் இந்தியாவின் பங்கஜ் அத்வானி நாக் அவுட் சுற்றில் தரவரிசையில் முதலிடத்தைப் பெற்றுள்ளார்.


ஒருநாள் பந்துவீச்சு நிபுணர் என தொடக்கத்தில் அழைக்கப்பட்ட தனக்கு டெஸ்ட் ஆட்டங்களில் அழுத்தமான முத்திரை பதிக்க வேண்டும் என்பதே பிரதான நோக்கம் என ஜஸ்ப்ரீத் பும்ரா கூறியுள்ளார். வெறும் 12 டெஸ்ட் ஆட்டங்களில் மட்டுமே ஆடியுள்ள அவர் மொத்தம் 62 விக்கெட்டுகளை வீழ்த்தியுள்ளது குறிப்பிடத்தக்கது.


ஜப்பான் டென்னிஸ் நட்சத்திர வீராங்கனை நவோமி ஒஸாகா யுஎஸ் ஓபனில் பெற்ற தோல்வியை அடுத்து, தனது பயிற்சியாளர் ஜெர்மைன் ஜென்கின்ஸை நீக்கி விட்டார். புதிய பயிற்சியாளரை தான் தேடி வருவதாக தனது சமூகவலைதளத்தில் பதிவிட்டுள்ளார் ஒஸாகா.


பாதுகாப்பு ஏற்பாடுகள் குறித்து முறையான ஆய்வு செய்யப்பட்ட பின்னரே, இஸ்லாமாபாதில் வரும் நவம்பர் மாதம் இந்தியா-பாகிஸ்தான் டேவிஸ் கோப்பை டென்னிஸ் போட்டியில் பங்கேற்பது குறித்து முடிவெடுக்கப்படும் என ஏஐடிஏ தெரிவித்துள்ளது.
 

]]>
https://www.dinamani.com/sports/sports-news/2019/sep/14/துளிகள்-3233619.html
3233590 விளையாட்டு செய்திகள் விவிஎஸ் லக்‌ஷ்மண் பாணியில் கே.எல். ராகுலும் இந்திய அணிக்குள் மீண்டும் திரும்பலாம்: தேர்வுக்குழுத் தலைவர் அறிவுரை! எழில் DIN Friday, September 13, 2019 04:44 PM +0530  

உலக டெஸ்ட் சாம்பியன்ஷிப் ஒரு பகுதியாக தென் ஆப்பிரிக்காவுடன் நடைபெறவுள்ள டெஸ்ட் தொடருக்கான இந்திய அணி நேற்று தேர்வு செய்யப்பட்டது. இந்தியாவில் 3 ஆட்டங்கள் கொண்ட தொடரில் தென் ஆப்பிரிக்கா பங்கேற்று ஆடுகிறது. டெஸ்ட் தொடருக்கான இந்திய அணியை தேர்வுக் குழுத் தலைவர் எம்எஸ்கே.பிரசாத் அறிவித்தார். மே.இ.தீவுகளில் தொடக்க வீரராக இருந்து சோபிக்காத கே.எல். ராகுல் அணியில் இருந்து நீக்கப்பட்டுள்ளார்.

இந்நிலையில் ராகுலின் நீக்கம் குறித்து எம்எஸ்கே பிரசாத் கூறியதாவது:

கே.எல். ராகுலை நீக்கியது தொடர்பாக அவரிடம் பேசியுள்ளோம். மிகவும் திறமை கொண்ட கிரிக்கெட் வீரர். எனினும் டெஸ்ட் கிரிக்கெட்டில் அவருடைய ஃபார்ம் சரியாக இல்லை.

ஷிகர் தவன், முரளி விஜய் என இருவரும் வெளியேறிய பிறகு, அணியில் இரு புதிய தொடக்க வீரர்களைக் கொண்டுவரமுடியாது. யாராவது ஒருவர் நிலைத்து நின்று ஆடவேண்டும். எனவே மூத்த வீரர்களில் ராகுலுக்கு அதிக வாய்ப்புகள் கிடைத்தன. ஆனால் தொடர்ச்சியாக அவரால் ரன்கள் எடுக்க முடியாமல் போனது. அவ்வப்போது நன்றாக விளையாடினார். எனவே அவரைத் தக்கவைத்துக்கொண்டோம். அவர் நன்றாக விளையாடும்போது பார்க்க அவ்வளவு நன்றாக இருக்கும். விவிஎஸ் லக்‌ஷ்மண் டெஸ்ட் அணியிலிருந்து ஒருமுறை நீக்கப்பட்டபோது ரஞ்சி கிரிக்கெட்டில் ஒரே வருடத்தில் 1400 ரன்கள் எடுத்தார். இதனால் இந்திய அணியில் மீண்டும் சேர்க்கப்பட்டார். 

அடுத்ததாக, ஷுப்மன் கில் தொடக்க வீரராக விளையாடக்கூடியவர். இவருக்குப் பின்னால் பிரியங் பஞ்சால், அபிமன்யூ ஈஸ்வரன் போன்ற வீரர்களும் உள்ளார்கள். இவர்கள் சமீபகாலமாக நன்றாக விளையாடி வருகிறார்கள். யாருக்கு வாய்ப்பு கிடைத்தாலும் அவர்களுக்குத் திறமையை நிரூபிக்க போதுமான வாய்ப்புகள் அளிக்கப்படும். தேவையான மாற்று வீரர்களும் நம்மிடம் உள்ளார்கள் என்று கூறியுள்ளார்.

]]>
Rahul, Laxman, Test comeback, Lokesh Rahul, V.V.S. Laxman, three-Test series, South Africa, M.S.K. Prasad https://images.dinamani.com/uploads/user/imagelibrary/2019/9/13/w600X390/rahul_100.jpg https://www.dinamani.com/sports/sports-news/2019/sep/13/rahul-can-follow-laxmans-footsteps-to-make-test-comeback-3233590.html
3233583 விளையாட்டு செய்திகள் ஆதாயம் தரும் பதவி: கங்குலிக்குப் புதிய உத்தரவு! எழில் DIN Friday, September 13, 2019 03:47 PM +0530  

ஐபிஎல் அல்லது பிசிசிஐ என இரண்டில் ஏதேனும் ஒரு பதவியை மட்டும் செளரவ் கங்குலி தேர்வு செய்யவேண்டும் என்று பிசிசிஐ நெறிமுறைகளுக்கான அதிகாரி கூறியுள்ளார். 

பிசிசிஐ-யின் கிரிக்கெட் அறிவுரைக் குழு (சிஏசி) உறுப்பினர்களாக கங்குலி மற்றும் லஷ்மண் அங்கம் வகிக்கின்றனர். அதேவேளையில், ஐபிஎல் கிரிக்கெட் போட்டியில் சன்ரைசர்ஸ் ஹைதராபாத், டெல்லி டேர்டெவில்ஸ் அணிகளுக்கான ஆலோசகர்களாக முறையே லஷ்மண், கங்குலி பொறுப்பு வகிக்கின்றனர். ஒரே நேரத்தில் இவ்வாறு இரு பொறுப்புகளில் இருப்பது ஆதாயம் தரும் இரட்டைப் பதவிகளில் அங்கம் வகிப்பதாக பார்க்கப்படுமென பிசிசிஐ கூறியுள்ளது. ஐபிஎல் போட்டியில் மும்பை இந்தியன்ஸ் அணியின் ஆலோசகராக இருக்கும் சச்சின், பிசிசிஐயின் கிரிக்கெட் அறிவுரைக் குழு உறுப்பினர் பொறுப்பிலிருந்து விலகியுள்ளார். இதனால் அவர் விவகாரத்தில் ஆதாயம் தரும் இரட்டைப் பதவிக்கான கேள்வி எழவில்லை. ஆனால், லஷ்மண் மற்றும் கங்குலி விவகாரத்தில் அத்தகைய கேள்வி எழுந்துள்ளது. எனவே, ஐபிஎல் அல்லது பிசிசிஐ அந்த இரண்டில் ஏதேனும் ஒரு பதவியை மட்டும் அவர்கள் தேர்வு செய்ய வேண்டும் என்கிற நிலைமை உருவாகியுள்ளது. 

இந்நிலையில் இந்த விவகாரம் தொடர்பாக பிசிசிஐ நெறிமுறைகளுக்கான அதிகாரி டி.கே.ஜெயின் ஒரு மின்னஞ்சல் அனுப்பியுள்ளார். அதில் அவர் கூறியிருப்பதாவது: பிசிசிஐ-யின் கிரிக்கெட் அறிவுரைக் குழுவில் உள்ள கங்குலி ஐபிஎல்-லிலும் பொறுப்பு வகிப்பது ஆதாயம் தருவதாக உள்ளது. இதுதொடர்பான கங்குலியின் விளக்கம், ராஜிநாமா அறிவிப்பாகவே கருதப்படும். எனவே ஐபிஎல் பொறுப்பில் உள்ள பதவி, 2019 மே மாதத்துடன் முடிவுக்கு வரவேண்டும். தற்போதைய நிலையில் ஆதாயம் தரும் பதவியை அவர் வகிப்பதாகவே உள்ளது. ஆதாயம் தரும் பதவியை விட்டு கங்குலி விலகவேண்டும். ஒரு பதவிக்கு மேல் அவர் பொறுப்பேற்கக்கூடாது என்று கூறியுள்ளார். 

]]>
BCCI , Sourav Ganguly, Ethics Officer, D.K. Jain, Board of Control for Cricket in India, Cricket Advisory Committee, Conflict of Interest https://images.dinamani.com/uploads/user/imagelibrary/2019/9/13/w600X390/ganguly11.jpg https://www.dinamani.com/sports/sports-news/2019/sep/13/direct-bcci-to-ensure-sourav-ganguly-relinquishes-his-interests-3233583.html
3233579 விளையாட்டு செய்திகள் டெஸ்ட் கிரிக்கெட்டிலிருந்து பிரபல பாகிஸ்தான் வீரர் தற்காலிக ஓய்வு! எழில் DIN Friday, September 13, 2019 03:09 PM +0530  

ஒருநாள், டி20 கிரிக்கெட் போட்டிகளில் அதிகக் கவனம் செலுத்துவதற்காக டெஸ்ட் கிரிக்கெட்டிலிருந்து தற்காலிக ஓய்வு எடுத்துள்ளார் பாகிஸ்தான் வேகப்பந்துவீச்சாளர் வஹாப் ரியாஸ். 

சிவப்புப் பந்து கிரிக்கெட்டில் கடந்த இரு வருடங்களாக நான் விளையாடிய விதம் குறித்து ஆராய்ந்த பிறகு இந்த முடிவை எடுத்துள்ளேன். முதல் தர கிரிக்கெட் போட்டியிலிருந்து தற்காலிகமாக ஓய்வு பெறுகிறேன். இந்தக் காலகட்டத்தில் நான் ஒருநாள், டி20 கிரிக்கெட் ஆட்டங்களில் கவனம் செலுத்துவேன். இதன்மூலமாக டெஸ்ட் போட்டிக்கான உடற்தகுதி குறித்த முடிவையும் எடுப்பேன். எப்போது டெஸ்ட் கிரிக்கெட்டில் பங்கேற்று, சிறப்பாக விளையாட முடியும் என்று எனக்குத் தோன்றுகிறதோ அப்போது மீண்டும் டெஸ்ட் ஆட்டங்களில் விளையாடுவேன் என்று வஹாப் ரியாஸ் கூறியுள்ளார்.

வஹாப் ரியாஸ், 27 டெஸ்டுகள், 87 ஒருநாள், 27 டி20 ஆட்டங்களில் விளையாடியுள்ளார். 2018 முதல் 5 டெஸ்ட் ஆட்டங்களில் மட்டுமே 34 வயது வஹாப் பங்கேற்றுள்ளார். ஒருநாள் ஆட்டங்களில் கடந்த இரு வருடங்களாக விளையாடாதவர், சமீபத்தில் நடைபெற்ற உலகக் கோப்பைப் போட்டிக்குத் தேர்வாகி, மிகச்சிறப்பாகப் பந்துவீசினார்.

]]>
Wahab Riaz, Pakistan pacer, indefinite break, Test cricket, first-class tournament, Pakistan, left-arm fast bowler https://images.dinamani.com/uploads/user/imagelibrary/2019/9/13/w600X390/wahab_riaz1.jpg https://www.dinamani.com/sports/sports-news/2019/sep/13/pakistan-pacer-wahab-riaz-takes-indefinite-break-from-test-cricket-3233579.html
3232982 விளையாட்டு செய்திகள் ஆஷஸ் 5ஆவது டெஸ்ட்: இங்கிலாந்து 271/8 DIN DIN Friday, September 13, 2019 03:07 AM +0530
ஆஸ்திரேலியாவுக்கு எதிரான ஆஷஸ் 5-ஆவது டெஸ்ட்டின் முதல் நாள் ஆட்டத்தில் இங்கிலாந்து 8 விக்கெட் இழப்புக்கு 271 ரன்களை எடுத்து திணறி வருகிறது.
ஆஷஸ் கோப்பையை ஆஸ்திரேலிய அணி தக்க வைத்துக் கொண்ட நிலையில், கடைசி ஆட்டம் லண்டன் ஓவல் மைதானத்தில் வியாழக்கிழமை தொடங்கியது.
டாஸ் வென்ற ஆஸி. பந்துவீச்சை தேர்வு செய்தது. இங்கிலாந்து தரப்பில் தொடக்க வீரர் ரோரி பர்ன்ஸ் 47, கேப்டன் ஜோ ரூட் 57 ஆகியோர் மட்டுமே நிலைத்து ஆடி ரன்களை சேர்த்தனர். ஜோ டென்லி 14, பென் ஸ்டோக்ஸ் 20, ஜோனி பேர்ஸ்டோ 22, ரன்களுக்கு அவுட்டாகி வெளியேறினர்.
ஜோஸ் பட்லர் 64: சாம் கர்ரன் 15, கிறிஸ் வோக்ஸ் 2, ஆர்ச்சர் 9 ரன்களுக்கு அவுட்டாகினர். ஜோஸ் பட்லர் 3 சிக்ஸர், 8 பவுண்டரியுடன் 64 ரன்களுடனும், ஜேக் லீச் 10 ரன்களுடனும் களத்தில் இருந்தனர். 
ஆட்டநேர முடிவில் 82 ஓவர்கள் முடிவில் 8 விக்கெட் இழப்புக்கு 271 ரன்களை எடுத்திருந்தது இங்கிலாந்து.
மிச்செல் மார்ஷ் அபாரம்: அபாரமாக பந்துவீசிய மிச்செல் மார்ஷ் 4-35, பேட் கம்மின்ஸ் 2-73, ஹேஸல்வுட் 2-76 விக்கெட்டுகளை வீழ்த்தியிருந்தனர்.
 

]]>
ஆஷஸ் 5-ஆவது டெஸ்ட், ஆஸ்திரேலியா, இங்கிலாந்து https://images.dinamani.com/uploads/user/imagelibrary/2019/9/13/w600X390/asus.jpg https://www.dinamani.com/sports/sports-news/2019/sep/13/ஆஷஸ்-5ஆவது-டெஸ்ட்-இங்கிலாந்து-2718-3232982.html
3232920 விளையாட்டு செய்திகள் தென்னாப்பிரிக்க டெஸ்ட் தொடர்: ராகுல் நீக்கம், ஷுப்மன் கில் அறிமுகம் DIN DIN Friday, September 13, 2019 12:56 AM +0530
உலக டெஸ்ட் சாம்பியன்ஷிப் ஒரு பகுதியாக தென்னாப்பிரிக்காவுடன் நடைபெறவுள்ள டெஸ்ட் தொடருக்கான இந்திய அணியில் லோகேஷ் ராகுல் நீக்கப்பட்டு, இளம் வீரர் ஷுப்மன் கில் சேர்க்கப்பட்டுள்ளார்.
ஐசிசி சார்பில் உலக டெஸ்ட் சாம்பியன்ஷிப் போட்டி நடைபெற்று வருகிறது. 2 ஆண்டுகள் நடைபெறும் இப்போட்டியில் 9 நாடுகள் பங்கேற்று 72 ஆட்டங்களில் மோதுகின்றன. 
இந்தியா ஏற்கெனவே 2-0 என மே.இ.தீவுகளை வென்று 120 புள்ளிகளுடன் முதலிடத்தில் உள்ளது. ஆஸி, நியூஸி, இங்கிலாந்து, இலங்கை உள்ளிட்டவையும் டெஸ்ட் தொடர்களில் ஆடி வருகின்றன.
தென்னாப்பிரிக்கவுடன் 3 ஆட்டங்கள்: இதன் தொடர்ச்சியாக இந்தியாவில் 3 ஆட்டங்கள் கொண்ட தொடரில் தென்னாப்பிரிக்கா பங்கேற்று ஆடுகிறது. இதற்கான இந்திய அணியை தேர்வுக் குழுத் தலைவர் எம்எஸ்கே.பிரசாத் அறிவித்துள்ளார். தேர்வுக் குழுக் கூட்டம், வியாழக்கிழமை நடைபெற்றது. மே.இ.தீவுகளில் தொடக்க வீரராக இருந்து சோபிக்காத லோகேஷ் ராகுல் அணியில் இருந்து நீக்கப்பட்டுள்ளார்.
ஷுப்மன் கில் அறிமுகம்: பஞ்சாப்பின் இளம் வீரர் ஷுப்மன் கில் அணியில் சேர்க்கப்பட்டுள்ளார். அவர் தொடக்க வரிசை அல்லது மிடில் ஆர்டர் பேட்ஸ்மேன் என இரு வகைகளியும் களமிறக்கப்படலாம் எனத் தெரிகிறது.  இந்திய ஏ அணியில் இடம் பெற்று ஷுப்மன் கில் அபாரமாக ஆடியது, சீனியர்அணி தேர்வில் அவருக்கு உதவியுள்ளது.
இதுதொடர்பாக தேர்வுக் குழுத் தலைவர் பிரசாத் கூறியதாவது:
தென்னாப்பிரிக்க அணியுடன் விஜயநகரத்தில் செப்டம்பர் 26 முதல் நடக்கவுள்ள போர்ட் பிரசிடென்ட் லெவன் அணிக்கு ஆட்டத்துக்கு ரோஹித் சர்மா தலைமை தாங்குகிறார். அதில் அவரது ஆட்டத்தை கூர்ந்து கவனிப்போம். ஒருநாள் ஆட்டங்களில் அவர் தொடர்ந்து நிலையாக ஆடி வருகிறார். டெஸ்ட் ஆட்டத்திலும் அது தொடருமா என்பதை பார்க்கலாம்.
ராகுல் கடந்த 18 மாதங்களில் பலமுறை வாய்ப்பு தரப்பட்டும், ஓரே ஒரு சதம் மட்டுமே அடித்துள்ளார். அதனால் அவருக்கு வாய்ப்பு தரப்படவில்லை.  
விவிஎஸ். லஷ்மண் அணியில் இருந்து நீக்கப்பட்டவுடன், மீண்டும் உள்ளூர் கிரிக்கெட் போட்டிகளில் ஆடி 1400 ரன்களை விளாசி தன்னை நிரூபித்தார். ராகுலும் அதே போல் தன்னை நிரூபிக்க வேண்டும்.
ஷுப்மன் கில், பிரியங்க் பஞ்சால், அபிமன்யு ஈஸ்வரன் ஆகியோரும் தொடக்க வரிசை வீரர்கள் பட்டியலில் உள்ளனர். இந்திய நிலைக்கு ஏற்ப ஆல்ரவுண்டர் ஹார்திக் பாண்டியா சேர்க்க முடியாத நிலை உள்ளது. ரிஷப் பந்த்தின் ஆட்டம் தேர்வுக் குழுவின் பொறுமை சோதிப்பதாக உள்ளது. உமேஷ் யாதவ் தற்போதைக்கு ஏ அணியில் ஆடி வர வேண்டும் என்றார் பிரசாத்.
டெஸ்ட் அணி: விராட் கோலி (கேப்டன்), ரஹானே (துணை கேப்டன்), மயங்க் அகர்வார், ரோஹித் சர்மா, சேதேஸ்வர் புஜாரா, ஹனுமா விஹாரி, ரிஷப் பந்த், ரித்திமன் சாஹா (விக்கெட் கீப்பர்கள்), அஸ்வின், ரவீந்திர ஜடேஜா, குல்தீப் யாதவ், முகமது ஷமி, பும்ரா, இஷாந்த் சர்மா, ஷுப்மன் கில்.
போர்ட் பிரசிடென்ட் லெவன் அணி: ரோஹித் சர்மா (கேப்டன்), மயங்க் அகர்வால், பிரியங்க் பஞ்சால், ஈஸ்வரன், காருண் நாயர், சித்தேஷ் லேட், கே.எஸ். பரத் (விக்கெட் கீப்பர்), ஜலஜ் சக்சேனா, தர்மேந்திர சிங் ஜடேஜா, அவேஷ் கான், இஷான் போரேல், சர்துல் தாகுர், உமேஷ் யாதவ்.
தொடக்க வீரராக ரோஹித் சர்மா
ஒருநாள் ஆட்டங்களில் தொடக்க வீரராக களமிறங்கி அசத்தும் ரோஹித் சர்மா, டெஸ்ட் அணியிலும் தொடக்க வீரராக களமிறக்கப்படலாம்.  தொடக்க வரிசையில் அவர் எவ்வாறு ஆடுகிறார் என்பதை சோதித்துப் பார்க்கும் வகையில் அவருக்கு இந்த வாய்ப்பு தரப்படும் எனத் தெரிகிறது.
ரிஷப் பந்த்துக்கு பதிலாக சாஹா
இளம் விக்கெட் கீப்பரான ரிஷப் பந்த் அணியில் இடம் பெற்றுள்ளார். எனினும், மே.இ.தீவுகள் தொடரில் அவரது ஆட்டம் எடுபடாத நிலையில், மற்றொரு வீக்கெட் கீப்பரான ரித்திமன் சாஹா இடம் பெறுகிறார். அதே போல் வேகப்பந்து வீச்சாளர் உமேஷ் யாதவும், இந்திய மைதானங்கள் சூழ்நிலையைக் கருத்தில் கொண்டு விடுவிக்கப்பட்டுள்ளார்.
 

]]>
தென்னாப்பிரிக்க டெஸ்ட் தொடர், ஷுப்மன் கில் , இந்திய அணி https://images.dinamani.com/uploads/user/imagelibrary/2019/9/13/w600X390/shubman-.jpg https://www.dinamani.com/sports/sports-news/2019/sep/13/தென்னாப்பிரிக்க-டெஸ்ட்-தொடர்-ராகுல்-நீக்கம்-ஷுப்மன்-கில்-அறிமுகம்-3232920.html
3232919 விளையாட்டு செய்திகள் ஆஷஸ் 5ஆவது டெஸ்ட்: இங்கிலாந்து திணறல் DIN DIN Friday, September 13, 2019 12:54 AM +0530
ஆஸ்திரேலியாவுக்கு எதிரான ஆஷஸ் 5-ஆவது டெஸ்ட்டின் முதல் நாள் ஆட்டத்தில் இங்கிலாந்து 5 விக்கெட் இழப்புக்கு 185 ரன்களை எடுத்து திணறி வருகிறது.
ஆஷஸ் கோப்பையை ஆஸ்திரேலிய அணி தக்க வைத்துக் கொண்ட நிலையில், கடைசி ஆட்டம் லண்டன் ஓவல் மைதானத்தில் வியாழக்கிழமை தொடங்கியது.
டாஸ் வென்ற ஆஸி. பந்துவீச்சை தேர்வு செய்தது. இங்கிலாந்து தரப்பில் தொடக்க வீரர் ரோரி பர்ன்ஸ் 47, கேப்டன் ஜோ ரூட் 57 ஆகியோர் மட்டுமே நிலைத்து ஆடி ரன்களை சேர்த்தனர். ஜோ டென்லி 14, பென் ஸ்டோக்ஸ் 20, ஜோனி பேர்ஸ்டோ 22, ரன்களுக்கு அவுட்டாகி வெளியேறினர்.
60-ஆவது ஓவர் முடிவில் இங்கிலாந்து அணி 5 விக்கெட் இழப்புக்கு 185 ரன்களுடன் தடுமாறிக் கொண்டிருந்தது. ஜோஸ் பட்லர், சாம் கர்ரன் களத்தில் இருந்தனர். பேட் கம்மின்ஸ், மிச்செல் மார்ஷ் தலா 2 விக்கெட்டுகளை வீழ்த்தியிருந்தனர்.

]]>
ஆஷஸ்டெஸ்ட் https://images.dinamani.com/uploads/user/imagelibrary/2019/9/13/w600X390/joe-root.jpg https://www.dinamani.com/sports/sports-news/2019/sep/13/ஆஷஸ்-5ஆவது-டெஸ்ட்-இங்கிலாந்து-திணறல்-3232919.html
3232918 விளையாட்டு செய்திகள் குண்டுவெடிப்புக்கிடையே சாதித்த ரஷீத் கான் - பா.சுஜித்குமார் DIN Friday, September 13, 2019 12:53 AM +0530
கடுமையான உள்நாட்டுப் போர் பாதிப்புக்கு இடையிலும் சத்தமின்றி பல்வேறு சாதனைகளைப் புரிந்து வருகிறார்   ஆப்கானிஸ்தானின் கிரிக்கெட் அணியின் இளம் கேப்டன் ரஷீத் கான்.
பாரம்பரிய விளையாட்டான கிரிக்கெட்டில் இங்கிலாந்து, ஆஸ்திரேலியா, மே.இ.தீவுகள், இந்தியா, பாகிஸ்தான், நியூஸிலாந்து, தென்னாப்பிரிக்கா, இலங்கை, ஜிம்பாப்வே, போன்றவை புகழ் பெற்று விளங்குகின்றன. புதிதாக வங்கதேசம், ஆப்கானிஸ்தான் உள்ளிட்டவை புதிதாக ஐசிசி சார்பில் சேர்க்கப்பட்டுள்ளன. வங்கதேசம் டி20, ஒருநாள் ஆட்டங்களில் சிறப்பாக ஆடி வருகிறது. 
அதே நேரத்தில் ஆப்கானிஸ்தான் டி20 ஆட்டத்தில் அபாரமாக ஆடி வருகிறது. ஒரு நாள் டெஸ்ட் ஆட்டங்களில் வலிமையாக இல்லை. கடந்த 2019 ஐசிசி ஒருநாள் உலகக் கோப்பையிலும் இடம் பெற்று ஆடியது ஆப்கானிஸ்தான். அதில் இந்தியா, பாகிஸ்தானுக்கு தோல்வி அச்சத்தை ஏற்படுத்தியது குறிப்பிடத்தக்கது. அடுத்து 2020 டி 20 உலகக் கோப்பைக்கு அந்நாடு தயாராகி வருகிறது.
டெஸ்ட் ஆட்டத்திலும் வலிமையாக உருவெடுக்கும் வகையில் ஆல்ரவுண்டர் ரஷீத் கான் கேப்டனாக நியமிக்கப்பட்டுள்ளார். 20 வயது இளம் வீரரான ரஷீத் கான், ஆப்கானிஸ்தானின் பதற்றம் நிறைந்த நங்கார்ஹரில் பிறந்தவர்.
ஆப்கானிஸ்தான் கடந்த 40 ஆண்டுகளாக உள்நாட்டுப் போரால் சீரழிந்துள்ளது. இந்நிலையில் இந்தியாவில் டேராடூன் மைதானத்தை சொந்த மைதானமாகக் கொண்டு ஆப்கன் அணியினர் பயிற்சியில் ஈடுபட்டுள்ளனர்.

புதிய சாதனைகள்
அறிமுக ஆட்டத்திலேயே இளம் கேப்டனாக வெற்றி பெற்று சாதனை படைத்துள்ளார். மேலும் அறிமுக டெஸ்டிலேயே 11 விக்கெட்டுகள், அரைசதம் நிகழ்த்திய முதல் வீரர் சாதனை. ஓரே ஆட்டத்தில் 2 முறை 5 விக்கெட்டுகள், 50 ரன்களுக்கு மேல் விளாசிய நான்காவது வீரர்.இதற்கு முன்பு இங்கிலாந்து கேப்டன் ஷெல்டன் ஜாக்சன், 1905, இம்ரான் கான் 1982, ஷகிப் அல்ஹசன் 2009, போன்றோர் இச்சாதனையை படைத்துள்ளனர்.  

டெஸ்ட்டில் அறிமுகம்
கடந்த 2018-இல் இந்தியாவுடன் நடைபெற்ற வரலாற்றுச் சிறப்பு மிக்க முதல் டெஸ்ட் ஆட்டத்தில் அறிமுகமானார். ரஷீத். 3 ஆட்டங்களில் மொத்தம் 104 ரன்களையும், 20 விக்கெட்டுகளையும் சாய்த்துள்ளார்.

ரஷீத் கான் அதிரடி ஆட்டம்
கேப்டனான ரஷீத் கான் இதில் 2 இன்னிங்ஸ்களிலும் 11-104 விக்கெட்டுகளை வீழ்த்தியும், ஒரு அரைசதத்தையும் விளாசி வெற்றிக்கு வித்திட்டார். கேப்டனாக செயல்பட்ட முதல் டெஸ்ட் ஆட்டத்திலேயே அபார வெற்றியை பெற்றுள்ளார் ரஷீத் கான்.

அற்புதமான வெற்றி
வங்கதேசத்துக்கு எதிராக சிட்டகாங்கில் அண்மையில் நடைபெற்ற டெஸ்ட் ஆட்டத்தில் 224 ரன்கள் வித்தியாசத்தில் அபார வெற்றி பெற்றது ஆப்கானிஸ்தான். கடந்த ஆண்டு தான் டெஸ்ட் அந்தஸ்து பெற்ற ஆப்கன் 3-ஆவது ஆட்டத்திலேயே அதிரடி வெற்றி கண்டது.

டி20 தரவரிசையில் முதலிடம்
லெக் பிரேக் பவுலரான ரஷீத் எதிரணிபேட்ஸ்மேன்கள் சிம்மசொப்பனமாக திகழ்ந்து வருகிறார். கடந்த 2015-இல் டி20, ஒருநாள் ஆட்டங்களில் அறிமுகமான ரஷீத் கான், டி20-யில் ஐசிசி தரவரிசையில் முதலிடத்தில் உள்ளார். 67 ஒருநாள் ஆட்டங்களில் 903 ரன்களையும், 131 விக்கெட்டுகளையும், டி20-யில் 38 ஆட்டங்களில் 123 ரன்களையும், 75 விக்கெட்டுகளையும் வீழ்த்தியுள்ளார்.


 

]]>
ரஷீத் கான், டி20 , 11 விக்கெட்டுகள் https://images.dinamani.com/uploads/user/imagelibrary/2019/9/13/w600X390/rashid.jpg https://www.dinamani.com/sports/sports-news/2019/sep/13/குண்டுவெடிப்புக்கிடையே-சாதித்த-ரஷீத்-கான்-3232918.html
3232917 விளையாட்டு செய்திகள் தோனி ஓய்வு என்பது வதந்தி: மனைவி சாக்ஷி முற்றுப்புள்ளி DIN DIN Friday, September 13, 2019 12:51 AM +0530
தோனி ஓய்வு அறிவிப்பு என்பது வெறும் வதந்தி என அவரது மனைவி சாக்ஷி திட்டவட்டமாக தெரிவித்துள்ளார்.
இந்திய அணியின் முன்னாள் கேப்டன் தோனி, வியாழக்கிழமை ஓய்வு அறிவிப்பை வெளியிடப் போகிறார் என சுட்டுரை (டுவிட்டர்), பேஸ்புக், உள்பட சமூக வலைதளங்களில் தகவல்கள் ஏராளமாக பதிவிடப்பட்டன. ஏற்கெனவே மே.இ.தீவுகள் டி20, ஒருநாள் தொடரிலும், தற்போது நடக்கவுள்ள தென்னாப்பிரிக்க டி20 தொடரிலும் இந்திய அணியில் தோனி இடம் பெறவில்லை. இதனால் அவர் ஓய்வு பெறுகிறார் என தகவல்கள் பரவிக் கொண்டிருந்தன.
இந்நிலையில் இந்திய கேப்டன் விராட் கோலி, கடந்த 2016 டி20 உலகக் கோப்பையில் ஆஸ்திரேலியாவுக்கு எதிரான ஆட்டத்தில் தோனியின் அபார ஆட்டம் குறித்து சுட்டுரையில் பதிவிட்டிருந்தார். அதில் தோனி என்னை உடல்தகுதி தேர்வு ஓட்டம் போல் ஓட வைத்தார் என பதிவிட்டிருந்தார். இதனால் சமூகவலைதளங்களில் தோனியின் ஓய்வு அறிவிப்பு குறித்து பிரதானமாக பதிவுகள் போடப்பட்டன.
சாக்ஷி முற்றுப்புள்ளி: இதற்கிடையே தோனியின் மனைவி சாக்ஷி தனது சுட்டுரையில், தோனி ஓய்வு என்பது வெறும் வதந்திகள் என பதிவிட்டு இந்த பிரச்னைக்கு முற்றுப்புள்ளி வைத்துள்ளார். ஏற்கெனவே இந்திய தேர்வுக் குழுத் தலைவர் எம்எஸ்கே. பிரசாத்தும் கூறுகையில், தோனி ஓய்வு குறித்து எந்த தகவலும் அவரிடம் இருந்து இல்லை என்றார். ஓய்வு முடிவு குறித்து தோனியிடம் தேர்வுக் குழு எதையும் கேட்காது என ஏற்கெனவே தெரிவித்துள்ளது. அணியை தேர்வு செய்வது தங்கள் உரிமை எனவும் தேர்வுக் குழு கூறியுள்ளது.

]]>
தோனி ஓய்வு, சாக்ஷி, டி20 https://images.dinamani.com/uploads/user/imagelibrary/2019/9/13/w600X390/sakshi-singh-dhoni.jpg https://www.dinamani.com/sports/sports-news/2019/sep/13/தோனி-ஓய்வு-என்பது-வதந்தி-மனைவி-சாக்ஷி-முற்றுப்புள்ளி-3232917.html
3232916 விளையாட்டு செய்திகள் உலக ஆடவர் குத்துச்சண்டை போட்டி: மணிஷ் கெளஷிக் அபாரம் DIN DIN Friday, September 13, 2019 12:50 AM +0530
உலக ஆடவர் குத்துச்சண்டை சாம்பியன்ஷிப் போட்டியில் இந்தியாவின் மணிஷ் கெளஷிக் அபார வெற்றி பெற்று 2-ஆவது சுற்றுக்கு தகுதி பெற்றுள்ளார்.
ரஷியாவின் எகடெரின்பர்க் நகரில் நடைபெற்று வரும் இப்போட்டியில் 63 கிலோ பிரிவில் காமன்வெல்த் வெள்ளி வீரர் மணிஷ் கெளஷிக் 5-0 என்ற புள்ளிக் கணக்கில் கிர்கிஸ்தான் வீரர் உலு அர்ஜெனை வீழ்த்தி இரண்டாம் சுற்றுக்கு தகுதி பெற்றார். அடுத்த சுற்றில் நெதர்லாந்தின் என்ரிகோ லாக்ரஸுடன் மோதுகிறார் மணிஷ்.
தொடக்கம் முதலே ஆதிக்கம் செலுத்த மணிஷ், எதிராளி வீரர் உலுவிட்ட குத்துகளில் இருந்து லாவகமாக தப்பித்தார். ஏற்கெனவே பிரிஜேஷ் யாதவ் 81 கிலோ பிரிவில் வென்றுள்ளார்.
ஆசிய சாம்பியன் அமித் பங்கால், கவிந்தர் பிஷ்ட், ஆஷிஷ்குமார் ஆகியோருக்கு முதல் சுற்றில் பை வழங்கப்பட்டது.


 

]]>
அமித் பங்கால், கவிந்தர் பிஷ்ட், ஆஷிஷ்குமார், குத்துச்சண்டை https://images.dinamani.com/uploads/user/imagelibrary/2019/9/13/w600X390/india-manish-boxing.jpg எதிராளிக்கு குத்து விடும் இந்திய வீரர் மணிஷ் கெளஷிக். https://www.dinamani.com/sports/sports-news/2019/sep/13/உலக-ஆடவர்-குத்துச்சண்டை-போட்டி-மணிஷ்-கெளஷிக்-அபாரம்-3232916.html
3232915 விளையாட்டு செய்திகள் புரோ கபடி: பாட்னா பைரேட்ஸ் வெற்றி DIN DIN Friday, September 13, 2019 12:49 AM +0530
புரோ கபடி லீக் போட்டியின் ஒரு பகுதியாக வியாழக்கிழமை இரவு நடைபெற்ற பரபரப்பான ஆட்டத்தில் ஜெய்ப்பூர் பிங்க் பேந்தர்ஸ் அணியை 36-33 என்ற புள்ளிக் கணக்கில் வென்றது பாட்னா பைரேட்ஸ்.
கொல்கத்தா நேதாஜி சுபாஷ் சந்திரபோஸ் விளையாட்டரங்கில் நடைபெற்ற இந்த ஆட்டத்தில் பாட்னாவின் அபார ஆட்டத்துக்கு ஜெய்ப்பூர் அணியும் ஈடுகொடுத்து ஆடியது. ஆனால் பாட்னா தரப்பில் நட்சத்திர வீரர்கள் பார்திப் நர்வால், நீரஜ் குமார், ஜங் குன் ஆகியோர் எதிரணிக்கு கடும் நெருக்கடியை ஏற்படுத்தினர்.
முதல் பாதி ஆட்ட முடிவில் ஜெய்ப்பூர் 15-14 என முன்னிலை பெற்றிருந்தது. இரு அணி வீரர்களும் மாறி மாறி புள்ளிகளை குவித்த நிலையில், இறுதிக் கட்டத்தில் நீரஜ்குமார், ஜங்குன் ஆகியோர் அபாரமாக ஆடி பாட்னாவை வெற்றி பெற வைத்தனர். சிறந்த ரைடராக சுஷில் குலியாவும், டிபன்டராக சந்தீப் துலும் தேர்வு பெற்றனர்.

 

]]>
புரோ கபடி லீக், பாட்னா பைரேட்ஸ், ஜெய்ப்பூர் பிங்க் பேந்தர்ஸ் https://images.dinamani.com/uploads/user/imagelibrary/2019/9/13/w600X390/jaipur-patna-pkl.jpg பாட்னா வீரரை மடக்க முயலும் ஜெய்ப்பூர் வீரர்கள். https://www.dinamani.com/sports/sports-news/2019/sep/13/புரோ-கபடி-பாட்னா-பைரேட்ஸ்-வெற்றி-3232915.html
3232914 விளையாட்டு செய்திகள் ஒலிம்பிக் தங்க பதக்கத்துக்கான இடம் எனது அறையில் காலியாக உள்ளது: பி.வி.சிந்து DIN DIN Friday, September 13, 2019 12:48 AM +0530
எனது அறையில் ஒலிம்பிக் தங்கப்பதக்கத்துக்கான இடம் காலியாக உள்ளது என பாட்மிண்டன் உலக சாம்பியன் பி.வி.சிந்து கூறியுள்ளார்.
புது தில்லியில் நடைபெற்ற தனியார் நிகழ்ச்சி ஒன்றில் பங்கேற்ற அவர் வியாழக்கிழமை கூறியதாவது:
உலக பாட்மிண்டன் சாம்பியன் பட்டம் வென்றது, எனது முந்தைய தோல்விகளால் ஏற்பட்ட காயங்களை குணமடையச் செய்து விட்டது. 
6 பெரிய போட்டிகளில் இறுதி ஆட்டங்களில் தோல்வியுற்று வெள்ளிப் பதக்கம் மட்டுமே வென்றது மிகவும் காயமடையச் செய்திருந்தது. இந்த உலகப் போட்டி தங்கம் அனைத்துக்கும் மருந்தாகி விட்டது. இறுதிச் சுற்றில் தோற்று விடும் எனது நிலை குறித்து மக்கள் பலவாறு பேசத் தொடங்கி விட்டனர். அவர்களுக்கு எனது ராக்கெட் மூலம் பதிலளித்து விட்டேன். எனது பட்டியலில் ஓரே ஒரு தங்கம் (ஒலிம்பிக்) மட்டுமே நிலுவையாக உள்ளது.
விருதுகள் வைக்குமிடத்தில் அதற்கான இடம் காலியாகவே உள்ளது. டோக்கியோ ஒலிம்பிக் போட்டி தங்கத்துக்கான பயணம் மிகவும் கடினமாக இருக்கும். கடந்த 2016 ரியோ ஒலிம்பிக் போட்டி தான் எனது முதல் போட்டி ஆகும். தென்கொரிய பயிற்சியாளர் கிம்முடன் சேர்ந்து ஆடுவதில் மாற்றங்களை செய்துள்ளேன். தரவரிசை குறித்து நான் கவலைப்படுவதில்லை. அடுத்து வரும் சீன மற்றும் கொரிய ஓபன் போட்டிகளில் கவனம் செலுத்தவுள்ளேன். 
மகளிர் ஒற்றையர் வரிசையில் சாய்னா, எனக்கு பின் யாரும் இல்லாதது சற்று கவலை தருகிறது. ஜூனியர் மட்டத்தில் பல்வேறு நாடுகளின் வீராங்கனைகள் சிறப்பாக ஆடி வருகின்றனர். இந்திய வீராங்கனைகள் கடினமாக உழைக்க வேண்டும் என்றார் சிந்து.
 

]]>
பி.வி.சிந்து, ஒலிம்பிக், உலக பாட்மிண்டன் சாம்பியன், ஒலிம்பிக் போட்டி https://images.dinamani.com/uploads/user/imagelibrary/2019/9/13/w600X390/sindhu.jpg https://www.dinamani.com/sports/sports-news/2019/sep/13/ஒலிம்பிக்-தங்க-பதக்கத்துக்கான-இடம்-எனது-அறையில்-காலியாக-உள்ளது-பிவிசிந்து-3232914.html
3232913 விளையாட்டு செய்திகள் அதிகாரபூர்வமற்ற டெஸ்ட்: இந்தியா ஏ வெற்றி DIN DIN Friday, September 13, 2019 12:47 AM +0530
தென்னாப்பிரிக்க ஏ அணிக்கு எதிரான அதிகாரபூர்வமற்ற டெஸ்ட் ஆட்டத்தில் 7 விக்கெட்டுகள் வித்தியாசத்தில் வென்றது இந்திய ஏ அணி.
இரு அணிகளுக்கு இடையிலான அதிகாரபூர்வமற்ற முதல் டெஸ்ட் ஆட்டம் திருவனந்தபுரத்தில் நடைபெற்றது. 
தென்னாப்பிரிக்க ஏ முதல் இன்னிங்ஸில் 164 ரன்களுக்கு ஆல் அவுட்டானது. மார்கோ ஜேன்சேன் 45, டேன் பெய்டட் 33 ரன்களை சேர்த்தனர். இந்திய தரப்பில் சர்துல் தாகுர், கிருஷ்ணப்ப கெளதம் தலா 3 விக்கெட்டை வீழ்த்தினர்.
இந்திய ஏ அணி முதல் இன்னிங்ஸில் 303 ரன்களை குவித்து ஆல் அவுட்டானது. கேப்டன் ஷுப்மன் கில் 90, ஜலாஜ் சக்úஸனா 61 ரன்களை விளாசினர்.  லுங்கி கிடி, டேன் பெய்டட் தலா 3 விக்கெட்டுகளை சாய்த்தனர்.
இதன் தொடர்ச்சியாக இரண்டாவது இன்னிங்ஸில் தென்னாப்பிரிக்கா 186 ரன்களுக்கு சுருண்டது. ஹென்ரிச் கிளாஸன் 48, வியான் முல்டர் 46, ஹம்சா 44 ரன்களை சேர்த்தனர். இந்திய தரப்பில் ஷபாஸ் நதீம் 3 விக்கெட்டுகளை வீழ்த்தினார்.
வெற்றிக்கு 48 ரன்கள் தேவை என்ற நிலையில் இந்தியா இரண்டாவது இன்னிங்ஸை வியாழக்கிழமை தொடர்ந்தது. ஷுப்மன் கில் 5, அங்கித் பானே 6, பரத் 5  ரன்களுக்கு வெளியேறிய நிலையில், ரிக்கி பூய் 20, சிவம் துபே 12 அணியை வெற்றிப் பாதைக்கு அழைத்துச் சென்றனர். 9.4 ஓவர்களில் 49/3 ரன்களை எடுத்து 7 விக்கெட் வித்தியாசத்தில் வென்றது இந்தியா,

]]>
https://www.dinamani.com/sports/sports-news/2019/sep/13/அதிகாரபூர்வமற்ற-டெஸ்ட்-இந்தியா-ஏ-வெற்றி-3232913.html
3232912 விளையாட்டு செய்திகள் பத்ம விருதுகள்: மேரி கோம், சிந்து, வினேஷ் போகட் பெயர்கள் பரிந்துரை DIN DIN Friday, September 13, 2019 12:47 AM +0530
கெளரவமிக்க பத்ம விருதுகளுக்கு மேரி கோம், பி.வி.சிந்து, வினேஷ் போகட் உள்ளிட்ட விளையாட்டு வீரர், வீராங்கனைகள் பெயர்கள் பரிந்துரை செய்யப்பட்டுள்ளன.
உலக குத்துச்சண்டை சாம்பியன் மேரி கோம் பெயர் நாட்டின் இரண்டாவது உயரிய விருதான பத்ம விபூஷனுக்கு பரிந்துரை செய்யப்பட்டுள்ளது. 
பத்மஸ்ரீ, பத்மபூஷன் விருதுகளை மேரி கோம் ஏற்கெனவே பெற்றுள்ளார்.  மேலும் அர்ஜுனா விருதையும் அவர் பெற்றுள்ளது குறிப்பிடத்தக்கது.
பி.வி.சிந்து: அண்மையில் பாட்மிண்டன் உலக சாம்பியனான பி.வி.சிந்துவின் பெயர் பத்ம பூஷண் விருதுக்கு பரிந்துரைக்கப்பட்டுள்ளது.  பத்மஸ்ரீ விருதுக்கு வில்வித்தை வீரர் தருண்தீப் ராய், ஹாக்கி ஒலிம்பிக் வீரர் எம்.பி.கணேஷ், மல்யுத்த வீராங்கனை வினேஷ் போகட், டேபிள் டென்னிஸ் மனிகா பத்ரா, கிரிக்கெட் வீராங்கனை ஹர்மன்ப்ரீத் கெளர், ஹாக்கி அணி கேப்டன் ராணி ராம்பால், முன்னாள் துப்பாக்கி சுடும் வீராங்கனை சுமா ஷிருர், மலையேற்ற இரட்டையர் டஷி, நுங்ஷி மாலிக் ஆகியோர் பெயர்கள் பரிந்துரைக்கப்பட்டுள்ளன. பி.வி.சிந்து ஏற்கெனவே பத்மஸ்ரீ விருதை பெற்றுள்ளார். 
வில்வித்தை ரெக்கர்வ் பிரிவில் உலகப் போட்டியில் வெள்ளி வென்ற ராய், ஒலிம்பிக் போட்டிக்கும் தகுதி பெற்றுள்ளார்.  எம்.பி.கணேஷ், ராய் ஆகியோரது பெயர்கள் பரிசீலனையில் உள்ளன. 
 

]]>
மேரி கோம், பி.வி.சிந்து, வினேஷ் போகட், பத்ம விருதுகள், பத்மஸ்ரீ https://images.dinamani.com/uploads/user/imagelibrary/2017/12/2/w600X390/merigome.jpg https://www.dinamani.com/sports/sports-news/2019/sep/13/பத்ம-விருதுகள்-மேரி-கோம்-சிந்து-வினேஷ்-போகட்-பெயர்கள்-பரிந்துரை-3232912.html
3232911 விளையாட்டு செய்திகள் துளிகள்... DIN DIN Friday, September 13, 2019 12:45 AM +0530     புது தில்லியில் வியாழக்கிழமை நடைபெற்ற  தேசிய துப்பாக்கி சுடுதல் தகுதிச் சுற்றில் 50 மீ ரைபிள் புரோன் பிரிவில் அன்ஜும் மொட்கில் தங்கம் வென்றார். 25 மீ பிஸ்டல் பிரிவில் அன்னுராஜும், ஆடவர் 50 மீ ரைபிள் புரோன் பிரிவில் தருண்யாதவும் தங்கம் வென்றனர்.


    டெஸ்ட் கிரிக்கெட் அணியில் இடம் பெற மேலும் கடுமையாக உழைக்க வேண்டும் என  வேகப்பந்து வீச்சாளர் நவ்தீப் சைனி கூறியுள்ளார். டி20 அணியில் இடம் பெற்றிருந்த சைனி, டெஸ்ட் அணியில் இடம் பெர தான் கடுமையாக பாடுபட வேண்டியுள்ளது எனத் தெரிவித்தார்.


    டோஹாவில் வரும் 27-ஆம் தேதி தொடங்கவுள்ள உலக தடகள சாம்பியன் போட்டிக்கான இந்திய அணியில் ஓட்டப்பந்தய வீராங்கனை தூத்தி சந்த் இடம் பெற்றுள்ளார். சர்வதேச தடகள சம்மேளனத்தின் அழைப்பை ஏற்று ஏஎஃப்ஐ இந்த முடிவை எடுத்துள்ளது.


    பார்சிலோனா அணிக்கு நெய்மர் மீண்டும் திரும்பி வந்தால் மிகவும் மகிழ்ச்சி அடைவேன் என அதன் கேப்டன் லியோனல் மெஸ்ஸி கூறியுள்ளார். நெய்மர் வருகையால் அணி மேலும் பலம் பெறும் என்றார்.


    இந்திய முன்னாள் கேப்டன் தோனி, கிரிக்கெட்டில் சாதிக்க வேண்டியது எதுவுமில்லை. ஓய்வு பெறும் முடிவு என்பது அவரது உரிமை என முன்னாள் செஸ் உலக சாம்பியன் விஸ்வநாதன் ஆனந்த் கூறியுள்ளார்.
 

]]>
https://www.dinamani.com/sports/sports-news/2019/sep/13/துளிகள்-3232911.html
3232894 விளையாட்டு செய்திகள் மீண்டும் பேட்டிங்கில் திணறும் இங்கிலாந்து: முதல் நாளில் 271/8 DIN DIN Thursday, September 12, 2019 11:38 PM +0530
கடைசி ஆஷஸ் டெஸ்டின் முதல்நாள் ஆட்டநேர முடிவில் இங்கிலாந்து அணி 8 விக்கெட்டுகளை இழந்து 271 ரன்கள் எடுத்துள்ளது. 

இங்கிலாந்து, ஆஸ்திரேலியா அணிகளுக்கிடையிலான 5-வது மற்றும் கடைசி ஆஷஸ் டெஸ்ட் ஆட்டம் ஓவல் மைதானத்தில் இன்று (வியாழக்கிழமை) தொடங்கியது. டாஸ் வென்ற ஆஸ்திரேலிய கேப்டன் டிம் பெயின் முதலில் பந்துவீச்சைத் தேர்வு செய்தார்.

இங்கிலாந்து அணியின் தொடக்க ஆட்டக்காரர்களாக ரோரி பர்ன்ஸ் மற்றும் ஜோ டென்லி களமிறங்கினர். சிறிது நேரம் மட்டுமே தாக்குப்பிடித்த ஜோ டென்லி 14 ரன்களில் கம்மின்ஸ் பந்தில் ஆட்டமிழந்தார். அதன்பிறகு, பர்ன்ஸ் மற்றும் கேப்டன் ரூட் பாட்னர்ஷிப் அமைத்து நல்ல ஆட்டத்தை வெளிப்படுத்தினர். இதில், ரோரி பர்ன்ஸ் அரைசதம் அடிப்பார் என்று எதிர்பார்க்கப்பட்ட நிலையில், 47 ரன்களுக்கு ஹேசில்வுட் பந்தில் ஆட்டமிழந்தார்.

இதன்பிறகு, அந்த அணி சீரான இடைவெளியில் விக்கெட்டுகளை இழக்கத் தொடங்கியது. முதலில் பென் ஸ்டோக்ஸ் 20 ரன்களுக்கு ஆட்டமிழந்தார். அதன்பிறகு அரைசதம் அடித்து நம்பிக்கையளித்த கேப்டன் ஜோ ரூட் இந்த முறையும் சதம் அடிக்காமல் 57 ரன்களுக்கு ஆட்டமிழந்தார். ஜானி பேர்ஸ்டோவ் (22), சாம் கரண் (15), கிறிஸ் வோக்ஸ் (2) ஆகியோரை மிட்செல் மார்ஷ் பெவிலியனுக்கு அனுப்பினார். இதனால், அந்த அணி 205 ரன்களுக்கு 7 விக்கெட்டுகளை இழந்து திணறியது. 

எனினும், ஜோஸ் பட்லர் டெயிலண்டர்கள் துணையோடு அதிரடிக்கு மாறினார். அது அவருக்குப் பலனளிக்க அரைசதத்தைக் கடந்தார். இதனால், இங்கிலாந்து அணியும் 250 ரன்களைக் கடந்தது. 

முதல்நாள் ஆட்டநேர முடிவில் இங்கிலாந்து அணி 8 விக்கெட்டுகளை இழந்து 271 ரன்கள் எடுத்துள்ளது. பட்லர் 64 ரன்களுடனும், ஜேக் லீச் 10 ரன்களுடனும் ஆட்டமிழக்காமல் உள்ளனர். 

ஆஸ்திரேலிய தரப்பில் மிட்செல் மார்ஷ் 4 விக்கெட்டுகளையும், கம்மின்ஸ் மற்றும் ஹேசில்வுட் தலா 2 விக்கெட்டுகளையும் வீழ்த்தியுள்ளனர். 

ஜோஸ் பட்லர் நாளைய இரண்டாம் நாள் ஆட்டத்தில் இங்கிலாந்து அணியை 300 ரன்களைக் கடக்க வைத்தால், முதல் இன்னிங்ஸ் முன்னிலையில் இங்கிலாந்து அணி பின்னடைவைச் சந்திக்காமல் இருப்பதற்கு அது உதவும்.

]]>
England vs Australia, Oval Test, Root half century, Buttler half century, Ashes Test, Ashes, Mitchell Marsh, மிட்செல் மார்ஷ், ஆஷஸ், ஆஷஸ் டெஸ்ட், ரூட் அரைசதம், பட்லர் அரைசதம், இங்கிலாந்து ஆஸ்திரேலியா டெஸ்ட், ஓவல் டெஸ்ட் https://images.dinamani.com/uploads/user/imagelibrary/2019/9/12/w600X390/Mitchell_Marsh_Joe_Root_Jos_Buttler.jpg புகைப்படங்கள்: ஐசிசி டிவிட்டர் https://www.dinamani.com/sports/sports-news/2019/sep/12/england-batters-struggles-again-in-oval-test-day-1-against-aussies-attack-3232894.html
3232864 விளையாட்டு செய்திகள் தென் ஆப்பிரிக்கா தொடர்: இந்திய டெஸ்ட் அணியில் ஷுப்மன் கில்லுக்கு இடம்! ராகுல் நீக்கம்! எழில் DIN Thursday, September 12, 2019 05:52 PM +0530  

தென் ஆப்பிரிக்காவுக்கு எதிரான டெஸ்ட் தொடரில் விளையாடவுள்ள இந்திய அணி இன்று அறிவிக்கப்பட்டுள்ளது. 

விராட் கோலி தலைமையிலான அணியில் இளம் வீரர் ஷுப்மன் கில் இடம்பெற்றுள்ளார். சமீபகாலமாக ரன்கள் எடுக்காமல் தடுமாறி வரும் கே.எல். ராகுல் நீக்கப்பட்டுள்ளார். அணியில் இடம்பெற்றுள்ள ரோஹித் சர்மா தொடக்க வீரராகக் களமிறங்குவார் என எதிர்பார்க்கப்படுகிறது.

3 ஆட்டங்கள் கொண்ட டெஸ்ட் தொடர், அக்டோபர் 2 அன்று விசாகப்பட்டினத்தில் தொடங்குகிறது. 

இந்திய டெஸ்ட் அணி: விராட் கோலி (கேப்டன்), மயங்க் அகர்வால், ரோஹித் சர்மா, புஜாரா, ரஹானே, விஹாரி, ரிஷப் பந்த், சஹா, அஸ்வின், ஜடேஜா, குல்தீப் யாதவ், ஷமி, பும்ரா, இஷாந்த் சர்மா, ஷுப்மன் கில். 

]]>
Virat Kohli, south africa, Rohit Sharma, Shubman Gill, India’s Test team, 3 Tests https://images.dinamani.com/uploads/user/imagelibrary/2019/9/12/w600X390/shubman_gill122.jpg https://www.dinamani.com/sports/sports-news/2019/sep/12/indias-test-team-for-3-tests-against-south-africa-3232864.html
3232855 விளையாட்டு செய்திகள் பத்ம விருதுகளுக்கு 9 விளையாட்டு வீராங்கனைகளின் பெயர்கள் பரிந்துரை! எழில் DIN Thursday, September 12, 2019 03:43 PM +0530  

9 வீராங்கனைகளின் பெயர்களை விளையாட்டு அமைச்சகம் பத்ம விருதுகளுக்குப் பரிந்துரை செய்துள்ளதாகத் தகவல்கள் வெளியாகியுள்ளன. 

மத்திய அமைச்சகங்கள், துறைகள், மாநில அரசுகள், பாரத ரத்னா மற்றும் பத்ம விபூஷண் விருது பெற்றவர்கள் உள்ளிட்டோரிடம் இருந்து பத்ம விருதுகளுக்கு தகுதியான நபர்களை பரிந்துரைகளை செய்ய அழைப்பு விடுக்கப்பட்டுள்ளது. கலை, இலக்கியம், கல்வி, விளையாட்டு, மருத்துவம், சமூகப் பணி, அறிவியல், பொறியியல், பொது விவகாரங்கள், குடிமைப் பணிகள், வர்த்தகம், தொழில்துறை போன்றவற்றில் சாதனை புரிந்தவர்களுக்காக பத்ம விருதுகள் வழங்கப்படுகின்றன. இனம், ஜாதி, பணி, பாலினம் ஆகிய வேறுபாடுகளின்றி இந்த விருதுகளுக்கான சாதனையாளர்கள் தேர்வு செய்யப்படுகின்றனர். 
பிரதமர் தலைமையிலான பத்ம விருதுகள் தேர்வுக் குழு, விருதுக்கு தகுதியுடைய நபர்களை தேர்வு செய்கிறது.

இந்நிலையில் 9 வீராங்கனைகளின் பெயர்களை விளையாட்டு அமைச்சகம் பத்ம விருதுகளுக்குப் பரிந்துரை செய்துள்ளதாகத் தகவல்கள் வெளியாகியுள்ளன. வினேஷ் போகத் (மல்யுத்தம்), ஹர்மன்ப்ரீத் கெளர் (கிரிக்கெட்), ராணி ராம்பால் (ஹாக்கி), சுமா ஷிருர் (துப்பாக்கிச் சுடுதல்), மணிகா பத்ரா (டேபிள் டென்னிஸ்), இரட்டையர்கள் தஷி & நுங்ஷி மாலிக் (மலையேற்றம்) ஆகிய 7 வீராங்கனைகளும் பத்மஸ்ரீ விருதுகளுக்கும் பிரபல பாட்மிண்டன் வீராங்கனை பி.வி. சிந்து பத்ம பூஷன் விருதுக்கும் குத்துச்சண்டை வீராங்கனை மேரி கோம் பத்ம விபூஷன் விருதுக்கும் பரிந்துரைக்கப்பட்டுள்ளார்கள். 

பத்ம விபூஷன் விருது இதற்கு முன்பு விஸ்வநாதன் ஆனந்த் (2007), சச்சின் டெண்டுல்கர் (2008), மறைந்த மலையேற்ற வீரர் சர் எட்மண்ட் ஹிலாரி என மூன்று வீரர்களுக்கு வழங்கப்பட்டுள்ளது. இந்நிலையில் முதல்முறையாக வீராங்கனை ஒருவரின் பெயர் பத்ம விபூஷன் விருதுக்குப் பரிந்துரைக்கப்பட்டுள்ளது. மேரி கோம் 2006-ல் பத்மஸ்ரீ விருதும் 2013-ல் பத்ம பூஷன் விருதும் பெற்றுள்ளார். 

2020, ஜனவரி 25 அன்று பத்ம விருதுகளுக்குத் தேர்வானவர்களின் பட்டியல் அறிவிக்கப்படும்.

]]>
Sports ministry, Padmas, MC Mary Kom, Padma Vibhushan, PV Sindhu, Padma Bhushan, Padma Shri awards https://images.dinamani.com/uploads/user/imagelibrary/2019/9/12/w600X390/Sindhu_wc_champion_aug_2019_AP8_25_2019_000186B_1xx.jpg https://www.dinamani.com/sports/sports-news/2019/sep/12/sports-ministry-sends-9-names-for-padmas-3232855.html
3232216 விளையாட்டு செய்திகள் புயலை எதிர்கொண்ட இளம் தென்றல்! DIN DIN Thursday, September 12, 2019 12:59 PM +0530
அமெரிக்காவின் நியூயார்க் நகரில் தேசிய டென்னிஸ் மைதானத்தில் அமெரிக்க ஓபன் மகளிர் ஒற்றையர் பிரிவு இறுதி ஆட்டம் நடைபெறத் தயாராக இருந்தது.
19 வயது இளம் தென்றலான கனடாவின் பியான்கா ஆன்ட்ரிஸ்கு, டென்னிஸ் அரங்கில் அதிவேக புயல் என்றழைக்கப்படும் அமெரிக்காவைச் சேர்ந்த செரீனா வில்லியம்ஸை (37) எதிர்கொள்ள இருந்தார்.
செரீனாவை இந்த இளம் வீராங்கனையால் ஜெயித்துவிட முடியுமா? என்று சிலரும், யானைக்கும் அடி சறுக்கும்; செரீனாவை வீழ்த்திவிட முடியும் என்று சிலரும் யோசித்துக் கொண்டிருக்க தன்னால் புயலை எதிர்கொண்டு ஜெயித்துக் காட்ட முடியும் என்பதை நிரூபித்தார் பியான்கா.
கடந்த 1999ஆம் ஆண்டு தனது 17ஆவது வயதில் இதே அமெரிக்க ஓபன் டென்னிஸ் போட்டியில் ஸ்விட்சர்லாந்தின் மார்ட்டினா ஹிங்கிஸை வீழ்த்தி முதலாவது கிராண்ட்ஸ்லாம் பட்டத்தை வென்றிருந்தார் செரீனா.
அதன் பிறகு, டென்னிஸ் அரங்கில் பல வெற்றிகளையும், சாதனைகளையும் படைத்தார். தனது ஆக்ரோஷ ஆட்டத்துக்காக உலக அளவில் அதிக ரசிகர்களையும் கொண்டிருப்பவர். 1999ஆம் ஆண்டு முதல் 2017ஆம் ஆண்டு வரை ஆஸ்திரேலிய ஓபன், பிரெஞ்ச் ஓபன், விம்பிள்டன் ஓபன், அமெரிக்க ஓபன் ஆகிய 4 கிராண்ட்ஸ்லாம் தொடர்களிலும் 23 முறை சாம்பியன் பட்டம் வென்றுள்ளார் செரீனா.
ஆஸ்திரேலிய முன்னாள் டென்னிஸ் வீராங்கனை மார்கரெட் கோர்ட், 24 கிராண்ட்ஸ்லாம் பட்டங்களை வென்று சாதனை பட்டியலில் முதலிடத்தில் உள்ளார்.
அவரது சாதனையை சமன் செய்ய செரீனாவுக்கு இன்னும் ஒரே ஒரு கிராண்ட்ஸ்லாம் வென்றால் போதும். இதற்கு முன்பு 6 முறை (1999, 2002, 2008, 2012, 2013, 2014) அமெரிக்க ஓபனில் சாம்பியன் பட்டம் வென்றிருக்கிறோம் என்ற நம்பிக்கையுடன் களம் இறங்கிய செரீனாவுக்கு ஆட்டத்தின் முடிவில் முடிவில் ஏமாற்றமே மிஞ்சியது.
6-3, 7-4 என்ற செட் கணக்கில் செரீனா எனும் புயலை தடுமாறச் செய்தது பியான்கா எனும் இளம் தென்றல்.
ரசிகர்களின் செரீனா கோஷம் ஒரு பக்கம், செரீனாவின் அதிரடி ஷாட்கள் மறுபக்கம் என ஆட்டத்தின்போது பல சவால்கள் இருந்தாலும்  அதிக முறை தவறிழைக்காமல் ஆட்டத்தை மிக நேர்த்தியாக விளையாடினார் பியான்கா.
செரீனாதான் வெல்வார், வெல்ல வேண்டும் என்று நம்பிக்கையுடன் இருந்த உள்ளூர் ரசிகர்களுக்கு 1 மணி நேரம் 40 நிமிடத்தில் ஆட்டத்தை தனக்கு சாதகமாகக் கொண்டுவந்து அதிர்ச்சி அளித்த பியான்கா யார் என்று பார்ப்போம்.


2000-ஆவது ஆண்டு ஜூன் 16ஆம் தேதி கனடாவில் பிறந்தார் பியான்கா. இவரின் பெற்றோர் ருமேனியாவைச் சேர்ந்தவர்கள். தனது 7 வயதில் டென்னிஸ் ராக்கெட்டை கையிலெடுத்த பியான்கா, 19 வயதில் கிராண்ட்ஸ்லாம் வென்றிருக்கிறார் என்றால் இவரது கடின பயிற்சியைக் கண்டு வியப்பே ஏற்படுகிறது !
சிறுமியாக இருந்தபோது, பெல்ஜியம் நாட்டைச் சேர்ந்த டென்னிஸ் வீராங்கனை கிம் கிலிஜ்ஸ்டர்ஸை முன்மாதிரியாகக் கொண்ட பியான்காவுக்கு, வில்லியம்ஸ் சகோதரிகள் (வீனஸ் வில்லியம்ஸ், செரீனா வில்லியம்ஸ்) மற்றும் ருமேனியாவைச் சேர்ந்த சிமோனா ஹாலெப் ஆகியோர் பிடித்தமான டென்னிஸ் வீராங்கனைகள்.    
காலச்சக்கரத்தின் சுழற்சியில், தனக்கு பிடித்த செரீனாவையே எதிர்கொண்டு விளையாடி ஜெயிப்போம் என்று பியான்காவே எதிர்பார்த்திருக்க மாட்டார்.
அதுவும் கிராண்ட்ஸ்லாம் தொடரின் இறுதி ஆட்டத்தில் என்பதை முக்கியமாகக் குறிப்பிட்டாக வேண்டும்.
டென்னிஸ் அரங்கில் பந்தை எப்படி எதிர்கொண்டு எதிராளிக்கு திருப்பி அடிக்க வேண்டும் என்று அனைவருக்கும் தெரியும். ஆனால், அதில் வித்தியாசத்தைக் காட்டினால் ஆட்டத்தின்போக்கு மாறுபடும் என்பதை தெரிந்து வைத்திருப்பவர் பியான்கா. மார்ட்டினா ஹிங்கிஸைப் போல பல்வேறு வகையான ஷாட்களைப் பயன்படுத்தி பந்தை எதிராளிக்கு திருப்புகிறார் என்று முன்னாள் நம்பர் 1 டென்னிஸ் வீராங்கனை மார்டினா நவரத்திலோவா, பியான்காவுக்கு புகழாரம் சூட்டியிருந்தார் என்பதை நினைவில் கொள்ள வேண்டும்.
இந்த ஆண்டில் இந்தியன் வெல்ஸ் ஓபன், கனடா ஓபன் ஆகிய போட்டிகளிலும் சாம்பியன் பட்டம் வென்ற பியான்கா, அமெரிக்க ஓபன் வெற்றி மூலம் சர்வதேச டென்னிஸ் மகளிர் பிரிவு ஒற்றையர் தரவரிசையில் 5ஆவது இடத்துக்கு முன்னேறியுள்ளார்.
ஆண்டின் தொடக்கத்தில் தரவரிசையில் 178ஆவது இடத்தில் இருந்தார் என்பது குறிப்பிடத்தக்கது.
கடந்த 2006ஆம் ஆண்டு, ரஷிய வீராங்கனை மரியா ஷரபோவாவுக்கு பிறகு, கிராண்ட்ஸ்லாம் பட்டம் வென்ற முதல் டீன் ஏஜ் வீராங்கனை என்ற சாதனையையும், கிராண்ட்ஸ்லாம் வென்ற கனடாவின் முதல் வீராங்கனை என்ற சாதனையையும் படைத்துள்ளார் பியான்கா.
மனதை ஒருமுகப்படுத்த முடிந்தால், உங்களால் எந்த விஷயத்தையும் கட்டுப்படுத்த முடியும். ஆட்டத்தின்போது எனது மனதில் டென்னிஸ் மட்டுமே இருக்கும் என்று 12 வயது முதல் தியானப் பயிற்சியை மேற்கொண்டுவரும் பியான்கா கூறியது உண்மைதான் என்பது இந்த அதிரடி வெற்றியின் மூலம் நிரூபணமாகியுள்ளது.


 

]]>
https://images.dinamani.com/uploads/user/imagelibrary/2019/9/12/w600X390/tennis.jpg https://www.dinamani.com/sports/sports-news/2019/sep/12/புயலை-எதிர்கொண்ட-இளம்-தென்றல்-3232216.html
3232837 விளையாட்டு செய்திகள் இந்திய ஏ அணி வெற்றி: ஆட்ட நாயகனான ஆல்ரவுண்டர்! எழில் DIN Thursday, September 12, 2019 12:58 PM +0530  

தென் ஆப்பிரிக்கா ஏ அணிக்கு எதிரான அதிகாரபூர்வமற்ற டெஸ்ட் ஆட்டத்தை இந்திய ஏ அணி வென்றுள்ளது.

திருவனந்தபுரத்தில் நடைபெற்ற முதல் டெஸ்டில் முதலில் விளையாடிய தென் ஆப்பிரிக்க ஏ அணி, 164 ரன்களுக்குச் சுருண்டது. ஷர்துல் தாக்குரும் கே. கெளதமும் தலா 3 விக்கெட்டுகளை வீழ்த்தினார்கள். 

இந்திய ஏ அணி, முதல் இன்னிங்ஸில் 87.5 ஓவர்களில் 303 ரன்கள் எடுத்தது. கேப்டன் ஷுப்மன் கில் 90 ரன்களும் ஆல்ரவுண்டர் ஜலஜ் சக்‌ஷேனா 61 ரன்களும் எடுத்தார்கள். தெ.ஆ. ஏ தரப்பில் என்ஜிடி, டேன் பீடிட் தலா 3 விக்கெட்டுகளை வீழ்த்தினார்கள். 

தென் ஆப்பிரிக்க  ஏ அணி, 2-வது இன்னிங்ஸிலும் தடுமாறி, 58.5 ஓவர்களில் 186 ரன்களுக்கு ஆல் அவுட் ஆனது. இந்திய ஏ தரப்பில் நதீம் 3 விக்கெட்டுகளை வீழ்த்தினார். இதன்பிறகு இந்திய ஏ அணி வெற்றி பெற 48 ரன்கள் இலக்கு நிர்ணயிக்கப்பட்டது. அதை இந்திய ஏ அணி 9.4 ஓவர்களில் 3 விக்கெட் இழப்புக்கு 49 ரன்கள் எடுத்து வென்றது. ஆட்ட நாயகனாக ஜலஜ் சக்‌ஷேனா தேர்வு செய்யப்பட்டுள்ளார்.

]]>
1st unofficial Test, South Africa A, South Africa A tour of India, Thiruvananthapuram https://images.dinamani.com/uploads/user/imagelibrary/2019/9/12/w600X390/jalaj_saxena1xx.jpg https://www.dinamani.com/sports/sports-news/2019/sep/12/india-a-won-by-7-wickets-3232837.html
3232221 விளையாட்டு செய்திகள் ஆஷஸ் தொடர்: இன்று கடைசி டெஸ்ட் தொடங்குகிறது DIN DIN Thursday, September 12, 2019 01:01 AM +0530
இங்கிலாந்து-ஆஸ்திரேலியா அணிகள் இடையிலான வரலாற்று புகழ்பெற்ற ஆஷஸ் தொடரின் 5ஆவது மற்றும் கடைசி டெஸ்ட் ஆட்டம் லண்டனில் வியாழக்கிழமை தொடங்குகிறது.
கடந்த ஆகஸ்ட் மாதம் 1ஆம் தேதி தொடங்கிய ஆஷஸ் தொடரில் முதல் ஆட்டத்தில் ஆஸ்திரேலிய அணி 251 ரன்கள் வித்தியாசத்தில் அபார வெற்றி பெற்றது. இரண்டாவது டெஸ்ட் சமனில் முடிந்தது.
கடந்த மாதம் 26ஆம் தேதி முடிந்த மூன்றாவது டெஸ்ட் ஆட்டத்தில் இங்கிலாந்து 1 விக்கெட் வித்தியாசத்தில் வென்றது. இந்நிலையில்,  4ஆவது டெஸ்டில் ஆஸ்திரேலிய அணி 185 ரன்கள் வித்தியாசத்தில் வெற்றி பெற்றது.
இதையடுத்து, 2-1 என்ற கணக்கில் ஆஸ்திரேலியா அணி முன்னிலையில் உள்ளது. கடைசி ஆட்டத்தில் ஆஸி. டிரா செய்தாலே தொடரைக் கைப்பற்றும். இங்கிலாந்து வென்றால் சமனில் ஆஷஸ் நிறைவு பெறும்.
கடந்த 2001ஆம் ஆண்டு முதல் சொந்த மண்ணில் நடைபெற்ற ஆஷஸ் தொடரில் இங்கிலாந்து அணி தோல்வியைச் சந்திக்கவில்லை.
டிம் பெயின் தலைமையிலான ஆஸி அணியும், ஜோ ரூட் தலைமையிலான இங்கிலாந்து அணியும் வலுவான நிலையில் உள்ளதால், கடைசி ஆட்டம் ரசிகர்கள் மத்தியில் அதிக கவனத்தைப் பெற்றுள்ளது.
இங்கிலாந்து அணியில் இருந்து ஜேசன் ராய், கிரெய்க் ஓவர்டன் ஆகியோர் கடைசி டெஸ்ட் ஆட்டத்திலிருந்து நீக்கப்பட்டுள்ளனர். அவர்களின் இடத்துக்கு ஆல்-ரவுண்டர் சாம் குர்ரன், கிறிஸ் வோக்ஸ் ஆகியோர் சேர்க்கப்பட்டுள்ளனர்.
பென் ஸ்டோக்ஸ் தோள்பட்டை காயத்தால் பாதிக்கப்பட்டுள்ளதால் பந்துவீச மாட்டார் என்று தெரிகிறது. எனினும், அணியில் இடம்பெற்றுள்ள அவர் பேட்டிங்கை மட்டும் கவனிப்பார் என்று அணி தரப்பில் தெரிவிக்கப்பட்டுள்ளது.
ஆஸ்திரேலிய அணியிலிருந்து டிராவிஸ் ஹெட் நீக்கப்பட்டு, ஆல்-ரவுண்டர் மிச்செல் மார்ஷ்க்கு வாய்ப்பளிக்கப்பட்டுள்ளது.
ஆஸ்திரேலியாவில் நடைபெற்ற ஆஷஸ் தொடரில் (2017-18) மார்ஷ், இரு சதங்களைப் பதிவு செய்திருந்தார்.
இந்தத் தொடரை பொறுத்தவரையில் ஸ்மித் சிறப்பான ஆட்டத்தை வெளிப்படுத்தி வருகிறார். 4ஆவது டெஸ்டின் முதல் இன்னிங்ஸில் இரட்டை சதம் பதிவு செய்து அதிரடி காட்டினார். இங்கிலாந்து வேகப்பந்து வீச்சாளர் ஆர்ச்சர், தனது வேகத்தால் ஆஸி. வீரர்களை மிரட்டி வருகிறார்.
எனவே இந்த ஆட்டத்தில் விறுவிறுப்புக்கு பஞ்சம் இருக்காது.
இந்திய நேரப்படி பிற்பகல் 3.30 மணிக்கு ஆட்டம் தொடங்குகிறது.

இங்கிலாந்து
ஜோ ரூட் (கேப்டன்), ஜோஃப்ரா ஆர்ச்சர், 
ஜானி பேர்ஸ்டவ் (விக்கெட் கீப்பர்), ஸ்டூவர்ட் பிராட், 
ரோரி பர்ன்ஸ், ஜோஸ் பட்லர், சாம் குர்ரன், ஜோ டென்லி, ஜாக் லீச், பென் ஸ்டோக்ஸ், கிறிஸ் வோக்ஸ்.

ஆஸ்திரேலியா
டிம் பெயின் (கேப்டன், விக்கெட் கீப்பர்), 
டேவிட் வார்னர், 
மார்கஸ் ஹாரிஸ், மார்னஸ், ஸ்டீவ் ஸ்மித், மிச்செல் மார்ஷ், மாத்யூ வேட், பட் கம்மின்ஸ், பீட்டர் சிட்டில், மிச்செல் ஸ்டார்க், நாதன் லயன், 
ஜோஷ் ஹஸல்வுட்.
 

]]>
https://images.dinamani.com/uploads/user/imagelibrary/2019/9/12/w600X390/asus.JPG https://www.dinamani.com/sports/sports-news/2019/sep/12/ஆஷஸ்-தொடர்-இன்று-கடைசி-டெஸ்ட்-தொடங்குகிறது-3232221.html
3232220 விளையாட்டு செய்திகள் கிராண்ட் செஸ் டூர் பைனல்ஸில் இடம் பெறுவேன்: விஸ்வநாதன் ஆனந்த் DIN DIN Thursday, September 12, 2019 01:01 AM +0530
லண்டனில் வரும் நவம்பர் மாதம் 30ஆம் தேதி தொடங்கவுள்ள கிராண்ட் செஸ் டூர் பைனல்ஸ் போட்டியில் தான் நிச்சயம் பங்கேற்பேன் எனறு 5 முறை உலக சாம்பியனான விஸ்வநாதன் ஆனந்த் தெரிவித்தார்.
லண்டனில் நடைபெறும் செஸ் போட்டியில் பங்கேற்க அவருக்கு இன்னும் 13 புள்ளிகள் தேவைப்படுகின்றன.
இதுதொடர்பாக அவர் கூறியதாவது:
நவம்பர் 6ஆம் தேதி முதல் 10ஆம் தேதி வரை ருமேனியாவின் புசாரெஸ்ட் நகரில் நடைபெறவுள்ள செஸ் போட்டியிலும், அதே மாதம் 22ஆம் தேதி முதல் 26ஆம் தேதி வரை கொல்கத்தாவில் நடைபெறவுள்ள டாடா ஸ்டீல் ராபிட் அன்ட் பிலிட்ஸ் செஸ் போட்டியிலும் பங்கேற்கிறேன்.
இப்போட்டிகளில் வெற்றி பெற்று லண்டனில் நடைபெறவுள்ள போட்டியில் நிச்சயம் இடம் பெறுவேன். கொல்கத்தாவில் உள்ள புகழ்பெற்ற தேசிய நூலகத்தில் நடைபெறவுள்ள டாடா ஸ்டீல் ராபிட் மற்றும் பிலிட்ஸ் போட்டியில் பங்கேற்பதை ஆவலுடன் எதிர்நோக்கிக் காத்திருக்கிறேன். கொல்கத்தா தேசிய நூலகத்தில் இப்போட்டி நடைபெறுவது இதுவே முதல் முறையாகும் என்றார் அவர்.
நார்வே செஸ் வீரரும், தற்போதைய உலக செஸ் சாம்பியனுமான மாக்னஸ் கார்ல்சனை கொல்கத்தாவில் நடைபெறவுள்ள போட்டியில் எதிர்கொள்கிறார் ஆனந்த்.
இதுகுறித்து அவர் கூறுகையில், கார்ல்சனுடன் பல முறை விளையாடியிருக்கிறேன். அவருடன் விளையாடுவது சவால் நிறைந்த ஒன்றாகும். 
இந்த ஆண்டு அவருடைய ஆட்டத் திறன் மிகச் சிறப்பாக உள்ளது என்றார். கடந்த 2013ஆம் ஆண்டு சென்னையில் நடைபெற்ற உலக சாம்பியன்ஷிப் செஸ் போட்டியில் விஸ்வநாதன் ஆனந்தை கார்ல்சன் வீழ்த்தினார்.
 

]]>
https://images.dinamani.com/uploads/user/imagelibrary/2019/9/12/w600X390/viswanathan-anand.jpg https://www.dinamani.com/sports/sports-news/2019/sep/12/கிராண்ட்-செஸ்-டூர்-பைனல்ஸில்-இடம்-பெறுவேன்-விஸ்வநாதன்-ஆனந்த்-3232220.html
3232219 விளையாட்டு செய்திகள் கத்தாருடன் ஆட்டத்தை டிரா செய்தது பெருமையாக உள்ளது: சுனில் சேத்ரி  DIN DIN Thursday, September 12, 2019 01:00 AM +0530
உலகக் கோப்பை கால்பந்து தகுதிச்சுற்றில் கத்தாருடன் ஆட்டத்தை டிரா செய்தது பெருமையாக உள்ளது என்று இந்திய கால்பந்து அணியின் கேப்டன் சுனில் சேத்ரி தெரிவித்தார்.
இதுகுறித்து அவர் சுட்டுரையில் வெளியிட்ட பதிவில், பயிற்சியாளருக்குதான் இந்தப் பெருமை சேரும். மிகவும் மகிழ்ச்சியாக உள்ளது என்று குறிப்பிட்டுள்ளார்.
அவர், உடல்நலம் சரியில்லாத காரணத்தால் இந்த ஆட்டத்தில் விளையாடவில்லை என்பது குறிப்பிடத்தக்கது.
பயிற்சியாளர் இகோர் ஸ்டிமாக்கும் மகிழ்ச்சி அடைவதாகத் தெரிவித்தார்
குரூப்-இ பிரிவில் இடம்பெற்றுள்ள இந்தியா, கத்தார் ஆகிய அணிகள் தோஹாவில் செவ்வாய்க்கிழமை மோதின. ஆட்ட நேர முடிவில் கோல்கள் எதுவுமின்றி ஆட்டம் டிரா ஆனது. இதனால், இந்திய அணி ஒரு புள்ளியைப் பெற்றது.
கத்தார் அணி 4 புள்ளிகளுடன் முதலிடத்தில் உள்ளது. ஓமன், ஆப்கானிஸ்தான், வங்கதேசம் ஆகிய அணிகளும் இ பிரிவில் இடம்பெற்றுள்ளன.
 

]]>
https://images.dinamani.com/uploads/user/imagelibrary/2019/9/12/w600X390/sunil-chetri.jpg https://www.dinamani.com/sports/sports-news/2019/sep/12/கத்தாருடன்-ஆட்டத்தை-டிரா-செய்தது-பெருமையாக-உள்ளது-சுனில்-சேத்ரி-3232219.html
3232218 விளையாட்டு செய்திகள் தென்னாப்பிரிக்காவுக்கு எதிரான டெஸ்டில் ரோஹித்? DIN DIN Thursday, September 12, 2019 01:00 AM +0530
தென்னாப்பிரிக்காவுக்கு எதிராக அடுத்த மாதம் நடைபெறவுள்ள டெஸ்ட் தொடரில் விளையாடவுள்ள இந்திய அணியில், கே.எல்.ராகுலுக்கு பதிலாக ரோஹித்துக்கு வாய்ப்பளிக்கப்படும் என்று தெரிகிறது.
அணியின் இடம்பெறும் வீரர்களைத் தேர்ந்தெடுக்க தில்லியில் வியாழக்கிழமை தேர்வுக் குழு கூடி ஆலோசிக்கவுள்ளது.
மே.இ.தீவுகளுக்கு எதிரான டெஸ்ட் தொடரில் ரோஹித் சேர்க்கப்படவில்லை.
அந்தத் தொடரில் ராகுல் சிறப்பான ஆட்டத்தை வெளிப்படுத்தத் தவறியதால் ரோஹித்துக்கு இந்த முறை வாய்ப்பளிக்கப்படவுள்ளதாகத் தகவல்கள் தெரிவிக்கின்றன.
கடந்த ஆண்டு ஆஸ்திரேலியாவில் நடைபெற்ற டெஸ்ட் போட்டிதான் ரோஹித் கடைசியாக பங்கேற்ற டெஸ்ட் போட்டியாகும்.
 

]]>
https://images.dinamani.com/uploads/user/imagelibrary/2019/9/12/w600X390/rohith.jpg https://www.dinamani.com/sports/sports-news/2019/sep/12/தென்னாப்பிரிக்காவுக்கு-எதிரான-டெஸ்டில்-ரோஹித்-3232218.html
3232217 விளையாட்டு செய்திகள் யு-23 கிரிக்கெட்: இந்தியா-வங்கதேசம் இடையேயான போட்டி இடம் மாற்றம் DIN DIN Thursday, September 12, 2019 12:59 AM +0530
இந்தியா, வங்கதேச அணிகள் இடையேயான 23 வயதுக்குள்பட்டோருக்கான (யு-23) கிரிக்கெட் தொடர், மோசமான வானிலை காரணமாக ராய்ப்பூரிலிருந்து லக்னௌவுக்கு மாற்றப்பட்டுள்ளது.
இதுதொடர்பாக பிசிசிஐ வெளியிட்ட அறிக்கையில், இரு நாடுகளுக்கு இடையே செப்டம்பர் 19ஆம் தேதி, 23 வயதுக்குள்பட்டோருக்கான 5 ஆட்டங்கள் கொண்ட கிரிக்கெட் போட்டி சத்தீஸ்கர் மாநிலம், ராய்ப்பூரில் தொடங்குவதாக இருந்தது. 
அந்நகரில் இடைவிடாமல் மழை பெய்து வருவதன் காரணமாக உத்தரப் பிரதேச மாநிலம், லக்னௌவுக்கு போட்டி மாற்றப்பட்டுள்ளது என்று தெரிவிக்கப்பட்டுள்ளது.
 

]]>
https://images.dinamani.com/uploads/user/imagelibrary/2019/9/12/w600X390/india.jpg https://www.dinamani.com/sports/sports-news/2019/sep/12/யு-23-கிரிக்கெட்-இந்தியா-வங்கதேசம்-இடையேயான-போட்டி-இடம்-மாற்றம்-3232217.html
3232204 விளையாட்டு செய்திகள் டெஸ்ட் போட்டிக்கும் ரோஹித் சர்மாதான் தொடக்க ஆட்டக்காரர்? எடுபடுமா கங்குலி யோசனை? DIN DIN Wednesday, September 11, 2019 11:04 PM +0530
ஒருநாள் மற்றும் டி20 கிரிக்கெட்டில் தொடக்க ஆட்டக்காரராக களமிறங்கும் ரோஹித் சர்மா, டெஸ்ட் ஆட்டத்திலும் தொடக்க ஆட்டக்காரராக தேர்வு செய்யப்படலாம் என்று எதிர்பார்க்கப்படுகிறது. 

இந்தியாவுக்கு சுற்றுப்பயணம் மேற்கொள்ளவிருக்கும் தென் ஆப்பிரிக்க கிரிக்கெட் அணி, 3 டெஸ்ட் மற்றும் 3 டி20 ஆட்டங்கள் கொண்ட தொடர்களில் விளையாடுகிறது. இதில் டெஸ்ட் தொடருக்கான இந்திய அணியைத் தேர்வு செய்ய பிசிசிஐ தேர்வுக் குழு நாளை கூடுகிறது. இதில், தொடக்க ஆட்டக்காரராக ரோஹித் சர்மாவைத் தேர்வு செய்வதற்கான சூழல் உருவாகியுள்ளது.

அண்மையில் மேற்கிந்தியத் தீவுகள் தொடரில் சொதப்பிய கேஎல் ராகுல், நீண்ட நாட்களாக ஃபார்ம் இல்லாமல் தவித்து வருகிறார். கடைசி 30 டெஸ்ட் இன்னிங்ஸில் அவர் வெறும் 664 ரன்கள் மட்டுமே எடுத்துள்ளார். எனவே, மாற்று தொடக்க ஆட்டக்காரருக்கு தற்போது தட்டுப்பாடு ஏற்பட்டுள்ளது. 

மயங்க் அகர்வால் தனது இடத்தை உறுதிபடுத்தியுள்ள நிலையில், இந்திய அணியின் மற்றொரு தொடக்க ஆட்டக்காரர் யார் என்ற கேள்வி எழுந்துள்ளது. பிருத்வி ஷாவும் தடைக்காலத்தில் உள்ளார். அதேசமயம், நடுவரிசையில் 5-வது பேட்ஸ்மேனாக அஜின்கியா ரஹானேவும், 6-வது பேட்ஸ்மேனாக ஹனுமா விஹாரியும் மேற்கிந்தியத் தீவுகள் தொடரில் கலக்கி அசைக்க முடியாத வீரர்களாக உள்ளனர். எனவே, டெஸ்ட் ஆட்டங்களில் நடுவரிசை பேட்ஸ்மேனாக களமிறங்கி வரும் ரோஹித் சர்மாவை தொடக்க ஆட்டக்காரராக தேர்வு செய்யலாம் என்று எதிர்பார்க்கப்படுகிறது. 

ரோஹித் சர்மா தவிர்த்து தொடக்க ஆட்டக்காரர் இடத்துக்கு பெங்கால் அணியின் தொடக்க ஆட்டக்காரர் அபிமன்யு ஈஸ்வரனும் போட்டியில் உள்ளார். எனவே, ராகுலைத் தேர்வு செய்யாவிட்டால் மாற்று தொடக்க ஆட்டக்காரராக உள்ளூர் மற்றும் இந்தியா ஏ ஆட்டங்களில் ஜொலித்த ஈஸ்வரன் தேர்வு செய்யப்படலாம். குஜராத் அணியின் பிரியங்க் பன்சால் மற்றும் பஞ்சாபின் ஷுப்மன் கில் ஆகியோரும் தேர்வு செய்யப்படுவதற்கான வாய்ப்புகள் உள்ளது. அதேசமயம், முரளி விஜய் மற்றும் ஷிகர் தவான் ஆகியோர் தேர்வு செய்வதற்கான வாய்ப்புகள் மிகக் குறைவாகவே உள்ளது.

இதனிடையே, தேர்வுக் குழுத் தலைவர் எம்எஸ்கே பிரசாத்தும், ராகுலின் மோசமான ஃபார்ம் கருதி, தொடக்க ஆட்டக்காரராக ரோஹித் சர்மா பரிந்துரைக்கப்படலாம் என்று நேற்று தெரிவித்திருந்தார். எனவே, தொடக்க ஆட்டக்காரர் இடத்துக்கு ரோஹித் சர்மாவுக்கு முன்னுரிமை அளிக்கப்படும் என்று தெரிகிறது.

மேலும் படிக்க: ரோஹித் சர்மாவை டெஸ்ட்டில் தொடக்க வீரராகக் களமிறக்கவும்: செளரவ் கங்குலி யோசனை! 

இந்திய அணியின் முன்னாள் கேப்டன் சௌரவ் கங்குலி, டெஸ்ட் போட்டிக்கும் ரோஹித் சர்மாவையே தொடக்க ஆட்டக்காரராக களமிறக்கலாம் என்று நீண்ட நாட்களாக கருத்து தெரிவித்து வருகிறார். 

ஒருநாள் கிரிக்கெட்டில் தொடக்க ஆட்டக்காரராக களமிறங்கி வந்த சேவாக்கை, அப்போதைய கேப்டன் கங்குலி டெஸ்ட் கிரிக்கெட்டிலும் அவரை தொடக்க ஆட்டக்காரராக களமிறக்கினார். அதன்பிறகு அனைத்தும் வரலாறு. இந்த வரிசையில் ரோஹித் சர்மாவும் கங்குலியின் யோசனைப்படி தொடக்க ஆட்டக்காரராக களமிறக்கப்படுவாரா, சேவாக்கைப் போல் அவரும் ஜொலிப்பாரா என்பதைக் காலம்தான் பதில் சொல்லும்.

]]>
கேஎல் ராகுல், Rohit Sharma opener, Rohit test opener, Ganguly backs Rohit , Ganguly Sehwag story, India vs South Africa Test , தொடக்க ஆட்டக்காரர் ரோஹித் சர்மா, சேவாக் கங்குலி, ரோஹித் கங்குலி, இந்தியா தென் ஆப்பிரிக்கா, டெஸ்ட் தொடக்க ஆட்டக்காரர் ரோஹித், https://images.dinamani.com/uploads/user/imagelibrary/2019/9/11/w600X390/Rohit.jpg https://www.dinamani.com/sports/sports-news/2019/sep/11/test-squad-against-south-africa-rohit-likely-choice-for-opening-slot-abhimanyu-easwaran-dark-horse-3232204.html
3232177 விளையாட்டு செய்திகள் காயம் காரணமாக பென் ஸ்டோக்ஸ் பந்துவீச மாட்டார்: இங்கிலாந்துக்கு பின்னடைவு? DIN DIN Wednesday, September 11, 2019 07:26 PM +0530
ஆஸ்திரேலியாவுடனான கடைசி ஆஷஸ் டெஸ்டில் இங்கிலாந்தின் பிரதான ஆல்-ரௌண்டர் பென் ஸ்டோக்ஸ் காயம் காரணமாக பந்துவீச மாட்டார் என்று அந்நாட்டு கிரிக்கெட் வாரியம் அறிவித்துள்ளது. 

இங்கிலாந்து, ஆஸ்திரேலியா அணிகளுக்கிடையிலான 5-வது மற்றும் கடைசி ஆஷஸ் டெஸ்ட் ஓவல் மைதானத்தில் நாளை (வியாழக்கிழமை) தொடங்குகிறது. முதல் 4 ஆட்டத்தில் ஆஸ்திரேலிய அணி 2 ஆட்டத்தில் வெற்றி பெற்றதால் ஆஷஸை தக்கவைத்தது. எனவே, கடைசி ஆட்டத்தில் ஆறுதல் வெற்றி பெற்று தொடரை சமன் செய்ய வேண்டிய நெருக்கடியில் இங்கிலாந்து அணி உள்ளது.

மேலும் படிக்க: ஆஷஸ் கோப்பையை தக்க வைத்தது ஆஸ்திரேலியா
 

இந்நிலையில், கடைசி ஆட்டத்துக்கான விளையாடும் லெவன் அணியை இங்கிலாந்து கிரிக்கெட் வாரியம் இன்று அறிவித்தது. இந்த தொடரில் தொடக்கம் முதலே திணறி வரும் ஜேசன் ராய் மற்றும் கடந்த ஆட்டத்தில் களமிறங்கிய வேகப்பந்துவீச்சாளர் ஓவர்டன் ஆகியோர் அணியில் இருந்து நீக்கப்பட்டுள்ளனர். அவர்களுக்கு மாற்றாக ஆல்-ரௌண்டர்கள் கிறிஸ் வோக்ஸ் மற்றும் சாம் கரண் ஆகியோர் அணியில் சேர்க்கப்பட்டுள்ளனர். 

மேலும், இங்கிலாந்தின் பிரதான ஆல்-ரௌண்டர் பென் ஸ்டோக்ஸ் தோள்பட்டை காயம் காரணமாக பந்துவீச மாட்டார் என்றும் இந்த ஆட்டத்தில் அவர் வெறும் முழுநேர பேட்ஸ்மேனாக மட்டுமே களமிறங்குவார் என்றும் தெரிவிக்கப்பட்டுள்ளது. இதன் காரணமாகவே, அணியில் கூடுதல் ஆல்-ரௌண்டர்களாக இரண்டு வீரர்கள் தேர்வு செய்யப்பட்டுள்ளனர். எனவே, பென் ஸ்டோக்ஸ் இடத்தை இந்த இரண்டு ஆல்-ரௌண்டர்கள் பூர்த்தி செய்வார்கள் என்ற நம்பிக்கையில் இங்கிலாந்து அணி உள்ளது.

ஆஷஸ் கிரிக்கெட்டில் சாம் கரணுக்கு இதுதான் அறிமுகம் என்பது குறிப்பிடத்தக்கது.

]]>
england vs australia, ஆஷஸ் டெஸ்ட், Ben Stokes injury, Stokes will not bowl, England playing eleven, Oval Test, 5th Ashes Test, பென் ஸ்டோக்ஸ் காயம், இங்கிலாந்து வீரர்கள் அறிவிப்பு, ஓவல் டெஸ்ட் https://images.dinamani.com/uploads/user/imagelibrary/2019/9/11/w600X390/Ben_Stokes.jpg https://www.dinamani.com/sports/sports-news/2019/sep/11/ashes-roy-dropped-curran-named-in-england-xi-for-5th-test-3232177.html
3232138 விளையாட்டு செய்திகள் 10 சிக்ஸர்கள், 7 பவுண்டரிகள்: 22-வது டி20 சதம் அடித்தார் கிறிஸ் கெயில்! எழில் DIN Wednesday, September 11, 2019 12:50 PM +0530  

டி20 கிரிக்கெட்டில் தனது 22-வது சதத்தை அடித்துள்ளார் கிறிஸ் கெயில். எனினும் அவருடைய சதம், அவர் அணி அடித்த 241 ரன்கள் என அனைத்தும் கடைசியில் தோல்வியில் தான் முடிந்துள்ளன.

நேற்று, கரீபியன் பிரீமியர் லீக் போட்டியில் கிறிஸ் கெயில் விளையாடும் ஜமைக்கா தல்லாவாஸும் செயிண்ட் கிட்ஸ் & நெவிஸ் பாட்ரியாட்ஸ் அணிகளும் மோதின. 

கிறிஸ் கெயில் தனது வழக்கமான அதிரடி ஆட்டத்தை நேற்றும் வெளிப்படுத்தினார். 10 சிக்ஸர், 7 பவுண்டரிகளுடன் 62 பந்துகளில் 116 ரன்கள் குவித்தார். இது அவருடைய 22-வது டி20 சதம். கெய்லை விடவும் விரைவாக ரன்கள் குவித்தார் வால்டன். 36 பந்துகளில் 8 சிக்ஸர், 3 பவுண்டரிகளுடன் 73 ரன்கள் எடுத்தார். இதனால் ஜமைக்கா தல்லாவாஸ் 20 ஓவர்களில் 4 விக்கெட் இழப்புக்கு 241 ரன்கள் குவித்தது.

இந்த இமாலய ஸ்கோரை அழகாக விளையாடி 18.5 ஓவர்களிலேயே அடைந்தது பாட்ரியாட்ஸ் அணி. தொடக்க வீரரும் விக்கெட் கீப்பருமான டிசி தாமஸ் 40 பந்துகளில் 71 ரன்கள் எடுத்தார். எவின் லூயிஸ் 18 பந்துகளில் 53 ரன்கள் எடுத்து, இருவரும் பலமான தொடக்கத்தை தங்கள் அணிக்கு ஏற்படுத்தித் தந்தார்கள். இதனால் 7 பந்துகள் மீதமுள்ள நிலையில் 4 விக்கெட் வித்தியாசத்தில் வென்றது பாட்ரியாட்ஸ் அணி. இந்த ஆட்டத்தில் மொத்தம் 37 சிக்ஸர்கள் அடிக்கப்பட்டன.

அதிக டி20 சதங்கள்

கிறிஸ் கெயில் - 22
மைக்கேல் கிலிங்கர் - 8
ஃபிஞ்ச், வார்னர், லூக் ரைட், மெக்கல்லம் - 7

அதிக டி20 சிக்ஸர்கள்

கெயில் - 954
பொலார்ட் - 622
மெக்கல்லம் - 485
வாட்சன் - 431
ரஸ்ஸல் - 391

 

]]>
Patriots, Chris Gayle's ton, St Kitts and Nevis Patriots, Jamaica Tallawahs, CPL T20, 37 sixes https://images.dinamani.com/uploads/user/imagelibrary/2019/9/11/w600X390/gayle_cpl_2019xx.jpg புகைப்படம்: CPL T20 https://www.dinamani.com/sports/sports-news/2019/sep/11/patriots-chase-down-242-to-trump-chris-gayles-ton-3232138.html
3231655 விளையாட்டு செய்திகள் உலகக் கோப்பை கால்பந்து தகுதிச்சுற்று: ஆசிய சாம்பியனை டிரா செய்தது இந்தியா DIN DIN Wednesday, September 11, 2019 02:40 AM +0530
உலகக் கோப்பை கால்பந்து தகுதிச் சுற்று ஆட்டத்தில் ஆசிய சாம்பியன் கத்தாரை 0-0 என டிரா செய்தது இந்தியா.
பிஃபா உலகக் கோப்பை போட்டிகள் 2022-இல் கத்தாரில் நடைபெறவுள்ளன. இதற்காக தகுதிச் சுற்று ஆட்டங்கள் நடைபெற்று வருகின்றன.
குவாஹாட்டியில் நடைபெற்ற முதல் ஆட்டத்தில் இந்திய அணி 1-2 என்ற கோல் கணக்கில் ஓமனிடம் போராடி தோற்றது.
இதன் தொடர்ச்சியாக டோஹாவில் செவ்வாய்க்கிழமை நடைபெற்ற  2-ஆவது ஆட்டத்தில் பலம் வாய்ந்த ஆசிய சாம்பியன் கத்தாருடன் மோதியது இந்தியா.  வலுவான தற்காப்பு ஆட்டத்தால், கத்தாரின் கோலடிக்கும் முயற்சிகளை முறியடித்தனர். கேப்டனாக செயல்பட்ட குர்ப்ரீத் சிங் சாந்து அற்புதமாக செயல்பட்டு எதிரணியின் கோல் வாய்ப்புகளை முறியடித்தார். அடுத்து அக்டோபர் 15-ஆம் தேதி வங்கதேசத்துடன் மோதுகிறது இந்தியா.

]]>
https://images.dinamani.com/uploads/user/imagelibrary/2019/9/11/w600X390/india.jpg https://www.dinamani.com/sports/sports-news/2019/sep/11/உலகக்-கோப்பை-கால்பந்து-தகுதிச்சுற்று-ஆசிய-சாம்பியனை-டிரா-செய்தது-இந்தியா-3231655.html
3231594 விளையாட்டு செய்திகள் விராட் கோலி-ரோஹித் இடையே எந்த மோதலும் இல்லை: ரவிசாஸ்திரி DIN DIN Wednesday, September 11, 2019 01:17 AM +0530
கேப்டன் விராட் கோலி, துணை கேப்டன் ரோஹித் சர்மா ஆகியோர் இடையே மோதல் நிலவுவதாக கூறுவது அபத்தமானது. எந்த மோதலும் இல்லை என தலைமைப் பயிற்சியாளர் ரவிசாஸ்திரி கூறியுள்ளார்.
இதுதொடர்பாக அவர் செவ்வாய்க்கிழமை கூறியதாவது: 
தற்போது இரண்டாவது முறையாக தலைமைப் பயிற்சியாளராக நியமிக்கப்பட்டுள்ள நிலையில், நான் இளம் வீரர்கள் அதிகளவில் உருவாக்க முனைப்பாக உள்ளேன். அடுத்த ஆண்டு டி20 உலகக் கோப்பை மற்றும் தற்போது நடைபெற்று வரும் உலக டெஸ்ட் சாம்பியன்ஷிப் போட்டிக்காக இளம் வீரர்கள் மீது கவனம் செலுத்துவோம்.
இளம் வீரர்களை தயாராக்க வேண்டும்: டி20 உலகக் கோப்பை போட்டி நடைபெற இன்னும் 12 மாதங்கள் உள்ளன. டெஸ்ட் சாம்பியன்ஷிப் போட்டிக்கு 18 முதல் 20 மாதங்கள் வரை உள்ளன. இளம் வீரர்களை தயார்படுத்தினால், அனுபவம் நிறைந்த வீரர்களுடன், நமது அணி வலுவானதாக அமையும். நிலையாக ஆடுவோரும், வலுவான பதிலி வீரர்களும் தேவைப்படுகின்றனர்.
டி20, ஒருநாள், டெஸ்ட் என 3 அம்ச ஆட்டங்களிலும் பேட்டிங், பவுலிங்கை வலுப்படுத்துவோம். புள்ளிகள் அடிப்படையில் உள்ளதால், உலக டெஸ்ட் சாம்பியன்ஷிப்பில் தீவிர கவனத்துடன் ஆட வேண்டும்.  கடந்த 3 ஆண்டுகளாக டெஸ்டில் நாம் உலகின் நம்பர் ஒன் அணியாக உள்ளோம்.  
இதனால் நிலையான ஆட்டத்தை வெளிப்படுத்தி, இறுதி ஆட்டம் நடைபெறும்போது, நமக்கு சாதகமான நிலையை உருவாக்க வேண்டும்.
தென்னாப்பிரிக்காவுக்கு எதிராக உள்ளூரிலும், அவர்கள் மண்ணிலும் ஆட உள்ளோம். மே.இ.தீவுகள் தொடரில் தோல்வியே காணாத அணியாக திகழ்ந்தோம். மே.இ.தீவுகளை அதன் மண்ணிலேயே டி20,ஒருநாள் தொடர்களில் வென்றது மிகவும் சிறப்பானது. இதுபோன்று எதிர்காலத்தில் நடைபெற வாய்ப்பில்லை.
கோலிரோஹித் இடையே மோதல் இல்லை: கேப்டன் விராட் கோலி, துணை கேப்டன் ரோஹித் சர்மா ஆகியோர் இடையே எந்த கருத்து வேறுபாடும் இல்லை.  அவர்களுடன் 5 ஆண்டுகளாக தங்கும் அறை, மைதானத்தில் பழகி வருகிறேன். அவர்களிடையே மோதல் உள்ளதாக கூறுவது அபத்தமானது. 
அணியின் வெற்றிக்காகவும், மரபுகளை மீறாமல் இருவரும் செயல்பட்டு வருகின்றனர். இதனால் தான் உலகக் கோப்பையில் ரோஹித் 5 சதங்களை விளாசினார். நல்ல செயல்கள் நேரும் போது பேசாமல் உள்ளோம். நடக்காத ஒன்றை நடந்ததாகக் கூறி அதை உண்மையாக்க முயல்கிறோம்  என்றார் சாஸ்திரி.
 

]]>
https://images.dinamani.com/uploads/user/imagelibrary/2019/9/11/w600X390/RAVI.jpg https://www.dinamani.com/sports/sports-news/2019/sep/11/விராட்-கோலி-ரோஹித்-இடையே-எந்த-மோதலும்-இல்லை-ரவிசாஸ்திரி-3231594.html
3231593 விளையாட்டு செய்திகள் தென்னாப்பிரிக்க அணியின் இந்திய சுற்றுப் பயண அட்டவணை DIN DIN Wednesday, September 11, 2019 01:16 AM +0530
தென்னாப்பிரிக்க அணியின் இந்திய சுற்றுப்பயண அட்டவணை வெளியிடப்பட்டுள்ளது.
அண்மையில் நடைபெற்ற ஐசிசி ஒருநாள் உலகக் கோப்பையில் அரையிறுதியில் வெளியேறிய இந்திய அணி, தற்போது மே.இ.தீவுகளில் நடைபெற்ற மூன்று ஆட்ட தொடர்களிலும் அமோக வெற்றது. உலக டெஸ்ட் சாம்பியன்ஷிப் போட்டியில் 120 புள்ளிகளுடன் முதலிடத்தைப் பெற்றுள்ளது.
தென்னாப்பிரிக்க தொடர்: இதன் தொடர்ச்சியாக இந்தியாவில் நடைபெறவுள்ள 3 டி20, 3 டெஸ்ட் ஆட்டங்கள் தொடரில் பங்கேற்று தென்னாப்பிரிக்க ணி விளையாட உள்ளது. வரும் 15ஆம் தேதி தர்மசாலாவில் முதல் டி20 ஆட்டம் நடைபெறுகிறது. 
விராட் கோலியின் அணி, மே.இ.தீவுகளில் பெற்ற பிரம்மாண்ட வெற்றி உற்சாகத்தில் உள்ளது. அதே நேரத்தில் ஒருநாள் உலகக் கோப்பையில் மோசமான தோல்வியோடு வெளியேறிய தென்னாப்பிரிக்க அதில் இருந்து இன்னும் மீளவில்லை.
டி காக் புதிய கேப்டன்: குயிண்டன் டி காக்கை புதிய கேப்டனாக நியமித்து, மூத்த வீரர் டூபிளெஸ்ஸிஸை அணியில் நீக்கி உள்ளது. இந்தியாவுக்கு எதிரான தொடரில் எழுச்சி பெறும் உத்வேகத்துடன் உள்ளது அந்த அணி.  3 ஆட்டங்கள் கொண்ட டி20 தொடர் முடிவுற்றதும், டெஸ்ட் தொடரில் 2 அணிகளும் மோதுகின்றன.
3 டெஸ்ட் ஆட்டங்கள்: உலக டெஸ்ட் சாம்பியன்ஷிப்பின் ஒரு பகுதியாக 3 ஆட்டங்கள் கொண்ட டெஸ்ட் தொடரும் நடக்கிறது. இந்த சாம்பியன்ஷிப் பட்டியலில் 120 புள்ளிகளுடன் இந்தியா முதலிடத்தில் உள்ளது. 
டி20 தொடர் விவரம்: முதல் டி20: செப். 15, தர்மசாலா, இரண்டாவது டி20: செப். 18, மொஹாலி, மூன்றாம் டி20: செப். 22, பெங்களூரு. டி20 ஆட்டங்கள் இரவு 7 மணிக்கு தொடங்கும்.
டெஸ்ட் சாம்பியன்ஷிப் தொடர்: முதல் டெஸ்ட், அக். 26, விசாகப்பட்டினம், இரண்டாவது டெஸ்ட், அக். 1014, புணே, மூன்றாவது 
டெஸ்ட், அக். 1923, ராஞ்சி. டெஸ்ட் ஆட்டங்கள் காலை 9.30 மணிக்கு தொடங்கும்.
 

]]>
https://images.dinamani.com/uploads/user/imagelibrary/2019/9/11/w600X390/virat-k.jpg https://www.dinamani.com/sports/sports-news/2019/sep/11/தென்னாப்பிரிக்க-அணியின்-இந்திய-சுற்றுப்-பயண-அட்டவணை-3231593.html
3231592 விளையாட்டு செய்திகள் மே.இ.தீவுகள் டி20, ஒருநாள் அணியின் கேப்டனாக பொல்லார்ட் நியமனம் DIN DIN Wednesday, September 11, 2019 01:15 AM +0530
மே.இ.தீவுகள் டி20, ஒருநாள் அணிகளின் புதிய கேப்டனாக கிய்ரன் பொல்லார்ட் நியமிக்கப்பட்டுள்ளார். தற்போதைய கேப்டன் ஜேஸன் ஹோல்டர் டெஸ்ட் அணிக்கு கேப்டனாக நீடிப்பார்.
டிரினிடாடில் கிரிக்கெட் மே..இ. தீவுகள் தலைவர் ரிக்கி ùஸரிட்ட் இதைத் தெரிவித்தார். பொல்லார்ட் கடந்த 2016இல் பாகிஸ்தானுக்கு எதிராக ஒருநாள் ஆட்டத்தில் விளையாடினார் பொல்லார்ட். அதே போல் டி20 அணியின் கேப்டனாக இருந்த கார்லோஸ் பிராத்வெயிட் நீக்கப்பட்டு அதற்கும் பொல்லார்ட் கேப்டனாக நியமிக்கப்பட்டுள்ளார்.
தேர்வுக் குழு இப்பிரச்னை தொடர்பாக முழுமையாக ஆய்வு செய்து இந்த முடிவை எடுத்தது. ஹோல்டர் சிறந்த கேப்டனாக செயல்பட்டார். அதே நேரம் டெஸ்ட் அணிக்கு தலைமை தாங்குவார்.
மே.இ. தீவுகள் அணியின் வீரர்கள் ஐபிஎல், சிபிஎல் போட்டிகளில் தொடர்ந்து ஆடலாம் அதே நேரம் தேசிய அணிக்கு ஆடுவதும் முக்கியமானது என்றார். 
 

]]>
https://images.dinamani.com/uploads/user/imagelibrary/2019/9/11/w600X390/pollard.jpg https://www.dinamani.com/sports/sports-news/2019/sep/11/மேஇதீவுகள்-டி20-ஒருநாள்-அணியின்-கேப்டனாக-பொல்லார்ட்-நியமனம்-3231592.html
3231591 விளையாட்டு செய்திகள் உலக குத்துச்சண்டை போட்டி பிரிஜேஷ் யாதவ் வெற்றி DIN DIN Wednesday, September 11, 2019 01:14 AM +0530
உலக குத்துச்சண்டை சாம்பியன்ஷிப் போட்டியில் இந்தியாவின் பிரிஜேஷ் யாதவ் தொடக்க ஆட்டத்தில் வெற்றி பெற்றார்.
ரஷியாவின் எக்டெரின்பர்க் நகரில் உலக குத்துச்சண்டை சாம்பியன்ஷிப் போட்டிகள் செவ்வாய்க்கிழமை தொடங்கின. இதில் 87 நாடுகளைச் சேர்ந்த 450க்கு மேற்பட்ட வீரர்கள் கலந்து கொண்டுள்ளனர். 
ஆடவர் 81 கிலோ பிரிவு தொடக்க சுற்றில் பிரிஜேஷ் 50 என்ற புள்ளிக் கணக்கில் போலந்தின் மேலஸ் கோயின்ஸ்கியை வீழ்த்தி அபார வெற்றி பெற்றார்.  பிரிஜேஷின் சரிமாரியான குத்துகளால் கோயின்ஸ்கியின் முகத்தில் ரத்தம் வழிந்தது. அவரால் நிற்க முடியாமல் கீழே விழுந்தார்.
இந்த வெற்றியின் மூலம் ரவுண்ட் 32 பிரிவுக்குள் நுழைந்தார் பிரிஜேஷ். ஏற்கெனவே அமித் பங்கால் 52 கிலோ, கவிந்தர் பிஷ்ட் 57 கிலோ, ஆஷிஷ் வின் குமார் 75 கிலோ ஆகியோருக்கு முதல் சுற்றில் பை வழங்கப்பட்டது.

 

]]>
https://images.dinamani.com/uploads/user/imagelibrary/2019/9/11/w600X390/boxing-brijesh.jpg எதிராளிக்கு குத்து விடும் பிரிஜேஷ் யாதவ். https://www.dinamani.com/sports/sports-news/2019/sep/11/உலக-குத்துச்சண்டை-போட்டி-பிரிஜேஷ்-யாதவ்-வெற்றி-3231591.html
3231590 விளையாட்டு செய்திகள் யூரோ 2020 தகுதி ஆட்டம்: பெல்ஜியம், நெதர்லாந்து வெற்றி DIN DIN Wednesday, September 11, 2019 01:13 AM +0530
யூரோ 2020 தகுதிச் சுற்றில் பெல்ஜியம், நெதர்லாந்து உள்ளிட்டவை தங்கள் ஆட்டங்களில் வெற்றி பெற்றன.
பெல்ஜியம் 40 என்ற கோல் கணக்கில் ஸ்காட்லாந்தையும், நெதர்லாந்து 40 என எஸ்டோனியாவையும் வீழ்த்தின. ரோமேலு லுகாகு, ராபர்ட்டோ மார்டினஸ், தாமஸ், டோபி ஆகியோர் கோல்கள் அடித்தனர். பெல்ஜியம் கேப்டன் கெவின் டி புருயன் நான்காவது கோலை அடித்து வெற்றியை நிறைவு செய்தார்.
நெதர்லாந்து ஏற்கெனவே பலம் வாய்ந்த ஜெர்மனியை 42 என்ற கோல் கணக்கில் வீழ்த்தியது. அதன் தொடர்ச்சியாக டளினில் 40 என எஸ்டோனியாவை வீழ்த்தியது.
மற்றொரு ஆட்டத்தில் குரோஷியாஅஜர்பைஜான் மோதிய ஆட்டம் 11 என டிராவில் முடிந்தது. ஹங்கேரி 21 என்ற கோல் கணக்கில் ஸ்லோவோக்கியாவை வென்றது. ஸ்லோவேனியா 32 என இஸ்ரேலை வீழ்த்தியது.  

]]>
https://images.dinamani.com/uploads/user/imagelibrary/2019/9/11/w600X390/netherland-win.jpg https://www.dinamani.com/sports/sports-news/2019/sep/11/யூரோ-2020-தகுதி-ஆட்டம்-பெல்ஜியம்-நெதர்லாந்து-வெற்றி-3231590.html
3231589 விளையாட்டு செய்திகள் அணியின் எதிர்காலத்தைக் கருதி டி காக் கேப்டனாக நியமனம் DIN DIN Wednesday, September 11, 2019 01:13 AM +0530
டூ பிளெஸ்ஸிஸ் அணிக்கு சிறந்த பங்களிப்பை வழங்கி இருந்தாலும், எதிர்காலத்தைக் கருதி குயின்டன் டி காக்  கேப்டனாக நியமிக்கப்பட்டுள்ளார் என தென்னாப்பிரிக்க கிரிக்கெட் தற்காலிக இயக்குநர் நாக் வே கூறியுள்ளார்.
அவர் தர்மசாலாவில் செவ்வாய்க்கிழமை கூறியதாவது:
கேப்டனாகவும், ஒரு வீரராகவும் டூபிளெஸ்ஸிஸ் அணியின் செயல்பாட்டில் முக்கிய பங்காற்றி உள்ளார். அவர் இன்னும் டெஸ்ட் அணியின் கேப்டனாக நீடிக்கிறார். மேலும் எதிர்காலத்தைக் கருதியும், டி காக் தலைமைப் பண்புகள் மீது நம்பிக்கை வைத்து கேப்டனாக நியமித்துள்ளோம்.
இந்திய அணி பலமானதாக உள்ள நிலையில், டி20 தொடர் எங்கள் அணி குறித்து மதிப்பிட உதவும். ஆஸ்திரேலியாவில் நடைபெறவுள்ள டி20 உலகக் கோப்பை போட்டிக்கு அடித்தளமிட இந்த தொடர் உதவும். அதற்கு முன்னதாக 20 ஆட்டங்களில் எங்கள் அணி ஆட உள்ளது. அனுபவம், இளமை கலந்த அணியாக தென்னாப்பிரிக்கா உள்ளது. 
தொடரை வெல்ல வேண்டும் என்ற நோக்கில் உள்ளோம். அதன் சொந்த மண்ணில் இந்தியா மிகவும் பலம் வாய்ந்தது என்பதை அறிவோம் என்றார் நாக்வே.

]]>
https://images.dinamani.com/uploads/user/imagelibrary/2019/9/11/w600X390/director-south-africa.jpg https://www.dinamani.com/sports/sports-news/2019/sep/11/அணியின்-எதிர்காலத்தைக்-கருதி-டி-காக்-கேப்டனாக-நியமனம்-3231589.html
3231588 விளையாட்டு செய்திகள் ஆமதாபாதில் அக்.19இல் புரோ கபடி லீக் இறுதி ஆட்டம் DIN DIN Wednesday, September 11, 2019 01:12 AM +0530
புரோ கபடி லீக் 7ஆவது சீசன் இறுதி ஆட்டம் வரும் அக்டோபர் 19ஆம் தேதி ஆமதாபாதில் நடைபெறும் என அமைப்புக் குழுவினர் அறிவித்துள்ளனர்.
பிளே ஆஃப், இரண்டு எலிமினேட்டர்கள், அரையிறுதி ஆட்டங்கள், இறுதி ஆட்டம் அனைத்தும் ஆமதாபாதிலேயே நடைபெறும்.  அக்டோபர் 14இல் இரண்டு எலிமினேட்டர்கள் ஆட்டமும், 16ஆம் தேதி இரண்டு அரையிறுதி ஆட்டங்களும் நடைபெறும். 19ஆம் தேதி இறுதி ஆட்டம் நடைபெறுகிறது.
மொத்தம் 12 அணிகளில் 59 புள்ளிகளுடன் தபாங் தில்லி அணி முதலிடத்திலும், பெங்கால் வாரியர்ஸ் இரண்டாம் இடத்திலும் உள்ளன.
யு மும்பா வெற்றி: கொல்கத்தாவில் செவ்வாய்க்கிழமை இரவு நடைபெற்ற பிகேஎல் ஆட்டம் ஒன்றில் யு மும்பா அணி 4127 என்ற புள்ளிக் கணக்கில் தெலுகு டைட்டன்ஸ் அணியை வீழ்த்தியது. ராகேஷ் கெளடா சிறந்த ரைடராகவும், விஷால் பரத்வாஜ் சிறந்த டிபன்டராகவும் தேர்வு செய்யப்பட்டனர்.

 

]]>
https://images.dinamani.com/uploads/user/imagelibrary/2019/9/11/w600X390/telugu-mumba.jpg கொல்கத்தாவில் நடைபெற்ற புரோ கபடி ஆட்டம் ஒன்றில் மோதிய யு மும்பாதெலுகு டைட்டன்ஸ் அணி வீரர்கள். https://www.dinamani.com/sports/sports-news/2019/sep/11/ஆமதாபாதில்-அக்19இல்-புரோ-கபடி-லீக்-இறுதி-ஆட்டம்-3231588.html
3231587 விளையாட்டு செய்திகள் உலக தடகள சாம்பியன் போட்டி இந்திய மகளிர் தொடர் ஓட்ட அணியில் ஹிமா தாஸ் DIN DIN Wednesday, September 11, 2019 01:12 AM +0530
உலக தடகள சாம்பியன்ஷிப் போட்டிக்கான 25 பேர் கொண்ட இந்திய அணியில் 4400 மீ. மகளிர் தொடர் ஓட்டத்தில் ஜூனியர் சாம்பியன் ஹிமா தாஸ் இடம் பெற்றுள்ளார்.
கத்தார் நாட்டின் டோஹாவில் உலக தடகள சாம்பியன் போட்டி வரும் 27ஆம் தேதி தொடங்கி நடைபெறுகிறது. திங்கள்கிழமை நடைபெற்ற இந்திய தடகள சம்மேளனம் ஏஎப்ஐ தேர்வுக் குழுக் கூட்டத்தில் முதல் கட்டமாக பட்டியல் வெளியிடப்பட்டது. தனது விருப்ப ஓட்டமான 400 மீஇல் தேர்வு பெற முடியாத ஹிமா தாஸ், மகளிர்  4400, கலப்பு 4400 மீ, தொடர் ஓட்டத்தில் இடம் பெற்றுள்ளார். கலப்பு தொடர் ஓட்ட அணி பதக்கம் வெல்லக்கூடும் என நம்பிக்கை ஏற்பட்டுள்ளது.
முழங்கை காயத்தால் சிகிக்சை பெற்று வரும் நட்சத்திர ஈட்டி எறியும் வீரர் நீரஜ் சோப்ராவின் பெயர் இடம் பெறவில்லை. அவரது சேர்க்கை தொடர்பாக பின்னர் ஆலோசிக்கப்பட உள்ளது. டோக்கியோ ஒலிம்பிக் போட்டியில் அவரை கவனம் செலுத்த செய்ய ஏஎப்ஐ வலியுறுத்தும் எனத் தெரிகிறது.
மேலும் சர்வதேச தடகள சம்மேளனம் ஏஏஎப்ஐ அனுமதித்தால் தூத்தி சந்த் 100 மீ, அர்ச்சனா சுசீந்திரன் 200 மீ, தேஜஸ்வின் சங்கர் உயரம்  தாண்டுதல் ஆகியோர் பெயர்களுக்கும் ஒப்புதல் தரப்பட்டுள்ளது. உலகப் போட்டியில் பங்கேற்க ஏதுவாக தேஜஸ்வின் இந்தியாவுக்கு வந்து தகுதிச் சுற்றில் பங்கேற்குமாறு கூறப்பட்டுள்ளது.
400 மீ. ஓட்டத்தில் அஞ்சலி தேவியின் பெயரை சேர்க்க தனியாக தேர்வு சுற்று நடத்தவும் ஏஎப்ஐ முடிவு செய்தது. 
தேர்வுக் குழுத் தலைவர் குர்பச்சன் சிங், ஏஎப்ஐ தலைவர் அதில் சுமரிவாலா, தலைமைப் பயிற்சியாளர் பகதூர் சிங், சாஹு, கிருஷ்ணா புனியா, பிரவீண் ஜாலி, உதய் பிரவு, பரம்ஜித் சிங் ஆகியோர் இதில் பங்கேற்றனர்.

]]>
https://images.dinamani.com/uploads/user/imagelibrary/2019/9/11/w600X390/himaaa.jpg https://www.dinamani.com/sports/sports-news/2019/sep/11/உலக-தடகள-சாம்பியன்-போட்டி-இந்திய-மகளிர்-தொடர்-ஓட்ட-அணியில்-ஹிமா-தாஸ்-3231587.html
3231586 விளையாட்டு செய்திகள் துளிகள்... DIN DIN Wednesday, September 11, 2019 01:11 AM +0530     புது தில்லியில் செவ்வாய்க்கிழமை நடைபெற்ற தேசிய துப்பாக்கி சுடுதல் தேர்வுச் சுற்றில் ஜூனியர் மற்றும் சீனியர் மகளிர் 10 மீ. ஏர் ரைபிள் பிரிவில் பட்டம் வென்றார் மெஹுலி கோஷ். ஷிரேயா அகர்வால், உலக நம்பர் ஒன் வீராங்கனை அபூர்வி சந்தேலா இரண்டு மற்றும் மூன்றாவது இடங்களைப் பெற்றனர்.


    இந்திய கிரிக்கெட் அணியின் உள்ளூர் மற்றும் வெளிநாட்டு ஆட்டங்கள் மற்றும் உள்ளூர் போட்டிகளை நேர்முக வர்ணனை செய்வது தொடர்பாக அகில இந்திய வானொலியுடன் 2 ஆண்டுக்காலத்துக்கு ஒப்பந்தம் செய்துள்ளது பிசிசிஐ. ஆகஸ்ட் 2021 வரை ஒப்பந்தம் நடைமுறையில் இருக்கும்.


    தேசிய விளையாட்டு நெறிமுறைகளை மீறி செயல்பட்டதாக இந்திய பாராலிம்பிக் கமிட்டியின் அங்கீகாரத்தை ரத்து செய்துள்ளது மத்திய விளையாட்டுத் துறை அமைச்சகம். தேர்ந்தெடுக்கப்பட்ட கமிட்டித் தலைவர் ராவ் இந்தர்ஜித் சிங்கை முறையற்ற வகையில் பதவிநீக்கம் செய்துள்ளது பாராலிம்பிக் கமிட்டி. இப்பிரச்னை தொடர்பாக பிசிஐ அளித்த விளக்கம் ஏற்புடையதாக இல்லை எனக்கூறி அங்கீகாரத்தை மத்திய அரசு ரத்து செய்துள்ளது.


    இந்திய மகளிர் கிரிக்கெட் அணியின் செயல்பாடுகளை மதிப்பிடும் நிபுணர் (பர்ஃபாமன்ஸ் அனலிஸ்ட்ஃ ) பதவியை நிரப்ப பிசிசிஐ விண்ணப்பங்களை வரவேற்றுள்ளது. இப்பதவிக்கு விண்ணப்பிப்போர் 60 வயதுக்குள் இருக்க வேண்டும். விண்ணப்பிக்க கடைசி தேதி 20.9.2019 ஆகும்.
 

]]>
https://www.dinamani.com/sports/sports-news/2019/sep/11/துளிகள்-3231586.html
3231540 விளையாட்டு செய்திகள் இந்திய கிரிக்கெட் அணியின் பயிற்சியாளர் ரவி சாஸ்திரியின் ஊதியம் 20% உயர்வு!  DIN DIN Tuesday, September 10, 2019 04:10 PM +0530  

இந்திய கிரிக்கெட் அணியின் புதிய தலைமை பயிற்சியாளராக ரவி சாஸ்திரி வரும் 2021 வரை மீண்டும் நியமிக்கப்பட்டுள்ளார். ஜாம்பவான் கபில்தேவ் தலைமையிலான குழு ரவிசாஸ்திரியை மீண்டும் பயிற்சியாளராக தேர்வு செய்தது.

இதற்கான புதிய ஒப்பந்தம் கையெழுத்தாகியுள்ளது. அந்த ஒப்பந்தத்தில் 2021 இருபதுக்கு 20 உலகக் கோப்பை வரை இந்திய கிரிக்கெட் அணியின் தலைமை பயிற்சியாளராக ரவி சாஸ்திரி நீடிப்பார் என்று தெரவிக்கப்பட்டுள்ளது. அதே சமயம், புதிய ஒப்பந்தத்தில் ரவி சாஸ்திரியின் ஊதியமும் உயர்த்தப்பட்டுள்ளது. அதன்படி, ஆண்டுக்கு ரவி சாஸ்திரியின் ஊதியம் ஜஸ்ட் ரூ.10 கோடி.

முன்னதாக, ரவி சாஸ்திரியின் ஊதியம் ஆண்டுக்கு ரூ.8 கோடியாக இருந்தது. தற்போதைய புதிய ஒப்பந்தத்தில் அவரது ஊதியம் 20% உயர்த்தப்பட்டுள்ளது.

மேலும் படிக்க: மீண்டும் இந்திய அணியின் தலைமை பயிற்சியாளர் ஆனார் ரவி சாஸ்திரி

ரவி சாஸ்திரியுடன், இந்திய கிரிக்கெட் அணிக்கு பயிற்சி அளிக்கும் இதர பயிற்சியாளர்கள் மற்றும் ஊழியர்களுக்கும் ஊதியம் உயர்த்தப்பட்டுள்ளது. பந்துவீச்சுப் பயிற்சியாளர் பாரத் அருண் மற்றும் ஃபீல்டிங் பயிற்சியாளர் ஆர். ஸ்ரீதரின் ஆண்டு வருமானம் தலா ரூ.3.5 கோடியாகவும் நிர்ணயிக்கப்பட்டுள்ளது.

ரவி சாஸ்திரியை இந்திய கிரிக்கெட் அணியின் தலைமைப் பயிற்சியாளராக நியமிக்கும் முடிவை அறிவித்த கபில்தேவ் கூறியதாவது,
சாஸ்திரியின் சாதனைகள் அதிகம்: பயிற்சியாளருக்கான போட்டியில் சாஸ்திரி முதலிடத்திலும், மைக் ஹெஸ்ஸன் இரண்டாவது இடத்திலும், டாம் மூடி மூன்றாவது இடத்திலும் இருந்தனர். ஏனைய பயிற்சியாளர்களை ஒப்பிடும் போது, சாஸ்திரியின் பயிற்சியில் இந்தியா பல்வேறு சிகரங்களை அடைந்தது.

குறிப்பாக 71 ஆண்டுகளில் முதன்முறையாக ஆஸி.யில் டெஸ்ட் தொடரை கைப்பற்றியது. ஐசிசி டெஸ்ட் தரவரிசையில் நம்பர் ஒன் அந்தஸ்தைப் பெற்றது.

எனினும் 2015, 2019 ஐசிசி ஒருநாள் உலகக் கோப்பையில் அரையிறுதி வரை முன்னேறி தோல்வியைத் தழுவியது. 

சாஸ்திரியின் பயிற்சியின் கீழ் 21 டெஸ்ட்களில் 13-இலும், 60 ஒருநாள் ஆட்டங்களில் 43-இலும், 36 டி20 ஆட்டங்களில் 25-இலும் இந்தியா வென்றுள்ளது என்றார் கபில்தேவ்.

2021 வரை பதவிக்காலம்: மே.இ.தீவுகள் தொடருக்கு செல்லும் முன்பே பயிற்சியாளராக ரவிசாஸ்திரியே தொடர விரும்புவதாக கேப்டன் கோலி அழுத்தமாக கூறியிருந்தார். கேப்டன் கருத்துக்கும் மதிப்பு தரப்படும் என கபில்தேவ் கூறியிருந்தார். வரும் 2021 டி20 உலகக் கோப்பை போட்டி வரை சாஸ்திரி பதவி வகிப்பார்.  

ஏற்கெனவே 2007 வங்கதேச தொடரில் இந்திய அணியின் மேலாளர், 2014-16-இல் அணி இயக்குநர், 2017-19-தலைமை பயிற்சியாளர் பதவிகளை வகித்தவர் சாஸ்திரி என்பது குறிப்பிடத்தக்கது.
 

]]>
BCCI, Ravi Shastri, fielding coach R Sridhar, bowling coach Bharat Arun, Team India https://images.dinamani.com/uploads/user/imagelibrary/2019/9/10/w600X390/RAVI_shastri.jpg https://www.dinamani.com/sports/sports-news/2019/sep/10/indian-cricket-team-head-coach-ravi-shastris-massive-salary-hike-3231540.html
3230890 விளையாட்டு செய்திகள் கடும் போராட்டத்துக்குப் பின் நடால் சாம்பியன் DIN DIN Tuesday, September 10, 2019 01:07 AM +0530
யுஎஸ் ஓபன் ஆடவர் ஒற்றையர் பிரிவில் ரஷிய வீரர் மெத்வதேவிடம் போராடி சாம்பியன் பட்டத்தை கைப்பற்றினார் ரபேல் நடால். இது அவர் வெல்லும் 4-ஆவது யுஎஸ் ஓபன் பட்டமாகும். ஒட்டுமொத்தமாக கைப்பற்றிய 19-ஆவது கிராண்ட்ஸ்லாம் பட்டமாகும்.
நியூயார்க்கில் திங்கள்கிழமை அதிகாலை இருவர் இடையே நடைபெற்ற இறுதி ஆட்டம் மிகவும் பரபரப்பாக அமைந்தது. 33 வயது அனுபவ வீரரான நடால், தனது முழு திறமையையும் பயன்படுத்தி முதலிரண்டு செட்களையும் 7-5, 6-3 என வென்றார். காலிறுதி, அரையிறுதியில் எளிதாக வென்ற நடால், மூன்றாவது நான்காவது செட்களில் திணற வேண்டியிருந்தது.
மெத்வதேவ் அபார ஆட்டம்: 23 வயதான மெத்வதேவ் அதன் பின் வீறு கொண்டு எழுந்தார். அவரது அபார ஆட்டத்தால் 5-7, 4-6 என்ற செட்களை இழந்தார் நடால். கடைசி 5-ஆவது செட்டில் இருவரும் மாறி மாறி புள்ளிகளை குவித்த நிலையில், நடால் தனக்கு கிடைத்த 3 பிரேக் புள்ளிகளை பயன்படுத்தி 6-4 என வெற்றி பெற்றார்.
இந்த ஆட்டம் மொத்தம் நான்கு மணி நேரம் 50 நிமிடங்கள் நீடித்தது.
முதல் செட்டில் நடாலுக்கு சவால் விடும் வகையில் மெத்வதேவ் ஆடினாலும், அனுபவத்தை பயன்படுத்தி வெற்றி பெற்றார்.

ஓரே பட்டம் தேவை பெடரர் சாதனையை சமன் செய்ய நடாலுக்கு ரோஜர் பெடரர் 20 கிராண்ட்ஸ்லாம் பட்டங்களை கைப்பற்றியுள்ளார். அவரது சாதனையை சமன் செய்ய நடாலுக்கு இன்னும் ஒரு கிராண்ட்ஸ்லாம் பட்டம் தேவைப்படுகிறது.

 இறுதி ஆட்ட சிறப்பு அம்சங்கள்
இது நடாலின் 27-ஆவது கிராண்ட்ஸ்லாம் இறுதிச் சுற்றாகும். கடந்த 1970-ஆம் ஆண்டு 35 வயதில் கென் ரோஸ்வால் யஎஸ் ஓபன் பட்டம் வென்றார். அவருக்கு பின் 33 வயதில் பட்டம் வென்ற மூத்த வீரர் ஆனார் நடால். 2019-இல் பிரெஞ்சு ஓபன் போட்டிக்கு பின் நடால் வெல்லும் 2-ஆவது கிராண்ட்ஸ்லாம் பட்டமாகும்.
யுஎஸ் ஓபன் போட்டியில் பெடரர், ஜிம்மி கானர்ஸ், பீட் சாம்ப்ராஸ் ஆகியோர் 5 முறை பட்டம் வென்றனர். நடால் தற்போது 4 முறை பட்டம் வென்றுள்ளார். கடந்த 2011-இல் டோஹா போட்டிக்கு பின் தொடர்ந்து 20-ஆவது முறையாக மெத்வதேவை வீழ்த்தியுள்ளார்.
இது மெத்வதேவ் தகுதி பெற்ற முதல் கிராண்ட்ஸ்லாம் போட்டி இறுதி ஆட்டம்.

இந்த வெற்றி எனக்கு முக்கியமானது: நடால் கண்ணீர்
இந்த வெற்றி எனக்கு மிகவும் முக்கியமானது என கண்ணில் வழிந்த கண்ணீரை துடைத்தவாறு நடால் கூறினார். ஏனென்றால் இந்த ஆட்டத்தில் மேலும் மேலும் சிரமமான நிலை ஏற்பட்டது. வெற்றி பெற வேண்டும் என்ற உறுதியுடன் உணர்ச்சிவசப்பட்டு ஆடினேன். சிறப்பான இறுதி ஆட்டமாக அமைந்த இதில் 23 வயது மெத்வதேவ், தீவிரமாக போராடி ஆட்டத்தின் போக்கையே மாற்றி விட்டார். அவருக்கு இதுபோன்ற மேலும் சிறந்த வாய்ப்புகள் கிடைக்கும்.

நடாலுக்கு எதிராக ஆடுவது கடினமாக இருந்தது
நடாலுக்கு எதிரான ஆட்டம் மிகவும் கடினமாக இருந்தது. நரகத்தில் போராடுவது போல் உணர்ந்தேன். மைதானத்தில் இருந்த பார்வையாளர்கள் 3-ஆவது செட்டின் போது எனக்கு தந்த ஊக்கத்தால் எழுச்சி பெற்று ஆடினேன். 19-ஆவது கிராண்ட்ஸ்லாம் பட்டம் வென்ற நடாலுக்கு பாராட்டுகள். ஒவ்வொரு பந்துக்கும் போராட வேண்டியிருந்தது. உலகின் மிகப்பெரிய மைதானத்தில் ஆடியது பெருமையாக உள்ளது. நான் தவறுகள் செய்தேன். 
எனினும் என்னில் இருந்த ஆற்றலை ரசிகர்கள் தான் தூண்டி விட்டனர். இதற்காக நன்றி என்றார். 
 

]]>
https://images.dinamani.com/uploads/user/imagelibrary/2019/9/10/w600X390/nadal5.jpg https://www.dinamani.com/sports/sports-news/2019/sep/10/கடும்-போராட்டத்துக்குப்-பின்-நடால்-சாம்பியன்-3230890.html
3230889 விளையாட்டு செய்திகள் உலகக் கோப்பை கால்பந்து தகுதி ஆட்டம் ஆசிய சாம்பியன் கத்தாரை வெல்லுமா இந்தியா? DIN DIN Tuesday, September 10, 2019 01:04 AM +0530
உலகக் கோப்பை கால்பந்து தகுதி ஆட்டத்தில் பலம் வாய்ந்த ஆசிய சாம்பியன் கத்தாரை வெல்லுமா இந்திய அணி என்ற எதிர்பார்ப்பு எழுந்துள்ளது.
2022 பிஃபா உலகக் கோப்பை கால்பந்து போட்டி கத்தாரில் நடைபெறுகிறது. இதற்கான தகுதிச் சுற்று ஆட்டங்கள் நடைபெறும் நிலையில், இந்தியா, கத்தார், ஓமன், வங்கதேசம், ஆப்கானிஸ்தான் உள்ளிட்ட அணிகள் ஓரே இ பிரிவில் உள்ளன. 
முதல் ஆட்டத்தில் ஓமனுடன் மோதிய இந்தியா 1-2 என்ற கோல் கணக்கில் அதிர்ச்சி தோல்வியடைந்தது. முதல் பாதியில் 1-0 என இந்தியா முன்னிலை பெற்றிருந்த நிலையில், ஆட்டம் முடிய கடைசி 5 நிமிடங்களில் ஓமன் அடுத்தடுத்து 2 கோல்களை அடித்து வெற்றி பெற்றது. இதனால் இந்திய அணியினர் அதிர்ச்சிக்கு தள்ளப்பட்டனர்.
இன்று மோதல்: இதன் தொடர்ச்சியாக ஆசிய சாம்பியன் கத்தாருடன் இரண்டாவது தகுதி ஆட்டம் செவ்வாய்க்கிழமை டோஹாவில் நடைபெறுகிறது. உலக தரவரிசையில் கத்தார் 63-ஆவது இடத்திலும், இந்தியா 103-ஆவது இடத்திலும் உள்ளன.  அதே நேரம் ஆப்கனை 6-0 என்ற கோல்கணக்கில் வென்ற உற்சாகத்தில் உள்ளது கத்தார்.
கடந்த ஜனவரி மாதம் ஆசிய சாம்பியன் ஆன கத்தார், அண்மையில் தென் அமெரிக்காவில் கோபா அமெரிக்கா போட்டியில் கடும் சவாலை ஏற்படுத்தியது. அதே நேரத்தில் இந்திய அணியும் அண்மைக்காலமாக ஆட்டத்தை மேம்படுத்தி வருகிறது. குரோஷியாவின் இகோர் ஸ்டிமாக் தலைமைப் பயிற்சியாளராக நியமிக்கப்பட்டுள்ள நிலையில், புதிய உத்திகள் கடைபிடிக்கப்பட்டு வருகின்றன.
இரு அணிகளும் கடைசியாக 2007-இல் நடைபெற்ற தகுதி ஆட்டத்தில் மோதிய போது, கத்தார் 6-0 என வென்றிருந்தது.
கேப்டன் சுனில் சேத்ரி கூறுகையில்: கத்தார் உடன் நடைபெறும் ஆட்டம் கடினமாக இருக்கும். எனினும் நாங்கள் கடும் சவாலை தருவோம். ஓமனுக்கு எதிராக செய்த தவறுகள் நடக்காமல் கவனமாக ஆடுவோம் என்றார்.
இந்தியாவும் பலமான அணியாக உருவெடுத்துள்ளதால், அதை லேசாக எடுத்துக் கொள்ள மாட்டம் என கத்தார் டிபன்டர் பெட்ரோ மிகியல் கூறியுள்ளார்.

 

]]>
https://images.dinamani.com/uploads/user/imagelibrary/2019/9/10/w600X390/india-train1.jpg பயிற்சியில் இந்திய கால்பந்து அணியினர். https://www.dinamani.com/sports/sports-news/2019/sep/10/உலகக்-கோப்பை-கால்பந்து-தகுதி-ஆட்டம்-ஆசிய-சாம்பியன்-கத்தாரை-வெல்லுமா-இந்தியா-3230889.html
3230888 விளையாட்டு செய்திகள் ஒலிம்பிக் ஹாக்கி தகுதிச் சுற்று ரஷியா, அமெரிக்காவுடன் இந்திய அணிகள் மோதல் DIN DIN Tuesday, September 10, 2019 01:02 AM +0530
ஒலிம்பிக் ஹாக்கி தகுதிச் சுற்று தொடக்க ஆட்டங்களில் ரஷியாவுடன் இந்திய ஆடவரும், அமெரிக்காவுடன் இந்திய மகளிர் அணிகளும் மோதுகின்றன.
2020 டோக்கியோ ஒலிம்பிக் போட்டிக்கு தகுதி பெறுவதற்கான ஆட்டங்கள் வரும் நவம்பர் மாதம் நடைபெறவுள்ளன. இந்தியா மற்றும் அயல்நாடுகள் என வெவ்வேறு இடங்களில் இப்போட்டி நடக்கவுள்ளது. புவனேசுவரத்தில் வரும் நவம்பர் 1, 2 தேதிகளில் ஆடவர் அணி ரஷியாவுடனும், 2, 3 தேதிகளில் மகளிர் அணி அமெரிக்காவுடனும் மோதுகின்றன.
தரவரிசையில் இந்திய ஆடவர் அணி 5ஆவது இடத்திலும், ரஷியா 22-ஆவது இடத்திலும் உள்ளன. மகளிர் அணி 9-ஆவது இடத்திலும் அமெரிக்க அணி 13-ஆவது இடத்திலும் உள்ளன. எனினும் இந்திய மகளிர் அணி போராடி தான் அமெரிக்க அணியை வெல்ல முடியும் என்ற நிலை உள்ளது. 
இந்திய அணி ஒலிம்பிக் போட்டிக்கு கண்டிப்பாக தகுதி பெறும் என தலைமைப் பயிற்சியாளர் கிரஹாம் ரீட் நம்பிக்கை தெரிவித்தார்.  இதற்காக அணியின் தற்காப்பு ஆட்டத்தை மேம்படுத்தியுள்ளோம். பெரிய அணிகளுடன் மோதுவது நமது வீரர்களுக்கு சிறந்த வாய்ப்பாக அமையும் என்றார்.
அதே போல் மகளிர் அணி பயிற்சியாளர் ஜோயர்ட் மாரிஜின் கூறுகையில்: கடந்த சில மாதங்களாக நமது அணி சிறப்பாக ஆடி வருகிறது. அனைத்து வீராங்கனைகளும் நம்பிக்கையுடன் உள்ளனர். சொந்த மண்ணில் ஒலிம்பிக் தகுதிச் சுற்றை எதிர்கொள்ள ஆவலுடன் உள்ளனர். நாம் சிறப்பாக தயாரானால் எதிரணி குறித்து கவலைக் கொள்ளத் தேவையில்லை. இதற்காக தான் இங்கிலாந்துடன் 5 ஆட்டங்கள் தொடரில் ஆட உள்ளோம் என்றார்.

]]>
https://images.dinamani.com/uploads/user/imagelibrary/2019/9/10/w600X390/hockey-qualfy.jpg https://www.dinamani.com/sports/sports-news/2019/sep/10/ஒலிம்பிக்-ஹாக்கி-தகுதிச்-சுற்று-ரஷியா-அமெரிக்காவுடன்-இந்திய-அணிகள்-மோதல்-3230888.html
3230887 விளையாட்டு செய்திகள் வங்கதேசத்தை 224 ரன்கள் வித்தியாசத்தில் பந்தாடியது ஆப்கானிஸ்தான் DIN DIN Tuesday, September 10, 2019 01:01 AM +0530
வங்கதேசத்துக்கு எதிராக நடைபெற்ற ஓரே டெஸ்ட் ஆட்டத்தில் 224 ரன்கள் வித்தியாசத்தில் அபார வெற்றி பெற்றது ஆப்கானிஸ்தான்.
இரு அணிகளுக்கு இடையிலான ஆட்டம் சிட்டகாங் நகரில் நடைபெற்றது. 
முதல் இன்னிங்ஸில் ஆப்கானிஸ்தான் 342 ரன்களுக்கும், வங்கதேசம் 205 ரன்களுக்கும் ஆல் அவுட்டானது.
அதன் பின் இரண்டாவது இன்னிங்ஸை ஆடிய ஆப்கன் அணி 260 ரன்களுக்கு அனைத்து விக்கெட்டுகளையும பறிகொடுத்தது. இதற்கிடையே வங்கதேச அணிக்கு வெற்றி இலக்காக 398 ரன்கள் நிர்ணயிக்கப்பட்டது.
மழையால் பாதிப்பு: எனினும் ஆட்டத்தின் 4-ஆவது நாளான ஞாயிற்றுக்கிழமை  முதலே பலத்த மழை பெய்ததால், பாதிப்பு ஏற்பட்டது. 42-ஆவது ஓவர் முடிவில் 125/6 ரன்களுடன் திணறிக் கொண்டிருந்தது வங்கதேசம். திங்கள்கிழமை காலையிலும் சிட்டகாங்கில் மழை பெய்ததால் தொடர்ந்து ஆட்டத்தை நடத்த முடியாத நிலை ஏற்பட்டது. 4 விக்கெட்டுகள் மட்டுமே கைவசம் இருந்த நிலையில் 262 ரன்கள் வெற்றிக்கு தேவை என்ற நிலையில் வங்கதேசம் இருந்தது. 
அதன் பின்னர் 18.3 ஓவர்கள் வீச வேண்டும் என நடுவர்கள் கூறினர். அப்போது ஷகிப் அல் ஹசன், செளமிய சர்க்கார் ஆடிக் கொண்டிருந்தனர். எனினும் அவர்களால் ஆப்கன் சுழற்பந்து வீச்சை எதிர்கொள்ள முடியாமல் விரைவில் பெவிலியன் திரும்பினர். 
வங்கதேசத் தரப்பில் ஷத்மன் இஸ்லாம் 41, ஷகிப் அல் ஹசன் 44, முஷ்பிகுர் ரஹீம் 23 ரன்களை சேர்த்தனர். மற்ற வீரர்கள் அனைவரும் சொற்ப ரன்களுடன் அவுட்டாகி திரும்பினர்.
61.4 ஓவர்களில் 173 ரன்களுக்கு ஆல் அவுட்டானது வங்கதேசம்.
ரஷீத் கான் 6 விக்கெட்: அற்புதமாக பந்துவீசிய ஆப்கன் கேப்டன் ரஷீத் கான் 6-49 விக்கெட்டுகளை சாய்த்தார். ஜாகீர் கான் 3-59, முகமது நபி 1-39 விக்கெட்டை வீழ்த்தினர்.
இறுதியில் 224 ரன்கள் வித்தியாசத்தில் அபார வெற்றி பெற்றது ஆப்கானிஸ்தான். இது அந்த அணியின் 3 ஆட்டங்களில் கிடைத்த 2-ஆவது வெற்றியாகும்.
ஆட்டநாயகன் ரஷீத் கான்: 2 இன்னிங்ஸ்களிலும் அபாரமாக பந்து வீசி 11 விக்கெட்டுகளை வீழ்த்தியும், அரைசதம் அடித்த ரஷீத் கான் ஆட்டநாயகனாகத் தேர்வு செய்யப்பட்டார்.
முகமது நபிக்கு பிரியாவிடை: டெஸ்ட் ஆட்டங்களில் இருந்து ஓய்வு பெற்ற ஆப்கன் வீரர் முகமது நபிக்கு மைதானத்தில் சக வீரர்கள் பிரியாவிடை அளித்தனர்.
அவர் தொடர்ந்து குறுகிய ஓவர்கள் ஆட்டங்களில் பங்கேற்று ஆடுவார்.



 

]]>
https://images.dinamani.com/uploads/user/imagelibrary/2019/9/10/w600X390/afgan-win1.jpg கோப்பையுடன் ஆப்கன் அணியினர். https://www.dinamani.com/sports/sports-news/2019/sep/10/வங்கதேசத்தை-224-ரன்கள்-வித்தியாசத்தில்-பந்தாடியது-ஆப்கானிஸ்தான்-3230887.html
3230886 விளையாட்டு செய்திகள் துளிகள்... DIN DIN Tuesday, September 10, 2019 01:01 AM +0530 பாகிஸ்தானில் நடைபெறவிருந்த 3 டி20, 3 ஒருநாள் ஆட்டங்கள் தொடரில் பாதுகாப்பு காரணங்களுக்காக பங்கேற்க முடியாது என இலங்கை கேப்டன் லஸித் மலிங்கா, மூத்த வீரர்கள் ஏஞ்சலோ மேத்யூஸ், திஸாரா பெரைரா உள்பட 10 வீரர்கள் மறுத்து விட்டனர். 


பிசிசிஐயால் அங்கீகரிக்கப்பட்ட இந்தியன் கிரிக்கெட்டர்ஸ் அசோசியேஷன் (ஐசிஏ)வில் உறுப்பினர்களாக சேருமாறு முன்னாள் கிரிக்கெட் வீரர்களுக்கு அழைப்பு விடுக்கப்பட்டுள்ளது. இதற்கு விண்ணப்பிக்க கடைசி நாள் செப். 21 ஆகும். ஆடவர் மற்றும் மகளிர் முன்னாள் வீரர்கள், சீனியர் அளவில் குறைந்தது 1 சர்வதேச ஆட்டத்திலாவது ஆடியிருக்க வேண்டும்.


திருவனந்தபுரத்தில் நடைபெறும் இந்திய ஏ மற்றும் தென்னாப்பிரிக்க ஏ அணிகளுக்கு இடையிலான அதிகாரபூர்வமற்ற டெஸ்ட் ஆட்டத்தில் தென்னாப்பிரிக்கா 164 ரன்களுக்கு ஆல் அவுட்டானது.  இந்திய தரப்பில் சர்துல் தாகுர், கே.கெளதம் 3 விக்கெட்டுகளை சாய்த்தனர்.  ஆட்ட நேர முடிவில் இந்திய அணி 129/2 என வலுவான நிலையில் உள்ளது. ஷுப்மன் கில் 66 ரன்களுடன் களத்தில் உள்ளார்.


விஜய் ஹஸாரே கோப்பைக்கான தமிழக அணியில் இந்திய சுழற்பந்து வீச்சாளர் அஸ்வின், ஆல்ரவுண்டர்கள் விஜய் சங்கர், வாஷிங்டன் சுந்தர் ஆகியோர் சேர்க்கப்பட்டுள்ளனர்.


ஆஸ்திரேலிய முன்னாள் கேப்டன் மைக்கேல் கிளார்க்குக்கு முகத்தில் தோல்புற்று நோய் காரணமாக திங்கள்கிழமை அறுவை சிகிச்சை மேற்கொள்ளப்பட்டது. மற்றொரு ஆஸி. முன்னாள் கேப்டன் இயான் சேப்பலும் தோல் புற்றுநோயால் பாதிக்கப்பட்டுள்ளார்.


தாய்லாந்தில் வரும் 18 முதல் 27-ஆம் தேதி வரை நடைபெறவுள்ள உலக பளுதூக்கும் போட்டியில் முன்னாள் சாம்பியன் மீராபாய் சானு தலைமையில் 7 பேர் கொண்ட இந்திய அணி கலந்து கொள்கிறது.
 

]]>
https://www.dinamani.com/sports/sports-news/2019/sep/10/துளிகள்-3230886.html
3230867 விளையாட்டு செய்திகள் ரஷித் கான் அசத்தல்: அந்நிய நாட்டில் முதல் டெஸ்ட் வெற்றியைப் பெற்றது ஆப்கானிஸ்தான் DIN DIN Monday, September 9, 2019 07:54 PM +0530
வங்கதேசத்துக்கு எதிரான டெஸ்ட் ஆட்டத்தில் ஆப்கானிஸ்தான் அணி 224 ரன்கள் வித்தியாசத்தில் அபார வெற்றியைப் பெற்றது. 

வங்கதேசம், ஆப்கானிஸ்தான் அணிகளுக்கிடையிலான ஒரே ஒரு டெஸ்ட் ஆட்டம் சாட்டோகிராமில் கடந்த 5-ஆம் தேதி தொடங்கியது. டாஸ் வென்ற ஆப்கானிஸ்தான் கேப்டன் ரஷித் கான் முதலில் பேட்டிங்கைத் தேர்வு செய்தார். அதன்படி முதலில் பேட் செய்த அந்த அணி முதல் இன்னிங்ஸில் 342 ரன்கள் குவித்து ஆட்டமிழந்தது. தொடர்ந்து தனது முதல் இன்னிங்ஸை விளையாடிய வங்கதேசம் ரஷித் கான் சுழலில் 205 ரன்களுக்கு சுருண்டது.

இதையடுத்து, 137 ரன்கள் என்ற வலுவான முன்னிலையுடன் இரண்டாவது இன்னிங்ஸை விளையாடிய ஆப்கானிஸ்தான் 260 ரன்களுக்கு ஆட்டமிழந்தது. இதன்மூலம், வங்கதேச அணியின் வெற்றிக்கு 398 ரன்கள் இலக்காக நிர்ணயிக்கப்பட்டது.

இந்த கடின இலக்கை நோக்கி களமிறங்கிய வங்கதேச அணி 4-ஆம் நாள் ஆட்டநேர முடிவில் 6 விக்கெட்டுகளை இழந்து 136 ரன்கள் எடுத்திருந்தது. 

இந்நிலையில், 5-வது மற்றும் கடைசி நாள் ஆட்டத்தை கேப்டன் ஷாகிப் மற்றும் சர்கார் இன்று தொடர்ந்தனர். ஆட்டம் தொடங்கிய சிறிது நேரத்திலேயே ஷாகிப் அல் ஹசன் 44 ரன்களுக்கு ஆட்டமிழந்தார். இதன்பிறகு, டெயிலண்டர்களும் விக்கெட்டை பாதுகாத்து தாக்குபிடிக்கவில்லை. இதனால், அந்த அணி 173 ரன்களுக்கு ஆட்டமிழந்தது. ரஷித் கான் 6 விக்கெட்டுகளையும், ஜாகிர் கான் 3 விக்கெட்டுகளையும், முகமது நபி 1 விக்கெட்டையும் வீழ்த்தினர்.

இதன்மூலம், ஆப்கானிஸ்தான் அணி 224 ரன்கள் வித்தியாசத்தில் வரலாற்று வெற்றியைப் பெற்றது. இதுவரை ஆப்கானிஸ்தான் அணி விளையாடியுள்ள 3 ஆட்டங்களில் இது 2-வது வெற்றியாகும். அதேசமயம், அந்த அணி அந்நிய நாட்டில் பெறும் முதல் வெற்றி இதுவாகும். 

இரண்டு இன்னிங்ஸிலும் சேர்த்து 11 விக்கெட்டுகளையும், முதல் இன்னிங்ஸ் பேட்டிங்கில் அரைசதமும் அடித்த ரஷித் கான் ஆட்டநாயகனாக தேர்வு செய்யப்பட்டார்.

]]>
Rashid Khan historic win, Rashid Khan youngest captain, Rashid Khan youngest win, Afghanistan record , Afghanistan win against Bangladesh , Afghanistan historic win , ரஷித் கான் சாதனை, ரஷித் கான் வரலாற்று வெற்றி, ஆப்கானிஸ்தான் வெற்றி, வங்கதேசத்தை வென் https://images.dinamani.com/uploads/user/imagelibrary/2019/9/9/w600X390/Afghanistan_AFP.jpg https://www.dinamani.com/sports/sports-news/2019/sep/09/rashid-leads-afghanistan-to-historic-win-against-bangladesh-3230867.html
3230333 விளையாட்டு செய்திகள் யுஎஸ் ஓபன்: சாம்பியன் பியான்கா DIN DIN Monday, September 9, 2019 01:12 AM +0530 யுஎஸ் ஓபன் டென்னிஸ் போட்டி இறுதிச் சுற்றில் ஜாம்பவான் செரீனாவை வீழ்த்தி முதன்முறையாக கிராண்ட்ஸ்லாம் பட்டம் வென்று வரலாறு படைத்தார் கனடாவின் 19 வயது இளம் வீராங்கனை பியான்கா ஆன்ட்ரிஸ்கு.

இந்த சீசனின் கடைசி கிராண்ட்ஸ்லாம் போட்டியான யுஎஸ் ஓபன் நியூயார்க்கில் நடைபெற்று வருகிறது. இதில் மகளிர்  ஒற்றையர் பிரிவு இறுதி ஆட்டம் ஞாயிற்றுக்கிழமை அதிகாலை நடைபெற்றது.

24-ஆவது கிராண்ட்ஸ்லாம் பட்டம் வெல்லும் முனைப்பில் செரீனா வில்லியம்ஸ் கனடாவின் இளம் வீராங்கனை பியான்காவை எதிர்கொண்டார். முதல் இறுதி ஆட்டத்தில் ஆடுகிறோம் என்ற எந்த பதற்றமும் இல்லாமல் ஆடினார் பியான்கா. தொடக்கத்தில் செரீனா தனது அனுபவத்தை கொண்டு புள்ளிகளை குவிக்க முயன்றார். ஆனால் அதை முறியடித்தார் பியான்கா.

முதல் செட்டில் செரீனா சர்வீஸ் கேமை தவற விட்டு இரட்டை தவறுகள் புரிந்ததால் முதல் செட்டை 6-3 என கைப்பற்றினார் பியான்கா. இரண்டாவது செட்டில் 5-1 என அவர் முன்னிலை பெற்ற போதிலும், டைபிரேக்கர் வரை சென்றது. செரீனா புள்ளி எடுக்க வாய்ப்பு தராமல் 7-5 என இரண்டாவது செட்டையும் கைப்பற்றி சாம்பியன் பட்டத்தை முதன்முறையாக வென்றார் பியான்கா.

இது அவரது முதல் கிராண்ட்ஸ்லாம் பட்டமாகும். இந்த சீசனில் இந்தியன் வெல்ஸ், டொரண்டோ டபிள்யுடிபி பட்டங்களை வென்றார். இந்த வெற்றி மூலம் பியான் தரவரிசையில் முதல் 5 இடங்களில் முன்னேறுவார் எனத் தெரிகிறது.

சிறப்புகள்

கிராண்ட்ஸ்லாம் போட்டியில் பட்டம் வென்ற முதல் கனடா வீராங்கனை. கடந்த 2006-இல் யுஎஸ் ஓபனில் பட்டம் வென்ற இளம் வீராங்கனை மரியா ஷரபோவா. அதன் பின் 13 ஆண்டுகள் கழித்து பட்டம் வென்ற இளம் வீராங்கனை ஆகிறார் பியான்கா. மேலும் 2000-ஆம் ஆண்டுகளில் பிறந்து கிராண்ட்ஸ்லாம் பட்டம் வென்ற முதல் வீராங்கனை என்ற சிறப்பையும் பெறுகிறார்.

கடந்த 2 ஆண்டுகள் யுஎஸ் ஓபனில் பிரதான சுற்றுக்கு கூட தகுதி பெறவில்லை பியான்கா என்பது குறிப்பிடத்தக்கது.

எனது ஆட்டம் மன்னிக்க முடியாதது

இறுதிச் சுற்றில் எனது ஆட்டம் மன்னிக்க முடியாதது. 9 ஏஸ் சர்வீஸ்களை போட்டும். 8 இரட்டை தவறுகள், 44 சதவீதம் மட்டுமே சர்வீஸ்களை எதிர்கொண்டது பாதகமாகி விட்டது. 23 முறை கிராண்ட்ஸ்லாம் சாம்பியன் போல் எப்போது நான் ஆடுவேன் எனத் தெரியவில்லை. பியான்கா பிறப்பதற்கு 9 மாதங்கள் முன்பு 1999-இல் முதல் கிராண்ட்ஸ்லாம் பட்டத்தை வென்றேன் நான். பியான்காவை நேசிக்கிறேன். சிறப்பாக ஆடினார். இந்த போட்டியில் இந்த ஆட்டம் தான் மிகவும் மோசமானதாக கருதுகிறேன் என்றார் செரீனா. 

எட்டாக்கனியாக உள்ள 24-ஆவது கிராண்ட்ஸ்லாம் பட்டம்

23 முறை கிராண்ட்ஸ்லாம் பட்டம் வென்றுள்ள ஜாம்பவான் செரீனாவுக்கு சோகம் தொடருகிறது. மார்கரெட் கோர்ட்டின் 24 முறை கிராண்ட்ஸ்லாம் பட்டம் வென்ற சாதனையை சமன் செய்ய முடியாத நிலைக்கு தள்ளப்பட்டுள்ளார். கடந்த 2018 யுஎஸ் ஓபன் போட்டி இறுதிச் சுற்றிலும் ஜப்பான் வீராங்கனை ஒஸாகாவிடம் அதிர்ச்சித் தோல்வியுடன் வெளியேறினார் செரீனா. தற்போது கனடாவின் பியான்காவிடம் தோற்றுள்ளார். இது செரீனா தகுதி பெற்ற 33-ஆவது கிராண்ட்ஸ்லாம் இறுதிச் சுற்றாகும்.

உங்கள் கனவுகளை நனவாக்க போராடுங்கள்

உங்கள் கனவுகளை நனவாக்க போராட வேண்டும். கடந்த 2018 யுஎஸ் ஓபன் போட்டியில் தகுதிச் சுற்றிலேயே தோல்வியடைந்து வெளியேறினேன். முதல் 200 இடங்களுக்கு வெளியே இருந்தேன். மேலும் காயமடைந்த வீட்டில் அமர்ந்து எனது நிலை குறித்து வேதனைப்பட்டேன். அனைத்து நேரங்களிலும் நமக்கு ஏற்றமே கிடைக்காது.

நம்மால் என்ன முடியும் என்பதை அறிந்து அதை அடைய முழுமுயற்சியுடன் செயல்பட வேண்டும்.

நல்ல நேரம் நமக்கு வரும் என நம்பிக்கையுடன் செயல்பட வேண்டும் என்றார்.

ரூ.27.6 கோடி

பியான்காவுக்கு ரூ.27.6 கோடி பரிசுத் தொகையும், இரண்டாம் இடம் பெற்ற
செரீனாவுக்கு ரூ.13.6 கோடியும் பரிசுத்தொகையாக வழங்கப்பட்டது.

]]>
https://images.dinamani.com/uploads/user/imagelibrary/2019/9/9/w600X390/spt5.jpg https://www.dinamani.com/sports/sports-news/2019/sep/09/யுஎஸ்-ஓபன்-சாம்பியன்-பியான்கா-3230333.html
3230332 விளையாட்டு செய்திகள் ஜூனியர் சூப்பர் கிங்ஸ் டி20: வித்யா மந்திர் சாம்பியன் DIN DIN Monday, September 9, 2019 01:10 AM +0530 பள்ளிகள் இடையிலான சென்னை பிரிவு ஜூனியர் சூப்பர் கிங்ஸ் டி20 போட்டியில் சென்னை மயிலாப்பூர் வித்யா மந்திர் பள்ளி முதன்முறையாக சாம்பியன் பட்டம் வென்றது.
சென்னை சூப்பர் கிங்ஸ், முத்தூட் நிறுவனம், இந்தியா சிமெண்ட்ஸ் சார்பில் ஜேஎஸ்கே டி20 போட்டி நடத்தப்பட்டது. சென்னை பிரிவு போட்டியின் அரையிறுதி ஆட்டம் முடிந்த நிலையில், வித்யாமந்திர்-லேடி ஆண்டாள் பள்ளிகள் இடையே இறுதி ஆட்டம் சென்னை குருநானக் கல்லூரி மைதானத்தில் ஞாயிற்றுக்கிழமை நடைபெற்றது.
முதலில் ஆடிய வித்யா மந்திர் அணி 20 ஓவர்களில் 166/5 ரன்களை குவித்தது. (ராகுல் ஐயப்பன் 46, விஜய் பிரியதர்ஷன் 66) மாதவன் 2-21.
பின்னர் ஆடிய லேடி ஆண்டாள் 12.5 ஓவர்களில் 76 ரன்களுக்கு ஆல் அவுட்டானது. (அனிருத் சேஷாத்திரி 27), சிவி அச்சியூத் 4-14.
போட்டி நாயகனாக எல்.ராம்நாத், சிறந்த வீரராக விஜய் பிரியதர்ஷன் (வித்யா மந்திர்), பேட்ஸ்மேனாக விஷ்ணு பிரேம்குமார் (லேடி ஆண்டாள்), பவுலராக சிவி. அச்சியூத் (வித்யா மந்திர்) ஆகியோர் தேர்வு செய்யப்பட்டனர்.
சிஎஸ்கே உதவி பயிற்சியாளர் ராஜீவ் குமார், முத்தூட் பிராந்திய மேலாளர் அருண், இந்திய சிமெண்ட்ஸ் முதுநிலை பொதுமேலாளர் சங்கரன் உன்னி, பங்கேற்று பரிசளித்தனர்.
மேலும் வித்யாமந்திர், லேடி ஆண்டாள் பள்ளிகள், திருநெல்வேலியில் நடைபெறவுள்ள இரண்டாம் கட்டப் போட்டிகளுக்கும் தகுதி பெற்றந.

]]>
https://images.dinamani.com/uploads/user/imagelibrary/2019/9/9/w600X390/spt4.jpg https://www.dinamani.com/sports/sports-news/2019/sep/09/ஜூனியர்-சூப்பர்-கிங்ஸ்-டி20-வித்யா-மந்திர்-சாம்பியன்-3230332.html
3230331 விளையாட்டு செய்திகள் ஆஷஸ் கோப்பையை தக்க வைத்தது ஆஸ்திரேலியா DIN DIN Monday, September 9, 2019 01:09 AM +0530 இங்கிலாந்துக்கு எதிரான 4-ஆவது டெஸ்ட் ஆட்டத்தை 185 ரன்கள் வித்தியாசத்தில் வென்ற ஆஸி. அணி தொடரையும் 2-1 என கைப்பற்றி ஆஷஸ் கோப்பையை தக்க வைத்தது.
ஆஸி. அணி முதல் இன்னிங்ஸில் 497/8 ரன்களை குவித்து டிக்ளேர் செய்தது. பின்னர் ஆடிய இங்கிலாந்து முதல் இன்னிங்ஸில் 301 ரன்களுக்கு ஆல் அவுட்டானது. 
இதையடுத்து தனது 2-ஆவது இன்னிங்ûஸ ஆடிய ஆஸி. அணி 186/6 ரன்களுடன் டிக்ளேர் செய்தது. இங்கிலாந்து அணிக்கு வெற்றி இலக்காக 383 ரன்கள் நிர்ணயிக்கப்பட்ட நிலையில்,   ஆஸி. பந்துவீச்சாளர் பேட் கம்மின்ஸ் அபார பந்துவீச்சால் நிலைகுலைந்த இங்கிலாந்து பேட்ஸ்மேன்கள் சொற்ப ரன்களுடன் வெளியேறினர்.
ஜோ டென்லி மட்டுமே 53 ரன்களை எடுத்தார். ரோரி பர்ன்ஸ் 0, ஜோ ரூட் 0, ஜேஸன் ராய் 31, பென் ஸ்டோக்ஸ் 1, ஜானி பேர்ஸ்டோ 25 ரன்களுடன் அவுட்டாயினர். 
இங்கிலாந்து அணி 84.2 ஓவர்களில் 8 விக்கெட் இழப்புக்கு 194 ரன்களை எடுத்து தோல்வியைத் தவிர்க்க போராடிக் கொண்டிருந்தது.
ஜோஸ் பட்லர் 34, கிரெய்க் ஓவர்டன் 21 ரன்களுக்கும், ஆர்ச்சர் 1, ஜேக் லீச் 12 ரன்களுடனும் வெளியேறினர். இறுதியில் 91.3 ஓவர்களில் 197 ரன்களுக்கு ஆல் அவுட்டானது இங்கிலாந்து.
ஆஸி. தரப்பில் பேட் கம்மின்ஸ் அற்புதமாக பந்துவீசி 4-43, ஹேஸல்வுட் 2-31, நாதன் லயன் 2-51 விக்கெட்டுகளை சாய்த்தனர்.
185 ரன்கள் வித்தியாசத்தில் வென்ற ஆஸி. அணி, தொடரிலும் 2-1 என முன்னிலை பெற்று ஆஷஸ் கோப்பையை தக்க வைத்துக் கொண்டது. ஸ்டீவ் ஸ்மித் ஆட்டநாயகனாகத் தேர்வு செய்யப்பட்டார்.

]]>
https://images.dinamani.com/uploads/user/imagelibrary/2019/9/9/w600X390/spt3.jpg https://www.dinamani.com/sports/sports-news/2019/sep/09/ஆஷஸ்-கோப்பையை-தக்க-வைத்தது-ஆஸ்திரேலியா-3230331.html
3230330 விளையாட்டு செய்திகள் உலக சாம்பியன் பட்டத்தை வெல்வதே நோக்கம்: கார்பந்தய சாம்பியன் கெளரவ் கில் DIN DIN Monday, September 9, 2019 01:08 AM +0530
நாட்டுக்காக உலக சாம்பியன் பட்டத்தை வெல்வதே நோக்கம் என கார்பந்தய சாம்பியன் கெளரவ் கில் கூறியுள்ளார்.
சாதனை புரிந்த விளையாட்டு வீரர்களுக்கு வழங்கப்படும் அர்ஜுனா விருதையும் வென்ற முதல் கார்பந்தய வீரர் என்ற சிறப்பையும் அவர் பெற்றுள்ளார்.
கார் பந்தயம் என்றாலே நமது நாட்டில் நினைவுக்கு வருபவர் நரேன் கார்த்திகேயன். அவர் தான் இந்தியாவின் முதல் ஃபார்முலா ஒன் வீரர் ஆவார். கோவையைச் சேர்ந்த நரேன் கார்த்திகேயன் பல்வேறு சர்வதேச கார் பந்தயங்களில் இந்தியாவுக்கு பெருமை தேடித் தந்துள்ளார்.  அவருக்கு அடுத்து கருண் சந்தோக் இதில் தனித்தன்மையுடன் திகழ்ந்தார்.
இந்நிலையில் அவர்களுக்கு பின் கெளரவ் கில் சிறந்த கார் பந்தய வீரராக திகழ்கிறார். கடந்த 1981 டிசம்பர் மாதம் 2-ஆம் தேதி பிறந்த கெளரவ் கில், தொடக்கத்தில் மோட்டார் பைக் பந்தய வீரராக திகழ்ந்த கில், தேசிய மோட்டார்காஸ் பந்தயத்திலும் (1999) பங்கேற்று நிறைவு செய்தார்.
கார் பந்தயத்தில் கவனம்: இதன் தொடர்ச்சியாக கார் பந்தயத்தில் கவனத்தை திருப்பிய கில், போட்டிகளில் கலந்து கொண்டார். கடந்த 2000-இல் ரெட்டு இ ஹிமாலயா என்ற அணியில் சேர்ந்து பங்கேற்றார். 2003-இல் தேசிய ரோடு ரேசிங் சாம்பியன்ஷிப் என்ஆர்ஆர்சி போட்டியில் இரண்டாம் இடம் பெற்றார். 2004-இல் முதலிடத்தைப் பெற்ற கில், 2006 சீசனில் இரண்டாம் இடத்தோடு நிறைவு செய்தார். இதற்கிடையே 2007-இல் எம்ஆர்எப் நிறுவனத்துடன் இணைந்த அவர், தேசிய ரேலி சாம்பியன்ஷிப் போட்டியில் சாம்பியன் பட்டம் வென்றார்.  6 முறை இந்திய தேசிய கார் பந்தய சாம்பியன் பட்டத்தையும் கைப்பற்றியுள்ளார் கில். 
ஆசிய பசிபிக் சாம்பியன்:  2013-இல் ஆசிய பசிபிக் பந்தய போட்டியில் பங்கேற்று முதன்முறையாக 2014-இல் சாம்பியன் பட்டம் வென்ற இந்திய வீரர் என்ற சாதனையை நிகழ்த்தினார் கில்.  3 முறை ஆசிய பசிபிக் சாம்பியன் பட்டம் வென்றுள்ளார் கில். மேலும் 5 முறை உலக கார்பந்தயத்தில் கலந்து கொண்டுள்ள கில், தற்போது ஜேகே டயர்ஸ் அணியில் இணைந்து செயல்பட்டு வருகிறார்.  2016, 2017, 2018 என தொடர்ந்து ஹாட்ரிக் ஆசிய பட்டத்தை வென்றார். இதன் தொடர்ச்சியாக கடந்த 2018 உலக போட்டியில் 4 சுற்றுகளில் பங்கேற்றார் கில். 
அர்ஜுனா விருது: கார் பந்தயங்களில் கெளரவ் கில்லின் அபாரமான செயல்பாட்டைக் கண்டு மத்திய அரசு அவருக்கு அர்ஜுனா விருதை வழங்கி கெளரவித்தது. இந்த விருது பெறும் முதல் கார் பந்தய வீரர் என்ற சிறப்பையும் கெளரவ் பெற்றார். கடந்த 3 ஆண்டுகளாக கில்லின் பெயரை அர்ஜுனா விருதுக்கு மோட்டார் ஸ்போட்ஸ் கிளப் அமைப்பு பரிந்துரைத்து வந்தது.
நிகழாண்டு 3 சுற்றுகளில் பங்கேற்பு: நிகழாண்டு 2019-இல் ரேலி டர்க்கி, வேல்ஸ் ரேலி ஜிபி, ரேலி ஆஸ்திரேலியா உலக சாம்பியன் போட்டி 3 சுற்றுகளில் கலந்து கொள்கிறார் கெளரவ்.  வரும் 12 முதல் 15-ஆம் தேதி வரை துருக்கியில் நடைபெறவுள்ள எஃப்ஐஏ உலக ரேலி சாம்பியன் போட்டி-2 கலந்து கொள்கிறார். அதில்  1.6 டர்போ ஆர்5 - ஐ ஓட்டுவார். 
இதுதொடர்பாக கெளரவ் கில் கூறியதாவது:
நாட்டுக்காக உலக சாம்பியன் பட்டத்தை வெல்வதே எனது நோக்கம். அர்ஜூனா விருது பெற்றது மிகவும் மகிழ்ச்சியாக உள்ளது.
கார்பந்தய வீரர் ஒருவருக்கு இந்த விருது கிடைத்துள்ளது, இந்தியாவில் கார் பந்தயம் குறித்து விழிப்புணர்வை அதிகப்படுத்தும். ஆஸ்திரேலியாவில் கடந்த முறை வெற்றிக்கு அருகில் வந்து வாய்ப்பை இழந்தேன். போட்டியில் முன்னிலையில் இருந்த நிலையில், தொழில்நுட்பக் கோளாறால் பின்னுக்கு தள்ளப்பட்டேன்.
மோட்டார் பந்தயத்தை மேலும் பிரபலப்படுத்த என்னால் ஆன முயற்சிகளை செய்வேன். எனது பயிற்சி அகாதெமி மூலமும் இளைஞர்களுக்கு பயிற்சி அளித்து வருகிறேன். எனது சக டிரைவர் ஆஸி.யின் மெக்நீல் 11 ஆண்டுகளாக என்னுடன் உள்ளார். புதிய கார் தருவிக்கப்பட்டுள்ளதால் நம்பிக்கையுடன் உள்ளேன்.
மற்ற நாடுகளில் கார்பந்தயத்துக்கு பெரும் தொகை செலவிடப்படுகிறது. ஆனால் இந்தியாவில் நிலைமை மாறுபடுகிறது. கிடைக்கும் குறைந்த நிதியாதாரத்தில் நான் போட்டிகளில் பங்கேற்கிறேன்.
துருக்கி நாடு புதிதாக போட்டியை நடத்துகிறது. கடினமான நிலப்பரப்பில் போட்டி நடத்தப்படும் என்றார் கில்.

]]>
https://images.dinamani.com/uploads/user/imagelibrary/2019/9/9/w600X390/spt2.jpg https://www.dinamani.com/sports/sports-news/2019/sep/09/உலக-சாம்பியன்-பட்டத்தை-வெல்வதே-நோக்கம்-கார்பந்தய-சாம்பியன்-கெளரவ்-கில்-3230330.html
3230329 விளையாட்டு செய்திகள் துளிகள்... DIN DIN Monday, September 9, 2019 01:07 AM +0530  

வரும் நவம்பர் மாதம் இந்தியாவில் உள்ள அனைத்து மாநில விளையாட்டுத் துறை அமைச்சர்கள் பங்கேற்கும் மாநாடு, குஜராத் மாநிலம் சர்தார் பட்டேல் சிலை அமைந்துள்ள கேவாடியாவில் நடைபெறும் என மத்திய அமைச்சர் கிரண் ரிஜிஜு ஞாயிற்றுக்கிழமை தெரிவித்துள்ளார்.

இந்தியா ஏ மற்றும் தென்னாப்பிரிக்க ஏ அணிகள் இடையிலான அதிகாரபூர்வமற்ற டெஸ்ட் ஆட்டம் திங்கள்கிழமை திருவனந்தபுரத்தில் தொடங்குகிறது. 

ரஷியாவின் எக்டரின்பர்க் நகரில் திங்கள்கிழமை உலக குத்துச்சண்டை போட்டி தொடங்கவுள்ள நிலையில், அதிக பதக்கங்களை வெல்லும் முனைப்பில் இந்திய ஆடவர் அணி உள்ளது. 

ஐசிசி, ஏசிசி கூட்டங்களில் ஏன் கலந்து கொள்ளவில்லை என விளக்கம் கேட்டு பிசிசிஐ தற்காலிக செயலாளர் அமிதாப் செளதரிக்கு கிரிக்கெட் நிர்வாகக் குழு சிஓஏ நோட்டீஸ் அனுப்பியுள்ளது.

பிசிசிஐ ஒப்பந்த விதிகளை மீறி கரீபியன் ப்ரீமியர் லீக் போட்டி விளம்பர நிகழ்ச்சியில் பங்கேற்றது தொடர்பாக நிபந்தனையற்ற மன்னிப்பு கோரியுள்ளார் இந்திய முன்னாள் விக்கெட் கீப்பர் தினேஷ் கார்த்திக்.

இந்திய முன்னாள் கேப்டன் தோனிக்கு கெளரவமான பிரிவுபசாரம் அளிக்க வேண்டும் என முன்னாள் பயிற்சியாளர் அனில்கும்ப்ளே வலியுறுத்தியுள்ளார்.

]]>
https://www.dinamani.com/sports/sports-news/2019/sep/09/துளிகள்-3230329.html
3230303 விளையாட்டு செய்திகள் நிபந்தனையற்ற மன்னிப்பு கோருகிறேன்: பிசிசிஐக்கு தினேஷ் கார்த்திக்  பதில்  DIN DIN Sunday, September 8, 2019 04:31 PM +0530  

சென்னை: மேற்கிந்தியத் தீவுகள் சென்றதற்கு நிபந்தனையற்ற மன்னிப்பு கோருகிறேன் என்று பிசிசிஐயின் நோட்டீஸுக்கு தினேஷ் கார்த்திக்  பதில் அனுப்பியுள்ளார்.

தமிழகத்தைச் சேர்ந்த தினேஷ் கார்த்திக் அண்மையில் நடைபெற்ற உலகக் கோப்பை கிரிக்கெட் போட்டிக்கு பின் இந்திய அணியில் சேர்க்கப்படவில்லை. 34 வயதான அவர், அண்மையில் மேற்கிந்தியத் தீவுகளில் உள்ள போர்ட் ஆஃப் ஸ்பெயினில் நடைபெற்ற கரீபியன் ப்ரீமியர் லீக் போட்டியின் அணியான டிரின்பாகோ நைட் ரைடர்ஸ் விளம்பர நிகழ்வில் பங்கேற்றிருந்தார். அந்த அணியின் வீரர்கள் அறையில் தினேஷ் கார்த்திக் அமர்ந்திருப்பது போன்ற படங்கள் வெளியாகின.

இந்த டிரின்பாகோ நைட் ரைடர்ஸ் அணி, நடிகர் ஷாருக்கானுக்கு சொந்தமானதாகும்.

இதுதொடர்பாக விளக்கம் தருமாறு கேட்டு பிசிசிஐ சிஇஓ ராகுல் ஜோரி வெள்ளிக்கிழமை தினேஷ் கார்த்திக்குக்கு நோட்டீஸ் அனுப்பியுள்ளார். ஏன் உங்கள் ஒப்பந்தத்தை ரத்து செய்யக்கூடாது என நோட்டீஸ் தெரிவிக்கப்பட்டுள்ளது.

கரீபியன் தீவுகளில் நடைபெற்ற இந்நிகழ்ச்சியில் பங்கேற்க தினேஷ் கார்த்திக் பிசிசிஐயிடம் அனுமதி பெறவில்லை. ஒப்பந்தத்தின்படி ஐபிஎல் தவிர வேறு எந்த தனியார் லீக் போட்டிகள் தொடர்பான நிகழ்வுகள், போட்டிகளில் இந்திய வீரர்கள் பங்கேற்க அனுமதியில்லை என்பது குறிப்பிடத்தக்கது.

இந்நிலையில் மேற்கிந்தியத் தீவுகள் சென்றதற்கு நிபந்தனையற்ற மன்னிப்பு கோருகிறேன் என்று பிசிசிஐயின் நோட்டீஸுக்கு தினேஷ் கார்த்திக்  பதில் அனுப்பியுள்ளார்.

அதில் அவர், 'கரீபியன் தீவுகளில் நடைபெற்ற போட்டிகளில் பங்கேற்க நான் செல்லவில்லை. கொல்கத்தா நைட் ரைடர்ஸ் அணியின் பயிற்சியாளரான ப்ரெண்டன் மெக்கல்லம்  அழைத்ததால் அங்கு சென்றேன். எனவே மேற்கிந்தியத் தீவுகள் சென்றதற்கு நிபந்தனையற்ற மன்னிப்பு கோருகிறேன்' என்று தெரிவித்துள்ளார்.

]]>
dinesh karthik asks sorry, carribean islands, NNR team visit, brendon mcculum, BCCI, தினேஷ் கார்த்திக், பிசிசிஐ, மே.இ.தீவுகள் பயணம், நிபந்தனையற்ற மன்னிப்பு, விளக்கம் கேட்டு நோட்டீஸ் https://images.dinamani.com/uploads/user/imagelibrary/2019/9/8/w600X390/dinesh.jpg கிரிக்கெட் வீரர் தினேஷ் கார்த்திக் https://www.dinamani.com/sports/sports-news/2019/sep/08/dinesh-karthik-tendered-unconditional-apology-to-bcci-3230303.html
3230276 விளையாட்டு செய்திகள் யுஎஸ் ஓபன்: சாம்பியன் பட்டம் வென்றார் பியான்கா DIN DIN Sunday, September 8, 2019 11:16 AM +0530 அமெரிக்க ஓபன் தொடரின் மகளிர் ஒற்றையர் பிரிவு இறுதிச் சுற்றில் கனடாவின் இளம் வீராங்கனை பியான்கா, முன்னணி வீராங்கனை செரீனாவை வீழ்த்தி பட்டம் வென்றார்.

கிராண்ட்ஸ்லாம் டென்னிஸ் தொடர்களில் ஒன்றான அமெரிக்க ஒபன் டென்னிஸ் தொடர் நியூயார்க்கில் நடைபெற்று வருகிறது. இதில் மகளிர் ஒற்றையர் பிரிவு இறுதிச் சுற்றில் ஜாம்பவான் செரீனா வில்லியம்ஸுடன் கனடாவின் இளம் வீராங்கனை பியான்கா ஆன்ட்ரிஸ்கு மோதினார். 

சுமார் 1 மணி நேரம் 41 நிமிடங்கள் விறுவிறுப்பாக நடைபெற்ற இந்த ஆட்டத்தில் பியான்கா 6-3, 7-5 என்ற நேர் செட்கணக்கில் வெற்றி பெற்று சாம்பியன் பட்டம் வென்றார். கனடாவை சேர்ந்த ஒருவர் கிராண்ட்ஸ்லாம் பட்டம் வெல்வது இதுவே முதல் முறையாகும்.

அறிமுக போட்டியிலேயே கிராண்ட்ஸ்லாம் பட்டம் வென்று அசத்திய 19 வயது நிரம்பிய கனடா வீராங்கனை பியான்காவுக்கு பல்வேறு தரப்பினரும் பாராட்டுகளை தெரிவித்து வருகின்றனர்.

]]>
canadas bianca andreescu, serena williams , us open https://images.dinamani.com/uploads/user/imagelibrary/2019/9/8/w600X390/Bianca.jpg https://www.dinamani.com/sports/sports-news/2019/sep/08/canadas-bianca-andreescu-defeats-serena-williams-to-win-us-open-3230276.html
3230018 விளையாட்டு செய்திகள் ஆஷஸ் 4-ஆவது டெஸ்ட்: ஆஸி.க்கு வெற்றி வாய்ப்பு DIN DIN Sunday, September 8, 2019 03:00 AM +0530 ஆஷஸ் தொடரின் 4-ஆவது டெஸ்ட் ஆட்டத்தில் ஆஸ்திரேலிய அணிக்கு வெற்றி வாய்ப்பு பிரகாசமாக உள்ளது.
 ஆஸி. அணி முதல் இன்னிங்ஸில் 497-8 ரன்களை குவித்தது. இதைத் தொடர்ந்து தனது முதல் இன்னிங்ûஸ ஆடிய இங்கிலாந்து அணி மூன்றாவது நாள் ஆட்ட முடிவில் 5 விக்கெட் இழப்புக்கு 200 ரன்களை எடுத்திருந்தது.
 நான்காம் நாளான சனிக்கிழமை இருவரும் ஆட்டத்தை தொடர்ந்த நிலையில், பென் ஸ்டோக்ஸ் 26 ரன்களுக்கும், பேர்ஸ்டோ 17ரன்களுக்கும் வெளியேறினர்.
 ஜோப்ரா ஆர்ச்சர் 1, ஸ்டுவர்ட் பிராட் 5 ரன்களுடன் அவுட்டான நிலையில், ஜோஸ் பட்லர் மட்டுமே கடைசியில் நிலைத்து ஆடி 41 ரன்களை சேர்த்து வெளியேறினார். ஜேக் லீச் 4 ரன்களுடன் களத்தில் இருந்தார்.
 107 ஓவர்களில் 301 ரன்களை எடுத்து ஆல் அவுட்டானது இங்கிலாந்து.
 ஆஸி. அபார பந்துவீச்சு: ஆஸி. தரப்பில் ஜோஷ் ஹேஸல்வுட் 4-57, பேட் கம்மின்ஸ் 3-60, ஸ்டார்க் 3-80 விக்கெட்டுகளை சாய்த்தனர்.
 இதையடுத்து ஆஸி. அணி 196 ரன்கள் முன்னிலை பெற்றுள்ளது குறிப்பிடத்தக்கது.
 ஆஸி. 115/4: பின்னர் தனது இரண்டாவது இன்னிங்ûஸ தொடங்கிய ஆஸி. அணி ஆரம்பத்திலேயே அதிர்ச்சியை சந்தித்தது. அதிரடி வீரர் டேவிட் வார்னை எல்பிடபிள்யு முறையில் டக் அவுட்டாக்கினார் ஸ்டுவர்ட் பிராட். ஆஷஸ் தொடரில் தொடர்ந்து 5-ஆவது முறையாக வார்னரை அவுட்டாக்கியுள்ளார் பிராட். மார்கஸ் ஹாரிஸ் 6, மார்னஸ் லேபுச்சேன் 11, டிராவிஸ் ஹெட் 12 என சொற்ப ரன்களுக்கு அவுட்டாயினர்.
 ஸ்மித் 26-ஆவது அரைசதம்: மறுமுனையில் சிறப்பாக ஆடி வந்த ஸ்டீவ் ஸ்மித் தனது 26-ஆவது டெஸ்ட் அரைசதத்தை பதிவு செய்தார்.
 33 ஓவர்கள் முடிவில் 4 விக்கெட் இழப்புக்கு 115 ரன்களை எடுத்திருந்தது ஆஸி. ஸ்மித் 58, வேட் 22 ரன்களுடன் ஆடிக் கொண்டிருந்தனர்.
 ஸ்மித் 82 ரன்களுடனும், மேத்யூ வேட் 34, ரன்களுடனும் வெளியேறினர். டிம் பெயின் 23, ஸ்டார்க் 3 ரன்களுடன் களத்தில் இருந்தனர்.
 186/6 டிக்ளேர்: 42.5 ஓவர்களில் 6 விக்கெட் இழப்புக்கு 186 ரன்களை எடுத்திருந்த ஆஸி.அணி தனது ஆட்டத்தை டிக்ளேர் செய்வதாக அறிவித்தது.
 இதையடுத்து இங்கிலாந்துக்கு வெற்றி இலக்காக 383 ரன்கள் நிர்ணயிக்கப்பட்டது. இரண்டாவது இன்னிங்ûஸ ஆடத் தொடங்கிய இங்கிலாந்து தொடக்கத்திலேயே சரிவை சந்தித்தது. பேட் கம்மின்ஸ் அதிரடி பந்துவீச்சில் ரோரிபர்ன்ஸ், ஜோ ரூட் டக் அவுட்டாயினர்.
 ஆட்ட நேர முடிவில் 2 விக்கெட் இழப்புக்கு 18 ரன்களை எடுத்திருந்தது இங்கிலாந்து. ஜேஸன் ராய், ஜோ டென்லி களத்தில் இருந்தனர்.
 ஆஸி. தரப்பில் பேட் கம்மின்ஸ் 2-8 விக்கெட்டுகளை சாய்த்தார்.

]]>
https://images.dinamani.com/uploads/user/imagelibrary/2019/9/8/w600X390/aus.jpg https://www.dinamani.com/sports/sports-news/2019/sep/08/ஆஷஸ்-4-ஆவது-டெஸ்ட்-ஆஸிக்கு-வெற்றி-வாய்ப்பு-3230018.html
3229938 விளையாட்டு செய்திகள் முருகப்பா ஹாக்கி: இந்தியன் ஆயில்-பஞ்சாப் நேஷனல் வங்கி மோதல் DIN DIN Sunday, September 8, 2019 02:14 AM +0530 93-ஆவது அகில இந்திய எம்சிசி-முருகப்பா தங்ககக் கோப்பை ஹாக்கி போட்டி இறுதிச் சுற்றுக்கு இந்தியன் ஆயில் கார்ப்பரேஷன்-பஞ்சாப் நேஷனல் வங்கி அணிகள் முன்னேறியுள்ளன.
 போட்டியின் 9-ஆவது நாளான சனிக்கிழமை சென்னை எழும்பூர் மேயர் ராதாகிருஷ்ணன் மைதானத்தில் அரையிறுதி ஆட்டங்கள் நடைபெற்றன. இதில் முதல் ஆட்டத்தில் ஐஓசி 6-3 என்ற கோல் கணக்கில் மத்திய செயலக அணியை வீழ்த்தி அபார வெற்றி பெற்றது.
 மத்திய செயலகம் தரப்பில் தரம்பீர் யாதவ், கோவிந்த் சிங், சாஹிர் முகமது கோலடித்தனர்.
 இரண்டாவது அரையிறுதி ஆட்டத்தில் இந்திய கடற்படையை 2-4 என்ற கோல் கணக்கில் வீழ்த்தியது பஞ்சாப் நேஷனல் வங்கி.
 கடற்படை தரப்பில் ஜுக்ராஜ் சிங்கும், பஞ்சாப் வங்கி தரப்பில் மந்தீப் மோர், குர்ஜிந்தர் சிங், அபிஷேக், சுக்ஜித் சிங் ஆகியோர் கோலடித்தனர்.
 ஐஓசி-பஞ்சாப் நேஷனல் வங்கி இடையிலான இறுதி ஆட்டம் ஞாயிற்றுக்கிழமை மாலை 6.15 மணிக்கு தொடங்குகிறது.
 
 
 

]]>
https://images.dinamani.com/uploads/user/imagelibrary/2019/9/8/w600X390/HOCKEY.jpg https://www.dinamani.com/sports/sports-news/2019/sep/08/முருகப்பா-ஹாக்கி-இந்தியன்-ஆயில்-பஞ்சாப்-நேஷனல்-வங்கி-மோதல்-3229938.html
3229937 விளையாட்டு செய்திகள் வங்கதேசத்துடன் டெஸ்ட் ஆப்கன் 374 ரன்கள் முன்னிலை DIN DIN Sunday, September 8, 2019 02:14 AM +0530 வங்கதேச அணியுடன் நடைபெறும் ஓரே டெஸ்ட் ஆட்டத்தில் ஆதிக்கம் செலுத்தி வரும் ஆப்கானிஸ்தான் அணி 374 ரன்கள் முன்னிலை பெற்றுள்ளது.
 இரு அணிகளுக்கு இடையிலான ஆட்டம் சிட்டகாங் நகரில் நடைபெறுகிறது. ஆப்கன் அணி முதல் இன்னிங்ஸில் 342 ரன்களுக்கும், வங்கதேச அணி 205 ரன்களுக்கும் ஆல் அவுட்டாயின. அதைத் தொடர்ந்து ஆப்கன் அணி தனது 2-ஆவது இன்னிங்ûஸ ஆடியது.
 மூன்றாம் நாளான சனிக்கிழமை ஆட்ட நேர முடிவில் 83.4 ஓவர்களில் 8 விக்கெட் இழப்புக்கு 237 ரன்களை எடுத்திருந்தது ஆப்கன்.
 இப்ராஹிம் ஸட்ரன் 4 சிக்ஸர், 6 பவுண்டரியுடன் 87 ரன்களையும், அஷ்கர் ஆப்கன் 2 சிக்ஸர், 4 பவுண்டரியுடன் 50 ரன்களையும் விளாசினர்.
 கேப்டன் ரஷீத் கான் 6 பவுண்டரியுடன் 24 ரன்களை எடுத்து அவுட்டானார். அப்ஸர் ஸஸாய் 34 ரன்களுடன் களத்தில் உள்ளார்.
 வங்கதேச தரப்பில் ஷகிப் அல் ஹசன் 3-53, டைஜுல் இஸ்லாம் 2-68, நயீம் ஹசன் 2-61 விக்கெட்டுகளை சாய்த்தனர்.
 இதன் மூலம் வங்கதேசத்தைக் காட்டிலும் 374 ரன்கள் முன்னிலை பெற்றுள்ளது ஆப்கானிஸ்தான்.
 

]]>
https://www.dinamani.com/sports/sports-news/2019/sep/08/வங்கதேசத்துடன்-டெஸ்ட்-ஆப்கன்-374-ரன்கள்-முன்னிலை-3229937.html
3229936 விளையாட்டு செய்திகள் ஜூனியர் சூப்பர் கிங்ஸ் டி20: இறுதியில் லேடி ஆண்டாள்-வித்யா மந்திர் DIN DIN Sunday, September 8, 2019 02:13 AM +0530 பள்ளிகள் இடையிலான ஜூனியர் சூப்பர் கிங்ஸ் டி20 போட்டி இறுதிச் சுற்றில் லேடி ஆண்டாள்-வித்யா மந்திர் பள்ளிகள் மோதுகின்றன.
 சென்னையில் இப்போட்டியின் அரையிறுதி ஆட்டங்கள் சனிக்கிழமை நடைபெற்றன. முதல் அரையிறுதியில் திருச்சி செயின்ட் பீட்ஸ் ஆங்கிலோ இந்திய பள்ளியும்-லேடி ஆண்டாள் வெங்கட்ட சுப்பாராவ் பள்ளிகள் மோதின.
 செயின்ட் பீட்ஸ் அணி 20 ஓவர்களில் 146/6 ரன்களை எடுத்தது. (மிதுல் ராஜ் 30, ஸ்ரீஅபிஷேக் 41), அஹுஜா 2-24.
 பின்னர் ஆடிய லேடி ஆண்டாள் பள்ளி 17.2 ஓவர்களில் 3 விக்கெட் இழப்புக்கு 152 ரன்களை எடுத்து அபார வெற்றி பெற்றது. (அனிருத் சேஷாத்ரி 53, ரிஷி 42, வைத்தியநாதன் 35). இரண்டாவது அரையிறுதியில் டான்பாஸ்கோ அணியை வீழ்த்தி இறுதிக்குள் நுழைந்தது வித்யா மந்திர்.
 முதலில் ஆடிய டான்பாஸ்கோ 135/5 ரன்களை எடுத்தது. (அஜய்குமார் 48, ஆதிஷ் 27), பரத் சீனிவாஸ் 2-19. பின்னர் ஆடிய வித்யா மந்திர் பள்ளி 19.5 ஓவர்களில் 139/7 ரன்களை எடுத்து வெற்றி பெற்றது. (ராம்நாத் 63, விஜய் பிரியதர்ஷன் 27).
 இறுதி ஆட்டம் ஞாயிற்றுக்கிழமை காலை 9 மணிக்கு குருநானக் கல்லூரி மைதானத்தில் நடைபெறுகிறது.
 

]]>
https://images.dinamani.com/uploads/user/imagelibrary/2019/9/8/w600X390/JUNIOR_KINGS.jpg https://www.dinamani.com/sports/sports-news/2019/sep/08/ஜூனியர்-சூப்பர்-கிங்ஸ்-டி20-இறுதியில்-லேடி-ஆண்டாள்-வித்யா-மந்திர்-3229936.html
3229935 விளையாட்டு செய்திகள் பிரேசில்-கொலம்பியா நட்பு ஆட்டம் டிரா DIN DIN Sunday, September 8, 2019 02:12 AM +0530 கொலம்பியா மற்றும் பிரேசில் இடையே நடைபெற்ற நட்பு ஆட்டம் 2-2 என்ற கோல் கணக்கில் டிராவில் முடிந்தது.
 மியாமியில் 65, 232 பார்வையாளர்கள் குழுமியிருந்த ஹாட்ர் ராக் மைதானத்தில் வெள்ளிக்கிழமை இரவு இரு அணிகள் இடையிலான நட்பு ஆட்டம் நடைபெற்றது. நட்சத்திர வீரர் நெய்மர் நீண்ட நாள்கள் கழித்து பிரேசில் அணியில் இடம் பெற்றார்.
 ஆட்டத்தின் 20-ஆவது நிமிடத்தில் நெய்மர் கடத்தி தந்த பந்தை அற்புதமாக கோலாக்கினார் கஸ்மீரா.
 அதன் பின் எழுச்சி பெற்ற கொலம்பியா வீரர்கள் லூயிஸ் மரியல், ரோஜர் மார்டினஸ் அபாரமாக கோலடித்து 2-1 என முன்னிலை பெற்றுத் தந்தனர்.
 நெய்மர் அபாரம்: அதன் பின் 58-ஆவது நிமிடத்தில் நெய்மர் அபாரமாக ஆடி கோலடித்தார். இதனால் ஆட்டம் 2-2 என சமனில் முடிந்தது. அடுத்த ஆட்டத்தில் பிரேசில் -பெரு அணிகளும், கொலம்பியா-வெனிசுþலாவும் மோதுகின்றன.
 

]]>
https://images.dinamani.com/uploads/user/imagelibrary/2019/9/8/w600X390/NEIMAR.jpg https://www.dinamani.com/sports/sports-news/2019/sep/08/பிரேசில்-கொலம்பியா-நட்பு-ஆட்டம்-டிரா-3229935.html
3229934 விளையாட்டு செய்திகள் துளிகள்... DIN DIN Sunday, September 8, 2019 02:11 AM +0530 * மங்கோலிய தலைநகர் உலன்பட்டாரில் நடைபெற்ற ஆசிய ஜூனியர் டேபிள் டென்னிஸ் போட்டி இறுதிச் சுற்றில் உலகின் நம்பர் ஒன் வீரர் சீனாவின் யுனையு சென்னிடம் 11-13, 6-11, 8-11, 5-11 என்ற கேம் கணக்கில் தோல்வியுற்று வெள்ளிப் பதக்கம் வென்றார் இந்தியாவின் பயாஸ் ஜெயின். இப்போட்டியில் இந்தியா 2 வெள்ளியை வென்றது.
* வரும் அக்டோபர் மாதம் மலேசியாவில் நடைபெறவுள்ள சுல்தான் ஜோஹோர் கோப்பைக்கான ஹாக்கி போட்டிக்கு தயாராகும் வகையில் 33 வீரர்கள் பங்கேற்கும் இந்திய ஜூனியர் அணி பயிற்சி முகாம், பெங்களூருவில் வரும் திங்கள்கிழமை தொடங்கி அக்டோபர் 7-ஆம் தேதி வரை நடைபெறுகிறது. இப்போட்டியில் இந்தியா, மலேசியா, ஆஸ்திரேலியா, பிரிட்டன், நியூஸிலாந்து, ஜப்பான் அணிகள் பங்கேற்கின்றன.
* பிகார் கிரிக்கெட் சங்க நிர்வாகத்தை மேற்கொள்ளவும், புதிய நிர்வாகிகள் தேர்தலை கண்காணிக்கவும் சுயேச்சையான 3 நபர் குழுவை பிசிசிஐ சிஓஏ நியமித்துள்ளது. வெளிப்படையான நேர்மையான முறையில் நிர்வாகிகள் தேர்தலை நடத்துவது இந்நடவடிக்கை எடுக்கப்பட்டது எனவும் சிஓஏ தெரிவித்துள்ளது.
* யுஎஸ் ஓபன் இறுதி ஆட்டத்துக்கு தகுதி பெற்றுள்ள கனடா இளம் வீராங்கனை பியான்கா ஆன்ட்ரிஸ்கு எதிர்காலத்தில் உலகின் நம்பர் ஒன் வீராங்கனையாக திகழ்வார் என ஜாம்பவான் செரீனாவின் பயிற்சியாளர் பேட்ரிக் மொர்டோலு கணித்துள்ளார்.
* பார்சிலோனா அணியை விட்டு சீசன் முடிவதற்குள் நட்சத்திர வீரர் லியோனல் மெஸ்ஸி விலகலாம் என கிளப் தலைவர் ஜோசப் மரியா கூறியுள்ளார். கடந்த 2017 முதல் 4 ஆண்டுக் காலத்துக்கு புதிய ஒப்பந்தத்தில் மெஸ்ஸி கையெழுத்திட்டுள்ளார். 2021 ஆண்டு முழுவதும் மெஸ்ஸி ஆட வேண்டும் என நாங்கள் விரும்புகிறோம். எனினும் அவரே இதுகுறித்து முடிவு செய்யலாம் என்றார்.
* பாகிஸ்தான் லெக் ஸ்பின்னர் அப்துல் காதிர் மறைவுக்கு அந்நாட்டு பிரதமர் இம்ரான் கான், ராணுவ தலைமை தளபதி ஜாவேத் பஜ்வா, அதிபர் ஆரிப் ஆல்வி, கேப்டன் சர்ப்ராஸ் அகமது, வாஸிம் அக்ரம், மியான்டட், மொயின் கான், ரஷீத் லத்தீப், உள்பட பலர் ஆழ்ந்த இரங்கல் தெரிவித்துள்ளனர்.
 

]]>
https://www.dinamani.com/sports/sports-news/2019/sep/08/துளிகள்-3229934.html
3229933 விளையாட்டு செய்திகள் ஆஷஸ் தொடர்: இங்கிலாந்து 301 ஆல் அவுட் DIN DIN Sunday, September 8, 2019 02:11 AM +0530 ஆஷஸ் 4-ஆவது டெஸ்ட் முதல் இன்னிங்ஸில் இங்கிலாந்து அணி 301 ரன்களுக்கு ஆல் அவுட்டானது.
 ஆஸி. அணி முதல் இன்னிங்ஸில் 497-8 ரன்களை குவித்தது. இதைத் தொடர்ந்து தனது முதல் இன்னிங்ûஸ ஆடிய இங்கிலாந்து அணி மூன்றாவது நாள் ஆட்ட முடிவில் 5 விக்கெட் இழப்புக்கு 200 ரன்களை எடுத்திருந்தது.
 நான்காம் நாளான சனிக்கிழமை இருவரும் ஆட்டத்தை தொடர்ந்த நிலையில், பென் ஸ்டோக்ஸ் 26 ரன்களுக்கும், பேர்ஸ்டோ 17ரன்களுக்கும் வெளியேறினர்.
 ஜோப்ரா ஆர்ச்சர் 1, ஸ்டுவர்ட் பிராட் 5 ரன்களுடன் அவுட்டான நிலையில், ஜோஸ் பட்லர் மட்டுமே கடைசியில் நிலைத்து ஆடி 41 ரன்களை சேர்த்து வெளியேறினார். ஜேக் லீச் 4 ரன்களுடன் களத்தில் இருந்தார்.
 107 ஓவர்களில் 301 ரன்களை எடுத்து ஆல் அவுட்டானது இங்கிலாந்து.
 ஆஸி. அபார பந்துவீச்சு: ஆஸி. தரப்பில் ஜோஷ் ஹேஸல்வுட் 4-57, பேட் கம்மின்ஸ் 3-60, ஸ்டார்க் 3-80 விக்கெட்டுகளை சாய்த்தனர்.
 இதையடுத்து ஆஸி. அணி 196 ரன்கள் முன்னிலை பெற்றுள்ளது குறிப்பிடத்தக்கது.
 ஆஸி. 115/4: பின்னர் தனது இரண்டாவது இன்னிங்ûஸ தொடங்கிய ஆஸி. அணி ஆரம்பத்திலேயே அதிர்ச்சியை சந்தித்தது. அதிரடி வீரர் டேவிட் வார்னை எல்பிடபிள்யு முறையில் டக் அவுட்டாக்கினார் ஸ்டுவர்ட் பிராட்.
 ஆஷஸ் தொடரில் தொடர்ந்து 5-ஆவது முறையாக வார்னரை அவுட்டாக்கியுள்ளார் பிராட்.
 மார்கஸ் ஹாரிஸ் 6, மார்னஸ் லேபுச்சேன் 11, டிராவிஸ் ஹெட் 12 என சொற்ப ரன்களுக்கு அவுட்டாயினர்.
 ஸ்மித் 26-ஆவது அரைசதம்: மறுமுனையில் சிறப்பாக ஆடி வந்த ஸ்டீவ் ஸ்மித் தனது 26-ஆவது டெஸ்ட் அரைசதத்தை பதிவு செய்தார். முதல் இன்னிங்ஸில் 211 ரன்களை விளாசி இருந்தார் ஸ்மித்.
 33 ஓவர்கள் முடிவில் 4 விக்கெட் இழப்புக்கு 115 ரன்களை எடுத்திருந்தது ஆஸி. ஸ்மித் 58, வேட் 22 ரன்களுடன் ஆடிக் கொண்டிருந்தனர்.

]]>
https://images.dinamani.com/uploads/user/imagelibrary/2019/9/8/w600X390/WARNER_LBW.jpg https://www.dinamani.com/sports/sports-news/2019/sep/08/ஆஷஸ்-தொடர்-இங்கிலாந்து-301-ஆல்-அவுட்-3229933.html
3229929 விளையாட்டு செய்திகள் துலிப் கோப்பை: இந்திய ரெட் அணி சாம்பியன் DIN DIN Sunday, September 8, 2019 02:10 AM +0530 துலிப் கோப்பை இறுதிச் சுற்றில் இந்திய கிரீன் அணியை ஒரு இன்னிங்ஸ் மற்றும் 38 ரன்கள் வித்தியாசத்தில் வீழ்த்தி சாம்பியன் பட்டம் வென்றது இந்திய ரெட் அணி.
 இரு அணிகளுக்கு இடையிலான ஆட்டம் பெங்களூருவில் நடைபெற்றது. இந்திய கிரீன் அணி முதல் இன்னிங்ஸில் 231ரன்களுக்கு ஆல் அவுட்டானது. மயங்க் மார்க்கண்டே 76 ரன்களையும், அங்கித் ராஜ்புத் 30 ரன்களையும் சேர்த்தனர். ரெட் அணி தரப்பில் உனதிகட் 4-83 விக்கெட்டுகளை சாய்த்தார்.
 பின்னர் முதல் இன்னிங்ûஸ ஆடிய இந்திய ரெட் அணி 388 ரன்களுக்கு ஆல் அவுட்டானது. ஏஆர். ஈஸ்வரன் அற்புதமாக ஆடி 153 ரன்களை விளாசினார். பிகே.பஞ்சால் 33, ஆர்.கல்ஸி 30, இஷான் கிஷான் 39, சர்வேட் 38 ரன்களை சேர்த்தனர்.
 கிரீன் அணி தரப்பில் அங்கித் ராஜ்புத் 3-101, ஜடேஜா 3-93 விக்கெட்டுகளை வீழ்த்தினர்.
 இந்நிலையில் தனது இரண்டாம் இன்னிங்ûஸ ஆடிய கிரீன் அணி வெறும் 119 ரன்களுக்கு ஆல் அவுட்டானது. அதிகபட்சமாக எஸ்டி. லேட் 42, அக்ஷத் ரெட்டி 33 ரன்களை சேர்த்தனர். மற்ற வீரர்கள் வந்த வேகத்தில் பெவிலியன் திரும்பினர். ரெட் அணி தரப்பில் வாக்ரே அபாரமாக பந்துவீசி 5-13, அவேஷ் கான் 3-38 விக்கெட்டுகளையும் சாய்த்தனர். இறுதியில் ஒரு இன்னிங்ஸ் மற்றும் 38 ரன்கள் வித்தியாசத்தில் வென்று கோப்பையை கைப்பற்றியது ரெட் அணி.
 

]]>
https://images.dinamani.com/uploads/user/imagelibrary/2019/9/8/w600X390/DULEEP_TROPHY.jpg https://www.dinamani.com/sports/sports-news/2019/sep/08/துலிப்-கோப்பை-இந்திய-ரெட்-அணி-சாம்பியன்-3229929.html
3229925 விளையாட்டு செய்திகள் யுஎஸ் ஓபன்: இறுதிச் சுற்றில் நடால்-மெத்வதேவ் DIN DIN Sunday, September 8, 2019 02:09 AM +0530 யுஎஸ் ஓபன் டென்னிஸ் போட்டி ஆடவர் ஒற்றையர் பிரிவு இறுதிச் சுற்றில் ஜாம்பவான் ரபேல் நடால்-ரஷிய வீரர் டேனில் மெத்வதேவ் ஆகியோர் மோதுகின்றனர்.
 வெள்ளிக்கிழமை நள்ளிரவு அரையிறுதி ஆட்டங்கள் நடைபெற்றன. 18 முறை கிராண்ட்ஸ்லாம்சாம்பியன் நடால், 7-6, 6-4, 6-1 என்ற நேர் செட்களில் இத்தாலி வீரர் மேட்டியோ பெர்ரடனியை வீழ்த்தி தனது நான்காவது யுஎஸ் ஓபன் பட்டத்தைக் கைப்பற்ற ஏதுவாக இறுதிச் சுற்றில் நுழைந்தார்.
 முதன்முதலாக இறுதிக்குள் மெத்வதேவ்: இரண்டாவது அரையிறுதியில் ரஷிய வீரர் டேனில் மெத்வதேவ் 7-6, 6-4, 6-3 என்ற நேர் செட்களில் பல்கேரிய வீரர் கிரிகோர் டிமிட்ரோவை வீழ்த்தி தனது முதல் கிராண்ட்ஸ்லாம் பந்தய இறுதிச் சுற்றுக்கு தகுதி பெற்றார்.
 ஆண்டின் தொடக்கத்தில் இடுப்பு காயத்தால் பாதிக்கப்பட்டிருந்த நிலையில், தற்போது இறுதிச் சுற்றில் நுழைந்திருப்பது, கடினமான தருணங்களை மறக்கச் செய்துள்ளது. 5-ஆவது முறையாக யுஎஸ் ஓபன் போட்டி இறுதியில் நுழைந்த நடால், ஒட்டுமொத்தமாக 27-ஆவது கிராண்ட்ஸ்லாம் போட்டி இறுதிக்கு தகுதி பெற்றுள்ளார்.
 23 வயதான மெத்வதேவ் கடந்த சில வாரங்களாக பல்வேறு போட்டிகளில் திறமையாக ஆடி வருகிறார். வாஷிங்டன், கனடாவில் ரன்னர், சின்சினாட்டியில் சாம்பியன் பட்டம் வென்றார். தற்போது முதல் கிராண்ட்ஸ்லாம் இறுதிச் சுற்றில் நுழைந்துள்ளார்.

]]>
https://images.dinamani.com/uploads/user/imagelibrary/2019/9/8/w600X390/NADAL.jpg https://www.dinamani.com/sports/sports-news/2019/sep/08/யுஎஸ்-ஓபன்-இறுதிச்-சுற்றில்-நடால்-மெத்வதேவ்-3229925.html
3229065 விளையாட்டு செய்திகள் ஆஷஸ் டெஸ்ட்: இங்கிலாந்து 161/2 DIN DIN Saturday, September 7, 2019 03:59 PM +0530
ஆஸ்திரேலியாவுக்கு எதிரான ஆஷஸ் தொடர் 4-ஆவது டெஸ்டின் முதல் இன்னிங்ஸில் இங்கிலாந்து அணி 2 விக்கெட் இழப்புக்கு 161 ரன்களை சேர்த்துள்ளது.
இரு அணிகளுக்கு இடையிலான ஆட்டம் ஓல்ட் டிராஃபோர்ட் மைதானத்தில் நடைபெற்று வருகிறது. ஆஸ்திரேலிய அணி முதல் இன்னிங்ஸில் 497/8 ரன்களுக்கு டிக்ளேர் செய்தது. ஸ்டீவ் ஸ்மித் அபாரமாக ஆடி 211 ரன்களுடன் 3-ஆவது இரட்டை சதத்தை பதிவு செய்தார். 
இந்நிலையில் மூன்றாம் நாளான வெள்ளிக்கிழமை இங்கிலாந்து அணி 1 விக்கெட் இழப்புக்கு 23 ரன்களுடன் ஆட்டத்தை தொடர்ந்தது. ஆனால் வெள்ளிக்கிழமை காலை முதல் உணவு வரை பலத்த மழை பெய்ததால் ஆட்டம் தடைபட்டது. மைதானத்தில் பிட்ச் மற்றும் சுற்றுப்புறங்களை பணியாளர்கள் பாதுகாப்பாக மூடியிருந்தனர். மழை நின்ற நிலையில் ஆட்டம் தொடங்கியது.
ஜோ டென்லி 4, கிரெய்ஓவர்டன் 5 ரன்களுடன் அவுட்டாகி பெவிலியன் திரும்பினர். தொடக்க வீரர் ரோரி பர்ன்ஸ்-கேப்டன் ஜோ ரூட் இணைந்து அணியின் ஸ்கோரை உயர்த்தினர். 
பர்ன்ஸ் 4-ஆவது அரைசதம்: ரோரி பர்ன்ஸ் அற்புதமாக ஆடி தனது 4ஆவது டெஸ்ட் அரைசதத்தை பதிவு செய்தார். 
47-ஆவது ஓவர் முடிவில் 2 விக்கெட் இழப்புக்கு 125 ரன்களை எடுத்திருந்தது.
60 ஓவர்கள் முடிவில் இங்கிலாந்து அணி முதல் இன்னிங்ஸில் 161/2 ரன்கûளை எடுத்திருந்தது. ரோரி பர்ன்ஸ் 78, கேப்டன் ஜோ ரூட் 67 ரன்களுடன் களத்தில் 
இருந்தனர்.
 

]]>
https://images.dinamani.com/uploads/user/imagelibrary/2019/9/7/w600X390/joe-root-hit-starc.jpg https://www.dinamani.com/sports/sports-news/2019/sep/07/ஆஷஸ்-டெஸ்ட்-இங்கிலாந்து-1612-3229065.html
3229250 விளையாட்டு செய்திகள் பாக். முன்னாள் சுழற்பந்து வீச்சாளர் அப்துல் காதிர் மறைவு DIN DIN Saturday, September 7, 2019 03:19 AM +0530
பாகிஸ்தான் கிரிக்கெட் முன்னாள் சுழற்பந்து வீச்சாளர் அப்துல் காதிர் (63) மாரடைப்பால் வெள்ளிக்கிழமை காலமானார்.
கடந்த 1980-ஆம் ஆண்டுகளில் பாக். அணியில் தவிர்க்க முடியாத வீரராக திகழ்ந்த அப்துல் காதிர் லெக் ஸ்பின்னர் ஆவார். மணிக்கட்டை பயன்படுத்தி பந்துவீசி எதிரணிகளுக்கு சிம்மசொப்பனாக திகழ்ந்தவர்.
மொத்தம் 67 டெஸ்ட் மற்றும் 104 ஒருநாள் ஆட்டங்களில் ஆடி 368 சர்வதேச விக்கெட்டுகளை வீழ்த்தியவர். டெஸ்ட் ஆட்டங்களில் 9-56 விக்கெட் வீழ்த்தியது இவரது அதிகபட்ச சாதனையாகும். 16 வயதான சச்சின் டெண்டுல்கர் ஒரு காட்சிப் போட்டியில் அப்துல் காதிரின் பந்துவீச்சில் தொடர்ந்து 4 சிக்ஸர்களை விளாசியது மறக்க முடியாத நிகழ்வாகும்.  கடந்த 2009-இல் தேர்வுக் குழு தலைவராக இருந்த காதிர் தேர்வு செய்த பாகிஸ்தான் அணி டி20 உலகக் கோப்பையை வென்றது குறிப்பிடத்தக்கது.
 

]]>
https://images.dinamani.com/uploads/user/imagelibrary/2019/9/7/w600X390/abdul1.jpg https://www.dinamani.com/sports/sports-news/2019/sep/07/பாக்-முன்னாள்-சுழற்பந்து-வீச்சாளர்-அப்துல்-காதிர்-மறைவு-3229250.html
3229249 விளையாட்டு செய்திகள் தினேஷ் கார்த்திக்குக்கு பிசிசிஐ நோட்டீஸ் DIN DIN Saturday, September 7, 2019 03:19 AM +0530
கரீபியன் ப்ரீமியர் லீக் போட்டி விளம்பர நிகழ்ச்சி ஒன்றில் பங்கேற்ற கிரிக்கெட் வீரர் தினேஷ் கார்த்திக்குக்கு விளக்கம் கேட்டு பிசிசிஐ நோட்டீஸ் அனுப்பியுள்ளது.
தமிழகத்தைச் சேர்ந்த தினேஷ் கார்த்திக் அண்மையில் நடைபெற்ற உலகக் கோப்பை கிரிக்கெட் போட்டிக்கு பின் இந்திய அணியில் சேர்க்கப்படவில்லை. 34 வயதான அவர், அண்மையில் போர்ட் ஆஃப் ஸ்பெயினில் நடைபெற்ற கரீபியன் ப்ரீமியர் லீக் போட்டியின் அணியான டிரின்பாகோ நைட் ரைடர்ஸ் விளம்பர நிகழ்வில் பங்கேற்றிருந்தார். அந்த அணியின் வீரர்கள் அறையில் தினேஷ் கார்த்திக் அமர்ந்திருப்பது போன்ற படங்கள் வெளியாகின. டிரின்பாகோ நைட் ரைடர்ஸ் அணி, நடிகர் ஷாருக்கானுக்கு சொந்தமானதாகும்.
இதுதொடர்பாக விளக்கம் தருமாறு கேட்டு பிசிசிஐ சிஇஓ ராகுல் ஜோரி வெள்ளிக்கிழமை தினேஷ் கார்த்திக்குக்கு நோட்டீஸ் அனுப்பியுள்ளார்.  ஏன் உங்கள் ஒப்பந்தத்தை ரத்து செய்யக்கூடாது என நோட்டீஸ் தெரிவிக்கப்பட்டுள்ளது. கரீபியன் தீவுகளில் நடைபெற்ற இந்நிகழ்ச்சியில் பங்கேற்க தினேஷ் கார்த்திக் பிசிசிஐயிடம் அனுமதி பெறவில்லை.  ஒப்பந்தத்தின்படி ஐபிஎல் தவிர வேறு எந்த தனியார் லீக் போட்டிகள் தொடர்பான நிகழ்வுகள், போட்டிகளில் இந்திய வீரர்கள் பங்கேற்க அனுமதியில்லை என்பது குறிப்பிடத்தக்கது.
எனினும் விஜய் ஹஸாரே போட்டி வரும் 24-ஆம் தேதி தொடங்க உள்ள நிலையில் இப்பிரச்னை தொடர்பாக தினேஷ் நிபந்தனையற்ற மன்னிப்பு கோரலாம் எனத் தெரிகிறது.

]]>
https://images.dinamani.com/uploads/user/imagelibrary/2019/9/7/w600X390/dinesh.jpg https://www.dinamani.com/sports/sports-news/2019/sep/07/தினேஷ்-கார்த்திக்குக்கு-பிசிசிஐ-நோட்டீஸ்-3229249.html
3229072 விளையாட்டு செய்திகள் ஒலிம்பிக் துப்பாக்கி சுடும் போட்டியில் இந்திய வீரர்கள் சாதிப்பர்: கிரண் ரிஜிஜு DIN DIN Saturday, September 7, 2019 01:33 AM +0530
இந்திய துப்பாக்கி சுடும் வீரர்களின் திறமை 2020 டோக்கியோ ஒலிம்பிக் போட்டியில் எதிரொலிக்கும் என மத்திய விளையாட்டுத் துறை அமைச்சர் கிரண் ரிஜிஜு நம்பிக்கை தெரிவித்துள்ளார்.
ரியோடி ஜெனிரோவில் அண்மையில் நடைபெற்ற உலகக் கோப்பை துப்பாக்கி சுடும் போட்டியில் இந்திய அணியினர் 5 தங்கம் உள்பட 9 பதக்கங்களை வென்று சாதனை படைத்தனர். இதற்கிடையே நாடு திரும்பிய வீரர், வீராங்கனைகள், புது தில்லியில் வெள்ளிக்கிழமை மத்திய அமைச்சர் கிரண் ரிஜிஜுவை சந்தித்து வாழ்த்து பெற்றனர்.
அப்போது அவர் பேசியதாவது: உலகக் கோப்பை போட்டியில் நமது வீரர்கள் குவித்த வெற்றிகள் சிறப்பானது. ஒட்டுமொத்த அணியையும் இதற்காக பாராட்டுகிறேன்.
டோக்கியோ ஒலிம்பிக் போட்டியிலும் துப்பாக்கி சுடுதலில் அதிகம் பேர் இந்தியா சார்பில் பங்கேற்க உள்ளனர். ஏற்கெனவே 9 பேர் தகுதி பெற்றுள்ளனர். மேலும்  3 பேர் தகுதி பெற இயலும்.
உலகிலேயே தலைசிறந்த அணியாக உள்ள நமது வீரர், வீராங்கனைகளின் திறமை ஒலிம்பிக் போட்டியில் வெற்றியாக எதிரொலிக்கும். ஒலிம்பிக்கிலும் அதிக பதக்கங்களை துப்பாக்கி சுடுதலில் பெறுவோம்.
காமன்வெல்த் துப்பாக்கி சுடும் போட்டி பிரச்னை: மேலும் 2022 பர்மிங்ஹாம் காமன்வெல்த் போட்டியில் துப்பாக்கி சுடுதல் ரத்து செய்யப்பட்டுள்ளது குறித்து பிரிட்டனுக்கு தெரிவித்துள்ளோம். காமன்வெல்த்தில் இந்தியா முக்கியமான அங்கம். காமன்வெல்த் அமைப்பு குழு இந்த முடிவை எடுத்தது. அதில் நமது கருத்தை கூற உறுப்பினர்கள் இல்லை. இது விளையாட்டு நிகழ்வாக உள்ளதால், உரிய வழிகளில் ஆட்சேபத்தை பதிவு செய்துள்ளோம்.  ஓஏ விரைவில் மீண்டும் இதுதொடர்பாக ஆலோசிக்கும்.
இந்தியாவின் ஊக்க மருந்து தடுப்பு ஆய்வகத்தை 6 மாதங்களுக்கு வாடா தடை செய்துள்ளது கடும் சிக்கலை ஏற்படுத்தியுள்ளது. ஆய்வகத்தின் தலைவர் என்ற முறையில் சில பிரச்னைகள் இருப்பது தெரியவந்தது. அவற்றில் பெரும்பாலானவை தீர்க்கப்பட்டன. ஆனால் வாடா தற்போது நமது ஆய்வகத்தை சஸ்பெண்ட் செய்துள்ளது. வாடாவின் நடவடிக்கையை எதிர்த்து முறையிடுவோம்.
புதுதில்லியில் உள்ள டாக்டர் கர்னி சிங் துப்பாக்கி சுடும் மையத்தில் உள்ள குறைகளை விரைவில் நிவர்த்தி செய்வோம் என்றார் ரிஜிஜு.

 

]]>
https://images.dinamani.com/uploads/user/imagelibrary/2019/9/7/w600X390/shooting-minister.jpg பதக்கம் வென்ற வீரர், வீராங்கனைகளுடன் மத்திய அமைச்சர் கிரண் ரிஜிஜு. https://www.dinamani.com/sports/sports-news/2019/sep/07/ஒலிம்பிக்-துப்பாக்கி-சுடும்-போட்டியில்-இந்திய-வீரர்கள்-சாதிப்பர்-கிரண்-ரிஜிஜு-3229072.html
3229069 விளையாட்டு செய்திகள் யுஎஸ் ஓபன்: இறுதிச் சுற்றில் செரீனா-பியான்கா DIN DIN Saturday, September 7, 2019 01:32 AM +0530
யுஎஸ் ஓபன் டென்னிஸ்  போட்டி மகளிர் ஒற்றையர் பிரிவு இறுதிச் சுற்றில் ஜாம்பவான் செரீனா வில்லியம்ஸுடன் மோதுகிறார் கனடாவின் இளம் வீராங்கனை பியான்கா ஆன்ட்ரிஸ்கு.
நியூயார்க்கில் நடைபெற்று வரும் கிராண்ட்ஸ்லாம் பந்தயங்களில் ஒன்றான இதில் வெள்ளிக்கிழமை அரையிறுதி ஆட்டங்கள் நடைபெற்றன.
இதில் 23 முறை கிராண்ட்ஸ்லாம் சாம்பியன் செரீனா வில்லியம்ஸ் 6-3, 6-1 என்ற நேர் செட்களில் உக்ரைனின் எலினா விட்டோலினாவை எளிதில் வீழ்த்தி இறுதிச் சுற்றுக்கு தகுதி பெற்றார்.

24-ஆவது பட்டம் வெல்ல தீவிரம்: மார்கரட் கோர்ட்டின் 24 முறை கிராண்ட்ஸ்லாம் பட்டம் வென்ற சாதனையை இந்த முறை சமன் செய்யும் தீவிரத்தில் உள்ளார் செரீனா.

பியான்கா ஆன்ட்ரிஸ்கு: கனடாவின் 19 வயது வீராங்கனை பியான்கா தனது கனவு ஓட்டத்தை தொடருகிறார். அரையிறுதிச் சுற்றில் பெலின்டா பென்கிக்கை 7-6, 7-5 என்ற நேர் செட்களில் போராடி வென்றார் பியான்கா. கிராண்ட்ஸ்லாம் போட்டி இறுதிச் சுற்றுக்கு தகுதி பெறும் 2-ஆவது வீராங்கனை பியான்கா ஆவார். 2014 விம்பிள்டனில் கனடாவின் பெளச்ர்ட் தகுதி பெற்றிருந்தார்.

என்ன சொல்வது என்று தெரியவில்லை: இதுதொடர்பாக பியான்கா கூறுகையில்: இறுதிச் சுற்றில் செரீனாவுடன் மோதுவது நிஜமாகி விட்டது. இதுகுறித்து என்ன சொல்வது எனறே தெரியவில்லை. இத்தனை ஆண்டுகளாக கடுமையாக பாடுபட்டது பலன் தந்துள்ளது. எனது கனவு நனவாகி உள்ளது என்றார்.

மார்கரட் கோர்ட்டின் 24 முறை கிராண்ட்ஸ்லாம் பட்டம் வென்ற சாதனையை இந்த முறை சமன் செய்யும் தீவிரத்தில் உள்ளார் செரீனா.

]]>
https://images.dinamani.com/uploads/user/imagelibrary/2019/9/7/w600X390/serena-final.jpg https://www.dinamani.com/sports/sports-news/2019/sep/07/யுஎஸ்-ஓபன்-இறுதிச்-சுற்றில்-செரீனா-பியான்கா-3229069.html
3229067 விளையாட்டு செய்திகள் டி20: இலங்கை அபார வெற்றி DIN DIN Saturday, September 7, 2019 01:31 AM +0530
நியூஸிலாந்துக்கு எதிரான கடைசி டி20 ஆட்டத்தில் இலங்கை அணி 37 ரன்கள் வித்தியாசத்தில் அபார வெற்றி பெற்றது. அதன் கேப்டன் மலிங்கா ஹாட்ரிக்குடன் டி20யில் 100 விக்கெட்டுகள் வீழ்த்திய முதல் வீரர் என்ற சாதனையை படைத்தார்.
முதலில் ஆடிய இலங்கை அணி 8 விக்கெட் இழப்புக்கு 125 ரன்களை மட்டுமே எடுத்தது.
3 ஆட்டங்கள் கொண்ட தொடரில் ஏற்கெனவே நியூஸிலாந்து 2-0 என தொடரைக் கைப்பற்றியது. கடைசி ஆட்டம் பல்லகெலேவில் வெள்ளிக்கிழமை இரவு நடைபெற்றது.
முதலில் ஆடிய இலங்கை அணியில் தனுஷ்கா குணதிலகா 30, நிரோஷன் டிக்வெலா 24, லஹிரு மதுசங்கா 20, ஹஸரங்கா 14 ஆகியோர் மட்டுமே ஒரளவு ரன்களை சேர்த்தனர். மற்ற அனைவரும் ஒற்றை இலக்க ரன்களில் அவுட்டாயினர். 
20 ஓவர்களில் 125/8 ரன்களை மட்டுமே எடுத்தது இலங்கை. நியூஸி தரப்பில் மிச்செல் சான்ட்நர், டாட் ஆஸ்லே தலா 3 விக்கெட்டுகளை சாய்த்தனர்.
லஸித் மலிங்காவிடம் வீழ்ந்த நியூஸி.: 126 ரன்கள் வெற்றி இலக்குடன் களமிறங்கிய நியூஸி. அணியால் இலங்கை கேப்டன் மலிங்காவின் அபார பந்துவீச்சை எதிர்கொள்ள முடியாமல் நிலைகுலைந்தனர். காலின் மன்றோவை 12, டிம் சைபெர்ட் 8 ரன்களுக்கு வெளியேற்றினார் மலிங்கா.
ஹாட்ரிக் சாதனை: பின்னர் ஹமிஷ் ரூதர்போர்ட்டை எல்பிடபிள்யு முறையிலும், கிராண்ட்ஹோமை போல்டாக்கியும், ராஸ்டெய்லரை எல்பிடபிள்யு ஆக்கியும் ஹாட்ரிக் சாதனை படைத்தார் மலிங்கா.
டேரில் மிச்செல் 6, சான்ட்நர் 16, ஸ்காட் 0, டாட் ஆஸ்ட்லே 3, செத் ரேன்ஸ் 8 ரன்களில் வெளியேறினர். கேப்டன் செளதி 28 ரன்களுடன் களத்தில் இருந்தார். 16 ஓவர்களிலேயே 88 ரன்களுக்கு ஆல் அவுட்டானது நியூஸிலாந்து. 
100 விக்கெட்: மலிங்கா சாதனை
நியூஸிலாந்துக்கு எதிரான டி20 ஆட்டத்தில் 5 விக்கெட்டுகள் வீழ்த்தினார் இலங்கை கேப்டன் மலிங்கா. இதன் மூலம் டி20 ஆட்டங்களில் 100 விக்கெட்டுகள் வீழ்த்திய முதல் வீரர் என்ற உலக சாதனையை படைத்தார்.
 

]]>
https://images.dinamani.com/uploads/user/imagelibrary/2019/9/7/w600X390/malinga-hatrick1.jpg https://www.dinamani.com/sports/sports-news/2019/sep/07/டி20-இலங்கை-அபார-வெற்றி-3229067.html