Dinamani - விவசாயம் - https://www.dinamani.com/agriculture/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3218410 விவசாயம் நாள்தோறும் வருமானம் கொடுக்கும் எலுமிச்சை Thursday, August 22, 2019 12:51 AM +0530

கடையநல்லூர்: திருப்பதிக்கு லட்டு, திருநெல்வேலிக்கு அல்வா, பத்தமடைக்கு பாய் போன்ற பெயர்கள் அடையாளப் பெயர்களாக இருப்பது போல், திருநெல்வேலி மாவட்டத்திலுள்ள புளியங்குடிக்கு அடையாளப் பெயராகத்திகழ்கிறது எலுமிச்சம் பழம்.  இங்குள்ள எலுமிச்சம் பழச் சந்தை மூலம் விவசாயிகளுக்கும்,வியாபாரிகளுக்கும் நாள்தோறும் வருமானம் கிடைத்து வருகிறது.
புளியங்குடியில் எலுமிச்சம் பழங்களுக்கு என தனியாக சந்தை செயல்பட்டு வருகிறது. இந்தச் சந்தைக்கு, ராஜபாளையம் மாங்குடி, தென்மலை, ராயகிரி, சிவகிரி, கடையநல்லூர், திருவேட்டநல்லூர், புன்னையாபுரம், நெல்கட்டும்செவல், பாம்புக்கோவில், தலைவன்கோட்டை, ராமநாதபுரம், கரிவலம்வந்தநல்லூர், புளியங்குடி மற்றும் சுற்றுப்புறப் பகுதிகளிலிருந்து டன் கணக்கில் எலுமிச்சம் பழங்கள் கொண்டு வரப்பட்டு விற்பனை செய்யப்பட்டு வருகின்றன.
இப்பகுதிகளில் சுமார் 20 ஆயிரம் ஏக்கர் பரப்பில் எலுமிச்சை சாகுபடி செய்யப்பட்டுள்ளது. அதில், அதிகபட்சமாக புளியங்குடி வட்டாரத்தில் எலுமிச்சை சாகுபடி செய்யப்பட்டுள்ளதாலும், புளியங்குடியில்தான் எலுமிச்சைக்கென்று தனிச் சந்தை இருப்பதாலும் லெமன் சிட்டி என்று புளியங்குடி அழைக்கப்பட்டு வருகிறது. இதைத் தாண்டி, புளியங்குடியில் விளைந்த பழங்கள் அதிக திரட்சியாகவும், கூடுதல் சாறு உள்ளவையாகவும் இருப்பதால் இப்பழங்களுக்கு எல்லா ஊர்களிலும் அதிக வரவேற்பு உள்ளது.
கரும்பு, நெல் உள்ளிட்ட பயிர்களும் இப்பகுதிகளில் பயிரிடப்பட்டு வந்தாலும், தினசரி வருமானம் தரும் எலுமிச்சையையே இப்பகுதி விவசாயிகள் பணப்பயிராகக் கருதி பயிரிட்டு வருகின்றனர். அதனால், எலுமிச்சை சாகுபடி பிரதானமாக உள்ளது. பொதுவாக நாள்தோறும் இந்த சந்தைக்கு சுமார் 100 டன் எலுமிச்சம் பழங்கள் விற்பனைக்காக கொண்டு வரப்படுகின்றன. மார்ச் கடைசி, ஏப்ரல், மே, ஜூன், ஜூலை முதல் வாரங்களில் எலுமிச்சம் பழத்துக்கு நல்ல  கிராக்கி இருக்கும். அப்போது கிலோ ஒன்றுக்கு ரூ.150 வரை விற்பனையாகும். இங்கு கிலோ கணக்கில் மட்டுமல்ல, எண்ணிக்கை அடிப்படையிலும் பழங்கள் விற்பனை செய்யப்படும்.
மூன்று தரம்: மூன்று வகையான தரங்களில் பழங்கள் விற்பனை செய்யப்படும். நம்பர் -1 தரம் (ஒரு பழம்) ரூ. 8 முதல் 10 வரையிலும், நம்பர்- 2 ஆவது   தரமுடைய பழம் ரூ. 3 முதல் 4 வரையிலும், நம்பர்-3 ஆவது  தரமுடைய பழம் ரூ. 2 வரையிலும் விற்கப்படும். ஆனால், சீசன் இல்லாத காலங்களில் பழங்களின் விலை கணிசமாக குறைந்துவிடும். குறிப்பாக, மழைக் காலங்களில் விலை மிகவும் குறைந்துவிடும். இருந்தாலும் அந்த விலைக்கு விற்பதைத் தவிர விவசாயிகளுக்கு வேறு வழியில்லை.
இது தொடர்பாக புளியங்குடி, புன்னையாபுரம் எலுமிச்சை சந்தை தலைவர் குழந்தைவேலு கூறியது: புளியங்குடி சந்தைக்கு நாள்தோறும் 100 டன் அளவுக்கு எலுமிச்சம் பழங்கள் கொண்டு வரப்படுகின்றன. சந்தையில் வைத்து தரம் வாரியாகப் பிரிக்கப்பட்டு பகிரங்க ஏலம் மூலம் பழங்கள் விற்கப்படுகின்றன. தமிழகத்தின் பல்வேறு பகுதிகளுக்கும் இங்கிருந்து பழங்கள் அனுப்பி வைக்கப்படுவதுடன், கேரளம் உள்ளிட்ட வெளி மாநிலங்கள், மாலத்தீவு உள்ளிட்டவற்றுக்கும் நாள்தோறும் பழங்கள் அனுப்பி வைக்கப்படுகின்றன.
கோடை காலங்களில் விவசாயிகளுக்கு நல்ல லாபம் கிடைக்கும். அதே சமயம் மழைக் காலங்களில் அவ்வளவு லாபம் இருக்காது. கேட்கும் விலைக்குத்தான் கொடுக்க வேண்டிய நிலை இருக்கும். 
புளியங்குடியில் பழம் சேமிப்புக் கிடங்கு வசதி செய்யப்பட்டால், அதில் சேமித்து வைத்து விற்பனை செய்ய முடியும். இதனால் விவசாயிகளுக்கு சரியான விலை கிடைக்கும். அதனால் அவர்களின் வாழ்வாதாரம் பெருகும். நாம் இங்கிருந்து கேரளத்துக்கு அனுப்பும் பழங்களைக் கொண்டு, அவர்கள் மதிப்புக் கூட்டுப் பொருள்களை உருவாக்கி விற்பனை செய்து அதிக லாபம் ஈட்டுகின்றனர். புளியங்குடியில் அது போன்ற மதிப்புக் கூட்டு பொருள்கள் தயாரிக்கும் தொழிற்சாலைகளை உருவாக்கினால் விவசாயிகளுக்கு அதிக லாபம் கிடைப்பதுடன், பொருள்களை சந்தைப்படுத்துவதற்கு இளைஞர்களின் தேவை அதிகரிக்கும். அந்த வகையில் புளியங்குடி வட்டார இளைஞர்களுக்கு வேலைவாய்ப்பு உருவாகும். இங்கு தொழிற்சாலை அமைந்தால், கூடுதல் பரப்பில் எலுமிச்சை சாகுபடியை விவசாயிகள் தாமாகவே முன்வந்து  மேற்கொள்வார்கள். இதனால் தரிசாக கிடக்கும் நிலங்களிலும் சாகுபடி செய்யப்படும் வாய்ப்பு ஏற்படும். இதன் காரணமாக அப்பகுதியைச் சேர்ந்த விவசாய கூலித் தொழிலாளர்களுக்கும் வேலைவாய்ப்பு கிடைக்கும் என்றார்.
நாள்தோறும் வருமானம்: எலுமிச்சை மரத்தை முறையாக பராமரித்தால், வருடம் முழுவதும் காய் பறித்து விற்பனை செய்ய முடியும். ஒரு மரத்தில் வருடத்துக்கு குறைந்தபட்சம் 1,200 முதல் 1,500 பழங்கள் வரை கிடைக்கும். 14 ஆண்டுகள் வரை மரங்கள் பலன் கொடுக்கும் எனக் கூறும் விவசாயிகளுக்கு, தினசரி வருமானம் கொடுக்கும் ஒரே பயிர் எலுமிச்சை மட்டும்தான். 
இன்னும் சொல்லப்போனால், நாளைக்கு ரூ.5,000 தேவைப்பட்டால் கவலைப்படாமல் பழங்களை பறித்து விற்று பணமாக்கலாம். வங்கியில் கிடக்கும் பணத்தை எடுப்பது போல் பழங்களைப் பறித்து பணத்தைப் பெறலாம் என்கின்றனர் விவசாயிகள்.
கூடுதல் வருமானம்: புளியங்குடி எலுமிச்சை சந்தைப் பகுதியில், எலுமிச்சையை பதப்படுத்தும் குளிர்பதனக் கிடங்கு, வெளிநாடுகளுக்கு ஏற்றுமதி செய்யும் கட்டமைப்பு வசதிகள், மதிப்புக் கூட்டு பொருள்கள் தயாரிக்கும் தொழிற்சாலைகள் அமைக்கப்பட்டால் பல ஆயிரம் பேருக்கு கூடுதல் வருமானத்தை ஈட்டித் தருவதுடன், வேலை வாய்ப்பையும் உருவாக்கும் என்கின்றனர் இப்பகுதி மக்கள்.
 

]]>
https://images.dinamani.com/uploads/user/imagelibrary/2019/8/22/w600X390/lemon.jpg https://www.dinamani.com/agriculture/2019/aug/22/நாள்தோறும்-வருமானம்-கொடுக்கும்-எலுமிச்சை-3218410.html
3218409 விவசாயம் தண்ணீர் பற்றாக்குறையைச் சமாளிக்க நேரடி நெல் விதைப்பே சிறந்தது Thursday, August 22, 2019 12:51 AM +0530
தஞ்சாவூர்:  காவிரி டெல்டா விவசாயிகள் நேரடி நெல் விதைப்பு செய்வதே சிறந்தது என மூத்த வேளாண் வல்லுநர்கள் அறிவுறுத்தியுள்ளனர்.
காவிரி டெல்டா பகுதியில் பயிர் சாகுபடி செய்வதற்கு மேட்டூர் அணை திறக்கப்பட்டுள்ளது. பயிர் சாகுபடி காலமான ஜனவரி கடைசி வரை நீர் திறந்துவிடப்பட வேண்டும். சம்பா பரப்பு முழுவதும் நாற்றுவிட்டு நடவு செய்தால்,  வடகிழக்குப் பருவத்தில் கிடைக்கும் இயல்பான மழையை நன்கு பயன்படுத்தினாலும், 230 டிஎம்சி அளவுக்கு மேட்டூர் அணையிலிருந்து நீர் தேவைப்படும்.
நடுவர் மன்ற இறுதித் தீர்ப்பு மற்றும் உச்ச நீதிமன்ற தீர்ப்பின்படி சாகுபடி காலத்தில் 167.25 டிஎம்சி நீர் கர்நாடக மாநிலத்திலிருந்து நமக்குக் கிடைக்க வேண்டும். இதுவரை சுமார் 85 டிஎம்சி தண்ணீர்தான் பெறப்பட்டுள்ளது.
தற்போது தென்மேற்குப் பருவ காலம் முடியும் தருணத்தில் உள்ளதாலும், காவிரி நீர்ப் பிடிப்பு பகுதியில் இயல்பான மழையளவை தாண்டிய நிலையில், இன்னும் 10 நாள்களுக்கு அப்பகுதியில் மிகக் குறைவான மழை பெய்யும் என வானிலை அறிக்கை மூலம் அறிய முடிகிறது. இந்நிலையில், இனிவரும் மாதங்களில் கடந்த ஆண்டைப் போல நீர்வரத்து இருந்தாலும் சுமார் 85 டிஎம்சி நீர் மட்டுமே கிடைக்க வாய்ப்புள்ளது. எனவே, நடவு முறையை மட்டும் மேற்கொண்டால் குறைந்தது 50 டிஎம்சி நீர் பற்றாக்குறை ஏற்படும். இக்குறையை தீர்க்க குறைந்தது 3 லட்சம் ஹெக்டேரில் நேரடி நெல் விதைப்பு அவசியமாகிறது.
நேரடி நெல் விதைப்பு முறை: நேரடி நெல் விதைப்பு முறையில், நாற்றங்கால் தயாரிக்கவும் நடவு வயலை தயார்படுத்தவும் குறைந்தளவு நீரே தேவைப்படும். நேரடி நெல் விதைப்பு முறை சாகுபடியில் சுமார் 40 சதவீதம் நீர்ப் பற்றாக்குறை ஏற்படுவதால், கிடைக்கவுள்ள 170 டிஎம்சி நீரை கொண்டு நிகழாண்டில் ஒரு போக சாகுபடியைக் குறைவின்றி மேற்கொள்ள முடியும்.
நேரடி நெல் விதைப்பு முறையால் நீர்த் தேவை குறைவதுடன், அதிக மகசூல் கிடைக்கிறது. நெல் பயிரில் சிம்புகள் உருவாகும். அடுக்கு கணுக்கள் மண் பகுதியில் மேலாக இருப்பதால், உடனடியாக அதிக சிம்புகள் உருவாகி அத்தனை சிம்புகளிலும் ஒரே மாதிரியான வாளிப்பான கதிர்கள் உருவாகி மகசூல் அதிகரிக்கிறது. 
மேலும், நடவு முறை சாகுபடியைவிட, பயிரின் வயது சுமார் 10 நாள்கள் குறைகிறது. நடவு செய்தால் அடுக்கு கணுக்கள் மண்ணுக்குள் சென்று விடுவதால், கிளை அடிக்கும் கணுக்கள் செயலிழந்து மேல்மட்ட கணுக்களில் கதிர் வரும். அதில் மகசூல் குறைவாக இருக்கும். 
தவிர, ஒவ்வொரு வாய்க்காலின் கடைமடைப் பகுதியில் ஆற்று நீர் சென்றடைய கால தாமதமாவதால் சாகுபடியும் தாமதமாகி, வடகிழக்குப் பருவமழை காலத்தில் இளம்பயிர் சேதமடைகிறது. ஆகஸ்ட் மற்றும் செப்டம்பர் மாதங்களில் கிடைக்கும் பருவ மழையைக் கொண்டு நேரடி நெல் விதைப்பு செய்வதால், வடகிழக்குப் பருவமழை தொடங்குவதற்குள் வளர்ச்சி நிலை அடைந்து, மழையைத் தாங்கும் தன்மை பெற்று, இழப்புக் குறைகிறது.
இதை உணர்ந்த நாகை மற்றும் திருவாரூர் மாவட்ட கடைமடை பகுதி விவசாயிகள் அனைவரும் நேரடி நெல் விதைப்பை மேற்கொண்டு வருகின்றனர். இருப்பினும், தற்போது கடைப்பிடிக்கப்படும் 1.75 லட்சம் ஹெக்டேரில் நேரடி நெல் விதைப்பு பரப்பு என்பது குறைவானதாகும். பாசன நீர்த்  தேவையைக் குறைப்பதற்கு நேரடி நெல் விதைப்பைக் குறைந்தது 3 லட்சம் ஹெக்டேர் அளவுக்கு  மேற்கொள்வது அவசியம்.
தஞ்சாவூர் மாவட்டத்தில் வெண்ணாறு பாசனப் பகுதியிலும், கல்லணைக் கால்வாய் பாசனப் பகுதியில் மதுக்கூர், பேராவூரணி, சேதுபாவாசத்திரம் ஆகிய ஒன்றியங்களில் அதிக பரப்பில் நேரடி நெல் விதைப்பு செய்ய அதிக வாய்ப்புகள் உள்ளன.
நேரடி நெல் விதைப்பு செய்ய விவசாயிகள் தயங்குவதற்கு முக்கியக் காரணம் களை பிரச்னைதான். தற்போது காவிரி படுகைப் பகுதி முழுவதும் கிடைத்துள்ள மழையைப் பயன்படுத்தி வயலை உழுது களைகள் அழிக்கப்பட வேண்டும். எனவே,  விவசாயிகள் அனைவரும் இம்மழையைப் பயன்படுத்தி உழவு மேற்கொள்ள  வேண்டும். தயார் நிலையில் உள்ள வயல்களில் செப்டம்பர் முதல் வாரத்துக்குள் விதைப்பதற்கு வசதியுள்ள விவசாயிகள் நீண்டகால ரகங்களை விதைக்கலாம். மத்திய கால ரகத்தை செப்டம்பர் மாதம் முதல் வாரம் தொடங்கி மாத இறுதி வரை விதைக்கலாம்.
வயல் புழுதி நிலையில் இல்லாமல், சேறு நிலையில் உள்ள வயல்களிலும் முளை கட்டிய விதைகளை விதைத்து  பயன் பெறலாம். நேரடி நெல் விதைப்பதற்கு ஏக்கருக்கு 10 கிலோ விதை போதுமானது.
நேரடி நெல் விதைப்பால் நீர் தேவை குறைகிறது. நடவு செய்ய தொழிலாளர்கள் மற்றும் நடவு இயந்திரம் போன்ற தேவைகள் குறைகின்றன. வடகிழக்குப் பருவமழை சேதம் தவிர்க்கப்படுகிறது. நெல் பயிரின் வயதும், சாகுபடி செலவும் குறைகிறது. எல்லாவற்றுக்கும் மேலாக அதிக மகசூல் கிடைப்பதுடன் நிகர லாபம் கூடுகிறது.
அன்றாடம் வானிலை அறிக்கையை கவனித்து அதன்படி, விதைப்புப் பணிகளை மேற்கொள்ள வேண்டும். 
எனவே,  விவசாயிகள் அதிக பரப்பில் நேரடி நெல் விதைப்பு செய்ய வேண்டும் என மூத்த வேளாண் வல்லுநர்கள் பி. வெங்கடேசன், பி. கலைவாணன், வ. பழனியப்பன் ஆகியோர் தெரிவித்துள்ளனர்.
 

]]>
https://images.dinamani.com/uploads/user/imagelibrary/2019/8/22/w600X390/agri.jpg https://www.dinamani.com/agriculture/2019/aug/22/தண்ணீர்-பற்றாக்குறையைச்-சமாளிக்க-நேரடி-நெல்-விதைப்பே-சிறந்தது-3218409.html
3213664 விவசாயம் ஆடிப்பட்டம் காய்கறிகளுக்கான விலை முன்னறிவிப்பு: தமிழ்நாடு வேளாண்மைப் பல்கலைக்கழகம் வெளியிட்டது Thursday, August 15, 2019 01:03 AM +0530
கோவை: தமிழக விவசாயிகளுக்காக ஆடிப்பட்டம் காய்கறிகளுக்கான விலை முன்னறிவிப்பை தமிழ்நாடு வேளாண்மைப் பல்கலைக்கழகம் வெளியிட்டுள்ளது.
 இதுகுறித்து வேளாண்மைப் பல்கலைக் கழகம் வெளியிட்டுள்ள செய்திக் குறிப்பில் கூறியிருப்பதாவது: தேசிய தோட்டக்கலை வாரியத்தின் முதலாவது முன்கூட்டிய அறிக்கையின்படி, 2018-19 -ஆம் ஆண்டு இந்தியாவில் தக்காளி 8.14 லட்சம் ஹெக்டேரில் சாகுபடி செய்யப்பட்டுள்ளது. இதன் மூலம் 2.02 கோடி டன்கள் உற்பத்தியாகும் என்று கணிக்கப்பட்டுள்ளது. மத்தியப் பிரதேசம், ஆந்திரம், கர்நாடகம், தெலங்கானா, ஒடிஸா, மேற்கு வங்கம் ஆகிய மாநிலங்கள் தக்காளியை அதிகமாக உற்பத்தி செய்கின்றன.
மொத்த தக்காளி உற்பத்தியில் தமிழ்நாட்டின் பங்களிப்பு 5 சதவீதத்துக்கும் குறைவுதான். தமிழ்நாட்டில் கிருஷ்ணகிரி, தருமபுரி, சேலம், திருப்பூர், தேனி, திண்டுக்கல் ஆகிய மாவட்டங்கள் தக்காளி உற்பத்தி செய்யும் முக்கியமான மாவட்டங்களாகும். தமிழ்நாட்டில் அனைத்துப் பருவங்களிலும் தக்காளி சாகுபடி செய்யப்பட்டாலும் ஆடி பருவத்தில் சாகுபடி செய்வதையே பெரும்பாலான விவசாயிகள் விரும்புகின்றனர். கர்நாடகத்தில் இருந்து தக்காளி வரத்து ஜூலை மாதம் தொடங்கியுள்ளது. இது ஆகஸ்ட் இறுதி வரை இருக்கும் என்று எதிர்பார்க்கப்படுகிறது.
கத்திரி: தேசிய தோட்டக்கலை வாரியத்தின் முதலாவது முன் கூட்டிய அறிக்கையின்படி 2018-19 -ஆம் ஆண்டில் இந்தியாவில் கத்திரி 7.35 லட்சம் ஹெக்டேர் பரப்பளவில் சாகுபடி செய்யப்பட்டு 1.29 கோடி டன்கள் உற்பத்தியாகும் என்று தெரிவிக்கப்பட்டுள்ளது. மேற்கு வங்கம், ஒடிஸா, பிகார், குஜராத், மத்தியப் பிரதேசம் ஆகிய மாநிலங்கள் கத்திரி உற்பத்தியில் முக்கியப் பங்களிக்கின்றன. தமிழ்நாட்டில் தருமபுரி, கிருஷ்ணகிரி, திண்டுக்கல், திருவண்ணாமலை, வேலூர் மாவட்டங்களில் அதிக அளவில் கத்திரி பயிரிடப்படுகிறது.  
வெண்டை: 2018-19 -ஆம் ஆண்டு இந்தியாவில் வெண்டைக்காய் 5.11 லட்சம் ஹெக்டேரில் பயிரிடப்பட்டு 62.19 லட்சம் டன்கள் உற்பத்தி செய்யப்படுகிறது. இந்தியாவில் மேற்கு வங்கம், குஜராத், பிகார், ஒடிஸா, மத்தியப்பிரதேச மாநிலங்களில் வெண்டை அதிக அளவில் உற்பத்தி செய்யப்படுகிறது. தமிழ்நாட்டில் சேலம், தேனி, தருமபுரி, திருவள்ளூர், கோவை, மதுரை மாவட்டங்களில் அதிக அளவில் வெண்டை உற்பத்தி செய்யப்படுகிறது. இந்தச் சூழலில் விவசாயிகள் விற்பனை முடிவுகளை எடுக்க ஏதுவாக, தமிழ்நாடு வேளாண்மைப் பல்கலைக்கழகத்தில், தமிழ்நாடு பாசன விவசாய மேம்பாட்டுத் திட்டத்தின் கீழ் இயங்கி வரும் வேளாண், ஊரக மேம்பாட்டு ஆய்வு மையத்தின் விலை முன்னறிவிப்புத் திட்டம், ஒட்டன்சத்திரம் சந்தையில் கடந்த 14 ஆண்டுகளாக நிலவிய தக்காளி, கத்திரி, வெண்டைக்காய் விலையை சந்தை ஆய்வுகள் மேற்கொண்டது.
இதன் அடிப்படையில், இந்த ஆண்டு அறுவடையின்போது தரமான தக்காளியின் பண்ணை விலை ரூ. 18 முதல் ரூ. 20 வரை இருக்கும் என்று எதிர்பார்க்கப்படுகிறது.
அதேபோல் நல்ல தரமான கத்திரிக்காயின் பண்ணை விலை கிலோவுக்கு ரூ.28 முதல் ரூ.31 வரை இருக்கும் என்றும் வெண்டைக்காயின் விலை ரூ.20 முதல் ரூ.22 வரை இருக்கும் எனவும் அறியப்படுகிறது. இதன் அடிப்படையில் விவசாயிகள் தங்களது விதைப்பு முடிவுகளை மேற்கொள்ளலாம்.  இது தொடர்பான மேலும் விவரங்களுக்கு தமிழ்நாடு வேளாண்மைப் பல்கலைக்கழகத்தின் உள்நாட்டு, ஏற்றுமதி சந்தைத் தகவல் மையத்தையோ, காய்கறிப் பயிர்கள் துறைத் தலைவரையோ அணுகலாம். தொடர்புக்கு 0422 - 2431405, 6611374.

]]>
https://images.dinamani.com/uploads/user/imagelibrary/2019/8/15/w600X390/brinjal.jpg https://www.dinamani.com/agriculture/2019/aug/15/ஆடிப்பட்டம்-காய்கறிகளுக்கான-விலை-முன்னறிவிப்பு-தமிழ்நாடு-வேளாண்மைப்-பல்கலைக்கழகம்-வெளியிட்டது-3213664.html
3213663 விவசாயம் விவசாய விளைபொருள்களின் தரத்தை உயர்த்தும் சூரிய கூடார உலர்த்தி Thursday, August 15, 2019 01:03 AM +0530 மதுரை:    விவசாயிகள் உற்பத்தி செய்யும் விளைபொருள்களை சூரிய கூடார உலர்த்தியைப் பயன்படுத்தி உலர்த்துவதன் மூலமாக சந்தைக்கு தரமிக்க பொருளைக் கொண்டு செல்வது சாத்தியமாகிறது.
 விவசாயிகள் சாகுபடி செய்யக் கூடிய உணவு தானியங்கள் உள்ளிட்ட விளைபொருள்களில் பிற பொருள்கள் கலப்பு இல்லாமலும், மதிப்புக் கூட்டப்பட்ட பொருள்களாகவும் விற்பனைக்கு கொண்டு செல்வது அவசியமாகிறது. 
விளைபொருள்களுக்கு உரிய விலை கிடைப்பதில்லை என்ற ஏக்கம் விவசாயிகளிடையே இருந்து வரும் நிலையில், அறுவடைக்குப் பிந்தைய தொழில்நுட்பங்களை கடைப்பிடிக்க வேண்டியது அவசியமாக இருக்கிறது.
 தேசிய அளவில் அறுவடைக்குப் பிந்தைய இழப்பு என்பது உணவு தானியங்களில் 6 சதவீதமாகவும், காய்கறிகள் மற்றும் பழங்களில் 18 சதவீதமாகவும் இருப்பதாக ஆய்வுகள் கூறுகின்றன. 
அறுவடைக்குப் பிந்தைய இழப்பைக் குறைப்பதற்கான தொழில்நுட்பங்கள் வேளாண் துறை மூலமாக பல்வேறு திட்டங்களாக விவசாயிகளுக்கு கொண்டு செல்லப்படுகிறது.  இதில் விளைபொருள்களை உலர்த்துவதற்கான சூரிய கூடார உலர்த்தி அமைக்கும் திட்டத்துக்கு தமிழக அரசு வேளாண் பொறியியல்துறை மூலமாக மானியம் வழங்குகிறது.
 இதுகுறித்து வேளாண் பொறியியல் துறையினர் கூறியது:
 பெரும்பாலும் விவசாயிகள்,  விளைபொருள்களை மண்தரையிலோ அல்லது சாலைகளிலோ காய வைக்கின்றனர். இதனால் விளைபொருள்களில் தரையையொட்டிய பகுதியின் நிறம் மங்கியும், மேல் பகுதியிலுள்ள நிறம் வேறு மாதிரியாகவும் மாறிவிடுகிறது. இதனால் மொத்த பொருள்களின் தரம் குறைகிறது. 
 காய வைக்கும்போது விளைபொருள்களுடன் கல், மண் மற்றும் தேவையற்ற பொருள்கள் கலந்துவிடுகின்றன. இதனால், சந்தையில் தரம் குறைந்த பொருளாகப் பார்க்கப்படுகிறது. இதைத் தவிர்க்க விவசாயிகள் சூரிய கூடார உலர்த்திகளைப் பயன்படுத்துவதால், விளைபொருள்களின் தரம் கூடுகிறது. சூரிய கூடார உலர்த்தியில் அதிக வெப்பம் காரணமாக குறைந்த நேரத்திலேயே உலர்ந்துவிடுகிறது. இந்த உலர்த்தியைப் பயன்படுத்தும்போது காற்று, மழை போன்றவற்றால் விளைபொருள்களுக்குப் பாதிப்பு ஏற்படுவதில்லை.
விவசாயிகள் 400 சதுர அடி முதல் 1000 சதுர அடி வரை  சூரிய கூடார உலர்த்தி அமைக்க அரசால் மானியம் வழங்கப்படுகிறது. சிறு, குறு விவசாயிகள், ஆதிதிராவிடர் சமூகத்தைச் சேர்ந்தோர், பெண்களுக்கு சூரிய கூடார உலர்த்தி அமைப்பதற்கான செலவினத்தில் 60 சதவீதம் அல்லது அதிகபட்சமாக ரூ. 3.5 லட்சம் மானியம் வழங்கப்படுகிறது. இதர விவசாயிகளுக்கு 50 சதவீத தொகை அல்லது அதிகபட்சமாக ரூ. 3 லட்சம் மானியமாக  வழங்கப்படும். சூரிய கூடார உலர்த்தி அமைக்க விரும்பும் விவசாயிகள் அதற்கான விண்ணப்பத்தை தங்களது பகுதியில் உள்ள வேளாண் பொறியியல் துறை அலுவலகத்தில் சமர்ப்பிக்கலாம். விண்ணப்பத்துடன் ஆதார் அட்டை நகல்,  பட்டா நகல், அடங்கல் மற்றும் புல வரைபட நகல் ஆகிய விவரங்களுடன் வேளாண் பொறியியல் துறை அலுவலகத்தை அணுகலாம்.
 மதுரையில்...: மதுரை மாவட்டத்தைச் சேர்ந்த விவசாயிகள் திருப்பரங்குன்றம் சாலையில் அமைந்துள்ள வேளாண் பொறியியல் துறை உதவி செயற்பொறியாளர் அலுவலகம்,  (தொலைபேசி எண் 0452-2677990), 
உசிலம்பட்டி ஒழுங்குமுறை விற்பனைகூட வளாகத்தில் உள்ள உதவி செயற்பொறியாளர் அலுவலகம் (தொலைபேசி எண் 04552-253604) ஆகிய அலுவலகங்களைத் தொடர்பு கொள்ளலாம்.
 

]]>
https://images.dinamani.com/uploads/user/imagelibrary/2019/8/15/w600X390/agri.jpg https://www.dinamani.com/agriculture/2019/aug/15/விவசாய-விளைபொருள்களின்-தரத்தை-உயர்த்தும்-சூரிய-கூடார-உலர்த்தி-3213663.html
3204156 விவசாயம் பூச்சிக் கட்டுப்பாட்டில்  தாவர மற்றும் உயிரியல் கொல்லி மருந்துகள் Thursday, August 1, 2019 01:06 AM +0530 நீடாமங்கலம்: இயற்கை வேளாண்மைக்கேற்ற பூச்சிக் கட்டுப்பாட்டில் தாவர மற்றும் உயிரியல் கொல்லி மருந்துகளைப் பயன்படுத்துவது குறித்து  திருவாரூர் மாவட்டம், நீடாமங்கலம் வேளாண்மை அறிவியல் நிலைய விஞ்ஞானிகள் ராஜா.ரமேஷ், மு. ராமசுப்பிரமணியன் ஆகியோர் அளித்துள்ள விளக்கம்: 
பூச்சிகளிலிருந்து பயிர்களைக் காக்க பெரும்பாலும் ரசாயன மருந்துகளே பயன்படுத்தப்பட்டு வருகின்றன. இதனால் தானியங்களில் எஞ்சிய நஞ்சாக தங்கி விஷத்தன்மை, தீமை செய்யும் பூச்சிகளில் எதிர்ப்புத்தன்மை, பூச்சிகளின் மறு உற்பத்தித் திறன் ஆகிய சீர்கேடுகளும், நன்மை செய்யும் உயிரினங்கள் பாதிப்பக்குள்ளானதும் ஆகும். மேலும் மண்வளம் குறைபாட்டுக்கும், மனிதர்களுக்கும், கால்நடைகளுக்கும் பல்வேறு நோய்கள் உண்டானதற்கும் ரசாயன மருந்துகளைத் தேவைக்கு அதிகமாகப் பயன்படுத்தியதும் ஒரு காரணமாகும். 
தாவர பூச்சிக்கொல்லிகளானது பூச்சிகளை விரட்டியடித்து அவைகள் பயிரை உண்ணவிடாமல் தடுக்கும் ஆற்றல் பெற்றவையாகவும். பூச்சிகளின் வளர்ச்சியைத்  தடுக்கும் தன்மைக் கொண்டவையாகவும் விளங்குகின்றன.  உயிரியல் முறை பயிர் பாதுகாப்பில் பூசணம்,  பாக்டீரியா மற்றும்  வைரஸ் ஆகிய உயிரின எதிர்க் கொல்லிகள் பயன்படுத்தப்பட்டு வருகின்றன. இவை நோய் காரணிகள், நூற்புழுக்கள் மற்றும் பூச்சிகளை சிறப்பாகக் கட்டுப்படுத்துகின்றன. எனவே, இயற்கை வேளாண்மைக்கேற்ற வகையில் பயிர்களுக்கு சேதம் உண்டாக்கும் பூச்சிகளை கட்டுப்படுத்த தாவர மற்றும் உயிரியல் கொல்லி மருந்துகளைப் பயன்படுத்துவதால் சுற்றுபுறச் சூழலுக்கு எந்த பாதிப்பும் உண்டாவதில்லை. மேலும் பூச்சிகளில் எதிர்ப்பு சக்தியும் தோன்றுவதில்லை என்பது சிறப்பான அம்சமாகும்.
பூச்சிக் கட்டுப்பாட்டில் தாவர மற்றும் உயிரியல் கொல்லிகள்: வேம்பு தாவர பூச்சிக் கொல்லிகளில் வேம்பு மிக முக்கிய மற்றும் முதன்மையான இடத்தைப் பெற்றுள்ளது. வேம்பின் இலை, விதை, எண்ணெய் மற்றும் புண்ணாக்கு அனைத்தும் பூச்சிகளைக் கட்டுப்படுத்தும் பண்பைக் கொண்டவை. வேப்பெண்ணெய் கரைசல் 3 சதவீதம், வேப்பம் பருப்புச்சாறு கரைசல் 5 சதவீதம், வேப்ப இலைச்சாறு கரைசல் மற்றும் வேப்பம் புண்ணாக்கு கரைசல் 10 சதவீதம் என்ற அளவுகளில் பயன்படுத்த வேண்டும்.
பூச்சிக் கட்டுப்பாட்டில் வேம்பின் பண்புகள்: பயிர்களின் மேல் பூச்சிகள் முட்டையிடுவதை தடுக்கும் பண்பைக் கொண்டவை. பூச்சிகள் பயிரை நெருங்கவிடாமல் விரட்டியடிக்கும் ஆற்றல் பெற்றது. பூச்சிகள் பயிரை உண்ணவிடாமல் செய்யும், அப்படியே உண்டாலும் பூச்சிகளுக்கு மாந்த நிலையை உண்டாக்கி அவற்றை பட்டினி கிடக்கச் செய்து இறக்கச் செய்துவிடும். பூச்சிகளின் முட்டைகளை அழிக்கவல்லது மற்றும் முட்டைகளிலிருந்து புழுக்கள் வெளிவருவதைத் தடுக்கும் குணங்களைப் பெற்றவை. பூச்சிகளின் வளர்ச்சியை தடுத்து ஊனத்தை உண்டாக்கும் தன்மைக் கொண்டவை. பூச்சிக்கொல்லிகளாக செயலாற்றுபவை. வேம்பில் நூற்றுக்கும் மேற்பட்ட வேதிப்பொருட்கள் இருப்பதாகக் கண்டறியப்பட்டுள்ளது. அவற்றில் அசடிராக்டின் என்ற வேதிப் பொருள் மட்டுமே அதிக ஆற்றல் கொண்டது. இதை ஆய்வகங்களில் தனித்துப் பிரித்து வணிக ரீதியாக விற்பனை செய்யப்படுகிறது. அசடிராக்டின் 0.03 சதவீத கரைசலை  நெற்பயிரில் இலைப்பேன், தண்டுத் துளைப்பான், இலைமடக்குப்புழு, புகையான் ஆகியவற்றைக் கட்டுப்படுத்த ஓர் ஏக்கருக்கு 800 மிலி என்ற அளவிலும், பருத்தியில் வெள்ளை ஈ, பச்சை காய்ப்புழுக்கள், அசுவிணி, தத்துப்பூச்சி, கொண்டைக்கடலை, துவரையில் காய்ப்புழு,  வெண்டையில்  காய்ப்புழு, வெள்ளை ஈ, தத்துப்பூச்சி,  கத்தரியில்  தண்டு மற்றும் காய்ப்புழு, முட்டைக்கோசுவில்  வைரமுதுகு அந்துப்பூச்சி, கொக்கி பூச்சி ஆகியவற்றைக் கட்டுப்படுத்த ஓர் ஏக்கருக்கு 1 முதல் 2 லிட்டர் லிட்டர் என்ற அளவில் தேவையான அளவு ஒட்டும் திரவம் கலந்து 200 லிட்டர் தண்ணீரில் கலந்து கைத்தெளிப்பான் வாயிலாக தெளிக்க வேண்டும்.
அசடிராக்டின் ஒரு சதக் கரைசலை  தக்காளியில் காய்ப்புழு, கத்தரியில்  தண்டு மற்றும் காய்ப்புழு ஆகியவற்றைக் கட்டுப்படுத்த ஒரு ஏக்கருக்கு 400  முதல் 600 மிலி என்ற அளவிலும், தேயிலையில் இலைப்பேன், சிவப்புச் சிலந்தி ஆகியவற்றைக் கட்டுப்படுத்த ஒரு ஏக்கருக்கு 160  முதல் 200 மிலி என்ற அளவிலும் தேவையான அளவு ஒட்டும் திரவம் கலந்து 200 லிட்டர் தண்ணீரில் கலந்து கைத்ததெளிப்பான் வாயிலாக தெளிக்க வேண்டும்.
அசடிராக்டின் 5 சதக் கரைசலை  நெற்பயிரில்  தண்டுத்துளைப்பான், இலைமடக்குப்புழு, புகையான், வெண்டையில்  காய்ப்புழு, வெள்ளை ஈ, தத்துப்பூச்சி,  தக்காளியில் காய்ப்புழு, வெள்ளை ஈ, தேயிலையில் கம்பளிப்பூச்சி, இலைப்பேன், சிவப்புச் சிலந்தி, இளம் சிவப்பு சிலந்தி ஆகியவற்றைக் கட்டுப்படுத்த ஓர் ஏக்கருக்கு 80 மிலி என்ற அளவில் தேவையான அளவு ஒட்டும் திரவம் கலந்து தெளிக்க வேண்டும். பேசில்லஸ் துருஞ்சியன்சிஸ்   0.5 டபிள்யூ.பி  கரைசலை  ஆமணக்கில் கொக்கிப் பூச்சியைக் கட்டுப்படுத்த 100 -150 கிராம் என்ற அளவிலும், கொண்டைக்கடலையில் காய்ப்புழுக்களைக் கட்டுப்படுத்த 800 கிராம் என்ற அளவிலும் தெளிக்க வேண்டும். பேசில்லஸ் துருஞ்சியன்சிஸ்  2.5 ஏ.எஸ் கரைசலை  கொண்டைக்கடலையில் காய்ப்புழுக்களைக் கட்டுப்படுத்த 400 முதல் 600 மிலி என்ற அளவிலும் தெளிக்க வேண்டும்.
பேசில்லஸ் துருஞ்சியன்சிஸ்   5 டபிள்யூ.பி  கரைசலை  துவரையில் காய்ப்புழுக்களைக் கட்டுப்படுத்த 500 கிராம் என்ற அளவிலும், முட்டைக்கோசுவில் வைரமுதுகு அந்துப்பூச்சியைக் கட்டுப்படுத்த 200 முதல் 400 கிராம் என்ற அளவிலும் தெளிக்க வேண்டும்.
பிவேரியா பேசியானா 1 டபிள்யூ.பி  கரைசலை  கொண்டைக்கடலையில் காய்ப்புழுக்களைக் கட்டுப்படுத்த 1.2 கிலோ என்ற அளவிலும், வெண்டையில்  காய்ப்புழுக்களைக் கட்டுப்படுத்த1.5 முதல் 2 கிலோ என்ற அளவிலும் தெளிக்க வேண்டும்.பிவேரியா பேசியானா 1.15 டபிள்யூ.பி  கரைசலை  நெற்பயிரில்  இலைமடக்குப்புழுக்களைக் கட்டுப்படுத்த 1 கிலோ என்ற அளவில் தெளிக்க வேண்டும். மெட்டாரைசியம் அனிசோபிலியே 1.15 டபிள்யூ.பி  கரைசலை  நெற்பயிரில்  புகையான், தென்னையில் காண்டாமிருக வண்டு, கரும்பில் வெள்ளை வண்டு ஆகியவற்றைக் கட்டுப்படுத்த ஓர் ஏக்கருக்கு 1 கிலோ என்ற அளவில் தெளிக்க வேண்டும். வெர்டிசிலியம் லிகேனி 1.15 டபிள்யூ.பி  கரைசலை பருத்தியில் வெள்ளை ஈ, எலுமிச்சையில் மாவுப்பூச்சி ஆகியவற்றைக் கட்டுப்படுத்த ஓர் ஏக்கருக்கு 1 கிலோ என்ற அளவில் தெளிக்க வேண்டும்.
என்பிவி வைரஸ் 0.43 ஏ.எஸ் கரைசலை  வெண்டை மற்றும் தக்காளியில் காய்ப்புழுக்களைக் கட்டுப்படுத்த 600 மிலி என்ற அளவில் தெளிக்க வேண்டும். என்பிவி வைரஸ் 2.0 ஏ.எஸ் கரைசலை  கொண்டைக்கடலை,  துவரை மற்றும் தக்காளியில் காய்ப்புழுக்களைக் கட்டுப்படுத்த 100 முதல் 250 மிலி என்ற அளவில் தெளிக்க வேண்டும்.  உயிரியல் கொல்லி மருந்துகளை மற்ற பூசணக் கொல்லிகள் மற்றும் பூச்சிக் கொல்லி மருந்துகளுடன் கலந்து பயன்படுத்துதல் கூடாது.

]]>
https://images.dinamani.com/uploads/user/imagelibrary/2019/8/1/w600X390/plant1.jpg https://www.dinamani.com/agriculture/2019/aug/01/பூச்சிக்-கட்டுப்பாட்டில்--தாவர-மற்றும்-உயிரியல்-கொல்லி-மருந்துகள்-3204156.html
3204155 விவசாயம் நெற்பயிரில் அதிக மகசூல் பெற... Thursday, August 1, 2019 01:05 AM +0530 அரியலூர்: நெற்பயிரில் அதிக மகசூல் பெற துத்தநாக நுண்ணூட்டச் சத்து இட வேண்டும் என்று பேராசிரியர்கள் தெரிவித்துள்ளனர்.
இதுகுறித்து சோழமாதேவி கிரீடு வேளாண் அறிவியல் நிலையப் பேராசிரியர்கள் ராஜா ரமேஷ், ராம சுப்பிரமணியன் ஆகியோர் வெளியிட்ட செய்தி குறிப்பு: நெற்பயிரில் அதிக விளைச்சல் பெற ரசாயன உரங்கள் மட்டுமே பெரும்பாலான விவசாயிகளால் அளிக்கப்படுகிறது. மேலும் ரசாயன உரங்களில் பேரூட்டச் சத்துகளான தழைச்சத்து, மணிச்சத்து, சாம்பல் சத்துகள் மட்டுமே பயன்படுத்தப்படுகின்றன. 
ஆனால் நுண்ணூட்டச் சத்துகளை அதிலும் குறிப்பாக துத்தநாக சத்தை (சிங் சல்பேட்) பெரும்பாலான விவசாயிகள் அளிப்பதில்லை.நெற்பயிர் விளைச்சலில் துத்தநாகச் சத்தின் பங்கு மிகவும் இன்றியமையாததாகும். நெற்பயிரில் பச்சையம் உருவாவது தொடங்கி பல்வேறு உயிர்வேதி வினைகளில் துத்தநாகம் உதவிபுரிகிறது. துத்தநாகம் அளிக்க இயலாத சூழ்நிலையானது விளைச்சலில் பெருமளவு பாதிப்பை ஏற்படுத்தும்.
துத்தநாக சத்தின் குறைபாடு காணப்படுவதற்கான காரணிகள்: அதிக கார அமில மண்ணில் (பிஎச் 7-க்கு மேல்), தொடர்ந்து வயலில் நீர் தேக்கி வைப்பது, பாசன நீரில் அதிக அளவு பைகார்பனேட் உப்பின் அளவு இருத்தல், அதிகளவு மணிச்சத்து உரங்களை வயலில் இடுதல், தழைச்சத்து உரமாக தொடர்ந்து யூரியா பயன்படுத்தப்படுவது, தொடர்ந்து நெற்பயிரையே சாகுபடி செய்வதால் மண்ணிலுள்ள துத்தநாகச் சத்தை பயிர்கள் எடுத்துக் கொள்வதால் உண்டாகும் பற்றாக்குறை, மேலும் களர் நிலங்கள், மணிச்சத்து அதிகமாக உள்ள நிலங்கள், சுண்ணாம்புச்சத்து அதிகமாக உள்ள மண் ஆகிய நிலங்களில் துத்தநாகச் சத்தானது பயிர்களுக்கு கிடைப்பதில்லை.
பயிர்களில் துத்தநாகச் சத்தின் செயல்பாடுகள்: துத்தநாகம் பயிர்களின் செல்களிலுள்ள பல்வேறு நொதிகளிலும், உயிரணுக்களில் உள்ள ரைபோ நியூக்கிளிக் அமிலத் தயாரிப்பிலும் பங்கு பெறுகிறது. செல்களில் உள்ள சைட்டோபிளாசத்தின் ரைபோசு என்ற சர்க்கரைப் பொரு ளின் அளவை கட்டுப்படுத்தத் தேவைப்படுகிறது. பயிர்களில் நடைபெறும் பல்வேறு வளர்சிதை மாற்றங்களுக்கும் துத்தநாகம் தேவைப்படுகிறது.
துத்தநாகச் சத்துப் பற்றாக்குறையால் உண்டாகும் அறிகுறிகள்: நெற்பயிரில் துத்தநாகக் குறைபாடானது நடவு வயலில் நான்கு வாரத்திற்குள் காணப்படும். இளம் இலைகளின் நடுநரம்பு அடிப்புறத்திலிருந்து வெளுத்துக் காணப்படும். மேல்புறம் மற்றும் நடுப்பகுதி இலைகளில் பழுப்பு நிறப்புள்ளிகள் தோன்றும். இப்புள்ளிகள் ஒன்று சேர்ந்து இலை முழுதும் பழுப்படைந்து காய்ந்து விடும். பயிர்கள் சீராக வளராமல் திட்டு திட்டாக வளர்ச்சி குன்றிக் காணப்படும். 
துத்தநாகப் பற்றாக்குறையை நிவர்த்தி செய்யும் வழிமுறைகள்: வயலில் தொடர்ந்து தண்ணீர் தேங்கியிருப்பது நெற்பயிரில் துத்தநாகப் பற்றாக்குறை ஏற்படுவதற்கான ஒரு முக்கியக் காரணமாகும். 
எனவே, காய்ச்சலும், பாய்ச்சலுமாக தண்ணீர் பாய்ச்ச வேண்டும். வயலில் எப்போதும் தண்ணீர் தேங்காவண்ணமும் போதுமான ஈரப்பதம் மட்டும் இருக்குமாறும் பார்த்துக் கொள்ள வேண்டும்.மேலும்  ஏக்கருக்கு அடியுரமாக 10 கிலோ துத்தநாக சல்பேட் நுண்ணூட்ட உரம் இடுதல் வேண்டும். பசுந்தாள் உரங்கள் மற்றும் அங்கக உரங்களை அதிகளவில் வயலுக்கு இட வேண்டும். நெற்பயிரையே தொடர்ந்து சாகுபடி செய்யாமல் பயறுவகைப் பயிர்கள், எண்ணெய்வித்துப் பயிர்கள் போன்ற மாற்றுப் பயிர்களையும் சாகுபடி செய்ய வேண்டும்.

]]>
https://images.dinamani.com/uploads/user/imagelibrary/2019/8/1/w600X390/nel.jpg https://www.dinamani.com/agriculture/2019/aug/01/நெற்பயிரில்-அதிக-மகசூல்-பெற-3204155.html
3199246 விவசாயம் ஒரு முறை முதலீட்டுக்கு 20 ஆண்டுகள் பலன் தரும் செங்காம்பு கருவேப்பிலை சாகுபடி Thursday, July 25, 2019 12:52 AM +0530
திருவள்ளூர்: ஒரு முறை முதலீடு செய்தால் 20 ஆண்டுகள் பலன் தரக்கூடியதாகவும், நாள்தோறும் வருவாய் ஈட்டித் தரும் பயிராகவும் உள்ளதால் 20 ஏக்கரில் சொட்டு நீர்ப்பாசன முறையில் மூலிகையான செங்காம்பு கருவேப்பிலையை விவசாயி ஒருவர் ஆர்வத்துடன் சாகுபடி செய்து வருகிறார்.
பொதுவாக காய்கறிகளுக்கு அடுத்தபடியாக அதிக அளவில் சமையலில் முக்கியம் இடம் பெறுவது மணம் மிக்க கறிவேப்பிலை ஆகும். தமிழகத்தில் பல்வேறு பகுதிகளில் இருந்து கருவேப்பிலை கொண்டு வரப்பட்டு விற்பனை செய்யப்படுகிறது. அதனால் உள்ளூர் பகுதியிலேயே விளைவிப்பதற்கு விவசாயிகளிடையே ஆர்வம் ஏற்பட்டுள்ளது. அத்துடன் நாள்தோறும் பயன்படுத்தும் கருவேப்பிலைக்கு நன்றாக சந்தை வாய்ப்பும் உள்ளது. இதையறிந்து, திருவள்ளூர் பகுதியில் உள்ள விளைநிலங்களில் சிறு அளவில் கருவேப்பிலையை சாகுபடி செய்து வந்தனர். ஆனால், தற்போது சமையலுக்கான தேவையும் பொதுமக்களிடையே அதிகரித்த காரணத்தால் விவசாயிகளின் விருப்பப் பயிராக மாறி, பல ஏக்கர்களில் வளர்ந்து கருவேப்பிலை மணம் வீசி வருகிறது.
அனைத்து வகை நிலங்களிலும்... 
 அதற்கு காரணம் பயிரிட்டதில் இருந்து நன்றாக வளர்ந்த 3-ஆம் மாதம் முதலே ஒவ்வொரு பகுதியாக குறிப்பிட்ட அளவு அறுவடை செய்யலாம். இதன் மூலம் அறுவடை செய்த நாளிலேயே விற்பனை செய்யவும் முடியும்.  கருவேப்பிலை பயிரிட்ட விவசாயிகளுக்கு நாள்தோறும் வருவாய் ஈட்டித் தரும் பயிராக அது உள்ளது. பொதுவாக தண்ணீர் வசதியுள்ள அனைத்து இடங்களுமே செங்காம்பு, பச்சை என இரு ரக கருவேப்பிலைகளையும் சாகுபடி செய்வதற்குத் தகுதியான நிலங்கள்தான். இந்த வகை செடிகள் அனைத்து வகை விளைநிலங்கள் மற்றும் மண்ணிலும் நன்றாக வளரும் தன்மையுடையவை. செம்மண் நிலத்தில் மிகச் சிறப்பாக வளர்ந்து அதிக அளவில் சாகுபடி தரும்.  
நடவு முறை: நாள்தோறும் வருவாய் ஈட்டித் தரும் பயிராக கருவேப்பிலை உள்ளதால் விவசாயிகள் விரும்பிப் பயிரிடுகின்றனர். பெரிய செடிகளாக வளர்க்க 2.5 மீட்டர் இடைவெளியில் நடவு செய்ய வேண்டும். குத்துச் செடிகளாக வளர்க்க 1.2 மீ. இடைவெளி இருப்பது அவசியம். அதிகமான மகசூல் பெற 60 செ.மீ. இடைவெளியில் நடவு செய்தால் நன்றாக இருக்கும். நடவு செய்வதற்கு முன்னதாக அடி உரம் 1 அடி ஆழத்தில் சதுர குழியைத் தோண்டி நாற்றுகளைச் சுற்றி மக்கிய தொழு உரம் இட வேண்டும். 
பின்னர் உரத்தை மண்ணுடன் சேர்த்து கிளறி விட வேண்டும். இதேபோல் ஒரு ஏக்கரில் பயிரிடுவதற்கு நடவு, பாத்தி கட்டுதல், இடுபொருள்கள் ஆகியவற்றுக்கு ரூ.12 ஆயிரம் முதல் ரூ.15 ஆயிரம் வரை செலவு ஆகும். கருவேப்பிலை நடப்பட்டவுடன் ஒரு முறையும், வாரம் ஒருமுறையும் கட்டாயம் நீர் பாய்ச்ச வேண்டும். அதிலும் சொட்டு நீர்ப்பாசனம் மூலம் நீர் பாய்ச்சினால் சாகுபடி அதிகம் செய்யலாம். இப்பயிர் வளர்ந்த நிலையில் கிளைகள் அதிகமாக இருந்தால் 60 நாள்களுக்கு ஒரு முறை அறுவடை செய்ய முடியும். அறுவடை செய்யும்போது பூமியிலிருந்து 10 செ.மீ. உயரம் விட்டு அறுவடை செய்ய வேண்டும்.
ஒரு முறை முதலீடு 20 ஆண்டுகள் பலன்
 கருவேப்பிலைச் செடி பல்வேறு மருத்துவ குணங்களைக் கொண்டதாகும். வளரும் வரை நன்றாகப் பராமரித்தால் போதுமானது. அதைத் தொடர்ந்து ஒவ்வொரு முறையும் அறுவடை செய்த பின்னர், களையைக் கொத்தி விடுதல் அவசியம். விலை குறைவாக இருக்கும் நேரத்தில் குறைந்த அளவில் அறுவடை செய்து விற்பனை செய்யலாம். 
கருவேப்பிலைப் பயிருக்கு ஒரு முறை முதலீடு செய்தால் மட்டும் போதுமானது. அதைத் தொடர்ந்து நன்றாகப் பராமரிப்பதன் மூலம் 20 ஆண்டுகள் வரை பலன்பெற முடியும். ஒரு ஏக்கரில் பயிரிட்டால், ஆண்டுக்கு 2 தடவை தலா 6 டன் வரை அறுவடை செய்யலாம். தற்போது, ஒரு கிலோ ரூ.30 முதல் ரூ.35 வரை விற்பனையாகிறது. 
ஒவ்வொரு பகுதியாக நன்கு வளர, வளர அறுவடை செய்வதன் மூலம், அவ்வப்போது விலை உயர்வுக்கு ஏற்ப நாள்தோறும் குறிப்பிட்ட அளவு வருவாய் கிடைக்கும். தற்போது திருவள்ளூர் பகுதியில் கருவேப்பிலை பயிரிடுவது விருப்பமான தொழிலாக மாறி வருவதாக விவசாயிகள் தெரிவிக்கின்றனர்.            
3 மாதம் முதல் அறுவடை
திருவள்ளூர் அருகே கொரக்கதண்டலம் கிராமத்தைச் சேர்ந்த விவசாயி  கிஷோர் கூறியது:
கொரக்கதண்டலம் கிராமத்தில் கடந்த 80 ஆண்டுகளுக்கும் மேலாக விவசாயம் செய்யாத வெற்று நிலங்களில், முள்புதர் மண்டிப் போய் கிடந்தது. அதனால், ஒருங்கிணைந்த பண்ணையம் அமைப்பதற்காக வாங்கி விவசாயம் செய்யும் இடமாக மாற்றியுள்ளேன். கடந்த ஓராண்டாக மருத்துவ குணம் கொண்ட செங்காம்பு கருவேப்பிலைக்கு பொதுமக்களிடையே நல்ல வரவேற்பு உள்ளது என்பதை அறிந்தேன். இதற்காக சிறுமுகை பகுதியில் இருந்து, செங்காம்பு கொழுந்து ரக கருவேப்பிலை நாற்றுகளை வாங்கி வந்து 20 ஏக்கரில் சாகுபடி செய்துள்ளோம். இதற்காக ஆழ்துளைக் கிணறு அமைத்து தண்ணீரைத் தொட்டியில் தேக்கி வைத்துப் பாய்ச்சும் வகையில் சொட்டு நீர்ப் பாசனம் அமைக்கப்பட்டுள்ளது.
இதன் ஒவ்வொரு செடிக்கும் தேவையான உரம் மற்றும் நீர் ஆகியவை கிடைப்பதால் வளர்ச்சியும் நன்றாக இருக்கும். ஏற்கெனவே அடி உரமாக தொழு உரம் இடுவதால் இந்த ரகச் செடியை நோய் எதுவும் தாக்காது. இப்பயிர் செய்த 3 மாதங்களில் இருந்து அறுவடை செய்யலாம். 
மேலும், இளநரை மற்றும் சர்க்கரை நோய் ஆகியவற்றைக் கட்டுப்படுத்தும் மருத்துவ குணம் கொண்டதால் செங்காம்பு கருவேப்பிலைக்கு பொதுமக்களிடையே அதிக வரவேற்பு உள்ளது. 
வெளிநாடுகளில் செங்காம்பு ரக கருவேப்பிலைச் செடி கிடைக்காது. அதனால், மகசூல் அதிகரிக்கும்போது வெளிநாடுகளுக்கு அனுப்பி வைக்கும் திட்டமும் உள்ளது என்றார் அவர்.
விவசாயிகளுக்கு மானியம்
தோட்டக் கலைத்துறை அலுவலர் பாபு கூறுகையில், கருவேப்பிலையைத் தாக்கும் நோய் இலைப்புள்ளி நோயாகும். இதைக் கட்டுப்படுத்தி கருவேப்பிலைச் செடியை பாதுகாக்க கார்பன்டைசிம் என்ற பூச்சிக்கொல்லி மருந்தை ஒரு லிட்டர் தண்ணீரில் ஒரு கிராம் அளவு கலந்து செடிகள் முழுவதும் நனையும் வரை தெளித்தால் போதும்; இலைப்புள்ளி நோய் மறைந்து விடும். 
மேலும், தற்போது நிலத்தடி நீர்மட்டம் குறைந்து கொண்டு வருகிறது. இதனால் விளைநிலங்களில் பயிருக்கு நீர் பாய்ச்ச முடியாத நிலை உள்ளது. இதைக் கருத்தில் கொண்டு குறைந்த அளவு
நீரிலும், அதிக பரப்பளவிலும் சாகுபடி செய்யும் வகையில் சொட்டு நீர்ப் பாசனக் கருவிகள் விவசாயிகளுக்கு மானியத்தில் வழங்கப்படுகின்றன. சிறு குறு விவசாயிகளுக்கு 90 சதவீத மானியத்திலும், மற்ற விவசாயிகளுக்கு 75 சதவீத மானியத்திலும் வழங்கப்படுகின்றன என்றார்.

]]>
https://images.dinamani.com/uploads/user/imagelibrary/2019/7/25/w600X390/plant.jpg https://www.dinamani.com/agriculture/2019/jul/25/ஒரு-முறை-முதலீட்டுக்கு-20-ஆண்டுகள்-பலன்-தரும்-செங்காம்பு-கருவேப்பிலை-சாகுபடி-3199246.html
3199245 விவசாயம் மானாவாரி பயிர்களுக்கு நுண்ணுயிர் உர விதை நேர்த்தி Thursday, July 25, 2019 12:52 AM +0530
தருமபுரி:  மானாவாரி பயிர்களுக்கு நுண்ணுயிர் உர விதை நேர்த்தி குறித்து தருமபுரி மாவட்டம்,  பாப்பாரப்பட்டி வேளாண் அறிவியல் நிலையப் பேராசிரியர்கள் ம.சங்கீதா,  பா.ச.சண்முகம் ஆகியோர் தெரிவித்துள்ளனர்.   
    நுண்ணுயிர் உரங்கள் என்பவை இயற்கையாகவே பயிரின் வேர்ப்பகுதியைச் சுற்றி வேர்சூழ் மண்டலத்தில் வாழ்ந்து கொண்டிருக்கும் நுண்ணுயிர்கள் ஆகும்.  இவை, பாக்டீரியாக்கள் மற்றும் பூஞ்சாணங்கள் வகையைச் சார்ந்தவை. இவற்றை நாம் வெறும் கண்களால் காண இயலாது.  இவை காற்று மற்றும் மண்ணிலுள்ள பயிர்களுக்கு கிடைக்காத நிலையிலிருக்கும் தழை,  மணி மற்றும் சாம்பல் சத்துகளை பயிர்கள் எடுத்துக் கொள்ளும் வடிவத்தில் மாற்றிக் கொடுக்கின்றன. இந்த நுண்ணுயிர்கள் பயிரின் வேர்சூழ் மண்டலத்திலிருந்து பிரித்தெடுக்கப்பட்டு,  ஆய்வகத்தில் வளர் ஊடகத்தில் வளர்க்கப்பட்டு,  அங்ககப் பொருள் நிறைந்த கரித்துகள் மற்றும் மண்ணுடன் கலந்து வணிக ரீதியாக உற்பத்தி செய்யப்பட்டு, பயிர் சாகுபடியில் பயன்படுத்தப்படுகிறது.
பொதுவாக, அசோஸ்பைரில்லம்,  ரைசோபியம்,  அசட்டோபேக்டர்,  குளுக்கான் அசிட்டோபாக்டர்,  நீலப் பச்சைப் பாசி மற்றும் அசோலா ஆகியவை தழைச்சத்தை நிலைநிறுத்தப் பயன்படும் நுண்ணுயிர் உரங்கள் ஆகும்.  பாஸ்போபாக்டீரியா மற்றும் வேர் உள்பூசணம் ஆகியவை மணிச்சத்தைக் கரைத்து பயிருக்கு அளிக்கும் நுண்ணுயிர் உரங்கள் ஆகும். தானியப் பயிர்களான நெல்,  மக்காச்சோளம்,  சோளம்,  கம்பு,  ராகி, சாமை, தினை மற்றும் வரகு ஆகியவற்றை விதைப்பு செய்யும்போது பரிந்துரைக்கப்பட்ட அளவு அதாவது 200 கிராம் அசோஸ்பைரில்லம் மற்றும் 200 கிராம் பாஸ்போபாக்டீரியா நுண்ணுயிர் உரங்களை 500  மி.லி. ஆறிய அரிசிக் கஞ்சியுடன் கலந்து கலவை தயார் செய்து அதில் ஓர் ஏக்கருக்குத் தேவையான விதையைக் கலந்து, நிழலில் உலர்த்தி பின்பு விதைப்பு செய்ய வேண்டும்.  பயறு வகைப் பயிர்களான துவரை,  உளுந்து,  பாசிப்பயறு, காராமணி மற்றும் அவரை ஆகியவற்றை விதைப்பு செய்யும்போது 200 கிராம் ரைசோபியம் மற்றும் 200 கிராம் பாஸ்போபாக்டீரியா நுண்ணுயிர் உரங்களுடன்  விதை நேர்த்தி செய்து விதைக்க வேண்டும்.  
நுண்ணுயிர் உர விதை நேர்த்தி செய்வதன் பயன்கள்: அசோஸ்பைரில்லம் காற்றில் இருக்கும் தழைச்சத்தை நிலை நிறுத்துவதோடு,  பயிர் வளர்ச்சிக்குத் தேவைப்படும் வளர்ச்சி ஊக்கிகளை உற்பத்தி செய்து, பயிர்களின் வளர்ச்சியை ஊக்குவிக்கிறது.  ரைசோபியம் பயிர்களில் வேர் முடிச்சுகளை உண்டாக்கி, அதன் மூலம் காற்றில் இருக்கும் தழைச்சத்தை நிலைநிறுத்தி பயிர்களுக்கு அளிக்கின்றது.  பாஸ்போபாக்டீரியாவுடன் விதைநேர்த்தி செய்வதால்,  நுண்ணுயிர்கள் தன் செல்களில் இருந்து சுரக்கும் அங்கக அமிலங்கள் மூலமாக மண்ணில் கரையாமல் இருக்கும் மணிச்சத்தைக் கரைத்து பயிர்கள் எடுத்துக்கொள்ளும் நிலைக்கு மாற்றிக் கொடுக்கின்றன.  விதைகளின் முளைப்புத் திறன் அதிகரிக்கப்படுகிறது.  மேலும்,  நாற்றுகளின் வேர் மற்றும் பயிர் வளர்ச்சி அதிகரிக்கப்படுகிறது.  பயிர்களில் வறட்சி தாங்கும் தன்மை மற்றும் நோய் எதிர்ப்புத் தன்மை ஆகியவை மேம்படுத்தப்படுகின்றன.  நுண்ணுயிர்களினால் மண்ணில் அங்ககப் பொருள்களின் அளவு அதிகரிக்கப்பட்டு, மண்வளம் மேம்படுத்தப்படுகிறது.  நுண்ணுயிர் உரங்கள் ரசாயன உரங்களைப் போல் இல்லாமல்,  பயிர்களுக்கு இடப்பட்டதும் மண்ணில் இனப்பெருக்கம் அடைந்து அதன் மூலம் தொடர்ந்து பயிர்களுக்கு சத்துகளை உற்பத்தி செய்து கொடுக்கின்றன.  பயிர்களின் மகசூல் 15 சதவீதம் வரை அதிகரிக்கிறது. நுண்ணுயிர் உரங்களை உபயோகிப்பதால் மண் வளம் மேம்படுத்தப்படுவது மட்டுமல்லாமல்,  சுற்றுப்புறச் சூழலும் பாதுகாக்கப்படுகிறது. எனவே,  விவசாயிகள் விதைகளை மானாவாரியில் விதைப்பு செய்யும்போது நுண்ணுயிர் உரங்களுடன் விதைநேர்த்தி செய்து விதைப்பதன் மூலம் பயிர் எண்ணிக்கை மற்றும் வளர்ச்சி அதிகரிக்கப்பட்டு, அதிக மகசூல் பெறலாம் என்றனர்.
 

]]>
https://images.dinamani.com/uploads/user/imagelibrary/2019/7/25/w600X390/land.jpg https://www.dinamani.com/agriculture/2019/jul/25/மானாவாரி-பயிர்களுக்கு-நுண்ணுயிர்-உர-விதை-நேர்த்தி-3199245.html
3194561 விவசாயம் கறவை மாடுகளுக்கு மூலிகை மருத்துவம் Thursday, July 18, 2019 01:03 AM +0530
அரக்கோணம்: மூலிகை மருத்துவத்தின் மூலம் கறவை மாடுகளுக்கு ஏற்படும் மடிவீக்க நோய், வயிறுஉப்புசம், கழிச்சல் நோய்களை சரிப்படுத்தலாம் என தஞ்சை மாவட்டம் ஒரத்தநாட்டில் உள்ள தஞ்சாவூர் கால்நடை மருத்துவப் பல்கலைக்கழக பயிற்சி, ஆராய்ச்சி மைய பேராசிரியர்களும், மரபுசார் மூலிகை வழி கால்நடை மருத்துவப் பயிற்சி ஆய்வகப் பேராசிரியர்களும் அரக்கோணம் வந்தபோது தெரிவித்தனர்.

மடிவீக்க நோய்: கறவை மாடுகளில் மடிவீக்க நோய் பெரும்பாலும் நுண்கிருமித் தொற்று மூலமாகவே ஏற்படுகிறது. மாட்டின் மடியானது வீக்கமாகவும், கடினத் தன்மையுடனும் வெப்பம் அதிகரித்தும் காணப்படும். பாதிக்கப்பட்ட கால்நடைகளில் பால் திரிந்து வெள்ளையாகவோ, மஞ்சள் அல்லது ரத்தம் கலந்தோ காணப்படும். 

இதை குணப்படுத்த மடியினை நன்கு கழுவி சுகாதாரமாக வைத்துக் கொள்ள வேண்டும். ஒரு மாட்டுக்குத் தேவைப்படும் மூலிகை, மருத்துவப் பொருள்களாக 250 கிராம் சோற்றுக் கற்றாழை, 50 கிராம் மஞ்சள் பொடி, 15 கிராம் அதாவது ஒரு கொட்டைப் பாக்கு அளவு சுண்ணாம்பு ஆகியவை தேவைப்படும். மேற்கண்ட பொருள்கள் மூன்றையும் ஆட்டுக்கல் உரலில் இட்டு நன்றாக கெட்டியாக அரைத்து பின் ஒரு கை அளவு நீர் விட்டுக் கரைத்து, நீர்த்த நிலையில் கால்நடையின் மடிப்பகுதி முழுவதும் நன்றாகத் தடவ வேண்டும். நாள் ஒன்றுக்கு 10 முறை மடிவீக்கம் குறையும் வரை குறைந்தது 5 நாள்களுக்குப் பூச வேண்டும். தினமும் புதிதாக மருந்து தயாரித்துக் கொள்ள வேண்டும்.  

வயிறு உப்புசம்: கால்நடைகளில் உப்புசம் அல்லது நுரையோடு கூடிய வயிறு உப்புசம் தீவன மாறுபாடுகளால் ஏற்படுகிறது. இது மிக அதிகமான, எளிதில் செரிக்கக்கூடிய தானிய வகை உணவு, ஈரமான பசுந்தீவனங்களை அவை உண்பதால் ஏற்படுகிறது. இதைத் தவிர்க்க ஒரு மாட்டுக்கு 10 வெற்றிலைகள், 5 பல் பூண்டு, 10 பிரண்டை, 10 மிளகு, 5 பல் வெங்காயம், சின்ன ஜீரகம் 5 கிராம், இஞ்சி 100 கிராம், மஞ்சள்தூள் 100 கிராம் ஆகியவற்றை எடுத்துக் கொள்ள வேண்டும். 

இவற்றை வாய்வழியாக மாடுகளுக்கு அளிக்க வேண்டும். சின்ன ஜீரகம், மிளகை இடித்து பின்பு மற்ற பொருள்களோடு அரைத்து அக்கலவையை 100 கிராம் பனை வெல்லத்துடன் கலந்த பின் சிறுசிறு உருண்டைகளாகப் பிரித்து, கல் உப்பு தொட்டு மாட்டினுடைய நாக்கின் மேல் அழுத்தமாக தடவி ஒரே வேளையில் அனைத்து உருண்டைகளையும் உள்ளே செலுத்த வேண்டும். 

கழிச்சல்: நீர்த்த துர்நாற்றமுடைய கழிச்சல் மாடுகளுக்கு காணப்படும். வால், பின்னங்கால்களில் சாணக்கறை படிந்து காணப்படும். உடலிலுள்ள நீர்ச்சத்துக்கள், தாது உப்புகள் அதிகமாக வெளியேறி கன்றுகளும், மாடுகளும் சோர்ந்து காணப்படும்.இதை சரிப்படுத்த ஒரு மாட்டுக்கு அல்லது மூன்று கன்றுகளுக்கு சின்னஜீரகம் 10 கிராம், கசகசா 10 கிராம், வெந்தயம் 10 கிராம், 5 மிளகு, மஞ்சள் 5 கிராம், பெருங்காயம் 5 கிராம் ஆகியவற்றை நன்றாக கருகும் வரை வறுத்து அடுத்து நீர் தெளித்து இடித்து வைத்துக்கொள்ள வேண்டும். 

மேலும் 2 பல் வெங்காயம், 2 பல் பூண்டு, 10 இலை கருவேப்பிலை, பனை வெல்லம் 100 கிராம் ஆகியவற்றை நன்றாக அரைத்து தனியாக வைத்துக் கொள்ள வேண்டும். இந்த இரு கலவைகளையும் கலந்து சிறு சிறு உருண்டைகளாக்கி 100 கிராம் கல் உப்பில் தோய்த்து எடுத்து மாட்டின் நாவின் சொரசொரப்பான மேல்பகுதியில் தேய்த்தபடி ஒரே வேளையில் உள்ளே செலுத்த வேண்டும் என்று சிகிச்சை முறைகளை பேராசிரியர்கள் தெரிவித்துள்ளனர்.

அவர்கள் அவ்வப்போது தமிழ்நாட்டின் பல்வேறு பகுதிகளில் கால்நடை அறிவியல் பல்கலைக்கழகத்தால் நடத்தப்படும் சிறப்புக் கால்நடை முகாம்களில் முதல் உதவி மூலிகை மருத்துவம் குறித்து, கால்நடைகளை வளர்க்கும் விவசாயிகளுக்கு தொடர்ந்து விளக்கம் அளித்து வருகின்றனர்.

]]>
https://images.dinamani.com/uploads/user/imagelibrary/2019/7/18/w600X390/cow-calf.jpg https://www.dinamani.com/agriculture/2019/jul/18/கறவை-மாடுகளுக்கு-மூலிகை-மருத்துவம்-3194561.html
3194560 விவசாயம் மரவள்ளியில்: நுண்ணூட்டச் சத்து பற்றாக்குறையை நிவர்த்தி செய்யும் வழிமுறைகள் Thursday, July 18, 2019 01:01 AM +0530
தருமபுரி: மரவள்ளியில் நுண்ணூட்டச் சத்து பற்றாக்குறையால், மகசூல் பாதிப்பு ஏற்பட்டு, விவசாயிகளுக்கு வருவாய் இழப்பு உண்டாகிறது. இதனை தவிர்க்க,  மரவள்ளிப் பயிர்களில் நுண்ணூட்டச் சத்துப் பற்றாக்குறை அறிகுறிகள்,  அவற்றை நிவர்த்தி செய்ய மேற்கொள்ள வேண்டிய வழிமுறைகள் குறித்து தருமபுரி மாவட்டம்,  பாப்பாரப்பட்டி வேளாண் அறிவியல் நிலைய ஒருங்கிணைப்பாளர் பா.ச.சண்முகம்,  பேராசிரியர் ம.அ.வெண்ணிலா ஆகியோர் கூறியது:

தருமபுரி மாவட்டத்தில் தற்போது, சாகுபடி செய்யப்பட்டுள்ள மரவள்ளிப் பயிரில் பரவலாக நுண்ணூட்டச் சத்துக் குறைபாடுகள் காணப்படுகின்றன. குறிப்பாக, இரும்பு மற்றும் துத்தநாகச் சத்துகளின் குறைபாட்டின் அறிகுறிகள் தென்படுகின்றன. இந்தச் சத்துகளின் பற்றாக்குறையானது களர் நிலங்களில் அதாவது மண்ணின் அமில, கார நிலை 8.0-க்கு அதிகமாக உள்ள நிலங்கள், மணல்பாங்கான மற்றும் சுண்ணாம்புச் சத்து அதிகமாக உள்ள நிலங்களில் அதிகளவில் தோன்றும். இவ் வகை நிலங்களில் இரும்பு மற்றும் துத்தநாகம் ஆகியவை நீரில் எளிதில் கரையாத ஹைட்ராக்ûஸடுகள் மற்றும் டிரைபாஸ்பேட் உப்புகளாக மாற்றமடைந்து, மண்ணில் நிலைப்படுத்தப்படுகின்றன. இந்த உப்புகளை பயிர்களால் எளிதில் எடுத்துக் கொள்ள இயலாது.  எனவே,  பயிர்களில் சத்துப் பற்றாக்குறை அறிகுறிகள் ஏற்படுகின்றன. மேலும்,  வறட்சி மற்றும் நீர்ப் பற்றாக்குறை ஏற்படும் போதும், அதிகளவு மணிச்சத்து மற்றும் சுண்ணாம்பு இடுவதாலும்,  இந்த நுண்ணூட்டச் சத்துகளின் குறைபாடு அதிகமாக இருக்கும்.

அறிகுறிகள் 

இரும்புச் சத்துப் பற்றாக்குறையினால் இளம் இலைகள் பச்சையம் இழந்து காணப்படும்.  குறைபாட்டின் ஆரம்ப நிலையில் இலைகள் வெளிறியும்,  இலை நரம்புகள் அடர் பச்சை நிறத்துடனும் காணப்படும்.  குறைபாடு தீவிரமடையும்போது,  இலை நரம்புகள் நிறமிழந்து, இலைப் பரப்பு முழுவதும் மஞ்சள் நிறமாக மாறி,  பின்பு வெண்மை நிறத்தில் காட்சியளிக்கும். துத்தநாகச் சத்துப் பற்றாக்குறையால்,  முதலில் இளம் இலைகளின் நரம்புகளுக்கு இடைப்பட்ட பகுதி பச்சையம் இழந்து மஞ்சளாகவும்,  இலை நரம்புகள் பச்சை நிறத்துடன் காட்சியளிக்கும். 

செடிகள் வளர்ச்சி குன்றி,  கணுவிடைப் பகுதியின் நீளம் குறைந்து காணப்படும்.  புதிதாக வெளிவரும் நுனி இலைகள் அளவில் சிறுத்தும், மஞ்சளாகவும், மேல்நோக்கியும் காணப்படும்.  பற்றாக்குறை தீவிரமடையும்போது பாதிக்கப்பட்ட இலையின் நுனிப்பகுதி கருகியும், செடி வளர்ச்சி குன்றியும் காணப்படும். இத்தகைய அறிகுறிகள் மரவள்ளிப் பயிரில் தென்பட்டால்,  அவை பயிர்களின் ஒளிச்சேர்க்கை அளவைக் குறைப்பதன் வாயிலாக 10 முதல் 25 சதவீதம் வரை மகசூல் இழப்பை ஏற்படுத்தும்.

நிவர்த்தி செய்யும் வழிமுறைகள்

இரும்பு மற்றும் துத்தநாகச் சத்துகளின் குறைபாட்டை நிவர்த்தி செய்ய,  இரும்பு சல்பேட் 1 சதவீதம் மற்றும் துத்தநாக சல்பேட் 0.5 சதவீதம் கரைசலை இலைகளின் மீது தெளிக்க வேண்டும். அதாவது ஒரு லிட்டர் தண்ணீரில் 10 கிராம் இரும்பு சல்பேட் மற்றும் 5 கிராம் துத்தநாக சல்பேட் மற்றும் ஒட்டும் திரவம் 0.5 மி.லி. ஆகியவை கலந்த கரைசலை செடிகளின் மீது நன்றாகப் படும்படி காலை அல்லது மாலை நேரத்தில் கைத்தெளிப்பான் கொண்டு தெளிக்க வேண்டும். 

இவ்வாறு 15 நாள்கள் இடைவெளியில் இரண்டு அல்லது மூன்று முறை அதாவது பற்றாக்குறை அறிகுறிகள் மறையும்வரை இலைவழித் தெளிப்பு செய்ய வேண்டும்.  இதன் மூலம் பற்றாக்குறையை நிவர்த்தி செய்யலாம்.

எனவே,  விவசாயிகள், இலைவழி தெளிப்பு செய்வதன் மூலம் மரவள்ளியில் நுண்ணூட்டச் சத்து குறைபாட்டினால் ஏற்படும் மகசூல் இழப்பைத் தவிர்த்து, அதிக சாகுபடியைப் பெறலாம் என்றனர்.
 

]]>
https://images.dinamani.com/uploads/user/imagelibrary/2019/7/18/w600X390/rees1.jpg https://www.dinamani.com/agriculture/2019/jul/18/மரவள்ளியில்-நுண்ணூட்டச்-சத்து-பற்றாக்குறையை-நிவர்த்தி-செய்யும்-வழிமுறைகள்-3194560.html
3189676 விவசாயம் மானாவாரியில் ஒருங்கிணைந்த பண்ணை முறை Thursday, July 11, 2019 12:48 AM +0530
பெரம்பலூர்: ஒருங்கிணைந்த பண்ணையம் என்பது விவசாயத்தில் ஒரு பண்ணையத் தொழிலை மட்டும் மேற்கொள்ளாமல், ஒன்றோடொன்று தொடர்புடைய இரண்டு அல்லது அதற்கு மேற்பட்ட பண்ணைத் தொழில்களைக் கூட்டாக மேற்கொள்வதாகும். இதுகுறித்து, பெரம்பலூர் மாவட்டம், வாலிகண்டபுரத்தில் உள்ள ஹேன்ஸ் ரோவர் வேளாண் அறிவியல் மைய தோட்டக்கலை தொழில்நுட்ப வல்லுநர் ஜெ. கதிரன் கூறியதாவது: 
ஒருங்கிணைந்த பண்ணையத்தின் அங்கங்கள்: வேளாண், தோட்டக்கலைப் பயிர்கள், கால்நடைகள், பழ மரங்கள், வன மரங்கள், பறவைகள் போன்றவை ஒருங்கிணைந்த பண்ணை முறையின் அங்கங்களாகும். இவற்றுடன் தேனீ, அசோலா, காளான், முயல் மற்றும் மீன் வளர்ப்பு போன்றவற்றைக் கடைப்பிடிப்பதன் மூலம் கூடுதல் வருவாய் ஈட்ட முடியும். நிலத்திலிருக்கும் மண் வகைக்கேற்ப பயிர்களைத் தேர்வு செய்து சாகுபடி செய்தால் நல்ல லாபம் பெற முடியும்.
 கால்நடைகள், கோழிகள்: பசு, எருமை, வெள்ளாடு, செம்மறி ஆடு, கோழி, காடை மற்றும் புறா ஆகியவற்றை விவசாயிகள் வசதிக்கேற்ப ஒருங்கிணைந்த பண்ணையத்தில் வளர்க்கலாம். 
பழத்தோட்டங்களுடன் வேளாண் காடுகள் அமைத்தல்: மானாவாரி எனப்படும் தரிசு நிலப்பகுதிகளுக்கான ஒருங்கிணைந்த பண்ணையம் மேற்கொள்ள உதாரணமாக 2.5 ஏக்கர் நிலப்பரப்பில் குறைந்தது 2 ஏக்கரில் தானியப்பயிர்கள் மற்றும் பழ மரங்களை வளர்க்கலாம். பழ மரங்களில் குறிப்பாக கொய்யா, மாதுளை, சப்போட்டா போன்றவைகளை சொட்டு நீர்ப் பாசனம் மூலம் உருவாக்கலாம். முல்லை மேய்ச்சல் வகையில் வேளாண் காடுகளை உருவாக்கி, ஆடுகளுக்கான தீவன மரங்களான சூபாபுல், கிளைரி சிடியா, கல்யாண முருங்கை ஆகியவற்றுடன் கொழுக்கட்டைப் புல், முயல் மசால் போன்ற புல் மற்றும் பயறு வகை பசுந்தீவனங்களையும் வளர்க்கலாம்.   
இத்தகைய முல்லை மேய்ச்சல் நிலங்களில் நீர் பாய்ச்சுவதற்குத் தெளிப்பு நீர்ப் பாசனத்தைப் பயன்படுத்தலாம். மானாவாரி நிலங்களில் ஒருங்கிணைந்த பண்ணையத்தின் மூலம் நடைமுறை செலவினமாக ரூ. 1 லட்சம் வரை செலவு செய்வதன் மூலம் குறைந்தது, ரூ. 2 அல்லது ரூ. 3 லட்சம் லாபம் ஈட்டலாம்.  
சப்போட்டா அல்லது கொய்யாத் தோப்பில் கம்பு நேபியர், கோ- 4, கோ- 5 ரக புற்களையும், கொழுக்கட்டைப் புல்லையும் ஊடே இணைந்த தோட்டத்தின் வெளிச்சுற்றளவில் சூபாபுல் கிளைரி சிடியா, அகத்தி போன்ற குறு மரங்களையும் பயிரிட்டு தோட்டத்தின் உள்ளே புரதச்சத்துமிக்க கோழி மசால் பசுந்தீவனத்தை உற்பத்தி செய்யலாம். இதில், 6 முதல் 12 மாதம் வயதுடைய செம்மறியாடுகளை இணைத்து வளர்ப்பதன் மூலம் நாளொன்றுக்கு முறையே 53- 44 கிராம் அளவில் உடல் வளர்ச்சியைப் பெற முடியும். 
கினியா புல்லை கொய்யா அல்லது சப்போட்டாவுடன் இணைத்து பயிர் செய்வதன் மூலம், ஹெக்டேருக்கு 48 டன் பசும்புல்லும், புளியந்தோப்புகளில் தீவனக் கொள்ளுப் பயிரை இணைத்துப் பயிர் செய்வதன் மூலம் 5 - 8 டன் பசுந்தீவனமும் கிடைக்கும். இதேபோல, மானாவாரியில் மா மரத்துடன் நிலக்கடலை அல்லது தீவனக் கொள்ளு அல்லது தீவனச் சோளம் சாகுபடி செய்தால் ஹெக்டேருக்கு 190- 207 மற்றும் 234 கிலோ அளவில் புரதச்சத்து கொண்ட பசுந்தீவனம் உற்பத்தி செய்ய இயலும்.
மானாவாரியில் மா மரத்துடன் காராமணி இணைத்து பயிரிடுவதன் மூலம் ஹெக்டேருக்கு 170 கிலோ புரதச்சத்து கொண்ட 3.25 டன் காராமணி தீவனப்பயிராகப் பெற இயலும். இதன் மூலம் 10 முதல் 12 செம்மறியாடுகளை ஆண்டு முழுவதும் பராமரிக்கலாம். 
மானாவாரி நிலங்களில் சோளம் மற்றும் முயல் மசால் தீவனப்பயிர் உற்பத்தி: மானாவாரியில் தானிய உற்பத்திக்காக சோளம், கம்பு போன்ற பயிர்கள் ஆண்டுக்கு ஒருமுறை மட்டுமே சாகுபடி செய்கிறோம். இப்பயிர்களின் அறுவடை முடிவடைந்தவுடன் நிலம் கரம்பாகக் காணப்படுகிறது. இதற்கு பதிலாக சோளம் மற்றும் கம்பு போன்ற விவசாயப் பயிர்களுடன் ஏக்கருக்கு 5.5 கிலோ என்ற அளவில் முயல் மசால் விதைகளை மண்ணுடன் கலந்து நிலப்பரப்பில் தூவ வேண்டும். இதில் சோளப் பயிர் மிக விரைவாக வளரும்.
முயல் மசால் சற்று குறைவான வளர்ச்சியுடன் வளரும். இந்த நிலையில் தானியத்திற்கான சோளப்பயிரின் அறுவடை முடிந்த பின்னர் நேரடியான சூரிய ஒளி கிடைப்பதால் முயல் மசால் நன்கு செழித்து வளரும். இப்பயிரை நன்கு முற்றவிட்டு அறுவடை செய்தால் கால்நடைகளுக்குத் தேவையான பசுந்தீவனம் வருடம் முழுவதும் கிடைப்பது மட்டுமல்லாமல், அவற்றின் விதைகள் அந்நிலத்திலேயே விழுந்து அடுத்த ஆண்டு பருவமழையில் நிலத்தை உழுது சோளப் பயிரை சாகுபடி செய்யும்போது முயல் மசால் விதையும் முளைத்து பசுந்தீவனத்தைக் கொடுக்கும். இம்முறையில் ஒருமுறை விதைக்கப்பட்ட முயல் மசால் 2 அல்லது 3 ஆண்டுகள் வரை மீண்டும் முளைத்து வளர்ந்து சோளப்பயிர் இல்லாத நாள்களிலும் பசுந்தீவனத்தை அளிக்கும். அத்துடன் முயல் மசால் மூலம் மண்ணில் நிலை நிறுத்தப்பட்ட தழைச்சத்து சோளப்பயிரின் மகசூல் அதிகரிக்கும். 
மானாவாரி நிலங்களுக்கு ஏற்ற மர ஊடுபயிர் முறை: மானாவாரி நிலங்களில் தீவன மர வகைகளை குறிப்பிட்ட இடைவெளியில் கிழக்கு, மேற்காக நீளவாக்கில் நெருக்கமாக ஊடுபயிராக அமைத்து, அம்மரங்களின் வரிசைகளுக்கு இடைப்பட்ட நிலப்பரப்பில் வேளாண்மை மேற்கொள்ளும் முறையே மர ஊடுபயிர் சாகுபடியாகும்.  
இதுமட்டுமின்றி, மானாவாரி நிலங்களில் மண் அரிப்பைத் தடுக்க ஈரப்பதத்தைக் காக்கும் வகையில் உயர் வரப்புகள் அமைக்கலாம். மேலும், நிலங்களைச் சுற்றி முள் கம்பி வேலி அமைப்பதற்குப் பதிலாக கால்நடை தீவனம் மற்றும் விறகு போன்றவற்றைத் தரும் மரங்களை நட்டு உயிர்வேலி அமைக்கலாம். 
பயன்கள்: அதிக உணவு உற்பத்தியின் மூலம் நாட்டின் மக்கள் தொகை தேவையை சமநிலைப் படுத்தப்படுகிறது. மறுசுழற்சி மற்றும் வேளாண் சார் அங்ககம் போன்றவற்றின் மூலம் பண்ணை வருவாயானது உயர்த்தப்படுகிறது. நீடித்த மண் வளம் மற்றும் அங்கக கழிவுகளின் மறுசுழற்சி மூலம் உற்பத்தி, ஒருங்கிணைந்த வேளாண்சார் நுட்பத்தின் மூலம் உணவுகளிலுள்ள புரதம், கார்போஹைட்டிரேட், கொழுப்பு, தாதுக்கள், வைட்டமின்கள் போன்ற ஊட்டச்சத்துக்களை செறிவூட்டுகிறது. 
பன்றி வளர்ப்பு, கோழி வளர்ப்பு, புறா வளர்ப்பு போன்றவற்றிலிருந்து வரும் கழிவுகளை மறு சுழற்சி செய்வதன் மூலம் சுற்றுச்சூழல் பாதுகாப்படைகிறது. முட்டை, பால், காளான், காய்கறிகள், தேன் மற்றும் பட்டுப்புழு போன்ற ஒருங்கிணைந்த பண்ணை முறை மூலம் நிலையான வருவாய் கிடைக்கிறது.

]]>
https://images.dinamani.com/uploads/user/imagelibrary/2019/7/11/w600X390/farming.jpg https://www.dinamani.com/agriculture/2019/jul/11/மானாவாரியில்-ஒருங்கிணைந்த-பண்ணை-முறை-3189676.html
3189675 விவசாயம் தக்காளியில் நூற்புழு மேலாண்மை Thursday, July 11, 2019 12:48 AM +0530
கிருஷ்ணகிரி: சந்தையில் ஈடாக தக்காளி விலை உயர்ந்திருக்கும் நிலையில், தக்காளி பயிரில் நூற்புழுத் தாக்குதல், விவசாயிகளுக்கு இழப்பை ஏற்படுத்துகிறது. தக்காளிப் பயிரில் நூற்புழு மேலாண்மை குறித்து, கிருஷ்ணகிரியை அடுத்த எலுமிச்சங்கரி கிராமத்தில் இயங்கும் வேளாண் அறிவியல் மையத்தின் ஒருங்கிணைப்பாளர் எஸ். சுந்தராஜ் தெரிவித்தது: 
தக்காளிப் பயிரானது தமிழ்நாட்டில் பரவலாக அனைத்து மாவட்டங்களிலும் சாகுபடி செய்யப்படுகிறது. தக்காளிப் பயிரைப் பொருத்தவரையில்,  நடவு முதல் அறுவடை வரையிலான பல்வேறு நிலைகள் உள்ளன. பல்வேறு காரணிகளால் தக்காளி சாகுபடியில் விவசாயிகள் இழப்பைச் சந்தித்து வந்தாலும், வேர் முடிச்சு நூற்புழுவினால் 30 சதவீத மகசூல் இழப்பைச் சந்தித்து வருகின்றனர். 
நூற்புழுத் தாக்குதல் அறிகுறிகள்: நூற்புழுத் தாக்குதலுக்கு உள்ளான செடிகள் வளர்ச்சியின்றிக் காணப்படும்.  இலைகள் பச்சையம் இழந்து, பழுப்பு நிறமாகக் காணப்படும்.  இலையின் நுனி வெள்ளை நிறத்துடன் கீழ்நோக்கி இருக்கும்.  பாதிக்கப்பட்ட செடியின் வேர்கள் முடிச்சு முடிச்சாகவும்,  தடிமனாகவும் காணப்படும்.  இதனால்,  மண்ணிலிருந்து நீர் மற்றும் சத்துகளை உறிஞ்சும் தன்மை வெகுவாகப் பாதிக்கப்பட்டு,  நாளடைவில் மகசூல் குறைந்து, காய்ந்துவிடும்.
மேலாண்மை: விளைநிலத்தை கோடை உழவு செய்ய வேண்டும். தக்காளி,  கத்திரி, வெண்டை போன்ற பயிர்களைத் தொடர்ந்து சாகுபடி செய்யாமல், பயறு வகைப் பயிர்களை பயிர் சுழற்சி முறையில் சாகுபடி செய்ய வேண்டும். சுந்தாள் பயிர்களைச் சாகுபடி செய்து,  மடக்கி,  உழவு செய்ய வேண்டும். பயிர் நடவுக்கு முன்பாக வேப்பம் பிண்ணாக்கை கடைசி உழவில் ஓர் ஏக்கருக்கு 100 கிலோ என்ற அளவில் இட  வேண்டும்.  நூற்புழுக்களை அழிக்கக் கூடிய பயிர்களான செண்டுமல்லி, கடுகு போன்ற பயிர்களை 1-க்கு 16 என்ற அளவில் பயிரிட வேண்டும்.  ஒரு ஹெக்டேருக்கு சூடோமேனாஸ் புளோரசன்ஸ் (2 கிலோ) மற்றும் டிரைக்கோடெர்மா விரிடி (2 கிலோ) மற்றும் பேசிலோமைசிஸ் (2 கிலோ) என்ற உயிரினக் கலவையினை 50 கிலோ மக்கிய தொழுவுரத்துடன் கலந்து இரண்டு நாள்கள் நிழலில் வைத்து,  காலை, மாலை நேரங்களில் நீர்தெளித்து பின்னர் வயலில் இட்டு கட்டுப்படுத்தலாம்.  போக்கிகோமியா கிளாமரஸ்போரா என்ற உயிரின பூஞ்சானத்தை ஏக்கருக்கு 2 கிலோ பயன்படுத்தலாம்.
மேற்கண்ட முறைகளைக் கடைப்பிடித்து நூற்புழுவின் தாக்குதலைக் கட்டுப்படுத்தி அதிக மகசூலைப் பெறலாம்.  மேலும் விவரங்களுக்கு கிருஷ்ணகிரியை அடுத்துள்ள எலுமிச்சங்கிரி கிராமத்தில் செயல்படும் வேளாண் அறிவியல் மையத்தை நேரிலோ அல்லது 04343-296039 என்ற தொலைபேசி எண்ணிலோ அல்லது www.krishnagirikvk.org என்ற இணையதள முகவரியில் தொடர்பு கொள்ளலாம்.

]]>
https://images.dinamani.com/uploads/user/imagelibrary/2019/7/11/w600X390/tomato.jpg https://www.dinamani.com/agriculture/2019/jul/11/தக்காளியில்-நூற்புழு-மேலாண்மை-3189675.html
3184639 விவசாயம் புரதச்சத்து மிக்க பயறு வகைகளின் முக்கியத்துவம்... Thursday, July 4, 2019 01:06 AM +0530
நீடாமங்கலம்: புரதச்சத்துள்ள பயறு வகைகளின் முக்கியத்துவம் குறித்து திருவாரூர் மாவட்டம், நீடாமங்கலம் வேளாண் அறிவியல் நிலையம் விளக்கமளித்துள்ளது.
இது தொடர்பாக  விஞ்ஞானிகள் ஜெ.வனிதாஸ்ரீ மற்றும் மு.ராமசுப்ரமணியன் ஆகியோர்  வெளியிட்ட அறிக்கை:  பயறு வகைகள் நம்முடைய உணவில் முக்கிய பங்கு வகிக்கின்றன.
 இந்தியர்களின் சைவ உணவில் பயறு வகைகள்தான் புரோட்டின் சத்து அளிக்கும் முக்கிய மூலப்பொருளாக விளங்குகிறது. பச்சைப்பயறு, துவரை, கொண்டைக் கடலை, கொள்ளு, கொத்தவரை, அவரை, தட்டைப்பயறு மற்றும் சோயாபீன்ஸ் போன்றவை அவைகளில் முக்கியமானவை. இவை முக்கியமான அமினோ அமிலங்களை அளிக்கும் ஆதாரமாக இருக்கின்றன. 
பயறு வகைகளில் உள்ள சத்துக்கள்...     பொதுவாகத் தானியங்களைவிட பயறு வகைகளில் இரண்டு மடங்கு அதிகமாக புரோட்டின் உள்ளது. இது உலர்ந்த பயறுகளின் எடையில் 20 சதவீதம் அளவுக்கு உள்ளது. 
சோயாபீன்ஸ் போன்ற சில பயறு வகைகளில் புரோட்டின் 40 சதவீதம் உள்ளது. பயறு வகை பயிர்களானது வைட்டமின்கள் மற்றும் தாது உப்புகளை அளிக்கும் முக்கியமான மூலமாக இருக்கின்றன.
புரதம்: புரதங்கள் உடலின் கட்டமைப்பிற்கு முக்கியம். புரதம் மிகவும் சிறிய அமினோ அமிலங்கள் சிலவற்றால் ஆனவை. புரதங்கள் உடல் திசுக்கள் மற்றும் செல்களின் கட்டமைப்பிற்கு முக்கியமானதாகும். 
இவை தசை மற்ற திசுக்கள் மற்றும் ரத்தம் போன்ற முக்கிய உடல் திரவங்களின் முக்கிய கூறாகும். புரதங்களானது நொதிகள் மற்றும் ஹார்மோன் வடிவிலும் உடலில் உள்ள முக்கியமான வளர்சிதை மாற்ற செயல்முறைக்கு முக்கியமானதாகும். 
சோயா பீன்ஸில் 63 கிராம், அவரையில் 25 கிராம் உளுத்தம் பருப்பு, பாசிப்பயறு  மற்றும் தட்டைப் பயரில் 24 கிராம், கொள்ளு, துவரம் பருப்பு மற்றும் கொண்டைக் கடலை (பருப்பு) 22 கிராம் மற்றும் பச்சைப் பட்டாணியில் 7 கிராம் புரதச்சத்துக்களும் அடங்கியுள்ளன. 
கார்போ ஹைட்ரேட்...    பயறு வகைகளில் 55-60 சதவீதம்  கார்போ ஹைட்ரேட் உள்ளது. இதில் ஸ்டார்ச், கரையும் நார்ச்சத்து மற்றும் கிடைக்க இயலாத கார்போஹைட்ரேட் உள்ளன.
அத்தியாவசிய அமினோ அமிலங்கள்... அத்தியாவசிய அமினோ அமிலங்கள் வளர்ச்சி மற்றும் பராமரிப்புத் தேவைகளைப் பூர்த்தி செய்ய போதுமான ஒரு விகிதத்தில் உடலில் இயற்கையாக உற்பத்தி செய்ய முடியாது. மனித உடல் ஒரு அமினோ அமிலத்தை மற்றொரு அமினோ அமிலமாக மாற்றக்கூடிய தன்மை கொண்டது. இது கல்லீரல் தாக்கத்தால் நடைபெறும் இடம்பெயர்தல் ஆகும். இதில் அமினோ டிரான்ஸ்பரேஸ்கள்  மூலம் அமினோ அமிலங்கள்  மூலக்கூறாக செயல்பட்டு முழுமையாக   மாற்றப்படுகிறது.
புரதத்தின் தேவைகள்...     புரதங்கள் பெரியவர்களுக்கும், குழந்தைகள் வளர்ச்சிக்கும், கர்ப்பிணிகளின் கரு வளர்ச்சி மற்றும் தாய்ப்பால் உற்பத்திக்கும் பயன்படுகிறது. ஏனெனில், குழந்தைகளின் திசுக்கள் வளர்ச்சிக்கு பெரியவர்களை விட அதிக புரதம் தேவைப்படுகிறது.  பெரும்பாலும் உணவு புரதங்களிலிருந்து வரையப்பட்ட அமினோ அமிலங்களிலிருந்து உடல் வளர்ச்சிக்குத் தேவையானவற்றை பெறுகின்றன. தானியங்கள், கொட்டைகள் மற்றும் பருப்பு கலவை போன்ற சைவ உணவுகளைக் கலவையாகத் தேவையான அளவு எடுத்துக் கொள்வதால் தேவையான புரதத்தைப் பெறலாம். சோயாவில் 40 சதவீதத்துக்கும் அதிகமாக புரதச்சத்து உள்ளது. 
 57 கிலோ உடல் எடை கொண்ட நபருக்குத் தேவையான புரத அளவானது (16-18 வயது) நாள் ஒன்றுக்கு 78 கிராம். கர்ப்பிணிகள் 65 கிராம், தாய்ப்பாலூட்டும் பெண்களுக்கு (வரை 6 மாதங்கள்) நாள் ஒன்றுக்கு 75 கிராம் தேவைப்படுகிறது. தாது உப்புகளான கால்சியம், மக்னீசியம், துத்தநாகம், இரும்பு, பொட்டாசியம் மற்றும் பாஸ்பரஸ் சத்துக்கள் பயறு வகைகளில் அடங்கியுள்ளன என அதில் குறிப்பிடப்பட்டுள்ளது.
 

]]>
https://images.dinamani.com/uploads/user/imagelibrary/2019/7/4/w600X390/food.jpg https://www.dinamani.com/agriculture/2019/jul/04/புரதச்சத்து-மிக்க-பயறு-வகைகளின்-முக்கியத்துவம்-3184639.html
3184638 விவசாயம் மூலிகைத் தாவர சாகுபடி முன்னணியில் துளசி! Thursday, July 4, 2019 01:06 AM +0530
திருநெல்வேலி: காய், கனிகள், மலர் சாகுபடிக்குப் போட்டியாக இந்தியா முழுவதும் மூலிகைத் தாவர சாகுபடியும் அதிகரித்து வருகிறது. இளம் தலைமுறை விவசாயிகளும், தொழில்முனைவோராக மாற விரும்புவோரும் மூலிகைத் தாவர சாகுபடியை அதிகம் விரும்பிச் செய்கின்றனர். மேற்குத் தொடர்ச்சி மலை, போதிய மழை வளம் கொண்டுள்ள திருநெல்வேலி, தூத்துக்குடி, கன்னியாகுமரி மாவட்டங்களில் பலவகை மூலிகைத் தாவரங்கள்  பயிரிடப்பட்டு வருகின்றன. இவற்றில், துளசி சாகுபாடி முன்னணியில் உள்ளது.
இந்தியாவை தாயகமாகக் கொண்ட துளசி மூலிகைச்செடி, வழிபாட்டில் முக்கிய பங்கு வகிக்கிறது. துளசி காற்றைச் சுத்தப்படுத்தி, சுற்றுச்சூழல் மாசைக் கட்டுப்படுத்துகிறது. ஆன்டி ஆக்சிடன்ட், வைட்டமின் ஏ, சி, கால்சியம் அதிகளவில் உள்ளது. இது கிருமி, கொசுக்களுக்கு எதிரான பூச்சிக்கொல்லியாக செயல்படுகிறது. துளசி இலையிலிருந்து எடுக்கப்படும் எளிதில் ஆவியாகக்கூடிய எண்ணெய் பூச்சிக்கொல்லியாகவும், ஆன்டி பாக்டீரியாவாகவும் செயல்படுகிறது. நறுமண மூலிகையான துளசியை மற்ற மூலிகைகளுடன் சேர்த்து பயன்படுத்தலாம். துளசி இலை, பூக்களை சாறாக அல்லது தேநீராகத் தயாரித்து வயிற்றுவலி, இருமல், மார்புச் சளி, தோல் வியாதி, வயிற்றுப்போக்கு ஆகியவற்றுக்கு மருந்தாகப் பயன்படுத்தலாம். மலேரியா, காலரா,  புற்றுநோய் ஆகியவற்றைத் தடுக்கும் முன்காப்பு மருந்தாகப் பயன்படுத்தப்படுகிறது.
துளசி விதையை தண்ணீர், பழச்சாறு அல்லது பாலுடன் கலந்து பயன்படுத்தும்போது ஆன்டி ஆக்சிடன்டாக மாறுகிறது. ஆற்றல் குறைவு, அல்சர், வாந்தி, வயிற்றுப் பிரச்னைக்கு மருந்தாகவும், டானிக்காகவும் பயன்படுகிறது. துளசி வேரிலிருந்து தயாரிக்கப்படும் பொடியை பால், நெய்யுடன் கலந்தோ, சாறாக மாற்றியோ மலேரியா காய்ச்சலுக்கு மருந்தாகப் பயன்படுத்தலாம். இது, பூச்சிக்கடிக்கு மருந்தாக, வலி நிவாரணியாக பயன்படுகிறது. துளசி, ரத்த அழுத்தத்தை, ரத்தத்தில் சர்க்கரையின் அளவை சமன் செய்கிறது. 
நடவு முறை: துளசியில், பச்சை,  ஊதா   என 2  ரகங்கள்  உள்ளன. இவை எல்லா வகை மண்ணிலும் வளரும். அதிக உப்பு, காரத்தன்மை, நீர் தேங்கும் பகுதிகளில் வளருவதில்லை. அங்ககத் தன்மையுள்ள மணல் கலந்த பசலை மண்ணில் நன்கு வளரும். வெப்பம், மிதவெப்ப காலநிலையில் நன்கு வளரும். துளசி, விதை மூலம் இனப்பெருக்கம் செய்கிறது. ஒரு ஹெக்டேருக்கு 300 கிராம் விதை போதும். 
நாற்றங்கால், அரை நிழல், பாசன வசதியுடன் இருக்க வேண்டும். மண்ணை 30 செ.மீ. அளவுக்கு பறித்து, நன்கு மக்கிய தொழுஉரமிட்டு மண்ணைப் பண்படுத்தி, 4.5-1.0-0.2 மீ அளவுள்ள படுக்கைகள் அமைக்க வேண்டும். பருவமழை தொடங்குவதற்கு 2 மாதங்களுக்கு முன்னரே 1:4 என்ற விகிதத்தில் விதையை மணலுடன் கலந்து நாற்றங்கால் படுக்கைகளில் விதைக்க வேண்டும். 8 முதல் 12 நாள்களில் முளை வந்து, நாற்றுகள் 6 வாரங்களில் 4 - 5 இலைகளுடன் நடவுக்குத் தயாராகிவிடும். விதையில்லா பெருக்கத்துக்கு அக்டோபர் - டிசம்பர் மாதங்களில் துளசியின் முற்றிய கிளையின் நுனிகளை வெட்டி நட்டால் 90-100 சதவீதம் முளைத்துவிடும்.  இதற்கு 10-15 செ.மீ. நீளமும், 8-10 கணுக்களும் உள்ள தண்டுகள் பயன்படுத்தப்படுகின்றன.
விளைநிலம் தயாரிக்கும்போது ஹெக்டேருக்கு 15 டன் தொழுஉரத்தை அடியுரமாக அளிக்க வேண்டும். தழை, மணி, சாம்பல் சத்துகள் முறையே ஹெக்டேருக்கு 120: 60: 60 கிலோ கிராம் என்ற அளவில் பரிந்துரைக்கப்படுகிறது. நட்ட ஒரு மாதம் கழித்து முதல் களையெடுப்பும், அடுத்த 30 நாளில் 2-ஆவது களையெடுப்பும் செய்ய வேண்டும். பிறகு களையெடுக்கத் தேவையில்லை. பொதுவாக, துளசி அதிகளவில் பூச்சி, நோயால் தாக்கப்படுவதில்லை. சில பூச்சிகள், இலைச் சுருட்டுப் புழு போன்றவை துளசியைத் தாக்குகின்றன. 0.2 சதவீதம் மாலத்தியான் அல்லது 0.1 சதவீதம் மெத்தில் பாரத்தியான் தெளிப்பதன் மூலம் கட்டுப்படுத்தலாம்.
மீன் எண்ணெய் சோப்புகளைப் பயன்படுத்தி, சாறு உறிஞ்சும் பூச்சிகளையும், நனையும் கந்தகம் 0.3 சதவீதம் தெளித்து சாம்பல் நோயையையும், நாற்றங்கால் படுக்கைகளில் 0.1 சதவீதம் மெர்குரியல் பங்கிசைடு மண்ணில் அளித்து நாற்று கருகல், வேர் அழுகல் நோய்களையும் கட்டுப்படுத்தலாம்.
நடவு செய்த 90 நாளுக்குப் பிறகு முதல் அறுவடை செய்யலாம். தொடர்ந்து, ஒவ்வொரு 75 நாளுக்குப் பிறகும் அறுவடை செய்யலாம். வெயில் காலங்களில் அறுவடை செய்வதால் அதிக அறுவடை கிடைக்கும். எண்ணெய் அளவும் அதிகமிருக்கும். ஓராண்டுக்கு ஒரு ஹெக்டேருக்கு துளசி மூலிகைகள் சராசரியாக 10,000 கிலோ கிடைக்கும். துளசி 0.1 முதல் 0.23 சதவீதம் எண்ணெய் கொண்டது. ஹெக்டேருக்கு 10 - 20 கிலோ எண்ணெய் கிடைக்கிறது.
 

]]>
https://images.dinamani.com/uploads/user/imagelibrary/2019/7/4/w600X390/tulsi.jpg https://www.dinamani.com/agriculture/2019/jul/04/மூலிகைத்-தாவர-சாகுபடி-முன்னணியில்-துளசி-3184638.html
3179756 விவசாயம்  மானாவாரி நிலங்களில்: சாகுபடி மேலாண்மைத் தொழில்நுட்பங்கள் Thursday, June 27, 2019 12:51 AM +0530 நாமக்கல்:  பருவமழையை நம்பியே பயிர் சாகுபடி செய்ய வேண்டிய இருப்பதால்,   மானாவாரி சாகுபடி விவசாயிகளுக்கு  ஒரு சவாலாகவே உள்ளது.
தமிழகத்தில் உள்ள சாகுபடிப் பரப்பில் 42 சதவீத நிலம் மழையை  எதிர்பார்த்தே உள்ளது.  தமிழகத்தின் ஆண்டு சராசரி  மழையளவு 931 மி.மீ.  தானியப் பயிர்கள், சிறுதானியப் பயிர்கள்,  பயறு வகைப் பயிர்கள் மற்றும் எண்ணெய் வித்துப் பயிர்கள்,  மானாவாரி நிலத்தில் அதிகம் சாகுபடி செய்யப்படுகின்றன. 
மேலும்,   மண்வளம் காப்பது,  மண் ஈரம் காப்பது,  நவீன தொழில்நுட்பங்களைக் கையாளாமல் இருப்பது போன்ற காரணங்களினால் மானாவாரி நிலங்களில் அதிக விளைச்சல்  எடுக்க முடியாத நிலை இருந்து வருகிறது.  பெரும்பாலான மானாவாரி நிலங்கள்,  வெப்ப மாறுதலுக்குள்பட்டு,  பருவமழை பொழிவு,  வறட்சி ஆகிய இடர்ப்பாடுகளைச் சந்திக்க நேரிடுகிறது.  
நவீன தொழில்நுட்பங்களை மானாவாரி நிலத்தில் கடைப்பிடிப்பதன் மூலம்  விளைச்சலை அதிகப்படுத்தலாம். 
 மானாவாரி பகுதிகளில் பெய்யும் மழை நீரை வீணாக்காமல் தேக்கி வைத்து சாகுபடிக்கு உபயோகப்படுத்த வேண்டும்.   மானாவாரி தொழில்நுட்பங்களான மண்ணில் ஈரம் காத்தல்,  ஒருங்கிணைந்த உரம் மற்றும் களை நிர்வாகம் போன்றவற்றினைக் கடைப்பிடிப்பது பலன் தரும்.
மானாவாரி  சாகுபடியில் ஏற்படும் இடர்ப்பாடுகள்
மானாவாரி  நிலங்களில் சரியான பருவமழையையும், மண்ணின் ஈரத்தையும் அறிந்தே பயிர் சாகுபடி முறைகள் கையாளப்படுகின்றன.  மானாவாரியில் அதிக அளவில் இடர்ப்பாடுகள் ஏற்படுகின்றன.  முக்கியமாக  நீர் ஆவியாதல்,  பின்தங்கும் பருவ மழை,  அதிக காலம் வறட்சி நீடித்தல்,  பருவ மழையால் பயிர்ச் சேதம் ஏற்படுதல், நவீன தொழில்நுட்பங்களைப் பின்பற்றாமை,  மழைநீர் சேமிப்பு, வறட்சி மேலாண்மை, பண்ணை இயந்திரங்களின் குறைந்த பயன்பாடு மாற்றுப் பயிர் சாகுபடியற்ற வேளாண்மை போன்றவற்றால் சாகுபடியில் மகசூல் பாதியளவு மட்டுமே மானாவாரியில் பெறப்படுகிறது.  தமிழகத்தில் பெரும்பாலான மாவட்டங்கள் வறட்சியால் பாதிக்கப்பட்டுள்ளதால்,  மழைநீரினை நம்பியே சாகுபடி செய்யப்படுகிறது.   ஈரோடு,  நாமக்கல்,  வேலூர், திருவண்ணாமலை,  கரூர், பெரம்பலூர், புதுக்கோட்டை, மதுரை,  திருச்சி, சிவகங்கை மற்றும் ராமநாதபுரம் மாவட்டங்களில் மானாவாரி சாகுபடி பயிர்களே பெரிதும் மேற்கொள்ளப்படுகிறது.
மண், ஈரப்பதம் காக்கும் தொழில்நுட்பங்கள்
 பெய்யும் மழைநீரை உரிய முறையில் சேமிப்பு செய்தால், வறட்சிக் காலங்களில் பாசனம் செய்யவும்,  அடிமண் ஈரம் காத்து பயிர்களுக்குப் பயன்படுத்தவும் உதவுகிறது.   அடிமண் ஈரம் காக்க,  கோடை உழவு,  உளிக்கலப்பை உபயோகித்தல்,  சமமட்ட வரப்பு பயிர்ப் பராமரிப்பு,  ஆழ்சால் அகலப் பாத்தி,  சமதள வரப்பு,  நிலப் போர்வை அமைத்தல்,  கழிவுநீர்க் குட்டைகள் மற்றும் பண்ணைக் குட்டைகள் அமைத்தல் போன்றவை சிறந்த  உழவியல் தொழில்நுட்பங்கள் ஆகும்.   சம மட்ட வரப்பு ஏற்படுத்தி மழைநீரினை வேளாண் பணிக்கு உபயோகப்படுத்த 130 செ.மீ. அடிமட்ட அகலமும், 30 செ.மீ.  மேல்மட்ட அகலமும், 40 செ.மீ. உயரமும் கொண்டதாக இருக்க வேண்டும்.  இதனால் மழைநீரானது சிறுவடிகால் கொண்டு அடித்துச் செல்வது தடுக்கப்பட்டு நிலம் சமமானதாக மாறும்.
குழிப் படுக்கைகள் அமைத்தல்
குறிப்பிட்ட இடைவெளியில்  சிறிய குழிகள் அமைத்து, மழை நீரினைச் சேமிக்கலாம்.  குழிகளை அமைத்து விதைப்பையும், ஒரே நேரத்தில் செய்யும் டிராக்டருடன் இணைக்கும் கருவி வடிவமைக்கப்பட்டுள்ளது.  இம் முறையில், 10-இலிருந்து 50 சதவீதம் வரை ஈரம் அதிகரிக்கிறது.  7-இலிருந்து 8 ஏக்கர் வரை விதைப்பும், நிலச்சரிவு 2 சதவீதத்துக்கு மேலுள்ள இடங்களில் இம் முறையானது பெரிதும் பயன்படுகிறது.
கசிவு நீர்க்குட்டைகள்
ஓடைகளில் அடித்து வரும் நீர் வீணாகாமல்  இருக்க ஓடைகள் முடியும் இடத்தில் அமைக்கப்பட வேண்டும்.   இதனால் ஆழம் குறைந்த கிணறுகளில், நீரூற்றுகளில் தண்ணீர் கசிந்து சென்று ஊற்று அதிகரிக்க வழி செய்கிறது.  மழையளவு அதிகமாக உள்ள இடங்களில் இக் குட்டைகளைப் பயன்படுத்தலாம். 
நிலப்போர்வை அமைத்தல்
மண்ணில் உள்ள ஈரம் ஆவியாவதனைத் தடுக்க, பாலிதீன் விரிப்புக் கட்டைகள்,  காய்ந்த இலைச் சருகுகள், தென்னை நார்க் கழிவுகள் போன்றவற்றினால் மூடி மண் ஈரத்தைப் பாதுகாக்கலாம்.  தென்னை நார்க் கழிவு தனது எடையைப் போல்,  5 மடங்கு நீரை ஈர்த்து வைத்துக் கொள்ளும் தன்மை உள்ளதால், மழைக் காலங்களில் நீரினை ஈர்த்து மிகச் சிறந்த நிலப் போர்வையாகப் பயன்படுத்த முடியும்.  எளிதாகக் கிடைக்கக் கூடிய பொருள்களைக் கொண்டு நிலப்போர்வை அமைக்கலாம்.
மழைநீருக்கு ஏற்ற பயிரினைத் தேர்வு செய்தல்
மழையளவு 400 செ.மீ. வரை பெய்யும் பகுதிகளில் சோளம், கம்பு, கேழ்வரகு,  எள் மற்றும் சூரியகாந்தி போன்ற பயிர்களையும், 450 மி.மீ. பெய்யும் இடங்களில் நிலக் கடலையும், 600  மி.மீ. மழை பெய்யும் பகுதிகளில் பருத்தியையும் சாகுபடி செய்யலாம்.  கரிசல் நிலங்களில் பருத்தி, சூரியகாந்தி,  சோயா, மொச்சையையும்,  செம்மண் நிலங்களில் நிலக்கடலை, சோளம்,  எள், கம்பு போன்றவற்றையும், களர் மற்றும் உலர் நிலங்களில் கேழ்வரகு, மிளகாய் பயிர்களைப் பயிர் செய்யலாம்.
ஊடு பயிர் சாகுபடி
மானாவாரியில் முக்கியப் பயிருடன் ஊடுபயிர் மற்றும் கலப்புப் பயிர் சாகுபடி செய்வதால்,  கூடுதல் விளைச்சலும்,  வருமானமும் கிடைக்கிறது. மேலும், பூச்சிகளின் தாக்குதல் குறைந்தும், முக்கியப் பயிரின் விளைச்சல் குறைந்தாலும் ஏற்படும் இழப்பினைக் குறைக்க ஊடு பயிர் மூலம் ஓரளவு ஈடுகட்ட முடியும்.  மானாவாரி நிலங்களில் ஊடுபயிராக நிலக் கடலையுடன்,  சோளம்,  துவரை,  சூரியகாந்தி, பருத்தி, பயறு வகைகள், கொத்தமல்லி போன்றவற்றை சாகுபடி செய்யலாம்.
பலன் தரும் மரங்களை வளர்த்தல்
புளி,  நெல்லி, சீத்தா, இலந்தை,  விளா,  நாவல், கொடுக்காப்புளி போன்ற பழ வகைகள் நீர் குறைந்த நிலங்களில் மானாவாரியாக பயிர் செய்வதால்,  நல்ல வருமானம் கிடைக்கும்.  தமிழ்நாட்டில் தகுந்த தட்பவெப்பம், மழையளவும் நிலவுவதால்,  மரப்பயிர்களைச் சாகுபடி செய்து பயன் பெறலாம்.  மானாவாரியில் மேற்கண்ட மேலாண்மைத் தொழில்நுட்பங்களைக் கையாண்டு, அதிக விளைச்சலையும், வருமானத்தையும் விவசாயிகள் பெறலாம் என நாமக்கல் பி.ஜி.பி. வேளாண் கல்லூரி முதல்வர் என்.ஓ.கோபால், உதவிப் பேராசிரியர்கள் ப.சவிதா,  ப.ராதாகிருஷ்ணன் ஆகியோர் கொண்ட குழு வெளியிட்ட ஆய்வறிக்கையில் கூறப்பட்டுள்ளது.
 

]]>
https://images.dinamani.com/uploads/user/imagelibrary/2019/6/27/w600X390/tractor.jpg https://www.dinamani.com/agriculture/2019/jun/27/மானாவாரி-நிலங்களில்-சாகுபடி-மேலாண்மைத்-தொழில்நுட்பங்கள்-3179756.html
3179755 விவசாயம் சிறு, குறு விவசாயிகளின் வாழ்வாதாரத்தை மேம்படுத்தும் கூட்டுப் பண்ணையம் Thursday, June 27, 2019 12:51 AM +0530 மதுரை:  விவசாயிகள் குழுவாக இணைந்து சாகுபடி செய்வதன் மூலமாக விவசாயத்தை லாபகரமாக மாற்றுவதற்கு கூட்டுப் பண்ணையத் திட்டம் உதவிகரமாக இருந்து வருகிறது.
 சிறு, குறு விவசாயிகளின் வாழ்வாதாரத்தை மேம்படுத்தும் வகையில் 2017-18-ஆம் ஆண்டு முதல் கூட்டுப் பண்ணையத் திட்டம் வேளாண் துறையினரால் செயல்படுத்தப்பட்டு வருகிறது. 
இதில் கிராம அளவில் உழவர் ஆர்வலர் குழுக்கள் அமைக்கப்படுகிறது. ஒவ்வொரு குழுவிலும் சிறு, குறு விவசாயிகள் 20 பேர் உறுப்பினர்களாகச் சேர்க்கப்படுவர். இதில் ஒவ்வொரு 5 உழவர் ஆர்வலர் குழுக்களையும் இணைத்து உழவர் உற்பத்தியாளர் குழுக்கள் அமைக்கப்படுகின்றன. 
இந்த உற்பத்தியாளர் குழுக்கள் மூலமாக சாகுபடி உத்திகள் வேளாண் துறையினரால் கொண்டு செல்லப்படுகின்றன.  சாகுபடி பரப்பு குறைவது, இடுபொருள்களுக்கான செலவினம், பாசன நீர் பற்றாக்குறை,  விவசாயத் தொழிலாளர்களுக்குத் தட்டுப்பாடு, அவர்களுக்கான கூலி போன்றவற்றைக் கணக்கிடும்போது,  ஓரிரு ஏக்கர் அளவில் மட்டுமே நிலம் வைத்துள்ள ஒரு சாதாரண விவசாயி  உற்பத்திக்கான செலவை மீட்பதற்கே மிகவும் சிரமப்பட வேண்டியுள்ளது.
 இதைத் தவிர்ப்பதற்காகவே,  கூட்டுப் பண்ணையத் திட்டம் பரிந்துரைக்கப்படுகிறது. வெளிநாடுகள் பலவற்றிலும் இந்த கூட்டுப் பண்ணையத் திட்டம் சிறப்பான செயல்பாட்டில் இருந்து வருகிறது. கடந்த சில ஆண்டுகளில் தான் தமிழகத்தில் இத்திட்டம் தொடங்கப்பட்டிருந்தாலும், சில பகுதிகளில் சிறப்பான செயல்பாட்டில் இருந்து வருகிறது.
மதுரை மாவட்டத்தில் கொட்டாம்பட்டியில் செயல்படும் உழவர் உற்பத்தியாளர் குழு, காய்கறி சாகுபடியை வெற்றிகரமாகச் செய்து, நேரடியாக விற்பனை செய்யக் கூடிய அளவுக்கு உயர்ந்திருக்கிறது. திருமங்கலம்,  கள்ளிக்குடி வட்டாரங்களில்  உழவர் உற்பத்தியாளர் குழுக்கள் மூலமாக  சிறுதானியங்கள்  உற்பத்தி செய்யப்பட்டு,  மதிப்பு கூட்டப்பட்ட பொருளாக விற்பனைக்கு வருகிறது.   உழவர் உற்பத்தியாளர்கள் குழுக்களில் இணைந்திருக்கும் விவசாயிகள் ஒரே ரக பயிர்களைத் தேர்ந்தெடுத்துப் பயிரிடுவது, கூட்டாக பயிர் சாகுபடி செய்வது, சாகுபடிக்குத் தேவையான இடுபொருள்களை கூட்டாக கொள்முதல் செய்வது, நுண்ணீர் பாசனத் திட்டம் போன்ற புதிய தொழில்நுட்பங்களைப் பயன்படுத்த வேளாண் துறையினரால் பரிந்துரைக்கப்படுகின்றன.   இத்தகைய உழவர் உற்பத்தியாளர் குழுக்களுக்கு தலா ரூ. 5 லட்சம் அரசின் தொகுப்பு நிதியாக வழங்கப்படுகிறது.  மேலும், குழு உறுப்பினர்களின் பங்குத் தொகையுடன் சேர்த்து டிராக்டர், களை எடுக்கும் கருவி, பவர் டில்லர், ரோட்டவேட்டர், நாற்று நடும் கருவி, வைக்கோல் கட்டும் கருவி போன்ற பண்ணை இயந்திரங்களும் வழங்கப்படுகின்றன.   
இந்த இயந்திரங்களை உறுப்பினர்களுக்கு வாடகைக்கு விடுவதன் மூலம், கிடைக்கும் வருவாயை  உற்பத்தியாளர் குழுக்கள் கூட்டாக இடுபொருள் கொள்முதல் செய்வதற்கு சுழல் நிதியாகப் பயன்படுத்திக் கொள்ளலாம்.
  மதுரை மாவட்டத்தில் கடந்த ஆண்டில்   290 உழவர் ஆர்வலர் குழுக்கள் அமைக்கப்பட்டு, அதன்மூலம் 58 உழவர் உற்பத்தியாளர் குழுக்கள் அமைக்கப்பட்டுள்ளன. மேலும் உழவர் உற்பத்தியாளர் குழுக்களுக்கு 217 பண்ணை இயந்திரங்கள் வழங்கப்பட்டுள்ளன.  இந்த ஆண்டும் கூட்டுப் பண்ணையத் திட்டம் செயல்படுத்தப்பட உள்ளது. இத் திட்டத்தில் உழவர் ஆர்வலர் குழுக்கள் அமைத்து பயன்பெற விரும்புவோர் தங்களது பகுதியில் உள்ள வேளாண் உதவி இயக்குநர் அலுவலகங்களைத் தொடர்பு கொள்ளலாம்.
 

]]>
https://images.dinamani.com/uploads/user/imagelibrary/2019/6/27/w600X390/agri.jpg https://www.dinamani.com/agriculture/2019/jun/27/சிறு-குறு-விவசாயிகளின்-வாழ்வாதாரத்தை-மேம்படுத்தும்-கூட்டுப்-பண்ணையம்-3179755.html
3174820 விவசாயம் தோட்டக்கலைப் பயிர்களைக் காக்கும் வறட்சி மேலாண்மை உத்திகள் Thursday, June 20, 2019 01:04 AM +0530
மதுரை:  தோட்டக்கலைப் பயிர்களைக் காக்க  பின்வரும்  வறட்சி மேலாண்மை உத்திகளை விவசாயிகள் பயன்படுத்தினால் 10 சதவீதம் வரை மகசூல் அதிகரிக்கும் வாய்ப்புள்ளதாக தோட்டக்கலைத்துறை தெரிவித்துள்ளது.
 பெருகி வரும் மக்கள்தொகை, தொழிற்சாலைகளின் வளர்ச்சி, நகரமயமாதல் ஆகியன தனி நபருக்கான தண்ணீர் கிடைக்கும் அளவைக் குறைத்துவிட்டன.   பயிர்களைப் பொருத்தவரை வறட்சி என்பது மழையில்லாத குறிப்பிட்ட காலத்தைக் குறிக்கும் சொல். மண்ணின் ஈரப்பதம், அதாவது வேரின் நீர் கொள்ளளவைவிட மண் நீராவிப் போக்கின் அளவு அதிகரிக்கும் போது நீர்ப் பற்றாக்குறை ஏற்படுகிறது. இதையே  வறட்சி பாதிப்பு என்கிறோம்.
  பருவமழை இல்லாதது, நிலத்தடிநீர் குறைவு போன்ற காரணங்களால் பாசன வசதி குறைந்து, சாகுபடி செய்யப்படும் அனைத்து நிலங்களுக்கும் போதுமான தண்ணீர் கிடைக்காத நிலையால் வறட்சி நேரிடுகிறது.
  வறட்சி காலங்களில் குறைந்த பாசன நீர் வசதியைக் கொண்டு காய்கறி, பழ மரங்கள் உள்ளிட்ட தோட்டக்கலைப் பயிர்களில் உரிய வறட்சி மேலாண்மை உத்திகளைப் பின்பற்றும் நிலையில், மகசூல் இழப்பைத் தவிர்ப்பதோடு,  சராசரியைக் காட்டிலும் கூடுதலாக மகசூல் ஈட்ட முடியும் என்கின்றனர் தோட்டக்கலைத் துறையினர்.  இதுகுறித்து விவசாயிகளுக்கு தெரிவிக்கும் ஆலோசனைகள்:
 வறட்சி மேலாண்மை: சாகுபடிக்கான நிலம் தயாரிப்பில் கடைசி உழவின்போது ஹெக்டேருக்கு 12.5 டன் தொழு உரம் இட்டு, மண்ணின் நீர் பிடிப்புத் தன்மையை அதிகரிக்க வேண்டும்.  விதைகளை ஒரு சதவீதம் பொட்டாசியம் குளோரைடு அல்லது ஒரு சதவீதம் பொட்டாசியம் டை ஹைட்ரஜன் பாஸ்பேட் அல்லது 0.5 சதவீதம் சோடியம் குளோரைடு அல்லது 0.5  சதவீதம் மெக்னீசியம் சல்பேட் கொண்டு கடினப்படுத்துவதன் மூலம் விதைகள் நீர் பற்றாக்குறை காலங்களில் வறண்ட சூழ்நிலைக்கு ஏற்ப தனது செயல்பாட்டை நிலை நிறுத்திக் கொள்ளும்.  வறட்சிக் காலங்களில் பயிர் இடைவெளிகளில் கரும்பு மற்றும் சோளத்தின் சோகையை நிலப்போர்வையாக பயன்படுத்துவதன் மூலம் நிலத்தின் ஈரப்பதத்தை நிலை நிறுத்தலாம்.
பூ, பிஞ்சுகள் உதிர்வைத் தடுக்க...: பயிரின் வளர்ச்சிக் காலங்களில் 1,000 பிபிஎம்- சைகோசல் என்ற வளர்ச்சி தடுப்பானை ஒரு லிட்டர் தண்ணீருக்கு ஒரு மில்லி  அளவில் தெளித்து, வளர்ச்சியைக் குறைத்து,  நீராவிப் போக்கை கட்டுப்படுத்தலாம். மேலும், பூ, பிஞ்சுகள் உதிர்வதைத்  தவிர்க்க பிளானோபிக்ஸ் என்ற  வளர்ச்சி ஊக்கியை 4.5 லிட்டர் தண்ணீரில் 4 மில்லி என்ற அளவில் கலந்து தெளிக்கலாம்.  பிபிஎப்எம்-  என்ற திரவ நுண்ணுயிர் உரத்தை அனைத்து பயிர்களுக்கும், மரங்கள் மற்றும் பூச் செடிகளுக்கு காலை அல்லது மாலை நேரங்களில் ஒரு சதவீதம்  முதல் 2 சதவீதம் தண்ணீரில் கலந்து (10 லிட்டர் நீரில் 100 முதல் 200 மிலி) இலைகள் நன்கு நனையும்படி தெளிக்கலாம்.
 மகசூலை அதிகப்படுத்தும்...: பயிர்களின் முக்கிய வளர்ச்சிக் காலங்கள், பூ மற்றும் காய் பிடிக்கும் தருணம் அல்லது 30 முதல் 45 நாள்களுக்கு ஒரு முறை இதைப் பயன்படுத்தலாம்.  இதனால் வறட்சி தாங்கும் திறன்  அதிகரிப்பதோடு மட்டுமல்லாமல் விதை முளைப்புத் திறன் அதிகரிக்கிறது. நாற்றுக்களின் வளர்ச்சி அதிகரிக்கிறது. பூக்கும் காலம் மற்றும் காய்களின் அறுவடை காலம் தாமதம் ஆவதைக் குறைக்கிறது. பழங்கள், காய்கள் மற்றும் விதைகளின் நிறம் மற்றும் தரம் அதிகரிக்கிறது. மகசூல் 10 சதவீதம் அதிகரிக்கும். 
   நடமாடும் நீர் தூதுவான் கொண்டு மாலை நேரங்களில் தெளித்தும் பயிர்களை வறட்சியிலிருந்து காக்கலாம்.  தென்னை நார் கழிவு, தென்னை ஓலை, உரி மட்டை போன்றவற்றைப் பயன்படுத்தி நீர்வளத்தை பாதுகாக்கும்  வழிகளையும் மேற்கொள்ளலாம்.  தென்னை நார்க் கழிவை, 10 முதல் 15 செமீ  உயரம் வரை வட்டப் பாத்திகளில் பரப்பி சொட்டுநீர்ப் பாசனம் மூலம் நீர்ப் பாய்ச்ச வேண்டும். 
இதனால், மண்ணின் மேற்பரப்பில் நீர் ஆவியாதல் குறைந்து மண்ணின் ஈரப்பதம் காக்கப்படும்.   தென்னையின் வட்டப் பாத்தியை சுற்றிலும், 10 முதல் 15 காய்ந்த தென்னை ஓலைகளை வெட்டி துண்டுகளாக்கி பரப்பி வைப்பதால் வேர்ப் பகுதியில் நீரைச் சேமிப்பதோடு வட்டப் பாத்தியில் களைகளும் முளைப்பதில்லை தேங்காய் உரிமட்டைகளை நார் பகுதி கீழ் நோக்கியவாறும், மேல் நோக்கியவாறும் இரண்டு அடுக்குகளாக தென்னையின் அடிப்பகுதியிலிருந்து, 2 மீட்டர் ஆர வட்டத்தில் புதைத்து வேர் பகுதியில் நீரை சேமித்து வறட்சி மேலாண்மை முறைகள் கடைப்பிடிக்கலாம்.

வறட்சியைத் தாங்கி ஈரப்பதத்தைக் காக்கும் வகையில் மிளகாய் பயிரில் அமைக்கப்பட்டுள்ள நிலப் போர்வை அமைப்பு.

]]>
https://images.dinamani.com/uploads/user/imagelibrary/2019/6/20/w600X390/tree.jpg https://www.dinamani.com/agriculture/2019/jun/20/தோட்டக்கலைப்-பயிர்களைக்-காக்கும்-வறட்சி-மேலாண்மை-உத்திகள்-3174820.html
3174819 விவசாயம்  முருங்கைக் கீரையின் சத்துகளும், மருத்துவப் பயன்களும் Thursday, June 20, 2019 12:57 AM +0530
பெரம்பலூர்:  நம் முன்னோர்கள் உடல்நலனைக் காப்பதில் மிகுந்த அக்கறை கொண்டிருந்தனர். அவர்கள் பல வகையான, இயற்கையில் கிடைக்கும் தாவர வகைகளை மருந்தாகப் பயன்படுத்தி வந்தனர். அவ்வாறு பயன்படுத்தப்பட்ட தாவரங்களில் முருங்கையும் ஒன்றாகும். முருங்கைக் கீரையில் வியக்கத்தக்க மருத்துவ குணங்கள் அடங்கியுள்ளன. பல நோய்களைக் குணப்படுத்தவும், வருமுன் காக்கவும் முருங்கைக் கீரை உதவுகிறது. 
வீட்டிற்கு ஒரு முருங்கை மரம் வளர்த்து வந்தால், வீட்டில் அனைவரும் ஆரோக்கியமாக வாழலாம். முருங்கைக் கீரை 300 வகையான நோய்கள் வராமல் தடுக்கவும், 67 வகையான நோய்களைக் குணப்படுத்தவும் உதவுவதாக ஆயுர்வேத மருத்துவம் குறிப்பிடுகிறது. முருங்கைக் கீரையில் 90 வகையான சத்துகளும், 46 வகையான மருத்துவ குணமும் இருப்பதாக ஆய்வுக் குறிப்புகளில் கூறப்பட்டுள்ளது. 
இதுகுறித்து, பெரம்பலூர் மாவட்டம், வாலிகண்டபுரத்தில் உள்ள ஹேன்ஸ் ரோவர் வேளாண் அறிவியல் மைய மனையியல் தொழில்நுட்ப வல்லுநர் ப. விஜயலட்சுமி கூறியது:
முருங்கைக்கீரை ஒரு மருத்துவ குணம்மிக்க மூலிகை. இதர கீரைகளைவிட அதிக அளவு புரதச்சத்தும், மற்ற சத்துகளும் அடங்கியுள்ளன. இது, முருங்கைக் கீரைக்கே உண்டான சிறப்பு அம்சமாகும். எனவே தான் முருங்கைக் கீரை சத்துப் பற்றாக்குறையை குணப்படுத்தும் உணவாக பரிந்துரைக்கப்பட்டுள்ளது. 
முருங்கைக் கீரையில் உடலுக்குத் தேவையான முக்கியமான 9 அமினோ அமிலங்கள் உள்ளன. மற்ற எந்த தாவர உணவிலும் முருங்கையில் இருப்பது போன்ற முக்கியமான அமினோ அமிலங்கள் இல்லை. மேலும், முருங்கைக் கீரையில் மற்ற தாவர உணவுகளில் இருப்பதைவிட 25 மடங்கு இரும்புச்சத்து அதிகம் உள்ளது. இரும்புச்சத்து ரத்தத்தில் உள்ள ஹீமோகுளோபின் அளவை அதிகப்படுத்துகிறது. செயற்கையாக நாம் உட்கொள்ளும் மருந்து மாத்திரைகளில் கிடைக்கும் இரும்புச்சத்தை விட, முருங்கைக் கீரையில் இயற்கையாக அமைந்துள்ள இரும்புச்சத்தை நம் உடல் எளிதில் கிரகித்துக் கொள்ளும். 
நம் உணவு முறையில் ஏற்பட்ட பெரிய மாற்றத்தின் காரணமாக, நம் குழந்தைகளிடையே சத்துப் பற்றாக்குறை நோய்கள் அதிகரித்து வருகின்றன. அதிலும், குறிப்பாக வைட்டமின் பற்றாக்குறை அதிகமாகக் காணப்படுகிறது.  இச்சூழ்நிலையில் இயற்கையான சத்துகள் நிறைந்த உணவுகளை மீண்டும் மக்களிடம் கொண்டுசெல்ல வேண்டும். ஒரு வயது முதல் 3 வயது வரையுள்ள குழந்தைகளுக்கு, ஒரு டேபிள் ஸ்பூன் அதாவது சுமார் 8 கிராம் உலர்ந்த முருங்கைக்கீரை பவுடர் கொடுப்பதன் மூலம் குழந்தைகளுக்கு ஒரு நாளைக்குத் தேவையான 14 சதம் புரதச்சத்தும், 40 சதம் கால்சிய சத்தும், 23 கிராம் இரும்புச்சத்தும், தேவையான வைட்டமின் ஏ சத்தும் கிடைக்கும் என்று ஆராய்ச்சி குறிப்புகளில் கூறப்படுகின்றன. 
முருங்கைக் கீரை உண்பதால் உடல்சூடு மந்தம், மூர்ச்சை, கண் நோய் ஆகிய குறைபாடுகள் வராமல் தடுக்கலாம். வயிற்றுப் புண்களை ஆற்றும் சக்தி முருங்கைக் கீரையில் உள்ளது. உடலின் நோய் எதிர்ப்புச் சக்தி அதிகரிக்கும். உடலின் சர்க்கரை அளவை சமநிலைப் படுத்தவும், கர்ப்பிணி, வளர் இளம்பெண்களை ரத்த சோகையிலிருந்து விடுவிக்கவும், தாய்ப்பால் சுரக்கவும் உதவுகிறது. இது தவிர, ஆஸ்துமா, மார்புச்சளி, வறட்டு இருமல், தலைவலி, மூட்டுவலி, மலட்டுத்தன்மை ஆகிய அனைத்து வியாதிகளுக்கும் மிகச்சிறந்த இயற்கை நிவாரணியாக செயல்படுகிறது. 
ஏழைகளின் பிணிகளை விரட்டும் அற்புதக் கீரை இது. இக்கீரை மலிவானது மட்டுமல்லாமல், அனைத்து இடங்களிலும், அனைத்து காலங்
களிலும் கிடைக்கும். தமிழ்நாட்டிலிருந்து முருங்கைக் கீரை அதிக அளவு ஏற்றுமதி செய்யப்படுகிறது. வெளிநாடுகளில் முருங்கை இலை உணவுகளை கர்ப்பிணி பெண்கள், விளையாட்டு வீரர்கள் ஆகியோருக்கு ஆரோக்கிய உணவாக பரிந்துரைக்கின்றனர். தமிழ்நாட்டில் தேனி, திண்டுக்கல், கரூர், அரியலூர், தூத்துக்குடி, தாராபுரம் ஆகிய மாவட்டங்களில் அதிக அளவு முருங்கை பயிரிடப்படுகிறது. 
நமது உழவர்கள் காய்களை மட்டும் வியாபாரம் செய்கிறார்கள். முருங்கைக் கீரையை பெரும்பாலான உழவர்கள் வியாபார ரீதியாக விற்பனை செய்வதில்லை. நம் நாட்டில் முருங்கைக் கீரையைப் பதப்படுத்தும் தொழில்நுட்பம் பற்றிய விழிப்புணர்வு குறைவாகவே உள்ளது.
முருங்கக் கீரையை சுத்தப்படுத்த அதிக நேரம் தேவைப்படுவதாலும், அதன் மணம் சிறிது கசப்புத் தன்மையோடு இருப்பதாலும், மக்கள் அதிகம் விரும்பி பயன்படுத்துவதில்லை. பச்சைக்கீரை தேவையானபோது கிடைப்பது அரிது. ஆனால், உலர்ந்த கீரையைச் சேமித்து வைத்தல் எளிது. பல நாள்கள் கெடாமல் இருக்கும். 
ஒர் ஏக்கர் முருங்கையைப் பயிரிட குறைந்த முதலீடாக ரூ. 40,000 முதல் ரூ. 50,000 வரை போதுமானது. 3 ஆண்டு வரை வருடத்திற்கு 6 டன் முருங்கைக் கீரையை அறுவடை செய்யலாம். ஒரு மாதத்திற்கு அரை டன் அளவு, இருமுறை அறுவடை செய்யலாம். இக்கீரையை உலர வைக்கும்போது சுமார் 200 கிலோ உலர்ந்த கீரைப்பவுடர் கிடைக்கும். ஒரு கிலோ பவுடர் ரூ. 400 வரை விற்பனை செய்யலாம். 
உலர்ந்த முருங்கைக் கீரைப் பவுடரைப் பயன்படுத்தி மசாலா சப்பாத்தி மிக்ஸ், ரொட்டி மிக்ஸ், சாதப்பொடி, சத்துபானம், குக்கீஸ் வகைகள், சூப் மிக்ஸ் உள்பட 21 வகையான உணவுகள் செய்யலாம் என ஆராய்ச்சி மூலம் பரிந்துரை செய்யப்பட்டுள்ளது. இந்த உணவுகளை எளிதில் நாள்தோறும் நம் உணவில் சேர்த்துக் கொள்ளலாம். இத்தகைய சிறப்பு வாய்ந்த முருங்கைக் கீரையை அன்றாட உணவில் பயன்படுத்தி, ஆரோக்கியமான வாழ்விற்கு வித்திடுவோம்.

]]>
https://images.dinamani.com/uploads/user/imagelibrary/2019/6/20/w600X390/murungai2.jpg https://www.dinamani.com/agriculture/2019/jun/20/முருங்கைக்-கீரையின்-சத்துகளும்-மருத்துவப்-பயன்களும்-3174819.html
3165652 விவசாயம் விவசாயிகளுக்கு வேளாண்மை பல்கலை. தகவல் Thursday, June 6, 2019 12:21 AM +0530
கோவை: சின்ன வெங்காயத்தின் விலை உயர வாய்ப்புள்ளதாக கோவை வேளாண்மை பல்கலைக் கழகத்தின் உள்நாட்டு, ஏற்றுமதி சந்தைத் தகவல் மையம் தெரிவித்துள்ளது.
இதுகுறித்து வேளாண்மைப் பல்கலைக்கழகம் வெளியிட்டுள்ள செய்திக் குறிப்பு:
நாட்டின் மொத்த சின்ன வெங்காயத்தின் உற்பத்தி, நுகர்வில் தமிழகம் முதலிடத்தில் உள்ளது. தமிழகத்தில் திண்டுக்கல், திருப்பூர், பெரம்பலூர், திருச்சி, நாமக்கல், தேனி, மதுரை ஆகிய மாவட்டங்களில் சின்ன வெங்காயம் அதிக அளவில் உற்பத்தி செய்யப்படுகிறது. ஏற்கெனவே குறைந்து வரும் பெரிய வெங்காய சாகுபடி பரப்பிலும் தற்போது சின்ன வெங்காயம் பெருமளவில் பயிரிடப்படுகிறது. மழை குறைந்ததன் காரணமாக சின்ன வெங்காயத்தின் உற்பத்தி, வழக்கத்தை விட பாதியாகக் குறைந்துள்ளது. தற்போது பல்லடம் பகுதியில் இருந்து மட்டுமே சந்தைக்கு வெங்காயம் வந்து கொண்டிருக்கிறது.
வேளாண்மைப் பல்கலைக்கழகத்தால் வெளியிடப்பட்ட கோ (ஓ.என்.) 5 என்ற ரகத்தையே விவசாயிகள் அதிக அளவில் பயிரிடுகின்றனர். அதிக மகசூல், இளஞ்சிவப்பு நிறம், பெரிய அளவு ஆகியவற்றால் இந்த ரக சின்ன வெங்காயம் அதிகம் பயிரிடப்படுகிறது. உள்நாட்டுச் சந்தையிலும், ஏற்றுமதி சந்தைகளிலும் அதிகம் விரும்பப்படும் ரகமாக இது உள்ளது. ஆனால், அண்மைக் காலங்களில் தென் கிழக்கு ஆசிய நாடுகளுக்கு ஏற்றுமதி குறைந்துள்ளது.
தற்போது பெரம்பலூர் பகுதிகளில் அறுவடை செய்யப்பட்ட சின்ன வெங்காயமானது விதை நோக்கத்துக்காக சேமித்து வைக்கப்பட்டுள்ளது. இதன் காரணமாகவும்,  சந்தைக்கு மிகக் குறைவான வரத்தாலும் சின்ன வெங்காயத்தின் விலை தற்போது உயர்ந்துள்ளது.
கர்நாடக மாநிலத்தில் சின்ன வெங்காயத்தின் உற்பத்தி சுமார் 50 சதவீதம் வரை பாதிக்கப்பட்டிருப்பதால், தமிழக சந்தைகளுக்கு கர்நாடக வெங்காயத்தின் வரத்து குறைவாகவே இருக்கும். அதேநேரம் ஜூன் மாத இறுதியில் மைசூரு, சாம்ராஜ்பேட்டை பகுதிகளில் இருந்து வரும் சின்ன வெங்காயம் தமிழக சந்தையில் தாக்கத்தை ஏற்படுத்தலாம் என்று கருதப்படுகிறது.  இந்த சூழலில் விவசாயிகள் விற்பனை முடிவுகளை எடுக்க ஏதுவாக, பல்கலைக்கழகத்தில் தமிழ்நாடு பாசன விவசாய மேம்பாட்டுத் திட்டத்தின் கீழ் இயங்கி வரும் வேளாண் ஊரக மேம்பாட்டு ஆய்வு மையத்தின் விலை முன்னறிவிப்புத் திட்டம், கடந்த 20 ஆண்டுகளாக திண்டுக்கல் சந்தையில் நிலவிய சின்ன வெங்காயம் விலை தொடர்பான சந்தை ஆய்வுகளை மேற்கொண்டது.
ஆய்வுகளின் அடிப்படையில் ஜூன் மாத இறுதி வரை தரமான சின்ன வெங்காயத்தின் சராசரி பண்ணை விலை கிலோவுக்கு ரூ.45 ஆக இருக்கும் என்று கணிக்கப்பட்டுள்ளது. மேலும், கர்நாடக வெங்காயத்தின் வரத்து, எதிர்கால ஏற்றுமதித் தேவைகளைப் பொருத்து சின்ன வெங்காயத்தின் விலையில் மாற்றங்கள் இருக்கும். எனவே, இந்த ஆலோசனையின் அடிப்படையில் விவசாயிகள் விற்பனை முடிவுகளை மேற்கொள்ளலாம். இது தொடர்பான மேலும் விவரங்களை கோவை வேளாண் பல்கலை.யில் உள்ள உள்நாட்டு, ஏற்றுமதி சந்தைத் தகவல் மையத்தையோ, காய்கறிப் பயிர்கள் துறைத் தலைவரையோ நேரிலோ அல்லது 0422 - 2431405, 6611374 என்ற தொலைபேசி எண்களிலோ தொடர்பு கொண்டு அறிந்து கொள்ளலாம் என அதில் குறிப்பிடப்பட்டுள்ளது.

]]>
https://images.dinamani.com/uploads/user/imagelibrary/2019/6/6/w600X390/onion.jpg https://www.dinamani.com/agriculture/2019/jun/06/விவசாயிகளுக்கு-வேளாண்மை-பல்கலை-தகவல்-3165652.html
3165651 விவசாயம் உளுந்து பயிரில் மஞ்சள் தேமல் நோய்: கட்டுப்படுத்தும் வழிமுறைகள் Thursday, June 6, 2019 12:19 AM +0530  

தஞ்சாவூர்: தஞ்சாவூர் மாவட்டத்தில் ஒரத்தநாடு, பட்டுக்கோட்டை, பேராவூரணி வட்டத்தில் நிகழ் பருவத்தில் சாகுபடி செய்யப்பட்டுள்ள ஏடீடி 5 உளுந்து பயிரில் மஞ்சள் நோய் பாதிப்பு ஆங்காங்கே காணப்பட்டதால் விஞ்ஞானிகள் குழுவினர் ஆய்வு மேற்கொண்டனர்.
உளுந்து பயிரில் மஞ்சள் தேமல் நோயானது வெள்ளை ஈயால் பரப்பப்படும் ஒரு வகை வைரஸ் நோய். தற்போது நிலவும் தட்பவெப்ப நிலை காரணமாக உளுந்து பயிரில் வெள்ளை ஈக்களின்  பெருக்கம் அதிகரித்து மஞ்சள் தேமல் நோய்த் தாக்குதல் காணப்படுகிறது.இதைத்தடுக்க, சரியான தருணத்தில் உளுந்து விதைகளை விதைத்து, சரியான விதை அளவான ஹெக்டேருக்கு 20 கிலோ மற்றும் பயிர் இடைவெளி 30 செ.மீ. ஷ் 15 செ.மீ. அளவில் பயிர் எண்ணிக்கையைப் பராமரிக்க வேண்டும்.  ஆரம்ப நிலையிலேயே நோய் தாக்குதல் காணப்படும் ஓரிரு செடிகளை வேரோடு பிடுங்கி அழிக்க வேண்டும். 
இளஞ்செடிகளில் வெள்ளை ஈ தாக்குதலைத் தவிர்க்க தயோமித்தாக்ஸன் அல்லது இமிடாகுளோபிரிட் மருந்தை ஒரு கிலோ விதைக்கு 5 கிராம் வீதம் விதை நேர்த்தி செய்ய வேண்டும். வரப்புப் பயிராக மக்காச்சோளம் பயிரிடுவதன் மூலம் வெள்ளை ஈக்களை  இயற்கையிலேயே அழிக்கும் என்காசியா மற்றும் எரிட்மோசீரஸ் ஒட்டுண்ணிகளைப் பெருக்கமடையச் செய்ய முடியும். 
மஞ்சள் வண்ண ஒட்டும் அட்டைப் பொறிகளை ஹெக்டேருக்கு 12 என்ற வீதம் கட்ட வேண்டும். தாவரப் பூச்சிக் கொல்லியான 5 சதவீதம் வேப்பங்கொட்டைச் சாறு அல்லது ஒரு சதவீதம் அசாடிராக்டின் தெளிக்க வேண்டும்.
உளுந்து செடி பூப்பதை ஊக்குவிக்கவும், பூத்த பூக்கள் திரட்சியான காய்களைப் பெறவும் ஒரு லிட்டர் தண்ணீரில் 100 மில்லி கிராம் சாலிசிலிக் அமிலம் மற்றும் 40 மில்லி கிராம் நாப்தாக்சி அசிட்டிக் அமிலம் கொண்டு 15 நாள் இடைவெளியில் இரு முறை தெளிக்க வேண்டும். இலைவழித் தெளிப்பு முறையில் 2 சதவீதம் டிஏபி கரைசல் தெளிக்க வேண்டும்.  வறட்சிக் காலத்தில் வறட்சியைத் தாங்குவதற்காக  இடைபருவ மேலாண்மை முறையாக 2 சதவீதம் பொட்டாசியம் குளோரைடு மற்றும் 100 பி.பி.எம். போரான் கலந்து தெளிக்க வேண்டும்.
வண்டல் மண் பகுதியில் உளுந்து சாகுபடி செய்துள்ள விவசாயிகள் பயிரின் பன்முகப் பூக்கும் நிலையை ஊக்குவிக்க விதைத்த 40 முதல் 45 நாட்களில் பரிந்துரைக்கப்பட்ட மேலுரத்துடன் கூடுதலாக ஹெக்டேருக்கு 25 முதல் 30 கிலோ யூரியா உரத்தை இட வேண்டும்.
வெள்ளை ஈ தாக்குதல் அதிகரிக்கும்போது, ஊடுருவி பாயக்கூடிய பூச்சி மருந்துகளில் ஹெக்டேருக்கு டைமெத்தவேட் 30 ஈசி 500 மில்லி அல்லது மித்தைல் டெமட்டான் 25 ஈசி 500 மில்லி மருந்தை ஒரு லிட்டர் தண்ணீரில் ஒரு மில்லி அளவில் கலந்து கைத்தெளிப்பான் மூலம் தெளித்து கட்டுப்படுத்தலாம். 
எனவே, உளுந்து சாகுபடி செய்துள்ள இப்பகுதி விவசாயிகள் மஞ்சள் தேமல் நோயைக் கட்டுப்படுத்த இந்த மேலாண்மை முறைகளைக் கையாண்டு அதிக மகசூல் பெறலாம் என வேளாண் துறையின் தஞ்சாவூர் மாவட்ட இணை இயக்குநர் க. நெடுஞ்செழியன்  தெரிவித்தார்.

]]>
https://images.dinamani.com/uploads/user/imagelibrary/2019/6/6/w600X390/dhal.jpg https://www.dinamani.com/agriculture/2019/jun/06/உளுந்து-பயிரில்-மஞ்சள்-தேமல்-நோய்-கட்டுப்படுத்தும்-வழிமுறைகள்-3165651.html
3165650 விவசாயம் 5 தென்னை மரங்களுக்கும் காப்பீடு செய்யலாம் Thursday, June 6, 2019 12:18 AM +0530 மதுரை: நூற்றுக்கணக்கான எண்ணிக்கையில் இருக்கும் தென்னந்தோப்புகளுக்கு மட்டுமின்றி,  வீட்டுத் தோட்டங்களில் குறைந்தபட்சம் 5 தென்னை இருந்தாலே அதற்கும் காப்பீடு செய்து கொள்ளலாம்.

தமிழகத்தில் நெல் சாகுபடிக்கு அடுத்ததாக தென்னை முக்கியப் பயிராக இருந்து வருகிறது. இந்திய அளவில் நெல் சாகுபடியில் கேரளம், கர்நாடகத்துக்கு அடுத்ததாக தமிழகத்தில் சுமார் 390 ஹெக்டேரில் தென்னை சாகுபடி செய்யப்பட்டு வருகிறது.   வெப்பமண்டல பகுதிகளுக்கு ஏற்றது என்பதால் தமிழகத்தின் அனைத்து மாவட்டங்களிலும் தென்னை சாகுபடி செய்யப்பட்டு வருகிறது. அதிகபட்சமாக கோவை மாவட்டத்தில் ஒரு லட்சத்து ஆயிரத்து 544 ஹெக்டேரிலும், அதற்கு அடுத்ததாக தஞ்சாவூர் மாவட்டத்தில் 26 ஆயிரம் ஹெக்டேரிலும், திண்டுக்கல் மாவட்டத்தில் 24 ஆயிரம் ஹெக்டேரிலும் சாகுபடி செய்யப்பட்டு வருகிறது.

தமிழகத்தின் டெல்டா மாவட்டங்களில் நெல் பிரதான பயிராக இருந்தாலும், தென்னை சாகுபடியும் கணிசமான அளவில் இருக்கிறது.  தஞ்சை மாவட்டத்தில் பெரும்பாலான விவசாயிகள் நெல் சாகுபடியோடு,  தென்னை சாகுபடியிலும் ஈடுபட்டிருக்கின்றனர். அண்மையில் கஜா புயலால் ஆயிரக்கணக்கான தென்னை மரங்கள் அடியோடு சாய்ந்துவிட்ட நிலையில், விவசாயிகள் பெரும் பாதிப்பை அடைந்திருக்கின்றனர். தென்னை சாகுபடியை அடிப்படையாகக் கொண்டிருந்த விவசாயிகளின் பொருளாதார நிலை கடுமையான சரிவைச் சந்தித்துள்ளது.

தென்னையைப் பொருத்தவரை நெட்டை, குட்டை ரகங்கள், வீரிய ஒட்டு ரகங்கள் என தமிழகத்துக்கு ஏற்ற ரகங்களை தமிழ்நாடு வேளாண் பல்கலைக்கழகம் உற்பத்தி செய்து விவசாயிகளுக்கு வழங்கி வருகிறது. நெட்டை, குட்டை ரகங்களில் 5 ஆண்டுகளில் காய்கள் அறுவடை செய்யலாம். ஒட்டு ரகங்களைப் பொருத்தவரை 3 ஆண்டுகளிலேயே பலன் கிடைக்கிறது.

தென்னை விவசாயிகள் தனிப் பயிராகவோ, ஊடுபயிர் பரப்பில் வரிசையாகவோ, வீட்டுத் தோட்டத்தில் குறைந்தபட்சம் 5 மரங்களாவது சாகுபடி செய்தால் தென்னை மரக் காப்பீட்டுத் திட்டத்தில் பதிவு செய்யலாம். இதுகுறித்து வேளாண் துறையினர் கூறியது:

வெள்ளம், புயல், வறட்சி, பூச்சி-நோய் தாக்குதல், தீ விபத்து, இயற்கை சீற்றங்களால் தென்னை மரம் பாதிப்பை அடையும் நிலையில் காப்பீட்டுத் திட்டம் விவசாயிகளுக்கு நிவாரணம் அளிப்பதாக இருக்கிறது. ஆண்டுக்கு 30 காய்களுக்கு மேல் மகசூல் தரக்கூடிய தென்னை மரங்களை இத்திட்டத்தில் காப்பீடு செய்யலாம். குட்டை மற்றும் ஒட்டு ரகங்கள் 4 ஆண்டுகளில் இருந்தும், நெட்டை ரகங்கள் 2 ஆண்டுகள் முதல் 60 ஆண்டுகள் வரை காப்பீடு செய்யப்படும். ஒரு ஹெக்டேருக்கு 175 மரங்கள் மட்டுமே காப்பீடு செய்ய முடியும்.

திட்டத்தில் சேரும் விவசாயிகள் சாகுபடி செய்துள்ள மரங்களின் எண்ணிக்கை, வயது, பராமரிப்பு பற்றிய சுய உறுதிமொழி முன்மொழி அளிப்பது அவசியம். நிகழ் ஆண்டில் எந்த தேதியில் காப்பீட்டுத் தொகை செலுத்தப்படுகிறதோ அதற்கு அடுத்த மாதம் 1-ஆம் தேதியில் இருந்து ஓராண்டுக்கு அதற்கான இழப்பீடு வழங்கப்படும். 

காப்பீட்டுத் தொகையில் 50 சதவீதத்தை மத்திய அரசும், 25 சதவீதத்தை தென்னை வளர்ச்சி வாரியமும் ஏற்றுக் கொள்கின்றன. மீதி 25 சதவீதத்தை விவசாயிகள் செலுத்த வேண்டும். 4 முதல் 15 வயது வரை உள்ள மரங்களுக்கு, மரம் ஒன்றுக்கு ரூ.2.25, 16 வயது முதல் 60 வயது வரையுள்ள மரங்களுக்கு மரம் ஒன்றுக்கு ரூ.3.50 செலுத்த வேண்டும்.

தென்னை மரத்துக்கான காப்பீடு செய்வதற்கான விண்ணப்பத்தை வேளாண் விரிவாக்க மையங்களில் பெற்றுக் கொள்ளலாம். கிராம நிர்வாக அலுவலரிடம் பெறப்பட்ட சிட்டா, அடங்கல் விவரங்களுடன் வேளாண் துறை அலுவலகத்தில் விண்ணப்பத்தை சமர்ப்பிக்கலாம் என்றனர்.

]]>
https://www.dinamani.com/agriculture/2019/jun/06/5-தென்னை-மரங்களுக்கும்-காப்பீடு-செய்யலாம்-3165650.html
3160966 விவசாயம் இயற்கை முறையில் மாங்காய்களை பழுக்க வைக்கும் தொழில்நுட்பங்கள் Thursday, May 30, 2019 01:08 AM +0530
கிருஷ்ணகிரி: மாங்காய்களை இயற்கை முறையில் பழுக்க வைப்பதன் மூலம் விவசாயிகள் கூடுதல் வருவாயை ஈட்டலாம் என்கிறார் கிருஷ்ணகிரி மாவட்ட தோட்டக்கலைத் துறை இணை இயக்குநர் டி.சி. கண்ணன்.
 கனிகளில் முதல் கனியாக விளங்குவது மாங்கனி ஆகும்.  தமிழ்நாட்டில் பரவலாக மாங்காய் சாகுபடி செய்யப்படுகிறது. குறிப்பாக, கிருஷ்ணகிரி, தருமபுரி, சேலம் உள்ளிட்ட பல மாவட்டங்களில் அதிக அளவில் சாகுபடி செய்யப்படுகின்றது . கிருஷ்ணகிரி மாவட்டத்தின் முக்கிய தோட்டக் கலை பயிராக மா சாகுபடி உள்ளது. 
 அறுவடை:   தற்போது, மாங்காய் அறுவடைக்கான பருவம் ஆகும்.  தகுதியான மாங்காய்களை அறுவடை செய்யும்போது,  கூடையுள்ள கொக்கிகளைப் பயன்படுத்த வேண்டும். காய்கள் கீழே விழாமல் பார்த்துக் கொள்ள வேண்டும்.  கீழே விழுந்தால் காயின் தரம் குறைய வாய்ப்பு உள்ளது. 
இயற்கை முறையில் பழுக்க வைக்கும் தொழில்நுட்பங்கள்:  மாங்காய்களை இயற்கை முறையில் மற்றும் சுகாதாரமான முறையில் பழுக்க வைப்பது உடலுக்கு ஆரோக்கியமானது.  அதற்கான தொழில்நுட்ப முறைகளில் முதலாவதானது எத்திலின் என்னும் ஹார்மோன் முறை ஆகும்.   இது இயற்கையாகவே பழுக்கும்போது,  எல்லா வகை பழங்களில் இருந்தும் வெளிப்படுவது.  அதாவது எத்திலின்கள் என்னும் ஹார்மோன் தாவரங்களில் இயற்கையாகவே உற்பத்தியாகிறது.  அந்த ஹார்மோனை செயற்கை முறையில் காய்களுக்கு அளிப்பதன் மூலம் விரைவில் தீங்கு விளைவிக்காமல் பழுக்க வைக்க இயலும்.  இந்த தொழில்நுட்ப முறைகளில் எளிமையான மற்றும் சுகாதாரமான முறைகளில் ஒன்றான காற்றுபுகா அறையில் காய்களை மூன்று பங்கு அளவுக்குப் பரப்பி, மீதமுள்ள இடத்தை காற்றோட்டம் இருப்பதற்காக விட வேண்டும்.  அந்த அறையில் ஓர் ஓரத்தில் அகலமான பாத்திரம் ஒன்றில் 5 லிட்டர் தண்ணீரில் 10 மில்லி எத்ரல் மற்றும் 2 கிராம் சோடியம் ஹைட்ராக்ஸைடு மாத்திரையை கலந்து வைக்க வேண்டும்.  அவற்றிலிருந்து வெளிவரும் எத்திலின் வாயு காய்களை 12 முதல் 24 மணி நேரத்தில் பழுக்கச் செய்யும்.  இந்தகைய மாத்திரைகள் உள்ளூர் சந்தைகளில் கிடைக்கும். 
இந்த முறைக்கு மாற்றாக, 100 கிலோ மாங்காய்களுக்கு 10 கிலோ பப்பாளி,  சப்போட்டா, வாழை, அன்னாசி போன்ற பழங்களை கலந்து வைக்கலாம்.  இந்த பழங்களின் கலவையிலிருந்து எத்திலின் வாயு வெளியிடும்.  இந்த முறையில் மாங்காய்களானது 24 முதல் 48 மணி நேரத்தில் பழுத்துவிடும்.  இந்த முறையில் பழுக்க வைக்கும் பழங்களானது தரமானதாகவும் சுவைமிக்கதாகவும் இருக்கும்.   இந்த முறையில் பழுக்க வைக்கும் காய்கள்,  ஏற்றுமதிக்கு உகந்தவை. இதனால், கூடுதல் வருவாயை விவசாயிகள் ஈட்டலாம்.
புகைமூட்டம் மூலம் காய்களைப் பழுக்க வைக்கும் போது, வெளிவரும் அசிட்டிலின் வாயுவானது பழங்களை பழுக்க வைப்பதோடு,  காய்களை ஒன்றுபோல் பழுக்க வைக்கும். ஆனால்,  இந்த முறையில் பழுக்க வைக்கும் பழங்களானது நிறம் மற்றும் சுவையில் ஒன்றுக்கொன்று வேறுபட்டதாக  இருக்கும். 
மேலும், விவரங்களுக்கு விவசாயிகள் அருகில் உள்ள அனைத்து தோட்டக்கலைத் துறை உதவி இயக்குநர்களை அணுகலாம் எனத் தெரிவித்தார்.
 

]]>
https://images.dinamani.com/uploads/user/imagelibrary/2019/5/30/w600X390/mango.jpg https://www.dinamani.com/agriculture/2019/may/30/இயற்கை-முறையில்-மாங்காய்களை-பழுக்க-வைக்கும்-தொழில்நுட்பங்கள்-3160966.html
3160965 விவசாயம் குண்டுமல்லி சாகுபடி: ஒரு முறை முதலீடு செய்தால் 3 ஆண்டுகளுக்கு பலன் தரும் Thursday, May 30, 2019 01:08 AM +0530
திருவள்ளூர்:  ஒருமுறை முதலீடு செய்தால் போதுமானது. தொடர்ந்து 3 ஆண்டுகளுக்கு மறுதாம்பு முறையில் பலன் தரக்கூடிய பயிர் என்பதாலும், நாள்தோறும் வருவாய் ஈட்டித் தரும் என்பதாலும் திருவள்ளூர் பகுதியில் குண்டுமல்லி சாகுபடி செய்வதில் விவசாயிகள் ஆர்வத்துடன் ஈடுபட்டு வருவதாகவும் தெரிவிக்கின்றனர்.  
குறைந்த அளவு நீர் ஆதாரம் போதும்:  கோடைக்காலம் என்பதால் திருவள்ளூர் பகுதியில் கடும் வெயில் வாட்டி வருகிறது. இதன்காரணமாக ஏரிகளில் மற்றும் விவசாயக் கிணறுகளிலும் நிலத்தடி நீர்மட்டம் வெகுவாக குறைந்து கொண்டே வருகிறது. இதனால், திருவள்ளூர் பகுதி கிராமங்களில் விவசாயக் கிணறுகளில் குறைந்த அளவு நீரைக் கொண்டு ஏதாவது ஒரு வகை பயிர் சாகுபடி செய்ய வேண்டிய சூழ்நிலை ஏற்பட்டுள்ளது. அதனால், இப்பகுதியைச் சுற்றியுள்ள கிராமங்களில் குறைந்த அளவு நீரைக் கொண்டு நீண்ட காலப் பலன் தரக்கூடிய குண்டுமல்லி சாகுபடி செய்வதில் விவசாயிகள் ஆர்வத்துடன் ஈடுபட்டு வருகின்றனர். மேலும், இப்பயிரிட்ட 5ஆவது மாதம் முதல் தேவையான அளவு குண்டுமல்லியைப் பறிக்க முடியும். இதன் மூலம் விவசாயிகளுக்கு நாள்தோறும் போதுமான அளவுக்கு வருவாய் கிடைத்து வருகிறது.   
நன்றாகப் பராமரித்தால்...: திருவள்ளூர் மாவட்டத்தில், பூண்டி, எல்லாபுரம், கும்மிடிப்பூண்டி ஆகிய ஒன்றியங்களைச் சேர்ந்த பூண்டி, புல்லரம்பாக்கம், காந்தி நகர், மோவூர், விடையூர், புல்லரம்பாக்கம், புதுமாவிலங்கை, காரணி, சிவன்வாயல், நத்தமேடு, பாக்கம், கசுவா, புலியூர், வெள்ளியூர், கீழானூர்  உள்ளிட்ட பல்வேறு கிராமங்களில் 5 ஆயிரம் ஏக்கரில் குண்டுமல்லி சாகுபடியில் விவசாயிகள் ஈடுபட்டு வருகின்றனர். 
இப்பயிர் நன்றாக வளரும் வரை களைகொத்தி பராமரிப்பு செய்ய வேண்டும். அதேபோல் தேவையான அளவு இடுபொருள்களை அளித்தால் போதுமானது. அத்துடன், நாள்தோறும் அறுவடை செய்து குண்டுமல்லியை சந்தைக்கு அனுப்பி உடனே விற்க முடியும். இதுபோன்ற காரணங்களால் இப்பகுதியில் விவசாயிகள் ஒவ்வொருவரும் அரை ஏக்கர் முதல் 1 ஏக்கர் வரை குண்டுமல்லி சாகுபடி செய்து பராமரித்து வருகின்றனர். 
ஒரு முறை முதலீட்டுக்கு 3 ஆண்டு பலன்: இப்பயிருக்கு ஒரு முறை முதலீடு செய்தால் போதுமானது. அதன்பின் மறுதாம்பு முறையில் தொடர்ந்து 3 ஆண்டுகளுக்கு பலன் தருகிறது. இப்பயிருக்கு பராமரிப்புதான் முக்கியமாகும். மாதந்தோறும் இரு முறை தண்ணீர் பாய்ச்சினாலே போதும். இப்பயிர் நன்றாக வளர்ந்ததும் குடைபோல் விரிந்து காணப்படுவதால் நிலப்பகுதியில் உள்ள ஈரத்தை தக்க வைத்துக் கொள்ளும் தன்மையைக் கொண்டுள்ளது. அதேபோல், பூக்களைப் பறிப்பதற்கு ஏதுவாக அவ்வப்போது கிளைகளை வெட்டிப் பராமரிக்க வேண்டும். இவ்வாறு செய்வதன் மூலம் 5-ஆவது மாதத்திலிருந்து பலன் பெறலாம். மேலும், ஒரு முறை முதலீடு செய்தால் போதுமானது. தொடர்ந்து 3 ஆண்டுகளுக்கு மறுதாம்பு முறையில் பயிர் செய்வதன் மூலம் வருவாய் ஈட்ட முடியும் எனவும் விவசாயிகள் தெரிவிக்கின்றனர். 
நாள்தோறும் வருவாய்: இதுகுறித்து விடையூரைச் சேர்ந்த விவசாயி மகேந்திரன் கூறியது:
தற்போதைய நிலையில் ஏரியில் நீர் ஆதாரம் குறைந்து வருவதால் கிணறிலும் போதுமான நீர் வரத்து கிடையாது. இதனால் குறைந்த அளவு நீரை பயன்படுத்தி அரை ஏக்கரில் குண்டு மல்லி சாகுபடி செய்துள்ளேன். இப்பயிரைச் சாகுபடி செய்வதன் மூலம் 5-ஆவது மாதத்தில் இருந்து பூக்களைப் பறிக்க முடியும். அரை ஏக்கரில் நன்றாகப் பராமரித்தால் 5-ஆவது மாதத்திலிருந்து நாள்தோறும் குண்டுமல்லி பறித்து பலன் பெற முடியும்.
இதில் குறைந்தது 80 சேர் வரை கிடைக்கும். குண்டுமல்லியைப் பறித்து சென்னை கோயம்பேடு சந்தைக்கு கொண்டு சென்றால் உடனே பணமாக்க முடியும். இதில் பூக்கள் வரத்து அதிமாக இருந்தால் ஒரு சேர் ரூ.40 வரை விற்பனையாகும். வரத்து குறைவாக இருந்தால் ரூ.60 வரை விற்பனையாகும். தற்போது, கோடைக்காலம் என்பதால் குண்டுமல்லிப் பூக்கள் வரத்து குறைந்துள்ளது. இதனால் ஒரு சேருக்கு ரூ.80 வரை கிடைக்கிறது. சந்தைக்கு கொண்டு செல்ல முடியாதபட்சத்தில் கிராமங்களிலேயே விற்பனை செய்து பணமாக்க முடியும். இவ்வாறு நாள்தோறும் குண்டுமல்லி பறிப்பதன் மூலம் வருவாய் ஈட்ட முடிவதால் விவசாயிகளின் விருப்பப் பயிராக இது மாறி வருகிறது என்றார் அவர்.



 

]]>
https://images.dinamani.com/uploads/user/imagelibrary/2019/5/30/w600X390/mali.jpg  திருவள்ளூர் அருகே விடையூரில் ஆர்வத்துடன்  குண்டுமல்லி பறிக்கும் பணியில் ஈடுபட்ட பெண்கள்.  https://www.dinamani.com/agriculture/2019/may/30/குண்டுமல்லி-சாகுபடி-ஒரு-முறை-முதலீடு-செய்தால்-3-ஆண்டுகளுக்கு-பலன்-தரும்-3160965.html
3160964 விவசாயம் பருத்தியில் மாவுப் பூச்சி தாக்குதல் அபாயம் Thursday, May 30, 2019 01:07 AM +0530
தஞ்சாவூர்: காவிரி  டெல்டா மாவட்டங்களில் தற்போது கோடை தரிசு பயிரில் பருத்தி சாகுபடி செய்யப்பட்டுள்ளது. இதில் மாவுப்பூச்சியின் தாக்குதல் தென்படுகிறது. மாவுப்பூச்சி - பீனோகாக்கஸ்  வகை , மாக்கோ நெல்லி காக்கஸ் வகை. இந்த மாவுப் பூச்சியானது அதிகக் கூட்டமாக இலையின் அடிப்புறத்தில், மெழுகுபோன்று காணப்படும். இதனால்,  இப்பூச்சியானது பூச்சி  மருந்துகளிலிருந்து தன்னைப் பாதுகாத்துக் கொள்ளும். இவை அதிகமான இனப்பெருக்கத் தன்மையும்,  மகசூல் இழப்பையும் ஏற்படுத்தக்கூடியது. இவை காற்று, நீர், மழை, பறவை மற்றும் விலங்குகளின்  மூலமாகவும் பரவக்கூடியது. இந்தப் பூச்சி தாக்கப்பட்ட இலைகளானது சுருங்கியும், செடி வளர்ச்சி குன்றியும், மற்றும் முழுவதும் இலைகள் உதிர்ந்து காய்ந்த செடி போன்றும் காணப்படும்.
மாவுப் பூச்சியைக் கட்டுப்படுத்தச் சில வழிமுறைகள்:
மாவுப் பூச்சியின் குஞ்சுகளானது ஒரு செடியிலிருந்து மற்றொரு செடிக்கு விரைவாகப் பரவக்கூடியது. எனவே, தாக்கப்பட்ட செடிகளை விரைவாகக் கண்டறிந்து முழுவதுமாகப் பிடுங்கி எரிக்க வேண்டும். இதேபோல, சிறிய செடியானது மாவுப்பூச்சியின் தாக்குதலுக்கு அதிக எதிர்ப்பு சக்தி உடையதால், சிறிய செடியில் மருந்து தெளிப்பதைத் தவிர்க்க வேண்டும். இதேபோல மாவுப் பூச்சியும் சிறிய செடியில் இனப்பெருக்கம் செய்வது மிகவும் குறைவு.இந்தியா முழுவதும் அதிகமான ஒட்டுண்ணிகளும், பொறி வண்டுகளும் மாவுப் பூச்சியின் தாக்குதலைக் கட்டுக்குள் வைத்துள்ளன. இப்பூச்சியைக் கட்டுப்படுத்தப் பயன்படுத்தும் மருந்துகளை அடிக்கடி உபயோகப்படுத்துவதால், நன்மை செய்யும் பூச்சிகள் அழிந்து மாவுப் பூச்சியின் எண்ணிக்கை திடீரென அதிகமாகிவிடும். எனவே, மருந்துகள் பயன்படுத்துவதைச் சப்பை பிடிக்கும் பருவத்தில் தவிர்க்க வேண்டும். தேவை ஏற்பட்டால் சுற்றுச்சூழலுக்குத் தீங்கு விளைவிக்காத வேப்ப எண்ணெய் சார்ந்த மருந்துகள் அல்லது பியூப்ரோபைசின் என்ற மருந்தை பருத்தியின் வளர்ச்சி பருவத்தில் தெளிக்க வேண்டும். 
ஆனால், சப்பை கட்டும் பருவத்தில் மாவுப்பூச்சியானது கூட்டமாக இருந்து இனப்பெருக்கம் செய்வதால் சரியான நேரத்தில் பூச்சியின் நடமாட்டத்தைக் கண்டுபிடித்து அதைக் கட்டுப்படுத்த வேண்டும். அப்படி இல்லையென்றால், விவசாயிகள் மிகவும் அதிகமான மகசூல் இழப்பைக் காண நேரிடும். பூச்சி மருந்துகளை வயல் முழுவதும் தெளிக்கக் கூடாது. அப்படி தெளிப்பதால் நன்மை செய்யும் பூச்சிகள் அழிந்து விடும். எனவே, ஒரு கொம்புக்கு மேல் பூச்சி தாக்கப்பட்ட செடிகளைக் கண்டறிய வேண்டும். அந்தச் செடிகளை மனிதர்களின் உடலில் படாதவாறு அதை அப்படியே பிடுங்கி பிளாஸ்டிக் பையில் வைத்து, வயலுக்கு வெளியே சென்று எரிக்க வேண்டும்.
ஆனால் 100-க்கு 10 செடிகளுக்கு மேல் மாவுப்பூச்சியின் தாக்குதல் தென்பட்டால் தையோடிகார்ப் 75 ரட-இல் 750 கிராம் அல்லது புரோபோனோபாஸ் 50 உஇ-இல் 1.25 கிலோ அல்லது அஸிப்பேட் 75 நட-இல் 2 கிலோ அல்லது டைமீய்தோயேட் 1 லிட்டர் என்ற மருந்துகளில் ஏதேனும் ஒன்றை ஒரு ஏக்கருக்கு 200 லிட்டர் தண்ணீரில் கலந்து தெளிக்கலாம் என்று ஆடுதுறையிலுள்ள தமிழ்நாடு நெல் ஆய்வு நிலைய இயக்குநர் வெ. அம்பேத்கார், முனைவர் பி. ஆனந்தி ஆகியோர் தெரிவித்துள்ளனர்.



 

]]>
https://images.dinamani.com/uploads/user/imagelibrary/2019/5/30/w600X390/cotton.jpg பருத்தி செடியில் காணப்படும் மாவுப் பூச்சி தாக்குதல். https://www.dinamani.com/agriculture/2019/may/30/பருத்தியில்-மாவுப்-பூச்சி-தாக்குதல்-அபாயம்-3160964.html
3156680 விவசாயம் ஆடிப்பட்ட ஆமணக்கு சாகுபடி  Thursday, May 23, 2019 12:55 AM +0530
திருச்சி: மானாவாரி பயிர் சாகுபடியில் ஈடுபட்டுள்ள விவசாயிகள், எண்ணெய் வித்து பயிர்களில் ஒன்றான ஆமணக்கை ஆடிப்பட்டத்தில் தேர்வு செய்து நிகர லாபம் பெறலாம் என வேளாண் துறை அறிவுறுத்தியுள்ளது.
பருவம் மற்றும் ரகங்கள்: தமிழகத்தின் அனைத்து மாவட்டங்களிலும் ஆமணக்கு சாகுபடி செய்யலாம். ஆடிப்பட்டமான ஜூன், ஜூலை மாதங்களில் டிஎம்வி- 5, டிஎம்வி- 6 ஆகிய ரகங்களையும், கலப்பினத்தில் டிஎம்விசிஹெச்- 1, ஒய்ஆர்சிஹெச்- 1 ஆகிய ரகங்களைத் தேர்வு செய்வது சிறந்தது.
இறவைப் பயிராக இருந்தால் வைகாசிப் பட்டம் (மே - ஜூன்), கார்த்திகைப் பட்டம் (நவம்பர் - டிசம்பர்), பங்குனிப் பட்டம் (மார்ச் - ஏப்ரல்) ஆகிய மூன்று பட்டங்களிலும் அனைத்து மாவட்டங்களிலும் சாகுபடி செய்யலாம். ஒய்ஆர்சிஹெச் 1 ரகம் சிறந்தது. தோட்ட நிலங்களில் வரப்பு பகுதிகளில் பல்லாண்டு பயிராக சிஓ- 1 ரகத்தை பயிரிடலாம்.
நிலம் தயாரித்தல்: அமில நிலங்களைத் தவிர பிற நிலங்களில் ஆமணக்கு பயிரிடலாம். நாட்டுக் கலப்பையினால் இரண்டு அல்லது மூன்று தடவை உழவு செய்ய  வேண்டும்.
விதையும் விதைப்பும்: மானாவாரி மற்றும் இறவைப் பயிரில் 90-க்கு 60 செ.மீ என்ற இடைவெளியிலும், கலப்பினமாக இருந்தால் 120-க்கு 90 செ.மீ. இடைவெளியிலும் விதைப்பு செய்ய வேண்டும். இறவையில் 150-க்கு 120 செ.மீ. இடைவெளியில் விதைப்பு செய்ய வேண்டும். இறவையில் களிமண் உள்ள பகுதிகளுக்கு 150-க்கு 150 செ.மீ. அகன்ற இடைவெளி அளிக்க வேண்டும். டிஎம்வி 5 குறுகிய கால ரகத்துக்கு 60-க்கு 30 செ.மீ. இடைவெளி இருக்க வேண்டும்.
தரமான விதைகளைத் தேர்ந்தெடுத்தல்: சிறந்த தரமான விதைகளைத் தேர்ந்தெடுக்க வேண்டும். பூச்சி மற்றும் பூஞ்சாண நோய்கள் தாக்கிய மற்றும் உடைந்த விதைகளை நீக்கி விடவேண்டும்.
விதை நேர்த்தி: ஒரு கிலோ விதைக்கு 2 கிராம் திரவம் அல்லது கார்பென்டாசிம் கலந்து 4 மணிநேரம் வைத்திருந்து விதைப்பு செய்ய வேண்டும். மானாவாரி பகுதியில் விதைப்புக்கு 3 மணி நேரத்துக்கு முன்னர் 1 சதவீதம் பொட்டாசியம் 
குளோரைடு கொண்டு விதை நேர்த்தி செய்து விதைகளை பருவமழை தொடங்கும் முன் விதைக்க வேண்டும்.
விதைப்பு: விதைகளை வேளாண்மைத்துறை பரிந்துரைத்துள்ள இடைவெளியில் விதைக்க வேண்டியது அவசியம். விதைகளை 4-க்கு 6 செ.மீ ஆழத்தில் விதைப்பு செய்ய வேண்டும். ஒரு குழிக்கு ஒரு விதை போதுமானது.
பாடு நிரப்புதல்: விதைத்த 15-ஆம் நாள் பாடு நிரப்ப வேண்டும். அப்போதே குழிக்கு ஒரு செடி வீதம் விடுத்து பயிர் கலைத்தல் வேண்டும்.
ஒருங்கிணைந்த ஊட்டச்சத்து மேலாண்மை: உழவு செய்யப்படாத நிலத்தில் ஹெக்டேருக்கு 12.5 டன் மக்கிய தென்னை நார்க்கழிவு பரப்பி உழவேண்டும். மண் பரிசோதனைப் படி உரங்கள் இடவேண்டும். மண்பரிசோதனை செய்யாவிட்டால், கடைசி உழவின் போது ஹெக்டேருக்கு 30 கிலோ கந்தகத்தை ஜிப்சம் மூலம் இடுவதால் அதிக மகசூல் பெறலாம்.
மானாவாரி பகுதிகளில் 100 சதவீதம் மணிச்சத்து மற்றும் 50 சதவீதம் தழை மற்றும் சாம்பல் சத்தினை அடியுரமாக இட வேண்டும். மீதம் உள்ள அளவுகளை ஒன்று அல்லது இரண்டு முறை தகுந்த ஈரப்பதத்தில் மேலுரமாக இடவேண்டும்.
இறவை பகுதிகளில், 100 சதவீதம் மணிச்சத்து மற்றும் 50 சதவீதம் தழை மற்றும் சாம்பல் சத்தினை அடியுரமாக இட வேண்டும். 
மீதம் உள்ள தழை மற்றும் சாம்பல் சத்து உரங்களை இரண்டு சம பாகங்களாக பிரித்து விதைத்த 30 மற்றும் 60-ஆவது நாளில் இட வேண்டும். ஹெக்டேருக்கு 12.5 கிலோ துத்தநாக சல்பேட்டும் 25 கிலோ பெரஸ் சல்பேட்டும் இட வேண்டும்.
களை நிர்வாகம்: ஹெக்டேருக்கு பென்டிமெத்தாலின் 3 லிட்டர் அல்லது ப்ளுக்ளோரலின் 2 லிட்டரை விதைத்த 3 -ஆம் நாளில் களை முளைக்கும் முன் தெளிக்க வேண்டும். இதனை தொடர்ந்து விதைத்த 20 மற்றும் 40-ஆவது நாளிலும் கைகளால்  களை எடுக்க வேண்டும்.
ஊடு பயிரிடுதல்: ஒவ்வொரு 6 வரிசை நிலக்கடலைக்கு இடையே ஒவ்வொரு வரிசை ஆமணக்கு பயிரிட வேண்டும். பருவமழை தாமதமாக கிடைக்கும் பகுதியில், உளுந்து மற்றும் ஆமணக்கை 6:1 என்ற விகிதத்தில் பயிரிடலாம் அல்லது ஆமணக்கை உளுந்து அல்லது பச்சைப்பயறோடு 1:2 என்ற விகிதத்தில் மானாவாரி பகுதிகளில் பயிரிடலாம். 
இறவையில் ஆமணக்கை வெங்காயத்தோடு 1:2 என்ற விகிதத்தில் 1.5 மீ-க்கு 1 மீ இடைவெளியில் பயிரிடலாம்.
அறுவடை: பயிரின் வயதினைக் கணக்கில் கொண்டு அறுவடை மேற்கொள்ளவேண்டும். ஒன்று அல்லது அதற்கு மேற்பட்ட ஆமணக்கு முத்துக்கள் காய்ந்து இருந்தால் அறுவடை செய்யலாம். முற்றிய விதைக் காத்தை இதர கொத்துகளைப் பாதிக்காதவாறு அறுவடை செய்யவும். விதைகளை நிழலில் குவித்து வைக்காமல் சூரிய ஒளியில் உலர்த்தவும். காய்ந்த கொத்தை குச்சியால் அடித்து விதை முத்துகளை பிரித்தெடுத்து, காற்றில் வீசி தூசியை நீக்கலாம் அல்லது விதைப் பிரித்தெடுக்கும் கருவியின் மூலம் விதைகளைப் பிரித்தெடுக்க வேண்டும்.
 

]]>
https://images.dinamani.com/uploads/user/imagelibrary/2019/5/23/w600X390/Ricinus_communis-plant.jpg https://www.dinamani.com/agriculture/2019/may/23/ஆடிப்பட்ட-ஆமணக்கு-சாகுபடி-3156680.html
3156676 விவசாயம் உயர் விளைச்சல் தரும் கம்பு Thursday, May 23, 2019 12:54 AM +0530 பெரம்பலூர்: மனித வாழ்விற்கு முதன்மையான தேவை உணவாகும். இந்த உணவில் சிறு தானியங்களின் பங்கு மிக முக்கியமானது. மாறிவரும் உணவு பழக்கவழக்கங்களினாலும், இன்றைய இயந்திர வாழ்க்கையின் துரித உணவினாலும், சிறுதானியங்களின் பங்களிப்பை நாமே குறைத்து வருகிறோம். இதனால் சிறுதானிய வகைகளான கேழ்வரகு, சாமை, கம்பு, வரகு போன்றவற்றால் நாம் பெற்றுவந்த சமச்சீர் உணவு மற்றும் ஊட்டத்தை இழந்து கொண்டிருக்கிறோம்.  
அதிக வறட்சியைத் தாங்கி வளர்ந்து, மிகக் குறுகிய காலத்தில், குறைந்த செலவில் அதிக வருமானம் தரக்கூடிய கம்பு சாகுபடி குறித்து பெரம்பலூர் மாவட்டம், வாலிகண்டபுரத்தில் உள்ள ஹேன்ஸ் ரோவர் வேளாண் அறிவியல் மைய உழவியல் தொழில்நுட்ப வல்லுநர் மு. புனிதவதி கூறியது: இந்தியாவில் நெல், கோதுமை, சோளத்திற்கு அடுத்தபடியாக சுமார் 8 மில்லியன் ஹெக்டேர் பரப்பளவில் கம்பு தானியம் பயிரிடப்படுகிறது. தமிழ்நாட்டில் சுமார் 50,000 ஹெக்டேரில் பயிரிடப்படுகிறது.  மழையளவு குறைவாக உள்ள அனைத்து மாவட்டங்களிலும் கம்பு சாகுபடிசெய்யப்படுகிறது. இப்பயிர், வறட்சியான மற்றும் மண் வளம் குன்றிய இடங்களிலும் நன்கு செழித்துவளரும்.  இறவையில் சுமார் 5 - 7 பாசன நீர் போதுமானது. மானாவாரியிலும் இறவையிலும் நல்ல மகசூலைத் தரும். 
நிலம் தயாரிப்பு: நிலத்தை இரும்பு கலப்பையினால் இரண்டு முறையும், நாட்டுக் கலப்பையினால் இரண்டு முறையும் உழுது கட்டிகளின்றி மண்ணை உடைக்க வேண்டும். மட்கிய தொழுஉரம் ஹெக்டேருக்கு 12 டன் எனும் அளவில் இட்டு, நாட்டுக் கலப்பையால் மீண்டும் உழுது மண்ணுடன் உரத்தை நன்கு கலக்க வேண்டும். தலா 10 பொட்டலம் அசோஸ்பைரில்லம், பாஸ்போ பாக்டீரியாவை 25 கிலோ மண் மற்றும் 25 கிலோ தொழு உரத்துடன் கலந்து இட வேண்டும். 
பருவம் மற்றும் ரகங்கள்: கம்பை சாகுபடி செய்வதற்கு முன்பு சிறந்த பருவம் மற்றும் உயர் விளைச்சல் ரகங்களைத் தேர்வு செய்வது மிகவும் அவசியம். கம்பு பூக்கும் காலத்தில் அதிகமாக குளிர், வெப்பம், மழை இல்லாமல் இருக்க வேண்டும். பூக்கும் காலத்தில் இச்சூழ்நிலைகள் இருந்தால் மகரந்தம் அல்லது சூலகம் பாதிக்கப்பட்டு கருவுறுதல் தடைப்படும். அதனால் விதைப்பிடிப்பும் குறையும். கதிர் முற்றிய தருவாயில் அதிக மழையோ அல்லது குறைந்த வெப்பமோ இருந்தால், தானிய மணிகள் பூசணத் தாக்குதலுக்கு உள்ளாகி விளைச்சலும் தரமும் குறையும். தமிழ்நாட்டில், பெரும்பாலும் கம்பு மானாவாரிப் பயிராக ஜூன், ஜூலை மாதங்களிலும் அதாவது ஆடிப்பட்டத்தில் பயிரிடப்படுகிறது. கம்பு விதைகளில் சாதாரண ரகங்கள், வீரிய ஒட்டு ரகங்கள் என இரண்டு வகையாக உற்பத்தி செய்யப்படுகின்றன. கோவையில் உள்ள தமிழ்நாடு வேளாண் பல்கலைக் கழகத்தில் இயங்கி வரும் சிறுதானியத் துறையில் பல்வேறு ஆராய்ச்சிகள் மூலம் உயர் விளைச்சலைத் தரக்கூடிய புதிய ரகங்கள் உருவாக்கப்பட்டு விவசாயிகளுக்கு வழங்கப்படுகின்றன.  இவற்றில் கோ- 9, கோ-10 ஆகிய வீரிய ஒட்டு ரகங்கள் அதிக அளவில் பயிரிட பரிந்துரைக்கப்படுகின்றன. 
விதை நேர்த்தி செய்தல்: கம்பு விதைகளை 2 சதம் பொட்டாசியம் குளோரைடு அல்லது 3 சதம் சோடியம் குளோரைடில் 16 மணி நேரம் ஊறவைக்க வேண்டும். பிறகு இந்த விதைகளை 5 மணி நேரம் நிழலில் உலர்த்த வேண்டும். இப்படிச் செய்வதால் விதைகளின் முளைப்புத்திறன் அதிகரிக்கும். பார் மற்றும் வாய்க்கால் முறையில் நடவு செய்வதற்கு 5 கிலோ விதைகள் தேவைப்படும். விதைகளுக்கான இடைவெளி 4 - 5 செ.மீ இருக்கவேண்டும். இவ்வாறு நட்டால் ஏக்கரில் 1,45,000 பயிர்கள் இருக்கும்.
உர அளவு: மண் பரிசோதனை பரிந்துரைப்படி தழை, மணி, சாம்பல் சத்துக்களை அளிக்கலாம். அவ்வாறு செய்யாத நிலையில் ஹெக்டேருக்கு 70:35:35 என்ற அளவில் மேற்கண்ட சத்துக்களை அளிக்க வேண்டும். பரிந்துரைக்கப்பட்ட தழைச்சத்தை மூன்றாகப் பிரித்து விதைக்கும் முன், விதைத்த 15-30 ஆம் நாளில் மண் வளத்தைப் பொறுத்து இட வேண்டும். மணிச்சத்து மற்றும் சாம்பல் சத்தை அடியுரமாக அளிக்க வேண்டும். 
களை மேலாண்மை: விதைத்த 3 நாள்களுக்குப் பிறகு களை முளைப்பதற்கு முன் ஹெக்டேருக்கு அட்ரசின் 0.25 கிலோ எடுத்து 500 லிட்டர் நீரில் கலந்து மண்ணின் மேற்பரப்பில் ரேப்சேக் அல்லது ராக்கர் தெளிப்பானால் தெளிக்க வேண்டும். மண்ணில் தேவையான அளவு ஈரப்பதம் இருக்கும்பொழுதும், களை முளைப்பதற்கு முன்பும் களைக் கொல்லியைப் பயன்படுத்த வேண்டும். விதைத்த 30-35 நாள்களுக்குப் பிறகு கையால் களை எடுக்க வேண்டும்.
அறுவடை: 85 முதல் 90 நாள்களுக்குள் இலைகள் மஞ்சளாக மாறி உலர்ந்த தோற்றத்திலும், தானியங்கள் கடினமாகவும் இருந்தால் அறுவடை செய்யலாம். கதிர்களை தனியாக அறுக்கவேண்டும். தட்டைகளை ஒரு வாரம் காயவிட்டு அறுவடை செய்யவேண்டும். கோ- 10 ரகம் இறவையில் சராசரியாக ஒரு ஹெக்டேருக்கு 3.526 டன் விளைச்சலும், மானாவாரியில் 2.923 டன் விளைச்சலும் தரவல்லது. இது, மற்ற ரகங்களை விட அதிக விளைச்சலைத் தருகிறது.  கம்பில் அடிச்சாம்பல் நோய்க்கு எதிர்ப்பு சக்தி வாய்ந்தது. 
சிறப்பியல்புகள்: அதிக விளைச்சல் தரவல்லது, குறுகிய வயதை உடையது, 85- 90 நாள்கள். நீளமான கதிர்கள் - 45 செ.மீ. அதிகத் தூர்கள். 4 முதல் 6 வரை சாயாத  தன்மையுடையது. 
தானியங்கள் பெரியதாகவும் நெருக்கமாகவும் இருக்கும். மஞ்சள் கலந்த சாம்பல் நிற தானியங்கள். 
அடிச்சாம்பல் மற்றும் துரு நோய்க்கு எதிர்ப்புச் சக்திகொண்டது. மற்ற ரகங்களை விட 30 முதல் 45 சதவீதம் அதிகமான விளைச்சலைத் தரவல்லது. 
எனவே, விவசாயிகள் இத்தகைய உயர் விளைச்சல் தரும் ரகங்களைப் பயன்படுத்தி, சாகுபடி செலவைக் குறைத்து நிகர லாபத்தைப் பெருக்கலாம்.

]]>
https://images.dinamani.com/uploads/user/imagelibrary/2019/5/23/w600X390/peral_millet.jpg https://www.dinamani.com/agriculture/2019/may/23/உயர்-விளைச்சல்-தரும்-கம்பு-3156676.html
3113118 விவசாயம் அசோலா கால்நடை தீவனம்: உற்பத்தியும், பயன்களும் Thursday, March 14, 2019 12:53 AM +0530
பெரம்பலூர்: பால் உற்பத்தியில் நமது நாடு உலகளவில் முதலிடம் வகித்தாலும், கறவை மாடுகளின் உற்பத்தித்திறன் குறைவாகவே உள்ளது. உதாரணமாக, மேலை நாட்டுக் கறவை மாடு ஒன்றிலிருந்து பெறப்படும் பாலின் அளவு நம் நாட்டு மூன்று கறவை மாடுகள் கறக்கும் பால் அளவுக்கு ஈடாகிறது.  
நமது மாடுகளின் பால் உற்பத்தித் திறன் குறைவாக உள்ளதற்கு பல்வேறு காரணங்கள் இருந்தாலும், தீவனப் பற்றாக்குறை மற்றும் சமச்சீர் தீவனம் அளிக்காததே முக்கியக் காரணமாகும். 
பால் உற்பத்தியில் 70 சதவீதம் தீவனத்திற்கே செலவாகிறது. குறைந்த செலவில் சமச்சீர் தீவனம் அளிக்க வேண்டிய வழிமுறைகளை ஆராயும் நிலையில் விவசாயிகள் உள்ளனர். அவர்களுக்கு ஒரு வரப்பிரசாதமாக அசோலா கால்நடை தீவனம் உள்ளது.
அசோலா என்பது பாசி வகையைச் சார்ந்த உயிரினமாகும். அசோலாவை கறவை மாடுகளுக்கு மட்டுமின்றி மற்ற கால்நடைகளுக்கும், கோழிகளுக்கும் அளிக்கலாம். இதற்கான உற்பத்திச் செலவு குறைவு தான்.  
இதுகுறித்து பெரம்பலூர் மாவட்டம், வாலிகண்டபுரத்தில் உள்ள வேளாண் அறிவியல் மைய உழவியல் தொழில்நுட்ப வல்லுநர் மு. புனிதவதி கூறியது: 
அசோலாவை கால்நடைதீவனமாக பயன்படுத்துவதால் ஏற்படும் நன்மைகள்: 
25 முதல் 30 விழுக்காடு வரை புரதச்சத்தும், கால்நடைகளுக்குத் தேவையான அமினோ அமிலங்கள், தாது உப்புகள், வைட்டமின்கள் மற்றும் பீட்டாக்கரோட்டின் ஆகிய சத்துகள் உள்ளன. வைட்டமின் ஏ சத்து உள்ளதால் அசோலா சாப்பிட்ட கோழிகளுக்கு நோய் எதிர்ப்புச் சக்தி அதிகரிக்கிறது. அசோலாவை கால்நடைகளுக்குத் தீவனமாக அளிப்பதால் 5 லிட்டர் பால் கறக்கும் மாடு 6 லிட்டர் வரை உற்பத்தியை அதிகரிக்கிறது. 
பாலின் கொழுப்புச்சத்து 10 சதவீதம் வரையும், கொழுப்பு அல்லாத திடப்பொருள்கள் 3 சதவீதமும் உயருகிறது.  பாலின் தரம் பராமரிக்கப்படுகிறது. ஒரு கிலோ அசோலாவை தீவனமாக கறவை மாடுகளுக்கு கொடுத்தால், ஒரு கிலோ பிண்ணாக்கு கொடுப்பதற்குச் சமம். ஒரு கிலோ பிண்ணாக்கு ரூ. 40 முதல் ரூ. 45 வரை விற்பனையாகிறது. ஆனால் ஒரு கிலோ அசோலா உற்பத்தி செய்ய ரூ. 1 மட்டும் செலவாகிறது.
அசோலா கால்நடை தீவன உற்பத்தி: 
அசோலாவை வளர்க்க நிழல்பாங்கான இடத்தைத் தேர்வு செய்து, அதில் 10 அடி நீளம், 2 அடி அகலம், 1 அடி ஆழம் கொண்ட குழி அமைக்க வேண்டும். இப்பாத்தியினுள் களைச்செடிகள் வளர்வதைத் தடுக்க யூரியா சாக்கைப் பரப்பி, அதன் மேல் சில்பாலின் ஷீட்டை ஒரே சீராக மேடு பள்ளம் இல்லாமல் விரிக்க வேண்டும். பின்னர், குழியைச் சுற்றி செங்கற்களை வரிசையாக நீளவாக்கில் அடுக்கி வைக்க வேண்டும்.  
சில்பாலின் ஷீட்டின் மேல் 2 செ.மீ. அளவுக்கு மண்ணிட்டு சமன் செய்து, அதன் மேல் 2 செ.மீ. அளவுக்கு தண்ணீர் ஊற்றவும். 
பின்னர் பாத்தி ஒன்றுக்கு 100 கிராம் சூப்பர் பாஸ்பேட் மற்றும் 5 கிலோ பசுஞ்சாணம் கரைத்து விட வேண்டும். இப்பாத்தியில் 5 கிலோ அசோலா தாய்வித்து தூவ வேண்டும். பாத்தியிலுள்ள மண்ணை தினமும் காலை, மாலை கலக்குவதால், மண்ணிலுள்ள சத்துகள் தண்ணீரில் கரைந்து அசோலா வளர்ச்சிக்குப் பயன்படுகிறது. ஒரு பாத்தியில் 15 நாள்களில் 30 முதல் 40 கிலோ அசோலா உற்பத்தியாகிவிடும். 
அசோலாவை அறுவடை செய்யும்போது மூன்றில் இரண்டு பங்கை அறுவடை செய்துவிட்டு, ஒரு பங்கை பாத்தியிலேயே விட்டுவிட வேண்டும். பாத்தி ஒன்றுக்கு 10 நாள்களுக்கு ஒரு முறை 5 கிலோ பசுஞ்சாணம் கரைத்து விடுவது நல்லது. அசோலா உற்பத்தி கோடைக் காலங்களில் குறைந்தும், குளிர்காலத்தில் அதிகரித்தும் காணப்படும். அதாவது, அசோலா 25 முதல் 30 சென்டிகிரேட் வெப்பநிலை உள்ள இடத்தில் நன்றாக செழித்து வளரும். சூரிய ஒளி நேரடியாக அசோகா பாத்திகளில் விழாதவாறு பார்த்துக் கொள்ள வேண்டும். அதிகளவு சூரிய ஒளி படும்போது, அசோலா பழுப்பு நிறமாக மாறிவிடும். அசோலா தாய்வித்தைத் தவிர அனைத்து இடுபொருள்களையும் 6 மாதத்துக்கு ஒரு முறை சரியான அளவுகளில் இட வேண்டும்.
பூச்சி மற்றும் நோய் கட்டுப்பாடு: 
அசோலாவை கால்நடைகளுக்கு தீவனமாக வழங்க உற்பத்தி செய்யும்போது எந்தவிதமான பூச்சி, பூஞ்சாணக் கொல்லியை உபயோகப்படுத்தக் கூடாது. பாத்திகளில் அசோலாவின் அடர்த்தி அதிகமானால் பூச்சி மற்றும் நோய் வருவதற்கான வாய்ப்புகள் அதிகம். இதைத் தடுக்க அசோலாப் பாத்தியின் இருபுறமும் காற்று அதிகமாக புகாதவாறு தடுப்புகள் அமைக்க வேண்டும். பொதுவாக பூச்சித் தொல்லை வந்தால் 5 மி.லி. வேப்பெண்ணையை ஒரு லிட்டர் தண்ணீரில் கலந்து அசோலா பாத்தியில் தெளிக்க வேண்டும்.
அசோலா கால்நடைத் தீவனமாக மட்டுமல்லாமல், நெல் வயலில் ஊடுபயிராகவும் பயிரிடுவதால் உயிர் உரமாகவும் பயன்படுத்தலாம்.
 

]]>
https://images.dinamani.com/uploads/user/imagelibrary/2019/3/14/w600X390/asola.jpg https://www.dinamani.com/agriculture/2019/mar/14/அசோலா-கால்நடை-தீவனம்-உற்பத்தியும்-பயன்களும்-3113118.html
3113117 விவசாயம் பருத்தியில் மாவுப்பூச்சி தாக்குதலை கட்டுப்படுத்த வழிமுறைகள் Thursday, March 14, 2019 12:52 AM +0530
நீடாமங்கலம் : வறண்ட வானிலை காரணமாக பருத்தியில் மாவுப்பூச்சி தாக்குதலுக்கு வாய்ப்பு இருப்பதால், அவற்றைப் பாதுகாக்கும் வழிமுறைகள் குறித்து திருவாரூர் மாவட்டம், நீடாமங்கலம் வேளாண் அறிவியல் நிலைய விஞ்ஞானிகள் யோசனை தெரிவித்துள்ளனர்.
இதுகுறித்து வேளாண் விஞ்ஞானிகள் ராஜா. ரமேஷ் மற்றும் ஆ. பாஸ்கரன் ஆகியோர் கூறியது:
வறண்ட வானிலை நிலவும் காலங்களில் பருத்தியானது பல்வேறு வகையான மாவுப் பூச்சியின் தாக்குதலுக்கு உள்ளாகும். அவற்றுள் பப்பாளி மாவுப்பூச்சி (வெள்ளை நிறத்தில் காணப்படும்), பருத்தி மாவுப்பூச்சி (இள மஞ்சள் நிறத்தில் காணப்படும்), இளம் சிவப்பு மாவுப்பூச்சி மற்றும் வால் மாவுப்பூச்சி ஆகியவை மிக முக்கியானவையாகும்.
மாவுப்பூச்சி தாக்குதலுக்கான காரணிகள்:
 வறண்ட வானிலையும், அதிகமான வளிமண்டல வெப்ப நிலையும் தாக்குதலுக்கான முதன்மையான காரணிகளாகும். 
மாவுப்பூச்சியைச் சுற்றியுள்ள மெழுகுப் படலமானது ரசாயன பூச்சிக்கொல்லி மருந்துகள் மற்றும் நன்மை செய்யும் பூச்சிகளிடமிருந்து அவற்றுக்கு பாதுகாப்பு அளித்து காக்கிறது.
 மாவுப்பூச்சி பரவும் வழிகள்:
காற்று, மனிதர்கள், பறவைகள் மூலமாகவும், நீர்ப்பாசனம் செய்யும்போதும் பண்ணைக் கருவிகள் மற்றும் உபகரணங்கள், தாக்கப்பட்ட நடவுப் பொருள்கள் ஆகியவற்றை வேறோர் இடத்துக்கு கொண்டு செல்வதாலும் இவை எளிதில் பரவுகின்றன. 
எறும்புகளின் நடமாட்டத்தைப் பார்த்து இவற்றின் தாக்குதலை உறுதி செய்யலாம். எறும்புகள் இந்த மாவுப்பூச்சிகளை ஓரிடத்திலிருந்து மற்றோர் இடத்துக்கு இடம்பெயர்வதற்கு உதவிபுரிகின்றன.
அறிகுறிகள்: பஞ்சுபோல் படர்ந்த முட்டைகளுடன் கூடிய இப்பூச்சிக் கூட்டங்கள் இலைகள், இளம் தண்டுகளில் பரவலாகக் காணப்படும். இலை மற்றும் தண்டின் சாறை உறிஞ்சுவதால் இலைகள் சிறுத்து, மடங்கி மஞ்சள் நிறமாகி பின்னர் உதிர்ந்துவிடும். 
தாக்கப்பட்ட செடியானது வளர்ச்சியின்றி குட்டையாகக் காணப்படும். இப்பூச்சிகள் வெளியேற்றும் தேனை உண்பதற்கு எறும்புகள் செடியின் மேல் ஊர்ந்து செல்வதைக் காணலாம். மேலும், கேப்னோடியம் என்ற பூஞ்சாணம் இலையின் மேற்பரப்பில் படர்வதால், ஒளிச் சேர்க்கை பாதிக்கப்பட்டு மகசூல் குறைந்து விடும்.
 தாக்கும் பயிர்கள்: இந்த மாவுப் பூச்சியானது பருத்தியை மட்டுமன்றி பப்பாளி, செம்பருத்தி, கத்தரி, வெண்டை, மரவள்ளி உள்ளிட்ட தோட்டக்கலைப் பயிர்களையும், பார்த்தீனியம், துத்தி போன்ற களைகள் உள்ளிட்ட 80-க்கும் மேற்பட்ட  தாவரங்களையும் தாக்கி சேதத்தை ஏற்படுத்துகின்றன. 
கட்டுப்படுத்தும் முறை:
வயலில் காணப்படும் களைச் செடிகளை அழித்து சுத்தமாக வைத்திருக்க வேண்டும்.
பப்பாளி மாவுப்பூச்சிகளை உயிரியல் முறையில் கட்டுப்படுத்த அசிரோபேகஸ் பப்பாயே என்ற ஒட்டுண்ணிகளை ஏக்கருக்கு 100 பூச்சிகள் என்ற எண்ணிக்கையில் வெளியிட வேண்டும். 
கிரிப்டோலேமஸ் பொறி வண்டின் புழுக்கள் மாவுப்பூச்சியின் அனைத்து வளர்ச்சி நிலைகளையும் உண்கின்றன. இந்த இரை விழுங்கியைப் பயன்படுத்தி மாவுப்பூச்சிகளைக் கட்டுப்படுத்தலாம்.
தாவர பூச்சிக்கொல்லிகளான வேப்பெண்ணெய் 2 சதவீதம் அதாவது ஒரு லிட்டர் தண்ணீருக்கு 20 கிராம் அல்லது வேப்பங்கொட்டைக் கரைசல் 5 சதவீதம் அல்லது மீன் எண்ணெய் சோப் ஒரு லிட்டர் தண்ணீருக்கு 25 கிராம் என்ற அளவில் தேவையான அளவு ஒட்டும் திரவம் கலந்து தெளித்துக் கட்டுப்படுத்தலாம்.
மாவுப்பூச்சியின் தாக்குதல் பொருளாதார சேதநிலையைத் தாண்டினால், ஏக்கருக்கு டைமீத்தோயேட் 30 ஈசி 400 மில்லி அல்லது பிரபினோபாஸ் 50 ஈசி 500 மில்லி அல்லது தயோடிகார்ப் 250 கிராம் என்ற அளவிலும் தெளித்துக் கட்டுப்படுத்தலாம். 
மாவுப்பூச்சிகளின் தாக்குதலை ஆரம்ப நிலையிலேயே கட்டுப்படுத்திட தாவர மருந்துகள் மற்றும் உயிரியல் முறைகளைப் பின்பற்ற வேண்டும் என அதில் அவர்கள் தெரிவித்துள்ளனர்.
 

]]>
https://images.dinamani.com/uploads/user/imagelibrary/2019/3/14/w600X390/cotton.jpg https://www.dinamani.com/agriculture/2019/mar/14/பருத்தியில்-மாவுப்பூச்சி-தாக்குதலை-கட்டுப்படுத்த-வழிமுறைகள்-3113117.html
3108610 விவசாயம் மலர் சாகுபடியை பெருக்கும் வழிமுறை! எஸ்.ராதாகிருஷ்ணன். Thursday, March 7, 2019 01:06 AM +0530  

விழுப்புரம்: தமிழகத்தில் கடந்த சில ஆண்டுகளாக,  பூமியின் வெப்ப நிலையில் மாற்றங்கள் ஏற்பட்டு, பயிர்களைத் தாக்கும் பூச்சிகளின் எண்ணிக்கை பெருகி,  விளைச்சலுக்கான சேதத்தை ஏற்படுத்தி வருகின்றன. குறிப்பாக,  மாவுப்பூச்சி அசுவிணி தத்துப்பூச்சிகள் செம்பான், சிலந்தி வகை பூச்சிகளின் நோய் எதிர்ப்புத் தன்மை அதிகமாகி,  பூச்சிக்கொல்லி மருந்துகள் அதிகளவில் பயன்படுத்தும் சூழல் ஏற்பட்டு, விவசாயிகள் பெருமளவில் நஷ்டத்தை எதிர்கொள்கின்றனர்.

மலர் சாகுபடியை தாக்கும் பூச்சிகள்: தமிழகத்தில் குண்டு மல்லிகை,  முல்லை, ஜாதிமல்லி, சாமந்தி, கேந்தி, நிலச்சம்பங்கி,  கோழிக்கொண்டை, கனகாம்பரம், ரோஜா போன்ற வணிக மலர்களை சிறு, குறு விவசாயிகள் அதிகளவில் பயிரிட்டு வருகின்றனர். இந்த வகை செடிகளை குறிப்பாக, மொட்டுத் துளைப்பான், வெள்ளை ஈக்கள்,  மாவுப் பூச்சிகள் அசுவிணி, தத்துப்பூச்சிகள்,  செம்பான் சிலந்திவகைகள் போன்ற பூச்சி இனங்கள் தாக்குகின்றன.  மேலும்,  சாம்பல் நோய்,  இலைக்கருகல் நோய்,  வாடல் நோய், இலைப்புள்ளி நோய் போன்ற பூஞ்சான் மற்றும் பாக்டீரியாக்கள் தாக்கி வருகின்றன.

ரசாயனப் பூச்சி மருந்தின் விளைவு:  விவசாயிகள் வேளாண் விஞ்ஞானிகளின் ஆலோசனை இல்லாமல்  கடைகளுக்குச் சென்று தேவையில்லாத, ரசாயனம் ஊடுருவிப் பாயும் மற்றும் தொடு நஞ்சு வகை பூச்சி நோய்க்கொல்லி மருந்துகளை வாங்கி பயன்படுத்துகின்றனர். இதனால்,  ஒரு சில பூச்சி நோய்களுக்கு எதிர்ப்புத் தன்மை ஏற்பட்டு, அவற்றின் இனப்பெருக்கம் அளவுக்ககு அதிகமாகி, பெரும் இழப்பை ஏற்படுத்தி வருகிறது.  கடந்த சில ஆண்டுகளாக, செம்பான் சிலந்தி, மாவுப் பூச்சிகள் மற்றும் இலைக்கருகல் நோய்களின் தாக்குதல் ஏப்ரல்,  மே, ஜூன்,  ஜூலை மாதங்களில் மிகவும் அதிகளவில்,  இந்த மலர் செடிகளில் தோன்றி விவசாயிகளுக்கு பெரும் பொருளாதார இழப்பை ஏற்படுத்துவது கண்டறியப்பட்டுள்ளது.

இயற்கை முறை இனக்கவர்ச்சி: இதனால்,  மலர் சாகுபடி செய்யும் விவசாயிகள்,  முடிந்தவரை முன் கூட்டியே இயற்கை மற்றும் அங்கக வேளாண் முறைகளை கடைப்பிடித்தல் மிக அவசியமாகும்.  மலர் வகைகளை பயிரிடும்போது, வரப்புகளைச் சுற்றி, கேந்தி, சோளம் போன்ற செடிகளை இரு வரிசைகளாக அவசியம் பயிரிட வேண்டும். உரிய இனக் கவர்ச்சி பொறிகளை அதிகளவில் வைத்து பூச்சிகளை கட்டுப்படுத்தலாம். அதாவது, ஏக்கருக்கு 20 வீதம் நடவு செய்வதால், அதிகளவில் ஆண் அந்துப்பூச்சிகளை இதன் மூலம் கவர்ந்து, மொட்டு துளைப்பான்,  இலை பின்னும் புழுக்கள், புரோடினியா,  ஸ்போடாப்டிரா போன்ற பூச்சியினங்களை அழிக்கலாம். 

சூரிய ஒளி அல்லது  பேட்டரி மின்சாரத்தில் இயங்கும் எல்.இ.டி. மின் விளக்குகளுடன் இயங்கும் விளக்குப் பொறிகளை,  2 ஏக்கருக்கு ஒன்று வீதம் ( இரவு 7 முதல் 7.30 வரை அரை மணி நேரம் மட்டும்)  வைத்து,  மேற்கூறிய பூச்சிகளின் தாய் அந்துப்பூச்சிகளையும், பயிர்களுக்கு அதிகளவில் தீங்கிழைக்கும் வெள்ளை ஈ,  தத்துப்பூச்சிகள் போன்ற சாறு உறிஞ்சும் பூச்சிகளையும் அழிக்கலாம்.

இயற்கை பூச்சிக்கொல்லி: பூச்செடிகளுக்கான நாற்றுகள், செடிகள் நட்டு 15 நாள்கள் கழித்து, பூச்சி நோய்த் தாக்குதல் இருந்தாலும், இல்லாவிட்டாலும் 5 சதவீத வேப்பிலைக் கரைசலை தெளிக்க வேண்டும். அதன் பிறகு 7 நாள்கள் கழித்து, 5 சதவீத வேப்பங்கொட்டைக் கரைசல்,  பிறகு 7 நாள்கள் கழித்து 3 சதவீத "அசாடிராக்டின்' எனும் வேம்பு கலந்த தாவரப் பூச்சிக் கொல்லியை தேவையான அளவு ஒட்டும் திரவத்துடன் கலந்து தெளிக்க வேண்டும்.

பூச்செடிகளுக்கு அடியுரமாக 100 கிலோ வேப்பம் பிண்ணாக்கும், ஒரு கிலோ அசோஸ்பைரில்லம், ஒரு கிலோ பாஸ்போபேக்டீரியா,  ஒரு கிலோ பொட்டாஷ் சொலு பிளேசர், ஒரு கிலோ சூடாமோனஸ் புளுரோசன்ஸ், ஒரு கிலோ டிரைக்டோடெர்மாவிடி, ஒரு கிலோ பேசில்லஸ் சப்டிலிஸ் போன்ற நுண்ணுயிர்களை தொழு உரத்துடன்,  ஊட்டமேற்றி இடுவதால்,  பயிர்கள் நன்கு செழித்து வளர்வதுடன், பூச்சிகள், நோய்த் தாக்குதலை ஆரம்பத்திலேயே தடுக்க முடியும். 

வறட்சியைத் தாங்கும் 

வழிமுறைகள்: "வேம்' என்ற நுண்ணுயிரியை ஏக்கருக்கு 2 கிலோ வீதம் தொழு உரத்துடன் கலந்து செடிகள் நடும் போதும்,  30 நாள்கள் கழித்து ஒருமுறையும், பிறகு இதே இடைவெளியில் இரு முறையும் இடுவதால், கோடை கால வறட்சியையும், குண்டுமல்லி,  முல்லை, கனகாம்பரம்,  நிலச்சம்பங்கி,  ரோஜா வகை மலர்ப் பயிர்கள் தாங்கி அதிக மகசூலைப் பெறலாம்.

இதனால், மலர்ச் செடி சாகுபடி விவசாயிகள், வேளாண் விஞ்ஞானிகள் பரிந்துரையின்றி அளவுக்கு அதிகமான ரசாயன பூச்சிக் கொல்லிகளை பயன்படுத்துவதை தவிர்க்க வேண்டும் என்றார் முன்னாள் தோட்டக் கலைத் 
துறை துணை இயக்குநர் 

]]>
https://images.dinamani.com/uploads/user/imagelibrary/2013/2/20/3/w600X390/tomatoo.jpg https://www.dinamani.com/agriculture/2019/mar/07/மலர்-சாகுபடியை-பெருக்கும்-வழிமுறை-3108610.html
3108609 விவசாயம் தக்காளி சாகுபடி தொழில்நுட்பங்கள் Thursday, March 7, 2019 01:05 AM +0530  

பெரம்பலூர்: தக்காளியானது, மெக்ஸிகோ நாட்டின் பூர்வீக மக்களின் உணவு பயன்பாட்டிலிருந்தது. அங்கிருந்து ஸ்பானிஷ்காரர்கள் மூலம் அமெரிக்கா மற்றும் ஐரோப்பிய கண்டத்திற்கு பரவியது. ஐரோப்பியர் மூலமாக இந்தியாவுக்கு கிடைத்ததாக வரலாறு. தக்காளியை ஆண்டு முழுவதும் பயிர் செய்யலாம். சாகுபடிக்கு வெப்பம் மிகவும் அவசியம். குளிர் பிரதேசங்களில் சாகுபடி செய்வது கடினமாகும். நல்ல வடிகால் வசதியுள்ள வண்டல் மண் ஏற்றது. சூரிய ஒளியைப் பொறுத்து பழங்களின் வண்ணம் மற்றும் தன்மைகள் மாறக்கூடும்.

தக்காளி சாகுபடி தொழில்நுட்பங்கள் குறித்து, பெரம்பலூர் மாவட்டம், வாலிகண்டபுரத்தில் உள்ள வேளாண் அறிவியல் மைய வேளாண் விரிவாக்கத் தொழில்நுட்ப வல்லுநர் இரா. வசந்தகுமார் கூறியது:

தக்காளிச் செடிகள் பொதுவாக 1 முதல் 3 மீட்டர் உயரம் வரை வளரும். வலுவற்ற தண்டுகள் கொடியைப் போல வளருவதால், தாங்கிப் பிடிக்க பந்தல் போன்று குச்சிகளின் உதவி தேவைப்படும். காய்கள் அதிகம் பிடிக்கும்போது, அவற்றின் செடிகள் தரையில் படாமல் இருக்க உதவும்.

தக்காளி  பழவகை, எனினும் சமையல் காய்கறியாகக் கருதப்படுகிறது. ஏனெனில் பழங்களில் சர்க்கரை மிகவும் குறைவாக உள்ளது தக்காளி. இது வழக்கமாக சாலட் அல்லது உணவுப் பொருளின் ஒரு பகுதியாகச் சேர்க்கப்படுகிறது. 

2016-ஆம் ஆண்டில் உலக தக்காளி உற்பத்தியான 177 மில்லியன் டன்களில், சீனா 32 சதவீத உற்பத்தியுடன் முதல் இடத்தையும், ஐரோப்பிய ஒன்றியம் இரண்டாவது இடத்திலும், இந்தியா 18.4 சதவீத உற்பத்தியுடன் மூன்றாவது இடத்தையும் தக்க வைத்துள்ளது.

தக்காளி சாகுபடிக்கு ஏற்ற வெப்ப நிலை: விதை முளைத்தல் 16 - 29 டிகிரி செல்சியஸ், நாற்று வளர்ச்சி 21 - 24 டிகிரி செல்சியஸ், காய் உற்பத்தி 20 - 24 டிகிரி செல்சியஸ், சிகப்பு நிறம் அமைதல் 20 - 24 டிகிரி செல்சியஸ். 

சாகுபடிக்கேற்ற மண் தேவைகள்: வடிகால் வசதியுடன் கூடிய மணல் கலந்த பரப்பில் நன்றாக வளரக் கூடியது. ஆழ உழவு, வேர் வளர்ச்சியை ஊக்குவிக்கும். மேலும், மண் காற்றோட்டமாக இருக்க உதவும். மண்ணின் காரத் தன்மை 6.0- 7.0 என்ற அளவில் இருக்க வேண்டும்.

விதைத் தேர்வு:

விதைகள் நன்கு பெருத்து, பழுத்த பழங்களில் இருந்து எடுக்கவேண்டும். பழங்களில் நோய்த் தொற்றுகள் இல்லாமல் இருப்பது அவசியம். முதல் அறுவடையில் கிடைக்கும் பழங்கள் விதைத் தேர்வுக்கு சிறந்தது. ஒரே மாதிரியான சீரான வளர்ச்சி பெற்ற விதைகளைப் பிரிக்க வேண்டும். தரமான விதைகளைத் தேர்வு செய்வது, தரமான உற்பத்திக்கு சாதகமாக அமையும்.
மேம்படுத்தப்பட்ட தக்காளி வகைகள்:  பி.கே.எம் 1, த.வே.ப.க கோ- 1, த.வே.ப.க கோ- 2 தக்காளி வீரிய ஒட்டு கோ- 3, கோ. டி.எச் 2.

விதைக்கும் காலம்:  ஜூன்- ஜூலை, நவம்பர்- டிசம்பர், பிப்ரவரி- மார்ச்.

நடும் பருவம்: அக்டோபர் - நவம்பர், பிப்ரவரி - மார்ச், மே - ஜூன்

விதை ரகங்கள்: ஏக்கருக்கு 125 கிராம், வீரிய கலப்பினங்கள் 40 கிராம். குழித்தட்டுகள் மூலமாக அமைத்தால் 6,000 முதல் 7,000  நாற்றுகள்  என்ற வீதத்தில்,  98 குழிகள் கொண்ட குழித்தட்டுகளை பயன்படுத்த வேண்டும்.

விதை நேர்த்தி: அசோஸ்பைரில்லம் கொண்டு விதை நேர்த்தி செய்ய வேண்டும். நேர்த்தி செய்யப்பட்ட விதைகளை 1 மீட்டர் அகலம் உள்ள மேட்டுப் பாத்திகளில் 10 சதுர மீ., வரிசை இடைவெளியில் விதைக்க வேண்டும். பிறகு, மணல் கொண்டு மூடிவிட வேண்டும். திறம் பூஞ்சாணக்கொல்லி மற்றும் கவ்ச்சோ பூச்சி மருந்து கலந்து விதை நேர்த்தி செய்தால், முதல் 30 நாள்களுக்கு பூச்சி நோய்த் தாக்கத்தில் இருந்து பாதுகாக்கும். 

குழித்தட்டுகள் மூலமாக அமைத்தால், ஒரு ஏக்கருக்கு 30 முதல் 50 கிலோ நன்கு மக்கிய தென்னை நார்க்கழிவுடன் 20 கிலோ மண் புழு உரம் மற்றும் தலா அரை கிலோ அசோஸ்பைரில்லம், பாஸ்போபாக்டீரியா, சூடோமோனாஸ், \ டிரைக்கோடெர்மா விரிடி மற்றும் 1 கிலோ வேம் கலந்து 30 -45 நாள்களுக்கு மூடாக்கு அமைத்து பயன்படுத்தினால் விதை முளைப்பு நன்றாக அமையும்.
உரமிடுதல்: நன்கு உழுத நிலத்தில் ஒரு டன் மக்கிய தொழு உரம் இடவேண்டும். பார் அமைத்து, அதன் ஒரு பக்கத்தில் நாற்றுகளை நடவுசெய்ய வேண்டும். 25-இல் இருந்து 30 நாள் வயதுடைய நாற்றுகளைப் பயன்படுத்த வேண்டும். நடுவதற்கு முதல் நாளும், நடவு செய்த 3-ஆவது நாளும் நீர் பாய்ச்ச வேண்டும்.
இடைவெளி: கோ 1 - 60  45 செ.மீ, பி.கே.எம் 1 - 60  60 செ.மீ, வீரிய ஒட்டு- 150,  75, 60 செ.மீ (ஜோடி வரிசை) வாய்க்கால் 150 சென்டி மீட்டர் வரிசை 75 சென்டி மீட்டர் செடிக்கு செடி 60 செ.மீ.


நீர் நிர்வாகம்: நாற்று நட்ட 3-ஆவது நாள் உயிர்த் தண்ணீர் பாய்ச்ச வேண்டும். அதன்பிறகு மண்ணின் ஈரத் தன்மையைப்  பொறுத்து வாரத்திற்கு அல்லது 10 நாள்களுக்கு ஒருமுறை நீர் பாய்ச்சவேண்டும்.

ஒருங்கிணைந்த ஊட்டச்சத்து மேலாண்மை: ரகங்களுக்கு அடியுரமாக ஒரு ஏக்கருக்கு 30 கிலோ தழைச்சத்தும், 40 கிலோ மணிச் சத்தும், 20 கிலோ சாம்பல் சத்தும் இட வேண்டும். மேலுரமாக 30 கிலோ தழைச் சத்தை நட்ட 30-வது நாளில் இட்டு மண் அணைக்க வேண்டும். வீரிய ஒட்டுகளுக்கு அடியுரமாக ஒரு ஏக்கருக்கு 20 கிலோ தழைச்சத்தும், 100 கிலோ மணிச் சத்தும், 40 கிலோ சாம்பல் சத்தும் இடவேண்டும். மேலுரமாக தழை, சாம்பல் இரண்டிலும் 40 கிலோ அளவை 30, 45, 60 நாள்களில் சமமாகப் பிரித்து இடவேண்டும். சொட்டுநீர் பாசனத்தில் ஒரு ஏக்கருக்கு தழை, மணி மற்றும் சாம்பல் சத்துகளை 80:100:100 கிலோ நீரில் கரையும் உரமாக இடவேண்டும்.

ஒருங்கிணைந்த பூச்சி, நோய் மேலாண்மை: சூடோமோனாஸ், ப்ளூரோசன்சஸ் விதை நேர்த்தி செய்ய வேண்டும். ஒரு ஏக்கருக்கு 50 கிலோ வேப்பம் பிண்ணாக்கு பயன்படுத்துதல், ஏக்கருக்கு ஒரு கிலோ சூடோ மோனாஸ் இடுதல், பூச்சி, நோய் இல்லா விதை மற்றும் நாற்றுகள் தேர்வு செய்தல், வைரஸ் தாக்கப்பட்ட செடிகளை களைந்து அழித்தல். ஓரப் பயிராக சாமந்தி பூ வளர்த்தல். காய் புழுக்களுக்கு இனக்கவர்ச்சிப் பொறி ஏக்கருக்கு 5 வைத்து கட்டுப்படுத்துதல். பேசில்லஸ் துறிஞ்சியென்சிஸ் ஒரு லிட்டர் தண்ணீரில் 2 கிராம் கலந்து தெளித்து புழுக்களை கட்டுப்படுத்தலாம். டிரைசோ கிராமாசிலோனிஸ் ஒட்டுண்ணி ஒரு ஏக்கருக்கு 20,000 முட்டைகளை இட்டு புழுக்களை கட்டுப்படுத்துதல். மஞ்சள் வண்ண ஓட்டுப்பொறி மற்றும் வேப்ப எண்ணெய் அல்லது வேப்பங்கொட்டை சாறு கரைசல் 5 சதவீதம் கொண்டு பூச்சி நோய்களைக் கட்டுப்படுத்தலாம்.

வேர் முடிச்சு நூற்புழு: கார்போபியூரான் குருணை மருந்தை ஒரு சதுர மீட்டருக்கு 10 கிராம் எனும் அளவில் விதைக்கும்போது இடவேண்டும்.

நாற்று அழுகல்: விதைப்பிற்கு முன் விதைகளை ஒரு கிலோ விதைக்கு 4 கிராம் டி.விரிடி அல்லது திறம் 2 கிராம் கலந்து விதை நேர்த்திக்கு பின் நடவு மேற்கொள்ள வேண்டும்.

தக்காளி இலை சுருட்டு வைரஸ்: பயிர்களை அதிகம் தாக்கும் இந்நோய் வெள்ளை ஈக்கள் மூலம் பரவுகிறது. ஈக்களை கட்டுப்படுத்த அசிட்டாமிப்ரைட் மருந்தை ஒரு ஏக்கருக்கு 40 கிராம் இலை வழியாக தெளித்தல் வேண்டும். 10 நாள்களுக்கு பின் மறுபடியும் தெளித்து ஈக்களை கட்டுப்படுத்தலாம்.

இலைப் பேன்கள்: இது, தக்காளியில் புள்ளிவாடல் நோயைப் பரப்பும் காரணியாகச் செயல்படுகிறது. இந்நோயினால் தாக்கப்பட்ட செடிகளை களைவதுடன், பேன்களைக் கட்டுப்படுத்த ஹெக்டேருக்கு 7 கிலோ ப்யூரடான் குருணையை இட வேண்டும்.

]]>
https://images.dinamani.com/uploads/user/imagelibrary/2019/3/7/w600X390/flower.png https://www.dinamani.com/agriculture/2019/mar/07/தக்காளி-சாகுபடி-தொழில்நுட்பங்கள்-3108609.html
3104156 விவசாயம் சொர்ணவாரி பருவ நெல் சாகுபடி: உழவுப் பணிகள் மும்முரம் Thursday, February 28, 2019 12:49 AM +0530
திருவள்ளூர்: திருவள்ளூர் மாவட்ட கிராமப்பகுதிகளில் சொர்ணவாரி பருவ நெல் நடவு செய்வதற்கான உழவுப் பணிகளில் விவசாயிகள் மும்முரமாக ஈடுபட்டுள்ளனர். 
மாவட்டத்தில் மொத்தம் 1.50 லட்சம் ஹெக்டேர் விளைநிலங்கள் உள்ளன. இவற்றில் 1.20 லட்சம் ஹெக்டேர் பரப்பில் பம்ப்-செட் மூலம் இறைக்கப்படும் நீரைக் கொண்டு நெல், எண்ணெய் வித்துப் பயிர்களும், கரும்பு, மா, தென்னை, கொய்யா, சப்போட்டா உள்ளிட்ட தோட்டக்கலைப் பயிர்களும் சாகுபடி செய்யப்பட்டு வருகின்றன. 
நவரை, சம்பா, சொர்ணவாரி ஆகிய 3 பருவங்களிலும் நெல் சாகுபடி அதிகமாக மேற்கொள்ளப்பட்டு வருகிறது. நெல் பயிரைப் பராமரித்து உரமிட்டு, களை எடுத்தால் போதுமானது. அதைத் தொடர்ந்து அவ்வப்போது நீர் பாய்ச்சினாலே பயிர்கள் நன்கு வளர்ந்து விடும். விவசாயிகள் எதிர்பார்க்கும் மகசூலும், அதற்கான விலையும் கிடைத்து விடுகிறது. இதுபோன்ற காரணங்களால் நெல் பயிரிடும் நிலத்தின் பரப்பளவு அதிகரித்துள்ளது.  
தற்போது கோடைக்காலம் தொடங்கவுள்ள நிலையில் சொர்ணவாரி பருவத்துக்கான நெல் நடவு செய்யும் பணி தொடங்கியுள்ளது. இந்நிலையில் தலக்காஞ்சேரி, சிறுவனூர்கண்டிகை, புல்லரம்பாக்கம், கொசவம்பாளையம், காந்திநகர், புதூர், மோகூர், சதுரங்கப்பேட்டை, கன்னிமாபேட்டை, பூண்டி கூட்ரோடு, நெய்வேலிகிராமம், ஒதப்பை, பூண்டி, அரும்பாக்கம் கிராமம், ரெங்காபுரம், சென்றாம்பாளையம், திருப்பாக்கம், கிருஷ்ணாபுரம் உள்ளிட்ட பகுதிகளில் 57 ஆயிரம் ஹெக்டேர் நிலங்களில் விவசாயிகள் நெல் பயிரிடுவர் என்று வேளாண்மைத் துறையினர் எதிர்பார்க்கின்றனர்.
பூண்டி உள்ளிட்ட ஏரிகளில் தற்போது போதுமான நீர் இல்லாத நிலையில், ஆழ்துளைக் கிணற்றுப் பாசனத்தை நம்பியே சொர்ணவாரி பருவத்துக்கான நெல் நடவுப் பணிகளை விவசாயிகள் தொடங்கியுள்ளனர். நடவுப் பணிகளுக்காக கடந்த 40 நாள்களுக்கு முன்பாகவே நாற்றுகளை விதைத்திருந்தனர். தற்போது, நடவு செய்வதற்குப் போதுமான அளவில் நாற்றுகள் வளர்ந்துள்ளன. 
இதைத் தொடர்ந்து பூண்டி, புல்லரம்பாக்கம், தலக்காஞ்சேரி பகுதியில் முதல் கட்டமாக டிராக்டர் மூலம் உழவுப் பணிகள் மும்முரமாக நடைபெற்று வருகின்றன. இப்பணிகளை மேற்கொள்வதற்கு தஞ்சாவூர், கடலூர், புதுக்கோட்டை போன்ற வெளிமாவட்டங்களில் இருந்து வாடகை டிராக்டர்களை வரவழைத்து உழவுப் பணிகளில் ஈடுபட்டு வருகின்றனர். இதனிடையே, ஏராளமான கொக்குகள் இரை தேடி வயல்வெளிகளில் குவிந்துள்ளன.
இதுகுறித்து மோகூர் விவசாயி நம்பிராஜன் கூறியது: தற்போதைய சொர்ணவாரி பருவத்தில் ஏரிகளில் போதுமான நீர் ஆதாரம் இல்லை. இதனால் ஆழ்துளைக் கிணற்று நீரை நம்பியே நான் 15 ஏக்கரில் நெல் பயிரிட்டு வருகிறேன். இப்பகுதியில் விவசாயிகள் அனைவரும் ஒரே நேரத்தில் நெல் நடவு செய்யும் பணிகளில் ஈடுபடுகின்றனர். இதுபோன்ற காரணங்களால் உழவு செய்யும் டிராக்டர் வாடகை ஒரு ஏக்கருக்கு கடந்த ஆண்டு ரூ.900-ஆக இருந்தது, தற்போது ரூ.1,100 வரை அதிகரித்துள்ளது. குறிப்பிட்ட நேரத்தில் நெல் பயிரை நடவு செய்தே ஆக வேண்டும். அதனால் செலவு அதிகரித்தபோதிலும் உழவுப் பணிகளைச் செய்து வருகிறோம் என்றார் அவர்.

]]>
https://images.dinamani.com/uploads/user/imagelibrary/2019/2/28/w600X390/paddy.jpg https://www.dinamani.com/agriculture/2019/feb/28/சொர்ணவாரி-பருவ-நெல்-சாகுபடி-உழவுப்-பணிகள்-மும்முரம்-3104156.html
3104155 விவசாயம் மக்காச்சோளப் பயிரில் படைப்புழு தாக்குதலைத் தடுப்பது எப்படி? Thursday, February 28, 2019 12:49 AM +0530

நாமக்கல்:  மக்காச்சோளப் பயிரில் படைப்புழுக்களின் தாக்குதல் அறிகுறி தென்பட்டால் மேற்கொள்ள வேண்டிய தடுப்பு நடவடிக்கை குறித்து விவசாயிகளுக்கு வேளாண்மைத் துறை அதிகாரிகள் விளக்கம் அளித்துள்ளனர்.
நாமக்கல் மாவட்டத்தில் சுமார் 9,510 ஹெக்டர் பரப்பளவில் மக்காச் சோளம் சாகுபடி செய்யப்பட்டு வருகிறது.  இந்த ஆண்டு மக்காச் சோளத்தில் படைப்புழு தாக்குதல் கண்டறிப்பட்டுள்ளது. இந்தப் படைப்புழுவானது நெல், சோளம், பருத்தி, நிலக்கடலை, கரும்பு, தக்காளி, வெங்காயம் உள்ளிட்ட 80 வகையான பயிர்களைத் தாக்குவது கண்டறியப்பட்டுள்ளது. 
இதுகுறித்து மாவட்ட வேளாண்மை இணை இயக்குநர் ஜெ.சேகரிடம் கேட்டபோது, அவர் கூறியது:-
அனைத்து வட்டாரங்களிலும் படைப்புழுக்களின் தாக்குதல் பரவுவதற்கு முன்  வேளாண்மைத் துறை மூலம் முழுவீச்சில் முன்னெச்சரிக்கை நடவடிக்கை எடுக்கப்பட்டு வருகிறது.
 படைப்புழுவின் தாய் அந்துப்பூச்சியானது பழுப்பு நிறத்தில் காணப்படும். இறக்கைகளின் நுனியும் மத்திய பகுதிகளில் வெள்ளைநிற புள்ளிகளுடன் காணப்படும். இளம்
புழுக்களின் தலைப்பகுதியில் மஞ்சள் நிறத்தில் தலைகீழாக இருப்பது போன்று காணப்படும். 
பயிரில் ஏற்படும் பாதிப்பு அறிகுறிகள்:    தாய்அந்துப்பூச்சி லட்சக்கணக்கான முட்டைகள் கொண்ட குவியல்களைப் பெரும்பாலும் இலையின் அடிப்பகுதியில் இடுகிறது. தண்டிலிருந்து இலை வெளிவரும் பகுதி முட்டையிடுவதற்கு மிகவும் உகந்தது. இவை செடியின் அடிப்பகுதியில் இருக்கும் இலைகளில் முட்டைகளை இடும்.  எண்ணிக்கை அதிகமாக இருக்கும்போது செடியின் மேற்பரப்பில் அல்லது அருகிலுள்ள களைகளில் முட்டைகளை இடும்.
முட்டையிலிருந்து வெளிவரும் புழுக்கள் இலைகளின் அடிப்பகுதியில் சுரண்டி சேதத்தை உண்டு பண்ணும். சேதத்தால் இலைகள் பச்சையம் இழந்து வெண்மையாகக் காணப்படும். இளம் புழுக்கள் நூலிழைகளை உருவாக்கும். இதன் மூலம் காற்றின் திசையில் ஒரு செடியிலிருந்து மற்றொரு செடிக்கு செல்லும். இளம் செடிகளில் இலை உறைகளையும், முதிர்ந்த செடிகளில் நூலிழைகளையும் அதிகம் சேதப்படுத்தும். இரவு நேரங்களில் அதிகமான சேதத்தை விளைவிக்கும்.
மூன்று முதல் ஆறு நிலை புழுக்கள் இலையுறையினுள் சென்று பாதிப்பை உண்டாக்கும்.  இதனால் இலைகள் விரிவடையும் போது அதில் வரிசையாகத் துளைகள்  தென்படும். இளம் செடிகளில் நுனிக் குருத்து சேதமடைந்தால் பக்க இலைகள் மற்றும் கதிர்கள் தோன்றும். ஒரு இலையுறையினுள் இரண்டு அல்லது மூன்று புழுக்கள் மட்டும் இருக்கும்.  உருவத்தில் பெரிதாக இருக்கும் புழு சிறிய புழுக்களை தின்றுவிடும்.  கதிர் உருவானதற்குபின் பாதிப்பு தோன்றினால் கதிரின் மேலுள்ள உறைகளை சேதப்படுத்தி கதிரை சேதப்படுத்தும்.
கட்டுப்படுத்தும் முறைகள்: முதலில் வயலை களைகள் இல்லாமல் தூய்மையாக வைத்திருக்க வேண்டும். கோடை உழவு செய்வதன் மூலம் மண்ணிலுள்ள கூட்டுப் புழுக்களை அழிக்கலாம். குருத்து காய்ந்த செடிகளை உடனுக்குடன் அப்புறப்படுத்தி அழித்திட வேண்டும். விளக்குப் பொறி வைத்து தாய் அந்து பூச்சிகளைக் கண்காணிக்க வேண்டும். அதிகமாக தழைச்சத்து இடுவதை தவிர்க்க வேண்டும். 
விதை நேர்த்தி செய்வதால் ஆரம்ப கட்டத்தில் இளம் பயிரை பாதுகாக்கலாம். ஒரே நேரத்தில் பயிர் சாகுபடி செய்ய வேண்டும். மக்காச்சோளப் பயிரைத் தொடர்ந்து பல பருவங்களில் தொடர்ந்து சாகுபடி செய்வதைத் தவிர்க்க வேண்டும்.  
காலம் தாழ்த்தி பயிர் செய்வதைத் தவிர்க்க வேண்டும். வயலைச்சுற்றி பயறுவகைப் பயிர்களைத் தடுப்புப் பயிராக விதைக்க வேண்டும். 
கம்புநேப்பியர்  புல்வகை பயிரை  வரப்பு பயிராகப் பயிரிடுவதன் மூலம், புழுக்களின் வளர்ச்சி நிலைகளைக் கட்டுப்படுத்தலாம். ஆரம்ப நிலையில் முட்டையில் இருந்து வெளிவரும்  புழுக்களைக் கண்காணிப்பு முறையில் எளிதாக அழிக்கலாம். முட்டை ஒட்டுண்ணிகள் (டிரைக்கோகிரம்மா, டெலினோமஸ் மற்றும் புழு ஒட்டுண்ணி  சைலோனிஸ்) மூலம் முட்டை மற்றும் புழுக்களை அழிக்கலாம். புள்ளி வண்டுகள், தரைவண்டுகள் மற்றும் ராட்சத நாவாய்பூச்சிகள் போன்றவை படைப்புழுவை உண்ணும் தன்மை உடையன. ஆகையால் வயலில் பூ பூக்கும் தாவரங்களை ஓரமாகவோ அல்லது ஊடு பயிராகவோ பயிர் செய்வதன் மூலம் நன்மை செய்யும் எதிர் உயிரினங்களின் எண்ணிக்கையை பெருக்கலாம்.
எதிர் உயிர் நுண்ணுயிர்களான பிவேரியா பேசியானா, மெட்டாரைசியம் அனைசோபிலியோ மற்றும் பேசில்லஸ் துரிஞ்சியன்சிஸ் போன்றவற்றை ஒரு லிட்டர் தண்ணீருக்கு 2 முதல் 5 கிராம் வரை பயன்படுத்தி பாதிப்பை கட்டுப்படுத்தலாம். 
என்.பி.வி. வைரஸ் கரைசலை ஒரு லிட்டர் நீருக்கு 2 மில்லி வீதம் தெளிக்கலாம். இயற்கை முறையில் தயாரிக்கப்பட்ட, இஞ்சி, பூண்டு, கரைசல், பூச்சி விரட்டி கரைசல், வேம்பு சார்ந்த பூச்சிகொல்லிகளை பயன்படுத்துவதன் மூலம் பாதிப்பைக் குறைக்கலாம். வேப்பம் புண்ணாக்கு 100 கிலோ 1 ஏக்கருக்கு இட  வேண்டும். புழுக்களின் பாதிப்பு பொருளாதார சேத நிலையினை தாண்டும்போது பின்வரும் பூச்சிக் கொல்லிகளில் ஏதேனும் ஒன்றை பயன்படுத்த வேண்டும். கார்டாப் குருணை மருந்தை, ஏக்கருக்கு தகுந்தாற்போல் மணலுடன் கலந்து குருத்துப் பகுதியில் இடுவதன் மூலம் புழுக்களை கட்டுப்படுத்தலாம். 
பூச்சி நோய் தாக்குதல் அறிகுறிகள் தென்பட்டால் விவசாயிகள் உடனடியாக  சம்பந்தப்பட்ட வேளாண் விரிவாக்க மையம் அல்லது வேளாண் அறிவியல் நிலையம் லத்துவாடி ஆகியவற்றினைத் தொடர்பு கொண்டு தக்க அறிவுரைகளை பெற்று தடுப்பு நடவடிக்கைளை மேற்கொள்ள வேண்டும்.  
 மேற்காணும் அனைத்து தடுப்பு நடவடிக்கை முறைகளையும் விவசாயிகள் பின்பற்றி படைப்புழு தாக்குதலிருந்து மக்காச்சோள பயிரினை பாதுகாத்திட வேண்டும் என்றார்.
 

]]>
https://images.dinamani.com/uploads/user/imagelibrary/2019/2/28/w600X390/corn.jpg https://www.dinamani.com/agriculture/2019/feb/28/மக்காச்சோளப்-பயிரில்-படைப்புழு-தாக்குதலைத்-தடுப்பது-எப்படி-3104155.html
3099655 விவசாயம் நெல் அறுவடைக்குப் பின் பலன்தரும் பருத்தி சாகுபடி Thursday, February 21, 2019 01:19 AM +0530

நீடாமங்கலம்: சம்பா நெல் அறுவடைக்குப் பின், பயிர் சுழற்சி முறையாக விவசாயிகள் பருத்தி சாகுபடி செய்ய பரிந்துரை செய்யப்பட்டுள்ளனர்.
இதுதொடர்பாக, திருவாரூர் மாவட்டம், வலங்கைமான் வட்டார  வேளாண்மை உதவி இயக்குநர் பாலசுப்பிரமணியன் வெளியிட்ட செய்திக் குறிப்பு:
மண் வளத்தைப் பாதுகாக்கவும் பயிர் சுழற்சி முறையில் மண்ணில் உள்ள சத்துகளை சமநிலைப்படுத்தவும், மண் வளத்தை மேம்படுத்தவும், தற்போது நெல் அறுவடைக்குப் பின்னர் பணப் பயிரான பருத்தியை சாகுபடி செய்யலாம்.
அதன்படி, நடப்புப் பருவத்தில் நெல் அறுவடைக்குப் பிறகு, மண் மெழுகு பதத்தில் இருக்கும்போது வரிசைக்கு வரிசை இடைவெளி 3 அடியாகவும் செடிக்குச் செடி ஓர் அடியாகவும் வைத்து குச்சி ஒன்றின் உதவியுடன் துளையிட்டு, அதில் விதை நேர்த்தி செய்யப்பட்ட ஒன்று அல்லது இரண்டு பருத்தி விதையை வைத்து, ஆற்று மணல் கொண்டு மூடி  தண்ணீர் இட வேண்டும்.
15-ஆம் நாள் களைக் கொத்தியால் களையெடுத்த பின்பு, உரம் வைத்து செடிக்கு ஒருபுறம் மட்டும் மண் அணைத்த பின் தண்ணீர் பாய்ச்ச வேண்டும்.
பருத்தியை தனிப் பயிராக பயிரிடுவதற்கு கீழ்க்கண்ட வழிமுறைகளை கடைப்பிடிக்க வேண்டும்:  
விதையளவு- எம்சியு-7 மற்றும் எஸ்விபிஆர்-3 பஞ்சுடன் 15 கிலோ (அ) பஞ்சு நீக்கியது 7.5. நிலத்தை நன்றாக உழுது பயன்படுத்தவேண்டும். குறைந்த ஆழத்தில் மண் கடின அடுக்கு இருந்தால் கத்தி கலப்பைக் கொண்டு 0.5 செ.மீ. இடைவெளியில் ஒரு திசையில் உழ வேண்டும். பின்னர் அதற்கு நேர் செங்குத்தான திசையில் உழ வேண்டும். மண் நன்கு பொடியாகும் படி உழுத பின்னர் ஹெக்டேருக்கு வேப்பம் புண்ணாக்கு 250 கிலோ இட வேண்டும். இதன் மூலம் கூன் வண்டு தாக்குதலைக் கட்டுப்படுத்தலாம்.
இயற்கை உரமிடல்: ஒர் ஹெக்டேருக்கு பண்ணை தொழுஉரம் 12.5 டன் (அ) மக்கிய உரம் (அ) மண்புழு உரம் 2.5 டன் இதில் ஏதாவது ஒன்றை உழுவதற்கு முன் மண்ணின் மீது பரப்பி உழவு செய்ய வேண்டும். அசோபாஸ் 2 கிலோ (அ) அசோஸ்பைரில்லம், பாஸ்பரஸ் கரையக்கூடிய பாக்டீரியா இளஞ்சிவப்பு நிறமுடைய நிலைமாறும் மெத்திலோடிராபிக் ஹெக்டேருக்கு 2.2 கிலோ அடியுரமாக இட வேண்டும்.
விதை நேர்த்தி: பருத்தியை விதை நேர்த்தி செய்வதன் மூலம் பருத்தியின் மேற்பரப்பில் உள்ள தூசுகள், பூச்சி நோய் கிருமிகள் ஆகியவை அழிக்கப்படுவதுடன், விதையுறை மிருதுவாக்கப்பட்டு முளைப்புத் திறனை அதிகரிக்கச் செய்கிறது. ஒரு கிலோ விதைக்கு 100 மி.லி. 70 சதவீத வணிக கந்தக அமிலத்தைப் பயன்படுத்தி, அமில நேர்த்தி செய்ய வேண்டும். விதைநேர்த்தி செய்ய பிளாஸ்டிக் (அ) கண்ணாடி பாத்திரத்தை மட்டும் பயன்படுத்த வேண்டும். உலோகப் பாத்திரத்தை பயன்படுத்தக் கூடாது.
ஒரு கிலோ விதைக்கு 100 மிலி அமிலத்தை ஊற்ற வேண்டும். அதை கண்ணாடி (அ) மரக்குச்சியால் 4 நிமிடங்கள் நன்கு கலக்கவேண்டும்.பிறகு வேறு பக்கெட்டில் நீர் நிரப்பி, அமில நேர்த்தி செய்த விதைகளை அலசி விட்டு, நிழலில் உலர்த்தி சேகரிக்க வேண்டும்.
பார்கள் அமைத்தல்: ரகங்களுக்கு ஏற்ற இடைவெளியில் 6-40 இடைவெளியில் பார்கள் அமைக்க வேண்டும். இதற்கு இடையிடையே நீர் பாய்ச்சுவதற்கு வாய்க்கால்கள் அமைக்கவும்.
மேல் உரமிடல்: 45-ஆவது நாளில் மண் பரிசோதனைப்படி மேலுரமிட வேண்டும். இல்லையெனில் ஏக்கருக்கு 8 கிலோ தழைச்சத்து தரவல்ல உரத்தை மண்ணில் ஈரம் இருக்கும்போது இட்டு மண் அணைக்க வேண்டும். வீரிய ஒட்டு ரகங்களுக்கு நடவு செய்த 45 மற்றும் 65-ஆவது  நாளில் முறையே 16 கிலோ தழைச்சத்து தரவல்ல உரத்தை இட வேண்டும் என அவர் தெரிவித்துள்ளார்.
 

]]>
https://images.dinamani.com/uploads/user/imagelibrary/2019/2/21/w600X390/cotton.jpg https://www.dinamani.com/agriculture/2019/feb/21/நெல்-அறுவடைக்குப்-பின்-பலன்தரும்-பருத்தி-சாகுபடி-3099655.html
3099652 விவசாயம் வறட்சியிலிருந்து பயிர்களை காக்க...! Thursday, February 21, 2019 01:19 AM +0530

தருமபுரி:  கோடை காலத்தில் வறட்சியால் நிலவும் நீர்ப் பற்றாக்குறையிலிருந்து பயிர்களைப் பாதுகாக்க,  தருமபுரி மாவட்டம்,  பாப்பாரப்பட்டி வேளாண் அறிவியல் நிலைய பேராசிரியர்கள் ம.சங்கீதா,  ப.அய்யாதுரை, பா.ச.சண்முகம் ஆகியோர் கூறும் தொழில்நுட்ப வழிமுறைகள்:
விவசாயிகள் தற்போது  சாகுபடி செய்துள்ள ராகி,  நிலக்கடலை, மக்காச் சோளம்,  கரும்பு ஆகிய பயிர்கள் பாசன நீர்ப் பற்றாக்குறை மற்றும் வறட்சியினால் பாதிக்கப்பட்டு பயிர்கள் காய்ந்து, வாட்டத்துடன் காணப்படுகின்றன. இந்தச் சூழ்நிலையில், பயிர்கள் முற்றிலும் காய்ந்து விடாமல் வறட்சியின் தாக்கத்திலிருந்து பாதுகாக்க,  திரவ மெத்தைலோ பாக்டீரியம் (பி.பி.எப்.எம்.)  நுண்ணுயிர் உரம் 0.1 சதம் கரைசலை அதாவது 10 மி.லி.  திரவ நுண்ணுயிர் உரத்தை 10 லிட்டர் தண்ணீரில் கலந்து காலை அல்லது மாலை வேளையில் பயிர்களின் மீது நன்றாகப் படும் வகையில் கைத்தெளிப்பான் கொண்டு தெளிக்க வேண்டும்.  
இவ்வாறு 15 நாள்கள் இடைவெளியில் இரண்டு அல்லது மூன்று முறை பயிரின் வளர்ச்சிக் காலத்தில் தெளிப்பதன் மூலம் பயிர்களை வறட்சியினால் காய்ந்து விடாமல் ஒரு வார காலத்துக்கு உயிரோட்டத்துடன் வைத்திருக்க முடியும்.  இவை பயிர்களின் இலையின் மேற்பரப்பில் ஆஸ்மோபுரடெக்டன்ஸ் எனப்படும் சர்க்கரை,  அமினோ அமிலங்கள் உள்ளிட்டவற்றை உற்பத்தி செய்வதன் வாயிலாக பயிர்களை கடும் வறட்சி மற்றும் அதிக வெப்பத்தின் தாக்குதலில் இருந்து பாதுகாக்கிறது.  மேலும், இந்த நுண்ணுயிர் உரத்தை தெளிப்பதால் பயிர்களின் இலைப் பரப்பு,  இலைத் துளைகளின் எண்ணிக்கை,  பச்சையம் அல்லது குளோரோபில் நிறமியின் செரிவு ஆகியவற்றை அதிகரிப்பதன் வாயிலாக ஒளிச் சேர்க்கையை அதிகப்படுத்தி, மகசூலை 10 சதம் வரை அதிகரிக்கிறது.
இந்த நுண்ணுயிர் உரத்தை அனைத்து வகைப் பயிர்களுக்கும் உபயோகப்படுத்தலாம்.  இதனை ரசாயன உரங்கள் மற்றும் பூச்சிகொல்லி மருந்துகளுடன் கலந்து பயன்படுத்தக் கூடாது. நுண்ணுயிர் உரம் கிடைக்காத பட்சத்தில் பொட்டாசியம் குளோரைடு 0.5 சதவீத கரைசலை அதாவது 50 கிராம் மியுரேட் ஆப் பொட்டாஷ் உரத்தை 10 லிட்டர் தண்ணீரில் கரைத்து, பயிர்களின் மீது நன்றாகப் படும் வகையில் கைத்தெளிப்பான் கொண்டு தெளிக்க வேண்டும்.  இந்த பொட்டாஷ்  உரத்திலிருந்து பயிருக்குக் கிடைக்கக்கூடிய சாம்பல் சத்தானது பயிர்களின் இலைப் பரப்பிலுள்ள இலைத் துளைகளின் செயல்பாட்டினை ஒருங்கிணைப்பதன் மூலமாக பயிர்களிலிருந்து நீராவியாதலைக் கட்டுப்படுத்தி, பயிர்கள் வறட்சியினால் காய்ந்து விடாமல் உயிரோட்டத்துடன் இருக்க உதவுகிறது.
எனவே, விவசாயிகள் இத்தகைய வழிமுறைகளைக் கையாளுவதன் மூலம் பயிர்களை வறட்சியின் பாதிப்பிலிருந்து காப்பாற்றி அதிக மகசூல் பெறலாம் என்றனர்.
 

]]>
https://images.dinamani.com/uploads/user/imagelibrary/2019/2/21/w600X390/peanut.jpg https://www.dinamani.com/agriculture/2019/feb/21/வறட்சியிலிருந்து-பயிர்களை-காக்க-3099652.html
3099649 விவசாயம் மா மரங்களில் பூப்பிடிக்கும் பருவத்தில் தத்துப்பூச்சிகளை  கட்டுப்படுத்தும் முறைகள் Thursday, February 21, 2019 01:18 AM +0530
திருவள்ளூர்: முக்கனிகளில் முதல் கனியான மாம்பழங்களைத் தரும் மாமரங்களில் தற்போது பூப்பிடிக்கிற பருவம்.  இக்காலகட்டத்தில் பூங்கொத்துகளைத் தாக்கும் புழுக்கள், தத்துப்பூச்சிகளைக் கட்டுப்படுத்தும் வகையில் ஒருங்கிணைந்த பயிர் பாதுகாப்பை விவசாயிகள் கடைப்பிடிப்பது அவசியம் என தோட்டக்கலைத் துறை அறிவுறுத்துகிறது. 
   திருவள்ளூர் மாவட்டத்தில் தற்போது 1.35 லட்சம் ஹெக்டேர் பரப்பளவில் மானாவாரி பயிர் சாகுபடி நடைபெற்று வருகிறது. இப்பகுதியில் நெற்பயிருக்கு அடுத்தபடியாக தோட்டக்கலைப் பயிரான மா, பலா, தென்னை, எலுமிச்சை, சப்போட்டா, இலந்தை, ஆரஞ்சு பழ வகை மரங்கள் 18,500 ஹெக்டேரில் சாகுபடி செய்யப்படுகிறது. இதில் குறிப்பாக திருவள்ளூரை சுற்றியுள்ள பாப்பரம்பாக்கம், குத்தம்பாக்கம், கூடப்பாக்கம், கடம்பத்தூர், மப்பேடு, வயலாநல்லூர், பூண்டி, புல்லரம்பாக்கம், திருத்தணி, பள்ளிப்பட்டு, ஊத்துக்கோட்டை சுற்று வட்டாரப் பகுதிகளில் மா சாகுபடி மட்டும் 11,506 ஹெக்டேரில் மேற்கொள்ளப்பட்டு வருகிறது. அதிலும், மாவில் நீலம், பங்கனப்பள்ளி, அல்போன்சா மற்றும் இந்த மாவட்டத்துக்கான சிறப்பு ரகமான சவ்வாரி ரக மா வகைகளை ஆர்வத்துடன் விவசாயிகள் சாகுபடி செய்து வருகின்றனர்.
பூப்பிடிக்கும் பருவம்...:  தை, மாசி மாதங்கள்தான் மா மரங்களில் பூப் பிடிக்கும் பருவமாகும். ஆரம்ப கட்டங்களில் மாமரங்களில் பயிர் பாதுகாப்பு என்பது மிகவும் அவசியம். நன்கு பராமரித்தால் மட்டுமே சாகுபடியை அதிகரிக்க முடியும். இதுபோன்ற பூக்கள் பூக்கும் நேரத்தில் தத்துப்பூச்சி, பூங்கொத்துப் புழு, இலைச் சுருட்டுப்புழு, தண்டு துளைப்பான், இலைப்புள்ளி போன்ற பல்வேறு நோய்கள் மற்றும் பூச்சிகள் தாக்குதல் கூடுதலாக இருக்கும். இதுபோன்ற நேரத்தில் தேவையான பாதுகாப்பு நடவடிக்கைகளை மேற்கொள்ளாவிட்டால் மா சாகுபடி பாதிக்கப்படும். எனவே ஒருங்கிணைந்த பயிர் பாதுகாப்பு முறைகளைப் பின்பற்றி,  தத்துப்பூச்சி தாக்குதலை விவசாயிகள் கட்டுப்படுத்த வேண்டும். 
தத்துப்பூச்சிகளைக் கண்டறிதல்...: மா இலையில் எண்ணெய் பசை போன்று பளபளப்பாக இருந்தால், அந்த இலைக்கு மேல் உள்ள பூங்கொத்துகளை தத்துப்பூச்சிகள் தாக்கியுள்ளதை அறிந்து கொள்ளலாம். இவை மா இலைக் குருத்துகள் மற்றும் பூங்கொத்துக்களில் உள்ள சாறை உறிஞ்சிவிடும். இதனால் பூங்கொத்துகள் வலுவிழந்து பூ மொட்டுகள் உதிரும். இதுபோன்ற அறிகுறிகள் இருந்தால் அந்தப் பகுதிகளை கவாத்து செய்து அதை அகற்றி மாமரங்களைப் பாதுகாக்க வேண்டும்.
கட்டுப்படுத்தும் வழிமுறைகள்...: இந்த நோயை கட்டுப்படுத்த பாசலோன் 35 இசி மருந்தை, ஹெக்டேருக்கு 1.5 மி.லி. எடுத்து மருந்தை ஒரு லிட்டர் தண்ணீருடன் கலந்து கிளைகள், தண்டுகள், மரத்தின் இலைகள் ஆகியவற்றில் தெளிப்பான் மூலம் நன்கு படும் வகையில் தெளிக்க வேண்டும். இதை மாலை நேரங்களில் செய்தால் நல்ல பலன் கிடைக்கும். 
அதேபோல், கார்பரில் 50 சதவீதம், நனையும் கந்தகம் ஆகியவற்றை ஒரு லிட்டர் நீரில் கலந்து தெளிப்பதும் நல்ல பயனைத் தரும். மேலும், பூப்பிடிக்கும் பருவம் என்பதால் பூங்கொத்துப் புழு தாக்குதலும் அதிகமிருக்கும். இதைக் கட்டுப்படுத்த பாசலோன் 2 மில்லி மருந்தை ஒரு லிட்டர் நீரில் கலந்து தெளிக்க வேண்டும்.   
தண்டு துளைப்பான் தாக்குதல்: இதேபோல் தண்டு துளைப்பான் நோய் தாக்குதல் இருந்தால் தரை மட்டம் முதல் ஒரு மீட்டர் வரை மரப்பட்டையை ப வடிவில் செதுக்க வேண்டும். அதற்கு இடையில் நனைந்த பஞ்சை வைத்து மானோகுரோட்டாபாஸ் 10 மில்லி மருந்தை பஞ்சு நனையும் வரையில் வைத்து பின்பு பட்டையை மரத்தோடு பொருத்தி, ஈரக் களிமண்ணால் மூட வேண்டும். அதேபோல், இலைப்புள்ளித் தாக்குதல் இருந்தால் மாங்கோசெப் 2 கிராம் மருந்தை ஒரு லிட்டர் தண்ணீரில் கலந்து தெளிக்கலாம் அல்லது கார்பென்டாசிம் ஒரு கிராமை ஒரு லிட்டர் தண்ணீரில் கலந்து தெளிக்கலாம். அல்லது க்ளோரதலேனில் 2 கிராம் எடுத்து ஒரு லிட்டர் தண்ணீரில் கலந்து பிஞ்சுப் பருவத்தில் தெளித்து மா வகைகளைப் பாதுகாக்க வேண்டும். இதுபோன்ற ஒருங்கிணைந்த பயிர் பாதுகாப்பு முறையைப் பின்பற்றி மா சாகுபடியை விவசாயிகள் அதிகரித்துக் கொள்ளலாம்.

]]>
https://images.dinamani.com/uploads/user/imagelibrary/2019/2/21/w600X390/mango.jpg https://www.dinamani.com/agriculture/2019/feb/21/மா-மரங்களில்-பூப்பிடிக்கும்-பருவத்தில்-தத்துப்பூச்சிகளை--கட்டுப்படுத்தும்-முறைகள்-3099649.html
3095180 விவசாயம் 4 பட்டங்களுக்கும் ஏற்ற சூரியகாந்தி! Thursday, February 14, 2019 01:02 AM +0530

திருச்சி: மானாவாரியில் இரு பட்டங்களும், இறவையில் இரு பட்டங்களும் சாகுபடி செய்ய ஏதுவாக உள்ள சூரியகாந்தி பயிர் சாகுபடியில் விவசாயிகள் அதிகளவில் ஈடுபட வேண்டும் என வேளாண்மைத் துறை அறிவுறுத்தியுள்ளது.
மானாவாரி: மானாவாரி பயிராக ஆடிப்பட்டம் (ஜூன்-ஜூலை), கார்த்திகைப் பட்டம் (அக்டோபர்-நவம்பர்) ஆகியவற்றில் சாகுபடியைத் தொடங்கலாம். கோவை, ஈரோடு, சேலம், நாமக்கல், திருநெல்வேலி, திண்டுக்கல், தருமபுரி மாவட்டங்களில் ஆடிப் பட்டத்தில் மார்டன், கோ 4, வீரிய ஒட்டு ரகங்களைப் பயன்படுத்தலாம். திருச்சி, பெரம்பலூர், கரூர் மாவட்டங்களில் டி.சி.எஸ்.எச்.1, கே.பி.எஸ்.எச்.1, கே.பி.எஸ்.எச். 44, பி.ஏ.சி. 1091, எம்.எஸ்.எப்.எச்.17 ஆகிய ரகங்களை பயன்படுத்தலாம். கார்த்திகைப் பட்டத்தில், கடலூர், விழுப்புரம், விருதுநகர், சிவகங்கை, ராமநாதபுரம், மதுரை. திண்டுக்கல், தேனி, திருச்சி, பெரம்பலூர், கரூர், திருநெல்வேலி ஆகிய மாவட்டங்களில் வீரிய ஒட்டு டி.சி.எஸ்.எச்.1, கே.பி.எஸ்.எச்1, கே.பி.எஸ்.எச்.44, பி.ஏ.பி.1091, எம்.எஸ்.எப்.எச்.17 ஆகிய ரகங்களை பயன்படுத்தலாம்.
இறவை: மார்கழிப் பட்டம் (டிசம்பர்-ஜனவரி), சித்திரைப்பட்டம் (ஏப்ரல்-மே) ஆகியவை இறவை சாகுபடிக்கு ஏற்றவை.
சேலம், நாமக்கல், தருமபுரி, ஈரோடு, கோவை, மதுரை, திண்டுக்கல், தேனி, திருநெல்வேலி, தூத்துக்குடி ஆகிய மாவட்டங்களில் கே.பி.எஸ்.எச்.1, கே.பி.எஸ்.எச். 44, பி.ஏ.சி. 1091, எம்.எஸ்.எப்.எச்.17 ஆகிய ரகங்களை பயன்படுத்தலாம்.
சித்திரைப் பட்டத்தில் கோவை, ஈரோடு, தருமபுரி, சேலம், நாமக்கல், திருச்சி, பெரம்பலூர், கரூர் ஆகிய மாவட்டங்களில் வீரிய ஒட்டு சி.எஸ்.எச்.1, கே.பி.எஸ்.எச்.1, கே.பி.எஸ்.எச்.44,  பி.ஏ.பி.1091, எம்.எஸ்.எப்.எச்.17 ஆகிய ரகங்களைப் பயன்படுத்தலாம்.
மண்வகை: நல்ல வடிகால் வசதியுள்ள எல்லா மண் வகையும் சூரியகாந்தி சாகுபடிக்கு ஏற்றது. கரிசல் பூமியில் நன்றாக வளர்ந்து அதிக மகசூல் கொடுக்கிறது. தமிழகத்தில் உள்ள எல்லா மண் வகையிலும், எல்லா மாவட்டங்களிலும் சாகுபடி செய்யலாம்.
நிலம் தயாரித்தல்: நிலத்தில் 12.5 டன் மக்கிய தொழு உரம் அல்லது தென்னை நார்க் கழிவு இட்டு நன்றாக உழுது பண்படுத்தி மண்ணை நன்றாகப் புழுதியாக்க வேண்டும்.
விதை அளவு: ஒட்டு ரகங்களாக இருந்தால் மானாவாரிக்கு ஹெக்டேருக்கு 6 கிலோவும், இறவைக்கு 4 கிலோவும் தேவை. 
வீரிய ரகங்களாக இருந்தால் மானாவாரிக்கு 7 கிலோவும், இறவைக்கு 6 கிலோ விதையும் போதும்.
விதை நேர்த்தி: மானாவாரியில் விதைக்கும் முன் விதையை சிங்க் சல்பேட் 2% கரைசலில் 12 மணிநேரம் ஊற வைத்து, நிழலில் உலர்த்திய பின்னர் விதைப்பு செய்யலாம், கார்பென்டாசிம் 2 கிராம் என்ற அளவை ஒரு கிலோ விதையுடன் கலந்து 24 மணி நேரம் கழித்து விதைப்பு செய்ய வேண்டும். அல்லது டிரைகோடர்மா 4 கிராம், ஒரு கிலோ என்ற அளவில் விதை நேர்த்தி செய்யலாம்.
அசோஸ்பைரில்லம்: மூன்று பாக்கெட் அசோஸ்பைரில்லம் (600 கிராம்-ஹெக்டேர்) மற்றும் 3 பாக்கெட் (600 கிராம்- ஹெக்டேர்) பாஸ்போபாக்டீரியா அல்லது 6 பாக் அசோபாஸ் கஞ்சியுடன் கலந்து விதைநேர்த்தி செய்ய வேண்டும். விதைநேர்த்தி செய்யப்பட்ட விதைகளை 15 நிமிடம் உலர்த்தி உடனடியாக விதைக்க வேண்டும்.
விதைப்பு: ஒரு குழிக்கு இரண்டு விதை என்ற அளவில் பாரின் பக்கவாட்டில் 3 செ.மீ. ஆழத்தில் விதைக்கவும், நடவு செய்த 10 முதல் 15-ஆவது நாளில் வளர்ச்சி இல்லாத செடிகளைக் களைந்து குழிக்கு ஒரு நல்ல செடி இருக்கும்படி பராமரிக்க வேண்டும்.
பயிர் இடைவெளி: ஒட்டு ரகங்களாக இருந்தால் 60-க்கு 30 செ.மீ. என்ற அளவிலும், ரகங்களுக்கு 45-க்கு 30 செ.மீ. என்ற அளவிலும் இடைவெளி விட வேண்டியது அவசியம். ஒருங்கிணைந்த ஊட்டச்சத்து மேலாண்மையில் உயிர் உரமாக தழை, மணி, சாம்பல் சத்துகளை அந்தந்த பயிர்களுக்கு தகுந்த பரிந்துரையுடன் பயன்படுத்த வேண்டும்.
நுண்ணுயிர் உரம்: உயிர் உரத்தை மண்ணில் இடும்போது 10 பாக்கெட் (2000 கிராம்- ஹெக்டேர்) அசோஸ்பைரில்லம் மற்றும் 10 பாக்கெட் (2000 கிராம் - ஹெக்டேர்) பாஸ்போபாக்டீரியம் அல்லது 20 பாக்கெட் அசோபாஸ் (4000 கிராம்- ஹெக்டேர்) உடன் 25 கி.தொழுஉரம் மற்றும் 25 கிலோ மணலுடன் கலந்து விதைப்பதற்கு முன்னால் இட வேண்டும்.
நுண்ணூட்டம் இடுதல்: 12.5 கிலோ நுண்ணூட்டக் கலவையை 40 கிலோ மணலுடன் கலந்து விதைக்கு முன் சாலில் இட்டு பின்னர் விதைப்பு செய்ய வேண்டும். மாங்கனீசு பற்றாக்குறை உள்ள நிலத்துக்கு 0.5% கரைசலை விதைத்த 30, 40 மற்றும் 50-ஆவது நாள்களில் தெளிக்க வேண்டும்.
நீர் நிர்வாகம்: விதைத்தவுடன் முதல் தண்ணீரும், 7-ஆவது நாள் உயிர்த் தண்ணீராக இரண்டாவது தண்ணீரும் விட வேண்டும். விதைத்த 20-ஆவது நாள் மூன்றாம் தண்ணீர், மொட்டு பிடிக்கும் பருவத்தில் 4-ஆவது தண்ணீர், பூ பிடிக்கும் தருணத்தில் 5, 6-ஆவது தண்ணீர், விதைப் பிடிக்கும் தருணத்தில் 7, 8-ஆவது தண்ணீர் என்ற வகையில் நீர்ப் பாய்ச்ச வேண்டும்.
களைக் கட்டுப்பாடு மற்றும் பின்செய் நேர்த்தி: ப்ளுக்ளோரலின் அல்லது பென்டிமெத்தலின் 2 லிட்டர் ஹெக்டேருக்கு என்ற அளவில் தெளித்த பின் நீர்ப் பாய்ச்சுதல் வேண்டும். களைக் கொல்லி இட்டபின் 30 அல்லது 35-ஆவது நாளில் ஒரு கைக்களை எடுப்பது அவசியம். விதைத்த பின் 15 மற்றும் 30-ஆவது நாளில் களைக்கொத்தி கொண்டு களை எடுக்க வேண்டும்.
போரான் தெளிப்பு: பூக் கொண்டைகளில் வெளிவட்ட மஞ்சள் பூக்கள் மலர ஆரம்பிக்கும் சமயத்தில் வெண்காரத்தை (போரான்) 0.2 (2கி.லிட்.தண்ணீர்) கலந்து பூக்கொண்டைகள் நனையுமாறு தெளிக்கவும், இது மணிகள் நன்றாகப் பிடிக்க உதவும். மேலும், மணிகள் அதிகம் பிடிக்க மகரந்தச் சேர்க்கை ஏற்படும் தருணமான காலை 9 மணி முதல் 11 மணிக்குள் மெல்லிய துணி கொண்டு பூவின் மேல்பாகத்தை 2 நாள்களுக்கு ஒரு முறை மெதுவாக ஒவ்வொரு பூக்கொண்டையையும் தேய்க்க வேண்டும். 8 முதல் 10 நாள்களுக்கு 5 முறை இப்படி ஒவ்வொரு பூவிலும் செய்ய வேண்டும். அத்துடன் பூக்கள் மலரும் தருணத்தில் ஹெக்டேருக்கு மூன்று பெட்டி வீதம் தேனீ வளர்த்தல் நல்ல பலன் தரும். அருகருகே உள்ள பூக்கொண்டையினை ஒன்றோடொன்று முகம் சேர்ந்து இலேசாகத் தேய்த்து விட்டாலும் சிறந்த பலன் தரும்.
அறுவடை: பூவின் அடிப்பாகத்திலுள்ள இதழ்கள் மற்றும் பின்புறம் மஞ்சள் நிறமடைந்து பூக் கொண்டையிலுள்ள விதைகள் கடினத்தன்மை அடைந்திருப்பது முதிர்ச்சியடைந்தமைக்கு அறிகுறியாகும். உலர்ந்த பூக் கொண்டைகளைப் பறித்து உலர்த்திய பின் விதைகளைத் தனியே பிரித்தெடுத்து சுத்தம் செய்யவேண்டும்.
அறுவடைக்குப் பின்செய் நேர்த்தி: அறுவடைக்குப்பின் விதைகளை 8 முதல் 9 சத ஈரப்பதம் வரும் வரை நன்கு உலர வைக்க வேண்டும். 
மானாவாரி பயிராக இருந்தால் ஹெக்டேருக்கு 1,950 கிலோ வரையும், இறவைப் பயிராக இருந்தால் ஹெக்டேருக்கு 2,250 கிலோ வரையும் மகசூல் கிடைக்கும்.
 

]]>
https://images.dinamani.com/uploads/user/imagelibrary/2019/2/14/w600X390/sun-flower.jpg https://www.dinamani.com/agriculture/2019/feb/14/4-பட்டங்களுக்கும்-ஏற்ற-சூரியகாந்தி-3095180.html
3095179 விவசாயம் சின்ன வெங்காயம் லாபம் கொடுக்குமா? Thursday, February 14, 2019 01:02 AM +0530
கோவை : நடப்புப் பருவத்தில் சின்ன வெங்காயம் பயிரிடுவது விவசாயிகளுக்கு லாபம் கொடுக்கும் வகையில் இருக்குமா என்பது தொடர்பாக தமிழ்நாடு வேளாண்மைப் பல்கலைக்கழகம் விலை முன்னறிவிப்பு வழங்கியுள்ளது.
அதன் விவரம்:
இந்தியாவில், தென் இந்திய மாநிலங்களான தமிழ்நாடு, ஆந்திரம், கர்நாடக மாநிலங்களில்தான் சின்ன வெங்காயம் அதிக அளவில் பயிரிடப்படுகிறது. நாட்டின் மொத்த சின்ன வெங்காய உற்பத்தியில் சுமார் 85 சதவீதம் அளவுக்கு தமிழ்நாட்டில்தான் விளைகிறது.
தமிழ்நாட்டில் திண்டுக்கல், திருப்பூர், பெரம்பலூர், திருச்சி, நாமக்கல், தேனி, மதுரை மாவட்டங்களில் சின்ன வெங்காயம் அதிக அளவில் பயிரிடப்படுகிறது.
நாற்றங்கால், விதைப்பு வெங்காயம் முறைகள் மூலம் சின்ன வெங்காயம் பெரும்பாலும் சாகுபடி செய்யப்படுகிறது. குறிப்பாக, விதைப்பு வெங்காயம் முறையானது விதை உற்பத்திக்காகவே அதிகம் பயன்படுத்தப்படுகிறது. பெரும்பாலும் தை, மாசி பட்டத்தில் நாற்றங்கால் முறையில் சாகுபடி செய்யப்படுகிறது.
இந்தப் பட்டத்தில் சாகுபடி செய்யப்படும் சின்ன வெங்காயம், ஏற்றுமதிக்கு அதிக அளவு விரும்பப்படுகிறது. இலங்கை, இந்தோனேசியா, தாய்லாந்து, சிங்கப்பூர், மலேசியா ஆகிய நாடுகள் அதிக அளவில் நமது நாட்டிலிருந்து சின்ன வெங்காயத்தை இறக்குமதி செய்கின்றன.
இந்த நிலையில், தற்போது நாமக்கல், கோபிசெட்டிபாளையம், சத்தியமங்கலம் பகுதிகளில் இருந்து கோவை மாவட்ட சந்தைகளுக்கு அதிக அளவில் வெங்காயம் வந்து கொண்டிருக்கிறது. மைசூரில் இருந்து வரும் வெங்காய வரத்து மார்ச் மாதம் வரை இருக்கும். வர்த்தக ஆதாரங்களின்படி ரபி பருவத்தில் கர்நாடகத்தில் மழைப் பொழிவு குறைந்திருந்தாலும், வெங்காய உற்பத்தி இயல்பாகவே இருக்கிறது. எனவே, சின்ன வெங்காயத்தின் பண்ணை விலையில் குறிப்பிடத்தக்க அளவுக்கு மாற்றம் இருக்காது என்று கருதப்படுகிறது.
இந்த சூழலில், விவசாயிகள் விதைப்பு முடிவுகளை எடுக்க ஏதுவாக தமிழ்நாடு வேளாண்மைப் பல்கலைக்கழகத்தில், தமிழ்நாடு பாசன விவசாய மேம்பாட்டுத் திட்டத்தின் கீழ் இயங்கி வரும், வேளாண், ஊரக மேம்பாட்டு ஆய்வு மையத்தின் விலை முன்னறிவிப்புத் திட்டம், கடந்த 12 ஆண்டுகளாக திண்டுக்கல் சந்தையில் நிலவிய சின்ன வெங்காயத்தின் விலை, சந்தை நிலவரம் தொடர்பாக ஆய்வுகளை மேற்கொண்டது.
இந்த ஆய்வுகளின் அடிப்படையில் அறுவடையின்போது தரமான சின்ன வெங்காயத்தின் சராசரி பண்ணை விலை கிலோவுக்கு ரூ.25 முதல் ரூ.27 வரை இருக்கும் என்று கணிக்கப்பட்டுள்ளது. ஏற்றுமதி, விதை வெங்காயத்தின் தேவைகளைப் பொறுத்து விலையில் மாற்றங்கள் இருக்கும். எனவே, விவசாயிகள் மேற்கூறிய சந்தை ஆலோசனை அடிப்படையில் விதைப்பு முடிவுகளை எடுக்கப்  பரிந்துரைக்கப்படுகின்றனர்.
இது தொடர்பான மேலும் விவரங்களுக்கு, தமிழ்நாடு வேளாண்மைப் பல்கலைக்கழகத்தின் உள்நாட்டு, ஏற்றுமதி சந்தைத் தகவல் மையத்தையோ, காய்கறிப் பயிர்கள் துறையின் தலைவரையோ நேரிலோ, 0422 - 2431405, 6611374 என்ற எண்களிலோ தொடர்பு கொள்ளலாம்.
 

]]>
https://images.dinamani.com/uploads/user/imagelibrary/2019/2/14/w600X390/onion.jpg https://www.dinamani.com/agriculture/2019/feb/14/சின்ன-வெங்காயம்-லாபம்-கொடுக்குமா-3095179.html
3090613 விவசாயம் பாரம்பரிய அரிசி ரகங்களில் கலப்பினங்கள் அறிமுகம் Thursday, February 7, 2019 12:30 AM +0530

நாமக்கல்: பாரம்பரிய  அரிசி ரகங்களை மீட்டெடுக்கும் முயற்சியாக கலப்பின ரகங்கள் அறிமுகப்படுத்தப்பட்டுள்ளன.  இந்த நெல் ரகங்களை சாகுபடி செய்ய விவசாயிகள் முன்வர வேண்டும்.  இதன் மூலம் பல்வேறு மனித நோய்களுக்கு உணவே மருந்தாகும் நிலை உருவாகும் என நாமக்கல் பிஜிபி வேளாண்மைக் கல்லூரி உதவிப் பேராசிரியர் ப.சவிதா,  முதன்மையர் நெ.உ.கோபால் ஆகியோர் தெரிவித்தனர். 
பாரம்பரிய அரிசி ரகங்கள், சாகுபடி, பயன்கள், இன்றைய நிலை குறித்து அவர்கள் மேலும் தெரிவித்தது:  பாரம்பரிய அரிசியானது மறக்கப்பட்ட அரிசி, தீட்டப்படாத அரிசி, முழுமையான அரிசி எனவும் அழைக்கப்படுகிறது.   சீனாவில் 3,000 ஆண்டுகளுக்கு முன்னரே பாரம்பரிய அரிசியின் பயனை அறிந்து பயிரிட்டு வந்துள்ளனர். 
தற்போது ஜப்பான், கொரியா, பிலிப்பின்ஸ்,  இந்தோனேசியா, ஆப்ரிக்கா போன்ற நாடுகளிலும் பயிரிடத் துவங்கியுள்ளனர்.  தற்போதும் மதுரை, ராமநாதபுரம், திருநெல்வேலி, தஞ்சாவூர் போன்ற பகுதிகளில் இத்தகைய  ரகங்களைப் பயிரிட்டு வருகின்றனர். இவ்வகை அரிசியானது அரசப் பரம்பரையினர், செல்வந்தர்கள் மட்டுமே பயன்படுத்திய காரணத்தினால், சாதாரண நடைமுறையில் பயன்படுத்தாததால் நாளடைவில், மறக்கப்பட்ட அரிசியாக மாறிப்போய் விட்டது.  இப்போது சில ஆண்டுகளாக பரவலாக இவ் வகை  அரிசியை விவசாயிகள் அந்தந்தப் பகுதிகளில் தேர்வு செய்து சாகுபடி செய்து வருகின்றனர். 
பாரம்பரிய அரிசியின் பராமரிப்பு: 1,000 ஆண்டுகளுக்கு முன்பே நெல் புல் வகையைச் சார்ந்தது என்று அறிஞர்கள் கூறியுள்ளனர். புல்லுக்குத் தண்ணீர் தேவையில்லை. இதுபோல் காய்ச்சலும், பாய்ச்சலும் இட்டு தண்ணீர் பாய்ச்ச வேண்டும்.  இந்தியாவில் 10 லட்சத்துக்கும் மேற்பட்ட பாரம்பரிய நெல் ரகங்களும்,  தமிழ்நாட்டில் 10,000 -க்கும் மேற்பட்ட நெல் ரகங்களும் சேகரிக்கப்பட்டு பராமரிக்கப்படுகின்றன.  இந்தியாவில் விளைவிக்கப்படும் பழைமையான அரிசிகள் குறிப்பாக லச்சா அரிசி சத்தீஸ்கர்,  நவாரா கேரளம்,  பார்மைசால் மேற்கு வங்கம், கபிராஜ்சால் ஒடிஸா ஆகிய இடங்களில் பயிரிடப்படுகின்றன. 
தமிழ்நாட்டில் தூயமல்லி,  சேலம் சன்னா, தங்க சம்பா, ஆத்தூர் கிச்சலிச் சம்பா, ஆர்க்காடு கிச்சிலி சம்பா, மாப்பிள்ளை சம்பா, கருப்புக் கவுனி, பூங்கார்,  காட்டுயானம் போன்ற பாரம்பரிய ரகங்கள் பிரபலமானவை.
பசுமைப் புரட்சியால் வீழ்ந்த பாரம்பரிய ரகங்கள்:  பெருகிவரும் மக்கள்தொகைக்கு உணவளிக்க வேண்டிய முயற்சியில் உருவாக்கப்பட்ட பசுமைப் புரட்சியின் தொடக்கமான 1966-ஆம் ஆண்டில் அதிக வைக்கோலும்,  குறைந்த மகசூலும் தரக்கூடிய நெல் ரகங்களே பயிரிடப்பட்டன. 
 பின்பு இப் புரட்சியின் விளைவால் அதிக விளைச்சலும்,  குறைந்த வைக்கோலும் குட்டைத் தன்மையும் கொண்ட புதிய கலப்பின நெல் ரகங்களும், அதிக நீர்ப் பாசனமும், அதிக உரத் தேவையும் கொண்ட நெல் ரகங்கள் பிலிப்பின்ஸ் பகுதியில் இருந்து அறிமுகப்படுத்தப்பட்டன.  இதன் காரணமாக கால்நடைகளுக்கான வைக்கோல் அளவு மிகவும் குறைந்து விட்டது.
      பாரம்பரிய நெல் ரகங்கள் குறைந்தது முதல், நீண்ட (60-200 நாள்கள்) வாழ்நாள்கள், குறைந்த அளவு விளைச்சலும் தரக்கூடியவை.  குறிப்பாக 60 நாள்கள் அருங்குறுவை, 70 நாள்கள் பூங்கார், 90 நாள்கள் குள்ளக்குறுவை, 110 நாள்கள் காட்டுப்பொன்னி, 160 நாள்கள் கருப்புக்கவுனி, 180 நாள்கள் காட்டுயானம், 200 நாள்கள் ஒட்டானம் போன்றவை பழைமையான அரிசி ரகங்களாகும்.  இத்தகைய பழைமையான நெல் ரகங்கள் அதிக நாள்கள் முதிர்ச்சியும், அதிக நேரம் வேகும் தன்மையும் (கடினத்தன்மை) கொண்டுள்ளதாலும், பல்வேறுபட்ட நிறங்கள் (கருப்பு, சிவப்பு) நிறங்களில் காணப்படுவதாலும், மக்களால் பெரிதும் விரும்பப்படுவதில்லை. 
 எனினும், பாரம்பரிய நெல் ரகங்கள் பூச்சி நோய் தாக்குதல் குறைவாகவும்,  வறட்சி, வெள்ளம் மற்றும் அதிகப் பனிப் பொழிவு போன்ற அசாதாரண சூழ்நிலையைத் தாங்கி வளரக் கூடியன.  இவற்றில் உள்ள சத்துகள், மருத்துவத் தன்மை காரணமாக மீண்டும் புத்துயிர் பெற்று, மீண்டும் அதிக அளவில் பயிரிட்டு பயன்படுத்தத் துவங்கியுள்ளனர். 
மருத்துவப் பண்புகளை கொண்ட அரிசியின் தன்மைகள்: 
அரிசியானது தவிடு உமி,  கரு, மாவுப் பொருள் என்ற நான்கு பகுதிகளைக் கொண்டது. அதில் உமி,  தவிட்டினை நீக்கி நன்கு பாலிஷ் செய்யும் போது அதில் உள்ள அனைத்து விதமான சத்துகளும் நீக்கப்படுகின்றன. மீதமுள்ள மாவுப் பகுதியான கார்போஹைட்ரேட்டை மட்டுமே உணவாக உண்ணுகிறோம்.  ஆனால் பாரம்பரிய நெல் ரகங்களில் ஊட்டச் சத்துகள் மாவுப் பகுதிவரை பரவி காணப்படுகின்றன. 
இந்த பாரம்பரிய அரிசிகளில் எந்தோசைனின்,  புரோ எந்தோசைனின்  என்னும் நிறமி இருப்பதன் காரணமாக சிவப்பு, கருப்பு அடர்ந்த கருப்பு நிறத்தினைப் பெறுகின்றன. ஆனால் நாம் மிகவும் விரும்பும் வெண்மையான, சன்னமான அரிசிகளில் அந் நிறமி அற்றுக் காணப்படுகிறது. இவ்வகை நிறமியானது அரிசியின் பல்வேறு ஊட்டச்சத்துகளுக்கும், மருத்துவப் பண்புகளுக்கும் அடிப்படைக் காரணமாக உள்ளது. 
 இதற்கான குரோமோசோம் ஜீன் எனப்படும் மரபியல் கூறு காலா 1,  காலா 2,  காலா 4,  காலா 6 என உயிரியல் தொழில்நுட்பத்தில் இன்றைய நவீன ஆராய்ச்சியில் கண்டுபிடிக்கப்பட்டுள்ளது.
மருத்துவ குணங்களைக் கொண்ட அரிசியின் பண்புகள்: வெண்மை அரிசிகளில் முதன்மையாக நார்ச்சத்து குறைவாக இருப்பதால்,  கிளைசிமிக் இன்டெக்ஸ் எனப்படும் ரத்தத்தில் குளுக்கோஸ் அளவினை அதிகரிக்கிறது.  இதன் காரணமாக உணவு எளிதாக ஜீரணிக்கப்படுவதால், சர்க்கரை (நீரிழிவு) நோய் ஏற்படுகிறது. ஆனால், பாரம்பரிய அரிசியில் நார்ச்சத்து அதிகம் உள்ளதால், எளிதில் ஜீரணம் அடையாததால், ரத்தத்தில் குளுக்கோஸ் அளவினை சீராக வைக்கிறது.  இதனால் ஆக்ஸிகரணம் குறைந்து, ரத்தச் சர்க்கரை அளவைக் கட்டுப்பாட்டில் கொண்டு வந்து சர்க்கரை நோய் ஏற்படுவதை முழுமையாகத் தடுக்கிறது.  
 வெண்மை அரிசியில் அதிக அளவு மாவுச்சத்து இருப்பதாலும் உடல் எடை அதிகரிக்கிறது.  பாரம்பரிய அரிசியில் குறைந்த அளவு மாவுச்சத்து இருப்பதால் உடல் எடை குறையவும், உணவு உண்ட திருப்தியையும்  அளிக்கிறது.
வைட்டமின், இரும்பு, மெக்னீசியம், மாங்கனீசு, செலினியம் போன்ற கனிமங்கள் நடைமுறையில் உள்ள ரகங்களை விட , இரண்டு, மூன்று மடங்கு அதிகமாக உள்ளன.
பாரம்பரிய நெல் ரகங்களில் ஆன்டி ஆக்ஸிடன்ட் காரணி இருப்பதால், புற்றுநோய் செல்களை தடுக்கும் தன்மையும்,  இருதய நோயை குணமாக்கும் ஓர் அற்புதமான மருந்தாகும்.
அந்தோசையனின்,  பாலிபினால் நிறைந்துள்ளதால், தோல் சுருக்கம்,  சர்க்கரை அளவினைக் கட்டுப்பாட்டில் கொண்டு வருகிறது. பெண்களுக்கு மாதவிடாய் போக்கினை துரிதப்படுத்தவும்,   உடல், பல் மற்றும் எலும்பு உறுதிக்கும், கூந்தல் வளர்ச்சிக்கும், வாய் ஓரப்புண்கள் ஆறவும் உதவுகிறது.
பொருளாதார நிலையில் மருத்துவ அரிசி:    இந்தியாவில் பல்வேறு பகுதிகளில் மருத்துவ அரிசி பயிரிட்டாலும், கேரளம் முதலிடம் வகிக்கிறது.  மற்ற மாநிலங்களிலும் பரவலாக இவற்றை பயிரிடுதல் அதிகரித்துள்ளது.  நடைமுறையில் உள்ள நெல் ரகங்களை ஒப்பிடுகையில், பாரம்பரிய நெல் ரகங்கள் அதிக விலையில் விற்கப்படுகின்றன.  
 ஆனால்,  இப்போது இத்தகைய மருத்துவத் தன்மை கொண்ட பழங்கால அரிசி ரகங்களை நடைமுறை வேளாண்மையில் பயிரிடப்படும் அரிசி ரகங்களுடன் கலப்பினம் செய்யும்போது அதிக மருத்துவத் தன்மையும், உயிர்ச் சத்துகளும் தக்க வைக்கப்படுகின்றன. தற்போது பயிர் இனப் பெருக்கத் துறை மற்றும் உயிரியல் தொழில் நுட்பத்துறை இரண்டும் இணைந்து புதிய உத்திகளைக் கையாண்டு,  அதிக ஊட்டச் சத்துகளையும் மற்றும் மருத்துவத் தன்மையும் கொண்ட பாரம்பரிய அரிசி ரகங்களை ஆண் இனங்களாகவும், நடைமுறையில் உள்ள ரகங்களை பெண் இனங்களாகவும் பயன்படுத்த புதியப் பண்புகளைக் கொண்ட கலப்பினங்களைக் கண்டறிவதில் ஆராய்ச்சி மேற்கொள்ளப்படுகிறது.
  ஆராய்ச்சிகளின் மூலம் நவாரா மருத்துவ அரிசி இனமானது சர்க்கரை நோய் உள்ளவர்களுக்கு நோய் நீக்கியாகப் பயன்படுகிறது.  நவாரா இனத்தில் இரும்பு,  துத்தநாகம் மற்றும் கால்சியமும்,  கவுனி அரிசியில் அதிக அளவு புரதச்சத்து மற்றும் கால்சியமும்,  காத்த நெல்லில் அதிக அளவு மெக்னீசியமும் மற்றும் ஆண்டிஆக்ஸிடன்ட் செயல்பாடும், வீரதங்கன் நெல்லில் அதிக அளவு இரும்பு, துத்தநாகம் உள்ளன என ஆராய்ச்சியின் மூலம் கண்டறியப்பட்டது. குறிப்பாக, ஆன்டிஆக்ஸிடன்ட் பண்பானது பலவிதமான மனித நோய்களுக்கு மருந்தாகப் பயன்படுகிறது.
பாரம்பரிய அரிசியின் இன்றைய நிலை:  அதிக விளைச்சலைத் தரும் குட்டை ரகங்கள்,  குறைந்த விளைச்சலைத் தரும் நெட்டை ரகங்களான பாரம்பரிய நெல் ரகங்களை மாற்றிடம் செய்ததால், இந்தியா போன்ற வளரும் நாடுகளில் அழிந்துவிடும் தறுவாயில் உள்ளன. 
எனவே, இத்தகைய மருத்துவத் தன்மை கொண்ட பாரம்பரிய நெல் ரகங்களை மீட்டெடுத்து,  அதிக மருத்துவத் தன்மை கொண்ட புதிய கலப்பின அரிசி ரகங்களை உற்பத்தி செய்து, விளைச்சலைப் பெருக்கி நோயற்ற ஆரோக்கியமான வாழ்வை வாழ வேண்டும்.
 

]]>
https://images.dinamani.com/uploads/user/imagelibrary/2019/2/7/w600X390/rice.jpg https://www.dinamani.com/agriculture/2019/feb/07/பாரம்பரிய-அரிசி-ரகங்களில்-கலப்பினங்கள்-அறிமுகம்-3090613.html
3090612 விவசாயம் படைப்புழுக்களில் இருந்து மக்காச்சோளப் பயிரை காக்க... Thursday, February 7, 2019 12:30 AM +0530
மேலூர்: மக்காச்சோளம் பயிரில் படைப்புழு தாக்குதலை கட்டுப்படுத்தும் வழிமுறைகள் குறித்து மதுரை வேளாண்  அறிவியல் மையம் தெரிவித்துள்ள தகவல்கள்:
பொதுவாக சராசரி தட்பவெட்பநிலை 29 சென்டிகிரேடு நிலவும்போது படைப்புழுவின் வளர்ச்சி அதிகரிக்கும் என கண்டறியப்பட்டுள்ளது. இப்புழுவானது மக்காச்சோளம், பருத்தி, பழ வகைகள், நிலக்கடலை, பயறு வகை, புல்வகை உள்பட சுமார் 80 வகை பயிர்களில் பாதிப்பை ஏற்படுத்துவது கண்டறியப்பட்டுள்ளது. படைப்புழுவின் வளர்ச்சி 30 நாள்களாகும். குளிர்காலத்தில் 50 முதல் 90 நாள்களாகும். 
தாய் அந்திப் பூச்சியானது, அதிகதூரம் பறக்கும் தன்மையுடையது. பெண் தாய் அந்துப்பூச்சி 1,500 முதல் 2,000 முட்டைகளை இடும் வல்லமையுள்ளது. ஒரு முட்டை குவியலில் 150 முதல் 200 முட்டைகளை இட்டு வைத்திருக்கும். இளம்புழு கருப்பு தலையுடன் உடல் பச்சை நிறத்தில் இருக்கும். இதன் வளர்ச்சி ஆறு நிலைகளைக் கொண்டது. வெயில் காலத்தில் புழுப்பருவ வளர்ச்சி 14 நாள்களாகவும், குளிர் காலத்தில் 30 நாள்களாகவும் இருக்கும். 
கூட்டுப்புழு, படைப்புழு முட்டைகள் மண்ணுக்குள் 2 முதல் 8 செ.மீ. ஆழத்தில் இருக்கும். மண்ணிலுள்ள இலைச் சருகுகளை குவியலாக்கி அதில் நூல்போன்ற திரவத்தைச் சுரந்து கூட்டுப் புழுவாக மாறும். தாய் அந்துப்பூச்சிகள் பயிரில் குருத்து வெளிவரும் இடத்திலும், இலைகளின் அடிப்பகுதிகளிலும் தங்கி இலைகளை சுரண்டித் தின்று வளரும். இலைகள் பச்சையத்தை இழந்து காய்ந்துவிடும். மக்காச்சோளத்தில் கதிர்வெளிவரும் குருத்தில் புழுக்கள் தங்கி, கதிரை குருத்துப் பருவத்திலேயே தின்று சேதப்படுத்தும். 
கோடை உழவு செய்வதன் மூலம் கூட்டுப் புழுக்களை அழிக்கலாம். மண் வளம், ஈரப் பதத்தையும் சரியான முறையில் நிர்வகிக்க வேண்டும். தழைச்சத்தை குறைந்த அளவே இடவேண்டும். ஆரம்பத்திலேயே விதை நேர்த்தியை முறையாகச் செய்ய வேண்டும். இது ஆரம்பத்திலேயே பாதிப்பை தவிர்க்க உதவும்.
ஒவ்வொரு வட்டாரத்திலும் ஒரே காலத்தில் சாகுபடியை மேற்கொள்ள வேண்டும். காலதாமதம் ஏற்பட்டால் ஒவ்வொரு தோட்டமும் வெவ்வேறு வளர்ச்சியிலிருந்து புழுக்கள் வளர்ச்சிக்கு உணவாகி விடும். வயலைச் சுற்றிலும் பயறுவகை பயிர்களை விதைப்பதால், படைப்புழுவின் இயற்கை எதிரிகள் வளர்ச்சிக்கு உதவும். வயலைச் சுற்றிலும் நேப்பியர் புல் பயிரிடுவதன் மூலம் புழுக்கள் வளர்ச்சியை தடுக்கலாம்.
வேலிமசாலாவை ஊடுபயிராக பயிரிட்டால் படைப்புழுவின் தாக்கத்தை கட்டுப்படுத்தலாம். மக்காச்சோளத்துடன் ஊடுபயிராக மரவள்ளிக் கிழங்கு, பீன்ஸ் பயிரிடலாம். குறைந்த காலத்தில் மகசூல் தரும் மக்காச்சோள ரகத்தை சாகுபடி செய்தால் படைப்புழுவின் பாதிப்பைத் தவிர்க்கலாம். நிலத்தில் களைச் செடிகளை முழுமையாக அகற்றப்படவேண்டும். டிரைக்கோகிரம்மா, டிலிமோமஸ் மற்றும் புழு ஒட்டுண்ணிகளை வயலில் விடுவதன் மூலம் படைப்புழுக்களை கட்டுப்படுத்தலாம். மேலும் நுண்ணுயிர் பூச்சிக் கொல்லிகளை உபயோகித்தும் படைப்புழுக்களை கட்டுப்படுத்தலாம்.
இதுகுறித்த மேலும் விவரங்களுக்கு மதுரை வேளாண் கல்லூரி வளாகத்திலுள்ள வேளாண் அறிவியல் மையத்தை தொடர்புகொள்ளலாம். இந்தத் தகவலை வேளாண் மைய திட்ட ஒருங்கிணைப்பாளர் செல்வி ரமேஷ், பா.உஷாராணி, ஆ.கலைச்செல்வன், சி.ஆனந்தி ஆகியோர் தெரிவித்துள்ளனர்.
 

]]>
https://images.dinamani.com/uploads/user/imagelibrary/2019/2/7/w600X390/cho.jpg https://www.dinamani.com/agriculture/2019/feb/07/படைப்புழுக்களில்-இருந்து-மக்காச்சோளப்-பயிரை-காக்க-3090612.html
3086164 விவசாயம் தக்காளியில் சுரங்கப் பூச்சி: கண்டறிதலும் கட்டுப்பாடும் Thursday, January 31, 2019 01:15 AM +0530
கிருஷ்ணகிரி: அந்துப்பூச்சி இனத்தைச் சேர்ந்த சுரங்கப்பூச்சியானது பெரு நாட்டில் முதன்முதலாக தக்காளி பயிரில் கண்டறியப்பட்டது.   தென் அமெரிக்கா,  ஐரோப்பா, ஆப்பிரிக்கா மற்றும் ஆசிய நாடுகளில் காணப்படும் இந்தப் பூச்சியானது,  தற்போது இந்தியாவில் குஜராத்,  மகாராஷ்டிரம், ஆந்திரம், தெலங்கானா மற்றும் தமிழ்நாடு ஆகிய மாநிலங்களில் தக்காளி பயிரைத் தாக்கி,  விவசாயிகளுக்கு இழப்பை ஏற்படுத்தி வருகிறது. 
 தக்காளியில் சுரங்கப் பூச்சியைக் கண்டறிதல் மற்றும் அவற்றை கட்டுப்படுத்துவது குறித்து,   கிருஷ்ணகிரியை அடுத்த எலுமிச்சங்கிரியில் உள்ள வேளாண் அறிவியல் மையத்தின் திட்டத் தலைவர் சுந்தரராஜ் தெரிவித்தது:
 சுரங்கப் பூச்சியின் வாழ்க்கைச் சுழற்சி:  பெண் அந்துப் பூச்சி சராசரியாக 200 முட்டைகளை இடும்.  இந்த முட்டைகளை இலைகளின் அடிப்பகுதி,  தண்டு,   பூ மற்றும் காய்களின் மேற்பரப்பில் இடும்.  இந்த முட்டைகள் 6 அல்லது 7 நாள்களில் பொரித்து,  புழுக்களாக வெளியே வருகின்றன.   இந்தப் புழுக்கள் 10 முதல் 12 நாள்களில் நான்கு முறை தோல்களை நீக்கி,  உருமாறி,  காய்ந்த இலைகள் அல்லது காய்கள் அல்லது மண்ணில் ஒட்டிக் கொள்ளும்.    6 அல்லது 7 நாள்களில் இவை அந்துப் பூச்சிகளாக உருமாறி காலை,  மாலை வேளைகளில் பறப்பதைக் காணலாம்.  பகல் நேரங்களில் செடியில் மறைந்திருக்கும்.  இந்தப் பூச்சியின் இறக்கைகள் மினுமினுப்புத் தன்மை கொண்டதாக இருக்கும்.
   பூச்சித் தாக்குதலின் அறிகுறிகள்:  பூச்சித் தாக்குதலுக்கு உள்ளான செடியின் இலைகளின் மேற்பரப்பில் திட்டுத்திட்டாக ஒழுங்கற்ற வட்ட வடிவில் காய்ந்த பகுதி தென்படும்.  இந்த காய்ந்த பகுதியில் புழுக்களின் எச்சம் கருப்பு நிறத்தில் இருப்பதைக் காணலாம்.   இந்தப் புழுவானது செடியின் பூ,  காய்,  தண்டு ஆகிய பகுதிகளைத் தாக்கி, சேதத்தை ஏற்படுத்துகிறது.
  தக்காளிப் பழத்தில் குண்டூசி முனை போல ஓட்டைகள் இட்டு,   உள்சென்று சேதத்தை அதிகப்படுத்தும்.   புழுத் தாக்குதலுக்கு உள்ளான செடியின் பூக்களின் மொட்டு,  பூக்கள், இலைகள் காய்ந்து கீழே விழுவதைக் காணலாம்.  தாக்குதலுக்கு உள்ளான பழங்களில் பூஞ்சாண் ஏற்பட்டு,   அழுகல் நோய்க்கு உள்ளாகும்.   சுரங்கப் பூச்சி,  அளவில் சிறிதாக இருப்பதால்,  அவற்றை எளிதில் கண்ணால் காண முடியாது. 
 மேலாண்மை:  மிகவும் மோசமாக சேதமடைந்த அல்லது அறுவடை செய்த பயிர்கள்,   நோய்த் தாக்குதலால் கீழே விழுந்த தக்காளிப் பழங்களைச் சேகரித்து,  தீயிட்டு எரித்தோ அல்லது புதைப்பது நல்லது.   பயிர் சுழற்சி முறையைப் பின்பற்றுவது சிறப்பு.   பூச்சித் தாக்குதல் இல்லாமல் இருக்க, நாற்றுகளை பசுமைக் குடில் அல்லது நாற்றுப்பண்ணை வலை கொண்டு மூடி பாதுகாக்க வேண்டும்.   தேவைப்பட்டால்,  வேப்பங் கொட்டையின் வடிசாளை 0.5 சதக் கரைசலை சோப்பு நீருடன் கலந்து தெளிக்கலாம்.
 குருணை மருந்து தெளிப்பதைத் தவிர்க்க வேண்டும்.   இதன் மூலம்,  இயற்கையாக நன்மை செய்யும் பூச்சிகளைக் காக்கலாம்.   தேவையற்ற பயிர் ஊக்கிகள்,  பூச்சி மற்றும் பூஞ்சாண் கொல்லிகள்,  உரங்கள் ஆகியவற்றை தவிர்க்கலாம். 
   இனக் கவர்ச்சி பொறி: ஆண் அந்துப்பூச்சிகளைக் கவர்ந்து இழுத்து அவற்றை அழிக்கும் வகையில் பிரத்யேகமாகத் தயாரிக்கப்பட்ட இனக் கவர்ச்சி பொறிகளை ஏக்கருக்கு 15 என்ற எண்ணிக்கையில் வைத்து,   சுரங்கப் பூச்சியின் நடமாட்டத்தைக் கண்காணிக்கலாம்.   தற்போது மஞ்சள் நிற ஒட்டும் அட்டை,   நீர் தட்டு வடிவ அமைப்புகளில்  இந்த இனக் கவர்ச்சி பொறிகள் வணிக நோக்கில் சந்தையில் கிடைக்கின்றன.  
இந்த இனக் கவர்ச்சி பொறிகளை அதிக அளவில் பயன்படுத்துவதன் மூலம்,  ஆண் பூச்சிகளைக் கவர்ந்து, கொல்வதன் மூலம் பெண் பூச்சிகள் முட்டை இடும் செயலைத் தடுக்கலாம். 
இயற்கை முறை கட்டுப்பாடு:  சுரங்கப் பூச்சியின் முட்டைகளை அழிக்கும் டிரைக்கோரிமா வகை ஒட்டுண்ணிகள்,  புழுக்களை இரையாக்கி உள்கொள்ளும் மற்ற இரை விழுங்கி பூச்சிகளான நெசிடியோகோரிஸ் போன்றவற்றை அழியாமல் காப்பது நல்லது. 
 பூச்சி கொல்லியின் பயன்பாடு:
இனக் கவர்ச்சி பொறியில் ஒரு வாரத்தில் 20 முதல் 30 பூச்சிகளுக்கு மேல் காணப்பட்டால்,  உடனடியாக கீழ்க்கண்ட பூச்சிக் கொல்லி மருந்துகளைப் பயன்படுத்துவது அவசியமாகிறது.   ஒரு லிட்டர் தண்ணீரில் குளோரன்டி ரிநிப்ரோல்(ரைநாக்ஸிபைர்) 10, 26 சதம் ஓடி-யை 0.3 மிலி என்ற அளவிலோ அல்லது சைனாட்ரிநிப்ரோல் (சைனாக்ஸிபைர்) 18.5 சத எஸ்சி என்ற பூச்சி கொல்லியை 0.3 மி.லி. என்ற அளவில் கலந்தோ அல்லது ஃபுளுபென்டமைட் 20 சதம் டபிள்யூஜி என்ற பூச்சி கொல்லியை 0.3 மி.லி.  என்ற அளவிலோ, இன்டாக்சாகார்ப் 14.5 சத எஸ்.சி என்ற பூச்சி கொல்லியை 0.5 மி.லி.  என்ற அளவிலோ,  இமிடாகுளோபிரிட் 17.8 எஸ்எல் என்ற பூச்சி கொல்லியை 0.3 மி.லி என்ற அளவிலோ அசாடிராக்டின் (வேம்பு) 1 சதம் அல்லது 5 சதம் என்ற பூச்சி கொல்லியை 2 அல்லது 3 மி.லி. என்ற அளவிலோ பயன்படுத்தலாம். 
மேலும்,  விவரங்களுக்கு முதுநிலை விஞ்ஞானி மற்றும் தலைவர்,  வேளாண் அறிவியல் மையம்,  எலுமிச்சங்கிரி,  கிருஷ்ணகிரி - 635120 என்ற முகவரியிலோ அல்லது 8098280123 என்ற எண்ணிலோ தொடர்பு கொள்ளலாம்.
 

]]>
https://images.dinamani.com/uploads/user/imagelibrary/2019/1/31/w600X390/tomotto.jpg https://www.dinamani.com/agriculture/2019/jan/31/தக்காளியில்-சுரங்கப்-பூச்சி-கண்டறிதலும்-கட்டுப்பாடும்-3086164.html
3086163 விவசாயம் நெல்தரிசில் பயறுவகைப் பயிர் சாகுபடி Thursday, January 31, 2019 01:14 AM +0530
நீடாமங்கலம்: நெல் தரிசில் பயறுவகைப் பயிர்கள் சாகுபடி மற்றும்  பயிர் பாதுகாப்பு தொழில்நுட்பங்கள் குறித்து திருவாரூர் மாவட்டம், நீடாமங்கலம் வேளாண்மை அறிவியல் நிலைய விஞ்ஞானிகள் ராஜா. ரமேஷ் மற்றும் ஆ. பாஸ்கரன் ஆகியோர் யோசனை அளித்துள்ளனர்.
இதுதொடர்பாக அவர்கள் கூறியது:
பயறு வகைப் பயிர்கள் நமது உடல் வளர்ச்சிக்கும், அறிவாற்றலுக்கும் அவசியமான புரதச்சத்தைத் தன்னகத்தே கொண்டுள்ளன. தானியப் பயிர்களைக் காட்டிலும் பயறு வகைப் பயிர்களில் புரதச்சத்தானது 2 மடங்கு அதிகம். உலக சுகாதார அமைப்பு ஒரு நாளைக்கு ஒரு மனிதனுக்கு 80 கிராம் புரதச்சத்து தேவைப்படுவதாகத் தெரிவித்துள்ளது. ஆனால், 40 கிராமுக்கும் குறைவாகவே உள்ளது.
நெல் தரிசுப் பயிர்கள்: காவிரி டெல்டா பாசனப் பகுதிகளில் சம்பா மற்றும் தாளடி நெல் அறுவடைக்கு முன் மெழுகுபத ஈரப்பதத்தில் பயறு வகைப் பயிர்களின் விதைகள் விதைக்கப்பட்டு சாகுபடி செய்யப்படுகின்றன. இதற்கு நெல் தரிசுப் பயிர்கள் அல்லது தொடர் பயிர்கள் என்று பெயர். நெல் தரிசில் வயலிலுள்ள ஈரப்பதம் மற்றும் ஊட்டச்சத்துக்களைப் பயன்படுத்தி சாகுபடி செய்யப்படுவதால், அதிக செலவின்றி விவசாயிகளுக்கு கூடுதல் வருவாய் கிடைக்க வாய்ப்புள்ளது.
 கீழ்க்கண்ட முறைகளைப் பின்பற்றினால், அதிக விளைச்சல் பெறுவதற்கு வாய்ப்புகள் அதிகம். 
மண் வகை: களிமண் கலந்த இருமண்பாடு கொண்ட நிலங்கள் மிகவும் உகந்தவை. பச்சைப் பயறானது களர் மற்றும் உவர் நிலங்களில் நன்கு வளரும்.
ரகங்கள்: உளுந்து ரகங்களான ஏடிடி 3, ஏடிடி 5, ஏடிடி 6, டி.எம்.வி. 1 மற்றும் கோ 4, பச்சைப் பயறு ரகங்களான ஏடிடி 3, கே.எம். 2 ஆகியவற்றை சாகுபடி செய்யலாம். தரமானச் சான்று பெற்ற விதைகளைத் தேர்வு செய்து பயன்படுத்தவும்.
பட்டம்: தைப்பட்டம் மிகவும் ஏற்ற பருவமாகும். 
விதையளவு: ஏக்கருக்கு 10 கிலோ விதை போதுமானதாகும். இயந்திரம் மூலம் அறுவடை செய்யப்படும் இடங்களில் 12 கிலோ விதையளவைப் பயன்படுத்த வேண்டும். சங்கிலி வடிவ இயந்திரம் மூலம் நெல் அறுவடை செய்யும் இடங்களில் பயிர்கள் நன்கு வளரும்.
விதை நேர்த்தி: ஆறிய அரிசி கஞ்சியில் ஓர் ஏக்கருக்கு தேவைப்படும் 10 கிலோ விதையுடன் ஒரு பாக்கெட் ரைசோபியம் (200 கிராம்), ஒரு பாக்கெட் பாஸ்போபாக்டீரியா (200 கிராம்) ஆகிய உயிர் உரங்கள் மற்றும் 100 கிராம் சூடோமோனாஸ் கலந்து விதை நேர்த்தி செய்ய வேண்டும். பின்பு அதனை 15 நிமிடங்கள் நிழலில் உலர்த்தி, 24 மணி நேரத்துக்குள் விதைக்க வேண்டும்.
விதைப்பு: சம்பா மற்றும் தாளடி நெல் அறுவடையானது ஆள்கள் மூலம் மேற்கொள்ளப்படும் இடங்களில் அறுவடைக்கு 7 முதல் 10 நாள்களுக்கு முன்பாகவும், இயந்திரம் மூலம் அறுவடை செய்யப்படும் இடங்களில் 4 முதல் 6 நாள்களுக்கு முன்பாகவும் மெழுகுப்பத ஈரப்பதத்தில் விதைகள் விதைக்கப்பட வேண்டும். மெழுகுப்பதம் இல்லையெனில், நீர்ப்பாசனம் செய்து மெழுகுப் பதம் வந்த பின்பு விதைகளைத் தெளிக்க வேண்டும்.
பயிர்களின் எண்ணிக்கை: ஒரு சதுர மீட்டரில் 33 செடிகள் இருக்குமாறு பார்த்துக் கொள்ள வேண்டும். விதைகள் முளைக்காத இடங்களில், முளை கண்ட விதைகளை மீண்டும் தெளித்து சரியான பயிர் எண்ணிக்கையைப் பராமரிக்க வேண்டும்.
களைக் கட்டுப்பாடு: விதைத்த 20-ஆம் நாள் ஓர் ஏக்கருக்கு 400 மில்லி குயிஸலாபாப் ஈதைல் களைக்கொல்லி மருந்தினை 200 லிட்டர் தண்ணீரில் கலந்து தெளித்து புல் வகை களைகள், நெல் மறுதாம்பு பயிர் மற்றும் நெல் அறுவடையின்போது விழுந்து முளைக்கும் நெல் நாற்றுகள் ஆகியவற்றைக் கட்டுப்படுத்தலாம். அகன்ற இலை களைகளைக் கட்டுப்படுத்த இமாசிதபயர் களைக்கொல்லி மருந்தினை ஓர் ஏக்கருக்கு 400 மில்லி என்ற அளவில், களைகள் நன்கு இலைப் பருவத்தில் இருக்கும்போது வயலில் போதுமான ஈரம் வைத்து, 200 லிட்டர் தண்ணீரில் கலந்து தெளித்துக் கட்டுப்படுத்தலாம்.
இலைவழி ஊட்டச்சத்து அளித்தல் : நெல் தரிசில் அடி உரம் இடமுடியாத இடங்களில் 2 சதவீத டிஏபி கரைசலை (ஒரு லிட்டர் தண்ணீருக்கு 20 கிராம் டிஏபி என்ற அளவில்), ஃபிளானோபிக்ஸ் வளர்ச்சி ஊக்கி அல்லது தமிழ்நாடு வேளாண் பல்கலைக்கழகத்தின் பயறு ஒண்டர் தெளிக்க வேண்டும். விதைத்த 25-ஆவது நாள் அதாவது பூக்கும் தருணத்திலும், 45-ஆவது நாள் (காய் பிடிக்கும் தருணம்) 2 சதவீத டிஏபி கரைசல், ஒரு சதவீத பொட்டாசியம் குளோரைடு, 40 பிபிஎம் ஃபிளானோபிக்ஸ் கலந்த கரைசலை காலை அல்லது மாலை வேளைகளில் இலைகளில் நன்கு நனையும்படி கைத்தெளிப்பான் கொண்டு தெளிக்க வேண்டும்.
கரைசல் தயாரிக்கும் முறை: ஓர் ஏக்கருக்கு தேவைப்படும் 4 கிலோ டிஏபியை 10 லிட்டர் தண்ணீரில் முதல் நாள் இரவு கலந்து ஊற வைத்து, மறுநாள் காலை தெளிந்த கரைசலை மட்டும் எடுத்து அதனுடன் 2 கிலோ பொட்டாசியம் குளோரைடு மற்றும் 160 மில்லி ஃபிளானோபிக்ஸ் வளர்ச்சி ஊக்கி மருந்தினைக் கலந்து தேவையான அளவு தண்ணீர் கலந்து, 200 லிட்டர் கரைசல் தயாரித்து தெளிக்க வேண்டும்.
தமிழ்நாடு வேளாண் பல்கலைக்கழகத்தின் பயறு ஒண்டர்: ஓர் ஏக்கருக்கு தேவைப்படும் 2 கிலோ பயறு ஒண்டர் மருந்தினை தேவையான அளவு ஒட்டும் திரவத்தினுடன் 200 லிட்டர் தண்ணீரில் கலந்து, பூக்கும் தருணத்தில் தெளிப்பதனால் வறட்சியைத் தாங்கி காய்கள் அதிகம் பிடித்து விளைச்சலானது, 20-25 சதவீதம் வரை அதிகரிக்க 
வழிவகுக்கும்.
ஒருங்கிணைந்த பயிர் பாதுகாப்பு:
சாறு உறிஞ்சும் பூச்சிகளான அசுவிணி, வெள்ளை ஈ, தத்துப்பூச்சி மற்றும் இலைச் சிலந்தி ஆகியவற்றின் தாக்குதலைக் கட்டுப்படுத்த 3 சதவீத வேப்பெண்ணெய் கரைசல் அல்லது 5 சதவீத வேப்பம் பருப்பு கரைசல் தெளித்து கட்டுப்படுத்தலாம் அல்லது ஓர் ஏக்கருக்கு டைமெத்தோயேட் 30 ஈசி 200 மில்லி மருந்தை 200 லிட்டர் தண்ணீரில் கலந்து, மாலை வேளைகளில் தெளித்துக் கட்டுப்படுத்தலாம். மேலும்  ஏக்கருக்கு  5 இனக்கவர்ச்சிப் பொறிகளை வைத்து, 
ஆண் அந்துப் பூச்சிகளையும், ஒரு விளக்குப் பொறியை வைத்து தாய்  அந்துப் பூச்சிகளையும் கவர்ந்து அழிக்கலாம்.
இதன் தாக்குதல் பொருளாதார சேதநிலையைத் தாண்டினால், தயோடிகார்ப் 75 டயிள்யூ.பி. 250 மில்லி அல்லது குளோர்பைரிபாஸ் 20 ஈசி 500 மில்லி அல்லது டைகுளோர்வாஸ் 76 ஈ.சி. 400 மில்லி இவற்றில் ஏதேனும் ஒரு மருந்தை 200 லிட்டர் தண்ணீரில் கலந்து, மாலை வேளைகளில் தெளித்துக் கட்டுப்படுத்தலாம்.
மஞ்சள்தேமல் நோயைக் கட்டுப்படுத்த நோய்த் தாக்கிய செடிகளை அகற்றி அழித்துவிட வேண்டும். மேலும், இந்நோயைப் பரப்பும் வெள்ளை ஈயைக் கட்டுப்படுத்த டைமெத்தோயேட் 30 ஈசி 200 மில்லி அல்லது மோனோகுரோட்டோபாஸ் 36 எஸ்.எல். 200 மில்லி இவற்றில் ஏதேனும் ஒன்றை 200 லிட்டர் தண்ணீரில் கலந்து மாலை வேளைகளில் தெளித்துக் கட்டுப்படுத்தலாம்.
அறுவடை: 80 சதவீதத்துக்கும் அதிகமான காய்கள் முதிர்ச்சியடைந்தவுடன் செடிகளை தரைமட்டத்துக்கு சற்று மேலே வெட்டி, அறுவடை செய்ய வேண்டும். இதனால், மண்ணிலிருக்கும் வேர்கள் மண் வளத்தைப் பெருக்க உதவிடும் என அவர்கள் தெரிவித்துள்ளனர்.
 

]]>
https://images.dinamani.com/uploads/user/imagelibrary/2019/1/31/w600X390/land.jpg https://www.dinamani.com/agriculture/2019/jan/31/நெல்தரிசில்-பயறுவகைப்-பயிர்-சாகுபடி-3086163.html
3081933 விவசாயம் பெல்லாரி வெங்காயத்தில் நவீன சாகுபடி தொழில்நுட்பம்: ஏக்கருக்கு 10 டன்கள் மகசூல் பெறலாம் Thursday, January 24, 2019 01:05 AM +0530

நாமக்கல்: பெல்லாரி வெங்காயத்தில் நவீன சாகுபடி தொழில்நுட்பங்களைப் பயன்படுத்தி நடவு செய்வதன் மூலம் ஏக்கருக்கு 8 முதல் 10 டன்கள் வரை மகசூல் பெறலாம் என நாமக்கல் வேளாண் அறிவியல் நிலைய உதவிப் பேராசிரியர் ஷர்மிளா பாரதி, தலைவர் அகிலா ஆகியோர் தெரிவித்தனர்.
இதுகுறித்து மேலும் அவர்கள் தெரிவித்தது: இந்தியாவில் 12.03 லட்சம் ஹெக்டேர் பரப்பளவில் வெங்காயம் சாகுபடி செய்யப்பட்டு, உலக அளவில் உற்பத்தியில் இரண்டாமிடம் வகிக்கிறது. மொத்த உற்பத்தியான 1.94 கோடி மெட்ரிக் டன்களில் 15 முதல் 20 சதவீதம் ஜூன் - ஆகஸ்ட் மாதங்களிலும், 20 - 25 சதவீதம் செப்டம்பர் - டிசம்பர் மாதங்களிலும், 60 - 65 சதவீதம் ஜனவரி - ஏப்ரல் மாதங்களிலும் உற்பத்தி செய்யப்படுகிறது. 
தற்போது பெல்லாரி வெங்காயமானது நாமக்கல், சேலம், தருமபுரி, கிருஷ்ணகிரி, திண்டுக்கல் மற்றும் இதர மாவட்டங்களில் பரவலாக சாகுபடி செய்யப்படுகிறது. மகாராஷ்டிர மாநிலத்தில் இருந்து பெல்லாரி வெங்காயத்தின் வரத்து ஜூலை தொடங்கி டிசம்பர் வரை குறைவாக இருக்கும்.
இந்த நேரத்தில், பெல்லாரி வெங்காயத்தின் விலை உயர்ந்து காணப்படும். நாமக்கல் மாவட்டத்தில், சின்ன வெங்காயம் சாகுபடி செய்யப்படும் வட்டாரங்களான எருமப்பட்டி, வெண்ணந்தூர், ராசிபுரம், நாமகிரிப்பேட்டை ஆகிய இடங்களில், விவசாயிகள், பெல்லாரி வெங்காயத்தை சாகுபடி செய்து வருகின்றனர்.
ரகங்கள்: வணிக ரீதியாக தற்போது, அக்ரி பவுண்ட் கருஞ்
சிவப்பு, பூசா சிவப்பு, பூசா மாதவி, அர்கா நிகேதன், அர்கா கீர்த்திமண், அர்கா பீதாம்பர், டார்க் ரெட், பீமா சூப்பர் மற்றும் அர்கா பீம் போன்ற ரகங்கள் அதிக அளவில் சாகுபடி செய்யப்பட்டு, பிரபலமடைந்து வருகின்றன.
விதைப்பு காலம், விதையளவு:
பொதுவாக, பெல்லாரி வெங்காயமானது தமிழகத்தில் மார்ச் - ஏப்ரல் மாதங்களிலும், ஜூலை - ஆகஸ்ட் மாதங்களிலும் விதைக்கப்படுகிறது. ஓர் ஏக்கருக்கு, 3.2 முதல் 4 கிலோ போதுமானது.
நாற்றங்கால் தயாரிப்பு: மேட்டுப்பாத்தி நாற்றங்காலில் பெல்லாரி வெங்காய விதைகளை விதைப்பு செய்ய வேண்டும். மேட்டுப் பாத்திகளை 15 முதல் 20 செ.மீ. உயரத்திலும், 70 முதல் 76 செ.மீ. அகலத்திலும், நீளத்தை 3 முதல் 5 மீட்டர் வரையிலும் அமைக்க வேண்டும்.
இவ்வாறு பாத்திகளை அமைத்தபின் நன்கு மக்கிய தொழு உரத்தை இரண்டு செ.மீ., உயரத்துக்கு தூவிவிட வேண்டும். அல்லது 200 கிலோ நன்கு மக்கிய தொழு உரத்துடன் ஒரு கிலோ டிரைக்கோ டெர்மா விரிடி என்ற பூஞ்சாணக்கொல்லி மருந்து கலந்து நாற்றங்காலில் இட்டு நன்றாக கலந்து நாற்றங்கால் அமைப்பதால், நாற்றுகள் வீரியமாக வளர்வதுடன், நாற்றழுகல் நோயையும் கட்டுப்படுத்தலாம். 
மேலும், ஒரு கிலோ விதைக்கு நான்கு கிராம் டிரைக்கோடெர்மா விரிடி அல்லது 10 கிராம் சூடோமோனாஸ் புளூரசன்ஸ் என்ற அளவில் விதைப்பதற்கு ஒரு மணி நேரத்துக்கு முன் கலந்து விதைகளை நிழலில் காய வைக்க வேண்டும்.
நாற்று பறித்து நடவு செய்யும் வரை நாற்றங்காலில் களை இல்லாமல் உடனுக்குடன் களைகளை எடுத்து சுத்தமாக வைத்துக் கொள்ள வேண்டும். நாற்றுகள் வளர்ச்சியைத் துரிதப்படுத்த விதை விதைத்த 15ஆம் நாள், 30ஆம் நாள் 19:19:19 என்ற விகிதத்தில் நீரில் கரையும் உரத்தை, லிட்டருக்கு, இரண்டு கிராம் என்ற அளவில் கலந்து இலை வழியாக தெளிப்பு செய்ய வேண்டும்.
நடவு: 40 நாள் வயதுடைய நாற்றுகளை வரிசைக்கு வரிசை 15 செ.மீ. இடைவெளியிலும், செடிக்கு செடி 10 செ.மீ. இடைவெளியிலும் நடவு செய்ய வேண்டும். நடவுக்கு 15 நாள்களுக்கு முன் ஓர் ஏக்கருக்கு தேவையான, ஒரு கிலோ டிரைக்கோடெர்மா விரிடியை 200 கிலோ மக்கிய தொழு உரத்துடன் கலந்து லேசாக நீர் தெளித்து நிழலில் வைத்திருந்து நடும்போது நடவு வயலில் தெளிக்க வேண்டும். இவ்வாறு செய்வதால், அதிக மழையின் போது காய்களில் ஏற்படும் தூரழுகல் நோயில் இருந்து கட்டுப்படுத்தலாம்.
வளர்ச்சியூக்கி மற்றும் நுண்ணூட்ட உரம் தெளிப்பு: வெங்காயம் நட்ட 15 மற்றும் 45-ஆவது நாள் சைட்டோசைம் 0.2 சதவீதம் தெளிப்பது, காய்பெருக்கத்துக்கு உதவும். மகசூலைக் கூட்டுவதற்கும், நுண்ணூட்டச்சத்து பற்றாக்
குறையைத் தவிர்க்கவும் இலைவழியாக துத்தநாக சல்பேட், இரும்பு சல்பேட், தாமிர சல்பேட் மற்றும் போரான் போன்ற நுண்ணூட்ட உரங்களை, ஒரு லிட்டர் தண்ணீருக்கு மூன்று கிராம் என்ற அளவில் ஒட்டும் திரவத்துடன் கலந்து நட்ட 30 மற்றும் 40-ஆம் நாளில் தெளிக்க வேண்டும்.
அறுவடை மற்றும் பதப்படுத்துதல்: அறுவடைக்கு 10 - 15 நாள்களுக்கு முன் நீர்ப் பாசனத்தை நிறுத்துவதால் காய்கள் நன்றாக இறுக்கமடையும். அறுவடைக்கு பின் காய்களை வரிசையாக தாள்களால் காய்ப் பகுதி மறையும் வகையில் வைத்து வயலில் உலர்த்த வேண்டும். மகசூல் ஏக்கருக்கு 8 முதல் 10 டன்கள் வரை கிடைக்கும்.
 

]]>
https://images.dinamani.com/uploads/user/imagelibrary/2019/1/24/w600X390/onion2.jpg https://www.dinamani.com/agriculture/2019/jan/24/பெல்லாரி-வெங்காயத்தில்-நவீன-சாகுபடி-தொழில்நுட்பம்-ஏக்கருக்கு-10-டன்கள்-மகசூல்-பெறலாம்-3081933.html
3081931 விவசாயம் தை பட்டம் காய்கறிகளுக்கான விலை முன்னறிவிப்பு Thursday, January 24, 2019 01:04 AM +0530
கோவை: தை பட்ட காய்கறிகளுக்கான விலை குறித்து வேளாண்மைப் பல்கலைக்கழக உள்நாட்டு, ஏற்றுமதி சந்தைத் தகவல் மையம் முன்னறிவிப்பு வெளியிட்டுள்ளது.
அதில் கூறியிருப்பதாவது: இந்தியாவின் மொத்த காய்கறி உற்பத்தியில் தக்காளி 11 சதவீத பங்களிக்கிறது. தேசிய தோட்டக் கலை வாரியத்தின் மூன்றாவது முன்கூட்டிய அறிக்கையின்படி, இந்தியாவில் 7.86 லட்சம் ஹெக்டேர் பரப்பளவில் தக்காளி சாகுபடி செய்யப்பட்டு 1.93 கோடி டன்கள் உற்பத்தியாகும் என்று அறிவித்துள்ளது.
மத்தியப் பிரதேசம், ஆந்திரம், கர்நாடகம், தெலங்கானா, ஒடிஸா, மேற்கு வங்கம் ஆகிய மாநிலங்கள் சேர்ந்து இந்தியாவின் மொத்த தக்காளி உற்பத்தியில் 54 சதவீதம் பங்களிக்கின்றன.
நாட்டின் மொத்த தக்காளி உற்பத்தியில் தமிழ்நாடு 5 சதவீதத்துக்கும் குறைவாகவே பங்களிக்கிறது. தமிழ்நாட்டில் கிருஷ்ணகிரி, தருமபுரி, சேலம், திருப்பூர், தேனி, திண்டுக்கல் மாவட்டங்கள் தக்காளி உற்பத்தி செய்யும் முக்கிய மாவட்டங்களாகும்.
தமிழ்நாட்டில் அனைத்து பருவங்களிலும் தக்காளி சாகுபடி செய்யப்பட்டாலும் தை பட்டத்திலேயே அதிக அளவு சாகுபடி செய்யப்படுகிறது. கோவை சந்தைகளுக்கு நாச்சிபாளையம், ஆலாந்துறை, போளுவாம்பட்டி, கிணத்துக்கடவு ஆகிய பகுதிகளில் இருந்து தக்காளி அதிகளவில் வருகிறது. வரும் மாதங்களில் கர்நாடகத்தில் இருந்து வரும் வரத்தே தக்காளி விலையின் ஏற்ற இறக்கத்தைத் தீர்மானிக்கும்.
கத்திரி: தேசிய தோட்டக் கலை வாரியத்தின் மூன்றாவது முன்கூட்டிய அறிக்கையின்படி, இந்தியாவில் கத்திரி 7.36 லட்சம் ஹெக்டேர் பரப்பளவில் சாகுபடி செய்யப்பட்டு 1.28 கோடி டன்கள் உற்பத்தியாகும் என்று அறிவிக்கப்பட்டுள்ளது. நாட்டின் மொத்த உற்பத்தியில் மேற்கு வங்கம், ஒடிஸா, பிகார், குஜராத், மத்தியப் பிரதேசம் ஆகிய மாநிலங்கள் சேர்ந்து 69 சதவீதம் பங்களிக்கின்றன.
தமிழ்நாட்டில் தருமபுரி, கிருஷ்ணகிரி, திண்டுக்கல், திருவண்ணாமலை, வேலூர் மாவட்டங்கள் கத்திரி பயிரிடுவதில் பெரும் பங்கு வகிக்கின்றன. வர்த்தக மூலங்களின்படி, கோவை, மதுரை, திருச்சி, ஒட்டன்சத்திரம் சந்தைகளுக்கு கர்நாடக மாநிலம் மைசூருவில் இருந்து போதுமான அளவு வரத்து உள்ளது.
வெண்டை: வெண்டை இந்தியாவில் பயிரிடப்படும் முக்கிய காய்கறிப் பயிர்களில் ஒன்றாகும். நாட்டில் 5.14 லட்சம் ஹெக்டேர் பரப்பில் வெண்டை பயிரிடப்பட்டு 61.26 லட்சம் டன்கள் உற்பத்தி செய்யப்பட்டுள்ளன. வெண்டைக்காய் உற்பத்தியில் மேற்கு வங்கம், குஜராத், பிகார், ஒடிஸா, மத்தியப் பிரதேச மாநிலங்கள் சேர்ந்து 59 சதவீதம் அளவுக்கு பங்களிப்பை வழங்குகின்றன. தமிழ்நாட்டில் சேலம், தேனி, தருமபுரி, திருவள்ளூர், கோவை, மதுரை மாவட்டங்கள் வெண்டை உற்பத்தியில் முன்னிலை வகிக்கின்றன.
மேற்கண்ட காய்கறிகளின் விலையானது பருவநிலை மாற்றங்களுக்கும், உள்ளூர் சந்தை வரத்துகளுக்கும் உள்பட்டதாகும். இந்த சூழலில் விவசாயிகள் விற்பனை முடிவுகளை எடுக்க ஏதுவாக தமிழ்நாடு வேளாண்மைப் பல்கலைக்கழகத்தில் தமிழ்நாடு பாசன விவசாய மேம்பாட்டுத் திட்டத்தின் கீழ் இயங்கி வரும் வேளாண், ஊரக மேம்பாட்டு ஆய்வு மையத்தின் விலை முன்னறிவிப்புத் திட்டம் கடந்த 14 ஆண்டுகளாக ஒட்டன்சத்திரம் சந்தையில் நிலவிய தக்காளி, கத்திரி, வெண்டைக்காய் விலைகள் குறித்து சந்தை ஆய்வுகள் மேற்கொண்டது.
இந்த ஆய்வின் அடிப்படையில் அறுவடையின்போது தரமான தக்காளியின் பண்ணை விலை கிலோ ரூ.12 முதல் ரூ.14 வரையும், நல்ல தரமான கத்திரிக்காயின் விலை ரூ.17 முதல் 19 வரையும், வெண்டைக்காயின் விலை ரூ.15 முதல் ரூ.17 வரையும் இருக்கும் என்றும், இதன் அடிப்படையில் விவசாயிகள் விதைப்பு முடிவுகளை எடுக்கும்படியும் பரிந்துரைக்கப்படுகின்றனர்.
இது குறித்த மேலும் விவரங்களுக்கு, வேளாண்மைப் பல்கலைக்கழகத்தின் வேளாண், ஊரக மேம்பாட்டு ஆய்வு மையத்தையோ, காய்கறிப் பயிர்கள் துறைத் தலைவரையோ அணுகலாம் என்று தெரிவிக்கப்பட்டுள்ளது. தொடர்பு எண்கள் 0422 2431405, 6611374.
 

]]>
https://images.dinamani.com/uploads/user/imagelibrary/2019/1/24/w600X390/berenjal.jpg https://www.dinamani.com/agriculture/2019/jan/24/தை-பட்டம்-காய்கறிகளுக்கான-விலை-முன்னறிவிப்பு-3081931.html
3077567 விவசாயம் அதிக மகசூல் தரும் 14 புதிய பயிர் ரகங்கள் அறிமுகம் Thursday, January 17, 2019 12:47 AM +0530

கோவை: தமிழ்நாடு வேளாண்மைப் பல்கலைக்கழகம் சார்பில் அதிக மகசூல் தரக் கூடிய 14 புதிய பயிர் ரகங்கள் அறிமுகப்படுத்தப்பட்டுள்ளன.
விவசாயிகளின் நலன் கருதி வேளாண்மைப் பல்கலைக்கழகம் பல்வேறு பயிர்களில் அதிக மகசூல் தரக் கூடிய புதிய ரகங்களை ஆண்டுதோறும் வெளியிட்டு வருகிறது. நடப்பு ஆண்டில் தமிழ்நாடு வேளாண்மைப் பல்கலைக்கழகம், இந்திய வேளாண் ஆராய்ச்சி கழகத்தினால் விவசாயிகளின் நலனுக்காக உருவாக்கப்பட்ட 14 புதிய பயிர் ரகங்களை வெளியிட மாநில பயிர் ரகங்கள் வெளியீட்டுக் குழு ஜனவரி 7-ஆம் தேதி ஒப்புதல் அளித்துள்ளது.
அதன்படி நெற்பயிரில் ஏடிடீ 53, விஜிடி 1, சாமை ஏடிஎல் 1, பாசிப் பயறு விபிஎன் 4, நிலக்கடலை பிஎஸ்ஆர் 2, ஆமணக்கு ஒய்.டி.பி.1, மரப் பயிரில் கடம்பு எம்டிபி 1, சுரைக்காய் பிஎல்ஆர் 2, பூண்டு உதகை-2, நட்சத்திர மல்லிகை கோ 1, உருளைக் கிழங்கு குப்ரி சஹ்யாத்ரி, வாழையில் காவிரி கல்கி, காவிரி சபா, காவிரி சுகந்தம் ஆகிய ரகங்கள் விவசாயிகளுக்கு பொங்கல் பரிசாக 
வெளியிடப்பட்டுள்ளன.
புதிய பயிர் ரகங்கள் தொடர்பான விவரங்கள்: 
நெல் ஏடிடீ 53: இந்த ரகம் 105 நாள்கள் வயதுடையது. இது, குறுவை, கோடை, நவரை பருவங்களுக்கு உகந்தது. மேலும், சராசரி மகசூலாக ஹெக்டேருக்கு 6,340 கிலோ தரக்கூடியது. நடுத்தர சன்ன அரிசி, அதிக அரவைத் திறன் கொண்டது. குலைநோய், இலை உறை அழுகல், தண்டு துளைப்பான், இலைமடக்குப் புழுவுக்கு மிதமான எதிர்ப்புத் திறன் கொண்டது.
நெல் விஜிடி 1: நடுத்தர உயரம், 130 நாள்கள் வயதுடைய சம்பா ரகம். சீரகச் சம்பா ரகத்தைபோல இந்த ரகத்தில் சமையல் பண்புகள் மற்றும் சுவைப் பண்புகள் இருக்கும். சாதம் மிருதுவாகவும், மிதமான வாசனையுடனும், உதிரியாகவும் இருக்கும். ஹெக்டேருக்கு 5,850 கிலோ விளைச்சல் தரக்கூடியது. 
சாமை ஏடிஎல் 1: தருமபுரி, திருவண்ணாமலை, வேலூர், சேலம், கிருஷ்ணகிரி மாவட்டங்களில் சாகுபடி செய்ய ஏற்றது. வறட்சியைத் தாங்கி வளரக் கூடியது. அடர்த்தியான பெரிய கதிர்கள் கொண்டது. இயந்திரம் மூலம் அறுவடை செய்ய ஏற்றது. அதிக அரவைத் திறன் கொண்ட சத்தான தானியம். ஹெக்டேருக்கு மானாவாரியில் 1,590 கிலோ விளைச்சல் தரக்கூடியது.
பாசிப் பயறு விபிஎன் 4: நீலகிரி, கன்னியாகுமரி மாவட்டங்கள் தவிர அனைத்து மாவட்டங்களிலும் பயிரிட ஏற்றது. மஞ்சள் தேமல் மற்றும் சாம்பல் நோய்களுக்கு மிதமான எதிர்ப்புத் திறன் கொண்டது. 65 முதல் 75 நாள்களில் ஹெக்டேருக்கு 1,025 கிலோ விளைச்சல் தரக்கூடியது. 
நிலக்கடலை பிஎஸ்ஆர் 2: தமிழகத்தில் நிலக்கடலை சாகுபடி செய்யப்படும் அனைத்து மாவட்டங்களிலும் மானாவாரி மற்றும் இறவையில் இந்த ரகத்தை பயிரிடலாம். வயது 110 நாள்கள் ஆகும். சராசரி மகசூலாக மானாவாரியில் ஹெக்டேருக்கு 2,220 கிலோவும், இறவையில் ஹெக்டேருக்கு 2360 கிலோவும் தரக் கூடியது. இது கொத்து வகையை சார்ந்தது. சுமார் 70.2 சதவீதம் பருப்பு உடைப்புத் திறன், 46.51 விழுக்காடு எண்ணெய்ச் சத்து கொண்டது. 
ஆமணக்கு ஒய்.டி.பி.1: தமிழகத்தின் அனை த்து மாவட்டங்களிலும் ஆமணக்கு ஒய்.டி.பி.1 ரகம் ஓராண்டு மற்றும் பல்லாண்டு பயிராக பயிரிட ஏற்றது. செடிக்கு ஆண்டுக்கு 3 கிலோ விதை மகசூல் கிடைக்கக்கூடியது, அதிக கிளைப்புத் தன்மை, பருத்த விதைகளைக் கொண்டது, வாடல் நோய்க்கு எதிர்ப்புத் திறன் கொண்டது. ஹெக்டேருக்கு 1,460 கிலோ விளைச்சல் தரக்கூடியது. 
சுரைக்காய் பி எல் ஆர் 2: இந்த ரகம் ஒரு ஹெக்டேருக்கு 42 டன் மகசூல் தரக்கூடியது. நமது பாரம்பரிய குண்டு சுரை போலவும், அதே சமயத்தில் குறைந்த அளவு கழுத்தினையும் கொண்டுள்ளது. காய்கள் இளம் பச்சை நிறத்தில் 50 முதல் 55 நாள்களில் அறுவடைக்குத் தயாராகும். இதனைப் பயிரிட பந்தல் அமைப்பு எதுவும் தேவையில்லை.
பூண்டு உதகை 2: நீலகிரி, திண்டுக்கல் மாவட்டம் கொ டைக்கானல் மலைப் பகுதி, ஈரோடு மாவட்டம் தாளவாடி மலைப் பிரதேசப் பகுதிகளுக்கு ஏற்றது. 123 நாள்களில் ஒரு ஹெக்டேருக்கு 17 டன்கள் விளைச்சல் தரக்கூடியது. குமிழ்கள் மிதமான முட்டை வடிவில் பளபளப்பு இளஞ்சிவப்பு நிறத்துடன் இருக்கும். அதிக அளவு அல்லிசின் (கிராம் ஒன்றுக்கு 3.87 மைக்ரோகிராம்) கொண்டது. 
நட்சத்திர மல்லிகை கோ 1 : ஆண்டு முழுவதும் பூக்கும் தன்மை கொண்டது. மற்ற மல்லிகை வகைகள் சந்தையில் கிடைக்காத பருவங்களில் (நவம்பர் - பிப்ரவரி) இந்த மலர்கள் கிடைக்கப் பெறும். அழகிய பெரிய மொட்டுகள், மிதமான நறுமணம் கொண்டவை. மலர் மொட்டுகள் அதிக நேரம் விரியாமல் இருக்கும் (அறை வெப்ப நிலையில் 12 மணி நேரம், குளிரூட்டப்பட்ட அறையில் 60 மணி நேரம்). நீண்ட மலர் காம்புள்ள இது பறிப்பதற்கும், மலர்ச்சரம் தொடுப்பதற்கும் ஏற்றதாக உள்ளது.
கடம்பு எம் டி பி 1: தமிழகம் முழுவதும் பயிரிட ஏற்றது. குறுகிய கால மரப் பயிர். மரக்கூழ் (44 சதவீதம்) பயன்பாட்டிற்கு 3 ஆண்டுகளிலும், ஒட்டுப் பலகை, தீக்குச்சிப் பயன்பாட்டிற்கு 5 ஆண்டுகளிலும் பலன் தரும். ஹெக்டேருக்கு 135 முதல் 175 டன்கள் விளைச்சல் தரக்கூடியது.
உருளைக்கிழங்கு குப்ரி சஹ்யாத்ரி: இந்த ரகமானது வசந்த, கோடை, கார் காலங்களில் நீலகிரி மலைப் பகுதியில் பயிரிட ஏற்றது. இலைக் கருகல், முட்டைக்கூட்டு நூற்புழுவிற்கு அதிக எதிர்ப்பு சக்தியைக் கொண்டது. அதிக மகசூல் (ஹெக்டேருக்கு 28-35 டன்) தரும் புதிய ரகம் ஆகும். கிழங்குகள் நல்ல சேமிப்புத் திறனையும் கொண்டவை.
வாழை காவிரி கல்கி: ஹெக்டேருக்கு 50-60 டன் விளைச்சல் தரக் கூடியது. குட்டையான இந்த ரகம் குறுகிய காலப் பயிராகும், கற்பூரவல்லி ரகத்தைப் போன்றே அதிக அளவு இனிப்புத் தன்மை கொண்டது. வருடாந்திர பயிர் சாகுபடி மற்றும் அடர்நடவு முறைக்கும் ஏற்றது. மரத்தின் உயரம் குறைவாக இருப்பதால், குலை தள்ளும் பருவத்தில் முட்டு கொடுக்க வேண்டிய தேவையில்லை.
காவிரி சபா : குறுகிய கால பயிரான காவிரி சபா வாழை ரகத்தை கனியாகவும், சமையலுக்கும் பயன்படுத்தலாம். 
வாடல் நோயைத் தாங்கி, களர் உவர் மண் பகுதிகளிலும் வளரும் தன்மை கொண்டது. காய்கள் 7 முதல் 8 நாள்களுக்கு பசுமை மாறாமல் இருக்கும். ஹெக்டேருக்கு 58 முதல் 60 டன் விளைச்சல் தரக்கூடியது.
வாழை காவிரி சுகந்தம்: கிழக்குத் தொடர்ச்சி மலைப் பகுதிகளில் குறிப்பாக நாமக்கல் மாவட்டம், கொல்லிமலைப் பகுதியில் பயிரிட உகந்தது. 
ஹெக்டேருக்கு 50 டன் விளைச்சல் தரக்கூடியது. காய்கள் அடர்பச்சை நிறத்துடனும், கனிகள் பசுமை கலந்த மஞ்சள் நிறத்துடனும் இருக்கும். 
கனிகள் வாசனையுடன் கூடிய இனிப்பு சுவையுடனும் இருக்கும். வாடல் நோய்க்கு எதிர்ப்புத் திறன் கொண்டதாகும்.
 

]]>
https://images.dinamani.com/uploads/user/imagelibrary/2019/1/17/w600X390/nel.jpg https://www.dinamani.com/agriculture/2019/jan/17/அதிக-மகசூல்-தரும்-14-புதிய-பயிர்-ரகங்கள்-அறிமுகம்-3077567.html
3077566 விவசாயம் உயிரியல் பூச்சிக்கொல்லி மூலம் படைப்புழு மேலாண்மை Thursday, January 17, 2019 12:47 AM +0530
சத்தியமங்கலம்: ஈரோடு மாவட்டத்தின் பல்வேறு பகுதிகளில் மக்காச்சோளம், கரும்பு, நெல் உள்ளிட்ட பல்வேறு பயிர்களில் படைப்புழுத் தாக்கம் அதிகமாகக் காணப்படுகிறது. இதைக் கட்டுப்படுத்த விவசாயிகள் பல்வேறு ரசாயனப் பூச்சிக் கொல்லிகளைத் தெளித்தும் இப்புழுவை முழுவதும் கட்டுப்படுத்த இயலாத நிலை காணப்படுகிறது. இந்தப் புழுவைக் கட்டுப்படுத்த புதிய தொழில்நுட்பத்துடன் பண்ணாரி அம்மன் சர்க்கரை ஆலையின் உயிரியல் ஆய்வுக்கூடம் உயிரியல் பூச்சிக்கொல்லி மருந்தை தயாரித்துள்ளது.
பண்ணாரி அம்மன் சர்க்கரை ஆலை, ஈரோடு மாவட்ட வேளாண்மைத் துறை இணைந்து மாவட்டத்தின் சத்தியமங்கலம், கோபிசெட்டிபாளையம், அந்தியூர், பவானி உள்ளிட்ட பல்வேறு பகுதிகளில் உள்ள விவசாயிகளுக்கு இந்த உயிரியல் பூச்சிக்கொல்லி மருந்துகளை அளித்து பயன்படுத்துமாறு அறிவுறுத்தியது. இதன் மூலம் பயிர்களைத் தாக்கிய படைப்புழுவை உயிரியல் பூச்சிக்கொல்லி முற்றிலும் கட்டுப்படுத்தியது விவசாயிகளிடம் உறுதிப்படுத்தப்பட்டது. இந்த பூச்சிக்கொல்லி விவசாயிகள் மத்தியில் வரவேற்பைப் பெற்றுள்ளது.
மேலும், பயிர்களில் படைப்புழுவைக் கட்டுப்படுத்தும் விதம் குறித்து சர்க்கரை ஆலை ஆராய்ச்சியாளர்கள் நேரடியாக விவசாயப் பகுதிக்குச் சென்று செயல் விளக்கம் செய்து காண்பித்தனர். பவானிசாகரை அடுத்த மாதம்பாளையம் பகுதியைச் சேர்ந்த ராஜனின் மக்காச்சோளப் பயிர், சத்தியமங்கலத்தைச் சேர்ந்த பேபியின் நிலத்தில் கரும்புப் பயிர் ஆகியவற்றில் உயிரியல் பூச்சிக்கொல்லி மூலம் படைப்புழு கட்டுப்படுத்தப்பட்டதை ஈரோடு மாவட்ட வேளாண்மை இணை இயக்குநர் வி.குணசேகரன், உதவி வேளாண் இயக்குநர் தரக் கட்டுப்பாடு கே.ஜெயராமன், வேளாண் இயக்குநர் சண்முகம், பண்ணாரி அம்மன் சர்க்கரை ஆலையின் உயிரியல் ஆய்வுக் கூடத்தின் மேலாளர் கே.பி.குப்புசாமி ஆகியோர் ஆய்வு செய்தனர்.
புழுவின் தன்மை மற்றும் கட்டுப்படுத்தும் முறை: இளம் புழுக்களின் தலைப் பகுதியில் மஞ்சள் நிறத்தில் தலைகீழாக இருப்பது போன்று காணப்படும். தாய் அந்துப்பூச்சி 100 முதல் 200 முட்டைகளைக் கொண்ட குவியலாக இலையின் அடிப்பகுதியில் இடுகிறது. அதில் இருந்து வெளியேறும் வெள்ளைப்புழுக்கள் இலைகளை சுரண்டி தின்பதால் இலைகள் பச்சைநிறத்தை இழந்து வெள்ளை நிறமாக மாறும். இளம்செடிகளில் இலைகளின் உறைகளிலும் முதிர்ந்த செடிகளில் கதிரின் நூல் இலைகளிலும் பாதிப்பு ஏற்படுத்தும்.
பாதிக்கப்பட்ட இலைகளில் வரிசையாக துளைகள் காணப்படும். பகல் நேரங்களில் பயிர்களின் தண்டுகளில் தன்னை மறைத்து உள்ளிருக்கும். இரவு நேரங்களில் மட்டுமே வெளியே வரும். இதனைக் கட்டுப்படுத்துவது கடினமானது.
பூச்சிக்கொல்லியான மெட்டாரைசியம், பெவேரியா, நூரின்ஞ்யென்சிஸ் வகை பூச்சிக்கொல்லிகளை ஒரு லிட்டரில் 10 மில்லி வீதம் கலந்து காலை அல்லது மாலை நேரங்களில் தெளிப்பதன் மூலம் நோயைக் கட்டுப்படுத்தலாம். படைப் புழுக்களைக் கட்டுப்படுத்தும் உயிர்க்கொல்லி மருந்துகளை பண்ணாரி அம்மன் ஆலையின் உயிரியல் ஆய்வுக் கூடத்தை அணுகி பெற்றுக் கொள்ளலாம் எனத் தெரிவிக்கப்பட்டுள்ளது.
மேலும் விவரங்களுக்கு 04295-250264, 98422-13400, 99949-36700 என்ற தொலைபேசி எண்களிலும், க்ஷஹள்க்ஷண்ர்ப்ஹக்ஷஃஞ்ம்ஹண்ப்.ஸ்ரீர்ம் என்ற இமெயில் முகவரியிலும் தொடர்பு கொள்ளலாம்.

மாதம்பாளையத்தில் உள்ள தோட்டத்தில் படைப்புழுத் தாக்குதலில் பாதிக்கப்பட்ட பயிரில் ஏற்பட்டுள்ள முன்னேற்றம் குறித்து ஆய்வு செய்யும் வேளாண் அதிகாரிகள், பண்ணாரி அம்மன் சர்க்கரை ஆலை அலுவலர்கள்.
 

]]>
https://images.dinamani.com/uploads/user/imagelibrary/2019/1/17/w600X390/visit.JPG https://www.dinamani.com/agriculture/2019/jan/17/உயிரியல்-பூச்சிக்கொல்லி-மூலம்-படைப்புழு-மேலாண்மை-3077566.html
3073893 விவசாயம் கால்நடைகளுக்கான தீவனச் சோளம் சாகுபடி Thursday, January 10, 2019 12:59 AM +0530
திருச்சி: விவசாயிகள் தங்களது கால்நடைகளுக்கான தீவன தேவையை பூர்த்தி செய்யும் வகையில் தீவனச் சோளம் பயிரிட்டு தீவனச் செலவை குறைத்துக் கொள்ளலாம் என வேளாண்மைத் துறை அறிவுறுத்தியுள்ளது.
பருவம்: இறவைப் பயிராக ஜனவரி, பிப்ரவரி மற்றும் ஏப்ரல், மே மாதங்களில் தீவனச் சோளம் பயிரிட உகந்த மாதங்களாகும். இதனை தமிழகத்தின் அனைத்து மாவட்டங்களிலும் பயிரிடலாம். இதேபோல, மானாவாரி பயிராக ஜூன், ஜூலை, செப்டம்பர், அக்டோபர் மாதங்களிலும் அனைத்து மாவட்டங்களில் பயிரிடும் வாய்ப்புள்ளது.
ரகங்கள்: கோ எஃப், எஸ் 29 மற்றும் கோ 31 (மறுதாம்பு சோளம்) ரகங்கள் சிறந்தவை.
தீவனச் சோளத்துடன் கோ 5 மற்றும் கோ எஃப் சி 8 ரக தட்டைப்பயறு சேர்த்து ஊடு பயிராக பயிர் செய்தால் சத்தான தீவனத்தைப் பெறலாம்.
சாகுபடிக் குறிப்புகள்: தீவனச்சோளம் கோ 31 ரகத்தை ஆண்டு முழுவதும் இறவைப் பயிராகப் பயிர் செய்யலாம். ஒரு முறை விதைத்து பல முறை அறுவடை செய்யலாம்.
நிலம்: நீர் தேங்காத நல்ல வடிகால் வசதியுள்ள நிலத்தைத் தேர்வு செய்ய வேண்டும். நிலத்தை தயார் செய்யும்போது 2 அல்லது 3 முறை உழுது பண்படுத்த வேண்டும். பண்படுத்தப்பட்ட நிலத்தில் 60 செ.மீ. இடைவெளியில் பார்கள் அமைக்க வேண்டும். உழுவதற்கு முன் ஹெக்டேருக்கு 25 டன் தொழுவுரம் இட வேண்டியது அவசியம்.
விதையளவு: ஹெக்டேருக்கு 5 கிலோ விதை போதுமானது. 30-க்கு 15 செ.மீ. இடைவெளியில் விதைகளை பார்களின் இருபுறமும் விதைக்க வேண்டும். விதை உற்பத்தி செய்ய 60-க்கு 15 செ.மீ. இடைவெளியில் விதைக்க வேண்டும்.
உர நிர்வாகம்: அடியுரமாக தழை, மணி, சாம்பல் சத்து ஆகியவற்றை 45:40:40 என்ற விகிதாசாரத்தில் இட வேண்டும்.
விதைத்த 30-ஆவது நாளில் 45 கிலோ யூரியா இட வேண்டும். ஒவ்வொரு ஆண்டு முடிவுக்குப் பின் 45:40:40 கிலோ தழை, மணி, சாம்பல் சத்து இட வேண்டியது அவசியம்.
களை நிர்வாகம்: விதைத்த 25 அல்லது 30 நாளில் முதல் களை எடுக்க வேண்டும். பிறகு தேவைப்படும்போது ஒவ்வொரு அறுவடைக்குப் பின்பும் ஒருமுறை களை எடுத்து உரமிட வேண்டும்.
நீர்ப் பாசனம்: விதைத்தவுடன் நீர்ப் பாய்ச்சி மூன்றாம் நாள் உயிர்த் தண்ணீர் கொடுத்த பிறகு 7 அல்லது 10 நாள்களுக்கு ஒருமுறை மண் வகை மற்றும் மழை அளவைப் பொறுத்து நீர் பாய்ச்ச வேண்டும். 
தீவனச் சோளத்தில் பயிர்ப் பாதுகாப்பு பொதுவாக தேவையிராது.
பசுந்தீவன அறுவடை: 50 விழுக்காடு பூக்கும் தருணத்தில் அறுவடை செய்யலாம். முதல் அறுவடையானது விதைத்த 65 முதல் 70 நாளில் மேற்கொள்ளலாம். அடுத்த அறுவடைகளை 50 நாள்களுக்கொருமுறை மேற்கொள்ள வேண்டும்.
விதை அறுவடை: விதைத்த 110 அல்லது 125-ஆவது நாளில் அறுவடை செய்யலாம்.
பசுந்தீவன மகசூல்: ஹெக்டேருக்கு ஆண்டுக்கு 192 டன்கள் கிடைக்கும். 6 அல்லது 7 முறை அறுவடை செய்ய வேண்டும்.
விதை மகசூல்: ஹெக்டேருக்கு 1000 கிலோ விதை கிடைக்கும். ஆண்டுக்கு மூன்று முறை அறுவடை செய்யலாம். விதை உறக்க நிலை 45 முதல் 60 நாளாக உள்ளது. 
எனவே, அறுவடைக்குப் பிறகு 60 நாள் கழித்து விதைக்க வேண்டும். இத்தகைய தொழில்நுட்பப் முறைகளைப் பின்பற்றி தீவனச் சோளம் சாகுபடி செய்யுமாறு வேளாண்மைத் துறை அறிவுறுத்தியுள்ளது.
 

]]>
https://images.dinamani.com/uploads/user/imagelibrary/2019/1/10/w600X390/cow1.jpg https://www.dinamani.com/agriculture/2019/jan/10/கால்நடைகளுக்கான-தீவனச்-சோளம்-சாகுபடி-3073893.html
3073892 விவசாயம் 5 ஆண்டுகளுக்கு லாபம் ஈட்டித் தரும் கருவேப்பிலை! Thursday, January 10, 2019 12:59 AM +0530
திருச்சி: சமையலுக்கு மணத்தை அள்ளித் தரும், சத்துகள் நிறைந்த கருவேப்பிலை சாகுபடியில் தகுந்த தொழில்நுட்ப முறைகளைப் பின்பற்றினால் 5 ஆண்டுகளுக்கு தொடர்ந்து நல்ல வருவாய் ஈட்டலாம் என தோட்டக்கலைத் துறை அறிவுறுத்தியுள்ளது.
ரகங்கள்: செண்காம்பு, தார்வாடு 1 , தார்வாடு 2 ஆகிய ரகங்கள் சிறந்தவை.
மண் மற்றும் தட்பவெப்பநிலை: சிறந்த வடிகால் வசதியுடைய செம்மண் நிலங்கள் சாகுபடிக்கு உகந்தவை. மிதமான வெப்பநிலை வளர்ச்சிக்குப் பெரிதும் உதவும்.
பருவம் மற்றும் நடவு: ஜூலை, ஆகஸ்ட் மாதம் கருவேப்பிலை சாகுபடிக்கு உகந்தது. விதைகளை பறித்த 3 அல்லது 4 நாள்களில் பாலித்தீன் பைகளில் விதைக்க வேண்டும். ஒரு வயதுடைய நாற்றுகள் நடவுக்கு உகந்தவை.
நிலம் தயாரித்தல்: நிலத்தை நன்கு உழுது மண்ணைப் பண்படச் செய்தல் வேண்டும். கடைசி உழவின்போது மக்கிய தொழு உரம் ஒரு ஹெக்டேருக்கு 20 டன் என்ற அளவில் இடவேண்டும். 1.2 முதல் 1.5 மீட்டர் இடைவெளியில் 30-க்கு 30 செ.மீ என்ற அளவில் குழிகள் எடுத்து 2 அல்லது 3 மாதம் கழித்து நடவு செய்ய வேண்டும். குழிகளின் நடுவே ஒரு நாற்றை நடவு செய்யவேண்டும்.
நீர் நிர்வாகம்: நடவு செய்தவுடன் தண்ணீர் பாசனம் செய்ய வேண்டும். உயிர் தண்ணீர் மூன்றாவது நாளும் அதன் பின்னர் வாரம் ஒரு முறையும் நீர்ப்பாசனம் செய்யவேண்டும்.
பின்நேர்த்தி: களையை அவ்வப்போது நீக்கவேண்டும். நடவு செய்த முதலாம் ஆண்டில் பயறுவகைப் பயிர்களை ஊடுபயிராக சாகுபடி செய்யலாம். கருவேப்பிலை செடிகள் ஒரு மீட்டர் வளர்ந்தவுடன் நுனிக் கொழுந்தினை கிள்ளிவிடு
வதன் மூலம் பக்க கிளைகளின் வளர்ச்சி தூண்டப்படுகின்றது. ஒரு செடிக்கு 5 முதல் 6 கிளைகள் இருக்குமாறு பார்த்துக் கொள்ளவேண்டும்.
பயிர்ப் பாதுகாப்பு: எலுமிச்சைப் பயிரினைத் தாக்கும் புழுக்களை சேகரித்து அழித்துவிடவேண்டும். பின் மாலத்தியான் ஒரு மில்லியை ஒரு லிட்டர் தண்ணீரில் கலந்து தெளிக்கவேண்டும். செதில் பூச்சி மற்றும் சாறு உறிஞ்சும் பூச்சிகளை கட்டுப்படுத்த டைமெத்தோயேட் ஒரு மில்லி மருந்தினை ஒரு லிட்டர் தண்ணீரில் கலந்து தெளிக்கவேண்டும். இலைப்புள்ளி நோயைக் கட்டுப்படுத்த கார்பன்டாசிம் 1 கிராம் மருந்தை ஒரு லிட்டர் தண்ணீரில் கலந்து தெளிக்கவேண்டும். கந்தக மருந்துகளை கருவேப்பிலைக்கு பயன்படுத்தக் கூடாது.
மகசூல்: முதலாமாண்டு ஒரு ஹெக்டேரிலிருந்து 250 முதல் 400 கிலோ மகசூல் கிடைக்கும். 2ஆம் ஆண்டு 4 மாதங்களுக்கு ஒருமுறை 1,800 கிலோ மகசூல் கிடைக்கும். மூன்றாமாண்டு 5,400 கிலோவும், 4ஆம் ஆண்டு மூன்று மாதங்களுக்கு ஒருமுறை 2,500 கிலோவும், 5-ஆம் ஆண்டு 3 மாதங்களுக்கு ஒருமுறை 5 ஆயிரம் கிலோவும் மகசூல் கிடைக்கும்.
 

]]>
https://images.dinamani.com/uploads/user/imagelibrary/2019/1/10/w600X390/karuveppilai1.jpg https://www.dinamani.com/agriculture/2019/jan/10/5-ஆண்டுகளுக்கு-லாபம்-ஈட்டித்-தரும்-கருவேப்பிலை-3073892.html
3069823 விவசாயம் நெற்பயிரில் இலைச்சுருட்டு புழு தாக்குதலை கட்டுப்படுத்த... Thursday, January 3, 2019 12:46 AM +0530

நீடாமங்கலம்: இலைச்சுருட்டுப் புழு தாக்குதலில் இருந்து நெற்பயிரைப் பாதுகாக்க கீழ்க்கண்ட வழிமுறைகளைப் பின்பற்ற வேண்டும் என திருவாரூர் மாவட்டம், நீடாமங்கலம் வேளாண்மை அறிவியல் நிலைய விஞ்ஞானிகள் ஆலோசனை தெரிவித்துள்ளனர்.
இதுகுறித்து வேளாண்மை அறிவியல் நிலைய திட்ட ஒருங்கிணைப்பாளர் ஆ. பாஸ்கரன், பூச்சியியல்துறை உதவிப் பேராசிரியர் ராஜா. ரமேஷ், விரிவாக்கத்துறை உதவிப் பேராசிரியர் மு. ராமசுப்ரமணியன், மண்ணியல் துறை உதவிப் பேராசிரியர் அ. அனுராதா ஆகியோர் கூறியது:
நெற்பயிரில் தோகைப்பூச்சி அல்லது வெள்ளைப் பூச்சி என்கிற இலைச்சுருட்டுப் புழுவின் சேதத்தால் இலைகள் நீளவாக்கில் மடங்கி, பட்டுப் போன்ற மெல்லிய இழைகளால் இணைக்கப்பட்டிருக்கும். புழுக்கள் சுருட்டப்பட்ட இலைக்குள்ளே இருந்து கொண்டு இலைகளின் பச்சையத்தை சுரண்டித் தின்பதால் தாக்கப்பட்ட இலைகளின் பல இடங்களில் வெள்ளையான சருகு போன்று காணப்படும். மேலும் மடக்கப்பட்ட இலைக்குள்ளே புழுக்களின் கழிவுகளும் காணப்படும். அதிக அளவில் தழைச்சத்து இடுதல் மற்றும் வரப்பு ஓரங்களில் இதன் தாக்குதல் அதிகளவில் காணப்படும். மேலும், மிதமான வெப்ப நிலையைக் கொண்ட அக்டோபர் முதல் ஜனவரி மாதம் வரை இதன் தாக்குதல் மிகுந்து காணப்படும்.
இலைச்சுருட்டுப் புழுவைக் கட்டுப்படுத்த விளக்குப்பொறியை இரவு நேரங்களில் 5 ஏக்கருக்கு ஒன்று என்ற அளவில், பயிர் பரப்பிலிருந்து 20 அடி தூரம் தள்ளி வைத்து, வளர்ச்சியடைந்த அந்துப்பூச்சிகளைக் கவர்ந்து அழிக்கலாம். நெற்பயிரை அதிக இடைவெளியில் நடும்போது இதன் தாக்குதல் குறைந்து காணப்படும். டிரைக்கோகிரம்மா கைலோனிஸ் என்ற முட்டை ஒட்டுண்ணியை ஏக்கர் ஒன்றுக்கு 2 சிசி அதாவது 40,000 முட்டைகள் என்ற அளவில் நடவு நட்ட 37, 44 மற்றும் 51-ஆவது நாள்களில் வயலில் வெளியிட வேண்டும்.
தழைச்சத்து உரமான யூரியாவை இலை வண்ண அட்டையைப் பயன்படுத்தி போதுமான அளவில் அல்லது 3 முறையாக பிரித்து வேப்பம் புண்ணாக்குடன் கலந்து இட வேண்டும். நெல் வயலில் காணப்படும் நன்மை செய்யும் பூச்சிகளான தரை வண்டு, தரைநீள்வண்டு ஆகியவை இலைச்சுருட்டுப் புழுக்களையும், சிலந்திகள் இலைச்சுருட்டுப்புழுவின் வளர்ந்த அந்துப் பூச்சிகளையும் உண்டு அழிப்பதால் அவற்றை பாதுகாத்துப் பெருக்க வேண்டும்.
தாவர பூச்சிக்கொல்லிகளான வேப்பெண்ணெய் சார்ந்த அசடிராக்டின் 0.03 சதவீத மருந்தை ஏக்கருக்கு 400 மில்லி அல்லது வேப்பங்கொட்டைக் கரைசல் 5 சதவீதம் என்ற அளவில், ஒட்டும் திரவத்துடன் கலந்து ஏக்கர் ஒன்றுக்கு 200 லிட்டர் தண்ணீரில் கலந்து கைத்தெளிப்பான் மூலம் தெளிக்க வேண்டும்.
இலைச்சுருட்டுப் புழுவால் ஒரு குத்துக்கு இரண்டு இலைகள் முழுவதும் சேதமடைந்திருந்தால், பொருளாதார சேத நிலையைக் கடந்துவிடுவதால் ரசாயன பூச்சிக்கொல்லி மருந்துகளான ஃப்ளுபென்டியாமைட் 39.35 எஸ்.சி. - 20 மில்லி, ஃப்ளுபென்டியாமைட் 20 டபிள்யூ. ஜி. -50 கிராம், கார்டாப் ஹைட்ரோகுளோரைடு 50 எஸ்.பி. - 400 கிராம், குளோரன்ட்ரான்லிபுரோல் 18.5 எஸ்.சி. - 60 மில்லி, குளோரன்ட்ரான்லிபுரோல் 4ஜி - 4 கிலோ, புரபினோபாஸ் 50ஈ.சி. - 400 மில்லி, குளோர்பைரிபாஸ் 20ஈ.சி.- 500 மில்லி இவற்றில் ஏதாவது ஒன்றை ஒரு ஏக்கருக்கு 200 லிட்டர் தண்ணீரில் கலந்து காலை அல்லது மாலை வேளைகளில் கைத்தெளிப்பான் மூலம் தெளிக்க வேண்டும். இவ்வாறு செய்வதன் மூலம் இலைச்சுருட்டுப் புழு தாக்குதலிலிருந்து நெற்பயிரைப் பாதுகாக்கலாம் 
என்றனர்.
 

]]>
https://images.dinamani.com/uploads/user/imagelibrary/2019/1/3/w600X390/rice.jpg https://www.dinamani.com/agriculture/2019/jan/03/நெற்பயிரில்-இலைச்சுருட்டு-புழு-தாக்குதலை-கட்டுப்படுத்த-3069823.html
3069820 விவசாயம் மக்காச்சோளப் பயிரை காப்பாற்ற படைப் புழு தடுப்பு மேலாண்மை Thursday, January 3, 2019 12:46 AM +0530
கடலூர்: படைப்புழு (ஸ்போடாப்டிரா புருஜிபர்டா) தாக்குதலால் கடந்த ஜூலை மாதம் முதல் தமிழகம், கர்நாடகம், ஆந்திரம், தெலங்கானா ஆகிய மாநிலங்களில் சாகுபடி செய்யப்பட்ட மக்காச் சோளப் பயிர்கள் பரவலாகப் பாதிக்கப்பட்டுள்ளன. 
தமிழ்நாட்டில் பெரம்பலூர், அரியலூர், கடலூர், வேலூர், விழுப்புரம், திருச்சி, திண்டுக்கல், மதுரை, விருதுநகர், தூத்துக்குடி, திருநெல்வேலி, கோயம்புத்தூர், திருப்பூர், சேலம் மாவட்டங்களில் பயிரிடப்பட்டுள்ள மக்காச்சோளம் ஒட்டுரகம் மற்றும் இதர ரகங்களில் படைப்புழுக்களின் தாக்குதல் கண்டறியப்பட்டுள்ளது.
குளிர்ச்சியான பருவ நிலையில், விட்டு, விட்டு மழை பெய்யக்கூடிய காலங்களில் இந்தப் புழுவின் தாக்குதல் அதிகரிப்பது வழக்கம். 
சேதம்: மக்காச்சோளப் பயிரில் 15 நாள்கள் முதல் வளரக்கூடிய குருத்துப் பகுதியில் இந்தப் புழுக்கள் சேதத்தை விளைவிக்கின்றன. இந்த புழுக்கள் உண்ணுவதால் இலைகளில் வரிசையான, சிறிய, பெரிய வட்ட வடிவம் அல்லது வடிவமற்ற துவாரங்கள் காணப்படுகின்றன. சில செடிகளில் இலைகளின் மேல் பகுதி முற்றிலும் உண்ணப்படுவதால் இலை மடிந்துவிடும். இந்த புழுக்கள் கதிர்களின் நுனி மற்றும் காம்புப் பகுதியை உண்ணும் திறன் கொண்டவை.
வாழ்க்கை சுழற்சி: தாய் அந்துப் பூச்சிகள் 100-200 முட்டைகளை குவியலாக இலைகளில் இட்டு, அதனை வெள்ளை நிற ரோமத்தால் மூடிவிடும். இந்த முட்டைகளிலிருந்து 2-3 நாள்களில் பச்சை நிற இளம் புழுக்கள் வெளிவந்து, இளம் இலைகளின் பச்சையத்தை சுரண்டி உள்கொள்ளும். அதன் பின் குருத்து இலைகளை சேதப்படுத்தும். 
15-20 நாள்களில் முதிர்ந்த புழுக்கள் மண்ணில் சென்று கூட்டுப் புழுவாக மாறிவிடும். கூட்டுப் புழுக்களிலிருந்து 8-9 நாள்களில் தாய் அந்து பூச்சிகள் வெளிவந்து 10 முதல் 15 நாள்கள் வரை உயிரோடு இருந்து முட்டைகளை இடும். தாய் அந்துப் பூச்சிகள் இரவு நேரங்களில் செயல்படும். ஆண் பூச்சிகளின் அரக்கு நிற முன் இறக்கைகளின் நுனிப் பகுதியில் முக்கோண வடிவ வெள்ளைப் புள்ளி காணப்படும். பெண் பூச்சிகளில் இந்த முக்கோண புள்ளி இருக்காது. ஆண் மற்றும் பெண் பூச்சிகளில் வெள்ளை நிறமான பின் இறக்கைகளின் ஓரத்தில் அரக்கு நிறம் காணப்படும்.
கட்டுப்படுத்தும் வழிமுறைகள்: ஆழமான உழவு செய்வதன் மூலம் மண்ணிலுள்ள கூட்டுப் புழுக்கள் வெளிப்படும்பொழுது சூரிய ஒளி, பறவைகளால் அவை அழிக்கப்படும். அவ்வாறு செய்வதால் அந்துப்பூச்சி உருவாகுவதை தடுத்து மேற்கொண்டு அடுத்து பயிரிடும் பருவத்துக்கு பாதிப்பு வராமல் தடுக்க இயலும்.
உழவு செய்யும்பொழுது ஒரு ஏக்கருக்கு 250 கிலோ வேப்பம் புண்ணாக்கு மண்ணில் இடுவதன் மூலம் கூட்டுப் புழுக்களை கட்டுப்படுத்தி அந்துப்பூச்சி வெளிவருவதை தடுக்க இயலும். ஒரு கிலோ மக்காச்சோள விதைக்கு 10 கிராம் நுண்ணுயிர் பூச்சிக்கொல்லியான பிவுரியா பேசியானா அல்லது 10 கிராம் இமிடாகுலோபிரிட் 70டபிள்யு.எஸ். அல்லது 10 கிராம் தயோமீதாக்சம் 70டபிள்யு.எஸ். கொண்டு விதை நேர்த்தி செய்ய வேண்டும். குறைவான பயிர் இடைவெளியால் பயிர்களுக்கிடையே படைப்புழுக்கள் வேகமாக பரவ வாய்ப்பு உள்ளது. எனவே, இறவை மக்காச்சோளத்துக்கு 60-க்கு 25 செ.மீ. பயிர் இடைவெளியும், மானாவாரி மக்காச் சோளத்துக்கு 45-க்கு 20 செ.மீ. பயிர் இடைவெளியும் இருக்கும் வகையில் பயிரிட வேண்டும். மக்காச் சோளப்பயிரில் கதிர் உருவாகும் பருவத்தில் படைப் புழுக்களை கட்டுப்படுத்த பூச்சிக்கொல்லி மருந்துகளை எளிதில் தெளிப்பதற்கு ஒவ்வொரு 10 வரிசை பயிருக்கும் 75 செ.மீ. இடைவெளி விட வேண்டும்.
தாய் அந்துப் பூச்சிகளை கவனிக்க மற்றும் கட்டுப்படுத்த விளக்குப் பொறிகள் அல்லது சாதாரண மின் விளக்குகளுக்கு கீழ் ஒரு அகலமான பாத்திரத்தில் தண்ணீர் மற்றும் மண்ணெண்ணெய் கலந்து ஹெக்டேருக்கு 1 என்ற வீதத்தில் அடிக்கடி இடம் மாற்றி வைக்க வேண்டும். இயற்கை ஒட்டுண்ணிகள் மற்றும் இரை விழுங்கிகளை ஊக்குவிக்க குறுகிய காலப் பயிர்களான தட்டைப் பயறு, சூரியகாந்தி, எள், சோளம் மற்றும் சாமந்தி பயிர்களை வரப்பில் பயிரிட வேண்டும்.
மக்காச் சோளப்பயிரில் சிறுபுலாட்டின் பயிரை ஊடுபயிராக பயிரிட்டால் அந்துப்பூச்சிகள் தாக்குதலை தடுக்க இயலும். படைப்புழுவின் முட்டைக் குவியல்களை சேகரித்து அழிக்க வேண்டும். தொடர்ந்து மக்காச் சோளத்தை பயிர் செய்வதை தவிர்க்க வேண்டும். பயிர் சுழற்சி முறைகளை பின்பற்றுவதன் மூலம் படைப்புழு தாக்குதலை கட்டுப்படுத்த இயலும். நுண்ணுயிர் பூச்சிக் கொல்லியான மெட்டாரைசியம் அனிசோபிலே என்ற கலவையை ஹெக்டேருக்கு 3 லிட்டர் வீதம் தெளிக்க வேண்டும். 
இயற்கையாக இருக்கும் இரை விழுங்கிகளை காப்பதற்கு பரிந்துரை இல்லாத பூச்சி மருந்துகளை தவறான முறையில் தெளித்தல், அதிகளவு பூச்சி மருந்துகள் பயன்படுத்துதல் ஆகியவற்றை தவிர்க்க வேண்டும். ஒரு ஹெக்டேருக்கு முட்டை ஒட்டுண்ணி டிரைக்கோரோமா கைலோனிஸ் 2 சிசி தெளிப்பதன் மூலம் இப்பூச்சிகளை கட்டுப்படுத்தலாம்.
பரிந்துரை செய்யப்படும் மருந்துகள்: அசாடிராக்டின் 10000 பிபிஎம், தயோடிகார்ப் 75 டபிள்யு-பி, எமாமெக்டின் பென்சோயேட் 5எஸ்ஸி, ஸ்பைனிடோரம் 12 எஸ்ஸி ஆகிய மருந்துகளை பயன்படுத்தலாம். விசைத் தெளிப்பானை மட்டுமே உபயோகப்படுத்த வேண்டும். ஒரு முறை உபயோகித்த பூச்சி மருந்தை மீண்டும் உபயோகிக்கக் கூடாது. பூச்சி மருந்தை செடியின் குருத்துப் பகுதியை நோக்கி தெளிக்க வேண்டும். 
மக்காச்சோளம் தவிர கரும்பு, கேழ்வரகு, கம்பு ஆகிய பயிர்களிலும் படைப் புழுக்களின் தாக்குதல் ஏற்பட வாய்ப்புள்ளதால் மேற்குறிப்பிட்ட தொழில்நுட்ப வழிமுறைகளைக் கையாண்டு பாதுகாத்துக்கொள்ளலாம்.
 

]]>
https://images.dinamani.com/uploads/user/imagelibrary/2019/1/3/w600X390/corn.jpg https://www.dinamani.com/agriculture/2019/jan/03/மக்காச்சோளப்-பயிரை-காப்பாற்ற-படைப்-புழு-தடுப்பு-மேலாண்மை-3069820.html
3065480 விவசாயம் நெல் தரிசில் பயறுவகை சாகுபடி! Thursday, December 27, 2018 12:46 AM +0530
பெரம்பலூர்: பயறு வகைகள் உடல் வளர்ச்சிக்கும், அறிவாற்றலுக்கும் தேவையான புரதத்தைக் கொண்டுள்ளன. தானியங்களில் உள்ளதைப்போல இரு மடங்கு புரதம் கொண்டவை.
ஒரு மனிதனுக்கு, அன்றாடம் 80 கிராம் புரதம் தேவையென உலக சுகாதார அமைப்பு கூறுகிறது. ஆனால், 40 கிராமுக்கும் குறைவாகவே உடலுக்குக் கிடைக்கிறது. பாசனப் பகுதிகளில் சம்பா மற்றும் தாளடி நெல் அறுவடைக்கு முன் மெழுகு பதத்தில் பயறு வகைகள் விதைக்கப்படுகின்றன. இதற்கு நெல் தரிசுப் பயிர்கள் அல்லது தொடர் பயிர்கள் எனப் பெயர். நெல் தரிசு ஈரம் மற்றும் சத்துகளைப் பயன்படுத்தி பயிரிடுவதால், அதிக செலவின்றி கூடுதல் வருவாய் கிடைக்க வாய்ப்புள்ளது. 
தற்போது தமிழ்நாட்டில் சுமார் 5.94 லட்சம் ஹெக்டேரில் பயறு வகைகள் சாகுபடி செய்யப்பட்டு, 3.10 லட்சம் டன் உற்பத்தி செய்யப்படுகிறது. தமிழகத்தின் பயறு வகைத் தேவை 7 லட்சம் டன் எனவும், 3.90 லட்சம் டன் பற்றாக்குறை எனவும் கணக்கிடப்பட்டுள்ளது. 
தமிழ்நாட்டில் 1.46 லட்சம் ஹெக்டேரில் உளுந்து, பாசிப்பயறு பயிரிடப்பட்டு 32,000 டன் உற்பத்தி செய்யப்படுகிறது. பயறு வகை உற்பத்தி இந்தியாவில் ஹெக்டேருக்கு 623 கிலோவாகவும், தமிழகத்தில் 516 கிலோவாகவும் உள்ளது.
இதுகுறித்து பெரம்பலூர் மாவட்டம், வாலிகண்டபுரத்தில் உள்ள வேளாண் அறிவியல் மைய உழவியல் தொழில்நுட்ப வல்லுநர் மு. புனிதவதி கூறியது:
சாகுபடி நுட்பங்கள்
மண் வகை: பயறுவகை சாகுபடிக்கு களிமண் கலந்த குறுமண் நிலம் மிகவும் உகந்தது. களர் மற்றும் உவர் நிலத்தில் பச்சைப் பயிறு நன்கு விளையும். ஏடிடீ 3, 5, டி.எம்.வி 1 கோ- 4 ஆகிய உளுந்து வகைகளும், ஏடிடீ 3, கே.எம் 2 ஆகிய பாசிப் பயறு வகைகளும் நல்ல மகசூல் தரும். சான்று பெற்ற விதைகளை விதைக்க வேண்டும். 
பட்டம்: தைப்பட்டம் மிகவும் ஏற்றது. எனவே, ஜன. 15- இல் தொடங்கி பிப். 15-க்குள் விதைத்து விட வேண்டும். ஏனெனில், அந்த நாள்களில் வயலில் காணப்படும் ஈரப் பதமும், பனி ஈரமும் பயிர்களின் வளர்ச்சிக்கு உதவும்.
விதையளவு: ஏக்கருக்கு 10 கிலோ விதை போதும். இயந்திரம் மூலம் அறுவடை நடைபெறும் இடங்களில், 12 கிலோ விதைகளை விதைக்க வேண்டும். சங்கிலி வடிவ இயந்திரம் மூலம் அறுவடை நடைபெறும் வயல்களில் பயிர்கள் நன்கு வளரும். 
விதை நேர்த்தி: ஆறிய அரிசிக் கஞ்சியில் விதைகளுடன், ஒரு பொட்டலம் ரைசோபியம், ஒரு பொட்டலம் பாஸ்போபாக்டீரியா, 100 கிராம் சூடோமோனாஸ் ஆகியவற்றை கலந்து நேர்த்தி செய்து 15 நிமிடம் நிழலில் உலர்த்தி, 24 மணி நேரத்துக்குள் விதைத்து விட வேண்டும்.
விதைப்பு: சம்பா, தாளடி அறுவடை ஆள்கள் மூலம் நடைபெறும் இடங்களில், அறுவடைக்கு 7- 10 நாள்களுக்கு முன்பும், இயந்திரம் மூலம் அறுவடை நடைபெறும் இடங்களில் 4- 6 நாள்களுக்கு முன்பும், மெழுகு பதத்தில் விதைக்கவேண்டும். இந்தப் பதம் இல்லையெனில், பாசனம் செய்து பதம் வந்ததும் விதைக்க வேண்டும். 
பயிர் எண்ணிக்கை: ஒரு சதுர மீட்டரில் 33 செடிகள் இருக்க வேண்டும். விதைகள் முளைக்காத இடங்களில் முளைகட்டிய விதைகளை மீண்டும் விதைத்துப் பயிர் எண்ணிக்கையைப் பராமரிக்க வேண்டும். விதைத்த 20-ஆம் நாள் ஏக்கருக்கு 400 மி.லி குயினால்பாஸ் ஈதைல் களைக்கொல்லியை 200 லிட்டர் நீரில் கலந்து தெளிக்க வேண்டும். 
இலைவழி ஊட்டம் அளித்தல்: அடியுரம் இடமுடியாத இடங்களில் 2 சத டி.ஏ.பி. கரைசல், பிளானோபிக்ஸ் வளர்ச்சி ஊக்கி அல்லது தமிழ்நாடு வேளாண் பல்கலைக் கழகத்தின் பயறு ஒண்டரைத் தெளிக்க வேண்டும். பூக்கும் காலமான 25- வது நாள், காய்கள் பிடிக்கும் காலமான 45 நாள்களில் 2 சத டிஏபி கரைசல், ஒரு சத பொட்டாசியம் குளோரைடு, 40 பிபிஎம் 
பிளானோபிக்ஸ் கலந்த கரைசலை காலை அல்லது மாலையில், இலைகளில் நன்கு நனையும்படி தெளிக்க வேண்டும். 
2 விதக் கரைசல் தயாரிப்பு: ஒரு ஏக்கருக்கு தயாரிக்க 4 கிலோ டிஏபி தேவை. இதை 10 லிட்டர் நீரில் முதல் நாள் இரவில் ஊற வைத்து, மறுநாள் காலையில் தெளிந்த கரைசலை வடிகட்டி எடுத்துக் கொள்ள வேண்டும். இத்துடன் 2 கிலோ பொட்டாசியம் குளோரைடு மற்றும் 160 மில்லி பிளானோபிக்ஸ் வளர்ச்சி ஊக்கி ஆகியவற்றை 200 லிட்டர் நீரில் கலந்து தெளிக்கவேண்டும். 
பயறு ஒண்டர்: ஏக்கருக்கு 2 கிலோ தமிழ்நாடு வேளாண் பல்கலைக்கழக பயறு ஒண்டர் தேவை. இதை ஒட்டும் திரவத்துடன் 200 லிட்டர் நீரில் கலந்து பூக்கும் தருணத்தில் தெளித்தால் செடிகள் வறட்சியைத் தாங்கி அதிகளவில் காய்த்து 20- 25 சதம் வரை கூடுதல் மகசூல் கொடுக்கும். 
ஒருங்கிணைந்த பயிர்ப் பாதுகாப்பு சாற்றை உறிஞ்சும் பூச்சிகளான அசுவினி, வெள்ளை ஈ, தத்துப்பூச்சி, இலைச் சிலந்தி ஆகியவற்றின் தாக்குதலைக் கட்டுப்படுத்த 3 சத வேப்பெண்ணெய் கரைசல் அல்லது 5 சத வேப்பம் பருப்புக் கரைசலைத் தெளிக்கலாம். அல்லது ஏக்கருக்கு டைமெத்தயேட் 30 ஈசி 200 மில்லியை 200 லிட்டர் நீரில் கலந்து மாலையில் தெளிக்கலாம். காய்களைத் துளைத்துப் பருப்பைத் தின்னும் பச்சைக் காய்ப்புழு, பூ மற்றும் மொக்குகளைத் துளைத்துத் தின்னும் காய்ப்புழு, இலைகளைத் தாக்கிப் பெருஞ்சேதத்தை உண்டாக்கும் புகையிலை வெட்டுப்புழு ஆகியவற்றைக் கட்டுப்படுத்த வேண்டும். 
இதற்கு ஏக்கருக்கு 5 இனக்கவர்ச்சிப் பொறிகளை வைத்து ஆண் அந்துப் பூச்சிகளையும், ஒரு விளக்கு பொறியை வைத்து, தாய் அந்துப்பூச்சிகளையும் கவர்ந்து அழிக்க வேண்டும். இவற்றின் தாக்குதல் பொருளாதாரச் சேத நிலையைத் தாண்டினால் தயோடிகார்ப் 75 டபிள்யூ மருந்து 250 மில்லி அல்லது குளோர்பைரிபாஸ் 20 ஈசி மருந்து 500 மில்லி அல்லது டைகுளோர்வாஸ் 76 ஈசி மருந்து 400 மில்லியை 200 லிட்டர் நீரில் கலந்து மாலையில் தெளிக்க வேண்டும். 
மஞ்சள் தேமல் நோயைக் கட்டுப்படுத்த நோய் தாக்கிய செடிகளைப் பிடுங்கி அழிக்க வேண்டும். மேலும், இதைப் பரப்பும் வெள்ளை ஈக்களைக் கட்டுப்படுத்த டைமெத்தயேட் 30 ஈசி மருந்து 200 மில்லி மருந்தை 200 லிட்டர் நீரில் கலந்து மாலையில் தெளிக்க வேண்டும்.
அறுவடை: 80 சதத்துக்கு அதிகமான காய்கள் முற்றியதும் தரைமட்டத்துக்குச் சற்று மேலே செடிகளை அறுவடை செய்ய வேண்டும். இதனால் மண்ணுக்குள் இருக்கும் வேர் மண் வளத்தைப் பெருக்க உதவும்.
 

]]>
https://images.dinamani.com/uploads/user/imagelibrary/2018/12/27/w600X390/Blackgramco6.jpg https://www.dinamani.com/agriculture/2018/dec/27/நெல்-தரிசில்-பயறுவகை-சாகுபடி-3065480.html
3065479 விவசாயம் மானாவாரி நிலங்களில் மகசூலை அதிகரிக்கும் தொழில்நுட்பங்கள் Thursday, December 27, 2018 12:46 AM +0530
நாமக்கல்: உழவு, விதை நேர்த்தி, உரம், களை மேலாண்மை போன்ற தொழில்நுட்பங்களைப் பயன்படுத்துவதன் மூலம் மானாவாரி நிலங்களில் மகசூலை அதிகரிக்கலாம் என வேளாண் பேராசிரியர்கள் தெரிவித்தனர். 
இதுகுறித்து நாமக்கல் பிஜிபி வேளாண்மை கல்லூரி உதவிப் பேராசிரியர் ப.சவிதா, முதன்மையர் நெ.உ.கோபால் ஆகியோர் தெரிவித்தது: மழையும், மண்ணில் உள்ள ஈரப் பதத்தினையும் கொண்டு, மழைப்பொழிவு மிதமாக உள்ள நிலங்களில் செய்யப்படும் சாகுபடி மானாவாரி சாகுபடி என வகைப்படுத்தப்படுகிறது.
மானாவாரி நிலங்களில் ஆண்டு மழையளவு சராசரியாக 800 மி.மீ.க்கு குறைவாகவே இருக்கும். எனவே, மானாவாரி நிலங்களில் பயிரிடப்படும் பயிர் வகைகள் வறட்சியைத் தாங்கிக் கொண்டு வளரும். இத்தகைய மானாவாரி நிலங்களில் அதிக மகசூலைப் பெற்றிட உதவும் நவீன முறைகளைச் செயல்படுத்தலாம்.
கோடை மழை ஈரத்தில் உழவு செய்வதால் மேல்மண்ணானது மிருதுவான தன்மையைப் பெறுகிறது. இதனால் மண் துகளானது மழை நீரினை உறிஞ்சி நிலத்துக்குள் ஈரத்தைத் தக்க வைக்க ஏதுவாகிறது. சேமிக்கும் நீரானது பயிர்களின் வளர்ச்சிக்கு உதவுகிறது. மழைக் காலங்களில் நிலங்களில் சரிவுக்குக் குறுக்கே உழுவதால், உழவுச் சால்களில் மழைநீர் தேங்கி மண்ணுக்குள் செல்கிறது. இதனால் மண்ணரிப்பைத் தடுக்கலாம். மேலும், களைகள், களைகளின் விதைகள், பயிரினைத் தாக்கும் பூச்சிகளும், பூச்சி முட்டைகளும் அழிக்கப்படுகின்றன.
ஆழ உழுதல்: இரும்புக் கலப்பையினால் தொடர்ந்து நிலத்தினை உழும்போது அடியிலுள்ள மண் கடினப் பகுதி ஏற்படும். இதனால் குறிப்பிடப்பட்ட ஆழத்துக்குக் கீழ் மழைநீர் கசியமுடியாத நிலை தோன்றுகிறது. இதனைக் குறைக்க உளிக் கலப்பையால் ஒரு மீட்டர் இடைவெளியில் ஆழமாக உழுவதினால் மண்ணின் மிருதுத் தன்மை அதிகரிக்கும், மழை நீரும் சேமிக்கப்படும்.
ஆழச்சால் அகலப் பாத்தி: மண்ணின் சரிவு குறைவாகக் காணப்படும் மானாவாரி நிலங்களில் இவ் வகை அகலப் பாத்திகளை அமைக்கலாம். இதன் அளவானது 30 செ.மீ. அகலம், 15 செ.மீ. ஆழத்தில் வடி வாய்க்காலும், 120 செ.மீ. அகலத்தில் மேட்டுப் பாத்தியும் இருக்குமாறு அமைப்பது ஆழச்சால் அகலப்பாத்தி ஆகும். அதிக மழைப் பொழிவு நிகழும் காலங்களில், ஆழச்சாலில் சேமிக்கப்படும் மழைநீர், அகலப் பாத்திகளில் உள்ள பயிர்களின் வேர்களுக்கு ஊடுருவல் முறையில் கிடைத்து, பயிர்களின் வளர்ச்சிக்குப் பெரிதும் உதவியாக இருக்கும்.
சம மட்ட வரப்புகள்: சரிவான பகுதிகளின் குறுக்கே சமமட்ட வரப்புகளை அமைக்க வேண்டும். சம மட்ட வரப்புகள் மழை நீர் வழிந்து வீணாவதைத் தடுக்கும். வரப்பின் இருபுறமும் வெட்டி வேரினை நடுவதால், மண்ணரிப்பும், வரப்பானது அருகம்புல் போன்ற புல் வகைகள் இருப்பதால் நாளடைவில் இடிந்து விழுவதும் தடுக்கப்படும்.
விதைகளைக் கடினப்படுத்துதல்: விதைகளை தகுந்த கரைசலில் ஊற வைத்து சாதாரண ஈரப்பத நிலைக்கு உலரச் செய்து விதைகளை விதைப்பதற்கு முன்பு கடினப்படுத்தி விதைப்பது விதைகளைக் கடினப்படுத்துதல் எனப்படும். இதனால் விதைகளின் முளைப்புத்திறன் சிறப்பாகவும், வீரியமாகவும், வறட்சியைத் தாங்கி அதிக விளைச்சல் கிடைக்கும்.
பருவ மழைக்கு முன் விதைத்தல்: பருவமழை குறித்த காலங்களில் பெய்யாவிட்டால் நல்ல விளைச்சல் கிடைக்காது. மழை பொழியும் சூழ்நிலை தெரிந்ததும் வேளாண் சாகுபடி செய்து விதைத்து விட்டால், கிடைக்கும் மழைநீர் முழுவதும் பயிர்களின் வளர்ச்சிக்குப் பயன்படும்.
நுண்ணுயிர் உரங்களைப் பயன்படுத்துதல்: விதைப்பதற்கு முன்பு நுண்ணுயிர் உரங்களான அசோஸ்பைரில்லம், பாஸ்போபாக்டீரியாவை அரிசிக் கஞ்சியுடன் கலந்து நிழலில் உலர்த்தி விதைக்க வேண்டும். பயறு வகைகளுக்கு ரைசோபியத்தைப் பயன்படுத்த வேண்டும்.
விதைக்கும் கருவியைப் பயன்படுத்துதல்: விதைக்கும் கருவிகளை உபயோகப்படுத்தி விதைப்பதால் தகுந்த ஆழத்தில் விதைகள் விழுவதால் நன்கு முளைக்கும். மேலும் பறவைகள் போன்ற உயிரினங்களிடம் இருந்தும் விதைகள் காக்கப்படும். மேலும், மண்ணிலுள்ள சத்துகளும் வளரும் பயிர்களுக்கு எளிதாகக் கிடைக்கும்.
பயிர்களின் எண்ணிக்கையைப் பராமரித்தல்: பயிர்களின் எண்ணிக்கை நெருக்கமாக இருப்பதால், பயிர்களுக்கு ஈரப் பதமும், காற்றோட்டமும், தகுந்த ஊட்டச் சத்துகளும் கிடைக்கும். இதனால் அதிக மகசூலினைப் பெறலாம்.
நிலப் பாதுகாப்பு போர்வை அமைத்தல்: மண்ணில் காணப்படும் நுண்ணுயிர்களைப் பாதுகாக்கவும், மண்ணில் உள்ள நீர் ஆவியாதலைத் தடுக்கவும், களைகளைத் தடுக்கவும் பயிரில் உள்ள கழிவுகளைக் கொண்டு நிலப் போர்வை அமைக்கப்படுகிறது.
களைகள் கட்டுப்பாடு: ஈரம் குறைந்த நிலங்களில் பயிர்களுக்குப் போட்டியாக களைகளும் வளர்கின்றன. இதனால் மண்ணில் உள்ள ஈரப் பதத்தின் சதவீதம் குறையும். இதனைத் தடுக்க தக்க சமயத்தில் களையெடுக்க வேண்டும். களைக்கொல்லியைப் பயன்படுத்தி, தகுந்த களை நீக்கும் கருவிகளைப் பயன்படுத்தி களைகளை நீக்கலாம். இத்தகைய தொழில்நுட்பங்களை மானாவாரி நிலங்களில் பயன்படுத்துவதன் மூலம் அதிக விளைச்சலைப் பெறலாம்.

]]>
https://images.dinamani.com/uploads/user/imagelibrary/2018/12/27/w600X390/tractor.jpg https://www.dinamani.com/agriculture/2018/dec/27/மானாவாரி-நிலங்களில்-மகசூலை-அதிகரிக்கும்-தொழில்நுட்பங்கள்-3065479.html
3061115 விவசாயம் மலர்ச் செடிகளுக்கு புத்துயிர் அளிக்கும் முறைகள் Thursday, December 20, 2018 12:54 AM +0530 விழுப்புரம்: தமிழகத்தில் கஜா புயல் தாக்கம், தொடர் மழையால் பல்வேறு மாவட்டங்களில் பயிரிட்டிருந்த பெரும்பாலான குண்டு மல்லிகை, முல்லை, ஜாதிமல்லி போன்ற மல்லிகை இனச்செடிகள் பெரும்பாலும் பாதிப்புக்குள்ளாகின.
இவற்றுக்கு புத்துயிர் அளித்து அதிக மகசூல் பெறும் வழிமுறைகள் வருமாறு:
மலர் செடிகளுக்கு புத்துயிர் அளிப்பதற்கு, வயலில் தேங்கிய நீரை வெளியேற்றிவிட்டு, செடிகளின் வேர்களில் மண் அணைத்து பாதிக்கப்பட்ட மற்றும் காய்ந்த கிளைகளையும், உயரமாக வளர்ந்துள்ள கிளைகளையும் (தரையிலிருந்து 40 முதல் 50 செ.மீ. உயரம்) வெட்டிவிட வேண்டும்.
நுண்ணுயிர் உரங்கள்: உடனடியாக அசோஸ்பைரில்லம், பாஸ்போ பேக்டீரியா, பொட்டாஷ் சொலுபிளைசர், டிரைக்கோடெர்மோ விரிடி, சூடாமோனஸ் புளோரசன்ஸ், மைக்கோ-ரைசா போன்ற நுண்ணுயிர் உரங்கள், நுண்ணுயிரிகளை ஏக்கருக்கு தலா ஒரு கிலோ வீதம், நன்கு மக்கிய தொழு எருவுடன் கலந்து இட வேண்டும்.
இந்த நுண்ணுயிரிகளால் செடிகளின் வேர்கள் வேகமாக 
வளர்ந்து, மண்ணில் உள்ள சத்துகளை செடிகளுக்கு அளிப்பதால், செடிகள் உடனடியாக புத்துயிர் பெறும். 
இதனால், 15 நாள்களுக்குள் செடிகள் மீண்டும் செழிப்பாக வளரத் தொடங்கும்.
உர மேலாண்மை செய்தல்: இதன்பிறகு, பொதுவாக பரிந்துரைக்கப்பட்ட உர அளவான தழை, மணி, சாம்பல் சத்துகளை ஒரு செடிக்கு 60-120-120 கிராம் என்ற விகிதத்தில் இட வேண்டும். அதாவது பொதுப் பரிந்துரைஅளவாக, செடிக்கு 30 கிராம் யூரியா, 50 கிராம் மியுரியேட், ஆப்பொட்டாஷ், 185 கிராம் சூப்பர் பாஸ்பேட் உரங்களைப் பிரித்து இட்டு, நீர் பாய்ச்ச வேண்டும்.
பிறகு 15 நாள்கள் கழித்து அவசியமாக, பரிந்துரைக்கப்பட்ட அளவில் துத்தநாகம், போரான், மாங்கனீசு, இரும்பு நுண்ணூட்ட சத்துகளை மண்ணில் இடலாம் அல்லது இலைவழியாகத் தெளித்து வழங்கலாம்.
இதே முறையை தொடர்ந்து, மூன்று மாதங்களுக்கு ஒருமுறை உரங்களைப் பிரித்து, பிரித்து ஆண்டுக்கு நான்கு முறை வழங்க வேண்டும்.
இதை மேற்கொள்வதால், பூக்களின் மகசூல் ஒரே சீராக கிடைக்கும். நீரில் கரையும் உரங்களான 19-19-19 மற்றும் 13-0-45 கலப்பு உரங்களை ஒரு லிட்டருக்கு 2 கிராம் வீதம் தேவையான அளவு ஒட்டும் திரவத்துடன் கலந்து இலைவழியாகத் தெளிப்பதாலும், செடிகளின் வளர்ச்சி துரிதப்பட்டு, பூக்கும் தன்மையும் அதிகரிக்கும்.
மகசூலைப் பெருக்கும் வழிகள்: மலர்ச் செடிகளை மேற்கூறியபடி பராமரிப்பு செய்த 30 நாள்களில், ஜிப்பரிலிக் அமிலம் அல்லது குளோர்மெக்வாட் குளோரைடு 50 எஸ்.எல் என்ற பயிர் வளர்ச்சி ஊக்கிகளை ஒரு லிட்டர் நீருக்கு ஒரு மில்லி வீதம் ஒருமுறையும், 15 நாள்கள் கழித்து மறுமுறையும் தெளிப்பதால் பூக்கள் அதிகரித்து அதிக மகசூல் கிடைக்கும்.
பூச்சிகளை கட்டுப்படுத்துதல்: 
பூச்சி நோய் தாக்காமல் இருப்பதற்கு 0.03 சதம் அசாடிராக்டின் என்னும் வேம்பு கலந்த தாவர பூச்சிக்கொல்லியை 15 நாள்களுக்கு ஒருமுறை வீதம் இரண்டு தடவை அவசியம் தெளிக்க வேண்டும். தேவையில்லாமல் பூச்சி, நோய் மருந்துகளை தெளிப்பதை தவிர்க்க வேண்டும்.
இதுதொடர்பாக, மேலும் விவரங்களுக்கு அருகிலுள்ள தோட்டக் கலைத் துறையினரிடமும், வேளாண் ஆராய்ச்சி நிலைய அலுவலர்களிடமும் தெரிந்து கொள்ளலாம் என்று சென்னையைச் சேர்ந்த ஓய்வு பெற்ற தோட்டக்கலைத் துறை இயக்குநர் எஸ்.ராதாகிருஷ்ணன் தெரிவித்தார்.
 

]]>
https://images.dinamani.com/uploads/user/imagelibrary/2018/12/20/w600X390/jasmin.jpg https://www.dinamani.com/agriculture/2018/dec/20/மலர்ச்-செடிகளுக்கு-புத்துயிர்-அளிக்கும்-முறைகள்-3061115.html
3061114 விவசாயம் நெற்பயிரை தாக்கும் இலைமடக்குப் புழுக்களைக் கட்டுப்படுத்த... Thursday, December 20, 2018 12:53 AM +0530
திருச்செந்தூர்: நெற்பயிரைத் தாக்கும் இலைமடக்குப் புழுக்களைக் கட்டுப்படுத்துவது எப்படி என்பது குறித்து திருச்செந்தூர் வட்டார வேளாண் உதவி இயக்குநர் வெங்கடசுப்பிரமணியன் வெளியிட்டுள்ள வேளாண் செய்திக்குறிப்பு: 
திருச்செந்தூர் வட்டாரத்தில் நடவு செய்யப்பட்ட, வளர்ச்சிப் பருவத்தில் உள்ள நெற்பயிரில் பரவலாக இலைமடக்குப் புழு தாக்குதல் காணப்படுகிறது. இப்புழுக்கள் நெற்பயிரின் தோகைகளை ஒன்றோடு ஒன்று சேர்த்து, அதற்குள் இருந்துகொண்டு பச்சையத்தைச் சுரண்டித் தின்னும். தோகைகளை பிரித்துப் பார்த்தால் புழுக்களும், அவற்றின் கழிவுகளும் காணப்படும். இவை சுரண்டித் தின்பதால் தோகைகளில் வெள்ளைநிறக் கோடுகள் காணப்படும்.
பொதிப் பருவத்தில் இலைமடக்குப்புழு தாக்குதல் ஏற்பட்டால் மகசூல் குறையும். வயலில் வெள்ளை நிற தாய்ப்பூச்சிகள் ஆங்காங்கே பறந்துகொண்டிருக்கும். இலைமடக்குப் புழுவைக் கட்டுப்படுத்த வயல் வரப்புகளைச் சீராக்கி சுத்தமாகவும், புல்லினக் களைகளின்றியும் பராமரிக்க வேண்டும். அதிகளவு தழைச் சத்து உரமிடுவதைத் தவிர்க்க வேண்டும். பூச்சிகள் மீண்டும் புத்துயிர் பெறுதலைத் தடுக்க கார்போபியுரான் அல்லது போரேட் குருணைகளைப் பயன்படுத்துவதைத் தவிர்க்க வேண்டும்.
டிரைக்கோகிரம்மா முட்டை ஒட்டுண்ணியை வயலில் பயிர் நடவு செய்த 37, 44, 51 ஆகிய 3 நாள்களில் ஹெக்டேருக்கு 5 சி.சி. (ஒரு லட்சம் முட்டை ஒட்டுண்ணிகள்) என்ற அளவில் காலை நேரத்தில் வயலில் கட்டவும். 
மேலும் உளுந்து, தட்டைப்பயறு முதலான பயறுவகைப் பயிர்களை வரப்புப் பயிராகப் பயிரிடுவதன் மூலம் நன்மை செய்யும் பொறி வண்டுகள் உற்பத்தியாகி, நெற்பயிரைத் தாக்கும் பூச்சிகளை அழிக்கும். விளக்குப்பொறி வைத்து தாய் அந்துப்பூச்சிகளைக் கவர்ந்து அவற்றை அழிக்கலாம். வயலில் பயிரின் வளர்ச்சிப் பருவத்தில் பூச்சிகளை உண்ணும் பறவைகள் நிற்க ஏதுவாக பறவைத் தாங்கிகளை வைக்க வேண்டும்.
பொருளாதார சேத நிலை அளவைப் பொறுத்து ஹெக்டேருக்கு குளோரான்ட்ரானிலிப்ரோல் 150 மி.லி. அல்லது கார்ட்டாப் ஹைட்ரோகுளோரைடு ஒரு கிலோ தெளித்து இலைமடக்குப் புழுக்களைக் கட்டுப்படுத்தி மகசூல் இழப்பைத் தவிர்க்கலாம்.
 

]]>
https://images.dinamani.com/uploads/user/imagelibrary/2018/12/20/w600X390/leaf.jpg https://www.dinamani.com/agriculture/2018/dec/20/நெற்பயிரை-தாக்கும்-இலைமடக்குப்-புழுக்களைக்-கட்டுப்படுத்த-3061114.html
3061113 விவசாயம் வருவாய் ஈட்ட உதவும் தென்னை மரங்களின் நண்பன் திட்டம் Thursday, December 20, 2018 12:53 AM +0530
கிருஷ்ணகிரி: தென்னை மரங்களின் நண்பன் என்ற திட்டத்தின் மூலம் வேலையில்லா இளைஞர்கள், இயந்திரம் மூலம் தென்னை மரங்களில் ஏறி வருவாய் ஈட்ட அதற்கான பயிற்சியை அளிக்கிறது வேளாண் அறிவியல் மையம்.
கிருஷ்ணகிரியை அடுத்த எலுமிச்சங்கிரி கிராமத்தில் அமைந்துள்ள வேளாண் அறிவியல் மையத்தின் மூலம் இயந்திரத்தின் உதவி கொண்டு எளிதில் தென்னை மரம் ஏறி வருவாய் ஈட்டுவதற்கான பயிற்சியை அளித்து வருகிறது. இதுகுறித்து அந்த மையத்தின் தலைவர் சுந்தரராஜ் தெரிவித்தது:
கிருஷ்ணகிரி மாவட்டத்தில் 14 ஆயிரம் ஹெக்டேர் பரப்பளவில் தென்னை சாகுபடி செய்யப்பட்டுள்ளது. வேலையில்லா இளைஞர்கள், பெண்களுக்கு வேலைவாய்ப்பை ஏற்படுத்தும் வகையிலும், தேங்காய்களைப் பறிக்கும் வேலையாள்களின் பற்றாக்குறையைப் போக்கவும், கேரள மாநிலம், கொச்சியில் உள்ள தென்னை வளர்ச்சி வாரியமும், கிருஷ்ணகிரி, எலுமிச்சங்கிரியில் உள்ள அறிவியல் மையமும் இணைந்து தென்னை மரங்களின் நண்பன் என்ற திட்டத்தைச் செயல்படுத்தி வருகின்றன.
17 வயது முதல் 40 வயது வரையுள்ள, 7-ஆம் வகுப்பு வரையில் கல்வி பயின்ற ஆண், பெண் இருவரும் இந்த பயிற்சியைப் பெறத் தகுதியானவர்கள். அனுபவம் வாய்ந்த பயிற்சியாளர்களைக் கொண்டு, இயந்திரத்தின் மூலம் தென்னை மரம் ஏறுவது குறித்து பயிற்சி அளிக்கப்படுகிறது. மேலும், இயந்திரத்தைக் கையாள்வது, பராமரிப்பது, தொழில் நுட்பங்கள் உள்ளிட்டவை குறித்தும் பயிற்சி வழங்கபடுகிறது.
இவை மட்டுமல்லாமல், தென்னை மரங்களைத் தாக்கும் நோய்கள், பூச்சித் தாக்குதலின் அறிகுறிகள், மேலாண்மை முறைகள், தென்னை மரத்தின் ரகங்கள், சிறந்த தென்னங் கன்றுகளைத் தேர்வு செய்வது குறித்தும், தென்னை சாகுபடிக்கான தொழில்நுட்பங்கள், நீர் மேலாண்மை, உர மேலாண்மை, மனிதவள மேம்பாட்டுக்கான தலைமை பண்புகள், கால மேலாண்மை போன்றவை குறித்தும் பயிற்சி அளிக்கப்படுகிறது.
இந்தப் பயிற்சியில் பங்கேற்போருக்கு ஓராண்டுக்கான இலவச காப்பீடு, ரூ.4 ஆயிரம் மதிப்பிலான தென்னை மரம் ஏறும் இயந்திரம், பயிற்சி பெற்றதற்கான சான்றிதழ்கள் வழங்கப்படுகின்றன. 6 நாள்கள் பயிற்சி வழங்கப்படும் நிலையில், இருப்பிடம் மற்றும் உணவு இலவசமாக அளிக்கப்படுகிறது.
சாதாரணமாக ஒரு தொழிலாளி ஒரு நாளைக்கு 30 மரங்கள் மட்டுமே ஏற இயலும். ஆனால், இயந்திரத்தைப் பயன்படுத்தி மரம் ஏறும் பயிற்சி பெற்ற நபர் ஒரு நாளைக்கு இயந்திரத்தின் மூலம் குறைந்தது 50 முதல் 70 மரங்கள் ஏற இயலும். உடலுக்கு பாதிப்பு ஏதும் ஏற்படாது. ஒரு மரத்துக்கு ஏறி இறங்க ரூ.30 கூலி எனக் கொண்டால், குறைந்தது ஒரு நாளைக்கு ரூ.1,500 வருவாய் ஈட்டலாம். நாள் ஒன்றுக்கு குறைந்தபட்சமாக ரூபாய் ஆயிரம் வருவாய் உறுதியாக ஈட்டலாம் எனத் தெரிவித்தார்.
முதலீடு இல்லாமல் நல்ல வருவாய் தரக் கூடிய இந்த திட்டம் குறித்து ஆர்வம் உள்ளவர்கள் வேளாண் அறிவியல் மையம், எலுமிச்சங்கிரி, கிருஷ்ணகிரி என்ற முகவரியிலோ அல்லது வேளாண் அறிவியல் மையத்தை 04343-296039, 80982 80123 என்ற எண்களிலோ அல்லது வேளாண் அறிவியல் மையத்தின் தலைவரை 94438 88644 என்ற கைபேசி எண்ணிலோ தொடர்பு கொள்ளலாம்.

]]>
https://images.dinamani.com/uploads/user/imagelibrary/2018/12/20/w600X390/coconut.jpg https://www.dinamani.com/agriculture/2018/dec/20/வருவாய்-ஈட்ட-உதவும்-தென்னை-மரங்களின்-நண்பன்-திட்டம்-3061113.html
3056671 விவசாயம் பசுந்தீவன பயிர்களின்: வகைகளும் வளர்ப்பு முறைகளும் Thursday, December 13, 2018 12:43 AM +0530

நாமக்கல்: கால்நடைகளுக்குத் தேவையான சத்து மிகுந்த பசுந்தீவனங்களை அளிப்பதால், பால் உற்பத்தியை மென்மேலும் பெருக்கலாம். தவிடு, பிண்ணாக்கு போன்றவற்றினை விட, பசுந்தீவனத்தில் வைட்டமின் ஏ அதிக அளவில் உள்ளது. மேலும், தீவனப் பயிர்களை அளிப்பதால், சுவாசம், கருவுறுதல், கன்று ஈனுதல் போன்றவற்றுக்கு பசுந்தீவனங்கள் உதவுகின்றன.
இதுகுறித்து நாமக்கல் பிஜிபி வேளாண்மைக் கல்லூரி உதவிப் பேராசிரியை ப.சவிதா, முதன்மையர் நெ.உ.கோபால் ஆகியோர் தெரிவித்தது:
பசுந்தீவனப் பயிர் வகைகளில் கோ.எப்.எஸ். 29 என்னும் தீவனச் சோளம், ஆப்பிரிக்க நெட்டை வகையைச் சார்ந்த மக்காச் சோளம், புல் வகைகளில் கம்பு நேப்பியர் புல், கினியா புல், கொழுக்கட்டைப் புல் போன்றவை அடங்கும். தீவனப் பயிறு வகைகளில் வேலி மசால், குதிரை மசால், தட்டைப்பயிறு போன்றவை உள்ளன. 
தீவனச் சோளம்: கோ.எப்.எஸ். 29 என்ற தீவனச்சோளமானது கோவை வேளாண்மைப் பல்கலைக்கழகத்தில் அறிமுகப்படுத்தப்பட்டது. இதனை உற்பத்தி செய்ய ஏக்கருக்கு 2 கிலோ விதைகள் போதும். பாருக்கு பார் ஓர் அடி இடைவெளி இருக்க வேண்டும். தீவனச் சோளமானது சாதாரண சோளத்தினைப் போன்றே காணப்படும். இதனை 60 முதல் 70 நாட்களில் அறுவடை செய்யலாம். ஓராண்டில் குறைந்தது 6 முதல் 7 முறை அறுவடை செய்து, 68 டன் வரை பசுந் தீவனத்தைப் பெறலாம். 
இதில் சாதாரண சோளத்தினைப் போலவே கசக்கும் தன்மை கொண்ட வேதிப் பொருளான ஹைட்ரஜன் சயனைடு உள்ளதால், இது கால்நடைகளுக்கு கேடு விளைவிக்கும். எனவே, பூத்த பிறகு இவ் வேதிப் பொருட்கள் குறைவதால், அப்போதுதான் கால்நடைகளுக்குக் கொடுக்க வேண்டும்.
தீவன மக்காச் சோளம்: சாதாரண மக்காச் சோளத்தினைப் போலவே தீவன மக்காச் சோளமும் இறவையில் பயிரிடப்படுகிறது. இதற்கு ஏக்கருக்கு 10 கிலோ விதைகள் தேவை. பயிருக்குப் பயிர் இடைவெளியானது 30-க்கு 15 செ.மீ. இருக்க வேண்டும். இதன் கதிர்கள் பால் கட்டும் தருணத்தில் அதிக அளவு ஊட்டச்சத்து கொண்டதாகக் காணப்படும். இத்தகைய தருணத்தில் அறுவடைசெய்து பதப்படுத்தி பாதுகாக்க வேண்டும். இதன் விளைச்சலானது, 20 டன் வரை ஓராண்டில் கிடைக்கும். தீவன மக்காச் சோளத்துடன் ஊடுபயிராக தீவனத் தட்டைப் பயிரினை 3:1 என்ற விகிதத்தில் பயிரிடுவதால், புரதத்தினையும் தீவனத்தில் பெறலாம்.
கம்பு நேப்பியர் புல்: கம்பு நேப்பியர் புல்லானது கம்பினையும், நேப்பியர் புல்லினையும் கலப்பினம் செய்து பெறப்பட்டது. இதன் இயல்பானது கம்பினைப் போல் பூக்கும் தன்மையும், நேப்பியர் புல்லினைப் போன்று தோற்றமும் கொண்டது. இதன் நடவுக்கு ஏக்கருக்கு குறைந்தது 14,000 கரணைகள் தேவை. 60 செ.மீ இடைவெளியில் பார்களினை அமைத்து 75-80 நாட்களில் முதல் அறுவடையும், 45 நாட்களில் அடுத்த அறுவடையும் மேற்கொள்ளலாம். மறுதாம்பு போன்று வளரும் தன்மையைக் கொண்டதால், பலமுறை ஆண்டில் அறுவடை செய்யலாம். 110-130 டன் வரை பசுந்தீவனப் பயிராகக் கிடைக்கிறது. இதில் அதிக அளவு கால்சியம், சுண்ணாம்புச் சத்தும் உள்ளது.
கினியா புல்: கால்நடைகள் நன்கு உண்ணும் புல் ஆகும். ஏக்கருக்கு 16,000 வேர்கரணைகள் அல்லது ஒரு கிலோ விதைகள் தேவை. பயிருக்கு பயிர் 50-க்கு 50 செ.மீ இடைவெளிவிட்டு இதனை நட வேண்டும். 80 நாட்களில் முதல் அறுவடை செய்யலாம். ஓராண்டில் குறிப்பாக 7 அறுவடை மூலம் 110-120 டன் பசுந்தீவனத்தைப் பெறலாம்.
கொழுக்கட்டைப் புல்: கொழுக்கட்டைப் புல்லானது ஏக்கருக்கு 16,000 வேர்கரணைகள் அல்லது 2.5 முதல் 3.5 கிலோ விதைகள் வரை தேவை. இதன் முதல் அறுவடையானது 80 நாட்களிலும், ஆண்டு முழுவதும் 4 முதல் 6 முறை அறுவடை செய்யலாம். ஆண்டுக்கு 16 டன் அளவு தீவனம் கிடைக்கும். மேலும், இந்தப் புல்லினை கால்நடைகளை நேரடியாக மேய விடலாம்.
புதிதாக அறுவடை செய்த விதைகளில் விதை உறக்கம் காணப்படும். இதனைக் குறைக்க ஒரு சதவீதம் பொட்டாசியம் நைட்ரேட் விதைப்பதற்கு முன் ஊறவைத்து விதை உறக்கத்தினை நீக்கலாம்.
வேலி மசால்: பழங்காலத்தில் வேலிகளில் அமைந்திருந்ததால், இத் தாவரமானது வேலி மசால் என அழைக்கப்பட்டது. வேலி மசால் ஓர் ஏக்கருக்கு 8 கிலோ விதைகள் தேவையானது. 60 செ.மீ இடைவெளியில் பார்களை அமைக்க வேன்டும். முதல் அறுவடையானது 3 மாதத்திலும், அடுத்தடுத்து 45 நாட்கள் இடைவெளியிலும் அறுவடை செய்யலாம். விதை நன்கு முளைப்பதற்கு கொதிக்கவைத்து நன்றாக ஆறிய நீரில் 3 முதல் 4 நிமிடங்கள் ஊற வைத்து விதைக்க வேண்டும்.
தீவன தட்டைப்பயிறு: இது சாதாரண தட்டைப்பயிறு போலவே ஜூன்-ஜூலை மாதங்களில் விதைக்கலாம். ஏக்கருக்கு 10 கிலோ விதைகள் தேவை. செடிக்குச் செடி இடைவெளியானது 30-க்கு 15 செ.மீ இருக்க வேண்டும். தீவனத் தட்டைப் பயிரானது 50 நாட்களில் 50 சதவீதம் பூக்கும் தருணத்தில் அறுவடை செய்ய வேண்டும். பொதுவாக, பசுந்தீவனமானது 1 லிட்டர் பால் உற்பத்திக்கு 3 கிலோ பசுந்தீவனம் வழங்கவேண்டும்.
 

]]>
https://images.dinamani.com/uploads/user/imagelibrary/2018/12/13/w600X390/cow.jpg https://www.dinamani.com/agriculture/2018/dec/13/பசுந்தீவன-பயிர்களின்-வகைகளும்-வளர்ப்பு-முறைகளும்-3056671.html
3056670 விவசாயம் மழை வெள்ளத்தால் பாதிப்பு: நெற்பயிர்களைப் பாதுகாக்கும் தொழில்நுட்பங்கள் Thursday, December 13, 2018 12:42 AM +0530
நீடாமங்கலம்: மழை வெள்ளத்தால் பாதிக்கப்பட்ட நெற்பயிர்களைப் பாதுகாக்க மேலாண்மை தொழில்நுட்பங்கள் குறித்து திருவாரூர் மாவட்டம், நீடாமங்கலம் வேளாண்மை அறிவியல் நிலைய திட்ட ஒருங்கிணைப்பாளர் ஆ.பாஸ்கரன் யோசனை தெரிவித்துள்ளார்.
இதுகுறித்து அவர் தெரிவித்தது:
வடகிழக்குப் பருவமழையால் பாதிப்புக்குள்ளாகும் நெற்பயிர்களைப் பாதுகாக்க விவசாயிகள் கீழ்க்கண்ட மேலாண்மை முறைகளைக் கடைப்பிடிக்கலாம்.
பயிர் எண்ணிக்கையைப் பராமரித்தல்: நெற்பயிர் மூழ்கியிருக்கும் பகுதிகளில், இளம்பயிரில் நட்ட குத்துகள் முழுமையாக பாதிக்கப்பட்டிருந்தால், அதே ரக நாற்றுகள் கொண்டு நடவு செய்து பயிர் எண்ணிக்கையைப் பராமரிக்க வேண்டும். 
வெள்ளத்தில் பாதிக்கப்பட்ட நெற்பயிருக்கான உர மேலாண்மை:
1. ஆரம்ப நிலை: வடிகால் வசதியுடைய இடங்களில், வயலில் தேங்கிய நீரை உடனடியாக வடித்தபின்பு மேல் உரமாக ஏக்கருக்கு அமோனியா குளோரைடு 42 கிலோ அல்லது அமோனியம் சல்பேட் 50 கிலோ அல்லது யூரியா 22 கிலோவுடன், ஜிப்சம் 18 கிலோ மற்றும் வேப்பம்புண்ணாக்கு 4 கிலோவை கலந்து, 24 மணிநேரம் வைத்திருந்து பின்பு பொட்டாஷ் 17 கிலோ கலந்து இடவேண்டும். இவ்வாறு செய்யும்பட்சத்தில் ஊட்டச்சத்து விரயம் குறைந்து, வளர்ச்சிக்கு உடனடியாக வாய்ப்புள்ளது.
2. மத்திய நிலை: தண்ணீர் வடிய வாய்ப்பில்லாமல் பயிர் பாதியளவு நீரில் மூழ்கியிருக்கும் நிலையில், பயிர் மஞ்சள் மற்றும் பழுப்பு நிறமாக மாற வாய்ப்புள்ளது. இதனால், துத்தநாகம் மற்றும் தழைச்சத்து பற்றாக்குறை ஏற்படுகிறது. இதற்கு ஏக்கருக்கு 200 லிட்டர் தண்ணீரில் 2 கிலோ யூரியாவும், 1 கிலோ சல்பேட்டும் கலந்து கைத்தெளிப்பான் மூலம் தெளிக்க வேண்டும். மேலுரம் இடுவதைத் தவிர்க்க வேண்டும்.
3. சூல் மற்றும் பூக்கும் பருவம்: சூல் மற்றும் பூக்கும் பருவத்திலுள்ள சம்பா நெற்பயிர்களைக் காக்க ஏக்கர் ஒன்றுக்கு 4 கிலோ டிஏபி உரத்தை 20 லிட்டர் தண்ணீரில் ஊறவைத்து, மறுநாள் வடிகட்டி இந்தக் கரைசலுடன் 2 கிலோ பொட்டாஷ் 180 லிட்டர் நீருடன் கலந்து, மாலை வேளையில் இலைவழி உரமாக கைத்தெளிப்பான் கொண்டு தெளிக்கவும். இவ்வாறு மற்றொரு முறை பூக்கும் தருணத்தில் இலைவழி உரமிட வேண்டும்.
பூச்சி மற்றும் நோய் பராமரிப்பு:
பயிர்களில் பூச்சி மற்றும் நோயின் அறிகுறிகள் காணப்பட்டால், கீழ்க்கண்ட பயிர் பாதுகாப்பு முறைகளைக் கையாள வேண்டும்.
1. குருத்துப்பூச்சி: பொருளாதார சேத நிலை அளவு 10 சதவீத குருத்து காய்தல் அல்லது 2 முட்டை குவியல், காணப்பட்டால் குளோரோடேரேனிலிபுருள் 18.5 எஸ்.சி. 60 மில்லி., ஏக்கர் (அ) புளுபென்டிமைட் 39.35 எஸ்.சி. 20 மில்லி , ஏக்கர் தெளிக்கவும். முட்டைக் குவியல் தென்படும் சமயத்தில் முட்டை ஒட்டுண்ணி டிரைகோகிரம்மா ஜப்பானிக்கம் ஏக்கருக்கு 2 சி.சி. அளவில் தொடர்ந்து 2 முறை ஒரு வார இடைவெளியில் விடவும்.
2. இலைச்சுருட்டுப் புழு: பொருளாதார சேத நிலையான வளர்ச்சிப் பருவத்தில், 10 சதவீதம் பாதித்த இலைகளும், பூக்கும் தருணத்தில் 5 சதவீதம் பாதித்த இலைகளும் காணப்பட்டால், குளோரிபைரிபாஸ் 20 இசி 500 மில்லி, ஏக்கர் (அ) குளோரோடேரேனிலிபுருள் 18.5 எஸ்.சி. 60 மில்லி., ஏக்கர் (அ) புளுபென்டிமைட் 39.35 எஸ்சி 20 மில்லி, ஏக்கர் தெளிக்கவும். விளக்குப் பொறியில் அந்துப்பூச்சிகள் கவரப்படும்போது டிரைகோகிரம்மா கிலோனிஸ் ஒட்டுண்ணியை ஏக்கருக்கு 2 சி.சி. அளவில் தொடர்ந்து 3 முறை ஒரு வார இடைவெளியில் விடவும்.
3. கூண்டுப்புழு: நடவு வயலில் 1 லிட்டர் மண்ணெண்ணெயை 3 கிலோ மணலுடன் கலந்து சமமாகத் தூவியபின், ஒரு கயிற்றை வயலின் இரு ஓரங்களிலும் இருவர் பயிரின் பாதி உயரத்தில் பிடித்துக் கொண்டு நடந்தால், கூண்டுப்புழுக்கள் அனைத்தும் வயலில் உள்ள நீரில் விழுந்து அழிந்துவிடும் அல்லது ஏக்கருக்கு மானோகுரோட்டாபாஸ் 36 எஸ்.எல். 400 மில்லி., மருந்தை 200 லிட்டர் நீரில் கலந்து கைத்தெளிப்பான் மூலம் தெளிக்கவும்.
4. புகையான்: ஒரு தூருக்கு ஒரு தத்துப்பூச்சி என்ற பொருளாதார சேத நிலையில் இருந்தால், இமிடாகுளோபிரிட் 17.8 எஸ்.எல். 50 மிலி., ஏக்கர் அல்லது பைப்ரினில் 5 எஸ்.சி 500 மி.லி., ஏக்கர் தெளிக்கவும்.
5. பச்சை தத்துப்பூச்சி: குத்துக்கு 5 தத்துப்பூச்சிகள் தழைப்பருவத்தில் (அ) பூக்கும் பருவத்தில் 10 தத்துப்பூச்சிகள், குத்து என்ற பொருளாதார சேத நிலையில் இருந்தால், இமிடாகுளோபிரிட் 17.8 எஸ்.எல். 50 மிலி, ஏக்கர் அல்லது பைப்ரினில் 5 எஸ்.சி., 500 மிலி, ஏக்கர் தெளிக்கவும். மேலும், இந்த தத்துப்பூச்சி, துங்ரோ என்ற வைரஸ் நோயைப் பரப்பக்கூடியது.
6. ஆனைக்கொம்பன் ஈ: பொருளாதார சேத நிலை 10 சதவீத வெங்காய இலைகள் காணப்பட்டால், தையமீத்தாக்சம் 25 யுயுசி- 40 கிராம், ஏக்கர் (அ) பைப்ரினில் 5 எஸ்சி 500 மில்லி., ஏக்கர் தெளிக்கவும்.
7. குலைநோய்: குலைநோயின் பாதிப்பு தென்பட்டால், ஏக்கர் ஒன்றுக்கு சூடோமோனாஸ் எதிர் உயிர் பாக்டீரியா 1 கிலோ அல்லது கார்பெண்டாசிம் 200 கிராம் அல்லது டிரைசைகுளோசோல் 200 கிராம் என்ற பூஞ்சாண மருந்தை 200 லிட்டர் நீரில் கலந்து, கைத்தெளிப்பான் கொண்டு தெளிக்கவும்.
8. பாக்டீரியா இலைக்கருகல் நோய்: நோயின் அறிகுறி காணப்பட்டவுடன் தழைச்சத்து உரம் இடுவதைத் தவிர்க்க வேண்டும்.
மேலும் 20 சதவீதம் பசுஞ்சாணக் கரைசல் அதாவது 40 கிலோ புதிய சாணத்தை 100 லிட்டர் நீரில் கரைத்து, 12 மணிநேரம் ஊறவைத்து பின்பு, தெளிந்த நீரை வடித்து இத்துடன் 100 லிட்டர் நீரை கலந்து 200 லிட்டராக்கி தெளிக்கவும் அல்லது ஏக்கருக்கு சூடோமோனாஸ் 1 கிலோ அல்லது
ஸ்ட்ரெப்டோமைசீன் சல்பேட்டுடன் டெட்ராசைக்கிளரின் கலந்த மருந்துக் கலவை 120 கிராமுடன், காப்பர் ஆக்ஸி குளோரைடு 300 கிராம் என்ற அளவில் நீருடன் கலந்து 15 நாள்கள் இடைவெளியில் இருமுறை தெளிக்க வேண்டும்.
எனவே, வேளாண் தொழில்நுட்பங்களை நெற்பயிரின் சேத நிலைக்கேற்ப தெளிவு செய்து, இருக்கும் பயிரைக் காப்பாற்றலாம் என்றார் ஆ. பாஸ்கரன்.
 

]]>
https://images.dinamani.com/uploads/user/imagelibrary/2018/12/13/w600X390/paddy.jpg https://www.dinamani.com/agriculture/2018/dec/13/மழை-வெள்ளத்தால்-பாதிப்பு-நெற்பயிர்களைப்-பாதுகாக்கும்-தொழில்நுட்பங்கள்-3056670.html
3052310 விவசாயம் புதிய தொழில்நுட்பத்தில் உளுந்து சாகுபடி Thursday, December 6, 2018 12:46 AM +0530 விழுப்புரம்: உளுந்து பயறு சாகுபடியில் புதிய தொழில்நுட்பங்களைக் கடைப்பிடித்து அதிக வருவாயை ஈட்டலாம் என்று வேளாண் துறை விவசாயிகளுக்கு அறிவுறுத்தியுள்ளது.
பயறு வகைகளில் புரதச் சத்து மிக அதிகம். இது நமது உடல் வளர்ச்சிக்கும், அறிவாற்றலுக்கும் மிகவும் அவசியமானது. பயறு வகைப் பயிர்களில் உள்ள புரதத்தின் அளவு தானியப் பயிர்களின் அளவைவிட 2 முதல் 3 மடங்கு அதிகமாகும்.
தமிழகத்தில் பயறுவகைப் பயிர்கள் சுமார் 8.84 லட்சம் ஹெக்டேர் பரப்பளவில் பயிரிடப்பட்டு, 7.67 லட்சம் மெட்ரிக் டன் உற்பத்தி செய்யப்படுகிறது.
இது நமது தேவையைவிட குறைவாகும். இதனால், பயறு வகைப் பயிர்களில் விளைச்சலை அதிகரிக்க வேண்டிய நிலையில் உள்ளோம்.
நிகழ் ஆண்டில், விழுப்புரம் மாவட்டத்தில் ஒரு லட்சம் ஹெக்டேர் பரப்பளவில் பயறு வகை பயிர்கள் சாகுபடி செய்ய திட்டமிடப்பட்டுள்ளது. கண்டமங்கலம் வட்டாரத்தில் 3, 000 ஹெக்டேர் பரப்பில் சாகுபடி செய்ய திட்டமிடப்பட்டுள்ளது.
உளுந்து விதைப்பு, விதைநேர்த்தி: பயறு வகைப் பயிர்களின் சாகுபடியில், உளுந்து முதன்மைப் பயிராக உள்ளது. உளுந்தில் தற்போது, வம்பன் 5, வம்பன் 6 போன்ற ரகங்களை விதைப்புச் செய்யலாம். இதில், 65 முதல் 70 நாள்களில் அறுவடைக்கு வரும் தனிப் பயிராக விதைக்க, ஒரு ஹெக்டேருக்கு 20 கிலோவும், ஊடுபயிராக 10 கிலோவும் பயன்படுத்தலாம்.
பூஞ்சாண விதைநேர்த்தி செய்ய ஒரு கிலோ விதைக்கு 2 கிராம் கார்பெண்டாசிம் அல்லது 4 கிராம் டிரைக்கோடெர்மா விரிடி அல்லது 10 கிராம் சூடோமோனாஸ் புளோரைசன்ஸ் என்ற அளவில் கலந்து விதை நேர்த்தி செய்ய வேண்டும்.
பூஞ்சாண விதைநேர்த்தி செய்து 24 மணி நேரம் கழித்து 3 பாக்கெட் ரைசோப்பியம் மற்றும் 3 பாக்கெட் பாஸ்போ பாக்டீரியாவினை, சுமார் 750 மி.லி. ஆறிய அரிசி கஞ்சியுடன் சேர்த்து பூஞ்சாண விதைநேர்த்தி செய்த, விதையைக் கலந்து நன்கு பிசைந்து 15 நிமிடம் நிழலில் உலர்த்தி பிறகு விதைக்க வேண்டும்.
உளுந்து விதைகளை, விதைக்கும் கருவி கொண்டு விதைப்பதால் வரிசைக்கு, வரிசை 30 செ.மீ. இடைவெளியும் செடிக்குச்செடி 10 செ.மீ. இடைவெளியும் விடுவதனால், ஒரு சதுர மீட்டரில் 33 செடிகளைப் பராமரிக்க முடியும். பூஞ்சாண விதைநேர்த்தி செய்வதால் விதைமூலம் பரவும் வேர்வாடல், இலைப் புள்ளி நோய்கள் வராமல் தடுக்கப்படுகிறது.
முளைப்புத் திறன் அதிகரிக்கும் மண்ணின் மூலம் பரவும் நோய்களை இளஞ்செடிகளில் இருந்து காப்பாற்ற முடிகிறது. பயறு வகைகளில் உள்ள சிறப்புத் தன்மை, அதில் உள்ள வேர்முடிச்சுகளே ஆகும். ரைசோப்பியம் விதைநேர்த்தி செய்வதால் அதிக வேர்முடிச்சுகள் உண்டாகி, காற்று மண்டலத்தில் உள்ள தழைச் சத்தை பூமியில் நிலைநிறுத்தி அதைப் பயறு வகைப் பயிர்கள் கிரகிக்க உதவுகிறது.
பாஸ்போ பாக்டீரியா நுண்ணுயிர் விதை நேர்த்தி செய்வதால், மணிச்சத்தை பாஸ்போ பாக்டீரியா நுண்ணுயிர் கிரகித்து பயிருக்கு எளிதில் கிடைக்கும். இதனால், ரசாயன உரச் செலவைக் குறைக்கவும், மகசூலை அதிகரிக்கவும் முடியும்.
நீர்ப்பாசனம், உர மேலாண்மை: பயறு வகைப் பயிர்களுக்கு குறைந்த நீர் போதுமானது. பயிரானது 250 முதல் 300 மி.மீட்டராகும் வளர்ச்சிப் பருவத்தின் போதும், பூக்கும் தருணம் மற்றும் விதை பிடிக்கும் தருணங்களில் கண்டிப்பாக நீர்ப்பாசனம் செய்ய வேண்டும். தழை, மணி மற்றும் சாம்பல் சத்து ஒரு ஹெக்டேருக்கு 25, 50, 25 கிலோ என்ற அளவில் இடவேண்டும்.
இலைவழி உரம்: அதிக திரட்சியான காய்கள், கூடுதல் மகசூல் பெறுவதற்கு, 2 சதம் டிஏபி கரைசலான, அதாவது 5 கிலோ டிஏபி யை 10 லிட்டர் தண்ணீரில் ஊற வைத்து, மறுநாள் வடித்து தெளிந்த கரைசலை 250 லிட்டர் தண்ணீரில் கலந்து மாலை வேளையில் கைத்தெளிப்பானால் தெளிக்க வேண்டும்.
தெளிக்கும்போது வயலில் போதுமான ஈரப்பதம் இருக்க வேண்டும். இதை 50 சதம் பூக்கும் தருணத்தில் ஒருமுறையும் 15 நாள்கள் இடைவெளி விட்டு மறுமுறையும் தெளிக்க வேண்டும். மஞ்சள் தேமல் நோயால் பாதிக்கப்பட்ட செடிகளை உடனடியாக களைதல் வேண்டும்.
பயிர்ப் பாதுகாப்பு: ஒருங்கிணைந்த பயிர் பாதுகாப்பு முறைகளைக் கடைப்பிடிக்க வேண்டும். வேரழுகல் நோயை உயிரியல் முறையில் கட்டுப்படுத்த, சூடோமோனாஸ் புளோரைசன்ஸ் அல்லது டிரைக்கோடெர்மா விரிடியை ஒரு ஹெக்டேருக்கு 25 கிலோவுடன்50 கிலோ தொழு உரம் அல்லது மணலுடன் கலந்து, விதைத்த 30 நாள்கள் கழித்து மண்ணில் இடவேண்டும். அல்லது வேப்பம் பிண்ணாக்கு 150 கிலோ ஒரு ஹெக்டேருக்கு இட வேண்டும்.
விழுப்புரம் மாவட்ட வேளாண்மை விரிவாக்க மையங்களில் போதிய அளவு உளுந்து விதைகள் இருப்பில் உள்ளன. தேசிய உணவுப் பாதுகாப்பு இயக்கம் (பயறு வகை) திட்டத்தின் கீழ், மானிய விலையில் உளுந்து விதைகளைப் பெற்று, மேற்கண்ட தொழில்நுட்பங்களைக் கடைப்பிடித்து, அதிக மகசூல் பெற்று பயனடையலாம் என்று வேளாண் உதவி இயக்குநர் இரா.பெரியசாமி தெரிவித்தார்.
 

]]>
https://images.dinamani.com/uploads/user/imagelibrary/2018/12/6/w600X390/blackgram.jpg https://www.dinamani.com/agriculture/2018/dec/06/புதிய-தொழில்நுட்பத்தில்-உளுந்து-சாகுபடி-3052310.html
3052309 விவசாயம் கோடையில் அதிக லாபம் தரும் தர்பூசணி Thursday, December 6, 2018 12:46 AM +0530 அரக்கோணம்: வரும் கோடை காலத்தில் நல்ல விலை போகும் தர்பூசணிகளைப் பயிரிட தற்போதுதான் தருணம் என்றும், வேளாண் துறையினரின் ஆலோசனைப் பெற்று விவசாயிகள் தர்பூசணியை இப்போது விதைக்க வேண்டும் என்றும் தமிழக அரசின் வேளாண்மை துறை சோளிங்கர் வட்டார உதவித் தோட்டக்கலை அலுவலர் வாசு தெரிவித்துள்ளார்.
இதுகுறித்து அவர் மேலும் தெரிவித்ததாவது: 
தமிழகத்தின் வடக்கு மாவட்டங்களில் கோடைக்காலத்தில் தர்பூசணி பழத்துக்கு எப்போதும் தேவை அதிகமாக இருக்கும். வேலூர், காஞ்சிபுரம், திருவள்ளூர் மாவட்டப் பகுதிகளுக்கு ஆந்திர மாநிலத்தின் சித்தூர் மற்றும் கடப்பா மாவட்டப் பகுதிகளில் இருந்து வரும் தர்பூசணிகள் தேவையை நிறைவேற்றும். அதேகாலத்தில் இந்த மாவட்டங்களிலேயே பயிரிடப்பட்டு விற்பனைக்கு வரும் தர்பூசணிகளும் ஆந்திர மாநில பழங்களைப் போல் அதிக விலைக்கு வாங்கப்படும். எனவே, தமிழகத்தின் வடக்கு மாவட்டங்களைச் சேர்ந்த விவசாயிகள் டிசம்பர், ஜனவரி மாதங்களான தற்போது தர்பூசணியை விதைக்கலாம். இப்போது விதைக்கப்படும் தர்பூசணி, கோடை காலமான ஏப்ரல், மே மாதங்களில் விற்பனைக்கு வரும்.
தர்பூசணியில் நியூ ஹாம்ஷயர், மிட்ஜெட், சுகர் பேபி, அஷா அஜயமாட்டோ, பெரியகுளம்-1, அர்கா, மானிக், அர்காராஜஹன்ஸ், துர்காபுராமீதா, கேசர், அர்கா ஜோதி, பூசா, பேதனா, அம்ருத், பிகேஎம்-1 ஆகிய ரகங்கள் உள்ளன. அவற்றில் தமிழக வெயில் சூழ்நிலைக்கேற்றவாறு வளரக்கூடிய தர்பூசணி ரகம் பிகேஎம்-1 ஆகும். இந்த ரகங்கள் பழங்கள் பெரிதாகவும், அடர்பச்சை நிறம் கொண்டதாகவும், உள்ளே சதைப்பகுதி இளஞ்சிவப்பு மற்றும் சிவப்பு நிறத்திலும் இருக்கும். மகசூல் ஹெக்டேருக்கு 122 முதல் 135 நாள்களில் 36 முதல் 38 டன் கிடைக்கும்.
இந்த வகை தர்பூசணிக்கு மணல் கலந்த இருமண்பாட்டு நிலம் மிகவும் உகந்தது. அதிக வெப்பத்துடன் காற்றில் ஈரத்தன்மை, நல்ல சூரிய வெளிச்சத்துடன் உள்ள தட்பவெப்பம் பயிர் செய்ய ஏற்றது. குறைந்த வெப்பநிலையில் விதைகள் முளைப்பது குறைவாக இருக்கும். காய்கள் முதிர்ச்சி அடையும் பருவத்தில் அதிக வெப்பநிலை நிலவுவது பழங்களில் இனிப்புத் தன்மையை அதிகரிக்கும். பனி பெய்தால் பயிரின் வளர்ச்சி தடைபடும்.
தர்பூசணிக்கு நிலத்தை அதற்கேற்றவாறு தயாரிப்பது முக்கியம். நிலத்தை 3-இல் இருந்து 4 முறை நன்கு உழவு செய்ய வேண்டும். கடைசி உழவின்போது ஹெக்டேருக்கு 30 டன் மக்கிய தொழு உரமிட்டு மண்ணுடன் நன்கு கலக்கச் செய்ய வேண்டும். பின்பு 2 மீட்டர் இடைவெளியில் 60 செ.மீ அகலமுள்ள வாய்க்கால்கள் அமைத்திட வேண்டும். இந்த வாய்க்கால்களின் உட்புறம் 1 மீட்டர் இடைவெளியில் 45:45:45 செ.மீ. நீள அகல ஆழ அளவில் குழிகள் தோண்ட வேண்டும். இக்குழிகளில் சம அளவு மேல்மண் மற்றும் தொழுஉரம் ஆகியவற்றுடன் ரசாயன உரங்களை கலந்து இட வேண்டும். தர்பூசணிக்கு ஒரு ஹெக்டேருக்கு தழை, மணி, சாம்பல் சத்து முறையே 200:100:100 கிலோ இந்த அளவை பிரித்து பயிரின் காலம் முழுவதும் அளிக்க வேண்டும். 
ஒரு ஹெக்டேருக்கு விதைக்க சுமார் 3-4 கிலோ அளவு விதை தேவை. குழி ஒன்றுக்கு 4-5 விதைகளை பின்னர் முளைத்து வந்தவுடன் குழிக்கு 3 செடிகள் இருக்குமாறு கலைத்துவிட வேண்டும். பருவமழைக் காலங்களில் மானாவாரியாகப் பயிர் செய்யலாம். கோடை காலத்துக்கு அறுவடை செய்யும் பயிரை பாசனப் பயிராக பயிர் செய்யலாம். மானாவாரியில் மழை வந்தவுடன் குழிகள் தோண்டி விதைப்பு செய்ய வேண்டும். இறவையில் விதைப்பதற்கு முன்னர் குழிகளில் நீர் ஊற்றி பின்னர் 7-10 நாள்களுக்கு ஒரு முறையும் நீர் ஊற்ற வேண்டும். விதைகள் முளைத்து வந்த பின்னரே வாய்க்கால்கள் மூலம் நீர்பாய்ச்ச வேண்டும். நீர் பாய்ச்சுதல் ஒரே சீரான இடைவெளியில் செய்ய வேண்டும். (சுமார் 10 நாள்களுக்கு ஒரு முறை) அதிக நாள்களுக்கு நீர் பாய்ச்சாமல் மண்ணின் ஈரத்தன்மை மிகக் குறைவான நிலைக்கு போன பின்னர் திடீரென்று நீர் பாய்ச்சினால் காய்கள் வெடித்து விடும். இவ்வாறு வெடித்த காய்கள் விற்பனையில் விலை குறைந்து போக வாய்ப்புள்ளது. 
விதைத்த 15 மற்றும் 30-ஆம் நாள்களில் களைக்கொத்து கொண்டு கொத்தி களைநீக்கம் செய்ய வேண்டும். விதைத்த 15-ஆம் நாள் (பயிர் 2 இலைகளுடன் இருக்கும் போது) டிபா என்ற பயிர்ஊக்கியை 26.50 பிபி எம் என்ற அளவில் கரைத்து தெளிக்க வேண்டும். (25-50 மி. கிராம் / ஒரு லிட்டர் / தண்ணீருக்கு அல்லது 250 மி கிராம், 500 மி கிராம், 10 லிட்டர் தண்ணீருக்கு என்ற அளவில் கரைக்க வேண்டும்) மீண்டும் ஒரு வாரம் கழித்து இதே அளவில் கலந்து ஒரு முறை தெளிக்க வேண்டும்.
இதற்கு பதிலாக எத்ரல் பயிர் ஊக்கியை (2 மி.லி மருந்து 10 லிட்டர் தண்ணீர் என்ற அளவில் கலந்து) முதல் இரண்டு இலைப்பருவம், ஒரு வாரம் கழித்து, மேலுரம் ஒரு வாரம் கழித்து, மீண்டும் ஒரு வாரம் கழித்து என 4 முறை தெளிக்க வேண்டும். கொடிகள் படர ஆரம்பித்தவுடன் வாய்க்கால்களிலிருந்து எடுத்து இடைப்பகுதியில் படரச் செய்ய வேண்டும். விதைத்த 30-ஆம் நாள் ஹெக்டேருக்கு 30 கிலோ தழைச்சத்தை மேலுரமாக இட்டு நீர்பாய்ச்ச வேண்டும். இதற்கு குழி ஒன்றுக்கு 13 கிராம் யூரியா இட வேண்டும். 
இப்பயிருக்கு ஒருங்கிணைந்த பயிர் பாதுகாப்பையும் நன்கு கவணிக்க வேண்டும். வண்டுகள் இருந்தால் அவைகளை கட்டுப்படுத்த நனையும் செவின் மருந்தை 1 லிட்டர் தண்ணீருக்கு 2 கிராம் என்ற அளவில் கலந்து தெளிக்க வேண்டும். சாம்பல் நோய் தென்பட்டால் நனையும் கந்தகத்தை 1 லிட்டர் தண்ணீருக்கு 2 கிராம் என்ற அளவில் கலந்து தெளிக்க வேண்டும். பழ ஈக்கள் காணப்பட்டால் இவற்றை கட்டுப்படுத்த மாலத்தியான் மருந்தை உபயோகப்படுத்தலாம். 
அறுவடைக்கான அறிகுறியாக பல்வேறு விஷயங்கள் சொல்லப்படுகின்றன. நன்கு முற்றிப் பழுத்த பழத்தை விரலால் தட்டிப் பார்க்கும் போது ஒரு மந்தமான ஒலி உண்டாகும். பழத்தில் தரையை தொட்டுக் கொண்டிருக்கும் பகுதியில் பசுமை நிறம் மாறி மஞ்சள் அல்லது வெளிர் மஞ்சள் நிறமடையும். கொடியில் பழத்தின் அருகில் உள்ள பற்றிய படரும் கம்பிச்சுருள் காய்ந்து விடும். பழங்களை கையில் எடுத்து அழுத்தம் கொடுக்கும் போது அப்பகுதி எளிதில் உடைந்து நொறுங்கும். சாதாரணமாக மலர் விரிந்து மகரந்தச் சேர்க்கை நடந்து 30-40 நாள்களில் பழங்கள் அறுவடைக்கு தயாராகும். பழங்கள் முற்றி பழுத்தவுடன் மட்டுமே அறுவடை செய்ய வேண்டும். இப்படி செய்தால் ஹெக்டேருக்கு 25-30 டன்கள் மகசூல் கிடைக்கும். 
தர்பூசணியை பொருத்தவரை விற்பனைக்காக தொலைதூரச் சந்தைகளுக்கு செல்ல வேண்டிய அவசியம் இல்லை. அருகில் உள்ள நகரங்களிலேயே வியாபாரிகள் நல்ல விலைக்கு தர்பூசணியை கொள்முதல் செய்து கொள்வார்கள். இப்பயிர் குறித்து மேலும் விவரம் தேவைப்படுவோர் அருகில் உள்ள தமிழ்நாடு வேளாண்துறையின் கீழ் இயங்கும் தோட்டக் கலைத்துறை அலுவலகங்களை அணுகலாம். தோட்டக் கலைத்துறை உதவி இயக்குநர்கள், இத்துறை அலுவலர்கள், உதவி அலுவலர்கள் ஆகியோர் விவசாயிகளுக்குத் தேவையான ஆலோசனைகளை அளிப்பார்கள் என்று சோளிங்கர் வட்டார உதவி தோட்டக் கலைத்துறை அலுவலர் வாசு தெரிவித்தார். 
 

]]>
https://images.dinamani.com/uploads/user/imagelibrary/2018/12/6/w600X390/water.jpg https://www.dinamani.com/agriculture/2018/dec/06/கோடையில்-அதிக-லாபம்-தரும்-தர்பூசணி-3052309.html
3047682 விவசாயம் எள் பயிரிட்டால் கூடுதல் லாபம்! Thursday, November 29, 2018 12:43 AM +0530 அரக்கோணம்: தமிழ்நாட்டில் தற்போது பல மாவட்டங்களில் அதிக மழை பெய்துள்ள போதிலும் மாநிலத்தின் வடக்கு மாவட்டங்களில் போதிய அளவு மழை பெய்யவில்லை. 
ஏரிகளில் இன்னும் பாதியளவு கூட நீர் இருப்பு இல்லாத நிலையே காணப்படுகிறது. இந்தக் காலகட்டத்தில் விவசாயிகள் தங்கள் வயல்களில் எண்ணெய் வித்துப் பயிரான எள்ளைப் பயிரிட்டால் அது நிலைத்து நின்று, குறைந்த நீரிலும் அதிக மகசூலைக் கொடுத்து வருமானம் தரும் என வேளாண்மைத் துறையினர் ஆலோசனை தெரிவிக்கின்றனர்.
இதுகுறித்து வேலூர் மாவட்டம், அரக்கோணம் வட்டார வேளாண் உதவி அலுவலர் சி.முரளி கூறுகையில் எள் பயிரிடுவது விவசாயிகளுக்கு செலவில்லாமல் லாபம் தரும் என்றார். எள் பயிரிடும் முறைகள் குறித்து அவர் மேலும் தெரிவித்ததாவது: 
எள் விதைக்க கார்த்திகை மாதம் ஏற்றது. டிசம்பர்-ஜனவரி மாதங்களில் கோ-1, டிஎம்வி 3, 5, 7, எஸ்விபிஆர் 1, விஆர்ஐ (எஸ்வி) 2 ஆகியவை நல்ல ரகங்களாகும். இந்த ரகங்களின் வயது 85 முதல் 90 நாள்கள். இதில் கோ-1 மையத் தண்டு நீண்ட கிளைகளையும் குறைந்த கணுவிடைப் பகுதிகளையும் கொண்டது. இதன் விதைகள் கருப்பு நிறமாக இருக்கும். டிஎம்வி 3 மற்றும் டிஎம்பி 4 இரண்டுமே நன்கு கிளைத்த புதர்செடி போன்ற தோற்றத்தை உடையது. டிஎம்வி 5 நேரான நடுத்தரமான கிளைகளைக் கொண்டது. இதன் விதைகள் பழுப்பு நிறமாக இருக்கும். 
நிலம் தயாரித்தல்: மணற்பாங்கான வண்டல் செம்மண் மற்றும் கருவண்டல் நிலங்கள் ஏற்றவை. நிலத்தை இருமுறை டிராக்டர் கலப்பையால் (அல்லது) மூன்று முறை இரும்புக் கலப்பையால் (அல்லது) ஐந்து முறை நாட்டுக் கலப்பையால் உழ வேண்டும். சிறு விதைகளும் முளைக்குமாறு மண்ணில் உள்ள கட்டிகளை உடைத்து நுண்மைப்படுத்த வேண்டும். மண்ணில் உள்ள கடினமான கட்டிகளை உடைக்க உளிக்கலப்பை கொண்டு 0.5 ஆழத்தில் இருந்து செங்குத்தான திசைகளில் உழ வேண்டும். பிறகு 12.5 டன் தொழு உரம் (அல்லது) மக்கிய தென்னை நார்க்
கழிவு போட வேண்டும். இறவை எள் சாகுபடிக்கு கிடைக்கும் நீர் மற்றும் நிலத்தின் சரிவைப் பொறுத்து 10 சதுரமீட்டர் அல்லது 20 சதுர மீட்டர் அளவுக்கு படுக்கை தயாரிக்க வேண்டும். ஹெக்டேருக்கு 5 கிலோ விதை தேவைப்படும். 
விதை நேர்த்தி: ஒரு கிலோ விதைக்கு 4 கிராம் டிரைகோடெர்மா கொண்டு விதைநேர்த்தி செய்ய வேண்டும். விதைப்புக்கு முன் விதைநேர்த்தி செய்ய வேண்டும். நேர்த்தி செய்யப்பட்ட விதைகளை பூசணக் கொல்லியுடன் விதை நேர்த்தி செய்யக்கூடாது. ஒரு கிலோ விதைக்கு 4 கிராம் திரம் (அல்லது) 2 கிராம் கார்பன்டாசிம் கொண்டு விதை நேர்த்தி செய்தல் வேண்டும். 
விதைக்கும் முறை: விதைகளை வரிசையில் விதைக்க வேண்டும். விதையின் அளவில் நான்கு மடங்கு மணலுடன் விதையைக் கலந்து நிலத்தின் மேற்பரப்பில் சீராகத் தூவ வேண்டும். 3 செ.மீ ஆழத்தில் விதைகளை விதைத்து மண் கொண்டு மூட வேண்டும். 
இடைவெளி: வரிசைக்கு வரிசை 30 செ.மீ. இடைவெளியும் செடிக்கு செடி 30 செ.மீ இடைவெளியும் கொடுக்க வேண்டும். நெல் தரிசில் விதைகளை வீசி விதைக்க வேண்டும். பின்னர் ஒரு சதுர மீட்டருக்கு 11 செடிகள் வீதம் பயிர் கலைத்தல் அவசியம்.
உரம்: ஹெக்டேருக்கு 12.5 டன் மக்கிய தொழு உரத்தை கடைசி உழவுக்கு முன் இடவும். ரசாயன உரம் என்றால் மண் பரிசோதனைப்படி உரமிடுதல் சிறந்தது. அவ்வாறு செய்யாவிட்டால் பொதுவான பரிந்துரையைப் பின்பற்ற வேண்டும்.
மானாவாரியாக இருந்தால் ஹெக்டேருக்கு 23:13:13 கிலோ தழை, மணி, சாம்பல் சத்து (அ) 17:13:13 கிலோ தழை, மணி, சாம்பல் சத்துடன் 3 பாக்கெட் அசோஸ்பைரில்லம் (ஹெக்டேருக்கு 600 கிராம்) மற்றும் 3 பாக்கெட் (ஹெக்டேருக்கு 600 கிராம்) பாஸ்போபாக்டீரியா(அ) 6 பாக்கெட் அசோபாஸை (ஹெக்டேருக்கு 1200 கிராம்) இட வேண்டும். 
இறவையில் ஹெக்டேருக்கு 35:23:23 கிலோ தழை, மணி, சாம்பல் சத்து (அ) 21:23:23 கிலோ தழை மணி சாம்பல் சத்துடன் 3 பாக்கெட் அசோஸ் பைரில்லம் (ஹெக்டேருக்கு 600 கிராம்) மற்றும் 3 பாக்கெட் (ஹெக்டேருக்கு 600 கிராம்) பாஸ்போபாக்டீரியா (அ) 6 பாக்கெட் அசோபாஸை (ஹெக்டேருக்கு 1200 கிராம்) இட வேண்டும். 
தழை, மணி, சாம்பல் சத்து முழுவதையும் அடியுரமாக அளிக்க வேண்டும். ஹெக்டேருக்கு 5 கிலோ மாங்கனீஸ் சல்பேட்டை சேர்த்துக் கொள்ள வேண்டும். பரிந்துரைக்கப்பட்ட 100 சதவீத தழை, மணி, சாம்பல் சத்தை அளித்த நிலக்கடலைப் பயிரை தொடர்ந்து இறவை எள் பயிரிடும்போது, பரிந்துரைக்கப்பட்ட உரங்களில் தழைச்சத்து முழுவதையும் 50 சதவீத மணிசத்து மற்றும் சாம்பல் சத்தையும் இட வேண்டும். 
30 செ.மீ இடைவெளியில் 5 செ.மீ ஆழத்தில் வாய்க்கால் தோண்டி உரக்கலவையினை அதில் இட்டு, 3 செ.மீ ஆழத்திற்கு மண் கொண்டு மூட வேண்டும். இவ்வாறு வாய்க்காலில் இடவில்லையெனில் உரங்களை சீராக படுக்கையின் மீது தூவ வேண்டும். விதைத்த 15 நாள்கள் கழித்து கைக்களையும், 35 நாள்கள் கழித்து இரண்டாவது கைக்களையும் எடுத்து களைகளைக் கட்டுப்படுத்த வேண்டும். 
எள்ளிற்கு மண்ணின் தன்மை, பருவகாலம் ஆகியவற்றைப் பொறுத்து சுமார் 5 அல்லது 6 முறை நீர்பாய்ச்ச வேண்டும். முதல் முறை விதை விதைத்தவுடன் 7-ஆவது நாள் உயிர்த் தண்ணீர், 25-ஆவது நாள் பூக்கும் தருவாயில் 2 முறை, காய் பிடிக்கும் தருவாயிலும் முதிர்ச்சியடையும் போதும் 2 முறையாக 6 தடவை நீர்பாய்ச்ச வேண்டும். பூப்பூக்கும் பருவம், காய் பிடித்து முற்றும் பருவத்தில் நீர் பாய்ச்சுவதை கவனமாக கடைப்பிடிக்க வேண்டும். இறவைப் பயிரில் விதைத்த 65 நாள்களுக்குப் பின் நீர்பாய்ச்சக் கூடாது.
அறுவடைக்கான அறிகுறிகள்:
செடியில் கீழிருந்து 25 சதவீத இலைகள் உதிர்ந்து விடும். காய்கள் மற்றும் தண்டுபாகங்கள் பழுப்பு நிறமாக மாறும். செடியின் அடியிலிருந்து மேலாக உள்ள 10-ஆவது காயில் உள்ள விதைகள் கருப்பாக (முதிர்வு) மாறியிருக்கும். மேற்கண்ட அறிகுறிகள் தென்படும்போது அறுவடை செய்துவிட வேண்டும். தவறினால் காய்கள் வெடித்துச் சிதறி மகசூல் குறையும்.
எள்ளைப் பொருத்தவரை தற்போதைய காலகட்டத்தில் வியாபாரிகளே கிராமங்களுக்கு வந்து கொள்முதல் செய்கின்றனர். மேலும் அருகில் உள்ள பெரிய நகரங்களுக்கு நாம் சென்று விற்கும்போது கூடுதல் விலை கிடைக்கலாம். எனவே தற்போதைய சூழ்நிலையில் விவசாயிகள் எள்ளைப் பயிரிட்டு பயன்பெறலாம். 
மேலும் இப்பயிர் குறித்த விவரங்கள் தேவைப்படுவோர் தங்களது பகுதியில் உள்ள வேளாண்மை விரிவாக்க மையங்களையோ அல்லது வேளாண் அலுவலர்களையோ அணுகலாம் என்றார் சி.முரளி.
 

]]>
https://images.dinamani.com/uploads/user/imagelibrary/2018/11/29/w600X390/sesame.JPG https://www.dinamani.com/agriculture/2018/nov/29/எள்-பயிரிட்டால்-கூடுதல்-லாபம்-3047682.html
3043047 விவசாயம் புயலால் பாதிக்கப்பட்ட நெற்பயிரைப் பாதுகாக்கும் வழிமுறைகள்: வேளாண் விஞ்ஞானிகள் விளக்கம் Thursday, November 22, 2018 12:51 AM +0530
நீடாமங்கலம்: புயலினால் பாதிக்கப்பட்ட நெற்பயிரைப் பாதுகாக்கும் வழிமுறைகள் குறித்து நீடாமங்கலம் வேளாண்மை அறிவியல் நிலைய விஞ்ஞானிகள் முனைவர் ராஜா.ரமேஷ், முனைவர் ஆ.பாஸ்கரன் ஆகியோர் விளக்கமளித்துள்ளனர்.
இதுதொடர்பாக, அவர்கள் வெளியிட்ட செய்திக் குறிப்பு:
காவிரி பாசனப் பகுதியில் வீசிய கஜா புயலின் போது பெய்த மழையின் காரணமாக பள்ளக்கால் பகுதிகளில் நீர் தேங்கி சம்பா, தாளடி பருவங்களில் சாகுபடி செய்யப்பட்டுள்ள பல்வேறு நிலையில் உள்ள நெற்பயிர்கள் தண்ணீரில் மூழ்கி ஊட்டச்சத்து, பூச்சி மற்றும் நோய்களால் பாதிப்பு ஏற்படவாய்ப்புள்ளது. அவ்வாறு பாதிக்கப்படும் நெற்பயிர்களைக் காக்க கீழ்கண்ட வழிமுறைகளை பின்பற்ற வேண்டும். 
நெற்பயிர் தண்ணீரில் மூழ்குவதால் உண்டாகும் பாதிப்புகள்
தண்ணீர் தேங்கிய நிலையில் பிராணவாயு கிடைக்காமல் வேர்களின் சுவாச இயக்கம் பாதிக்கப்படும்.
பயிருக்கு சரிவர பிராணவாயு கிடைக்காமல் போவதால் அதனைச் சார்ந்த நுண்ணுயிர்களின் செயல் குறைந்துவிடும் அல்லது நின்றுவிடும்.
மண் அதிகம் குளிர்ந்து விடுவதால் இயற்கையாக மண்ணில் காணப்படும் வெப்பம் குறைந்து மண் மீண்டும் வெப்பமடைய அதிக கால அவகாசம் எடுத்துக் கொள்ளும். இந்த குளிர்ந்த நிலையில் மணிச்சத்து, சாம்பல்சத்து, துத்தநாக மற்றும் தாமிரச்சத்துகளை பயிர் எடுத்துக்கொள்ளும் அளவு குறைவதனால் அவைகளின் பற்றாக்குறை உண்டாகும். இதனால் பயிரின் வளர்ச்சி தடைபடுகிறது. 
மழைநீர் வடியும் போது நீருடன் மண்ணிலுள்ள தழைச்சத்து, மணிச்சத்து, சாம்பல்சத்து, போரான், சுண்ணாம்பு மற்றும் மாங்கனீசு சத்துகளின் கரைதிறன் அதிகமாகி தண்ணீரோடு கரைந்து வெளியேறிவிடும்.
குளிர்ச்சியான வெப்பநிலையில் அங்ககப் பொருட்கள் சத்துகளாக உருமாற்றமாவது பாதிக்கப்படுவதால் பயிருக்கு கந்தகச்சத்து பற்றாக்குறை ஏற்பட்டு பயிரின் தோகைகள் மஞ்சள் நிறமாக மாறும். 
மண்ணில் இருப்புச்சத்து அதிகமாகி மாங்கனீசு சத்துக் குறைந்து இலைகளின் விகிதாச்சாரம் பாதிக்கப்பட்டு இரும்பின் அளவு அதிகமாவதால் இலைகள் மஞ்சள் நிறமாக மாறும். மாங்கனீசு சத்தின் பற்றாக்குறையினால் இலைப்புள்ளி நோய்கள் உண்டாகும். 
நிவர்த்தி முறைகள்
தண்ணீர் தேங்கியுள்ள பகுதிகளில் வடிகால் வசதியை அதிகப்படுத்தி பயிர் மூழ்காத அளவு நீரை வெளியேற்ற வேண்டும். அதனால் வேர்ப்பகுதிகளில் காற்றோட்டம் ஏற்பட வாய்ப்புள்ளது. 
வெள்ளநீர் வடிந்தவுடன் தழைச்சத்து உரத்தை அம்மோனியா வடிவில் இடவேண்டும். அதற்கு யூரியாவை நேரடியாகப் பயிருக்கு அளிக்க வேண்டும். 
ஒரு ஏக்கருக்கு 22 கிலோ யூரியாவுடன் 18 கிலோ ஜிப்சம் மற்றும் 4 கிலோ வேப்பம் புண்ணாக்கு கலந்து 1 நாள் இரவு வைத்திருந்து மறுநாள் இத்துடன் 17 கிலோ மூரியேட் ஆப்பொட்டாஷ் கலந்து வயலில் சீராக இட வேண்டும். மணிச்சத்தை டிஏபி உரத்தின் மூலமாக 2 சத அளவில் தெளிக்கவேண்டும்.
நுண்ணூட்ட உரக்கலவையினையும் மேலுரமாகத் தெளிக்கவேண்டும். 
இலை வழி உரமாக அளிக்க வேண்டுமெனில் 2 கிலோ யூரியாவுடன் 1 கிலோ துத்தநாக சல்பேட்டை 200 லிட்டர் தண்ணீரில் கலந்து காலை அல்லது மாலை வேளைகளில் தெளிக்க வேண்டும் அல்லது 4 கிலோ டி.ஏ.பி.யினை 10 லிட்டர் தண்ணீரில் கலந்து ஓர் இரவு முழுவதும் வைத்திருந்து மறுநாள் காலை வடித்து தெளிந்த நீருடன் 2 கிலோ பொட்டாஷ் உரத்தினையும் சேர்த்து 190 லிட்டர் தண்ணீரில் கலந்து காலை அல்லது மாலை வேளையில் தெளிக்கவேண்டும்.
பூச்சி மேலாண்மை
விட்டுவிட்டு பெய்யும் மழைத்தூறல், குறைந்த வெப்பநிலை, அதிகமான காற்றின் ஈரப்பதம் போன்றவை குருத்துப்பூச்சி, இலை சுருட்டுப்புழு, குருத்து ஈ, புகையான் மற்றும் ஆனைக்கொம்பன் ஈ போன்ற பூச்சிகளின் தாக்குதலுக்கு காரணமாகும். மேலும் பயிர் அடர்ந்து வளர்ந்திருக்கின்ற பகுதிகளில் எலிகளினால் பாதிப்பும் ஏற்பட வாய்ப்புள்ளது. இவற்றைக் கண்காணித்து பூச்சி மற்றும் எலி கட்டுப்பாட்டிற்கான தக்க மேலாண்மை முறைகளைக் கையாள வேண்டும். 
குருத்துப்பூச்சி; இலை சுருட்டுப்புழு
குருத்துப்பூச்சியானது இளம் பயிர்களின் தூர்கட்டும் பருவம் வரை தண்டுகளில் நுளைந்து வளரும் தண்டுப் பகுதிகளை உண்பதால் நடுக்குருத்து காய்ந்து விடும் அல்லது இறந்த குருத்துகள் உண்டாகும். இலைச்சுருட்டுப்புழு தாக்கப்பட்ட வயல்களில் இலைகள் நீளவாக்கில் சுருட்டப்பட்டு பட்டுப் போன்ற மெல்லிய இழைகளால் இணைத்து புழுக்கள் உள்ளிருந்து கொண்டு இலைகளை சுரண்டி உண்பதால் இலைகளில் பச்சையம் சுரண்டப்பட்ட இடங்களில் நீளவாக்கில் வெள்ளை நிற பட்டையாக காணப்படும்.
இனக் கவர்ச்சிப் பொறிகளை ஏக்கருக்கு 5 என்ற அளவில் பயன்படுத்தி குருத்துப்பூச்சியின் ஆண் அந்துப்பூச்சிகளைக் கவர்ந்து அழிக்கலாம்.
ஏக்கருக்கு 25 என்ற அளவில் பறவைகள் அமர்வதற்கு மூங்கில் குச்சிகளைப் பயன்படுத்தி அல்லது தென்னை மட்டைகளைப் பயன்படுத்தி வயலில் ஆங்காங்கே இருக்கைகள் அமைத்து புழு மற்றும் பூச்சிகளை அழிக்கலாம்.
டிரைக்கோகிரம்மா ஜப்பானிக்கம் என்ற முட்டை ஒட்டுண்ணியை ஒரு ஏக்கருக்கு 2 சிசி (40000 முட்டைகள்) என்ற அளவில் இரு முறை அதாவது நடவு நட்ட 30 மற்றும் 37-ஆ வது நாள்களில் வயலில் வெளியிட்டு குருத்துப்பூச்சியின் முட்டைக் குவியல்களை அழிக்கலாம்.
டிரைக்கோகிரம்மா கைலோனிஸ் என்ற முட்டை ஒட்டுண்ணியை ஒரு ஏக்கருக்கு 2 சிசி (40000 முட்டைகள்) என்ற அளவில் மூன்று முறை அதாவது நடவு நட்ட 37, 44 மற்றும் 51-ஆவது நாள்களில் வயலில் வெளியிட்டு இலைமடக்குப்புழுவின் முட்டைகளை அழிக்கலாம்.
இவற்றின் தாக்குதல் தென்படும் இடங்களில் ஒரு ஏக்கருக்கு வேப்பெண்ணெய் 3 சதம் (ஒரு லிட்டர் தண்ணீருக்கு 30 மிலி என்ற அளவில் ஒட்டும் திரவத்துடன் கலந்து) அல்லது வேப்பங்கொட்டைக் கரைசல் 5 சதம் தெளித்தும் கட்டுப்படுத்தலாம்.
தாக்குதல் பொருளாதார சேதநிலையைத் தாண்டும் போது புரபினோபாஸ் 50 ஈ.சி. - 400 மிலி, ப்ளுபென்டியாமைட் 39.35 எஸ்.சி - 20 மிலி, குளோரன்ட்ரான்லிபுரோல் 18.5எஸ்.சி - 60 மிலி, கார்டாப் ஹைட்ரோகுளோரைடு 50 எஸ்.பி. - 400 கிராம் ஆகிய ரசாயன பூச்சிக்கொல்லி மருந்துகளில் ஏதாவது ஒரு மருந்தினை 200 லிட்டர் தண்ணீரில் கலந்து கைத்தெளிப்பான் கொண்டு தெளித்துக் கட்டுப்படுத்தலாம். 
மேலாண்மை
இவற்றைக் கட்டுப்படுத்திட ஒரு ஏக்கருக்கு அசடிராக்டின் 500 மிலி, தயாமீத்தாக்சாம் 25 டபிள்யூ. ஜல்.- 40 கிராம், குளோரிபைரிபாஸ் 20 ஈ.சி. - 500 மிலி, கார்போசல்பான் 25 ஈசி - 400 மிலி, பிப்ரோனில் 5 எஸ்.சி - 400 கிராம் இவற்றில் ஏதாவது ஒரு மருந்தினை 200 லிட்டர் தண்ணீரில் கலந்து தெளித்து கட்டுப்படுத்தலாம்.
எலிக் கட்டுப்பாடு
எலியின் தாக்குதல் தென்படும் இடங்களில் ஒரு ஏக்கருக்கு 25 முதல் 30 தஞ்சாவூர் எலி கிட்டிகளை வைத்து பிடித்து அழிக்க வேண்டும். 
ஓர் ஏக்கருக்கு 25 பறவைக் குடில்களை அமைத்து எலியைப்பிடிக்கும் ஆந்தைகளுக்கு ஏதுவாக செய்ய வேண்டும். 
மேலும் புரோமோடையலோன் கட்டிகளை வரப்பில் மூன்று மீட்டருக்கு ஒன்று என்ற அளவில் வைத்தும் எலிகளைக் கட்டுப்படுத்தலாம்.
நோய் மேலாண்மை
மழையோடு கூடிய மப்பும் மந்தாரமுமான கால சூழ்நிலையில் நடவு செய்யப்பட்டுள்ள சம்பா மற்றும் தாளடி பயிரில் குலை நோய், பாக்டீரியா இலைக் கருகல் மற்றும் பாக்டீரியா இலைக் கீறல் நோய்களின் தாக்குதல் தென்பட வாய்ப்புள்ளது. 
குலைநோய்
இலையில் நீல நிற புள்ளிகள் உருவாகி இரண்டு பக்க நுனிகளும் விரிவடைந்து நடுப் பகுதியில் அகலமாகவும், முனைகள் கூராகவும் உடைய நீண்ட கண் வடிவத்துடன் காணப்படும். இந்த கண் வடிவ புள்ளிகளின் ஓரங்கள் கரும்பழுப்பும் உட்பகுதியில் இளம் பச்சை அல்லது சாம்பல் நிறமும் கொண்டு இருக்கும்.
நோயைக் கட்டுப்படுத்தும் முறை
குலைநோயின் தாக்குதலைக் கட்டுப்படுத்த முன்னெச்செரிக்கையாக நடவு வயலில் ஏக்கருக்கு ஒரு கிலோ சூடோமோனாஸ் புளோரசன்ஸ் பாக்டீரியாவை 25 கிலோ தொழுஉரத்துடன் கலந்து இட வேண்டும் அல்லது சூடோமோனாஸ் பாக்டீரியாவை ஒரு லிட்டர் தண்ணீருக்கு 5 கிராம் என்ற அளவில் ஒரு லிட்டர் புளித்த தயிருடன் கலந்து தெளிக்கவும். 
நோய் அறிகுறிகள் அதிகமாகத் தென்படும் இடங்களில் ஏக்கருக்கு கார்பன்டசிம் 50 டபிள்யூ.பி. - 200 கிராம் அல்லது டிரைசைக்ளோசோல் 75 டபிள்யூ.பி. - 200 கிராம் அல்லது அசாக்சிஸ்டோர்பின் 25 எஸ்.சி. - 200 மி.லி. மருந்தை 200 லிட்டர் தண்ணீரில் கலந்து கைத்தெளிப்பான் கொண்டு தெளிக்க வேண்டும். 
பாக்டீரியா இலைக்கருகல்; இலைக் கீறல் நோய்கள்
பாக்டீரியா இலைக் கருகல் நோயினால் தாக்கப்பட்ட இலைகள் நுனியிலிருந்து கீழ்நோக்கி பக்கவாட்டில் மஞ்சள் நிறமடைந்து பின்னர் கருகியும் காணப்படும். 
வைக்கோல் நிறமுடைய காய்ந்த பகுதியானது நுனியிலிருந்து கீழ்நோக்கியும் ஓரங்களிலிருந்து நடு நரம்பை நோக்கியும் நெளிந்து அலைப்போன்று நீண்ட கோடுகளுடன் தனித்தன்மையுடன் காணப்படும்.
மேலாண்மை
இவற்றின் அறிகுறிகள் தென்பட்டவுடன் 20 சத பசுஞ்சாணக் கரைசல் அதாவது 40 கிலோ புதிய பசுஞ்சாணத்தை 100 லிட்டர் நீரில் கரைத்து 12 மணி நேரம் ஊற வைத்து பிறகு கரைத்து தெளிந்த நீரை வடித்து மேலும் 100 லிட்டர் நீரைக் கலந்து 200 லிட்டராக்கி கைத்தெளிப்பான் கொண்டு தெளிக்கவும் அல்லது அதிகமாக தாக்குதல் காணப்படும்போது ஒரு ஏக்கருக்கு ஸ்ட்ரெப்டோமைசின் சல்பேட்டுடன் டெட்ராசைக்கிளின் கலந்த மருந்துக் கலவை 120 கிராமுடன் காப்பர் ஆக்ஸி குளோரைடு 500 கிராம் அல்லது காப்பர் ஹைட்ராக்ஸைடு 500 கிராம் என்ற அளவில் 200 லிட்டர் நீருடன் கலந்து 15 நாட்கள் இடைவெளியில் இருமுறை தெளிக்க வேண்டும். 
குறிப்பாக மருந்து தெளித்து குறைந்தபட்சம் 3 முதல் 4 மணி நேரத்திற்கு மழை இருக்கக் கூடாது.

]]>
https://images.dinamani.com/uploads/user/imagelibrary/2018/11/22/w600X390/nel1.jpg https://www.dinamani.com/agriculture/2018/nov/22/புயலால்-பாதிக்கப்பட்ட-நெற்பயிரைப்-பாதுகாக்கும்-வழிமுறைகள்-வேளாண்-விஞ்ஞானிகள்-விளக்கம்-3043047.html
3038638 விவசாயம் நாற்று நடவில் புதியமுறை மூலம் கரும்பு சாகுபடியை பெருக்க முயற்சி! Thursday, November 15, 2018 12:53 AM +0530
கோபி: நாற்று நடவில் புதியமுறையை பின்பற்றுவதன் மூலம் கரும்பு சாகுபடி உற்பத்தியைப் பெருக்குவதற்கு வேளாண்மைத் துறை முயற்சிகளை மேற்கொண்டுள்ளது.
விவசாயிகளுக்கு லாபகரமானதும், அதிக பிரச்னை இல்லாததுமான பயிராக கரும்பு விளங்குகிறது. கரும்பின் முக்கிய விளைபொருளான சர்க்கரை உற்பத்தியில் இந்தியா இரண்டாமிடம் வகிக்கிறது. சர்க்கரை நுகர்வில் உலக அளவில் இந்தியா முதலிடத்தில் உள்ளது. தமிழகம் கரும்பு மகசூல் திறனில் முதலிடம் வகிக்கிறது. அத்தியாவசிய உணவுப் பொருளாக சர்க்கரை இருப்பதால் தொடர்ந்து சர்க்கரை உற்பத்தியை அதிகரிக்கவும், தேவையை ஈடுகட்டவும் பல்வேறு நடவடிக்கைகள் எடுக்கப்பட்டு வருகிறது. கரும்பின் அதிகபட்ச உற்பத்தித் திறன் ஏக்கருக்கு 132 டன்கள் என மதிப்பிடப்பட்டுள்ளது. சராசரி மகசூல் திறனை மூன்று மடங்கு அதிகரிக்க வாய்ப்பு உள்ளதால் கரும்பில் புதிய ரகங்கள் அறிமுகம், அதிக இடைவெளியில் நடவு, சொட்டு நீர்ப் பாசனம் உள்ளிட்ட பல்வேறு புதிய முயற்சிகள் மேற்கொள்ளப்பட்டு வருகின்றன. இதில், நவீன உத்தியாக அறிமுகம் செய்யப்பட்டதுதான் செம்மை கரும்பு சாகுபடி எனப்படும் ஒருவிதைப்பருசீவல் நாற்று முறையாகும். இது நீடித்த நவீன கரும்பு சாகுபடி என்றும் கூறப்படுகிறது.
நாற்று நடவு முறை: வழக்கமாக ஒரு ஏக்கருக்கு 30 ஆயிரம் இருபருக்கரும்பு கரணைகளை நடுகிறார்கள். இதிலிருந்து 60 ஆயிரம் கரும்பு பயிர்கள் தோன்றி ஒரு கணுவுக்கு 2 கரும்புகள் விளைந்து அதில் ஒரு கரும்பு ஒரு கிலோ எடை எனக் கணக்கிட்டால் ஏக்கருக்கு120 டன் கரும்பு மகசூல் கிடைக்க வேண்டும். ஆனால், நடைமுறையில் இதில் 3 இல் ஒரு பங்கு மகசூல்தான் கிடைக்கிறது. இதற்குப் பல காரணங்கள் இருந்தாலும், போதிய பயிர் எண்ணிக்கை இல்லாததுதான் முக்கிய குறைபாடாகக் கருதப்படுகிறது. இந்த நவீன கரும்பு நாற்று முறை மூலம் இந்த குறைபாடு தவிர்க்கப்படுகிறது.
இம்முறையின் மூலம் விதை நாற்றுகள், குறைந்த அளவு தண்ணீரைப் பயன்படுத்தி சரியான அளவு ஊட்டச்சத்து, பயிர் பராமரிப்பின் மூலம் அதிக மகசூல் பெறலாம். கடந்த 6 ஆண்டுகளாக கரும்பு நாற்றங்கால் அமைத்து ஈரோடு மாவட்டம் மட்டுமின்றி மேட்டூர், கொளத்தூர் போன்ற இடங்களுக்கு லட்சக்கணக்கில் கரும்பு நாற்று விநியோகம் செய்து வரப்படுகிறது. 
இதுகுறித்து, முன்னோடி விவசாயி ஒருவர் கூறியதாவது:
கரும்பு நாற்றுகளை உற்பத்தி செய்து விவசாயிகளுக்கு விநியோகித்து வருகிறேன். ஒரு ஆண்டுக்கு 60 ஆயிரத்தில் இருந்து ஒரு லட்சம் நாற்றுகளை உற்பத்தி செய்து வருகிறேன். நிழல் வலைக்கூடம் அமைத்து நன்கு பயிற்சி பெற்றவர்களைக் கொண்டுதான் இந்த நாற்றுகளை உற்பத்தி செய்ய முடியும். ஒரு நாற்றுக்கு ரூ. 1.60 வசூலிக்கிறேன். இது தவிர போக்குவரத்து செலவை விவசாயிகள் ஏற்க வேண்டும். கரணையாக இருந்தால் ஒரு ஏக்கருக்கு 30 ஆயிரம் எண்ணிக்கை வேண்டும். ஆனால், இந்த முறையில் 5 முதல் 6 ஆயிரம் நாற்றுகள் போதுமானது . பார்களில் 5 அடி இடைவெளி தேவை. இந்த முறையில் கரும்பு கரணையில் உள்ள பருக்கள் வெட்டுக் கருவி மூலம் அப்படியே சீவி எடுக்கப்பட்டு தேங்காய் நார்க் கழிவுகள் நிரப்பப்பட்ட பிளாஸ்டிக் டிரேக்களில் ஊன்றப்பட்டு பாதுகாப்பாக வளர்க்கப்படுகிறது. 25 முதல் 30 நாள்கள் ஆனதும் 4 முதல் 6 இலைகள் வளர்ந்திருக்கும். சாதாரண முறையில் 2 மாதங்களில் கிடைக்கும் வளர்ச்சி இந்த முறையில் ஒரே மாதத்தில் கிடைத்து விடுகிறது. இந்த நிலையில் நன்கு வளர்ந்துள்ள பயிர்களை எடுத்து நடவு செய்துவிடலாம். இதன் மூலம் குறைந்த நாள்களில் அதிக அளவு முளைப்புத் திறன் கிடைக்கிறது. இதன் மூலம் ஒரு ஏக்கருக்கு 100 டன்கள் வரை மகசூல் எடுக்க வாய்ப்புள்ளது என்றார்.
இந்த புதிய முறை நாற்று உற்பத்தி குறித்து கோபி வேளாண்மை உதவி இயக்குநர் அ.நே.ஆசைத்தம்பி கூறியதாவது:
ஒரு பரு கரும்பு சீவல்களிலிருந்து நாற்றங்கால் அமைத்து, நாற்றுகளைப் பாதுகாப்பாக வளர்த்து, நடவு செய்யும் இம்முறை கரும்பு உற்பத்தியில் பெரும் புரட்சியை உருவாக்கியுள்ளது. சாதாரண முறையில் ஒரு ஏக்கருக்கு 60 ஆயிரம் விதைப் பருக்கள் பயன்படுத்தப்படுவதற்குப் பதிலாக இந்தப் புதிய முறையில் 5ஆயிரம் நாற்றுகள் மட்டுமே நடவு செய்யப்படுகிறது. அதிக இடைவெளியில் நடப்படுவதால் காற்றும், சூரிய ஒளியும் பயிர்களுக்கு இடையில் நன்கு ஊடுருவுகிறது. ஒரு பார் விட்டு ஒரு பார் நீர் பாய்ச்சுதல், சொட்டு நீர்ப்பாசனம் போன்ற உத்திகளை இதில் பயன்படுத்துவதால் 40 சதவீதம் பாசன நீர் சேமிக்கப்படுகிறது. பார்களின் இடைவெளியில் ஊடுபயிர்கள் சாகுபடி செய்வதன் மூலம் கூடுதல் வருமானம் கிடைப்பதுடன் களைகளையும் கட்டுப்படுத்தலாம். ஒரு ஏக்கருக்கு விதைக் கரணைகள் 4 டன்களுக்கு பதிலாக இந்தப் புதிய முறையில் விதை சீவல்களின் எடை வெறும் 50 கிலோ என்பதால் விதைக் கரணைகளுக்கான போக்குவரத்து செலவும் வெகுவாகக் குறைகிறது. ஒரு பயிரிலிருந்து 15 முதல் 20 கிளைப்புகள் தோன்றுவதால் மகசூல் இரட்டிப்பாக வாய்ப்பு ஏற்படுகிறது. நடப்பு மார்கழி தை பட்டத்துக்கு கோ 86032, கோ 99004, கோ 94008, கோ 94077 ஆகிய ரகங்களைசாகுபடி செய்யலாம். இதில், கோ 86032 ரகம் சிறந்ததாகக் கருதப்படுகிறது. தமிழகத்தில் மொத்த கரும்பு சாகுபடி பரப்பில் 79 சதவீதம் பரப்பளவில் இந்த கோ 86032 ரகம் பயன்படுத்தப்படுகிறது.
மேலும், ஒரு பரு கரும்பு நாற்றுகள் நடுவதற்கு ஹெக்டருக்கு ரூ. 9,000 மானியமும், சொட்டுநீர்ப் பாசனக் கருவிகள் அமைப்பதற்கு சிறு விவசாயிகளுக்கு அதிகபட்சம் ரூ. 2 லட்சம் வரையிலும் மானியம் வழங்கப்படுகிறது. இதுகுறித்து மேலும் விவரங்களை அறிய கோபி வேளாண்மை உதவி இயக்குநர் அலுவலகத்தை அணுகலாம் எனத் தெரிவித்தார்.
இந்த புதிய தொழில்நுட்ப அறிமுக முயற்சிகளின் விளைவாக 30 முதல் 100 சதவீதம் வரை விளைச்சலை அதிகப்படுத்த முடியும் என நிபுணர்கள் கூறுவதால் விவசாயிகளின் வருமானம் மேம்பட்டு வாழ்வாதாரம் சிறப்பாக அமையும்.


 

]]>
https://images.dinamani.com/uploads/user/imagelibrary/2018/11/15/w600X390/agri.jpg விவசாயி ஒருவரின் தோட்டத்தில் செம்மைக் கரும்பு சாகுபடியை ஆய்வு செய்கிறார் கோபி வேளாண்மை உதவி இயக்குநர் அ.நே.ஆசைத்தம்பி. https://www.dinamani.com/agriculture/2018/nov/15/நாற்று-நடவில்-புதியமுறை-மூலம்-கரும்பு-சாகுபடியை-பெருக்க-முயற்சி-3038638.html
3038634 விவசாயம் மழைக்காலத்தில்: கால்நடை பாதுகாப்பு முறைகள் Thursday, November 15, 2018 12:52 AM +0530 தஞ்சாவூர்: பல்வேறு நோய்த் தாக்குதல்களால் கால்நடைகள் பாதிக்கப்படும் அபாயம் உள்ளதால், மழைக்காலங்களில் அவற்றை மிகுந்த கவனத்துடன் கையாள வேண்டும்.
மழைக்காலங்களில் கால்நடைகளை பாதுகாப்பது குறித்து தஞ்சை கால்நடை மருத்துவ பல்கலைக்கழக பயிற்சி மற்றும் ஆராய்ச்சி மையத்தின் உதவி பேராசிரியர் அ. இளமுருகன் கூறியுள்ளதாவது:
கால்நடைகளுக்கான குடிநீர் மாசுபடாமலும், அதிக குளிர்ச்சியாக இல்லாமலும் இருக்க வேண்டும். அதிக குளிர்ச்சியான நீரைப் பருகுவதால் வயிறு உபாதைகள் ஏற்படும்.
மழை மற்றும் குளிர்காலங்களில் கால்நடைகளுக்குத் தக்க எரிசக்தி நிறைந்த உணவு அளிப்பது அவசியம். தரமான ஈரம் இல்லாத உலர் தீவனம் அதாவது வைக்கோல் சிறந்த உணவாகும். உலர் தீவனம் செரிக்கும்போது அதிக வெப்பம் வெளியாவதால் கால்நடைகள் தங்கள் உடல் வெப்பநிலையைச் சரிசெய்ய ஏதுவாகிறது. 
மழைச்சாரலால் அடர்தீவனங்களின் ஈரப்பதம் அதிகரித்து, பூஞ்சை தாக்குதல் ஏற்பட வாய்ப்பு இருப்பதால் தீவனங்களை ஈரமில்லாத பகுதியில் வைக்க வேண்டும்.
கால்நடைகள் உள்ள கொட்டகையில் மழை நீர் புகாதவாறு அமைக்க வேண்டும். நீர் தேங்காத உயரமான பகுதிகளில் கொட்டகை அமைத்தல் அவசியம். நோய் தொற்று ஏற்படாமல் தடுக்க கொட்டிலில் கிருமிநாசினி பயன்படுத்தலாம்.
ஒரு கிலோ கிராம் வேக வைத்த சுண்ணாம்புக்கல்லை 10 லிட்டர் சுடு தண்ணீரில் இட்டு பின்பு நீர் தெளிந்தவுடன், 1 லிட்டர் அந்த சுண்ணாம்பு நீரை எடுத்து 50 கிராம் மஞ்சள் தூள் கலந்து கொட்டிலின் தரைப்பகுதியில் தெளிக்க வேண்டும்.
மழைக்காலத்தில் ஈரம் மற்றும் குறைந்த வெப்பநிலை காரணமாக கன்றுகள் மற்றும் ஆட்டுக்குட்டிகளில் நுரையீரல் பாதிப்பு மற்றும் மூட்டு வீக்கம் ஏற்பட வாய்ப்புண்டு. இதைக் கட்டுப்படுத்த குட்டிகள் மற்றும் கன்றுகள் படுப்பதற்கு ஈரம் இல்லாத வைக்கோல் அல்லது சாக்குப்பையைப் படுக்கையாக இடலாம்.
பனியிலோ மழையிலோ நனைந்த ஈரமான புற்களில் ஆடு மாடுகளை மேய்க்கக் கூடாது. ஈரமான புற்களை மேய்வதால் வயிறு உப்பசம் ஏற்பட அதிக வாய்ப்புள்ளது. மேலும், ஈரமான புல்லின் நுனியில் குடற்புழுக்களை உண்டாக்கக்கூடிய காரணிகள் அதிகளவில் காணப்படும். எனவே, வெயில் வந்து ஈரம் புற்களிலுள்ள நீர் திவளைகள் காய்ந்த பின்னரே மேய்க்க வேண்டும்.
ஈரமான மற்றும் புதிதாக முளைத்த புற்களை மேயும் வெள்ளாடுகளுக்கு துள்ளுமாரி நோய் ஏற்பட அதிக வாய்ப்புள்ளது. எனவே, இளம் புற்கள் உள்ள பகுதிகளில் மேய்ச்சலை தவிர்க்க வேண்டும். 
ஈரமான தரையில் நீண்ட நேரம் மேய்யும் கால்நடைகளுக்குக் குறிப்பாக வெள்ளாடு, செம்மறியாடுகளுக்குக் கால் குளம்பில் புண்கள் ஏற்பட வாய்ப்புள்ளது. இதற்கு துளசி ஒருகைப்பிடி, பூண்டு 4 பற்கள், குப்பைமேனி ஒருகைப்பிடி, மஞ்சள்தூள் 10 கிராம் ஆகியவற்றை அரைத்து 100 மில்லி லிட்டர் நல்லெண்ணையில் வதக்கி, குளிர்ந்தவுடன் குளம்பில் தடவ வேண்டும். (உப்பு மற்றும் மஞ்சள் கலந்த நீரில் குளம்பைக் கழுவி, ஈரத்தை துடைத்து பின்னர் மருந்தைத் தடவ வேண்டும்.)
மழைக்காலத்தில் ஈ மற்றும் கொசுத் தொல்லைகளிலிருந்து விடுபட அந்தி சாயும் வேளையிலும், பொழுதுவிடியும் வேளையிலும் மூட்டம் போடலாம். இதற்கு பச்சை மற்றும் பழுத்த வேப்பிலை, நொச்சியிலை, தும்பையிலை ஆகியவற்றை கொண்டு மூட்டம் போடுவதால், நல்ல பலன் கிடைக்கும். நன்கு இருட்டிய பின்பு மூட்டம் போடுவதால் பலன் கிட்டாது.
கோழிகளைப் பொருத்தவரையில் மழைக்காலத்தில் வெள்ளைக் கழிச்சல் நோய் தாக்கம் அதிகம் காணப்படும். இதற்கு தடுப்பூசிகள் உள்ளன. சின்ன சீரகம்10 கிராம், கீழாநெல்லி 2 கைப்பிடி ஆகிய இரண்டையும் அரைத்து வாய்வழியாக அளிப்பதன் மூலமும் நோயின் தாக்கத்தைக் கட்டுப்படுத்தலாம்.
 

]]>
https://images.dinamani.com/uploads/user/imagelibrary/2018/11/15/w600X390/cow.jpg https://www.dinamani.com/agriculture/2018/nov/15/மழைக்காலத்தில்-கால்நடை-பாதுகாப்பு-முறைகள்-3038634.html
3034596 விவசாயம் மக்காச்சோளத்தில் படைப்புழு தாக்குதல் Thursday, November 8, 2018 02:59 AM +0530 திருநெல்வேலி: மானாவாரி மக்காச்சோளப் பயிரைத் தாக்கும் "புருஜிபெர்டா' படைப்புழுவைக் கட்டுப்படுத்துவது குறித்து தூத்துக்குடி மாவட்டம், கிள்ளிகுளம் வேளாண்மைக் கல்லூரி மற்றும் ஆராய்ச்சி நிலைய வேளாண் பூச்சியியல் துறைத் தலைவர் து. அப்துல் ரசாக் வழங்கியுள்ள ஆலோசனைகள்:
 திருநெல்வேலி, தூத்துக்குடி உள்ளிட்ட மாவட்டங்களில் பயிரிடப்பட்டுள்ள வீரிய ரக ஒட்டு மானாவாரி மக்காச்சோள ரகங்களில் புருஜிபெர்டா படைப்பழுவின் தாக்குதல் இருப்பது கண்டறியப்பட்டுள்ளது.
 அமெரிக்காவைத் தாயகமாகக் கொண்ட இப்படைப்புழுவின் தாக்குதல் 2015ஆம் ஆண்டு வரை கனடாவின் தென் பகுதி, சிலி, ஆர்ஜென்டீனா நாடுகளில் மட்டுமே காணப்பட்டது. பின்னர், நைஜீரியாவில் 2016இல் கண்டறியப்பட்டது. தற்போது மக்காச்சோளம் பயிரிடப்படும் அனைத்து ஆப்பிரிக்க நாடுகளிலும் இந்தப் படைப்புழு மகசூல் இழப்பை ஏற்படுத்துகிறது. இந்தியாவில் முதன்முதலாக கர்நாடக மாநிலத்தில் சிவமோகா பகுதியில் இதன் தாக்குதல் இருப்பது கண்டறியப்பட்டது.
 அறிகுறி: முட்டையிலிருந்து வெளிவரும் இளம் புழு, இலைகளின் ஆழப்பகுதியில் இருந்துகொண்டு பச்சையத்தைச் சுரண்டி தின்னும். இதனால் பாதிக்கப்பட்ட இலை பச்சையத்தை இழந்து வெளுத்துக் காணப்படும். வளர்ச்சியடைந்த புழு, விரியாமலிருக்கும் நடுக்குருத்தைக் கடித்துத் தின்பதால் இலைகள் விரியும்போது இலைகளில் வரிசையாக துளைகள் காணப்படும். கதிர் உருவான பின்னர் புழுக்களானது கதிரின் இலையுறை, கதிரை சேதப்படுத்தி மகசூல் இழப்பை ஏற்படுத்தும். பாதிக்கப்பட்ட கதிரின் உள்ளே புழுவும், அதன் எச்சமும் இருப்பதைக் காணலாம்.
 வாழ்க்கைப் பருவம்: படைப்புழு மக்காச்சோளம் தவிர, நெல், சோளம், கரும்பு, காய்கறிப் பயிர்கள் போன்ற 100-க்கும் அதிகமான பயிர்களைத் தாக்குகிறது. தாய் அந்துப்பூச்சி முட்டைகளை குவியல்களாக இலைகளின் அடியில் இட்டுச் செல்லும். அதிலிருந்து 3-5 நாளில் வெளிவரும் இளம்புழு கருப்புத் தலையுடன் கரும்பச்சை நிறத்தில் காணப்படும். வளர்ச்சியடைந்த புழுவின் தலைப்பகுதியில் ஆங்கில "ஒய்' எழுத்துபோன்று தலைகீழ் வடிவிலும், உடம்பின் கடைசிப் பகுதியில் 4 புள்ளிகளும் காணப்படும். புழுப் பருவம் 14 முதல் 28 நாள்களைக் கொண்டது. புழு மண்ணுக்குள் சென்று கூட்டுப் புழுவாக மாறி, 7முதல் 14 நாளுக்குப் பிறகு அந்துப்பூச்சியாக வெளிவரும். அந்துப்பூச்சியின் இறக்கைகள் பழுப்பு நிறத்திலும், அவற்றின் நுனி, மத்தியப் பகுதிகளில் வெண்ணிறத் திட்டுகளும் காணப்படும்.
 கட்டுப்படுத்தும் முறை: ஒரே வயலில் மக்காச்சோளத்தைத் தொடர்ந்து பயிரிடுவதைத் தவிர்க்க வேண்டும். முடிந்தவரை பூச்சியின் முட்டைக் குவியல், புழுக்களை சேகரித்து அழிக்க வேண்டும். குளோர்பைரிபாஸ் 20 இசி பூச்சிமருந்தை (ஹெக்டேருக்கு) கைத்தெளிப்பானின்{என்றால் 20 மில்லியை 10 லிட்டர் நீரிலும், விசைத் தெளிப்பான் என்றால் 60 மில்லியை 10 லிட்டர் நீரிலும் கலந்து தெளிக்க வேண்டும். குளோர் ஆன்ட்ரனிலிபுரோல் 18.5 20 இசி பூச்சிமருந்தை (ஹெக்டேருக்கு) கைத்தெளிப்பான் என்றால் 3 மில்லியை 10 லிட்டர் நீரிலும், விசைத் தெளிப்பான் என்றால் 9 மில்லியை 10 லிட்டர் நீரிலும் கலந்து தெளிக்க வேண்டும். புளுபென்டியமைடு 480 எஸ்சி மருந்தை (ஹெக்டேருக்கு) கைத்தெளிப்பான் என்றால் 3 மில்லியை 10 லிட்டர் நீரிலும், விசைத் தெளிப்பான் என்றால் 9 மில்லியை 10 லிட்டர் நீரிலும் கலந்து தெளிக்க வேண்டும். ஸ்பைனோசோடு பூச்சிமருந்தை (ஹெக்டேருக்கு) கைத்தெளிப்பான் என்றால் 3 மில்லியை 10 லிட்டர் நீரிலும், விசைத் தெளிப்பான் என்றால் 9 மில்லியை 10 லிட்டர் நீரிலும் கலந்து தெளிக்க வேண்டும். தயோடிகார்ப் 75 டபிள்யூசி பூச்சிமருந்தை (ஹெக்டேருக்கு) கைத்தெளிப்பான் என்றால் 20 கிராமை 10 லிட்டர் நீரிலும், விசைத் தெளிப்பான் என்றால் 60 கிராமை 10 லிட்டர் நீரிலும் கலந்து தெளிக்க வேண்டும்.
 மருந்துக் கரைசல் இலைச்சுருள்களுக்குள் நன்கு பரவிப்படிய வேளாண்மைக்கான திரவ சோப்புகளில் ஒன்றை (சாண்டோவிட், இன்ட்ரான், ஸ்டிக்கால்) ஒரு லிட்டர் மருந்துக் கரைசலுக்கு அரை மில்லி வீதம் சேர்த்து கலக்கிக்கொள்ள வேண்டும். ஒவ்வொரு தடவையும் தனித்தனியாக தெளிப்பானுக்கு ஏற்றபடி ஒரு பிளாஸ்டிக் வாளியில் மருந்துக் கரைசலை நன்கு கலக்கிய பின்னரே தெளிப்பானின் கொள்கலத்தில் ஊற்றித் தெளிக்க வேண்டும். சாதாரண சோப்புகளான காதி பார் சோப், சலவை சோப்புகள், ஷாம்புகள் ஆகியவற்றை மருந்துக் கரைசலுடன் சேர்க்கக்கூடாது. ஏனெனில் அவற்றில் உள்ள காரத்தன்மை பூச்சிமருந்தின் விஷத்தன்மையை முறித்துவிடும் என்றார் அவர்.
 
 
 

]]>
https://images.dinamani.com/uploads/user/imagelibrary/2018/11/8/w600X390/CORN.jpg https://www.dinamani.com/agriculture/2018/nov/08/மக்காச்சோளத்தில்-படைப்புழு-தாக்குதல்-3034596.html
3034593 விவசாயம் அதிக லாபம் தரும் தேக்கு! Thursday, November 8, 2018 02:58 AM +0530 பெரம்பலூர்: தேக்கு மரம் வளர்ப்பு மூலம் 20 ஆண்டுகளில் அதிக லாபம் பெறலாம் என தோட்டக்கலை துறை வல்லுநர்கள் ஆலோசனை தெரிவித்துள்ளனர்.
 இதுகுறித்து பெரம்பலூர் மாவட்டம், வாலிகண்டபுரத்தில் உள்ள வேளாண் அறிவியல் மைய தோட்டக்கலை தொழில்நுட்ப வல்லுநர் ஜெ. கதிரவன் கூறியது:
 தச்சர்களுக்கு உகந்த இந்த மரம் ஓங்கி வளருவதுடன் மிகவும் உறுதியானதாகும்.சாதாரண நிலையில் மலைப்பகுதிகளில் 25 மீட்டர் உயரமும், சமவெளிப் பகுதியில் 15 மீட்டர் உயரமும் வளரக் கூடியது.
 தேக்கு பயிரிட ஏற்ற நிலம்: பல சூழ்நிலைகளிலும் தேக்கு வளருகிறது. குறிப்பாக ஆண்டுக்கு 750 மி.மீ அளவுக்கு குறைவாக மழை பெய்யும் பகுதிகளிலும், தொடர்ந்து மழையில்லாத மானாவாரி பகுதிகளிலும் நன்றாக வளருவதில்லை. இம்மரம் நல்ல வடிகால் வசதியுள்ள ஆற்று வண்டல் மற்றும் மணல் கலந்த நிலங்கள் மணல் கலந்த களி நிலங்களில் நன்கு வளரும். நல்ல சூரிய ஒளி கிடைத்தால்தான் நல்ல முறையில் வளரும்.
 பூக்கும் மற்றும் காய்க்கும் பருவம்: தேக்கு நட்ட 6 ஆண்டுகளில் பூக்கத் தொடங்கினாலும், நன்கு பூக்க 15 ஆண்டுகள் தேவைப்படுகிறது. ஜுன்- செப்டம்பர் மாதங்களில் பூத்து, நவம்பர்- ஜனவரி மாதங்களில் காய்ப்பு முடிவுறும். தேக்கில் காய் பிடிப்பு மிகவும் குறைவு. சராசரியாக 40 வயதுடைய மரத்திலிருந்து சுமார் 3 கிலோ காய்கள் கிடைக்கும். ஒரு கிலோவிற்கு 1,150- 2,800 காய்கள் இருக்கும். பறித்த காய்களை தூய்மைப்படுத்தி 2- 3 நால்கள் வெயிலில் காயவைத்து பைகளில் சேகரித்து வைக்கலாம். காற்றுப்புகாத கொள்கலன்களில் 12 சதவீத ஈரப்பதம் இருக்கும்படி சுமார் 2 அல்லது 3 ஆண்டுகள் சேமித்து வைக்கலாம்.
 விதைநேர்த்தி:தேக்குமர விதைகளை விதைநேர்த்தி செய்வது முக்கியமானதாகும். குறிப்பாக தேக்கு விதைகளை கோணி சாக்கு பையில் வைத்து கட்டி 12 மணி நேரம் சாணிப்பாலில் ஊறவைக்க வேண்டும். பின்னர் 12 மணி நேரம் வெளியில் உலர வைக்க வேண்டும். இவ்வாறு தொடர்ந்து ஒரு வாரம் செய்வதன் மூலம் விதைகளின் முளைப்புத் திறன் அதிகரிக்கும்.
 நாற்றங்கால்:தேக்கு தோட்டம் அமைக்க தேக்கு நாற்றுக் குச்சிகள் தயாரிக்க வேண்டும். தயாரிக்க தேவையான நாற்றங்கால் 10 மீட்டர் நீளம், 1 மீட்டர் அகலம், 1 அடி உயரம் அளவுள்ள மேட்டுப் பாத்தியாக அமைக்க வேண்டும். இதற்கு 50 சதவீதம் மணலும், 50 சதவீதம் வண்டல் மண்ணும் நன்றாக கலந்து அமைக்க வேண்டும். இந்த மண்ணில் தொழு எருவோ, சாணமோ கலக்கக் கூடாது. அவ்வாறு கலந்தால், வேர்ப்புழுக்கள் தோன்றி நாற்றுகள் சேதமாகும்.
 பூச்சிக் கொல்லிகளைப் பயன்படுத்தி பாத்திகளில் பூச்சிகள் இல்லாதவாறு பார்த்துக் கொள்ள வேண்டும். 10 மீட்டர் நீளம், 1மீட்டர் அகலமுள்ள பாத்திக்கு 6 கிலோ என்ற அளவில் தேக்கு விதை விதைக்க வேண்டும். விதைத்த பின் சிறிது மணலை மேலாக பரப்பி அதன் மேல் வைக்கோலை பரப்பி மூடிவிட வேண்டும். தினமும் இருமுறை நீர் தெளிக்க வேண்டும். தேக்கு நாற்றுகள் முளைத்து வரும்போது வைக்கோலை எடுத்துவிட வேண்டும்.
 நாற்றாங்காலில் உள்ள நாற்றுகள் 10 மாதம் முதல் ஒரு வருடம் வளர்ந்த நிலையில் தண்டின் வளர்ச்சி சுமார் பென்சில் பருமன் அல்லது பெருவிரல் கனத்திற்கு இருக்கும். மேற்படி பென்சில் பருமனுள்ள நாற்றுக் குச்சிகளை 16 - 30 செ.மீ அளவுள்ள பாலீதீன் பைகளில் வளர்த்து நடவு செய்யும்முறை தற்போது நடைமுறையில் உள்ளது. இதுமட்டுமல்லாமல் கட்டை விரல் கனத்திற்கு தண்டு வளர்ந்தும் நாற்றுகளை எடுத்து வேர்ப்பகுதியில் உள்ள சிறு வேர்களை எல்லாம் அகற்றிவிட வேண்டும். கழுத்து பகுதிக்கு மேல் 2 செ.மீ அளவிற்கும் வேர்ப்பகுதி சுமார் அரை அடி உடைய நாற்றுக் குச்சிகளாக வெட்டித் தயாரிக்க வேண்டும். வளர்ச்சியடையாத நாற்றுகளை நாற்றங்காலிலேயே விட்டு வைத்து பின்னர் நன்கு வளர்ச்சியடைந்த பின் நாற்றுக்குச்சி தயாரிக்கலாம். நாற்றுக்குச்சிகளை அப்படியே தோட்டங்கள் உற்பத்தி செய்யப்பட வேண்டிய இடத்தில் நடவு செய்யலாம்.
 நடவு செய்யும் முறை:மழைக் காலத்திற்கு முன் வரிசைக்கு வரிசை 2 மீட்டர் மற்றும் செடிக்கு செடி 2 மீட்டர் இடைவெளியில் 45 கன செ.மீ அளவுள்ள குழி எடுத்து நன்கு காய்ந்த பின் மட்கிய தொழு எருவுடன் வண்டல் மண் கலந்து, குழியை முக்கால் பாகம் நிரப்ப வேண்டும். மழைக்காலம் ஆரம்பித்ததும் குழிகள் நன்கு ஈரமானதும், குழிகளில் கடப்பாறையால் துவாரம் அமைத்து அவைகளில் தேக்கு நாற்றுக் குச்சிகளை நட்டு குச்சி சேதமடையாமல் மண் அணைத்து, துவாரத்தில் காற்றுபோகாமல் இறுக்கமாக கெட்டிப்படுத்த வேண்டும். இவ்வாறு நடப்பட்ட நாற்றுக் குச்சிகள் ஒருவாரம் முதல் 15 நாள்களுக்குள் துளிர்விட ஆரம்பிக்கும். இந்த செடிகளில் அதிக துளிர்கள் வந்தால் நல்ல வளர்ச்சியடைந்த ஒரு துளிரை மட்டும் விட்டு விட்டு மற்றவற்றை அகற்றிவிட வேண்டும். 16 க்கு 30 செ.மீ அளவுள்ள பாலித்தீன் பைகளில் வளர்த்த தேக்கு நாற்றுகளை 60 செ.மீ கன அளவுள்ள குழிகளில் நட்டு இம்மரத்தை வளர்க்கலாம்.
 செடிகளைச் சுற்றி களையெடுப்பதும், மண் கொத்தி கொடுப்பதும் ஒரு மாதத்திற்கு பிறகு செய்யவேண்டும். இந்த செடிகள் நன்கு வளர குறைந்தது மாதம் இருமுறை நீர் விடுவது அவசியம். இவ்வாறு 5 ஆண்டு வரை செய்து வந்தால் தேக்கு நன்றாக வளரும். தேக்கு மரங்கள் நல்ல தரமானதாகவும், பக்க கிளைகள் இல்லாததாகவும் வளர்த்தால் தான் அதிக வருவாய் கிடைக்கும். ஆகவே பக்க கிளைகளை தரை மட்டத்திலிருந்து மரத்தின் உயரத்தில் மூன்றில் ஒரு பங்கு உயரத்தில் மட்டுமே கழிக்க வேண்டும். மேலும், மரங்கள் அடர்ந்து வரும் நிலையில் 5 ஆம் ஆண்டில் இடை வரிசைகளை நீக்கி மரம் நல்ல பருமன் கிடைக்க வழிவகை செய்ய வேண்டும். அதாவது, முதல் 5-வது ஆண்டில் கலைத்தல் செய்யும்போது மூலைவிட்ட வரிசையில் ஒருவரிசை விட்டு நடுவரிசையில் உள்ள எல்லா மரங்களையும் வெட்டி எடுத்துவிட வேண்டும். உதாரணமாக 2- 2 மீட்டர் இடைவெளியில் நட்டால் ஏக்கருக்கு 1,000 மரங்கள் இருக்கும். இதில், 500 மரங்களை வெட்டி எடுக்கவேண்டும். அப்பொழுது மரத்தின் உயரத்தில் மூன்றில் ஒரு பங்கு அளவு மரங்களுக்கிடையே இடைவெளி இருக்கவேண்டும்.
 அடுத்து 10-வது ஆண்டில் நடவு வரிசையில் ஒரு வரிசை விட்டு ஒரு வரிசையில் உள்ள எல்லா மரங்களையும் வெட்டி எடுத்துவிட வேண்டும். இப்பொழுது ஏக்கருக்கு 250 மரங்கள் இருக்கும். மேற்படி மரங்களை நன்கு பராமரித்து வளர்த்தால் சுமார் 20 முதல் 25 ஆண்டுகளில் நல்ல மகசூல் கிடைக்கும்.
 வேளாண் காடு வளர்ப்பு:தேக்கை வேளாண் பயிர்களான சோளம், பருத்தி, மஞ்சள், தக்காளி, மிளகாய் போன்றவற்றுடன் சேர்த்து சாகுபடி செய்யலாம். மேலும், தேக்குடன் தென்னை, வாழை, மஞ்சள், சோளம், பருத்தி மற்றும் காய்கறிகள் போன்றவற்றை இணைத்தும் பயிரிடலாம்.
 

]]>
https://images.dinamani.com/uploads/user/imagelibrary/2018/11/8/w600X390/trees.jpg https://www.dinamani.com/agriculture/2018/nov/08/அதிக-லாபம்-தரும்-தேக்கு-3034593.html
3030886 விவசாயம் உயர் விளைச்சல் தரும் கம்பு! Thursday, November 1, 2018 01:29 AM +0530
பெரம்பலூர்: மனித வாழ்வுக்கு முதன்மையான தேவை உணவாகும். இந்த உணவில் சிறுதானியங்களின் பங்கு மிக முக்கியமானது. மாறி வரும் உணவு பழக்கவழக்கங்களினாலும், இன்றைய இயந்திர வாழ்க்கையின் துரித உணவினாலும் சிறுதானியங்களின் பங்களிப்பைக் குறைத்து வருகிறோம்.
இதனால், சிறுதானிய வகைகளான கேழ்வரகு, சாமை, கம்பு, வரகு போன்றவற்றால் நாம் பெற்றுவந்த சமச்சீர் உணவு மற்றும் ஊட்டத்தை இழந்துகொண்டு இருக்கிறோம். இவற்றில் அதிக வறட்சியைத் தாங்கி வளர்ந்து, மிக குறுகிய காலத்தில் குறைந்த சாகுபடி செலவில், அதிக வருமானம் தரக்கூடியது கம்பு சாகுபடியாகும். 
இதுகுறித்து பெரம்பலூர் மாவட்டம், வாலிகண்டபுரத்தில் உள்ள வேளாண் அறிவியல் மைய உழவியல் தொழில்நுட்ப வல்லுநர் மு. புனிதவதி கூறியது: 
இந்தியாவில் நெல், கோதுமை, சோளத்துக்கு அடுத்தபடியாக சுமார் 8 மில்லியன் ஹெக்டேரில் கம்பு பயிரிடப்படுகிறது. தமிழ்நாட்டில் சுமார் 50,000 ஹெக்டேரில் பயிரிடப்படுகிறது. மழையளவு குறைவாக உள்ள அனைத்து மாவட்டங்களிலும் கம்பு சாகுபடி செய்யப்படுகிறது. இப்பயிர் வறட்சியான மற்றும் மண் வளம் குன்றிய இடங்களிலும் நன்கு செழித்து வளரும். இறவையில் சுமார் 5-7 பாசன நீர் போதுமானது. மானாவாரியிலும் இறவையிலும் நல்ல மகசூலைத் தரும். 
நிலம் தயாரிப்பு:நிலத்தை இரும்பு கலப்பையால் இரு முறையும், நாட்டுக் கலப்பையால் இரு முறையும் உழுது, கட்டிகளின்றி மண்ணை உடைக்க வேண்டும். மட்கிய தொழுஉரம் ஹெக்டேருக்கு 12 டன் என்கிற அளவில் இட்டு, நாட்டுக் கலப்பையால் மீண்டும் உழுது மண்ணுடன் உரத்தை நன்கு கலக்கச் செய்ய வேண்டும். 10 பொட்டலம் அசோஸ்பைரில்லம், 10 பொட்டலம் பாஸ்போபாக்டீரியாவை 25 கிலோ மண் மற்றும் 25 கிலோ தொழு உரத்துடன் கலந்து இட வேண்டும். 
பருவம் மற்றும் ரகங்கள்: கம்பு சாகுபடிக்கு முன்பு சிறந்த பருவம் மற்றும் உயர் விளைச்சல் ரகங்களைத் தேர்வுசெய்தல் மிக அவசியம். கம்பு பூக்கும் காலத்தில் அதிகமாக குளிர் வெப்பம் மற்றும் மழை இல்லாமல் இருக்க வேண்டும். பூக்கும் காலத்தில் இச்சூழ்நிலைகள் இருந்தால், மகரந்தம் அல்லது சூலகம் பாதிக்கப்பட்டு கருவுறுதல் தடைபடும். அதனால் விதைப்பிடிப்பும் குறையும். 
கதிர் முற்றிய தருவாயில் அதிக மழையோ அல்லது குறைந்த வெப்பமோ இருந்தால், தானிய மணிகள் பூசணத் தாக்குதலுக்குள்ளாகி விளைச்சலும், தரமும் குறையும். தமிழ்நாட்டில் பெரும்பாலும், கம்பு மானாவாரிப் பயிராக ஜுன், ஜுலை மாதங்களிலும், அதாவது ஆடிப்பட்டத்தில் பயிர் செய்யப்படுகிறது. கம்பு விதைகளில் சாதாரண ரகங்கள், வீரிய ஒட்டு ரகங்கள் என உற்பத்தி செய்யப்படுகின்றன. கோவையில் உள்ள தமிழ்நாடு வேளாண் பல்கலைக்கழகத்தில் இயங்கி வரும் சிறுதானியத் துறையில் பல்வேறு ஆராய்ச்சிகள் மூலம் உயர் விளைச்சலைத் தரவல்ல, புதிய ரகங்கள் உருவாக்கப்பட்டு உழவர்களுக்கு வழங்கப்படுகின்றன. இவற்றில் கோ-9, கோ-10 ஆகிய வீரிய ஒட்டு ரகங்கள் அதிகளவில் பயிர் செய்வதற்கு பரிந்துரை செய்யப்படுகின்றன. 
விதை நேர்த்தி செய்தல்: கம்பு விதைகளை 2 சதம் பொட்டாசியம் குளோரைடு அல்லது 3 சதம் சோடியம் குளோரைடில் 16 மணி நேரம் ஊற வைக்க வேண்டும். பிறகு இந்த விதைகளை 5 மணி நேரம் நிழலில் உலர்த்த வேண்டும். இதனால், விதைகளின் முளைப்புத்திறன் அதிகரிக்கும். பார் மற்றும் வாய்க்கால் முறையில் நடவு செய்வதற்கு 5 கிலோ விதைகள் தேவைப்படும். விதைகளுக்கான இடைவெளி 4 - 5 செ.மீ இருக்க வேண்டும். இவ்வாறு நட்டால் ஏக்கரில் 1,45,000 பயிர்கள் இருக்கும்.
உர அளவு: மண் பரிசோதனையின் பரிந்துரைப்படி தழை, மணி, சாம்பல் சத்துகளை அளிக்கலாம். அவ்வாறு செய்யாத நிலையில் ஹெக்டேருக்கு 70:35:35 என்ற அளவில் தழை, மணி, சாம்பல் சத்துகளை அளிக்க வேண்டும். பரிந்துரைக்கப்பட்ட தழைச்சத்தை மூன்றாகப் பிரித்து விதைக்கும் முன், விதைத்த 15 ஆம் நாள் மற்றும் விதைத்த 30 ஆம் நாளில் மண் வளத்தைப் பொறுத்து இட வேண்டும். மணிச்சத்து மற்றும் சாம்பல் சத்தை அடியுரமாக அளிக்க வேண்டும். 
களை மேலாண்மை:விதைத்த 3 நாள்களுக்குப் பிறகு களை முளைப்பதற்கு முன் ஹெக்டேருக்கு அட்ரசின் 0.25 கிலோ எடுத்து 500 லிட்டர் நீரில் கலந்து மண்ணின் மேற்பரப்பில் ரேப்சேக் அல்லது ராக்கர் தெளிப்பானால் தெளிக்க வேண்டும். மண்ணில் தேவையான அளவு ஈரப்பதம் இருக்கும்போதும், களை முளைப்பதற்கு முன்பும் களைக் கொல்லியைப் பயன்படுத்த வேண்டும். விதைத்த 30-35 நாள்களுக்குப் பிறகு கையால் களையெடுக்க வேண்டும்.
அறுவடை: 85 முதல் 90 நாள்களுக்குள் இலைகள் மஞ்சளாக மாறி உலர்ந்த தோற்றத்திலும், தானியங்கள் கடினமாகவும் இருந்தால் அறுவடை செய்யலாம். கதிர்களைத் தனியாக அறுக்க வேண்டும். தட்டைகளை ஒரு வாரம் காயவிட்டு அறுவடை செய்ய வேண்டும். கோ-10 ரகம் இறவையில் சராசரியாக ஒரு ஹெக்டேருக்கு 3.526 டன் விளைச்சலையும், மானாவாரியில் 2.923 டன் விளைச்சலையும் தரவல்லது. 
இதுமற்ற ரகங்களை விட அதிக விளைச்சலைத் தருகிறது.
 

]]>
https://images.dinamani.com/uploads/user/imagelibrary/2018/11/1/w600X390/kambu.jpg https://www.dinamani.com/agriculture/2018/nov/01/உயர்-விளைச்சல்-தரும்-கம்பு-3030886.html
3030885 விவசாயம் நெற்பயிரில்: குருத்துப்பூச்சித் தாக்குதல் Thursday, November 1, 2018 01:28 AM +0530
நீடாமங்கலம்: நெற்பயிரில் குருத்துப்பூச்சி தாக்குதலைக் கட்டுப்படுத்தும் முறைகள் குறித்து, நீடாமங்கலம் வேளாண்மை அறிவியல் நிலைய விஞ்ஞானிகள் ராஜா.ரமேஷ், பாஸ்கரன்ஆகியோர் விவசாயிகளுக்கு பரிந்துரை செய்துள்ளனர்.
இதுதொடர்பாக, அவர்கள் வழங்கியுள்ள ஆலோசனைகள்:
தற்போது சாகுபடி செய்யப்பட்டுள்ள சம்பா மற்றும் தாளடி பருவ நெல் வயல்களில் ஆங்காங்கே குருத்துப் பூச்சியின் தாக்குதல் காணப்படுகின்றன. 
குருத்துப்பூச்சியின் முட்டைக் குவியல்கள் இலைகளின் நுனிகளில் பழுப்பு நிறத்தில் காணப்படும். 
வளர்ந்த அந்துப்பூச்சிகளானது மஞ்சள் நிறத்தில் கூரிய மூக்கு போன்ற அமைப்போடு இலைகளின் நுனிகளில் அமர்ந்திருக்கும். அக்டோபர் முதல் ஜனவரி மாதம் வரை இதன் தாக்குதல் மிக அதிகமாகக் காணப்படும்.
நாற்றங்கால் மற்றும் நடவு வயலிலுள்ள இளம் பயிர்களின் தூர்கட்டும் பருவம் வரை இப்பூச்சிகள் தாக்கும்போது நடுக்குருத்து காய்ந்து விடும் அல்லது இறந்த குருத்துக்கள் உண்டாகும் அதனை பிடித்து இழுத்தால் எளிதாக கையோடு வந்துவிடும். 
பயிர் நன்கு வளர்ந்து பால்பிடிக்கும் பருவத்தில் தாக்குதல் காணப்படும்போது, நெற்கதிருக்கு செல்லும் உணவு தடைப்பட்டு, நெல் மணிகள் பால் பிடிக்க முடியாமல் வெளிவரும் கதிர்கள் அனைத்தும் வெண் அல்லது சாவி கதிர்களாக மாறிவிடும்.
கட்டுப்படுத்தும் முறைகள்
1. நாற்றுகளை வயலில் நடும்போது முட்டைக் குவியல்கள் உள்ள இலைகளின் நுனிகளைக் கிள்ளிவிட்டு நடவு செய்ய வேண்டும்.
2. இனக்கவர்ச்சிப் பொறிகளை நடவு செய்த 10 நாட்களுக்குப் பிறகு ஏக்கருக்கு 5 என்ற அளவில் வைத்து ஆண் குருத்துப்பூச்சிகளைக் கவர்ந்து அழிக்க வேண்டும்.
3. டிரைக்கோகிரம்மா ஜப்பானிக்கம் என்ற முட்டை ஒட்டுண்ணியை 2சிசி (40,000 முட்டைகள்) என்ற அளவில் இரு முறை அதாவது நடவு நட்ட 30 மற்றும் 37-ஆவது நாட்களில் வயலில் வெளியிட வேண்டும்.
4.வேப்பெண்ணெய் 3 சதவீதம் அதாவது ஒரு லிட்டர் தண்ணீருக்கு 30 மிலி அல்லது 5 சதவீதம் வேப்பங்கொட்டைக் கரைசலை தேவையான அளவு ஒட்டும் திரவத்துடன் கலந்து தெளிக்கவேண்டும்.
5. குருத்துப்பூச்சியின் தாக்குதல் பொருளாதார சேதநிலையைத் தாண்டும் போது, ஓர் ஏக்கருக்கு ஃப்ளுபென்டியாமைட் 20 டபிள்யூ.ஜி- 50கிராம், ஃப்ளுபென்டியாமைட் 39.35 எஸ்.சி - 20 மிலி, கார்டாப் ஹைட்ரோகுளோரைடு 50எஸ்.பி.- 400 கிராம், குளோரன்ட்ரான்லிபுரோல் 18.5 எஸ்.சி.- 60 மிலி, பிப்ரோனில் 5 எஸ்.சி.- 400 மிலி ஆகிய பூச்சிக்கொல்லி மருந்துகளில் ஏதாவது ஒரு மருந்தை ஏக்கருக்கு 200 லிட்டர் தண்ணீரில் கலந்து கைத்தெளிப்பான்கொண்டு காலை அல்லது மாலை வேளைகளில் தெளிக்க வேண்டும். 
6. வயலில் காணப்படும் நன்மை செய்யும் பூச்சிகளான சிலந்திகள், தரை வண்டுகள், ஒட்டுண்ணி குளவிகள், நீர்த்தாண்டி, நீர் மிதப்பேன், தட்டான்கள், இடுக்கிவால் பூச்சிகள் போன்றவற்றை பாதுகாத்து, பெருக்குதல் போன்றவற்றினால் இயற்கையாகவே கட்டுப்பாடு கிடைக்கும்.

]]>
https://images.dinamani.com/uploads/user/imagelibrary/2018/11/1/w600X390/paddy.jpg https://www.dinamani.com/agriculture/2018/nov/01/நெற்பயிரில்-குருத்துப்பூச்சித்-தாக்குதல்-3030885.html
3030884 விவசாயம் கால்நடைகளுக்கு ஊட்டச்சத்து நிறைந்த தீவனம்! Thursday, November 1, 2018 01:28 AM +0530

மேலூர்: அதிக பால்தரும் கறவை மாடுகளுக்கு ஊட்டச்சத்து நிறைந்த தீவனப்பயிராக, தமிழ்நாடு வேளாண்மை பல்கலைக்கழகத்தால் அறிமுகம் செய்யப்பட்டுள்ள கோ 9 தட்டப்பயறு தற்போது விவசாயிகளிடம் நல்ல வரவேற்பைப் பெற்றுள்ளது.
அதிக பால்கறக்கவேண்டி கறவைமாடு வளர்ப்போர்கள் தீவனங்களுக்காக கூடுதல் செலவு செய்ய வேண்டியுள்ளது. அதிக ஊட்டம் நிறைந்த கோ 9 தட்டப்பயறில் குறுகிய காலத்தில் அதிகமான தீவனமும் கிடைக்கும். கோ 9 தட்டப்பயறு தீவனத்துக்காகப் பயிரிடும்போது 50 முதல் 55 நாள்களில் செடி பூத்துக்குலுங்கும் நிலையில் கறவை மாடுகளுக்கும் பிற கால்நடைகளுக்கும் தீவனமாகக் கொடுக்கலாம் என்கிறனர் மதுரை வேளாண் அறிவியல் மையத்தினர்.
ஒரு ஏக்கர் நிலத்தில் தீவனப் பயிராக அறுவடை செய்தால் 9 டன் பசுந்தீவனம் கிடைக்கும். விதையாக எடுக்கநினைத்தால் செடியை நன்குவளர்த்து 90 முதல் 95 நாள்களில் தட்டைப்பயறு 300 கிலோ மகசூல் கிடைக்கும். இதை செடியாக அறுவடைசெய்து கால்நடைகளுக்குக் கொடுத்தால் 9 டன்னும், உலர் தீவனமாக தயார் செய்தால் 1.5 டன்னும் தீவனம் கிடைக்கும். 
இந்த ரகத் தட்டைப்பயறில் புரதச்சத்து 21.56 சதம் உள்ளது. குறைந்தபட்ச நார்ச்சத்தைக் கொண்டுள்ளதால் இதன் தழைகள் அதிக சுவையுள்ளதாகவும் செரிமாணத் தன்மையுள்ளதாகவும் இருக்கிறது. பொதுவாக தட்டைப்பயறில், பூஞ்சாளம், அசுவினி பூச்சி, மஞ்சள் தேமல் நோய் பாதிப்புகள் சூழ்நிலைக்கேற்ப காணப்படும். ஆனால், இந்த ரகம் மஞ்சள் தேமல் நோய் எதிர்ப்புத் திறன்கொண்டது.
பயிர் பாதுகாப்பைப் பொருத்தவரை தீவனப்பயிராக பயிரிட்டால் பயிர் பாதுகாப்புத் தேவையில்லை.
விதை உற்பத்திக்காகப் பயிரிடும்போது சாறு உறிஞ்சும் பூச்சிகளைக் கட்டுப்படுத்த ஒரு லிட்டர் நீரில் 2.5 மில்லி டைமெத்தோயேட் (ரோகார்) மருந்தைக் கலந்து தெளிக்கவேண்டும்.
பயிரிடும்முறை: நிலத்தை 2 அல்லது மூன்று முறை நன்கு புழுதியாக உழவேண்டும். ஏக்கருக்கு 5 டன் தொழு உரமிட வேண்டும். விதைக்கும்போது ஏக்கருக்கு 22 கிலோ யூரியா, 100 கிலோ சூப்பர்பாஸ்பேட்டையும், 14 கிலோ பொட்டாஷ் உரத்தையும் கலந்து நிலத்தில் இடவேண்டும். ஒரு ஏக்கர் நிலத்தில் விதைக்க 5 கிலோ விதையுடன் ரைசோபியம் உயிர்உரம் 200 கிராம் அரிசிக் கஞ்சியில் கலந்து விதை நேர்த்திசெய்து விதைக்க வேண்டும். 
தீவனப் பயிராக விதைக்கும்போது 30-க்கு 15 சென்டி மீட்டர் இடைவெளியிலும, விதைக்காகப் பயிரிடும்போது 60-க்கு 15 சென்டி மீட்டர் இடைவெளியிலும் விதையை விதைக்கவேண்டும். பத்துநாள்களுக்கு ஒருமுறை தேவையைப் பொறுத்து நீர்பாய்ச்சினால் போதுமானது. விதைத்து 15 முதல் 20 நாள்களில் களையெடுக்கவேண்டும். 
கோ 9 தட்டைப்பயறு மானாவாரியாக பயிரிடுவதற்கு செப்டம்பர், அக்டோபர் மாதங்கள் ஏற்ற காலம். இறவைப் பயிராகப் பயிரிட ஜூன், ஜூலை அல்லது பிப்ரவரி, மார்ச் மாதங்கள் ஏற்ற காலமாகும். 
இத்தகவலை மதுரை வேளாண் மைய பூச்சியியல் தொழில்நுட்ப வல்லுநர்கள் கு.செல்வராணி, பா.உஷாராணி, கி.ஆனந்தி, செல்விரமேஷ் ஆகியோர் தெரிவித்தனர்.
 

]]>
https://images.dinamani.com/uploads/user/imagelibrary/2018/11/1/w600X390/cow.jpg https://www.dinamani.com/agriculture/2018/nov/01/கால்நடைகளுக்கு-ஊட்டச்சத்து-நிறைந்த-தீவனம்-3030884.html
3026280 விவசாயம் சோளத்தின் வகைகள், பயன்பாடு! Thursday, October 25, 2018 01:00 AM +0530
திருநெல்வேலி: சோளத்தில் உள்ள பல்வேறு வகைகள் மற்றும் அவற்றின் பயன்பாடுகள் குறித்து, திருநெல்வேலி மாவட்ட வேளாண் உழவர் பயிற்சி மைய துணை இயக்குநர் பாலசுப்பிரமணியன் தெரிவித்துள்ள தகவல்கள்:
சோளம் என்பது புல்வகையைச் சேர்ந்த பல இனங்களை உள்ளடக்கிய தாவரப் பேரினம். இவற்றில் சில தானியங்களுக்காகவும், வேறுசில கால்நடைத் தீவனங்களுக்காகவும் பயிரிடப்படுகின்றன. சில வகைகள் மேய்ச்சல் நிலங்களில் இயற்கையாக வளர்கின்றன.
இப்பயிர் உலகம் முழுதும் மிதமான வெப்பம் கொண்ட பகுதிகளில் பயிராகின்றன. இவ்வினங்கள், எல்லாக் கண்டங்களையும் சேர்ந்த வெப்பவலய, குறை வெப்பவலயப் பகுதிகளையும், தென்மேற்கு பசிபிக், ஆஸ்திரேலியா பகுதிகளையும் தாயகமாகக் கொண்டவை. இது சிறு தானியப் பயிராகும்.
தமிழகத்தில் பொங்கல் திருநாளில் வெண்சாமரச் சோளம் பயன்படுத்தப்படும். இன்றும் திருச்சி, பெரம்பலூர் மாவட்ட கிராமங்களில் வெகு சிலரால் பயிரிடப்படுகிறது. இது நாட்டுவகைச் சோளம். பெரும்பாலானோர் கலப்பின ரகச் சோளங்களையே பயிரிடுகின்றனர்.
வெண்சாமரச் சோளம்: இந்தியாவில் அரிசி, கோதுமைக்கு அடுத்தபடியாக சோளம் முக்கியமான இடத்தைப் பிடித்துள்ளது. சோளத்தை முழுதாகவோ, உடைத்தோ வேகவைத்து அரிசிபோன்றும், அரைத்து மாவாகவும் உணவுப்பொருளாகப் பயன்படுத்தப்படுகிறது. சோளம் நொதித்தல் தொழிற்சாலை, எரிசாராயம், கரைப்பான் தொழிற்சாலைகளில் மாவுச்சத்துப் பொருளாகப் பயன்படுத்தப்படுகிறது.
வெள்ளைச் சோளம் அரிசியைப் போன்ற தன்மையையும் அதைவிடப் பல சத்துகளையும் கொண்டது. சோளத்தில் உடலுக்கு அவசியமான புரதம், இரும்பு, கால்சியம், கொழுப்பு, நார்ச் சத்துகள் உள்ளன. சிறுதானியங்களில் குறைந்தளவே குளுக்கோஸ் இருப்பதால், அவை மனிதனை சர்க்கரைநோயிலிருந்து காப்பாற்றக்கூடியவை.
சிவப்பு சோளம்: இவ்வகைச் சோளம் மனிதர்களுக்கும் விலங்குகளுக்கும் உணவாகப் பயன்படுகிறது. பெரும்பாலும் தென் ஆப்பிரிக்காவில் விளைவிக்கப்படும் இந்தச் சோளம், தற்போது மழை குறைவாகப் பொழியும் அனைத்து நாடுகளிலும் விளைவிக்கப்படுகிறது. இது 4 மீட்டர் உயரம் வரை வளரும். 3 முதல் 4 மிமீ வரை சுற்றளவு கொண்டிருக்கும். இலைகள் மருந்து, எத்தனால் தயாரிக்கப் பயன்படுகிறது.
சோளம் அனைத்துப் பகுதிகளிலும் விளைவதற்கு ஏற்றப் பயிர். சிறு வெள்ளைச்சோளமே இந்தியாவின் இயற்கைச் சோளம். மக்காச்சோளத்தின் உற்பத்தியில் தற்போது இந்தியா உலகில் 5ஆவது இடத்தில் உள்ளது. மக்காச்சோளம் தென் அமெரிக்காவிலிருந்து வந்த பயிர் ஆகும். சிறுசோளமும், மக்காச்சோளமும் இந்தியாவின் பாரம்பரியப் பயிர்கள்.
2011இல் சோளத்தின் உற்பத்தி நைஜீரியாவில் 12.6%, இந்தியாவில் 11.2%, மெக்ஸிகோவில் 11.2%, அமெரிக்காவில் 10% ஆகும். சோளம் பரவலான வெப்பநிலையில், அதிக உயரத்தில் வளரும். நச்சு மண்களிலும், மிகவும் வறட்சியிலும், பசிபிக் பகுதியிலும்கூட விளையும்.
சாகுபடி முறை: சோளத்தை ஆண்டுக்கு ஒருமுறை ஆடிப் பட்டத்தில் சாகுபடி செய்யலாம். மானாவாரி நிலங்களில் சித்திரையில் உழுது, மண்ணை ஆறப்போட்டு, ஆடியில் மழை கிடைத்ததும், விதைத்து, நிலத்தை உழவேண்டும். ஆவணியில் களையெடுக்க வேண்டும். வேறு பராமரிப்பு தேவையில்லை. விளைச்சலைப் பொறுத்து, மார்கழி கடைசிக்குள் அறுவடை செய்துவிட வேண்டும். நன்றாக விளைந்த சோளம், முற்றி, சிறிய அளவில் வெடித்து, அரிசி வெள்ளையாக வெளியே தெரியும்போது அறுவடை செய்யலாம். நிலத்திலிருந்து அரையடி விட்டு, தட்டையை அறுத்து, கதிர்களை தனியாக அறுவடை செய்ய வேண்டும்.
பயன்கள்: அமெரிக்காவில் மற்ற தானியங்களைவிட சோளமே அதிகளவில் பயன்படுத்தப்படுகிறது. இதில் அதிக மாவுச்சத்து, கொழுப்பு, புரதம் உள்ளதால் சத்தான உணவாகக் கருதப்படுகிறது. உணவுக்காக மேலைநாடுகளில் அதிகமாகப் பயிரிடப்படுகிறது. மக்காச்சோள அவல் பெரும்பாலும் காலைச் சிற்றுண்டியாகப் பயன்படுத்தப்படுகிறது.
வளர்ந்த நாடுகளில் கால்நடைத் தீவனமாகவும் சோளம் பயன்படுகிறது. கஞ்சி சர்க்கரை (சோளச் சர்க்கரை, டெக்ஸரின்) காகன் சிரப் தொழில், ஆல்கஹால் தொழிற்சாலைகளில் பயன்படுத்தப்படுகிறது.
சோள உணவுகள் உடலுக்கு உறுதி அளிக்கவல்லவை. உடல் பருமனைக் குறைக்கும், வயிற்றுப்புண்ணை ஆற்றும். வாய் நாற்றத்தைப் போக்கும். சோளம் பால் உற்பத்தியை அதிகரிக்கும். சோளக்கழிவுகள் கறவை மாடுகளுக்குத் தீவனமாகப் பயன்படுகின்றன. சோளம் உயிரி எரிபொருள் தயாரிப்புக்குப் பயன்படும் முக்கிய பொருளாகும்.
 

]]>
https://images.dinamani.com/uploads/user/imagelibrary/2018/10/25/w600X390/soolam.jpg https://www.dinamani.com/agriculture/2018/oct/25/சோளத்தின்-வகைகள்-பயன்பாடு-3026280.html
3026279 விவசாயம் பயறு வகை உற்பத்தி தொழில்நுட்பங்கள்! Thursday, October 25, 2018 12:59 AM +0530 தருமபுரி: பயறு வகை சாகுபடி பரப்பளவு தற்போது குறைந்து கொண்டே வருகிறது. அதேவேளையில், பயறு வகைகளின் தேவை மக்கள்தொகைக்கு ஏற்ப அதிகரித்துக்கொண்டே உள்ளது. இந்த நிலையில், நாம் குறைவான சாகுபடி பரப்பில் அதிக மகசூல் எடுக்க மேம்படுத்தப்பட்ட தொழில்நுட்பங்களைக் கையாள வேண்டும் என வேளாண் அதிகாரிகள் தெரிவிக்கின்றனர். இதுதொடர்பாக மேற்கொள்ள வேண்டிய தொழில்நுட்பங்கள் குறித்து, தருமபுரி மாவட்டம், பாப்பிரெட்டிப்பட்டி வட்டார வேளாண்மை உதவி இயக்குநர் (பொ) 
சு.அருணன் (விவசாயம்) , அட்மா தொழில்நுட்ப மேலாளர் ப.ரவி (விவசாயம்) ஆகியோர் கூறும் ஆலோசனைகள்:
வரப்பு பயிர் மற்றும் ஊடு பயிர்: பயறு வகைகளின் உற்பத்தியை அதிகரிக்க, அதன் சாகுபடிப் பரப்பை கண்டிப்பாக அதிகரிக்க வேண்டும். சாகுபடி பரப்பை அதிகரிக்க வேண்டுமெனில், மற்ற பயிர்கள் சாகுபடி செய்யும் போது அதில் பயறு வகை பயிர்களை வரப்புப் பயிராகவும், ஊடுபயிராகாவும் சாகுபடி செய்ய வேண்டும். இவ்வாறு செய்யும் போது பயறு வகைப் பயிர்களின் உற்பத்தித் திறனையும் அதிகப்படுத்த முடியும்.
நோய் எதிர்ப்புத் திறன் கொண்ட பருவத்துக்கேற்ற உயர் விளைச்சல் ரகங்களான, துவரை: கோ (ஆர்.ஜி), வம்பன்1, 2,3, கோ6, ஏ.பி.கே.1, பி.எஸ்.ஆர்.1, எல்.ஆர்.ஜி.41, ஜ.சி.பி.எல். ரகங்கள். 
உளுந்து: வம்பன் 3, 4, 5, 6, 7,8, கோ6, ஆடுதுறை3,5, டி.எம்.வி.1.,ஏ.பி.கே.1,டி9. 
பாசிப்பயறு: கோ6, கோ8, வம்பன்2, வம்பன்3, வி.ஆர்.எம்.(ஜிஜி)2,கோ7, ஆடுதுறை3. 
தட்டைப் பயிறு: கோ6, கோ(சிபி)7, வம்பன், வம்பன்2, கோ2, பையூர்1. 
கொள்ளு: பையூர்1, பையூர்2. 
அவரை: கோ12, கோ13, கோ14. 
மொச்சை: கோ1, கோ2 ஆகியவற்றை தேர்வு செய்யலாம்.
விதைநேர்த்தி செய்து விதைத்தல்: ஒரு கிலோ விதைக்கு நான்கு கிராம் டிரைக்கோடெர்மா விரிடி அல்லது 10 கிராமம் சூடோமோனாஸ் புளோரசன்ஸ் ஆகியவற்றில் ஒன்றை கொண்டு விதை நேர்த்தி செய்யாலாம்.
ரசாயன விதை நேர்த்தி: ஒரு கிலோ விதைக்கு 2 கிராம் கார்பன்டாசிம் 50 டிபிள்யூ.ப்பி. கொண்டு விதை நேர்த்தி செய்யாலாம்.
நுண்ணுயிர் விதை நேர்த்தி: தலா ஒரு பொட்டலம் (200 கிராம்) ரைசோபியம் (பயறு) மற்றும் பாஸ்போபாக்டீரியா நுண்ணுயிர் உரங்களை 200 மி.லி. ஆறிய அரிசிக் கஞ்சியில் கலந்து அவற்றில் ஓர் ஏக்கருக்குத் தேவையான பயறு விதைகளைக் கலந்து 15 நிமிடம் நிழலில் உலர்த்தி விதைக்க வேண்டும். ஓர் ஏக்கருக்குப் பரிந்துரைக்கப்பட்ட விதையளவுடன் 50 மி.லி. மெத்தைலோ பாக்டீரியா திரவ நுண்ணுயிரியினைக் கலந்து 10 நிமிடம் நிழலில் உலர்த்தி விதைக்கவும்.
பயிர் எண்ணிக்கையைப் பராமரித்தல்: வரிசைக்கு வரிசை 30. செ.மீ. இடைவெளியும் செடிக்குச் செடி 10. செ.மீ இடைவெளியும் இருக்குமாறு விதைக்க வேண்டும். பயிர் எண்ணிக்கை ஒரு சதுர மீட்டருக்கு 33 செடிகள் இருக்கலாம். 
ஒருங்கிணைந்த உர மேலாண்மை: அங்கக உரம்: ஏக்கர் ஒன்றுக்கு 5 டன் மக்கிய தொழு உரம் அல்லது கம்போஸ்ட் கடைசி உழவின்போது இட்டு உழவு செய்ய வேண்டும். 
பயறு நுண்ணூட்டக் கலவை: ஏக்கர் ஒன்றுக்கு 2 கிலோ பயறு நுண்ணூட்டக்கலவையினைத் தேவையான அளவு மணலுடன் கலந்து விதைப்புக்கு முன் சீராக தூவ வேண்டும். நுண்ணூட்டக் கலவையினை அடியுரமாக இட்டு உழக் கூடாது. 
நுண்ணுயிர் உரங்கள்: ஏக்கர் ஒன்றுக்கு தலா நான்கு பொட்டலங்கள் (800 கிராம்) ரைசோபியம் (பயறு) மற்றும் பாஸ்போபாக்டீரியா நுண்ணுயிர் உரங்களை தொழு உரத்துடன்
கலந்து 
இட வேண்டும் அல்லது ஏக்கர் ஒன்றுக்கு தலா 200 மி.லி. ரைசோபியம் (பயறு) மற்றும் பாஸ்போபாக்டீரியா நுண்ணுயிரிகளை ஒரு லிட்டர் தண்ணீரில் கலந்து அதனை பத்து கிலோ நன்கு தூள் செய்யப்பட்ட தொழு உரம் அல்லது மணலுடன் கலந்து நடவு வயலில் தூவ வேண்டும்.
தெளிப்பு நீர்ப் பாசனம் செய்தல்: தண்ணீரை சிக்கனப்படுத்தி குறைந்த அளவு தண்ணீரில் மிகுந்த அளவு பரப்பில் பயறு வகை பயிர்களைச் சாகுபடி செய்திட தெளிப்பு நீர்ப்பாசன கருவி, நடமாடும் தெளிப்பு நீர்க்கருவி மழைத்தூவான் போன்றவற்றைப் பயன்படுத்தலாம்.
உழவியல் முறைகள்: நிலத்தினை நன்கு ஆழமாக உழவு செய்தல் கோடையுழவு செய்து காய்த் துளைப்பான்களின், கூண்டு புழுக்களைக் கட்டுப்படுத்துதல். பருவத்தில் விதைப்பு செய்தல். பூச்சி, நோய் எதிர்ப்புள்ள ரகங்களைப் பயிரிடுதல். துவரை: வம்பன்2 - மஞ்சல் தேமல் நோய்க்கு எதிர்ப்புத் திறன் கொண்டது. ஏ.பி.கே1-காய்த் துளைப்பானுக்கு எதிர்ப்புத்திறன் கொண்டது. உளுந்து: வம்பன்4, 5,6,7, கோ6-மஞ்சல் தேமல் நோய்க்கு எதிர்ப்புத்திறன் கொண்டவை. பாசிப்பயறு: வம்பன்2, வம்பன்3, மஞ்சள் தேமல் நோய்க்கு எதிர்ப்புத்திறன் கொண்டவை. 
நேரடி, இயந்திர முறைகள்: இரவில் விளக்குப்பொறி வைத்துப் பூச்சிகளைக் கண்காணித்தல். இனக்கவர்ச்சிப்பொறி-ஏக்கர் ஒன்றுக்கு ஐந்து எண்கள் வைத்து பச்சைக் காய்ப் புழு (ஹெலிக்கோவெர்பா), புள்ளிக் காய்ப் புழு (மெளருக்கா). முள்காய்ப் புழு (ஈட்டியெல்லா) ஆகியவற்றின் அந்துப் பூச்சிகளைக் கவர்ந்து அழிக்கலாம். 
உயிரியல் கட்டுப்பாட்டு முறை: ஒரு கிலோ விதைக்கு நான்கு கிராம் டிரைக்கோடெர்மா விரிடி அல்லது 10 கிராம் சூடோமோனஸ் புளோரசன்ஸ் உயிரியல் மருந்து கொண்ட விதை நேர்த்தி செய்து விதைக்க வேண்டும். 
சாறு உறிஞ்சும் பூச்சிக்களான அசுவினி இலைப்பேன், தண்டு ஈ, வெள்ளை ஈ, தத்துப்பூச்சிகளைக் கட்டுப்படுத்த வெர்ட்டிசீலியம் லெக்கானி எனும் உயிரியல் பூஞ்சாணக்கொல்லி மருந்தினை ஏக்கருக்கு 1 முதல் 2 கிலோ அளவு வரை கலந்து 15 நாட்கள் இடைவெளியில் இருமுறை தெளிக்க வேண்டும். 
பெவேரியா பேசியானா - ஏக்கருக்கு 1 முதல் 2 கிலோ அளவு வரை ஒட்டும் திரவத்துடன் சேர்த்து 200 லிட்டர் தண்ணீர் கலந்து 15 நாட்கள் இடைவெளியில் இருமுறை தெளித்து ôய்த் துளைப்பான்களைக் கட்டுப்படுத்தலாம்.

]]>
https://images.dinamani.com/uploads/user/imagelibrary/2018/10/25/w600X390/Agri1.jpg https://www.dinamani.com/agriculture/2018/oct/25/பயறு-வகை-உற்பத்தி-தொழில்நுட்பங்கள்-3026279.html
3022327 விவசாயம் இறவைப் பயிராக உருளைக் கிழங்கு சாகுபடி! Thursday, October 18, 2018 12:43 AM +0530 திருச்சி: மலைப் பகுதிகளிலும், சமவெளிப் பகுதிகளிலும் இறவைப் பயிராக உருளைக் கிழங்கை பயிரிடுவதன் மூலம் நல்ல மகசூலும், கூடுதல் வருமானமும் பெறலாம் என தோட்டக்கலைத் துறை அறிவுறுத்தியுள்ளது.
ரகங்கள்: குப்ரி ஜோதி, குப்ரி முத்து, குப்ரி சொர்ணா, குப்ரி தங்கம், குப்ரி மலர் மற்றும் குப்ரி சோகா, குப்ரி கிரிராஜ்.
மண் மற்றும் தட்பவெப்பநிலை: உருளைக் கிழங்கை வளமுள்ள எல்லா மண்ணிலும் பயிரிடலாம். களர் உவர் நிலங்கள் ஏற்றவையல்ல. மிகுதியான நிறமக்கு நிறைந்த இருபொறை நிலங்கள் ஏற்றவை. களிமண் பூமியைத் தவிர்க்க வேண்டும். வடிகால் வசதியுள்ள நிலங்கள் ஏற்றவை. குளரி மற்றும் மித வெப்பப் பகுதிகளில் பயிரிடலாம். மண்ணின் கார அமிலத்தன்மை 4.8 முதல் 5.4 சதம் வரை இருக்கலாம். ஆண்டுக்கு 1,200 முதல் 2,000 மில்லி மீட்டர் வரை மழை பெறும் பகுதிகளில் உருளைக் கிழங்கு பயிரிடலாம்.
நடவு செய்யும் பருவம்: மலைப் பகுதிகளில் கோடைக்காலமான மார்ச் - ஏப்ரல், இலையுதிர் காலமான ஆகஸ்ட், செப்டம்பரில் பயிரிடலாம். இறவைப் பயிராக ஜனவரி, பிப்ரவரி மாதங்களில் பயிரிடலாம். சமவெளிப்பகுதிகளுக்கு அக்டோபர் - நவம்பரில் பயிரிடுவது உகந்தது.
நிலம் தயாரித்தல்: நிலத்தை நன்றாகக் கொத்தி, பண்படுத்தி 45 செ.மீ. இடைவெளியில் பார் பிடிக்கவேண்டும். மலைப் பகுதிகளில் 1.4 மீட்டர் அளவில் உள்நோக்கி சாய்ந்தவாறு சாய்வுத்தளம் அமைக்கவேண்டும். வடிகாலுக்கு வாய்க்கால்கள் அமைக்க வேண்டும்.
விதைத்தல்: ஹெக்டேருக்கு 3,000 முதல் 3,500 கிலோ கிழங்குகள் வரை தேவைப்படும். உருளைக் கிழங்கு சாகுபடியில் விதைத் தயாரிப்பு முக்கியமாக கவனிக்கவேண்டும். புதிய கிழங்குகள் முளைக்காது, ஆகவே முளைப்புத் தன்மையை ஏற்படுத்த கார்பன்-டை-சல்பைடு என்னும் மருந்தை 100 கிலோ கிழங்குக்கு 30 கிராம் என்ற அளவில் பயன்படுத்தவேண்டும். கிழங்குகளை குவியலாக்கி குவியலின் மேல் ஒரு அகன்ற தட்டில் மருந்தை ஊற்றி பாலித்தீன் தாளினால் மூடவேண்டும். கிழங்குகளில் முளை வந்தவுடன், நடவுக்குப் பயன்படுத்தவேண்டும். நிலத்தின் சாய்தளத்தைப் பொறுத்து செடிக்கு செடி 15-20 செ.மீ இடைவெளியில் முளைவந்த கிழங்குகளை நடவேண்டும்.
நீர் நிர்வாகம்: நடவுக்குப் பின்னர் 10 நாள்களுக்கு ஒரு முறையும், பிறகு வாரம் ஒரு முறையும் நீர்ப்பாய்ச்ச வேண்டும். 
ஒருங்கிணைந்த ஊட்டச்சத்து மேலாண்மை: ஒரு ஹெக்டேருக்கு அடியுரமாக 15 டன் மக்கிய தொழு உரம், 2 கிலோ அசோஸ்பைரில்லம் அல்லது பாஸ்போபாக்டீரியம், 60 கிலோ தழைச்சத்து, 120 கிலோ மணிச்சத்து, 60 கிலோ சாம்பல் சத்து கொடுக்கக் கூடிய ரசாயன உரங்களை அடியுரமாக இடவேண்டும். இதனுடன் 60 கிலோ மக்னீசியம் சல்பேட்டையும் அடியுரமாக இடவேண்டும். பிறகு விதைத்த 30 நாள் கழித்து 60 கிலோ தழைச்சத்து, 120 கிலோ மணிச்சத்து 60 கிலோ சாம்பல் சத்து கொடுக்கக்கூடிய ரசாயன உரங்களை மேலுரமாக இட்டு மண் அணைக்க வேண்டும்
உரப்பாசனம்: உருளைக் கிழங்கில் ஊட்டச்சத்தின் அளவு தழை, மணி மற்றும் சாம்பல் சத்து முறையே ஹெக்டேருக்கு 120:240:120 கி.கி. என்ற அளவில் வழங்க வேண்டும். இதில் 75சதவீதம் மணிச்சத்தை சூப்பர் பாஸ்பேட்டாக அடியுரமாக அளிக்க வேண்டும். அளவைப் பிரித்து பயிரின் ஆயுள்காலம் முழுவதும் 3 நாள்களுக்கு ஒரு முறை உரப்பாசனமாக அளிக்க வேண்டும்.
களைக் கட்டுப்பாடு: உருளைக்கிழங்கில் விதை விதைத்த 60 நாள்களுக்கு களைகள் இல்லாமல் பார்த்துக் கொள்வது மிகவும் அவசியம். விதைத்த 45-ஆவது மற்றும் 60-ஆவது நாளில் களை எடுத்து மண் அணைக்கவேண்டும்.
வெட்டுப்புழுக்கள்: இது உருளைக்கிழங்குப் பயிரில் 5 முதல் 10 சதம் வரை சேதத்தை ஏற்படுத்தும். இப்புழுக்கள் எல்லாப் பருவத்திலும் தோன்றும். இப்புழு கிழங்குகளில் துளைபோட்டு மாவுப் பகுதியை உண்கிறது. இதனால் தாக்கப்பட்ட கிழங்கில் பெரிய குழிகள் உண்டாகி, நாளடைவில் கிழங்கு அழுகிவிடும்.
கட்டுப்பாட்டு முறைகள்: தரிசு காலங்களில் மண்ணை நன்கு கிளறி, புழுக்களை வெளிக்கொணர்ந்து அழிக்கவேண்டும். தாய்ப்பூச்சிகளை விளக்குப்பொறி வைத்து கவர்ந்தழிக்கவேண்டும். சுழல் தெளிப்புப் பாசனம் உள்ள இடங்களில் தெளிப்பானைக் காலை நேரங்களில் இயங்கச் செய்யவேண்டும். நீரின் வேகத்தால் புழுக்கள் மண்ணிலிருந்து வெளிக்கொணரப்பட்டு பறவைகளுக்கு இரையாகிவிடும். குளோரிபைரிபாஸ் மருந்தை ஒரு லிட்டர் நீரில் கலந்து செடிகளின் தண்டுப்பகுதியில் ஊற்றவேண்டும்.
நூற்புழுக்கள்: உருளைக்கிழங்கில் நூற்புழுவின் தாக்குதலைத் தவிர்க்க உருளைக்கிழங்கு இனத்தைச் சாராத பயிர் வகைகளான கோதுமை, மக்காச்சோளம், பீன்ஸ் போன்ற பயிர்களைப் பயிரிடவேண்டும். அல்லது காய்கறிப் பயிர்களான முட்டைக்கோஸ், பூக்கோசு, கேரட், முள்ளங்கி, அவரை வகைகள் போன்ற பயிர்களைப் பயிரிட்டு பயிர் சுழற்சி செய்யவேண்டும். விதைக்கிழங்கை விதைப்பதற்கு முன்பு கார்போபியூரான் கரைசலில் நனைத்து விதைக்கவேண்டும். விதைக்கிழங்குகளை விதைப்பதற்கு முன் சுத்தம் செய்ய வேண்டும். நூற்புழுக்கள் நிறைந்த மண்ணிலுள்ள விதைக் கிழங்குகளை விதைக்காகப் பயன்படுத்தக்கூடாது. நூற்புழுக்களுக்கு எதிர்ப்புத் திறன் கொண்ட ரகங்களான குப்ரி சொர்ணா போன்ற ரகங்களைப் பயிரிடவேண்டும்.
இலைச்சுருள் நோய்: இந்நோயினால் பாதிக்கப்பட்ட செடிகளின் அடிப்பகுதியில் உள்ள இலைகள் மேல்நோக்கிச் சுருண்டுவிடும். பாதிக்கப்பட்ட செடிகளின் வளர்ச்சி குன்றி வெளரி நிறமாகத் தோன்றும். 
இந்த வைரஸும் அசுவினி மூலம் பரவுகிறது.
வைரஸ் நோய்களைக் கட்டுப்படுத்த வைரஸ் தாக்காத செடிகளிலிருந்து கிழங்கு எடுத்து அதை நடவு செய்யவேண்டும். 
தேவையறிந்து பூச்சிக்கொல்லி மருந்துகளைத் தெளித்து அசுவினியைக் கட்டுப்படுத்துவதன் மூலமும் இந்நோய்த் தாக்குதலைத் தவிர்க்கலாம்.
அறுவடை: கிழங்குகள் நன்கு முற்றி தடித்திருக்கும்போது தோண்டி எடுத்தால் சேதம் குறையும். பின்பு கிழங்குகளை ராசி, பெரிய பொடி, வந்தபொடி மற்றும் தள்ளு என்னும் நான்கு விதங்களாக தரம் பிரித்து விற்பனைக்கு அனுப்பவேண்டும்.
மகசூல்: ஹெக்டருக்கு 120 நாளில் 15 முதல் 20 டன் உருளைக் கிழங்குகள் மகசூலாக கிடைக்கும்.
 

]]>
https://images.dinamani.com/uploads/user/imagelibrary/2018/10/18/w600X390/potato1.jpg https://www.dinamani.com/agriculture/2018/oct/18/இறவைப்-பயிராக-உருளைக்-கிழங்கு-சாகுபடி-3022327.html
3022326 விவசாயம் ராகி பயிரில் குலைநோய் தாக்குதல் Thursday, October 18, 2018 12:42 AM +0530 கிருஷ்ணகிரி: கிருஷ்ணகிரி மாவட்டம், ஒசூர் பகுதியில் சாகுபடி செய்யப்பட்டுள்ள ராகி பயிரில் குலைநோய் தாக்குதல் அதிகரித்து வரும் நிலையில், இப்பயிரை காக்கும் முறைகளின் அவசியம் குறித்து ஒசூர் வேளாண்மை உதவி இயக்குநர் ஆலோசனை தெரிவித்துள்ளார்.
ஒசூர் வட்டாரத்தில் தற்போது மானாவாரி பயிராக 6,500 ஹெக்டேர் பரப்பளவில் ராகி சாகுபடி செய்யப்பட்டுள்ளது. தற்போது, ராகி பயிரில் பரவலாக குலைநோய் தாக்குதல் காணப்படுகிறது. இதனால், விவசாயிகளுக்கு மகசூல் குறைந்து, வருவாய் இழப்பு ஏற்பட வாய்ப்பு உள்ளது. எனவே, குலைநோய் தாக்குதலிலிருந்து ராகி பயிரைக் காப்பது விவசாயிகளுக்கு அவசியமாகிறது.
நோய் தாக்குதலின் அறிகுறிகள்:
ராகி பயிரின் இலைகளில் சிறிய பழுப்பு நிற வட்டப் புள்ளிகள் தோன்றும். பின் பெரிய நீள் சுழல் வடிவப் பகுதியாக மாறி, இலைகள் காய்ந்து விடும். குலை நோயின் மூலமாகவே கதிர் காம்புகளில் அதிகம் சேதம் ஏற்படுகின்றன.
பின் கருப்பு நிறமாக மாறி விடும். நோய் தொற்றானது கதிர் பகுதி, அடித்தள கிளைப் பகுதி, தண்டுப் பகுதிகளில் ஏற்படுகிறது. நோய் தொற்று காரணமாக கதிர் பகுதி, பழுப்பு நிறமாக மாறி, முடிவில் பதராகிவிடும்.
உயிரியல் முறை: சூடோமோனாஸ் புளுரசல்ஸை லிட்டர் நீரில் 2 கிராம் கலந்து தெளிக்க வேண்டும். நோய் தாக்குதலுக்கான அறிகுறிகள் தென்பட்டவுடனே முதல் தெளிப்பைத் தெளிக்க வேண்டும். இரண்டாம் மற்றும் மூன்றாம் தெளிப்பை 15 நாள்கள் இடைவெளியில் பூக்கும் தருணத்தில் தெளிக்க வேண்டும்.
சூடோமோனாஸ் புளுரசல்ஸை 2 கிராம் என்ற அளவில் கிலோ விதையை விதை நேர்த்தி செய்ய வேண்டும். கருவேல மர இலைச் சாறு, ஐப்போமியா கார்னியா இலைச் சாறு ஆகியவற்றை தெளிக்க வேண்டும். பூசண கலவையான (கார்பன்டசிம்-மேன்கோசெப்) 02. சதவீத செறிவு கொண்டதை இலை வழியாகத் தெளிக்க வேண்டும். இதனைத் தொடர்ந்து, இரண்டாவது தெளிப்பானது ஒரு லிட்டர் நீரில் 2 கிராம் சூடோமோனாஸ் புளுரசல் கரைசலை 10 நாள்கள் கழித்து தெளிக்க வேண்டும். 
டிரைக்ஷைகுளோசோலை (Tricyclazole)  2 கிராம் என்ற அளவில் ஒரு லிட்டர் நீர் என்ற அளவில் தெளிப்பானுக்கேற்றவாறு கலந்து தெளிக்கலாம். அசாக்ஸிட்ரோபின் (Azoxyxtrobin) ) 2 மில்லி லிட்டர் என்ற அளவில் ஒரு லிட்டர் நீரில் கலந்து தெளிப்பானுக்கு ஏற்றவாறு கலந்து தெளிக்கலாம்.
மேலும், விவரங்களுக்கு கிருஷ்ணகிரி மாவட்டம், ஒசூர், வேளாண்மை உதவி இயக்குநர் அலுவலகத்தைத் தொடர்பு கொள்ளலாம் என அதில் அவர் தெரிவித்துள்ளார்.

]]>
https://images.dinamani.com/uploads/user/imagelibrary/2018/10/18/w600X390/ragi.jpg https://www.dinamani.com/agriculture/2018/oct/18/ராகி-பயிரில்-குலைநோய்-தாக்குதல்-3022326.html
3017673 விவசாயம் மக்காச்சோளத்தில் படைப்புழு தாக்குதல் Thursday, October 11, 2018 12:46 AM +0530 தருமபுரி: மக்காச்சோளத்தில் அண்மைக்காலமாக ஆப்ரிகன் படைப்புழு என்கிற புழு தாக்குதலால் பெரும் பாதிப்பு ஏற்படுகிறது. இந்தப் படைப்புழுத் தாக்குதல் அறிகுறிகளும், அதனைக் கட்டுப்படுத்த விவசாயிகள் மேற்கொள்ள வேண்டிய வழிமுறைகள் குறித்தும் தருமபுரி மாவட்டம், பாப்பிரெட்டிப்பட்டி வேளாண் உதவி இயக்குநர்(பொறுப்பு) சு.அருணன் மற்றும் வட்டார தொழில்நுட்ப மேலாளர் ரவி ஆகியோர் கூறியது: 
தருமபுரி மாவட்டத்தில், பரவலாக மக்காச் சோளம் பயிரிடப்படுகிறது. இதில், பாப்பிரெட்டிப்பட்டி, அதிகாரப்பட்டி, ஏ.பள்ளிப்பட்டி உள்ளிட்ட பகுதிகளில் அதிகளவு பயிரிடப்படுகிறது. மக்காச் சோளத்தில் படைப்புழுத் தாக்குதலினால், விவசாயிகளுக்குப் பாதிப்பு ஏற்படுகிறது. 
தாக்கும் பயிர்கள்
இப் படைப்புழுவானது மக்காச் சோளம், இனிப்பு மக்காச் சோளம், சோளம் மற்றும் புல்வகை களைகளில் தாக்குதல் அதிகம் காணப்படும். இவற்றை தவிர, நெல், கரும்பு, பருத்தி, சிறு தானியங்கள், நிலக்கடலை, புகையிலை மற்றும் கோதுமையிலும் இதன் தாக்குதல் பரவலாகக் காணப்படும். காய்கறிப் பயிர்களை அதிகம் விரும்பாவிட்டாலும், அதிலும் இப் புழுக்கள் பாதிப்பை ஏற்படுத்தும். பூ வகைப் பயிர்களையும், பப்பாளி, திராட்சை போன்ற பழப் பயிர்களையும் தாக்கவல்லது. 
அறிகுறிகள்
படைப் புழுவானது ஆறு புழு நிலைகளைக் கொண்டது. இளம் புழுப் பருவம் கருப்புத் தலையுடன் பச்சை நிறத்தில் காணப்படும். ஆறாம் நிலையிலுள்ள புழுவின் தலைப் பகுதியில் வெண்ணிறக் கோடுகளும், புழுவின் இறுதிப் பகுதியில் சதுர வடிவிலான நான்கு வெண்ணிறப் புள்ளிகளும் தென்படும். 
இந்த அறிகுறிகளைக் கொண்டு விவசாயிகள், இப் புழுவை எளிதில் கண்டறியலாம். புழுக்கள் வெயில் அதிகமாக இருக்கும் போது இலையின் அடிப் பகுதியில் சென்று மறைந்து கொண்டு பாதிப்பை உண்டாக்கும். தாய் அந்துப்பூச்சி 100 முதல் 200 வரை முட்டைகளை குவியல்களாக பெரும்பாலும் இலையின் அடிப் பகுதியில் இடும். முட்டையிலிருந்து வெளிவரும் புழுக்கள் இலையின் அடிப்பகுதியை சுரண்டி சேதாரத்தை உண்டாக்கும். இளம் புழுக்கள் நூலிழைகளை உருவாக்கி அதன் மூலம் காற்றின் திசையில் ஒரு செடியிலிருந்து மற்றொரு செடிக்குச் செல்லும். இளம் செடிகளில் இளம் உறைகளையும், முதிர்ந்த செடியில் கதிரின் நூலிழைகளையும் அதிகம் சேதப்படுத்தும். இரவு நேரங்களில் அதிகமாக சேதத்தை விளைவிக்கும். 
கட்டுப்படுத்தும் முறைகள்
உழவு செய்வதன் மூலம் மண்ணிலுள்ள கூட்டுப் புழுக்களை அழிக்கலாம். விதை நேர்த்தியின் மூலம் ஆரம்ப கட்டத்தில் ஏற்படும் பாதிப்பைத் தவிர்க்க இயலும். காலம் தாழ்த்தி பயிர் செய்வதைத் தவிர்க்க வேண்டும். வயலைச் சுற்றியும் பயறு வகை மரப் பயிர்கள் அல்லது ஆண்டு முழுவதும் பூக்கும் தாவரங்களைத் தடுப்புப் பயிராக விதைக்கலாம். இவை படைப் புழுவின் எதிரிகளை ஊக்குவிக்கும். 
நேப்பியர் புல்லை வயலைச் சுற்றிலும் வரப்புப் பயிராகப் பயிரிடலாம். மக்காச் சோளத்தில் வேலி மசாலை ஊடுபயிராகப் பயிரிடலாம். இதிலிருந்து வெளிவரும் திரவம் படைப் புழுவுக்கு உகந்ததல்ல. மக்காச்சோளத்துடன் மரவள்ளி அல்லது பீன்ஸ் போன்ற படைப் புழுவால் அதிகம் விரும்பப்படாத பயிர்களை ஊடுபயிராகப் பயிர் செய்யலாம். குறுகிய கால மக்காச்சோள ரகங்களைப் பயிரிடுவதன் மூலம் படைப் புழுவின் பாதிப்பைக் குறைக்கலாம். முட்டை ஒட்டுண்ணிகளான டிரைக்கோகிரம்மா, டிலினோமஸ் மற்றும் புழு ஒட்டுண்ணிகளான செலோனிஸ், கொடிசியா போன்றவையும் இப் புழுவின் பாதிப்பைக் குறைக்கவல்லவை. புள்ளி வண்டுகள், தரை வண்டுகள் மற்றும் பூ பூச்சிகள் போன்றவை படைப் புழுவை உண்ணும். வயலில் பூக்கும் பயிர்களைப் பயிரிடுவதன் மூலம் இவற்றின் எண்ணிக்கையை அதிகரிக்கலாம்.
நுண்ணுயிர் பூச்சிகொல்லிகளான பவுரியா பேசியான, மெட்டாரைசியம் அனைசோபிலியே மற்றும் பேசில்லஸ் துரிஞ்சியன்சிஸ் போன்றவற்றை உபயோகிப்பதன் மூலம் படைப் புழுவின் பாதிப்பைக் கட்டுப்படுத்தலாம். 
படைப்புழுவின் பாதிப்பு அதிகமாகும் போது, பேசில்லஸ் துரிஞ்சியன்சிஸ் 2 மில்லி / ஒரு லிட்டர்(தண்ணீர்), ஸ்பைனோசேட் 0.5 மில்லி / ஒரு லிட்டர், இன்டாக்úஸாகார்ப் 1 மில்லி / ஒரு லிட்டர், ஏமமெக்டின் பென்சோயேட் 0.4 கிராம் / ஒரு லிட்டர் ஆகிய பூச்சிகொல்லி மருந்துகளில் ஏதேனும் ஒன்றைப் பயன்படுத்தலாம். 
எனவே, விவசாயிகள் இந்த வழிமுறைகளைப் பின்பற்றி படைப் புழுத் தாக்குதலைக் கட்டுப்படுத்தி, நல்ல மகசூல் பெற்று பயனடையலாம் என்றனர்.

]]>
https://images.dinamani.com/uploads/user/imagelibrary/2018/10/11/w600X390/corn3.jpg https://www.dinamani.com/agriculture/2018/oct/11/மக்காச்சோளத்தில்-படைப்புழு-தாக்குதல்-3017673.html
3017672 விவசாயம் மழைநீரில் மூழ்கும் நெற்பயிர்களை காப்பது எப்படி? Thursday, October 11, 2018 12:46 AM +0530 நீடாமங்கலம்: மழைக் காலங்களில் நெற்பயிருக்கான ஊட்டச்சத்து குறித்தும், மழைநீரில் மூழ்கும் நெற்பயிர்களை காக்கும் வழிமுறைகள் பற்றியும் திருவாரூர் மாவட்டம், நீடாமங்கலம் அறிவியல் நிலைய வேளாண் விஞ்ஞானிகள் ராஜா. ரமேஷ், ஆ. பாஸ்கரன் ஆகியோர் வழங்கும் ஆலோசனைகள்:
காவிரி பாசனப் பகுதியில் தொடர்ந்து பெய்த மழையின் காரணமாக பள்ளமான பகுதிகளில் நீர்த் தேங்கி சம்பா, தாளடி பருவங்களில் சாகுபடி செய்யப்பட்டுள்ள பல்வேறு நிலையில் உள்ள நெற்பயிர்கள் தண்ணீரில் மூழ்கி பாதிப்பு ஏற்பட வாய்ப்புள்ளது. அவ்வாறு பாதிக்கப்படும் நெற்பயிர்களைக் காக்க கீழ்க்கண்ட வழிமுறைகளை பின்பற்ற கேட்டுக்கொள்ளப்படுகிறது. 
தண்ணீரை வடிகட்டுதல் மற்றும் பயிர் பராமரிப்பு
தண்ணீர் தேங்கியுள்ள பகுதிகளில் வடிகால் வசதியை அதிகப்படுத்தி பயிர் மூழ்காத வகையில் நீரை வெளியேற்ற வேண்டும். அதனால், வேர்ப் பகுதிகளில் காற்றோட்டம் ஏற்பட வாய்ப்புள்ளது. இளம் நெற்பயிர்கள் கரைந்து போவதற்கான வாய்ப்புகள் அதிகம் உள்ளன. அவ்வாறன சமயங்களில் அதே ரகம் மற்றும் அதே வயதுடைய நாற்றுகளை கரைந்துபோன இடங்களில் மீண்டும் நடவு செய்ய வேண்டும். சற்று வயதான நெற்பயிராக இருந்தால் வயலில் அதிக தூர்கள் இருக்கும் குத்திலிருந்து சில தூர்களை பிடிங்கி கரைந்துபோன இடங்களில் நட்டு பயிர் எண்ணிக்கையை சரியாக பராமரிக்க வேண்டும்.
நெற்பயிர் தண்ணீரில் மூழ்குவதால் உண்டாகும் பாதிப்புகள்
தண்ணீர் தேங்கிய நிலையில் பிராணவாயு கிடைக்காமல் வேர்களின் சுவாச இயக்கம் பாதிக்கப்படும். பிராணவாயு பயிருக்கு சரிவர கிடைக்காமல் போவதால் அதை சார்ந்த நுண்ணுயிர்களின் செயல் குறைந்துவிடும் அல்லது நின்றுவிடும். மண் அதிகம் குளிர்ந்து விடுவதால் இயற்கையாக மண்ணில் காணப்படும் வெப்பம் குறைந்து மண் மீண்டும் வெப்பம் அடைய அதிக கால அவகாசம் எடுத்துக் கொள்ளும். இந்த குளிர்ந்த நிலையில் மணிச்சத்து, சாம்பல்சத்து, துத்தநாகம் மற்றும் தாமிரச்சத்துக்களை பயிர் எடுத்துக்கொள்ளும் அளவு குறைவதால் அவைகளின் பற்றாக்குறை உண்டாகும். இதனால் பயிரின் வளர்ச்சி தடைபடுகிறது. 
மழைநீர் வடியும்போது நீருடன் மண்ணிலுள்ள தழைச்சத்து, மணிச்சத்து, சாம்பல்சத்து, போரான், சுண்ணாம்பு மற்றும் மாங்கனீசு சத்துக்களின் கரைதிறன் அதிகமாகி தண்ணீரோடு கரைந்து வெளியேறிவிடும். குளிர்ச்சியான வெப்பநிலையில் அங்ககப் பொருள்கள் பதனமாற்றமாகி சத்துக்களாக உருமாற்றம் ஆவது பாதிக்கப்படுவதால் பயிருக்கு கந்தகச்சத்து பற்றாக்குறை ஏற்பட்டு பயிரின் தோகைகள் மஞ்சள் நிறமாக மாறும். மண்ணில் இரும்புச்சத்து அதிகமாகி மாங்கனீசு சத்துக் குறைந்து இலைகளின் விகிதாச்சாரம் பாதிக்கப்பட்டு இரும்பின் அளவு அதிகமாவதால் இலைகள் மஞ்சள் நிறமாக மாறும். மாங்கனீசு சத்தின் பற்றாக்குறையினால் இலைப்புள்ளி நோய்கள் உண்டாகும்.
நிவர்த்தி முறைகள்
வெள்ளநீர் வடிந்தவுடன் தழைச்சத்து உரத்தை அம்மோனியா வடிவில் இடவேண்டும். அதற்கு யூரியாவை நேரடியாக பயிருக்கு அளிக்க வேண்டும். ஒரு ஏக்ருக்கு 22 கிலோ யூரியாவுடன் 18 கிலோ ஜிப்சம் மற்றும் 4 கிலோ வேப்பம் புண்ணாக்கு கலந்து 1 நாள் இரவு வைத்திருந்து மறுநாள் இத்துடன் 17 கிலோ மூரியேட் ஆப்பொட்டாஷ் கலந்து வயலில் சீராக இட வேண்டும். 
மணிச்சத்தை டிஏபி உரத்தின் மூலமாக 2 சத அளவில் தெளிக்கவேண்டும். நுண்ணூட்ட உரக்கலவையினையும் மேலுரமாக தெளிக்கவேண்டும். 
இலை வழி உரமாக அளிக்க வேண்டுமெனில், 2 கிலோ யூரியாவுடன் 1 கிலோ சிங் சல்பேட்டை 200 லிட்டர் தண்ணீரில் கலந்து காலை அல்லது மாலை வேளைகளில் தெளிக்க வேண்டும். அல்லது 4 கிலோ டிஏபி உரத்தை 10 லிட்டர் தண்ணீரில் கலந்து ஓர் இரவு முழுவதும் வைத்திருந்து மறுநாள் காலை வடித்து தெளிந்த நீருடன் 2 கிலோ பொட்டாஷ் உரத்தையும் சேர்த்து 190 லிட்டர் தண்ணீரில் கலந்து காலை அல்லது மாலை வேளையில் தெளிக்கவேண்டும் என்றனர். 
 

]]>
https://images.dinamani.com/uploads/user/imagelibrary/2018/10/11/w600X390/paddy.jpg https://www.dinamani.com/agriculture/2018/oct/11/மழைநீரில்-மூழ்கும்-நெற்பயிர்களை-காப்பது-எப்படி-3017672.html
3013414 விவசாயம் ஜப்பான் தொழில்நுட்பத்தில் சம்பங்கி சாகுபடி Thursday, October 4, 2018 01:46 AM +0530  

அரியலூர்: நவீன தொழில்நுட்பத்தில் சம்பங்கி மலர் சாகுபடியில் அதிக லாபம் கிடைப்பதாக அரியலூர் மாவட்ட விவசாயிகள் தெரிவிக்கின்றனர்.

வறட்சியான பகுதி, மழை பெய்தால் சோளம், நிலக்கடலை எனப் பயிரிட்டு வந்த அரியலூர் மாவட்ட விவசாயிகள் தற்போது சம்பங்கி சாகுபடிக்கு மாறியுள்ளனர். காரணம் இம்மாவட்டத்தில் 900 அடி ஆழத்துக்கு கிணறு அமைத்தும் தண்ணீர் கிடைப்பதில்லை. இங்குள்ள சிமென்ட் ஆலைகளால் விவசாயம் அழிந்து, தற்போது ஆடு மாடு மேய்ச்சல் நிலமாக மாறி வருகிறது. இந்நிலையில் சந்தோஷ மணம் வீசும் சம்பங்கி, "பளபள' வண்ணம் காட்டும் பட்டுப்பூ (கோழிக்கொண்டை) என மலர் சாகுபடியில் சிறப்பான வருமானத்தை ஈட்டு வருகின்றனர் அரியலூர் மாவட்ட பெருவாரியான விவசாயிகள். 

ஒரு காலத்தில் மல்லி, மிளகாய் சாகுபடியில் பெயர் போன அரியலூர் மாவட்டம், தற்போது சம்பங்கி மலர் சாகுபடியில் பெயர் பெற்று வருகிறது. சம்பங்கி மலர் அனைத்து விதமான விழாக்கள் மற்றும் விசேஷங்களில் பயன்படுத்தப்படுகிறது. இதனால் இந்த  மலருக்கு எப்போதும் நல்ல வரவேற்பு உள்ளது. அதிக பணம் மற்றும் தினசரி வருமானம் ஈட்டித் தரும் மலர் பயிர்களில் முக்கிய பங்கு வகிப்பது சம்பங்கி மலர். விவசாயிகளின் பொருளாதார நிலையை உயர்த்தும் பயிர்களில் இதுவும் ஒன்று. 

மெக்சிகன் சிங்கிள், சிருங்கார், பிரஜ்வால், பியர்ள் டபுள், சுவாசினி, வைபவர் ஆகிய ரகங்கள் சாகுபடிக்கு ஏற்றவை. இதில் பிரஜ்வால் ரகம் அதிக மகசூல் தரவல்லது. பூங்கொத்தில் மொட்டுகள் அதிகமாகவும், பூக்கள் நீளமாகவும் காணப்படும். பக்க கிளைப்புகள் அதிகமாக வருவதால் இதனை விவசாயிகள் அதிகமாக சாகுபடி செய்து, அதிக மகசூலைப் பெறுகின்றனர். அதுவும் குறிப்பாக ஜப்பான் தொழில்நுட்பத்தில் சம்பங்கி சாகுபடி செய்வதால், களைகள் அதிகமாக வருவதில்லை. நோய்கள் தாக்குவதில்லை. அதிக மகசூல் கிடைப்பதாக அரியலூர் அஸ்தினாபுரம் விவசாயி பழனிசாமி தெரிவித்தார். 
இதுகுறித்து விவசாயி பழனிசாமி மேலும் கூறியது: 

நவீன தொழில்நுட்பத்தில் விவசாயம் மேற்கொண்டதால்  அதிக மகசூல் கிடைக்கிறது. நஷ்டம் என்ற பேச்சுக்கே இடமில்லை. நானும், டிப்ளமோ மெக்கானிக் இன்ஜினியரிங் படித்துள்ள எனது மகன் சிரஞ்சீவியும் சேர்ந்து இந்த மலர் சாகுபடியில் ஈடுபட்டு வருகிறோம். எங்களுக்கு 6 ஏக்கர் நிலப்பரப்பில் இரண்டரை ஏக்கரில் சம்பங்கி சாகுபடி செய்துள்ளோம். மற்ற இரண்டரை ஏக்கரில் கரும்பு, மரவள்ளி உள்ளிட்ட பயிர்கள் சாகுபடி செய்துள்ளோம்.  கரும்பு, மரவள்ளி பயிர்களில் அதிக லாபம் கிடைப்பதில்லை. ஆனால் தற்போது நவீன தொழில்நுட்பத்தில் சாகுபடி செய்துள்ள சம்பங்கி மலர்களால் அதிக லாபம் கிடைக்கிறது. முதன்முதலில் திண்டுக்கல்

மாவட்டத்தில் இருந்து விதை (கிழங்கு) வாங்கி வந்து பயிர் செய்தோம். தற்போது,  ஜயங்கொண்டம் அருகேயுள்ள காடுவெட்டி கிராமத்தில் இருந்து விதை கிழங்கு வாங்கி பயிரிட்டுள்ளோம். ஒரு ஏக்கர் நிலத்திற்கு 40,000-50,000 (350கிலோ) விதைக் கிழங்கு தேவைப்படும். 

ஜப்பான் தொழில்நுட்பம்:சம்பங்கி விதையை (கிழங்கை) நிலத்தில் பதித்து, அதன் மேலே நிலப் போர்வை போர்த்தி விடுவதால், களைகள் மற்றும் பூச்சிகள், பாம்புகள் வருவதில்லை. மேலும் சொட்டு நீர்ப் பாசன முறையைப் பின்பற்றி வருவதால், எப்போதும் கிழங்கு ஈரத்திலேயே இருக்கிறது. இதனால் செடி எப்போதும் பசுமையாகவே உள்ளது. எந்தவித நோய்களும் தாக்குவதில்லை. 

மூன்றாவது மாதத்தில் இருந்தே அறுவடை: நடவு செய்த மூன்றாவது மாதத்தில் இருந்தே தினமும் மலர்களைப் பறிக்கத் தொடங்கலாம். தினமும் அதிகாலை ஐந்து மணியிலிருந்து மலர்களைப் பறிக்கத் தொடங்கி எட்டு மணிக்குள் சந்தைக்கு கொண்டு செல்ல வேண்டும்.  அதிகாலையில் சந்தைக்கு வந்தடையும் பூக்களுக்கு நல்ல விலை கிடைக்கும் எனக் கூறினார். 

மூன்றாவது மாதத்  தொடக்கத்தில் ஒரு கிலோ, இரண்டு கிலோ எனப் படிப்படியாக உயர்ந்து 160 கிலோ (எழுபது  சென்ட்டில்) வரை மகசூல் கிடைக்கும். சந்தை நிலவரம் தினமும் ஏற்ற இறக்கத்துடன் இருக்கும். அப்படி இருக்கையில், சராசரியாக ஒரு கிலோ பூக்களுக்கு ரூ.100 வரை கிடைக்கும்.

ஒரு ஏக்கருக்கு இதுவரை ரூ.2 லட்சம் செலவாகியுள்ளது. அது ஒர் ஆண்டுக்குள்ளே செய்த செலவை எடுத்து விடலாம். அதன்பிறகு நாம் செலவு செய்ததைவிட இரண்டு மடங்கு லாபம் கிடைக்கிறது. இந்த பயிரை  நன்றாகப் பராமரித்தால் ஐந்தாண்டு வரை லாபம் ஈட்டலாம். 

முறையாக சாகுபடி செய்ததால் பல விவசாயிகள் ஆர்வத்துடன் வந்து தன்னிடம் விளைவிக்கும் முறைகளைக் கேட்டுச்செல்கின்றனர். அரியலூர் மாவட்ட தோட்டக் கலைத்துறை மூலம் சொட்டு நீர்ப் பாசனத்துக்கு 80 சதவீத  மானியத்துடனும் தேவையான உரம் மற்றும் பூச்சிகொல்லி மருந்துகளையும் மானிய விலையில் வழங்கி வருகின்றனர். இது எங்களுக்கு மிகவும் பயன் உள்ளதாக உள்ளது.

மேலும் இயற்கை விவசாயத்தில் ஆர்வம் கொண்டதால் பஞ்சகாவ்யம், அக்னி அஸ்த்திரம், ஜீவாமிர்தம், கன ஜீவாமிர்தம் என அனைத்தும் தானே தயாரித்து பயிருக்கு தெளித்து வருகிறோம் என்றார் அவர். அரியலூர்,ஜயங்கொண்டம்,செந்துறை, திருமானூர், பொன்பரப்பி உள்ளிட்ட பகுதிகளில் சம்பங்கி சாகுபடி அதிகளவில் பயிரிடப்பட்டுள்ளது.

எனவே மாறிவரும் பருவநிலைக்கு ஏற்ப விவசாயத்தை மேற்கொண்டால் விவசாயத்தில் கிடைக்கும் வருமானம் வேறு எந்தத் தொழிலிலும் கிடைக்காது.

]]>
https://images.dinamani.com/uploads/user/imagelibrary/2018/10/4/w600X390/farm2.jpg https://www.dinamani.com/agriculture/2018/oct/04/ஜப்பான்-தொழில்நுட்பத்தில்-சம்பங்கி-சாகுபடி-3013414.html
3013413 விவசாயம் நெற்பயிரில் குருத்துப் பூச்சி மேலாண்மை! Thursday, October 4, 2018 01:45 AM +0530  

திருநெல்வேலி: நெற்பயிரில் லாபகரமான மகசூலை எட்ட குருத்துப்பூச்சி மேலாண்மை அவசியமாகும். இதுதொடர்பாக அம்பாசமுத்திரம் நெல் ஆராய்ச்சி நிலைய பேராசிரியர் மற்றும் தலைவர் ச.ஆறுமுகச்சாமி வழங்கும் ஆலோசனைகள்:
நெற்பயிரை பல்வேறு விதமான பூச்சிகள் தாக்கினாலும், குருத்துப் பூச்சியானது மகசூலை குறைப்பதில் முக்கிய பங்கு வகிக்கிறது. குருத்துப் பூச்சியின் தாக்குதலானது அதிக வயதுடைய நாற்றுகளை நடும்போதும், தொடர்ந்து நெற் பயிரை மட்டும் பயிரிடும் இடங்களிலும் அதிகமாகக் காணப்படும். பொதுவாக நான்கு வகையான குருத்துப் பூச்சிகள் இருந்தாலும், மஞ்சள் குருத்துப் பூச்சியானது அதிக சேதத்தை ஏற்படுத்துகிறது.
வாழ்க்கைப் பருவம்: தாய் அந்துப் பூச்சிகள் மஞ்சள் நிறத்துடன் முன்னிறக்கையில் கரும்புள்ளியுடன் காணப்படும். இவை இலை நுனிக்கு சற்று கீழே முட்டைகளை குவியல்களாக இட்டு அதனை ஒருவித உரோமங்களினால் மூடிவிடும். ஒவ்வொரு முட்டைக் குவியலிலும் 15 முதல் 80 முட்டைகள் இருக்கும். 
ஒவ்வொரு தாய்ப்பூச்சியும் 2 முதல் 3 முட்டைக் குவியல்களை இடும். பொதுவாக முட்டையிலிருந்து புழுக்கள் வெளிவர எடுத்துக்கொள்ளும் காலம் 5 முதல் 8 நாள்கள் ஆகும். புதிதாக வெளிவரும் புழுவானது வெளிறிய மஞ்சள் நிறத்துடனும், அடர்ந்த பழுப்பு நிறத் தலையுடனும் காணப்படும். பொதுவாக, புழுப்பருவமானது 33 முதல் 41 நாள்கள் ஆகும். புழுவானது அடிதண்டினுள் நுழைந்து உள்ளே சென்று கூட்டுப்புழுவாக மாறும். கூட்டுப்புழுவானது அந்துப் பூச்சியாக வெளியே வர எடுத்துக்கொள்ளும் காலம் 6 முதல் 10 நாள்கள் ஆகும். 
தாக்குதல் மற்றும் அறிகுறிகள்: முட்டையிலிருந்து புழுவானது வெளியே வந்தவுடன் அதன் வாயிலிருந்து சுரக்கும் ஒருவித நூலினால் கீழிறங்கி, தண்ணீரில் நீந்திச் சென்று அருகிலுள்ள பயிர்களின் தண்டினைச் சென்றடையும். 
பின்னர் தண்டினைத் துளைத்து, நடுக்குருத்தைக் கடித்து உண்கின்றன. இதனால் பாதிக்கப்பட்ட தூர்களின் நடுக்குருத்து வாடி நாளடைவில் காய்ந்து விடுகின்றன. இவ்வாறு தாக்கப்பட்ட பயிர்கள் வளர்ச்சி குன்றி காணப்படும். இப்புழுக்கள் தொடர்ந்து வளர்ந்த பயிர்களையும், அதாவது கதிர் விடும் சமயத்தில் தாக்கும்பொழுது கதிரில் உள்ள மணிகள் பால்பிடிக்காமல் சாவியாகி வெண் கதிர்களாக மாறிவிடுகின்றன. இதனால் மகசூல் பெருமளவில் குறைகிறது. 
இவ்வாறு தாக்கப்பட்ட காய்ந்த குருத்துகள் மற்றும் வெண் கதிர்களைக் கையால் இழுக்கும்போது அவை சுலபமாகக் கையோடு வந்துவிடும். தாக்கப்பட்ட தண்டின் கணுக்களுக்கு அருகில் புழு குடைந்த துளை காணப்படும். மேலும்  தாக்கப்பட்ட பயிர் தண்டினை முழுவதுமாகப் பிளந்து பார்த்தால் புழு குடைந்து உண்ட தண்டுப்பகுதியும், அதன் கழிவுகளும், சில சமயங்களில் புழுவோ, அதனுடைய கூட்டுப்புழுவோ உள்ளிருப்பதும் தெரியும்.
பொருளாதார சேதம்: இளம் பயிரில் ஒரு சதுர மீட்டருக்கு 2 முட்டைக் குவியல்கள் இருக்கும்.  பயிரின் வளர்ச்சிக் காலத்தில் 10 சதவீத தூர்களில் நடுக்குருத்து வாடி இருக்கும். மணி பிடிக்கும் 2 சதவீத வெண் கதிர்கள்  தோன்றும்.
தாக்குதலை தடுப்பது எப்படி?: அறுவடை செய்த பின்னர் தாள்களை மடக்கி உழுவதன் மூலம் கூட்டுப்புழுக்களை அழிக்கலாம்.  நடவு செய்யும்போது வாடிய குருத்து உடைய நாற்றுகளை தவிர்க்க வேண்டும்.  நடுவதற்கு முன் இலையின் நுனியில் உள்ள முட்டைக் குவியல்களைச் சேகரித்து அழிப்பதன் மூலம் இப்பூச்சியின் எண்ணிக்கையை கணிசமாகக் குறைக்கலாம். பரிந்துரைக்கப்பட்ட அளவிற்கு அதிகமாக தழைச்சத்து இடக்கூடாது. நடவு வயலில் டிரைக்கோகிரம்,  ஜப்பானிகம் முட்டை ஒட்டுண்ணியை ஏக்கருக்கு 2 சி.சி. வீதம் 15 நாள்கள் முதல் வாரம் ஒரு முறை நான்கு வாரத்திற்கு வயலில் கட்டி குருத்துப்பூச்சியின் முட்டைகளை அழிக்கலாம்.
ஏக்கருக்கு ஒரு விளக்குப்பொறி மற்றும் 5 இனக்கவர்ச்சிப் பொறி என்ற அளவில் வைத்து அந்துப் பூச்சியினை கவர்ந்து அழிக்கலாம். மேலும் பூச்சிகளின் நடமாட்டத்தைக் கண்காணித்து அதனுடைய  ண்ணிக்கைக்கேற்ப மருந்து தெளிக்க வேண்டும். இப்பூச்சியானது பொருளாதாரச் சேத நிலையை தாண்டும் பொழுது ஒரு ஏக்கருக்கு குளோரன்டிராலினிப்புரோல்18.5 எஸ்சி 60 மி.லி. அல்லது டிரைஅசோபாஸ் 40 எஸ்சி 400 மி.லி. அல்லது இன்டாக்சகார்ப் 14.5 எஸ்சி 80 மி.லி. அல்லது மோனோகுரோட்டோபாஸ் 36 டபிள்யூஎஸ்சி 400 மி.லி. அல்லது புரோபனோபாஸ் 50 எஸ்சி 400 மி.லி அல்லது தையோமீதாக்சோம் 25 டபிள்யூசி 400 மி.லி. அல்லது புளுபென்டியமைடு 480 எஸ்சி 20 மி.லி. அல்லது குளோர்பைரிபாஸ் 500 இசி 400 மி.லி. அல்லது கார்டாப் ஹைட்ரோகுளோரைடு 50 எஸ்பி 200-250 கிராம் என்ற அளவில் தெளிக்க வேண்டும். 
விசைத் தெளிப்பானுக்கு ஏக்கருக்கு 60 லிட்டர் தண்ணீரும், கைத்தெளிப்பான் என்றால் 200 லிட்டர் தண்ணீரும் வேண்டும். டேங்க் ஒன்றிற்கு ஒட்டும் திரவம் 20 மி.லி. என்ற அளவில் கட்டாயம் கலந்து காலை அல்லது மாலை நேரங்களில் தெளிக்க வேண்டும் என்றார். 
 

]]>
https://images.dinamani.com/uploads/user/imagelibrary/2018/10/4/w600X390/farm1.jpg https://www.dinamani.com/agriculture/2018/oct/04/நெற்பயிரில்-குருத்துப்-பூச்சி-மேலாண்மை-3013413.html
3008400 விவசாயம் தென்னையில் வெள்ளை ஈயின் பாதிப்பும், தடுப்பு வழிமுறைகளும்! Thursday, September 27, 2018 12:55 AM +0530 நீடாமங்கலம் : தென்னையைத் தாக்கும் புதுவகையான ரூகோஸ் சுருள் வெள்ளை ஈ தடுப்பு நடவடிக்கைகளை மேற்கொள்ள திருவாரூர் மாவட்டம், நீடாமங்கலம் வேளாண்மை அறிவியல் நிலைய உதவி பேராசிரியர் ராஜா. ரமேஷ் தெரிவித்துள்ள ஆலோசனைகள்:
கற்பக விருட்சம் என்று அழைக்கப்படும் தென்னை மரத்தைப் பல்வேறு பூச்சிகள் தாக்கி, மகசூல் பாதிப்புக்குக் காரணமாக அமைகின்றன. தற்போது புது வகையான ரூகோஸ் சுருள் வெள்ளை ஈ என்ற பூச்சியின் தாக்குதல் தென்னை சாகுபடி செய்யப்படும் ஒரு சில பகுதிகளில் தென்படுகிறது. 
ரூகோஸ் சுருள் வெள்ளை ஈ: முதல் முதலில் இந்த ஈயானது, கடந்த 2004-ஆம் ஆண்டு மத்திய அமெரிக்காவிலுள்ள பெலிஸ் நாட்டில் கண்டறியப்பட்டது. ஆனால், இவற்றின் தீவிர தாக்குதலானது புளோரிடா மாகாணத்தில் 2009-ஆம் ஆண்டு தென்னையில் கண்டறியப்பட்டது. தமிழகத்தில் முதல்முறையாக பொள்ளாச்சி பகுதிகளில் கடந்த 2016-ஆம் ஆண்டு கண்டறியப்பட்டது. 
வாழ்க்கை சுழற்சி: இந்த வெள்ளை ஈக்கள் வட்ட அல்லது சுருள் வடிவிலான 0.3 மி.மீ. அளவுள்ள மஞ்சள் நிற முட்டைகளை இலைகளின் அடிப்பரப்பில் தனித்தனியாக இடுகின்றன. இவை மெழுகுப் பொருளால் ஒன்றிணைக்கப்பட்டு அரை வட்டமாகக் காட்சியளிக்கும். முட்டையிலிருந்து வெளிவரும் முதல்நிலை குஞ்சுகள் கால்களுடன் நகரும் தன்மை கொண்டவை. மற்ற நிலை குஞ்சுகள் நகரும் தன்மையற்றவை.
முதிர்ந்த பருவத்தில் இறக்கைகளுடன் காணப்படும். 2.5 மி.மீ., நீளமுள்ள இவை மற்ற வெள்ளை ஈக்களைக் காட்டிலும், அளவில் சற்று பெரியவை. மேலும், ஒழுங்கற்ற இளம்பழுப்பு நிற பட்டையானது இதன் இறக்கைகளில் காணப்படுவது இவற்றைக் கண்டறிவதற்கு முக்கிய அடையாளமாகும்.
சேத அறிகுறி: குஞ்சுகளானது இலைகளின் சாற்றை உறிஞ்சி வளர்கின்றன. இவை 30 நாள்களில் முழு வளர்ச்சியடைந்த ஈக்களாக மாறி, காற்றின் திசையில் பரவி, அடுத்தடுத்த தோட்டங்களில் உள்ள தென்னை மரங்களில் பாதிப்பை ஏற்படுத்துகின்றன. இந்த ரூகோஸ் சுருள் வெள்ளை ஈக்கள் கூட்டம் கூட்டமாக தென்னை ஓலைகளின் அடிப்பகுதியில் காணப்படும். இந்த ஈக்களிலிருந்து வெளியேறும் பசை போன்ற கழிவு, இலைகளின்மேல் படர்ந்து கேப்னோடியம் எனப்படும் கரும்பூசணம் ஏற்பட ஏதுவாகின்றது. இவ்வாறு மேற்புறம் கருப்பாக மாறிய ஓலையில் பச்சையம் செயலிழந்து மகசூல் குறையவும் வாய்ப்புள்ளது. 
தாக்கும் பிற மரப்பயிர்கள்: ரூகோஸ் சுருள் வெள்ளை ஈயானது, 200-க்கும் மேற்பட்ட பயிர்களைத் தாக்குவதாகக் கண்டறியப்பட்டுள்ளது. அவற்றுள் மிக முக்கியமானவை மா, பலா, வாழை, கொய்யா, சீதாப்பழம் உள்ளிட்டவையாகும். ஆனால், குட்டை ரக தென்னை மரங்களையே இவை அதிக அளவில் தாக்கும் தன்மை வாய்ந்தவை.
தடுப்பு முறைகள்: 
ஏக்கருக்கு ஒன்று என்ற அளவில் விளக்குப் பொறிகளைப் பயன்படுத்தி, பூச்சிகளின் நடமாட்டத்தைக் கண்காணிக்க வேண்டும்.
மஞ்சள் நிற ஒட்டும்பொறிகள் வளர்ச்சியடைந்த வெள்ளை ஈக்களை கவரும் தன்மையுடையவை. எனவே, 3 அடி நீளம் மற்றும் 1 அடி அகலமுடைய பாலித்தீன் தாள்களால் ஆன ஒட்டும்பொறிகளை ஏக்கருக்கு 20 எண்ணிக்கையில் தென்னைத் தோட்டங்களில் 5 முதல் 6 அடி உயரத்தில் வைத்து, பூச்சிகளின் நடமாட்டத்தைக் கண்காணிக்கவும்.
பூச்சிகளின் வளர்ச்சியைத் தடுக்க தென்னை ஓலையின் அடிப்புறம் தண்ணீரை நன்கு பீய்ச்சியடிக்க வேண்டும்.
கிரைசோபாலா இரை விழுங்கிகள் இந்த பூச்சிகளின் வளர்ச்சி நிலைகளை நன்றாக உள்கொள்வதால், ஒவ்வொரு தென்னந்தோப்புகளிலும் இதை ஹெக்டேருக்கு 1,000 என்ற எண்ணிக்கையில் விட வேண்டும்.
ஒரு லிட்டர் நீருக்கு வேப்பெண்ணெய் 30 மில்லி அல்லது அசாடிராக்டின் ஒரு சதவீத மருந்தை ஒரு லிட்டர் நீருக்கு 2 மில்லி என்ற அளவில், தேவையான அளவு ஒட்டும் திரவத்துடன் கலந்து, தென்னை ஓலையின் அடிப்புறம் நன்கு படும்படி 15 நாள்கள் இடைவெளியில் 2 முறை தெளித்து தாக்குதலைக் குறைக்க வேண்டும்.
இலைகளின் மேல் படரும் கரும்பூசணத்தை நிவர்த்தி செய்ய ஒரு லிட்டர் நீருக்கு 25 கிராம் என்ற அளவில் மைதா மாவுக்கரைசலை தென்னை ஓலைகளின் மேல் நன்கு படுமாறு தெளிக்க வேண்டும்.
இவ்வகை வெள்ளை ஈக்கள் அதிகளவு பரவும்போது, கிரைசோபாலா இரைவிழுங்கிகள், காக்சினெல்லிட் பொறி வண்டுகள் மற்றும் என்காரிஸியா ஒட்டுண்ணிகள் ஆகிய இயற்கை எதிரிகள் தோப்புகளிலேயே உருவாக ஆரம்பிக்கும். 
அதிக அளவு பூச்சிக்கொல்லிகளை உபயோகிக்கும்போது இயற்கை எதிரிகள் அழிந்துவிடும். எனவே, பூச்சிக்கொல்லிகளைத் தவிர்த்து, இயற்கை எதிரிகள் வளர்வதற்கு உரிய சூழலை மேம்படுத்துவது முக்கியமாகும். ஆகையால், தென்னை விவசாயிகள் அனைவரும் புதிய வகையான ரூகோஸ் சுருள் வெள்ளை ஈ பூச்சியின் நடமாட்டத்தைக் கண்காணித்து, அவசர கால தடுப்பு நடவடிக்கைகளை மேற்கொள்ள வேண்டும் என்றார் அவர்.
 

]]>
https://images.dinamani.com/uploads/user/imagelibrary/2018/9/27/w600X390/tree.jpg https://www.dinamani.com/agriculture/2018/sep/27/தென்னையில்-வெள்ளை-ஈயின்-பாதிப்பும்-தடுப்பு-வழிமுறைகளும்-3008400.html
3008399 விவசாயம் கறவை மாடுகளைத் தாக்கும் மடி நோயை தடுப்பது எப்படி? Thursday, September 27, 2018 12:54 AM +0530 கிருஷ்ணகிரி: கறவை மாடுகளைத் தாக்கும் நோய்களில் முக்கியமானது மடி நோய். கறவை மாட்டின் பால் மடியில் உள்ள பால் சுரக்கும் சுரப்பிகளில் சுழற்சி ஏற்படுவதுதான் மடி வீக்க நோய் அல்லது மடி நோய் என அழைக்கப்படுகிறது. நமது நாட்டு மாடுகளை அதிகம் மடி நோய் தாக்குவது இல்லை. அதிக பால் தரக் டிய வெளிநாட்டு கலப்பின மாடுகளான ஜெர்ஸி போன்ற கறவை மாடுகளைத் தான்இந்நோய் அதிகம் தாக்குகிறது. இதனால், பால் உற்பத்தி குறைவதுடன், பொருளாதார இழப்பும் ஏற்படுகிறது. 
நோய் காரணம்: பல்வேறு நுண்ணுயிர்கள், நச்சுயிரிகள் மாட்டின் மடியில் உள்ள பால் சுரப்பிகளைத் தாக்கி மடி வீக்க நோயை ஏற்படுத்துகின்றன. இத்தகைய கிருமிகள் பொதுவாக காம்பின் நுனியில் உள்ள துவாரத்தின் வழியாக மடிக்குள் சென்று பால் மடி திசுக்களில் பெருகி மடி நோயை உண்டாக்கும்.
அசுத்தமான சூழ்நிலையில் வளர்க்கப்படும் மாடுகளையே இந்த நோய் தாக்குகிறது. அசுத்தமான உபகரணங்கள், பால் கறவையாளரின் அசுத்தமான கைகள், உடைகள் மற்றும் அசுத்தமான சுற்றுச்சூழல் போன்றவற்றின் மூலம் இந்த நோய் ஒரு மாட்டிலிருந்து மற்ற மாடுகளுக்குப் பரவுகிறது. 
நோய் அறிகுறிகள்: இந்த நோய் தாக்குதலுக்கு உள்ளான மாட்டின் மடியானது வீக்கத்துடன் காணப்படும். பாதிக்கப்பட்ட மாட்டின் மடியானது வெதுவெதுப்பாகவும், வலியுடனும் இருக்கும். வலியின் காரணமாக மடியைத் தொட்டால் மாடு உதைக்கும். நோய் தீவிரமாக இருந்தால் காய்ச்சல் அதிகமாக இருக்கும். தீவனத்தை உள்கொள்ளாது. நோயுள்ள மடியிலிருந்து கறக்கப்படும் பாலானது நீர்த்து திரவமாகவும், திரித் திரியாகவும் காணப்படும். சில நேரங்களில் இரத்தம் கலந்தும் காணப்படும். கறக்கப்படும் பாலின் அளவு குறைந்து விடும். 
முதலுதவி: 200 கிராம் சோற்றுக்கற்றாழை, 50 கிராம் மஞ்சள், 5 கிராம் சுண்ணாம்பு ஆகியவற்றை ஆட்டுக் கல்லில் நன்றாக கெட்டியாக அரைத்து ஒரு கையளவு எடுத்து, சிறிது நீர் கலந்து பாதிக்கப்பட்ட மாட்டின் பால் மடிப் பகுதி முழுவதும் நன்றாக பூச வேண்டும். ஒரு நாளைக்கு 10 முறை என நோய் தாக்குதல் குறையும் வரையில் பூச வேண்டும். இதற்குள் அருகில் உள்ள கால்நடை மருத்துவரின் ஆலோசனையைப் பெற வேண்டும். 
சிகிச்சை: நோய் தாக்குதலுக்கு உள்ளான கறவை மாடு, அசதியாக இருக்கும் நிலையில், உடனடியாக கால்நடை மருத்துவரின் உதவியை நாட வேண்டும். மருத்துவரின் ஆலோசனையின்படி நோய் தாக்குதலுக்கு காரணத்தைக் கண்டறிந்து, அதற்கு ஏற்ப மருந்தைப் பயன்படுத்த வேண்டும். நோயின் தன்மைக்கு ஏற்ப தொடர்ச்சியாக சிகிச்சை அளிக்க வேண்டும். சிகிச்சை தாமதமாகும் பட்சத்தில், மாடு உயிரிழக்க வாய்ப்பு உள்ளதோடு, பொருளாதார இழப்பையும் ஏற்படுத்தும். 
நோய் தடுப்பு முறைகள்: மாட்டுக் கொட்டகையை சுத்தமாகவும், சுகாதாரமாகவும் வைத்திருக்க வேண்டும். சாணம் மற்றும் சிறுநீர் தேங்காமல் பராமரிக்க வேண்டும். பால் கறக்க பயன்படுத்தப்படும் பாத்திரம் அல்லது இயந்திரத்தை சுத்தமாகப் பராமரிக்க வேண்டும். பால் கறக்கும் முன்பும் பின்பும் மடியை பொட்டாசியம் பெர்மாங்கனேட் என்ற கிருமி நாசினியைக் கொண்டு தூய்மைப்படுத்திய பின், உலர்ந்த துணியைக் கொண்டு துடைக்க வேண்டும். 
பால் கறப்பவரின் கை நகங்களை வெட்டி, சுத்தமாக வைத்துக் கொண்டு கறவை பணியில் ஈடுபட வேண்டும். கறவை மாட்டுக்கு காயம் ஏற்படாமல் இருக்கும் வகையில் பாலைக் கறக்க வேண்டும். பால் கறந்தவுடன், மாட்டைப் படுக்க அனுமதிக்கக் கூடாது. பால் கறந்தவுடன் அதன் காம்பு விரிந்திருக்கும். இத்தகைய நிலையில், மாட்டைப் படுக்க அனுமதித்தால் நோய் கிருமி தொற்று ஏற்பட வாய்ப்பு உள்ளது. மடியில் பால் தேங்க விடாமல் முற்றிலும் கறந்து விட வேண்டும். விட்டமின் ஈ, தாமிரம் போன்ற சத்துக்கள் சரிவிகிதமாக இருக்கும் தீவனத்தை அளிக்க வேண்டும். இரண்டு வாரத்துக்கு ஒரு முறை கறவை செய்த பாலை பரிசோதனை செய்து நோய் உள்ளதா என்பதைக் கண்டறிவது நல்லது. ஆரம்ப நிலையிலேயே நோய் தாக்குதலை கண்டறிவதன் மூலம் சிகிச்சை அளிப்பது எளிது. 
தமிழ்நாடு கால்நடை மருத்துவ அறிவியல் பல்கலைக்கழகத்தில் மடி நோயைத் தடுக்க மாஸ்டிகார்டு என்ற புதிய தொழில் நுட்பம் அறிமுகப்படுத்தப்பட்டுள்ளது. டீப் புரொடெக்ட் என்பது எந்த ரசாயனமும் இல்லாத இயற்கை மூலப் பொருள்களால் உருவாக்கப்பட்டது. இத்துடன் தாணுபாஸ் சோமாடிக்செல் கணக்கீட்டு கலனைப் பயன்படுத்துவதன் மூலம் மடி வீக்க நோயிலிருந்து மாட்டினங்களைப் பாதுகாக்கலாம். 
மடி வீக்க நோய்க்கான அறிகுறிகள் தெரியவந்தால், தானாக சிகிச்சை செய்வதற்கு முற்படாமல், கால்நடை மருத்துவர்களை அணுகி முறையான சிகிச்சைக்கான வழிவகைகளைச் செய்ய வேண்டும். இதனால், மடி நோயினால் ஏற்படும் பொருளாதார இழப்பைத் தடுக்கலாம்.
மேலும், விவரங்களுக்கு கிருஷ்ணகிரி அருகே எலுமிச்சங்கிரி கிராமத்தில் உள்ள வேளாண் அறிவியல் மையத்தைத் தொடர்பு கொள்ளளாம்.
 

]]>
https://images.dinamani.com/uploads/user/imagelibrary/2018/9/27/w600X390/cow.jpg https://www.dinamani.com/agriculture/2018/sep/27/கறவை-மாடுகளைத்-தாக்கும்-மடி-நோயை-தடுப்பது-எப்படி-3008399.html
3003632 விவசாயம் மானாவாரி நிலங்களில் மண்வளத்தை மேம்படுத்தும் தொழில்நுட்பங்கள் Thursday, September 20, 2018 01:05 AM +0530

பெரம்பலூர்: தமிழ்நாட்டின் மொத்த நிலப்பரப்பான 13 மில்லியன் ஹெக்டேரில் சுமார் 7 மில்லியன் ஹெக்டேர் பரப்பளவில் வேளாண் தொழில் நடைபெற்று வருகிறது. அவற்றில், 3.1 மில்லியன் ஹெக்டேர் பரப்பில் மானாவாரி விவசாயம் நடைபெற்று வருகிறது. தமிழ்நாட்டில் பெரும்பாலான பரப்பளவில் மானாவாரி நிலங்கள் அதிக சூரிய ஒளிக்கதிர்களின் தாக்கம், வறட்சி ஆகிய இயற்கையின் இடர்பாடுகளுக்கு இலக்காகிறது. 
கரிசல் மண், வண்டல் மண், செம்மண் ஆகிய பல்வேறு மண் வகைகளில் மானாவாரி நிலங்கள் தென்படுகின்றன. பொதுவாக மானாவாரி நிலங்கள் மண் வளம் குன்றி காணப்படுவதுடன் குறைந்த மண் ஈரப்பதம், களர் தன்மை, சுண்ணாம்புச் சத்துமிகுதி, மேல் மண் இறுக்கம், அடிமண் இறுக்கம் போன்ற இடர்பாடுகளையும் கொண்டுள்ளது. எனவே, உழவர்கள் தகுந்த நிலவள மேலாண்மை முறைகளைக் கையாண்டு மண் வளத்தை மேம்படுத்தி நிலையான வேளாண்மைக்கு வித்திட வேண்டும். 
இதுகுறித்து, பெரம்பலூர் மாவட்டம், வாலிகண்டபுரத்தில் உள்ள வேளாண் அறிவியல் மைய உழவியல் தொழில்நுட்ப வல்லுநர் மு. புனிதவதி கூறியது:
கோடை உழவு: கோடை காலத்திலும், தென்மேற்குப் பருவமழைக் காலத்திலும் பெய்யும் மழைநீரை நிலத்தில் சேமித்திட கோடை உழவு அவசியமாகிறது. கோடை உழவு செய்வதால் மழைநீர் பூமிக்குள் செல்ல வழி வகுக்கப்படுகிறது. பருவ விதைப்பு மேற்கொள்வதற்கு வசதியாக இருக்கும். எனவே, மானாவாரி பயிர் அறுவடை முடிந்தவுடன் மார்ச் மாதத்தில் கோடை உழவு ஆரம்பிப்பதே உரிய காலமாகும். இதனால் அடி மண் இறுக்கம் நீக்கப்பட்டு, நீர் கொள்திறன் அதிகரிப்பதுடன் விளைச்சலும் 20 சதம் வரை அதிகரித்துள்ளதை ஆய்வுகள் உறுதிசெய்துள்ளன. 
பகுதிப்பாத்தி அமைத்தல்: மானாவாரி நிலங்களில் பகுதிப்பாத்தி அமைத்தல் ஒரு சிறந்த ஈரம் காக்கும் முறையாகும். இந்த முறையில் நிலங்களை 8க்கு 5 மீ என்ற அளவில் சிறு, சிறு பகுதிகளாகப் பிரித்துக்கொள்ள வேண்டும். இந்த சிறு பாத்திகள் ஒவ்வொன்றும், சிறு சிற்றணைகளாகச் செயல்பட்டு பாத்திப் பரப்பில் பெய்யும் மழைநீரை நீண்ட காலத்திற்கு தேக்கி வைக்கிறது. தேக்கப்பட்ட நீர் அனைத்தும் மண்ணுக்குள் உறிஞ்சப்படுவதால், நிலத்தடியில் நீர் கொள்திறன் அதிகரிக்கிறது. 
நிலப்போர்வை அமைத்தல்: பயிர்க் கழிவுகளை நிலப்போர்வையாகப் பயன்படுத்துவதால் நிலத்திலுள்ள நீர் ஆவியாக வெளியேறுவது தடுக்கப்படுகிறது. சோளத் தட்டை, கம்புத் தட்டை, சூரியகாந்தி தட்டை, நிலக்கடலைத் தோல், தென்னை நார்க்கழிவு போன்றவை மண்ணில் ஈரம் காக்கப் பயன்படுகின்றன. இக்கழிவுகள் அங்கக உரமாகமாறிப் பயிருக்குப் பயன்படுகின்றன. மண் மூடாக்கு அமைப்பதால் மண் அரிமானம் தடுக்கப்படுகிறது. 
தாவர அரண் அமைத்தல்: வெட்டிவேர், கொழுக்கட்டைப்புல் மற்றும் எலுமிச்சம்புல் போன்ற தாவரஅரண்களுக்கு இடையே மானாவாரிப் பயிர்களை சாகுபடிசெய்யலாம். இதனால் மழைநீர் வீணாவது தடுக்கப்படுவதுடன் மண் அரிமானமும் தடுக்கப்படுகின்றது.
அங்கக உரங்கள் இடுதல்: மானாவாரி நிலங்களில் அங்ககச் சத்துக் குறைவாக இருக்கும். இந்தவகை நிலங்களில் தொழு உரத்தை ஹெக்டேருக்கு 12.5 டன் என்ற அளவில் மண்ணில் இட வேண்டும். மட்கிய தொழு உரம் போன்றவற்றை ஹெக்டேருக்கு 5 டன் என்ற அளவில் இட வேண்டும். கண்மாய் கரம்பை வண்டல் மண்ணில் இடுவதால் மண் வளம் மேம்படுகிறது. அசோஸ்பைரில்லம், ரைசோபியம் ஆகிய உயிர் உரங்கள் பரிந்துரைக்கப்படுகிறது. 
ஊட்டமேற்றிய தொழு உரம் தயாரித்தல்: மானாவாரி நிலங்களில் மணிச்சத்து பயிருக்கு கிட்டாத நிலையில் உள்ளது. ஒரு ஹெக்டேருக்கு தேவையான மணிச்சத்து உரத்தை நன்கு மட்கிய ஈரப்பசையுள்ள தொழு உரத்துடன் 750 கிலோ கலந்த காற்று புகாத நிலையில் ஒரு மாதகாலம் மட்கச் செய்ய வேண்டும். பின் மட்கிய தொழு உரத்தைப் பயிர்களுக்கு இடலாம். 
பஞ்சகவ்யா தெளித்தல்: இயற்கை வளர்ச்சி ஊக்கியான பஞ்சகவ்யா சுலபமாக கிடைக்கக்கூடிய மூலப்பொருள்களில் இருந்து தயாரிக்கப்படுகிறது. 20 லிட்டர் பஞ்சகவ்யா தயாரிக்க பசு மாட்டு சாணம் 5 கிலோ, மாட்டு கோமியம் 3 லிட்டர், பால் 2 லிட்டர், தயிர் 2 லிட்டர், நெய் அரை லிட்டர், கரும்புச்சாறு 3 லிட்டர், பழுத்த வாழைப்பழம் ஒரு டஜன் ஆகியவற்றை ஒரு மண் பானையில் போட்டு கடைந்து நொதிக்க வைக்கவேண்டும். 10 நாள் கழித்து இந்த கலவையில் இருந்து 3 லிட்டர் எடுத்து 100 லிட்டர் தண்ணீரில் கலந்து கைத்தெளிப்பான் மூலம் பயிருக்கு தெளிக்க வேண்டும். 
ஊட்டச்சத்து மேலாண்மை: மானாவாரி நிலங்களில் தழைச்சத்து, மணிச்சத்து, சாம்பல் சத்து, மக்னீசியச் சத்து பற்றாக்குறைகளும் சுண்ணாம்புச் சத்தால் ஏற்படும் இரும்புச் சத்து பற்றாக்குறையும் பரவலாகத் தென்படுகின்றன. மானாவாரி நிலங்களுக்கு கீழ்க்காணும் ஊட்டங்கள் பரிந்துரைக்கப்படுகிறது. 
பயறு வகைகள்
நெல்: யூரியா, டி.ஏ.பி, பொட்டாசியம் குளோரைடு பால் பிடிக்கும் பருவத்திலும், 10 நாள்கள் கழித்தும் தெளிக்க வேண்டும். 
யூரியா, டி.ஏ.பி. மற்றும் பொட்டாசியம் குளோரைடு ஆகியவற்றை முதல்முறை பூக்கும் பருவத்தில் தெளிக்க வேண்டும். 2-வது முறை 15 நாள்கள் கழித்து, இதனுடன் 100 பி.பி.எம் சாலிசிலிக் அமிலம் கலந்து தெளிக்கவேண்டும். 
நிலக்கடலை: 2.5 கிலோ டி.ஏ.பி. + 1 கிலோ அம்மோனியம் சல்பேட் +500 கிராம் போராக்ஸ் உரங்களை, 37.5 லிட்டர் தண்ணீரில் கலந்து 350 மில்லி பிளானோ பிக்ஸ் கலந்து தெளிக்க வேண்டும். 
சூரியகாந்தி: 100 பி.பி.எம் சாலிசிலிக் அமிலத்தை பயிர் வளர்ச்சி மற்றும் பூக்கும் பருவத்தில் தெளிக்க வேண்டும். 
பருத்தி: பூக்கும் பருவத்தில் 2 சத மக்னீசியம் சல்பேட் 10 1 சத யூரியா கரைசல் தெளிக்கவேண்டும்.
இவ்வாறு, மானாவாரி நிலங்களில் இயற்கை இடர்பாடுகள் பல இருந்தாலும் தகுந்த மேலாண்மை முறைகள் வாயிலாகவும், ஒருங்கிணைந்த உர நிர்வாக முறை வாயிலாகவும் மண்வளத்தை மேம்படுத்தி அதிக விளைச்சல் பெறலாம்.
 

]]>
https://images.dinamani.com/uploads/user/imagelibrary/2018/9/20/w600X390/tractor.jpg https://www.dinamani.com/agriculture/2018/sep/20/மானாவாரி-நிலங்களில்-மண்வளத்தை-மேம்படுத்தும்-தொழில்நுட்பங்கள்-3003632.html
3003630 விவசாயம் கறிவேப்பிலை பயிரில் நச்சுத் தன்மை போக்க உயிரியல் முறை சார்ந்த ஒருங்கிணைந்த பூச்சி மேலாண்மை Thursday, September 20, 2018 01:05 AM +0530
நாமக்கல்: புதுமையான தீவிர உயிரியல் முறை சார்ந்த ஒருங்கிணைந்த பூச்சி மேலாண்மை முறையை மேற்கொள்வதன் மூலம் கறிவேப்பிலை பயிரில் நச்சுத்தன்மை இல்லாத நிலையை உருவாக்க முடியும். 
இதுகுறித்து நாமக்கல் பிஜிபி வேளாண்மை அறிவியல் கல்லூரி முதல்வர் சி.ஸ்ரீதரன், வேளாண் விதைச்சான்று அலுவலர் நா.ராமகிருஷ்ணன், கல்லூரி உதவிப் பேராசிரியர்கள் க.ராஜ்குமார், மா.கலைநிலா ஆகியோர் தெரிவித்தது: 
கறிவேப்பிலை சாகுபடி கோவை, சேலம் மற்றும் தூத்துக்குடி மாவட்டங்களில் முக்கிய ஏற்றுமதி நறுமணப் பணப் பயிராக அதிக அளவில் சாகுபடி செய்யப்பட்டு வருகிறது. இந்தியாவில் குறிப்பாக, தமிழகத்தில் இருந்து ஏற்றுமதி செய்யப்படும் கறிவேப்பிலையில் அதிக அளவு பூச்சிகொல்லிகளின் எஞ்சிய நஞ்சு இருப்பது கண்டறியப்பட்டு, ஏற்றுமதி ரத்து செய்யப்பட்டது. 
எனவே, கறிவேப்பிலையில் பூச்சி மேலாண்மை குறித்த கள ஆய்வுகள் 2012-ஆம் முதல் 2014-ஆம் ஆண்டு வரை நடத்தப்பட்டன. கோவை, தூத்துக்குடி மற்றும் சேலம் மாவட்டங்களில் மேற்கொள்ளப்பட்ட கறிவேப்பிலை சாகுபடியாளர்களின் கருத்துகள் குறித்த ஆய்வுகள் நடத்தப்பட்டன. 
வீரியமான மருந்துகள்: இதன் முடிவில் கறிவேப்பிலையில் காணப்படும் முக்கியப் பூச்சிகளான சில்லிடு (சாறு உறிஞ்சும் துள்ளும்பேன் பூச்சி) மற்றும் இலை சுருட்டுப் புழுக்களைக் கட்டுப்படுத்த வீரியமான பூச்சிக்கொல்லி கலவைகள் பயன்படுத்தப்படுவது கண்டறியப்பட்டது. 
மேலும், கறிவேப்பிலையைத் தாக்கும் முக்கியப் பூச்சிகளின் வாழ்க்கைப் பருவம் குறித்து தொடர்ந்து ஆய்வுகள் மேற்கொள்ளப்பட்டன. அதில் இலை சுருட்டுப்புழு மீது நடத்தப்பட்ட வாழ்நாள் ஆய்வின் முடிவில் முட்டைப் பருவம் 5-6 நாள்கள் வரையும், புழு பருவமானது 13-17 நாள்கள் வரையும் மற்றும் கூட்டுப்புழு பருவம் 5-6 நாள்கள் வரையும் இருப்பது கண்டறியப்பட்டது. மேலும், பெண் அந்துப் பூச்சியின் வாழ்நாள் (25 முதல் 37 நாள்கள் வரை) ஆண் அந்துப்பூச்சியின் வாழ்நாளை விட அதிகம் என்பது கண்டறியப்பட்டது. 
கறிவேப்பிலையைத் தாக்கும் முக்கியப் பூச்சிகளின் தோன்றுதல் நிகழ்வு குறித்த ஆய்வு ஓர் ஆண்டு காலம் மேற்கொள்ளப்பட்டது. அதில் கறிவேப்பிலையைத் தாக்கும் சாறு உறிஞ்சும் பூச்சியான சில்லிடின் எண்ணிக்கை மார்ச் மாதத்தில் அதிகமாகவும், ஜூலை மாதத்தில் குறைவாகவும் இருந்தது என்று கணக்கிடப்பட்டது. 
கோடை, மழைக் காலங்களில் அதிக பாதிப்பு: சில்லிடு நடமாட்டம் மற்றும் தட்பவெப்ப நிலைகளின் உறவுகள் பற்றிய ஆய்வில், சில்லிடின் தாக்கம் அதிக வெப்பமுள்ள கோடைகாலங்களில் (மார்ச்) அதிகமாகவும், மழைக் காலங்களில் குறைந்தும் (அக்டோபர்) காணப்பட்டு, பதிவு செய்யப்பட்டது. மற்றொரு முக்கியப் பூச்சியான இலை சுருட்டுப் புழுவின் தாக்கம் அக்டோபர் மாதத்தில் அதிகமாகவும் ஜனவரி மாதத்தில் குறைந்தும் காணப்பட்டது. இந்த இலை சுருட்டுப் புழுவின் தாக்குதல் பொதுவாக மழைக் காலங்களில் (அக்டோபர்) அதிக அளவிலும், கோடை காலங்களில் (மார்ச்) குறைந்த அளவிலும் காணப்பட்டது. 
உயிரியல் முறையிலான பூச்சி மேலாண்மை: கறிவேப்பிலையைத் தாக்கும் பூச்சிகளைக் கட்டுப்படுத்த பல்வேறு மேலாண்மை முறைகள் குறித்து ஆய்வு மேற்கொள்ளப்பட்டது. அதில் சிறப்பான மேலாண்மை முறைகளைக் கொண்டு தீவிர உயிரியல் முறைகள் சார்ந்த ஒருங்கிணைந்த பூச்சி மேலாண்மை உருவாக்கப்பட்டது. 
சில்லிடு பூச்சிகளின் நடமாட்டத்தைக் கண்டறிய மஞ்சள் நிற ஒட்டும் பொறி ஒரு ஹெக்டேருக்கு 50 எண்ணிக்கை பயன்படுத்துதல், இலை சுருட்டுப் புழுவின் அந்துப் பூச்சியினைக் கண்காணிக்க விளக்குப் பொறி ஹெக்டேருக்கு ஒன்று என்ற அளவில் அமைத்தல், இலை சுருட்டுப் புழுவின் முட்டைகளை அழிக்க முட்டை ஒட்டுண்ணியான டிரைக்கோகிராமா கைலோனிஸ் ஹெக்டேருக்கு 5 சிசி என்ற அளவில் வெளியிடுதல், புழு ஒட்டுண்ணியான கோனியோஸா நிபான்ட்டிடிஸ் குளவியை ஹெக்டேருக்கு 250 பூச்சிகள் என்ற அளவில் வெளியிடுதல். 
சில்லிடு பூச்சிகளைக் கட்டுப்படுத்த கிரைசோபார்லா சாஸ்டிரோவி சில்லமி என்ற இறை விழுங்கியின் முட்டைகளை ஹெக்டேருக்கு 1 என்றளவில் கட்டுதல், சில்லிடு மற்றும் இலை சுருட்டுப் புழுக்களைக் கட்டுப்படுத்த வேப்பங்கொட்டைச் சாறு 2.5 சதம், தாது எண்ணெய் 0.25 சதம் பயன்படுத்துதல், மேலும் தேவைப்பட்டால் சில்லிடு பூச்சிகளின் தாக்கத்திற்கேற்ப பூச்சிகொல்லி மருந்து தயாமீத்தாக்ஸாம், இலை சுருட்டுப் புழுக்களுக்கு குளோரான்டிரானி லிபிப்பிரோல் பயன்படுத்துதல். மேலும், பூச்சிகளின் எதிரிகளான பொறி வண்டு கிரைசோபார்லா மற்றும் பிற எதிரிப் பூச்சிகளின் இனத்தைப் பெருக்க கறிவேப்பிலை தோட்ட வரப்புகளில் சோளம் மற்றும் தட்டைப்பயறு வரிசை நடவு செய்தல், மேற்கூறிய தீவிர உயிரியல் முறை சார்ந்த ஒருங்கிணைந்த பூச்சி மேலாண்மை உத்திகளை சாகுபடியில் உள்ள கறிவேப்பிலையில் 0.4 ஹெக்டேர்(ஓர் ஏக்கர்) பரப்பில் பரிசோதனை செய்யப்பட்டது. 
இதன் முடிவில், கறிவேப்பிலையில் தோன்றும் முக்கியப் பூச்சிகளான சில்லிடு மற்றும் இலை சுருட்டுப் புழுக்களின் தாக்குதல் கணிசமாகக் குறைந்துள்ளது. மேலும், உயிரியல் முறை சார்ந்த ஒருங்கிணைந்த பூச்சி மேலாண்மை செய்த வயலில் நன்மை செய்யும் பூச்சிகளின் நடமாட்டம் அதிக எண்ணிக்கையில் உள்ளதும், பயிர் வளர்ச்சி அதிகமாக உள்ளதும் கண்டறியப்பட்டடுள்ளது. முக்கியமாக, அறுவடை செய்யும் கறிவேப்பிலையில் பூச்சிக்கொல்லியின் நச்சுத்தன்மை கண்டறிய இயலாத அளவில் குறைந்து இருப்பதும் அறியப்பட்டது. இதன் பயனாக செலவினங்கள் குறைந்தும், வருவாய் அதிகமாகவும் கிடைத்துள்ளது.
 

]]>
https://images.dinamani.com/uploads/user/imagelibrary/2018/9/20/w600X390/curry1.jpg https://www.dinamani.com/agriculture/2018/sep/20/கறிவேப்பிலை-பயிரில்-நச்சுத்-தன்மை-போக்க-உயிரியல்-முறை-சார்ந்த-ஒருங்கிணைந்த-பூச்சி-மேலாண்மை-3003630.html
2999018 விவசாயம் நன்மை செய்யும் பூச்சிகளைக் காப்போம்! Thursday, September 13, 2018 12:52 AM +0530
திருநெல்வேலி: விவசாயத்தில் நன்மை செய்யும் பூச்சிகளைக் காப்பது மிகவும் அவசியமாகும். இதுதொடர்பாக திருநெல்வேலி மாவட்ட உழவர் பயிற்சி மைய துணை இயக்குநர் பாலசுப்பிரமணியன் கூறியதாவது: விவசாயத்தில் பயிர்களைச் சேதப்படுத்தி தீமை விளைவிக்கும் பூச்சிகளை அழித்து நன்மை தரும் பூச்சிகள் இயற்கையாகவே ஒவ்வொரு வயலிலும் உள்ளன. இப்படிப்பட்ட நன்மை தரும் பூச்சிகளை விவசாயிகள் அடையாளம் கண்டு, அதை அழிக்காமலிருக்க பூச்சிக்கொல்லி மருந்தின் பயன்பாட்டைத் தவிர்க்க வேண்டும்.
தீமை செய்யும் பூச்சிகளை அழிக்க நாம் மேற்கொள்ளும் நடவடிக்கையில் நன்மை தரும் பூச்சிகளும் அழிவதால் மகசூல் இழப்பு மட்டுமன்றி சுற்றுச்சூழல் கேடும் ஏற்படுகிறது. எனவே, நன்மை தரும் பூச்சிகளை விவசாயிகள் அறிந்து, அவற்றைப் பாதுகாப்பது அவசியம்.
நன்மை தரும் பூச்சிகளின் வகைகள்:
கிரைசோபா: இவ்வகை பூச்சிகளில் ஆண் பூச்சிகள் 10 முதல் 12 நாளும், பெண் பூச்சிகள் 35 நாளும் உயிர்வாழும். 500 முதல் 600 முட்டைவரை இடும். இது குஞ்சுப் பருவமாக இருக்கும்போதே தீமை செய்யும் பூச்சிகளைத் தாக்கத் தொடங்கும். இவை பயிர்களைத் தாக்கும் அசுவினி, இலைப்பேன், தத்துப்பூச்சிகள், முட்டைகள், குஞ்சுகளைத் தாக்கி அழிக்கும். தன் வாழ்நாளில் 400 முதல் 500 தீமை செய்யும் பூச்சிகளை அழிக்கும். கிரைசோபா தாய்ப்பூச்சி பச்சை நிறத்தில் கண்ணாடி போன்ற இறக்கை உடையது. இதன் குஞ்சுகள் பழுப்பு நிறத்தில் இருக்கும்.
முட்டை ஒட்டுண்ணிகள்: முட்டை ஒட்டுண்ணிகளான டிரைக்கோகிரம்மா டெலிநாமஸ், டெட்ராஸ்டிக்ஸ் வகை ஒட்டுண்ணிகள் தங்களது வாழ்நாளில் 20 முதல் 40 முட்டைவரை இடும். இதிலிருந்து வெளிவரும் பூச்சிகள் தீமை செய்யும் பூச்சிகளைக் காய்ப் புழுக்களின் முட்டைகளின் மீது தன் முட்டைகளை இட்டு இனத்தைப் பெருக்கி, காய்ப் புழுக்கள் வெளிவராமல் தடுக்கிறது. இது தன் வாழ்நாளில் 20 முதல் 40 தீமை செய்யும் பூச்சிகளை அழிக்கிறது. இந்த ஒட்டுண்ணிகள் கருப்பு நிறம் கொண்டவை.
அன்சிர்டிட்ஸ் முட்டைப் புழு ஒட்டுண்ணி: இதன் வாழ்நாள் 14 முதல் 17 நாள்கள். தன் வாழ்நாளில் 300 முதல் 400 முட்டைகள் வரை இடும். இது காய்ப் புழுக்களின் முட்டைகளின் மீது தனது முட்டைகளை இடும். தீமை செய்யும் பூச்சிகளின் முட்டை, புழுக்களைத் தாக்கி அழிக்கும். இவை பழுப்பு, கருப்பு நிறம் கலந்த சிறிய ஈ போன்றவை.
செலானஸ்குளவி: தாய்ப்பூச்சி சிவப்பும் கருப்பும் கலந்தது. அடிவயிற்றில் மஞ்சள் கோடு இருக்கும். இவை காய்ப் புழுக்களின் முட்டை, புழுக்களை அழிக்கும்.
கோடீசியா குளவி: இதன் வாழ்நாள் 10 முதல் 15 நாள். 10 முதல் 30 முட்டைவரை இடும். இவை காய்ப் புழுக்களின் முட்டை, புழுக்களை அழிக்கும்.
பிகோனிட் குளவி: இதன் வாழ்நாள் 3 முதல் 6 நாள். இது 6 முதல் 20 முட்டைஇடும். இக்குளவிகள் காய்ப் புழு, அதன் முட்டைகளை அழிக்கும்.
பெதிலிட்ஸ் குளவி: இவ்வகை குளவிகள் கருப்பு நிறமானவை. சிறு எறும்புபோல் இருக்கும். காய்ப் புழுக்களை நினைவிழக்கச் செய்து, அதன் மேல் தன் முட்டைகளை இட்டு இனப் பெருக்கம் செய்து, காய்ப் புழுக்களை அழிக்கும். இதன் வாழ்நாள் 10 முதல் 12 நாள். 3 முதல் 8 முட்டைஇடும்.
இக்மானிட் குளவி: இதன் வாழ்நாள் 3 முதல் 6 நாள். இது 10 முதல் 30 முட்டைஇடும். புழுவின் மேல் ஒரு முட்டை வீதம் இடும். குஞ்சுப் புழுக்களை அழிக்கும். தன் வாழ்நாளில் 10 முதல் 30 பூச்சிகளை அழிக்கும்.
டாகினிட் ஈ: இதன் வாழ்நாள் 7 நாள் . இதன் நிறம் கருப்பு அல்லது கருநீலம். வீட்டு ஈயை விடப் பெரியது. 8 முதல் 12 முட்டை இடும். காய்ப் புழுக்களின் மேல் 2 முதல் 4 முட்டை இடும். வெளிவரும் சிறிய புழுக்கள் காய்ப் புழுக்களை அழிக்கும்.
பிராகிமீரியா குளவி: இது கருப்பு நிறமானது. மஞ்சள் கோடுகள் இருக்கும். குண்டாக இருக்கும். இதன் வாழ்நாள் 3 முதல் 5 நாள். இக்குளவி 5 முதல் 20 முட்டை வரை இடும். இது காய்ப்புழு அல்லது கூட்டுப்புழு மீது ஒரு முட்டை வீதம் இட்டு அழிக்கும். இதன் வாழ்நாளில் 5 முதல் 20 தீமை செய்யும் பூச்சிகளை அழிக்கிறது.
தட்டான் இனங்கள்: தட்டான், ஊசித் தட்டான் போன்ற பூச்சிகள், வானிலும், நீர்நிலைகள் மீதும் பறந்துகொண்டே இருக்கும். பறந்துசெல்லும் கொசு, சிறு பூச்சிகளைப் பிடித்து உண்ணும். தட்டான்கள் சுற்றிவளைத்து இரைதேடும் சிறப்பு வாய்ந்தவை. இதன் கால்கள் இலகுவாக சாறு உறிஞ்சும் பூச்சிகள், இளம் புழுக்களை கவ்விப்பிடித்து தாக்க ஏதுவாக அமைந்துள்ளன.
பொறி வண்டு: இதன் தாய்ப் பூச்சி முழுவதும் மஞ்சள் அல்லது முழு சிவப்பில் கரும்புள்ளிகள் இருக்கும். குஞ்சு கருப்பு அல்லது கருநீலமாக இருக்கும். இதன் வாழ்நாள் 42 முதல் 70 நாள். இது 150 முதல் 200 முட்டைவரை இடும். இந்த வண்டுகள் காய்ப் புழுக்கள், அதன் முட்டைகள், அசுவினி தத்துப் பூச்சிகள், வெள்ளை ஈ, முட்டைகள், குஞ்சுகளை அழிக்கும். தன் வாழ்நாளில் 400 முதல் 500 பூச்சிகளைத் தேடி அழிக்கும்.
அசாசின் வண்டு: நன்செய், புன்செய் பயிர்களில் திடீரென அதிகமாக வரும். கழுத்தில் 3 முட்டைகள் இருக்கும். இது 35 நாள்கள் உயிர்வாழும். 150 முதல் 200 முட்டை இடும். இந்த வண்டுகள் அந்துப் பூச்சிகளையும், புழுக்களையும் தாக்கி அழிக்கும். தன் அளவைவிட பெரிய பூச்சிகளையும் தாக்கும் தன்மை உடையது. வாழ்நாளில் 120 முதல் 140 பூச்சிகளை அழிக்கும்.
சிலந்திகள்: பல வண்ணங்களில், பல வகையான சிலந்திகள் அனைத்துமே நன்மை செய்பவை. இவை 60 முதல் 400 முட்டைவரை இடும். 120 நாள் வாழக் கூடியது. இதுவும் தன் அளவைவிட பெரிய பூச்சிகளையும் தாக்கி அழிக்கும். வாழ்நாளில் 500 முதல் 600 பூச்சிகளைத் தாக்கி அழிக்கும்.
நீளக் கொம்பு வெட்டுக்கிளி: இது உடலைக் காட்டிலும் 2 அல்லது 3 மடங்கு நீளமுடைய கொம்பு போன்ற உணர் உறுப்பைக் கொண்டிருக்கும். பச்சை நிறமுடையது. மென்று விழுங்கும் வாய் உறுப்பைக் கொண்டது. இவை பூச்சிகளின் முட்டைகள், தத்துப் பூச்சிகளை உணவாக உள்கொள்ளும். இதன் வாழ்நாள் 110 நாள்.

 

]]>
https://images.dinamani.com/uploads/user/imagelibrary/2018/9/13/w600X390/insect.jpg https://www.dinamani.com/agriculture/2018/sep/13/நன்மை-செய்யும்-பூச்சிகளைக்-காப்போம்-2999018.html
2999017 விவசாயம் வர்த்தகரீதியில் மண்புழு உர உற்பத்திக்கான வழிமுறைகள்! Thursday, September 13, 2018 12:51 AM +0530
பெரம்பலூர்: வர்த்தகரீதியாகவும் மண்புழு உரம் தயாரிப்பது குறித்து வேளாண் துறை ஆலோசனை தெரிவித்துள்ளது.
இதுகுறித்து பெரம்பலூர் மாவட்டம், வாலிகண்டபுரத்தில் உள்ள வேளாண் அறிவியல் மைய உழவியல் தொழில்நுட்ப வல்லுநர் மு. புனிதவதி கூறியது:
மண் புழு உரம் உற்பத்திக்காக நிலப்பரப்பின் மேலே வாழக்கூடிய மண் புழு மட்டுமே பயன்படுத்தப்படுகிறது. ஆப்ரிக்கன் மண்புழு (யூடிரிலஸ் எயுஜினியஸ்), சிவப்பு புழு (உய்சினியா போய்டிடா), மக்கும் புழு (பெரியோனிக்ஸ் எக்ஸ்கவேடஸ்) இவை அனைத்தும் மண்புழு உரத்தின் உற்பத்திக்கான சிறந்த மண் புழுக்கள். இவற்றுள் (யூடிரிலஸ் எயுஜினியஸ்) மிகவும் விரும்பக் கூடியது, குறைந்த கால இடைவெளியில் அதிகளவு புழுக்களை உற்பத்தி செய்யக்கூடியதாகும்.
மண்புழு உர உற்பத்திக்கான இடம்: மண்புழு உரம் எங்கு வேண்டுமானாலும் உற்பத்தி செய்ய முடியும். ஆனால், நிழலுடன் அதிகளவு ஈரப்பதம் மற்றும் குளிர்ச்சியான பகுதியாக இருக்க வேண்டும்.
கட்டமைப்புகள்: சிமென்ட் தொட்டி உயரம் 2 அடி, நீளம் 12 அடி, அகலம் 3 அடி உடையதாக இருக்க வேண்டும். அறையின் அளவைப் பொருத்து நீளம் எந்த அளவு வேண்டுமானாலும் இருக்கலாம். தொட்டியின் அடிப்பகுதியானது சாய்வான படிவம்போல கட்டப்பட வேண்டும். அதிகளவு தண்ணீரை வடிகட்ட மண்புழு உரத் தொட்டியின் அமைப்பிலிருந்து, ஒரு சிறிய சேமிப்புக் குழி அவசியம். ஹாலோபிளாக்ஸ், செங்கல் இவற்றை பயன்படுத்தியும் கட்டமைப்புகளை உருவாக்கலாம்.
படுக்கை: நெல் உமி அல்லது தென்னை நார்க்கழிவு அல்லது கரும்புச் சோகைகளை மண்புழு உர உற்பத்திக்கான கட்டமைப்பின் அடிப்பாகத்தில் 3 செ.மீ உயரத்துக்கு பரப்ப வேண்டும். ஆற்று மணலை இந்த படுக்கையின் மேல் 3 செ.மீ உயரத்துக்குத் தூவ வேண்டும்.
கழிவுகள் தேர்ந்தெடுத்தல்: கால்நடைக் கழிவுகள், பண்ணைக் கழிவுகள், பயிர்க்கழிவுகள், காய்கறிக் கழிவுகள், பழம் மற்றும் பூ மார்க்கெட் கழிவுகள், வேளாண் சார்ந்த தொழிற்சாலை கழிவுகள் மண்புழு உரம் தயாரிக்க உகந்தது. மண்புழு உரம் தயாரிப்பதற்கு முன்னதாக, கால்நடைக் கழிவுகளை நன்றாக சூரிய ஒளியில் உலர்த்திட வேண்டும். மற்றக் கழிவுகளை சாணத்துடன் சேர்த்து, 20 நாள்களுக்கு வைத்திருந்து மக்க வைக்க வேண்டும். அதன்பின், இதை மண்புழு உரத் தயாரிப்பு படுக்கையில் போட வேண்டும்.
உர உற்பத்தி முறை: குழி அல்லது தொட்டி முறையில் உற்பத்தி செய்யப்படுகிறது. தேர்வு செய்யப்பட்ட இடத்தின் மேல் பாலீத்தீன் காகிதத்தை விரிக்க வேண்டும். இதன் மேல் 5 செ.மீ. சாணத்தைப் பரப்ப வேண்டும். இந்த அடுக்கின்மேல் 0.5 மீட்டர் உயரத்துக்கு பண்ணைக் கழிவுகளை இட வேண்டும். பிறகு, ஒரு நாள் விட்டு ஒரு நாள் தண்ணீர் தெளிக்க வேண்டும். சுமார் 35 நாள்களில் இக்கலவை நன்றாக மக்கி விடும்.
சிமென்ட் தொட்டியின் அடிப்பாகத்தில் 3 செ.மீ உயரத்துக்கு மரத்தூள் கொண்டு, முதல் அடுக்கை அமைக்க வேண்டும். பின் 6 அங்குலம் உயரத்துக்கு தோட்டத்து மண்ணைப் பரப்ப வேண்டும். இதற்கு மேல் 2 அங்குல உயரத்துக்கு மக்கிய சாணத்தைப் பரப்ப வேண்டும். ஒரு சதுர மீட்டருக்கு 1.5 கிலோ புழுவை இட வேண்டும்.
மேற்கண்ட முறையில் மக்கிய இலை, தழை உரங்களை சிமெண்ட் தொட்டிக்கு மாற்ற வேண்டும். தொழு உரத்தின் ஈரப்பதம் 35 முதல் 40 சதம் இருக்க வேண்டும். புழுவை விட்ட 7 முதல் 10 நாள்களில் தொழு உரத்தின் மேல் பகுதி முழவதும் மண்புழு உரத்தால் மூடப்பட்டிருக்கும். மண்புழு உரத்தை 5 முதல் 7 நாள்களுக்கு ஒருமுறை தொட்டியிலிருந்து அகற்ற வேண்டும். மண்புழு சுமார் 45- 60 நாள்களில் தொழு உரத்தை முற்றிலுமாக தின்று மண்புழு உரமாக மாற்றி விடும்.
மண்புழு உரத்தின் பயன்கள்: நிலத்தின் அங்ககப் பொருள்களின் அளவு, மண்ணின் நயத்தை அதிகரிக்கச் செய்து நீரின் உட்கொள்ளும் தன்மை அதிகரிக்கிறது. தழை, மணி, சாம்பல் சத்து மற்றும் நுண்ணூட்ட சத்துக்கள் அதிகம் இருப்பதால் பயிரின் வளம் கூடும். மண்புழு உரத்தால் வேர்களின் வளர்ச்சி அதிகரித்து, காய்கனிகளின் சுவை, நிறம் மற்றும் மணம் ஆகியவற்றை அதிகரிக்கச் செய்வதுடன், அவை நீண்ட நாள்கள் கெடாமல் பாதுகாக்கிறது. வேண்டாத கழிவுகளை மட்கச்செய்து உரமாக மாற்றுவதால் சுற்றுச்சூழல் பாதுகாக்கப்படுகிறது. மண்புழு உரம் தயாரிப்பதன் மூலம் 1 டன்னுக்கு ரூ. 1,000 முதல் ரூ. 2,000 வரை நிகர லாபம் கிடைக்கும்.

 

]]>
https://images.dinamani.com/uploads/user/imagelibrary/2018/9/13/w600X390/sannd.jpg https://www.dinamani.com/agriculture/2018/sep/13/வர்த்தகரீதியில்-மண்புழு-உர-உற்பத்திக்கான-வழிமுறைகள்-2999017.html
2994797 விவசாயம் நிலக்கடலை அதிக மகசூல் பெறுவது எப்படி?  Thursday, September 6, 2018 01:05 AM +0530

அரியலூர்: இறவை நிலக்கடலையில் விதை நேர்த்தி செய்தால் அதிக மகசூல் பெறலாம் என கிரீடு வேளாண் அறிவியல் மைய தொழில்நுட்ப வல்லுநர் திருமலைவாசன் தெரிவித்துள்ளார்.
இதுகுறித்து அவர் மேலும் கூறியுள்ளதாவது: டிஎம்வி-7, கோ-3, கோ-4, விஆர்ஐ-2, விஆர்ஐ-3, விஆர்ஐ-5, டிஎம்வி-13 மற்றும் விஆர்ஐ-8 போன்ற ரகங்கள் இப்பருவத்திற்கு ஏற்ற ரகமாகும். இறவையில் நிலக்கடலை விதைப்பதற்கு ஒரு ஏக்கருக்கு 50 கிலோ விதை போதுமானதாகும். பெரிய பருப்பு ரகங்களான விஆர்ஐ-2, விஆர்ஐ-8, கோ-2, கோ-3 போன்ற ரகங்களுக்கு கூடுதலாக 5 கிலோ பயன்படுத்த வேண்டும்.
விதைகளை விதைப்பதற்கு முன் விதை நேர்த்தி செய்தல் மிக அவசியம். விதைகளை உயிர் பூஞ்சாணமான டிரைகொடெர்மா விரிடி 1 கிலோ விதைக்கு 4 கிராம் அல்லது சூடோமோனாஸ் புளேபரோசன்ஸ் 1 கிலோ விதைக்கு 10 கிராம் வீதம் விதைநேர்த்தி செய்து பின்பு உயிர் உரங்களான ரைசோபியம் மற்றும் பாஸ்போ பாக்டீரியா உடன் தலா 2 பொட்டலம் வீதம் விதைநேர்த்தி செய்ய வேண்டும்.
விதைநேர்த்தி செய்வதன் மூலம் விதைகள் மூலம் வரும் பூஞ்சாண நோயை கட்டுப்படுத்தலாம். விதைகளை விதைக்கும் போது வரிசைக்கு வரிசை 30 செ.மீ, செடிக்கு செடி 10 செ.மீ. இடைவெளிவிட்டு விதைக்க வேண்டும். இயந்திரத்தின் மூலம் விதைப்பதால் விதை அளவு மற்றும் விதைப்பு செலவு குறைகிறது.
மேலும் நிலக்கடலை விதைப்பதற்கு முன் அடியுரமாக 5 டன் தொழு உரம், யூரியா 11 கிலோ, சூப்பர் பாஸ்பேட் 125 கிலோ, பொட்டாஷ் 25 கிலோ, ஜிப்சம் 80 கிலோ, வேப்பம் புண்ணாக்கு 50 கிலோ மற்றும் உயிர் உரமான அசோஸ்பைரில்லம் 1 கிலோ, பாஸ்போ பாக்டீரியா 1 கிலோ மற்றும் எதிர் உயிர் பாக்டீரியா சூடோமோனாஸ் ப்ளுரோசன்ஸ் 1 கிலோ இட வேண்டும். மண் பரிசோதனையின் படி உரமிடுதல் நல்லது.
மேலும் வரப்பு ஓரங்களில் ஆமணக்கு, கம்பு மற்றும் மக்காச்சோளம் பயிரிடுதல் மூலம் பூச்சியின் தாக்கத்தை தவிர்க்கலாம், ஊடுபயிராக துவரை, உளுந்து, தட்டைப்பயிறு, கம்பு ஆகிய பயிர்களை பயிரிடுவதன் மூலம் பூச்சிகளின் தாக்கத்தைக் குறைக்கலாம்.
விளக்கு பொறிகளை இரவு 7-10 மணி வரை வைத்து அந்துப்பூச்சிகளை கவர்ந்து அழிக்கலாம். இனக்கவர்ச்சி பொறி வைத்து புரோடீனியா, கிலியோதீஸ் ஆண் அந்துப் பூச்சிகளை கவர்ந்து அழிக்கலாம். பச்சை தத்துப்பூச்சி, வெள்ளை ஈக்களை கவர மஞ்சள் நிற ஒட்டுப்பொறி வைத்து கவர்ந்து கட்டுப்படுத்தலாம். மேலும் நோய் தென்படும் சமயங்களில் சூடோமோனாஸ் ப்ளோரொசன்ஸ் எதிர் உயிர் பாக்டீரியா லிட்டருக்கு 2 கிராம் என்ற அளவில் தெளிப்பதன் மூலம் வேரழுகல் மற்றும் தண்டழுகல் நோயைக் கட்டுப்படுத்தலாம். இவ்வாறு செய்வதன் மூலம் நிலக்கடலையில் ஒரு ஏக்கருக்கு 1000 கிலோ முதல் 1200 கிலோ வரை மகசூல் கிடைக்கும் என்றார்அவர்.
 

]]>
https://images.dinamani.com/uploads/user/imagelibrary/2018/9/6/w600X390/ground.jpg https://www.dinamani.com/agriculture/2018/sep/06/நிலக்கடலை-அதிக-மகசூல்-பெறுவது-எப்படி-2994797.html
2994795 விவசாயம் நெற்பயிர் நாற்றங்காலில் பூச்சிக் கட்டுப்பாடு வழிமுறைகள் Thursday, September 6, 2018 01:04 AM +0530
மேலூர்: இந்த ஆண்டு தென்மேற்குப் பருவமழை மேற்குத் தொடர்ச்சிமலைப் பகுதிகளில் மிகவும் தீவிரமாகப் பெய்துள்ளதால் அனைத்து அணைகளுக்கும் போதிய அளவில் நீர்வரத்து உள்ளது. இதனால் விவசாயிகளும் சாகுபடி பணிகளைத் தொடங்கியுள்ளனர். நெல் விதைத்து நாற்றங்கால் தயாரிக்கும் பணிகளும் தீவிரமாக நடைபெற்று வருகிறது. இந்த நிலையில் அதிக மகசூலுக்கு நாற்றங்கால் பூச்சி நிர்வாகம், கண்காணிப்பு அடிப்படையானது. அதுகுறித்த விவரம்:
நாற்றங்கால், இளம் பயிரைத் தாக்கும் நெற்பேன்: வறட்சியான சூழ்நிலையில் நெல் நாற்றங்காலில் கரும்பழுப்பு நிறத்தில் நெற்பேன் தென்படும். நாற்றின் இளம்நடவில் பயிரின் இளம் தளிர் இலைகளைச் சுரண்டித் திண்ணும். நாற்றின் நுனி பகுதி கருகித் தீய்ந்தும், சுருண்டும் தோற்றமளிக்கும். நெற்பேன் பூச்சித் தாக்குதல் அதிகமானால் நாற்றங்காலிலேயே நாற்று கருகி மடிந்துவிடும். கனமழை பெய்தால் இப்பூச்சிகள் மறைந்துவிடும்.
பூச்சிக் கட்டுப்பாடு: உள்ளங்கையை தண்ணீரில் நனைத்து நாற்றங்காலில் நாற்றினை பத்து, பனிரெண்டு இடங்களில் தடவிப் பார்த்தால், நாற்றின் கீழ் தோகைகள் சுருண்டிருப்பது தெரியும். பத்து சதவீதத்துக்கும் மேல் பாதிப்புத் தெரிந்தால் தடுப்பு நடவடிக்கைகளை மேற்கொள்ள வேண்டும். நாற்றங்காலில் தண்ணீர் பற்றாக்குறை இல்லாதவாறு பார்த்துக்கொள்ள வேண்டும். பாஸ்போமிடன் 40, எஸ்.எல். 50 மில்லி அல்லது மோனோகுரோட்டபாஸ் 36, எஸ்.எல். 40 மில்லியை நீரில் கலந்து நாற்றில் தெளிக்க வேண்டும். 
நெற்பயிரில் குருத்துப் பூச்சி: இதன் தாக்குதலால் 5 முதல் 20 சதம் பயிரில் சேதம் ஏற்படுத்தக் கூடும். முன்பருவ பயிர்களை விட தாமதமாக நடவான பயிரிலேயே இதன் தாக்குதல் அதிகம் காணப்படும். பூச்சிகளின் முட்டைகளில் இருந்து வெளிவரும் புழுக்கள் நெற்பயிரின் அடித்தண்டை துளைத்து உள்ளேநுழைந்து உட்திசுக்களை தின்றுவிடும். 
இதனால் பாதிக்கப்பட்ட பயிரின் நடுக்குருத்து கருகி விடும். பெண் அந்திப்பூச்சி தளிர் இலைகளின் நுனியில் அடர்த்தியாக முட்டைகளை இட்டுவிடும். இக்குவியல் முட்டைகள் மீது ரோமங்களை வைத்து மூடிவிடும்.
கட்டுப்படுத்துதல்: நெல் வயலில் 25 சதவீதத்துக்கும் மேல் குருத்துகள் கருகி காணப்பட்டால், பொருளாதார சேதார நிலையாகும். பூச்சி புழுக்களை கட்டுப்படுத்த கூடுகளை பொறுக்கி குவித்து அழிக்க வேண்டும். இதற்கு நாற்றின் நுனியில் கருகி வளைந்த தோகைகளை கிள்ளி அகற்ற வேண்டும். நாற்று நடும்போது இடைவெளியை அதிகரிக்க வேண்டும். நெருக்கி நடுவதை தவிர்க்க வேண்டும். மாலை நேரத்தில் நெல்வயலில் விளக்கு பொறிகளை ஆங்காங்கே வைத்து பெண் அந்திப் பூச்சிகளை கவர்ந்தும் அழிக்கலாம்.
ஒட்டுண்ணிகளான டிரைக்கோடெர்மா ஜப்பானிக்கம் ஹெக்டேருக்கு 6 சிசி வீதம் இருமுறை நாற்றங்காலில் தெளிக்க வேண்டும். மேலும், வேப்பங்கொட்டையை அரைத்து சாறுஎடுத்து 5 சதம் தெளிப்பதன் மூலம் தண்டு துளைப்பானை கட்டுப்படுத்தலாம். 
பச்சைத்தத்துப் பூச்சியானது இலைகளிலிருந்தும் தண்டிலிருந்தும் சாற்றை உறிஞ்சிக் குடிக்கின்றன. இதனால் பயிரின் வளர்ச்சி குன்றி, பசுமையை இழந்து வாடிமடிந்துவிடும். மின் விளக்கு அருகில் நாற்றங்காலை அமைக்கக் கூடாது. நாற்றங்காலில் 2.5 செ.மீ. உயரம் நீரைத் தேக்கிவைக்க வேண்டும். கார்போபியூரான் 3 ஜி 20 சென்ட் நாற்றங்காலுக்கு 3.5 கிலோ அளவில் தூவ வேண்டும். 
வெட்டுப்புழு: நாற்றங்காலில் ஆடு மேய்ந்ததுபோல வெட்டுப்புழு படைப் படையாக வெட்டுவிடும். கோடைக்காலத்தில் மழைக்குப் பின் நாற்றங்காலில் இது காணப்படும். 
இதனைக் கட்டுப்படுத்த நாற்றங்காலில் தண்ணீரை வடித்துவிட்டு, குளோரிபைரிபாஸ் 20 இசி 80 மில்லியை 20 லிட்டர் நீரில் கலந்து 8 சென்ட் அளவுள்ள நாற்றங்காலில் தெளிக்கலாம். இதற்கு, முன்னேற்பாடாக தரிசு நிலத்தில் வாத்துகளை மேய விடுவதால் பல்வேறு பூச்சிகளை அழிக்கலாம். நாற்று மறைய நீர்தேக்கினால், புழுக்கள் மேல்மட்டத்தில் வந்து பறவைகள் தின்று விடும்.
பூச்சிக்கொல்லிகளை பரிந்துரைத்த அளவில் பயன்படுத்தி நஞ்சுக் கலப்பற்ற நெல் மணிகளை உற்பத்தி செய்யலாம்.
இத்தகவலை மதுரை வேளாண். அறிவியல் மைய பூச்சியியல் துறை ஆராய்ச்சியாளர்கள் பா.உஷாராணி, அறிவியல் மைய ஒருங்கிணைப்பாளர் செல்வி ரமேஷ் ஆகியோர் தெரிவித்தனர்.
 

]]>
https://images.dinamani.com/uploads/user/imagelibrary/2018/9/6/w600X390/rice.jpg https://www.dinamani.com/agriculture/2018/sep/06/நெற்பயிர்-நாற்றங்காலில்-பூச்சிக்-கட்டுப்பாடு-வழிமுறைகள்-2994795.html
2817454 விவசாயம் நெற்பயிரில் இலை சுருட்டுப்புழு Thursday, November 30, 2017 01:06 AM +0530 பட்டுக்கோட்டை: நெற்பயிரில் இலை சுருட்டுப்புழுவைக் கட்டுப்படுத்த விவசாயிகள் கடைப்பிடிக்க வேண்டிய வழிமுறைகள் குறித்து, மதுக்கூர் வேளாண்மை உதவி இயக்குநர் வை.தயாளன் வெளியிட்டுள்ள செய்திக் குறிப்பு:
நெற்பயிரில் தற்போது நிலவும் பருவ நிலை மாற்றம் காரணமாக இலை சுருட்டுப்புழு தாக்குதலுக்கு வாய்ப்பு உள்ளது. இவற்றை ஒருங்கிணைந்த முறைகளைக் கையாண்டு கட்டுப்படுத்தலாம்.
நெல் வயல்களில் வளரும் அல்லது தூர் பிடிக்கும் பருவத்தில் உள்ள இளம் பயிர்களைத் தாக்கும் இப்புழுக்கள், இலைகளை உள்பக்கமாக சுருட்டி உள்ளிருந்து பச்சையத்தை சுரண்டி உண்கின்றன. 
இதனால் இலைகள் வெள்ளை நிற சுரண்டல்களுடன் காணப்படும். இலைகள் நீளவாக்கில் சுருண்டு, புழுக்கள் அதனுள்ளே இருந்து விடும். தீவிர தாக்குதலின்போது, முழு நெல் வயலும் வெண்மையான நிறத்தில் காய்ந்தது போல் காட்சியளிக்கும். தாக்குதல் அதிகமானால் செடிகள் காய்ந்து விடும். இப்பூச்சியின் தாக்குதல் இருக்கும் சமயத்தில் தழைச்சத்து உரமிடுவதை குறைத்துக்கொள்ள வேண்டும். 
சேதம் விளைவிக்கும் பூச்சிகளை விவசாயிகள் அடையாளம் காண்பது மிகவும் அவசியம். பூச்சிகளின் முட்டைகள் தட்டையான முட்டை வடிவத்தில் மஞ்சள் கலந்த வெள்ளை நிறத்திலும், புழுக்கள் பச்சையான நிறத்தில் ஒளி கசியும் தன்மை கொண்டும் காணப்படும். முன்மார்புக் கேடயம் நுனி நோக்கி நிமிர்ந்தும், பக்கவாட்டில் உருளையாகவும் காணப்படும். தொடர்ந்து 7-10 நாள்கள் கூட்டுப் புழுக்களாக இருக்கும். அந்துப் பூச்சியான முதிர்பூச்சிகள் மஞ்சளான பழுப்பு நிற இறக்கைகளைக் கொண்டது. அதில் கருப்பு நிறத்தில் அலை போன்ற கோடுகள் நடுவிலும், இறக்கைகளின் ஓரத்திலும் காணப்படும். 
நெற்பயிரில் சேதத்தை ஏற்படுத்தும் இலைச் சுருட்டுப் புழுக்களைக் கட்டுப்படுத்த வரப்புகளை சீராக்கி, சுத்தமாக வைத்திருக்க வேண்டும். புல் களைகளை நீக்கியும் இப்பூச்சிகளை கட்டுப்படுத்தலாம். விளக்குப் பொறிகளை வைத்து அந்துப் பூச்சிகளை கவர்ந்து, அதனை கொல்ல வேண்டும். 10 ஏக்கருக்கு குறைந்தது 1 விளக்குப் பொறியாவது வைக்க வேண்டும். 
நெற்பயிரின் வளர்ச்சிப் பருவத்தில் பூச்சியை உண்ணும் பறவைகள் நிற்பதற்காக தென்னை குரங்கு மட்டைகளை ஏக்கருக்கு 20 எண்ணிக்கையில் ஆங்காங்கே வயல்களில் பொருத்த வேண்டும். பொருளாதார சேத நிலை அளவு, வளர்ச்சிப் பருவத்தில் 10 சதவீதம் இலைச்சேதம் மற்றும் பூக்கும் பருவத்தில் 5 சதவீதம் கண்ணாடி இலைச் சேதத்திற்கு மேற்பட்டால் மட்டுமே கீழ்வரும் பூச்சிக்கொல்லிகளில் ஏதேனும் ஒன்றை தெளிக்க வேண்டும்.
ஏக்கருக்கு மோனோகுரோட்டோபாஸ் 36 எஸ்எல் 400 மிலி அல்லது அசிபேட் 400 கிராம் அல்லது கார்டாப் ஹைட்ரோகுளோரைடு 400 கிராம் தெளிக்க வேண்டும். 
தவிர, ஏக்கருக்கு 10 கிலோ வேப்பங்கொட்டைச்சாறு அல்லது 600 மில்லி வேப்பெண்ணையை தெளிக்க வேண்டும். விவசாயிகள் மேற்கூறிய ஒருங்கிணைந்த முறைகளைக் கையாண்டு, நெற்பயிரில் இலைச்சுருட்டுப் புழுவின் தாக்குதலைக் கட்டுப்படுத்தலாம்.

]]>
https://images.dinamani.com/uploads/user/imagelibrary/2017/11/30/w600X390/rice.jpg https://www.dinamani.com/agriculture/2017/nov/30/நெற்பயிரில்-இலை-சுருட்டுப்புழு-2817454.html
2817459 விவசாயம் வீரிய கலப்பின வெண்டை சாகுபடி Thursday, November 30, 2017 01:05 AM +0530 பெரம்பலூர் : மால்வேசியே குடும்பத்தைச் சேர்ந்த வெண்டை, இந்தியாவில் பயிரிடப்படும் முக்கிய காய்கறிப் பயிராகும். உலகளவில் வெண்டை உற்பத்தி செய்யும் நாடுகளில் இந்தியா முதலிடம் வகிக்கிறது. தமிழகத்தின் அனைத்து மாவட்டங்களிலும் வெண்டை பயிரிடப்படுகிறது.
வெண்டைக்காய் சத்து மற்றும் சுவை மிகுந்த காய் கறி ஆகையால், அனைத்து தரப்பு மக்களாலும் விரும்பி உண்ணப்படுகிறது. 100 கிராம் வெண்டைக்காயில் 1.9 கிராம் புரதம், 6.4 கிராம் கார்போஹைட்ரேட், 1.2 கிராம் நார்ச்சத்து, 0.7 கிராம் தாதுச்சத்து மற்றும் 0.2 கிராம் கொழுப்புச்சத்து அடங்கியுள்ளது.
இதுகுறித்து, பெரம்பலூர் மாவட்டம், வாலிகண்டபுரத்தில் உள்ள வேளாண் அறிவியல் மைய தோட்டக்கலை தொழிழ்நுட்ப வல்லுநர் ஜெ. கதிரவன் மேலும் கூறியது:
வெண்டை அதிக பூச்சி நோய் தாக்குதலுக்கு உள்ளாகக்கூடிய பயிராகும். குறிப்பாக, மஞ்சள் தேமல் எனப்படும் நச்சுயிரி நோய் வெண்டையை தீவிரமாக தாக்கக்கூடியது. வெள்ளை ஈக்கள் மூலம் பரவக்கூடிய இந்நோய் பாதிப்பு ஏற்பட்டால் 50 முதல் 94 சதவீதம் வரை மகசூல் இழப்பு ஏற்படும். பூச்சிக்கொல்லிகள் பயன்படுத்தி இந்நோயைக் கட்டுப்படுத்துவது சிரமமான காரியம். எனவே, இந்நோய்க்கு எதிர்ப்புத் திறன் கொண்ட ரகங்களை பயிரிடுவதே சிறந்தது. அந்த வகையில் கோவையில் உள்ள தமிழ்நாடு வேளாண்மைப் பல்கலைக் கழகத்தால் வெளியிடப்பட்ட 3 வீரிய கலப்பின வெண்டை ரகங்கள் மஞ்சள் தேமல் நோய்க்கு எதிர்ப்புத் தன்மை உடையவை. 
கோ.பிஎச்- 1:மஞ்சள் தேமல் நோய்க்கு மிதமான எதிர்ப்புத் தன்மை கொண்டது. காய்கள் அடர் பச்சை நிறத்திலிருக்கும். குறைவான நார்த்தன்மை மற்றும் குறைவான முடிகள் கொண்டது. ஏக்கருக்கு 8 டன் மகசூல் தரக்கூடியது. 
கோ. பிஎச் -3:செடிக்கு 25 முதல் 29 காய்கள் உருவாகும். ஏக்கருக்கு 10 டன் மகசூல் தரவல்லது.
கோ. பிஎச் 4: மலைப் பிரதேசங்கள் தவிர தமிழகத்தின் அனைத்து மாவட்டங்களிலும் பயிரிட ஏற்றது. செடிக்கு 25 முதல் 29 காய்கள் உருவாகும். ஒரு பருவத்தில் 22 அறுவடை செய்யலாம். ஏக்கருக்கு 12 டன் மகசூல் தரக்கூடியது. 
மண் மற்றும் தட்ப வெப்பநிலை:வெண்டை அனைத்து வகையான மண் வகையிலும் வளரும் என்ற போதிலும், அமில காரத்தன்மை 6.5 முதல் 7.5 வரையுள்ள கரிசல் மண் முதல் செம்மண் வகைப்பாட்டு நிலங்களில் வெண்டை நன்கு வளரும். வெண்டை வெப்பத்தை விரும்பும் பயிர். நீண்டநேர வெப்ப நாள்கள் இதற்குத் தேவை. வெப்பநிலை 22 டிகிரி செல்சியஸ் முதல் 35 டிகிரி செல்சியஸ் வரையுள்ள சமயங்களில் வெண்டையின் வளர்ச்சி நன்றாக இருக்கும். மழைக்காலங்களிலும் வெண்டையை வெற்றிகரமாக சாகுபடி செய்யலாம். மண்ணின் வெப்பநிலை 20 டிகிரி செல்சியசை விட குறையும்போது விதை முளைப்புத்திறன் வெகுவாக பாதிக்கப்படும்.
விதையளவு:வீரிய கலப்பினத்தைப் பொருத்த வகையில் ஏக்கருக்கு 1 கிலோ விதை தேவைப்படும். 
நிலம் தயாரிப்பு மற்றும் விதைப்பு:நிலத்தை மூன்று முதல் நான்கு முறை நன்கு உழவு செய்யவேண்டும். கடைசி உழவுக்கு முன்னதாக ஏக்கருக்கு 10 டன் தொழு உரம் இட்டு, 60 செ.மீ இடைவெளியில் பார்கள் அமைக்க வேண்டும். விதைப்புக்கு 24 மணி நேரம் முன்னதாக விதை நேர்த்தி செய்ய வேண்டும். இதற்கு, 1 கிலோ விதைக்கு டிரைக்கோடெர்மாவிரிடி 5 கிராம் அல்லது திரவம் 2 கிராம் கொண்டு நேர்த்தி செய்யலாம். பின்னர், 400 கிராம் அசோஸ்பைரில்லம் உயிர் உரத்தை ஆறிய அரிசிக் கஞ்சியில் கலந்து விதைகளின் மீது தெளித்து நன்கு கிளறி நிழலில் உலர்த்த வேண்டும். இவ்வாறு நேர்த்தி செய்யப்பட்ட விதைகளை 45 செ.மீ இடைவெளியில் 2 செ.மீட்டர் ஆழத்தில் விதைப்பு செய்யலாம். 
நீர் மற்றும் களை நிர்வாகம்:விதைத்த உடனே, பின்னர் மண்ணின் நீர்ப்பிடிப்புத் தன்மைக்கேற்ப 5 முதல் 7 நாள்களுக்கு ஒருமுறை நீர் பாய்ச்சலாம். களைகள் முளைக்கும் முன் விதைத்த 3-வது நாள் ஆக்சி புளுரோபென்களைக்கொல்லி ஏக்கருக்கு 250 மி.லி அல்லது புளுகுளோரலின் களைக்கொல்லியை ஏக்கருக்கு 800 மி.லி அளவில் தெளித்து களையைக் கட்டுப்படுத்தலாம். பின்னர், 30-வது நாள் களைக்கொத்து கொண்டு களை எடுக்கவேண்டும். 
ஒருங்கிணைந்த ஊட்டச்சத்து நிர்வாகம்:அசோஸ்பைரில்லம், பாஸ்போபாக்டீரியா உயிர் உரங்களை ஏக்கருக்கு முறையே 1 கிலோ என்ற அளவில் 50 கிலோ மட்கிய எருவுடன் கலந்து நிலத்தில் தூவ வேண்டும். வீரிய கலப்பினங்களுக்கு அடியுரமாக ஏக்கருக்கு தழை, மணி, சாம்பல் சத்துக்கள் ஒவ்வொன்றும் முறையே 40 கிலோ தேவைப்படும். இதை அளிப்பதற்கு யூரியா, சூப்பர் பாஸ்பேட், மியூரியேட் ஆப் பொட்டாஷ் உரங்கள் முறையே 87 கிலோ, 250 கிலோ மற்றும் 66 கிலோ தேவைப்படும். மேலுரமாக விதைப்பு செய்த 30- வது நாள் யூரியா 87 கிலோ இடலாம். இலைவழித் தெளிப்பாக நீரில் கரையக்கூடிய 19:19:19 உரத்தை 1 லிட்டர் நீருக்கு 5 கிராம் அளவில் கலந்து 35 மற்றும் 50-வது நாள் தெளிக்கலாம். நுண்சத்து பற்றாக்குறையை நிவர்த்தி செய்து பச்சைநிற நேரான காய்கள் கிடைக்க காய்கறி நுண்ணூட்டக் கலவையை 1 லிட்டர் நீருக்கு 3 கிராம் அளவில் கலந்து 40 மற்றும் 60-வது நாளில் இலைவழியாகத் தெளிக்கலாம்.
பூச்சி மேலாண்மை

காய்த் துளைப்பான்: வெண்டையில் காய்த்துளைப்பான் தாக்குதல் அதிகமாகக் காணப்படும். இவற்றைக் கட்டுப்படுத்த இனக்கவர்ச்சிப் பொறி ஏக்கருக்கு 5 வைக்க வேண்டும். காய்ப்புழுக்களால் தாக்கப்பட்ட காய்களை சேகரித்து அழித்துவிட வேண்டும். ஏக்கருக்கு முட்டை ஒட்டுண்ணியான ட்ரûக்கோகிரம்மா 40 ஆயிரம் விடவேண்டும். கார்பரில் நனையும் தூள் 2 கிராமை ஒரு லிட்டர் நீரில் கரைத்து தெளிக்கவேண்டும். இவற்றுடன், வேப்பம் கொட்டைப்பொடி 50 கிராமை ஒரு லிட்டர் நீரில் கரைத்து தெளிக்க வேண்டும்.
செஞ்சிலந்தி பேன்: இவை சிவப்புநிற சிறிய அளவிலான சிலந்திப் பேன்கள். இலையில் கூட்டமாக அமர்ந்து சாற்றை உறிஞ்சி அதிக பாதிப்பை ஏற்படுத்தும். இதைத் தவிர்க்க வேப்பம் கொட்டை சாறு கரைசலை 15 நாள் இடைவெளியில் இலைவழியாக தெளிக்கலாம். தாக்குதல் அதிகமாக இருக்கும் பட்சத்தில் புராபர்கைட் 5 7ஈ.சி பூச்சிக்கொல்லியை ஏக்கருக்கு 400 மி.லி அளவில் தெளிக்கலாம். 
நூற்புழு தாக்குதலைத் தடுக்க: ஏக்கருக்கு 200 கிலோ வேப்பம் பிண்ணாக்கு விதைக்கும்போது உரத்துடன் கலந்து இட வேண்டும் அல்லது ஒரு ஏக்கருக்கு கார்போபியூரான் 3 ஜி குருணை மருந்து 5 கிலோ அல்லது போரேட் 10 ஜி குருணைமருந்து 5 கிலோ இட வேண்டும்.
அசுவினிப் பூச்சி:இதைக் கட்டுப்படுத்த, இமிடாகுளோப்ரிட் 70 டபள்யூ.ஜி குருணையை 1 ஏக்கருக்கு 12 கிராம் அளவில் நீரில் கலந்து கைத்தெளிப்பான் கொண்டு தெளித்து கட்டுப்படுத்தலாம்.
நோய் மேலாண்மை

மஞ்சள் நரம்புத் தேமல் நோய்: இது மிகவும் அதிக அளவில் வெண்டையைத் தாக்கக்கூடிய ஒருநச்சுயிரி நோயாகும். இந்நோய் வெள்ளை ஈ என்ற பூச்சிகளால் ஒரு செடியிலிருந்து மற்றொரு செடிக்கு பரப்பப்படுகிறது. இப்பூச்சியைக் கட்டுப்படுத்த 2 மி.லி வேம்பு எண்ணையை ஒரு லிட்டர் தண்ணீருடன் கலந்து தெளிக்க வேண்டும். கோடைக் காலத்தில் இந்நோய் மிக அதிக அளவில் வெண்டையைத் தாக்கும். இந்தப் பருவத்தில் நோயை எதிர்த்து வளரக் கூடிய ரகங்களைப் பயிரிடவேண்டும்.
சாம்பல் நோய்:இந்நோயின் அறிகுறிகள் தென்பட்டவுடன் நனையும் கந்தகத் தூள் 2 கிராம் ஒருலிட்டர் நீரில் கலந்து தெளிக்க வேண்டும். பிறகு 15 நாள் இடைவெளியில் மறுபடியும் ஒருமுறை தெளிக்கவேண்டும். 
அறுவடை: நட்டுவைத்த 45 நாள்களில் காய்கள் அறுவடைக்கு வரும். காய்கள் முற்றுவதற்கு முன் அறுவடை செய்துவிட வேண்டும். 1 முதல் 2 நாள்களுக்கு ஒருமுறை அறுவடை செய்வது முக்கியமாகும்.
 

]]>
https://images.dinamani.com/uploads/user/imagelibrary/2017/11/30/w600X390/lades-finger.jpg https://www.dinamani.com/agriculture/2017/nov/30/வீரிய-கலப்பின-வெண்டை-சாகுபடி-2817459.html
2804220 விவசாயம் நெற்பயிரில் இலைச் சுருட்டுப்புழு Thursday, November 9, 2017 01:00 AM +0530 நீடாமங்கலம்: நெற்பயிரில் இலைச் சுருட்டுப்புழு மேலாண்மை குறித்து திருவாரூர் மாவட்டம், நீடாமங்கலம் வேளாண்மை அறிவியல் நிலைய விஞ்ஞானி முனைவர் ராஜா. ரமேஷ் பரிந்துரை அளித்துள்ளார்.
இதுகுறித்து அவர் தெரிவித்தது: நெற்பயிரானது விதைப்பு முதல் அறுவடை வரையில் பல்வேறு வகையான பூச்சிகளால் சேதம் உண்டாக்கப்பட்டு 25 முதல் 30 சதவீதம் வரை மகசூல் இழப்பு ஏற்படுவதாகக் கண்டறியப்பட்டுள்ளன. இவற்றில் இலைச் சுருட்டுப்புழுவானது குறிப்பிடத்தக்க வகையில் சேதத்தை உண்டாக்கி மகசூல் இழப்புக்குக் காரணமாக அமைகிறது.
இலைச் சுருட்டுப்புழுவின் முட்டை பெண் அந்துப்பூச்சியானது வெள்ளை நிற தட்டையான அளவில் சிறிய 10 முதல் 12 முட்டைகளை தனித்தனியாக இளம் இலைகளின் நடுநரம்புக்கு அருகில் வரிசையாக இடும். ஒரு பெண் அந்துப்பூச்சி 300 முட்டைகள் வரை இடும்.
இளம் புழுக்கள் முட்டையிலிருந்து 4 முதல் 7 நாள்களில் வெளிறிய மஞ்சள் கலந்த பச்சை நிற இளம் புழுக்கள் வெளிவரும். புழுப்பருவமானது 15 முதல் 27 நாள்களைக் கொண்டது.
கூட்டுப்புழு: கூட்டுப்புழுவானது சுருட்டப்பட்ட இலைகளுக்கு உள்ளே காணப்படும். கூட்டுப்புழுவிலிருந்து 6 முதல் 8 நாட்களில் அந்துப்பூச்சி வெளிவரும்.
அந்துப்பூச்சி: தாய் அந்துப்பூச்சி பழுப்பு கலந்த மஞ்சள் நிறத்தில் காணப்படும். அவற்றின் முன் மற்றும் பின் இறக்கைகளில் அடர்ந்த நிறத்துடன் அலை அலையாய் கோடுகள் காணப்படும். இறக்கைகளின் கீழ்பகுதி ஓரங்களில் அடர்ந்த கரும்பழுப்பு நிற பட்டை காணப்படும். இதன் வாழ்க்கைச் சுழற்சியானது 26 முதல் 42 நாள்களைக் கொண்டது.
தாக்குதலுக்கு சாதகமான சூழ்நிலை
1. அதிக அளவில் தழைச்சத்து இடுதல்.
2. மர நிழலை ஒட்டிய வயல் பகுதிகளில் இதன் தாக்குதல் அதிகமாக இருக்கும்.
3. மிதமான வெப்பநிலை கொண்ட அக்டோபர் முதல் ஜனவரி மாதம் வரை இதன் தாக்குதல் மிக அதிகமாக காணப்படும்.
சேதத்தின் அறிகுறிகள்
1. புழுக்கள் திறக்கப்படாத புது இலையின் அடிப்பகுதிக்குச் சென்று உண்ணும். பின்பு இலைகள் நீளவாக்கில் மடக்கப்பட்டு ஆங்காங்கே பட்டு போன்ற மெல்லிய இழைகளால் இணைக்கப்பட்டிருக்கும். புழுக்கள் சுருட்டப்பட்ட இலைக்குள்ளே இருந்து கொண்டு இலைகளின் பச்சையத்தை சுரண்டித் தின்பதால் தாக்கப்பட்ட இலைகளின் பல இடங்களில் வெள்ளையான சருகு போன்று காணப்படும். மடக்கப்பட்ட இலைக்குள்ளே புழுக்களின் கழிவுகளும் காணப்படும்.
2. ஒரு புழுவானது 3 முதல் 4 இலைகளைத் தாக்கும் ஆற்றல் கொண்டது.
3. நிழற்பகுதிகள் மற்றும் வரப்பு ஓரங்களில் இதன் தாக்குதல் முதலில் தோன்றி பின்பு வயலின் உட்பகுதியில் வேகமாக பரவும்.
பொருளாதாரச் சேத நிலை
1. பயிர்களின் ஆரம்ப வளர்ச்சி பருவத்தில் 10 சதவீத இலைகளில் சேதம்.
2. பூக்கும் பருவத்தில் 5 சதவீத இலைகள் பாதிக்கப்பட்டு இருத்தல்.
இலைச் சுருட்டுப்புழு மேலாண்மை முறைகள்
1. நிழற்பகுதிகள் மற்றும் வரப்பு ஓரங்களில் இதன் தாக்குதல் அதிகமாக இருக்கும். எனவே, வயல்களில் நிழல் இல்லாத வண்ணம் பார்த்துக் கொள்ளவேண்டும்.
2. வயல்களிலும், வரப்புகளிலும் காணப்படும் களைகளை நீக்கி சுத்தமாக வைத்திருக்க வேண்டும்.
3. விளக்குப்பொறியை இரவு நேரங்களில் 5 ஏக்கருக்கு ஒன்று என்ற அளவில் பயிர் பரப்பிலிருந்து 20 அடி தொலைவுக்கு தள்ளி வைத்து வளர்சியடைந்த அந்துப்பூச்சிகளை கவர்ந்து அழிக்கலாம்.
4. டிரைக்கோகிரம்மா கைலோனிஸ் - முட்டை ஒட்டுண்ணியை ஒரு ஏக்கருக்கு 2 சிசி (40,000 முட்டைகள்) என்ற அளவில் மூன்று முறை அதாவது நடவு நட்ட 37, 44 மற்றும் 51 -ஆவது நாள்களில் வயலில் வெளியிட வேண்டும்.
5. தழைச்சத்தை பிரித்தும், யூரியாவுடன் வேப்பம் புண்ணாக்கை கலந்தும் இடவேண்டும்.
6. வயலில் காணப்படும் தரை வண்டுகள், ஒட்டுண்ணி குளவிகள், நீள்கொம்பு வெட்டுக்கிளிகள், நீர்த்தாண்டி, நீர் மிதப்போன், தட்டான்கள், இடுக்கிவால் பூச்சிகள் முதலிய நன்மை செய்யும் பூச்சிகளையும் மற்றும் சிலந்திகள் போன்ற உயிரினங்களையும் பாதுகாத்து பெருக்குதல் வேண்டும்.
7. வேப்பெண்ணைய் சார்ந்த அசடிராக்டின் 0.03 சதவீதம் மருந்தை ஏக்கருக்கு 400 மில்லி அல்லது வேப்பங்டிகர்டைக் கரைசல் 5 சதவீதம் என்ற அளவில் ஒட்டும் திரவத்தை சேர்த்து 200 லிட்டர் தண்ணீரில் கலந்து தெளிக்க வேண்டும்.
8. கீழ்கண்ட ரசாயன பூச்சிக்கொல்லி மருந்துகளில் ஏதாவது ஒன்றை ஒரு ஏக்கருக்கு 200 லிட்டர் தண்ணீரில் கலந்து காலை அல்லது மாலை வேளைகளில் தெளிக்க வேண்டும்.
ஃப்ளுபென்டியாமைட் 39.35 எஸ்.சி.-20 மில்லி, ஃப்ளுபென்டியாமைட் 20 டபிள்யூ.ஜி.- 50 கிராம், புரபினோபாஸ் 50 ஈ.சி. - 400 மில்லி, கார்டாப் ஹைட்ரோ குளோரைடு 50 எஸ் பி - 400 கிராம், குளோரன்ட்ரான்லிபுரோல் 18.5 எஸ்.சி.- 60 மில்லி, குளோரன்ட்ரான்லிபுரோல் 4 ஜி - 4 கிலோ, டிரையசோபாஸ் 40 ஈ.சி. - 400 மில்லி, குளோர்பைரிபாஸ் 20 ஈ.சி. - 500 மில்லி, டைகுளோர்வாஸ் 76 டபிள்யூ. எஸ்.சி. - 250 மில்லி, பாஸ்போமிடான் 40 எஸ்.எல் - 240 மில்லி. இவ்வாறு அந்த பரிந்துரையில் குறிப்பிடப்பட்டுள்ளது.

]]>
https://images.dinamani.com/uploads/user/imagelibrary/2017/11/9/w600X390/plant.jpg https://www.dinamani.com/agriculture/2017/nov/09/நெற்பயிரில்-இலைச்-சுருட்டுப்புழு-2804220.html
2804215 விவசாயம் பிசான பருவத்தில் இயந்திர நெல் நடவு! Thursday, November 9, 2017 12:59 AM +0530 திருநெல்வேலி: நிகழ் பிசான பருவத்தில் விவசாயிகள் இயந்திர நெல் நடவு முறையைப் பின்பற்றி குறைந்த செலவில் அதிக மகசூல் பெறலாம் என, வேளாண் துறை தெரிவித்துள்ளது.
இதுதொடர்பாக அம்பாசமுத்திரம் வட்டார வேளாண்மை உதவி இயக்குநர் தி.சு. பாலசுப்பிரமணியன் வெளியிட்ட செய்திக்குறிப்பு:
விவசாயிகள் பிசான பருவ சாகுபடி பணியில் ஈடுபட்டுள்ளனர். ஆள் பற்றாக்குறை, கூடுதல் செலவினம் போன்ற காரணத்தால் விவசாயிகள் சிரமத்துக்கு உள்ளாகியுள்ளனர். இப்பிரச்னையை சமாளிக்க விவசாயிகள் இயந்திர நெல் நடவு முறையைக் கடைப்பிடித்தால் குறைந்த செலவில் அதிக மகசூல் பெறலாம்.
இயந்திர நடவுக்கு வேளாண் துறை மூலம் விவசாயிகளுக்கு மானியம் அளிக்கப்படுகிறது. வேளாண்மையில் இயந்திரத் தொழில்நுட்பம் அதிகரித்து வருவதால், விவசாயிகள் இயந்திரங்களைப் பயன்படுத்தி செலவினங்களைக் குறைக்கலாம். 
இயந்திர நடவு: சான்று பெற்ற விதைகளை ஏக்கருக்கு 3 கிலோ எனப் பயன்படுத்தி ஒரு சென்ட் பரப்பில் (40 ச.மீ.) பாய் நாற்றங்கால் அல்லது நாற்றங்கால் தட்டுகளில் நாற்றுவிட வேண்டும். நன்கு சமன் செய்த நடவு வயல்களில் 10 முதல் 14 நாள் வயதுடைய நாற்றுகளை, ஒரு குத்துக்கு ஒன்று வீதம் வரிசைக்கு வரிசை முக்கால் அடி (22.5 செ. மீ.), குத்துக்கு குத்து முக்கால் அடி (22.5 செ. மீ.) என, சதுர நடவாக நடவேண்டும். நிலத்தில் 2.5 செ.மீ. உயரத்துக்கு மட்டும் நீரைத் தேக்க வேண்டும்.
நடவு செய்த 10ஆம் நாளிலிருந்து 10 நாளுக்கு ஒருமுறை என 4 முறை கோனோவீடர் களைக்கருவி அல்லது விசைக் களைக் கருவியை குறுக்கும் நெடுக்குமாகப் பயன்படுத்தி களைகளை நிலத்துக்குள் அமுக்கிவிடவேண்டும்.
இலை வண்ண அட்டையைப் பயன்படுத்தி நிறச்செறிவு நன்கு இருக்குமாறு தேவைக்கு தழைச்சத்து உரமிட வேண்டும்.
நன்மைகள்: விதையின் அளவும், விதைச் செலவும் குறைவு. ஓர் ஏக்கருக்கு ஒரு சென்ட் நாற்றங்கால் போதும். நடவு நேரத்தில் ஆள் கிடைக்கவில்லை என்ற அச்சம் தேவையில்லை. நடும் செலவு குறைவு. சீரான நடவு, களைக் கருவி மூலம் களையை மண்ணுக்குள் அமுக்கிவிடுவதால் தழை உரமாகிறது. களையெடுக்கும் ஆள் செலவு குறைகிறது.
களையெடுக்கும் கருவியை குறுக்கும் நெடுக்குமாக இயக்குவதால் வேர்களின் வளர்ச்சி, வேர்கள் அதிகரித்து உரச் சத்துகளை எடுத்துக் கொள்ளும் திறன் அதிகரிக்கிறது. 
இதனால் அதிக தூர்கள், அதிக கதிர்கள், அதிக நெல் மணிகள், அதிக மகசூல், அதிக வைக்கோல் என நெல் சாகுபடி மகசூல் அதிகரிக்கிறது.
களை முளைக்குமோ என்ற அச்சமின்றி, நீர்மறைய நீர்கட்டுவதால் 40 சதவீதம் பாசனநீர்த் தேவை குறைகிறது. மோட்டார் பயன்படுத்தும் பகுதிகளில் மின்சாரம் சேமிக்கப்படுகிறது. மோட்டார்களுக்கு டீசல் பயன்பாடு குறைகிறது. பயிர்கள் சாயாமல் திரட்சியாக இருக்கும். 
மானியம்: இயந்திர நடவு முறையால் பல நன்மைகளும், மகசூல் அதிகரிப்பும் உள்ளதால் லாபம் கிடைக்கிறது. இயந்திர நடவு செய்யும் விவசாயிகளுக்கு தேசிய வேளாண் வளர்ச்சித் திட்டத்தில் நெல் இயக்கத்தின் கீழ் வேளாண் துறை மூலம் ஹெக்டேருக்கு ரூ. 5 ஆயிரம் நடவுக்குப் பிந்தைய மானியாக வழங்கப்படுகிறது. ஒரு விவசாயிக்கு அதிகபட்சமாக 2 ஹெக்டேர் பரப்புக்கு இந்த மானிய உதவி வழங்கப்படுகிறது. 
இத்திட்டத்தில் நாற்றங்காலுக்குத் தேவையான நாற்றங்கால் தட்டுகளும் 50 சதவீத மானியத்தில் வழங்கப்படுகிறது. 
இயந்திர நடவு முடிந்ததும் அரசு வழங்கும் மானியம் பெற குடும்ப அட்டை, ஆதார் அட்டை, நில உரிமை இயந்திர நடவு செய்த பரப்பளவைக் குறிக்கும் அடங்கல், வங்கிக் கணக்கு விவரம், மார்பளவு புகைப்படம் 2, நடவு முடிந்த பின்னர், விவசாயி அந்த வயலில் நிற்கும் புகைப்படம் ஆகியவற்றுடன் வட்டார வேளாண் உதவி இயக்குநர் அலுவலகத்தில் அளித்து பயன்பெறலாம்.
 

]]>
https://images.dinamani.com/uploads/user/imagelibrary/2017/11/9/w600X390/agri-land.jpg https://www.dinamani.com/agriculture/2017/nov/09/பிசான-பருவத்தில்-இயந்திர-நெல்-நடவு-2804215.html
2795757 விவசாயம் நெற்பயிரைத் தாக்கும் ஹைட்ரஜன் சல்பைடு Thursday, October 26, 2017 12:32 AM +0530 கோவை: காவிரி டெல்டா மாவட்டங்களில் நெல் தீவிரமாக சாகுபடி செய்யப்பட்டு வரும் பகுதிகளில் தற்போது பாசன நீர் சார்ந்த பிரச்னைகள் தோன்றியுள்ளன. நடவு செய்த பிறகு பயிர்கள் வளர்ச்சியற்று, நுனியில் இருந்து பின்னோக்கி அழுகி, மண்ணோடு மண்ணாக மறைந்து விடுகின்றன.
இத்தகைய நிலங்கள் வடிகால் வசதியற்று தொடர்ந்து நீர் தேங்கி, எப்போதும் நிலம் சதுப்புத் தன்மையுடன் காணப்படுவதும், மண்ணின் காற்றோட்ட வசதியும் முற்றிலும் பாதிக்கப்பட்டு இருக்கும். இந்தப் பிரச்னை கந்தகச் சத்து மிகுந்த இடங்களில், குறிப்பாக ஆழ்துளை நீரை தொடர்ந்து பயன்படுத்தி வரும் பகுதிகளில் அதிகமாகக் காணப்படுகிறது.
இந்த கந்தகமானது தண்ணீரில் கரைந்து ஹைட்ரஜன் சல்பைடு எனும் நச்சு வாயுவைத் தோற்றுவிக்கிறது. இந்த வாயு நெற்பயிர்களுக்கு தீங்கு விளைவிப்பதால், நடவு செய்யப்பட்ட பயிர்கள் நிலத்தில் இருந்து ஊட்டச் சத்துகளை வேர் மூலம் தொடர்ந்து எடுத்துக் கொள்ளும் திறன் குறைந்து, அதனால் பயிரின் வளர்ச்சி பாதிக்கப்பட்டு அழிந்துவிடுகிறது.
எனவே, இந்தப் பகுதி உழவர் பெருமக்கள் நெற்பயிரில் ஹைட்ரஜன் சல்பைடு நச்சினால் ஏற்படும் பாதிப்பைத் தடுக்கும் முறைகள், வந்த பிறகு கடைப்பிடிக்க வேண்டிய நிவர்த்தி முறைகள் போன்றவற்றைத் தெரிந்து கொள்ள வேண்டியது அவசியமாகிறது.
இதுகுறித்து பல்கலைக்கழகத்தின் உழவியல் துறை முதுநிலை ஆய்வாளர் கி.மருதுபாண்டி, பூச்சியியல் துறை ஆய்வாளர் ஏ.சஞ்சீவிகுமார் ஆகியோர் கூறியதாவது: 
ஹைட்ரஜன் சல்பைடு நச்சுத் தன்மைக்கான காரணிகள் கந்தகச் சத்து மிகுந்த நீரை தொடர்ந்து பாசனத்துக்குப் பயன்படுத்தும்போது தண்ணீரில் ஹைட்ரஜன் சல்பைடின் அளவு அதிகரிக்கிறது. 
வயலில் வடிகால் வசதியின்றி தொடர்ந்து நீர் தேங்கியிருப்பதால் ஏற்படும் குறைந்த காற்றோட்டத்தால் ஹைட்ரஜன் சல்பைடு நச்சு மண்ணில் மேலும் அதிகரிக்கிறது.
நெற்பயிருக்கு சாம்பல் சத்தைக் குறைவாக இடுவதாலும், மணிச்சத்து சுண்ணாம்புச் சத்து, மெக்னீசியம் போன்ற ஏனைய சத்துகளின் குறைபாடும் சல்பைடு நச்சுத் தன்மை அதிகரிக்கக் காரணமாக அமைகின்றன.
ஹைட்ரஜன் சல்பைடு நச்சின் அறிகுறிகள்: ஹைட்ரஜன் சல்பைடு பாதிப்புள்ள வயல்களின் அருகில் சென்றால் அழுகிய முட்டையின் வாடை வருவதுடன் வயலில் இறங்கும்போது தண்ணீரில் இருந்து நுரையாக வாயு வரும். இலைகளின் நரம்புக்கு இடைப்பட்ட பகுதிகள் மஞ்சளாகி வெளிறி காணப்படும். நச்சுத்தன்மை அதிகமாகும்போது பயிர் நுனியிலிருந்து பின்னோக்கி அழுகி மண்ணோடு மண்ணாக மறைந்துவிடும்.
நெற்பயிரின் சல்லி வேர்கள் எண்ணிக்கையில் மிகக் குறைந்தும் வளர்ச்சியின்றியும் கரும்பழுப்பு நிறமாகவும் காணப்படும்.
மண்ணில் இருந்து பயிரானது ஊட்டச் சத்துகளை எடுத்துக் கொள்ளும் திறன் குறைவதால் பயிரில் சாம்பல் சத்து, சுண்ணாம்புச் சத்து, மெக்னீசியம், சிலிக்கான் போன்றவற்றின் பற்றாக்குறைக்கான அறிகுறிகள் தென்படும். ஹைட்ரஜன் சல்பைடு நச்சினால் ஊட்டச் சத்துகளின் சமச்சீர் தன்மை பாதிக்கப்படுவதால் பயிரின் வளர்ச்சி குறைந்து தண்டு அழுகல், செம்புள்ளி போன்ற நோய்கள் பயிரைத் தாக்கும் அபாயம் உள்ளது.
ஹைட்ரஜன் சல்பைடு நச்சுத் தன்மையைத் தடுக்கும் வழிகள்: ஹைட்ரஜன் சல்பைடு நச்சுத் தன்மையைத் தாங்கி வளர, பயிரின் வளர்ச்சி அதிகமாக இருக்க வேண்டும். எனவே, திருந்திய நெல் சாகுபடி முறையில் பயிரின் வேர் வளர்ச்சி துரிதப்படுவதாலும், ஊக்குவிக்கப்படுவதாலும் இந்த நச்சுத் தன்மையைத் தாங்கி வளர வாய்ப்பு உள்ளது. மேலும், திருந்திய நெல் சாகுபடி முறையில் கோனோவீடர் எனும் களை எடுக்கும் கருவியைக் கொண்டு களையை சேற்றில் அமுக்கி கலக்கும்போது மண்ணின் காற்றோட்டம் மேம்படுவதால் ஹைட்ரஜன் சல்பைடு நச்சு வாயு வெளியேறி பாதிப்பு குறையவும் வாய்ப்பு உள்ளது.
கோடை உழவு செய்வதால் மண்ணில் காற்றோட்டம் அதிகரித்து கந்தகம், இரும்பு அயனிகளின் மாற்றம் அதிகமாவதால் ஹைட்ரஜன் சல்பைடு நச்சு மண்ணில் தேங்குவது குறைகிறது. கந்தகச் சத்து மிகுந்த ஆழ்துளைக் கிணற்று நீரை பாசனத்துக்குப் பயன்படுத்துவதை முடிந்த அளவு தவிர்க்க வேண்டும்.
தொடர்ந்து வயலில் நீர் தேங்கி இருப்பதைத் தவிர்ப்பதுடன், வடிகால் வசதியற்ற, கந்தகம் அதிகம் உள்ள வயல்களில் காய்ச்சலும் பாய்ச்சலுமாக பாசனம் செய்ய வேண்டும். பயிருக்குத் தேவையான ஊட்டச் சத்துகளைத் தேவைக்கு ஏற்ப, சமச்சீர் அளவில் பயிருக்கு அளித்தல், சாம்பல் சத்தை பரிந்துரைக்கப்படும் அளவை விட 10 சதவீதம் வரை கூடுதலாக இடுவது அவசியம்.
பாசன நீர் உப்பாக இருக்கும்போது பம்ப் செட்டில் இருந்து நீரை நேரடியாக வயலுக்குப் பாய்ச்சாமல், சிறிய குட்டையில் தேக்கியோ, நீண்ட வாய்க்காலில் ஓடி பிறகுப் பயிருக்குப் பாயுமாறோ செய்ய வேண்டும். இவ்வாறு செய்யும்போது சல்பைடு நச்சு ஆவியாகி அதன் தாக்கம் குறையும் வாய்ப்பு உள்ளது.
நீரை நன்கு வடித்த பிறகு ஏக்கருக்கு 10 கிலோ யூரியாவுடன் 10 கிலோ பொட்டாஷ் உரத்தைச் சேர்த்து சீராக தூவ வேண்டும். பிறகு 2 நாள்கள் கழித்து லேசாக தண்ணீர் பாய்ச்ச வேண்டும். மேற்கூறிய உரமிடுதலை 7 - 10 நாள்கள் இடைவெளியில் மறுபடியும் மேற்கொள்ள வேண்டும். பிறகு தேவையான ஊட்டச் சத்தை இலை வழியாக அளித்தும், பயிர் வளர்ச்சியை ஊக்கப்படுத்தலாம்.
இரும்புச் சத்துள்ள உப்பு, உரங்களை (அன்னபேதி உப்பு) அதிக அளவு மண்ணில் இடலாம். இதனால் ஹைட்ரஜன் சல்பைடானது பெர்ரஸ் சல்பைடாகி நெற்பயிரில் ஏற்படும் பாதிப்பைக் குறைக்கும். எனவே, காவிரி டெல்டா விவசாயிகள் எதிர்வரும் காலங்களில் நெல்லுக்குப் பரிந்துரைக்கப்படும் உர மேலாண்மை, நீர் மேலாண்மை முறைகளை சரிவர கையாள்வதுடன் திருந்திய நெல் சாகுபடி முறையையும் கடைப்பிடித்து ஹைட்ரஜன் சல்பைடு நச்சின் பாதிப்பைத் தவிர்த்து நெல்லில் நிறைவான மகசூல் பெறலாம்.

]]>
https://images.dinamani.com/uploads/user/imagelibrary/2017/10/26/w600X390/rice1.jpg https://www.dinamani.com/agriculture/2017/oct/26/நெற்பயிரைத்-தாக்கும்-ஹைட்ரஜன்-சல்பைடு-2795757.html
2788570 விவசாயம் 'நிலக்கடலையில் விதை நேர்த்தி செய்தால் அதிக மகசூல் பெறலாம்' Thursday, October 12, 2017 12:53 AM +0530 அரியலூர்: இறவை நிலக்கடலையில் விதை நேர்த்தி செய்தால் அதிக மகசூல் பெறலாம் என சோழமாதேவி கிரீடு வேளாண் அறிவியல் மைய தொழில்நுட்ப வல்லுநர் திருமலைவாசன் தெரிவித்துள்ளார்.
இதுகுறித்து அவர் மேலும் கூறியது:
அரியலூர் மாவட்டத்தில் இறவை நிலக்கடலை ஏறக்குறைய 18 ஆயிரம் ஹெக்டரில் பயிர் செய்கின்றனர். டிஎம்வி-7, கோ-3, கோ-4, விஆர்ஐ-2, விஆர்ஐ-3, விஆர்ஐ-5, டிஎம்வி-13 மற்றும் விஆர்ஐ-8 போன்ற ரகங்கள் இப்பருவத்திற்கு ஏற்ற ரகமாகும். இறவையில் நிலக்கடலை விதைப்பதற்கு ஒரு ஏக்கருக்கு 50 கிலோ விதை போதுமானதாகும். பெரிய பருப்பு ரகங்களான விஆர்ஐ-2, விஆர்ஐ-8, கோ-2, கோ-3 போன்ற ரகங்களுக்கு கூடுதலாக 5 கிலோ பயன்படுத்த வேண்டும்.
விதைகளை விதைப்பதற்கு முன் விதைநேர்த்தி செய்தல் மிக அவசியம். விதைகளை உயிர் பூஞ்சாணமான டிரைகொடெர்மா விரிடி 1 கிலோ விதைக்கு 4 கிராம் அல்லது சூடோமோனாஸ் ப்ளுரோசன்ஸ் 1 கிலோ விதைக்கு 10 கிராம் வீதம் விதைநேர்த்தி செய்து பின்பு உயிர் உரங்களான ரைசோபியம் மற்றும் பாஸ்போ பாக்டீரியா உடன் தலா 2 பொட்டலம் வீதம் விதைநேர்த்தி செய்ய வேண்டும்.
விதைநேர்த்தி செய்வதன் மூலம் விதைகள் மூலம் வரும் பூஞ்சாண நோயை கட்டுப்படுத்தலாம். விதைகளை விதைக்கும் போது வரிசைக்கு வரிசை 30 செ.மீ, செடிக்கு செடி 10 செ.மீ. இடைவெளிவிட்டு விதைக்க வேண்டும். இயந்திரத்தின் மூலம் விதைப்பதினால் விதை அளவு மற்றும் விதைப்பு செலவு குறைகிறது.
மேலும் நிலக்கடலை விதைப்பதற்கு முன் அடியுரமாக 5 டன் தொழு உரம், யூரியா 11 கிலோ, சூப்பர் பாஸ்பேட் 125 கிலோ, பொட்டாஷ் 25 கிலோ, ஜிப்சம் 80 கிலோ, வேப்பம் புண்ணாக்கு 50 கிலோ மற்றும் உயிர் உரமான அசோஸ்பைரில்லம் 1 கிலோ, பாஸ்போ பாக்டீரியா 1 கிலோ மற்றும் எதிர் உயிர் பாக்டீரியா சூடோமோனாஸ் ப்ளோரோசன்ஸ் 1 கிலோ இட வேண்டும். மண் பரிசோதனையின் படி உரமிடுதல் நல்லது.
மேலும் வரப்பு ஓரங்களில் ஆமணக்கு, கம்பு மற்றும் மக்காச்சோளம் பயிரிடுதல் மூலம் பூச்சியின் தாக்கத்தை தவிர்க்கலாம், ஊடுபயிராக துவரை, உளுந்து, தட்டைப்பயிறு, கம்பு ஆகிய பயிர்களைப் பயிரிடுவதன் மூலம் பூச்சிகளின் தாக்கத்தைக் குறைக்கலாம்.
விளக்கு பொறிகளை இரவு 7-10 மணி வரை வைத்து அந்துப்பூச்சிகளை கவர்ந்து அழிக்கலாம், இனக்கவர்ச்சி பொறிவைத்து புரோடீனியா, கிலியோதீஸ் ஆண் அந்துப் பூச்சிகளை கவர்ந்து அழிக்கலாம், பச்சை தத்துப்பூச்சி, வெள்ளை ஈக்களை கவர மஞ்சள் நிற ஒட்டுப்பொறி வைத்து கவர்ந்து கட்டுப்படுத்தலாம்,
மேலும் நோய் தென்படும் சமயங்களில் சூடோமோனாஸ் ப்ளோரொசன்ஸ் எதிர் உயிர் பாக்டீரியா லிட்டருக்கு 2 கிராம் என்ற அளவில் தெளிப்பதன் மூலம் வேர் அழுகல் மற்றும் தண்டு அழுகல் நோயைக் கட்டுப்படுத்தலாம். இவ்வாறு செய்வதன் மூலம் நிலக்கடலையில் ஒரு ஏக்கருக்கு 1000 கிலோ முதல் 1200 கிலோ வரை மகசூல் கிடைக்கும் என்றார்.
 

]]>
https://images.dinamani.com/uploads/user/imagelibrary/2017/10/12/w600X390/seed.jpg https://www.dinamani.com/agriculture/2017/oct/12/நிலக்கடலையில்-விதை-நேர்த்தி-செய்தால்-அதிக-மகசூல்-பெறலாம்-2788570.html
2788567 விவசாயம் கொள்ளு சாகுபடி தொழில்நுட்பங்கள் Thursday, October 12, 2017 12:52 AM +0530 கிருஷ்ணகிரி: கொள்ளு பயிரானது செப்டம்பர் - நவம்பர் - மாத காலங்களில் சாகுபடி செய்வது மிகச் சிறந்தது. இது தமிழகத்தில் சுமார் 60,500 ஏக்கர் பரப்பளவில் சாகுபடி செய்யப்படுகிறது. குறிப்பாக, கிருஷ்ணகிரி மாவட்டத்தில் மட்டும் 25 ஆயிரம் ஏக்கர் பரப்பளவில் சாகுபடி செய்யப்படுகிறது. 
ரகங்கள்: கோ-1, பையூர் -1, பையூர் - 2. 
சாகுபடி முறைகள்: நிலத்தை ஐந்து கலப்பை அல்லது ஒன்பது கலப்பை கொண்டு புழுதி படிய நன்கு உழவு செய்ய வேண்டும்.
விதையளவு: ஏக்கருக்கு 8 கிலோ விதைகள் போதுமானது. ஒரு கிலோ விதைக்கு 2 கிராம் கார்பண்டாசிம் கொண்டு விதை நேர்த்தி செய்யவும். 
ரைசோபியம் மற்றும் பாஸ்போபேக்டீரியா தலா (1 பாக்கெட்) 200 உயிர் உரத்தை 400 மில்லி ஆறிய அரிசிக் கஞ்சியுடன் கலந்து, 1 ஏக்கருக்குத் தேவையான விதைகளைக் கலந்து, பின் நிழலில் உலர்த்தி பின் 24 மணி நேரத்திற்குள் விதைக்க வேண்டும். 
விதை நேர்த்தி செய்யவில்லை என்றால், 10 பாக்கெட் ரைசோபியம் மற்றும் 10 கிலோ பாஸ்போ பாக்டீரியாவை 25 கிலோ தொழுவுரம் மற்றும் 25 கிலோ மண்ணுடன் கலந்து விதைப்பதற்கு முன் இட வேண்டும். 
ஊட்டச்சத்து மேலாண்மை: விதைப்பதற்கு முன்பாக அடி உரமாக ஹெக்டேருக்கு 12.5 டன் நன்கு மக்கிய தொழு உரம் இடவும். மண் பரிசோதனை ஆய்வுப்படி உரம் இட வேண்டும். இல்லையெனில், பொது பரிந்துரைக்காக ஏக்கருக்கு 5:10:5 கிலோ தழை, மணி, சாம்பல் சத்துக்கள் தரவல்ல 11 கிலோ யூரியா, 63 கிலோ சூப்பர் பாஸ்பேட் மற்றும் 8 கிலோ மியூரேட் ஆப் பொட்டாஷே அடியுரமாக இட வேண்டும். 
களை கட்டுப்பாடு: 20 முதல் 25 நாள்களுக்குள் ஒருமுறை களை எடுக்க வேண்டும். 
அறுவடை: அனைத்து காய்களும் முதிர்ச்சி அடைந்தவுடன், அறுவடை செய்ய வேண்டும். பின்னர், காய்களைக் காயவைத்து கதிரடித்து பருப்புகளை தனியே பிரித்து எடுக்க வேண்டும். 
மகசூல்: ஏக்கருக்கு 300 முதல் 350 கிலோ வரை மகசூல் கிடைக்கும். மிகக் குறைந்த சாகுபடி செலவுகளைக் கொண்டுள்ள கொள்ளு பருப்பானது மருத்துவ பலன்களைக் கொண்டது. 
பல மருத்துவ குணங்களைக் கொண்டுள்ள கொள்ளுப் பயிரை சாகுபடி செய்து விவசாயிகள் தங்களது வருவாயை அதிகரித்துக் கொள்ளலாம் என கிருஷ்ணகிரி அருகே எலுமிச்சங்கிரி கிராமத்தில் செயல்படும் இந்திய வேளாண் ஆராய்ச்சிக் கழகம் - வேளாண் அறிவியல் மையத்தின் தலைவர் தோ. சுந்தராஜ் தெரிவித்தார். மேலும் விவரங்களுக்கு 04343-290639 என்ற எண்ணில் தொடர்பு கொள்ளலாம்.

]]>
https://images.dinamani.com/uploads/user/imagelibrary/2017/10/12/w600X390/kollu.jpg https://www.dinamani.com/agriculture/2017/oct/12/கொள்ளு-சாகுபடி-தொழில்நுட்பங்கள்-2788567.html
2723094 விவசாயம் வைகை அணையில் 'வறட்சி': தேனி, திண்டுக்கல், மதுரை மாவட்டங்களில் முதல் போக நெல் சாகுபடிக்கு தண்ணீர் திறப்பதில் சிக்கல் ஜி.ராஜன் Monday, June 19, 2017 12:33 AM +0530 முல்லைப் பெரியாறு அணை மற்றும் மூல வைகை நீர்பிடிப்பு பகுதிகளில் போதிய மழையில்லாததால், தேனி, திண்டுக்கல், மதுரை மாவட்டங்களுக்கு முதல் போக நெல் சாகுபடிக்கு பெரியாறு அணை மற்றும் வைகை அணையில் இருந்து தண்ணீர் திறப்பதில் சிக்கல் ஏற்பட்டுள்ளது.
முல்லைப் பெரியாறு அணையில் இருந்து தமிழகப் பகுதிக்கு திறக்கப்படும் தண்ணீரை பயன்படுத்தி தேனி மாவட்டத்தில் 14,707 ஏக்கர் பரப்பளவிலும், பெரியாறு மற்றும் வைகை அணைகளில் இருந்து திறக்கப்படும் தண்ணீரை பயன்படுத்தி மதுரை, திண்டுக்கல் மாவட்ட பெரியாறு பாசனப் பகுதிகளில் 45,041 ஏக்கர் பரப்பளவிலும் இருபோக நெல் சாகுபடி நடைபெறும்.
கேரளத்தில் தென்மேற்கு பருவமழை தொடங்கியதும், முல்லைப் பெரியாறு அணையில் இருந்து தமிழகப் பகுதிக்கு வழக்கமாக ஜூன் 2-ஆம் தேதி பாசனத்துக்கு தண்ணீர் திறக்கப்படும். கடந்த 2016-ஆம் ஆண்டு தென்மேற்கு பருவமழை போதிய அளவு பெய்யாததால் பெரியாறு அணையில் இருந்து காலதாமதமாக 14.7.2016 அன்று தண்ணீர் திறக்கப்பட்டது. இந்த தண்ணீரை பயன்படுத்தி தேனி மாவட்டத்தில் 8,000 ஏக்கர் பரப்பளவில் மட்டுமே முதல் போக நெல் சாகுபடி நடைபெற்றது. மதுரை, திண்டுக்கல் மாவட்ட முதல் போக நெல் சாகுபடிக்கு வைகை அணையில் இருந்து தண்ணீர் திறக்கப்படவில்லை.
அதே போல் பெரியாறு அணை மற்றும் மூல வைகை ஆற்றின் நீர்பிடிப்பு பகுதிகளில் மழையின்றி அணைகளின் நீர்மட்டம் தொடர்ந்து சரிந்ததால், கடந்த 2016, செப்டம்பர் மாதம் 2-ஆம் போக நெல் சாகுபடிக்கும் தண்ணீர் திறக்கப்பட வில்லை.
அணைகளில் போதிய தண்ணீரில்லாததால் கடந்த 2016-ஆம் ஆண்டு, முதல் மற்றும் 2-ஆம் போக நெல் சாகுபடியை கைவிட்ட விவசாயிகள், இந்த ஆண்டு கேரளத்தில் கடந்த ஜூன் 1-ஆம் தேதி தென்மேற்கு பருவமழை தொடங்கியதால் மகிழ்ச்சியடைந்தனர். ஆனால், பெரியாறு அணை மற்றும் மூல வைகை நீர்பிடிப்பில் ஓரிரு நாள்கள் மட்டுமே லேசான சாரல் மழை பெய்துள்ளது. இதனால் அணைகளுக்கு போதிய நீர்வரத்து இல்லை.
முல்லைப் பெரியாறு அணை நீர்மட்டம் 112 அடிக்கும் மேல் உயர்ந்தால் மட்டுமே தேனி மாவட்ட முதல் போக நெல் சாகுபடிக்கு அணையில் இருந்து தண்ணீர் திறக்க முடியும். தற்போது, பெரியாறு அணை நீர்மட்டம் 108.90 அடியாகவும், அணைக்கு நீர்வரத்து விநாடிக்கு 75 கன அடியாகவும் உள்ளது. அணையில் தண்ணீர் இருப்பு 739 மில்லியன் கன அடி. அணையில் இருந்து தமிழகப் பகுதிக்கு குடிநீர் திட்டங்களுக்காக விநாடிக்கு 75 கன அடி வீதம் தண்ணீர் திறக்கப்பட்டுள்ளது.
அதே போல், வைகை அணை நீர்மட்டம் தொடர்ந்து சரிந்து 22.90 அடியாக உள்ளது. அணையில் நீர் இருப்பு 158 மில்லியன் கன அடி. அணைக்கு தண்ணீர் வரத்து இல்லை. அணையில் இருந்து மதுரை, ஆண்டிபட்டி- சேடபட்டி குடிநீர் திட்டங்களுக்கு விநாடிக்கு 40 கன அடி வீதம் தண்ணீர் திறக்கப்பட்டுள்ளது.
முல்லைப் பெரியாறு அணை மற்றும் வைகை அணையில் குறைந்த அளவு தண்ணீர் மட்டுமே இருப்பில் உள்ள நிலையில், தென்மேற்கு பருவமழை இல்லாததால் தேனி, மதுரை, திண்டுகல் மாவட்டங்களில் இந்த ஆண்டும் முதல் போக நெல் சாகுபடி நடைபெறுவதில் சிக்கல் ஏற்பட்டுள்ளது.
விவசாயிகள் அதிருப்தி: கடந்த 2016-ஆம் ஆண்டு வறட்சியால் அணைகளில் போதிய தண்ணீரின்றி முதல் மற்றும் 2-ஆம் போக நெல் சாகுபடியை கைவிட்ட விவசாயிகளுக்கு அரசு சார்பில் வறட்சி நிவாரண நிதி வழங்கவில்லை. பயிர் காப்பீட்டுத் திட்டத்தின் கீழ் இழப்பீட்டுத் தொகையும் வழங்கப்பட வில்லை. தற்போது, அணைகளில் நீர்மட்டம் சரிந்து இந்த ஆண்டும் முதல் போக நெல் சாகுபடி நடைபெறுவது கேள்விக் குறியாகி உள்ளது. இதனால் விவசாயிகள் அதிருப்தி அடைந்துள்ளனர்.

 

 

]]>
https://images.dinamani.com/uploads/user/imagelibrary/2017/6/19/w600X390/DAM.jpg வைகை அணையில் ஞாயிற்றுக்கிழமை 22.90 அடியாக சரிந்துள்ள நீர்மட்டம். https://www.dinamani.com/agriculture/2017/jun/19/வைகை-அணையில்-வறட்சி-தேனி-திண்டுக்கல்-மதுரை-மாவட்டங்களில்-முதல்-போக-நெல்-சாகுபடிக்கு-தண்ணீர்-திற-2723094.html
2560311 விவசாயம் விவசாய நிலத்தின் தரத்தினை தெரிவிக்கும் மண்வள அட்டைகள்: வேளாண் துறை வழங்கல் dn Tuesday, September 6, 2016 07:54 AM +0530 விழுப்புரம்: விழுப்புரம் மாவட்டத்தில் தேசிய மண்வள இயக்கத்தில், விவசாயிகளுக்கு “மண்வள அட்டைகள்” வழங்கிடும் பணியை ஆட்சியர் எம்.லட்சுமி அண்மையில் தொடங்கி வைத்தார்.
ஆட்சியர் அலுவலகத்தில் நடைபெற்ற இந்நிகழ்ச்சியில் வேளாண் இணை இயக்குநர் ராமலிங்கம் விளக்கிப் பேசியது:  தேசிய மண்வள அட்டை இயக்கமானது, பிரதமரால் 2015-ஆம் ஆண்டு பிப்ரவரி 17-இல் ராஜஸ்தானில் துவக்கி வைத்து நாடு முழுவதிலும் இத்திட்டம் செயல்படுத்தப்பட்டு வருகிறது.

இந்தியாவில் பெருகிவரும் மக்கள் தொகையில், குறைந்து வரும் சாகுபடி பரப்பு மற்றும் அதிகரிக்கும் பருவநிலை மாற்றங்கள் என நகரும் இக்கட்டான இக்காலகட்டத்தில் விவசாயத்திற்கு அடிப்படையான மண்ணின் தன்மை, சத்துகளின் நிலை ஆகியவற்றை ஆராய்ந்து அதன் அடிப்படையில் பயிர்களுக்குத் தேவையான சத்துக்களை சரியாகவும், சரிவிகிதமாகவும் அளிப்பதன் மூலம் மண்வளம் காப்பதோடு, உரச்செலவினைக் குறைத்து விவசாயிகள் குறைந்த செலவில் நிறைந்த மகசூல் எடுத்திட வேண்டும் என்பதே இத்திட்டத்தின் நோக்கமாகும்.

விழுப்புரம் மாவட்டத்தில் “கிரிட் முறையில்” வேளாண்துறை மூலம் கடந்தாண்டு மற்றும் நடப்பாண்டில் 85,409 மண் மாதிரிகள் எடுக்கப்பட்டு, மாவட்டத்திலுள்ள மண் ஆய்வுக்கூடங்கள் மூலம், இதுவரை 44,401 மண் மாதிரிகள் ஆய்வுசெய்யப்பட்டு முடிவுகள் வலைதளத்தில் ஏற்றப்பட்டுள்ளது.
மாவட்டத்தில் 5,19,000 விவசாயிகளுக்கு மண்வள அட்டைகள் வழங்க திட்டமிட்டுள்ளதால், வரும் டிசம்பருக்குள் இப்பணிகள் முடிக்கப்படும்.
இந்த மண்வள அட்டையில், விசாயிகளின் மண்ணின் நயம், கார அமிலத்தன்மை, தழை,  மணி, சாம்பல் சத்துக்கள் மற்றும்நுண்சத்துக்களின் அளவுகள் தெளிவாக வழங்கப்படுகிறது.

விவசாயிகள் தங்கள் மண்ணிற்கு இடவேண்டிய உரங்களின் விவரங்கள் சாகுபடி செய்திட வேண்டிய பயிர்களின