Dinamani - அரசுப் பணிகள் - https://www.dinamani.com/employment/goverment-jobs/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3378417 வேலைவாய்ப்பு அரசுப் பணிகள் திறந்தநிலை பல்கலை. மாணவா்களுக்கு வேலைவாய்ப்பு முகாம் Wednesday, March 11, 2020 02:51 AM +0530 திறந்தநிலைப் பல்கலைக்கழக மாணவா்கள் பயன்பெறும் வகையில், வருகிற 15-ஆம் தேதி திருச்சியில் வேலைவாய்ப்பு முகாமை பல்கலைக்கழகம் நடத்த உள்ளது.

அண்ணா பல்கலைக்கழகங்கழகம், சென்னைப் பல்கலைக்கழகங்களைப் போல், தமிழ்நாடு திறந்தநிலைப் பல்கலைக்கழகமும் அதில் படிக்கும் மாணவா்கள் பயன்பெறும் வகையில் வேலைவாய்ப்பு முகாமை நடத்தி வருகிறது. இதன் தொடா்ச்சியாக வருகிற ஞாயிற்றுக்கிழமை (மாா்ச் 15) திருச்சியில் வேலைவாய்ப்பு முகாமை நடத்த உள்ளது.

இதுகுறித்து பல்கலைக்கழகம் செவ்வாய்க்கிழமை வெளியிட்ட செய்திக்குறிப்பு: திறந்தநிலைப் பல்கலைக்கழகமும் மாவட்ட வேலைவாய்ப்பு மற்றும் ஆலோசனை மையமும் இணைந்து திருச்சி ஜமால் முகமது கல்லூரியில் நடத்தப்படும் இந்த வேலைவாய்ப்பு முகாம் ஞாயிற்றுக்கிழமை காலை 9 மணிக்குத் தொடங்க உள்ளது. இந்த முகாமில் நூற்றுக்கும் மேற்பட்ட முன்னணி நிறுவனங்கள் பங்கேற்று, மாணவா்களை வேலைவாய்ப்புக்குத் தோ்வு செய்ய உள்ளன.

பல்கலைக்கழகத்தில் இப்போது படித்து வரும் மாணவா்களும், முன்னாள் மாணவா்களும் இந்த முகாமில் பங்கேற்கலாம். இதற்கான விண்ணப்பத்தை www.tnou.ac.in என்ற வலைதளத்திலிருந்து பதிவிறக்கம் செய்துகொள்ளலாம். மேலும் விவரங்களுக்கு, திருச்சி மண்டல மைய ஒருங்கிணைப்பாளா் பி.ராஜேஸ்வரனை 9443674610, 9940527972 ஆகிய செல்லிடப்பேசிகளில் தொடா்புகொள்ளலாம் எனத் தெரிவிக்கப்பட்டுள்ளது.

 

]]>
https://www.dinamani.com/employment/goverment-jobs/2020/mar/11/திறந்தநிலை-பல்கலை-மாணவா்களுக்கு-வேலைவாய்ப்பு-முகாம்-3378417.html
3375224 வேலைவாய்ப்பு அரசுப் பணிகள் பிஎஸ்என்எல் நிறுவனத்தில் பட்டதாரிகளுக்கு தொழில் பழகுநர் வாய்ப்பு Friday, March 6, 2020 03:20 PM +0530
பிஎஸ்என்எல் நிறுவனத்தில் பட்டதாரிகள் மற்றும் தொழில்நுட்ப பயிற்சியாளர்களுக்கு பல்வேறு துறைகளில் தொழில் பழகுநர் பயிற்சி அறிவிக்கப்பட்டுள்ளது.

அரசு வேலை வாய்ப்பை நோக்கிக் காத்திருக்கும் இளைஞர்கள் பிஎஸ்என்எல் இணையதளம் மூலம் தொழில் பழகுனர் பயிற்சிக்கு விண்ணப்பிக்கலாம்.
காலி இடங்கள் : 100
கிராட்ஜுவேட் அப்ரன்டீஸ் - 75 காலி இடங்கள்
தொழில்நுட்ப (டிப்ளமோ) அப்ரன்டீஸ் - 25 காலி இடங்கள்

இந்த பயிற்சி பெற விண்ணப்பிப்போர் அங்கீகாரம் பெற்ற பல்கலைக்கழகத்தில் ஏதேனும் ஒரு இளநிலை பட்டம் அல்லது டிப்ளமோ பெற்றிருக்க வேண்டும்.

உதவித் தொகை
கிராட்ஜுவேட் அப்ரன்டீஸ் - ரூ.4984 - மாத உதவித் தொகை
தொழில்நுட்ப (டிப்ளமோ) அப்ரன்டீஸ் - ரூ.3,542 மாத உதவித் தொகை

விண்ணப்பிப்பதற்கான முக்கிய விவரம்
மார்ச் 4ம் தேதி முதல் மார்ச் 12ம் தேதி வரை விண்ணப்பிக்கலாம்.
மேலும் தகவல்களுக்கு http://www.mhrdnats.gov.in/ஐ பார்க்கவும்.
 

]]>
https://images.dinamani.com/uploads/user/imagelibrary/2020/1/30/w600X390/bsnl_pix.jpg https://www.dinamani.com/employment/goverment-jobs/2020/mar/06/apprenticeships-for-bsnl-3375224.html
3375204 வேலைவாய்ப்பு அரசுப் பணிகள் தமிழக மாசு கட்டுப்பாடு வாரியத்தில் வேலை Friday, March 6, 2020 12:28 PM +0530 தமிழக மாசு கட்டுப்பாடு வாரியத்தில் காலிப் பணியிடத்தினை நிரப்பிடுவதற்கான அறிவிப்பு வெளியிடப்பட்டுள்ளது. 

காலி இடங்கள்: 242 
AE, Environmental Scientist, Assistant (Junior Assistant), Typist Posts.

கல்வி தகுதி: B.E/B.Tech, Any Degree

விண்ணப்பிப்பதற்கான கடைசி தேதி:  26.03.2020 

ஆர்வமும் தகுதியும் உள்ளவர்கள் அதிகாரபூர்வ வலைதளத்தில் www.tnpcb.gov.in விண்ணப்பிக்கலாம்.

]]>
https://images.dinamani.com/uploads/user/imagelibrary/2020/3/6/w600X390/tnpcb.jpg https://www.dinamani.com/employment/goverment-jobs/2020/mar/06/தமிழக-மாசு-கட்டுப்பாடு-வாரியத்தில்-வேலை-3375204.html
3307509 வேலைவாய்ப்பு அரசுப் பணிகள் வேலையில்லா இளைஞர்கள் கவனத்துக்கு.. தனியார் துறை வேலைவாய்ப்பு முகாம்  Monday, December 16, 2019 11:21 AM +0530  

சென்னை: வேலையில்லா இளைஞர்களுக்கு வேலை வாய்ப்பை ஏற்படுத்தும் வகையில் சென்னையில் தனியார் துறை வேலைவாய்ப்பு முகாமுக்கு வேலைவாய்ப்பு மற்றும் பயிற்சித் துறை இயக்குநரகம் ஏற்பாடு செய்துள்ளது.

இது குறித்து தமிழக வேலைவாய்ப்பு மற்றும் பயிற்சித் துறை இயக்குநரகம் வெளியிட்டிருக்கும் செய்திக் குறிப்பில், தமிழ்நாட்டிலுள்ள அனைத்து மாவட்ட வேலைவாய்ப்பு அலுவலகங்களிலும், வாரந்தோறும் வெள்ளி கிழமையானது வேலைவாய்ப்பு வெள்ளி – ஆக அனுசரிக்கப்பட்டு வேலைவாய்ப்பற்ற இளைஞர்களுக்கு தனியார் துறையில் வேலைவாய்ப்புகள் பெற்று வழங்கப்பட்டு வருகிறது.
 
இதன் மூலம் வாரந்தோறும் ஆயிரக்கணக்கான இளைஞர்கள் தனியார் துறையில் பணிநியமனம் பெற்று வருகின்றனர்.

சென்னையில் உள்ள அனைத்து வேலைவாய்ப்பு அலுவலகங்களும் இணைந்து 20.12.2019 வெள்ளிக்கிழமை அன்று தனியார் துறை வேலைவாய்ப்பு முகாமினை நடத்த உள்ளன.

இந்த வேலைவாய்ப்பு முகாம் சென்னை-32, கிண்டி ஆலந்தூர் சாலையில் உள்ள ஒருங்கிணைந்த வேலைவாய்ப்பு அலுவலக வளாகத்தில் காலை 10 மணி முதல் மதியம் 2 மணி வரை நடைபெறுகிறது.

இம்முகாமில் 35-வயதிற்கு உட்பட்ட 8-ஆம் வகுப்பு, எஸ்.எஸ்.எல்.சி., பிளஸ்2, ஐ.டி.ஐ., டிப்ளமா, கலை மற்றும் அறிவியல் பிரிவில் ஏதாவது ஒரு பட்டம் (டிகிரி) ஆகிய கல்வித்தகுதியை உடைய அனைவரும் (மாற்றுத் திறனாளிகள் உட்பட) கலந்து கொள்ளலாம்.

இம்முகாமில் 15-க்கும் மேற்பட்ட தனியார் துறை நிறுவனங்கள் கலந்து கொண்டு 1000-க்கும் மேற்பட்ட பணிகாலியிடங்களுக்கு ஆட்களை தேர்வு செய்ய உள்ளனர்.

இம்முகாமில் கலந்து கொள்ள விருப்பமுள்ள தனியார் துறை நிறுவனங்கள், பணியாளர்கள் / ஆட்கள் தேவைப்படும் நேர்வில் தங்கள் நிறுவனத்தின் முழுமையான காலிப் பணியிட விவரங்களுடன் வேலைவாய்ப்பு அலுவலகத்தை தொடர்பு கொண்டு தங்கள் நிறுவனத்திற்கான பணியாளர்களை தேர்வு செய்து கொள்ளுமாறு கேட்டுக்கொள்ளப்படுகிறது. இச்சேவைக்கு கட்டணம் ஏதுமில்லை.

வேலைவாய்ப்பற்ற இளைஞர்கள் / தனியார் துறை நிறுவனங்கள் இவ்வாய்ப்பினை பயன்படுத்திக் கொள்ளுமாறு கேட்டுக் கொள்ளப்படுகிறது. இத்தகவலை வேலைவாய்ப்பு மற்றும் பயிற்சித்துறை இயக்குநர் (முழு கூடுதல் பொறுப்பு ) வே.விஷ்ணு வெளியிட்டுள்ளார்.
 

]]>
job fair https://images.dinamani.com/uploads/user/imagelibrary/2019/11/16/w600X390/computer-jobs.jpg https://www.dinamani.com/employment/goverment-jobs/2019/dec/16/job-fair-in-chennai-3307509.html
3298172 வேலைவாய்ப்பு அரசுப் பணிகள் ஒவ்வொரு மாதமும் லட்சம் ரூபாய் சம்பளத்தில் வேலை வேண்டுமா? உடனே விண்ணப்பிக்கவும் ஆர். வெங்கடேசன் Thursday, December 5, 2019 09:41 AM +0530 ஆவின்பால் நிறுவனத்தில் வேலை

பணி: Deputy Manager (DC) - 01

சம்பளம்: மாதம் ரூ.35,600 - ரூ.1,12,800

தகுதி:  Dairy Science, Dairy Chemistry, Chemistry, Bio Chemistry, Bio - Tech, Quality Control பிரிவில் முதுகலைப் பட்டம் பெற்றிருக்க வேண்டும். 

வயது: 01.07.2019 தேதியின்படி OC பிரிவினர் 30 வயதிற்குள் இருக்க வேண்டும். மற்ற பிரிவுகளைச் சேர்ந்த விண்ணப்பத்தாரர்களுக்கு குறைந்தபட்சம் 18 வயது பூர்த்தி அடைந்தவராக இருக்க வேண்டும். அதிகபட்ச வயது வரம்பு இல்லை. 

தேர்வு செய்யப்படும் முறை: எழுத்துத் தேர்வு மற்றும் வாய்மொழித் தேர்வு மூலம் தகுதியானவர்கள் தேர்வு செய்யப்படுவார்கள். 

விண்ணப்பக் கட்டணம்: OC, MBC, BC பிரிவினர்

ரூ.250 கட்டணமாகச் செலுத்த வேண்டும். மற்ற பிரிவினருக்கு கட்டணம் செலுத்துவதில் விலக்கு அளிக்கப்பட்டுள்ளது. 

விண்ணப்பிக்கும் முறை: www.aavinmilk.com அல்லது www.aavinkanyakumari.com என்ற இணையதளத்தில் கொடுக்கப்பட்டுள்ள விண்ணப்பத்தைப் பதிவிறக்கம் செய்து, பூர்த்தி செய்து அதனுடன் தேவையான சான்றிதழ் நகல்களை இணைத்து விண்ணப்பிக்க வேண்டும். 

பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி: The General Manager, Kanyakumari District Co-operative Milk Producers  Union Limited, K.P.Road, Nagercoil, Kanyakumari District - 629 003. 

பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 06.12.2019

***

மத்திய சிறு, குறு, நடுத்தர தொழில்கள் மையத்தில் வேலை

பணி: Senior Manager (Training) - 01
வயது: 45 வயதுக்குள் இருக்க வேண்டும். 

சம்பளம்: மாதம் ரூ.78,800-ரூ.2,09,200
பணி: Manager(Maintenance) - 01 
வயது: 40 வயதுக்குள் இருக்க வேண்டும்.
சம்பளம்: மாதம் ரூ.67,700-ரூ.2,08,700.
பணி: Manager(Marketing) - 01
வயது: 40 வயதுக்குள் இருக்க வேண்டும்.
சம்பளம்: மாதம் ரூ.67,700-ரூ.2,08,700.
பணி: Assistant Manager (Admn & Accts)) - 01
வயது: 35 வயதுக்குள் இருக்க வேண்டும். 
சம்பளம்: மாதம் ரூ.56,100-ரூ.1,77,500.
பணி: Senior Engineer (Training) - 02 
வயது: 35 வயதுக்குள் இருக்க வேண்டும். 
சம்பளம்: மாதம் ரூ.44,900-ரூ.1,42,400
பணி: Engineer(Training) - 02 
வயது: 32 வயதுக்குள் இருக்க வேண்டும்.
சம்பளம்: மாதம் ரூ.35,400-ரூ.1,12,400
பணி: Accounts Officer  - 01
வயது: 32 வயதுக்குள் இருக்க வேண்டும்.
சம்பளம்: மாதம் ரூ.35,400-ரூ.1,12,400
பணி: Stores Officer - 01
வயது: 32 வயதுக்குள் இருக்க வேண்டும். 
சம்பளம்: மாதம் ரூ.35,400- ரூ.1,12,400.

விண்ணப்பிக்கும் முறை, வயது சலுகை, கல்வித் தகுதி போன்ற முழுமையான விவரங்கள் அறிய: www.idtr.gov.in ApXÕ https://www.idtr.gov.in/idtr/bulletin-board.php?#lnk93 என்ற லிங்கில் சென்று தெரிந்துகொள்ளவும். 

பூர்த்தி செய்யப்பட்ட விண்ணப்பங்கள் சென்று சேர கடைசித் தேதி: 08.12.2019

***

தமிழக அரசின் தமிழ் வளர்ச்சி மற்றும் தகவல் துறையில் வேலை 

மொத்த காலியிடங்கள்: 05
பணி: Assistant Section Officer in Tamil  - 04
பணி: Assistant Section Officer in Hindi  - 01

தகுதி: தமிழை ஒரு பாடமாகக் கொண்டு பட்டம் பெற்றிருக்க வேண்டும். இதேபோன்று இந்தியை ஒரு பாடமாகக் கொண்டு பட்டம் பெற்றிருப்பவர்கள் சம்பந்தப்பட்ட பணியிடங்களுக்கு விண்ணப்பிக்கத் தகுதியானவர்கள். 

சம்பளம்: மாதம் ரூ.36,400 - ரூ.1,15,700

வயது: 01.07.2019 தேதியின்படி 18 வயது பூர்த்தியடைந்திருக்க வேண்டும்.

விண்ணப்பக் கட்டணம்: ரூ.100. இதனை ஆன்லைன் மூலம் செலுத்தலாம்.

தேர்வு செய்யப்படும் முறை: டிஎன்பிஎஸ்சி-யால் நடத்தப்படும் எழுத்துத் தேர்வில் பெறும் மதிப்பெண்கள் அடிப்படையில் சான்றிதழ் சரிபார்ப்பு நடத்தப்பட்டு தகுதியானவர்கள் தேர்வு செய்யப்படுவார்கள். 

விண்ணப்பிக்கும் முறை: www.tnpsc.gov.in, www.tnpscexams.net , www.tnpscexams.in என்ற அதிகாரப்பூர்வ இணையதளத்தின் மூலம் ஆன்லைனில் விண்ணப்பிக்க வேண்டும்.

மேலும் முழுமையான விவரங்கள் அறிய:

http://www.tnpsc.gov.in/Notifications/2019_31_notyfn_ASOTrans.pdf  என்ற லிங்கை கிளிக் செய்து தெரிந்து கொள்ளவும்.

ஆன்லைனில் விண்ணப்பிப்பதற்கான கடைசித் தேதி: 08.12.2019

பாபா அணு ஆராய்ச்சி மையத்தில் வேலை 

மொத்த காலியிடங்கள்: 92
பணி: Assistant Security Officer (A) 

காலியிடங்கள்: 19
பணி: Security Guard 
காலியிடங்கள்: 73

வயது: 06.12.2019 தேதியின்படி குறைந்தபட்சம் 18 வயது பூர்த்தி அடைந்தவராகவும், அதிகபட்சமாக, பொதுப் பிரிவினர் 27 வயதுக்குள்ளும், எஸ்சி, எஸ்டி பிரிவினர்

32 வயதுக்குள்ளும், ஓபிசி பிரிவினர் 30 வயதுக்குள்ளும் இருக்க வேண்டும். 

தகுதி: உதவி பாதுகாப்பு அதிகாரி பணிக்கு ஏதாவதொரு துறையில் இளங்கலைப் பட்டமும், பாதுகாவலர் பணிக்கு பத்தாம் வகுப்பு தேர்ச்சியும் பெற்றிருக்க வேண்டும். 

தேர்வு செய்யப்படும் முறை: உடற்தகுதி மற்றும் எழுத்துத் தேர்வு அடிப்படையில் தகுதியானவர்கள் தேர்வு செய்யப்படுவார்கள். 

விண்ணப்பக் கட்டணம்: உதவி பாதுகாப்பு அதிகாரி பணிக்கு ரூ. 150, பாதுகாவலர் பணிக்கு ரூ. 100, பெண்கள், முன்னாள் ராணுவத்தினர், மாற்றுத் திறனாளிகள் மற்றும் எஸ்சி, எஸ்டி பிரிவினருக்கு கட்டணம் செலுத்துவதில் விலக்கு அளிக்கப்பட்டுள்ளது. மேலும் முழுமையான விவரங்கள் அறிய: https://recruit.barc.gov.in என்ற லிங்கில் சென்று தெரிந்துகொள்ளவும்.

விண்ணப்பிக்கும் முறை: https://recruit.barc.gov.in என்ற இணையதளத்தின் மூலம் ஆன்லைனில் விண்ணப்பிக்க வேண்டும்.

விண்ணப்பிப்பதற்கான கடைசித் தேதி: 06.12.2019

சென்னை பெட்ரோலியம் கார்ப்பரேஷனில் வேலை

மொத்த காலியிடங்கள்: 55 

பணி:  Junior Engineering Assistant-IV (Production) - 14 
பணி:  Junior Engineering Assistant-IV (Production) Trainee - 08
பணி: Junior Quaity Control Analyst -IV (QC) -01
பணி:  Junior Engineering Assistant-IV (Mechanical) - 03
பணி:  Junior Engineering Assistant -IV (Mechanical) Trainee - 01
பணி:  Junior Engineering Assistant - IV (Electrical) - 03
பணி:  Junior Engineering Assistant-IV (Instrumentation) - 03
பணி:  Junior Engineering Assistant-IV (Instrumentation) Trainee - 01
பணி:  Junior Engineering Assistant-IV (P&U-Mechanical)- 01
பணி:  Junior Technical Assistant -IV (Fire & Safety) - 09
பணி:  Junior Technical Assistant -IV (Fire & Safety)Trainee - 04
பணி:  Junior Materials Assistant -IV (Purchase & Store) - 01
பணி:  Junior Marketing Assistant -IV (Marketing) - 03
பணி:  Junior Marketing Assistant -IV (Marketing)Trainee - 01
பணி:  Junior Accounts Assistant -IV Trainee - 01
பணி:  Junior Nursing Assistant - IV - 01


தகுதி: ஒவ்வொரு பணிக்கும் தனித்தனியான கல்வித் தகுதிகள் வெளியிடப்பட்டுள்ளன. 

தேர்வு செய்யப்படும் முறை: எழுத்துத்தேர்வு, சான்றிதழ் சரிபார்ப்பு அடிப்படையில் தகுதியானவர்கள் தேர்வு செய்யப்படுவார்கள். 
விண்ணப்பிக்கும் முறை: www.cpcl.co.in என்ற இணையதளத்தின் மூலம் ஆன்லைனில் விண்ணப்பிக்க வேண்டும். 

விண்ணப்பக் கட்டணம்: ரூ. 500. இதனை ஆன்லைன் மூலம் செலுத்த வேண்டும். மேலும் முழுமையான விவரங்கள் அறிய:  www.cpcl.co.in அல்லது https://www.cpcl.co.in/People&Careers/RecruitmentDrive/2019/Advertisment%20Workmen%202019%20-%20Final.pdf என்ற லிங்கை கிளிக் செய்து தெரிந்துகொள்ளவும். 

விண்ணப்பிப்பதற்கான கடைசித் தேதி : 03.12.2019

]]>
job vacancy https://images.dinamani.com/uploads/user/imagelibrary/2019/12/5/w600X390/job.jpg situation vacant https://www.dinamani.com/employment/goverment-jobs/2019/dec/05/situation-vacant-in-aavin-diary-3298172.html
2693398 வேலைவாய்ப்பு அரசுப் பணிகள் ஆசிரியர் தகுதித் தேர்வு முதல் தாள்: கடினமான உளவியல், எளிதான கணிதம்: இன்று பட்டதாரி ஆசிரியர்களுக்கான தேர்வு Sunday, April 30, 2017 01:09 AM +0530 தமிழகம் முழுவதும் சனிக்கிழமை (ஏப்.29) நடைபெற்ற இடைநிலை ஆசிரியர் தகுதித் தேர்வு முதல் தாளை 2.7 லட்சம் பேர் எழுதினர். குழந்தைகளுக்கான உளவியல் பகுதி வினாக்கள் கடினமாகவும் கணிதம், தமிழ் பகுதி வினாக்கள் எளிதாக இருந்ததாகவும் தேர்வர்கள் தெரிவித்தனர்.
முதல் வகுப்பு முதல்...: தமிழகத்தில் ஆசிரியர் தகுதித் தேர்வு சனிக்கிழமை தொடங்கியது. முதல் வகுப்பு முதல் 5-ஆம் வகுப்பு வரை பணியாற்றுவதற்கான இடைநிலை ஆசிரியர் பணிக்கான (முதல் தாள்) தேர்வு நடைபெற்றது. இதற்கு கல்வித் தகுதி ஆசிரியர் பட்டயப் பயிற்சி முடித்திருக்க வேண்டும்.
இத்தேர்வுக்காக தமிழகத்தில் 598 மையங்களில் 2 லட்சத்து 37 ஆயிரம் பேர் தேர்வு எழுதினர். காலை 10 மணிக்குத் தொடங்கிய தேர்வுக்கு அரை மணி நேரத்துக்கு முன் தேர்வு எழுதுபவர்கள் மையத்துக்குள் அனுமதிக்கப்பட்டனர்.
செல்லிடப்பேசி, கால்குலேட்டர், கைக்குட்டை போன்றவற்றைத் தேர்வர்கள் எடுத்துச் செல்லத் தடை விதிக்கப்பட்டது. இதனால் தீவிர சோதனைக்குப் பிறகே தேர்வு எழுத அனுமதிக்கப்பட்டனர். முறைகேடுகளைத் தடுக்க பறக்கும் படை, கண்காணிப்புக் குழு அமைக்கப்பட்டிருந்தது.
மாவட்ட ஆட்சியர் ஆய்வு:சென்னை மாவட்டத்தில் அண்ணாநகரில் உள்ள அண்ணா ஆதர்ஷ் மெட்ரிகுலேஷன் பள்ளித் தேர்வு மையத்தை மாவட்ட ஆட்சியர் வெ.அன்புச்செல்வன் பார்வையிட்டார்.
அசோக்நகர், கோடம்பாக்கம் அரசு மேல்நிலைப் பள்ளிகளில் அனைவருக்கும் இடைநிலைக் கல்வி இயக்குநர் எஸ்.கண்ணப்பன் ஆய்வு மேற்கொண்டார். சென்னை மாவட்டத்தில் தேர்வு எழுத அனுமதிக்கப்பட்ட 10,147 பேரில் 9,657 பேர் தேர்வெழுதினர்.
அசோக்நகர் அரசு மேல்நிலைப்பள்ளியில் தேர்வெழுதிய என்.பிரபாகரன், எஸ்.கோகிலா உள்ளிட்டோர் கூறியது:
தமிழ், ஆங்கிலம், கணிதம், குழந்தை மேம்பாடு மற்றும் கற்பித்தல் (கல்வி உளவியல்), சூழ்நிலை அறிவியல் ஆகிய 5 பாடப் பகுதிகளில் தலா 30 கேள்விகள் வீதம் மொத்தம் 150 கேள்விகள் கேட்கப்பட்டிருந்தன.
உளவியல் பகுதியில் தானியங்கி நரம்புத் தொகுதியில் மனவெழுச்சிகளால் தூண்டும் செயல்களால் ஏற்படும் மாற்றங்களின் வேகத்தை அளவிடப் பயன்படும் கருவியின் பெயர், ஒரு நியூரானிலிருந்து மற்றொரு நியூரான் தூண்டலைப் பெறும் பாகம் உள்பட 10-க்கும் மேற்பட்ட வினாக்கள் கடினமாக இருந்தன. தமிழ் பிரிவில் சில இலக்கண வினாக்களுக்குப் பதிலளிப்பது சற்று சிரமமாக இருந்தது.
கணிதப் பிரிவில்...கணிதப் பிரிவில் ஒரு தொலைக்காட்சிப் பெட்டியின் விலை 8 சதவீத மதிப்புக்கூட்டு வரியுடன் ரூ.15,660 எனில், மதிப்புக்கூட்டு வரியின்றி அதன் விலை என்ன உள்பட சூழ்நிலை அறிவியல், ஆங்கிலம் ஆகிய பிரிவுகளில் கேட்கப்பட்ட பெரும்பாலான வினாக்கள் எளிதாக இருந்தன. கடந்த தேர்வுகளில் 30 சதவீதம் வரை பாடப் பகுதிக்கு வெளியிலிருந்து வினாக்கள் கேட்கப்பட்டன. ஆனால், இந்த முறை 50 சதவீத வினாக்கள் அவ்வாறு கேட்கப்பட்டிருந்தன. ஒட்டுமொத்தமாகப் பார்க்கும்போது இடைநிலை ஆசிரியர்களுக்கான தகுதித் தேர்வு முதல் தாள் சற்று கடினமாகவே இருந்தது என்றனர்.
பட்டதாரி ஆசிரியர்களுக்கான (இரண்டாம் தாள்) தேர்வு ஞாயிற்றுக்கிழமை (ஏப்.30) நடைபெறவுள்ளது. இதில் 5 லட்சம் பேர் தேர்வு எழுதவுள்ளனர்.

 

]]>
https://images.dinamani.com/uploads/user/imagelibrary/2017/4/30/w600X390/EXAM.jpg சென்னை அண்ணா நகர் அண்ணா ஆதர்ஷ் மெட்ரிக் மேல்நிலைப்பள்ளியில் சனிக்கிழமை நடைபெற்ற ஆசிரியர் தகுதித் தேர்வைப் பார்வையிடும் மாவட்ட ஆட்சியர் வெ.அன்புச்செல்வன். https://www.dinamani.com/employment/goverment-jobs/2017/apr/30/ஆசிரியர்-தகுதித்-தேர்வு-முதல்-தாள்-கடினமான-உளவியல்-எளிதான-கணிதம்-இன்று-பட்டதாரி-ஆசிரியர்களுக்கான-2693398.html
2692904 வேலைவாய்ப்பு அரசுப் பணிகள் ஆசிரியர் தகுதித் தேர்வுகள் இன்று தொடக்கம்: 7.40 லட்சம் பேர் எழுதுகின்றனர் Saturday, April 29, 2017 10:07 AM +0530 தமிழக பள்ளிகளில் உள்ள ஆசிரியர் காலிப்பணியிடங்களை நிரப்புவதற்கான ஆசிரியர் தகுதித் தேர்வுகள் சனிக்கிழமை (ஏப்.29) தொடங்குகின்றன.
இன்றும் நாளையும் தேர்வு: இடைநிலை ஆசிரியர் தகுதித் தேர்வு (சனிக்கிழமை-ஏப்.29), பட்டதாரி ஆசிரியர் தகுதித் தேர்வு (ஞாயிற்றுக்கிழமை-ஏப்.30) என இரண்டு நாள்கள் தொடர்ந்து நடைபெறும் தேர்வுக்கு மொத்தம் 7 லட்சத்து 40 ஆயிரத்துக்கும் மேற்பட்டோர் விண்ணப்பித்துள்ளனர். அதாவது, இடைநிலை ஆசிரியர் தகுதித் தேர்வுக்கு (தாள்-1) 2 லட்சத்து 37,293 பேர் பட்டதாரி ஆசிரியர் தகுதி தேர்வுக்கு, 5 லட்சத்து 2 ஆயிரத்து 964 பேர் விண்ணப்பித்துள்ளனர்.
அரசாணை காரணமாக...: அரசுப் பள்ளி, அரசு உதவிபெறும் பள்ளிகளில் நியமிக்கப்படும் 1 முதல் 8-ஆம் வகுப்பு வரையிலான ஆசிரியர்கள், ஆசிரியர் தகுதித் தேர்வில் தேர்ச்சி பெற்றிருக்க வேண்டும் என்று அரசாணை வெளியிடப்பட்டது.
எனவே, ஆசிரியர் தகுதித் தேர்வு எப்போது நடத்தப்படும் என ஆசிரியர் வேலை தேடும் பி.எட்., மற்றும் பிளஸ்-2 முடித்துவிட்டு ஆசிரியர் பயிற்சி முடித்த லட்சக்கணக்கானவர்கள் எதிர்பார்த்துக் காத்திருந்தனர். இந்த நிலையில் நிகழாண்டுக்கான ஆசிரியர் தகுதித் தேர்வு ஏப்ரல் 29, 30 தேதிகளில் நடைபெறும் என்று ஆசிரியர் தேர்வு வாரியம் கடந்த பிப்ரவரி மாதம் அறிவித்தது.
இதற்கான விண்ணப்பங்கள் கடந்த மார்ச் 6-ஆம் தேதி முதல் 22-ஆம் தேதி வரை தமிழகம் முழுவதும் பல்வேறு மையங்களில் விற்பனை செய்யப்பட்டன. பூர்த்தி செய்யப்பட்ட விண்ணப்ப படிவங்கள் மார்ச் 23-ஆம் தேதி வரை பெற்றுக்கொள்ளப்பட்டன.
இடைநிலை ஆசிரியர் தகுதித் தேர்வுக்கு...: இந்தத் தேர்வுக்கு (தாள்-1) 2 லட்சத்து, 37,293 பேர் பட்டதாரி ஆசிரியர் தகுதி தேர்வுக்கு, 5 லட்சத்து, 2 ஆயிரத்து 964 பேர் விண்ணப்பித்துள்ளனர். இதன் மூலம் ரூ.33.5 கோடி வருமானம் தேர்வு வாரியத்துக்குக் கிடைத்துள்ளது.
இதைத் தொடர்ந்து தமிழகம் முழுவதும் ஆசிரியர் தகுதித் தேர்வுக்காக 1,861 மையங்கள் அமைக்கப்பட்டுள்ளன. அவற்றில், 598 மையங்கள் சனிக்கிழமை (ஏப்.29) நடைபெறும் முதல் தாளுக்கு உரியதாகும்.
சென்னை மாவட்டத்தில்...: சென்னை மாவட்டத்தில் சனிக்கிழமை (ஏப்.29) நடைபெறவுள்ள தாள்-1 தேர்வை, 27 மையங்களில் 10,147 தேர்வர்களும், ஞாயிற்றுக்கிழமை (ஏப்.30) நடைபெற உள்ள தாள்-2 தேர்வை 88 தேர்வு மையங்களில் 31,235 தேர்வர்களும் எழுதவுள்ளனர்.
அதிக கண்காணிப்புடன்...: தேர்வு நடைபெறுவதைக் கண்காணிப்பதிலும், விடைத்தாள்களை ஆசிரியர் தேர்வு மையங்களில் கொண்டு சேர்க்கும் பணியைக் கண்காணிப்பதிலும் பள்ளிக் கல்வித் துறை இயக்குநர்கள், இணை இயக்குநர்கள், முதன்மை கல்வி அதிகாரிகள், மாவட்ட கல்வி அதிகாரிகள், மாவட்ட தொடக்க கல்வி அதிகாரிகள் ஈடுபட உள்ளனர்.

 

]]>
ஆசிரியர் தகுதித் தேர்வு, வேலைவாய்ப்பு,தமிழ்நாடு,TET Exam,Employment News,Tamilnadu https://images.dinamani.com/uploads/user/imagelibrary/2013/8/18/0/w600X390/tet.jpg https://www.dinamani.com/employment/goverment-jobs/2017/apr/29/ஆசிரியர்-தகுதித்-தேர்வுகள்-இன்று-தொடக்கம்-740-லட்சம்-பேர்-எழுதுகின்றனர்-2692904.html
2686706 வேலைவாய்ப்பு அரசுப் பணிகள் பள்ளிக் கல்வித்துறையில் 6,390 இடங்கள் காலி: ஆண்டு திட்ட அறிக்கை வெளியிட்டது பள்ளிக் கல்வித்துறை Wednesday, April 19, 2017 01:27 AM +0530 பள்ளிக் கல்வித் துறையில் காலியாகவுள்ள 6,390 இடங்களை நிரப்புவதற்கான தேர்வு கால அட்டவணையை துறை அமைச்சர் கே.ஏ.செங்கோட்டையன் செவ்வாய்க்கிழமை வெளியிட்டார்.
வருங்காலத்தில் ஆசிரியர் தேர்வு வாரியத்தால் நடத்தப்படும் போட்டித் தேர்வுகளுக்கான விண்ணப்பங்களை இணைய வழி மூலமே விண்ணப்பிக்க உரிய ஏற்பாடுகள் செய்யப்பட்டுள்ளதாகவும் அவர் தெரிவித்தார்.
இது குறித்து தலைமைச் செயலகத்தில் செய்தியாளர்களிடம் அமைச்சர் கே.ஏ.செங்கோட்டையன் செவ்வாய்க்கிழமை கூறியது:
ஆசிரியர் பிரிவில்: முதுநிலைப் பட்டதாரி ஆசிரியர் பிரிவில் 2,119 காலியிடங்கள் உள்ளன. இந்தக் காலியிடங்களை நிரப்ப மே 2-வது வாரத்தில் தேர்வு அறிவிக்கை வெளியிடப்படும். தேர்வு ஜூலை 2-ஆம் தேதியும், தேர்வு முடிவு ஆகஸ்ட்டிலும் வெளியிடப்படும்.
விரிவுரையாளர் பிரிவில்...பலவகை தொழில்நுட்பக் கல்லூரிகளில் 1,137 விரிவுரையாளர் பணியிடங்கள் காலியாக உள்ளன. இதற்கான தேர்வு அறிவிக்கை ஜூன் 2-வது வாரத்தில் வெளியிடப்பட்டு, ஆகஸ்ட் 13-இல் தேர்வு நடத்தப்படும். தேர்வு முடிவுகள் அக்டோபரில் வெளியாகும்.
சிறப்பு ஆசிரியர்கள் பிரிவில்: சிறப்பு ஆசிரியர்கள் பணியிடங்களில் 1,188 காலியாக உள்ளன. இதற்கான அறிவிக்கை ஜூலை 3-வது வாரத்தில் வெளியிடப்பட்டு, தேர்வு ஆகஸ்ட் 19-இல் நடத்தப்படும். தேர்வு முடிவுகள் நவம்பரில் வெளியாகும்.
வேளாண் பிரிவில்: வேளாண் கல்வி கற்பிப்போர் பிரிவில் 25 இடங்கள் காலியாக உள்ளன.
அவற்றுக்கு ஜூலை 3-வது வாரத்தில் அறிவிக்கையும், ஆகஸ்ட் 20-இல் எழுத்துத் தேர்வும் நடத்தப்படும். தேர்வு முடிவுகள் நவம்பரில் வெளியாகும்.
உதவிப் பேராசிரியர் பிரிவில்: அரசு கலை மற்றும் அறிவியல் கல்லூரிகளில் உதவிப் பேராசிரியர் பிரிவில் 1,883 இடங்கள் காலியாக உள்ளன. அவற்றுக்கு ஜூலை 4-வது வாரத்தில் அறிவிக்கை வெளியிடப்பட்டு செப்டம்பரில் தேர்வும், அக்டோபரில் தேர்வு முடிவுகளும் வெளியாகும்.
கல்வி அலுவலர் பிரிவில்: உதவி தொடக்கக் கல்வி அலுவலர் பிரிவில் காலியாகவுள்ள 38 இடங்களுக்குத் தேர்வு அறிவிக்கை ஆகஸ்ட் 2-வது வாரத்தில் வெளியிடப்பட்டு, எழுத்துத் தேர்வு செப்டம்பர் 30-லிலும், தேர்வு முடிவுகள் டிசம்பரிலும் வெளியாகும்.
இணையவழி விண்ணப்பம்: வருங்காலங்களில் ஆசிரியர் தேர்வு வாரியத்தால் நடத்தப்படும் போட்டித் தேர்வுகளுக்கான விண்ணப்பங்கள் அனைத்தும் இணைய வழி மூலமே விண்ணப்பிக்க ஏற்பாடுகள் செய்யப்பட்டுள்ளன. தேர்ந்தெடுக்கப்பட்ட சில தேர்வுகளுக்கு மட்டும் கணினி வழித்தேர்வினை நடத்தவும் திட்டமிடப்பட்டுள்ளது என்றார் கே.ஏ.செங்கோட்டையன்.
பள்ளிக் கல்வித் துறைச் செயலாளர் த.உதயச்சந்திரன், ஆசிரியர் தேர்வு வாரியத் தலைவர் காகர்லா உஷா ஆகியோர் உடனிருந்தனர்.

 

]]>
பள்ளிக் கல்வித் துறை,செங்கோட்டையன், வேலைவாய்ப்பு,Employment News,Jobs https://images.dinamani.com/uploads/user/imagelibrary/2017/4/19/w600X390/senkotain.jpg ஆண்டு திட்ட அறிக்கையை பள்ளிக் கல்வித் துறை அமைச்சர் கே.ஏ.செங்கோட்டையன் வெளியிட அதைப் பெறும் அரசுச் செயலர் உதயசந்திரன். உடன், ஆசிரியர் தேர்வு வாரியத்தின் தலைவர் காகர்லா உஷா. https://www.dinamani.com/employment/goverment-jobs/2017/apr/19/பள்ளிக்-கல்வித்துறையில்-6390-இடங்கள்-காலி-ஆண்டு-திட்ட-அறிக்கை-வெளியிட்டது-பள்ளிக்-கல்வித்துறை-2686706.html
2679984 வேலைவாய்ப்பு அரசுப் பணிகள் குடிமைப் பணி: நிகழாண்டில் 980 அதிகாரிகளை தேர்வு செய்ய மத்திய அரசு திட்டம் Friday, April 7, 2017 03:19 AM +0530 நிகழாண்டில் குடிமைப் பணித் தேர்வுகள் மூலம் 980 ஐஏஎஸ், ஐபிஎஸ் உள்ளிட்ட அதிகாரிகளை நியமிக்க உள்ளதாக மத்திய அரசு தெரிவித்துள்ளது.
மத்திய குடிமைப் பணிகளுக்கு (யுபிஎஸ்சி) மூன்று நிலைகளில் தேர்வு நடைபெறுகிறது. முதல் நிலைத் தேர்வு, முதன்மைத் தேர்வு மற்றும் நேர்காணல் ஆகியவற்றின் மூலம் தகுதியானவர்கள் தேர்வு செய்யப்பட்டு வருகின்றனர்.
இந்நிலையில், நிகழாண்டில் குடிமைப் பணியிடங்களுக்கு எத்தனை பேர் நியமிக்கப்பட உள்ளனர்? என்பது குறித்து மாநிலங்களவையில் வியாழக்கிழமை கேள்வி எழுப்பப்பட்டது. இதற்கு மத்திய பணியாளர் நலத் துறை இணையமைச்சர் ஜிதேந்திர சிங் எழுத்துப்பூர்வமாக அளித்த பதில்:
கடந்த ஆண்டில் (2016) குடிமைப் பணிகளுக்கு மொத்தம் 1,209 காலியிடங்கள் இருந்தன. அவற்றுக்குத் தகுதியான நபர்களை நியமிப்பதற்காக யுபிஎஸ்சி தேர்வுகள் நடத்தப்பட்டன. அதற்கான இறுதி முடிவுகள் இன்னும் வெளியிடப்படவில்லை.
இந்நிலையில், நிகழாண்டில் தோராயமாக 980 அதிகாரிகளைத் தேர்வு செய்வதற்காக தேர்வுகள் நடத்தத் திட்டமிடப்பட்டுள்ளன. அதற்கான அறிவிப்புகள் விரைவில் வெளியிடப்படும் என்று அவர் தனது பதிலில் தெரிவித்தார்.
ஐஏஎஸ், ஐபிஎஸ் அதிகாரிகள் நீக்கம்: இதனிடையே, மற்றொரு கேள்வியொன்றுக்குப் பதிலளித்த ஜிதேந்தர சிங், சரிவர பணியாற்றாத 5 ஐஏஸ் அதிகாரிகளையும், 2 ஐபிஎஸ் அதிகாரிகளையும் பணிநீக்கம் செய்துள்ளதாகத் தெரிவித்தார். இதுதொடர்பாக அவர் மேலும் கூறியதாவது:
குடிமைப் பணி அதிகாரிகளின் செயல்பாடுகளை அவர்களது பதவிக் காலத்தில் இரு முறை மதிப்பீடு செய்வது வழக்கம். அதில் அதிகாரிகள் சரிவர பணியாற்றாதது தெரியவந்தால், அவர்களுக்கு முன்கூட்டியே ஓய்வளிக்கப்
படும். அந்த அடிப்படையில் கடந்த மூன்று ஆண்டுகளில் 5 ஐஏஎஸ் அதிகாரிகளுக்கும், 2 ஐபிஎஸ் அதிகாரிகளுக்கும் முன்கூட்டியே ஓய்வளிக்கப்பட்டுள்ளது என்றார் ஜிதேந்திர சிங்.

 

]]>
https://images.dinamani.com/uploads/user/imagelibrary/2017/3/31/w600X390/jidendar.jpg https://www.dinamani.com/employment/goverment-jobs/2017/apr/07/குடிமைப்-பணி-நிகழாண்டில்-980-அதிகாரிகளை-தேர்வு-செய்ய-மத்திய-அரசு-திட்டம்-2679984.html
2675743 வேலைவாய்ப்பு அரசுப் பணிகள் ஏப்.6 இல் திடக்கழிவு மேலாண்மை பயிற்சி Friday, March 31, 2017 02:24 AM +0530 வேளாண் தகவல் மையத்தில் ஏப்ரல் 6 -ஆம் தேதி திடக்கழிவு மக்க வைக்கும் தொழில்நுட்ப பயிற்சி அளிக்கப்பட உள்ளது.
இதுகுறித்த விவரம்:
நகர்ப்புறங்களில் கிடைக்கப்பெறும் திடக்கழிவுகளை மக்கவைத்து மாடித்தோட்டம் வளர்ப்பு உள்ளிட்டவைக்கு பயன்படுத்தப்படுகிறது. மாடித்தோட்டம் அமைக்க விரும்புவோர் பயன்பெறும் வகையில், திடக்கழிவுகளை மக்கவைக்கும் நவீன தொழில்நுட்ப பயிற்சி வேளாண் தகவல் மையத்தில் அளிக்கப்படுகிறது.
நீர் தர மதிப்பீடு பயிற்சி: அதுபோல் வீடுகளில் குடிநீர், இதர பயன்பாடுகளுக்கு, நீரின் தரத்தை அறிந்து கொள்வது அவசியமாகிறது. இதன்மூலம், உடல்நலம், சுற்றுச்சூழல் பாதுகாப்புக்கு வழிவகுக்கப்படுகிறது.
திடக்கழிவு மக்கவைத்தல், நீரின் தரம் அறிதல் ஆகிய பயிற்சிகளை ஏப்ரல் 6 -ஆம் தேதி (வியாழக்கிழமை) அண்ணாநகரில் உள்ள தமிழ்நாடு வேளாண் தகவல் பயிற்சி மையத்தில் பயிற்சி அளிக்கப்பட உள்ளது.
இதில் இளைஞர்கள், சுயதொழில் முனைவோர், மாணவர்கள் உள்ளிட்டோர் பங்கேற்கலாம். ரூ.600 பயிற்சி கட்டணமாக நிர்ணயிக்கப்பட்டுள்ளது.
காலை 9.30 முதல் மாலை 4.30 வரை நடைபெறும்.
பயிற்சி நிறைவாக சான்றிதழ் வழங்கப்படும். மேலும், விவரங்களுக்கு 044 2626 3484 என்ற தொலைபேசி எண்ணுக்கு தொடர்பு கொள்ளலாம் என வேளாண் தகவல் பயிற்சி மையம் சார்பில் தெரிவிக்கப்பட்டுள்ளது.

]]>
https://www.dinamani.com/employment/goverment-jobs/2017/mar/31/ஏப்6-இல்-திடக்கழிவு-மேலாண்மை-பயிற்சி-2675743.html
3229 வேலைவாய்ப்பு அரசுப் பணிகள் குரூப் 4 தேர்வுகள்: தமிழ்நாடு அரசு பணியாளர் தேர்வாணையம் அறிவிப்பு Venkatesan.R Thursday, August 11, 2016 12:06 PM +0530 தமிழக அரசின் காலிப் பணியிடங்களுக்கான, குரூப் 4 தேர்வுகள் குறித்த அறிவிப்பை தமிழ்நாடு அரசு பணியாளர் தேர்வாணையம் வெளியிட்டுள்ளது.

இளநிலை உதவியாளர், தட்டச்சர், சுருக்கெழுத்து தட்டச்சர், நிலஅளவர், வரைவாளர் உள்ளிட்ட 5,451 காலிப் பணியிடங்களுக்கான பணியாளர்களை நியமனம் செய்யும் பொருட்டு, நடத்தப்படும் குரூப் 4 தேர்வுகள் குறித்த அறிவிப்பை தமிழ்நாடு அரசு பணியாளர் தேர்வாணையம் வெளியிட்டுள்ளது.

அதன்படி, இளநிலை உதவியாளர் ( பிணையமற்றது) - 2345

**இளநிலை உதவியாளர் ( பிணையமுள்ளது ) - 121

**வரி தண்டலர் - 8

**நில அளவர் - 532

**வரைவாளர் - 327

**தட்டச்சர் - 1714

**சுருக்கெழுத்து தட்டச்சர் - 404 ஆகிய பணியிடங்களுக்கான விண்ணப்பங்கள் வரவேற்கப்படுகின்றன. விண்ணப்பிக்க கடைசி தேதி வருகிற செப்டம்பர் மாதம் 8-ம் தேதியாகும். தேர்வு கட்டணம் செலுத்த கடைசி தேதி வருகிற செப்டம்பர் மாதம் 11-ம் தேதியாகும். தேர்வு நாள் வருகிற நவம்பர் மாதம் 6-ம் தேதியாகும்.

விருப்பமுள்ளவர்கள் www.tnpscexams.net/www.tnpscexams.in என்ற இணையதளம் மூலம் ஆன்லைனில் விண்ணப்பிக்க வேண்டும்.

இதுகுறித்து கூடுதல் விவரங்களை தமிழ்நாடு அரசு பணியாளர் தேர்வாணையத்தின் அதிகாரப்பூர்வ இணையதளத்தில் அறிந்து கொள்ளலாம் என்றும் தெரிவிக்கப்பட்டுள்ளது.

]]>
https://images.dinamani.com/uploads/user/imagelibrary/2016/8/10/w600X390/tnpsc.jpg https://www.dinamani.com/employment/goverment-jobs/2016/aug/10/குரூப்-4-தேர்வுகள்-தமிழ்நாடு-அரசு-பணியாளர்-தேர்வாணையம்-அறிவிப்பு-3229.html