Dinamani - கவிதைமணி - https://www.dinamani.com/specials/kavithaimani/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3355840 ஸ்பெஷல்ஸ் கவிதைமணி மீண்டும் வருவாயா..? கவிதைமணி DIN Wednesday, February 12, 2020 01:46 PM +0530  

கொஞ்சும் தமிழில் கவியெழவே

……………கவிதைக் காதல் தந்தாயே..!

பிஞ்சுக் குழந்தை அழும்படியே

……………பிரிந்து சென்றாய் எங்கேயோ..?

தஞ்சம் என்றே வந்தவரைத்

……………தவிக்க விட்டுச் சென்றாயோ..!

நெஞ்சைத் தொட்டக் கவிதைமணி

……………நீண்ட நாளாய்க் காணோமே..?

.

தன்னை மறந்து பாட்டெழுத

……………தமிழில் தலைப்பும் கொடுத்தாயே..!

தென்றல் கவிதைத் தினம்தினமே

……………தந்து விட்டுச் சென்றாயே..!

என்போல் பலரும் ஏங்குகின்றார்

……………எப்போ மீண்டும் வருவாயோ..?

மன்னன் மகுடம் கவிதைமணி

……………மீண்டும் சிரம்மேல் சூடுவாயா..!

 

கவிஞர் பெருவை பார்த்தசாரதி

]]>
poem https://images.dinamani.com/uploads/user/imagelibrary/2019/9/17/w600X390/poem.jpg https://www.dinamani.com/specials/kavithaimani/2020/feb/12/poem-about-kavithaimani-3355840.html
3306793 ஸ்பெஷல்ஸ் கவிதைமணி வாசகர் கடிதம் கவிதைமணி DIN Thursday, December 19, 2019 10:59 AM +0530
பிரிவின் முடிவில் சொல்லும் வார்த்தை 
மீண்டும் சந்திப்போம் !
நம்பிக்கை அது ...எதுவும் நம் கையில் 
இல்லா விட்டாலும் ! 
பள்ளி வாழ்க்கை ...கல்லூரி வாழ்க்கை 
பிரிந்தோம் அன்று!
மீண்டும் சந்திப்போம்  என்ற நம்பிக்கையுடன் ! 
நம்பிக்கையும் பொய்ப்பதில்லை சில நேரம் !
மீண்டும் சந்தித்தோம் நாம் மலரும் நினைவுகளுடன் !
பொன் விழா சந்திப்பு ஒரு நல்ல ஆரம்பமே 
மீண்டும் சந்திப்போம் என்று சொல்லித்தானே 
விடை பெற்றோம் அன்றும் ! 
சிந்திப்போமா எங்கே எப்படி மீண்டும் 
சந்திப்பு என்று !
மீண்டும் சந்திப்போம் விரைவில் !

- கந்தசாமி நடராஜன் 

**

காதணியில்லா பெண்மணியா                                     
கவிதையில்லா தினமணியா  
இல்லாதபோதுதான்                                                                                    
பற்பலவற்றின் அருமை புரியும் !!                                                            
அந்த வகையில் இப்போது கவிதைமணி !!
விரைவில் வரும் என்கின்ற நம்பிக்கையுடன்                               
காத்திருக்கின்றேன்                                                                             
கவிதைகளை வாசிக்க  

 - ஆர்.வித்யா, பண்ருட்டி

**

தங்களின் கவிதைமணி இணைய தொடரில் எனது  கவிதையை இடம் பெறச் செய்தமைக்கு நன்றி, மேலும் எங்களை போன்ற வளரும் கவிஞர்களுக்கு இந்த தொடர் மிகவும் பயணுள்தாக அமைந்தது, கவிதைமணி தொடர் விரைவில் புதுப் பொலிவுடன் வர நான் காத்திருக்கிறேன். விரைவில் கவிதைமணி இணைய தொடரை தொடங்குங்கள்.

- ரகுநந்தன் 

]]>
dinamani https://images.dinamani.com/uploads/user/imagelibrary/2019/1/29/w600X390/writing-letter-586d7bbe5f9b584db320f6c5.jpg https://www.dinamani.com/specials/kavithaimani/2019/dec/15/letter-from-dinamani-readers-3306793.html
3303253 ஸ்பெஷல்ஸ் கவிதைமணி அப்பாவின் நாற்காலி வாசகர் கவிதை 4 கவிதைமணி DIN Sunday, December 15, 2019 06:28 PM +0530 அப்பாவின் நாற்காலி

கோடிக் கோடியாய் விரையம் செய்து  
வந்த தில்லை அப்பாவின் நாற்காலி 
அன்பையும் ஆதரவையும் அர்பணித்து 
வந்ததிந்த அரிய அப்பாவின் நாற்காலி 

கோடிக்கு பலத்தோல்வி காத்திருக்கும் 
அன்புக்கென்றும் வெற்றி பூத்திருக்கும் 
பணங்கொடுத்து பதவி வாங்கலாமது 
நிலைக்கு மென்று சொல்லமுடியாது 

பாசத்தை பொழிய மக்களே சேரலாமது 
நிலைக்கா தென சொல்ல முடியாது
செத்துப்போன மரம் மரியாதை தரும் 
கம்பீரமாக அப்பாவின் நாற்காலி க்கு 

உயிர்கள் உதாசீனம் படுத்துகிறது 
அதில் அமர்ந்து கொண்டிருக்கும் 
அர்த்தமற்றோரை; இங்கு அப்பாவின் 
நாற்காலி சீதோஷ்ண நிலையற்றது

- வே. சகாய மேரி, அரியலூர் திருக்கை

**

நினைவுகள் சதிராடுது அப்பாவின் நாற்காலியிலே  !
நிகழ்வுகள் கதிராடுது நானான 
இந்நிலையிலே !
இடர் சுழல் இடையினில் பேணி நமைக் காத்தவர்தான் !
இப்புவி வாழ்வினில் நிகரிலா 
இறையவர்தான் ! 
அப்பாவின் பணியாசனமே 
நாற்காலி !
அவர் குடும்பந் தனக்காய் வாழ்ந்திட்டக் கூலி !
இன்னல் நமக்கென்று கலங்கிடும் 
பேதையரே !
இன்னுயிர் துறக்கவும் உடன் துணிகின்ற  மடையரே !
உம்முயிர் சூட்சுமம் பெற்றோரே ! -நீவீர்
உயிர் விட உரிமை அற்றவரே !
என்னிலை தனிலும் மனதிலிருத்து, அப்பாவின் நாற்காலி !
எத்துயர் தனிலும் வாழ்ந்துக் காட்டு,  நீ அப்பாவின் கூலி !

- இலக்கிய அறிவுமதி

**

அப்பாவின்   தோள்களைப்போல்   அம்மா   வின்தன்
        அழகிடையும்    குழந்தையது   அமர்வ   தற்கு
இப்புவியில்   ஈடுயிணை   யாகப்   போற்றும்
         இனிதான    நாற்காலி  வேறு   முண்டோ?
தப்பான    அரசியலார்   போட்டிப்   போட்டு
         தவளைப்போல்    தாவுகிற   பதவிக்   கேற்ற
அப்பதவி    நாற்காலி   பிடுங்கக்    கூடும்;
          அப்பாவின்   நாற்காலி   நிலைக்கும்   செல்வம்!

கற்றதனின்    கல்விக்கு   ஏற்ற    வேலை
         கனிந்தந்த   நாற்காலி    வாய்க்கும்;   என்றும்
பெற்றதனால்   பெற்றோரைச்   சுமக்கும்   பிள்ளை
         பாங்குடனே   இறுதியிலே    கால்க   ளில்லா
பற்றுடனே   சுமக்கின்ற   பாடை   யஃதும்
        பயணம்செய்   நாற்காலி   முடிவே   யாகும்;
அற்றொருநாள்   போனபின்னும்   பிள்ளை   யர்க்கு
         அப்பாவின்   நாற்காலி   துணையே   யாகும்!
   
- கவிக்கடல், கவிதைக்கோமான், பெங்களூரு. 

**

பூட்டன் உட்கார்ந்த  சாய்வு  நாற்காலி
பாட்டன்  உட்கார்ந்த  சாய்வு நாற்காலி
அப்பா உட்கார்ந்த ஆய்வு நாற்காலி
இன்று நான் உட்காரத் தொடங்கிய
நான்கு தலைமுறைப் பார்த்த
பாங்கான  மரத்தில் செய்த
உறுதியான நாற்காலி.... அது
அப்பாவின்  நாற்காலி.... இன்று
வரும் நாற்காலிகளை தலைகுனிய
வைக்கும் உறுதியான  நாற்காலி!
பல வீடுகள்  மாறினாலும்
கலகலவென  சிரிப்புடன்  தூக்கி சென்று
பொலிவுடன் பாதுகாத்த  நாற்காலி!
மனைவி  கேலி பேசி  ஓரம் போட்டாலும்
அதில் துண்டு போட்டு அமரும் பொழுது
கண்டு விடலாம்  அப்பா, தாத்தா
சுண்டு விரலில்  வருடிய நெகிழ்வுகளை!
நாற்காலி அமர மட்டுமல்ல
நம் பாரம்பரியம்  பேசும்
ஒரு அருமையான பொக்கிஷம்!

- உஷாமுத்துராமன்,  திருநகர்

**

அம்மா என்றால் அன்பு தான்!
அப்பா என்றால் பண்பு தான்!
அன்புடன் பண்பும் 
கலந்து வளர்த்தவர்கள்!
 
எனக்காக தங்களை வருத்தி!
தனக்காக வாங்குவதையெல்லாம்
நிறுத்தி!
எப்பொழுதும் முப்பொழுதும் எல்லாமே எனக்காகவே!
வாழ்ந்திட்ட அம்மா! அப்பா!

வயதாகி தளர்ந்தாலும்!
வற்றாத பாசத்தை!
மாற்றாமல் மறக்காமல்
இன்றும் இருப்பது!
அவர்கள் அன்பிற்கு ஈடேது!

என் வசம் மெத்தையை தந்துவிட்டு!
இருவரும் தரையில் பாயில் படுப்பதும்!
தங்களுக்கு காயம்பட்டால்!
ஒன்றுமில்லை!
எனக்கு காயம்பட்டால்!
அவர்கள் படும் தொல்லை!
அன்பிற்கொரு எல்லை!

அம்மாவிற்கு பிடித்தது
ஊஞ்சல் என்றால்!
அப்பாவிற்கு பிடித்தது
நாற்காலி தான்!

இன்று இரண்டுமே இருக்கிறது!
அப்பாவும் இல்லை!
அம்மாவும் இல்லை!

அப்பாவின் நாற்காலி அப்பாவை சுமந்த காலங்கள் அதிகம்!
அதில் அப்பா சாய்ந்து கொண்டு!
அம்மா ஊஞ்சலில் ஆடும் போது!
தன் தேவைகளை பூர்த்தி செய்த தேவதை!
என பல தடவைகள்
சொல்லியிருக்கிறார்!

அப்பா அம்மாவின் நேசம்!
உடலால் உணர்வால்
உள்ளத்தால் கலந்தது!
எனக்கும் அது 
கலந்ததால்!

நானும்  அப்பாவின் நாற்காலியில் சாய்ந்து!
என் தேவதையான
மனைவி ஊஞ்சலில் ஆடுவதை ரசிக்கிறேன்!

எல்லோருக்கும் சொல்கிறேன்!
மனைவியை மதிப்பவன் ஆசான் ஆகிறான்!

என் அப்பா அம்மா போல!
நீங்களும் மனம் ஒத்த
தம்பதியர் ஆக வாழுங்கள்!
என்அப்பாவின் நாற்காலி !
நினைவுகளை தந்ததே! 
மனதில் நீங்காத! நிழலாக நின்றதே!

**


அப்பா அமரராகும் முன்பு
அப்பா அடிக்கடி அமர்ந்த
"அப்பாவின் நாற்காலி"
அவரின் அப்பாவும்(எனக்கு தாத்தா)
தப்பாமல் தினமும் அனுதினமும்
அமர்ந்திருந்த அப்பாவின் 
நாற்காலியில்
நானும் ஒரு அப்பாவாக!
அமர்ந்திருக்கிறேன்!
என் அப்பாவின்
நினைவில் 
அமிழ்ந்திருக்கின்றேன்!

சாய்ந்து சற்று ஓய்வு எடுக்க!
அம்மாவை அழைக்க
குரல் கொடுக்க!
சிறுவனான என்னை
நாற்காலியில் அமரவைத்து!
என் அப்பாடா!
என் சாமிடா!
என் ராசாடா!

இப்படி அப்பா!
என்னை
அமரவைத்து! கொஞ்சிய
நாற்காலி!

என் அப்பாவின் நாற்காலி!
என்று ! அன்று!
அவர் சொன்ன
அதே! நாற்காலி!

அது! துணிகளை மாற்றிக் கொண்டாலும்!
அப்பாவைப்போல!
என்னையும் தாங்கும்
பணிகளை மாற்றவில்லை!

நாற்காலியின் உடம்பு
தேக்கு மரக்கட்டை!
அதில் அமரும் போதெல்லாம்!
என் மனக்கட்டை உடைத்து!
அப்பாவின் நினைவுகளை!
என் நெஞ்சை நோக்கி!ஓயாமல்
பாயவைத்து உடைக்கிறது!

நாற்காலி மாறவில்லை!
அதில் அமரும் நபர்கள் தான்!
மாறுகிறார்கள்!
மொத்தத்தில் அப்பாவின் நாற்காலி!
அது தான் எங்களுக்கு!
அரியாசனமானது!

இனிவரும் !
எங்கள் சந்ததிகளுக்கு !
சிம்மாசனம் ஆனது!

- கவிச்சித்தர் களக்காடுவ.மாரிசுப்பிரமணியன்

**

நாற்காலி என்றாலே பதவி தானே
----நாடாளும் அரியணையாம் நாற்கா லிக்கே
பாற்கடலில் அமுதத்தை எடுப்ப தற்குப்
----பாய்ந்ததேவர் அசுரர்போல் சண்டை யிங்கே
ஊற்றுவரும் நீரைப்போல் மனத்திற் குள்ளே
----ஊறிவரும் ஆசையிந்த நாற்கா லிக்கே
தூற்றலையும் போற்றலையும் துரோகத் தையும்
----துடைத்தெறியும் பக்குவத்தைத் தருமிக் காலி !
சேரசோழப் பாண்டியரைத் தமக்குள் ளாகச்
----சேராமல் தடுத்ததிந்த நான்கு காலே
பேரரசர் சிற்றரசர் என்றெல் லோரும்
----பெரும்போர்கள் செய்ததிந்த நாற்கா லிக்கே
கூரறிவு மன்னர்கள் வீற்றி ருந்து
----குலம்காத்த நாற்காலி தன்னி லின்றோ
ஊரறிந்த கயவர்கள் கொள்ளை யர்கள்
----உட்கார்ந்து செய்கின்றார் ஊழ லாட்சி !
அப்பாவின் முதுகிலேறி சவாரி செய்தே
----ஆடுகின்ற குழந்தைதான் அடுத்த தாக
அப்பாவின் மடிமீது அமர்ந்து கொண்டே
----அதிகாரம் செய்கிறது வீட்டிற் குள்ளே
தப்பாகிப் போகாமல் பிஞ்சு நெஞ்சுள்
----தர்மத்தை நீதிதனை ஊட்டி விட்டால்
எப்பதவி பின்னாளில் ஏற்ற போதும்
----ஏற்றகுறள் வழியாட்சி செய்வா ரன்றோ !

- பாவலர் கருமலைத்தமிழாழன்

**
 

புள்ளிகளின்   நாற்காலி  எழுத்து   கள்தாம்;
        போடுகின்ற   கோலத்தின்   கோடு  கள்தாம்
புள்ளிகளின்   நாற்காலி   யாகி  நிற்கும்;
         பட்டத்து   யானையாக   எண்ணிப்   பேரர்
துள்ளியேறும்   நாற்காலி   தாத்தா   வாகும்;
         பள்ளிக்குச்   செல்லாமல்   மாடு   மேய்க்கும்
பிள்ளைக்கு   எருமைமாடே   நாற்கா  லியாகும்;
         பண்பினப்பா   நாற்காலி   நினைவின்  சின்னம்!

நாக்கிற்கு   நாற்காலி   வாயே  யாகும்;
       நயமாக   மூடுகின்ற   இமைகள்  கண்ணைக்
காக்கின்ற   நாற்காலி   யாகும்;   மூக்குக்
      கண்ணாடி   நாற்காலி   மூக்கே   யாகும்;
பூக்களுக்கு   நாற்காலி   செடிக   ளாகும்;
       பாட்டிற்கு   நாற்காலி   மெட்டே   யாகும்;
ஆக்கமுடன்   அமர்ந்தவாறு   பணிகள்  வாங்கும்
       அப்பாவின்   நாற்காலி   வணங்கும்   தெய்வம்!
      
- நெருப்பலைப் பாவலர், இராம இளங்கோவன், பெங்களூரு

**

அப்பாவின் நாற்காலி காலியாகவே உள்ளது இன்று
அப்பா அமர்ந்திருக்கையில் அழகோ அழகு அன்று!

அமர்ந்தபடியே கண்களால் வழி நடத்தினார்
அல்லல் கண்டு வருந்தாமல் போராடி வென்றார்!

நல்ல கணவராக அம்மாவிற்கு இருந்தார்
நல்ல அப்பாவாக எனக்கு இருந்தார்!  

நல்ல மாமனாராக என் மனைவிக்கு இருந்தார்
நல்ல தாத்தாவாக என் குழந்தைகளுக்கு இருந்தார்!

இருந்தபோது தெரியவில்லை அவர் அருமை
இறந்தபின்னே உணர்கின்றேன் அவர் பெருமை!

நிழலின் அருமை வெயிலில் தெரியும் உண்மை
நான் அப்பாவை இழந்தபின் அறிந்தேன் அவரை!

கோபம் அடைந்து நான் பார்த்ததே இல்லை
குணத்தில் குன்றாக நிமிர்ந்து நின்றவர்!

அப்பா அமர்ந்த நாற்காலி வெற்றிடமானது
அவரின் நினைவை அடிக்கடி ஊட்டி வருகின்றது!

- கவிஞர் இரா .இரவி

**

]]>
kavithaimani https://images.dinamani.com/uploads/user/imagelibrary/2019/12/11/w600X390/daddy.jpg https://www.dinamani.com/specials/kavithaimani/2019/dec/11/poem-about-father-in-kavithaimani-3303253.html
3303259 ஸ்பெஷல்ஸ் கவிதைமணி கவிதைமணி பகுதி நிறைவடைகிறது! கவிதைமணி DIN Wednesday, December 11, 2019 01:26 PM +0530  

அப்பாவின் நாற்காலி என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! 

கவிதைமணி பகுதி சில மாற்றங்களுடன் விரைவில் வெளிவரும். இதுவரை கவிதைமணி பகுதிக்கு ஆதரவு தந்த கவிஞர்கள் மற்றும் ரசிகர்கள் அனைவருக்கும் நன்றி..! 

மீண்டும் சந்திப்போம்!

]]>
kavithaimani https://images.dinamani.com/uploads/user/imagelibrary/2019/9/17/w600X390/poem.jpg https://www.dinamani.com/specials/kavithaimani/2019/dec/11/kavithaimani-will-be-published-next-year-3303259.html
3297412 ஸ்பெஷல்ஸ் கவிதைமணி மௌனச் சிறை வாசகர் கவிதை 4 கவிதைமணி DIN Wednesday, December 11, 2019 01:05 PM +0530  

மௌனச் சிறை

பேசும் திறன் உடைய நல்ல  மணம்
வீசும் வார்த்தைகளை
உச்சரிக்கும்  பண்புடைய ஜீவன்
கடவுள் படைப்பில்  மனிதன்  ஒருவனே!
நல்ல வார்த்தை  பேச அறியாவிடில்
கொல்லும் வார்த்தை சொல்லாமல்
மெல்லும் நல்ல குணமே "மௌன சிறை!"
துள்ளும்  வயதில் பயமறியா கூட்டம்
கிள்ளும் ஒவ்வொரு சொல்லும் 
தள்ளும்  சோகக் கூட்டத்தில்!
வேகமான  இக்கூட்டத்தில் சிக்காமல்
அமைதி தேடினால்  அது
கிட்டுவது  "மௌன சிறையில்!"
எப்படிப்பட்ட  கல்லான  இதயத்தையும்
திறக்க உதவும்  "மௌனம்"
அது ஒரு சிறந்த  ஆயுதம்!
எது சிறந்த சொற்களோ  அதை பேசி
சாதுக்களையும்  சிறை  பிடிக்கலாம்!
பேசும் வார்த்தையில்  கருணையில்லாமல்
ஏசும் பேச்சினை பேசாது  "மௌன சிறையில்" இருந்தால்
வீசும் தென்றலாய்  அமைதி,   இது
காசின்றி கிடைத்த
மாசில்லா மந்திரம் என்று உணர்வோம்!

- பிரகதா நவநீதன்.  மதுரை 

**

மௌனச் சிறை

என் மொத்த செல்களும்
உன் ஒற்றைப் பார்வையில்
உயிர்த்தெழுகிறது
என் கண்கள் கண்ட
முதல் பேரழகே..
என் இதயத் துடிப்பு ஒவ்வொன்றும்
உன் பெயரையே உச்சரிக்கிறது
உலக அதிசயங்கள்
மொத்தத்துக்கும்
நீயே முதன்மை
தேவ ராகங்கள்
உன் குரலுக்கு முன்னால்
வெறும் சத்தங்களே
புன்னகையால் அழகை கூட்டி
என்னை சிதைத்து விடுகிறாய்
செல்லுமிடமெல்லாம்
என்னை இழுத்து செல்பவளே
உன்னை நினைக்க வைப்பவளே
என்னுள் நிரம்பிவிட்டவளே
ஒருமுறை பார்க்கிறாய்
பலமுறை எரிகிறேன்
சுக வார்த்தைளை தேட வைத்து
எழுத்துகளில் ஒளிந்துகொண்டிருக்கிறாய்
ஒரு கவிதைக்கே
கவிதை எழுதிய பாக்கியசாலி நான்

நேரில் ஒற்றைச் சொல் பேசாதவள்
எனக்குள் ஆயிரம் முறை பேசுகிறாள்
வாழும் காலைத்தையே
வீணடித்திருக்கிறேன்
உன் ஒரே ஒரு வார்த்தைக்காக
மௌனச் சிறையில்
வாட்டியது போதும்
காதலே...

- தமிழ்ப்பேரொளி.ஜீவா காசிநாதன்

**

உற்றாரும் சுற்றாரும் வியந்து  
முப்பது முக்கோடி தேவருடன்
அக்னியும் அருந்ததியும் சாட்சியென
நாளும் கோளும் நன்றாய் பார்த்து
நடத்தி வைத்தனர் திருமணம்!

ஊர் துறந்து உறவை பிரிந்து
உதவியற்று நாதியற்று
வேருடன் பிடுங்கிய செடியென
வேற்றுநாட்டில் வேறு மண்ணில்
நட்டு வைத்தனர் தன்னந்தனியே!

கண்ணாய் கருத்தாய் காப்பான் என
கட்டி வைத்த காவலனும்
காலனென மாறியது காலத்தின் சூழ்ச்சியே!
காலங்காலமாய் செக்கிழுத்தும்
இல்லை இங்கே எனக்கொரு மீட்சியே!

கோபப் பார்வையால் நீ
கொடும் சினத்தைக் காட்டினால்
சுட்டுப் பொசுங்கி சாம்பலாக - நானென்ன
கொக்கென்று நினைத்தாயோ
கொடும் கணவா??!!

- உமா, நோர்வே

**

அதிகாலைப் பொழுதின்
அருணோதயத்தை
உனது புன்னகையில்
கண்டேன் !
துள்ளும் மீன்களின்
அள்ளும் அழகினை
உனது விழிகளில்
ரசித்தேன் !
வீசும் தென்றலின்
பேசும் மொழியை
உந்தன் அசைவில்
அறிந்தேன் !
மல்லிகை மலரின்
மெல்லிய வாசத்தை
உந்தன் சுவாசத்தில்
உணர்ந்தேன் !
இனியவளே !
இன்று உந்தன்
மெளனச் சிறைக்குள்
விடுதலை விரும்பாத
அன்புக் கைதியானேன் !

- ஜெயா வெங்கட், கோவை 45

**

ஊமையாகி
உள்ளுக்குள் குமறுகின்றன
சொல்ல வந்த நியாயங்கள்.
அகம் உலாவும் மர்மத்தை
முகம் காட்டிக்கொடுக்கும்
என்பதால்
சிரித்து நடிக்கவே
செலவிடுகிறேன் நேரத்தை.
ஒவ்வொரு நொடியும்
சீண்டிவிட்டுப் போகின்றன
குறுக்கும் நெடுக்குமாய்க்
கோர வவ்வால்கள்
மெளனம் உடைக்கவே
மொழிகள் முயல்கின்றன
தோற்றுத்தாம் போவோம் எனத்தெரிந்தே...

-கோ. மன்றவாணன்

**

மௌனங்கள் பல சமயங்களில்
மனதில் பல மாற்றங்கள்
ஏற்படுத்தும் பெண்ணே!
மூடிய விழித்திரையின்
கனவுகளில் இளவயது
உறவுகளுடன் அன்புப் பரிமாற்றம்!
அன்னிய நாட்டு மோகத்தில்
பண முதலைகளின் பிடியில்
அன்பு இரையாக
பணம் அங்கே சிம்மாசனமிட
மௌன சிறைக்குள்
பாசமலர் இணையத்தில்
வான்முகிலாய் தென்றலாய்
பறவைகளுடன் மெளனமொழியாய்
சொந்தக்கதைகளை இணையத்தில்
பணத்திற்காக விலைபேசி விற்று
பதக்கங்களை இட்டுக் கொண்டிருக்கிறது!

- நிலா

**

கார்முகில்   மௌனச்   சிறைக்குள்ளே
       கதிரவன்   திங்கள்   தவித்திடுமே!
கார்முகில்   மௌனச்   சிறையினையும்
       காற்றும்    உடைத்தால்   மழைவருமே!
வேர்கள்    மௌனச்    சிறைக்குள்ளே
       வாழ்வதால்    மரமும்    உயிர்த்திடுமே!
நீர்தான்   மௌனச்   சிறையணைக்குள் 
       நிலமும்    விளைய   இருந்திடுமே!

மலையின்   மௌனச்   சிறையினையும்
      முனைந்து   உடைத்தால்    அருவியாகும்;
சிலையின்    மௌனம்   கலையாகும்;
       செதுக்கும்   உளி,கல்   சிறையுடைக்கும்;
அலைகடல்   நடுவே   மௌனத்தின்
       அமைதிச்  சிறையும்    இருந்தாலும்
அலைகடல்   கரையில்   ஆர்பறிக்கும்;
        அதுபோல்   மனிதம்   வடிவெடுக்கும்!

மௌனச்    சிறையால்   நன்மைதீமை
        மாறி    மாறி    விளைந்திடுமே!
மௌனச்   சிறையில்   அவரவரின்
       மனத்தைப்    பொறுத்தே   பயன்விளையும்;
மௌனச்    சிறையின்    கூண்டுக்குள்
       மனிதர்   இருந்தால்   சண்டையில்லை;
மௌனச்   சிறையில்    வாழ்ந்திடவே
       மனிதா    வாழ    முயன்றிடுவாய்!

- கவிக்கடல்,  கவிதைக்கோமான், பெங்களூரு.

**

அமைதி  காக்கும் உள்ளத்தில்
மலரும் சிந்தனைகளை
புலரும் ஒவ்வொரு காலையிலும்
தன்னுள்ளே  புதைத்துக் கொள்ளுதலே
"மௌனம்" என்று தைரியமாக சொல்வர்!
எந்த ஒரு நிலையிலும் நாம்
அந்த  "மௌன   சிறையில்"
இருந்து விட்டால் எப்படிப்பட்ட சுழ்நிலைக்கும்
மருந்து போல அமைந்துவிடும்.
பேசிய   வார்த்தை  உனக்கு எஜமான்
பேசாது மௌனத்தின் பிடியில்
ஏசாமல் இருக்கும் வார்த்தைகளுக்கு
நீயே எஜமான்.................!
துக்கம் பெருக்கெடுத்து
ஏக்கமாக மாறி  வறுத்தெடுக்கும்
போக்காக அமையும் நேரம்          
" நேக்காக"  மௌன  சிறையில்
 அடைந்துவிட்டால்...........
துக்கம் பலனின்றி வந்த வழியே
ஓடி நிம்மதிப் பூவினை மலரச் செய்யும்!
"மௌன சிறையில்" அமர்ந்து
தியானம் செய்து  ஞானம் பெற்று
நிம்மதியுடன்  வாழ்வோம்!  

- உஷாமுத்துராமன்,  திருநகர்

**

பேச்சு வாக்கில் வாக்கு வாதம் முற்றும் 
கணவன் மனைவிக்கு இடையில் !
நீ பேச வேண்டாம் இனிமேல் என்னுடன் 
நானும் பேச மாட்டேன் உன்னுடன் இனி !
இது இடைக்கால தீர்வு !
மௌனம் காப்பர்  இருவரும் ...யார் 
முதலில் பேசுவது என்னும் தயக்கம் 
ஒரு பக்கம் !  யார் பெரியவர் என்னும் 
அஹங்காரம் மறு  பக்கம் !
மௌன மொழியால் இருவருக்குமே 
சங்கடம் ...சலிப்பு! 
யார் முதலில் கண் சிமிட்டுவது என்னும் 
குழப்பம் !
சத்தம்  போட்டு பேசிய இருவருக்கும் 
சட்டப்படி  சிறை தண்டனை மௌன சிறை ! 
குற்றம் பார்த்தால் சுற்றம் மட்டுமா இருக்காது?
சத்தமும் இருக்காது ஒரே வீட்டில் ! 
குற்றம் சற்றே மறந்து மௌனம் கலைத்தால் 
கிடைக்கும் இருவருக்கும் விடுதலை 
மௌன சிறைவாசத்தில் இருந்து !

- கந்தசாமி  நடராஜன் 

**
அடுப்படியே கதியென்ற பெண் மனதுள்
சிறை கொண்ட சொல்லாடல்கள்
மௌன சிறைக்கம்பிகள் பின்
மனதுள் உருண்டதே பதற்றத்துடன் !
மனம் எண்ணியவை நாவுதிர்க்க,
தேனாய் செவியுள் இடம் கொள்ள
தென்றலாய் தவழ்ந்த சொற்கோர்வைகள்
வானில் சிறகடித்தே மகிழ்ச்சியில் !
நீண்ட மணித்துளிக்குப் பின் உரிமையுடன்
மௌன சிறையினின்று விடுபட்டோமென்று
ஏற்றயிறக்கங்களுடன் இதயம் துடிக்க,
முத்தாய் வெளிவந்ததே சொற்றொடர்கள் !
பெண் சொல்லுக்கு கிட்டிய சுதந்திரமெண்ணி
சிறை கொண்ட மௌனமும் மெல்ல
கம்பிகளுக்கு பின்னால் புன்முறுவலுடன்
திரை விலக்கியதே கண்சிமிட்டியபடி !

- தனலட்சுமி பரமசிவம், கன்னியாகுமரி மாவட்டம்

**

தவறுக்கு தவறான தவறைச் செய்பவர்கள் சட்டத்தால் பெருவார்
தண்டனையாக இரும்பு சிறை

மனதளவில் ஒருதவறும் புரியாதார்
தன்னைத் தானே வருத்திக் கொள்ள
மௌனச் சிறை தேர்ந்து கொள்வார்

காதலென்னும் தூண்டிலில்
வசியம் என்னும் ஆகாரத்தை
கோர்த்து வாலிப கோளாறு
குளத்தில் வீச வசமாக மாட்ட

அவளது மௌன சிறையில் இட்டு திறப்பானை குளத்தில் எறிந்தாள்
தேடுகிறேன் கிடைக்கவே இல்லை
விடுவித்துக் கொள்ள முடியாமல்

வேண்டாத தெய்வங்களே இல்லை

- வே. சகாய மேரி

**
உயிருக்குள்ளே யொரு உயிரை
பலவந்தம் செய்து வைத்து உள்ளது
மௌன சிறை கருவறைக்கு உள்ளே

மனதிற்குஉள்ளே யொரு மனதை
திருடி மறைத்து வைத்து உள்ளது
மௌன சிறை இரகசியம் உள்ளே

குணத்திற் குள்ளே யொரு சினத்தை
உருவாக்கி மறைத்து வைத்து உள்ளது
மௌன சிறை வைத்து கணக்கு தீர்க்க

இனத்திற்கு குள்ளே யொரு இனத்தை
உருவாக்கி வைத்துள்ளது பழிதீர்க்கும்
காலம்வரை மௌன சிறை வைப்பு

ஜகத்திற்குள்ளே இயக்கம் யாவும்
அகத்தால் ஆடிய வேஷம் கலைய
கல்லறையுள் மௌன சிறை வைப்பு

- ஆபிரகாம் வேளாங்கண்ணி கண்டம்பாக்கத்தான்

**

தகர்ந்தது மெளனச்சிறை

ஆமைதன் உறுப்புகளை ஓட்டிற் குள்ளே
----அடக்கிவெளி தெரியாமல் இருத்தல் போல
ஊமையென வாய்திறந்து பேசு தற்கும்
----உரிமையின்றி முடங்கிருந்தார் வீட்டிற் குள்ளே !
தீமையினை நன்மையினைப் பிரித்துக் காணும்
----திறனில்லா அடிமையென வாழ்ந்த தாலே
மாமைநிற மனிதரினை ஒதுக்கல் போல
----மங்கையரை மௌனத்துச் சிறையுள் வைத்தார் !
ஆண்கள்தம் ஆதிக்க ஆண வத்தில்
----அடிகொடுத்து அடிகொடுத்தே வீழ்த்தி ருந்த
மாண்பற்ற கயமைக்கு வேட்டு வைக்க
----மாக்கவியாம் பாரதிதான் எடுத்தார் பாட்டை !
கூண்டுக்குள் அடைத்திருந்த கிளிகள் தம்மின்
----கூர்மூக்கால் கம்பிகளை வளைய வைத்து
வேண்டியநல் சுதந்திரத்தை எடுத்துக் கொள்ள
----வெளிவந்து போராடும் வெறியைச் சேர்த்தார் !
பருந்துதனை எதிர்த்திட்ட கோழி போல
----பாவையவள் சிலிர்த்தெழுந்தே கட்டு டைத்தாள்
வருங்காலம் தனதென்றே முழக்க மிட்டு
----வானத்தில் ஏறிட்டாள் கல்வி கற்றே !
அருங்கலைகள் அனைத்திலுமே தேர்ச்சி பெற்றே
----ஆர்த்தெழுந்தாள் தலைநிமிர்ந்தாள் புதுமைப் பெண்ணாய்
பெருமையினைச் சேர்த்தின்று வீட்டை நாட்டைப்
----பெரும்படையாய்க் காக்கின்றாள் துணைநிற் போமே !

- பாவலர் கருமலைத்தமிழாழன்

**

எத்தனை மௌன சிறைகளோ ?

நெய்தல் திணைமேல் ஆழிப்பேரலை சூழினும்,
மையல் கொண்ட மணலாள்
மௌன சிறை பொறுமையே !

நெய்யது மணக்கையில் மனையாள் சுவைச்
சோறது படைக்கப் பசியாண்
மௌன சிறை இனிமையே !

பெய்யும் அன்னியமொழி பகல்மழையில் இனியு
நெய்கவென சுரக்கு பட்டுத்தமிழ்
மௌன சிறை பெருமையே !

மெய்யும் உயிரும் உயிர்மெய்யாய்க் கூடலில்
மெய்யென இன்பம் காணிருமன
மௌன சிறை தனிமையே !

செய்யும் பணிதனில் செய்யாச் சிறுபிழைக்கு
வையும் மேலாளர்முன் வேண்டும்
மௌன சிறை அடக்கமுடைமையே !

தொய்யும் இனம்வளர ஐயமே இனிகொள்ளாது
பொய்சுலோகங் கேட்க வேண்டாம்
மௌன சிறை மடமையே !

நொய்யல் கொடுமணலும் வைகைக் கீழடியும்
வைத்த தமிழினம் இனியும் வேண்டாம்
மௌன சிறை புதுமையே !!

- சந்திரசேகரன் சுப்ரமணியம்

**
சிறையில் சிலவகை உண்டு அறிவோம்
சிலருக்கு தனி அறை சிறை உண்டு!
உடன் பேசிட ஒருவரும் இருப்பதில்லை
ஒன்று இரண்டு எல்லாம் அறைக்குள்!
தில்லையாடி வள்ளியம்மையை இப்படிச் சிறையில்
தண்டனை வழங்கி தண்டித்தார்கள்!
சிறையால் நோய் கண்டு மெலிந்தாள்
சில நாளில் இறந்திடுவாள் என விடுதலை தந்தனர்!
பார்க்க வந்த காந்தியடிகள் கேட்டார்
பெண்ணே என்னால் தானே துன்பம் என்றார்!
வருந்தவில்லை நீங்கள் அறிவித்தால் உடன்
விரும்பி சிறை செல்லத் தயார் என்றாள்!
நெகிழ்ந்து போனார் அண்ணல் காந்தியடிகள்
நெஞ்சுரமிக்க தில்லையாடி வள்ளியம்மையைக் கண்டு!
மௌன சிறையையும் மகிழ்வோடு ஏற்றாள்
மக்கள் மனங்களில் தில்லையாடி வள்ளியம்மை!

- கவிஞர் இரா .இரவி

**

யாவர்க்குமாம் குடிபுக உகந்ததோர் நல்லறை
யாவர்க்குமாம் உட்புகத் தீருமாம் மனக்கறை
யாவர்க்குமாம் இருந்திடத் தெரியுமாம் ஓரிறை
யாவர்க்குமாம் விலகியே ஓடிடும் ஒருகுறை
யாவர்க்குமாம் வெற்றியே கிட்டிடும் பலமுறை
யாவர்க்குமாம் ஐம்புலம் காத்திடப் புலத்துறை
யாவர்க்குமாம் மனதிலே பரவிடும் நன்மறை
யாவர்க்குமாம் வேண்டுவ மௌனச்சிறையது தானே!!

- கு. இரா, வடக்கு அயர்லாந்து.

**

மௌனச்   சிறையில்   மாட்டிக்   கொண்டு
விழியும்   பிதுங்கிக்   கிடக்கிறதே!
மௌன    நாடகம்   மண்ணில்   நடக்குது
மரணச்   சிறையும்   திறக்கிறதே!

காலந்   தோறும்   கபடச்   சிறையில்
குவலயம்   எங்கும்  கிடக்கிறதே!
ஆல    விழுதும்   சுருக்குக்   கயிறாய்
ஆலமரக்  கழுத்தை   நெறிக்கிறதே!

அதுபோல்   மனிதக்   குலமும்   மாறியே
அடுத்தவர்க்  கழுத்தை   அறுக்கிறதே!
எதுவும்   இங்கே   எள்முனை    
அளவும் இயல்பாய்  இருக்க    மறுக்கிறதே!

துறைகள்    தோறும்    துறைகள்    தோறும்
தூங்கா   மௌனச்   சிறைக்குள்ளே
மறையாத்   தன்னலம்   மறைந்தே   இருந்து
மாண்புகள்   தம்மைக்   கொல்கிறதே!

மௌனச்   சிறையை   உடைக்கும்   வரையில்
மண்ணில்   போர்கள்   இருக்காது;
மௌனச்   சிறைக்குள்   இருந்து    விட்டால்
மனமும்    நோக   வழியேது?

உலகந்    தோறும்   மௌனச்   சிறைக்குள்
உவந்து   இருந்தால்  இழப்பேது?
நலமே   விளையும்;   தீவினை   ஏது?
நன்கு   உணர்ந்தால்   தாழ்வேது?

- நெருப்பலைப் பாவலர், இராம இளங்கோவன், பெங்களூரு.

**

நாம நெனைக்கிற உலகமும்,
நடக்குற உலகமும் வேறவேற

நாம நடக்குற ரோடும்,
வாழுற வீடும் வேறவேற

நாம படிக்கிற பாடமும்,
அத நடைமுறைப்படுத்தற வேகமும் வேறவேற

ரொம்ப வேறவேற!

மலைக்கும் மடுவுக்கும் ரொம்ப தூரம்;
அதனால மனசு பாரம் 

உன் வீரம் எல்லாம் எங்கப்போச்சு?
காணம் !
கண்ணுக்கெட்டின தூரம்வர காணம்

நெனைக்கறப்ப எளிதா தெரியுது,
நடைமுறைல எதிர்கொள்ளும்போது தடைக்கற்கள் பல இருக்குது

இத அப்படியே விட்ரலாமா?
நீயே சொல்லு?
நடைமுறை இதுதான்னு ஏத்துக்கலாமா?
எதிர்த்து போரிட்டு ஜெயிக்கலாமா?

உன் மேல் உனக்கு எவ்வளவு  கோபம் இருந்தாலும் , 
அத்தனையையும் மறந்துவிடு: 
எடுத்த செயலை நடைமுறை சாத்தியமாக மாற்றக்கூடிய,
அசாத்திய துணிச்சலோடு நீ செயல்படு 

ஓரிரு முறை அடிபட்டு பாடம் கற்று,
தொடர்ந்து முயற்சி செய்து மீண்டெழும் போது,
நண்பா நீ வெற்றி பெற்றிருப்பாய்.

- ம.சபரிநாத், சேலம் 

**
நம் கண் முன்னே!
நடக்கும் அநியாயங்களை!
தட்டிக் கேட்காமல்!
மௌன சிறைக்குள்
இருக்கலாமா?

அவன் தான் காரணம்!
அவனால் தான் மரணம்!
அதை சொல்லவேண்டிய இடத்தில்!
சொல்லவேண்டிய நேரத்தில்!
சொல்லாமல்!
மௌன சிறைக்குள் கிடக்கலாமா?

இது சரிவராது என்று!
தனியே முடிவு! செய்துவிட்டு!
அது தவறான முடிவு!
என்றாகும் போது!
அதற்கு வேறு வழிவகை! 
செய்வதை விட்டு விட்டு!
மௌன சிறைக்குள்  போகலாமா?

மௌனம் சம்மதம் என்பர்!
சிறையை விட்டு!
வெளிவரும் பறவையாய்!
மௌன சிறையை விட்டு!
வெளியே வாருங்கள்!

மனம் திறந்து பேசுங்கள்!
மௌனம் கலைந்து பேசுங்கள்!
சிறைக்குள் மௌனம்!
வேண்டாமே!
மௌன சிறை
தராது !
வாழ்வில் நிறை!
மகிழ்ச்சிகள் நிலைக்க!
மௌனம் கலைத்து
பேசுவோம்!
சிறைக்குள் இனி
மௌனங்களும் வேண்டாம்!
மரணங்களும் வேண்டாம்!

- கவிச்சித்தர் களக்காடுவ.மாரிசுப்பிரமணியன்.

]]>
kavithaimani https://images.dinamani.com/uploads/user/imagelibrary/2019/12/4/w600X390/the-silence-4522878_960_720.jpg https://www.dinamani.com/specials/kavithaimani/2019/dec/04/mouna-sirai-poems-by-dinamani-kavithaimani-readers-3297412.html
3303246 ஸ்பெஷல்ஸ் கவிதைமணி அப்பாவின் நாற்காலி வாசகர் கவிதை 3 கவிதைமணி DIN Wednesday, December 11, 2019 12:58 PM +0530  

அப்பாவின் நாற்காலி

அப்பாவின் நாற்காலி - இந்த நாற்காலியில்
அமர உள்ளாட்சி தேர்தல் வேண்டாம்
அப்பாவின் உள்ளாா்ந்த அன்பொன்றே  போதும்;
அப்பாவை நாங்கள் தாங்கியதைவிட - அவர்
அமர்ந்த நாற்காலி தாங்கியதுதான் அதிகம்;
அவருக்கு ஓய்வளித்து உணவளிக்க விரும்பினால் -
உட்காா்ந்து சாப்பிட்டால் உடல்வலிப் பெறும்
உழைத்து சாப்பிட்டால்தான் உடல்வலிமைப் பெறுமென்பாா்;
அப்பா நாற்காலியில் அமர்ந்தபடியே கூறிடுவார்
பட்ட பாட்டினையும் - படித்த செய்திகளையும் -
அவர் கொண்டாடிய செய்திகளை விட -
அவர் கண்ணீர்விட்ட செய்திகள்தான் அதிகம்-
ஒரு தீர்ப்புக்கு மட்டுமல்ல - இதேபோல்
ஒவ்வொரு தீர்ப்புக்கும் உடனடி நீதிவேண்டுமென்பாா்-
இங்கே உடல் - உயிர் - உடைமை -
எதனை இழந்தாலும் இழப்பீட்டுத் தொகை -
இழப்பின் வலியை இழந்தவரே அறிந்திடுவாா் -
இழந்தவரின் நிலையெண்ணி நித்தமும் அழுதிடுவாா் -
அப்பாவின் அழுகையில் விழுந்த கண்ணீர்துளிகள்
அப்பாவின் நாற்காலியையும் மண்ணையும் ஈரமாக்கியது -
அந்த ஈரம் அனைவரின் மனங்களிலும்
அந்தந்த வழக்குகளிலும் வேண்டுமென்று அணுதினமும்
ஆண்டவனை வேண்டியவண்ணமாய் அழுதுக் கொண்டிருக்கும்....

- கவிஞர். நளினி விநாயகமூர்த்தி சென்னை

**

அவர் அமர்ந்து அயர்ந்து நான்
கண்டதில்லை, 
உணவு கூட ஒழுங்காக நேரம் ஒதுக்கி உண்டதில்லை,
எப்போதும் உழைப்பு, ஓட்டம் ஓட்டம் தான்,
அப்போதும் குறைந்திடாத கரிசனம், 
ஆழ் மனதில் அவர் தான் எமது தலைவன்,
பார்வையால் பல வினாக்களையும்
பதில்களையும் சொல்லத் தெரிந்த அவருக்கு ஏனோ
எமனுடன் பேராடத் தெரியவில்லை - அகவை 42
எந்தக் கெட்ட பழக்கம் இல்லாதிருந்தும்
மேலுலகம் அவரை அழைத்துக் கொள்ள,
எங்கள் கண்ணில் அவர் இருந்த நாற்காலியும்
கண ணீரும் மட்டும் எஞ்சியிருக்க, வேறு ஒன்றும் சொல்லவியலாத
அப்பாவின் நாற்காலி  எப்போதும் அன்புடன் எங்களுடன்

- கவிதாவாணி மைசூர்

**

என் வீட்டு தாழ்வாரத்தில்
கணக்கில்லா பொருட்கள் இருப்பினும்
என் அப்பாவின் மர நாற்காலி
ஒன்றே- தாழ்வாரத்தின் முதல்வனாய்
தலை தூக்கி நிற்கும் - என்றும் கம்பீரமாய்…..!
என் அப்பாவின் வீரம்
நாற்காலிக்கும் உண்டு - அது
நிற்கும் அழகைக் கண்டால்……..!
பழந் தேக்கினால் இழைக்கப்பட்ட
எனது பாட்டனின் நாற்காலியை
இன்றும் மறவாது போற்றி,
அதில் அழகாய் அமர்ந்து……
தினப் பொழுதைத் தொடங்கும் - என்
அப்பாவின் இளஞ் சகோதரன்
அச்சிறு மர நாற்காலி

-  பிரியங்கா விஜயராகவன்

**

அப்பாவின் நாற்காலி அவ்வளவு எளிதல்ல
தப்பாமல் அவரிடத்தைத் தனியாக அடைவதற்கு
ஒப்புவமை ஏதுமற்ற உயர்ந்த இடந்தன்னிலே
தப்பிதங்கள் செய்யாமல் தழைத்த மனிதரவர்!

பத்து வயிறுகளைப் பசியாற்றிப் பார்த்தஅவர்
சித்து விளையாட்டில் சிறந்தவரோ தானென்று
உற்று நோக்கிடவே ஊராரும் விரும்பிடுவர் 
சற்றேனும் தன்பணியில் சளைத்துமவர் இருந்ததில்லை!

பொறுமை நிதானம் புன்னகை தன்னுடனே
சிறுமைக் குணத்தைச் சிதறடித்த பெருமையுடன்
எல்லோர்க்கும் நல்லவராய் இருந்திட்ட அவரிடத்தை
அடைந்திடலும் எளிதில்லை!அதற்கென்றும் முடிவில்லை!

அப்பாவின் ஞாபகங்கள் அடிமனத்தைக் கனலாக்கும்
எப்பொழுதும் உழையென்று ஏகமாய் ஆணையிடும்!
விஞ்ஞான முன்னேற்றம் விரிவடையா காலத்தில்
வேற்றூர் பலசென்று வினையாற்றி உயர்ந்தவரவர்!

அடுத்தவர்க்கு உதவுவதை அயராமல் செய்திட்டார்
தடுத்தாலும் அவர்பணியில் தாமதங்களை விலக்கிட்டார்
அவரின் மகனென்ற அறிமுகமே போதுமென்று
நால்வரும் முடிவெடுத்தோம்!நல்லதையே செய்கின்றோம்!
-ரெ.ஆத்மநாதன்,
  பால்ஸ் சர்ச்,வெர்ஜீனியா,அமெரிக்கா

- ரெ.ஆத்மநாதன், அமெரிக்கா

**
கனிவு, கண்டிப்பு, கல்வி—
மூன்றும் கலந்த திரிகடுகம் –
ஆம் – அப்பா,
செழிப்பை மறைத்த செல்வந்தர் –
எழுபத்தி இரண்டு ஆண்டுகள்
விரிந்தும் சுருங்கியதும் போதும்,
விளையாட்டை நிறுத்தியது இவர் நுரையீரல் –
இப்போது – உயிரும் இல்லை, உயிலும் இல்லை –
சாம்பல் சற்றே வரத்தொடங்கியது,
சாலயோர மனைகள் எவருக்கோ ?
பல நூறு பவுன் தங்கம்
யாருக்குள் தங்கும் ?
எந்த வங்கிகளில் என்ன கணக்கு ??
அலசிக்கொன்டிருந்தனர் மகனும் மகளும் ---
அங்கே சுயநலமின்றி
அப்பா அமர்ந்த நாற்காலியின் கால்களை
வாஞ்சையுடன் சுற்றி வந்தது
அந்த டாபர்மன் நாய்க்குட்டி மட்டுமே !!

- கவிஞர் டாக்டர் எஸ். பார்த்தசாரதி -- MD DNB PhD

**

காலை எழுந்து கடன்கள் கழித்து
பாலைக் கறந்து பாத்திரம் ஊற்றி
காப்பி குடிக்கையில் தேடிய ஓரிடம்;
தோட்டம் நடந்து பயிர்களைப் பார்த்து
தோன்றிய வேலைகள் இனிது முடித்து
கால்நடை மேய்ந்திடக் காட்டில் துரத்தி
பசியது போக்க பாங்காய் அமர்ந்து
ருசியுடன் தேனீர் சுவைத்ததும் இவ்விடம்;
நண்பர்கள் உறவுகள் யார்வரின் என்ன
பண்புடன் பேசவே அமருவார் இங்கே;
ஓய்வு எடுப்பதும் புத்தக வாசிப்பும்
தானாய் நடந்திடும் நித்தமும் இதிலே;
எங்கள் "அப்பாவின் நாற்காலி" நல்ல
அனுபவமுறையே தினம் சொல்லும் நாற்காலி!!

- கு.இரா வடக்கு அயர்லாந்து

**

அதிகாலை விடியலை எண்ணியே
கண் உறக்கத்தின் கனவை மறந்திருப்பார்.
உழைத்து வியர்வை சிந்தியே
என்றென்றும் தேய்ந்திருப்பார்.

எப்படி தேய்ந்தாலும்,
அலைந்து ஓய்ந்து அவர் இளைப்பாறி..
என்றென்றும் அவர் இளமையை இரசிப்பது
அவரின் சிம்மாசனத்திலே!

குடும்பம் என்பதையே என்றும் நினைத்து
அவற்றில் அன்பு, உழைப்பு,ஆரவாரம்,உறுதி என்பதை
நான்கு கால்களாய் தூணாக்கி நாள்தோறும் இளைப்பாறுவார்
அவருக்கு இனிமையான நாற்காலியிலே!

என் இன்முகம் காண என்றென்றும் அன்பை ஊட்டி
அவர் அரவணைப்பை பகிர்ந்தது
அவர் இரசித்த அந்நாற்காலியால் மட்டுமே!

-கவி.சி.காவியா, புதுக்கோட்டை

**

அனுபவங்கள் பல நம்மிடம் பகிருமே
உயிர் தந்த உயிரை சுமந்த
உயிர்  கொண்ட மரத்தினாலான
உயிரோட்டம் நிறைந்த நாற்காலி !
கதிரவன் கதிர்களும், வருணன் பொழிவுகளும்
இயற்கை துணைகளாக உடன் வர,
வியர்வை முத்துக்கள் நெற்றியில் உருள,
பொருளாதார நெருக்கடிகளை மனதில் சுமந்து,
வீடு திரும்பிய அப்பாவை
விரல் பற்றிய குளம்பி நிறைந்த குவழையுடன்
சற்றே அமர்ந்து ஓய்வெடுக்க
புன்னகையுடன் வரவேற்ற நாற்காலி !
அமைதியாய் இருந்து தீர்க்க முடிவெடுக்க
கம்பீரமாக திண்ணையில் அலங்காரமாய்
அப்பாவை சுமந்த நாற்காலி இன்று
அப்பாவின் நினைவலைகளுடன்
கண்ணீர் மல்க நடுதிண்ணையில் அனாதயாய் !

- கவிஞர் தனலட்சுமி பரமசிவம்

**

நாற்காலி இல்லாத வீடாயிருந்த காலமது
ஆற்றாமையின்றி ஒற்றுமைத் தென்றல் வீசியது
காற்றுக்கென பனையோலை விசிறி பேசியது
வேற்றுமையின்றி தரையிலமர்ந்தோம் அன்று

காலம் மாறியது வீடே மாறியது நாற்காலி வந்தது
கோலம் மாறினாலும் நடுத்தரம் மாறவில்லை
ஆலம் விழுதென நாங்களிருக்க அப்பா ஆலமானார்
வேலம்குச்சி பற்பசையாக ஓயாது உழைத்தாரவர்

ஒன்று இரண்டல்ல ஐந்து பேர் மகவுகள் நாங்கள்
கன்றுகள் வளர உதிரத்தை வியர்வையாக்கினார்
வென்று வரும் வீரரைப் போல் மாலை வருவாரவர்
சென்று அமர்வார் நாற்காலியில் சோர்வாகவே

எங்களோடு வளர்ந்த நாற்காலியும்  தேய்ந்தது
சிங்கமென அமர்ந்து அன்பும் ஆணைகளுமாய்
தங்கமென கோலோச்சிய தந்தை ஓய்வானார்
அங்கங்கள் சுருங்கி வயதும் கூடி முதுமையானார்

அவரோடும் நாற்காலியோடும் கழிந்த நாட்கள்
தவறேதுமில்லா நல்வாழ்வை எங்களுக்கு நல்கியது
சவமாக ஆன தந்தையைத் தாங்கியது நாற்காலி
சுவரோரமாக கவலையில் ஆழ்ந்திருக்கிறது அது

இருக்கைகள்  ஆடம்பர வாழ்வில் மாறியது இங்கே
உருவில் பழையதானாலும் நாற்காலி சோதரனல்லவா
கருவில் தோன்றாவிடினும் அப்பாவின் நாற்காலியல்லவா
விருப்பமுடன் அப்பாவின் நினைவாய் இருக்கிறது அது.

- கவிஞர்  ராம்க்ருஷ்

**

பள்ளியிலிருந்து  வீடு வர
தள்ளி அமர்ந்த நாற்காலியின்
அரசன்  அவர்தான்  என் அப்பா!
உழைத்து  சம்பாதித்த  பணத்தில்
சிறுக  சேமித்து ஆர்வமுடன்
மலர்ந்த  முகத்துடன்   வாங்கிய
நாற்காலி........ அதுதான்
என் அப்பாவின் நாற்காலி!
அவர் நடமாடிய  காலத்தில்
அதில் அமர்ந்து விட்டால்
பதில்கூட  பேசாமல்  கண்மூடிய 
கனவு உலகில்  மகிழ்வார்!
இன்று.............................
அப்பா இல்லை............ஆனால்
அப்பாவின்  நாற்காலி
அவரின்றி  வெறுமையாக
காட்சிதருவதால் ..............
மாட்சிமைமிக்க  அப்பாவை....
அதில் அமர்ந்திருப்பதாக
கற்பனை செய்து   வாழ்வதால் 
சொர்க்கத்தை..............!

- பிரகதா நவநீதன்.  மதுரை

**

]]>
kavithaimani https://images.dinamani.com/uploads/user/imagelibrary/2019/12/11/w600X390/dad.jpg https://www.dinamani.com/specials/kavithaimani/2019/dec/11/poem-dinamani-kavithaimani-3303246.html
3303226 ஸ்பெஷல்ஸ் கவிதைமணி அப்பாவின் நாற்காலி வாசகர் கவிதை - 1 கவிதைமணி DIN Wednesday, December 11, 2019 10:00 AM +0530 அப்பாவின் நாற்காலி
 
முதல் நாற்காலி வாங்கியபோது
அம்மாதான் அதிகம் மகிழ்ந்தாள்
இரண்டாவது நாற்காலி
முதல் நாற்காலி மாதிரியே  வந்ததால்
ஏனோதானோ வரவேற்பளித்தால் அம்மா
மூன்றாவது நாற்காலிக்கு அதே வரவேற்பளித்தாக
அம்மாவே பின்னாளில்  சொன்னாள்
நான்காவது நாற்காலி
அப்பா நினைத்தமாதிரிய அமைந்ததால்
அகமகிழ்ந்தால் அம்மா
அத்துடன் நாற்காலி கனவு முடிவுக்கு வந்தது !
அப்பாவின் நாற்காலி என்பது நாற்காலியல்ல . . .
அது நாங்கள்தான் !                                                  

- ரவி கார்த்திகா

**

அப்பாவின் நாற்காலியில் அமர்ந்திடத் துடிப்பார்
    அதற்கான தகுதியெதும் இல்லாதப் போதும்!
எப்போதும் பதவிக்கு ஏங்கித் தவிப்பார்
    இதற்காக எண்ணற்ற பொய்களையும் சொல்வார்!
தப்பான வழிமுறையை தனதெனக் கொள்வார்
    தான்தோன்றித் தனமாக முடிவினை எடுப்பார்!
துப்பில்லாப் போதினிலும் பதவிக்கு ஏங்கித்
    துடித்திட்ட மோடியே இதற்குநற் சான்றாம்!

அப்பாவின் நாற்காலி அருகினில் இருந்தும்
    அதில்சென்று  அமராமல் அறிஞன்தனை தேர்ந்து
 எப்போதும் பதவியாசை தனக்கில்லை என்று
    இவ்வுலகம் அறிந்திடச் செய்தவன் ராகூல்!
தப்பான ஆசையுடன் சுப்ரமண்ய சுவாமி
    தன்கட்சி கலைத்திட்டு மோடியுடன் சேர்ந்தான்!
எப்போது நிதியமைச்சன் நாமாவோம் என்றே
    ஏங்கித் தவிப்பதை யார்தன்வுண ராதார்?

பதவியாசை இல்லாத ராகூலைக் கண்டு
     பப்புவெனப் பழித்தோர் பாவிகளென் றாவார்!
இதனைவிடக் கீழ்புத்தி வேறொன்றும் இல்லை
    இதுவரையில் அரசியலில் நாம்கண்ட தில்லை!
முதிர்ந்ததோர் தலைவனென அத்வானி இருந்தும்
    மூலைதனில் தள்ளிமோடி பதவிக்கு வந்தான்!
அதர்மமிது என்பதனை ஆர்தான்அறி யாதார்
    அவனாட்சிப் பரிசாக அவலமதைக் கண்டார்!

- அழகூர். அருண். ஞானசேகரன்

**

அப்பாவின் நாற்காலி அதனைக்கண் காண்கையிலே
அப்பாவே அதிலமர்ந்து அதட்டல்போல் தான்தோன்றும் !
எப்போதும் என்னுயர்வை எண்ணியவர் இயங்கியதை
இப்போது நினைத்தாலும் இமயமவர் எனத்தோன்றும் !

அப்பாவின் நாற்காலி
அந்நாளை நினைவூட்டும்
எப்போதும் கண்டிப்பை இயம்புவதாய் அதுதோன்றும் !
தப்பென்றும் செய்யாமல் தடுத்தென்னை ஆட்கொள்ளும்
ஒப்பில்லா அரசாட்சி உவந்தென்றும் தான்நடத்தும் !

இந்நாளில் அவரில்லை என்றாலும் எப்போதும்
அந்நாளில் அவர்சொன்ன அறிவுரையைத் தானகவும் !
சிந்தையெலாம் வந்தவர்சொல் தேன்பாய்ச்சும் திசைகாட்டும் !
எந்தையரின் நாற்காலி ஏற்றத்தில் ஏற்றுவிக்கும் !

இயங்குகின்ற கதிரவனாய் இருள்விலக்கும் வெண்ணிலவாய்
உயர்மழையின் பெருங்கொடையாய் ஒப்பில்லா அணிமணியாய்
வயல்விளையும் செந்நெல்லாய் வாழ்வளிக்கும் தண்ணீராய்
உயர்தந்தை நாற்காலி உரைப்பதுபோல் அமர்ந்திருக்கும் !

நீதிக்கு தலைவணங்கும் நேர்மைக்கே வழியாகும்
ஆதிமொழி தமிழ்நூல்கள் ஆழ்ந்தறிய வழிகோலும்
ஓதியுணர் குறள்நெறியே உயிராகும் உடலாகும்
ஆதியந்தம் எந்தையவர் அடிகாட்டும் மறுவுருவாய்.

உயிரில்லாப் பொருளெனினும் உயிர்த்தெந்தை உள்ளதுபோல்
ஒயிலாக நாற்காலி உணர்வூட்டும் இல்லத்தில் !
வெயிலென்றால் நிழலாக வீழ்மழைக்குக் குடையாக
உயிர்த்தெந்தை உணர்வெல்லாம் உருவாக இல்லத்தே !

-சோழமாமல்லன் , இராணிப்பேட்டை மாவட்டம்

**
இருட்டறையில் இருமி இருமிச்
செத்த அந்த வயோதிகக் குரல்
ஒருகாலத்தில் ஹிட்லருடையதாக இருந்தது
நெப்போலியனின் குதிரைபோல்
திசையெங்கும் பயணித்தது
அச்சத்தையும் வெறுப்பையும்
அள்ளித் தெளித்தது
தெருமுனையில் செருப்புச் சத்தம்
கேட்டால் அப்பா வந்திட்டார்
போய் படிங்கடா என்று அலாரமணி
எழுப்புவாள் அம்மா
அதுவரை சத்தக்காடாய் இருந்த வீடு
அப்பா உள்நுழைந்து நாற்காலியில் அமர
அம்மா அமைதியாகக் காஃபி தர
போதிமரமாய் மாறிவிடும்
இருட்டியதும் நாற்காலி வராண்டாவுக்கு
இடம்பெயரும்; இரவு நெருங்கியதும்
வாசல் வேப்பமரத்தடிக்குப் போய்விடும்
அப்பாவின் அசைவும் நாற்காலியின் அசைவும்

ஒரு சங்கீதம் போல் இரவைத் தாலாட்டும்
அக்காவின் திருமணம்; அண்ணனின் மேல்படிப்பு
பாட்டியின் இதயநோய்; அடகில் கிடந்த அம்மாவின்
நகைகள் என்று எல்லா ஸ்வரங்களும்
அந்தச் சங்கீதத்தில் இருந்தன
அப்போது எங்களுக்குக் கேட்கவில்லை
இன்று என் பையனின் அலைபேசியில்
வீடியோவாக ஆடிக்கொண்டே
எல்லா ஸ்வரங்களையும்
சொல்லிக் கொண்டிருக்கிறது
அப்பாவின் நாற்காலி
காலதேவனின் கனவுபோல

- கவிஞர் மஹாரதி

**
அள்ள அள்ள குறையாத
அட்சய பாத்திரம் போலவே
அப்பாவின் நாற்காலியும்
ஆயிரமாயிரம் கதைகள் சொல்லும்!

இன்பம் துன்பம் கோபம் கவலை என
அத்தனை உணர்வுகளையும்
அப்பாவிடமிருந்து தன்னுள் வாங்கி
அப்பாவிற்கு ஆறுதல் கொடுத்த
அனுபவ நாற்காலி அது!

தும்பைப்பூவாய் வெளுத்த
வேட்டியுடன் சட்டையும் கூடவே 
கண்ணாடியுமென கம்பீரமாய் வந்து
அவர் சாய்ந்தமர்கையில் - ராஜாவாய்
உயர்த்திக் காட்டும் சிம்மாசனம் அது!!

அப்பா காலடி அருகமர்ந்து கேட்க
தலைவருடி அவர் கூறும்
அனுபவக்கதைகள் ஒவ்வொன்றும்
நம் எதிர்காலத்துக்கான அறிவுரைதான் 
 மனம் உணராமலே உள்வாங்கும்சக்தி கொடுத்த
ஆசானின் நாற்காலி அது!!

இன்றோ அப்பாவிற்கு அப்புறமாய்
அவரின் நாற்காலியும் கைத்தடியும்
அத்தனை ஏக்கங்கள் சுமந்து மௌனமாய் 
அவர் வாசத்துடன் வெறுமையாய்!!

- உமா 

**

அப்பாவின் நாற்காலியில்
அவரின் எல்லா யோசனைகளும்
புதைந்து இருக்கும்
அதில் இருக்கும்போது எல்லா
யோசனைகளும் வரும்
எல்லா விதமான யோசனைகளும்
ஒரு குவியலாய் இருக்கும்
ஆனால் அப்பா அதில் இருக்கும்போது
எல்லாம் ஒழுங்குபடுத்தப்படும்.
அதில் போய் இருந்தால்
எந்த நேரமும் ஏதாவது ஒன்று செய்ய வேண்டி வரும்.
ஆனால் ஓய்வுக்கும் இடம் கொடுங்கள் அப்பா!
 
- கனிசா கணேசன்

**

அப்பாவின் நாற்காலி பார்க்கப் பார்க்க
   அப்பாவே இருப்பதுபோல் நித்தம் தோன்றும் !
ஒப்பில்லா அப்பாவின் ஆற்றல் எல்லாம்
   உள்ளத்தில் உயிர்ப்போடு நிழலாய் நீளும் !
எப்போதும் அப்பாவின் செயலெல் லாமும்
   எழுகதிரைப் போலென்றும் எழுச்சி யூட்டும் !
சிப்பிக்குள் முத்தேபோல் அவருக் குள்ளே
   சிறப்பான நல்லன்பே சீராய் ஆளும் !

நம்நாட்டின் படைத்துறையில் பணியில் இன்றும்
   நாட்டெல்லை காவலிலே அவரெந் நாளும் !
வெம்பனியின் குளிரதுவே வாட்டி னாலும்
   வெய்யிலதே எரித்தாலும் வாடி டாமல் ;
அம்மம்மா ! கடுமழையே அடித்த போதும்
   அவர்பணியில் துவளாமல் விரைப்பாய் என்றும் !
நம்நாடே தம்வீடாய் எண்ணி வாழும்
   நனிஅப்பா அவர்க்கிணையாய் அவரே ஆவார் !

உடலுறுதி ஓம்பிடுவார் ஓம்பச் சொல்வார்
   உயர்கல்வி செல்வமென உணர்ந்து ரைப்பார் !
கடமையேதம் கண்ணாகக் காண்பார் ; என்றும்
   கடமையுடன் வாழ்த்திடவே கனிந்து ரைப்பார் !
மடமையெலாம் மனத்திருந்தே மாய்க்க வைப்பார்
   மாண்பார்ந்த செயல்செய்தே மலர வைப்பார் !
திடமான எண்ணத்தில் திளைக்க வைப்பார்
   தீயெண்ணம் தீய்த்தெரித்தே சிறக்க வைப்பார் !

அப்பாவின் நாற்காலி அவருக் காக
   அப்படியே அழகாக ; அவராய்த் தோன்றும் !
எப்போதும் எங்களையே விழிப்பாய்த் தூண்டும் !
   ஏற்றத்தை எண்ணத்தில் விதையாய் ஊன்றும் !
அப்பாவின் நாற்காலி அன்றும் இன்றும்
   ஆற்றலினை அளித்தல்போல் பார்க்கத் தோன்றும் !
அப்பாவின் விடுமுறைக்காய்க் காத்தி ருக்கும்
   அப்பாவின் நாற்காலி எங்கள் போன்றே !

- படைக்களப் பாவலர் துரை. மூர்த்தி,ஆர்க்காடு

**

ஒரு நீண்ட கனவைப் போல் இருக்கும் 
இறந்த காலம்,
எல்லா முன் இருத்தல்களையும் 
கலங்கலாகவும்
மங்கலாகவும் நினைவூட்டுவதற்கு தவறுவதில்லை.
அப்பாவின் அப்பா அவ ரப்பா புகைப்படங்கள்
வெள்ளையடிக்கப்பட்டு மாட்டப்பட்டிருந்த சுவர்கள்,
அவர்கள் இல்லாதிருத்தலை நினைவூட்ட,
ஐந்து மணிக்கு கிளம்ப
மூன்று மணிக்கே எழுப்பி விடும்
அவரது காலந் தவறாமையை
எப்போதும் நினைவூட்டுகிறது
அப்பாவின் ஆடாத நாற்காலி .
ஆனால் யார் அதைப் பொருட்படுத்துகிறார்கள்
 என்று ஸ்டேட்டஸ் போடும் அடுத்த தலைமுறை  
வாட்ஸாப் காலம் தயாராகத்தான் செய்கிறது
உறவுகளற்று இருக்க.. 

- செந்தில்குமார் சுப்பிரமணியன்

**

அப்பாவின் நாற்காலி என்றால் அது மெத்துன்னு இருக்கும்
சுகமாக இருக்கும் சூச்சுமாக இருக்கும் அனைவரும் அறிவர் 
எப்பவோ அப்பா மும்பை போனபோது வாங்கி வந்தார்
சிறப்பாக யாராவது வந்தால் வரவேற்று அமரச்செய்வார்
இப்ப அப்பாவுக்கு இது ராசியாக அமைந்துலள்ளது சிம்மாசனம்
விருந்தினர் அறையில் இந்த நாற்காலி அலங்கரிக்கிறது
அப்பாவின் நாற்காலி என்றால் எங்களுக்கு பிடிக்கும்
அப்பா இல்லாத போது எங்களுக்குள் போட்டி அதில் அமர
அம்மா சொல்லுவாள்  அப்பாவின் நாற்காலி அதிஷ்டமானது
அதில் வேறு யாரும் உட்காரக்கூடாது அம்மாவின் ஆணை
பக்கத்து வீட்டில் இருக்கும் அப்பாவின் நண்பர் சொல்வார்
“அது விக்கிரமாதித்தன் சிம்மாசனம் பொன்றது”
அதில் உட்கார்ந்து பலசிக்கல்களை தீர்த்து வைத்துல்ளார்
அனுதினமும் அவரை  பார்க்க வருபவர்கள் திருப்தி படுவார்
எங்களின் நம்பிக்கை உட்கார்ந்து படித்தால் மதிப்பெண் கூடும்
அதனால் எங்களுக்குள் போட்டி யார் அமர்ந்து படிப்பதென்று
இப்படிபுகழ்பெற்றஅப்பாவின் நாற்காலியை தொலைக்காட்சியில்
ஒளிபரப்பிலும் கண்டு நாங்கள் களித்திருக்கிறோம்
அப்பாவின்நாற்காலிக்கு ரசிகர்கள்கூடிக்கொண்டே இருந்தார்கள்
தீர்க்க முடியாத பிரச்சனைக்கு அப்பா நாற்காலி தீர்வுகாணும்

- கவிஞர் சூடாமணி.ஜி, இராஜபாளையம் 

**

காலைமுதல் உழைத்த அப்பாவின்
....கால்களுக்கு ஓய்வளித்தது நாற்காலி
மாலையில் மகிழ்வித்து அப்பாவின்
....மனதிற்கு மருந்திட்டது நாற்காலி
அப்பாவின் வலிகளைப் புரிந்து
....ஆறுதல் நாளும்தந்தது நாற்காலி
அப்பாவின் அனுபவத்தை எனக்கு
....அழகாய்ச் சொல்லியது நாற்காலி
காலங்கள் மாறினாலும் அப்பாவின்
....கனவுகளைச் சுமந்தது நாற்காலி
நிலவுசுமந்த வானமாய் அப்பாவின்
....நினைவுகளைச் சுமந்தது நாற்காலி
அப்பாவின் நாற்காலியாய் இங்கு
....அப்பாவை தினம் தாங்குவேன்
அப்பாவின் ஆசையைச் சுமந்து
....அவருக்காக தினம் உழைப்பேன்

- கவிஞர் நா. நடராஜ், கோயமுத்தூர்.

**
 

]]>
kavithaimani https://images.dinamani.com/uploads/user/imagelibrary/2019/12/11/w600X390/1.jpg https://www.dinamani.com/specials/kavithaimani/2019/dec/11/kavithaimani-dinamnai-poem-by-readers-3303226.html
3303233 ஸ்பெஷல்ஸ் கவிதைமணி அப்பாவின் நாற்காலி வாசகர் கவிதை 2 கவிதைமணி DIN Wednesday, December 11, 2019 10:00 AM +0530 அப்பாவின் நாற்காலி

எழுசீர்க் கழிநெடிலடி ஆசிரிய விருத்தம்

தன்னின் பிள்ளைத் தானே உயரத் துயரம் களைந்த திறமைசாலி..!
பின்னால் எவரும் பிறரை நம்பிப் பிழைக்கா நிலைக்கு உழைத்தகூலி..!
தன்பசி பொறுத்துத் துன்பம் களைந்துத் தலையாய்க் குடும்பம் காத்தவேலி..!
அன்னார் நினைவை அழகா யுரைக்கும் அவரின் விருப்ப நாற்காலி..!
.
குடும்பத் தலைவன் குலத்தின் அரசன் களத்தில் வீரன் கண்ணியவான்..!
உடும்புப் பிடியாய் உயரும் கொள்கை ஊரே மதித்த உத்தமனாம்..!
இடும்பைக் களைந்து இல்லம் காத்து இனிதாய்க் கவர்ந்த எளியவனாம்..!
மிடுக்கு வீச்சில் மிளிரும் தமிழில் மின்னல் வேகக் கவியாவான்..!
.
பிடிக்கும் அம்மா பிடிக்கா தந்தை பிரிக்கும் எண்ணம் எமக்கில்லை..!
அடிக்கும் அப்பா அணைக்கும் அம்மா அருமை இயல்புப் பெற்றோரே..!
துடிக்கும் இதயம் துன்பப் பட்டால் தொய்வே இலாது துயர்களைவார்..!
படிக்க வைத்தார் பண்பின் அப்பா பயனாய் அதுவே விளைகிறதே..!
.
அப்பா என்பார் அன்றும் என்றும் அன்பின் உருவ ஆணாவார்..!
தப்போ? சரியோ? தவறா துரைப்பார் தனியே நிற்கத் தூணாவார்..!
அப்பா அம்மா இன்றோ இல்லை ஆனால் நினைவில் வரும்மேவி..!
அப்பா பண்பை அனைத்தும் அறியும் அவரின் ஆசை நாற்காலி..!
 
- கவிஞர் பெருவை பார்த்தசாரதி

அப்பாவிற்கு நாற்காலி ஏதுமில்லை ,
அமர்ந்திட  அவருக்கும்  நேரமில்லை ,
பிறரை  அமர்த்தியே   மகிழ்ந்ததுண்டு;
பலரை  உயர்த்தியே  வாழ்ந்ததுண்டு !

எதிலும்  அவருக்கு  ஆசையில்லை ,
எதற்கும் கவலைப்  படுவதில்லை,
உரிய மரியாதை இல்லையெனில்; 
உயரிய பதவியையும்  ஏற்பதில்லை! 

பாசம் முழுதும்  மனதில் இருந்தும்- முக  
பாவத்தில்,  பழக்கத்தில்  மறைத்திடுவர், 
நெஞ்சில் எங்கள் நலமே நிறைந்திருக்க 
கொஞ்சம் காட்டாமல் திரையிடுவார் !   

இதுதான்  வழிமுறை என்றுரைத்தோ,  
இப்படி  செய்திட வேண்டுமென்றோ,
கட்டளை இடுவதும்   பிடிக்காது -   எங்கள் 
கருத்தை   ஒதுக்குதல்  கிடையாது !   

படித்திட  நாங்களே முயன்றுகொண்டோம்;
பதவியும் தேடி  பெற்றுக்கொண்டோம் ;
எதிலும்  முயன்றிட எம்மை ஆதரிப்பார் ,
எங்கும்  வென்றிட  கரம் கொடுப்பார் !

உண்மை நேர்மை ஒழுக்கமென்று 
உயிருள்ளவரை அவர் வாழ்ந்ததுண்டு;
நாளும் அவர் கொண்ட வழக்கங்களே   
நாங்கள்  போற்றும் உயர் மந்திரங்கள்!  

- முத்து இராசேந்திரன் , சென்னை

**

கைலையின் ஆசனமாய்
கண்களுக்குள் படிமம்;
கடலலைத் தாக்கா உயர் கரை;
கற்பனைக்குக் காசு தரும் இயந்திரம்;
கடவுளின் அவதாரத்துள் ஒன்று;
காணாமல் போனபின்தான் புத்திக்குத் தெரியும்;
மந்திர உச்சாடனையே அதன் மொழி;
மங்காத அறிவின் தீபச்சுடர்;
மயக்கத்தை விரட்டும் எலுமிச்சை;
அதன் நாற்காலியே நமக்கு பங்காளி;
விதியினில் பிறந்து மதியினால் உணரும்;
ஆனந்த கல்லாலம் அது;
நமது முன்னோட்டத்தின் முகவரி;
நாற்காலியின் அருமை பெரிதெனில்;
நாற்காலியில் அமர்ந்த அந்த
நாயகன் பற்றி புரிக மானுடமே!.....

- முகில் வீர உமேஷ், திருச்சுழி

**

இல்ல நீதிபதி
அமரும் ஆசனமாய்;
எல்லாக் குறைகளையும்
களைந்து மனமேற்றி;
தொல்லை இலாத்
தன் இல்லம் ஒளிர;
தீபமாய் தெரிந்த 
அகல் அமர்ந்த
அரியாசனம் இது;
பிள்ளையை முல்லையாய்
உடலில் படரவிட்டு;
மயிலின் மானங்காக்கும்
பேகனாய் எழுந்த
குடும்ப விளக்கின்
சுடராகும் உன்னத மனிதன்;
பெருமை காணாது 
தன்னுயிர் தந்த தங்கத்தை
ஒளிர விடத் துடிக்கும்
மகோன்னத திரைமறைவு
இயக்குநரின் மறுவடிவத்தின்
இயல்பான இருக்கை 

- சுழிகை ப. வீரக்குமார்

**

சிரமம் பார்காமல்
பள்ளிக்கு சைக்கிளில்
அழைத்துச் சென்ற
அவருக்கொரு  நாற்காலி  ஓய்வு,
அரைக்கால்  டவுசர்  
உடுத்துனக்  காலத்துல
ஊர்    திருவிழாவுல
நீங்க  உழைச்சக்  காசுக்கெல்லாம்
எனக்கு  பலூனும், கிளுகிளுப்பும்
வாங்கி  தந்த  அவருக்கொரு நாற்காலி  ஓய்வு.,
கிராமத்து  மண்பாதையில்
சைக்கிள்  ஓட்டி,ஓட்டி
களைச்சுப்  போனாலும்
வளர்ந்த  எனக்கு 
தார்சாலையில்  போவதற்கு 
மோட்டர் பைக்
வாங்கி தந்த
அவருக்கொரு நாற்காலி  ஓய்வு.,
பல வார்தைகளில்  தீட்டினீர்கள்,
இறுதி வரை – எதற்கு
என்பதே தெரியவில்லை ? நானும்
தந்தை   யாகும்  வரை.,
என் தந்தைக்கோர்  நாற்காலி  ஓய்வு

-கவிஞர். மைக்கேல் மனோஜ், மதுரை.

**

சிறியதாக இருந்தாலும்
சிம்மாசனமாக நினைத்து
தனது நாற்காலியில்
அரசனைப் போல்
அமர்ந்திருப்பார்
எங்கள் அப்பா !
இருக்கின்ற இடத்திலேயே
இருக்கும் நிலையிலே
இதம் தருவதில்
இந்த நாற்காலிக்கு
நிகர் எதுவும இல்லை
என்று கூறிக்கொண்டே
எந்நேரமும் 
அதில் அமர்ந்து
உரையாடிக் கொண்டோ
உறங்கிக் கொண்டோ
இருப்பார் !
அந்தக்காலத்தில்
அப்பாவின் அப்பா தனது
தோட்டத்தில் 
தோகையாய் விரிந்திருந்த
முதிர்ந்த வேப்பமரத்தினால்
முனைந்து செய்த நாற்காலி  என்பதால் அதன்மீது  
அவருக்கு பற்று அதிகம் !
அந்திம காலத்தில்
அவரின் உயிர்
பிரிந்த போது அவருக்கு
பிரியமான நாற்காலியில் தான் அமர்த்தியிருந்தோம் !
பழையது ஆனாலும
பத்திரமாக அப்பாவின்
நாற்காலியை இன்றும்
பொக்கிஷமாய் மூடி வைத்து
காத்து வருகிறாள்
அம்மாவும்  அவரின்
நினைவாக !

- ஜெயா வெங்கட்,   கோவை

**

அறிவுக் கடலாய் என்அப்பா ஆற்றல் அரிமா என்அப்பா !
நெறியே நிழலாய் என்அப்பா நிலவின் ஒளியாய் என்அப்பா !

கடமை அவரின் கண்ணாகும் கல்வி அவரின் சொத்தாகும் !
தடையை தகர்க்கும் இடியாவார் தலைவர் வீட்டில் அவராவார் !

அன்பு மழையைப் பொழிந்திடுவார் அடாது செய்தால் கடிந்திடுவார் !
கன்னல் அமுதம் போலாவார் காலம் பொன்போல் போற்றிடுவார் !

வீட்டுக் காக எந்நாளும் விரும்பி வேலை செய்திடுவார் !
நாட்டுக் கான நற்பணிகள் நனிதே செய்யத் தயங்காதார் !

ஓய்வு நேரம் கிடைத்தாலே உறங்க மாட்டார் சிந்திப்பார் !
ஆய்ந்தே பலவும் எழுதிடுவார் அதனை அம்மா படித்திடுவார் !

எழுத்தில் பேச்சில் அவரைப்போல் எவரும் இல்லை எனப்பலரும்
அழுந்தச் சொல்லி மகிழ்ந்திடுவார் ஆசான் அவரே என்றிடுவார் !

அப்பா போல நான்கூட அன்பாய் என்றும் நடந்திடுவேன் !
அப்பா போல அறிவாக ஆக நானும் படிக்கின்றேன் !

வீட்டுக் காக உழைத்திடுவேன் வேண்டும் யாவும் செய்திடுவேன் !
நாட்டுக் காக உழைத்திடவும் நாளும் சிறிதும் நான்தயங்கேன் !

அப்பா போல பலர்புகழும் ஆற்றல் அனைத்தும் வளர்த்திடுவேன் !
அப்பா வழியே நான்செல்வேன் அறிவால் எதையும் நான்வெல்வேன் !

அப்பா அமர்ந்த நாற்காலி அதிலே நானும் அமர்ந்திடுவேன் !
அப்பா போல பேசிடுவேன் அம்மா அணைப்பார் நான்மகிழ்வேன் !

-து.ஆதிநாராயணமூர்த்தி,பரதராமி (திமிரி)

**

அப்பா இல்லை இப்போது அவர் நாற்காலி 
மட்டும் வீட்டில் !
நடக்க முடியாமல் இருந்தவருக்கு அவர் 
நாற்காலிதான் அலுவலகம் !
வீட்டில் இருந்தபடியே எல்லா வேலையும் 
செய்து முடிப்பார் எல்லோருக்கும் ! 
அது அவர் தனித்துவம் !
எல்லோருக்கும் இரண்டு கால் என்றால் 
அப்பாவுக்கு நாலு கால் !
அப்பாவின் நாற்காலி கேட்கிறது இன்று 
நான் என் கால் இழந்து நிற்கிறேன் 
எங்கே என் சொந்தக்காரர் என்று ? 

- கந்தசாமி நடராஜன் 

**
அப்பாவின் நாற்காலி அப்பாப்போல் நிற்கிறது !
அப்பாவின் ஆசனமாய் அழகாகத் திகழ்கிறது !
அப்பாதன் நாற்காலி அமர்ந்தாலே அழகாகும் !
அப்பாவும் அரசர்போல் அதிலமர்ந்தே சிறப்பிப்பார் !

தப்பேது செய்தாலும் சரியாகச் செய்யென்பார் !
எப்போதும் யாரிடத்தும் இதமாகப் பேசிடுவார் !
ஒப்பேதும் இல்லாமல் உயர்ந்திடவே உரைத்திடுவார் !
சிப்பிக்குள் முத்தேபோல் சிரித்தென்றும் ஒளிர்ந்திடுவார் !

கணக்காகக் கணக்கெல்லாம் கனிவாகச் சொல்லிடுவார் !
பிணக்கின்றி எப்போதும் பேசிமிக மயக்கிடுவார் !
சுணக்கம்தான் இல்லாமல் சுறுசுறுப்பாய் இயங்கிடுவார் !
மணக்கின்ற மலரேபோல் மகிழ்ந்தென்றும் வலம்வருவார் !

இனிக்கின்ற பேச்சேதான் எப்போதும் இனிதென்பார் !
கனிவான பேச்சேதான் காலத்தின் கனியென்பார் !
பனியான துயரெல்லாம் பரிதிவரப் போமென்பார் !
நனிதான செயலேதான் நமையுயர்த்தும் நடப்பென்பார் !

அப்பாவே முதலாசான் அறிவினிலும் பேராசான் !
அப்பாவே ஒப்பில்லா ஆற்றலிலே மிகவல்லார் !
அப்பாவே எப்போதும் அனைவர்க்கும் நிழலாவார் !
அப்பாப்போல் அறிவாளி ஆக்கிடவே துணையாவார் !

நல்லார்க்கும் பொல்லார்க்கும் நல்லதையே அவர்செய்வார் !
எல்லோர்க்கும் நல்லோராய் எப்போதும் அவரிருப்பார் !
வல்லவராய் யாவருமே வணங்கிடவே வலம்வருவார் !
கல்லாதார் கற்றாரும் கண்டுவந்தே வாழ்த்திடுவார் !

அப்பாவின் நாற்காலி அவருக்காய்க் காத்திருக்கும் !
அப்பாவின் நாற்காலி அவரைப்போல் தான்பார்க்கும் !
அப்பாவின் நாற்காலி அவர்வரவே தானேங்கும் !
அப்பாவின் நாற்காலி அவரமர்ந்தால் சிறப்பாகும் !

- ஆர்க்காடு. ஆதவன்

**

அறிவின் பிறப்பிடம் தந்தை
அறிவே  அமரும் நாற்காலி !

தந்தை சொல்லே சரியென்று
தரணி முழுக்க அறியும் ஞானம் !

பெண்ணிற்கு முதல் காவலன்
பெண்ணின் முதல் ஆண் நண்பன்!

தந்தையின்  நினைவு தினமும்
அந்த நாற்காலியை பார்க்கையிலே !

அடித்தாலும் நம் நன்மைக்கே
நாற்காலியின் கால்கள் சொல்லும் !

அன்பின் அறிவாய் உன்னத இறைமை  
அகிலம் கொண்டாடும்  தந்தை உறவு !

- கா. மகேந்திரபிரபு

**

எனக்கு அது வேண்டும் ...எனக்கு இது வேண்டும் 
அப்பாவின் நினைவாக ....பிள்ளைகள் கேட்கின்றார்கள் 
அப்பாவின் ஆஸ்தி ஒவ் வொன்றாக   ...அப்பாவின் 
அஸ்தி கடலில் கரைத்தவுடன் ! 
ஓரு பிள்ளை மட்டும் கேட்டான் அப்பாவின் நாற்காலி 
மட்டும் போதும் தனக்கு என்று ! 
அவனுக்குத் தெரியும் அவன் அப்பாவின் கட்சிப் 
பதவி நாற்காலியின் மதிப்பு என்ன என்று ! 

- கந்தசாமி நடராஜன் 

**

வரும்போதும் போகும் போதும்
ஆடிக் கொண்டிருக்கும்
அந்தச் சாய்வு நாற்காலியை அன்போடு
வருடிக் கடக்கும் கண்கள்...

அதைக் கடக்கும் போது
நான் நினைத்ததுப் போலவே
அதுவும் கூட
நினைத்திருக்கக் கூடும்
அசை போடும் மனம் போல...

தென்காற்றை வாங்கிக் கொண்டு
அமர்ந்திருக்கும் அழகை
ஓரம் நின்று ரசித்துக்கொண்டிருப்பாள்
அம்மா...

தன்னை நினைத்திருக்க
வேண்டிக் கொண்ட அம்மாவுக்கு
அப்பாவை நினைக்க வேண்டியதாயிற்றே
என்று வருந்தி
எங்களுக்காக உயிர்ப்பிடித்துக் கொண்டிருக்கிறாள்
அம்மா...

பேரப்பிள்ளைகளின் அட்டகாசங்களுக்கிடையிலேயும்
எதை நினைத்தோ வழியும் கண்ணீர்
தெரியாமல் சிரிப்பாள்...

அதன் அர்த்தம்
அப்பாவுக்கு மட்டுமே புரிந்திருக்கக் கூடும்
இல்லையென்றால்
தன் பார்வையிலேயே வைத்திருக்கும்
அப்பாவின் சாய்வு நாற்காலி
ஆடிக் கொண்டிருக்குமா...!?

~கா.அமீர்ஜான்

**

அனுபவச் சுவடுகள்
ஆயிரமாய் அப்பாவின்
மனதில்...

அந்தச் சுவடுகளை
அவர் அசைவுகளின் நிழல்கள் கூட
வெளிப்படுத்தியதில்லை
எப்போதும்...

காயங்கள் கசிவுகள் வலிகளென
நிரம்பி எழுப்பும் அலைகளை
விழிகளின் கரைகளிலும்
ஈரம் காட்டாத அப்பா
அதிசயக் குளம்...

புனைவுகளில்லா புன்னகையால் பின்னி நெய்துவிட்ட
அன்பின் சால்வையைப் போர்த்தி
அணைத்துக் கொள்வதில் ஆண் தாய்...

ஓய்வெடுக்க
சாய்வு நாற்காலில் அமர்ந்து
பொழுதுகளின் கண்கள் பார்த்ததாகத் தெரியவில்லை...

அப்பா
கடைசியாக அமர்ந்து
எழாமல் சாய்ந்தது அன்றுதான்...

பின் எழவே இல்லை
அன்றுமுதல் அப்பா சாய்ந்த நாற்காலி
பூசை அறையில்...

நாளும் கிழமையும்
அப்பா படத்தில் கீழிருக்கும் நாற்காலியை ஆட்டிவிட்டு
வணங்கி போவது வழக்கமாகிவிட்டது
நாற்காலியில்
அப்பா அமர்ந்திருப்பதாகக் கருதி...

- அமிர்தம்நிலா, நத்தமேடு

**
கை ஒடிந்த நிலையிலும்
செல் அரித்த நிலையிலும்
மழை வெள்ளம் நாற்காலியின்
காலை முத்தமிட்ட வேளையில்
இரும்புப் பெட்டி பணம்
நீரில் ஓட சிதையாத
மனம் அப்பாவின் நாற்காலி
கடலைத் தொட்டுவிட
ஓட்டப்பந்தயம் நடத்தியதில்
இதயம் ரணமாக
ஆண்டாண்டு காலமாய்
தலைமுறைகள் மாறினாலும்
உறவுகள் பாசத்தின்
பிணைப்புகளாய் உயிரற்ற
நாற்காலியிலும் பிரதிபலித்ததை
கடல்தேவதை கண்டு
அதிசயித்தாளே!

- நிலா

**

அப்பாவின் நாற்காலியில் அமர்ந்து கொண்டே தப்பான தளை தட்டும் வெண்பாவம்
அப்பாதான் சிறு திருத்தம் கொடுப்பார் அதன்பின் தளைதட்டாது களைகட்டும்
அப்பா நற்காலியில் அமர்ந்தபடி  இலக்கியங்கள் சொல்ல நாம்  நுகரும்போது
அப்படியே விளங்கும் தனிச்சிறப்பு எப்போதும் புரியாத அர்த்தமெல்லாம்  புரியும்
அப்பா இல்லாதபோது  அதில்அமர்ந்து யார்சொன்னாலும் குன்றிலிட்ட விளக்காகும்
அண்ணன் , தம்பி , அக்காள், எல்லார்க்கும் இலக்கியம் தெரியும் ஓரளவிற்கு
யாருக்கு எவ்வளவு தெரியும் என்பதைப் பார்க்க நாற்காலி உதவிடும் இது உண்மை
பெயருக்கு சொல்ல வில்லை உண்மை தமிழ் கற்கவருபவருக்கு இது தெரியும்
கம்பராமயணம்,மகாபாரதம்,தற்கால இலக்கியங்ககள்பாரதி, பாவேந்தர், கண்ணதாசன்
ஒவ்வொன்றிலும் நாங்கள் முன்னோடிகள், நற்காலி காலி என்றால் பரிசோதிப்போம்
அப்பாவின் நாற்காலி காலியாகவே இருக்காது, அவரே அலங்கரிப்பார் ஆதரவாளர்
அருகிலுள்ள இருக்கைகளில் அமர்ந்திருப்பார், தமிழ் கற்பார் அரங்கம் நிறைந்திருக்கும்
அப்பா விளக்கமளிப்பார் , அதன்மூலம் எங்களின் வீட்டு அரங்கில் இருக்கை கூடும்
முதிர்ந்தபின் தமிழ்கற்போர் முன்னாணியினர்  ஆகி விடுவார் இலக்கியத்தில்
புலனதில் கவிஞர் சங்கமம், திருவள்ளுவர்குடில்,கம்பன் கலை இலக்கியம் என்று
கவி எழுத கற்றளிகின்றார் , தமிழ் இலக்கணம் கற்றளிக்கின்றார் கண்கூடு
சங்கத்தமிழ் இயக்கம் முறையாக தமிழ்கற்ற முன்னோடிகள் நீலண்ட தமிழன்
முத்தமிழ்அம்மா, குமார் ,,வெண்பா எழுத ஊக்குவிக்கும் வேதநாயகனார்,, சங்கரன் 
அப்பாவின் நாற்காலிபோல்தான் ,புலனங்கள், அத்தனையும் தமிழ் வளர்க்கும் வாழ்க
அவைபோல் எங்கு  தமிழ் வளர்த்தாலும் அவையெல்லாம் அப்பாவின் நாற்காலியே.!
 
- கவிஞர் அரங்ககோவிந்தராஜன், இராஜபாளையம்

 

]]>
Poem https://images.dinamani.com/uploads/user/imagelibrary/2019/12/11/w600X390/fathers-day.png https://www.dinamani.com/specials/kavithaimani/2019/dec/11/அப்பாவின்-நாற்காலி-வாசகர்-கவிதை-2-3303233.html
3297407 ஸ்பெஷல்ஸ் கவிதைமணி மௌனச் சிறை வாசகர் கவிதை 3 கவிதைமணி DIN Wednesday, December 4, 2019 10:49 AM +0530 மௌனச் சிறை

அடை மழை என பொழிய வேண்டிய நேரங்களில் 
கானல் நீரைத் தேர்ந்தெடுக்கிறேன்...

வாயாடி ஓய்கிறேன் கனவு உலகில் 
கவிதை நடையாய்....
நனவு உலகிலோ
உதடுகளை ஊசியால் கோர்த்த சட்ட புத்தகமாய்...

வார்த்தைகளை விழுங்கி விழுங்கி 
கனத்து இருக்கிறது நெஞ்சு ஈரல்...
தொண்டைக் குழியிலிருந்து வெளியேற்ற 
தடுத்து நிறுத்துகிறது நாவு ஈரம்....

மௌனம் சம்மதத்திற்கு மட்டுமல்ல...
இயலாமையின் அறிகுறி முயலாமையின் அறிகுறி 
தயக்கத்தின் அறிகுறி மயக்கத்தின் அறிகுறி 
சினத்தின் அறிகுறி ப(பி)ணத்தின் அறிகுறி 
அடிமையின் அறிகுறி தனிமையின்  அறிகுறி 

எனது மௌனத்தைச் சிறையிலடைக்க வேண்டும்...
கனமான வார்த்தைகள் கொண்டா??
இந்தப் பூட்டுச் சரிதானா???
சரி... கேட்டுச் சொல்லுங்கள்....
நில்லுங்கள்.....
ஆனால் யாரிடம் கேட்க???!!!??
இந்தச் சிறைக்கு வெளியில் 
யாருமே இல்லையே!!!!!!

- இரா.பிரேமலதா  

**

அன்பும் பண்பும் அறமும் திறமும்  
     அனைத்தும் தமிழின் கொடையாகும் !- துயர்
இன்னல் வந்தால் எளிதே அழிக்கும்
     ஏற்றம் தமிழின் மறமாகும் !

முப்பால் போல முனைப்பை நல்கும்
     மொழியே தமிழின் முதலாகும் !- எவர்
எப்பால் என்ற போதும் கூட
     இனிமை தமிழின் வித்தாகும் !

தொல்காப்பியம் போல் சொல்லும் வகையில்
தோன்ற வில்லை நூலேதும் !- மொழி
வெல்லம் போலும் வெள்ளம் போலும்
     விளங்கும் தமிழ்தன் விழியாகும் !

அகமும் புறமும் அடுக்கடுக்காய்
     அந்நாள் வாழ்ந்தார் கதைகூறும் !- நம்
அகமும் முகமும் போல விளங்கி
     ஆழ்ந்த தமிழின் முடிசூடும் !

சிறப்பு மிக்க சிறப்பே சேர்க்கும்
     தேனின் அமுத மொழியாகும் !- நம்
பிறப்பும் இறப்பும் தமிழுக் கென்றே
     பேணி வாழ வழிகோலும் !

அன்றும் இன்றும் என்றும் தமிழே
     ஆளும் உயிரும் உடலாகும் !- எந்த
இன்னல் எனினும் இடியாய் தாங்கும்
     இனிய தமிழே உறவாகும் !

தமிழின் சிறையே வாழ வைக்கும்
     தனித்த பாது காப்பாகும் !- மவுனம்
தமிழே கலைக்கும் தலைமை கொடுக்கும்
     தன்னே ரில்லாத் தரவாகும் !

-தேன்மொழிவாணன்,ஆர்க்காடு


**

விரிந்த வெளிக்கு
வெறுமையை காவல் காக்க வைத்தது
ஏகம்...

சிம்மாசனமற்ற
பிரம்மத்தனத்தால் வியாபித்து வைத்து
புலப்படாமல் குழம்ப
வேடிக்கைப் பார்க்கிறது பிரமாண்டத்தின்
புதிர்...

குழந்தையைப் போல்
சூரிய சந்திர நட்சத்திரங்களோடு
விளையாடிக் கொண்டிருக்கிறது
சூட்சுமம்...

நீரையும் காற்றையும்
நிலத்தில் ஊடுறுவ வைத்து
இடிமின்னல்களை அண்ணாந்து பார்க்கவிட்டு

ரசிக்கிறதாக இருக்கிற பிரபஞ்சத்தில்
உயிரினங்களையும் நடமாடவிட்டு
அலகிலாமல் ஆடுவதால்

நிகழும்
லாபமென்ன என்பதில்
நிகழ்த்தாமலிருந்தால் நட்டமென்ன?!
யாருக்கும் எதற்கும்...

எனக் கேட்டு
விடை தெரியா குழப்பத்தில்
தனக்குத்தானே
சிறையிட்டுக் கொண்டது
மவுனம்...!?

- கா.அமீர்ஜான்/திருநின்றவுர்

**

அரும்பு மவுன சிறையாலே அழகு மலராய் விரிகிறது !
விரும்பா மவுன சிறையாலே வெற்றி பலவும் விளைகிறது !
நெருப்பு மவுன சிறையாலே நெற்றி நீறாய்ச் சிரிக்கிறது !
பருப்பு மவுன சிறையாலே பருப்பும் குழம்பாய் மணக்கிறது !

சிப்பிக் குள்ளே சிறையாகி தேர்ந்த மவுனம் காத்ததனால்
ஒப்பில் உயர்ந்த முத்தாகி உலகம் காண விழிக்கிறது !
எப்போ திருந்தோ மண்ணுக்குள் ஏற்ற மவுன சிறையினிலே
ஒப்பி இருந்த காரணத்தால் உயர்ந்த வைரம் கிடைக்கிறது !

மண்ணாம் சிறையில் மவுனமுடன்
மணியாம் வித்து கிடக்கிறது !
விண்ணாம் சிறையில் விடுபட்டே வீழ்ந்து மழைமண் நனைக்கிறது !
கண்ணைத் திறந்து வித்ததுவும் கட்டி மண்ணைப் பிளக்கிறது
எண்ணம் இழந்து சிறையினிலே இருந்த மவுனம் கலைகிறது !

மவுனச் சிறையை உடைத்தெறிந்தால் மண்ணில் துயரம் மடிகிறது !
மவுனச் சிறையை உடைத்தெறிந்தால் மகிழ்ச்சி எங்கும் படர்கிறது !
மவுனச் சிறையை உடைத்தெரிந்தால் மழையாய் மகிழ்ச்சி பாய்கிறது !
மவுனச் சிறையை உடைத்தெரிந்தால் மலராய் மணமே கமழ்கிறது !

மவுனச் சிறையே அன்பகத்தை மகிழ்ச்சி பூக்க வைக்கிறது !
மவுனச் சிறையே இல்லத்தில் மாட்சி சேர வைக்கிறது !
மவுனச் சிறையே சிலநேரம் மனத்தை வாட்டி வதைக்கிறது !
மவுனச் சிறையே மகிழ்வதனை மலர்காய் கனியாய் இனிக்கிறது !

-து.ஆதிநாராயணமூர்த்தி, பரதராமி (திமிரி).

**

உன்னைக் கண்டபின்பு நானும்
...உலகம்மறந்து கிடந்தேன்உன் அழகுசிறைக்குள்
மண்ணில் வாழும் காலம்வரை
...மலராய்பூத்துக் கிடந்தேன்உன் அன்புசிறைக்குள்
இமைகள் இரண்டுக்கும் இடையில்
...இருவிழியால் அடைத்தாய் உன்விழிசிறைக்குள்
சுமைகள் எல்லாம் மறந்து
...சுதந்திரமாய்வாழ வைத்தாய்உன் இதயசிறைக்குள்
கனவுகளை கற்பனையாய்ச் சுமந்து
...கவிதையாய் பிறந்தேன்உன் காகிதசிறைக்குள்
வானவில்லாய் நானும் இங்கு
...வளைந்து போனேன்உன் வண்ணசிறைக்குள்
பசுமையான இனிய நினைவுகளோடு
...பறவையாய்த் திரிந்தேன்உன் காதல்சிறைக்குள்
பேசாத நிலவாய்கண்ணீர்த் துளிகளோடு
...பிரிவால் துடித்தேன்உன் “மௌனசிறை”க்குள்

- கவிஞர் நா. நடராஜ், கோயமுத்தூர்

**

ஒலியின் மொழி மனிதம்
மெளனத்தின் மொழி இறைமை,
ஓர் நீண்ட வழிப் பயணத்தின்
நெடிய இரவை - தன் கூரிய பற்களால் கடித்து 
விழுங்கும் மெளனம், நிசப்தமாய் காணாமல் போகிறது.
செய்தவற்றை அசை பார்க்கும் முன்பே முடிந்து விடுகிறது
முழுமையாய்,
நானும், மெளனமும் எதிர் எதிரே!
 நிசப்தத்தை கலைத்தது என் செருமல்,
கேட்டாயா ஏதேனும்?" என்றேன் நான்.
"எப்போதும் என்னோடுதானா நீ?- என்றது  மெளனம்.
"விரும்புகிறேன் அதனை" - என்றேன் நான்.
"இல்லை என்பதை இப்படியும் சொல்லலாமா?" 
"ஒன்றைப் பிரதிபலிக்கும் விழைவிலும், 
ஒப்பீடு செய்யும் தருணத்திலும் உனை இழக்கிறேன்"
 நகைத்துக் கரைந்தது மெளனம்.
ஒப்பீடும், பிரதிபலிப்பும் இல்லா நிலை வேண்டி,
என்றென்றும் அமைதி என்னுடன் இருக்க வேண்டி,
ஆசைப்படுவதிலேயே
கழிகிறது காலம் - மெளன சிறையில்

- செந்தில்குமார் சுப்பிரமணியன்

**

பத்து மாதம் பத்துமா நான் - நீ
சேத்து வச்ச சொத்தம்மா,
ஒன்றாய் இரண்டாய் பலவாய்
இன்று உருவாகி நின்ற உடலின்
உருவாக்கம் உந்தன் கருவறை,
அருவமாய் 
ஆரம்பித்து இறைமையுடன்,
எனை
ஈன்று - உருவாக்கி உடல் தந்து
ஊட்டி நிதம் எனை வளர்த்து
என்னை இங்கு பாராட்டி
ஏற்றம் புரிந்திட்ட
ஐயிரண்டு மாத மெளன 
ஒளி கடந்த வெளியூடே
ஓங்கார ஒலியூடே-
அவ்விய அகந்தையற்ற
அச்சிறையே தாயின் 
மௌன சிறை,
நிம்மதியும் அத்தோடு போச்சு.

- கவிதாவாணி மைசூர்

**

அவளுக்கோ வயது 26
மணமாகவில்லை காரணம் காதல்
படிப்பு இரட்டை பட்டம்
படித்த படிப்புக்கு வேலை தேடி
முன்னே சென்றால் முட்டல்
பின்னே தங்கை துரத்தல்
ஒரு பக்கம் தந்தைக்கு வேலையில்லை
மறுபக்கம் காதலன் கைபிடிக்கவில்லை
தண்ட சோறு என தந்தை திட்ட
காசில்லை என தாய் கண் கசக்க
சோம்பேறி என உரவுகள் உரச
திமிர் பிடித்தவள் என நட்புகள் நகைக்க
இருள் பகல் என அறியா இருள் சிறையில்
காதலன் கைப்பிடிக்க காத்திருக்கிறாள்
மெளன சிறையில்.

-ரகுநந்தன்(சசகு)

**

உதடுகள் உரசாமல்,
பிரச்சினைப் பொழுதில்
உன் வார்த்தைகளைச்
சிறை இட்டால்,
முரண்பாடென்ற தண்டனையில்லையே!

நீ அள்ளித் தெளிக்காமல்,
அளவாய் வடிக்கும்
அன்பு வார்த்தைகளாலே,
இவன்..பிறர் மனம் வருத்தாத
மௌன சிறை பூண்டவன் என்றாவாயே!

வார்த்தைகளை உனக்குள்ளே,
சிறையிட்டு பூட்டிவைத்து,
கேளா மொழிக்கு..
நீ செதுக்கிய மௌனச்சிலையும்
ஓர் சிறந்த ஒலித்தானே!

-கவி.சி.காவியா, புதுக்கோட்டை

**

இல்லற ராஜ்யத்தில் எப்போதும் மெளனம் ஒரு ஆயுதம்
கருத்து மாறு  தானாக  சரியாகும் வரை அது நீடிக்கும்
நாட்டில்கூடசில பிரச்சினைகள் வரும்போது தலைவர்கள்
காட்டும் எதிர்ப்பு மெளனம் மொழிதான் அறிவோம் நாம்
மெளனம் சிறை போன்றதுதான் மகிழ்ச்சி கிடைக்காது
மெளன ராகம், மெளன கீதம் பெயர்களாய் வந்துள்ளன
பேசாமல்இருப்பது மிகக்கடினம் உண்ணாமல்இருக்காலம்
மெளனம் ஒருவகைப்போராட்டம் உண்ணாவிரதம் போல்
மெளனமாக  இருந்தால் மனதுக்கு கடினம், மெளனம்
தனக்குத்தான் போட்டுக்க்கொள்ளும் ஒரு சிறைதான்
மெளனம் புரட்சியாளார்களால்  தவ நிலையில் கூட
கடவுளின் கவனத்தைக் கவர முடியாது உண்மை
அற்புத மனிதர்கள் கடைப்பிடிக்கும் மெளன தவத்தால்
சாதாரணமாக பயனேதுமின்றி கடவுளை  காண்பார்கள்
மெளனம் சிறையில் தன்னைத் தானே பூட்டிக்கொள்ளும்
கவனம் கவர்ந்து கடவுளைக் காணும் ஒரு வழி தான்!           

 - கவிஞர் அரங்க.கோவிந்தராஜன், இராஜபாளையம்

**

மௌனசிறையில் நான் இருந்தேன்
என்மடியில் அவளும் தானிருந்தாள்!
பிறையை  மிஞ்சும்  அவள்நெற்றி 
புரளும் அலையென அவள்கூந்தல்
துள்ளும்  மீனென  அவள்கண்கள்
தூத்துக்குடி முத்தென வெண்பற்கள்
சேலத்து   மாம்பழ    வழவழப்பு
சிவந்த அவளின் கன்னங்களில்
ஊட்டியின் ரோஜா இதழ்போல
உதடுகள் இரண்டும் மெலிதாக!
கண்கள் விரியப் பார்த்திருந்தேன்
கடின மௌனத்தில் ஆழ்ந்திருந்தேன்!

சுதந்திரக்  காற்றை   நாம்நுகர
நூறு  ஆயிரம்  முன்னோர்கள்
கொடிய சிறையில் அடைந்திட்டார்
கொடுமைகள் பலதையும் பட்டிட்டார்!
மௌன  சிறையில்  வாடிட்டார்
மகிழச்சியை அவரும் தொலைத்திட்ட்டார்!
ஆனால்    அந்த     நாடின்று
அசுத்தக் காற்றால் மாசுபட்டு
வாழும் மக்களைப் பயமுறுத்தி
வழி தெரியாமல் துயருற்று
மௌனமாய் மனதுள் அழுதபடி
மௌன சிறையில் அடங்கிற்றே!

-ரெ.ஆத்மநாதன், அமெரிக்கா

**
குடும்பமாய் ஒரு கூட்டம்,
சிற்றுண்டி முடித்தது!
“பெண்ணைபிடித்தது” என்று அவர்கள் சொல்ல
இரண்டு நாள் பிடித்தது !!
கல்யாணப்பட்டில்
வெள்ளிச்சரிகையா? வெள்ளைச்சரிகையா?
அல்வாவில் கூட அரைத்தித்திப்பா?
பெண்ணின் காதிற்குள் புகுந்த குண்டூசிகள் !!
புதிய இல்லத்தில் புகுந்தவள்
கருப்புச்சொற்களை கரைத்து,
கருங்கற்களை கற்கண்டு ஆக்கியவள் !! 
குடும்பமும் உண்டு,
குழந்தையும் உண்டு,
குதூகலம் குற்றால அருவியாய்
பாசமென்ற மூலிகையுடன் கொட்டியது!!
இவள் விட்டுக்கொடுப்பதை
தொட்டுகொள்ளவில்லை – விழுங்கினாள் !!
சூழ்நிலைகளை சுகமாக்கினாலும்,
இன்றும் இவள் மௌனச்சிறையில்
அந்த கல்லூரிக்காதலன் ---

- கவிஞர்.  டாக்டர் எஸ். பார்த்தசாரதி -- MD DNB PhD
பேராசிரியர்,  மகாத்மா காந்தி மருத்துவக்கல்லூரி, புதுச்சேரி  

**

மௌனம் சிறைதான் என்றாலும் பல வினாக்களுக்கு விடை கொடுக்கும்
பேசிமுடியாத பிரச்சினைகள் கூட பேசாமல் சாதிக்கமுடியும் மௌனத்தால்
மௌன சிறையில்  சவமாக தவமிருந்தாலும் கடவுளை காண்பதில்லை
மௌனம் இருந்தால் மோகமற்று மோனமாயிருந்தால் கிட்டுமென்பார்
தேடப்படுபவனாக இருக்கும் அவனை தரிசிக்க மௌனம் ஒரு வழிதான்
தேடப்படுபவன் கிடைத்து விட்டால் அவனும் சாதாரணன் ஆகிவிடுவான்
ஞானிகள் மட்டுமே காண்பார் நமது ஊனக்கண்ணுக்கு காணக்கிடையார்
ஞானிகள் கையாண்ட வழிகளில் ஒன்றுதன் மௌனம் சிறை அறிவோம்
இமயம் போனாலும் கருவரையில்,சர்ச்சில், தொழுகையிடத்தில் காண
எவர் முயன்றிடும் கண்டேன் சொல்லலாமே ஆனால் காணமுடியாது
அமைதியாய் இருந்து ஓரிடத்தில் யோகம் செய்து ஆன்மாவுடன் பேசலாம்
அதில் லயித்து சுகித்து இருக்கும் நிலை கைவல்யம் என்கின்றார். ஆனால்
ஆழ்வார்கள் இதனை விரும்பியதில்லை ஆண்டனின் திருவடியடைய
ஆயிரங்கள் பாடி அன்பாய் அழைக்கின்றார்கள் திவ்யபிரபந்தமாக
ஆனால் உறுதியாக நம்பலாம் மௌனம் மனநோயை போக்கவல்லது
அமைதியான  வாழ்வினிலே மோனத்து இருந்து அடையலாம் நிம்மதி!

- கவிஞர் சூடாமணி .ஜி 638290809    இராஜபாளையம்     

**

]]>
kavithaimani https://images.dinamani.com/uploads/user/imagelibrary/2019/12/4/w600X390/be-silent.jpg https://www.dinamani.com/specials/kavithaimani/2019/dec/04/poem-titled-silence-for-kavithaimani-3297407.html
3296556 ஸ்பெஷல்ஸ் கவிதைமணி மௌனச் சிறை வாசகர் கவிதை 2 கவிதைமணி DIN Wednesday, December 4, 2019 10:31 AM +0530 மௌனச் சிறை

என்னவளே -
காற்றும் புகாது - ஔியும் படாது
காரிருள் சூழ்ந்த இருட்டு சிறையினிலே
கதியற்று கிடக்கும் சிறைகைதி நிலையைவிட
கொடுமையானது நீ தரும் மௌனசிறையானது!

நான் புழலில் அடைக்கப்பட்ட கைதியல்ல
உன்மௌனப் புயலில் அடைக்கப்பட்ட கைதி
உனது மௌனசிறையால் - நீ எனக்களித்த
உன்னதபரிசு - மறவாத உனது நினைவுகள்!!!

உனது மௌனசிறையால் - எந்நிலையிலும் எனக்குள்
உன்னுடைய ஆட்சியே தொடர்ந்திருக்கின்றது - அது
ஒருபோதும் ஆட்சி கவிழ்ப்பிலும் ஈடுபடாது - அது
ஒருபோதும் ஆட்சி மாற்றத்திலும் ஈடுபடாது!!!

உன் மௌனசிறை - பேச்சுரிமைக்கு எதிரானது;
உன்நலனுக்காக நானே பேசினாலும் - நீ
என்மீது காதல்- தேசதுரோக வழக்கைப்பதிவிட்டு-
எனக்கு காதல்தேசத்தின் அரசியலை கற்பிக்கின்றாய்!

எனது கருணை மனுக்களையும் படிக்காமலே
என் கண்முன்னே கருணையின்றி குப்பையிலிடுகிறாய்
அவை பெருங்குடியில் மக்கும் குப்பையாகவும்
என்மனவெளியில் மக்காத குப்பையாகவும் உள்ளன!!!

மௌனசிறை என்கிற உன்னுடைய போதிமரத்தடியில்
எனக்கு ஞானம் கிடைக்காவிட்டாலும் பராவயில்லை
எனக்கு குறைந்தபட்சம் நிழலையாவது கொடு-
நான் வாழ்வதற்கல்ல- நாம் வாழ்வதற்கு!!!

- கவிஞர். நளினி விநாயகமூர்த்தி சென்னை

**
அழுகுரல் கேட்டத் தாய் அன்று - உன் பொன் குரலாேசை கேட்க ஏங்கி நின்றேன்!!
விதி வசம் சிக்கிய நீ அன்று
என் வசமாக உன்னை மாற்றிக் கொண்டேன்!!
நெடு நாள் கழிந்த பின்பு, நான் "அம்மா" எனும் ஒலி கேட்க  வரம் பெற்றேன்!!
பலநாள் நானிருந்தேன்
உன் மௌன சிறைக்குள்!!
உன் அன்பான குரலைக் கேட்டு
நான்  மீண்டும் பிறந்தேன் எனக்குள்ளே!!
உலகிலே எவ்ஊனமும் வேண்டாம் இன்றிலிருந்து அனைவருக்கும்.
நிம்மதியாக வாழ வழி சொல் இறைவா என் மக்களுக்கு!
உன் அன்பான குரலிலே
"அம்மா" எனச் சொன்னாலே
பிறவி பயன் அடைந்தேன் இன்று நான்
மகனே!! விவரம் தெரிந்த பிறகு பேசாமல் இருக்காதே!!
ஏனெனில்  உன் குழந்தைப்பருவத்தில்  மெளன சிறையில் இருந்தேன்
வேண்டாம் இந்த "மௌன சிறை"

- மு.செந்தில்குமார், ஓமன்

**

பொன்னின் நிறமே பூவின் மனமே
    பொழியும் மோக மழையே!
தென்றல் உறவே தெவிட்டா அழகே
    தெள்ளு தமிழின் சுவையே!
என்னைக் காதல் சிறையில் அடைத்து
    இன்பக் கவிதை கொடுத்தாய்
உன்னை மௌனச் சிறையில் அடைத்து
    உண்மை ஏனோ மறைத்தாய்?

- கோ.வேல்பாண்டியன், இராணிப்பேட்டை

**
நாகாக்க வேண்டுமென வள்ளுவமும் 
நாவடக்கம் தேவையென  விவிலியமும்   
சொல்லுவதை கேட்போம் ; பொல்லா  ,
சொல்லை மௌன சிறையில் இடுக ।

பொய்யுரைத்து புகழ்பெறும் காலத்தில்
மெய்யுரைக்க துணிவின்றி நிற்கின்றோம் !
பொய் சேர்ப்பர் பேசுகையில்  சுவைக்காக;
பொருள் சேர்க்க எவ்வழியும் செல்வோர்கள் ! 

பெட்டகத்தில் நகைகளை வைப்பதுபோல்
நெஞ்சில் பட்டதையே பூட்டிவைப்பர்-எதற்கும்
பொருத்தமில்லா நபரை   நீள கைகூப்பி
பெருத்த  விழா எடுப்பர்: பலன்  பெறுவார் !

தனிநபர் பெரிதல்ல ; தத்துவமே பெரிது ;
உத்தமரே  வந்தாலும் உதவும் இயக்கமின்றி
ஒன்றும் முடியாதென   உணரா  நபருக்கு
உரைப்பதை மௌன சிறையில் இடுக !

அறிவுரைஎன்றாலும் ஆலோசனை என்றாலும்,
ஆசிர்வாதமோ ,  அரிய மந்திரமோ யானாலும்,  
அதை பெறுபவர் விரும்பாவரை  பேசாமல் 
அப்பொருளை  மௌன  சிறையில் இடுக  !

அகவை எழுபதை தாண்டிய முதியவாரா;
தகுதிஇருந்தாலும் தளர்ந்து போனவரா;
நலியவரா ; வறியவரா  எனில் எதையும்
நவில்வதை மௌன  சிறையில் இடுக 

- முத்து இராசேந்திரன் , சென்னை

**

உலவும் நிலவும் மவுனம் காத்தால் உலகம் எங்கும் இருளாகும் !
இலங்கும் இருளின் மவுனம் கலைந்தால் எழுவான் கதிரால் பகலாகும் !

ஆணும் பெண்ணும் காணும் போதில் அமைதி பார்வை மொழிபேசும் !
ஆணும்பெண்ணும் கலந்த மவுனம் அழகு மழலை வரவாகும் !

மவுனம் பலரின் வாழ்வை உயர்த்தும் மாட்சி வரவு வழியாகும் !
மவுனம் பலரின் வாழ்வை வீழ்த்தும் மனத்தை வாட்டும் துயர்கூட்டும் !

முகிலாம் சிறையை விலக்கி விட்டால் முழுவெண் நிலவு முகங்காட்டும் !
அகிலை அடைத்தே வைத்தால் கூட அகத்தைக் கவ்வும் மணம்வீசும் !

கருத்த முகிலின் மவுனம் கலைந்தால் காணும் மழையும் காட்டாறாம் !
நெருப்பாம் வெய்யில் மவுனம் காத்தால் நிலத்தில் எங்கும் நிழல்நிலவாம் !

உருகும் பொன்னும் நெருப்பால் மின்னும் உவக்கும் அணிகள் பற்பலவாம் !
உருகும் மெழுகாய் நாட்டுக் குழைத்தோர் உலகில் என்றும் வாழுயிராம் !

அண்ணல் காந்தி மவுனப் போர்தான் அடிமைச் சிறையை உடைத்ததுவாம் !
மண்ணெல் லாமும் இன்றும் போற்றும் மாண்பார் இந்திய விடுதலையாம் !

- ஆர்க்காடு ஆதவன்

**

தாயின் வயிற்றுச் சிறையினிலே
     தானே வளர்ந்த குழந்தையது
தாயின் தமிழள் மடியினிலே
     தன்னேர் இன்றித் தவழ்கிறது !
தாயின் மொழியைத் தான்கற்றே
     தனித்த தமிழை மொழிகிறது !
வாயில் தமிழே வான்மழையாய்
     வாஞ்சை யோடே பெய்கிறது !

உரமும் மறமும் தனித்தமிழால்
     உயிராய் உடலாய் வளர்கிறது !
அரம்போல் அறிவும் கூராகி
     அழிவை அழித்தே எழுகிறது !
மரத்தில் ஆலாய் அரசாகி
     மண்ணில் நிலைத்தே நிற்கிறது !
பரந்த உலகில் பைந்தமிழே
     பற்றிப் படர்ந்து செழிக்கிறது !

சிறையும் கூட சிலநேரம்
     சிந்தை வளர வைக்கிறது !
அறையும் கூட சிலநேரம்
     அறிவை மிளிர வைக்கிறது !
பறையும் கூட முன்னோரின்
     பண்டைக் கலையை வளர்க்கிறது !
கறையும் கூட சிலநேரம்
     கற்புக் கனலாய் தெரிக்கிறது !

காற்றும் சூரைக் காற்றாகும்
     கனலும் கூட ஊரழிக்கும் !
நாற்றே விளையும் பயிராகும்
     நஞ்சும் கூட உயிர்காக்கும் !
சேற்றில் செந்தா மரைபூக்கும்
     தேன்தான் பலவாம் நோய்நீக்கும் !
கூற்றாம் சிறையும் பலர்வாழ்வை
     குமுகம் போற்ற வாழ்விக்கும் !

-சோழமாமல்லன்,இராணிப்பேட்டை மாவட்டம்

**

நாகாக்க வேண்டுமென வள்ளுவமும் 
நாவடக்கம் தேவையென  விவிலியமும்   
சொல்லுவதை கேட்போம் ; பொல்லா  ,
சொல்லை மௌன சிறையில் இடுக ।
பொய்யுரைத்து புகழ்பெறும் காலத்தில்
மெய்யுரைக்க துணிவின்றி நிற்கின்றோம் !
பொய் சேர்ப்பர் பேசுகையில்  சுவைக்காக;
பொருள் சேர்க்க எவ்வழியும் செல்வோர்கள் ! 
பெட்டகத்தில் நகைகளை வைப்பதுபோல்
நெஞ்சில் பட்டதையே பூட்டிவைப்பர்-எதற்கும்
பொருத்தமில்லா நபரை   நீள கைகூப்பி
பெருத்த  விழா எடுப்பர்: பலன்  பெறுவார் !
தனிநபர் பெரிதல்ல ; தத்துவமே பெரிது ;
உத்தமரே  வந்தாலும் உதவும் இயக்கமின்றி
ஒன்றும் முடியாதென   உணரா  நபருக்கு
உரைப்பதை மௌன சிறையில் இடுக !
அறிவுரைஎன்றாலும் ஆலோசனை என்றாலும்,
ஆசிர்வாதமோ ,  அரிய மந்திரமோ யானாலும்,  
அதை பெறுபவர் விரும்பாவரை  பேசாமல் 
அப்பொருளை     மவுன சிறையில் இடுக  !
அகவை எழுபதை தாண்டிய முதியவாரா;
தகுதிஇருந்தாலும் தளர்ந்து போனவரா;
நலியவரா ; வறியவரா  எனில் எதையும்
நவில்வதை மவுன சிறையில் இடுக !

- முத்து இராசேந்திரன், சென்னை

**

மவுனத்தைச் சிறைப்பிடித்து
காவலுக்கிருந்தன
சுற்றியிருந்த வார்த்தைகள்...

மனதுக்குள்
குமுறும் போது உச்சரித்துக் கொண்டிருந்தது புறத்தில்
நம்பிக்கை...

ஆதாரங்களை
வீசி எறிந்து விட்டு தீயைக்காட்டின
பார்வைகள்...

சுவரற்ற வெளிக்கு
வெறுமையைப் போர்த்திவிட்டு
இதுதான் குடியிருந்த வயிறென்று
உரிமைக் கொண்டாடியது
ஈன்று புறந்தந்த கருவறையை இடித்த
கடப்பாறை மனங்கள்...

மனதில்
புலனாய்வற்ற நம்பிக்கையின்
அரூப எண்ணங்களுக்கு
இடங்கொடுத்து
அழகு பார்த்தது சிம்மாசனம்...

ஆதாரங்களோடு
வீதி வீதியாகச் சுற்றிவந்தும் பாராமல்
செவிகளற்றவர்களாகி இருந்ததில்
இன்னோர் குருதி யாத்திரைக்கு அஞ்சிய
சட்டங்களுக்கு முன்
தனக்குத் தானே
சிறையிட்டு இருந்து கொண்டன
அமைதி விரும்பும் மனங்கள்...

வழக்கத்தை மாற்றிக்கொள்ளாமல்
எல்லாவற்றையும் பொறுத்துக் கொண்டு
மவுனத்திற்குள் இருந்து கொண்டாலும்
பார்த்தபடியே இருந்தனர்
எல்லா கடவுள்களும்...
 
- அமிர்தம்நிலா/நத்தமேடு

**

உன் கண்கள் பேசிய வார்த்தைகளில்
நான் மௌனமானேன்!
உன் இதழோர சிரிப்பில்,
ஆயுள் கைதியானேன் 
மௌன சிறையில் நானே!
இன்று மொழி உணர்த்தாததையும்    
உணர்த்தியது உன் மௌனம்!
என்றும் மௌனமே  
நம் காதல் மொழி என ஆனது!
உன் மௌனம் கலைத்து
பேசு கண்ணே,
நம் மௌனம் கலைக்க,
இல்லையேல் நான்  பேச மறந்துபோவேன்!!.

- ப்ரியா ஸ்ரீதர்  

**

மௌனம் சிறைதான் என்றாலும் பல வினாக்களுக்கு விடை கொடுக்கும்
பேசிமுடியாத பிரச்சினைகள் கூட பேசாமல் சாதிக்கமுடியும் மௌனத்தால்
மௌன சிறையில்  சவமாக தவமிருந்தாலும் கடவுளை காண்பதில்லை
மௌனம் இருந்தால் மோகமற்று மோனமாயிருந்தால் கிட்டுமென்பார்
தேடப்படுபவனாக இருக்கும் அவனை தரிசிக்க மௌனம் ஒரு வழிதான்
தேடப்படுபவன் கிடைத்து விட்டால் அவனும் சாதாரணன் ஆகிவிடுவான்
ஞானிகள் மட்டுமே காண்பார் நமது ஊனக்கண்ணுக்கு காணக்கிடையார்
ஞானிகள் கையாண்ட வழிகளில் ஒன்றுதன் மௌனம் சிறை அறிவோம்
இமயம் போனாலும் கருவரையில்,சர்ச்சில், தொழுகையிடத்தில் காண
எவர் முயன்றிடும் கண்டேன் சொல்லலாமே ஆனால் காணமுடியாது
அமைதியாய் இருந்து ஓரிடத்தில் யோகம் செய்து ஆன்மாவுடன் பேசலாம்
அதில் லயித்து சுகித்து இருக்கும் நிலை கைவல்யம் என்கின்றார். ஆனால்
ஆழ்வார்கள் இதனை விரும்பியதில்லை ஆண்டனின் திருவடியடைய
ஆயிரங்கள் பாடி அன்பாய் அழைக்கின்றார்கள் திவ்யபிரபந்தமாக
ஆனால் உறுதியாக நம்பலாம் மௌனம் மனநோயை போக்கவல்லது
அமைதியான  வாழ்வினிலே மோனத்து இருந்து அடையலாம் நிம்மதி!

- கவிஞர் சூடாமணி .ஜி 638290809    இராஜபாளையம்     

**

]]>
Poem https://images.dinamani.com/uploads/user/imagelibrary/2019/12/3/w600X390/place-of-silence-416x290-cm-premium-non-woven-130gsm-i64523.jpg https://www.dinamani.com/specials/kavithaimani/2019/dec/04/poem-kavithaimani-dinamani-3296556.html
3296552 ஸ்பெஷல்ஸ் கவிதைமணி மெளன சிறை வாசகர் கவிதை பகுதி 1 கவிதைமணி DIN Wednesday, December 4, 2019 10:00 AM +0530 மௌன சிறை

எழுசீர்க் கழிநெடிலடி விருத்தம்

அன்புச் சிறையில் அடைக்கும் நம்மை
……….அமிழ்தத் தமிழின் வார்த்தைகளே..!
துன்பச் சிறையில் துளிரும் சொல்லாய்த்
……….துயரம் போக்கும் ஆறுதலே..!
மின்னல் போலே மனத்துள் உதிக்கும்
……….மெளனச் சிறையில் எண்ணமுமே..!
என்பும் தோலும் இருக்கும் வரையில்
……….எல்லாம் நமக்குத் தமிழ்த்தாயே..!
.
துள்ளும் உள்ளம் துவளா இன்பம்
……….தொய்வே இன்றி அலைததும்ப..!
பள்ளம் மேடும் பாய்ந்தே ஓடும்
……….பசுமைத் தமிழின் மூதுரையே..!
உள்ளும் புறமும் உலுக்கும் எண்ணம்
……….உதிர்க்கும் சொற்கள் அளவிலையே..!
மெள்ள மெள்ள மெளனச் சிறையில்
……….மொழியின் எழுச்சி அற்புதமே..!
.
செலவும் இல்லை சோம்பல் இல்லை
……….சுலபத் தமிழைக் கற்பதற்கே..!
விலக்கும் இல்லை வினையும் இல்லை
……….விளைவும் பயிராய்த் தமிழதுவே..!
வலமும் இல்லை இடமும் இல்லை
……….வளரும் அறிவின் எல்லையதே..!
மலரும் காதல் மங்காத் தமிழ்மேல்
……….மெளனச் சிறையில் விடுதலையாம்..!

 - கவிஞர் பெருவை பார்த்தசாரதி

**

எல்லோரும் பேசிக் கொண்டிருக்கிறார்கள்
எல்லோரும் கத்திக் கொண்டிருக்கிறார்கள்
எல்லோரும் சத்தத்தோடு சமர்செய்கிறார்கள்
வார்த்தைகள் பைத்தியக்காரனின் மூக்குச்சளியாய்
ஒழுகிக் கொண்டிருக்கின்றன
வன்மத்தின் ஆத்திரமாய்ச் சொற்கள்
மூத்திரமாய்ப் பெருக்கெடுத்து ஓடுகின்றன
அவனவன் மொழித்துப்பாக்கியை நாவில்
செருகிக்கொண்டுதான் வெளியே கிளம்புகிறான்
குறுக்கே சாத்தானைப் போல் ஓடிமறையும்
ஆட்டோக்காரனுக்கு ஒரு குண்டு
குண்டும்குழியுமான சாலையில் இருசக்கர வண்டி
பல்டி அடித்தால் அரசுக்கொரு குண்டு
போனில் கடன்வேண்டுமா என்று கேட்கும்
குரலுக்கொரு குண்டு
வட்டி தராதவனுக்கு ஒரு குண்டு
அம்மாவை மையம் வைத்துத் திட்டியவனுக்கு
ஒரு குண்டு

அரசுக்கட்டிலில் துயில்பவர்களுக்கு ஒரு குண்டு
சிம்மாசனம் நோக்கி ஓடுபவர்கள் ஒருவர்மீது
ஒருவர் வீசும் குண்டு
பூமி புடைநாற்றம் அடிக்கிறது
சப்தக்காடு சுடுகாடு கூச்சல்நாடு
தத்துவம் எல்லாம் கல்லறையில்
சத்தியம் எப்போதும் மெளனசிறையில்

- கவிஞர் மஹாரதி

**

ஏனிந்த அடர் மௌனம்
என் அன்பே?
வார்த்தைகளைத் 
தொலைத்து விட்டாயா? 
இதயத்துள்
புதைத்து விட்டாயா? இல்லை
வரத்துடிக்கும் அவற்றை
வைராக்கியத்துடன்
சிறைபிடித்து வைத்திருக்கிறாயா?

எதுவாயினும்  என்னவளே!
கோடரியாய் என் 
இதயம் பிளக்கும்,
கனத்த உன் மௌனத்தைக்
கலைத்து விடு...!
என்னை வதைக்குமிந்த 
உன் விளையாட்டை 
உடன் நிறுத்திவிடு...!

- ஆதியோகி

**

அமைதியைத் தேடி!
அலைபவர் கோடி!
வாடிய உள்ளங்கள் எல்லாம்!
தேடுவது நாடுவது
அமைதி! அமைதி!

மெளன சிறையில்!
மனதிற்குள் புலம்பும் கைதிகள்!
தண்ணீரில் மூழ்கிய நிலையில்!-- அவர்கள்
கண்ணீர் விடுவது யாருக்குத் தெரியும்?

எதுவும் நடக்காது என்று!
தெரிந்த அன்றே!
ஏமாற்றம் ! தடுமாற்றமாகி!
பேசமுடியாமல்!
மெளன சிறையாகிறோம்!

தனிமையில்
இனிமையா?
இனிமையில்
தனிமையா?
மௌனமே சிறையா?

சிறைக்குள் சிக்கிய
மௌனம் கலைந்தால்!
உள்ளத்தின் குமுறல்கள்!
கடும் வெள்ளமாய்!
பாய்ந்திடும்!
மௌன சிறைகள்
ஓய்ந்து விடும்!
எங்கும் மகிழ்ச்சி வெள்ளங்கள்!
பாய்ந்து விடும்!
வெளிப்படையாக பேசிட !
வெளிச்சங்கள்! தடைகளில்லை!

அவைகள்! வெளிச்சத்திற்கு வந்தால்!
மௌன சிறைகள்! எங்குமில்லை!

- கவிச்சித்தர் களக்காடுவ.மாரிசுப்பிரமணியன்

**

கண்ணிமைக்கும் பொழுதொன்று
காற்றோடு கலந்திங்கு
கவி பாடி சென்றதுவோ

நித்தம் நித்தம் நிஜமொன்று 
நின் மதியென நகர்ந்திங்கு
நிழலாடிச் சென்றதுவோ

சட்டம் போட்ட கால்களெல்லாம்
கண்டம் விட்டு கண்ணிமைக்கும்
காலமென்றானதுவோ

விட்டு விட்டு சென்றாலும்
விதையொன்று முளையாகி
விடையொன்று தேடாதோ

யாரோ நட்டு வைத்து
விட்டுச் சென்ற செடியொன்று
மொட்டு வைத்து 
முட்டி மோதி 
மலர்ந்திங்கு மணம் வீசாதோ!

- யோகராணி கணேசன்/ நோர்வே

**

உரிமைக்கு வழிகள் இங்கில்லை
உதவிக்கென்றும் எவருமில்லை
சொல்வதற்கொரு வார்த்தை இல்லை
சொல்லும் முறையதும் புரியவில்லை

ஊமை கண்ட கனவைப் போல
உள்ளத்தில் உறைந்து போனது
பேசும் மொழியெது தெரியாது
பேசவும் அனுமதி கிடையாது
 
வெற்றுக் காகிதம் போலவே
வெறுமை என்பதே நிரந்தரமாய்
சமையல்கட்டின் நாற்சுவரும்
சிறைக்கம்பியென சாளரமும்
அதன் வழி தெரியும் வெளியுலகும்

மங்கையவளின் மனதின் வலியை
வார்த்தைகளற்றே கண்கள் பேசும்
மொனச்சிறையில் வாடுகின்றாள்
மலரினும் மெல்லிய மனதுடையாள்!

 - உமா, நோர்வே

**

சதிசெய்து பிறர்தம்மின் செல்வமதைக் கவர்வோன்
        சழக்கனே என்றிட்டு ஊர்தூற்றக் காண்போன்
விதியதனின் பலனென்றே வெம்பிமனம் தளர்வோன்
        விவேகமதைக் கொள்ளாத வீணனென் றாவோன்
துதிபாடி பிழைப்பதைத் தொழிலாகக் கொண்டோன்
          துரோகமதை செய்வதை நெறியாக ஏற்றோன்
மதித்திறன் இன்றியும் மார்தட்டிக் கொள்வோன்
          மாண்பினை.இழந்திட்டு மௌனச்சிறை புகுவான்!

- அழகூர். அருண். ஞானசேகரன்.

**

மௌனச் சிறையில் என்னை வைத்தேன் !
என் எண்ணங்களைக் கட்டி வைத்தேன் !
புன்னகை ஏதும் பூக்கவில்லை !
புதிராய் நானே எனைப் பார்த்தேன் !
வாய்மொழி ஏதும் புரியவில்லை ! 
செயலில் விளக்கம் செதுக்கவில்லை !
பொய் நர்த்தனமாட உண்மையிங்கே நாணிடுதே !  
சங்கது ஊதின் கேட்குமா, 
செவியது செவிடாகி விடில் !
பாதகச் செயலால், வன் சொல்லால் 
தணலானது மனதில் துயரங்கள் !
பூட்டினேன் மௌனச்சிறையில், 
புண்பட்ட மனமே, உன் வேதனைகள் !
உறவுடன் கூடிச்  சிரிப்பினும், 
நம்  வருத்தமும் கோபமும் மௌனச் சிறைதனிலே !
உறவுகள் சில வருந்துதல் போல் நடித்து, 
உளங்களிக்கும் மௌனச் சிறைதனிலே !
புலி பாயுதலும், நாகம் சீண்டுதலும், 
மறைப்பதற்கு இல்லை ஒரு மௌனச்சிறை ! 
நன்றும் தீதும் யாதாகினும், 
நவிலாமல் சிறை வைக்க,
 மானுடர்க்குண்டு ஒரு மௌனச்சிறை! 

- இலக்கிய அறிவுமதி

**

மனிதர்கள் மட்டுமே
நுழைந்து கொள்ளும் சிறை
மௌனச் சிறை!

மௌனச் சிறையில் இருப்பது
உதடுகளுக்குப் பூட்டு போடுவதல்ல
உள்ளத்திற்கு பூட்டு போடுவது!

மௌனச் சிறை கம்பிகளால் ஆனதல்ல
கட்டுப்பாடுகளால் ஆனது!
மௌனச் சிறையில்
நாக்கு நடனமாடுவதில்லை
உள்ளம் ஓய்வெடுத்துக்கொள்வது!

சித்தரும் புத்தரும்
மௌனச் சிறையிலிருந்து வந்தவர்களே!
மனிதர்களே! மனிதர்களே!
ஒவ்வொரு நாளும் சிறிது நேரமேனும்
உங்களை மௌனச் சிறையில் அடைத்துக்கொள்ளுங்கள்
மௌனச் சிறைதான் பெருங்காவியம் படைக்கும்
மகத்தான சிந்தனையின் கருவறை!

மனிதர்களே! கைபேசியை
மௌனச் சிறையில் அடையுங்கள்- அது
மனிதர்களின் சிந்தனைகளை
சிறையிலிருந்து மீட்கட்டும்!

இயற்கையும் இருளைப்போர்த்தி
ஊரையே மௌனச் சிறையில் அடைக்கிறது!
நூலகம் என்னும் மௌனச்சிறையில்

உள்ள புத்தகங்கள் தான்
நம் மனக் காயத்தை போக்கும் மருந்துகள்!

-கு.முருகேசன்

**

கூடுகளைக்கொண்டு வந்து
பறவைகளை உள்ளுக்கு வைத்து
ஒரு சின்ன மரக்குச்சியை வைத்து
சின்ன மரங்களை வைப்பார்கள்
கூவுது கூவுது
அந்த குயில் - அனால்
என்ன சொல்கிறது
என்று அறியமுடியாது
நானும் உங்களைப்போல் பறக்க வேண்டும்
மலைகளைக் கடந்து கடலையும் பார்க்க வேண்டும்
அனால் அது உங்களுக்கு சொல்லமுடியாது
என்று நினத்துக்கொண்டு இருக்குதோ, என்றதை
அறியமுடியாது.
அனால் நீங்கள் அமைதியாய் இருந்து,
ஒழுங்காய் கேட்டால், என்ன சொல்கிறது
என்று கேட்கலாம்
பறவைகளுக்கும் உணர்ச்சிகள் இருக்கிறது
நீங்கள் பறவைகள் ஒன்றும் சொல்லவில்லை என்று
நினைக்காதீர்கள்
ஏனென்றால் பறவைகள் ஒன்று சொல்லவருகிறது
நீங்கள் அதை கேளுங்கள்! யோசியுங்கள்!
 
-கனிசா கணேசன்

**

மௌன சிறை நம்மை மகிழ்ச்சிக்குள் ஆழ்த்திவிடும்
பேசாத வாயெமக்குப் பெருமின்பம் சேர்த்து விடும்
அளவிறந்த ஆற்றலொடும், அளவோடும் பேசுகிற
உளங்கொண்டோர் ஒரு போதும் ஊமையராய் ஆவதில்லை.

பொருளிடங்காலம் பொருத்தமெனில் வாய் திறந்து
நல்ல மனத்தோடு நாவுதிர்க்கும் சொல் வெல்லும்.

குரைக்கும் நாய் வீண்பயத்தில் கொக்கரிக்கும் பெண் கோழி
இரைச்சலிடும் தவளை இவையாற் பலனென்ன?
காலம் வரும் வரைக்கும் காத்திருந்து கூவியிந்த
ஞாலத்துயிலெழுப்பும் நாட்டுப்புறச் சேவல்
செய்யும் கடமைக்குத் தேவையுண்டு எப்போதும்.

காக்கையெழுந்து கரைந்து விடிகாலைத்
தூக்கம் கலைத்துத் துயிலெழுப்பி நற்சேவை
ஆற்றும் கடமைக்கு ஆற்றலுண்டு எப்போதும்.

ஆதலினாலிந்த அகிலத்தீர் வீணான
பேச்சைக் குறைத்துப் பேணிடுக மௌனத்தை.

- சித்தி கருணானந்தராஜா

**

வேப்பங்காயாக பேச்சு மொழி பிடிப்பதில்லை சிலருக்கு
தோப்புக்குள் உலவும் சிறுத்தையாக வாழ்ந்து வருபவரவர்
கோப்புகளுக்குள் வாழும் கோமான்கள் செல்வர்கள் அவர்
மூப்படைந்த அவர்களிடமிருந்து மௌனமே காப்பாற்றும்

வெட்டிப் பேச்சு பேசும் வீணர்களிடம் விலகியிருங்கள்
தட்டிப் பேசும் தடியர்களிடமும் பேச்சுகள் வேண்டாம்
ஒட்டி உறவாடி அடுத்துக் கெடுப்போரையும் தவிருங்கள்
முட்டி மோதாமலிருக்க மௌன மொழியே சாலச் சிறந்தது

பேச்சின்றி செயலிலிறங்கி சேவை புரிவதே சிறப்பன்றோ
பூச்சின்றி புன்னகை முகமே ஓராயிரம் பேச்சு பேசுமே
வீச்சின்றி கழுத்தறுக்கும் பேச்சுகள் தீய கங்குகளன்றோ
மூச்சடக்க வேண்டாம் நாவடக்கி மௌனம் காக்கலாமே

நமக்கு நாமிடும் வேலியான சிறை தானே மௌனம்
துவக்கத்தில் வாய் திறக்காதிருப்பது கொடுமை தான்
விவரங்கள் தராமல் ஊமையாயிருத்திடும் மௌனம்
சுவரில்லா சித்திரமாய் சுணங்கி மௌன சிறையாகுமே

- கவிஞர்  ராம்க்ருஷ்

**

கொதிக்கின்ற உள்ளங்கள் ஆறாதோ!;
மூடர்களின் முடவாதப் போக்கால்;
கண்களே நீ காணவில்லை;
செவிகளை நீ சாயவில்லை;
முன்னோரின் முழு அறிவும்,
முட்டாளின் பகையானதே!;
தெரிந்தும் தெரியாமலும் நடக்கின்ற
மனிதக் கூட்டத்தோடு நானும் அவ்வழியோ! 
புரியாத புலம்பல்கள்,
அறியாத உரிமைகள்,
அகலாத சங்கடங்கள்,
சமுதாய அக்கறை,
கறையாலே கரையானது,
விடியலே! − இங்கு
விடிவது எப்போது
வினாவுக்கு விடையளி,
தொல்லைகள் தொலைந்து
தூரம் போக வழியுண்டோ!
எரிமலைத் தணலாக
கொதிப்பதும் அணையாதோ!;
மனதுள் பூட்டிப் பூட்டி
சுமைப்பது போதுமே!.......

- சுழிகை ப.வீரக்குமார்

**

உள்ளத்தை அறிவாய்  மானிடா; − அதில்
உள்ளதைத் தெரிவாய் மானிடா;
புகுந்த கொடுமைகள்;
புதைந்து புதைந்து கரியாகி;
வைரமாய் மாறுமென நினைப்பதோ;
ஆயிர மாயிர மாண்டுக ளாகும்;
அறியாயோ மனச் சிறையை உடைத்து;
உன் மௌனத்தை விடுத்து
துணிந்து நில்லாயோ;
சமுதாய எதிரிகள், சாதீயப் பேய்கள்;
மதம் பிடித்த மடைப் பன்றிகள்;
இறை யாண்மைத் துறந்தோர்;
தீவிர முகத்தோர், சமூகத்தைக் கெடுப்போர்;
கையூட்டுக் கைதிகள், பஞ்சமா பாதகர்கள்;
எத்தனை கொடுமையை தினந்தினந் தாங்குவது,
கூடுமோ, கூடிக் கூடி வெடித்திடதோ;
புரியாயோ மனமே நீ புலம்பாமல்,
முடிவெடு வெகுவாய், முடியென புறப்படு;
முட்டாள்களின் முரண்பட்ட கருத்தைத் தோலுரிக்க.......

- முகில் வீர உமேஷ், திருச்சுழி.

**

மலர்மவுனம் தனைக்கண்டு மகிழ்வண்டு தேன்குடிக்கும் !
உலர்ந்தமர மவுனமது உயிர்மழையால் தான்துளிர்க்கும் !
சிலந்தியதன் மவுனத்தால் சேர்பூச்சி இரையாகும் !
கலங்காது மவுனத்தால் காண்வெற்றி களிப்பூட்டும் !

கல்'மவுனம் காத்ததனால் காணுமெழில் சிலையாகும் !
சொல்'மவுனம் காப்பதனால் சூழின்னல் தோற்றோடும் !
அல்'மவுனம் காப்பதனால் அழகுநிலா காய்ந்துலவும் !
தொல்'மவுனம் காத்ததனால் துலங்குதின்று 'கீழடி'யாம் !

ஆறு'தனின் மவுனத்தால் அழகாட்சி அழிந்துவிடும் !
சேறுதனின் மவுனத்தால் சிரிக்கும்பூ தாமரையாம் !
கூறுபட்டார் மவுனத்தால் கொண்டதுயர் கொடுமையதாம் !
ஆறுதலாம் மவுனத்தால் ஆவதெலாம் வானுயர்வாம் !

மண்சிறையில் இருக்கின்ற மாண்வித்தே மரமாகும் !
மண்சிறையின் நிலக்கரியே மாண்பார்ந்த நல்வைரம் !
மண்சிறையின் தாதுக்கள் மாநிலத்தார் சொத்தாகும் !
மண்சிறையின் பொன்னதுவே மாநிலத்தார் அணிகலனாம் !

அன்பர்தம் சிறையினிலே அடைபடுதல் அகமகிழ்வாம் !
வன்மர்தம் சிறையினிலே வதைபடுதல் பெருந்துயராம் !
தன்மையர்தம் சிறையதுவும் தனித்தவுயர் மேன்மையதாம் !
கன்னியர்தம் சிறையதுவே காளையரின் வாழ்வினிதாம் !

கல்வியெனும் சிறையதுவே காலத்தின் காப்பாகும் !
கல்வியெனும் சிறையதுவே கவினினிய வாழ்வாக்கும் !
கல்வியெனும் சிறையதுவே காலத்தின் கனியாகும்!
கல்வியெனும் சிறையதுவே கண்காணும் ஒளியாகும் !

மவுனமதே சிறையானால் மறுமலர்ச்சி மண்ணழியும் !
மவுனமதே சிறையானால் மாட்சியெலாம் மாண்டுவிடும் !
மவுனத்தின் சிறையுடைத்தால் மனமெல்லாம் பூமணக்கும் !
மவுனத்தின் சிறையுடைத்தால் மண்ணிலின்பம் சேர்ந்தினிக்கும் !

- படைக்களப் பாவலர்' துரை. மூர்த்தி, ஆர்க்காடு

 

]]>
Poem https://images.dinamani.com/uploads/user/imagelibrary/2019/12/3/w600X390/silence_in_dark.jpg https://www.dinamani.com/specials/kavithaimani/2019/dec/04/poem-for-kavithaimani-dinamani-3296552.html
3297418 ஸ்பெஷல்ஸ் கவிதைமணி இந்த வாரம் கவிதைமணி தலைப்பு 'அப்பாவின் நாற்காலி' கவிதைமணி DIN Wednesday, December 4, 2019 10:00 AM +0530  

கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

'மெளன சிறை’  என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: அப்பாவின் நாற்காலி !

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 
]]>
kavithaimani https://images.dinamani.com/uploads/user/imagelibrary/2019/12/4/w600X390/cahir.jpg https://www.dinamani.com/specials/kavithaimani/2019/dec/04/title-for-next-kavithaimani-in-dinamani-3297418.html
3285206 ஸ்பெஷல்ஸ் கவிதைமணி வாசகர் கவிதை தூரத்து உறவுகள் பகுதி 3 கவிதைமணி DIN Wednesday, November 20, 2019 01:47 PM +0530 தூரத்து உறவுகள் 

குற்றம் அறியா குழந்தை
வயதில் ஒன்றாய் திரிந்தோம்...

காலயமும் கடந்து செல்ல
வயதும் கூட இளமை
பருவம் வந்தோம்.....

வருடம் சற்று வேகமாக
அதிகரித்து செல்ல.....

உனக்கென்று எனக்கென்றும்
பொறுப்புகள் அதிகரிக்க....

சற்று தூரமாக விலகி
சென்றறோம்......

அன்றாட தேவைகளை
நிறைவு செய்ய....

பண்டிகை நாங்கள் நீ இல்லாம்
நிறைவு பெறதாது மனம்.....

இது படைத்தவன் விதி
என்றார்கள்.....

உண்மையில் பணத்திற்காக
நமக்கு நாமே எழுதிய விதி.....

இன்றைய உறவுகள்....

**

உன் உயர்நிலை கண்டு
உதடுகளால் வாழ்த்தி
உள்ளத்தால் பொறாமை
தீயை மனதில் வளர்க்கும்
உன் தூரத்து உறவானாலும்
என்றும் துரத்தும் உறவுகளே!
உன் துன்பநிலை கண்டு
உள்ளம் உருகி ஆறுதல்கூறி
கண்ணுக்கு தெரியாத
கடவுளிடம் முறையிடும்
கள்ளமில்லா உள்ளங்கள்
தூரத்து உறவானாலும்
நெருங்கிய உறவுகளே!
உறவுக்கு கை கொடுத்து
உரிமைக்கு குரல் கொடுத்து
இன்னா செய்தாருக்கும்
இனியவைகள் செய்
அன்புடன் வேண்டி நிற்கும்
உன் இனிய நட்பு உறவுகள்
தூரத்து உறவானாலும்
நெருங்கிய உறவுகளே!
கவிஞர் பொன்விலங்கு பூ.சுப்ரமணியன்
வன்னியம்பட்டி, ஸ்ரீவில்லிபுத்தூர் வட்டம்

**

தூரத்து உறவுக ளென்னை ஆரத்தி
எடுத்து சிநேகங்கூடல் செய்து ஒருங்கி
உறவாடல் கொண்டாடல் ஒருவருக்கொருவர் 
உள்ள தொடர்பு கொள்ளல்

உண்டாகும் விதம் பெண் கொடுக்கல்
பெண் ணெடுத்தல் மூலம் "தூரத்து
உறவுகள்" கிட்டத்தில் அமைந்திடுமொரு
வட்டத்துக்குள் பணிந்து ஒருங்கி விடும்

தம்மீ தொருவர் காரச் சாரமாய் மொழி
பொழிந்திட தூரத்து உறவுகள் கண்
பட்டால் படையெடுத்து பழிவாங்கும்
விட்டுக் கொடார் ஒருபோதும் விடார்

உறவுகலத்தல் புதிய உறவு உண்டாதல்
உறவு பாராட்டுதல் இனத்தாருடன் சேர்ந் திருத்தல் 
என்பதோர் கலையும் கூடவே
உறவுமுரிதல் நட்புக் கெடுதல் நடவாது

- வே. சகாய மேரி, அரியலூர் திருக்கை

**

எத்தனைக் காலம்  வாழ்ந்தோம் என்பதைவிட
அத்தனைக்  காலமும்
எத்தனை உறவுகளை சேர்த்தோம்
என்பதே நமக்கு பெருமை தரும்!
அண்ணன்,  தம்பி, மாமன், மச்சான்
என்ற பந்தங்கள் நெருங்கிய உறவு!
மற்ற அனைவரும் நம்மை
சுற்றமுடன் இனிக்கும் ஒவ்வொரு
பந்தமும் "தூரத்து உறவு!"
உறவில் தூரமென்ன பக்கமென்ன
மாறாக் கேள்வி நெஞ்சில் எழுந்ததே!
சேர்ந்து சிறக்க மட்டுமல்ல உறவு
சோர்ந்து போகும் நாளில்
சார்ந்து வந்து அணைக்கவும்
உதவும் அனைவரும் உறவே!
"தூரத்து உறவில்" உடல் வெகு
தூரமிருந்தாலும் மனம் விட்டு
பாரமின்றி பேசுவதால்
இணைந்தே வாழலாமே!
பிணைந்த உள்ளங்கள் தொலைவில்
இருந்தாலும் மறக்காமல்
பேசுவதால் "தூரத்து உறவும்"
நெருங்கிய உறவாக தொடங்குமே!

- உஷாமுத்துராமன், திருநகர்

**
திருமணப்பந்தலில் அமர்ந்திருந்த
மணமகனின் காதில் தாத்தா ஓத
விழித்த மென்பொறியியலாளன்
காக்கைகளா இவர்கள் என கேட்க
ஒழுகிய வீட்டில் கஞ்சி குடித்த வேளையில்
காணாமல் போன உறவுகளின் பட்டியலை
தாத்தா புன்சிரிப்புடன் மண்டபத்தில்
கணக்கெடுக்க உறவுகளின்
புன்னகையில் பழைய நினைவுகள்
அனைத்தும் பாசவலையால்
மறந்து கணக்கெடுப்புகளை மறந்தாரே!

- டாக்டர் பி.ஆர்.லட்சுமி

**

கல்லெல்லாம் மாணிக்கக் கல்லாய் ஆமோ ?
  கலையெல்லாம் மாமல்லைக் கலைபோல் ஆமோ ?
சொல்லெல்லாம் தூயதமிழ்ச் சொல்லாய் ஆமோ ?
  சுடரெல்லாம் கதிரவன்போல் சுடுவ தாமோ ?
இல்லெல்லாம் தன்னிறைவாய் இருப்ப துண்டோ ?
  எல்லாரும் இருப்பவராய் இயம்ப உண்டோ ?
கல்லாமை, கள்ளாமை கழிந்த துண்டோ ?
  காலங்கள் மாறாமல் நிலைத்த துண்டோ ?

சொந்தங்கள் எல்லாமும் சொல்லற் கில்லை
  சொன்னாலும் செய்கின்ற சொந்தம் இல்லை !
சொந்தங்கள் பலநேரம் பகையாய்ப் பாயும்
  சொல்லாலும் செயலாலும் சுட்டே வீழ்த்தும் !
சொந்தங்கள் பலநம்மை சூழ்ந்த போதும்
  துளியளவவே என்றாலும் சுணங்கிப் போகும் !
சொந்தங்கள் பெயரளவில் உறவாய் நிற்கும்
  தொடராகப் பலநேரம் தொல்லை யாகும் !

தூரத்து உறவினரை தேடிச் சென்றேன்
  சொன்னேனென் நிலையினையே, கேட்ட போதே
ஆரயெனைத் தழுவிமிகக் கண்ணீர் மல்க 
  அத்தனையும் நான்தீர்ப்பேன் என்று ரைத்தார் !
சீரனையர் சொன்னார்போல் உதவி செய்தார்
  தேவையெனில் எப்போதும் வருக என்றார் !
நேரத்தில் அவர்செய்த உதவி யாலே
  நிலைத்துள்ளேன் இம்மண்ணில் மறவேன் யானே !

-'படைக்களப் பாவலர்' துரை. மூர்த்தி,ஆர்க்காடு.

**
இந்திய மண்ணில்
பிறந்தோ ரெலாம்;
ஒரு வயிற்றுப் பிள்ளையாய்
வந்து உதித்து;
தொழிலால் உருமாறி;
தொகுப்பாய் தன்னைப் பிரித்து;
வாழ்ந்த வாழ்க்கை
அடிமையிலா அன்பாய் உண்டாக்கி;
எத்தனை நூறாண்டாய் ஒழுக்கமுடன் வாழ்ந்தனர்;
முட்டாளாய் வந்த அந்நியரின்
விதியின் வினையினால்;
பிரிவுடன் எதிராய் வாழும்
இலக்கினால் சகோதர உள்ளங்கள்;
பங்காளியாய் பகைத்தனர்;
இருந்தாலும், எல்லோரும்
சுற்றி சுற்றி வலம் வரும்
தூரத்துச் சொந்தங்களே!....

- முகில் வீர உமேஷ், திருச்சுழி.

**

அன்பினில் விளைந்த, என்
அரும் மருந்தே;
என்னுள் வம்பாய் வந்து
அம்பாய் தைக்கும் தையல்
வார்த்தைகளே;
கோபத்தில எழும் உணர்வுகளால்;
பெற்றோரைக் கடித்தவுடன்;
டேய் மூடா; அவ ளாரெனத் தெரியுமா?
சின்னத் தாத்தாவின் 
இளைய மகளோடு இளைய
மச்சானின் பொண்ணடா;
அந்த நற்குடிப் பெண்ணே;
தூரமாய் இருந்து 
பக்கத்தில் வந்தவளாய்
இருக்கும் இவள் மேலேன் கோபமென
கடிந்தனர், மனதைத் துடைத்தனர்.....

- சுழிகை ப.வீரக்குமார்.

**

தூரத்து உறவுகளில் பல நிலையுண்டு - அதனை
துரத்துகின்ற வாழ்க்கை ஓட்டத்தில் அறிவதுண்டு

நெருக்கடி வரும்நிலையில் நெருங்கிய உறவுகளே
நழுவிச் செல்லும்போது - நெருங்கிய உறவுகளும்
தொடர்பற்ற நிலையில் தூரத்து உறவாகிவிடுகின்றன

வேண்டிய வாழ்க்கை வேண்டுமென்றும் - பொருள்
வேண்டுமென்றும் - வேற்றிடத்தே தங்கி உழைத்திடும்
பாச உறவுகள் - நெடுநாளாகியும் வாராதிருந்தால்
பிரிவின் நிலையிலே தூரத்து உறவாகிவிடுகின்றன

உறவுகள் கூடும் விழாக் காலங்களில்
உறவுகளின் உறவுமுறை பெயரைக் கூட
உறுதியாய் பிள்ளைகளுக்கு சொல்ல முடியாதநிலையில்
உறவுமுறை - பொதுநிலையில் தூரத்து உறவாகிவிடுகின்றன

இன்றைய காலத்தில் - இல்லத்தலைவி பகல்பொழிதிலும் -
இல்லத்தலைவன் இரவுப்பொழுதிலும் வேலைக்கு சென்றிட -
இடையில் எவ்வுறவையும் சந்தித்து பேசமுடியாதநிலையில் -
இல்லத்து உறவே தூரத்து உறவாகிவிடுகின்றது

சில நேரங்களில் - நீதியானது -தர்மத்தை
கண்டும் காணாத தூரத்து உறவாகிவிடுகின்றது
கண்காணா இடத்திலிருப்பதுமட்டும் தூரத்து உறவன்று
கண்டும்-காணாமல் செல்வதும் தூரத்து உறவாகும்;

வள்ளுவனின் கூற்றோடு இதனைமுடிக்க முற்பட்டேன்
வள்ளுவன் கூறினான் - தமிழா விழித்துக்கொள்
தூரத்து உறவுகளில் போலியும் உண்டு
என்னிலையைப்பார் - இன்று பாரினில் என்றாா்!!!

-கவிஞர். நளினி விநாயகமூர்த்தி சென்னை

**

பாட்டன் பூட்டன் காலத்து
நெருங்கிய உறவுகளை எல்லாம்
காலமும் தூரமும் ஆக்கியது இன்று
தூரத்து உறவுகளாய்!

குருத்தோலைக்கு
வேர் தூரத்து உறவு!
சந்திரனும் சூரியனும்
பூமிக்கு தூரத்து உறவு!

உறவுகளின் உரசலில் விரிசல்கள் வந்தால்
நெருங்கிய உறவும் தூரத்து உறவாகும்!
புதுப்பிக்கப்படாத உறவுகள்
தூரத்து உறவுகள்!

கைக்கு எட்டும் தூரத்தில் இருந்தும்
மனதுக்கு எட்டாத தூரத்தில் இருக்கும்
தூரத்து உறவுகள்!
வளர்ந்தால் நெருங்கி வரும்
தேய்ந்தால் விலகிவிடும்!

நெருங்கிய உறவுகள்
நெடுந்தூரம் போனால்
துணைக்கு வருவது
தூரத்து உறவுகளே!

தொப்புள்கொடி உறவுகள்
சிறகு முளைத்து
தொலை தூரம் பறந்து போனால்
மனம் துணைக்குத் தேடுவது

தூரத்து உறவுகளையே!

கிட்ட உறவு! முட்ட பகை!
எட்ட உறவு! ஏற்ற உறவு!

-கு.முருகேசன்

**

அலைபேசிக் கோபுரங்கள்
அடித்துவிட்ட சாவொலியில்
விலைபேசி மரணத்தின்
விருந்தான குருவிகள்;
தொலைதூரப் பயணத்தின்
துயர்குறைக்கப் போட்டதங்க
வழிச்சாலை கொன்றுவிட்ட
வளமான வயல்வெளிகள்;

குடியிருக்க மனைகட்ட
கூடிப்பாடிக் கூத்தாட
அடித்துவீழ்த்தி அழித்தொழித்த
அழகான பூங்காடு;
மடியிருந்த செல்வத்தை
மண்மீது வீசுவதுபோல்
மடல்வாழை போன்றதான
மணலிழந்த சீர்நதிகள்;

அருகிருந்து உணவூட்டி
அன்போடு உச்சிமோந்து
சிறகுக்குள் வைப்பதுபோல்
சிறுகண்ணில் பொத்திவைத்து
மறவாத கதைகள்சொல்லி
மடிதனிலே தூங்கவைத்து
இறவாதப் புகழ்கொண்ட
இறந்தகாலப் பாட்டிகள்

சுத்தமான பொன்காற்றும்
சுயமான நீருற்றும்
பித்தமான பக்திமானும்
பிறழாத நீதிமானும்
நித்தம்மானம் பெரிதென்று
நிஜம்சொன்ன மாந்தரும்
துஷ்டமான உலகில்எல்லாம்
தூரத்து உறவுகளே!

- கவிஞர் மஹாரதி

**

வேரற்றுப் போய்விட்டோம் தூரத்து உறவுகளாய்
ஊரற்றுப் போனதனால் உயிர்ப்பற்று வாடுகிறோம்
காண்பவர்கள் யாரும் கணக்கேயெடுப்பதில்லை
உடல்மாறி உருமாறி உள்ளமதும் மாறியதால்
உற்றவர்கள் கூட உற்றுப் பார்க்கின்றார்கள்.
புலம்பெயர்ந்து போனதனால் புறத்தியாராய்ப் போய் விட்டோம்.
அறம் குலைந்த தேசமினி அடியோடு வேண்டாமென்(று)
இறந்தாலும் எங்காச்சும் போயிறப் போமென்றோடி
நாடிவந்த நாட்டிலெமை நாட்டி வேரூன்றியதால்
நிலம் இழந்து போனாலும் நிம்மதியைக் காண்கின்றோம்.
என்ன நடக்குமினி? எவருக்கும் தெரியாது.
மன்னர் புதிதாயெம் மண்ணை வந்து ஆழ்வதற்கும்
அன்னை நிலத்தில் எமை அடிமைகளாய் ஆக்குதற்கும்
அறுதிப் பெரும்பான்மை ஆணை கொடுத்ததனால்
எங்களூர் வந்து எவரெல்லாம் குடியேறித்
தங்கி நிரந்தரமாய்த் தாழ்த்தியெமை வீழ்த்துவரோ?

- சித்தி கருணானந்தராஜா

**

வாழ்க்கையில்  தேவையானதும்
தாழ்விலா உயர்வான வாழ்வுக்கும்
காழ்ப்பில்லா  அனைத்து உறவுகளும்
தேவையெனில்  தூரத்து  உறவு 
மட்டும் விதிவிலக்கல்ல!
வீட்டைச் சுற்றி  வாழ்பவர்
ஏட்டை எடுத்து  அவரிடம்
சேட்டையின்றி  பழகினால்
அதுவும் நம் உறவுதான்!
தூரத்து உறவு என்றென்றும் தேவையென
சாரமிட்டு பேச கிடைத்ததுதான்.
பாராட்ட வைக்கும் அலைபேசி
நேர்முகம் கண்டும் பேசும்
தேர்வில்லா  அழைப்பு இப்பொழுது 
சோர்வின்றி  கிடைப்பதால்
தூரத்து  உறவே  ஆயினும் 
அலைபேசியில்  அருகே இருக்கும்
தலையாய உறவாகி  போனதே!
கிட்டேயிருந்தாலும்  தொலைவில் இருந்தாலும்
சட்டென வெடுக்கென்று பேசாமல்
தட்டி கொடுத்து பேசினால்
தூரத்து உறவும் மனத்தால் அருகே வந்துவிடும்!
                                                    
- பிரகதா நவநீதன், மதுரை 

**
ஊர்  ஒன்று கூடி  நம்   வீட்டு   விழா  நடத்தி 
சொந்தம்  பாராட்டியது   அன்று  ,
அடுக்கு  மாடி  குடியிருப்பில்,
சொந்தம்  கூட  அழைப்பு  மணி  அழுத்தி  நுழைய  வேண்டிய
தூரத்து  உறவானது இன்று!

இரு  மனம்  ஒன்று  சேரும்  திருமணமும் 
ஊர் விழா  போல்  நடந்தது அன்று ,
பிரிந்த  மனங்களை  தூரத்து  உறவாக்கும்
விவாகரத்துக்களும்  அதிகரித்தது இன்று!

பக்கத்து  வீட்டாரும் , ஊர்  பெரியவர்களும் ,
அத்தையும்,  மாமாவுமாக   இருந்தார்கள் அன்று ,
பணத்துக்காக  சொந்த  வீட்டையும்  நாட்டையும்  விட்டு  செல்ல,
அத்தையையும், மாமாவையும்  கைபேசியில்  கண்டு  மகிழ ,
நெருங்கிய  சொந்தம்  கூட , தூரத்து  உறவுகளானது இன்று!

ஆசையை  கட்டுக்குள்  வைத்து ,
அன்பை  வாரி  வழங்கி ,
அனைவரிடமும்  ஒற்றுமை  பாராட்டி ,
தூரத்து  உறவுகளையும் சொந்தமாக்குவோம்!!

- ப்ரியா ஸ்ரீதர்  

**
உறவுகள் பல!
மனதால் சில!
உடலால் சில!
கிட்ட உறவு!
எட்ட பகை !
காரணம்!  அது;
புரியாத உறவு தந்த வரவே!!

தூரத்து பச்சை!
கண்ணுக்கு குளிர்ச்சி!
அதுவே! பிரியாத
 உறவுகள்! என்று;
மனம் ஏற்கின்ற!
 தூரத்து உறவே!

தொலைவில் இருந்தாலும்!
அருகில் இருந்தாலும்!
உண்மையான உறவு!
 தொலைந்து போகாதது!

கேட்ட பொருளோ!
கேட்ட உதவியோ!
கிட்டாத போது!
நம் வசம் எட்டாத போது!
உறவுகள் முறிவது!
உணர்ச்சியின் முடிவது!

அந்தப்பக்கம்!
இந்தப்பக்கம்!
எந்தப்பக்கம்!
வந்தப்பக்கம்!
இப்படி! எப்பக்கம்
உறவுகள் இருந்தாலும்!
மனதால் புரியாத உறவுகள் என்றாகி!
அருகில் இருந்தாலும்!
 உறவுகள் கருகி விடும்!
பிரிவுகள் அங்கே பெருகிவிடும்!
துரத்தும் உறவுகளாகி!
தூரத்து உறவுகளாகிவிடும்! 

தூரத்தில்  உள்ள உறவுகள்!
பரிதவிக்கும்
உறவுகளின்!
துயரங்களை  முறித்தால்! எங்கும்!
உறவுகள் தொலையாது!  இங்கே!
தூரம் என்பது!
பெயர் தான் என்பது!
கலையாது!

- கவிச்சித்தர் களக்காடுவ.மாரிசுப்பிரமணியன்.

**

தானாடா விட்டாலும் தன் தசையாடும் உறவுகள்
தேனடை காக்கும் தேனீக்களின் பாசத்தோடே
மானமற்ற மதிகெட்ட சேர்க்கையால் சில நிலைமாறி
நாணமற்று நெறி கெட்டு போகும் சுற்றமுமுண்டே

சுற்றம் கடந்த சில தூரத்து உறவுகள் பாச ஆற்றில்
உற்றார் உறவினர்போலே நம்மோடு நீந்துவரே
கற்றாரே காமுறும் வண்ணம் அன்பின் ஊற்றாய்
பற்று  பாசத்தோடு பண்போடு பழகி உதவிடுவரே

அறிந்திரா நிலையிலும் ஆதரவுதரும் தூரத்து உறவு
முறிந்திருக்கும் சுற்ற உறவுகளுக்கு மாற்றாவரே
உறித்திட இயலா உண்மைகளை உணர்த்திடுவர்
பறி கொடுத்த உரிமைகளை மீட்டுத் தந்திடுவரே

முட்டல் மோதலில் உருமாறும் சுற்ற உறவுகள்
திட்டல் வடுவாய் சீர்கெட்டுப் போகும் நிலையில்
தொட்ட குறை விட்ட குறையாய் தொடர்வர் நட்பாய்
கிட்டே வந்து உதவிடும் தூரத்து உறவுகள் சிறப்பல்லவா

இருப்பதே அறியாதிருந்த மாணிக்கக் கற்கள் அவர்
உருவம் தெரிந்தபின்னே உருகி உருகி உதவிடுவர்
நெருங்கி வந்து சுற்ற உறவாய் சொந்தம் கொண்டாடி
நொறுங்கிய உறவுக் குறைகளை தீர்த்திடும் நல்மருந்தவர்.

- கவிஞர்  ராம்க்ருஷ்

**

எனக்கிருந்த சக்திக்கு எத்தனையோ இக்கட்டு நேரங்களை
ஓடவிட்டேனிந்த இனிமை நேரங்களை
எப்படி ஓட்டுவேன் என்று
புத்திக்கு எட்டவில்லையே; கத்தியை சானை பிடிப்பவன்
எல்லாம்; அறிவாளி ஆகிவிட முடியாது தனது புத்தியை சானை
பிடிப்பவன் எல்லாம்; முட்டாள் ஆகிவிட மாட்டான் ஒருபோதும்
"தூரத்து உறவுகள்" எனை தனிமை படுத்தி கைவிட்டு இராது
உயரும் போது உரக்கம் வருவதில்லை
இறங்கும் போது துக்கம்
விடுவதில்லை; இரக்கம் படும்போது
ஈந்திட வழியில்லை
தூரத்து உறவகள் ஒருங்கிணைந்து அந்த நிம்மதி தருவாரோ
உள்ளத்து உள்ளே உள்ள உண்மையை
சொல்லக் கூடாத
இடத்தில் சொல்ல; முடியாத சூழலால் சொல் வதில்லை
கண்ணீரால் புலம்பும்; அம்மொழியை கற்றவர்கள் "தூரத்து
உறவுகளே "அறிவார் கட்டி அழுவார்கள்;
ஆறுதல் கூறுவார்கள்
மாசற்ற மனதில் பொங்கி மண்டிடும்
தூசுதும்பை துடைப்பரோ
ஏங்கும் உள்ளமதை தேற்றும் தூரத்து உறவுகளால் சாத்தியமே
மனஸ்தாபம் பட்டாலும் மனம் பதறும்
மறைமுகமாய் போராடும்

- ஆபிரகாம் வேளாங்கண்ணி கண்டம்பாக்கத்தான்

**

கல்யாணமான காட்சியா விழாவா வைபவமா
இழவா சாவா எல்லாத்துக்கும் வேண்டும் உறவு
மனமகிழ்வில் பங்கேற்கவும் துயரைப் பகிரவும்
மாமருந்தாய் உறவுகள் தூரத்திலிருந்தாலும்
ஓடோடி வருவதில் மகிழ்வு அமைதி கிட்டும்.
காக்காய்க் கூட்டம்போல் கூடிக் கத்திகரைவதில்
கிட்டும் ஆனந்தம்கோடி கிளைகள் கிளைவிடும்
உற்றார் மாற்றார்போல் மறையார் இன்னலில்
உற்றுக் கவனிப்பர் உரிமையால் அக்கறை அன்பால்
கிட்டத்து உறவுகள் மகன்மகள் வெளிநாட்டிலிருந்து
ஏட்டா உறவுகள் ஆயினவே இக்காலந்தனில்
தான் ஆடாவிடிலும் தன் சதை ஆடுமன்றோ
எனவே வேண்டுமன்றே தூரத்து உறவுகள்

- மீனா தேவராஜன் – சிங்கை

**

தூரத்துச் சொந்தம் தொலைதூர நிலவாய் தூரத்துப்  பச்சை அல்லவா !
துரத்தும் சொந்தம்  பிள்ளைக் கைப்பொம்மையாய் உணர்வுக் கலவை அல்லவா!
துயரங்கள் யாவும் தொலை தூரத்துச் சொந்தத்தில் பூப்பதில்லையே !
துன்பமும் இன்பமும் பகையும் உவகையும் நம் சொந்தத்தின் தூரிகையே !
இனிதான உடன்பிறப்பினரும், பிள்ளைகளும் தூரத்துச் சொந்தமாதல் அவலமே!
இதிகாசம் முதல் இன்று வரை இதுவே தொடரும் மானுட மாண்பினில் முகிழ்க்குமே!
தூரத்துத் தேசம் வாழும் மனிதரெல்லாம் அன்பு காட்டும் தூரத்துச் சொந்தமே!
துயர் தரும் தீயோர் நல்லோராகும் வரைத் தூரத்துச் சொந்தமே!
விண்ணும் உடுக்களும் தூரத்துச் சொந்தமான நல்முகநூல் வகையே!
வளியும் இயற்கையும் மாறிடுமோ மானுடர்க்கெல்லாம் தூரத்துச் சொந்தமாய் !

- இலக்கிய அறிவுமதி

]]>
kavithaimani https://images.dinamani.com/uploads/user/imagelibrary/2019/11/20/w600X390/0_KiKhuf6OScwg2j9J.jpg https://www.dinamani.com/specials/kavithaimani/2019/nov/20/poem-dinamani-3285206.html
3284358 ஸ்பெஷல்ஸ் கவிதைமணி வாசகர் கவிதை தூரத்து உறவுகள் பகுதி 1 கவிதைமணி DIN Wednesday, November 20, 2019 10:00 AM +0530 தூரத்து உறவுகள்

திரைகடல் ஓடினோம் திரவியம் தேடவே
உறைவிடம் மாறிய பறவைகள் போலவே
பொருளது வேண்டுமே புவியிதில் வாழவே
பணமது இல்லையேல் இல்லையோர் வாழ்க்கையே

உறவுகள் நினைவது உயிரென இணைவது
தொலைவினில் இருப்பினும் விழியிமை போன்றது
பொழுதது தான்வரும் பிரிந்தவர் சேர்ந்திட
நிலையிதை நினைத்திட உறவுகள் வசப்படும்!!

- கு. இரா, வடக்கு அயர்லாந்து.

**

உலகந்தான் உள்ளங்கை உறவாய்ப் போச்சே
     உட்கார்ந்த இடத்திருந்து தொடர்பா யாச்சே
அலகில்லாத் தரவுகளால் செல்பே சிக்குள்
     அவ்வப்போ துரையாடும் அளவி லாச்சே
புலனங்கள் வழியாலே பொழுதுக் கும்கண்
     புலப்படாத தொலைவுகளி னுறவும் கூடப்
பலமணிநே ரத்திற்குப் பேசு கின்ற
     பயனுள்ள பேச்சுகளால் சுருங்கிப் போச்சே.

முகநூலில் முகமறியா உறவும் மோதும்
      முகமற்ற எதிரிகளும் உறவு கொள்ள
அகமறியா நிலையினிலும் தொடரும் பேசும்
      ஆர்ப்பாட்ட உறவுகளும் கூடும் சொந்த
நகலுறவோ அசலுறவோ தெரியா வண்ணம்
      நாளுந்தான் வளருதிங்கு வுறவாய் என்றும்
பகலுமென இரவுமென வுரையா டல்கள்
      பல்கிவளர் நிலையாச்சு பெருகிப் போச்சு.

தூரந்தான் சுருங்கிற்று, மனதின் தூரம்
      தொலைவாச்சு உறவுகளும் சுருங்கிப் போச்சு
ஈரந்தான் மனதிற்குள் வற்றிப் போச்சு
      இதயத்தால் விலகித்தான் போக லாச்சு
நேரந்தான் பரபரப்பாய் ஓட லாச்சு
      நெருங்கியதோ தூரத்தோ உறவி னர்கள்
பாரந்தான் சுயநலத்தால் பதுங்க லாச்சு
      பாருக்குள் மனிதமனம் சிறுத்துப் போச்சே

- கவிமாமணி " இளவல் " ஹரிஹரன், மதுரை.
  
**

குடும்பம் என்னும் கூட்டினில்
....கூடிவாழும் அழகான பறவைகள்
நெடுந்தொலைவு விலகி இருந்தாலும்
....நெஞ்சினில் இனிக்கும் உறவுகள்
தூரநிலவாய் இருக்கும் நினைவுகள்
....துள்ளும் அலையாய் நீந்துமே
தீராஅன்பை வாழ்வும் சுமந்தால்
....தீமைகளும் நம்மைவிலகி நிற்குமே
செல்வங்கள் பார்த்து தேடிவரும்
....சொந்தங்கள் எல்லாம் நம்பாவங்கள்
சொல்லாமல் வந்துநமக்கு உதவும்
....சொந்தங்களை அன்பால் வெல்லுங்கள்
தூரத்துஉறவுகள் எல்லாம் எப்போதும்
....தூண்போல் பாசத்திற்கு வலுசேர்க்கும்
பிரிவுகளை நம்மிடம் புரியவைத்து
....பூக்களாய் எந்நாளும் மணம்சேர்க்கும்

- கவிஞர் நா.நடராஜ், கோயமுத்தூர்

**

உறவுகள் என்பது  இயற்கை வரம் - அதில்
தூரத்து உறவு நிலவு போல வரும்.  
தொடும் தூரத்தில் இருப்பதாய் தெரியும்,  
வெகு தொலைவில் உள்ளதுபின்  புரியும். 

வாரம்  ஒருமுறை ‘ஸ்கைபில்’  வருவார்கள்;
அங்கு வந்ததை போனதை சொல்வார்கள்;
‘வாட்ஸப்’  மூலம் வாழ்த்தை  பொழிவார்கள்;
‘பேஸ்புக்’கிலும் புகைப்படசெய்தி தருவார்கள்!

இதெல்லாம் சில காலம் நடந்துவரும்,
பிறகெல்லா  பழக்கமும்  மறந்துவிடும்,
பெற்ற பிள்ளைகள் என்றாலும் பேரன்பு
பிரியங்கள்  தேய்ந்து முடங்கி விடும்! 

பாசத்தால்  என்னதான்  வளர்த்தாலும் 
நேசத்தால் உண்மையாய் இணைந்தாலும் 
இன்னல் உறுகின்ற நேரத்திலே துணைக்கு
தூரத்து சொந்தங்கள் வரப்போவதில்லை! 

அருகில் இருக்கும் உறவுகளை நெருங்காமல்  
அளவாய் பேணி தள்ளி வைப்போம்; ஆனால்
அல்லல் உறுகின்ற  நேரத்தில் பாசத்தை
அள்ளி  கொடுப்பது ஓரத்து சொந்தங்களே !  

- முத்து  இராசேந்திரன் , சென்னை 

**

தமிழ்மொழியின் தனிச்சிறப்பென
தனிப் பெருமிதத்துடன் கூறவே
பரன் பரை எனும் பரம்பரையாம்
ஏழாம் தலைமுறையில் தொடங்கி
சேயோன் சேயோள் என்றும்
ஓட்டன் ஓட்டி என்றும்
பூட்டன் பூட்டி என்றும்
பாட்டன் பாட்டி என்றும்
தந்தை தாய் என்றும்.....
தலைமுறைக்கு ஒரு பெயரை
அர்த்தமாக அமைத்து வைத்து
அத்தனை உறவுகளையும்
அழகான கூட்டுக்குடும்பமாக
அற்புதமாக இணைத்தே வைத்து மகிழ்ந்திருந்த காலமதில்.........
போரின் வடிவில் வந்த பேரிடியால்
திசைக்கொருவராய் நம்மை சிதறித்தெறிக்க வைத்து
உறவுகளும் சொந்தங்களும் பிரிந்து....
பாசமும் பந்தமும் தொலைந்து....
தொடர்புகள் தொடர்பற்று அறுந்து....
பார்க்கும் வேளைகளில் மட்டும்
பாசாங்குடன் ஒப்புக்கு நலம் விசாரித்து....
இரத்த சொந்தங்களைக் கூட
தூரத்து உறவுகளாக மாற்றி
வேடிக்கை பார்த்துச் சிரிக்கிறது
இன்றைய இயந்திர உலகம்!!!

- உமா, நோர்வே

**

தூரத்து  உறவென்று  இல்லாதப்  போதும்
       துயர்தனைத்  துடைத்திட  ஓடோடி  வருவோர்
யாராக இருந்தாலும் உறவென்றே ஆவார்
        இவர்களே உறவினும் மேலோரென் றாவார்!
மாறாக நாம்துயரைக் குண்கின்றப் போதில்
        மறந்தும்நம் அருகினில் வாராதார் தம்மை
யாராக இருந்தாலும் விலக்கவேத் தகுமாம்
       இரத்தவுற வென்றாலும் விலக்கவே தகுமாம்!

பாரதத்தாய் பெற்றெடுத்த மக்கள் என்றே
     பலர்போற்ற ஒன்றிணைந்து வாழ்ந்தோம் அன்று!
தாரகநல் மந்திரமாம் ஒற்றுமையை மறந்தே
     தனியாகப் போகின்ற எண்ணமதைக் கொண்டார்!
கோரமுகம் தனைகொண்டு எல்லையிலே
தினமும்
      குண்டுமழை பொழிகின்ற கொடியமனங் கொண்டார்!
தூரத்து உறவுகளே என்றாகிப் போனார்
      துலக்கமதைக் காணாமல் துயர்தனையே கண்டார்!

அண்டைநாடு என்றான பாக்கிஸ்தான் தன்னில்
       அடிமைகளாய் வாழ்ந்திட்டார் வங்கதேச மக்கள்!
கண்டகொடுமை இந்திராவின் மனமதனைத் தாக்க
       காளியென்றே ஆகிட்டு போர்தன்னைத் தொடுத்தார்!
எண்ணிபத்து நாட்களுக்குள் போர்தனை முடித்தார்
       இனியவங்க தேசமதைத் தோற்று வித்தார்!
உண்மையான இந்திராவின் தீர்க்கத்தின் பலனால்
        உறவென்றே வங்கநாட்டு மக்களும் ஆனார்!

- அழகூர். அருண். ஞானசேகரன்

**

உறவுகள் எல்லாம் உறவுக ளாக உண்மையில் இருக்கிறதா ?- அந்த
உறவுக ளாலே உலவுவ தென்ன உரைத்திட உயர்வுளதா ?

உறவென வந்தார் தூரமே என்றார் உரையினில் உளமகிந்தேன் !- அவர்
சிறப்புரை எல்லாம் தேனுரை யாக சிந்தையை யானிழந்தேன் !

அம்மா வழியில் உறவினர் என்றே அடுக்கினார் பற்பலவும் !- அம்மா
சும்மா செய்த உதவியால் இன்று துலங்குதல் கணக்கிலவாம் !

நன்றியை மறந்து நடப்பவ ரெல்லாம் நாட்டினில் நடைபிணமே !- என
இன்முகத் துடனே எடுத்தொரு பெட்டி என்னிடம் அவரீந்தார் !

பெட்டியில் சிலவாய் இலட்சம் பணமாம் பெருமை யுடன்பகன்றார் !- இது
மட்டில் லாத மகிழ்ச்சியின் கொடையாம் மலர்ந்தே மிகமகிழ்ந்தார் !

அம்மா' அவரின் றில்லை என்றே அன்பாய் மிகமறுத்தேன் !- அவர்
அம்மா இல்லை' அறிந்தே தந்தேன் அவர்மறு உருவென்றார் !

தொல்லை தனிலே துவண்டேன், அம்மா' தூதர் அவர்வழியாய் - என்
பொல்லா தொல்லை போக்கக் கண்டே போற்றி மிகமகிழ்ந்தேன் !

-ஆர்க்காடு. ஆதவன்

**

கண்மணியே!!
என் கண்ணின் மணியே!!
என் உடலின் உயிரே!!
உயிரில் கலந்த உணர்வே!!
உணர்வில் மலர்ந்த மலரே!!
பிரிந்தோம் நாம்  உடலாலே
இணைந்தோம் நம் மனத்தாலே! - நீயும் இன்று தூரத்து உறவே!
பெரருளாதாரப் பின்னணியில் ்அயல் நாட்டில் உறவுகள் 
சொல்ல யாரும் இல்லை எனச் சொல்லி வந்த தூரத்து உறவுகள்
நட்பின் மூலம் மலர்ந்தன. - உறவுகள் சொல்லி அழைத்தன - நல்நட்பினால்
நற்பயன் கிடைக்குமெனில்!
எல்லா நட்பும் என் தூரத்து உறவே!!

- மு. செந்தில்குமார் -  ஓமன்

**
தூரத்து சொந்தம் தொலைவிலுள்ள சொந்தமா?
நெருங்கிய உறவுக்கு ஒன்றுவிட்டு இருப்பதே!
சின்னத்தாத்தா பெயரனின் சித்தி போன்றதே!
தூரத்து சொந்தம் தொலைந்தே போய்விட்டது!
எல்லாரும் ஒன்றே பெற்றுக் கொள்வதாலே!
தூரத்து சொந்தத்தில் பெண் எடுத்துப்
பெண் கொடுத்துப் பழக்கம் அந்நாளிலே!
விவாகரத்து - அகராதியில் இல்லாத ஒன்று!
விட்டுக்கொடுத்துப் போகும் பழக்கம் இருந்ததாலே!
நட்பும் சொந்தமும் நலம்பயக்கும் நனிவிருந்து!
மனஅழுத்தம் குறைத்து மகிழ்ச்சி கூட்டி
அன்பைப் பெருக்குவது தூரத்து சொந்தங்களே!
விடுமுறையில் பிள்ளைகளை அனுப்பாதீர் தனிவகுப்புக்கு!
சொந்தங்கள் நண்பர்கள் வீட்டுக்குச் செல்வோம்!
மகிழ்ச்சி தனையே மனமாரப் பரிமாறுவோம்!
மனநோயை மண்ணுலகில் விரட்டி அடிப்போம்!!!

- மரு. கொ.ரா தர்மேந்திரா.

**

உறவுகளுக்குள்
உறவுகளின் ஒவ்வாமை
ஓங்கி தொடர்வதால்
ஒட்டியிருப்பதில்லை உறவுகள்...

குடல்வழி உறவுகள்
உடல்வழி உறவுகளென
ஒப்பந்தம் உடன்பட்டாலும்
ஒளிவீச முயல்வதில்லை...

பொருளாதார உறவுகளால்
பொருளற்ற உறவுகளால்
பூகோள விரிப்பில்
பொருளற்றுப் போகிறது
உறவுகளின் உன்னதம்...

அன்பை
எடைப்போட்டுப் பார்ப்பதும்
ஆசைகளை
சிதறடித்து ரசிப்பதும்
இரண்டு கண்களால் இரண்டு காட்சி நிகழ்த்திக் காட்டிக்
கொண்டாடுகிறது உறவுகள்...

உறவுகள் உறவுகளாய் உயிர்க்க
உண்மையிலிருந்து விடுபடாமல்
உறவுகளில்
வாய்மையும் மெய்மையும் ஊடாடி
மகிழ்ந்து கொள்வதில்
பெருமிதம் கொள்ளும் பூமி...

- அமிர்தம்நிலா./நத்தமேடு

**

உறவுகளின் தூய்மை
உறவுகளில் இல்லாத போது தான்
வருத்தமாயிருக்கிறது உறவுகளுக்கு...

அறிகிலிருந்தாலும் தூரத்திலிருந்தாலும்
அன்பு சுரக்க
அகலாதிருக்க அரவணைக்கும்
நினைவுகள்...

கருணைச் சுரப்பதிலிருந்து
கொரூரம் சுரக்க
கவுடாகச் சிரிப்பதுவும் உறவு
உயர்வுக்குப் போகாதற்கு காரணம்...

மிருக உறவுகளின் இன ஒற்றுமை
மனித உறவுகளில் இருந்து விட்டால்
மரணிக்காமல்
மகத்துவம் பெறும் மகாமண்டலப்
பண்புகள்...

உள்ளம் உவப்ப
உயர்வுத் தலைக்கூடி
ஊர்வலம் வர
பிரிவற்ற பிணைந்த உறவில்
துளைத்தாலும் கிழியாது
காற்றுபோலவே
நீரடித்தாலும்
விலகாது உறவின் நீர்...

- கா.அமீர்ஜான்

**
 

]]>
kavithaimani https://images.dinamani.com/uploads/user/imagelibrary/2019/11/19/w600X390/relation.jpg https://www.dinamani.com/specials/kavithaimani/2019/nov/20/poem-about-relationship-3284358.html
3284369 ஸ்பெஷல்ஸ் கவிதைமணி வாசகர் கவிதை தூரத்து உறவுகள் பகுதி 2 கவிதைமணி DIN Wednesday, November 20, 2019 10:00 AM +0530 தூரத்து உறவுகள்

எண்சீர் ஆசிரிய விருத்தம்

மறவாமல் ஒளிந்திருக்கும்  மனத்துள் உண்மை
……….மறந்துவிட நினைத்தாலும் மாறாத் தன்மை.!
உறவாடும் உள்ளமதை உணர்ந்தே ஓடும்
……….உத்தமரின் நிலையான உறவை நாடும்.!
உறவுகளும் பாலமாக உள்ளம் தன்னில்
……….உள்வாங்கிப் புரிதலானால் உறவு வெல்லும்.!
இறவாத நல்லுறவாய் இன்றும் என்றும்
……….இருப்பதுவே பெற்றோரின் இயல்பு ஒன்றே.!
.
முந்தைநாளில்  அயல்நாட்டு மோகந் தன்னில்
……….மேற்படிப்பு படிப்பதற்கே முனைந்த போது
எந்தையவர் விமானத்தில் ஏற்றி விட்டார்
……….எனக்காகச் சொத்தையெல்லாம் விற்று விட்டார்.!
பந்தமதை  மறந்துவிட்டுப் பிழைக்கப் போனேன்
……….பாசத்தைத் தொலைத்திட்டுப் பித்த னானேன்.!
தந்தைதாயை இன்றுவரைத் தாங்க வில்லை
……….தற்போது நினைத்தாலும் தூக்க மில்லை.!
.
தூரத்தே உறவுகளாய்த் தந்தை தாயும்
……….தோலாத நெஞ்சத்தைத் துளைத்துப் பாய..
பாரமாகிப் போனதெல்லாம் பாழும் நெஞ்சே
……….பக்கத்தில் இருப்போரும் பழகும் நஞ்சே.!
வீரமாகிப் போனதெலாம் வினையாய்ப் போக
……….வியனுலகில் உறவெல்லாம் விந்தை ஆக.!
ஈரமில்லா உறவுகளே எங்கும் காண
……….ஈந்ததாயை நினைவூட்டும் என்றும் பேண.!

- கவிஞர் பெருவை பார்த்தசாரதி

**
நிலவிற்கு ஒளியில்லையே  என்று
தினமும் ஏங்கும் சூரியன் !!
பூமியில் ஈரமில்லையே என்று 
கடலை உறிஞ்சும் மேகம் !!
வேடந்தாங்கலில் பலர் தவிப்பரோ  என்று
துடிக்கும்  சில ஆஸ்திரேலிய பெலிகன்ஸ் !!
பூக்களின் அழைப்பில்லையே – இருந்தும்
நுகரப்பறந்து வரும் வண்டுகள் !!
இவையெல்லாம் என்ன ??
உறவுகளை தூரமாக்கும்
மனித மனங்களுக்கு
இயற்கையின் பாடமாய்
சில தூரத்து உறவுகள் !!

- கவிஞர்.  டாக்டர் எஸ். பார்த்தசாரதி

**
நாடு,  மொழி, இனம் எல்லகைகளைக் கடந்து
நட்பாய் இங்கு வந்து கலந்தவர் வீரமாமுனிவர்
தேடாமல் நமக்குக்கிடைத்த தானாக கனிந்த உறவு
தமிழுக்கு மெய் எழுத்தை தந்த தூரத்து உறவு
தேடிவந்து தொண்டு செய்தார் ஜி.யு.போப்  தன்னை
தமிழ் மாணவன் என கல்லரையில் எழுதச் சொன்னார்
தேடாமல்நமக்குக் கிடைத்ததிரவியம் தான்  கால்டுவெல்
தந்திட்டார் ஒப்பிலக்கணம் தமிழுக்குதூரத்து உறவுதான்   

மதம்பரப்ப வந்தமகான்கள் தமிழ் ஆய்ந்து மகிழ்ந்தார்கள்
இன்றைய தமிழின் வளர்ச்சிக்கு உறுதுணை யானார்கள்
உரை நடைதமிழுக்கு உண்டாக்கியவர் வீரமுனிவர்
சுவடிதேடிய சாமியாரான வீரமானமுனிவர் புகழ்வாழ்க.

உலகத்தவர்தமிழ்கற்க உதவியாக லதின்-ஆங்கில அகராதி     
உண்டாக்கியுள்ளார் உத்தமர் புகழ் பரப்புவோம், தமிழ்
உலகத்தின் முதல்மொழிதான் என்று கண்டறிந்தவர்
 கால்டுவெல் என்னும் மொழி வல்லுநர் அவரேதான்

கன்னடம்,தெலுங்கு,மலையாளம் தமிழிலிருந்து வந்ததே
ஆய்ந்து அறிந்து நிறுபித்துள்ளார் தூரத்து உறவானார்
இன்னொரு அறிஞர் ஜி,யு.போப் குறளை ஆங்ககிலத்தில்
முதலில் மொழிபெயர்தவர் உலகப்புகழ் தூரத்துஉறவு
உன்னத உறவுகளை நினைவுகொள்வோம் போற்றுவோம்
தமிழ் காக்க நாம் உறுதிஏற்போம் தமிழ் வாழ்க!

- கவிஞர் அரங்க.கோவிந்தராஜன், இராஜபாளையம்

**
துரத்தும் பல எண்ணம் இங்கு
உறவாகி நிற்கும்,
மறமோடு அறம் தெரிய
வரம் தந்து வாழ்த்தும்,
கரம் நீட்டி சிரம் தொட்டு
புறம் ஓங்க எங்கும்,
தரம் தேடும் நிறம்
மாறா பூக்களெங்கும் சொரிய,
உரம் பாய்ந்த உள்ளத்தே
திறம் கூட்டி நிற்கும்,
சுற்றம் அது பார்க்க ஓர்
குற்றமில்லை என்றே,
மாற்றத்தில் சொன்ன பல
உறவுகளின் கூட்டம்,
பாரமா - பாசமா என
பற்றி மன்றம் நடத்தும்,
அற்ற குளத்து அருநீர் 
பறவையாய் எப்போதும் 
நிற்கும் -தோளோடு சேரும்
கற்கண்டாய் இனிக்கும்,
சொற்கண்டு சோராத
நற்றமிழர்  சுற்றம் .

- செந்தில்குமார் சுப்பிரமணியன்

**
தூரத்து உறவுகளே என்றும் நம்மை 
சுகமான நினைவுகளில் ஆழ்த்தும் என்று 
அனுபவித்த அனைவருமே கூறிச் சென்றார்
அதனையே எல்லோரும் ஏற்றுக் கொண்டார்!

கல்யாணம் காதுகுத்தல்  பிறந்த  நாளென்று
களிப்பான   தினங்களிலே    கூடிப்   பேசி 
துயரான  நேரங்களில்   உடன்   இருந்து 
துயர் குறைக்கும் பணிசெய்யும் தூரத்துறவு!

எப்பொழுதோ கூடுவதால் இன்பம் கொண்டு
இடையினிலே நடந்தவற்றை எடுத்துக் கூறி
பண்புடனே  பழகச்  செய்யும்   தூரத்துறவு
பழிகூறும் பழக்கமெல்லாம் அதனில் இல்லை!

தற்கால நடைமுறையில் பெற்றோர் பிள்ளை
தனித்தனியாய்  பணிநிமித்தம் வேற்று நாட்டில்
வாழுகின்ற  நிலை   வந்து   வாய்த்ததாலே
வதிகின்றார் அவருந்தான் தூரத்து உறவாய்!

பழகி   விட்டாலே    பாலும்  புளிப்பதுபோல்
அருகிருக்கும் உறவுகளில் அன்புக்குப் பஞ்சமாகி
குறைகூறி குற்றங்கண்டு குறுகிய மனத்துடனே
வாழும் நிலையில்லை வழுவாத தூரத்துறவில்!
-ரெ.ஆத்மநாதன்,அமெரிக்கா

- ரெ.ஆத்மநாதன்,பால்ஸ் சர்ச்,வெர்ஜீனியா,அமெரிக்கா

**

கோடைகால விடுமுறைக்கு
அங்கங்கு செல்லலாம்
வேறு வேறு மொழிகளையும்
கற்றுக் கொள்ளலாம்
கடிதங்கள் அனுப்பி கடிதங்கள்
பெற்றுக் கொள்ளலாம்
ஆனால் எங்கே இருந்தாலும்
உறவினர்கள் உறவினர்களாக
இருப்பார்கள்!

- கனிசா கணேசன்

**

வந்த பேரூந்தில் நினைத்த நேரத்திலேறி
எங்கள் ஊருக்கு வருவார ம்மம்மா
வரும் வழியை எதிர்பார்த்திராத
எங்கள் மனம் குதூகலிக்கும்
தூரத்தில் கண்ட அவரை ஓடிச் சென்று
வாசல் வரை கூட்டி வந்து வரவேற்க
இடுப்பில் சொருகிய முந்தானையை அவிழ்த்து
சிறு மிட்டாய் சரையை கொத்தாக கொடுப்பாள்
சிறு தூரத்திலிருந்து திடீர் திடீர் வாசம் செய்யுமென் பாட்டி
அம்மாவின் முகம் பூரிப்பில் பூத்துக் குலுங்குமன்று
தூரமென்பது சிறு தூரமல்ல பெரு நாடாகியது
பேரனும் பேத்தியும் பேசாமலே இருந்துவிட்டு
பேருக்கு நாலு நாள் பேரனிடம் வருவது
பேச்சாகிப் போனது பெரு நாட்டு வாசம்
ஐரோப்பா, அமெரிக்கா வென்று தூரதேச உறவுகள்
காசனுப்பி வைக்கும் இயந்திர மனிதர்தானென்றானது
இயல் தொடர்புகள் துண்டாடப்பட்டு
தொலைபேசியிலே தொலைந்து போனது இன்று!

- யோகராணி கணேசன்/நோர்வே

**
இல்லம் தேடி ஒருவர் எந்தை பெயரை கேட்டார்
நல்ல முதிர்ந்த அவரை நாடி வீட்டுள் அழைத்தேன் !
சொல்லும் அவரின் முகமோ சுடராய் ஒளிரக் கண்டேன் !
வல்ல எந்தை பற்றி வான மழையாய்ப் பொழிந்தார் !

அல்லும் பகலும் பலர்க்கும் ஆன உதவி செய்தார் !
வெல்லும் வழிகள் காட்டி வெற்றி  காண வைத்தார் !
கல்லும் கரைய வைக்கும் கடமை உணர்வை தந்தார் !
நல்லார் அவர்போல் நாட்டில் நவில எவரே என்றார் !

எல்லார் மனத்தும் வாழும் எந்தை ஏற்றம் யாவும்
சொல்லக் கேட்ட யானே சுண்டி இழுக்க லானேன் !
கல்வி கேள்வி அறிவில் காலம் போற்றும் வகையில்
சொல்லும் வண்ணம் வாழ்ந்த தோன்றல் அவர்தம் மகன்யான் !

வந்தார் தூர உறவு வகையைக் கூறி விதந்தார்
இந்நாள் எந்தை போலே இல்லை என்றே மகிழ்ந்தார் !
சொந்தம் இல்லை எனினும் சொந்தம் என்றே நினைந்தார் !
சிந்தை சிறகை விரிக்க செய்த செயலால் மலர்ந்தார் !

எந்தை போலே வாழ என்னை புதுக்கி விட்டார் !
சிந்தை ஏற்றே அவர்போல் சிறக்க உறுதி பூண்டேன் !
வந்தார் வாழ்த்தி, இல்லம் வரவே அன்பாய் அழைத்தார் !
எந்த நாளும் வாழும் இனிய சொந்தம் ஆனார் !

-து ஆதிநாராயணமூர்த்தி, பரதராமி (திமிரி).

**
அன்று
அம்மா இங்கே வா வா,
ஆசை முத்தம் தா தா

நிலா நிலா ஓடிவா,
நில்லாமல் ஓடிவா

இப்படி பாட்டுப்பாடி சோறு ஊட்டியது,
வெறும் பசிக்கு மட்டுமல்ல,
அது பாசத்திற்கும் நேசத்திற்கும் தான் 

பலநூறு ஆண்டுகளானாலும்,
பலநூறு மைல் தொலைவில் வாழ்ந்தாலும்;
உறவுக்குக்கைகொடுப்போம்

அடுத்தவன் உழைப்பையும் பொருளையும்,
அவனிடமே சேர்ப்போம்

இன்று
கைப்பேசியில் பாட்டு,
குழந்தைகளுக்கு வேட்டு

தெருவில் விளையாடினால்,
படிப்பு கெட்டுவிடும்
பாம்பு கடித்து வடும்

யார் என்ன உறவு?
சொல்லித்தருவதேயில்லை;
அவரால் என்ன பணவரவு?
இதுதான் இன்றைய உலகநிகழ்வு

ஏமாந்தால்! அடுத்தவன் உழைப்பையும்,பொருளையும்,
எந்த கூச்சநாச்சமும் இல்லாமல்; சுரண்டவும்,களவாடவும் நினைக்கிறது தற்கால உலகம்.

- ம சபரிநாத்,சேலம்

**

உறவுகளின் உன்னதமறியா
உள்ளங்கை பேசி தலைமுறைக்கு
உள்ளபடியே எல்லாம் தூரத்து உறவு தான்

கணிப்பொறி வல்லுநராகி கனவு தேசத்தில்
காலம் கடத்தும் கார்பரேட்காரர்களுக்கு
கருவாக்கி உருவாக்கியவர்களும்
தூரத்து உறவுதான்

முகநூலில் புகழ் தேடி
வாட்ஸ் ஆப்பில் வம்புபேசி
இன்ஸ்டாகிராமில் இணைதேடும்
சிற்றின்பத் தலைமுறைக்கு
உறவுகளின் பேரின்பம் புரிந்திடுமா?
எல்லாம் தூரத்து உறவுதான்

பிள்ளைகளை கைவிடும் பெற்றோர்
செல்பேசிகளை கைப்படறி நடக்கும்
காலமதில் பெற்ற பிள்ளைகளும்
தூரத்து உறவுதான்.

கருப்பு பணத்தை ஒழிக்கும் கதை சொல்லி
வெள்ளை பணத்தையும் பதிப்பிழக்க செய்ததுபோல்
நம்மை உறவாட வைக்க வந்த
கருவிகள் எல்லாம் உறவுகளுக்கு
ஊரு விளைவிக்கும் காலமும் மாறும்
நம்பிக்கையோடு காத்திருபோம்

- ம.முரளிதரன்

**

உறவுகள் என்றும் உறவுகளே 
பக்கத்து உறவுகள் என்ன 
தூரத்து உறவுகள் என்ன ! 
தொலைக்காத உறவு எல்லாம் 
நெருங்கிய உறவுகள்தான் !

நடைமுறையில் இன்று  பேரன் பேத்திகள் 
தாத்தா பாட்டி  பக்கத்திலா உள்ளார்கள் ?
சொந்த தாத்தா பாட்டியே  இன்று தூரத்து 
சொந்தம் என்று மாறும் நிலைமை ! 

இனி வரும் நாளில்  பக்கத்து சொந்தம் 
தூரத்து சொந்தம் இரண்டுக்கும் ஒரு 
புது அர்த்தம் தேட வேண்டிய கட்டாயம் 
ஒன்று நிச்சயம் உருவாகும் !

பக்கத்தில் இருந்தால் மட்டும் சொந்தம் என்று 
இல்லை !  தூரத்தில் இருந்தாலும் தாத்தா 
பாட்டி தூரத்து சொந்தம் இல்லை என்று 
பிள்ளைகளுக்கு சொல்லும் ஓர் காலம் வரும் 
கண்டிப்பாக !

- கந்தசாமி நடராஜன் 

**

மனித குலம் 
மண்ணில் வேரூன்ற
உறுதுணையாக இருக்கும்
உறவுகள் தான் எத்தனை!
அன்பினால் இணைந்த
உறவுகள்!
ஆசையினால் மலர்ந்த
உறவுகள்
பாசத்தினால் பணிந்த
உறவுகள்!
நேசத்தினால் நனைந்த
உறவுகள்!
கருணையில் கரைந்த
உறவுகள்!
காதலில் கனிந்த
உறவுகள்!
உரிமையில் பிறந்த
உறவுகள்!
உயிராய் மதிக்கும்
உறவுகள்!
என
உறவுகளின்
மகிழ்ச்சியில்
வளர்ச்சியில்
தழைக்கும் வாழ்க்கை !
உண்மையான அன்பு
உன்னிடம் இருந்தால்
தொலை தூரத்து உறவுகளும்
தொடும் தூரத்தில் தான் !

**

கூட்டாக ஒருகூட்டுள் வாழ்ந்த வர்கள்
கூறுகூறுயாய்ப் பிரிந்தின்று வாழு கின்றார்
பாட்டியொடு தாத்தாவும் அத்தை மாமா
பாசமுடன் பெரியப்பா சித்தி என்றே
நாட்முடன் ஒருவருக்குள் ஒருவ ராக
நல்லன்பு காட்டியொன்றாய் வாழ்ந்த வர்கள்
வேட்டுவைத்த மலைபிளந்து சிதறி னாற்போல்
வேறுவேறு இடங்களுக்குப் பெயர்ந்து போனார் !
சின்னசின்ன கதைகளினைப் பாட்டி சொல்லிச்
சிதையாமல் பண்பாட்டை மனத்துள் ஊட்டப்
பின்னிபின்னித் தாத்தாவும் கைகள் கோத்துப்
பிறரோடு இணைந்துவாழும் நெறிகள் கூறத்
தன்னலமே இல்லாமல் அண்ணன் தம்பி
தங்கையக்கா அனைவருமே நேசத் தோடே
இன்பதுன்பில் பங்குகொண்டு வாழ்ந்த வர்கள்
இன்றுபல காரணத்தால் பிரிந்து சென்றார் !
கல்வியிலே முன்னேறிப் பணிகள் பெற்றுக்
கனவுகளை நனவாக்க நகரம் சென்றார்
நல்லதொரு குடும்பமாக வாழ்ந்த வர்கள்
நல்வாழ்வு வசதிக்காய் தூரம் சென்றார் !
பொல்லாதப் பணந்தன்னை ஈட்டு தற்குப்
பொழுதெல்லாம் எந்திரமாய் மாறிப் போனார்
அல்லல்கள் வந்தபோது அணைப்ப தற்கோ
அருகினிலே இல்லாமல் தனிமை யானார் !

- பாவலர் கருமலைத்தமிழாழன்

**

வெகுதூரத்தில் இருந்தாலும்
ஒவ்வோர் இரவிலும் கதைசொல்லி
என்னை உறங்க வைக்கிறது நிலா
ஆற்றோர நந்தவனத்தில் இருந்தபடி
மலர்கள் எனக்குப் பரிசனுப்புகின்றன
மணத்தை
நிலத்தின் மறுமுனையில் இருந்தாலும்
நித்தமும் வருகிறது
தோழியின் அழைப்பொலி
சிம்லாவில் விளைந்த ஆப்பிள்
என்வீட்டு
ஊண்மேடையில்
உலகின் எல்லா பாகங்களில் இருந்தும்
வந்து குவிகின்றன நட்பஞ்சல்கள்
என்வீட்டுக் கணினியில்
தூரங்கள்
பிரித்துவிடாது
உறவுகளை...

-கோ. மன்றவாணன்

**

உறவுகளால் செதுக்கப்பட்ட கண்ணாடி பேழைக்கு,
அன்பே திறவுகோலாக,
அரும்பும் மழலைகள் முதல்
முதுமை தவழும் முதியோர் வரை
உறவுகளின் பலம்
உள்ளங்கையில் நெல்லிக்கனியாய் !
ஈருடல் ஓருயிருள் உருவாகும் சிசுவுக்கு
தொப்புள் கொடியே உறவின் பாலமாக,
அன்னை உணர்த்துவாளே உறவின் மகிமை !
விடுமுறை நாட்களிலும், திருவிழாக்களிலும்
ஒன்றிணைந்த மூன்று தலைமுறை உறவுகள்
இன்றோ தாம் கடந்த பாதைகளின் நினைவலைகளுடன் திருப்பப்பட்ட
பக்கங்களாய் !
அன்று தூரத்து உறவுகளும் மனதால் நெருங்கி இருக்க,
இன்றோ தொப்புள் கொடி உறவே
தூரத்து உறவாக ,
கையளவு இதயத்தில் முள் தைக்க
விழிகளில் குருதி கசியுதே !
தொழில்நுட்ப வளர்ச்சியின் தொலைநோக்கு பார்வையில்,
பண்பாடுகள் தடுமாற தொலைதூரத்தில் உறவுகள்,
தூரத்து உறவுகளாய் புகைப்படங்களில் !

- தனலட்சுமி பரமசிவம்

**

நாள்தோறும்   வீடுதேடி   வந்து  செய்தி
        நமக்களிக்கும்   நாளிதழும்,   அறிஞர்   சான்றோர்
வாள்கூர்மை   கருத்துநிறை   அறத்தைக்   கூறும்
       நூல்களுந்தான்,  பள்ளிநாடி   வந்து   பாடம்
நீள்வாழ்வை   நிமிர்த்திடவே   கற்பிக்   கும்சீர்
        நல்லாசி    ரியர்களும்,நல்   மனத்து   நட்பால்
தோள்கொடுக்கும்   நண்பர்கள்  யாவ  ருந்தாம்
          தூரத்து   உறவுகளே   என்று   ணர்வோம்!

உணவீயும்   உழவர்கள்,  உழைப்பை   நல்கும்
           உழைப்பாளர்,  நல்லாட்சி   ஆளு   வோர்கள்,
குணமிகுந்து   உதவிடுவோர், நலத்தைக்   காக்கும்
         குன்றுநிகர்   மருத்துவர்கள்,  பணியில்   கூட
சுணக்கமற்றச்   செவிலியர்கள்,  நயன்மை   வெல்ல
          சட்டத்தை   நிலைநிறுத்தும்   காவ   லர்கள்,
பணத்திற்காய்  விலைப்போகா   வழக்கு   ரைஞர்கள்,
        பலரிவர்போல்   தூரத்து   உறவு   கள்தாம்! 

- கவிக்கடல்,  கவிதைக்கோமான், பெங்களூரு.

**
தூரத்து   உறவுகளாய்   மண்ணைத்   தேடித்
         துளித்துளியாய்ப்   பொழிகின்ற  மழையு  ணர்வோம்;
தூரத்து   உறவுகளாய்   வையந்   தன்னில்
         தூயஒளி   வீசியேதான்   பாடம்   சொல்லும்
ஆரமுதாம்   நிலவுகதிர்   பாங்கு   ணர்வோம்!
          அன்பாலே   தூரத்தை   விரட்ட  டிப்போம்;
தூரத்து    உறவுகளாய்   வேடந்   தாங்கல்
         தேடிவரும்   பறவையிடம்   பாடம்  கற்போம்!

தூரத்து   உறவுகளாய்க்    கான்நி    றைந்த
       செடிகொடிகள்   மரங்களைப்போல்   உதவ வேண்டும்!
தூரத்து   உறவுகளாய்க்   கனிகள்   காய்கள்
       தீராத   பசிக்குதவும்    உயிர்க    ளுக்கு;
தூரத்து   உறவுகளாய்   விளையும்    யாவும்
        தரைவாழும்   மாந்தருக்கு   உணவாய்   மாறும்;
தூரத்து   உறவுகளாய்    வாழ்ந்த   போதும்
       துயர்துடைக்கும்   பாங்குடனே  வாழ வேண்டும்!

- நெருப்பலைப் பாவலர், இராம இளங்கோவன், பெங்களூரு

**

]]>
kavithaimani https://images.dinamani.com/uploads/user/imagelibrary/2019/11/19/w600X390/distance.jpg https://www.dinamani.com/specials/kavithaimani/2019/nov/20/dinamami-kavithaimani-poems-3284369.html
3285210 ஸ்பெஷல்ஸ் கவிதைமணி இந்த வாரம் கவிதைக்கான தலைப்பு: மெளன சிறை!   கவிதைமணி DIN Wednesday, November 20, 2019 10:00 AM +0530  

கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

'தூரத்து உறவுகள்'  என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: மெளன சிறை!

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படும்.

]]>
kavithaimani https://images.dinamani.com/uploads/user/imagelibrary/2019/11/20/w600X390/Silence1.jpg silence https://www.dinamani.com/specials/kavithaimani/2019/nov/20/dinamani-readers-poem-3285210.html
3278777 ஸ்பெஷல்ஸ் கவிதைமணி பெண்ணென்று சொல்வேன் வாசகர் கவிதை பகுதி 1 கவிதைமணி DIN Wednesday, November 13, 2019 11:00 AM +0530  

அச்சுறுத்திய கள்ளிப்பாலும் நெல்மணிகளும் இன்று
மண் பார்த்து வெட்கி தலை கவிழ,
பெண்மை போற்றும் தமிழ் மண்ணில்
பெருமையுடன் பெண்ணென்று சொல்வேன் !
அடுப்படியே வாழ்வின் எல்லையென்ற பெண்களுக்குள்
வீரமங்கை வேலுநாச்சியாரும் , ராணி இலக்குமிபாயும்
இந்நாளில் மறுபிறவியாய் உரு கொள்ள
இன்று எல்லையில் காவல் வீராங்கனைகளாய் !
விவசாயம் முதல் விண்வெளி ஆராய்ச்சி வரை
ஒவ்வொரு துறையிலும் பெண்கள் திறன் காட்ட,
பெண்ணுரிமைக்காக திடத்துடன் குரல் கொடுக்க,
பெண்களை வழி நடத்தியதே பெண்கல்வி !
அழகு வர்ணனைகளில் மனம் மயங்காது
விவேகத்துடன் சிந்தித்து செயல்பட்டு
தன்னையே செதுக்கும் பெண் சிற்பிகளை
பெருமிதத்துடன் பெண்ணென்று சொல்வோம் !

- தனலட்சுமி பரமசிவம்

**

பெண்ணென்றே ஐந்திணையைச் செப்பி வைப்பேன்;
 பெண்ணின்றி மாந்தவுயிர் பிறப்பெ டுக்க
மண்ணுலகில் வழியுமில்லை; நாளு மிங்கே
 மயிரளவும் வினையெதுவும் விளைவ தில்லை;
கண்ணின்றி காட்சியுண்டு; ஆனா லெங்கும்
 பெண்ணின்றி வாழ்வியலும் வாய்ப்ப தில்லை;
மண்ணின்றி எவ்வுயிரும் வாழு மென்றால்
 பெண்ணென்றே பெரிதுவக்கச் சொல்வேன்  போற்றி!

இயற்கையுந்தான் பெண்ணென்றே புகழ்ந்து ரைப்பேன்;
 இடிமின்னல் மழையுமென்றால் பெண்ணே என்பேன்;
இயல்பாக பேரறிவும் வலிமை ஆற்றல்
 இணைந்திருக்கும்  பெண்ணென்றே பெருமைக் கொள்வேன்;
இயங்குகிற பேரருவி பெண்ணே என்று
  இதயஞ்சூழ் உண்மையாலே உரக்கச் சொல்வேன்;
இயற்கையைப்போல் இவ்வுலகில்   மட்டு மல்ல,
 எவ்வுலகும் பெண்ணாலே என்பேன் போற்றி!

- கவிக்கடல், கவிதைக்கோமான், பெங்களூரு.

**

கோழைகள் பேடிகள்,
மானமிலாது பிழைக்கினும்  
உயிர்வாழ்வு பெரிதென
யாவும் துறந்து ,மாண்பை மறந்து
கண்ணீர் விட்ட கதையையே
கண்டது  தூக்குக் கயிறு ;
சுதந்திரம் பெரிதென முத்தமிட்டுத்  
தானே மாட்டித் தூக்கடா
என்று கண்ணைக்காட்டிய
வீர பாண்டியக் கட்டபொம்மனின்  
முதல் முத்தம் பெற்று  இளகியது

- -கவிஞர் வையவன் 

**

அவளின் மேனி என்னோடு இல்லை
அதனால் எனக்கொரு
கவலை இல்லை; அவளின் மனதோ என்னோடு இருக்கிறது
அதனால் எனக்கொரு துக்கம் இல்லை
சுத்தமான பெண்ணென்று
சொல்வேன்; எனது ஆண்மையின் மீது அவளுக்கு மோகமில்லை;
எனது அந்தஸ்தின் மீது அவளுக்கிம்மி ஆசையில்லை; ஏழ்மை
மீது அவளுக்கொரு அவமானமில்லை எனில் பெண்ணென்று
சொல்வேன்; எனது தாழ்மையின் மீது அவளுக்கு அறுவறுப்
பில்லை எனது உள்ளத்தின் மீதவளின் விருப்பம் கொள்ளை
அதனால் மறக்கமுடியவில்லை அவளே
பெண்ணென்று சொல்வேன்
இதில் வேஷமோ தோஷமோ யில்லை
அவள் என்னிடமோ
நான் அவளிடமோ காதலை வினவவே யில்லை; இறைவன்
சேர்ப்பானோ மாட்டானோ தெரியாது
ஆனாலும் பெண்ணென்று
சொல்வேன்; சேரும் நாள் வரும்வரை பிரிவு வராது இருக்கட்டுமே
பாறைக்குள்ளும் தேரை நட்பின்றி ஒட்டு
உறவின்றி தனிமையில்
உயிர் வாழ்ந்து கொண்டுள்ளது போல் இருவருமே வாழ்ந்து
கொண்டு இருப்பதாலப்பூவை உரிமை பெண்ணென்று சொல்வேன்

- ஆபிரகாம் வேளாங்கண்ணி கண்டம்பாக்கத்தான் 

**

மின்னல்பூ    பூக்கின்ற   பெண்ணே   இந்த
       மண்ணுலகை   ஆளுகின்ற   திறனைக்   கொள்வாள்;
பின்னலேதான்   பூவாகப்   பூக்க   வைக்கும்
        பெண்ணேதான்   புவிப்புரட்டும்   நெம்பு கோலே!
கன்னப்பூ   முத்தத்தில்   மயங்கி   டாமல்
       கண்ணகியாய்க்   கொதிப்பவளே   நாட்டின்  தூண்கள்!
புன்னகைப்பூ   மணத்தினிலே   வையம்   ஆளும்
        பெண்ணென்றே   பெருமையுடன்   சொல்வேன்   நானே!

செந்நெல்லும்    தலையசைத்து   சிரிக்கு   மென்றால்
        தையலவள்   பேருழைப்பின்   பயனே  யாகும்;
செந்நெருப்பில்   புடம்போட்ட   பொன்னென்   றாலோ
         சீர்மைமிகு  பெண்ணென்றே   சொல்வேன் நானே!
வெந்தாலும்   சங்கெனவே   வெண்மை   கொண்ட
         வஞ்சியரே   பாரினையும்   இயக்கும்   தெய்வம்;
செந்தனலில்   புழுவாகத்   துடித்த   போதும்
         சொல்லிடுவேன்   பெண்ணின்றி   வைய  மில்லை!

- நெருப்பலைப் பாவலர், இராம இளங்கோவன், பெங்களூரு. 

**
என்மீது விருப்பம் இருந்தால் மட்டும்  
என்னை தேடி வரலாம்; அவளையே நல்ல பெண்ணென்று சொல்வேன்

அருகில் வரலாம் என்னில் ஐக்கிய மாகியும் விடலாம்; 
மோகினியல்லா தவளை பெண்ணென்று சொல்வேன்

நாம் வகுத்த பாதையில்லை பரமனால் 
வகுத்த  பாதையென;  நினைப்பவளை
அதிசய பெண்ணென்று சொல்வேன்

வேண்டி வருவதை தூண்டி வருவதை வேலித்தாண்டி வருவதை; 
விரும்பா தாளை பெண்ணென்று சொல்வேன்

தோண்டி விசாரிக்க  விரும்பவில்லை 
இதயம் காத்துக் கிடக்கிறது; வரவுக்கு 
அவள் வந்து விட்டாள் என் உறவுக்கந்த 
பூவையை பெண்ணென்று சொல்வேன் 

- வே. சகாய மேரி, அரியலூர் திருக்கை

**

பெண்ணென்று சொல் வேன்
பெருமை மிகக் கொள்வேன்
கண்ணென்று சொல்வேன்
கல்வியோடு வா என்பேன்
அடுப்படியில் சமையலறை
மட்டும் அகிலத்தை ஆள உதவாது
ஒழுக்கம் நிறைந்த கல்வி
பெண்ணை உயர்த்தி வாழ
வைக்கும் என்றே முழங்கிடு
கலாசார மாறுபாடுகள்
குடும்பத்தில் மாற்றம்
தந்திடாமல் ஒருவனுக்கு
ஒருத்தியாக பாரதிதாசனின்
குடும்பவிளக்காக வாழ்ந்துவிடு

- லட்சுமி

**
தாய்மையின் சிறப்பை
பெண்ணென்று சொல்வேன்!

"தாய்க்கு பின் தாரம்" என்ற அவதாரமானவளை
பெண்ணென்று சொல்வேன்!

ஒரு ஆணின் வெற்றிக்கு 
பின்னேயும்!
முன்னேயும்!
இருப்பவளை! பெண்ணென்று சொல்வேன்!

ஒரு குடும்பம் சிறக்க!
குதூகலம் பிறக்க!
வேண்டும் ஒன்றை! பெண்ணென்று சொல்வேன்!

அப்பா! அம்மா!
மனம் தளரும் போது!
நான் இருக்கிறேன் என்று பிறந்த வீட்டில்!சிறுவயதில்
சொன்னதையே!
 புகுந்த வீட்டிலும்
கடைப்பிடிக்கும் மகள்களை!
( மருமகள்களை)
 தலைசிறந்த பெண்ணென்று சொல்வேன்!

 செலவைச்சுருக்கி!
வரவைப்பெருக்கி!
வேண்டியதை மட்டுமே
புகுத்தி வாழும்!
புத்திசாலியான
ஒருத்தியை! பெண்ணென்று சொல்வேன்!

யாராக இருந்தாலும் வேறாக பார்க்காமல்!
உறவுகளை மேம்படுத்த!
உணர்ச்சிகளை கட்டுப்படுத்தி!
உள்ளங்களை கொள்ளை கொள்ளும்
ஒருத்தியை!
பெண்ணென்று சொல்வேன்!

தாயாக! தாரமாக!
பாட்டியாக!சித்தியாக!
பெரியம்மாவாக!
இப்படி பெயர் சூட்டி!அழைத்திட்ட போதும்!
 நற்குணங்கள் யாவையும்!
கைவிடாத ஒருத்தியை
மிகச்சிறந்த பெண்ணென்று சொல்வேன்!

பிறந்த வீட்டில் வறுமை!
புகுந்த வீட்டில் வளமை!
தம்பி தங்கைகள் படிக்க
பணம் ஒரு தடை!
அச்சமயம் புகுந்த வீட்டில் கேட்டு!
பிறந்த வீட்டிற்கு உதவும்
குணமுள்ள ஒருத்தியை!
பெண்ணென்று சொல்வேன்!

மாமனார் மாமியார்
வயதாகி தளரும் போது!
தன் தாயாக தந்தையாக
கண்துஞ்சாமல் கவனிக்கின்ற ஒருத்தியை! அற்புத
பெண்ணென்று சொல்வேன்!

எள்ளளவும் ஐயமில்லை பெண்கள் வீட்டின் கண்கள்!
ஒலியையும் ஒளியையும் காத்து! வலியையும்!
அதனை நீக்கிடும்
வழியையும் தெரிந்து!
யாவரையும் புரிந்து! அனுசரித்து வாழும்!
பெண்களையும்!
நல்ல பெண்ணென்று சொல்வேன்!

- கவிச்சித்தர் களக்காடுவ.மாரிசுப்பிரமணியன்.

**

]]>
Poem https://images.dinamani.com/uploads/user/imagelibrary/2019/11/13/w600X390/2.jpg பெண்ணென்று சொல்வேன் https://www.dinamani.com/specials/kavithaimani/2019/nov/13/woman-based-poems-by-dinamani-readers-3278777.html
3278706 ஸ்பெஷல்ஸ் கவிதைமணி பெண்ணென்று சொல்வேன் வாசகர் கவிதை பகுதி 3 கவிதைமணி DIN Wednesday, November 13, 2019 10:00 AM +0530  

எண்சீர் ஆசிரிய விருத்தம்

பெண்ணென்று சொல்லுதற்கே பிறப்பெ டுத்தார்
..........பெண்குலத்தைக் காத்துநின்று பெருமை சேர்த்தார்.!
கண்போல ஏழைநலம் கருத்தில் கொண்டார்
..........கடமைதனைச் செய்வித்துக் காலம் வென்றார்.!
புண்ணின்மேல் வேல்பாய்ச்சும் பாவி வென்றே
..........புண்ணியங்கள் பலசெய்தார் புவியில் நன்றே.!
எண்ணமெலாம் பொதுநலமே என்றே கொண்டார்
..........எப்போதும் தமிழ்நாட்டின் ஏற்றம் கண்டார்..!
.
கீர்த்திமையும் திறமையும்நம் கண்முன் நிற்கும்
..........கொடுமைதீரக் கொதித்தெழுந்த கோபச் சிங்கம்.!
கூர்மையான அறிவினையே கொண்ட கீர்த்தி
..........குடிமக்கள் நலமொன்றே குறிக்கோள் ஆக்கி.!
பார்முழுதும் பெண்ணினத்தின் பெருமை சொல்ல
..........பகவானின் அருளினையே பெற்றார் வெல்ல.!
சோர்வினையே அண்டாமல் சுற்றம் போற்ற
.......... சோகமான வாழ்முடிவைச் சுகமாய் ஏற்றார்.!
.
கருத்துடனே பணிசெய்து குறைக ளைந்தார்
..........கனிவுடனே தம்மக்கள் காத்து நின்றார்.!
பெரும்பழியே வந்தாலும் பொறுத்துப் போனார்
..........பகுத்தறிவால் அரசியெனப் பண்பில் ஆனார்.!
வருத்தமுற வைத்தாலும் வம்பு செய்யார்
..........வில்லங்கப் பேர்வழிக்கு மன்பு செய்வார்.!
பெரும்புகழே பெற்றவொரு பெண்ணைச் சொல்ல
..........பேரரசி அம்மாவின் பெயரைச் சொல்வேன்.!

- கவிஞர் பெருவை பார்த்தசாரதி

**

உயிரூட்டும்
ஒவ்வொரு நதியின் பெயர்கேள்...
அலையேறி வந்து
கரையின் காதுகளுக்குச் சொல்லிப் போகும்
பெண்பெயர்களையே.
கனவையும் கற்பனையையும் கவிதையையும்
கலந்து பிசைந்து ஊட்டும்
நிலவின் பெயர்கேள்...
முகில்துணி விரித்து
மூடிக்கொள்வாள் முகத்தை...
அழகி என்றுரைத்து.
அன்பு
அருள்
மன்னித்தல்
வயிற்றுக்குச் சோறிடல்
இந்தச் சொற்களுக்குரிய பால்
எதுவெனக் கேள்...
பெண்பால் எனக்கூறும் வாழ்விலக்கணம்.
வீட்டு
விளக்கு ஒவ்வொன்றும்
ஒளியால் எழுதுகிறது
பெண்ணுக்கு வாழ்த்துப்பா
கோயில் கருவறை
தாயின் கருவறை
எது உயர்ந்தது என்று என்னிடம் கேள்...
பெண்ணென்று சொல்வேன்.

-கோ. மன்றவாணன்

**

பித்தர்களைச் சித்தர்களைப் பேயர்களை எத்தர்களைப்
பின்வந்த எத்தனையோ புத்தர்களைப் பக்தர்களை
முக்தர்களைச் சக்திமிகு சித்தமதில் ரத்தமதில்
மோகமதை வேகமுடன் மூச்சிரைக்கக் கொள்வார்களை
முத்தப்போதை நித்தம்கொண்ட உன்மத்தர்களை
மூன்றுலகை ஆளும்பல நல்லமன உத்தமர்களை
மொத்தத்தில் மண்ணுலகில் உருவாக்கி விட்டவர்யார்?
முழுமதிபோல் வாழ்கின்ற பெண்ணென்று சொல்வேன்

எரியும் தீபத்தின் நெருப்பு யார்தந்தது?
எழிலாக விழுகின்ற மழைநீர் யார்தந்தது?
விரியும் வானத்தின் வெள்ளொளி யார்தந்தது?
விதியின் போக்கைமாற்றும் சக்தி யார் தந்தது?
சரியும் கூந்தலுக்குள் சதிராடும் அழகோடு
சந்திரனைச் சந்ததமும் சிறைவைத்த விழியோடு
கரியும் வைரமாய் மாறுகின்ற சூட்சுமத்தைக்
கண்ணழகில் தருகின்ற பெண்ணென்று சொல்வேன்

ஆண்டவனைப் போலிங்கே தாண்டவம் ஆடி
அகிலத்தைக் கால்களில் சலங்கையாய் மாட்டி
தூண்டுகின்ற விளக்கதனைப் போல்நித்தம் எரிந்து
தூர்நிறைந்த மண்ணுலகைத் தூபத்தில் எரித்து
வேண்டுகின்ற வரம்தரும் வெண்ணிலாத் தேவதை
வீணர்களின் ஆணவத்தை வெங்காட்டில் அழித்து
மாண்டுபோன மாண்புகளை உயிர்ப்பித்துக் காலத்தில்
மாளாதவள் யாரென்றால் பெண்ணென்று சொல்வேன்

ஒருபஞ்சம் இல்லாத பிரபஞ்சம் ஒன்று
உருவாக்கும் வல்லமை யாரிடம் உண்டு
பெரும்வஞ்சம் தன்னைப் போரிட்டுக் கொன்று
பிறழாத நீதிவேண்டும் என்றுகேட்டுக் கொண்டு
தெருவெங்கும் நெருப்பாழி சூழவைத்து விட்டு
தெய்வமாய் மாறுகின்ற சக்தியாரிடம் உண்டு
மருவொன்றும் இல்லாத மனதோடு வாழும்
மங்கைஎன்று சொல்கின்ற பெண்ணென்று சொல்வேன்

- கவிஞர் மஹாரதி

**

நூலறுபடும் காற்றாடி ஆனாலும்
வட்டத்திற்குள்தான் பறக்க வேண்டும்
மாறாத மனிதர்களுடன்தான் பயணம்
ஆனாலும் மாறத்தான் வேண்டும்
பூப்பெய்தால் புதிய உலகம் பிறக்கிறது
கம்பிகளில்லா கூண்டுகளில் சிறைவாசம்
மணமானப்பின் கம்பிகளுடன் பரப்பளவு
குறைந்த கூண்டு
குழந்தைகளைப் பெற்றப்பின் தலையில்
சுமக்கப்படுகிறது கூண்டு

சமுதாயத்தைத் தாங்கும் திறம் கொண்ட
தூண்தான் ஆனாலும் சுயம்-மண் பறிக்கப்பட்டு
வேரறுத்து வேறொரு தூணின்மீது
சாய்க்கப்படுகிறது 'சாறுண்ணியாக'

ஆசைகொள்ளக்கூட அடுத்தவர்
சிபாரிசு வேண்டும்
ஒரே இனமானாலும் கூட இரவுப் பொழுதுகள்
இணையான பாதுகாப்பு தருவதில்லை
சுயநலம்கூட இன்னொருவருக்காய்
இருத்தல் வேண்டும்
பொதுநலத்திலும் முழுப்பொறுப்பினை
சுமத்தல் வேண்டும்

ஒரே உருவில் பல மாற்றங்கள்
முகமூடி அணியா புதுப்புது சாயல்கள்
கட்டுப்பாடுகளால் கட்டமைக்கப்பட்ட உருவம்

வஞ்சனையுடன் வழி நடத்தப்படுகிறது
வழிமுறை பேணா சமுதாயத்தால்

இவ்வளவையும் பொறுப்பவர்கள் யாரென
விழியுயர்த்தி என்னிடம்
வினவினீர்களாயின் நான்
பெண்ணென்று சொல்வேன்  

- ஹமி,, தேனி

**

ஆக்கலும் அளித்தலும் அன்பு செலுத்தலும்   
அரிவையர் செயல் என்றால் மிகையில்லை! 
இருபெரும்  இதிகாசம் எழுவதற்கு  காரணம் 
 பெண்ணென்று சொன்னால் பிழையில்லை!

சிலம்புக்கும் மேகலைக்கும பெருமைஎதுவெனில்   
சிறப்பென்று   பெண்ணை  செப்பியதுதான்!   
பெண்ணின் பெருந்தக்க யாதுமில்லையென 
ஐயனின் குறளுக்குமேல்  அரியசொல்  இல்லை !

சட்டமும் இல்லாமல் சாட்டையும் இல்லாமல் 
சாதிக்க பிறந்த(து ) பெண்ணென்று சொல்வேன்!
கூட்டு குடும்பத்தை போற்றி வளர்த்தவர்கள்-பின் 
கூட்டை கலைத்து தனிவீட்டை  வார்த்தவர்கள்! 

மாமியார் வன்முறை மருமகள்  தற்கொலை  
கொடுமை தீருமா?   குவலயம்  அழுதது  -இன்று   
மருமகள் வந்ததும்  மகனின் தந்தைதாய்க்கு    
முதியோர் இல்லமே முகவரி தந்துநின்றது  ! 

பிள்ளையை பெற்றவர் பிரிந்தும்  வாழ்வதும் 
பெண்ணை கொடுத்தவர் பூரித்து மகிழ்வதும் 
இன்றைய நிலையென யாருக்கும் தெரியும் 
இதையும் மாற்ற பெண்ணாலே முடியும் !

- முத்து இராசேந்திரன், சென்னை 

**

தாயாய் இப்பிறவியில் வந்து
....தரணியில் என்னைப் படைத்தவள்
சேயாய் என்னைச் சுமந்து
....சேவை செய்து மகிழ்ந்தவள்
மகளாய் மகிழ்ச்சியைத் தந்து
....மனைவியாய் வாழ்வைப் பகிர்ந்தவள்
மேகமாய் அன்புமழை பொழிந்து
....மென்மை மலரின்இதயம் கொண்டவள்
தன்னலம் கருதாத தொண்டால்
....திங்கள்போல் ஒளிவீசும் இல்லம்
தன்னம்பிக்கை யால்தினம் போராடி
....திண்ணமானது பெண்ணின் உள்ளம்
நல்லசெயலால் நாட்டை உயர்த்துபவரை
....நான் பெண்ணெண்று சொல்வேன்
வல்லமையால் சிகரம்தொடும் பெண்ணை
....வாழ்த்தி நானும்தலை வணங்குவேன்

- கவிஞர் நா. நடராஜ், கோயமுத்தூர்

**

பெண்ணென்று சொல்வேன் - அதனை
பெருமையாகவே சொல்வேன்

எங்களுக்கு இந்திரகாந்தியை போல ஆளவும் தெரியும்
எங்களுக்கு மிதாலிராஜை போல ஆடவும் தெரியும்

அன்பை பொழிவதில் மாரி(மழை)யாக இருந்திடுவோம்
அயராது உழைப்பதில் மேரி க்யூரியாய் வாழ்ந்திடுவோம்

நாங்கள் தன்னார்வ தொண்டில் சிறந்திருப்போம் 'குவாரிஷாக'
நாங்கள் தடகளத்தில் சிறந்து விளங்குவோம் பி.டி.உஷாவாக

தெரசாவாக  மணமாகாமல் தொண்டாற்றி நோபலை பெற்றிடுவோம்
மேரிகோமாக மணமானாலும் விளையாடி தங்கத்தை பெற்றிடுவோம்

தேகம் ஊனப்பட்டாலும் வென்றுகாட்டுவோம் 'ஹெலன் கெல்லராக'
தேகத்தை சுட்டாலும் கல்விக்கு வழிகாட்டுவோம் மலாலாவாக

இறகுப் பந்தில் சவலாக இருப்போம் பி.வி.சிந்துவாக
இறக்கை விரித்தே பறந்திடுவோம் கல்பனா சாவ்லாவாக

எங்களுக்கு கழனியில் களையெடுக்கும் நுட்பமும் தெரியும்
எங்களுக்கு கணிணியில் பணிபுரியும்  நுட்பமும் தெரியும்

சமைத்து துவைத்துவாழும் சாதாரண வாழ்க்கையும் தெரியும்
சோதனையை கடந்துவாழும் சரித்திர வாழ்க்கையும் தெரியும்

நாங்கள்  வீட்டில் வளர்ந்திடுவோம் செல்லப் பிள்ளையாக
நாங்கள் என்றுமே வணக்கத்துக்குரிய 'சின்ன பிள்ளை'யாக

ஏனெனில்  பெண்ணென்று சொல்வேன்
அதற்கு மேலாக தெய்வமென்றும் சொல்வேன்

குறிப்பு : -"குவாரிஷா - தென் ஆப்பிரிக்காவின் தொற்றுநோய் மற்றும் நோய்தடுப்பு நிபுணர் - தன்னார்வலர் -தெ.ஆ.  உயரிய விருது பெற்றவர்.
ஹெலன் கெல்லர் - கண் பாா்வை, கேட்கும் திறன் இழந்தவர் - தன்னம்பிக்கையை ஊட்டிய எழுத்தாளர். சின்னபிள்ளை - இந்திய முன்னால் பிரதமர் வாஜ்பாய் அவர்கள், இவர்களின் மகளிர் குழு சேவையை பாராட்டி 'ஸ்திரீ சக்தி' விருதினை தந்து, சின்னபிள்ளையின் காலில்விழுந்து ஆசிர்வாதம் பெற்றாா்"

-கவிஞர். நளினி விநாயகமூர்த்தி சென்னை

**
இடி மன்னல் மழையை
பெண்ணென்று  சொல்வேன்..,
கோவத்தைக் காட்டவும் தெரியும்,
அன்பாய் இதமளிக்கவும்  தெரியும்,
தென்றலுடன்  விளையாடும் 
ஊஞ்சலை,
பெண்ணென்று  சொல்வேன்..,
இயற்கையை மகிழ்விக்க
தெரிந்தவள் -அவள் 
மட்டும் தானே..,
நிலவு இல்லா.,
வானத்தை
பெண்ணென்று  சொல்வேன்..,
நீ்  சோகத்தை 
உடைப்போல  உடுத்தினால்
பார்ப்பவர் மனம்.... புண்படாதா?..
காகித கவிதைகளுக்கு  உயிர்,
பெண்ணென்று  சொல்வேன்..,
நீ் இல்லையெனில்
இங்கு கவிதைக்கு 
என்ன வேலை
கவிஞனுக்கு என்ன
தான் வேலை?..
உருளும் மண்பானையை
பெண்ணென்று  சொல்வேன்..,
 அதை செதுக்கும்  கலை 
சிலருக்கே தெரியும்.. 
தமிழ் மொழியை
பெண்ணென்று  சொல்வேன்..,
நீ இல்லையேல்
நாங்கள் உயர்வது..,
எவ்வாறு பெண்ணே...?

--கவிஞர். மைக்கேல் மனோஜ், மதுரை

**

உயிர் தந்த உயிரானவள்.
உயிர்களில் உயர்வானவளும்
அவளே !
தாயாகத் தாலாட்டு இசைப்பவள்.
நோய்  தீர்க்கும் மருந்தானவளும் அவளே!

அறுசுவை உணவு படைப்பவள்.
ஆசானாய் இருப்பவளும்
அவளே!
அஞ்சுபவள் கெஞ்சுபவள்.
அனைத்திலும் மிஞ்சுபவளும்
அவளே!

கண்ணென குலம் காப்பவள்.
விண்ணுக்கு பாதை அமைப்பவளும் அவளே !
கவி பாடும் பொருளானவள்.
கவி இயற்றும் கவிதாயினியும்
அவளே !

முகத்திலே புன்னகை பூப்ப வள்!
முதுகிலே பாரம் சுமப்பவளும் அவளே !
முயற்சிக்கு வித்திடுபவள்.
முதுமையிலும் தளராதவள்
அவளே !

பதுமையாகத் தோன்றுபவள்.
புதுமை  பல  படைப்பவளும் அவளே !
அவளின்றி ஓர் அணுவும்
அசையாது !
அவளையேப் 
பெண்ணென்று சொல்வேன்!

- கே.ருக்மணி 

**
காலைமுதல் இரவுவரை களைத்தி டாமல்
   கடனாக உழைப்பவர்யார் ? கவினாய் இல்லம்
சோலையென மணம்வீசி சொக்க வைக்கும்
   சூட்சுமத்தின் வித்தகர்யார் ? சுற்றம் சூழ
வேலையென இருந்தாலும் விழிப்பாய் தாமே
   வேண்டியதை தருவார்யார் ? எந்த நாளும்
ஆலையென தானியங்கி, அன்பு பாசம்
   அளிப்பவர்தாம் பெண்ணென்று சொல்வேன் கண்ணே !

அம்மாவாய், அத்தையாய், ஆயா வாகி,
   அக்காவாய், தமக்கையாய், அண்ணி யாகி,
நம்மினிய மாமியாகி, பாட்டி யாகி,
   நல்லினிய ஆசிரியர், தோழி யாகி,
செம்மையாய் எந்நாளும் சிறப்பை நல்கி
   தேனாக தேக்காக வாழை யாக
நம்மைமிக வல்லவராய் மாற்றும் நல்ல
   நல்லறிவர் பெண்ணென்று நவில்வேன் கண்ணே !

அறிவினிலும் ஆற்றலிலும் அணிய மாகி
   அறிவியலில் கணிதத்தில் ஆக்க மாகி
பொறியியலில் புவியியலில் பொருத்த மாகி
   போற்றுமுயர் வரலாற்றில் புதுமை யாகி
அறிவார்ந்த பலவற்றில் அணுக்க மாகி
   அணிதமிழில் அமுதமெனும் பெருக்க மாகி
நெறியாகி நிலைத்தென்றும் நிழலாய் நிற்கும்
   நேரியரார் பெண்ணென்று சொல்வேன் கண்ணே !

-ஆர்க்காடு. ஆதவன்

**

உருவத்தில் மட்டுமல்ல
தருவதிலும்  மாறுபட்டு
நிற்பவளே........,   பெண்!
அச்சம், மடம்,  நாணம், பயிர்ப்பு என
சொச்சம் இருக்கும் அன்பையும்
மிச்சம் மீதியின்றி கொடுக்கும்
பச்சாதாப உள்ளம்  கொண்டு
உலகின் உயிர்களை தன்  அன்பு வலையில்
பலவிதமாக  அணைக்கும்  உன்னத
குணம்  உடையவள்தான்  பெண்!
தாயாக, மனைவியாக, மகளாக
பேதமின்றி   இல்லத்தை  நடத்தும்
சாதனை   திறமை  உடையவள்தான்  பெண்!
எத்தனை சோதனைகள் வந்தாலும்
அத்துனையும்  சாதனை படிகளாக
மாற்றும்   தைரியலட்சுமி பெண்!
அழும் பெண் வீட்டில்  நிம்மதி
பழுதாகி   தரித்திரம்  குடிகொள்ளும்!
சிரிக்கும் பெண் வீட்டில்
பூரிக்கும் மகிழ்ச்சி தண்டவாடும்.
பெண்ணென்று சொல்லி  போற்றினால்
சமூகமே  நல்வழி  நடக்கும்!
போற்றுவோம் பெண்ணை!

- பிரகதா நவநீதன்.  மதுரை  

]]>
poem https://images.dinamani.com/uploads/user/imagelibrary/2019/11/13/w600X390/greta.jpg பெண்ணென்று சொல்வேன் https://www.dinamani.com/specials/kavithaimani/2019/nov/13/woman-centric-poem-in-tamil-3278706.html
3278773 ஸ்பெஷல்ஸ் கவிதைமணி பெண்ணென்று சொல்வேன் வாசகர் கவிதை பகுதி 2 கவிதைமணி DIN Wednesday, November 13, 2019 10:00 AM +0530  
பெண்ணென்று  சொல்வோம் பெருமிதமாக!
பெண் என்றால்  மென்மை  என்று  ஒடுக்கிவைத்தது  போக,
பெண் உரிமை  என்பது  மாறி,
பெண்  என்றால்  முதன்மை  என்றானது  இன்று !!
நம்  சிந்தனையில்  நிற்கும் பெண் சாதனையாளர்களையும்,
நம்  நெஞ்சில் நிற்கும் நம் பெண் உறவினர்களையும்,
நம்  வாழ்வில்  நீங்காத  இடம்  பெற்ற நம் தோழிகளையும்,
இன்று  வாழ்த்தி என்றும்  போற்றி 
நானும், 
(ஒரு) பெண்ணென்று சொல்வேன் பெருமிதமாக!

 - ப்ரியா ஸ்ரீதர்

**
என்னென்று சொல்வேன்
பெண்ணான உன்னை
பொன்னென்று கொள்வேன்
ஆயிரம் கவலைகள்
ஆழ்மனதில் சுமந்தாலும்
அலட்சியமாய் மறைத்துவிட்டு
உற்றாரும் பெற்றோரும் சிறக்க
வைரமாய் ஜொலிப்பாள்
கொத்து மல்லிகையாய்
கூடி குடும்பம் சிறக்க
உள்ளக மந்திரம் கொண்டு
இயந்திரமாய் இயங்கி
உதிரத்தை நீராய் இறைப்பாள்
பின் விளைவை முன்னறிந்து

தன்னவனுக்கு மந்திரியாய்
குலவிளக்கு ஒளிர
தன்னை நெய்யாக்கி
வெண்ணிலவாய் காட்சி கொடுப்பாள்
வேரோடறுந்த வெற்று மரமாய்
வேறோரிடத்தில் நட்டுவைத்தாலும்
வேரூன்றி தழைத்தெழுவாள் நீரின்றி
இடர்கள் நடுவில் கிளைகள் பரப்பி
துயர்கள் துடைப்பாள்!

- யோகராணி கணேசன்/ நோர்வே

**
பெண் என்று சொன்னால் !
வையத்துள் வாழ்வதுதான் சிறந்தது
வாழத்துணை நன்கு அமைந்தால்
வையம்செழிக்க வரும்வான் மழைபோல்
அவளிருந்தால்பெண்என்றுசொன்னால் அவள்
மனைத்தக்க மாண்புடைய அப்பெண்ணாள்
மாண்புறு புகழோடு மண்ணில் சிறப்பான்
மனைமாட்சி இல்லாமல் அவளிருந்தால்
மண்ணில் அவன் சிறப்புக்கள் மாயும்
சிறப்பு பெற்ற பெரியவர்களை தொழவேண்டாம்
வாய்க்கப்பெற்ற மணாளனைதொழுதால் போதும்
மறுப்பின்றி அவள்சொன்னால் மழைபெய்யும்
மனைமாட்சிப் பெண்என்றுசொன்னால்அவள்தான்!
இருப்பதைக் கொண்டு சிறப்புடன் வாழக்கற்றால்
ஏறுபோல் பீடுநடை போடுவான் கணவன் !
குடும்பப் பெருமை குறையாமல் செயலாலே
குடும்பம் நடத்துபவளே!பெண் என்றுசொல்வேன்.

- கவிஞர்அரங்க.கோவிந்தராஜன், இராஜபாளையம்

**

அவசரமும் ஆத்திரமும் அகமெல்லாம் நிறைந்திருக்க
அவையே   சரியென்று  அப்படியே  நினைத்திருக்க
இல்லற    வாழ்க்கையின்   இனிய    துணையாக
அவளும் வாய்த்திட்டாள்! அனைத்தையும் மாற்றிட்டாள்!
அமைதியும்   நிதானமும்  அன்பான   சொற்களுமே
வாழ்வைச் சீராக்கும் வாய்பாடு என்றுரைத்தாள்!

வருமானக் குறைபாட்டை வாழ்வினிலே சீராக்க
படித்த படிப்பதனைப் பயன்படுத்தி நானுந்தான்
உற்ற துணையாவேன் ஒருசில பிள்ளையர்க்கு
டியூஷன் எடுத்திடுவேன் சிலரூபாய் பெற்றதனை
ஓட்டைவிழும் பட்ஜட்டை ஒட்டிடவே முயன்றிடுவேன்
என்றவளும் களமிறங்கி என்துயரைப் போக்கிட்டாள்!

மழைநேர மாலையிலே குடையின்றிப் பேரூந்தில்
நிறுத்தத்தில் இறங்கினால் நிற்கிறாள் குடையுடனே!
மனமறிந்து செயலாற்ற மங்காவவள் எங்குதான்
படித்தறிந்து கொண்டாளோ! பாசத்தைக் கற்றாளோ!
அப்பாவாய் எனையாக்கி அன்பான பிள்ளைகளை
வளர்த்துவிட்ட அவளை வாழ்த்திடவோ வார்த்தையில்லை!

பெண்ணென்று அவளையே பெருமைப் படுத்தாவிடில்
நன்றிகொன்ற பாவந்தான் நம்மைச் சேருமென்று
உள்மனது என்னையுமே ஒவ்வொரு விநாடியுமே
எச்சரித்துப் பயமுறுத்தும்! இந்தப் பிறவியிலே
இனிதாய் நான்வாழ ஏகமாய் உழைத்திட்ட
மங்களத்தை வாழ்த்துகிறேன்!மகிழ்ந்தவளும் களிக்கட்டும்!

-ரெ.ஆத்மநாதன்,அமெரிக்கா

**

விண்ணும் மண்ணும், ஒரு விந்தை கண்டது, மானுடமே  !
விந்தை யாதெனில், பெண்ணென்று சொல்வேன், மானுடமே !

மானுடம் தழைக்கப்,  பெருஞ்சக்தி பெண்தான், மானுடமே  !
மங்கை நல்லாள் அன்பின்றி, உலகிலை, மானுடமே  !

வையக  இயக்கமே, பெண்ணென்று சொல்வேன், மானுடமே !
வாழ்வின் துவக்கமே, பெண்ணென்று சொல்வேன், மானுடமே !

குடும்ப உயிரொளி, நற்பெண்தான்,  
பெண்தான், மானுடமே !
கும்பிடும் தெய்வம் பெண்ணென்று சொல்வேன், மானுடமே !
தர்ம வழிதனில், பிள்ளைகள் வளர்ப்பாள் மானுடமே !
தவற்றுக் கஞ்சிடப்,  பிள்ளைகள் வளர்ப்பாள் மானுடமே !
அழகினில், அறிவினில் உயர்ந்திடினும், சிறப்பு அவள் மனோதிடமே !
அவள் நாம் போற்றும், பெண்ணென்று சொல்வேன், மானுடமே !

- இலக்கிய அறிவுமதி

**

பெற்று பேணி வளர்த்தவர் பேசக் கண்டே மகிழ்ந்தவர்
கற்றுத் தந்தே களித்தவர் கடமை வழியே வகுத்தவர்
பற்று பாசம் மிக்கவர் பரிவாய் என்றும் பார்ப்பவர்
முற்றும் முன்னே நிற்பவர் மொழியும் அம்மா அம்மாவே !

அந்தக் கால கதைகளை அடுக்கிச் சொல்வார் கேட்கவே !
இந்தக் கால நிகழ்வினை எடுத்துச் சொல்வார் இனிக்கவே !
விந்தை மிக்க விடுகதை விரும்பிச் சொல்வார் வியக்கவே !
எந்த நாளும் இனியவர் எவர்க்கும் பிடித்த பாட்டியே !

நிழலாய் என்றும் இருப்பவர் நித்தம் பேச்சுத் துணையவர்
அழகு பூவைப் போலவே ஆசை யோடே அணைப்பவர்
பழக்க வழக்கம் யாவையும் பார்த்துப் பழக்கும் பாங்கியர்
மழையைப் போன்ற மனத்தவர் மணக்கும் மாண்பர் அக்காவே !

அன்பாய் அழகுப் பொருட்களை அடுக்காய் வாங்கி வருபவர்
என்றும் பார்த்து மகிழவே இழைந்து தந்து மகிழ்பவர்
முன்னும் பின்னும் என்னையே முடுக்கி விட்டே முனைபவர்
கன்னல் அமுத மொழியினர் கனிவு மிக்க அத்தையே !

அம்மா, பாட்டி, அக்காவும் னஅத்தை அவரும் பெண்களே !
சும்மா சும்மா பெண்ணெனச் சொல்ல மாட்டேன் அவர்களை !
தம்மைப் போல எண்ணியே தாங்கும் ஆல மரமிவர் !
நம்மை கண்ணாய்க் காப்பவர் நவிலும் பெண்கள் பெண்களே !

-து.ஆதிநாராயணமூர்த்தி, பரதராமி ( திமிரி )

**

அளவில்லா அன்பு , கருணையாய் மழை ,
வானமே – உன்னைச்சொல்வேனோ பெண்ணென்று ?
பொறுமையின் வெள்ளம்,
பொருமாத உள்ளம், பூமியே
உன்னை அழைப்பேனோ ?
வேர்களாய் உழைப்பு,
கீழே நீரும் சத்தும் உறிஞ்சி
மேலே நிழல் தருமே மரமாய்,
அதைச் சொல்வேனோ?  
மெல்லிய வருடலுடன்
களைப்பாற்றுமே தென்றல்,
அதைச்சொல்வேனோ ?
தொடரும் உவமைகள், நம்மேல்
படரும் உண்மைகள் ---இருந்தும் 
தனக்குள்ளே இருட்டடக்கி,
வெளியே வெளிச்சம் காட்டி
உருகி வாழுமே மெழுகுவர்த்தி,
அந்த உன்னத தியாகத்தை மட்டுமே
பெண்ணென்று சொல்வேன் !!!

- கவிஞர்.  டாக்டர் எஸ். பார்த்தசாரதி -- MD DNB PhD

**
வேலைக்கு போகும் கணவன்-மனைவி வரும்வரை
குழந்தைகள் காத்து நிற்கும் ஆயாள்
வேலைக்காரி அவளுக்குள் அடங்கி
நிற்கும் அவளின் குழந்தைகள்
வந்ததும் அம்மாவைக்குடையும்
குழந்தைகள் அப்போது நடக்கும் அலங்கோலம்
வந்ததும் வாராததுமாக சண்டை பஞ்சாயத்து
போதும் போதும் வேலையென்று பொறுமையிழக்கும்
பெண் அவளுக்கு புருஷந்தான் கிடைப்பான்
வாதம் புரிவதற்கும் வம்புச்சண்டைபோடுதற்கும்
அலுவலகத்தில் பொறுப்பு வேலையை பார்ப்பது
வீடு திரும்பியதும் வேறுபொறுப்பேற்பது ஊதியமின்றி
இப்பொழுதெல்லாம் கணவன் ,குழந்தைகள்,அதிகாரி
எல்லோரும் எதிரிபோல் தோன்றும் அவளுக்கு
அத்தனையயும் சமாளிக்குமொரு அற்புதம்
பெண்ணால்தான் முடியும்! அவள்தான் பெண்!
பெண் என்று சொன்னால் அவள்தான் பெண்!   

- கவிஞர் சூடாமணி.

**

"பெண்" உலகத்தின்
கண் என்றழைக்கப்படும்
விண்ணவரும் போற்றும்
தன்னலம் கருதா உயிர்!
ஞாலத்தில் எங்கும் வாசம் செய்ய
காலமின்றி  தவித்த  இறைவன் செய்த
சாலச் சிறந்த செயல்
தாயாக  உள்ள பெண்ணை
வாயார  இறைவனின் மறுஉருவமாக
சேய் முதல் பெரியவர்  வரை போற்ற வைத்தது!
இல்லத்தில் பெண்ணே அரசி என்பதால்
இல்லத்தரசி என்ற பட்டப் பெயருடன்
அழைக்கப்பட்டவரும்  பெண்ணே!
பெண் இல்லா  இல்லம்
மண் இல்லா  பூமி போல் வறண்டு விடும்!
ஒளி மிக்க உலகில் நல்ல
மிளிரும் கருணை உள்ளம்
கொண்ட பெண்கள் இருப்பதால்
அழகுக்கு  அழகு சேரும்!
பழகும் தன்மையுடன் பண்பும் சேர
அவை உலாவரும்
உலகம்  அதில் உதவும்
மனதுடன் வலம் வரும் அவளே...
"பெண்ணென்று  சொல்வேன்...."
குரலை உயர்த்தி சொல்வேன்!  

- உஷாமுத்துராமன்,  திருநகர்

**

எந்த பதவியில் இல்லை இன்று ஒரு பெண் ?
மண்ணில் மட்டும் அல்ல விண்ணிலும் 
பறந்து வெற்றிக்கொடி நாட்டி அவள் பிறந்த 
மண்ணுக்கு பெருமை தேடி தரவில்லையா பெண் ?
எல்லை காக்கும் புனிதப் பணியிலும் சரி ,
காவல் பணியிலும் சரி, தீ அணைப்பு பணியிலும் 
சரி ...எதில் இல்லை நம் பெண்கள் இன்று ?
யாருக்கும்  சளைத்தவர்கள் இல்லை நம் பெண்கள் !
இந்த நேரத்தில் முதன்மையாய்  நிற்கும் பெண்கள் 
பின்னால் தெரியுது அவர்கள் அம்மாவின் முகம் !
நிலைக்கண்ணாடியில் உங்கள் முகம் பார்க்கும் 
நேரம் உங்கள் அம்மாவின் முகத்தையும் பாருங்கள் 
பெண்களே !  புரியும் உங்களுக்கு தன்னால் 
உங்கள் வெற்றிக்குப் பின்னால் யார் என்று !
பெண்ணே  நீ வெற்றிப்  பெண்  என்றால் 
உன் அம்மா உன்னைப் பெற்ற அதிசயப் 
பெண்ணென்று நான் சொல்வேன் !

- கந்தசாமி  நடராஜன் 

**

அகத்தில் அன்புடன் 
    ஒளிர்பவள் மட்டுமல்ல .
அகிலத்தையே ஒளிர
     வைப்பவள் பெண்!

ஆணுக்கு   நிகராக இருப்பவள் மட்டுமல்ல.
ஆணின் வெற்றிக்குப் பின்
          இருப்பவள் பெண்!

ஒப்பனையுடன்   வலம் வருபவள் மட்டுமல்ல .
ஒப்பில்லா அறிவு 
      பெற்றவள்  பெண் !.

இதய   வீணையை 
   மீட்டுபவள்  மட்டுமல்ல.
இணயத்துடன் இணைந்து
    இருப்பவள் பெண் !

நிலவைக்காட்டி சோறு 
     ஊட்டுபவள்  மட்டுமல்ல .
நிலவுக்கு விண்கலம் 
      அனுப்புபவள் பெண் !

 மனை  மங்களம் மாண்பு
      காப்பவள் மட்டுமல்ல
மங்கையாய் பிறப்பதற்கே
      மாதவம் செய்தவள் பெண்!

- ஜெயா வெங்கட்

**

வண்ணக் கண்ணதிலே மையதனை மேல் தடவி
சின்னஞ்சிறு இதழில் சாயங்கொண்டு சீர் படுத்தி

நீளக்கார் குழலில் அலர்ந்தமலர்ச் சரந் தொடுத்து
நீலவான் பிறைநாண் நுதழதிலே பொட்டுமிட்டு

செங்காந்தற் கையதிலே மின்னும்நல்ல வளைய லிட்டு
சங்குக் கழுத்ததிலே பொன்னாரம் பூட்டி வைத்து

உள்ளம் இனிமையற்ற பெண்ணும் நல்ல பெண்ணுமல்ல
உண்மை விளக்கேற்றி உறுதியென்றும் நெஞ்சில் வைத்து

தன்னின் நலங்காத்து தன்குலத்தின் வளங் காத்து
தரணி  தான்புகழும் பெண்ணவளே பெரிது என்பேன்!!

- கு. இரா, வடக்கு அயர்லாந்து.

**

தாய்மை தனித்துவம் மிளிரும் தங்கமே
சேய் விரும்பும் தியாகத்தின் உருவமே
பேய்கூட பெண்ணுக்கு மனம் இரங்குமே
வாய் மூடி சுமப்பவள் பெண்ணென்பேன் 

மென்மையின் பேரழகுப் பெட்டகப் பெண்
தன்மையில் தளரா அன்பின் பேரூற்றவள்
நன்மை செய்யும் நல்மனச் செம்மலவள்
பன்னிரு கைகளோடு பணி செய்பவளவள்

தேவைக்கும் அதிகமாக சேவை செய்வாள்
கோவை இதழ்கள் சிந்தும் இன்சொற்கள்
பாவையவள் சினம் கொண்டால் சீறிடுவாள்
நாவையடக்காத  மனிதர்க்கு காளி அவள்

கண்ணுக்கும் கருத்துக்கும் குளிர்ச்சி அவள்
மண்ணுக்கும் மரபுக்கும் தலை வணங்குவாள்
பண் பாடும் இசையின் மென்குரலாள் அவள்
வெண்ணிலவுக்கு ஒப்புமை அவளழகு தான்

தண்ணென்ற குளிர்ச்சி அவள் அருகிருந்தால்
கண்ணெனத் தோன்றும் அவள் அன்புலகம்
விண்ணென்ற பேரழகு ஆண்களை இழுக்க
பெண்ணென்று சொல்வேன் மயங்கியே நான்.

- கவிஞர்  ராம்க்ருஷ்
 

]]>
poem https://images.dinamani.com/uploads/user/imagelibrary/2019/11/13/w600X390/ancient_woman.jpg பெண்ணென்று சொல்வேன்     https://www.dinamani.com/specials/kavithaimani/2019/nov/13/woman-centric-poetry-3278773.html
3278779 ஸ்பெஷல்ஸ் கவிதைமணி இந்த வாரம் கவிதைக்கான தலைப்பு தூரத்து உறவுகள்!   கவிதைமணி DIN Wednesday, November 13, 2019 10:00 AM +0530  

கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

'பெண்ணென்று சொல்வேன்' என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: தூரத்து உறவுகள்! !

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படு

]]>
https://images.dinamani.com/uploads/user/imagelibrary/2019/11/13/w600X390/relatives.jpg உறவுகள் https://www.dinamani.com/specials/kavithaimani/2019/nov/13/announcement-of-next-title-for-kavithaimani-dinamani-3278779.html
3278670 ஸ்பெஷல்ஸ் கவிதைமணி பெண்ணென்று சொல்வேன் வாசகர் கவிதை பகுதி 4 கவிதைமணி DIN Wednesday, November 13, 2019 09:50 AM +0530 தன்னை மெழுகாய் உருக்கி குடும்பத்திற்காக ஒளியேற்றி
குறைகள் பல பொறுத்து
வறுமையில் கூட செம்மையாய்
சீர்படவே வாழ்ந்திருப்பாள் அவளை
பெண்ணென்று சொல்வேன்

அலங்காரமும் ஆடை ஆபரணமும்  அடையாளம் எனக் கொள்ளாது
போராட்டமும் வீரமும் கொண்டு   
வீறு கொண்ட வேங்கையென 
வீரமங்கையாய் ஒளிர்ந்திருப்பாள் அவளை பெண்ணென்று சொல்வேன்

தியாகமும் நேர்மையும் இரு கண்களாய்
தொலைநோக்குப பார்வை கொண்டு  அறிவுத்திறனால் மேம்பட்டு
நிலவில் கால் பதிக்கும் 
கலைமகள் அவளை பெண்ணென்று சொல்வேன்

குழந்தை அழும் குரல் கேட்கையில் மனம் பதறி பதைபதைத்து
தன் பிள்ளையாய் அரவணைத்து
மடியேந்தி பிச்சை வேண்டியேனும்
மழலையின் பசிக்களை போக்கிடும்
அன்னபூரணி அவளை 
பெண்ணென்று சொல்வேன்

சிறுக சேர்த்த சிறுவாட்டுக் காசையும்
சிக்கல்கள் எழும் வேளையில்
சிறிதேனும் முகம் கோணாது
சினமேதும் கொள்ளாது
சிரிப்புடனே தந்திடும் 
தனலட்சுமி
அவளை பெண்ணென்று சொல்வேன்

- உமா, நோர்வே

**
மண்ணையும்
பெண்ணென்று சொல்வேன் –அது
மரத்தை தன் கருப்பையில்
சுமப்பதாலே!

விண்ணையும்
பெண்ணென்று சொல்வேன்-அது
மாலையில் மஞ்சள் பூசி
இரவில் வட்டநிலாப் பொட்டு
வைத்துக்கொள்வதாலே!

ஓடும் ஆற்றையும்
பெண்ணென்று சொல்வேன் – அது
பிறந்த வீட்டிலிருந்து
புகுந்த வீட்டுக்குச் சென்று
வாழ்கைக் கடலில் கலப்பதாலே!

தென்றல் காற்றையும்
பெண்ணென்று சொல்வேன் –அது
நம்மைத் தொட்டுத் தழுவி
இன்பம் பயப்பதாலே!

தென்னை மரத்தையும்
பெண்ணென்று சொல்வேன்-அது
உடல் முழுக்க வளையலை அணிந்து
தலையிலே இளநீரை சுமந்திருப்பதாலே!

பூக்களை
பெண்ணென்று சொல்வேன்- அது
மொட்டு மலர்ந்து மணம் வீசி

மகிழ்விப்பதாலே!

நிலவையும்
பெண்ணென்று சொல்வேன் –அது
வெட்கத்தில் மேகத்தில்
முகம் மறைத்து போவதாலே!

நாட்டையும்
பெண்ணென்று சொல்வேன் –அது
நம்மை தாய்போல
அரவணைப்பதாலே!

-கு.முருகேசன்

**

உயிர் தந்து;
உதிரம் பாய்ச்சி

உருவம் தந்து;
ஈன்றெடுத்த மகிழ்ச்சி

அது அகமகிழ்ச்சி

இன்று பணம்
ஈட்ட;
மக்கள் பிணம்
ஆகிறார்கள்

இதில் பெற்ற பிள்ளைகள் 
என்ன செய்கிறார்கள்;
யார் பார்ப்பது?

இத்தனையும் தாண்டி,
டாக்டராக்க வேண்டாம்,
இஞ்சினியராக்க வேண்டாம்,
வக்கீலாக்க வேண்டாம்,
நல்லவராக்கினாலே போதும்;
அது புரட்சி

நல்லவர்களாக வளர்த்தெடுக்கும் தாய்;
அவள் தான் பெண்.

- ம.சபரிநாத்,சேலம்

**
பெற்றெடுப்பதால் தாய்மண்
பேணிவளர்ப்பதால் இயற்கை
தாங்கிச்சுமப்பதால் பூமித்தாய்
தனிநடைதருவதால் தாய்நதி

உச்சிமுகர்வதால் வளர்மதி
உன்மத்தம்கொள்வதால்  பெருங்காற்று
காதல்கொள்ளும் பூங்காற்று
கட்டியணைக்கத் தென்றல் காற்று

மெல்லினம் அன்பில்
வல்லினம் தெம்பில்
இடையினம் இன்பப் பங்கில்
இப்படியாய்த்தமிழ் முத்துக்குளியல்

படைத்தவன் வியந்த
படைப்பதனாலே நயந்து
படைப்பதில் பங்கு கொண்டான்
படைப்பின் துணையுடனே

இப்படியோர் படைப்பை
என்னென்று சொல்வேன்
உயிரும் சதையுமாய் உலவும்
ஒளிரும் சுடருமாய்த் திகழும்

பெண்ணென்று சொல்வேன், ஆம்
பெண்ணென்று சொல்வேன்.

- கவிமாமணி " இளவல் " ஹரிஹரன், மதுரை.

**

அம்மாவாய் பசி போக்கி,
ஆதரவாய் புன்னகைத்து
இம்மையில் எனை வளர்த்து,
ஈன்ற வரை - இயன்றவரை
உளமாற உருவாக்கி,
ஊர் போற்ற உத்தமனாய்
எனை நாளும் சீராட்டி,
ஏற்ற முடன் எந்நாளும்,
ஐயமில்லா அன்போடு
ஒருமித்து ஒற்றுமையாய்
ஓத வைத்து ஓடமெனும்
ஒளடதமாய் அரவணைத்த,
அன்பு மலர் மனைவி அவளை
ஆசை தீர நான் சொல்வேன்;
பெண்கள் குலத்திலகமென்றே!

- செந்தில்குமார் சுப்பிரமணியன்

**
 அன்பின் அடையாளம் பெண்!!
 ஆசையின் பிறப்பிடம் பெண்!!
 உடலின் உயிரானவள் பெண்!!
 கருவை சுமப்பவள் பெண்!!
 குலத்தை வளர்ப்பவள் பெண்!!
 கற்பின் கலசங்கள் நம் பெண்!!
 நட்பின் இலக்கணமாய் நம் பெண்!!
 காவிய கண்ணகியும் நம் பெண்!!
 நம் நாட்டை ஆண்டவளும் ஓர் பெண்!!
 தாயானவள் அவள் சேயானவள்!!
உறவானவள் அவள் உயிரானவள்!!
அவளின்றி யாருமில்லை!!
 அவளுக்கு நிகர் அவள் மட்டுமே!!
 மறுபிறவி ஒன்றிருந்தால்
 அவளுக்கு  தாயாக வேண்டும்!!
 ஏழு பிறவியிலும் 
பணியாற்ற வேண்டும்!!
என்னென்று சொல்வேன்!!
 அவளே என் பெண்ணென்று சொல்வேன்!!

- மு.செந்தில்குமார், ஓமன்

**

வில்'லில் சிறந்த வியனரசி ! வேல்,வாள்' வீச்சில் வீரரசி !
நல்ல வளரி' வீச்சினிலும் நவிலும் சிறந்த தென்னரசி !
சொல்லும் குதிரை ஏற்றத்தில்' சுழலும் கதிராய் சுடரரசி !
எல்லா போரின் கலைகளிலும் இனிதே தேர்ந்த எழிலரசி !

முத்து வடுக நாதருடன் மொழியும் மனையாள் வடிவரசி
நித்தம் வணங்கும் பிரான்மலையில் நினைந்து சிவனை வணங்குங்கால்
சித்தம் இல்லா கீழ்மகனாம் தீயன் ஆங்கி லேயனவன்'
மெத்த மறைந்து வடுகரினை மீளா தங்கே சுட்டழித்தான்.

கணவர் தம்மைக் கொன்றவரை கடிதே அழிப்பேன் என்றுறுதி
கனன்றே எடுத்தார் நாச்சியார் கனலாம் அந்நாள் மங்கையவர் !
தனது மண்ணாம் சிவகங்கை தன்னைப் பிடித்தோர் ஓடோட
மனத்தில் உரமாய் திறமாக மலையாய் நின்றார் மனந்தெளிவாய் !

ஆங்கி லேயர் தமையெதிர்த்த ஆற்றல் மிக்க பெண்ணரசி
தாங்கும் இடியாய்ப் பலயின்னல் தாங்கி எதிர்த்த தனியரசி !
பாங்காய் வழிகள் பலவகுத்து பரங்கிக் கூட்டம் பயந்தோட 
ஓங்கும் முறையில் வென்றவரே உயர்ந்த வேலு நாச்சியவர் !

இந்தி யாவில் முதன்முதலாய் இங்கே ஆண்ட பரங்கியரை
விந்தை யாக எதிர்த்தவரே வீர மங்கை நாச்சியவர் !
இந்த செய்தி இருட்டடைப்பு இனியும் ஆகக் கூடாது !
சிந்தை ஏற்று விடுதலைக்கு சீர்பெண் இவர்தாம் வித்தென்றே !

-படைக்களப் பாவலர் துரை. மூர்த்தி ,ஆர்க்காடு.

**

பெண்ணென்று யாரைச் சொல்வேன் பேதைபோல் நாணத்தோடு
வெண்மதி முகத்தை மூடி வெருண்டு வீண் பயத்தினோடு
அண்ணியாய் சதியாய் அன்னை அக்காவாய் தங்கையாக
கண்ணிழந்தவளாய்ச் செல்லும் காரிகைதன்னைப் பார்த்தா?

மலரன்ன கண்ணாளென்று வள்ளுவன் வழுத்திவிட்டு
பலர்காணத் தோற்றிடாதே  பர்தாவே அழகென்றனா?
அன்றவன் தன்றன் மார்க்க அறநெறி கூறினாலும்
இன்றதை ஏற்கலாமா எதற்கிந்த அச்சம், நாணம்?
 
நிமிர்ந்த நன்னடையினோடும் நேர்கொண்ட பார்வையோடும்
திமிர்ந்த நல் ஞானத்தோடும் திகழ்ந்திடில் அவளே பெண்ணிற்(கு)
அமைந்த நல்லணிகள் பூண்ட அழகியாமென்று கூறி்  
எமை அறிவூட்டி நின்றோன் ஏந்தல்பா ரதியே, அஃதால்,

கவினுறு முகம் நிமிர்த்தி கண்களால் உற்றுப்பார்த்து
எவரதும் கருத்துக்காய்த் தன் இயல்பினை மாற்றாளாக
தவமெனத் தன்றன்வேலை தன்னிலே கவனம் வைக்கும்
அவளையே பெண்ணாமென்பேன், அணிகலன் அவனிக்கென்பேன்.

- சித்தி கருணானந்தராஜா

**

அன்னம்நடை  பயிலவரும் , அழகுமயில் வெட்கமுறும்,
இன்னிசைக்  குயில்களதும் ஏக்கமுறும்! -- என்னவளே
என்றெண்ணத்  தக்கவளே  இலக்கணப் பெண்ணாவாள்;
கன்னிவர  ஏங்கிடும்நம்  கனவு.

கண்களதும் மீன்கள்போல்,  கருங்கூந்தல்  மேகம்போல்,
வண்ணமிகு  உடலதுவும்  வானவில்போல்  -- கொண்டவளே
பெண்ணெனத்  தக்கவளாம்,  பேரழகி  என்றாவாள்;
எண்ணமதில்  நீங்காள்  இவள்!

பெண்ணெனச்  சொல்லிடநற் பெருமைதனைக்  கொண்டவள்நல்
உண்மைஅன்பு  கனிவுதனின்  உருவாவாள்! -- விண்ணுலக
நங்கையெனத்  தக்கபல  நல்வளங்கள்  கொண்டிட்ட
மங்கைக்கே  ஏங்காதோ  மனம் ?

- அழகூர்.  அருண்.  ஞானசேகரன்.

**

வணங்கத் தக்க
வனப்புள்ளவளாகவும்
சுணக்கமில்லா சோர்விலாளாகவும்
கனத்த களங்கங்கள் அற்றவளாகவும்
ஆகிவிடுவதிலில்லை
பெண்மை...

பெண்களை
ஆட்டிவிக்கும் பொம்மைகளாக
ஆட்டிவிட்டு மகிழ்ந்து கொள்கிறது
வர்ணாசிரங்மங்கள்...

பெண்கள்
உரிமைகளற்று சுயமுமற்று
சூழ்ந்து கொள்ள காய் நகர்த்துகிறார்கள் 
மதங்கொண்ட சூத்திரதாரிகளின்
சூழ்ச்சிகள்...

உடன்கட்டை ஏறுவதிலிருந்து
விடுப்பட்டும்
விடுபட வைப்பதில்லை சாதிகளின்
பிடிகள்...

திரைக்குள்ளேயே
தீண்டப்படாதவர்களாக ஒடுக்கி
சுதந்திரம் பெற்றும்
தெருக்களில் நடமாட முடியாதவர்களாக
தடுத்து வைக்கப்பட்டிருக்கிறது
ஆதிக்கம்....

ஒதுக்கீடற்று ஓரங்கட்டவும்
சமமற்று தாழ்ந்திருக்கவும்
நிழலொற்றித் தொடரவும் நிர்பந்திக்க
மனுக்களில் வரலாறிருப்பதாக
வாய்க்கிழிக்கிறார்கள்...

எனப் பெண்மைக்கெதிராக
கோலேச்சி
நிர்பந்திக்கப்படும் எவைகளையும்
தூளாக்கி சரியாசனம் அமர்ந்து கொள்ளும் 
பெண்தான் பெண்ணென்பேன்...

- அமிர்தம்நிலா, நத்தமேடு

**

சபை நடுவே
துகிலுரிய துடிப்பதிலிருந்து
துவண்டுவிடுவதாக இருந்துவிடாமல்
பாடமாக அமையாதிருப்பது
போற்றுதற்கில்லை...

மதுவின் நெடித் துளைக்க
விலக்கானப் போதும் விலாஒடிக்கும்
ஆண்திமிரை
ஆராதிப்பவளில்லை பெண்...

பின் தூங்கி முன்னெழுந்து பதியின்
பாதம் பணிந்து
தாலித் தொட்டு வணங்கி கொள்வது
பெண்மையைப் போற்றுவதாக இல்லை...

சுயமாய் இருக்க விடாமல்
அடிமைப்படுத்திப் புடைக்கும்
ஆணாக்கத்தை போற்றிப் பாராட்டி
பின் தொடர்வது மரபல்ல..

இருளில்
என்றில்லாமல் விரும்பும் கணம்
பகலில்
புனைவுகளோடு புணர்ந்து கொள்ளும்
நுகர் பொருளாகவும்
உணர்வுகளை ஒடுக்கிக் கொள்வதிலும்
மவுனிப்பதும் பெண்ணில்லை...

உரிமைகளிலும் உணர்வுகளிலும் சகமனுஷியாகிவிடுகிறவள்தான்
பெண்ணெனும் இயல்பினள்...

விடுதலைக் கொண்ட சுதந்திரமானவளாக இருந்தால்தான்
பூரித்துப்போகும் பூமி....

- கா.அமீர்ஜான், திருநின்றவூர்.

**

எண்ணிலா உடல் வளர்த்து
இயங்குகின்ற நிலவே
கண்ணிலா மூடர் கண்ட
கற்கண்டின் நிலையே
தின்னாமல் கல்லென்று உளறுகின்ற
வகைதனையை தள்ளி;
கரும்புக்குச் சுவை கொடுக்கும் சக்தியவள் நீயே!
நிலமாய் படைத்து, நீராய் நீரே காத்து;
நெருப்பெனும் சோதியிலே வழியினை அளித்து
காற்றினூடே  சுவாசத்தைக் கொடுத்து
விண்ணிலிருந்து வரும் விசித்திர சக்தியே;
அன்னையே வாரீர் அருகினில் வாரீர்;
பிள்ளைக்கு ஒளியே நீதான் வாரீர்;
உலகினில் தன்னைக் கடந்து
சிந்திப்பது பெண்;
உலகில் குடும்ப அமைப்பின் 
ஆதாரம் பெண்கள்;
பெண்களில்லா உலகில் ஆண்கள்
வெறும் கல்லே;
சிற்பியும் சிற்பமும் சிறப்பாய் 
அமைய  பெண் கள்தேவை;
அப்படி உலகம் உய்ய வருபவள்
யாரோ அவளே நல்ல பெண்ணென்று 
சொல்வேன்......

- சுழிகை ப.வீரக்குமார்.

**

பின்னலின் தத்துவம் புரிந்து
பின்னலற்ற வாழ்வை வாழும்;
பெரும் பண்பாடு போற்றும்
பெண்ணவள் என்று;
அனுசுயா, நயாயினி, கண்ணகி
தெரிந்து 
கற்பினைப் போற்றி, ஒழுக்கத்தில் உயர்ந்து;
கனியாய் மனங் கனிந்த படி;
கணக்கே இல்லா விருந்தோம்பல் செய்து;
பொன் குணமாய் மின்னும் பூவையே;
பூவாய் மலர்ந்து தேவ மாலையாய் தொடர்ந்து;
பூவாய்  பண்பட்ட உயிரைப் படைக்கும்;
திருவாய் குடும்பக் களைமாற்றி;
மறவாய் நிற்கும் மாதவ எங்குலப்
பெண்டீரே வணங்குகிறேன்;
சக்தியின் அம்சமாய்
சகலத்தின் வம்சமாய்
எல்லா நிலையிலும் அன்னை எனும்
அற்புத பெண்ணே நீயெனச் சொல்வேன்.......

- முகில் வீர உமேஷ், திருச்சுழி.

**

]]>
woman https://images.dinamani.com/uploads/user/imagelibrary/2019/11/13/w600X390/womenempowerment.jpg பெண்ணென்று சொல்வேன் https://www.dinamani.com/specials/kavithaimani/2019/nov/13/poetry-about-woman-power-dinamani-kavithaimani-3278670.html
3272508 ஸ்பெஷல்ஸ் கவிதைமணி 'இந்த நாள் இனிய நாள்' வாசகர் கவிதை பாகம் 2 கவிதைமணி DIN Wednesday, November 6, 2019 10:46 AM +0530 இந்த நாள் இனிய நாள்

உழைக்கும் வர்க்கத்தின் வியர்வை உறிஞ்சி,
சிவன் கோவிலிற்கு  சுவர் எழுப்புவார் !!
அரசுப்பணியில் அமர்ந்து,
அக்கிரமங்களை நுகர்ந்து,
“அந்தப்” பணத்தில்
அன்னதானம் செய்வார் !!
ஆற்று மணலை அரிந்து,  ஆக்கம் பெருக்கி ,
ஆங்காங்கே மரம் நடுவேன் என்று
அடம் பிடிப்பார்,  அதை படம் பிடிப்பார் !!  
களவும், கலப்படமும் கண்கள் இவருக்கு ,
கண் சிகிச்சை முகாம் ஒன்றை
தொடங்கி வைப்பார் !!
மாசுக்கட்டுபாடு இல்லாத மனித மனங்கள் –
முரண்களுக்குள் மூழ்கிய சமுதாயம்,
முகம் நிமிரும் நாள் உண்டோ ?
நெஞ்சத்தில் வஞ்சகக்குப்பைகளை,
தன் கருணைக்கடலால், இறைவன்
துடைக்கும் நாளே – இனிய நாள் !

- கவிஞர்.  டாக்டர் எஸ். பார்த்தசாரதி

**

இந்தநாள் இனியநாள் என்றாகக் காண்பதெலாம்
எந்தவொரு மாந்தர்க்கும் எளியதுவாம்! -- வந்தவரை 
அன்புடனே வரவேற்கும் அருமைமிகு பண்புதனை
என்னாளும் காப்பாய் இசைந்து!

இனியநன் நாளதுவாய் என்னாளும் அமைந்துவிட
கனிவுதனைப் பொழிந்திடுக காண்பவர்மேல்! -- புனிதமென 
ஆவதெலாம் மனதினிலே அன்புணர்வைக் கொள்ளுவதே,
தேவாம்சம் எனத்தக்க திது!

இனியநாள் எனப்போற்ற இலக்கணமென் றாவதெலாம்
புனிதசொயல் தனைபுரியும் பொன்னாளே! -- என்னாளும்
இன்னதனை மறவாமல் இருப்பவனே மனிதனாம்,
அன்னவனைப் போற்றாதார் ஆர்?

நல்லதனைச் செய்துவர நாள்பார்க்க வேண்டுவதோ,
எல்லா நாட்களுமே இனியநாள்! -- இல்லார்க்கு
உதவுகின்ற என்னாளும் உன்னதநற் திருநாளே,
இதனைவிட மகிழ்ச்சிவே றேது?

- அழகூர்.  அருண்.  ஞானசேகரன்

**

இந்த நாளும் இனிய நாளே!!
வருகின்ற எந்த நாளும் 
நல்ல நாளே!!
தன்னம்பிக்கை கொண்டு முயன்றிடு!! 
உன்னுள் இருக்கும் தைரியத்தை உசிப்பிடு!! 
நல் திட்டத்தைத் தீட்டி
ஆராய்ந்துச் செயல்படுத்து!!
கஷ்டங்கள், தோல்விகள்
எதிர்கொண்டு - கடந்து செல்
நினைத்தது முடியும் வரை
மாற்றம் ஒன்றே மாறாதது எனில்!!
நினைத்தது மாறும் வரை மாறாதே!!
உன்னுள் இருக்கும் தீப்பிழம்பு!!
அது ஆயிரம் சூரியனின் ஒளிப்பிழம்பு!
நடந்ததை எண்ணி வருந்தாதே!!
இன்றும் நமதே!! நாளையும் நமதே!!
மனமகிழ்வோடு ஆரம்பிக்கும் 
எந்த நாளும் இனிய நாளே!!!

- மு.செந்தில்குமார், ஓமன்

**

கடந்து விட்டதை மறந்து விட்டால்
நிகழ்வில் தெரியும்
சங்கடத்திலும் சுவைபடும் சுகம்...

நாளைக்கான நினைப்பில்
நிகழ்வதைத் தொலைத்துவிடத்
துணியும் மனத்திற்குச்
சவாலாக அமைந்துவிடுகிறது அறிவு...

இன்று
இப்போது
இக்கணம் தெரிக்கும் பொறி
துளியாயினும்
துளிர்க்கும் வெளிச்சத்தில்
இனிய உதயம்...

சிறகை முறித்துவிட்டு
ஆகாயம் சுருட்டும் பேராசை
முடத்தின் கொம்புத் தேனெனத் தெரிந்தும்
போதுமென்ற விருப்பத்தை
முடிந்து கொள்ள முயலுவதில்லை
வெறித்த மனம்...

இந்த நொடியின் இனிமையை
அட்சயப் பாத்திரமாய் ஆக்கிக் கொள்ள
உழைக்காமல்
ஆகாயச் சுகத்தை அள்ளத் துடிப்பது
அறியாமையெனத் தெரியாமலில்லை
அறிவுக்கு...

நேற்றை மறந்துவிடு
நிகழ்வை விரட்டி  விட்டு
கனவுக் காணாதே நாளைக்கு
நாளைக்கான நகர்வு இன்றுதான்...

இப்பொழுதின் நிஜத்தை நேசி
இந்த நாளின் இனியநாள் தான்
வாழ்க்கையின் பரிபூரணம்...

- அமிர்தம்நிலா, நத்தமேடு

**
மனிதனென ஆகிவிட்டதில்
மயங்கங்கள் வருவதிலிருந்து
தப்பித்துக் கொள்ள முடிவதில்லை

மனதிற்கும் அறிவிற்கும்
நிகழும் போராட்டங்களிலிருந்து
விடுதலைப்பெற வேண்டி
முடிவெடுக்க முடியாமல்
ஊஞ்சலாடும் வேட்கையில் தவிக்கிறது
நாட்கள்

நிச்சயமும்
நிச்சயமற்றதுமான முரண்களில்
முந்தி வருத்தும் விருப்பங்கள்
விலகுவது போல்
இருந்து கொண்டிருப்பதால் துடிக்கின்றன
புலரும் அஸ்தமனப் பொழுதுகள்

இன்று பிறந்ததில்
மகிழ்ந்து கொள்ளும் பிரமிப்பில்
வழிநெடுக முட்களும் மலர்களும்

அன்று தொடங்கிய
வாழ்வின் போராட்டங்ளுக்கிடையில்
நாவில் விழும்
தேன்துளியின் இனிப்பில்
இந்த நாள் இனிய நாளென்று
சொல்லிக் கொள்ள விடுவதில்லை
ஆசையின் நிர்வாணம்

எனினும்
திருப்திப் படுத்திக் கொள்ள முயலுகிறது
அறிவும் மனமும்
காலங்காலமாக...

- கா.அமீர்ஜான்/ திருநின்றவூர்.

**
இன்றைய பொழுது இனிதாகட்டும் சுகராகமாக
கன்றுக்கு தாய் தரும் பாலமுதாகட்டும் உணவாக
குன்றெனவே நிமிர்ந்து நிலையாகட்டும் நிறைவாக
நன்றெனவே நாளும் பொழுதும் நலமாகட்டுமே

அன்புக்கு மரியாதை தரும் அற நெறியாகட்டும்
பண்புக்கும் பணிவுக்கும் பொருள் புரிவதாகட்டும்
என்றென்றும் உண்மையின் பக்கமாய் நிற்கட்டும்
வென்றிடட்டும் ஏழைகளின் மனங்களை அன்பாலே

பொல்லாப்பு பொறாமை பறந்தோடிப் போகட்டும்
இல்லாதவர் மனங்களில் இன்பப் பூ பூக்கட்டும்
கல்லாதவரையும் கற்க வைத்து இன்பம் பெறட்டும்
நல்லாரை நாடுபோற்ற வாழ்த்தும் நெஞ்சாகட்டுமே.

பகிர்ந்துண்டு வாழும் பரந்த மனதின் நாளாகட்டும்
அகிலம் புகழும் மதிப்போடு நடை போடட்டும்
சகிப்புத் தன்மையில் தனித்துவம் பெறட்டும்
மகிழ்ச்சிக் கடலில் குளித்து புத்துணர்ச்சியாகட்டும்

இந்த நாள் இனிய நாள் இன்றுபோல் என்றுமாக
சந்தம்நிறை பாடலாக இனிய இசையாகட்டும்
பந்தம் பாசமெனும் கட்டுக்கோப்பில் கனியட்டும்
நந்தகோபனின் புல்லாங்குழல் இசையாகட்டுமே

- கவிஞர்  ராம்க்ருஷ்

**

வெண்மையான மல்லிகையே
மென்மையான  உன்னிடம்
தூய்மையினை கற்ற  நான்
ஏழ்மையினை மறந்தேன்
என்பதால்  அந்த நாள்
எனக்கு இனிய நாள்!
முத்து முத்தான முல்லையே
கொத்துக் கொத்தாக  மலர்ந்து
பூத்து குலுங்கும்  உன்னிடம்
கூடி வாழக் கற்ற  அந்த நாள்
எனக்கு இனிய நாள்!
பூக்களிடம் பாடம்  கற்ற நான்
புரிந்துக் கொண்டது உலகத்தை!
இருபது வயதில்  இருக்கும் இளமை!
அறுபது வயதில் இருக்கும் பொறுமை!
இப்படி  வாழும் ஒவ்வொரு நாளும்
இனிய   நாள்தான்!
எந்த நாளையும்  நம்பிக்கையோடு தொடங்கு,
அந்த  நாள் இனிய நாளாகவே அமையும்!.
இனிமை....இனிமை....இனிமை.... என்று
தினம் பல முறை சொல்வோம்!
மகிழ்ச்சியோடு   வாழ்வோம்! 

-  பிரகதா நவநீதன்.  மதுரை  

**
புலரும் பொழுதிலே
மலரும் அழகு 
எத்தனை எத்தனை !?
நித்தம் தோன்றும் வானம்!
சத்தமின்றி உதிக்கும் சூரியன்!
புத்தம் புதிய வண்ணமலர்கள்.!  
காணக் காண பரவசம் !
மழையின் ஈரத்தில
மணக்கும் மண்வாசம் !
மரங்களின் அசைவும்
மகரந்த வாசமும்
மகிழ்ச்சி ஊட்ட......
மண்ணோடும்
விண்ணோடும்
மனது பயணிக்க......
காதுகளை நிறைந்த
காக்கையின் கரைதல்...
குக்கரின் விசிலுடன்
கைபேசியின் சிணுங்கல்....
அருமைப்பேத்தி பிறந்த செய்தி!.
ஆனந்தத்தை அள்ளித் 
தெளிக்க......
இந்த நாள் இனிய நாள்... 
இதயமது கூவிட
இனிய கவிதையும் பிறந்தது..

- ஜெயா வெங்கட், கோவை 45 

**

எத்தனை கோடி
இன்பம் 
எதில் கண்டிட
கண்டோம்...

இத்தனை இருந்தும்
இந்த
நாட்டில்  யார்
 திருப்தி அடைந்திட
 கண்டோம்.

வெட்டும் கோடாளிக்
கூட,
வெட்கப்படும் அளவிற்கு
மரங்கள் 
இல்லா  காடுகள் 
கண்டோம்..,

கொடியில் பூ 
மலர்ந்தால் மகிழ்ந்திட
கண்டோம்.,
வீட்டில் பெண்
பூப்பெய்தினால் செலவு
என்று பழித்திட
கண்டோம்...,

போலி உலாவும்
உலகில் உண்மை
மட்டும் எங்கோ
இருட்டில் மறைந்திட
கண்டோம்...

தொழில்நுட்ப இருந்தும்
கைக்கு  எட்டாத
இன்பதை தேடியே
தினமும் அழைக்கிறோம்,
இந்த நாள்
இனிய நாள்....,

-கவிஞர். மைக்கேல் மனோஜ், மதுரை

**

இந்தநாள் இனியநாள் என்றே எண்ணி
இனிய கதிரோன் எழவில்லை !-இரவு
இந்தநாள் இனியநாள் என்றே எண்ணி
இனிய நிலவு வரவில்லை !

பூக்கள் பூப்பதும் பூமணம் கமழ்வதும்
பொறுப்பாய் நாளும் நடக்கிறது !- அதில்
ஈக்கள் மொய்ப்பதும் தேனை குடிப்பதும்
இயல்பாய் இனிதே நடக்கிறது !

வெய்யில் மழையும் வெண்பனிப் பொழிவும்
வேண்டித் தானே வருகிறது !- அதை
செய்செய் என்றே எவர்சொல் ஆணை,
சிறப்பாய்த் தானே செய்கிறது !

வெடியாய் இடியும் வியக்கும் மின்னலும்
வில்லேழ் வண்ணம் விளைகிறது !- அதன்
விடிவும் முடிவும் வியக்கும் வரவும்
விந்தை காட்டி சிரிக்கிறது !

ஆற்றுப் பெருக்கும் அணைநீர் தேக்கமும்
அகத்தில் மகிழ்ச்சி சேர்க்கிறது !- நீர்
ஊற்றுப் பெருகி உவக்கவே ஓடி
உண்மை அழகை விரிக்கிறது !

உண்ணும் உணவும் உயர்காய் கனியும்
உலகில் இயற்கை தருகிறது !- உயிர்
மண்ணில் வாழ மட்டில் லாத
மாட்சி தானே மலர்கிறது !

நல்ல நாளெது என்றிவை பார்த்தா
நாளும் பணிகள் நடக்கிறது ?- யார்
சொல்லும் கேளா தெந்த நாளும்
தொடரும் பணிகள் தொடர்கிறது !

-படைக்களப் பாவலர் துரை மூர்த்தி,ஆர்க்காடு.

**

]]>
kavithaimani https://images.dinamani.com/uploads/user/imagelibrary/2019/11/6/w600X390/lovely_day.jpg good day https://www.dinamani.com/specials/kavithaimani/2019/nov/06/wednesday-poem-written-by-tamil-poets-3272508.html
3272510 ஸ்பெஷல்ஸ் கவிதைமணி 'இந்த நாள் இனிய நாள்' வாசகர் கவிதை பாகம் 3 கவிதைமணி DIN Wednesday, November 6, 2019 10:00 AM +0530 இந்த நாள் இனிய நாள்


தமிழ், தமிழ், தமிழென்று தொடர்ந்து சொல்லும் போது
 அமிழ்து, அமிழ்து , அமிதென்று தானாய் வரும்
இமிழ்க்கடல் அமுதமாய் இனிக்கும் தமிழ் என் தாய்மொழி
  எண்ணும் தோறும் இரும்பூதி எய்துகிறேன்,மகிழ்ச்சி!

விண்ணோடும், மண்ணோடும் உடுக்களோடும்
  உருவான தமிழ் எங்கள் மூச்சேயாகும்
முதன்மொழியாம் உலகின்மொழி தமிழேயாகும்
  கீழடியால் உறுதி செய்வோம் பெருமைகோள்வோம்!

தமிழுக்கும்அமுதென்றுபேர்இன்பத்தமிழ் எங்கள்உயிருக்குநேர்
  கேட்டால் இனிக்கும் இன்பத்தமிழ் இனிபுறுவோம்!
தமிழ் உலகத்தின் முதன்மொழி என்று உணர்ந்தநாள்
  அறிந்தநாள் இந்தநாள் இனிய நாள்! வாழ்த்துக்கள்!

- கவிஞர் அணிபுதுவை கோவேந்தன், இராஜபாளையம்

**

எழிலான வண்ணக்கோலமும்
குத்துவிளக்கு நிறைகுடத்துடன்
பிடித்து வைத்த மஞ்சள்
பிள்ளையாரும் - கூடவே
மாவிலை தோரணமும்
கொட்டும் மேளம் நாதஸ்வரமும்
வாய் நிறைந்த புன்னகையுடன்
வாசலில் அன்னையும் தந்தையும்
விருந்தினரை வரவேற்க
சித்தப்பாவும் பெரியப்பாவும்
மேடையை சரிபார்க்க 
பெரியம்மாவும் சித்தியும்
நலங்குகளை ஆயத்தம் செய்ய  மாமாவும் அத்தையும்
அனைவரையும் நலம் கேட்க
தாத்தாவும் பாட்டியும்
நல்லூரானையும் சந்நிதியானையும்
துணைக்கழைக்க
பெரியவர்களோ கூடி அரசியல் பேச
இளவட்டங்களோ மறுபக்கம் கிரிக்கெட்டை விமர்சிக்க
அக்கா தோழிகளுடன்
அலங்காரத்தில் மும்முரமாக
குழந்தைகளோ தேவதைகளாய்
சுற்றி சுற்றி ஓடி ஆட
கலகலப்பும் குதூகலமுமாய்
அத்தனை உறவுகளையும்
ஆனந்தமாக ஒன்றிணத்து
அழகாய் சபை நிறைத்து மகிழும்
அக்காவின் திருமண நாளாம்
இன்றைய நாள் இனியநாள்!!

- உமா, நோர்வே
**
அறம் என்ற நற்பொருளை அகத்தில் ஏற்றி,
தவநிலையில் தன்முனைப்பை - திருப்பி உள்ளே
தரமான வாழ்விற்கு
வழிகள் சொன்ன
நாலடியும் ஈரடியும் ( குறள் )
கற்று நின்றால்,
பெற்றவர்க்கும் உற்றவர்க்கும் அதுவே வெற்றி, 
ஏற்ற மது எந்நாளும் - இதில்
மாற்றம் இல்லை
கற்றோரைக் கற்றோரே காமுறுவர்,
அப்போது நாளெல்லாம் இனிமை பாரீர்.
நலமோடு சிறக்குமே
நாளும் வாழ்வும் .

- கவிதா வாணி. மைசூர்

**

அன்னை என்னை படைத்து உலகிற்கு 
அறிமுகம் செய்த நாள் இனியது ;
தந்தை எனக்கு கல்வி புகட்ட 
பள்ளிக்கு அனுப்பிய நாளும் இனிது ;
படிப்பை முடித்து நேர்வழியில் நல்ல  
பதவி கிடைத்தது ஓர் இனிய நாள் ;
பழுதின்றி யாருக்கும் நியாயத்தின் பயனளித்து 
பணிமுடித்த நாளும் இனிது;
மனம் நிறை மனையாள் என்னுடன் 
இணைந்த நாள் இனியது தான் ;
விழுதாய் மகன்கள்  என் தோளோடு 
வளர்ந்துவரும்    நாளெல்லாம் இனிது;
ஒவ்வொரு மலராய் உருவான மாலையாய்
உறவுகள் சேரும் நாளும் இனிது ;
நலிவுறும்போது நாடிவந்து உதவும் 
நட்பு தொடரும் நாளெல்லாம் இனிது ;
நல்லவை நினைத்து அல்லவை தவிர்த்து 
நடந்தால் எல்லா நாளும்  இனிமைதான் ;அந்த 
வகையில் இந்த நாளும்  இனிய நாள் !

- முத்து இராசேந்திரன்,சென்னை 

**

காலம் நேரம் பார்ப்பதால் கடமை யாற்ற முடியுமோ ?
ஓல மிட்டே இருந்திடின் உயர்வு தானே கிட்டுமோ ?
சீலம் இன்றி எங்கிலும் சிறப்பு காண முடியுமா ?
ஞாலம் சிறக்க வாழ்ந்திட நல்ல நாளே இந்தநாள் !

நடந்த துயரை எண்ணியே நாளும் அழுது புரள்வதா ?
கடந்த காலம் மீண்டுமே காண இனியும் தோன்றுமா ?
படர்ந்த முல்லைப் பூவினில் பரவும் மணமும் குன்றுமா ?
நடக்கும் யாவும் நல்லதாய் நடக்கும் இந்நாள் இனியநாள் !

யானை வயிற்றில் போனது யாவும் திரும்பக் கூடுமோ ?
தேனை போல யாவுமே சிறந்த மருந்தாய்த் திகழுமோ ?
மோனை எதுகை இல்லையேல் மொழியும் பாட்டாய் முகிழ்க்குமோ ?
ஏனை நாள்கள் போலவே இந்த நாளே இனியநாள் !

சிந்தை யின்றி செயல்களைச் செய்து தோல்வி காண்பையோ ?
நொந்து துயரில் நாளெலாம் நொடிந்தும் ஒடிந்தும் போவையோ ?
வெந்த துண்டுத் தூங்கியே வீணாய் நீயும் மாள்வையோ ?
முந்தை நாள்கள் போலிலை மொழியும் இந்நாள் இனியநாள் !

அந்த நாளின் துயரிலே ஆழ்ந்த தெல்லாம் அகற்றுவாய் !
இந்த நாளே இனியநாள் என்றே ஏற்று மகிழுவாய் !
இந்த நாளே நற்செயல் இனிதே செய்ய எண்ணுவாய் !
எந்த நேரம் எனினுமே இனிக்கும் வெற்றி காணுவாய் !

- து.ஆதிநாராயணமூர்த்தி, பரதராமி (திமிரி)

**
இந்த நாள் இனிய நாள் ...நாம் 
வந்த  நாள் முதல் எந்த நாளும் 
இனிய நாளே ! மனதில் மகிழ்ச்சி 
இருக்கும் நாள் இனிய நாள் ! மனதை 
இறுக்கும் உணர்வு  இருக்கும் ஒரு 
நாள் இனிய நாள் இல்லை   நமக்கு !
நாள் என்றும் ஒன்றுதான் !...இனிப்பும் 
கசப்பும் நம் மனநிலை சார்ந்ததே !
இன்பமும் துன்பமும் சேர்ந்தே வாழ்க்கை !
இந்த நாள் மிக நல்ல நாள் ...நாளை 
இதை விட நல்ல நாள் என மனதில் 
கொண்டால்  வாழ்வில் இந்த நாள் 
மட்டுமல்ல எந்த நாளும் ஒரு இனிய நாளே ! 

- கந்தசாமி  நடராஜன் 

**

ஒரு சூரிய கதிர்
சாளரத்தைத் தாண்டி
உள்ளுக்கு வந்து
வெளிச்சத்தை தருகின்றது

காலையில் எழுந்து 
பூக்களின் வாசம்
மனதிற்கு இன்பம் தரும்

மரங்களில் இலைகள்
பச்சைப் பசேலென இருக்கும்

குருவியும் பாட்டுப் பாடும்
இனிமையான பாட்டுப் பாடும்

இந்த நாள்
ஒரு இனிய நாள்

- கனிசா கணேசன் (வயது 12)

**

எல்லா நாளும் இன்ப நாளே
இந்த நாளை இனிதாக்கினாலே
சொல்லால் இன்பம் செயலால் இன்பம்
என்றொரு மார்க்கம் தனதாகக் கொண்டால்
எல்லா நாளும் இன்ப நாளே
அந்த நாளை நோக்கியொரு நடை
இந்த நாளில் விதைத்துச் சென்றால்
எல்லா நாளும் இனிய நாளே
அன்பும் அறமும் வாழ்வின் ஆணிவேரென
அற்புத கொள்கை நெஞ்சினில் சுமந்தால்
எல்லா நாளும் இன்ப நாளே
ஒருவருக்கொருவர் தமக்கென வாழ்ந்து
இன்பதுன்பம் பகிர்ந்திட்டாலே
எல்லா நாளும் இனிய நாளே
சினமும் வெறுப்பும் சீக்கிரமளித்திடு மெனறந்து
பொறுமையும் புத்திக்கூர்மையும் நின் மதியென காத்தால்
எல்லா நாளும் இன்ப நாளே
எல்லாம் வல்ல என்னை நானே மதித்துச் சென்றால்
எல்லா நாளும் இனிய நாளே!

- யோகராணி கணேசன், நோர்வே

**

இந்தநாள் இனியநாள்  என்றுதான் பிறந்திடும்
அந்தநாள் இனியநாள் ஆக்கிடும் தன்மையைச்
சிந்தையில் ஏற்றிடும் செயலதைப் போற்றிடும்
விந்தையில் வாழ்க்கையை வேட்கையில் ஏற்றிடும்
சொந்தநாள் யாவுமே சுகந்தரும் இனியநாள்
எந்தநாள் ஆயினும் இன்னுரை பேசிடும்
வந்தநாள் நல்லநாள் வாழ்க்கையில் புனிதநாள்
தந்தநாள் தன்னலஞ் சாராது நின்றநாள்.

வாழ்வதோ இனியது வரும்நா ளெலாமே
சூழ்வினை தொடர்ந்திடும் சோம்பலை எரித்துநல்
ஆழ்குழிப் புதைத்திட அகன்றிடும் துன்பமும்
கூழ்குடித் தாயினும் கொண்டதோர் கொள்கையில்
வாழ்வதே நல்லது வாழ்ந்திடும் நாளெலாம்
வீழ்வது இலாமலே வெற்றியைக் காணலாம்
ஊழ்வினை யாடலும் ஒழிந்திடும் நல்லுளந்
தாழ்வுறா நிமிர்ந்திடும் தலைமையாய் எழுந்திடும்

எண்ணமும் நலமாய் இழைத்திடும் செயலதன்
வண்ணமும் நலமாய் வாய்த்திடும் என்றால்
திண்ணமாய்த் தெரிந்திடும் திசையெலாம் உதித்திட
நண்ணிடும் நாளெலாம் நமக்கினி யநாளாம்
பண்ணிய நல்வினை பண்டுதீ வினைகளை
உண்ணியே பொசுககிடும் ஒருசுடர்த் தீயினில்
கொண்டதும் நல்லன கொள்வதும் நல்லன
என்றிடில் எல்லா நாளுமினி யநாளே!

- கவிமாமணி " இளவல் " ஹரிஹரன், மதுரை
**

நல்ல உடையணிந்து நறுஞ்சுவை உணவுண்டு
உறுதியான தன்வீட்டில் உறங்கியெழும் நிலையினிலே
என்னாட்டு  மக்களெல்லாம் இருந்திடும் நிலைவந்தால்
அந்நாளை நானும் அகத்திலேற்று மகிழ்வுகொண்டு
இனிய நாளென்பேன்!இதயசுகம் மிகவெய்தி
உறவுகளின் துணையோடு உற்சாகத்தில் திளைப்பேன்!

மழையிலும் பனியிலும் மனம்வியர்க்கும் கோடையிலும்
சேற்றிலும் சகதியிலும் சிரமந்தரும் நீரினிலும்
தன்னலங் கருதாமல் தனக்கென்று பாராமல்
ஊரார் பசியாற உலகமே அமைதிபெற 
உழைக்கின்ற உழவனுக்கு உயர்வாழ்வு கிடைத்திட்டால்
அதுவன்றி இனிய நாள் அகிலத்தில் வேறுண்டோ?!

அதிகாலை பால்காரர் அடுத்துவரும் பேப்பர்காரர்
மளிகைக் கடைப்பையன் மலர்போடும் பூக்காரப்பெண்
இதழில் புன்னகையை எழிலாக்கும் எதிர்வீட்டுக்காரர்
பாசமழை பொழியும் பாங்கான பக்கத்துவீட்டுக்காரர்
இவர்களெல்லாம் மகிழ்ந்திருந்தால் இன்பமுடன் இணைந்திருந்தால்
அதுவன்றோ இனியநாள்! அகமகிழும் பெரியநாள்!

-ரெ.ஆத்மநாதன், அமெரிக்கா

]]>
kavithaimani https://images.dinamani.com/uploads/user/imagelibrary/2019/11/6/w600X390/book.jpg Best day ever https://www.dinamani.com/specials/kavithaimani/2019/nov/06/have-a-wonderful-day-poem-by-dinamani-readers-3272510.html
3272526 ஸ்பெஷல்ஸ் கவிதைமணி 'இந்த நாள் இனிய நாள்' வாசகர் கவிதை பாகம் 4 கவிதைமணி DIN Wednesday, November 6, 2019 10:00 AM +0530 இந்த நாள் இனிய நாள்

கீழ்வானை அலங்கரித்த செங்கதிர்கள்
வெண்முகிலிடை ஊடுருவி மெல்ல பாய,
இரைதேட அணி வகுத்த பறவைகள் 
விண்ணுக்கு அழகு சேர்க்க,
நுனிப்புல் மேல் பனித்துளி கண் சிமிட்ட
கதிரவன் கண்ட தாமரை இதழ் விரிக்க,
சிலிர்த்தெழுந்து கொண்டை சேவல் கூவ,
கிளைகளிடை மறைந்திருந்து இசைக்கும் குயில்களோடு,
மனிதருள் அறியாமை இருள் நீங்கி
வன்செயல்கள் தவிர்ப்பதுடன், பெண்மை மதித்து, 
இன்சொல் பகிர, மனிதநேயம் மலர்ந்திட
வறுமை ஒழிந்திட , வளம் பெருகிட ,
மனிதம் வளர்க்கும் நன்னாளாய்
இன்முகம் காட்டி பொழுது புலரட்டுமே
புன்னகை பூக்கும் பொன்னாளாய்
இந்த நாள் இனிய நாளாய் !

- தனலட்சுமி பரமசிவம்

**
விடுதலை நாட்டில் விளைந்த பின்னே
விடுதலைப் பெற்றுக் கருவறை விட்டு
தடுப்பணை இல்லாதாயின் அன்பில்
தவழ்ந்த இந்நாள் இனிய நாளே!

பட்டம் பெற்ற அந்தநாள், முதலில்
பணியில் சேர்ந்த அந்தநாள், திருமணம்
நடந்த முடிந்து முதலிரவு கண்டநாள்,
நலமுடன் முதல்மகன் ஈன்றநாள் இனியநாள்!

மொழியினம் மேம்பட முதல்போ ராட்டநாள்;
மேடையில் முதன்முதல் முழங்கிய திருநாள்;
அழிவிலா அருங்கவி முதலில் வடித்தநாள்;
அருமை விருது அனைத்தும் பெற்றநாள்;

பிறருக் குதவிய பெருமை மிகுநாள்,
பாராட்டு மேடையில் பெற்ற நன்னாள்,
உறவுகள் கூடி உவந்த   அந்நாள்
உள்ளம் மகிழ்ந்த  இந்தநாள்  இனியநாள்!

- நெருப்பலைப் பாவலர், இராம இளங்கோவன், பெங்களூரு

**

கொஞ்சம் அழகு
    நிறைய அன்பு !
கொஞ்சம் நட்பு
    நிறைய நம்பிக்கை!
கொஞ்சம் தனிமை
     நிறைய இனிமை !
கொஞ்சம் சுதந்திரம்
     நிறைய தைரியம்!
கொஞ்சம் ஊக்கம்
     நிறைய உழைப்பு!
கொஞ்சம் பெருமை
     நிறைய பொறுமை!
கொஞ்சம் கற்பனை
     நிறைய கவிதை !
இருந்தால் போதும்
இந்தநாள் மட்டுமல்ல
எந்த நாளும் இனிய நாளே !

- கே.ருக்மணி.

**

மாமல்லபுரத்தில் மோடி-ஜின்பிங்க்  சந்திப்பு மகிழ்ச்சிதந்தது
 இந்திய சீனா உறவில் எதிர்காலம் நிச்சயமாகலாம்
தமிழரின் விருந்தளிப்பில் ஜிங்க் பின் கவிழ்ந்துவிட்டார்
  தமிழராக மாறி மாமல்லபுரத்தில் வழிகாட்டினார் மோடி

இமிழ்க்கடல் அமுதமாய் இனிக்கும் இச்செய்தி எனக்கு
   இந்த அக்டோபர் பதினோராம் நாள் இனிய நாள் நமக்கு
அதிகாரப் பூர்வமற்ற பேச்சுவார்த்தை ஆனாலும் பலன் தரும்
   அருணாச்சலப்பிரதேச ஆக்கிரமிப்பு அகலலாம் வாய்ப்பதிகம்

அதிகார பூர்வ மற்றபேச்சு பாக்கிஸ்தானுக்கு வைத்த ஆப்பு !
    அமெரிக்காவுக்கும் அதிர்ச்சி யளித்திருக்கும்! ஆனந்தம்தான்
பதறாமல் யோசித்துப் பார்த்தால் பழமை சார்ந்தது இந்தபேச்சு
     நூறாண்டு பழமைச்செய்திகள் பரிமாறபட்டிருக்கலாம்

 சிதறாது இந்தியா!இப்படி மாநில மொழிகள் அனைத்துக்கும்
:     இந்தியபிரதமர் மதிப்பளித்தால் எனச்சொல்லத்தோன்றும்  
இந்தநாள் இனிய நாள்“ என ஏன்  சொல்லக் கூடாது
   இங்குள்ள எல்லோருக்குமே  இந்தநாள் இனியநாள்         

- கவிஞர் அரங்க.கோவிந்தராஜன், இராஜபாளையம்

**
ஒவ்வொருவரும் நாளை விடியும் என்ற நம்பிக்கையுடன்
இரவை  முடிக்கும் அனைத்துநாளும்  இனிய நாள்தான்!
தாயின் வயிற்றில் இருக்கும் சிசுகூட 
அம்மாவின்  வயிற்றில் இன்பமாக இருப்பதால்
அந்த சிசுவிற்கு  ஒவ்வொருநாளும்  இன்ப நாள்தான்!
பள்ளிக்கு செல்லும் மழலைக்கு  அன்புடன் 
சொல்லிக் கொடுக்கும் ஆசிரியர் கிடைத்தால்
பள்ளி செல்லும் அந்தநாள் அப்பிள்ளைக்கு
இனிய நாள்!.............
கதிரவன்  வரும் எல்லா நாளுமே இனிய நாள்தான்!
ஏழை பணக்காரன்  உயர்ந்தவர்  தாழ்ந்தவர்
ஆண்  பெண்  என்ற  பேதமறியா 
கதிரவனிடம் கற்போம்  நாளின் இன்பத்தை!
மனிதனின்  மனம் எதை விரும்புகிறதோ
தடையின்றி அது நடந்தால்  அவனுக்கு
அந்த நாள் இனிய நாள்!
மனிதர்களே நல்லதை நினைத்தால்
நல்லது  நடக்கும்........நினைப்பில்
களங்கம் இருந்தால்  அது  பிறக்கும் நாட்களை
களங்கமாக்கி விடும்......
தேவை இல்லாதவற்றை  பார்க்காதே!
தேவை இல்லாதவற்றை  கேட்காதே!
தேவை இல்லாதவற்றை  பேசாதே!
என்ற மூன்று குரங்குகள்  சொல்லும்
அறிவுரை   நினைவில் கொண்டால்
எந்த நாளும் இனிய  நாள்தான்!

- உஷாமுத்துராமன், திருநகர்

**
வட வேங்கடம் முதலாய்த் தென்
குமரிக் கடல் முடிவாய் வளர்ந்தாய்
ஒரு முகமாய் தமிழ் மொழியால்
எங்கள் உணர்வாய்! தாயேயெங்கள்  உயிராய்;
இனங்கள் பல இருந்தால் என்ன
பலநாட்டில் பணி புரிந்தா லென்ன
உணர்வால் ஒன்று படுவோம் அது
மொழியால் எங்கள் உயிராய் என்றும்
இணைவோம் சங்கத் தமிழால்! இன்பத்தமிழால்;
ஒருதுன்பமும் வருமோ அது எழுமுன்னரே
பொடியே ஒரு படையொ டுனைக்
காப்போம் கன்னித் தமிழேயெங்கள் தாயே!
செழுந் தமிழே! எங்கள் தாயே;
புலவோர் பலர் அறநூற் பல
அருங் காவியம் கொடுத்தாய் அந்த
அமிழ்தைச் சுவைப் போமே உனை
உயர்த்திப் பிடிப்போமே எங்கள் உயிரே!
நீ வாழ்க! பல யுகமே!

குறிப்பு:-
 
நவம்பர் -1 - தமிழ்நாடு பிறந்த நாள்; மாநிலத்தை சிறப்பித்து எழுதப்பட்டது

- கு. இரா, வடக்கு அயர்லாந்து.

**

கட்டியிருந்த ஆடை ஒட்டியிருந்த நிழல் சுற்றியிருந்த குருதி

பற்றியிருந்த உறவுகள் அனைத்தையும் ஆண்டவன் உனக்கு

வந்ததப்பா ஒருநாள் அந்த நாள் இந்த
நாள் இனிய நாள்

என்றாகிவிட்டதுவே; நனவு வரும் கனவு வரும் உறக்கம் வரும்

பேருரக்கம் வரும் உயிரடக்கம் வரும்
அவஸ்தை எனும்

உருவத்திலே ஆண்டு அனுபவித்து விட்டவர்கள் எதிர்பார்ப்பு

இந்த நாள் இனிய நாள் என்றாகிடவே;
வாழும் போது தாழத்

தெரியவில்லை; தாழும் போது வாழத் தெரியவில்லை

மாசற்ற மனதில் எழும் தூசுதும்புகளை
யாரேனும் சுத்தம்

செய்வார்களா; இந்த நாள் இனிய நாள் என்றாகிடுமா ஏக்கம்

ஏங்கும் உள்ளங்களை யார் தேற்றுவார்
அன்னவரையே யாரும்

போற்றுவார்; இனிய நாளை எட்டிடவே ஏமாற்றுவார் எதற்கும்

அசையாதாரை தூற்றுவார் இந்த நாள் இனிய நாள் என்றாகிடவே

ஒவ்வொரு விடியலும் ஒவ்வொருக்கும்
இந்த நாள் இனிய நாள்

ஒவ்வொரு கொடியசைந்து வாழ்த்தும்
இந்த நாள் இனிய நாள்

ஒவ்வொரு நொடிபிறக்கும் போதிலும்
இந்த நாள் இனிய நாள்
 
- ஆபிரகாம் வேளாங்கண்ணி கண்டம்பாக்கத்தான்

**

சென்றநாள் கசந்தநாள் நன்றி கடனாக
நமக்களித்துச் சென்றநாள் அந்த நாளே
இந்த நாள் இனிய நாள் என்றெண்ணி
மகிழ்ச்சியாக கொண்டாடுவார் சிலரே

சூடுபட்ட பூனை அடுப்பண்ட போகாது
என்பார் போல் கசந்தநாள் கண்டவர்
இனிய நாளை அளவோடு கொண்டாடி
கசந்தநாள் வராதிருக்க சிக்கணிப்பார்

பழைய குருடி கதவைத் திறடி என்னும்
பழமொழிக்கொப்ப துன்புற்ற நாளின்
நினைவு கொண்டு மீண்டும் துன்புறா
திருக்க தம்மை சுதாரித்துக் கொள்வர்

இந்த நாள் இனிய நாள் தான் இனியும்
வரவிருக்கும் நாள் எந்த நாள் என்பது
அவரவர்களே நிர்ணயிக்க ஆகிவிடும்
இந்தநாள் எந்தநாளும் இனியநாளாக

- வே. சகாய மேரி, அரியலூர் திருக்கை 

**

வாருங்கள் வாருங்கள் இளைஞர்காள்
----வருங்காலம் உங்களுடை தோளில்காண்
பாருங்கள் உலகத்தைப் பட்டறிவால்
----பாதைவரும் நீநடக்கக் கண்முன்னால் !
தன்னம்பிக்கை என்பதைநீ கைகொண்டால்
----தளராத முயற்சிதனை மெய்கொண்டால்
முன்நிற்கும் தடைகளெல்லாம் தூளாகும்
----முன்னேற உனையேற்றும் படியாகும் !
சாதிக்கப் பிறந்தவர்கள் எனும்நினைப்பில்
----சரித்திரத்தை மாற்றுபவர் எனும்பிடிப்பில்
மோதியெழு உனைக்கண்டே தோல்வியஞ்சும்
----மோகத்தில் உனையணைத்தே வெற்றிகொஞ்சும் !
உனையுயர்த்தும் மந்திரமும் உன்மனமே
----உனைத்தாழ்த்தும் தந்திரமும் உன்மனமே
முனைப்போடு மனத்தைநீ வசப்படுத்து
----முயல்வென்ற ஆமையெனப் புலப்படுத்து !
ஏற்றங்கள் தானாக வந்திடாது
----ஏணிவந்து உன்னருகில் நின்றிடாது
மாற்றங்கள் எல்லாமே உன்கரத்தில்
----மனத்துணிவில் நீசெய்யும் செயல்பாட்டில் !
மூலையிலே முடங்காமல் தலைநிமிர்த்து
----மூடியுள்ள இருள்விலக விழியுயர்த்து
காலையிளம் பரிதியென வாழ்வொளிரும்
----கனவுகண்ட இனியநாளும் வந்தொளிரும் !

- பாவலர் கருமலைத்தமிழாழன்

**
மனம் போன போக்கில்
போகாமல்!
தினமும் அனுதினமும்
ஆராய்ந்து செயல்படும் எந்த நாளும் இனிய நாள் தான் என்று
இந்த நாளும் இனிய நாள் தான் என்றே நம்மை  சொல்லிட வைக்கும்!

கூட்டாக உழைத்து
அதன்மூலம் வரும்
லாபத்தை: சரிசமமாக
எந்த நிறுவனங்கள்
தருகிறதோ!
அங்கே இந்த நாள்
இனிய நாள் ஆகிடுமே!

தேவையானவற்றை!
தேவைக்கு ஏற்ப!
தேவையான போது!
தேடிக்கொடுப்பவர்கள்
இருக்கும் இடத்தில்
இந்த நாள் இனிய நாள் ஆகிடுமே!

தான் தனக்கு என்றில்லாமல்!
மழை போல் பொதுவாக
நினைத்து செயல்படும்!
நிலையான மனங்கள்
உள்ள இடத்தில்;
இந்த நாள் இனிய நாள் ஆகிடுமே!

நாம் ! நமது! நம்மவர்!
இப்படி சமத்துவம்!
சகோதரத்துவம்!
உள்ள இடத்தில்;
இந்த நாள் இனிய நாள் ஆகிடுமே!

வயதான போதிலும்
தாயை! தந்தையை!
கைவிடாத பிள்ளைகள்
உள்ள இடத்தில்;
இந்த நாள் இனிய நாள் ஆகிடுமே!

செய்த உதவியை
அந்த உதவியால்
கிடைத்திட்ட பதவியால்
உதவி செய்தவர்!
உதவி நாடி வரும் போது!
உதாசீனம் செய்யாமல்!
உதவும் குணங்கள்
உள்ள இடத்தில்!
இந்த நாள் இனிய நாள் ஆகிடுமே!

- கவிச்சித்தர் களக்காடுவ.மாரிசுப்பிரமணியன்

**

அதிகாலை சூரியனுக்கு முன்னும் 
வெறும் வயிற்றில் இரை தேடி பறக்கும் 
பறவைகளுக்கு முன்னும் 
கூவும் சேவலின் குரலோசை
கொக்கரிக்கும் கோழியின் அழகோசை 
தாய்ப்பாசத்தை வெளிப்படுத்தும் 
அம்மாவெனும் பசுவோசை 
இவைகளை இனிமையாய் கேட்குமுன்னும் 
ஓசோனின் ஆக்சிஜனை உறிஞ்சி எடுக்க 
மாசில்லா காற்றுதனை கட்டித்தழுவ 
சப்தமில்லா ஓசையை உணர்ந்து ருசிக்க 
படுக்கையிலிருந்து எழும் மனிதனுக்கு 
இந்த நாள் இனிய நாளாகும்.

- மன்சூர் அஹமத்

**

அன்பென்ற மழையில்
ஆசைகளற்ற நிலையில்
இன்புற்று மனிதர்
ஈன்றோரை மறவாது,
உண்மையை உணர்ந்து,
ஊக்கமே உழைக்க
என்றும் பெருமையாம்,
ஏற்றமே அருள் கொடையாம்,
ஐயமில்லா பெருவாழ்வில்
ஒன்றுபட்டு நாம் வாழ,
ஓங்கட்டும் நம் புகேழே
ஒளவை சொல் மந்திரமாம்,
சாதியற்ற சமுதாயம் அமைந்திட்ட அந்நாளே
இனிய நாள் என்றுரைப்பேன்.

- செந்தில்குமார் சுப்பிரமணியன்

**

உண்மைக்காதல் உலகில் நிலவும் நாள்
போதைப்பொருள் உலகில் புழங்கா நாள்
கலகம் கலட்டா குழப்பம் இல்லா நாள்
கலப்படமில்லாப் பொருள் விற்கும் நாள்
மாசு இல்லாத காற்று கிடைக்கும் நாள்
மாசு நிறை கள்ளப்பணம் கலக்கா நாள்
சாலைகளில் வாகனங்கள் இல்லா நாள்
சாலைகளில் விபத்துகள் நிகழா நாள்
அரசியலாளர் பண்புடன் நடக்கும் நாள்
அரசியலில் இலஞ்சஊழல் இல்லா நாள்
பெண்கள் பாதுகாப்பாய் வலம் வரும் நாள்
ஆண்கள் குடித்துக் கும்மாளம் போடா நாள்
இல்லத்தையேற்று மக்கள்இனிதே நடத்தும் நாள்
நல்லறமே கொண்டு மானிடர் வாழும் நன்னாள்
அந்த இனிய நாள் இனிவரும் காலத்தில் வருமோ?

- மீனாள் தேவராஜன்

**
 

]]>
kavithaimani https://images.dinamani.com/uploads/user/imagelibrary/2019/11/6/w600X390/good_day.jpg good day https://www.dinamani.com/specials/kavithaimani/2019/nov/06/today-is-a-lovely-day-poem-written-by-kavithaimani-readers-3272526.html
3272527 ஸ்பெஷல்ஸ் கவிதைமணி இந்த வாரம் கவிதைக்கான தலைப்பு: பெண்ணென்று சொல்வேன்!   கவிதைமணி DIN Wednesday, November 6, 2019 10:00 AM +0530  

கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

'இந்த நாள் இனிய நாள்’என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு:  பெண்ணென்று சொல்வேன்!!

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது. கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.

மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும்

]]>
kavithaimani https://images.dinamani.com/uploads/user/imagelibrary/2019/11/6/w600X390/2.jpg பெண் https://www.dinamani.com/specials/kavithaimani/2019/nov/06/title-for-the-next-kavithaimani-3272527.html
3272503 ஸ்பெஷல்ஸ் கவிதைமணி வாசகர் கவிதை இந்த நாள் இனிய நாள் பாகம் 1 கவிதைமணி DIN Wednesday, November 6, 2019 09:58 AM +0530  

இந்த நாள் இனிய நாள்!

அறுசீர் ஆசிரிய விருத்தம்

இந்த நாளும் இனிய நாளாய்
……….இன்பம் தரவே மகிழ்ந்திருந்தோம்..!
இந்த விடியல் இன்று சிறப்பாய்
……….இருந்த தென்று மனமகிழ்ந்தோம்..!
எந்த நாளும் என்ன நடக்கும்.?
……….ஏக்கம் கொண்டே காத்திருந்தோம்..!
வந்த நாள்கள் வருமே இனியும்
……….வளமை தருமே.? வாழ்வினிலே.?
.
அந்தம் சொந்தம் அறிவ தற்கே
……….ஆதி பகவன் துணையுமுண்டு..!
பந்தம் உண்டு பாசம் உண்டு
……….பற்று மிகுந்த உறவுமுண்டு..!
சொந்தம் எல்லாம் சுகமும் தரவே
……….சோகம் மறந்த காலமுண்டு..!
மந்த புத்தி மாந்த ரானால்
……….மனித நேயம் புரிந்திடுமா..?
.
எண்ணம் எல்லாம் எங்கும் விரவி
……….இனித்தி ருக்கும் போதினிலே..!
வண்ணம் ஆகும் வாழ்க்கை எல்லாம்
……….வளமை மிகும்நல் வார்த்தையாலே..!
மண்ணில் ஆசை மறுக்க மாதும்
……….மதுவும் சூதும் வெறுத்ததாலே..
எண்ணில் அடங்கா எழுச்சி பெறுமே
……….எந்தச் செயலும் செய்கையிலே..!

- கவிஞர் பெருவை பார்த்தசாரதி

இந்த நாள் இனிய நாளே,
காலை கண்விழித்தேன்,
உறுப்புகள் கொண்டுள்ளேன்,
வசிக்க கூரை இருக்கின்றது,
உடுத்த உடுப்புகள் இருக்கின்றது!
இத்தனை தொடர்வதே இந்நாளை இனிதாக்குகிறதே!

புத்துயிர்க்கும் சுவாச காற்றிற்கு நன்றி,
காண கிட்டும் வெளிச்சத்திற்கு நன்றி,
பருக சுவைக்கும் நீருக்கும் நன்றி!
எனை உயிர்ப்புடன் வைக்கும் பயிர்களுக்கும் நன்றி!
எனை வாழ்த்தி வளர்த்திட்ட உற்றாருக்கும் நன்றி!

நன்றி உரைக்க ஓராயிரம் பட்டியல் இருக்க,
இன்று துவங்கிய இந்த நாள் இனிய நாளே!

-செல்வா

**

இந்நாளில் எரிமலையே வெடிக்கும் என்றே
  எவரேனும் அறிவாரா ? இயம்பற் கில்லை !
இந்நாளில் நிலநடுக்கம் நடக்கும் என்றே
  ஏதேனும் அறிகுறிகள் ? இமியும் இல்லை !
இந்நாளில் கடுமழையே பெய்யும் என்றே
  இயம்பலினும் மிகப்பெய்யும், தடுப்பார் இல்லை !
இந்நாளின் ஆழ்துயரம் தடுப்போம் என்றே
  எவருள்ளார் இவ்வுலகில் ? சொல்வார் இல்லை !

இந்தநாளே இனியநாளாய் எண்ண வேண்டும் !
  இனிமையுடன் ஏற்றமுடன் இலங்க வேண்டும் !
இந்தநாளே இனியநாளாய் இயங்க வேண்டும் !
  எப்போதும் இனியவழி ஏற்க வேண்டும் !
இந்தநாள்போல் எந்நாளும் எழவே வேண்டும் !
  இயன்றவரை இனியவையே செய்தல் வேண்டும் !
இந்தநாளே இனியநாளாய் இயம்ப வேண்டும் !
  எந்ததமிழ்போல் எந்நாளும் இனிக்க வேண்டும் !

-ஆர்க்காடு. ஆதவன்

**

இந்த நாள் இனிய நாளே!

உலகில் யாதோர் மூலையில், 
நினையாதவை நிகழும் பொழுது,

உலகில் யாதோர் மூலையில்,
முடியாதவை நிகழும் பொழுது,

பூவாய் புலர்ந்த இந்நாள்
இலங்கும் பொன் நாளே!

புவிக்கோர் கதிரவன் உண்டு,
அவன் வந்து சென்று உயிரூட்டம் கொடுப்பதுண்டு!
மனிதனுக்கோர் மனமுண்டு அதில் நல்லெண்ணம் பல முளைப்பதுண்டு!

மனமென்னும் தோட்டத்தை 
மாயையில் மயங்காமல் பேணுவோம்!
நல் எண்ணம் தனை விதைத்து,
தீய எண்ணம் தனை அகற்றிடுவோம்! 
ஒரு உழவன் போல் மனதினை தேற்றுவித்தால்!
ஐம்புலமும் நலமாகும் நல்லவை சாத்தியமாகும்!

விழி.எழு.விருட்சமாகுக!

-இனிய தமிழ் செல்வா, ஓமன்

**
சென்ற நாள் மீண்டும் திரும்பிவரப் போவதில்லை
இன்றுதான் எங்களுக்கு இனிய நந்நாளாகும்
நாளை எதுநடக்கும்? நாமறியோம் ஆதலினால்
ஆற்றும் கடமைகளை அன்றே புரிந்துவிட்டால்
ஏற்கும் பொறுப்பெல்லாம் இலகுவாய் ஆகிவிடும்.
தாமசத்திலூறித் தவறவிட்டால் எம்பொறுப்பை
நாமிழக்கும் வாய்ப்பு நமையழித்து வீழ்த்திவிடும்.

காலம் அழிவதி்ல்லை காட்சிகள்தான் மாறுதென்பார்
ஞாலம் சுழல்கிறது நாமுமதிற் சுற்றுகிறோம்.
ஏலும் வரைக்கும் இவ்வுலகில் வாழ்ந்துவிட்டு
தூல உடலழிய சூனியத்திலே கலக்கும்
மாயப் பிரபஞ்ச வாழ்வைச் சதமென்று
எண்ணிக் கவலையின்றி என்றும் மகிழ்வோடு
ஆற்றிக் கடமைகளை அறத்தின் வழிநிற்க
ஏற்ற நாள் இந்நாள் எமக்கென்ற எண்ணமுடன்
போற்றித் தொடங்கல் பொறுப்பு.

- சித்தி கருணானந்தராஜா.

**

இனிய நாள் என்றுநான்
எந்தநாளைச் சொல்ல?
பிறந்த நாளைச் சொல்லவா? - அது
வெறும் செய்தி அல்லவா?
இந்த நாள் இனிய நாள் என்று
சொன்ன நாளது – பின்
வந்த நாளால் நொந்த நாளால்
துக்கநாள் ஆனது
சுவாசித்தல் அன்றி
வேறெதுவும் செய்யாத
நாட்கள் காலண்டரில் கிழிபடும்
தாள்கள்
வாழ்ந்த நாட்களைக் குப்பையில்
கொட்டியபின் காலம் வந்து
எரித்துவிடுகிறது
ஒருநாள்
சலவைசெய்த நாட்களைக்
கொடியில் தொங்கப் போட்டால்
ஈரத்துளிகள் சொட்டிக் கொண்டிருக்கின்றன

காலாவதி ஆகிவிட்ட
நாட்களில்
இனிய நாள் என்ன
இனி நாள் என்ன?

- கவிஞர் மஹாரதி

**
இந்த நாள், இனிய நாளெனவே,
இலை மறைக் காயாய் மகிழ்ந்திடுவேன் !
சிந்தனை வானின் சித்திரமென்றே,
சிகரமாய் உயர்ந்திட முயன்றிடுவேன்!

குப்பைக் காகிதம் பொறுக்கிடினும்,
கோடியில் வருவாய் ஈட்டிடினும்,
நிதம் நிதம் ஊக்கம் கொண்டிடுவேன் !
நீதியின் மடியில் வென்றிடுவேன் ! (இந்த நாள்)

இந்த நாள் இனிய நாளெனத்தான்,
இயங்குது புவி, ஒளிருது சூரியன் !-எதையும், 
சாதிப்பேனே, எனதில்லைத் தோல்வியும் !  
சிந்திப்பேனே, என்னால் முடியும் ! என்னால் முடியும் !

ஆசைகள் எனது, எந்தன் கைகளிலே !
ஆண்டவன் தான் நானும், எந்தன் செயல்களிலே !(இந்த நாள்) .

- இலக்கிய அறிவு மதி

**

வசந்தகாலப் பறவைகளே கூடுகளை விடுத்து
வெளியில் வாருங்கள்
அறியாமை இருளை ஆதவன்
எரித்துவிட்டான்
கையூட்டு குளிரையும் காலன் கடத்தி
கொன்றுவிட்டான்
வேற்றுமை கிறுக்கல்களையும்
வெண் மேகங்கள் அழிந்துவிட்டன
அதில் உங்கள் அலகுகளால் அழகிய
ஓவியங்களை வரைந்து விடுங்கள்
உங்கள் குரல் சுமக்கா காழ்ப்புணர்ச்சி
காற்றுகளையும் மரங்கள் உறிஞ்சிக்கொண்டன
மூடநம்பிக்கை பூனைகளுக்கும்
வானவில் விழிகளால் பார்வை வந்துவிட்டது
கண்களை உறுத்தும் குற்ற தூசுகளை
கார்காலன் கழுவிச் சென்றுவிட்டான்
ஊழல் பெருச்சாளிகளும் நன்மை மருந்து
தூவப்பட்டதால் நாடு கடந்துவிட்டன
வெள்ளைக் கறை பூசிய கரை வேஷ்டிகளும்
சாயம் வெளுத்து கழுவேற்றப்பட்டன..

இன்று ஒரே சாம்ராஜ்யம் தான்
மேலே நீல நிறக் கொடியும்
கீழே பசுமை நிற பரிவாரமும்
குளிர்ச்சியடைந்த நிலத்தன்னை பூக்களாய்

புன்னகை மணம் பரப்புகிறாள்
உங்களுக்கான விடியல் இது உங்கள்
வரவை நோக்கி வானில் தவமிருக்கும்
பரிதியைக் காண வாருங்கள்
வசந்தகாலப் பறவைகளே கூண்டினை விடுத்து
வெளியில் வாருங்கள்
இந்நாள் மட்டுமல்ல இனிவரும் நாட்களும்
இனிய நாட்களே..

- ஹமி,, தேனி மாவட்டம்

**

தாய்மை அடைந்த பெண்ணுக்கு
குழந்தை பிறக்கும் வரை
தாய்க்கு ஒரு துன்ப நாட்களே!
பிஞ்சு குழந்தை பெண்ணுக்கு
மண்ணில் பிறக்கும் நாளே
அந்த தாய்க்கு இனிய நாள்!
படிக்கும் மாணவனுக்கு
தேர்வுகள் வந்து விட்டால்
பயத்தில் அவனுக்கு காய்ச்சல்.
படித்த கேள்விகளே
அவன் எழுதும் தேர்வுகளில்
வந்துவிட்ட நாட்களே
மாணவனுக்கு இனிய நாள்!
கருத்தொருமித்த காதலர்கள்
திருமணம் முடிக்கும் வரை
காதலுக்கு ஒரு கஷ்ட காலம்
தாய் தந்தையின் சம்மதத்தில்
திருமணம் செய்யும் தினமே
அந்த காதலர்களுக்கு
இன்ப நாள் இனிய நாள்!
காசி ராமேஸ்வரம் சென்று
கோவில் குளம் சுற்றும்
கும்பிடும் ஆன்மீகவாதிக்கு
விரும்பும் மனஅமைதி
கிடைக்கும் இனிய நாளே
ஆன்மீகவாதிக்கு இனிய நாள்!
உலகில் மனித மனங்கள்
கடந்தகாலம் எண்ணி கலங்காமல்
நிகழ்காலம் எண்ணி வாழ்ந்தால்
மனிதனுக்கு அதுதான்
என்றும் இனிய நாள்!

- பொன்விலங்கு பூ.சுப்ரமணியன்
வன்னியம்பட்டி, ஸ்ரீவில்லிபுத்தூர் வட்டம்

**

வானம் பொழிந்து
பூமி நனைந்து
ஆறு ஏரி குளம் குட்டைகள் நிரம்பி
பயிர்கள் விளைந்து
வீடு வரும் நாளே!
விதைத்தவனுக்கு
இனிய நாள்!

வணிகம் செழித்து
இலாபம் கொழிக்கும் நாளே
வணிகனின் வாழ்வில்
இனிய நாள்!

ஊரும் உறவும் கூடி
தேரும் திருவிழாவும்
நிகழும் நாளே!
ஊருக்கு இனிய நாள்!

பஞ்சம் பட்டினி நீங்கி
நோயும் நொடியும் நீங்கி
அமைதியும் அன்பும்
வளமையும் செழுமையும்
பொங்கும் நாளே
நாட்டிற்கு இனிய நாள்!

- கு.முருகேசன்

**
ஆண்டவனின் அருகினிலே
அமர்ந்த பிள்ளையே
ஆடிப் பாடி ஓடும்
ஆனந்த முல்லையே
அரணாக இருக்கும்
அரன் வடிவமே
அமுதாக சுவைக்கும்
அன்புப் பிரியனை
அழகாக தொழுதால் போதும்
அடி காட்டி, முடி சூட்டும்
அம்பலவாணனின் அருமை கண்டு
ரசிக்கும் மனதுக்கு
எந்த நாளும் நல்ல நாளே;
அறிவோமே ஞானசம்பந்தம்
அளித்த கோளறு பதிகம் வடிவிலே.....

- சுழிகை ப. வீரக்குமார்

**

வேகமாய் முன்னேறு;
சோம்பலைத் தூக்கியெறி;
முயலாமையாய் இராமல்;
முயல்வதே நினைவாக;
உள்ளத்துள் உருமாற்றி;
ஊக்கத்தைத் துணையாக்கி;
உண்மையின் வடிவாகி;
விட்டிலாய் விழுகாமல்;
விளக்காய் ஒளிகொடு;
விண்ணையும் இழுக்கலாம்;
வீரனல்ல மகாவீரனாக மாறலாம்;
நாளை எனத் தாவாமல்;
இன்று நல்ல நாளாகக் கொண்டு.......

- முகில் வீர உமேஷ், திருச்சுழி.

**

விபத்தில் கால்நசுங்கி
நகர முடியாத
நாய்க்குச் சோறளித்தேன்.
தட்டித் தட்டிக்
கம்புக்கண் கொண்டு நடந்தவரைச்
சாலையின் மறுபக்கம் கொண்டுசேர்த்தேன்.
ஆலயத்தின்
அன்னதான திட்டத்துக்கு
ஆயிரம் ரூபாய் நிதியளித்தேன்.
தெருவோர
ஏழைச் சிறுமிக்குப்
புத்தாடை வாங்கித் தந்தேன்.
எனினும்
இந்த நாள்களெல்லாம்
இனிய நாள்களாகுமா.....
விடுதியில் விட்டிருந்த அம்மாவை
வீட்டுக்கு அழைத்துவந்த
இந்த நாளைக் கொண்டாடுகையில்!

- கோ. மன்றவாணன்

**

அந்திமுடியும் அழகான வேளை
....அழகாய் பூத்திடும் அதிகாலை
இந்தநாள் இனியநாள் என்றுதினம்
....இன்பமாய் கதிரவன்பாடும் பாமாலை
கனிவாய் சிரிக்கின்ற பூக்களும்
....கனவுகளோடு ஒருநாள் வாழுமே
கனவுகளுடன் வாழும் மனிதனுக்கு
....காலமெல்லாம் பாடம் சொல்லுமே
காலையில் அழகாய் தினம்பாடும்
....கவலையில்லாது அதுதன் இரைதேடும்
பாலையிலும் பறவைகள் நீர்தேடும்
....பறந்து திரிந்துவானில் விளையாடும்
வந்தநாள் தெரியும் இங்குஉனக்கு
....வாழும்வரை கணக்குஇங்கு இருக்கு
எந்தநாளும் நல்லநாள்தான் உனக்கு
....ஏற்றால் வாழ்வுஇனிக்கும் நமக்கு

- கவிஞர் நா. நடராஜ், கோயமுத்தூர்

**

இந்த நாள் இனிய நாள் - என்ற எண்ணமே
இந்த நாளை இனிய தாக்கிவிடும் - தினமும்
இராசிபலன்  பாா்த்து வாழ தொடங்குவதை விட -
இரசித்து வாழ தொடங்கினாலே நாள் இனிதாகிவிடும் -

உச்சரிப்பு அழகானால் தமிழுக்கு இனிய நாள்!
உபசரிப்பு அழகானால் விருந்தினருக்கு இனிய நாள்!
படத்தை கொண்டாடினால் இந்தநாள் மட்டுமே இனியநாள்!
பாடத்தை கொண்டாடினால் வாழ்நாள் முழவதுமே இனியநாள்!

உழைப்பவன் முன்னேற்றம் கண்டால் இந்தநாள் இனியநாள்!
உழுதவன் விலை நிர்ணயித்தால் இந்தநாள் இனியநாள்!
வாழ்வில் அறத்தை பின்பற்றினால் இந்தநாள் இனியநாள்!
விழுந்தவர் நேரத்தோடு மீட்கபட்டிருந்தால் இந்தநாள் இனியநாள்!

நம்பிக்கையில் மண் விழாதவரை இந்தநாள் இனியநாள்!
நம்மால் பிறர் காயபடாதவரை இந்தநாள் இனியநாள்!
சாதனை நாட்களை தொட்டுவிட்டால் இந்தநாள்  இனியநாள்!
குறைந்தபட்சம் சோதனை வராதவரை இந்தநாளும் இனியநாளே!

-கவிஞர். நளினி விநாயகமூர்த்தி சென்னை

]]>
kavithaimani https://images.dinamani.com/uploads/user/imagelibrary/2019/11/6/w600X390/bliss.jpg https://www.dinamani.com/specials/kavithaimani/2019/nov/06/readers-poem-about-a-beautiful-day-3272503.html
3265410 ஸ்பெஷல்ஸ் கவிதைமணி தீபம் வாசகர் கவிதை பகுதி 3 கவிதைமணி DIN Wednesday, October 30, 2019 04:03 PM +0530 தீபம் ஒன்று குன்றின் மீது !
திருவென ஒளிரும் சுற்றியும் சுடரது !
இல்லம் ஏற்றும் சுடரும் தீபம் !
இருளைப் போக்கும் பணிகள் சுபம் !
விண்ணில் தீபம் சூரியக் கனலே !
மண்ணில் உயிர் நலம் பேணுந் தணலே !
தெருக்களில் கடைகளில் ஒளிரும் தீபம் !
தரணியில் விழாக்களில் தீப வெள்ளம் !
தீபஒளி தனில் நகர்விழி விருந்து !
தவமாய்ப் பிள்ளைக் கற்றிட மருந்து !
தீப ஒளியிலா உலகினில் தூக்கம் !
தினமும் கதிரவன் மறைவினில் துவக்கம் !
ஆழ்துளைக் கிணற்றினைச் சுற்றியும் தீபம் !
அணைந்  தணைந்து மின்னும் வண்ணம் !
உபாயம் ஒன்றினை உரியவர் செயும் வழி !
அபாயம் இல்லா வாழ்வுக்கு ஒரு வழி !

- இலக்கிய அறிவுமதி

**
பிள்ளையர்க்குப்   பெற்றோரே   தீபம்;  கல்விப்
         பயிலவைக்கும் ஆசிரியர் தீபம்; நாளும்
பள்ளிகளே   கோவில்கள்; கல்வி  தீபம்;
          படிப்பவர்க்கு நூல்களேதாம் தீபம்; என்றும்
வெள்ளைமனங்   கொண்டவர்கள் தொண்டின் தீபம்;
           விருப்புகளும் வெறுப்புகளும்  அற்று வாழும்
கள்ளமனம்  இல்லாத நல்லோர்  நாட்டின்
         கதிரவனாய்   ஒளிர்கின்ற தீப மாவர்!

நாடுநலம் பெறுவதற்கும், நாட்டு மக்கள்
          நலிவின்றி வாழ்வதற்கும், வள்ளல் நெஞ்சால்
வாடுகிற   நிலையினிலும் கருணை யோடு,
          வறியோரும் வளமாக வாழ வேண்டி,
பீடுடனே   மாண்புபோற்றி வாழ்நாள் தோறும்
          பிறருக்காய்த்  தொண்டாற்றித் தனைத்தொ லைத்தும்
மாடுபோன்று பாடுபட்டு  ழைக்கும்  தெய்வ
         மாப்பிறவி யாவருமே வணங்கும் தீபம்!
 
- "கவிக்கடல்", கவிதைக்கோமான், பெங்களூர்.

**
மண் அகலில்
எண்ணெய் நிரப்பி,  
ஊறிய திரியில்
நெருப்பு வைத்துப்பார்-
விளக்கின் வெளிச்சம் வெளியே –
தூய்மை கிண்ணத்தில்
அன்பு நூல்களால்  இணைந்த
வெள்ளைக் கொத்து ஒன்று, 
“மெய்” என்னும் நெய்யில் ஊறட்டும் –
பக்தியால் அதை பற்ற வைத்துப்பார் !
தீபமாய் வெளிச்சம் உள்ளுக்குள் !!

- கவிஞர்.  டாக்டர.  எஸ். பார்த்தசாரதி

**

காலைக் கதிரோன் விளக்கைக் கண்டே
     கடிதே உலகம் விழிக்கிறது !
மாலை இரவு நிலவு விளக்கால்
     மண்ணே மறந்து துயில்கிறது !

கண்ணாம் விளக்கு ஒளியால் உலகம்
     காண அழகாய் இருக்கிறது !
மண்ணில் பசுமை விளக்கின் ஒளியில்
     மகிழ்ந்தே உலகம் மலர்கிறது !

வீட்டின் இருளை மின்விளக் கெல்லாம்
     விலக்கி எரிந்தே ஒளிர்கிறது !
நாட்டில் பாதை விளக்கு களாலே
     நல்ல பகலாய்த் தெரிகிறது !

கோயில் உள்ளே குமிழாய் விளக்கு
     கொஞ்சி அழகாய் எரிகிறது !
கோயில் போல தூங்கா விளக்கு
     கொஞ்சும் அறையில் வழிகிறது !

வீட்டின் இரண்டு மாடம் தன்னில்
     விழியாய் விளக்கு தெரிகிறது !
பாட்டின் கூட்டாய், யாப்பும் அணியும்
     பார்க்கே விளக்காய் விரிகிறது !

கல்வி விளக்கால் கடமை யாவும்
     கனிந்த வெற்றி ஆகிறது !
வல்லார் தம்மின் திறமை விளக்கால்
     வாழ்வு வளமே காண்கிறது !

அன்பு விளக்கால் இந்த உலகம்
     அமைதி கண்டே களிக்கிறது !
அன்பும் அறிவும் விழியாய்க் கொண்டால்
     அனைத்தும் வெற்றி விளைக்கிறது !

- து.ஆதிநாராயணமூர்த்தி, பரதராமி (திமிரி)

**
வீடு தோறும் தீபங்கள்,
வீதி தோறும் வண்ணங்கள்,

மாளிகை தோறும் சொந்தங்கள்,
மாடங்களில் எல்லாம் புன்னகைகள்,

வாழ்வில் ஒளி சேர்க்கும் தீபம், 
பிறர் வாழ்வின் துயர் நீக்கும் தூபம்,

இன்று இட்ட தீபம் எந்நாளும் மிளிர்ந்து,
எந்தன் அக இருள் களைந்து,
குணச்சுடர் ஏற்றி, 
புற ஒளியாய் மிளிரட்டும்!

இந்நற்தீபம் அனைவரிடத்திலும் சுடரட்டும்!

- இனிய தமிழ் செல்வா, ஓமன்

**

இருள்  அகற்ற ஒரு தீபம் போதும் 
பல தீபம் ஏற்றிட பொங்கிடும் ஒளி 
வெள்ளம் ! தீபத்தின் ஒளியில் 
ஒளிரும்  தீபாவளி ! 

அகத்தின் இருள் நீக்கிட தேவை 
ஒரே ஒரு தீபம் ! " நான் " எனது "
என்னும் அகந்தை அழிய ஒரு சிறு 
தீபம் ! உன்னை நீ யார் என்று புரிய 
வைக்கும் ஆன்மிக தீபம் !

அகத்தின் இருள் மறைந்தால் இந்த 
ஜெகமே மிளிரும்  ஒரே ஒரு தீப 
ஒளியால் ! 
அகந்தைப் பிசாசை அழித்து ஒழிக்க 
அகத்தில் ஏற்றுவோம் ஆன்மிக தீபம் முதலில் !
அதுவே உண்மையில் தீபாவளி நம் வாழ்வில் !

- கந்தசாமி நடராஜன் 

**

இரவிருளை விளக்க வரும் கதிரவனின் தீபம்
மனவிருளை விளக்க வரும் ஞானமெனும் தீபம்
அறியாமை நீக்க வரும் கல்வியெனும் தீபம்
ஆசையெனும் கத வடைக்க முக்தியெனும் தீபம்
இழிவு நிலை கடப்பதற்கு ஊக்கமெனும் தீபம்
கனிவு நிலை காண்பதற்கு காதலெனும் தீபம்
மகிழ்ச்சி தனை வரவேற்க வசந்தமெனும் தீபம்
எழுச்சிதனை ஏற்றி வைக்கும் கொள்கையெனும் தீபம்
பொய்மை யிருள் போக்கவரும் உண்மையெனும் தீபம்
ஏழ்மைத் துயர் துடைக்கவொரு ஏற்றமெனும் தீபம்
இசைமழையில் இதயம் கொஞ்ச இராகமெனும் தீபம்
இல்லங்கள் இனிமைபெற மின் னொளியின் தீபம்
பலகோடித் தீபங்கள் இருந்தாலும் என்ன வயிற்றுப்
பசியாற்றும் அருளொன்றே மண்ணில் உயர்வான தீபம்.

- கு. இரா, வடக்கு அயர்லாந்து.

**
அண்ணாமலையில் மகா தீபம்!
அது புண்ணியம் தரும்
மகாதேவனின்
அருட்கடாச்சம்!

தீபம் கொண்டு படிக்கலாம்!
தீபம் கொண்டு ஒரு
உயிரை முடிக்கலாம்!
முன்னது அருமை!
பின்னது சிறுமை!

தீபம் இருளை விலக்கும்
வெளிச்சம்!
தீபம்  மங்களம் தரும் சுபம்!
தீபம் இருட்டில் விழியிருந்தும்;
வழி தெரியாதவர்களின்   "ஒளிகாட்டி" என்ற "வழிகாட்டி"!
 
தீபம் தொட்டால் சுடும்!
தீபம் வேண்டாமென விட்டால்;
அனைத்தும் கெடும்!

சமையலுக்கு உதவும் தீபம்!

சவத்தை( இறந்த உடலை) சாம்பலாக்கிடும் தீபம்!

நம் உயிர் கூட தீபம் தான்!
அது அணையாத வரை
தான்!
நம் ஆட்டம் தான்!

மனதிற்குள் நல்ல தீபங்கள் ஏற்றி!
மன இருளை நீக்கி!
அருள் ஒளிகளை
பாதையாக படைப்போம்!

யாரையும் சுடாத
தீபமாக மாறலாம்!
ஊரையும் உலகையும்
தீயதில் இருந்து காத்திட!
நாமெல்லாம் சகோதரத்துவம் என்ற
" அனையாத தீபத்தை"
நம் மனங்களில் நீங்காமல் ஏற்றுவோம்!

- கவிச்சித்தர் களக்காடுவ.மாரிசுப்பிரமணியன்.

**
தீபங்கள் வீடுதனை ஒளிரச் செய்யும்
-----தீதோட்டி நன்மைகளைப் பெருகச் செய்யும்
தாபங்கள் மனக்கசப்பை நீங்கச் செய்யும்
-----தனம்கொடுத்து வறுமையினை ஓடச் செய்யும்
பாபங்கள் புரிவதினைத் தடுக்கச் செய்யும்
-----பால்போல மனந்தன்னைத் தூய்மை செய்யும்
கோபத்தை விலக்கியன்பைப் பொழியச் செய்யும்
------கொடும்நோய்கள் அண்டாமல் காவல் செய்யும் !
வேப்பெண்ணெய் இலுப்பெண்ணெய் தேங்காய் எண்ணெய்
-----வேண்டியநல் விளக்கெண்ணெய் நெய்யைச் சேர்த்துப்
பாப்புனையும் அகத்திணைகள் ஐந்தைப் போல
-----பக்குவமாய்க் கலந்திட்ட எண்ணெய் தன்னில்
காப்பியங்கள் தமிழ்ப்புகழைப் பேசல் போன்று
-----காலைமாலை தீபங்கள் ஏற்றி வைத்துக்
கூப்பியக்கை மனமுருக இறையை வேண்டிக்
-----கும்பிட்டால் வளமனைத்தும் கொட்டும் வீட்டில் !
அகல்விளக்கு சரவிளக்கு ஆத்ம விளக்கு
-----அய்ந்துமுக விளக்கோடு குத்து விளக்கு
மகத்துவத்தைப் பொழியும்கா மாட்சி விளக்கு
-----மாண்புதனை தருகின்ற பாவை விளக்கை
தகவாக நாமேற்றித் தொழுது வந்தால்
-----தடையாக நிற்குமிருள் விலகல் போன்றே
அகம்தன்னில் அகங்காரம் விலகி யங்கே
-----அருள்கருணை வந்தமரும் ஓங்கும் வீடே !

- பாவலர் கருமலைத்தமிழாழன்

**
பஞ்சித் திரியதில் எரியும் தீபம் நீ நடக்கும் பாதைக்கு வெளிச்சம் தரும்
நெஞ்சில் எரியும் கருணை தீபமுன்
வாழும் வாழ்வுக்கு வெளிச்சம் தரும்

கஞ்சிக்காக எரிந்து பசியாற்றும் தீபமுன்
பசித்தீர்க்கும் நித்திரைக்கு முத்திரை
வஞ்சகம் எனும் தீபம் எரிந்து நாசமாகும்
மோசமான நிலமையை நிலுவையில்

நிறுத்தியதனில் கோபம் கொள்ளவும்
தெரியும்; அனுதாபம் காட்டவும் தெரியும்
லாபம் ஈட்டித்தர வழி காட்டித்தரவல்லது சாபமிடாது தூபங்காட்டும் ரூபமானது

நாதீபம் தீவில்தீபம் மேகதீபம் ஆகாய
தீபம் கற்ப்பூரதீபம் சத்தியதீபம் சாத்திய
தீபம் கார்த்திகைதீபம் அணையாதீபம் ஆயிரம் தீபமென எரியும் நம்நடுவிலே

- வே. சகாய மேரி

**
ஓலைச்சுவடிகளில் பஞ்சமுக ‘ தீப விளக்கு” என்று பார்க்கின்றோம்
  நீர்,நிலம்,காற்று,ஆகாயம், நெருப்பென்று குறித்துள்ளார் அவற்றை
ஏழைக்குடிசையில் கூட இயல்பாய் தீபம் ஏற்றிவைப்பார் அந்நாளில்
  தீபாவளி  அடுத்துவரும் கார்த்திகையில் தமிழகத்தில் நாட்டிலெங்கும்
வரலாற்று புகழ்மிக்க குத்துவிளக்கு வடிவமைத்து தருகிறது நாச்சியார்கோவில்
  உலோகத்தில் வடித்தெடுக்கும் உன்னத கலை குத்துவிளக்கு செய்யும் கலை
வரலாற்று சிறப்புமிக்க குத்துவிளக்கை  விழாக்களின் ,பிரபல நிகழ்ச்சிகளின் 
   துவக்கத்தில் ஏற்றி வைப்பது மரபாக உள்ளது இப்போதும்
அகல் விளக்கு,காமாட்சி விலக்கு,பாவைவிளக்கு, ஆளுயர விளக்கு
   ஆனை மீது ஏறிவரும் திருவிளக்கு என்று அழகழகாய் விளங்குமிது
வீட்டில் ஏற்றும் விளக்கு இவை , மலையின் மேலேற்றும்  விளக்கு மகத்தானவை
   அண்ணாமலையாரே திருவிளக்காய் காட்சி தருகிறார் திருவண்ணாமலையில்
குன்றுகள் இருக்குமிடங்ககளில் குடியிருப்பார் குமரனென்பார் அங்ககெல்லாம்   
  கோலோச்சும் விளக்குகள் குடியிருக்கும் அங்ககெல்லாம் மகழ்சிபொங்கும்
ஆதியிலே மனிதன் நெருப்பை கண்டு பயந்தான் அதை வணங்கினான்
 நெருப்பை ஒரு கட்டுக்குள் கொண்டுவர எண்ணினான் அது குத்துவிளக்கானது

- கவிஞர் அரங்க..கோவிந்தராஜன் 

**


 

]]>
kavithaimani, deepam https://images.dinamani.com/uploads/user/imagelibrary/2019/10/29/w600X390/deepam-16.jpg தீபம் https://www.dinamani.com/specials/kavithaimani/2019/oct/30/deepam-poem-by-readers-3265410.html
3266193 ஸ்பெஷல்ஸ் கவிதைமணி இந்த வாரம் கவிதைக்கான தலைப்பு: இந்த நாள் இனிய நாள்!   கவிதைமணி DIN Wednesday, October 30, 2019 10:37 AM +0530  

கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

'தீபம்’ என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: இந்த நாள் இனிய நாள்! !

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 
]]>
Poem, kavithai https://images.dinamani.com/uploads/user/imagelibrary/2019/10/30/w600X390/morning_bliss.jpg morning bliss https://www.dinamani.com/specials/kavithaimani/2019/oct/30/title-of-poem-for-dinamani-kavithaimani-best-day-ever-3266193.html
3266191 ஸ்பெஷல்ஸ் கவிதைமணி தீபம் வாசகர் கவிதை பகுதி 4 கவிதைமணி DIN Wednesday, October 30, 2019 10:26 AM +0530 கண்மூடி நீதூங்கும் பேரழகை
கனிவோடு கண்டதுண்டு கண்ணால் – இன்று
மண்மூடி நீதூங்கும் அவலத்தை
மறந்திட முடியுமோ என்னால்?

சாபத்தை நீக்கவந்த சரித்திரமே
சாயாத கனவுகளின் புத்தகமே- குட்டித்
தீபத்தைப் போலவந்த நாயகனே- மூன்றுநாள்
சாப்பிட எதுவும் இல்லை என்பதால்
சாவினை நீ ருசித்தாயோ?

கருப்பைக்குள் ஏற்றிவைத்த தீபம் – தாய்மைக்
கனவுகளை எரித்ததென்ன சாபம்? – மண்
கருப்பை இல்லை என்பது புரிந்ததால்
மீண்டும் நீ பிறந்துவர மறுத்தாயோ?

சாமிக்கு நேர்ந்துவிட்ட பிள்ளைபோல்
சாவுக்கு ஆசைப்பட்ட கிள்ளைபோல்

பூமிக்கு மகனாகப் போனாயோ – ஏழைத்
தாய்மடியில் இருப்பதனை வெறுத்தாயோ?

இருட்டைத் தின்றுதீர்த்த தீபம்நீ – மரணத்தின்
இருள் நீக்கச் சென்றாயோ? – இந்தக்
குருட்டுலகில் துயர்ப்பட விரும்பாமல்
கும்மிருட்டு மண்குழியில் நின்றாயோ?

நீ தூங்கிவிட்டாய் அணைந்துவிட்ட தீபமாய்! - இனி
நான் தூங்கமாட்டேன் அணையாத சிதைத்தீயாய்!

(திருச்சி மாவட்டம் நடுக்காட்டுப்பட்டியில் ஆழ்துளைக்கிணறு காவுகொண்ட
ஈராண்டுப் பசுந்தளிர் சுஜித் வில்சனுக்குத் தாய் உகுக்கும் கண்ணீரின்
மொழிபெயர்ப்பு)

- கவிஞர் மஹாரதி

**

தீப ஒளியில் தீவினைகள் அகல
சஞ்சலங்கள் விலக நன்மைகள் சேர
மங்கலங்கள் சேர்ந்து மனையும் செழிக்க
அசுரனை அழித்த அற்புதநாளில்
அன்னை தந்தை ஆசி பெற்று
ஆடிப் பாடி குதூகல சிரிப்புடன்
இதயத்தில் என்றும் அமைதி நிறைய
ஈடிணையில்லா இன்பம் எங்கும் பரவ
உவகை பொங்கும் இனிய நன்னாளில்
உற்றமும் சுற்றமும் எம்முடன் இணைந்து
எடுத்த காரியம் வெற்றியில் முடிய
ஏனிப்படி எனாமல் ஏணிப்படியாய் முன்னேற
ஐங்கரன் அருளும் ஆசியும் கிடைக்க
ஒன்றே நாம் எனும் ஒற்றுமை ஓங்க
ஓம் என்னும் மந்திரம் நாவினில் இனிக்க
ஔவையின் ஆத்திசூடியாய் வாழ்வு மலரட்டும்!! 

- உமா, நோர்வே

**
ஆலையிலிட்ட அனல் அதற்குள் அடங்கியிருக்கும்
உலைக்கிட்ட தீ அடுப்புக்குள் அடங்கியிருக்கும்
கூரையோலை இட்ட தீ குடிசையை அழித்திடும்
அகலிலிட்ட தீ அழகாய் ஒளிவிட்டு இருள் நீங்கிடும்
கட்டிவைத்திடு ஆசை மனஅகலில் ஒளிர்ந்திடும்
கட்டுக்கடங்கா ஆசை கொண்டவனை அழித்திடும்
குடியை அழிக்கும், கூடவிருப்போரை அழிக்கும்
மட்டில்லா ஆசை மருள் பெருக்கி அருள் நீக்கிடும்
அறவழி அளவாசை நல்வாழ்விற்கு ஒளிகாட்டும்
ஆசையும் அகலும் வாழ்வுக்கு வழிகோலும்
திசை காட்டித் திருப்பும் தீபங்களே! நமக்கு

- மீனா தேவராஜன் – சிங்கை

**

அறியாமையிலிருந்து
ஆன்ம ஒளிக்கும்
இருளிலிருந்து
ஈசத்துவத்திற்கும்,
உண்மையிலிருந்து 
எளிமையினால்
ஏற்றத்திற்கும்
ஐயப்படாது அகத்தது
ஒழுக - ஒருமைக்கும்
ஓர்மைக்கும்,
ஒனவியமில்லா அகத்தில்
ஆய்தமற்ற அன்பு கூட்ட 
வரிசையாய் ஏற்றிய -தீப ஒளி
தீபாவளி ஆனது இப்போது,
ஏற்றுவோம் ஞானமெனும் தீபத்தை .
போற்றுவோம் தாய் திரு நாட்டை .

- செந்தில்குமார் சுப்பிரமணியன்

**

விளக்கின் ஒரு ஒளி அது தீபம்,
எந்த ஒன்றிலும் நிலையாக நின்றால்;
அது சொர்க்கம்

ஒரு நாள் சோறு கிடைத்தால் போதும் சொர்க்கம் என்றும்,
மறுநாள் காரு கிடைத்தால் தான் சொர்க்கம் என்ற மாறும் மனநிலை;
அது நரகம்

ஒரு வழியில் சென்றால் இலக்கு,
உனக்கு பிடித்ததை நீ செய்யலாம்;
வாழ்க்கை வளமாக

பல  வழியில் சென்றால் வழக்கு,
அது உன்னை மீறி உன்மீது திணிக்கப்படும்;
வெறுப்பாக

ஒன்றில் நிலைகொள்,
சொர்க்கம் உனக்குள்.

- ம.சபரிநாத்,சேலம்

**

புறஇருளை  அகற்றிடுமே தீபம் நல்ல
      புத்தொளியைக் காட்டிடுமே தீபம் உள்ள
அறவழியைக் காட்டிடுமே சென்றால் நெஞ்சின்
      அகவிருளை ஓட்டிடுமே தீபம் யாவும்
திறனறியும் நெருப்பன்றோ தீபம் செய்யுந்
      தீமைக்கும் சாட்சியன்றோ தீபம் நல்ல
உறவெனவே கொண்டாட, தீபம் யார்க்கும்
      உதவிடுமே வெளிச்சப்பூ மலரு மன்றோ!

தீபமொரு குறியீடு நல்லோர் உள்ளத்
      திசைசெய்யும் வழிபாடு சுடரை ஏற்றிப்
பாபவிருள் போக்குகின்ற அழிப்பான் ஞானப்
      பக்குவத்தைப் போதிக்கும் ஏடு, கெட்ட
ஆபத்தை நீக்குகின்ற வழியைக் காட்டும்
      அறிவதுதான் நாம்செய்யும் நன்மை நன்கு
தீபத்தை நாளும்நீ ஏற்று, இல்லம்
      செழித்திடவே ஒளிபோற்று நலமே காண்பாய்.

- கவிமாமணி " இளவல் " ஹரிஹரன், மதுரை

**

ஏற்றுக தீபம்

அறுநூறடிக் குழாய்க் கிணறொன்றை
அவதானமாக மூடிவைக்காத,
அறியாப் பாலகர் செல்வதைத் தடுக்க
அரணாய் வேலி போட்டுவைக்காத
அன்னையர் தந்தையர் அறியாமை நீங்க
அனைத்திந்தியாவிலும் ஏற்றுக தீபம்.

இருபத்தைந்தடி ஆழத்திற்குள்
இருந்த குழந்தையை மீட்பதற்குப் போய்
இன்னும் எழுபதடிக்குத் தள்ளிய
இந்தியநாட்டுத் தொழில் நுட்பத்தின்
இயலாமை நீங்கி அறியாமையென்னும்
இருளகன்றிடவே ஏற்றுக தீபம்.
ஆழக் கிணற்றில் வீழ்ந்த குழந்தையின்
அவல நிலையை அரசியலாக்கி
நாளும் பொழுதும் நயம் பெறப்பார்க்கும்
நரிக் குணமழிய ஏற்றுக தீபம்.

-சித்தி கருணானந்தராஜா

**

தீபங்களே ! நீங்களே மேலானவர்கள்
உலகையாளும் பரிதியையும் இரவு
அடக்கிவிடுகிறது நீங்களோ அந்த இருளையும்
எதிர்த்து போராடுபவர்கள்
காற்றின் உதவியால் இருள் உங்கள் மூச்சைப்
பிடித்தாலும்
முடிந்தவரை போராடி தான் அணைகிறீர்கள் !

உங்கள் எரியும் மூலதனம் மாறினாலும்
உங்களின் முகங்கள் மாறுவதில்லை
உயர்ந்தவன் தாழ்ந்தவன் என்ற ஏற்ற
இறக்கமில்லா உங்களின் ஒளி நீதமானவை
உங்களை குறைத்து வைத்தால் எறும்புகளுக்கும்
ஏற்றி வைத்தால் கப்பல்களுக்கும் வழி
காட்டுவீர்கள்
இரவில் ஒளிரும் நீங்களே விண்ணவர்களுக்கு
நட்சத்திரங்கள் !

தீபங்களே ! நீங்கள் நேர்மையானவர்கள்
அதனால்தான் திருடர்களும் பாவம்
செய்பவர்களும் உங்களை அழித்து
விடுகிறார்கள்
உங்களின் ஆராதனை இல்லாமல் கடவுளும்
முழுமை அடைவதில்லை
ஒற்றுமைக்கு நீங்களே உதாரணம் உங்களால்

ஒளி பெரும் மற்ற தீபங்களையும் சரிநிகர்
ஒளிரவைத்து அழகு பார்ப்பீர்கள்

புதுமணப்பெண்கள் உங்களை ஏற்றியே புது
வாழ்வை தொடங்குகின்றனர்
அதுவரை இலகுவாக வாழ்ந்த அவள் இப்போது
போராடத் தொடங்குகிறாள்
சிறிய ஒளிதானே என சிலர் ஊதி அணைக்க
நினைக்கிறார்கள்
பற்றி எரிந்தால் அணைக்கவியலா காட்டுத்தீயும்
நீயென பலருக்குத் தெரிவதில்லை..!!

- ஹமி, தேனி மாவட்டம்

**

காலையும் மாலையும் ஏற்றுங்கள் தீபம்!
அது.............
நேற்று முடிந்த இறந்தகாலம்,
 இன்று  நடக்கும்  நிகழ்காலம்,
நாளைய எதிர்காலம்   என
முக்காலம் காப்பாற்றும் கண்ணாடி!
காலையும் மாலையும் ஏற்றுங்கள் தீபம்!
அது................
நம்மை நல்வழி நடத்தி சென்று
செம்மையான பாதை காட்டும் ஆசான் !
காலையும் மாலையும் ஏற்றுங்கள் தீபம்!
அது..........
அவை தளர்ந்த  பொழுதில்
நம் மனம் புதைத்தாலும்
 ஆன்மாவை விழிக்க செய்யும் நம்பிக்கை!
காலையும்  மாலையும்  ஏற்றுங்கள் தீபம்!
அது........
இயற்கை செயல்களையும்
செயற்கை  நகல்களையும்
படம் பிடிக்க உதவும்  விஞ்ஞானி!
காலையும்  மாலையும்  ஏற்றுங்கள் தீபம்!
அது...........
வாழ்க்கை என்ற  மேடையில்
நடிக்க  சொல்லிக்  கொடுக்கும்
துடிப்புள்ள இயக்குனர்!
தினம் தீபம் ஏற்றுவோம்! வளமாக  !வாழ்வோம்! 

- பிரகதா நவநீதன், மதுரை

**

அறியாமை அழகுருவில் அத்தனையும் அடித்துத்தள்ளும்,
தீண்டாமை திருடன்போல ஊரெல்லாம் சுற்றித்திரியும்,
கேள்வி கேட்கும் உரிமையெல்லாம் திகைத்துப்போய் திக்கிநிற்கும்,
பொதுநலத்தின் குழந்தையை போக்கத்தவனாய் உலகம் நோக்கும்,
அறிவிலிகள் ஆட்சிகளில் ஆந்தைக்கூட்டம் ஆட்டம்போடும்,
ஆட்டுமந்தைக் கூட்டத்தின் ஓலம் மட்டும் காதைக் கிழிக்கும்,
ஒளியெல்லாம் வற்றிப்போய் இருளெங்கும் சூழ்ந்து கொள்ளும்,
விளக்கேற்ற விரும்புவபன் வீடெல்லாம் பற்றி எரியும்,
இந்தநிலை உலகத்தில் என்றேனும் மாறாதோ!
உறங்குபவன் உணர்ச்சியெல்லாம் விழித்துக்கொண்டு கேளாதோ!
மந்தபுத்தி மனசுக்காரன் மண்டியிட்டு மடிந்துபோக..
மாற்றதின் நற்பண்பை ஊருலகம் காணவேண்டி..
பேச்சின்போதும் பேதத்தின் பெயர் சொல்ல மறந்துபோக..
பேரின்பம் வாயில் திறக்க சிற்றின்பம் துறந்துபோக..
கருமைவானம் வெளுத்துப் போக..
காரிருளைக் கிழித்துக் கொல்ல..
எழுச்சியென்னும் எண்ணெய் ஊற்றி..
மனதைக் கொஞ்சம் திரித்து விட்டு..
அறிவுச் சுடர் பற்றி எரியும் 
உணர்ச்சித் தீபம் ஏற்றி வைத்து 
உச்சிக்குளிர நொடியேனும் ஆடிடுவோம்!

-சிவசங்கரி , சிவகங்கை

**

குழியில் விழுந்த சிறு குழந்தைக்கான தீபமிது
குழியில்விழும் சோகங்கள் தீரவேண்டி ஏற்றும் தீபமிது
விழுந்தவுடன் காக்க தவறியவர்களை கண்டிக்கும் தீபமிது
வளர்ப்பின் அலட்சியங்களை சுட்டிக்காட்ட வந்த தீபமிது

ஏட்டுச் சுரக்காயான விஞ்ஞானத்தை கண்டிக்கும் தீபமிது
எத்தனைமுறை பட்டாலும் திருந்தாதவரை கண்டிக்கும் தீபமிது
ஏங்கிய உள்ளங்களின் பரிதவிப்பில் குமுறும் தீபமிது
எங்கும் காக்கும்வசதி வேண்டுமென்ற கோாிக்கை தீபமிது

மெத்தனப்போக்கை மொத்தமாய் கண்டிக்க வந்த தீபமிது
ஔியில்லா இருள்சூழ்ந்த தீபாவ'(ளி)லி கண்ட  தீபமிது
விழியற்ற நிலையில் ஔியேற்றி வாழும் தீபமிது
வழியற்ற நிலையில் மாற்றம்வேண்டி மன்றாடும் தீபமிது

இது வலியோடு கண்ணீரால் ஏற்றப்பட்ட தீபமிது
இது பெருங்காற்றெனும் துயரில் சிக்கிய தீபமிது
இது இழப்புகள் வராதிருக்க - தவம்கிடக்கும் தீபமிது
இது ஔிரும் இந்தியாவில் மழுங்கிய தீபமிது

இது வரலாற்றில் என்றும் வாழும் தீபமிது
இது வருமுன் காப்போம் என்றுணர்த்திய தீபமிது
இது ஈடு இனணயற்ற தெய்வீக தீபமிது
இது எல்லோர் நெஞ்சத்திலும்வாழும் மழலை தீபமிது

-கவிஞர். நளினி விநாயகமூர்த்தி சென்னை

**
இருளினை இடித்து
வெளிச்சம் இரைக்க,
.
அறியாமை நீங்கி
அறிவு வளர,
.
வெறுமை நீங்கி
நிறைவு போங்க,
.
வறுமை அகன்று
செழுமை வர,
.
துன்பம் துவண்டு
இன்பம் பெறுக,
.
அநியாயங்கள் விலகி
நியாயங்கள் அருக
.
ஏற்றுவோம்
கல்வியெனும்
தீபத்தை!.
.

- இரா.வெங்கடேஷ், இராஜபாளையம்

**
விண்ணகத்து   வீட்டினிலே   ஏற்றிவைத்த   தீப(ம்)
         விரிகதிரால்   பகல்பிறந்து   உயிர்வாழ  வைக்கும்;
விண்ணகத்து   வீட்டினிலே  இருள்விரட்ட   இரவில்
          தண்ணொளியை   வீசுகின்ற  வெண்ணிலவு   தீபம்;
மண்ணுலக    வறுமையிருள்   ஓட்டுகிற   உழவர்
         மங்காத   உழைப்பினொளி   பெருந்தீப   மாவர்;
உண்டியுந்தாம்   சுருங்கிடாமல்   உணவுண்ண   வேண்டி
        உருவான  வடலூரில்   வள்ளலாரின்   தீபம்!


இல்லறத்தை   நல்லறமாய்    வடிவமைக்கும்   நல்லாள்
        இல்லறத்தில்   ஈடில்லா  வாழ்வியலின்   தீபம்;
எல்லையிலே    நாட்டினையும்   காக்கின்ற   வீர
       இணையற்றப்   போர்மறவர்   நாட்டினது தீபம்;
எல்லையின்றி   அறிவியலை  விரிவாக்கி  வெற்றி
        ஏந்திட்ட  அறிவியலார்  கலாமுமொரு   தீபம்;
அல்லல்கள்  அகற்றிடவே   தனையீந்த  சான்றோர்
         அனைவருமே   நாட்டினது    ஒளிமிகுந்த   தீபம்!


தொழுநோயால்   துடித்தவர்க்குத்   துயர்துடைத்த   அன்னை
         தெரசாவும்   நோயாளி   மக்களுக்கு  தீபம்;
வழுவாமல்   ஏழையர்க்குக்   கல்வியொளி  ஈந்த
         வளமனத்தர்   காமராசர்   மங்காத  தீபம்;
பழுதாகி   இருந்திட்ட   பாரதத்தின்   அடிமை
          போக்கியதால்   விடுதலைக்கோ  காந்தியொரு  தீபம்;
விழுதாக    நாட்டினையும்  தாங்கிநின்ற   மொத்த
          மாமேதை   எல்லாமே   நாட்டினது  தீபம்!

- நெருப்பலைப் பாவலர், இராம இளங்கோவன், பெங்களூரு

**

]]>
Poem https://images.dinamani.com/uploads/user/imagelibrary/2019/10/30/w600X390/amazingdiwalidecorationtips2-24-1477313158.jpg தீபம் https://www.dinamani.com/specials/kavithaimani/2019/oct/30/deepam-poem-by-readers-3266191.html
3265382 ஸ்பெஷல்ஸ் கவிதைமணி தீபம் வாசகர் கவிதை பகுதி 1 கவிதைமணி DIN Wednesday, October 30, 2019 10:00 AM +0530  

எண்சீர் ஆசிரிய விருத்தம்

ஆவளியாய் அகல்விளக்கில் அழகின் தீபம்
..........அகயிருளை நீக்கியபின் அகற்றும் சாபம்..!
பாவத்தின் சம்பளம்தான் பாரில் துன்பம்
..........பண்டிகையின் மகத்துவத்தால் பலனாய் மாறும்.!
ஆவலாகக் கொண்டாடும் அனைத்தும் இன்பம்
..........ஆன்மீகச் சிந்தனையும் அதனுள் பொங்கும் ..!
யாவர்க்கும் நலமாக ஏற்றும் தீபம்
..........ஏழ்பிறப்பும் நன்மையாக எங்கும் மேவும்..!
.
தீபத்தின் மகிமையாலே தீரும் லோபம்
..........தினமுமதை வழிபட்டால் தருமே லாபம்..
கோபதாப எண்ணமுமே குறுகி வாடும்
..........குத்துவிளக் கேற்றிவைத்தால் குறைகள் ஓடும்..!
ஞாபகங்கள் பலவண்ணம் நாளும் சொல்ல
..........ஞாலத்தில் பண்டிகையால் நலமே உண்டு..!
பாவம்செய் நரகனாலே பட்ட துன்பம்
..........பகவானால் அகன்றதாலே பெற்ற தின்பம்..!
.
ஒளிவெள்ளம் காண்பதாலே உண்டாம் மாற்றம்
.......... ஒருவிதமாய்ப் புத்துணர்ச்சி உணரும் தோற்றம்..!
தெளிவான சிந்தனையைத் தருமே தீபம்
..........தீயவெண்ணம் அழித்தபின்னே தீர்க்கும் தாபம்..!
களிப்பளிக்கும் பண்டிகையாய்க் காலம் போற்றும்
.......... கதையாக நல்லதையே கண்டு கூறும்..!
ஒளிவழியாய் வந்துபிறந் தோங்கும் அன்பு
..........உலகனைத்தும் அறிதற்கே ஓர்நாள் நோன்பு..!

- கவிஞர் பெருவை பார்த்தசாரதி

**

இருளை அகற்றும் பொன்னொளிதீபம்
....இறைவனுக்கு விளக்கேற்றும் தீபம்
அருளின் வழிகாட்டும் ஆலயதீபம்
....அமைதியின் சுடராய்மாறிய தீபம்
எண்ணெய் உள்ளவரை ஒளிகொடுக்கும்
....எரிந்து விளக்குக்கு விழிகொடுக்கும்
எண்ணம்போல் உயரபாடம் கொடுக்கும்
....எங்கும் ஞானத்தின் மொழிகொடுக்கும்
தீபங்களின் ஆவளி தீபாவளியாகும்
....தீமைகள் எரித்திடும் அன்புஒளியாகும்
தீபங்களின் ஒளியால் வாழ்வுமலரும்
....தீவினைகள் நம்மைவிட்டு விலகும்
ஒளிவடிவில் இறைவன் இருக்கிறான்
....ஒளியால் அகஇருளை விலக்குகிறான்
ஒளியுண்டாக தீபத்தை நாம்ஏற்றுவோம்
....ஒளிமயமாய் வாழ்வை மாற்றுவோம்

- கவிஞர் நா. நடராஜ், கோயமுத்தூர்

**

சின்ன சின்ன தீபம்
மஞ்சள் நிறம் தீபம்
வெளிச்சத்தைக் காட்டும்
இருளை அழித்துவிடும்
எல்லா உணர்ச்சிகளை காட்டும்
கையில் வடிவாய் அமையும்
இருளான நேரத்தில்
சூரிய கதிரின் சின்ன துண்டை காட்டும்
தீபம்

- கனிசா கணேசன் (வயது 12)

**
தருமமது வென்றநாள் தரணியோர் அதைநினைந்து
ஒருமுகமாய் மகிழ்கின்ற உன்னதநாள்! -- அருமைமிகு
இன்னாளில் ஒளியேற்றி இவ்வுலகே மகிழ்வதுபோல்
பொன்னாளிதில் ஒளியேற்றிப் போற்று!

கனிவுடனும் அன்புடனும் காண்கின்ற அனைவருக்கும்
இனிப்பளித்து மகிழ்கின்ற இனியநாள்! -- புனிதனவன் 
கண்ணபிரான் உலகவரைக் காத்திட்ட இன்னாள்தனை
பொன்னாளென ஒளிகூட்டிப் போற்று!

தீபாவளித் திருநாளில் தீபங்களை ஏற்றித்தொழ
பாபங்கள் விலகிடவே பார்த்திடலாம்! --ஆபத்தும்
விலகிட்ட இன்னாள்தனை விவேகமுடன் கொண்டாட 
நலம்பெருகக் கண்டிடுவோம் நாம்!

தீயதுவே உயிர்கட்கு ஆதாரம் -- உலகில்
      தீயில்லை என்றாக உயிர்களில்லை!
ஓய்ந்திடாமல் கோள்கள்பல சுற்றுதற்கும் -- இங்கு
      உயிரினங்கள் பலகோடி வாழ்வதற்கும்
காய்கின்ற ஆதவனின் கிரணங்களே -- தான்
      காரணமாம் என்பதனை யார்மறுப்பார்?
ஓய்வின்றி ஆதவன் தனையெறித்தே -- காக்கும்
      உன்னதமும் இறைவனவன் கருணையதே!

- அழகூர். அருண். ஞானசேகரன்.

**

எந்த
இருட்டுக்குள்ளும்
தீபம் ஏற்றி வைப்பவர்களையே
திசைகள் வரவேற்கும்
ஏற்றி வைப்பதோடு
எதுவும் முடிந்துவிடுவதில்லை
திரியை
உயர்த்திக்கொண்டே இரு
நெய்யிட்டவாறு
நீ இரு
காற்று
ஊதி அணைக்கலாம்
கவசம் அமைத்துக்
காவல் காத்திரு
இருளை
ஓடி ஓடி விரட்டுகிறது
ஒற்றை மின்மினிப் பூச்சி
கோடி கோடி மின்மினிப் பூச்சிகளின்
கூட்டம் நீ

-கோ. மன்றவாணன்
**

யாருக்கும் இன்பமளித்து  அழகாக  எரியும் தீபம்!
எல்லாப் பேருக்கும் ஒளி கொடுக்கும் நல்ல தீபம்!
தராதரம்  பார்க்காத அழகு தீபம்!
இன்பம் பொங்க செய்யும்  பளிச்  தீபம்!
தினமும் ஏற்றினால் நிம்மதி கொடுக்கும் தீபம்!
நெற்றி வியர்வை நிலத்தில் விழ
உழைத்த உழைப்பில் கிடைத்த பணத்தில்
வாங்கிய  புத்தாடை ஜொலிக்க
இன்பம்  பொங்க  செய்யும் சிவந்த  தீபம்!
தீப ஒளி எங்கும் வீசக்  கண்டோம்!
மகிழ்ச்சி பூ  எங்கும்  பூக்க கண்டோம்!
பற்பல அகல் விளக்குகள்  புதிதாக எரிந்து
வீட்டையும் மனதையும்  நிறைய  வைத்த
அழகு தீபம்  கண்களில்  சந்தோசம்  பூக்க  கண்டோம்!
இதனால்..............
தங்கிய  சோகம்  போகக் கண்டோம்!
தீபங்கள்  எரிவதால் தீமைகள் நீங்கி
கோபங்கள் ஓடி  நன்மை பூக்க  கண்டோம்!
பொங்கியது  மகிழ்ச்சி........ இந்த மூலம்
தங்குவது  இன்பம்!................
தீபம் ஏற்படுவோம் அதை போற்றி  துதி
செய்து  அமைதியாக வாழ்வோம்

- உஷாமுத்துராமன்,  திருநகர்
**


**
அறியாமை அழகுருவில் அத்தனையும் அடித்துத்தள்ளும்,
தீண்டாமை திருடன்போல ஊரெல்லாம் சுற்றித்திரியும்,
கேள்வி கேட்கும் உரிமையெல்லாம் திகைத்துப்போய் திக்கிநிற்கும்,
பொதுநலத்தின் குழந்தையை போக்கத்தவனாய் உலகம் நோக்கும்,
அறிவிலிகள் ஆட்சிகளில் ஆந்தைக்கூட்டம் ஆட்டம்போடும்,
ஆட்டுமந்தைக் கூட்டத்தின் ஓலம் மட்டும் காதைக் கிழிக்கும்,
ஒளியெல்லாம் வற்றிப்போய் இருளெங்கும் சூழ்ந்து கொள்ளும்,
விளக்கேற்ற விரும்புவபன் வீடெல்லாம் பற்றி எரியும்,
இந்தநிலை உலகத்தில் என்றேனும் மாறாதோ!
உறங்குபவன் உணர்ச்சியெல்லாம் விழித்துக்கொண்டு கேளாதோ!
மந்தபுத்தி மனசுக்காரன் மண்டியிட்டு மடிந்துபோக..
மாற்றதின் நற்பண்பை ஊருலகம் காணவேண்டி..
பேச்சின்போதும் பேதத்தின் பெயர் சொல்ல மறந்துபோக..
பேரின்பம் வாயில் திறக்க சிற்றின்பம் துறந்துபோக..
கருமைவானம் வெளுத்துப் போக..
காரிருளைக் கிழித்துக் கொல்ல..
எழுச்சியென்னும் எண்ணெய் ஊற்றி..
மனதைக் கொஞ்சம் திரித்து விட்டு..
அறிவுச் சுடர் பற்றி எரியும் 
உணர்ச்சித் தீபம் ஏற்றி வைத்து 
உச்சிக்குளிர நொடியேனும் ஆடிடுவோம்!

- சிவசங்கரி , சிவகங்கை

**
(குழந்தை இறப்புக்கு பிறகு சிறு மாறுதல்களுடன் - குழந்தைக்கான தீபம் )

குழியில் விழுந்த சிறு குழந்தைக்கான தீபமிது
குழியில்விழும் சோகங்கள் தீரவேண்டி ஏற்றும் தீபமிது
விழுந்தவுடன் காக்க தவறியவர்களை கண்டிக்கும் தீபமிது
வளர்ப்பின் அலட்சியங்களை சுட்டிக்காட்ட வந்த தீபமிது

ஏட்டுச் சுரக்காயான விஞ்ஞானத்தை கண்டிக்கும் தீபமிது
எத்தனைமுறை பட்டாலும் திருந்தாதவரை கண்டிக்கும் தீபமிது
ஏங்கிய உள்ளங்களின் பரிதவிப்பில் குமுறும் தீபமிது
எங்கும் காக்கும்வசதி வேண்டுமென்ற கோாிக்கை தீபமிது

மெத்தனப்போக்கை மொத்தமாய் கண்டிக்க வந்த தீபமிது
ஔியில்லா இருள்சூழ்ந்த தீபாவ'(ளி)லி கண்ட  தீபமிது
விழியற்ற நிலையில் ஔியேற்றி வாழும் தீபமிது
வழியற்ற நிலையில் மாற்றம்வேண்டி மன்றாடும் தீபமிது

இது வலியோடு கண்ணீரால் ஏற்றப்பட்ட தீபமிது
இது பெருங்காற்றெனும் துயரில் சிக்கிய தீபமிது
இது இழப்புகள் வராதிருக்க - தவம்கிடக்கும் தீபமிது
இது ஔிரும் இந்தியாவில் மழுங்கிய தீபமிது

இது வரலாற்றில் என்றும் வாழும் தீபம்
இது வருமுன் காப்போம் என்றுணர்த்திய தீபம்
இது ஈடு இனணயற்ற தெய்வீக தீபம்
இது எல்லோா் நெஞ்சத்திலும்வாழும் மழலை தீபம்

-கவிஞர். நளினி விநாயகமூர்த்தி சென்னை

**

தீபம்ஏற் றும்திரு விழாவாகும் தீபாவளி அங்கே வடமாநிலத்தில்
வண்ண திருவிழா தீபாவளி அதனால் தீபம் தலைப்பாய் ஆனது அறிவேன்
தீமையை அழித்து நல்லதே செய்ய திருவிழா காண்போம் அது தீபாவளி
நரகாசுரனை காண்போம் கயமை,வண்மம் தீமை செய்யும் செயல்கள் தனில்  
அனைவரிடத்திலும் அன்பினை செலுத்துவோம் முடிந்தால் உதவுவோம்
அதுவே தீபாவளி நமக்கு அளிக்கும் அறிவுரை ஆகும் தீபாவளி வாழ்த்துக்கள்
தீபம் என்றால் விளக்கேயாகும் தினுசு தினுசாய் காணலாம் ரசிக்கலாம்
பஞ்சமுகம் உள்ள குத்துவிளக்காய் பரிமளக்கும் விளக்குகள் இங்கே
அகல்விளக்கு,காமாட்சி விளக்கு, வாழைப் பூவிளக்கு, பாவை விளக்கு, யானைவிளக்கு 
இதனை விடுத்து மின்னிணைப்புள்ள சரவிளக்குகள் அலங்காரம் அதிகம்

- கவிஞர் . அணிபுதுவை கோவேந்தேன்

**
நல்ல விளக்கே ஒளியூட்டும் நனிதே பலவாம் விளக்கேற்றும் !
நல்லோர் வாழ வழிகாட்டும் நலிந்தோர் உயரத் தெம்பூட்டும் !
பொல்லார் தமக்குப் பகையாகும் புரிந்தார் தமக்கே நட்பாகும் !
செல்லார் தமையும் சீராக்கும் தெளிவும் சிறப்பும் மிகவாக்கும் !

காலைக் கதிரும் விளக்காகும் கவினார் நிலவும் விளக்காகும் !
மாலை மங்க மின்விளக்கு மண்டும் இரவைப் பகலாக்கும் !
ஆலை போல்நாம் இயங்கிடவே அடடா உடலும் விளக்காகும் !
தோலை அணிந்தோன் மலையினிலே சுடரும் விளக்கு கார்த்திகையாம் !

விளக்க மிலாமல் எம்மதமும் விளங்க உண்டோ உலகத்தில் ?
விளக்காம் விழிகள் இல்லாமல் வேண்டும் காட்சி ஏதுலகில் ?
விளக்கம் கூட விளக்காகும் விளம்ப இணையாய் ஏதுலகில் ?
விளக்காம் கல்வி இல்லாக்கால் விழியும் குருடாம் வியனுலகில் !

விளக்கில் லாத இருட்டினையே விரும்பி எவரும் ஏற்பாரோ ?
விளக்கில் லாத வீட்டினிலே விரும்பி எவரும் வாழ்வாரோ ?
விளக்கில் லாமல் தொழிற்சாலை வேண்டும் படியாய் இயங்கிடுமோ ?
விளக்கில் லாத காரிருளில் விழிகள் இருந்தும் வீணன்றோ ?

விளக்கே விளக்கே நீஎரிவாய் வேண்டும் ஒளியைத் தான்தருவாய் !
விளக்கே அடுப்பை ஏற்றிடுவாய் வேண்டும் உணவை சமைத்திடுவாய் !
விளக்கே துயரை எரித்திடுவாய் வேண்டும் இன்பம் அளித்திடுவாய் !
விளக்கே விளக்கே உன்னைப்போல் விரும்பும் ஒளியை எனக்களிப்பாய் !

-படைக்களப் பாவலர் துரை. மூர்த்தி,ஆர்க்காடு.

]]>
deepam https://images.dinamani.com/uploads/user/imagelibrary/2019/10/29/w600X390/yamadeepam1.jpg தீபம் https://www.dinamani.com/specials/kavithaimani/2019/oct/30/deepam-poem-3265382.html
3265390 ஸ்பெஷல்ஸ் கவிதைமணி தீபம் வாசகர் கவிதை பகுதி 2 கவிதைமணி DIN Wednesday, October 30, 2019 10:00 AM +0530 ஞாயிறும் திங்களும் 
ஞாலத்தின் ஒளிதீபங்கள் !
ஞானிகளின் அறிவொளியில்
ஞானமது சுடர் விடும்.!

அண்ணாமலை மகாதீபம்
அகிலத்தின் இருள் நீக்கும் !
அருட்பெருஞ்ஜோதி தரிசனம்
அக இருள் போக்கும் !

திருக்கார்த்திகை தீபங்கள்
திருவருள்   தந்திடும் !
தீபாவளி வண்ண தீபங்கள்
தீமைகளை விலக்கிடும்!

திக்கெட்டும் ஒளி வீசும்
திருமகள் வாசம் செய்யும்
தீபங்கள் பல   விதம் !
தீவினை அகற்றுவதே அதன்
வேதம் !
இயற்கையோடு இணைந்து 
ஏற்றுக தீபம் ....
இறைவனை .  வணங்கி
போற்றுக தீபம்......

- ஜெயா வெங்கட்

**

தன்னை உருக்கி
இருளைப் போக்கும்
வெண்பனிக் காலத்தில்
மின்மினியாய் ஜொலிக்கும்
இறைவன் வகுத்த வஞ்சனை உலகில்
பாதி பகல் இருள் சூழ்ந்த நாட்டில்
மனிதன் சித்தத்தால் உருவான ஒளியில்
உடலும் உள்ளமும் உற்சாகம் பெற்றிடும்
உயர்ந்தவன் வீட்டில் அடிக்கொரு தீபம்
விடியலை வேண்டி நாடே எரிந்தபோது
விடுதலை வேண்டி வீட்டுக்கொரு தீபம்
கார்த்திகை மாதத்து கனக்கும் பொழுதுகளில்
தீபமாய் ஒளிர்கிறது நம் தியாகிகள் வீரம்
மங்காது மங்காது தீபச் சுடர்கள்
நீங்காது நீங்காது தீப அலைகள்

- யோகராணி கணேசன், நோர்வே

**
தீக்கு கூட
வண்ண, வண்ண
உருவங்களாய்  தோன்றுகின்றன
தீபமாக    நீ
எரியும் போதும்.,

ஒளிரும் பொற்காசுகள்
அவள்  இருகைகளில்
ஓ..அது  தான்
கார்த்திக்கை தீபமா?...

  தன்னை இழந்தும் - தன் 
  குடும்பத்தை காக்கின்ற தந்தை
  போல்  - எண்ணெய் இழந்தும்
  ஒளியை காக்கின்ற  தீபத்தில்
  உள்ள வெண்ணிற தீரியே..,

கோடி இருள்கள்
உலகையே  மறைக்கிறது,
கோபுரத்தில் நீ
இருக்கும்  முன்..,

இரவில் மட்டும்
நீ   அதிகம்
தோன்றுகிறாய்.., - இருளை
விரட்டவா இல்லை ?
மகிழ்ச்சியை பெருக்க வா?.

- கவிஞர். மைக்கேல் ,மதுரை.

**

தீபம்
வான்வெளி தீபாவளியைக்
கொண்டாட நிலாப்பெண்
ஏற்றி வைத்த ஒளிவிளக்கு
உடுதீபங்களின்
ஒளியில்
மண்மாதாமழலைசுஜித்
மொழிகாணதீபங்கள்
ஏற்றி காத்திருக்கிறாள்

- நிலா

**
தீபமாய் நெஞ்சில் சிறப்பான குறிக்கோளை
என்றைக்கும் குறையாமல் எரிய விடுபவர்கள்
வாழ்வில்   முன்னேறி    வளங்கள்பல   பெற்று
ஊர்மெச்ச வாழ்ந்திடுவர்!உளத்துள் உயர்ந்திடுவர்!
ஏற்றிய  தீபமேந்தி  எழிலாய்   நீ கார்த்திகையன்று
என்றைக்கோ வந்தது இன்றுமென் மனதுள் தீபமாய்
ஒளிர்வதை நீயுமன்பே உணர்வாயா முழுவதுமாய்
அதில்தானே வாழ்கின்றேன்!அகத்தில் மகிழ்கின்றேன்!
ஆலயங்கள் இருளில் அடைகாத்து இருந்தபோது
தீபமேற்றி இருளைத்  திகைப்பில் துரத்திடவே
பழக்கம் கொண்டு வந்து பழக்கிட்டார் தீபத்தை!
இன்றைக்கும் தொடர்வதுதான் எதற்கென்று புரியவில்லை!
இதயதீபத்தில்  என்றைக்கும் இருக்குது உயிர்வாசம்
தீபஒளி நீயன்றோ! சிரிக்கும் உன் முகமன்றோ?!
பாசமும் உனதன்றோ!பரிதவிப்பும் எனதன்றோ!
மலைமீது தீபமாய் மனதெங்கும் உனதுருவன்றோ?!
ஆலயதீபம் அமைதிக்கு நல் வித்திட்டு
ஊரெங்கும் உற்சாகம் உணர்வுடனே பெருக
என்றைக்கும் நிம்மதியை எல்லோர் மனதினிலும்
தீபமாய் எரியவிடும்!திகட்டா இன்பந்தரும்!

-ரெ.ஆத்மநாதன், ஃபால்ஸ் சர்ச்,வெர்ஜீனியா,அமெரிக்கா

**
அன்பெனும் விளக்கினை ஏற்றிடலாம்"
   அனைவரின் அகத்திலும் ஒளிர்ந்திடலாம் !
அன்பினால் உலகினை ஆண்டிடலாம்
   அறிவினால் உயர்வினை அடைந்திடலாம் !
அன்பெனும் விதையினை விதைத்திடலாம்
   அமுதெனும் பழத்தினைப் பெற்றிடலாம் !
அன்பினால் இயேசு காந்தியைப்போல்
   அனைத்துல கெங்கிலும் வாழ்ந்திடலாம் !

அறிவெனும் விளக்கினை ஏற்றிடலாம்"
   அகந்தையை அடியுடன் அகற்றிடலாம் !
நெறிவழி நித்தமும் நடந்திடலாம்
   நிலைநிழல் பரவிட நிலைத்திடலாம் !
பொறியென இயங்கியே பூத்திடலாம்
   பொன்னென மணியெனப் பொலிந்திடலாம் !
அறிவியல் கணிதத்தில் அறிஞரைப்போல்
   அனைத்தவர் உளத்திலும் வாழ்ந்திடலாம் !

அரசியல் விளக்கினை ஏற்றிடலாம்"
   அனைவரும் உயர்ந்திடச் செய்திடலாம் !
தரமுடன் உரமுடன் தாங்கிடலாம்
   தன்னிகர் இன்றியே தழைத்திடலாம் !
பரந்தயிவ் வுலகினில் பரவிடலாம்
   பாமரர் உளமெலாம் பற்றிடலாம் !
அரசியல் காம ராசரைப்போல்
   அருமையர் கக்கன்போல் வாழ்ந்திடலாம் !

பொதுநெறி விளக்கினை ஏற்றிடலாம்"
   புவியெலாம் போற்றிடத் திகழ்ந்திடலாம் !
எதுசரி என்பதை இயம்பிடலாம்
   எதுதவறு என்பதை உணர்த்திடலாம் !
புதுமலர் போலவே மணந்திடலாம்
   புலமையர் வணங்கவும் பார்த்திடலாம் !
இதுவழி எனுமுயர் வள்ளலார்போல்
   என்றுமே எவருளும் வாழ்ந்திடலாம் !

-ஆர்க்காடு. ஆதவன்.

**
தீராத மடமை தீர்க்கும்
வழி வேண்டுமா!
காக்கும் தெய்வங்களின்
கனிவைப்பெற வேண்டுமா!
உலகத்தின் தொடக்கம்
ஒளி என்ற உண்மை வேண்டுமா!
ஓயாத சுழற்சியில் புவியின்
இருட்டு மறைய வேண்டுமா!
அஞ்ஞானங் கொண்டு
அலைவோர்கள் திருந்த வேண்டுமா!
மெய்ஞானச் சுடர் நம்
மனதில் புக வேண்டுமா!
தியானத்தின் முடிவில் வரும்
ஒளிச் சக்கரம் சுழல வேண்டுமா!
ஆத்மாவின் உருவமும் பரமாத்மாவின்
திருவும் ஒளியல்லவா
தீபத்தின் சுடராக, ஒளியாக
விளங்கும் மாதேவனே
உன் சக்தியின் மகிமை
தீபம் அல்லவோ;
அதை மனதுள் தீண்டுவதும் சுகமல்லவோ......

-  சுழிகை ப.வீரக்குமார்

**

மதில் சுவர்களில்
கிடக்கும் குப்பை மேடுகளில்
மாடங்களில் வாசல்களில்
என
விஷேசங்களில்
தீபமேற்றிப் பழக்கப்பட்ட நாம்
பிரகாசத்தை ஏற்றி வைக்காமல்
இருளில் வைத்துக் கொள்கிறோம்
மனங்களை...

சிவகாசிக்கு
வெளிச்சத்தைத் தேடி
பள்ளிக்கூடம் துறந்து வாழ்க்கையைச்
சிதறடிக்கும் தீப்பொறிகளை நோக்கி
பசியோடு போகிறார்கள் சிறார்கள்...

வெடித்து
வெளியை மாசு படுத்தும்
புகைமூட்ட நெடிகளுக்குள் குமைகின்றன
ஏழ்மைகள்...

வெடித்தும் எரித்தும்
வண்ணங்கள் மின்ன புத்தாடைகளுடன்
கொண்டாடுகின்றனர் மாடி விட்டு
மனங்கள்...

நடைபாதைகளிலும்
சூழ்ந்த சுவர்களின் இருளில்
தீபமேற்றி
குமைகிறது கவனிப்பார் இல்லா
பாமரர் வாழ்க்கை....

- அமிர்தம்நிலா/ நத்தமேடு

**

மலையுச்சி வரை
வெளிச்சத்தை விரித்து வைத்து
பள்ளத்தாக்கின் அடிவார இருளில்
நசுங்கி வாழ்ந்தாலும் ஒளி வழங்கும்
வள்ளல் மனம் கொண்டது
தீபம்...

உழைப்பில் வழியும் வியர்வையால்
தாகத்தையும் பசியையும் போக்கி
வறுமையில் வாடுதல் போல
பிறரை
பிரகாசிக்கச் செய்து அடிபணியும்
தொழிலாளியும் தீபமும்
ஒன்று...

அஞ்ஞானத்தையும் அறியாமையும்
மண்டிக்கிடக்கும் பாதைக்கு
பகுத்தறிவின் வெளிச்சம் காட்டுவது தான்
தீபத்தின் அறிவு...

தீபத்தை
கருவறையில் மறைத்து வைத்து
வெளியெங்கும் பரப்புகிறார்கள்
இருட்டை...

எல்லாரையும்
பேதப்படுத்தாமல் வெளிச்சப்படுத்தி
கொண்டாடும் தீபங்களையும்
களவாடுதல் போல் தான்;

இருக்கவும் உடுக்கவும் உண்ணவும்
பேதமில்லாமல்
படைப்பவனையும் அடிமைப்படுத்திச்
சுரண்டுகிறார்கள்...

காலங்கள் மாறும்
கடமைகள் பொதுவாகும்
அப்போது
ஒளியும் உழைப்பும் ஒன்றாகும்...
 
- கவிஞர் கா.அமீர்ஜான்

**
குழியில் விழுந்த சிறு குழந்தைக்கான தீபமிது
குழியில்விழும் சோகங்கள் தீரவேண்டி ஏற்றும் தீபமிது
விழுந்தவுடன் காக்க தவறியவர்களை கண்டிக்கும் தீபமிது
வளர்ப்பின் அலட்சியங்களை சுட்டிக்காட்ட வந்த தீபமிது

ஏட்டுச் சுரக்காயான விஞ்ஞானத்தை கண்டிக்கும் தீபமிது
எத்தனைமுறை பட்டாலும் திருந்தாதவரை கண்டிக்கும் தீபமிது
ஏங்கிய உள்ளங்களின் பரிதவிப்பில் குமுறும் தீபமிது
எங்கும் காக்கும்வசதி வேண்டுமென்ற கோாிக்கை தீபமிது

மெத்தனப்போக்கை மொத்தமாய் கண்டிக்க வந்த தீபமிது
ஔியில்லா இருள்சூழ்ந்த தீபாவ'(ளி)லி கண்ட  தீபமிது
விழியற்ற நிலையில் ஔியேற்றி வாழும் தீபமிது
வழியற்ற நிலையில் மாற்றம்வேண்டி மன்றாடும் தீபமிது

இது வலியோடு கண்ணீரால் ஏற்றப்பட்ட தீபமிது
இது பெருங்காற்றெனும் துயரில் சிக்கிய தீபமிது
இது இழப்புகள் வராதிருக்க - தவம்கிடக்கும் தீபமிது
இது ஔிரும் இந்தியாவில் மழுங்கிய தீபமிது

-கவிஞர். நளினி விநாயகமூர்த்தி சென்னை

**

தீப ஒளியே!!
ஒளியின் சுடரே!!
சுடரின் நிலையே!!
நிலையில் வாழும் சிவனே!!
அவனில் வாழும் உயிரே!!
தீய சக்தியை அழிக்கும்
தீபமே! தீபத்தின் ஒளியாய்
விளங்கும் எங்கள் சக்தியே!!
தீயின் சுவாலையில்
அனைவரும் சமமே! - 
அதுவே இயற்கையின் முறையே!!
"சாபம்" ஒன்று நீங்கிட
"தீபமொன்று" போதுமே!!
"கோபம்" வந்தபோதிலும் 
"பொறுமை" ஒன்று ஆளுதே!!
மனிதநேயம் காத்திட
மனிதன் ஒன்று இல்லையே!!
மனிதம் ஒன்று காப்பது
அன்பு மட்டும் போதுமே!!- மனிதனே
இன்று முதல் தீவினையை சுட்டெரிக்கும் தீபமாய் இரு!!
ஜாெலிக்கட்டும் வீடு தாேறும் தீபம்!!
மலரட்டும் வீடுதோறும் அன்பு!!
செழிக்கட்டும் வேளாண்மை!!
பரவட்டும் பைந்தமிழோசை
பார்முழுதும் - வாழ்க  தமிழ்!!
வளர்க மனித நேயம்!!

- மு.செந்தில்குமார், ஓமன்

**
 

]]>
deepam, diwali https://images.dinamani.com/uploads/user/imagelibrary/2019/10/29/w600X390/deepam.jpg தீபம் https://www.dinamani.com/specials/kavithaimani/2019/oct/30/deepam-kavithai-part-2-3265390.html
3261005 ஸ்பெஷல்ஸ் கவிதைமணி இந்த வாரம் கவிதைக்கான தலைப்பு: தீபம்! கவிதைமணி DIN Wednesday, October 23, 2019 12:32 PM +0530  

கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

'யார் மனிதன்’ என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு:  தீபம்!

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது. கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும்.  

]]>
diwali https://images.dinamani.com/uploads/user/imagelibrary/2019/10/23/w600X390/yamadeepam1.jpg deepam https://www.dinamani.com/specials/kavithaimani/2019/oct/23/poem-heading-is-deepam-3261005.html
3260173 ஸ்பெஷல்ஸ் கவிதைமணி யார் மனிதன் - வாசகர் கவிதை பகுதி 1 கவிதைமணி DIN Wednesday, October 23, 2019 10:00 AM +0530 யார் மனிதன் ?
 
கல்வி கற்பவன் மட்டும்
மனிதன் இல்லை!.
கற்றபின் அதற்கு தக்க
வாழ்பவன் மனிதன் !

தாயிற்சிறந்த கோயிலில்லை என்பவன் மட்டும் மனிதன் இல்லை!
தாயை வைத்துப் பேணுபவன்
மனிதன்!

ரசிதது ருசித்து உண்பவன்
மட்டும் மனிதன் இல்லை !
பசியென வருபவனை
உண்ண வைப்பவன் மனிதன்!

குறை இல்லாதவன் மட்டும்
மனிதன் இல்லை!
குறை காணாமல் சுற்றத்தை
சேர்ப்பவன் மனிதன் !

மனசாட்சிப்படி நடப்பவன் மட்டும் மனிதன் இல்லை!
மனிதநேயத்தை  வளர்ப்பவன் மனிதன் !

- ஜெயா வெங்கட், கோவை 45.

**

யார் மனிதன் - இந்த கேள்விக்கு
இயற்கை பேரிடர் வரும்போதெல்லாம்
விடை கிடைத்துவிடுகின்றது -
இயற்கைதான் அடிக்கடி நினைவூட்டுகின்றது...
நாம் மனிதர்கள் என்று -

ஊரையே வெள்ளங்கள் சூழம்போதுதான்
உதவும்  உள்ளங்களின் வழியே
மனிதன் அவதரிக்கின்றான்....

நான் கடவுள்கள் அவதரிக்க
வேண்டுமென்று வேண்டியதைவிட -
மனிதன் - மனிதனாகவே அவதரிக்க
வேண்டுமென்று  வேண்டியதுதான் அதிகம்...

மனிதன் - நகலெடுக்கும் இயந்திரத்தை
கண்டுபிடித்தபோது -கடவுள் வியந்தாா்...
மனிதன் - கடவுள் சிலைகளையே
நகலெடுக்கும்போது மயக்கமிட்டே விழுந்துவிட்டாா்...

எது போலி..? எது உண்மை...?
என்ற குழப்பத்தில் இருப்பது
கடவுள் சிலைகள் மட்டுமல்ல -
கடவுள் படைத்த மனிதனும்தான்...!!!

நீயெல்லாம் மனிசனா  என்று
எவரும் கேள்வி கேட்காதவரை -
எல்லோரும் மனிதர்களே - அதுவரை
முகமூடி பத்திரம்....!!!!

-கவிஞர். நளினி விநாயகமூர்த்தி சென்னை

**

பேசுவதும் சிரிப்பதும் மனிதனென்றால்
சாவிக் கொடுத்ததும்
சிரிப்பதும் பேசுவதுமாக இருக்கிறது
எந்திர பொம்மை...

அடாவடித் தன்மையும்
ஆளுமைத்திமிரும் கொண்டவர்கள்
மனிதரென்றால்
ஒடுங்கி கிடந்துழல்பவர்கள் யார்...

சாதிமத பேதங்களை
உபன்யாசம் செய்பவர்கள் மனிதரென்றால்
நம்பியும்
துயருறும் பாமரர்கள் யார்...

ஒற்றை ஆளுமைக்காய்
ஒற்றைக் குரலை ஓங்கி முழக்கி
சிமாசனம் தயாரிப்பவர்கள்
சுதேசி என்றால்
யாதுமூரே யாவரும் கேளீர்
என்றவர்கள் யார்...

தாழ்ந்தவல்களும் இல்லை
நிகர்த்தவர்களுமில்லை
எனவாகில்
சரிசமம் தானே சாத்தியம்...

என்பதில்
சமத்துவம் நிகழ்த்த
கொடுமைகளை
சம்ஹாரம் செய்பவன் தானே
மனிதன்...

- அமிர்தம்நிலா, நத்தமேடு.

**

அன்பெனும் ஒளி யேற்றி
அகஇருள் களைபவன்.
ஆனந்தமெனும் நகையணிந்து
ஆரோக்கியமாய் வலம் வருபவன்.
இல்லையென சொல்லாமல்
இருப்பதை பகிர்பவன்.
ஈன்ற தாயை தந்தையைப்
பேணுபவன்.
உண்மையால் நேர்மையால்
உயர்ந்தவன்.
ஊக்கத்தையே என்றும்
ஊன்றுகோலாய் ஏந்துபவன்.
எண்ணமதில் நல்வண்ணம்
சேர்ப்பவன்.
ஏமாற்றாமல்  ஏமாறாமல்
இருப்பவன்
ஐம்பூதங்களையும் வணங்கிக் காப்பவன்.
ஒருவரையும் பொல்லாங்கு
சொல்லாதவன்.
ஓயாதுழைத்து நேர்வழியில் பொருள்சேர்ப்பவன்.
ஒளடதமாக உணவை உட்கொள்பவன்.
மேற்கூறிய 
மேன்மையான குணங்களில்
ஒன்றோ இரண்டோ
இருந்தாலும் போதும்
அவனை மனிதன் என்று சொல்ல !.

- கே.ருக்மணி, கோவை.

**

முல்லைக்கொடி படர  தன்தேரை,
நில்லென்று ஈந்தவனும் ஓர்  மனிதன !
தோகை  மயிலின் குளிருக்கு இதமாய், 
போர்வை தந்தவனும் ஓர்  மனிதன் !
அடைக்கலம் வந்த புறாவை காக்கதன்  
சதையும்உதிரமும்  கொடுத்தவனும் மனிதன்!
வன்முறைவெறிக்கு தன்னுயிரை தந்தே,
அகிம்சை வழிநின்ற  அண்ணலும்   மனிதன்!

ஊருக்கு  உழைப்பதாய்  உறுதிதனை அளித்து
ஊழலில் திளைப்போரும்  தலைவராகலாம்;
கைநிறைய ஊதியம் களிப்புடன் வாங்கிட்டு
கையூட்டு கேட்போரும்  அலுவலராகலாம் ;
கல்வியை பணத்திற்கு வணிகம் செய்வோரும்   
கலியுகக்  கடவுள் ,கல்வித்  தந்தை ஆகலாம்;
எத்தனை பெயர்களை இவர்கள் பெற்றாலும்  ,
அத்தனையும் " நல்ல மனிதர்" என்றாகுமா ?

- முத்து இராசேந்திரன்

**

அரசியல் ஊழலில் திளைப்பவன் மனிதனா
உரசி பாலியல் தீங்கிழைப்பவன் மனிதனா
சிரசுமுதல் கால்வரை நேயமற்றவன் மனிதனா
முரசுகொட்டும் தற்பெருமையாளன் மனிதனா

பகுத்தறியும் அறிவு பெற்றவனே மனிதன்
வகுத்துக் கொண்ட நல்வழி நடப்பவனவன்
தகுதியை வளர்த்துக் கொள்ளும் தகையாளன்
மிகுதியான அன்பை மனங்களில் விதைப்பவன்

காழ்ப்புணர்ச்சி பொறாமை இல்லாத இனியன்
சூழ் உலகில் சுதந்திர எண்ணங்களில் நீந்துபவன்
தாழ்விலும் தளராத முயற்சியின் விதையவன்
வாழ்வில் வளங்களைப் பகிர்ந்து வாழ்பவனவன்

சூதுவாது கண்டால் சினந்து எழுந்திடுவானவன்
ஊதுகுழலாய் இருப்போரை ஊதித் தள்ளிடுவான்
சாதுவான சரித்திர மனிதர்களைப் புகழ்ந்திடுவான்
தீதுமிகு மனிதர்களை இனங்காண வைப்பானவன்

இல்லாதவர்க்கு இயன்றளவு  உதவிடும் நல்லவன்
கல்லாதவரையும் கற்கச் செய்திடும் கண்ணவன்
பொல்லாதவரையும் அன்பால் ஈர்க்கும் இனியவன்
நில்லாது மனித சேவையாற்றும் பண்பாளனவன்.

- கவிஞர்  ராம்க்ருஷ்

**

அறவழி வாழ்வதே அணியென ஆள்பவன் !
பிறர்க்கென வாழ்வதே பேறெனப் பிணைந்தவன் !
பிறர்பகை இலாதவன் பெருமையைப் பெயர்த்தவன் !
திறனெலாம் திருவெலாம் சீரென அளிப்பவன் !
உள்ளமே வெள்ளையாய் உவப்புடன் உழல்பவன் !
கள்ளமில் வாழ்வெனக் காலமும் வாழ்பவன் !
துள்ளியே பிறர்க்கெனத் தோன்றிடும் துணையவன் !
வெள்ளமாய் நிலமெலாம் வியக்கவே படர்பவன் !
எவ்வுயிர் ஆயினும் தம்முயிர் என்பவன் !
செவ்விய சீர்வழி சிறப்புடன் செல்பவன் !
அவ்வியம் அற்றவன் அன்புடை அகத்தினன் !
இவ்வையம் வாழவே ஏற்றமாய் இருப்பவன் !
தனக்கென எதையுமே சாற்றிடா தனித்தவன் !
மனந்தனில் மமதையை மாசென மழிப்பவன் !
இனமென உறவென இம்மியும் இலாதவன் !
புனலென ஆனவன் பூவென மணப்பவன் !
அழிவினை அழிப்பவன் அனைவரின் அன்பினன் !
பழிகளை பகைப்பவன் பாசமாம் பற்றினன் !
வழிவழி வாய்மையே வகையென வழிபவன் !
விழிவிழி செயலென விதையென விதைப்பவன் !
மண்ணினில் சிறப்புடன் மலர்ந்தவன் தான்மனிதன் !
விண்ணதில் சிறப்புடன் விளைமழை தான்மனிதன் !
கண்ணென சிறப்புடன் காண்பவன் தான்மனிதன் !
எண்ணமே சிறப்புடன் இலங்குவன் தான்மனிதன் !

-ஆர்க்காடு. ஆதவன்

**

அரியதாம்  இந்த மானிட பிறப்பில்
ஒற்றை கயிற்று கருவறை தொட்டிலில்
ஈரைந்து திங்கள் அமைதியாய் கழித்து
பிறந்தோம் வளர்ந்தோம் வாழ்ந்தோம் பிரிந்தோம்;
என்றிருப்பவனோ மனிதன் ? அல்ல அல்லவே !
ஆசைகள் உயிர்க்கொல்லி பேராசையாக
பணமும் பகட்டும் போட்ட தூண்டிலில்
நாமும் மாட்டி கொள்ள
நிலைதடுமாறி நாம் வீழ்வோமே !
‘தான் ‘ , ’ தனது’  தன்னிலைகள் தகர்த்தெறிய
நம்மில் மனிதம் இடம் கொள்ள ;
தன்னலம் பேணாது இயலாதவர்க்கு உதவ
மனிதநேயம்  நம்முள் கருக் கொள்ள;
கற்ற கல்வியை பிறருக்கு பயிற்றுவித்து
அறியாமை விலகிட வழி வகுத்து
புதியன படைக்க விதி செய்ய
மனிதன் அங்கு பிறக்கிறான் ! அவனே மனிதன் !

- தனலட்சுமி பரமசிவம்

**
மனிதன் கையில் இருக்கும் கை பேசி 
தனி ஒரு பலமாக ஆட்டி வைக்கிறது 
மனிதனை அவன் என்ன செய்ய வேண்டும் 
ஒரு நாளில் என்று ! 
மனிதனுக்கு அடங்க வேண்டிய கை 
பேசியும்  வலை நுட்பமும் இப்போது 
விரித்து விட்டது மாய வலை மனிதனுக்கு !
வலைக்குள் சிக்கிய மனிதன் முழிக்கிறான் 
வெளியே வரும் வழி தெரியாமல் !
ஆறறிவு படைத்த மனிதன்  நான் 
மனிதன் நான் மனிதன் என்கிறான் !
ஆறறிவைப் பின்னுக்குத் தள்ளிய 
வலை நுட்பம் கேட்கிறது இன்று 
யார் மனிதன்  யார் மனிதன் என்று !

- கந்தசாமி  நடராஜன் 

**
எனக்குள் இருக்கும்
"நானு"க்கும்
"நான்"
குடியிருக்கும் எனக்கும்
எந்தப் பகையும் இல்லை...

"நான்"
திமிர்த்து நிமிரும் போது
சங்கடம் கொள்ளும் எனக்கு
பல்லுடைந்தாலும்
ஆறுதல் தருவதில்லை
"நான்"...

அறிவும் அறியாமையும்
கைக்கோர்த்து
உடலுலுயிரெனத் தொடர்கிறது
எது நிகழ்ந்தாலும்
"நான்"இருக்கும் "எனக்கும்"
எனக்குள் இருக்கும்
நானுக்கும்...

இங்கே
நானென்பது தலை கனத்திமிர்,
நானென்பது நம்பிக்கைச் சிகரம்
இதில்
எனக்கும் நானுக்கும் பெருமைச் சேர்ப்பது
எதுவென அறியத்தெரியவில்லை
மனிதத்தைப் புறக்கணிக்கும்
எனக்கும் நானுக்கும்...!?

~கா.அமீர்ஜான் /திருநின்றவூர்

**

புண்பட்ட மனதைப் பொன்னாக ஆக்கும்
பொன்மனச் செம்மலவன்;
பண்பட்ட மனதோடு உதவிகள் செய்யும்
பண்ணாக ஆனவன்;
பஞ்மா பாதங்கள் இல்லாமல்
பஞ்சைப் போனறவன்;
பாரதி காட்டிய அஞ்சாமை கொண்டு
பாரதப் பண்பாட்டு பகலவன்;
பாங்கனாய் இருந்து பங்கயமாய் தாங்கும்
பரிபூரண ஆனவன்;
பாசியைப் போல் அனைவரும் அணியும்
பண்பின் கலைக்கூடமவன்;
நல்லதைக் காட்டும் அன்னம் போல்
நம்பிக்கை ஒளியவன்;
நயவஞ்சகமிலா நாணயம் கொண்டு
நரியினைத் துரத்தும் நாயகனவன்;
நிலவினைப் போல் குளுமையும் பரிதியைப் போல்
வெட்பமும் கொண்டவன்;
கெட்டோரின் கேட்டை ஒட்ட விரட்டும்
கெட்டிக்கார வீரனவன்.....;

- சுழிகை ப.வீரக்குமார்.

**

மனிதக் கற்பைப் போற்றி
மகேசனின் தொண்டனாய்;
மலர் போல் நெஞ்சங் கொண்டு;
மரகதப் பரப்பாய் முகங்கொண்டு;
மன்றம் போற்றும் குணம் கொண்டு;
மதியாதோரையும் மதித்துக்கொண்டு;
மங்கலச் சொற்களே பேச்சாக்கி
மணிமுடி இல்லா கோவாகி;
புனிதம் மனிதம் என்று நாளும்
புதுமை படைக்கும் மெய்ஞானி
புலம்பலைத் துடைத்து புத்தகம் கொடுக்கும்;
அற நூல்களின் தாயகம்
அவனே மனிதன் என்பவனாம்......

- முகில் வீர உமேஷ், திருச்சுழி.

**

இந்தியன் இலங்கையன் இங்கிலாந்துக் காரனென்று
பந்தான  உலகத்தின்   பகுதிகளில்    வாழ்வோரை 
பெயரிட்டு அழைத்திடுவர்!  பெருமைகளைப் பேசிடுவர்!
ஆனாலும் மனிதர்களை அரிதாகவே கண்டிடலாம்!
புத்தன் ஏசு காந்தி பிறந்து பொறுமை தன்னைப்
புகன்றே வாழ்ந்தார்! இதுதான் மனிதம் என்றே
அவரும் உலகைச் சிறப்பாய் உணரச் செய்தார்!
தன்னலமின்றி அடுத்தவர் நலத்தில் அக்கறை கொண்டு
உலகை   அவர்தாம்    உய்யச்    செய்தார்!
சிரிக்கத் தெரிந்த அனைவரும் மனிதரென்று
ஒப்புக்  கொண்டால்  உண்மை  நகைக்கும்!
அடுத்தவன் உயர்வில் ஆனந்தம் கொண்டு
அதற்கென தன்னால் இயன்றதைச் செய்திடும்
நபரைப் பார்த்தால் நாமும் வணங்கலாம்!
உண்மையில் மனிதனென்று உயர்வாய்ப் போற்றலாம்!
வாழும் நாளெல்லாம் மற்றவர் நலனைச்
சிறப்பாய்ப் பேண சிறு உதவிகளையும்
செய்திடுவோரே இங்கு சிறந்த மனிதர்!
பூமிப் பந்தில் புரியாத இடந்தனில்
தவறு நடந்தால் தன்னிதயம் சுருங்க
எவன்தான் இங்கு ஏகமாய் வருந்தி
நியாயம் தேடுகிறானோ அவனே மனிதன்!

-ரெ.ஆத்மநாதன், காட்டிகன்,சுவிட்சர்லாந்து

**

நேரத்திற்கு நேரம்  மாற்றி
பேசுபவன் மனிதனா?...
விலங்குகள்  போன்று
குணம் கொணடவன் மனிதனா?..
கைக் குலுக்கிபோதே,
மறு கையால் தாக்க
நினைப்பவன் மனிதனா?..
வீழ்த்தபட்ட  பின்னும் எழாமல்,
படுத்து கிடப்பவன் மனிதனா?..
தவறை காந்தி நோட்டால்
சரிசெய்பவன் மனிதனா?..
பொய்யை உரக்கச் சொல்லி
உண்மை என
உரைப்பவன் மனிதனா?.
தனக்கு மிஞ்சிய
அனைத்தும் பிறருக்காக
உலகில் படைக்கப்  பட்டவை
என்று, எண்ணுபவன்
எவனோ அவனே மனிதன்..
 
- கவிஞர். மைக்கேல் மனோஜ், மதுரை

**
 

]]>
kavithaimani, poem https://images.dinamani.com/uploads/user/imagelibrary/2019/10/11/w600X390/mannar.JPG https://www.dinamani.com/specials/kavithaimani/2019/oct/23/a-poem-about-man-3260173.html
3260176 ஸ்பெஷல்ஸ் கவிதைமணி யார் மனிதன் - வாசகர் கவிதை பகுதி 2 கவிதைமணி DIN Wednesday, October 23, 2019 10:00 AM +0530
யார் மனிதன்?

பாடுபட்டுப் பணத்தைத் தேடி
அடுத்தவருக்குக் கேடு நினையாது
மாற்றான் மனை மனம் நினையாது
மறந்தும் பொய்யிலா மெய்யராய்
தனக்கு மிஞ்சியதைத் தானம் செய்து
தன்னுற்றார் உறவினருடன் கூடிவாழ்ந்து
நன்றி மறவாச் செம்மை நெறியாளனாய்
அன்பின் வழியது வாழ்வது வாழ்ந்து
தன்குடி கெடுகுடி என்றும் கைதொடாது
மண்பெண்(ஆண்) ஆசைதனை அறவே காணாது
மண்ணில் தேய்பிறை கண்டதால் மாநிலத்தீர்
ஐயம் கொண்டீர்! மனிதன் யாரென? வேண்டாம்
ஐயம்! பரந்து விரிந்த உலகில் பல்லுயிர் வாழ
நீதிநெறிபடி நிலைகொளச் சுயநலமிலாது வாழ்ந்து
மனுநீதிப்படி மண்ணுயிருக்கெல்லாம் நலம்பேணி
மண்ணில் நல்லுள்ளம் பல பூமியில் வாழ்வதால்
மண்ணடர்ந்த பூமி நிதம் சுழல்கிறது அன்றோ?
கலியுகம் எனிலும் மனிதநேயம் கொள் மனிதர்
கலங்காமலிருப்பர்! கலக்கம் வேண்டா! மானிடரே!!

- மீனா தேவராஜன், சிங்கை

**
 
நன்றியெனும் ஒருசொல்லை மறந்த வர்க்கு
  நானிலத்தில் வாழ்வில்லை அவர் மனிதரில்லை
இன்றிந்தப் பூவுலகில் அன்பின் ஊற்றாய்
  ஈன்றெடுத்த தாய் தந்தை இருவருக்கும்
என்றென்றும் நன்றியுடன் இருத்தல் வேண்tடும்
  ஏற்றமுடன் அவர் வாழச் செய்தல் வேண்டும்
மாற்றமிதில் காண்போமானல் மகனாய் பிறந்தவன்
  மனிதனில்லை! பெற்றோரை மதிப்பவரே மனிதர்!
பிறர் உழைப்பை தனதாக்கி வாழும் வாழ்க்கை
  தீவட்டி வாழ்க்கை வாழ்வோர் அவர் மனிதரில்லை
பிறர் வாழத் தானுழைத்துத் தேயும் வாழ்க்கை
  பெருந்தன்மை பெற்றிலங்கும்மெழுகின் வாழ்க்கை
பிறர்போற்ற புகழோடு வாழும் வாழ்க்கை 
  பெருமைமிகு கற்பூர வாழ்க்கை வாழ்வோன் மனிதனாவான்!

- கவிஞர்  .சூடாமணி .ஜி  

**

எதுயெதுவோ போலயிங்கே இருப்பவனா மனிதன் ?
  இருப்பதுவே குறியாக இரப்பவனா மனிதன் ?
மதுமாது தனிலாழ்ந்தே மாய்பவனா மனிதன் ?
  மண்ணுக்கும் பொன்னுக்கும் மலிந்தவனா மனிதன் ?
பொதுவாக வாழாமல் புதைபவனா மனிதன் ?
  பூத்தாலும் மணக்காதப் போக்கினனா மனிதன் ?
இதுதானென் வாழ்வெனவே இலங்குபவன் மனிதன் !
  எல்லார்க்கும் இனியவனாய் இருப்பவனே மனிதன் !

அடுத்தவரைக் கெடுத்திடவே அலைபவனா மனிதன் ?
  அடுக்கடுக்காய்ப் பணம்சேர்க்கும் அறிவிலியா மனிதன் ?
கொடுக்கான கொடுங்கொடுக்குக் கொடியவனா மனிதன் ?
  குரங்காக மரந்தாவிக் குதிப்பவனா மனிதன் ?
கெடுப்பதுவே வாழ்வெனவாழ் கீழ்மகனா மனிதன் ?
  கேடுகளில் கிளைக்கின்ற கெட்டவனா மனிதன் ?
அடுத்தவரை வாழ்வித்தே அகங்களிப்போன் மனிதன் !
  ஆனவரை பிறர்க்குதவும் அரியவனே மனிதன் !

பொருத்தமிலாப் போக்கினிலே போபவனா மனிதன் ?
  பொல்லாதான் என்றிகழப் பொலிபவனா மனிதன் ?
இருக்குவரை இனியவனாய் இருப்பவனே மனிதன் !
  இல்பொருளை ஈந்துவக்கும் ஏற்றவனே மனிதன் !
அருங்கனியாய் ஆனநல்ல அன்பகத்தான் மனிதன் !
  அறிவுடனும் பரிவுடனும் ஆள்பவனே மனிதன் !
இருந்தாலும் இறந்தாலும் இருப்பவனே மனிதன் !
  இனிதினிய செயலாலே என்றுமுளான் மனிதன் !

-து.ஆதிநாராயணமூர்த்தி, பரதராமி (திமிரி)

**

கழுத்தை நீட்டினவள் கூலிக்கு
மாரடிக்கும் மனைவி யில்லை
சொடுக்கு போட அவன் யார்
மனிதனா அவன் யார் மனிதன்

சீர்வரிசை கொடுத்தால் தான்
மனைவி இல்லை யென்றால்
இம்சை படுத்த அவன் யார்
மனிதனா அவன் யார் மனிதன்

முந்தானை விரித்தால் தான்
மனைவி இல்லை யென்றால்
இல்லை பொருளோ யவன்
மனிதனோ கூறு யார் மனிதன்

பிள்ளைகள் பெற்றால் தான்
மனைவி இல்லை யென்றால்
இல்லை பொருளோ யவன்
மனிதனோ கூறு யார் மனிதன்

- வே. சகாய மேரி, அரியலூர் திருக்கை

**

சிந்திக்கும் திறன் படைத்து
குற்றுயிராய் கிடந்தாலும்
குன்றிமணி போல் மின்னிய இயற்பியலாளன்
ஸ்டீபன் வில்லியம் ஹாக்கிங் போல்
மிளிர்பவன் மா மனிதன்

இறைவன் கொடுத்த குறையென் றொன்றை
நிறையென் றெண்ணி நிவர்த்திப்பவன்
வெற்றியையும் தோல்வியையும்
தலையில் வைத்து தத்தளிக்காது
திறனில் தன் கவனம் செலுத்துபவன் 

வானுயர்ந்த வாழ்வொன்று வரமாய் வந்தபோதும் தனக்கென்று வாழாது பிறெர்க்கென்று வாழ்ந்த
விஞ்ஞானி ஜெனாதிபதி அப்துல்கலாம்போல்
குன்றா தெண்ணமும் கூரிய சிந்தையும் கொண்டு
தூர நோக்கு பார்வையின் விம்பமானவன் மனிதன்!

- யோகராணி கணேசன்

**

மனிதன் யாரெனக்
கண்டறியும் கருவியொன்று இல்லையெனக்
கவலையுறுகிறான் கடவுளும்.
சிறப்பு தரிசனத்தில்
சிலை அருகில் வருபர்களை
உற்றுப் பார்த்த அவன்
உதட்டைப் பிதுக்கவும் அஞ்சுகிறான்.
கடவுளே தானெனச் சொல்லி
உண்டியலை நிரப்பிக்கொள்கிறவர்களை
ஓரமாக நின்று பார்த்து
ஒருமுறை தன்னைச் சோதித்துக்கொள்கிறான்.
அனைத்துக்கும் ஆசைப்படு என்ற
அருளுரைக்குப்
பொருளுரை எழுதுவோரின்
பூசை அறைக்குள்ளிருந்து தப்பியோடத் துடிக்கிறான்.
கீழிறங்கி வந்து தேடி அலைந்தபின்
ஒப்புக்கொள்கிறான்
“மனிதனை
இன்னும் நான் படைக்கவில்லை” என்று!

-கோ. மன்றவாணன்

**

பத்து தலை கொண்டாலும் பத்து வாய் உண்டாலும் வயிறு
ஒன்று தான்; இதை உணர்ந்து வாழத் தெரிந்தவன் மனிதனா
பத்தாது ஊரை சுருட்டுவோன் மனிதனா
சொல் யார் மனிதன்
ஐந்து தலை கொண்டாலும் ஐந்து வாய் உண்டாலும் ஐந்து
படம் விரித்து பயமுறத்தி காட்டினாலும் பாம்புக்கும் ஒரேவயிறு
பார்த்து பயந்தவன் ஓடுவான் அஞ்சாது
எதிர்கொள்ள பயந்து
பாம்போடிவிடும்; இந்த சூட்சமத்தைத் அறிந்தவன் மனிதனா
பயந்தாங்கொள்ளியா யார் மனிதன்
யோசிக்க தெரியவரும்
ஒரே தலை கொண்டாலும் ஒரே வாய் உண்டாலும் வயிறு
ஒன்றே என்றே நினைப்பவன் மிஞ்சி யதை கெஞ்சும் பேருக்கு
உண்ணவைத்து கண்ணால் பார்த்து மகிழ்ச்சி கொள்வதிலும்
தனி ஆனந்தம் அலைபாயும் நெஞ்சிலே அவன் மனிதனா
யார் மனிதன் படம் பிடித்து காட்டும்
பார்த்தாலே தெரியும்
திக்கற்றவ னென்றொருவ னில்லை
வக்கற்றவ னென்று
யாரும் பிறப்பெடுப் பதில்லை உன்னை
பணிவோரை ப்பணி
துணிவோரிடத்து த்துணி உனைமிஞ்ச
இங்கே யார் மனிதன்

- ஆபிரகாம் வேளாங்கண்ணி கண்டம்பாக்கத்தான்

**
பொன்நகைகள் உடலினிலே பூட்டிக் கொண்டு
பொலிவோடு திகழ்பவனா ; கண்கள் கூச
மின்னுகின்ற உடைகளினை அணிந்து கொண்டு
மிடுக்காகத் திரிபவனா ; மேனி தன்னில்
நன்முறையில் பயிற்சிசெய்து வலிமை சேர்த்து
நல்லுறுதி கொண்டவனா ; ஒப்ப னையில்
முன்முகத்தை பின்தலையை சீர்மை செய்து
முத்தாக ஒளிர்பவனா மனிதன் என்போன் !
புன்னகையை முகம்காட்டி நெஞ்சுக் குள்ளே
புதைகுழியின் வஞ்சகத்தை மறைத்துக் கொண்டும்
அன்புதனில் அரவணைத்து நெஞ்சிற் குள்ளே
ஆர்க்கின்ற பகைமையினை வளர்த்துக் கொண்டும்
இன்பத்தேன் மொழிசிந்தி நெஞ்சிற் குள்ளே
இருளாக்கும் சிந்தனையை நிறைத்துக் கொண்டும்
நன்றாக மனிதனென்னும் உருவம் தன்னில்
நடமாடி வருபவனா மனிதன் என்போன் !
உழைக்காமல் உழைப்பவனின் பொருள்க வர்ந்தும்
ஊர்தன்னை ஏமாற்றி உடல்வ ளர்த்தும்
பிழைகளையே செய்துபிறர் முதுகி லேறிப்
பிறர்தூற்ற பிழைப்பவனோ மனித னன்று !
அழைக்காமல் உதவிசெய்தும் அன்பு காட்டி
அடுத்தவர்தம் துயர்களைந்தும் நேர்மை யோடே
உழைத்துபிறர் தவறுகளைத் தட்டிக் கேட்டும்
உண்மையுடன் நடப்பவனே மனிதன் என்போன் !

- பாவலர் கருமலைத்தமிழாழன்

**

யார்மனிதன்   என்று கேட்டால்
       எவருமிங்கே  இல்லைதானே!
ஊர்ஊராய்த்  தேடினாலும்
       யார்மனிதன்  என்றறிந்து
பேர்கூற  லாகுமோதான்;
       பாரிலெங்கும்   தேடிடினும்?
கூர்மையுள்ள   கத்திப்போல்
       குத்தியேதான்   கிழிப்பருண்டு!

தன்னலத்தைத்    துறந்துவிட்டு
      தரணிக்காய்   தன்னையீந்து
நன்மைகளே    வையமெங்கும்
      நடவுசெய்வோர்   மனிதராவார்;
புன்மைமனம்  இல்லாமல்
      புவிதன்னைப்   புதுக்குகிற
பொன்மனத்து   நல்லோரே
       புவித்தாயின்    மனிதராவார்!

மழையாக   அறம்பொழிவோர்,
       மலையருவி   குணமுடையோர்,
விழைந்துநாளும்    கனிகொடுக்கும்
       மரம்போன்ற    வள்ளல்கள்,
உழைப்பதுவே   தொழிலாக
       உழைப்பாள   பெருமக்கள்,
தழைக்குமன்பில்    திளைப்போர்கள்
      தரணியிலே   மனிராவர்!

- கவிக்கடல், கவிதைக்கோமான், பெங்களூர்.

**

தேர்தலில் வெல்ல,
வாய்க்கு வந்ததையெல்லாம் சொல்ல
'த்'தெரிந்திருந்த போதிலும்

"நம்மால் என்ன நடைமுறைப்படுத்தமுடியுமோ, 
அதைத்தான் மக்களிடம் சொல்ல வேண்டும்"
என்றானே ஒருவன்,
அவன் 'பெருந்தலைவன்',
இல்லை இல்லை,
அவன் தான் மனிதன்.

- ம.சபரிநாத்,சேலம்

**
பண்பாடும் கலாச்சரமும் ஓன்று போல்தோன்றும்
     நாணயத்தின் இருபக்கங்கள்
பண்பாடு இருக்கு கலாசாரத்தைக் காணோம்!
     அது இருந்தால் இது இல்லை

பண்பாடு ,கலாச்சாரம் மனிதம் சார்ந்ததவை!
     இவை வெளிப்படுபவன் மனிதன்
பண்பாடு என்ற வார்த்தையை கண்டு பிடித்தவர் யார்?
      தமிழறிஞர் ரசிகமணி டிகேசி யாவார்!

பண்பாட்டிற்கு இணையாக வருவது நாகரீகம்!
     இரண்டும் ஒத்துபோகவேண்டியதில்லை
நன்றாக உடை அணிகிறார்கள் நா வைத் திறந்தால்
     அசிங்க அசிங்கமாக பேசுவார்

ஆனால் சாதாரணமாக இருப்பார்கள்,வார்த்தை
     தேனாயிருக்கும், பாடம்கற்கலாம் நாம்
நாகரீகத்தையும் பன்பாட்டையும் சுமந்து நடப்பவர்கள்தான்
      சமுதாய முன்னோடிகள்

இவர்கள்தான் தலைவர் கவிஞர், அறிஞர் ,கலைஞர், செம்மல்
       எழுத்தாளர் என்றழைக்கப்படுவார்
இவர்களைப்போல்,நாகரீகம்,பண்பாடு மிகுந்து
       வாழ்பவர்கள் கலாச்சாரம் காக்கிறார்கள்  

அவர்கள்தான்!உண்மையான மனிதர்கள்,அவர்களிலும்,
         சிலர் தெருச்சண்டைபோடுவோர் உளர்  
மனிதம் காத்துநாகரீக உடையில்லாடினும்
         பண்பாட்டோடு நடந்தால்அவர்களே,மனிதர்! 

- கவிஞர்  அரங்க.கோவிந்தராஜன்

**

அங்கேயும் தேடினேன் இங்கேயும் தேடினேன்
எங்கேதான் நான்காணும் மனிதன் அவனொன்றை
இழந்தவன் கொன்றவன் மறந்தவன் விட்டவன் 
ஒழித்தவன் நொந்தவன் கொள்பவன் தவிர்ப்பவன்
கண்டேன் பண்பான மனிதன் - அவன்
தானென்னும் அகந்தையை மனத்திலே இழந்தவன்
கொல்லும் சினந்தன்னை நெஞ்சிலே கொன்றவன்
எப்போதும் பொய்யினைக் கனவிலும் மறந்தவன்
தீயினும் வேதனைத் தீமையை விட்டவன்
சிறுமையின் செயல்நாணி ஒருபழி ஒழித்தவன்
பிறர்நோவில் கண்ணீரால் தன்னையே நொந்தவன்
பிறர்க்கீந்து பெரும்பேறு எப்போதும் கொள்பவன்
தன்குற்றம் தானெண்ணி பிறர்குற்றம் மறைத்தவன்

- கு. இரா, வடக்கு அயர்லாந்து.

**

சிந்திக்கும் திறன் படைத்து
குற்றுயிராய் கிடந்தாலும்
குன்றிமணி போல் மின்னிய இயற்பியலாளன்
ஸ்டீபன் வில்லியம் ஹாக்கிங் போல்
மிளிர்பவன் மா மனிதன்
இறைவன் கொடுத்த குறையென் றொன்றை
நிறையென் றெண்ணி நிவர்த்திப்பவன்
வெற்றியையும் தோல்வியையும்
தலையில் வைத்து தத்தளிக்காது
திறனில் தன் கவனம் செலுத்துபவன்
வானுயர்ந்த வாழ்வொன்று வரமாய் வந்தபோதும்
தனக்கென்று வாழாது பிறெர்க்கென்று வாழ்ந்த
விஞ்ஞானி ஜெனாதிபதி அப்துல்கலாம்போல்
குன்றா தெண்ணமும் கூரிய சிந்தையும் கொண்டு
தூர நோக்கு பார்வையின் விம்பமானவன் மனிதன்!

- யோகராணி கணேசன்

**

தன்மானம்  காப்பவனே தான்மனிதன் என்றாவான்
அன்னவனைப் போற்றிடுவார் அனைவருமே! -- என்னவொரு 
 நிலைதனிலும்  தாழாமை,  நேர்மைதனில்  வழுவாமை,
குலையாத  மாண்பவனின் குணம்!

கல்விதனில்  தேர்ந்தவனாய்,  கருணைமனம்  கொண்டவனாய்,
பல்விதத்தில்  உதவிடுவான்  பாமரர்க்கு! -- எல்லோர்க்கும்
நல்லவனாய்  வாழ்பவனே  நாடுபோற்றும்  நன்மனிதன்;
இல்லையிணை  எனத்தக்கான்  இவன் !

மனிதனே  என்றாக்கும்  மகத்தான  நெறிமுறைகள்
புனிதமிகு  செயல்தன்னைப்  புரிவதுவே!-- கனிவுமிகு
உளந்தன்னைக்  கொண்டென்றும்  ஊருக்கு  உழைக்கின்றக்
களங்கமிலான்  மனிதனெனக்  காண்!

சொல்லும் செயலதும் ஒன்றென வாழ்வான்
     சுகங்களை மறந்திட்டு எளிமையைக் காப்பான்!
வெல்லும் வரைதனில் தூக்கத்தை கொள்ளான்
      விவேகந்  தனையே  துணையென  ஏற்பான்!
செல்வம் தனைகொண்டும் மமதையைக் கொள்ளான்
      சேர்த்ததைக் கொண்டேழை துயர்தனைக் களைவான்!
எல்லாம் தெரிந்திட்டும் செறுக்கினைக் கொள்ளான்,
      இவைகளைக் கொண்டவன் மனிதனென் றாவான்!

- அழகூர்.  அருண்.  ஞானசேகரன்.
      
**
தன்னை அறிந்தவன் மனிதன்!
தன்னிலை தெரிந்தவன்
மனிதன்!
  
சொன்ன சொல் மாறாதவன்!
சொன்னபடி நடப்பவன்!
வளர்ந்து வந்த வழிகளை!
திரும்பிப்பார்ப்பவன்! பிறர் வளர்ச்சியை பெற
வேண்டும் என்று:
விரும்பிப்பார்ப்பவன்!

சமத்துவம் சகோதரத்துவம்
மிக்கவன்!
 தவறியும் தவறுகள் செய்யாதவன்!

பிறர் வாழ! தன்னைக் கெடுத்துக் கொள்பவன்!
 பிறர் நலன் கருதி
தன்னையே கொடுத்து வாழ்பவன்!

சேவையை சேவையாக
செய்கின்ற போது:
வியர்வை துளிகளுக்கு
கட்டணம் வாங்காதவன்!

பொதுநலமே! தன் சுயநலமாக வாழ்பவன்!
போதும்! போதும்!
என்று சொல்லும் அளவுக்கு உதவுபவன்!

சேர்ந்து வாழ நினைப்பவன்!
பிறர் உழைப்பில்
வாழ விரும்பாதவன்!

பணத்தை விட
நல்ல மனத்தை விரும்புபவன்!

யார் மனிதன்?
என்று யார் கேட்டாலும்;
எதற்காகவும் எதுவந்தாலும் எதிர்கொண்டு
யாரையும் கெடுக்காதவனே!
மனிதன்!
அவன் தான் புனிதனே!

- கவிச்சித்தர் களக்காடுவ.மாரிசுப்பிரமணியன்

**

மின்னலைச்  சுமக்கும்   மின்னலே   வானமா?
மின்னிடும்  விண்மீன்  ஒளிர்ந்திடும்  ஞாயிறா?
வானில்   உலவிடும்   நிலவே   வானமா?
வானில்  இருப்பதால்   முகிலே  வானமா? 
மலையில்  ஊறும்  சுனைநீர்  அருவியா?
வலையில்  இருப்பதால்  சிலந்தியும்  மீனா?
வயலில்  விளைவதால்   களையும்   பயிரா?
மயக்கிடும்   என்பதால்   மங்கையும்   மதுவா?
செல்வ   ரெல்லாம்  செல்வ  ராவர்?
செல்வ   மில்லார்   ஏழை   யாவர்?
ஊன   முற்றோர்  ஊனமுற்   றோரா?
ஈன    ரெல்லாம்   நற்பண்   பாளரா?
இவைகள்   போன்று   எதுவாய்   இருப்பினும்
அவைகள்   அதுவாய்  ஆவ   தில்லை;
இதுபோல்  மனிதராய்ப்  பிறந்ததால்   மனிதராய்
பொதுவாய்   எவரும்   உரைத்திட  ஆமோ?
மனிதராய்த்  தோன்றி  விலங்காய் உயிர்ப்பவர்
மனித   ராகார்;  மனிதராய்ப்   பிறந்து
மகானாய்   வாழும்   நற்பண்   பாளரே
உகந்த  மனிதர்  என்றுணர்    வோமே!

- நெருப்பலைப் பாவலர், இராம இளங்கோவன், பெங்களூரு

**

கற்ற வழி அரசியல் வள்ளுவத்தை
கடைபிடித்து வாழ்வார் யார்
என்றே குயிலொன்று
பாரதி பாடலொன்றை
இசைத்தபடி பயன்கருதா
மரங்களுடன் காத்திருக்க
பணம் பதவி வேட்டையில்
மக்கள் யாவரும்
மாக்களாகி நிற்க
விதிர்விதித்த குயில்
(கருப்பு) காந்தி சிலையின்
தலையில் பன்னீர்ரோஜா
கிரீடத்தை சூட்டி
இவரோ மனிதன்
என்று பாடியது!

-நிலா

**

வாழ்க்கையின் தேர்ச்சக்கரங்களை
பொறாமைத்துரு அரித்துக்கொண்டிருந்தது !!
சற்றே தூக்கலாய் உப்பு – பேராசையாய்,
வாழ்க்கை உணவு கரித்துக்கொண்டிருந்தது !!
கையளவு நிலக்கடலை –
ருசித்துகொண்டிருந்த இந்த உயிரை
பாழ்படுத்த ஒரு சொத்தை போதும்- கோபமாய், 
அது சுற்றத்தை மரித்துக்கொண்டிருந்தது!!
சகாக்களின் சந்தோஷப்பயணம்..
அந்தப்பெட்ரோலில் தீச்செயலாய் 
சிலர் கலந்த மண்ணெண்ணெய்,
பலர் மகிழ்ச்சியை பறித்துக்கொண்டிருந்தது !!
மனங்களில் இருந்து வெண்மையை
இந்த கரிக்கலவைகள் பிரித்துக்கொண்டிருந்தன !!
பூமிக்கு உள்ளே,  இந்தக்கரித்துண்டங்களை
எரிய விட்டுப்பார் – வைரம் !!
அதே - பூமிக்கு வெளியே – மனிதன் !

- கவிஞர் டாக்டர் எஸ். பார்த்தசாரதி 

**


 

]]>
kavithaimani https://images.dinamani.com/uploads/user/imagelibrary/2019/10/22/w600X390/Heavy.jpg man https://www.dinamani.com/specials/kavithaimani/2019/oct/23/who-is-real-man-3260176.html
3261004 ஸ்பெஷல்ஸ் கவிதைமணி யார் மனிதன் - வாசகர் கவிதை பகுதி 3 கவிதைமணி DIN Wednesday, October 23, 2019 10:00 AM +0530 யார் மனிதன்?

யாரெல்லாம் மனிதராவர் என்ற கேள்வி
……….எமக்குள்ளே பிறந்தாலே எழுமாம் வேள்வி..!
ஓரெண்ணம் உதவிசெய உதித்து விட்டால்
……….உலகமெலாம் உன்னடியில் உருண்டு ஓடும்..!
ஊரெல்லாம் வாழ்ந்தபல உத்த மர்கள்
……….உரைத்ததெலாம் மனிதநேயம் ஒன்றே தானே..!
பாரெல்லாம் நேசமொன்றே பரவு தற்கு
……….பாடுபட்டும் பெரிதாகப் பலனும் இல்லை..!
.
குறையற்ற மனிதனாகக் குவல யத்தில்
……….கணக்கெடுத்தால் தேறாது கொஞ்சம் கூட..!
கறைபடிந்த மனதுடனே கால மெல்லாம்
……….காலத்தைக் கழிப்பவர்கள் கணக்கி லாது..!
முறைதவறி வாழ்பவர்கள் முன்னே நிற்பார்
……….முயற்சியின்றி முன்னேற மனிதர் கற்பார்..
துறைதோறும் காணுகின்ற துன்பக் கோலம்
………தொல்லைமிகு மனிதராகத் தொடரும் மேலும்.!
.
அக்ரமத்தை அழிப்பதற்கே ஆட்சி செய்து..!
………அதர்மத்தை எதிர்ப்பவர்கள் மனித ராவார்..!
வக்ரத்தை வன்மத்தைத் தடுத்து நிற்க
………வந்துதித்த நல்லவரே மனித ராவார்..!
தக்கதையே தகும்நேரம் சொல்லு கின்ற
………தரமான குணமுடையோர் மனித ராவார்..!
சிக்கலேலாம் வரும்போது சிரமம் பாரா
………சீராகத் தீர்த்துவைப்போர் மனித ராவார்..!

- கவிஞர் பெருவை பார்த்தசாரதி

**

யார் மனிதன் பொய்யற நவில்வீர் யார் மனிதன் ?
யாதும் அறிந்தவர் தீதற உரைப்பீர் யார் மனிதன் ?

மானுட உருக்கொண்டு பிறந்து வளர்ந்தவன் மனிதனா ?
மண்ணில் புகழோடு செல்வச் செழிப்போடு வாழ்பவன் மனிதனா  ?

மாசறு மனத்தான் நேரிய குணத்தான், தான் மனிதன் !
மனத்தும் தீமை பிறர்க்கெண் ணாதான், தான் மனிதன்!

உளத்தும் பிறன் பொருள் விழையாதான், தான் மனிதன்  !
உண்மையின் உன்னதம்  உணர்ந்தொழுகுபவன் தான் மனிதன் !
தவறேதும் நிலையெதிலும் புரியாதவனே மனிதன் !
தவறியும் நேர்மையை விடாதவனே மனிதன் !

பொய்யுரைத்துச் சுயநலம் கொள்ளாதவனே மனிதன்  !
பொய்மையும் தீதறுக்க ஆயுதமெனக் கொள்பவனும் மனிதன் !

நன்னெறி போதனையில் பிள்ளைகள் வளர்ப்பவன்தான் மனிதன் !
நற்குணக் குடிகளை உருவாக்க முனைபவன் தான் மனிதன் !

- அறிவுக்கண். R.

**
முகமூடிகள் மட்டுமே அணிந்திருந்த
ஓர்நகருக்குள் ஓரிரவில் திசைதப்பி
பயணித்த போது நகர் காடாகப் பிளிறியது
சிங்கம் கரடி புலி நாய்நரி கழுகுகள்
என்று முகமூடிகள் ஏராளம் உதடுகளில்
நயமான மொழி தாராளம்
மனித வாசனையை மோப்பம் பிடிக்க
எண்ணிய மூக்கைத் தாக்கியது குருதிநாற்றம்
விலங்குகளின் மாநாட்டில் ஜனநாயகம் வாழ்க
எனவந்த அதிரடிக் குரலில் வானம் விடிய மறந்தது
இரவு ஓர்முறை குலுங்கிக் குப்புற வீழ்ந்தது
முயல்களும் மான்களும் தவளைகளும்
எதிர்க்குரல் கொடுக்கத் துரோகிகள் என்று
நாகங்களும் நாய்களும் வேகமாய்ப் பாய்ந்தன
வேள்வித்தீயில் குடல்கள் சொரிந்தன உடல்கள் எரிந்தன
இங்கே யார் மனிதன் எனவந்த கேள்விக்கு விடைவந்தது
ஒன்று அல்சேஷனாய் இரு; இல்லை ஆதிசேஷனாய்

- கவிஞர் மஹாரதி

**
வெள்ளைச்சட்டை போர்த்திய இருளொன்று
வெகுளிபோல் திட்டமிடுது களவாட
படிப்பறிவில்லா பாமரனுக்குத் தன்
பதவியால் குழியைப் பறிக்கிறது

நேர்மை உடுத்தியப் பாமரனின்
கோவணம் உருவிடப் பார்க்கிறது
தன்மானம் பறித்து உழவன்தனின்
நிர்வாணம் கண்டு இரசிக்கிறது

விடியல் வெளிச்சத்தை விரட்டிடவே
வறுமை இருளைத் திணிக்கிறது
விவசாய நிலத்தில் துளையிட்டு
கன்னிகற்பினில் குழந்தையைத் தேடுகிறது

அழுக்குச்சட்டையை அணிந்தவன் தான்
உன் அடிமைத்தனத்தை உடைத்தெறிவான்
ஒற்றுமைத் தீப்பந்தக் கரங்களினால்- உன்
அதிகார இருளெரித்துப் புசித்திடுவான்..

- ஹமி, தேனி மாவட்டம்
 
**

அருவினை என்ப உளவோ
ஆற்றலுடன் உழைத்தால்?
இன்முகம் மாறா
ஈகைக் குணத்துடன்
உதவிடும் உள்ளத்தை
ஊரோர் பேnற்றுவர்-
என்றும், இவரால்
ஏற்றம் பெறுவதில்
ஐயமும் உண்டோ?
ஒரு மட மாது ஒருவனுமாகி
ஓராயிரம் கனவுகளில்
ஒளவியம் தவிர்ப்பவன் -
ஆயுதம் தேடான்
அவன் தான் மனிதன்
அறிந்தவன் ஞானி...

- கவிதாவாணி, மைசூர்

**

எல்லோருக்கும் தெரிந்த கேள்வி?
தெரியாத பதில்!
டயோஜெனிஸ்
பகலிலும் விளக்கோடு தேடினான்
விளக்கம்தான் கிடைக்கவில்லை!

மனிதன் யார்?
மனித உருவில் இருப்பவனா?
மனித உணர்வுடன் இருப்பவனா?
குரங்கிலிருந்து வந்தவனா?
மனதில் குரங்காய் தாவி குதிப்பவனா?
ஊரை அடித்து உளையில்போட்டு
கோடி கோடியாய் குவித்துபோட்டு
மாடிமேல மாடிகட்டுபவனா மனிதன்?

தோல்விகள் துரத்தி துரத்தி அடித்தாலும்
அலைகடலென ஆர்பரித்து எழுபவன் மனிதன்!
உழைக்காமல் கிடைக்கும் பொருளை
உதறத் தெரிந்தவன் மனிதன்!
வசதி வந்தால் ஆடாதவன்
வறுமை வந்தால் வாடதவன் மனிதன்!

ஒழுக்கத்தோடும் நெறியோடும் வாழ்பவன்
பிறருக்காக விட்டுக் கொடுப்பவன்
பிறரை தட்டிக்கொடுப்பவன்
பிறர் தவறை மன்னிக்கத் தெரிந்தவன்
தன் தவறை திருத்திக்கொள்ளத் தெரிந்தவன்
சுயநலம் துறந்து பொதுநலத்தோடு வாழ்பவன்
மானிதர்களில் மகத்தானவன்!

மகதானவர்களை வெளியில் தேடினால்
கிடைப்பது அரிது!
உன்னுள் தேடு
மகத்தான மனிதனாய் மாறு
ஒரு நாள் உலகே மாறும்
மகதானதாய் பாரு!

-கு.முருகேசன்

**
மக்களாக  வாழ தெரிந்தவன்
உலகம் விரும்பும் மனிதன்!
காலம்  மாறினாலும்
மனிதாபிமானம்  மாறாத
தயாள குணமுடைய உத்தமன்
அவனே  மனிதன் என்று 
பகவானே சொல்லும் அற்புதம்!
அநியாயமும்  அக்கிரமும் வளர்ந்து
காயப்படுத்தியதால்  மனவலி  தாங்காமல் 
எழுந்த  வாசகம்  "யார் மனிதன்?"
புதிய  காலை ஒவ்வொன்றும்
நம்பிக்கை என்ற கதிரவனும்
பிறக்க அதை மனிதன்
பறக்கவிடாமல் உறுதியாக  பற்றினால்
சிறக்க  வாழ்வான்!  -  அவனே....
உயர்ந்த மனிதன் மட்டுமல்ல
"யார்  மனிதன்?" என்ற
வினாவிற்கு பதில் சொல்லும்!
மனிதனாக வாழ முயற்சிப்போம்!
கனிவுள்ளவனாக வாழ்ந்து
"யார் மனிதன்?"  என  நிரூபிப்போம்! 

- பிரகதா நவநீதன்.  மதுரை

**

சுற்றும் ஞாலம்  அதில்
முற்றும் அன்புடன் வாழ
மனிதன் என்று  சொல்லும்
புனிதமான சொல்லுக்கு
தகுதியானவன் என
பகுத்தறிவுள்ளவர்கள்
சொல்வதை உணர்வோம்!
நாளை என்பது உறுதியில்லா
காலை விடியும் ஒவ்வொருநாளையும்
ரசித்து வாழ்வோம்...............!
அதுவே  மற்றவர்களுக்கு
 பொதுவாக   உணர்த்தும்  கருத்து
மனிதன் மனிதனாக  வாழ
கற்பதால்  வருவது  நிம்மதி!
ஏற்புடைய   வாழ்க்கை  வாழ்ந்து
வனப்புடைய  அமைதியினை  பெற
நீ  மனிதனாக  வாழ்!
யார் மனிதன்?  என்ற  வினாவிற்கு
சோர்வில்லாமல்   பதில்  அளிக்க
தளராதவனே..... மனிதன்!

-   உஷாமுத்துராமன்,  திருநகர்

**
தன்னுயிராய் எவ்வுயிரையும் நினைப்பவன்
....தன்னலமின்றி பிறருக்குக் கொடுப்பவன்
தன்னம்பிக்கை யோடுதினம் உழைப்பவன்
....தன்மானத்தை உயிராய் மதிப்பவன்
உறுதியான நெஞ்சம் கொண்டவன்
....உலகை அறிவால் வென்றவன்
இறுதிவரை முயற்சியோடு இருப்பவன்
....இன்னல்களை இன்பத்தோடு ஏற்பவன்
பசிக்கும் மனிதனைக்கண்டு துடிப்பவன்
....பசியாற வயிறுக்குசோறு கொடுப்பவன்
கசியும் கண்ணீரின்பொருள் புரிந்தவன்
....காலன்முன் காசுசெல்லாததை உணர்ந்தவன்
மரமாய் நின்றுநிழலைத் தருபவன்
....மழைபோல் வாழ்க்கை வாழ்பவன்
மரணத்தை வென்று நிலைப்பவன்
....மண்ணில் வரலாறாய் நிற்பவன்

- கவிஞர் நா. நடராஜ், கோயமுத்தூர்

**

வெந்ததை உண்டு விதியென மாயும் விழிப்பிலா வீணனா மனிதன் ?
நொந்துடல் தளர்ந்து நோயினில் வதைந்து நொடிபவன் தானா மனிதன் ?

வாழ்ந்திடும் காலம் வரையினில் வையம் வாழ்த்திட வாழ்பவன் மனிதன் !
சூழ்ந்தவர் வாழ்த்த துணையென நிற்கும் துடிப்புடன் சுடர்பவன் மனிதன் !

அருமையும் பெருமையும் அற்றவ னாக அலைந்திடும் அவனா மனிதன் ?
உருவினில் அழகாய் உளத்தினில் விலங்காய் உழல்பவன் அவனா மனிதன் ?

புத்தனும் ஏசுவும் வள்ளலார் காந்தியும் போலவே வாழ்பவர் மனிதர் !
சித்தரார் போலவும் பாரதி, தாசனாய்த் திகழ்ந்திவண் சிறந்தவர் மனிதர் !

கல்வியைத் தந்தநம் காம ராசராய், கக்கன்போல் வாழ்பவர் மனிதர் !
வல்லநம் பெரியார், அண்ணா, கலைஞராய் வாழ்ந்துயர் வளித்தவர் மனிதர் !

தமிழ்மொழிக் காகவும் தமிழினம் ஓங்கவும் தளரா துழைத்தவர் மனிதர் !
நமிலுயர் வானவர் நவிலுயர் மேன்மையர் நவிலரும் நல்லவர் மனிதர் !

எத்தனை ஆண்டுகள் வாழ்துளோம் என்பதில் ஏற்றமா காண்பான் மனிதன் !
இத்தனை ஆண்டுகள் இருந்ததன் செயலினால் இனிதிவண் வாழ்பவன் மனிதன் !

- படைக்களப் பாவலர்" துரை. மூர்த்தி,ஆர்க்காடு

**

]]>
poem https://images.dinamani.com/uploads/user/imagelibrary/2019/10/23/w600X390/swimming1.jpg https://www.dinamani.com/specials/kavithaimani/2019/oct/23/who-is-a-real-man-poem-by-dinamani-kavithaimani-readers-3261004.html
3256132 ஸ்பெஷல்ஸ் கவிதைமணி 'மதுரை’ வாசகர் கவிதை பகுதி 3 கவிதைமணி DIN Tuesday, October 22, 2019 08:57 AM +0530 மதுரை

கண்களின் வியப்பு அழகரின் மலையாம்
சொற்களின் வியப்பு தமிழெனும் மொழியாம்
நறுமண வியப்பு மல்லிகைப் பூவாம்
செவிகளின் வியப்பு இசைத்தமிழ்ப் பாவாம்
அணைத்திடும் வியப்பு வைகையென் றாறாம்;
சங்கங்கள் வியந்தே சிறந்ததிவ் வூரே
பெண்மையும் வியந்தே ஆண்டவோர் ஊரே
வீரமே செறிந்து வியந்ததோர் ஊரே
திருவிழா வியந்தே விழித்திடும் ஊரே
நான்மாடம் வியந்தே கூடிய ஊரே
கீழடி வியந்தே மூத்ததிவ் ஊரே - என்றும்
புதுமைகள் வியக்கும் இளமைக்கோர் ஊரே!

- கு. இரா, வடக்கு அயர்லாந்து

**

தூங்காத நகரமெனும் மதுரை ; தொன்மை
துலங்குகின்ற கூடலெனப் போற்றும் ஊராம்
தாங்கிநின்று தாயாகத் தமிழ்வ ளர்க்கத்
தகுசங்கம் நான்கிருந்த தமிழின் ஊராம்
பாங்காகப் பாண்டியர்கள் ஆட்சி செய்து
பார்போற்றும் தலைநகராய்த் திகழ்ந்த ஊராம்
மூங்கையனாம் குருபரனைப் பேச வைத்து
மூத்தபிள்ளைத் தமிழ்நூலைத் தந்த ஊராம் !
கள்ளழகர் இறங்குகின்ற வைகை யாற்றின்
கரைதனிலே அமைந்திருக்கும் அருமை ஊராம்
அள்ளியணைத் தின்னல்கள் போக்கி யின்பம்
அருள்கின்ற மீனாட்சி கோயில் ஊராம்
வள்ளியுடன் தெய்வானை இணைந்து வேலன்
வாழுதிருப் பரங்குன்ற அண்மை ஊராம்
உள்ளத்தை மயக்குகின்ற மல்லி கைப்பூ
உயரினத்தால் புகழ்பெற்று மணக்கும் ஊராம் !
பிட்டுக்கு மண்சுமந்த சிவனின் ஊராம்
பிழைபுரிந்த மன்னனுயிர் துறந்த ஊராம்
எட்டுதிக்கும் தெரியுமாறு உயர்ந்து நிற்கும்
எழிலான கோபுரங்கள் நான்கின் ஊராம்
வட்டமாகத் தாமரைப்பூ விரிந்த போன்ற
வடிவமுடன் ஒளிர்கின்ற வளமை ஊராம்
கட்டடத்துக் கலைமிளிரும் நாயக் கர்தம்
கவின்மகாலால் சிறப்புற்ற கவிதை ஊராம் !

- பாவலர் கருமலைத்தமிழாழன்

**

மதுரைக்கென்று மகத்துவங்கள் பல மிகவுண்டு!
தூங்கா நகரமாய்த் துலங்கிடும் அதுவென்றும்!
பாண்டியன் வாழ்ந்ததும் கோவலன் வீழ்ந்ததும்
வரலாற்றில் வந்துற்ற கரும்புள்ளி என்றிட்டால்
கோப்பெருந் தேவியும்  கொடுவிழி கண்ணகியும்
சரித்திரம் படைக்கவென்றே சமூகத்தில் உதித்தவர்கள்!
சங்கம்வைத்துத் தமிழ்வளர்த்த தங்கத் தமிழர்பலர்
வதிந்த மதுரையிலே வாழ்கின்றார் மீனாட்சி!
வேலைக்கு உணவென்ற வியத்தகு பண்பதுவை 
பிட்டுக்கு மண்சுமந்து பிரம்படி பட்டதனால்
உலகுக்கு உணர்த்திட்டார் ஓய்வில்லா சிவபெருமான்!
ஈசனே இயற்றினாலும் இருக்கும் தவறதனை
ஓசைப் படாமலேற்க ஒருநாளும் முடியாதென்று
உயிரினும் மேலாம் உயர்தமிழ் எமக்கென்று
கச்சை கட்டிய கவின்புலவர் நக்கீரனை
ஈன்றெடுத்த மதுரைக்கு ஏதுநிகர் உலகினிலே!
கீழடி ஆய்வுகளும் கிட்டிவரும் சான்றுகளும்
மதுரையின் பெருமைக்கு மகோன்னதம் பெற்றுத்தரும்!
மல்லி என்றால் மதுரையையே மனம்நினைக்கும்
மணமதுவோ நம்மூக்கின் துவாரம் துளைக்கும்!

-ரெ.ஆத்மநாதன்,  காட்டிகன்,சுவிட்சர்லாந்து

**

மருத மரம் மண்ணில் விளைந்திருக்க ,
மதுரம் எங்கும் திளைத்திருக்க ,
வைகை நதிக்கரையில் எழில் கொஞ்சும்
மாசில்லா மாநகரமே ! மா மதுரையே !
தமிழ் வளர்த்த சங்கங்கள்
ஆழிபேரலைகளில் அழிந்து போன போதிலும்
கடைச்சங்கம் அமைத்து தமிழ் வளர்த்த
பெருமை கொண்ட நகரமே மதுரையே !
மீனாட்சியம்மன் திருக்கோயிலுடன் நாயக்கர்மகால் மிளிர,
தொன்மை வாய்ந்த கூடல் நகரமே !
பல்வேறு ஆட்சியாளர்களால் ஆளப்பட்டாலும்
பாண்டிய மன்னர்களின் தலைமை நகரமே !
மண்ணில் பாரம்பரிய விழாக்களோ கோலாகலமாய்
கண்கவர் சித்திரை திருவிழாவுடன்,
காணும் பொங்கலுடன் மெய்சிலிர்க்கும் ஏறுதழுவலும் ,
ஆண்டு முழுவதும் கொண்டாட்டங்களின் எடுத்துக்காட்டாய் அமைய ,
கல்வியுடன் தொழில்வளம் செழிக்க கண்டு
விண்முட்டும் புகழுடன் குதூகலிக்குமே
மதுரை மாநகரமே !

- தனலட்சுமி பரமசிவம்

**

நாற்திசையிலும் கோபுரம்  சூழ,
மிதமாய்   வைகை  தவழ ,
பொற்றாமரை  குளம்  தமிழ்  கோல்  ஓச்ச, 
சங்கம்  வைத்து  தமிழ்  வளர்த்த ,
எங்கள்  மதுராபுரி  மதுரை !!
மண மணக்கும்  மல்லியும்  இங்குண்டு ,
குளு குளு  ஜிகர்தண்டாவும்  இங்குண்டு ,
சுட  சுட  இட்லி நடுசாமத்திலும்  பசியாற,  இங்குண்டு ,
வண்ண வண்ண சுங்குடியும்  இங்குண்டு ,
வகை வகை வளையல்  விற்கும்  வளையல்கார  வீதியும் இங்குண்டு,
என்றும்  திருவிழா  கோலம்  பூண்டு  இருக்கும்  எங்கள் திருவிழாநகரம்   மதுரை!!
நெற்றிக்கண்ணை  திறந்தாலும்  குற்றம்  குற்றமே 
என்று  நக்கீரன்  உணர்த்தியதும்  இங்கே ,
நியாயத்திற்காக  பெண்கள்    போராடவேண்டும் 
என்று  கண்ணகி  சிலம்பை  தூங்கியதும்  இங்கே ,
இன்று உயர்  நீமன்றத்தின்  ஓர் கிளையும்  இங்கே !!
இதுவே எங்கள்  மீனாட்சி  (மீன்)  ஆட்சி   செய்த    மதுரை !!
 
 - ப்ரியா ஸ்ரீதர்

**

மலையான் மகள் மீனாட்சி மண்ணாள பிறந்த பூமி
‘மாடு கட்டிப் போரடித்தால் மாளாது செந்நெல்‘
என யானை கட்டிப் போரடித்த வளமான பூமி
அண்ணன் அழகர் வைகை இறங்கி வருகையில்
சொக்கருக்கும் மீனாட்சிக்கும் திருமணம் முடிந்ததே
சோகத்தில் கோபத்தில் தல்லாகுளமிருந்து திரும்பினாரே!
கல்யாண விருந்துண்டு களைப்புற்ற குண்டோதரன்
தாகம் தீர்க்க நீர் சுரக்க உண்டானது வைகை ஆறும்
அவன் கைவைக்க, இன்றும் கையாளவே ஓடும் நீரும்
வைகை ஊற்றுப்பெருக்கால் மதுரை வளம் பெறுங்கால்
மாற்றுவளம் கண்டது சுற்றிச்சூழ் விரிகண்மாய்களால்
கண்மாய் பாசனமும் காணாமல் போனதே கயவர்களால்
கண்மாய்கள் மாயமாய் மறைந்தெப்படி மாநிலத்தீர்
மயங்க வேண்டாம், கண்மாய்கள் மேவி கட்டிடமாய், பணமாய்
மருவி, சிறு மழையிலும் வெள்ளப்பெருக்கு காணும் மாயை
மாணிக்கவாசகருக்கு வைகை பெருகியதுபோல் காண்பீர்
இன்றும், மதுரைக்கோவில் குளமதில் பொற்றாமரை காண்பீர்
அன்று மதுரையே தாமரைப்பூ வடிவில் அமைந்ததை அறிவீரோ
அண்டி சுற்றியமை நாற்புறத்தெருக்கள் தாமரையின் இதழ்களாம்
வண்டாடும் பூவின் மையமே வானாட்சி கொள் மீனாட்சிகோவிலாம்
பூவைச் சுற்றும் வண்டுகளாய் இன்றும் மக்கள் மதுரை நாடுவது
பூரிக்கும் வணிகச் சந்தையில் மூழ்கி, செல்வ முத்தெடுக்கவோ?

- மீனா தேவராஜன், சிங்கை

**

முத்தமிழ் சங்கம் கண்ட மதுரை.
மதுரை என்றாலே மல்லிகை பூ நினைவிற்கு வரும்!
மதுரை என்றாலே
கற்புக்கரசி கண்ணகியும் நினைவுக்கு வரும்!
மதுரை என்றாலே
ஆடல் வல்லானின்
திருவிளையாடல்கள்
நினைவுக்கு வரும்!

 மதுரை என்றாலே
இறைவனின் தலையிலிருந்து
வந்திட்ட இனிப்பு ( மதுரம்= இனிப்பு)

மதுரை என்றாலே
இது ஆடல் வல்லான்
கால்மாற்றி ஆடிய
நான் மாடக்கூடல்!

 மதுரை என்றாலே
தூங்கா நகரம்!
ஆலயம் சூழ்ந்த நகரம்!
வைகை நதி பாயும் நகரம்!
திருமலைநாயக்கர் அரண்மனை உள்ள நகரம்!

வைகை ஆற்றில்
கள்ளழகர் இறங்கும் விழா!
அவனியாபுரம் அலங்காநல்லூர் ஜல்லிக்கட்டு விழா!
மதுரைக்கு பெருமை
கூட்டும் விழா!

சீறாநாகம்!( நாகமலை)
கறவாபசு!(பசுமலை)
பிளிறா யானை!( யானைமலை)
முட்டாகாளை!( திருப்பாலை)
ஓடா மான்!( சிலைமான்)
வாடா மாலை!( அழகர் மலை)
காயா பாறை!( வாடிப்பட்டி)
பாடா குயில்!( குயில் குடி)
அக்காலத்தில் மதுரை
எல்லை ஊர்கள்.

மதுரை மனங்களை
கொள்ளை கொள்ளும்
அன்னை மீனாட்சி சொக்கநாதரின்
அருளாட்சிக்கு
அத்தாட்சி.

- கவிச்சித்தர் களக்காடுவ.மாரிசுப்பிரமணியன்.

**

மரகதக்கல் மீனாட்சி, மல்லிமணக்க, ஆயிரங்கால் மண்டபத்தில் அருளாட்சி  !
மெருகேற்றச் சிற்பத் தூண்கள், இரண்டின் அடுக்கு ஐந்து இரண்டொடு, இசைத் தூண்கள் ஏழும்  சிற்ப ஆட்சி !
(2×2×2×……10காரணிகள்=1024) 
நகரக் கட்டமைப்பும்,  திருமலை நாயக்கர் மகால் கட்டமைப்பும், மதுரையில் மனம் அள்ளும் காட்சி  !
சிறப்புக்கு, ஆற்றில் அழகர் இறங்கல், மீனாட்சிக் கல்யாணம், சித்திரைத் திருவிழா, தர்காவின் சந்தனக்கூடு திருவிழா சாட்சி  !
மதுரையை ஆண்டது பாண்டியர், சோழர், சுல்தான், விசயநகரப் பேரரசு, நாயக்கர், கர்நாடகர், ஆங்கிலயரே !
மதுரையின் எல்லை, சீறா நாகம், கறவா பசு, பிளிரா யானை, முட்டா காளை, ஓடா மான், வாடா மாலை, காயா பாறை, பாடா குயில் என்பரே !
இன்றோ, கிரானைட்,தகவல் தொழில்நுட்பம்,  மருத்துவ, சட்ட, வேளாண் கல்லூரி, மாநகராட்சி நிர்வாகத்திலே ! 
இனிய வானூர்தி, தொடர்வண்டி நிலையமும், தேசிய நெடுஞ்சாலைகளும் மாசில்லா, மதுரை நகரினிலே !
மதுரையை கண்ணகி எரியூட்டிய தணல்  இன்றும், வெயிலாய் காய்ந்திட, வெக்கைக்குச் சிகிர்தண்டா!
மதுரமாய் தேனும், இரவில், வணிகமும், ஆட்டுக்கால், பருத்திப்பால் கிடைக்கின்ற தூங்கா நகரமடா !
சீரும் பெருமையுமாய் நிர்வாகம் நடக்கையில், பிணக்கும் கொலைகளுமாய், சிலர் கோபக்காரடா !
சிந்தித்தால், மதுரை, நமக்கன்பும்,பிரியமும் காட்டி,  அணைக்கும் உறவாடா !

- கவிஞர் இலக்கிய அறிவு மதி.

**

]]>
poem kavithaimani https://images.dinamani.com/uploads/user/imagelibrary/2019/10/17/w600X390/Madurai_India.jpg https://www.dinamani.com/specials/kavithaimani/2019/oct/16/poem-by-readers-about-madurai-3256132.html
3250562 ஸ்பெஷல்ஸ் கவிதைமணி சாம்பலாய் முடியும் உடல் வாசகர் கவிதை பகுதி 2 கவிதைமணி DIN Thursday, October 17, 2019 03:09 PM +0530
சாம்பலாய் முடியும் உடல்

(அறுசீர்க் கழிநெடிலடி ஆசிரிய விருத்தம்)

ஆசைகள் ஆயிரம் கோடி
ஆனந்த வாழ்வைத் தேடி
பூசைகள் எல்லாம் பண்ணி
பூமியை வெல்ல எண்ணி
காசுகள் மலையாய்ச் சேர்த்து
காமத்தில் தேகம் வேர்த்து
நாசமே முடிவில் மிஞ்சும்
நமனின் பாசம் விஞ்சும் (1)

கருவறை முதல்தொ டங்கி
கல்லறை முடிய வாழ்வில்
ஒருவரும் இங்கே இன்பம்
ஒன்றியே வாழ்ந்த தில்லை
திருவருள் பெற்றால் கூட
திரும்பியே போக வேண்டும்
கருமுகில் கூட்டம் ஓர்நாள்
கரைந்துநீ ராக வேண்டும் (2)

மாடங்கள் ஆயிரம் உண்டு
மாளிகை ஆயிரம் உண்டு
கோடிகள் ஆயிரம் உண்டு
கொள்ளையாய்ச் செல்வம் உண்டு
தேடியே விருந்தை உண்டு
தேகத்தின் சுகங்கள் கொண்டு
நாடிகள் தளர்வ துண்டு
நாடகம் முடிவ துண்டு (3)

விதைகளில் எழுந்த பூக்கள்
விருந்தாக்கும் காம ஈக்கள்
கதையாய்த் தாக்கும் வேட்கை
கயிறறுந் தோடும் வாழ்க்கை
கதைகள் கோடிக் கற்றோம்
கற்றதை காற்றில் விட்டோம்
சதையினைத் தின்னும் மோகம்
சாம்பலாய் முடியும் தேகம் (4)

- கவிஞர் மஹாரதி

**

பிரசவத்தில் தொடங்கி
சவமாய் அடங்குவது
சாதாரண வாழ்கை!
தீ குளித்து சாம்பலாய்
முடிவது பட்டாசு வாழ்கை!
தீக்குளித்த பின்பும் மீண்டு எழுவது
ஃபீனிக்ஸ் பறவை வாழ்கை!

வாழ்கை சாம்பலாய் முடிவதற்குள்
சோம்பலை முறித்து
சாதனை படைத்து!
மூச்சு நிற்கும் முன்
முயற்சியை நிருத்தாததே
முன்மாதிரியான வாழ்கை!

இறந்தவர் உடலை தகனம் செய்தால்
சாம்பலாய் முடியும் யாக்கை!
இறந்தவர் உடல் உறுப்பை தானம் செய்தால்
சரித்திரம் படைக்கும் வாழ்க்கை!

மரணத்திற்கு பிறகும் வாழ
உடல் உறுப்பை தனம் செய்வோம்!

- கு.முருகேசன்

**

நித்திய வாழ்க்கை யென்று
தினம்தினம் எண்ணிக் கொண்டு
சத்தியம் மீறு கின்றார்
சகலமும் நிகழ்த்து கின்றார்!
புத்தியை அடகு வைத்து
புன்மையைப் போற்றி நாளும்
மத்திபம் கொள்ளு கின்றார்
மரணமும் மறந்து போனார்...

பிறப்பென கொண்ட மாந்தர்
பூதலம் தன்னில் மாயும்
இறப்பென ஆகும் போது
எரித்திட சாம்பல் ஆமே...
இருப்பன யாவும் இங்கே
இருப்பது இல்லை தானே...
அருவறுப் பொன்றில் யாவும்
ஆனது அறிக மாதோ...

சாம்பலாய் ஆகும் முன்னே
சமத்துவ மாக வாழ்ந்து
தீம்பலா நன்மை நல்கி
திசைகளில் வாழ்ந்தா லென்ன?
சோம்பலை முறித்து யாரும்
சோதரர் ஆனால் தப்போ...
காம்பென பற்றும் மாந்த
கருணையைக் கொள்க!வாழ்வீர்...

- அமிர்தம்நிலா.நத்தமேடு

**

வெள்ளி மலை மன்னவன்
வெண்ணீற்றின் தத்துவம்
புரிவோம் மானிடமே!
அன்றிலாய் இருந்தாலும்
ஆம்பலாய் திகழ்ந்தாலும்
இனிமையில் உருண்டாலும்
ஈகையில் வென்றாலும்
உத்தமன் ஆனாலும்
ஊரழிக்கும் பேரானாலும்
எத்தனாய் திரிந்தாலும்
ஏகாந்த பிரியனாலும்
ஐந்தறிவு உற்றனாலும்
ஒழுக்கம் விற்றாலும்
ஓசையை மறந்தாலும்
ஔடதம் தின்றாலும்

தந்தையின் ஒடுக்கத்தில்
தாவியே போகும் பொம்மை நாம்
இடையில் பிரிக்கும்
தடையாய் திகழும்
உடலைத் தீ எரித்து
உயர் சாம்பராய் மாற்றி
அணைத்துக் கொள்ளும்
சிவத்தின் மரை(றை) அடியை......

- சுழிகை ப.வீரக்குமார்.

**
நிலைத்து வாழும்
உயிர் ஏதுமுண்டோ;
அதற்குள் 
எத்தனை அகோரங்கள்;
தானே பெரியவன்
தானே செல்வந்தன்
என மனதுள்
தீயை வளர்த்து
தீமைக்குள் புகுந்து
தீராப் பழியுடன்
தீமையாய் வாழ்வதா
வாழ்க்கை;
சுவரைக் கெடுத்த சித்திரமோ
அதனின் நிலை;
தத்துவம் புரிந்து 
வாழ்வு இருக்கும் வரை
தன்னலமற்று வாழ்வோம்
மானுடப் பண்பைக் கொண்டு.....

- முகில் வீர உமேஷ், திருச்சுழி.

**

அன்பு தழைக்கும் இரு உள்ளங்கள்
ஈருடல் ஓருயிராக உருவான கரு
ஒய்யாரமாய் கருவறையில் துயில் கொண்டு
ஒப்பற்ற கனவுகளுடன் இப்புவியில் காலூன்ற,
வாழ்வியல் நன்னெறிகளுடன் அன்பும் பண்பும்
வரலாற்று பதிப்புகளில் மட்டுமே காண,
ஆசைகள் பேராசைகளாக , பணம் முதலிடம் பிடிக்க,
போட்டியும் பொறாமையும் உடன் கைக்கோர்க்க, 
பொய்யும் புரட்டும் தலைவிரித்தாட,
கொலையும் கொள்ளையும் மலிந்து போக;
சாம்பலாகி முடியும் உடல்
உயிருடன் தீக்கிரையாகி போகிறதே !
சாம்பலாகி முடியும் உடலுக்காக
வாழும் காலத்தை இனிதாய் வாழாது
வாழ்க்கை தளத்தை போராட்டத்துடன் கழிப்பதா ?
நிதானமாக சிந்தித்து செயல்படு மானிடா !

- தனலட்சுமி பரமசிவம்

**
பேராசைக் கனவுகளில் நீந்தி விளையாடுகிறோம்
சேராத சொத்துகளையும் சேர்க்க நினைக்கிறோம்
போராடி ஏமாற்றியே எண்ணிக்கை கூட்டுகிறோம்
நேராக நியாயமாக நடப்பதையே மறக்கிறோமே.

அன்பென்கிற மந்திரம் நாம் அறிவதில்லையே
தன்மையாய்ப் பேசிக் களித்தே சிரிப்பதில்லையே
பொன்னான நேரங்கள் நமக்குப் புரிந்ததில்லையே
மின்னலாய் தோன்றிடும் ஒளி நிலைப்பதில்லையே

இல்லாதோர்க்கு உதவும் பண்பு கற்றதில்லையே
நல்லார் நலிந்தாரிடை இனிதாய் பேசியதில்லையே
பொல்லாத பணச்சேர்ப்பு என்றும் விட்டதில்லையே
கல்லாதவர் அறிவுகூட நம்மை அண்டியதில்லையே

சேர்ப்பதை மறுஉலகு கொண்டுபோக முடியுமா
ஆர்ப்பரிப்பு அடங்கியபின்னே வேகம் வந்திடுமா
ஈர்ப்புடனிருந்த அழகு என்றும் நிலைத்திடுமா
நீர்த்து  சாம்பலாய் முடியும் உடல் எழுந்திடுமா

- கவிஞர்  ராம்க்ருஷ்

**

நெஞ்சிற்குள் விதைகளாய் அமைதியை நடல் !!
கண்களுக்குள் வேண்டும் ஒரு கருணைக்கடல் !!
தீமைகளின் மொட்டன்றோ – ஆசைகளை விடல் !!
சுருக்கு மூளைக்குள் விரித்திடு ஒரு அறிவுத்திடல் !!
பொய்மை நுழையாமல் தடுக்க ஒரு இரும்புப்படல் !!
தர்மத்தை தலையெழுத்தாகி வரைந்திடு ஒரு நன் மடல் !!
இவை எல்லாம் சொன்னது எது ?
அநீதியை, அராஜகத்தை , உள்ளிழுத்து வாழ்ந்து
பின் சாம்பலாகிப்போன  ஒரு உடல் !!

- கவிஞர் டாக்டர் எஸ். பார்த்தசாரதி -- MD DNB PhD

**
உடலும் நமதில்லை - அதில்
துடித்திருக்கும் உயிரும் நமதில்லை!
கூடு விட்டு ஆவி போன நொடி
நம் பெயரும் கூட நமதில்லை !
அடுத்த நொடியும் நிலையில்லை - இங்கு
கோபமும் வெறுப்பையும் மட்டும்
நிலையாக்கிக் கொண்டு
கிடைக்கும் சந்தர்ப்பத்திலெலாம்
நஞ்சினை உமிழ்ந்தபடி
உதாசீனப்படுத்தியபடியே வாழ்க்கை எனும்
பயணம்தனில் ஓடிக்கொண்டிருந்தால்
எதிர்க்காற்றில் நம் நஞ்சே
முகத்தில் அறைய
மூச்சடைத்து உயிரும் விடைபெற
வெற்றுச் சாம்பலாய் காற்றில்
கரைந்தோடி முடியும்
ஆடிய - ஆட்டுவித்த உடல் !

 - பி. தமிழ் முகில், ஆஸ்டின், டெக்ஸாஸ்
**

வாசனைத் திரவியங்கள்  பூச்சு

எண்ணைக் குளியல்

சோப்புக் குளியல்

முகப் பூச்சால் மினுமினுப்பு

 

மல் யுத்த வீராப்பு

வெடக்கோழிக் குழம்பு

விலா எலும்புக்  கறி சுவைப்பு

ஆட்டுக்கால்  சூப்பு

மஞ்சள் சாறு குடிப்பு

 

 கவர 

கண் கவர் உடுப்பு

 

வெள்ளை, கருப்பு 

நெட்டை,  குட்டை சலிப்பு

 

அனைத்தும் வீண்

சாம்பலாய் முடியும் உடல் !

- முத்துப்பாண்டி பரமசிவம்,  நத்தம்

]]>
Poem, kavithai https://images.dinamani.com/uploads/user/imagelibrary/2019/10/9/w600X390/ash.jpg https://www.dinamani.com/specials/kavithaimani/2019/oct/09/சாம்பலாய்-முடியும்-உடல்-வாசகர்-கவிதை-பகுதி-2-3250562.html
3250566 ஸ்பெஷல்ஸ் கவிதைமணி சாம்பலாய் முடியும் உடல் வாசகர் கவிதை பகுதி 3 கவிதைமணி DIN Thursday, October 17, 2019 03:07 PM +0530 உடல்தனிலே சாம்பல்தனைப் பூசுகின்ற தெல்லாம்
     ஓர்நாள்நாம் அதுஆவோம் என்பதனை உணர!
கடவுள்தனை அனுதினமும் தொழுதெழுந் தாலும்
    கைபிடிச் சாம்பலாவோம் என்றுணர்ந் திடுக!
மடமையறன்றோ இன்னதனை உணர்ந்திடா திருத்தல்,
      மரணத்தை வென்றவரிவ் உலகினிலே எவரோ?
திடமதனைக் கொண்டதனை ஏற்றிடல் வேண்டும்
       திருந்தியநல் மாந்தரென வாழ்ந்திடல் வேண்டும்!

சாம்பலென் றாகிடும் உடல்தானே -- இன்று
      சதிராட்டம் ஆடுது வாழ்நாளில்!
தாம்யெனும் அதிகாரப் போக்கென்ன -- கொடிய
      தண்டத்தை கைக்கொள்ளும் திமிரென்ன!
நாம்யெனும் பண்பாடு தனைமறந்தே -- வேண்டா
      நானெனும் அகங்காரம் தலைக்கேறி
வீம்புக்கு ஆட்டத்தை இடுவதெலாம்  -- கொடிய
      வினைகளை அறுவடை செய்வதற்கே!

நாமின்றுப் புனிதரெனும் நன்னிலையில் இருந்தாலும்
சாம்பலென் றாகாமை சாத்தியமோ? -- ஈங்கிந்த
மண்ணுலகில் பிறந்தயெவர் மரணமதைத் தவிர்த்திட்டார்,
எண்ணத்திலிதை மறவாமல் இரு!

- அழகூர். அருண். ஞானசேகரன்.

**

ஆஸ்தி எத்தனை சேர்த்தாலும் மனிதனின் 
அஸ்தி அடக்கம் ஒரு சிறு மண் குடுவையிலே !
அதற்குள்  எத்தனை எத்தனை குஸ்தி 
உறவுக்குள் இது என் ஆஸ்தி ,உன் ஆஸ்தி
என்று !

ஆட்டம் முடிந்து ஆறு அடி நிலத்தில் 
அடக்கம் ....இல்லை  அரையடி மண் குடுவையில் 
உடலின் சாம்பல் அடக்கம் !

இந்த வாழ்வின்  முடிவு  தெரிந்தும், முடிவும் 
சாம்பலும் அடுத்தவருக்கே ...எனக்கு இல்லை 
எப்போதும் என்னும்  மாயையில் வலம் வரும் 
மனிதர் பலர் உண்டே இங்கே !

மடிந்த பின் மண்ணோடு மண்ணாகி வெறும் 
சாம்பலாக மாறிய பின்னர் மீண்டும் 
உயிர்த்து எழ மனிதன் என்ன பீனிக்ஸ் பறவையா ?

- கந்தசாமி நடராஜன் 

**

சொர்க்கமும் நரகமும் வேறெங்கும்
இல்லையது இங்கே தான் என்பது
அறியாத வாழ்க்கை தொடர்கிறது
முடிவில் சாம்பலில் முடியும் உடல்

காற்றில் கலந்து மறைகிறது
ஜலத்தில் கலந்து கரைகிறது
சாம்பலில் முடியும் உடலானது
மனதில் இருந்து மறைகிறது

வாழ்க்கை வாழ்ந்து முடிகிறது
இரத்தங்கள் வீழ்ந்து துடிக்கிறது
உறவுகள் சூழ நடிக்கிறது போய்
சாம்பலில் முடியும் உடலுக்காய்

- வே. சகாய மேரி, அரியலூர் திருக்கை

**
அரிது அரிது மானிடராய்
பிறப்பது அரிது .
அவ்வையின்
அமுத மொழியிதை மறந்து
ஆசை அசூயை
அச்சம் குரோதம் 
கோபம் தாபம்
எதிர்ப்பு ஏமாற்றம் என
பல சுமைகள் சுமந்து
பரந்த உலகில் 
உழன்று திரியும் .
மனிதனைத் தேடி
மரணம் வருவதில்லை
மரணம் தேடியே
மனிதன் செல்கிறான் !
அரசனோ ஆண்டியோ
ஆடிய ஆட் டம் 
ஓடிய   ஓட்டம் 
அத்தனையும் முடிந்து
ஆன்மாவை இழந்து
அக்னியால் 
அணைக்கப்படும் உடல் !
இருக்கும் போது
ஒரு பிடி இதயம் !
இறந்த பின்னர்
முடிவில் மிஞ்சுவது 
ஒரு பிடி சாம்பல் !

- ஜெயா வெங்கட், கோவை

**

மானிட பிண்டமே ஆன்மாவாகிய
என்னை இதுநாள் வரையில்
சிறைப்பிடித்து வைத்திருந்து
விடுதலை தந்தமைக்கு நன்றி
 
வாழ்க்கையை சுமந்து சுமந்து
கெச்சிப்போய் கேட்பாரற்று கிடந்த
எனக்கும் விடுதலை தந்தமைக்கு
உமக்கும் எமது மனமார்ந்த நன்றி
 
வாழ்க்கை எனும் சுமைகளை சுமக்க இயலாது 
சுமந்தது போதும் சுமை தாங்கிக்கல் 
பிள்ளைகள் தலையில் இறக்கி வைத்து சுடுகாடு பயணம்
 
செல்லுவோர் எல்லோரையும்
வரவேற்கும் சுடுகாட்டில் சரணம்  
சாம்பலில் முடியும் உடல்களின்
அத்தியாயம் முடிவு பெறுகிறது
 
- ஆபிரகாம் வேளாங்கண்ணி கண்டம்பாக்கத்தான் 

**

பஞ்சுமெத்தை அறுசுவையின் உணவு என்று
----பலவிதமாய் இன்பத்தில் திளைத்த மேனி
கொஞ்சுகின்ற மனைவியொடும் மக்க ளோடும்
----கொண்டபிற சுற்றமுடன் திகழ்ந்த மேனி
அஞ்சுதற்கும் அஞ்சாமல் ஆண வத்தில்
----அடுத்தவரை ஏளனமாய்ப் பார்த்த மேனி
வஞ்சகத்தை வன்மத்தை மனத்துள் வைத்து
----வாஞ்சையினைக் காட்டல்போல் நடித்த மேனி !
தலைநரைத்து வெளுத்தபோது கறுப்பு வண்ணம்
----தடவியதை எழிலாக ஒளிர வைத்தும்
சிலைபோல இருந்தஅங்கம் தோல்சு ருங்கிச்
----சிதைந்ததினை ஒப்பனையில் ஒளிர வைத்தும்
குலைந்துறுப்பு தளர்ந்துகூனாய் வளைந்த போதும்
----குனிமுதுகை ஆடைகளால் அழகு செய்தும்
நிலைத்திருக்க முயற்சிபல செய்த போதும்
----நில்லாமல் உடலதுவும் சாய்ந்து போகும் !
சாம்பலாகும் உடலதுவும் என்ற றிந்தும்
----சாவதுவும் உண்மையெனத் தெரிந்தி ருந்தும்
ஆம்பலது நிலவுகண்டு மலர்தல் போல
----அன்புதனில் மனம்மலர்ந்தே அணைத்தி டாமல்
வேம்பதனின் கசப்புதனை நெஞ்சில் வைத்து
----வேதனைகள் பிறர்க்களித்து மகிழ லாமா
காம்புகள்தாம் கனிகளினைத் தாங்கல் போன்று
----காத்திடுவோம் சாம்பலாகிப் போகு முன்னே !

- பாவலர் கருமலைத்தமிழாழன்

**

சாணமெல்லாம்   எருவாகும்;   புல்பூண்டு   போன்ற
      செடிகொடிகள்   இலைத்தழைகள்  பயிர்விளைய   நல்ல
ஆனவரை   இயற்கையுர  மாகியேதான்   சத்து
      அளிக்கின்ற  மருந்தாகும்;   பாம்பினது   நஞ்சும்
போனவுயிர்   மீட்டெடுக்கும்   மருந்தாகும்;  ஆனால்,
       பகட்டான  வாழ்வுவாழ்ந்த   மாந்தரது   மாண்ட
ஈனவுடல்  தீயிட்டு  எரித்தாலும்  சாம்பல்
      இயற்கையுரம்  ஆவதில்லை  எனவுணர்தல்  வேண்டும்!

சாம்பலாக  உடலெரிந்து   போனபோதும்   நல்ல
        செயல்களாலே   மண்ணுலகு   உள்ளவரை  வாழ
சூம்பிடாத   தொண்டாற்றி   நல்வழியில்  சென்று
       தரைதோறும்   போற்றுகிற   நற்பணிக  ளாற்ற
வேம்புகூட   இனிக்கின்ற   அமுதாகும்   பாங்கில்
       வையத்தை   உயிர்விக்கும்   உயர்பொருளாய்ச்   சாம்பல்
கூம்பிடாத   பேர்புகழில்  உலகுளவ   ரையில்
      கைத்தொழுகும்   இறையாகும்; இஃதுணர்ந்து   வாழ்வீர்!

- "கவிக்கடல்", கவிதைக்கோமான், பெங்களூரு.

**

நேற்று எரியூட்டிய சடலத்தின்
சாம்பலைக்
கொண்டு வந்தார்கள்.
கைப்பிடிச் சாம்பலில்
பூதக் கண்ணாடி வைத்துப்
பார்த்தேன்
கடமையைச் செய்யக்
கையூட்டு வாங்கிய
கைகளைத் தேடினேன்
பார்வையாலும் பெண்களைப்
பாலியல் துன்புறுத்தல் செய்த
கண்களைத் தேடினேன்
வெறி ஏறஏற மதுசுவைத்து
நல்லோரை ஏசிய
நாவினைத் தேடினேன்
காசை விட்டெறிந்து
கடவுளெனத் தன்னைப் புகழ்வதில்
சிலிர்த்த
செவிகளைத் தேடினேன்

அதிகாரத் திமிரில் நடந்த
அந்தக் கால்களைத் தேடினேன்
அடுத்தவர் சொத்துகளை
அபகரித்த
அந்த
ஆசை ஒளிந்திருந்த இடம் தேடினேன்
நொடிப்பொழுது வீசிய காற்று
விழுங்கிச் சென்றது
அந்தச் சாம்பலையும்.

-கோ. மன்றவாணன்

**

ஆசையில் உயிரெனப் பிறந்து தியாக
அன்னையின் அன்பினில் ஊறி சிறந்த
தந்தையின் அறிவினில் வளர்ந்து சக
உறவுடன் உரிமையில் ஆடி நல்ல
நண்பர்கள் உடன்வரப் பழகி இனிய
கல்வியும் கேள்வியும் பயின்று பருவம்
வந்ததும் மணமதை முடித்து இன்பத்
துணையுடன் காதலில் திளைத்து மண்ணில்
வாழ்ந்திடப் பொருளது தேடிப் புகழ
மக்களை மகிழ்வுற வளர்த்து கோடி
எண்ணங்கள் மனதினில் பிடித்து தளர்
முதுமையில் பிணிபல பெற்று ஒரு
வேளையில் உயிரதைத் துறந்து பிடிச்
சாம்பலாய் உடலிது முடியும் இந்த
வாழ்வினில் கவலைகள் ஏனோ? பல
இன்னல்கள் கோபங்கள் விடுத்து தூய
சிந்தனை செயல்களும் பிடித்து ஞான
இறையெனும் இயற்கையில் இணைந்து சீர்ந்த
அறத்துடன் தருமமும் செய்து வாழ்வை
இனிதுடன் வாழ்ந்திடு வோமே!

 - கு. இரா, வடக்கு அயர்லாந்து

**
வயிறிருந்தும்   வளமான    வாழ்வி   ருந்தும்,
       வயிறார   உண்பதற்கு   வழியு   மற்று,
உயிர்வதையாய்  நோயினிலே  துடித்த  போதும்,
        உளமுருகி   இல்லார்க்கு   வழங்கா   ஈனர்
தயிர்கடைந்தும்   வெண்ணையில்லா   நீரைப்  போன்ற
        தகுதியிலா  வீணான   வாழ்வு   வாழ்ந்து
பயிர்விளையா  களர்நிலமாய்க்   கிடப்போர் மாய்ந்தால்
        பிடிச்சாம்ப(ல்)   ஆகுமுடல்   எருவு(ம்)  ஆகா!
   
செங்கதிரால்    வானுக்குப்   பெருமைக்   கூடும்;
           திங்களாலே   இரவினுக்கு   ஒளியும்  வாய்க்கும்;
செங்கடலால்   நீரினங்கள்   மகிழ்ந்து   வாழும்;
           தோகையினால்   மயிலுக்கு   புகழைக்  கூட்டும்;
அங்கமெல்லாம்   அன்புஅறம்   ஒழுக்கம்  மாண்பு
         அடக்கம்நற்   பண்புஈயும்   குணமும்   போன்ற
தங்கமொளிர்   நன்னடத்தைப்   பெற்ற   வர்கள்
         சாம்பலாகி   முடியுமுடல்   புகழை   எய்தும்!

- நெருப்பலைப் பாவலர், இராம இளங்கோவன், பெங்களூரு.

**

படிக்காத அமைச்சர்கள் எத்தனை ஊழல் செய்தாலும்,
"மாண்புமிகு அவர்களுக்கு" வெஞ்சாமரம் வீசும் படித்த அதிகாரிகளே!

படிக்காத வெகுளி அமைச்சர்களிடம்
உள்ளடி வேலைசெய்து,
தன் காரியத்தை சாதித்துக்கொள்ளும் படித்த அதிகாரிகளே!

பாவம் படிக்காத அமைச்சர்கள்!
அவர்கள் என்ன செய்வார்கள்?
வறுமையின் கோரதாண்ட வத்தால் படிக்காமல் போய்விட்டது 
இல்லையென்றால் படித்து உங்களைப்போலவே சாதித்திருப்பார்கள்

அதனால் தான் மகாகவி அன்றே சொன்னார்,
இதைக்கொஞ்சம் ஞாபகத்தில் வைத்துக்கொள்ளுங்கள்;
"படித்தவன் தவறு செய்தால் 
அவன் ஐயோஐயோவெனப்போவான்",
இன்றைய தேதியில் சொல்ல வேண்டுமென்றால்,
குய்யோமுய்யோவெனப்போவான்.

- ம.சபரிநாத்,சேலம்

**

சதிராடும் மானிடனே உடன் உணர்ந்திடு
சாம்பலாய் முடியும் உடல் உன் உடல் !

தான் என்ற ஆணவம் அகற்றி விடு
தன்னைப் போலவே பிறரை நேசித்திடு !

எல்லாம் எனக்குத் தெரியும் என்று
எப்போதும் நீ  எண்ணி விடாதே !

உனக்குத் தெரியாதவை கோடி உண்டு
உன்னை மட்டும் உயர்வாய் எண்ணாதே !

என்னை வெல்ல யாரும் இல்லை
என்று நீ எப்போது எண்ணாதே !

உன்னை வெல்ல ஒருவன் உண்டு
ஒருபோதும் கர்வம் கொள்ளாதே !

நிலையற்ற உலகில் எதுவும் நிலையன்று
நிரந்தரமாய் வாழ்வோம் என்று எண்ணாதே !

எந்த நிமிடமும் நிகழலாம் உன் மரணம்
என்பதை நினைவில் நிறுத்தி அன்பு செய் !

- கவிஞர் இரா .இரவி

**

கரையில்  அமர்ந்து  நினைவுகளை  அசைபோட்டேன் ,
காலத்தின்  போக்கு  அவள்   உன்னுள்  ஐக்கியம்  ஆனாள்!
இன்று  நானோ  ஏங்குகிறேன் ,
சாம்பலாய்  முடியும்  இந்த  உடலையும்,
மீண்டும்  அவளோடு சங்கமிக்க,
என்  மகன்  எப்போது  உன்னில்  கரைத்து  செல்வான் என்று,
அலைகள்   ஒய்வதில்லை  என்றும் ,
கடலில்  சங்கமம்   ஆகும்  எங்கள்  வாழ்வும்  நினைவலைகளே!!
 
- ப்ரியா ஸ்ரீதர்

**

 

 

அரசன் முதல் ஆண்டிவரை ஆட்டமிட்டு ஓய்ந்த பின்பு

காற்றடைத்த பையிலிருந்து காற்றதுவும் போன பின்னால்

பிணமென்றே பெயர்சூட்டி பேருறவும் பின் தங்க

காட்டிடை வைத்துக் கழுந் தணலை உடலிலிட்டு 

ஆற்றிடைத் தலைமுழுகி அத்தனையையும் மறந்து

வீடு போய்ச் சேர்ந்திடுவார்! வீட்டையும் கழுவிடுவார்!

அனலிட்ட மெழுகாகி அப்படியே உடல் வெந்து

சாம்பல் வடிவாகும் சங்கடங்கள் பறந்தோடும்!

 

பிறந்த வினாடி முதல் பின்னால் துறத்திய சாவு

வென்று விட்ட மகிழ்ச்சியிலே விட்டாரம் தானேற

இருந்தவரை யாருக்கும் இயல்பாய் உதவியிருந்தால்

மகராஜன் இன்று போனானே என்று மனம் வெதும்பி

உள்ளக் கோயிலிலே உயர்வாய் மதித்திருப்பர்!

தாறுமாறாய் வாழ்வைத் தடம் மாறி வாழ்ந்திருந்தால் 

ஒழிந்தான் ஒரு மூடன் என்றே ஊருலகும்

விடுதலை பெற்ற வீறில் மகிழ்ந்திருக்கும்!

 

நீர்க்குமிழி வாழ்க்கை நில்லாது எனத்தெரிந்தும்

போர்க்குண வாழ்க்கை புகழ்தராது என்றறிந்தும்

நியாயங்கள் விடுத்து நயவஞ்சகம் ஒன்றினையே

கட்டவிழ்த்து விட்டுக் கடினமாய் வாழ்ந்தவர்கள்

ஒருபிடி சாம்பலாய் உரமாய் இம் மண்ணுக்கு 

மாறுவோம் என்பதை மனமார அறிந்திருந்தும்

ஏறுக்கு மாறாய் எதற்கும் பயனின்றி 

வாழ்ந்திடுதல் நன்றோ?வாழ்வோரே சிந்திப்பீர்!

-ரெ.ஆத்மநாதன்,  கூடுவாஞ்சேரி

**

அன்பும் அறிவும் அணுவும் இன்றி அரக்கர் போலே பலரிங்கே !
துன்பம் செய்தும் தொல்லை தந்தும் துணிவாய்ப் பலரும் தொடர்ந்திங்கே !

ஒருவர் கெடுத்தே ஒருவர் உயர ஓயா ஆட்டம் பலயிங்கே !
ஒருவர் பணத்தை ஒருவர் பறிக்க ஒட்டி உறவாய் நிதமிங்கே !

பெண்ணை ஆணும் ஆணை பெண்ணும் பேணி ஏய்க்கும் பிழையிங்கே !
மண்ணுக் காக பொன்னுக் காக மண்டும் துயர்கள் மலிந்திங்கே !

பணத்தைக் கொடுத்து பன்மடங் காகப் பறித்தல் பலரின் பணியிங்கே !
பணத்தை இழந்து அவரிடம் கொஞ்சும் பாவ நிலையும் படர்ந்திங்கே !

மணியும் அணியும் மலைக்க அணிந்தே மயங்கும் மாந்தர் மனமிங்கே !
பணிவே இன்றி பணியை வாங்கும் பாவப் பட்ட பலதிங்கே !

இருக்கும் வரையில் ஆடும் ஆட்டம் எண்ண முடியா நிலையிங்கே !
பொருத்தம் இன்றி புவியில் வாழ பொருந்தி நாளும் அலைந்திங்கே !

அழகு உடலில் உயிர்தான் போனால் ஆகும் பிணமாய்ப் பெயரிங்கே !
தழலில் உடலும் எரிந்து முடிந்தால் சாற்ற ஏது நிலைத்திங்கே !

- 'படைக்களப் பாவலர்' துரை. மூர்த்தி, ஆர்க்காடு.

]]>
https://images.dinamani.com/uploads/user/imagelibrary/2019/10/9/w600X390/624175845_5b3643b162_o.jpg சாம்பல் நிறப் பூனை https://www.dinamani.com/specials/kavithaimani/2019/oct/09/kavithaimani-poems-3250566.html
3256119 ஸ்பெஷல்ஸ் கவிதைமணி 'மதுரை’ வாசகர் கவிதை பகுதி 1 கவிதைமணி DIN Wednesday, October 16, 2019 10:00 AM +0530 மதுரை

அமிழ்தினும் இனிய
தமிழ் வளர்த்த
மாமதுரையே!
கீழடி மட்டும்
உன்னுள் புதைக்கப்பட்ட
வரலாறுகள் அல்ல!
உலகெங்கிலும் தமிழ்
நறுந்தேனாய்
முழங்கிய காலம்
இன்னமும் பல
இடங்களில் மௌனமாய்
கற்றறிந்தார்போல
இனித்துக் கிடக்கிறது!
அழகர்பெருமாளாய்
திருப்பரங்குன்றத்தவனாய்
மீனாட்சியின் பதியாய்
எல்லா இறையும்
ஒன்றென அன்பெனும்
தத்துவத்தை உணர்ந்த
உன் நகர் புகழை
வாழ்த்துவோமே!

- நிலா

**

பற்பலநூற் றாண்டுகளாய் உயிர்ப்பாய் நிற்கும்
       பத்மமலர் போலமைந்த நகரம் எங்கள்
சிற்பநிறை சிங்காரக் கோயில் கொண்ட
       சிறப்புமிகு மதுரையம் பதியே ஆகும்
தற்பெருமை இல்லையிது தாமு ணர்ந்த
       சத்தியமே இன்றளவும் பெருமை பாடும்
நற்புராணத் திருவிளையா டல்கள் யாவும்
      நடந்தவிடம் வைகைநதிக் கரைமண் ணாகும்

நான்மாடக் கூடலெனப் பெயரைக் கொண்டு
      நற்கோவில் நகரமென விளங்கும் மண்ணில்
தேன்தமிழின் சங்கமெலாம் இலக்கி யங்கள்
     திகழும்பொற் றாமரைக்கு ளத்தில் நன்றாய்
வான்புகழ அரங்கேற்றி மகிழ்ந்த தன்றோ
     வண்ணத்தேர் பவனிவர மீனாள் காணும்
கோன்போற்றுந் திருவிழவின் கோலங் கண்டால்
     கொள்ளையெழில் மதுரைக்குக் கூடு மன்றோ.

கள்ளழகர் எழுந்தருளும் காட்சி காண,
      கண்களெலாம் வைகையிலே அலையு மன்றோ
எள்ளளவும் குறைவிலாத வீரங் கொண்ட
      எழுச்சியுறு மக்களவர் ஊரே யன்றோ
துள்ளுதமிழ்ப் பேச்சுக்குச் சொக்கா தார்,யார்
      தோன்றுகின்ற அங்கயற்கண் ணியருள் கின்ற
அள்ளுமெழில் ஆலயந்தான் அணியாய்ச் சூடி
      அன்றுமின்றும் என்றுமொளிர் மதுரை யன்றோ!

- கவிமாமணி "இளவல்" ஹரிஹரன், மதுரை

**

புத்தக ஏடுகளை விழுங்கியது
பொற்றாமரைக் குளம்...
புனல்வாதம் நிகழ்ந்த போது!
கொற்றவனின் கொடிமீனைக்
கூசச் செய்தன
மீனாட்சியின் விழிச்சுடர்கள்
கள்ளழகர்
கடந்த கால நதியைத் தேடிவந்து
ஏமாறுகிறார் ஆண்டுதோறும்
ஒவ்வொரு கவிதைப் போட்டியிலும்
தாங்க முடியவில்லை
தருமிகளின் ஆதிக்கம்
நக்கீரன் இல்லாததால்
தனக்குத் தானே பட்டம் சூடித் திரிகிறார்கள்
தமிழ்க்கவிஞர்கள்
சங்கம் வைத்துத்
தமிழ்வளர்த்த மதுரையில்
பெரிய எழுத்து இந்தி
கோவில் மண்டபத்தில்
இன்னமும் சில பாட்டிகள் இருக்கிறார்கள்
பிட்டுக்கு மண்சுமந்த சிவனைக் காண

- கோ. மன்றவாணன்

**

அன்று மீன் ஆட்சி 
ஆள்வோர் கொடியில்
இன்று மீனாட்சி
ஈர்க்கும் மதுரையை
உலகம் உவக்கும்
ஊக்கமாய் கீழடி
என்றும் தூங்கா
ஏகாந்த மதுரை
ஐயம் இல்லா
ஒற்றுமை உணர்வு
ஓர் நீதி ஓர்குடை
ஒளவை இருந்த
சங்கப் பலகை- அதுவே
இளமை மாறா எக்ஸ்ப்ரஸ் மதுரை.
தினமும் மணக்கும் ஓர் மணி- தினமணி

- கவிதாவாணி மைசூர்

**

பொதுமறை என்னும் திருக்குறள் நூலை
     பொலிவுடன் அரங்கேற்றிப் - புகழ்
எதுவரை எனும்படி இயம்பிடா ஏற்ற 
     ஏற்றத்தை ஏற்றநகர் !

முத்தமிழ்ச் சங்கம் வளர்த்தத னாலே
     மொழியும் முதன்மைநகர் !- நான்கு
முத்தெனும் கோயில்கள் முகிழ்த்தத னாலே
     நான்மாடக் கூடல்நகர் !

மதுரைக் காஞ்சியும் சிலப்பதி காரமும்
     மதுதமிழ்த் தேன்பாய்ச்சும் !- அந்நாள்
மதுரை மக்களின் மாண்பினைப் பற்றி
     மலைத்திடக் கதைபேசும் !

வீதிகள் அழகினை விளக்கியே காட்டிடும்
     வியன்தமிழ் வழிதுலங்கும் !- அவ்
வீதிகள் திருவிளை யாடற் புராணத்தில்
     வியக்கவே தான்விளங்கும் !

மல்லிகை மலரால் மணந்திடும் நகரம்
     மாட்சி மிகுநகரம் !- மதுரை
சொல்லினில் அடக்க முடிந்திடா தென்றும்
     தொன்மை மாநகரம் !

- ஆர்க்காடு. ஆதவன்

**

மீன் ஆட்சி செய்ததும்
மீனாட்சி வாசம் செய்வதும் மதுரை!
நாயக்கரும் மருதநாயகரும்
ஆண்ட பூமி மதுரை!

வைகை நதி ஓடும் கூடல் நகர்
சங்கம் வைத்து தமிழ் வளர்த்த
பாண்டிய நாட்டின் தலைநகரம்!
தமிழ்ப் பண்பாட்டின் தலைநகரம்!
தொன்மையான தூங்க நகரம்-இதை
தொல்லியல் ஆய்வும் பகரும்!

மதுரை மல்லி மணம் வீசும்
மதுரைத்தமிழ் குணம் பேசும்!
சித்திரைத் திருவிழா
சிறப்பு சேர்க்கும்!
கள்ளழகர் ஆற்றில் இறங்குவது
அனைவரையும் சேர்க்கும்!

மதுரை அலங்காநல்லூரில்
திமில் வைத்த காளை வரும் துள்ளிக்கிட்டு- அதை
மீசைவைத்த காளை வந்து அடக்குவது ஜல்லிக்கட்டு!

மதுரை சில அரசியல்வாதிக்கு
கொடுத்தது சிறப்பு அதிகாரம்!
இலக்கியவாதிகளுக்கு கொடுத்தது
சிலப்பதிகாரம்!

உலகிலேயே சதுரமாகவும்
சாதுர்யமாகவும் வடிவமைக்கப்பட்ட நகரம்!

பள்ளியில் கல்விக் கண்திறந்த காமராஜருக்கு
பல்கலைக்கழகம் அமைத்த நகரம்!

பாண்டிய மன்னன் நீதி சொன்ன இடத்தில
நீதிமன்றம் அமைக்குது அரசு!
மாடு பிடிக்கும் வீரர்கள் உள்ள ஊரில்
மருத்துவமனைக்கு இடம் பிடிக்குது அரசு!

- கு.முருகேசன்

**

முதல் இடை கடைச் சங்கங்களின் எழுச்சி மதுரையிலே
சுதந்திரமாய் தமிழ்க் காற்று வீசியதும் அங்கே தான்
இதந்தரும் செந்தமிழ்ப் புலவர்களின் இருப்பிடமானதே
முதலில் நக்கீரருக்கு சிவன் முக்கண் காட்டியதுமங்கே

சொற்பேச்சு கேட்டு ஆராயாது தந்த பாண்டியன் தீர்ப்பு
விற்க சிலம்பெடுத்து வந்த கோவலனின் சாவில்முடிய
விற்களின் வீச்சில் வாதாடி மாணிக்கப்பரல்கள் என்றாள்
சொற்களில் சினங்கொண்ட கண்ணகி மன்னனிடம்

நாணயத்தின் நல்லுருவம் பாண்டியன் மனம்புண்பட
ஆணவமழிந்து அக்கணமே உயிர்விட்டான் ராணியுடன்
கோணலற்ற ஆட்சி நடந்த மண்ணில் சிறுதவற்றால்
நாணலும் எரிந்துபோகுமளவு மதுரை எரிந்துபோனதே

முத்து வணிகத்திலே சிறந்து விளங்கிய நகரம் அது
வித்தாய் ஆன்மிகம் வளர மீனாட்சியம்மன் கோயில்
எத்திக்கும் எங்கும் கோயில்கள் சத்திரங்கள் இருந்ததே
புத்திக்கு என உலகத் தமிழ்ச் சங்கம் கண்டதே அரசும்

கூடல் நகர் கடம்பவனம் என இலக்கியம் கூறும் மதுரை
பாடல்பெற்ற திருமலை நாயக்கர் மகாலின் அழகுடன்
தேடலுடன் தென்தமிழ்நாட்டின் சுற்றுலாத் தலமல்லவா
வாடலற்ற பழந்தமிழின் பெருமை பேசும் நகரமல்லவா

- கவிஞர் ராம்க்ருஷ்

**

பஃறொளி ஆற்றின் கரையிலே எங்கள்
பண்டையர் வாழ்ந்த பாண்டித் தலைநகர்;
குமரியை அமிழ்திட்ட கடற்கோள் கடந்து;
வையைக் கரையில் புகுந்து எங்கள்
வம்சந் தழைத்தச் சங்க வைத்து;
தமிழை வளர்த்து தரணிக்கே
தங்க ஆச்சாரம் தந்து;
உலக மனிதனின் பாட்டன் பிறந்து;
உன்னத அன்னையுமை ஆண்டு;
பழங்கதைகள் நிறைந்து;
வெறுங்கதை இல்லா புகழ்கதை ஆகி;
பூந்தோட்டம் மேவி பூச்சிந்தும் தேன்
வையையாகிப் புறப்பட்ட இடமோ!
அதனை உரைப்பதால் மதுரையோ!
யானை கட்டிப்போராடிக்கும்
வளமை கொண்டது;
உலகப் புகழ்க் கோயிலின் அருளைக் கொண்டது;
சிலம்புக்கதை திருப்பம் தந்த
வாழ்க்கதை மாற்றும் நகர்;
போற்றும் தமிழ் நூல்களெல்லாம்
மதுரை நகர் தந்த சங்கத்தாலே;
கீழடியில் பார்ப்பதெல்லாம் உயர்ந்த முகட்டின் வடிவினையே.......

- ப.வீரக்குமார், திருச்சுழி.

**

பண்டைய கால நகரிது,
பைந்தமிழ் வளர்ந்த ஊரிது,
பண்பட்ட நாகரீகத் தொட்டிலிது,
கீழடி என்ன மேலுலகையும் வென்ற  ஊரிது,
தடாதகைப் பிராட்டியாரின் வீரம்
சொல்லும் ஊரிது,
மருத நிலங்களின் மத்தியில்
அமைந்த ,  தமிழ்மது உரைக்கும் பூமியிது,
சங்கத்தில் பழுத்த சான்றோரின்
சொந்த ஊரிது,
இறையையே தமிழால் எதிர்த்த ஊரிது,
மங்காப் புகழோடு என்றும் நிலைக்கும் எங்கள் ஊரிது,
வையை வளம் தரும் பாண்டிப் புவியிது,
பல்கலை வளர்த்த எங்கள் மதுராபதி இது......

- முகில் வீர உமேஷ், திருச்சுழி.

**

சங்க காலம் முதலாகச்
     சான்றாய் விளங்கும் மாமதுரை !
சங்க காலம் அடியொற்றித்
     தமிழை வளர்க்கும் தனிமதுரை !
எங்கும் சதுரம் சதுரம்போல்
     ஏற்ற வீதி எழில்மதுரை !
எங்கும் சாதி மதமின்றி
     இணைந்து வாழும் ஊர்மதுரை !

ஓங்கி உயர்ந்த கோயில்கள்
     உவக்கப் பெற்ற உயர்மதுரை !
தூங்கா நகரம் எனும்பெயரால்
     துலக்கும் பேரூர் தொல்மதுரை !
பாங்கார் பண்பைப் பரப்புவதில்
     பாரே போற்றும் பதிமதுரை !
தாங்கித் தமிழை வளர்த்ததிலே
     தன்னேர் இல்லாத் தகுமதுரை !

பிட்டுக் காக மண்சுமந்த
     பெருமை பேசும் பெயர்மதுரை !
சிட்டு ஆண்டாள் திருமாலின்
     சீரார் சிறப்பால் திகழ்மதுரை !
வெட்டப் பட்ட கோவலனால்
     வீழ்பாண் டியன்தன் கதைமதுரை !
மட்டில் கற்புக் கண்ணகியால்
     மாய்ந்தே தீய்ந்த மண்மதுரை !

அன்றும் இன்றும் புகழ்பெற்ற
     அரிய நகரம் நம்மதுரை !
இன்றும் என்றும் ஏற்றமுடன்
     இலங்கும் நகரம் நம்மதுரை !
முன்னோர் வழியே வீரத்தின்
     முதலாய் இன்றும் நம்மதுரை !
தன்னேர் இல்லாத் தமிழர்தம்
     சான்றாய்த் திகழும் நம்மதுரை !

- 'படைக்களப் பாவலர்' துரை. மூர்த்தி ,ஆர்க்காடு.

**

சிவன் மகிழ்வுடன் தூவினான் தேன்—
மதுராபுரியாய் பிறந்தது ஒரு ஊர் !!
மக்கள் சொற்களில் மதுரம் பொங்கும் –
மதுரையாய் வழுவியதைப் பார் !!
சந்து பொந்துகளில் சங்கத்தமிழ் கிளைகள் –
கீழே பாய்ந்து பரவியது வேர் !!
தூங்கா நகரம் – தூய்மையில் தோய்ந்த உழைப்பு –
செழிக்கச்செய்தது வைகை ஆற்று நீர் !!
மண்ணிற்கு மேலேயும் வைரங்கள் மொட்டு மொட்டாய்—
ஆம் – அந்த மல்லிகையை அணைக்க போட்டியிட்டது நார் !!
காளைகள் அடக்க காளைகள் ஆர்வம் எதற்கு ?
விடை வேண்டும் ! வெற்றிச்சாறை பருகுவது யார் ?
நகரமுண்டோ இது போல் வியந்தது இந்த பார் !!
பெருமை சொல்ல ஏது மொழியிலே சீர் ?

- கவிஞர் டாக்டர் எஸ். பார்த்தசாரதி -- MD DNB PhD

**

சங்கம் வைத்துதமிழ் வளர்த்தஇடம்
....சமுதாய வாழ்வு செழித்தஇடம்
தூங்கா நகரமாய் விளங்கும்இடம்
....தமிழரின் வரலாறு நின்றஇடம்
பாண்டிய மன்னனின் தலைநகரம்
....பண்பாடு சொல்லும் பழம்பெருநகரம்
கண்ணகி கோவலன் வாழ்ந்தநகரம்
....கன்னித்தமிழோடு காலம்நின்ற நகரம்
திருவிழாக் கொண்டாடும் கோயில்மாநகர்
....தமிழ்த்திருமகன் நக்கீரர் பிறந்த ஊர்
திருமலைநாய்க்கர் மகால்உள்ள அழகுஊர்
....தமிழ்நாட்டின் ஏதேன்சுபெயர் பெற்ற ஊர்
மதுரையின் உதிரமாகவைகை நதிஓடும்
....மதுரைக்காஞ்சி அதன்பெருமை பாடும்
மதுரை என்றால்பொருள் இனிமை
....மதுரைமண் பேசும் அதன்தொன்மை

- கவிஞர் நா. நடராஜ், கோயமுத்தூர்

**

மெகஸ்தனிஸ் போற்றிய 'கிழக்கு ஏதென்ஸ்' நகரம்-
மோகன்தாஸின் மனதை மாற்றிய 'சீவன்முத்திபுர' நகரம்-
மல்லிகை மணம் வீசும்  'மணமதுரை' நகரம்-
மீனாட்சி ஆ(ட்)சி புரியும் 'கடம்பவன' நகரம்-

கள்ளழகர் பெருமையுடைய 'விழாமலி மூதுாா்' நகரம்-
கள்ளமில்லா மக்கள்வாழும் 'துவாத சாந்தபுர' நகரம்-
சிவனுக்கே பாடம் சொன்ன 'சிவராஜதானிபுர' நகரம்-
சங்கம்வைத்து தமிழ் வளர்த்த 'மூதூா் மா நகரம்'-

சல்லிக்கட்டுக்கு புகழ்வாய்ந்த'ஓங்குசீர் மதுரை' நகரம்-
நகர கட்டமைப்பை சொல்லித்தரும் கூடல் நகரும்-
ஒன்றுக்கூடி விழாக்கள் தொடுக்கும் 'நான்மாடக்கூடல்' நகரம்-
ஒப்பற்ற வீரத்தைக் கொண்ட மருதை நகரம்-

பல பெருமைகளை தாங்கிய மதுரை  நகரம்-
பல கலைஞர்களை தந்தருளிய கன்னிபுரிச நகரம்-
அன்பை அள்ளிக் கொடுக்கும் ஆலவாய் நகரம்-
அளவில்லாத அற்புதங்கள் நிறைந்த தூங்கா நகரம்-

-கவிஞர். நளினி விநாயகமூர்த்தி சென்னை

குறிப்பு 1 : மதுரைக்கு வழங்கபடும் சிறப்பு பெயர்கள் - 'கிழக்கு நாடுகளின் ஏதென்ஸ், 'சீவன் முத்திபுரம்', கடம்பவனம், மணமதுரை, சிவ ராஜதானிபுரம், மூதூா் மாநகரம்',விழாமலி மூதுாா்' , 'துவாத சாந்தபுரம்,ஓங்குசீர் மதுரை', கூடல், நான்மாடக்கூடல், மருதை, கன்னிபுரிசம், ஆலவாய், தூங்கா நகரம்  
குறிப்பு 2 : மெகஸ்தனிஸ் - கிரேக்க யாத்திரிகர் , மோகன்தாஸ் - கரம்சந்த் காந்தி

]]>
madurai https://images.dinamani.com/uploads/user/imagelibrary/2019/10/17/w600X390/Madurai_Collectorate.jpg madurai collectorate https://www.dinamani.com/specials/kavithaimani/2019/oct/16/poem-written-by-dinamani-dot-com-readers-titled-madurai-3256119.html
3256125 ஸ்பெஷல்ஸ் கவிதைமணி 'மதுரை’ வாசகர் கவிதை பகுதி 2 கவிதைமணி DIN Wednesday, October 16, 2019 10:00 AM +0530 மதுரை

முதுமூப்பு மூதூராய் மதுரை என்னும்
……….மாமதுரை நம்நாட்டின் மரபுச் சின்னம்..!
மதுரையிலே பிறந்தாலே மகிழ்ச்சி உண்டு
……….மறவர்கள் போற்றுகின்ற களிப்பும் உண்டு..!
பொதுமறையின் அரங்கேற்றப் புகழும் சேர
……….புனிதமான மதுரைக்கே பழமை உண்டாம்..!
எதுகைமோனை சிறப்புபெற எங்கும் சங்கம்
……….ஏதுவாக அமைந்ததெலாம் மதுரை அங்கம்..!

.

மானத்தைக் காத்தவோர்மா மதுரை என்றே
……….மங்காத காப்பியம்வாய் மடுத்துக் கூறும்..!
ஆனைமேலே வருமன்னர் அமைத்த சங்கம்
……….அமிழ்தமொழி தமிழதனை அரணாய்த் தாங்கும்..!
தானைமாலை தொடுத்தவர்கள் தாங்கு மூராய்த்
……….தாரணிக்குப் பெருமையான தொன்மை ஆகும்..!
சேனைகொண்ட பாண்டியரும் சோழர் மற்றும்
……….செம்மைபல்ல வரனைவர்க்கும் சேயாய் ஆகும்..!

.

தென்மதுரைத் தமிழோடு தேனும் சேர
……….தென்னவனாம் பாண்டியனும் தொழுத ஊரே..!
அன்புகாந்தி அரையாடை அணிந்த காட்சி
……….அவ்வூரே வரலாறாய் அமைந்த சாட்சி..!
அன்னியரை ஈர்க்கின்ற அல்லங் காடி
……….அரும்புமலர் மல்லிகையும் அழகு கூடி..
பன்னாட்டு மக்களுமே புகழ்ந்த ஊராய்
……….பல்லாயி ரத்தூண்கள் பாடும் ஊரே..!

- கவிஞர் பெருவை பார்த்தசாரதி

**

நான்மாடக்கூடலில் வசிப்பவரும்
நான் என்ற அகந்தை இல்லா
தன்னலம் கருதா மக்கள் வாழும்
கண்போன்ற  நகரம்  மதுரை மாநகரம்!
தூங்கா நகரம் என பெயரெடுத்ததால்
தாங்க  எதையும் தங்கி  உறுதியாக
ஏங்காமல் வாழ வைக்கும் மதுரை மாநகரம்!
நாயகர் மஹால் என்றொரு
அற்புத படைப்பு காண கண்
கோடி வேண்டுமென  பாராட்டு
தேடி வரும்  மதுரை மாநகரம்!
மீன் கொடியினை நிலைநாட்டி
மீன் போன்ற கண்ணுடைய மீனாட்சி
வான் புகழ  கோலோச்சும் மதுரை மாநகரம்!
என்ன வேண்டும் மாநகரில்
தின்ன பலவித பலகாரங்களை
வண்ணக் கலப்பின்றி சுத்தமான
எண்ணத்துடன் பரிமாறும்
கருணை உள்ளம் கொண்ட
பெருமை மிகு நகரம்  அது
மதுரை மாநகரம்!

- உஷாமுத்துராமன், திருநகர்

**

வாஞ்சையோடு வாவென் றழைக்கும்
வைகை நதிக்கரையோரம்
தமிழ் நாட்டின் தன்னிகரில்லா
தொன்மைக்குத் தானடிமை!
பாண்டிய மன்னனாம்
குலசேகர பாண்டியனின்
புகழ்பாடும் இன் நகரில்
கற்பிற்கு காரணத்தோடு கண்ணகியும்
ஒன்பது வாசலோடு
மீனாட்சியம்மனும் குடிகொண்டு!
இந்தியாவின் பெரு நகரில்
இடம் நாற்பத்து நான்கென
தடம் பதித்து தரணியெங்கும்
தமிழை சங்கமமைத்து- ஆம்
உலகச் சங்கமமைத்து- உணரவைத்த
உன்னத நகரமாம் மா மதுரையே!

- யோகராணி கணேசன்

**

ஆண்டவன்  மனித உருவில்
ஆடல் பாடல் திரு
விளையாடல் புரிந்த
கூடல் மாநகரமாம்
மதுரையம்பதி ....
பொற்றாமரைப் பூத்திருக்க 
கற்றவர் நிறைந்திருக்க
மண் மணக்கும் மல்லிகை
விண் முட்டும் கோபுரங்கள்
பொன்னொளிர் மீனாட்சியும்
புன்னகையுடன் அருள் புரிய
ஆத்திகமும் நாத்திகமும் ஒருசேர 
ஆதிக்கம் செலுத்தும் இடம்....
சங்கத் தமிழ் வளர்த்து
மங்காத புகழ் பெற்று
தேங்காத வர்த்தகம் புரியும்
தூங்காத நகரம்..என
பார் போற்றும் நகரம் .....
கார் மேகம் பொழிய
வற்றாத நதி வைகை யோட
வளம் கொழித்த ஊரானது.!
முத்திரை பதிக்கும் 
புத்துணர்ச்சி தரும
தினம் தினம்
திருவிழாக்களுடன்...
தீரத்திலும் வீரத்திலும்
நெஞ்சில் ஈரத்திலும்
நேசக்கரம் நீட்டும்
பாசக்கார    மக்கள்   வாழும் மதுரை  மாநகரம்..
தமிழன் என்று சொல்லி நம்
தலை நிமிர வைக்குமன்றோ ?

- ஜெயா வெங்கட்., கோவை

**
கண்ணகியின் காற்சிலம்பில்
எண்ணற்ற  கற்கள் இருப்பதை
கணக்கிடாமல் நீதி சொன்ன
மன்னவன் பாண்டியன்
செங்கோல் உயர்த்திய
பெருமை சொல்லும் மதுரை!
சொன்ன தீர்ப்பின் தவறினை உணர்ந்து
அறியணையிலேயே  உயிர் நீத்த
பெரிய உள்ளம் படைத்த பாண்டியன்
மதுரைக்கு பெருமை சேர்த்த
மன்னவன்..................
மதுரை மாநகரில் சுற்றி சுற்றி
வந்தால் காணலாம் பலப் பல
தத்துவத்துடன் சூழ்ந்த ஆன்மீக
கோவில்களும்  புராண கதை நிறைந்த
வாயில்  சூழ்ந்த  நீதிக்கதைகள்!
கரைபுரண்டோம் வைகை நதியில்
நிறையுமே உள்ளம்................!
மறைத்து பேச அறியா மக்கள்
நிறைந்து வாழும்  அற்புத
மாநகரம் ..... மனம் தேடும்
மதுரை மாநகரம்!

- பிரகதா நவநீதன்.  மதுரை

**

ஆலயத்தை  நடுவில் வைத்தார் ;
அடுக்கடுக்காய்  வீதி வைத்தார் ;
நான்குபுறம் வாசல் வைத்தார் ;
நற்றமிழுக்கு   சங்கம் வைத்தார் !

சுற்றிலும் அமைந்திட்ட   மலைகளும
சூழ்ந்திட்ட   இயற்கை  சோலைகளும் 
வடக்கில் ஓடிடும்  வைகைஆறுமொறு  
வடிவுதர    வாய்த்திட்ட  நன்மதுரை !

இலக்கியமும் சமயமும் இழையோடும் ;
இறைவழி    வாழ்க்கை கலந்தோடும் ;
மாதமெல்லாம் திருவிழா நடைபோடும் ;
வாரந்தோறும் சாமியுலா  வந்துபோகும் !

வழுவுள்ள  நீதியை வழங்கியதால் 
பழுதான(து) செங்கோல் வளைந்தது ; 
கற்புக்கரசி   சாபமதில் ஒருமுறை 
கனலாய்  தீய்ந்தது தென்மதுரை !

மங்கையர் தம்மை உயர்வு செய்யும் 
மாமதுரை போற்றிட வேண்டுமம்மா !
இறைவியே  அரசியாய் ஆட்சிசெய்த 
இம்மூதூர்    புகழ்ந்திட  வேண்டுமம்மா !


- முத்து இராசேந்திரன் 

**

மீன்ஆட்சி செய்யும் வைகைநதிக் கரையில்
மீனாட்சி தானாட்சி செய்கின்ற மதுரை
கான்ஆட்சி செய்யும் கடம்பமரச் சோலையில்
கவிமாட்சித் தமிழாட்சி செய்கின்ற மதுரை
தேன்ஆட்சிக் கொன்றைப்பூங் கடவுளின் பாட்டைத்
திருத்துக எனச்சொன்ன காட்சிகொண்ட மதுரை
வான்ஆட்சி செய்யும் ஒளிசாட்சி வண்ணநிலா
மணிமுலை திருகிச்சோழ மங்கைஎரித்த மதுரை (1)

ஆடிவீதி மாசிவீதி ஆவணிவீதி இன்னும்
அழகுநிலாச் சித்திரை வீதிகள் என்று
கோடிவீதி கோயில்வீதி ஆனஇந்த மதுரை
கோதையரின் மல்லிகைத் தலைநகரம் மதுரை
ஆடிப்பாடித் தேடிஓடி ஆனந்தச் சித்திரை
அழகுவிழாக் கொண்டாடும் அன்புநகர் மதுரை
கூடிப்பாடும் வேல்முருகன் ஊருக்கு வெளியே
குன்றத்தில் தங்கியிருக்கும் குறைவிலா மதுரை (2)

கள்ளழகர் எதிர்சேவை திக்விஜயம் தேரோட்டம்
கன்னிமகள் திருமணம் இம்மையில் நன்மைகள்
அள்ளித்தரும் ஆண்டவனின் விழாக்கள் என்றுபல
ஆனந்தமாய் ஆண்டுதோறும் ஆட்சிசெய்யும் மதுரை
துள்ளிக்கிட்டு வருகின்ற ஜல்லிக்கட்டு அலங்காநல்லூர்
விளையாட்டு வீரத்தைப் பறைசாற்றும் மதுரை
கிள்ளிக்கிட்டு வருகின்ற தூக்கத்தை விரட்டிவிட்டு
இரவுதோறும் பருத்திப்பால் குடிக்கின்ற மதுரை (3)

மதுரையின் மகளாக மீனாட்சித் தேன்கிள்ளை
மாமன்னன் சொக்கநாதன் மதுரையின் மாப்பிள்ளை
யுகங்களாக வாழ்ந்திடும் மாநகர நாகரிகம்
உலகினிலே இல்லைஇது போன்றதொரு தேவரகம்
முகங்களிலே மிச்சமுண்டு சங்கத்தமிழ் வாசம்
முனைப்போடு மக்கள்தரும் முத்தமிழின் நேசம்
மதுரையிலே வாழ்வதற்குத் தவம்செய்ய வேண்டும்
மரணமில்லாப் பெருவாழ்வு வாழஅது தூண்டும் (4)

- கவிஞர் மஹாரதி

**

தேசியச் சின்னம் மதுரை, தென்னிந்திய அதிசயம்தான்
தென்நாட்டின் பொன்னேட்டில் என்னாலும் அழியாது மிளிரும்
வாசிக்கவாசிக்க மதுரையின் பெருமைக்கு குறைவில்லை
வரலாற்றில் பழம்பெருமை பேசி சிரிக்கிறது வாழ்கிறது
யோசித்துப் பார்த்தால் மதுரை புராதன நகரம்தான்
மீனாட்சி கோவிலும் அதைச்சுற்றி அழகழகாய் காட்சிதரும்
மாசிவீதி, நான்கும் வெளிவீதி நான்கும் கோபுரவீதி நான்கும்
சதுர வடிவான அழகிய வீதிகளாய் காட்சிதருவது அழகுதான்
தென்மதுரை , இரண்டாம் மதுரை, இன்றிருக்கும் எழில் மதுரை
சங்கம் வளர்த்த தங்கம்நிகர்த்த எங்கும் புகழ் மணக்கும் மும்மதுரை
இன்றிருக்கும் எழில்மதுரை கண்ட நாளாம்!  இனிக்கிறது! குதூகலம்தான்!
சங்க கால பெருமை சொல்லும் திருமாலிருஞ்சோலை அழகர் உள்ளார்
வானவர்க்கு விருந்தளிக்கும் வைகையாறு வான்நிகர்த்த சிறப்பாகும்
ஆற்றில் இறங்கும் அழகர் அழகை வர்ணிக்க வார்த்தை கிடையாது
ஏனைய சிறப்புகள் எது இருந்தாலும் கோபுர மாட்சிதான் மதுரைக்கு
கோடி பெருமை சேர்க்கிறது!கோபுரம்தான் கோலோச்சுகிறது மதுரையில்
நாயக்கர் மஹால் ! சிறப்பு  நாநிலம் அறிந்த ஒன்று  ஈடுஎதுவும் இல்லை
காணொளிகாட்சியாக காணலாம் உலகில் இதைஎங்கிருந்தாலும் காண்போம்!
தேர் ஆழகுக்கு திருவாரூர், தெருவின்  ஆழகுக்கு எழில் மதுரை
தமிழ் அழகுக்கு மதுரத்தமிழ்   ஆம்! மதுரையில் பேசும் அழகு தமிழ்!

- கவிஞர் அரங்க.கோவிந்தராஜன்

**

மல்லிைகையா ? மீனாக்ஷியா
இல்லை கோனார் மெஸ்
கறி தோசையா ? முருகன் கடை இட்லியா, 
அல்லங்காடி நாளங்காடி என
அந்தக் காலம் முதல் இந்தக் காலம் வரை 
தூங்கா நகரம்,
ஞாலத்தில் சங்கம் வைத்து
தமிழ் வளர்த்த சிங்கத் தமிழன்,
வைகை நாகரீகம் சிந்து வெளியை
எங்கே முந்தி விடுமோ என 
அச்சத்தின் மிச்சத்தில் அரசியலார், 
நாலடியும் ஈரடியும் தமிழன் தொன்மைக்கு
கட்டியம் கூற இப்போது அதன் 
உச்சத்தின் அச்சாரம் கீழடி, 
ஒரு தொல் நாகரீகத்தின் வேர்களோடு 
வீற்றிருக்கிறது தமிழ் கலாச்சாரம், 
நாற்காலி போட்டு மதுரையில் 

- செந்தில்குமார் சுப்பிரமணியன்

**
கோவிலில் இருக்கும் வீதிகளுக்கு ஆடி வீதி
தாண்டி கோயிலுக்கு வெளியில் சித்திரை வீதிகள், 
அடுத்த வீதிகள் ஆவணி வீதிகள், 
அதைத் தாண்டி வெளியே மாசி வீதிகள்.
அதையும் தாண்டி வெளி வீதிகள் 
இது தான் மதுரை...

மீனாட்சிக்கே முதல் அலங்காரம்
முதல் தரிசனம்
பெண்களை உயர்த்தி 
வைத்த விதி...
மீனாட்சியின் மாட்சி
கடம்பவனத்தின் கன்னிகை
மீன் போன்ற சுறுசுறுப்புடன்
ஆட்சி புரியும் மீனாட்சிக்கே
முதல் பூசை
எமது இல்லங்களிலும்...
மீனாட்சி ஆட்சி தான்..
திருபாற்கடலை கடைகையில்
நாகம் உமிழ்ந்த விஷத்தை 
மதுரமாக்கியதை
கதைக்கிறேன்
கவிதையாக.

- கீதா சங்கர்

**

சங்கம் வளர்த்த தமிழ் மதுரையில்தான் 
மதுரை தமிழ் இன்றும் மதுரத் தமிழே !
மாட வீதியும் சிகரம் தொடும் கோபுரங்களும் 
கூடல்  நகருக்கு ஒரு தனி முகவரி !
பிட்டுக்கு மண் சுமந்து பிரம்படி பட்ட 
பரமேஸ்வரன்  பொற்பாதம் பட்ட இடம் 
மதுரை !
அண்ணல் காந்தி அவர் முழு ஆடை துறந்து 
கதர் ஆடைக்கு மாறிய நகரும் மதுரையே !
தேமதுரத் தமிழ் ஓசை அன்றும் இன்றும் 
ஒலிக்கும்  நகரும் மதுரையே !
மதுரையின் மதுரம் எல்லாம் மறந்து 
மதுரை என்றாலே அடிதடி, வெட்டு குத்து ,
அடாவடி அரசியல் , போக்கிரித்தனம் 
என்று வரிந்து கட்டி  மதுரையைப் 
படம் பிடித்துக் காட்டும் தமிழ் திரை 
உலகத்துக்கு அப்படி என்ன வெறுப்பு 
நம்ம  மதுரை மீது ? 

- கந்தசாமி  நடராஜன் 

**

மதுரை மதுரத் தமிழுக்கு வாய்ப்பிளந்து 
நிற்பார் புதியோர்கள் நமக்கு பதிலுரை 
பேசிட முடியவில்லையே என்று வருந்தி 

வாய் கோபம் ஏற பேசினால் போதும் 
கைகள் கோபம் தீர பேசி தீர்ந்துவிடும் 
மதுரை வீரன் பரம்பரையின் சிறப்பு

வாள் கொண்டு பேசினால் போதும் 
மைதானத்தில் தூள் பறந்திடும் 
மதுரை வீரன் பரம்பரையின் சிறப்பு

தேள் போல் கொட்டினாலே போதும் 
வால் இருக்காது தேளுக்கு பாருங்கள் 
மதுரை வீரன் பரம்பரையின் சிறப்பு

தோள் கொடுக்கும் தோழமை சிக்கிட 
பால் வார்க்கும் பழக்கம் உண்டாகும் 
மதுரை வீரன் பரம்பரையின் சிறப்பு
உதிரத்தில் மதுரத்தில் உதித்த மதுரை 

- வே. சகாய மேரி, அரியலூர் திருக்கை

**

சங்கம் வைத்துத் தமிழை வளர்த்துத்
     தனித்த புகழைப் பெற்றதுவாம் !- காண
எங்கும் கோயில் கலையழ காலே
     எவரும் ஈர்க்கும் பேரழகாம் !

பொதுவாய் உலகே போற்றும் படியாய்ப்
     பொலியும் திங்கள் பெருவிழா !- நம்
மதுரை நகரே குலுங்க வைக்கும்
     மலைக்கும் சித்திரைத் திருவிழா !

ஆட்டம் பலவும் காணக் காண
     அகத்தில் மகிழ்ச்சி பெருக்காகும் !- திருவிழா
கூட்டம் எங்கும் கூடக் காண
     கொள்ளை இன்பம் கூத்தாடும் !

ஏறு தழுவும் வீரம் விளையும்
     இன்றும் காணும் வெளிப்பாடாம் !- பல
சீறும் காளை அலங்கா நல்லூர்
     சிறப்பை உலகே அறிந்ததுவாம் !

தூங்கும் உலகம் உலகில் என்றும்
     தூங்கா நகரம் மதுரையதாம் !- தொன்மை
ஓங்கும் படியாய் உயர்ந்தே திகழும்
     ஒப்பில் நகரம் மதுரையதாம் !

-து. ஆதிநாராயணமூர்த்தி, பரதராமி (திமிரி).

**

துருதுருவென இருக்கும் தூங்காநகரம்!
தொன்மை வாய்ந்த பண்டைய நகரம்!
பாண்டிய மன்னனின் எழுச்சி நகரம்!
மூன்றாம் தமிழ்ச்சங்கத்தின்
மைய நகரம்!
மீனாட்சி அம்மன் எழுந்தருளும் புண்ணியஸ்தலம்!
இயல் இசை நாடகத்தின்
ஈடில்லா நகரம்!
சிறப்பான கொண்டாட்டம்
சித்திரை திருவிழாவாம்!
வைகையிலே கால் நினைத்தால் வாழ்வாங்கு வாழ்வாராம்!
பண்டைய காலத்தில் இது மதுராபுரி!
இன்று நமது மதுரை மாநகரம்!
மதுரை என்றாலே மல்லிகை
மணக்கும் இது மக்களின்
இயல்பு நிலை!!
வீரத்தை விளக்கும் அலங்காநல்லூர்!
தமிழ் மணக்கும் நம் மதுரை!
தமிழ் வரலாற்றில் தடம் பதித்த
மிகத்தொன்மையான மாநகரம்!!

மு. செந்தில்குமார், ஓமன்

**
மதுரமென்ற  சொல்லின்பொருள் இனிதென்பார் -- இந்த
      மாநகர்க்கும்  இந்தபெயர்  பொருந்தியதே!
இதுகண்ட  முதுமைதனை  எவரறிவார் --சுமார்
      ஈரிரண்டு  ஆயிரத்தைக்  கடந்ததென்பார்!
முதுமொழியாம்  தமிழதனை வளர்த்தநகர் -- இது
      மூன்றாம்தமிழ்ச்  சங்கமதைக்  கண்டநகர்!
பொதுவாக  இன்னதுவே  தமிழகத்தில் -- நல்ல
      பொலிவடைய  திட்டமிட்டு  அமைத்தநகர்!

பதியென்றால்  கண்முன்னே  நிற்பதெலாம் -- இன்று
      பாண்டிநாட்டு  மதுரையதும்  காஞ்சியுமே!
விதிவசத்தால் அழிந்ததுகாண்  தென்மதுரை -- பின்னர்
      வினயமுடன்  தோற்றுவித்தார்  இன்னகரை!
புதியநகர்  அமைந்ததுபார்  சிறப்பாக  -- மலர்ந்த
      பொலிவுடையத்  தாமரையின் வடிவினிலே!
மதிமிக்கத்  தமிழறிஞர்  ஒன்றுகூடி -- தமிழ்
      மன்றம்கண்டு  வளர்த்ததனை யாரறியார்?

நான்மாடக்  கூடமெனும்  நலம்மிக்க  மதுரையிலே 
தான்இறைவன்  விளையாடல்  தனைபுரிந்தான்! -- வான்புகழைக்  
கண்டநகர்  இப்பரதக்  கண்டமதில்  இதுவொன்றே;
அண்டமதில்  இதையரியார்  ஆர்?

தென்மதுரைக்  கிணைதானோ  திருக்கண்ணன்  வடமதுரை,
பொன்னளந்த  மதுரையெனும்  புகழுண்டே! -- என்னாளும்
தூங்காநகர்  எனப்போற்ற  துடிப்புடனே  இயங்கிவரும்,
பாங்குடைய  நகரென்றே பார்!

- அழகூர். அருண். ஞானசேகரன்.

**

உணவிடும் விவசாயம் மரணப்பிடியினில்
வாழ்வுயர்த்தும் தொழிற்சாலை புதைகுழிக்குள்,
அடுப்பெரிக்க வழியில்லா அடுத்தவேளை,
வேலை தேடிகிடைக்கா விரக்தியில்
கிடைக்கா சமிக்கை ஒருகேடா,
போங்கடா டேய்.... மன்னித்துவிடுங்கள்,
பாமரத்தனமாக சிந்திக்கின்றது இதயம்,

கணக்கிலடங்கா பணம்தோய்ந்த திட்டங்கள்,
கணக்கிலடங்கும் மக்கள் அத்தியாவசியங்கள்,
சமப்படுத்தினாளே சாத்தியம் ஆகிவிடாதா...
வளங்கள் மிஞ்ச,தன்னிறைவு தானாகாதா..
குறுகுறுக்கும் சிந்தனை கூரிட்டாலும்,
சாதிமத பாசவலையில் சிக்குண்ட ,
சிந்தனை சிறகுகள் உலாவருமோ...

வேகமாய் கடந்திடுங்கள் இங்கிருந்து - நமக்கென
வேலைகள் பலஉண்டு பூவுலகில்...
வெறுமையாய் போன கனவுகளோடு,
வெட்கம் கொள்கின்றது... மனிதமும்,மனிதனும்...
பெருமைகொள்ள சாதித்ததென்ன? .. நாம்.

- கிறிஸ்டாஅறிவு....

**

கடம்ப மரக்காடு நடுவே சுயம்புலிங்கம்
பிரசன்னமாக வானத்து ||
தேவரெல்லாம் தரிசிக்க சிவனார் தனது சடாமுடியில் இருந்து ||
மதுரம் அள்ளித் தெளிக்க அம்மதுரமே காலப்போக்கில் ||
மதுரையானது; முன்னோர்கள் சொன்ன சொல்லில் புலப்பட்டது ||
கலைகள் அறுபத்து நான்கு போல் அறுபத்து நான்கு ||
வகை சிவநடனம் நடத்திக் காட்டிய மண்ணே மதுரை ||
வணிகர்கள் நடமாட்டம் ஆச்சரித்து மெய் சிலிர்க்க மன்னர் ||
பார்வைக்கு வைத்திட்டார் ஆச்சரித்த மன்னர் பார்வையிட ||
தேவாலயங்கள் அனைத்தையும் மாய
மந்திரத்தால் கட்டியதோ ||
வயிற்றை கழுவ கற்ற தொழில் திறமை
வானை முட்டியதோ ||
மதுரை என்றாலே மீனாட்சி அம்மன்
நினைவுக்கு வருவாள் ||
மதுரை என்றாலே மல்லிகை மலர்தான்
மணக்கச் செய்கிறது ||
மதுரை என்றாலே தமிழ்சங்கம் தான்
நினைவில் நிற்கிறது ||
மதுரை என்றாலே கண்ணகி கோபம்
நினைவு வராமலில்லை ||
மதுரை நாமம் சூட்டினார் அவர் தேவரோ
மன்னரோ மக்களோ ||
சாஷ்டாங்கமாக காலில் விழுந்து முத்தம்
இட்டாலு மது போதாது ||

- ஆபிரகாம் வேளாங்கண்ணி கண்டம்பாக்கத்தான்

**

சதுரம் சதுரமாக வடிவமைக்கப்பட்ட மதுரை
சங்கம் காலம் முதல் இன்றுவரை அதே மதுரை !

தூங்காத நகரம் பெயர் கொண்ட மதுரை
தள்ளாத குளம் கொண்ட வற்றாத மதுரை !

உலக அதிசயமான மீனாட்சி கோயில் உள்ள மதுரை
உலகமே வியக்கும் கீழடிக்கு அருகே உள்ள மதுரை !

சங்கம் வைத்து தமிழ் என்றும் வளர்க்கும் மதுரை
சகோதரர்களாக அனைவரும் இணைந்து வாழும் மதுரை !

சகல மதத்தவர்களும் வாழ்ந்து வரும் மதுரை
சிற்பக்கலையை உலகிற்குப் பறைசாற்றும் மதுரை !

பருத்திப்பால் செகர்தண்டா கிடைக்கும் மதுரை
பஞ்சம் பிழைக்க வந்தோரை வாழ்விக்கும் மதுரை !

கறிதோசை முட்டை புரோட்டா கிடைக்கும் மதுரை
கனிவாகப் பேசிடும் மக்கள் வாழும் மதுரை !

சைவம் அசைவம் அனைத்தும் கிடைக்கும் மதுரை
சமண சமய குகைகள் உள்ள மதுரை !

கழுதை கூட வெளியில் செல்ல விரும்பாத மதுரை
கண்டவர்களைச் சுண்டி இழுக்கும் மதுரை !

சுற்றுலாத் தலங்கள் பல உள்ள மதுரை
சுந்தரத் தமிழ் எங்கும் கேட்கும் மதுரை !

உலகின் முதல் மனிதன் தோன்றிய மதுரை
உலகின் முதல் மொழி தமிழ் ஒலிக்கும் மதுரை !  

- கவிஞர் இரா .இரவி

**


 

]]>
kavidhaimani https://images.dinamani.com/uploads/user/imagelibrary/2018/5/10/w600X390/madurai.jpg https://www.dinamani.com/specials/kavithaimani/2019/oct/16/poem-about-madurai-3256125.html
3256133 ஸ்பெஷல்ஸ் கவிதைமணி இந்த வாரம் கவிதைக்கான தலைப்பு: யார் மனிதன்? கவிதைமணி DIN Wednesday, October 16, 2019 10:00 AM +0530 கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

'மதுரை’  என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: யார் மனிதன் !

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படும்.

]]>
kavithai https://images.dinamani.com/uploads/user/imagelibrary/2019/10/17/w600X390/time_management.jpg man https://www.dinamani.com/specials/kavithaimani/2019/oct/16/next-poem-title-is-who-is-a-man-3256133.html
3250569 ஸ்பெஷல்ஸ் கவிதைமணி இந்த வாரம் கவிதைக்கான தலைப்பு: மதுரை!   கவிதைமணி DIN Wednesday, October 9, 2019 11:29 AM +0530  

கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

'சாம்பலாய் முடியும் உடல்’ என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: மதுரை !

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படும்.

]]>
madurai, madurai temples, poem https://images.dinamani.com/uploads/user/imagelibrary/2019/10/9/w600X390/madurai-meenakshi.jpg மதுரை மீனாட்சி https://www.dinamani.com/specials/kavithaimani/2019/oct/09/poem-about-madurai-3250569.html
3249961 ஸ்பெஷல்ஸ் கவிதைமணி வாசகர் கவிதை சாம்பலாய் முடியும் உடல் பகுதி 1 கவிதைமணி DIN Wednesday, October 9, 2019 10:26 AM +0530  

அவனியில் அவதரிக்க
ஆண்டவன் அனுப்பிய
இந்த உடல்,
ஈரைந்து மாதங்கள்
உள்ளே கருவறையிலிருக்க,
ஊனாகி உயிராகி 
என்பு தோல் குருதியுடன்,
ஏகாந்த வெளி மீதில்
ஐம்புலனும் ஐம்பூதமாய்
ஒரு மித்த உயிரோங்க,
ஓடி ஓடி புவி மீதில்
ஒளடதமும் மூப்பும் மீற,
சாம்பலாய் முடியும் உடல்
கருவறை முதல்- கல்லறைவரை
ஈடேறும் இந் நாடகம்
ஈசனின் திருவிளையாட்டா?
இல்லை காலத்தின் சதிராட்டா?

- கவிதாவாணி, மைசூர்

**

 
அழுதுக் கொண்டே பிறக்கும்
பழுதில்லா உடல் மெல்ல மெல்ல
தொழுது வணங்கும் ஆவலுடன்
அகிலத்தில் வலம் வருகுதே!
சிரிப்பு-அழுகை,  இன்பம்-துன்பம்
பூரிப்புடன் நாளொரு மேனியும்
பொழுதொரு  வண்ணமுமாக
வளரும் உடலில் இருப்பது
மலரும் அழகான  இதயம்!
இதயத்தை அன்பினால் நிரப்பு
உதயம்  ஒவ்வொன்றும் இனிமையாகுமே!
சாம்பலாய் முடியும் உடலை
ஆவலுடன் வளர்ப்பதால் என்ன பயன்?
காவல் இல்லா பயிர் போல
உடலை வளர்ப்பதை விட்டு
கடல் போன்று பரந்த அன்பை
உள்ளத்தில்  வளர்த்தால்
வாழ்க்கையில் காணலாம் சொர்க்கம்!
மறுத்தால் தத்தளிப்பது
திரிசங்கு சொர்க்கத்தில்!

- பிரகதா நவநீதன், மதுரை 

**

என்பு கொண்ட உடலுக்குள்
....எத்தனை விதமான எண்ணங்கள்
அன்பு ஒன்றே நிலையானது
....அறிந்தால் வாழ்வே வண்ணங்கள்
பணம் மட்டும்நிம்மதி தந்துவிடாது
....புரிந்தால் வாழ்வுஇனிக்கும் உனக்கு
பிணமாய் மாறினால் இங்குநாமும்
....பின்பு இரைதான் இந்தமண்ணுக்கு
தேடிச்சேர்த்த செல்வங்கள் யாவும்
....தேவைக்கு என்பதைஉணர்ந்தால் போதும்
வாடிய காலங்கள் ஓடிப்போகும்
....வருங்காலம் வசந்தமாய் மாறும்
கோடிகள் குவிக்கும் மனிதனுக்கும்
....கோவண ஆண்டிக்கும் முடிவாகும்
நாடிகள் அடங்கிவிட்டால் போதும்
....நம்உடலும் நெருப்பில் சாம்பலாகும்

- கவிஞர் நா. நடராஜ், கோயமுத்தூர்

**

இறைவனின் பிரசாதம்  - அது
பிறை நெற்றியில் சூடும்
திருநீறு என்ற  சாம்பல்!
இந்த சாம்பலுக்கு இருக்கும் புனிதம்
சொந்த உடலான நமக்கில்லை!
பந்தங்களுடன் ஒன்று கூடி
வாழும்  உடல் ஒரு கூடு!
அதில் மூச்சு என்ற   காற்று உள்ளவரை
செதில் செதிலாக வரும் சுவாசம்!
இந்த  காற்று நின்றுவிட்டால்
எந்த உடலும்  ஒரு சடலமே!
சடலத்தை எரியூட்டினால்
குடல் பிடுங்கும்  நாற்றம்
பரவுமே!...............
இப்படி அழியும்  உடல் மீது
எப்படி மோகமும் ஆசையும்
வருகிறதே........என்ற  வியப்புடன்
சொருகிறது  மயக்கமான  நிலை!
சாம்பலாக முடியும் உடலை நேசிக்காதே...
உள்ளத்தை ஆராதித்து  இருக்கும்வரை
கள்ளமில்லா  அன்புடன் உயிரை நேசி!

- உஷாமுத்துராமன், திருநகர்

**

எரிப்பதா
புதைப்பதா
என விவாதிக்கப் படுகிறது
மின்தகனம் வந்தப்பின்னும்...

எரிப்பதும் புதைப்பதும்
அவரவர் குடும்ப வழக்கமென்று
நிகழ்த்திக் கொண்டாலும்
ஒரு குடும்ப சாதி சனம் போல்
மறுசாதி சனம்ஒப்புக் கொள்வதில்லை...

ஏன்
இப்படியும் நடக்கிறது
அந்த சாதி பிணம்
இந்தத் தெருவழியாகப் போகக்கூடாதென்று முடக்குவது போல்
அந்த சாதியும் போராடுகிறது
வெவ்வேறு மயானம் இருந்தாலும்...

புதைத்து
கல்லறைக் கட்டுவதும்
எரித்த சாம்பலை நீர்நிலைகளில்
தெளிப்பதும் முரணென்கிறது
புதைத்த இடத்தின் மேலேயே புதைக்க
தடுப்பதும்
ஏற்றுக் கொள்வதும் நடைபெறாமல்
இல்லை...

ஒவ்வொரு நீதி
ஒவ்வொரு சாதி மதங்களுக்கும்
முரண்பாடு
மயான நிலைகளில்...

உடல் எரித்தாலும் புதைத்தாலும்
மண்ணாவது நிச்சயமிருந்தும்
பேதமற்ற தீர்வொன்றிருக்கிறது
மதங்கள் சாதிகள் அற்ற நிலையில்
யாவருக்கும்
ஒரே மயானமென இருந்தால்
சாம்பலென்ன
மண்னென்ன மாய உலகில்...

- கா.அமீர்ஜான். திருநின்றவூர்

**

ஆம்பரென்றும் அரவிந்த முகத்தாளென்றும்
அல்லி நிகர்  மெல்லிதவள் பாதமென்றும்
காம்பரிந்த மலரனைய கையளென்றும்
கற்கண்டை நிகர்த்ததவள் பற்களென்றும்
தேம்பாவாய் இனிக்கின்ற  கிள்ளைச் சொல்லாள்
தெய்வீக மொழிக்கு நிகர் உண்டோவென்றும்
ஆம்படையான் புகழ்ந்திட்டான் அவள் நெகிழ்ந்து
அணைத்திடவே இடம் கொடுத்தாள் அடுத்த மாதம்
நான் முழுகாதிருக்கின்றேன் அத்தானென்றாள்
நடுநடுங்கி இன்னுமொன்றா! என்றான், அன்னாள்,
தேம்பியழுதிட்டபடி கணவன் சொன்ன
தீஞ்சொல்லால் துயரடைந்தாள், அவனைப் பார்த்து
சோம்பரினால் பக்கத்துக் கடைக்குச் சென்று
சொல்லி ஒரு நிரோத் வாங்கி வந்திடாமல்
சாம்பராய் முடியுமுடல் தனைப் புகழ்ந்து
தந்து விட்டீர் டாக்டரிடம் போவோமென்றாள்.

- சித்தி கருணானந்தராஜா

**

சாம்பலாக   முடியும் உடல்
சாதிக்கத் துடிக்கும் உயிர்
கும்பிட்ட கைக்குள் படை ஒடுங்கும்
குறள் சொல்கிறது
அன்று மறுநாளே அண்ணலின் உடல்
சாம்பலாகும் யார றிவார் ?
என்று என்ன நடக்கும் ? அதேநாளில்
ராஜாஜி கவர்னர் ஜெர்னலானார்
ராணுவத்தில் படையில் இருப்போர்
தானே உணர்வார் அவர்களின் முடிவை
வீணாய்ப்போகும் உடல் நாட்டுக்காக
போரில் போனால் என்ன?
உடல் மண்ணுக்கு உயிர் தமிழுக்கு
உரைத்தார் அதுபோல் வாழ்ந்தார்    
சாகும்போதும் தமிழ்படித்து சாகவேண்டும்
சாம்பலெல்லாம்  தமிழ்மணந்து வேண்டும்
சாற்றினார் பாவேந்தர் ! சகலரும்
ஆதரித்தார் தமிழாய் வாழ்ந்தார் 
சாம்பலாய் மணக்கும் போதும் தமிழ்மணக்க
சான்றாக  வாழ்ந்தவர்  சிலரே!

- கவிஞர் அரங்க.கோவிந்தராஜன் 

**

இனியதோர் இயற்கை நியதி! --உலகில் ,
இன்னுயிர் பிரிவது உறுதி! --மனிதன்,
சரித்திரம் படைத்திடும் போதிலும்-சிலபிடிச்
சாம்பலாய் முடியும் உடலும்! -உலகில்,
நிலையாமை அறிந்திட்ட மனிதன்! 
நிகரில்லா வரலாற்று அறிஞன்!
பசிக்கும் ருசிக்கும் உணவு! தேவை,
பாரினில் வாழ்ந்திட அறிவு!
உழைப்பினில் ஒளிர்ந்திடும் வருமானம் !
உவந்திடல், உயிர் தரும் வெகுமானம் !
தீர்ந்திடும் சுவைத்திட மாங்கனி! உயிர்பிரிய
தூக்கெறிக் கொட்டை உடலணி! 
எறிந்திடும் விதையுமே மரமாம் ! 
எரித்திட உடலது சாம்பலாம்!

- இலக்கிய அறிவுமதி

**


சோற்றுத் துருத்தியெனச் சொல்வரிதை, சொந்தமெனச்
    சொல்லிக் கொண்டாட முடியாது சொன்னாலும்
காற்றை அடைத்தவெறும் பையதனுள் காற்றிருக்கும்
     கால மட்டுந்தான் மதிப்பிருக்கும் காற்றுப்போய்
நாற்ற மெடுக்குநிலை நமனவனும் கொண்டாட
      நல்ல உறவுகளும் சொந்தமெனக் கொள்ளாதே
ஆற்றுப் படுத்தியதை நெருப்புக்கு யிரையூட்டி
      ஆற்றில் கரைத்திடுவர் பிடிசாம்பர் அஸ்தியிதை

கற்றுத் துறைபோகும் ஞானிகளும் மேதைகளும்
       காவல காத்துவரும் அரசர்களும் செல்வர்களும்
வெற்றுக் கைகளுடன் ஆண்டிகளும் ஏழைகளும்
        வீணிற் கூச்சலிடும் அகந்தையரும் மேலோரும்
தொற்று நோயர்களும் தொல்லுலகு நமதென்றுச்
        சொல்லி நிரந்தரமாய்ச் சொந்தமென நினைப்பாரும்
ஒற்றை நொடியினிலே உயிர்பறக்க வெறும்பிணமாய்
        ஒருகைப் பிடியதனிற் சாம்பலென முடிவதன்றோ!

- கவிமாமணி " இளவல் " ஹரிஹரன், மதுரை.

**

கண்ணிரண்டும் குவளைமலர் கன்னங்கள் செவ்வரளி !
வெண்ணிலவாய் ஒளிருமுகம் விதந்தாடும் செவிநகைகள் !
வெண்முத்துப் பரல்கள்போல் வெளிர்தந்தம் போல்பற்கள் !
கண்கவரும் பவளம்போல் கனிந்ததவர் செவ்விதழ்கள் !

கார்முகில்தான் கவிழ்ந்ததுபோல் கன்னியவள் கருங்கூந்தல் !
தேர்போல அசைந்துவரும் சிற்றிடையின் சீர்சிறப்பு !
சீர்அடியோ பஞ்சதுபோல் தென்றலென நிலமீதில் !
நேர்இணையே இலாக்குமுத நிறைமலராய் உடலழகு !

காதணியும் கழுத்தணியும் காலணியும் கவினழகு !
மாதவளின் கணையாழி மயக்குமெழில் பேரழகு !
தீதறியா அவளகத்தில் திகழ்வதெலாம் தேனினிது !
ஓதறியா நூலாக உயிரின்ப ஒயிலழகு !

உலகத்தில் உயிராக உயிர்த்தவரே உயர்பெண்கள் !
நலவுயிரின் உடலாக, நவிலரிய நல்ஆண்கள் !
வலம்வந்து வையத்தில் வாழும்பெண் ஆண்களெலாம்
கலங்கியவர் கண்மூடின் காடதனில் வெறுஞ்சாம்பல் !

- ஆர்க்காடு. ஆதவன்

**

வழிகள்நல் வளமாக நிறைந்தி ருக்க
……….வாழவழி தெரியாது பாதை மாறி..
விழிகளையும் மூடிக்கொண்டே வழிந டப்பார்
……….வகையறியா மனிதரோடு உறவும் வைத்தே..!
அழிவற்றே வாழ்வோமெனும் எண்ணம் ஓங்க
……….அளவற்ற தீமைகளைச் செய்தி டுவார்..!
இழிச்செயலைச் செய்தற்கும் தயங்க மாட்டார்
……….இச்சகத்தில் இவர்போன்றோர் தேவை இல்லை..!
.
சாம்பலாக முடிகின்ற உடலை நம்பி
……….சகத்தினிலே ஆட்டமெலாம் போடு கின்றார்..
ஓம்புகின்ற ஒழுக்கத்தை விலக்கி விட்டு
……….உலகத்தைக் குறைசொல்லி வாழு கின்றார்..
வீம்புக்காய் சண்டையொடு வீணாய் வாதம்
……….வாழ்வினிலே கடைபிடித்தால் வீணாய்ப் போகும்..!
சோம்பேறி வாழ்க்கையில் சுகமே காணும்
……….சொற்களிலே உண்மையிலா சுத்தப் பொய்யர்..!
.
ஏட்டினிலே எழுதிவைத்தார் நம்மின் முன்னோர்
……….இப்படித்தான் வாழவேண்டு மெனவும் சொன்னார்..
பாட்டுவழிப் பண்புகளை ஒழுகு மாறு
……….பலவாறாய்ப் படித்ததெலாம் மறந்து விட்டோம்..
நாட்டினிலே நிலவுகின்ற நச்சுக் கொள்கை
……….நாமுமதை ஏற்றோமே வழியே இன்றி..
வாட்டுகின்ற உடல்நோயைக் கணக்கில் கொண்டு
……….வாழு(ம்)வரைப் புரிவோமே என்றும் தொண்டு..

- கவிஞர் பெருவை பார்த்தசாரதி

**

அறம் வளர்க்கும் பெரியோர் ; 
அறிவியலில் கூர்மை பாய்ச்சும் 
அறிஞர் பெருமக்கள்; ஆட்சியாளும்
பேரரசர் ;பேதமின்றி ஒரு நிலையாய் 
வேதம் உரைக்கும் விற்பன்னர் ;
நியாயம் வழங்கும்  நடுவர்கள் 
கற்போர்; கற்றபின் அதன்படி 
நிற்போர் ;யாரும் பசியின்றி 
வாழ்ந்திட பயிர் வளர்ப்போர் ;
இவர்தாம் அனைவரும் உயிரால் 
இயங்கிட உடலால் அறிமுகம் 
ஆயினர் ;அறிந்தோம் ;தெரிந்தோம் 
உயிரிங்கு ஒருநாள் விடைபெற்றால்
பெயரும் தகுதியும் போகும் ;வெறும் 
சாம்பலாய்  முடியும் உடல் 

- முத்து இராசேந்திரன் 

**

சாம்பலாய் முடியும் உடல்
சந்தோஷம் எனும் தேடலில் விழுகின்றது -
அடுக்குமாடி குடியிருப்பு போல
அடுக்கடுக்காய் ஆசைகள் தொடர்கின்றது -
வாழ்க்கை - உறுதியான கல்லணை போல்
அமைய வேண்டுமென்று எண்ணுவதற்குள்
அதுபுதியதாய் கட்டும் சில மேம்பாலமாய் -
அக்கணமே சரிந்து விழுந்து விடுகின்றது....

கீழடியில் குழி தோண்டினால்
அது முதன்மை வரலாறு - அடுத்தவன்
காலடியில் குழி தோண்டினால்
அது அவனை முடிக்கும் வரலாறு -
வெறும் மனித சங்கிலி வாழ்க்கையை
வாழ்பவரின் உடல்கள்மட்டுமே சாம்பலாகின்றன
தேச நலனுக்காகவும் பொது நலனுக்காகவும்
போராடுபவர்களின் உடல்கள் சாம்பலாவதில்லை
வெற்றி திலகமெனும் சரித்திரமாகின்றன....!!!

-கவிஞர். நளினி விநாயகமூர்த்தி சென்னை

**

கருவாய் உருவாய் உதித்த உடம்பு!
அழகும் அறிவும் கொடுத்த உடம்பு!
நிழலாய் நினைவாய் காத்த உடம்பு!
நற்குணமும் மனமும் தந்த உடம்பு!
உறவும் நட்பும் சொன்ன உடம்பு!
நன்மை தீமை களைத்த உடம்பு!
எல்லா நிலையிலும் இருந்தஉடம்பு! 
ஒருநாள் இல்லாமல் போவது,
காலத்தின் கட்டாயம் !
இயற்கையின் ஆணை ! 
இறைநிலையின் உச்சநிலை !
எவன் விதி எதில் இருப்பது, 
எவனுக்கும் தெரியாது -அந்த
எமனுக்கும் தெரியாது!
வரும் விதிதனை மதி
கொண்டு மாற்றிவிடலாம்.
அந்த மதி கூட விதியின்கீழ்தான்,
அன்பை நிலைபெறச் செய்து
வாழும் நாளில் உதவிகள் 
பல புரிந்து, இன்புற்று வாழ்ந்து
நோயின்றி நீங்கா விடை பெறுவோம் 
சிவத்தை அடைவோம் -  இறுதியில்
சாம்பலாய் முடியும் உடல்.....

- மு.செந்தில்குமார்

**

ஒருவேளை உணவிற்கு ஓரளவுணவு போதும்
இருவேளை உணவை ஒன்றாயுண்ண இயலுமா?
ஒரு வேளை உண்ணும் உணவையும் பசிவந்தால்
ஒருவேளையும் உண்ணாமல் இருக்கயியலுமா?

பேழை நிறை சேர்த்த உடை ஏராளமெனினும்
வேளையொன்றுக்கு எத்தனை உடை கட்டுவீர்!
மானம் காக்க மானிடரே ஓருடையே ஏராளம்
எனவே தானம் தருமம் தாராளமாய்ச் செய்யலாமே!

உயிருக்கையில் எத்தனை சேர்த்தாலும் சேர்த்தவை
உயிர் பிரிந்தக்கால் அழியுமென்பதை யாரறிவீர்
வாரிக் குவிக்காதீர்! வாழும்வரை நியமாய்
சேர்த்து வாழ்ந்திடல் நன்றெனெபதை அறிவீர்!

அக்காலம் ஆறடி நிலம் நமக்கு உரிமை என்போம்
இக்காலம் எள்ளளவு சாம்பலும் நமக்கு உரிமையில்லை
எந்திரத்தால் சாம்பலாய் முடிந்து கரையும் உடலுக்கு
எந்திரமாய் ஏனிந்த தவிப்பு சிந்திப்பீர் சிறிதே!

- மீனா தேவராஜன்

**

அன்பும் அறிவும் அணுவும் இன்றி அரக்கர் போலே பலரிங்கே !
துன்பம் செய்தும் தொல்லை தந்தும் துணிவாய்ப் பலரும் தொடர்ந்திங்கே !

ஒருவர் கெடுத்தே ஒருவர் உயர ஓயா ஆட்டம் பலயிங்கே !
ஒருவர் பணத்தை ஒருவர் பறிக்க ஒட்டி உறவாய் நிதமிங்கே !

பெண்ணை ஆணும் ஆணை பெண்ணும் பேணி ஏய்க்கும் பிழையிங்கே !
மண்ணுக் காக பொன்னுக் காக மண்டும் துயர்கள் மலிந்திங்கே !

பணத்தைக் கொடுத்து பன்மடங் காகப் பறித்தல் பலரின் பணியிங்கே !
பணத்தை இழந்து அவரிடம் கொஞ்சும் பாவ நிலையும் படர்ந்திங்கே !

மணியும் அணியும் மலைக்க அணிந்தே மயங்கும் மாந்தர் மனமிங்கே !
பணிவே இன்றி பணியை வாங்கும் பாவப் பட்ட பலதிங்கே !

இருக்கும் வரையில் ஆடும் ஆட்டம் எண்ண முடியா நிலையிங்கே !
பொருத்தம் இன்றி புவியில் வாழ பொருந்தி நாளும் அலைந்திங்கே !

அழகு உடலில் உயிர்தான் போனால் ஆகும் பிணமாய்ப் பெயரிங்கே !
தழலில் உடலும் எரிந்து முடிந்தால் சாற்ற ஏது நிலைத்திங்கே !

- 'படைக்களப் பாவலர்' துரை. மூர்த்தி, ஆர்க்காடு

**

]]>
dinamani, kavithaimani, poem https://images.dinamani.com/uploads/user/imagelibrary/2015/9/7/15/w600X390/Dream-Nature.jpg https://www.dinamani.com/specials/kavithaimani/2019/oct/09/poem-dinamani-saambal-3249961.html
3246548 ஸ்பெஷல்ஸ் கவிதைமணி மகாத்மா காந்தி வாசகர் கவிதை பகுதி 3 கவிதைமணி DIN Thursday, October 3, 2019 04:45 PM +0530 கோடாரியால் கதை சொன்ன 
நீதி தேவதைகள்
மரங்களுக்கான அணிகலனானார்கள்

கதை கதையாய் பாடம் வைத்து
ஆரம்பப்பள்ளியிலே மரம் நட்டு
அசோகரை பரப்பினார்கள்

நாட்டு நலப்பணித்திட்டம் 
சாலையோரத்தில் செடிகள் செய்து
விழிப்புணர்வு செய்தார்கள்...

கல்லூரி சென்றதும்
கசங்கி வாடிய செடிகளுக்கு
நீரூற்ற மரத்தை வச்சவன் இல்லை...

நூறுநாள் திட்டத்து காந்தி 
சிரித்தே சம்பளமிடுகிறார்
பூத்துக் குலுங்கிறது மரங்கள்....

மரத்தை வைக்காதவரும்
தண்ணீரடலாம் சர்வேசா...
காந்தி சிரிக்க வேண்டும்!

- வீரசோழன்.க.சாசோ.திருமாவளவன்

**

மகாத்மாகாந்தி மாமனிதர் அல்லவா! அவர்
மனவுரம் கல்வியின் பலனல்லவா !  
அமைதியும் அன்பும் நற்பண்பின் விதைகளல்லவா ?
அதையவர் வாழ்ந்தது வெற்றிக் கதைகளல்லவா ?


மனமே மனமே உனைத்தான் உயர் வென்றார் !
தோல்வியும் மனவூக்கம் தரும் ஆக்கம் என்றார்!
நன்றானது கொள்கையானாலும் வன்முறை கூடாதென்றார் !

காந்தியின் சத்தியாகிரகப் போராட்டமே !
எதையும் சாதிக்க முடியும் தேரோட்டமே !
காந்தி சிந்தனை படிப்புடன் சேவையுமே !
உடன் மாணவர் ஆற்றல் வெளிப்படுமே ! 

மகாத்மா காந்தி அண்ணல் சொன்னார்,
சிறந்தது மனிதம் என்ற புத்தகமே !
சீர்தூக்கிப் பார்ப்பின்  வணங்கும் நித்திலமே !

- கவிஞர் இலக்கிய அறிவுமதி

**

அண்ணல் தேசபிதாவே
அஹிம்சை சத்தியம்
புன்னகையுடன் கடைபிடித்து
உடல் வருத்தி கண்ணீர் விட்டு
வாங்கித் தந்த சுதந்திரம்
விழலுக்கு இறைத்த நீராயின!
அப்பாவி மக்களின்
அன்றாட வாழ்க்கையே
வன்முறை வெறியாட்டத்தில்
குண்டு முழக்கத்தின் நடுவே
குருதியில் மிதக்கிறது!
துப்பாக்கிக் குண்டில்
நீ மட்டும் மடியவில்லை
அஹிம்சை சத்தியம்
மனிதநேயம் அன்பும்
மடிந்து கொண்டு வருகிறது!
சுதந்திர இந்தியாவில்
பட்டாம் பூச்சிகள் போல்
சுதந்திரமாய் மக்கள்
பறக்கலாம் நினைத்தாய்!
பறக்கும் பட்டாம் பூச்சிகள்
சிறகுகளைப் பிய்த்து விட்டு
பறக்கச் சொல்லும்
பாரத நாட்டில் நாங்கள்
வாழ்ந்து கொண்டு இருக்கிறோம்!
வெளிச்சம் என்று நினைத்து
தீயில் விழுந்து நாங்கள்
வெந்துகொண்டு இருக்கிறோம்!
சுதந்திர ஆன்மீக வெளிச்சம்
எங்களுக்குக் கிடைப்பதற்கு
எப்போது இங்கு வருவாய்?
மீண்டும் நீ வந்தால்
மனிதநேயம் உலகில்
மீண்டும் துளிர்த்து விடும்
மகாத்மாவே மீண்டும் வா!

- கவிஞர் பொன்விலங்கு பூ. சுப்ரமணியன்,
வன்னியம்பட்டி, ஸ்ரீவில்லிபுத்தூர் வட்டம்

**

ஆங்கிலேயர் நமது நாட்டை
     அடக்கி ஆண்டனர் !- நாளும்
தாங்க முடியா கொடுமை செய்தே
     தழைத்து வந்தனர் !

அடிமையான நமது மக்கள்
     ஆர்த்தே எழுந்தனர் !- வான்
இடியைப் போல இடித்துத் தாக்க
     எண்ணம் கொண்டனர் !

அண்ணல் காந்தி அனைவர் தமையும்
     ஆற்றுப் படுத்தினார் !- மக்கள்
எண்ணம் தன்னில் அன்பு விதையை
     இனிக்கத் தூவினார் !

அடக்கி ஆண்ட ஆங்கிலேயர்
     அடங்கி நின்றனர் !- எந்தத்
தடையும் இல்லாத் தன்மை நிலவ
     தாமே பணிந்தனர் !

இந்தியாவை இந்தியர்க்கே
     இனிதே ஈந்தனர் !- நம்
சிந்தையள்ளும் விடுதலையை
     சிறக்கத் தந்தனர் !

அமைதி வழியே சிறந்த தென்று
     அறிய வைத்தவர் !- அண்ணல்
அமைதி வழியே உலகம் ஆள
     அனைத்தும் ஆண்டவர் !

அன்றும் இன்றும் என்றும் எங்கும்
     அண்ணல் வாழ்கிறார் !- அவர்
அன்பால் இந்த உலக மக்கள்
     அகத்தில் வாழ்கிறார் !

- து.ஆதிநாராயணமூர்த்தி, பரதராமி (திமிரி).

**

பாத்தியம் இருப்பது என்பது சாத்தியமே
விடுதலைக்கென ||

வாசித்த வாத்தியம் இன்னின்னதென
யோசித்து விளக்கம் ||

தந்தத் தந்தையை தேசிய தந்தையாய்
நேசிக்கும் பாக்கியம் ||

மறைந் தோருக்கும் பிறந் தோர்க்கும்
ஒலிக்கும் வாக்கியமே ||

அடித்துக் கொள்வோம் பெருமிதத்துடன்
நம்முள் சிலாக்கியம் ||

இனியும் இழிநிலையை அடையவிடாது கொள் வைராக்கியமே ||

உன்கையிலும் உனது சட்டைப்பையிலும்
ஏன் கனவிலும் காந்தி ||

பிணமான போதிலும் பணமாக உயிர்
வாழ்வது சத்தியமே ||

மகாத்மா காந்தியை நினையாதவன்
நன்றி கெட்டவன் ||

மகாத்மா காந்தியை மறவாதவன் தேச
பக்தி கொண்டவன் ||

மாண்டுப் பார்க்க தெரிந்து கொண்ட
காந்தியாருக்கு தேசத்தை ||

ஆண்டுப் பார்க்க முடியாத துரதிர்ஷ்டம்
கொடுத்து வைக்காதது ||

ஒரு மனக்குறையே சுதந்திரம் அடைந்த
பாரத தேசத்தவர்க்கு ||

சுதந்திர பறவையானோம் இவற்றை
முன்னோர் அளித்தது ||

அவற்றை கட்டிக் காக்கும் கடமையோ
இனிமேல் நம்முடையது ||

- ஆபிரகாம் வேளாங்கண்ணி கண்டம்பாக்கத்தான்

**

அனுகூலம் செய்வது போல் 
நம்மை சுத்தி உறவுகள் இருக்கும்
ஆராய்ந்து பார்த்தால் தெரியும்
கூர் கத்தி அக்குளில் இருக்கும்

இப்படித்தான் மகாத்மா காந்தி
காலக் கதையும் முடிந்த தங்கே
சாக்கு போக்கு ஆயிரம் சொல்வார்
நீக்கு போக்கு அறிந்தே செய்வார்

பாரத தேசத்தை அன்னியர் பல்லக்கு 
தூக்கி வலம் வந்தார் மகாத்மா காந்தி 
எனும் பிள்ளை பூச்சி 
அவருக்கு பாடைகட்டினார்

சிரப்பு மிக்க பிறப்பு மகாத்மா காந்தி 
வரப்பு மடித்து இத்துடன் எனது நிலம் 
உனது நிலமெதுவோ அங்கு  
செல்லென  துரத்தினார்

- வே. சகாய மேரி, அரியலூர் திருக்கை

**

எதற்கு சுதந்திரம்
எங்களுக்கு
வாங்கிக் கொடுத்தீர்கள் ?

இப்போது
நீங்கள்  உயிரோடு இருந்திருந்தால்
நீங்கள் சொல்லும் கருத்தைக்கூட
மீம்ஸ் போட்டு
உங்களையும் கலாய்த்திருப்பார்கள் !

மணல் திருட்டை எதிர்த்து
நீங்கள் போராட வந்திருந்தால்
ப்ரேக் இல்லாத லாரிகளை
நீங்கள் வசிக்கும் தெருவிலையே
ஓடவிட்டிருப்பார்கள்!

தேர்தல் நாளில்
வாக்குச்சாவடிக்கு
நீங்கள் வாக்களிக்க சென்றிருந்தால் கூட
மகாத்மாவின் ஓட்டைக்கூட
மாற்றி ஒருவன் போட்டுச் சென்றிருப்பான்!

இத்தனைக்கும் சொல்லப்போனால்
உன் பிறந்தநாளில்
உன்னைச் சுட்டுக்கொன்ற
கோட்சேவுக்கே  நோபல் பரிசு
கொடுத்தாலும் கொடுத்திருப்பார்கள் !

- அ.அம்பேத் ஜோசப்

**
அகிம்சை என்றால் என்னவென்று தெரியவில்லை
அகிலம் முழுவதும் வன்முறை பரவி விட்டது!

பொறுமை என்றால் என்னவென்று புரியவில்லை
பொறுமை இழந்து சினத்தில் வாழ்கின்றனர்!

எளிமையை என்றும் விரும்பினார் காந்தியடிகள்
எளிமை மறந்து ஆடம்பரத்தில் ஆடுகின்றனர்!

அரசியலில் நேர்மையைக் கடைபிடித்தார் காந்தியடிகள்
அரசியலில் நேர்மை இன்று காணாமல் போனது!

உப்புக்கு வரியா? என்று எதிர்த்தார் காந்தியடிகள்
ஒன்றும் இல்லை வரி இன்றி என்றானது இன்று!

இயந்திரமயமாதலை விரும்பவில்லை காந்தியடிகள்
இயந்திரமாகவே மனிதர்கள் இன்று மாறிவிட்டனர்!    

எல்லோரும் என் சகோதரர்கள் என்றார் காந்தியடிகள்
இன்று சகோதரர்களே வெட்டிக் கொல்லும் அவல நிலை!

சாதிமத வேறுபாடு பார்க்காதீர் என்றார் காந்தியடிகள்
சாதிமத வேறுபாட்டால் வன்முறை நடக்குது இன்று!

- கவிஞர் இரா. இரவி.

**
அமைதி இமயம் அண்ணல் காந்தியை
ஆண்டுக் கொருமுறை நினைத்தோம் - அவரின்
அமைதி வழியை போற்றிக் காத்திட
அடடா நாமும்  மறந்தோம்!

ஆங்கி லேயர் குண்டு மழையை
ஆயுத மின்றி எதிர்த்தார்; - அந்த
ஆங்கி லேயர் மட்டு மல்ல
அகிலத் தாரும் போற்றினார்!

அரிச்சந் திரனின் வாய்மைப் போற்றி
ஆயுள் முழுவதும் பற்றினார்; - தாமும்
வறியோர் போல தமிழரைப் பார்த்து
வேட்டி உடைக்கே மாறினார்!

பாரத விடுதலை பாமரர்க் கிலாததால்
பதவிச் சுகத்தை வெறுத்தார்; - பெற்றப்
பாரத விடுதலை  பயனிலை என்றே
ஆறாய்க் கண்ணீர் வடித்தார்!

அமைதி இமயம் அண்ணல் காந்தி
அன்றே கண்ட கனவை - நாமும்
அமைதி யோடு நாட்டில் நிலையாய்
அமைய காந்தியை மறவோம்!

- நெருப்பலைப் பாவலர், இராம இளங்கோவன், பெங்களூரு.

**

காந்தியின் கண்ணாடி
கேள்விக்குறியாய் இன்று
அஹிம்சையை அறவே
மறந்து விட்ட சமுதாய்ம்
வன்முறை எனப்து
ஆள்பவர், எதிர்ப்பவர்
இரு புறமும் இருப்பதால்
இடையில் இருக்கும்
எங்கள் இன்னல் !
என்று வந்திடும் அமைதி?
காந்தியம் கேள்விக்குறியாய்
ஒவ்வொருவர் மனதிலும்

- தாமோதரன்.ஸ்ரீ, கோயமுத்தூர்

**

அருள்நெறி தலைவர் காந்தி அவதரித்த 
நூற்றி ஐம்பதாம் ஆண்டில்                 
சிறுமையை விலக்கி நல்ல 
சிந்தனை தலைமேற்கொள்வோம்
பொறுமை, அடக்கம், 
அன்பு பொருந்திய 
மனத்தைப் பெறுவோம்
வறுமையை ஒழிக்க வல்ல 
வழியினைகாண்போம் வெல்வோம்
சாதியை உண்மையாய் களைந்து 
சகலரும் அன்புடன் இணைந்து
நீதியைக்கோரிடும் ஏழை 
நிலஉழுமாந்தர்க்குத் துணையாய்
வீதியில் பேசிடாது மன்றில் 
விதியினை படைத்திடச்செய்வோம்
நீதியை நாடுவோர் மன்ற 
நிலையினை அறிந்திடச்செய்ய
வாதிடும் முறையினைத் 
தமிழில் வந்திட ஆவனசெய்வோம்

காதியைப் போற்றிடும் நாட்டில் 
கணணிகோலோச்சுவதைபார்க்கின்றோம்
நீதியாய் காந்தியை நினைந்து 
நிலையினை மாற்றிட முனைவோம்
ஏழ்மையைக்கண்டிறங்கும் 
ஏற்ற நல் உள்ளம் பெறுவோம்
கல்வியை தாய்மொழியில் 
கொணர்ந்து கலையினில்மேலோங்கி நின்று
கள்ளினை அறவே விலக்கி  
களிப்புடை வாழ்க்கை யாக்கி
உழைப்பினை போற்றி 
வாழ உறுதியைப் பூணுவோமின்று            

- கவிஞர் சூடாமணி. ஜி, இராஜபாளையம்

**

அண்ணல், தலைவர், மகாத்மா, தலைவரல்ல, 
தலைவரை உருவாக்கும் பல்கலை
சொன்னால் வியப்பீர்கள்! தலைவராய் 
ஓர்ஆண்டு, உயிர்போகும்வரை தலைவரில்லை

அறத்தின் தலைவர், அகிம்சையில் ராஜகுரு, 
அவனியெங்கும் புகழ்பெற்ற ஞானி!
திறமையின்  தலைவர்களைஉண்டாக்கி 
திணறடித்தார் வெள்ளையரை அன்று

அரைநிர்வாண பக்கிரி என்று ஒருசிலராலும்,
ஒன் மேன் ஆர்மிஎன மவுண்டபாட்னாலும்    
பயம் நிறைந்த உணர்வுடன் பகர்ன்றனர் 
பரங்கியர் என்றால் சும்மவா நமது காந்தி!

ஆங்கிலம் பேசும் வெள்ளை ஆதிக்கம் 
எதிர்த்த உயர்சாதி கனவாங்களின் கையில்
பாங்குடன் வீற்றிருந்த காங்கிரஸ் 
கட்சியை பாட்டளிகளின்  கட்சியாக் கினார்

பிர்லாவும் ஆதரித்தார் பின்னர் அவரிடம் 
பணிசெய்த ஏழைதொழிலாளியும் ஆதரித்தார்  
ஆர்ப்பாட்டம் என்றாலும் போராட்டம் 
என்றாலும் அண்ணல்செய்தால் நாடேசெய்தது

கோழையல்ல கொள்கையில் கோமான் என்றும் 
மூன்றாம்வகுப்பில் பயனம்செய்தார்
ஏழைகளோடு ஏழையாக உயிர் உள்ளவரை 
தொடர்வண்டியில் பயணம் செய்தார்

மேலாடை ஏழை விவசாயிக்காக துறந்தார் 
ஏறுவதில்லை விமானத்தி லென்ற
மேலான கொள்கை கொண்டே மேலான 
காந்தி இறுதிவரை வாழ்ந்தார்

உயர்சாதினர் என்றாலும் அவர் உயர்சாதினர் அல்லர் 
இந்து என்றாலும் இந்து அல்லர்!
உயர்வான காந்தியின் குணங்களை 
உண்மையாய் பின்பற்றுவோம்அதுதான்அஞ்சலி !    

 - கவிஞர் அரங்க.கோவிந்தராஜன், இராஜபாளையம்

**

]]>
தினமணி, மகாத்மா காந்தி, காந்தி ஜெயந்தி, கவிதைமணி, GandhiAt150, GandhiJayanti, காந்தி ஜயந்தி, MahatmaGandhi, Bapu, GandhiJayanti poem title Mahatma Gandhi, பாபுஜி, மகாத்மா கவிதை https://images.dinamani.com/uploads/user/imagelibrary/2019/10/2/w600X390/MahatmaGandhi.jpg மகாத்மா காந்தி https://www.dinamani.com/specials/kavithaimani/2019/oct/02/gandhijayanti-poem-title-mahatma-gandhi-3246548.html
3246515 ஸ்பெஷல்ஸ் கவிதைமணி மகாத்மா காந்தி வாசகர் கவிதை பகுதி 2 கவிதைமணி DIN Wednesday, October 2, 2019 11:44 AM +0530 மகாத்மா காந்தி

இந்திய விடுதலை போரை முன்னெடுத்த
போர்பந்தர் போவீரரே
அகிம்சையை அளப்பரிய ஆயுதமாக்கி வெற்றி கண்ட
அரிய சிந்தனையாளரே
ஆள் பாதி ஆடை பாதி என்ற கூற்றை பொய்யாக்கிய
கூர்மையான மதியாளரே.
தீண்டாமை கொடுமையை தீவைத்து கொளுத்தவேண்டும்
என்று முழங்கிய தீர்க்கதரிசியே
உன் மேன்மை புரியா மூடர்கூடத்தின் முரடன் ஒருவன்
உன் மூச்சை நிறுத்தும் வேலை செய்தான்
உன் மூச்சை நிறுத்தி இருக்கலாம் ஆனால் உன்
அகிம்சையின் வீச்சு மதசார்பின்மை பேச்சும்
இன்னும் எதிரிகளை அச்சம் கொள்ளவைக்கும் ஆயுதங்கள்
அமைதியின் வழியிலும் அறத்தின் வழியிலும் இறுதிவரை
நின்ற மகாத்மா நீ வாழ்க உன் புகழ் !

- ம முரளிதரன்

**

எளிமைத் திருமேனி எந்நாளும் கொண்டவரை
அன்புமலையை ஆளுமாசையில்லா மணியை
ஏழ்மைப்பிடியிற் சிக்கியார்க்கு வாழ்வளிக்க வந்தவரை
குடிமக்களுள் ஒரு ம(க)கானாய் வாழ்ந்தவரை
சீரியானை அரசியல் பதவியேதும் ஆசையில்லாதவரை
மாசில்லா நேசத்தை மட்டும் நினைத்தவரை
போர்தனை வெறுத்தவரை பெருவாழ்வு பெறவதற்குச்
சத்தியமே ஜெயமென முழங்கிப் போராடியவரை
கரம் கறைபடியாக் கார்மேகம்தனை, தமிழகம் வந்ததால்
நான்கு முழ வேட்டியணிந்த தயாளரை
போர்பந்தர் பெற்றெடுத்த குறையில்லாக் குணக்குன்றை
உழைப்பே உயர்வுக்கு வழியென்றவரை
போர்வழி அஹிம்சை சத்தியமெனக் கொண்டவரை
குன்றென நெஞ்சுறுதி கொண்ட கோமகனை
அடிமை வாழ்வுதனை எதிர்த்துப் போராடியவரை
ஆங்கிலேயர்க்கு அடிபணியாப் பேராண்மையை
குடிமக்கள் உயர்வு பெறுவதற்கே உழைத்தவரை
உள்ளளவும் மனதிற் போற்றிப் பணிவோமே!

- மீனாள் தேவராஜன்

**

மகாத்மாகாந்தி மாமனிதர் அல்லவா! அவர்
மனவுரம் கல்வியின் பலனல்லவா !  
அமைதியும் அன்பும் நற்பண்பின் விதைகளல்லவா ?
அதையவர் வாழ்ந்தது வெற்றிக் கதைகளல்லவா  ?

மனமே மனமே உனைத்தான் உயர் வென்றார் !
தோல்வியும் மனவூக்கம் தரும் ஆக்கம் என்றார்!
நாம் வாழும் வாழ்க்கையே நம் அறிமுகமென்றார்  !
நன்றானது கொள்கையானாலும் வன்முறை கூடாதென்றார் !

காந்தியின் சத்தியாகிரகப் போராட்டமே !
எதையும் சாதிக்க முடியும் தேரோட்டமே !
காந்தி சிந்தனை படிப்புடன் சேவையுமே !
உடன் மாணவர் ஆற்றல் வெளிப்படுமே ! 

மகாத்மா காந்தி அண்ணல் சொன்னார் !
சிறந்தது மனிதம் என்ற புத்தகமே !
சீர்தூக்கிப் பார்ப்பின்  வணங்கும் நித்திலமே !

- கவிஞர் இலக்கிய அறிவுமதி

**

போர்பந்தர் மண்ணில் பிறந்த உத்தமரே !
இந்திய மக்களுக்காக வாழ்ந்த அண்ணலே!
கறுப்பின இந்தியர்களின் உரிமைக்காக தொடங்கிய
அறவழி போராட்டத்துடன் சுதேசி கொள்கையும் சேர
காங்கிரசு இயக்கம், மாபெரும் விடுதலை இயக்கமானதே !
திருப்புமுனை கண்ட தண்டி யாத்திரையுடன்
வெள்ளையனே வெளியேறு போராட்டம்
இன்னுமொரு மைல் கல் ஆனதே !
திண்ணடாமை எதிர்த்தும் முழு மது விலக்கு கோரியும்
தொடர் உண்ணாநிலைப் போராட்டங்கள் !
வறுமையில் தவிக்கும் இந்தியர் கண்டு 
நின் ஆடையில் எளிமையுடன் வறுமைக் காட்ட
‘மகாத்மா’ பட்டம் வழங்கினாரே தாகூர்  !
துப்பாக்கியேந்திய ஆங்கிலேயரும் சற்றே கலங்க
அகிம்சையுடன் வாய்மையும் ஆயுதமாக
பெரும் புரட்சி நடத்திய அண்ணலே
சுதந்திர இந்தியாவின் தந்தையானீரே !

- தனலட்சுமி பரமசிவம்

**

அந்த விடியல் சிவப்பாய் விடிந்தது
ரத்தநதியின் பிரதிபலிப்பில்; எங்கள்
தந்தையின் ரத்தம் அதைக்
கொடூரச் சிவப்பாய் மாற்றியது
எந்த இசைக்கருவியிலும் இல்லாத ஓர்
ராகத்தை வெறும்
ராட்டையில் வாசித்துக் காட்டினான் எங்கள்
பாட்டன் ஒருவன்
கட்டுக்கோப்பைப் போட்டுடைக்கும்
காலம் ஒரு பின்நவீனத்துவவாதி
நேசிக்கச் சொன்னவனுக்குச் சிலுவை
யோசிக்கச் சொன்னவனுக்கு விஷம்
போர்ப்பந்தரிலிருந்து ஒருவன்
போர்க்களத்திற்கு வந்தான்; கையில்
தூயப்புன்னகைப் பூச்செண்டு; பதிலுக்கு
நாங்கள் கொடுத்தோம் துப்பாக்கிக்குண்டு

அரங்கிலிருந்து எல்லோரும் காலியாகிவிட்டார்கள்
அவன் ஒருவன் மட்டும் இசைத்துக்
கொண்டிருக்கிறான், கல்லறையிலிருந்து
மலைமுதல் அலைவரை எதிரொலித்துக்
கொண்டுதான் இருக்கிறது;
நமக்குத்தான் காதுகேட்பதில்லையே
பல தசாப்தங்களாக!

- கவிஞர் மஹாரதி

**

வையத்து வரலாற்றில் முதன்முறையாய் - இந்த
வன்முறையின் போர்முறையை ஒதுக்கிவிட்டார்;
வையத்தார் வியந்திடுமோர் வழிபற்றினார் - அண்ணல்
வெளிப்படையாய் அமைதியாகப் போர்நடத்தினார்!

தடியடிகள் தூக்குமேடை துமுக்கிரவை -அந்தமான்
சிறைக்கொடுமை மரணத்தை ஈந்தபோதும்
விடுதலைதான் உயிர்மூச்சாய் நெஞ்சிலேற்றி - அண்ணல்
மனவுறுதிக் கருவிதனை நம்பிநின்றார்!

உலகத்தின்   பெரியாராம்   காந்தியண்ணல் - இந்த
உலகமுள்ள   வரைநாமும்   வாழ்கவென்போம்;
நிலமெங்கும்   இவர்போல   எவருமில்லை - இவரை
நெஞ்சிலேற்றி   வாழ்கவென்றே  வாழ்த்திடுவோம்!

அமைதியறப்   போர்தந்தை   வாழியவே! - எங்கள்
அடிமைவாழ்வு   விலங்கொடித்தோர்   வாழியவே!
அமைதியன்பு   சாந்தமூர்த்தி  வாழியவே! - எங்கள்
அண்ணலான  மகாத்மாவாம்   காந்தி   போற்றி!

- கவிக்கடல், கவிதைக்கோமான், பெங்களூரு.

**

கதராடை அதுவும்
அரையாடையில் உலவிய
அதிரூபன்.
கறுப்பின மக்களின்
கடுந்துயர் களைந்த
கருணையாளன் !.
மது மாமிசம் நீக்கி
மன உறுதியுடன் வாழ்ந்த
மாமனிதன் .
உண்மையால் உயர்ந்து
உலகம் போற்றிய
உத்தமன் .
அகிம்சை எனும்
ஆயுதம் ஏந்திய அவரே
அண்ணல் காந்தியடிகள் !
அல்லும் பகலும் பாடுபட்டு
அந்நியரை விரட்டிப்
பெற்றுத் தந்த சுதந்திரம்
கற்றுத் தந்த ஒழுக்கம்
காற்றில் பறக்குது இன்று !
மனிதர்கள் நிறைந்திருக்க
மனிதம் குறைந்திருக்க
மகாத்மாவும் சிரிக்கிறார்
பணத்திலும் படத்திலும் !

- ஜெயா வெங்கட்

**

வாய்மையையும் தூய்மையையும்
போற்றிய தாய்மை நெஞ்சின் நேயன்,
சேயாய் இருந்து அனைத்தும்
மாயாது கற்ற எளியன்,
ஓயாது உரைத்தது ஹேராம்
காயாத போராட்டம் இயக்கம், 
ஒத்துழையாமை
அஹிம்சை நெறியை ஊர் அறியாத போதே 
அகிலத்திற்கு தந்தவன்,
தமிழ் கற்று தேர்ந்து கடைசி வரை 
பாரதியையும் நேசித்தாய்
இந்த பாரையும் நேசித்தாய்,
உலகில் உனைத் தெரியாதவர் உளரோ?
வஞ்சகரும் உன் நோட்டை 
நாளுமிங்கே பதுக்கிட்டார், 
கீழே நீ எழுதியது  
வாய்மையே வெல்லுமென்று
காந்தீயம் புரிந்திட நாளும் ஓங்கும்
சாந்தி தான்,
சத்யமேவ ஜயதே..

- செந்தில் குமார் சுப்பிரமணியன்.

**
போர்பந்தரில் உதித்து
போர்க்கப்பல்களை
அமைதிக்கடலில் மூழ்கடித்தவர் !!
சட்டம் படித்தார் –இருந்தும்
சத்யாக்ரஹத்தை வாதிட்டார் !!
ஒவ்வொரு இந்தியனின் மனப்பெட்டியிலும்
அஹிம்சைத் தபாலை நுழைத்தவர் !!
வல்லினம் கற்காத வல்லவர் !!
கத்தியில்லை , கத்தல் இல்லை,
ஒரு ஒத்துழையாமையால்
எண்ணிலடங்கா எண்ணங்களில்
ஒற்றுமை ஊற்றை எழுப்பியவர் !!
அரசியல் - தம் பிள்ளைகளை மட்டுமே தூக்கிவிடும்
ஒரு மந்தை! – ஆனால்  நீங்களோ
இந்த மண்ணையே வாரிசாக நினைத்த விந்தை !
பாரதம் கண்டது அதனால் தனக்கென்று ஒரு தந்தை !!  

- கவிஞர்.  டாக்டர் எஸ். பார்த்தசாரதி

**

மனிதகுலத்தை நேசித்த மாமனிதர் காந்தியடிகள்
மனிதரில் யாரையும் வேற்றுமை பாராட்டாதவர்
இனிய சொற்களில் அன்பை விதைத்தவரவர்
மனிதம் எத்தொழிலையும் இழிவு படுத்தாதென்றார்

அடிமைத்தனத்தை அகிம்சையால் எதிர்த்து நின்றார்
குடியரசே மக்களுக்கு நன்மை பயக்குமென்றார்
படியாத ஆங்கிலேயரை மக்கள்சக்தியால் வென்றார்
விடியலாய் சுதந்திர இந்தியாவை உருவாக்கினாரவர்

எளிமையின் உருவமாய் எங்கும் நடந்தாரவர்
களிப்பாக இந்து முஸ்லீம் ஒற்றுமை வேண்டினார்
துளிர்த்திட வேண்டுமென அதை நினைத்தாரவர்
ஒளியின்றி பிரிவினையின் இருட்டில் நின்றதது.

நிறவெறி எதிர்த்து தென்னாப்பிரிக்காவில் நின்றார்
அறநெறியில் அதன் வெற்றியைக் கண்டாரவர்
புறநெறியாய் அகிம்சையெனும் ஆயுதம் தரித்தார்
உறவில்வந்து மக்களவரை மகாத்மா என்றனரே.

மகாத்மா காந்தியின் கீர்த்தி அளவற்றதல்லவா
சுகாதாரமாய் தன்பணி தானே செய்யவேண்டினார்
புகாதவர் மனதிலும் தூயஅன்பு புகுமென்றாரவர்
முகாந்தரமாய் தன்னுயிரையும் இனிதாய் தந்தாரே.

- கவிஞர்  ராம்க்ருஷ்

**

காந்தியே!
மகாத்மாவே!
மானிடராய்ப் பிறந்து...
மகோன்னதவம் அடைந்தவரே!
உண்மையே தெய்வமென்று...
உலகுக்கு உணர்த்திய உத்தமரே!

அரிச்சந்திரன் நாடகம்கண்டு...
பொய்மைக்கு முடிவு கட்டியவரே!
கீதையைப் படித்ததிலிருந்து...
இருப்பதையெல்லாம் துறந்தவரே!
வாய்மையாலேயே வாழ்வு சிறக்குமென்று
வல்லுலகை உணர வைத்தவரே!

மானுடரை மதித்ததால்தானே நீவிர்
மகாத்மாவாய்  உருவெடுத்தீர்!
பாரிஸ்டர் படித்த நீவிர்
பாமரனின் உடையணிந்தீர்!
அஹிம்சையும் பொறுமையுமே 
ஆயுதங்கள் என்றுணர்த்தியவரே!

இப்படித்தான் வாழ்வதென்று
இதயத்தில் ஏற்றபின்பு...
எத்தனைதான் இடர் வந்தாலும்
சத்தியத்தின் வழியில் நின்று
சாதனைகள் நிகழ்த்திக் காட்டி
உலகத்தார் உளத்திலெல்லாம்
உயர்ந்தவரே! உமது புகழ்...
மண்ணுலகம் உள்ளவரை 
மறையாது!இது உறுதி!

-ரெ.ஆத்மநாதன், கூடுவாஞ்சேரி

**

தான் உண்டு தன் வேலையுண்டென இருந்தவனை;
வம்புக்கு இழுத்தது ஆங்கிலேயக்கூட்டம்

வம்பு செய்பவனுக்கு தெம்பைக்காட்ட 
அம்பை விட்டான்;
அது அவர்களைக்
குத்தவில்லை,
அது காகித அம்பு

காகிதத்தால் ஆவது என்ன?
படித்தவன் தன் பகட்டுக்காக  கடிதம் எழுதிக்கொண்டிருந்தால்,
அதனால் என்ன ஆகப்போகிறது?
சிரித்தார்கள் பலர்

சிந்தித்த கொஞ்சம் சிலர்,
படித்த இவன் பக்கம் நின்றனர்;
அதுவே நாளாக ஆக கோடிக்கணக்காக பெருகியது

படித்தவர்கள் அரசியலுக்கு வரவேண்டும்,ஏன்?
மேலே உள்ள காரணங்கள் மட்டும் போதுமே

படிக்காத பரதேசிக்கூட்டம் நாட்டை ஏய்க்குது பார்!
படித்தவனே எழுந்து வா,
காந்தி தேசம் அமைப்போம் வா.

- ம.சபரிநாத்,சேலம்

**
வாங்கித் தந்தார் தந்தை காந்தி நம் 
மண்ணுக்கு விடுதலை ! அப்போதே 
சொன்னார் இந்த மண் உன் பூர்விக 
சொத்து அல்ல ...உன் பிள்ளைக்கு 
நீ பட்டிருக்கும் கடன் என்று !
கடனாளி நீ இந்த மண்ணுக்கு சொந்தம் 
கொண்டாட முடியுமா ?
உனக்கு என்ன உரிமை கடன் சொத்தை 
அழிக்க ? கோடிட்டு காட்டினார் உன் 
எல்லை என்ன என்று அன்றே மகாத்மா ! 
நிலை மறந்து எல்லை தாண்டி விட்டாய் 
மனிதா நீ இன்று ! 
இந்த மண்ணின் வளம் அழிக்க கடனாளி  
உனக்கு ஏது உரிமை ?  கேட்கிறார் இன்று 
உன் பிள்ளைகள் ! பதில் சொல்லு நீ !
கேள்வி கேட்கும் ஓவ்வொரு பிள்ளையும் 
ஒரு மகாத்மா காந்தியே !  

- கந்தசாமி  நடராஜன் 

**

அகிம்சையின் அத்தியாயமே!!
அன்பின் அர்ப்பணிப்பே!!
ஒற்றுமையின் ஒளிவிளக்கே!!
இந்தியத் தாயின் பிதாமகனே!!
சுதந்திரக் காற்றை
சுவாசிக்க வைத்தாய்!!
ஜாதி, மத பேதமின்றி 
பழக வைத்தாய்!
தர்மம் தலைகாக்கும் என
அகிம்சையை போதித்தாய்!!
எல்லாமாய் இருந்த நீ!
இல்லாமல் வாடுகிறோம்!!!
பெற்ற சுதந்திரத்தை பேணி காக்க,
நீ மறுபடியும் பிறந்து வா!!
எங்கள் பிதாமகனே!!
இந்தியத் தாயின் முதல் மகனே!!
எங்கள் வீட்டின் தலை மகனே!!
அகிம்சையின் ஆணிவேரே!!
சட்டத்தின் வல்லுனரே!!
பொறுமை காத்து
இந்திய நாட்டின் 
பெருமை சேர்த்தாய்!!
நாங்கள் எதிர்பார்க்கிறோம் இன்னும் இன்னொரு காந்தியை!!
ஜெய்ஹிந்த்!!   வந்தே மாதரம்!!

- மு.செந்தில் குமார், ஓமன்

**

]]>
மகாத்மா காந்தி, GandhiAt150, GandhiJayanti, காந்தி 150, MahatmaGandhi, GandhiJayanti Poem, Bapu, காந்தியடிகள், அண்ணல் காந்தி https://images.dinamani.com/uploads/user/imagelibrary/2012/10/25/20/w600X390/Mahatma-Gandhi.jpg https://www.dinamani.com/specials/kavithaimani/2019/oct/02/gandhijayanti-poem-3246515.html
3246492 ஸ்பெஷல்ஸ் கவிதைமணி மகாத்மா காந்தி வாசகர் கவிதை பகுதி 1! கவிதைமணி DIN Wednesday, October 2, 2019 10:00 AM +0530 காந்தி மகான்

நிலைமண்டில ஆசிரியப்பா

விரைந்த நடையில் வீரமோ அதிகம்
நிரைந்த மனதில் நீங்கா அண்ணலாம்.!
மனிதரில் நீயே மகானாய் ஆனாய்
புனிதராய் இருந்தே புவியில் வாழ்ந்தாய்.!

இலக்காம் விடுதலை எட்டிப் பிடித்தாய்
உலகம் எங்கும் உனக்குச் சிலைகள்.!
குணத்தில் நீயே குன்றாய் நின்றாய்
பணத்தில் முகத்தின் படமும் தந்தாய்.!

அண்ணல் என்றால் அறியார் யாரோ
எண்ணம் நிறைந்தே ஏற்பர் எவரும்.!
அகிம்சைக் கொள்கையுன் அன்பின் பிறப்பு
அகிலம் போற்றும் அணையா விளக்கு.!

ஏந்திய ஆயுதம் இட்ட கறையால்
காந்தியம் என்றும் கரைந்து விடாது.!
மறுபடி நீயும் மண்ணில் உதித்தால்
மறுக்கும் எண்ணம் மனிதரில் இலையே.!
 
- கவிஞர் பெருவை பார்த்தசாரதி

**

பாவலர் கருமலைத்தமிழாழன்
தமிழகத்து வள்ளியம்மை கண்ட ளித்த
----தவமணிதாம் காந்திமகான் ! தில்லை யாடி
நிமிர்ந்துநிற்க மண்தொட்டு வணங்கி சென்னி
----நிமிர்ந்தவர்தான் காந்திமகான்! தென்னாப் பிரிக்கா
அமிழ்தாகக் கடைந்தெடுத்து அள்ளித் தந்த
----அண்ணல்தாம் காந்திமகான்! புவிவி யக்க
அகிம்சையெனும் புதுவழியில் வெற்றி கண்ட
----அறமகன்தாம் காந்திமகான்! நாட்டின் தாயாம் !
நிறையாடை இல்லாமல் தமிழ கத்தில்
----நின்றிருந்த விவசாயி கோலம் கண்டே
அரையாடை அரைகட்டி இந்தி யாவை
----அடியடியாய்க் காலடியால் அளந்த வர்தாம்
திறைசெலுத்த மறுத்தவீர கட்ட பொம்ம
----தீரன்போல் நேத்தாசி எழுந்த போதும்
சிறைக்குள்ளே நேருவுடன் பொறுமை காட்டிச்
----சிந்திக்க வெள்ளையனை வைத்த வர்தாம் !
வீதிவழி இரவில்பெண் தனியாய் செல்லும்
----விரிந்தராமர் ஆட்சியினை விழைந்த வர்தாம்
நீதிநெறி சத்தியமும் உண்மை யொன்றே
----நிலைத்தவாழ்வைத் தருமென்று வாழ்ந்த வர்தாம்
சாதிமதப் பேதமற்ற நாடாய் ஆக்கும்
----சாந்திவழி தனிலுயிரை விட்ட வர்தாம்
போதிமரப் புத்தரேசு பிறப்பாய் வந்து
----பொலிந்தமகான் காந்திவழி நடந்தால் வாழ்வோம் !

- பாவலர் கருமலைத்தமிழாழன்
**

எதிரி தோற்கா வண்ணம் நீயங்கே
ஜெயித்திட வேண்டும் எனமொழிந்த எம்மானே!
கத்தியின்றி ரத்தமின்றி அகிம்சை என்னும்
ஆயுதம் ஏந்தி ஆதவன் மறையாப்
பேரரசைச் சத்தமின்றி விரட்டிய அண்ணலே!
காந்தியை நாம்ஏன் படிக்க வேண்டும்?
மகாத்மா போதனை ஏதும் செயவில்லை!
அவர்தம் வாழ்வே செய்தியும் சகாப்தமுமாம்!
நள்ளிரவில் பெண்ணங்கே தனித்துச் செல்லவும்
கிராமங்கள் செழிக்கவும் கனவு கண்டவரேநீர்!
உண்மையின் இலக்கணம்! அகிம்சையின் பிறப்பிடம்!
பாரதத்தின் ஆத்மா! அடையாளம்!! முகவரி!!

- மரு. கொ.ரா. தர்மேந்திரா

**
மனித ஆத்மாவாகத் தோன்றி
மகாத்மாவாக உயர்ந்தவர் நீ!

ஆடையைக் குறைத்து
அகிம்சயை அணிந்தவரே !
உன் பிறந்த நாள்
அகில உலகத்திற்கும்
அகிம்சை பிறந்தநாள்!

உன் கைகள் இரண்டும் இராட்டை சுற்றின
உன் கால்கள் இரண்டும் நாட்டைச் சுற்றின
உன் கொள்கைகள் இரண்டும் உலகை சுற்றின
உன் அறப்போர் மட்டும் நாட்டுக்கு சுதந்திரம் பெற்றன!

தென்னாப்பிரிக்காவில் அகிம்சையை சோதித்தாய்!
உன் தாய் நாட்டில் அகிம்சையால் சாதித்தாய்!

அனைவரின் ஒத்துழைப்போடும்
ஒத்துழையாமை இயக்கத்தை நடத்தி
ஆயுதத்தால் வெல்லமுடியாததை
அகிம்சையால் வென்று - நீ
உன் வாழ்நாளுக்குப் பிறகும்
வாழும் மகாத்மா!
வாழ்க! வாழ்க!

- கு. முருகேசன்

**

சுதைமண் காந்தியின்
தடியைப் பிடுங்கித்
தலையை உடைக்கிறார்கள்
காந்தி பதாகையில்
குறிதவறாது சுட்டுக்
குருதியோடச் செய்கிறார்கள்
காந்தி சாலையில்
பிராந்திக் கடைகளைத் திறந்து
ஆடுவோமே – கள்ளு
போடுவோமே என்கிறார்கள்
காந்தி விழா கொண்டாடியதாகப்
பொய்க்கணக்கெழுதிப்
பொருளாதாரத்தை உயர்த்துகிறார்கள்
காந்தியாக நடிக்கக்கூட
இந்தியர் எவருமில்லை
காந்தி பிறந்த நாளைக்
கோலாகலமாய்க்
கொண்டாடுகிறார்கள்
தொலைக்காட்சியில் குத்தாட்டம் பார்த்து
அது எப்படி?
பணத்தாளில் புன்னகைக்கும் காந்தியைப்
பாதுகாக்கிறார்களே
பெட்டி பெட்டியாய்...

- கோ. மன்றவாணன்

**

உப்பென்றும் சீனியென்றும் உள்நாட்டுச் சேலையென்றும்
செப்பித் திரிந்தோர்க்கு செயலில் வழிகாட்டி
தாழ்வுற்று வறுமை மிஞ்சி விடுதலை தவறிக்கெட்டு
பாழ்பட்டு நின்றிட்ட பாரத சமுதாயத்தை வாழ்விக்க வந்தாயென்று
பாரதி சொன்னனென்று. - ஆனால்
பாரதத்தில் உனக்குத் கிடைத்த பரிசு பச்சைப் படுகொலை.
ஏனோ எனக்கு எதுவும் புரியவில்லை.
இந்து வெறியரின் தர்மம் தெரியவில்லை.

- சித்தி கருணானந்தராஜா

**

இந்திய மண்ணின்  பிதா
சிந்திய   வியர்வைத்  துளியில்
கிடைத்த  சுதந்திரம்!
காந்தி      ஜெயந்தி  கொண்டாட
சாந்தி  பெற வேண்டுமென
முந்தி வேண்டிய  வேண்டுதல்
சந்ததியினரையும் தொடருதே!
இந்தியா என்ற அருமை மகளை
கைபிடித்து  நல்வழி நடத்தி செல்லும்
வல்லமை உடைய தந்தை நீங்கள்!
உங்களின்  வழி  நடந்தோர் '
கடைபிடிக்க விரும்பும் அஹிம்சை
தடையின்றி  வருகுதே
இந்திய மக்களின் வாழ்வில்!
சட்டையணியா  உங்களின் கொள்கை 
 ஆகியதே உங்களை மகாத்மா!
வெள்ளயனே வெளியேறு என்ற
தொல்லை தராத  உங்களின் '
அணுகுமுறை சந்தித்தது வெற்றியினை!
வெற்றி வாகை சூடிக்  கொடுத்த
முற்றிலும் அன்புடைய  உங்களை
சுற்றி நின்று ஆராதிக்கிறோம்!

- பிரகதா நவநீதன்.  மதுரை 

**
போர்பந்தரில் பிறந்து நாட்டிற்காக
....போராடிய ஒப்பற்ற தலைமகன்
பார்முழுவதும் திரும்பி பார்க்கவைத்த
....பாரதத்தாய் வணங்கும் திருமகன்
சத்தியத்தின் வழிகாட்டி எதிர்ப்போர்க்கும்
....சிந்தனையை முளைக்க வைத்தாய்
புத்திக்குள் அன்பையும் புகட்டி
....பூமியெங்கும் அமைதி மலரச்செய்தாய்
எளிமையோடு நீயும் வாழ்ந்து
....ஏழைகளின் வாழ்க்கை அறிந்தாய்
தெளிவான பாதையைக் காட்டி
....தெய்வமகனாய் நீயும் உயர்ந்தாய்
மண்ணிற்காக போராடி வாழ்ந்தவனிடம்
....மரணமும் இங்கு தோற்றுப்போகும்
மண்ணில் வாழும் காலம்வரை
....மக்களிடத்தில் உனது புகழ்ஓங்கும்

- கவிஞர் நா.நடராஜ், கோயமுத்தூர்

**

வீட்டுக் காக வாழ்ந்தார் எல்லாம்
   வீழ்ந்தே மறைந்தார் மண்ணிலே !- நம்
நாட்டுக் காக வாழ்ந்த அண்ணல்
     நாளும் வாழ்கிறார் நம்மிலே !

அரையாய்க் குறைந்த ஆடை அணிந்தார்
     அண்ணல் காந்தி நாட்டிலே !- எங்கும்
விரைந்து சென்றே அமைதி வழியை
     விதைத்து வந்தார் விரும்பியே !

நாட்டில் பலவாம் போராட்டங்கள்
     நடத்தி வந்தார் நாளுமே !- பல
வாட்டும் இன்னல் வளைத்த போதும்
     வருந்தார் எதிர்த்தார் வணங்கியே !

அமைதி அன்பு வழியே எங்கும்
     அணிவகுத்தார் கூடியே !- துயர்
அமைதி குலைத்தே அடக்கிப் பார்த்தும்
     அடங்க மறுத்தார் அடங்கியே !

அடக்கி ஒடுக்கி ஆண்டவர் எல்லாம்
   அடங்கிப் போனார் தன்னாலே !- அவர்
அடங்கி ஒடுங்கி அண்ணல் இடத்தில்
     அளித்தார் விடுதலை அந்நாளே !

உலகம் போற்றும் அமைதி வழியை
உயர்த்தி வைத்தார் நம்அண்ணல் !- இந்த
உலகம் இன்றும் என்றும் போற்றும்
     உயர்வே பெற்றார் நம்அண்ணல் !

காந்தி வழியே கண்கள் இரண்டாய்க்
     காப்போம் அதுவே வாழ்நியதி !- நம்
காந்தி வழியே உலகம் வாழ்ந்தால்
     காணும் அமைதி பேரமைதி !

- படைக்களப் பாவலர் துரை. மூர்த்தி, ஆர்க்காடு.

**

அகிம்சையின் அரண்
ஆங்கிலேயருக்கு முரண்
இந்திய நாட்டின் அறம்
ஈஸ்வர அல்லா தேரே நாம்
உனது சமத்துவத்தால்
ஊரும் நேராக, பாரும் சீராக
என்றும் நம் வழி வாய்மையே,
ஏகாதிபத்தியம் விட்டொழிய
ஐரோப்பியர் ஆட்சி அகல,
ஒத்துழையாமை நடத்தி,
ஓங்க வைத்த ஒற்றுமையை
ஒளவியத்தால் விடுவதா?
தண்ணீர் விட்டா வளர்த்தோம் சர்வேசா
கண்ணீரால் காத்த பயிர் இதைக்
கருகத் திருவுளமோ ?

- கவிதா வாணி மைசூர்

**

இந்தியாவின் முகவரி நீ
எளிமையின் திருவுருவம்

சத்திய சோதனை
நீ தந்த வேதம்
அகிம்சையும் அன்பும்
நீ இசைத்த கீதம்

மாந்தரில் மகாத்மா
போர்பந்தர் தந்த சூரியன்

விடுதலைக் கிழக்கைக்
காட்டியவன், சுதந்திர
வேட்கையை உணர்வில்
ஊட்டியவன்

வெள்ளைப் பரங்கியரை
வெளியே ஓட்டியவன்
அரை நிர்வாணத்தால்
வெளிச்சங் கூட்டியவன்

பொக்கைவாய்ப் புன்னகையால்
எழிலைக் காட்டியவன்
பூக்களில் எரிமலைத்
தீயினை மூட்டியவன்

இத்தனை ஆண்டுகள் கடந்தும்
காந்தியம் இங்கு மட்டுமல்ல
உலகையே உற்றுப்பார்க்க வைக்கிறது

தீண்டாமை ஒழிப்பிற்கான
வேரடி மண் நீ
இந்திய ஆலமரத்தின்
விழுதும் நீ

ஆகவே காந்தி மகாதமா
வாழ்க நீ எம்மான், இவ்
வையத்தைப் பாலிக்க
வருவாய் இம்மண்ணிற்கு மீண்டும்.

- கவிமாமணி "இளவல்" ஹரிஹரன், மதுரை.

**

போர்பந்தரில் அவதரித்த மகான்....உங்களின்
பிறந்த  தினம்  இமயமாக கொண்டாடப்பட
சிறந்த  இத்தினத்தில்   அனிச்சையாக  கைகள் கூப்பி
அஞ்சலி  செய்யும்  நம்  அனைவருக்கும் 
எடுத்துக்காட்டு நீங்கள்!
உங்களின் கனா  ஒன்றுதான்....
சுதந்திர இந்திய  கண்கள் என்ற
விழிக்கு  நீங்கள்  பார்வை!
உங்களின் உயிர்  உடலை விட்டு பிரிந்தாலும்
"வந்தே மாதரம்"  என்ற  சொற்கள் சொல்ல
உடல் மண்ணில் சரிந்ததே!
மகாத்மா  உங்களின்  கனா  பலித்ததா?
எழுந்ததே  பெரிய வினாக்குறி?
ஆயினும்
உங்கள்  புன்னகையில்  இந்திய உயிர்கள் 
ஆசைகள்   மெல்ல மெல்ல
புரிய வைத்தாலும்  அதை மறந்து
உங்களின் கைத்தடியின்  அடியில்
போட்டு  புதைக்க விட்டனரே!
இதனால்............. சிலர்
சட்டென எழுந்ததுண்டு...ஆனால்
பட்டென  மறந்ததுண்டு...
வெட்டென  உங்களின் கனாவினை  மறந்து
கொண்டாடுகிறோம் 
உங்களின்  பிறந்ததினத்தினை!

- உஷாமுத்துராமன்,  திருநகர்

**

கரன்சியில் சீரிக்கும் காந்தி
கள்ள நோட்டிலும் சிரிப்பதால்தான்
சிரிக்கத் தோன்றுகிறது...

கண்ணாடி போட்ட
காந்தியின் படத்தருகே இருக்கும்
இன்னொரு கண்ணாடி
யாருடையதெனத் தெரிய யோசிக்கிறது
மனம்...

வேற்று நாடு புறக்கணித்த
காந்தியை
தேசப்பிதாவென எங்கள் நெஞ்சமென
போற்றி மகிழ்கிறது இந்தியா...

சுதேசியை
சேர்த்தணைத்துக் கொண்டால்
சுயமரியாதை நிமிர்த்துமெனப் போதித்த
பெருமை வார்த்தைகளை மறந்து
கார்ப்பரேட்டுகளுக்கு
கம்பளம் விரித்துக் கால்விழுவது
கம்பீரமென்கிறது சிம்மாசனம்...

யார் யாரையோ மகாத்மாவாக்க
துடிக்கிற கர்ம யோகிகள்
களம் புகாமலலேயே
தேசத்தியாகிகளாக சித்திரப்படுத்திக்
கொள்வதில் குழம்புகிறது
வரலாறு...

எனினும்
மகாத்மாவின் ஆன்மா
சாந்தி பெற வேண்டி வணங்கி
பிறந்த நாளிலும் கூட போற்றி

வரலாற்றை
மறைக்க முடியாதென்ற
நம்பிக்கையுடன் இருக்கிறது
இந்தியா...

- அமிர்தம்நிலா, நத்தமேடு

**

ஹரே ராம்
என்று அலறி ஒடுங்கியது
காந்தியின் ஆன்மா...

அகிம்சா வழியில் பெற்றுக் கொண்ட
சுதந்திரம்
இப்படியாகத்தான் தொடர்கிறது...

நினைவு நாளும் பிறந்த நாளும்
வந்து போவதாக இருக்கிறது
நாட்டின் போக்கு...

மகாத்மாவை
வெறும் ஆத்மாவாக வீசியெறிய
முயல்வதாகத் தெரிகிறது
நடைமுறை...

மலையின் உச்சிக்கு மேலாக
நிற்க வைத்து அழகு பார்க்க
சிலையாக அல்லாமல்
தேச பிதாவை
தரையில் அமரவைக்க முயலுகிறது
வியூகம்...

கரண்சியில்
இன்னும் எத்தனைக் காலத்திற்கு
சிரித்துக் கொண்டிருப்பார்
என்பது புரிய முடியாமல்
புதிராக இருக்கிறது காலம்..

- கா.அமீர்ஜான்/திருநின்றவூர்

**

கீழே விழுந்த  சத்திய சோதனை
புத்தகத்தை,  எடுத்து வைக்க மாட்டேன்,
இந்த மனிதர்களால் மீண்டும்
நீ விழுவதை, நான் விரும்பவில்லை.

தோட்டாக்கள்   உன்னை
முத்தமிட்டதே,
அதற்கும் அகிம்சை பிடிக்குமோ?...

நீ  பளிங்கு மாளிகையில்,
மட்டும் தான்  தங்குவாயா?
எங்கள் குடிசைக்கெல்லாம்,
வரமாட்டாயா  என 
ரூபாய் நோட்டை
பாரத்து,  தொழிலாளி்
ஒருவன்  கேட்டுக்கொண்டான்.

பெரியாரின் தடி பெரியாதா?
காந்தியின் தடி பெரியதா?
என்ற கேள்விக்கு,
இரண்டுமே, மனிதனிடம்
 பாகுபாடு   பார்க்கும்,
உங்களை அடிக்க தான்
என்று  5வயது சிறுமி
பதிலளித்து  ஓடியது.

- கவிஞர்.மைக்கேல், மதுரை

**
அவரது தண்டி யாத்திரையால்
அந்நியனுக்கு நித்திரை பறிபோனது....
அந்நிய துணிகளை எரிக்காமல்
ஏழைகளுக்கு கொடுக்காலமே
என்றொருவர் உரைத்தபோது... - அவர்
உலகத்துக்கே உரைக்கும்படி கூறினாா்
ஏழைகளுக்கும் தன்மானம் உண்டென்று... -
அவரது ஒத்துழையாமை இயக்கத்தால்
அந்நியனின் ஆட்டம் செயலிழந்தது....
அந்நியன் கொடுத்த அவமானங்களையெல்லாம்.... -
அகிம்சையெனும் சிப்பிக்குள் பொதிந்துவைத்தாா் -
அவர் பொறுமைக்கு பரிசாய் -
முத்துக்கள் முழக்கமிட்டு வந்துவிழுந்தன
'மகாத்மா' எனும் பெயரைச் சொல்லி -
காந்தியத்திற்கு என்றுமே இல்லை வறட்சி
என்றும் இருப்பது வளர்ச்சி... எழுச்சி...
அதற்கும் உண்டு சாட்சி...மெரினா புரட்சி....!!!

- கவிஞர். நளினி விநாயகமூர்த்தி சென்னை

**

அன்பே உலகில் உயர்வாகும் அறிவை விடவும் உயர்வாகும்  !
தன்னின் பெருமை தகர்த்தாலே தனித்த ஒழுக்கம் உருவாகும் !
உண்மை, அன்பு எந்நாளும் உயரும் உயர்த்தும் எப்போதும் !
அண்ணல் காந்தி சொல்லெல்லாம் அனைவர் போற்றும் பொன்மொழியாம் !

எண்ணம் அதுவே வாக்காகும் ஏற்றம் மிக்க உயர்வாக்கும் !
கண்ட தோல்வி அத்தனையும் காட்டும் வெற்றிப் படியாகும் !
பண்பும் பரிவும் பகலவனாய்ப் பரவ வேண்டும் பாரெங்கும் !
எண்ணி அன்பாய் உரைத்ததெலாம் எங்கள் காந்தி மொழியாகும் !

என்றும் விரும்பும் உயர்மாற்றம் இன்னே உன்னில் எழவேண்டும் !
துன்பம் படுவார் எவரெனினும் துடித்தே உதவும் மனம்வேண்டும் !
தன்னின் குறிக்கோள் அடையுவரைத் தளரா முயற்சித் தொடர்வேண்டும் !
அன்பு அண்ணல் காந்தியவர் அன்பு மொழிகள் விழியாகும் !

சிந்தை சரியாய் இருந்தாலே செய்யும் செயல்கள் சரியாகும் !
எந்த உயிரும் கொல்லாமை என்றும் ஏற்ற வழியாகும் !
எந்த மதமாய் இருந்தாலும் ஏற்ற அன்பே பொதுவாகும் !
விந்தை காந்தி வழியெல்லாம் விரிந்த வையக் கொடையாகும் !
               
- ஆர்க்காடு. ஆதவன் 


 

]]>
GandhiAt150, GandhiJayanti, Mahatman Gandhi, GandhiJayamthi, Father of the Nation, மகாத்மா காந்தி, காந்தி 150, காந்தி ஜெயந்தி, காந்தி ஜயந்தி https://images.dinamani.com/uploads/user/imagelibrary/2019/9/29/w600X390/gandhi2.jpg https://www.dinamani.com/specials/kavithaimani/2019/oct/02/mahatma-gandhi-150th-birthday-poems-3246492.html
3246522 ஸ்பெஷல்ஸ் கவிதைமணி இந்த வாரம் கவிதைக்கான தலைப்பு சாம்பலாய் முடியும் உடல்   கவிதைமணி DIN Wednesday, October 2, 2019 10:00 AM +0530  

கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

'மகாத்மா காந்தி'  என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: சாம்பலாய் முடியும் உடல் !

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படும்.

]]>
daily poem, kavithaimani dinamani, dinamani poem, poetry for life, love poems, கவிதைமணி, தினமணி, கவிதை நேரம், தமிழ் கவிதைகள், காதல் கவிதை https://images.dinamani.com/uploads/user/imagelibrary/2019/10/2/w600X390/sivakasi.jpg https://www.dinamani.com/specials/kavithaimani/2019/oct/02/new-poem-title-ashes-3246522.html
3241775 ஸ்பெஷல்ஸ் கவிதைமணி புத்தரின் புன்னகை வாசகர் கவிதை பகுதி 1 கவிதைமணி DIN Wednesday, September 25, 2019 11:08 AM +0530 புத்தரின் புன்னகை

எங்கோ எதுவோ யாருக்கோ
காத்துக்கிடந்தது என்று
அங்கே அதற்காய் எனக்காக
பயணம் தொடங்கினேன்
ஓர் ஏகாந்த முழுநிலா இரவில்
வழக்கமாய் அமைதிகாக்கும் நாய்கள்
குரைத்தன மாறிய என்நோக்கம் கண்டு
நாய்களின் ஆசிர்வாதங்களும், சாரல்மழையும்
என் தனிமைமுழுவதும் ஈரமாக்கின
சாலைகள் மலைப்பாம்புகளாய் நீண்டன
காடுகள் வெறுமையின் ஆடைகளாய் விரிந்தன
ஒற்றை இரவு கற்றை இரவுகளாய் அகண்டது
யுகங்களின் கரைசலில் உப்பானது தேகம்
தேடிவந்தது எதுவென என்னைக் கேட்டேன்
மெளனம் எதிரொலித்தது; உருகி உருகி
கண்ணீர்க்குவியலாய் விழுந்து கிடந்தேன்,
கண்ணீரில் ஜொலித்தது புத்தனின் புன்னகை

- கவிஞர் மஹாரதி

**

ஆசையே துன்பத்திற்கு
காரணம் என்றவன்
அத்தனைக்கும் ஆசைப்படு
என்பதைக் கேட்டு
புன்னகைத்தான்!

அரசமரத்தடியில் ஞானம் பெற்றவன்
ஆசரமத்தில் ஞானம் பெற்றவனைக் கண்டு
புன்னகைத்தான்!

மனிதம் வளர்க்க சொன்ன
தத்துவத்தைக் கொண்டு
மதம் வளர்ப்பதைக் கண்டு
புன்னகைத்தான் புத்தன்!

துறவறம் பூண்ட இளவரசன்
இளவரசன் போல வாழும்
துறவிகளைக் கண்டு
புன்னகைத்தான்!

புத்தனின் புன்னகை
நகலைக் கண்ட
அசலின் புன்னகை!

-கு.முருகேசன்

**

அடுத்தவரின் துன்பத்தில் மகிழ்ந்திடாதீர்
அனுதாபம் கொள்ளுங்கள் அவர்மேல் – என்றும்
அடுத்துவரும் வேதனைகள் உங்களுக்காய்
அமைந்திடலாம் உலகோரே நகைப்பு வேண்டாம்
கெடுத்தெவரின் வாழ்வினையும் அதனால் இன்பம்
கிடைக்குமெனில் பின்விளைவு துயராமஃதால்
தடுத்திடுக மனம் நாடும் தீய நோக்கை
சாத்துவிக நன்னெறியில் என்றும் வாழ்க

என்றுரைத்தார் புத்தபிரான் இந்தியாவில்
இதனாலே புன்னகைக்கா வதனம் கொண்டார்
நன்றிதுதான் ஆனாலும் சீன யப்பான்
நாடுகளில் தொப்பை வயிற்றோடிருந்து
நன்றாகச் சிரிக்கின்றார் புத்த ஞானி
நம்மனதைக் கவருமிது புதிய பாணி 
அன்றிருந்த புத்தமகான் அழகின் மிக்கோன்
அவன் உதிர்க்கும் புன்னகைக்கே ஆற்றலுண்டாம்.

- சித்தி கருணானந்தராஜா

**
அன்பால் யாரையும் வெல்லலாம் வலிமையது
அவசரம் வேண்டாம் நடப்பது நடந்தே தீரும்
அடுத்தவர் பேசுவது கேள் சிலரிடமே நீ பேசு
அடுத்தவர் துன்பம் அறிந்திடு கருத்து கூறாதே

கோபத்தில் கூறும் சொல் கூரிய வாளொத்தது
ஒன்றும் தெரியாது என்பவன் சிறு அறிவாளி
எல்லாம் தெரியும் என்பவனோ முழு மூடன்
ஆசையே துன்பங்களுக்கெல்லாம் காரணம்

என்றெல்லாம் கூறிய புத்தர் புன்னகைக்கிறார்
குன்றளவு பொருள் சேர்த்தும் அலைகிற மனிதர்
தற்பெருமை தலைக்கேற ஆடுகின்ற அறிவீலிகள்
மற்போர் புரியுமளவு கோபத்தில் குதிப்பவர்கள்

எல்லோரையும் பார்க்கிறது அவரது புன்னகை
இல்லார்கூட இனிது வாழ்வதையும் பார்க்கிறது
வல்லார் வகுத்த வாய்க்காலையும் பார்க்கிறது
நல்லாரைப் பார்க்கும்வரை புன்னகையில் புத்தர்.

- கவிஞர்  ராம்க்ருஷ்

**

புத்தரை கடவுளாய்ப் போற்றியே வணங்குவோர்
   புவியெலாம் நிறைந்துளார் போற்றுவோம் !- அவர்
வித்தென வணங்குவோர் வியன்நெறி விளைத்தவர்
   வேர்தனில் நீர்தனை ஊற்றுவோம் !

தன்னலம் நாட்டினில் தழைப்பதால் எங்குமே
   தவிப்பது மண்டியே தாக்கிடும் !- துயர்
இன்னலே எங்கிலும் இருளெனக் கவ்விடும்
   ஏற்றமும் சூம்பியே வீழ்ந்திடும் !

ஆசையை ஒழிப்பதால் அன்பதும் அமைதியும்
   அகமகிழ் வெய்தியே ஆழ்த்திடும் !- துயர்
ஓசைகள் யாவுமே இடியுடன் மின்னலாய்
   ஓயா தெழும்பியே ஒழிந்திடும் !

புத்தரின் புகல்நெறி புவியெலாம் புகழ்நெறி
   பூத்தது இந்திய நாட்டிலே !- அது
முத்திரை பதித்தது முழுவுல கெங்கிலும்
   முனைப்பிலாக் கேடரால் தாழ்ந்ததேன் ?

- படைக்களப் பாவலர் துரை. மூர்த்தி, ஆர்க்காடு

**
எவன் ஒருவன் ஆசையைத் துறந்து
அனைத்து உயிரினங்களுக்கும்
நல்லதே செய்ய நினைக்கின்றானோ அவன் வசம்
புத்தனின் சிரிப்பைக்காணலாம்.
மனிதனை மனிதநேயம் என்ற புனிதத்தை 
எவனொருவன்
எப்பொழுதும் எங்கேயும்
யாராக இருந்தாலும்
தவறாமல் கையாள்கின்றானோ
அவன் வசம்
புத்தனின் சிரிப்பைக்காணலாம்.

" புத்தரின் சிரிப்பு" அவனின்
மனதிற்குள் ஒலிக்கும்.

அது  மற்றவர்களுக்கும்
வாழ்வின் ஒளியாக
நல் வழியாக 
நல்லதையே கொடுக்கும் .
அல்லவையை எடுக்கும்.

- கவிச்சித்தர் களக்காடு வ.மாரிசுப்பிரமணியன்

**
புத்தனே, புத்தனே, சாந்தமன்றோ ! -அவன்,
புன்னகை, நன்னகை காந்தமன்றோ !
புனிதனின் கொள்கை போதுமன்றோ !
புவி வாழ்வின் சிறப்பின் வெற்றியன்றோ !
ஆசையே துன்பம் என்றார் !
அனைத்துமே உன்னால் என்றார் !
அமைதியைத் தேடச் சொன்னார் !
அகிம்சையைக் காக்கச் சொன்னார் !
தர்மத்தைப் பேணச் சொன்னார் !
துயரமேப் படிப்பினை என்றார் !
பொறுமைதான் உயர்வு என்றார் !
போகத்தைக் குறைக்கச் சொன்னார் !
மனம் மண்டியிட்டது புத்தனின் முன்னால் !
மாசறுந்தது புத்தன் புன்னகை தன்னால் !

- கவிஞர் இலக்கிய அறிவுமதி.

**
முட்டாள் மனிதர்களே!
நான் சொன்னதை விடுத்து;− பெரும்
ஆசையில் பூத்த
அழுகிய மலர்களே!
இறப்பும் பிறப்பும்
இறைவனின் நடை;
நரையும், மூப்பும், துயரும்
நம்மின் வினை;
சுஜாதையின் போராட்டம்
அறியாத