Dinamani - கவிதைமணி - https://www.dinamani.com/specials/kavithaimani/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3174803 ஸ்பெஷல்ஸ் கவிதைமணி தண்ணீர் வாசகர் கவிதை பாகம் 2 கவிதைமணி DIN Wednesday, June 19, 2019 06:49 PM +0530
தண்ணீர்!

அன்று சென்னையை மூழ்கடித்தது தண்ணீர்
இன்று சென்னையை தவிக்கவிட்டது தண்ணீர்!

மழைநீர் சேகரிப்பை கட்டாயமாக்குங்கள்
மழைநீர் உயிர்நீர் சேகரித்து வையுங்கள்!

மழைநீரைப் பிடித்து குடிநீராகவும் குடிக்கலாம்
மழைநீரை வீணாக்காது சேமித்து வையுங்கள்!

சிங்கார சென்னை இன்று தண்ணீரின்றி
சீரழியும் சென்னையாக மாறிவிட்டது!

நிலத்தடி நீரையும் நிர்மூலமாக்கிய காரணத்தால்
நீர் இன்றி எங்கும் தவித்து வருகின்றனர்!

விருந்தினரை வரவேற்ற தமிழ்ப் பண்பாடு
வரவேண்டாம் என்று வேண்டும்படி ஆனது!

தண்ணீர் தண்ணீர் திரைப்படத்தில் காட்டிய காட்சிகள்
தண்ணீர் இன்றி நேரடியாக காணும்படியானது இன்று!

நீர் இன்றி அமையாது உலகு என்று அன்றே
நெத்தியடியாக உரைத்திட்டார் நம் திருவள்ளுவர்.

- கவிஞர் இரா. இரவி.

**

பொய்க்காது வானம் பொழிந்தால் அதுதான்
மெய்யாக அமிழ்தம் என்றுணர்வோம்
தாய்ப்பாலை நிகர்த்தது நின்று பொய்ப்பின்
தள்ளாடுகிறது உலகம் சேயைப்போல

  உய்வோம் இதிலிருந்து மீள் வோம்
     மக்களனைவரும் உறுதியாக நாமிருந்தால்
  பொய்யாய்க் காராணம் சொல்லி மழுப்பி
     கையாலாகாத அரசியலால் பயனில்லை!

  நேரக்கணக்கு வைத்து திட்டமிட்டு நேர்மையாய்
      மக்கள் நாம் நடந்து கொண்டால்
  வாராது பஞ்சம் வந்தாலும் ஓட்டிடாலாம்
     வரும் நீரை அனைவரும் பகிர்ந்து கொண்டால்
  கடல் நீரைக் குடினீராக்கும் திட்டத்தை தடைசெய்துள்ளார்
       மாற்றாட்சி கொண்டுவந்த கரணத்தால்
  கயமை அரசியல் உணர்ந்து மீண்டும் கொணர்வோம்!
       கடல் உள்ள ஊரிலெல்லாம் ஏற்படுத்திடுவோம்
  மடைதிறந்தாற்போல் குழாயினின்று தண்ணீர் திறக்கமாட்டடோம்
      மற்றவர்க்கும் தண்ணீர் வேண்டும் என்ற சுயதரிசனத்தோடு
  தடைகளகற்றுவோம் மழை வேண்டி தவமிருப்போம்
      தண்ணீர் அளிப்போம் அனைவருக்கும் வெல்வோம் !

- கவிஞர் அரங்க.கோவிந்தராஜன்,இராஜபாளையம்

**

மூன்றாம் உலக யுத்தம்
தண்ணீரருக்காக நிகழுமென்றால்
நம்பித்தான் ஆகவேண்டும் யாரும்

அவர்களின் திட்டப்படி
கார்ப்ரேட்டுகளுக்காகக் 
கம்பளம் விரித்த போது அனுமதித்த நாம்
குளிர்பானங்களைக்குடித்து
அனலில் நடந்து மிதக்கிறோம் கானலில்...

மீத்தேன் போன்றவைகளாலும்
கழிவுகளாய் ஆக்கி
நோய்கள் அருந்தும் திரவமாக்கியதில்
சுகாதாரத்தைக் காப்பதாக
பொருளாதார மண்டலமாக்கி நம்மை
போதைக்குள் புதைக்கிறார்கள்...

தண்ணீரை
புட்டியில் சிறைப்படுத்தியவர்கள்
பூமியை எரித்துவிட்டு
வறட்சியாக்குகிறார்கள் வானத்தை...

மக்களுக்கானதாக இல்லாமல்
மண்ணையும் விண்ணையும் தமதாக்கி
கொண்டாட
மகிழ்வதிலேயே இருக்கிறது
நாடாளும் எவர்க்கும்...

- கவிஞர்.கா.அமீர்ஜான்

**

எங்கும் பனியே எழிலாய்த் தோன்றும் 
      இனிமை காண முடியாது ! -அங்கே 
எங்கே என்ன எப்போ தாகும் 
      எவர்க்கும் ஏதும் தெரியாது !

எல்லை தன்னில் இரவு பகலாய் 
     இனிதே நாட்டை காக்கின்றோம்-அங்கே 
எல்லாம் உறைந்த நீரின் பரப்பு
      எடுத்துக் குடிக்க முடியாதே !

வெள்ளிப் பனியை எடுத்துக் காய்ச்சி 
      வேண்டும் நீராய் பருகிடுவோம் -இமய
வெள்ளி வெளியில் விழிதுஞ் சாமல்
       வீரர் பணியில் விளைகின்றோம் !

தண்ணீர் எல்லாம் உறைந்தே போகும் 
       தாகம் தணிக்க முடியாது !-நடந்தால் 
கண்ணில் தண்ணீர் தானே கொட்டும் 
        கொடிய குளிரே தாங்காது !

- து.ஆதிநாராயணமூர்த்தி, பரதராமி (திமிரி)

**

ஐம்பூதங்களில் ஒன்றாய் தண்ணீரும்
உயிரினங்களின் இருதயத் துடிப்பாய் !
இரு வேதிப்பொருட்களின் கூட்டமைப்பில்
நிறமில்லா,மணமற்று, நிலைகள் மூன்றிலும்
சுழலும் பூமியில் தன்னிகரில்லா தனித்தன்மையுடன்
சுழன்று வருமே மூன்றில் இருபங்காய் !
நாவறண்டு உடல் சோர்கையில்
ஏற்ற தாழ்வு பகுக்காமல்
சாதி மத பேதமின்றி உதவி கரம் நீட்டி
தாகம் தீர்க்குமே பக்குவமாய் !
இன்று நிலத்தடி நீர் வற்ற, வறட்சி காலூன்ற,
தண்ணீர் பஞ்சம் தலைவிரித்தாட
மனம் தளர்ந்த பூமித்தாய் விரிசல் கொண்டாளே !
இனியேனும் அறியாமை விலக்கி கற்ற கல்வி பயனுற
நாடு செழிக்க காடு வளர்ப்போம்
பயன்பாட்டில் சிக்கனம் காட்டி தண்ணீர் காப்போம் !!

- தனலட்சுமி பரமசிவம்

**

வான மழையை வகையாய்த் தேக்கி
     வாழும் வழியை நாம்மறந்தோம் !
ஆன வரையில் அதனைத் தேக்கும்
     அணைகட் டாமல் கடல்விட்டோம் !

ஏரி குளங்கள் குட்டை எல்லாம் 
      இல்லா தாக்கி நாமழித்தோம் !
மாரி வெள்ளம் மறிப்பார் இன்றி
      மண்தேங் காமல் வீணழித்தோம் !

நீரின் தேக்கம் இல்லா மண்ணில் 
      நீருக் காக அலைகின்றோம் !
நீரில் லாமல் உலகம் இல்லை 
      நீதி மறந்தே நெளிகின்றோம் !

தண்ணீர் தன்னைக் காசு கொடுத்துத்
      தானே வாங்கி வாழ்கின்றோம் !
தண்ணீர் தேக்கும் தனிவழி வகுப்போம் 
      தண்ணீர் பஞ்சம் போக்கிடுவோம் !

- ஆர்க்காடு ஆதவன்.

**

தண்ணீரே,
துளி  துளியாய் பெய்தால் நீ மழை,
உறைந்தால் நீ  பனி!
கொட்டினால் நீ அருவி, பாய்ந்து  ஓடினால் ஆறு !
அன்பாய் என் காலை தொட்டால் அலை, ஆவேசமாய்  சீரினால்  சுனாமி!
தாகத்துக்கும் நீ, விக்கலுக்கும் நீ,
மரம்  வளர்ப்புக்கும் நீ, விருந்தோம்பலுக்கும்  நீ !
உடலிலும் நீ, உலகிலும் நீ !
ஆனால், என்  காதலியின் கண்ணில் வடிந்தாலோ, நீ கண்ணீர்,
அதை கண்டாலோ  போகும்  என்  உயிர்!

 - பிரியா ஸ்ரீதர்   

**

குளிர்மேகம் தருகின்ற மழையும் இல்லை
கூர்கனலாய்ச் சுடுகின்ற கதிரின் எல்லை
தளிர்கின்ற கொடிவளர ஈரம் இல்லை
தவிக்கிறதே வனஉயிரும் தாகம் என்று
வளியினையும் கெடுத்திங்கே மனிதர்க் கூட்டம்
வன்செயலே புரிகின்றார் வசமாய் நின்று
துளிஅளவும் துப்புரவு காப்ப தில்லை
தினந்தோறும் நீர்நிலைக்கே துன்பத் தொல்லை

நிலங்களையும் குளங்களையும் ஞெகிழி யாலே
நீர்வற்றும் நிலவரத்தை ஆக்கி வைத்தார்
பலகற்றும் கல்லார்போல் மனிதர் கூட்டம்
பயனில்லா வழிகளிலே பயணம் ஆனார்
புலம்பெயர்ந்து நீதியெல்லாம் எங்கோ போக
புரியாத செயல்வேகம் புன்மை யாக
உயர்கின்ற குரல்வளையும் உடைந்தே போக
உயிர்துடிக்கும் துன்பத்தால் “தண்ணீர்” கேட்கும்

- கவிஞர் “நம்பிக்கை” நாகராஜன்

**

மேகம் தரும் மழைநீர் - பூமிக்கு
........மேன்மை தரும் உயிர்நீர்
தாகம் தீர்க்கும் தண்ணீர் - அதனால்
........தரணிக்கு இல்லை கண்ணீர்
தண்ணீர்தான் நிலத்தின் உயிர்-அதனால்
........தலைநிமிர்ந்து வளர்கிறது பயிர்
தண்ணீர்தான் நிலத்தின் செந்நீர்-அது
........தவழ்ந்து பாய்ந்திடும் முந்நீர்
தண்ணீர்தான் மனிதனுக்கு வரம்-அது
........தாகமின்றி வாழ்வதற்கான உரம்
தண்ணீர்தான் உலகிற்கு சிரம்-அது
........தரணியைத் தாங்கும் கரம்
தாய்தான் நமக்குசுழலும் பூமி-தாய்வாழ
........தண்ணீரை நாளும்நீ சேமி
தாய்போல் நீரும்நமக்கு சாமி-அதை
......தீர்மானமாய் சொல்வோம்உரக்கக் கூவி

- கவிஞர் நா.நடராஜ், கோவை

**

வெண்டளை விரவிய தரவு கொச்சகக் கலிப்பா

.எடுத்தேப்பம் விட்டிடவே இங்கில்லை ஆற்றுமணல்.!
தடுத்திடவும் சட்டமில்லை தங்குதடை ஏதுமில்லை.!
கடும்தண்ணீர் பஞ்சத்தால் கண்டதிங்கு துன்பமழை.!
கொடுத்தாலும் சேமிக்க கொள்ளளவு இங்கில்லை.!
.
தரணியிலே ஓர்வாளித் தண்ணீரும் பஞ்சமாக
இரவுபகல் பாராது இங்குமங்கும் ஓடுகின்றார்.!
வரவிருக்கும் பஞ்சத்தை வந்தபின்னே ஏற்காமல்
தரமான திட்டத்தால் தள்ளிவிடு தட்டாமல்.!
.
விஞ்சிநிற்கும் அன்புள்ளம் விந்தையான பஞ்சபூதம்.!
கெஞ்சவுமே வேண்டாமே கேட்காமல் தந்தருளும்.!
தஞ்சமடை எப்போதும் தந்திடுமே தாராளம்.!
பஞ்சபூத நல்லுறவே பாருலகைக் காப்பாற்றும்.!
.
நிலம்நீரும் மண்காற்று நீலவானம் என்றென்றும்
நிலவுலகில் வாழுமுயிர் நீண்டுவாழ முக்கியமே.!
பலவாறாய் ஐந்துமே பல்பொருளை ஈந்தருள
சிலவற்றைச் சேமிக்கும் சிந்தனையை வாழவிடு.!

- கவிஞர் பெருவை பார்த்தசாரதி

**
இயற்கையை கெடுத்த
மனிதா உன்
இயக்கத்தின் ஆதாரம்
எங்கே பழமொழி
மறந்தவனே கேள்
தாயைப் பழித்தாலும்
தண்ணீரைப் பமிக்காதே
மறந்து விட்டாயா இல்லை
மதுவால் மயங்கி விட்டாயா!
தமிழ னெனும் பெயரில்
தறிகெட்ட ஆட்டத்தால்
அகலை மறந்து கொள்ளிக் கட்டையால்
சொறிந்து விட்டு
பணமெனும் தோளை மாட்டி
இப்போது எதற்கு கண்ணீர்
வற்றிய தண்ணீருக்கா!

- முகில் வீர உமேஷ், திருச்சுழி.

**
பள்ளத்தில் பாய்ந்தோடும்
சமரச அமுதம்
முட்டாளின் கையால்
விற்பனைக்கு வந்து
சுத்தமாய் கரித்து
பித்தத்தைத் தூண்டும் விலையால்
சத்தை இழந்து சமூலங் கெட்டு
இயற்கையின் கற்பை அழித்து
இராமன் வேடமேற்ற 
குடமுனியாய் காட்டி
சமூக விலங்கினம்
அடர் வனத்தை வேட்டையாடி
நகர் வலமாய் உருவாக்கி
நீராதாரம் நின் ஆதாரமாய் மாற்றித் திரிந்த
தொகுப்பின் தொடரே
கண்ணீரான தண்ணீர்
தண்ணீரான கண்ணீர்........

- சுழிகை ப.வீரக்குமார்.

**

தண்ணீர் பஞ்சம்
தலைவிரித்தாடும் நேரத்தில்
நகரத்து வீதிகளில்
நத்தையாக தண்ணீர் சுமக்கும் லாரிகள்!
பனிக்குடத்தை சுமந்து
இடுப்புவலி வந்த பெண்களுக்கு- இன்று
தண்ணீர் குடம் சுமந்தே
இடுப்புவலி வந்தது!
தலைவிரித்தாடும் தண்ணீர் பஞ்சத்தை
மந்திரிகள் தீர்ப்பதாய் முழங்குகிறார்கள்!
தீர்க்கக்கூடிய மழை மட்டும்
மௌனம் காக்கிறது!
தண்ணீர் பஞ்சத்தால் பள்ளிகள்
நடத்த தவிக்கிறது!
மதுபான ஆலைகளும்
குளிர்பான ஆலைகளும்
பலமா நடக்குது!
கடல் நீரை குடிநீராக்கும் தொழில் நுட்பம்
எங்கள் குடிநீர் பிரச்சனையை தீர்க்கவில்லை!
எங்கள் கண்ணீரையும் வியர்வையையும்
குடிநீராக்கும் தொழில்நுட்பம் காண்பீர் – அதுவாவது
எங்கள் கஷ்டம் தீர்க்கட்டும்!

- -கு.முருகேசன்

**

நதிகளில் இல்லாத தண்ணீர் இன்று
விழிகளில் வழிகிறது – காலம்
வெக்கையில் அழுகிறது – மனிதன்
மதியினில் தீமை மமதை பொங்கி
மாண்பும் அழிகிறது – இங்கே
மண்ணும் சுடுகிறது

மனிதன் பொய்த்தால் வானம் பொய்க்கும்
பாடம் கிடைத்ததடி – நதியும்
பாடை ஆனதடி – மரமும்
கனிகள் தரவிலை என்றால் பூமி
காடாய்ப் போகுமடி – தண்ணீர்
கானல் ஆகுமடி

நிறைமணல் கொள்ளை அடித்தால் நதியில்
நீரும் தீயாகும் – மிச்ச
நீரும் நீறாகும் – பூமிக்

கறையென ஏரியும் கரைந்து போகும்
காலம் கூற்றாகும் – விழிகள்
கண்ணீர் ஊற்றாகும்

காக்கை தட்டிய கமண்டலம் அன்று
காவிரி ஆனதடி- இன்று
கானல் ஆனதடி – மனிதன்
போக்கை மட்டும் மாற்றா விட்டால்
பூமி சாகுமடி – நம்மைக்
குடித்திடும் தாகமடி

- கவிஞர் மஹாரதி

**

குளிர்மேகம் தருகின்ற மழையும் இல்லை
     கூர்கனலாய்ச் சுடுகின்ற கதிரின் எல்லை
தளிர்கின்றக் கொடிவளர ஈரம் இல்லை
    தவிக்கிறதே வனவுயிரும் தாகம் என்று
வளியினையும் கொடுத்திங்கே மனிதர் கூட்டம்
    வன்செயலே புரிகின்றார் வசமாய் நின்று
துளியளவும் துப்புறவு காப்ப தில்லை
    தினந்தோறும் நீர்நிலைக்கே துன்பத் தொல்லை


நிலங்களையும் குளங்களையும் நெகிழி யாலே
    நீர்வற்றும் நிலவரத்தை ஆக்கி வைத்தார்
பலர்கற்றும் கல்லார்போல் மனிதர் கூட்டம்
    பயனில்லா வழிகளிலே பயணம் ஆனார்
புலம்பெயர்ந்து நீதியெல்லாம் எங்கோ போக
    புரியாத செயல்வேகம் புன்மை யாக
உயர்கின்ற குரல்வளையும் உடைந்தே போக
    உயிர்துடிக்கும் துன்பத்தால் தண்ணீர் கேட்கும்.

- கவிஞர் நம்பிக்கை நாகராஜன்

**

தாகம் என்றாலே தண்ணீரைத் தான் தேடும் புவியில் உயிர்கள்.
கடும் சுடும் வெயிலின்
தாக்கத்தால் தண்ணீர்  தண்ணீர் என்று தவிக்கிறோம்.
ஏரிகள் எல்லாம் ஏரியா(area) ஆனது.
நீர் நிலைகளில் வீடுகள்
பூத்தது.
இதற்கு காரணம் யார் என்பது? ?
நதிகளை இணைக்க
விதிகளை மாற்ற வேண்டும்.
வீடுகள் ஒன்றானால்
ஊருகள் ஒன்றாகும்
நாடே ஒன்றானால்
நடப்பதெல்லாம் நன்றாகும்.
தண்ணீர் மட்டுமல்ல
எதற்கும் நாம் யாரிடமும்
கையேந்த வேண்டாம்.
நம் நாடு வல்லரசும்
ஆகிவிடும்.
இருப்பவர் கொடுத்து
இல்லாதவர் அதை எடுத்து வாழ
நாமெல்லாம் விட்டுக்கொடுப்போம்.
முதலில் நதிகளை
இணைத்து
தண்ணீர் வளத்தை
பெறுவோம் பெருக்குவோம்.

- களக்காடு வ.மாரிசுப்பிரமணியன்.

**

]]>
poem, kavithai, water, thanneer https://www.dinamani.com/specials/kavithaimani/2019/jun/19/water-poem-part-2-3174803.html
3174802 ஸ்பெஷல்ஸ் கவிதைமணி தண்ணீர் வாசகர் கவிதை பகுதி 1 கவிதைமணி DIN Wednesday, June 19, 2019 06:22 PM +0530 தண்ணீர்

நீயும் கூட என்னைப் போலத்தான்
நின்றால் குற்றம், நடந்தால் குற்றம், அமர்ந்தால் குற்றம்
நீயென்ன செய்தாலும் குற்றமென்றால்
எங்கே தான் போவாயோ?
போவது தான் போகிறாய் இரு வருகிறேன்
என்னையும் உடனிழுத்துச் செல்;
பெண்கண்ணீர் வேறு ஆற்றுத் தண்ணீர் வேறு அல்ல!
மடை திறந்தால் இரண்டும் ஒன்றே!
உனக்காத்தான் தான் நாட்டில் சண்டையென்று 
இறுமாப்பு கொண்டாயோ 
பாட்டிலில் அடைத்து விடுவேன் ஜாக்கிரதை!
நானும் இருக்கிறேன் போட்டிக்கு;
குடம் தண்ணீர் 5 ரூபாய் என்ற காலம் மலையேறி
லாரித்தண்ணீர் 2500 ரூபாய் 
வாங்கி நிரப்புவதில் நிற்கிறது
சென்னை வாழ்க்கை!
இங்கே பெண்ணுக்கும் தண்ணீருக்கும் தான் விலையே!
அடச்சே!
நடந்தாய் வாழி காவேரி! அல்ல! அல்ல!
வறண்டன வற்றாத ஜீவநதிகள்!
குறைந்தன நாட்டில் பெண் குழந்தைகள் பிறப்பு விகிதம்!
எங்கு பிழை? எதில் பிழை?! 
தேடித்திரிகிறது மனிதக் கூட்டம்!
குறிஞ்சி, முல்லை, மருதம், நெய்தல் 
திரிந்து கிடைத்த பாலை நிலத்தில் 
எலும்பு மாலை சூடி நிற்கும் 
பகவதியாம் கொற்றவையே
மழை வேண்டும் எங்களுக்கு மனம் திறவாய் பேரெழிலே!
மழைத்தேவதை பெண்ணில்லை ஆணென்று கண்டதனால்
வர்ஷிக்க மறுப்பாரோ அவனியிலே!
செய்... ஏதேனும் செய்!
அன்பு மழையாக அன்னை மழையாக பூமி தொடு!
வற்றாத பெருவெள்ளத் தண்ணீரில்
பெண் கண்ணீர் கரைந்துருகிக் காணாமல் ஆகட்டும்!
அதற்கேனும் நீ இறங்கி வா!

- கார்த்திகா வாசுதேவன்

**
ஒன்றாய்ச் சூழ்ந்து ஒன்றில் வெந்து
ஓன்றில் கலந்து ஒன்றில் மிதந்து
ஒன்றில் தங்கி உயிரை இயக்கும் 
ஒன்றாம் இதையே தண்ணீர் என்க!

இரண்டே முடிந்து மூன்றே வரினும்
இதற்கே என்பர் அறிந்தோர் பலரும்
இனியும் விளிப்பீர் துளியினும் சேர்ப்பீர்!
இனிதே வாழ இணைந்தே காப்பீர்!

சொல் விளக்கம்:
முதல் ஒன்று - கடல்;இரண்டாம் ஒன்று - நெருப்பு (கதிரோன்) ;மூன்றாம் ஒன்று - காற்று 
நான்காம் ஒன்று - வானம்;ஐந்தாம் ஒன்று - நிலம் ;இரண்டும் மூன்றும் - உலகப் போர்.

- கு. இரா, வடக்கு அயர்லாந்து.

**

ஏரி-குளம் எல்லாம் நிரம்பி
எத்தனையோ - காலமாச்சு
தூர் வாராத நெல மயாலே
ஆறும் கூட சேறாச்சு,
ஆக்களுக்கும் இல்லாம
மக்களுக்கும் இல்லாம
விவசாயி வானம் பாக்க
மூழ்கடிக்கும் நீராலே
வேற தேசம் தத்தளிக்க
பொட்டுத் தண்ணி இல்லாம
மோட்டு வலைய நாம் பாக்க
கார்மேகம் சேர வேணும்
காவிரித் தாய் கண் தொறக்க
நில மகளும் மண் செழிக்க
கலகலப் பே நாம் வாழ
பொல- பொலன்னு மழ பொழிய - அருள்வாய் நீ
மாரி - யாத்தா. கும்பிட்டு பொங்க வைக்க - தீர்த்தக் குடம் - நாம் எடுப்போம்.
கண் திறந்து பாராத்தா - மக்க- பஞ்சம் தீராத்தா.

- கவிதாவாணி - மைசூர்

**

கோவில்தேரும் தண்ணீர்லாரியும் 
எங்களுக்கு ஒன்றுதான் - வந்துவிட்டால்
ஊரே ஒன்று கூடிவிடும்....!

இரவில் திருடர்கள் பயமே இல்லை -
ஏனெனில் பெரும்பாலும் - எங்களுக்கு
தண்ணீர் வருவதே இரவில்தான்....!

செவ்வாய் கிரகத்தில் தண்ணீர்
எடுத்துவந்த சாதனையாயிருக்கிறது
எங்கள் ஊரில் தண்ணீர் எடுப்பது...!

மனித மனங்கள் - கூவம்நதிபோல்
மாறிவிட்ட காரணத்தால்தான் - இன்று
குடிப்பதற்கும் வழியில்லாமல் இருக்கிறது...!

வரும்போது சேகரிக்காமல்
வறண்டபோது சோகத்திலிருப்பதே
பெரும்பாலும் வாடிக்கையாகிவிட்டது...!

-கவிஞர். நளினி விநாயகமூர்த்தி சென்னை

**

தண்ணீர்தாம் பூமிக்குத் தாயாம் ! நம்மைத்
-----தாய் அன்பால் காப்பதுபோல் தண்ணீர்த் தாயைக்
கண்போல நாம்பேணிக் காக்கா விட்டால்
----கண்ணீரில் நாளும்நாம் துடிக்க வேண்டும் !
மண்மீதில் சிறுபுல்லும் முளைப்ப தற்கு
-----மழைஈயும் தண்ணீரே உயிராம்1 அந்தத்
தண்ணீரைச் சேமித்துக் காக்கா விட்டால்
-----தார்பாலை ஆகுமிந்தத் தாரும் வாழ்வும் !
முன்னோர்கள் ஊர்சுற்றி அகழி வெட்டி
----முழுநீரைத் தேக்கிவைக்க இலஞ்சி கூவல்
நன்னீராய் சிறைகுளமாம் கிணறு தன்னில்
-----நாற்புறமும் கரையமைத்தே ஏரி தன்னில்
நன்றாக மழைநீரைத் தேக்கி வைத்து
-----நல்லபடி நிலத்தடியில் காத்த தாலே
பொன்போல முப்போகம் வயல்வி ளைத்துப்
-----பொலிந்திருந்தார் தாகமின்றி நிறைந்த வாழ்வாய் !
நீர்தேக்கும் ஏரிகுளம் குட்டை யெல்லாம்
-----நிரவியதை மனைகளாக்கி விற்று விட்டோம்
நீர்பாய்ந்த ஆற்றினிலே கழிவு நீரை
-----நிரப்பியதைச் சாக்கடையாய் மாற்றி விட்டோம்
ஊர்நடுவே ஆழ்துளையில் கிணறு தோண்டி
-----உறிஞ்சியெல்லா நீரினையும் காலி செய்தோம்
சீர்பெறவே காடுமலை காத்து வானம்
-----சிந்துகின்ற தண்ணீரைக் காப்போம் வாழ்வோம் !

( அகழி-ஊரைச்சுற்றி கால்வாய்போல் வெட்டியிருப்பர். 2.சிறை-
மழைநீரின் ஒரு துளியையும் வீணாக்காமல் சேமிக்கும்
நீர்நிலை.3.இலஞ்சி- பல்வகைக்காய்ப் பயன்படுத்தும் நீர்நிலை.4.கூவல்-
பள்ளத்தில் தேங்கிநிற்கும் நீர்நிலை. சங்க இலக்கியங்களில் உள்ள
பெயர்கள் இவை)

- பாவலர் கருமலைத்தமிழாழன்

**

தண்ணீரே நீயே எங்கள் தாய், நீயே உயிரின் மூலம்
உடலிலும், உலகிலும் நீ தான் நிரம்ப உள்ளாய்.
நீ இருப்பதால் தான் இப்பூமி உயிர்க்கோளமாய் 
இல்லையென்றாலோ இப்பூமி உருளும்கோளமே
அசுரத்தனமாய், சுயநலப்பேயாய் உறிஞ்சிக் குடிக்கிறோம்!
பூமித்தாயின் மடி வற்றிப்போகும் நாள் வெகுதூரமில்லை 
தெரிந்தே தொடர்கிறோம், அறிந்தே அழிகிறோம்!
வறண்டு கிடக்கும் வயல்வெளியும்,
உலர்ந்து கிடக்கும் ஆற்றுப்படுகையும்
விடுக்கும் எச்சரிக்கை புறந்தள்ளி
விரைகிறோம் புயலாய் வீழ்ச்சியை நோக்கி!
இயற்கையின் சமநிலை காக்கத் தவறிய நாங்கள்
செயற்கையின் கோரப்பிடியினில் மடிவோம்.
உனது அருமையை உணர்ந்திட்ட பொழுதினில்
உலகம் உய்த்திடும் சிலநூறு ஆண்டுகள்

- மகாலிங்கம் இரெத்தினவேலு, அவனியாபுரம்

**

உருவமற்ற திரவ மது தண்ணீர் 
உருவமுள்ள உயிர்க் கெல்லாம் 
தாகம் போக்கும் பன்னீ ரதன் 
நிறைவின்மை வடிகிறது செந்நீர் 
கண்களிலே வழிகிறது கண்ணீர் 

தண்ணீர் தேவதையை காணவில்லை
தண்ணீரின்றி மனிதகுலம் சாவதை 
நிலம் காய்வதை காண சகிக்காது 
மண்குடமேந்தி குளம் தேடுவோரை 
புலன் விசாரணை செய்கின்றாளோ 

மூலிகையை முத்தமிட்டு ஓடிவரும் தண்ணீர்; 
மனு குலத்தின் நோயினை ஆற்ற வந்த 
தண்ணீர் அதனையிங்கே 
பணங் கொடுத்து தாகம் போக்கும் 
அவலை நிலை இந்த லோகத்திலே 

- ஆபிரகாம் வேளாங்கண்ணி கண்டம்பாக்கத்தான்

**

தண்ணீர்

உண்மையிது நீரின்றி அமையாது இவ்வுலகு
கண்மை கரையும் அழுகை தண்ணீருக்காக
அண்மையில் கிடைக்காதது காத தூரத்திலோ
தண்ணென்ற நீரெல்லாம் கானல் நீராகுமோ

காடு அழித்தோம் மரங்களெல்லாம் வெட்டினோம்
நாடு இப்போது வெப்பவூற்றின் வெறிப்பாய்ச்சலில்
ஈடுசெய்திட்ட மழைநீர் சேகரிப்பெங்கே போனதோ
மேடு மணற்குன்றுகள் பணமுதலைகள் வாயிலோ

நீர்வழிச் சாலைகளெங்கும் மாட மாளிகைகளா
சீர்கெட்ட மாந்தர்களாலே தண்ணீர்ப் பஞ்சமா
தூர் வாராமல் தூங்கிக் கிடக்கின்றன ஏரிகள்
பேர் சொல்லவும் நீரில்லை ஏரிகளிலே எங்கும்

நதிகள் இணைப்பிலும் நாட்டமில்லா அரசியல்
கதியின்றி நதிகளும் வறண்டுபோக விட்டனர்
மதியோடு திட்டங்கள் தீட்டி செயல்படலாமே
விதியோடு மோதி வெற்றி நடை போடலாமே

சிக்கனமாய் செலவு செய்யலாமே தண்ணீரை
இக்கணமே யோசித்திடுவீர் மக்களே உண்மையை
சிக்கலாகும் தண்ணீர்ப் பஞ்சம் விரட்டிடுவோமே
முக்காலம் உணர்ந்தே தண்ணீரை சேமிப்போமே.

- கவிஞர்  ராம்க்ருஷ்

**

தண்ணீர் ...தண்ணீர்  நாடகமும் 
திரைப்படமும்  பார்த்த நேரம் புரியவில்லை 
தண்ணீரின் அருமை பெருமை !
திரை இயக்கத்தின் பெருமை பேசி 
அப்போதே மறந்து விட்டோம் தண்ணீரின் அருமை !
தண்ணீர் தண்ணீர் என்று கலங்கினான் 
இந்த மண்ணின் விவசாயி வாடிய அவன் 
பயிர்  பார்த்து ....அப்போதும் தெரியவில்லை 
நகரவாசி  நமக்கு  தண்ணீரின் அருமை !
காற்று மட்டும் வரும் தண்ணீர் குழாய் ,
வறண்டு கிடைக்கும் குளம் குட்டை ஏரி, 
அரண்டு மிரண்டு இருக்கு நம் நகரமே இன்று !
"தண்ணீர் இல்லை எங்க வீட்டிலும்  " என்னும் 
ஒரே ஓரு வார்த்தையில் இணைந்துவிட்டோம் நகர 
வாசிகள் அனைவரும் இன்று! சாதி ,மத ,மொழி 
இனம் பேதம் ஏதும் இல்லை இந்த " இணைப்புக்கு " !
"தண்ணீர் இல்லை" என்னும் விதியால் இணைந்த 
நாம்  சாதி ,மதம் ,  மொழி பேதம் பாராமல் 
மனதாலும் இணைவது எப்போது ? 

- K.நடராஜன் 

**

தண்ணீரே உனக்குத் 
தயவே இல்லையென்று 
கண்ணீர் உகுத்தபடி
கதறிடும் மக்கள்கூட்டம்!
 
அபரிமிதமாய் நீ
அடித்து நொறுக்குவதை
வெள்ளமென்றே மனிதர்
வெறுத்தே யொதுக்கிடுவர்!

கோடையிலே நீ
கொஞ்சமும் இரக்கமின்றி
பூமிக்குள் ஒளிந்தே நீ
புரட்டுகிறாய் மக்களையே!

எல்லோர்க்கும் எளியனாய்
எப்பொழுதும் நீ யிருந்திட்டால்
தெய்வமாய்  என்றுமுன்னை
சீராட்டி மகிழ்ந்திடுவர்!

- ரெ.ஆத்மநாதன், காட்டிகன்,சுவிட்சர்லாந்து

**
நிலந்தன்னில் முப்பங்கை நேராகப் பெற்றவளே !
மலர்ச்சோலை மணந்திடவே வானுயிர்த்து வந்தவளே !
ஏரிகுளம் குட்டையென ஏற்றமுடன் நிறைந்தவளே !
வாரிதனில் பற்பலவும் வாரிதரும் கொடையாளே !

உன்னாலே உலகியக்கம் ஒப்பின்றி நடக்கிறது !
உன்னாலே எவ்வுயிரும் உயர்ந்திங்கே வருகிறது !
உன்வரவு இல்லாக்கால் உலகெல்லாம் தவிக்கிறது !
உன்வரவு மேலோங்கின் உலகெல்லாம் அழுகிறது !

அணைதன்னில் நீதேங்கின் ஆறுதலைத் தருகிறது !
மனையெங்கும் நின்னாட்சி மதிப்புடனே ஆள்கிறது !
சுனைதன்னில் நீபெருகின் சுவைகூடிக் கொள்கிறது !
இணைநீயே என்றாகி எவ்வுயிரும் வாழ்கிறது !

மண்ணகத்தின் மாநிதியே மாசில்லா வானமுதே !
எண்ணத்தின் எழில்நிதியே ஏற்றத்தின் தேனமுதே !
விண்ணகத்தின் விழியொளியே விரிந்தயெழில் பேரழகே !
தண்ணீரே ! தண்ணீரே ! தாய்நீயாய்த் தானேதே !

- படைக்களப் பாவலர் துரை. மூர்த்தி, ஆர்க்காடு

**

தண்ணீர் செல்வம் பெருஞ்செல்வம் ;
உயிர் காக்கும் அருஞ்செல்வம் .
மரம் காத்து மழை பெருக்க ,
உரம் கொள்வோம் நெஞ்சினிலே !
தூய்மை காத்து நதிகள் இணைத்து ,
சேய்கள் வாழ வழி வகுப்போம் .
வறட்சி யில்லா உலகு அமைக்க ,
திறட்சியுடன் நல்விதி சமைப்போம் .
சொட்டு நீரும் தங்கமன்றோ ?
தட்டு இன்றி சேமித்து தாய் -
நிலத்தடி நீர்மட்டம் உயரச் செய்து ,
நலமுடன் வாழ முயன்றிடுவோம் .
தண்ணீர் தேவை இன்று நமக்கு
கண்ணீர் தான் வருகுது அதனால்
பூசல் ஒன்றும் ஏற்படாமல் நாடுகள்
நேசமுடன் வாழ வந்தனை செய்வோம் .

- திருமதி ராணி பாலகிருஷ்ணன்

**
கருமேகங்கள் கலந்து
 ஒன்றோடொன்று உருவாடி 
வானவீதியில் உதித்து
 அமுதத்துளியாக உருமாறி 
தாய்மடியில் விழுகிறாய்
 ஊற்றாகி அருவியாகி
ஆறாகி பெருகுகிறாய்
  பலவடிவமெடுத்து பார்தனில்
தன்னிகரில்லாது செழிக்கிறாய்..
 உனதருமை உணர்ந்தோர்
தண்ணீரின் புகழ்பாடுவர்
  இன்றேல் உனையிழந்து
கண்ணீரில் சோகத்துயராடுவர்...

-கவி தேவிகா,தென்காசி

மனிதன்  உயிர்  வாழ 
புனிதனாக  நின்று  ஆரோக்கியமாக  வாழ  
 தேவை தண்ணீர்................!
விளைநிலங்களை  வீடுகளாக்கி 
களையிழந்து   நிற்கும்  பூமித்தாய் 
வளையல்  அணிந்த  கையெடுத்து 
கூப்பி  கும்பிட்டு  வேண்டுவது 
இயற்கை  கொடுக்கும்  மழையினை 
உவகையோடு   சேமிக்க ஒரு  
நொடியேனும்   சிந்தித்தால்  
தடி  கொண்டு நடக்கும்  தள்ளாத  வயதுவரை 
பிடிப்புடன்  வாழலாம்!
உணவு இல்லாவிடில் கூட 
உயிர்  வாழ  ஒரு டம்பளர்  நீர்  போதுமே!
நாம்  படைத்த  பணத்தின் பின்னே  
ஓடும்  மானிடனே..........
பணம்  கொடுத்தால்கூட 
 நீர் இல்லை  என்று  சொல்லும்  
குணம் உடைய  மக்கள்  
வாழும்  உலகம்  வெகு   தொலைவில்  இல்லை.
யோசிப்போம்!..........தண்ணீர் சேமிக்க   
யோசிப்போம்  அனைவரிடமும்! 

-  உஷாமுத்துராமன்,  திருநகர்

**

அடுக்கு மாடி   கட்டிடத்தில் 
ஆடம்பர  வாழ்வு  வாழ்வதைவிட 
சின்னக்குடிசையில்  ஒற்றுமையுடன் 
வாழ  எண்ணி  விட்டால்  
அடுக்குமாடி  கட்டிடமும்   வானுயர 
வளராது   தண்ணீர் பஞ்சமும் வராது!
ஒரு    குடும்பம்   இருக்கும்   இடத்தில் 
ஓராயிரம்  பேர்  அடுக்கடுக்காக  அமர்ந்தால் 
தண்ணீர்  .எங்கே  வரும்........
கண்ணீர்தான்  ஓடி  வரும்!
கிணற்றினை  வெட்டிய  இடத்தில்  '
பிணக்கில்லா    நீர்   சேர  வாய்ப்புண்டு!
கிணறில்லா  வீட்டில் குடியிருக்க மாட்டேன்  
என..... உறுதியுடன்  ஆழமான  கிணற்றினை  வெட்டி 
தினம்  பிரார்த்தித்தால்   வருணக்  கடவுள் 
கன   கண்  திறந்தால்கூட  
கிடைத்திடுமே  தண்ணீர்!..............

- பிரகதா நவநீதன், மதுரை

**

 வண்ணக்குடங்கள் வரிசையில் காத்திருக்க..
தண்ணீரின்றி மக்களெல்லாம்
தவித்திருக்க..
மூன்றில் ஒருபகுதி உலகு
தண்ணீரால் சூழ்ந்திருக்க..
மூன்றாம் உலகப்போர் குடி
தண்ணீருக்காக எனும் நிலை.
அனல் கக்கும்  ஆதவன்
அழியும் விவசாயம் 
வறண்ட பூமி..
வற்றிப்போன குளம் குட்டைகள் ..
வான் பொய்த்தது ஏனோ
வருண பகவானே ?
மரங்கள் வெட்டப்பட்டதால்
மனம் வெறுத்தாயா ?
ஏரி குளமெல்லாம்
எட்டடுக்காக மனைகளானது
ஏமாற்றமா ?
கருணை காட்டு வருணா!
குளம் குட்டைகளை
தூர்வாரி வைக்கிறோம் !
மரக் கன்றுகளை நட்டு
மழைநீருக்கு தவமிருக்கிறோம் !
வந்து பெய்து விடு
வான் மழையே !

- ஜெயா வெங்கட்.

**

கண்ணீரைத்  தண்ணீராய்  அருந்தக்  கூட
       கண்களிலே  கண்ணீரு(ம்)  இல்லை காணீர்! 
மண்ணுலகில்  பருவமழைப்  பொய்த்த  தாலே
        மாற்றுவழித்  தெரியாமல்  தவித்தல்  காணீர்! 
விண்மகளின்  கண்ணீராம்  அமுத  மின்றி
        விடைகாண  இயலாமல்  துடித்தல்  காணீர்! 
மண்ணுக்குள்  நீரூற்று  மாண்ட  தாலே
          மாந்தவேட்கை  நீரின்றி தணிப்ப  தெங்கே? 


தண்ணீரை  அயல்நாட்டு  நிறுவ  னத்தார்
         துளியளவும் மிச்சமின்றி உறிந்து  விட்டு, 
மண்ணுக்குள்  கனிமவளம்  திருடிச் செல்ல
         மண்ணகழ்ந்து  தமிழகத்தை  அழித்தல்  பாரீர்! 
எண்ணியெண்ணி  பணத்தாளை  பதுக்கும் ஈனர்
        ஏற்றங்கள்  பெற்றிருக்க  உழவர் மக்கள்
கண்ணீரில்  குளிக்கின்றார் அவலம் கொஞ்ச;
        தண்ணீரைத் தேடியினி  எங்கு  செல்ல? 

_நெருப்பலைப் பாவலர், இராம இளங்கோவன், பெங்களூரு.

**

ஆற்றின் நீர் ஏரிக்கும் - ஏரி - கம்மாய்க்கும் - பின் கரணை - தாங்கள் - ஏந்தல் - ஊரணி - குளம் - குட்டை- என்றே நீரை மேலாண்மை செய்த பழந் தமிழக நினைவினிலே - தாகம் அடிக்க - குளத்தை சிறிது எட்டிப் பார்த்தேன், குளமோ - அபார்ட்மென்டாச்சு, ஏரி - கல்லூரியாச்சு ஆறு - ஊராச்சு ஊரணி - மண்டிப்பு தராக,பாரினில் குடிக்க நீரில்லை வர்க் அட் ஹோம் என்றனர் வர்க் அவுட் ஆகாத இன்றைய நீர் மேலாண்மை யால்,யார் காரணமிதற்கு? தொழில் நுட்பமா? இல்லை காலத்தின் கோலமா? சீலம் (ஒழுக்கம் ) இல்லாததால் ஞாலம் வாழுமா - இல்லை தவி- தவித்து வீழுமா? புவி - வெப்பமயமாம் பனிப்பாறை உருகுமாம், நீரின்றமையாது உலகென்றே - படித்துக் கொண்டிருந்தான் - சிறுவனொருவன்.. யார் காதிலும் அது .ஏனோ விழாமல் தான் போனது. 

- செந்தில்குமார் சுப்பிரமணியன்

**

இன்றையயிவ் வேளையிலே தேவை தண்ணீர்
      இருந்தால்தான் எல்லோரின் தாகந் தீரும்
நின்றுபல வேள்விசெய்தால் நீல வானம்
      நிறைமழையைப் பெய்யுமென உலகம் நம்பும்
நன்றுபல மரங்களெலாம் வெட்டிச் சாய்த்து
      நாமிருக்கும் இடங்களெலாம் பொட்ட லானால்
என்றுமழை பெய்யும்நம் நீர்நி லைகள்
     எப்போது நிரம்பியதில் தண்ணீர் கிட்டும்.

ஆழ்கிணறும் வறண்டுவிட குளங்கள் குட்டை
      ஆறுகளும் வறண்டுவிட இருககும் தண்ணீர்
பாழ்செய்து பக்குவமாய்ப் பயன்செய் யாமல்
      பாவத்திற் காளாகும் மனிதர் வாழ்வில்
வீழ்ந்துவிடக் காரணமாய்த் தண்ணீ ராகும்
      வியனுலகில் மூன்றாம்போர் மூளச் செய்யும்.
காழ்ப்புணர்ச்சிக் கொள்ளாமல் இயற்கை யோடு
      கைகோர்த்து மரம்நட்டால் தண்ணீர் கிட்டும்.

பெய்மழையைச் சேகரிக்க வீடு தோறும்
      பெருந்தொட்டி அமைத்துநிலத் தடியிற் சேர்ப்பீர்
மெய்வருத்தம் பாராது நீர்நி லைகள்
       மெய்யாகத் தூர்வார்ப்பீர் நிறையக் காண்பீர்
செய்தவற்றைத் திருத்தி,ஆறு ஓடை எல்லாம்
       சீர்செய்வீர் சிக்கனத்தைக் கொள்வீர் நன்றாய்
கைதவமாய்த் தண்ணீரைக் காப்பீர் என்றும்
      காலத்தே செயத்தண்ணீர் காக்கு மன்றோ.!

- கவிமாமணி "இளவல்" ஹரிஹரன், மதுரை.

**

துளியாய் தொடங்கும்
தூரலாய்த் தொடரும் ..
அருவியாய் கொட்டும்
ஆறுகளில் ஒடும் ......
குளத்தில் தேங்கும்
கிணற்றில் கிடக்கும்.....
கால்வாயில் கடக்கும்
கடலில் கலக்கும்   ....  
மழை நீரே ..தண்ணீரே ..  
மனிதர்களின் வாழ்வாதாரம் !.
மண்ணுயிர்களின் மூலாதாரம்.!
நீரின்றி அமையாது உலகம்
நினைவிலே கொள்வோம் !
இயற்கையின் கொடையாம் நீரினை 
இனியாவது சேகரிப்போம்!

- கே..ருக்மணி

**

கடல் நீரைக்கொண்டு செல்லும்
கருமேகக் கூட்டங்களே...
குடிநீருக்கு ஏங்கும்
உயிரினங்கள் கூக்குரல்
உனக்கு கேட்கவில்லையா?
விண்ணில் தவழும் மேகங்களே...
நீ ஆனந்தக் கண்ணீர் வடித்து
நாங்கள் நீருக்காக
வடிக்கும் கண்ணீர்
துடைத்து தாகம் தீர்ப்பாய்!
வானில் விளையாடும் மேகங்களே
மண்ணில் ஓடும் மழைநீரில்
காகிதத்தில் கப்பல் செய்து
களிப்புடன் விளையாட
சிறுவன் கண்கள் காத்திருக்கின்றன !
விண்ணில் ஓடும் மேகங்களே
வளைந்தோடிய வற்றிய நதிகள்
வாடிய வறண்ட ஏரிகள்
வெடித்த விளைநிலங்கள்
உன் கண்ணீர் பூக்களின்
வருகைக்காக காத்திருக்கின்றன!

- கவிஞர் பொன்விலங்கு பூ.சுப்ரமணியன், ஸ்ரீவில்லிபுத்தூர்

**

உயிரினங்களுக்கு முக்கியம் தண்ணீர்,
அதனை தேடி தேடி அலைந்து 
விவசாயிகள் சிந்தியது உயிர் கண்ணீர்,
ஐம்பூதங்களில் இருந்து நீ நீங்கி விடுவாயோ என்று அச்சம்,
நீ மழையாய் பொழிந்து  மற்ற உயிரங்களை தருவாயா மிச்சம்.

- கருப்பையா

**

நட்ட ஒரு மரம் வளர பலகாலம்;
வெட்டவோ,ஒரு நாள்

வெட்டும் போது அழுவது மரம்; 
சத்தமில்லாமல்

மழைகொட்டும்போதுசிரிப்பது
மொத்தஇனம்;
புத்தியில்லாமல்

மரம் தான் மழைக்குக்காரணம்,
என்ற புத்தியில்லாமல்

மழைக்காக யாகஞ்செய்யும் மனிதா,
வெட்டிய மரத்தை நட்டாயா?

குடிநீருக்காக குழாயடியில் யுத்தம்  செய்யும் மனிதா,
அவலநிலையை உணர்ந்தாயா?

ஒரு மரத்தையாவது நடு,
ஊருக்காக அல்ல,உன் நீருக்காக;
உலகத்துக்காக அல்ல;
நாளைய உன் தலைமுறைக்காக.

- ம.சபரிநாத்,சேலம்

**

நீர்நிரப்பிய காலத்தை என்றோ மறந்துபோய்
சூரியத்தீயில்
கரிந்துகொண்டிருக்கிறது தீயணைப்பு வண்டியொன்று
ஏரிகாக்கும் ராமருக்கு வேலை பறிபோய்க்
கரிகாக்கும் ராமர் வேலைக்கு
விண்ணப்பம் எழுதிக்கொண்டிருக்கிறார்
மண்ணில் விழும்முன்னே மழைத்துளியைப் பருகிவிடும்
சக்கரவாகப் பறவைகள்
கூவம் ஓடிய தடம்தேடிக் கொத்துகின்றன
ஆறில்லாத சென்னை மாநகரம் நேற்று
நீரில்லாத சென்னை மாநகரம் இன்று
ஆளில்லாத சென்னை மாநகரம் நாளை
கூட்டமாய் வரும் மேகங்களைக் காணாமல்
கொப்பளித்துக் கிடக்கிறது வானம்
கண்ணீரைக் குடிக்கவும்
தயாராகிவிட்டன வறண்ட நாவுகள்

- கோ. மன்றவாணன்

**

நீர்நிலைகள்  நிரம்பியேதாம்  வழிகிறதே;
      நெல்வயலும் நிரம்பியேதாம்  வழிகிறதே;
வேர்ஊன்றி  வீடுகளாய்  எங்கெங்கும்;     
        வெள்ளத்தால்  விளையாடும் ஆறெல்லாம்
கார்மேகம்  களவாடப்   பட்டதனால்       
         கானல்நீர்  குடியேறி  குதூகளிக்க
நீர்போல மணலையுமே  களவாட
         நீசராலே  தண்ணீரும். தேடு( ம்)நிலை!     

குளம்குட்டை  ஏரிகண்மாய்  அணைகளென்ற
         காலத்தின்  கொடையெல்லாம்  பாடதிட்டக்
களத்தினிலும்  காண்பதற்கும்  வக்கற்றுக்
         கலங்குகிற  பாழ்நிலையை அரசியலின்
களவாணி  மாக்களாலே  நாடெங்கும்
       கையளவும்  தண்ணீரும்  இல்லையந்தோ; 
வளங்குன்றி  நித்தநித்தம்  மாய்ந்திடாமல்
      மழைநீரைச் சேகரித்து  உயிர்வாழ்வோம்! 

- கவிக்கடல் கவிதைக்கோமான், பெங்களூர்.

**

தன் கருப்பையில்
நீர் இல்லையாமே,
பாசனப்பெண் துடித்தது –
பிறந்ததென்னவோ பாலைவனம் தான்-
மழை நண்பன் எங்கே ? தொலைத்தேனே
மன விரிசல்களுடன் பூமி !  ஆம்
இந்த மண் பச்சைத்துணியின்றி
வெந்து கொண்டிருந்தது !
கால்நடைகள்    டெலஸ்கோப்புடன்
புல்வெளிகளைத் தேடிகொண்டிருந்தன !
பசியாற தென்பட்டது ஒரு புல்திட்டு.
ஓடி வந்து வாய் பதித்தது பசு !
அதன் எச்சிலை இழுத்து
களைப்பாறியது புல் !

- கவிஞர் டாக்டர் எஸ். பார்த்தசாரதி

**

தண்ணீரென்னக்  கண்ணீரின் எழுத்துப் பிழையோ ?
தமிழன்னைத் தழைய விட்ட இலக்கியக் கூந்தலாய்,
மின்னல் கற்றையென வீழும் நீர் வீழ்ச்சிகளும், 
மிஞ்சிய வெள்ளமாய் ஓடிக் கடல் சேரும் தண்ணீரும்,
நளின நடைப் பயிலும் ஆறுகளும், சிற்றோடைகளும்,
நல்லுலகுப் படைத்திடப் பொழியும் மழைத் தாயும்,
இயற்கையன்னையின் நீர் நிலைகளும், ஏன், ஏன்-உழவரின்,
இன்னல் தீர்க்கவில்லை ; மனிதரின் தேவைக் குதவவில்லை ?
ஊழித்தாண்டவம் யாரிங்கு ஆட ; நானிலத்தில் தண்ணீர் பெருகி ஓட !
ஊரெல்லாம் கூடி வணங்கும் தாயே ! தண்ணீரே ! தண்ணீரே !
நீயின்றி செழித்திடுமோ உலகு ? களித்திடுமோ மானுடம் ?
நீயன்றோ உயிர் காக்கும் முதல் மருந்து ! நீயின்றி ஏது பிற விருந்து !
அறிஞரும், ஆட்சியாளரும் ஆவண செய்திடுவீர். -- மக்கள்,
அகமகிழத், தண்ணீர் பெறத்  நல்திட்டந் தீட்டிடுவீர். 
தண்ணீர் வளம் பெருக, நீவீரே யாவருக்கும்,
ஆண்டவனாவீர் ;
தண்ணீரால், ஒழியும் வறுமை யாதலினால்,
வளஞ் சேர வழி வகுப்பீர்.

- கவி. அறிவுக்கண்.

]]>
water, poem water, kavithai, love poem, கவிதை, தண்ணீர், நீர் https://www.dinamani.com/specials/kavithaimani/2019/jun/19/water-poems-3174802.html
3169926 ஸ்பெஷல்ஸ் கவிதைமணி இந்த வாரம் கவிதைமணி தலைப்பு தண்ணீர்! கவிதைமணி DIN Wednesday, June 12, 2019 11:41 AM +0530 கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

சுயதரிசனம் ! என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: தண்ணீர்

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படும்.

]]>
dinamani , Poem, kavithaimani, poetry, kavithai https://www.dinamani.com/specials/kavithaimani/2019/jun/12/title-for-poem-3169926.html
3169923 ஸ்பெஷல்ஸ் கவிதைமணி சுய தரிசனம் வாசகர் கவிதை பகுதி 2 கவிதைமணி DIN Wednesday, June 12, 2019 11:34 AM +0530 சுயதரிசனம்

தூணிலும்   
துரும்பிலும் இருப்பவனை
அன்னையின் அன்பிலே..
ஆசானின் உருவிலே..
இயற்கையின் எழிலிலே..
இனிமையான இசையிலே.
உழவனின் வியர்வையிலே..
உண்மையின் உன்னதத்திலே..
கருணையுள்ள கண்களிலே..
கலைஞனின் கைவண்ணத்திலே..
மழலையின் சிரிப்பிலே..
மண்ணின்  வாசத்திலே..
மனம் நிறைந்து  
மானசீகமாக
தரிசிக்கிறோம் !...

- ஜெயா வெங்கட்

**

காட்டிலும் - மேட்டிலும், 
ஏட்டிலும் பாட்டிலும் 
தேடி அலைந்தேன் இறைவா,
மூட்டிய தீயில் (ஹோமம்) மந்திரம்
ஜெபித்தும் - மதித்தும்
கும்பிட்டுப் பின் - நம்பிட்டேன் 
உன்னை - ச்ரவனம் - கீர்தனம்
மனனம் என்றே பக்தியில் தேடி 
நினைந்தேன் நாளும்,
நெற்றியில் நீரும் - நினைவில் நீயும்,  
நற்கதி வேண்டி நாளும் தொழுதேன்,
செவியில் விழுந்தது சித்தர் பாடல்,
ஓடி - ஓடி - ஓடி - ஒடி
உட்கலந்த ஜோதியை - என
இதுதான் - பார்க்குமொரு இடமெங்கும் 
நீக்கமற நிறைந்திருக்கும் 
பரிபூரணானந்தமோ எனத் தெளிந்தேன்.

- செந்தில்குமார் சுப்பிரமணியன்

**

என்னுள்ளே என்னையேன் மாற்ற வேண்டும்
-----எல்லோர்க்கும் ஏற்றபடி மாறு யென்றே
என்னிடத்தில் ஏன்இவர்கள் சொல்ல வேண்டும்
-----எதற்காக சமரசம்நான் செய்ய வேண்டும்
என்சுயத்தை யாருக்காய் இழக்க வேண்டும்
-----என்வழியை யாருக்காய் மாற்ற வேண்டும்
என்கொள்கை என்குறிக்கோள் அடைவ தற்கே
-----எவர்தடையாய் நின்றாலும் தகர்த்த ழிப்பேன் !
ஊருடனே ஒத்துப்போ என்று ரைப்பார்
----ஊர்செய்யும் தவறுகளுக் கிசைவ தோநான்
சேறுதனைச் சந்தனந்தான் பூசி டென்றே
----செப்பிடுவோர் கூற்றுதனை ஏற்ப தோநான்
நாருதனில் மலர்கோர்த்த லின்றிச் சுற்றி
----நறுங்கழுத்தை இறுக்குவோரைப் போற்ற வோநான்
ஏறுபோல தீமைகளை எதிர்த்தி டாமல்
----எச்சில்நாய் போலிருக்க முடியா தென்னால் !
குற்றத்தைக் குற்றமெனச் சொல்ல அஞ்சிக்
----குற்றேவல் புரிவதற்கா வாழ்வைப் பெற்றேன்
வெற்றுக்கே வாழ்வதினால் பயன்தான் என்னே
-----வெறும்வயிற்றை நிரப்புதற்கா இந்த வாழ்வு
சிற்றெறும்பும் கடித்தபின்பே உயிர்து றக்கும்
----சிறுபுலியும் சினந்தெழுந்தால் யானை ஓடும்
பெற்றயென்றன் தமிழைநாட்டை உயர்த்தும் போரில்-
----பெறுகின்ற விழுப்புண்ணே என்னைக் காட்டும் !

- பாவலர் கருமலைத்தமிழாழன்

**

விண்ணும் மண்ணும் தெரிகிறது உன்
விழிவாசலில்
உன்னை அறிந்ததுண்டா
ஒரு நாளேனும்... ஒரு நொடியேனும்...?
உருவத்தை அழகாக்குகிறாய்
கண்ணாடி பார்த்து
உள்ளத்தை அழகாக்க எதன்
முன்னாடி நிற்பாய்?
உன்னை யாரென்று
உனக்குக் காட்டும்
வாழ்வில் வரும் இடர் ஒவ்வொன்றும்
உன்
பலத்தை அறிந்ததுண்டா?
பலவீனத்தைப் புரிந்ததுண்டா?
இரண்டையும் எடைபோட்டால்
எந்தப்பக்கம் சாய்வாய் நீ?

- கோ. மன்றவாணன்

**

தன்னைத்தானே நேசித்துக் கொள்வதே 
சுய தரிசன மெனலாம் 
அது போலவே அயலாரை நேசி என்பின் 
அது வயபடும் தரிசனம்
இவையிரண்டும் சேர்த்து இனங்கூற 
வியலா மாய தரிசனம் 
உருவெடுத்து கடவுளின் கருணையைப் 
பெரும் தெய்வ தரிசனம் 
இவ்வாறான முடிவதைத் தான் கூறுவர் 
தீர்க்கமான தரிசனம் 
கண்ணீரை தான் வடிக்கக் கிடைக்கும் 
கடவுள் காணக் கிடைப்பாரோ 
உன்னை நீயே அறிதல் அவசிய மதுவே
பாதையை காட்டி தருகிறது 

- ஆபிரகாம் வேளாங்கண்ணி

*
கண்ணாடியில் பார்க்கிறோம் நம் 
முகத்தை  தினமும் .. திரும்பத் திரும்பப் 
பார்த்து ரசிக்கிறோம் ...அது சுய தரிசனம் !
கண்ணாடியில் தெரிவது இல்லை நம் சுய ரூபம் !
பார்த்தவுடன் தெரிவதில்லை நம் 
சுய ரூபம் தன் மூக்கு கண்ணாடி
வழியே நம்மைப் பார்க்கும் அடுத்தவருக்கும் !
நம் கண்ணாடியும் காட்டுவதில்லை 
நம் சுய ரூபத்தை ! அடுத்தவரும் 
பார்ப்பதில்லை நம் சுய ரூபத்தை அவர் 
கண்ணாடி வழியே !
நம்மைப் படைத்த இறைவனுக்கு மட்டும் 
தெரியும் அவன் வசிக்க ஏற்ற இடமா நம் 
இதயம் என்று ! நம் சுய ரூபம் என்ன என்று !
இறைவன் வசிக்க ஏற்ற இடமாக நம் 
இதயத்தை மாற்ற தேவை ஒரு சுய 
பரிசோதனை ...சுய தரிசனம் நமக்கு !
இதயத்தில் இறைவன் குடி புகுந்து விட்டால் 
ஒரு கட்டண தரிசனமும்  தேவை இல்லையே 
நமக்கு அந்த இறைவனை தரிசிக்க !

- K. நடராஜன் 

**

பிறந்தவர் எல்லாம் சிறந்தவர் என்றே
   பேசுதல் இல்லையடா !-தம்பி
சிறந்த செயலே சிறப்பை சேர்க்கும்
   தெளிவாய் அறிந்திடடா !

பிறந்தோம் இருந்தோம் இறந்தோம் என்பதில்
    பெருமை இல்லையடா !-தம்பி 
அறமும் மறமும் அணியாய்க் கொண்டே
    ஆக்கம் விளைத்திடடா !

உண்மை உழைப்பே உன்னை உயர்த்தும் 
    உணர்ந்து நடந்திடடா !-தம்பி 
மண்ணும் பொன்னாய் மாற்றும் ஆற்றல் 
    மதி'யால் மலருமடா !

முகத்தின் அழகைத் தகவே காட்டும் 
     முன்னே கண்ணாடி !-தம்பி 
அகத்தைத் தகவே அறிவாய் ஆள்வாய்
      அதுவே நின்நாடி !

- ஆதிநாராயணமூர்த்தி, பரதராமி (திமிரி)

மற்றொருவரின் வெற்றியின் போது
வெளிப்படும் பொறாமையில்,
மங்கையவளின் மாராப்பு விலகும்போது
தடுமாறும் பார்வையில்,
கையாலாகாத் தனத்தின் விளைவாய்
தோற்றுப்போகும் தருணங்களில்
பழியை விதியின் மேல் 
சுமத்தும் புலம்பலில்,
அலுவலகத்தில் மேலாளரின் 
அதிகாரத்தின் ஆதிக்கத்திற்கு  ஒடுங்கி
வீடு சென்று மனையாளிடம்
வெடிக்கும் சினத்தில்,
எவ்வளவு தான் கண்ணியவான் அரிதாரம்
பூசிக்கொண்டாலும் வெளுத்து
வெளிப்பட்டு விடுகிறது
சுயம்.

- மகாலிங்கம் இரெத்தினவேலு, அவனியாபுரம்

**
கோவிலுக்கு சென்றேன்,  
ஆலய தரிசனம் கொண்டேன் 
கடவுளை வணங்கினேன்,  
தெய்வ தரிசனம் கண்டேன் 
வெற்றி பாதையில் சென்றேன், 
உறவுகள் தரிசனம் பெற்றேன் 
தோல்வியை தழுவினேன், 
தனிமையை உணர்ந்தேன் ,
வெறுமையில் என்னை நானே காண நேர்ந்தேன் ,
சுய தரிசனம் பெற்றேன்!
மீண்டு வந்தேன், ஜெயிக்க !!

- பிரியா 

**

மறைந்திருக்கும் புகழ்நிலையின் மாண்பைக் கண்டு
மகிழ்ந்திருக்கப் பெருமைகளில் நிறைவே உண்டு
உறைந்திருக்கும் மனங்களிலே ஏற்றந் தந்து
எழுகவென எடுத்துரைக்கும் எதுவும் நன்றே
முறையுடனே முன்தமிழர் அறிவால் ஓங்கி
முன்னேற்றம் நாகரீகம் நிறைவாய்த் தந்தார்
கறைபடியா உயர்நிலையைக் கண்முன் வைத்த
“கண்டெடுப்பின் காலத்தின் குறிப்பில்” வென்றார்

தொல்லியலார் ஆய்வினிலே தமிழர் எல்லாம்
தேர்ந்திருந்தார் கீழடியில் உலகம் பார்க்க
துல்லியமாய் பல்துறையும் நிறைகள் கண்டு
திறன்படைத்து உயர்ந்திருக்கும் வரலாறு றென்றார்
வெல்லுகின்ற வீரத்தில் மட்டும் அல்ல
விண்வெளியின் கோள்வழியின் கணக்கில் வென்றார்
கல்வியினால் உயிரனைத்தும் உறவே என்றார்
“கண்டெடுப்பின் காலத்தின் குறிப்பில்” நின்றார்

**

கோயிலிலே கரங்குவித்து வணங்கப் போகும்
குறைகளைய வேண்டுதலை வைக்கப் போகும்
நோய்தீர மருத்துவரைப் பார்க்கப் போகும்
நேர்ந்திருக்கும் வலிமறையா நிலையில் நோகும்
தாயிடமும் துன்பத்தின் தன்மை கேட்டு
தன்குறைகள் அறியாது தேடும் ஓடும்
ஓய்வின்றி புறந்தேடி ஓய்ந்த பின்னே
“உள்மனதின் தரிசனத்தில்” உயரும் உள்ளம்

தேடிடுவார் இன்பத்தை வெளியில் எல்லாம்
திசைதெரியா சிந்தனையால் மயக்கம் கொள்வார்
வாடிநின்று வழிமறந்த வலியில் நோவார்
வசந்தமதை காணாத நிலையே ஆவார்
கூடிவந்து வாழ்ந்திருக்கும் நம்முள் தெய்வம்
குறைமதியின் உணர்வாலே நினைவில் கொள்ளார்
சூடியதோர் மனமலரில் சுகந்தம் வீசும்
“சுயதரிச னம்”தந்து சுகமாய் பேசும்

-கவிஞர் நம்பிக்கை நாகராஜன்

**

தெய்வ தரிசனத்தில் 
வாழ்க்கை பிரகாசமாகும்...
சுய தரிசனத்தில் - என்
கவிதைகள் பிரசவமாகும்...

இதில் கடவுள் தன்மையும்
காதலும் கலந்தே இருக்கும்...
கடவுளைக் காதலித்துப் பாா்ப்பேன்
காதலியைக் கடவுளாகவே பாா்ப்பேன்

தெய்வ தரிசனத்தில்  -
வானவேடிக்கையை இரசிக்கலாம்...
சுய தரிசனத்தில் -
மனசெய்யும் வேடிக்கையை இரசிக்கலாம்...

என் சுயதரிசனத்தில் - மௌனமே -
மொழியாகிறது - அந்த மொழியில்
அணுதினமும் அர்ச்சனை நடைபெறுகிறது
அனைவரின் நன்மைக்காகவும்.. நலனுக்காகவும்...!

- கவிஞர். நளினி விநாயகமூர்த்தி சென்னை

வாஞ்சை சூல்கொண்ட குமரிமண்ணில்
பெருமை சேர்த்த மலரும் மாலையுடன்
கவிமணி தன் பிறப்பைப் பதிவிட,
அம்மண்ணில் நானும் மலர்ந்திட மனம் பூரிக்க,
பெண்ணாய் பிறப்புக்காண அகம் மகிழ்ந்தேனே !
பெண்மையின் அங்கமாய் நாணம் எழுமன்றி
பெண்ணாய் பிறந்ததற்கு ஒருபோதும் நாணியதில்லையே !
அச்சம்தவிர் மந்திரத்தை எழுத்தோவியங்கள் பதிக்க
தன்னம்பிக்கை என் குருதியுள் விழுக்காடு ஏற்க
ஞாயிறு கண்ட செந்தாமரையாய் மலர்ந்திட்டதே
என்னுள் புன்னகை போர்த்திய மனோதைரியம் !
இடையூறுகளை எதிர்கொள்ளும் நெஞ்சுரத்துடன்
சுயதரிசனம் காணும் திரையில்
அகராதியினின்று ‘ பெண்ணுள் இயலாமை ‘மறைய
நாடுதே என் மனம் !!

- தனலட்சுமி பரமசிவம் 

**

காலையில் கண்களுக்குக் கிடைத்தது
……….கதிரவனின் கவின்மிகு தரிசனம்
மாலையில் மண்ணிற்குக் கிடைத்தது
……….மயக்கும் மதியின் தரிசனம்
சோலையில் புதியவாசம் வீசும்
……….சோர்வுநீக்கும் பூக்களின் தரிசனம்
ஆலயத்தில் அமைதி தந்திடும்
……….ஆண்டவனின் அன்பு தரிசனம்

ஒளியை  வணங்கும் வள்ளலாரின்
……….ஒப்பற்ற ஜோதி தரிசனம்
எளிய மனிதர்களும் வாழ்வில்
……….ஏற்றம் காணும் சுயதரிசனம்
உளிசெய்த சிற்பத்தால் கிடைத்தது
……….உலகிற்கு கடவுளின் தரிசனம்
வளியின்றி உயிர்கள் இல்லை
……….வாழ்வே இயற்கையின் தரிசனம்

- கவிஞர் நா. நடராஜ், கோவை

**

எண்சீர் ஆசிரிய விருத்தம்

காலையிலே எழும்போதே கணினி முன்னே
……………காலத்தைத் தள்ளுதற்கே கடின வேலை.!
மாலைநேரம் வீடுவந்து முடிவ தற்குள்
……………மலைபோலக் குவிகின்ற மற்ற வேலை.!
சாலையிலே வாகனங்கள் சறுக்கி யோட
……………சந்திக்கும் சங்கடங்கள் சொல்லி மாளா.!
மூலையிலே முடங்குமெண்ணம் முற்றும் ஓட
……………முன்னோக்கிச் செல்தற்கே முனைய வேண்டும்.!
.
.
மொழிநாடு மேல்பற்று  மிகுதல் வேண்டும்
……………முன்னோர்கள் சொல்லியதை மறந்தே போனோம்.!
விழிப்புணர்வு அனைத்திலுமே வேண்டும் என்றே
……………விடுதலைக்கு முன்பாக வேண்டிச் சொன்னார்.!
அழித்துவிட்ட பகையுணர்ச்சி..அடக்கும் கோபம்
……………அன்புடனே நட்புறவாய் அரவ ணைக்க..
செழிப்பாக வாழ்வதற்கே சிந்தை யுள்ளே
……………சுயதரிச னம்பெறவே சுழலும் வாழ்க்கை.!

- கவிஞர் பெருவை பார்த்தசாரதி

**

கல்வியெனும் கனிகள் பல சுவைத்தே வளர்ந்தான்—
தொழிலேணி கைப்பிடித்து உயர்ந்தே நின்றான்-
நோட்டுக்கள் சுருக்கி வைக்க கோணிப்பை உண்டோ  –
தேடித்தீர்த்தான் – நிரப்பி மகிழ்ந்தான் --             
குடும்பத்திற்குள் நுழையாமல்
பிள்ளைகள் பெற்றுக்களைத்தான் –
தந்தையோ தங்கையோ ? ஒட்டாமல் ஒதுக்கி வைத்தான் –
தர்மத்தை தள்ளி வைத்து தங்கத்தை நாடிச்சளைத்தான் –
இளைத்துவிட்ட நிம்மதியுடன்
சுய பரிசோதனை செய்தான் ஒரு நாள்  !
சுண்டி இழுக்க  தடி நூலாய் திருப்தி இல்லை –
திசை தெரியாத பட்டம் போல்
பறந்தே மறைந்தான் !!

- கவிஞர் டாக்டர் எஸ். பார்த்தசாரதி -- MD DNB PhD

உலகெல்லாம் விழித்திடவே உயர்கதிரோன் ஆனேன்  
   ஒவ்வொருவர் உழைப்பினிலும் உயர்வாக உரைந்தேன் !
மலராக மணமாக மண்ணெங்கும் மாட்சி
   மலர்ந்திடவே கண்டுள்ளம் மலையாக மலைத்தேன் !

வானமுழு வெண்ணிலவாய் என்னையான் கண்டேன்...
   வையத்து மக்கள்தம் வாட்டத்தை அழித்தேன் !
தேனகத்தை கொண்டவர்கள் திருவாயால் வாழ்த்தத்
   திளைக்கின்றேன் திகைக்கின்றேன் முகில்முகத்தில் புதைந்தேன் !

விண்ணுக்கும் மண்ணுக்கும் பாலம்போல் ஆகும்
   வியன்மழையாய் நானானேன் வியப்பின்பம் பூண்டேன்...
மண்ணெங்கும் நான்நிறைந்தே மண்குளிக்க வைத்தேன் 
    மலையதிலும் மண்ணதிலும் மகிழ்வைத்தான் விதைத்தேன் !

- படைக்களப் பாவலர் துரை. மூர்த்தி, ஆர்க்காடு.

**

எதைத் தேடிச் செல்கிறேன் எனத் தெரியாமல்
தேடிச் சென்றேனோ அதைத் தேடிப் போனபோது
காணாமல் போயிருந்த நான் என்னைத் தேடிவர
நான் தேடிப்போனேன் காணாமல் போயிருந்த என்னை
தேடல்மயமான பயணத்தில் தேவன்யாரும் இல்லை வழிகாட்ட
தொலைந்ததைத் தேட தூமணி விளக்கும் இல்லை ஒளிகாட்ட
யார் நான் யார் நான் என்று கேட்டுக்கொண்டே போனது தேடல்
அவன் நீ நீ அவன் என்று அசரீரியாய் ஒலித்ததோர் பாடல்
வழியில் மொட்டைத்தலையோடு ஒருவன் கண்மூடி இருந்தான்
மற்றோர் புற்றில் ஜடாமுடியோடு உட்கார்ந்து தூங்கினான் ஒருவன்
நீ இல்லை நீ அவனுமில்லை நீ நீவெறுமை வடித்த பிம்பம்
நீரற்ற பூமியாய் நீசொல்லும் நான் எல்லாம் வீண்ஜம்பம்
எனப் புலம்பியவாறு சென்றான் ஒரு வழிப்போக்கன்
அவனிடம் கேட்டேன் வீடு போகும் வழி
நான் போனால் வரும் என்றான்
நீயா என்றேன்; இல்லை நீ என்றான்
நான் இல்லை என்றேன்
அதைத்தான் சொன்னேன் என்று சொல்லிவிட்டு
தூங்கப் போனான் மீண்டும் கல்லறைக்குள் 

- கவிஞர் மஹாரதி

**


 

]]>
kavidhaimani, poem, poetry, self https://www.dinamani.com/specials/kavithaimani/2019/jun/12/சுய-தரிசனம்-வாசகர்-கவிதை-பகுதி-2-3169923.html
3169336 ஸ்பெஷல்ஸ் கவிதைமணி சுய தரிசனம் வாசகர் கவிதை பகுதி 1 கவிதைமணி DIN Wednesday, June 12, 2019 10:00 AM +0530 சுய தரிசனம்

தரிசனம்  கிடைப்பது 
கரிசனம்  உடைய மென்மையானவர்களுக்கு 
மட்டுமே..... உணர்ந்தவர்கள் 
தட்டில்லாமல்  கொடுப்பது  "சுய தரிசனம்"
உள்ளத்தில்  நல்ல  எண்ணம் 
கள்ளமில்லாமல்  வருபவர்களின் 
தரிசனமே  "சுய  தரிசனம்"
உள்  ஒன்று வைத்து புறமொன்று பேசும் 
தீய  எண்ணம் உடையவர்களிடம் 
சுய  தரிசனத்தை  பார்க்கவே  முடியாது!
காதலில்  சுய  தரிசனம்  பார்த்தவர்களால் மட்டுமே 
மோதல்  இல்லா  இல்வாழ்க்கை 
வாழ்ந்து  வெற்றிக் கனியினை 
சுவைக்க முடியும்.............
சுய  தரிசனம்  காட்டுபவர்கள் 
நய வஞ்சகம்  என்ற  சொல்லே  அறியா 
நல்லவர்கள்.......முடிந்தவரை...
வல்லமையுடன்  சுய தரிசனம்  காட்டி 
நல்ல  வாழ்வு  வாழ்வோம்!

உஷாமுத்துராமன்,  திருநகர்

**

கண்ணுடன்  கண் பார்த்து 
எண்ணங்களை  சொல்பவரே 
தங்கள்  "சுய  தரிசனம்" 
உங்களுக்கு  காட்டும்  உத்தமர்!
புற முதுகு  ஓட செய்யும் 
சுயநலவாதியிடம்  எதிர்  நோக்காதே 
கயவனின்  "சுய  தரிசனத்தை"
மணம் முடித்த  மங்கையின்  
குணம்  அறிய  நமக்கு 
தினம்  உணர்த்தும்  அவளின்  "சுய  தரிசனமே!"
அம்மாவின்  அன்பை  உணர்த்தும் 
அவளின்  அன்பு நிறைந்த  "சுய  தரிசனம்"
அப்பாவின்  ஆசையை  உணர்த்தும் 
அவரின்  ஆசை  நிறைந்த  "சுய  தரிசனம்"
அம்மா அப்பாவின்  சுய  தரிசனம் 
கிடைத்த  பிள்ளைகள் 
மடை  திறந்த  அறிவோடு 
தடையில்லா  வாழ்வு  பெறுவரே!
"சுய  தரிசனம்  காட்டுவோம் 
பயமில்லை  தைரிய  வாழ்வு  வாழ்வோம்!

- பிரகதா நவநீதன், மதுரை

**

உள்ளத்தைக் கிளறி
உண்மையைக் காண
உலகத்தைத் தாண்டிய
உருவில்லாத மனத்தைத் திரட்டி
உயிரசையாத நிலையில்
உடலைக் கட்டி
ஓங்காரம் அமைதியில் அதிர
ஒளி வெள்ளஞ் சுற்றி
ஒரு வட்டமாக
விரிந்து பரவிட
எழும் குண்டலினியால்
உன்னை உணர்வாய்
உண்மை வழியாய்...
தெளிவாய் உள்விழிப்பாய்........

- சுழிகை ப.வீரக்குமார்

**

உள்ளம் எண்ணி வியந்தது சிலநாள் 
தன்னை எண்ணி நொந்ததும் சிலநாள்
வியப்பும் நோவும் தந்தது மென்ன?
அழ்ந்தே சிந்தித் தறிந்தது மென்ன?
மனமே புலனைக் காக்கும் கலனாம்
மனத்தைத் திருத்தி மடிமை விரட்டி
நலமாய் வாழ நன்மை நாடி
என்னைக் கண்டேன் என்னுள் கண்டேன்!

- கு. இரா, வடக்கு அயர்லாந்து.

**

தனி மரம் ஆனேன் தனியாள் ஆனேன் ;
சனி பிடித்த அரசன் நளன் போலானேன் .
வேண்டும் சுயதரிசனம் எனைப்பற்றி யே ;
மீண்டும் நான் தலை நிமிர்ந்து நிற்கவே.!
நல்குடியில் பிறந்தேன் , வளர்ந்தேன் ;
பல்கல்வியும் கற்று பண்டிதன் ஆனேன் .
நேர்மறை எண்ணம் மனவளத்துடனே ;
தேர்ந்த பதவியும் பெற்று உயர்ந்தேன் !
பட்டமும் பதவியும் தேடி வரவும்
சட்டமாய் குடும்பம் அமைந்தது வரமாய்
நீண்ட நல்வாழ்வும் தவத்தின் பயனாய்
மாண்புற வாழ்ந்து பல்கி ப்பெருகி பின்
பத்தினியோடு மன உரம் எல்லாம் போயின
எத்தனை சிறந்த மக்கள் பேறாயினும்
ஆண்மகன் வாழ்வும் என்றும் தனிமையே ;
ஆண்டுதோறும் இனி சமுதாயப் பணியே .

- ராணி பாலகிருஷ்ணன்

**

தேவை சுய தரிசனமே !
தேடல் மிக அவசியமே !
உன்னை, நீயேச் சீர் தூக்கிப் பாரு !
உண்மையும், நன்மையும் யாதெனக் கேளு !-நீ
செய்வதெல்லாம் அறமோ ?
வாழுதல் தர்மத்தின் வழியோ ?
உன்னையே சீர்தூக்கிப் பாரு !
உன்னை நேர்மைத் தீயில் புடமிட்டுக் கொள்ளு !
உயரிய வாழ்வை நீ வாழு ! -இந்த
உத்தமமே, சுய தரிசனம் சுய தரிசனமே 
தத்துவம் இவைச் சொல்லும் பாதை,
தவறுகள் தம்மைத் திருத்திய வாழ்வை,
வாழ்ந்திடு மானுடா ! நீ மகத்துவமானவன்!
பிறர் வாழ்ந்திட, குற்றம் களைந்திட, வழி நடத்து; நீ    
மகத்துவமானவன்!
மானுடர் யாவருக்கும்  தேவை சுய தரிசனமே !
மண்ணில் தீவிரவாதம் ஒழியத் தேவை,சுய தரிசனமே !

- கவி.அறிவுக்கண்.

**
உன்னில் கோடி ஆற்றல் எல்லாம் 
     ஒளிந்து கிடக்கிறது !
உன்னை நீயே தாழ்த்திக் கொண்டால்
      உயர்வே கிடையாது !

பண்ணின் இசைநீ பாட்டுப் பொருள்நீ
      பயந்தேன் குமைகின்றாய் ?
கண்கள் இருந்தும் கண்திறக் காமல் 
     கவிழ்த்தேன் கரைகின்றாய் ?

எண்ணில் லாத ஏற்றம் உன்னில் 
        எமுவான் கதிராகும் !
எண்ணிச் செயலில் இறங்கி விட்டால் 
        இமயம் சிறிதாகும் !

உன்னை நீயே உயர்த்திக் கொள்ளும் 
         உளியாய் நீயாவாய் !
உன்னைப் பார்த்து நீயே வியப்பாய்
        உலக மதிப்பாவாய் !

- படைக்களப் பாவலர் துரை. மூர்த்தி, ஆர்க்காடு.

**
உலகையே  சுற்றி வந்தால் நீ வெல்வாயா?
அதற்கு உத்தரவாதமில்லை( முருகன்);
உன்னருகிலுள்ள உன்னைப் பார்த்தால்,
கண்டிப்பாக வெல்வாய்(அருகன்)

காரணம்?
உனக்குள்ளிருப்பது,
சுயமான
நீ

உனக்குள்ளிருப்பதை வெளிக்கொணர்ந்தால்
அது திறமை;
இல்லாததை நினைத்தேங்குவது வெறுமை

மனிதனே நீ உன்னை நம்பு,
அது உண்மை;
உன் திறமையை நம்பு,
அது மேன்மை

- ம.சபரிநாத்

**

உட்கார்ந்து நினைத்துப் பார்த்தால்
உதிரமே   வருத்தப்    பட்டு
பிறவியை வீணாய் ஆக்கிப்
பிரியும் நேரம் வந்தபின்னால்
தரிசிக்க ஏதும் செய்யாத்
தரித்திரப் பிறவி யென்றே
உள்மனம் உதைத்துச் சொல்லும்
-ஊரிலோ நல்லான் என்பர்!

யாருக்கும்   அறிந்து   தீங்கு
யானென்றும் செய்த தில்லை!
தேடியே  வந்தோர்  தம்மை
 திரும்பிடச் செய்த தில்லை!
பாவியாய் என்னை யாரும்
பாவித்து உமிழ்ந்த தில்லை!
ஆனாலும் அடி மனத்தில்
ஆத்மாவின் திருப்தி இல்லை!
-ரெ.ஆத்மநாதன்,
  காட்டிகன்,சுவிட்சர்லாந்து

- ரெ.ஆத்மநாதன்,காட்டிகன்,சுவிட்சர்லாந்து

**

எனக்குள் நுழைந்து
என்னைப் பார்க்க நிரம்பியிருக்கிறது
"நான்''...

''நானை'' புறந்தள்ளி
இன்னும்  ஆழத் துழாவிப்பார்க்க
காணவில்லை என்னை...

வேண்டற்பாலது எதுவும் இருப்பதாகத் தெரியவில்லை
வேண்டாதன பரவிக் கிடக்கிறது
எனக்குள்...

ஒதுக்கித் தெளிவு பெற பார்த்தேன்
''நான்'' என்பது நம்பிக்கை
''நான்'' என்பது தலைகனம்
இதில் நான் யார்...

அகமும் புறமும்
எதிரெதிர்த் திசைப் பார்க்க
நண்டுகளின் கதையாக ஆகிவிடுகிற 
என்னை
சுயதரிசனம் காண முடியாமல்
தொடர்கிறது
பயணம்...

- கவிஞர்.கா.அமீர்ஜான், திருநின்றவூர்

**
 
உங்களைப்  பற்றிய எண்ணம் எப்போதும் 
உங்களிடம் உயர்வாகவே இருக்கட்டும் !

தாழ்வு மனப்பான்மை இருந்தால் உடன் 
தகர்த்து எறிந்து தன்னம்பிக்கைப் பெறுங்கள் !

பலவீனம் எதுவும் இருந்தால் நீக்கிடுங்கள் 
பலம் பெற முயற்சிகள் செய்யுங்கள் !

கெட்ட பழக்கம் ஏதேனும் இருந்தால் 
கெட்ட கனவாக நினைத்து மறந்திடுங்கள் !

திறமையை வளர்த்துக் கொள்ளுங்கள் 
தன்னை நம்பும் வளமையைப்  பெறுங்கள் !

உங்களை நீங்களே எடைப் போட்டுப் பாருங்கள் 
உங்கள் எடை குறைவென்றால் உயர்த்துங்கள் !

முடியாது   நடக்காது தெரியாது என்பதற்கு 
முற்றுப்புள்ளி உடன் வைத்து முயலுங்கள் !  
.
என்னால் முடியும் மற்றவரால் முடிவது 
என்றே முயன்று சாதனை நிகழ்த்துங்கள் !

- கவிஞர் இரா .இரவி

**

மண்ணுயிர்  செழித்து  யிர்க்க,  உவந்தே
மாண்புடன்  பொழியும்  மழையில், 
தண்ணொளி  ஈந்தே  குளிர்ச்சிக்  கூட்டும்
வெண்ணில  வில்சுய  தரிசனம் கண்டேன்! 

பகலைப்   படைத்து  பாரினைக்  காத்திடும்
பரிதியின்  பார்வையில்,  உழவ ரெல்லாம்
அகமும்  மகிழ  வயலும்  விளைய
ஆற்றினில்  என்சுய  தரிசனம் கண்டேன்! 

வேற்றுமை  இன்றி  விளையும்  வயலில், 
மாற்ற  மில்லா  வளமிகு  நெஞ்சில், 
ஏற்ற   இரக்கம்  பாரா  சமண்மை
இதயத்   தில்சுய   தரிசனம் கண்டேன்! 

என்மனம்  போன்றே  எல்லோர்   மனமும்
நன்மை  விளைக்கும்  நாடே செழிக்கும்
என்றே துறைகள் தோறும் நினைந்தே
கண்டேன் என்னில் சுயதரி சனமே! 

- நெருப்பலைப் பாவலர்,  இராம இளங்கோவன்,  பெங்களூரு

**

சுயதரிசனம் காண்பவன்தான் மனிதன் வாழ்வில்
      சோர்ந்துவிடும் காலமதில் நம்பிக் கை தான்
பயமழித்துப் பாதையினைச் சீராய்க் காட்டும்
      பக்குவத்தைச் சேர்க்கின்ற வலிமை யூட்டும்
மயங்காத மனநிலையை மனிதர் பார்க்கும்
      மகிழ்வதனைப் புடம்போட்டுச் சேர்க்கும் யாரும்
தயங்காதத் தோற்றமதைத் தனித்துக் கூட்டும்.
      தன்னலமே யில்லாத தலைவ ராக்கும்.

மாமனிதர் ரமணமுனி யார்தான் இந்நான்
      மகத்துவமாய் இக்கேள்வி மனிதர் முன்னே
தாமறியக் கேட்கவைத்து யுணர்த்தி நின்றார்
      தம்மையுணர்ந் திடத்தமக்கே யொருகே டில்லை
மாமந்தி ரத்திருமூ லருண்மை சொன்னார்
     வையகத்தில் தமையுணரும் தரிச னத்தில்
தேமதுர வரமதனைப் பெறுவர் மீண்டும்
      திகழ்வையப் பிறப்பில்லா நிலைகாண் பாரே!

கவிமாமணி " இளவல் " ஹரிஹரன், மதுரை

**

சுடர்விடும் விளக்கு
சுற்றிக் கொண்டிருக்கும் ராட்டை..
சுமைகளற்ற உடல்
சுயநலமற்ற மனது
சுறுசுறுப்பான நடை
சுற்றமாக நாட்டுமக்கள்
சூழலில் அஹிம்சை
சூடிக்கொண்ட சத்தியம்
சுகித்து வாழ பெற்றுத்தந்த
சுதந்திரம் என
சுவாசித்து மடிந்த
அண்ணலின் வடிவில்
ஆண்டவனின் 
சுயதரிசனம்..........

கே.ருக்மணி

]]>
https://www.dinamani.com/specials/kavithaimani/2019/jun/12/poetry-kavidhaimani-3169336.html
3166173 ஸ்பெஷல்ஸ் கவிதைமணி சித்திரம் பேசுதடி வாசகர் கவிதை இரண்டாம் பகுதி 2 கவிதைமணி DIN Tuesday, June 11, 2019 03:22 PM +0530 சித்திரம் பேசுதடி  

வான்கோ வரைந்த நட்சத்திர
ஓவியம்
வையகம் போற்றிடும் உன்னத ஓவியம்
நிலைத்து நிற்கும் நட்ச த்திரக்கூட்டம்
நீந்தி ஓடும் மஞ்சள் நிலா
வானம் முழுதும் நீலம்
வண்ணம் அடித்தாபோல்
காண மலைக்கிராம்போல் காட்சி
கண் கொள்ளாத மாட்சிகளிக்கின்றேன்
கண்ணணை மூடி திறப்பதற்குள்மீண்டும்
காணுகிறேன் நில முகத்தை
காதல் கொள்ளையிலேஎன் மனம்
காணாமல் போய்விட்டது.களவு போன
என் மனத்தைத் தேடுவேனா.
இல்லை காணாமல் போய்மீண்டும்
காட்சி தரும் உன் அழகைக்காணுவேனா.

- கவிஞர் அரங்க.கோவிந்தராசன், இராஜபாளையம்

**


'சிந்தையில் பதிந்த சித்திரமே
எனது மாபெரும் விந்தை நீ
தூரலை அணைக்கும்
மண் போல் மனமின்று
உன்னை வர்ணம் தீட்ட
வட்டமிடுகிறது
ஜீவனுள்ள உன் விழிகளில்
மேலும் உயிர்
தந்தது நான் தூவிய காதல் நிறமதை நினைந்து
ஆனந்த சாரல் மழையில் 
லயித்துக் கிடக்கிறேன்
எப்போதும் அழியாத
சித்திரமாய் நீ என் நெஞ்சில்'

- ரா. கமலா

**

உலகின் மிகச்சிறந்த
கருப்பு-வெள்ளை சித்திரம்
உன் விழிகள்தானடி
விழுந்த நான் மீளவே முடியவில்லை...

கரிசல் மண்ணும் சிவந்துபோனதடி
உன் பாதவிரல்கள் - பூமியில்
தீட்டிய சித்திரத்தில்....

உனது கன்னக்குழி சித்திரத்திலும் -
உனது இடை அசைவுகளின் சித்திரத்திலும்
என் இதயமே நொறுங்கிப்போனதடி

உடைக்கேற்றபடி வண்ணம்மாறும்
உன் இதழ்களின் வண்ணச் சித்திரத்தில்
கையொப்பம் இடவே - என்
இதழ்களே எழுதுகோலாய் மாறிப்போனதடி...

- கவிஞர். நளினி விநாயகமூர்த்தி சென்னை

**
 
ஓவியர் வின்ஸ்சென்ட் வான் கோவின்
ஒய்யார ஓவியம் நட்சத்திர இரவு
காணக் களிப்படைந்து மலரும் கவிதை இது! 
வான் கோவின் வீட்டு சாளரம் வழியாக
காணக் கிடைத்த வான விருந்து , அவர்
நினைவில் வைத்து வரைந்த ஓவியம் இது
நீலவான் ஆடையில் நட்சத்திர புள்ளிகள்
மஞ்சள் நிலா முகம் காட்டி மறையும்
வான வேடிக்கை காணும் மனிதர்க்கெல்லாம்
கானம் பாடும், காவியமாகும் ! சித்திரம் பேசுதடி!

- கவிஞர்  சூடாமணி

**
இருள் துவங்கும் அந்திவேளை 
ஒளியை விழுங்க,
பறவைகளோடு வீடு திரும்பும்
சாமந்திப்பூ வேளையில்
அந்தி மந்தாரை என அவள் எங்கோ நிற்க 
ஆகாயம் ஆர்ப்பரித்து தழுவியது
நிசப்தத்தை கலைக்கும் புள்ளினங்களை
கிளைகள் தாங்க, உலகமும் தூங்க,
நீயும் - நானும் பேசிய நினைவுகள் 
மனதில் ரவிவர்மா ஓவியமென பதிந்திருக்க  
நீ அனுப்பிய மண ஓலைச் சித்திரத்தில்  
நீ சிரித்தபடி இருக்கிறாய்,
என் உறக்கத்தை விழுங்கிய 
அந்திப் பொழுதாய்  
உயிர் வாழ்வதற்காக புலர்கிறது  
மறுதினம் நீ என்னோடு இன்றி 

- செந்தில்குமார் சுப்பிரமணியன்

**                           
சித்திரம் பேசுதடி
உள்ளுக்குள் சித்திரமாய்
உடலுக்குள்  உணர்வுகளாய்
கல்லுக்குள் ஈரம்போல்
கனிக்குள்ளே சுவையேபோல்
மண்ணுக்குள் உரமேபோல்
மரத்துக்குள் உறுதியேபோல்
நிற்கின்றாய் நீயென்றும்
நினைவுகளில் பேரொளியாய்!

நட்பென்றால் என்னவென்று
நயமாக உணர்த்திய நீ
காதலென்பது எதுவென்று
கனிவுபடத் தெரிவித்தாய்!
இதயத்தில் இருக்கும் நீ
இரவுகளின் சங்கமத்தில்
உடலெல்லாம் வியாபித்து
ஓலமிட்டுக் கொஞ்சிடுவாய்!

- ரெ.ஆத்மநாதன்,காட்டிகன்,சுவிட்சர்லாந்து

**

நீல வண்ண சித்திரம் என்னை 
விண்ணிலிருந்து  பார்த்து ரசிக்கும் 
மனிதா நீ மண்ணில் என்னை சிதைப்பது 
என்ன நியாயம் ? 
உன் பூமித்தாய் கேட்கிறேன் உன்னை 
உரிமையுடன் ! நீ இருக்கும் சோலைவனம் 
விட்டு வேற்று கிரகத்துக்கு செல்கிறேன் 
என்கிறாயே ! உன் விண்வெளி போட்டியிலும் 
பூமி நான் சரித்திரம் படைப்பேன்  மனிதா !
ஏன் தெரியுமா ...சித்திரம் நான் உனக்கு 
மட்டும் சொந்தம் இல்லை ... உன் பிள்ளைகளுக்கும் 
நான் சொந்தம் ! புரிந்து நடந்து கொள் மனிதா !

- K.நடராஜன் 

**

சித்திரம்  போன்ற அவள் பேசினாள்
சித்திரம் பேசுதடி பாடல் வந்தது !

சித்திரமும்  பேசும் உற்று கவனித்தால் 
சித்திரம் வரைந்தவரின் உணர்வினைக் கூறும் !

கருத்து எதுவும் எழுதாத சித்திரம் கூட 
கருத்துக்கள் பல கூறும்  விந்தை உண்டு !

ஓவியரின் வரையும் ஆற்றலைப் பார்த்தவுடன் 
ஓவியம் நமக்குப் பறை சாற்றி விடும் !

மோனாலிசா ஓவியம் இன்றும் பேசுகின்றது 
மோகனைப் புன்னகை எப்போதும் வீசுகின்றது !

உதடுகள் அசைத்து அவள் பேசுவது 
ஓவியம் பேசுவது போலவே இருக்கும் !

எல்லோரா ஓவியத்தை சென்று பாருங்கள் 
எல்லோருடனும் எப்போதும் பேசுவது உண்மை !

சித்தன்னவாசல் சென்று  பாருங்கள் நம்மோடு 
சித்திரங்கள் மனதோடு பேசுவதை அறியலாம் !

- கவிஞர் இரா .இரவி

**

ரவி வர்மா வரைந்த வண்ண ஓவியமோ
புவி மீது வந்துதித்த பொற் சித்திரமோ
கவிதைச் சந்தங்கள் நிறைந்த காவியமோ
நவின்றாலும் விளங்கிடாத புதிர் மந்திரமோ

இமைகளின் இன்ப அசைவில் நளின நடனம்
அமைதிப் பூபாள இசை அரங்கேற்றத்தோடு
சுமையான புருவம் மேலும் கீழும் ஆடும்
உமையாளாய் வணங்கத் தோன்றும் வடிவம்

இடையாட நடை பயிலும் நடன நாயகியாய்
விடை தெரியாத வில்லாய் வளையும் நாணலாய்
தடையேதுமில்லா உயிர் நதியாய் சலசலக்கும்
மடை திறந்த வெள்ளமென அழகை வாரியிறைத்து

சித்திரம் ஒன்று சிணுங்கியே சிறகடிக்கும் நிலை
உத்திரவின்றி உள்ளே வரத் துடிக்குதடி இதயம்
முத்திரை இரவிலும் ஒளியை வீசியடிக்குதடி
இத்தரைமீது இறங்கிய சித்திரமும் பேசுதடியோ

- கவிஞர்  ராம்க்ருஷ்

**

காலத்தை வென்றுநிற்கும் மல்லப் பாடி
----கற்பாறை குகையொளிரும் சித்தி ரங்கள்
ஞாலத்தின் மூத்தகுடி தமிழர் என்னும்
----ஞாயத்தைப் பேசுகின்ற ஆவ ணங்கள்
கோலத்தைக் கண்டின்றும் வியந்து போகக்
----கொலுவிருக்கும் பல்லவர்தம் மாமண் டூரும்
சீலமுடன் மாமல்ல புரத்தி ருக்கும்
----சித்திரமும் தமிழ்க்கலையின் பெருமை பேசும் !
பனைமலையின் கோவில்தம் சுவரில் காணும்
----பசும்வண்ணக் கந்தர்வர் சித்தி ரங்கள்
வனைந்திருக்கும் காஞ்சிக்கை லாச நாதர்
----வாழ்கோயில் சோமாசின் சித்தி ரங்கள்
நினைவிருந்தே அகலாமல் கண்ணுக் குள்ளே
----நிற்குதஞ்சை பெருங்கோயில் சித்தி ரங்கள்
புனைந்திருக்கும் மதுரைமீ னாட்சி கோயில்
---புகழோவி யங்கள்நம் கலையைப் பேசும் !
சித்தன்ன வாசல்தம் சித்தி ரங்கள்
----சித்தத்தை மயக்குகின்ற அற்பு தங்கள்
வித்தையினைக் குளமாக்கி எருமை யானை
----விளையாட அன்னங்கள் பறந்து செல்லச்
சத்தத்தைக் கேளாமல் துறவி மூவர்
----சாய்ந்துமலர் பறிக்கின்ற காட்சி யெல்லாம்
இத்தரையில் தமிழர்தம் கலைமேன் மையை
----இயம்புகின்ற பலவண்ண சொற்க ளன்றோ !

- பாவலர் கருமலைத்தமிழாழன்

(மல்லப்பாடி - தொன்மையான பாறை ஓவியங்கள் உள்ள இடம்.
விழுப்புரத்தின் அருகில் உள்ள ஊர் பனைமலை)

**

நிலை மண்டில ஆசிரியப்பா..!

சித்திரம் ஓவியம் செந்தமிழ் இவையில்
முத்திரை பதித்தே முன்னோர் வாழ்ந்தனர்.!
நடுகல் சிற்பம்.. நாட்டியச் சித்திரம்
விடுபடா எண்ணமாய் விரவிய மரபும்.!
மணிகளைக் கோத்து மனதைக் கவரவே
துணியில் தைத்ததும் துல்லிய சித்திரம்.!
நெஞ்சை அள்ளவே நீண்டு வாழ்ந்தது
தஞ்சை ஓவியம் தரணியில் சிறந்தது.!
எண்ணை ஓவியம் எழில்பெறும் மனதிலே
வண்ணக் கோலும் வளர்த்தது கலையை.!
கண்ணாடி ஓவியம் கருத்தைச் சிதைக்க
கண்ணுள் தெரிந்தது கேலிச் சித்திரம்.!
சித்தன் னவாசலின் சிதையாச் சித்திரம்
எத்தனை காலமும் அழியா அஜந்தா .!
எட்டுத் திக்கும் ஏற்றமாய்க் கலைகளுள்
வட்டிகைச் செய்தி வாழ்கென வாழ்த்தினென்.!

பொருள்::

(வட்டிகைச் செய்தி = ஓவியத்தொழில்)

- கவிஞர் பெருவை பார்த்தசாரதி

**
தூரிகை வரைந்த காரிகையே-தேன்
……….துளிசுமந்த பூக்களின் தேவதையே
தூரத்தில் வாழ்கின்ற நிலவே-என்
……….தூக்கத்தில் விழிக்கிறது உன்நினைவே
உன்சித்திரத்தை நானும் வரைந்தேன்-உயிராய்
……….உனக்குள்ளே நானும் தொலைந்தேன்
உன்அழகை வடிக்கும் ஓவியனானேன்-இங்கு
……….உன்னால் நானும் கவிஞஞானேன்
காதல்காற்று என்பக்கம் வீசுதடி-உன்
……….கவிதைசித்திரம் மௌனமாய் பேசுதடி
காதல்வானில் கற்பனையும் மிதந்ததடி-என்
……….கனவுகளும் உனக்குள் தொலைந்ததடி
சித்தன்னவாசல் சித்திரம் நீதானே-உன்னால்
……….சிறகடித்துப் பறக்கிறேன் நானே
சித்திரஅழகே உன்னோடு கலந்தேனே-உன்னில் 
……….சிலகாலம் நானும் வாழ்ந்தேனே

- கவிஞர் நா. நடராஜ், கோவை

**

வண்ணம் குழைத்தெடுத்த தூரிகையில் 
எண்ணம் முழுதும் குவித்து வைத்தேன் !
கன்னம்  நிறைத்த பூக்கள் காண 
திண்ணைப் படிகளோடு காத்திருந்தேன் !

தெருமுனைக்கு நாள்தோறும் விருந்திட்டு  
வருகைப்பதிவு நாளேட்டில் எழுதி வைத்தேன் !
அறியாத இதயத்தில் பாட்டெழுதி 
தெரியாத இராகத்தைப்  படையலிட்டேன் !

சுவரெங்கும் ஓவியங்கள் தீட்டிவைக்க 
சத்தியமாய் சொல்லுகிறேன் மறுக்கவில்லை !
இத்தரையில் இவள்போன்ற உருவமதை 
எத்திசையும் காணவில்லை உண்மையிது !

கிளிமொழியாள் பகன்றதை யாரறிவார் 
அணிசேர்க்கும் நற்கவிதைக் கற்கண்டு !
சிந்தைக்கு நல்மருந்து நீயென்று என்னிடத்தில்  
சித்திரம் பேசுதடி நாள்தோறும் தப்பாமல் !

- கா.ந.கல்யாணசுந்தரம், சென்னை  

**

திரையில் எழுந்தருளிய
திருமகள்
கொட்டுகிறாள்
கூடமெங்கும் பொற்காசுகளை...
இன்று அமாவாசைதான்
என் அறைக்குள்
பூரண நிலவு
தண்ணீர்ப் பஞ்சம் நாடெங்கும்
அருவி
ஆரத் தழுவுகிறது என்னை
புன்னகைக்கிறாள்
பூவிழி சிமிட்டுகிறாள்
கவிதை வாசிக்கிறாள்
கண்ணாடி வேலியை ஊடுருவி
சிந்திய வண்ணத் திட்டுகளைத்
தொட்டேன்
சிறகு விரித்துப் பறந்தன
கிளையில் அமர்ந்து
கிளிகள் பேசுகின்றன
உயிர்கொடுத்த
ஓவியனைப் புகழ்ந்தபடி...

- கோ. மன்றவாணன்

**

தமிழர் தம் கலைத்திறன்
அமிழ்தினும் இனிய சிற்ப வடிவங்களில் 
எழில் கொஞ்சும் தூரிகை சித்திரத்தில் 
பொழில் நிறை கலைக் கூடங்கள் 
கலைத் திறனை கண்டவர் மகிழும் 
நிலையான நுட்பத் திறனதை 
சித்திரம் பேசுதடி 
குலுங்கும் இடையதன் நெளிவை 
சிலிர்க்கும் கண்ணசைவை 
எங்கு நோக்கினும் பார்வைத்தடவலை 
தங்க ஆபரணங்கள் நெளியும் அழகை 
மைதீட்டிய இமையழகை 
சித்திரம் பேசிப் பகிருதடி...... 

- பாலா கார்த்திகேயன் 

**
முழுமதியாய் முகத்தைக் கண்டேன்
  முத்தெல்லாம் பல்லாய்க் கண்டேன்!
விழுந்தாடும் பின்னல் கண்டேன் 
  வியந்தழகில் வீழ்ந்தேன் யானே!

கண்களில் கனிவைக் கண்டேன் 
  கருத்தினில் துணிவைக் கண்டேன்!
எண்ணங்கள் பறக்கக் கண்டேன் இனியவளில் இழந்தேன் என்னை!

செவ்விதழ் சிரிக்கக் கண்டேன்  
  செவ்வாயில் உலகம் கண்டேன்! மல்லிகையே மலராய்க் கண்டேன்!
   மலையிரண்டால் மலைத்தேன் மானே!

இடையது கொடியாய்க் கண்டேன்   
   இருகண்கள் இடியாய்க்  கண்டேன்!
நடையதில் நளினம் கண்டேன் 
   நல்லழகால் நலிந்தேன் யானே!

- படைக்களப் பாவலர் துரை. மூர்த்தி, ஆர்க்காடு

**

வானம்கொண்ட சோலையிலே வசந்தநிலாப் பூத்திருக்கு
வண்ணவிழித் தோகைமயில் வந்துவிடு – உன்
வசீகர நெஞ்சமதைத் தந்துவிடு – கொஞ்சும்
நாணம்கொண்ட பேரழகி நானுமுந்தன் பேரழகில்
நலிந்துவிட்டேன் பார்த்துவிடு பண்போடு - அடி
நாயகியே கண்ணோடு பண்பாடு! (1)

ஜாலக்குயில் பாட்டாக ஜாடைக்காதல் சொல்லுகின்ற
ஜன்னலுக்குப் பின்னிருக்கும் சித்திரமே – ஜடைப்
பின்னலிலே எனைப்பின்னும் சித்திரையே - நீலக்
கோலவிழிப் பார்வையிலே கோயில்கொண்ட பாவைநீ
கொல்லும்போதை மன்மதனின் முத்திரையே – என்னைக்
கூறுபோட்டுக் கூளமாக்கும் நித்திலமே! (2)

பேசாமல் பேசுகின்ற பேராற்றல் நெற்றியதன்
பிறைநிலா ஒளியில்கண் கூசுதடி – உன்
பெருமூச்சில் பூந்தென்றல் வீசுதடி – பித்துப்

பாசாங்கு முகத்தினிலே பால்போல வழிகின்ற
பனிமலர்க் கண்ணிமைகள் ஆடுதடி – அடடா!
பார்த்துவிட்டேன் சித்திரமே பேசுதடி!

- கவிஞர் மஹாரதி

**

வானத்தை தூரத்துப் பார்வையாக வரைந்தாள் என் மகள்.
அந்தி வானம் ஆரேழு பறவைகள் - குச்சி குச்சி மரங்கள்,
விண்ணையும் மண்ணையும் இணைக்கும் தென்னங்கீத்து,
ஒடத்தில் ஒருவன்
ஆரஞ்சு நிற அலைகள்
ஆர்ப்பரிக்கும் காற்று
கருப்புச் சூரியன்
வரம்பில்லா கடல் - என தெரிந்ததை வரைந்திருந்தாள்,
இப்படித்தான் - கடவுளும் அமர்ந்திருக்கக் கூடும் - பொறுமையாய் - சிருஷ்டிக்கும் முன்

- கவிதாவாணி - மைசூர் 

**

உன்னைத் தேடி நான் வந்த போது 
நீ அங்கில்லை.
சில வண்ணத்துப்பூச்சிகள் 
பூக்களிலிருந்து புறப்பட்டு படபடத்தன.
பூங்காவின் காவலர் 
கைவிளக்கும், கைத்தடியும் கொண்டு
உலா வந்து கொண்டிருந்தார்.
உன் துப்பட்டா வாசனை
காற்றில் நீர்த்துப் போய்க்கொண்டிருந்தது.
நீ சில நொடிகளுக்கு முன் தான்
நகர்ந்திருக்க வேண்டும்.
வேகமாய் உன் துப்பட்டா வாசம் தொடர்ந்தேன்.
விரக்தியின் விளிம்பில் நீ
வெளியேறும் வழியைத் தேடினாய்.
பின்தொடர்ந்து விரல் பிடித்தேன்
பயந்து போய் திகைத்த நொடியில்
உனக்கு எப்படியிருந்தது எனத் தெரியவில்லை
உன் விரல்களில் நான் பதித்த முதல் முத்தம்.

- மகாலிங்கம் இரெத்தினவேலு, மதுரை

**

உன் சித்திரம் பேசுதடி.!

புருவமிடைத் திலகம்
புத்தொளி பாச்சுது.

கருவிழிப் பார்வை
நெஞ்சை கசக்கி விட்டது.

காதணி ஓசையால் 
களைப்பு தட்டுது.

மூக்குத்தியின் மின்னலால் 
பல இன்னல் விளையுது.

உதட்டின் சிரிப்போ
ஊமையாக்கியது.

கண்ணத்து மச்சமோ
உச்சம் என்றது.

இம்புட்டு அழகா..! 
வரஞ்சது யாருனு பாத்தா?
என் மாமனாரும் மாமியாவும்

- முத்துபாண்டி

]]>
https://www.dinamani.com/specials/kavithaimani/2019/jun/06/சித்திரம்-பேசுதடி-வாசகர்-கவிதை-இரண்டாம்-பகுதி-2-3166173.html
3166713 ஸ்பெஷல்ஸ் கவிதைமணி இந்த வாரம் கவிதைமணி தலைப்பு சுய தரிசனம்!   கவிதைமணி DIN Friday, June 7, 2019 11:25 AM +0530 கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

​சித்திரம் பேசுதடி ! என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: சுய தரிசனம்!

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படும்.

]]>
poem, poetry, self, love thyself, கவிதை, கவிதைமணி, தினமணி https://www.dinamani.com/specials/kavithaimani/2019/jun/07/the-title-of-the-poem-3166713.html
3166161 ஸ்பெஷல்ஸ் கவிதைமணி சித்திரம் பேசுதடி! வாசகர் கவிதை பகுதி 1 கவிதைமணி DIN Thursday, June 6, 2019 04:21 PM +0530 சித்திரம் பேசுதடி!  

எண்ணத்தில் இயற்கையெழில் வடிவானதால்
       வண்ணத்தின் வழியாய் வரைந்ததால்
வண்ணம்கொள் பேரழகு மனம்நிறையும்
        எழில்காட்சியாய் வடிக்கப் பெற்றதால்
பண்ணும் பல கோலங்கொள் காட்சிகளாய்ப்
          பரவசம்தரும் பார்ப்போர் உள்ளத்தில்
மண்ணும் விண்ணும் உள்ளவரை சாட்சிகளாய்ப்
         பறைசாற்றும் காட்சிகளாய் உலகத்தில்! 

மரங்கள் மற்றுள்ள உயிர்கள் அழிக்கப்பெற்றால்
         மறுபடி தோற்றுவிக்கத் தூண்டுமடி!
தரணியில் தருக்கள் தழைக்க வைக்குமென்பதால்
         தூரிகை வழி பேசும் சித்திரமானதடி!
எழில்கொண்டு எழிலை வெளியிடும் சித்திரங்கள்
          பூவுலகில் அழியா மாயமானதடி!               
 பொழில்கொள் பூவுலகு தோன்ற மறைபொருளாய்
          மண்ணில் பேசி நில் தாய்கள் அவையடி!

- மீனா தேவராஜன், சிங்கை


**
இரண்டுநாளில் வருவேன் எனச்சொல்லிப் போனாயே?
உன் அகராதியில்
இரண்டு நாள் என்பது இரு மாதங்களா?
வழி மீது விழி வைத்திருந்தவன்
இப்பொழுதெல்லாம் என் விழி அம்புகளை
உன் சித்திரத்தின் மீதுதான் செலுத்துகிறேன்
அம்புகளின் இனிமையானக் காயம்பட்டு
அவை இப்போது பேசுகின்றன.
அப்பேச்சு என் காதுகளில்
தேனாறாகப் பாய்கிறதடி.
நான் உறங்கப் பாடச்சொன்னால்
பாடியும் கதை சொல்லச்சொன்னால்
சொல்லியும் பேசும் அந்தச் சித்திரம் உன்னைவிட மேல்;
ஆமாம்; நீ சீக்கிரம் வராவிட்டாலும்
இங்கு சித்திரம் பேசுதடி

- வளவ. துரையன்

**

காண்பவை எல்லாம் மட்டுமல்ல ...
காண விழையும் கனவுகள்
சித்திரங்கள்தான்
அச் சித்திரங்கள் சிதற வைக்கும்
எண்ண குவியல்கள் .
எழுத முடியா கனவு தோரணங்கள்
கற்பனை ஆபரணங்கள் ;
அழகே என்பதா ஆசை என்பதா ?
வயது என்பதா? வாலிபம் என்பதா?
வசந்தம் என்பதா ? நானறியேன்
நெஞ்சுக்குள் பொன் சித்திரமாய்
நிற்பவளை நிலைத்தவளை
இனி காண்பேனோ
கண்ணுக்குள் கண்ணாக
நெஞ்சுக்குள் பொன்னாக !

- ச. பிரசன்னா

**

ஆயக்  கலை  64- அதில் 
சித்திரம்  வரைவது 
தனிக்கலை  -  ஒரு 
வரலாறினையே  சித்திரம்  தீட்டும் 
திறமை பெற்றவன்  பாக்கியசாலி!
கண்கள் பேசும் சித்திரம் 
நாட்டிய  கலை சொல்லும் சித்திரம் 
வாட்டிய  வறுமையினை 
சித்தரிக்கும் சித்திரம் 
இப்படி.................................
உள்ளத்தில்  உள்ள  உணர்வுகளை 
தெள்ளத்தெளிவாக உளி  கொண்டு 
மெல்ல மெல்ல  செதுக்கும் 
அற்புதக் காலை சித்திரம்!
இச்சித்திரங்கள்  பேசுவது 
கலைஞனின்  கைவண்ணம்!

- உஷாமுத்துராமன்,  திருநகர்

**

ஒவியம்  அதுவே  சித்திரம்...
காவியங்களை  உணர்த்தும் 
இக்கலை  சிறக்க 
தேவை அசுர  பயிற்சி!
பயிற்சி  பெற்ற  மானுடனின்  
அயற்சியற்ற   உன்னத 
முயற்சிதான்  அழகிய  சித்திரம்!
தாய்  சேய்  அணைத்த சித்திரம்.....
தாடிக்கு  பின்னே  சோகம் பேசும்சித்திரம் 
மாடியில் இருந்து கடைக்கண்  பார்வையால் 
தேடிய காதலனை பார்க்கும்  சித்திரம்....
என.............ஒவ்வொரு  சித்திரமும் 
தினம்  ஒரு  கதை பேசும்  சித்திரங்கள்!
சித்திரத்தினை  ரசிக்கத்  தெரிந்தால் 
அதுவே  ஒரு உன்னத திறமை!
ரசிகன்  உணரும்  சித்திரங்களை 
வசியத்துடன் பேச  வைக்கும் 
ஓர்  ஓவியனே.......
அவன்தான்  "சித்திரம்  பேசும்"
ஓவியங்களின்  அரசன்!

- பிரகதா நவநீதன்.  மதுரை  

**

சித்திரம் பேசுதடி தீட்டிய நானில்லை 
போனேனங்கே மோசமடி 
இப்படித்தான் இருக்கிறது நம் தேசமடி 
போடுவது எல்லாம் வேஷமடி 
எனக்கு தேசத்தின் மேலே நேசமடி அது 
இல்லாவிடில் பிடிக்கும் தோஷமடி
உயிர் கொண்ட சித்திரமே ஓடிவந்து 
என் தோஷம் கழிப்பாயோ
சந்தோஷமதை கொடுடாயோ பாசமதை
வேஷமின்றி பொழியாயோ

- ஆபிரகாம் வேளாங்கண்ணி கண்டம்பாக்கத்தான் 

**

மனத்திரையில் நெளிந்தோடிய எண்ணங்கள்
வர்ணத்துடன் ஒப்பனையிட்ட கற்பனையாய் !
விரல் வேந்தன் தழுவலில் மெய்மறந்து
காதல் பூரிப்புடன் தூரிகை மங்கை
வளைந்தாடி வண்ணந்தீட்ட
சித்திரமோ கற்பனையின் பரிசமாய் !
தூரிகையின் ஒவ்வொரு தீண்டலிலும்
உயிரோவியமாய் சித்திரம் உருவெடுக்க
வலுயேறிய சித்திரம் கண்சிமிட்டலுடன்
பார்வையாளர் விழிகளுடன் பகிர்ந்ததே
எண்ணிய மணம் வீசும் மனோரஞ்சிதமாய் !
விண்முகிலோடு காதல்கொள்ளும் வெண்ணிலவாய்
கற்பனை மேல் ஓவியன் காதல் கொள்ள
காதல் பரிசாம் சித்திரம் பேசுதடி
சிந்தை மயக்கும் மௌனமொழியில் !!

- தனலட்சுமி பரமசிவம்

**

வெயிலெடுத்து   வெண்ணிலவின்  ஒளியெ டுத்து 
         வெண்முத்துத்  தந்தமெடுத்  தவைக்கு  ழைத்தே
மயில்தோகை  தூரிகையால்   தீட்டி  வைத்து
         மாமனும்என்  மாமியுந்தாம்  இடைவி  டாமல்
ஆயுளெல்லாம்  அல்லுபகல்  ஒற்றை  யாக
         அழகாக  வடித்தெடுத்த   சித்தி  ரந்தான்
உயிரான  என்னவளாம்   பேசப்  பேச
         உயிருருக  மெய்மறந்தே   வியந்து நின்றேன்! 

முன்னழகை   முடியுமட்டும்   கூட்டிக்  காட்ட
        மலையிரண்டை  செங்குத்தாய்  நிற்க  வைத்தர்;
பின்னழகைப்  பெரிதுவக்கப்  பின்ன  லாட
         பின்புறத்தை முடியுமட்டும் கூட்டி  வைத்தர்;
பொன்னுருக்கி  உடலாக  உருக்கி  வைத்தர்;
         என்னவளின்  சித்திரமும்   உயிரும்  பெற்று
என்னிதயம்  துடித்திடவே  இடைவி டாமல், 
         என்னென்ன  பேசுதடி  திகைத்து  நின்றேன்! 

- "கவிக்கடல்"  கவிதைக் கோமான், பெங்களூரு

**


வண்ணமயில் வாகனத்தில்,
ஆறுமுகன் ஏறி வரும் அழகை;

வட்டமுக  தோற்றத்தில்,
பகலவன் சுழன்று வரும் அழகை;

உள் மன ஓட்டத்தை,
வண்ணத்தின் பொருள் பட தரும் அழகை;

பிள்ளை அதன் கையால்,
கிறுக்கிடும் அழகை;

உலகில் காணும் அத்தனையிலும்,
இருக்கும் அழகை;

நயமாய் காட்டிடும் சித்திரம்,
பல காலம் பேசிடும்!

வரலாற்றை அது சொல்லிடும்

- ம.சபரிநாத், சேலம்

**

அன்னை பாரதம் வாழ்க ! வளர்க !
என்னுடன் நின்தன் சித்திரம் பேசுதடி !
எத்துணை இளமை ? எத்துணை அழகு ?
எத்துணை சிறப்பு ? எத்துணை உயர்வு ?

ஆதிகவி வால்மீகியின் புனிதநூலும்
வேதம் வகுத்த வியாசர் பெரும் நூலும்
மறைமொழியாம் வள்ளுவர் குறளும்
தமிழ் , சங்கதத்தின் ஐம்பெருங் காப்பியமும்

நீர் மேலாண்மையும் சுழலும் ஏரும் , கணிதம்
மருத்துவம் , வானியல் , புவியியல், கோயில்
கட்டுமானம் , மற்றும் தொழில்நுட்ப த்திலும்
சிறந்த மனுக்குலம் அனைத்துமுன் மக்களே !

பட்டுடைத் தாயே ! நின் பெரும் புகழை
எட்டுத் திக்கும் கொட்டும் , முரசு , பேரிகை
காட்டும் காதலும் , வீரமும் என்றென்றும்
ஈட்டும் உயர் நலம் , இது திண்ணம் , திண்ணமே !

- திருமதி ராணி பாலகிருஷ்ணன்.

**

சித்திரம் பேசுதடி ! புதுச்
சித்திரம் பேசுதடி!
அன்னை மடிதனிலே
கன்னக் கதுப்பு மின்ன
முழுமதி முகத்தில்  தெரியவே
முத்துக்களாய்  பற்கள் விரிய
கரு வண்டெனவே
இரு விழியசைய
காற்றின் ஸ்பரிசத்திலே
நெற்றி முடி ஒதுங்க
குழை இரண்டும் ஆடவே
அழகு மழலை  சிரிக்க
சித்தம் மயங்கவே
சித்திரம் பேசுதடி ! பொற்
சித்திரம் பேசுதடி !...

- கே.ருக்மணி

**

வட்டக்கரு விழிகள் சோலை வண்டென வந்ததென்ன
குளிர்ந்ததோர் அன்பான பார்வை காதலை வீசுவதேன்
சற்று மேலிருக்கும் புருவம் வில்லையும் வீழ்த்திடுமோ
வெட்டித் தெறித்தமதி நிந்தன் நுதழிடம் நாணுவதேன்
பிண்ணிய கார்குழலும் கரும் புனலெனப் பாய்வதென்ன
தேன்சிந்திடும் அதரங்களும் மெல்லக் குறுநகை செய்வதென்ன
சங்கென நின்றவுந்தன் கழுத்தெனைக் கவர்ந்திங்கு நிற்பதென்ன
இன்னுமென்னென்ன சிந்தனைகள் வந்துயெனைப் பாடாய்ப் படுத்திடுமோ
உந்தன் சித்திரம் பேசுதடி என்னுள்ளம் ஊஞ்சலாய்  யாடுதடி!

- கு. இரா, வடக்கு அயர்லாந்து.

**

இறைவன், ஆண் பெண் 
இருவர் உணர்வுகளை
இணைத்துப் படைத்தான்
பேசும் மனிதர்களாக...!

மனிதனோ வண்ணங்கள் 
எண்ணங்களில் கலந்து
கற்பனை கலந்து படைத்தான்
பேசும் சித்திரங்களாக...! 

பேசாத புத்தபகவான் சித்திரம்
ஆசையே துன்பத்துக்கு காரணம்
ஓசையில்லாமல் பேசும்  
நம்மிடம் மௌனமாக...!

- பொன்விலங்கு பூ. சுப்ரமணியன், வன்னியம்பட்டி

**

வெக்கையில்
பாறை வழியும் வெண்ணையென
சொல்ல நாவற்று

நீட்டி 
கைத் தட்டி
அழைத்துச் சுட்ட முடியா
ஒற்றைக் கையுடையான் போல

தன் காதல் பெருவெளியை
விளித்துரைக்கா மவுனத்துடன்
மனவிரிப்பில்
வரைந்த பேரழகுச் சித்திரத்தை

மனக் கண்ணால் பார்த்து ரசித்து 
பேசும் சித்திரத்துடன் 
பேசிக் கொண்டிருப்பது
காதல் தெரியா குருடர்களுக்கு
தெரியும் கொல்லோ...!?

- கவிஞர்.கா.அமீர்ஜான்

**

தளிர்க்கரம் கொண்டே
தூரிகை எடுத்து பல
வண்ணம் குழைத்து சித்திரம்
வரையத் தொடங்கிய மகள்
ஆகாயத்திற்கும் 
ஆழ்கடலுக்கும்
கருநீல நிறத்தை
கவனமுடன் நிரப்பினாள் !
மேகங்களிலிருந்து 
மழைத்துளிகளை
தூரிகையால் தூவினாள்!
வானவில்லை வளைத்து
வண்ணமயமாக்கினாள்.!
ஆங்காங்கே தீட்டியிருந்த
மரங்களுக்கு பச்சைநிறத்தை
மகிழ்ச்சியுடன் தெளித்தாள்!
இயற்கையைத் தன் 
வசப்படுத்திய களிப்பில்
எழிலான சித்திரத்தை
ஏந்தி நின்றாள் சித்திரமாக !

- ஜெயா வெங்கட், கோவை 45.

**

 

வானவில்   தூரிகை  வரைந்த  சித்திரம்
மின்னலாய்ப்  பேசுதடி;  கண்ணைப் பறிக்குதடி;
நீல  வண்ண  வானத்  தரையில்
நீளமாய்  வெண்முகில்  கார்முகில்  பலவாய்
வேண்டிய  சித்திரம்    பேசும்படி   வரைந்ததெரு
ஆண்ஓ  வியனும்  யாரோ?   ஒற்றை
வெண்ணி  லவுப்பூ  பூக்க   வைத்த
கண்ணானச்   சித்திரம்   வரைந்த(து)  யாரோ? 
இவைபோல்   என்றன்   மனத்தில்  என்னவளை
துவண்டு  துடிக்கும்  அழகு  சித்திரமாய்
நானும்  அறியா  வண்ணம்  தீட்டியே
ஊனும்  உருகிட வைத்த(து) எவரோ? 
இந்தச்  சித்திரம்  இதயத்தில்   பேசிடும்
அந்தக்  காலம் வரையில் வாழ்வேன்;
என்னை  மாய்க்க  என்னவள்  சித்திரம்
என்னுள்  திருடாமல்   பேசிட  வைப்பீர்! 

- நெருப்பலைப் பாவலர்,  இராம இளங்கோவன்,  பெங்களூரு

 

]]>
love poems, kavithai, kaathal, kadhal, கவிதை, காதல் கவிதை https://www.dinamani.com/specials/kavithaimani/2019/jun/06/love-and-lust-poems-3166161.html
3162999 ஸ்பெஷல்ஸ் கவிதைமணி கண்டெடுப்பின் காலக்குறிப்புகள் வாசகர் கவிதை பகுதி 2 கவிதைமணி DIN Tuesday, June 4, 2019 01:01 PM +0530
எக்காலத்திலும்  நினைவில்  நிற்கும் 
அக்கால   நாகரிகம்  பண்பாடு  இவைதான் 
கண்டெடுப்பின்   காலக்குறிப்புகளோ?
கல்வெட்டில்  கிடைத்த  குறிப்பும் 
சொல் ஏட்டில்  கிடைத்த   குறிப்பும் 
சொல்லும்  அரிய செய்திதான்  நாம் 
தேடும்  "காலக்குறிப்புகள்"
படிக்க  தெரிந்த  மனிதனுக்கு
தெரிந்த  செய்தியினை  ஏட்டினில்
பதிய  செய்யும்  ஞானம்  இருந்ததால்
சதி செய்யக்கூடாது  என்ற 
நல்லெண்ணத்தில்  எழுந்ததே 
காலக்குறிப்புகள்  

- பிரகதா நவநீதன்.  மதுரை

**

வாழ்ந்த வீழ்ந்த யெழுந்த கதையின் 
கல்வெட்டுகள் ஒவ்வொன்று மவர் வரலாறு துதிபாடு தின்றைய வரறிய

பொற்காசுகள் புழங்கிய காலம் பொற்கால மதுவோ நற்கால மன்றோ 
செம்பு பித்தளை அலுமினியம் இரும்பு 
காசுகள் புழங்குங் காலமே யிக்காலம் 

பொன்னை கொடுத்து அன்ன முண்ட மன்னர் புகழ் விண்ணைத் தொட்ட கால மது யின்றோப் பெண்ணை மணக்க பொன் னைத்தர மண்ணைக் கவ்வுதே 

இக்கால குறிப்புகளை அபாரமென ஏளனமாய்ச் சித்தரித்து த்திரிக்கும்
வருங்கால வரலாற்றில் குறிக்கும் 
உலகோர்க் காணக் கண் மறைக்கும் 

- ஆபிரகாம் வேளாங்கண்ணி, கண்டம்பாக்கத்தான் 

**

சித்திரச் சிலைகள் அற்புதக் கலைகள் 
வித்தகர் வடித்த நல்முத்திரைப் படங்கள்  
எத்தனை இன்பங்கள் நெஞ்சினிலே துயர் 
அத்தனை யுமோடுதே பஞ்செனவே

ஓலைச் சுவடியும் செப்போடு பட்டயமே  
பழங்காசுகள்; மணியான பானையோடு முதுத்தாழிகளே 
நல்லநாக ரீகமும் சொன்னதே யத்தைனையும் 
கொண்டாடியே போற்றுவோம் யெப்பொழுதும்.

- கு. இரா, வடக்கு அயர்லாந்து.

**

கண்டெடுப்புகள் வழங்கும் காலத்தின் உயர்வினையே
எல்லா   நாட்டினரும்    ஏகமாய்ப்    போற்றியிங்கு
தம்நாடே அந்நாளில் தாரணியில் உயர்ந்ததென்று 
தற்பெருமை அடித்திடுவர்!தற்போதையநிலை மறந்திடுவர்!

அந்நாளில் சிறப்புடனே அகிலத்தில் வாழ்ந்ததனால்
உள்ளுக்குள் மகிழ்ந்திடலாம்!உயர்வை நினைந்திடலாம்!
இந்நாள் வாழ்க்கையிலே இழந்தவைகள் பலவற்றை
அந்தநாட்களிலே அடைந்திருந்ததில் சிறு மகிழ்ச்சி!

அதனைவிட உயர்வுடனே ஆனந்த வாழ்க்கையினை
ஏற்படுத்தி வாழ்ந்திடலே எப்போதும் மகிழ்வுதரும்!
முன்னோர்கள் வாழ்ந்தார்களென்று முழங்கிடுதலால் பயனில்லை
நிகழ்கால நிம்மதியே நீளுலகின் பிரதானம்!

-ரெ.ஆத்மநாதன்,காட்டிகன்,சுவிட்சர்லாந்து

**

கடலில் மட்டும் முத்துக்கள் இல்லை 
இந்த மண்ணின் அடியிலும் புதைந்து 
கிடக்குது நம் முன்னோர் வடிவமைத்த 
நகரமும் கோயிலும் அழகு சிற்பங்களுடன் 
காலத்தால் அழியாத அடையாள சின்னமாய் !
கணிணி யுகத்தில் வாழும் நாம்  முறையாக 
பதிவு செய்ய வேண்டும் நம் நாட்டின்  
அருமை பெருமையை ஒரு பொக்கிஷமாக !
விட்டு செல்ல வேண்டும் நம் பெயர் சொல்லும் 
பாத சுவடுகளை இனி வரும் தலை முறை 
பின் தொடர்ந்து நடக்க !
இனம் மதம் மொழி தாண்டி நாம் இன்று 
பதிக்கும் பாத சுவடு கல்லில் வடித்த சிற்பமாய் 
அடையாளம் காட்டும் நம் புனித மண்ணை 
ஒரு புதிய பூமியாக என்றென்றும் !

- K. நடராஜன் 

**
காலக் கடிகார
பக்கங்களில் எனது
365 நாட்களும்
நிரம்பி வெகு
நாட்களாகின்றன!
புது வருடத் தேடலில்
எனது மூதாதையர்கள்
 வாழும் தூசிகளின் இடையே
நானும் இடைத்தட்டுகளில்
செருகப்பட்டேன்!
கறையான்களின் ஸ்பரிசத்தால்
எனது உடம்பில்
படிந்த எழுத்துகள் 
இறந்து போக
கண்டெடுத்தவனின்
ஆராய்ச்சி காலக் குறிப்புகள்
மறைந்தனவே!
மரங்களின் உபயத்தால்
பிறந்தவன் என்றாலும்
புவி நன்மை கருதி
தமிழ்கணினி யுகப்பொழுதினில்
தமிழ் நூல்கள் அனைத்தும்
மின்நூலாய் மலர்வது எப்போது?
என்ற ஆவலில் நான்!

- பொன்.இராம்

**

ஏமாந்து போகாதீர்கள்..
80-களின்என்காலக்குறிப்புகளைப்
 படித்து விட்டு...!
என் மேல் ஊறிய உங்கள் பார்வைகள்,
பல நேரங்களில் ,
சூர்ப்பனையை போல 
என் மார்புகளை அறுத்துக் கொண்டு
உலகத்தின் ஊனப் பார்வையிலிருந்து
தப்பிக்க வேணுமாய்
என் காலக்குறிப்புகளில் 
நீங்கள் ஒருவேளை
படித்திருக்கலாம்.
இன்றைய குறிப்புகளைப் படித்தால்
வியந்து போவீர்கள்.
மேலூறும் பார்வையாளனின்
கண்களை குறி பார்த்து
குறியுடன்
பேர்த்து விடுவேன்..
ஏனென்றால் 
நான் ஒரு மகளுக்குத் தாய்
இன்று.

- கீதா சங்கர்

**
நேற்றைய நிகழ்வும்
இன்றைய செய்தியும்
நாளைய வரலாறு என்பதால்
மண்ணில் வாழ் மனிதரின்
பண்டைய வரலாறு பற்றிய
கண்டெடுப்பின் 
காலக்குறிப்புகளே
மாறி வரும் உலகில்
மாறா நிலையாக
மனதில் பதிந்திடும்
சிங்காரச் சிற்பங்கள்..
சிலிர்ப்பூட்டும் சித்திரங்கள்..
கலாச்சாரத்தை காட்டும்
கலைநயமிக்க கல்வெட்டுகள்..
சிந்தையை நிறைத்து
சிந்திக்கவும்  வைத்திடும்
அன்றோ ?

- ஜெயா வெங்கட்

**

அக வாழ்வில் காதல்
புற வாழ்வில் வீரமென
ஆயிரமாயிரம்
ஆண்டுகளுக்கு முன்பு
மன்னரும் மக்களும்
மனுநீதி காத்தனர் !
திரை கடல் ஓடி
திரவியம் தேடி
மறை புகழ் காத்து
மதி நலம் வளர்த்து
இயற்கையை வணங்கி
இன்புற்று வாழ்ந்தனர் !
கலையை கலாச்சாரத்தை கல்வெட்டுகளில் பதித்த
பண்டையத் தமிழரின்
அழகிய வாழ்க்கை பற்றிய
கண்டெடுப்பின்
காலக்குறிப்புகள் யாவும்
வரலாறு கூறும் ஆச்சரியம்!
வாசிக்க ரசிக்க ஆனந்தம் !

- கே.ருக்மணி 

**

கல்வெட்டுக்களைப் படிப்பதற்கு பயிற்சிவேண்டும்-சும்மா
கண்டவர்கள் படித்துவிட முடியாது தலையும் வாலும் புரியாது
கல்வெட்டுக்கொண்டே நாம்கண்டு கொண்டோம் வரலாற்றை
ஆட்சி முறை, அதன் மாட்சிகளை அவர்தம் வீழ்ச்சிகளை
ஆயிரம் ஆண்டு இராஜ ராஜனுக்கு ஆகிறது என்றும் அறிந்தோம்
மாட்சியாய் ஆட்சியில் இருந்தான் கொடைகள் கொடுத்துள்ளான்
கோவில்கள் கட்டியுள்ளான், கோபுரம் எழுப்பியுள்ளான் எழுசியாய்
வரலாறாய் கையில் கொணர்ந்து கொடுத்து விட்டார் இன்று
அத்தனையும் எதன் மூலம் கல்வெட்டின் மூலம் அறிந்தோம் நாம்
சிலசமயம் சிலைவடிவிலும்,சித்திர வடிவிலும் பிறமொழி வடிவிலும்
கல்வெட்டுக்களை இன்று ஆங்கிலமாய் மாற்றுகிறார் தஞ்சையில்
காரணம் தெரியவில்லை பொறுத்துப் பார்ப்போம்!
காலத்தில் குறிப்புகள் கல்வெட்டுக்கள் சரியான தலைப்பு !

- கவிஞர்  அரங்ககோவிந்தராசன்,948812296, இராஜபாளயம்

**

உலகமே தமிழருக்கு உறவல்லவா  -இதை
உறக்க சொல்வது கண்டெடுப்பின் காலக்குறிப்பல்லவா!

பானை ஓட்டுக்குறிப்பும் வரலாறு பேசுமல்லவா!
நட்ட நடுகல்லும் வீரத்தைக் காட்டுமல்லவா!

கண்டெடுத்த காலக்குறிப்பில் சேவல்சண்டையும் ஏறுதழுவலும்
வீரத்தை வளர்க்க உதவிய உத்தியல்லவா!

கிடைத்த நாணயங்கள்யாவும் வாணிபத்தின் சிறப்பல்லவா!
கல்வெட்டும் அரிச்சுவடியும் கண்டெடுத்த வைரங்களல்லவா!

மொழியோடு பல்கலையும் வளர்த்த நாடல்லவா!
தொல்காப்பியமே இதை புரியவைக்கும் ஏடல்லவா!

மன்னர்களைப் புகழ்வது மட்டுமல்லாது - அவர்களிட்ட
மிகுவரியையும் எடுத்துரைத்து மாற்றிய தமிழல்லவா!

பூஜ்ஜியங்கள் ராஜ்ஜியமானதும்! ராஜ்ஜியங்கள் பூஜ்ஜியமானதும்!
காலக்குறிப்பின் கண்டெடுப்பில் கண்டறிந்த கூற்றல்லவா!

காலக்குறிப்புகள் தமிழரின் இன்ப ஊற்றல்லவா!
அதனைப் பாதுகாத்தலும் நமது பொறுப்பல்லவா!

- கவிஞர். நளினி விநாயகமூர்த்தி சென்னை

**

சிந்து வெளியிலிருந்து - குமரிக்கண்டம் வரை இருந்த வரி வடிவங்களுக்கு சொந்தக்காரர்கள் நாம்,
தேம்பாவணியும் - தேவாரமும் திகட்டாத திருவாசகமும்
தளையத் தளையக் கட்டினோம் - தமிழன்னைக்கு
கட்டியம் கூறும் - காலச்சுவட்டினை
ய வனத்திலும், ரோமாபுரியிலும் - எகிப்திலும்
இன்றும் காண்பர்,
ஆங்கிலம் எனும் மொழி அகிலத்திற்கு வருவதற்கு ஆராயிரம் ஆண்டுகள் முன்பே - சங்கம் வைத்து தமிழ் வளர்த்தவர்கள்,
சிங்க புரியும் -தாய்லாந்தும் நாம் சூட்டிய பெயர்கள்,
இன்றோ - ஆங்கிலப் பள்ளி
அனுமதிக்காக - அலை மோதுகின்ற கூட்டமாய்,
இத்தாலி உணவின் மோகத்தில் - இட்லியை மறந்தோம்,
நோய்களின் கூடாரத்தில் - தத்தளிக்கும்-தமிழர் கூட்டம்,
என்று தணியும் இந்த - அயலக மோகம்.

- செந்தில்குமார் சுப்பிரமணியன்

**
(நேரிசை ஆசிரிய விருத்தம்) 

உலகில்  தோன்றிய   முதலாம்  மாந்தன்
நிலத்தில்  மூத்த  இனத்தவன்  தமிழன்;
முதலில்  தோன்றிய  முதன்மொழி  தமிழே;
மதமோ சாதியோ இன்றி நிலத்தைப்
பதமாய்  ஐந்திணை யாகப் பகுத்து, 
வையந்  தோறும்  ஆண்டவன் தமிழன்;
வையந் தோறும் உள்ள மொழிகள்
தமிழின் வேர்ச்சொல் கொண்டே அறிந்தான்; 
அமிழ்த  தமிழ்ப்போல் வாழ்வியல், கலையியல்
கட்டட  இயல்கள், ஓவிய, வானை
முட்டி உயர்ந்த வானியல்,  அறிவியல், 
மருத்துவ  மாண்பியல்  போன்ற  ஆயிரம்
அருமை இயல்கள், இலக்கிய இலக்கண
இயல்கள்  இயல்பாய்  அமைந்த  இனம்மொழி
செயற்கை  அற்ற  செந்தமிழ்(ழர்)   என்றே
எழுதிப்  பேசி  என்னப்  பயனோ? 
வழுவா  நிலையில்  கடலினை ஆய்ந்தும்
மண்ணுள் உள்ள சான்றினை  ஆய்ந்தும் 
கண்டெ  டுப்பின் காலக் 
குறிப்புகளால்  வையம் வியக்கவைப் போமே! 

- நெருப்பலைப் பாவலர், இராம இளங்கோவன், பெங்களூரு

**
வாழும் காலத்தே
  வாழ்ந்த நினைவுகளை
வரலாற்று சுவடாக்கி
  வருங்கால தலைமுறைக்கு
நற்பயனாக்கிய நம்முன்னோர்
   தலைசிறந்த செயலுக்கு
தலைவணங்கு!! பெருமிதங்கொண்டே!!
  மண்ணுள் புதைந்த
மகத்தான காலக்குறிப்புகளை
மறைந்திடா வண்ணம்
மறந்திடா வண்ணம்
   காத்திடுக தமிழ்மறையை
போற்றி புகழ்ந்திடுக!!!
   இருப்பதை செம்மைபடுத்தி
சீர்பெற்றிட வாழ்ந்திடுக!!
   இன்றிருப்பதை அழியாது
காத்திடுக.... என்றும்
  கண்டெடுப்பின் காலக்குறிப்புகள்....

- கவி தேவிகா, தென்காசி

**

கண்டங்கள் பலவற்றைக் காண வில்லை
……………கசப்பான உண்மையது கடந்த காலம்..!
மண்ணுள்ளே கிடைத்ததெலாம் மனிதன் வாழ்ந்த
……………மகத்தான வாழ்க்கைதனை மேலும் சொல்லும்.!
கண்டவற்றை ஆராயும் கலைவிஞ் ஞானம்
……………காலமுள்ள வரையிலது கதைபோல் சொல்லும்.!
கண்டெடுப்பின் மூலமாகக் காலக்கு றிப்பும்
……………கலாச்சார மேன்மையையே கண்டு ணர்த்தும்.!

.

சிற்பங்கள் பலவற்றில் சிங்கம் யாளி
……………சிலவற்றை உயிராகச் செதுக்கி வைத்தார.!
எற்றைக்கும் எப்போதும் எழிலாய்க் கொஞ்சி
……………எடுத்துரைக்கும் சிலைகள்தான் இறைவ னன்பு.!
கற்களெலாம் பேசுகின்ற கலையு ணர்வை
……………கண்டெடுத்த சிற்பங்கள் கனிவாய்ச் சொல்லும்.!
கற்காலச் சுவடுகளே காவி யம்போல்
……………கல்வெட்டுக் குறிப்புகளாய் காலம் வெல்லும்.!

- கவிஞர் பெருவை பார்த்தசாரதி

**

குகைகளிலே   வரைந்துவைத்த   ஓவி   யங்கள்
    குறித்துவைத்த   பனையோலைக்   குறிப்பு   ரைகள்
பகைவென்ற   மன்னர்கள்   புகழைச்   சொல்லும்
    பதித்துவைத்த   பாறைகளின்   கல்வெட்   டுக்கள்
வகைவகையாய்ச்   செய்திட்ட    கொடைகள்    தம்மை
    வடித்துவைத்த   செப்பேட்டு   வாச   கங்கள்
திகைக்கவைக்கும்   தமிழர்தம்   பெருமை   தன்னைத்
    திசையெங்கும்   அறியவைக்கும்   ஆவ   ணங்கள் !

அரப்பாவின்    அகழாய்வில்   கண்டெ   டுத்த
    அரிதான   பொருட்களோடு    தமிழ   நாட்டின்
தரங்கம்பாடி     கீழடியில்   அகழ்ந்தெ   டுத்த
    தரமான   பொருள்களெல்லாம்    உலகின்   மூத்த
வரலாற்றைக்    கொண்டயினம்   தமிழி   னந்தான்
    வாய்த்திட்ட   தமிழ்மொழிதாம்   முதன்மை   என்றே
குரலெடுத்துக்   கூவுகின்ற   அடையா    ளங்கள்
    குவலயமே   வியக்கின்ற   பெருமி   தங்கள் !

- பாவலர்  கருமலைத்தமிழாழன்

**
ஒரு குழந்தையோடு
ஒரு தாயும் பிறக்கிறாள்...

குழந்தைத் தனங்களுக்கு
நகரும் ஒவ்வொரு கணத்திலும்
மகுடத்தைக் காட்டிலும் தாங்க நேர்கிறது
முள்கிரீடம்

அப்படியான நிர்பந்தத்திலும் சந்தோஷிக்கிறாள் பெண் ராஜாவாகிய
தாய்...

விலாக்கள் நொறுங்கியதில்
கணக்கெடுக்காமல்
வளைந்த வயதையும் ஏணியாக்கியதை
குறித்துக் வைத்துக் கொள்வதில்லை  வாழ்க்கையில் தாய்...

கணக்கெடுக்க வரிசைப்படும்
காலவிரிப்பின் குறிப்புகளைக் கொள்ளாத மனம்
தான் ஈன்ற பொழுதில் தெரியும்
காலக்குறிப்பின் வலிகள்...

இது
தேசீய இனங்களின் வலிகளையும் போக்கி சமத்துவம் படைக்கவும் துணையாகும் அனுபவம்...
%

- கவிஞர். கா.அமீர்ஜான்/ திருநின்றவூர்

**
 
கலையழகை உறிஞ்சிய சிலைகளில்
நாட்டு நாகரிகம் நாடகமாய் –
நடைமுறையில் இருந்த
உடையழகும் நடையழகும்
செதுக்கியவன்,  சிலைக்குள்
பதுக்கி வைப்பான் –
புகுந்து பார் !! கல்லிற்குள் கலாசாரம்
லேசர் வெளிச்சமாய் புலப்படும் !!
மருந்தும் விருந்தும் பாறைக்குள்
பொருட்காட்சி நடத்தும் !!
ஆம் –
கண்டெடுத்த சிற்பங்களுக்கு
காலம் உண்டு – காலன் இல்லை !!

- கவிஞர் டாக்டர் எஸ். பார்த்தசாரதி -- MD DNB PhD

**

ஒரு நள்ளிரவுச் சாமத்தில் திடுக்கெனக் கண்விழித்தேன்,
என் இரவை யாரோ வெட்டிக் கொண்டிருந்தார்கள்
இருட்டின் பாதாளத்திற்குள் மெல்ல நடந்து சென்றால்
ஆறடி செங்கல் கல்லறையிலிருந்து 
இரண்டு மலர்க்கைகளும், ‘சலீம்’ என்ற அவலக்குரலும் வெளிவந்தன
என் இரவு நொறுங்கித் தூள்தூளாகிக் கிடந்தது

அன்று திரைக்குப் பின்னாடி மலர்கள் தொடுத்துக் கொண்டிருந்தாய்
என் கவிதைகளை நிசப்தம் வாசித்துக் கொண்டிருந்தது
ஒவ்வொன்றுக்கும் ஒரு பூவை எடுத்து வைத்தாய்
நூறு முடிந்தது என்று நீ வெளியே வந்தாய்
அங்கே குலோத்துங்கன் என் தலையை வெட்டி முடித்திருந்தான்
‘அமராவதி’ என்று அவன் கண்ணீரோடு அலறினான்

எந்த யுகத்திலோ யாரோ வைத்த தீயில்
இன்னும் என் இரவுகள் எரிந்துகொண்டிருக்கின்றன
ஒவ்வொரு இருட்டின் கண்களிலிருந்தும் நீ 
எட்டிப் பார்க்கிறாய்; உன் முகம்முழுவதும் தீச்சுவடுகள்!

 - கவிஞர் மஹாரதி

**

பல்லாயிரமாண்டுகள் முன்தோன்றிய
மூத்தக்குடியின் சமூக அடையாளங்களோ
கல்வெட்டுகளில் காலத்துடன்
ஓலைச்சுவடிகளும், செப்பேடுகளும்
கற்காலம் தொடங்கி தவழ்ந்த நாகரிக
காலத்தின் முற்களை நகர்த்தி காட்ட,
ஆழியில் புதைந்த தடையங்களும்
ஊழிகாற்றில் மறைந்த தடங்களும்,
அகழாய்வில் தொல்லியல் சான்றுகளில்
சொல்லில் வடிவமைந்ததே வாழ்வியலுடன்
நதிகள் தடம் பதித்த பாதைகளும்!
நனிநகரிகம் திறந்து காட்டிய
கனிந்த மனித வாழ்க்கையின் சிறப்புகள்
இனிய கண்டெடுப்பின் காலச்சுவடிகளே !!

- தனலட்சுமி பரமசிவம்

**

ஒருமையில் பேசிக்கொண்ட போது,
உன்னைக் கண்டேன் 
தனிமையில் பேசிக்கொண்ட போது,
என்னைக்கண்டேன் 
பறவை பறப்பதை பார்த்தேன்,
இறக்கையோடு விமானம் கண்டேன் (1900-ல் ரைட் சகோதரர்கள் விமானம்)
இருளில் பார்த்தேன்,
ஒளி பிறந்தது (1831-ல் மைக்கேல்பாரடே மின்சாரம்)
இறக்கையுடன்  ஒளியும் சேர்ந்ததால் ,
என்னால் என்னையே உணரமுடியவில்லை 
இருப்பது  போதும் என்ற நிறைவே இல்லை
தேவைகளை அடுக்கி, 
தொல்லைகளை பதுக்கி 
கண்ணிவெடியாய் என்று வெடிக்குமென,
வாழ்வின் ஒவ்வொரு அடியும் பயத்துடனே கழிகிறது   

- ம.சபரிநாத்,சேலம்

**

கற்கால மனிதர்களுக்குள்ளும் கண்டு பிடிப்புகள்
தற்கால மனிதரைவிட அறிவின் படைப்புகள்
உற்பத்திக்கு முதலிடம் தந்த முன்னோர்களவர்
பற்பல கல்லாயுதங்கள் கண்ட முதல்வர்களவர்

சிந்துவெளி நாகரிக சிற்பிகளும் தமிழர்களாய்
உந்துதலில் கட்டடக் கலை விற்பன்னர்களாய்
துந்துபிகள் முழங்க பவனி வந்த மன்னர்களாய்
சிந்தனையில் சிறப்பாகி நாகரிகம் கண்டனரே

செப்பேடுகளில் சரித்திரக் குறிப்புகள் தந்தனர்
அப்போது நடந்தவையனைத்தும் அரங்கேறின
தப்பேதுமின்றி கல்வெட்டுகள் அங்கங்கே நிறுவி
எப்போதும் பழமையை பதித்திட்ட பாங்கானதே

எழுத்தாணியால் அழுத்தி எழுதிய தமிழெழுத்துகள்
அழுத்தமாய் எடுத்துரைத்தது தமிழின் பெருமையை
முழுதான முத்தான தமிழ் நூல்கள் ஓலைகளிலே
விழுதாகத் தொடர வழிவகுத்த வியப்புகளென

கண்டெடுப்பின் காலக் குறிப்புகள் கணக்கிலடங்காது
விண்டுரைக்க வியப்பின் எல்லையில் நிற்குமது
பண்டு நடந்தவை பரபரப்பாய் படிக்கக் கிடைக்கிறது
தொண்டாக செய்த முன்னோர் அறிவு வள்ளல்களே.

- கவிஞர்  ராம்க்ருஷ்

**

பூமியைத் தோண்டி
புதையல் எடுக்கிறோம்
புத்தியைத் தோண்டி-அதன்
காலத்தைக் கணிக்கிறோம்!

பெண்ணிலிருந்து கண்டெடுத்த குழந்தையின்
காலக்குறிப்பெடுத்து
வாழும் காலத்தைக் கணிக்கிறோம்!
மண்ணிலிருந்து கண்டெடுத்தவற்றிற்கு
வாழ்ந்த காலத்தைக் குறிக்கிறோம்!

ஜாதகம் எதிகாலம் காட்டும்
கடிகாரம் நிகழ்காலம் காட்டும்
கண்டெடுப்பின் கலக்குரிப்புகள்
கடந்த காலத்தைக் காட்டும்!

-கு.முருகேசன்

**

சிந்துச் சமவெளி
சீர்மிகு தமிழர் பண்பாட்டை 
பறைசாற்றும் பெருவெளி.
கீழடி
தமிழருக்கு என்னடா? வரலாறு
என்றவர்களுக்கு  தந்தது செருப்படி.
ஆதிச்சநல்லூர்
ஆதித்தமிழர்
சாதிச்ச நல்லூர்.
அழகன்குளம்
தமிழர் தனிச் சிறப்புகள்
நிரம்பிய குளம். 
அரிக்கமேடு
பழம் தமிழரின்
தகவல் தரும் 
அறிக்கை எடு..!

- முத்துப்பாண்டி பரமசிவம், நத்தம்

**

]]>
https://www.dinamani.com/specials/kavithaimani/2019/jun/01/dinamani-kavithaimani-3162999.html
3157170 ஸ்பெஷல்ஸ் கவிதைமணி இரட்டையர் வாசகர் கவிதை பகுதி 2 கவிதைமணி DIN Saturday, June 1, 2019 02:42 PM +0530 இரட்டையர்!

கர்ணனுக்குக்கோர் கவசகுண்டலம்!
எனக்கு நீ!

தனித்த கருப்பையில்
உன் தனிமைத் தாகம் தீர
பாசமழையாய் 
உன்னுடன் அவதரித்தவன் நான்!

சேர்ந்தே அழுகின்றோம்..
சேர்ந்தே சிரிக்கின்றோம்..

என் விழிகளுக்கு நீ பார்வையாய்!
உன் மொழிகளுக்கு நான் பொருளாய்!

உலகத்தீரே! நிற்க!
என் நிழலுக்கு உயிருண்டு, அவதானிப்பீராக!

நீ வா சகோதரா..
வள்ளுவனையும் அவ்வையையும் 
நெஞ்சகத்தில் குடியமைத்து 
ஓர் மாசற்ற தரணியைச் சமைப்போம்!

- த.சௌந்தரராசன், இராமநாதபுரம்.

தங்க மீன்களாய்
தரையிலே தவழ்ந்தனர் !
ஒரே மாதிரி உடையணிந்து
ஒரே மாதிரி தோன்றி
கண்கள் மலர.
காண்பவர் திகைக்க..
அரும்புகள் செய்யும்
குறும்புக்கு பஞ்சமில்லை!
அறிவில் அவர்களை
வெல்ல எவருமில்லை !
வீடும் நாடும் நலம் பெற
விந்தை பல புரிந்து
நீண்ட நீண்ட காலம்
நீடூழி இவர்கள் வாழவே
வேண்டுகிறேன் !

- ஜெயா வெங்கட், கோவை.45

**

வெற்றி தோல்வி
தோழமையுடன் தோள் பற்றி 
வண்ணத்துப் பூச்சிகளாக
வட்டமிட்டுப் பறந்தோம் !
ஒன்றாகப் படித்து
ஒன்றாக நடித்து
ஒன்றாக உண்டு
ஒன்றாகவே ஊர் சுற்றியதால்
இரட்டையர் என்றே அழைக்கப்பட்டோம் !
இன்றும் தொடரும் நட்புக்கு
இறைவனுக்கே நன்றி
உரைக்கிறோம் !

- கே.ருக்மணி.

ஒருமலரே பூக்குமென எதிர்பார்த்து நின்றோம்
    உயர்வாகும் மகிழ்வினிலே உற்சாகம் கொண்டோம்
கருவறையில் ஒருதெய்வம் கருணையது என்றே
    காத்திருந்து பாத்திருந்து  களிப்போடு நின்றோம்
பொருத்தமுடன் அலங்காரம் செய்திடவே எண்ணி
    புதுவரவை எதிர்பார்த்து புதுமகிழ்வு கொண்டோம்
திருமுறைகள் தினம்பாட கேட்டவரம் வாங்க
    தேர்கூடும் ஊர்வலத்தில் தொழுதிருந்து வந்தோம்

நெருப்பிட்டு அதன்மீது நடந்தநிலை உண்டு
    நெகிழ்ந்திடவே பக்தியிலே திளைத்தநிலை உண்டு
ஒருபிள்ளை வேண்டுமென ஓயாது கேட்டோம்
    உண்ணாமல் நோன்புநிலை இருந்தபசி கண்டோம்
அருளென்றே இறைதந்தான் துணைகொண்ட  செல்வம்
    அருகருகே இருகனிகள் அகம்மகிழத் தந்தான்
திருவயிற்றுக் கருவறையில் இருமலரின் காட்சி
    தெய்வத்தின் சன்னதியில் “இரட்டையர்கள்” ஆட்சி

-- கவிஞர் நம்பிக்கை நாகராஜன்

**

அகிலத்தில்  பிறந்து  மூச்சுவிடத் 
தொடங்கியதும்........மறந்தனர்  
கருவறையின்  இணைப்பினையும்...
இதுதான் கலியுகம்!.....
"இரட்டையாக  பிறந்தாலும்    
வாயும் வயிறும்  வேறுதான்  என 
சேயும் பிள்ளையும்    நிரூபித்தனரே!
நாம் படைத்த  பணம்.............
"இரட்டையரையும்"  பிரிக்கும் 
"ராட்சன்" என உணர்ந்து  
செயல்பட்டால் அதுதான்   
இரட்டையரின்  சிறப்பு!

- பிரகதா நவநீதன், மதுரை

**

உலகில் ஒன்றினை 
உணரும்போது மற்றொன்று
உருவானால் அவையெல்லாம் 
இரட்டையாகுமே! 

அம்மா அன்பு 
தாய்மை உணர்வில் 
இரட்டையர்கள்!

சூரியன் சந்திரன் 
பூமி இயக்கத்தில் 
இரட்டையர்கள்!

இன்பம் துன்பம் 
காதலர்கள் விழிகளில் 
இரட்டையர்கள் !

கவிஞன் கவிதை 
கற்பனையுலகில் 
இரட்டையர்கள் !

வண்ணம் ஓவியம்
எண்ணிப் பார்த்தால்
இரட்டையர்கள் !

வெற்றி தோல்வி
பிரிக்க முடியாத  
இரட்டையர்கள் ! 

மெய் பொய் 
பேச்சில் செயலில் காணும்
இரட்டையர்கள்!

- பொன்விலங்கு பூ.சுப்ரமணியன், ஸ்ரீவில்லிபுத்தூர்

ஒட்டிப் பிறந்த முரணான
இரட்டையர்கள் அவர்கள்...
அவன் இவனைக்
கண்காணித்தபடியே இருக்கிறான்.
பல நேரங்களில்
அவன் 'செய்யாதே' என்பதையே
இவன் செயகிறான்.
'செல்லாதே' என்று 
எச்சரிக்கும் இடங்களுக்கும்
இவன் செல்கிறான்.
'இதெல்லாம் தவறு' எனும்அ வனின்
எச்சரிக்கைகளை அலட்சியம்  செய்கிறான்...
ஒன்றோடொன்றாக ஒட்டிப் பிறந்த 
முரணான இரட்டையர்கள்
இவனான 'நானு'ம்
அவனான 'எனக்குள் நானு'ம்...!

 - ஆதியோகி

**

கருவறையில் ஒன்றாய் வளர்ந்து
....கூட்டினில் வாழும் பறவையானோம்
இருவரும்  ஒன்றாய்ப் பிறந்து
....இவ்வுலகின் இரட்டையர் ஆனோம்
உயிர்கள் இரண்டாய் இருந்தும்
....உணர்வு ஒன்றாய் இருந்தது
பயிர்கள் போல பசுமையாய் 
....பாசமும் நெஞ்சினில் வளர்ந்தது
கொடியில் வளரும்மலராய் தாயின்
....மடியில் நாமும் கிடந்தோம்
மடியும்வரை பிரியாமல் இந்த
....மண்ணின் மடியில் நடந்தோம்
இருவிழிகள் போல நாமும் 
....இணைந்தே நலமுடன் இருப்போம்
இருவழிகளில் பயணம் சென்றாலும்
....இன்பமான கனவுகளை சுமப்போம்
 
 - கவிஞர் நா.நடராஜ்

**

நிலவே தோன்றாத கிரகமுண்டு -என்
கர்ப்ப கிரகம்தான் அது - அதில்
ஒற்றை நிலவே கோடையின் கானல்நீராய்-
தாகமே தீருவதில்லை - தேகத்தில் நிலைப்பதுமில்லை
உடல்ரீதியாய் குறைவைத்தவன் இறைவன் - எங்களை
மனரீதியாய் காயப்படுத்தின இந்த சமுதாயம் -
பெற்றெடுத்து வளர்க்க உடல் ஒத்துழைக்கவில்லை 
தத்தெடுத்து வளர்க்க உரியவர்கள் விடுவதில்லை;
பிரச்சனைகளுக்கு செவிகொடுக்கும் செவிகளை விட - இங்கு
உபதேசம் செய்ய  புறப்படும் உதடுகளே அதிகம்-
இறுதியாய் எங்கள் வானிலும் இரட்டை நிலாக்கள்
பெற்றெடுக்காமலும் - தத்தெடுக்காமலும் - இரு குழந்தைகள் -
எனக்கு அவரும் - அவருக்கு நானும்
'இரட்டையர்'களாக பயணிக்கிறோம் இனிய வாழ்க்கையை...!

- கவிஞர். நளினி விநாயகமூர்த்தி

**

எங்களின்
ஒற்றை பெருந்தவத்தின்
பலனாய் இந்த
இரட்டையர்...
மூன்றாம்தர பேச்சுக்களை
பொய்யாக்கியது எங்களின்
இந்த புது வரவு
எங்கள் 
நால்வரோடு
ஐந்தாம் நபராய் 
வீட்டில் நிரந்தரமாய்
குடியேறியது...
மகிழ்ச்சி!

- ச.கீர்த்திவர்மன், புதுச்சேரி

 
மரத்தையுமே சுற்றிவந்து மந்திரத்தை உச்சரித்தே
……….மழலைவரம் தாவெனவே மண்டியிட்டுக் காத்திருந்தேன்.!
வரமாகக் குழந்தைவரம்.. வல்லவனாம் இறைவனிடம்
……….விருப்பமுடன் வேண்டியருள விண்ணப்பம் செய்துவைத்தேன்.!
விரதத்தின் மகிமையாக வந்ததுவே பொக்கிஷமாய்
……….விலையில்லாச் செல்வமாக வாழ்நாளை இன்பமாக்க.!
இரட்டையராய்ப் பிறந்ததாலே.! இதுபோதும் என்பதாக..
……….இருபாலாய்த் தந்துவிட்டான்.! இன்பத்துக் களவில்லை.!

.
அரட்டைக்கும் களிப்புக்கும்..ஆரவார கொஞ்சலுக்கும்
……….அளவில்லா ஆனந்தம்.! அனைத்துக்கும் பஞ்சமில்லை.!
அரண்மணைக்குப் புகழான அரியாசனம் பூந்தவிசு
……….அனைத்தையுமே வாங்கியதில் அழகாக அமரவைத்தேன்.!
இரவுபகல் பாராது இருவரையும் பராமரித்து
……….இந்நாட்டுப் பிரஜையென இருமாப்பில் மகிழ்ந்திருந்தேன்.!
இரட்டையராய்ப் பெற்றுவிட்ட இரட்டிப்பு மகிழ்ச்சிதனில்
……….ஈந்தவனைப் புகழ்ந்திடவே இச்சன்மம் போதாது.!

- கவிஞர் பெருவை பார்த்தசாரதி

ஒட்டிப் பிறந்த ரெட்டையரென
விட்டுப் பிரியாமல்
இருந்து கொண்டிருப்பதிலிருந்து
விட்டு விடாமல்
தொடர்ந்திருக்க வேண்டி
கண்காணித்துக் கொண்டிருப்பதை
கவனிக்கும் எவரையும்
விட்டு வைத்ததாகத் தெரியவில்லை
ஒழிக்க முயன்றும்
ஒழியாமல்
இருந்து கொண்டிருக்கிறது
இன்னும்
இரட்டைக் குவளை முறை
கிராமத்தில்;
நாடு விடுதலை அடைந்தும்
விடுதலை ஆகாமல்...

- கா.அமீர்ஜான்./ திருநின்றவூர்

**

எதிரில் நிற்பவரின் முகம் காட்டும் கண்ணாடி போல்
எதிரில் நிப்பவரின் அகம் கட்டும் நண்பர்களும் இரட்டையர்கள்!
திருக்குறளின் வரிகள் இலக்கியத்தில் இரட்டையர்கள்!
இரட்டைக் கிளவியோ இலக்கணத்தில் இரட்டையர்கள்!
சந்திரனும் சூரியனும் வானில் இரட்டையர்கள்
இரவும் பகலும் ஒரு நாளில் இரட்டையர்கள்!
ஒரு பயணம் போகும் இரு காலும்
ஒரு பார்வை பார்க்கும் இரு கண்ணும் 
ஒரு நேரம் காட்டும் கடிகாரத்தின் இரு முள்ளும்
ஒரு மின்சாரம் பாய்ச்சும் நேர் எதிர் மினுட்டங்களும் 
இரட்டையர்களே!

 -கு. முருகேசன்

**

மகிழ்ச்சிப்பூவை எந்நாளும் மனதினில்
மலரச்செய்யும் இரட்டையர் யார் ?
பிறந்தவுடன் பெறும் “பாலும் பாசமும்” – அவையா ?
மாணவச்செடியில் தொடர்ந்து காய்க்கும்
“உணவும் கல்வியும்” - அவையா ?
சமூகப்படிகளில் கைகொடுக்கும்
“உழைப்பும் பொருளும்” - அவையா ?
குடும்பக்காற்றில் பறக்க சிறகுகள் வேண்டுமே !
“மனைவியும் குழந்தையும்” அவையா ?
இவையெல்லாம் ஒரு ஒற்றை மனிதனின்
சுயநலசிந்தனையை குளிர்விக்க வந்த அருவிகள் !
செழிக்குமா பொதுநலப்பயிர்?
மற்றவர் மகிழ்வு, சுற்றவர் சுகம் தரும் இரட்டையர் யார் ?
“அன்பும் அறமும்” – இவைதானே !

- கவிஞர் டாக்டர் எஸ். பார்த்தசாரதி -- MD DNB PhD

**

ஒருமுறை பார்த்தால்,
மறுமுறை பார்க்கத்தூண்டும்;
விழுந்தெழும் குழந்தை
வாழ்வை சொல்லித்தரும்

ஒரு மரத்தில்,
பல கனிகள்;
ஆனால் சுவையோ 
ஒன்று

ஒரு கல்லில்,
இரு மாங்காய்;
இரட்டையோ 
நன்று

- ம.சபரிநாத், சேலம்

இன்பம் துன்பம் உறவு பிரிவு
இரவு பகல் இனிமை கசப்பு
வெப்பம் குளிர் வேதனை சுகம்
இப்படியாய் ஆனது 
இரட்டையர் உலகம் – அதனால்தானே
இவ்வளவு கலகம்!

விரட்டி யடித்தால் நெருங்கி கடிக்கும்
நெருங்கிப் போனால் விரட்டி யடிக்கும்
இருட்டில் ஒளியும் ஒளியின் கூட்டம்
ஒளியில் ஒளியும் இருட்டின் ஆட்டம்
அன்பின் ஆழம் பகையின் கோலம்
பகையும் புரியும் அன்பின் ஜாலம் 
ஜனனம் மரணம் நோக்கிய பயணம்
மரணம் ஜனன ஜனகன கீதம்
உறவின் சுகமது பிரிவில் கலையும்
பிரிவும் உறவின் உச்சியில் விளையும்
இப்படியாய் ஆனது 
இரட்டையர் உலகம் – அதனால்தானே
இவ்வளவு கலகம்!                        

 - கவிஞர் மஹாரதி

**

வாழ்க்கை எனும் சக்கரத்தில்
திருமணம் எனும் பந்தமதில்
இணைந்து ஆண்டுகள் பல கடந்துவிட
தாய்மை எனும் மகுடம் இன்றி
மலடி எனும் பதம் தாங்கி 
சமூகம் என்னை எள்ளி நகையாடிவிட
நான் அரச மரத்தை சுற்றி 
பிள்ளை வரம் வேண்டுமென
அனுதினமும் வேண்டி நின்ற வேளையிலே
இறைவனின் அற்புத படைப்பாக
என் வாழ்க்கையின் அா்த்ததம் சொல்ல
தாய்மைக்கு அழகு சோ்த்து என் கரங்களில்
இன்று பெண் எனும் தெய்வ வடிவில் 
குழந்தைகளாய் அழகான இரட்டையா்கள்.

- ஈழநங்கை

**

தமிழன்னை மடி தவழும் அடுக்குத்தொடராய்
அன்னை கருவறைத் தொட்டிலிலே
இருகுழவிகளும் மலர்ந்தனவே
ஒரு கொடியின் இருமலராய் !

ஈகை கற்பித்த புண்ணிய தளமாம்
இருள் சுழலும் கருவறையுள்
இருவர்க்கும் சம இட ஒதுக்கீட்டில்
இரட்டையர் ஒருவர் நகலாய் மற்றொருவர்

இருவருள்ளும் மாதிரிகள் அதிகமிருப்பினும்
இரட்டையரிலும் எண்ணங்கள் வெவ்வேறாய் !
இறைவன் கொடுத்தானோ இணைப்பை
ஒன்றுக்கு ஒன்று இலவசமாய் 
சுகமான சுமையேற்ற அன்னை மனம் மகிழ !!

- தனலட்சுமி பரமசிவம்

**

கிரிக்கட்டில் கெட்டிக்காரர்கள் கீர்த்திமிகு விளையாட்டாளர்
ஆஸ்திரேகியாநாட்டின் அன்பளிப்பு,விளையாட்டால் மகிழ்விப்பார்                 
ஸ்டீவ் வா, மார்க் வா இருவரும் இரட்டையர்கள் அதான் சிறப்ப
ஸ்காட் கெல்லி, மார்க்க கெல்லி, அம்ரிக்காக்காரர்கள் இரட்டையர்கள்
வானவெளிவீரர்கள், வானவெளியில் சாதனை செய்தவ்ர்கள் வல்லவர்கள்
இதில் முன்னவர் ஸ்காட் கெல்லி ஒர் ஆண்டு  வனவழியில் வசித்தார்
மைக்கேல் ஸுமார்க, ரபுல் சஸுமார்க, கார்ரேஸ்ஸில் சாதனையாளர்கள்
ஜெர்மானியர்கள் முதலில் துவங்கிய முன்னோடிகள் முதல்பார்முலாக்காரர்
இவற்றுக்கெல் மேலாக நம் தமிழ்நாட்டைச்சேர்ந்த ஏ.ஆர் மற்றும் ஏஎல்
இரட்டையர்கள் ஏ, ராமசமிமுதலியார், ஏல் லட்சுமணசாமி என்பார் ஆவார்
நிகரற்ற மகப்பேறு மருத்துவர்கள் உலகளவில் புகழ் ஓங்கிய வாழ்ந்தனர்
இதில் ஏ.எல்அவர்கள் நீண்டநாள் சென்னை பல்கலையின் துணைவேந்தர்

- கவிஞர் அரங்க கோவிந்தராஜன், இராஜபாளயம்

**

இரட்டை நயனங்கள் 
பேசின் உலகே 
வீழ்ந்திடும்தானே ! - உலகினில்,
இரட்டைதான் சாதியும்; 
நல்லோர், தீயோர் என்பது சத்தியந்தானே !
மனைவியும், கணவரும் இரட்டையரே, 
நேரிய வாழ்வினிலே !
மனமும், செயலும் இரட்டையரே மானுட தர்மத்திலே !
பூவானச் சிரிப்பும், பூரிக்கின்ற மனமும் 
இரட்டை, இரட்டையர் தானடா !
புவிவாழ்வில் வெற்றியும், 
தோல்வியும் இரட்டை, இரட்டையர் தானடா !
வீணையின் நாதமாய், பெண்ணுக்கு 
இரட்டையர் பிறப்பது உவப்பே !
விந்தையாய் எனக்கும் ஆணொன்று, 
பெண்ணொன்று, இரட்டையர்; என் தவமே ! 

- கவி, அறிவுக்கண் 

**

என்னைப் பார்க்கும் நானும்
எனக்குள்ளே நானும் இரட்டையராய்
கண் மூடிய மோனப் பொழுதினில்
எந்நொடியில் நிகழும் சுகானுபவம்
ஓராயிரம் நட்சத்திரங்களை
குறுக்குவெட்டாய் ஒளிரச் செய்யும்
வாழ்வினில் இந்நொடியே அற்புதம்
நினைவின் ரேகை உயிர் நனைத்திருக்க
இக்கண பரவசத்தின் உச்சம்
உடலின் அதிர்வுகளாய்
அழியாக் கனவொன்றின் மிச்சம் என
எனக்குள் முகிழ்கிறது!

- உமா ஷக்தி

]]>
dinamani , twins, Poem, கவிதை, kavithaimani, கவிதைமணி, poetry, love poem, காதல் கவிதை, poem mani, தினமணி கவிதைமணி https://www.dinamani.com/specials/kavithaimani/2019/may/23/இரட்டையர்-வாசகர்-கவிதை-பகுதி-2-3157170.html
3157702 ஸ்பெஷல்ஸ் கவிதைமணி கண்டெடுப்பின் காலக்குறிப்புகள் வாசகர் கவிதை பகுதி 1 கவிதைமணி DIN Wednesday, May 29, 2019 10:00 AM +0530  

அர்த்தப் பின்னனியில் துடிப்புகளற்று போய்விடுவதன் 
தரவரிசையை சரி செய்கிறது
தரவு

துல்லியமின்மையின் மேல் உட்கார்ந்து கொண்ட
பயணம்
திரும்பி வரும் வழியை மறந்திருப்பதின்
புகாரை வாசிக்கத் தொடங்குகிறாய்

அதர பழசான 
நம் ஆரம்பத்தை இப்போதும்
இழுத்து வருகிறேன்

அது அத்தனை முக்கியமற்றது
என்பதைப் போல் அடுக்கத் தொடங்குகிறாய்
சமன் குலைந்த சொற்களின் விடுபடல்களால்

அதைக் கோர்த்துக் கொண்டே வந்தடைகிறேன்
பெரிதும் சிறிதுமான 
நம் முரண்களிடத்தில்

மன்னிப்புகள் மேல் விழுந்துகிடக்கும்
மடிப்புகளை
காலப் பின்னனியில் சரி செய்ய 
சரியென்ற ஒப்புதல்களை மறந்துவிட்டிருந்த 
ஒரு தரப்பு நியாயம் தான்
உன்னை அரங்கேற்றிக் கொண்டிருக்கிறது

கச்சிதமாக்கப்பட்ட மெளனத்தை
பலவாறாய் நறுக்கி
பொடி தூவி பரிமாறுகிறாய்
யாவருக்குமான சிறுபசிக்கு

என் பங்கிற்கான
மெளனத்தின் காட்டத்தை
சொற்களைக் கொண்டு பொருள் சேர்க்கிறேன்

கடந்து விட்டேன்
என்பதாய்
வந்து நிற்கிறது அதன் அர்த்தம்

பின்னனியை
இசையொன்று அசைக்கத் தொடங்குகிறது

- ரேவா, மதுரை

**

நாம் எல்லாருமே கண்டெடுக்கப்பட்டவர்தாம்.
பிரமன் படைத்த இம்மானுடத்தைக்
கண்டெடுத்த அம்மனுக்கும் அப்பனுக்கும்
நன்றி சொல்லத்தான் வேண்டும்.
மழைத்துளி சிப்பியில் விழுந்து
முத்தாவது போல
நல்லவரால் கண்டெடுக்கப்பட்டவர்
நல்முத்தாகலாம்.
முத்தா அல்லது மூடமா
என்பதைக் காலம்தான்
நிர்ணயிக்க வேண்டும்
காலக்குறிப்புகள் தாம்
ஒருவரின் விதியைத்
தூண்டில் போட்டு இழுக்கும்.
குறிப்புகள்தாம் வழிகாட்டுதல்கள்.
அவற்றைப் படிக்கட்டுகள்
என எண்ணி வசப்படுத்தினால்
காலத்தை நாம் நடத்தி செல்லலாம்.
இல்லையேல் காலம் நம்மை
அதன் போக்கில் நடத்தும்.
முடிவு செய்வோம்
காலக்குறிப்புகளைக் கடைப்பிடிப்போம். 

- வளவ. துரையன்

**

கண்டெடுப்பின் காலக்குறிப்புகள் உரைப்பது
கன்னித் தமிழே உலகின் முதல்மொழி என்பது !
சிந்து சமவெளி நாகரிகம் உரைத்தது என்னவோ
சங்கத்தமிழ் உரைத்த தமிழ் நாகரிகமே முதன்மை!
வட இந்தியாவிலும் தெருப்பெயர்களில் தமிழ்
வண்டமிழ் பரவி உள்ளது உலகம் முழுமையும்!
ஆங்கிலத்திற்கு அடுத்தபடியாக தமிழே
ஆட்சிமொழியாக பல நாடுகளில் உள்ளது!
கீழடி அகழாய்வு உரைத்தது என்னவோ
கற்கண்டு தமிழ் எழுத்து பொறித்து இருந்தது!
மாபெரும் நகரமே மூழ்கி உள்ளது
மண்ணை ஆய்ந்தால் உண்மை புரியும்!
அணிகலன்கள் செய்வதில் சிறப்பானவன் தமிழன்
அன்னைத் தமிழ் எழுத்துக்களையும் பதித்து உள்ளான்!
உலகின் முதல்மொழி தமிழ் உணர்ந்திடுக
உலகின் முதல் மனிதன் தமிழன் அறிந்திடுக!

- கவிஞர் இரா .இரவி

**

அன்ன உருவம் வைத்த  சரஸ்வதி விளக்கு  
அண்ணாமலையின் உயர்ந்த ஜோதி விளக்கு 
அஷ்ட லக்ஷ்மி கூடிய காமாட்சி விளக்கு 
ஐந்து முகத்துடன் திரிசூலக் குத்து விளக்கு 
முகமொன்றும் இல்லா வாழைப்பூ விளக்கு  
மயில் தோகை விரித்த குமரனின். விளக்கு  
சூரிய சந்திரன் கூடிய பட்டை நாம, நாகவிளக்கு  
பிளிறும் யானையின் முதுகினில் மற்றும்
பாவையின் கரத்திலும் ஏந்திய விளக்கென
பலவகை விளக்குகள்  இதுபோலுண்டு 
ஆயினும் ஆதி முதல் விளக்கு என்பது 
இருளை  அகல்விக்கும் அகல்  விளக்கேயாம் 
கற்கால மனிதனின் படுக்கைப். பாறையில்  
குழிகள் செதுக்கி மாமிசக்  கொழுப்பில்
நார் திரியிட்டு, ஏற்றிய தீபம் என்பதே நாம்
கண்டெடுப்பின் காலக்குறிப்புகள் .

- திருமதி ராணி பாலகிருஷ்ணன்

**
மன்னர் ஆண்ட காலம்  
பொற்காலம் என 
சொற்குறிப்புகள் கொடுத்த 
காலக்குறிப்புகள் தேடினால் 
ஜாலமின்றி கிடைக்கும் கண்டெடுப்பில்!
அக்கால ஆட்சிக்கும்  
இக்கால ஆட்சிக்கும் உள்ள 
மாட்சிமைப் பற்றி சொல்லும் 
சாட்சிதான் "கண்டெடுப்பின் காலக்குறிப்புகள்"
மாதம் மும்மாரி பெய்து 
சாதகமாக இருந்த இயற்கை இன்று 
பாதகம் விளைவிக்கும்  சீற்றமாக 
மாறிருப்பதை உணர்த்தும் 
சாட்சிதான் "கண்டெடுப்பின்  காலக்குறிப்புகள்!
அகழியை தோண்டினால்  
புகழ் பெற்ற மன்னன்  குறிப்புகளும் 
திக்  விஜயம் செய்து வெற்றி பெற்ற 
மன்னன்  பற்றியும்  அறிய உதவும் 
சாட்சிதான்   "கண்டெடுப்பின்  காலக்குறிப்புகள்!"

- உஷாமுத்துராமன், திருநகர்

]]>
poem, kavithai, poetry, kavithaimani, dinamani, love poem, kadhal kavithai, கவிதை, கவிதைமணி https://www.dinamani.com/specials/kavithaimani/2019/may/29/poem-for-kavithaimani-3157702.html
3157703 ஸ்பெஷல்ஸ் கவிதைமணி இந்த வாரம் கவிதைமணி தலைப்பு சித்திரம் பேசுதடி! கவிதைமணி DIN Wednesday, May 29, 2019 10:00 AM +0530 கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

கண்டெடுப்பின் காலக்குறிப்புகள் ! என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: சித்திரம் பேசுதடி!

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படும்.

]]>
poem, poetry, poem competition, kavithai, dinamani, தினமணி, கவிதைமணி, கவிதை, காதல் கவிதை https://www.dinamani.com/specials/kavithaimani/2019/may/29/இந்த-வாரம்-கவிதைமணி-தலைப்புசித்திரம்-பேசுதடி-3157703.html
3157178 ஸ்பெஷல்ஸ் கவிதைமணி இந்த வாரம் கவிதைமணி தலைப்பு: கண்டெடுப்பின் காலக்குறிப்புகள்! கவிதைமணி DIN Thursday, May 23, 2019 11:16 AM +0530 கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

இரட்டையர்கள்! என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: கண்டெடுப்பின் காலக்குறிப்புகள்

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படும்.

]]>
poem, poetry https://www.dinamani.com/specials/kavithaimani/2019/may/23/இந்த-வாரம்-கவிதைமணி-தலைப்பு-கண்டெடுப்பின்-காலக்குறிப்புகள்-3157178.html
3156614 ஸ்பெஷல்ஸ் கவிதைமணி இரட்டையர் வாசகர் கவிதை பகுதி 1 கவிதைமணி DIN Wednesday, May 22, 2019 06:10 PM +0530 இரட்டையர்கள்


விண்தரையே   போர்க்களமாய்  மாறிப்  போக, 
           மின்னலிடி  இரட்டையர்கள் மோதிக் கொள்ள, 
விண்ணெங்கும்   கார்மேகம்  குளிரும்  தென்றல்
           மனமுவந்து  இரட்டையராய்   இணைந்த  தாலே, 
மண்முழுதும்  மழைவீரர்   குருதி  வெள்ளம்
          மண்செழிக்க  ஈந்ததுபோல்   மாந்த ரிங்கே, 
கண்இமைகள்  இரட்டையராய்  மாந்தர் உண்டு;
          கடுகளவும்  ஒருமித்த  குணங்கள்  இல்லை! 
            
இரட்டையராய்  இணைந்தேதாம்  தாய்வ  யிற்றில்
            பிறந்தபோதும்,  இதயமொன்றாய்  இருந்த  போதும், 
இரட்டையராய்  உடலிணைந்து  இருந்த போதும்
            இருவருக்கும்  வேறுவேறாய்  குணமி  ருக்கும்;
முரண்பலவாய்  முகிழ்த்திருக்கும்;  வரலாற்  றில்தாம்
              முரணற்றக்  கதைபலவும் உண்டு; ஆனால், 
முரண்பட்ட  மாந்தயினம்   என்றே பாரில்
              இரட்டையர்போல்,   உண்டுயென  உணர்த்தும்  காணீர்!  


" நெருப்பலைப் பாவலர்" இராம இளங்கோவன்; பெங்களூரு.

**

"மனிதா!
உன் அகமே
துர் நாற்றமடா...
இதற்கு
நறுமண வாசனை
எதுக்கடா?

"பாயில் படுத்து
நோயில் வீழ்ந்தால்,
வாழ்வே
கானல் நீரடா...
இதற்கா?
பகல் வேஷம்
போடிகிறாயடா?

"எண்ஜான்
கூட்டுக்குள்
ஒன்பது ஓட்டையடா...
புறத் தோற்றத்தில்
மயங்கிக் கிடப்பது
வீணடா?

"மீன் செத்தால்
காசடா...
விலங்கினம் செத்தால்
மத்தளமடா...
மனிதா!
நீ
செத்தால்?
பிணமடா...

"கருவாட்டுக்கும்
வீட்டில்
இடமுண்டு...
விலங்கு தோலிலும்
இசையுண்டு...

"பிணமே!
ஒரு நாள் வீட்டில்
இருந்ததுண்டா?
மனிதா!
உன் பெரும், புகழும்
மறைந்ததே...
பிணத்தை
சீக்கிரம் தூக்கு
என்றனரே!...

"பிணமே!
உனை புதைத்தால்
வாயில்
ஒரு பிடி
மண்ணடா...

"எரித்ததும்
உறவு வாயில்
ஒருப் பிடி
சோறடா...

"உனை
எரித்தால்
ஒரு பிடி
சாம்பலடா...

"எந்த சொந்ததமும்
உனது அல்லடா...
தனியாய் 
வந்தவனே!
தனித்துப்
புறப்பட்டாயோ!

"எதுவும்
உலகில் 
நிலையில்லையடா...
உலகமும்
ஒரு நாள்
அழியுமடா...

"இதற்கா?
இத்தனை போராட்டடம்?
ஆடி அடங்கும்
வாழ்க்கையடா...
"ஆறடி நிலமும்
சொந்த மில்லையடா!!!

- செங்கை, மனோ

**

பேறுகால வலியை துச்சமென மதித்து 
ஈன்ற தாய்க்கு அதிர்ஷ்ட க்காரி என்று 
பட்டம் சூட்ட வைத்திட்ட இரட்டையர்

ஒத்தையாய் ப்பிறந்திருந்தா லதன் 
ஒத்தாசைக் கொன்றை யுருவாக்க 
உயிரைப் பணயம் வைக்கா திருக்க 
அன்னையைக் காத்திட்ட இரட்டையர் 

இரண்டுக்கு மேல் வேண்டா மென்ற தடை உத்தரவை கூடவே வாங்கி வந்து
இருமனதை கட்டி போட்ட இரட்டையர் 

எங்களுக்காக உங்கள் உயிரை 
பணயம் வைத்த எங்கள் தாயே இனி 
எங்கள் உயிரை பணயம் வைத்து 
உங்கள் கவலையை போக்குவோம் 

- ஆபிரகாம் வேளாங்கண்ணி கண்டம்பாக்கத்தான்

**

முகம் ஒத்துப் பிறக்கும் குழந்தைகள் 
இரண்டு ....அவர் இரட்டையர் !
குழந்தைகள் முகம் பார்த்த உடன் தெரிந்து விடும் 
அவர் இருவரும் இரட்டையர் என்று !
புறம் ஒரு முகம்  அகத்தில் வேறு முகம் 
என்று இரு முகம் கொண்டு ஒரே ஒரு 
முகம் மட்டும் வெளியில் காட்டும் மனிதர் 
சிலரும் உண்டே  நம்மிடையே !
புரட்டி புரட்டிப் பேசும் இந்த "இரட்டியரை"
சொல்ல முடியுமா "இவர் இரட்டியர் " என்று ? 

- K .நடராஜன் 

**

இரட்டையராய்ப் பிறப்பதுவே
இனிமையான ஓர் நிகழ்வு!
தன்னைப்போல் ஒருவரையே
தாரணியில் கண்டிடலாம்!
எங்கேயோ பிறந்து
எடுத்த தொழிலதுவால்
இரட்டையராய் வாழ்ந்திடுதல் 
இனிதன்றோ நீளுலகில்!
விஸ்வநாதன்-இராமமூர்த்தி
வியப்பான இரட்டையர்கள்!
பாட்டிசையால் மக்களையே
பரவசப் படுத்தியவர்கள்!
கவிஞரின் பாட்டுக்குக்
கச்சிதமாய் இசையமைத்து
வாழ்வில் அமைதிபெற
வழிதேடித் தந்தவர்கள்!
-ரெ.ஆத்மநாதன்,
 காட்டிகன்,சுவிட்சர்லாந்து

- ரெ.ஆத்மநாதன்,காட்டிகன்,சுவிட்சர்லாந்து

**

அன்னையும் தந்தையும்
மண்ணும் விண்ணும் ஆவர்.
பகலும் இரவும்
ஒளியும் இருளும் ம் .
பிறப்பும் இறப்பும்
முதலும் முடிவும்  
உடலும்உயிரும்
இம்மையும மறுமையும்   .
ஆணும் பெண்ணும்
நீரும்நெருப்பும் ஆவர் .
செல்வமும்வறுமையும்
சுகமும்துக்கமும்ஆம்.
உயர்வும் தாழ்வும்
உழைப்பும்.  ஓய்வும்
எங்கும் இரட்டை
யாவும் இரட்டையே. !

-ராணி பாலகிருஷ்ணன்

**

ஒரு கருவில் இரு முட்டைகள்
உரு பெற்ற இருக்குழவிகள்
உடலொட்டியும் பிறக்கும் 
உடல் பிரிந்தும் பிறக்கும்
உடல் உரு மாறியும் இருக்கும்
உடல் உரு உரித்து வைத்திருக்கும்
ஒன்று போல் இருப்பதால் குழப்பமே
ஆனால் இருவர்க்கிடையே இராது குழப்பம்
அன்பும் பாசமும் பல்கிப் பெருகிடும்
இன்பமாய்ப் பாசமாய் வாழ்வர் உலகில்

- மீனா தேவராஜன், சிங்கை

**

ஒன்றெனவொன்றினில் இரண்டென இருந்து
இருவரோடுறவினர் மகிழ்ந்திடப்  பிறந்து
எட்டெனஎட்டதி லெட்டியே தவழ்ந்து
நாலெனநாளுமிப் பூமியில் நடந்து
இரட்டைக்கிளவியாய்  யொத்தொருசிந்தனை வளர்ந்து
இவர்போலவேபிள்ளைகள் யாரெனத் திகழ்ந்து
இப்பாரினில்உன்னதப் புகழையும் அடைந்து
இருசூரியர்சந்திரர் போலென்றும் வாழ்க!

- கு. இரா, வடக்கு அயர்லாந்து.

**

அச்சு அசலாக இருவரும் இருப்பதால்
அனைவருக்குமே குழப்பம் வருவது இயல்பு!

எங்களை வளர்த்து எடுக்கும் முன்
எங்கள் அன்னை படும்பாடு அரும்பாடு!

மூத்தவர் இளையவர் வேறுபாடு என்பது
முந்தி வந்த சில நொடிகள் மட்டுமே!

பிறப்பில் தொடங்கி இறப்பு வரை
பார்ப்பவர்கள் அனைவரும் பரவசம் அடைவர்!

ஆயிரத்தில் இருவராக பிறந்தவர் நாங்கள்
அடையாளம் காண முடியாத புதிர் நாங்கள்!

வளர்த்து எடுக்க பெற்றோருக்கு சிரமம் உண்டு
வளர்ந்த பின்னும் சிரமம் தொடர்வதுண்டு!

எங்களுக்குள் உருவ ஒற்றுமை உண்டு
எங்களுக்கும் மன வேற்றுமை உண்டு!

- கவிஞர் இரா .இரவி

**

கருவறையில் ஒன்றாக இணைந்தி ருந்து
----காற்றுலகைக் காண்பதற்கு வந்த போது
இருவுடலாய்ப் பிறந்தாலும் உணர்வு ஒன்றாய்
----இதயத்துள் இருப்பவர்தாம் இரட்டை யர்கள் !
உருவத்தில் வேறுபாடு காண்ப தற்கோ
----உயிர்கொடுத்த பெற்றோர்க்கும் இயன்றி டாது
அருகருகே இருவருமே இல்லாப் போதும்
----அவர்கள்தம் எண்ணங்கள் ஒன்றி ருக்கும் !
இருவேறு இடங்களிலே வாழும் போதும்
----இங்கொருவர்க் குடல்நலந்தாம் குன்றும் போதோ
அருகினிலே இலையெனினும் மற்ற வர்க்கும்
----அந்நிலையே மனவுடலில் எதிரொ லிக்கும் !
இருவர்தம் செயலறிவும் ஒன்று போல
----இயங்கியிங்கே அனைவருக்கும் வியப்பை யூட்டும்
அருமைமிகு இயற்கையதன் ரகசி யத்தை
----அறிந்தவர்யார் படைப்பிலிந்த அற்பு தத்தை !

- பாவலர் கருமலைத்தமிழாழன்

**
இரட்டையராக  பிறப்பதில்..
இருப்பது  பல  நிறை என்றாலும்....
பார்ப்பது சில குறைகள்!
ஒரே நிறம்,,,,,,,  ஒரே முகம்....
ஒரே உயரம்   என 
ஒற்றுமை இருந்தாலும்   
வேற்றுமை  பார்ப்பது  குணத்தில்!
பெற்ற  தாய்  மட்டுமே  அறியும்  வித்தியாசம்....
சுற்றத்தினரை  குழப்பம்......இவர்கள் 
பார்ப்பது  நல்ல  நண்பர்களை!
பள்ளியில்.....கல்லூரியில்.....
யாரையும்  குழப்பும்  
இரட்டையர்.......
வாழ்க்கையில்  குழம்பாமல்  
முன்னேறும் உற்சாகமும்....
ஊக்கமும்  உடையவர்  என 
தயக்கமின்றி  சொல்லலாம்!
இரட்டையராக  பிறப்பது 
அவரின்  யோகம்!..........

- உஷாமுத்துராமன்,  திருநகர்

**
 

]]>
love poem, poetry, kavithai https://www.dinamani.com/specials/kavithaimani/2019/may/22/இரட்டையர்-வாசகர்-கவிதை-பகுதி-3156614.html
3152150 ஸ்பெஷல்ஸ் கவிதைமணி முதல் முத்தம்! வாசகர் கவிதை பகுதி 3 கவிதைமணி DIN Thursday, May 16, 2019 11:59 AM +0530
முதல் முத்தம்  

முதலாய்த் தந்த முத்தம் வாழ்வில்
..........முழுதும் நிறைந்த நிகழ்ச்சிதான்.!
பதமாய் இருவர் பதட்ட முடனே
..........பங்கு கொள்ளும் பகிர்வுதான்.!
இதமாய் அமைந்த இடமும் அதற்கு
..........இனிதாய் அமைய இன்பமே.!
நிதமும் இதுபோல் நடக்க வேண்டி
..........நினைத்து மகிழும் நினைவுதான்.!

.

இதழ்கள் ஒன்றாய் இரண்டும் சேர்ந்தால்
..........இன்பம் அதனின் உச்சமே.!
அதரம் உடலின் அங்கம்..! தருமே
..........அதற்க டையா ளமுத்தமே.!
உதயம் ஆகும் உன்னத எழுச்சி
..........உடம்பில் பொங்கும் மகிழ்ச்சியாய்.!
இதர சுகத்தில் இதுவே மிகையே
..........இலக்கி யமுமே இயம்புமாம்.!

- கவிஞர் பெருவை பார்த்தசாரதி

**

முத்தம் அது  எவருடைய  '
சித்தம் கலங்க வைத்து 
பித்தம்    தெளிய  உதவுவது!  
மழலையின்  முத்தம் 
மாசில்லா காற்றுப்போல 
தூசியிலா  இல்லம்  போல 
சுத்தமுடன் இருக்குமே!
உள்ளம்  கலங்கி  துன்பத்தில் 
தள்ளாடினால்   பல்லில்லா  
கள்ளமறியா   மழலையின்  முத்தம் 
துன்பத்தை விரட்டுமே!
இன்பம் சேர்க்கும்  முத்தம் 
சுவர்க்கத்திற்கு  வழிகாட்டும் 
பெறுவோம்  மழலையிடம்  முத்தம் 
தருவோம்  அதனிடம்  அன்பை! 

- உஷாமுத்துராமன்,  திருநகர்

**

ஆதாமின் விலா ஏவாளாகிவிட்ட
வியப்பின் அழகுக்கு இடாமல்
சாத்தானின் பிரயாசத்தால் குலுங்கிய
ஏதென் தோட்ட ஆப்பிளுக்கு
இட்டதால்
சப்தங்கள் அற்றும் மிகுந்தும்
போல்
இங்கெங்கினாதபடி
எங்குமான பிரகாசத்தையும் தாண்டி
இருளிலும் எதிரொலிக்கின்றன 
வெளியெங்கும் முத்தங்கள்...

முதலில் தொடங்கிய முத்தங்களால்
சாம்ராஜியத்திலிருந்து
சாமான்யங்கள் வரைக்கும் 
தொடர்ந்து
யுத்தக் களத்தில் மோதினாலும்
அன்பின் வழியதும் முன் நிற்கத்தான் செய்கின்றன;
முத்தங்கள்...

- ~கவிஞர். கா.அமீர்ஜான்- திருநின்றவூர்

**

முதல் முத்தம்
காதலில் முதலீடு!- அது
கொடுத்தாலும் குறையாது
பெற்றாலும் நிறையாது
கொடுப்பவருக்கும் மகிழ்ச்சி!
பெறுபவருக்கும் மகிழ்ச்சி!

காதலில்! சத்தம் சாதிக்காததை
முத்தம் சாதிக்கிறது!

காதலியாய் மனைவியாய் இருந்து
பெற்ற முத்தங்கள் எல்லாம்!
தாயானபோது வட்டியும் முதலுமாய்
திருப்பிச் செலுத்தினாள் குழந்தைக்கு!

முத்தம்
உதடுகளின் மௌனமொழி!
உயிர்களின் உணர்வு மொழி!
முப்பால் உலகப் பொதுமறை!
முத்தம் உயிர்களின் பொதுமறை!

-கு.முருகேசன்

**

இதய ஊஞ்சலின் இன்ப ஆட்டத்தின் மிகுதியில்
உதயமாகும் மகிழ்ச்சி வெள்ளம் கரைபுரண்டு
அதரங்கள் குவிந்து மற்றொரு அதரம் தேடியதும்
இதமான உரசலில் தோன்றும் இனிப்பே முத்தம்

ஈன்றெடுத்த அன்னையின் பாச வேகத்தில் தான்
தோன்றியது அவள் ஈந்த பாச முத்தம் சேய்க்கு
தேன் தடவிய சிற்றிதழ்களின் மென்மை தந்த
மேன்மையான இன்ப ஊற்று முத்தமல்லவா அது.

இணைந்த இதயங்களில் காதல் மொட்டாகி மலர
அணைத்து சுகம் காண முற்படும் வேளையில்
பிணைந்த இதழ்களின் திருவிளையாடலாக
நினைந்து நினைந்து மகிழ்ந்ததே முதல் முத்தம்

- கவிஞர்  ராம்க்ருஷ்

**

நான் கருவறையில் இருந்தபோது
கிடைத்தது என் தந்தையின்
முதல்முத்தம்..!
நான் மண்ணில் பிறந்தபோது
கிடைத்தது என் தாயின்
முதல்முத்தம்..!
நான் காதல்வானில் திரிந்தபோது
கிடைத்தது என் காதலியின்
முதல்முத்தம்..!
நான் மணவாழ்வில் மகிழ்ந்தபோது
கிடைத்தது என் மனைவியின்
முதல்முத்தம்..!
நான் தந்தையாய் மாறியபோது
கிடைத்தது என் மகளின்
முதல்முத்தம்..!

- கவிஞர் நா.நடராஜ், கோவை.

**

அழகான  முத்தம்.....
ஆர்வமுடன்  பெற்ற முத்தம் 
இனிய  அனுபவ முத்தம் 
ஈதலுடன் பெறுவேன் அன்பு முத்தம் 
உற்சாகம் தரும்  முத்தம்!
ஊக்கம்  தரும்  முத்தம்!
என்றும் வேண்டும் இந்த முத்தம்!
ஏக்கம் என்ற சொல்லை மறக்க வைக்கும் முத்தம்!
ஐயமில்லை அது எனக்கு பிடித்த முத்தம்!
ஒருமுறை  இல்லை  பலமுறை பெரும் முத்தம்!
ஓயாமல்  இனிக்கும்  முத்தம்!
ஒளடத்தில்  பயணிக்க வைக்கும்  முத்தம்!
அஃது  நான் ஈன்ற   என் மகள் 
எனக்கு கொடுத்த   முதல் முத்தம்!
மறக்கவே முடியாத முதல் முத்தம்!
ஞாலத்தை  மறக்க வைக்கும்  முத்தம்!
ஜாலம் அறியா  அன்பு முத்தம்!

- பிரகதா நவநீதன், மதுரை

**
அந்தி சாயும் அழகான வேளை!
அணைத்து இழுத்தேன் மெல்ல அவளை!
இதழின் ஓரம் ஈரம் இல்லை!
முத்தம் தந்து ஈர்த்தேன் அவளை!

தரிசான மண்மீது மழைத்துளி போல்!
இதயத்தில் எங்கும் காதல் மழை!
இனிக்க இனிக்கப் பெய்தது இடைவிடாது!
இனியொரு கணம் இது போலாகுமா!

முதல் முத்தம் முதல் சொத்து போல!
பதிவு பண்ணியே பற்று கொண்டேன்!
சாகும் வரை சாகாவரம் பெற்ற!
என் முதல் முத்தம்!
இனிக்கும் நித்தம்!

- குமார் சுப்பையா

**

மரணத்தை வென்ற முதல் முத்தம்
மழலைக்கு தாய்கொடுக்கும் முதல் முத்தம்;

உறவினர் சூழ்ந்திருக்க - காற்றின் வழியே
உரியவள் செலுத்திய முதல் முத்தம்;

இரவின் மடியில் - நிலவின் ஔியில்
இயற்கையெனும் அழகியலோடு முதல் முத்தம் ;

உதடுகள் சேராமல் உள்ளங்கள் சேர்ந்த
உத்தமர்களின் அன்பெனும் முதல் முத்தம்:

வெற்றியாளர்க்கு ஆசிர்வாதமெனும் முதல் முத்தம்;
தோல்வியாளர்க்கு அனுபவமெனும் முதல் முத்தம் ;

விண்ணிலேயே  முடங்கிவிட்ட முத்தம் -மண்ணிற்கு
வரமறுக்கும் மழையெனும் முதல் முத்தம்;

மங்கையரை ஏமாற்றும் கயவர்களின் முத்தம் -
மண்ணிலிருந்து அகற்றவேண்டிய முதல் முத்தம்;

'கவிதைமணி'யால் அலங்கரிக்கப்பட்ட  தமிழ் முத்தம்
சமூகத்தை மாற்றவந்த 'முதல் முத்தம்'

- கவிஞர். நளினி விநாயகமூர்த்தி
 

**


பகலவனின் கதிர்வீச்சில்
வியர்வை சொட்ட
பேருந்து நிறுத்தத்தில்
காத்திருந்த கணநேரம்
கண்ணில் பட்டாளவள்...
பார்ப்பதற்கு கொள்ளையழகு...
பார்வையற்ற பாலகியவள்...
இமைப்பதற்குள் என்வசமிழுத்தேன்
பேருந்துக்குள் அகப்பட்டுவிடாமல்....
நடுநடுங்கி போனவள்...
நிதானித்துக்கொண்டு என்னிடத்தில்
நன்றியுரைக்க கைகளைபிடித்து
அழுத்த முத்தத்தை
ஆட்சேபனையின்றி பதித்துசென்றாள்
மனமுழுதும் பூரித்தது....
நான்பெற்ற அன்பின்
முதல் முத்தம்.......

- கவிஞர். க. இராமலெட்சுமி @கவி தேவிகா, தென்காசி

**

முதல் முத்தம் குறித்து
கவிதை எழுதி அனுப்ப
இன்றே கடைசி நாளாம்...

உன் இதழில் கவி எழுதி
பின் அதையே
அந்த இதழுக்கும் 
அனுப்ப வேண்டும்.

என் அன்பே வழக்கம்போல,
"அப்புறம் ஒருநாள்..."
என்று இன்றும் என்னைத் தடுத்து விடாதே...

 - ஆதியோகி

]]>
poetry, first kiss, love poem, முதல் முத்தம், first love, lust story, kadhal kavithai, காதல் கவிதை, முதல் காதல் https://www.dinamani.com/specials/kavithaimani/2019/may/15/first-kiss-first-love-first-poem-3152150.html
3151553 ஸ்பெஷல்ஸ் கவிதைமணி முதல் முத்தம்! வாசகர் கவிதை பகுதி 2 கவிதைமணி DIN Thursday, May 16, 2019 11:58 AM +0530 "கண்ணே! கண்மணியே!
உன் அன்னை சொல்வதை கேளாயோ...

"சுண்டி விரல் பிடித்து 
வந்தவுடன்...
பெற்றேனடி காதலால்
ஓர் முத்தம்...

"மணி வயிற்றில்
உதித்தாயென
அறாந்தவுடன்
தந்தானடீ......
அடிக்கோர் 
அன்பு முத்தம்!

"உனை
சுமந்தவள் நானென்றால்;
நித்தம் முத்தும்
மொத்தமாய்
தந்தானடீ....உன் தந்தை!

"பிறையாய்
இருந்தவளே...
முழுமதியாய்
வந்தவளே!

"மயங்கியே
இருந்தவள் நானடீ...
உனை
அள்ளி அணைத்து
ஆயிரமாயிரம்
முத்த மழைத் 
தந்தவன்.....
உன் அப்பா! அப்பா!

"என் செல்லமே...
பெற்ற முதல் முத்தம்
தந்தை முத்தமல்லவா?
மொத்தமாக.....
- செங்கை மனோ

**

பூக்கள் நெகிழ்ந்து மகிழும் காடு.
மெல்லப் பனி நனைத்த‌ பாதையில்
உள்ளங்கள் வழிந்தன‌ கதைமொழிகள்.
கைப்பிடித்து நடந்த பொழுது
மழையோடு பொழிந்தது பெரும்மகிழ்வும்.
அப்பொழுதினில்..
தேடுதல் துளிர்த்திடும் கணங்களில்
தன்னை மறந்து சலனங்க‌ளும்
பெருகிப் படர்ந்து அடர்ந்திட‌
மெல்லக் கரைகிறது.. இப் பெரும்மகிழ்வும்..
என்று சொன்னேன்..
தன்னை மறந்து தேடுகையில்
சலனங்களே மகிழ்வும்.. பெரும்மகிழ்வும்..
நெகிழ்ந்து மலர்ந்தது முதல் முத்தம்.. உன் பதிலாய்..
காமம் இன்றிச் சாரலாய்ச் சிலிர்க்கும்
உன் வார்த்தைகள்..எவ்வளவு உயிர்ப்புடன் இன்றும்..

- ரமேஷ் கோபாலகிருஷ்ணன், பீனிக்ஸ், அமெரிக்கா.

**
 
ஈரைந்து மாதங்கள்
அன்னையவள் கருவறையுள்
நாளொரு மேனியும்
பொழுதொரு வண்ணமுமாய்
வளர்ந்தே மெல்ல
கையசைத்து காலசைத்து
எட்டி உதைத்து
துள்ளியே நானாட
உயிர் நோக வலிகொடுத்து
அன்னையவள் கண்களை 
குளமாக்கி விட்டு
மண்ணில் ஜனித்த போதும்
அன்னையவள் கொடுத்தாள்
உள்ளத்து தூய அன்பில்
தோய்த்தெடுத்த
முதல் முத்தம் !

- பி.தமிழ் முகில்

**

விண்மீன்களுக்கு நடுவே
என்னவளும் நிலவெனவே
சன்னலுக்கு பின்னே
மின்னலாய் நின்றிருக்க,

முத்தம் கொடுக்க எண்ணி கன்ன த்தருகே - 
கன்னம் வைத்தேன், கூர்வேல் நாசியும் - 
கருக் கருவா புருவமும் - 
சிந்தையை மறக்கடிக்க - 
விந்தை செய்யும்
விழி க ளிரண்டும் - 
மேலே விழுந்து புரளச் செய்ய வந்ததை - 
மறக்கடித்து- மறந்து நின்றேன் - கால் நாழி -
செய்வதறியாது மெய்மறந்து
மெய்மறந்து,

என்ன - முத்தம் தானே - என நீயே முன் வந்தாய்,
தானே தந்தாய், இப்படியும் முட்டாள்கள் 
இருப்பாரோ - இப் புவியில்
என்றே நானும்
சிரிப்போடு நீயும்,
இப்படித்தான் இருந்தது எங்களின் முதல் முத்தம்.

- செந்தில்குமார் சுப்பிரமணியன்

**

சுட்டெரிக்கும் வெயில் ... அனல் பறக்கும் காற்று 
தண்ணீருக்கு தவியாய் தவிக்கும் என் நகர மக்கள் !
வாடும் பயிர் பார்த்து வானம் பார்த்தான் விவசாயி 
அன்று !  வறண்டு கிடைக்கும் குடிநீர் ஏரி கண்டு 
கதி கலங்கி மிரண்டு கிடக்கிறான் நகரவாசி இன்று ! 
மிரட்டியது போதும் ! இயற்கை அன்னையே ! 
கருமேகம் திரட்டி  ஒரு கோடை மழை என் நகருக்கு 
பெருமழை யாய்  பொழிந்து விடு அம்மா !
உன் அருள் மழை என் மண்ணை முத்தமிடும் 
நேரம் நானும் என் மண்ணில் மண்டியிட்டு  குனிந்து 
என் மண்ணை முத்தமிடுவேன் !  என் நகர மண்ணுக்கு 
நான் கொடுக்க இருக்கும்  முதல் முத்தம் அதுவே !
சீக்கிரமே உன் அருள் மழை ஒரு பெரு மழையாய் மாறி 
முத்தமிட வேண்டும் என் மண்ணை மாரி தாயே !

- K.நடராஜன்

**
உன் மூச்சுக்காற்று என் முக வியர்வையை
விசிறிக் கொண்டிருந்தது – ஒரு காற்றுப்பாதையில்
உன் உதடுகளும் என் கன்னமும் எதிரெதிரே
மோதிக் கொண்டன – அந்த விபத்தா?
சிந்தனையை பிழிந்து, பேனாவில் நிரப்பி,
முதல் முதலாய் நூல்  இயற்றி,
பதிப்பகத்திலேயே பதியவிட்டேனே ? – அதுவா ?
இப்படி முதல் முத்த ப்பட்டியல்
நீல வானத்தின் நீளமாய்
நீண்டு கொண்டே இருக்கும் – இருந்தும்
பிறந்த குழந்தையின்
உச்சி முகர்ந்து, வெள்ளை மாவை
உதட்டில் உறிஞ்சி கொடுப்பாளே ஒரு தாய் !
அதுவல்லவோ உண்மையில் முதல் முத்தம் !!  

- கவிஞர் டாக்டர் எஸ். பார்த்தசாரதி

**

அருந்தவம் புரிந்து
அடிமடியில் சுமந்த
அன்னையவள்...
ஈரைந்து மாதம் பத்தியமிருந்து
ஈன்றெடுத்த மகவைக் கண்டு
உதிரம் பூரிக்க
உதிரும் புன்னகையுடன்
உச்சி முகர்ந்து
இச்சென்று தரும்
முதல் முத்தம்...
உன்னதமான தாய் சேய்
உறவுக்கு அடையாளம்
உடலுக்கு சுவாசம்
உயிருக்கு கவசம்
முதல் முத்தம்......  
அன்பெனும் சொல்லுக்கு
அர்த்தம் தரும்
முதல் முத்தம்....
வார்த்தை அற்ற மொழியாகும்!
வலி நீக்கும் நிவாரணியாகும்!

- ஜெயா வெங்கட்

**

தாயின் படைப்புலகில் விடை பெற்று 
இப்பூவுலகில் சுவடுகள் பதித்ததும் 
என்னை ஈன்ற என்றன் மூலக்காரணி
அன்னை இதழ் பதித்தது முதல் முத்தம் 

துணையாக துணைவரை அமைத்திட்டு
தனக்கென இல்வாழ்வை வகுத்திட்டு 
பொன்னாளான அந்நாளில் என்னால் 
கணவனாருக்கு தந்தது முதல் முத்தம் 

எனக்கென ஒரு படைப்புலகை படைத்து 
வெளியுலகிற்கு அதை கொணர்ந்து 
நானும் அன்னையாகி பிள்ளைக்கு தாய்
பாசத்துடன் வழங்கியது முதல் முத்தம் 

மூடியிட்ட கஞ்சி கலையம் பொங்கி 
வழிவதற்கு ஒப்பாகும் அம்முத்தம் 
இவ்வுலகையே எழுதி கொடுத்தாலும்
ஈடு இணை ஏதுமில்லை அறிந்தேன் 

- ஆபிரகாம் வேளாங்கண்ணி கண்டம்பாக்கத்தான்

**

கனவுக்குள் கரைந்தே காலத்தை
கடத்திடும் நங்கையர் மணமுடித்து
நனவுக்குள் முதலிரவில் நுழைய
நெஞ்சார்த்த முத்தமதை கணவன்
கன்னத்திலே தந்த தொரு இனிப்பாய்
மஞ்சத்திலே மகிழ்ந்தே இருக்கையில்
சன்னமாய் கேட்டதே சேவல் கூவல்
சலிக்கவே இல்லை முதல் முத்தம்!

அடிவயிற்று பாரமதை இறக்கி
அழகான மழலை ஈன்றவள்-தலை
வருடியே அன்பான முத்தமதை
வாஞ்சையாக தந்த்தொரு முத்தமே
முதல்முத்த மென்றே சொல்வோமே!
முத்த த்தின் இன்பத்திலே மூழ்கி
முத்தெடுத்தாளே அவளே அன்னை!
மென்னகை பூத்திடுமே மழலை!

-- கவிஞர் கே. அசோகன் மும்பை

**

கட்டிளம் காளையனே
காதல் எனும் மூன்றெழுத்தில்
கன்னியிவள் மனததனை
எந்தவித எதிா்பாா்பும் இன்றி
எவ்வித நிபந்தனையும் இன்றி
உன்னிடத்தில் தந்துவிட்டேன்
அதற்கு உன் பாிசாய் 
அன்பின் அடையாளமாய்
இல்லறத்தின் அடையாளமாய்
விட்டுக்கொடுத்தலின் அடையாளமாய்
காமம் மட்டுமே முத்தமின்றி
என் உச்சி முகா்ந்து தந்துவிடு
ஆரத்தழுவி சத்தமின்றி ஓா் முத்தம்
உடலைதொடும் வரை அல்ல
உயிரை விடும் வரை முதல் முத்தமாய்.

- ஈழநங்கை

**

அத்தையவள் பெற்றமகள் துள்ளும் மானாய்
அழகொளிரும் சிலையாக கண்முன் வந்தே
முத்துப்பல் முறுவலிலே மனத்தை ஈர்த்து
முகம்சிவக்க விழியிரண்டில் காதல் பேசிச்
சித்தத்தை மயக்கியென்றன் மனைவி யாகச்
சிருங்கார முதலிரவில் இதழ ழுத்தி
சத்தமின்றி நான்பதித்த முதலாம் முத்த
சங்கமத்தில் எனையிழந்து பறந்தேன் வானில் !
என்உயிரின் உயிராகப் பத்து மாதம்
என்மனைவி கருவறையில் உருவம் பெற்றே
இன்பமான அழுகுரலில் உலகம் பார்த்த
இனியமுதல் குழந்தையினை எடுத்த ணைத்தே
அன்பாக முதல்முத்தம் நான்ப தித்த
அச்சுவையின் மகிழ்ச்கிக்கோ இல்லை ஈடு
முன்பென்றும் அனுபவிக்கா உணர்வு தாக்கி
முழுவுடலும் சிலிர்த்திடவே இழந்தேன் என்னை !

- பாவலர் கருமலைத்தமிழாழன்

**

விட்டுக்கொடுத்து வாழ்ந்தவர்
கெட்டுப் போவதில்லை என்று
கூட்டுக் குடும்பத்தில்
ஒட்டிக் கொண்டு நிறைவு கண்டோம் அன்று  !
அன்னை முதல்
அனைத்து உறவுகள் வரை
அள்ளி வழங்கிய 
ஆசை முத்தங்கள்
அன்பை விதைத்தன.!.
முப்பது வருடம் முன்பு
முறையாகப் பெண்கேட்டு
மணந்த மனைவிக்கு
மணம் முடித்த பிறகு
மூன்று நாட்கள் கழித்தே  தந்த 
முதல் முத்தம் 
இதழ்கள் இசைத்த
இன்ப ராகம் !
இன்று அவள் மறைந்தாலும்
இறுதி  வரை 
சத்தம் இல்லாமல்
நித்தம்  என் இதயத்தில்
அழகிய கவிதையாய்..
அழியாத ஓவியமாய்....
என்றும் இருக்கும்.!

- கே.ருக்மணி

**

பனிக்குடம் உடைய தலை திரும்பிய சிசு
குருதி வெள்ளத்தில் பிரசவிக்க,
பனித்த விழிகளுடன் உச்சி  முகர்ந்து
பதித்தாளே  அன்னை முதல் முத்தத்தை !
சத்தமின்றி பதித்த முத்தத்துள்
சத்தான அன்பு விதைக்கப்பட
அழகு சித்திரம் மேனி சிவக்க
நெகிழ்ந்து சிணுங்கியதே !
கரை தழுவும் கடலலையாய்
பிஞ்சு விரல் மெய் தீண்ட
விண்தொடும் மகிழ்ச்சியில்
தன்னையே அன்னை மறக்க
இதழ் விரிக்கும் மொட்டாய் சிசுவின்
விழி பெட்டகம் மெல்ல திறக்க,
உயிரெனும் சொத்தை மொத்தமாய்
தந்தாள் முதல் முத்தமாய் !!

- தனலட்சுமி பரமசிவம்

**
                                     
இன்றைக்கு  நினைத்தாலும் 
இதயமெல்லாம் வலிக்கிறது!
அன்றைக்கு நடந்ததெல்லாம்
அப்படியே பாட்டி வாயால் 
கேட்டுக் கேட்டு  மனம் 
கிளர்ந்துபோய்க் கிடக்கிறது!
பதினாறு ஆண்டாச்சு
பருவமும் வந்தாச்சு!

என்னைப் பெண்கேட்டு
ஏகமாய்ப் பெருங்கூட்டம்!
பாட்டி கண்மூடும் முன்னால்
பண்ணிடவே திருமணத்தை 
திட்டம்   வகுத்தாச்சு!
தீர்மானம் செஞ்சாச்சு!
எனக்கு முதல் முத்தமிட்ட
எனதுதாய் உலகிலில்லை!
அதுவே என் வருத்தம்!
ஆழ்மனத்தில் தினயுத்தம்!

- விஜய், காட்டிகன், சுவிட்சர்லாந்து

**

முதல் மனிதனின் முதல் மொழியின்
முதல் சொல் பற்றவைத்த கிளர்ச்சியோடு
மொட்டாய்க் குவிந்த இதழ்கள் முன்னோக்கி வந்தன
காலம் உறைந்து நின்று வேடிக்கைப் பார்த்தது
பதின்மவயதின் வைகறையில் கதிரவனின் முதல்கீற்றாய்
குவிந்த உதடுகள் திரண்ட தாகத்தோடு
எதிர்உதடுகள் நோக்கி பயணிக்க ஆரம்பித்தன
காலம் அப்போதும் நிதானித்து நின்றது
முற்றுப்பெறாத வாக்கியத்தின் இறுதியில் வைத்த
முற்றுப்புள்ளிகளாய், மரம்விட்டு விழமறுத்த
கனியாய், உதட்டிலே தேங்கிநின்றது அது
காலம் புன்னகை விகசித்த முகத்தோடு உற்றுநோக்கியது
சிந்தைமணலில் புதைந்த கவிதைச் சிற்பமாய்
மேகக் கோடுகளில் முகம்சிதைந்த நிலவாய்
உதடுகளின் கல்லறையில், காலத்தின் பேழையில்,
உறங்குகிறது இதயம் கொடுக்க நினைத்த முதல்முத்தம்!

- கவிஞர் மஹாரதி

**

]]>
Poem, kavithai, first kiss, love poem, kiss poem, love birds, lip lock, முதல் முத்தம் https://www.dinamani.com/specials/kavithaimani/2019/may/15/kavithaimani-poetry-first-kiss-3151553.html
3152176 ஸ்பெஷல்ஸ் கவிதைமணி இந்த வாரம் கவிதைமணி தலைப்பு: இரட்டையர்! கவிதைமணி DIN Wednesday, May 15, 2019 03:18 PM +0530 கவிதைமணி பகுதிக்கு ஆதரவு தந்து வரும் கவிஞர்கள் மற்றும் ரசிகர்கள் அனைவருக்கும் நன்றி..! 

முதல் முத்தம் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: இரட்டையர்கள்!

கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.
  • கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும்.
  • மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம்.
  • கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

இரண்டு கவிதைகள் தேர்ந்தெடுக்கப்பட்டு தினமணி யூட்யூப் சானலில் வெளியிடப்படும்.

 

]]>
தினமணி, twins, Poem, கவிதைமணி, poetry, kavithai, dual, two, இரட்டையர் https://www.dinamani.com/specials/kavithaimani/2019/may/15/poem-heading-for-kavithaimani-3152176.html
3149050 ஸ்பெஷல்ஸ் கவிதைமணி கடந்த வாரத் தலைப்பு முதல் முத்தம்! வாசகர் கவிதைகள்! கவிதைமணி DIN Wednesday, May 15, 2019 10:00 AM +0530 முதல் முத்தம்

என் முதல் முத்தம் கவிதை மணிக்கே
நின்முகம் காணாது மனம் தவித்தேன்
தங்கு தடையின்றி வரம் அருளாயோ ?
எங்கு சென்றனை இத்தனை நாளாய் ?

பாடம் பயில பள்ளிதலம் சென்றனையோ ?
ஆடலரசு காண மதுரை சென்றனையோ ?
தத்தை போன்று நான் புலம்பி நின்றேனே !
சித்தம் கலங்கி மயங்கி வருந்தி நின்றேனே !

மனம் மீண்டும் உருக வைக்காதே மணியே !
புனம் தேடியலைய விடாதே மணியே !
என்றும் போல் வாராவாரம் வா மணியே !
நின்று நிலைத்த புகழ் தா, தா மணியே !

துன்பச் சாக்காடு வென்றதனால் முத்தம்
இன்ப பெரு வெள்ளமாய் புது முத்தம்

புவியாளும் மணியுனக்கு அன்பு முத்தம்
கவிதை மணியுனக்கே என் முதல் முத்தம்

- ராணி பாலகிருஷ்ணன்

**

முத்தமா...
சீய்ய்...எனும்போதே
தெரிந்து விட்டது
நீ வாங்குவதற்கு 
தயாராகிவிட்டாய் என்று...!

- ச.கீர்த்திவர்மன்

**

பூக்கள் நெகிழ்ந்து மகிழும் காடு.
மெல்லப் பனி நனைத்த‌ பாதையில்
உள்ளங்கள் வழிந்தன‌ கதைமொழிகள்
கைப்பிடித்து நடந்த பொழுது
மழையோடு பொழிந்திட்டது பெரும்மகிழ்வும் 
அப்பொழுதினில்..
தன்னை மறந்து சலனங்க‌ளும்
தேடுதல் துளிர்த்திடும் கணங்களில்
மெல்லப் படர்ந்து அடர்ந்திட‌
மெல்லக் கரைகிறது.. பெரும்மகிழ்வும்..
என்று சொன்னேன்..
தன்னை மறந்து தேடுகையில்
சலனங்களே மகிழ்வும்.. பெரும்மகிழ்வும்..
..முதல் முத்தம்..
காமம் இன்றிச் சாரலாய்ச் சிலிர்க்கும்
உன் வார்த்தைகள்..எவ்வளவு உயிர்ப்புடன் இன்றும்..

- ரமேஷ் கோபாலகிருஷ்ணன், பீனிக்ஸ், அமெரிக்கா.


**

வானிடை முதற்துளி மழையினைப் போலே; செந்
தேனிடைப்  பூவில் வண்டது நுகர்வாம்
ஓங்கிய மலையில் மெல்லிய சாரல்;அடர்
சூழ்மிகு மலரில் தென்றலின் தீண்டல்
கார்மிகு இரவைக் கலைத்த பூபாளம்; மலர்
கோர்த்த நல்மாலை இணைதோளினில் துஞ்சல் - என
ஆயிரம் முத்தங்கள் ஆயினும் என்ன; உயர்
அன்னையின் முதல்முத்தம் அதற்கொரு ஈடே!

- கு. இரா, வடக்கு அயர்லாந்து

**

பிறந்த உடன்அன்னையிட்ட முதல் முத்தம்.
தந்தைக்கு முதல் முத்தம் __ அது
குழந்தை எனக்கு
2வது முத்தமே.
அன்புடன் யாவரும்
எனக்கு அவர்களின்
முதல் முத்தம் தந்தாலும்.
என்றும் என் தாயின்
முத்தமே முதல் முத்தமே.
அன்புடன் களக்காடு வ.மாரிசுப்பிரமணியன்.

]]>
poem, poetry, first kiss, kissing, feeling poem, love poem, kiss and hugs https://www.dinamani.com/specials/kavithaimani/2019/may/15/poems-published-in-dinamani-kavithaimani-3149050.html
3148364 ஸ்பெஷல்ஸ் கவிதைமணி இந்த வாரம் கவிதைமணி தலைப்பு: முதல் முத்தம்! கவிதைமணி DIN Thursday, May 9, 2019 04:32 PM +0530  

கவிதைமணி பகுதிக்கு ஆதரவு தரும் கவிஞர்கள் மற்றும் ரசிகர்கள் அனைவருக்கும் நன்றி..! 

கவிதைமணியில் வெளிவரும் கவிதைகளில் சிறந்த இரண்டு கவிதைகளைத் தேர்ந்தெடுத்து அதை காணொளியாக தினமணி யூட்யூப் சானலில் பதிவிடவிருக்கிறோம்.  தயாராகிவிட்டீர்களா கவிஞர்களே!

புதிய பொலிவுடன் தயாராகவிட்ட கவிதைமணி பகுதிக்கு நீங்கள் எழுத வேண்டிய கவிதைக்கான தலைப்பு முதல் முத்தம்! கவிதைமணியில் உங்கள் கவிதை வெளிவர வேண்டும் என விரும்பும் கவிஞர்கள் பின்வரும் விஷயங்களை கவனத்தில் கொள்ளவும்.

  • உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். 
  • 12-லிருந்து 16 வரிகளுக்கு மிகாமல் கவிதை இருந்தால் மட்டுமே வெளியிடப்படும். பெரிய கவிதைகள் பதிவேற்றம் செய்யப்படாது.

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். மேற்கண்ட மின்னஞ்சல் முகவரிக்கு அடுத்த புதன்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும். 

]]>
dinamani , kavidhamani, love poems, tamil kavithaigal, first kiss, new kavithai in tamil, love feel kavithaigal https://www.dinamani.com/specials/kavithaimani/2019/may/09/poem-for-kavithaimani-dinamani-3148364.html
3116946 ஸ்பெஷல்ஸ் கவிதைமணி கடந்த வாரத் தலைப்பு நிலாக்காலக் கனவுகள்! வாசகர் கவிதைகள்! கவிதைமணி DIN Wednesday, March 20, 2019 02:10 PM +0530
நிலாக்காலக் கனவுகள்

பலாச்சுளையின் சுவைபோல பகல்கனவில் சுகம்தருவாள்.!
நிலாக்கால நினைவுகளாய் நினைவிலவள் இடம்பெற்றாள்,!
கலாரசிகை என்நிலவே கண்ணருகில் தோன்றிடத்தான்.!
துலாபாரம் தந்திடநான் தொழுதிடுவேன் இறைவனிடம்.!
.
உன்னையன்றி யாருமில்லை உவமையாக்கத் துடிப்பாரே.!
உன்மத்தம் பிடித்ததுபோல் உறக்கமிலாக் கவிஞரெலாம்.!
மென்மையாகச் சொல்வதற்கே மிகவும்நீ பொருத்தமானாய்.!
பன்முகமும் தந்தாய்நீ பாவலர்க்கு நிலாப்பெண்ணாய்.!
-
நினைவெல்லாம் நிறைந்திடுவாள் நிலவைநீயும் நேசித்தால்.!
வினையில்லாச் சிந்தனைகள் வீழ்ந்துவருங் கவிதையாகும்.!
அனைத்துலகக் கவிஞரெலாம் அடிமையன்றோ உன்மடியில்.!
நினைவாற்றல் தந்திடுவாய் நிலாக்கால நினைவுகளாய்.!

- கவிஞர் பெருவை பார்த்தசாரதி

**
சித்திரையில்
முத்திரை தரும்
முகத்திரையிலா முழுமதியே
கடற்கரை மணலில்
வெளிச்சப் பொட்டில்
நித்திரை மறந்து
பத்தரை மாற்றுடன்
தென்றல் படர
தீந்தமிழ்க் காதல் சொல்லால்
ஏந்திடுவேன் 
என் மனமேந்திய
கள்ளியை கனிவாய்
செல்வியை துணை கொண்டு
நாட்களை வருடமாக்கி....

- ப.வீரக்குமார், திருநின்றவூர்


**

இரவுக்குறி நேரமாச்சு
அவளைத் தேடி 
போகணும்,
ஆளில்லாத வேளையில
வேறு ஒலி கொடுத்து
பூனையாய் பதுங்கிப் போகணும்
கொல்லைப் புற
நிலவொளியில்
கூடிக் கலந்து பேசணும்
ஒளி கொடுக்கும் தண்மை
சேர்ந்து இருந்த இனிமை
என்றும் மிறாது,
நிலாக் காலத்தில்
மனதில்
சுகமாக தினம் ஓடுது......

- முகில் வீர உமேஷ், திருச்சுழி

**

மொட்டை மாடியில்  
வெட்டை  வெளியில் 
கருமை சூழுந்த  இரவில்  
பெருமையுடன் அமர்ந்து 
கருமையான மேகத்தின்  
உள்ளே  மறைந்து மறைந்து 
வரும் நிலா..........  உன்னை 
ரசித்து  கொண்டே கண் அயர...
சட சட  என்ற தூறல்  வந்து  
தொட்டு எழுப்பியதால்   
சட்டென   விழிக்க .......
அப்பொழுதும் எதற்கும்  கவலையின்றி 
எப்பொழுதும்   நடமாடும்   உன்னிடம் 
முப்பொழுதும் கற்க வேண்டியது 
காலம் நேரம்  பார்க்காமல் 
ஞாலம்  விரும்பும் கடமையினை 
செய் என்ற பெரும் நீதி.  
நிலாக் கால  நினைவுகளை 
பலா போல  இனிப்பது  
துலாக்கோல்  போன்ற  நாம் 
நடக்கும்  விதத்தில்தான்!
புரிந்து  நிலாவினை   ரசிப்போம்!

- உஷாமுத்துராமன், மதுரை   

**

இரு பிறைகள் கொண்ட முழுமதியே
தேய்பிறை வளர்பிறை இல்லா 
பவுர்ணமியே
ராகு கேதுவால் மறையாத 
பிறை நிலவே
நிலாக்காலத்தில்
வீதியுலா வரும் அழகே
உன்னை கண்டால்
காயம் ஆறும்
காதல் பெருகும்
காதல் மொழி பாடி
காற்றில் ஆட தோன்றும்..

- ரகுநந்தன், மேலை

**

நீலவானில் நிலவைக் காட்டி
        பாட்டி ஊட்டிய சோறு
கோலமயிலும் நாணுமாறு அவள்
        எனக்கு உடுத்திய பட்டாடை
மாலைவெயிலில் என்மழலைக் கரம்பற்றி
        நாம்சென்ற பாதை, எல்லாம்
நிலாக்கால நினைவுகள் அவளில்லாமல்
        என்றும் கனாக்கால கனவுகளாய்

- பழனியப்பன், பெங்களூர்

**

தாய்க்கு மட்டும் தெரியும்
பகலில் காகம் காட்டுவாள்
அந்தியில் நிலவை காட்டுவாள்
வாய் திணித்து சோறூட்டுவாள் 
அது என் நினைவு நிலாக்காலம்.
பசி மறந்தேன் தூக்கம் இழந்தேன்
நள்ளிரவு வீதியில் நடை பயின்றேன்
முன்னும் பின்னும் மறைந்து வந்தான் 
அண்ணாந்து பார்த்தேன் வேகமாக
அதே வேகம் ஓடுகிறாள் நிலா
நின்றது நினைவு, ஓடியது 
நிலா மட்டுமல்ல..நினைவுகளும் தான்.

- இரா.அண்ணாமலை, திருவண்ணாமலை்

**

நிலாச் சோறு கூடியிருந்து
உண்டதும் மகிழ்ந்ததும்
பண்பான புராணக் கதை கூறி
வளர்த்த விதம் அருமையன்றோ?
தளர் நடை பாப்பாவும் இரவில்
வளர்மதி இனிய ஒளியினிலே
தளம் முழுவதும் ஒடியோடி
வாய் சோறும் சிந்தி சிரித்து
காய்கறி அமுதுடன் சோறுண்ட
நிலாக் கால நினைவுகள்
உலா வருமே நெஞ்சினிலே 

- ராணி பாலகிருஷ்ணன்

**

நடந்தவை எல்லாம் நிலா காலம்!
நிலாக்காலம் எல்லாம் விழாக்கோலம்!
நினைத்தாலே போதும், நினைவு உலாப் போகும்!
கஷ்டகாலம் சொல்லவா! இன்ப காலம் சொல்லவா!
மலர்ந்த மாலைப் பொழுதினிலே! 
மங்கையை பார்த்த கதை சொல்லவா!
ஆசிரியரின் அறிவுரையை சொல்லவா!
அன்னை,தந்தை அரவணைப்பை சொல்லவா
வீதியிலே நண்பனோடு விளையாண்ட கதை சொல்லவா!
வேலைக்காக வீட்டை  பிரிந்த கதை சொல்லவா!
எல்லாம் அது நிலாக்கால   நினைவாயின்!
இன்றும் அது - மகிழ்ச்சியின் ஆரவாரம்.

- மு. செந்தில் குமார் - ஓமன் 

**

முழுநிலவு காயும் நேரம்
ஆற்றங்கரையில் வீட்டில் 
சமைத்து உண்ணும் உணவுகளை 
சரிசமமாக அமர்ந்து உண்ட
அந்த நிலாக்கால நினைவுகள் 
மறப்பதில்லை—அது ஆடிப்பெருக்கு
ஆற்றிலும் நீர்பெருக்கு
உள்ளங்களிலே பூரிப்பு-- அன்று
வலம் வந்த,மனபலம் தந்த,
அந்த நிலாக்கால நினைவுகள் 
இனி வருமா? அசை போடும் 
கால்நடையாக மாறி நிற்கின்றேன்

- களக்காடுவ.மாரிசுப்பிரமணியன்

**

அம்மா, அப்பா,அண்ணன், தங்கையுடன் 
சிம்மாசனம் போட்டு அமர்ந்த 
திறந்தவெளி மாடியில் 
சிறந்த உணவினை அம்மா 
கொடுக்க மகிழ்ந்து உண்டது 
ஏக்கம் பெருகும் நினைவலைகள்.
திறந்த வெளி மாடி போய் 
பறந்து வந்து உட்கார 
பறவைக்கு கூட இடமின்றி 
திகைக்க  வைக்கும் 
அடுக்கு மாடி கட்டிடங்களினால் 
இந்த நிலாச் சோறு!

- பிரகதா நவநீதன்.  மதுரை 

**

மொட்டை மாடியின் காரிருள் இரவில்  
கோரைப்பாய் விரித்து ஓரமாய் படுத்து 
வானொலியில் வழிந்துருகும்   
எழுபதுகளின் ஏகாந்தப் பாடல்களை 
செவியினிக்கப் பருகியபடி   
கற்றையாய் படர்ந்த நட்சத்திரத் திரள் நடுவே 
ஒற்றையாய் பூத்துலவும் 
பால் நிலா இரசித்த பழைய நினைவுகள் 
அவ்வப்போது தலைகாட்டி ஆறுதல் படுத்தாதுபோனால் 
இவ்வெந்திர உலகின் இடுக்குகளில் சிக்கி 
என்றோ தொலைந்திருக்கக்கூடும் 
எஞ்சிய வாழ்வின் மிச்சப் பாகங்கள்!

 - நிலவை பார்த்திபன்

**

எட்டுச் சுற்று வீடுகள் இணைந்திருக்க
விட்டு விடாத நட்பில் கலந்திருக்க
மொட்டை மாடி மட்டும் பொதுவிலிருக்க
எட்டும் தூரத்தில் நிலவொளி வீசிய காலம்

சோற்றுருண்டைகள்  ஒவ்வொரு கைகளிலும்
மாற்றி மாற்றி பயணம் செய்து வயிறடைந்தன
போற்றிப் பாடும் பாட்டுகள் நடனங்களுடனே
தோற்றுப் போனது நிலவும் தண்ணொளி வீசி

கூடிக் கும்மாளமிட்ட கூட்டுறவுகளின் நினைவு
ஆடிமாதக் காற்றில் அடித்துப் போனதூசி போல
தேடிப் பிடிக்க வேண்டியிருக்கிறது நட்பும் அன்பும்
வாடிப் போன உளளத்தில் நிலாக்கால நினைவுகள்.

- கவிஞர்  ராம்க்ருஷ்

**
நித்தமும்
நிலவெழுதிச் செல்லும் தொடர்காவியத்தைத்
ரசித்து வாசித்துத் தலையாட்டுகிறது
நதிமேட்டுத் தென்னைமரக் கீற்று
அதே
நதிக்கரையில் நின்று
நிலாக்குளியல்  செய்து திரும்பிய
நாள்களைக்
கவிதையில் பொதிந்து பத்திரப்படுத்த நாம்
கவிஞர்களாவது எப்போது....
நிலவிலேறி இராத்தங்க ஆசை
கட்டிலோடு வரட்டும் கனவாவது

- கோ. மன்றவாணன்

**

நிலாக்கால நினைவுகள் ...காலம் 
பல கடந்தும் என் மனதின் ஒரு ஓரத்தில் !
நான் கடந்து வந்த பாதையை தடம் 
பிரித்து காட்டுது எனக்கு இன்னும் !
நிலாக்கால கனவெல்லாம் நனவாகவில்லை 
நனவான இனிய நிகழ்வெல்லாம் நான் 
கண்ட கனவிலும்  இல்லை ...இதுதான்  உண்மை !
நிலாக்கால கனவு வேறு ... நிகழ் கால நிஜம் 
வேறு ! இது புரிய இத்தனை  நாள் எனக்கு !
மகிழ்வுடன் வாழ்கிறேன் நான்  நிகழ் காலத்தில் இன்று 
எதிர் கால கற்பனை எதிர்பார்ப்பு எதுவும் இன்றி !

- K .நடராஜன் 

**
மனம் மயக்கும் மஞ்சள் நிலா
தன்னழகை சித்தரித்து உதிக்க,
பரந்து விரிந்த கருவானில்
சிதறிய நட்சத்திரங்களோ
ஆங்காங்கே கண்சிமிட்ட,
சீண்ட வரும் வெண்முகிலுடன்
கண்ணாமூச்சி ஆட்டம் ஆடி,
பலரின் கனவு தேவதையாய்
சிங்கார வெண்ணிலா உலாவர,
அடுத்து வரும் ஈரேழு நாட்களும்
அந்த அழகு பதுமையின் நினைவலைகள்
நம்மை வருடி செல்லுமே !

- தனலட்சுமி பரமசிவம்

**

நிலவு வந்தது போலவே
நினைவு நெஞ்சினில் வந்ததே..
உலவும் மேகம் போலவே
உறங்காமல் உள்ளமும் ஏங்குதே..
இரவு பயணிக்கும் மதியோடு
இன்பமாய் நாட்களும் போனதே..
கரம் பிடித்த காதலோடு
காலமும் பசுமையாய் ஆனதே..
கண்சிமிட்டி வானில் விண்மீனும்
கவிதையை நாளும் எழுதுதே..
கண்கள் மறைத்த கண்ணீரும்
கனவுகளின் துளியாய் விழுதே..

- கவிஞர் நா. நடராசு, கோவை

**

நிலாக்கால நினைவலைகள் நெஞ்சத்தில் அலைமோதும்
 உலாவரும் எங்களுக்கு உன்னத வாய்ப்பு இது
குட்டிக் கிராமம் குடியிருந்தோம் அங்கேதான் அந்நாளில்
 அரங்க நாதர் கோவிலொன்று அங்கே அழகு செய்யும்
அதற்கு எதிரே  அமைந்துள்ளது அழகான  மைதானம்
  அதில்தான் அனைத்து விழாக்களும் அரங்கேறும்
சாதரண நாட்களிலே பள்ளிப்பிள்ளைகள் விளையாடுவர்
  நிலாக்கால நாளில்மட்டும் குழுகுழுவாய் கபடி போட்டி
அசாதரண நாட்களின்  அரசியல் பிரச்சர மேடையாகும்
  அந்நாளில் எங்களின் நிலாக்கால களிப்பு பரிபோகும்
நிலாக்கால நினைவுகளைக் கொண்டே மகிழ்ந்திருப்போம்
   நிரந்தரமாய் மைதானம் செய்துதரும் ஆட்சிவேண்டும்

- கவிஞர் அரங்க.கோவிந்தராஜன்

**

வாழ்ந்திருந்த  போதெல்லாம்  வசந்தம்  தந்தாள்
    வாஞ்சையுடன்  என்நலத்தை  பேணிக்  காத்தாள்
தாழ்வென்றே  என்நிலைகள்  தெரியா  வண்ணம்
    தடுத்திருந்து  நலமொன்றே  தந்தாள்  என்னுள்
ஆழ்மனதுள்  உயிரென்றே  இணைந்து  வாழ்ந்து
    அன்பினுக்கோர்  அடையாள  மகிழ்வைத்  தந்தாள்
வீழ்கின்ற  நேரமெல்லாம்  என்னைக்  காத்து
    வேதனைகள்  தீர்த்திருந்து  இன்பம்  தந்தாள்
மூழ்குகிறேன்  மோனத்தில்  மனதில்  நித்தம்
    மோதுகின்ற  எண்ணமெல்லாம்  அவள்தான்  நின்றாள்
ஏழ்பிறப்பும்  காத்திருப்பேன்  அவளைக்  காண
    என்வாழ்வின்  “நிலாக்கால  நினைவை”  எண்ணி

- கவிஞர் நம்பிக்கை நாகராஜன்

**
ஆடு மாடுகளோடு காட்டில்
காரப்பழம் சூரப்பழம் மேய்ந்து
சுனைநீர் குடித்து சுரத்தில் படுத்ததும்!
கொட்டும் மழையிலும் 
கோணிப்பை தலையிலும்
தேகம் நனைந்துநடுங்கியதும்!

துள்ளித்திரிந்து தும்பி பிடித்ததும்!
தூண்டில் போட்டு மீன்கள் பிடித்ததும்!
மழைக் காலத்தில் மதிய நேரத்தில்
கிணற்றில் குதித்ததில் கண்கள் சிவந்ததும்! 
வளர்பிறையாய் இருந்த பால்ய பருவத்தின் 
நீங்காத நினைவுகள்!

- கு.முருகேசன்

**

நிலவே - நீ வானில் பௌர்ணமியானால்
பக்தியோடு இறை வழிபாடு செய்கிறாா்கள்;
நீ அமாவாசையானால் நம்மவர்கள் - 'பய'
பக்தியோடு  இறை வழிபாடு செய்கிறாா்கள்;
வேண்டியவர் வீட்டில் இறந்தால் தெய்வமாகவும்-
வேண்டாதவர் வீட்டில் இறந்தால் பேயாகவும்-
முன்னோா்கள் - வருவாா்கள் என்ற முரண்பட்ட
அமாவாசை வழிபாட்டில்- ஒன்றுமட்டும் நிதர்சனம்
காக்கைக்கும் - பிற உயிர்க்கும் அன்றுமட்டும் 
அன்னதானம்  அமர்க்களமாய் உன்மூலம் நடைபெறுகிறது...
ஆகாயத்திலிருக்கும் அட்சயப்பாத்திரமே பத்திரம் - இன்று
வறட்சி உணவில்மட்டுமல்ல பாதுகாப்பிலும் உள்ளது.....!

- கவிஞர். நளினி விநாயகமூர்த்தி

**

கிழக்கிலும் கண்டேன் உன்னை
மேற்கிலும் கண்டேன் தலை நிமிர்ந்து
வான உச்சியிலும் கண்டேன் – நிலவே

பிறைத்துண்டாய்க் கோணலாய் நின்றாய்
முழுமையாய் வட்டமாய் நின்றாய் ஒரு நாள்
வானில் காணாது போனாய் – நிலவே

ஏற்றமும்  இறக்கமும் உயர்வும் தாழ்வும்
வறட்சியும் செழிப்பும் உலகிலுள்ளார்க்கு
எல்லாம் உண்டென தேய்ந்து வளர்ந்து
அல்லில் அசைந்து காட்டுகிறாய் நிலவே
நினைவுகளாய் உன் சுழல் காலச் சுற்றில்  
நினைவுகளாய் மலர்கின்றன மனதில்.

( அல் = இரவு)

- மீனா தேவராஜன் - சிங்கை  

**

கடலின் காதோரம் மிதக்கும் நிலவே 
கற்பனையின் ஆழியலைகள் எழவே !
மாதமொரு பாதியில் வரும் தேவதையே 
மாபெரும் மேக மேடையில் தோன்றும்!
  
ஒளி தரும் வெண்மதியே கண்மணியே !
உன் ஒளிமழையில் நனைந்தேன் சுகமே 
என் முகம் மகிழவே மங்கை போலவே 
உன்னைக்  காண்கிறேன் இமைக்காமலே !

உன் நினைவுகள் எழும் நேரமே மின்னும் 
பொன்மதி என் வெண்மணியே வாராய் !
கண்களுக்குள் காவியமாய் கலந்து நிற்கும் 
நிலவின் ஒளியே நினைவின் காலஓவியமே !

- டாக்டர் மகேந்திரபிரபு, சிவகாசி

**
ஒன்றென அமர்ந்து உறவுகள் கூடி
திங்களும் மலர்ந்த இனிய தோர்மாலை
வெண்ணிற ஒளியும் ஊரெல்லாம் பாயும்
பொன்னிற மணலிற்ப் பரப்பது மீதே
அன்னையும் தந்தையும் உருண்டைகள் பிடித்து 
என்சிறு வாயில் அமுதூட்டிடும் வேளை 
எண்ணிலா மகிழ்வும் உள்ளமே காண
உண்ட நன்நேரம் வருவது என்றோ?  

- கு. இரா, வடக்கு அயர்லாந்து 

**

செல்லும் இடமெல்லாம்
துணையாய் ! - எந்தன்
தனிமை வெறுமை போக்கினாய் !
சற்றே அயர்கையில்
மேகத்தினூடே ஓடியே
கண்ணாமூச்சி காட்டினாய் !
உன் முகம் பார்த்து
கட்டாந்தரையில் தலைசாயக்க
கதை பல பேசியே
கண்ணுறக்கம் ஊட்டினாய் !
இன்பக் கனவுகள் பல தந்து
இன்முகம் மனம் பதிந்து சென்றாயே !
அழகிய வண்ண நிலவே !

- தமிழ் முகில்

**

 

தென்றல் வீசும் இரவினில்,
விண்ணில் தவழ்ந்த நிலவினில்,
என்னில் பூத்த முகம் அதில்!
மின்னல் எந்தன் நெஞ்சினில்!
    அன்னை அமுதூட்டச் சிரித்த நிலா!
    விண்ணியல் படிக்கையில் வியந்த நிலா!
    காளை வயதினில் காந்த நிலா!
    கன்னி நினைவினில் தகிக்கும் நிலா!
நிலவமுது உண்டு களித்த நினைவினிக்குதே!
நிலவொளி விளையாட்டெல்லாம் நிழலாடுதே!
தண்ணிலவே எம்நினைவினில் நீ கசந்திடாதே!
வெண்ணிலவே எமையிணைக்க நீ மறந்திடாதே!

- கவிஞர் R.அறிவுக்கண்

]]>
தினமணி, Poem, கவிதை, kavithaimani, கவிதைமணி, kavithai https://www.dinamani.com/specials/kavithaimani/2019/mar/19/கடந்த-வாரத்-தலைப்பு-நிலாக்காலக்-கனவுகள்-வாசகர்-கவிதைகள்-3116946.html
3116949 ஸ்பெஷல்ஸ் கவிதைமணி கவிதைமணி பகுதி புதுப்பொலிவுடன் விரைவில் வெளிவரும் கவிதைமணி DIN Tuesday, March 19, 2019 03:08 PM +0530 நிலாக்காலக் கனவுகள் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! 

கவிதைமணி விரைவில் புதுமையுடன் வரவிருக்கிறது.  அதுவரை வாசகர்கள் கவிதைகளை அனுப்ப வேண்டாம். அறிவிப்பு வெளிவந்த பிறகு கவிதைகளை அனுப்பினால் போதும். இது வரை பல்வேறு தலைப்புகளில் கவிதை எழுதி அனுப்பிய கவிஞர்களுக்கு நன்றி.

]]>
தினமணி, Poem, கவிதை, kavithaimani, poetry, kavithai https://www.dinamani.com/specials/kavithaimani/2019/mar/19/கவிதைமணி-பகுதி-புதுப்பொலிவுடன்-விரைவில்-வெளிவரும்-3116949.html
3105439 ஸ்பெஷல்ஸ் கவிதைமணி கடந்த வாரத் தலைப்பு தாமரை! வாசகர் கவிதைகள்! கவிதைமணி DIN Saturday, March 16, 2019 01:54 PM +0530                                        
தாமரை

ஒரு குளம், ஆயிரம் முகங்கள் - தாமரைகள்
குளத்தில் இறங்கி நீராடினாள் கோதை
அறிய முடியவில்லை ஆயிரத்தில் அவளை
சூரியனின் சுடுவிரல்கள் குளிர்கின்றவாம்
மலர்முகம் வருடுகையில் கதிரவன் வரவுக்குக் 
கதவு திறந்து வைத்த தாமரை
அவன் போனதும் சாத்திக் கொண்டாள் 
வெண்தாமரை கலைமகளுக்கும் செந்தாமரை திருமகளுக்கும்
சொந்தமெனச் சொன்ன போது...
அலைவட்டம் போட்டு மெல்லச் சிரித்தது
தடாகம் தரைகுளிர நீர்தெளித்துத்
தாமரைக் கோலம் போட்டாள் வண்டுகள் மொய்க்கின்றன

- கோ. மன்றவாணன்

**

வாசமலர்த் தேன்மலரை வாயார வாழ்த்தவந்து..

தேசமலர்த் தாமரையின் தன்மையிலே மனமுவந்து..

பாசமுடன் சமர்ப்பித்த பூக்களையும் பாக்களாக..

தாசனாகப் பாடவந்தேன் தண்தமிழின் சொற்களிலே.!

 

தண்ணீரின் மேலெழுந்து தன்முகத்தைக் காட்டிநின்று

மண்நீரில் கால்வைத்து மாசுநீக்கும் தன்மைகொண்டு

கண்குளிரக் காட்சிதந்து காலத்தை வெல்லவந்தாய்

எண்ணமுமே மேலோங்க இன்பமுமே தந்துநின்றாய்.!

.

அலர்மேலே ஆசையுடன் அன்புடனே வந்தமர்ந்தாள்

மலரின்மேல் அவதரித்த மங்கையான மஹாலஷ்மி

அலங்காரம் செய்வித்த அன்றலர்ந்த மலரெல்லாம்

இலக்குமியை ஏந்தியதால் இறவாத புகழ்மலராம்..!

கவிஞர் பெருவை பார்த்தசாரதி

**

செல்வமகள் என்னும் திருமகளும்
     செந்தாமரையில் அமர்ந்து அருள்கின்றாள்..
கல்விமகள் என்னும் கலைமகளும்
     வெண்தாமரையில் அமர்ந்து ஒளிர்கின்றாள்..
கதிரவனின் வருகையைக் கண்டு
     காலையில் அழகாய் மலர்ந்தாய்..
மதியின் வருகையைக் கண்டு
     மாலையில் வெட்கத்தில் குவிந்தாய்..
சேற்றோடு வேர் இருந்தும்
     சோலைப் பூவாய்நீ சிரித்தாய்..
காற்றோடு இதழ்கள் விரித்தும்
     கன்னிப்பெண்ணாய் இதயம் பறித்தாய்..

- கவிஞர் நா. நடராசு, கோவை.

**

சேற்றில் மலர்ந்த செந்தாமரை மலரே
ஆற்றின் நடுவே  அழகு காட்டும்  நீ
காற்றில் கலக்கும் கவிதை எழுதிடவே
ஊற்றாய் கற்பனை உதிர்க்க வைப்பாயே!

நீலம்   வெண்மை செம்மை   யென்று 
நின்னிலும் பிரிவை மனிதன் வைத்தானே!
காலம்   பலவும்  சென்ற   பின்னாலும்
கண்ணியம் தவறா மலர்  நீதானோ!

மலர்களின்  ராணி  மகிழ்வாய்  நீயே
மண்ணையும் நீரையும் இணைப்பவள் நீயே
உனைப்பாடி மகிழ உண்மையாய் ஆசை
உலகமும் இதற்கு உடன்படும் மலரே!

- ரெ.ஆத்மநாதன், அலக்சாண்ட்ரியா,அமெரிக்கா

**

தண்ணீர் பரப்பில்
 தாண்டவமாடும் தாரகைநான்;
திங்கள் உதித்தால்
  தீந்தமிழாய் மலர்வேன்...
தும்பிகள் சூழ
  தூவிதழ் விரிப்பேன்....
தென்றலின் இசைக்கு
  தேர்போல  அசைவேன்...
தையலவள் கைகளினால்
  தொழுவதற்காக கொய்தால்
தோழியவளுக்கு நானோ
  தௌவையாவேன் இங்ஙனம்

தௌவை - தமக்கை.

- தேவிகா, தென்காசி

**

அடி அறியாது நீண்ட 
கொடியுடன் வளர்ந்து
தடாகத்து நீரில்
தலை நிமிர்ந்து நிற்கும் தாமரையே !
காலையில் மலர்ந்து
மாலையில் உதிர்ந்தாலும்
விரித்திருக்கும் இதழ்களுடன்
சிரித்துக  கொண்டிருக்கும் 
தாமரையே உந்தன் மறு பெயர்
தன்னம்பிக்கையோ  ?

- ஜெயா வெங்கட், கோவை .

**

எல்லோரும் வியந்து
பார்க்கும் அழகி
இவள்
வானம் முகம்
பார்க்கும் தண்ணீரில் 
வாழ்க்கை
 இவள் 
காற்றில் அசையும்
ஓவியம்
 இவள் 
கதிரவனின் காதலி 
என்றுகூட சொல்லலாம்
மனம் வீசும் மலரின்
 பெயர்
 'தாமரை'
      
- பிருத்திவ்ராஜ், சேலம்

**

நீரில் மிதக்கின்றாய்,
நிலவை வெறுக்கின்றாய்.
சூடாய் இருக்கும் அவன்
சுடரில் மலர்கின்றாய்.
மாயன் மனைவி அவள்
மலர்க்கரம் தவழ்க்கின்றாய்
பிரம்மன் மனையாளை
மகிழ்ந்து சுமக்கின்றாய்
எங்கள் திருநாட்டின்
எழில்மிகு பூவன்றோ
எல்லோர் மனங்களிலும்
இனித்திடுவாய் நீயன்றோ படைப்பு

- பி.எல். குமார்

**


அலைமகள் வாசம் செய்யும் 
உன்னிடம் நேசமும் இருப்பதாலதான் 
தேசத்தின் மலரானாயோ!
வாசம் மிக்க உன்னிடம் 
கற்க வேண்டியது பல 
உன் இலையின் மீது 
தண்ணீர் விழுந்தால் 
பன்னீர் போல முத்து முத்தாக 
விழுந்ததில் .....வாழ்க்கையில் 
ஆசையின் மீது இப்படி 
ஓசையில்லாமல் இரு என 
நீ சொல்லும் பாடம் புரிந்தால் 
வெற்றி நிச்சயம்!

- உஷா முத்துராமன், மதுரை  

**

வாழ்வின் தத்துவ 
நிலையை உணர்த்தும்
அற்புத மலர்
தண்ணீரைத் தொடாத 
இலைகளால் வாழ்வை
வாழ கற்பிக்கும் முறை;
பரிதியால் விரிந்து
பவளமாய் தெரிந்து
மணத்தோடு
இறையடி காட்டும்
கூம்பிடும் கைகளின்
வடிவாய் வணங்கிடத் தூண்டும் 

- முகில் வீர உமேஷ், திருச்சுழி

**

நீரோடு ஒட்டாமல்
நீரோட்ட மட்டத்தின்
உயர்வுக்கு மாறும்
வள்ளுவன் வாய் மொழி
வகுத்த தேன் மொழி
நன்னீரில் வளரும் பூ
முருகுவை வளர்த்த பூ
பகலில் சூரியனால் மலரும்
இறைக்குச் சூடும் மலர்
இறையான மலர்
கபிலர் சொன்ன மலர்
பாரதி பாடிய மலர்....

- ப.வீரக்குமார், திருநின்றவூர்

**

கள்ளமில்லாமல் அமர்ந்த  சரஸ்வதி  
வெள்ளை மனதுடன் உள்ளன்போடு 
வணங்கிய பக்தனை "கல்விமானாக"
துள்ளி படிக்க உதவுவாளே.......
செந்தாமரை மலரில் 
பந்தமில்லாமல் அமர்ந்த மகாலட்சுமி 
சொந்தங்களை ஆதரித்து 
பந்தங்களுடன் வாழ பணம் கொடுக்கும் 
குணம் படைத்த உத்தமி......
மலர்களை போற்றுவோம்.......
தாமரை மலரை வணங்குவோம்...
நல்வாழ்வு பெறுவோம்!

- பிரகதா நவநீதன், மதுரை  

**
சூரியனை பார்த்த தாமரை போல,
உன்னை பார்த்ததும் மலர்ந்தேன்!
தெய்வத்துக்கு மட்டுமே 
பூஜிக்கப்படும் தாமரை  போல,
எனக்கான பிறப்பு  நீ!
பொற்றாமரை குளம் போல,
எனக்கு கிடைத்த பொக்கிஷம் நீ!
மெய்ஞ்ஞான நிலையின் ஆதாரம் தாமரை போல
நல்வழியில் நடத்தும் துணை நீ!
என்  இதய  தாமரையே!
விஷ்ணுவின் நாபி தாமரை  போல
வையத்துள் வாழ்வாங்கு வாழ்வோம்!!

- பிரியா ஸ்ரீதர்   

**

கீழ்வானம் அலங்கரித்த கதிரோன் கண்டு
தலைவன் கண்ட தலைவியாய்
நாணம் கொண்டு உதிர்த்த 
முகிழ்நகையில் விரிந்தனவே
குவிழ்ந்த உன்தன் இதழ்கள் !
நீருள் பிணைந்த தண்டு போல்
பின்னிய மனச்சுமைகளை
உன் இலை மேல் நீர் போல்
திரைமறைவில் கொண்டு,
இன்னல் மறைத்து ,
இன்முகம் காட்டும் பெண் வாழ்வில் 
செந்தாமரையே ! நீயே முன்னுதாரணமோ !

- தனலட்சுமி பரமசிவம், நாகர்கோவில்

**

அடுக்கக அலங்கோலத்தில் சுவாசிக்க
 இடம் தேடி துளசி முறையிட
தலைகுனிந்து கண்ணீரால் பழுத்த
முதியோர் இலைகளை உதிர்த்து நிற்க
காற்றே தூதாய் செல்ல
குளிர் வாவி சூழ் தண்டமிழ்
தாமரை தங்கை இதழ் காதில் 
லேசாய் கிசுகிசுக்க 
தா மரையாய் ஓடி
வந்து உடன்பிறப்புகளின் 
உயிர் காக்க சட்டம்தான் இயற்றுவாளோ!
அமிர்தவர்ஷிணியாய் மேகம்தான் பொழியாதோ!

- சீனி

**
மாண்பில்லா மலர்கள் தலைவியானாள் பாரதநாட்டிலே! 
கதிரவன்வரவுகாண காலை காதலியாய்க் காத்திருப்பதாலோ!
பிரமனுக்கும் பெண்களுக்கும் கண்ணானாதலோதோ!
பிருந்தாவனக் கண்ணன் கழுத்து மாலையானதாலோ!
மயில் நடனமாடும்  மேடைகளுக்கு விளக்கானதாலோ!
மலைமகள் அலைமகள் கரங்கள் தங்கலானாதலோ!
ரோசா மலரை  தலைவியாய் ஆக்க விரும்பினால்
ஐகோ! அவளிடம் அழகிருந்தென்ன? கூர்முள் கீறினவே! 
மல்லிகை முல்லை மணமிருந்தாலும் சிறு காம்பே இருந்தன
ரோசாவின் அழகும் மல்லி முல்லையின் மணமும் 
நீண்டெழு காம்பும் கொண்ட தாமரையே மலர்களின் 
மாண்பில்லா  மலர்கள் தலைவியானாள் பாரதநாட்டிலே! 

- மீனாள் தேவராஜன், சிங்கை

**
மகா விஷ்ணுவிற்கே ஒளி கூட்டினாய்..
இலக்குமிக்கும் உண்டு
இருக்கை உன்னால்,  பத்மாசனமாய்—
உன்னைப்போல் தன்
உருவத்தையே மாற்றிய பரமசிவன் ---
சேற்றிலிருந்து எழுந்து
சூரியனை வணங்கினாய், இருந்தும்
அழுக்குகள் அண்டாத சுத்தம் நீ.
பூமியில் பற்றுதல் இன்றி வாழ்ந்தால்
நீயும் இறைவனை அடையலாம் --
மனிதனுக்கு இதை உணர்த்தவா
தினமும் பூக்கிறாய் ??

- கவிஞர் டாக்டர்.  எஸ்.பார்த்தசாரதி  -- MD DNB PhD

**
தாமரை இலைமேல்
தெறித்த நீர்த்துளியென
உள்ளக் கமலத்தில் 
மெல்லச் சேர்ந்தழுந்தும்
துன்பச் சுமைகளையும்
ஆத்திர சிலுவைகளையும்
வெறுப்பு மூட்டைகளையும்
வீம்பான பிடிவாதங்களையும்
புறந்தள்ளி - வாழ்வைக் கடக்க
கற்றுத் தேர்ந்தால்
மகிழ்ச்சி எனும் தங்கத் தாமரை
என்றும் நம் வசமே !

- பி.தமிழ் முகில்

**
மாந்தரின் உயர்வைச் சொல்வது தண்டு
காந்தமாய் இருக்கக் கூறுது இதழ்கள் 
சாந்தமாய் வாழ்வினைச் சொல்வது இலையே
பாந்தமாய் ஆசனம் ஆனது மலரே

வேந்தின் திருமலர் ஆனதும் நீயே
ஏந்திழை கண்களுக் குவமையும் தானே
பைந்தமிழ்ப் பெருமகள் கன்னங்கள் போலே
ஏந்திடும் புகழ்படு மாமலர் வாழீ!

- கு. இராமகிருஷ்ணன் - வடக்கு அயர்லாந்து

**

ஆகாயத் தாமரை உன்னைச்
சுற்றி படர்ந்தாலும்
தலைநிமிர்ந்து நிற்கிறாய்
உன்னைப் போல
தலைநிமிர்ந்து நின்றிட
முயல்கிறேன் முயல்கிறேன்.
நீரில்லை என்றால்
நீயும் இல்லை நானும் இல்லை.
தண்டோடு வளரும்
தாமரை மலரே
நீயும் தண்டும் பிரியாத
உறவின் இலக்கணம்.

- களக்காடுவ.மாரிசுப்பிரமணியன்

**

சேற்றில் பிறந்து சிலையில் கலக்கும் தாமரையே!
குளத்தில் உன் தொப்புள்கொடி
கோயிலில் உன் தாலிக்கொடி!
தண்ணீர் தேசத்தின் தலைமகளே!
நீ வண்டுகளின் மதுக்கூடம்!
வையகத்தின் கலைக்கூடம்!
செந்தாமரையோ!
செல்வமகளின் குடியிருப்பு!
வெண்தாமரையோ!
கலைமகளின் குடியிருப்பு!
தண்ணீர் குளமோ!
தாமரையே உன் குடியிருப்பு!

- கு.முருகேசன்

**
மௌனத்தின் மொழியை
யாரறிவார் இங்கே
புத்தருடன் - தாமரையும் - 
தியானத்தால் சிரிக்கும்.
உணர்வாளர் எவரும்
உள்ளுர சிலிர்ப்பர்
மௌனமே வார்த்தையாய் 
மன வானில் பறக்கும்
மறை பொருளின் விளக்கமது
எந்தத் தாமரையும் 
நீர் மீது 
ஒட்டாமலிருக்கும்!

- செந்தில்குமார் சுப்பிரமணியன்.

**

சேற்றில் பிறந்து 
தயங்கித் தயங்கி
தானாய் மலர்ந்த‌ தாமரை
தண்ணீரிடம் சொன்னது..
மடல்கள் தாங்கிய அழுத்தம்
இதழ்கள் விரிந்த தருணங்களில்
மலராய் மலர்ந்து உணர்ந்தேன்
மலர்ந்ததில் இல்லை சிறப்பு
மலரச் செய்திட்டது அழுத்தம்
அந்த அழுத்தம் தாங்கியும் 
நிமிர்ந்து வாழ்ந்ததுவே சிறப்பு..
தண்ணீரைத் த‌ழுவிச் சிரித்தது..

- ரமேஷ் கோபாலகிருஷ்ணன், பீனிக்ஸ், அமெரிக்கா.

**

இலையில் இடம் தந்த தாமரை 
தன இதழில் இடம் தரவில்லை - எனச் 
சொல்லியழுதது தவளை!
உணரவில்லை அதன் தவறை!

தண்ணீரையே ஒட்ட விடாத தாமரை இலை 
தனக்கு இடம் தந்தைப் போற்றவில்லை!
தன்னை மதிக்கா தாமரையின் 
தலைக்கனம் அதற்குப் புரியவில்லை!

மடத்தவளை இதை போல 
மனிதத் தவளைகளும் உண்டு!
இருக்கும் இடங்களை மறந்து 
பறக்கும் ஆசைகள் கொண்டு!

- நிலவை பார்த்திபன் 

**

 

மலர்ந்திடு மலர்ந்திடு தாமரை !

நலந்தர மலர்ந்திடு தாமரை !

தேசிய மலரே தாமரை !

தேசம் ஒளிரவே தாமரை !

பாரதத் தாயின் முகமலர் நீ !

பரமனின் பாத மலரும் நீ  !

இறைவனின் பூசை மலரும் நீ !

இருநிலம் போற்றும் மலரும் நீ !

மருந்தாய் மருத்துவர் கைப்பொருளே !

மகளிரும் சூடி மகிழ்வரே !

மலர்ந்திடு சுகந்தர தாமரை !

மலர்ந்திடு மனங்கவர் தாமரை !

 - R. அறிவுக்கண்

**

]]>
தாமரை, கவிதை, lotus https://www.dinamani.com/specials/kavithaimani/2019/mar/01/கடந்த-வாரத்-தலைப்பு-தாமரை-வாசகர்-கவிதைகள்-3105439.html
3110482 ஸ்பெஷல்ஸ் கவிதைமணி இந்த வாரம் கவிதைமணி தலைப்பு: நிலாக்கால நினைவுகள்! கவிதைமணி DIN Saturday, March 9, 2019 03:40 PM +0530 வாராணசி என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு:  நிலாக்கால நினைவுகள்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருந்தால் மட்டுமே கவிதைகள் வெளியிடப்படும். பெரிய கவிதைகள் பதிவேற்றம் செய்யப்படாது.

உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். மேற்கண்ட மின்னஞ்சல் முகவரிக்கு அடுத்த வியாழக்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும்.

]]>
https://www.dinamani.com/specials/kavithaimani/2019/mar/09/இந்த-வாரம்-கவிதைமணி-தலைப்பு-நிலாக்கால-நினைவுகள்-3110482.html
3110477 ஸ்பெஷல்ஸ் கவிதைமணி கடந்த வாரத் தலைப்பு வாராணசி! வாசகர் கவிதைகள்! கவிதைமணி DIN Saturday, March 9, 2019 03:28 PM +0530 வாரணாசி

வாரணாசி என்றதுமே வரலாறும் தொடங்கிவிடும்.!
ஊரறிய ஜோதிலிங்கம் ஒளிதருமாம் கங்கைநதி..!
ஆரவாரம் எப்போதும் ஆர்ப்பரிக்கும் மக்களலை.!
பாரதத்தில் முக்திதரும் பக்திக்கோர் அடையாளம்.!
.
வேதங்கள் முழங்கிடவே வேதாந்தம் தழைத்துவிடும்.!
பாதகங்கள் தொலைத்துவிட பக்தியிலே மூழ்கடிக்கும்.!
சாதகமான சூழ்நிலையும் சாதுவுக்கே அமைவிடமாம்.!
வாதங்கள் பொய்த்துவிடும் வாரணாசி என்றதுமே.!
.
படித்துறைகள் பலவுண்டு படிப்பதற்கே இடமுண்டு.!
விடியலிலே எழுந்துவிட வாரணாசி பழகிவிடும்.!
படிகொண்ட பக்தியங்கே புரண்டோடும் நதிக்கரையில்.!
முடிமுழுக மூழ்கிவிட்டால் மோட்சமுண்டு நிச்சயமாய்.!

- கவிஞர் பெருவை பார்த்தசாரதி

 **

மூச்சு திணறிய கங்கை நான் இப்போ சுவாசிக்கிறேன் 
நச்சு இல்லா காற்றை  வாராணசியில் !
பேச்சு மூச்சு இல்லாமல் போய் விடுமோ என அஞ்சிய 
எனக்கு தெரியுது ஒரு விடிவெள்ளி ! 
உங்க மன அழுக்கை கழுவி விட்டு வாங்க நீங்க 
வாராணசிக்கு ! குப்பை தொட்டி அல்ல நான் 
உங்களுக்கு ! நசித்து விட வேண்டாம் மீண்டும் 
கங்கை நதி நான் ஒரு அழகு ஆபரணமாக  
இருக்க வேண்டும் வாராணசிக்கு இன்றும் என்றும் ! 
வாருங்க வாராணசிக்கு ... என்னை இம்சிக்காமல் 
ரசித்துப் பாருங்கள் நான் துள்ளி ஓடும் ஓட்டத்தை !

- K.நடராஜன் 

**
வரிசை வரிசையாய்
வருடக்கணக்கில் வந்து சென்றார்கள்
வாரணாசிக்கு - பாவ
விமோசனம் கிட்டுமென்றும் -
மோட்சம் கிட்டுமென்றும் - ஆனால்
எப்போது மோட்சம் கிட்டும் - தன்னிலை
எப்போது  மாறுமென்று -
என்றெண்ணிய வண்ணமாய்
ஏங்கி கொண்டிருந்தான்
அங்கேயே வாழும் பிச்சைக்காரன்.....!

- கவிஞர். நளினி விநாயகமூர்த்தி

**
ரயில் ஏறினேன்  என் அப்பத்தா இல்லாமல்,
தாமிரபரணி கரையில்  பிறந்து,
காவேரியில் ஆடி  பெருக்கு  கொண்டாடி,
வைகையில் கல்லழகர் இறங்குவதை கைகோர்த்து  பார்த்து,
பின் சென்னை கடற்கரையோரம்  தனியாக  மகனிடம்  அவள்  அடைக்கலம்!
இன்று சுருக்கம் கொண்டு, பார்வை மங்கி, 
சொல்வது கேளாமல், உணவையும் தவிர்த்த அவள் ,
கங்கையை காண துடித்தாள், அழைத்து  சென்றேன் அவளை, 
வாராணசி சென்றால்  மோக்ஷம்  என்பதால்!
அவளோ அங்கு முக்தி வரை கங்கை என தீர்மானித்தாள்!
செய்வது  அறியாது  தனியாக ரயில்  ஏறினேன்,
மனம் கனத்தது!!

- பிரியா ஸ்ரீதர்   

**
முக்திக் கொருநகர் துடைபழி யெனபல
திக்கில் வரும்பலர் வழியிது  திறன்மிகச் 
சொக்கும் உயர்நகர் முதல்மறை எனவொரு
ருக்கில் ஒளிதரு அரனுறை நகரெனதென் 
திக்கில் நடம்புரி சிவன்சடை குளிர்நதி
பக்கீரதி என்னும் சிரநதி குடிநகர்
மிக்கக்  கவிதரு புலவர்கள் பலர்புகழ்
தக்கச் சிறுநதி வருணாஅசி தவழிடமே!

- கு. இரா, வடக்கு அயர்லாந்து

**
இந்து மக்களின் புனித தலமே!
அள்ளி முடிந்த முடியில் கங்கையுடன்
அருளிய ஆதிசிவன் தனை போற்றிய
புண்ணிய பூமியே – வாரணாசி !

மேற்கு இமயம் தொடங்கி
எழில் கொஞ்ச வளைந்தோடி வரும்
கங்கையின் கரையில்
புனிதம் கண்ட பூமியே – வாரணாசி !

புனித நதியாம் கங்கையிலும்,
புண்ணிய பூமியாம் உன்னிலும்,
எண்ணியபடியே தூய்மை காப்போம்
கண்ணியத்துடனே - வாரணாசி !

- தனலட்சுமி பரமசிவம்

**
பாவம் போக்கும் கங்கை
பாய்ந்தோடும் பரணியின் நங்கை
அன்னமளித்தால் அடங்கும் பசி...
மனதாசை அகற்றிடுபனம் வாராணசி
வந்தவர் வணங்கியே தஞ்சமடைந்தால்
வஞ்சமின்றி வரந்தரும் நல்லாசி...
சஞ்சலத்தை போக்கும் கங்கையாறு
அருமருந்தாய் துணைநிற்கும் திருநீறு....
மனமுருக வேண்டியே மண்டியிட்டால்
வாழ்வதற்கு வாய்ப்பளிக்கும் லிங்கேசா.....
பக்தர்கள் பாவம்களைந்திடு கருணைவாசா...

- கவி தேவிகா

**

வானத்தின் ஆசி பெற்ற இடம் வாரணாசி!
மூன்று நதிகள் சங்கமிக்குமிடம்- அதில்
மூழ்கி எழுவோர்க்கு முக்தி கொடுக்குமிடம்!
வாரணாசிக்கு வேறு பெயர் காசி!
வாழ்கை முழுக்க காசை நினைக்கும் மனம்!
வாழ்கையின் இறுதியில் காசியை நினைக்கிறது!
ஆசை பட்டுப்போகச் சொல்வதும் வாரணாசி!
பனராஸ் பாட்டுக்குப் பெயர் போனதும் வாரணாசி!
வாரணாசி திருஓட்டைப் பெருபவனை ஆண்டியாக்குகிறது!
வாரணாசி தெருஓட்டைப் பெருபவனை அரசனாகக்குகிறது!

-கு.முருகேசன்

**

]]>
poem, kavithai, கவிதை, கவிதைமணி https://www.dinamani.com/specials/kavithaimani/2019/mar/09/கடந்த-வாரத்-தலைப்பு-வாராணச-வாசகர்-கவிதைகள்-3110477.html
3105440 ஸ்பெஷல்ஸ் கவிதைமணி இந்த வாரம் கவிதைமணி தலைப்பு: வாராணசி! கவிதைமணி DIN Saturday, March 9, 2019 02:31 PM +0530 தாமரை என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு:  வாரணசி

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருந்தால் மட்டுமே கவிதைகள் வெளியிடப்படும். பெரிய கவிதைகள் பதிவேற்றம் செய்யப்படாது.

உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். மேற்கண்ட மின்னஞ்சல் முகவரிக்கு அடுத்த வியாழக்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும்.

]]>
https://www.dinamani.com/specials/kavithaimani/2019/mar/01/இந்த-வாரம்-கவிதைமணி-தலைப்பு-வாராணச-3105440.html
3100202 ஸ்பெஷல்ஸ் கவிதைமணி இந்த வாரம் கவிதைமணி தலைப்பு: தாமரை! கவிதைமணி DIN Thursday, February 21, 2019 03:43 PM +0530  

யாரோவாகிப் போன அவள் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: தாமரை 

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருந்தால் மட்டுமே கவிதைகள் வெளியிடப்படும். பெரிய கவிதைகள் பதிவேற்றம் செய்யப்படாது.

உங்கள் கவிதைகளை யூனிக்கோடு எழுத்துருவில் தட்டச்சு செய்து அனுப்பவும். மற்ற எழுத்துருக்கள் நிராகரிக்கப்படும். மேற்கண்ட மின்னஞ்சல் முகவரிக்கு அடுத்த வியாழக்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும்.

]]>
lotus, poem, poetry, கவிதை, தாமரை https://www.dinamani.com/specials/kavithaimani/2019/feb/21/இந்த-வாரம்-கவிதைமணி-தலைப்பு-தாமரை-3100202.html
3100201 ஸ்பெஷல்ஸ் கவிதைமணி கடந்த வாரத் தலைப்பு யாரோவாகிப் போன அவள்! வாசகர் கவிதைகள் கவிதைமணி DIN Thursday, February 21, 2019 03:34 PM +0530 யாரோவாகிப் போன அவள்..

எங்கே பிறந்தாள்? 
யாருக்காகப் பிறந்தாள்?
எங்கே போனாள்?  

வெகு நாளுக்குப் பிறகு மீண்டும் 
அவளை வறுமையின் நிறம் கூறும் விளக்குப் பகுதியில் சந்தித்தேன். 

பள்ளிக்குச்  செல்லும் வயதில் பள்ளியறையில் 
எத்தனை பேருடைய உடல் பசியைப் போக்கியிருப்பாளோ? 

இளமையிலிருந்தே இல்லாமையோடு இசைந்திருந்தாள்
இல்வாழ்க்கை எட்டாக் கனியாகவே அவளைப் பொருத்தவரை இருந்தது. 

விடியாக் கனவிலிருந்து தன்னை விடுவித்துக் கொள்ள
வாழ்க்கையெனும் போர்க்களத்தில் வீழ்ந்து விட்டாளோ?

என்னுடன் கடற்கரை மணலில் இல்லம் சமைத்து 
கற்பனைக் குவியல்களுடன் கரம் கோர்த்தவள். 

அன்று என் கண்களால் எத்தனை முறை 
அவளுடைய அழகை கொள்ளையடித்திருக்கிறேன். 

எல்லாமே அறிந்த அவள் 
எப்பொழுது இப்படி ஆனாள்? 

இன்று எல்லாமே  மறந்தவள் போல் மருகி நிற்கிறாள். 
அவளைப் போன்றவர்களுக்கு என்று தீரும் இந்த தீராத தீர்ப்பு? 

- பான்ஸ்லே 

**

யாங்கும் நிறைந்த இறைநிலையே
யாரொடு யாரென முடிவுசெய்து..
யாழினி அவளை என்னோடு
யாவரும் மகிழ இணைத்ததுவே..!!

யாதும் உணர்ந்த முன்னோர்கள்
யாவரும் காட்டிய வழியினிலே..
யாக்கையும் உள்ளமும் இணைந்தாற்போல்
யானும் அவளும் இருந்தோமே..!!

யாரோ ஒருவர் சொல்கேட்டு
யாமத்தில் நிலவும் காரிருளாய்..
யாவும் மறைந்த அவள்மனதில்
யாது சொல்லியும் நுழையவில்லை..!!

யாரையும் எதனையும் தாங்குகின்ற
யாவையும் காக்கும் இவ்வுலகில்..
யானும் அவளும் வேறானோம்
யான்மை கொண்டவள் இருப்பதாலே..!!

யாரால் உலகம் இயங்குதென்று
யாவரும் சிந்தித்துத் தெளிந்துவிட்டால்…
யாரும் யாரையும் குறைகூறல்
யாங்ஙனம் இயன்றிடும் உணர்வோமே..!!


பொருள் :-
யாங்ஙனம் - எங்ஙனம்
யான்மை - செருக்கு
யாக்கை - உடல்
யாமம் – நள்ளிரவுப் பொழுது
யாழினி – யாழின் இசை போன்ற குரலை உடையவள்

- ஆ. செந்தில் குமார்.

**

அவளை  காணும்  வரை  நான்  குருடன் ,
அவள்  சொல்  கேட்கும்  வரை  நான்  செவிடன் ,
அவளிடம்  பேசும்  வரை  நான்  ஊமை ,
அவளோடு  கை  கோர்த்த  போது  நான்  கணவன் ,
அவளோடு  ஒன்றாய்  பயணித்த  நாட்கள்  என்  வாழ்க்கை ,
என்  காதலை  நேசித்த  அவள்   என்னை  நேசிக்க  மறந்தாளோ?
மன  வருத்தம்  நீங்க  சமாதானமாய் , ‘என்ன  வேண்டும்  கேள்  என்றேன் ’
அவளோ  ‘விவாகரத்து ’ என்றாள்!!
அந்த  ஒற்றை வார்த்தையில்,
உறைந்தேன்  பிணமாய்  நானும்!
யாரோவாகி போனாள்  அவளும்!

- பிரியா ஸ்ரீதர்  

**

கருவிலே நான். மகிழ்ந்து வந்து சுமந்த
உருவிலே என் அன்பனின்தாய். போல்
திருவுடையாள். ஒக்க எனக்கு வந்துதித்த
மருவிலா என் மாணிக்க மகள் அவள்

கற்றலிலே முற்றும் சிறந்து ஒழுக்கப்
பற்றுடையவளாய். இனிதே வளர்ந்து. நல்
பெற்றமும் சுற்றமும் நட்பும் கொண்டாட
மற்ற‌ ஓர் மனை மாண்புடன் புகுந்த. அவள்

முந்தை அவள் பெயர் பின் தொடர்ந்த
தந்தை பெயர். விலக்கித் தள்ளி இன்று
விந்தையாய். தற்கொண்டான் பெயர் பின் வர
சிந்தையில். யாரோவாகிப்போனஅவள்

குலம்மாறி, வாழ்ந்த குடும்பம் மாறி
குலதெய்வம் மாறி ஊர் நாடு மாறி
தலம் மாறி யாரோவாகிப் போன
மகளே
பலபேரும் போற்ற வாழ்வாய் கண்ணே

தாழ்நிலை நோக்கிப் பாயும் நதிநீராய்
பாழ்மனம் நாடி, ஏங்கித் தவித்துப் பின்
சூழ்நிலைப். புரிந்துனை வாழ்த்துகிறேன் தாயே
வாழ்வாங்கு. வாழ்ந்து செல்வம் பதினாறும் பெறுகவே

- ராணி பாலகிருஷ்ணன்

**

கண்ணோடு கண் நோக்கிய மின்னல்
தண்ணென்று இதயச் சுவற்றில் உரசியதோ
வண்ணக் கனவுகள் வலம் வந்தனவோ
எண்ணம் முழுதும் அவளே நிறைந்தாளே

எனை மறந்தேன் நிலை துறந்தேன் சிலையாகி
சினையான மனதின்  சிறப்பில் நனைந்தேன்
சுனையின் நீருற்றென பொங்கியதே காதல்
பனையாகப் பலதிலும் இனித்தாளே அவள்

அவளும் நோக்கினாள் அ்ன்பைத் தேக்கினாள்
துவளும் நெஞ்சை அணைத்து காதலாளானாள்
உவகை வாழ்வின் எதிர்காலம் காண்பித்தாள்
தவழ்ந்த மனதைத் தாங்கி அணைத்தாளே

சாதி மதச் சேற்றில் சிக்கியது எங்கள் காதல்
ஆதி மனிதர்கள் போலே அடிதடியாகவே
மோதிப் பார்த்தால் காதலன் உயிர்போகுமென
நாதியற்று எனைவிடுத்து மணமும் புரிந்தாளே

உள்ளம் முழுதும் நானே ஐயமில்லை எனக்கு
கள்ளம் இல்லா காரிகை உண்மைக் காதலால்
பள்ளம் என்றறிந்தும் வாழ்வுச் சுழிப்பிளானாளே
வெள்ளப் போக்கில் வேறிடம்  சென்றுவிட்டாளே

காதலில் கட்டுண்ட நானோ கலங்கிப் போனேன்
சாதல் வரை காதல் வருமென நினைத்திருந்தேன்
மோதலின்றி முகிழ்த்த காதல் முனை முறிந்ததே
காதலி என்றிருந்தவள் யாரோவாகிப் போனாளே.

- கவிஞர்  ராம்க்ருஷ்

**

யாரோவாகிப்போன அவள்
அன்று ஆண் மகவையை
ஆனந்தமாகவே பெற்றாள்
ஊரும் உறவும் மெச்சும் வண்ணம்
அன்னை நன்றாகத் தான்  வளர்த்தாள்
தந்தை பொருளுடன் போதிய  
கல்வியும் ஞானமும் அளித்தாள்
மகனுக்கு துணைவியாக பாசமான 
பெண்ணையே மணமுடித்தாள்.
ஆனாலும் தாய் மறந்து போனாள்
மகன்களே இப்படித்தான் என்று.
அவனிதயத்தில் அன்னையவள்
யாரோவாகிப்போன அவள்.

- இரா.அண்ணாமலை, திருவண்ணாமலை

**

கூடப்பிறந்தவரோ பிறவாதவரோ வது
யாராயினும் மொருவரே யெனுமன்பின்
கோட்டைத் தூணாய்த் தாங்கிநின்றாள் யாதொரு பாரபட்ச முமின்றி யவள் 

என்னை மணக்கப் போகிறவர்
என்னிலும் குறைந்திரா திருக்கவே 
வெறுத்து வெறுமனே விட்டுவிடாது கொடுத்து தனக்கு ஈடாக்கி மணந்தவள் 

அரிதாரம் இல்லை அழகிற்கு அறிவே 
அரிதாரம் அழகிற்க்கழகு தருமென 
வருவாயைப் பெருக்க செலவு குறைய 
வழிவகைகளை உணர்த்தியவளவள்

நேற்று ஒரு ஊராகவே மதியாத ஊரை 
தேராக ஊர்ந்து வந்து பெரும் பேராக 
போற்றும் ஊராக நிலைத்து நிற்கச் செய்திட்டவ ளென்றும் யாரிடத்தும் 
பலன்கள் எதையு மெதிர்பாராமல் 
சுதந்திரமாய் தனிமையில் அம்மயில் 

இன்று "யாரோவாகிப் போன அவள் " 
ஊராக ஒடியேற தியாகத்தை புரிந்தவள் 
ஊராரால் அடையாளம் தெரியாமல் 
பாராரால் போற்றப்பட்டப்பின் ஊரார் 
கண்டெடுத்த மாணிக்கமாய் கருதியே 
கண்வடித்து நன்றிதனை சமர்ப்பணம் 

- ஆபிரகாம் வேளாங்கண்ணி கண்டம்பாக்கத்தான்

**

அதிகம் எழுதத் தேவையில்லை
அந்நியப் பட்ட‌தைச் சொல்ல
பாதைகள் விலகிய எண்ணங்கள்  
நெருங்கி நடந்த பாதைகள்
முரண்களில் தெளிந்த பார்வைகள்
தேடுதல் தந்த‌ வாழ்க்கைகள்
தோள்கள் சுமந்த கனவுகள்
தேவைகள் சொன்ன‌ பிரிவுகள்
விலகி விலகின‌  பாதைகள்
எனப் படிமங்களில் எல்லாம் 
அவளே படிந்த வண்ண‌ங்களாய்..
இருந்தும் இன்று
யாரோவாகிப்போன அவள்
நினைவுகள் சுமக்கும் கணங்களில்
என்றும்
யாதுமாகியே நிற்கிறாள் !!

- ரமேஷ் கோபாலகிருஷ்ணன், பீனிக்ஸ், அமெரிக்கா

**

புத்தகப்பை தோள்மாட்டி மழலை பேசிப்
புதிதாகப் பள்ளிக்கு வந்த வள்தான்
சித்திரங்கள் பலகையிலே வரைந்து காட்டிச்
சிரிப்புடனே என்னருகில் அமர்ந்த வள்தான்
பத்திரமாய்க் கமர்கட்டை எடுத்து வந்து
பாசமுடன் நான்கடிக்கத் தந்த வள்தான்
முத்திரையாய் நட்புதனைப் பதித்து நெஞ்சுள்
முன்பருவம் என்னுடனே படித்த வள்தான் !
கண்கொள்ளாக் காட்சியாகப் பருவம் பூத்துக்
கவின்கொஞ்சும் எழிலாக மிளிர்ந்த போது
பண்ணாக அவள்குரல்தான் இனிமை யாகிப்
பசுஞ்சோலை குயில்போல ஒலித்த போது
விண்முகிலின் இடைமறைந்த நிலவைப் போல
விட்டென்னைப் பிரிந்துயர்ந்த கல்வி கற்கக்
கண்மறைந்தே ஊர்மாறிச் சென்ற தாலே
காலத்தால் யாரோவாய்க் கனவாய்ப் போனாள் !
எங்கெங்கோ அலைந்துநானும் அனுப வங்கள்
எத்தனையோ பெற்றின்று முதுமை தன்னில்
தங்கத்தாய் மடியான சொந்த ஊரில்
தாள்பதித்த போதெழுந்த உணர்வைப் போல
மங்கலமாய் ஊர்நடுவில் நின்றி ருக்கும்
மாக்கல்வி தந்தபள்ளி கண்ட போது
எய்கேயோ போனஅவள் நினைவு வந்தே
என்னுள்ளே பரவியதை எப்படிச் சொல்வேன் !

- பாவலர் கருமலைத் தமிழாழன்

**

என் வரவுக்காக வாயிலிலே
காத்திருந்த கண்கள்
நான் கேட்பதற்காகவே
அடிக்கடி சங்கீதமிசைக்கும்
அவளின் கால்கொலுசுகள்
எனது பெயரை
உச்சரிக்கும் அவளிதழ்கள்
எனக்கென பிறந்து
என்னவளாக வலம்வந்தவள்
இன்று பக்கத்துவீட்டுக்கு
சொந்தமானாள்; பழகிய
எனக்கோ யாரோவாகிப் போனாள்...

- கவி தேவிகா

**

அவளே உலகமென்று அவளே அனைத்துமென்று
அவன் கிடந்த கோலத்தை அறிந்தோர் பலருண்டு!
இல்லை அவளென்றால் இவ்வுலகே வேண்டாமென்று
பேசிப் பேசியே நித்தம்  பிதற்றி அவன் அலைந்தான்!
'எப்படி இருந்த அவன் இப்படி ஆயிட்டானே!'யென்று
ஊரெல்லாம்  பேசிற்று! உறவுகளும்  முழங்கிற்று!
மதம் வேண்டாம் இனம் வேண்டாம் மற்ற எதுவுமே
அவர்கள் இணைந்திடவே ஆற்றும் இடையூறென்றால்
அத்தனையும் நீக்கிடுவோம்! அவரிருவர் வாழ்ந்திடவே
இருவரையும் இணைத்திடுவோம்!இன்பத்தை வழங்கிடுவோம்!
என்றே  உறவுகளும்  ஏகோபித்து  நல்  முடிவெடுக்க 
நன்னாள்  ஒன்றில்  நடத்தினர்  திருமணத்தை!

ஆசை அறுபது நாள்! மோகம் முப்பது நாளென்று 
சொல்லியவர்கள் வாய்க்குச் சொடுக்கிடுவோம் சர்க்கரையை!
அவன் போடும் காபி அவளுக்குப் பிடிக்கலையாம்!
அவளுக்கோ சமையலென்றால் என்னவென்றே தெரியலையாம்!
இருவருக்கும் தினந்தினமும் மூண்டிட்டாம் பாரதப்போர்!
வீட்டிற்  குள்ளிருந்து  வீதிவரை  வந்த  சண்டை
கோர்ட்டுக்கும் போயிற்றாம்! கொடுத்திட்ட தீர்ப்பதுவோ
இருவரையும் பிரித்துவைக்கும் இனிமையில்லா விவாகரத்தாம்!
விட்டுக் கொடுக்கவில்லை! விரிவான பொறுமையில்லை!
கட்டுக்  கடங்காத  காதல்   என்றதெல்லாம் 
விளையாட்டாய்ப் போயிற்று!வீதியெல்லாம் சிரித்திட்டு!
யாரோவாகிப் போனாள் அவள்!ஜீரோவானான் அவன்!

- ரெ.ஆத்மநாதன், அமெரிக்கா

**

காதலித்து திருமணம் செய்து கொண்டால் காலம் முழுவதும் களிப்புடன் வாழலாம் கொள்கை யடிப்படையில் காதல் பிறந்ததால் கருத்துமாறுபாடு வாராது காக்கலாம் எடுத்ததற்கெல்லாம் சாத்திரம், சம்பிரதாயம், சகுனம் சடங்கு முன்னோர் வழி  என்று பார்ப்பவள் எனது இல்லாள், எது வாழ்வில் பாதகமாக நடந்தாலும் எடுத்ததற்கெல்லாம் நாள், கிழமை, நல்லது கெட்டது பார்ப்பவள், அதனால்தான்   இது நடக்கவில்லை “மிகவும் கறாராக கடைப்பைடிக்க என்னை வற்புறுத்துவள் எத்தனை நாள் விட்டுக் கொடுப்போம் ஒத்துப் போவோம் என முயன்றாலும் ஏற்றுக் கொள்ள முடியாதவை சில வந்துவிடும் வேலை செய்யவந்தனுக்கு கூலி விளக்கு வைத்த பின் பணம் கொடுப்பது, எடுத்ததற்கெல்லாம் கணக்கு பாராது இரைப்பது இடுக்கு முடுக்காகி மனக்கசப்பு தொடர்ந்தாற்போல் நடந்து பிரிவாகிவிட்டது எவ்வளவுதான் அன்பாக நடந்து கொண்டாலும் சொன்னபடி கேட்டு நடந்தாலும் வந்திடும் திடீரென்று ஒரு பிரச்னை எங்கோ புறப்பட்டு கொண்டிருப்போம் நண்பர் வருவார் சீட்டுக்கட்டை அடிக்கி கோட்டை கட்டி அது இடித்து விழுந்திடும், அதபோல கெட்டுவிடும்   சிதைந்து விடும் இணக்கம் முட்டைமுடந்தியதா? குஞ்சு முந்தியதா/? எப்படியோ முறிந்திடும் வாட்டி வதைக்கின்றாள், வணிதாமணி வலுவில் போய் பேசினாலும் வராது ஒற்றுமை வலுக்கட்டாயமாக இங்கே வரவழைக்க முடியவில்லை யாரோவாகிப் போனவள் போட்டிகளில் கலந்து வென்றவள்தான்! பொருத்தமான ஜோடியில் போய் வென்றுள்ளோம் வாட்டி வதைக்காமல்  வந்துவிடுவாளானால் எனக்கு அதுவே போதும் யாரோவாகிப் போனவள் இன்று என்னெதிரே நடமாடி கொண்டுதான் இருக்கிறாள்   பெற்றவர்கள் சொல்லியும் கேட்காமல் தனியாக வாழ வழிதெரிந்து கொண்டாள்! யாரோ பெற்ற சீமாட்டி இன்று என்னை தனிமைப் படித்து விட்டு தனியாவர்த்தனம் செய்கின்றாள் சிரிக்கின்றாள் நானோ தனியாய் தவிக்கின்றேன் அழுகின்றேன்
 
- கவிஞர் அரங்க.கோவிந்தராஜன், இராஜபாளையம்

**
காதலித்தேன் போக்குக்காட்டினால் பின் ஆதரித்தாள், மாதரசி கைப்பிடித்தேன் மகிழ்வாய் வாழ்ந்திருந்தோம். போதவில்லை வருமானம் சொல்வதை எல்லாம்செய்ய ! போனாண்டு தான்வாங்கியவை மிக்ஸியும் கிரைண்டரும் புதுசுவந்துள்ளது வசதியோடு விளம்பரத்தைக் காட்டினாள். கைகொண்டு எடுக்க கொண்டு எடுக்க வேண்டாம் மாவை,கவிழ்த்தினால் விழும் தன்னால்,கழுவுவதும் சுலபமென்றாள் கைப்பிடியே இல்லாத ஜாருடன் வாங்கி விட்டோம் மிக்ஸியை கண்டிப்பாய் மாற்ற வேண்டுமென்றாள் காட்டினாள் விளம்பரத்தை கைக்கு அடக்கமாக கைப்பிடிகளோடு ஜார்களெல்லாம் பிரமாதம்
வேண்டாம் என்றால் கேட்கவா போகிறாள் வாங்கிவிட்டோம் அக்கம்பக்கதாரை அழைத்துக் காட்டி பெருமை படுவாள் ஆனந்தம் துணி வைக்க சரியாக அலமாரி இல்லை தோழிவீட்டில் பார்த்தேன் தோதகத்தி மரத்தில் வார்னிஷ் அடிக்க வேண்டாம் கூடத்துக்கு அழகு ஆணி அடிக்க வேண்டாம் தொங்கும் ஹாங்கரெல்லாம் பிரமாதம் அதற்குள்ளேயே அமைப்பாய் அப்படியே பட்டுப்புடவை தொங்கும் இரும்பு பீரோ வுக்குள் இருந்தால் கறுத்துப் போகும் ஜரிகையெல்லா இனிமேல் கேட்கமாட்டேன் இத்தோடு நிறுத்திக்கோள்வோம் என்றாள் ஓகே சொல்லிவிட்டேன் உடன் அலங்கரித்தது ஹாலில் அழகாய் ஒரு பிளாட் வாங்க ஒதுக்கியது காலி அடுத்த நிலுவையில் பார்க்கவேண்டும் இப்படியே நிலைமை தொடர்ந்த தாலே நெருக்கடியில் நானிருந்தேன் அக்குவா சுத்திகரிப்பு , வடமாநிலச்சுற்றுப்பயணம் இவற்றுக்கு அச்சாரம் தோழியர் அனைவரும் சேர்ந்தே வீட்டுமனை ஒன்றாக கட்ட திட்டம் நல்ல வேளை நகை சீட்டு இல்லை நிறைய வட்டி தரும் நிறுவனத்தில் தோழிகளுடன் சேமிப்பு வீடு கட்டமுனைப்பு இவையெல்லாம் என்னை துரத்தியது ஆம்! நான் தனி இனிமேல் அவள் யாரோவாகிப்போனாள் 
        
- கவிஞர் .ஜி.சூடாமணி

**

இன்னொரு வீட்டில் ஆண் ஒருவனுக்கு தாரமாக ஆகி, அந்த வீட்டின்
மருமகளாக ஆகி பின்
தாயாக ஆகி
குடும்பத்தலைவியாக
ஆகி
என் குடும்பம் என்று
தன் புகுந்த வீட்டின்
பெயரை நிலை நிறுத்தி,
என்னை விட்டு புதுக்குடும்பத்தை உருவாக்கி,
யாரோவாகிப் போன‌
அவர்கள், என் மனைவியைப்போல
இல்லத்து அரசிகளே! அவள் அவர்களே.

- களக்காடு வ.மாரிசுப்பிரமணியன் 

**

சீரோடும் சிறப்புகளைத் தந்த ருள்வாய்
……….சிங்காரத் தோற்றமுடன் திகழ வென்றும்.!
ஆரோக்கி யக்கிரகம் என்பார் உன்னை
……….ஆருக்கும் உன்னைப்பி டிக்கும் உண்மை.!
வேரோடு அழித்துவிடு விரோத எண்ணம்
……….விரைந்துமன இருளைநீக்க வருவாய் நீயே.!
யாரோவா கிப்போன நீநி லாவே
……….யாரெல்லாம் உனக்கடிமை சொல்லு நீயே.!
.
 மண்மீதில் வாழ்தற்குப் பற்று வேண்டும்
……….மனத்துள்ளே அதைவளர்க்க உறுதி வேண்டும்.!
எண்ணத்துள் எத்துணையோ ஆசை உண்டு
……….யாரறிவார் அத்துணையும் எங்கே காண.!
கண்முன்னே காதலிக்க அனைத்தும் உண்டு
……….கடவுளரே அன்பாலே படைத்தார் எல்லாம்.!
வெண்ணிலவை உலகுக்குக் கொடுத்த தாலே
……….வியந்துன்னைக் கவிகளுமே காத லிப்பார்.!

இறைவனாகப் பார்க்கின்றார் ஏக்கத் தோடே
……….இங்கெல்லாம் உன்னையறி யாதார் உண்டோ.!
மறைவதுமே உதிப்பதுமே உன்வா டிக்கை
……….மனதுக்குள் ஏற்படுத்தும் உன்னின் தாக்கம்.!
மறைந்திருந்து மேகத்தில் விளையா டினாலும்
……….மனதுக்குள் நீயாரோ வாகிப் போனாய்.!
குறையிலாமல் எழுதவைத்த முழுநி லாவே
……….கவிகளெலாம் கூப்பிட்டால் விழுமா காதில்.!
 
- கவிஞர் பெருவை பார்த்தசாரதி

**
மலைப்போடு மேகமெல்லாம் விண்ணெங்கும் நீந்தும்
பெண்ணவளின் பேர் சொல்லி
மின்மினிகள் பறக்கும்
அணங் கவளின் வதனத்தால் மயில் அக விக் கலையும்
கார்முகிலும் குமுறிப் பின் மண் மீது குலுங்கும்,
அலுங்காது மரங்களெங்கும் சிலுசிலுப்பு படரும்
அவனி எங்கும் இரவினிலே 
ஆழ்ந்து நல் உறங்க
ஆழ்மனதின் ஓசையது அனாகதமாய் ஒலிக்கும்
நீ இல்லா நினைவுகளோ
தீயாகச் சுடவே
அன்பிலும் - ஆசையிலும் வார்த்தைகள் தான் தோயும்
காதலது காற்றினிலே காத தூரம் செல்ல
கண்ணாட்டி மறந்தாலே மனசார என்னை - என
கலைந்த மேகங்கள்
கை கொட்டி சிரிக்க
ஏனோ அறியேன் - எதற்கென்று தெரியேன்
இப்போதும் உருகுகிறேன் - யாரோவாகிப் போன அவளுக்காக.

- செந்தில்குமார் சுப்பிரமணியன்

**

உயிரும் உடலுமாய்க் கலந்திருந்தாள்
உருகியெனை அன்று அன்பு செய்தாள்
எருமையேறாஅவ் எமதூதர்
எனைக் கவர்ந்தெங்கோ கொண்டு சென்று
ஒருவருமறியா வதைகள் தமை
ஒருங்கே ஆங்கு பரிசளிக்கப்
பெருக விழிநீர் உகுத்தவள் தான்
அருகில் நான் அற்றுப் போனதனால்
தரு நீரொழியப் பசும்பாலுண்
குருகாயிருக்க மறந்தனளோ?
பெருந்துயரில் எனை மூழ்கடித்து
அருகில் கண்டும் ஆரோ போல்
"ஒரு பறவை" என மதிமயங்கி
கருநாகத்துடன் போந்ததென்ன...!

- குகதர்சனி

**

பழகிய காலங்கள்
அரும்பிய வார்த்தைகள்
மயங்கிய கோலங்கள்
சுற்றிய நகரங்கள்
துணையாய் வருமென்ற
நம்பிக்கை
பொய்த்த பின்
எங்கே சென்றாளே
என் இதயம் தின்று
காற்றோ அலையோ
மாறித் திரும்பிய
பந்தாய் தாக்கி
வடிவிலியாய் எங்கு
போனாளோ
நினைவினைக் கொடுத்து....

- ப.வீரக்குமார், திருநின்றவூர்

**

காதல் என்ற
ஒற்றை வார்த்தையில்
உள்ளத்தை நிறைத்து
உணர்வினை ஊட்டி
அரும்பிய உதடினால்
விரும்பிய இடத்தில்
ஒத்தடம் தந்து
உயிரே நீ என்றாள்
உலகம் உன் இதயமென்றாள்
என் வேலைச்சுமையால்
சிறு காலம் ஓடிட
பின் தேடினேன் ஓடினேன்
கரம் பிடித்த கண்ணாளா
எனும் கொஞ்சும் மொழியுடன் இளைஞனொருவனிடம்
கற்பனையைக் கிளறி விட்டு
காட்டாற்று வெள்ளம் போல்
மனதில் புகுந்து மரண அடியாய் விழுந்து
காதலி என்றவள்
இன்று யாரோ
ஒருத்தியாய் எனைக் கடந்து
கைகள் கோர்த்து நடந்தாளே!....

- முகில் வீரஉமேஷ், திருச்சுழி

**

அருந்தவம் புரிந்து
அடிமடியில் சுமந்த
அரிய பொக்கிஷமாம்
அன்பு மகள் அவளை
அமுது புகட்டி
அறுசுவை உணவு படைத்து
அள்ளி எடுத்து
ஆராரோ பாடி உறங்கச்செய்து
அல்லும்பகலும் காத்துவளர்த்த
அன்பு அன்னையையும்

அழகு தேவதையாக
அற்புத கவிதையாக 
அகத்தில் நிறைத்த
அருமைத் தந்தையையும் பிரிந்து
இதயமதை
இரும்பாக்கி கொண்டு
யாரோவாகிப்போனாள்  அவள்
யாரையோ.கைபிடித்து சென்றதால் !

- ஜெயா வெங்கட், கோவை 

**

முதல் முதலாய்
அவளைக் கண்டவுடன்,
மெல்லிய துணியுடன்
எவரெஸ்டிலா இருக்கிறோம் ?
சிலுசிலுப்புடன் நான் –--
மதுவிற்குள் தேன் கலந்த உதடுகள்
அவற்றில் ஒரே ஒரு
முணுமுணுப்பு போதும்
நான் ஊமை –--
விரல்களில் எனக்கு
நீ கட்டை விரல் ,
அதனால் அதில்
மோதிரம் அணிந்தவன் நான்---
கைகள் கோர்க்காத
கடற்கரை நடைகள்—
மெய்கள் படாத “மெய்”காதல் அது—
சமயம் வந்ததும் “சமயம்” நுழைந்தது .
“ஸ்டேட்டஸ்” பிறந்தது –
புதிய மாப்பிள்ளையுடன்
நெருக்கும் உறவினர் –
ஒரு செயற்கை திருமணத்துடன்
நாளடைவில் அவள் இயற்கையானாள்—
யாரோவாகிய அவளின்
நினைவலைகளுடன்  
கடற்கரையில் மீண்டும் நான் –

- கவிஞர் டாக்டர்.  எஸ். . பார்த்தசாரதி 

**

பார்த்து - பேசி - பழகிய முகமொன்று
என்னை நோக்கி என்னருகே வந்தது..
நீங்கள்.. யாரென்று நான் யோசித்தபோதே
அவள் பேசத் தொடங்கினாள் - நான்
உன் தோழனாய் இருந்தவன் - இன்று
உன்முன் தோழியாய் நிற்கிறேன் என்றாள்..
ஏன் இந்த திருநங்கை கோலமென்றேன்..?
இது இறைவன் தந்த கோலம்
நாளாக.. நாளாக.. மாற்றம் கண்டன
என் உணர்வுகள் பெண்தன்மை கொண்டன;
ஆண்-பெண் சமத்துவத்தை - இறைவன்
அகிலத்தில் வைப்பதற்கு பதில் - மறந்தாற்போல
எங்கள் தேகத்துக்குள்ளே வைத்துவிட்டாா்போல;
எல்லோரும் கடவுளின் படைப்பு என்றுரைத்துவிட்டு
எங்களைப் பாவத்தின் படைப்பாய் பார்ப்பதேனோ..?
எங்கள் குடும்பமும்  உறவும் - ஏன்
எங்கள் உயிரான சில நட்பும்கூட
அருவருப்பாய் பார்த்தன ; வெறுத்தன- 
நாங்கள் தொட்டு ஆசிர்வதித்தால்
நலம்பெருகும் என்றுரைக்கும் சமூகம் -
எங்களை ஒருபோதும் ஆசிர்வதிப்பதில்லை-
நாங்கள் வேண்டுமென்றே - யாருக்கும்
தொல்லைகளை கொடுப்பதில்லை - எங்களுக்கு
தோள் கொடுக்கும் உறவுகள் இல்லை -
தேள்போல் கொட்டும் உறவுகளே அதிகமுண்டு -
இறுதியாய் கண்ணிர்மல்க  என்னிடம் கேட்டாள்
என் குடும்பம் நலமா என்று...?
நலம்தான் என்றுரைத்து - அவளுக்கு
நம்பிக்கையான வாா்த்தைகளையும் கூறிவிட்டு -
அவ்விடமிருந்து  அவளிடத்தே விடைப்பெற்றேன்;
இன்றும் அவளது  வாழ்க்கையொரு....
விடையறியா வினாத்தாள் தான்.....?
இன்று  - அவள் குடும்பத்திற்கே
அவள் யாராவாகிப் போனாள்...!

- கவிஞர். நளினி விநாயகமூர்த்தி

**
உனக்காக  நான் எனக்காக நீ 
உயிர் உள்ள வரை பிரியோம் !

உடல் இரண்டு உயிர் ஒன்று 
உள்ளம் இரண்டும் ஒன்றானது !

உலகமே எதிர்த்தாலும் நான் 
உந்தன் கரம் பிடிப்பேன் !

நான் இன்றி நீ இல்லை 
நீ இன்றி  நான் இல்லை !

என் வாழ்வு உன்னோடுதான் 
உன்னைப் பிரிந்தால் உயிர் வாழேன் !

இப்படியெல்லாம் சொன்ன அவள் 
இன்று என்னோடு இல்லை !

காலத்தின் கோலம் பிறந்தோம் 
கள்ளி என்னை மறந்தாள் !

வேறு ஒருவன் கரம் பிடித்து 
வசதியாக குழந்தைகளுடன் !

யாயும் ஞாயும் யாரா கியரோ
யாரோவாகிப் போன அவள் ! 

- கவிஞர் இரா .இரவி

**
மனதில் மலரும்  உணர்வுகளை 
தினம் ஒரு கவிதையாக எழுதி 
மனம் விரும்பும் என  அனுப்பினால் 
படித்த நீ  யாரோவாகிப்  போனாயே!
நான் எழுதும் கவிதைகள்  
வான் வழியே  வர இயலாததால் 
கண் கொண்டு படிக்கும் புத்தகமாக 
கொடுத்ததால்.......
யாரோவாகிப் போனாயே!
காட்டில் பறக்கும் பறவை  ஒலியுடன் 
நாட்டில் நடக்கும் எதை பார்த்தாலும் 
உன்  முகமே  தெரிந்தாலும் 
நீ ஏன் "யாரோவாகிப் போனாய்"
என்று மனம் கேட்கும்  
கேள்வியின் விடைதான்  என்ன?
அறிய துடிக்கும் மனதுடன் 
அனுப்புகிறேன்  என் தூதினை!
பதில் சொல் பெண்ணே!
மதில்மேல் பூனையாய்  தவிக்கும் 
என் மனம் தேடும்    நிம்மதிக்காக  
பதில் சொல் கண்மணியே!

- உஷாமுத்துராமன். மதுரை 

**

அகரங்களை அர்த்தமாக்கி ஆளுமையாக்கிய
ஆரோகண ரேகையவள்!
நிகரின்றி நானிருக்க இன்று
யாரோவாகிப் போனவளும் அவளே!
இருட்டுப் பாதையிலும் குருட்டுப் பாவியெனை
கைபிடித்து கரை சேர்த்தவள்!
விடியல் வந்ததும் கை தடி தந்து
விலகிச் சென்றதும் ஏனோ!
வார்த்தையில்லா வருடல்களை
தன் பார்வையாலே பரிசளித்தவள்!
நீர்த்திவலைகளை என் நேத்திரங்கள் உதிர்த்த
தீர்ந்திடாத வலியுணர்த்தி தூரச்சென்றாளே..
இவன் உயிர்த்தீயும் உறைந்து போக!

கீர்த்தி கிருஷ்

**

நேற்று வரை அவளுக்கு ராஜ உபசாரம் 
சற்றும் குறைவில்லா கவனிப்பு ...அவள் 
மேல் அப்படி ஒரு அக்கறை !  ஒரு கருவை 
சுமக்கும் தாய் அல்லவா அவள் !
பெற்றெடுத்தாள்  ஒரு குழந்தையை அவள் 
இன்று ! மாறி மாறி குழந்தையை தூக்கி 
கொஞ்சுது உறவினர் கூட்டம் !
மறந்தும் கூட பிறந்த குழந்தை அவள் 
கையில் இல்லை ! நேற்று வரை அவள்தான் 
எல்லாமே ! ஆனால் இன்று யாரோவாகிப்போன 
அவளை கவனிப்பார் யாரும் இல்லை !
யாரோவாகிப் போன  அவளுக்கு அதில்  வருத்தமில்லை !
வாடகைத் தாய் அவளுக்குத் தெரியாதா 
என்ன ...அவள் எல்லை எது வரை என்று ?

- K.நடராஜன் 

**
முத்தமிழும் செந்தமிழும் பைந்தமிழும் போல,
    முகிழ்த்திருக்கும் நூறுதமிழ் சுவைமறந்து, இன்று 
பித்தரென எந்தமி்ழர் தமிழ்ச்சிறப்பை உணராப் 
    பிழைப்பாலே பொதுவறிவை இழந்துவிட்டு நாளும்
முத்திருக்கக் கிளிஞ்சலினைப் பற்றுகிற பாங்கில் 
    முடமாகி ஆங்கிலமும் பிறமொழியும் ஏற்று 
நித்தமிங்கே பிழைப்புக்காய் கற்க,யாரோ வாகி 
    நசிந்துபோன அவள்என்றன் தமிழ்த்தாயே அந்தோ! 

தமிழராகப் பிறந்துவிட்டு தமி்ழராக வளர்ந்து 
    தமிழராகத் தமிழ்க்கல்வி கற்கமட்டும் வேற்று 
மொழியினராய் நடிக்கின்ற தமிழரெல்லாம் வீணாய் 
   தமிழ்க்கற்றால் வேலையுந்தான் வாய்க்காதே என்று 
அமிழ்தமொழி தமிழ்தன்னைப் புறந்தள்ளும் ஈன 
   அறிவிளிகாள் கூற்றாலே எந்தமிழர் 
தாயும்
தமிழர்க்கே யாரோவா கிப்போன அவள்தான் 
    தனிச்சிறப்பு செம்மொழியாள் என்பதையும் மறந்தர்! 

மயில்சாமி அண்ணாது ரையும்அப்துல் கலாமும் 
   மாத்தமி்ழைக் கற்றுத்தான் அறிவியலில்  வென்றர்;
வெயிலில்தான் நிழலருமை தெரியுமென்பர்; வேற்று 
   வெயில்மொழியால் நிழல்குளுமை தமிழருமை தெரியா
வயிற்றுப்பி ழைப்புக்காய்த் தாழ்ந்துபோன தமிழா 
    வழிமாறி போகாமல் வளத்தமிழை ஏற்பாய்;
உயிரற்றப் பிண்டமான தமிழராலே இன்று 
    யாரோவா கிப்போன அவள்தான்தாய்த் தமிழே! 

-"நெருப்பலைப் பாவலர்" இராம இளங்கோவன், பெங்களூர்

**

வரும் பாதையில்
கொடிமலர் என அசைந்து புன்னகைத்தேன்
பார்த்த மாதிரியே தெரியவில்லை என்னை
நூலகக் கூடத்தில்
எதிரில் அமர்ந்து அவளை வாசித்தேன்
புத்தகத்தை மூடிவைத்துப் போனாள்
உணவகத்தில்
உட்கார்ந்தேன் அவளருகே
குப்பைக் கூடையில் கொட்டிச் சென்றாள்
அன்றருளிய அமுதை
அம்மன் சந்நிதியில் காத்திருந்தேன்
அவள்வணங்கும் பொழுதறிந்து
வெளிக்கும்பிடு போட்டு விரைந்து மறைந்தாள்
இரவலர்க்குப் பிச்சையிட்டு
தொடர்வண்டியில் ஏறிச் சென்றாள்
தண்டவாளத்தில் நசுங்கிக் கிடக்கிறேன்
சோடா பாட்டல் மூடியாய்
முன்பொருநாள்
அவள்மடியில் நான்கிடந்து குழல்கோதிவிட்ட
அந்தக் காட்சி மட்டும் ஒட்டிக்கிடக்கிறது
எல்லாத் திசைகளிலும்

-கோ. மன்றவாணன்

**
 
பெண்கள் காப்பகமே 
கற்பை சூறையாடிப் போவதையும்!
கோயில் கர்பகிரஹத்திலேயே
சிறுமிகள் சீரழிக்கப் படுவதையும்!
பாதிரியார்களே சிறுமிகளை 
சின்னா பின்னப் படுத்துவதையும்!
முகம்மூடி ஆடையணிந்தாலும் 
காமுகனின் கதிர்வீச்சுப் பார்வைக்கு 
பலியாகும் செய்தி கேட்டும்!
மாநகரப் பேருந்தில் பயிர்ப்பு இழந்தும்!
ரயில் நிலையத்தில் உயிர் இழந்தும்!
முக்காடு போட்டவளையும்
முதிர்கன்னியானவளின் நிலையறிந்தும்! 
பள்ளியே அறையையே பள்ளியறையாக்கும்
பாதகத்தை அறிந்தும்!
கலை வித்துவான்களின் 
விருப்பத்தை நிறைவேற்றியே 
அரங்கேற்றம் செய்ய வேண்டிய 
அவல நிலை கேட்டும்!
காவிகளே காமன் அவதாரம் 
எடுக்கும் நிலையை எண்ணியும்
மனம் வெம்பி,சுய நினைவிழந்து 
யாரோவாகிப் போன அவளை!
யார் வருவார் மீட்டெடுக்க?

- கு.முருகேசன்

**

தூங்கும்போதில் விரல் சொடுக்கி
என்  உயிரைத் தாங்கும்
என் உயிர் சகியே! 
நாடு காக்கின்ற   நன்றி மிகுந்த
இனங்களம்மா!
அன்பு எனும் சொல் தேடி
முகமதுநபி புராணத்தில்
அகிலத்து அகராதியில்
தேடித்தான் பார்க்கின்றனர்! 
தெரசாவின் இன்முகம்
மறந்து போன 
திரைமறைவு காலன்
நிகழ்த்திய போரினிலே சின்னஞ்சிறு 
குழந்தைகள் முகம் பார்க்காமலே
மரித்துத் தான் போனேனே !
பிஞ்சுவிரல் தொட்ட
என் கண்ணாடி புகைப்படம்
கண்ணீரால் கசங்கித்தான் கிடக்கிறது!
உடல் மட்டும்தான் அழியும் என்றால்
யாரோவாகிப்போன அவளாய்
நீ நிற்க மாட்டாய்! 
இனவெறி மதவெறி கடந்து ஒன்றாகிய
எங்கள் வாழ்வு நாட்டுநலனுக்காக
அர்ப்பணம் என்பதால் பெருமிதத்துடன்
உன்னருகில் ஆத்மாவாய் 
காத்துக்கொண்டே சிரிக்கின்றேன் !
ஆயிரம் உண்டிங்கு சாதி
பாடிய புலவரை வாழ்த்தி
நாட்டைக் காக்கும் காந்திவழி
நன் மக்களை வளர்த்திடும் பொறுப்பை
பிரிய சகியான நீயும் செய்திடுவாய்!
இந்தியத்தாய் வயிற்றினில்
பிறந்த நீ ஒன்றுபட்டால்
உண்டு வாழ்வு என்றே 
உணர்த்தி வாழ்ந்திடுவாய்!
பூவும் பாட்டும் பொட்டும் என்றுமே 
பெண்ணுக்கு உரிமை என்று கண்ணீர் இல்லாமல்
வந்தேமாதரம் என்றே முழங்கிடுவாய்!
என்று முடியும் என்ற மகனின்
வினாவிற்கு யாரேனும் பதில்
சொல்வாரோ! !
-- சீனி

**

எதிர் வீட்டு ஜன்னலில்
எத்தனை நாள் பூத்தது?!
ஏக்கத்துடன் என்னை மட்டும்
எப்படி எல்லாம் பார்த்தது?

விழித்திரையைத் தாண்டி நிதம்
விபரீதங்கள் விளைத்த சுமை
விளக்கிடத்தான் கூடிடுமோ?
விவரிக்க மனம் விரும்பிடுமோ?!

கல்லால் ஆன எம்மிதயத்திலே
கடுகி காதல் முளைத்ததுவோ?
காலங்காலமாய் நிலைத்திருந்த
குலப் பெருமைக்கு இழுக்காகிடுமோ?

பாவையின் பார்வைக்குத் தடைபோட
பலநங்கையர் பேசிடும் விருந்தானேன்
காலமும் அவளுக்குக் கைகூடிடவே
கணவனுடன் வந்து வணங்கினாளே!

நித்தமும் பார்த்த அவளது முகம்
நினைவுகளில் கனவுகளில் மிதக்க
யாரோவாகிப் போன அவள் வாழட்டும்
யான் சொல்லாமலே மனம் கூறிடுதே!.

- புலவர் களந்தை நரசிம்ம சுப்பிரமணியன், சிறுமுகை

**

இன்று வெறும் கல்லாக  இருப்பதை 
நாளை யாவரும் வணங்கும்  
தெய்வ சிலையாக  வடித்த  சிற்பியின்  
தொய்வான நிலைபோல  நீ  ஏன் 
யாரோவாகி போனாய்.......
புரியாத புதிராக மனம் குழம்பியதே!
கோவிலுள் குடியிருக்கும்  தெய்வ  
சிலையினை  வடித்த சிற்பியே  
ஆயினும்   கோவிலினுள்ளே   நுழைய   
வரிசையில்  காத்திருக்க வேண்டும் என்பது 
போல.......மனம்  விரும்பிய  உன்னை 
காண  நான்  காத்திருக்கிறேன் 
என்ற உண்மை தெரிந்தும்  நீ  
யாரோவாகி  போனதற்கு   காரணம்தான்  என்ன?
முரண்பாடுகள் கொண்ட வாழ்க்கையில் 
எதை அதிகம் நேசிக்கிறோமோ  அது 
விலகி விலகி சென்று துன்பத்தில் 
தள்ளுவது  போல   உன்னை நேசித்த 
என்னை விட்டு நீ விலகி  
யாரோவாகி  போனாய்?  இதன் 
காரணத்தை அறிந்தால்  
மரணத்தைக்கூட நிம்மதியாக ஏற்பேன்!
சொல்லடி  என் சிவசக்தி!
  
- பிரகதா நவநீதன், மதுரை  

**
நீரோ நெடும்புனலோ நெஞ்சையள்ளும் மணிச்சரமோ
தேரோ தேனிசையோ தென்றலாட்டும் மெல்லிசையோ
சோராக் கற்கண்டோ செங்கரும்புச் சுவைதானோ
வேரோ சந்தனமோ முகர்ச்செண்டின் நல்மணமோ
ஈரோ இளங்குளிரோ குளுமைகொண்ட சுனைநீரோ

தீராவளம்  அருளும்   பொன்னி என்னும் 
பேரும் கொண்ட அன்னையெங்கள் காவிரிதான் 
பாராமல் வாராமல் பயிரெல்லாம் வாடவிடும்
யாரோவாகிப் போன அவள்

- கு. இராமகிருஷ்ணன் - வடக்கு அயர்லாந்து

**
இந்த இருள்காட்டின்
மெளனத்தைச்
சப்தப் பின்னங்களாக்கிப்
பின்தொடரும்
சலங்கை ஒலிகள்
யாருடையவை?

யுகச் சந்தியின்
இருண்மைக் கணத்தில்
கனவுகளில் நெய்த
முகத்தில் தெறிக்கும்
நட்சத்திரச்சத்தங்கள்
யாருடையவை?

முள்தைத்த மென்மலர்ப்
பாதத்திலிருந்து
எடுத்து வீசிய முள்ளால்
யுகங்கள் முடிந்த பின்னும்
நித்தம் இரவில்
நெஞ்சைத் தைக்கும்
கண்கள் யாருடையவை?

சாலையின் கூட்ட நெரிசலில்
ஒருகணம் எறிந்து விட்டுக்
கடந்த பார்வையில்
சட்டென்று மின்னிய
கவிதைகள் யாருடையவை?

எங்கோ ஒரு பர்ணசாலையில்
தொடங்கிய காலடி ஓசைகள்
எங்கோ ஒரு ஷாப்பிங் மாலில்
தொடர்ந்து கேட்டதே
அந்தப் பாதங்கள் யாருடையவை?

அடர்காட்டில்
தாகத்துக்குத்
கையில் தண்ணீர் ஊற்றி
யுகங்கள் கழிந்து
பழச்சாறுக் கடையில்
திராட்சை ரசத் தம்ளரை
முகம் அறியாது என் கையில்
கடத்திய கைகள் யாருடையவை?

யாதுமாகி நின்றாய் நீ எனக்கு
என்று என் கல்லறையில்
எழுதி விட்டுச் சென்றவள், இன்று
யாருடையவள்
யாரோவாகிப் போன அவள்?

- கவிஞர் மஹாரதி

**


 

]]>
poem, she, poetry, kavithaimani, கவிதை, தினமணி, யாரோ https://www.dinamani.com/specials/kavithaimani/2019/feb/21/கடந்த-வாரத்-தலைப்பு-யாரோவாகிப்-போன-அவள்-வாசகர்-கவிதைகள்-3100201.html
3095137 ஸ்பெஷல்ஸ் கவிதைமணி கடந்த வாரத் தலைப்பு நீர்ப்பரப்பில் ஒரு மீன்! வாசகர் கவிதைகள்! கவிதைமணி DIN Monday, February 18, 2019 12:51 PM +0530 நீர்ப்பரப்பில்  ஒரு மீன்

நீர் தான் உயிர்; நிலம் கல்லறை
என்று மீனுக்குத் தெரியும்
தெரியாதது நீரு ம்கல்லறை என்று

நீந்திச் செல்லும் நீர்
கனவின் திரவ வடிவம்;
கனவின் சுழல்களில்
நிஜத்தின் பாம்புகளும்
பின்தொடரும்

கரையில் காத்துக்
கொண்டிருக்கின்றன
தூண்டில்கள்
நீரில்காத்துக்
கொண்டிருக்கின்றன
பசி கொண்ட
சிவப்புப் பற்கள் முதலைகள்

செதில்களின் ஊடாகக்
காற்று உயிர்ப்பின்
கீதம்வாசிக்கும்
நீச்சல் சுகமானது
நீச்சல் விதியானது

மெளனமாய்ச் சொட்டும்
கண்ணீருக்குக்
நீரே கல்லறை

நீச்சலும் எதிர்நீச்சலும்
நிம்மதி குலைத்தாலும்
நீருள்ள வரை
நீச்சல் தொடரும்
அநித்தியம் இங்கே
நித்தியமானது எனினும்

- வேலாயுதம் மாரியப்பன்

** 

தன்நிகர் துணைதேடியே
  தித்திக்கும் கனவோடு
நீங்காத நினைவோடு
  அங்குமிங்கும் அலைமோதும்

மங்கையின் கன்னிமனம்....
  அத்தானின் அன்பைப்பெற
தத்தித்தாவி குதித்தாடும்
  தத்தை நெஞ்சம்....

நீர்ப்பரப்பில் நீந்தும்
ஒற்றை மீன்போல
காதல்கடலில் தத்தளிக்கும்
தாரகையின் கயல்விழிகள்...

- கவிஞர். க. இராமலெட்சுமி, தென்காசி

**
நீர்ப்பரப்பில். ஒருமீன்
ஊருக்குவெளியேசிவன்கோயில்
வேரறுக்கும் பாவம்வந்தனைசெய்தாலென
குளத்தருகேகை,கால்,முகம்கழுவ
தளத்தருகேசென்றனம்யாம்இன்று.

நீர்ப்பரப்பில்ஒருமீன்,பெருமீன்
பார்பாரெனகவர்ந்து இழுத்து
உயரத்துள்ளித் குதித்ததுஅழகாய்
வயிரம்பாய்ந்ததன்உடல்வளைத்து.

கைநிறையப்பொரிநீரில்இட
மைநிறத்து கருமீன் அதுவும்
வாய்திறந்துஉணவுஉண்ண
மாய்மாலம்பலவும்செய்ததுவே .

பொரிமிதக்கநீரில்,சிறுமீன்களும்
சாரி,சாரியாய்சுற்றிநீந்திவர
வாரிஅள்ளிஉண்ணமுயன்றதம்மா
நீர்ப்பரப்பில்யாம்கண்டமீனதுவும் .

- திருமதி ராணி பாலகிருஷ்ணன்

**
நீப்பரப்பில்  வாழும் 
உயிரினம் மீன்  -   அதில் 
குளம்,  குட்டை, என்பதுடன் 
பாட்டில், தொட்டில்   என 
மனம் விரும்பும்  இடத்தில் 
வளரும்  ஒரு மீன்.......
அது சொல்லும் வாழ்க்கைப்படம் 
அறியாயோ மானுடனே!
நீர் வளம் குன்றினால் 
மீன் வளமும் குன்றுமே!
இயற்கையினை நேசித்து 
செயற்கையினை பின் தாலி 
காப்போம் நீர் வளத்தினை!
நீர் இருந்தால் மீன் உண்டு 
இதைப் படைத்த இறைவன் 
நமக்கு சொல்லும் பாடம்!
"நீர்ப்பரப்பில் ஒரு மீன்"  போல 
உற்சாகத்துடன் சுழன்று சுழன்று 
வாழ்ந்தால் வெற்றி நிச்சயம்" என்பதுதானே?

**
மீனினை க்கண்டு நாரையின் 
கண் பிதுங்கியதோ வதனைக் கண்டிட்டு 
கோரையினிடையில் ஒதுங்கியதோ 
உயிருக்கு ஆபத்தென வெதும்பியதோ 
நீர்ப்பரப்பில் ஒரு மீன் தனிமையில் 
கடவுளே யென்னை காப்பாற்றென 
தண்ணீரில் கண்ணீர் ததும்பியதே 
எவர் கண்ணேனும் கலங்கியதோ 

காதலைத் தெரிந்தவள் காத்து நிற்பாள்
மீனுக்கு ஏங்கும் நாரையைப் போல் 
காதலை அறியாதாள் பூத்து நிற்பாள்
தேவையற்ற ஒன்று என்று இவற்றுள் 
ஒருத்தி கவலையில் ஏங்குவாள்
ஒருத்தி கவலையின்றி தூங்குவாள்

இங்கே மீன்விழி கொண்ட பெண்மான் 
மலர்விழிகளிலும் அவ்வச்சம் தீராது 
அரங்கேறும் அவல நிலைகள் தானே 
வெட்டவெட்ட துளிர்விடும் முருங்கை 
மரத்தைப் போன்றன்றோ துளிர்விடும் 
வண்ணமாகவே இருக்கின்றது முடிவு 
ஒன்று உண்டாகுமா துடிக்கின்றது 

- ஆபிரகாம் வேளாங்கண்ணி, கண்டம்பாக்கத்தான்

**
ஆகாய வெளியோ
அம்மாவாசை இரவோ
அதற்கு தெரியாது.
வெண்ணிலவின் ஒளியோ
வண்ணவில்லின் நிறங்களோ
அதன் மேல் பட வாய்ப்பில்லை
அலைகளின் ஆர்ப்பரிப்பும்
வலைகளின் சலசலப்பும்
கேட்காது .
பசியுடன் வட்டமிடும்
பருந்தைப் பற்றிய
பயமும் அதற்கு இல்லை.
சுவைக்க உணவு உண்டு !
சுவாசிக்க பிராணவாயு உண்டு !
சுற்றி நின்று கைதட்டும்
கூட்ட மும்   அதற்கு உண்டு ! 
அந்த  இல்லத்தின்
செல்வத்தைப்பெருக்க
கண்ணாடிக் குடுவைக்குள்
விடப்பட்ட
நீர்ப்பரப்பில் 
நீந்திக்    கொண்டிருக்கும் வண்ண மீனாம்
வாஸ்து மீன் தான் அது.!

- ஜெயா வெங்கட், கோவை

**
முதலையாக இருந்திருந்தால் நீர் நிலம் இரண்டிலும் வாழலாம்
மீனாக இருப்பதால் நீரில் மட்டுமே வாழலாம்!

மீனவனின் வலையில் சிக்கியது மீன்
மீனவன் படகில் வைத்திருந்தான் மீனை!

சிங்கள் இராணுவம் வந்து சிறை பிடித்தது
சோகத்துடன் இருந்த மீனும் இலங்கை சென்றது!

நேரம் கடந்ததால் மீனின் உயிர் பிரிந்தது
நேரத்தே தமிழகம் வந்திருந்தால் குழம்பாயிருக்கும்!

யாருக்கும் பயன்படாமல் காய்ந்து கருவாடானது
யாராவது பேசி படகு மீட்பார்கள் என்றிருந்தான்!

கேள்வி கேட்க நாதியே இல்லை இங்கு
கண்டபடி சுடுகிறான் வலையை கிழிக்கிறான்!

படகையும் பறிக்கிறான் மீனையும் சிதைக்கிறான்
பாதிக்கப்பட்ட மீனவனுக்கு நிவாரணம் கிட்டவில்லை!

வயிற்றுப் பிழைப்பிற்காக கடலுக்குச் சென்ற மீனவனின்
வயிற்றில் அடிப்பதை வாடிக்கையாகச் செய்கிறான்!

உலகமகா ரவுடியாக கடலில் வலம் வருகிறான்
ஒருவருமே அவனை ஏன் என்று கேட்பதில்லை!

மீன் கருவாடாவது போலவே மீனவனும் கருவாடாகின்றான்
மீனவனின் பாடு மீனை விட கொடுமையானது!

காக்கை குருவியென சுட்டுத் தள்ளுகிறான்
காட்டுமிராண்டியை விட மோசமாக நடந்து கொள்கிறான்!

மனசாட்சி இல்லாத மிருகமாக சிங்களப்படை
மனிதாபிமானமற்ற முறையில் தினமும் தாக்குகின்றான்!

மீனவனின் வாழ்வில் விடியல் என்றோ தெரியவில்லை
மீனவன் தினமும் செத்து செத்து பிழைக்கின்றான்!

- கவிஞர் இரா .இரவி

**
வான்பரப்பில்  கணக்கற்ற  விண்மீன்கள்  நீந்த,
    முகிலழுக்கைத்  தின்றுதூய்மை  ஆக்குவது  மில்லை; 
மான்போன்ற  விலங்கினங்கள் வனப்பரப்பில்  வாழ்ந்தும்,
    மான்சிங்கம்  ஒன்றிணைந்து  வாழ்வதுவு மில்லை;
ஊன்பரப்பில்  மாந்தரென  வாழ்கின்ற  மாந்தர், 
   ஊனமனம்  இல்லாமல் மண்பரப்பி(ல்) இல்லை; 
மீன்ஒன்றே  இருந்தாலும் நீர்ப்பரப்பி(ல்) அழுக்கை, 
    மகிழ்வுடனே தின்றுதூய்மை காக்குமென்று ணர்வீர்! 

நீர்ப்பரப்பில் அழுக்கினையும் மீன்தின்று தூய்மை 
    நன்னீராய் மாற்றுகின்ற சீர்குணம்போல், மண்ணின் 
சீர்ப்பரப்பில்  வாழ்கின்றோர் மனத்தினிலே  அழுக்கை 
    சேர்க்காமல் நீக்கியேதான் நன்னிலமாய் மாற்ற 
நேர்மைமிகு மெய்பரப்பில் தூய்மைகாக்க வேண்டும்; 
     நேர்மறையாய் எண்ணங்கள், செயற்பாடு வேண்டும்; 
நீர்ப்பரப்பில் வாழ்ஒருமீன், நிலப்பரப்பில் வாழ 
     நினைத்தல்போல், தீயமாந்தர் நினைப்பிருந்தால்  சாவே! 

மலைபரப்பில் சுனைநீரும் மூலிகையு மிருக்கும்; 
    வேர்ப்பரப்பில் மரங்களுந்தாம் நிமிர்ந்துநிற்கும்; சீரும் 
அலைபரப்பில் கடற்கரையும் மகிழ்ந்திருக்கும்; ஓடும் 
     ஆற்றினது பரப்பினிலே புதுப்புனலும் துள்ளும்;
கலைபரப்பில் தமிழ்க்கலைகள் புகழோங்கி நிற்கும்;
     சிலைபரப்பில் சிற்பியவர் திறன்மிளிர்ந்து  மின்னும்;
நிலப்பரப்பில் மாந்தயினம் அறமின்றேல் வீழ்வர்;
     நீர்ப்பரப்பில் ஒருமீன்தான் எனினுமது  வாழும்!

-"நெருப்பலைப் பாவலர்,"இராம இளங்கோவன், பெங்களூர்

**
வங்க கடலில் - அன்று
வந்த பெரும் புயலில்
வலையில் அகப்பட்ட மீனாய்
நாங்களே சிக்கிக் கொண்டோம்...

உதவி உதவி' என
உரைக்க உரைத்தோம்...
தவித்தோம்.. தத்தளித்தோம்...

வளர்ந்த தொழில்நுட்பம் - எங்களிடத்தே
விரைந்தே வாராதோ..? மீண்டும்
வாழ்க்கை தொடராதே..? - என்றே
வான் நோக்கி கிடந்தோம்.....!

எங்கள் யாக்கையே படகானது
எங்கள் கைகளே துடுப்பானது
நிச்சயம் கை கொடுப்பாரென்று
நீச்சலையே தொடர்ந்தோம்...

நேரமாக..நேரமாக - உடலோடு
மனம் சோா்ந்தது..கண்ணீர்வந்தது -
எங்களின் நிலைக்காக அல்ல
எங்களையே நம்பி இருக்கும்
எங்களின் குடும்பத்தின் நிலைக்காக...?
என்னாகுமோ..? ஏதாகுமோ..?என்றெண்ணி..

இறுதியில் எங்களை நோக்கி
ஒரு கயிறும் வந்துவிழுந்தது
பிடித்து ஏறிச்சென்றப் பிறகும் -
'நீர்ப்பரப்பில் ஒரு மீனாக'
எங்கள் உடல்மட்டும் கிடந்தது...
கயிற்றினை உற்று நோக்கினோம்
அது காலதேவனின் பாசக்கயிறு....!

- கவிஞர். நளினி விநாயகமூர்த்தி

**
தண்ணியிலே  மீனுண்டு 
தரையிலே  மான் உண்டு
என்ற  பாடல் வரிகளில் 
மீனின் சுவாசம் நீர்ப்பரப்பில்தான்
என்று உணர்ந்து 
கடவுள் படைத்த  படைப்புகளில் 
மீனை.....................ரசிப்போம்!
வண்ண வண்ண  மீன்களை 
எண்ணம் போல நீர்நிறைந்த 
தொட்டிகளில்  வளர்ப்பதில் 
எத்துணை  இன்பம் வைத்தாய் 
அத்துணையும்  எனக்குள்  
வைத்தாய்  இறைவா!
உறக்கம் அறியா நீர்ப்பரப்பில் 
கிறக்கமின்றி  சுற்றி சுற்றி  வரும் 
மறக்க முடியா  சுறுசுறுப்பை 
கற்போம்  மீன்களிடம்.................
அதுதான்  வாழ்வின்  வெற்றிப்படி!

- உஷாமுத்துராமன், மதுரை

**
சிறுமியர் விளையாடும்
ஓட்டாஞ்சில்லை குளத்து நீரில்
ஓரக்கண்ணால் எறிந்தபோது 
துள்ளி துள்ளி ஓடுவதுபோல் 
நீர்பரப்பில் துள்ளி துள்ளி 
நீந்தி சிலிர்க்கும் ஒரு மீன் !

அமைதியான நீர்பரப்பில்
ஆதவன் கதிர் ஒளியில்
பல வண்ணங்களில் 
நீந்தி விளையாடும் 
ஒளிரும் மீன்குஞ்சுகள் !

புரண்டு ஓடும் நதியில் 
ஆனந்தமாக குளிக்கும்போது
நம் பாதங்களை மட்டுமல்ல
நம் உள்ளங்களையும் 
முத்தமிடும் மீன்கள் !

கதிரவனின் ஒளிக்கதிர்கள்
பறக்கும் பறவை ஒலிகள்
பதுங்கும் நண்டுகள் 
மணக்கும் தாமரை மலர்கள் 
கண்ணாடித் தொட்டி நீரில்
தேடித் தேடி காணாமல் 
கவலையுடன் நீந்தும் மீன்கள் ! 

- பொன்விலங்கு பூ.சுப்ரமணியன், வன்னியம்பட்டி

**
இறைவனது படைப்பில்
நிலையாமை நிலை நிதர்சனம்.
அறிவு ஒன்றோ  ஆறாகவேயிருப்பினும் 
வாழ்வும் முடிவும் யாரறிவார்.
நல்லிரவில் நல்லதொரு 
மழை நின்ற நேரம்
நல்லதும் சாரையும் பிணைந்து
சென்றிடலாம், ஏனோ, தன் மன
மகிழ்ச்சி வந்திடும் வேளை, 
தானே உணவாகிடும் தவளை.
மக்களாட்சி, மக்கள் தேவைக்கென
வந்திடுவோர், கை குவித்து கும்பிடுவோர்,  
வீட்டு வாசல் தன்னில் பல் இளித்து 
பசப்பு வார்த்தை பல பேசிட.., 
கேட்போர்,கேட்டோர், சேர்ந்தே, 
தன் வாக்கினை தானே அளிப்போர், 
தம் வாழ்வை இப்பாரினில் தானே இழப்பர்.
நீருக்குள் இருக்கும் சுகமாகவே மீன்,
கரையில் கொக்கு நாரையுடன் தொலைவில் 
உள்ள பருந்தும் பறந்தே வந்திடும்
தானாகவே வந்து தன்னுயிரை 
உணவாகவே தாரை வார்க்குமாம் 
நீர்ப்பரப்பில் ஒரு மீன்.

- இரா.அண்ணாமலை, திருவண்ணாமலை.

**
சுற்றி சுற்றி வருது  அந்த ஒரு மீன் 
மீன் தொட்டியில் தனியாக !
தன் துணை மீனையும் இன மீன்களையும் 
காணாமல் தவிக்குது இன்று !
நேற்று வரை ஒரு பெரிய தொட்டியில் 
அந்த மீன் ஒரு கடையில் !
வாஸ்து மீன் அந்தஸ்த்தில் அந்த மீன் 
இன்று ஒரு சிறிய தொட்டியில் ,ஒரு 
வீட்டின் மூலையில் !
வாஸ்து மீன் வந்த மகிழ்ச்சியில் அந்த 
வீடு ! தங்கள் அந்தஸ்து உயரும் என்னும் 
நம்பிக்கையில் வீட்டில் எல்லோரும் ! 
தான் ஒரு வாஸ்து மீன் என்று புரியாமல் 
தொட்டியில் தனியாக சுற்றி சுற்றி மற்ற 
மீன்களைத் தேடுது அந்த ஒரு மீன் ! 
என்ன அய்யா உங்கள் வாஸ்து மோகம் ?
மீன் தொட்டியில் தனியாய் தவிக்கும் ஒரு மீனுக்கும் 
நீர்ப் பரப்பு விடுத்து  நிலத்து  மண்ணில் துள்ளித் 
துடிக்கும் ஒரு மீனுக்கும் இல்லை பெரிய வித்தியாசம் !
வாஸ்துவின் பெயரால் அவஸ்தை மீனுக்கு ! இது 
புரிய வேண்டாமா நமக்கு ? தொட்டியில் மீனை நம் 
வீட்டில் சிறை வைக்க உரிமை ஏது  நமக்கு ? விட்டு 
விடுவோம் மீனை அதன் வீட்டில்! பெரிய நீர்ப்பரப்பில் !

- K.நடராஜன் 

**

ஆர்ப்பரிக்கும் அலைப் பரப்பில் நாரைகளும் மொய்திருக்க 
பார்த்திருந்து காத்திருந்த பருந்து பல சுற்றிவர
தேர்ந்ததொரு மீனவனும் தூண்டில் கொண்டு நின்றிருக்க
சோர்வுமின்றி  மீனுமொன்று  களித்தல் அங்கே காண்பீரே!

ஊர்முழுதும் தீமைபல ஓங்கி நின்றபோதும் என்ன?
யார்வரினும் எவர்வரினும் ஊக்கமது போதும் - என்றும்
நேர்மையுடன் நீதியதை நெஞ்சில் தினம் நீயும் கொள்க
நீர்ப்பரப்பு மீனதுபோல் உவகையுடன் வாழ்வை வெல்க!

- கு. இராமகிருஷ்ணன், வடக்கு அயர்லாந்து.

**
நீரேயில்லாதஇடத்தில்
உயிர்கள்இருந்துஎன்னபயன்????
ஆளேயில்லாதஊரில்
ஆலைகள்கட்டிஎன்னபலன்???
மொழிகள்தெரியாத
ஊரில்கண்ணிருந்தும்
என்னபயன்???
ஒரேயிடத்தில்நின்றுகொண்டு
இருப்பிடம்வரவில்லை
என்றுசொல்லிஎன்னபலன்????
இங்கு  ;படிப்பிலேசாதியில்லை ___ ஆனால்
படிப்பதற்குஅதில்;
முன்னுரிமைகொடுப்பதற்குசாதியுண்டு
எங்கும்போட்டி
எங்கேயும்பொறாமை
உழைப்புஅதிகம்
ஊதியம்குறைவு
நல்லவழிகாட்டி 
நல்லதலைவர்இன்றுஇல்லை
என்னசெய்வது?
நீருக்கடியில்மீனாக
அழுகின்றேன்
யாரேனும்நான்
அழுவதைதெரிந்துகொள்ளவருவாரா??
என்றுஏங்கிதவிக்கும்
நீர்ப்பரப்பில்ஒருமீனாகத்திரிகின்றேன்நானும்….

- களக்காடுவ.மாரிசுப்பிரமணியன்

**

நீருலகம் விட்டு நிலவுலகம் காண விரும்பிய மீன்
ஈருலகும் தனக்குப் பாதுகாப்பென எண்ணியதே
ஊருலகு அறியா மீனை அனுபவ மீன்கள் விளிக்க
சேருலகின் கட்டுப்பாடு பிடிக்காமல் மறுத்து நின்றதே

வெள்ளி மினுக்கலில் முகம் திருப்பிய மீனவனும்
அள்ளிச் செல்லலாம் இன்று மீன்களை என எண்ணி
துள்ளும் மீனைப் பார்த்தே நடைபயின்று வந்தானே
சுள்ளி பொறுக்குவது போல் அந்த மீனைப் பிடித்தானே

இரும்புப் பிடியில் சிக்கிய மீன் துள்ளித் தப்ப நினைத்து
திரும்பி வாலால் அடித்திட அவனும் அதைத் தாக்கினானே
விரும்பிய வாழ்வில் இத்தனைச் சிக்கல்களா வருந்தியே
துரும்பான தன்னால் ஆவதொன்றில்லை என நினைத்ததே

அறிவுரை சொல்லிய சமூகத்தை புறந்தள்ளியதால்தானே
கறியாகப் போகிறேன் இவ்வுலகு வாழ்வு நீத்திடுவேனே
கொறித்துப் பல்லால் காயமுண்டாக்க கை நழுவியதே
பறித்த இலையாகத் தண்ணீரில் பாய்ந்த உள்சென்றதே மீன்.

மன்னிப்பீர் அன்பு மக்களே புற உலகு மோசம் தான்
அன்புலகம் இங்கிருக்க நான் சென்றது தவறுதான் என
தன்நிலைகூறி அழுதிட தேற்றின சோதர மீன்களுமே
வன்கொடுமையற்ற தன்னுலகு சென்று அமைதியாயினவே

நாவில் நீர் ஊறும் நீர்ப்பரப்பில் மீன் கண்டால் மனிதர்க்கு
ஈவின்றி இரக்கமின்றி பிடித்திடுவர் நன்றாய் சுவைத்திடுவரே
சாவின்றி சரித்திரம் படைக்க முடியாதுதான் என்றாலும்
பாவி உயிரை சில காலமேனும் பாதுகாக்க வேண்டாமோ

நீர்ப்பரப்பு மீனின் ஞானோதயம் வழிநடத்தும் பெரியோர்
ஊர்ப்பரப்பில் சொல்லும் அனுபவங்களின் அடிப்படையே
ஆர்ப்பரிப்பில் துள்ளிக் குதித்து துன்பச் சேற்றில் விழாமல்
நேர்ப்பரப்பில் நிலையாக நின்று வாழ்வு வாழ்ந்திடணும்.

- கவிஞர்  ராம்க்ருஷ்

**

நீர்ப்பரப்பில்உள்ளவொருமீனைக்கொத்த
    நின்றிருக்கும்கொக்குகளைப்போலவின்றோ
ஊர்த்தெருவில்நடந்துவரும்பெண்ணைக்கொத்த
    உள்ளார்கள்கண்விழித்துக்கயவரிங்கே !
வேர்போன்றதமிழ்ப்பண்புஒழுக்கமெல்லாம்
    வேற்றுமொழிக்கல்வியினால்போனதாலே
சீர்போலப்பெண்களினைமதித்ததெல்லாம்
    சீர்கெட்டுப்போனதுவேநாட்டிலின்று !

துள்ளியெந்தஅச்சமின்றிநீர்ப்பரப்பில்
    துடிப்புடனேநீந்துமொருமீனைப்போல
நள்ளிரவில்ஒருபெண்தான்தனியாய்வீதி
    நடந்துவரத்திகழ்வதுவேநல்லநாடு !
கொள்ளிப்போல்தூண்டிலினைப்போட்டுமுள்ளில்
    கொத்திமீனைத்துடிதுடிக்கப்பிடித்தல்போன்று
கள்ளமனக்காமுகர்கள்தெருவிலின்று
    கற்பழித்துவீசுகின்றநாடாயிற்று !

கடல்நீரில்குளநீரில்ஏரிநீரில்
    கயல்களெல்லாம்துள்ளிவிளையாடல்போன்று
மடவார்கள்சுதந்திரமாய்நடக்கவேண்டும்
    மாண்புடனேஅவர்களினைநடத்தவேண்டும் !
குடம்போன்றதொட்டிக்குள்வளர்த்தல்போன்று
    குலவிளக்கேஎனவீட்டுள்அடைத்திடாமல்
முடமின்றிப்பல்துறையில்பறக்கவிட்டால்
    முன்னேறும்வீட்டோடுநாடும்நன்றாய் !

- பாவலர் கருமலைத் தமிழாழன்

**
துன்பமின்றி இன்பத்தில் 
துள்ளி விளையாடி 
ஆய்ந்தோய்ந்து குளத்தில்
அல்லும் பகலும் 
அல்லி மலர் மீதினில்... 

சோடிவெள்ளி மீன்களும் 
இன்னல் ஏதுவுமின்றி 
பள்ளிக் கொண்டு நித்தம்
இச்சை இன்பம் களித்து

பச்சைப் பாசிகளில்
இரைத்தேடி இனிதாய்
இயற்கையும் செழிக்க
வாழ்ந்து  மகிழ்ந்த அந்த 
வசந்த காலம் இன்று 
வறண்ட காலம் ஆனதால்...

வெந்தழல் நீரில் 
வெந்து சாகும் மீனும்
வேறுவழி இல்லாமல் 
வெப்பம் தணிந்திட 
குளிர் காற்று வாங்க 
நீர்ப்பரப்பின் மீதினிலே
ஓடி வந்ததோ..?

- கவிஞர் பி.மதியழகன்

**
நிலத்தினிலே பிறக்கின்ற உயிர்க ளெல்லாம்
……….நித்தமுமே காத்திருக்கும் உணவுக் காக.!
இலக்காக பல்லுயிர்கள் ஒன்றுக் கொன்று
………இயற்கையாக உணவாகும் நியதி உண்டு.!
பலவகையாய் உணவுகளில் பிடித்த தாக
………பல்லுயிர்கள் சுவைப்பதுமே மீன்கள் தானே.!
நலமுடனே நீண்டவாயுள் அதற்கு இல்லை
………நீர்ப்பரப்பின் மேல்வந்தால் வாழ்வு மில்லை.!
.
பாவமான சன்மங்கள் பலதில் “மீன்கள்”
………. பலருக்கும் உணவாகும் பாவ ஜீவி.!
ஏவப்பட் டதோட்டாவும் உயிர்கு டிக்க
……….ஏறாள மீன்களுமே வலையில் சிக்கும்.!
சாவதற்கே பிறந்திருக்கும் சாபச் சன்மம்
……….சாப்பாட்டில் ருசிதருமே நாவிற் கின்பம்.!
காவலுக்கு யாருமில்லை உயிர் காக்க
……….கடவுளுமே படைத்தாரே கணக்கி லாது.!
.
நீர்ப்பரப்பில் மிதந்துவரு மொரு மீனை
……….நீள்பார்வைக் காட்சியிலே கழுகு கண்டு.!
போர்வேகம் கொண்டதொரு திறமை யாலே
……….பொத்தென்று கொத்திவிடும் அலகி னாலே.!
கார்மேகம் கலைவதுபோல் கலைந் தாலும்
……….கத்திபோன்ற சுறாக்களுக்கும் உண வாகும்.!
ஆர்கதியை என்னவென்று யாரறி வாரோ
……….ஆபத்தே வாழ்க்கையாகும் அவலம் காண்பீர்.!

- கவிஞர் பெருவை பார்த்தசாரதி

**
இயற்கை நிலையில் இப்போதெல்லாம் அரிது
  என்றாலும் மீனின் பெருமை உணர்கின்றேன்
செயற்கை முறையில் மீனை ரசிக்க ஆசை
  என் நண்பனின் உதவி கோரினேன் அவனும்
முயற்சி செய்து முன்மொழிந்தான் சில அதன்
  மூலம் மீனை ரசிக்க அதுவும் தினமும்
முயற்சிசெய்கிறென் முடிந்தால் செய்யுங்கள்
   முயன்றேன் மீன் பற்றி அறிந்தேன் விரைந்தேன்
துவார்ப் கோரா:-இது எதிலும் வளர்க்கலாமென்றனர்
    அறை உஷ்ணமே போதும் வண்ணமுடையது

பாசி,பூச்சி சாபிட்டே வாழும் இதன் அற்புதம்
 நம்போல் வெளிக்காற்றை சுவாசிக்கம் நீருக்குள்
துவார்ப் கோரா 2 என்பதும் செமக்கவர்ச்சி அழகாய்!
  இன்னும் ஒரு வகை ரயின்போ ஸார்க்
இதுவும் அழகுதான் எல்லா வண்ணங்களிலும்
  புரத உணவு போதும் எங்கிறார். இதில்
தொட்டியை நாம் சுத்தம் செய்ய வேண்டு இல்லையேல்
  நாறும் யாரும் ரசியார் வெட்கமாகிவிடும்
கப்பீஸ் இது ஒரு வகை, 4சிசி பெரியது
 கவர்சிகரமானது ! வேண்டும் அதுவே சுத்தம் செய்யும்      
தங்க மீன் இது பார்ப்பவர் ரசிப்பர் பளபள மீன்
  எவ்வளவு போட்டாலும் சாப்பிட்டுவிடும்
யார் வேணுமானாலும் வளர்க்கலாம் இதை!
 தொட்டியில் வளர்க்கலாம் டேங்கில் எதிலும்1
ஐந்து வகை மீன்களை ரசித்தேன், வாங்கி
  வளர்கக துணிந்தேன் எதை? முடிவு செய்யவில்லை!

- கவிஞர்   ஜி. சூடாமணி, இராஜபாளையம்

**

மீன் களில் எத்தனையோ வகை யுண்டு  அவையெல்லாம்
 கண்முன்னே காட்சியாய் தெரிகிறது கலை இங்கே!
மீன் அவதரமாய் பெருமாள் மனுவின் கண்ணுக்குப்பட்டார்
 வேதத்தை காக்க எடுத்தது மீனின் தோற்றம் விளம்புவார்
மீனினை கொடியில் பொரித்தான்  பாண்டியன் அன்று
  மீனை கண்ணாய் பெற்றவள் பராசக்தி அதனால் மீனாட்சி!
மீனை திருமலாய் ! அவதரமாய் துதிக்கின்றார் வைணவர்கள்
  இந்நாளில் எழிலுக்காய் வீட்டில் வளர்க்கின்றார்
தொட்டிக்கு மேற்புறம் வந்து நம்மைப் போல் சுவசிக்கும்
  மீன் ஒரு வகை அதுதான் தூவார்பு ஒன்று, இரண்டு

தொட்டிக்கு அடியிலேயே தங்கி வாழும் ஒரு வகை
   ஆம் அது வானவில் சார்க் ! அழகாய் தோன்றுகிறது
தொட்டிக்குள் வாழும் கபீஸ் வகைகூட சிறப்பானது
   எல்லாவற்றுக்கும் மேலாக எல்லார்க்கும் பிடித்தது
தொட்டியில் வளரும் தங்கமீன் ஒரு வகைதான்
   மனிதனைபோன்றே நிறைய உண்ணும் கழியும்
தொட்டி துப்புறவு அவசியம் இல்லையேல் கழிவுகூடும்
   தோரணையாக மீன் வளர்க்க ஆரம்பிதேன் மகிழ்ச்சி!

- அரங்க.கோவிந்தராஜன், இராஜபாளையம்

**

மெல்லப் பேசத் துவங்கினோம்.

குளம் தாண்டி வாய்க்கால் வழியோடி
ஓடைகளும் குதித்தோடி ஆறுகள் நீந்தி
கடல் பார்க்கும் கனவுண்டோ ?

இல்லாத இமை மூடி
கண் திறந்தே உறங்குகையில்
கடல் கனவும் வருவதுண்டு.
மேலே துள்ளிக்குதித்து தலைதூக்கி
கடல் காணும் தூரத்தை
நானும் தான் அளப்பதுண்டு.

இன்னும்
குளத்தின் கரையே தாண்டவில்லை
எவ்வளவு நாள் ஆகும்
கடல்தூரம் வசப்படுமா ?

தெரியும் தெரியும்
ஒரு பெருமழை போதும்
கண்மாயும் கரை புரண்டால்
நீ நின்று பேசும் இந்த‌
உதவாக் கரைகள் தாண்டி
ஓடைகளுள் புகுந்திடுவேன்
ஓடைகள் தொட்டுவிட்டால்
ஆறுகளும் சாத்தியமே.

என்ன கோபம் ?
மனதில் பட்டதையே கேட்கின்றேன்.
வலைகளுக்குள் அகப்பட்டால்..?
எப்படிக் கடல் சாத்தியம் ?

நான் சிக்கிப் போனாலும்
நான் சுமக்கும் என் கனவு
வலைகளுக்குள் சிக்காது
வலைகளை நினைத்தே நான்
என்னை நானா சிறை வைப்பேன் ?
நீலவண்ணக் கடல் கனவை
நாளும் வளர்ப்பேன் நான்
முடிந்த வரையும் நடப்பேன் நான்.

மேலே துள்ளிக்குதித்து தலைதூக்கி
கடல் காணும் தூரத்தை
மீண்டும் அளந்துவிட்டு
நீர்ப்பரப்பில் துள்ளி ஓடியது மீன்..

நீர்ப்ப‌ரப்புக் கண்ணாடி முகம்காட்ட
களித்துத் துள்ளிய கனவுகளோடு 
பேசத் துவங்கினேன்.

வலைகளென்ன செய்துவிடும் 
ந‌ம் கனவுகளை ?
துள்ளிக்குதித்து தலைதூக்கி
நம் கனவை தினமும் அளப்போம்.

- ரமேஷ் கோபாலகிருஷ்ணன், பீனிக்ஸ்

**
தேன்சொட்டும் மலராகம் அமர்ந்த அறுகாற்ப்பறவையாய்
நான் மயங்கிய மதியழகாள்  மீன்விழி
மான்போல மருங்கிடினும் மதியகலா தமிழ்விழி
நித்திரை தொலைக்கவைக்கும் முத்திரை விழி
கண் கண்டதும் விளித்திடும் கவிதைமொழி
வரிப்புலியாய் எமை வார்க்கும் மறவிழி
நேர்கொண்ட பார்வையினால் நிமிர்ந்திடும் நிறைவிழி
கார் உள்ளளவும் கடல்நீர் உள்ளளவும்
இப்பார் உள்ளளவும் பண்பகலா பதுமைவிழி
விரிகடலும் வானும் வியக்கும் வியன்மொழி
நல்லோர் போற்றும் பணியாற்றும் நயன்விழி
தகைமைசால் தமிழ் போற்றும் தனிவிழி
பெண்ணியம் போற்றும் கலனான புதுவிழி
கேடுவரும் முன்பே விழிக்கும் நல்விழி
மட்டில்லா புகழுடை மறபுகாக்கும் மான்விழி
மானத்தை உயர்வாய் போற்றும் மதிவிழி
மரணமே வரினும் மடமைக்கு அஞ்சிடாது 
மானத்துடன் ஆர்த்தெழுந்து முழங்கும் விழி
தேன்சொட்டும் மலரான என்னவள் கயல்விழி

- கவிமுகில் ராம் விஜய் சென்னை

**

மீன் விழியாளே, உன்னை கண்டதும் ,
விண்மீனாய்  வந்தது  காதல்!
கரையை  சேர்ந்த  அலை  போல  உணர்ந்தேன் !!
கண்மை பூசிய உன் கண்கள் பனித்தபோது,
அந்த கடலும் உன் விழிநீரில் ஆனதோ என்றெண்ணி சோகத்தில் மூழ்கினேன்!
ஊடலில் நீ மௌனம் காத்தபோது,
நிலப்பரப்பில்  விழுந்த  மீனாய் துடித்தேன்!
என்னோடு  நீ  கைகோர்த்ததும் ,
கடல்  மீனாய்  இருந்த  என்  வாழ்வில்,
தனித்துவத்துடன்  மாறினேன்,
நீர்ப்பரப்பில்  ஒரு  (சுறா) மீனாக!

- பிரியா ஸ்ரீதர்   

**
நீலநிறம் பொருந்திய மீனே - இவ்வண்ணம்
நீபெற்று அழகுற என்ன தவம் செய்தையோ!
கோல மயிலும் உன்னிறமது கோவிந்தனாம்
கோபால கிருஷ்ணின் நிறமன்றோ!

வானும் நீல நிறம் கார்பெருகி வீழ்ந்து
நீர்பெருகியப் பார்க்கடலும் நீல நிறம்
அமுதளிக்க விசமருந்திய ஆதிமூலனும் நீலநிறம்
அழகுமிளிர் நீலக்கயலே நீயறிவாயோ?

நீர்பரப்பில் நீயும் நிலப்பரப்பில் நானும்
நீண்ட வான்வெளிப் பரப்பில் வளியொளியுமாய்
காணும்யாவிலும் காட்சியாய் காட்சிக்குச் சாட்சியாய்
பிரபஞ்ச நீட்சியான யாவுமொன்றேயாம்!

- கோ. ஹாலாஸ்யம் சிங்கப்பூர்.

**
அலையாத மனமெங்கும் சிலையாக நிற்கும்
கலையாத மேகமென கண்களும் கவி பாட
மலைக்கு முன் வதனமதில்
மை விழி உன் மையல்
தலை தூக்கும் நினைவுகளில்
நிலை பார்த்து தகிக்கும்,
வலை வீசும் கண்களது - நீர்
திவலைகளால் சூழ
அலைகடலின் நடுவினிலே
ஆர்ப் பரிககும் உள்ளம்
இமை மீதில் மீன்களென
இரு விழியில் உருளும்
கருவண்டு நடனமென
காண்போரும் களிக்க
ஆகாய கங்கையதில் மங்கை
அவள் நளினம், நீர்ப்பரப்பில்
மீனெனவே - நாளுமிங்கே துள்ள
நாட்களும் முன் செல்ல
நானும் இங்கே தொலைவில்
மானென்றும் - மீனென்றும் சொன்ன சொற்கள் மறைய
வெவ்வேறு உலகங்கள் - நமை
ஆட்கொண்ட தென்ன?
நாளும் நினைவுகளும்
நீர்ப்பரப்பில் துள்ளும்
மீனென்று _ நான் உள்ள
கழுகான சுற்றம் -வளைத்தோர் நாள் தூக்கி அந்த மீனைத் தான்
தின்னும்.

- செந்தில்குமார் சுப்பிரமணியன்

**
நீர்ப் பரப்பில் ஒரு மீன்
தெளிந்த நீரோடையில் ஓடும் மீனே! 
தெவிட்டாத இன்புறுவேன் உன்னை காண்கையிலே! 
சுறுசுறுப்பாய் இயங்கும்  மீனே! 
சோம்பலை நீக்குவேன் உன்னை காண்கையிலே! 
ஒன்றாய் அலையாய் வருவாய் மீனே! 
ஒற்றுமையை உணர்ந்தேன் உன்னை காண்கையிலே! 
கண்ணைப் பறிக்கும் வண்ண மீனே!
உன்னில் கண்டேன் வசீகரமே! 
உன்னைப் பார்த்து நீந்த செய்தேன்! 
உன்னைப் பார்த்து வாழ்க்கை அறிந்தேன்! 
ஐந்தாம் அறிவில் இருக்கும் நீ    ஆறாம் அறிவை வென்றுவிட்டாய்-
மீனே! 
ஜலத்தில்  இருந்தாலும் நீ
கணித்து வாழ்ந்திடுவாய்-  நாங்கள்
நிலத்தில் இருந்தாலும் நிம்மதியாய் வாழ்வதில்லை! 
நீர்ப்பரப்பில்  மீனாக நீ...
நிலப்பரப்பில் மானிடனாக நான்...

- செந்தில்குமார். மு - ஓமன் 

**
நீர்ப்பரப்பில் ஒரு மீன் - கைகெட்டும் தூரத்தில்
பிடிப்பதற்குள் பாய்ந்தது நீருக்குள்  

வேலை வாய்ப்பும் கண்ணெதிரே - முயற்சிப்பதற்குள்
வேறொருவர் அவ்விடத்தில்

உயர்கல்வி வாய்ப்பு கண்ணெதிரே - முடியவில்லை 
பொருள் இல்லாமையால்

பதவி கண்ணெதிரே - முடியவில்லை
ஜாதியில்லாமையால்

நீர்ப்பரப்பில் ஒரு மீனாய் - கைக்கெட்டும் தூரத்தில்
இருந்து வாய்க்கு எட்டவில்லை.

சமுதாயத்தில் வாய்ப்புகள் கண்ணெதிரில் இருந்தும்
சமூக சீரழிவு காரணமாக கைக்கெட்டவில்லை.

நீர்ப்பரப்பில் ஒரு மீன் 

- ஆம்பூர் எம். அருண்குமார்

**
நம்மைப்போல விண்ணிலும் உண்டோ ?
மேலே வந்து,
நட்சத்திரங்களை ப்பார்த்து,
கண் சிமிட்டிவிட்டு மீன்கள்
மீண்டும் உள்ளே பதுங்கின !
என்ன பயம் ?
ஆழ்கடல் ஆராய்ச்சி செய்த மீன்களை
ஆழாக்கு நீரில்
அழ வைப்பான் ?
ஆற்றுக்குள் ஆட்டம் போட்டிருந்த
மீன்களை தொட்டிக்குள்
பூட்டி வைப்பான் ?
குளத்திற்குள் கும்மாளமிட்டவைகளை
அளந்து வைத்த பெட்டிக்குள்
அடைத்து வைப்பான்?
மனிதா ! நீ தான் கெட்டாய்?
எனக்குமா செயற்கை உணவு !
கண்ணாடிச் சுவர்களை
முட்டியபடி அழுதவண்ணம் ,
நீர்பரப்பில் சில வண்ண மீன்கள் !!

 - கவிஞர் டாக்டர். எஸ்.பார்த்தசாரதி

**
நீர்ப்பரப்பாய் மட்டுமே இவ்வுலகு உண்டென
நீந்திக்கொண்டே இருக்கின்ற மீன்
கண்டதில்லை
கரை என்ற ஒன்றை

கரை தொடுகையில்
நிரந்தரமாக அசையாமல் போய்விடும்
செதில்களும்
திமிர்த்தனமான வாலும்

கோட்டுக்குள் சுற்றவிடுகிறது வாழ்க்கை
கோடு தாண்டும் போது...

- கோ. மன்றவாணன்

**
அலைகடலின் நடுவில்.. 
அழகுற அமைந்த அத்தீவு..!!
அலைச்சறுக்கு விளையாடும்.. 
அந்த இளம் வீரன்..!!
அதற்கு அப்பாலே நங்கூரமிட்டு.. 
அசையாது நின்ற அக்கப்பல்..!!
ஆழ்கடலில் மீன்பிடிக்கும்.. 
அந்த தனித்தப் படகு..!!
அனைத்துமே என்விழிகளுக்கு.. 
நீர்ப்பரப்பில் ஒரு மீனாய்..!!

- ஆ. செந்தில் குமார்.

**
                           
நீர்ப் பரப்பில் ஒரு மீன்
நீர்ப் பரப்பில் மீனொன்று நின்று விளையாடுது
நிம்மதியைத் தேடி அது அங்குமிங்கும் ஓடுது!
ஊர்ப் பரப்பில் ஒண்டியாய் ஒரு சிறுவன் நிற்கிறான்
ஒத்தவர்கள் போனயிடம் அறியாமல் திகைக்கிறான்!
தேர்ப் பரப்பில் தெய்வமொன்று தனியாக இருக்கலாம்
தெய்வத்தை வணங்குபவரும் ஒற்றையாக இருக்கலாமோ?

கூட்டமாய் நீந்தியாடும் மீனுமேன் தனியானது
நீண்டடித்த கஜாவினால் உறவுகளை இழந்ததோ?
பாட்டமாய் வந்து மழை பயிர்களை அழித்தது
பார்த்திருந்த உழவர்களின் கண்களை நீர் நிறைத்தது!
வாட்டமாய் வாழ்ந்தவர்கள் வக்கற்றுப் போயினர்
வறுமையின் பிடியிலே தம்நிலை மறந்தனர்!

ஒருமீன் தனியாக ஒன்றுக்கும் உதவாது
உதவிடும் கரங்களே என்றைக்கும் வேண்டுவது!
பெருமீன் வேண்டுமெனில் பேணிடல் மிகவேண்டும்
பிரியமுடன் உதவிடவே அனைவரும் வரவேண்டும்!
உறுமீன் வருமளவும் ஓய்ந்திருத்தல் நலமாகும்
உலகையே ஆள்வதற்கு அதுவே கருவாகும்!

-ரெ.ஆத்மநாதன், அமெரிக்கா

**
கொட்டும் மழையில்
ஒதுங்கிய நானும்
பரிதவித்து நிற்கையிலே
கைகளில் ஏந்தி
நீர் நிறைந்த இறையின்
பாதங்களைச் சேவிக்க
வழி சொன்னவரே!
சுவர்களற்ற கேணியில்
நீந்தி நானும்
பச்சை தவளைகள்
நட்புடன் சிரித்தபடி
வாழ்கின்றேன்!
பகலவன் தாகத்தில்
குளிர்பானமாய் நீரை உறிஞ்ச
மாற்று ஊருணி மாற்ற 
யார் வருவார்?
வானமகள் கரு மேகத்துடன்
மழை அக்காள்
எனை நனைக்க
நீயும் அமிர்தவர்ஷிணி வாசிப்பாயோ!
அடுக்கக  உருவாக்க மயன்களிடம்
பச்சைதாவர  அத்தை குடும்பங்களை
குடியேற்றம் தூது செல்வாயோ!

- சீனி

**
மனையிலே சமைந்தபடி மாது நான்
ஒருத்தியாய் நிற்கின்றேன் – விழியில்
வருங்காலக் கணவனைச் சித்தரிக்க விழைகின்றேன்.

கலாச்சாரத்தைச் சீர்கெடுக்க நான்
சிறிதளவும் விரும்பவில்லை – பஞ்சணையில் 
வீழ்ந்தாலும் கனவில் ஆடவரின் தொல்லையில்லை.

பொன்னான புன்சிரிப்பை சர்வகாலமும் சிந்த
நான் விழைவேன் – சண்டையிட்டு நின்றாலும்
அலுங்காமல் அணைத்து வாஞ்சையுடன் குழைவேன்.

காமம் கொண்ட காதலுக்கு இந்த சுகம்
தெரியாதே – என் போல் கல்யாணத்தை 
எதிர்ப்பார்ப்போர்க்கு எந்த சுகமும் நிதர்சனமே.

வேர்கள் மண்ணுக்குள் இருக்கும் வரைதான் 
பூக்களின் மலர்ச்சி சாத்தியம் –யெளவனம் 
இருக்கும் வரைதான் யுவதிக்கு சந்ததியும் சாத்தியம்.

கற்றது அனைத்தும் அறிகின்றேன் நான் – நிதம்
ஊற்றி வைத்த கற்பனையில் மாறிமாறி சிணுங்கியும்
மெதுமெதுவே புலம்பியும் காலத்தைக் களிக்கின்றேன் 
பேரிளம்பெண்ணாகவும் - ஒரு முதிர்கன்னியாகவும்
வருவோர் போடும் அரிசிப்பொரிக்காய் எதிர்ப்பார்த்து
நீர்ப்பரப்பில் நீந்திக்கொண்டிருக்கும் குளத்துமீனாய் - நான்!

- ஜ.ரா. கோபாலகிருஷ்ணன், பெங்களூர்

**
ஆர்ப்பரிக்கும் அலைகடல்,
நீர்ப்பரப்பில் ஒரு மீன்,
ஓர்மத் தினவுடன் ஓர் துள்ளல்;
காரிருள் மேகத்தூடோர் பறவை,
சூரியக் கொதிப்பின் சூடாறா மணல்,
நேர்கீழாய் அதே கடல்;
பாரினில் மானிடர் வாழ்வதும் 
போரதில் வீரர்கள் வெல்வதும் - இஃது
ஓர் நிகழ்தகவு தானோ...?
நேர்மை,உண்மை,அன்பு, நீதி - நிலையாமை முன்
ஓர்துளைக் குவளையுள் இட்டவீழ் நீரோ...?

- குகதர்சனி (தமிழ்க்கிழவி), ஐக்கிய ராச்சியம்

**
நீர்ப்பரப்பில் ஒரு மீன்!
நீந்தியபடி அதனருகில் நீ!

நீண்டதொரு தூண்டிலுடன் கரையோரம் நான்!
வேறெவரும் அங்கில்லை நாம் மட்டும்தான்!

வீசுகிறேன் தூண்டிலை மீனுக்கு! 
விழித்தூண்டில் வீச்சோ மானுனக்கு!

உன் கூந்தலில் சிக்குகிறது 
கூரிய என் தூண்டிலின் முனை!
அப்போதுதான் அறிகிறேன் 
பெண்ணல்ல ஆணென்று உனை!

நினைப்பு பிழைப்பைக் கெடுத்தது!
மீன் கூட  எனைக்கண்டு சிரித்தது!

- நிலவை பார்த்திபன் 

**

நீர்ப்பரப்பில் ஒரு மீன்,
நீந்தத்துணிவில்லை ஏன்?

காற்றடித்தால் மடிவதும்,
நீர் வரத்தால் சரிவதும்,
அல்ல நெடு மரங்கள்,

மரம்தனின் ஆணிவேர்  பெரிது,
மரம் பற்றிய ஊன்றல் பெரிது,
எது வரினும் அசைக்க இயலா,

இதுபோலே மனித மனம்,
இலட்சியத்தில் ஊன்றட்டும்,
எத்தகைய இடர் துயர் தரினும்,
வெற்றி வரை முயற்சி இருப்பின்,
வரலாற்றில் தகு இடம் பெறுவான்,

விழிப்போம். மனக்கண் திறப்போம்.

விழி.எழு.விருட்சமாகுக!

-இனிய தமிழ் செல்வா, ஓமன்

**
 
தண்ணீர் தேசத்தின்
தனிக்காட்டு ராசாவாக
நீர்ப்பரப்பில் நீந்தித்திரியும் 
ஒரு மீன்!
 
விண்ணில் ஒளிர்வது
விண்மீன்கள் எனில் 
கடலின் ஆழத்தில் 
நீந்துவது கடல் மீன்கள் அன்றோ!
உச்சி முதல் பாதாளம் வரை
மீன்களின் ராஜ்யமே!

தண்ணீருக்காக 
அலையும் தேசத்தில் 
தண்ணீர் தேசத்தில் 
அலையும் மீன்கள்!

இணைய வலையில் சிக்கிய ஆணும் பெண்ணும்
இதய வலையில் சிக்கிய ஆணும் பெண்ணும்
நரம்பு வலையில் சிக்கிய மீன்களே!
நீர்ப்பரப்பில் இரைதேடும் மீனாய்
பெண்ணின் கண்களும்!
நீர்ப்பரப்பில் இரை தேடும் மீனாய் 
ஆணின் எண்ணங்களும்!
நீந்தியே கடக்கின்றனர் 
பிறவிப்பெருங்கடலை!

- கு.முருகேசன்

**

நித்தம் நித்தம் செத்து பிழைக்கும்
நீரியில்லை எனில் வாழமுடியாமல்
தவிக்கும்
நிர்பரப்பில் மட்டுமே நீந்தி நீந்தி
ரசிக்கும்
நிமிடத்திற்கு ஒருமுறை செதில்களால் சுவாசிக்கும்
தண்ணீரில் வாழ்ந்தால் மட்டுமே
வாழ்வு நீடிக்கும்
இல்லை எனில்
எங்களின் வாழ்வு போல்
அந்நிய தேசத்தில் அகதிகளாய்
அவமானப்பட்டு அலைகடல்
மீன்களாய் கரையோரம் மடியும்

- காசிநாதன் சுதா

**

நீர்ப்பரப்பில் ஒரு மீன்.
மெல்லப் பேசத் துவங்கினோம்.

குளம் தாண்டி வாய்க்கால் வழியோடி
ஓடைகளும் குதித்தோடி ஆறுகள் நீந்தி
கடல் பார்க்கும் கனவுண்டோ ?

இல்லாத இமை மூடி
கண் திறந்தே உறங்குகையில்
தனியே விலகி என்னையே தேடுகையில்
தோள்கள் வலிக்க நீந்திச் சலிக்கையில்
கடல் கனவு வருவதுண்டு
மேலே துள்ளிக்குதித்து தலைதூக்கி
கடல் காணும் தூரத்தை
நானும் தான் அளப்பதுண்டு.

இன்னும்
குளத்தின் கரையே தாண்டவில்லை
எவ்வளவு நாள் ஆகும்
கடல்தூரம் வசப்படுமா ?

தெரியும் தெரியும்
ஒரு பெருமழை போதும்
கண்மாயும் கரை புரண்டால்
நீ நின்று பேசும் இந்த‌
உதவாக் கரைகள் தாண்டி
ஓடைகளுள் புகுந்திடுவேன்
ஓடைகள் தொட்டுவிட்டால்
ஆறுகளும் சாத்தியமே.

என்ன கோபம் ?
மனதில் பட்டதையே கேட்கின்றேன்.
வலைகளுக்குள் அகப்பட்டால்..?
எப்படிக் கடல் சாத்தியம் ?

சுமக்கும் என் கனவுகள்
வலைகளுக்குள் சிக்காது
வலைகளை நினைத்தே நான்
கனவினையா சிறை வைப்பேன் ?
கனவுகள் கணத்துப் பெருகி
வலைகளும் கிழியக் கூடும்
நீலவண்ணக் கடல் கனவை
நாளும் வளர்ப்பேன் நான்
தினமும் நடப்பேன் நான்
கடல் காணவில்லை என்றாலும்
கடல்காண ந‌டந்த தூரங்கள்
தோள்வலிக்கச் செய்த முய‌ற்சிகள்
கனவைவிடப் பெரும் மகிழ்வு

மேலே துள்ளிக்குதித்து தலைதூக்கி
கடல் காணும் தூரத்தை
மீண்டும் அளந்துவிட்டு
நீர்ப்பரப்பில் துள்ளி ஓடியது மீன்..

நீர்ப்ப‌ரப்புக் கண்ணாடி முகம்காட்ட
களித்துத் துள்ளிய கனவுகளோடு 
பேசத் துவங்கினேன்.

வலைகளென்ன செய்துவிடும் 
ந‌ம் கனவுகளை ?
துள்ளிக்குதித்து தலைதூக்கி
நம் கனவை தினமும் அளப்போம்.

- ரமேஷ் கோபாலகிருஷ்ணன்,  அமெரிக்கா

**
அடைப்பட்டது தெரியபடாமல்
வரவேற்பு அறையில்
வைக்கப்பட்டிருந்தது வாஸ்துவின்
நலம்பயக்கும்
கண்ணாடி பேழைக்குள் 
வண்ண மீன்கள்

கண்ணாடி வளாகத்தில்
நீருக்குள்
துழாவிக் கொண்டிருந்தன 
உறவுகளை

வேடிக்கைப் பார்க்கும்
வினோதர்களை
விபரீத எண்ணங்களால்
அலைமோதிக் கொண்டிருக்க
திட்டமிடும்
அடக்குமுறைகள் காதில் விழ
அங்குமிங்குமாக
அலைந்து கொண்டிருந்தன

புலம் பெயர்த்திய கொடூரத்தை
எண்ணி
அங்கேயே விதைத்துக் கொண்டிருந்தன
தம்மை

விடுவிக்க
யாரேனும் வருவார்களா என்று
கண்ணாடி சுவர்களுக்குள்ளிருந்து
எதிர்ப்பபார்த்துக் கொண்டிருந்தது
நீர்ப்பரப்பில் தலைமை மீன்...

- கவிஞர். கா.அமீர்ஜான்

**

 

துடுப்புபோல கைகள் உண்டு-நீரில்
துவண்டுவிடாத உடலும் உண்டு..
துடிப்பான இதயமும் உண்டு-நீரில்
துள்ளிச்செல்ல வாலும் உண்டு..

மீன்தொட்டிதான் என் வீடு-நீயும்
மகிழ்வுடன் என்னோடு விளையாடு..
மனிதனுக்கும் தருவேன் மகிழ்ச்சி-அதனால்
மனமும் உணர்ந்திடும் புத்துணர்ச்சி..

நீருக்குள்தான் நான் வாழ்வேன்-நான்
நிலம் சென்றால்தான் மடிவேன்..
நீருக்குள்தான் என் சுவாசம்-நான்
நீந்துகையில் நீருக்கும் புதுவாசம்..

வலைக்குள் சென்றால் நானும்பலி-அது
வருவாய்க்கு மீனவன்இட்ட வழி..
விலைக்குபோனால் நானும் உணவோடு-இல்லை
வெயிலில் காய்ந்தால் நானும்கருவாடு..

தூண்டில் போடும் புதுஉலகம்-அதை
தாண்டிச்சென்றால் துன்பம் விலகும்..
துணிவோடு எதிர்நீச்சல் போடு-வாழ்வில்
தடைகள்வந்தால் எதிர்த்துப் போராடு..

- கவிஞர் நா. நடராசு, கோவை.

 

]]>
https://www.dinamani.com/specials/kavithaimani/2019/feb/13/கடந்த-வாரத்-தலைப்பு-நீர்ப்பரப்பில்-ஒரு-மீன்-வாசகர்-கவிதைகள்-3095137.html
3095138 ஸ்பெஷல்ஸ் கவிதைமணி இந்த வாரத்திற்கான தலைப்பு: யாரோவாகிப் போன அவள் கவிதைமணி DIN Wednesday, February 13, 2019 03:40 PM +0530
நீர்ப்பரப்பில் ஒரு மீன்... என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: யாரோவாகிப் போன அவள்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருந்தால் மட்டுமே கவிதைகள் வெளியிடப்படும். 

உங்கள் கவிதைகளை யூனிக்கோடு எழுத்துருவில் தட்டச்சு செய்து மேற்கண்ட மின்னஞ்சல் முகவரிக்கு அடுத்த திங்கள்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும்.

]]>
poet, Poem, கவிதை, kavidhai, அவள் https://www.dinamani.com/specials/kavithaimani/2019/feb/13/poem-title-for-kavidhaimani-3095138.html
3085406 ஸ்பெஷல்ஸ் கவிதைமணி கடந்த வாரத் தலைப்பு மகளுக்கு ஒரு மடல்! வாசகர் கவிதைகள்! கவிதைமணி DIN Thursday, January 31, 2019 11:50 AM +0530 மகளுக்கு ஒரு மடல்

ஒரு குறிஞ்சி மலராக 
இரண்டுமுறை எங்கள் தோட்டத்தின் 
அன்பில் விளைந்த செல்ல மகளே..! 

நீ எங்கள் நினைவுகளோடு 
மாற்றான் தோட்டத்து மலராக 
பூத்து மலர்வதை எண்ணி 
ஆனந்தக் கண்ணீரில் மிதக்கிறோம் 

புகுந்தயிடம் பூ மணக்க 
நீ பிறந்தயிடத்துப் பெருமைப் பேசாதே 

நீ பூக்கும் தோட்டமே
உனக்கான எழில் வனம்

உன் வசந்தக் காலம் 
உன் பூக்களில் காணும் புன்னகையாகும் 

உன் நிம்மதி 
உன் வனத்தில் வீசும் நறுமணம் 

உன் சந்தோசம் 
உன் தோட்டத்தைச் சுற்றி வட்டமிடும் 
தேனீக்களின் ரிங்காரம் 

உன் பொறுமை 
உன் வாழ்வைக் காக்கும் அன்பின் கவசம் 

உன்னை விரைவில் காணும் 
பெரும் கனவுகளை நெஞ்சில் சுமந்து 

உன் குறும்செய்தியைக் கைபேசியில் 
எதிர்பார்த்த வண்ணம் 

செய்திதாளைத் தலைகீழாக வாசிக்கும் 
உன் தந்தை தமிழன்பனும் 

எரியாத அடுப்பில் இட்டலிச் சுடும் 
உன் அன்னை அபிராமி நானும்.

- கவிஞர் பி.மதியழகன்

**

மகளே....
எம் உயிரில் துளிர்த்து
எம் உயிராய் நிலைத்து
எம்மை வாழ வைக்கும் உயிர்சுரபி நீ

உன்னை உயர்த்தி 
உயரவே 
ஒவ்வொரு நாளும் மனதுக்குள்
தியான சாலை அமைத்துத்
தினம்தினம்  வேண்டுகிறோம்

உன் காலில் மலர்குத்திய போது
வாள் இறங்கியது
எமக்குள்

நீ முதல்மதிப்பெண் பெற்றபோது
நிலவு இறங்கிவந்து
பொன்னொளிர் மகுடம் ஆனது
எம் தலையில்

வாழ்க்கைப் பாதையில்
வசீகரம் காட்டி
விஷக்கொடிகள் வளைக்கப் பார்க்கலாம்.

அழகாகவே ஆடம்பரமாகவே வருவார்கள்
மாரீசன்கள்

உன்மனது
சக்கரவாகப் பறவையாய்த்
தூயதையே அருந்தி நிரம்ப வேண்டும்

கல்வியை விடவும் மேலானது
கடவுளை விடவும் உயர்வானது
ஒழுக்கம்

வானைத் தாண்டிப் பயணிக்கலாம் 
வாழ்த்த வரும் அறிவுலகம்
ஒழுக்கம் தாண்டி ஓரடி வைத்தாலும்
போய்ச்சேரும் இடம்
புதைகுழி

எம் காதுகளுக்குள் பண்பினள் இவளென
எந்நேரமும் அமுதிசை கேட்கவே
வரம்தர வேண்டும் நீதான்.

- கோ. மன்றவாணன்

**

என் அன்னையே எனக்கு
மகளாய் பிறந்திருக்கும் மாயமோ...!
இந்த இதயமோ இயங்கா-என்
இளைய நிலாவை காணும் வரை..!

உன் மழலைச்சொல்.. என் மனமயக்கும் வில்..!
உன் குழந்தை குறும்பு..என் குணம் காக்கும் கரும்பு..!
இந்த தந்தை கூட , தாயாக மாறினேன்-என்
தாயாகிய சேய் உன்னை சுமப்பதற்காக..!

நீ என்னுடன் இல்லாவிட்டாலும்-உன் 
நினைவுகள் நீங்காது நித்தமும்
நிலைத்திருக்கும் என் நிஜமே...!

- நா.திவ்யா

**

தத்திதத்தி எட்டடி
எடுத்துவைத்த 
காலம்போய்,
சிட்டாய் பறந்த
சிறார் காலம்
முடிந்து போய்,
இளமங்கையென
உருவெடுக்கும்
என்இனிய
 கண்மணிக்கு;

இறைகாணச் செல்லும்
படிகளது பதினெட்டு;
நிறைநோக்கி ஒட
நிர்ணய வயதும் பதினெட்டு;

வரப்போகும் வருடங்களில்
பொறுப்புக்கள் அதிகமம்மா!
காற்றோடு தூற்றிக்கொள்,
கருத்தாக நடந்துகொள்!

அறிவுரைக்கும் அம்மாயினி
அளவளாவும் தோழியானேன்;
(நம்)அநுபவ பகிர்வுகளே
(உறவை)பலப்படுத்தும்
வேர்களாகும்!

எளியவர்க்கு நிலவாக
கயவர்க்கு நெருப்பாக
உனைஉயர்த்தி ஊர்உயர்த்து;
உள்ளத்தில் பணிவமர்த்து!

அன்னைதந்தை வரஇயலா
அத்துணை இடங்களுக்கும்
தன்னம்பிக்கை தைரியமும்
தாய்தந்தை ஆகிடுமே!

இறையருள் உனக்குண்டு
எந்நாளும் துவளாதே;
ஏற்றஇறக்கம் கண்டு
என்றும்நீ அஞ்சாதே!

நட்பிற்கான நேரமிது
நிதானமாய் தேர்வுகொள்!
நிழலாய் தொடர்ந்திடும்
உறவுகளவை தெரிந்துகொள்!

பதினெட்டு முடிந்ததிலே
பெரும்கூற்று ஏதுமில்லை;
(உன்)வருங்கால சாதனைக்கு
படிக்கல்லாய் இவைமாற்று!

கன்னிபருவத்தில்
கால்வைக்கும்
சின்னபெண்ணிற்கு
நல்வாழ்த்து;
ஊர்மெச்ச நீவாழ
உளமார என்வாழ்த்து!
பெற்றவயிறு குளிர்ந்திருக்க
பெரும்புகழை எய்திடுவாய்;
நற்றமிழில் வாழ்த்துகிறேன்,
நலமனைத்தும் பெற்றிடுவாய்!!!

அன்புடன் அம்மா கவிதா

**

மூத்தவளே, குலமகளே, பாசத்துடன் அப்பா மடல்
இருவிழி ஓரம் பூப்பது பன்னீர்
ஐயிரண்டு மாதம் முன்னே 
அன்னை கருவறையில் நில்லாது
ஆர்வமுடன்  தரணியில் தடம் பதித்த சிசுவே,  
குறிஞ்சி யுகம் இரு முறை 
பார்த்த கண்மணியே,
அன்புடன் பண்பும், கல்வி கேள்வி ஞானத்துடன்,  
பாங்குடன் பந்தம் பேணும் மாதரசியே,
பிறந்த வீட்டின் சந்தோஷம் மனதின் ஓரம்
கரம் பற்றிய கணவன் மகிழ்வே நிரந்தரம்.
மகளே நான்கு விழிகள் பனிக்கிறது
அன்னை மனமோ துடிக்கிறது
சோதரனோ கல்வி ஏற்றம் பெற
பாரெங்கும் பவனிவர.
பிறந்த வீட்டின் பெருமைதனை
புகுந்த வீட்டில் பறைசாற்றாமல்
உன் வீட்டில் ஓங்கு புகழ் மணக்க
ஆல் போல் காத்து வாழை போல் 
தழைத்து வீட்டின் உறவு சேர்க்க.
தாயானது மீண்டும் லட்சுமி பசு,
நாய்க்குட்டி நான்கில் மூன்று நலம்,
ருக்மணி ஐந்து வயது மேள தாளத்துடன்  
அமர்க்கலமாக ஆரவாரத்துடன் 
மாடவீதி வலம் வந்தாள்  
திருவருணை கோயிலின் குட்டி யானை.
ஏரி நஞ்சை நிலத்திற்கு நாற்று நாற்பது 
பேருடன் நடப்பட்டது.
அன்புடன் மருமகனுக்கும், மகளுக்கும் ஷேமம் . 
கற்றது போதுமென்று நில்லாது 
ஒருங்கே இருவரும் தரணி புகழ் தமிழில் 
ஆய்வு முனைவர் பட்டம் 
பெற்றதறிந்து பேருவகை  
அடைந்திட்டோம், இலவசமாக ஏழை 
மாணவிகளுக்கு  
ஞானத்தை  அளிப்பது  குன்றின் 
மேலிட்ட தீபமாக ஒளிர்கிறது, 
அன்ன சத்திரம் விட ஆங்கோர் 
ஏழைக்கு எழுத்தறிவித்தல்.
தாய்மை சேதி மட்டற்ற மகிழ்ச்சி
உற்றார் உறவினர் ஊரெங்கும் உவகை
எல்லையற்ற நிகழ்வு
எவ்விதம் விவரிப்பேன்
எழுத்து  தினந்தோறும் 
அன்னை தமிழில் 
மகளுக்கு ஒரு மடல் .

- இரா.அண்ணாமலை, திருவண்ணாமலை.

**
அருகாமையில் வைத்து பார்க்கும் 
அதேஷ்டம் இல்லையடி தங்கமே 
தூரத்தில் வைத்துனைக் காண 
தவிக்கிறோமடி பெண் சிங்கமே 
தைப்பிறக்கப் போகுதடி வந்து சேர 
வழிப்பிறக்க வில்லையோ உமக்கு

என் தாய் நோய்வாய்ப் பட்டு மரண 
பிடியிலிருந்து மீள முடியாத தவிப்பை 
காணவொன்னாக் கண்ணீர் வடிக்க 
அருகாமையிலெனை அழைத்தெனக்கு 
சாவு இல்லையடா யுனக்கு மகளாக 
மீண்டும் பிறந்து வருவேனடா என்றாள் 

அவ்வண்ணமே பிறந்திட்ட என் தாயே 
நீ நலமா நாங்கள் இங்கே நலமடி உன் 
கவலையே என்றும் எங்களுக்கு எங்கள்
பத்ரமாத்து தங்கமே விரைந்துவாராயோ
வரவிருக்கும் வழிமேல் விழி வைத்தே 
காத்திருக்கும் தாய்த் தந்தை சேர்ந்து 
மகளுக்கு எழுதும் ஒரு மடலிது
 
- ஆபிரகாம் வேளாங்கண்ணி, கண்டம்பாக்கத்தான் 

**

அன்புக்கு உருவம் கொடுத்த அழகு மயிலே
இன்றும் அன்னைக்கு நிகரான பாசமலரே
நன்று நவில்வதில் நயம் காட்டும் நன்னெறியே
கன்றென உனை வளர்க்க பசுவின் புலியானாய் நீ

தந்தைப் பாசம் உன் நெஞ்சம் முழுதும் நிறைய
சிந்தையில் என்னை நடமாடும் தெய்வமாக்கினாய்
எந்தையின் மதிப்பறிய எனை மாற்றிய குருவானாய்
விந்தையிலும் விந்தை நான் உனது மகனானேனே

நீ ஒரு புதுமனை புகு தலைவியாக வரம் பெற்றாய்
தீ வளர்த்துத் திருமண யாகம்புக உதவியது நானே
நீ என்பாதையில் ஒழுங்கு வாழ்வினைக் கண்டாய்
நீ எங்கிருந்தாலும் எனை மறவாது நலம் வினவினாய்

உனது வாழ்வு சிறக்க என் உயிரையும் கொடுப்பேன்
எனது வாழ்நாள் முழுதும் உன் அன்பின் நனைவேன்
தனம்பல பெற்று நீ என்றும் சீரோடு சிறப்போடு வாழ
மனம் விரும்பும் அன்புத் தந்தையாய் நானிருப்பேன்

மகவுகளை அன்பில் குளிப்பாட்டி அறிவில் நிறைத்திடு
அகம் முழுதும் கணவன் குடும்பம் என வாழ்வு வாழ்ந்திடு
சுக வாழ்வு நீ வாழ என்னாலானது முழுதும் செய்வேன்
மகராசியாய் அன்புடன் ஆதரவாய் வாழ்ந்திடு கண்ணே.

- கவிஞர்  ராம்க்ருஷ்

**

பிள்ளையொன்று  வேண்டுமென்று  முயன்று  நானும் 
       பெண்மகளே  உன்னையுமே  ஈன்றெ  டுத்தேன்; 
கள்ளமனம்  கொண்டோர்போல்  நெற்கள்  நஞ்சு
       கள்ளிப்பால்  கொண்டுன்னைக்  கொல்ல  வில்லை;
அள்ளியேதான்  எடுத்துவந்து  குப்பைத்  தொட்டி, 
        அரசுதொட்டில்  தம்மில்தான்  போட  வில்லை;
வெள்ளைமனம்  பெற்றுநானும்  வளர்த்து  விட்டேன்; 
         வையத்தை  நீவெல்ல  முயற்சி  கொள்வாய்!

உலகத்தில்  பெண்ணொருத்தி  ஒருவள்  கூட 
       உன்னைப்போல்  இல்லையென  உணர  வைப்பாய்! 
நலன்விளைக்க  ஆணென்ன  பெண்ணு  மென்ன?
       நாடறிய,  வியந்துபோற்ற  உன்னை  நீயே 
நிலமாக  நிலைநிறுத்த  பாடு  பட்டு 
      நிலந்தோறும்  வணங்கிடவே  செயலை  மாற்று;
நிலவொளியாய்  வையமெங்கும்  மகளே  பாய்ச்சு; 
      நான்பெற்ற  மகிழ்வினையும்  எனக்கு  ஊட்டு! 

-'நெருப்பலைப் பாவலர் ' இராம இளங்கோவன்,  பெங்களூர். 

**

புல்லில் பூத்த என் புது மலரே ...
புன்னகையால் என்னை புதுப்பிக்க வந்தவளே..
தடைகளை எண்ணி தயங்காதே...
தோல்வியை கண்டு துவளாதே...
என்றும் துணையாய்  இருப்பேன் தளராதே...
போர்க்களத்தையும் பூத்தளமாய் மாற்ற புத்துணர்வோடு நடைபோடு
உன்னால் புகழ்பெறும் நாளை நம் நாடு...

- அனுசுயா லஷ்மி பாண்டியன்

**
அன்பு  மகளே,

உன் தாயின் கருவில் நீ ஜனித்தபோது  
இந்த உலகிற்கு என்னை அடையாளம்  காட்டினாய்,
இந்த பூமியில் நீ பூத்த போது உலகை  
எனக்கு அடையாளம் காட்டினாய்!
உனக்கு பெயர் சூட்டி என்  
கடந்தகாலத்தை அசை போட்டேன்,
உன் பெயருக்கு  முன் என் பெயர் 
போட்டு என் பொறுப்புகளை உணர்ந்தேன் !
உன் மழலையில் என் மொழி தொலைத்தேன், 
நீ பேசிய போது, மெய் மறந்தேன்!
நீ பட்டம் பெற்ற அந்நாளில்  
நான் ஜெயித்ததை உணர்ந்தேன்,
நீ மறுவீடு செல்லும் போது, 
என் கடமை நன்றாக நிறைவேறியதை நினைத்தாலும்,
அந்த  நிமிடம்  நீ  என்  கைப்பற்றி  
‘போயிட்டு வரேன் பா’ 
என்று சொன்ன போது என் வாழ்வில்  
அனைத்தையும் தொலைத்ததைப் 
போல் தேம்பினேன்!
மறுபுறம்  உன் அன்னை  
‘பெண்ணாக  பிறந்தவள்  மறுவீடு  
போய்த்தானே ஆகவேண்டும் ’ 
என்று என்னை  தேற்றிய போது  
இவளுக்கு கல் நெஞ்சமோ  
என்று ஒரு கணம் தப்பாக நினைத்து, 
பின்  உணர்ந்தேன்
உன்னை நெஞ்சில் நான் சுமந்த 
நாட்கள் அதிகம்  
ஆனாலும் அவள் உன்னை  
தன்னுள்  சுமந்தவள் என்று  
அவள் எனக்கு உணர்த்தினாள், அவள்  மனதிடத்தால் ,
என்  கண்ணீர்  உன்னை  துன்பப்படுத்த கூடாது என்று !
என்னை  தேற்றிக்கொண்டு  உன்னை  வழி  அனுப்பினேன்  
‘போய்  வா  மகளே ’ என்று
அன்று  முதல்  ஒவ்வொரு  நாளும்  
வாசல்  காத்து  நிற்கிறேன்  
உன்  சில மணி நேர வருகைக்காக
உன்னை உன்  குடும்பத்தோடு சந்தோஷமாய் 
பார்க்கும் போது மனநிறைவு கொண்டு  
என் அன்னையை காண்கின்றேன் உன் வடிவில் !
இன்று  வாழ்க்கையின் தேடல்  
நம்மை தொலைவில் வைத்தாலும் ,
நீ மண்ணில் தோன்றிய இந்த நாளே  
என் மூச்சுள்ள வரை என் வாழ்வின் திருநாள்
இந்நாளில் நீ பல்லாண்டு நலமாக வாழ வேண்டும்
என்று  வேண்டுகிறேன்,
என் அன்பு எழில்மிகு இளவரசியே ,

வாழ்க  வளமுடன்!!
பாசத்தோடு அப்பா.

- பிரியா ஸ்ரீதர் 

**
காலியான உன் பணப்பெட்டியில் 
இக்கடிதம் கண்டு குழம்பும் மகளே,

மது அருந்தப் பணம் கேட்டேன் 
மறுத்து விட்டாய்!
மாதா மாதம் சம்பளத்தை 
மறைத்து வைத்தாய்!

இன்று பணப்பெட்டியை மறந்தாற்போல் 
திறந்து வைத்தாய்!
பலநாளாய் காய்ந்த வயிற்றில்  
பாலை வார்த்தாய்!

எடுத்துக்கொண்டேன் இருநூற்றி ஐந்தை
இப்படிக்கு உன் அன்புத் தந்தை.

 - நிலவை பார்த்திபன் 

**
கருவறை தாண்டி
புவியினில் உதித்த
காலம் முதல்
அன்பால் அடக்கிய
சின்னஞ்சிறு தாயே!
கிண்கிணி கொலுசு
கிணுகிணுக்க
காதோர வளையங்கள்
ஜதி பாட
மஞ்சள் முகமும்
தீட்டிய புருவங்களும்
மை உண்ட கருவண்டுக் கண்களும்
பெண்ணுக்கு அழகில்லை
என்றே புறப்படுவாய்!
ஒய்யார நடையழகும்
குதி உயர்ந்த செருப்புகளும்
உதட்டுச் சாயமும்
உன் அழகை வெளிக்காட்டும்
களைகள் என்றே
உணர்ந்திடுவாய்!
தமிழ் கணினி
உன் விரலெங்கும்
நர்த்தனமிட
கல்வி விளக்கை
உலகெங்கும் நீ பரப்ப
காமராசர் வழியினில்
புறப்படுவாய்!
அறிவை உரமாக்கும்
அட்சயபாத்திரமாய் நீ
இருக்க அரிதார
ஓவியமாய் மாறாதிரு!

- சீனி

**

மகளே நீ பிறந்ததும் பெண்ணா ? என்று
முகம் சுளித்தவர்கள் இன்று வியந்து பார்க்கின்றனர்!

பொட்டைப் பிள்ளையை படிக்க வைக்கிறான் என
புறம் பேசியவர்கள் இன்று பிரமித்து விட்டனர்!

செல்லம் தந்து கெடுக்கின்றான் என்றவர்கள்
சொந்தம் எங்கள் சொந்தமென்று பாராட்டுகின்றனர்!

மேல்படிப்பு எதற்கென்று மட்டம் தட்டியவர்கள்
மனதார பாராட்டி மகிழ்கின்றனர் உன்னை!

வெளியூருக்கு படிக்க அனுப்புகின்றான் என்று என்னை
வாயுக்கு வந்தபடி பேசியவர்கள் வாயடைத்து விட்டனர்!

ஒத்தையிலே அனுப்புறான் சமைந்த புள்ளையை என்றோர்
ஓகோ என்று புகழ்கின்றனர் மகளே உன்னை!

தடைகளைத் தகர்த்து சாதித்து பெயர் எடுத்தாய்
தடகளப் போட்டியிலும் நீ வென்று விட்டாய்!

உயர் பதவி அடைந்து நல்ஊதியம் பெறுகின்றாய்
உன் அலுவலகத்தில் நீயே தலைவியாய் இருக்கின்றாய்!

உனக்குக் கீழ்தான் கேலி பேசியோர் மகன்கள் உள்ளனர்
உயரத்தில் இருந்தாலும் தலைக்கனம் இல்லை உனக்கு!

வசிக்கும் ஊரிலிருந்தே வாழ்த்துகின்றேன் உன்னை
வந்தவர் போனவர் அனைவரும் பாராட்டுகின்றனர் உன்னை!

உன்னைப் பெற்றதற்காக பெருமை கொள்கிறோம்
ஒருபோதும் யாரும் வருந்தாதீர் பெண் பிறந்தால்!

பெண்னைப் பெற்றவர்கள் பாக்கியவான்கள் உண்மை
பெண் பிள்ளையால் கிடைத்தது பெருமை!

பெண் பெற்றதற்காக அன்று குறை சொன்னவர்கள்
பெருமைப்பட்டு வாழ்த்தி பாராட்டிச் செல்கின்றனர்!

- கவிஞர் இரா .இரவி

**

மகளை பெற்றதினால் பாக்கியமுற்றேன்,
தாயை தூக்கி தாலாட்டும் பாக்கியம் பெற்றேன்,

தங்கை, அக்கா கோராத அளவில் உரிமை கோருகிறாயே,
தாய், தாரமிடம் இல்லாத அளவில் அதிகாரம் செய்கிறாயே,
எளிதில் கோபிக்கும் எந்தன் சுபாவத்தை தகர்த்தெறிந்தாயே!
வடிவமில்லாமல் இருந்த என் வாழ்விற்கு வடிவை தந்தாயே!

உன்னை பெற்றதால் எந்தன் வாழ்வு பூர்த்தியுற்றதோ?
உன்னை ஆரத்தழுவியதால் பாவம் அற்று தீர்ந்தனவோ?

அப்பா என்ற ஒரு வார்த்தையில் கட்டிப்போடும் மரகதமே,
மணாளன் வீடு புகும் மங்கையே, கணவனிடம் தந்தையை தேடாதே!
உன் வாழ்வு சிறக்கட்டும் வீடு தழைக்கட்டும்! 

- இனிய தமிழ் செல்வா, ஓமன்

**
மாலையிட்ட மங்கை தந்த மகளே!
என் குறிஞ்சி மலரே!

பூஞ்சோலையாய் பூத்துக்குலுங்கும் பொன் மகளே!
என் புது மலரே!
அரும்பரும்பாய் ஆர்ப்பரிக்கும் ஆனந்த சிரிப்பே!
சிரிப்பின் ஒலியே!
முத்துக்களில் நீ ஒளிந்திருந்தாலும் நான் மட்டும் காண்பேன் மாணிக்கமே!
ஆசையாய் நீ தந்த முத்தம் நித்தமும் இனிக்கிறதே!

என் வாழ்வின் வசந்தம் நீ,
வீட்டின் விளக்கும் நீ,
விளக்கின் ஒளியும் நீ,
இருள் நீக்கிய சுடரும் நீ,

மகளே எங்கள் பகலின் கதிரவனும் நீ!
இரவில் உலா வரும் நிலவும் நீ!

தாயின் அன்பு கருணையில் தெரியும்,
மனைவியின் அன்பு பிரிவில் தெரியும்,
மகளின் பாசம்  மறுமையிலும் தெரியும்,


இடர் வரும் பொழுது தடுப்பவளும் அவளே,
தாயும் அவளே என் சேயும் அவளே!
தரணியாளும் கலை "மகள்" அவளே!
எப்பிறவியிலும் நீ வேண்டும் "என்  மகளாக"....

- செந்தில்குமார், நெல்லை

**

மடல் வரைந்துதான் உணர்த்த வேண்டுமா!
மவுனமொழி பேசும் என் கண்கள்
துடிக்காமல் துடிக்கும் உலர்ந்த உதடுகள்
மகளுக்காக மட்டுமே மற்றதை நினைக்க மறுக்கும் மனது
மகளே....!
உணர்த்தவில்லையா என் அன்பை
அகிலத்தில் அனைத்தும் அன்பு மகளுக்காகவே
இல்லை என்பது  இல்லாது இருக்கவேண்டும்
என் மகளுக்கு என மறுகும் மனது புரியவில்லையா
மகளே....!
தேவையை மட்டுமே தெரிவிக்கும் என் அன்பு மகளே
எனக்கும் தேவையிருக்கும் என்று நினைத்ததுண்டா ?எப்போதாவது
மடலெழுதி மனமுணர்த்த விருப்பமில்லை எனக்கு
மகளுக்கு ஒரு மடல் மனதில் மட்டுமே.......!!

**

அசாத்தியங்களை இலகுவாய் சாத்தியமாக்கி என் 
ஆண்மைக்கே ஒரு அர்த்தம் விளைவித்தாய்!

மதகு திறந்த நதியைப்போல உன் மழலைச் 
சிரிப்பினால் மனம் குளிரவைத்தாய்!

தேவதைக்கு தேவதையாய் பிறந்த வரமடி நீ 
என் தோளில் உன்னைச் சுமப்பதில் புண்ணியம் தந்துவிட்டாய்!

அழுகையால் காரியம் ஆயிரம் சாதிக்கும் உலகில் நீ
அன்புப் புன்முறுவலால் அனைத்தையும் சாதித்துக் கொண்டாய்!

உன் அன்னைக்கும் எனக்கும் பிணக்கு வருகையில் 
நடுவராய் நின்று கட்டை பஞ்சாயத்து செய்தாய்!

மிதிவண்டியை ஓட்ட பழகிவிட்டேன் பள்ளி செல்ல - இன்று
உயர்தரக் காரை ஓட்டி அலுவலகத்துக்கு செல்கிறாய்!

மின்னஞ்சல் அனுப்பும் விதத்தை கற்றுக்கொடுத்தேன் இன்று 
இணைய தளத்தையே உருவாக்கும் வித்தையை சீராய் கற்றுக்கொண்டாய்!

குடும்பத்திற்கே ஆனந்தத்தை அள்ளிக் கொடுத்து மகிழ்ந்த நீ 
ஆனந்தமாக உன் குடும்பத்தை நடத்திச் செல்கிறாய்!

என் மகள் நீ என்று சொல்லாமல் 
உன் தந்தை நான் என்று கர்வம் கொள்ளவைத்தாய்!

- ஜ.ரா. கோபாலகிருஷ்ணன்

**
மகளே....... என் 
தாய்மையினை உணரச் செய்து 
வாய்மையுடன்  வாழச் சொல்லிக் கொடுத்த 
சேய்...... நீ!
சென்றுவிட்டாய்  புகுந்த வீடு 
வென்று  வருவாய் உன் தாய்வீட்டு
பெருமையினை............
உன்னை காணாது எங்கும் 
என் உள்ளம் புரிந்து
கண்டுபிடிக்கப்பட்டதுதான் அலைபேசியோ!
கிரஹாம்பெல் என்ற விஞ்ஞானியின் 
அயரா     உழைப்பில்  உன் 
குரலில் உன் முகம் கண்டு மகிழ்ந்தேன்!
நீ ஆடிய ஊஞ்சல் 
நீயில்லாமல் ஆட தயங்குகிறதே!
நீ ஓடிய சாலை 
நீ இல்லாமல் தோகையிழந்த 
மயில் போல காட்சியளிக்கிறதே!
மகளே...... என்னுடைய இந்த 
மடலில் என் ஆசையினை எழுதி 
கடலில் வரும் அலைபோல 
உன் நினைவுகளுக்கு   நங்கூரம்
போடுவது ஒன்றுதான் தீர்வு!

- பிரகதா நவநீதன், மதுரை

**


மடல் வரைந்தேன் இன்றுனக்கு
மகள் நீயும் வளர்வதற்கு 
கடல் சூழ்ந்த உலகினிலே
புகழ் உடனே வாழ்வதற்கு

பூமகளே நீ வரமே
பூமியிலே நீ தவமே 
வையகமே பெருமை கொள்ள
பிறப் பெடுத்த மரகதமே!

ஆன்றோர்கள் அருள்  உரைத்த 
நன்நெறிகள் மனதில் வைத்து  
சான்றோர்கள் எழுதி வைத்த 
நன்நூல்கள் நாளும் கற்பாய்

கல்வியொன்றே குலத்தைக்  காக்கும்
கல்வியொன்றே நலத்தைப்  பேணும் 
கல்வியொன்றே தீதை  வெல்லும் 
கல்வியொன்றே வாகை சூட்டும்

உரத்த சிந்தனை உள்ளம்வைத்து
ஊக்கம் என்றும்  கையில்கொள்க 
உறுதியுடன் நன்மை செய்து
ஊரார்மெச்ச என்றும் வாழ்க!

- கு. இராமகிருஷ்ணன்

**
மணநாளை நினைத்துநானும் மகிழ வில்லை
……….மறக்காத நாளென்றும் சொல்ல வில்லை.!
குணத்தாலே மனையாளும் கிடைத்த போதும்
……….கொண்டாடிப் பெரிதாக அலட்ட வில்லை..!
இணக்கமான குடும்பத்தில் மகிழ்ச்சி பொங்க
……….இருவருக்கும் ஓர்மகளாய்ப் பிறந்தாய் நீயும்.!
குணவதியாய் குலம்விளங்க வந்து தித்தாய்
……….குடும்பமாகச் சொந்தமதைச் சேர்த்து வைத்தாய்.!
.
மதிகொண்ட பெண்பிள்ளை பெறுவா யென்று
……….மறக்காமல் சோதிடத்தில் ஒருவன் சொன்னான்.!
மதிக்காதோர் மதித்தார்கள் உன்னைப் பார்த்து
……….மங்காத புகழ்தந்தாய் பெற்றோ ருக்கு.!
பதிநாறும் பெற்றுநீயும் பெருவாழ் வென்பார்
……….பதிநாறை ஒன்றாகப் பெற்றுத் தந்தாய்.!
விதியென்றால் என்னவென்று உணர வைத்தாய்
……….வெல்லவழி சொல்வதற்கே மகளாய் வந்தாய்.!
.
ஆண்டாளை வேண்டிப்பெற் றவரம் நீயே
……….அண்டத்தில் யாம்செய்த தவமாய் நீயே.!
தூண்போல அனைவரையும் தாங்கி நின்று
……….துயரத்தை நீக்குபவள் பெண்ணாம் என்று.!
நாண்போல நற்குடும்பம் காக்க வந்து
……….நானிலத்தில் பெற்றோரை மதிக்க வைத்தாய்.!
ஆண்மகவே வேண்டுமென்ற நினைவ கற்றி
……….அன்பான பெற்றோர்க்கு அறிவு தந்தாய்.!

- கவிஞர் பெருவை பார்த்தசாரதி

**

புகுந்த வீடு புகழுடன் சென்ற மகளே!
தகுந்த மொழி யான்உரைப்பேன் கேள்..
கற்று தருதலால் கணவன்அவன்
பற்றுக்கொண்டு செழித்து வளமாய்
இல்லறம் நல்லறமாய் செய்வாய்.
மாமன் ,மாமி,மைத்துனர், நாத்தனார்
தாமாகவே அவர் பணி செய்வது உன்கடனே
உணவு அனைவருக்கும்நிறைவாய் வழங்கு.
பணம் கஞ்சம்செய்தல் குடும்பத்தில் வேண்டாம்.
தானத்தில்சிறந்த அன்னதானம் செய்து
மானம் காத்து குலம்காத்துநீயும்
வானவர்போற்றும் வாழ்வு நடத்துவாய்.
சுற்றம் போற்றி நட்புபோற்றி
மற்றும் தெய்வம் போற்றி வாழ்வாய்.
மக்கள் செல்வம் மழலைச் செல்வம்
தக்கதோர் செல்வம் அடைவாய் கண்ணே
மாசில்லாகுணக்குன்றாக குடும்பத்தில்
பாசமுடன் இருந்து பல்கிப்பெருகுவாய்.

- ராணி பாலகிருஷ்ணன்

**

என் வாழ்க்கையின் அா்த்தம்
சொல்ல பிறந்த என் மகளே
முதுமையின் வலிககளை சொல்லி விட
முதியோர் இல்லத்திலிருந்து
வரைகிறேன் ஓா் மடல் உனக்கு

கடவுள் என்னிடம் கனவில் வந்து
உன் கடைசி ஆசை எது என கேட்டாா்
என் ஆசை மகளே என் மகளே.
நான் கடவுளிடம் என் மகளுக்கும்
என் நிலை வந்து வந்து விடக் கூடாது என
பிரார்த்தனை செய்வதாய் கடவுளிடம்
வேண்டுவதாய் கடவுளிடம் கூறினேன்
ஆசை மகளே என் மகளே.

- ஈழநங்கை

**

அன்பு மகளே - அதிகாரம் ஆட்டிப் படைக்கும் உலகமிதில்
இயல்பை மீறி எவரும்
ஈன்றவரை மறப்பர்
உயர்த்தியவரை உதறுவர்
ஊட்டி வளர்த்தவரும்
எவரோ - ஆவர்,
ஏணி க்களும் கேணியாகும்
ஐந்திறம் அறிவாகும்
ஒற்றுமை அன்னியமாகும்
ஓதுவது - கசப்பாகும்
ஒளவியம் தவிர்க்காமல்
ஆய்தம் தரிப்போர் - நடுவில்
குணமெனும் குன்றேரி
நில்
குவலயம் நமதாகும்,
வாட்ஸாப் அல்ல வாழ்க்கை
முகநூலல்ல மனிதம்
மனிதர்களின் முகங்களை வாசி,
பிறப்பின் பயனை யோசி,
பக்தியால் இறையிடம் யாசி,
பகைவர் தமையும் நேசி,
கல்வி கேள்வியில் ஞானம் பெருக்கு
மோனம் கொள் -
உயர்வாய் நீ - இதுவே இந்த தந்தை சொல்லம்மா - என் செல்ல மகளே

- செந்தில்குமார் சுப்பிரமணியன்

**

தலைவாரிப் பூச்சூடி உன்னை பாடசாலைக்கு போ என்றுசொன்னேன் அன்னை
விலைபோட்டு வாங்கவா முடியும் விரும்பி நீ சென்றால்தான் அது முடியும் அன்று நான் உனக்கு உரைத்தது உன் நினைவில் இருகிறதா ? கண்ணே! !
தோளுக்கு மேல்வளர்ந்துவிட்டாய் நீ !உன்னிடம் தோழமையோடு ஒன்று சொல்ல துணிகின்றேன் இன்று துவங்கட்டுமா கண்ணே என் உரையை நங்கு கவனி !

ஏட்டில் படித்ததோடு இருந்து விடாதே ! ஏன் படித்தோம் என்பதை மறந்திடாதே
அன்னையும் பிதாவும் முன்னறி தெய்வம் என்றாள் அவ்வை அன்று !அதுபோல்
அன்னை மொழியும் ஆம்! ஆங்கிலத்தைக் கற்றுவிட்டாய், பாங்குறவே மகிழ்ச்சி
அது போல் தமிழையும் நீ கசடற கற்கவேண்டும் கடினமில்லை மனம் வேண்டும்,

ஆங்கிலத்தில் கால்புள்ளி, அரைப்புள்ளி, முற்றுப்புள்ளி, வியப்புக்குறி, கேள்விக் குறி அர்த்தத்தோடு நீ அமைத்து எழுதிடுவாய் நானறிவேன் அதுபோலவே தமிழிலும் அமைத்து எழுதினால் நன்று!“வேறு வேறு பாஷைகள் கற்பாய் வீட்டு பாஷை கற்கிலாய் போ! போ!’ என்றநம் பாட்டன் பாரதி சொன்னனே! நினைவுண்டா? நினைவு நான் ஊட்டுகின்றேன் மீண்டும் இன்று நீ கேட்டிடுவாய் என நம்பி! தாய்மொழி நமக்கு தாய்போன்றது அதுபோல் ஆங்கிலம் அகிலமொழி ரெண்டும் தவறின்றி நீ அறிதல் நன்று, எண்ணும் எழுத்தும் கண்ணென வாழும் உயிர்க்கு தமிழையும், ஆங்கிலத்தையும் இரண்டு கண்களென நீ போற்றிடுவாய் கண்ணே ! உன் பிள்ளைகளுக்கும் இதை உணர்த்திடுவாய் பெண்ணே! நீ வாழ்க நீடு! என் பேரன் பேத்திகள் என்னிடத்தில் தமிழில் த்தான் பேசவேண்டும் என்பேன்!

உனக்கு உன்னுருமைவாழ்க்கைத் துணையை தேர்வுசெய்வது  உணர்வாய்!
இருப்பதை விட்டுவிட்டு பறப்பதற்கு நீ ஆசை படலாகாது பெண்ணே!  
நாம் உயர்வு என்று நாமே சொல்லிக்கொள்ளக்கூடாது அடுத்தவர் கூற வேண்டும் உனக்கு உன் அம்மா, அப்பா எப்படியோ அப்படித்தான் உன் கணவனுக்கும் அவர்களுடன் பழக நீ! அனுமதிப்பாய், ஒருபோதும் இதை மறுக்காதே அதுதான் அம்மாவுக்கு நீ செய்யும் நன்றி யாகும் அம்மாவுக்கு செய்யும்பெருமையாகும்! பிறர் போற்றும்படியாய் பிறர்க்கு உவமையாகி நீ வாழ வேண்டும், எனதாசை!

பறவைகளில் எனக்கு பிடிக்காதது குயில்! குயிலுக்கு சுகம் வேண்டும் பிற
பறவைகள் போல் கூடுகட்டிவாழாது, அதே போல்தான் மேலை நாட்டுப் பெண்மை கிழக்கு நாடுஅதாவது நமது நாட்டில் பெண் சமத்துவமாய் நடத்தப்படுவதற்கு கீழை நாடுகள் உத்தரவாதம் வரவேண்டும் அது மேலை நாட்டைப்போல் மேலை நாட்டுப்பெண்ணுருமை என்பது குயில் வாழ்க்கை போல் அமைந்துள்ளது கீழைநாடு பெண் பொறுப்பு குழந்தைகள் பராமரிப்பு குடும்பம் சமூகம் பேணுவது மேலைநாட்டு சமத்துவமும் நமது நாட்டு சமூகப்பொறுப்பும் உனக்கு வேண்டும் உன்அன்னை  என்ஆசைகளை நீ பின்பற்ற வேண்டி படைக்கிறேன், தொடரும்,

-  கவிஞர் ஜி.சூடாமணி, இராஜபாளையம்

**

தவமாய் தவமிருந்து எம் தாயின் உருவில் பெற்ற
தேவதையே ! கண்ணே.! கண்ணின்  ஒளியே !

நீ பிறந்த அன்று
ரோஜாப் பூவாய் உனைக் கையில் ஏந்தி ஒரு 
ராஜாவாக உணர்ந்தேன்  உலகையே வென்றவனாய்.!
ப்  .. பா.. என முதன் முதலாக நீ
பவழ வாய் திறந்து 
தித்திக்கும் தமிழில் பேசியதும்
தத்தித் தவழ்ந்து நடை பழகியதும் உன்னை
ஈ ன்ற பொழுதின் பெரிதுவந்த
இனிய தருணங்கள்  .
இன்று நினைத்தாலும்
இதயம் சிலிர்க்கிறது .!

வண்ணங்களால் இழைத்த
வானவில்லே !
கண்ணுக்குத்தெரியாத 
சிறகுடன் காலம் பறந்து கொண்டிருப்பதை அறிவாயா! 
வளர வளர நீ
வாழ்க்கையின் நிலைகளை
அறிய வேண்டும்.கண்ணம்மா!
மேடு பள்ளம் நிறைந்தது தான்
வாழ்க்கை.!
ஏட்டுக் கல்வி தவிர
வாழ்க்கைக் கல்வி யையும் நீ
கற்றிட வேண்டும் !
உலகம் அழகானது தான்.
உன்னைச் சுற்றியுள்ள
இயற்கையை நீ நேசித்தால் !
உலகம் சுவாரசியமானது தான் .
உயிர்கள் அனைத்தையும் 
உவகையுடன் நீ நேசித்தால் !

நம்பிக்கையுடன் நீ வாழ
நல்ல நூல்களை நாளும்
வாசிப்பாயாக .!
நிமிர்ந்த நன்னடையும்
நேர் கொண்ட பார்வையுமாக
பாரதியின் புதுமைப்பெண்ணாக
பாரினிலே நீடூழி நீ வாழ வாழ்த்துகிறேன்
உன்னை என்றும் எனது
உயிரில் சுமக்கும் உனது அன்புத்தந்தை !

- வெங்கட் ஜெயா

**

பனிக் காற்றின் பரவசமாய் 
என்னில் நீ ஜனிக்க,
பாதியாய் இருந்த நான்
பூரணமாய் ஆனதுன்னால்,
பக்குவமாய் பள்ளி சென்று
பாராட்டும் படி நீயும் பாடம் பல 
கற்று கல்லூரி சேர்ந்த பின்னே
கண்ணே - வாதும் சூதுமாய்
வகைவகையாய் மாந்தர்களும்
வந்திடுவார் நின் வாழ்வில்
எத்தனை இடர்கள் - எதிர் வந்தாலும் 
தாமரை இலையின் தண்ணீராய் இரு,
சந்தைக்குள் நீ இருந்தாலும் 
சிந்தை இருக்கட்டும் விழிப்புணர்வோடு, 
மூச்சும் பேச்சும் பயிர்சியாக்கு,
இவை இரண்டும் உன் பேச்சைக் கேக்கட்டும்,
ரெளத்திரம் பழகு
அகந்தை தவிர்,
உனக்கிட்டபடி என்றென்றுமிரு - 
மகளே உனக்கெந்தன் சொல் இதுவே

- கவிதா வாணி

**

என் அன்பு மகள் நீ ...என்னை விட்டு 
சென்று விட்டாய் வெகு தூரம் ! அயல் நாட்டில் உன் மேல் 
படிப்பு உன்னை சிகரத்தின் உச்சியும் தொடவைக்கும் !
உன் அம்மா நான் உன் மின்னஞ்சல் படிக்கும் 
வழி தெரிந்துகொண்டேன் உனக்காக ! ஆனால் உன் மின் அஞ்சல் 
எல்லாம் உன்  மொழியில் ! அது எனக்கு கிரேக்க மொழி!
அம்மாவின் என் மொழி இப்போ உனக்கு வேற்று மொழியா 
பெண்ணே?  மாற்றி யோசித்து  புது உச்சம் நீ தொட்டாலும் 
அம்மா நானும் பெண் நீயும் பேசிக்கொள்ள நடுவில் ஒரு 
மொழிபெயர்ப்பாளர் உதவி தேவையா நமக்கு ?
மாற்றிக் கொண்டாய் நீ உன்னை சாதனை பல 
ஆற்றிட ...என் மடலையும் நம் மொழியில் படித்து 
பதிலும் எனக்கு என் மொழியில் கொடுக்கும் 
ஆற்றல் இல்லையா என்ன உன்னிடம் ?
இந்த வயதில் உன் மின்னஞ்சல் மொழி  நான் 
கற்கும் போது உன் வயதில்  அம்மா மொழியில் ஒரு 
மின்னஞ்சல் எனக்கு நீ அனுப்ப முடியாதா என்ன ? 
அந்த உன் ஒரு சாதனை தீர்த்து வைக்கும் என் 
நீண்ட நாள் வேதனையை ! உன் பதில் என்ன என்று 
"கூகுளில் தேடு " நீ  என்று மட்டும் சொல்லிவிடாதே 
என் அருமை பெண்ணே !

- K.நடராஜன் 

**

சுறுசுறுப்புடன் எழுதத் தொடங்கினேன்.

"பெண்ணா" ?? 
சோகத்தை வேகமாய் முழுங்கி 
சந்தோஷச்சாயத்தை 
உதட்டில் பூசிய உன் தந்தை!! 

பொட்டையா ?? 
வெறுப்புச்சொற்களால் 
சறுக்க வைத்த பாட்டி !!

நீ கற்பூரம் - -- இருந்தும்
 கான்வென்ட் கல்வியா ? 
காசு போகுமே ? 
தூசு படிந்த வாயுடன் மாமன் !! 

உன் ஆரோக்கியத்தை அடகு வைத்து 
மனம் குளிர்ந்த அத்தை !! 

இப்படிப்பலர் --- 

விழ மறுத்த அழுக்குச்சொற்கள் --
காகிதத்தின் வெள்ளை மாறவில்லை !!
ஆம் !
மகளுக்கு எழுதிய மடல் 
தொடக்கத்திலேயே  முடங்கியதே  ?? 

- Dr எஸ். பார்த்தசாரதி

**

சீவிச் சிங்காரித்துச்
சின்னவட்டப் பொட்டிட்டு
மேவியுச்சி மோந்து
வாவென்ற வருகணைந்து
தாவியெனை யணைக்கும்
என் தாயுமானவளே!
ஆவி சோர்கையில்வந்து
அவி சொரிந்திவ்வாயில்,
போவியோ? அன்றேல்
ஏவியவோர் சொல்கேட்டுச்
சாவிதரு பொம்மையதாய்
ஆவியோ? அறிகிலேன் யான்..!          

- குகதர்சனி, ஐக்கிய இராச்சியம்.

**

என் அம்மே! என் ஆருயிரே!
தவமாய் தவமிருந்து நான் பெற்ற மகளே!
தந்தையாய் யான் பிறக்கச் செய்தவளே!
அழகே அழகிற்கு அழகானப் பேரழகே!
அமுதே நினைவினில் ஊறும் பேரமுதே!
உயிரே எந்தனுயிரினில் பூத்த தேவமலரே!
உலகே என்னுலகினைச் சுற்றிடும் முழுநிலவே!
பல்லாயிரம் மையிலுக்கு அப்பால் நீயும்
எல்லாமான நீயிங்கு இல்லாமல் நானும்
சொல்லொண்ணாத் துயரில் நின் பிரிவில்
சொல்லவும் முடியாது பொய்நகைப் புனைவில்
கண்டங்கள் கடந்த காணொளி பேச்சில்
கண்டுன்னை கசிந்துருகிப் போகின்றேன்
ஒருசில மணித்துளிகளே ஆயினும் தினமும்
ஓயாதப் பணிச் சுமையிலும் மறவாது
என்னை அழைத்திடு எனதருமை மகளே
நின்பிரிவின் காயத்திற்கது அருமருந்தாகுமே!

- கோ. ஹாலாஸ்யம். சிங்கப்பூர். 

**

மகளே உன் ஜனனம் எங்களை
தாய் தந்தையாக்கியது
உன் வருகை
சித்தி சித்தப்பா பெரியம்மா பெரியப்பா 
அத்தை மாமா 
இப்படி உறவுகள் வந்தது தந்தது
நீ வளரும் போது எங்களுக்கு
தினமும் புலரும்பொழுது
நல்ல விடியலாய்
உன்னை இறைவன்
எங்களுக்கு கொடுத்தது
அன்று மகளே
உனது அழுகுரல்
கேட்டாலே
உன் அம்மா
எங்கிருந்தாலும்
ஓடி வருவாள்
ஒருபோதும்
உன்னை அவள்
அழவிடவில்லை
உன் முகம் அறிந்து
உன் அகத்தையும்
அறிந்தவள் உன் அன்னை
இப்படிவளர்ந்தாய்
பள்ளிக்கு துள்ளிக் கொண்டு செல்வாய்
அதன் பிறகு
மகளே
பருவமாற்றம்
உன் உருவமாற்றம்
எங்களுக்கு வயது ஏற்றம்
தடுமாற்றம் வரும்
நேரம்
மனதை தாலாட்டும்
உன் முகத்தின் வசீகரம்
மகளே இன்று
உனக்கு திருமணம்
ஒரு பக்கம் மகிழ்ச்சி
மறுபடியும் 
கடந்த கால நினைவுகள் நடக்குமா? 
என்ற ஏக்கம்
அன்று முதல் இன்று
வரை நான்
தெருமுனை வரும்
போதே 
என் வரவை தெரிவிக்க
இனி ??? 
நெஞ்சம் கலங்குது
என் செய்வது
பெண்ணாக பிறந்து
விட்டால்
பயணம் என்றுமே
தொடர்ந்து
பிறந்த வீடு தொடங்கி
புகுந்த வீடுவரை
தொடருமே
மகளே
எங்கு சென்றாலும்
நீசரியான முடிவு எடுப்பாய் 
அங்கும் சரியாக இருப்பாய்
அம்மாதான்
எப்படிஇருப்பாள்
என்று தெரியவில்லை
மடலில் எழுத வார்த்தைகள் இல்லை
மனதில் எழுதிய
உறலல்லவா?
மரனித்தாலும் மரணிக்காது
இந்த மடல்
இதயத்தின் வருடல்
உனக்கான தேடல்
அன்புடன்

- களக்காடுவ.மாரி சுப்பிரமணியன்

**

சுவாசம் கொடுத்த என்னை 
நேசத்துடன்  பார்த்து 
பாசத்துடன் கைகோர்த்து  
வேஷமில்லா  அன்பு காட்டிய 
என்னருமை  புதல்வி நீ!
வாழ்ந்த,  வாழும்,  வாழப்போகும்  வாழ்க்கை  
என்ற முக்காலத்திலும் 
உன் நினைவுகளை என்னிடம் தந்து 
தன்னிலை மறக்க வைத்த 
நீ மகிழ்ச்சியாக  புகுந்த வீட்டில் 
அடியெடுத்து வைத்தாய்!
பெண்ணை பெற்றால் நம் 
கண் மூடும்  நாள் வரை 
என்னை காப்பாய் என்ற 
நம்பிக்கை கொடுத்த  
ஆல மரம் போன்றவள் நீ!
உனக்கு மடல் வரையும் 
எனக்கு நீ அனுப்பும் பதில் மடல் 
அதுதான் "என் எனர்ஜியின்" ரகசியம்!
காத்திருப்பேன் உன் அன்பு மடலுக்காக!

- உஷாமுத்துராமன், மதுரை

**

மகளைப் பெற்ற தகப்பனெல்லாம்
தன் வாழ்வில் கூடுதலாய்
ஒரு கவிதையும் எழுதியவன் தான்.
ஆக 
கவிதைக்கு ஒரு கவிதை மடல்..

என் முத்தத்தில் குறுகுறுக்கும் 
உன் சிரிப்பால்
நரைக்கும் என் மீசையையும் 
அழகாக்குபவள் நீ.

கனவுகளைச் சுமக்கும் பெட்டகம்
கதைகளும் சொல்லக் கேட்டு
கதைகளாலே மெல்லக் கனவுகளைத்
தூவப்பார்த்தேன்.

தானாய் முகிழும் உன் கனவுகளிடம்
நானாய்த் தூவும் என் கனவுகள்
மெல்லத் தங்கி மெதுவாகவே வளர‌
எனக்குப் புரிந்தது.
விளைநிலங்களும் முடிவு செய்யும்
விதையின் வாழ்வை
அது விளைந்து நிற்கும் உயரத்தை.

ஆக 

இந்த மடலில் 
எதுவுமே சொல்லாமல்
ஆனாலும் சொல்ல வேண்டும்.

எனவே
ஒரு கதை மட்டும் சொல்வேன்.

ஒரு பரந்து விரிந்த உலகம்.
ஆயிரமாயிரம் பறவைகள்.
பல்லாயிரமாயிரம் மரங்கள்.
எல்லாம் எதுவோ எவரோ
என்றோ விதைத்தது.
பறக்கும் தொலைவே பறவையின் வலிமை. 
பறவையின் விழைவே பழங்களின் வகைகள்.
பசியோ கனவோ எதுவோ
அதுவே பறவையின் வேகம்.
பறவைகள் அள்ளித் தின்னலாம்.
கூட்டினில் குவித்தும் கொள்ளலாம்.
தேடி மகிழ்ந்து தின்னலாம்.
தேடாமல் சலித்தும் போகலாம்.
வலியும் மகிழ்வும் நிறைந்தும்
பறவையின் வாழ்விலும் இருக்கலாம்.
உலகம் பறவைக்குச் சொல்லும் உயரங்கள்
பறக்கச் சொல்லும் தூரங்கள்
எதுவோ ? 
பறவை கண்ட உயரங்கள்
பறந்து சென்ற தூரங்கள்
எதுவோ ? 
எனினும்.. ஆங்காங்கே
விதைகளைத் தூவித்திரிந்தன‌ பறவைகள்.
இன்றும் தூவித்திரிகின்றன பறவைகள்.
பல்லாயிரமாயிரம் மரங்கள்
பலப்பல‌கோடி ஆயின பரந்து விரிந்த உலகில்.
அதனால் மேலும்
பரந்து விரிந்து பரந்தது உலகம்.

கதையில்
என்ன சொல்கிறது பறவைகள் ?

உன்னிடம்
இந்த கவிதை மடல் விழையும் 
பதிலும் அதுவே !!

- ரமேஷ் கோபாலகிருஷ்ணன், பீனிக்ஸ், அமெரிக்கா

**
 

]]>
தினமணி, Poem, கவிதை, kavithaimani, kavithai, மகள் https://www.dinamani.com/specials/kavithaimani/2019/jan/29/கடந்த-வாரத்-தலைப்பு-மகளுக்கு-ஒரு-மடல்-வாசகர்-கவிதைகள்-3085406.html
3085431 ஸ்பெஷல்ஸ் கவிதைமணி இந்த வாரத்திற்கான தலைப்பு: நீர்ப்பரப்பில் ஒரு மீன் கவிதைமணி DIN Tuesday, January 29, 2019 02:29 PM +0530
மகளுக்கு ஒரு மடல்... என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு:  நீர்ப்பரப்பில் ஒரு மீன்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருந்தால் மட்டுமே கவிதைகள் வெளியிடப்படும். 

உங்கள் கவிதைகளை யூனிக்கோடு எழுத்துருவில் தட்டச்சு செய்து மேற்கண்ட மின்னஞ்சல் முகவரிக்கு அடுத்த திங்கள்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும்.

]]>
poem, kavithaimani, dinamani, fish, மீன், கவிதை, கவிதைமணி https://www.dinamani.com/specials/kavithaimani/2019/jan/29/இந்த-வாரத்திற்கான-தலைப்பு-நீர்ப்பரப்பில்-ஒரு-மீன்-3085431.html
3080427 ஸ்பெஷல்ஸ் கவிதைமணி இந்த வாரத்திற்கான தலைப்பு:  மகளுக்கு ஒரு மடல் கவிதைமணி DIN Monday, January 21, 2019 05:43 PM +0530 உன் விழிகளில்... என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு:  மகளுக்கு ஒரு மடல்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருந்தால் மட்டுமே கவிதைகள் வெளியிடப்படும். 

உங்கள் கவிதைகளை யூனிக்கோடு எழுத்துருவில் தட்டச்சு செய்து மேற்கண்ட மின்னஞ்சல் முகவரிக்கு அடுத்த திங்கள்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் தட்டச்சு செய்து அனுப்பவும்.

]]>
kavithai, poem, poetry, கவிதை, தினமணி, கவிதைமணி https://www.dinamani.com/specials/kavithaimani/2019/jan/21/இந்த-வாரத்திற்கான-தலைப்பு--மகளுக்கு-ஒரு-மடல்-3080427.html
3079333 ஸ்பெஷல்ஸ் கவிதைமணி கடந்த வாரத் தலைப்பு உன் விழிகளில்! வாசகர் கவிதைகள்! கவிதைமணி DIN Monday, January 21, 2019 05:32 PM +0530 உன் விழிகளில்

உன்னை என் நயனச் சிறைகளில்  அடைத்த பின்னுமா
என் மீது உனக்குக் கோவம் வரவில்லை?
ஏன் தாமதிக்கிறாய்? 
பதிலுக்கு என்னை உன் விழிச்சிறைகளில் அடைத்துவிடு. 
விடுதலை என்பதை என்றைக்கும் விரும்பாமல் 
காலமெல்லாம் கட்டுண்டு கிடப்பேன். 
என்னில் நீயும், உன்னில் நானும். 
நினைக்கும் பொழுதே நெஞ்சம் நிறைகிறது 
நினைவலைகளில் நித்திரை நீசமாகிறது. 
எத்தனை காலம் காத்திருப்பது? 
கருணை கூர்ந்து களமிறங்கி விடு, இப்பொழுதே 
காதலை பொய்க்க விடாதே, கண்ணே. 

பான்ஸ்லே. 

**

தூண்டில் போடுவது மீன்களைப் பிடிக்கத்தானே? 
ஆனால் இங்கு மீன்களே 
அல்லவா தூண்டில் போடுகின்றன! 

வானவில்லில் கருப்பு நிறம் 
இல்லாததன் காரணம் 
உன் புருவம் பார்த்தவுடன் 
புரிந்து போனது எனக்கு! 

உன் பார்வைகளைப் 
பத்திரப்படுத்திக்கொள் கண்ணே! 
மாற்று வழி மின்சாரத்திற்காய் 
மனிதக் கூட்டம் அலையும் காலமிது! 

நீ கண்ணுறங்காத நாட்களில் 
இரவுகள் இரட்சிக்கப்படுகின்றன! 

நீ தன் மீதுதான் கண் விழிப்பாய் என 
உன் படுக்கையறைப் பொருட்கள் 
பந்தயம் கட்டிக்கொள்கின்றன தங்களுக்குள்! 

நீ முகம் கழுவும் பொழுதிற்காய் 
தண்ணீருமல்லவா தவமிருக்கிறது! 

நீ கண்தானத்திற்காக விண்ணப்பித்ததிலிருந்து 
குருடனாய்ப் போகவேண்டி 
குலதெய்வத்திடம் முறையிடுகிறேன்! 

உன் புருவங்களுக்கு மத்தியில் 
புகலிடம் பெறவேண்டி 
குதூகலமாய்க் காத்திருக்கிறது குங்குமம்! 

சூரியனும் குளிர்கண்ணாடி அணிகிறது! 
சுடர்விடும் உன் கண்ணொளி கண்டு! 

உன் கைக்குட்டைக்குத்தான் எத்தனை கர்வம்? 
உன் கண்ணீர் தாங்கும் தருணங்களில்? 

உன் ஒவ்வொரு கண் சிமிட்டலிலும் 
ஓராயிரம் கவிதைகள் பிறக்கின்றன! 

இக்கவிதை அந்த ஆயிரத்தில் ஒன்று!  

 - நிலவை பார்த்திபன் 

**

என் இறுதி மூச்சு நின்றும்
குருதி வழிந்தோடிய
உன் விழிகளில்  தஞ்சமடைந்து 
என் வாக்கை நிறைவேற்றி விட்டேன்/

சமத்துவத்தை புதைக்க 
நம்மை கவுரவமாக கொலை செய்தவர்களுக்கு 
சவக்கிடங்கில் நிலவும் சமத்துவம் புரியாது!

-தேவி பிரபா

**

 
என் மனதை கொள்ளையடித்த 
முகம்மூடிய விழிபறி 
கொள்ளைக்காரியே!
நீளுமா உன் நீல விழிகள் 
என் பக்கம்!

சோம பானமும் சுரா பானமும் 
பருகின்னல்தான் போதை!
சொக்க வைக்கும் உன் விழியைப்
பார்த்தாலே போதை!

வழிமேல் விழி வைத்தால் 
பாதை தெரியும்!
உன் விழிமேல் விழி வைத்தால்
போதை தெரியும்!

உன் நீல விழிப்
பார்வை பட்டே
வானும் கடலும் 
நீலமனதோ!

உன் விழிகளில் கண்டேன்  
வயது வந்தோருக்கான 
புதிய திரைப்படம்!
அதில் கருப்பு வெள்ளையே இல்லை!
உன் விழிகளில் தெரிந்தது 
முழு நீலப் படம்!

இரும்பாலான இதயத்தையும் ஈர்க்கும் 
உன் காந்த விழிகளால் 
நான் விழுந்துவிட்டேன்!

உன் விழியைப் பார்த்தால் 
உள்ளம் தடுமாறுதே!
இதயம் இடம் மாறுதே!
என் விழியும் நிறம் மாறுதே!

உன்னைப் பார்த்ததிலிருந்து
கரும்பாய் இனிக்கிது உன் நினைவு!
கவிதை படிக்கிது என் மனது!

- கு.முருகேசன்

**

பெண்ணே உன் விழிகளிலிருந்து
விழும் கண்ணீர்த்துளி
விலைமதிப்பற்றது
விரயம் செய்யாதே!

தோல்விகள் தொடர் கதையல்ல
வெற்றியை  பாதைக்கு அழைத்துச்செல்லும் முதல்
அத்தியாயம்..


சீதையாய் தீக்குளித்தது 
போதும்
கண்ணகியாய் கொதித்தெழுந்துவா...

காமுகர்களை கபலிஷ்கரம் செய்ய
நம் காலம் தாழ்த்தும்
ஒவ்வொரு கணமும்
நம் சூறையாடப்படுகிறோம்
நயவஞ்சகம் பிடித்த சில சகுனிகளால்...

- காசிநாதன் சுதா, சிங்கப்பூர்

**

வானத்தின் விழிகளில்விண் மீன்கள் துள்ளும்; 
            மேகத்தின் விழிகளில்தாம்  மழையும் சிந்தும்; 
ஊனத்தின் விழிகளில்தாம்  திறன்கள் வாழும்; 
            உடலின்தம் விழிகளில்தாம் வியர்வை கொட்டும்; 
மானத்தின் விழிகளில்தாம்  தமிழர் வீரம்; 
            மண்ணகத்தின் விழிகளில்தாம் வையம்; ஆனால், 
மா(ன்)உன்றன் விழிகளில்தாம் நானு மின்று 
           மறைந்தேதான்  தொலைந்தேன்டி; நியாயந்  தானா? 

நிலவில்லா இரவின்தன் விழிக  ளில்தாம் 
          நிலம்ஆய்ந்து உறங்கிடுமே; அதனால்  இந்த 
நிலமென்றும்  இருளடைந்து கிடப்ப தில்லை;
          நீரின்கண் விழிகளில்தான் உயிர்க ளெல்லாம் 
நலமாக  உயிர்வாழும்; சிலவே  ளைகள் 
         நிலவின்கண் வெளிச்சத்தை மேக மூடி 
கலக்கத்தை ஈந்தேதான் மறைத்த  போதும் 
         நிலவின்தன் விழிகளாலே வெளிச்சம்  பாயும்; 
நிலவைப்போல் நங்கையுன்றன்  விழிக ளில்தாம் 
          நிலமாக நானுந்தான் வெளிச்சம் பெற்றேன்!


பணமுனையின் விழிகளில்தாம் வாழ்வும் சிக்கி 
          பாரினிலே மாந்தயினம் தவித்த  போதும் 
குணமிகுந்த  சிலராலே  புவியும்  சுற்றும்; 
           குவலயமும் நல்வினையால்  நிமிர்ந்து  நிற்கும்; 
மணமிகுந்த மலர்வனமாய்  மணக்கும் வாழ்வு,
            மங்கையுன்றன் விழிகளில்தாம் நித்த  நித்தம் 
உணவாகிப்  போனதடி;   விழியால்  வாரி 
           ஓயாமல் உண்டிடுவாய் என்னை அள்ளி!

- நெருப்பலைப் பாவலர், இராம இளங்கோவன், பெங்களூர்

**

உடைந்துச் சிதறிய
கண்ணாடித் துகள்களை
உன் விழிகளுக்குள்ளிருந்து
எடுத்தபோது
என் விரல்களில் 
ரத்தம் வழிந்தது 

கனவுப் பனிப்போர்வை
போர்த்திய
இரவுக்குளிர் காற்றில் உறைந்த
நீலக்கிரகமாய் 
உன் கண்ணின் மணி
நிலைகுத்தியது

வழிந்த ஒற்றை
கண்ணீர்த்துளி
விழிச்சிலம்பு
உதிர்த்த
முத்துப்பரல் 
என் மார்பில் 
தீக்கங்காய் 

இமைச்சிறகை விரித்த
வெள்ளை வண்ணத்துப்பூச்சி
கண்களுக்குள் 
பிரபஞ்சத்தின் 
கறுப்புரகசியம்
தன்னை ஏதொவொரு
மொழியில் எழுதிக்கொண்டது

நீலக்கடல் விழிகளுக்குள்
மெல்லநான் இறங்க 
உன் உதடுகள்
நான்என நினைத்து
வெறுமையைக் கடித்து
சிறகு கிழித்த காற்றைப்போல் 
கிழிந்த மனப்பிறழ்வு மொழியில்
முனக 
காலத்தை முறுக்கிப்
பிழிந்துச் சொட்டிய 
ஈரத்துளிகள்
இமைரோமங்களில்
புல்சூடிக்கொண்ட
பனித்துளிகளாய் 
ஒட்டிக்கிடக்க 

இறுதியில்
அந்தக் கணம்
கடைசி செங்கலையும்
வைத்துவிட்டுக்
கடந்துபோனது
 
**

 உன் விழிகள் பேசும் 
மொழிக்குத்தான் ஏதடிப் பாஷை... 

உலகமொழிகள் ஒவ்வொன்றாய் 
தொகுத்துச் சொன்னாலும் 
புரியாமல் போகலாம்... 

உன் ஒற்றைப் பார்வையில் 
ஆயிரம் அர்த்தங்கள் 
அகராதி இன்றித் 
தெரிந்துக்கொண்டேன்... 

நான் சோகத்தில் இருக்கும் 
போதெல்லாம் 
என்னைத் தேற்றும் மருந்தாகும் 
உன் பார்வை... 

நான் துவண்ட போதெல்லாம் 
என்னைத் தூக்கி நிறுத்தும் 
உன் விழிகளும் 
எனக்கு ஏணியடி.. 

நிலவும் நாணம் கொள்ளும் 
உன் விழிகளின் 
ஓரப் பார்வையில்... 

ஓடை மீன்களும் 
ஓடிவரும் 
உன் விளிகளில் 
ஒளிரும் ஒளிதனில் 
மயங்கி... 

அணுக்களின் இயக்கங்கள் கூட 
ஒரு நொடிப்போழுதினில் 
நின்றுப் போகலாம் 
உன் விழிகளின் 
காந்தப் பார்வையில்.

- கவிஞர் பி.மதியழகன்

**

உன் விழிகளில் தெரியுது ஓராயிரம் மொழிகள்!
உன் விழிகளில் வழியுது பலவாயிரம் ரசங்கள்!

ஒவ்வொன்றாய் எடுத்து கவிதை படைக்க சொற்கள் போதுமா?
ஒவ்வொன்றாய் எடுத்து ஓவியம் வரைய நேரம் போதுமா?

உன் விழிகளால் என்னை பார்த்து பார்த்து கொல்லாதே!
உன் விழிகளால் என் இதயத்தில் ஊடுருவி செல்லாதே! 

இயல்பாய் பார்க்க உந்தன் விழி குழந்தையடி!
மகிழ்வாய் பார்க்க உந்தன் விழி தேவசிலையடி!
கவனமாய் பார்க்க உந்தன் விழி ஆராய்ச்சி கூடமடி! 

பொங்கு அலையாய் உந்தன் விழியில் நான் நனைய,
தங்கும் மணலாய் எந்தன் மனதில் நீ தங்கிடுவாயாக பெண்ணே!

- இனிய தமிழ் செல்வா, ஓமன்

**

கெண்டை (இ)ரண்டு மேகம்
கொண்டு  துள்ளியிங்கு வந்ததோ
கண்டுகொண்ட எந்தன் நெஞ்சு
சந்தம் கொண்டு பாடுதோ

வண்டமர்ந்த சோலை மேயும்
மான்கள் போல பார்க்குதே
நோக்கும்போது எந்தன் ஆவி
உன்னைச் நாடிச் சேருதே

தண்மை கொண்ட நிலவின்
கண்கள் நோக்குகின்ற போதிலே 
எந்தன் சிந்தை உன்னைவாழ்த்தி
கவிதை கோடி பாடுதே

சண்டை செய்யும் வாள்களாக
கூர்மை கொண்டபோதிலும்
கருணையோடு அன்பை நாளும்
உந்தன் விழிகள் வீசிடும்.

- கு. இராமகிருஷ்ணன்

**

உன் விழிகளில் - நான் எனைப் பார்த்தேன்!

உன் விழிகள் என்ன காந்தமா!
கவர்ந்தெழுக்கும் துகளாய் நான்!

தூரம் சென்று பார்த்த பின்னும் நொடியில் என்னை பொடியாக்கினாய்!

மனம் எரிகின்றதே தீ பற்றாமலே!
காதல் உருவானதே உன் விழிகளினாலே!

இருவிழி கொண்டு எனை நோக்கினாய்!
உன் இசைவிலே எனை தாலாட்டினாய்!

இது பல ஜென்ம பந்தமா இல்லை பூர்வ ஜென்ம புண்ணியமா!

உன் விழி பார்த்து மெய் சிலிர்க்க!

உயிரோடு உயிர் சேர்ந்து உறவாட கண்டேன்!

உன் விழியோடு விழி சேர்த்து எனை கண்டு கொண்டேன்!

காதல் இடம்மாறி, தடு மாறி, உனை உருவாக்கி கொண்டேன் - மனதில் உளமார நிலைபெறச் செய்தேன்!

பெண்ணே படைத்தவன் உனை பார்த்திருக்க!
பார்த்த இடத்திலே பரிதவிப்பான்!
பாவை உந்தன் இருவிழி கண்டு 

-செந்தில்குமார், திருநெல்வேலி

**

உன் விழிகளில் உறைந்து போக வேண்டும்  
உயிரோடு உயிராக கலந்து போக வேண்டும் 

பார்க்கும் இடமெல்லாம் நீயாக வேண்டும் 
சாய்ந்து உறங்கிடும் சேயாக வேண்டும் 

சுவாசம் சிந்தும் சுவாசத்தை சுவாசித்திட வேண்டும் 
பூவாசம் தந்திடும் நினைவில் 
வாழ்ந்திட வேண்டும் 

ஆருயிராய்த் தழுவி தினமும் 
அணைத்திட வேண்டும் 
ஓரியிராய் ஈருயிர்கள் இணைந்திடல் வேண்டும் 

- பாலா கார்த்திகேயன் 

**

தொல்லுலகில் 
பெண்கள் போர் செல்லா காரணம் 
இன்றறிந்தேன் _ உன் விழிகளில்
நொடிக்கு நூறு யுத்தம் 
புரியும் உன்விழி வல்லமை விழிகளில்

- பவித்ரா ரவிச்சந்திரன், மதுரை

**

உன் விழிகளின்  ஓரம் 
ஒரு துளி  நீர் வந்தாலும் 
என் இதயத்தில்  பல துளி ரத்தம்  கசியும்  
இது காதலால்  ஆதலால்  சொல்லும் 
வெறும் வார்த்தைகள் என்றால் - ,அங்கு 
காதல்  வேசமாகிறது  .
உன் விழிகளின்  ஓரம்  மட்டும்  
நான் விழவில்லை  
உன் நினைவால்  
நான் நானாக இல்லை 
உன்னை எதிர்பார்த்து எதிர்பார்த்து 
கண்கள்  தூங்கவில்லை  
நீ வலம் வரும் 
தெருவோரம்  
தினந்தோறும்  என் நகர்வலம்  
தெரு நாயும்  நண்பனாச்சு 
உருமாறி  உடலும் ஆச்சு  
அன்று - நீ 
உன் தங்கையை காணவில்லை 
என்றதும் கடற்கரை  
வரை தேடினேன்  .அதுபோல
உன்னை காணவில்லை  
என்றதும் கடலுக்குள்ளே நுழைந்தேன் .
உனது  பேனா  உன் 
கைதவறி   கிணற்றில் 
விழுந்துவிட்டது   என்று - அன்று
நீ நின்று  சொன்னதும்;  
கிணற்றுக்குள் குதித்தேன்  
அந்த. கடலின் ஆழமும்
கிணற்றின்  ஆழமும்  
எனக்கு தெரிந்தது. 
உனது மனத்தின் ஆழம்தான் 
எனக்கு தெரியவில்லை.
அன்று; உன் விழிகளில் 
நான் விழுந்துவிட்டேன் என்று 
நான் சொன்னதும்  .
நானும் தான்  என்று 
சொல்லி உன் விழியோரம் நீர் 
வடித்தாயே .
இன்று 
நம்ம காதலை  முடித்தாயே  .
இப்போது  புரிந்தது  
எல்லாமே தெரிந்தது.
விழிகள் தூங்கும்  என்பதை 
அறியாமல்  - அன்று,
உன் விழியோரத்தில்  
நான் விழுந்தது தவறே  .
இதயத்தில் விழுந்திருக்க வேண்டும்  
அதுதானே  எப்போதும்  
துடித்துக்கொண்டுஇருக்கும் 
இன்று, என் விழி ஓரத்தில்  
நீர் வடியவில்லை  
காரணம்  நீ  அங்கு 
இல்லை எங்குமே 
என்னில் இல்லை .
என்னை கரம்பற்றிய  
என் அன்பு மனைவியே என்றும்  
என் விழியோரத்தில்; 
ஆனந்தக் கண்ணீரோடு
என் நெஞ்சத்தோடு என்றென்றும் …

- களக்காடுவ .மாரி சுப்பிரமணியன்

**
தமிழகமே.. என் தாய் மண்ணே.. உன் விழிகளில்…
துயர் துடைக்கும் கருணைக்கடல் பொங்க வேண்டும்…
அன்பு எனும் இன்ப ஊற்று சுரக்க வேண்டும்..
அடிமைத்தளை அச்சம் விட்டு அகல வேண்டும்…
உதவி செய்து மகிழ்விக்கும் கனிவு வேண்டும்…
உண்மைதனை உரைப்பதற்கு துணிவு வேண்டும்…
நல்லனவே தெரிகின்ற நிலைமை வேண்டும்…
நலம்பயக்கும் ஒளிக்கீற்று பாய வேண்டும்…

தமிழகமே.. என் தாய் மண்ணே.. உன் விழிகளில்…
தொலைக்காட்சித் தொடர்களெல்லாம் தெரிய வேண்டா..
அலைப்பேசித் தொடுதிரையே பதிய வேண்டா..
கலைந்து போகும் கனவாக நட்பு வேண்டா..
உலைவைத்த எதிரியெனினும் வஞ்சம் வேண்டா..
விலையில்லா இலவசங்கள் இனிக்க வேண்டா..
நிலைகுலையச் செய்தாலும் அச்சம் வேண்டா…
மலைமலையாய் வாங்குகின்ற நினைப்பு வேண்டா..

-ஆ. செந்தில் குமார்

**

ஓ பெண்ணே,
உன்னை கண்டேன்,
அழகை  உணர்ந்தேன்,
மெய் சிலிர்த்தேன்!

நீ நடந்து சென்ற பாதையில் கால் வைத்து நடை பயின்றேன்,
உன் தலையில் இருந்து களைந்த பூவிலும் வாசம் முகர்ந்தேன்,
உன் சிரிப்பொலியும் தேசிய கீதம் போல் எனக்கு புத்துணர்வு அளித்தது,
மொத்தத்தில் உன் நினைவுகளில் என்னை தொலைத்தேன்!

முதல் முறை உன்னை நேருக்கு நேர்,
விழியோடு விழி பார்த்தபோது,
தொலைத்த என்னை கண்டேன்,
உன் விழிகளில்!!
உணர்ந்தேன் நம் காதலை!
அன்று முதல், என் வாழ்வும் வண்ண மயமானது!
நீ உறங்கும் பொழுதும்,
உன்   விழிகளில்,
நானும் உறங்கினேன் தாயின் கருவில் இருக்கும் பிள்ளைபோல்!

உன்னை நான் இதயத்தில் சுமந்தேன்
ஆனால் நானோ, சிப்பிக்குள்  முத்தாய்
உன் விழிகளில்!!

**
உன் விழிகளில் நிறைந்திருக்கும் உருவம் என்ன வென்று அறியகருவி தேவை
குங்குமம்  கொடுத்து இதயத்தைக் கேட்கும் காலம் ஒன்று இருந்தது
இதழ்களின் வழி காதல் பரவியது ஒரு காலம், அது பொற்காலம் என்பேன் நான்
இதயத்தை ஸ்கேன் பண்ணுவதா? மூளையை பண்ணு வதா? ஒரே குழப்பம்
இன்பத்தை மட்டும் ஸ்கேன் பண்ணவே ஒருகாலத்திலும் முடியாது
விழிகளுக்கு வருவோம் ! அது ஒரு காமிரா தான் ‘ சேவ்’ செய்யமுடியாது

விழிகளால் பார்க்கின்றேன் விழிகளால் அ ழைகின்றேன்,விழிகாளால் பேசுகின்றேன்
வேண்டிய கண்களில் தான்பேசுகின்றோமா? ஒரு சந்தேகம்தான்!
விழிகள் நுழைவாயில் கண்காணிப்புச் செய்வது, நம் மூளைதான் !
விழிகள்தான் ஆரம்பக்கட்டம்! அதன்பின் இதயம்—மூளைதான்
கோவில்கள்களில் நுழைந்ததும் கும்பிடும் விநாயகர் போல்
“உன்விழிகள்! என்விழிகளில் சேருமா? உரை தோழனே!” ஆனால்
என் விழிகளில் எந்த ஸ்கேன் பண்ணினாலும் நகல் எடுக்கமுடியாது!
ஆனால் நம்பிக்கை! உன் விழிகளில் நுழைந்தவள் இதயத்தில் நிறைந்தவள்! நான்!

- கவிஞர் அரங்க.கோவிந்தராஜன், இராஜபாளையம்  

**

உன் விழிகளில் அன்பிருந்தால் 
   அகிலமும் உன்னை விரும்புமே
உன் விழிகளில்  ஆனந்தம் தெரிந்தால்
 அனைவரும் உன்னை விரும்புவரே
இன்பமிழைந்தால் நம்பிக்கை ஒளிவிடுமே 
ஈரமிருந்தால் உறவுகள் வேர்விடுமே 
பகையையும் ஊதித் தள்ளிடலாமே 
பலரும் உன் விழியழகில் விழுவரே!

உன் விழியில் கோபம் வீசினால் 
    உன்னைப்  பார்த்தவர் விலகுவர் 
உன்விழிகளில் வெறுப்பை உமிழ்ந்தால்
     வானைநோக்கி உமிழ்ந்த எச்சிலாகுமே
எரிச்சலைக்கண்டு எதிரிகள் எழுவரே
 ஏக்கம் மிஞ்சி எள்ளி நகையாடுமே
பகையும் கொளுந்துவிட்டு பளிச்சிடுமே
பலரும் உன்னை ஒதுக்கித் தள்ளிடுவரே!

விழித்து வெறிக்கும் பார்வை விரட்டும் மனிதவுறவை
விழிநிறை மகிழ்வு காட்டும் பார்வை மனிதவுறவை
பாசவலையாய்ப் பின்னிப் பிணைந்து விரிந்திடுமே
நேசமிகுந்து நித்திலம் நிலைத்திடுமே

**

கூர் விழியாளே !
ஏர் பிடிக்கும்
எந்தன் கரங்கள் 
எழுதிய கவிதையை
வாசிக்கிறேன் கேளாய் !

என் விழிகள்
இமைக்கும் நேரத்தில் 
வரப்பைக் கடக்கிறாய் !
உன் விழிகள்
சந்திக்கும் நேரத்தில்
இமைக்க மறுக்கிறாய் !
கள்ளமில்லா உன்
உள்ளத்தின் உணர்வுகளாம்
காதலும்
காருண்யமும்.  
பரிவும்
பாசமும்
உந்தன்  விழிகள் வழியே
பள்ளமதை நோக்கிப் பாயும்
வெள்ளமெனப் பாய்ந்து
எனது மனதோடு சேர்ந்து
வயலையும் நிரப்பியது
கயல் விழியாளே !
நம் விழிகள்
நான்கும் 
இறந்தபிறகும் வாழ வேண்டும்
பிறருக்கு ஒளி தந்து !
   
- கே.ருக்மணி 

**

மொழி பேசும் விழிகள் எனை அசைத்தன
சுழித்தோடி என் ஆழ்மனதைத் தொட்டன
பொழியும் சாரல் மழையாய்  அணைத்தன
வழிகாட்டியாய் காதல் அன்பைத் தொடுத்தன

உள்ளம் உன் விழிகள் வழி தெரிகின்றதே
கள்ளம் ஏதும் இல்லையெனப் புரிகின்றதே
அள்ள அள்ளக் குறையாத அன்பிருக்கின்றதே
துள்ளத் துள்ளக் குதிக்கும் காதல் புரிகின்றதே

விழுங்கியதே உன் விழிகள் என் உள்ளத்தை
உழுது காதல் விதை அதில் ஊன்றியதே
பழுதின்றி அன்பு நீரூற்றி வளர்த்ததே அதை
விழுதாக வேரூன்றியதே காதல் உன் விழிகளிலே

தோற்றன என் விழிகள் உன் விழிகளின் போரில்
ஆற்றலை அள்ளி வழங்கி ஆதரவும் தந்தனவே
காற்றிலாடிய கனவை நினைவாக்கிய அதிசயம்
போற்றினேன் காணும்போது உன் விழிகளையே

உன் விழிகளில் வழியும் அன்பில் நனைகிறேன்
உன் விழிகளில் பொழியும் காதலில் குளிக்கிறேன்
உன் விழிகளில் தோன்றும் மொழிகளைப் படிக்கிறேன்
உன் விழிகளின் அசைவில் என்னையே பார்க்கிறேன்.

- கவிஞர்  ராம்க்ருஷ்

**
வாழ்நாள் முழுவதும் - எனக்கு
திரும்ப பெற முடியாத
ரெட் அலாா்ட் -
உனது வெண்விழிக் கடலில் 
உண்டான கருவிழிப் புயலால்....!

சொா்க்கவாசல் திறப்பும்
அற்பமானது - உனது
விழிகளின் திறப்புக்கு முன்னால்...!

நீ உறங்கிய நிலையிலும் -
உன் விழிகள் இமைக்குள்
பாதுகாப்பாய் இருந்தன - ஆனால்
என் இதயமும் விழிகளும்மட்டும்
உன்னால் களவாடப்பட்டன....!

உன் விழிகளில் நிகழும்
அதிசயங்களைப் பத்திரப்படுத்தி வை -
உலக அதிசயக்குழுக்  கண்டுவிட்டு
உன் விழிகளையே சிலையாக்கி
காட்சிப்படுத்தி விடப்போகிறது...!

சமகாலத்தில் சந்திரனும் சூரியனும்
மாறி மாறி தோன்றுகின்றன
காரணம் யாதென்றால் - உன்
வெண்விழிப் பகலாகவும் - உன்
கருவிழி இரவாகவும் காட்சிதந்து
அவைகளுக்கு குழப்பத்தை தருகின்றன...!

காட்டாற்று வெள்ளத்தில்கூட
எதிர்நீச்சலிட்டு கரையேறிவிடுவேன்
ஆனால் - காதலியே
பெருங்கடலாய் விளங்கும்
உன் விழிகளில்
விழுந்தவன் நான் - நீச்சலையே
மறந்துவிட்டு தத்தளிக்கிறேன்....!

மாசுக் கட்டுப்பாட்டு வாரியத்திடம்
அனுமதிப் பெற்றபிறகு - காற்றினை 
உன்விழிகளிடம் நெருங்க சொல் -
இல்லையேல் - மாசடைந்த காற்று
உன்விழிகளையே சேதமாக்கிவிடும்...!

உன் விழிகளால் - எனக்கு
தினமும் வசிய மருந்திடு...
ஒருவேளை  - நீ
மறந்துவிட்டால்  - எழுதிவைத்துக்கொள்
அன்று நான் இறந்திருப்பேன்....!

நான் இறந்தபிறகு - எனது
இமைகளை மூடி வைக்காதீர்கள்
அவள் விழிகளின் தரிசனம் -
இறப்பிற்கு பிறகும்
எனக்கு கிட்ட வேண்டும்.......!

- கவிஞர் நளினி விநாயகமூர்த்தி

**


சலிப்பின்றி இமைக்கும் ஒலியின்றி   இசைக்கும்
வார்த்தைகள் அற்று
பார்வையால் சுற்றும்
உந்தன் விழிகள்
உரைக்கும்  மொழிகள்
எத்தனை ?
கருணையில்  கசியும்
கற்பனையில் கரையும்
காதலில் பூக்கும்
கதைகள்  பேசும்
கணைகள் தொடுக்கும்
கண்ணீரில மிதக்கும்
காந்தமாய் கவரும்
காற்றோடு  தவழும்
இணையாமல் இருக்கும் 
இணைந்தே   இயங்கும்
உந்தன் இருவிழிகள் தான்
எந்தன்  இதயத்தில் 
எழுதுகின்றன எண்ணற்ற
இனிய  கவிதைகளை!

- ஜெயா வெங்கட்

**

உன் விழிகளில் என்னை பார்த்தாய்
உன் விழிகளில் என் சகோதரனை பார்த்தாய்
உன் விழிகளில் என் சகோதரியை பார்த்தாய்
உன் விழிகளில் என் தந்தையை பார்த்தாய்
உன் விழிகளில் என் தாத்தா, பாட்டியை பார்த்தாய்

உன் விழிகளில் உன்னை ஏன் பார்க்கவில்லை
உன் விழிகளில் உன் நலத்தை ஏன் பார்க்கவில்ல
உன் விழிகளில் உனக்கான தேவையை ஏன் பார்க்கவில்லை
உன் விழிகளில் உனக்கான உணவை ஏன் பார்க்கவில்லை

பொது நலம் பார்த்த உன் விழிகளை - ஏன் பார்க்கவில்லை நாங்கள்
உன் விழிகளை பார்க்கமுடியவில்லை சுய நலம் பார்த்த எங்களால்
எங்கள் சுயநலத்தையும் கண்டும், காணாமல் இருந்துவிட்டு
எங்கள் நலத்தை மட்டுமே பார்த்த நீ - எப்போது
உன் நலத்தை பார்க்கப் போகிறாய் உன் விழிகளில் - தாயே !

- ஆம்பூர் எம். அருண்குமார்.

**

உன் விழிகளில் சிந்தும் மொழிகளோ
வானத்து நட்சத்திரங்கள் போலவே 
ஒளிகதிர்கள் பறக்கின்றது ||

என்னையும் அறியாமல் திரும்பி 
பார்க்க கண்கள் கூசுகின்றது இரு கரங்களில் ஒன்று என் புருவத்தில் 
ஓடி குடை பிடித்து ஒளி மறைக்கிறது ||

நீ வசிக்கும் இடம் தேவலோகமோ இல்லை பாவலோகமோ அறியேன்
மூச்சு நாசிக்கும் மூடாப்பிட்டு விட்டாய் 
விழியுள் விருப்பும் உள்ளது ஆயினும் 
வெறுப்பும் கலந்துள்ளதோ என்கிற சந்தேகமும் நுழைந்து துழாவுகிறது ||

நீ வசந்தமோ மல்லிகையோ மணிப் புறாவோ முக்கனியுள் ஒரு கனியோ இல்லை ஐங்கனிகளுள் ஒரு கனியோ
மேலும் மன்மதனின் ஐங்கணையுள் 
எக்கணையோ வாய் மூடப்பட்டு 
விழிகள் வாயிலாய் கவிபாடுகிறாய் ||

கற்கண்டோ இல்லை வேம்புப்பூ தேன்துளியோ எதுவானாலுமே அவைகளின் வரலாறு அறியாது 
இம்மியும் நகர்ந்திட மாட்டேனுன் 
உத்தரவின்றி நுகர்ந்திட மாட்டேன் ||

ஐந்தழகாம் மெல்லியது நுண்ணியது வியப்புடையது இளகிய தன்மை
செறிவில்லாதது யாவும் தங்கத்தில் பதித்த நவரத்தினங்களாய்த் திகழ ||

ஐங்குழல்களில் எக்குழலைக்
கொண்டவளோ மறைத்திட்டாய் நின் 
நீல நயணங்கள் செல்லவிருக்கும் பயணங்கள் எங்கேயோ நியமனங்கள் அங்கே வரலாமா வரலாறு வரைய||
 
- ஆபிரகாம் வேளாங்கண்ணி கண்டம்பாக்க

**

கண் அதுதான்  உன் விழி 
மண்ணில்  மறையும்  உடலில் 
கண்ணுக்கு மட்டும் இறப்பில்லை!
உடலை மண்ணில் புதைத்தாலும் 
உன் விழிகளை கண் பார்வையில்லா 
மனிதனின்  கண்ணில்  புதைத்தால் 
பெறுவானே  உலகை பார்க்கும் வாய்ப்பை!
உன் உடல் மறைந்தாலும் 
விழி இருக்கும்  உயிருடன்! 
உணர்ந்து செயல்படும்  சமூகமே...
மலர்ந்த முகத்துடன்  இப்பணியினை செய்து 
தளர்ந்த உள்ளங்களுக்கு மகிழ்வை கொடு!
உன் விழிகளில் நீர் நிறைந்தால் 
அது ஆனந்த கண்ணீராக  இருக்க 
நீ செய்யும் செயலே  காரணம்!
தானத்தில் சிறந்தது  கண்தானம்  என 
வானம் முட்டுமளவிற்கு  எடுத்து சொல்!
உன் விழிகளில் இருக்கும்  பார்வை 
உனக்கு பிறகு உலகை நோக்க 
கணக்கின்றி விழிகளை  தானம் செய்!

- பிரகதா நவநீதன்.  மதுரை

**

நினைவுகளை எழுதிமுடிக்கும் கணங்களில்
பூசணிப்பூபோல மெல்லச்சத்தமிட்டு அவிழும்மனம்
எழுதியதைக் கோர்த்து வைக்கையில்
மெல்ல இறுகிக் கன‌த்தும் போகிறது
இத்தலைப்பில்..
உன் விழிகள் பார்த்தே எழுதியாக வேண்டும்
வழியில்லை..

ஏதோ ஒரு பொழுதினில்..
நீயே சொன்னாய்..
விழிகள் பார்த்தே பேசும்பொழுது
உள்ளங்கள் விழித்து உணர்வுகள் தெரியும்
இன்னும் ஆழ‌
விழிகளின் உள்ளே தேடிப்பேசினால்
சொற்கள் சுமக்கும் உணர்வுகள்
உணர்வுகளில் கரைந்த‌ சொற்களாகும்
சொற்களைத்தேடும் சுமையும் குறையும்
மெல்லப்பழகினால் உணர்வுகள்பேசும் 
தவமும் நிகழும்..

ஒரு பொழுதினில்..
நானே சொன்னேன்..
எவ்வளவு பழகியும்
எந்தத் தவமும் நிகழவில்லை..
நீயே சொன்னாய்..
உணர்வுகளும் கடந்த உள்ள‌ங்களில்
தவங்கள் தனியாய்த் தெரிவதில்லை..
கடந்ததை மறந்து கடப்பதும்
கடந்ததும் கடப்பதும் மறப்பதும்
தவமே..

உன் விழிகள் சுமந்த வெளிச்சம்
எவ்வளவு ஆழங்களை
இன்றும்
அவ்வளவு அழகாகச் சொல்கிறது..

உன் விழிகள் பார்த்தே எழுதிய‌தும் தவமா.. ?

- ரமேஷ் கோபாலகிருஷ்ணன், பீனிக்ஸ், அமெரிக்கா.

**

உன் விழிகளில்
அகல் விளக்குக் குளமொன்றில்
அனுதினமும் விட்டிலென ,
பகல் முழுதும் பறந்தாலும் முடிவுறாத வானம் ,
பாசாங்கு பேசாத பரவசக்காதல் - பனிப் பார்வை பார்த்து குளிர் நினைவைப் போர்த்தும்

துகில் உரிப் பார் யாருமின்றி
மின்னல் வெட்டும் பார்வை, அகில் மணக்கும் ஆழ்மனதின் அகலாத ஆசைகளை
பொதிந்திருக்கும் கண்கள்
பதிவு செய்யும் காதலை,

கயல் என்றும் வண்டென்றும்
கண்டவர்கள் சொல்ல,
உன் விழிகளிலோ -
இத்தனை நாள் எனை விட்டு
எங்கு சென்றாய் எனும் வினா -
அம்பாகத் தைக்குதடி - அடியேனின் நெஞ்சில்
முடிவற்ற வானில் நானும் பறந்து திரிகிறேன் -
நீ இன்றி .

- செந்தில்குமார் சுப்பிரமணியன்

**

வாய் மொழி சொல்லாத வார்த்தைகள் மலரும் 
உன் விழிகளில் 
நான் சிரித்தால் ஒரு புன்சிரிப்பு தெரியும் 
உன் விழிகளில் 
நான் அழுதால் நீர் வழியும் உன் விழிகளில் 
பசிக்கிறது எனக்கு ...புசிக்க வேண்டும் நான் 
என்று உனக்கு புரிந்தவுடன் பாசமுடன் நேசமுடன் 
அமுது கொடுக்கும் பரிவு தெரியும் உன் விழிகளில் 
எனக்கு ஒரு குழந்தை பிறந்தாலும் நான் எப்போதும் 
உனக்கு சேய் என்னும் பாசம் தெரியும் உன் விழியில் 
அம்மா ...உன் விழிகள் என்றும் என் முகம் பார்க்கும் 
கண்ணாடி ...! என் எண்ண ஓட்டம் என்ன என்று 
அழகாக கணிக்கும் கணினியும் உன் விழிகளே !
அம்மா நீ மறைந்தாலும் உன் விழிகள் இருக்குது 
உயிருடன் ! உன் விழி வழி, பார்க்கிறார் இன்றும் 
ஒருவர் இந்த உலகை ! வழி மேல் விழி வைத்து 
தேடுகிறேன் நானும் உயிருடன் இருக்கும் உன் 
விழிகளை தினமும் !
ஒரு நாள் பார்ப்பேன் உன் விழிகளை மீண்டும் 
நான் அம்மா !  உன் விழிகள் இருக்கும் இடம் 
வேறாக இருந்தாலும் நான் இருப்பேன் நிச்சயம் 
உன் விழிகளில் ! 
விழிமொழி மட்டுமே தேவை எனக்கு உன் விழிகளில் 
மீண்டும் என் முகம் பார்த்து உன்னுடன் பேச !

- K .நடராஜன் 

**

அன்பே ! ஆருயிர் அமுதே
அழகை அள்ளும் ஆரணங்கே

கண்ணே ! கற்கண்டுத் தேனே
காதலித்தேன் உன்னை நானே

சிலையே ! சிற்றிடைத் தளிரே
சிலிர்க்க வைக்கும் சுடரொளியே

மலரே ! மாலைப் பொழுதிலே
மயங்கிய நானும் கருவண்டே

இன்பமே ! இனிக்கும் இசையே
இன்பரசம் சொட்டும் இதழ்களிலே

உறவே ! உயிரின் உன்னதமே
உயிர்ப்பித்தேன் உன் விழிகளிலே

- ஜெயசுதா, காஞ்சிபுரம்.

**

உணர்ச்சிகளின் உச்சரிப்பு,
மெளனமான பார்வை பேச்சு,
முகத்தில் வாய் வெறும்
உப்புக்குச் சப்பாணி.
விழி மொழி புரியாதவர்க்காய்
மட்டும் வாய் மொழி.

நீலக் கண்களால்
கடற்கரையாகும் கன்னங்கள்.
முகத்தில் ஆயுதமேந்தி
உன் நகர்வலம்.
எதிர் வந்து , நேர் கண்டு
காயப்படுதல் ஒரு வரம்.

நா. பாலாஜி

**

மன்னனெலாம் வாழ்நாளில் மகிழ்தி ருக்க
……….மனதுக்குள் இறைவனையே நினைத்தி ருந்தார்
என்றுமிந்த உலகத்தை வாழ வைக்கும்
……….இறைவனுக்கே எண்ணற்ற கோவில் கட்டி
மின்னலையே தொடுகின்ற நெடுந்து யர்ந்த
……….முன்மதிள்சூழ் கோபுரத்துள் ஆல யத்துள்
உன்விழிகள் விழித்திருந்தால் உலக ஜீவன்
……….உயிர்த்திருக்கும் ஒருவனேநீ! தெய்வ மன்றோ.!

தரணியிலே வாழ்வோர்கள் வரமாய் வேண்ட
……….தன்னையே மறந்திருப்பார் கோவில் தன்னில்
வரம்வேண்டி வருவோர்கள் உன்னைக் காண
……….வரிசையிலே நின்றுகொண்டு விழிகள் மூடி
சிரம்தாழ்த்தி கைகூப்ப மகிழ்ந்த சிந்தை
……….சிக்கலெலாம் தீர்ந்ததாக உணர்ந்த விந்தை
விரல்களையும் வளைத்தேசின் முத்தி ரையால்
……….வருவோர்க்கு வரமளிக்கும் வள்ள லாவாய்.!

உன்விழிகள் உறங்காது உலகம் காக்கும்
……….உண்மையதை அறியத்தான் முயலு கின்றார்.!
உன்விழிகள் மூடிவிட்டால் உலகம் பொய்க்கும்
……….உண்மையதை அறிந்தோரே ஞானி ஆவார்.!
உன்னதமாம் என்றுசொல்லி உம்ப டைப்பே
……….உலகத்தில் அனைத்துக்கும் முதலாய் வித்து.!
அன்னையும் நீ அப்பனும்நீ அனைவ ருக்கும்
……….ஆதிமுதல் வனும்நீயே அறிவோம் யாமே.!

- கவிஞர் பெருவை பார்த்தசாரதி

**

நிலவு வராத ஒருநாளில்
மின்சாரம் இழந்த இருளில்
பார்க்கையில்

உன் விழியிரண்டும்
ஒட்டிக் கொண்டன 
என்
நனவிலும்
கனவிலும்

அன்றுமுதல்
அள்ளி அருந்துகிறேன்
தீராத கவிசுரபி

இரண்டு திரைகளில்
ஒருங்கே அரங்கேறுகின்றன
எழுதாத நாடகங்கள்

சாம்பல் பூக்க வைக்கும் அந்த நெற்றிக்கண்
ஆம்பல் பூக்க வைக்கும் இந்தச் சித்திரக்கண்

உவமைக் கவிஞர்கள் ஊமைகள் ஆவார்கள்
உன் விழிகளைப் பார்த்து

ரசித்து முடியாதபடி
எத்தனை பிரபஞ்சங்கள் 
உன் விழிகளில்

-கோ. மன்றவாணன்

**
என் உத்திரத்தில் பிறந்த மழலையே 
உன் விழிகளில் என்னை  பார்க்கிறேன்!
உன் சிரிப்பினில் என்னை  மறக்கிறேன்!
உன் மழலை உச்சரிப்பில் 
என் தாய்மை பூரித்து மலர்வதை 
என் போன்ற தாய்மார்கள் மட்டுமே 
தன்னை மறந்து உணர முடியும்!
விழிகள் அது  நம் 
உள்ளத்தின் கண்ணாடி.....
கள்ளமில்லாமல் பழகுபவர் 
எள்ளளவும் பயமின்றி......
விழிப்  பார்த்தே  பேசுவார்!
இப்பழக்கம் என்றென்றும் வர 
மழலைகளிடம் கற்பிப்போம் 
விழியுடன்  விழிப்பார்த்து 
எண்ணுவதையெல்லாம்  சொல்ல!
உன் விழிகளினால் 
நல்லதை பார் அல்லாததை  தவிர்!
இதுதான் உன் விழிகளினால் 
நீ மற்றவருக்கு உணர்த்தும்  நல் வழி!   

- உஷாமுத்துராமன். மதுரை 

**
விழிகளிலே   கனலேற்று !  பெண்ணே   நீதான்
    விழிப்போடே    இல்லையென்றால்   கற்பி   ழப்பாய்
வழியினிலே    கொள்ளிக்கண்   பருவம்   தன்னை
    வழிபறிதான்   செய்வதற்கே   காத்தி  ருக்கு !
வழிவழியாய்   வந்திட்டப்   பண்பா  டெல்லாம்    
    வழிமாறிப்   போனதாலே   இந்தக்   கோலம்
குழிதோண்டி   ஒழுக்கத்தைப்   புதைத்து   விட்டுக்
    குறிதாக்கும்   புலியானார்   மான்வேட்  டைக்கே !

அச்சத்தைத்   தூக்கியெறி !  பெண்ணே  உன்றன்
    அழகான   விழியிரண்டில்   அனலை   ஏற்று
துச்சமென   மிதித்திடுவாய்   மேனி   தன்னைத்
    துகிலுரித்துப்   பார்க்கின்ற   விழிபி  டுங்கி !
எச்சரிக்கை   யாயிருப்பாய்   தோழ   னென்றே
    எதிர்வந்து   நிற்போனின்   உள்ளத்   துள்ளும்
கச்சைக்குள்   இருப்பதினைச்   சுவைப்ப  தற்கே
    கள்ளமான   எண்ணமோடும்   எட்டி   நிற்பாய் !

இரக்கத்தைக்   காட்டாதே   பெண் ணே   உன்றன்
    இருவிழியுள்   தணலேற்றி   எரிய   வைப்பாய்
வரமாக   வந்தவளாய்   வணங்கி   நிற்பர்
    வளநாடாய்   நதியாகப்   போற்றி  நிற்பர் !
சிரம்மீது   தாங்கவதாய்   நீநி   னைப்பாய்
    சீரழிக்க   வாய்ப்பிற்காய்   காத்தி   ருப்பர்
அரவம்போல்   கண்கொத்த   விழித்தி   ருப்பாய்
    அடங்கிடுவர்   வலைக்குள்ளே   எலிகள்  போன்றே !

- பாவலர்  கருமலைத்தமிழாழன்

**

பார்த்தேன் பல பாஷை
இவன் விழிகளில்
நீர் ததும்பும் இரு பாவை 
விழியோரம்  நீ கூறும் செய்தி
தேம்பி அழாமல்  உணர்த்தும் 
ஈரமான உள்ளாடை நீக்கவா 
வாய் அமிழ்து சற்றே துடைக்கவா 
சிற்றெறும்பு  தீண்டியதை அறியவா 
தாய்  தேடும் வித்தை 
இரு விழிகளில் உணர்த்திய மழலை
மொழிகள் படிப்பேன் பல நேரம் 
இந்நேரம் பதறியே பார்த்தேன் 
சுற்றும் முற்றும் 
பக்கத்து வீட்டு குழந்தை 
அழுத சத்தம் கேட்டு
தூளியில் துஞ்சும் பிஞ்சு 
காணாததைக்  கண்டு 
படர விட்டேன் கண்களை 
நிலைவாசல்படி அருகில் 
பிஞ்சு பாதம் தொட்டு 
நனைத்த அரிசி மாவு நீரில் 
இரு கால் பட்டெழுந்து பளீர் தரையில்
அடி மேல் அடி வைத்து
தத்தி தத்தி  நடை பயின்று
தவழ்ந்து தடம் பதித்த  யசோதாவின் கிருஷ்ணா
அன்னை அரவணைப்புடன் அருகே  வந்தான்  
சிறுநகை  ஈர உதட்டில் 
ஆனந்தம் உன் விழிகளில்
பார்த்தேன் என் விழிகளில்.

இரா.அண்ணாமலை, திருவண்ணாமலை

**

 
இந்த வாரத் தலைப்பு
உன் விழிகளில்..
கட்டுக்குள் அடங்காத
  காந்தப்புலம் கண்டேன்
அன்பே உன்விழிகளில்....
  இதுவரை ஈர்க்கப்படாத
வலிமையான என்இதயத்தை
   பார்த்த நொடிகளிலே
ஈர்த்துவிட்ட மாயமென்ன!!??..
காந்தவிழியழகி!!கற்பனைக்கெட்டா பேரழகி!!
சற்றேனும் தளர்த்திக்கொள்
  கன்னியுந்தன் விழியாட்சியை
காளையர் இதயங்கள்
  காணாமல் போய்விடக்கூடும்...

கவிஞர். க. இராமலெட்சுமி@கவி தேவிகா, தென்காசி.

**
உன் விழிகளில்

உன் விழிகள் ரகசியமே
சொல்கிறது பதுமையே
கயல்விழி போல மீன்களே துள்ளி விளையாடக் கண்டு
கொண்டேன் பதுமையே
நட்சத்திரங்கள் போல
கண்களே பளிச்சிட
கண்டேன் பதுமையே
இருவிழியிலும் இருநிலாக்கள் மிதந்து வரக் கண்டேன் பதுமையே
பார்வையில் எதிரிகளை
தாக்கும் கணைகளை
பெற்ற பதுமையே
வெண்மலரில் தவழும்
கருங்குயில்களோ
இல்லை கருமுட்டைகள்
மிதக்க கண்டேன் பதுமையே
உன் கண்களின் ஒளியில் மனதை வில் கொண்டு எய்தது போல
அழகு விழிகளை பெற்ற பதுமையே
காந்தத்தை கொண்டு கவரும் விழிகளை பெற்ற பதுமையே

இரா. இரமணி

**

உன் விழிகளில் படர்ந்திருக்கும்
ஈரத்தின் காரணம் - காரியத்திற்காய் !
இப்படியே பழகிப்போன  - மனத்தில்
ஊறிப்போன எண்ணங்களின் பிம்பங்கள்
சாட்டையடியாய் உள்ளத்தில்
சுரீரென்று விழும் வேளையில்
நம் உறுதியை குலைக்கலாம் !
உள்ளத்தை சுக்கல் சுக்கலாய் உடைக்கலாம் !
வாதம் போல் செயலிழக்க செய்யும்
வார்த்தை அம்புகளை
திடமான மனமெனும் கேடயம் கொண்டு
எதிர்கொள்வோம் !
வாழும் வாழ்வு நலமாகட்டும் !
வசந்தம் நம் வசமாகட்டும் !

- பி. தமிழ் முகில்

**

முழுநிலவில் இருகயல்கள் உன்விழிகள்
முழுமைப் பெற்ற பேரழகு உன்விழிகள்
கருணைபொழியும் கார்மேகம் உன்விழிகள்
கயவர்களை சுட்டெரிக்கும் சூரியன் உன்விழிகள்
கோழையினை வீரனாக்கும் உன்விழிகள்
கோபமுற்றால் குளிரச்செய்யும் உன்விழிகள்
கோடியின்பம் கொடுக்கும் உன்விழிகள்
கொன்றெனைத் தின்றனவே உன்விழிகள்
பெருங்கருணைப் பேரருள் உன்விழிகள்
பெரும்புயலாய்ச் சாய்த்த உன்விழிகள்
பேயாய் நாயாயெனை அலைக்கழித்த உன்விழிகள்
பேசும் அமுதமொழி உன்விழிகள்
காயம் செய்யும் உன்விழிகள்
காயத்தின் மருந்தாகும் உன்விழிகள்
பேசாதெனைச் செய்தன உன்விழிகள்
பேரின்பத்தில் மூழ்கடித்த உன்விழிகள்
தடுத்து நிறுத்தியது உன்விழிகள்
தழுவிக் கொண்டது உன்விழிகள்
எடுத்து இறுக்கியது உன்விழிகள்
எனையெங்கோச் செலுத்தியது உன்விழிகள்
காதல் பொங்கிய உன்விழிகள்
காமம் சொட்டிய உன்விழிகள்
மோகத்தில் மூழ்கச்செய்த உன்விழிகள்
மோட்சமும் அளித்தது உன்விழிகள்
உன்விழிகளால் தடுக்கி விழுந்தேன்
உன்விழிகளால் எழுந்து நின்றேன்
உன்விழிகளால் உயிர் பெற்றேன்
உன்விழிகளால் உணர்வு உற்றேன்
உன்விழிகளால் உண்மை உணர்ந்தேன்
உன்விழிகளால் உலகம் அறிந்தேன்
உன்விழிகளால் உன்னதம் அடைந்தேன்
உன்விழிகளால் மறித்தும் போகின்றேன்

-கோ. ஹாலாஸ்யம், சிங்கப்பூர் 

**

அன்பே!
உன் விழிகளில்...
இவ்வளவு காந்தத்தை வைத்த இறைவன்....
என்னையாவது இரும்பாகப் படைக்காமல்
இருந்திருக்கலாம்!

கண்ணே!
உன் விழிகளென்ன...
நம்பிக்கை நட்சத்திரங்களா?!
அவற்றைத் தரிசித்ததும்...
உடல் முழுவதும் ஓடுகிறதே
உற்சாக நம்பிக்கை!

தேனே!
உன் கண்களுக்குள்...
தேனீக்கள் அடை கட்டினவோ?!
அதனால்தான் உன் பார்வையில்
இனிமை இழையோடுகிறதோ!

மானே!
மையல் கொண்ட உன் பார்வைதான்...
இன் இதயத் திரையரங்கில்...
எப்பொழுதும் ஓடும்...
வெற்றிப் படம்!
100,200,500 நாட்கள் ஓடிடும்
சாதாரணப் படமல்ல!
ஆயுளுக்கும் ஹவுஸ் புல்லாகும்
அற்புதப் படம்!

அன்பு மலரே!
இந்த ஆத்மாவின்
ஆயுள் காரகன்...
உன் விழிகளுக்குள்தான் 
வீழ்ந்து கிடக்கிறானோ!

-ரெ.ஆத்மநாதன்,கூடுவாஞ்சேரி

**

உன் விழிகளில் விழுந்த நாள் முதலாய் நான் 
உச்சியில் பறக்கிறேன் உணர்ச்சியில் மிதக்கிறேன்  !

என்னையே நான் விரும்புகின்றேன் பின் 
உன்னையும் நான் விரும்புகின்றேன் !

உடலால் நான் எங்கு இருந்தபோதும் 
உள்ளத்தால் உன்னிடமே இருக்கின்றேன் !

விழி மூடினால் கனவில் வருகிறாய் 
விழி திறந்தால் நினைவில் வருகிறாய் !

என்னுள் புகுந்து என்னை இயக்குகின்றாய் 
என்னை எனக்கு எடுத்து இயம்பினாய் !

மறக்கலாம் என்று நினைத்ததாலும் முடிவதில்லை 
மனம் முழுவதும் உன்னைய ஆக்கிரமிப்பு !

எல்லை கடந்த பயங்கரவாதம் உன் பார்வை 
என்னை ஏதோ ஏதோ செய்து விடுகிறாய்  ! 

காந்தம் தோற்கின்றது உந்தன் கண்களிடம் 
கவர்ந்து இழுத்து யுத்தம் செய்கின்றாய் ! 
.
உன் விழிகளில் என் முகம் பார்த்தேன் 
என் உள்ளத்தில்  உன் முகம் பதித்தேன் !

**

நிலவெரியும் இரவு
நேர்மேலே நட்சத்திரம்
உற்றுப்பார்க்கிறதா உன்னையும்..
கனவெழுதி கரைந்து போகும்
கன்னங்கள் கோடாகும்
நினைவிருக்கா உனக்கும் கூட..
உன் இமைபிரியும் சத்தம் கூட
எழுப்பிவிடும் என்னை-என்
உயிர் பிரியும் வலி கூடவா
உணரவில்லை உனக்கு..?

-வல்லம் தமிழ்

**

வார்த்தைகளின்
வனத்தில் நுழைந்து பார்த்தேன்
படவில்லை என் பார்வையில்
என்னை வெளிப்படுத்த விரும்பும்
நான் தேடும் வார்த்
தைகள்

அங்கங்கே உதிர்ந்து
நிலத்தில் விழுந்து கொண்டிருந்தன
வெளிச்ச வார்த்தைகளோடு
நிழல் வார்த்தைகளும்

என்னை
அன்னப்பறவையாக்கிப் பார்க்க
வெளிச்சமும் நிழலும்
எவரெவரின் பெயர்களோ
உச்சரித்து இருந்ததில்
வார்த்தைகள் பூக்கும் நந்தவனத்தில்
மரத்தடியில் அமர்ந்து அண்ணாந்து
பார்க்க

கிளையில்
ஒரு பறவை தன் குஞ்சுக்கு
ஒரு வார்த்தையை உணவாக ஊட்ட
விரித்த அலகில்
இருந்து கொண்டிருந்தது போல

நான்
கண்மூடி பார்த்ததில்
உன் விழிகளிலேயே இருக்கிறது
காதலும்
காதல் தீர்க்கும் அமிர்தமென
உன்னைப் போற்றும்
நான் தேடிய வார்த்தைகளும்...!
 
- அமிர்தம் நிலா/ திருநின்றவூர்

**

கண்களுக்கு மேல் கண்ணாடி
போட்டுப்பார்த்திருக்கிறேன் ---
நீ கண்களுக்குள் அல்லவா
அதை வைத்துள்ளாய் !
உன் விழிகளில் நான் தெரிகிறேன்   !!

கண்களுக்குள் உணர்வுகள் ஒளிந்துள்ளனவா !?
நான் நடைப்பயிற்சியின் போது,
உன் அன்பைச்சொல்லும் ஆன்மாவே அதில் தெரிந்தது.

கோடையின் கானல் மறைத்த
இரண்டு கொடைக்கானல் அவை –
அந்தப்பார்வை என்னை மெதுவாய்
குருடனாக்கிக்கொண்டிருக்கிறது –
விஜயன் கூட வியந்து நிற்பான் –
வில்லே இல்லாமல்
அம்புகள் பாய்கிறதே !!
உன் இமைக்கதவுகள் திறக்கும், 
அதில் இலட்சம் இதயங்கள் அலை பாயுமே !
இந்த வெளிச்ச விந்தையை
அலை அலையாய் பிரித்தானோ ஐன்ஸ்டீன் !!

எல்லாம் உண்டு ! இருந்தும்
ஒரு களங்கமில்லா அப்பாவித்தனம்--
குற்றமில்லா குறுகுறுப்பு தெரியும்
குழந்தைகளின் விழிகளுக்கு நிகராகுமோ ?

- கவிஞர் டாக்டர்.  எஸ். . பார்த்தசாரதி  -- MD DNB PhD

]]>
Poem, கவிதை, kavithai https://www.dinamani.com/specials/kavithaimani/2019/jan/19/கடந்த-வாரத்-தலைப்பு-தேநீர்-பொழுதுகள்-வாசகர்-கவிதைகள்-3079333.html
3072543 ஸ்பெஷல்ஸ் கவிதைமணி புத்தாண்டு சபதம்! கவிதைமணி DIN Monday, January 7, 2019 03:53 PM +0530 வாரம் மாதம் வருடமென 
வாழ்வில் காலம் பறந்தோடும்!
நேரம் கடந்து போவதன்முன் 
நீயுன் சாதனை நிகழ்த்திவிடு!

காலம் கனியும் என்றெண்ணிக் 
கடமை மறந்து நீயிருந்தால்
ஞாலம் உன்னை மறந்துவிடும்!
நாள்கள் உன்னை  முந்திவிடும்!

கணங்கள் பறக்கும் வேகத்தில்
காய்ந்த சருகாய் ஆகும் முன் 
சுணக்கம் ஏதும் கொள்ளாமல்
சுறுசுறுப்பாகச் செயலாற்று!

நேற்றை மறந்து இன்றே நீ 
நாளை உலகைப் படைத்துவிடு!
காற்றை விஞ்சும் வேகத்தில்
காலம் தன்னை வென்றுவிடு!

புவியின் சுழலும் வேகத்தைப் 
புதிய ஆண்டில் முந்திவிடு!
குவியும் உந்தன் சிந்தனையால்
குவலயத்தை வென்றுவிடு!

உதயம் ஆகும் புத்தாண்டில்
உலகை வெல்லப் புறப்படுக!
நிதமும் வென்று சாதிக்க
நீயும் சபதம் ஏற்றிடுக!

]]>
poem, poetry, kavithai, new year, புத்தாண்டு, கவிதை https://www.dinamani.com/specials/kavithaimani/2019/jan/07/புத்தாண்டு-சபதம்-3072543.html
3070377 ஸ்பெஷல்ஸ் கவிதைமணி கடந்த வாரத் தலைப்பு தேநீர் பொழுதுகள்! வாசகர் கவிதைகள்! கவிதைமணி DIN Monday, January 7, 2019 09:44 AM +0530
தேநீர் பொழுதுகள்

கரைகின்ற கடிகை; கரையாத காதல்
உறைகின்ற வெண்பனி; உரைக்காமல் நம்மிதழ் 
இறைதந்த மாலை; இரவாகும் வேளை
இளகாமல் நீ; விலகாமல் நான்!

மேகத் திரைகடல்; மேவிடும் வெண்ணிலா
வேரல் குழலிசை, வேய்ந்திடும் விண்ணகர்
நிரல்நின்று யாவும், நிகழந்திடும் நேரம்
இளகாமல் நீ; விலகாமல் நான்!

இழந்திடும் நிறங்களில் நிறைகின்ற கோப்பையாய்
இசைவாய் என்றேனும் எனுமோர் ஆசையோடு
இத்தீராத் தருணங்கள், என் தேனீர்ப்பொழுதுகள்
இளகாமல் நீ; விலகாமல் நான்!

- கிருஷ்ணபிரசாத், பேராசிரியர், பெங்களூர்

**

பரிதி மயங்கிடும் பொழுதினில்
தேநீர் கடை வாசலில்
ஆலமர விழுதுகளின்
நட்பினில் கீச் கீச் பறவைகளின்
இன்னிசை ஒலியில்
கண்மூடிய பாவனையில்
படுத்திருந்த நான்கு காலினத்தை
நினைத்தே நானும் 
ஊற்றிய ஆண்டு கணக்கில்
சிரட்டை தேநீர் நட்புக்காக 
உடுக்களின் வெளிச்சத்தில் 
என்னுடன் பயணித்த நன்றியினம்
இன்று ஏனோ எனை
மறந்து விண்ணுலகம் சென்றதுவே!
ஊற்றி வைத்த தேநீர் 
ஆறிய நீராகி 
தேநீர் பொழுதுகளை
சுமையாக்கி சென்றதுவே!-

- சீனி

**

தோழர்கள் அண்மையில் இனிமையாய் இருக்கும்..
தனிமையின் வெறுமையில் துணையாய் இருக்கும்..
விருந்தினர் வருகையில் வீட்டில் மணக்கும்..
வறுமையின் கொடுமையில் தேனாய் இனிக்கும்..!!

அலுவல் நேரத்தில் ஆனந்தம் கொடுக்கும்..
அந்தி சாய்கையில் அருமையாய் சுவைக்கும்..
மழையின் தூரலில் மகிழ்வைக் கொடுக்கும்..
மனதின் தேடலில் ஒளிர்வைக் கொடுக்கும்..!!

கடின வேலையை விறுவிறுப் பாக்கிடும்..
காலை நேரத்தை சுறுசுறுப் பாக்கிடும்..
உறையும் குளிரில் கதகதப் பாக்கிடும்..
உள்ளத்தை என்றும் துறுதுறுப் பாக்கிடும்..!!

உடல்நலக் குறைவில் புத்துணர் வூட்டிடும்..
உழைப்பின் நிறைவில் இன்னுணர் வூட்டிடும்..
அமைதியின் இழப்பில் ஆறுதல் அளிக்கும்..
அனைத்து நிகழ்விலும் முதன்மையாய் இனிக்கும்..!!

- ஆ. செந்தில் குமார்.

**

அந்தி சாயும் சந்தி  வேளை - வியர்வை 
சிந்தி வேலை விட்டு திரும்பும் 
வேளை 
முந்தி வந்து தேநீர் தரும் 
சந்திர முகத்தாள் சாந்தமெனும் 
அகத்தால் 
வந்து நின்று நான் சொல்லும் 
இந்திரலோகத்துக்  கதைகளை
இருந்து கேட்கும் 
மந்திரி எனலாம் மங்கைநல்லாள் 
மகிழ்ந்திருக்கும் வேளை 
கவிதையாக்கம் 

- எஸ் வி ஆர் மூர்த்தி.பெங்களூர் 

**

காலைப் பனிப் பொழுதின் உற்சாகமாய்,
கடும் பயணத்தின் களைப்பு நீக்கியாய்,
உற்ற நட்புதனை வளர்க்கும் உண்ணதமாய்,
அரசியல் களம் பேசும் அரங்கமாய்,
குவலயத்தின் சேதியெல்லாம் குழைகின்ற கோப்பையாய்,
உரையாடல்களுக்கு உயிரளிக்கும் உணர்ச்சிப் பிழம்பாய்,
இளம் காதல் வளர்க்கும் சிநேகமாய்,
சிநேகத்தில் சில்லிடும் சிரிப்புத் தூரலாய்,
அன்பு மழையில் நனைத்திடும் அருவியாய்,
முதுமையின் இதழ்களில் இனிக்கின்ற புன்னகையாய்,
வசந்தகாலத்தின் அந்தி மாலைப் பொழுதாய்,
இனிக்கின்ற இனியபொழுதாம் தேநீர்ப் பொழுதுகள்.
ஆக்கம்

- கவிஞர். ராம் விஜய், குடியாத்தம்.

**

தெருவோரத் தேநீர்க்கடைகளில்  
காலையில் கலகலக்கும் 
மாலையில் சலசலக்கும்
அரசியல் அலசப்படும்
அரசமைப்பு பேசப்படும்
கட்சி விதிகள் மாற்றப்படும்
கட்சி தலைவிதி மாறும்
தோழர்கள் கூடுவர், 
தோழமை வளரும்
மனம்விட்டுப் பேசுவர்
மானிட நட்பு தோன்றும்
அலுவலக தேநீர் நேரங்களில்
இல்லக விவரங்கள் பேசப்படும்
இல்லல்கள் ஒழிய வழி பிறக்கும்
தெரியாதவை தெளிவுபடும்
தெரிந்தவை தெரிவிக்கப்படும்
மாலை காக்கைப் பள்ளி நடைபெறும்
மாலையில் வீட்டில் தேநீர் நேரங்களில்
குடும்ப உறுப்பினர் கூடுவர்
குடும்பச் சிக்கல்கள்  பிரிபடும்
மனைவி கணவன் மனம் கலப்பர்
மனம்விட்டுச் செய்தி கலக்கப்படும்
மனம் மகிழ்வு ஏற்படும்
இல்லறம் நல்லறமாகும்

- மீனாள் தேவராஜன்

**

உன்னையும் என்னையும்
நம்மையும் நம் மெள‌னத்தையும் 
கரைத்து நிரம்பிய‌ தேநீர்ப் பொழுதுகள்.
கனவுகள் பேசினோம்
கதைகளும் பேசினோம்.
உணர்வுகளை வழித்து
உள்ளங்கள் வழிந்த சொற்கள்.
காத்திருந்த தேநீர்ப்பொழுதுகளில்
உணர்வுகளும் சொற்களும்
கண்ணீரும் சிரிப்பும்
அவ்வளவும் கொட்டியும் தீர்த்தும்
பின்வந்த‌ தேநீர்ப்பொழுதுகளில்
தேடியதாய் வற்றியதாய் 
என்றும் நினைவில்லை.
சுமைகள் மறந்த நிமிடங்கள்.

இன்றும் பனிக்காலம்.
என் தேநீர்க் கோப்பையோடு
மெல்லப் பேசுகிறேன்.
நீயும் பேசிப்பார்த்தால்
மெளனங்கள் விலகும் உணர்வுகள்
உன்னிடமும் மெல்லச் சொல்லும்
திரைகள் இல்லா உள்ளங்கள்
வழிந்துவழியும் சொற்கள் உணர்வுகள்
அவ்வளவு இனிப்பு..
சுமைகள் மறக்கும் நிமிடங்கள்...

- ரமேஷ் கோபாலகிருஷ்ணன்


தென்றல் தவழும் மாலையில் - நம்மை
தீண்டும் இன்பமான வேளையில்..
தேனுறங்கும் பூக்களும் பூத்தது - நம்
தேநீர்ப்பொழுதுகள் நெஞ்சினில் இனித்தது..
காலாற கால்களும் நடந்தது -  நம்மை
காற்றும் பின்னால் தொடர்ந்தது..
காலம்தரும் கவலைகளும் மறந்தது - நமது
கனவுகளுக்கு ஊக்கமும் தந்தது..
ஒருகோப்பை தேநீரின் புத்துணர்ச்சி - அதில்
ஒளிந்து கொண்டது மகிழ்ச்சி..
இருவர் உள்ளத்திலும் புதுவெழுச்சி - அது
இன்பப் பொழுதுகளின் நெகிழ்ச்சி..
பொழுதுகள் யாவும் புதுமையானது - நம்
பொன்னான நிமிடங்களும் அழகானது..
மொழிகளும் இனித்திடும் பேச்சானது - அது
மென்மை பேசிடும் மலரானது..

- கவிஞர் நா. நடராசு

**

உழைத்து உழைத்து 
களைத்து  வரும் பொழுது  
உற்சாகம்  தரும்  
ஊக்கம் போல
தேநீரை  பருகுவோம்  
அந்த. தேனீர்  பொழுதினில்  
சிலவற்றை  அதிலும் 
பலவற்றை   பேசாமல்  
சுருக்கமாக  
பேசுவோம்
சுகமான பொழுதென  
தேநீர் பொழுதுகளை  மாற்றுவோம்  
ஒன்றாக நன்றாக  
பணிகள் ஆற்ற  
புறப்படுவோம்  
மனத்திற்கும்  
ஒரு தேநீர் பொழுது 
வேண்டும்
அதுதான்
உற்சாகம் தரும் 
உறவுகளை  பலப்படுத்தும்  நல்
ஒழுக்கம்  என்ற 
தேநீர்.
மனம் சரியானபொழுதுகளே  
உண்மையான தேநீர் 
பொழுதுகள்

- களக்காடு.வ.மாரிசுப்பிரமணியன்

**

நாழும் பொழுதுமாய்
நகருகின்ற வாழ்க்கையிலே
புலா்ந்து செல்லும் பொழுதுகளில்
அடுப்பங்கரையினிலே
அழுக்கு உடையினிலே

அழகாய் தொியும் என் அம்மாவின்
கரங்களிலே  தேநீர் குவளையுடன்
வரும் பொழுதிற்காய் காத்திருந்த 
பொழுதுகளில் இன்றும் என் மனதில்
பசுமரத்தாாணியாய் இருக்கிறது
நினைவுகளை தந்தபடி
தேநீர்ப் பொொழுதுகள்.

- ஈழநங்கை

**

ஒரு வேளை தேநீர்ப் பொழுது 
ஏழைக்கு உணவு
ஒரு வேளை தேநீர்ப் பொழுது
செல்வந்தருக்கு பார்மாலிட்டி உணவு

ஒரு வேளை தேநீர்ப் பொழுது
எழுத்தாளருக்கு ஊக்கம் தரும்
ஒரு வேளை தேநீர்ப் பொழுது
மாணவர்களுக்கு விழிப்பு தரும்

ஒரு வேளை தேநீர்ப் பொழுது
தேநீர் கடைக்காரருக்கு வயிற்று பிழைப்பு
ஒரு வேளை தேநீர்ப் பொழுது 
அஜீரனக்காரருக்கு மருந்து

ஒரு வேளை தேநீர்ப் பொழுது
கிடைக்காதவர்களும் உண்டு
ஒரு வேளை தேநீர்ப் பொழுது
கிடைத்தும் வீணாக்கியவர்களும் உண்டு

ஒரு வேளை தேநீர்ப் பொழுது
ஒரு வேலை கிடைத்தால் தான் 
ஒரு வேளை தேநீர்ப் பொழுது
ஒரு வேலை கிடைக்காவிட்டாலும் தான்
ஒரு வேளை தேநீர்ப் பொழுது
ஒரு வேளை கிடைக்காவிட்டால்

- ஆம்பூர் எம். அருண்குமார்.

**

உழுதுபயிர் செய்வோர்கள் களைத்த பின்னே
……….உழைப்பிற்குத் தேநீரும் தருமுற் சாகம்..!
எழுதுபவர்க் கிடையிடையே வேண்டும் தேநீர்
……….எழுச்சிமிகு சிந்தனையும் வருவ தற்கே..!
குழுவாகச் சேர்ந்துழைக்கும் கூட்டத் தார்க்கு
……….குடிக்குமந்தத் தேநீரால் விலகும் சோம்பல்..!
தொழுதுன்னை வரவேற்போம் ஆவல் கொண்டு
……….தேநீர்ப்பொ ழுதுகளாகத் தினமும் வாங்க..!
கேப்பைக்கூழ் கம்புக்கூழ் குடிப்ப தாலே

……….கட்டான உடலமைய வழிவ குக்கும்..!
ஆப்பையிலே அளந்துதரும் காளான் சூப்பில்
……….அளவற்ற சத்துக்கள் நிறைந்தி ருக்கும்..!
கோப்பையிலே அருந்துகின்ற குளிரும் பானம்
……….குடித்தாலே ஒருவிதத்தில் சுகம்கெ டுக்கும்..!
காப்பியோடு தேநீரும் நமக்கு என்றும்
……….காலையிலே அருந்துதற்கு உகந்த பானம்..!
பொழுதெல்லாம் ஊர்சுற்றிப் போன காலம்

……….பகலிரவு கழிந்ததெலாம் திரும்ப வாரா..!
அழுதாலும் புரண்டாலும் கடந்து போன
……….அருமையான நேரங்கள் மீண்டும் மீளா..!
ஒழுங்காக நேரத்தைத் திட்ட மிட்டு
……….உபயோக மாய்ச்செய்ய வழிகள் செய்வீர் ..!
பொழுதுகளைக் கழிக்கத்தான் வழிகள் இன்றி
……….பொன்னான நேரத்தை வீணாக் காதீர்..!
 
- கவிஞர் பெருவை பார்த்தசாரதி

**
 
கீரியும் பாம்புமாய்-மனிதன்
வேலையோடு போராடும் 
பொழுதிற்கு நடுவே 
புல்வெளியில் புரண்டு 
புத்தாக்கம் செய்யவரும்  
தேநீர்ப் பொழுதுகள்!

காரிருள் அடைமழைக்கு இடையே
ஒளியூட்டும் மின்னல் போல 
தொடர்ப்பணிக்கு இடையே
தெம்பூட்டும் 
தேநீர்ப் பொழுதுகள்!

பணியில் மூழ்கி 
முத்தெடுத்தெடுப்பவர்களை
களைப்பிலிருந்து மீட்டெடுக்கும்
தேநீர்ப் பொழுதுகள்!

உழைத்தே ஓடாய் போனவர்களின் 
சோர்வை நீக்கி 
தேனீயாய் சுறுசுறுப்பூட்டும்
தேநீர்ப் பொழுதுகள்!

உழைத்து களைத்த 
களைப்புகளை
கலைத்து விரட்டும்
தேநீர்ப் பொழுதுகள்!

தேநீர்
உடலை பழுதாக்கலாம்! 
தேநீர்ப் பொழுதுகள்
உள்ளத்தை பழுதுபார்க்கும்!

தேநீர்ப் பொழுதுகளில் 
நட்புகள் கைகுலுக்கும்!
நகைச்சுவை தேன் தெளிக்கும்!
உற்சாகம் ஊற்றெடுக்கும்!

தேநீர்ப்பொழுதுகள்
சோகத்தை சுளுக்கெடுக்கும்!
மன காயத்திற்கு
மயிலிறகில் மருந்து போடும்!

தேநீர்ப் பொழுதுகள் 
களைப்பை களையெடுக்கும்
உழைப்பை விளைவிக்கும்!

தேநீர்ப் பொழுதுகள்
நொறுக்குத்தீனியை வாயில் போடும்!
நாட்டு நடப்பை காதில் போடும்!
மனக்கவலையை வெளியில் போடும்!

தேநீர்ப் பொழுதுகள் 
தேனான பொழுதுகள்!
என்ன விலை கொடுத்தாலும் 
வாங்க முடியாதவை!

-கு.முருகேசன்

**

தேனீர்ப் பொழுதுகள்
விழி திறக்க வந்து நிற்கும்
படுக்கை அறையிலேயே...

விடியலை விழிக்க வைத்து
நீர் வளாவி
சிற்றுண்டித் தயாரிப்பில்
நேரம் கருதி
அவசர அன்னோன்யத்தில்
ஊட்டி விட்டு
மதியத்திற்கும்
கூட வரும் அடுக்கு உணவு பாக்சும்,
தேனீர் சுமக்கும் பிளாக்சும்,
வாசலில்
பறக்கும் முத்தங்களோடு...

மாலையில்
வெறுங்கையோடு திரும்பினாலும்
எதிர் நோக்க 
பார்வையில் விரிந்திருக்கும்
சிற்றுண்டியும் நொறுக்குத் தீனியும்
மேசை மீது தேனீரோடு...

பிள்ளைகளுடன் கொஞ்சிவிட்டு
படுக்கப் போகும் முன்னான சமிக்ஞைக்குப் 
புரண்டுப் படுக்க
பெருமிதங்கள் வெளிச்சம் பெறும்
இரவு...

எனத்
தொடரும் எதுவும்
வளர்ந்த பிள்ளைகளுக்கு முன்
பரிமாற்றம் நிகழாமல்
அரவமற்றப் பொழுதுகளில்
சிணுங்குகளில் சிலிர்க்கும்
மனது
வேண்டா வெறுப்பாக...

இடைவெளியானதில்
பராமரிப்பெல்லாம்
பிள்ளைகள் வசமானதில்
தனியனாகிவிட்ட நினைப்பற்ற
பொழுதில்
பணி நிறைவுப் பெற்றாகி விட்டதில்

இப்போதெல்லாம்
தேனீர்ப் பொழுதுகள் தேய்ந்து விட்டதில்
வலிந்து கேட்க வேண்டியிருக்கிறது
ஆவியற்ற தேனீராவது...

- அமிர்தம் நிலா, திருநின்றவூர்

**

செய்திதாள்களை வாங்கமுடியாத சூழலில் 
தேநீர்க் கடைக்குச் சென்று
தேநீர் அருந்தியப் பொழுதுகளில்
செய்திகளைப் படித்ததைவிட
வறுமையை படித்தது அதிகம்...

அடுக்கடுக்காய் கவலைகள் இருப்பினும்
ஆருயிர் நண்பர்களோடு பேசியவண்ணமாய்
தேநீர்க் கடையில் தேநீர் அருந்தும்பொழுதினில்
மனச்சுமைகள் யாவும் காற்றில் கரைந்தோடும்...

தன்குடும்பம் - உணவினை உண்பதற்காக
தேநீரையே மட்டுமே - தனது
உணவாக்கி உழைக்கும் உத்தமர்களின்
தேநீர்ப்பொழுதுகள் - என்றும்
வணங்குதற்குரிய தேநீர்ப்பொழுதுகளாகும்...

தொடர்வண்டியிலே - பயணிகளுக்குதான்
தேநீர்ப்பொழுது - ஆனால்
அதனை விற்பவனுக்கோ - அந்த
விற்பனையைப் பொறுத்தே
வாழ்க்கைப் பொழுது...

கடவுளுக்கு உண்ணாவிரதம் என்றுக்கூறிவிட்டு
நாள்முழுக்க தேநீரோடு திண்பண்டங்களையும்
அளவுக்கு அதிகமாக உண்டதை
நினைக்கையில் - அறியாமையும்
நகைப்புமே இன்றும் வெளிப்படுகிறது ..

வரன் பாா்க்கும் தருணத்திலும் -
வரன்கிடைத்த பின்னர் - திருமண
அழைப்பிதழ் கொடுக்கும் தருணத்திலும் - 
அன்பின்பிடியால் - தேநீரை ஓரில்லம்
தவறாது அருந்திய - விருந்தோம்பல்
தேநீர்ப்பொழுதுகள் என்றுமே மறவாது...

அலுவலகத்தில் தேநீர் இடைவெளியில்
வேலையோடு மன அழுத்தங்களையும்
இறக்கிவைத்த தேநீர்ப்பொழுதுகள்
தேநீரைவிட சுவையானவை...

இதயம்வருடும்
மழைக்காலப்பொழுதுகளில் மட்டுமல்ல -
இரத்தம் சூடேறும்
கோடைக்காலப் பொழுதுகளிலும்
பித்துபிடித்த மனம்  - தேநீர்ப்
பொழுதுகளையே விரும்பி அருந்துகிறது....

ஜல்லிக்கட்டு போராட்டக் களத்தில்
போராடியவர்களுக்கு உணர்வோடு - தேநீரைக்
கொடுத்து உதவிய நல்லோா்களின்
உணர்வுமிக்க அப்பொழுதுகள் - என்றென்றும்
வரலாற்று சிறப்புமிக்க தேநீர்ப்பொழுதுகளாகும்...

- கவிஞர் நளினி விநாயகமூர்த்தி

**
சோம்பிய  உடலில் 
உற்சாகம்  கொடுக்கும் 
அற்புத பானம்  "தேநீர்"
நண்பர்களுடன் அமர்ந்து 
உல்லாசமான  தலைப்புகளில் 
அலசி  ஆராயும்  நேரம் 
கையில் "தேநீர்  கோப்பையுடன்"
இருந்தால்  நல்லப்பொழுதாய் 
சுறுசுறுப்பை  கொடுக்குமே!
தேநீர்  கடைகளில் 
சிநேகிதர்களின்  பாசமும்,
நேசமும்  ஒருசேர 
உரையாடலைத்  தொடங்கி 
"தேநீர்" அருந்தும் அற்புதபொழுதில் 
உலகமே  மறக்குமே!
துள்ளித் துள்ளி   எழும் அலைபோல 
கிள்ளிக்  கிள்ளிய  பிஸ்கட்டுடன் 
மெல்லிய  "தேநீர்"  பானமும் 
பொழுதுகளை  இனிமையாக்குமே!   

- உஷா முத்துராமன், மதுரை

**

மனசெங்கும் இடிச்சத்தம் 
அவன் காதுகளை மூடிக்கொண்டான்

வெளியில் ஓடினான்
கருமேகங்கள் அவனை சூழ்ந்துக்கொண்டது

சில்லென வீசிய காற்றும் மழையின் சாரலும்
அவனை அமைதிப்படுத்தியது

மீதம் உள்ள குழப்பங்களை அமைதிப்படுத்த
பயண உலகம் ஆட்கொண்டது

எல்லையற்ற ஆனந்தத்தில் பயணித்துக்கொண்டே இருந்தான் 
மாலைபொழுதின் மயக்கம் அவனது தனிமையை உணர்த்தியது

இறுதியாக தேனீர் குடித்தான் - முடிந்ததென்று நினைத்த பயணம்
தொடர்ந்தது தேனீர்ப் பொழுதாக தனிமையை தகர்த்து….

- கலைபரமேஷ்.ம 

**

தேநீர் குவளைகளின் உயர வேறுபாட்டில் 
ஆரம்பிக்கும் சொற்போர் 
எங்களிருவரின் உயர வேறுபாட்டிற்கு 
திசை மாறி மற்போராகியிருக்கும்/
சரிசமனாய் குவளைகள் வந்த நாளில்
தேநீர் அளவீட்டில்  குறை பாடிருப்பதாக 
மீண்டுமொரு சொற்போரை அக்கா ஆரம்பித்திருந்தாள் 
ஆதவனோடு போட்டியிட்டு நித்தமும் கொல்லைப்புறத்தில் 
அரங்கேறும் போர்கள் ஒரு தேநீர் பொழுதில் நிறுத்தம் பெற்றன/
கொல்லைப்புறத்தில் உலவிய இடுகாட்டு அமைதியை 
எவரும் குலைக்காமலே பொழுதுகள் வருடங்களாகி கழிந்தன/
ஓர் தேநீர் வேளையில் நிரந்தரமாக  
என் தமக்கை பிரிந்த செய்தி வந்தது/
எங்கள் வீட்டு கொல்லைப்புறம் 
அமைதியை கலைத்து கதறி அழுதது.
 
- தேவி பிரபா

**

உலவி வரும் உயிரினங்களிடத்தில் 
உயிரைக் கைகளில் கொண்டு 
நிலவி வரும் பருவநிலை மாற்றத்திலும் 
நற்சுவை நல்கி நறுமணம் கொண்டு 
நின்றாடும் நந்தவனம் தான் 
பல நூறு பச்சை புன்சிரிப்புகள் கொண்ட 
பசுந்தேயிலைத் தோட்டங்கள் 
உற்பத்தி உயர்ந்தாலும்
அங்கே உழைப்பவனின் ஊதியம் 
வாமனனின் உயரம் தான் ! 
தேயிலையின்த் தன்மைகளோ சில வேறு 
தேநீரின் சுவைகளோ பல வேறு 
தேயிலைத் தொழிலாளியின் துயரோ ஒரு நூறு ! 
உழைப்பவருக்கு ஓர் ஊக்க மருந்து
உறங்கி எழுபவருக்கு ஓர் உற்சாக மருந்து 
பாலைவனத்தில் அரிதாய் பிறக்கும் 
மழையைப் போல், பயணப் பாதைகளில் 
பிறக்கும் புத்துணர்வு மருந்து 
கண்ணீரின் பொழுதுகள் பலவற்றை புறந்தள்ளி என்றுமே 
தெவிட்டாதத் தென்றலைப் போன்ற 
பொழுதுகள்தான் அந்த "தேநீர்ப் பொழுதுகள்"  
 
- கார்த்திக் பாரதிதாசன் 

**

ஆவி பறக்கும் தினசரிகளின்
செய்திகளால் 
ஆறிப் போயிருந்தது 
தேனீர்

அந்தக்
காலைப் பொழுதின் பனிக்குளிரில்
கனன்று 
அனல் உமிழ்ந்து கொண்டிருந்தது
உடலைக்காட்டிலும்
மனம்

வன்புணர்வில்
சிறுமியுடன் நைந்தது பெண் தோல்
எனினும்
சிதைத்து மகிழ்வதும்

கை மாறும் லஞ்ச லாவன்யம்
கள்ளக் கடத்தல்
கொலை கொள்ளை
மலிந்து விட்ட ஊழலுடன்

போதையென
சாதிச் சண்டைகள்
மதங்களின்
அதிகார போராட்டங்கள்

சதிகள்
சண்டாள நாசத்தின்
ரகசியங்கள்
சிலை கடத்தல் 
என

நிகழும் கலவரங்களால்
அற்றுப் போன அமைதி
எந்த தேனீர்ப் பொழுதில்
மகிழ்ச்சி வந்து
தினசரிகளின் ஊடகங்கள்
எல்லோர் மனமெல்லாம்
பரிபாலனம் செய்யும்...!?

- கவிஞர்.கா. அமீர்ஜான்

**

அலுவலகம் நுழைவு
முதல்
அன்றாட வேலைகள் சுகமா! இல்லை சுமையா?
சிரிப்பும் கோபமும்
மாறி மாறி உறவாட

வந்த தவறுகளும்
வருந்திய கணங்களும்,
எரிச்சலூட்டி

போதுமடா சாமி
இந்த வேலை என்று
வெறுத்துப் பேசி

சக ஊழியரிடம்
மீண்டும்
நட்பு பாராட்டி
உணவகம்சென்று

ஒரு கோப்பைத்
தேநீர் ருசித்து
பகிர்ந்து கொள்ளும்
இன்ப துன்ப நிகழ்வுகள்
அப்போதே காணாமலாகும்

தேயிலை நீரின்
திடமா அல்லது மாயமா!
மனதை மாற்றி
நரம்பினுள் ஓடி
மூளைச் செல்களைத்
தட்டி
மீண்டும் உற்சாகம்
தரும் உன்னத
வேலை(ளை) அது....

- முகில் வீர உமேஷ், திருச்சுழி.

**

தொடர்ந்து செய்யும் வேலைக்கு இடையே
  புத்துணர்வு ஏற்படுத்தும் ஒருமுயற்சியே
தேநீர் பொழுதுகள் என்னும் முறையாகும்
  தேடாது அனைவருக்கும் கிடைக்க வேண்டும்

தேநீர் பொழுதுகள் சிலவற்றை தீர்மானித்துள்ளது ! நட்புகளை
 கொள்கை குழுக்களை , கூட்டணிகளை - அது
நல்ல அரசியல் போக்கு உருவாக உதவும்
  நல்ல தலைவர்கள் உருவாக காரணமாய் அமையும்

இது ஒருவகையாய் ஆனது, ஆனால் உண்மையில்
  அலுவலகத்தில் வேலைபார்ப்பவர், தொழிற்சாலையில்
தொழில் செய்வோர், மற்றும் கட்டிட வேலை, வண்ணம்
   அடிப்பவர், வயரிங் வேலை செய்வோர்,ஏனையோர்

இயல்பாகக் கொண்டதுதான் இந்த தேநீர் பொழுது
   இனிமையான அனுபவமாகும் அதை ரசிப்போம்
இந்த வீட்டு வேலைசெய்வோர் மற்றும் கூலிவேலை
   செய்பவர்க்கும் ஏனில்லை இந்த வாய்ப்பு?

குடும்பப் பெண்கள், ஆம் இல்லத்தரசிகள் வீட்டில்
   குடும்பத்தில் இருக்கும் ஏனையவர்க்கும் ஏனிலை?
ரேஷங்கடையில் காத்திருக்கும் இல்லத்தரசிகள்
   பால் டிப்போ  மாவு மிஷின், குழாயடி இவர்களுக்கும்

தேநீர் பொழுது ஒதுக்கவேன்டும் ! காத்துக்கடகிறார்கள்
   நீண்ட வரிசையில், பழியாய் கிடக்கிறார்கள்
வரிசையை கிடைத்து விட்டு டோக்கனோடு செல்ல
 வழிவகுக்க வேண்டும் தேநீர்பொழுது அனைவரும் பெற !            

- கவிஞர் ஜி. சூடாமணி

**

தேநீர்ப் பொழுதுகள் தெம்பு தருபவை
தளர்ச்சி நீக்கி சுறுசுறுப்பு வழங்குபவை!

தாகம் தணிக்கும் தவிப்பை நீக்கும்
தரமாக இருந்தால் மனம் மகிழும்!

விழாக்களிலும் தேநீர்ப் பொழுதுகள் உண்டு
விசாரணைகள் அப்பொழுதுகளில் நடப்பது உண்டு!

அறியாத முகங்கள் அறிமுகம் நடக்கும்
அன்பை வெளிப்படுத்த வாய்ப்பு வரும்!

உலக அரசியலும் பேசுவது உண்டு
உள்ளூர் அரசியலும் பேசுவது உண்டு!

பிந்தியவர்களுக்கு கிடைக்காமல் போவதும் உண்டு
முந்தியவர்கள் பருகி மகிழ்வது உண்டு!

இருக்கையிலிருந்து எழுந்து நடக்க வாய்ப்பு
இறுக்கம் தளர்த்தி இளைப்பார விடுதலை கிட்டும்!

தேநீருக்கு முன் ரொட்டிகளும் தருவது உண்டு
தேநீரில் முக்கி ரொட்டி உண்பதும் உண்டு!

பேசியவர் பற்றிய விமர்சனம் நடப்பதுண்டு
பேசியவர் கேட்டு  நொந்து விடுவதுண்டு!

சோர்வை நீக்கி புதுப்பிக்க உதவும்
சோம்பல் முறித்து புத்துணர்வு பெறலாம்!

தேயிலைத் தோட்டத் தொழிலாளர்கள் உழைப்பு
தேமதுரத் தேநீராய் உருவானது மகிழ்வு!

நல்ல தேயிலைகள் ஏற்றுமதி ஆகின்றன
குப்பைத் தேயிலைகள் நமக்கு வருகின்றன!

அயல்நாட்டான் குடிக்கும் அற்புத தேநீர்
அனைவருக்கும் நமக்கும் கிட்டும் நாள் திருநாள்!

- கவிஞர் இரா .இரவி

**
இமை மூடிய விழிகளுக்குள்
இதமான கனவுகள் .
இமைகள் பிரிய மறுத்தாலும்
நாசியைத்  துளைத்தது 
நறுமணம் கொண்டதேநீர் !
அதிகாலை வேளை இன்று
அன்புக்கணவர்   தயாரித்த
இஞ்சியுடன் கருப்பட்டியின்
இன்சுவைசேர 
தேநீரது 
தேவாமிர்தமாக
சுவையோ சுவை .!
சுகமான வேளை .!
தேடினாலும் கிடைக்காத
தேநீர் பொழுதன்றோ ?

- ஜெயா வெங்கட்

**

தனிமை இருட்டின்
காதுகளில் கிசுகிசுத்து
நள்ளிரவு மழைச்சாரல்
யுகங்களின் சோகங்களை
உச்சரித்த ஓர் வனத்தில்….

அந்தரங்கத்தின் சுந்தர
கணங்கள்
நீலக்கனவுகள் ஈரமாய்
கோலம்போடும் 
உன் வண்ணத்துப்பூச்சி
விழிகளில் சிறகடித்தன

உதடுகளைச் சுழித்து 
முத்தம் கொடுப்பது
போலச் செய்த
உன் பாவனை 
மன்மதனுக்கு
வைத்த சோதனை
நம்முன்
இரண்டு
கோப்பைகள் 
இருந்தன
பேசிக்கொண்டே
இருந்ததை
கேட்டுக்கொண்டே
வெட்கத்தில்
நெளிந்தது
சூடான தேனீர் 
ஆவி

கோப்பை விளிம்புகளில்
நர்த்தனமாடின
இதயங்கள்,
நுரைக் குமிழிகளில் 
திரைபோட்டு
உட்கார்ந்திருந்த
காதலை
வெட்கத்தோடு 
மறுத்தது உன்முகம் 
இல்லை என்று
உதடுகளும் தலையும்
காற்றில் ஆடும் தீபமாக
அசைந்தன;
ஆமாம் என்று கண்கள்
அகலில்
ஒற்றைக்கோடாய்ப்
பற்றவைத்த ஜோதிபோல்
நின்று எரிந்தன

சுவைத்துமுடித்த
தேனீர்த் துளி
உன் உதட்டில்
மிச்சமிருந்தது

துடைக்க நீண்ட
என் கைவிரல்கள்
காலாதீதத்தின்
மத்திமத்தில்
உறைந்தன

யுகம்பல முடிந்து
சோகங்களை
மீண்டும் உச்சரித்து
நடுராத்திரி மழைச்சாரல்
வந்தது ஓர் அமானுஷ்ய
கணத்தில்

முன்னே 
ஒற்றைக்
கோப்பை
வெறுமை

இன்மையில் இருந்த
தேனீர் ஆவியாக
முத்தம் கொடுப்பதாய்
பாவனையில் சுழித்த
உன் உதடுகள்

உதட்டின் மிச்ச
தேனீர்த்துளியை
துடைக்க 
நீண்டன 
உடலை
துறந்துவிட்ட
என் விரல்கள்

- கவிஞர் மஹாரதி

**

மழலை க்கூட்ட தாயிடத்து அங்கப்பால் 
அற்றுப் போகலாம் ஒரு காலமும் தான் 
பெற்ற பிள்ளை மேல் பாசமற்று போகா 
அவள் எதற்கு முத வாதவ ளாயினும் 
°°°
அவனருகினில் நான் இல்லாமல் போனாலும் 
என்றன் நினைவினில் இல்லாமல் இல்லை என்றே 
யவன் உணர்வானோ உணர மாட்டானோ 
காதலுக்கு அவமரியாதை யாகிடுமோ 
°°°
அந்த தேநீர்ப் பொழுதுகள் எந்தனுக் காய் 
காத்திருக்கும் குடுவைத் தேநீரின் கொதிப்பு 
குறையுதங்கே எந்தன் வரவுக்காய் 
காத்திருப்போ னென் காதலன் 
கொதிப்பு கூடிடுதேயங்கே 
°°°
மாலையில் சாலையில் தாமதம்
குறுக்கும் நெடுக்குமாய் வாகனங்கள்
வழிவிடாத இக்கட்டான வேளையில் 
மனமுடைந்து போவானோ காதலன்
என்பதுவோ என்றன தொரே கவலை

- ஆபிரகாம் வேளாங்கண்ணி கண்டம்பாக்கம்

**
காலையிலும்   மாலையிலும்   குடும்பத்   தோடு
    கலந்தமர்ந்து   பருகிட்ட   தேநீ   ரோடு
சோலையிலே   பூத்திட்ட   பூக்க  ளோடு
    சொல்லாடல்   நிகழ்த்திட்ட   வண்டு  கள்போல்
வேலைகளை   வரவுசெலவு    இன்ப   துன்ப
    வேதனையைப்   பகிர்ந்துகொண்ட    காலம்   மாறி
மூலையிலே    அமர்ந்தபடி   கைப்பே  சிக்குள்
    முகம்புதைத்து   தனித்துள்ளார்   வீட்டிற்   குள்ளே !

தெருவோரக்    கடைகளிலே   அமர்த   வாறு
    தேநீரின்   கோப்பைகளைக்   கையி   லேந்தி
அருந்திநாவில்    சுவைகூட   அறிந்தி   டாமல்
    அரசியலின்   போக்குகளை   அலசிப்   பேசிப்
பெரும்மாற்றம்   ஆட்சியிலே   செய்த   வற்றைப்
    பெருமையுடன்    பேசுகின்ற    கனவாய்ப்  போக
உருமாறித்   தேநீரின்    கடைக்குச்   சென்றோர்
    உணர்விழக்கும்   மதுக்கடைக்குச்   செல்ல   லானார் !

அலுவலக    இடைவெளியில்    அருந்தி   வந்த
    அருமையான்   தேநீரோ    குளிர்நீ   ராக
சிலுசிலுக்கும்   அறைகளிலே   அமர்ந்த  வாறு
    சின்னதிரை    தொடர்களினை   மெல்ல   லானார் !
குலுங்கிநடைப்   பயிற்சியினைச்    செய்த   பின்பு
    குடித்ததேநீர்   அருகம்புல்   சாறாய்   மாறக்
கொலுசொலிதான்   போனதுபோல்   தேநீர்   போழ்தைக்
    கொண்டதின்று   கட்புலனும்   முகநூல்   சேர்ந்தே !
கட்புலன் -- வாட்சப்

- பாவலர்  கருமலைத்தமிழாழன்

**

தேநீர் பொழுதுகளையும்,
தேயாத நீளும்  இரவுகளையும்,
தேடும் பருவம் இளமை பருவம்!

அதிகாலை முதல் அந்தி மாலை வரை,
ஒவ்வொரு கோப்பைக்கான நேரமும் பல உணர்வுகளை,
ரசிக்கவும், கடக்கவும், புது நம்பிக்கை பிறக்கவும் வைக்கிறது!

வாழ்வில் நடப்பதை ரசிக்க,
சற்று தள்ளி நின்று அசைபோட,
தோன்றும் பொழுதல்லவா தேநீர் பொழுது!

நம்பிக்கைக்கு வித்திடும் பொழுது,
நல் திட்டங்கள் தீட்ட உகந்த பொழுது,
களித்திருக்க உவகையான பொழுது,
பிழைத்திருக்க தெம்பூட்டும் பொழுது,
இணைந்திருக்க அன்பு கூட்டும் பொழுது,
சுவைத்திருக்க சுகமூட்டும் பொழுது,
நட்பிற்கோ அதுவே பிரதான பொழுது! 
பல பழுதுகளை சரிபார்க்கும் பொழுது!

தேநீர் பொழுதுகள் ஏற்படுத்திய திருப்பங்கள் பல பல! 
திருப்பங்களை கடப்பதே வாழ்வின் இலக்காகும்! 
எதுவரினும் தினம் ஓர்பொழுது வேண்டும்,
கோப்பை தேநீரோடு எல்லாம் களையும் பொழுதாய்! 
திகழ, மகிழ இன்புற்றிருப்போம்!

- இனிய தமிழ் செல்வா, ஓமன்

**

விழித்தவுடன் முளைக்கும்
சோம்பல் களைகளை வெட்டியது யார் ?
உடலெங்கும் பாயும் ஒரு சூரியன் –
கண்களுக்குள் ஒரு மானசரோவர் – எப்படி ??
அதிகாரிகளின் அர்ச்சனை,
குமியும் அலுவல் கோப்புகள்,
மலைக்க வைக்கும்
மலையளவு வேலையை மறைத்து
மகிழ வைக்கும் மந்திரம் எது ??
நெருங்கும் தேர்வுகள்
சுருங்கும் இரவுகள்
மதிப்பெண் ஏணியில்
உயரத்தள்ளும்  தந்திரம் எது ??
இவையெல்லாம் உண்டு .. இருந்தும்
ஐம்பது வயது நண்பர்களை “டா” என்று
ஒருமையில் அழைத்து
ஒரு கோப்பையை மூன்றாய்ப்பிரித்து உறிஞ்சுவோமே !
அவையல்லவோ பத்து வயதை
ஒரே நொடியில் குறைக்கும்  தேநீர் பொழுதுகள் –

- கவிஞர் டாக்டர்.  எஸ். பார்த்தசாரதி

**

என் நண்பன் சொல்வான் “ தேனிர் நேர சந்திப்பில்
  கொள்கை விளக்கம் செய்து ஆள்பிடிப்பேன் ” என்று
சில ஓட்டுக்கள் மாறி விழும் குறுகிய நேரத்தில்
  சில பிரச்சினகள் தீர்த்திடுவோம் உதவி செய்வோம்
தொழிற் சங்கம் வளர்ப்பதற்கு தேனீர் பொழுது
  தோதக இருக்கிறது ! இதுபோல நாட்டிலும் தோடரலாமே
பணம் காட்டி வாக்காளரை மாற்றும் மார்க்கம் தடுக்கலாமே
 தேனீர் நேரம் தொடரவேண்டும் திருத்திடுவோம் வாக்காளரை 

தேனீர் நேரச்சந்திப்பில் காதல் மலர்கிறது என்கின்றார்
  அது கல்யாணமாய் முடியும் வாழ்க்கை காவியமாகும்
தேனீர் நேரம் வரட்டும் என்று நண்பரை இருக்கசொல்வார்
 இனிக்கும் மேடைப் பேச்சுக்கள் கேட்கலாம் பொழுதுபோக்கும் மன்றில்
தேனீர் நேரச் சந்திப்பில் புது நண்பர்கள் நமக்குக்கிடைப்பார்
 போகும்போது சொகமாய் போய் வரும்போது மகிழ்வுடன் வரலாம்
சிலநேரம் அலுவலகப் பிரச்சினைகள் புரிதலில் வந்தகோளாறுபோகும்
  சிந்திக்கவும் நம்சிந்தனையை சரிசெய்யவும் தேனீர்நேரம் பயன்படும்

சிலர் தேனீர் நேரம் செல்லாமல் படிப்ப றையிலேயே கழிப்பர்
  சிலரைச் சந்திப்பதை தவிர்ப்பதற்கும் இப்படி செய்வார்கள்
தேநீர் பொழுதுகள் தீர்மானிக்கும் சில திருமணங்களை, கூட்டணிகளை
 அரசியல் மாற்றங்களை தலைவர்களின் தேநீர் பொழுது தீர்மானிக்கிறது
 
- கவிஞர் அரங்க கோவிந்தராசன்
 
**

அயற்சி கலைத்து 
முயற்சி கொடுக்கும் 
எண்ணங்கள் ஏற்றி 
வண்ணங்கள் கூட்டும்
பொழுதொன்று உண்டு - அது 
தேநீர்ப் பொழுது.

காலை வேளை
மட்டும் அல்லாது  
மாலையில் கூட 
மூளையின் மூலையில் 
விடியலை தூண்டிடும் - பல 
விடைகளை காட்டிடும்.

உறவினர் நண்பர் 
காதலர் என்று 
உலகோர்க்கு எல்லாம்
உயர்ந்தநற்ப் பொழுதாம் 
பகைமையைப் போக்கி - நற் 
பயன்தரும் பொழுதாம்.

தனிமையை நீக்கிட
மனநலம் பேணிட 
வாரீர் வாரீர் 
உறவோர் வாரீர் 
தேநீர் அருந்தி  - புதுப் 
பொலிவுற வாரீர்!

- கு. இராமகிருஷ்ணன்.

**

காலை பொழுது மலர்ந்ததும் வேண்டும் தேநீர் சிலருக்கு 
மாலையில் ஒரு "நொறுக்குடன் " தேவை தேநீர் சிலருக்கு !
தேநீர் நேரம் என்று ஒன்று  பணிநேரத்தில் இருந்தாலும் 
தேநீர் ஒன்றே தலையாய பணியாக மாறும் சிலருக்கு !
தேநீர் பொழுதை  ஒரு விருந்தாக மாற்றி வணிகம் 
வர்த்தகம் செய்யும் வித்தகர்களும் உண்டு உலகில் ! 
தேநீரும் ஒரு "பொறையும்" மட்டுமே  உணவாக 
மாறும் மூன்று வேளையும் ஒரு உழைப்பாளிக்கு !
தேநீர் பொழுது அவனுக்கு ஒரு பொழுது போக்கு 
அல்ல ! தன் பொழுதை வீணாகப் போக்குபவனும் 
அவன் இல்லை !

- K.நடராஜன் 

**

இஞ்சியும் ஏலமும் மணக்க
இம்மி எலுமிச்சை சாறு சேர
இருக்கட்டுமென இட்ட இனிப்புடன்
இனித்தது் தேநீருடன் ..இல்லறமும்

செய்தித்தாள் நான் கையிலேந்தி
சூடான தேநீர் உறிந்தபடி 
சுற்றி நடக்கும் செய்திகள்
சுவையாய் நீ சொன்ன காலமது

சொல்லாமல் சென்றாயே அன்று
செயலிழந்தேன் நானும் இங்கு.
செயலிகள் பல இருந்தும் இன்று
சலிப்பே  மிச்சமே இங்கு.

தேனாய் இனித்த நாட்கள்
திரும்ப இனி இல்லவே இல்லை
தனிமையில் எனக்குத்  துணையாக..
தேநீர்க் கோப்பையில் ..
தித்திக்கும் உன் நினைவுகளே..

- அகிலா ராமசாமி

**

உழவன் ஏர்க்கலப்பையுடன் ஒருநாள் நின்ற வேளை
பொழுதும் புலர்ந்தது தேநீர் கடையினுள் சென்ற வேளை
கற்றவன் மற்றவன் நின்றவன் தாள்பார்த்து படித்த வேளை
அரசியல் அடுத்த தெரு பொண்ணு ஓடிப் போன வேளை
வரப்பு தகறாரில் பங்காளி தலை வெட்டிய செய்தி
மூன்றாம் பத்தியில் போட்டோவுடன் செய்தி
முழு மூச்சில் படித்திட கட்டிப்புரண்டு மானம் போக
பேசித் தீர்ந்த போது தேவைப்பட்ட பொழுது தேநீர்ப் பொழுதுகள்
ஏழை நடுத்தர பணக்கார வர்க்கம் தூங்கியெழுந்த போது
தேவைப்பட்ட பொழுது தேநீர்ப் பொழுதுகள்
வீணான பேச்சு பேசி நேரத்தை விரயமாக்கும் பொழுது 
கூடிநின்று நாணயம் தேடும்பொழுது தேநீர்ப்பொழுதுகள்
படித்தவ\ர்கள் பணியாளர்கள் அலுவலர்கள் மட்டும் அல்ல
வணிகர்கள் நுகர்வோர்கள் தொழிலாளர்கள் 
களைப்பு தீர மட்டும் அல்ல
நோக்கம் மேம்படுத்த கூட்டாக தனியாக இளைப்பார
ஒதுங்கும் பொழுது தேநீர்ப்பொழுதுகள்.

- இரா.அண்ணாமலை, திருவண்ணாமலை

**

ஆங்கிலேயரின்
அடிமைத் தளையிலிருந்து
விடுபட்டாலும்
அவர் அன்று  அறிமுகப்படுத்திய 
அதீத சுவைக்கொண்ட
அற்புதபானமாம்  தேநீருக்கு  அடிமைப்பட்டுக் கிடக்கும் 
நம்மில் பலருக்கு 
தேநீர்ப்பொழுதுகள் சில
அலாதியானவை !

மறக்க முடியாத
மாணவப் பருவத்தில்
உருப்போட்ட  பாடங்களுடன்
உறக்கத்தை விரட்ட
உதவியவை
உற்சாகம் அளித்த
தேநீர்ப் பொழுதுகள்
என்றால் அது மிகையில்லை!

பசியும் தாகமுமாய் 
நெடுந்தூரம் பயணிக்கையில்
தெருவோரம் அமைந்த
தேநீர்க்  கடையொன்றில்
கலீ ரென்ற சத்தத்துடன்
கழுவப்பட்ட 
கண்ணாடித் தம்ளரில்
ஊற்றித் தூக்கி
ஆற்றித் தந்த
ஆவிபறக்கும் தேநீர்
அருந்தும்  அந்த நேரம்
ஆவி உள்ளவரை
நினைவில் 
நீங்காது நிற்கும்
சுகமான
சுவையான
தேநீர்ப் பொழுது தான் !

இளமையோ  முதுமையோ
வளமையோ  வறுமையோ
எந்த நிலையிலும்
ஏதோ ஒரு வகையில்
 நம் வாழ்க்கையை 
நேசிக்க வைப்பவை
தேநீர்ப் பொழுதுகள் தான் !

- கே. ருக்மணி, கோவை.

**

ஓயாது புரியும் பணியில் நேரம் கிடைப்பதில்லை
தேயாத நிலவு அமாவாசைக்கு வருவதில்லை
பாயாத நதிகளின் ஓரம் நாகரீகம் வளர்வதில்லை
வேயாத கூரையின் கீழும் தேநீர் மட்டும் வேண்டுமே

மாலைப் பொழுதின் மயக்கத்தில் காதல் வருகிறது
ஒலைக்குடிசையிலும் மாலை நேர மயக்கமுண்டு
சோலைப் பூங்காவிலும் மயக்கும் மாலைப் பொழுது
பாலை நிலத்தில் காணும் சுனையாய் தேநீருடன் தான்

கசக்கிப் பிழிந்து அறிவு வடிக்கும் மென்பொறியாளர்
இசங்கள் பேசி விவாதங்கள் வடிக்கும் அறிவாளிகள்
வசதி வாய்ப்புடன் பொருள் சேர்த்த பணக்காரர்களும்
அசதி போக்க அமர்வர் தேநீர்ப் பொழுதுகளில் தேநீர்க்கு

வீட்டுப் பணிபுரியும் ஓயா உழைப்பாளப் பெண்டிர்
நாட்டு நடப்புகளை தொலைக்காட்சியில் கண்டாலும்
மீட்டும் வீணை இசையின் லயிப்பில் இருந்தாலும்
வாட்டும் தலைவலிக்கு மாலைப் பொழுது தேநீர் தான்

தேநீர் மாலைப் பொழுதுகள் தரும் இன்பம் தனிதான்
காணீர் எங்கும் தேநீரருந்தும் மக்களை மாலையிலே
நாணீர் மது அருந்தும் மாக்களைப் பார்த்து என்றும்
தேநீர் அருந்திடுவீர் தெம்புடன் நடந்திடுவீர் நலமே.

- கவிஞர்  ராம்க்ருஷ்

"இஞ்சி" சுவை சேர்த்த  தேநீர் 
கொஞ்சி  பேசி  அம்மா  கொடுத்தால் 
மிஞ்சிவிடுமே  "தேநீர்ப் பொழுது!"
சோர்ந்த  உள்ளத்தில் 
சேர்ந்த வருத்தம்  என்ற  அழுக்கினை 
தேர்ந்தெடுத்து  ஓட்டும் 
வல்லமை  படைத்த  இனியபொழுது 
அது  -  "தேநீர்ப்பொழுதுகள்"
தேர்வுக்கு  படிக்க  பாடம் 
தேர்வு செய்யும்  நேரம் 
கோர்வையில்லா  எண்ணங்கள்  வந்து 
சோர்வை  கொடுக்க  முயலும்  தருணம் 
போர்வைக்குள்  முடங்காமல் 
"தேநீர்"  அருந்தும்  அப்பொழுதில் 
எல்லா  சோகமும்  ஓடி 
நல்ல  படிக்க  தெம்பு  தரும் 
இனியப்  பொழுது  
அது  -  "தேநீர்ப்  பொழுதுகள்!"
"தேநீர்ப்  பொழுதுகளை" அனுபவிப்போம் 
வாழ்க்கையில்  உற்சாகமாக  இருப்போம்!

- பிரகதா நவநீதன், மதுரை

**

தெருமுனையில் டீக்கடையில்
தினந்தோறும் கூட்டம்
பண மதிப்போ பொருள் வரியோ 
மதியின் கார்டூனோ
சரியா தப்பா என ஒரு சாரார் 
வழக்கிட்டு வாதாடிக் கொள்வர். 
தினமணியோ-கதிரோ இன்னும் 
பல நாளிதழை (பழைய தானாலும் பரவாயில்லை என) 
ஒரு சாரார் படிப்பர்,
நானும் +2 வினா விடைக்கு 
நாளிதழைப் புரட்டிய துண்டு ஆர்வமாய்,
எனக்கென்னவோ இன்னமும் 
நாளிதழின் செய்திகளில் தேனீர் வாசம் வீசி 
நாவில் இனிக்கிறது 
அப் பழமை மாறா தினங்களில், 
இப்போது நாளேடுகள் டிஜிட்டலாக 
டீயும் டிப் டீ ஆக, 
மறந்தும் மறத்தும் போயிற்று 
அந்த மண் மணம் மாறாத பழைய 
தேனீர்ப் பொழுதுகளின் _ சுவடுகள்.
இப்படி எமை ஏக்கப் படுத்தி
நாகரீக நிழலில் நாற்காலி போட்டு வீற்றிருக்கிறது
அந்தக் காலத் தேனீர்ப் பொழுதுகள் 

- செந்தில்குமார் சுப்பிரமணியன்

**

கடின வேலையும்
பதட்ட வேளையும்
செவ்வானமாய்
சிவக்க விட்டு

வாடிக்கையாளரின்
வன் முகத்தால்,
கோபம் கெடுத்து
மென் முகத்தால்
மென் சிரிப்பு
உதித்து,

அரசியலும்
விளையாட்டும் பேசும்
இளைஞர்களின் இடையே
பகை ஏற்படா வண்ணம்
புகுந்து சிரிக்க விட்டு
தேநீர் கடை முன்,

அப்பாடா என்று,
பெருமூச்சு வாங்கி
ஒவ்வொரு நாளும்
இடை வெளி  தான்
இன்பத் தேன்
என நினைத்து
மகிழும் தருணங்கள்....
 -  ப. வீரக்குமார், திருநின்றவூர்.

**
                  
தேநீர்ப் பொழுதுகளே வாழ்வின் திகட்டாத நேரமென்று
உரக்கச் சொன்னாலும் உலகத்தின் மூலையெல்லாம் 
ஆமாம் ஆமாமென்று அதி அற்புதமாய்த் தலையாட்டி
அப்படியே அதையேற்கும்... அதுதானே உலக பானம்!

அடைமழையின் பொழுதுகளில் அரவணைக்கும் தோழர்களுடன்
ஆவிபறக்கும் தேநீரை அருகிருந்து பருகையிலே
உள்ளத்தின் ஆழத்தில் உற்சாக நாதமொன்று 
மெல்லக் கேட்பதற்கு மேனிலத்தில் ஈடுண்டா?

தேநீரால் தீராத திட்டங்கள் ஏதுமில்லை!
உற்சாக பானமது!உறவை வளர்க்குமது!
இந்த விருந்துக்கு ஏகமாய்ச் செலவில்லை!
ஆனாலும் தரும் பயனோ அதிகம்... மிகவதிகம்!

அசாமோ கேரளாவோ அருகிலுள்ள ஈழமோ
எந்த நாட்டுத் தேநீருக்கும் இயல்பான சுவையுண்டு!
பனிக்காலத் தேநீருக்கு அதிகச் சுவையுண்டு!
அதனையே உணவாக ஆக்குவோர் பலருண்டு!

ரஸ்க் பிஸ்கட் நயமான கேக்கென்று
எதனோடும் இணைசேர்ந்து இன்பத்தைக் கொடுப்பதற்கு
இதுவென்றும் யோசிக்காது!இதன்மூலம் மக்களுக்கு
கலப்பு மணம் செய்வதையே களிப்பாய் நினைவூட்டும்!

ஆக்கம் மிகத்தருமாம்!அப்படியே அது தருகின்ற
ஊக்கம்...உற்சாகம்...உண்மையாய் மிகவதிகம்!
தேக்கமின்றி வாழ்க்கையிலே தேர்ந்திடவே அனைவருமே
பார்த்தே தேநீரைப் பருகிடுதலே நல்லுசிதம்!

- ரெ.ஆத்மநாதன்,   கூடுவாஞ்சேரி

**

மழை  சாரலோடு  தென்றலாய்  
சில்லிடுகிறது காற்று,
கொட்டும்  மழையின்  சத்தமோ 
பின்னிசையாய்  ரீங்காரமிடுகிறது,
தூரத்தில் சிறுபிள்ளைகள் 
தேங்கிய  தண்ணீரில் கப்பல் 
விட்டு  விளையாட,
ரசித்தபடி  நான்.
அருகில் வந்தாள் அவள், 
துவட்டிய  தலையோடு 
இரண்டு தேநீர் கோப்பைகள் 
கையில்  ஏந்தி, 
கோப்பையை  வாங்கியபடி  
மெய்சிலிர்த்தேன், 
அவள் அழகைக் கண்டு, 
அவள் இரண்டு கைகளால் 
அந்த கோப்பையை பிடித்து 
தேநீரை ஊத  
அந்த சூடான ஆவியும் 
அவளை தீண்ட, 
சற்று பொறாமையும் 
என்னை தொற்றி கொண்டது,
அவளை வைத்தகண்  
வாங்காமல் பார்ப்பதை அவளும்  அறிய ,
கண்களால்  அவள் என்னிடம் பேச ,
அந்த  தேநீர் பொழுதில்,
மறைந்து  இருந்த 
எங்கள் காதல் கரை புரண்டது!

- பிரியா ஸ்ரீதர்   

**

நற்பொழுதாம் தேநீர் பொழுது - அது 
இல்லையெனில் கண்ணீர் பொழுது!
பள்ளிப்படிப்பின் இடைப்பொழுது - அது 
நண்பன் பணத்தில் நன்பொழுது!
கல்லூரியின் கடைப்பொழுது - அது
இடர் தளர்வுகளை நீக்கும் தனி  பொழுது!

காதல் கொண்டேன் கன்னியிடத்தில் 
இரவு முழுவதும் தேநீர் பொழுது!
ஞாயிறு பொழுதை வீட்டில் கழித்தால்
மணிக்கொரு தேநீர் பொழுது!

பணிக்குச் சென்று வேலைப்பார்த்தால் 
மனம் எதிர்பார்க்கும் தேநீர் பொழுது!
மார்கழி மாத குளிரில் கூட
இதமாய் அருந்தும் தேநீர் பொழுது!

முப்பொழுதும் இதை அருந்துவதால்,
முக்தி நிலைதனை அடைந்திடுவோம்!
எப்பொழுதும் இதை பருகுவதால் பரவசநிலையில் பறந்திடுவோம்!
தேநீர் பருகி வாழ்வதனால்,
இதய நோய் எவருக்குமில்லை!
அளவாய் அருந்தி வளமாய் வாழ,
தேநீர் போல ஒரு நீரும் இல்லை!

-செந்தில்குமார், திருநெல்வேலி

**

உழைத்ததால் மனமும் 
உடலும் உள்ளமும் 
களைத்துப் போன நேரங்களில்
கணநேர ஓய்வில் 
கவ்விப் பிடித்துள்ள 
கவலைத் துயரங்களை மறக்க 
கனிச்சுவையும்  சுடுநீரும் 
கலந்த உணர்வூட்டல் தரும் 
களிப்புத் தரும் சிறு மருந்து 
தேநீரை சுற்றத்தோடும் 
தேடி வரும் சொந்தத்தோடும் 
தேனமுதாய்ப் பருகிய 
தேடக் கிடைக்காத பொழுதுகள் 
தென்றல் வந்து சில சமயம் தீண்டிப் 
போகும் உணர்வுகள் 
தெவிட்டாத மலர்க்கணைகள் 

- பாலா கார்த்திகேயன் 


**
தேநீர்ப் பொழுதுகள் இல்லையென்றால்
சுவைப்பதே இல்லை வாழ்க்கை

காலியாக இருக்கும் 
கண்ணாடிக் கோப்பையும் 
தேநீரால் நிரம்ப வேண்டுமென்றே
தேவனை வேண்டுகிறது

செய்யும் வேலையிலிருந்து 
சிறிது விலகித்
தோழமைகளோடு தேநீர்ச்
சுவைக்கவில்லை என்றால்...
மனமடங்க
மாத்திரை கேட்டு 
மருத்துவமனைக்கு ஊர்வலம் போயிருப்போம். 

எந்த இலக்கிய நிகழ்வும்
சச்சரவு இல்லாமல் முடிந்ததில்லை
தேநீர் இல்லாமல் நடந்ததில்லை

எங்கள் 
எழுத்தாளர்கள் முன்
ஞானபீடத் தகட்டையும்
தேநீர்க் கோப்பையும் வைத்தால்
மொத்தக் கூட்டமும்
மொய்க்கும் தேநீர்க் கோப்பையைச் சுற்றி.

இந்தக் கவிதையைப் பிறகு முடிக்கிறேன்
இப்போது
எனக்குத் தேநீர்ப் பொழுது.

-கோ. மன்றவாணன்

**

'கொழுந்து'  அதனை குழவியாய்ப் பாவித்து சீராட்டும் பக்குவத்துடன்  

 பின்னோக்கி இழுக்கும்  பாரம் தாங்கி தலையை முன் தள்ளி 

முதுகில் பொதி சுமந்து வில்லாய் வளைந்த மேனியுடன் 

மழையும் வெயிலும் எங்களுக்கல்ல என்கிற தியாக நோக்கில்   

இடிந்த நிலையில் அமைந்த இருப்பிடங்களில் வாழ்ந்து  

மறைவிடம் சரியாக அமையாத கழிப்பறைகளில் கழித்து

 உழைப்பிற்குண்டான ஊதியம் கிடைக்கப் பெறாமல் 

உடலை மறைக்க நேர்த்தியான உடையில்லாமல் 

குளிரை மறுக்க இதமான போர்வையில்லாமல் 

அரை வயிற்று உண்டிக்கு அல்லல் பட்டு உழைக்கும் 

 உங்களின் துயரங்களை அறவே மறந்து விட்டு 

நிதமுமே இனிமையாக்கிக் கொள்கிறோம்

 எங்களின் தேநீர் பொழுதுகளை.. 

பான்ஸ்லே.. 

( மாலதி சந்திரசேகரன்) 

கொழுந்து = பக்குவம் செய்ய பறிக்கப்படும் தேயிலையின் பெயர் 

 

]]>
https://www.dinamani.com/specials/kavithaimani/2019/jan/03/தேநீர்-பொழுதுகள்-3070377.html
3070383 ஸ்பெஷல்ஸ் கவிதைமணி இந்த வாரத்திற்கான தலைப்பு: உன் விழிகளில் கவிதைமணி DIN Thursday, January 3, 2019 05:57 PM +0530 தேநீர்ப் பொழுதுகள் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: உன் விழிகளில்...

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் டைப் செய்து அனுப்பவும்.

]]>
kavidhaimani, கவிதைமணி https://www.dinamani.com/specials/kavithaimani/2019/jan/03/இந்த-வாரத்திற்கான-தலைப்பு-உன்-விழிகளில்-3070383.html
3056018 ஸ்பெஷல்ஸ் கவிதைமணி இந்த வாரத்திற்கான தலைப்பு: தேநீர்ப் பொழுதுகள் கவிதைமணி DIN Tuesday, December 11, 2018 05:38 PM +0530 வனவாசம் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: தேநீர்ப் பொழுதுகள்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக்கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் டைப் செய்து அனுப்பவும்.

]]>
poem, lyric, tea, டீ, தேநீர், கவிதை https://www.dinamani.com/specials/kavithaimani/2018/dec/11/இந்த-வாரத்திற்கான-தலைப்பு-தேநீர்ப்-பொழுதுகள்-3056018.html
3056017 ஸ்பெஷல்ஸ் கவிதைமணி கடந்த வாரத் தலைப்பு வனவாசம்! வாசகர் கவிதைகள்! கவிதைமணி DIN Tuesday, December 11, 2018 05:32 PM +0530 வனவாசம்

கூனியவள்  சூழ்ச்சியாலே  வனவா  சத்தைக்
குலமகளாம்   சீதையுடன்  இராமன்  ஏற்றான்
வானிலவாம்   பாஞ்சாலி   பாண்டவர்கள்
வனவாசம்   சென்றார்கள்  சகுனி  யாலே !
கானிடையே   நளனவனும் வாசம்  செய்தான்
கால்வழியே  நுழைந்திட்ட   சனியி  னாலே
மானிடர்கள்   ஒழுக்கநெறி   கடைபி  டிக்க
மாண்பாக   வாழ்ந் தவர்கள்   காட்டி  னார்கள் !

அறம்பொருளில்  இன்பத்தைத்   துய்த்த   வர்கள்
அடுத்திருக்கும்   வீடுபேற்றை   அடைவ  தற்கே
உறவைவிட்டு   வனவாசம்   மேற்கொண்   டார்கள்
உயர்ஞானம்   பெறுவதற்குத்   தவம்செய்   தார்கள்
மறம்காட்டி   நாடுகளை  வென்ற  மன்னர்
மனம்மாறி    அமைதியினைப்   பெறுவ   தற்குச்
சிறப்பான   அரசுரிமை   துறந்து  விட்டுச்
சிறுகுடிலில்   தவமியற்றக்   காடு   சென்றார் !

விலங்கெல்லாம்   வனவாசம்   செய்யும்   போதே
விரிந்திருக்கும்   காடெல்லாம்   செழித்தி   ருக்கும்
நலமாக   மழைபொழிந்து   பயிர்வி   ளையும்
நாடெல்லாம்  வளம்பெருகி   மகிழ்ச்சி  துள்ளும் !
சிலரிங்கே   காடுகளைப்   பொருளுக்   காகச்
சிதைப்பதினைத்   தடுத்ததனைக்   காக்கா  விட்டால்
நிலம்சரிந்து   மழைபொய்த்து   வறட்சி   ஓங்கி
நீள்வறுமை   தலைவிரித்தே    ஆடல்   காண்பீர் !

- பாவலர் கருமலைத்தமிழாழன்

**

வாங்கிய சம்பள பணம்
முதல் தேதியிலேயே காலியானால்
மீதமுள்ள நாட்களெல்லாம்
வறுமையில் வனவாசம்

காதலி பச்சைக்கொடி காட்டும்வரை
காதல்கொண்ட இளைஞனுக்கு - தீராத
காதல்நோயினால் வனவாசம்

ஆசைகளையும் இலட்சியங்களையும்
அடையும்வரை - இனிய
கனவுகளோடு வனவாசம்

மணமுடித்த பின்னே
மனம் பொருந்தவில்லை என்றால்
அது கணவனுக்கும் மனைவிக்கும
காலமெல்லாம் வனவாசம்

பிள்ளைப்பேறு இல்லாமல் போய்விட்டால்
கேள்விக் கேட்கும் சமூகத்தில்
பதில் சொல்லி மாள்வதே
மிகப்பெரிய வனவாசம்

கொஞ்சம் கொஞ்சமாய்
இயற்கையை இழந்தபின்பு -
செயற்கை உலகத்தோடு
ஒட்டிவாழும் வனவாசம்

கொடுக்கிற மனமிருந்தும்
கொடுக்கமுடியாத இல்லாமை என்பது -
வேதனைமிகுந்த வனவாசம்

புரிந்தவரே - பிரிந்து சென்றால்
பிரிவை எண்ணி பரிதவிக்கும்
மனதிற்கு- ஒவ்வொரு நொடிப்பொழுதுமே
துன்பம்சூழ்ந்த வனவாசம்

வயதின் முதுமையால் - பிறருக்கு
பாரமாகும்போது - பிறவியைக்கடக்க
மரணம்தேடும் வனவாசம்

நம்பிக்கை ஔி வீசும்போது
வாழ்க்கையும் வசமாகும்
வனவாசமும் சுகவாசமாகும்.....

- கவிஞர். நளினி விநாயகமூர்த்தி  

**
                                
பாண்டவர்க்கும் வனவாசம் பரதனின் அண்ணனுக்கும்
பதவியாசை காட்டிப் பறித்த பின்னால் முடிதனையே
பதினான்கு வருடங்கள் பசுமை வனந்தனையே
வீடாக்கி வாழ்கவென்று விளம்பிட்டார் பொறாமையினர்!

ஐவரும் கலங்கவில்லை!அன்புடை ராமனும் வீழவில்லை!
காட்டு வாழ்க்கையிலே களேபரங்கள் இருந்தாலும்
கண்ணியமாய் இருப்பதற்கும் கடமையைச் செய்வதற்கும்
கச்சிதமாய் உதவுவது கடும் வன வாசமே!

நாட்டையே காடாக்கும் நாட்களும் வருவதுண்டு!
பாட்டில் மட்டுமல்ல பார்க்கிறோமே நேரிலிங்கே!
கஜா  புயலிங்கு  காடாக்கிப்  போட்ட   ஊர்கள்
நிமிர்ந்து நடமாட நீண்ட நாட்கள் ஆகுமய்யோ!

பட்டணத்தில் வாழ்ந்தாலும் பணத்தில் புரண்டாலும்
மனத்தினுள்ளே வனவாசம் பலபேர் அனுபவிப்பர்!
அப்படித்தான் கண்ணதாசன் அளித்திட்டார் வனவாசம்!
அத்தனையையும் மக்களுக்கு ஒளிக்காமல் உரைத்திட்டார்!

-பெருமழை விஜய், கூடுவாஞ்சேரி
 
**
தர்மத்தை காக்க 
அன்று வனவாசம் சென்றனர் - இராம, இலக்குவர்
அதர்மத்தை தகர்த்தெறிய 
அன்று வனவாசம் சென்றனர் - பஞ்சப் பாண்டவர்
தவம் இயற்ற
அன்று வனவாசம் சென்றனர் - முனிவர்கள்
கல்விக்காக சிறுவயதிலேயே 
இன்று செல்கின்றனர் வனவாசம் (ஹாஸ்டல்) - மாணவர்கள்
வேலைக்காக இளவயதில்
இன்று செல்கின்றனர் வனவாசம் (மாநகரங்கள்) - இளைஞர்கள்
விலங்குகளை வேட்டையாட
இன்று வனவாசம் செல்கின்றனர் - வேட்டைக்காரர்கள்
வனங்களை அழித்து குடியிருப்புகளாக்க
இன்று வனவாசம் செல்கின்றனர் - மக்கள்
வனத்தை காப்போம், மழை பெறுவோம்.

- ஆம்பூர் எம். அருண்குமார்.

**

திரைகடல் ஒடியே
திரவியம் தேடுவேன் என
வீடு விட்டு நாடு விட்டு
வீராப்பாய் சொல்லிச்
சென்ற பிள்ளை
அவனுக்காக
அன்னையவள்
கண்கள் பூக்கக் 
காத்திருந்து காத்திருந்து
கண்ணீர் நதியும்
கரையுடைக்க ..
தண்ணீர் இன்றி
தவமிருக்க ..
வருசம் பல ஆனதே வாழ்வும்
வனவாசம் ஆகிப்போனதே !
கண்பார்வையில் திரை போட
கருஙகூந்த்தலில் நரை விழ
பொன்னும் பொருளும்
வேண்டாம் தான் 
கண் மூடுவதறகுள் தன்னைக்
காண மகன் வருவான் என
நாட்களை எண்ணும்
நாதியற்ற அன்னை !
பெற்றவன் சொல்படி
கொற்றவன் இராமன் அன்று
வனவாசம் போனான் என்றால்
பெற்ற மகனுக்காக இன்று
பெற்றவள் காத்திருப்பதும்
வனவாசம் தானே !

**

ஊர் அற்று உறவற்று வெளியூர் பயணம் 
புது புது சொந்தங்கள் சேர்ந்து 
அன்பை பகிர்ந்து வேற்றுமை அற்று 
ஒற்றுமையுடன் ஆதரவாய் வாழ்ந்தால் 
வனவாசம் இனிமையே

- மஞ்சுளா புஷ்பராஜ்

**

வனவாசம் சென்றான் ராமன் ஒரு சொல்லுக்கு 
கட்டுப்பட்டு அன்று ! வனவாசம் ராமனுக்கு 
ஆண்டு பதினான்கு !
இருக்கும் வனத்தை நாசம் செய்கிறான் மனிதன் 
தினமும் இன்று ...யார் சொல்லியும் கேட்காமல் !
வனம் எல்லாம் பாலைவனம் ஆகுது நம் 
கண்  முன்னே ! வசிக்கும் இடம்  எல்லாம் 
அடுக்குமாடி வனமாக மாறுது ஒரு நொடியில் !
வனத்தை அழித்து விட்டு வான் உயர 
கட்டிடங்கள் கட்டி விட்டு மனிதன் 
திட்டுகிறன் வானத்தைப் பார்த்து 
ஏன் பொய்த்தாய் வானமே என்று !
பண வாசம் ஒன்று மட்டும் நுகரும் 
மனிதனுக்கு  இந்த  மண்ணின் வாசமும் 
வனத்தின் நேசமும் புரிய  எத்தனை ஆண்டு 
தேவை அவனுக்கு  வனவாசம் ?

- K .நடராஜன்
**

அவன் அள்ளித்தந்த‌ பாயசத்தில்
சூரியகுலம் தழைத்தது.
அளவாய்ப் பருகிய‌ பாயசத்தில்
ஒன்றாய் ஒன்றாய் இரண்டும்
அதிகமாய்த் தந்த பாயசத்தில்
ஒன்றுடனொன்றி இரண்டும்
மூன்று கருவறைகளில் நான்குமாய்
சூரியகுலம் தழைத்தது.

அதிகம் பாயசம் குடித்தவள்
போரில் செய்த வித்தைகளால்
வரமும் இரண்டு பெற்றாள்.

கூனல் கொண்ட முதுகில்
வாசம் கொண்டது விதியும்.
விட்டெறிந்த மணல் கட்டியில்
விதி கூனலின் வாசம்விலகி
வனம் சேர்ந்தது.

மண்விலகிப் பொன்மேவி
உழுத கலப்பையில் 
பிறந்தாள் பூமகள்.
சூரியகுலத்தவனைச் சூடினாள்
நிலமகளின் தலைமகள்.

அரியணைக்கு நாள் குறித்தான்
அரசன் அவன் ஆண்டவன்.
சூரியகுலம் வாசம் செய்ய‌
வனமும் நாளைக் குறித்தது.
தந்தவரங்கள் தன்னைச் சாய்க்க‌
முன்னேஅனுப்பிப் பின்னே விழுந்தான்.

வன வாசம் பிறந்தது..

செருப்பைத் தலையில் சுமந்து
நால்வரிலும் உயர்ந்து போனான்.
செருப்பும் ஏறியது அரியாசனம்.
சூரியகுலம் தள்ளிநின்று ஆண்டது.

அவன்வலியைத் தான் சுமக்க‌
தானும் வனம் சென்று
விண்ணுயர உயர்ந்து நின்றான்.

வேடுவனும் தோள் சுமந்து
நால்வரொடு ஐவரானான்.

வானர் குலத் தலைவனுக்கு
நீதிசெய்ய மறைந்து நின்று
தன்மீதும் கறைகள் கொண்டான்.

பூமகளும் அவள் மன்னவனும்
பிறப்பறிந்து பின்மறந்து துயில‌
வனமே சிலிர்த்துத் துளிர்த்தது. 

எச்சில் கனியும் இனித்தது
கிழவி அவள் விண்சென்றாள்.
கல்மிதித்துக் கால் பட்டு
தேவதையும் உயிர் பெற்றாள்.

எழுதிவைத்த கோடு தாண்டி
விதியால் பிழையைத் தானும்செய்தாள்
நிலமகளின் தலைமகள்.

துடிதுடித்த‌ பறவைக்கும் நீர்வார்த்து
அகிலம்வாழும் வேதம் சொன்னான்.

வானரப் படையும் தோள்சுமக்க‌
வாயுமகனே நெஞ்சில் சுமக்க‌
கடல் கடந்தான்.

பத்துத்தலை புத்தியும் பக்தியும்
பெண்ணால் கொண்ட‌ பித்தினால்
அவனோடு அவன் மணிமுடியும்
மண்ணில் புரண்டு வீழ்ந்தது.

வன வாசம் முடிந்தது..

சூரியகுலம் அரியணை ஏறியது.
சூரியகுலம் இன்னும் துளிர்த்தது.
அல்லவை பொங்க அந்திமங்கி
பூமகளும் தீக்குளித்தாள்
சூரியனே கறை பட்டான்.
பூமகளும் வனம் புகுந்தாள்.
பூமகளே நிலம் புகுந்தாள்.
சூரியன் மறைந்து சந்திரன் தோன்றியது.
யுகம் மறைந்து யுகம் பிறந்தது.
இப்படிக்
காப்பியமும் கதையை முடிக்கிறது..

வனவாசம் செல்லும் கதை
யுகங்கள் தொடர்ந்தும் நடக்கிறது
காப்பியங்கள் கதை கதையாய்ச் சொல்கிறது..

- ரமேஷ் கோபாலகிருஷ்ணன், பீனிக்ஸ், அமெரிக்கா

**

ஒன்றினை யிழந் தாலொழிய 
ஒன்றினை யடைய முடிந்திடாது
துதிப்போனை காக்கும் கடவுளே 
துதிக்கும் மதியை யிழப்போனையும் காக்க மறப்பதில்லை ஒருபோதும் 
சபிக்கப் பட்டவன் மரணிக்கலாமிதை 
சபிக்கப் படாதவன் ஜீரணிக்கலாகுமோ

பரதன் முடிசூடினதும் இறப்பான் 
ஜாதகம் குறிப்பறிந்து கைகேயி சூச்சமத்தை கையாண்டாள் தாம்
ஈன்றதோ இருவரம் அதிலொரு
வரம் பரதன் நாடாள வேண்டும் மறு வரம் இராமன் காடேக வேண்டுமென 

பை நெல்லை நம்பி கை நெல்லை
இழக்க விரும்பாத கைகேயிக்கோ 
சதிகாரி பழிப்பெயரை சூட்டினாரது 
வனவாச மன்று மனவாசம் கொண்டே 
இனவாசம் எட்டுத் திக்கும் வீசிடவே
இராமனைத் தேர்ந்திடும் திட்டமதுவே

- ஆபிரகாம் வேளாங்கண்ணி கண்டம்பாக்கம்

**

ராமனின்  வனவாசம்,
சீதையின்  அசோக  வனவாசத்திற்கு  ஆரம்பம் !
பாண்டவர்களின்  வனவாசம் ,
அஞ்ஞானவாசத்தற்கு ஆரம்பம்! 
கண்ணதாசனின்  வனவாசம்,  
மணவாசத்தின் ஆரம்பம்!
கருவறையில்  பத்து  மாத  வனவாசம்,
வாழ்வின் ஆரம்பம்! 
பிறப்பு, 
நம் வாழ்வின் தேடலின் ஆரம்பம்,  
அதுவே கடவுள்  நமக்கு   அளித்த  
வனவாசமே !!

- பிரியா ஸ்ரீதர்  

**
குற்றங்கள் செய்வதும் தண்டனை பெறுவதும் விதிவிலக்கல்ல!
செய்யாத் தவறை செய்தது ஆக்கி,
சூதுதனை விதியென ஆக்கி,
வஞ்சம் சுமந்து! வாழ்வினை இழந்து!
பதினாண்காண்டுகள் வனத்தைக் காத்து!
மண்வாசம் நீங்கி வனவாசம் நுகர்ந்து!
வாழும் கலைகளை வனத்தில் சொன்னவன்!
உண்மை புருசன் அவனே என்ராமன்!

வாழ்வு நெறி தெரிய,
வையத்தில் வாழ்ந்த,
நீங்கா சிறப்பும்,
நேர்கொண்ட பார்வையும் கொண்டவன்,
வில்,அம்பு  வித்தகன் அவனே என் ராமன்!
கொள்கைகள் கொண்டு,
நல் நினைத்ததை நடத்து!
ராமனின் நேர்வழி நமக்கு,
நிச்சயம் எதிரொலி!

வனவாசத்தில் சொன்னது நம்வாழ்க்கையைச் சொல்வது!
வாழ்வின் நிலைகளை வரையறைச் செய்தது,
இதிகாசம் என்னும் இராமாயணமே!

-செந்தில்குமார், ஓமன்

**
                       
பெண்ணின் சிறுமதியால்
தாரத்தின் வசதிதனை
மறந்த இராமனின்
வனவாசத்தால் யாருக்கு
என்ன பயன்?
சுயநலத் தாயின் குரல்
மறுக்க திராணியற்ற
கணவன் பதவிக்கு
என்ன பெயர்?
நட்பு என்னும் விளக்கெடுத்து
கடல் தாண்டி சென்றாலும்
ஆணாதிக்க வெறியிலே
வனவாசத்தின் கோரத்தில்
தாரத்தின் அன்பறியாது
இளவலைத் தீ மூட்ட 
ஆணையிட்ட கணவனின்
ஊர்ப் பெருமையினை
எள்ளி நகையாட சீதைக்கு
அங்கு ஏன் உரிமை இல்லை?
தீக்குளிக்க வைத்த மடமை
பெண்ணின் அடிமைத்தனமோ!
தாயாகி நிற்கையிலே
தனியளாய்ப் பிரிந்த
பூமாதேவி புதல்வியின்
நிலை காண்கையிலே
இன்னொருமுறை
சீதா பிறப்பை
பெண்ணினம் காணாதிருக்க
 ஆணாதிக்கம் தொலையும்
வருங்காலத்தை எண்ணி
காத்திருக்கும் கணினி இயந்திரா!

-அல்லி 

**
ஆயிரம் பிறை கண்ட
முன்னோர் ஆசியில்லா வாசம்,
அன்புறு அன்னை தந்தை
ஆசானின் நேசமில்லா வாசம்,
உயர் பண்பினை போதிக்கும்
நல் உள்ளங்களில்லா வாசம்,
உள்ளத்தில் நிறைந்திருக்கும் உயிரனையாள்
உடன் இல்லா வாசம்,
செங்குழை நிகர் மழலைச் 
சொல்லமுதை கேட்டிடா வாசம்,
வெற்றிக் கொண்டாட்டங்களில் நல்
நண்பர்கள் உடனில்லா வாசம்,
காதல்,வீரம்,மானம்,
இழந்துவாழ் மதியில்லா வாசம்,
நலிந்தோர்க்கு உதவிடும் நல்
உள்ளம் இல்லா வாசம்,
கனியமுதாய், கற்கண்டாய், கறிச்சுவையாய், 
தேன்பாகாய், தெவிட்டாத தெள்ளமுதாய்,
இனிக்கின்ற நம் மொழியாம்
செம்மொழியை பேசிடாத வாசம்,
அகிலத்தின் இன்பம் அனைத்தும்
அள்ளி அள்ளித் தந்திடினும்,
நானிலத்தில் இவை  அனைத்தும்
நஞ்சைவிட கொடிய வனவாசமே.....

- ராம் விஜய்,

**

 
தசரதன்  சொல் மதித்து 
கைகேயியின்  ஆசையினை  பூர்த்தி செய்ய 
"கோ" பதவியினை துறந்த 
"கோமான்" ராமன்  சென்றது 
"வனவாசம்"..........
கணவன் அனுபவிக்காத  சுகத்தினை 
மனையொப்ப   துறந்த சீதாதேவி 
தெடர்ந்து சென்ற தம்பி  லக்ஷ்மணன் 
அனுபவித்தது   "வன வாசம்".....
விட்டுக்  கொடுத்தோர் 
தட்டுத் தடுமாறாமல் வாழ்வில் 
முட்டு  கட்டையில்லாமல்  
சிட்டு போல வாழ்வதுடன் 
கட்டுக்  கோப்பான  வாழ்க்கைக்கு 
தேவை இவையெல்லாம்  என 
சேவை கருத்துடன்  "ராமாயணம்"
உணர்த்திய  அற்புத  தத்துவமே 
"வனவாசம்" .

- பிரகதா நவநீதன்.  மதுரை

**
வனவாசம் விரும்புகின்றது என்  மனம் 
வனத்தில் சுவாசம் எங்கும் நல்ல வாசம் !

நாட்டில் வாழும் மனித மிருங்கங்களை விட 
காட்டில் வாழும் மிருங்கங்கள் கொடியதன்று !

பசுத்தோல் போர்த்திய புலிகள் பெருகிவிட்டன 
பண்பாளர்கள் எண்ணிக்கை குறைந்துவிட்டன !

வனத்தில் சாதிமதச் சண்டைகள் இல்லை 
வனத்தில் ஏற்றத் தாழ்வுகள் இல்லை !

உண்ணும் உணவிற்கு பஞ்சம் இல்லை 
ஒருவரும் பொல்லாங்கு பேசுவது இல்லை !

விலங்குகளுடன்  நட்பாக   வாழலாம் 
பறவைகளுடன் நன்கு  பழகி மகிழலாம் !

செயற்கை உணவுகள் அங்கு இல்லை 
சிதைக்கும் நோய்களும் வருவதில்லை 

கோடிகள் கொள்ளையடிக்கும் கூட்டம் இல்லை 
கேடிகளின் அடாவடி அங்கு இல்லை !

தொல்லைதரும் தொலைக்காட்சி இல்லை 
துன்பங்கள் துயரங்கள் அங்கு இல்லை !

வரப்புச்சண்டைகள் அங்கு இல்லை 
வாய்க்கால் சண்டைகள் அங்கு இல்லை !

பெட்ரோல் அங்கு தேவையே இல்லை 
பெரும் தொல்லை இல்லவே இல்லை !

மாசுக்காற்று காட்டில் இல்லவே இல்லை 
மக்காத குப்பைகளும் அங்கு இல்லை !

வனவாசத்திற்கு யாரும் வருந்த வேண்டாம் 
வனவாசம் மனதிற்கு மகிழ்ச்சி தரும் !

- கவிஞர் இரா .இரவி

**

இராமனும் ஈரேழாய் 
பாண்டவர் ஈராறாய் 
ஆண்டுகள் கழித்தினரே 
வனவாசமும் முடித்தினரே 
கதையெல்லாம் படித்தும்கூட 
இந்தமானுடம் ஆசையினை 
வீழ்த்த வழியொன்றும் 
கண்டிலரே!

- கு. இராமகிருஷ்ணன்

**
"ஆண்டுகள் பல ஆண்டுவிட்ட களைப்பில்  
ஆண்டவனிடமே  ஆட்சியைத்தருவோம்" 
அயோத்தியின் அரசன் தசரதன் !! 

அகிலத்திற்கு அறம்பொருள் சொல்ல வந்த பரம்பொருள்.. 
ஒரு தாரம், ஒரே தாரம் 
அழுத்திச்சொன்ன அவதாரம் !!
சின்னத்தாயின் எண்ணக்களிப்பில்
முளைத்தன விஷச்செடிகள்.
இரண்டு வரன்கள் , சங்கிலிக்குள் 
இறைவன் கரங்கள் !!

இவன் மனவாசம் கொண்ட 
சீதை .. மணவாசம் மாறாத நிலையில் ஒரு வனவாசம் !! 

முற்றும் தெரிந்தவன் 
முழுதும் தெளிந்தவன் 
பழுதற்ற பண்பாளன் 
பதினான்கு வருடங்கள் அவனுக்கு !!  

ஆனால் அதர்மம்  அக்கிரமம் 
அடர்ந்த காட்டிற்குள் 
நமக்கென்னவோ நாளெல்லாம் வனவாசம்!! 

- Dr. எஸ். பார்த்தசாரதி MD DNB PhD

**

பணவாசம் வந்தது  
பலரின் பாசம்  வெந்தது  
வனவாசம் செல்லாமலே   
மனமே   வனவாசமானது   
உண்மைகள்  பொய்த்தது   
போலிகள் மொய்த்தது  
நேர்மைகள்   மாய்ந்ததால்   
மனமே வனவாசமானது   
பண்பாடு  விட்டுப்போனது   
பல மனம்   கெட்டுப்போனது  
மனிதமே  அற்றுப்போனது   
மனமே வனவாசமானது   
ஜனவாசம் கூடியது  
விளை நிலம்  வீடானது   
விவசாயம் வீணானது  
மனமே  வனவாசமானது  
தாய் தந்தை மீது பாசம் போனது 
தன்னலம்  முற்றிப்போனது   
தர்மங்கள்   வற்றிப்போனது   
மனமே வனவாசமானது  
அன்று, ராமரின்  வனவாசம்   
காவியமானது
[இன்று வனம் மிருகங்கள் ஒன்றாக நீர் அருந்தும் தளம்] மனிதன் மட்டும் நீருக்காக நிலத்திற்க்காக மோதுவது [அன்றய மிருகமாக  மாறுவது என்றே கூறுவதாகவே ஆகி  
விட்டது] இன்று; வனவாசம் நிஜத்தில்  இல்லை, மனதில் வனவாசம்  வந்து பலநாள்  ஆகிவிட்டது  இது மாறுமா   என்பது ????? 

- களக்காடு வ.மாரி சுப்பிரமணியன் 

**
அனல்கோட்டைத் தாண்டியவன் அரக்க னாக
……….ஆரணங்கு சீதையையே அபக ரித்தான்..! 
மனம்போன போக்கினிலே வாழ வேண்டி
……….மதிகெட்ட இராவணனிச் செயலைச் செய்தான்.!
புனர்சென்மம் உண்டென்று புரிய வைக்க
……….பிறவியதை விளக்கிச் சொன்னான் ராமன்..!
வனவாசம் சென்றடைந்து வாழ்க்கை என்ன
……….வரலாறாய் உணர்த்தியது இராம காதை..!
.
இனமான உணர்வுகளும் நமக்குள் உண்டு
……….என்பதைத்தான் உரைத்தனநம் இலக்கி யங்கள்.!
மனவலிமை பெற்றிடவே யோகம் செய்வீர்
……….மனமடக்கச் சொன்னதுதான் பகவத் கீதை..!

மனதார அனைவரையும் வாழ்த்தக் கூட
……….மனப்பாங்கு வேண்டுமென ஒளவை சொன்னாள்.!
தினமொரு முறையேனும் நினைத்துப் பார்த்து
……….திருக்குறளை மறக்காது நினைவில் கொள்வீர்..!
.
மனக்குருடு நீக்குதற்கு மனதைக் கட்டி
……….மாந்தருக்கு வழிகாட்ட கவியாய் வந்து..
தனதான வரலாற்றை எடுத்துச் சொன்னான்
……….தான்பட்ட துன்பத்தை எழுதிச் சென்றான்..!

புனர்வாழ்வு உண்டென்று புரிந்து கொண்டு
……….பொன்னான உதாரணமும் பலவும் சொல்லி
வனவாசம் எனும்நூலில் அறிய வைத்தான்
……….வாழ்ந்தனுப வித்த(க)கவி கண்ண தாசன்..!

- கவிஞர் பெருவை பார்த்தசாரதி

**
வார்த்தைகள் தேடி
வனவாசம் சென்று
வகிடெடுத்து கொடுத்த
ஒரு கவிஞனின் கனவுகளை
கவனமாய் கடக்க வேண்டும்!

எது கவிதை?
எதிர் கேள்வி கேட்டு
இளக்காரம் செய்தல் கூடாது!!

இலக்கணம் இல்லாமல்
இறந்தே இருந்தாலும்
இலக்கியம் மீறாத
இதயத்தை இதமாய்
வருடிக்கொடுக்கும் வார்த்தைகளுக்கு
வலிமை அதிகம்...!!!

- தஞ்சை. ரீகன்

**

கூனியின் வஞ்சத்தால்
ராமன் தஞ்மடைந்தான்
கானகம்; இலக்கியம் இயம்பும்
இன்பக்கதையன்றோ!!
காமியர்களின் காமக்கடப்பால்
சின்னஞ்சிறு சிறுமிகளும்
சென்றிடனும் வனவாசம்
என்றொரு  நிலையின்றோ??
வனத்திலும் மோகவலை
வனமகன் விரித்தால்
எவ்விடத்து. செல்வதென்று
தவிப்பது பெண்ணல்லவா??
இந்நிலையே நீடித்தால்
கலங்குவது மனமல்லவா??
சற்றேனும் சிந்தித்தால்
நல்வழி பிறக்குமல்லவா??
பெண்ணே கொஞ்சம்
கேளடி கண்ணே....
தற்காத்து கொள்ள
தனித்துநில்!! துணிந்துநில்!!
பெண்மை போற்றிட
உறுதிகொள்!!! ஊக்கம் கொள்!!
காமத்தை களைந்திடு!!!
காமிகளை களையெடு!!!!

- கவிஞர் க. இராமலெட்சுமி@கவி தேவிகா, தென்காசி

**

ஈரேழு வருடம்தான் இராமனின் வனவாசம்
எங்களுக்கோ இப்பிறவி முழுவதும் வனவாசமளித்து
எங்களை விட்டு வானுலக வனவாசத்திற்கு
சென்ற தந்தையே வாடுகிறோம் பிரிவாலே..
அந்த காமாட்சியும் கை விட்டாலே
அம்மன் அவள் அருளும் கிட்டவில்லையே
நீங்கள் வளர்த்த மரமும் செடியும்கூட
உங்கள் வாசமில்லாமல் வாடிக்கிடக்கிறது தோட்டத்தில்
இல்லம்கூட வனவாசமாய் காட்சியளிக்கிறது எங்களுக்கு-
நீங்கள் இல்லாமல் மனங்களும் தத்தளிக்கிறது!
வேதாச்சலம் எனும் பெயர் கொண்டீரே
வாழ்க்கையின் வேதங்களைக் கற்று தந்தீரே
எங்களுக்கு பழிச்சொல் வாராமல் - நோயிலிருந்து
மீண்டுவந்து எங்களோடு வாழ்வேன் என்றுரைத்தவரே-
சொன்ன சொல் தவறமாட்டீரே -காலம்
உங்களை தவறுதலாய் கொண்டு சென்றதோ..?
எங்களைச் சுமந்து விளையாடிய தோள்கள்
எங்களைத் தூக்கி விளையாடிய கைகள்
எங்களின் பிள்ளைகளுக்கு இல்லாமல் போய்விட்டதே
எங்களின் வனவாசம்தீர நான் வேண்டுகின்றேன்
உதிரம் தந்த தந்தையே - கண்ணீரையே
உதிரமாக்கி வரம் ஒன்று கேட்கிறேன்
எங்களுக்கு மகனாக பிறந்து - மீண்டும்
எங்களோடு வாழும் புண்ணியத்தை தருவீராக....!

- சத்தீஷ் செம்மஞ்சேரி

**

அடிமை விலங்கொடித்து
சுதந்திரக் காற்றோடு
விடுதலைப் பெறத் துடிக்கும்
சிந்தனைகள்
வனவாசம் செய்கின்றன
பாண்டவர் போல

பகிரங்க பிரசாரத்தில்
முகம் காட்டும் வீரியத்தை ஒடுக்கி
சுரண்டிக் கொள்ள
வேடமிட்டு அலைகின்றன
ஏகாதியபத்திய எடுபிடிகள்

யாதும் ஊரே யாவரும் கேளிரென
தோள் சேர்க்க
துடிக்கும் மனங்களின் 
எல்லைச் சுருக்கி
ஒவ்வொன்றுக்கும் கோடு போடுகின்றன
ஒவ்வாமைகள்

சாதிகளுக்கும் மதங்களுக்கும்
ஒப்பனைச் செய்து
சாஷ்டாங்கமாய் அடி வீழ வைத்து
பிரதானப் படுத்திக் கொள்கின்றன
தம்மை

கடவுளர்களை விற்றுவிட்டு
வெற்று சந்நதியில் இருக்கச் செய்து
ஓலமிடுகின்றனர்
பிழைத்துக் கொள்ளும் யுக்தியை
கண்டுப் பிடித்தவர்கள்

மனிதர்க்கு மனிதர் 
மண்டியிட்டு வாழ்தலே
சுதந்திரமென்று முழக்கி
விடுதலையின்
விலாக்களை நொறுக்குகின்றனர்
அதிகாரம் கொண்டவர்கள்

உண்மை வாய்மை மெய்மையுடன்
அன்பு கருணை பாசம்
யாவும்
வனவாசத்தில் அலைந்துழல
பரிபாலனம் செய்கின்றனர்
கொடுங்குணச் சித்தர்கள்

ஒரு நாளில்
வனவாசம் மீண்டு வந்து
மனவாசம் மகிழும் வண்ணம்
ஆளும் காலம் வர
அடங்கி போகும் அடாவடி செய்யும்
சர்வதிகாரம்;

அப்போது
பரிபாலனம் செய்யும் மக்களின்
அதிகாரம் 
ஜனநாயகமாய் ஒளிரும்
யாரும் மகிழ...

- கவிஞர். கா.அமீர்ஜான்

**

சீதாராமனுக்கு மகுடம் சூட்ட
தயரதன்
பார்த்து பார்த்து நாள் குறித்திட்டு
வேர்த்து வேர்த்து விரைந்து வந்தனன்! 
தேர்ந்த பணிக்கான பெற்ற  வரங்களை 
சேர்த்திட்ட  நஞ்சினை சிந்திடும்  சீற்றரவாய் - மன்னன் 
சோர்ந்த நிலையில் கேட்டாள் 
கைகேயி !
வசந்த வாழ்வில் வந்ததே வனவாசம் !
கசந்த அநுபவம் தந்ததே 
மனகிலேசம் .

- கவிஞர் எஸ் வி ஆர் மூர்த்தி பெங்களூர்

**

அகிலமே போற்றும் படியாய் ஆக்கினாள் ராமன் தன்னை
அவனை அனுப்பினாள் ஆரண்யத்திற்கு அதனால்தான்
வனவாசம் வெறுக்கத்தக்கது வாழ நினைப்பவர் விரும்பார்
வனவாசமல்ல அது ஒரு வரப்பிரசாதம் ஆனது ராமனுக்கு
‘ஆழி சூழ் உலகமெல்லாம் பரதன் ஆளவேண்டும் ராமன்,நீ
ஈரேழு ஆண்டு கானகம்செல்க, இது அரசனின் ஆணை”என்றதும்
மனமகலங்க்காத ராமன் மாறாக மகிழ்ந்தான் தாமரைமுகத்தான்
அவன் புகழ் அகிலமறிய காரணம் ஆகினள் கைகேகி என்பேன்
வனவாசம் சிறந்தது தவம்செய் ஞாநிகலோடு ராமன் செல்வது
வையம் புகழ் ராமன் அதை அனுபவித்தது கொடியது என்பேன்
ஆரண்யத்தில் ராமனுக்கு அரியாசனம் அமைத்தாள் அதனால்தான்
ராமன் ராமபிரானானான் ! ஸ்ரீராமன் ஆனான்! காரணம் ஆகினள்
வால்மிகியின் கைகேகி கொடிய தீயவள் ஆனால் நமது
கம்பர்பெருமானின் பார்வையில் நாடகமயிலாள் நல்ல தீயாள்
ராமனை தெய்வாம்சமாக அறியார் மற்றவர் ஆனால் சுபத்திரை  
அறிந்தாள் சுபத்திரை அனுப்பினாள் இலக்குனை ராமனுடன்
வனவாசமல்ல அது வரப்பிரசாதம் மரஉரிகள் அளித்தாள் அத்தோடு
அறிவுரை இலக்குவனுக்கு அளித்தாள்,” ராமந்தான் தெய்வமுனக்கு
ராமனை,சீதையை தந்தையாய் தாயாய்க்கொள்க எனறாள்
ராமன் தான் தெய்வாம்சம் எனதெரிந்தபோதும்
வானத்தில் தசரதன் காட்சி தந்து வருந்தியபோது தெய்வம்சமான ராமன்
கைகேகி தீயளல்ல அவள் என் தாய், பரதன் என் தம்பி என்றான்
தீமைசெய்வதுபோல் தோன்றினாலும் வனவாசம் நன்மைதான் “
வனவாசமல்ல அது ராமனை ஸ்ரீராமனாய் அக்கியது!

- கவிஞர் அரங்க கோவிந்தராஜன் இராஜபாளையம்

**

அயோத்தி மண்ணை ஆண்டவரும்
அர்ஜுனன் உள்ளிட்ட பாண்டவரும்
அந்நாளில் கண்டனராம் வனவாசம்!

வனவாசம் இராமன் கண்டதால்
வனத்திலும் ஒரு கோவில் வேண்டி
வளங்களை அழித்தொழிக்க
வரலாம் இங்கு இன்னொரு கூட்டம்!

வனங்கள்தமை அழித்தோ
சிலர் மனங்களில் பழி விதைத்தோ
வரவேண்டாம் இனியும் புது ஆலயங்கள்!
வந்தவரை போதும் சில கலவரங்கள்!

வனவாசம் கண்ட இராமா
வணங்குகிறோம் உன்னை!
மத பேதம் மறையும்படி
மாற்றிடுவாய் இம்மண்ணை!

 - நிலவை.பார்த்திபன்

**

இரவு வழிந்தோடும் இடுக்குகளின் இடைவழியில் -
கனவுலக சஞ்சாரத்தில்
வனச்சரகத்தில் நித்தம் நிகழும் நட்சத்திர வேட்டை

இராமரும் பாண்டவரும் திரிந்த காடுகள் தோறும்
திரவுபதிகளாய் துகிலுரியப்படும் - ஆலை அரக்கர்களால்

முகிழ்ந்து மறையும் உண்மையின் வாசம்,

குக னொடு ஐவரானோம் என்று கூறிய ராமனது வாக்கு

அகலிகை கற்களில் எதிரொலிக்க - வனம் எல்லாம்
மறலிகையில் - இப்போது

காங்க்ரீட் காடுகளில் ஒதுக்குப் புறமான - ஒற்றை அடுக்கு வீடுகளில், ஜங்கிள் புக் மோக் லீயை பார்க்கின்றனர் - வனம் அழிக்கப்பட்ட வம்சாவளியினர், ஒரு காலத்தில் வனப் பிரஸ்தம் - வாழ்க்கை முறை என்று வரலாற்றில் படித்து - இளைப்பாறும் எதிர்காலம் மறந்து தான் போகும் வனவாசத்தையும்-இயற்கை வாழ்வையும்

- செந்தில்குமார் சுப்பிரமணியன்

**
பருத்திச் செடியின்
தவத்தால்
விளைந்தவெண்பஞ்சு,
நூற்பாலையால்
நூலாகத் திரிந்து,பின் துணியாக மாறி
மானம் காபபது போல்,
பிள்ளைகள்
பிறந்த பெருமையை
தனித்த வாழ்வோடு
சிறந்து
குடும்ப உறவுக்குள்
திரிந்து
ஒழுக்கம் காத்து
குல உயர்வைப் போற்றும் நிலையே!
இறை தேடும்
பெற்றோருக்கு
இரை கூட்டும்
மகிழ்ந்த வனவாசம்...

- ப.வீரக்குமார், திருநின்றவூர்

**

அன்றைய தமிழகம்
மகனின் மணத்தின் பின்
மகிழ்வோடு இறை தேடி
வனவாசம் ஏற்றனர்;

இன்றைய தமிழகம்
துன்பத்தோடு கறை கூட்டி
சனவாசம் செய்கிறது,

பொய்யான வாழ்வும்,
வயதிற்கு மீறிய செயலும்,
குருவைக் கொல்லும் சீடனும்,
தெய்வத்தைத் தூற்றும்
துச்சர்களும்,
நுட்பம் தந்த திருப்பமும்
சத்திலா உணவும்
குடியிலா இளையோரும்
மருமகளாயிரா மகள்களும்,
மகளாயிரா மருமகள்களும்,
பொன்னான நிலம்
புண்ணாகி மனையானதும்,
மேடைப் பேச்சை வீட்டிலும்,
வீட்டுப் பேச்சை மேடையிலும்
முழங்கும் அரசியல் வியாதியாலும்,
புதுப்புது கிருமிகளைப் பரப்புவதும்,
தமிழன் நானென்று,
தமிழன் பண்பாட்டைக் கெடுப்பவனும்,
எல்லாம் விலை போடும்
கொள்கை கெட்ட குடிகளும்,
இருக்கும் இடத்தில்
வனவாசம் தேவையில்லை
வாழ்வதே..............

- முகில் வீர உமேஷ்,  திருச்சுழி

**
மழை பொய்த்து போனதால்
விவசாய பூமி
வற்றி போனது;
நீ 
என்னை பிரிந்து சென்றதால்
 வாழ்க்கை வனவாசமானது;

மரங்களின் கிளைகளை
வெட்டினாா்கள்;
கிளைகள் இனி
துளிா்விடும் வரை
மரங்களுக்கு
வனவாசம் தான்;

பெற்ற குழந்தைகளைப்
பிாிந்து பணத்தை
தேடிச்செல்லும்
பெற்றோர்களின் 
மணிதுளிகள் 
வனவாசம்;

பூமிக்கு கிரீடம்
சூடியது காடுகள்;
வனவாசம் சென்ற
இராமருக்கு 
பட்டாபிஷேகமே
கிரீடங்களாக;

வரலாற்றுப்பின்னனி
பழங்குடியினர்
பாரம்பரியத்தை மறந்த
மனிதர்கள்
வனவாசமாக சுற்றுலா
செல்கின்றனர்;

வனவாசம் சென்ற போது
தேன் கூடுகளைக் காண
நோிட்டது;
அப்போது உன் பிரிவால்
அதுவும் நத்தை கூடாய் 
காட்சி அளித்தது;

காடுகளின் ஆயுள்
முடிய முடிய;
ஊா்களுக்கு 
விலங்குகள்
வனவாசமாக வலம்
வந்தன;

கிராமங்களில் ஊா்களுக்குச் செல்ல
பே ாக்குவரத்திற்காக
காத்திருக்கும் 
பயணிகளின் 
நேரம் வனவாசம்
போன்றது;

திரேதாயுகத்தில் முடிந்து இராமரின்
வனவாசம்;
கலியுகத்தில் தொடங்கியது
என் கவிதை வாசம்; 
வார்த்தை இல்லை என்னிடத்தில்
வனவாசம் செல்வதாக
பொய்யுரைக்க;

- குரு சுரேஷ். ப, சீா்காழி

**

கட்டிலும் மேத்தையும் இன்றி
அரச உபசரிப்பும் இன்றி
அடர்ந்த மரங்களுக்கும்
படர்ந்த கொடிகளுக்கும் 
கொடிய விலங்குகளுக்கும் 
இடையில் இராமன் வாழ்ந்தது  
வனவாசம் என்றால்?

கைபேசியும் கரண்ட்டும் இன்றி
தண்ணீரும் உணவும் இன்றி
சாய்ந்த மரங்களுக்கும் 
வீழ்ந்த கொடிகளுக்கும் 
இடையில் வாழ்ந்த 
புயல் பதித்த நம் மக்கள் வாழ்ந்ததும் 
வனவாசம்தான்!

கைகேயியால் வனவாசம் 
நிகழ்ந்தது இராமனுக்கு 
கஜாவால் வனவாசம் 
 நிகழ்ந்தது நம் மக்களுக்கு!

வாழ்ந்த மரங்களுக்கு 
நடுவில் வனவாசம் 
செய்த இராமனுக்கு 
தேனும் திணைமாவும்
கொடுக்க குகராசன் வந்தான்!
வீழ்ந்த மரங்களுக்கு 
நடுவில் வாழ்ந்த 
நம் மக்களுக்கு உணவு கொடுக்க
எந்த மகராசன் வந்தான்!

காட்டில் மரங்கள் சாய்ந்தால்
வீட்டுக்கு விறகாகும்!
வீட்டில் மரங்கள் சாய்ந்தால் 
நாட்டுக்கே இழப்பாகும்!

இராமனே காட்டிற்குச் சென்றபின்
வீட்டுச் சிறையில் இருப்பதா என 
காட்டுக்குப் போன சீதையை 
சிறைபிடித்தான் இராவணன்!
பெண்ணுக்கு 
எங்கும் சிறைவாழ்க்கைதானா?

இராமன் வனவாசம் போக
காடாவது இருந்தது!
மனிதா!
நாம் வனவாசம் போகவாவது
காட்டை காப்போம்!

-கு.முருகேசன்

**

மானிடராய்ப் பிறத்தல் அரிதென்பது பொய்யானதோ
கூனிக் குறுகி மண்டியிட்ட அடிமைத்தன மனிதராலே
மேனி அச்சமின்றிக் கையூட்டுப் பெற்று தொடர்ச்சியாக
நாணி சிறைவாசம் செல்லும் வனவாச மனிதர்களாலே

சுயநலச் சேறு எங்கும் நிறைந்திருக்கும் நிலை இங்கே
முயற்சிக்கு வேட்டு வைத்து பொறாமைத் தீ உமிழும்
பயமற்ற மனிதர்களின் முன்னே நடமாடுவதை விட
நயமான தனிமை தரும் வனவாச வாழ்வு இனிக்குமே

பாலியல் படுபாவிகளால் சேதப்படும் பெண்கள் நிலை
ஆலிலை நீர்போல் கண்டும் காணாமலும் செல்கின்றனர்
தாலி வேலியென்று தரங்கெட்டு துன்புறுத்துகின்றனர்
நீலிக் கண்ணீர் வடிப்பதைவிட வனவாசம் செல்லலாமே

அழகு நகரை அலங்கோலமாக்கி குப்பை மோடாக்கிய
பழகு மனிதர்கள் பரவிக் கிடக்கும் பண்பாட்டிலே
சுழலில் சிக்கி சின்னாபின்னமாவதை விட தனிமை
நிழல்தேடி வனவாசம் சென்றால் வளம் பெறலாமோ

நாட்டு நடப்புகளில் நல்லவர் வாழ இடமில்லை இங்கே
ஆட்டு மந்தையாய் சிந்திக்காமல் சிறகடிப்பதாலே
கூட்டுக் கொள்ளையில் பங்கு பெறுவது விடுத்து
பூட்டு ஏதுமில்லா வனம் வாசம் செய்ய நல்லதாகுமோ

- கவிஞர்  ராம்க்ருஷ்

**

கண்டோரையெல்லாம் மயக்கிய வனதேவதைக்கு கண்ணேறு பட்டது/
அவளின் அழகில் மயங்கினர் துச்சாதனர்/ துகிலுரியப்பட்டவளுக்கு அபயமளிக்க
பரமாத்மாக்களுக்கு  நேரமில்லை /
ஆயிரம் வருடங்களில்
கான்க்ரீட்  கூடுகளுக்கு நடுவே அவளை கிடத்தியிருந்தனர்/
அவள் மூச்சுக்காற்றுக்கு போராடித் தவித்தாள்/
நூறாண்டுகள் நொடியில் கழிய/
அவளுக்கு கல்லறை கட்டி முடித்து/
வனவாசம் என்று பெயரிட்டு ஒப்பாரி வைத்தழுது வீழ்ந்தனர் வீணர்கள்.

- தேவி பிரபா

**

தந்தை சொல்லே வழியென்று 
துறவறம் ஏந்தி மறுப்புகளன்றி 
தரணி போற்ற வனவாசம் சென்ற 
தெய்வீக மகனே ராம அவதாரம் !

அவதார நாயகன் வீர மனிதன் 
அன்பில் திளைக்கும் புனிதன் 
மண்ணில் பிறந்த பெருமாள் 
மனிதகுல நீதிதேவன் இராமா !

இராமகுல வேந்தே வில் ஏந்தி 
இராவண அரசை வென்று 
அவதார நோக்கம் வெற்றியுடனே
அகிலம் போற்றும் ராமகிருஷ்ணா !

வேந்தன் மகன் மக்கள் பயனுற 
காரியங்கள் செய்த இராமனே 
காட்டில் வனவாசம் நம் பாரத  
மண்ணில் ராமன் மக்களுக்கே !

- கா. மகேந்திரபிரபு  - சிவகாசி

**

வனம் நமக்கு வரம் !
வனம் இன்றிப்போனால் மனித இனம் இன்றிப்போகும் !
வானத்து ஊற்றை
வற்றாமல் தரும் வனம்தான்
வாழ்வதற்கு காற்றை
வடிகட்டிதருகிறது .!
வாழ்வதற்கு பயன் பல தந்து
வாழ வழி காட்டுகிறது.!
வனம் பல்லுயிர் களின் வீடு !
வனம் புள்ளினங்களின் கூடு !
வனத்தில்பிறந்தான்
ஆதிமனிதன் !
வனத்தை அழிததான்
இன்றைய மனிதன் !
வன வாசத்தை மறுத்தான்.
வளத்தை எல்லாம் இழந்தான்
வனத்தைக்காக்க  மரம் வளர்ப்போம் !
வனத்தை நாம்
நேசிப்போம் !
வனவாசத்தை நாம்
சுவாசிப் போம் !

- கே.ருக்மணி, கோவை 

**
நேற்றுகளைக் கருப்பையில்
சுமந்தவண்ணம் 
நாளைகளின் பிரசவம்
நோக்கிய பயணம்

நடுராத்திரி
மழை புனிதம்

பூவில் கண்சாய்த்து
கனாக்காணும்
வண்ணத்துப்பூச்சி

நிலா இரவு
ஒற்றைக்கண்
தேவதை 

புற்றாய் மாறிய
தேகத்தில்
கம்பளிப்பூச்சிகள்

கலைத்துக் கலைத்து
ரம்மி விளையாடும்
கடவுள் வெளிறுகிறார்
சாத்தான் கையில்
பதின்மூன்று கார்டுகளும்
ஆறுவிரல்களும்

எவளோ ஒருத்தியின்
மூக்கிலிருந்து
வழிந்த ரத்தம்
நீலமாகி 
கடலாய் வழிமறிக்கிறது

தங்கநிற மானின்மீது
விதி சவாரி செய்கிறது

வானத்தைப் பிழிந்தெடுத்து
தோளில் போட்டுக்
கொள்கிறான்
ஒருவன் 

கொடியில் காயப்போட்ட
இரவுகளிலிருந்து
கண்ணீர் சொட்டும்
சப்தத்தில்
தூக்கம் கலைந்து
முனகுகிறது காலம்

வனவாசத்தில்
சத்தியத்தின் நெருப்பு
சிம்மாசனத்தில்
தற்காலிகச் செருப்பு

- கவிஞர் மஹாரதி

**
குணவாசம் அதிகரித்து
குற்றவாசம் குறைத்திடுவோம்
மனவாசம் சிறந்திடவே
அன்பாலே நிரப்பிடுவோம்.

தினவாசம் சிறந்திடத்தான்
தில்லை நாதனை வணங்கிடுவோம்
இனிமை வாசம் நுகர்ந்திடவே
இதயத்தில் உண்மை நிரப்பிடுவோம்.

பணவாசம் அதிகம் வந்திடினும்
பண்புகள் சிறக்க வலம் வருவோம்
சிறைவாசம் தேடா மனத்துடனே
சிறப்புடன் வாழப்பழகிடுவோம்.

இல்லறவாசம் இன்பம் பெற
இறையனார் திருவடி தொழுதிடுவோம்
வனவாசம் தேவையா எனவினவும்படி
வலிமையாய் குடும்பம் நடத்திடுவோம்.

- புலவர் களந்தை நரசிம்ம சுப்பிரமணியன் சிறுமுகை

**

தாயின் கண்ணீர் துளிகள்
கூற வார்த்தைகள்...!!
சமமற்ற சமத்துவ சமூகம்
வீசிய வார்த்தைகள்...!!
காலத்தை வென்ற வாகையுடையோர்
கூறய வார்த்தைகள்..!!
வாக்குறுதியில் மலடாய் சிரித்த
மாய வார்த்தைகள்...!
கனவுகள் காணச் சொன்ன
கலாமின் வார்த்தைகள்...!
காமுகன்கள் சிதைத்தெறிந்த
மழலையின் வார்த்தைகள்..!!
இவையாவும் சங்கமித்தே
ஒன்றை குறித்தே-என்னுள்ளே
தொலையாத வார்த்தையானதே...!!!

- நுண்மதியன், வானமாதேவி

**

புருவ முயர்த்தி மனதை மயக்கியே
   பூவை காதலை தந்தாளே
பிரிவு மட்டும் பரிசாய் கொடுத்தவள்
   பிரிந்து வேதனை தந்தாளே
இரவில் விழிக்க மறந்து போயின
   இன்பக் காதலின் கனவுகளும்
விரக தீயும் மனதில் புகுந்ததால்
   வெளிச்ச மிழந்தது வாழ்க்கையுமே!

ஆசைக் கனவில் முளைத்தக் காதலும்
   அழுகை மட்டுமே கொடுத்துவிட
பேசி கொஞ்சி இருந்த நினைவுகள்
   பிரிவின் விலியினை நினைவூட்ட
பாசம் வைத்த அழகு பெண்ணவள்
   பாதி வழியிலே விலகினாளே
வாச மில்லா பூவைப் போலவே
   வாழ்க்கை யானது வனவாசம்

- கோ.வேல்பாண்டியன், வேலூர்

**

வாசமுள்ள வனமிருந்தும்..நாம்
வாச மங்கு செய்வதில்லை.
'வன'வாசம் என்ற பேரிட்டு
வருத்தப்படும் வார்த்தையாச்சே.

நாட்குறித்த நாளன்று
நாட்ட ரசன் ஆகாமல்
நாடு விட்டு நகரும் அவலம்
நடந்ததொரு காலம் அன்று.

வருத்தப்பட ஏதுமில்லை..
வாழ்க்கைப் பாடம் கற்றங்கே
வன வாசம் சென்ற மகன்
வரும் சந்ததிக்கு உரைத்தானே.

வருடக் கணக்கிலிங்கே
வேண்டாமே வனவாசம்.
வார மொரு முறையேணும்
விலகணுமே ஊடகத்திலிருந்தே

அவசர உலகிது.
அறிவியல் ஆட்சியது
ஆன்ம பலம் பெற..
ஆரண்ய வாசம் அவசியமன்றோ

துரத்தும் தொழில்நுட்பம்
தொலைத்த உறவுகள்
திரும்பப் பெறவே..
தனிமைவாசம் தேவையுமன்றோ?

- அகிலா ராமசாமி. பெங்களூரு

**
                                   
வாழ்க்கையே இங்கு வன வாசந்தான்
வாழத்தெரியாத பல பேருக்கு!
மகிழ்வதற்கு இங்கு நிறைய உண்டு
மனந்தான் இல்லை மனிதர்களுக்கு!
வெயிலும் மழையும் இயற்கையின் கொடையென்று
விளம்பினாலும் சிரிப்புதான் இங்கே!
எதற்குத்தான் பூமியில் பிறந்தோமென்று
எப்பொழுதுமே சலிப்பார் இவர்கள்!
வானின் மீனும் வண்ண நிலவும்
தந்திடும் இன்பம் அறிய மாட்டார்!
காற்றும் மழையும் கலந் தடிக்கையிலே
குளிரும் நிலையினைக் கொண்டாட  மாட்டார்!
உலகம் எங்கோ போய்க் கொண்டிருந்தாலும்
ஊரைச் சுற்றியே இவரின் கவனம்!
இருப்பதை எண்ணி இன்பம் கொள்ளாமல்
இல்லாததற்கு வருந்தியே அழுவார்!
கடலும் மலையும் கவிந்த வானமும்
எவ்வளவு அழகென்று எப்பொழுதும் நினையார்!
கடலின் அலையைப் பார்த்த படியே 
கண்ணீர் சிந்தி அழவே செய்வார்!
பிறந்ததே உலகில் வாழ்ந்திட வென்றே
பிரசங்கமே செய்தாலும் உணர்ந்திட முயலார்!
ஆறும் வயலும் அற்புத ஏரியும்
காணும் போதே கண்களுக்கு விருந்து!
பாடும் பறவையும் ஆடும் மயிலும்
பலநாள் மனதில் நிழலாய்த் தங்கும்!
மண்ணின் ரோமமாய் மரங்களைப் பார்க்கையில்
மனதெலாம் பரவும் மகிழ்ச்சி அலைகள்!
ஓடும் ரயிலில் ஓடும் மரங்களை 
ஒன்றாய்ப் பார்த்தால் உளமே கிறங்கும்!
இவற்றை மறந்து எதையோ நினைந்து
இருப்போர் தாமே உலகில் அதிகம்!
வாழ்க்கையே இங்கு வன வாசந்தான்
வாழத்தெரியாத பல பேருக்கு!

-ரெ.ஆத்மநாதன், கூடுவாஞ்சேரி

**

]]>
poem, kavithai, kavithaimani , கவிதை, தினமணி, கவிதைமணி https://www.dinamani.com/specials/kavithaimani/2018/dec/11/கடந்த-வாரத்-தலைப்பு-வனவாசம்-வாசகர்-கவிதைகள்-3056017.html
3046888 ஸ்பெஷல்ஸ் கவிதைமணி இந்த வாரத்திற்கான தலைப்பு: வனவாசம் கவிதைமணி DIN Tuesday, November 27, 2018 10:18 AM +0530 தொலையாத வார்த்தைகள் என்ற தலைப்பில் கவிதை எழுதி அனுப்பிய கவிஞர்கள் அனைவருக்கும் நன்றி..! இந்த வாரம் நீங்கள் எழுத வேண்டிய கவிதைக்கான தலைப்பு: வனவாசம்

உங்கள் கவிதைகளை kavidhaimani@gmail.com என்ற மின்னஞ்சல் முகவரிக்கு அனுப்பவும். 12 வரிகளுக்கு மிகாமல் கவிதை இருத்தல் நலம். உங்கள் கவிதைகளை யூனிக்கோடு எழுத்துருவில் டைப் செய்து மேற்கண்ட மின்னஞ்சலில் அடுத்த ஞாயிற்றுக் கிழமைக்கு முன்பாக அனுப்ப வேண்டுகிறோம். கவிதைக்குக் கீழே உங்கள் பெயரை மறக்காமல் தமிழில் டைப் செய்து அனுப்பவும்.

]]>
vanavasam, ramar, seetha, mahabharatha, மகாபாரதம், சீதை, ராமர், வனவாசம் https://www.dinamani.com/specials/kavithaimani/2018/nov/27/இந்த-வாரத்திற்கான-தலைப்பு-வனவாச-3046888.html
3045697 ஸ்பெஷல்ஸ் கவிதைமணி கடந்த வாரத் தலைப்பு தொலையாத வார்த்தைகள் வாசகர்களின் கவிதைகள்! கவிதைமணி DIN Sunday, November 25, 2018 04:51 PM +0530 தொலையாத வார்த்தைகள்

ஈன்றெடுத்த  தாய் 
மூன்றெழுத்தில் உச்சரித்து 
சான்றிதழ் கொடுத்த  "அம்மு"
என்ற  வார்த்தை வாழ்நாள் 
முழுவதும்  "தொலையாத  வார்த்தை"
வாழ கற்றுக் கொடுத்த  தந்தை 
மாய  உலகில் எப்படி  நடக்க 
வேண்டுமென  போதித்த 
அறிவுரை  "தொலையாத  வார்த்தை"
கல்வி  சொல்லி கொடுத்து 
மல்லிப் பூ வாசத்துடன் 
பட்டம் பெற ஆசான் 
கற்பித்த பள்ளி கல்லூரிப்  பாடங்கள் 
என்றுமே  "தொலையாத  வார்த்தைகள்"
நான்  ஈன்றெடுத்த  அழகு செல்லம்
முதலில்  "அம்மா" என்று உச்சரித்து 
தாய்மையினை  உணர்ச் செய்த 
மழலை சொல்  "தொலையாத  வார்த்தை"
இன்றும்  மனதில்  கடல் அலையென 
என்றும்  வந்து  போகும் 
"தொலையாத  வார்த்தைகள்" கொடுத்த 
ஊக்கத்தில் இன்றும்
ஏக்கமின்றி வெற்றி நடை  போட 
உதவும்  அற்புத  வார்த்தைகள்!

- உஷாமுத்துராமன், மதுரை   

**

எனதன்பே!
அன்றைக்கு...நீ சொன்ன வார்த்தைகள்...
இன்றைக்கும்...புதிதாய்...எழிலாய்...
என்றைக்கும்  என் இதயக் கூட்டில்...
இனியகானம்  பாடும்  பறவையாய்...
நித்த நித்தம்  அலைமோதி....
தொலைதூர உன்னுருவை...
தொலையாமல் தேக்கி வைக்கும்!

என்னுயிரே!
வார்த்தைகளுக்கு வரலாறு படைத்த
வண்ணப் பைங்கிளி நீ!
காதோரம் நீ ஓதிய
காதல் கீதங்களுக்கு....
உடலும் உயிரும் ஒட்டி இருக்கும் வரை....
இல்லை தொலைவு!
உயிர் உயரே பறந்த பின்னாலும்...
இருக்கக் கூடாது பிரிவு!

மனதிற்கினியவளே!
தொலைக்க நினைப்பவை தொலைவதில்லை!
தொலையக் கூடாதவை தங்குவதில்லை!
வாழ்வில் இதுவே நிதர்சனம்!
கம்ப்யூடர் டிஸ்க்கில் வேண்டுமானால்...
கரப்ட் ஆகிக் கலைந்து போகலாம்!
மன டிஸ்க்கில்....மகிழ்வானவளே...
உன் வார்த்தைகளுக்கு இல்லை மரணம்!

-ரெ.ஆத்மநாதன்,கூடுவாஞ்சேரி  

**
தொன்மை ஆகி நின்றாலும்
தொடர் சங்கிலி போல் நீண்டாலும்
வட்டவடிவ எழுத்துருவாகி
வரலாறுகள் படைத்திட்டாலும்
கல்வெட்டுகளில் காண்பதுதான்
தொலையாத வார்த்தைகள்.

ஆதி சிவன் அமர்ந்தது போல்
அன்புகாட்டி நம்மவர்களின் தந்தை
அன்று புகட்டிய அறிவுச் சொற்கள்
அனைத்தும் நம்மனத்தகத்தில்என்றும்
தொலையாத வார்த்தைகள்.

காதலுக்கும் காதலிக்கும் காதலிக்கும்
கருத்து மாறாத மனத்துடனே
உள்ளமது தான் உருகிடவே 
கள்ளமனம் விட்டொழித்துக் களிப்புடனே நாம் விதைத்த
நம்பிக்கை எண்ணங்கள் நம்மவரின்
தொலையாத வார்த்தைகள்.

கலையாத கனவெல்லாம் கனவல்ல
மலைக்காத மனிதனும் மனிதனல்ல
உழைக்காத உயிர்கள் உயிர்களல்ல
உண்மை உரைக்காத வார்த்தை கூட
உயர்ந்த வார்த்தை அல்ல
நம்பிக்கை தரத்தக்க வார்த்தைகளே
தொலையாத வார்த்தைகள்.

- புலவர் களந்தை நரசிம்ம சுப்பிரமணியன் சிறுமுகை

**

புவியில் பிறந்தோர் அழைப்பர் - அம்மா
மொழியில் மழலை உதிர்க்கும் - ம்மா,ங்கா, த்தா, ப்ப்பூ,
பக்தியில் பரவசம் - ஓம்,
மனதில் மயக்கும் - மௌனம் 
சிறார்கள் கோபம் வெளிபடுத்த - போடா போடி
உணர்ச்சியில் பரிதாபம் அதிர - த்சு,த்சு
மகிழ்ச்சி கொண்டாடும் மகத்தான - ஹாஹாஹாஹா
முதியோர் ஆற்றாமை - அந்த காலத்தில    
தமிழ் ஆசிரியர் நல்கும் நல்வார்த்தை - நன்று
மருத்துவர் பகரும் - இனி எல்லாம் கடவுள் செயல்
பிரிந்த காதலர்கள் கண்ணோடு கண் நோக்கின் - மனதின் வார்த்தை
கவிஞனுக்கு கண்ணுக்கு தெரிந்த இலக்கியங்களில் உள்ள - எழுத்துக்கள்
-தொலையாத வார்த்தைகள்

- இரா.அண்ணாமலை, திருவண்ணாமலை

**

ஆசை கோபம் கொலை கொள்ளை
பொய் புறட்டு காமுகம் கர்பழிப்பு 
யாவும் தொலையாத வார்த்தைகள் 
அடியோடு தொலைத்தி டுவோமே 

பதுக்கல் ஒதுக்கல் இல்லாதார் 
இரப்பின் உதட்டினைப் பிதுக்கல்
தலை விரித் தாடுதிங்கே லஞ்சம் 
கொடுத்தலை பெறுதலை தடுத்தும்
தொலையாத வார்த்தை களதனை
யடியோடு தொலைத்திடு வோமே

சாதி மதம் தீண்டாமை பொறாமை
பொச்சரிப்பு உச்சரிப்பு நச்சரிப்பு
எச்சரிப்பு கொச்சையரிப்பு யாவும்
தொலையாத வார்த்தை களதனை
யடியோடு துடைத்திட வழித்தேடு

வாயடைப்பு வயிற்றடிப்பு அதனால் பிறப்பெடுக்கும் வறுமை இல்லாமை 
உயிரை விட்டுக் கொள்ளும் நிலைமை
தொலையாத வார்த்தை களதனை 
இனியேனும் தொலைந்திட வழிதேடு 

- ஆபிரகாம் வேளாங்கண்ணி கண்டம்பாக்கம் 

**

வெலயெல்லாம் இருக்கட்டுங்க..
அவங்களுக்குப்புடிச்ச..
சாமான் எதுவானாலும் 
நீங்களே ரெண்டு எடுத்துக்கங்க..
கண்தெரியாத வியாபாரி 
ஓடும்ரயிலில் சொன்னது.

விமானப்பயணத்தில் சகபயணி 
மராத்திப் பெண்ணொருத்தி
அவள்கணவனும் குழந்தைகளும் 
முதல்வகுப்பில் 
இவள்மட்டும் இரண்டாம்வகுப்பில் 
என்னருகே சன்னலோரத்தில்
அவ்வளவு பேசிவந்த‌ யுவதியவள் 
இன்னும் சொன்னது
இந்தஇரண்டாம் வகுப்பின் பயணச்சேமிப்பில்
எங்கெங்கோ பிறந்த அவ்வளவு குழந்தைகள் 
பசியாறும்.. 

இன்னும்
தொலையாத வார்த்தைகள்..
ஆழத்தேடினால் 
இன்னும் அவ்வளவு இருக்கும்..
தொலையாத வார்த்தைகளை
தேக்கி வைக்க வேண்டியதில்லை
அதுவே த‌ங்கிப்போகும்
நம் இதயங்களில்..
சொல்லிப்போன‌ மனிதர்களோடும்..


- ரமேஷ் கோபாலகிருஷ்ணண், பீனிக்ஸ், அமெரிக்கா.

**

விடியலுக்கில்லை_தூரம்
தோல்வி மேல் தோல்வி
வந்தாலும் அடுத்த படி 
வெற்றியின் மீதே/
காலத்திற்கு கணக்கீடு
உண்டு இரவும் பகலும் /
காதலுக்கும் வரைமுறை 
உண்டென வல்லுனர்
வகுத்தனரே/
இரவின் உறக்கம் 
விடியலை நோக்கி/
எதிர்பார்ப்பின் நோக்கம்.
பலனை நோக்கி/
சேற்றில் தான் செந்தாமரை 
மலரும் பலர்/
கடலிலும் செந்தாமரை 
மலரவைப்போப்போம் 
வெளிநாட்டவர்/
ஒவ்வொரு மனிதருள்ளும் 
விடியலுக்கில்லை தூரம்
எண்ணங்கள் தானே/
உன்னுள்ளே நான் இருக்கிறேன் 
தன்னம்பிக்கை/
என்னுள்ளே நீ இருப்பாய்
இறைவன் /
தொன்னூறை பெற்றவன் 
அல்ல வெற்றியாளன் /
ஐம்பதில் இருந்து ஐம்பத்தி
ஒன்றை பெற்றவன் வெற்றியாளன்/
வைத்த குறி தப்பாமல் 
விட்டவன் அர்ச்சுனன்/
உயிர்போகின்ற தருணத்தில் 
தானம் கேட்டவன் கண்ணன் /
அவனுக்கு விடியலுக்கில்லை 
தூரம்/
சுறு சுறுப்பானவர்களுக்கு
தோன்றாது தூரம்/
கற்றவர்க்கு எங்கெங்கும் 
பக்கம் தான்/
நிம்மதியாக உறங்கிடுங்கள்
விடிந்து விடும் உதயமே/
தூரம் உங்கள் 
கையளவே தான் ///

- அரு. இளங்கோவன், சென்னிமலை.

**
இன்முகம் இனிய வரவேற்பு எனும்போது
உன் வாய்ச் சொற்கள் அன்பு ஏந்தி நிற்கும்
மின்னும் சொல்லில் எதிரி மனம் மயங்கிடும்
நன்றென்பதால் இவை தொலையாத வார்த்தைகள்

சினச் சீற்றம் சிந்திடும் வார்த்தைகள் சுடும்
தினம் அதனை நினைந்து மனம் நொந்திடும்
வனம் சென்று யோக நிலையில் நின்றாலும்
மனம் வாடும் தொலையாத வார்த்தைகளே அவை.

காதலில் கனிந்துருகி வெளியிடும் சொற்கள்
சாதல்வரை மனதில் சுற்றிச் சுற்றியே வரும்
மோதலில் மனம் முறிந்து தனித்து நின்றாலும்
காதல் உள்ளத்தில் அவை தொலையாதவையே.

இசையோடு சந்தம் கலந்த பாடல்களின் சொற்கள்
அசைபோடும் என்றென்றும் இனிமையினாலே
திசையெலாம் பரவும் அவை மனங்களில் நிறையும்
பசையாய் ஒட்டும் அவை தொலையாத வார்த்தைகளே

சரித்திரம் பேசிடும் சன்னமான சொற்களின் வீரியம்
வரித்திடும் காட்சிகளைக் கண்ணெதிரே தெளிவாய்
எரித்திடும் தவறான முந்தைய நிலைப்பாடுகளை
விரித்திடும் உண்மை அவை தொலையாத சொற்களே.

- கவிஞர்  ராம்க்ருஷ்

**
தொல்லைகள் பல என் மண்ணின் விவசாயிக்கு 
மழையே இல்லாமல் வாடும் அவன் பயிர் 
ஒரு நேரம் ! சொல்லாமல் கொள்ளாமல் 
கொட்டி தீர்க்கும் பெரு மழை ஒருநேரம் !
பெரு மழையுடன் ஊரையும் அவன் பயிரையும் 
புரட்டிப் போட்டுவிடும் ஒரு சூறைக் காற்று 
சில நேரம் ! 
பயிருக்கு உயிரான மழையே அவன் விளை 
நிலத்துக்கு எமனாகவும் மாறும் ! வெட்டி 
சாய்க்கும் மரங்களையும் ...என் விவசாயி  
கனவையும் சேர்த்து !
ஊருக்கே உணவு கொடுக்கும் என் விவசாயி
அவன் அடுத்த வேளை உணவுக்கு வரிசையில் 
நிற்கும் அவல நிலை இன்று அவன் 
குடும்பத்துடன் ஒரு நிவாரண முகாமில் !
இழந்தது அவன் பயிரை மட்டும் ..ஆனால் 
தொலைக்கவில்லை " மீண்டும் எழுவேன் நான்" 
என்னும் நம்பிக்கையை !
அவன் தவிக்கும் இந்த நேரம் உதவிக் கரம் 
நீட்டும் நல்ல உள்ளங்களுக்கு நன்றி சொல்லவும்  
மறப்பதில்லை அவன் !
எல்லாவற்றையும் தொலைத்து விட்டாலும் என் 
மண்ணின் விவசாயி தொலைக்கவில்லை அவன் 
நன்றி சொல்லும்  பண்பை ! 
மலை அளவோ திணை  அளவோ ...நீட்டும் 
உதவி கரங்கள் அத்தனைக்கும் தான்  ஒரு இளநீராவது 
கொடுக்க வேண்டும் என்று நினைக்கிறானே இன்றும் 
அவன் ! 
நன்றியும், உலகுக்கு உணவு அளிக்கும் பண்பும் 
அவன் அகராதியில் என்றும்  நிலைத்து நிற்கும் 
தொலையாத வார்த்தைகளோ !

- K .நடராஜன் 

**

“கரு” அமைய வேண்டுமே !  அது
காலத்தை வெளிச்சமிட வேண்டும் ,
காலத்திற்கும் பளிச்சிட வேண்டும் –
நிலையற்ற உயிர்களில் பிறக்கலாம், இருந்தும்
ஆன்மாவாய் ஒரு செய்தியை,  யுகங்களைத்தாண்டி
அது உரைத்திட வேண்டும் !!
தமிழ் காட்டிற்குள் சந்த மரங்களை
தேடுவது இல்லை பாடல்! அவை
மூளைத்திசுக்களின் சொந்தம் போல
ஜன்மிக்க வேண்டும்!
உவமையும் உருவகமும் கலந்த
வெப்பத்தில் அந்த பாட்டுப்பனி
உருக வேண்டும் !!
மெத்தப்படித்தவனுக்கு மட்டுமில்லை
மேய்ப்பவனுக்கும் புரியும் எளிமை வேண்டும் !!
சொற்கடலை  கடைந்து “அமிழ்தமாய்”
 ஒரு பா வெளிவருமா ??
ஆம் ! இப்படித்தான் ஒரு கவிதை  வேண்டும் !!
அதற்காக வாழ்நாள் முழுவதும்
தொலையாத வார்த்தைகளை
தேடிக்கொண்டிருப்பேன் !!

 - கவிஞர் டாக்டர்.  எஸ். . பார்த்தசாரதி

**

அவ்வையின்  ஆத்திசூடியும்,
தாத்தா  பாட்டியின்  பாச  கொஞ்சலும்  ,    
சோகத்தில்  ஆறுதல்  வார்த்தைகளும் ,  
வள்ளுவனின்  வாழ்க்கை  நெறியும்,
அப்பாவின்  கண்டிப்பில்  அம்மாவின்  அன்பு  சொற்களும் ,  
தோல்வியில் நண்பனின் நம்பிக்கையூட்டும்  வார்த்தைகளும் ,
பாரதியின்  புரட்சி  கவியும் ,
சகோதர  சகோதரியின்  அன்பு  பழிச்சொற்களும்  ,  
கோவத்தில்  மனது  புண்  படும்  வார்த்தைகளும் ,
கவியரசரின்  தத்துவ  பாடல்களும் ,
நம்   குழந்தையின்  மழலை  பேச்சும் ,
காதலில்  கண்  பேசும்  வார்த்தைகளும் ,  
பரந்தாமனின்  கீதோபதேசமும் ,
தாலிகட்டும்போது  'மாங்கல்யம்  தந்துனானே'  என்று  உச்சரிப்பதும் , 
தவறை  உணர்ந்து  மன்னிப்பு  கேட்கும்  வார்த்தைகளும் ,
காலத்தில்  தொலையாத
வாழ்க்கையில்  தொலையாத
என்றென்றும்  நினைவலையாய்  நம்  நெஞ்சில்  நிற்கும் ,
தொலையாத  வார்த்தைகள் !!

- பிரியா ஸ்ரீதர்  

**
என்னவளே.. உன்னோடு
உறவு கொண்டாடிய
அந்த இனிமையான நாட்களில்
என்னிடம் நீ பேசிய
ஒவ்வொரு வார்த்தையும்
உயிரோடும் உணர்வோடும்
இன்றளவும் என்னுள்
பசுமையாய்க் குடியிருக்கிறது..

இப்போது எனக்கிருக்கும் 
அந்த ஒரே ஒரு 
ஆறுதலான துணையையும் 
தொலைக்கவோ இழக்கவோ 
எப்படி இயலும் என்னால்..?

- ஆதியோகி

**

கண் இமையின் கற்கண்டினிப்பே 
புருவ மையில் மையம் கொண்ட புயலே 
விழியசைவில் தெறித்த ஒளிச்சிதறலே 
உன் நாசித்துளை ஈரக்காற்று 
என் உயிர்வாசலின் சுவாசக்காற்று... 
உன் கன்னக்குழி பிடித்த மீன் 
பல கள்ளத்தோணி போகுதடி... 
உனை வர்ணித்து எழுதிய வார்த்தைகள் 
"காதல் அகராதி " என்ற பெயரில் 
தொகுக்கப்பட்டு தொலைந்த புதையலோ ? 
தேடி தேடி எழுதிய வார்த்தைகள் தீர்ந்த பின்னும் 
தொலையாத வார்த்தைகள் 
என் கவிதைக்கு துணையாக வருவது 
உன் அருளினால்தானோ ? 
எந்தமரத்துக் காகிதமும் 
எவருடைய பேனாவும் 
என் கை கிறுக்கையிலே 
பிள்ளைத்தமிழாய் 
உன் நினைவுகளையே பெற்றெடுக்கிறது ... 
உனை தேடி திரிந்தபோது எழுதிய வார்த்தைகள் 
உனை கண்ட மகிழ்வினில் திளைத்த வார்த்தைகள் 
நிழலாய் ஒன்றி வீதியுலா சென்ற நினைவின் வார்த்தைகள் 
நாம் இரண்டறக்கலந்து மூன்றாயானபோது முந்திக்கொண்ட வார்த்தைகள் 
என் மனப்புத்தகத்தில் என்றுமே 
தொலையாத வார்த்தைகள் ... 
என் உயிரையே அரணாயமைத்து 
அதில் பத்திரப்படுத்தி பாதுகாக்கிறேன்.. 
இப் பொக்கிஷ வார்த்தைகளை ...

- குணா , திருப்பூர்

**
உழைத்தவருக்கு ஓய்வே உறக்கம் - குற்றம் 
இழைத்தவருக்கு ஏது உறக்கம் ? 
காய் உறக்கம் இனிக்கும். கனியாகும்.
தாய் உறக்கம் சேய் உறக்கம். 
ஏரோட்டம் நின்றால் நிலம்  உறக்கம். 
நீரோட்டம் நின்றால் வளம் 
உறக்கம்.
உடலோட்டம் நின்றால் உயிர் 
உறக்கம்.
உயிரோட்டம் நின்றால் மீளா உறக்கம் .
தாய் உறக்கம் சேய் உறக்கம். 
சேய் உறக்கம் தாய் உறக்கம். 
வாய் உறக்கம் மெளன கீதமாகும்.
மெய் உறக்கம்  ஆனந்த கீதமாகும்