Dinamani - நாள்தோறும் நம்மாழ்வார் - https://www.dinamani.com/specials/naalthorum-nammalvaar/ https://www.dinamani.com/ RSS Feed from Dinamani en-us Copyright 2016 Dinamani. All rights reserved. 3027545 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 11 சொ. மணியன் DIN Monday, November 5, 2018 12:00 AM +0530 பாடல் 11

அவா அறச் சூழ் அரியை, அயனை, அரனை அலற்றி
அவா அற்று வீடு பெற்ற குருகூர்ச் சடகோபன் சொன்ன
அவாவில் அந்தாதிகளால் இவை ஆயிரமும் முடிந்த
அவாவில் அந்தாதி இப் பத்து அறிந்தார் பிறந்தார் உயர்ந்தே.

பக்தர்களின் ஆசை தீரும்படி அவர்களைச் சூழ்கின்ற திருமாலை, பிரமனுக்குள்ளும் சிவனுக்குள்ளும் இருக்கும் பெருமானைப் போற்றி, உலக ஆசைகளைத் தீர்த்து வீடு பேறு பெற்றார் குருகூர்ச் சடகோபன், அவர் எம்பெருமான்மீது கொண்ட ஆசையாலே சொன்ன அந்தாதிப் பாடல்கள் ஆயிரம், அவற்றுள் முற்றிய ஆசையாலே பிறந்த இந்தப் பத்து அந்தாதிப் பாடல்களையும் அறிந்தவர்கள் உயர்ந்த பிறவிகளாவர்.

]]>
https://www.dinamani.com/specials/naalthorum-nammalvaar/2018/nov/05/பத்தாம்-பத்து-பத்தாம்-திருவாய்மொழி---பாடல்-11-3027545.html
3027544 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 10 சொ. மணியன் DIN Sunday, November 4, 2018 12:00 AM +0530 பாடல் 10

சூழ்ந்து அகன்று ஆழ்ந்து உயர்ந்த முடிவுஇல் பெரும் பாழேயோ,
சூழ்ந்து அதனில் பெரிய பர நல் மலர்ச் சோதீயோ,
சூழ்ந்து அதனில் பெரிய சுடர் ஞான இன்பமேயோ,
சூழ்ந்து அதனில் பெரிய என் அவா அறச் சூழ்ந்தாயே.

சூழ்ந்து, அகன்று, ஆழ்ந்து, உயர்ந்த, முடிவற்ற, பெரிய மூலப்பகுதியாகத் திகழ்கிறவனே, அதைச் சூழ்ந்திருக்கிற, அதைவிடப் பெரிய, உயர்ந்த, நல்ல, மலர்ச்சோதிவடிவானவனே, அதைச் சூழ்ந்திருக்கிற, அதைவிடப் பெரிய, சுடர்விடும் ஞான இன்பமானவனே, அதைச் சூழ்ந்திருக்கிற, அதைவிடப் பெரிய என்னுடைய ஆசை தீரும்படி என்னைச் சூழ்ந்தாயே.
 

]]>
https://www.dinamani.com/specials/naalthorum-nammalvaar/2018/nov/04/பத்தாம்-பத்து-பத்தாம்-திருவாய்மொழி---பாடல்-10-3027544.html
3027543 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 9 சொ. மணியன் DIN Saturday, November 3, 2018 12:00 AM +0530 பாடல் 9

முதல் தனி வித்தேயோ முழு மூ உலகு ஆதிக்கு எல்லாம்,
முதல் தனி உன்னை உன்னை எனை நாள் வந்து கூடுவன் நான்,
முதல் தனி அங்கும் இங்கும் முழு முற்று உறு வாழ் பாழாய்
முதல் தனி சூழ்ந்து அகன்று ஆழ்ந்து உயர்ந்த முடிவிலீயோ.

மூன்று உலகங்கள் தொடங்கி அனைத்துக்கும் முதல் தனி வித்தே, அங்கும், இங்கும் என எங்கும் முழுமையாக நிறைந்திருக்கிறவனே, வாழ்க்கைக்கு அடிப்படையாக இருக்கும் மூலப்பகுதியாகத் திகழுகின்றவனே,  அனைத்துக்கும் தொடக்கமான, தனித்துவமானவனே, முதன்மையானவனாக, ஒப்பற்றவனாகச் சூழ்ந்து, அகன்று, ஆழ்ந்து, உயர்ந்த முடிவிலியே, இத்தகைய உன்னை, அனைத்துச் சிறப்புகளும் நிறைந்த முதல் தனிப்பொருளாகிய உன்னை, நான் என்றைக்கு வந்து கூடுவேனோ.

]]>
https://www.dinamani.com/specials/naalthorum-nammalvaar/2018/nov/03/பத்தாம்-பத்து-பத்தாம்-திருவாய்மொழி---பாடல்-9-3027543.html
3027542 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 8 சொ. மணியன் DIN Friday, November 2, 2018 12:00 AM +0530 பாடல் 8

பெற்று, இனிப் போக்குவனோ உன்னை, என் தனிப்
பேருயிரை, உற்ற இருவினையாய், உயிராய், பயன் ஆயவையாய்
முற்ற இம் மூ உலகும் பெரும் தூறாய், தூற்றில் புக்கு
முற்றக் கரந்து ஒளித்தாய், என் முதல் தனி வித்தேயோ.

நல்வினை, தீவினை என அமைகிற இருவினைகளாக, உயிராக, வினைகளின் பயனாக, இந்த மூன்று உலகங்களிலும் முழுக்கப் பரவியிருக்கும் சம்சாரம் என்கிற புதராக, அந்தப் புதரிலே புகுந்து யாரும் அறியாதபடி ஒளிந்திருப்பவனாகத் திகழ்கிறவனே, என்னுடைய முதல் தனி வித்தே, (அனைத்துக்கும் முதலானவனே, என்னுடைய தனித்துவமான பேருயிராக உன்னைப் பெற்றேன், இனி விடுவேனா? (மாட்டேன்.)

]]>
https://www.dinamani.com/specials/naalthorum-nammalvaar/2018/nov/02/பத்தாம்-பத்து-பத்தாம்-திருவாய்மொழி---பாடல்-8-3027542.html
3027541 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 7 சொ. மணியன் DIN Thursday, November 1, 2018 12:00 AM +0530 பாடல் 7

கோல மலர்ப் பாவைக்கு அன்பாகிய என் அன்பேயோ,
நீல வரை இரண்டு பிறை கவ்வி நிமிர்ந்தது ஒப்ப
கோல வராகம் ஒன்றாய் நிலம் கோட்டிடைக் கொண்ட எந்தாய்,
நீலக் கடல் கடைந்தாய், உன்னைப் பெற்று இனிப் போக்குவனோ?

அழகிய மலரிலே எழுந்தருளியிருப்பவள், திருமகளுக்கு அன்பனே, என்மீது அன்பானவனே, நீல மலையொன்று இரண்டு பிறைகளைக் கவ்விக்கொண்டு நிமிர்ந்ததைப்போல அழகிய வராக அவதாரம் எடுத்தவனே, கொம்புகளுக்கு நடுவே பூமியை ஏந்திய எங்கள் தந்தையே, நீலக் கடலைக் கடைந்தவனே, உன்னை வரமாகப் பெற்றேன், இனி விடுவேனா? (மாட்டேன்)

]]>
https://www.dinamani.com/specials/naalthorum-nammalvaar/2018/nov/01/பத்தாம்-பத்து-பத்தாம்-திருவாய்மொழி---பாடல்-7-3027541.html
3027540 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 6 சொ. மணியன் DIN Wednesday, October 31, 2018 12:00 AM +0530 பாடல் 6

எனக்கு ஆரா அமுதாய் எனது ஆவியை இன் உயிரை
மனக்கு ஆராமை மன்னி உண்டிட்டாய், இனி உண்டொழிவாய்,
புனக் காயா நிறத்த புண்டரீகக் கண், செங்கனி வாய்
உனக்கு ஏற்கும் கோல மலர்ப் பாவைக்கு அன்பா, என் அன்பேயோ.

புனத்திலே பூத்த காயாம்பூவைப்போன்ற நிறத்தைக்கொண்டவனே, தாமரைபோன்ற திருக்கண்கள், செங்கனிபோன்ற திருவாயைக்கொண்டவனே, உனக்கு ஏற்ற அழகைக்கொண்டவள், பூவிலே எழுந்தருளியிருக்கும் திருமகளின் அன்பனே, எனக்கு அன்பானவனே, என்னுடைய ஆரா அமுதமான நீ எனக்குள் பெரும் விருப்பத்தை உண்டாக்கி என்னுடைய ஆவியை, இனிய உயிரை உண்டாய், இனியும் அவ்வாறே உண்பாய்.

]]>
https://www.dinamani.com/specials/naalthorum-nammalvaar/2018/oct/31/பத்தாம்-பத்து-பத்தாம்-திருவாய்மொழி---பாடல்-6-3027540.html
3027539 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 5 சொ. மணியன் DIN Tuesday, October 30, 2018 12:00 AM +0530 பாடல் 5

போரவிட்டிட்டு என்னை நீ புறம் போக்கல் உற்றால், பின்னை யான்
ஆரைக் கொண்டு எத்தை, அந்தோ, எனது என்பது என், யான் என்பது என்,
தீர இரும்பு உண்ட நீர் அதுபோல என் ஆர் உயிரை
ஆரப் பருக எனக்கு ஆரா அமுது ஆனாயே.

எம்பெருமானே, நீ என்னைக் கைவிட்டு வேறுபக்கம் செல்லலாமா? அப்படிச் சென்றால் நான் யாரைத் துணையாகக் கொள்வேன்? எதைச் செய்வேன்? உன்னைத்தவிர எனக்கென்று ஏதேனும் உண்டா? நீயில்லையேல் நான் என்பதுதான் உண்டா? அடடா. இரும்பானது தன்னுடைய வெம்மையைத் தணித்துக்கொள்வதற்காக நீரை உண்பதுபோல நீ என்னுடைய அரிய உயிரை முழுமையாகப் பருகினாய், எனக்கு ஆரா அமுதமாக ஆனாய்.

]]>
https://www.dinamani.com/specials/naalthorum-nammalvaar/2018/oct/30/பத்தாம்-பத்து-பத்தாம்-திருவாய்மொழி---பாடல்-5-3027539.html
3027538 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 4 சொ. மணியன் DIN Monday, October 29, 2018 12:00 AM +0530 பாடல் 4

உம்பர் அம் தண் பாழேயோ, அதனுள் மிசை நீயேயோ,
அம்பரம், நற்சோதி, அதனுள் பிரமன், அரன் நீ,
உம்பரும் யாதவரும் படைத்த முனிவன் அவன் நீ,
எம்பரம் சாதிக்கல் உற்று என்னைப் போரவிட்டிட்டாயே.

எல்லாவற்றுக்கும் மேலான, அழகிய, குளிர்ந்த மூலப்பகுதி நீயே, அதனுள் இருக்கும் ஆன்மாக்களும் நீயே, வானமும் நீயே, நல்ல ஒளியும் நீயே, அதனுள் இருக்கும் பிரமனும் சிவனும் நீயே, தேவர்களையும் மற்ற மனிதர்களையும் படைத்த முனிவனும் நீயே, அத்தகைய பெருமானான நீ, என்னைக் காப்பதாக ஏற்றுக்கொண்டாய், பின்னர் என்னை இங்கேயே போட்டுவிட்டாயே!

]]>
https://www.dinamani.com/specials/naalthorum-nammalvaar/2018/oct/29/பத்தாம்-பத்து-பத்தாம்-திருவாய்மொழி---பாடல்-4-3027538.html
3027537 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 3 சொ. மணியன் DIN Sunday, October 28, 2018 12:00 AM +0530 பாடல் 3

கூவிக்கொள்ளாய் வந்து, அந்தோ, என் பொல்லாக் கருமாணிக்கமே,
ஆவிக்கு ஓர் பற்றுக்கொம்பு நின் அலால் அறிகின்றிலேன் யான்,
மேவித் தொழும் பிரமன், சிவன், இந்திரன் ஆதிக்கு எல்லாம்
நாவிக் கமல முதல் கிழங்கே, உம்பர் அந்த அதுவே.

பொருந்தித் தொழுகின்ற பிரமன், சிவன், இந்திரன் முதலானோருக்கெல்லாம் தொடக்கமாக அமையும் திருநாபிக்கமலத்துக்கு இடமானவனே, வானவர்களுக்கும் அதே தன்மையாக அமைந்தவனே, என்னுடைய உயிருக்கு உன்னைத்தவிர இன்னொரு பற்றுக்கொம்பை நான் அறியேன், எம்பெருமானே, என்னுடைய துளையிடப்படாத கருமாணிக்கமே, இங்கே வந்து என்னைக் கூவிக்கொள்ளமாட்டாயா, அடடா.

]]>
https://www.dinamani.com/specials/naalthorum-nammalvaar/2018/oct/28/பத்தாம்-பத்து-பத்தாம்-திருவாய்மொழி---பாடல்-3-3027537.html
3027536 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல்  2 சொ. மணியன் DIN Saturday, October 27, 2018 12:00 AM +0530 பாடல்  2

மாயம் செய்யேல் என்னை, உன் திருமார்வத்து மாலை நங்கை
வாசம்செய் பூங்குழலாள் திரு ஆணை, நின் ஆணை கண்டாய்,
நேசம் செய்து உன்னோடு என்னை உயிர் வேறு இன்றி ஒன்றாகவே
கூசம் செய்யாது கொண்டாய், என்னைக் கூவிக்கொள்ளாய் வந்து, அந்தோ.

எம்பெருமானே, என்னிடம் மாயம் செய்யாதே, உன்னுடைய திருமார்பில் மாலைபோல் விளங்குகிற நங்கை, வாசனை நிறைந்த பூங்குழலைக்கொண்ட திருமகள்மீது ஆணை, உன்மீது ஆணை, என்னை நேசித்து, என்னுடைய உயிரை வேறோர் உயிராகக் கருதாமல், வெறுக்காமல் உன்னோடு என்னை ஒன்றாக ஏற்றுக்கொண்டாய், இங்கே வந்து என்னை உன்னோடு கூவி அழைத்துக்கொள், அடடா.

]]>
https://www.dinamani.com/specials/naalthorum-nammalvaar/2018/oct/27/பத்தாம்-பத்து-பத்தாம்-திருவாய்மொழி---பாடல்--2-3027536.html
3027535 ஸ்பெஷல்ஸ் நாள்தோறும் நம்மாழ்வார் பத்தாம் பத்து பத்தாம் திருவாய்மொழி - பாடல் 1 சொ. மணியன் Friday, October 26, 2018 11:12 PM +0530  

பாடல் 1

முனியே, நான்முகனே, முக்கண் அப்பா, என் பொல்லாக்
கனி வாய்த் தாமரைக்கண் கரு மாணிக்கமே, என் கள்வா,
தனியேன் ஆர் உயிரே, என் தலைமிசையாய் வந்திட்டு
இனி நான் போகல் ஒட்டேன், ஒன்றும் மாயம் செய்யேல் என்னையே.

மனத்தால் அனைத்தையும் படைப்பவனே, நான்முகனுக்குள் இருப்பவனே, மூன்று கண்களையுடைய சிவபெருமானுக்குள் இருப்பவனே, கனிபோன்ற திருவாயைக்கொண்டவனே, தாமரைபோன்ற திருக்கண்களைக்கொண்டவனே, என்னுடைய துளையிடப்படாத கருமாணிக்கமே, என் கள்வனே, தனித்திருக்கும் என்னுடைய அரிய உயிரே, என் தலைமீது உன்னுடைய திருவடிகளை வைத்தாய், இனி நான் வேறெங்கும் போகமாட்டேன், என்னிடம் ஏதும் மாயம் செய்யாதே. (எப்போதும் என்னுடன் இரு.)

]]>
https://www.dinamani.com/specials/naalthorum-nammalvaar/2018/oct/26/பத்தாம்-பத்து-பத்தாம்-திருவாய்மொழி---பாடல்-1-3027535.html
3021561 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 11 சொ. மணியன் DIN Thursday, October 25, 2018 12:00 AM +0530
பாடல் 11

வந்தவர் எதிர்கொள்ள, மாமணி மண்டபத்து
அந்தம்இல் பேரின்பத்து அடியரோடு இருந்தமை
கொந்து அலர் பொழில் குருகூர்ச் சடகோபன் சொல்
சந்தங்கள் ஆயிரத்து இவை வல்லார் முனிவரே.

எம்பெருமான் அடியவர்கள் பரமபதத்துக்கு வர, அமரர்களும் பிறரும் அவர்களை எதிர்கொண்டு வரவேற்றார்கள், சிறந்த மணிமண்டபத்திலே அடியவர்கள் எம்பெருமானுடன் பெருகும் பேரின்பத்தில் திளைத்தார்கள், கொத்தாக மலர்கள் நிறைந்த சோலைகளைக் கொண்ட குருகூர்ச் சடகோபன் சந்த அழகோடு ஆயிரம் திருப்பாடல்களைப் பாடினார். அவற்றுள் இந்தப் பத்து பாடல்களும் எம்பெருமான் அடியவர்கள் பரமபதத்துக்கு வந்து பேரின்பத்தில் திளைத்தமையைச் சொல்கின்றன.

இந்தப் பத்து பாடல்களையும் கற்க வல்லவர்கள், முனிவர்களாவார்கள்.

]]>
https://www.dinamani.com/specials/naalthorum-nammalvaar/2018/oct/25/பத்தாம்-பத்து-ஒன்பதாம்-திருவாய்மொழி---பாடல்-11-3021561.html
3021560 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 10 சொ. மணியன் DIN Wednesday, October 24, 2018 12:00 AM +0530 பாடல் 10

விதிவகை புகுந்தனர் என்று நல் வேதியர்
பதியினில் பாங்கினில் பாதங்கள் கழுவினர்,
நிதியும், நல் சுண்ணமும், நிறை குட விளக்கமும்
மதிமுக மடந்தையர் ஏந்தினர் வந்தே.

வேதங்களிலே கூறப்பட்ட நித்தியசூரிகள், எம்பெருமான் அடியவர்களைக் கண்டு, ‘நம்முடைய பாக்கியத்தாலே இவர்கள் இங்கே வந்தார்கள்’ என்று மகிழ்ந்தார்கள், தங்கள் இடங்களில் செய்யப்படவேண்டிய முறைப்படி அவர்களுடைய பாதங்களைக் கழுவினார்கள், சந்திரனைப்போன்ற முகத்தையுடைய பெண்கள், நிதி எனப்படும் திருவடிநிலைகள், நல்ல வாசனைப்பொடி, நிறைந்த குடங்கள், விளக்குகளை ஏந்திவந்தார்கள்.

]]>
https://www.dinamani.com/specials/naalthorum-nammalvaar/2018/oct/24/பத்தாம்-பத்து-ஒன்பதாம்-திருவாய்மொழி---பாடல்-10-3021560.html
3021559 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 9 சொ. மணியன் DIN Tuesday, October 23, 2018 12:00 AM +0530
பாடல் 9

வைகுந்தம் புகுதலும், வாசலில் வானவர்
‘வைகுந்தன் தமர் எமர், எமது இடம் புகுத’ என்று
வைகுந்தத்து அமரரும் முனிவரும் வியந்தனர்,
வைகுந்தம் புகுவது மண்ணவர் விதியே.

எம்பெருமான் அடியவர்கள் வைகுந்தத்தில் நுழைந்ததும், அங்கே வாசலில் காத்திருந்த வானவர்கள் அவர்களை வரவேற்றார்கள், ‘வைகுந்தனாகிய எம்பெருமானின் அடியவர்களாகிய நீங்கள், எங்களுடைய தலைவர்களைப்போன்றவர்கள், எங்கள் இடத்துக்கு வருக’ என்று அழைத்தார்கள், வைகுந்தத்திலிருக்கும் அமரர்களும் முனிவர்களும் இந்த அடியவர்களைக் கண்டு வியந்தார்கள், ‘மண்ணுலகில் பிறந்தவர்கள் வைகுந்தம் புகுவது பெரும் பாக்கியமே’ என்று வாழ்த்தினார்கள்.

]]>
https://www.dinamani.com/specials/naalthorum-nammalvaar/2018/oct/23/பத்தாம்-பத்து-ஒன்பதாம்-திருவாய்மொழி---பாடல்-9-3021559.html
3021558 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 8 சொ. மணியன் DIN Monday, October 22, 2018 12:00 AM +0530
பாடல் 8

குடி அடியார் இவர் கோவிந்தன் தனக்கு என்று
முடி உடை வானவர் முறைமுறை எதிர்கொள்ள,
கொடி அணி நெடுமதிள் கோபுரம் குறுகினர்
வடிவு உடை மாதவன் வைகுந்தம் புகவே.

கிரீடமணிந்த வானவர்களெல்லாம் அடியவர்களைக் கண்டு, ‘இவர்கள் கோவிந்தனுடைய குடி அடியார்கள்’ என்று வாழ்த்தினார்கள், முறைப்படி எதிர்கொண்டு வரவேற்றார்கள், பின்னர், அடியவர்கள் அழகிய திருவடிவத்தையுடைய மாதவனின் வைகுந்தத்திலே புகுவதற்காகக் கொடிகளை அணிந்த, நீண்ட மதிள் சுவரைக்கொண்ட கோபுரத்தை அடைந்தார்கள்.

]]>
https://www.dinamani.com/specials/naalthorum-nammalvaar/2018/oct/22/பத்தாம்-பத்து-ஒன்பதாம்-திருவாய்மொழி---பாடல்-8-3021558.html
3021557 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 7 சொ. மணியன் DIN Sunday, October 21, 2018 12:00 AM +0530 பாடல் 7

மடந்தையர் வாழ்த்தலும், மருதரும் வசுக்களும்
தொடர்ந்து எங்கும் தோத்திரம் சொல்லினர், தொடுகடல்
கிடந்த எம் கேசவன் கிளர் ஒளி மணிமுடி
குடந்தை எம் கோவலன் குடி அடியார்க்கே.

பெண்கள் வாழ்த்தியவுடன், தோண்டப்பட்ட கடலிலே திருப்பள்ளிகொள்கிற எங்கள் கேசவன், கிளர்ந்தெழும் ஒளியைக்கொண்ட மணிமுடியை அணிந்த குடந்தையின் கோவலனுடைய குடியாகிய அடியவர்களுக்கு மருதரும் வசுக்களும் தோத்திரம் சொன்னார்கள், அவர்கள் எங்கே சென்றபோதும் பின்தொடர்ந்து வந்து வாழ்த்தினார்கள்.

]]>
https://www.dinamani.com/specials/naalthorum-nammalvaar/2018/oct/21/பத்தாம்-பத்து-ஒன்பதாம்-திருவாய்மொழி---பாடல்-7-3021557.html
3021556 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 6 சொ. மணியன் DIN Saturday, October 20, 2018 12:00 AM +0530 பாடல் 6

வேள்வியுள் மடுத்தலும், விரை கமழ் நறும் புகை,
காளங்கள், வலம்புரி கலந்து எங்கும் இசைத்தனர்,
ஆளு,மின்கள் வானகம் ஆழியான் தமர் என்று
வாள் ஒண் கண் மடந்தையர் வாழ்த்தினர் மகிழ்ந்தே.

வேதங்களிலே வல்லவர்கள் தாங்கள் செய்த வேள்விகளின் பலன்களை எம்பெருமான் அடியவர்களுக்குச் சமர்ப்பித்ததும், சிலர் நறுமணம் கமழ்கிற நல்ல புகையை எங்கும் பரப்பினார்கள், வேறு சிலர், காளங்கள், வலம்புரிச் சங்குகளை எங்கும் இசைத்தார்கள், வாள்போன்ற, ஒளிநிறைந்த கண்களையுடைய பெண்கள், ‘சக்ராயுதத்தை ஏந்திய எம்பெருமானுடைய அடியவர்களாகிய நீங்கள் வானகத்தை ஆளுங்கள்’ என்று மகிழ்ந்து வாழ்த்தினார்கள்.

]]>
https://www.dinamani.com/specials/naalthorum-nammalvaar/2018/oct/20/பத்தாம்-பத்து-ஒன்பதாம்-திருவாய்மொழி---பாடல்-6-3021556.html
3021554 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 5 சொ. மணியன் DIN Friday, October 19, 2018 12:00 AM +0530  

பாடல் 5

மாதவன் தமர் என்று வாசலில் வானவர்
‘போதுமின், எமது இடம் புகுதுக’ என்றலும்,
கீதங்கள் பாடினர் கின்னரர், கெருடர்கள்,
வேத நல் வாயவர் வேள்வியுள் மடுத்தே.

மாதவனின் அடியவர்கள் பரமபதத்துக்கு வந்ததும், அங்குள்ள வானவர்கள் அவர்களை வரவேற்று அழைத்தார்கள், ‘வாருங்கள், எங்கள் இடங்களுக்கு வாருங்கள்’ என்றார்கள், நல்ல வேதங்களிலே வல்லவர்கள், தாங்கள் செய்த வேள்விகளின் பலன்களை எம்பெருமான் அடியவர்களுக்குச் சமர்ப்பித்தார்கள், கின்னரர்களும் கெருடர்களும் கீதங்களைப் பாடினார்கள்.
 

]]>
https://www.dinamani.com/specials/naalthorum-nammalvaar/2018/oct/19/பத்தாம்-பத்து-ஒன்பதாம்-திருவாய்மொழி---பாடல்-5-3021554.html
3021552 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 4 சொ. மணியன் DIN Thursday, October 18, 2018 12:00 AM +0530 பாடல் 4

எதிர் எதிர் இமையவர் இருப்பிடம் வகுத்தனர்,
கதிரவர் அவர் அவர் கைந்நிரை காட்டினர்,
அதிர் குரல் முரசங்கள் அலைகடல் முழக்கு ஒத்த,
மது விரி துழாய்முடி மாதவன் தமர்க்கே.

தேனோடு மலர்கிற திருத்துழாயைத் திருமுடியிலே அணிந்த மாதவனுடைய அடியவர்களைத் தேவர்கள் எதிர்நின்று வரவேற்றார்கள், அவர்கள் தங்குவதற்கான இடம் வகுத்தார்கள், பன்னிரண்டு சூரியர்களும் தங்களுடைய கைகளைக் காட்டியபடி அவர்களை அழைத்துச்சென்றார்கள், அதிர்கின்ற முரசுகள் அலைகடலின் முழக்கத்தைப்போல் ஒலியெழுப்பின.

]]>
https://www.dinamani.com/specials/naalthorum-nammalvaar/2018/oct/18/பத்தாம்-பத்து-ஒன்பதாம்-திருவாய்மொழி---பாடல்-4-3021552.html
3021550 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 3 சொ. மணியன் DIN Wednesday, October 17, 2018 12:00 AM +0530
|பாடல் 3

தொழுதனர் உலகர்கள் தூப நல் மலர் மழை
பொழிவனர், பூமி அன்று அளந்தவன் தமர் முன்னே,
எழுமின் என்று இருமருங்கு இசைத்தனர் முனிவர்கள்
‘வழி இது வைகுந்தர்க்கு’ என்று வந்து எதிரே.

அன்றைக்கு உலகத்தை அளந்த பெருமானுடைய அடியவர்களுக்குமுன்னே உலக மக்கள் வந்து நின்று தொழுதார்கள், தூபத்தை ஏந்தி, நல்ல மலர்களை மழையாகப் பொழிந்து வணங்கினார்கள், முனிவர்களும் அவர்களை எதிர்கொண்டு அழைத்தார்கள், இருபுறமும் நின்று, ‘வாருங்கள் வாருங்கள்’ என்று வரவேற்றார்கள், ‘வைகுந்தம் செல்வோருக்கான வழி இதுதான்’ என்றார்கள்.

]]>
https://www.dinamani.com/specials/naalthorum-nammalvaar/2018/oct/17/பத்தாம்-பத்து-ஒன்பதாம்-திருவாய்மொழி---பாடல்-3-3021550.html
3021549 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 2 சொ. மணியன் DIN Tuesday, October 16, 2018 12:00 AM +0530 பாடல் 2

நாரணன் தமரைக் கண்டு உகந்து நல் நீர் முகில்
பூரண பொற்குடம் பூரித்தது உயர் விண்ணில்,
நீர் அணி கடல்கள் நின்று ஆர்த்தன, நெடு வரைத்
தோரணம் நிரைத்து எங்கும் தொழுதனர் உலகரே.

நாரணன் பக்தர்களைக் கண்டு நல்ல நீர் மேகங்கள் மகிழ்ந்தன, அந்தக் காட்சி, உயர்ந்த வானத்தில் பூரணப் பொற்குடத்தை நிரப்பிவைத்ததைப்போலிருந்தது. நீரை அணிந்த கடல்கள் பக்தர்களைக் கண்டு ஆரவாரம் செய்தன, எங்கு பார்த்தாலும் பெரிய மலைகளை வரிசையான தோரணங்களாக நிறுத்திவைத்து உலக மக்கள் தொழுதார்கள்.

]]>
https://www.dinamani.com/specials/naalthorum-nammalvaar/2018/oct/16/பத்தாம்-பத்து-ஒன்பதாம்-திருவாய்மொழி---பாடல்-2-3021549.html
3021548 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஒன்பதாம் திருவாய்மொழி - பாடல் 1 சொ. மணியன் Monday, October 15, 2018 12:00 AM +0530  

பாடல் 1

சூழ்விசும்பு அணி முகில் தூரியம் முழக்கின,
ஆழ்கடல் அலை திரை கை எடுத்து ஆடின,
ஏழ்பொழிலும் வளம் ஏந்திய, என்னப்பன்,
வாழ்புகழ் நாரணன் தமரைக் கண்டு உகந்தே.

என்னப்பன், நிலைத்த புகழைக்கொண்ட நாரணனுடைய பக்தர்களைக் கண்டு உலகமே மகிழ்ந்தது, சூழ்ந்திருக்கும் வானத்தில் அழகிய மேகங்கள் நல்வாத்தியங்களைப்போல் சத்தமிட்டன, ஆழ்கடல் அலைந்துவரும் அலைகளாகிய கைகளை எடுத்து ஆடியது, ஏழு பொழில்களும் நல்வளங்களைக் கையில் ஏந்தி அவர்களை வரவேற்றன.

]]>
https://www.dinamani.com/specials/naalthorum-nammalvaar/2018/oct/15/பத்தாம்-பத்து-ஒன்பதாம்-திருவாய்மொழி---பாடல்-1-3021548.html
3012641 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 11 சொ. மணியன் DIN Sunday, October 14, 2018 12:00 AM +0530  

பாடல் 11

நில்லா அல்லல் நீள்வயல்சூழ் திருப்பேர்மேல்
நல்லார் பலர் வாழ் குருகூர்ச் சடகோபன்
சொல் ஆர் தமிழ் ஆயிரத்துள் இவை பத்தும்
வல்லார் தொண்டர் ஆள்வது சூழ் பொன் விசும்பே.

நல்லோர் பலர் வாழ்கிற குருகூர்ச் சடகோபன், எம்பெருமானைப்பற்றிச் சிறந்த தமிழ்ச் சொற்களாலே ஆயிரம் திருப்பாடல்களைப் பாடினார், அவற்றுள் இந்தப் பத்து பாடல்களும் துன்பம் நெருங்காத, நீண்ட வயல்கள் சூழ்ந்த திருப்பேர் நகரைப்பற்றியவை, இந்தப் பாடல்களைச் சொல்லவல்ல தொண்டர்கள், பொன்னால் சூழப்பட்ட பரமபதத்தை ஆள்வார்கள்.

]]>
https://www.dinamani.com/specials/naalthorum-nammalvaar/2018/oct/14/பத்தாம்-பத்து-எட்டாம்-திருவாய்மொழி---பாடல்-11-3012641.html
3012640 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 10 சொ. மணியன் DIN Saturday, October 13, 2018 12:00 AM +0530
பாடல் 10

உற்றேன், உகந்து பணிசெய்து உன பாதம்
பெற்றேன், ஈதே இன்னம் வேண்டுவது, எந்தாய்,
கற்றார், மறைவாணர்கள் வாழ் திருப்பேராற்கு
அற்றார் அடியார் தமக்கு அல்லல் நில்லாவே.

எம்பெருமானே, எங்கள் தந்தையே, உன்னருகே வந்தேன், மகிழ்வோடு உனக்குத் தொண்டுகள் செய்து உன்னுடைய திருவடிகளைப் பெற்றேன், இனி நான் வேண்டுவதும் இந்த வரத்தைத்தான், கற்றறிந்தவர்கள், வேதங்களில் வல்லவர்கள் வாழுகின்ற திருப்பேர் நகரிலே எழுந்தருளியிருக்கும் உன்னையே பற்றாகக் கொண்டு, மற்ற அனைத்து விருப்பங்களையும் விட்ட அடியவர்களைத் துன்பம் நெருங்காது.

]]>
https://www.dinamani.com/specials/naalthorum-nammalvaar/2018/oct/13/பத்தாம்-பத்து-எட்டாம்-திருவாய்மொழி---பாடல்-10-3012640.html
3012639 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 9 சொ. மணியன் DIN Friday, October 12, 2018 12:00 AM +0530

பாடல் 9

இன்று என்னைப் பொருள் ஆக்கித் தன்னை என்னுள் வைத்தான்,
அன்று என்னைப் புறம் போகப் புணர்த்தது என்செய்வான்?
குன்று என்னத் திகழ் மாடங்கள்சூழ் திருப்பேரான்
ஒன்று எனக்கு அருள்செய்ய உணர்த்தலுற்றேனே.

எம்பெருமான் இன்றைக்கு என்னை ஒரு பொருளாகக் கருதித் தன்னை எனக்குள் வைக்கிறான், ஆனால் அன்றைக்கு, என்னைப் பொருட்படுத்தாமல் வெளியே வைத்திருந்தான், இது ஏனோ? குன்றுகளைப்போல் திகழ்கிற மாடங்களால் சூழப்பட்ட திருப்பேர் நகரிலே எழுந்தருளியிருக்கும் எம்பெருமான் இதனை விளக்கவேண்டும், எனக்கு அருள்புரியவேண்டும் என்று வேண்டுகிறேன்.
 

]]>
https://www.dinamani.com/specials/naalthorum-nammalvaar/2018/oct/12/பத்தாம்-பத்து-எட்டாம்-திருவாய்மொழி---பாடல்-9-3012639.html
3012638 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 8 சொ. மணியன் DIN Thursday, October 11, 2018 12:00 AM +0530  

பாடல் 8

கண்ணுள் நின்று அகலான், கருத்தின்கண் பெரியன்,
எண் இல் நுண்பொருள், ஏழ் இசையின் சுவைதானே,
வண்ண நல் மணிமாடங்கள்சூழ் திருப்பேரான்
திண்ணம், என் மனத்துப் புகுந்தான் செறிந்து இன்றே.

யாராலும் சிந்தித்து அறியமுடியாதபடி நுட்பமான தன்மையைக்கொண்டவன், ஏழிசையின் சுவையைப்போன்றவன், அழகிய, நல்ல மணிமாடங்கள் சூழ்ந்த திருப்பேர் நகரிலே எழுந்தருளியிருப்பவன், எம்பெருமான், அத்தகைய பெருமான், என் கண்ணிலே நிற்கிறான், அங்கிருந்து விலகுவதில்லை, எனக்குப் பரமபதத்தைத் தரவேண்டும் என்ற கருத்திலே உறுதியாக இருக்கிறான், அப்பெருமான் இன்றைக்கு என் மனத்திலே செறிவாகப் புகுந்தான், இது உண்மை.

]]>
https://www.dinamani.com/specials/naalthorum-nammalvaar/2018/oct/11/பத்தாம்-பத்து-எட்டாம்-திருவாய்மொழி---பாடல்-8-3012638.html
3012637 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 7 சொ. மணியன் DIN Wednesday, October 10, 2018 12:00 AM +0530
பாடல் 7

உண்டு களித்தேற்கு உம்பர் என் குறை, மேலைத்
தொண்டு உகளித்து அந்தி தொழும் சொல்லுப் பெற்றேன்,
வண்டு களிக்கும் பொழில்சூழ் திருப்பேரான்
கண்டு களிப்பக் கண்ணுள் நின்று அகலானே.

எம்பெருமானின் அழகைக் கண்டு, உண்டு மகிழ்ந்தேன், இனி நான் மேலுலகத்துக்குச் செல்லவில்லை என்று ஒரு குறை உண்டா? (இல்லை. எம்பெருமானின் திருக்காட்சி மேலுலகத்தைவிட உயர்ந்தது.) பெருமானுக்கு உயர்ந்த திருத்தொண்டுகளை நான் செய்து மகிழ்ந்தேன், அவற்றின் நிறைவில் சொல்லப்படுகிற ‘நம’ என்ற சொல்லைச் சொல்லித் தொழுதேன், வண்டுகள் மகிழ்ச்சியோடு சுற்றிவருகிற சோலைகளால் சூழப்பட்ட திருப்பேர் நகரிலே எழுந்தருளியிருக்கும் எம்பெருமான், நான் கண்டு களிக்கும்படி என் கண்களுக்குள் நின்றான், அங்கிருந்து விலகவே இல்லை.

]]>
https://www.dinamani.com/specials/naalthorum-nammalvaar/2018/oct/10/பத்தாம்-பத்து-எட்டாம்-திருவாய்மொழி---பாடல்-7-3012637.html
3012636 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 6 சொ. மணியன் DIN Tuesday, October 9, 2018 12:00 AM +0530  

பாடல் 6

திருப்பேர் நகரான், திருமாலிருஞ்சோலைப்
பொருப்பே உறைகின்ற பிரான் இன்று வந்து
இருப்பேன் என்று என் நெஞ்சு நிறையப் புகுந்தான்,
விருப்பே பெற்று, அமுதம் உண்டு களித்தேனே.

திருப்பேர் நகரிலே எழுந்தருளியிருக்கும் பெருமான், திருமாலிருஞ்சோலை மலையிலே உறைகின்ற பெருமான் இன்றைக்கு என்னிடம் வந்தான், ‘இங்கேயே இருப்பேன்’ என்று என்னுடைய நெஞ்சு நிறையப் புகுந்தான், நான் அவருடைய விருப்பத்தைப் பெற்றேன், அமுதம் உண்டு களித்தேன்.

]]>
https://www.dinamani.com/specials/naalthorum-nammalvaar/2018/oct/09/பத்தாம்-பத்து-எட்டாம்-திருவாய்மொழி---பாடல்-6-3012636.html
3012635 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 5 சொ. மணியன் DIN Monday, October 8, 2018 12:00 AM +0530  

பாடல் 5

வானே தருவான் எனக்காய் என்னோடு ஒட்டி
ஊன் ஏய் குரம்பை இதனுள் புகுந்து இன்று
தானே தடுமாற்ற வினைகள் தவிர்த்தான்
தேன் ஏய் பொழில் தென் திருப்பேர் நகரானே.

வண்டுகள் நிறைந்த சோலைகளையுடைய தென் திருப்பேர் நகரிலே எழுந்தருளியிருக்கும் எம்பெருமான் எனக்குப் பரமபதத்தைத் தருவான், அத்தகைய எம்பெருமான், என்னோடு ஒட்டினான், மாமிசமாகிய இந்த உடலினுள் புகுந்தான், அவனைப் பிரிந்து நான் தடுமாறும்படி செய்யக்கூடிய வினைகளைத் தடுத்தான். (நான் எப்போதும் அவனை நினைத்துக்கொண்டிருக்கும்படி செய்தான்.)
 

]]>
https://www.dinamani.com/specials/naalthorum-nammalvaar/2018/oct/08/பத்தாம்-பத்து-எட்டாம்-திருவாய்மொழி---பாடல்-5-3012635.html
3012634 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 4 சொ. மணியன் DIN Sunday, October 7, 2018 12:00 AM +0530
பாடல் 4

எளிது ஆயினவாறு என்று என் கண்கள் களிப்ப
களிது ஆகிய சிந்தையனாய்க் களிக்கின்றேன்,
கிளி தாவிய சோலைகள் சூழ் திருப்பேரான்
தெளிது ஆகிய சேண் விசும்பு தருவானே.

எம்பெருமானின் திருவருள் கிடைக்க அரியது; அத்தகைய திருவருள் எனக்கு எளிதாகக் கிடைத்ததை எண்ணி, பெருமானைக் கண்டு என்னுடைய கண்கள் களிக்கின்றன, சிந்தையெல்லாம் அவருடைய பெருமை நிறைகிறது, நான் மகிழ்ச்சியில் திளைக்கிறேன், கிளிகள் தாவும் சோலைகள் சூழ்ந்த திருப்பேரிலே எழுந்தருளியிருக்கும் எம்பெருமான், தெளிவான, உயர்வான பரமபதத்தை எனக்குத் தருவான்.

]]>
https://www.dinamani.com/specials/naalthorum-nammalvaar/2018/oct/07/பத்தாம்-பத்து-எட்டாம்-திருவாய்மொழி---பாடல்-4-3012634.html
3012633 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 3 சொ. மணியன் DIN Saturday, October 6, 2018 12:00 AM +0530
பாடல் 3

பிடித்தேன், பிறவி கெடுத்தேன், பிணி சாரேன்,
மடித்தேன் மனைவாழ்க்கையுள் நிற்பது ஓர் மாயையை,
கொடிக் கோபுர மாடங்கள் சூழ் திருப்பேரான்
அடிச் சேர்வது என் எனக்கு எளிது ஆயினவாறே.

எம்பெருமானின் திருவடிகளைப் பிடித்தேன், அவருடைய அருளாலே என்னுடைய பிறவி நோயைப் போக்கிக்கொண்டேன், இனி எனக்கு நோய்கள் வராதபடி செய்துகொண்டேன், குடும்ப வாழ்க்கையிலே இருக்கிற மாயையை விலக்கிக்கொண்டேன், கொடிகள் பறக்கும் கோபுரங்களோடு மாடங்கள் சூழ்ந்த திருப்பேரிலே எழுந்தருளியிருக்கும் எம்பெருமானின் திருவடிகளைச் சேர்வது எனக்கு எளிதாக இருக்கிறதே, இது என்ன அதிசயம்!

]]>
https://www.dinamani.com/specials/naalthorum-nammalvaar/2018/oct/06/பத்தாம்-பத்து-எட்டாம்-திருவாய்மொழி---பாடல்-3-3012633.html
3012632 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 2 சொ. மணியன் DIN Friday, October 5, 2018 12:00 AM +0530  

பாடல் 2

பேரே உறைகின்ற பிரான் இன்று வந்து
பேரேன் என்று என் நெஞ்சு நிறையப் புகுந்தான்
கார் ஏழ், கடல் ஏழ், மலை ஏழ், உலகு உண்டும்
ஆரா வயிற்றானை அடங்கப் பிடித்தேனே.

திருப்பேர் நகரிலே எழுந்தருளியிருக்கின்ற பெருமான் இன்றைக்கு வந்தான், என் நெஞ்சில் நிறையும்படி புகுந்தான், ’இங்கிருந்து ஒருபோதும் விலகிச் செல்லமாட்டேன்’ என்றான், ஏழு மேகங்கள், ஏழு கடல்கள், ஏழு மலைகள், ஏழு உலகங்களை உண்டபிறகும் நிறையாத திருவயிற்றை உடைய அந்தப் பெருமானை நான் முழுக்கப் பற்றிக்கொண்டேன், அவருடைய அன்புக்குப் பாத்திரமானேன்.

]]>
https://www.dinamani.com/specials/naalthorum-nammalvaar/2018/oct/05/பத்தாம்-பத்து-எட்டாம்-திருவாய்மொழி---பாடல்-2-3012632.html
3012631 ஸ்பெஷல்ஸ் நாள்தோறும் நம்மாழ்வார் பத்தாம் பத்து எட்டாம் திருவாய்மொழி - பாடல் 1 சொ. மணியன் Thursday, October 4, 2018 12:00 AM +0530  

பாடல் 1

திருமாலிருஞ்சோலை மலை என்றேன் என்ன
திருமால் வந்து என் நெஞ்சு நிறையப் புகுந்தான்
குரு மா மணி உந்து புனல் பொன்னித் தென்பால்
திருமால் சென்று சேர்வு இடம் தென் திருப்பேரே.

திருமாலிருஞ்சோலை மலை என்று சொன்னேன். உடனே, திருமால் வந்தான், என் நெஞ்சு நிறையும்படி புகுந்தான். அத்தகைய திருமால் சென்று சேர்ந்து அருள்புரியும் இடம், மிகச் சிறந்த மணிகளை உந்தித் தள்ளிக்கொண்டு வருகின்ற காவிரியின் தென்பக்கத்தில் உள்ள தென் திருப்பேர்.

]]>
https://www.dinamani.com/specials/naalthorum-nammalvaar/2018/oct/04/பத்தாம்-பத்து-எட்டாம்-திருவாய்மொழி---பாடல்-1-3012631.html
3003526 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 11 சொ. மணியன் DIN Wednesday, October 3, 2018 12:00 AM +0530 பாடல் 11

மான ஆங்கார மனம் கெட, ஐவர், வன்கையர் மங்க,
தான் ஆங்காரமாய்ப் புக்குத் தானே தானே ஆனானை
தேன் ஆங்காரப் பொழில் குருகூர்ச் சடகோபன் சொல் ஆயிரத்துள்
மான் ஆங்காரத்து இவை பத்தும் திருமாலிருஞ்சோலை மலைக்கே.

எம்பெருமான் பக்தர்களுக்குள் தானே விருப்பத்துடன் வந்து புகுகிறான், மஹான், அஹங்காரம், மனம் ஆகிய மூன்றும் கெடும்படி, இந்திரியங்களாகிய ஐந்து வலியவர்கள் மங்கும்படி செய்கிறான், அவர்களும் தானே எனும்படி ஆகிறான், அத்தகைய பெருமானைப்பற்றி, வண்டுகள் மிடுக்கோடு சத்தமிடும் பொழில்கள் நிறைந்த குருகூர்ச் சடகோபன் ஆயிரம் திருப்பாடல்களைச் சொன்னார், அவற்றுள் ப்ரக்ருதியைத் தொலைக்கவேண்டிப் பாடிய இந்தப் பத்து பாடல்களும் திருமாலிருஞ்சோலை மலையைப்பற்றியவை.

]]>
https://www.dinamani.com/specials/naalthorum-nammalvaar/2018/oct/03/பத்தாம்-பத்து-ஏழாம்-திருவாய்மொழி---பாடல்-11-3003526.html
3003525 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 10 சொ. மணியன் DIN Tuesday, October 2, 2018 12:00 AM +0530
பாடல் 10

மங்க ஒட்டு உன் மாமாயை, திருமாலிருஞ்சோலை மேய
நங்கள் கோனே, யானே நீ ஆகி என்னை அளித்தானே,
பொங்கு ஐம்புலனும் பொறி ஐந்தும் கருமேந்திரியம், ஐம்பூதம்
இங்கு இவ் உயிர் ஏய் பிரகிருதி, மான ஆங்கார மனங்களே.

திருமாலிருஞ்சோலையிலே எழுந்தருளியிருக்கும் எங்கள் தலைவனே, நானாக ஆகி என்னைக் காத்தவனே, கிளர்கின்ற ஐந்து புலன்கள், ஐந்து பொறிகள், கருமேந்திரியங்கள் ஐந்து, பூதங்கள் ஐந்து, இங்கே இந்த உயிரோடு கலந்த மூலப்பிரக்ருதி, மஹான், அஹங்காரம், மனம் ஆகிய உன்னுடைய பெரிய மாயையை மங்கச்செய்வாய்.
 

]]>
https://www.dinamani.com/specials/naalthorum-nammalvaar/2018/oct/02/பத்தாம்-பத்து-ஏழாம்-திருவாய்மொழி---பாடல்-10-3003525.html
3003524 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 9 சொ. மணியன் DIN Monday, October 1, 2018 12:00 AM +0530 பாடல் 9

ஊழி முதல்வன் ஒருவனே என்னும் ஒருவன், உலகு எல்லாம்
ஊழிதோறும் தன்னுள்ளே படைத்து, காத்து, கெடுத்து உழலும்
ஆழிவண்ணன், என் அம்மான், அம் தண் திருமாலிருஞ்சோலை,
வாழி மனமே, கைவிடேல், உடலும், உயிரும் மங்க ஒட்டே.

ஊழி முதல்வன் (ஊழிக்காலத்துக்கு முன்பு இருந்தவன், அனைத்துக்கும் காரணமாக அமைந்தவன்) என்று போற்றப்படுகிறவன் இவன் ஒருவனே என்னும்படி தனித்துவமானவன், ஊழிக்காலம்தோறும் உலகங்களைத் தன்னுள்ளே படைத்து, காத்து, அழித்து இயங்குகிற கடல்வண்ணன், என் அம்மான், அத்தகைய பெருமானின் மலை, அழகிய, குளிர்ந்த, திருமாலிருஞ்சோலை, என் மனமே, அம்மலையை எப்போதும் எண்ணிக்கொண்டிரு, மறந்துவிடாதே, உடலும் உயிரும் மங்கினாலும் பரவாயில்லை (வேறேதும் நமக்கு முக்கியமில்லை), எப்போதும் அந்தத் திருமலையோடு ஒட்டியிரு.

]]>
https://www.dinamani.com/specials/naalthorum-nammalvaar/2018/oct/01/பத்தாம்-பத்து-ஏழாம்-திருவாய்மொழி---பாடல்-9-3003524.html
3003523 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 8 சொ. மணியன் DIN Sunday, September 30, 2018 12:00 AM +0530 பாடல் 8

திருமாலிருஞ்சோலை மலையே, திருப்பாற்கடலே, என் தலையே,
திருமால் வைகுந்தமே, தண் திருவேங்கடமே, எனது உடலே,
அரு மா மாயத்து எனது உயிரே, மனமே, வாக்கே, கருமமே,
ஒரு மா நொடியும் பிரியான் என் ஊழி முதல்வன் ஒருவனே.

எம்பெருமான், என்னுடைய ஊழி முதல்வன் (ஊழிக்காலத்துக்கு முன்பு இருந்தவன், அனைத்துக்கும் முதலானவன்), தனித்துவமானவன், அத்தகைய பெருமான், திருமாலிருஞ்சோலை மலையையும் திருப்பாற்கடலையும், திருமாலின் வைகுந்தத்தையும், குளிர்ந்த திருவேங்கட மலையையும் பிரிவதில்லை, அதுபோல, அவன் என்னுடைய தலையை, உடலை, அரிய, பெரிய மாயமாகிய என் உயிரை, மனத்தை, சொற்களை, செயல்களையும் பிரிவதில்லை, ஒரு சிறிய நொடிப்பொழுதும் என்னைப் பிரியாமல் அருள்புரிகிறான்.

]]>
https://www.dinamani.com/specials/naalthorum-nammalvaar/2018/sep/30/பத்தாம்-பத்து-ஏழாம்-திருவாய்மொழி---பாடல்-8-3003523.html
3003522 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 7 சொ. மணியன் DIN Saturday, September 29, 2018 12:00 AM +0530
பாடல் 7

அருளை ஈ என் அம்மானே என்னும் முக்கண் அம்மானும்,
தெருள் கொள் பிரமன் அம்மானும், தேவர்கோனும், தேவரும்,
இருள்கள் கடியும் முனிவரும் ஏத்தும் அம்மான் திருமலை,
மருள்கள் கடியும் மணிமலை திருமாலிருஞ்சோலை மலையே.

முக்கண் அம்மானாகிய சிவபெருமான், எம்பெருமான் திருமாலை வணங்கி, ‘அம்மானே, அருளை ஈவாய்’ என்று கேட்கிறார், தெளிவுள்ள அறிவைக்கொண்ட பிரமனும், தேவர் தலைவனும், மற்ற தேவர்களும், இருளை விலக்கும் முனிவர்களும் திருமாலைப் போற்றுகிறார்கள், அத்தகைய எம்பெருமானின் திருமலை, மருட்சியை விலக்குகின்ற மணிமலை, திருமாலிருஞ்சோலை மலையாகும்.
 

]]>
https://www.dinamani.com/specials/naalthorum-nammalvaar/2018/sep/29/பத்தாம்-பத்து-ஏழாம்-திருவாய்மொழி---பாடல்-7-3003522.html
3003521 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 6 சொ. மணியன் DIN Friday, September 28, 2018 12:00 AM +0530 பாடல் 6

திருமாலிருஞ்சோலையானே ஆகி, செழு மூ உலகும் தன்
ஒரு மா வயிற்றின் உள்ளே வைத்து, ஊழி ஊழி தலையளிக்கும்
திருமால், என்னை ஆளும் மால், சிவனும் பிரமனும் காணாது
அரு மால் எய்தி அடி பரவ, அருளை ஈந்த அம்மானே.

எம்பெருமான் திருமாலிருஞ்சோலையிலே திகழ்கிறார், ஊழிக்காலத்தில், செழிப்பான மூன்று உலகங்களையும் தன்னுடைய ஒரு சிறந்த வயிற்றினுள்ளே வைத்துக் காக்கிறார், அவரே திருமால், என்னை ஆளும் மால். அத்தகைய திருமாலைச் சிவனும் பிரமனும் தேடினார்கள், காணாமல் திகைத்தார்கள், மிகுந்த பக்தியுடன் அவருடைய திருவடிகளைப் போற்றினார்கள். அம்மான் அவர்களுக்கு அருள்புரிந்தார்.

]]>
https://www.dinamani.com/specials/naalthorum-nammalvaar/2018/sep/28/பத்தாம்-பத்து-ஏழாம்-திருவாய்மொழி---பாடல்-6-3003521.html
3003520 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 5 சொ. மணியன் DIN Thursday, September 27, 2018 12:00 AM +0530 பாடல் 5

நண்ணா அசுரர் நலிவு எய்த, நல்ல அமரர் பொலிவு எய்த,
எண்ணாதனகள் எண்ணும் நல் முனிவர் இன்பம் தலை சிறப்ப,
பண் ஆர் பாடல், இன் கவிகள் யானாய்த் தன்னைத் தான் பாடி,
தென்னா என்னும் என் அம்மான் திருமாலிருஞ்சோலையானே.

எம்பெருமான், பண்ணோடு அமைந்த பாடல்கள், இனிய கவிதைகளை என் உருவில் பாடிக்கொண்டான், தன்னைத் தானே பாடிக்கொண்டான். அந்தப் பாடல்களைக் கேட்டு, நற்செயல்களோடு பொருந்தாத அசுரர்கள் நலிகிறார்கள், நல்ல அமரர்கள் பொலிவடைந்து சிறக்கிறார்கள், மற்றவர்கள் எண்ணாத அளவுக்குப் பெருமானின் நற்குணங்களைச் சிந்திக்கும் நல்ல முனிவர்கள் மகிழ்கிறார்கள், அத்தகைய பெருமான் திருமாலிருஞ்சோலையில் எழுந்தருளியிருக்கிறான், அந்த அம்மானை எல்லாரும் ‘தென்னா, தென்னா’ என்று போற்றுகிறார்கள்.

]]>
https://www.dinamani.com/specials/naalthorum-nammalvaar/2018/sep/27/பத்தாம்-பத்து-ஏழாம்-திருவாய்மொழி---பாடல்-5-3003520.html
3003519 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 4 சொ. மணியன் DIN Wednesday, September 26, 2018 12:00 AM +0530 பாடல் 4

என்கொல் அம்மான் திருவருள்கள்? உலகும் உயிரும் தானேயாய்
நன்கு என் உடலம் கைவிடான், ஞாலத்து ஊடே நடந்து உழக்கி,
தென்கொள் திசைக்குத் திலதமாய் நின்ற திருமாலிருஞ்சோலை
நங்கள் குன்றம் கைவிடான், நண்ணா அசுரர் நலியவே.

எம்பெருமான், எல்லா உலகங்களும் எல்லா உயிர்களும் தானே எனும்படி நின்றான், உலகமெங்கும் நடந்து பழகி அனைத்தையும் இயக்குகிறான், நற்செயல்களோடு பொருந்தாத அசுரர்கள் நலிந்துபோகும்படி அவர்களை அழிக்கிறான், தெற்குத் திசைக்குத் திலகமாகத் திகழ்கிற திருமாலிருஞ்சோலை மலையைக் கைவிடாமல் அங்கிருந்து அருள்செய்கிறான், இத்தகைய பெருமான், என்னுடைய உடலைவிட்டு நீங்காமல் அங்கேயும் வீற்றிருக்கிறானே, எம்பெருமானின் திருவருள்தான் எப்படிப்பட்டது!

]]>
https://www.dinamani.com/specials/naalthorum-nammalvaar/2018/sep/26/பத்தாம்-பத்து-ஏழாம்-திருவாய்மொழி---பாடல்-4-3003519.html
3003518 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 3 சொ. மணியன் DIN Tuesday, September 25, 2018 12:00 AM +0530 பாடல் 3

என்னை முற்றும் உயிர் உண்டு, என் மாய ஆக்கை இதனுள் புக்கு,
என்னை முற்றும் தானேயாய் நின்ற மாய அம்மான் சேர்
தென்னன் திருமாலிருஞ்சோலைத் திசை கை கூப்பிச் சேர்ந்த யான்
இன்னும் போவேனேகொலோ? என்கொல் அம்மான் திருவருளே?

எம்பெருமான் என்னுடைய உயிரை முழுவதுமாக உண்டான், மாயமாகிய இந்த உடலினுள் புகுந்தான், நான் என்பது முற்றிலும் தானே எனும்படி நின்றான், அத்தகைய அந்த மாய அம்மான் சேர்ந்திருக்கும் திருத்தலம், தென் திசையிலுள்ள சிறந்த திருமாலிருஞ்சோலை, அந்தத் திருமாலிருஞ்சோலை இருக்கும் திசையை நோக்கிக் கை கூப்புகிற நான், இதற்குமேலும் வேறு இடத்தைத் தேடிச் செல்வேனோ? எம்பெருமான் திருவருள் என்னவோ! நான் அறியேன்.

]]>
https://www.dinamani.com/specials/naalthorum-nammalvaar/2018/sep/25/பத்தாம்-பத்து-ஏழாம்-திருவாய்மொழி---பாடல்-3-3003518.html
3003517 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 2 சொ. மணியன் DIN Monday, September 24, 2018 12:00 AM +0530 பாடல் 2

தானே ஆகி நிறைந்து எல்லா உலகும் உயிரும் தானேயாய்த்
தானே யான் என்பான் ஆகித் தன்னைத் தானே துதித்து எனக்குத்
தேனே, பாலே, கன்னலே, அமுதே, திருமாலிருஞ்சோலை
கோனே ஆகி நின்றொழிந்தான் என்னை முற்றும் உயிர் உண்டே.

எம்பெருமான், எல்லா உலகங்களும் உயிர்களும் தானே என்னும்படி நிறைந்தான், ‘யான்’ (நான்) என்பதும் அவனே ஆகிவிட்டான், (நான் அவனைப் போற்றிப் பாடும்போது) தன்னைத்தானே அவன் துதித்துக்கொண்டான், எனக்குத் தேனாக, பாலாக, கரும்பாக, அமுதாகத் திகழ்ந்தான், திருமாலிருஞ்சோலையின் தலைவனாக நின்றான், என் உயிரை முற்றிலுமாக உண்டான்.
 

]]>
https://www.dinamani.com/specials/naalthorum-nammalvaar/2018/sep/24/பத்தாம்-பத்து-ஏழாம்-திருவாய்மொழி---பாடல்-2-3003517.html
3003515 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஏழாம் திருவாய்மொழி - பாடல் 1 சொ. மணியன் Sunday, September 23, 2018 12:00 AM +0530 பாடல் 1

செஞ்சொற் கவிகாள், உயிர்காத்து ஆட்செய்மின், திருமாலிருஞ்சோலை
வஞ்சக் கள்வன், மாமாயன் மாயக்கவியாய் வந்து என்
நெஞ்சும் உயிரும் உள்கலந்து, நின்றார் அறியாவண்ணம் என்
நெஞ்சும் உயிரும் அவை உண்டு தானே ஆகி நிறைந்தானே.

சிறந்த சொற்களைக்கொண்டு கவிதைகளை எழுதும் கவிகளே, உங்களுடைய உயிரைக் காத்துக்கொண்டு எம்பெருமானுக்கு ஆட்செய்யுங்கள், திருமாலிருஞ்சோலையில் எழுந்தருளியிருக்கும் வஞ்சக் கள்வர், சிறந்த மாயங்களைப் புரிபவர், மாயக்கவியாக வந்து என் நெஞ்சிலும் உயிரிலும் உள்ளே கலந்தார். தன்னருகே நிற்பவர்கள்கூட அறியாதவண்ணம் என் நெஞ்சையும் உயிரையும் உண்டு, அவை அனைத்தும் தானாகவே ஆகி நிறைந்தார்.

]]>
https://www.dinamani.com/specials/naalthorum-nammalvaar/2018/sep/23/பத்தாம்-பத்து-ஏழாம்-திருவாய்மொழி---பாடல்-1-3003515.html
2994736 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 11 சொ. மணியன் DIN Saturday, September 22, 2018 12:00 AM +0530
பாடல் 11

காட்டித் தன் கனைகழல்கள், கடுநரகம் புகல் ஒழித்த
வாட்டாற்று எம்பெருமானை வளம் குருகூர்ச் சடகோபன்
பாட்டு ஆய தமிழ்மாலை ஆயிரத்துள் இப் பத்தும்
கேட்டு ஆரார் வானவர்கள், செவிக்கு இனிய செஞ்சொல்லே.

சத்தமிடும் வீரக்கழல்களை அணிந்த தன்னுடைய திருவடிகளைப் பக்தர்களுக்குக் காட்டினான் எம்பெருமான், அவர்கள் கடுமையான நரகத்தில் புகாதபடி செய்தான், அத்தகைய எம்பெருமானை, வாட்டாற்றிலே எழுந்தருளியிருக்கும் திருமாலை, வளம் நிறைந்த குருகூர்ச் சடகோபன் தமிழ்மாலையாகிய ஆயிரம் பாடல்களிலே பாடினார், அவற்றுள் இந்தப் பத்து பாடல்களையும் வானவர்கள் விடாமல் கேட்டு மகிழ்வார்கள். இவை செவிக்கு இனிய சிறந்த சொற்களாகும்.

]]>
https://www.dinamani.com/specials/naalthorum-nammalvaar/2018/sep/22/பத்தாம்-பத்து-ஆறாம்-திருவாய்மொழி---பாடல்-11-2994736.html
2994735 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 10 சொ. மணியன் DIN Friday, September 21, 2018 12:00 AM +0530
பாடல் 10


பிரியாது ஆள் செய் என்று பிறப்பு அறுத்து ஆள் அறக் கொண்டான்,
அரி ஆகி இரணியனை ஆகம் கீண்டான் அன்று,
பெரியார்க்கு ஆள்பட்டக்கால் பெறாத பயன் பெறும் ஆறு
வரி வாள் வாய் அரவு அணைமேல் வாட்டாற்றான் காட்டினனே.

அன்றைக்கு நரசிம்மனாக வந்து இரணியனின் உடலைக் கிழித்த பெருமான், என்னுடைய பிறவித்துயரத்தை அறுத்து, பற்றுகளை விலக்கி என்னைத் தன் அடிமையாக்கிக்கொண்டான், அவனைப் பிரியாமல் தொண்டுசெய்யும் பாக்கியத்தை எனக்குக் கொடுத்தான். பெரியவர்களுக்கு ஆட்பட்டுத் தொண்டுசெய்கிறவர்கள், யாரும் பெறாத பயன்களைப் பெறுவார்கள்.  வரிகளையுடைய ஒளிபொருந்திய வாயைக்கொண்ட பாம்பாகிய ஆதிசேஷனைப் படுக்கையாகக் கொண்ட எம்பெருமான், திருவாட்டாற்றுப் பெருமான் இந்த வழியை எனக்குக் காட்டினான்.

]]>
https://www.dinamani.com/specials/naalthorum-nammalvaar/2018/sep/21/பத்தாம்-பத்து-ஆறாம்-திருவாய்மொழி---பாடல்-10-2994735.html
2994734 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 9 சொ. மணியன் DIN Thursday, September 20, 2018 12:00 AM +0530
பாடல் 9

திகழ்கின்ற திரு மார்வில் திருமங்கை தன்னோடும்
திகழ்கின்ற திருமாலார் சேர்வு இடம் தண் வாட்டாறு
புகழ்கின்ற புள் ஊர்தி, போர் அரக்கர் குலம் கெடுத்தான்
இகழ்வு இன்றி என் நெஞ்சத்து எப்பொழுதும் பிரியானே.

திகழ்கின்ற திருமார்பிலே திருமகளோடு திகழ்கின்ற திருமால் சேரும் இடம், குளிர்ந்த திருவாட்டாறு. எல்லாரும் புகழ்கின்ற பறவையாகிய கருடனில் ஊர்கிறவன், போர் செய்யும் அரக்கர்களின் குலங்களைக் கெடுத்தவன், எம்பெருமான், சிறியவனாகிய என்னை இகழாமல் என் நெஞ்சத்தில் குடிகொண்டிருக்கிறான், எப்பொழுதும் பிரிவதில்லை.
 

]]>
https://www.dinamani.com/specials/naalthorum-nammalvaar/2018/sep/20/பத்தாம்-பத்து-ஆறாம்-திருவாய்மொழி---பாடல்-9-2994734.html
2994733 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 8 சொ. மணியன் DIN Wednesday, September 19, 2018 12:00 AM +0530
பாடல் 8

மெய்ந்நின்ற கமழ் துளவ விரை ஏறு திருமுடியன்,
கைந்நின்ற சக்கரத்தன் கருதும் இடம் பொருது, புனல்
மைந்நின்ற வரைபோலும் திரு உருவ வாட்டாற்றாற்கு
எந்நன்றி செய்தேனோ என் நெஞ்சில் திகழ்வதுவே!

எம்பெருமானின் திருமேனியிலே திருத்துளவம் கமழ்கிறது, அதன் நறுமணம் அவருடைய திருமுடியிலே ஏறுகிறது, அவருடைய கையிலிருக்கும் சக்ராயுதமானது, அவர் நினைத்த இடத்துக்குச் சென்று தீயோரை அழித்துவிட்டு அவருடைய கைக்கே மீள்கிறது, அத்தகைய பெருமான், நீர்போலவும், மை போலவும், நின்ற மலைபோலவும் திருவுருவம் கொண்டவர், திருவாட்டாற்றிலே எழுந்தருளியிருப்பவர், அவர் என்னுடைய நெஞ்சில் திகழ்வது ஏன்? நான் அவருக்கு என்ன நன்மை செய்துவிட்டேன்?

]]>
https://www.dinamani.com/specials/naalthorum-nammalvaar/2018/sep/19/பத்தாம்-பத்து-ஆறாம்-திருவாய்மொழி---பாடல்-8-2994733.html
2994732 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 7 சொ. மணியன் DIN Tuesday, September 18, 2018 12:00 AM +0530
பாடல் 7

குரைகழல்கள் குறுகினம், நம் கோவிந்தன் குடிகொண்டான்,
திரைகுழுவு கடல் புடைசூழ் தென் நாட்டுத் திலதம் அன்ன
வரை குழுவும் மணிமாட வாட்டாற்றான் மலர் அடிமேல்
விரை குழுவும் நறும் துளவம் மெய்ந்நின்று கமழுமே.

சத்தமிடும் கழல்களை அணிந்த எம்பெருமானின் திருப்பாதங்களை நாம் அடைந்தோம், அந்தக் கோவிந்தன் நம்மைத் தன் இருப்பிடமாகக் கொண்டு அருளினான். அலைகள் நிறைந்த கடலாலே பக்கங்களில் சூழப்பட்ட தென்னாட்டுக்கே திலகத்தைப்போல் திகழுகின்ற திருத்தலம், மலைகள் ஒன்றுகூடியதுபோல் உயர்ந்த, அழகிய மாடங்கள் நிறைந்த திருவாட்டாற்றிலே எழுந்தருளியிருக்கிறார் எம்பெருமான், அவருடைய மலர்த்திருவடிகளிலே, அவரது திருமேனியிலே நறுமணம் நிறைந்த திருத்துளவம் கமழுகிறது.
 

]]>
https://www.dinamani.com/specials/naalthorum-nammalvaar/2018/sep/18/பத்தாம்-பத்து-ஆறாம்-திருவாய்மொழி---பாடல்-7-2994732.html
2994730 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 6 சொ. மணியன் DIN Monday, September 17, 2018 12:00 AM +0530
பாடல் 6

தலைமேல தாள் இணைகள், தாமரைக் கண் என் அம்மான்,
நிலை பேரான் என் நெஞ்சத்து எப்பொழுதும், எம்பெருமான்,
மலைமாடத்து அரவு அணைமேல் வாட்டாற்றான், மதம் மிக்க
கொலை யானை மருப்பு ஒசித்தான் குரைகழல்கள் குறுகினமே.

தாமரைபோன்ற கண்களையுடைய என் அம்மான், என் நெஞ்சத்திலிருந்து எப்போதும் நிலைபெயராமல் நிலைத்திருப்பவர், எம்பெருமான், மலைபோன்ற மாடங்களையுடைய திருவாட்டாற்றிலே பாம்புப் படுக்கையிலே திருப்பள்ளிகொண்டிருப்பவர், மதம் மிகுந்த, கொல்லக்கூடிய யானையாகிய குவலயாபீடத்தின் கொம்புகளை முறித்தவர், சத்தமிடும் வீரக்கழல்கள் அணிந்த அவருடைய திருப்பாதங்களை நாம் அடைந்தோம், அவருடைய திருவடிகளைத் தலைமேல் சூடிக்கொண்டோம்.

]]>
https://www.dinamani.com/specials/naalthorum-nammalvaar/2018/sep/17/பத்தாம்-பத்து-ஆறாம்-திருவாய்மொழி---பாடல்-6-2994730.html
2994728 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 5 சொ. மணியன் DIN Sunday, September 16, 2018 12:00 AM +0530
பாடல் 5

வான் ஏற வழி தந்த வாட்டாற்றான் பணி வகையே
நான் ஏறப் பெறுகின்றேன், நரகத்தை நகு நெஞ்சே,
தேன் ஏறு மலர்த் துளவம் திகழ்பாதன், செழும் பறவை
தான் ஏறித் திரிவான தாள் இணை என் தலைமேலே.

பரமபதத்தை அடைவதற்கு வழி தந்த எம்பெருமான், திருவாட்டாற்றிலே எழுந்தருளியிருக்கும் இறைவன் சொன்னபடி நான் பரமபதத்தை அடைகிறேன், தேன் நிறைந்த மலர்களைக்கொண்ட திருத்துளவம் திகழ்கிற திருவடிகளை உடையவன், செழுமையான பறவையாகிய கருடனின்மீது ஏறி ஊர்ந்துசெல்பவனுடைய திருவடிகளை என் தலைமீது சூடிக்கொண்டேன். நெஞ்சமே, இனி நரகத்தை எண்ணி உனக்கென்ன அச்சம்? அதைப் பார்த்துச் சிரிப்பாய்.

]]>
https://www.dinamani.com/specials/naalthorum-nammalvaar/2018/sep/16/பத்தாம்-பத்து-ஆறாம்-திருவாய்மொழி---பாடல்-5-2994728.html
2994727 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 4 சொ. மணியன் DIN Saturday, September 15, 2018 12:00 AM +0530
பாடல் 4

என் நெஞ்சத்து உள் இருந்து இங்கு இரும் தமிழ் நூல் இவை மொழிந்து
வல் நெஞ்சத்து இரணியனை மார்வு இடந்த வாட்டாற்றான்,
மன் அஞ்சப் பாரதத்துப் பாண்டவர்க்காப் படை தொட்டான்,
நல் நெஞ்சே, நம் பெருமான் நமக்கு அருள்தான் செய்வானே.

நல்ல நெஞ்சமே, எம்பெருமான் என்னுடைய நெஞ்சத்துக்குள் தங்கியிருக்கிறான், சிறந்த தமிழ்ப்பாடல்களைப் பாடுகிறான், (என்னைப் பாடவைப்பது அவனே. கொடிய நெஞ்சம் கொண்ட இரணியனின் மார்பைப் பிளந்த வாட்டாற்றான், இந்த உலகமே அஞ்சும்படி பாரததத்துப் பாண்டவர்களுக்காக ஆயுதம் எடுத்தவன், அத்தகைய நம்பெருமான் நமக்கு அருளே புரிவான்.

]]>
https://www.dinamani.com/specials/naalthorum-nammalvaar/2018/sep/15/பத்தாம்-பத்து-ஆறாம்-திருவாய்மொழி---பாடல்-4-2994727.html
2994726 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 3 சொ. மணியன் DIN Friday, September 14, 2018 12:00 AM +0530
பாடல் 3

நண்ணினம் நாராயணனை, நாமங்கள் பல சொல்லி,
மண் உலகில் வளம் மிக்க வாட்டாற்றான் வந்து இன்று
விண் உலகம் தருவானாய் விரைகின்றான், விதிவகையே,
எண்ணினவாறு ஆகா இக் கருமங்கள் என் நெஞ்சே!

என் நெஞ்சே, எம்பெருமான் நாராயணனின் பல திருப்பெயர்களைச் சொல்லி நாம் வணங்கினோம், அப்பெருமானை நெருங்கினோம், இன்றைக்கு, எம்பெருமான் மண்ணுலகிலே வளங்கள் நிறைந்த திருவாட்டாற்றுக்கு விரைந்து வருகிறான், நமக்குப் பரமபதத்தைத் தருவதற்காகவே அவன் இவ்வாறு வந்திருக்கிறான், இதுவும் நம்முடைய விதிப்படியே நடப்பதாகும், நெஞ்சே, இவ்வாறெல்லாம் நடக்கும் என்று நாம் எண்ணியிருப்போமா? (நாம் எண்ணியதைவிடச் சிறப்பாக இவை நடந்துவிட்டனவே.

]]>
https://www.dinamani.com/specials/naalthorum-nammalvaar/2018/sep/14/பத்தாம்-பத்து-ஆறாம்-திருவாய்மொழி---பாடல்-3-2994726.html
2994725 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 2 சொ. மணியன் DIN Thursday, September 13, 2018 12:00 AM +0530  

பாடல் 2

வாட்டாற்றான் அடி வணங்கி, மா ஞாலம் பிறப்பு அறுப்பான்
கேட்டாயே மடநெஞ்சே, கேசவன், எம்பெருமானைப்
பாட்டு ஆய பல பாடிப் பழவினைகள் பற்று அறுத்து,
நாட்டாரோடு இயல்வு ஒழித்து, நாரணனை நண்ணினமே.

அறியாமை நிறைந்த நெஞ்சமே, இதைக் கேள், திருவாட்டாற்றிலே எழுந்தருளியிருக்கும் எம்பெருமானின் திருவடிகளை வணங்கினோம், இந்தப் பெரிய உலகத்திலே மீண்டும் பிறவியெடுக்காதபடி நம் பிறவி நோயை அறுக்குமாறு கேட்டோம், கேசவன், எம்பெருமானைப் பல பாசுரங்களால் பாடினோம், பழைய வினைகளாகிய பற்றுகளை அறுத்தோம், இந்த உலகத்தாரோடு பழகுவதைத் தவிர்த்தோம், (அவ்வாறு வழிபட்டதன்மூலம்) அந்த நாராயணனையே நாம் நெருங்கினோம்.
 

]]>
https://www.dinamani.com/specials/naalthorum-nammalvaar/2018/sep/13/பத்தாம்-பத்து-ஆறாம்-திருவாய்மொழி---பாடல்-2-2994725.html
2994724 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஆறாம் திருவாய்மொழி - பாடல் 1 சொ. மணியன் Wednesday, September 12, 2018 12:00 AM +0530 பாடல் 1

அருள் பெறு அடியார்தம் அடியனேற்கு ஆழியான்
அருள்தருவான் அமைகின்றான், அது நமது விதிவகையே,
இருள் தரு மா ஞாலத்துள் இனிப் பிறவி யான் வேண்டேன்,
மருள் ஒழி நீ, மடநெஞ்சே, வாட்டாற்றான் அடி வணங்கே.

எம்பெருமானின் அருளைப் பெறுகின்ற அடியவர்களுக்கு நான் அடியவன். ஆகவே, சக்ராயுதத்தை ஏந்திய எம்பெருமான் எனக்கும் அருள்செய்கின்றான், அது நம்முடைய விதிவகையாகும், இருளை (அறியாமையை)த் தருகிற இந்தப் பெரிய உலகத்திலே இன்னொருமுறை பிறவியெடுக்க நான் விரும்பவில்லை, அறியாமை நிறைந்த நெஞ்சமே, நீ பலவற்றை யோசித்து மயங்காதே, திருவாட்டாற்றில் எழுந்தருளியிருக்கும் எம்பெருமானின் திருவடிகளை வணங்கு.

]]>
https://www.dinamani.com/specials/naalthorum-nammalvaar/2018/sep/12/பத்தாம்-பத்து-ஆறாம்-திருவாய்மொழி---பாடல்-1-2994724.html
2988702 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 11 சொ. மணியன் DIN Tuesday, September 11, 2018 12:00 AM +0530 பாடல் 11

நெடியான் அருள் சூடும்
படியான் சடகோபன்
நொடி ஆயிரத்து இப்பத்து
அடியார்க்கு அருள் பேறே.

நெடியவனாகிய எம்பெருமானின் அருளைச் சூடிய சடகோபன், அப்பெருமான்மீது ஆயிரம் திருப்பாடல்களை வழங்கினார். அவற்றில் இந்தப் பத்து பாடல்களும் அடியவர்களுக்கு அருள்புரிகிற பேறுகள்.

]]>
https://www.dinamani.com/specials/naalthorum-nammalvaar/2018/sep/11/பத்தாம்-பத்து-ஐந்தாம்-திருவாய்மொழி---பாடல்-11-2988702.html
2988700 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 10 சொ. மணியன் DIN Monday, September 10, 2018 12:00 AM +0530
பாடல் 10

வினை, வல் இருள் என்னும்
முனைகள் வெருவிப் போம்
சுனை நல் மலர் இட்டு
நினைமின் நெடியானே.

நீர்ச்சுனைகளில் மலர்ந்த நல்ல பூக்களை எம்பெருமானுக்கு இடுங்கள், அந்த நெடியவனை நினையுங்கள், உங்களுடைய வினைகளும், வலிமையான இருளும் (அறியாமையும்) பயந்து ஓடிப்போய்விடும்.

]]>
https://www.dinamani.com/specials/naalthorum-nammalvaar/2018/sep/10/பத்தாம்-பத்து-ஐந்தாம்-திருவாய்மொழி---பாடல்-10-2988700.html
2988699 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 9 சொ. மணியன் DIN Sunday, September 9, 2018 12:00 AM +0530 பாடல் 9

அமரர்க்கு அரியானை,
தமர்கட்கு எளியானை
அமரத் தொழுவார்கட்கு
அமரா வினைகளே.

தேவர்களாலும் காண இயலாதவன், அதேசமயம் தன் அடியவர்களுக்கு எளியவன் எம்பெருமான், அத்தகைய பெருமானைப் பொருந்தி வணங்குபவர்களை வினைகள் சேராது.

]]>
https://www.dinamani.com/specials/naalthorum-nammalvaar/2018/sep/09/பத்தாம்-பத்து-ஐந்தாம்-திருவாய்மொழி---பாடல்-9-2988699.html
2988698 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 8 சொ. மணியன் DIN Saturday, September 8, 2018 12:00 AM +0530 பாடல் 8

சாரா ஏதங்கள்
நீர்ஆர் முகில் வண்ணன்
பேர் ஆர் ஓதுவார்
ஆர் ஆர் அமரரே.

நீர் நிறைந்த மேகத்தைப்போன்ற வண்ணம் கொண்ட எம்பெருமானின் பெயரை யாரெல்லாம் ஓதுகிறார்களோ, அவர்களைப் பாவங்கள் சேராது, அவர்கள் அமரர்களுக்குச் சமமாவார்கள்.

]]>
https://www.dinamani.com/specials/naalthorum-nammalvaar/2018/sep/08/பத்தாம்-பத்து-ஐந்தாம்-திருவாய்மொழி---பாடல்-8-2988698.html
2988697 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 7 சொ. மணியன் DIN Friday, September 7, 2018 12:00 AM +0530
பாடல் 7

மாதவன் என்று என்று
ஓத வல்லீரேல்
தீது ஒன்றும் அடையா,
ஏதம் சாராவே.

‘மாதவன்’ என்று எம்பெருமான் பெயரை ஓதினால், தீமைகள் நெருங்காது, பாவங்கள் சேராது.

]]>
https://www.dinamani.com/specials/naalthorum-nammalvaar/2018/sep/07/பத்தாம்-பத்து-ஐந்தாம்-திருவாய்மொழி---பாடல்-7-2988697.html
2988696 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 6 சொ. மணியன் DIN Thursday, September 6, 2018 12:00 AM +0530
பாடல் 6

மேயான் வேங்கடம்
காயா மலர்வண்ணன்,
பேயார் முலை உண்ட
வாயான் மாதவனே.

காயாம்பூ வண்ணன், பேயாகிய பூதனையின் முலையை உண்டு அவளை அழித்த வாயைக் கொண்ட மாதவன், திருவேங்கடமலையில் எழுந்தருளியிருக்கிறான்.

]]>
https://www.dinamani.com/specials/naalthorum-nammalvaar/2018/sep/06/பத்தாம்-பத்து-ஐந்தாம்-திருவாய்மொழி---பாடல்-6-2988696.html
2988695 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 5 சொ. மணியன் DIN Wednesday, September 5, 2018 12:00 AM +0530
பாடல் 5

நாடீர் நாள்தோறும்
வாடா மலர் கொண்டு
பாடீர் அவன் நாமம்,
வீடே பெறலாமே.

வாடாத மலர்களைத் தூவி தினமும் எம்பெருமானின் பெயரைப் பாடுங்கள். வீடு பேறு கிடைக்கும்.

]]>
https://www.dinamani.com/specials/naalthorum-nammalvaar/2018/sep/05/பத்தாம்-பத்து-ஐந்தாம்-திருவாய்மொழி---பாடல்-5-2988695.html
2988694 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 4 சொ. மணியன் DIN Tuesday, September 4, 2018 12:00 AM +0530

பாடல் 4

ஆள்வான் ஆழி நீர்
கோள்வாய் அரவு அணையான்
தாள்வாய் மலர் இட்டு
நாள்வாய் நாடீரே


பாற்கடலில் பள்ளிகொண்டு இவ்வுலகை ஆள்பவன், பகைவர்களுக்கு எமனாகத் திகழ்பவன், ஆதிசேஷனாகிய பாம்பைப் படுக்கையாகக் கொண்டவன், எம்பெருமான். அத்தகைய பெருமானின் திருவடிகளில் மலர்களை இட்டு தினமும் வணங்குங்கள்.

]]>
https://www.dinamani.com/specials/naalthorum-nammalvaar/2018/sep/04/பத்தாம்-பத்து-ஐந்தாம்-திருவாய்மொழி---பாடல்-4-2988694.html
2988693 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 3 சொ. மணியன் DIN Monday, September 3, 2018 12:00 AM +0530 பாடல் 3

தானே உலகு எல்லாம்
தானே படைத்து, இடந்து,
தானே உண்டு, உமிழ்ந்து,
தானே ஆள்வானே.

எம்பெருமான் இவ்வுலகங்கள் அனைத்தையும் தானே படைக்கிறான், தானே இடந்து எடுக்கிறான், தானே உண்கிறான், தானே உமிழ்கிறான், தானே ஆள்கிறான்.
 

]]>
https://www.dinamani.com/specials/naalthorum-nammalvaar/2018/sep/03/பத்தாம்-பத்து-ஐந்தாம்-திருவாய்மொழி---பாடல்-3-2988693.html
2988691 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 2 சொ. மணியன் DIN Sunday, September 2, 2018 12:00 AM +0530  

பாடல் 2

நாரணன், எம்மான்,
பார் அணங்கு ஆளன்,
வாரணம் தொலைத்த
காரணன்தானே.

நாரணன், எங்கள் தலைவன், பூமிப்பிராட்டியின் கணவன், குவலயாபீடம் என்ற யானையை வீழ்த்தியவன், அனைத்துக்கும் காரணமான திருமால்.

]]>
https://www.dinamani.com/specials/naalthorum-nammalvaar/2018/sep/02/பத்தாம்-பத்து-ஐந்தாம்-திருவாய்மொழி---பாடல்-2-2988691.html
2988690 ஸ்பெஷல்ஸ் நாள்தோறும் நம்மாழ்வார் பத்தாம் பத்து ஐந்தாம் திருவாய்மொழி - பாடல் 1 சொ. மணியன் Saturday, September 1, 2018 12:00 AM +0530  

பாடல் 1

கண்ணன் கழல் இணை
நண்ணும் மனம் உடையீர்
எண்ணும் திருநாமம்,
திண்ணம் நாரணமே.

கண்ணனின் கழலணிந்த திருவடிகளைப் பெறவேண்டும் என்ற மனம் உள்ளவர்களே, நீங்கள் எண்ணவேண்டிய திருநாமம், ‘நாரணன்’ என்ற திருநாமம்தான், இது உறுதி.
 

]]>
https://www.dinamani.com/specials/naalthorum-nammalvaar/2018/sep/01/பத்தாம்-பத்து-ஐந்தாம்-திருவாய்மொழி---பாடல்-1-2988690.html
2988671 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 11 சொ. மணியன் DIN Friday, August 31, 2018 12:00 AM +0530  

பாடல் 11

பற்று என்று பற்றிப் பரம பரம்பரனை,
மல் திண் தோள் மாலை, வழுதி வளநாடன்
சொல் தொடை அந்தாதி ஓர் ஆயிரத்துள் இப் பத்தும்
கற்றார்க்கு ஓர் பற்று ஆகும் கண்ணன் கழல் இணையே.

உயர்ந்தவற்றுள் மிக உயர்ந்த பரம்பொருளாகிய எம்பெருமானை, மிடுக்கான, திண்மையான திருத்தோள்களையுடைய திருமாலைப் பற்றாகப் பற்றினார் வழுதி வளநாடன், எம்பெருமானைப் போற்றி ஓர் ஆயிரம் அந்தாதிப் பாடல்களைச் சொல் மாலையாகத் தொடுத்தார். அவற்றுள் இந்தப் பத்து பாடல்களையும் கற்றவர்களுக்கு அந்தக் கண்ணனின் கழலணிந்த திருவடிகளே பற்றுக்கோடாகும்.
 

]]>
https://www.dinamani.com/specials/naalthorum-nammalvaar/2018/aug/31/பத்தாம்-பத்து-நான்காம்-திருவாய்மொழி---பாடல்-11-2988671.html
2988670 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 10 சொ. மணியன் DIN Thursday, August 30, 2018 12:00 AM +0530  

பாடல் 10

வகையால் மனம் ஒன்றி மாதவனை நாளும்
புகையால், விளக்கால், புது மலரால், நீரால்,
திகைதோறு அமரர்கள் சென்று இறைஞ்ச நின்ற
தகையான் சரணம் தமர்கட்கு ஓர் பற்றே.

தினந்தோறும் எல்லாத் திசைகளிலிருந்தும் அமரர்கள் வருகிறார்கள், நறுமணப்புகை, திருவிளக்கு, புது மலர்கள், புனிதமான நீர் போன்ற பொருட்களைக் கொண்டுவந்து வணங்கி, இறைஞ்சி நிற்கிறார்கள், முறைப்படி மனம் ஒன்றி மாதவனைத் தினமும் வழிபடுகிறார்கள், அத்தகைய எம்பெருமானின் திருவடிகள், அவருடைய அடியவர்களுக்கு ஒரு பற்றுக்கோடாகும்.

]]>
https://www.dinamani.com/specials/naalthorum-nammalvaar/2018/aug/30/பத்தாம்-பத்து-நான்காம்-திருவாய்மொழி---பாடல்-10-2988670.html
2988669 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 9 சொ. மணியன் DIN Wednesday, August 29, 2018 12:00 AM +0530  

பாடல் 9

கண்டேன் கமல மலர்ப் பாதம், காண்டதுமே
விண்டே ஒழிந்த வினை ஆயின எல்லாம்,
தொண்டே செய்து என்றும் தொழுது வழி ஒழுக,
பண்டே பரமன் பணித்த பணிவகையே.

எம்பெருமானின் தாமரைத் திருவடிகளைக் கண்டேன், அவ்வாறு கண்டதும் என்னுடைய வினைகள் அனைத்தும் விண்டுபோயின, முன்பு அந்தப் பரமன் எனக்கு வகுத்த முறைப்படி அவருக்கு என்றும் தொண்டுசெய்தேன், அவரைத் தொழுது அவருடைய வழியில் நடந்தேன், (அதனால் அவருடைய திருவடிகளைக் கண்டேன்.)
 

]]>
https://www.dinamani.com/specials/naalthorum-nammalvaar/2018/aug/29/பத்தாம்-பத்து-நான்காம்-திருவாய்மொழி---பாடல்-9-2988669.html
2988668 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 8 சொ. மணியன் DIN Tuesday, August 28, 2018 12:00 AM +0530
பாடல் 8

ஆழியான், ஆழி அமரர்க்கும் அப்பாலான்,
ஊழியான், ஊழி படைத்தான், நிரை மேய்த்தான்,
பாழிஅம் தோளால் வரை எடுத்தான் பாதங்கள்,
வாழி என் நெஞ்சே, மறவாது வாழ்கண்டாய்.

என் நெஞ்சே, நீ வாழ்க, சக்ராயுதத்தைக் கையில் ஏந்திய பெருமான், பெருமிதத்தையுடைய அமரர்களைத் தாண்டி உயர்வானவன், ஊழிக்காலத்திலும் உள்ளவன், அந்த ஊழிக்காலத்தில் அழிக்கப்பட்ட பொருட்களையெல்லாம் படைத்தவன், பசுக்கூட்டங்களை மேய்த்தவன், வலிமை மிகுந்த, அழகிய தோளாலே கோவர்த்தன மலையை எடுத்தவன், அத்தகைய பெருமானின் பாதங்களை மறக்காமல் வாழ்வாயாக.

]]>
https://www.dinamani.com/specials/naalthorum-nammalvaar/2018/aug/28/பத்தாம்-பத்து-நான்காம்-திருவாய்மொழி---பாடல்-8-2988668.html
2988667 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 7 சொ. மணியன் Monday, August 27, 2018 11:39 AM +0530 பாடல் 7

பணி நெஞ்சே, நாளும் பரம பரம்பரனை,
பிணி ஒன்றும் சாரா, பிறவி கெடுத்து ஆளும்
மணி நின்ற சோதி, மதுசூதன், என் அம்மான்,
அணி நின்ற செம்பொன் அடல் ஆழியானே.

நீலமணிபோன்ற சுடர்வீசும் எம்பெருமான், மதுசூதனன், என் அம்மான், அழகிய, சிவந்த பொன் போன்ற, போர் ஆற்றல் மிகுந்த சக்ராயுதத்தை ஏந்திய பெருமானை வணங்கினால் நோய்கள் வாராது, பிறவித்துயரத்தைக் கெடுத்து அருள்வான் அவன், ஆகவே, நெஞ்சே, உயர்ந்த பரம்பரனாகிய எம்பெருமானைத் தினந்தோறும் பணிவாயாக.

]]>
https://www.dinamani.com/specials/naalthorum-nammalvaar/2018/aug/27/பத்தாம்-பத்து-நான்காம்-திருவாய்மொழி---பாடல்-7-2988667.html
2962774 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 6 சொ. மணியன் DIN Sunday, August 26, 2018 12:00 AM +0530
பாடல் 6

நாகத்து அணையானை, நாள்தோறும் ஞானத்தால்
ஆகத்து அணைப்பார்க்கு அருள்செய்யும் அம்மானை,
மாகத்து இள மதியம் சேரும் சடையானைப்
பாகத்து வைத்தான் தன் பாதம் பணிந்தேனே.

ஆதிசேஷனாகிய நாகத்தைப் படுக்கையாகக் கொண்டவர் எம்பெருமான், அவரைத் தினந்தோறும் ஞானத்தால் உள்ளத்தில் வைத்து அனுபவிப்பவர்களுக்கு அருள்செய்கிற அம்மான், வானத்திலுள்ள பிறைச்சந்திரனைத் தன்னுடைய திருச்சடையிலே வைத்திருக்கும் சிவபெருமானைத் தன் திருமேனியின் ஒரு பகுதியாகக் கொண்டவர், அவருடைய திருவடிகளை நான் வணங்குகிறேன்.

]]>
https://www.dinamani.com/specials/naalthorum-nammalvaar/2018/aug/26/பத்தாம்-பத்து-நான்காம்-திருவாய்மொழி---பாடல்-6-2962774.html
2962773 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 5 சொ. மணியன் Saturday, August 25, 2018 10:52 AM +0530
பாடல் 5

நிச்சித்து இருந்தேன் என் நெஞ்சம் கழியாமை,
கைச் சக்கரத்து அண்ணல் கள்வம் பெரிது உடையன்,
மெச்சப்படான் பிறர்க்கு, மெய்போலும் பொய்வல்லன்,
நச்சப்படும் நமக்கு நாகத்து அணையானே.

எம்பெருமான் என் நெஞ்சைவிட்டு நீங்கமாட்டான் என்பதில் நான் உறுதியாக இருக்கிறேன். கையிலே சக்ராயுதத்தை ஏந்திய அண்ணலாகிய எம்பெருமான் என்ன செய்வாரோ, யார் அறிவார்கள்? எம்பெருமானை வணங்காதவர்களுக்கு அவர் பொய்போன்றவர், அவர்கள் அவரைப் புகழமாட்டார்கள், ஆனால், விரும்பி வணங்கும் நமக்கோ, அவர் உண்மையானவர், ஆதிசேஷனாகிய நாகத்தைப் படுக்கையாகக்கொண்டு திருக்காட்சி தருவார்.

]]>
https://www.dinamani.com/specials/naalthorum-nammalvaar/2018/aug/25/பத்தாம்-பத்து-நான்காம்-திருவாய்மொழி---பாடல்-5-2962773.html
2962772 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 4 சொ. மணியன் DIN Friday, August 24, 2018 12:00 AM +0530
பாடல் 4

தலைமேல் புனைந்தேன் சரணங்கள், ஆலின்
இலைமேல் துயின்றான், இமையோர் வணங்க
மலைமேல்தான் நின்று என் மனத்துள் இருந்தானை
நிலைபேர்க்கல் ஆகாமை நிச்சித்து இருந்தேனே.

எம்பெருமானின் திருவடிகளை நான் என்னுடைய தலைக்குமேல் சூடிக்கொண்டேன், ஆலிலையிலே துயின்றவன், தேவர்களெல்லாம் வணங்கும்படி திருமலையிலே நின்று, என் மனத்திலும் இருக்கும் எம்பெருமானை யாராலும் என்னிடமிருந்து பிரிக்க இயலாது என்று நான் உறுதியோடு இருக்கிறேன்.

]]>
https://www.dinamani.com/specials/naalthorum-nammalvaar/2018/aug/24/பத்தாம்-பத்து-நான்காம்-திருவாய்மொழி---பாடல்-4-2962772.html
2962771 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 3 சொ. மணியன் DIN Thursday, August 23, 2018 12:00 AM +0530
பாடல் 3

ஆள்கின்றான் ஆழியான், ஆரால் குறை உடையம்?
மீள்கின்றது இல்லை, பிறவித் துயர் கடிந்தோம்,
வாள், கெண்டை ஒண் கண் மடப்பின்னைதன் கேள்வன்
தாள் கண்டுகொண்டு என் தலைமேல் புனைந்தேனே.

சக்ராயுதத்தை ஏந்தியுள்ள எம்பெருமான் நம்மை ஆள்கின்றான். இனி யாரால் நமக்குக் குறை ஏற்படும்? (யாராலும் இல்லை.) இனி இன்னொரு பிறப்பு நமக்கில்லை, பிறவித்துயரத்தை நாம் கடந்துவிட்டோம், ஒளி நிறைந்த, கெண்டையைப்போன்ற அழகிய கண்களையுடைய, மடப்பம் என்னும் குணம் நிறைந்த நப்பின்னையின் கணவன், எம்பெருமான் திருவடிகளைக் கண்டுகொண்டேன், என் தலைமேல் அவற்றைச் சூடிக்கொண்டேன்.

]]>
https://www.dinamani.com/specials/naalthorum-nammalvaar/2018/aug/23/பத்தாம்-பத்து-நான்காம்-திருவாய்மொழி---பாடல்-3-2962771.html
2962770 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல்  2 சொ. மணியன் DIN Wednesday, August 22, 2018 12:00 AM +0530
பாடல்  2

பெருமையனே வானத்து இமையோர்க்கும், காண்டற்கு
அருமையனே ஆகத்து அணையாதார்க்கு, என்றும்
திரு மெய் உறைகின்ற செங்கண்மால், நாளும்
இருமை வினை கடிந்து இங்கு என்னை ஆள்கின்றானே.

வானத்திலிருக்கும் தேவர்களைவிடப் பெருமையுடையவன், மனத்தினாலே நினைக்காதவர்களால் காண இயலாத அருமையுடையவன், திருமகளை என்றைக்கும் மார்பிலே கொண்ட பெருமான், சிறந்த கண்களையுடைய திருமால், எம்பெருமான், ஒவ்வொரு நாளும் இருவினைகளையும் நீக்கி அவன் என்னை ஆள்கின்றான்.

]]>
https://www.dinamani.com/specials/naalthorum-nammalvaar/2018/aug/22/பத்தாம்-பத்து-நான்காம்-திருவாய்மொழி---பாடல்--2-2962770.html
2962769 ஸ்பெஷல்ஸ் நாள்தோறும் நம்மாழ்வார் பத்தாம் பத்து நான்காம் திருவாய்மொழி - பாடல் 1 சொ. மணியன் DIN Tuesday, August 21, 2018 12:00 AM +0530
பாடல் 1

சார்வே தவ நெறிக்குத் தாமோதரன் தாள்கள்,
கார்மேகவண்ணன், கமல நயனத்தன்,
நீர், வானம், மண், எரி, காலாய் நின்ற நேமியான்,
பேர் வானவர்கள் பிதற்றும் பெருமையனே.

கார்மேகவண்ணன், தாமரைபோன்ற திருக்கண்களையுடையவன், நீர், வானம், மண், நெருப்பு, காற்று என ஐம்பூதமாகவும் நின்றவன், சக்ராயுதத்தை ஏந்தியவன், தன்னுடைய பெயரை வானவர்கள் சொல்லும் பெருமையுடையவன், எம்பெருமான், அத்தகைய தாமோதரனின் திருவடிகள் பக்திநெறிக்கு ஏற்றவை, அவனை வணங்கி அத்திருவடிகளை நாம் பெறலாம்.

]]>
https://www.dinamani.com/specials/naalthorum-nammalvaar/2018/aug/21/பத்தாம்-பத்து-நான்காம்-திருவாய்மொழி---பாடல்-1-2962769.html
2962768 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 11 சொ. மணியன் DIN Monday, August 20, 2018 12:00 AM +0530
பாடல் 11

செங்கனி வாய் எங்கள் ஆயர் தேவு அத்
திருவடி திருவடிமேல் பொருநல்
சங்கு அணி துறைவன் வண் தென் குருகூர்
வண் சடகோபன் சொல் ஆயிரத்துள்
மங்கையர் ஆய்ச்சியர் ஆய்ந்த மாலை
அவனொடும் பிரிவதற்கு இரங்கி, தையல்
அங்கு அவன் பசு நிரை மேய்ப்பு ஒழிப்பான்
உரைத்தன இவையும் பத்து அவற்றின் சார்வே.

சிவந்த கனியைப்போன்ற திருவாயைக் கொண்ட எங்கள் ஆயர் தலைவன், எம்பெருமான், தாமிரபரணி நதியிலே சங்கணித்துறை என்ற இடத்தை உடையவர், வளமான திருக்கூரைச் சேர்ந்த வளமை நிறைந்த சடகோபன் எம்பெருமானின் திருவடிகளைப்பற்றி ஆயிரம் திருப்பாடல்களைப் பாடியுள்ளார், அவற்றில் இந்தப் பத்து திருப்பாடல்களும், ஆயர்குலப்பெண்கள் ஆராய்ந்து சொன்ன சொல்மாலையாகும். எம்பெருமான் பசுக்கூட்டங்களை மேய்க்கச் செல்லும்போது, இந்த ஆய்ச்சியர்கள் அவனைப் பிரிவதை எண்ணி வருந்தினார்கள், ஆகவே, ‘பெருமானே, நீ பசுக்கூட்டங்களை மேய்க்கச் செல்லவேண்டாம்’ என்றார்கள். அந்தக் கருத்தைச் சொல்லும் இந்தப் பாசுரங்களை வாசித்தால், மற்ற பாசுரங்களின்மூலம் கிடைக்கும் நற்பயன்கள் அனைத்தும் கிடைக்கும்.

]]>
https://www.dinamani.com/specials/naalthorum-nammalvaar/2018/aug/20/பத்தாம்-பத்து-மூன்றாம்-திருவாய்மொழி---பாடல்-11-2962768.html
2962767 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 10 சொ. மணியன் DIN Sunday, August 19, 2018 12:00 AM +0530
பாடல் 10

அவத்தங்கள் விளையும், என் சொல் கொள், அந்தோ,
அசுரர்கள் வன் கையர், கஞ்சன் ஏவ,
தவத்தவர் மறுக நின்று உழிதருவர்,
தனிமையும் பெரிது உனக்கு, இராமனையும்
உவத்து இலை, உடன் திரிகிலையும் என்று என்று
ஊடு உற என்னுடை ஆவி வேம்ஆல்,
திவத்திலும் பசு நிரை மேய்ப்பு உவத்தி,
செங்கனிவாய் எங்கள் ஆயர் தேவே.

சிவந்த கனியைப்போன்ற திருவாயைக்கொண்ட எங்கள் ஆயர் தலைவனே, நீ பசுமேய்க்கச் சென்றால் துன்பம் விளையும், நான் சொல்வதைக் கேள், அடடா, அசுரர்கள், கொடுமையானவர்கள், கஞ்சன் ஏவியபடி அங்கே வந்து திரிகிறார்கள், தவம் புரிகிற முனிவர்கள் மனம் கலங்கும்படி அலைகிறார்கள், அங்கே நீ செல்லவேண்டாம்,  நீயோ யாரையும் துணையாக அழைத்துச்செல்வதில்லை, தனியாகவே திரிகிறாய், பலராமனையாவது உடன் அழைத்துச்செல்லலாம், நீ அதையும் விரும்புவதில்லை, தனிமையையே விரும்புகிறாய், ஆகவே, அந்த அசுரர்களால் உனக்கு ஏதாவது ஆகிவிடுமோ என்று எண்ணி என்னுடைய உயிர் வேகிறது, எம்பெருமானே, பரமபதத்தைவிட, உனக்குப் பசு மேய்ப்பதுதான் பிடித்திருக்கிறது. இது என்ன வியப்பு!

]]>
https://www.dinamani.com/specials/naalthorum-nammalvaar/2018/aug/19/பத்தாம்-பத்து-மூன்றாம்-திருவாய்மொழி---பாடல்-10-2962767.html
2962766 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 9 சொ. மணியன் DIN Saturday, August 18, 2018 12:00 AM +0530
பாடல் 9

உகக்கும் நல்லவரொடும் உழிதந்து உன்தன்
திருவுள்ளம் இடர் கெடும்தொறும் நாங்கள்
வியக்க இன்புறுதும், எம் பெண்மை ஆற்றோம்,
எம்பெருமான், பசு மேய்க்கப் போகேல்,
மிகப் பல அசுரர்கள் வேண்டு உருவம் கொண்டு
நின்று உழிதருவர் கஞ்சன் ஏவ,
அகப்படில் அவரொடும் நின்னொடு ஆங்கே
அவத்தங்கள் விளையும், என் சொற் கொள், அந்தோ.

எம்பெருமானே, உனக்குப் பிடித்த நல்லவர்களோடு இங்கே வா, உன் விருப்பம்போல் இங்கேயே திரிந்துகொண்டிரு, உன்னுடைய திருவுள்ளத்துக்கு எது மகிழ்ச்சியோ அதுவே எங்களுக்கும் மகிழ்ச்சி, எங்களுடைய பெண்மை அதை ஏற்றுக்கொள்ளும், பெருமானே, நீ பசு மேய்க்கச் செல்லவேண்டாம், கம்சனுடைய ஏவலின்படி அங்கே பல அசுரர்கள் வெவ்வேறு உருவத்தில் வந்து திரிவார்கள், அவர்களிடம் நீ அகப்பட்டால் உங்களுக்கிடையே கொடிய போர் உண்டாகும், துன்பம் ஏற்படும், ஆகவே, என் சொல்லைக் கேள், பசு மேய்க்கப் போகாதே, அடடா.

]]>
https://www.dinamani.com/specials/naalthorum-nammalvaar/2018/aug/18/பத்தாம்-பத்து-மூன்றாம்-திருவாய்மொழி---பாடல்-9-2962766.html
2962765 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 8 சொ. மணியன் DIN Friday, August 17, 2018 12:00 AM +0530
பாடல் 8

அசுரர்கள் தலைப்பெயில் எவன்கொல் ஆங்கு என்று
ஆழும் என் ஆர் உயிர், ஆன் பின் போகேல்,
கசிகையும் வேட்கையும் உள் கலந்து
கலவியும் நலியும், என் கை கழியேல்,
வசி செய் உன் தாமரைக் கண்ணும் வாயும்
கைகளும் பீதக உடையும் காட்டி
ஒசி செய் நுண் இடை இள ஆய்ச்சியர், நீ
உகக்கும் நல்லவரொடும் உழிதராயே.

எம்பெருமானே, நீ பசு மேய்க்கச் செல்லும்போது அங்கே அசுரர்கள் வந்தால் என்ன ஆகுமோ என்று என் அரிய உயிர் துன்பத்தில் மூழ்குகிறது. ஆகவே, நீ பசுக்களின் பின்னால் போகாதே, உன்மீது வைத்துள்ள ஈடுபாடும், விருப்பமும், கலவியும் உள்ளிருந்து என்னை நலியச்செய்கின்றன. ஆகவே, என்னைக் கைவிட்டுச் செல்லாதே, ஈர்க்கின்ற உன்னுடைய தாமரைபோன்ற திருக்கண்களையும், திருவாயையும், திருக்கைகளையும், பீதக உடையையும் காண்பித்துக்கொண்டு இங்கே வா, உனக்குப் பிடித்த, ஒசிந்த, நுட்பமான இடையை உடைய இள ஆய்ச்சியர்களோடு வா, அங்குமிங்கும் திரிந்துகொண்டு இங்கேயே இரு, (பசுக்களை மேய்க்கச் செல்லாதே.)

]]>
https://www.dinamani.com/specials/naalthorum-nammalvaar/2018/aug/17/பத்தாம்-பத்து-மூன்றாம்-திருவாய்மொழி---பாடல்-8-2962765.html
2962764 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 7 சொ. மணியன் DIN Thursday, August 16, 2018 12:00 AM +0530
பாடல் 7

வேம் எமது உயிர் அழல் மெழுகில் உக்கு,
வெள் வளை, மேகலை கழன்று வீழ,
தூமலர்க் கண் இணை முத்தம் சோர
துணை முலை பயந்து என தோள்கள் வாட
மாமணிவண்ணா, உன் செங்கமல
வண்ண மெல் மலர் அடி நோவ, நீ போய்
ஆ மகிழ்ந்து உகந்து அவை மேய்க்கின்று உன்னோடு
அசுரர்கள் தலைப்பெயில் எவன்கொல் ஆங்கே.

சிறந்த மணியைப்போன்ற வண்ணம் கொண்ட பெருமானே, உன்னுடைய சிவந்த தாமரையைப்போன்ற அழகிய, மென்மையான மலர்த் திருவடிகள் நோகும்படி நீ சென்று பசுக்களை மகிழ்ச்சியோடு மேய்க்கிறாய், உன்னைப் பிரிந்து எங்களுடைய உயிர் நெருப்பிலே இட்ட மெழுகுபோல் உருகி வேகிறது, வெண்மையான வளையல்கள், மேகலை கழன்று விழுகின்றன, தூய்மையான மலர்களைப் போன்ற இரு கண்களிலும் கண்ணீர் முத்துகள் சொட்டுகின்றன, இரு மார்பகங்களிலும் பசலை படர்கிறது, தோள்கள் வாடுகின்றன. எம்பெருமானே, நீ பசு மேய்க்கச் செல்லும்போது அசுரர்கள் அங்கே வந்து உன்னோடு போரிட்டால் என்ன ஆகுமோ! (இதை எண்ணியும் நாங்கள் வருந்துகிறோம்.)

]]>
https://www.dinamani.com/specials/naalthorum-nammalvaar/2018/aug/16/பத்தாம்-பத்து-மூன்றாம்-திருவாய்மொழி---பாடல்-7-2962764.html
2962763 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 6 சொ. மணியன் DIN Wednesday, August 15, 2018 12:00 AM +0530
பாடல் 6

அடிச்சியோம் தலைமிசை நீ அணியாய்
ஆழிஅம் கண்ணா, உன் கோலப்பாதம்
பிடித்து அது நடுவு உனக்கு அரிவையரும்
பலர், அது நிற்க, எம் பெண்மை ஆற்றோம்,
வடித் தடம் கண் இணை நீரும் நில்லா,
மனமும் நில்லா, எமக்கு அது தன்னாலே
வெடிப்பு நின் பசு நிரை மேய்க்கப் போக்கு,
வேம் எமது உயிர் அழல் மெழுகில் உக்கே.

கடலைப்போன்ற அழகிய கண்களையுடையவனே, அடியவர்களாகிய எங்களுடைய தலையிலே உன்னுடைய திருக்கரத்தை அணிவிப்பாய், நீ பசுக்கூட்டங்களை மேய்க்கச் செல்லும்போது உன்னுடைய அழகிய திருப்பாதங்களைப் பிடித்துவிடுவதற்குப் பல பெண்கள் இருக்கிறார்கள். அதேசமயம், உன்னைப் பிரிவதைத் தாங்கமுடியாமல் எங்கள் பெண்மை தவிக்கிறது, கூர்மையான, பெரிய கண்களிலிருந்து நிற்காமல் நீர் வழிகிறது, எங்கள் மனமும் எங்களிடம் நிற்பதில்லை, ஆகவே, நீ பசுக்கூட்டங்களை மேய்க்கப்போவதை எங்களால் தாங்கிக்கொள்ள இயலுவதில்லை, எங்களுடைய உயிர் நெருப்பில் சிக்கிய மெழுகைப்போல உருகி வேகிறது.

 

]]>
https://www.dinamani.com/specials/naalthorum-nammalvaar/2018/aug/15/பத்தாம்-பத்து-மூன்றாம்-திருவாய்மொழி---பாடல்-6-2962763.html
2962762 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 5 சொ. மணியன் DIN Tuesday, August 14, 2018 12:00 AM +0530
பாடல் 5

பணிமொழி நினைதொறும் ஆவி வேம்ஆல்,
பகல் நிரை மேய்க்கிய போய கண்ணா,
பிணி அவிழ் மல்லிகை வாடை தூவ,
பெரு மத மாலையும் வந்தின்றாலோ,
மணிமிகு மார்வினில் முல்லைப் போது என்
வன முலை கமழ்வித்து, உன் வாய் அமுதம் தந்து,
அணிமிகு தாமரைக் கையை அந்தோ,
அடிச்சியோம் தலைமிசை நீ அணியாய்.

பகல்முழுவதும் பசுக்கூட்டங்களை மேய்க்கச் சென்ற கண்ணா, உன்னுடைய பணிவான பேச்சுகளை எண்ணும்போதெல்லாம் என் உயிர் வேகிறது, பெரிய செருக்கோடு மாலைப்பொழுது வருகிறது, கட்டவிழ்ந்த மல்லிகை மலர்களை வாடைக்காற்று தூவுகிறது,  பெருமானே,  உன்னுடைய ரத்தினம் அணிந்த மார்பிலே இருந்த முல்லை மலர் என்னுடைய அழகிய மார்பகங்களை நறுமணம் கமழச்செய்யட்டும், உன்னுடைய வாய் அமுதத்தை அடியவர்களாகிய எங்களுக்குத் தருவாய், அழகிய தாமரைபோன்ற திருக்கரத்தை எங்கள் தலையிலே அணிவிப்பாய். அடடா.

]]>
https://www.dinamani.com/specials/naalthorum-nammalvaar/2018/aug/14/பத்தாம்-பத்து-மூன்றாம்-திருவாய்மொழி---பாடல்-5-2962762.html
2962761 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 4 சொ. மணியன் DIN Monday, August 13, 2018 12:00 AM +0530
பாடல் 4

தொழுத்தையோம் தனிமையும், துணை பிரிந்தார்
துயரமும் நினைகிலை, கோவிந்தா, நின்
தொழுத்தனில் பசுக்களையே விரும்பி,
துறந்து எம்மை இட்டு அவை மேய்க்கப் போதி,
பழுத்த நல் அமுதின் இன் சாற்று வெள்ளம்
பாவியேன் மனம் அகம்தோறும் உள்புக்கு
அழுத்த, நின் செங்கனி வாயின் கள்வப்
பணிமொழி நினைதொறும் ஆவி வேம்ஆல்.

கோவிந்தா, அடிமைகளாகிய எங்களுடைய தனிமையையும், துணையைப் பிரிந்து வாடுகிற எங்களுடைய துயரத்தையும் நீ நினைப்பதில்லை, தொழுவத்திலுள்ள உன்னுடைய பசுக்களைதான் விரும்புகிறாய், எங்களை விட்டுவிட்டு அவற்றை மேய்க்கச் செல்கிறாய், பழுத்த நல்ல அமுதத்தின் இனிய சாறு வெள்ளமாகப் பாய்ந்து வருவதுபோல உன்னுடைய பேச்சு, அது பாவியாகிய என்னுடைய உள்ளத்தில் நுழைந்து ஒவ்வோர் இடத்திலும் அழுத்துகிறது, உன்னுடைய செங்கனிபோன்ற திருவாயிலிருந்து வரும் கள்வத்தனமான சொற்களை நினைக்கும்போதெல்லாம் என் உயிர் வேகிறது.

]]>
https://www.dinamani.com/specials/naalthorum-nammalvaar/2018/aug/13/பத்தாம்-பத்து-மூன்றாம்-திருவாய்மொழி---பாடல்-4-2962761.html
2962760 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 3 சொ. மணியன் DIN Sunday, August 12, 2018 12:00 AM +0530
பாடல் 3

வீவன், நின் பசு நிரை மேய்க்கப் போக்கு
வெவ் உயிர் கொண்டு எனது ஆவி வேம்ஆல்,
யாவரும் துணை இல்லை, யான் இருந்து உன்
அஞ்சன மேனியை ஆட்டம் காணேன்,
போவது அன்று ஒரு பகல் நீ அகன்றால்,
பொரு கயல் கண் இணை நீரும் நில்லா,
சாவது இவ் ஆய்க்குலத்து ஆய்ச்சியோமாய்ப்
பிறந்த இத் தொழுத்தையோம் தனிமைதானே.

கண்ணா, நீ பசுக்கூட்டங்களை மேய்க்கச் சென்றால், உன்னைப் பிரிந்து என்னுடைய ஆவி பெருமூச்சு விட்டு வேகும், நான் அழிவேன், எனக்கு வேறு யாரும் துணை இல்லை, கரிய மையைப்போன்ற உன்னுடைய திருமேனியைப் பார்க்க இயலாமல் நான் தவிக்கிறேன், நீ பிரிந்துபோனால், என்னுடைய பகல் பொழுதுகள் முடியாமல் நீள்கின்றன. சண்டையிடும் மீன்களைப்போன்ற என்னுடைய கண்களிலிருந்து நீர் நிற்காமல் வழிகிறது, இந்த ஆயர் குலத்தில் ஆய்ச்சியர்களாகப் பிறந்த தொண்டர்கள் நாங்கள், எங்களுடைய தனிமைத்துயரம் தீரவேண்டும், அதற்கு நீ அருள்புரிவாய்.

]]>
https://www.dinamani.com/specials/naalthorum-nammalvaar/2018/aug/12/பத்தாம்-பத்து-மூன்றாம்-திருவாய்மொழி---பாடல்-3-2962760.html
2962759 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 2 சொ. மணியன் DIN Saturday, August 11, 2018 12:00 AM +0530  

பாடல் 2

தகவு இலை, தகவு இலையே நீ, கண்ணா,
தட முலை புணர்தொறும், புணர்ச்சிக்கு ஆராச்
சுக வெள்ளம் விசும்பு இறந்து, அறிவை மூழ்க்கச்
சூழ்ந்து, அது கனவு என நீங்கி, ஆங்கே
அக உயிர் அகம் அகம்தோறும் உள்புக்கு,
ஆவியின் பரம் அல்ல வேட்கை அந்தோ,
மிக மிக இனி உன்னைப் பிரிவை ஆமால்,
வீவ, நின் பசுநிரை மேய்க்கப் போக்கே.

கண்ணா, நீ செய்வது நியாயமில்லை, நியாயமில்லை. என்னுடைய பெரிய மார்பகங்களை அணைத்துக் கலக்கிறாய், அந்தக் கலவியின் தீராத சுக வெள்ளம் வானைக் கடந்து அறிவை மூழ்கடித்துச் சூழும்போது, அது கனவு என்பதுபோல் நீ நீங்கிச் செல்கிறாய். உயிரின் உள்ளே உள்ளே புகுந்து தாங்கமுடியாத ஆசை பெருகுகிறது, அடடா, இப்படி உன்னை நான் மிகுதியாகப் பிரிந்து வாடும்படி நீ பசுக்கூட்டங்களை மேய்க்கச் செல்கிறாய். இனி அப்படிச் செல்லாதே.

]]>
https://www.dinamani.com/specials/naalthorum-nammalvaar/2018/aug/11/பத்தாம்-பத்து-மூன்றாம்-திருவாய்மொழி---பாடல்-2-2962759.html
2962758 ஸ்பெஷல்ஸ் நாள்தோறும் நம்மாழ்வார் பத்தாம் பத்து மூன்றாம் திருவாய்மொழி - பாடல் 1 சொ. மணியன் DIN Friday, August 10, 2018 12:00 AM +0530

பாடல் 1

வேய் மரு தோள் இணை மெலியுமாலோ,
மெலிவும் என் தனிமையும் யாதும் நோக்கா
காமரு குயில்களும் கூவுமாலோ,
கண மயில் அவை கலந்து ஆலுமாலோ,
ஆ மருவின நிரை மேய்க்க நீ போக்கு
ஒரு பகல் ஆயிரம் ஊழியாலோ, தாமரைக்
கண்கள் கொண்டு ஈர்தியாலோ,
தகவு இலை, தகவு இலையே நீ கண்ணா.

கண்ணா, உன்னைப் பிரிந்து என்னுடைய மூங்கில்போன்ற தோள்கள் இரண்டும் மெலிகின்றன, என்னுடைய மெலிவையும் தனிமையையும் பார்க்காமல் அழகிய குயில்கள் கூவுகின்றன, மயில் கூட்டங்கள் கலந்து ஆடுகின்றன, பசுக்கூட்டங்களை மேய்ப்பதற்காக நீ செல்கிறாய், நீ திரும்பிவரும்வரை நான் ஏங்கிக் காத்திருக்கிறேன், ஒரு பகல் எனக்கு ஆயிரம் ஊழிக்காலங்களைப்போல் தோன்றுகிறது, தாமரைபோன்ற திருக்கண்களால் என்னைத் துன்புறுத்துகிறவனே, இது நியாயமில்லை, நியாயமில்லை.

]]>
https://www.dinamani.com/specials/naalthorum-nammalvaar/2018/aug/10/பத்தாம்-பத்து-மூன்றாம்-திருவாய்மொழி---பாடல்-1-2962758.html
2962756 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 11 சொ. மணியன் DIN Thursday, August 9, 2018 12:00 AM +0530
பாடல் - 11

அந்தம்இல் புகழ் அனந்தபுர நகர் ஆதி தன்னைக்
கொந்து அலர் பொழில் குருகூர் மாறன் சொல் ஆயிரத்துள்
ஐந்தினோடு ஐந்தும் வல்லார் அணைவர் போய் அமர் உலகில்
பைந்தொடி மடந்தையர்தம் வேய் மரு தோள் இணையே.

அளவற்ற புகழையுடைய திருவனந்தபுரம் நகரிலே அருள்புரிகிறவர், அனைத்துக்கும் முதலாகத் திகழும் எம்பெருமான், அத்தகைய பெருமானை, கொத்தாக மலர்கள் பூக்கிற சோலைகள் நிறைந்த குருகூர் மாறன் ஆயிரம் திருப்பாடல்களில் போற்றினார். அவற்றுள் இந்தப் பத்து பாடல்களையும் சொல்ல வல்லவர்கள் பரமபதத்துக்குச் செல்வார்கள், அங்கே பசிய தொடி(தோள் வளை)யை அணிந்த, மூங்கில்போன்ற தோள்களையுடைய தேவ மாதர் செய்யும் பணிவிடையை ஏற்பார்கள்.

]]>
https://www.dinamani.com/specials/naalthorum-nammalvaar/2018/aug/09/பத்தாம்-பத்து-இரண்டாம்-திருவாய்மொழி---பாடல்---11-2962756.html
2962755 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 10 சொ. மணியன் DIN Wednesday, August 8, 2018 12:00 AM +0530
பாடல் - 10

மாய்ந்து அறும் வினைகள் தாமே, மாதவா என்ன நாளும்,
ஏய்ந்த பொன் மதிள் அனந்தபுர நகர் எந்தைக்கு என்று
சாந்தொடு விளக்கம், தூபம், தாமரை மலர்கள் நல்ல
ஆய்ந்துகொண்டு ஏத்தவல்லார் அந்தம்இல் புகழினாரே.

‘மாதவா’ என்று நாள்தோறும் சொல்லிப் போற்றினால், நம்முடைய வினைகள் தாமே தொலைந்துவிடும். பொருந்திய பொன்னால் ஆன மதிள் சுவரால் சூழப்பட்ட திருவனந்தபுரத்திலே அருள்தருகிறவர் நம் தந்தை, அவருக்காகச் சந்தனமும் விளக்கும் தூபங்களும் தாமரை மலர்களும் சிறந்தவையாகத் தேர்ந்தெடுத்துக் கொண்டுவந்து அவரைப் போற்றவல்லவர்கள் எல்லையில்லாத புகழை அடைவார்கள்.

]]>
https://www.dinamani.com/specials/naalthorum-nammalvaar/2018/aug/08/பத்தாம்-பத்து-இரண்டாம்-திருவாய்மொழி---பாடல்---10-2962755.html
2962754 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 9 சொ. மணியன் DIN Tuesday, August 7, 2018 12:00 AM +0530
பாடல் - 9

நாம் உமக்கு அறியச் சொன்ன நாள்களும் நணியஆன,
சேமம் நன்கு உடைத்து, கண்டீர், செறிபொழில் அனந்தபுரம்,
தூமம் நல் விரை மலர்கள் துவள்அற ஆய்ந்துகொண்டு
வாமனன் அடிக்கு என்று ஏத்த மாய்ந்து அறும் வினைகள் தாமே.

நீங்கள் அறியும்படி நாங்கள் சொன்ன நாட்கள் நெருங்கிவிட்டன. செறிந்த பொழில்களைக்கொண்ட திருவனந்தபுரம்தான் உங்களுக்கு நன்மை தரும், அதனை அறியுங்கள். பூஜைக்கேற்ற தூபம், நல்ல, வாசனை மிகுந்த மலர்கள் போன்றவற்றைக் குற்றமில்லாதபடி ஆராய்ந்து எடுத்துக்கொண்டு அங்கே செல்லுங்கள், வாமனனான எம்பெருமானின் திருவடிகளில் அவற்றைச் சமர்ப்பித்துப் போற்றுங்கள், உங்களுடைய வினைகள் தாமே தொலைந்துவிடும்.

]]>
https://www.dinamani.com/specials/naalthorum-nammalvaar/2018/aug/07/பத்தாம்-பத்து-இரண்டாம்-திருவாய்மொழி---பாடல்---9-2962754.html
2962753 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 8 சொ. மணியன் DIN Monday, August 6, 2018 12:00 AM +0530
பாடல் - 8

கடுவினை களையல் ஆகும், காமனைப் பயந்த காளை
இடவகை கொண்டது என்பர், எழில் அணி அனந்தபுரம்,
படம் உடை அரவில் பள்ளி பயின்றவன் பாதம் காண
நடமினோ, நமர்கள் உள்ளீர், நாம் நமக்கு அறியச் சொன்னோம்.

நம்மவர்களே, மன்மதனைப் பெற்ற காளையாகிய எம்பெருமான் விரும்பி அருள்புரியும் திருத்தலம், அழகிய திருவனந்தபுரம், அங்கே படமுடைய பாம்பாகிய ஆதிசேஷன்மீது பள்ளிகொண்ட எம்பெருமானுடைய திருவடிகளைக் காண நடந்துவாருங்கள், அத்திருப்பாதங்களைக் கண்டு வணங்கினால், கொடிய வினைகளையெல்லாம் களைந்துவிடலாம், இதை நீங்கள் அறியும்படி நான் சொல்கிறேன்.

]]>
https://www.dinamani.com/specials/naalthorum-nammalvaar/2018/aug/06/பத்தாம்-பத்து-இரண்டாம்-திருவாய்மொழி---பாடல்---8-2962753.html
2962752 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 7 சொ. மணியன் DIN Sunday, August 5, 2018 12:00 AM +0530
பாடல் - 7

துடைத்த கோவிந்தனாரே உலகு, உயிர், தேவும் மற்றும்
படைத்த எம் பரம மூர்த்தி, பாம்பு அணைப் பள்ளிகொண்டான்,
மடைத்தலை வாளை பாயும் வயல் அணி அனந்தபுரம்
கடைத்தலை சீய்க்கப்பெற்றால், கடுவினை களையலாமே.

யுகத்தின் முடிவிலே அனைத்தையும் அழித்த கோவிந்தனார்தான் இந்த உலகையும் உயிர்களையும் தேவர்களையும் பிறவற்றையும் படைத்த எங்கள் பரம மூர்த்தி, ஆதிசேஷனாகிய பாம்பில் பள்ளிகொண்ட பெருமானும் அவரே, அத்தகைய பெருமான் எழுந்தருளியிருக்கும் திருத்தலம், நீர் மடைகளிலே வாளை மீன்கள் பாய்கின்ற வயல்களைக்கொண்ட அழகிய திருவனந்தபுரத்திற்குச் சென்று அவருடைய ஆலயத்தின் வாசலை அடைந்து, அந்தப் புனிதமான வாயிலைச் சுத்தம் செய்து சேவை புரிந்தால், கொடிய வினைகளையெல்லாம் களைந்துவிடலாம்.

]]>
https://www.dinamani.com/specials/naalthorum-nammalvaar/2018/aug/05/பத்தாம்-பத்து-இரண்டாம்-திருவாய்மொழி---பாடல்---7-2962752.html
2962750 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 5 சொ. மணியன் DIN Friday, August 3, 2018 12:00 AM +0530
பாடல் - 5

புண்ணியம் செய்து, நல்ல புனலொடு மலர்கள் தூவி
எண்ணுமின் எந்தை நாமம், இப்பிறப்பு அறுக்கும், அப்பால்
திண்ணம் நாம் அறியச்சொன்னோம், செறிபொழில் அனந்தபுரத்து
அண்ணலார் கமல பாதம் அணுகுவார் அமரர் ஆவார்.

புண்ணியங்களைச் செய்து, நல்ல நீரோடு மலர்களைத் தூவி, செறிந்த சோலைகள் நிறைந்த திருவனந்தபுரத்திலே அருள்புரியும் எம்பெருமானின் திருப்பெயரை எண்ணுங்கள், இந்தப் பிறவி அறுந்துபோகும், அதன்பிறகு, அந்த அண்ணலின் தாமரைத் திருப்பாதங்களை வணங்குங்கள், அப்படி வணங்கியவர்கள் அமரர்களாவார்கள், இதை நாம் உறுதியாகச் சொன்னோம்.

]]>
https://www.dinamani.com/specials/naalthorum-nammalvaar/2018/aug/03/பத்தாம்-பத்து-இரண்டாம்-திருவாய்மொழி---பாடல்---5-2962750.html
2962748 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 4 சொ. மணியன் DIN Thursday, August 2, 2018 12:00 AM +0530
பாடல் - 4

பேசுமின் கூசம் இன்றி, பெரிய நீர் வேலை சூழ்ந்து
வாசமே கமழும் சோலை வயல் அணி அனந்தபுரம்
நேசம் செய்து உறைகின்றானை நெறிமையால் மலர்கள் தூவிப்
பூசனை செய்கின்றார்கள் புண்ணியம் செய்தவாறே.

பெரிய நீர்ப்பரப்பையுடைய கடலாலே சூழப்பட்ட திருத்தலம், நறுமணம் கமழும் சோலைகள், வயல்களை அழகாகக் கொண்ட திருவனந்தபுரத்தை விரும்பி உறைகின்ற பெருமான், அவரை முறைப்படி மலர்கள் தூவிப் பூசை செய்கிறவர்கள் புண்ணியம் செய்தவர்களாவார்கள். அவர்களுடைய அந்தப் புண்ணியத்தைப்பற்றி நீங்களும் கூச்சமின்றிப் பேசுங்கள், பெருமானை வணங்குங்கள்.

]]>
https://www.dinamani.com/specials/naalthorum-nammalvaar/2018/aug/02/பத்தாம்-பத்து-இரண்டாம்-திருவாய்மொழி---பாடல்---4-2962748.html
2962747 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 3 சொ. மணியன் DIN Wednesday, August 1, 2018 12:00 AM +0530
பாடல் - 3

ஊரும் புள், கொடியும் அஃதே, உலகு எல்லாம் உண்டு உமிழ்ந்தான்
சேரும் தண் அனந்தபுரம் சிக்கெனப் புகுதிர் ஆகில்,
தீரும் நோய், வினைகள் எல்லாம், திண்ணம், நாம் அறியச்சொன்னோம்,
பேரும் ஓர் ஆயிரத்துள் ஒன்று நீர் பேசுமினே
.

எம்பெருமான் கருடனை வாகனமாகக் கொண்டவர், அவருடைய கொடியும் கருடன்தான். அவர் உலகையெல்லாம் உண்டு, உமிழ்ந்தவர், அத்தகைய பெருமான் சேர்ந்திருக்கும் திருவனந்தபுரத்துக்கு விரைவில் சென்று வணங்குங்கள், அவருடைய ஆயிரம் திருப்பெயர்களில் ஒன்றைப் பேசி வணங்குங்கள், அப்படி வணங்கினால் உங்களுடைய நோய்கள், வினைகள் அனைத்தும் தீர்ந்துபோகும், இது நிச்சயம், இதனை எல்லாரும் அறியும்படி நாம் சொன்னோம்.

]]>
https://www.dinamani.com/specials/naalthorum-nammalvaar/2018/aug/01/பத்தாம்-பத்து-இரண்டாம்-திருவாய்மொழி---பாடல்---3-2962747.html
2962742 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 2 சொ. மணியன் DIN Tuesday, July 31, 2018 12:00 AM +0530
பாடல் - 2

இன்று போய்ப் புகுதிர் ஆகில், எழுமையும் ஏதம் சாரா,
குன்றுநேர் மாடம் மாடே குருந்து சேர் செருந்தி, புன்னை
மன்று அலர் பொழில் அனந்தபுரநகர் மாயன் நாமம்
ஒன்றும் ஓர் ஆயிரமாம் உள்ளுவார்க்கு உம்பர் ஊரே.

எம்பெருமான் அருள்புரியும் திருவனந்தபுரத்துக்கு இன்றே செல்லுங்கள், எம்பெருமானை வணங்குங்கள், உங்களுக்கு ஏழேழ் பிறவிகளிலும் எந்தத் துன்பமும் வராது. குன்றுகளைப்போன்ற மாடங்களுக்கு அருகே குருந்தமரங்கள், செருந்திமரங்கள், புன்னைமரங்கள் போன்றவை நறுமணத்தோடு மலர்கின்ற திருவனந்தபுரத்துப் பெருமான், மாயனுடைய திருப்பெயர்களில் ஏதேனும் ஒன்றை நினைத்தாலே போதும், அது ஆயிரம் திருப்பெயர்களைச் சொன்ன பலனைத் தரும், பரமபதம் கிடைக்கும்.

]]>
https://www.dinamani.com/specials/naalthorum-nammalvaar/2018/jul/31/பத்தாம்-பத்து-இரண்டாம்-திருவாய்மொழி---பாடல்---2-2962742.html
2962741 ஸ்பெஷல்ஸ் நாள்தோறும் நம்மாழ்வார் பத்தாம் பத்து இரண்டாம் திருவாய்மொழி - பாடல் - 1 சொ. மணியன் DIN Monday, July 30, 2018 12:00 AM +0530

பாடல் - 1

கெடும் இடர் ஆய எல்லாம், கேசவா, என்ன, நாளும்
கொடுவினை செய்யும் கூற்றின் தமர்களும் குறுககில்லார்,
விடம் உடை அரவில் பள்ளி விரும்பினான் சுரும்பு அலற்றும்
தடம் உடை வயல் அனந்தபுரநகர் புகுதும் இன்றே.

விஷமுள்ள ஆதிசேஷன் என்கிற பாம்பிலே பள்ளிகொள்ளுதலை விரும்பிய பெருமானுடைய திருத்தலம், வண்டுகள் ஒலிக்கிற நீர்நிலைகள், வயல்களைக்கொண்ட திருவனந்தபுரத்துக்கு இன்றே செல்வோம், ‘கேசவா’ என்று சொல்வோம், நம்முடைய இடர்களெல்லாம் கெடும், தினந்தோறும் கொடிய வினைகளைச் செய்கிற எமதூதர்களும் நம்மை நெருங்கமாட்டார்கள்.

]]>
https://www.dinamani.com/specials/naalthorum-nammalvaar/2018/jul/30/பத்தாம்-பத்து-இரண்டாம்-திருவாய்மொழி---பாடல்---1-2962741.html
2962740 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 11 சொ. மணியன் DIN Sunday, July 29, 2018 12:00 AM +0530
பாடல் 11

ஏத்துமின் நமர்காள் என்று தான் குடம் ஆடு
கூத்தனைக் குருகூர்ச் சடகோபன் குற்றேவல்கள்
வாய்த்த ஆயிரத்துள் இவை வண் திருமோகூர்க்கு
ஈத்து பத்து, இவை ஏத்த வல்லார்க்கு இடர் கெடுமே.

குடக்கூத்து ஆடிய கூத்தனைப் போற்றுங்கள் என்று நம்மவர்களுக்குச் சொல்லிக் குருகூர்ச் சடகோபன் ஆயிரம் திருப்பாடல்களைப் பணிவோடு சமர்ப்பித்தார், அவற்றில் இந்தப் பத்து பாடல்களும் வளம் மிகுந்த திருமோகூர்மீது பாடப்பட்டவை, இவற்றை யார் பாடுகிறார்களோ, அவர்களுடைய இடர் கெடும்.

]]>
https://www.dinamani.com/specials/naalthorum-nammalvaar/2018/jul/29/பத்தாம்-பத்து-முதல்-திருவாய்மொழி----பாடல்-11-2962740.html
2962739 ஸ்பெஷல்ஸ் நாள்தோறும் நம்மாழ்வார் பத்தாம் பத்து முதல் திருவாய்மொழி  - பாடல் 10 சொ. மணியன் DIN Saturday, July 28, 2018 12:00 AM +0530
பாடல் 10

நாம் அடைந்த நல் அரண் நமக்கு என்று நல் அமரர்
தீமை செய்யும் வல் அசுரரை அஞ்சிச் சென்று அடைந்தால்
காம ரூபம் கொண்டு எழுந்து அளிப்பான் திருமோகூர்
நாமமே நவின்று எண்ணுமின், ஏத்துமின் நமர்காள்.

நம்மவர்களே, நல்ல அமரர்களுக்கு வலிமையான அசுரர்கள் தீமை செய்கிறபோது, அந்த அமரர்கள் அச்சம் கொள்வார்கள், ‘நமக்குக் காப்பு எம்பெருமான்தான்’ என்று திருமாலைச் சென்று வணங்குவார்கள், அவர் உடனே எழுவார், தனக்கு விருப்பமான உருவத்தை எடுத்துச்சென்று அவர்களைக் காப்பார், அத்தகைய பெருமான் எழுந்தருளியிருக்கும் திருமோகூரின் திருப்பெயரைப் பாடுங்கள், நினையுங்கள், போற்றுங்கள்.

]]>
https://www.dinamani.com/specials/naalthorum-nammalvaar/2018/jul/28/பத்தாம்-பத்து-முதல்-திருவாய்மொழி----பாடல்-10-2962739.html