சுடச்சுட

    

    "கன்னடம் கற்க பிற மொழியினரும்  ஆர்வம் காட்ட வேண்டும்'

    By  பெங்களூரு,  |   Published on : 04th November 2013 11:54 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கர்நாடகத்தில் பிற மொழியினரும் கன்னடம் கற்க ஆர்வம் காட்ட வேண்டும் என்று, அந்த மாநில முன்னாள் அமைச்சரும், எம்.எல்.ஏ.வுமான டி.கே.சிவக்குமார் கேட்டுக் கொண்டார்.
     ஒபினியன் எக்ஸ்பிரஸ், டிரீம்ஸ் ஜிகே நிறுவனம் ஆகியவை சார்பில், பெங்களூருவில் அண்மையில் நடைபெற்ற விழாவில் இலவச கன்னட பயிற்சி மையத்தைத் திறந்துவைத்து அவர் பேசியது:
     கன்னட மொழியின் வளர்ச்சியில் அனைவரும் கவனம் செலுத்த வேண்டும். கர்நாடகத்தின் ஆட்சி மொழியாக உள்ள கன்னடத்தை கற்க பிற மொழி மக்களும் ஆர்வம் காட்ட வேண்டும். கர்நாடகத்தில் கன்னடத்தில் மட்டுமே பேச வேண்டும். அப்போதுதான், கன்னட மொழி வளர்ச்சி பெறும். கர்நாடகத்தில் வாழும் பிற மொழியைச் சேர்ந்த மக்களுக்கு கன்னடம் கற்பிக்க மாநில அரசு திட்டம் வகுக்க வேண்டும் என்றார் அவர்.
     விழாவில் கே.ஆர்.ஜி. குழுமத் தலைவர் திவாகர் ஷெட்டி பேசியது:
     பெங்களூரு முழுவதும் கன்னடப் பயிற்சியை வழங்குவதற்காக 15 பள்ளி, கல்லூரிகளுடன் ஒப்பந்தம் செய்து கொண்டுள்ளோம். இந்த மையங்களில் வாரந்தோறும் சனி, ஞாயிற்றுக்கிழமைகளில் கன்னட வகுப்புகள் இலவசமாக நடத்தப்படும்.
     இதில் பிற மொழியைச் சேர்ந்தவர்கள் கலந்து கொண்டு கன்னடம் கற்கலாம். பயிற்சியில் சேர விரும்புவோர் முன்பதிவு செய்து கொள்ள வேண்டும் என்றார் அவர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai