ஜனநாயகத்தைப் பாதுகாக்க பத்திரிகைகளின் பங்களிப்பு முக்கியம்

நமது நாட்டின் ஜனநாயகத்தைப் பாதுகாக்க பத்திரிகைகளின் பங்களிப்பு முக்கியம் என்று மாநில போக்குவரத்துத் துறை அமைச்சர் ராமலிங்க ரெட்டி தெரிவித்தார்.

கர்நாடக செய்தித் துறை, கர்நாடக ஊடக அகாதெமி கூட்டாக பெங்களூருவில் சனிக்கிழமை நடத்திய கருத்தரங்கை தொடக்கிவைத்து அவர் பேசியது:

இந்தியர்களிடையே சுதந்திர வேட்கையை ஏற்படுத்துவதற்காக காந்தியடிகள் ஹரிஜன் பத்திரிகையை நடத்தினார்.

இந்திய சுதந்திரத்துக்குப் பிறகு பத்திரிகைகள் சுதந்திரமாக செயல்பட்டு வருகின்றன. நமது நாட்டின் ஜனநாயகத்தைப் பாதுகாக்க பத்திரிகைகளின் பங்களிப்பு மிகவும் முக்கியம் என்றார் அவர்.

கருத்தரங்கில் காந்தியடிகளின் பேத்தி சுமித்ரா காந்தி குல்கர்னி, ரோஷன் பெய்க் எம்.எல்.ஏ., செய்தித் துறை துணை இயக்குநர் பிருங்கேஷ் உள்ளிட்டோர் கலந்துகொண்டனர்.