ரயில் புறப்படும் நேரத்தில் மாற்றம்

தென்மேற்கு ரயில்வே கட்டுப்பாட்டில் இயக்கப்படும் ஒருசில ரயில்கள் புறப்படும் நேரத்தில் மாற்றம் செய்யப்பட்டுள்ளது.
இதுகுறித்து தென்மேற்கு ரயில்வே வெளியிட்ட செய்திக் குறிப்பு:
மைசூரு-பெங்களூரு, சென்னப்பட்டணா-கோலார் இடையிலான ரயில் நேரத்தில் மாற்றம் செய்யப்பட்டுள்ளது. இந்த மாற்றம் ஜூன் 12-ஆம் தேதி முதல் அமல்படுத்தப்படுகிறது. ரயில் எண்-12613- மைசூரு-பெங்களூரு திப்பு விரைவு ரயில் மைசூரில் காலை 11.30 மணிக்குப் புறப்பட்டு, மண்டியா ரயில் நிலையத்திற்கு நண்பகல் 12.09 மணிக்கு வந்தடையும்.
பின்னர், நண்பகல் 12.10 மணிக்கு அங்கிருந்து புறப்பட்டு, பெங்களூரை பிற்பகல் 2 மணிக்கு வந்தடைகிறது. ரயில் எண்-76525-சென்னப்பட்டணா-கோலார் டிஎம்யூ பயணியர் ரயில் சென்னப்பட்டணாவில் இருந்து கோலாருக்கு இரவு 9.30 மணிக்கு வந்து சேரும்.
சென்னப்பட்டணா, ஜனகட்டா ரயில் நிலையங்களில் இருந்து புறப்படும் நேரத்தில் எவ்வித மாற்றமும் இல்லை என்று அதில் கூறப்பட்டுள்ளது.