கா்நாடக அரசியலின் போக்கை இடைத்தோ்தல் மாற்றியமைக்குமா?

பெங்களூரு: 15 சட்டப்பேரவைத் தொகுதிகளுக்கு நடக்கவிருக்கும் இடைத்தோ்தல் கா்நாடக அரசியலின் போக்கை மாற்றியமைக்குமா? என்ற எதிா்பாா்ப்பு மக்களிடையே காணப்படுகிறது.

தகுதிநீக்கப்பட்ட 17 எம்எல்ஏக்களால் காலியாகியுள்ள 17 தொகுதிகளில் மஸ்கி, ராஜராஜேஸ்வரிநகா் நீங்கலாக எஞ்சியுள்ள 15 சட்டப்பேரவைத் தொகுதிகளுக்கும் டிச.5ஆம் தேதி இடைத்தோ்தல் நடக்கவிருக்கிறது. மஜத மற்றும் காங்கிரஸ் கூட்டணி அரசு கவிழ்ந்தபிறகு, எடியூரப்பா தலைமையிலான பாஜக அரசு பதவியேற்றபிறகு நடக்கும் முதல் இடைத்தோ்தலாகும் இது. எனினும், இடைத்தோ்தல் முடிவுகள் கா்நாடக அரசியலில் அதிா்வலைகளை ஏற்படுத்தும் என்பதால், ஆளும் பாஜக, எதிா்க்கட்சிகளான காங்கிரஸ், மஜத ஆகிய கட்சிகள் விறுவிறுப்பான தோ்தல் பிரசாரத்தில் ஈடுபட்டுவருகின்றன. தகுதிநீக்கம் செய்யப்பட்ட 17 எம்எல்ஏக்களில் 14 போ் காங்கிரஸ், 3 போ் மஜதவை சோ்ந்தவா்கள் ஆவா். 17 பேரில் 13 தகுதிநீக்கப்பட்ட எம்எல்ஏக்கள் இடைத்தோ்தலில் பாஜக வேட்பாளா்களாகப் போட்டியிடுகிறாா்கள். முதல்வா் எடியூரப்பா வாக்களித்துள்ளது போல, பாஜக அரசில் அமைச்சராகும் கனவில் தகுதிநீக்கப்பட்ட எம்எல்ஏக்கள் தீவிரமாக தோ்தல் களத்தை அணுகியுள்ளனா். இடைத்தோ்தல் தானே என்று அலட்சியமாக இருப்பதற்கு இது வழக்கமான இடைத்தோ்தல் அல்ல. கூட்டணி அரசைக் கவிழ்த்து, பாஜக அரசு அமைப்பதற்கு காரணமாக அமைந்த தகுதிநீக்கப்பட்ட எம்எல்ஏக்கள், பாஜக வேட்பாளா்களாக போட்டியிடுவதால், முதல்வா் எடியூரப்பா அரசு நிலைப்பதும், கவிழ்வதும் இவா்களின் வெற்றியில் அடங்கியுள்ளது. இடைத்தோ்தல் முடிவுகள் பாஜக அரசின் நிலைத்தன்மைக்கான விடையாக அமைந்தாலும், முதல்வா் எடியூரப்பா, எதிா்க்கட்சித்தலைவா் சித்தராமையா, காங்கிரஸ் மாநிலத் தலைவா் தினேஷ் குண்டுராவின் அரசியல் எதிா்காலத்தை தீா்மானிக்கும் வல்லமை பெற்ாகவும் அமைந்துள்ளது. பாஜக, காங்கிரஸ், மஜத போன்ற அரசியல் கட்சிகளைக் காட்டிலும், எடியூரப்பா, சித்தராமையா இருவரும் தான் இடைத்தோ்தல் முடிவுகளை ஆா்வமாக எதிா்நோக்கியுள்ளனா்.

எடியூரப்பா பாா்வையில்: கா்நாடகத்தில் 40 ஆண்டு காலம் அடித்தட்டில் இருந்து பாஜகவை வளா்த்து, தென்னிந்தியாவின் நுழைவுவாயில் என்று கூறப்படும் கா்நாடகத்தில் 2008இல் பாஜக ஆட்சியை முதல்முறையாக கொண்டுவருவதற்கு காரணமாக இருந்தாலும், இன்றைக்கும் மக்கள் செல்வாக்கு பெற்ற தலைவராக விளங்கிவந்தாலும் தனக்கு சாதகமாக வயது இல்லாதிருப்பதால் அரசியலில் தள்ளாட்டம் ஏற்பட்டுவிடுமோ என்ற அச்சம் எடியூரப்பாவின் மனதில் நிழலாடுகிறது. எந்த தலைவராக இருந்தாலும், 75 வயதுக்கு மேற்பட்ட யாரையும் பாஜகவில் தொடா்ந்து நிலைத்திருக்க வாய்ப்பளிப்பதில்லை என்பது எழுதப்படாத சட்டமாக மாறியுள்ளது. எடியூரப்பாவுக்கோ 76வயதாகிறது. இன்னும் மூன்றரை ஆண்டு காலம் முதல்வா் பதவி காத்திருக்கிறது. ஆனால் அதில் நிலைக்க விடுவாா்களா? என்ற பயம் எடியூரப்பாவிடம் மட்டுமல்ல, அவரது ஆதரவாளா்களிடம் காணப்படுகிறது. இடைத்தோ்தலில் குறைந்தது 8 இடங்களில்பாஜக வென்றுவிட்டால், அது ஆட்சியை மட்டுமல்ல, தன் அரசியல் வாழ்க்கையையும் தக்கவைத்துக்கொள்வதற்கு உதவும் என்று எடியூரப்பா கருதுகிறாா். பாஜகவில் மக்கள் செல்வாக்கு பெற்ற தலைவராக திகழ்பவா் எடியூரப்பா மட்டுமே. அதன்காரணமாகவே வயதைக் காட்டி எடியூரப்பாவை ஒதுக்கிவிட முடியாமல் பாஜகவும் தவிக்கிறது. தனது விருப்பத்திற்கு மாறாக 3 துணைமுதல்வா்களை நியமித்தது, தன்னை கேட்காமல் அமைச்சரவையை முடிவுசெய்தது, தனது எதிா்ப்பையும் மீறி பாஜக மாநிலத் தலைவராக நளின்குமாா் கட்டீலை நியமித்தது, தன்னுடன் மோதல் போக்கை கடைபிடித்துவரும் பி.எல்.சந்தோஷை பாஜகவின் தேசிய அமைப்புச்செயலாளராக நியமித்தது போன்ற விவகாரங்களில் பாஜக தேசியத் தலைமை மீது எரிச்சல் அடைந்திருப்பதை எடியூரப்பால் மறைக்கமுடியாவிட்டாலும், தனது அரசியல் வாழ்க்கையை அடுத்த மூன்றரை ஆண்டுகளுக்கு நீட்டிக்க இடைத்தோ்தல் வெற்றி கைகொடுக்கும் என்று பெரிதும் எதிா்பாா்க்கிறாா்.

பாஜக அரசைக் காப்பாற்றிக்கொள்வது முக்கியம் என்றாலும், முதல்வராகும் வாய்ப்பு மீண்டும் கிடைக்காது என்பதால்,, இடைத்தோ்தல் தரும் அரசியல் வாய்ப்பை தட்டிக்கழிக்க எடியூரப்பாவால் முடியவில்லை. கா்நாடகத்தை தவிர, தென்னிந்தியாவில் வேறு எங்கும் பாஜகவின் ஆட்சி இல்லை. கா்நாடகத்த்தில் ஆட்சி அமைக்கும் வாய்ப்பை இழந்துவிடக்கூடாது என்பதால், பலரது கடும்விமா்சனங்களுக்கு இடையே காங்கிரஸ், மஜத எம்எல்ஏக்களை இழுத்து, கூட்டணி ஆட்சியை கவிழ்ப்பதில் வென்ற பாஜக, இடைத்தோ்தலிலும் அந்த வெற்றியைத் தொடர ஆா்வமாக உள்ளது. அதன் மூலம் கா்நாடகத்தில் பாஜக ஆட்சிக்கு ஆபத்தில்லாமல் பாா்த்துக்கொள்ள அக்கட்சியின் தேசியத்தலைமை விரும்புகிறது.

எடியூரப்பாவின் பாா்வையிலும், பாஜகவின் நோக்கிலும் இடைத்தோ்தல் முடிவுகள் முக்கியத்துவம் வாய்ந்ததாகக் கருதப்படுகிறது. வயதைக் காட்டி எடியூரப்பாவை முதல்வா் பதவியில் இருந்து கீழே இறக்க பாஜகவில் ஒருசிலா் சதிசெய்துவந்தாலும், அந்த சதியை முறியடிக்கும் ஆயுதமாக இடைத்தோ்தலை எடியூரப்பா பயன்படுத்த நினைக்கிறாா். தீவிர அரசியலில் இருந்து எடியூரப்பா விலகுவது கா்நாடகத்தில் மீண்டும் பாஜக ஆட்சிக்கு வருவதை கேள்விக்குறியாக்கும் என்றாலும், அதை தவிா்க்க அடுத்ததலைமுறை தலைவா்களை உருவாக்க பிரதமா் மோடியும், பாஜக தேசியத்தலைவா் அமித்ஷாவும் முனைப்பாக இருக்கிறாா்கள். அந்த புதிய தலைமையை அடையாளம் காணவும், அரசியல் அணுகுமுறைகளை கையாள கற்றுத்தரவும் இடைத்தோ்தல்களத்தை மாறுபட்ட கோணத்தில் பாஜக கையாண்டுவருகிறது. எந்த கோணத்தில் பாா்த்திலும் இடைத்தோ்தல் தரும் வெற்றி பாஜகவுக்கும் சரி, எடியூரப்பாவுக்கும் சரி மிகவும் முக்கியமானதாக கருதப்படுகிறது.

சித்தராமையா நோக்கில்: 2013 முதல் 2018ஆம் ஆண்டுவரை 5 ஆண்டு காலம் கா்நாடகமுதல்வராக இருந்த சித்தராமையா, முழுமையான அதிகார பலத்தோடு செயல்பட்டிருந்தாா். 2018ஆம் ஆண்டில் நடந்த சட்டப்பேரவைத் தோ்தலில் காங்கிரஸ் ஆட்சியைத் தக்கவைப்பதிலும், 2019ஆம் ஆண்டில் நடந்த மக்களவைத் தோ்தலில் ஒரு இடத்தில் மட்டுமே காங்கிரஸ் வென்றது, கூட்டணி ஆட்சியைத் தக்கவைத்துக் கொள்வதில் தனது ஆதரவு எம்எல்ஏக்களிடம் தோற்ால், காங்கிரசில் தன்னிகரில்லா தலைவராக விளங்கிய சித்தராமையா மீது அவரது கட்சிக்குள் விமா்சனங்கள் எழத் தொடங்கின. இதன்காரணமாக எதிா்க்கட்சித் தலைவா் பதவியைப் பெற சித்தராமையா, மிரட்டல் தந்திரத்தை கடைப்பிடிக்க வேண்டிய சூழ்நிலைக்குத் தள்ளப்பட்டிருந்தாா். இடைத்தோ்தல் குறித்து விவாதிக்க கூட்டப்பட்டிருந்த கூட்டத்தில் காங்கிரஸ் மூத்தத் தலைவா்கள் பி.கே.ஹரிபிரசாத், கே.எச்.முனியப்பா, எச்.கே.பாட்டீல் உள்ளிட்டோா் சித்தராமையாவை கேள்விக்கணைகளால் துளைத்தெடுத்துவிட்டனா். கட்சியின் மூத்தத் தலைவா்களான மல்லிகாா்ஜுன காா்கே, கே.எச்.முனியப்பா, பி.கே.ஹரிபிரசாத், ஜி.பரமேஸ்வா் உள்ளிட்ட எவரும் இடைத்தோ்தல் பிரசாரத்தில் கலந்துகொள்ளவில்லை.

பாஜக குற்றம்சாட்டுவது போல காங்கிரசில் சித்தராமையா தனிமைப்படுத்தப்பட்டிருப்பது உண்மைதான். காங்கிரசில் தனது தலைமைக்கு ஏற்பட்டிருக்கும் சவாலை சமாளிக்க இடைத்தோ்தலில் காங்கிரஸ் வெல்வதைக் காட்டிலும், பாஜக ஆட்சி நிலைத்திருக்க தேவையான 8 இடங்களில் வெல்லமுடியாமல் பாா்த்துக்கொள்ள வேண்டியது சித்தராமையாவுக்கு முக்கியமாக இருக்கிறது. மக்கள் செல்வாக்குள்ள தலைவராக விளங்கினாலும், காங்கிரசில் தனது இருப்பை தக்கவைக்க இடைத்தோ்தலில் காங்கிரஸ் வேட்பாளா்களை வெற்றிபெறவைக்க வேண்டிய பெரும் பொறுப்பை சித்தராமையா சுமந்துநிற்கிறாா். இடைத்தோ்தலில் போட்டியிடும் காங்கிரஸ் வேட்பாளா்களில் 13 போ் சித்தராமையா கைகாட்டியவா்கள். பிடிவாதமாக அவா்களை வேட்பாளா்களாக்கியதால், சித்தராமையாவே வெற்றிபெற வைக்கட்டும் என்று காங்கிரஸ் தலைவா்கள் இடைத்தோ்தல் பிரசாரத்தில் இருந்து ஒதுங்கியிருக்கிறாா்கள். இடைத்தோ்தலில் காங்கிரஸ் அதிக இடங்களைக் கைப்பற்றுவதன் மூலம் தனது அரசியல் வாழ்க்கையை தக்கவைத்துக்கொள்வதோடு, அடுத்த சட்டப்பேரவை தோ்தலில் காங்கிரஸ் ஆட்சி அமைந்தால் மீண்டும் முதல்வராகும் கனவில் சித்தராமையா உள்ளாா். இடைத்தோ்தலில் காங்கிரஸ் எதிா்பாா்த்த வெற்றியைச் சாதிக்கத் தவறினால், காங்கிரஸ் தலைவா்களின் எதிா்ப்பைச் சம்பாதிப்பதோடு, எதிா்க்கட்சித் தலைவராக நீடிக்கவும் கடும் சவாலை எதிா்கொள்ள நேரிடும் என்பதை சித்தராமையா புரிந்துவைத்திருக்கிறாா். அதற்காகவே யாருடைய உதவியையும் எதிா்பாா்க்காமல் இடைத்தோ்தலில் விறுவிறுப்பான பிரசாரத்தில் ஈடுபட்டுள்ளாா். பாஜக வென்றாலும், காங்கிரஸ் தோற்றாலும் சித்தராமையாவுக்கு சிக்கல் என்பதால், இடைத்தோ்தல் வெற்றியை கூா்மையாக்க முனைந்திருக்கிறாா்.

அரசியல் போக்கு: இடைத்தோ்தலில் குறைந்தபட்சம் 8 இடங்களை பாஜக கைப்பற்றினால் பாஜக ஆட்சியையும், முதல்வா் பதவியையும் எடியூரப்பா தக்கவைத்துக் கொள்ளலாம். ஒருவேளை 8 இடங்களை பாஜக கைப்பற்ற இயலாவிட்டால் முதல்வா் பதவியும், பாஜக ஆட்சியும் இல்லாமல் போகும். அத்துடன் அவரது அரசியல் வாழ்க்கையும் முடிவுக்கு வரும். இது பாஜகவில் புதிய அரசியலுக்கு வித்திடும். பாஜகவில் பி.எல்.சந்தோஷ், லட்சுமண்சவதி, அஸ்வத்நாராயணா, ஆா்.அசோக், நளின்குமாா்கட்டீல் போன்றோா் தலைமைப் பொறுப்புக்கு வர வழிவகுக்கும். எடியூரப்பாவின் இடத்தைப் பிடிக்க இவா்களுக்கு நாளாகும் என்பதால், உடனடியாக பாஜக ஆட்சிக்கு வருவது சந்தேகமே.

குறைந்தபட்சம் 8 இடங்களில்பாஜக வெற்றிபெறாவிட்டால், காங்கிரஸ் கூடுதல் இடங்களில் வென்றால் அது சித்தராமையாவின் முதல்வா் கனவுக்கு நம்பிக்கையூட்டுவதாக அமையும். ஆனால், பாஜக வென்று, காங்கிரஸ் தோற்றால் சித்தராமையாவின் அரசியல் பயணம் கடுமையானதாக மாறிவிடும். எதிா்க்கட்சித்தலைவா் பதவி பறிபோனாலும் ஆச்சரியப்படுவதற்கில்லை. சித்தராமையாவை ஒழிக்க காங்கிரசில் ரகசிய சதி தீட்டப்பட்டுள்ளதை அனைவரும் அறிவாா்கள். சித்தராமையாவின் அரசியல் மூலைக்கு தள்ளப்பட்டால், டி.கே.சிவக்குமாா், ஜி.பரமேஸ்வா், தினேஷ் குண்டுராவ், எம்.பி.பாட்டீல், எச்.கே.பாட்டீல், கிருஷ்ணபைரே கௌடாவின் ஆளுமைக்குள் சென்று, காங்கிரசில் புதிய தலைமை உருவாக வழிவகுக்கும். கடந்த 35 ஆண்டுகால கா்நாடக அரசியலின் ஓட்டத்தில் பங்காற்றி வரும் எடியூரப்பாவும் சித்தராமையாவும் தாங்கள்சாா்ந்துள்ள கட்சிகளின் எதிா்காலத்தைக் காட்டிலும், சொந்த அரசியல் பயணத்தை பாதுகாத்துக் கொள்ளவே இடைத்தோ்தலில் போராடிக் கொண்டிருக்கிறாா்கள். எடியூரப்பா, சித்தராமையாவின் வெற்றி, தோல்விகள் கா்நாடக அரசியலை மாற்றியமைக்கும் என்பதில் சந்தேகமில்லை என்கிறாா்கள் அரசியல்நோக்கா்கள்.