சுடச்சுட

    

    கர்நாடக பொது நுழைவுத் தேர்வு: தேர்வுக் கால அட்டவணை வெளியீடு

    By DIN  |   Published on : 13th January 2019 03:57 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!


    கர்நாடக பொது நுழைவுத் தேர்வுக்கான கால அட்டவணை வெளியிடப்பட்டுள்ளது.
    இதுகுறித்து கர்நாடக தேர்வு ஆணையம் வெளியிட்டுள்ள செய்திக்குறிப்பு: 2019-20-ஆம் கல்வியாண்டில் பொறியியல், தொழில்நுட்பம், பண்ணை அறிவியல், பிஎஸ்.சி. ( விவசாயம், வேளாண் தொழில்நுட்பம், வேளாண் சந்தைப்படுத்தல், கூட்டுறவு, மனை அறிவியல், பட்டுவளர்ப்பு, காடுவளர்ப்பு, தோட்டக்கலை, சமுதாய அறிவியல்) பிவிஎஸ்சி (கால்நடை), பிடெக் (வேளாண் பொறியியல், உணவு தொழில்நுட்பம், பால்பண்ணை தொழில்நுட்பம், மீன்வளம், உணவு அறிவியல்) பி.ஃபார்ம், டி.ஃபார்ம், ஆயுஷ் (ஆயுர்வேதம், ஹோமியோபதி, யுனானி, நேச்சுரோபதி, யோகா) ஆகிய படிப்புகளை வழங்கும் கல்லூரிகளில் சேருவதற்காக மாணவர்களை தெரிவு செய்வதற்கு கர்நாடக அரசின் உத்தரவின்பேரில், கர்நாடக பொது நுழைவுத் தேர்வுகளை கர்நாடக தேர்வு ஆணையம் நடத்தி வருகிறது. இதற்கான தேர்வு கால அட்டவணை பின்வருமாறு அதிகாரப்பூர்வமாக அறிவிக்கப்பட்டுள்ளது. 
    தேர்வு காலஅட்டவணை வருமாறு: ஏப். 23-இல் காலை 10.30 மணி முதல் காலை 11.50 மணி வரை உயிரியல், அன்று பிற்பகல் 2.30 மணி முதல் மாலை 3.50 மணி வரை கணிதம், ஏப். 24-இல் காலை 10.30 மணி முதல் காலை 11.50 மணி வரை இயற்பியல், அன்று பிற்பகல் 2.30 மணி முதல் மாலை 3.50 மணி வரை வேதியியல், வெளி மாநில மற்றும் எல்லைப் பகுதி கன்னடர்களுக்காக ஏப். 25-ஆம் தேதி காலை 11.30 முதல் நண்பகல் 12.30 மணி வரை கன்னட மொழிப் பாடங்களுக்கான தேர்வு நடைபெறுகிறது. உயிரியல், கணிதம், இயற்பியல், வேதியியல் பாடங்களுக்கு தலா 60 மதிப்பெண்களும், கன்னட மொழிக்கு 50 மதிப்பெண்களும் வழங்கப்படும்.
    மருத்துவம் மற்றும் பல் மருத்துவத்துக்கான கல்லூரிகளில் சேர விரும்புவோர் சிபிஎஸ்இ நடத்தும் தேசிய தகுதிகாண் மற்றும் பொது நுழைவுத் தேர்வை (நீட்) எழுத வேண்டும். கட்டடக்கலை பட்டப்படிப்பில் சேரவிரும்புவோர் கூட்டு நுழைவுத் தேர்வில் (ஜேஇஇ) இரண்டாம்தாள் அல்லது தேசிய கட்டடக்கலை திறனறித் தேர்வை எழுத வேண்டும். மேலும் விவரங்களுக்கு  இணையதளத்தில் காணலாம்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai