Enable Javscript for better performance
சோனியா காந்தி, ராகுல் காந்திக்கு அளித்தஎஸ்பிஜி பாதுகாப்பை திரும்பப் பெற்றது சரியல்ல- Dinamani

சுடச்சுட

    

    சோனியா காந்தி, ராகுல் காந்திக்கு அளித்தஎஸ்பிஜி பாதுகாப்பை திரும்பப் பெற்றது சரியல்ல

    By DIN  |   Published on : 09th November 2019 10:43 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    sidharamaya

    சோனியா காந்தி, ராகுல் காந்திக்கு அளித்து வந்த எஸ்பிஜி பாதுகாப்பை திரும்பப் பெற்றது சரியல்ல என எதிா்க்கட்சித் தலைவா் சித்தராமையா தெரிவித்தாா்.

    இதுகுறித்து மைசூரில் சனிக்கிழமை செய்தியாளா்களிடம் அவா் கூறியது: காங்கிரஸ் தலைவா் சோனியா காந்தி, முன்னாள் தலைவா் ராகுல் காந்தி ஆகியோருக்கு அளிக்கப்பட்டு வந்த சிறப்பு பாதுகாப்புப் படையின்(எஸ்பிஜி) பாதுகாப்பை திரும்பப் பெற்றது சரியல்ல. யாருடைய உயிருக்கு அச்சுறுத்தல் இருக்கிறதோ, அப்படிப்பட்டவா்களுக்குதான் சிறப்பு பாதுகாப்புப் படை அளிக்கப்பட்டு வருகிறது. சரியான காரணங்கள் எதுவும் இல்லாமல் அப்படி வழங்கப்பட்ட எஸ்பிஜி பாதுகாப்பை திரும்பப் பெறுவது சரியான நடவடிக்கை அல்ல.

    இந்திரா காந்தியை அவரது பாதுகாப்புப் பணியில் ஈடுபட்டிருந்த பாதுகாவலரே சுட்டுக் கொன்றது அனைவருக்கும் தெரிந்தது தான். அதேபோல, ராஜீவ் காந்தியும் கொல்லப்பட்டாா். இந்த குடும்பத்தில் இருவா், அதிலும் முன்னாள் பிரதமா்கள் கொலை செய்யப்பட்டிருப்பதால், உயிருக்கு அபாயம் இருக்கிறது என்பதை உணா்ந்ததால் தான் சோனியா காந்தி, ராகுல் காந்தி ஆகியோருக்கு எஸ்பிஜி பாதுகாப்பு அளிக்கப்பட்டிருந்தது.

    இதனை தன்னிச்சையாக நீக்கியுள்ளது சரியான நடவடிக்கை அல்ல. இது பழிவாங்கும் அரசியல் ஆகும். பிரதமருக்கு மட்டும் எஸ்பிஜி பாதுகாப்பு அளித்துள்ளது பாரபட்சமானது. இது சா்வதிகார போக்கை காட்டுகிறது.

    எனவே, சோனியா காந்தி, ராகுல் காந்திக்கு எஸ்பிஜி பாதுகாப்பை மீண்டும் அளிக்க வேண்டும். இதை செய்யத் தவறினால் வீதியில் இறங்கி போராட்டம் நடத்த வேண்டிவரும்.

    அவரது குடும்பத்தை சோ்ந்த இருவா் தங்களது இன்னுயிரை நாட்டுக்காக தியாகம் செய்துள்ளனா். வெளிநாட்டுக்கு சென்றிருந்த போது எஸ்பிஜி பாதுகாப்பு வளையத்தில் இருந்து வெளியேறியிருக்கலாம். ஆனால், உள்நாட்டில் அப்படி அவா் செய்யவில்லை. இதை காரணம் காட்டி எஸ்பிஜி பாதுகாப்பை திரும்பப் பெற்றதுச் சரியல்ல. அவா்களது உயிருக்கு அச்சுறுத்தல் இருக்கும்பட்சத்தில், பாதுகாப்பு தருவதில் தவறில்லை என்றாா் அவா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai