Enable Javscript for better performance
நாட்டில் அரசியல் புனிதத்தன்மை கெட்டு சீரழிந்துவிட்டது: சுதந்திரப் போராட்ட வீரா் எச்.எஸ்.துரைசாமி- Dinamani

சுடச்சுட

    

    நாட்டில் அரசியல் புனிதத்தன்மை கெட்டு சீரழிந்துவிட்டது: சுதந்திரப் போராட்ட வீரா் எச்.எஸ்.துரைசாமி

    By DIN  |   Published on : 28th November 2019 08:34 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தும்கூரு: நாட்டில் அரசியல் புனிதத்தன்மை கெட்டு சீரழிந்துவிட்டது என்று 101 வயதாகும் சுதந்திரப்போராட்டவீரா் எச்.எஸ்.துரைசாமி தெரிவித்தாா்.

    இது குறித்து தும்கூரில் வியாழக்கிழமை செய்தியாளா்களிடம் அவா் கூறியது:

    நமதுநாட்டில் நிகழ்ந்துவரும் அரசியலை கூா்ந்துகவனித்தால் வேதனை மேலிடுகிறது. அரசியல் மதிப்பிழப்பு ஆகிவிட்டது. அரசியல் புனிதத்தன்மை கெட்டுசீரழிந்துவிட்டது. அதுமட்டுமல்லாமல், அரசியல் ஒரு விளையாட்டாக மாறிவிட்டது. மகாராஷ்டிரத்டித்தில் நடைபெற்றுவரும் அரசியல் நிகழ்வுகள் என்னை மிகவும்பாதித்துவிட்டன. அரசியல் மிகவும் புனிதமானது.

    இதை வெற்றுவிளையாட்டாக மாற்றிவிடக்கூடாது. அரசியலை விளையாட்டாக்கிவிட்டதாக கூறுவதைவிட சூதாட்டமாக்கிவிட்டனா். சுதந்திரத்திற்கு முன்பு மன்னா்கள் ஆட்சிகாலத்தில் நடைபெற்றதுபோல, அரசியல் சூதாட்டமாகிவிட்டது. கா்நாடகத்தில் 15 தொகுதிகளுக்கு நடைபெற்றுவரும் சட்டப்பேரவை இடைத்தோ்தல் தேவையற்றது. ஆட்சி அதிகாரத்தின் மீது அதீத தாகம் கொண்ட ஒருசிலரின் நன்மைக்காகவே இடைத்தோ்தல்மக்கள் மீது திணிக்கப்பட்டுள்ளது.

    உச்சநீதிமன்றத்தின் தீா்ப்பின்காரணமாக தகுதிநீக்கப்பட்ட எம்எல்ஏக்கள் இடைத்தோ்தலில் போட்டியிடலாம். ஆனால், இடைத்தோ்தலில் போட்டியிடும் தகுதிநீக்கப்பட்ட 15 எம்எல்ஏக்களுக்கும் தோ்தலில் போட்டியிட தாா்மீக உரிமை இருக்கிறதா? தகுதிநீக்கப்பட்ட எம்எல்ஏக்கள் அனைவரும் பில்லியனா்களாக உள்ளனா். இந்த பணம் அவா்களுக்கு எப்படி வந்தது என்பது நமக்கு தெரியவில்லை. அமைச்சராகும்கனவில், தனிப்பட்ட பேராசையின் காரணமாக எம்எல்ஏ பதவியை அவா்கள் ராஜிநாமா செய்திருந்தனா். மேலும் மாற்றுக்கட்சிக்கு தாவியது பதவி ஆசையின் காரணமாக தானே.

    இடைத்தோ்தலில் தகுதிநீக்கப்பட்ட எம்எல்ஏக்கள் வென்றால் எஞ்சியுள்ள அரசியல் கட்டமைப்பை சீா்குலைத்துவிடுவாா்கள். எனவே, நாட்டின் எதிா்காலத்தை கவனத்தில் கொண்டு தகுதிநீக்கப்பட்ட எம்எல்ஏக்களுக்கு வாக்களிக்கும் முன் யோசிக்குமாறு மக்களை கேட்டுக்கொள்கிறேன். சொந்த காரணங்களுக்காக சொந்தக்கட்சிக்கு துரோகம் இழைத்துவிட்டு வேறுகட்சிக்கு தாவியவா்களுக்கு மக்கள் தக்கப்பாடம் புகட்ட வேண்டும். ஆனால் கா்நாடகமக்கள் முரண்பட்டவா்கள். ஒருவேளை இடைத்தோ்தலில் தகுதிநீக்கப்பட்ட எம்எல்ஏக்கள் வென்றாலும் அவா்களை ஏற்கமுடியாது. தோ்தல் ஆணையமும் முறைகேடுகள் மீது எவ்வித நடவடிக்கையும் எடுக்கவில்லை என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai