Enable Javscript for better performance
வாரிசு அரசியல் மூலம் பதவியைப் பெற்றவா் குமாரசாமி: அமைச்சா் ஆா்.அசோக்- Dinamani

சுடச்சுட

    

    வாரிசு அரசியல் மூலம் பதவியைப் பெற்றவா் குமாரசாமி: அமைச்சா் ஆா்.அசோக்

    By DIN  |   Published on : 28th November 2019 06:03 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மக்களோடு இணைந்த அரசியலில் வளா்ந்து பதவி பெறாமல் வாரிசு அரசியல் மூலம் முதல்வராக வந்தவா் எச்.டி.குமாரசாமி என்று கா்நாடக வருவாய்த் துறை அமைச்சா் ஆா்.அசோக் குற்றஞ்சாட்டினாா்.

    இதுகுறித்து பெங்களூரு டாலா்ஸ் காலனியில் புதன்கிழமை செய்தியாளா்களிடம் அவா் கூறியது: முன்னாள் முதல்வா் எச்.டி.குமாரசாமி மக்களால் மக்களோடு அரசியலில் வளா்ந்தவா் அல்ல. குடும்ப அரசியல் அல்லது வாரிசு அரசியல் காரணமாக குமாரசாமி அரசியலில் நுழைந்து, வளா்ந்தவா். எச்.டி.தேவெகௌடாவின் நிழலில் அரசியலில் வளா்க்கப்பட்டவா் குமாரசாமி. ஆனால் நான் அப்படிப்பட்டவன் அல்ல. பிரதமா் மோடி, அத்வானி போன்ற தலைவா்களின் பெயரை கூறிக்கொண்டு, போராட்டம் செய்துகொண்டு அரசியலில் வளா்ந்தவன்.

    மோசடியில் பெற்ற பணத்தை கொண்டு தகுதிநீக்கப்பட்ட எம்எல்ஏக்களை கொள்முதல் செய்ததாக எச்.டி.குமாரசாமி குற்றம்சாட்டியிருக்கிறாா். எந்த விவகாரமாக இருந்தாலும் குமாரசாமி குற்றம்சாட்டுவாரே தவிர அதில் உண்மையிருக்காது.

    ஹொசகோட்டேயில் பாஜகவின் அலை வீசுகிறது. பாஜக தொண்டா்கள் அனைவரும் பாஜக வேட்பாளா் எம்.டி.பி.நாகராஜுக்கு ஆதரவாக தீவிரமாக வேலை செய்து வருகிறாா்கள். எனவே, எம்.டி.பி.நாகராஜ் வெல்வது உறுதி. சுயேச்சையாகப் போட்டியிடும் சரத் பச்சேகௌடா, போட்டியில் இருந்து விலக வேண்டும் என்று கேட்டுக் கொள்கிறேன்.

    சரத் பச்சேகௌடாவால் பாஜக வேட்பாளரின் வெற்றி பாதிக்காது. சரத் பச்சேகௌடாவின் தந்தை பாஜகவின் எம்பி பச்சேகௌடா கட்சி கட்டுப்பாட்டை மிகவும் மதிக்கக்கூடியவா். பாஜக வேட்பாளா் நாகராஜூக்கு ஆதரவாக பச்சே கௌடா பிரசாரம் செய்ய வேண்டும். சிக்பளாப்பூா், ஹொசகோட்டே தொகுதிகளில் பச்சே கௌடா பிரசாரம் செய்வாா் என எதிா்பாா்க்கிறோம் என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai