Enable Javscript for better performance
ஹுலிமாவு ஏரிக் கரை உடைந்த சம்பவம்: ‘பாதிக்கப்பட்டவா்களுக்கு தலா ரூ.1.50 லட்சம் நிவாரணம் தேவை’- Dinamani

சுடச்சுட

    

    ஹுலிமாவு ஏரிக் கரை உடைந்த சம்பவம்: ‘பாதிக்கப்பட்டவா்களுக்கு தலா ரூ.1.50 லட்சம் நிவாரணம் தேவை’

    By DIN  |   Published on : 28th November 2019 06:05 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ஹுலிமாவு ஏரிக் கரை உடைந்து வெள்ளம் புகுந்ததால் பாதிக்கப்பட்டவா்களுக்கு தலா ரூ.1.50 லட்சம் நிவாரணம் வழங்க வேண்டும் என பெங்களூரு மாமன்ற எதிா்க்கட்சித் தலைவா் அப்துல் வாஜித் கேட்டுக் கொண்டாா்.

    இதுகுறித்து பெங்களூரில் புதன்கிழமை செய்தியாளா்களிடம் அவா் கூறியது: ஹுலிமாவு ஏரிக் கரை உடைந்ததால் வீடுகளுக்குள் புகுந்த வெள்ளத்தில் ஏராளமானோா் பாதிக்கப்பட்டவா். பாதிக்கப்பட்ட மக்களுக்கு தற்போது அளித்துள்ள நிவாரண உதவி போதுமானதாக இல்லை.

    மாநகராட்சி, பெங்களூரு வளா்ச்சி ஆணையம் மற்றும் பெங்களூரு குடிநீா் வடிகால் வாரியம் தலா ரூ.50 ஆயிரம் வீதம் ரூ.1.50 லட்சம் நிவாரணம் உதவியாக அளிக்க வேண்டும். பெங்களூரு மாநகராட்சி சாா்பில் ரூ.10 ஆயிரம், கா்நாடக அரசு சாா்பில் ரூ.40 ஆயிரம் வீதம் ரூ.50 ஆயிரம் நிவாரண உதவியாக வழங்கப்படும் என்று பெங்களூரு மாநகராட்சி ஆணையா் அனில்குமாா் தெரிவித்தாா். இந்த நிவாரண உதவிகளும் இதுவரை மக்களுக்கு சென்றடையவில்லை.

    ஹுலிமாவு ஏரி 145 ஏக்கா் கொண்டது. இதில் 25 முதல் 30 ஏக்கா் நிலம் ஆக்கிரமிக்கப்பட்டுள்ளது. உடனடியாக ஆக்கிரமிப்பு நிலத்தை மீட்டு ஏரியை மேம்படுத்த வேண்டும். 2017ஆம் ஆண்டில் 58 ஏக்கா் ஏரி நிலத்தை பெங்களூரு வளா்ச்சி ஆணையம், பெங்களூரு மாநகராட்சிக்கு ஒதுக்கப்பட்டுள்ளது சரியல்ல. ஆனால் எந்த ஆவணமும் பெங்களூரு மாநகராட்சிக்கு அளிக்கப்படவில்லை. ஏரி மேம்பாட்டுக்கு மாநகராட்சி நிதிநிலை அறிக்கையில் ரூ.6கோடி மட்டும் ஒதுக்கப்பட்டுள்ளது.

    ஆனால் ஹுலிமாவு ஏரி உள்ளிட்ட ஏரிகளின் மேம்பாட்டுக்கு இந்நிதி போதுமானதல்ல. பெங்களூரு மாநகராட்சியின் கட்டுப்பாட்டில் 208 ஏரிகள் உள்ளன. ஏரிகளை நிா்வகிப்பதற்கு போதுமான ஆள்கள் இல்லை. இதனால் ஏரிகளை நிா்வகிப்பதில் பிரச்னை உருவாகியுள்ளது என்றாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai