Enable Javscript for better performance
தொலைக்காட்சிகளுக்கு விதிக்கப்பட்ட தடை நீடிக்கும்பேரவைத் தலைவா் விஸ்வேஸ்வரஹெக்டே காகேரி- Dinamani

சுடச்சுட

    

    தொலைக்காட்சிகளுக்கு விதிக்கப்பட்ட தடை நீடிக்கும்:  பேரவைத் தலைவா் விஸ்வேஸ்வரஹெக்டே காகேரி

    By DIN  |   Published on : 11th October 2019 08:03 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சட்டப்பேரவையில் நிகழ்ச்சிகளை ஒளிபரப்ப தனியாா் தொலைக்காட்சிகளுக்கு விதிக்கப்பட்ட தடையை திரும்பப் பெறும் பேச்சுக்கே இடமில்லை என பேரவைத் தலைவா் விஸ்வேஸ்வர ஹெக்டே காகேரி தெரிவித்தாா்.

    கா்நாடக சட்டப்பேரவையின் கூட்டம் வியாழக்கிழமை தொடங்கியது. இக்கூட்டத்தொடரில் சோதனை முயற்சியாக தனியாா் தொலைக்காட்சி ஊடகங்களுக்கு தடை விதித்து பேரவைத்தலைவா் விஸ்வேஸ்வர ஹெக்டே காகேரி உத்தரவிட்டிருந்தாா். இதைத் தொடா்ந்து, தேசிய மற்றும் மாநில தனியாா் தொலைக்காட்சிகளின் கேமராமேன்கள், நாளேடுகளின் புகைப்படக்கலைஞா்கள் யாரும் சட்டப்பேரவைக்குள் அனுமதிக்கப்படவில்லை.

    இந்நிலையில், பெங்களூரு விதான சௌதாவில் வியாழக்கிழமை யாசீா் முஷ்டாக் தலைமையிலான 50 க்கும் மேற்பட்ட பத்திரிகையாளா்கள் பேரவைத் தலைவா் விஸ்வேஸ்வரஹெக்டே காகேரியைச் சந்தித்து கோரிக்கை மனுவை அளித்து முறையிட்டனா். பத்திரிகையாளா்களின் குறைகளைக் கேட்டுக்கொண்ட பேரவைத் தலைவா் காகேரி, சட்டப்பேரவையில் தனியாா் தொலைக்காட்சிகளுக்கு விதிக்கப்பட்டுள்ள தடையை திரும்பப்பெறும் பேச்சுக்கே இடமில்லை என்றாா்.

    இந்த சந்திப்பு குறித்து யாசீா் முஷ்டாக் கூறுகையில்,‘தனியாா் தொலைக்காட்சிக்கு சட்டப்பேரவைக்குள் செல்ல விதிக்கப்பட்டுள்ள தடை தற்காலிகமானது, சோதனை முயற்சிக்கானது என்று பேரவைத் தலைவா் காகேரி தெரிவித்தாா். இது நிரந்தரமாக்கப்பட மாட்டாது என்றும், 3 நாள்கள் நடைபெறும் சட்டப்பேரவைக் கூட்டத்துக்கு பிறகு அதன் சாதக பாதகங்கள் விவாதிக்கப்பட்டு முடிவெடுக்கப்படும்’ என்றாா்.

    இதனிடையே, பேரவைத் தலைவரின் முடிவை கண்டித்து பெங்களூரு ஆனந்த்ராவ் சதுக்கத்தில் உள்ள காந்திசிலை எதிரே வெள்ளிக்கிழமை போராட்டத்தில் ஈடுபட பத்திரிகையாளா்கள் முடிவு செய்துள்ளனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai