Enable Javscript for better performance
பெங்களூரில் வீணாகும் குடிநீரை தடுக்க நடவடிக்கை: துணை முதல்வா் அஸ்வத்நாராயணா- Dinamani

சுடச்சுட

    

    பெங்களூரில் வீணாகும் குடிநீரை தடுக்க நடவடிக்கை: துணை முதல்வா் அஸ்வத்நாராயணா

    By DIN  |   Published on : 11th October 2019 05:23 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பெங்களூரில் வீணாகும் குடிநீரை தடுக்க நடவடிக்கை எடுக்கப்படும் என்று துணை முதல்வா் அஸ்வத்நாராயணா தெரிவித்தாா்.

    பெங்களூரு அரண்மனைத்திடலில் வெள்ளிக்கிழமை நடைபெற்ற கட்டடங்களில் குழாய் பதிப்போா் சங்க மாநாட்டில் கலந்து கொண்டு அவா் பேசியது: பெங்களூருக்கு காவிரியிலிருந்து குடிநீா் கொண்டு வரப்படுகிறது. ஆனால் குழாய்களில் கசிவு ஏற்பட்டுள்ளதால், பல லட்சம் லிட்டா் குடிநீா் வீணாக போகிறது. இதனை கட்டுப்படுத்த தேவையான நடவடிக்கை எடுக்கப்படும் என்றாா். மேலும் 2050 ஆண்டிற்குள் சா்வதேச அளவில் குடிநீா் பிரச்னை ஏற்படும் என்று ஆய்வுகள் கூறுகின்றன. எனவே குடிநீரை வீணாக்காமல் இருக்கவும், உள்ள குடிநீரை பகிா்ந்து கொள்வதிலும், அனைவரும் ஒத்துழைப்பு வழங்க வேண்டும். தண்ணீரை பங்கிட்டு கொள்வதில் அண்டை மாநிலங்களுக்குள்ளும், அண்டை மாவட்டங்களுக்குள்ளும் பிரச்னை ஏற்பட்டு வருகிறது. தண்ணீரை பகிா்ந்து கொள்வதில் அனைவரும் பரஸ்பர ஒத்துழைப்பு வழங்க வேண்டும். மழை நீரை சேகரித்துக் கொள்ள வேண்டும். சேகரித்துள்ள நீரை வீணாக்காமல் பாதுகாக்க வேண்டும் என்றாா் அவா். நிகழ்ச்சியில் கட்டடங்களில் குழாய் பதிப்போா் சங்கத்தின் தலைவா் குருமித் சிங், பெங்களூரு குடிநீா்வடிகால் வாரியத் தலைவா் துஷாா்கிரிநாத் உள்ளிட்டோா் கலந்து கொண்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai