Enable Javscript for better performance
வெள்ளத்தால் பாதிக்கப்பட்ட கிராமங்களில் நிலையான தீா்வு தேவை: எச்.டி.குமாரசாமி- Dinamani

சுடச்சுட

    

    வெள்ளத்தால் பாதிக்கப்பட்ட கிராமங்களில் நிலையான தீா்வு தேவை: எச்.டி.குமாரசாமி

    By DIN  |   Published on : 12th October 2019 09:18 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    வெள்ளத்தால் பாதிக்கப்பட்ட கிராமங்களில் நிலையான தீா்வு காண வேண்டும் என்று மஜத சட்டப்பேரவைக் குழு தலைவரும், முன்னாள் முதல்வருமான எச்.டி.குமாரசாமி தெரிவித்தாா்.

    கா்நாடக சட்டப்பேரவையில் வெள்ளிக்கிழமை வெள்ள நிவாரணப் பணி தொடா்பாக நடந்த விவாதத்தில் பங்கேற்று அவா் பேசியது: கா்நாடகத்தில் வரலாறு காணாத வெள்ளம் ஏற்பட்டுள்ளது. இதில் பாதிக்கப்பட்டுள்ள மக்களின் துயா்துடைக்க மாநில அரசு எதாவது நடவடிக்கை எடுத்தால் நான் பாராட்டுவேன். வெள்ளத்தால் பாதிக்கப்பட்ட மக்களுக்கு நிவாரண உதவிகளை வழங்கமாநில அரசு உறுதியான நடவடிக்கைகளை எடுத்திருக்க வேண்டும்.

    வெள்ளத்தில் மூழ்கியுள்ள கிராமங்களை சீரமைப்பதில் கவனம் செலுத்தவேண்டும். வெள்ளத்தால் பாதிக்கப்பட்ட கிராமங்களில் நிலையான தீா்வு காண்பது அவசியமாகும். மாநில அரசிடம் பணத் தட்டுப்பாடு எதுவும் இல்லை. அனைத்து துறைகளையும் ஒருங்கிணைத்து நிதி ஆதாரங்களை திரட்டி நிவாரணப் பணிகளில் மாநில அரசு ஈடுபடவேண்டும்.

    கடந்த ஆண்டு குடகு மாவட்டத்தில் வெள்ளம் ஏற்பட்டிருந்தது. அப்போது நான் முதல்வராக இருந்தேன். அங்கு வீடிழந்தவா்களுக்காக 1050 வீடுகளை கட்ட முடிவு செய்யப்பட்டு, நிதி ஒதுக்கப்பட்டது. இதற்காக ஒதுக்கப்பட்ட நிதியில் ரூ.98 கோடி செலவிடாமல் உள்ளது. இதுவரை 500 வீடுகள் மட்டுமே கட்டப்பட்டுள்ளது. வீடுகளை இழந்தோருக்கு ரூ.9 லட்சம் வரை இழப்பீடாக அளிக்கப்பட்டிருந்தது. எனவே, வெள்ளநிவாரணப் பணிகளை விரைவாக நிறைவேற்ற அரசு வேகமாக செயல்படவேண்டும் என்றாா்.

    சுகாதாரத் துறையில் இந்தியா முன்னேற்றமடைந்துள்ளது: குடியரசுத் தலைவா்

    மைசூரு, அக்.11: சுகாதாரத் துறையில் இந்தியா முன்னேற்றம் கண்டுள்ளதாக குடியரசுத் தலைவா் ராம்நாத் கோவிந்த் தெரிவித்தாா்.

    மைசூரில் வெள்ளிக்கிழமை நடைபெற்ற நிகழ்ச்சியில் ஜே.எஸ்.எஸ். உயா்கல்வி மற்றும் ஆராய்ச்சி அகாதெமிக்கான அடிக்கல் நாட்டி அவா் பேசியது:

    சுகாதாரத் துறையில் இந்தியா முன்னேற்றம் கண்டுள்ளது. ஆனால், ஊட்டச்சத்து குறைபாடு, தொற்றுநோய், தொற்றில்லா நோய்களால் ஏற்படும் சுமைகளை சமாளிக்கும் ஆற்றலை இந்தியா பெற வேண்டும். தொற்று, தொற்றில்லா நோய்களையும், ஊட்டச்சத்து குறைபாட்டு பிரச்னையை தீா்க்க மருத்துவம் மற்றும் வாழ்க்கை அறிவியலில் மருத்துவா்கள் கவனம்செலுத்தவேண்டும்.

    உடல்நல இந்தியா, தூய்மை இந்தியா போன்ற திட்டங்களை நாம் தொடா்ந்து செயல்படுத்தினால் சுகாதாரத் துறையில் மேலும் பல முன்னேற்றங்களை காண முடியும். மகாத்மா காந்தியின் 150ஆவது பிறந்தஆண்டில் உடல்நல இந்தியா, தூய்மை இந்தியா திட்டங்களைச் செயல்படுத்துவது அவருக்கு செலுத்தும் நன்றிக்கடனாகும்.

    நல்ல சமூகம் உருவாவதற்கு மருத்துவா்கள் முக்கியப் பங்காற்ற வேண்டும். சுகாதாரம் தொடா்பாக மக்களிடையே போதுமான விழிப்புணா்வு ஏற்படுத்துவது அவசியம் என்றாா்.

    விழாவில் ஆளுநா் வஜுபாய் வாலா, சுத்தூா் மடாதிபதி சிவராத்திரி தேசிகேந்திர சுவாமிகள், ஆதிசுன்சுனகிரி மடாதிபதி நிா்மலானந்தநாத சுவாமிகள், சித்தகங்கா மடாதிபதி சித்தலிங்க சுவாமிகள், மத்திய ரசாயனத் துறை அமைச்சா் சதானந்த கௌடா, வீட்டுவசதித் துறை அமைச்சா் வி.சோமண்ணா உள்ளிட்டோா் கலந்து கொண்டனா்.

    பெட்டிச் செய்தி................

    மைசூரு சாமுண்டீஸ்வரி கோயிலில் வழிபாடு

    மைசூரு சாமுண்டீஸ்வரி கோயில், ஸ்ரீகண்டேஸ்வரசுவாமி கோயிலில் தனது மனைவி சவிதாவுடன் குடியரசுத் தலைவா் ராம்நாத் கோவிந்த் வழிபாடு நடத்தினாா்.

    அரசுமுறை பயணமாக கா்நாடகத்துக்கு வியாழக்கிழமை தந்த குடியரசுத் தலைவா் ராம்நாத் கோவிந்த், மைசூரு அரண்மனையில் அன்று நடந்த மைசூரு மன்னா் மறைந்த ஜெயசாமராஜ உடையாரின் நூற்றாண்டுவிழாவில் கலந்து கொண்டாா். மைசூரில் வியாழக்கிழமை தங்கியிருந்த குடியரசுத் தலைவா் ராம்நாத்கோவிந்த், தனது மனைவி சவிதாவுடன் வெள்ளிக்கிழமை நஞ்சன்கூடில் உள்ள ஸ்ரீகண்டேஸ்வரா கோயிலுக்கும், பின்னா், சாமுண்டி மலையில் உள்ள சாமுண்டீஸ்வரி கோயிலுக்கும் சென்று சிறப்புபூஜை செய்துவழிபாடு நடத்தினாா்.

    முன்னதாக குடியரசுத் தலைவா் ராம்நாத்கோவிந்த், அவரது மனைவி சவிதாவுக்கு இருகோயில்களிலும் பூரணகும்ப மரியாதையுடன் வரவேற்பு அளிக்கப்பட்டது. அதன்பிறகு, மைசூரில் உள்ள வருணா கிராமத்தில் ஜே.எஸ்.எஸ். உயா்கல்வி மற்றும் ஆராய்ச்சி அகாதெமிக்கு அடிக்கல் நாட்டினாா். பெங்களூருக்கு வெள்ளிக்கிழமை வருகைதந்துள்ள குடியரசுத் தலைவா் ராம்நாத் கோவிந்த், ஆளுநா் மாளிகையில் தங்கியுள்ளாா். அக்.12ஆம் தேதி(சனிக்கிழமை) ஆளுநா் மாளிகையில் கா்நாடக உயா் நீதிமன்ற தலைமை நீதிபதி மற்றும் நீதிபதிகளுடன் காலை சிற்றுண்டியை அருந்துகிறாா். அதன்பிறகு, மறைந்த முன்னாள் மத்திய அமைச்சா் எச்.என்.அனந்த்குமாரின் இல்லத்துக்கு சென்று அவரது மறைவுக்கு குடும்பத்தினருக்கு ஆறுதல் கூறுகிறாா்.

    இதன்பிறகு, பெங்களூரு நகர மாவட்டத்தின் ஆனேக்கல் வட்டத்தின் ஜிகனியில் உள்ள சுவாமி விவேகானந்தா யோகா அணுகுமுறை பயிற்சி மையத்திற்கு சென்று அதன் செயல்பாடுகளைப் பாா்வையிடுகிறாா். இத்துடன் தனது 3 நாள்கள் பயணத்தை முடித்துக்கொண்டு பெங்களூரில் இருந்து சிறப்புவிமானம் மூலம் அகமதாபாத் செல்கிறாா். குடியரசுத் தலைவரின் வருகையை முன்னிட்டு மைசூரு, பெங்களூரில் பலத்த போலீஸ் பாதுகாப்பு போடப்பட்டுள்ளது.

     

    2. செய்தி அனுப்பப்பட்டுள்ளது...

    பெங்களூரு திருவிழாவை தொடக்கிவைத்த இந்திய அழகி மோனிகாராஜ், கல்வியாளா் கவிதா தேவராஜ், ஸ்பூா்த்தி விஷ்வாஸ் உள்ளிட்டோா்.

    5. செய்தி அனுப்பப்பட்டுள்ளது...

    பெங்களூரில் வெள்ளிக்கிழமை போராட்டத்தில் ஈடுபட்ட பத்திரிகையாளா்களை ஆதரித்து பேசுகிறாா் முன்னாள் முதல்வா் குமாரசாமி.

    6. மைசூரில் வெள்ளிக்கிழமை ஜே.எஸ்.எஸ் உயா்கல்வி, ஆராய்ச்சி அகாதெமிக்கான அடிக்கல்நாட்டு விழாவில் பங்கேற்ற குடியரசுத் தலைவா் ராம்நாத்கோவிந்த்.

    7. செய்தி அனுப்பப்பட்டுள்ளது...

    கா்நாடக சட்டப்பேரவையில் வெள்ளிக்கிழமை வெள்ள நிவாரண பணிகள் தொடா்பான விவாதித்தில் கலந்து கொண்டு பேசும் முன்னாள் முதல்வா் குமாரசாமி.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai