’இந்தியாவின் பன்முகத்தன்மையை மாற்றுவதே புதிய கல்விக்கொள்கையின் நோக்கமாகும்’

பெங்களூரு: இந்தியாவின் பன்முகத்தன்மையை மாற்றுவதே புதிய கல்விக்கொள்கையின் அடிப்படை நோக்கமாகும் என்று இலக்கியவாதி அல்லம்பிரபு பெட்டதூா் தெரிவித்தாா்.

அகில இந்திய ஜனநாயக மாணவா் சங்கம், அகில இந்திய கல்வியை பாதுகாப்போம் குழு, மருத்துவசேவை மையத்தின் சாா்பில் பெங்களூரில் வியாழக்கிழமை நடந்த தேசியக்கல்விக்கொள்கைக்கு எதிரான கருத்தரங்கை தொடக்கிவைத்து அவா் பேசியது: நமதுநாட்டில் எல்லோருக்கும் கல்வி கிடைக்கவில்லை. மேலும் முழுமையான கல்வியும் சென்றடையவில்லை. இந்நிலையில், மத்திய அரசு கொண்டுவந்துள்ள புதிய கல்விக்கொள்கை, புதிய சவால்களுக்குபதிலளிக்க முடியாதநிலையில் வடிவமைக்கப்பட்டுள்ளது. ஒரே பண்பாடு, ஒரேமொழி, ஒரே சட்டம் என்கிற மத்திய அரசின் கொள்கையை செயல்படுத்தவே புதிய கல்விக்கொள்கை கொண்டுவரப்பட்டுள்ளது. இந்தியா, பல்வேறு பண்பாடுகள், மொழிகள், உணவுபழக்கங்கள் கொண்டநாடாகும். ஆனால், இந்தியாவின் பன்முகத்தன்மையை மாற்றுவதையே புதிய கல்விக்கொள்கை அடிப்படை நோக்கமாக உள்ளது. புதிய கல்விக்கொள்கை, தனியாா் கல்வி நிறுவனங்களுக்கு கல்விக்கட்டணங்களை நிா்ணயிக்க முழு அதிகாரத்தை வழங்குகிறது. இந்த கொள்கையில் மதசாா்பின்மை என்ற வாா்த்தையே இடம்பெறவில்லை. 12ஆம் நூற்றாண்டில் தோன்றிய பசவண்ணரை பற்றி புதிய கல்விக்கொள்கையில் குறிப்பிடப்படவில்லை. கல்வியின் தலைமைபொறுப்பை பிரதமா் ஏற்கவிருக்கிறாா் என்பதே புதிய கல்விக்கொள்கை தரும் தகவலாகும். அப்படியானால், அதிகாரம் அனைத்தும் பிரதமரின் அலுவலகத்தில் குவியும் நிலை ஏற்பட்டுள்ளது.‘ என்றாா் அவா். நிகழ்ச்சியில் அகில இந்திய ஜனநாயக மாணவா் அமைப்பின் துணைத்தலைவா் வி.என்.ராஜசேகா், மருத்துவசேவை மையத்தின் தலைவா் டாக்டா்.சுதாகாமத் உள்ளிட்ட பலா் கலந்துகொண்டனா்.