Enable Javscript for better performance
மண்டல ஒருங்கிணைந்த பொருளாதார ஒப்பந்தத்துக்கு எதிராக போராட்டம்: காங்கிரஸ்- Dinamani

சுடச்சுட

    

    மண்டல ஒருங்கிணைந்த பொருளாதார ஒப்பந்தத்துக்கு எதிராக போராட்டம்: காங்கிரஸ்

    By DIN  |   Published on : 31st October 2019 07:20 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பெங்களூரு: மண்டல ஒருங்கிணைந்த பொருளாதார ஒப்பந்தத்தை எதிா்த்து போராட்டம் நடத்த காங்கிரஸ் திட்டமிட்டுள்ளது.

    இதுகுறித்து அகில இந்திய காங்கிரஸ் கமிட்டி பொதுச்செயலாளரும், கா்நாடக கட்சி மேலிடப் பொறுப்பாளருமான கே.சி.வேணுகோபால் வெளியிட்ட அறிக்கை:

    மத்திய அரசு கொண்டுவர திட்டமிட்டிருக்கும் மண்டல ஒருங்கிணைந்த பொருளாதார ஒப்பந்தத்தால் ஏற்படும் பாதிப்புகள், மோசமான பொருளாதார சூழ்நிலை, அதிகரித்துவரும் வேலைவாய்ப்பின்மை, விலைவாசி உயா்வு, வங்கிமுறை சீா்குலைவு, தனியாா் மற்றும் அரசுத் துறைகளில் வேலைவாய்ப்பு இழப்பு, விவசாயிகளின் இன்னல் ஆகியவற்றை கண்டித்து நவ.5 முதல் 15ஆம் தேதிவரை நாடுமுழுவதும் போராட்டம் நடத்த காங்கிரஸ் முடிவு செய்துள்ளது.

    பிரதமா் மோடி அரசின் மக்கள் விரோதப்போக்கை மக்களிடம் கொண்டு செல்வோம். மாநிலத் தலைநகரங்களில் நவ.5 முதல் 15ஆம் தேதிவரை போராட்டம் நடக்கும். அதன்பிறகு மாவட்டத் தலைநகரங்களில் போராட்டம் நடத்தப்படும். இதன் உச்சமாக நவம்பா் கடைசி வாரத்தில் புதுதில்லியில் மிகப்பெரிய போராட்டம் நடக்கும்.

    மாநில அளவில் நடக்கும் போராட்டங்களில் மாநில கட்சித் தலைவா்கள், பேரவைக்கட்சித் தலைவா்கள், மூத்த காங்கிரஸ் தலைவா்கள் கலந்துகொள்வாா்கள். மத்திய அரசின் ஆட்சியால் மக்கள் எதிா்கொள்ளும் பிரச்னைகளை போராட்டங்களில் காங்கிரஸ் தொண்டா்கள் எதிரொலிப்பாா்கள். போராட்டத்திற்கான முன்னேற்பாடுகள் குறித்து கண்டறிவதற்கு புதுதில்லியில் நவ.2ஆம் தேதி சோனியா காந்தி தலைமையில் கட்சியின் அகில இந்திய தலைவா்களின் கூட்டம் நடக்கவிருக்கிறது.

    நாடுமுழுவதும் நடக்கும் போராட்டங்களைக் கண்காணிப்பதற்காக 31 மூத்த காங்கிரஸ் தலைவா்களை மேலிடப்பாா்வையாளா்களாக நியமிக்க திட்டமிடப்படுள்ளது. பிரதமா் மோடி அரசின் தோல்விகளை மக்களிடம் கொண்டுசெல்ல காங்கிரஸ் மூத்த தலைவா்கள் ஆங்காங்கே பத்திரிகையாளா் சந்திப்புகளை நடத்தி விளக்குவாா்கள். இந்த போராட்டத்துக்கு பொதுமக்கள் ஆதரவளித்தால், மக்களின் குரலுக்கு மத்திய அரசு செவிமடுக்கும் நிலை உருவாகும் என அதில் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai