பெங்களூரில் நடக்க இருக்கும் டி20 கிரிக்கெட் போட்டிகளின் போது, மெட்ரோ ரயில்சேவையை நள்ளிரவு 12.30 மணி வரை நீட்டிக்க பெங்களூரு மெட்ரோ ரயில்கழகம் முடிவுசெய்துள்ளது.
இதுகுறித்து பெங்களூரு மெட்ரோ ரயில்கழகம் வெளியிட்டுள்ள செய்திக் குறிப்பு: பெங்களூரு சின்னசாமி கிரிக்கெட் விளையாட்டுத் திடலில் செப். 22-ஆம் தேதி டி20 கிரிக்கெட் போட்டிகள் நடக்க இருக்கின்றன. இந்த போட்டிகளின் போது, மைசூரு சாலை முதல் பையப்பனஹள்ளி வரையிலான மெட்ரோ ரயில்சேவையை நள்ளிரவு 12.30 மணி வரை நீட்டிக்க முடிவெடுக்கப்பட்டுள்ளது.
இந்த நேரத்தில், 20 நிமிடங்களுக்கு ஒரு மெட்ரோ ரயில் இயக்கப்படும். இரவு 10 மணிக்கு மேல் டோக்கன்களுக்கு பதிலாக காகிதத்தில் அச்சிடப்பட்ட பயணச்சீட்டு விநியோகிக்கப்படும். இதற்கான கட்டணம் ரூ.50 என அதில் தெரிவிக்கப்பட்டுள்ளது.