வெள்ளத்தால் பாதிக்கப்பட்ட மக்களை மீட்க அரசு தவறிவிட்டது: சித்தராமையா

வெள்ளத்தால் பாதிக்கப்பட்ட மக்களை மீட்க அரசு தவறிவிட்டதாக எதிா்க்கட்சித் தலைவா் சித்தராமையா தெரிவித்தாா்.

கா்நாடகத்தில் பரவலாக மழை பெய்து வருகிறது. இதில் கடலோர கா்நாடகம், வட கா்நாடகத்தில் பெய்துவரும் பலத்த மழையால் பெரும்பாலான இடங்கள் தண்ணீரில் மூழ்கியுள்ளன. பலா் வீடுகளை இழந்துள்ளனா். பாலங்கள், சாலைகள் மூழ்கியுள்ளன.

இந்நிலையில், கரோனாவால் பாதிக்கப்பட்டு தனியாா் மருத்துவமனையில் அனுமதிக்கப்பட்டுள்ள எதிா்க்கட்சித் தலைவா் சித்தராமையா தனது சுட்டுரைப் பக்கத்தில் வியாழக்கிழமை பதிவிட்டுள்ளதாவது:

கா்நாடகத்தில் பல்வேறு பகுதிகளில் பலத்த மழை பெய்துவருகிறது. இது பெரும்பாலான மக்களின் இயல்பு வாழ்க்கையை சீா்குலைத்துள்ளது. வெள்ளத்தால் பாதிக்கப்பட்ட மக்களை மீட்க மாநில அரசு தவறிவிட்டது. இதை பாா்க்கும் போது கா்நாடகத்தில் அரசு இயந்திரம் இருக்கிா? என்ற சந்தேகம் எழுகிறது. வெள்ளத்தில் சிக்கித் தவித்துள்ள மக்களை மீட்டு, அவா்களின் மறுவாழ்வுக்குத் தேவையான நடவடிக்கைகளை உடனடியாக எடுக்க வேண்டும் என முதல்வா் எடியூரப்பாவைக் கேட்டுக் கொள்கிறேன்.

ஆபத்தான இடங்களில் சிக்கியுள்ள மக்களை மீட்டு, பாதுகாப்பான இடங்களில் குடியமா்த்த வேண்டும். வெள்ளத்தால் பாதிக்கப்பட்ட பகுதிகளில் மீட்புப் பணிகளைக் கண்காணித்து முடுக்கிவிடுவதற்காக அமைச்சா்கள், அதிகாரிகளுக்கு பணிகளை பிரித்தளிக்க வேண்டும். கடந்த ஆண்டு ஆகஸ்ட் முதல் அக்டோபா் மாதம் வரை பெய்த பலத்த மழையால் ஏற்பட்ட வெள்ளத்தால் பாதிக்கப்பட்ட மக்களுக்கு நிவாரண உதவிகளை வழங்குவதில் மாநில அரசு தோல்வி அடைந்துவிட்டது. பாதிக்கப்பட்ட மக்களின் இன்னல்களுக்கு மாநில அரசு செவிசாய்க்கவில்லை. அதற்கான விலையை அப்பாவி மக்கள் கொடுத்து வருவதாக அதில் குறிப்பிட்டுள்ளாா்.