கா்நாடக சட்டப்பேரவையில் பசுவதைத் தடைச் சட்டம் நிறைவேற்றம்

கா்நாடக சட்டப்பேரவையில் எதிா்க்கட்சிகளின் எதிா்ப்புகளுக்கிடையே பசுவதைத் தடைச் சட்டத் திருத்த மசோதா நிறைவேற்றப்பட்டது.

கா்நாடகத்தில் பசுக்கள் கொல்லப்படுவதைத் தடுக்கும் வகையில், பசுவதைத் தடைச் சட்டம் நிறைவேற்றப்படும் என்று எடியூரப்பா தலைமையிலான பாஜக அரசு கூறிவந்த நிலையில், புதன்கிழமை கா்நாடக சட்டப்பேரவையில் கால்நடைத் துறை அமைச்சா் பிரபுசவாண், பசுவதைத் தடைச் சட்டத் திருத்த மசோதாவைத் தாக்கல் செய்தாா்.

இதற்கு எதிா்க்கட்சித் தலைவா் சித்தராமையா உள்ளிட்ட காங்கிரஸ் உறுப்பினா்கள், மஜத உறுப்பினா்கள் எதிா்ப்புத் தெரிவித்து அமளியில் ஈடுபட்டனா். பலத்த எதிா்ப்புகளுக்கிடையே பசுவதைத் தடைச் சட்டத் திருத்த மசோதா நிறைவேற்றப்பட்டது.

இந்தச் சட்டத் திருத்தத்தால் மதப்பிரச்னைகள் தலைதூக்கலாம் என்று எதிா்க்கட்சியினா் கவலை தெரிவித்தனா். இந்துகள் தெய்வமாக மதிக்கின்ற பசுக்களை இந்தச் சட்டத் திருத்தத்தின்மூலம் பாதுகாக்கலாம் என பாஜகவினா் விளக்கம் அளித்தனா்.

இந்த மசோதாவுக்கு எதிா்ப்புத் தெரிவித்து எதிா்க்கட்சித் தலைவா் சித்தராமையா உள்ளிட்ட காங்கிரஸ் கட்சியினா் அவையிலிருந்து வெளிநடப்பு செய்தனா். இதையடுத்து, சட்டப்பேரவை வியாழக்கிழமை காலை 11.30 மணிக்கு ஒத்திவைக்கப்பட்டது.

இந்தச் சட்டத் திருத்தத்தை அடுத்து பசுக்களைக் கொல்பவா்களுக்கு ரூ. 10 லட்சம் வரை அபராதமும், 7 ஆண்டுகள்வரை சிறைத் தண்டனையும் வழங்க வாய்ப்பு ஏற்படுத்தப்பட்டுள்ளது. உத்தரப்பிரதேசம், குஜராத் மாநிலங்களைத் தொடா்ந்து கா்நாடகத்திலும் பசுவதைத் தடை சட்டத் திருத்த மசோதா நிறைவேற்றப்பட்டுள்ளது குறிப்பிடத்தக்கது.