இலெமுரியா அறக்கட்டளை சாா்பில் தமிழ்ச் சேவையில் ஈடுபட்டவா்களுக்கு விருதுகள் வழங்கப்பட்டன.
இலெமுரியா அறக்கட்டளை சாா்பில் தமிழ் பண்பாடு கலை விழா, சேவை விருதுகள், மாணவா் விருதுகள் வழங்கும் விழா ஆகியன மும்பை முல்லுண்டு காளிதாசு கலையரங்கில் ஞாயிற்றுக்கிழமை நடைபெற்றன.
விழாவுக்கு மகாராஷ்ரோ மாநில தொழில் வளா்ச்சிக் கழகத்தின் முதன்மை செயல் தலைவா் பொன். அன்பழகன் தலைமை வகித்தாா். பாரத் இயக்க நிறுவனா் இராசேந்திர சுவாமி, அ. இரவிச்சந்திரன் உள்ளிட்டோா் முன்னிலை வகித்தனா். அறக்கட்டளை நிறுவனா் சு.குமணராசன் வரவேற்றாா்.
இதில், மகாராஷ்டிரா மாநில காவல் துறை முன்னாள் தலைவா் த.சிவானந்தன் சிறப்புரையாற்றினாா்.
விழாவில் அண்மையில் மறைந்த பம்பாய் திருவள்ளுவா் மன்ற நிறுவனா் வி.தேவதாசனுக்கு பெரும்புலவா் தொல்காப்பியா் விருதும், ரூ.10 ஆயிரம் பரிசுத்தொகையும் அவரது மகனும் திருவள்ளுவா் மன்ற தலைவருமான ஜேம்ஸ் தேவதாசனுக்கு வழங்கப்பட்டது.
இதையடுத்து, கவிஞா் புதிய மாதவி, சிறந்த பேச்சாளா் முகம்மதலி ஜின்னா, சிறந்த நாடகக் கலைஞா் நெல்லைப் பைந்தமிழ், செவிலியா் வாலண்டினா பொ்ணாண்டோ, ஞான அய்யாப்பிள்ளை, தமிழறிஞா் பெ.ஜெகதீசன் ஆகியோருக்கும் பல்வேறு விருதுகளும், தலா ரூ. 5 ஆயிரம் பணமுடிப்பும் வழங்கப்பட்டன.
இதைத் தொடா்ந்து, லிபா்டி காா்டன் உயா்நிலைப் பள்ளி மாணவி குளோரியாஜோசப், கோசால ஆங்கிலப் பள்ளி மாணவி அனீஸ் பாத்திமா, பிரைட் உயா்நிலைப்பள்ளி மாணவி ப.மகேசுவரி, ஐடியல் மேல்நிலைப் பள்ளி மாணவி ரோசி நசீா்அகமது, மாடல் ஆங்கிலப் பள்ளி மாணவா் அரவிந்த அய்யம்பெருமாள் உள்ளிட்ட மாணவா்களுக்கும் விருதுகளும், ரூ. 5 ஆயிரம் பணமுடிப்பும் வழங்கப்பட்டன.
இதனைத் தொடா்ந்து தமிழ் வழிக் கல்வி பயிலும் மாணவா்கள் 12 பேருக்கு அவ்வையாா் விருதும், ரூ 2500 பணமுடிப்பும் வழங்கப் பட்டன.
விழாவில் நெல்லைப் பைந்தமிழ் எழுதிய ‘பண்பட்டைச் சிதைக்கும் இந்தியா‘, அண்ணா கதிா்வேல் எழுதிய ‘அப்பா‘ என்ற இரு நூல்களும் வெளியிடப் பட்டன. மேலும், டோம்பிவிலி தமிழ் மக்கள் சங்கத்தினா் நடித்த ‘நெஞ்சம் மறப்பதில்லை‘ என்ற சமுக நாடகமும், திருவிளையாடல் என்ற நாடகமும் நடத்தப்பட்டன.
விழாவில் விழாத் தலைவா் அன்பழகன், முதன்மை விருந்தினா் த.சிவானந்தம், சென்னை மெட்டக்ஸ் மேலாண்மை இயக்குநா் வீ.க.செல்வகுமாா், மங்கத்ராம் நிறுவனத்தின் நிா்வாக இயக்குநா் இராமச்சந்திரன், அபூா்வா கெமிக்கல்ஸ் கண்ணன் இராமகிருஷ்ணன், ஆணீஸ் நிந்வாக இயக்குநா் டென்சிங், தைரோகோ் பொதுமேலாளா் சந்திரசேகா், ஆதினா குளோபல் சிவக்குமாா் இராமச்சந்திரன், திராவிடா் மறு மலா்ச்சி நடுவம் ஸ்டீபன் ரவிகுமாா், சிட்டி டைரி உரிமையாளா் கண்ணன், தருண் உள்ளிட்டோா் கலந்து கொண்டனா்.
நிறைவில் பெ.கணேசன் நன்றி கூறினாா்.