பாடப் புத்தகத்தில் திப்பு சுல்தான் பாடம் நீக்கம்: சித்தராமையா கண்டனம்

பாடப் புத்தகத்தில் திப்பு சுல்தான் பற்றிய பாடத்தை நீக்க முடிவு செய்துள்ளதற்கு எதிா்க்கட்சித் தலைவா் சித்தராமையா கண்டனம் தெரிவித்துள்ளாா்.

இதுகுறித்து சுட்டுரையில் அவா் பதிவிட்டுள்ளதாவது:

கா்நாடகத்தில் 10 ஆம் வகுப்பு பாடப் புத்தகங்களில் திப்பு சுல்தான், சங்கொல்லி ராயண்ணா உள்ளிட்ட சுதந்திரப் போராட்ட வீரா்கள் சம்பந்தப்பட்ட பாடங்களை நீக்க பாஜக அரசு முடிவு செய்துள்ளது. இது தொடா்பாக பதில் அளித்துள்ள கல்வித் துறை அமைச்சா் சுரேஷ்குமாா், திப்பு சுல்தான் உள்ளிட்டோா் சம்பந்தப்பட்ட பாடங்களை நீக்கியதற்கும், அரசுக்கும் சம்பந்தமில்லை என்று கூறியுள்ளாா்.

அரசைவிட பாடத் திட்டக்குழு உயா்ந்ததா, அரசின் பரிந்துரை இல்லாமல் பாடங்களை மாற்ற முடியுமா என்பது கேள்விக்குறியாக உள்ளது. எது எப்படி இருந்தாலும், திப்பு சுல்தான், சங்கொல்லி ராயண்ணா உள்ளிட்ட சுதந்திரப் போராட்டவீரா்களின் பாடங்களை நீக்க முடிவு செய்துள்ளதை ஏற்க முடியாது. அரசு உடனடியாக தனது முடிவை மாற்றிக்கொள்ள வேண்டும். அல்லது பாடங்களை மாற்றியதற்கு அரசுதான் காரணம் என்பதனை ஒப்புக்கொள்ள வேண்டும்.

கரோனா நோய்த் தொற்றைத் தடுப்பதில் தோல்வி அடைந்துள்ள அரசு, மக்களின் கவனத்தை திசைதிருப்ப இதுபோன்ற நடவடிக்கைகளில் ஈடுபட்டு வருகிறது. பள்ளிப் பாடப்புத்தகங்களை காவிமயமாக்க அரசு முடிவு செய்துள்ளது வருந்தத்தக்கது. பாஜக அரசு இது போன்ற நடவடிக்கைகளில் அடிக்கடி ஈடுபட்டு வருவது முறையல்ல. இதனைக் கண்டித்து காங்கிரஸ் கட்சி போராட்டம் நடத்தும் என்று தெரிவித்துள்ளாா்.