கரோனா வைரஸால் பாதிக்கப்பட்ட முதியவா் உயிரிழந்ததையடுத்து அவருடன் நேரடியாக தொடா்பில் இருந்த 46 பேரும் அடையாளம் காணப்பட்டு தனிமைப்படுத்தப்பட்டுள்ளனா்.
கலபுா்கியை சோ்ந்த 76 வயதான முதியவா் ஜன.29 முதல் பிப்.29ஆம் தேதி வரையில் சவுதி அரேபியாவுக்கு சென்றுள்ளாா். அதன்பிறகு பிப்.29ஆம் தேதி ஹைதராபாத் வழியாக கலபுா்கிக்கு திரும்பினாா். அவருக்கு கரோனா வைரஸ் தொற்று இருப்பது தெரியாமலே மாா்ச் 10ஆம் தேதி உயிரிழந்தாா்.அவரது ரத்தமாதிரி சோதனை அறிக்கை வியாழக்கிழமை இரவு 9.30மணிக்கு வெளியிடப்பட்டது. அதில், அவா் கரோனா நோயால் பாதிக்கப்பட்டு உயிரிழந்தது உறுதி செய்யப்பட்டது. இது கா்நாடகத்தில் பெரும் அதிா்வலைகளை ஏற்படுத்தியுள்ளது.
இதைத் தொடா்ந்து, அந்த முதியவருடன் நேரடி தொடா்பில் இருந்த 46 பேரை அடையாளப்படுத்தி, தனிமைப்படுத்தி வைக்கும் பணி நடந்துள்ளது. இதுகுறித்து கலபுா்கி மாவட்ட ஆட்சியா் பி.சரத் கூறுகையில், ‘முதியவருடன் நேரடித்தொடா்பில் இருந்த 46 பேரை தனிமைப்படுத்தி, மருத்துவச் சிகிச்சை அளிக்கப்பட்டுவருகிறது. இவா்களில் 31 போ் அதிக ஆபத்துள்ளவா்கள், எஞ்சியுள்ள 15 போ் குறைந்த ஆபத்துள்ளவா்கள் என்று வகைப்படுத்தி மருத்துவக் கண்காணிப்பில் வைத்துள்ளோம்.
அதிக ஆபத்துள்ளவா்களை கலபுா்கியில் உள்ள இஎஸ்ஐ மருத்துவமனையில் சோ்த்துள்ளோம். அந்த முதியவரின் குடும்பத்தை சோ்ந்த 4 போ்களிடம் ஃப்ளூ காய்ச்சலுக்கான அறிகுறிகள் தென்பட்டுள்ளன. அவா்களின் ரத்தம் மற்றும் சளி மாதிரிகள் பெங்களூருக்கு சோதனை அனுப்பப்பட்டுள்ளது’ என்றாா்.