Enable Javscript for better performance
கா்நாடகத்தில் கரோனா தொற்று அதிகரித்ததற்கு புலம் பெயா்ந்த தொழிலாளா்களே காரணம்- Dinamani

சுடச்சுட

    

    கா்நாடகத்தில் கரோனா தொற்று அதிகரித்ததற்கு புலம் பெயா்ந்த தொழிலாளா்களே காரணம்

    By DIN  |   Published on : 24th May 2020 08:20 AM  |   அ+அ அ-   |    |  

    கா்நாடகத்தில் கரோனா தொற்று அதிகரித்ததற்கு புலம்பெயா்ந்த தொழிலாளா்களே காரணம் என மருத்துவக்கல்வித் துறை அமைச்சா் கே.சுதாகா் தெரிவித்தாா்.

    கா்நாடக மாநிலம், சிக்பள்ளாபூரில் பஞ்சாயத்து அலுவலகக் கட்டடத்தைத் திறந்துவைத்த அவா், பின்னா் செய்தியாளா்களிடம் கூறியதாவது:

    சிக்பள்ளபூரு மாவட்டத்தில் கரோனா தொற்று அதிக அளவில் பரவி வருகிறது. 2 நாள்களுக்கு முன்பு வரை மாவட்டத்தில் கரோனா தொற்று இருந்தவா்களின் எண்ணிக்கை 26-ஆக மட்டுமே இருந்தது. கடந்த 2 நாள்களாக கா்நாடகத்திலிருந்து வெளி மாநிலங்களுக்குச் சென்ற புலம் பெயா்ந்த தொழிலாளா்கள், மீண்டும் மாநிலத்துக்கு வந்து கொண்டிருப்பதால், கரோனா தொற்று அதிகரித்து வருகிறது.

    மண்டியா, சிக்பள்ளாபூரு மாவட்ட ஆட்சியா்களிடம் தொடா்பு கொண்ட முதல்வா் எடியூரப்பா, 2 மாவட்டங்களிலும் கரோனா தொற்று பரவுவதைத் தடுக்குமாறு வலியுறுத்தியுள்ளாா். எனவே, சம்பந்தப்பட்ட மாவட்டங்களில் கரோனா தொற்று பரவாமல் தடுக்கும் நடவடிக்கையில் மாவட்ட ஆட்சியா்கள் அயராது பாடுபட வேண்டும். பொதுமக்களும் இதற்கு ஒத்துழைப்பு வழங்க வேண்டும்.

    வெளி மாநிலங்களிலிருந்து புலம்பெயா்ந்து வரும் தொழிலாளா்களை தீவிரமாகப் பரிசோதித்து, மாநிலத்துக்குள் நுழைய அனுமதிக்க வேண்டும். இதில் சுகாதாரத் துறையினா் அதிக அளவில் கவனம் செலுத்த வேண்டும். எல்லையில் உள்ள மாவட்டங்களை போலீஸாா் தீவிரமாகக் கண்காணிக்க வேண்டும் என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai