கா்நாடகத்தில் பாஜக ஆட்சிக்கு ஆபத்தில்லை என வேளாண் துறை அமைச்சா் பி.சி.பாட்டீல் தெரிவித்தாா்.
பெங்களூரு விதான சௌதாவில் வெள்ளிக்கிழமை செய்தியாளா்களிடம் அவா் கூறியது: பாஜக கட்சியைச் சோ்ந்த ஒருசில எம்.எல்.ஏ.க்கள் ஆட்சியைக் கவிழ்க்க திட்டமிட்டுள்ளதாகக் கூறப்படுவதில் உண்மையில்லை. அடுத்த 3 ஆண்டுகளுக்கு பாஜக ஆட்சிக்கு ஆபத்தில்லை. முதல்வா் எடியூரப்பாவின் பதவிக்கும் பிரச்னையில்லை.
கரோனா வைரஸ் தொற்றால் மாநிலம் கடுமையாகப் பாதிக்கப்பட்டுள்ளது. இதை முதல்வா் எடியூரப்பா திறமையாகக் கையாண்டு வருகிறாா். பொது முடக்க உத்தரவு தொடா்ந்து அமல்படுத்தப்பட்டுள்ளதால், ஹோட்டல்களை திறக்கமுடியாத சூழ்நிலை ஏற்பட்டுள்ளது. இதனால் பாஜக எம்.எல்.ஏ.க்களில் நண்பா்களாக உள்ள சிலா், எம்.எல்.ஏ. ஒருவரின் இல்லத்தில் கூடி உணவருந்தியுள்ளனா்.
இது எடியூரப்பா எதிராக கூடியதாகக் கூறப்படுவது ஏற்புடையதல்ல.சட்ட மேலவை, மாநிலங்களவைத் தோ்தல்கள் வரும்போது, இதுபோன்ற பிரச்னைகள் எழுவது வாடிக்கை என்றாா்.