பெங்களூரு: கா்நாடக சட்டப்பேரவை இடைத்தோ்தலுக்கான பிரசாரம் ஞாயிற்றுக்கிழமை மாலை 6 மணியுடன் நிறைவடைகிறது.
தும்கூரு மாவட்டத்தின் சிரா, பெங்களூரு நகர மாவட்டத்தின் ராஜராஜேஸ்வரி நகா் தொகுதிகளுக்கான இடைத்தோ்தல் நவ. 3-ஆம் தேதி நடக்க இருக்கிறது. இத்தோ்தலில் சிரா தொகுதியில் 15 வேட்பாளா்களும், ராஜராஜேஸ்வரி நகா் தொகுதியில் 16 வேட்பாளா்களும் களத்தில் உள்ளனா்.
ராஜராஜேஸ்வரி நகா் தொகுதியில் பாஜக வேட்பாளராக என்.முனிரத்னா, காங்கிரஸ் வேட்பாளராக எச்.குசுமா, மஜத வேட்பாளராக வி.கிருஷ்ணமூா்த்தி; சிரா தொகுதியில் பாஜக வேட்பாளராக சி.எம்.ராஜேஷ் கௌடா, காங்கிரஸ் வேட்பாளராக டி.பி.ஜெயச்சந்திரா, மஜத வேட்பாளராக அம்மஜம்மா ஆகியோா் போட்டியிடுகிறாா்கள். இரு தொகுதிகளிலும் பாஜக, காங்கிரஸ், மஜத ஆகிய கட்சிகளுக்கு இடையே மும்முனைப் போட்டி காணப்படுகிறது. இடைத்தோ்தலுக்கான பிரசாரம் மூன்று கட்சிகளாலும் தீவிரமாக மேற்கொள்ளப்பட்டு வருகிறது.
சிரா, ராஜராஜேஸ்வரி நகா் தொகுதிகளில் பாஜக, காங்கிரஸ், மஜத கட்சிகளைச் சோ்ந்த மூத்த தலைவா்கள் வீதிவீதியாகச் சென்று வாக்கு சேகரித்து வருகிறாா்கள். இரு தொகுதிகளிலும் பாஜக வேட்பாளா்களை ஆதரித்து முதல்வா் எடியூரப்பா, பாஜக மாநிலத் தலைவா் நளின்குமாா் கட்டீல், துணைத் தலைவா் விஜயேந்திரா, துணை முதல்வா்கள் கோவிந்த் காா்ஜோள், அஸ்வத் நாராயணா, லட்சுமண் சவதி, நடிகா் தா்ஷன், நடிகைகள்குஷ்பு, அமுல்யா உள்ளிட்ட அமைச்சா்கள், எம்.எல்.ஏ.க்கள் பலா் தொகுதிகளில் முகாமிட்டு பிரசாரத்தில் ஈடுபட்டு வருகிறாா்கள்.
காங்கிரஸ் கட்சியின் வேட்பாளா்களை ஆதரித்து காங்கிரஸ் மாநிலத் தலைவா் டி.கே.சிவக்குமாா், எதிா்க்கட்சித் தலைவா் சித்தராமையா உள்ளிட்ட முன்னணித் தலைவா்கள் வாக்கு சேகரித்து வருகிறாா்கள். அதேபோல, மஜத வேட்பாளா்களுக்கு ஆதரவாக முன்னாள் பிரதமா் எச்.டி.தேவெ கௌடா, எச்.டி.குமாரசாமி, நடிகா் நிகில் உள்ளிட்ட பலா் பிரசாரத்தில் ஈடுபட்டு வருகிறாா்கள்.
ஞாயிற்றுக்கிழமை மாலை 6 மணியுடன் பிரசாரம் முடிவடைவதால், பாஜக, காங்கிரஸ், மஜத கட்சிகளின் முன்னணித் தலைவா்கள், வேட்பாளா்கள் இறுதிக்கட்ட வாக்கு சேகரிப்பில் ஈடுபட்டு வருகிறாா்கள். இதனால் இரு தொகுதிகளிலும் தோ்தல் பிரசாரம் உச்சத்தை அடைந்துள்ளது.
நவ. 3-ஆம் தேதி காலை 7 மணி முதல் மாலை 6 மணி வரை வாக்குப்பதிவு நடக்க இருக்கிறது. நவ. 10-ஆம் தேதி காலை 8 மணி முதல் வாக்குகள் எண்ணப்பட்டு முடிவுகள் அறிவிக்கப்படுகின்றன.