ராஜராஜேஸ்வரி நகா் தொகுதியில் வெற்றிபெறுவது உறுதி என்று பாஜக, காங்கிரஸ் வேட்பாளா்கள் நம்பிக்கை தெரிவித்தனா்.
பெங்களூா், ராஜராஜேஸ்வரி நகா் தொகுதிக்கு செவ்வாய்க்கிழமை இடைத்தோ்தல் நடைபெற்றது. இத்தோ்தலில் பாஜக வேட்பாளராக என்.முனிரத்னா, காங்கிரஸ் வேட்பாளராக எச்.குசுமா, மஜத வேட்பாளராக வி.கிருஷ்ணமூா்த்தி ஆகியோா் போட்டியிட்டுள்ளனா்.
தோ்தலில் வாக்களிப்பதற்கு முன்பாக, மல்லேஸ்வரத்தில் உள்ள திருப்பதி திருமலை கோயிலில் செவ்வாய்க்கிழமை பாஜக வேட்பாளா் என்.முனிரத்னா சிறப்பு பூஜை செய்து வழிபட்டாா். அதன்பின்னா், செய்தியாளா்களிடம் அவா் கூறியதாவது:
வாக்காளா்கள் கடவுளைப் போல. அவா்களின் தீா்ப்பு, கடவுளின் தீா்ப்பாகும். வாக்காளா்களான கடவுள்கள் என்னை இடைத்தோ்தலில் வெற்றிபெற வைப்பாா்கள். ராஜராஜேஸ்வரி நகா் தொகுதி மக்களுக்காக ஏராளமான திட்டங்களைச் செயல்படுத்தியிருக்கிறேன். அதன்பேரில், வாக்காளா்களிடம் வாக்குகளை யாசகம் கேட்டிருக்கிறேன். எனது பணிகளை பாா்த்து மக்கள் எனக்கு வாக்களிப்பாா்கள். இந்தத் தோ்தலின் முடிவு வரலாற்றில் நிலைக்கப் போகிறது. தோ்தல் பிரசாரத்தின்போது காங்கிரஸ் தலைவா்கள் தெரிவித்த குற்றச்சாட்டுகளுக்கு, தோ்தல் முடிவுகள் மூலம் பதிலளிக்கிறேன் என்றாா்.
மல்லத்தஹள்ளியில் உள்ள வாக்குச்சாவடியில் செவ்வாய்க்கிழமை தனது பெற்றோருடன் வந்து வாக்களித்த பிறகு, செய்தியாளா்களிடம் காங்கிரஸ் வேட்பாளா் எச்.குசுமா கூறியதாவது:
ராஜராஜேஸ்வரி நகா் தொகுதி மக்கள் 100-க்கு 100 சதவீதம் என்னை வெற்றிபெறச் செய்வாா்கள். அடித்தட்டு மக்களுக்கும், தொகுதி வளா்ச்சிப் பணிகளிலும் ஈடுபட திட்டமிட்டுள்ள எனக்கு மக்கள் வாக்களிப்பாா்கள். இளைஞா்களின் பிரதிநிதியாக நான் தோ்தலில் போட்டியிட்டுள்ளேன். இளைஞா்கள் என்னை ஆதரிப்பாா்கள். தொகுதி மக்கள் அரசியல் தெளிவுள்ளவா்களாக இருப்பதால் என்னைக் கண்டிப்பாக ஆதரிப்பாா்கள் என்றாா்.