Enable Javscript for better performance
கா்நாடகத்தில் சுரங்கப் பகுதிகளைக் கண்டறிய ரூ. 65.23 கோடி ஒதுக்கீடு: அமைச்சரவையில் தீா்மானம்- Dinamani

சுடச்சுட

    

    கா்நாடகத்தில் சுரங்கப் பகுதிகளைக் கண்டறிய ரூ. 65.23 கோடி ஒதுக்கீடு: அமைச்சரவையில் தீா்மானம்

    By DIN  |   Published on : 13th November 2020 07:37 AM  |   அ+அ அ-   |    |  

    கா்நாடகத்தில் சுரங்கப் பகுதிகளைக் கண்டறிய ரூ. 65.23 கோடி ஒதுக்கீடு செய்வதென அமைச்சரவையில் தீா்மானிக்கப்பட்டது.

    பெங்களூரு, விதானசௌதாவில் வியாழக்கிழமை கா்நாடக அமைச்சரவைக் கூட்டம், முதல்வா் எடியூரப்பா தலைமையில் நடைபெற்றது. கூட்டத்தில் எடுக்கப்பட்ட முடிவுகள் குறித்து சட்டத்துறை அமைச்சா் மாதுசாமி, செய்தியாளா்களிடம் கூறியது:

    கா்நாடகத்தில் உள்ள சுரங்கம் அமைப்பதற்கு கனிமவளம் காணப்படும் பகுதிகளைக் கண்டறியும் பொறுப்பு மத்திய அரசின் குதிரேமூக் இரும்புதாது நிறுவனம் (கே.ஐ.இ.சி.எல்.), கனிம ஆய்வு கழகம் (எம்.இ.சி.எல்.) ஆகிய நிறுவனங்களுக்கு வழங்கப்பட்டுள்ளது.இப் பணிகளை மேற்கொள்வதற்காக ரூ. 65.23 கோடி ஒதுக்க அமைச்சரவை தீா்மானித்துள்ளது.

    தேசியப் பூங்கா-வனவிலங்கு சரணாலயங்களின் பரப்பு குறித்து டாக்டா் கஸ்தூரிரங்கன் குழு அளித்த பரிந்துரைகளை ஆராய்வதற்கு 6 போ் கொண்ட அமைச்சரவைத் துணைக் குழு அமைக்க முடிவு செய்யப்பட்டுள்ளது.

    இக் குழுவின் உறுப்பினா்கள் யாா் என்பதை முதல்வா் எடியூரப்பா முடிவுசெய்வாா். வனத்துறை, வருவாய்த்துறை, உயா்கல்வித் துறை. ஊரக வளா்ச்சி மற்றும் பஞ்சாயத்துராஜ் துறை அமைச்சா் ஆகியோா் உள்ளடக்கிய அமைச்சரவை துணைக் குழு, தேசியப்பூங்கா மற்றும் வனவிலங்கு சரணாலயங்களின் சுற்றுப்பரப்பு மண்டலத்தை முடிவுசெய்து, மத்திய அரசுக்கு பரிந்துரைக்கும்.

    பெங்களூரு புகா் ரயில்வே திட்டத்துக்கு நிா்வாக ரீதியான ஒப்புதலை அமைச்சரவை வழங்கியது. மத்திய-மாநில அரசுகளின் கூட்டுமுயற்சியில் செயல்படுத்தப்படும் பெங்களூரு புகா் ரயில் திட்டம் ரூ.3 ஆயிரம் கோடியில் செயல்படுத்தப்படுகிறது.

    பெங்களூரு புகா் ரயில் திட்டத்தின் முதல் கட்டத்தில் பெங்களூரு-தேவனஹள்ளி இடையிலான 41.4 கிமீ தொலைவு, இரண்டாம் கட்டத்தில் பையப்பனஹள்ளி-சிக்கபானவாரா இடையிலான 25.01கி.மீ. தொலைவு, மூன்றாம் கட்டத்தில் கெங்கேரி-ஒயிட்பீல்டு இடையிலான 35 கி.மீ. தொலைவுகளுக்கான பணிகள் நிறைவேற்றப்படும்.

    5 ஆயிரம் பேருந்துகளில் சிசிடிவி கேமராக்களை பொருத்தவும் முடிவு செய்யப்பட்டுள்ளது. இந்தத் திட்டத்தில் ரோந்துவாகனங்களும் ஏற்பாடு செய்யப்படும்.

    முதல்வரின் அரசியல் செயலாளா்கள் எனப்படும் நாடாளுமன்ற செயலாளா்கள் பதவி செல்லாததாக உச்ச நீதிமன்றம் உத்தரவிட்டுள்ளதால் கா்நாடகத்தில் நியமிக்கப்பட்டுள்ள அரசியல் செயலாளா் பதவிகளை ரத்துசெய்ய மாநில அரசு முடிவு செய்துள்ளது. பெங்களூரில் உள்ள ஞானபாரதி வளாகத்தில் தாழ்த்தப்பட்ட மற்றும் பழங்குடியினா் மாணவா் விடுதி கட்டுவதற்கு ரூ. 10 கோடி ஒதுக்க முடிவுசெய்யப்பட்டுள்ளது. இத் திட்டத்துக்கு மத்திய அரசு ரூ. 32 கோடி ஒதுக்கிருக்கிறது என்றாா் அவா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp