மைசூரில் நாளை தசரா விழா நிறைவு: முதல்வா் எடியூரப்பா பங்கேற்கிறாா்

மைசூரு: உலகப் புகழ்பெற்ற தசரா விழா மைசூரில் அக். 26-ஆம் தேதி அரண்மனை வளாகத்துக்குள் நடைபெறும் அடையாள யானைகள் ஊா்வலத்துடன் நிறைவடைகிறது. கரோனா தொற்றை முன்னிட்டு எளிமையாக நடத்தப்படும் இந்த ஊா்வலத்தை முதல்வா் எடியூரப்பா தொடக்கி வைக்கிறாா்.

1610-ஆம் ஆண்டில் அப்போதைய மைசூரு மன்னா் ராஜா உடையாரால் தொடக்கி வைக்கப்பட்டு, 410-ஆம் ஆண்டாக நடைபெறும் உலகப் புகழ்பெற்ற தசரா திருவிழா, திங்கள்கிழமையுடன் (அக். 26) மைசூரில் நிறைவடைகிறது. வழக்கமாக உற்சாகம் பொங்க, குதூகலமாக நடத்தப்படும் தசரா திருவிழா, கரோனா தீநுண்மித் தொற்று காரணமாக நிகழாண்டில் எளிமையாக நடத்தப்பட்டது.

அரண்மனை வளாகத்தில் மட்டுமே நடத்தப்பட்ட இந்த விழா, கடந்த அக். 17-ஆம் தேதி தொடங்கியது. 10 நாள்களாக நடைபெற்று வந்த தசரா விழாவின் நிறைவுப் பகுதியாக நடைபெறும் யானைகள் ஊா்வலம், மைசூரு, அரண்மனை வளாகத்தில் திங்கள்கிழமை (அக். 26) மரபைப் பேணும் வகையில் அடையாளத்துக்காக நடத்தப்படுகிறது. அன்று பிற்பகல் 2.59 மணி முதல் 3.20 மணிக்குள் நந்தி கொடிமர பூஜையை முதல்வா் எடியூரப்பா செய்ய இருக்கிறாா். அதன்பிறகு, அரண்மனை வளாகத்தில் உலகப் புகழ்பெற்ற தசரா விழாவின் அடையாள யானை ஊா்வலத்தை (ஜம்போ சவாரி) முதல்வா் எடியூரப்பா தொடக்கி வைக்க உள்ளாா்.

அபிமன்யூ யானை தலைமையில் நடைபெறும் யானை ஊா்வலத்தில், 5 யானைகள் மட்டுமே கலந்துகொள்கின்றன. நிகழாண்டில் 750 கிலோ எடை கொண்ட தங்கப் பல்லக்கை (அம்பாரி) அபிமன்யூ யானை சுமக்கிறது. இந்த ஊா்வலத்தில் 5 கலைக்குழுவினா் மட்டுமே பங்கேற்கிறாா்கள். அதைத் தொடா்ந்து, கரோனா விழிப்புணா்வை ஏற்படுத்தும் சுகாதாரத் துறையின் அலங்கார ஊா்தி இடம்பெறுகிறது.

இந்த விழாவில், மைசூரு மாவட்டப் பொறுப்பு அமைச்சா் எஸ்.டி.சோமசேகா், கன்னடம் மற்றும் கலாசாரத் துறை அமைச்சா் சி.டி.ரவி, மைசூரு மாநகராட்சி மேயா் தஸ்நீம், மாவட்ட ஆட்சியா் சந்திரகுப்தா, பாஜக எம்.பி. பிரதாப் சிம்ஹா உள்ளிட்ட 300 போ் மட்டுமே கலந்துகொள்ள அனுமதிக்கப்படுகிறாா்கள். அரண்மனை வளாகத்துக்குள் பொதுமக்கள் வருகைக்கு தடைவிதிக்கப்பட்டுள்ளது. அரண்மனை வளாகத்துக்குள் அனுமதிக்கப்படுவோா் கட்டாயம் கரோனா தொற்று சோதனை செய்திருக்குமாறு உத்தரவிடப்பட்டுள்ளது.

தீப்பந்த ஊா்வலம்:

வழக்கமாக யானைகள் ஊா்வலம் வன்னி மண்டபத்தை அடைந்ததும், தசரா விழாவின் நிறைவைக் குறிக்கும் வகையில் தீப்பந்த ஊா்வலம் நடத்தப்படும். இதில், ஆளுநா், முதல்வா் உள்ளிட்டோா் கலந்துகொள்வது வாடிக்கை. இம்முறை கரோனா தொற்று காரணமாக, தீப்பந்த ஊா்வலம் ரத்துசெய்யப்பட்டு, மைசூரு மன்னா் குடும்பத்து பட்டத்து இளவரசரான யதுவீா் கிருஷ்ணதத்த சாமராஜ உடையாா் மற்றும் அவரது குடும்பத்தினா் மட்டும் வன்னி மண்டபத்தில் பூஜை செய்து, தசரா திருவிழாவை முறைப்படி நிறைவுசெய்கிறாா்கள்.

வழக்கமாக, 10 லட்சத்துக்கும்மேற்பட்டோா் கலந்துகொள்ளும் இந்த திருவிழா, கரோனா காரணமாக 300 போ் மட்டுமே கலந்துகொள்ளும் விழாவாக நடந்து முடியவுள்ளது.

காணொலி மூலம் காணலாம்:

யானை ஊா்வலம் உள்ளிட்ட அனைத்து நிகழ்ச்சிகளையும் ட்ற்ற்ல்ள்://ம்ஹ்ள்ா்ழ்ங்.ய்ண்ஸ்ரீ.ண்ய்/ங்ய்/ம்ஹ்ள்ன்ழ்ன்-க்ஹள்ஹழ்ஹ-2020 என்ற இணையதளத்தில் நேரடியாக கண்டுகளிக்கலாம். இதுதவிர, முகநூல், சுட்டுரை உள்ளிட்ட சமூக வலைதளங்களிலும் நேரலை காட்சிகளைக் காணலாம்.