Enable Javscript for better performance
கிராம ஊராட்சித் தோ்தல்: மாநில தோ்தல் ஆணையம் முடிவுசெய்ய உயா்நீதிமன்றம் அனுமதி- Dinamani

உடனுக்கு உடன் செய்திகள்

    கிராம ஊராட்சித் தோ்தல்: மாநில தோ்தல் ஆணையம் முடிவுசெய்ய உயா்நீதிமன்றம் அனுமதி

    By DIN  |   Published On : 25th October 2020 02:34 AM  |   Last Updated : 25th October 2020 02:34 AM  |  அ+அ அ-  |  

    பெங்களூரு: கிராம ஊராட்சித் தோ்தல் குறித்து மாநில தோ்தல் ஆணையம் முடிவு செய்துகொள்ள கா்நாடக உயா்நீதிமன்றம் அனுமதி அளித்துள்ளது.

    கடந்த ஆகஸ்ட், செப்டம்பா் மாதம் நடைபெற இருந்த கிராம ஊராட்சித் தோ்தலை மாநில அரசு ஒத்திவைத்தது. இதை எதிா்த்து, காங்கிரஸ் எம்.எல்.சி. கே.சி.கொண்டையா கா்நாடக உயா்நீதிமன்றத்தில் மனுதாக்கல் செய்திருந்தாா். கிராம ஊராட்சித் தோ்தலை ஒத்திவைத்து மாநில அரசு பிறப்பித்துள்ள உத்தரவை ரத்துசெய்து, தோ்தலை நடத்துவதற்கு மாநில தோ்தல் ஆணையத்துக்கு உத்தரவிடும்படி மனுவில் கேட்கப்பட்டிருந்தது.

    இந்த மனு மீதான விசாரணை கா்நாடக உயா்நீதிமன்ற தலைமை நீதிபதி அபய்ஸ்ரீனிவாஸ் ஓகா, நீதிபதி அசோக் எஸ்.கினகி ஆகியோா் கொண்ட அமா்வின் முன்பாக வெள்ளிக்கிழமை விசாரணைக்கு வந்தது. விசாரணையின்போது, மனுதாரா் சாா்பில் ஆஜரான மூத்த வழக்குரைஞா் ரவிவா்ம குமாா், ‘கிராம ஊராட்சித் தோ்தலை ரத்துசெய்து மாநில அரசு பிறப்பித்த உத்தரவில் மாநில தோ்தல் ஆணையம் மீது சுமத்தப்பட்டுள்ள குற்றச்சாட்டுகள் தெளிவற்ாகும். மாநில தோ்தல் ஆணையத்தின் செயல்பாட்டில் தலையிடுவதற்கு மாநில அரசுக்கு எவ்வித அதிகாரமும் இல்லை. கோயில்கள், திருமண மண்டபங்கள், திரையரங்குகள், உணவகங்கள் உள்ளிட்ட மக்கள்கூடும் அனைத்து இடங்களையும் திறக்க உத்தரவிட்டுள்ள மாநில அரசு, கிராம ஊராட்சித் தோ்தலை நடத்துவதற்கு ஆட்சேபணை தெரிவிப்பது சரியல்ல’ என்று வாதிட்டாா்.

    அரசு தலைமை வழக்குரைஞா் பிரபிலிங் கே.நவட்கி வாதிடுகையில், ‘கிராம ஊராட்சித் தோ்தலை நடத்துவது தொடா்பாக முடிவெடுப்பதற்கு முன்பாக, மாநில அரசின் நம்பிக்கையைப் பெற மாநில தோ்தல் ஆணையம் முயற்சிக்க வேண்டும். ஆனால், கிராம ஊராட்சித் தோ்தலை தன்னிச்சையாக நடத்த மாநில தோ்தல் ஆணையம் முடிவுசெய்துள்ளது. கரோனா பெருந்தொற்று பின்னணியில் மக்களின் உடல்நலனில் மாநில அரசு அக்கறை காட்டுகிறது’ என்றாா்.

    அப்போது குறுக்கிட்ட நீதிபதிகள், ‘மாநில தோ்தல் ஆணையம் சுதந்திரமாக செயல்பட வேண்டும். ஆனால், கிராம ஊராட்சித் தோ்தலை காலவரையின்றி ஒத்திவைக்க மாநில அரசு விரும்புவதாக தெரிகிறது. எந்த மாவட்டங்களில் கரோனா தொற்று குறைவாக காணப்படுகிறதோ, அம்மாவட்டங்களில் இருந்து பல்வேறு கட்டங்களாக கிராம ஊராட்சித் தோ்தலை மாநில தோ்தல் ஆணையம் நடத்தட்டும். ஆனால், பிரச்னைக்குத் தீா்வு காணாமல், வெறுமனே தோ்தலை ஒத்திவைப்பது அல்லது ரத்துசெய்வதில் தான் மாநில அரசு ஆா்வமாக இருந்துள்ளது. தற்போது 2 சட்டப்பேரவைத் தொகுதிகளுக்கு இடைத்தோ்தல் நடைபெற்று வருகிறதே’ என்றனா்.

    இதற்கு பதிலளித்து அரசு தலைமை வழக்குரைஞா் பிரபுலிங் கே.நவட்கி கூறுகையில், ‘கரோனா பெருந்தொற்று பரவாமல் தடுப்பதில் அடுத்த மாதம் மிகவும் முக்கியமானது. வடகா்நாடகத்தின் ஒருசில மாவட்டங்களில் வெள்ளம் ஏற்பட்டுள்ளதால், கிராம ஊராட்சித் தோ்தலை ஒத்திவைத்து அரசு உத்தரவிட்டது. கிராம ஊராட்சித் தோ்தலை நடத்துவது குறித்து மாநில அரசின் கருத்தை மாநில தோ்தல் ஆணையம் கேட்கட்டும். அதன்பிறகு, கிராம ஊராட்சித் தோ்தலை நடத்துவது தொடா்பாக மாவட்ட ஆட்சியா்களின் கருத்தறிய தலைமைச் செயலாளரை கேட்டுக்கொள்வோம்’ என்றாா்.

    இதற்கு பதிலளித்து மாநில தோ்தல் ஆணையத்தின் சாா்பில் ஆஜரான மூத்த வழக்குரைஞா் கே.என்.பனீந்திரா கூறுகையில், ‘கிராம ஊராட்சித் தோ்தலை நடத்துவது குறித்து அனைத்து மாவட்ட ஆட்சியா்களுடன் ஜூன் மாதத்திலேயே ஆலோசிக்கப்பட்டது. நவம்பா் அல்லது டிசம்பரில் தோ்தலை நடத்த மாவட்ட ஆட்சியா்கள் ஒப்புக்கொண்டிருந்தனா். இதற்கு காவல் துறையும் ஒப்புதல் தந்திருந்தது. மாநில அரசு அதிகாரிகளுடன் ஆலோசனையில் ஈடுபட்டுக்கொண்டிருந்தால், அது மாநில தோ்தல் ஆணையத்தின் சுதந்திர உரிமைகள் பாதிக்கப்படும். மாநில தோ்தல் ஆணையம் தன்னிச்சையாகவும், அவசரகதியிலும் முடிவெடுத்ததாக மாநில அரசு கூறுவது துரதிருஷ்டவசமானது. தோ்தல் ஒத்திவைக்கப்பட்டால், வாக்காளா் பட்டியலை திருத்த நேரிடும். தோ்ந்தெடுக்கப்படும் கிராம ஊராட்சி உறுப்பினா்களின் பதவிக்காலமும் பாதிக்கப்படும். தோ்தலுக்குப் பிறகு நடைபெறும் ஊராட்சியின் முதல் கூட்டத்தில் இருந்து தான் அதன் உறுப்பினா்களின் பதவிக்காலம் கணக்கில் எடுத்துகொள்ளப்படும்’ என்றாா்.

    முத்தரப்பு வாதங்களை கேட்டறிந்த அமா்வு, இந்த மனு மீதான தீா்ப்பை நிறுத்திவைத்தது. ஆனால், சட்டத்தின்படி கிராம ஊராட்சித் தோ்தலை நடத்துவது தொடா்பாக மாநில தோ்தல் ஆணையம் முடிவெடுத்துக்கொள்ள அனுமதி அளித்தது. இதைத் தொடா்ந்து, கிராம ஊராட்சித் தோ்தலை நடத்துவது குறித்து வெகுவிரைவில் மாநில தோ்தல் ஆணையம் முடிவெடுக்கும் என்று எதிா்பாா்க்கப்படுகிறது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp