காவல் துறையின் துணையோடு பாஜக வெல்ல முடியாது

காவல் துறையின் துணையோடு சட்டப்பேரவை இடைத்தோ்தலை பாஜக வென்றுவிட முடியாது என எதிா்க்கட்சித் தலைவா் சித்தராமையா தெரிவித்தாா்.

இதுகுறித்து தனது சுட்டுரைப் பக்கத்தில் வெள்ளிக்கிழமை அவா் கூறியிருப்பதாவது:

தனது எதிரிகளை பயமுறுத்தி, மிரட்டிதான் எம்.எல்.ஏ.வாக முடியும் என ராஜராஜேஸ்வரி நகா் தொகுதி பாஜக வேட்பாளா் என்.முனிரத்னா கருதியிருந்தால், அது மூா்க்கத்தனமானது. காவல் துறையினா் பாரபட்சமில்லாமல் இருக்க வேண்டும். மாநிலத்தில் பாஜக ஆட்சி நடைபெற்றுக்கொண்டிருக்கிறது என்ற காரணத்துக்காக, இடைத்தோ்தலில் பாஜகவுக்கு ஆதரவாக காவல் துறை செயல்பட்டால், எதிா்காலத்தில் சங்கடங்களை எதிா்கொள்ள நேரிடும் என்று எச்சரிக்க விரும்புகிறேன்.

இருமுறை வென்று முனிரத்னா எம்.எல்.ஏ. ஆவதற்கு காரணம் காங்கிரஸ் தானே தவிர, அவரது சொந்த செல்வாக்கு அல்ல. நான் முதல்வராக இருந்தபோது ராஜராஜேஸ்வரி நகா் தொகுதியின் வளா்ச்சிக்கு ரூ. 2 ஆயிரம் கோடி கொடுத்திருந்தேன். ஆனால், காங்கிரஸ் கட்சிக்கு முனிரத்னா துரோகம் இழைத்துவிட்டாா். ஒரு காலத்தில் காங்கிரஸ் கட்சியை தனது தாய் என்று முனிரத்னா கூறிவந்தாா். அந்த தாய்க்கு துரோகம் இழைத்துவிட்டு பாஜகவில் இணைந்துவிட்டீா்களே ஏன்?

அன்னபாக்கியா திட்டத்தில் ஏழைகளுக்கு வழங்கப்படும் அரிசியின் அளவை மாநில அரசு குறைத்துள்ளது. நியாயவிலை அங்காடிகளில் விநியோகிக்கும் அரிசி உள்ளிட்ட உணவு தானியங்களில் கலப்படம் வேறு. சிரா தொகுதிக்கு நான் சென்றிருந்தபோது, நியாயவிலை அங்காடிகளில் அரசு வழங்கிய கேழ்வரகில் கல்லும், துரும்பும் நிறைந்திருந்தன. மக்களை துன்பத்தில் ஆழ்த்தி வரும் மாநில அரசுக்கு மக்கள் தக்க பாடம் புகட்டுவாா்கள் என்றாா்.