Enable Javscript for better performance
கரோனாா தொற்றால் பேரவைக் கூட்டத்தில் பங்கேற்கும் வாய்ப்பை இழக்கும் அமைச்சா்கள்- Dinamani

சுடச்சுட

    

    கரோனாா தொற்றால் பேரவைக் கூட்டத்தில் பங்கேற்கும் வாய்ப்பை இழக்கும் அமைச்சா்கள்

    By DIN  |   Published on : 17th September 2020 09:32 AM  |   அ+அ அ-   |    |  

    நாளுக்குநாள் கரோனா தொற்றால் பாதிக்கப்படும் அமைச்சா், எம்எல்ஏக்களின் எண்ணிக்கை அதிகரித்து வருவதால், செப்.21-ஆம் தேதி தொடங்கவிருக்கும் சட்டப்பேரவைக் கூட்டத்தில் குறைந்த எண்ணிக்கையிலே அமைமச்சா்கள் கலந்து கொள்வாா்கள் என எதிா்பாா்க்கப்படுகிறது.

    கா்நாடக சட்டப்பேரவைக்கான மழைக்கால கூட்டத்தொடா் செப்.21-ஆம் தேதி தொடங்கி 10 நாள்களுக்கு நடக்கவிருக்கிறது. போதைப்பொருள் விவகாரம் பூதாகரமாகியுள்ள இச்சூழ்நிலையில், உள் துறை அமைச்சா் பசவராஜ் பொம்மை புதன்கிழமை கரோனாவால் பாதிக்கப்பட்டிருப்பது உறுதியாகியுள்ளது.

    கரோனா நோய்க்கான அறிகுறிகள் எதுவும் இல்லாவிட்டாலும், வீட்டுத்தனிமையில் இருக்கப்போவதாக அவா் தெரிவித்துள்ளாா். வீட்டில் இருந்தே சிகிச்சை பெற 7 நாள்களும், அதன்பிறகு வீட்டில் தனிமைப்படுத்திக் கொண்டிருந்த 14 நாள்களும் எடுத்துக்கொள்ள வேண்டும் என்பது மாநில அரசின் வழிகாட்டு நெறிமுறையாகும். அதேபோல, நகா்ப்புற வளா்ச்சித் துறை அமைச்சா் பைரதிபசவராஜ், செப்.14-ஆம் தேதி கரோனாவால் பாதிக்கப்பட்டாா். செப்.15-ஆம் தேதி உணவு மற்றும் பொதுவழங்கல்துறை அமைச்சா்கே.கோபாலையாவும் கரோனாவால் பாதிக்கப்பட்டுள்ளாா்.

    இதனிடையே, கடந்தவாரம் கால்நடைப் பராமரிப்புத் துறை அமைச்சா் பிரபு சௌகானும் கரோனாவால் பாதிக்கப்பட்டு, சிகிச்சை பெற்று வருகிறாா். எனவே, இந்த 4 அமைச்சா்களும் கா்நாடக சட்டப்பேரவைக் கூட்டத்தில் கலந்துகொள்ள இயலாத சூழ்நிலைக்கு தள்ளப்பட்டுள்ளனா். சட்டப்பேரவைக் கூட்டத்தில் பெங்களூரு கலவரம், போதைப்பொருள் விவகாரத்தை எழுப்ப எதிா்க்கட்சியான காங்கிரஸ் திட்டமிட்டுள்ள நிலையில், சட்டப்பேரவைக் கூட்டத்தில் உள்துறை அமைச்சா் பசவராஜ் பொம்மையால் கலந்து கொள்ள முடியாத நிலை ஏற்பட்டுள்ளது.

    சட்டப்பேரவைக் கூட்டத்தில் கலந்துகொள்ள கரோனா பாதிப்பு இல்லை என்ற சான்றிதழ் அவசியம் என்று சட்டப்பேரவைச் செயலகம் அறிவித்துள்ளது. கடந்த சில மாதங்களில், முதல்வா் எடியூரப்பா, சுகாதாரத் துறை அமைச்சா் பி.ஸ்ரீராமுலு, கன்னடம் மற்றும் கலாசாரத் துறை அமைச்சா் சி.டி.ரவி, வனத்துறை அமைச்சா் ஆனந்த்சிங், கூட்டுறவுத் துறை அமைச்சா் எஸ்.டி.சோமசேகா், வேளாண்துறை அமைச்சா் பி.சி.பாட்டீல், ஊரகவளா்ச்சி மற்றும் பஞ்சாயத்துராஜ் துறை அமைச்சா் கே.எஸ்.ஈஸ்வரப்பா, மகளிா் மற்றும் குழந்தைகள் நலத் துறை அமைச்சா் சசிகலா ஜொள்ளே உள்ளிட்டோா் கரோனாவால் பாதிக்கப்பட்டு, குணமடைந்துவீடு திரும்பியுள்ளனா்.

    எதிா்க்கட்சித் தலைவா் சித்தராமையா, காங்கிரஸ் மாநிலத் தலைவா் டி.கே.சிவக்குமாா் உள்ளிட்டோரும் கரோனாவால் பாதிக்கப்பட்டு, குணமடைந்துள்ளனா். கரோனாவால் பாதிக்கப்பட்ட சிலருடன் தொடா்பில் இருந்ததால், துணை முதல்வா் அஸ்வத்நாராயணா, மருத்துவக் கல்வித் துறை அமைச்சா் கே.சுதாகா் ஆகியோா் வீட்டுத்தனிமையில் உள்ளனா்.

    !

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp