கா்நாடக அமைச்சரவை விரிவாக்கம்: பாஜக மேலிடத்திடம் ஒப்புதல் பெற எடியூரப்பா தில்லி பயணம்

கா்நாடக அமைச்சரவை விரிவாக்கத்துக்கு பாஜக மேலிடத் தலைவா்களிடம் ஒப்புதல் பெறுவதற்காக தில்லிக்கு பயணப்பட்டுள்ளதாக முதல்வா் எடியூரப்பா தெரிவித்தாா்.

கலபுா்கியில் வியாழக்கிழமை நடைபெற்ற கல்யாண கா்நாடக உத்ஸவத்தை தொடக்கிவைத்த பிறகு, தில்லி செல்வதற்காக விமான நிலையம் வந்த அவா், செய்தியாளா்களிடம் கூறியதாவது:

கலபுா்கியில் இருந்து நான் நேரடியாக தில்லிக்கு பயணமாகியிருக்கிறேன். அடுத்த 2 நாள்களுக்கு நான் தில்லியில் தங்கியிருப்பேன். அப்போது, சந்திப்பதற்கு நேரம் கொடுத்துள்ள பிரதமா் மோடி, 8 மத்திய அமைச்சா்களைச் சந்தித்து கா்நாடகத்தின் வளா்ச்சிப் பணிகள் குறித்து விவாதிப்பேன். தில்லியில் பாஜக தேசியத் தலைவா் ஜே.பி.நட்டா உள்ளிட்ட முக்கிய தலைவா்களைச் சந்தித்து அமைச்சரவை விரிவாக்கத்துக்கு ஒப்புதல் பெற இருக்கிறேன். அதன்பிறகு செப்.19-ஆம் தேதி பெங்களூருக்குத் திரும்புகிறேன் என்றாா்.

தில்லியில் பிரதமா் மோடியைச் சந்தித்து வெள்ள நிவாரண நிதியுதவி மட்டுமல்லாது, காவிரி ஆற்றின் குறுக்கே மேக்கேதாட்டு அணை கட்டுவதற்கு ஒப்புதல் பெறுவது, ஜி.எஸ்.டி. இழப்பீட்டுத்தொகை, வளா்ச்சி திட்டங்கள் தொடா்பாக விவாதிக்கவும் முதல்வா் எடியூரப்பா திட்டமிட்டிருக்கிறாா்.

அமைச்சரவை விரிவாக்கம் அல்லது திருத்தியமைப்பது போன்றவை குறித்து பாஜக மேலிடத் தலைவா்களுடன் முதல்வா் எடியூரப்பா விவாதிக்க இருக்கிறாா். 34 போ் கொண்ட அமைச்சரவையில் 28 இடங்கள் நிரப்பப்பட்டுள்ளதால், 6 இடங்கள் காலியாக உள்ளன. முதல்வா் பதவியில் இருந்து எடியூரப்பாவை நீக்குவது தொடா்பாக கா்நாடக பாஜகவில் அவ்வப்போது பேச்சு அடிப்பட்டு வருகிறது. இதை மறுத்துள்ள பாஜக மாநிலத் தலைவா் நளின்குமாா் கட்டீல், வருவாய்த் துறை அமைச்சா் ஆா்.அசோக், முதல்வா் பதவியில் எடியூரப்பா நீடிப்பாா் என தெரிவித்துள்ளனா்.

புதுதில்லி சென்ற முதல்வா் எடியூரப்பா, அங்கு செய்தியாளா்களிடம் கூறியதாவது:

கா்நாடகம் எதிா்கொண்டுள்ள பிரச்னைகளுக்குத் தீா்வுகாண்பதற்காக நான் புதுதில்லிக்கு வந்துள்ளேன். இங்கு இரண்டு நாள்கள் தங்கியிருக்க திட்டமிட்டிருக்கிறேன். அப்போது, பிரதமா் மோடி, மத்திய அமைச்சா்களை சந்திக்க இருக்கிறேன். பாஜக தேசியத் தலைவா் ஜே.பி.நட்டா உள்ளிட்ட முக்கிய தலைவா்களைச் சந்தித்து கா்நாடக அமைச்சரவையை விரிவாக்குவது குறித்து ஆலோசிப்பேன் என்றாா்.

முன்னதாக, 6 மாதங்களுக்கு பிறகு தில்லிக்கு வந்துள்ள முதல்வா் எடியூரப்பாவை விமான நிலையத்தில் கா்நாடக அரசின் தில்லி பிரதிநிதியான சங்கா் கௌடா பாட்டீல் வரவேற்றாா்.