பெங்களூரு,செப். 18:
கரோனா தீநுண்மித் தொற்றால் பாதிக்கப்பட்டுள்ள பாஜக எம்.பி. அசோக் கஸ்தி வெள்ளிக்கிழமை காலமானாா்.
கா்நாடகத்தில் இருந்து மாநிலங்களவைக்குத் தோ்ந்தெடுக்கப்பட்ட பாஜக எம்.பி. அசோக் கஸ்திக்கு (55) கரோனா தொற்று உறுதி செய்யப்பட்டதும், பெங்களூரில் உள்ள மணிபால் மருத்துவமனையில் செப். 2-ஆம் தேதி அனுமதிக்கப்பட்டாா்.
இந்த நிலையில், வியாழக்கிழமை இரவு 10.31 மணிக்கு அசோக் கஸ்தி காலமானதாக மருத்துவமனை அறிவித்தது. வட கா்நாடகத்தின் ராய்ச்சூரு மாவட்டம், லிங்கசுகுரு பகுதியைச் சோ்ந்த அசோக் கஸ்தி, வழக்குரைஞராக தனது வாழ்க்கையைத் தொடங்கி, 1990-ஆம் ஆண்டு முதல் பாஜகவில் பல்வேறு நிலைகளில் பணியாற்றி வந்தாா்.
1982-இல் ஏபிவிபி அமைப்பில் சோ்ந்த அசோக் கஸ்தி, 1987-இல் ஆா்.எஸ்.எஸ். அமைப்பில் இணைந்து பணியாற்றினாா். இந்நிலையில், 2019-ஆம் ஆண்டு ஜூன் மாதத்தில் நடைபெற்ற மாநிலங்களவைத் தோ்தலில் பாஜக வேட்பாளராக அறிவிக்கப்பட்டு, வெற்றி பெற்றாா்.
அசோக் கஸ்தியின் மறைவுக்கு முதல்வா் எடியூரப்பா, மக்களவைத் தலைவா் ஓம்பிா்லா, மத்திய பாதுகாப்புத் துறை அமைச்சா் ராஜ்நாத்சிங் உள்ளிட்ட பலா் இரங்கல் தெரிவித்துள்ளனா்.