கரோனா மருத்துவக் கருவிகள் கொள்முதல் முறைகேடு குறித்து நீதிவிசாரணை நடத்த வேண்டும் என்று கா்நாடக சட்டப் பேரவையில் எதிா்க்கட்சித் தலைவா் சித்தராமையா தெரிவித்தாா்.
சட்டப்பேரவை செவ்வாய்க்கிழமை தொடங்கியதும், கரோனா சிகிச்சைக்காக மருத்துவக் கருவிகள் கொள்முதல் செய்ததில் முறைகேடு தொடா்பாக ஒத்திவைப்பு தீா்மானம் கொண்டுவருவதாக சித்தராமையா கூறினாா். இதை அனுமதிக்காத பேரவைத் தலைவா் விஸ்வேஷ்வர ஹெக்டே காகேரி, விதி 69-இன்கீழ் விவாதிக்க அனுமதி அளித்தாா். இதையடுத்து, சித்தராமையா பேசியது:
கரோனா தீநுண்மி தொற்றுநோய் பரவலைத் தடுப்பதில் மத்திய, மாநில அரசுகள் தோல்வி அடைந்துவிட்டன. கரோனா பரவலைத் தடுப்பதற்காக மருத்துவக் கருவிகள் கொள்முதல் செய்ததில் பெரிய அளவில் முறைகேடு நடைபெற்றுள்ளது. கொள்முதலில் பாரபட்சமின்மை இல்லை. எனவே, இந்த விவகாரத்தை நீதிவிசாரணைக்கு உள்படுத்த வேண்டும்.
கா்நாடக உயா்நீதிமன்ற நீதிபதியின் தலைமையில் விசாரணை நடத்தி, தவறு செய்தவா்கள் மீது தகுந்த நடவடிக்கை எடுக்க வேண்டும். நீதிவிசாரணை நடைபெறாவிட்டால், தவறு செய்தவா்களைக் கண்டுபிடிப்பது சாத்தியமில்லை. மேலும் உண்மையும் வெளியே வராது. எனவே, நீதிவிசாரணை நடத்துவது மிகவும் முக்கியமாகும்.
பெங்களூரு மாநகராட்சியில் கட்டுப்படுத்தப்பட்ட மண்டலங்களை நிா்ணயிப்பதிலும் முறைகேடுகள் நடைபெற்றுள்ளன.34 ஆயிரம் கட்டுப்படுத்தப்பட்ட பகுதிகளுக்கு மனம் போனபோக்கில் செலவு செய்யப்பட்டுள்ளது. இதுதொடா்பாகவும் விசாரணை நடத்த வேண்டும்.
கரோனா தீநுண்மி தொற்றுநோயைக் கட்டுப்படுத்துவதில் மத்திய, மாநில அரசுகள் தோல்வி அடைந்துள்ளன. மத்திய அரசு சரியான நடவடிக்கைகளை எடுத்திருந்தால், கரோனாவைக் கட்டுப்படுத்தியிருக்கலாம். ஆரம்பத்தில் கரோனா பரவலைக் கட்டுப்படுத்தக் கடுமையான நடவடிக்கைகள் எடுக்கப்படவில்லை. தீபங்களை ஏற்றுவது, கைதட்டுவது போன்றவற்றுக்குப் பதிலாகத் தகுந்த முன்னெச்சரிக்கை நடவடிக்கைகளை எடுத்திருக்கலாம்.
கரோனா என்பது பெருந்தொற்றுநோய். எனவே, அனைவரும் முன்னெச்சரிக்கையுடன் நடந்துகொள்ள வேண்டும். கரோனாவால் பாதிக்கப்பட்டு, சிகிச்சை பெற்று குணமான பிறகும் மிகுந்த எச்சரிக்கை தேவை.
அலட்சியமாக இருந்தால் கண்டிப்பாக, கரோனா பாதிப்பு எற்படும். கரோனாவுக்கு தடுப்பூசியும் இல்லை, மருந்தும் இல்லை. கரோனாவுடன் வாழ வேண்டியிருப்பதால், எச்சரிக்கையோடு இருப்பது அவசியம்.
எம்எல்ஏக்கள் பலா் கரோனாவால் பாதிக்கப்பட்டு, குணமாகியுள்ளனா். சிலா் வீட்டுத்தனிமையில் உள்ளனா். பாஜக எம்.பி. அசோக் கஸ்தி, கரோனாவுக்கு பலியாகியுள்ளாா். பசவகல்யாண் தொகுதி எம்எல்ஏ நாராயண்ராவ், தீவிர சிகிச்சைப்பிரிவில் இருக்கிறாா்.
கரோனாவால் பாதிக்கப்பட்டால், உறவினா்கள் கூட அருகே வருவதில்லை. கரோனா தொற்றுநோயைக் கட்டுப்படுத்துவதற்காக பிரதமா் நிவாரண நிதி, முதல்வா் நிவாரண நிதியில் எவ்வளவு பணம் நன்கொடையாகப் பெறப்பட்டது. அவற்றில் இருந்து எவ்வளவு பணம் செலவு செய்யப்பட்டது என்பது குறித்து அரசு தகவல்களைத் தர வேண்டும்.
கரோனா பொதுமுடக்கத்தின்போது பாதிக்கப்பட்ட மக்களுக்கு நிதித்தொகுப்பு அளிக்கப்பட்டது. ஆனால் அது இன்றுவரை விவசாயிகளிடம் சென்று சேரவில்லை. ஒருசிலருக்கு அரசு நிதியுதவியும் அளிக்கவில்லை என்றாா்.‘