போதைப்பொருள் வழக்கு: தொலைக்காட்சி தொகுப்பாளரிடம் போலீஸாா் விசாரணை

மங்களூரு: போதைப்பொருள் வழக்குத் தொடா்பாக கன்னட தொலைக்காட்சி நிகழ்ச்சி தொகுப்பாளா் அனுஸ்ரீயிடம் போலீஸாா் விசாரணை நடத்தினா்.

பெங்களூரில் கடந்த மாதம் போதைப்பொருள் கடத்தல் கும்பலைக் கைது செய்து விசாரித்த தேசிய போதைப் பொருள் தடுப்புப் பிரிவு( சஹழ்ஸ்ரீா்ற்ண்ஸ்ரீள் இா்ய்ற்ழ்ா்ப் ஆன்ழ்ங்ஹன்) அதிகாரிகள், கன்னட திரையுலகினருக்கு போதைப்பொருள் விநியோகம் செய்தது தெரியவந்தது. அதைத் தொடா்ந்து, இந்த விவகாரம் தொடா்பாக 2 வழக்குகளைப் பதிவு செய்து விசாரித்து வரும் மாநகரக் குற்றப்பிரிவு போலீஸாா், நடிகைகள் ராகினிதுவிவேதி, சஞ்சனா கல்ராணி உள்ளிட்ட 13-க்கும் அதிகமானோரைக் கைது செய்து விசாரித்து வருகிறாா்கள்.

இந்த நிலையில், போதைப்பொருள் விற்பனை மற்றும் பயன்படுத்தியது தொடா்பாக நடன இயக்குநா் கிஷோா் அமன்ஷெட்டியைக் கைது செய்து போலீஸாா் விசாரித்து வருகிறாா்கள். இதனிடையே, கிஷோா் அமன்ஷெட்டியின் நெருங்கிய நண்பா் தருணைக் கைது செய்தனா். அவரிடம் நடத்திய விசாரணையில், போதைப்பொருள் விற்பனைக்காக நடத்தப்பட்ட கேளிக்கை நிகழ்ச்சிகளில் கன்னட தொலைக்காட்சியின் பிரபலமான நிகழ்ச்சி தொகுப்பாளா் அனுஸ்ரீ கலந்து கொண்டிருப்பதைத் தெரிவித்துள்ளாா்.

அதனடிப்படையில், அனுஸ்ரீயை விசாரிக்க முடிவு செய்த மங்களூரு போலீஸாா், விசாரணைக்கு ஆஜராகுமாறு அழைப்பாணை அளித்திருந்தனா். அதன்பேரில், மங்களூரில் உள்ள பனம்பூா் காவல் நிலையத்தில் சனிக்கிழமை காலை 9 மணிக்கு ஆஜரான அனுஸ்ரீயிடம் போலீஸாா் விசாரணை நடத்தினா். இதில் பல முக்கியமான தகவல்களை அனுஸ்ரீ தெரிவித்ததாக போலீஸ் வட்டாரங்கள் தெரிவிக்கின்றன. 2 மணி நேரத்துக்கும் மேலாக நடைபெற்ற விசாரணையில் போலீஸாரின் கேள்விகளுக்கு அனுஸ்ரீ பதிலளித்ததாகக் கூறப்படுகிறது.

மலிவு விலையில் கரோனா சோதனை தொகுப்பு தயாரிப்பு

பெங்களூரு: மலிவு விலையில் கரோனா தொற்று குறித்து சோதனை செய்வதற்கான தொகுப்பை பெங்களூரைச் சோ்ந்த அரும்புநிலை தொழில் முனைவு நிறுவனம் தயாரித்து, மேம்படுத்தியுள்ளது.

பெங்களூரில் உள்ள உலகப் புகழ் பெற்ற இந்திய அறிவியல் மையத்தால் (ஐ.ஐ.எஸ்.சி.) ஊக்குவிக்கப்பட்ட அரும்புநிலை தொழில்முனைவு நிறுவனமான ஈக்வீன் பயோடெக், உலக அளவில் பயன்படுத்தக்கூடிய மலிவான மற்றும் துல்லியமாக சோதனை முடிவுகளைத் தரக்கூடிய ஆா்.டி.-பி.சி.ஆா். கரோனா சோதனை தொகுப்பை மேம்படுத்தியுள்ளது. கரோனா பாதிப்பை உறுதி செய்வதற்காக உலக அளவில் தரப்படுத்தப்பட்டுள்ள ஆா்.டி.-பி.சி.ஆா். அடிப்படையில் உருவாக்கப்பட்டுள்ள சோதனை தொகுப்பை(டெஸ்ட் கிட்) அங்கீகரிக்கப்பட்ட கரோனா ஆய்வுக் கூடங்களில் பயன்படுத்துவதற்கு இந்திய மருத்துவ ஆராய்ச்சிக் கவுன்சில் (ஐ.சி.எம்.ஆா்.) அனுமதி அளித்துள்ளதாக ஐ.ஐ.எஸ்.சி. தெரிவித்துள்ளது.

இதுகுறித்து இந்திய அறிவியல் மையத்தின் உயிரி வேதியல் துறையின் பேராசிரியா், ஈக்வீன் பயோடெக் நிறுவனத்தின் நிறுவனா் உத்பல் டாட்டு கூறுகையில், ‘ நாங்கள் உருவாக்கியுள்ள சோதனை தொகுப்பின் வாயிலாக மாதிரியை ஒன்றரைமணி நேரத்தில் ஆய்வுசெய்து, முடிவுகளை தெரிவிக்க இயலும்.

கரோனா தொற்றால் பாதிக்கப்பட்டிருப்பதை சோதனை மூலம் தெரிந்து கொள்வது தொடா்பாக எங்கள் நிறுவனம் பல ஆண்டுகளாக ஆராய்ச்சி செய்து வந்துள்ளது. கரோனா பெருந்தொற்று உலகம் முழுவதும் பரவுவதற்கு முன்பே ஆராய்ச்சியில் ஈடுபட்டிருந்தோம். தற்போது நமக்கு கிடைத்திருக்கும் அனுபவத்தின் வாயிலாக கரோனா சோதனை தொகுப்பை வடிவமைக்க முடிந்திருக்கிறது.

கரோனா சோதனை தொகுப்பு, பயன்படுத்துவதற்கு எளிதானது. ஆா்.டி.-பி.சி.ஆா். அடிப்படையில் மாதிரிகளை ஆய்வு செய்யும் சோதனை தொகுப்பின் வாயிலாக 100 சதவீதம் துல்லியமான முடிவுகளை பெற முடியும். மாதிரியைச் சோதிப்பதற்கு எடுத்துக்கொள்ளும் நேரம், தற்போது சந்தையில் கிடைக்கும் சோதனை தொகுப்புகளைக் காட்டிலும் மிகவும் குறைவானதாகும்.

நாங்கள் வடிவமைத்திருக்கும் புதிய சோதனை தொகுப்புக்கு உரிமம் பெற்று, மருத்துவ தொழில்நுட்ப நிறுவனங்களுடன் பணியாற்றவும், அதிக எண்ணிக்கையில் உற்பத்தி செய்ய பிற நிறுவனங்களுடன் கூட்டு சேரவும், சந்தைப்படுத்தவும், விநியோகிக்கவும் தயாராகி வருகிறோம்’ என்றாா்.