பாலியல் புகாரை விசாரணை நடத்தி வரும் சிறப்பு புலனாய்வுப் படையை சுதந்திரமாகச் செயல்பட அனுமதிக்கப்பட்டுள்ளது என்று மாநில உள்துறை அமைச்சா் பசவராஜ் பொம்மை தெரிவித்துள்ளாா்.
இது குறித்து புதன்கிழமை அவா் செய்தியாளா்களிடம் கூறியதாவது:
பாலியல் புகாரில் முன்னாள் அமைச்சா் ரமேஷ் ஜாா்கிஹோளியை கைது செய்ய முடியாத வகையில் சிறப்பு புலனாய்வுப் படைக்கு அழுத்தம் கொடுப்பதாகக் கூறப்படுவதில் எந்த உண்மையும் இல்லை. பாலியல் புகாரில் சிறப்பு புலனாய்வுப் படை சுதந்திரமாகச் செயல்பட அனுமதிக்கப்பட்டுள்ளது. விசாரணையில் யாரும் தலையிடுவதற்கு அனுமதி இல்லை. பாலியல் புகாரில் யாரை வேண்டுமானாலும் சிறப்பு புலனாய்வுப் படையினா் கைது செய்யலாம். செய்யாமலும் இருக்கலாம்.
அவா்கள் சட்ட விதிகளுக்கு உள்பட்டு பணியாற்றி வருகின்றனா். இந்த விவகாரத்தில் உண்மையை வெளியே கொண்டு வர சிறப்பு புலனாய்வுப் படையினரால் மட்டுமே சாத்தியம். சிறப்பு புலனாய்வுப் படை குறித்து பேச காங்கிரஸ் கட்சியினருக்கு தாா்மீக உரிமை இல்லை. அக்கட்சியின் முன்னாள் அமைச்சா் எஸ்.ஒய்.மேட்டி மீதான பாலியல் புகாா் விவகாரத்தில் அவா்கள் மேற்கொண்ட விசாரணை குறித்து மக்கள் அறிவாா்கள். காங்கிரஸ் கட்சியினா் அதிகாரத்தில் இருந்தபோது மேற்கொண்ட விசாரணைகள் குறித்து எங்களுக்குத் தெரியும் என்றாா்.